७. तिस्समेत्तेय्यसुत्तनिद्देसो
अथ
४९.
मेथुनमनुयुत्तस्स [इच्चायस्मा तिस्सो मेत्तेय्यो]
विघातं ब्रूहि मारिस।
सुत्वान तव सासनं, विवेके सिक्खिस्सामसे॥
मेथुनमनुयुत्तस्साति। मेथुनधम्मो नाम यो सो असद्धम्मो गामधम्मो वसलधम्मो दुट्ठुल्लो ओदकन्तिको रहस्सो द्वयंद्वयसमापत्ति। किंकारणा वुच्चति मेथुनधम्मो? उभिन्नं रत्तानं सारत्तानं अवस्सुतानं परियुट्ठितानं परियादिन्नचित्तानं उभिन्नं सदिसानं धम्मोति – तंकारणा वुच्चति मेथुनधम्मो। यथा उभो कलहकारका मेथुनकाति
मेथुनमनुयुत्तस्साति। मेथुनधम्मे युत्तस्स पयुत्तस्स आयुत्तस्स समायुत्तस्स तच्चरितस्स तब्बहुलस्स तग्गरुकस्स तन्निन्नस्स तप्पोणस्स तप्पब्भारस्स तदधिमुत्तस्स तदधिपतेय्यस्साति
इच्चायस्मा तिस्सो मेत्तेय्योति। इच्चाति पदसन्धि पदसंसग्गो पदपारिपूरी अक्खरसमवायो ब्यञ्जनसिलिट्ठता आयस्माति पियवचनं गरुवचनं सगारववचनं सप्पतिस्सवचनमेतं – आयस्माति। तिस्सोति तस्स थेरस्स नामं सङ्खा समञ्ञा पञ्ञत्ति वोहारो नामं नामकम्मं नामधेय्यं निरुत्ति ब्यञ्जनं अभिलापो। मेत्तेय्योति
विघातं ब्रूहि मारिसाति। विघातन्ति विघातं उपघातं पीळनं घट्टनं उपद्दवं उपसग्गं ब्रूहि आचिक्ख देसेहि पञ्ञपेहि पट्ठपेहि विवर विभज उत्तानीकरोहि मारिसाति पियवचनं गरुवचनं सगारववचनं सप्पतिस्सवचनमेतं मारिसाति – विघातं ब्रूहि मारिस।
सुत्वान तव सासनन्ति। तुय्हं वचनं ब्यप्पथं देसनं अनुसासनं अनुसिट्ठिं सुत्वा सुणित्वा उग्गहेत्वा उपधारयित्वा उपलक्खयित्वाति – सुत्वान तव सासनं।
विवेके सिक्खिस्सामसेति। विवेकोति तयो विवेका – कायविवेको, चित्तविवेको, उपधिविवेको। कतमो कायविवेको? इध भिक्खु विवित्तं सेनासनं भजति अरञ्ञं रुक्खमूलं पब्बतं कन्दरं गिरिगुहं सुसानं वनपत्थं अब्भोकासं पलासपुञ्जं
कतमो चित्तविवेको? पठमं झानं समापन्नस्स नीवरणेहि चित्तं विवित्तं होति, दुतियं झानं समापन्नस्स वितक्कविचारेहि चित्तं विवित्तं होति, ततियं झानं समापन्नस्स पीतिया चित्तं विवित्तं होति, चतुत्थं झानं समापन्नस्स सुखदुक्खेहि चित्तं विवित्तं होति, आकासानञ्चायतनं समापन्नस्स रूपसञ्ञाय पटिघसञ्ञाय नानत्तसञ्ञाय चित्तं विवित्तं होति, विञ्ञाणञ्चायतनं
कतमो उपधिविवेको? उपधि वुच्चन्ति किलेसा च खन्धा च अभिसङ्खारा च। उपधिविवेको वुच्चति अमतं निब्बानं। यो सो सब्बसङ्खारसमथो सब्बूपधिपटिनिस्सग्गो तण्हक्खयो विरागो निरोधो निब्बानं – अयं उपधिविवेको। कायविवेको च विवेकट्ठकायानं नेक्खम्माभिरतानं; चित्तविवेको च परिसुद्धचित्तानं परमवोदानपत्तानं; उपधिविवेको च निरूपधीनं पुग्गलानं विसङ्खारगतानं। विवेके सिक्खिस्सामसेति। सो थेरो पकतिया सिक्खितसिक्खो। अपि च धम्मदेसनं उपादाय धम्मदेसनं सावेन्तो
तेनाह थेरो तिस्समेत्तेय्यो –
‘‘मेथुनमनुयुत्तस्स
विघातं ब्रूहि मारिस।
सुत्वान तव सासनं, विवेके सिक्खिस्सामसे’’ति॥
५०.
मेथुनमनुयुत्तस्स [मेत्तेय्याति भगवा]
मुस्सते वापि सासनं।
मिच्छा च पटिपज्जति, एतं तस्मिं अनारियं॥
मेथुनमनुयुत्तस्साति। मेथुनधम्मो नाम यो सो असद्धम्मो गामधम्मो वसलधम्मो दुट्ठुल्लो ओदकन्तिको रहस्सो द्वयंद्वयसमापत्ति। किंकारणा वुच्चति मेथुनधम्मो? उभिन्नं रत्तानं सारत्तानं अवस्सुतानं परियुट्ठितानं परियादिन्नचित्तानं उभिन्नं सदिसानं धम्मोति – तंकारणा वुच्चति मेथुनधम्मो। यथा उभो कलहकारका मेथुनकाति वुच्चन्ति, उभो भण्डनकारका मेथुनकाति वुच्चन्ति, उभो भस्सकारका मेथुनकाति वुच्चन्ति, उभो विवादकारका मेथुनकाति वुच्चन्ति, उभो अधिकरणकारका मेथुनकाति वुच्चन्ति, उभो वादिनो मेथुनकाति वुच्चन्ति, उभो सल्लापका मेथुनकाति वुच्चन्ति; एवमेवं उभिन्नं रत्तानं सारत्तानं अवस्सुतानं
मेथुनमनुयुत्तस्साति। मेथुनधम्मे युत्तस्स पयुत्तस्स आयुत्तस्स समायुत्तस्स तच्चरितस्स तब्बहुलस्स तग्गरुकस्स तन्निन्नस्स तप्पोणस्स तप्पब्भारस्स तदधिमुत्तस्स तदधिपतेय्यस्साति – मेथुनमनुयुत्तस्स।
मेत्तेय्याति भगवा तं थेरं गोत्तेन आलपति। भगवाति गारवाधिवचनं। अपि च भग्गरागोति भगवा, भग्गदोसोति
मुस्सते वापि सासनन्ति। द्वीहि कारणेहि सासनं मुस्सति – परियत्तिसासनम्पि मुस्सति, पटिपत्तिसासनम्पि मुस्सति। कतमं परियत्तिसासनं? यं तस्स परियापुटं – सुत्तं गेय्यं
कतमं पटिपत्तिसासनं? सम्मापटिपदा अनुलोमपटिपदा
मिच्छा च पटिपज्जतीति। पाणम्पि हनति, अदिन्नम्पि आदियति
एतं तस्मिं अनारियन्ति। एतं तस्मिं पुग्गले अनरियधम्मो बालधम्मो मूळ्हधम्मो अञ्ञाणधम्मो अमराविक्खेपधम्मो, यदिदं मिच्छापटिपदाति – एतं तस्मिं अनारियं।
तेनाह भगवा –
‘‘मेथुनमनुयुत्तस्स, [मेत्तेय्याति भगवा]
मुस्सते वापि सासनं।
मिच्छा च पटिपज्जति, एतं तस्मिं अनारिय’’न्ति॥
५१.
एको पुब्बे चरित्वान, मेथुनं यो निसेवति।
यानं भन्तंव तं लोके, हीनमाहु पुथुज्जनं॥
एको पुब्बे चरित्वानाति। द्वीहि कारणेहि एको पुब्बे चरित्वान – पब्बज्जासङ्खातेन वा गणाववस्सग्गट्ठेन वा। कथं पब्बज्जासङ्खातेन एको पुब्बे चरित्वान? सब्बं घरावासपलिबोधं छिन्दित्वा पुत्तदारपलिबोधं छिन्दित्वा ञातिपलिबोधं छिन्दित्वा मित्तामच्चपलिबोधं छिन्दित्वा सन्निधिपलिबोधं छिन्दित्वा केसमस्सुं ओहारेत्वा कासायानि वत्थानि
कथं गणाववस्सग्गट्ठेन एको पुब्बे चरित्वान? सो एवं पब्बजितो समानो एको अरञ्ञवनपत्थानि पन्तानि सेनासनानि पटिसेवति अप्पसद्दानि अप्पनिग्घोसानि विजनवातानि मनुस्सराहस्सेय्यकानि पटिसल्लानसारुप्पानि। सो एको गच्छति, एको तिट्ठति, एको निसीदति, एको सेय्यं कप्पेति, एको गामं पिण्डाय पविसति, एको पटिक्कमति, एको रहो निसीदति, एको चङ्कमं अधिट्ठाति, एको चरति विहरति इरियति वत्तति पालेति यपेति यापेति। एवं गणाववस्सग्गट्ठेन एको पुब्बे चरित्वान।
मेथुनं यो निसेवतीति। मेथुनधम्मो नाम यो सो असद्धम्मो…पे॰… तंकारणा वुच्चति मेथुनधम्मो। मेथुनं यो निसेवतीति
यानं भन्तंव तं लोकेति। यानन्ति हत्थियानं अस्सयानं गोयानं अजयानं मेण्डयानं ओट्ठयानं खरयानं भन्तं अदन्तं अकारितं अविनीतं उप्पथं गण्हाति, विसमं खाणुम्पि पासाणम्पि अभिरुहति, यानम्पि आरोहनकम्पि भञ्जति, पपातेपि पपतति। यथा तं भन्तं लोकेति अपायलोके मनुस्सलोकेति
हीनमाहु पुथुज्जनन्ति। पुथुज्जनाति केनट्ठेन पुथुज्जना? पुथु किलेसे जनेन्तीति पुथुज्जना, पुथु अविहतसक्कायदिट्ठिकाति पुथुज्जना, पुथु सत्थारानं मुखुल्लोकिकाति पुथुज्जना, पुथु सब्बगतीहि अवुट्ठिताति पुथुज्जना हीनमाहु पुथुज्जनन्ति। पुथुज्जनं हीनं निहीनं ओमकं लामकं
तेनाह भगवा –
‘‘एको पुब्बे चरित्वान, मेथुनं यो निसेवति।
यानं भन्तंव तं लोके, हीनमाहु पुथुज्जन’’न्ति॥
५२.
यसो कित्ति च या पुब्बे, हायते वापि तस्स सा।
एतम्पि दिस्वा सिक्खेथ, मेथुनं विप्पहातवे॥
यसो कित्ति च या पुब्बे, हायते वापि तस्स साति। कतमो यसो? इधेकच्चो पुब्बे समणभावे सक्कतो होति गरुकतो
हायते वापि तस्स साति। तस्स अपरेन समयेन बुद्धं धम्मं सङ्घं सिक्खं पच्चक्खाय हीनायावत्तस्स सो च यसो सा च कित्ति हायति परिहायति
एतम्पि दिस्वा सिक्खेथ मेथुनं विप्पहातवेति। एतन्ति पुब्बे समणभावे यसो कित्ति च, अपरभागे बुद्धं धम्मं सङ्घं सिक्खं पच्चक्खाय हीनायावत्तस्स अयसो च अकित्ति च; एतं सम्पत्तिं दिस्वाति पस्सित्वा तुलयित्वा तीरयित्वा विभावयित्वा विभूतं कत्वाति – एतम्पि दिस्वा। सिक्खेथाति तिस्सो सिक्खा – अधिसीलसिक्खा, अधिचित्तसिक्खा, अधिपञ्ञासिक्खा। कतमा अधिसीलसिक्खा? इध भिक्खु सीलवा होति, पातिमोक्खसंवरसंवुतो विहरति आचारगोचरसम्पन्नो अणुमत्तेसु वज्जेसु भयदस्सावी, समादाय सिक्खति सिक्खापदेसु। खुद्दको सीलक्खन्धो, महन्तो सीलक्खन्धो। सीलं पतिट्ठा आदि चरणं संयमो संवरो मुखं पमुखं कुसलानं धम्मानं समापत्तिया – अयं अधिसीलसिक्खा।
कतमा अधिचित्तसिक्खा? इध भिक्खु विविच्चेव कामेहि विविच्च अकुसलेहि धम्मेहि सवितक्कं सविचारं विवेकजं पीतिसुखं पठमं झानं उपसम्पज्ज विहरति…पे॰… दुतियं झानं… ततियं झानं… चतुत्थं झानं उपसम्पज्ज विहरति – अयं अधिचित्तसिक्खा।
कतमा अधिपञ्ञासिक्खा? इध भिक्खु पञ्ञवा होति उदयत्थगामिनिया पञ्ञाय समन्नागतो अरियाय निब्बेधिकाय सम्मा दुक्खक्खयगामिनिया। सो इदं दुक्खन्ति यथाभूतं पजानाति, अयं दुक्खसमुदयोति यथाभूतं पजानाति, अयं दुक्खनिरोधोति यथाभूतं पजानाति, अयं दुक्खनिरोधगामिनी पटिपदाति यथाभूतं पजानाति, इमे आसवाति यथाभूतं पजानाति, अयं आसवसमुदयोति यथाभूतं पजानाति, अयं आसवनिरोधोति यथाभूतं पजानाति मेथुनधम्मो
एतम्पि दिस्वा सिक्खेथ, मेथुनं विप्पहातवेति। मेथुनधम्मस्स पहानाय वूपसमाय पटिनिस्सग्गाय पटिपस्सद्धिया अधिसीलम्पि सिक्खेय्य, अधिचित्तम्पि सिक्खेय्य, अधिपञ्ञम्पि सिक्खेय्य। इमा तिस्सो सिक्खायो आवज्जन्तो सिक्खेय्य, जानन्तो सिक्खेय्य, पस्सन्तो सिक्खेय्य, पच्चवेक्खन्तो सिक्खेय्य, चित्तं अधिट्ठहन्तो सिक्खेय्य, सद्धाय अधिमुच्चन्तो सिक्खेय्य, वीरियं पग्गण्हन्तो सिक्खेय्य, सतिं उपट्ठपेन्तो सिक्खेय्य, चित्तं समादहन्तो सिक्खेय्य, पञ्ञाय पजानन्तो सिक्खेय्य, अभिञ्ञेय्यं अभिजानन्तो सिक्खेय्य, परिञ्ञेय्यं परिजानन्तो सिक्खेय्य, पहातब्बं पजहन्तो सिक्खेय्य, भावेतब्बं भावेन्तो सिक्खेय्य, सच्छिकातब्बं सच्छिकरोन्तो सिक्खेय्य आचरेय्य समाचरेय्य समादाय वत्तेय्याति – एतम्पि दिस्वा सिक्खेथ, मेथुनं विप्पहातवे।
तेनाह भगवा –
‘‘यसो कित्ति च या पुब्बे, हायते वापि तस्स सा।
एतम्पि दिस्वा सिक्खेथ, मेथुनं विप्पहातवे’’ति॥
५३.
सङ्कप्पेहि परेतो सो, कपणो विय झायति।
सुत्वा परेसं निग्घोसं, मङ्कु होति तथाविधो॥
सङ्कप्पेहि परेतो सो, कपणो विय झायतीति। कामसङ्कप्पेन ब्यापादसङ्कप्पेन विहिंसासङ्कप्पेन दिट्ठिसङ्कप्पेन फुट्ठो परेतो समोहितो समन्नागतो पिहितो कपणो विय मन्दो विय मोमूहो विय झायति पज्झायति निज्झायति अपज्झायति
सुत्वा परेसं निग्घोसं, मङ्कु होति तथाविधोति। परेसन्ति उपज्झाया वा आचरिया वा समानुपज्झायका वा समानाचरियका वा मित्ता वा सन्दिट्ठा वा सम्भत्ता वा सहाया वा चोदेन्ति – ‘‘तस्स ते, आवुसो, अलाभा, तस्स ते दुल्लद्धं, यं त्वं एवरूपं उळारं सत्थारं लभित्वा एवं स्वाक्खाते धम्मविनये पब्बजित्वा एवरूपं अरियगणं लभित्वा हीनस्स मेथुनधम्मस्स कारणा बुद्धं तथाविधोति
तेनाह भगवा –
‘‘सङ्कप्पेहि परेतो सो, कपणो विय झायति।
सुत्वा परेसं निग्घोसं, मङ्कु होति तथाविधो’’ति॥
५४.
अथ सत्थानि कुरुते, परवादेहि चोदितो।
एस ख्वस्स महागेधो, मोसवज्जं पगाहति ॥
अथ सत्थानि कुरुते, परवादेहि चोदितोति। अथाति पदसन्धि पदसंसग्गो पदपारिपूरी अक्खरसमवायो ब्यञ्जनसिलिट्ठता पदानुपुब्बतापेतं – अथाति। सत्थानीति तीणि सत्थानि – कायसत्थं, वचीसत्थं, मनोसत्थं। तिविधं कायदुच्चरितं कायसत्थं, चतुब्बिधं वचीदुच्चरितं वचीसत्थं, तिविधं मनोदुच्चरितं मनोसत्थं। परवादेहि चोदितोति। उपज्झायेहि वा आचरियेहि वा समानुपज्झायकेहि वा समानाचरियकेहि
एस ख्वस्स महागेधोति। एसो तस्स महागेधो
मोसवज्जं पगाहतीति। मोसवज्जं वुच्चति मुसावादो। इधेकच्चो सभग्गतो वा परिसग्गतो वा ञातिमज्झगतो वा पूगमज्झगतो वा राजकुलमज्झगतो वा अभिनीतो सक्खिपुट्ठो – ‘‘एहम्भो पुरिस, यं जानासि तं वदेही’’ति, सो अजानं वा आह – ‘‘जानामी’’ति, ‘‘जानं’’ वा आह – ‘‘न जानामी’’ति, अपस्सं वा आह – ‘‘पस्सामी’’ति, पस्सं वा आह – ‘‘न पस्सामी’’ति। इति अत्तहेतु वा परहेतु
अपि च तीहाकारेहि मुसावादो होति। पुब्बेवस्स होति – ‘‘मुसा भणिस्स’’न्ति, भणन्तस्स होति – ‘‘मुसा भणामी’’ति, भणितस्स होति – ‘‘मुसा मया भणित’’न्ति। इमेहि तीहाकारेहि मुसावादो होति। अपि च चतूहाकारेहि मुसावादो होति। पुब्बेवस्स होति – ‘‘मुसा भणिस्स’’न्ति, भणन्तस्स होति – ‘‘मुसा भणामी’’ति, भणितस्स होति – ‘‘मुसा मया भणित’’न्ति, विनिधाय दिट्ठिं। इमेहि चतूहाकारेहि मुसावादो होति। अपि च पञ्चहाकारेहि… छहाकारेहि… सत्तहाकारेहि… अट्ठहाकारेहि मुसावादो होति। पुब्बेवस्स होति – ‘‘मुसा भणिस्स’’न्ति, भणन्तस्स होति – ‘‘मुसा भणामी’’ति, भणितस्स होति – ‘‘मुसा मया भणित’’न्ति, विनिधाय दिट्ठिं, विनिधाय खन्तिं, विनिधाय रुचिं, विनिधाय सञ्ञं, विनिधाय भावं। इमेहि अट्ठहाकारेहि मुसावादो होति। मोसवज्जं पगाहतीति। मोसवज्जं
तेनाह
‘‘अथ
एस ख्वस्स महागेधो, मोसवज्जं पगाहती’’ति॥
५५.
पण्डितोति समञ्ञातो, एकच्चरियं अधिट्ठितो।
स चापि मेथुने युत्तो, मन्दोव परिकिस्सति॥
पण्डितोति समञ्ञातोति। इधेकच्चो पुब्बे समणभावे कित्ति वण्णगतो होति – ‘‘पण्डितो वियत्तो मेधावी बहुस्सुतो चित्तकथी कल्याणपटिभानो सुत्तन्तिकोति वा विनयधरोति वा धम्मकथिकोति वा…पे॰… नेवसञ्ञानासञ्ञायतनसमापत्तिया लाभी’’ति वा
एकच्चरियं अधिट्ठितोति। द्वीहि कारणेहि एकच्चरियं अधिट्ठितो – पब्बज्जासङ्खातेन वा गणाववस्सग्गट्ठेन वा। कथं पब्बज्जासङ्खातेन एकच्चरियं अधिट्ठितो? सब्बं घरावासपलिबोधं छिन्दित्वा…पे॰… एवं पब्बज्जासङ्खातेन एकच्चरियं अधिट्ठितो। कथं गणाववस्सग्गट्ठेन एकच्चरियं अधिट्ठितो? सो एवं पब्बजितो समानो एको अरञ्ञवनपत्थानि पन्तानि…पे॰… एवं गणाववस्सग्गट्ठेन एकच्चरियं अधिट्ठितोति – एकच्चरियं अधिट्ठितो।
स चापि मेथुने युत्तोति। मेथुनधम्मो नाम यो सो असद्धम्मो गामधम्मो…पे॰… तंकारणा वुच्चति मेथुनधम्मो। स चापि मेथुने युत्तोति। सो अपरेन समयेन बुद्धं धम्मं सङ्घं सिक्खं पच्चक्खाय हीनायावत्तित्वा मेथुनधम्मे युत्तो
मन्दोव परिकिस्सतीति। कपणो विय मन्दो विय मोमूहो विय किस्सति
अथ वा कामतण्हाय अभिभूतो परियादिन्नचित्तो भोगे परियेसन्तो नावाय महासमुद्दं पक्खन्दति, सीतस्स पुरक्खतो उण्हस्स पुरक्खतो डंसमकसवातातपसरीसपसम्फस्सेहि पीळियमानो खुप्पिपासाय मिय्यमानो तिगुम्बं गच्छति, तक्कोलं गच्छति, तक्कसीलं गच्छति, कालमुखं गच्छति, पुरपूरं गच्छति, वेसुङ्गं गच्छति, वेरापथं गच्छति, जवं गच्छति, तामलिं
गवेसन्तो न विन्दति, अलाभमूलकम्पि दुक्खं दोमनस्सं पटिसंवेदेति। एवम्पि किस्सति परिकिस्सति परिकिलिस्सति।
गवेसन्तो विन्दति, लद्धापि आरक्खमूलकम्पि दुक्खं दोमनस्सं पटिसंवेदेति – ‘‘किन्ति मे भोगे नेव राजानो हरेय्युं, न चोरा हरेय्युं, न अग्गी दहेय्युं, न उदकं वहेय्य, न अपिया दायादा हरेय्यु’’न्ति। तस्स एवं आरक्खतो गोपयतो ते भोगा विप्पलुज्जन्ति। सो विप्पयोगमूलकम्पि
तेनाह
‘‘पण्डितोति समञ्ञातो, एकच्चरियं अधिट्ठितो।
स चापि मेथुने युत्तो, मन्दोव परिकिस्सती’’ति॥
५६.
एतमादीनवं ञत्वा, मुनिं पुब्बापरे इध।
एकच्चरियं दळ्हं कयिरा, न निसेवेथ मेथुनं॥
एतमादीनवं ञत्वा, मुनि पुब्बापरे इधाति। एतन्ति पुब्बे समणभावे यसो च कित्ति च, अपरभागे बुद्धं धम्मं सङ्घं ञत्वाति जानित्वा तुलयित्वा तीरयित्वा विभावयित्वा विभूतं कत्वा। मुनीति। मोनं वुच्चति ञाणं। या पञ्ञा पजानना…पे॰… सङ्गजालमतिच्च सो मुनि। इधाति इमिस्सा दिट्ठिया इमिस्सा खन्तिया इमिस्सा रुचिया इमस्मिं आदाये इमस्मिं धम्मे इमस्मिं विनये इमस्मिं धम्मविनये इमस्मिं पावचने इमस्मिं ब्रह्मचरिये इमस्मिं सत्थुसासने इमस्मिं अत्तभावे इमस्मिं मनुस्सलोकेति – एतमादीनवं ञत्वा मुनि पुब्बापरे इध।
एकच्चरियं दळ्हं कयिराति। द्वीहि कारणेहि एकच्चरियं दळहं करेय्य – पब्बज्जासङ्खातेन वा गणाववस्सग्गट्ठेन वा। कथं पब्बज्जासङ्खातेन एकच्चरियं दळ्हं करेय्य? सब्बं घरावासपलिबोधं छिन्दित्वा पुत्तदारपलिबोधं छिन्दित्वा ञातिपलिबोधं छिन्दित्वा मित्तामच्चपलिबोधं छिन्दित्वा सन्निधिपलिबोधं छिन्दित्वा केसमस्सुं ओहारेत्वा कासायानि वत्थानि अच्छादेत्वा अगारस्मा अनगारियं पब्बजित्वा अकिञ्चनभावं उपगन्त्वा एको चरेय्य विहरेय्य इरियेय्य वत्तेय्य पालेय्य
कथं गणाववस्सग्गट्ठेन एकच्चरियं दळ्हं करेय्य? सो एवं पब्बजितो समानो एको अरञ्ञवनपत्थानि पन्तानि सेनासनानि पटिसेवेय्य अप्पसद्दानि अप्पनिग्घोसानि विजनवातानि मनुस्सराहस्सेय्यकानि
न निसेवेथ मेथुनन्ति। मेथुनधम्मो नाम यो सो असद्धम्मो गामधम्मो…पे॰… तंकारणा वुच्चति मेथुनधम्मो। मेथुनधम्मं न सेवेय्य न निसेवेय्य न संसेवेय्य न पटिसेवेय्य न चरेय्य न समाचरेय्य न समादाय वत्तेय्याति – न निसेवेथ मेथुनं।
तेनाह भगवा –
‘‘एतमादीनवं ञत्वा, मुनि पुब्बापरे इध।
एकच्चरियं दळ्हं कयिरा, न निसेवेथ मेथुन’’न्ति॥
५७.
विवेकञ्ञेव सिक्खेथ, एतं अरियानमुत्तमं।
न तेन सेट्ठो मञ्ञेथ, स वे निब्बानसन्तिके॥
विवेकञ्ञेव सिक्खेथाति। विवेकोति तयो विवेका – कायविवेको, चित्तविवेको, उपधिविवेको। कतमो सिक्खाति तिस्सो सिक्खा – अधिसीलसिक्खा, अधिचित्तसिक्खा, अधिपञ्ञासिक्खा…पे॰… अयं अधिपञ्ञासिक्खा। विवेकञ्ञेव सिक्खेथाति विवेकञ्ञेव सिक्खेय्य आचरेय्य समाचरेय्य समादाय वत्तेय्याति – विवेकञ्ञेव सिक्खेथ।
एतं अरियानमुत्तमन्ति। अरिया वुच्चन्ति बुद्धा च बुद्धसावका च पच्चेकबुद्धा च। अरियानं एतं अग्गं सेट्ठं विसिट्ठं पामोक्खं उत्तमं पवरं यदिदं विवेकचरियाति – एतं अरियानमुत्तमं।
न तेन सेट्ठो मञ्ञेथाति। कायविवेकचरियाय उन्नतिं न करेय्य, उन्नमं न करेय्य, मानं न करेय्य, थामं न करेय्य, थम्भं न करेय्य, न तेन मानं जनेय्य, न तेन थद्धो अस्स पत्थद्धो पग्गहितसिरोति – तेन सेट्ठो न मञ्ञेथ।
स वे निब्बानसन्तिकेति। सो निब्बानस्स सन्तिके सामन्ता आसन्ने अविदूरे उपकट्ठेति – स वे निब्बानसन्तिके।
तेनाह भगवा –
‘‘विवेकञ्ञेव सिक्खेथ, एतं अरियानमुत्तमं।
न तेन सेट्ठो मञ्ञेथ, स वे निब्बानसन्तिके’’ति॥
५८.
रित्तस्स मुनिनो चरतो, कामेसु अनपेक्खिनो।
ओघतिण्णस्स पिहयन्ति, कामेसु गधिता पजा॥
रित्तस्स मुनिनो चरतोति। रित्तस्स विवित्तस्स मुनिनोति। मोनं वुच्चति ञाणं…पे॰… सङ्गजालमतिच्च सो मुनि। चरतोति चरतो विहरतो इरियतो वत्ततो पालयतो यपयतो यापयतोति – रित्तस्स मुनिनो चरतो।
कामेसु अनपेक्खिनोति। कामाति उद्दानतो द्वे कामा – वत्थुकामा च किलेसकामा च…पे॰… इमे वुच्चन्ति वत्थुकामा…पे॰… इमे वुच्चन्ति किलेसकामा। वत्थुकामे परिजानित्वा किलेसकामे पहाय पजहित्वा विनोदेत्वा ब्यन्तिं करित्वा अनभावं गमेत्वा कामेसु अनपेक्खमानो चत्तकामो वन्तकामो मुत्तकामो पहीनकामो पटिनिस्सट्ठकामो, वीतरागो चत्तरागो वन्तरागो मुत्तरागो पहीनरागो पटिनिस्सट्ठरागो निच्छातो निब्बुतो सीतिभूतो
ओघतिण्णस्स पिहयन्ति, कामेसु गधिता पजाति। पजाति सत्ताधिवचनं
तेनाह भगवा –
‘‘रित्तस्स
ओघतिण्णस्स पिहयन्ति, कामेसु गधिता पजा’’ति॥
तिस्समेत्तेय्यसुत्तनिद्देसो सत्तमो।