२७. पदुमुक्खिपवग्गो
१. आकासुक्खिपियत्थेरअपदानं
१.
‘‘सुवण्णवण्णं
जलजग्गे दुवे गय्ह, उपागच्छिं नरासभं॥
२.
‘‘एकञ्च पुप्फं पादेसु, बुद्धसेट्ठस्स निक्खिपिं।
एकञ्च पुप्फं पग्गय्ह, आकासे उक्खिपिं अहं॥
३.
‘‘चतुन्नवुतितो कप्पे, यं पुप्फमभिरोपयिं।
दुग्गतिं नाभिजानामि, पुप्फदानस्सिदं फलं॥
४.
‘‘इतो छत्तिंसकप्पम्हि, एको आसिं महीपति।
अन्तलिक्खकरो नाम, चक्कवत्ती महब्बलो॥
५.
‘‘पटिसम्भिदा चतस्सो, विमोक्खापि च अट्ठिमे।
छळभिञ्ञा सच्छिकता, कतं बुद्धस्स सासनं’’॥
इत्थं सुदं आयस्मा आकासुक्खिपियो थेरो इमा गाथायो अभासित्थाति।
आकासुक्खिपियत्थेरस्सापदानं पठमं।
२. तेलमक्खियत्थेरअपदानं
६.
‘‘सिद्धत्थम्हि
बोधिया वेदिकायाहं, तेलं मक्खेसि तावदे॥
७.
‘‘चतुन्नवुतितो
दुग्गतिं नाभिजानामि, मक्खनाय इदं फलं॥
८.
‘‘चतुवीसे इतो कप्पे, सुच्छवि नाम खत्तियो।
सत्तरतनसम्पन्नो, चक्कवत्ती महब्बलो॥
९.
‘‘पटिसम्भिदा
इत्थं सुदं आयस्मा तेलमक्खियो थेरो इमा गाथायो अभासित्थाति।
तेलमक्खियत्थेरस्सापदानं दुतियं।
३. अड्ढचन्दियत्थेरअपदानं
१०.
‘‘तिस्सस्स
अड्ढचन्दं मया दिन्नं, धरणीरुहपादपे॥
११.
‘‘द्वेनवुते इतो कप्पे, यं चन्द
दुग्गतिं नाभिजानामि, बोधिपूजायिदं फलं॥
१२.
‘‘पञ्चवीसे
सत्तरतनसम्पन्नो, चक्कवत्ती महब्बलो॥
१३.
‘‘पटिसम्भिदा चतस्सो…पे॰… कतं बुद्धस्स सासनं’’॥
इत्थं सुदं आयस्मा अड्ढचन्दियो थेरो इमा गाथायो अभासित्थाति।
अड्ढचन्दियत्थेरस्सापदानं ततियं।
४. पदीपदायकत्थेरअपदानं
१४.
‘‘देवभूतो अहं सन्तो, ओरुय्ह पथविं तदा।
पदीपे पञ्च पादासिं, पसन्नो सेहि पाणिभि॥
१५.
‘‘चतुन्नवुतितो कप्पे, यं पदीपमदं तदा।
दुग्गतिं नाभिजानामि, दीपदानस्सिदं फलं॥
१६.
‘‘पञ्चपञ्ञासके कप्पे, एको आसिं महीपति।
समन्तचक्खुनामेन, चक्कवत्ती महब्बलो॥
१७.
‘‘पटिसम्भिदा चतस्सो…पे॰… कतं बुद्धस्स सासनं’’॥
इत्थं सुदं आयस्मा पदीपदायको
पदीपदायकत्थेरस्सापदानं चतुत्थं।
५. बिळालिदायकत्थेरअपदानं
१८.
‘‘हिमवन्तस्साविदूरे
तम्हि पब्बतपादम्हि, समणो भावितिन्द्रियो॥
१९.
‘‘बिळालियो
अनुमोदि महावीरो, सयम्भू अपराजितो॥
२०.
‘‘बिळाली ते मम दिन्ना, विप्पसन्नेन चेतसा।
भवे निब्बत्तमानम्हि, फलं निब्बत्ततं तव॥
२१.
‘‘चतुन्नवुतितो कप्पे, यं बिळालिमदासहं।
दुग्गतिं नाभिजानामि, बिळालिया इदं फलं॥
२२.
‘‘पटिसम्भिदा चतस्सो…पे॰… कतं बुद्धस्स सासनं’’॥
इत्थं सुदं आयस्मा बिळालिदायको थेरो इमा गाथायो अभासित्थाति।
बिळालिदायकत्थेरस्सापदानं पञ्चमं।
६. मच्छदायकत्थेरअपदानं
२३.
‘‘चन्दभागानदीतीरे, उक्कुसो आसहं तदा।
महन्तं मच्छं पग्गय्ह, सिद्धत्थमुनिनो अदं॥
२४.
‘‘चतुन्नवुतितो
दुग्गतिं नाभिजानामि, मच्छदानस्सिदं फलं॥
२५.
‘‘पटिसम्भिदा चतस्सो…पे॰… कतं बुद्धस्स सासनं’’॥
इत्थं सुदं आयस्मा मच्छदायको थेरो इमा गाथायो अभासित्थाति।
मच्छदायकत्थेरस्सापदानं छट्ठं।
७. जवहंसकत्थेरअपदानं
२६.
‘‘चन्दभागानदीतीरे, आसिं वनचरो तदा।
सिद्धत्थं अद्दसं बुद्धं, गच्छन्तं अनिलञ्जसे॥
२७.
‘‘अञ्जलिं
सकं चित्तं पसादेत्वा, अवन्दिं नायकं अहं॥
२८.
‘‘चतुन्नवुतितो
दुग्गतिं नाभिजानामि, वन्दनाय इदं फलं॥
२९.
‘‘पटिसम्भिदा चतस्सो…पे॰… कतं बुद्धस्स सासनं’’॥
इत्थं सुदं आयस्मा जवहंसको थेरो इमा गाथायो अभासित्थाति।
जवहंसकत्थेरस्सापदानं सत्तमं।
८. सळलपुप्फियत्थेरअपदानं
३०.
‘‘चन्दभागानदीतीरे
विपस्सिं अद्दसं बुद्धं, रंसिजालसमाकुलं॥
३१.
‘‘पसन्नचित्तो सुमनो, परमाय च पीतिया।
पग्गय्ह सळलं पुप्फं, विपस्सिं ओकिरिं अहं॥
३२.
‘‘एकनवुतितो कप्पे, यं पुप्फमभिपूजयिं।
दुग्गतिं नाभिजानामि, बुद्धपूजायिदं फलं॥
३३.
‘‘पटिसम्भिदा चतस्सो…पे॰… कतं बुद्धस्स सासनं’’॥
इत्थं सुदं आयस्मा सळलपुप्फियो थेरो इमा गाथायो अभासित्थाति।
सळलपुप्फियत्थेरस्सापदानं अट्ठमं।
९. उपागतासयत्थेरअपदानं
३४.
‘‘हिमवन्तस्स वेमज्झे, सरो आसि सुनिम्मितो।
तत्थाहं रक्खसो आसिं, हेठसीलो भयानको॥
३५.
‘‘अनुकम्पको कारुणिको, विपस्सी लोकनायको।
ममुद्धरितुकामो सो, आगच्छि मम सन्तिकं॥
३६.
‘‘उपागतं
आसया अभिनिक्खम्म, अवन्दिं सत्थुनो अहं॥
३७.
‘‘एकनवुतितो
दुग्गतिं नाभिजानामि, वन्दनाय इदं फलं॥
३८.
‘‘पटिसम्भिदा चतस्सो…पे॰… कतं बुद्धस्स सासनं’’॥
इत्थं सुदं आयस्मा उपागतासयो
उपागतासयत्थेरस्सापदानं नवमं।
१०. तरणियत्थेरअपदानं
३९.
‘‘सुवण्णवण्णो
नदीतीरे ठितो सत्था, भिक्खुसङ्घपुरक्खतो॥
४०.
‘‘नावा न विज्जते तत्थ, सन्तारणी महण्णवे।
नदिया अभिनिक्खम्म, तारेसिं लोकनायकं॥
४१.
‘‘एकनवुतितो कप्पे, यं तारेसिं नरुत्तमं।
दुग्गतिं नाभिजानामि, तरणाय इदं फलं॥
४२.
‘‘पटिसम्भिदा चतस्सो…पे॰… कतं बुद्धस्स सासनं’’॥
इत्थं
तरणियत्थेरस्सापदानं दसमं।
पदुमुक्खिपवग्गो सत्तवीसतिमो।
तस्सुद्दानं –
उक्खिपी तेलचन्दी च, दीपदो च बिळालिदो।
मच्छो जवो सळलदो, रक्खसो तरणो दस।
गाथायो चेत्थ सङ्खाता, तालीसं चेकमेव चाति॥