१५. अत्तदण्डसुत्तनिद्देसो
अथ
१७०.
अत्तदण्डा भयं जातं, जनं पस्सथ मेधगं।
संवेगं कित्तयिस्सामि, यथा संविजितं मया॥
अत्तदण्डा भयं जातन्ति। दण्डाति तयो दण्डा – कायदण्डो, वचीदण्डो, मनोदण्डो। तिविधं कायदुच्चरितं कायदण्डो, चतुब्बिधं वचीदुच्चरितं वचीदण्डो, तिविधं मनोदुच्चरितं मनोदण्डो। भयन्ति द्वे भयानि – दिट्ठधम्मिकञ्च भयं सम्परायिकञ्च भयं। कतमं दिट्ठधम्मिकं भयं? इधेकच्चो कायेन दुच्चरितं चरति, वाचाय दुच्चरितं चरति, मनसा दुच्चरितं चरति, पाणम्पि हनति, अदिन्नम्पि आदियति, सन्धिम्पि छिन्दति, निल्लोपम्पि हरति, एकागारिकम्पि करोति, परिपन्थेपि तिट्ठति, परदारम्पि गच्छति, मुसापि भणति। तमेनं गहेत्वा रञ्ञो दस्सेन्ति – ‘‘अयं, देव, चोरो आगुचारी। इमस्स यं इच्छसि तं दण्डं पणेही’’ति। तमेनं राजा परिभासति। सो परिभासपच्चया भयम्पि उप्पादेति, दुक्खं दोमनस्सं
एत्तकेनपि राजा न तुस्सति। तमेनं राजा बन्धापेति अन्दुबन्धनेन
एत्तकेनपि राजा न तुस्सति। राजा तस्स धनं आहरापेति – सतं वा सहस्सं वा सतसहस्सं
एत्तकेनपि राजा न तुस्सति। तमेनं राजा विविधा कम्मकारणा कारापेति – कसाहिपि ताळेति, वेत्तेहिपि ताळेति, अड्ढदण्डकेहिपि ताळेति, हत्थम्पि छिन्दति, पादम्पि छिन्दति, हत्थपादम्पि छिन्दति, कण्णम्पि छिन्दति, नासम्पि छिन्दति, कण्णनासम्पि छिन्दति, बिलङ्गथालिकम्पि करोति, सङ्खमुण्डिकम्पि करोति, राहुमुखम्पि करोति, जोतिमालिकम्पि करोति, हत्थपज्जोतिकम्पि करोति, एरकपत्तिकम्पि करोति, चीरकवासिकम्पि करोति, एणेय्यकम्पि करोति, बळिसमंसिकम्पि करोति, कहापणिकम्पि करोति, खारापतच्छिकम्पि करोति, पलिघपरिवत्तकम्पि करोति, पलालपीठकम्पि करोति, तत्तेनपि तेलेन ओसिञ्चति, सुनखेहिपि खादापेति, जीवन्तम्पि सूले उत्तासेति, असिनापि सीसं छिन्दति। सो कम्मकारणपच्चयापि दुक्खं दोमनस्सं पटिसंवेदेति। एतं भयं दुक्खं
सो सकेन कम्मेन कायस्स भेदा परं
तमेनं
‘‘चतुक्कण्णो
अयोपाकारपरियन्तो
‘‘तस्स अयोमया भूमि, जलिता तेजसा युता।
समन्ता योजनसतं, फरित्वा तिट्ठति सब्बदा॥
‘‘कदरियातपना घोरा, अच्चिमन्तो दुरासदा।
लोमहंसनरूपा च, भिस्मा पटिभया दुखा॥
‘‘पुरत्थिमाय भित्तिया, अच्चिक्खन्धो समुट्ठितो।
दहन्तो पापकम्मन्ते, पच्छिमाय पटिहञ्ञति॥
‘‘पच्छिमाय च भित्तिया, अच्चिक्खन्धो समुट्ठितो।
दहन्तो पापकम्मन्ते, पुरत्थिमाय पटिहञ्ञति॥
‘‘उत्तराय
दहन्तो पापकम्मन्ते, दक्खिणाय पटिहञ्ञति॥
‘‘दक्खिणाय
दहन्तो पापकम्मन्ते, उत्तराय पटिहञ्ञति॥
‘‘हेट्ठतो च समुट्ठाय, अच्चिक्खन्धो भयानको।
दहन्तो पापकम्मन्ते, छदनस्मिं पटिहञ्ञति॥
‘‘छदनम्हा
दहन्तो पापकम्मन्ते, भूमियं पटिहञ्ञति॥
‘‘अयोकपालमादित्तं, सन्तत्तं जलितं यथा।
एवं अवीचिनिरयो, हेट्ठा उपरि पस्सतो॥
‘‘तत्थ सत्ता महालुद्दा, महाकिब्बिसकारिनो।
अच्चन्तपापकम्मन्ता, पच्चन्ति न च मिय्यरे
‘‘जातवेदसमो कायो, तेसं निरयवासिनं।
पस्स कम्मानं दळ्हत्तं, न भस्मा होति नपी मसि॥
‘‘पुरत्थिमेनपि धावन्ति, ततो धावन्ति पच्छिमं।
उत्तरेनपि धावन्ति, ततो धावन्ति दक्खिणं॥
‘‘यं यं दिसं पधावन्ति
अभिनिक्खमितासा ते, सत्ता मोक्खगवेसिनो॥
‘‘न ते ततो निक्खमितुं, लभन्ति कम्मपच्चया।
तेसञ्च पापकम्मन्तं, अविपक्कं कतं बहु’’न्ति॥
एतं
जनं पस्सथ मेधगन्ति। जनन्ति खत्तिया च ब्राह्मणा च वेस्सा च सुद्दा च गहट्ठा च पब्बजिता च देवा च मनुस्सा च मेधगं जनं कलहं जनं विरुद्धं जनं पटिविरुद्धं जनं
संवेगं कित्तयिस्सामीति। संवेगं उब्बेगं उत्रासं भयं पीळनं घट्टनं उपद्दवं उपसग्गं। कित्तयिस्सामीति पकित्तयिस्सामि आचिक्खिस्सामि देसेस्सामि पञ्ञपेस्सामि पट्ठपेस्सामि विवरिस्सामि विभजिस्सामि उत्तानीकरिस्सामि पकासिस्सामीति – संवेगं कित्तयिस्सामि।
यथा संविजितं मयाति। यथा मया अत्तनायेव अत्तानं संवेजितो उब्बेजितो संवेगमापादितोति – यथा संविजितं मया।
तेनाह भगवा –
‘‘अत्तदण्डा भयं जातं, जनं पस्सथ मेधगं।
संवेगं कित्तयिस्सामि, यथा संविजितं मया’’ति॥
१७१.
फन्दमानं पजं दिस्वा, मच्छे अप्पोदके यथा।
अञ्ञमञ्ञेहि ब्यारुद्धे, दिस्वा मं भयमाविसि॥
फन्दमानं पजं दिस्वाति। पजाति सत्ताधिवचनं। पजं तण्हाफन्दनाय फन्दमानं दिट्ठिफन्दनाय फन्दमानं दिस्वाति दिस्वा पस्सित्वा तुलयित्वा तीरयित्वा विभावयित्वा विभूतं कत्वाति – फन्दमानं पजं दिस्वा।
मच्छे अप्पोदके यथाति यथा मच्छा अप्पोदके उदकपरियादाने काकेहि वा कुललेहि वा बलाकाहि वा
अञ्ञमञ्ञेहि ब्यारुद्धेति अञ्ञमञ्ञं सत्ता विरुद्धा पटिविरुद्धा आहता पच्चाहता आघातिता पच्चाघातिता। राजानोपि राजूहि विवदन्ति, खत्तियापि खत्तियेहि विवदन्ति, ब्राह्मणापि ब्राह्मणेहि विवदन्ति, गहपतीपि गहपतीहि विवदन्ति, मातापि पुत्तेन विवदति, पुत्तोपि मातरा विवदति, पितापि पुत्तेन विवदति, पुत्तोपि पितरा विवदति, भातापि भातरा विवदति, भगिनीपि भगिनिया विवदति, भातापि भगिनिया विवदति, भगिनिपि भातरा विवदति, सहायोपि सहायेन विवदति; ते तत्थ कलहविग्गहविवादापन्ना अञ्ञमञ्ञं पाणीहिपि उपक्कमन्ति, लेड्डूहिपि उपक्कमन्ति, दण्डेहिपि उपक्कमन्ति, सत्थेहिपि उपक्कमन्ति, ते तत्थ मरणम्पि निगच्छन्ति मरणमत्तम्पि दुक्खन्ति – अञ्ञमञ्ञेहि ब्यारुद्धे।
दिस्वा मं भयमाविसीति। दिस्वाति दिस्वा पस्सित्वा तुलयित्वा तीरयित्वा विभावयित्वा विभूतं कत्वा भयं पीळनं घट्टनं उपद्दवो उपसग्गो आविसीति
तेनाह भगवा –
‘‘फन्दमानं
अञ्ञमञ्ञेहि ब्यारुद्धे, दिस्वा मं भयमाविसी’’ति॥
१७२.
समन्तमसारो लोको, दिसा सब्बा समेरिता।
इच्छं भवनमत्तनो, नाद्दसासिं अनोसितं॥
समन्तमसारो लोकोति। लोकोति निरयलोको तिरच्छानयोनिलोको पेत्तिविसयलोको मनुस्सलोको देवलोको, खन्धलोको धातुलोको आयतनलोको, अयं लोको परो लोको, ब्रह्मलोको देवलोको – अयं वुच्चति लोको। निरयलोको असारो निस्सारो सारापगतो निच्चसारसारेन वा सुखसारसारेन वा अत्तसारसारेन वा निच्चेन वा धुवेन वा सस्सतेन वा अविपरिणामधम्मेन वा। तिरच्छानयोनिलोको…पे॰… पेत्तिविसयलोको… मनुस्सलोको… देवलोको… खन्धलोको… धातुलोको… आयतनलोको… अयं लोको… परो लोको… ब्रह्मलोको… देवलोको असारो निस्सारो सारापगतो निच्चसारसारेन वा सुखसारसारेन वा अत्तसारसारेन वा निच्चेन वा धुवेन वा सस्सतेन वा अविपरिणामधम्मेन वा।
यथा पन नळो असारो निस्सारो सारापगतो, यथा एरण्डो असारो निस्सारो सारापगतो, यथा उदुम्बरो असारो निस्सारो सारापगतो, यथा सेतकच्छो
तिरच्छानयोनिलोको… पेत्तिविसयलोको… मनुस्सलोको… देवलोको असारो निस्सारो सारापगतो
दिसा सब्बा समेरिताति। ये पुरत्थिमाय दिसाय सङ्खारा, तेपि एरिता समेरिता चलिता घट्टिता अनिच्चताय जातिया अनुगता जराय अनुसटा ब्याधिना अभिभूता मरणेन अब्भाहता दुक्खे पतिट्ठिता अताणा अलेणा असरणा असरणीभूता। ये पच्छिमाय दिसाय सङ्खारा…पे॰… ये उत्तराय दिसाय सङ्खारा… ये दक्खिणाय दिसाय सङ्खारा… ये पुरत्थिमाय अनुदिसाय सङ्खारा… ये पच्छिमाय अनुदिसाय सङ्खारा… ये उत्तराय अनुदिसाय सङ्खारा… ये दक्खिणाय अनुदिसाय सङ्खारा… ये हेट्ठिमाय दिसाय सङ्खारा… ये उपरिमाय दिसाय सङ्खारा… ये दससु दिसासु सङ्खारा, तेपि एरिता समेरिता चलिता घट्टिता अनिच्चताय जातिया अनुगता जराय अनुसटा ब्याधिना अभिभूता मरणेन
‘‘किञ्चापि
रूपे रणं दिस्वा सदा पवेधितं, तस्मा न रूपे रमती सुमेधो॥
‘‘मच्चुनाब्भाहतो लोको, जराय परिवारितो।
तण्हासल्लेन ओतिण्णो, इच्छाधूमायितो
‘‘सब्बो आदीपितो
सब्बो पज्जलितो लोको, सब्बो लोको पकम्पितो’’ति॥
दिसा सब्बा समेरिता।
इच्छं भवनमत्तनोति। अत्तनो भवनं ताणं लेणं सरणं गतिं परायनं इच्छन्तो सादियन्तो पत्थयन्तो पिहयन्तो अभिजप्पन्तोति – इच्छं भवनमत्तनो। नाद्दसासिं अनोसितन्ति। अज्झोसितंयेव अद्दसं, अनज्झोसितं नाद्दसं, सब्बं योब्बञ्ञं जराय ओसितं, सब्बं
‘‘लाभो
एते अनिच्चा मनुजेसु धम्मा, असस्सता विपरिणामधम्मा’’ति॥
नाद्दसासिं अनोसितं।
तेनाह भगवा –
‘‘समन्तमसारो लोको, दिसा सब्बा समेरिता।
इच्छं भवनमत्तनो, नाद्दसासिं अनोसित’’न्ति॥
१७३.
ओसाने त्वेव ब्यारुद्धे, दिस्वा मे अरती अहु।
अथेत्थ सल्लमद्दक्खिं, दुद्दसं हदयस्सितं॥
ओसाने त्वेव ब्यारुद्धेति। ओसाने त्वेवाति सब्बं योब्बञ्ञं जरा ओसापेति, सब्बं आरोग्यं ब्याधि ओसापेति, सब्बं जीवितं मरणं ओसापेति, सब्बं लाभं अलाभो ओसापेति, सब्बं यसं अयसो ओसापेति, सब्बं पसंसं निन्दा ओसापेति, सब्बं सुखं दुक्खं ओसापेतीति – ओसाने त्वेव। ब्यारुद्धेति योब्बञ्ञकामा सत्ता जराय पटिविरुद्धा, आरोग्यकामा सत्ता ब्याधिना पटिविरुद्धा, जीवितुकामा सत्ता मरणेन पटिविरुद्धा, लाभकामा सत्ता अलाभेन पटिविरुद्धा, यसकामा सत्ता अयसेन पटिविरुद्धा, पसंसकामा सत्ता निन्दाय पटिविरुद्धा, सुखकामा सत्ता दुक्खेन पटिविरुद्धा आहता पच्चाहता आघातिता पच्चाघातिताति – ओसाने त्वेव ब्यारुद्धे।
दिस्वा मे अरती अहूति। दिस्वाति दिस्वा पस्सित्वा तुलयित्वा तीरयित्वा विभावयित्वा विभूतं कत्वाति – दिस्वा। मे अरतीति या अरति या अनभिरति या अनभिरमना या उक्कण्ठिता या परितसिता अहूति – दिस्वा मे अरती अहु।
अथेत्थ सल्लमद्दक्खिन्ति। अथाति पदसन्धि…पे॰… पदानुपुब्बतापेतं – अथाति। एत्थाति सल्लन्ति सत्त सल्लानि – रागसल्लं, दोससल्लं, मोहसल्लं, मानसल्लं, दिट्ठिसल्लं, सोकसल्लं, कथंकथासल्लं। अद्दक्खिन्ति अद्दसं अदक्खिं अपस्सिं पटिविज्झिन्ति – अथेत्थ सल्लमद्दक्खिं।
दुद्दसं हदयस्सितन्ति। दुद्दसन्ति दुद्दसं दुद्दक्खं दुप्पस्सं दुब्बुज्झं दुरनुबुज्झं दुप्पटिविज्झन्ति – दुद्दसं। हदयस्सितन्ति हदयं वुच्चति चित्तं। यं चित्तं मनो मानसं हदयं पण्डरं मनो मनायतनं मनिन्द्रियं विञ्ञाणं विञ्ञाणक्खन्धो तज्जा मनोविञ्ञाणधातु। हदयस्सितन्ति हदयनिस्सितं चित्तसितं चित्तनिस्सितं चित्तेन सहगतं सहजातं संसट्ठं सम्पयुत्तं एकुप्पादं एकनिरोधं एकवत्थुकं
तेनाह भगवा –
‘‘ओसाने त्वेव ब्यारुद्धे, दिस्वा मे अरती अहु।
अथेत्थ सल्लमद्दक्खिं, दुद्दसं हदयस्सित’’न्ति॥
१७४.
येन सल्लेन ओतिण्णो, दिसा सब्बा विधावति।
तमेव सल्लमब्बुय्ह, न धावति न सीदति॥
येन सल्लेन ओतिण्णो, दिसा सब्बा विधावतीति। सल्लन्ति। सत्त सल्लानि – रागसल्लं, दोससल्लं, मोहसल्लं, मानसल्लं, दिट्ठिसल्लं, सोकसल्लं, कथंकथासल्लं। कतमं रागसल्लं? यो रागो सारागो अनुनयो अनुरोधो नन्दिरागो चित्तस्स सारागो…पे॰… अभिज्झा लोभो अकुसलमूलं – इदं रागसल्लं।
कतमं दोससल्लं? ‘‘अनत्थं मे अचरी’’ति आघातो जायति ‘‘अनत्थं मे चरती’’ति आघातो जायति, ‘‘अनत्थं मे चरिस्सती’’ति आघातो जायति…पे॰… चण्डिक्कं असुरोपो अनत्तमनता चित्तस्स – इदं दोससल्लं।
कतमं मोहसल्लं? दुक्खे अञ्ञाणं…पे॰… दुक्खनिरोधगामिनिया पटिपदाय अञ्ञाणं, पुब्बन्ते अञ्ञाणं, अपरन्ते अञ्ञाणं, पुब्बन्तापरन्ते अञ्ञाणं
कतमं मानसल्लं? ‘‘सेय्योहमस्मी’’ति मानो, ‘‘सदिसोहमस्मी’’ति मानो, ‘‘हीनोहमस्मी’’ति मानो। यो एवरूपो मानो मञ्ञना मञ्ञितत्तं
कतमं दिट्ठिसल्लं? वीसतिवत्थुका सक्कायदिट्ठि, दसवत्थुका
कतमं सोकसल्लं? ञातिब्यसनेन वा फुट्ठस्स रोगब्यसनेन वा फुट्ठस्स भोगब्यसनेन वा फुट्ठस्स सीलब्यसनेन वा फुट्ठस्स दिट्ठिब्यसनेन वा फुट्ठस्स अञ्ञतरञ्ञतरेन ब्यसनेन समन्नागतस्स अञ्ञतरञ्ञतरेन दुक्खधम्मेन फुट्ठस्स सोको सोचना सोचितत्तं अन्तोसोको अन्तोपरिसोको अन्तोडाहो अन्तोपरिडाहो चेतसो परिज्झायना दोमनस्सं – इदं सोकसल्लं।
कतमं कथंकथासल्लं? दुक्खे कङ्खा, दुक्खसमुदये कङ्खा, दुक्खनिरोधे कङ्खा, दुक्खनिरोधगामिनिया पटिपदाय कङ्खा, पुब्बन्ते कङ्खा, अपरन्ते कङ्खा, पुब्बन्तापरन्ते कङ्खा, इदप्पच्चयतापटिच्चसमुप्पन्नेसु धम्मेसु कङ्खा। या एवरूपा कङ्खा कङ्खायना कङ्खायितत्तं विमति विचिकिच्छा द्वेळ्हकं द्वेधापथो संसयो अनेकंसग्गाहो
येन सल्लेन ओतिण्णो, दिसा सब्बा विधावतीति। रागसल्लेन ओतिण्णो विद्धो फुट्ठो परेतो समोहितो समन्नागतो कायेन दुच्चरितं चरति, वाचाय दुच्चरितं चरति, मनसा दुच्चरितं चरति, पाणम्पि हनति, अदिन्नम्पि आदियति, सन्धिम्पि छिन्दति, निल्लोपम्पि हरति, एकागारिकम्पि करोति, परिपन्थेपि तिट्ठति, परदारम्पि गच्छति, मुसापि भणति; एवम्पि रागसल्लेन ओतिण्णो विद्धो फुट्ठो परेतो समोहितो समन्नागतो धावति विधावति
दोससल्लेन…पे॰… मोहसल्लेन… मानसल्लेन ओतिण्णो विद्धो फुट्ठो परेतो समोहितो समन्नागतो कायेन दुच्चरितं चरति, वाचाय
दिट्ठिसल्लेन ओतिण्णो विद्धो फुट्ठो परेतो समोहितो समन्नागतो अचेलको होति मुत्ताचारो हत्थापलेखनो
अथ वा दिट्ठिसल्लेन ओतिण्णो विद्धो फुट्ठो परेतो समोहितो समन्नागतो सो साकभक्खो वा होति, सामाकभक्खो वा होति, नीवारभक्खो वा होति, दद्दुलभक्खो वा होति, हटभक्खो वा होति, कणभक्खो वा होति, आचामभक्खो वा
सोकसल्लेन ओतिण्णो विद्धो फुट्ठो परेतो समोहितो समन्नागतो सोचति किलमति परिदेवति उरत्ताळिं कन्दति सम्मोहं आपज्जति। वुत्तञ्हेतं भगवता –
‘‘भूतपुब्बं, ब्राह्मण, इमिस्सायेव सावत्थिया अञ्ञतरिस्सा इत्थिया माता कालमकासि। सा तस्सा कालं किरियाय उम्मत्तिका खित्तचित्ता रथियाय रथियं, सिङ्घाटकेन
‘‘भूतपुब्बं, ब्राह्मण, इमिस्सायेव सावत्थिया अञ्ञतरिस्सा
‘‘भूतपुब्बं, ब्राह्मण, इमिस्सायेव सावत्थिया अञ्ञतरस्स पुरिसस्स माता कालमकासि। सो तस्सा कालं किरियाय उम्मत्तको खित्तचित्तो रथियाय रथियं, सिङ्घाटकेन सिङ्घाटकं उपसङ्कमित्वा एवमाह – ‘अपि मे मातरं अद्दस्सथ, अपि मे मातरं अद्दस्सथा’ति।
‘‘भूतपुब्बं
‘‘भूतपुब्बं, ब्राह्मण, इमिस्सायेव सावत्थिया अञ्ञतरा इत्थी ञातिकुलं अगमासि। तस्सा ते ञातका सामिकं अच्छिन्दित्वा अञ्ञस्स दातुकामा, सा च नं न इच्छति। अथ खो सा इत्थी सामिकं एतदवोच – ‘इमे, अय्यपुत्त, ञातका तव अच्छिन्दित्वा अञ्ञस्स दातुकामा, उभो मयं
कथंकथासल्लेन ओतिण्णो विद्धो फुट्ठो परेतो समोहितो समन्नागतो संसयपक्खन्दो होति विमतिपक्खन्दो द्वेळ्हकजातो – ‘‘अहोसिं नु खो अहं अतीतमद्धानं, ननु खो अहोसिं अतीतमद्धानं, किं नु खो अहोसिं अतीतमद्धानं, कथं नु खो अहोसिं अतीतमद्धानं
ते सल्ले अभिसङ्खरोति; ते सल्ले अभिसङ्खरोन्तो सल्लाभिसङ्खारवसेन पुरत्थिमं दिसं धावति, पच्छिमं दिसं धावति, उत्तरं दिसं धावति, दक्खिणं दिसं धावति। ते सल्लाभिसङ्खारा अप्पहीना; सल्लाभिसङ्खारानं अप्पहीनत्ता गतिया धावति, निरये धावति
तमेव सल्लमब्बुय्ह, न धावति न सीदतीति। तमेव रागसल्लं दोससल्लं मोहसल्लं मानसल्लं दिट्ठिसल्लं सोकसल्लं कथंकथासल्लं अब्बुय्ह अब्बुहित्वा उद्धरित्वा समुद्धरित्वा उप्पाटयित्वा समुप्पाटयित्वा न सीदतीति
तेनाह
‘‘येन सल्लेन ओतिण्णो, दिसा सब्बा विधावति।
तमेव सल्लमब्बुय्ह, न धावति न सीदती’’ति॥
१७५.
तत्थ सिक्खानुगीयन्ति, यानि लोके गधितानि।
न तेसु पसुतो सिया, निब्बिज्झ सब्बसो कामे।
सिक्खे निब्बानमत्तनो॥
तत्थ सिक्खानुगीयन्ति, यानि लोके गधितानीति। सिक्खाति हत्थिसिक्खा अस्ससिक्खा रथसिक्खा धनुसिक्खा सालाकियं सल्लकत्तियं कायतिकिच्छं भूतियं कोमारभच्चं अनुगीयन्तीति गीयन्ति निग्गीयन्ति कथीयन्ति भणीयन्ति दीपीयन्ति वोहरीयन्ति। अथ वा गीयन्ति गण्हीयन्ति उग्गण्हीयन्ति लोकेति मनुस्सलोकेति – तत्थ सिक्खानुगीयन्ति, यानि लोके गधितानि।
न तेसु पसुतो सियाति। तासु वा सिक्खासु तेसु वा पञ्चसु कामगुणेसु न पसुतो सिया, न तन्निन्नो अस्स, न तप्पोणो, न तप्पब्भारो, न तदधिमुत्तो, न तदधिपतेय्योति – न तेसु पसुतो सिया।
निब्बिज्झ सब्बसो कामेति। निब्बिज्झाति पटिविज्झित्वा। ‘‘सब्बे सङ्खारा अनिच्चा’’ति पटिविज्झित्वा, ‘‘सब्बे सङ्खारा दुक्खा’’ति पटिविज्झित्वा…पे॰… ‘‘यं किञ्चि समुदयधम्मं सब्बं सब्बसोति सब्बेन सब्बं सब्बथा सब्बं असेसं निस्सेसं परियादियनवचनमेतं – सब्बसोति। कामाति उद्दानतो द्वे कामा – वत्थुकामा च किलेसकामा च…पे॰… इमे वुच्चन्ति वत्थुकामा…पे॰… इमे वुच्चन्ति किलेसकामाति – निब्बिज्झ सब्बसो कामे।
सिक्खे निब्बानमत्तनोति। सिक्खाति तिस्सो सिक्खा – अधिसीलसिक्खा, अधिचित्तसिक्खा, अधिपञ्ञासिक्खा…पे॰… अयं अधिपञ्ञासिक्खा। निब्बानमत्तनोति अत्तनो रागस्स निब्बापनाय दोसस्स निब्बापनाय मोहस्स निब्बापनाय…पे॰… सब्बाकुसलाभिसङ्खारानं
तेनाह भगवा –
‘‘तत्थ
न तेसु पसुतो सिया, निब्बिज्झ सब्बसो कामे।
सिक्खे निब्बानमत्तनो’’ति॥
१७६.
सच्चो सिया अप्पगब्भो, अमायो रित्तपेसुणो।
अक्कोधनो लोभपापं, वेविच्छं वितरे मुनि॥
सच्चो सिया अप्पगब्भोति। सच्चो सियाति सच्चवाचाय समन्नागतो सिया, सम्मादिट्ठिया समन्नागतो सिया, अरियेन अट्ठङ्गिकेन मग्गेन समन्नागतो सियाति – सच्चो सिया। अप्पगब्भोति तीणि पागब्भियानि – कायिकं पागब्भियं, वाचसिकं पागब्भियं, चेतसिकं पागब्भियं…पे॰… इदं चेतसिकं पागब्भियं। यस्सिमानि तीणि पागब्भियानि पहीनानि समुच्छिन्नानि वूपसन्तानि पटिपस्सद्धानि
अमायो रित्तपेसुणोति। माया वुच्चति वञ्चनिका चरिया। इधेकच्चो कायेन दुच्चरितं चरित्वा वाचाय दुच्चरितं चरित्वा मनसा दुच्चरितं चरित्वा तस्स पटिच्छादनहेतु पापिकं इच्छं पणिदहति, मा मं जञ्ञाति इच्छति, मा मं जञ्ञाति सङ्कप्पेति, मा मं जञ्ञाति वाचं भासति, मा मं जञ्ञाति कायेन परक्कमति। या एवरूपा माया मायाविता अच्चसरा वञ्चना निकति निकिरणा परिहरणा गूहना परिगूहना छादना परिच्छादना अनुत्तानीकम्मं अनाविकम्मं वोच्छादना पापकिरिया – अयं वुच्चति माया। यस्सेसा माया पहीना समुच्छिन्ना वूपसन्ता पटिपस्सद्धा अभब्बुप्पत्तिका ञाणग्गिना दड्ढा, सो वुच्चति रित्तपेसुणोति पेसुञ्ञन्ति इधेकच्चो पिसुणवाचो होति…पे॰… एवं भेदाधिप्पायेन पेसुञ्ञं उपसंहरति। यस्सेतं पेसुञ्ञं पहीनं समुच्छिन्नं वूपसन्तं पटिपस्सद्धं अभब्बुप्पत्तिकं ञाणग्गिना
अक्कोधनो लोभपापं, वेविच्छं वितरे मुनीति। अक्कोधनोति हि खो वुत्तं, अपि च कोधो ताव वत्तब्बो। दसहाकारेहि कोधो लोभोति यो लोभो लुब्भना लुब्भितत्तं…पे॰… अभिज्झा लोभो अकुसलमूलं। वेविच्छं वुच्चति पञ्च मच्छरियानि – आवासमच्छरियं…पे॰… गाहो वुच्चति मच्छरियं। मुनीति। मोनं वुच्चति ञाणं…पे॰… सङ्गजालमतिच्च सो मुनि। अक्कोधनो लोभपापं, वेविच्छं वितरे मुनीति। मुनि लोभपापञ्च वेविच्छञ्च अतरि उत्तरि पतरि समतिक्कमि वीतिवत्तयीति
तेनाह भगवा –
‘‘सच्चो सिया अप्पगब्भो, अमायो रित्तपेसुणो।
अक्कोधनो लोभपापं, वेविच्छं वितरे मुनी’’ति॥
१७७.
निद्दं तन्दिं सहे थीनं, पमादेन न संवसे।
अतिमाने न तिट्ठेय्य, निब्बानमनसो नरो॥
निद्दं तन्दिं सहे थीनन्ति। निद्दाति या कायस्स अकल्यता अकम्मञ्ञता ओनाहो परियोनाहो अन्तोसमोरोधो मिद्धं सुप्पं पचलायिका सुप्पं सुप्पना सुप्पितत्तं। तन्दिन्ति या तन्दी थीनन्ति या चित्तस्स अकल्यता अकम्मञ्ञता ओलीयना सल्लीयना लीनं लीयना लीयितत्तं, थिनं थियना थियितत्तं चित्तस्स। निद्दं तन्दिं सहे थीनन्ति। निद्दञ्च तन्दिञ्च थिनञ्च सहे सहेय्य परिसहेय्य अभिभवेय्य अज्झोत्थरेय्य परियादियेय्य मद्देय्याति – निद्दं तन्दिं सहे थीनं।
पमादेन न संवसेति। पमादो वत्तब्बो कायदुच्चरिते वा वचीदुच्चरिते वा मनोदुच्चरिते वा पञ्चसु वा कामगुणेसु। चित्तस्स वोसग्गो वोसग्गानुप्पादनं पमादेन न संवसेति पमादेन न वसेय्य न संवसेय्य न आवसेय्य न परिवसेय्य, पमादं पजहेय्य विनोदेय्य ब्यन्तिं करेय्य अनभावं गमेय्य, पमादा आरतो अस्स
अतिमाने न तिट्ठेय्याति। अतिमानोति इधेकच्चो परं अतिमञ्ञति जातिया वा गोत्तेन वा…पे॰… अञ्ञतरञ्ञतरेन वा वत्थुना। यो एवरूपो मानो मञ्ञना मञ्ञितत्तं उन्नति उन्नमो धजो सम्पग्गाहो केतुकम्यता चित्तस्स – अयं वुच्चति अतिमानो। अतिमाने न तिट्ठेय्याति। अतिमाने न तिट्ठेय्य न संतिट्ठेय्य, अतिमानं पजहेय्य विनोदेय्य ब्यन्तिं करेय्य अनभावं गमेय्य, अतिमाना आरतो अस्स विरतो पटिविरतो निक्खन्तो निस्सटो विप्पमुत्तो विसञ्ञुत्तो विमरियादिकतेन चेतसा विहरेय्याति – अतिमाने न तिट्ठेय्य।
निब्बानमनसो नरोति। इधेकच्चो दानं देन्तो सीलं समादियन्तो उपोसथकम्मं करोन्तो पानीयं परिभोजनीयं उपट्ठपेन्तो परिवेणं सम्मज्जन्तो चेतियं वन्दन्तो चेतिये गन्धमालं आरोपेन्तो चेतियं पदक्खिणं करोन्तो यं किञ्चि तेधातुकं कुसलाभिसङ्खारं अभिसङ्खरोन्तो न गतिहेतु न उपपत्तिहेतु न पटिसन्धिहेतु न भवहेतु न संसारहेतु न वट्टहेतु, सब्बं तं विसंयोगाधिप्पायो निब्बाननिन्नो निब्बानपोणो निब्बानपब्भारो अभिसङ्खरोतीति। एवम्पि निब्बानमनसो नरो। अथ वा सब्बसङ्खारधातुया चित्तं पटिवापेत्वा
‘‘न पण्डिता उपधिसुखस्स हेतु, ददन्ति दानानि पुनब्भवाय।
कामञ्च ते उपधिपरिक्खयाय, ददन्ति दानं अपुनब्भवाय॥
‘‘न
कामञ्च ते उपधिपरिक्खयाय, भावेन्ति झानं अपुनब्भवाय॥
‘‘ते
नज्जो यथा सागरमज्झुपेता
निब्बानमनसो नरो। तेनाह भगवा –
‘‘निद्दं तन्दि सहे थीनं, पमादेन न संवसे।
अतिमाने न तिट्ठेय्य, निब्बानमनसो नरो’’ति॥
१७८.
मोसवज्जे न निय्येथ, रूपे स्नेहं न कुब्बये।
मानञ्च परिजानेय्य, साहसा विरतो चरे॥
मोसवज्जे न निय्येथाति। मोसवज्जं वुच्चति मुसावादो। इधेकच्चो सभग्गतो वा परिसग्गतो वा ञातिमज्झगतो वा पूगमज्झगतो वा राजकुलमज्झगतो वा अभिनीतो सक्खिपुट्ठो – ‘‘एहम्भो पुरिस, यं जानासि तं वदेही’’ति, सो अजानं वा आह – ‘‘जानामी’’ति, जानं वा आह – ‘‘न जानामी’’ति, अपस्सं वा आह – ‘‘पस्सामी’’ति, पस्सं वा आह – ‘‘न पस्सामी’’ति। इति अत्तहेतु वा परहेतु वा आमिसकिञ्चिक्खहेतु वा सम्पजानमुसा भासिता होति – इदं वुच्चति मोसवज्जं। अपि च तीहाकारेहि…पे॰… चतूहाकारेहि… पञ्चहाकारेहि… छहाकारेहि… सत्तहाकारेहि… अट्ठहाकारेहि…पे॰… इमेहि अट्ठहाकारेहि मुसावादो होति। मोसवज्जे न निय्येथाति। मोसवज्जे न यायेय्य न निय्यायेय्य न वहेय्य न संहरेय्य, मोसवज्जं पजहेय्य विनोदेय्य ब्यन्तिं करेय्य अनभावं गमेय्य, मोसवज्जा आरतो अस्स विरतो पटिविरतो निक्खन्तो निस्सटो विप्पमुत्तो विसञ्ञुत्तो विमरियादिकतेन चेतसा विहरेय्याति – मोसवज्जे न निय्येथ।
रूपे स्नेहं न कुब्बयेति। रूपन्ति चत्तारो च महाभूता रूपे स्नेहं न कुब्बयेति। रूपे स्नेहं न करेय्य छन्दं न करेय्य पेमं न करेय्य रागं न करेय्य न जनेय्य न सञ्जनेय्य न निब्बत्तेय्य नाभिनिब्बत्तेय्याति – रूपे स्नेहं न कुब्बये।
मानञ्च परिजानेय्याति। मानोति एकविधेन मानो – या चित्तस्स
मानञ्च परिजानेय्याति। मानं तीहि परिञ्ञाहि परिजानेय्य – ञातपरिञ्ञाय, तीरणपरिञ्ञाय, पहानपरिञ्ञाय। कतमा
कतमा तीरणपरिञ्ञा? एतं ञातं कत्वा मानं तीरेति अनिच्चतो दुक्खतो…पे॰… निस्सरणतो तीरेति – अयं तीरणपरिञ्ञा।
कतमा पहानपरिञ्ञा? एवं तीरयित्वा मानं पजहति विनोदेति ब्यन्तिं करोति अनभावं मानञ्च परिजानेय्याति मानं इमाहि तीहि परिञ्ञाहि परिजानेय्याति – मानञ्च परिजानेय्य।
साहसा विरतो चरेति। कतमा साहसा चरिया? रत्तस्स रागचरिया साहसा चरिया, दुट्ठस्स दोसचरिया साहसा चरिया, मूळ्हस्स मोहचरिया साहसा चरिया, विनिबद्धस्स मानचरिया साहसा चरिया, परामट्ठस्स दिट्ठिचरिया साहसा चरिया, विक्खेपगतस्स उद्धच्चचरिया साहसा चरिया, अनिट्ठङ्गतस्स विचिकिच्छाचरिया साहसा चरिया, थामगतस्स अनुसयचरिया साहसा चरिया – अयं साहसा चरिया। साहसा विरतो चरेति साहसा चरियाय आरतो अस्स विरतो पटिविरतो निक्खन्तो निस्सटो विप्पमुत्तो विसञ्ञुत्तो विमरियादिकतेन चेतसा विहरेय्य चरेय्य विचरेय्य इरियेय्य वत्तेय्य पालेय्य यपेय्य यापेय्याति – साहसा विरतो चरे।
तेनाह भगवा –
‘‘मोसवज्जे न निय्येथ, रूपे स्नेहं न कुब्बये।
मानञ्च परिजानेय्य, साहसा विरतो चरे’’ति॥
१७९.
पुराणं नाभिनन्देय्य, नवे खन्तिं न कुब्बये ।
हीयमाने न सोचेय्य, आकासं न सितो सिया॥
पुराणं नाभिनन्देय्याति। पुराणं वुच्चति अतीता रूपवेदनासञ्ञासङ्खारविञ्ञाणा। अतीते सङ्खारे तण्हावसेन दिट्ठिवसेन नाभिनन्देय्य नाभिवदेय्य न अज्झोसेय्य, अभिनन्दनं अभिवदनं अज्झोसानं गाहं परामासं
नवे खन्तिं न कुब्बयेति। नवा वुच्चति पच्चुप्पन्ना रूपवेदनासञ्ञासङ्खारविञ्ञाणा। पच्चुप्पन्ने सङ्खारे तण्हावसेन दिट्ठिवसेन खन्तिं न करेय्य छन्दं न करेय्य पेमं न करेय्य रागं न करेय्य न जनेय्य न सञ्जनेय्य न निब्बत्तेय्य नाभिनिब्बत्तेय्याति – नवे खन्तिं न कुब्बये।
हीयमाने न सोचेय्याति। हीयमाने हायमाने परिहायमाने
आकासं न सितो सियाति। आकासं वुच्चति तण्हा। यो रागो सारागो…पे॰… अभिज्झा लोभो अकुसलमूलं। किंकारणा आकासं वुच्चति तण्हा? याय तण्हाय रूपं आकस्सति समाकस्सति गण्हाति परामसति अभिनिविसति, वेदनं…पे॰… सञ्ञं… सङ्खारे… विञ्ञाणं… गतिं… उपपत्तिं… पटिसन्धिं… भवं… संसारं… वट्टं आकस्सति समाकस्सति गण्हाति परामसति अभिनिविसति; तंकारणा आकासं वुच्चति तण्हा। आकासं न सितो सियाति। तण्हानिस्सितो न सिया। तण्हं
तेनाह भगवा –
‘‘पुराणं नाभिनन्देय्य, नवे खन्तिं न कुब्बये।
हीयमाने न सोचेय्य, आकासं न सितो सिया’’ति॥
१८०.
गेधं ब्रूमि महोघोति, आजवं ब्रूमि जप्पनं।
आरम्मणं पकम्पनं, कामपङ्को दुरच्चयो॥
गेधं ब्रूमि महोघोतीति। गेधो वुच्चति तण्हा। यो रागो सारागो…पे॰… अभिज्झा लोभो अकुसलमूलं। महोघो वुच्चति तण्हा। यो रागो सारागो…पे॰… अभिज्झा लोभो अकुसलमूलं। गेधं ब्रूमि महोघोतीति। गेधं ‘‘महोघो’’ति ब्रूमि आचिक्खामि देसेमि पञ्ञपेमि पट्ठपेमि विवरामि विभजामि उत्तानीकरोमि पकासेमीति – गेधं ब्रूमि महोघोति।
आजवं ब्रूमि जप्पनन्ति। आजवा वुच्चति तण्हा। यो रागो सारागो…पे॰… अभिज्झा लोभो अकुसलमूलं। जप्पनापि वुच्चति तण्हा। यो रागो सारागो…पे॰… अभिज्झा लोभो अकुसलमूलं। आजवं ब्रूमि जप्पनन्ति आजवं ‘‘जप्पना’’ति ब्रूमि आचिक्खामि…पे॰… उत्तानीकरोमि पकासेमीति – आजवं ब्रूमि जप्पनं।
आरम्मणं पकम्पनन्ति। आरम्मणम्पि वुच्चति तण्हा। यो
कामपङ्को दुरच्चयोति। कामपङ्को कामकद्दमो कामकिलेसो कामपलिपो कामपलिबोधो
तेनाह भगवा –
‘‘गेधं
आरम्मणं पकम्पनं, कामपङ्को दुरच्चयो’’ति॥
१८१.
सच्चा अवोक्कमं मुनि, थले तिट्ठति ब्राह्मणो।
सब्बं सो पटिनिस्सज्ज, स वे सन्तोति वुच्चति॥
सच्चा अवोक्कमं मुनीति। सच्चवाचाय अवोक्कमन्तो, सम्मादिट्ठिया अवोक्कमन्तो, अरिया अट्ठङ्गिका मग्गा अवोक्कमन्तो। मुनीति। मोनं वुच्चति ञाणं…पे॰… सङ्गजालमतिच्च सो मुनीति – सच्चा अवोक्कमं मुनि।
थले तिट्ठति ब्राह्मणोति। थलं वुच्चति अमतं निब्बानं। यो सो सब्बसङ्खारसमथो सब्बूपधिपटिनिस्सग्गो तण्हक्खयो विरागो निरोधो निब्बानं। ब्राह्मणोति सत्तन्नं धम्मानं बाहितत्ता ब्राह्मणो…पे॰… असितो तादि पवुच्चते स ब्रह्मा। थले तिट्ठति ब्राह्मणोति। थले तिट्ठति दीपे तिट्ठति ताणे
सब्बं सो पटिनिस्सज्जाति। सब्बं वुच्चति द्वादसायतनानि – चक्खु चेव रूपा च
स वे सन्तोति वुच्चतीति। सो सन्तो उपसन्तो वूपसन्तो निब्बुतो पटिपस्सद्धोति वुच्चति कथीयति भणीयति दीपीयति वोहरीयतीति – स वे सन्तोति वुच्चति।
तेनाह भगवा –
‘‘सच्चा अवोक्कमं मुनि, थले तिट्ठति ब्राह्मणो।
सब्बं सो पटिनिस्सज्ज, स वे सन्तोति वुच्चती’’ति॥
१८२.
स वे विद्वा स वेदगू, ञत्वा धम्मं अनिस्सितो।
सम्मा सो लोके इरियानो, न पिहेतीध कस्सचि॥
स वे विद्वा स वेदगूति। विद्वाति विद्वा विज्जागतो ञाणी विभावी मेधावी। वेदगूति। वेदा वुच्चन्ति चतूसु मग्गेसु ञाणं…पे॰… सब्बवेदनासु वीतरागो सब्बवेदमतिच्च वेदगू सोति – स वे विद्वा स वेदगू।
ञत्वा धम्मं अनिस्सितोति। ञत्वाति ञत्वा जानित्वा तुलयित्वा तीरयित्वा विभावयित्वा विभूतं कत्वा। ‘‘सब्बे सङ्खारा अनिच्चा’’ति ञत्वा जानित्वा तुलयित्वा तीरयित्वा विभावयित्वा विभूतं कत्वा, ‘‘सब्बे सङ्खारा दुक्खा’’ति…पे॰… ‘‘यं किञ्चि समुदयधम्मं सब्बं तं निरोधधम्म’’न्ति ञत्वा जानित्वा तुलयित्वा तीरयित्वा विभावयित्वा विभूतं कत्वा। अनिस्सितोति द्वे निस्सया – तण्हानिस्सयो च दिट्ठिनिस्सयो च…पे॰… अयं तण्हानिस्सयो…पे॰… अयं दिट्ठिनिस्सयो। तण्हानिस्सयं पहाय दिट्ठिनिस्सयं पटिनिस्सज्जित्वा चक्खुं अनिस्सितो… सोतं अनिस्सितो… घानं अनिस्सितो…पे॰… दिट्ठसुतमुतविञ्ञातब्बे
सम्मा सो लोके इरियानोति। यतो अज्झत्तिकबाहिरेसु आयतनेसु छन्दरागो पहीनो होति उच्छिन्नमूलो तालावत्थुकतो अनभावंकतो
न पिहेतीध कस्सचीति। पिहा वुच्चति तण्हा। यो रागो सारागो…पे॰… अभिज्झा लोभो अकुसलमूलं। यस्सेसा पिहा तण्हा पहीना समुच्छिन्ना वूपसन्ता पटिपस्सद्धा अभब्बुप्पत्तिका ञाणग्गिना दड्ढा, सो कस्सचि न पिहेति खत्तियस्स वा ब्राह्मणस्स वा वेस्सस्स वा सुद्दस्स वा गहट्ठस्स वा पब्बजितस्स वा देवस्स वा मनुस्सस्स वाति – न पिहेतीध कस्सचि।
तेनाह भगवा –
‘‘स वे विद्वा स वेदगू, ञत्वा धम्मं अनिस्सितो।
सम्मा सो लोके इरियानो, न पिहेतीध कस्सची’’ति॥
१८३.
योध कामे अच्चतरि, सङ्गं लोके दुरच्चयं।
न सो सोचति नाज्झेति, छिन्नसोतो अबन्धनो॥
योध कामे अच्चतरि, सङ्गं लोके दुरच्चयन्ति। योति यो यादिसो यथायुत्तो यथाविहितो यथापकारो यं ठानप्पत्तो यं कामाति उद्दानतो द्वे कामा – वत्थुकामा च किलेसकामा च…पे॰… इमे वुच्चन्ति वत्थुकामा…पे॰… इमे वुच्चन्ति किलेसकामा। सङ्गाति सत्त सङ्गा – रागसङ्गो, दोससङ्गो, मोहसङ्गो, मानसङ्गो, दिट्ठिसङ्गो, किलेससङ्गो, दुच्चरितसङ्गो। लोकेति अपायलोके मनुस्सलोके देवलोके खन्धलोके धातुलोके सङ्गं लोके दुरच्चयन्ति। यो कामे च सङ्गे च लोके दुरच्चये दुरतिवत्ते दुत्तरे दुप्पतरे दुस्समतिक्कमे दुब्बीतिवत्ते अतरि उत्तरि पतरि समतिक्कमि वीतिवत्तयीति – योध कामे अच्चतरि, सङ्गं लोके दुरच्चयं।
न सो सोचति नाज्झेतीति। विपरिणतं वा वत्थुं न सोचति, विपरिणतस्मिं वा वत्थुस्मिं न सोचति। ‘‘चक्खु मे विपरिणत’’न्ति न सोचति…पे॰… सोतं मे… घानं मे… जिव्हा मे… कायो मे… रूपा मे… सद्दा मे… गन्धा मे… रसा मे… फोट्ठब्बा मे… कुलं मे… गणो मे… आवासो मे… लाभो मे… यसो मे… पसंसा मे… सुखं मे… चीवरं मे… पिण्डपातो मे… सेनासनं मे… गिलानपच्चयभेसज्जपरिक्खारा मे… माता मे… पिता मे… भाता मे… भगिनी मे… पुत्तो मे… धीता मे… मित्ता मे… अमच्चा मे… ञाती मे… ‘‘सालोहिता मे विपरिणता’’ति न सोचति न किलमति न परिदेवति न उरत्ताळिं कन्दति न नाज्झेतीति नज्झेति न अज्झेति न उपनिज्झायति न निज्झायति न पज्झायति। अथ वा न जायति न जिय्यति न मिय्यति न चवति न उपपज्जतीति – नाज्झेतीति – न सो सोचति नाज्झेति।
छिन्नसोतो अबन्धनोति। सोतं वुच्चति तण्हा। यो रागो सारागो…पे॰… अभिज्झा लोभो अकुसलमूलं। यस्सेसा सोता तण्हा पहीना समुच्छिन्ना…पे॰… ञाणग्गिना दड्ढा, सो वुच्चति छिन्नसोतो। अबन्धनोति रागबन्धनं दोसबन्धनं मोहबन्धनं मानबन्धनं दिट्ठिबन्धनं किलेसबन्धनं दुच्चरितबन्धनं, यस्सेते बन्धना पहीना समुच्छिन्ना…पे॰… ञाणग्गिना
तेनाह भगवा –
‘‘योध कामे अच्चतरि, सङ्गं लोके दुरच्चयं।
न सो सोचति नाज्झेति, छिन्नसोतो अबन्धनो’’ति॥
१८४.
यं पुब्बे तं विसोसेहि, पच्छा ते माहु किञ्चनं।
मज्झे चे नो गहेस्ससि, उपसन्तो चरिस्ससि॥
यं पुब्बे तं विसोसेहीति। अतीते सङ्खारे आरब्भ ये किलेसा उप्पज्जेय्युं ते किलेसे सोसेहि विसोसेहि सुक्खापेहि विसुक्खापेहि अबीजं करोहि पजह विनोदेहि ब्यन्तिं करोहि अनभावं गमेहीति। एवम्पि यं पुब्बे तं
पच्छा ते माहु किञ्चनन्ति। पच्छा वुच्चति अनागतं। अनागते सङ्खारे आरब्भ यानि उप्पज्जेय्युं रागकिञ्चनं दोसकिञ्चनं मोहकिञ्चनं मानकिञ्चनं दिट्ठिकिञ्चनं किलेसकिञ्चनं दुच्चरितकिञ्चनं, इमानि किञ्चनानि
मज्झे चे नो गहेस्ससीति। मज्झं वुच्चति पच्चुप्पन्ना रूपवेदनासञ्ञासङ्खारविञ्ञाणा। पच्चुप्पन्ने सङ्खारे तण्हावसेन दिट्ठिवसेन न गहेस्ससि न उग्गहेस्ससि न गण्हिस्ससि न परामसिस्ससि नाभिनन्दिस्ससि नाभिचरिस्ससि न अज्झोसिस्ससि, अभिनन्दनं अभिवदनं अज्झोसानं गाहं परामासं अभिनिवेसं पजहिस्ससि विनोदेस्ससि ब्यन्तिं करिस्ससि अनभावं गमेस्ससीति – मज्झे चे नो गहेस्ससि।
उपसन्तो चरिस्ससीति। रागस्स सन्तत्ता समितत्ता उपसमितत्ता, दोसस्स सन्तत्ता समितत्ता उपसमितत्ता…पे॰… सब्बाकुसलाभिसङ्खारानं सन्तत्ता समितत्ता उपसमितत्ता वूपसमितत्ता विज्झातत्ता निब्बुतत्ता विगतत्ता पटिपस्सद्धत्ता
तेनाह भगवा –
‘‘यं पुब्बे तं विसोसेहि, पच्छा ते माहु किञ्चनं।
मज्झे चे नो गहेस्ससि, उपसन्तो चरिस्ससी’’ति॥
१८५.
सब्बसो नामरूपस्मिं, यस्स नत्थि ममायितं।
असता च न सोचति, स वे लोके न जीयति॥
सब्बसो नामरूपस्मिं, यस्स नत्थि ममायितन्ति। सब्बसोति सब्बेन सब्बं सब्बथा सब्बं असेसं निस्सेसं परियादियनवचनमेतं – सब्बसोति। नामन्ति चत्तारो अरूपिनो खन्धा। रूपन्ति चत्तारो च महाभूता, चतुन्नञ्च महाभूतानं उपादाय रूपं। यस्साति अरहतो खीणासवस्स। ममायितन्ति द्वे ममत्ता – तण्हाममत्तञ्च दिट्ठिममत्तञ्च…पे॰… इदं तण्हाममत्तं…पे॰… इदं दिट्ठिममत्तं। सब्बसो नामरूपस्मिं, यस्स नत्थि ममायितन्ति सब्बसो नामरूपस्मिं ममत्ता यस्स नत्थि न सन्ति न संविज्जन्ति नुपलब्भन्ति, पहीना समुच्छिन्ना वूपसन्ता पटिपस्सद्धा अभब्बुप्पत्तिका ञाणग्गिना दड्ढाति – सब्बसो नामरूपस्मिं, यस्स नत्थि ममायितं।
असता च न सोचतीति। विपरिणतं वा वत्थुं न सोचति, विपरिणतस्मिं वा वत्थुस्मिं न सोचति। ‘‘चक्खु मे विपरिणत’’न्ति न सोचति, सोतं मे… घानं मे… जिव्हा मे… कायो मे… रूपा मे… सद्दा
अथ वा असताय दुक्खाय वेदनाय फुट्ठो परेतो समोहितो समन्नागतो न सोचति न किलमति न परिदेवति न उरत्ताळिं कन्दति न सम्मोहं आपज्जतीति। एवम्पि असता च न सोचति। अथ वा चक्खुरोगेन फुट्ठो परेतो…पे॰… डंसमकसवातातपसरीसपसम्फस्सेन फुट्ठो परेतो समोहितो समन्नागतो न सोचति न
स वे लोके न जीयतीति। यस्स ‘‘मय्हं वा इदं परेसं वा इद’’न्ति किञ्चि रूपगतं
भासितम्पि हेतं –
‘‘जीनो
सब्बेसु
‘‘पुब्बेव मच्चं विजहन्ति भोगा, मच्चो धने पुब्बतरं जहासि।
असस्सता
‘‘उदेति आपूरति वेति चन्दो, अन्धं तपेत्वान
विदिता मया सत्तुक लोकधम्मा, तस्मा न सोचामहं सोककाले’’ति॥
यस्स ‘‘मय्हं वा इदं परेसं वा इद’’न्ति किञ्चि रूपगतं वेदनागतं सञ्ञागतं सङ्खारगतं विञ्ञाणगतं गहितं परामट्ठं अभिनिविट्ठं अज्झोसितं अधिमुत्तं नत्थि, तस्स जानि नत्थि। भासितम्पि हेतं – ‘‘‘नन्दसि, समणा’ति। ‘किं लद्धा, आवुसो’ति? ‘तेन हि, समण, सोचसी’ति। ‘किं जीयित्थ, आवुसो’ति? ‘तेन हि, समण, नेव नन्दसि न सोचसी’ति। ‘एवमावुसो’’’ति।
‘‘चिरस्सं
अनन्दिं अनीघं भिक्खुं, तिण्णं लोके विसत्तिक’’न्ति॥
स वे लोके न जीयति। तेनाह भगवा –
‘‘सब्बसो
असता च न सोचति, स वे लोके न जीयती’’ति॥
१८६.
यस्स नत्थि इदं मेति, परेसं वापि किञ्चनं।
ममत्तं सो असंविन्दं, नत्थि मेति न सोचति॥
यस्स नत्थि इदं मेति, परेसं वापि किञ्चनन्ति। यस्साति अरहतो खीणासवस्स। यस्स ‘‘मय्हं वा इदं परेसं वा इद’’न्ति किञ्चि रूपगतं वेदनागतं सञ्ञागतं सङ्खारगतं विञ्ञाणगतं गहितं परामट्ठं अभिनिविट्ठं अज्झोसितं अधिमुत्तं नत्थि न सन्ति न संविज्जति नुपलब्भति, पहीनं समुच्छिन्नं वूपसन्तं पटिपस्सद्धं अभब्बुप्पत्तिकं ञाणग्गिना दड्ढन्ति। एवम्पि यस्स नत्थि इदं मेति, परेसं वापि किञ्चनं।
वुत्तञ्हेतं भगवता – ‘‘नायं, भिक्खवे, कायो तुम्हाकं, नपि अञ्ञेसं। पुराणमिदं, भिक्खवे, कम्मं अभिसङ्खतं अभिसञ्चेतयितं वेदनीयं दट्ठब्बं। तत्र, भिक्खवे, सुतवा अरियसावको पटिच्चसमुप्पादंयेव साधुकं योनिसो मनसिकरोति – ‘इति इमस्मिं सति इदं होति इमस्सुप्पादा इदं उप्पज्जति, इमस्मिं असति इदं न होति इमस्स निरोधा इदं निरुज्झति, यदिदं अविज्जापच्चया सङ्खारा, सङ्खारपच्चया विञ्ञाणं…पे॰… एवमेतस्स केवलस्स दुक्खक्खन्धस्स समुदयो होति। अविज्जायत्वेव असेसविरागनिरोधा सङ्खारनिरोधो…पे॰… एवमेतस्स केवलस्स दुक्खक्खन्धस्स निरोधो होती’’’ति। एवम्पि यस्स नत्थि इदं मेति, परेसं वापि किञ्चनं।
वुत्तम्पि
‘‘सुञ्ञतो
अत्तानुदिट्ठिं ऊहच्च
एवं लोकं अवेक्खन्तं, मच्चुराजा न पस्सती’’ति॥
एवम्पि यस्स नत्थि इदं मेति, परेसं वापि किञ्चनं।
वुत्तम्पि
‘‘सुद्धधम्मसमुप्पादं, सुद्धसङ्खारसन्ततिं।
पस्सन्तस्स यथाभूतं, न भयं होति गामणि॥
‘‘तिणकट्ठसमं लोकं, यदा पञ्ञाय पस्सति।
नाञ्ञं पत्थयते किञ्चि, अञ्ञत्र अप्पटिसन्धिया’’ति
एवम्पि यस्स नत्थि इदं मेति, परेसं वापि किञ्चनं। वजिरा
‘‘कं नु सत्तोति पच्चेसि, मार दिट्ठिगतं नु ते।
सुद्धसङ्खारपुञ्जोयं, नयिध सत्तुपलब्भति॥
‘‘यथा हि
एवं खन्धेसु सन्तेसु, होति सत्तोति सम्मुति
‘‘दुक्खमेव हि सम्भोति, दुक्खं तिट्ठति वेति च।
नाञ्ञत्र दुक्खा सम्भोति, नाञ्ञं दुक्खा निरुज्झती’’ति॥
एवम्पि
‘‘एवमेव खो, भिक्खवे, भिक्खु रूपं समन्नेसति यावता रूपस्स गति, वेदनं… सञ्ञं… सङ्खारे… विञ्ञाणं समन्नेसति यावता विञ्ञाणस्स गति। तस्स रूपं समन्नेसतो यावता रूपस्स गति, वेदनं… सञ्ञं… सङ्खारे… विञ्ञाणं समन्नेसतो यावता विञ्ञाणस्स गति
आयस्मा, आनन्दो, भगवन्तं एतदवोच – ‘‘‘सुञ्ञो लोको, सुञ्ञो लोको’ति, भन्ते, वुच्चति। कित्तावता नु खो, भन्ते, सुञ्ञो लोकोति वुच्चती’’ति? ‘‘यस्मा खो, आनन्द, सुञ्ञं अत्तेन वा अत्तनियेन वा, तस्मा सुञ्ञो लोकोति वुच्चति। किञ्चानन्द, सुञ्ञं अत्तेन वा अत्तनियेन वा? चक्खु खो, आनन्द, सुञ्ञं अत्तेन वा अत्तनियेन वा। रूपा सुञ्ञा, चक्खुविञ्ञाणं सुञ्ञं, चक्खुसम्फस्सो सुञ्ञो, यदिदं चक्खुसम्फस्सपच्चया उप्पज्जति वेदयितं सुखं वा दुक्खं वा अदुक्खमसुखं वा तम्पि सुञ्ञं… सोतं सुञ्ञं… सद्दा सुञ्ञा… घानं सुञ्ञं… गन्धा सुञ्ञा… जिव्हा सुञ्ञा… रसा सुञ्ञा… कायो सुञ्ञो… फोट्ठब्बा सुञ्ञा… मनो सुञ्ञो… धम्मा सुञ्ञा… मनोविञ्ञाणं सुञ्ञं… मनोसम्फस्सो सुञ्ञो, यदिदं मनोसम्फस्सपच्चया उप्पज्जति वेदयितं सुखं वा दुक्खं वा अदुक्खमसुखं
ममत्तं सो असंविन्दन्ति। ममत्ताति द्वे ममत्ता – तण्हाममत्तञ्च दिट्ठिममत्तञ्च…पे॰… इदं तण्हाममत्तं…पे॰… इदं
नत्थि मेति न सोचतीति। विपरिणतं वा वत्थुं न सोचति, विपरिणतस्मिं वा वत्थुस्मिं न सोचति। ‘‘चक्खु मे विपरिणत’’न्ति न सोचति, ‘‘सोतं मे…पे॰… सालोहिता मे विपरिणता’’ति न सोचति न किलमति न परिदेवति न उरत्ताळिं कन्दति न सम्मोहं आपज्जतीति – नत्थि मेति न सोचति।
तेनाह भगवा –
‘‘यस्स
ममत्तं सो असंविन्दं, नत्थि मेति न सोचती’’ति॥
१८७.
अनिट्ठुरी अननुगिद्धो, अनेजो सब्बधी समो।
तमानिसंसं पब्रूमि, पुच्छितो अविकम्पिनं॥
अनिट्ठुरी अननुगिद्धो अनेजो सब्बधी समोति। कतमं निट्ठुरियं? इधेकच्चो निट्ठुरियो होति, परलाभसक्कारगरुकारमाननवन्दनपूजनासु इस्सति उसूयति अननुगिद्धोति। गेधो वुच्चति तण्हा। यो रागो सारागो…पे॰… अभिज्झा लोभो अकुसलमूलं। यस्सेसो
अनेजो सब्बधी समोति। एजा वुच्चति तण्हा। यो रागो सारागो…पे॰… अभिज्झा लोभो अकुसलमूलं। यस्सेसा एजा तण्हा पहीना समुच्छिन्ना…पे॰… ञाणग्गिना दड्ढा, सो वुच्चति अनेजो। एजाय पहीनत्ता अनेजो। सो लाभेपि न इञ्जति, अलाभेपि न इञ्जति, यसेपि न इञ्जति, अयसेपि न इञ्जति, पसंसायपि न इञ्जति, निन्दायपि न इञ्जति, सुखेपि न इञ्जति, दुक्खेपि न इञ्जति, न चलति न वेधति नप्पवेधति न सम्पवेधतीति – अनेजो। सब्बधी समोति सब्बं वुच्चति द्वादसायतनानि। चक्खु चेव रूपा च…पे॰… मनो चेव धम्मा च। यतो अज्झत्तिकबाहिरेसु आयतनेसु छन्दरागो पहीनो होति उच्छिन्नमूलो तालावत्थुकतो अनभावंकतो आयतिं अनुप्पादधम्मो, सो वुच्चति सब्बधि समो। सो सब्बत्थ तादि सब्बत्थ मज्झत्तो सब्बत्थ उपेक्खकोति – अनेजो सब्बधी समो।
तमानिसंसं पब्रूमि, पुच्छितो अविकम्पिनन्ति। अविकम्पिनं पुग्गलं पुट्ठो पुच्छितो याचितो अज्झेसितो पसादितो इमे चत्तारो आनिसंसे पब्रूमि। यो सो अनिट्ठुरी अननुगिद्धो अनेजो सब्बधि समोति ब्रूमि आचिक्खामि…पे॰… पकासेमीति – तमानिसंसं पब्रूमि पुच्छितो अविकम्पिनं।
तेनाह
‘‘अनिट्ठुरी अननुगिद्धो, अनेजो सब्बधी समो।
तमानिसंसं पब्रूमि, पुच्छितो अविकम्पिन’’न्ति॥
१८८.
अनेजस्स विजानतो, नत्थि काचि निसङ्खति ।
विरतो सो वियारब्भा, खेमं पस्सति सब्बधि॥
अनेजस्स विजानतोति। एजा वुच्चति तण्हा। यो रागो सारागो…पे॰… अभिज्झा लोभो अकुसलमूलं। यस्सेसा एजा तण्हा पहीना समुच्छिन्ना…पे॰… ञाणग्गिना दड्ढा, सो वुच्चति अनेजो। एजाय पहीनत्ता अनेजो। सो लाभेपि न इञ्जति, अलाभेपि न इञ्जति, यसेपि न इञ्जति, अयसेपि न इञ्जति, पसंसायपि न इञ्जति, निन्दायपि न इञ्जति, सुखेपि न इञ्जति, दुक्खेपि न इञ्जति न चलति न वेधति नप्पवेधति न सम्पवेधतीति – अनेजस्स। विजानतोति जानतो आजानतो विजानतो पटिविजानतो पटिविज्झतो। ‘‘सब्बे सङ्खारा अनिच्चा’’ति जानतो आजानतो विजानतो पटिविजानतो पटिविज्झतो, ‘‘सब्बे सङ्खारा दुक्खा’’ति…पे॰… ‘‘यं किञ्चि समुदयधम्मं सब्बं
नत्थि काचि निसङ्खतीति। निसङ्खतियो वुच्चन्ति पुञ्ञाभिसङ्खारो अपुञ्ञाभिसङ्खारो आनेञ्जाभिसङ्खारो। यतो पुञ्ञाभिसङ्खारो च अपुञ्ञाभिसङ्खारो च आनेञ्जाभिसङ्खारो च पहीना होन्ति उच्छिन्नमूला तालावत्थुकता अनभावंकता आयतिं अनुप्पादधम्मा, एत्तावता निसङ्खतियो नत्थि न सन्ति न संविज्जन्ति नुपलब्भन्ति, पहीना समुच्छिन्ना वूपसन्ता पटिपस्सद्धा अभब्बुप्पत्तिका ञाणग्गिना दड्ढाति – नत्थि काचि निसङ्खति।
विरतो सो वियारब्भाति। वियारब्भो वुच्चति पुञ्ञाभिसङ्खारो अपुञ्ञाभिसङ्खारो आनेञ्जाभिसङ्खारो। यतो पुञ्ञाभिसङ्खारो च अपुञ्ञाभिसङ्खारो
खेमं पस्सति सब्बधीति। भयकरो रागो भयकरो दोसो भयकरो मोहो…पे॰… भयकरा किलेसा। भयकरस्स रागस्स पहीनत्ता…पे॰… भयकरानं किलेसानं पहीनत्ता सब्बत्थ खेमं पस्सति सब्बत्थ अभयं पस्सति सब्बत्थ अनीतिकं पस्सति सब्बत्थ
तेनाह भगवा –
‘‘अनेजस्स विजानतो, नत्थि काचि निसङ्खति।
विरतो सो वियारब्भा, खेमं पस्सति सब्बधी’’ति॥
१८९.
न समेसु न ओमेसु, न उस्सेसु वदते मुनि।
सन्तो सो वीतमच्छरो, नादेति न निरस्सति॥ [इति भगवा]
न समेसु न ओमेसु, न उस्सेसु वदते मुनीति। मुनीति। मोनं वुच्चति ञाणं…पे॰… सङ्गजालमतिच्च सो मुनि। ‘‘सेय्योहमस्मी’’ति वा ‘‘सदिसोहमस्मी’’ति वा ‘‘हीनोहमस्मी’’ति वा न वदति न कथेति न भणति न दीपयति न वोहरतीति – न समेसु न ओमेसु, न उस्सेसु वदते मुनि।
सन्तो सो वीतमच्छरोति। सन्तोति रागस्स सन्तत्ता समितत्ता सन्तो, दोसस्स…पे॰… मोहस्स… सब्बाकुसलाभिसङ्खारानं सन्तत्ता समितत्ता वूपसमितत्ता विज्झातत्ता निब्बुतत्ता विगतत्ता वीतमच्छरोति। पञ्च मच्छरियानि आवासमच्छरियं…पे॰… गाहो वुच्चति मच्छरियं। यस्सेतं मच्छरियं पहीनं समुच्छिन्नं…पे॰… ञाणग्गिना दड्ढं, सो वुच्चति वीतमच्छरो विगतमच्छरो चत्तमच्छरो वन्तमच्छरो मुत्तमच्छरो पहीनमच्छरो पटिनिस्सट्ठमच्छरोति – सन्तो सो वीतमच्छरो।
नादेति न निरस्सति, इति भगवाति। नादेतीति रूपं नादियति न उपादियति न गण्हाति न परामसति नाभिनिविसति, वेदनं… सञ्ञं… सङ्खारे… विञ्ञाणं… गतिं… उपपत्तिं… पटिसन्धिं… भवं… संसारं… वट्टं नादियति न उपादियति न गण्हाति न परामसति नाभिनिविसतीति – नादेति। न निरस्सतीति रूपं न पजहति न विनोदेति न ब्यन्तिं करोति न अनभावं गमेति, वेदनं… सञ्ञं… सङ्खारे… विञ्ञाणं… गतिं… उपपत्तिं भगवाति गारवाधिवचनं…पे॰… सच्छिका पञ्ञत्ति यदिदं भगवाति।
तेनाह भगवा –
‘‘न समेसु न ओमेसु, न उस्सेसु वदते मुनि।
सन्तो सो वीतमच्छरो, नादेति न निरस्सति’’॥ [इति भगवा]
अत्तदण्डसुत्तनिद्देसो पन्नरसमो।