चूळसङ्गामो
१. अनुविज्जकस्सपटिपत्ति
३६५.
सङ्घेन अनुमतेन पुग्गलेन अनुविज्जकेन अनुविज्जितुकामेन न उपज्झायो पुच्छितब्बो, न आचरियो पुच्छितब्बो, न सद्धिविहारिको पुच्छितब्बो, न अन्तेवासिको पुच्छितब्बो, न समानुपज्झायको पुच्छितब्बो, न समानाचरियको पुच्छितब्बो, न जाति पुच्छितब्बा, न नामं पुच्छितब्बं, न गोत्तं पुच्छितब्बं, न आगमो पुच्छितब्बो, न कुलपदेसो पुच्छितब्बो, न जातिभूमि पुच्छितब्बा। तं किं कारणा? अत्रस्स पेमं वा दोसो वा। पेमे वा सति दोसे वा, छन्दापि गच्छेय्य दोसापि गच्छेय्य मोहापि गच्छेय्य भयापि गच्छेय्य।
सङ्घेन अनुमतेन पुग्गलेन अनुविज्जकेन अनुविज्जितुकामेन सङ्घगरुकेन भवितब्बं नो पुग्गलगरुकेन, सद्धम्मगरुकेन भवितब्बं नो आमिसगरुकेन, अत्थवसिकेन भवितब्बं नो परिसकप्पिकेन, कालेन अनुविज्जितब्बं नो अकालेन, भूतेन अनुविज्जितब्बं
आसनकुसलेन भवितब्बं निसज्जकुसलेन, युगमत्तं पेक्खन्तेन अत्थं अनुविधियन्तेन सके आसने निसीदितब्बं, न च आसना वुट्ठातब्बं
३६६. सुत्तं संसन्दनत्थाय, ओपम्मं निदस्सनत्थाय, अत्थो विञ्ञापनत्थाय, पटिपुच्छा ठपनत्थाय, ओकासकम्मं चोदनत्थाय, चोदना सारणत्थाय, सारणा सवचनीयत्थाय, सवचनीयं पलिबोधत्थाय, पलिबोधो विनिच्छयत्थाय, विनिच्छयो सन्तीरणत्थाय, सन्तीरणं ठानाठानगमनत्थाय, ठानाठानगमनं दुम्मङ्कूनं पुग्गलानं निग्गहत्थाय, पेसलानं भिक्खूनं सम्पग्गहत्थाय, सङ्घो सम्परिग्गहसम्पटिच्छनत्थाय, सङ्घेन अनुमता पुग्गला पच्चेकट्ठायिनो अविसंवादकट्ठायिनो।
विनयो संवरत्थाय, संवरो अविप्पटिसारत्थाय, अविप्पटिसारो पामुज्जत्थाय, पामुज्जं पीतत्थाय, पीति पस्सद्धत्थाय, पस्सद्धि सुखत्थाय, सुखं समाधत्थाय, समाधि यथाभूतञाणदस्सनत्थाय, यथाभूतञाणदस्सनं निब्बिदत्थाय, निब्बिदा विरागत्थाय, विरागो विमुत्तत्थाय, विमुत्ति विमुत्तिञाणदस्सनत्थाय, विमुत्तिञाणदस्सनं अनुपादापरिनिब्बानत्थाय। एतदत्था
३६७.
अनुयोगवत्तं निसामय, कुसलेन बुद्धिमता कतं।
सुवुत्तं सिक्खापदानुलोमिकं, गतिं न नासेन्तो सम्परायिकं॥
वत्थुं
पुब्बापरं न जानाति, कताकतं समेन च॥
कम्मञ्च अधिकरणञ्च, समथे चापि अकोविदो।
रत्तो दुट्ठो च मूळ्हो च, भया मोहा च गच्छति॥
न च सञ्ञत्तिकुसलो, निज्झत्तिया च अकोविदो।
लद्धपक्खो अहिरिको, कण्हकम्मो अनादरो।
स वे
वत्थुं विपत्तिं आपत्तिं, निदानं आकारकोविदो।
पुब्बापरञ्च जानाति, कताकतं समेन च॥
कम्मञ्च अधिकरणञ्च, समथे चापि कोविदो।
अरत्तो अदुट्ठो अमूळ्हो, भया मोहा न गच्छति॥
सञ्ञत्तिया च कुसलो, निज्झत्तिया च कोविदो।
लद्धपक्खो हिरिमनो, सुक्ककम्मो सगारवो।
स वे तादिसको भिक्खु, सप्पटिक्खोति वुच्चतीति॥
चूळसङ्गामो निट्ठितो।
तस्सुद्दानं –
नीचचित्तेन
सुत्तं संसन्दनत्थाय, विनयानुग्गहेन च।
उद्दानं चूळसङ्गामे, एकुद्देसो