॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥

ಅಭಿಧಮ್ಮಪಿಟಕೇ

ಪಟ್ಠಾನಪಾಳಿ

(ಚತುತ್ಥೋ ಭಾಗೋ)

ಧಮ್ಮಾನುಲೋಮೇ ದುಕಪಟ್ಠಾನಂ

೧೨. ಕಿಲೇಸಗೋಚ್ಛಕಂ

೭೫. ಕಿಲೇಸದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ಕಿಲೇಸಂ ಧಮ್ಮಂ ಪಟಿಚ್ಚ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಲೋಭಂ ಪಟಿಚ್ಚ ಮೋಹೋ ದಿಟ್ಠಿ ಥಿನಂ ಥೀನಂ (ಸೀ॰ ಸ್ಯಾ॰) ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ, ಲೋಭಂ ಪಟಿಚ್ಚ ಮೋಹೋ ದಿಟ್ಠಿ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ, ಲೋಭಂ ಪಟಿಚ್ಚ ಮೋಹೋ ಮಾನೋ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ , ಲೋಭಂ ಪಟಿಚ್ಚ ಮೋಹೋ ಮಾನೋ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ, ಲೋಭಂ ಪಟಿಚ್ಚ ಮೋಹೋ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ, ಲೋಭಂ ಪಟಿಚ್ಚ ಮೋಹೋ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ; ದೋಸಂ ಪಟಿಚ್ಚ ಮೋಹೋ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ, ದೋಸಂ ಪಟಿಚ್ಚ ಮೋಹೋ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ ; ವಿಚಿಕಿಚ್ಛಂ ಪಟಿಚ್ಚ ಮೋಹೋ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ; ಉದ್ಧಚ್ಚಂ ಪಟಿಚ್ಚ ಮೋಹೋ ಅಹಿರಿಕಂ ಅನೋತ್ತಪ್ಪಂ। (೧)

ಕಿಲೇಸಂ ಧಮ್ಮಂ ಪಟಿಚ್ಚ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಿಲೇಸಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ। (೨)

ಕಿಲೇಸಂ ಧಮ್ಮಂ ಪಟಿಚ್ಚ ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಲೋಭಂ ಪಟಿಚ್ಚ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ ಸಮ್ಪಯುತ್ತಕಾ ಚ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ (ಚಕ್ಕಂ)। (೩)

೨. ನೋಕಿಲೇಸಂ ಧಮ್ಮಂ ಪಟಿಚ್ಚ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಕಿಲೇಸಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰…। (೧)

ನೋಕಿಲೇಸಂ ಧಮ್ಮಂ ಪಟಿಚ್ಚ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಕಿಲೇಸೇ ಖನ್ಧೇ ಪಟಿಚ್ಚ ಕಿಲೇಸಾ। (೨)

ನೋಕಿಲೇಸಂ ಧಮ್ಮಂ ಪಟಿಚ್ಚ ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಕಿಲೇಸಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಿಲೇಸಾ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

೩. ಕಿಲೇಸಞ್ಚ ನೋಕಿಲೇಸಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಲೋಭಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ (ಚಕ್ಕಂ)। (೧)

ಕಿಲೇಸಞ್ಚ ನೋಕಿಲೇಸಞ್ಚ ಧಮ್ಮಂ ಪಟಿಚ್ಚ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಕಿಲೇಸಂ ಏಕಂ ಖನ್ಧಞ್ಚ ಕಿಲೇಸೇ ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰… ಕಿಲೇಸೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ಕಿಲೇಸಞ್ಚ ನೋಕಿಲೇಸಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಕಿಲೇಸಂ ಏಕಂ ಖನ್ಧಞ್ಚ ಲೋಭಞ್ಚ ಪಟಿಚ್ಚ ತಯೋ ಖನ್ಧಾ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰… (ಚಕ್ಕಂ, ಸಂಖಿತ್ತಂ)। (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೪. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ (ಸಬ್ಬತ್ಥ ನವ), ವಿಪಾಕೇ ಏಕಂ…ಪೇ॰… ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೫. ಕಿಲೇಸಂ ಧಮ್ಮಂ ಪಟಿಚ್ಚ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಂ ಪಟಿಚ್ಚ ಮೋಹೋ, ಉದ್ಧಚ್ಚಂ ಪಟಿಚ್ಚ ಮೋಹೋ। (೧)

ನೋಕಿಲೇಸಂ ಧಮ್ಮಂ ಪಟಿಚ್ಚ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೋಕಿಲೇಸಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ)। (೧)

ನೋಕಿಲೇಸಂ ಧಮ್ಮಂ ಪಟಿಚ್ಚ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೨)

ಕಿಲೇಸಞ್ಚ ನೋಕಿಲೇಸಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ವಿಚಿಕಿಚ್ಛಞ್ಚ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ, ಉದ್ಧಚ್ಚಸಹಗತೇ ಖನ್ಧೇ ಚ ಉದ್ಧಚ್ಚಞ್ಚ ಪಟಿಚ್ಚ ಉದ್ಧಚ್ಚಸಹಗತೋ ಮೋಹೋ। (೧)

ನಆರಮ್ಮಣಪಚ್ಚಯಾದಿ

೬. ಕಿಲೇಸಂ ಧಮ್ಮಂ ಪಟಿಚ್ಚ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಕಿಲೇಸೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

ನೋಕಿಲೇಸಂ ಧಮ್ಮಂ ಪಟಿಚ್ಚ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನೋಕಿಲೇಸೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು (ಯಾವ ಅಸಞ್ಞಸತ್ತಾ)। (೧)

ಕಿಲೇಸಞ್ಚ ನೋಕಿಲೇಸಞ್ಚ ಧಮ್ಮಂ ಪಟಿಚ್ಚ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಕಿಲೇಸೇ ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಕಿಲೇಸೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

ನಅಧಿಪತಿಪಚ್ಚಯಾ… ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ।

ನಪುರೇಜಾತಪಚ್ಚಯಾದಿ

೭. ಕಿಲೇಸಂ ಧಮ್ಮಂ ಪಟಿಚ್ಚ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಲೋಭಂ ಪಟಿಚ್ಚ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ, ಲೋಭಂ ಪಟಿಚ್ಚ ಮೋಹೋ ದಿಟ್ಠಿ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ, ಲೋಭಂ ಪಟಿಚ್ಚ ಮೋಹೋ ಮಾನೋ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ, ಲೋಭಂ ಪಟಿಚ್ಚ ಮೋಹೋ ಮಾನೋ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ, ಲೋಭಂ ಪಟಿಚ್ಚ ಮೋಹೋ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ, ಲೋಭಂ ಪಟಿಚ್ಚ ಮೋಹೋ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ; ವಿಚಿಕಿಚ್ಛಂ ಪಟಿಚ್ಚ ಮೋಹೋ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ; ಉದ್ಧಚ್ಚಂ ಪಟಿಚ್ಚ ಮೋಹೋ ಅಹಿರಿಕಂ ಅನೋತ್ತಪ್ಪಂ (ಅರೂಪೇ ದೋಸಮೂಲಕಂ ನತ್ಥಿ)। (೧)

ಕಿಲೇಸಂ ಧಮ್ಮಂ ಪಟಿಚ್ಚ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಕಿಲೇಸೇ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ, ಕಿಲೇಸೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ (ಏವಂ ನವಪಿ ಪಞ್ಹಾ ಕಾತಬ್ಬಾ), ನಪಚ್ಛಾಜಾತಪಚ್ಚಯಾ, ನಆಸೇವನಪಚ್ಚಯಾ।

ನಕಮ್ಮಪಚ್ಚಯೋ

೮. ಕಿಲೇಸಂ ಧಮ್ಮಂ ಪಟಿಚ್ಚ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಕಿಲೇಸೇ ಪಟಿಚ್ಚ ಸಮ್ಪಯುತ್ತಕಾ ಚೇತನಾ। (೧)

ನೋಕಿಲೇಸಂ ಧಮ್ಮಂ ಪಟಿಚ್ಚ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನೋಕಿಲೇಸೇ ಖನ್ಧೇ ಪಟಿಚ್ಚ ಸಮ್ಪಯುತ್ತಕಾ ಚೇತನಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…ಪೇ॰…। (೧)

ಕಿಲೇಸಞ್ಚ ನೋಕಿಲೇಸಞ್ಚ ಧಮ್ಮಂ ಪಟಿಚ್ಚ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಕಿಲೇಸೇ ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಸಮ್ಪಯುತ್ತಕಾ ಚೇತನಾ। (೧) (ಏವಂ ಸಬ್ಬೇ ಪಚ್ಚಯಾ ಕಾತಬ್ಬಾ।)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೯. ನಹೇತುಯಾ ಚತ್ತಾರಿ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ನವ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೨. ಸಹಜಾತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಹಜಾತವಾರೋಪಿ ಕಾತಬ್ಬೋ।)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೦. ಕಿಲೇಸಂ ಧಮ್ಮಂ ಪಚ್ಚಯಾ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚಸದಿಸಾ)।

ನೋಕಿಲೇಸಂ ಧಮ್ಮಂ ಪಚ್ಚಯಾ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಕಿಲೇಸಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ) ವತ್ಥುಂ ಪಚ್ಚಯಾ ನೋಕಿಲೇಸಾ ಖನ್ಧಾ। (೧)

ನೋಕಿಲೇಸಂ ಧಮ್ಮಂ ಪಚ್ಚಯಾ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಕಿಲೇಸೇ ಖನ್ಧೇ ಪಚ್ಚಯಾ ಕಿಲೇಸಾ, ವತ್ಥುಂ ಪಚ್ಚಯಾ ಕಿಲೇಸಾ। (೨)

ನೋಕಿಲೇಸಂ ಧಮ್ಮಂ ಪಚ್ಚಯಾ ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಕಿಲೇಸಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಕಿಲೇಸಾ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ವತ್ಥುಂ ಪಚ್ಚಯಾ ಕಿಲೇಸಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವತ್ಥುಂ ಪಚ್ಚಯಾ ಕಿಲೇಸಾ ಚ ಸಮ್ಪಯುತ್ತಕಾ ಚ ಖನ್ಧಾ। (೩)

೧೧. ಕಿಲೇಸಞ್ಚ ನೋಕಿಲೇಸಞ್ಚ ಧಮ್ಮಂ ಪಚ್ಚಯಾ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಲೋಭಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಚ್ಚಯಾ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ (ಚಕ್ಕಂ)। ಲೋಭಞ್ಚ ವತ್ಥುಞ್ಚ ಪಚ್ಚಯಾ ಕಿಲೇಸಾ। (೧)

ಕಿಲೇಸಞ್ಚ ನೋಕಿಲೇಸಞ್ಚ ಧಮ್ಮಂ ಪಚ್ಚಯಾ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಕಿಲೇಸಂ ಏಕಂ ಖನ್ಧಞ್ಚ ಕಿಲೇಸಞ್ಚ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰… ಕಿಲೇಸೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಕಿಲೇಸೇ ಚ ವತ್ಥುಞ್ಚ ಪಚ್ಚಯಾ ನೋಕಿಲೇಸಾ ಖನ್ಧಾ। (೨)

ಕಿಲೇಸಞ್ಚ ನೋಕಿಲೇಸಞ್ಚ ಧಮ್ಮಂ ಪಚ್ಚಯಾ ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಕಿಲೇಸಂ ಏಕಂ ಖನ್ಧಞ್ಚ ಲೋಭಞ್ಚ ಪಚ್ಚಯಾ ತಯೋ ಖನ್ಧಾ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰… (ಚಕ್ಕಂ)। ಲೋಭಞ್ಚ ವತ್ಥುಞ್ಚ ಪಚ್ಚಯಾ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ ಸಮ್ಪಯುತ್ತಕಾ ಚ ಖನ್ಧಾ (ಚಕ್ಕಂ)। (೩)

(ಆರಮ್ಮಣಪಚ್ಚಯೇ ನೋಕಿಲೇಸಮೂಲೇ ಪಞ್ಚ ವಿಞ್ಞಾಣಾ ಕಾತಬ್ಬಾ।)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೧೨. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ (ಸಬ್ಬತ್ಥ ನವ), ವಿಪಾಕೇ ಏಕಂ…ಪೇ॰… ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೧೩. ಕಿಲೇಸಂ ಧಮ್ಮಂ ಪಚ್ಚಯಾ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಂ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ, ಉದ್ಧಚ್ಚಂ ಪಚ್ಚಯಾ ಉದ್ಧಚ್ಚಸಹಗತೋ ಮೋಹೋ। (೧)

ನೋಕಿಲೇಸಂ ಧಮ್ಮಂ ಪಚ್ಚಯಾ ನೋಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ (ಯಾವ ಅಸಞ್ಞಸತ್ತಾ) – ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ…ಪೇ॰… ವತ್ಥುಂ ಪಚ್ಚಯಾ ಅಹೇತುಕಾ ನೋಕಿಲೇಸಾ ಖನ್ಧಾ। (೧)

ನೋಕಿಲೇಸಂ ಧಮ್ಮಂ ಪಚ್ಚಯಾ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೨)

ಕಿಲೇಸಞ್ಚ ನೋಕಿಲೇಸಞ್ಚ ಧಮ್ಮಂ ಪಚ್ಚಯಾ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಞ್ಚ ಸಮ್ಪಯುತ್ತಕೇ ಚ ಖನ್ಧೇ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ, ಉದ್ಧಚ್ಚಞ್ಚ ಸಮ್ಪಯುತ್ತಕೇ ಚ ಖನ್ಧೇ ವತ್ಥುಞ್ಚ ಪಚ್ಚಯಾ ಉದ್ಧಚ್ಚಸಹಗತೋ ಮೋಹೋ (ಸಂಖಿತ್ತಂ)। (೧)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೧೪. ನಹೇತುಯಾ ಚತ್ತಾರಿ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ…ಪೇ॰… ನಕಮ್ಮೇ ತೀಣಿ, ನವಿಪಾಕೇ ನವ, ನಆಹಾರೇ ಏಕಂ…ಪೇ॰… ನೋವಿಗತೇ ತೀಣಿ।

೪. ನಿಸ್ಸಯವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

೧೫. ಕಿಲೇಸಂ ಧಮ್ಮಂ ಸಂಸಟ್ಠೋ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಲೋಭಂ ಸಂಸಟ್ಠೋ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ। (ಚಕ್ಕಂ। ಏವಂ ನವ ಪಞ್ಹಾ ಕಾತಬ್ಬಾ।)

ಹೇತುಯಾ ನವ, ಆರಮ್ಮಣೇ ನವ (ಸಬ್ಬತ್ಥ ನವ), ವಿಪಾಕೇ ಏಕಂ…ಪೇ॰… ಅವಿಗತೇ ನವ।

ಅನುಲೋಮಂ।

ಕಿಲೇಸಂ ಧಮ್ಮಂ ಸಂಸಟ್ಠೋ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ (ಏವಂ ನಹೇತುಪಞ್ಹಾ ಚತ್ತಾರಿ ಕಾತಬ್ಬಾ।)

ನಹೇತುಯಾ ಚತ್ತಾರಿ, ನಅಧಿಪತಿಯಾ ನವ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ನವ।

ಪಚ್ಚನೀಯಂ।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೬. ಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಕಿಲೇಸಾ ಹೇತೂ ಸಮ್ಪಯುತ್ತಕಾನಂ ಕಿಲೇಸಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಪುಚ್ಛಿತಬ್ಬಂ।) ಕಿಲೇಸಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಪುಚ್ಛಿತಬ್ಬಂ।) ಕಿಲೇಸಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಕಿಲೇಸಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

ನೋಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೋಕಿಲೇಸಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೧)

ಆರಮ್ಮಣಪಚ್ಚಯೋ

೧೭. ಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಕಿಲೇಸೇ ಆರಬ್ಭ ಕಿಲೇಸಾ ಉಪ್ಪಜ್ಜನ್ತಿ। (ಮೂಲಂ ಪುಚ್ಛಿತಬ್ಬಂ।) ಕಿಲೇಸೇ ಆರಬ್ಭ ನೋಕಿಲೇಸಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಪುಚ್ಛಿತಬ್ಬಂ।) ಕಿಲೇಸೇ ಆರಬ್ಭ ಕಿಲೇಸಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। (೩)

೧೮. ನೋಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ॰… ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ಅರಿಯಾ ಮಗ್ಗಾ ವುಟ್ಠಹಿತ್ವಾ…ಪೇ॰… ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ನೋಕಿಲೇಸೇ ಖನ್ಧೇ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ…ಪೇ॰… ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ॰… ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ ಉಪ್ಪಜ್ಜತಿ, ಝಾನೇ ಪರಿಹೀನೇ ವಿಪ್ಪಟಿಸಾರಿಸ್ಸ ದೋಮನಸ್ಸಂ ಉಪ್ಪಜ್ಜತಿ, ಚಕ್ಖುಂ…ಪೇ॰… ವತ್ಥುಂ ನೋಕಿಲೇಸೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ। (೨)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಚ ನೋಕಿಲೇಸಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಝಾನಾ ವುಟ್ಠಹಿತ್ವಾ…ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಕಿಲೇಸೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಕಿಲೇಸಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। (೩)

ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಕಿಲೇಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ।

ಅಧಿಪತಿಪಚ್ಚಯೋ

೧೯. ಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ಕಿಲೇಸೇ ಗರುಂ ಕತ್ವಾ ಕಿಲೇಸಾ ಉಪ್ಪಜ್ಜನ್ತಿ… ತೀಣಿ (ಆರಮ್ಮಣಾಧಿಪತಿಯೇವ)। (೩)

ನೋಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ಪುಬ್ಬೇ…ಪೇ॰… ಝಾನಾ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ…ಪೇ॰… ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ನೋಕಿಲೇಸೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ನೋಕಿಲೇಸಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಝಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಕಿಲೇಸೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ನೋಕಿಲೇಸಾಧಿಪತಿ ಸಮ್ಪಯುತ್ತಕಾನಂ ಕಿಲೇಸಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಚ ನೋಕಿಲೇಸಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಝಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಕಿಲೇಸೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಕಿಲೇಸಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ನೋಕಿಲೇಸಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಕಿಲೇಸಾನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಕಿಲೇಸಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ… ತೀಣಿ (ಆರಮ್ಮಣಾಧಿಪತಿಯೇವ)। (೩)

ಅನನ್ತರಪಚ್ಚಯಾದಿ

೨೦. ಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಕಿಲೇಸಾ ಪಚ್ಛಿಮಾನಂ ಪಚ್ಛಿಮಾನಂ ಕಿಲೇಸಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಕಿಲೇಸಾ ಪಚ್ಛಿಮಾನಂ ಪಚ್ಛಿಮಾನಂ ನೋಕಿಲೇಸಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಕಿಲೇಸಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಕಿಲೇಸಾ ಪಚ್ಛಿಮಾನಂ ಪಚ್ಛಿಮಾನಂ ಕಿಲೇಸಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೩)

೨೧. ನೋಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೋಕಿಲೇಸಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೋಕಿಲೇಸಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ…ಪೇ॰… ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ನೋಕಿಲೇಸಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಕಿಲೇಸಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಕಿಲೇಸಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ನೋಕಿಲೇಸಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಕಿಲೇಸಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಕಿಲೇಸಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೩)

೨೨. ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಕಿಲೇಸಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಕಿಲೇಸಾ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಕಿಲೇಸಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಕಿಲೇಸಾ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೋಕಿಲೇಸಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಕಿಲೇಸಾ ಚ ಸಮ್ಪಯುತ್ತಕಾ ಚ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಕಿಲೇಸಾ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಕಿಲೇಸಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೩)

ಸಮನನ್ತರಪಚ್ಚಯೇನ ಪಚ್ಚಯೋ, ಸಹಜಾತಪಚ್ಚಯೇನ ಪಚ್ಚಯೋ, ಅಞ್ಞಮಞ್ಞಪಚ್ಚಯೇನ ಪಚ್ಚಯೋ, ನಿಸ್ಸಯಪಚ್ಚಯೇನ ಪಚ್ಚಯೋ।

ಉಪನಿಸ್ಸಯಪಚ್ಚಯೋ

೨೩. ಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಕಿಲೇಸಾ ಕಿಲೇಸಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ।

೨೪. ನೋಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಪಞ್ಞಂ… ರಾಗಂ… ದೋಸಂ… ಮೋಹಂ… ಮಾನಂ… ದಿಟ್ಠಿಂ… ಪತ್ಥನಂ… ಕಾಯಿಕಂ ಸುಖಂ…ಪೇ॰… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಙ್ಘಂ ಭಿನ್ದತಿ; ಸದ್ಧಾ…ಪೇ॰… ಸೇನಾಸನಂ ಸದ್ಧಾಯ…ಪೇ॰… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ… ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಸದ್ಧಾ…ಪೇ॰… ಸೇನಾಸನಂ ಕಿಲೇಸಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಚ ನೋಕಿಲೇಸಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ… ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಸದ್ಧಾ…ಪೇ॰… ಸೇನಾಸನಂ ಕಿಲೇಸಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಕಿಲೇಸಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ।

ಪುರೇಜಾತಪಚ್ಚಯೋ

೨೫. ನೋಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ। ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰…। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ॰… ವತ್ಥು ನೋಕಿಲೇಸಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೧)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ , ತಂ ಆರಬ್ಭ ರಾಗೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ। ವತ್ಥುಪುರೇಜಾತಂ – ವತ್ಥು ಕಿಲೇಸಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಚ ನೋಕಿಲೇಸಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಕಿಲೇಸಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। ವತ್ಥುಪುರೇಜಾತಂ – ವತ್ಥು ಕಿಲೇಸಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೩)

ಪಚ್ಛಾಜಾತಾಸೇವನಪಚ್ಚಯಾ

೨೬. ಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೧)

ನೋಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೧)

ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ನೋಕಿಲೇಸಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ) ಆಸೇವನಪಚ್ಚಯೇನ ಪಚ್ಚಯೋ …ನವ।

ಕಮ್ಮಪಚ್ಚಯೋ

೨೭. ನೋಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ನೋಕಿಲೇಸಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ನೋಕಿಲೇಸಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ನೋಕಿಲೇಸಾ ಚೇತನಾ ಕಿಲೇಸಾನಂ ಕಮ್ಮಪಚ್ಚಯೇನ ಪಚ್ಚಯೋ। (೨)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಚ ನೋಕಿಲೇಸಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ನೋಕಿಲೇಸಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಿಲೇಸಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

ವಿಪಾಕಪಚ್ಚಯಾದಿ

೨೮. ನೋಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ… ಏಕಂ… ಆಹಾರಪಚ್ಚಯೇನ ಪಚ್ಚಯೋ… ತೀಣಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ತೀಣಿ… ಝಾನಪಚ್ಚಯೇನ ಪಚ್ಚಯೋ… ತೀಣಿ… ಮಗ್ಗಪಚ್ಚಯೇನ ಪಚ್ಚಯೋ… ನವ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ನವ।

ವಿಪ್ಪಯುತ್ತಪಚ್ಚಯೋ

೨೯. ಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

ನೋಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಕಿಲೇಸಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೨)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಚ ನೋಕಿಲೇಸಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಕಿಲೇಸಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೩)

ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ನೋಕಿಲೇಸಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ। ವಿತ್ಥಾರೇತಬ್ಬಂ।)

ಅತ್ಥಿಪಚ್ಚಯಾದಿ

೩೦. ಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ… ಏಕಂ (ಪಟಿಚ್ಚಸದಿಸಂ)। (೧)

ಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೨)

ಕಿಲೇಸೋ ಧಮ್ಮೋ ಕಿಲೇಸಸ್ಸ ಚ ನೋಕಿಲೇಸಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಪಟಿಚ್ಚಸದಿಸಂ) । (೩)

ನೋಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। (೧)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ಸಂಖಿತ್ತಂ। ಸಹಜಾತಂ ಸಹಜಾತಸದಿಸಂ, ಪುರೇಜಾತಂ ಪುರೇಜಾತಸದಿಸಂ।) (೨)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಚ ನೋಕಿಲೇಸಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ಸಹಜಾತಂ ಸಹಜಾತಸದಿಸಂ, ಪುರೇಜಾತಂ ಪುರೇಜಾತಸದಿಸಂ।) (೩)

೩೧. ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಕಿಲೇಸಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ಲೋಭೋ ಚ ಸಮ್ಪಯುತ್ತಕಾ ಚ ಖನ್ಧಾ ಮೋಹಸ್ಸ, ದಿಟ್ಠಿಯಾ, ಥಿನಸ್ಸ, ಉದ್ಧಚ್ಚಸ್ಸ, ಅಹಿರಿಕಸ್ಸ, ಅನೋತ್ತಪ್ಪಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಚಕ್ಕಂ)। ಸಹಜಾತೋ – ಲೋಭೋ ಚ ವತ್ಥು ಚ ಮೋಹಸ್ಸ, ದಿಟ್ಠಿಯಾ, ಥಿನಸ್ಸ, ಉದ್ಧಚ್ಚಸ್ಸ, ಅಹಿರಿಕಸ್ಸ, ಅನೋತ್ತಪ್ಪಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಚಕ್ಕಂ)। (೧)

ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ನೋಕಿಲೇಸಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। ಸಹಜಾತೋ – ನೋಕಿಲೇಸೋ ಏಕೋ ಖನ್ಧೋ ಚ ಕಿಲೇಸೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। ಸಹಜಾತಾ – ಕಿಲೇಸಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಸಹಜಾತಾ – ಕಿಲೇಸಾ ಚ ವತ್ಥು ಚ ನೋಕಿಲೇಸಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಕಿಲೇಸಾ ಚ ಸಮ್ಪಯುತ್ತಕಾ ಖನ್ಧಾ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಕಿಲೇಸಾ ಚ ಸಮ್ಪಯುತ್ತಕಾ ಚ ಖನ್ಧಾ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಕಿಲೇಸಾ ಚ ಸಮ್ಪಯುತ್ತಕಾ ಚ ಖನ್ಧಾ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಕಿಲೇಸಸ್ಸ ಚ ನೋಕಿಲೇಸಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ನೋಕಿಲೇಸೋ ಏಕೋ ಖನ್ಧೋ ಚ ಲೋಭೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಮೋಹಸ್ಸ ಚ, ದಿಟ್ಠಿಯಾ, ಥಿನಸ್ಸ, ಉದ್ಧಚ್ಚಸ್ಸ, ಅಹಿರಿಕಸ್ಸ, ಅನೋತ್ತಪ್ಪಸ್ಸ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। ಸಹಜಾತೋ – ಲೋಭೋ ಚ ವತ್ಥು ಚ ಮೋಹಸ್ಸ, ದಿಟ್ಠಿಯಾ, ಥಿನಸ್ಸ, ಉದ್ಧಚ್ಚಸ್ಸ, ಅಹಿರಿಕಸ್ಸ, ಅನೋತ್ತಪ್ಪಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ (ಚಕ್ಕಂ)। (೩)

ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೩೨. ಹೇತುಯಾ ಚತ್ತಾರಿ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ನವ, ಕಮ್ಮೇ ತೀಣಿ, ವಿಪಾಕೇ ಏಕಂ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ನವ, ಸಮ್ಪಯುತ್ತೇ ನವ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ।

ಪಚ್ಚನೀಯುದ್ಧಾರೋ

೩೩. ಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। (೨)

ಕಿಲೇಸೋ ಧಮ್ಮೋ ಕಿಲೇಸಸ್ಸ ಚ ನೋಕಿಲೇಸಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೩೪. ನೋಕಿಲೇಸೋ ಧಮ್ಮೋ ನೋಕಿಲೇಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ … ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। (೧)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

ನೋಕಿಲೇಸೋ ಧಮ್ಮೋ ಕಿಲೇಸಸ್ಸ ಚ ನೋಕಿಲೇಸಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೩)

೩೫. ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಕಿಲೇಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ನೋಕಿಲೇಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। (೨)

ಕಿಲೇಸೋ ಚ ನೋಕಿಲೇಸೋ ಚ ಧಮ್ಮಾ ಕಿಲೇಸಸ್ಸ ಚ ನೋಕಿಲೇಸಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೩೬. ನಹೇತುಯಾ ನವ, ನಆರಮ್ಮಣೇ ನವ, ನಅಧಿಪತಿಯಾ ನವ (ಸಬ್ಬತ್ಥ ನವ), ನೋಅವಿಗತೇ ನವ।

೩. ಪಚ್ಚಯಾನುಲೋಮಪಚ್ಚನೀಯಂ

೩೭. ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ, ನಅಧಿಪತಿಯಾ ಚತ್ತಾರಿ, ನಅನನ್ತರೇ ಚತ್ತಾರಿ, ನಸಮನನ್ತರೇ ಚತ್ತಾರಿ, ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಚತ್ತಾರಿ (ಸಬ್ಬತ್ಥ ಚತ್ತಾರಿ), ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ಚತ್ತಾರಿ, ನೋನತ್ಥಿಯಾ ಚತ್ತಾರಿ, ನೋವಿಗತೇ ಚತ್ತಾರಿ।

೪. ಪಚ್ಚಯಪಚ್ಚನೀಯಾನುಲೋಮಂ

೩೮. ನಹೇತುಪಚ್ಚಯಾ ಆರಮ್ಮಣೇ ನವ, ಅಧಿಪತಿಯಾ ನವ (ಅನುಲೋಮಮಾತಿಕಾ ಕಾತಬ್ಬಾ)…ಪೇ॰… ಅವಿಗತೇ ನವ।

ಕಿಲೇಸದುಕಂ ನಿಟ್ಠಿತಂ।

೭೬. ಸಂಕಿಲೇಸಿಕದುಕಂ

೧. ಪಟಿಚ್ಚವಾರೋ

೩೯. ಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಯಥಾ ಲೋಕಿಯದುಕಂ, ಏವಂ ನಿನ್ನಾನಾಕರಣಂ।)

ಸಂಕಿಲೇಸಿಕದುಕಂ ನಿಟ್ಠಿತಂ।

೭೭. ಸಂಕಿಲಿಟ್ಠದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೪೦. ಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಂಕಿಲಿಟ್ಠಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಂಕಿಲಿಟ್ಠೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಸಂಕಿಲಿಟ್ಠೋ ಚ ಅಸಂಕಿಲಿಟ್ಠೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸಂಕಿಲಿಟ್ಠಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

ಅಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಸಂಕಿಲಿಟ್ಠಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰…। (೧)

ಸಂಕಿಲಿಟ್ಠಞ್ಚ ಅಸಂಕಿಲಿಟ್ಠಞ್ಚ ಧಮ್ಮಂ ಪಟಿಚ್ಚ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಂಕಿಲಿಟ್ಠೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ (ಸಂಖಿತ್ತಂ)। (೧)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೪೧. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅಧಿಪತಿಯಾ ಪಞ್ಚ, ಅನನ್ತರೇ ದ್ವೇ, ಸಮನನ್ತರೇ ದ್ವೇ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಪಞ್ಚ, ಉಪನಿಸ್ಸಯೇ ದ್ವೇ, ಪುರೇಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ಪಞ್ಚ, ವಿಪಾಕೇ ಏಕಂ, ಆಹಾರೇ ಪಞ್ಚ (ಸಂಖಿತ್ತಂ), ಅವಿಗತೇ ಪಞ್ಚ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೪೨. ಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ಅಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅಸಂಕಿಲಿಟ್ಠಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ)। (೧)

೧. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೪೩. ನಹೇತುಯಾ ದ್ವೇ, ನಆರಮ್ಮಣೇ ತೀಣಿ, ನಅಧಿಪತಿಯಾ ಪಞ್ಚ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ಪಞ್ಚ, ನಆಸೇವನೇ ಪಞ್ಚ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೨. ಸಹಜಾತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಹಜಾತವಾರೋಪಿ ಕಾತಬ್ಬೋ।)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೪೪. ಸಂಕಿಲಿಟ್ಠಂ ಧಮ್ಮಂ ಪಚ್ಚಯಾ ಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚಸದಿಸಂ)।

ಅಸಂಕಿಲಿಟ್ಠಂ ಧಮ್ಮಂ ಪಚ್ಚಯಾ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಸಂಕಿಲಿಟ್ಠಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ) ವತ್ಥುಂ ಪಚ್ಚಯಾ ಅಸಂಕಿಲಿಟ್ಠಾ ಖನ್ಧಾ। (೧)

ಅಸಂಕಿಲಿಟ್ಠಂ ಧಮ್ಮಂ ಪಚ್ಚಯಾ ಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಸಂಕಿಲಿಟ್ಠಾ ಖನ್ಧಾ। (೨)

ಅಸಂಕಿಲಿಟ್ಠಂ ಧಮ್ಮಂ ಪಚ್ಚಯಾ ಸಂಕಿಲಿಟ್ಠೋ ಚ ಅಸಂಕಿಲಿಟ್ಠೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಸಂಕಿಲಿಟ್ಠಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೩)

೪೫. ಸಂಕಿಲಿಟ್ಠಞ್ಚ ಅಸಂಕಿಲಿಟ್ಠಞ್ಚ ಧಮ್ಮಂ ಪಚ್ಚಯಾ ಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಂಕಿಲಿಟ್ಠಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। (೧)

ಸಂಕಿಲಿಟ್ಠಞ್ಚ ಅಸಂಕಿಲಿಟ್ಠಞ್ಚ ಧಮ್ಮಂ ಪಚ್ಚಯಾ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಂಕಿಲಿಟ್ಠೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೨)

ಸಂಕಿಲಿಟ್ಠಞ್ಚ ಅಸಂಕಿಲಿಟ್ಠಞ್ಚ ಧಮ್ಮಂ ಪಚ್ಚಯಾ ಸಂಕಿಲಿಟ್ಠೋ ಚ ಅಸಂಕಿಲಿಟ್ಠೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸಂಕಿಲಿಟ್ಠಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ಸಂಕಿಲಿಟ್ಠೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ (ಸಂಖಿತ್ತಂ)। (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೪೬. ಹೇತುಯಾ ನವ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ನವ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ನವ, ಅಞ್ಞಮಞ್ಞೇ ಚತ್ತಾರಿ, ನಿಸ್ಸಯೇ ನವ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ಚತ್ತಾರಿ, ಆಸೇವನೇ ಚತ್ತಾರಿ , ಕಮ್ಮೇ ನವ, ವಿಪಾಕೇ ಏಕಂ, ಆಹಾರೇ ನವ, ಇನ್ದ್ರಿಯೇ ನವ…ಪೇ॰… ವಿಗತೇ ಚತ್ತಾರಿ, ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೪೭. ಸಂಕಿಲಿಟ್ಠಂ ಧಮ್ಮಂ ಪಚ್ಚಯಾ ಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ಅಸಂಕಿಲಿಟ್ಠಂ ಧಮ್ಮಂ ಪಚ್ಚಯಾ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅಸಂಕಿಲಿಟ್ಠಂ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ಅಸಂಕಿಲಿಟ್ಠಾ ಖನ್ಧಾ। (೧)

ಅಸಂಕಿಲಿಟ್ಠಂ ಧಮ್ಮಂ ಪಚ್ಚಯಾ ಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವತ್ಥುಂ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೨)

ಸಂಕಿಲಿಟ್ಠಞ್ಚ ಅಸಂಕಿಲಿಟ್ಠಞ್ಚ ಧಮ್ಮಂ ಪಚ್ಚಯಾ ಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೪೮. ನಹೇತುಯಾ ಚತ್ತಾರಿ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೪. ನಿಸ್ಸಯವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೪೯. ಸಂಕಿಲಿಟ್ಠಂ ಧಮ್ಮಂ ಸಂಸಟ್ಠೋ ಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಂಕಿಲಿಟ್ಠಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ …ಪೇ॰…। (೧)

ಅಸಂಕಿಲಿಟ್ಠಂ ಧಮ್ಮಂ ಸಂಸಟ್ಠೋ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಸಂಕಿಲಿಟ್ಠಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ಹೇತುಯಾ ದ್ವೇ, ಆರಮ್ಮಣೇ ದ್ವೇ, ಅಧಿಪತಿಯಾ ದ್ವೇ (ಸಬ್ಬತ್ಥ ದ್ವೇ), ವಿಪಾಕೇ ಏಕಂ…ಪೇ॰… ಅವಿಗತೇ ದ್ವೇ।

ಅನುಲೋಮಂ।

೫೦. ಸಂಕಿಲಿಟ್ಠಂ ಧಮ್ಮಂ ಸಂಸಟ್ಠೋ ಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಸಂಸಟ್ಠೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ಅಸಂಕಿಲಿಟ್ಠಂ ಧಮ್ಮಂ ಸಂಸಟ್ಠೋ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅಸಂಕಿಲಿಟ್ಠಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰…। (೧)

ನಹೇತುಯಾ ದ್ವೇ, ನಅಧಿಪತಿಯಾ ದ್ವೇ, ನಪುರೇಜಾತೇ ದ್ವೇ, ನಪಚ್ಛಾಜಾತೇ ದ್ವೇ, ನಆಸೇವನೇ ದ್ವೇ, ನಕಮ್ಮೇ ದ್ವೇ, ನವಿಪಾಕೇ ದ್ವೇ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ದ್ವೇ।

ಪಚ್ಚನೀಯಂ।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೫೧. ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸಂಕಿಲಿಟ್ಠಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (೧)

ಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸಂಕಿಲಿಟ್ಠಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೨)

ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಚ ಅಸಂಕಿಲಿಟ್ಠಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸಂಕಿಲಿಟ್ಠಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

ಅಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅಸಂಕಿಲಿಟ್ಠಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೧)

ಆರಮ್ಮಣಪಚ್ಚಯೋ

೫೨. ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ರಾಗಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ವಿಚಿಕಿಚ್ಛಾ…ಪೇ॰… ಉದ್ಧಚ್ಚ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಟ್ಠಿಂ ಅಸ್ಸಾದೇತಿ…ಪೇ॰… (ಕುಸಲತ್ತಿಕಸದಿಸಂ); ವಿಚಿಕಿಚ್ಛಂ ಆರಬ್ಭ…ಪೇ॰… ಉದ್ಧಚ್ಚಂ ಆರಬ್ಭ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ ಉಪ್ಪಜ್ಜತಿ। (೧)

ಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ ಸಮುದಾಚಿಣ್ಣೇ…ಪೇ॰… ಸಂಕಿಲಿಟ್ಠೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ, ಚೇತೋಪರಿಯಞಾಣೇನ ಸಂಕಿಲಿಟ್ಠಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ; ಸಂಕಿಲಿಟ್ಠಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೨)

೫೩. ಅಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ, ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ…ಪೇ॰… ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಅಸಂಕಿಲಿಟ್ಠೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ಅಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಝಾನಾ ವುಟ್ಠಹಿತ್ವಾ…ಪೇ॰… ಚಕ್ಖುಂ…ಪೇ॰… ವತ್ಥುಂ ಅಸಂಕಿಲಿಟ್ಠೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ। (೨)

ಅಧಿಪತಿಪಚ್ಚಯೋ

೫೪. ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ರಾಗಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ದಿಟ್ಠಿಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ಸಂಕಿಲಿಟ್ಠಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಸಂಕಿಲಿಟ್ಠಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಚ ಅಸಂಕಿಲಿಟ್ಠಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಸಂಕಿಲಿಟ್ಠಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೫೫. ಅಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ…ಪೇ॰… ನಿಬ್ಬಾನಂ ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಅಸಂಕಿಲಿಟ್ಠಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ಅಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ…ಪೇ॰… ಝಾನಾ ವುಟ್ಠಹಿತ್ವಾ…ಪೇ॰… ಚಕ್ಖುಂ…ಪೇ॰… ವತ್ಥುಂ ಅಸಂಕಿಲಿಟ್ಠೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। (೨)

ಅನನ್ತರಪಚ್ಚಯಾದಿ

೫೬. ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಂಕಿಲಿಟ್ಠಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸಂಕಿಲಿಟ್ಠಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೧)

ಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಸಂಕಿಲಿಟ್ಠಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

೫೭. ಅಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅಸಂಕಿಲಿಟ್ಠಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅಸಂಕಿಲಿಟ್ಠಾನಂ ಖನ್ಧಾನಂ…ಪೇ॰… ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೧)

ಅಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಆವಜ್ಜನಾ ಸಂಕಿಲಿಟ್ಠಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೨)

ಸಮನನ್ತರಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಹಜಾತಪಚ್ಚಯೇನ ಪಚ್ಚಯೋ… ಪಞ್ಚ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ದ್ವೇ… ನಿಸ್ಸಯಪಚ್ಚಯೇನ ಪಚ್ಚಯೋ… ಸತ್ತ।

ಉಪನಿಸ್ಸಯಪಚ್ಚಯೋ

೫೮. ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ರಾಗಂ ಉಪನಿಸ್ಸಾಯ ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ, ದೋಸಂ…ಪೇ॰… ಪತ್ಥನಂ ಉಪನಿಸ್ಸಾಯ ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ, ರಾಗೋ…ಪೇ॰… ಪತ್ಥನಾ ರಾಗಸ್ಸ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ರಾಗಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ದೋಸಂ…ಪೇ॰… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ರಾಗೋ…ಪೇ॰… ಪತ್ಥನಾ ಸದ್ಧಾಯ…ಪೇ॰… ಪಞ್ಞಾಯ ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ… ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

೫೯. ಅಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ , ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ಸೀಲಂ…ಪೇ॰… ಪಞ್ಞಂ, ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ಸದ್ಧಾ…ಪೇ॰… ಸೇನಾಸನಂ ಸದ್ಧಾಯ…ಪೇ॰… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಅಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಪಞ್ಞಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಸದ್ಧಾ…ಪೇ॰… ಸೇನಾಸನಂ ರಾಗಸ್ಸ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಪುರೇಜಾತಪಚ್ಚಯೋ

೬೦. ಅಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ (ಸಂಖಿತ್ತಂ)। ಅಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ (ಸಂಖಿತ್ತಂ)। (೨)

ಪಚ್ಛಾಜಾತಾಸೇವನಪಚ್ಚಯಾ

೬೧. ಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। ಅಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। …ಆಸೇವನಪಚ್ಚಯೇನ ಪಚ್ಚಯೋ… ದ್ವೇ।

ಕಮ್ಮಪಚ್ಚಯೋ

೬೨. ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಂಕಿಲಿಟ್ಠಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

ಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ಸಂಕಿಲಿಟ್ಠಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ಸಂಕಿಲಿಟ್ಠಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಸಂಕಿಲಿಟ್ಠಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

ಅಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ಅಸಂಕಿಲಿಟ್ಠಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ಅಸಂಕಿಲಿಟ್ಠಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

ವಿಪಾಕಪಚ್ಚಯಾದಿ

೬೩. ಅಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ… ಏಕಂ।

ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಝಾನಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ।

ವಿಪ್ಪಯುತ್ತಪಚ್ಚಯೋ

೬೪. ಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

ಅಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

ಅಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಸಂಕಿಲಿಟ್ಠಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೨)

ಅತ್ಥಿಪಚ್ಚಯಾದಿ

೬೫. ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ … ಏಕಂ (ಪಟಿಚ್ಚವಾರಸದಿಸಂ)। ಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಚ ಅಸಂಕಿಲಿಟ್ಠಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಪಟಿಚ್ಚಸದಿಸಂ)। (೩)

ಅಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। ಅಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಪುರೇಜಾತಂ (ಸಂಖಿತ್ತಂ)। (೨)

೬೬. ಸಂಕಿಲಿಟ್ಠೋ ಚ ಅಸಂಕಿಲಿಟ್ಠೋ ಚ ಧಮ್ಮಾ ಸಂಕಿಲಿಟ್ಠಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ಸಂಕಿಲಿಟ್ಠೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰… (ಸಂಖಿತ್ತಂ)। (೧)

ಸಂಕಿಲಿಟ್ಠೋ ಚ ಅಸಂಕಿಲಿಟ್ಠೋ ಚ ಧಮ್ಮಾ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। ಸಹಜಾತಾ – ಸಂಕಿಲಿಟ್ಠಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಸಂಕಿಲಿಟ್ಠಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಸಂಕಿಲಿಟ್ಠಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೬೭. ಹೇತುಯಾ ಚತ್ತಾರಿ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಪಚ್ಛಾಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ಚತ್ತಾರಿ, ವಿಪಾಕೇ ಏಕಂ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ನತ್ಥಿಯಾ ಚತ್ತಾರಿ, ವಿಗತೇ ಚತ್ತಾರಿ, ಅವಿಗತೇ ಸತ್ತ।

೨. ಪಚ್ಚನೀಯುದ್ಧಾರೋ

೬೮. ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೨)

ಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಚ ಅಸಂಕಿಲಿಟ್ಠಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ। (೩)

೬೯. ಅಸಂಕಿಲಿಟ್ಠೋ ಧಮ್ಮೋ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। (೧)

ಅಸಂಕಿಲಿಟ್ಠೋ ಧಮ್ಮೋ ಸಂಕಿಲಿಟ್ಠಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

ಸಂಕಿಲಿಟ್ಠೋ ಚ ಅಸಂಕಿಲಿಟ್ಠೋ ಚ ಧಮ್ಮಾ ಸಂಕಿಲಿಟ್ಠಸ್ಸ ಧಮ್ಮಸ್ಸ ಸಹಜಾತಂ… ಪುರೇಜಾತಂ । (೧)

ಸಂಕಿಲಿಟ್ಠೋ ಚ ಅಸಂಕಿಲಿಟ್ಠೋ ಚ ಧಮ್ಮಾ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಸಹಜಾತಂ… ಪಚ್ಛಾಜಾತಂ… ಆಹಾರಂ… ಇನ್ದ್ರಿಯಂ। (೨)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೭೦. ನಹೇತುಯಾ ಸತ್ತ, ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತ, ನಅನನ್ತರೇ ಸತ್ತ, ನಸಮನನ್ತರೇ ಸತ್ತ, ನಸಹಜಾತೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನನಿಸ್ಸಯೇ ಪಞ್ಚ, ನಉಪನಿಸ್ಸಯೇ ಸತ್ತ, ನಪುರೇಜಾತೇ ಛ, ನಪಚ್ಛಾಜಾತೇ ಸತ್ತ…ಪೇ॰… ನಮಗ್ಗೇ ಸತ್ತ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ಚತ್ತಾರಿ, ನೋಅತ್ಥಿಯಾ ಚತ್ತಾರಿ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ, ನೋಅವಿಗತೇ ಚತ್ತಾರಿ।

೩. ಪಚ್ಚಯಾನುಲೋಮಪಚ್ಚನೀಯಂ

೭೧. ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ, ನಅಧಿಪತಿಯಾ ಚತ್ತಾರಿ, ನಅನನ್ತರೇ ಚತ್ತಾರಿ, ನಸಮನನ್ತರೇ ಚತ್ತಾರಿ, ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಚತ್ತಾರಿ…ಪೇ॰… ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ಚತ್ತಾರಿ, ನೋವಿಗತೇ ಚತ್ತಾರಿ।

೪. ಪಚ್ಚಯಪಚ್ಚನೀಯಾನುಲೋಮಂ

೭೨. ನಹೇತುಪಚ್ಚಯಾ ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ (ಅನುಲೋಮಮಾತಿಕಾ)…ಪೇ॰… ಅವಿಗತೇ ಸತ್ತ।

ಸಂಕಿಲಿಟ್ಠದುಕಂ ನಿಟ್ಠಿತಂ।

೭೮. ಕಿಲೇಸಸಮ್ಪಯುತ್ತದುಕಂ

೧. ಪಟಿಚ್ಚವಾರೋ

೭೩. ಕಿಲೇಸಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಕಿಲೇಸಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಿಲೇಸಸಮ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ಕಿಲೇಸಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಕಿಲೇಸವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಿಲೇಸಸಮ್ಪಯುತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

(ಕಿಲೇಸಸಮ್ಪಯುತ್ತದುಕಂ ಸಂಕಿಲಿಟ್ಠದುಕಸದಿಸಂ, ನಿನ್ನಾನಾಕರಣಂ।)

ಕಿಲೇಸಸಮ್ಪಯುತ್ತದುಕಂ ನಿಟ್ಠಿತಂ।

೭೯. ಕಿಲೇಸಸಂಕಿಲೇಸಿಕದುಕಂ

೧. ಪಟಿಚ್ಚವಾರೋ

ಹೇತುಪಚ್ಚಯೋ

೭೪. ಕಿಲೇಸಞ್ಚೇವ ಸಂಕಿಲೇಸಿಕಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಚೇವ ಸಂಕಿಲೇಸಿಕೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಲೋಭಂ ಪಟಿಚ್ಚ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ (ಚಕ್ಕಂ)। (೧)

ಕಿಲೇಸಞ್ಚೇವ ಸಂಕಿಲೇಸಿಕಞ್ಚ ಧಮ್ಮಂ ಪಟಿಚ್ಚ ಸಂಕಿಲೇಸಿಕೋ ಚೇವ ನೋ ಚ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಿಲೇಸೇ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ। (೨)

ಕಿಲೇಸಞ್ಚೇವ ಸಂಕಿಲೇಸಿಕಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಚೇವ ಸಂಕಿಲೇಸಿಕೋ ಚ ಸಂಕಿಲೇಸಿಕೋ ಚೇವ ನೋ ಚ ಕಿಲೇಸೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಲೋಭಂ ಪಟಿಚ್ಚ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ ಸಮ್ಪಯುತ್ತಕಾ ಚ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ। (೩)

೨-೬. ಸಹಜಾತ-ಪಚ್ಚಯ-ನಿಸ್ಸಯ-ಸಂಸಟ್ಠ-ಸಮ್ಪಯುತ್ತವಾರೋ

(ಏವಂ ಪಟಿಚ್ಚವಾರೋಪಿ ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಕಿಲೇಸದುಕಸದಿಸಾ। ನಿನ್ನಾನಾಕರಣಂ। ಆಮಸನಂ ನಾನಂ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೭೫. ಕಿಲೇಸೋ ಚೇವ ಸಂಕಿಲೇಸಿಕೋ ಚ ಧಮ್ಮೋ ಕಿಲೇಸಸ್ಸ ಚೇವ ಸಂಕಿಲೇಸಿಕಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಕಿಲೇಸಾ ಚೇವ ಸಂಕಿಲೇಸಿಕಾ ಚ ಹೇತೂ ಸಮ್ಪಯುತ್ತಕಾನಂ ಕಿಲೇಸಾನಂ ಹೇತುಪಚ್ಚಯೇನ ಪಚ್ಚಯೋ (ಏವಂ ಚತ್ತಾರಿ, ಕಿಲೇಸದುಕಸದಿಸಂ।) (೪)

ಆರಮ್ಮಣಪಚ್ಚಯೋ

೭೬. ಕಿಲೇಸೋ ಚೇವ ಸಂಕಿಲೇಸಿಕೋ ಚ ಧಮ್ಮೋ ಕಿಲೇಸಸ್ಸ ಚೇವ ಸಂಕಿಲೇಸಿಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಕಿಲೇಸೇ ಆರಬ್ಭ ಕಿಲೇಸಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಕಿಲೇಸೇ ಆರಬ್ಭ ಸಂಕಿಲೇಸಿಕಾ ಚೇವ ನೋ ಚ ಕಿಲೇಸಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಕಿಲೇಸೇ ಆರಬ್ಭ ಕಿಲೇಸಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। (೩)

೭೭. ಸಂಕಿಲೇಸಿಕೋ ಚೇವ ನೋ ಚ ಕಿಲೇಸೋ ಧಮ್ಮೋ ಸಂಕಿಲೇಸಿಕಸ್ಸ ಚೇವ ನೋ ಚ ಕಿಲೇಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ॰… ಉದ್ಧಚ್ಚಂ ಉಪ್ಪಜ್ಜತಿ, ಝಾನೇ ಪರಿಹೀನೇ ವಿಪ್ಪಟಿಸಾರಿಸ್ಸ ದೋಮನಸ್ಸಂ ಉಪ್ಪಜ್ಜತಿ; ಅರಿಯಾ ಗೋತ್ರಭುಂ ಪಚ್ಚವೇಕ್ಖನ್ತಿ, ವೋದಾನಂ ಪಚ್ಚವೇಕ್ಖನ್ತಿ, ಚಕ್ಖುಂ…ಪೇ॰… ವತ್ಥುಂ ಸಂಕಿಲೇಸಿಕೇ ಚೇವ ನೋ ಚ ಕಿಲೇಸೇ ಖನ್ಧೇ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ (ಇತರೇ ದ್ವೇ ಕಿಲೇಸದುಕಸದಿಸಾ, ಘಟನಾರಮ್ಮಣಾಪಿ ಕಿಲೇಸದುಕಸದಿಸಾ)।

ಅಧಿಪತಿಪಚ್ಚಯೋ

೭೮. ಕಿಲೇಸೋ ಚೇವ ಸಂಕಿಲೇಸಿಕೋ ಚ ಧಮ್ಮೋ ಕಿಲೇಸಸ್ಸ ಚೇವ ಸಂಕಿಲೇಸಿಕಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ… ತೀಣಿ।

ಸಂಕಿಲೇಸಿಕೋ ಚೇವ ನೋ ಚ ಕಿಲೇಸೋ ಧಮ್ಮೋ ಸಂಕಿಲೇಸಿಕಸ್ಸ ಚೇವ ನೋ ಚ ಕಿಲೇಸಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಸೇಕ್ಖಾ ಗೋತ್ರಭುಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ವೋದಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ; ಚಕ್ಖುಂ…ಪೇ॰… ವತ್ಥುಂ ಸಂಕಿಲೇಸಿಕೇ ಚೇವ ನೋ ಚ ಕಿಲೇಸೇ ಖನ್ಧೇ ಗರುಂ ಕತ್ವಾ ಸಂಕಿಲೇಸಿಕಾ ಚೇವ ನೋ ಚ ಕಿಲೇಸಾ ಖನ್ಧಾ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ಸಂಕಿಲೇಸಿಕಾ ಚೇವ ನೋ ಚ ಕಿಲೇಸಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (ಇತರೇ ದ್ವೇಪಿ ಕಿಲೇಸದುಕಸದಿಸಾ। ಘಟನಾಧಿಪತಿಪಿ।)

ಅನನ್ತರಪಚ್ಚಯಾದಿ

೭೯. ಕಿಲೇಸೋ ಚೇವ ಸಂಕಿಲೇಸಿಕೋ ಚ ಧಮ್ಮೋ ಕಿಲೇಸಸ್ಸ ಚೇವ ಸಂಕಿಲೇಸಿಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ (ಕಿಲೇಸದುಕಸದಿಸಾ)।

ಸಂಕಿಲೇಸಿಕೋ ಚೇವ ನೋ ಚ ಕಿಲೇಸೋ ಧಮ್ಮೋ ಸಂಕಿಲೇಸಿಕಸ್ಸ ಚೇವ ನೋ ಚ ಕಿಲೇಸಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಂಕಿಲೇಸಿಕಾ ಚೇವ ನೋ ಚ ಕಿಲೇಸಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸಂಕಿಲೇಸಿಕಾನಞ್ಚೇವ ನೋ ಚ ಕಿಲೇಸಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಆವಜ್ಜನಾ ಸಂಕಿಲೇಸಿಕಾನಞ್ಚೇವ ನೋ ಚ ಕಿಲೇಸಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ।

(ಇತರೇ ದ್ವೇ ಅನನ್ತರಾ ಕಿಲೇಸದುಕಸದಿಸಾ, ನಿನ್ನಾನಾಕರಣಾ। ಘಟನಾನನ್ತರಮ್ಪಿ ಸಬ್ಬೇ ಪಚ್ಚಯಾ ಕಿಲೇಸದುಕಸದಿಸಾ , ನಿನ್ನಾನಾಕರಣಾ। ಉಪನಿಸ್ಸಯೇ ಲೋಕುತ್ತರಂ ನತ್ಥಿ, ಇದಂ ದುಕಂ ಕಿಲೇಸದುಕಸದಿಸಂ, ನಿನ್ನಾನಾಕರಣಂ।)

ಕಿಲೇಸಸಂಕಿಲೇಸಿಕದುಕಂ ನಿಟ್ಠಿತಂ।

೮೦. ಕಿಲೇಸಸಂಕಿಲಿಟ್ಠದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೮೦. ಕಿಲೇಸಞ್ಚೇವ ಸಂಕಿಲಿಟ್ಠಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಲೋಭಂ ಪಟಿಚ್ಚ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ (ಚಕ್ಕಂ)। (೧)

ಕಿಲೇಸಞ್ಚೇವ ಸಂಕಿಲಿಟ್ಠಞ್ಚ ಧಮ್ಮಂ ಪಟಿಚ್ಚ ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಿಲೇಸೇ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ। (೨)

ಕಿಲೇಸಞ್ಚೇವ ಸಂಕಿಲಿಟ್ಠಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಲೋಭಂ ಪಟಿಚ್ಚ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ ಸಮ್ಪಯುತ್ತಕಾ ಚ ಖನ್ಧಾ (ಚಕ್ಕಂ)। (೩)

೮೧. ಸಂಕಿಲಿಟ್ಠಞ್ಚೇವ ನೋ ಚ ಕಿಲೇಸಂ ಧಮ್ಮಂ ಪಟಿಚ್ಚ ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಂಕಿಲಿಟ್ಠಞ್ಚೇವ ನೋ ಚ ಕಿಲೇಸಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ಸಂಕಿಲಿಟ್ಠಞ್ಚೇವ ನೋ ಚ ಕಿಲೇಸಂ ಧಮ್ಮಂ ಪಟಿಚ್ಚ ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಂಕಿಲಿಟ್ಠೇ ಚೇವ ನೋ ಚ ಕಿಲೇಸೇ ಖನ್ಧೇ ಪಟಿಚ್ಚ ಕಿಲೇಸಾ। (೨)

ಸಂಕಿಲಿಟ್ಠಞ್ಚೇವ ನೋ ಚ ಕಿಲೇಸಂ ಧಮ್ಮಂ ಪಟಿಚ್ಚ ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸಂಕಿಲಿಟ್ಠಞ್ಚೇವ ನೋ ಚ ಕಿಲೇಸಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಿಲೇಸಾ ಚ…ಪೇ॰… ದ್ವೇ ಖನ್ಧೇ…ಪೇ॰…। (೩)

೮೨. ಕಿಲೇಸಞ್ಚೇವ ಸಂಕಿಲಿಟ್ಠಞ್ಚ ಸಂಕಿಲಿಟ್ಠಞ್ಚೇವ ನೋ ಚ ಕಿಲೇಸಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಲೋಭಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ (ಚಕ್ಕಂ)। (೧)

ಕಿಲೇಸಞ್ಚೇವ ಸಂಕಿಲಿಟ್ಠಞ್ಚ ಸಂಕಿಲಿಟ್ಠಞ್ಚೇವ ನೋ ಚ ಕಿಲೇಸಞ್ಚ ಧಮ್ಮಂ ಪಟಿಚ್ಚ ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಂಕಿಲಿಟ್ಠಞ್ಚೇವ ನೋ ಚ ಕಿಲೇಸಂ ಏಕಂ ಖನ್ಧಞ್ಚ ಕಿಲೇಸೇ ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। (೨)

ಕಿಲೇಸಞ್ಚೇವ ಸಂಕಿಲಿಟ್ಠಞ್ಚ ಸಂಕಿಲಿಟ್ಠಞ್ಚೇವ ನೋ ಚ ಕಿಲೇಸಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸಂಕಿಲಿಟ್ಠಞ್ಚೇವ ನೋ ಚ ಕಿಲೇಸಂ ಏಕಂ ಖನ್ಧಞ್ಚ ಲೋಭಞ್ಚ ಪಟಿಚ್ಚ ತಯೋ ಖನ್ಧಾ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ…ಪೇ॰… ದ್ವೇ ಖನ್ಧೇ ಚ…ಪೇ॰… (ಚಕ್ಕಂ)। (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೮೩. ಹೇತುಯಾ ನವ, ಆರಮ್ಮಣೇ ನವ (ಸಬ್ಬತ್ಥ ನವ), ಕಮ್ಮೇ ನವ, ಆಹಾರೇ ನವ…ಪೇ॰… ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೮೪. ಕಿಲೇಸಞ್ಚೇವ ಸಂಕಿಲಿಟ್ಠಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಂ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ, ಉದ್ಧಚ್ಚಂ ಪಟಿಚ್ಚ ಉದ್ಧಚ್ಚಸಹಗತೋ ಮೋಹೋ। (೧)

ಸಂಕಿಲಿಟ್ಠಞ್ಚೇವ ನೋ ಚ ಕಿಲೇಸಂ ಧಮ್ಮಂ ಪಟಿಚ್ಚ ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ಕಿಲೇಸಞ್ಚೇವ ಸಂಕಿಲಿಟ್ಠಞ್ಚ ಸಂಕಿಲಿಟ್ಠಞ್ಚೇವ ನೋ ಚ ಕಿಲೇಸಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವಿಚಿಕಿಚ್ಛಞ್ಚ ಉದ್ಧಚ್ಚಞ್ಚ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೮೫. ನಹೇತುಯಾ ತೀಣಿ, ನಅಧಿಪತಿಯಾ ನವ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನವಿಪ್ಪಯುತ್ತೇ ನವ।

೨-೬. ಸಹಜಾತ-ಪಚ್ಚಯ-ನಿಸ್ಸಯ-ಸಂಸಟ್ಠ-ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೮೬. ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಕಿಲೇಸಸ್ಸ ಚೇವ ಸಂಕಿಲಿಟ್ಠಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಕಿಲೇಸಾ ಚೇವ ಸಂಕಿಲಿಟ್ಠಾ ಚ ಹೇತೂ ಸಮ್ಪಯುತ್ತಕಾನಂ ಕಿಲೇಸಾನಂ ಹೇತುಪಚ್ಚಯೇನ ಪಚ್ಚಯೋ। (೧)

ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಸಂಕಿಲಿಟ್ಠಸ್ಸ ಚೇವ ನೋ ಚ ಕಿಲೇಸಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಕಿಲೇಸಾ ಚೇವ ಸಂಕಿಲಿಟ್ಠಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ।

ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಕಿಲೇಸಸ್ಸ ಚೇವ ಸಂಕಿಲಿಟ್ಠಸ್ಸ ಚ ಸಂಕಿಲಿಟ್ಠಸ್ಸ ಚೇವ ನೋ ಚ ಕಿಲೇಸಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಕಿಲೇಸಾ ಚೇವ ಸಂಕಿಲಿಟ್ಠಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಕಿಲೇಸಾನಞ್ಚ ಹೇತುಪಚ್ಚಯೇನ ಪಚ್ಚಯೋ। (೩)

ಆರಮ್ಮಣಪಚ್ಚಯೋ

೮೭. ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಕಿಲೇಸಸ್ಸ ಚೇವ ಸಂಕಿಲಿಟ್ಠಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಕಿಲೇಸೇ ಆರಬ್ಭ ಕಿಲೇಸಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಕಿಲೇಸೇ ಆರಬ್ಭ ಸಂಕಿಲಿಟ್ಠಾ ಚೇವ ನೋ ಚ ಕಿಲೇಸಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಕಿಲೇಸೇ ಆರಬ್ಭ ಕಿಲೇಸಾ ಚ ಸಮ್ಪಯುತ್ತಕಾ ಖನ್ಧಾ ಚ ಉಪ್ಪಜ್ಜನ್ತಿ। (೩)

೮೮. ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ ಧಮ್ಮೋ ಸಂಕಿಲಿಟ್ಠಸ್ಸ ಚೇವ ನೋ ಚ ಕಿಲೇಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸಂಕಿಲಿಟ್ಠೇ ಚೇವ ನೋ ಚ ಕಿಲೇಸೇ ಖನ್ಧೇ ಆರಬ್ಭ ಸಂಕಿಲಿಟ್ಠಾ ಚೇವ ನೋ ಚ ಕಿಲೇಸಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಸಂಕಿಲಿಟ್ಠೇ ಚೇವ ನೋ ಚ ಕಿಲೇಸೇ ಖನ್ಧೇ ಆರಬ್ಭ ಕಿಲೇಸಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಸಂಕಿಲಿಟ್ಠೇ ಚೇವ ನೋ ಚ ಕಿಲೇಸೇ ಖನ್ಧೇ ಆರಬ್ಭ ಕಿಲೇಸಾ ಚ ಸಮ್ಪಯುತ್ತಕಾ ಖನ್ಧಾ ಚ ಉಪ್ಪಜ್ಜನ್ತಿ। (೩)

(ಇತರೇಪಿ ತೀಣಿ ಕಾತಬ್ಬಾ।)

ಅಧಿಪತಿಪಚ್ಚಯೋ

೮೯. ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಕಿಲೇಸಸ್ಸ ಚೇವ ಸಂಕಿಲಿಟ್ಠಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ… ತೀಣಿ।

ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ ಧಮ್ಮೋ ಸಂಕಿಲಿಟ್ಠಸ್ಸ ಚೇವ ನೋ ಚ ಕಿಲೇಸಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಸಂಕಿಲಿಟ್ಠೇ ಚೇವ ನೋ ಚ ಕಿಲೇಸೇ ಖನ್ಧೇ ಗರುಂ ಕತ್ವಾ…ಪೇ॰… ತೀಣಿ। (ದ್ವೇ ಅಧಿಪತಿ ತೀಣಿಪಿ ಕಾತಬ್ಬಾ, ಇತರೇ ದ್ವೇಪಿ ತೀಣಿ ಕಾತಬ್ಬಾ।)

ಅನನ್ತರಪಚ್ಚಯಾದಿ

೯೦. ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಕಿಲೇಸಸ್ಸ ಚೇವ ಸಂಕಿಲಿಟ್ಠಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ (ನವಪಿ ಕಾತಬ್ಬಾ, ಆವಜ್ಜನಾಪಿ ವುಟ್ಠಾನಮ್ಪಿ ನತ್ಥಿ)… ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನಿಸ್ಸಯಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ನವ ಪಞ್ಹಾ (ಪುರೇಜಾತಪಚ್ಚಯೋ ಪಚ್ಛಾಜಾತಪಚ್ಚಯೋಪಿ ನತ್ಥಿ)… ಆಸೇವನಪಚ್ಚಯೇನ ಪಚ್ಚಯೋ।

ಕಮ್ಮಪಚ್ಚಯಾದಿ

೯೧. ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ ಧಮ್ಮೋ ಸಂಕಿಲಿಟ್ಠಸ್ಸ ಚೇವ ನೋ ಚ ಕಿಲೇಸಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಂಕಿಲಿಟ್ಠಾ ಚೇವ ನೋ ಚ ಕಿಲೇಸಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ ಧಮ್ಮೋ ಕಿಲೇಸಸ್ಸ ಚೇವ ಸಂಕಿಲಿಟ್ಠಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಂಕಿಲಿಟ್ಠಾ ಚೇವ ನೋ ಚ ಕಿಲೇಸಾ ಚೇತನಾ ಸಮ್ಪಯುತ್ತಕಾನಂ ಕಿಲೇಸಾನಂ ಕಮ್ಮಪಚ್ಚಯೇನ ಪಚ್ಚಯೋ। (೨)

ಸಂಕಿಲಿಟ್ಠೋ ಚೇವ ನೋ ಚ ಕಿಲೇಸೋ ಧಮ್ಮೋ ಕಿಲೇಸಸ್ಸ ಚೇವ ಸಂಕಿಲಿಟ್ಠಸ್ಸ ಚ ಸಂಕಿಲಿಟ್ಠಸ್ಸ ಚೇವ ನೋ ಚ ಕಿಲೇಸಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಂಕಿಲಿಟ್ಠಾ ಚೇವ ನೋ ಚ ಕಿಲೇಸಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಿಲೇಸಾನಞ್ಚ ಕಮ್ಮಪಚ್ಚಯೇನ ಪಚ್ಚಯೋ। (೩)

ಆಹಾರಪಚ್ಚಯೇನ ಪಚ್ಚಯೋ… ತೀಣಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ತೀಣಿ… ಝಾನಪಚ್ಚಯೇನ ಪಚ್ಚಯೋ… ತೀಣಿ… ಮಗ್ಗಪಚ್ಚಯೇನ ಪಚ್ಚಯೋ… ನವ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ನವ… ಅತ್ಥಿಪಚ್ಚಯೇನ ಪಚ್ಚಯೋ… ನವ… ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ… ನವ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೯೨. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಆಸೇವನೇ ನವ, ಕಮ್ಮೇ ತೀಣಿ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ನವ, ಸಮ್ಪಯುತ್ತೇ ನವ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ।

ಪಚ್ಚನೀಯುದ್ಧಾರೋ

೯೩. ಕಿಲೇಸೋ ಚೇವ ಸಂಕಿಲಿಟ್ಠೋ ಚ ಧಮ್ಮೋ ಕಿಲೇಸಸ್ಸ ಚೇವ ಸಂಕಿಲಿಟ್ಠಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ನವಪಿ, ತೀಣಿಯೇವ ಪದಾ ಕಾತಬ್ಬಾ।)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೯೪. ನಹೇತುಯಾ ನವ, ನಆರಮ್ಮಣೇ ನವ (ಸಬ್ಬತ್ಥ ನವ), ನೋಅವಿಗತೇ ನವ।

೩. ಪಚ್ಚಯಾನುಲೋಮಪಚ್ಚನೀಯಂ

೯೫. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ತೀಣಿ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಉಪನಿಸ್ಸಯೇ ತೀಣಿ…ಪೇ॰… ನಮಗ್ಗೇ ತೀಣಿ…ಪೇ॰… ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೪. ಪಚ್ಚಯಪಚ್ಚನೀಯಾನುಲೋಮಂ

೯೬. ನಹೇತುಪಚ್ಚಯಾ ಆರಮ್ಮಣೇ ನವ (ಅನುಲೋಮಮಾತಿಕಾ ಕಾತಬ್ಬಾ)…ಪೇ॰… ಅವಿಗತೇ ನವ।

ಕಿಲೇಸಸಂಕಿಲಿಟ್ಠದುಕಂ ನಿಟ್ಠಿತಂ।

೮೧. ಕಿಲೇಸಕಿಲೇಸಸಮ್ಪಯುತ್ತದುಕಂ

೧. ಪಟಿಚ್ಚವಾರೋ

೯೭. ಕಿಲೇಸಞ್ಚೇವ ಕಿಲೇಸಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಚೇವ ಕಿಲೇಸಸಮ್ಪಯುತ್ತೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಲೋಭಂ ಪಟಿಚ್ಚ ಮೋಹೋ ದಿಟ್ಠಿ ಥಿನಂ ಉದ್ಧಚ್ಚಂ ಅಹಿರಿಕಂ ಅನೋತ್ತಪ್ಪಂ। (ಕಿಲೇಸಸಂಕಿಲಿಟ್ಠದುಕಸದಿಸಂ ನಿನ್ನಾನಾಕರಣಂ, ಸಬ್ಬೇ ವಾರಾ।)

ಕಿಲೇಸಕಿಲೇಸಸಮ್ಪಯುತ್ತದುಕಂ ನಿಟ್ಠಿತಂ।

೮೨. ಕಿಲೇಸವಿಪ್ಪಯುತ್ತಸಂಕಿಲೇಸಿಕದುಕಂ

೧. ಪಟಿಚ್ಚವಾರೋ

೯೮. ಕಿಲೇಸವಿಪ್ಪಯುತ್ತಂ ಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಕಿಲೇಸವಿಪ್ಪಯುತ್ತೋ ಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಿಲೇಸವಿಪ್ಪಯುತ್ತಂ ಸಂಕಿಲೇಸಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…।

(ಯಥಾ ಲೋಕಿಯದುಕಂ, ಏವಂ ನಿನ್ನಾನಾಕರಣಂ।)

ಕಿಲೇಸವಿಪ್ಪಯುತ್ತಸಂಕಿಲೇಸಿಕದುಕಂ ನಿಟ್ಠಿತಂ।

ಕಿಲೇಸಗೋಚ್ಛಕಂ ನಿಟ್ಠಿತಂ।

೧೩ . ಪಿಟ್ಠಿದುಕಂ

೮೩. ದಸ್ಸನೇನಪಹಾತಬ್ಬದುಕಂ

೩. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಚ ನದಸ್ಸನೇನ ಪಹಾತಬ್ಬೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ…ಪೇ॰… ದ್ವೇ ಖನ್ಧೇ…ಪೇ॰…। (೩)

ನದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰…। (೧)

ದಸ್ಸನೇನ ಪಹಾತಬ್ಬಞ್ಚ ನದಸ್ಸನೇನ ಪಹಾತಬ್ಬಞ್ಚ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ (ಸಂಖಿತ್ತಂ)। (೧)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೨. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅಧಿಪತಿಯಾ ಪಞ್ಚ, ಅನನ್ತರೇ ದ್ವೇ, ಸಮನನ್ತರೇ ದ್ವೇ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಪಞ್ಚ, ಉಪನಿಸ್ಸಯೇ ದ್ವೇ, ಪುರೇಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ಪಞ್ಚ, ವಿಪಾಕೇ ಏಕಂ, ಆಹಾರೇ ಪಞ್ಚ…ಪೇ॰… ಅವಿಗತೇ ಪಞ್ಚ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೩. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ। (೧)

ನದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ಉದ್ಧಚ್ಚಸಹಗತೋ ಮೋಹೋ। (೧)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೪. ನಹೇತುಯಾ ದ್ವೇ, ನಆರಮ್ಮಣೇ ತೀಣಿ, ನಅಧಿಪತಿಯಾ ಪಞ್ಚ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ಪಞ್ಚ, ನಆಸೇವನೇ ಪಞ್ಚ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೨. ಸಹಜಾತವಾರೋ

(ಇತರೇ ದ್ವೇ ಗಣನಾಪಿ ಸಹಜಾತವಾರೋಪಿ ಕಾತಬ್ಬೋ।)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೫. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚಸದಿಸಾ)।

೬. ನದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ) ವತ್ಥುಂ ಪಚ್ಚಯಾ ನದಸ್ಸನೇನ ಪಹಾತಬ್ಬಾ ಖನ್ಧಾ। (೧)

ನದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಾ ಖನ್ಧಾ। (೨)

ನದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಚ ನದಸ್ಸನೇನ ಪಹಾತಬ್ಬೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ। (೩)

೭. ದಸ್ಸನೇನ ಪಹಾತಬ್ಬಞ್ಚ ನದಸ್ಸನೇನ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। (೧)

ದಸ್ಸನೇನ ಪಹಾತಬ್ಬಞ್ಚ ನದಸ್ಸನೇನ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೨)

ದಸ್ಸನೇನ ಪಹಾತಬ್ಬಞ್ಚ ನದಸ್ಸನೇನ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಚ ನದಸ್ಸನೇನ ಪಹಾತಬ್ಬೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ದಸ್ಸನೇನ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೮. ಹೇತುಯಾ ನವ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ನವ…ಪೇ॰… ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೯. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ। (೧)

ನದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ …ಪೇ॰… ದ್ವೇ ಖನ್ಧೇ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ; ವತ್ಥುಂ ಪಚ್ಚಯಾ ಅಹೇತುಕಾ ನದಸ್ಸನೇನ ಪಹಾತಬ್ಬಾ ಖನ್ಧಾ, ಉದ್ಧಚ್ಚಸಹಗತೇ ಖನ್ಧೇ ಪಚ್ಚಯಾ ಉದ್ಧಚ್ಚಸಹಗತೋ ಮೋಹೋ, ವತ್ಥುಂ ಪಚ್ಚಯಾ ಉದ್ಧಚ್ಚಸಹಗತೋ ಮೋಹೋ। (೧)

ನದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವತ್ಥುಂ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ। (೨)

ದಸ್ಸನೇನ ಪಹಾತಬ್ಬಞ್ಚ ನದಸ್ಸನೇನ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ। (೧)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೧೦. ನಹೇತುಯಾ ಚತ್ತಾರಿ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೪. ನಿಸ್ಸಯವಾರೋ

(ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

೧೧. ದಸ್ಸನೇನ ಪಹಾತಬ್ಬಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ)। (೧)

ನದಸ್ಸನೇನ ಪಹಾತಬ್ಬಂ ಧಮ್ಮಂ ಸಂಸಟ್ಠೋ ನದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ)। (೧)

ಹೇತುಯಾ ದ್ವೇ, ಆರಮ್ಮಣೇ ದ್ವೇ, ಅಧಿಪತಿಯಾ ದ್ವೇ, ಅವಿಗತೇ ದ್ವೇ।

ಅನುಲೋಮಂ।

೧೨. ದಸ್ಸನೇನ ಪಹಾತಬ್ಬಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಸಂಸಟ್ಠೋ ವಿಚಿಕಿಚ್ಛಾಸಹಗತೋ ಮೋಹೋ। (೧)

ನದಸ್ಸನೇನ ಪಹಾತಬ್ಬಂ ಧಮ್ಮಂ ಸಂಸಟ್ಠೋ ನದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ (ಸಂಖಿತ್ತಂ)। (೧)

ನಹೇತುಯಾ ದ್ವೇ, ನಅಧಿಪತಿಯಾ ದ್ವೇ, ನಪುರೇಜಾತೇ ದ್ವೇ, ನಪಚ್ಛಾಜಾತೇ ದ್ವೇ, ನಆಸೇವನೇ ದ್ವೇ, ನಕಮ್ಮೇ ದ್ವೇ, ನವಿಪಾಕೇ ದ್ವೇ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ದ್ವೇ।

ಪಚ್ಚನೀಯಂ।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೩. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ।

ನದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನದಸ್ಸನೇನ ಪಹಾತಬ್ಬಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೧)

ಆರಮ್ಮಣಪಚ್ಚಯೋ

೧೪. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಂ ರಾಗಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ; ದಸ್ಸನೇನ ಪಹಾತಬ್ಬಂ ದಿಟ್ಠಿಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ವಿಚಿಕಿಚ್ಛಂ ಆರಬ್ಭ ವಿಚಿಕಿಚ್ಛಾ ಉಪ್ಪಜ್ಜತಿ, ದಿಟ್ಠಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಆರಬ್ಭ ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ। (೧)

ದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ದಸ್ಸನೇನ ಪಹಾತಬ್ಬೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ…ಪೇ॰… ದಸ್ಸನೇನ ಪಹಾತಬ್ಬೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ, ಚೇತೋಪರಿಯಞಾಣೇನ ದಸ್ಸನೇನ ಪಹಾತಬ್ಬಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ದಸ್ಸನೇನ ಪಹಾತಬ್ಬಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೨)

೧೫. ನದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ; ಉದ್ಧಚ್ಚಂ…ಪೇ॰… ನದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ …ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ…ಪೇ॰… ಫಲಸ್ಸ ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ನದಸ್ಸನೇನ ಪಹಾತಬ್ಬೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ನದಸ್ಸನೇನ ಪಹಾತಬ್ಬೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ…ಪೇ॰… ನದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ನದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ…ಪೇ॰… ಝಾನಾ…ಪೇ॰… ಚಕ್ಖುಂ …ಪೇ॰… ವತ್ಥುಂ ನದಸ್ಸನೇನ ಪಹಾತಬ್ಬೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ। (೨)

ಅಧಿಪತಿಪಚ್ಚಯೋ

೧೬. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಸ್ಸನೇನ ಪಹಾತಬ್ಬಂ ರಾಗಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ದಿಟ್ಠಿಂ ಗರುಂ ಕತ್ವಾ…ಪೇ॰…। ಸಹಜಾತಾಧಿಪತಿ – ದಸ್ಸನೇನ ಪಹಾತಬ್ಬಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ದಸ್ಸನೇನ ಪಹಾತಬ್ಬಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಚ ನದಸ್ಸನೇನ ಪಹಾತಬ್ಬಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ದಸ್ಸನೇನ ಪಹಾತಬ್ಬಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೧೭. ನದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ನದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ…ಪೇ॰… ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ನದಸ್ಸನೇನ ಪಹಾತಬ್ಬೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ನದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ। ಸಹಜಾತಾಧಿಪತಿ – ನದಸ್ಸನೇನ ಪಹಾತಬ್ಬಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ನದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ದಾನಂ ದತ್ವಾ…ಪೇ॰… ಝಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ನದಸ್ಸನೇನ ಪಹಾತಬ್ಬೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। (೨)

ಅನನ್ತರಪಚ್ಚಯೋ

೧೮. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದಸ್ಸನೇನ ಪಹಾತಬ್ಬಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ದಸ್ಸನೇನ ಪಹಾತಬ್ಬಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೧)

ದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ನದಸ್ಸನೇನ ಪಹಾತಬ್ಬಾ ಖನ್ಧಾ…ಪೇ॰… ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಆವಜ್ಜನಾ ದಸ್ಸನೇನ ಪಹಾತಬ್ಬಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೨)

ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಪಞ್ಚ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ದ್ವೇ… ನಿಸ್ಸಯಪಚ್ಚಯೇನ ಪಚ್ಚಯೋ… ಸತ್ತ।

ಉಪನಿಸ್ಸಯಪಚ್ಚಯೋ

೧೯. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ದಸ್ಸನೇನ ಪಹಾತಬ್ಬಂ ರಾಗಂ ಉಪನಿಸ್ಸಾಯ ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ದಸ್ಸನೇನ ಪಹಾತಬ್ಬಂ ದೋಸಂ… ಮೋಹಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ದಸ್ಸನೇನ ಪಹಾತಬ್ಬೋ ರಾಗೋ…ಪೇ॰… ಪತ್ಥನಾ ದಸ್ಸನೇನ ಪಹಾತಬ್ಬಸ್ಸ ರಾಗಸ್ಸ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ದಸ್ಸನೇನ ಪಹಾತಬ್ಬಂ ರಾಗಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ ದಸ್ಸನೇನ ಪಹಾತಬ್ಬಂ ದೋಸಂ… ಮೋಹಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ದಸ್ಸನೇನ ಪಹಾತಬ್ಬೋ ರಾಗೋ…ಪೇ॰… ಪತ್ಥನಾ ಸದ್ಧಾಯ…ಪೇ॰… ಪಞ್ಞಾಯ ನದಸ್ಸನೇನ ಪಹಾತಬ್ಬಸ್ಸ ರಾಗಸ್ಸ… ದೋಸಸ್ಸ… ಮೋಹಸ್ಸ… ಮಾನಸ್ಸ … ಪತ್ಥನಾಯ… ಕಾಯಿಕಸ್ಸ ಸುಖಸ್ಸ…ಪೇ॰… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

೨೦. ನದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ; ಸೀಲಂ…ಪೇ॰… ಪಞ್ಞಂ, ನದಸ್ಸನೇನ ಪಹಾತಬ್ಬಂ ರಾಗಂ… ದೋಸಂ… ಮೋಹಂ… ಮಾನಂ… ಪತ್ಥನಂ… ಕಾಯಿಕಂ ಸುಖಂ…ಪೇ॰… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ; ಸದ್ಧಾ…ಪೇ॰… ಪಞ್ಞಾ, ನದಸ್ಸನೇನ ಪಹಾತಬ್ಬೋ ರಾಗೋ…ಪೇ॰… ಪತ್ಥನಾ… ಕಾಯಿಕಂ ಸುಖಂ…ಪೇ॰… ಸೇನಾಸನಂ ಸದ್ಧಾಯ…ಪೇ॰… ಪಞ್ಞಾಯ ನದಸ್ಸನೇನ ಪಹಾತಬ್ಬಸ್ಸ ರಾಗಸ್ಸ…ಪೇ॰… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ… ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ನದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಪಞ್ಞಂ ಉಪನಿಸ್ಸಾಯ ದಿಟ್ಠಿಂ ಗಣ್ಹಾತಿ, ನದಸ್ಸನೇನ ಪಹಾತಬ್ಬಂ ರಾಗಂ… ದೋಸಂ… ಮೋಹಂ… ಮಾನಂ… ಪತ್ಥನಂ… ಕಾಯಿಕಂ ಸುಖಂ…ಪೇ॰… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಸದ್ಧಾ…ಪೇ॰… ಸೇನಾಸನಂ ದಸ್ಸನೇನ ಪಹಾತಬ್ಬಸ್ಸ ರಾಗಸ್ಸ… ದೋಸಸ್ಸ… ಮೋಹಸ್ಸ… ದಿಟ್ಠಿಯಾ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಪುರೇಜಾತಪಚ್ಚಯೋ

೨೧. ನದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನದಸ್ಸನೇನ ಪಹಾತಬ್ಬೋ ರಾಗೋ …ಪೇ॰… ಉದ್ಧಚ್ಚಂ…ಪೇ॰… ನದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ। ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰…। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ …ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ॰… ವತ್ಥು ನದಸ್ಸನೇನ ಪಹಾತಬ್ಬಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೧)

ನದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಸ್ಸನೇನ ಪಹಾತಬ್ಬೋ ರಾಗೋ…ಪೇ॰… ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ। ವತ್ಥುಪುರೇಜಾತಂ – ವತ್ಥು ದಸ್ಸನೇನ ಪಹಾತಬ್ಬಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

ಪಚ್ಛಾಜಾತಾಸೇವನಪಚ್ಚಯಾ

೨೨. ದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೧)

ನದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)… ಆಸೇವನಪಚ್ಚಯೇನ ಪಚ್ಚಯೋ… ದ್ವೇ।

ಕಮ್ಮಪಚ್ಚಯೋ

೨೩. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

ದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ದಸ್ಸನೇನ ಪಹಾತಬ್ಬಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ದಸ್ಸನೇನ ಪಹಾತಬ್ಬಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೨)

ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಚ ನದಸ್ಸನೇನ ಪಹಾತಬ್ಬಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

೨೪. ನದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ನದಸ್ಸನೇನ ಪಹಾತಬ್ಬಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ನದಸ್ಸನೇನ ಪಹಾತಬ್ಬಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ।

ವಿಪಾಕಪಚ್ಚಯಾದಿ

೨೫. ನದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ… ಏಕಂ… ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಚತ್ತಾರಿ… ಝಾನಪಚ್ಚಯೇನ ಪಚ್ಚಯೋ… ಚತ್ತಾರಿ… ಮಗ್ಗಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ದ್ವೇ।

ವಿಪ್ಪಯುತ್ತಪಚ್ಚಯೋ

೨೬. ದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

ನದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ)।

ನದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ದಸ್ಸನೇನ ಪಹಾತಬ್ಬಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೨)

ಅತ್ಥಿಪಚ್ಚಯಾದಿ

೨೭. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಪಟಿಚ್ಚಸದಿಸಂ)। ದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಚ ನದಸ್ಸನೇನ ಪಹಾತಬ್ಬಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಪಟಿಚ್ಚವಾರಸದಿಸಾ)। (೩)

ನದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। ನದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪುರೇಜಾತಂ – ಚಕ್ಖುಂ…ಪೇ॰… (ಸಂಖಿತ್ತಂ, ಪುರೇಜಾತಸದಿಸಂ)। (೨)

೨೮. ದಸ್ಸನೇನ ಪಹಾತಬ್ಬೋ ಚ ನದಸ್ಸನೇನ ಪಹಾತಬ್ಬೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ದಸ್ಸನೇನ ಪಹಾತಬ್ಬೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। (೧)

ದಸ್ಸನೇನ ಪಹಾತಬ್ಬೋ ಚ ನದಸ್ಸನೇನ ಪಹಾತಬ್ಬೋ ಚ ಧಮ್ಮಾ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ , ಇನ್ದ್ರಿಯಂ। ಸಹಜಾತಾ – ದಸ್ಸನೇನ ಪಹಾತಬ್ಬಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ದಸ್ಸನೇನ ಪಹಾತಬ್ಬಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ದಸ್ಸನೇನ ಪಹಾತಬ್ಬಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

ನತ್ಥಿಪಚ್ಚಯೇನ ಪಚ್ಚಯೋ, ವಿಗತಪಚ್ಚಯೇನ ಪಚ್ಚಯೋ, ಅವಿಗತಪಚ್ಚಯೇನ ಪಚ್ಚಯೋ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೨೯. ಹೇತುಯಾ ಚತ್ತಾರಿ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಪಚ್ಛಾಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ಚತ್ತಾರಿ, ವಿಪಾಕೇ ಏಕಂ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ನತ್ಥಿಯಾ ಚತ್ತಾರಿ, ವಿಗತೇ ಚತ್ತಾರಿ, ಅವಿಗತೇ ಸತ್ತ।

ಪಚ್ಚನೀಯುದ್ಧಾರೋ

೩೦. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೨)

ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಚ ನದಸ್ಸನೇನ ಪಹಾತಬ್ಬಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ। (೩)

೩೧. ನದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। (೧)

ನದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

ದಸ್ಸನೇನ ಪಹಾತಬ್ಬೋ ಚ ನದಸ್ಸನೇನ ಪಹಾತಬ್ಬೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ। (೧)

ದಸ್ಸನೇನ ಪಹಾತಬ್ಬೋ ಚ ನದಸ್ಸನೇನ ಪಹಾತಬ್ಬೋ ಚ ಧಮ್ಮಾ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। (೨)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೩೨. ನಹೇತುಯಾ ಸತ್ತ, ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತ, ನಅನನ್ತರೇ ಸತ್ತ, ನಸಮನನ್ತರೇ ಸತ್ತ, ನಸಹಜಾತೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನನಿಸ್ಸಯೇ ಪಞ್ಚ, ನಉಪನಿಸ್ಸಯೇ ಸತ್ತ, ನಪುರೇಜಾತೇ ಛ, ನಪಚ್ಛಾಜಾತೇ ಸತ್ತ…ಪೇ॰… ನಮಗ್ಗೇ ಸತ್ತ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ಚತ್ತಾರಿ, ನೋಅತ್ಥಿಯಾ ಚತ್ತಾರಿ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ, ನೋಅವಿಗತೇ ಚತ್ತಾರಿ।

೩. ಪಚ್ಚಯಾನುಲೋಮಪಚ್ಚನೀಯಂ

೩೩. ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ, ನಅಧಿಪತಿಯಾ ನವ, ನಅನನ್ತರೇ ಚತ್ತಾರಿ, ನಸಮನನ್ತರೇ ಚತ್ತಾರಿ, ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಚತ್ತಾರಿ (ಸಬ್ಬತ್ಥ ಚತ್ತಾರಿ), ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ಚತ್ತಾರಿ, ನೋವಿಗತೇ ಚತ್ತಾರಿ।

೪. ಪಚ್ಚಯಪಚ್ಚನೀಯಾನುಲೋಮಂ

೩೪. ನಹೇತುಪಚ್ಚಯಾ ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ (ಅನುಲೋಮಮಾತಿಕಾ ಕಾತಬ್ಬಾ)…ಪೇ॰… ಅವಿಗತೇ ಸತ್ತ।

ದಸ್ಸನೇನಪಹಾತಬ್ಬದುಕಂ ನಿಟ್ಠಿತಂ।

೮೪. ಭಾವನಾಯಪಹಾತಬ್ಬದುಕಂ

೧-೬. ಪಟಿಚ್ಚವಾರಾದಿ

೧-೪. ಪಚ್ಚಯಾನುಲೋಮಾದಿ

೩೫. ಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಯಥಾ ದಸ್ಸನದುಕಂ, ಏವಂ ವಿತ್ಥಾರೇತಬ್ಬಂ, ನಿನ್ನಾನಾಕರಣಂ)।

ಹೇತುಯಾ ಪಞ್ಚ…ಪೇ॰… ಅವಿಗತೇ ಪಞ್ಚ।

ಅನುಲೋಮಂ।

ಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ಉದ್ಧಚ್ಚಸಹಗತೋ ಮೋಹೋ।

ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ…ಪೇ॰… (ಯಾವ ಅಸಞ್ಞಸತ್ತಾ) ವಿಚಿಕಿಚ್ಛಾಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ (ಸಂಖಿತ್ತಂ)।

ನಹೇತುಯಾ ದ್ವೇ…ಪೇ॰… ನೋವಿಗತೇ ತೀಣಿ।

ಪಚ್ಚನೀಯಂ।

(ಪಚ್ಚಯವಾರಪಚ್ಚನೀಯೇ ನಹೇತುಪಚ್ಚಯೇ ಉದ್ಧಚ್ಚಸಹಗತೇ ತೀಣಿ, ಮೋಹೋ ಉದ್ಧರಿತಬ್ಬೋ। ಸಬ್ಬೇಪಿ ವಾರಾ ದಸ್ಸನದುಕಸದಿಸಾ, ಉದ್ಧಚ್ಚಪಚ್ಚನೀಯಮ್ಪಿ ನಾನಂ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೩೬. ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ… ತೀಣಿ।

ನಭಾವನಾಯ ಪಹಾತಬ್ಬೋ ಧಮ್ಮೋ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೧)

ಆರಮ್ಮಣಪಚ್ಚಯೋ

೩೭. ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಂ ರಾಗಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ; ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ; ಉದ್ಧಚ್ಚಂ ಆರಬ್ಭ ಉದ್ಧಚ್ಚಂ ಉಪ್ಪಜ್ಜತಿ, ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ; ಭಾವನಾಯ ಪಹಾತಬ್ಬಂ ದೋಮನಸ್ಸಂ ಆರಬ್ಭ ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ। (೧)

ಭಾವನಾಯ ಪಹಾತಬ್ಬೋ ಧಮ್ಮೋ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಭಾವನಾಯ ಪಹಾತಬ್ಬೇ ಪಹೀನೇ ಕಿಲೇಸೇ…ಪೇ॰… ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ ಸಮುದಾಚಿಣ್ಣೇ…ಪೇ॰… ಭಾವನಾಯ ಪಹಾತಬ್ಬೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ನಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ; ಚೇತೋಪರಿಯಞಾಣೇನ ಭಾವನಾಯ ಪಹಾತಬ್ಬಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಭಾವನಾಯ ಪಹಾತಬ್ಬಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ , ಯಥಾಕಮ್ಮೂಪಗಞಾಣಸ್ಸ , ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೨)

೩೮. ನಭಾವನಾಯ ಪಹಾತಬ್ಬೋ ಧಮ್ಮೋ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ನಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ಪುಬ್ಬೇ…ಪೇ॰… ಝಾನಾ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ…ಪೇ॰… ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ನಭಾವನಾಯ ಪಹಾತಬ್ಬೇ ಪಹೀನೇ ಕಿಲೇಸೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ನಭಾವನಾಯ ಪಹಾತಬ್ಬೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ನಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಝಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ನಭಾವನಾಯ ಪಹಾತಬ್ಬೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ, ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ। (೨)

ಅಧಿಪತಿಪಚ್ಚಯೋ

೩೯. ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಭಾವನಾಯ ಪಹಾತಬ್ಬಂ ರಾಗಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ। ಸಹಜಾತಾಧಿಪತಿ – ಭಾವನಾಯ ಪಹಾತಬ್ಬಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ಭಾವನಾಯ ಪಹಾತಬ್ಬೋ ಧಮ್ಮೋ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ , ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಭಾವನಾಯ ಪಹಾತಬ್ಬಂ ರಾಗಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ನಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ಭಾವನಾಯ ಪಹಾತಬ್ಬಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಚ ನಭಾವನಾಯ ಪಹಾತಬ್ಬಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಭಾವನಾಯ ಪಹಾತಬ್ಬಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೪೦. ನಭಾವನಾಯ ಪಹಾತಬ್ಬೋ ಧಮ್ಮೋ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ನಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ। ಸಹಜಾತಾಧಿಪತಿ – ನಭಾವನಾಯ ಪಹಾತಬ್ಬಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ದಾನಂ…ಪೇ॰… ಝಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ನಭಾವನಾಯ ಪಹಾತಬ್ಬೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ। (೨)

ಅನನ್ತರಪಚ್ಚಯಾದಿ

೪೧. ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ಚತ್ತಾರಿ (ದಸ್ಸನದುಕಸದಿಸಾ ಭಾವನಾ ನಿನ್ನಾನಾಕರಣಾ)… ಸಮನನ್ತರಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಹಜಾತಪಚ್ಚಯೇನ ಪಚ್ಚಯೋ… ಪಞ್ಚ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ದ್ವೇ… ನಿಸ್ಸಯಪಚ್ಚಯೇನ ಪಚ್ಚಯೋ… ಸತ್ತ।

ಉಪನಿಸ್ಸಯಪಚ್ಚಯೋ

೪೨. ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಭಾವನಾಯ ಪಹಾತಬ್ಬೋ ರಾಗೋ… ದೋಸೋ… ಮೋಹೋ… ಮಾನೋ… ಪತ್ಥನಾ ಭಾವನಾಯ ಪಹಾತಬ್ಬಸ್ಸ ರಾಗಸ್ಸ … ದೋಸಸ್ಸ… ಮೋಹಸ್ಸ… ಮಾನಸ್ಸ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಭಾವನಾಯ ಪಹಾತಬ್ಬೋ ಧಮ್ಮೋ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಭಾವನಾಯ ಪಹಾತಬ್ಬಂ ರಾಗಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಭಾವನಾಯ ಪಹಾತಬ್ಬಂ ದೋಸಂ… ಮೋಹಂ… ಮಾನಂ… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಭಾವನಾಯ ಪಹಾತಬ್ಬೋ ರಾಗೋ…ಪೇ॰… ಪತ್ಥನಾ ಸದ್ಧಾಯ…ಪೇ॰… ಪಞ್ಞಾಯ ನಭಾವನಾಯ ಪಹಾತಬ್ಬಸ್ಸ, ರಾಗಸ್ಸ… ದೋಸಸ್ಸ… ಮೋಹಸ್ಸ… ದಿಟ್ಠಿಯಾ… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ… ಮಗ್ಗಸ್ಸ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

೪೩. ನಭಾವನಾಯ ಪಹಾತಬ್ಬೋ ಧಮ್ಮೋ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಪಞ್ಞಂ, ನಭಾವನಾಯ ಪಹಾತಬ್ಬಂ ರಾಗಂ… ದೋಸಂ… ಮೋಹಂ… ದಿಟ್ಠಿಂ… ಪತ್ಥನಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ…ಪೇ॰… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಸದ್ಧಾ…ಪೇ॰… ಸೇನಾಸನಂ ಸದ್ಧಾಯ…ಪೇ॰… ಪಞ್ಞಾಯ ನಭಾವನಾಯ ಪಹಾತಬ್ಬಸ್ಸ ರಾಗಸ್ಸ… ದೋಸಸ್ಸ… ಮೋಹಸ್ಸ… ದಿಟ್ಠಿಯಾ… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ… ಮಗ್ಗಸ್ಸ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ , ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ…ಪೇ॰… ಸೀಲಂ…ಪೇ॰… ಪಞ್ಞಂ… ರಾಗಂ…ಪೇ॰… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಸೇನಾಸನಂ ಉಪನಿಸ್ಸಾಯ ಮಾನಂ ಜಪ್ಪೇತಿ; ಸದ್ಧಾ…ಪೇ॰… ಸೇನಾಸನಂ ಭಾವನಾಯ ಪಹಾತಬ್ಬಸ್ಸ ರಾಗಸ್ಸ… ದೋಸಸ್ಸ… ಮೋಹಸ್ಸ… ಮಾನಸ್ಸ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಪುರೇಜಾತಪಚ್ಚಯಾದಿ

೪೪. ನಭಾವನಾಯ ಪಹಾತಬ್ಬೋ ಧಮ್ಮೋ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ; ನಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰…। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ॰… ವತ್ಥು ನಭಾವನಾಯ ಪಹಾತಬ್ಬಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೧)

ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ, ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ। ವತ್ಥುಪುರೇಜಾತಂ – ವತ್ಥು ಭಾವನಾಯ ಪಹಾತಬ್ಬಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

೪೫. ಪಚ್ಛಾಜಾತಪಚ್ಚಯೇನ ಪಚ್ಚಯೋ… ದ್ವೇ, ಆಸೇವನಪಚ್ಚಯೇನ ಪಚ್ಚಯೋ… ದ್ವೇ, ಕಮ್ಮಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಭಾವನಾಯ ಪಹಾತಬ್ಬಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಭಾವನಾಯ ಪಹಾತಬ್ಬಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

ನಭಾವನಾಯ ಪಹಾತಬ್ಬೋ ಧಮ್ಮೋ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ನಭಾವನಾಯ ಪಹಾತಬ್ಬಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ನಭಾವನಾಯ ಪಹಾತಬ್ಬಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ… ವಿಪಾಕಪಚ್ಚಯೇನ ಪಚ್ಚಯೋ… ಏಕಂ…ಪೇ॰… ಅವಿಗತಪಚ್ಚಯೇನ ಪಚ್ಚಯೋ। (ಸಬ್ಬಪಚ್ಚಯಾ ದಸ್ಸನದುಕಸದಿಸಾ, ಭಾವನಾ ನಿನ್ನಾನಾಕರಣಾ।)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೪೬. ಹೇತುಯಾ ಚತ್ತಾರಿ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಪಚ್ಛಾಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ಚತ್ತಾರಿ, ವಿಪಾಕೇ ಏಕಂ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ನತ್ಥಿಯಾ ಚತ್ತಾರಿ, ವಿಗತೇ ಚತ್ತಾರಿ, ಅವಿಗತೇ ಸತ್ತ।

(ಪಚ್ಚನೀಯವಿಭಙ್ಗೋ ದಸ್ಸನದುಕಸದಿಸೋ ವಿಭಜಿತಬ್ಬೋ। ಏವಂ ತೀಣಿ ಗಣನಾಪಿ ಗಣೇತಬ್ಬಾ।)

ಭಾವನಾಯಪಹಾತಬ್ಬದುಕಂ ನಿಟ್ಠಿತಂ।

೮೫. ದಸ್ಸನೇನಪಹಾತಬ್ಬಹೇತುಕದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೪೭. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

೪೮. ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ವಿಚಿಕಿಚ್ಛಾಸಹಗತಂ ಮೋಹಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ)। (೧)

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿಚಿಕಿಚ್ಛಾಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ। (೨)

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವಿಚಿಕಿಚ್ಛಾಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ। (೩)

೪೯. ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। (೧)

ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰…। (೩)

ಆರಮ್ಮಣಪಚ್ಚಯೋ

೫೦. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ। (೨)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಮೋಹೋ ಚ…ಪೇ॰… ದ್ವೇ ಖನ್ಧೇ…ಪೇ॰…। (೩)

೫೧. ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ನದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ। (೨)

ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। (೧) (ಸಂಖಿತ್ತಂ।)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೫೨. ಹೇತುಯಾ ನವ, ಆರಮ್ಮಣೇ ಛ, ಅಧಿಪತಿಯಾ ಪಞ್ಚ, ಅನನ್ತರೇ ಛ, ಸಮನನ್ತರೇ ಛ, ಸಹಜಾತೇ ನವ, ಅಞ್ಞಮಞ್ಞೇ ಛ, ನಿಸ್ಸಯೇ ನವ, ಉಪನಿಸ್ಸಯೇ ಛ, ಪುರೇಜಾತೇ ಛ, ಆಸೇವನೇ ಛ, ಕಮ್ಮೇ ನವ, ವಿಪಾಕೇ ಏಕಂ, ಆಹಾರೇ ನವ, ಇನ್ದ್ರಿಯೇ ನವ, ಝಾನೇ ನವ, ಮಗ್ಗೇ ನವ, ಸಮ್ಪಯುತ್ತೇ ಛ, ವಿಪ್ಪಯುತ್ತೇ ನವ, ಅತ್ಥಿಯಾ ನವ, ನತ್ಥಿಯಾ ಛ, ವಿಗತೇ ಛ, ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೫೩. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ। (೧)

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ ಅಹೇತುಕಂ ನದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… (ಯಾವ ಅಸಞ್ಞಸತ್ತಾ) ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ಉದ್ಧಚ್ಚಸಹಗತೋ ಮೋಹೋ। (೧)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೫೪. ನಹೇತುಯಾ ದ್ವೇ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೩. ಪಚ್ಚಯಾನುಲೋಮಪಚ್ಚನೀಯಂ

೫೫. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ನವ…ಪೇ॰… ನಪುರೇಜಾತೇ ಸತ್ತ…ಪೇ॰… ನವಿಪ್ಪಯುತ್ತೇ ಚತ್ತಾರಿ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೪. ಪಚ್ಚಯಪಚ್ಚನೀಯಾನುಲೋಮಂ

೫೬. ನಹೇತುಪಚ್ಚಯಾ ಆರಮ್ಮಣೇ ದ್ವೇ, ಅನನ್ತರೇ ದ್ವೇ…ಪೇ॰… ವಿಪಾಕೇ ಏಕಂ…ಪೇ॰… ಮಗ್ಗೇ ದ್ವೇ…ಪೇ॰… ಅವಿಗತೇ ದ್ವೇ।

೨. ಸಹಜಾತವಾರೋ

(ಸಹಜಾತವಾರೋ ಪಟಿಚ್ಚವಾರಸದಿಸೋ।)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೫೭. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ।

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ) ವತ್ಥುಂ ಪಚ್ಚಯಾ ನದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ। (೧)

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ, ವಿಚಿಕಿಚ್ಛಾಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ। (೨)

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವಿಚಿಕಿಚ್ಛಾಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ। (೩)

೫೮. ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। (೧)

ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ , ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೨)

ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰…। (೩)

ಆರಮ್ಮಣಪಚ್ಚಯೋ

೫೯. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ತೀಣಿ (ಪಟಿಚ್ಚಸದಿಸಾ)।

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ನದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ವತ್ಥುಂ ಪಚ್ಚಯಾ ನದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ, ವತ್ಥುಂ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ। ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ, ವಿಚಿಕಿಚ್ಛಾಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ। ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ। (೩)

೬೦. ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। (೧)

ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ। (೨)

ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ ಮೋಹೋ ಚ…ಪೇ॰… ದ್ವೇ ಖನ್ಧೇ ಚ…ಪೇ॰…। (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೬೧. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ (ಸಬ್ಬತ್ಥ ನವ), ವಿಪಾಕೇ ಏಕಂ…ಪೇ॰… ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೬೨. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ। (೧)

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನದಸ್ಸನೇನ ಪಹಾತಬ್ಬಹೇತುಕಂ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ನದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ, ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಉದ್ಧಚ್ಚಸಹಗತೋ ಮೋಹೋ। (೧)

ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ (ಸಂಖಿತ್ತಂ)। (೧)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೬೩. ನಹೇತುಯಾ ತೀಣಿ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೪. ನಿಸ್ಸಯವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೬೪. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿಚಿಕಿಚ್ಛಾಸಹಗತಂ ಮೋಹಂ ಸಂಸಟ್ಠಾ ಸಮ್ಪಯುತ್ತಕಾ ಖನ್ಧಾ। (೨)

ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। (೧)

ಆರಮ್ಮಣಪಚ್ಚಯೋ

೬೫. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ತೀಣಿ (ಪಟಿಚ್ಚಸದಿಸಾ)।

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ನದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ (ಪಟಿಚ್ಚಸದಿಸಂ)। (೨)

ದಸ್ಸನೇನ ಪಹಾತಬ್ಬಹೇತುಕಞ್ಚ ನದಸ್ಸನೇನ ಪಹಾತಬ್ಬಹೇತುಕಞ್ಚ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ (ಪಟಿಚ್ಚಸದಿಸಂ, ಸಂಖಿತ್ತಂ)। (೧)

೬೬. ಹೇತುಯಾ ಚತ್ತಾರಿ, ಆರಮ್ಮಣೇ ಛ, ಅಧಿಪತಿಯಾ ದ್ವೇ, ಅನನ್ತರೇ ಛ (ಸಬ್ಬತ್ಥ ಛ), ವಿಪಾಕೇ ಏಕಂ…ಪೇ॰… ಅವಿಗತೇ ಛ।

ಅನುಲೋಮಂ।

ನಹೇತುಪಚ್ಚಯೋ

೬೭. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಸಂಸಟ್ಠೋ ವಿಚಿಕಿಚ್ಛಾಸಹಗತೋ ಮೋಹೋ। (೧)

ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ಉದ್ಧಚ್ಚಸಹಗತೇ ಖನ್ಧೇ ಸಂಸಟ್ಠೋ ಉದ್ಧಚ್ಚಸಹಗತೋ ಮೋಹೋ। (೧)

ನಹೇತುಯಾ ದ್ವೇ, ನಅಧಿಪತಿಯಾ ಛ, ನಪುರೇಜಾತೇ ಛ, ನಪಚ್ಛಾಜಾತೇ ಛ, ನಆಸೇವನೇ ಛ, ನಕಮ್ಮೇ ಚತ್ತಾರಿ, ನವಿಪಾಕೇ ಛ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ಛ।

ಪಚ್ಚನೀಯಂ।

ಹೇತುದುಕಂ

ಹೇತುಪಚ್ಚಯಾ ನಅಧಿಪತಿಯಾ ಚತ್ತಾರಿ, ನಪುರೇಜಾತೇ ಚತ್ತಾರಿ…ಪೇ॰… ನವಿಪ್ಪಯುತ್ತೇ ಚತ್ತಾರಿ।

ನಹೇತುದುಕಂ

ನಹೇತುಪಚ್ಚಯಾ ಆರಮ್ಮಣೇ ದ್ವೇ, ಅನನ್ತರೇ ದ್ವೇ…ಪೇ॰… ವಿಪಾಕೇ ಏಕಂ…ಪೇ॰… ಅವಿಗತೇ ದ್ವೇ।

೬. ಸಮ್ಪಯುತ್ತವಾರೋ

(ಸಮ್ಪಯುತ್ತವಾರೋ ಸಂಸಟ್ಠವಾರಸದಿಸೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೬೮. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ದಸ್ಸನೇನ ಪಹಾತಬ್ಬಹೇತುಕಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ದಸ್ಸನೇನ ಪಹಾತಬ್ಬಹೇತುಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

೬೯ . ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನದಸ್ಸನೇನ ಪಹಾತಬ್ಬಹೇತುಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ, ವಿಚಿಕಿಚ್ಛಾಸಹಗತೋ ಮೋಹೋ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (ಮೂಲಂ ಕಾತಬ್ಬಂ।) ವಿಚಿಕಿಚ್ಛಾಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ವಿಚಿಕಿಚ್ಛಾಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

ಆರಮ್ಮಣಪಚ್ಚಯೋ

೭೦. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಆರಬ್ಭ ನದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಆರಬ್ಭ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ। (೩)

೭೧. ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನದಸ್ಸನೇನ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ, ನದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ, ಪುಬ್ಬೇ ಸುಚಿಣ್ಣಾನಿ …ಪೇ॰… ಝಾನಾ ವುಟ್ಠಹಿತ್ವಾ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ…ಪೇ॰… ಅರಿಯಾ ನದಸ್ಸನೇನ ಪಹಾತಬ್ಬಹೇತುಕೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ, ಚಕ್ಖುಂ…ಪೇ॰… ವತ್ಥುಂ ನದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮೋಹಞ್ಚ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನದಸ್ಸನೇನ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ, ನದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… ಅನಾಗತಂಸಞಾಣಸ್ಸ, ಆವಜ್ಜನಾಯ, ಮೋಹಸ್ಸ ಚ ಆರಮ್ಮಣಪಚ್ಚಯೇನ ಪಚ್ಚಯೋ।

ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಝಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ನದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮೋಹಞ್ಚ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ।

ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನದಸ್ಸನೇನ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚಕ್ಖುಂ…ಪೇ॰… ವತ್ಥುಂ ನದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮೋಹಞ್ಚ ಆರಬ್ಭ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ। (೩)

೭೨. ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ನದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ। (೩)

ಅಧಿಪತಿಪಚ್ಚಯೋ

೭೩. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಗರುಂ ಕತ್ವಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ದಸ್ಸನೇನ ಪಹಾತಬ್ಬಹೇತುಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ದಸ್ಸನೇನ ಪಹಾತಬ್ಬಹೇತುಕಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನದಸ್ಸನೇನ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ದಸ್ಸನೇನ ಪಹಾತಬ್ಬಹೇತುಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೭೪. ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ನದಸ್ಸನೇನ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ…ಪೇ॰… ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ನದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ನದಸ್ಸನೇನ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ। ಸಹಜಾತಾಧಿಪತಿ – ನದಸ್ಸನೇನ ಪಹಾತಬ್ಬಹೇತುಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ…ಪೇ॰… ಝಾನಾ…ಪೇ॰… ಚಕ್ಖುಂ…ಪೇ॰… ವತ್ಥುಂ ನದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ದಸ್ಸನೇನ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। (೨)

ಅನನ್ತರಪಚ್ಚಯೋ

೭೫. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ದಸ್ಸನೇನ ಪಹಾತಬ್ಬಹೇತುಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ವಿಚಿಕಿಚ್ಛಾಸಹಗತಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ವಿಚಿಕಿಚ್ಛಾಸಹಗತಸ್ಸ ಮೋಹಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ ।) ಪುರಿಮಾ ಪುರಿಮಾ ವಿಚಿಕಿಚ್ಛಾಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

೭೬. ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿಚಿಕಿಚ್ಛಾಸಹಗತೋ ಮೋಹೋ ಪಚ್ಛಿಮಸ್ಸ ಪಚ್ಛಿಮಸ್ಸ ವಿಚಿಕಿಚ್ಛಾಸಹಗತಸ್ಸ ಮೋಹಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ನದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ…ಪೇ॰… ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮೋ ಪುರಿಮೋ ವಿಚಿಕಿಚ್ಛಾಸಹಗತೋ ಮೋಹೋ ಪಚ್ಛಿಮಾನಂ ಪಚ್ಛಿಮಾನಂ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ದಸ್ಸನೇನ ಪಹಾತಬ್ಬಹೇತುಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮೋ ಪುರಿಮೋ ವಿಚಿಕಿಚ್ಛಾಸಹಗತೋ ಮೋಹೋ ಪಚ್ಛಿಮಾನಂ ಪಚ್ಛಿಮಾನಂ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

೭೭. ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಪಚ್ಛಿಮಾನಂ ಪಚ್ಛಿಮಾನಂ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಪಚ್ಛಿಮಸ್ಸ ಪಚ್ಛಿಮಸ್ಸ ವಿಚಿಕಿಚ್ಛಾಸಹಗತಸ್ಸ ಮೋಹಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಪಚ್ಛಿಮಾನಂ ಪಚ್ಛಿಮಾನಂ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

ಸಮನನ್ತರಪಚ್ಚಯೇನ ಪಚ್ಚಯೋ… ನವ… ಸಹಜಾತಪಚ್ಚಯೇನ ಪಚ್ಚಯೋ… ನವ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ಛ… ನಿಸ್ಸಯಪಚ್ಚಯೇನ ಪಚ್ಚಯೋ… ನವ।

ಉಪನಿಸ್ಸಯಪಚ್ಚಯೋ

೭೮. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ದಸ್ಸನೇನ ಪಹಾತಬ್ಬಹೇತುಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಅವಸೇಸೇಸು ದ್ವೀಸು ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ ।) (ಮೂಲಂ ಕಾತಬ್ಬಂ।) ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ನದಸ್ಸನೇನ ಪಹಾತಬ್ಬಹೇತುಕಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೭೯. ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ ಮಾನಂ ಜಪ್ಪೇತಿ; ಸೀಲಂ …ಪೇ॰… ಪಞ್ಞಂ… ನದಸ್ಸನೇನ ಪಹಾತಬ್ಬಹೇತುಕಂ ರಾಗಂ… ದೋಸಂ… ಮೋಹಂ… ಮಾನಂ… ಪತ್ಥನಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ಸದ್ಧಾ…ಪೇ॰… ಸೇನಾಸನಂ ಸದ್ಧಾಯ…ಪೇ॰… ಪಞ್ಞಾಯ ನದಸ್ಸನೇನ ಪಹಾತಬ್ಬಹೇತುಕಸ್ಸ ರಾಗಸ್ಸ…ಪೇ॰… ಪತ್ಥನಾಯ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಪಞ್ಞಂ… ನದಸ್ಸನೇನ ಪಹಾತಬ್ಬಹೇತುಕಂ ರಾಗಂ… ದೋಸಂ… ಮೋಹಂ… ಮಾನಂ… ಪತ್ಥನಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಸದ್ಧಾ…ಪೇ॰… ಸೇನಾಸನಂ ದಸ್ಸನೇನ ಪಹಾತಬ್ಬಹೇತುಕಸ್ಸ ರಾಗಸ್ಸ… ದೋಸಸ್ಸ… ಮೋಹಸ್ಸ… ದಿಟ್ಠಿಯಾ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನದಸ್ಸನೇನ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಾ…ಪೇ॰… ಪಞ್ಞಾ, ನದಸ್ಸನೇನ ಪಹಾತಬ್ಬಹೇತುಕೋ ರಾಗೋ… ದೋಸೋ… ಮೋಹೋ… ಮಾನೋ… ಪತ್ಥನಾ… ಕಾಯಿಕಂ ಸುಖಂ…ಪೇ॰… ಸೇನಾಸನಂ, ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೮೦. ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ದಸ್ಸನೇನ ಪಹಾತಬ್ಬಹೇತುಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ನದಸ್ಸನೇನ ಪಹಾತಬ್ಬಹೇತುಕಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

ಪುರೇಜಾತಪಚ್ಚಯೋ

೮೧. ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನದಸ್ಸನೇನ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ, ನದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ…ಪೇ॰…। (ಸಂಖಿತ್ತಂ। ವತ್ಥುಪುರೇಜಾತಂ ಸಂಖಿತ್ತಂ।) (೧)

ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ। (ವತ್ಥುಪುರೇಜಾತಂ ಸಂಖಿತ್ತಂ।) (೨)

ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನದಸ್ಸನೇನ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಆರಬ್ಭ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ। (ವತ್ಥುಪುರೇಜಾತಂ ಸಂಖಿತ್ತಂ।) (೩)

ಪಚ್ಛಾಜಾತಾಸೇವನಪಚ್ಚಯಾ

೮೨. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)… ಆಸೇವನಪಚ್ಚಯೇನ ಪಚ್ಚಯೋ।

ಕಮ್ಮಪಚ್ಚಯಾದಿ

೮೩. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ದಸ್ಸನೇನ ಪಹಾತಬ್ಬಹೇತುಕಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ದಸ್ಸನೇನ ಪಹಾತಬ್ಬಹೇತುಕಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನದಸ್ಸನೇನ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ನದಸ್ಸನೇನ ಪಹಾತಬ್ಬಹೇತುಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ನದಸ್ಸನೇನ ಪಹಾತಬ್ಬಹೇತುಕಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

ವಿಪಾಕಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಝಾನಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಛ… ವಿಪ್ಪಯುತ್ತಪಚ್ಚಯೇನ ಪಚ್ಚಯೋ… ಪಞ್ಚ।

ಅತ್ಥಿಪಚ್ಚಯಾದಿ

೮೪. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ… ತೀಣಿ।

ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ಸಂಖಿತ್ತಂ)। ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನದಸ್ಸನೇನ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ಸಂಖಿತ್ತಂ)। (೩)

೮೫. ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ದಸ್ಸನೇನ ಪಹಾತಬ್ಬಹೇತುಕೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰… ವಿಚಿಕಿಚ್ಛಾಸಹಗತೋ ಏಕೋ ಖನ್ಧೋ ಚ ಮೋಹೋ ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನದಸ್ಸನೇನ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ಸಂಖಿತ್ತಂ)। (೩)

ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೮೬. ಹೇತುಯಾ ಛ, ಆರಮ್ಮಣೇ ನವ, ಅಧಿಪತಿಯಾ ಪಞ್ಚ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ಛ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ನವ, ಕಮ್ಮೇ ಚತ್ತಾರಿ, ವಿಪಾಕೇ ಏಕಂ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ಛ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ।

ಪಚ್ಚನೀಯುದ್ಧಾರೋ

೮೭. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನದಸ್ಸನೇನ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೮೮. ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನದಸ್ಸನೇನ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೩)

೮೯. ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ನದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। ದಸ್ಸನೇನ ಪಹಾತಬ್ಬಹೇತುಕೋ ಚ ನದಸ್ಸನೇನ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನದಸ್ಸನೇನ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೯೦. ನಹೇತುಯಾ ನವ, ನಆರಮ್ಮಣೇ ನವ (ಸಬ್ಬತ್ಥ ನವ), ನೋಅವಿಗತೇ ನವ।

೩. ಪಚ್ಚಯಾನುಲೋಮಪಚ್ಚನೀಯಂ

೯೧. ಹೇತುಪಚ್ಚಯಾ ನಆರಮ್ಮಣೇ ಛ, ನಅಧಿಪತಿಯಾ ಛ, ನಅನನ್ತರೇ ಛ, ನಸಮನನ್ತರೇ ಛ, ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಛ…ಪೇ॰… ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಛ, ನೋವಿಗತೇ ಛ।

೪. ಪಚ್ಚಯಪಚ್ಚನೀಯಾನುಲೋಮಂ

೯೨. ನಹೇತುಪಚ್ಚಯಾ ಆರಮ್ಮಣೇ ನವ, ಅಧಿಪತಿಯಾ ಪಞ್ಚ (ಅನುಲೋಮಮಾತಿಕಾ)…ಪೇ॰… ಅವಿಗತೇ ನವ।

ದಸ್ಸನೇನಪಹಾತಬ್ಬಹೇತುಕದುಕಂ ನಿಟ್ಠಿತಂ।

೮೬. ಭಾವನಾಯಪಹಾತಬ್ಬಹೇತುಕದುಕಂ

೧-೬. ಪಟಿಚ್ಚವಾರಾದಿ

೯೩. ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…।

೨-೬. ಸಹಜಾತ-ಪಚ್ಚಯ-ನಿಸ್ಸಯ-ಸಂಸಟ್ಠ-ಸಮ್ಪಯುತ್ತವಾರೋ

(ಏವಂ ಪಟಿಚ್ಚವಾರೋಪಿ ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ದಸ್ಸನೇನ ಪಹಾತಬ್ಬಹೇತುಕದುಕಸದಿಸಾ। ಉದ್ಧಚ್ಚಸಹಗತೋ ಮೋಹೋ ವಿಚಿಕಿಚ್ಛಾಸಹಗತಮೋಹಟ್ಠಾನೇ ಠಪೇತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೯೪. ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ಛ…ಪೇ॰… (ದಸ್ಸನೇನ ಪಹಾತಬ್ಬಹೇತುಕದುಕಸದಿಸಾ)।

ಆರಮ್ಮಣಪಚ್ಚಯೋ

೯೫. ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಆರಬ್ಭ ದಸ್ಸನೇನ ಪಹಾತಬ್ಬಹೇತುಕದುಕಸದಿಸಾ)।

೯೬. ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನಭಾವನಾಯ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ನಭಾವನಾಯ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ, ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ…ಪೇ॰… ಅರಿಯಾ ಮಗ್ಗಾ…ಪೇ॰… ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ನಭಾವನಾಯ ಪಹಾತಬ್ಬಹೇತುಕೇ ಪಹೀನೇ ಕಿಲೇಸೇ…ಪೇ॰… ಪುಬ್ಬೇ ಸಮುದಾಚಿಣ್ಣೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಚ ಮೋಹಞ್ಚ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನಭಾವನಾಯ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ನಭಾವನಾಯ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… ಅನಾಗತಂಸಞಾಣಸ್ಸ, ಆವಜ್ಜನಾಯ, ಮೋಹಸ್ಸ ಚ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಝಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಚ ಮೋಹಞ್ಚ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಭಾವನಾಯ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ…ಪೇ॰… ಭಾವನಾಯ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ। (೨)

ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚಕ್ಖುಂ…ಪೇ॰… ವತ್ಥುಂ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಚ ಮೋಹಞ್ಚ ಆರಬ್ಭ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ (ಘಟನಾರಮ್ಮಣಾ ತೀಣಿಪಿ ಕಾತಬ್ಬಾ)। (೩)

ಅಧಿಪತಿಪಚ್ಚಯಾದಿ

೯೭. ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಭಾವನಾಯ ಪಹಾತಬ್ಬಹೇತುಕಂ ರಾಗಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಭಾವನಾಯ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ। ಸಹಜಾತಾಧಿಪತಿ – ಭಾವನಾಯ ಪಹಾತಬ್ಬಹೇತುಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಭಾವನಾಯ ಪಹಾತಬ್ಬಹೇತುಕಂ ರಾಗಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ನಭಾವನಾಯ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ಭಾವನಾಯ ಪಹಾತಬ್ಬಹೇತುಕಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಭಾವನಾಯ ಪಹಾತಬ್ಬಹೇತುಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೯೮. ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ನಭಾವನಾಯ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ಪುಬ್ಬೇ…ಪೇ॰… ಝಾನಾ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ…ಪೇ॰… ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ನಭಾವನಾಯ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ನಭಾವನಾಯ ಪಹಾತಬ್ಬಹೇತುಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ – ದಾನಂ…ಪೇ॰… ಝಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಭಾವನಾಯ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ। (೨)

(ಅನನ್ತರಪಚ್ಚಯೇ ನಭಾವನಾಯ ಪಹಾತಬ್ಬಹೇತುಕಕಾರಣಾ ವಿಚಿಕಿಚ್ಛಾಸಹಗತೋ ಮೋಹೋ ನ ಕಾತಬ್ಬೋ, ಉದ್ಧಚ್ಚಸಹಗತೋ ಮೋಹೋ ಕಾತಬ್ಬೋ।) ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ನವ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ಛ… ನಿಸ್ಸಯಪಚ್ಚಯೇನ ಪಚ್ಚಯೋ… ನವ।

ಉಪನಿಸ್ಸಯಪಚ್ಚಯೋ

೯೯. ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ ಭಾವನಾಯ ಪಹಾತಬ್ಬಹೇತುಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ ನಭಾವನಾಯ ಪಹಾತಬ್ಬಹೇತುಕಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ಸಕಭಣ್ಡೇ ಛನ್ದರಾಗೋ ಪರಭಣ್ಡೇ ಛನ್ದರಾಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ಸಕಪರಿಗ್ಗಹೇ ಛನ್ದರಾಗೋ ಪರಪರಿಗ್ಗಹೇ ಛನ್ದರಾಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೧೦೦. ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಪಞ್ಞಂ… ನಭಾವನಾಯ ಪಹಾತಬ್ಬಹೇತುಕಂ ರಾಗಂ… ದೋಸಂ… ಮೋಹಂ… ದಿಟ್ಠಿಂ… ಪತ್ಥನಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ…ಪೇ॰… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಸದ್ಧಾ…ಪೇ॰… ಸೇನಾಸನಂ ಸದ್ಧಾಯ…ಪೇ॰… ಪಞ್ಞಾಯ… ನಭಾವನಾಯ ಪಹಾತಬ್ಬಹೇತುಕಸ್ಸ ರಾಗಸ್ಸ … ದೋಸಸ್ಸ… ಮೋಹಸ್ಸ… ದಿಟ್ಠಿಯಾ… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ…ಪೇ॰… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ…ಪೇ॰… ಸದ್ಧಾ …ಪೇ॰… ಸೇನಾಸನಂ ಭಾವನಾಯ ಪಹಾತಬ್ಬಹೇತುಕಸ್ಸ ರಾಗಸ್ಸ… ದೋಸಸ್ಸ… ಮೋಹಸ್ಸ… ಮಾನಸ್ಸ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಾ…ಪೇ॰… ಪಞ್ಞಾ… ಕಾಯಿಕಂ ಸುಖಂ…ಪೇ॰… ಸೇನಾಸನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ಘಟನೂಪನಿಸ್ಸಯಾಪಿ ತೀಣಿಪಿ ಕಾತಬ್ಬಾ)। (೩)

ಪುರೇಜಾತಪಚ್ಚಯಾದಿ

೧೦೧. ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ… ತೀಣಿ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ತೀಣಿ… ಆಸೇವನಪಚ್ಚಯೇನ ಪಚ್ಚಯೋ… ನವ… ಕಮ್ಮಪಚ್ಚಯೇನ ಪಚ್ಚಯೋ (ನಭಾವನಾಯ ಪಹಾತಬ್ಬಭಾಜನಕಾರಣೇ ನಾನಾಕ್ಖಣಿಕಾ ಲಬ್ಭತಿ ) …ಪೇ॰… ನೋವಿಗತಪಚ್ಚಯೇನ ಪಚ್ಚಯೋ। (ಸಂಖಿತ್ತಂ। ಯಥಾ ದಸ್ಸನೇನ ಪಹಾತಬ್ಬಹೇತುಕದುಕಂ ಏವಂ ಭಾವನಾಯ ಪಹಾತಬ್ಬಹೇತುಕಪಚ್ಚಯಾಪಿ ಪಚ್ಚನೀಯಾಪಿ ವಿಭಾಗೋಪಿ ಗಣನಾಪಿ ನಿನ್ನಾನಾಕರಣಾ।)

ನದಸ್ಸನೇನ ಪಹಾತಬ್ಬೋ ಧಮ್ಮೋ ನದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ…ಪೇ॰…। (ಪರನ್ತೇನ ಸಕಭಣ್ಡಛನ್ದರಾಗೋಪಿ ಕಾತಬ್ಬೋ।)

ಭಾವನಾಯ ಪಹಾತಬ್ಬೋ ಧಮ್ಮೋ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ…ಪೇ॰…। (ಪರನ್ತೇನ ‘‘ಸಕಭಣ್ಡಛನ್ದರಾಗೋ’’ತಿ ಕಾತಬ್ಬಂ।)

ಭಾವನಾಯಪಹಾತಬ್ಬಹೇತುಕದುಕಂ ನಿಟ್ಠಿತಂ।

೮೭. ಸವಿತಕ್ಕದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೦೨. ಸವಿತಕ್ಕಂ ಧಮ್ಮಂ ಪಟಿಚ್ಚ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ಸವಿತಕ್ಕಂ ಧಮ್ಮಂ ಪಟಿಚ್ಚ ಅವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕೇ ಖನ್ಧೇ ಪಟಿಚ್ಚ ವಿತಕ್ಕೋ ಚಿತ್ತಸಮುಟ್ಠಾನಞ್ಚ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। ಸವಿತಕ್ಕಂ ಧಮ್ಮಂ ಪಟಿಚ್ಚ ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸವಿತಕ್ಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೩)

೧೦೩. ಅವಿತಕ್ಕಂ ಧಮ್ಮಂ ಪಟಿಚ್ಚ ಅವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅವಿತಕ್ಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ವಿತಕ್ಕಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ಅವಿತಕ್ಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ವಿತಕ್ಕಂ ಪಟಿಚ್ಚ ಕಟತ್ತಾರೂಪಂ, ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ವಿತಕ್ಕಂ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ವಿತಕ್ಕೋ, ಏಕಂ ಮಹಾಭೂತಂ…ಪೇ॰…। (೧)

ಅವಿತಕ್ಕಂ ಧಮ್ಮಂ ಪಟಿಚ್ಚ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿತಕ್ಕಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ; ಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ, ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಾ ಖನ್ಧಾ। (೨)

ಅವಿತಕ್ಕಂ ಧಮ್ಮಂ ಪಟಿಚ್ಚ ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವಿತಕ್ಕಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ವಿತಕ್ಕಂ ಪಟಿಚ್ಚ ಸವಿತಕ್ಕಾ ಖನ್ಧಾ, ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಕಟತ್ತಾ ಚ ರೂಪಂ, ಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಸವಿತಕ್ಕಾ ಖನ್ಧಾ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ, ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಾ ಖನ್ಧಾ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ, ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ವಿತಕ್ಕೋ ಸಮ್ಪಯುತ್ತಕಾ ಚ ಖನ್ಧಾ। (೩)

೧೦೪. ಸವಿತಕ್ಕಞ್ಚ ಅವಿತಕ್ಕಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ …ಪೇ॰… ಪಟಿಸನ್ಧಿಕ್ಖಣೇ ಸವಿತಕ್ಕಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ ಸವಿತಕ್ಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ಸವಿತಕ್ಕಞ್ಚ ಅವಿತಕ್ಕಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ, ಪಟಿಸನ್ಧಿಕ್ಖಣೇ ಸವಿತಕ್ಕೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ವಿತಕ್ಕೋ। (೨)

ಸವಿತಕ್ಕಞ್ಚ ಅವಿತಕ್ಕಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸವಿತಕ್ಕಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಸವಿತಕ್ಕಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ಸವಿತಕ್ಕಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ ಸವಿತಕ್ಕಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ, ಪಟಿಸನ್ಧಿಕ್ಖಣೇ ಸವಿತಕ್ಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ॰… ದ್ವೇ ಖನ್ಧೇ…ಪೇ॰…। (೩) (ಸಂಖಿತ್ತಂ।)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೧೦೫. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ॰… ಉಪನಿಸ್ಸಯೇ ನವ, ಪುರೇಜಾತೇ ಛ, ಆಸೇವನೇ ಛ, ಕಮ್ಮೇ ನವ, ವಿಪಾಕೇ ನವ (ಸಬ್ಬತ್ಥ ನವ), ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೧೦೬. ಸವಿತಕ್ಕಂ ಧಮ್ಮಂ ಪಟಿಚ್ಚ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಸವಿತಕ್ಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (ಸವಿತಕ್ಕಮೂಲಕಾ ಅವಸೇಸಾ ದ್ವೇ ಪಞ್ಹಾ ಕಾತಬ್ಬಾ, ಅಹೇತುಕಂ ನಿನ್ನಾನಂ।) (೩)

ಅವಿತಕ್ಕಂ ಧಮ್ಮಂ ಪಟಿಚ್ಚ ಅವಿತಕ್ಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅವಿತಕ್ಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಂ ವಿತಕ್ಕಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಕಟತ್ತಾರೂಪಂ, ವಿತಕ್ಕಂ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ವಿತಕ್ಕೋ, ಏಕಂ ಮಹಾಭೂತಂ…ಪೇ॰…। (೧)

ಅವಿತಕ್ಕಂ ಧಮ್ಮಂ ಪಟಿಚ್ಚ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ವಿತಕ್ಕಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ, ಅಹೇತುಕಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ; ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಅಹೇತುಕಾ ಸವಿತಕ್ಕಾ ಖನ್ಧಾ, ವಿತಕ್ಕಂ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೨)

ಅವಿತಕ್ಕಂ ಧಮ್ಮಂ ಪಟಿಚ್ಚ ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ। (ಸಂಖಿತ್ತಂ। ಹೇತುಪಚ್ಚಯಸದಿಸಂ। ‘‘ಅಹೇತುಕ’’ನ್ತಿ ನಿಯಾಮೇತಬ್ಬಂ।) (೩)

ಸವಿತಕ್ಕಞ್ಚ ಅವಿತಕ್ಕಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಸವಿತಕ್ಕಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ ಸವಿತಕ್ಕಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ ಸವಿತಕ್ಕಂ ಏಕಂ ಖನ್ಧಞ್ಚ ವತ್ಥುಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (ಅವಸೇಸಾ ದ್ವೇ ಪಞ್ಹಾ ಹೇತುಪಚ್ಚಯಸದಿಸಾ ನಿನ್ನಾನಾ, ಅಹೇತುಕನ್ತಿ ನಿಯಾಮೇತಬ್ಬಂ।) (೩)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೧೦೭. ನಹೇತುಯಾ ನವ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ…ಪೇ॰… ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ನವ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೩. ಪಚ್ಚಯಾನುಲೋಮಪಚ್ಚನೀಯಂ

೧೦೮. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ…ಪೇ॰… ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೪. ಪಚ್ಚಯಪಚ್ಚನೀಯಾನುಲೋಮಂ

೧೦೯. ನಹೇತುಪಚ್ಚಯಾ ಆರಮ್ಮಣೇ ನವ…ಪೇ॰… ಅನನ್ತರೇ ನವ…ಪೇ॰… ಪುರೇಜಾತೇ ಛ, ಆಸೇವನೇ ಪಞ್ಚ, ಕಮ್ಮೇ ನವ…ಪೇ॰… ಮಗ್ಗೇ ತೀಣಿ, ಸಮ್ಪಯುತ್ತೇ ನವ (ಸಬ್ಬತ್ಥ ನವ)।

೨. ಸಹಜಾತವಾರೋ

(ಸಹಜಾತವಾರೋ ಪಟಿಚ್ಚವಾರಸದಿಸೋ।)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೧೦. ಸವಿತಕ್ಕಂ ಧಮ್ಮಂ ಪಚ್ಚಯಾ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚವಾರಸದಿಸಾ)।

ಅವಿತಕ್ಕಂ ಧಮ್ಮಂ ಪಚ್ಚಯಾ ಅವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅವಿತಕ್ಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ವಿತಕ್ಕಂ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ಅವಿತಕ್ಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ ವಿತಕ್ಕಂ ಪಚ್ಚಯಾ ಕಟತ್ತಾರೂಪಂ, ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ, ವಿತಕ್ಕಂ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ವಿತಕ್ಕೋ, ಏಕಂ ಮಹಾಭೂತಂ ಪಚ್ಚಯಾ ತಯೋ ಮಹಾಭೂತಾ…ಪೇ॰… ವತ್ಥುಂ ಪಚ್ಚಯಾ ಅವಿತಕ್ಕಾ ಖನ್ಧಾ, ವತ್ಥುಂ ಪಚ್ಚಯಾ ವಿತಕ್ಕೋ।

ಅವಿತಕ್ಕಂ ಧಮ್ಮಂ ಪಚ್ಚಯಾ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿತಕ್ಕಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ, ವತ್ಥುಂ ಪಚ್ಚಯಾ ಸವಿತಕ್ಕಾ ಖನ್ಧಾ (ಪಟಿಸನ್ಧಿಯಾಪಿ ದ್ವೇ)।

ಅವಿತಕ್ಕಂ ಧಮ್ಮಂ ಪಚ್ಚಯಾ ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವಿತಕ್ಕಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ವಿತಕ್ಕಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವತ್ಥುಂ ಪಚ್ಚಯಾ ಸವಿತಕ್ಕಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವತ್ಥುಂ ಪಚ್ಚಯಾ ವಿತಕ್ಕೋ ಸಮ್ಪಯುತ್ತಕಾ ಚ ಖನ್ಧಾ; ಪಟಿಸನ್ಧಿಕ್ಖಣೇ…ಪೇ॰… (ಪಟಿಸನ್ಧಿಯಾಪಿ ಪವತ್ತಿಸದಿಸಾಯೇವ)। (೩)

೧೧೧. ಸವಿತಕ್ಕಞ್ಚ ಅವಿತಕ್ಕಞ್ಚ ಧಮ್ಮಂ ಪಚ್ಚಯಾ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಸವಿತಕ್ಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… (ಪಟಿಸನ್ಧಿಕ್ಖಣೇ ದ್ವೇ ಕಾತಬ್ಬಾ)। (೧)

ಸವಿತಕ್ಕಞ್ಚ ಅವಿತಕ್ಕಞ್ಚ ಧಮ್ಮಂ ಪಚ್ಚಯಾ ಅವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಸವಿತಕ್ಕೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿತಕ್ಕೋ; ಪಟಿಸನ್ಧಿಕ್ಖಣೇ…ಪೇ॰… (ತೀಣಿ, ಪಟಿಸನ್ಧಿಯಾಪಿ)। (೨)

ಸವಿತಕ್ಕಞ್ಚ ಅವಿತಕ್ಕಞ್ಚ ಧಮ್ಮಂ ಪಚ್ಚಯಾ ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸವಿತಕ್ಕಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಸವಿತಕ್ಕಂ ಏಕಂ ಖನ್ಧಞ್ಚ ವಿತಕ್ಕಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಸವಿತಕ್ಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ ವಿತಕ್ಕೋ ಚ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೧೧೨. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ (ಸಬ್ಬತ್ಥ ನವ), ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

೧೧೩. ಸವಿತಕ್ಕಂ ಧಮ್ಮಂ ಪಚ್ಚಯಾ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ। (ನವ ಪಞ್ಹಾ ಕಾತಬ್ಬಾ। ‘‘ಅಹೇತುಕಾ’’ತಿ ನಿಯಾಮೇತಬ್ಬಾ ತೀಣಿಯೇವ। ಮೋಹೋ ಉದ್ಧರಿತಬ್ಬೋ, ಯಥಾ ಪಟಿಚ್ಚವಾರೇ ಹೇತುಪಚ್ಚಯಸದಿಸಾಯೇವ ಪಞ್ಹಾ ಪಞ್ಚವಿಞ್ಞಾಣಾ ಅತಿರೇಕಾ ಮೋಹೋ ವಿತಕ್ಕಂ।)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೧೧೪. ನಹೇತುಯಾ ನವ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ…ಪೇ॰… ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ನವ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೪. ನಿಸ್ಸಯವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೧೧೫. ಸವಿತಕ್ಕಂ ಧಮ್ಮಂ ಸಂಸಟ್ಠೋ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ಸವಿತಕ್ಕಂ ಧಮ್ಮಂ ಸಂಸಟ್ಠೋ ಅವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕೇ ಖನ್ಧೇ ಸಂಸಟ್ಠೋ ವಿತಕ್ಕೋ; ಪಟಿಸನ್ಧಿಕ್ಖಣೇ…ಪೇ॰…। ಸವಿತಕ್ಕಂ ಧಮ್ಮಂ ಸಂಸಟ್ಠೋ ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸವಿತಕ್ಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ ವಿತಕ್ಕೋ ಚ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೩)

ಅವಿತಕ್ಕಂ ಧಮ್ಮಂ ಸಂಸಟ್ಠೋ ಅವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅವಿತಕ್ಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ಅವಿತಕ್ಕಂ ಧಮ್ಮಂ ಸಂಸಟ್ಠೋ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿತಕ್ಕಂ ಸಂಸಟ್ಠಾ ಸಮ್ಪಯುತ್ತಕಾ ಖನ್ಧಾ; ಪಟಿಸನ್ಧಿಕ್ಖಣೇ…ಪೇ॰…। (೨)

ಸವಿತಕ್ಕಞ್ಚ ಅವಿತಕ್ಕಞ್ಚ ಧಮ್ಮಂ ಸಂಸಟ್ಠೋ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧) (ಸಂಖಿತ್ತಂ।)

ಹೇತುಯಾ ಛ, ಆರಮ್ಮಣೇ ಛ, ಅಧಿಪತಿಯಾ ಛ (ಸಬ್ಬತ್ಥ ಛ) ಅವಿಗತೇ ಛ।

ಅನುಲೋಮಂ।

ಸವಿತಕ್ಕಂ ಧಮ್ಮಂ ಸಂಸಟ್ಠೋ ಸವಿತಕ್ಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ। (ಏವಂ ಛ ಪಞ್ಹಾ ಕಾತಬ್ಬಾ ಅನುಲೋಮಸದಿಸಾ, ಅಹೇತುಕಾತಿ ನಿಯಾಮೇತಬ್ಬಾ, ತೀಣಿಯೇವ, ಮೋಹೋ ಉದ್ಧರಿತಬ್ಬೋ।)

ನಹೇತುಯಾ ಛ, ನಅಧಿಪತಿಯಾ ಛ, ನಪುರೇಜಾತೇ ಛ, ನಪಚ್ಛಾಜಾತೇ ಛ, ನಆಸೇವನೇ ಛ, ನಕಮ್ಮೇ ಚತ್ತಾರಿ, ನವಿಪಾಕೇ ಛ, ನಝಾನೇ ಏಕಂ, ನಮಗ್ಗೇ ಛ, ನವಿಪ್ಪಯುತ್ತೇ ಛ।

ಪಚ್ಚನೀಯಂ।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೧೬. ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸವಿತಕ್ಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ಸವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸವಿತಕ್ಕಾ ಹೇತೂ ವಿತಕ್ಕಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (ಮೂಲಂ ಕಾತಬ್ಬಂ।) ಸವಿತಕ್ಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ವಿತಕ್ಕಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰… (೩)

ಅವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅವಿತಕ್ಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೧)

ಆರಮ್ಮಣಪಚ್ಚಯೋ

೧೧೭. ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸವಿತಕ್ಕೇ ಖನ್ಧೇ ಆರಬ್ಭ ಸವಿತಕ್ಕಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಸವಿತಕ್ಕೇ ಖನ್ಧೇ ಆರಬ್ಭ ಅವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ । (ಮೂಲಂ ಕಾತಬ್ಬಂ।) ಸವಿತಕ್ಕೇ ಖನ್ಧೇ ಆರಬ್ಭ ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ। (೩)

೧೧೮. ಅವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಅವಿತಕ್ಕಾ ಝಾನಾ ವುಟ್ಠಹಿತ್ವಾ ಅವಿತಕ್ಕಂ ಝಾನಂ ಪಚ್ಚವೇಕ್ಖನ್ತಿ, ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಾ ವುಟ್ಠಹಿತ್ವಾ ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಅವಿತಕ್ಕಸ್ಸ ಮಗ್ಗಸ್ಸ, ಫಲಸ್ಸ, ವಿತಕ್ಕಸ್ಸ ಚ ಆರಮ್ಮಣಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಅವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ವಿತಕ್ಕೋ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ಅವಿತಕ್ಕಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ…ಪೇ॰… ಆಕಿಞ್ಚಞ್ಞಾಯತನಂ…ಪೇ॰… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ…ಪೇ॰… ಅವಿತಕ್ಕಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ವಿತಕ್ಕಸ್ಸ ಚ ಆರಮ್ಮಣಪಚ್ಚಯೇನ ಪಚ್ಚಯೋ; ಅವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ಅವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ। (೧)

ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಅವಿತಕ್ಕಾ ಝಾನಾ ವುಟ್ಠಹಿತ್ವಾ…ಪೇ॰… ಮಗ್ಗಾ ವುಟ್ಠಹಿತ್ವಾ…ಪೇ॰… ಫಲಾ ವುಟ್ಠಹಿತ್ವಾ ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಸವಿತಕ್ಕಸ್ಸ ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಅವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ಅವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ಸವಿತಕ್ಕಾ ಖನ್ಧಾ ಉಪ್ಪಜ್ಜನ್ತಿ। (೨)

ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಅವಿತಕ್ಕಾ ಝಾನಾ ವುಟ್ಠಹಿತ್ವಾ…ಪೇ॰… ಮಗ್ಗಾ ವುಟ್ಠಹಿತ್ವಾ…ಪೇ॰… ಫಲಾ ವುಟ್ಠಹಿತ್ವಾ ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಸವಿತಕ್ಕಸ್ಸ ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ, ವಿತಕ್ಕಸ್ಸ ಚ ಆರಮ್ಮಣಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಅವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ, ಅವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ। (೩)

೧೧೯. ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಸವಿತಕ್ಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ಸವಿತಕ್ಕಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ ।) ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ಅವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ। (೩)

ಅಧಿಪತಿಪಚ್ಚಯೋ

೧೨೦. ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಸವಿತಕ್ಕೇ ಖನ್ಧೇ ಗರುಂ ಕತ್ವಾ ಸವಿತಕ್ಕಾ ಖನ್ಧಾ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ಸವಿತಕ್ಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ಸವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಸವಿತಕ್ಕೇ ಖನ್ಧೇ ಗರುಂ ಕತ್ವಾ ವಿತಕ್ಕೋ ಉಪ್ಪಜ್ಜತಿ। ಸಹಜಾತಾಧಿಪತಿ – ಸವಿತಕ್ಕಾಧಿಪತಿ ವಿತಕ್ಕಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಸವಿತಕ್ಕೇ ಖನ್ಧೇ ಗರುಂ ಕತ್ವಾ ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ಸವಿತಕ್ಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ವಿತಕ್ಕಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೧೨೧. ಅವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಅರಿಯಾ ಅವಿತಕ್ಕಾ ಝಾನಾ ವುಟ್ಠಹಿತ್ವಾ…ಪೇ॰… ಮಗ್ಗಾ ವುಟ್ಠಹಿತ್ವಾ…ಪೇ॰… ಫಲಾ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಅವಿತಕ್ಕಸ್ಸ ಮಗ್ಗಸ್ಸ, ಫಲಸ್ಸ, ವಿತಕ್ಕಸ್ಸ ಚ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಅವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ವಿತಕ್ಕೋ ಉಪ್ಪಜ್ಜತಿ। ಸಹಜಾತಾಧಿಪತಿ – ಅವಿತಕ್ಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ಅರಿಯಾ ಅವಿತಕ್ಕಾ ಝಾನಾ ವುಟ್ಠಹಿತ್ವಾ…ಪೇ॰… ಮಗ್ಗಾ ವುಟ್ಠಹಿತ್ವಾ…ಪೇ॰… ಫಲಾ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಸವಿತಕ್ಕಸ್ಸ ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಅವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ಅವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ಸವಿತಕ್ಕಾ ಖನ್ಧಾ ಉಪ್ಪಜ್ಜನ್ತಿ। (೨)

ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ಅರಿಯಾ ಅವಿತಕ್ಕಾ ಝಾನಾ ವುಟ್ಠಹಿತ್ವಾ…ಪೇ॰… ಮಗ್ಗಾ ವುಟ್ಠಹಿತ್ವಾ…ಪೇ॰… ಫಲಾ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಸವಿತಕ್ಕಸ್ಸ ಮಗ್ಗಸ್ಸ, ಫಲಸ್ಸ, ವಿತಕ್ಕಸ್ಸ ಚ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಅವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ಅವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ। (೩)

ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಸವಿತಕ್ಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ಸವಿತಕ್ಕಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ವಿತಕ್ಕೋ ಉಪ್ಪಜ್ಜತಿ। (ಮೂಲಂ ಕಾತಬ್ಬಂ।) ಸವಿತಕ್ಕೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ। (೩)

ಅನನ್ತರಪಚ್ಚಯಾದಿ

೧೨೨. ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೧)

ಸವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ವಿತಕ್ಕಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಸವಿತಕ್ಕಂ ಚುತಿಚಿತ್ತಂ ಅವಿತಕ್ಕಸ್ಸ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಪಞ್ಚನ್ನಂ ವಿಞ್ಞಾಣಾನಂ ಅನನ್ತರಪಚ್ಚಯೇನ ಪಚ್ಚಯೋ; ಸವಿತಕ್ಕಾ ಖನ್ಧಾ ಅವಿತಕ್ಕಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ದುತಿಯಸ್ಸ ಝಾನಸ್ಸ ಪರಿಕಮ್ಮಂ ದುತಿಯಸ್ಸ ಝಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ತತಿಯಸ್ಸ ಝಾನಸ್ಸ ಪರಿಕಮ್ಮಂ…ಪೇ॰… ನೇವಸಞ್ಞಾನಾಸಞ್ಞಾಯತನಸ್ಸ ಪರಿಕಮ್ಮಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ॰… ದಿಬ್ಬಸ್ಸ ಚಕ್ಖುಸ್ಸ ಪರಿಕಮ್ಮಂ…ಪೇ॰… ದಿಬ್ಬಾಯ ಸೋತಧಾತುಯಾ ಪರಿಕಮ್ಮಂ…ಪೇ॰… ಇದ್ಧಿವಿಧಞಾಣಸ್ಸ ಪರಿಕಮ್ಮಂ…ಪೇ॰… ಚೇತೋಪರಿಯಞಾಣಸ್ಸ ಪರಿಕಮ್ಮಂ…ಪೇ॰… ಪುಬ್ಬೇನಿವಾಸಾನುಸ್ಸತಿಞಾಣಸ್ಸ ಪರಿಕಮ್ಮಂ…ಪೇ॰… ಯಥಾಕಮ್ಮೂಪಗಞಾಣಸ್ಸ ಪರಿಕಮ್ಮಂ ಯಥಾಕಮ್ಮೂಪಗಞಾಣಸ್ಸ…ಪೇ॰… ಅನಾಗತಂಸಞಾಣಸ್ಸ ಪರಿಕಮ್ಮಂ ಅನಾಗತಂಸಞಾಣಸ್ಸ ಅನನ್ತರಪಚ್ಚಯೇನ ಪಚ್ಚಯೋ। ಗೋತ್ರಭು ಅವಿತಕ್ಕಸ್ಸ ಮಗ್ಗಸ್ಸ… ವೋದಾನಂ ಅವಿತಕ್ಕಸ್ಸ ಮಗ್ಗಸ್ಸ… ಅನುಲೋಮಂ ಅವಿತಕ್ಕಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೨)

ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಾನಂ ಖನ್ಧಾನಂ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

೧೨೩. ಅವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿತಕ್ಕೋ ಪಚ್ಛಿಮಸ್ಸ ಪಚ್ಛಿಮಸ್ಸ ವಿತಕ್ಕಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ಅವಿತಕ್ಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅವಿತಕ್ಕೋ ಮಗ್ಗೋ ಅವಿತಕ್ಕಸ್ಸ ಫಲಸ್ಸ…ಪೇ॰… ಅವಿತಕ್ಕಂ ಫಲಂ ಅವಿತಕ್ಕಸ್ಸ ಫಲಸ್ಸ …ಪೇ॰… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಅವಿತಕ್ಕಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೧)

ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿತಕ್ಕೋ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅವಿತಕ್ಕಂ ಚುತಿಚಿತ್ತಂ ಸವಿತಕ್ಕಸ್ಸ ಉಪಪತ್ತಿಚಿತ್ತಸ್ಸ, ಅವಿತಕ್ಕಂ ಭವಙ್ಗಂ ಆವಜ್ಜನಾಯ, ಅವಿತಕ್ಕಾ ಖನ್ಧಾ ಸವಿತಕ್ಕಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿತಕ್ಕೋ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಾನಂ ಖನ್ಧಾನಂ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

೧೨೪. ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಸವಿತಕ್ಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೧)

ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಅವಿತಕ್ಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಪಚ್ಛಿಮಸ್ಸ ಪಚ್ಛಿಮಸ್ಸ ವಿತಕ್ಕಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಸವಿತಕ್ಕಂ ಚುತಿಚಿತ್ತಞ್ಚ ವಿತಕ್ಕೋ ಚ ಅವಿತಕ್ಕಸ್ಸ ಉಪಪತ್ತಿಚಿತ್ತಸ್ಸ…ಪೇ॰… ಆವಜ್ಜನಾ ಚ ವಿತಕ್ಕೋ ಚ ಪಞ್ಚನ್ನಂ ವಿಞ್ಞಾಣಾನಂ…ಪೇ॰… ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಅವಿತಕ್ಕಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ದುತಿಯಸ್ಸ ಝಾನಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ॰… (ಹೇಟ್ಠಾ ಲಿಖಿತಂ ಲೇಖಂ ಇಮಿನಾ ಕಾರಣೇನ ದಟ್ಠಬ್ಬಂ); ಅನುಲೋಮಞ್ಚ ವಿತಕ್ಕೋ ಚ ಅವಿತಕ್ಕಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೨)

ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಾನಂ ಖನ್ಧಾನಂ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ನವ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನವ… ನಿಸ್ಸಯಪಚ್ಚಯೇನ ಪಚ್ಚಯೋ… ನವ।

ಉಪನಿಸ್ಸಯಪಚ್ಚಯೋ

೧೨೫. ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸವಿತಕ್ಕಾ ಖನ್ಧಾ ಸವಿತಕ್ಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಸವಿತಕ್ಕಾ ಖನ್ಧಾ ಅವಿತಕ್ಕಾನಂ ಖನ್ಧಾನಂ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಸವಿತಕ್ಕಾ ಖನ್ಧಾ ಸವಿತಕ್ಕಾನಂ ಖನ್ಧಾನಂ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೧೨೬. ಅವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಅವಿತಕ್ಕಂ ಸದ್ಧಂ ಉಪನಿಸ್ಸಾಯ ಅವಿತಕ್ಕಂ ಝಾನಂ ಉಪ್ಪಾದೇತಿ, ಮಗ್ಗಂ ಉಪ್ಪಾದೇತಿ, ಅಭಿಞ್ಞಂ ಉಪ್ಪಾದೇತಿ, ಸಮಾಪತ್ತಿಂ ಉಪ್ಪಾದೇತಿ; ಅವಿತಕ್ಕಂ ಸೀಲಂ…ಪೇ॰… ಪಞ್ಞಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ವಿತಕ್ಕಂ ಉಪನಿಸ್ಸಾಯ ಅವಿತಕ್ಕಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ॰… ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ಅವಿತಕ್ಕಾ ಸದ್ಧಾ…ಪೇ॰… ಸೇನಾಸನಂ ವಿತಕ್ಕೋ ಚ ಅವಿತಕ್ಕಾಯ ಸದ್ಧಾಯ…ಪೇ॰… ಪಞ್ಞಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ… ಅವಿತಕ್ಕಸ್ಸ ಮಗ್ಗಸ್ಸ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ತೀಣಿಪಿ ಉಪನಿಸ್ಸಯಾ ಸಬ್ಬತ್ಥ ಕಾತಬ್ಬಾ)। ಅವಿತಕ್ಕಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ; ಸವಿತಕ್ಕಂ ಝಾನಂ ಉಪ್ಪಾದೇತಿ, ವಿಪಸ್ಸನಂ…ಪೇ॰… ಮಗ್ಗಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಅವಿತಕ್ಕಂ ಸೀಲಂ…ಪೇ॰… ಸೇನಾಸನಂ ವಿತಕ್ಕಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಅವಿತಕ್ಕಾ ಸದ್ಧಾ…ಪೇ॰… ಸೇನಾಸನಂ ವಿತಕ್ಕೋ ಚ ಸವಿತಕ್ಕಾಯ ಸದ್ಧಾಯ…ಪೇ॰… ಪಞ್ಞಾಯ… ರಾಗಸ್ಸ…ಪೇ॰… ಪತ್ಥನಾಯ ಸವಿತಕ್ಕಸ್ಸ ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅವಿತಕ್ಕಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ॰… (ದುತಿಯವಾರೇ ಲಿಖಿತಪದಾ ಸಬ್ಬೇ ಕಾತಬ್ಬಾ) ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಪಞ್ಞಂ…ಪೇ॰… ಸೇನಾಸನಂ ವಿತಕ್ಕಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಅವಿತಕ್ಕಾ ಸದ್ಧಾ…ಪೇ॰… ಸೇನಾಸನಂ ವಿತಕ್ಕೋ ಚ ಸವಿತಕ್ಕಾಯ ಸದ್ಧಾಯ…ಪೇ॰… ಪಞ್ಞಾಯ… ರಾಗಸ್ಸ …ಪೇ॰… ಪತ್ಥನಾಯ ಸವಿತಕ್ಕಸ್ಸ ಮಗ್ಗಸ್ಸ , ಫಲಸಮಾಪತ್ತಿಯಾ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೧೨೭. ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಸವಿತಕ್ಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಸವಿತಕ್ಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಅವಿತಕ್ಕಾನಂ ಖನ್ಧಾನಂ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಸವಿತಕ್ಕಾನಂ ಖನ್ಧಾನಂ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

ಪುರೇಜಾತಪಚ್ಚಯೋ

೧೨೮. ಅವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ವಿತಕ್ಕೋ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰…। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ॰… ವತ್ಥು ಅವಿತಕ್ಕಾನಂ ಖನ್ಧಾನಂ ವಿತಕ್ಕಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ।

ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸವಿತಕ್ಕಾ ಖನ್ಧಾ ಉಪ್ಪಜ್ಜನ್ತಿ। ವತ್ಥುಪುರೇಜಾತಂ – ವತ್ಥು ಸವಿತಕ್ಕಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ।

ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ। ವತ್ಥುಪುರೇಜಾತಂ – ವತ್ಥು ಸವಿತಕ್ಕಾನಂ ಖನ್ಧಾನಂ ವಿತಕ್ಕಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ। (೩)

ಪಚ್ಛಾಜಾತಾಸೇವನಪಚ್ಚಯಾ

೧೨೯. ಸವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ತೀಣಿ, ಪಚ್ಛಾಜಾತಾ)… ಆಸೇವನಪಚ್ಚಯೇನ ಪಚ್ಚಯೋ… ನವ।

ಕಮ್ಮಪಚ್ಚಯಾದಿ

೧೩೦. ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ಸವಿತಕ್ಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ಸವಿತಕ್ಕಾ ಚೇತನಾ ವಿಪಾಕಾನಂ ಸವಿತಕ್ಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (ಏವಂ ಚತ್ತಾರಿ, ಸಹಜಾತಾಪಿ ನಾನಾಕ್ಖಣಿಕಾಪಿ ಕಾತಬ್ಬಾ।)

ವಿಪಾಕಪಚ್ಚಯೇನ ಪಚ್ಚಯೋ… ನವ… ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಚತ್ತಾರಿ… ಝಾನಪಚ್ಚಯೇನ ಪಚ್ಚಯೋ… ನವ… ಮಗ್ಗಪಚ್ಚಯೇನ ಪಚ್ಚಯೋ… ನವ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಛ।

೧೩೧. ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

ಅವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ , ಪಚ್ಛಾಜಾತಂ (ಸಂಖಿತ್ತಂ)। ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ಸಂಖಿತ್ತಂ)। ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ವಿತಕ್ಕಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ವಿತಕ್ಕಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೩)

ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಅವಿತಕ್ಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)।

ಅತ್ಥಿಪಚ್ಚಯಾದಿ

೧೩೨. ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಏಕಂ, ಪಟಿಚ್ಚಸದಿಸಂ)। ಸವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಪಟಿಚ್ಚಸದಿಸಂ)। (೩)

ಅವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ಸಂಖಿತ್ತಂ)। ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ವಿತಕ್ಕೋ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ವಿತಕ್ಕೋ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ, ಪಟಿಸನ್ಧಿಕ್ಖಣೇ ವತ್ಥು ವಿತಕ್ಕಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ವಿತಕ್ಕೋ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ, ವತ್ಥು ವಿತಕ್ಕಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೩)

೧೩೩. ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಸವಿತಕ್ಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ಸವಿತಕ್ಕೋ ಏಕೋ ಖನ್ಧೋ ಚ ವಿತಕ್ಕೋ ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। ಸಹಜಾತೋ – ಸವಿತಕ್ಕೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰… (ಪಟಿಸನ್ಧಿಕ್ಖಣೇ ಸಹಜಾತಾಪಿ ದ್ವೇಪಿ ಕಾತಬ್ಬಾ)। (೧)

ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಅವಿತಕ್ಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। ಸಹಜಾತಾ – ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಸಹಜಾತಾ – ಸವಿತಕ್ಕಾ ಖನ್ಧಾ ಚ ವತ್ಥು ಚ ವಿತಕ್ಕಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಪಟಿಸನ್ಧಿಕ್ಖಣೇ, ತೀಣಿ)। ಪಚ್ಛಾಜಾತಾ – ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಸವಿತಕ್ಕಾ ಖನ್ಧಾ ಚ ವಿತಕ್ಕೋ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೩)

ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ಸವಿತಕ್ಕೋ ಏಕೋ ಖನ್ಧೋ ಚ ವಿತಕ್ಕೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। ಸಹಜಾತೋ – ಸವಿತಕ್ಕೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ವಿತಕ್ಕಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰… (ಪಟಿಸನ್ಧಿಯಾಪಿ ದ್ವೇ)। (೩)

ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೧೩೪. ಹೇತುಯಾ ಚತ್ತಾರಿ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ನವ, ಕಮ್ಮೇ ಚತ್ತಾರಿ, ವಿಪಾಕೇ ನವ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ನವ, ಮಗ್ಗೇ ನವ, ಸಮ್ಪಯುತ್ತೇ ಛ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ।

ಅನುಲೋಮಂ।

ಪಚ್ಚನೀಯುದ್ಧಾರೋ

೧೩೫. ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ … ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। ಸವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। ಸವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೩)

೧೩೬. ಅವಿತಕ್ಕೋ ಧಮ್ಮೋ ಅವಿತಕ್ಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। ಅವಿತಕ್ಕೋ ಧಮ್ಮೋ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೩)

೧೩೭. ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಸವಿತಕ್ಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಅವಿತಕ್ಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ … ಉಪನಿಸ್ಸಯಪಚ್ಚಯೇನ ಪಚ್ಚಯೋ … ಪಚ್ಛಾಜಾತಪಚ್ಚಯೇನ ಪಚ್ಚಯೋ। ಸವಿತಕ್ಕೋ ಚ ಅವಿತಕ್ಕೋ ಚ ಧಮ್ಮಾ ಸವಿತಕ್ಕಸ್ಸ ಚ ಅವಿತಕ್ಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೧೩೮. ನಹೇತುಯಾ ನವ, ನಆರಮ್ಮಣೇ ನವ (ಸಬ್ಬತ್ಥ ನವ), ನೋಅವಿಗತೇ ನವ।

೩. ಪಚ್ಚಯಾನುಲೋಮಪಚ್ಚನೀಯಂ

೧೩೯. ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ…ಪೇ॰… ನಸಮನನ್ತರೇ ಚತ್ತಾರಿ, ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಚತ್ತಾರಿ…ಪೇ॰… ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ಚತ್ತಾರಿ, ನೋನತ್ಥಿಯಾ ಚತ್ತಾರಿ, ನೋವಿಗತೇ ಚತ್ತಾರಿ।

೪. ಪಚ್ಚಯಪಚ್ಚನೀಯಾನುಲೋಮಂ

೧೪೦. ನಹೇತುಪಚ್ಚಯಾ ಆರಮ್ಮಣೇ ನವ, ಅಧಿಪತಿಯಾ ನವ (ಅನುಲೋಮಮಾತಿಕಾ ವಿತ್ಥಾರೇತಬ್ಬಾ)…ಪೇ॰… ಅವಿಗತೇ ನವ।

ಸವಿತಕ್ಕದುಕಂ ನಿಟ್ಠಿತಂ।

೮೮. ಸವಿಚಾರದುಕಂ

೧-೭. ಪಟಿಚ್ಚವಾರಾದಿ

೧೪೧. ಸವಿಚಾರಂ ಧಮ್ಮಂ ಪಟಿಚ್ಚ ಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (ಯಥಾ ಸವಿತಕ್ಕದುಕಂ, ಏವಂ ಕಾತಬ್ಬಂ, ನಿನ್ನಾನಾಕರಣಂ। ಇಧ ಮಗ್ಗೇ ಚತ್ತಾರಿ ಕಾತಬ್ಬಾನಿ। ಸವಿಚಾರದುಕೇ ಇಮಂ ನಾನಾಕರಣಂ।)

ಸವಿಚಾರದುಕಂ ನಿಟ್ಠಿತಂ।

೮೯. ಸಪ್ಪೀತಿಕದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೪೨. ಸಪ್ಪೀತಿಕಂ ಧಮ್ಮಂ ಪಟಿಚ್ಚ ಸಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಪ್ಪೀತಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ಸಪ್ಪೀತಿಕಂ ಧಮ್ಮಂ ಪಟಿಚ್ಚ ಅಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಪ್ಪೀತಿಕೇ ಖನ್ಧೇ ಪಟಿಚ್ಚ ಪೀತಿ ಚ ಚಿತ್ತಸಮುಟ್ಠಾನಞ್ಚ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। ಸಪ್ಪೀತಿಕಂ ಧಮ್ಮಂ ಪಟಿಚ್ಚ ಸಪ್ಪೀತಿಕೋ ಚ ಅಪ್ಪೀತಿಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸಪ್ಪೀತಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಪೀತಿ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೩)

ಅಪ್ಪೀತಿಕಂ ಧಮ್ಮಂ ಪಟಿಚ್ಚ ಅಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪ್ಪೀತಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪೀತಿಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ಅಪ್ಪೀತಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ, ದ್ವೇ ಖನ್ಧೇ…ಪೇ॰… ಪೀತಿಂ ಪಟಿಚ್ಚ ಕಟತ್ತಾರೂಪಂ, ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಪೀತಿಂ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಪೀತಿ, ಏಕಂ ಮಹಾಭೂತಂ…ಪೇ॰…। (ಯಥಾ ಸವಿತಕ್ಕದುಕಂ ಸಬ್ಬತ್ಥ, ಏವಂ ಸಪ್ಪೀತಿಕದುಕಂ ಕಾತಬ್ಬಂ, ಸಬ್ಬತ್ಥ ಪವತ್ತಿಪಟಿಸನ್ಧಿ ನವಪಿ ಪಞ್ಹಾ।)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೧೪೩. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ॰… ಪುರೇಜಾತೇ ಛ…ಪೇ॰… ಕಮ್ಮೇ ನವ, ವಿಪಾಕೇ ನವ…ಪೇ॰… ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೧೪೪. ಸಪ್ಪೀತಿಕಂ ಧಮ್ಮಂ ಪಟಿಚ್ಚ ಸಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಸಪ್ಪೀತಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। ಸಪ್ಪೀತಿಕಂ ಧಮ್ಮಂ ಪಟಿಚ್ಚ ಅಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಸಪ್ಪೀತಿಕೇ ಖನ್ಧೇ ಪಟಿಚ್ಚ ಪೀತಿ ಚ ಚಿತ್ತಸಮುಟ್ಠಾನಞ್ಚ ರೂಪಂ। ಸಪ್ಪೀತಿಕಂ ಧಮ್ಮಂ ಪಟಿಚ್ಚ ಸಪ್ಪೀತಿಕೋ ಚ ಅಪ್ಪೀತಿಕೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಸಪ್ಪೀತಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಪೀತಿ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

ಅಪ್ಪೀತಿಕಂ ಧಮ್ಮಂ ಪಟಿಚ್ಚ ಅಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅಪ್ಪೀತಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪೀತಿಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ ಅಪ್ಪೀತಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಕಟತ್ತಾ ಚ ರೂಪಂ, ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰… (ಯಾವ ಅಸಞ್ಞಸತ್ತಾಪಿ) ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। ಅಪ್ಪೀತಿಕಂ ಧಮ್ಮಂ ಪಟಿಚ್ಚ ಸಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಂ ಪಟಿಚ್ಚ ಸಪ್ಪೀತಿಕಾ ಖನ್ಧಾ। (ಮೂಲಂ ಕಾತಬ್ಬಂ।) ಪೀತಿಂ ಪಟಿಚ್ಚ ಸಪ್ಪೀತಿಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ। (೩)

೧೪೫. ಸಪ್ಪೀತಿಕಞ್ಚ ಅಪ್ಪೀತಿಕಞ್ಚ ಧಮ್ಮಂ ಪಟಿಚ್ಚ ಸಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಸಪ್ಪೀತಿಕಂ ಏಕಂ ಖನ್ಧಞ್ಚ ಪೀತಿಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। ಸಪ್ಪೀತಿಕಞ್ಚ ಅಪ್ಪೀತಿಕಞ್ಚ ಧಮ್ಮಂ ಪಟಿಚ್ಚ ಅಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಸಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಅಹೇತುಕೇ ಸಪ್ಪೀತಿಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। ಸಪ್ಪೀತಿಕಞ್ಚ ಅಪ್ಪೀತಿಕಞ್ಚ ಧಮ್ಮಂ ಪಟಿಚ್ಚ ಸಪ್ಪೀತಿಕೋ ಚ ಅಪ್ಪೀತಿಕೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಸಪ್ಪೀತಿಕಂ ಏಕಂ ಖನ್ಧಞ್ಚ ಪೀತಿಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰… ಅಹೇತುಕಂ ಸಪ್ಪೀತಿಕಂ ಏಕಂ ಖನ್ಧಞ್ಚ ಪೀತಿಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ಅಹೇತುಕೇ ಸಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೩)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೧೪೬. ನಹೇತುಯಾ ನವ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ…ಪೇ॰… ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ನವ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೨. ಸಹಜಾತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಹಜಾತವಾರೋಪಿ ಕಾತಬ್ಬೋ।)

೩. ಪಚ್ಚಯವಾರೋ

೧-೪. ಪಚ್ಚಯಾನುಲೋಮಾದಿ

೧೪೭. ಸಪ್ಪೀತಿಕಂ ಧಮ್ಮಂ ಪಚ್ಚಯಾ ಸಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ। (ಸಂಖಿತ್ತಂ। ಯಥಾ ಸವಿತಕ್ಕದುಕೇ ಅನುಲೋಮಪಚ್ಚಯವಾರಂ, ಏವಂ ಪವತ್ತಿಪಟಿಸನ್ಧಿ ನವ ಪಞ್ಹಾ ಪರಿಪುಣ್ಣಾ ಪೀತಿ ನಿನ್ನಾನಾಕರಣಾ।)

ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ॰… ಅವಿಗತೇ ನವ।

ಅನುಲೋಮಂ।

ಸಪ್ಪೀತಿಕಂ ಧಮ್ಮಂ ಪಚ್ಚಯಾ ಸಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ… ತೀಣಿ (ಪಟಿಚ್ಚಸದಿಸಾ)।

ಅಪ್ಪೀತಿಕಂ ಧಮ್ಮಂ ಪಚ್ಚಯಾ ಅಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ। (ಪವತ್ತಿಪಟಿಸನ್ಧಿ ಕಾತಬ್ಬಾ ಪಟಿಚ್ಚವಾರಸದಿಸಾ, ಯಾವ ಅಸಞ್ಞಸತ್ತಾ।) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ಅಪ್ಪೀತಿಕಾ ಖನ್ಧಾ ಪೀತಿ ಚ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (ಅನುಲೋಮಸದಿಸಾ ನವ ಪಞ್ಹಾ, ಪವತ್ತಿಯೇವ ಪಟಿಸನ್ಧಿ ನತ್ಥಿ, ಏಕೋಯೇವ ಮೋಹೋ।)

ನಹೇತುಯಾ ನವ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ…ಪೇ॰… ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ನವ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ನವ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

ಪಚ್ಚನೀಯಂ।

೪. ನಿಸ್ಸಯವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

೧೪೮. ಸಪ್ಪೀತಿಕಂ ಧಮ್ಮಂ ಸಂಸಟ್ಠೋ ಸಪ್ಪೀತಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ…ಪೇ॰… ಹೇತುಯಾ ಛ, ಆರಮ್ಮಣೇ ಛ (ಸಬ್ಬತ್ಥ ಛ), ಅವಿಗತೇ ಛ।

ಅನುಲೋಮಂ।

ನಹೇತುಯಾ ಛ, ನಅಧಿಪತಿಯಾ ಛ, ನಪುರೇಜಾತೇ ಛ, ನಪಚ್ಛಾಜಾತೇ ಛ, ನಆಸೇವನೇ ಛ, ನಕಮ್ಮೇ ಚತ್ತಾರಿ, ನವಿಪಾಕೇ ಛ, ನಝಾನೇ ಏಕಂ, ನಮಗ್ಗೇ ಛ, ನವಿಪ್ಪಯುತ್ತೇ ಛ।

ಪಚ್ಚನೀಯಂ।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೪೯. ಸಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸಪ್ಪೀತಿಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ಸಪ್ಪೀತಿಕೋ ಧಮ್ಮೋ ಅಪ್ಪೀತಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸಪ್ಪೀತಿಕಾ ಹೇತೂ ಪೀತಿಯಾ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (ಮೂಲಂ ಕಾತಬ್ಬಂ।) ಸಪ್ಪೀತಿಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಪೀತಿಯಾ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೩)

ಅಪ್ಪೀತಿಕೋ ಧಮ್ಮೋ ಅಪ್ಪೀತಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅಪ್ಪೀತಿಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೧)

ಆರಮ್ಮಣಪಚ್ಚಯೋ

೧೫೦. ಸಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸಪ್ಪೀತಿಕೇ ಖನ್ಧೇ ಆರಬ್ಭ ಸಪ್ಪೀತಿಕಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಸಪ್ಪೀತಿಕೇ ಖನ್ಧೇ ಆರಬ್ಭ ಅಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಸಪ್ಪೀತಿಕೇ ಖನ್ಧೇ ಆರಬ್ಭ ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ। (೩)

೧೫೧. ಅಪ್ಪೀತಿಕೋ ಧಮ್ಮೋ ಅಪ್ಪೀತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅಪ್ಪೀತಿಕೇನ ಚಿತ್ತೇನ ದಾನಂ ದತ್ವಾ ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ಅಪ್ಪೀತಿಕೇನ ಚಿತ್ತೇನ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಅಪ್ಪೀತಿಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ, ದೋಮನಸ್ಸಂ ಉಪ್ಪಜ್ಜತಿ; ಅಪ್ಪೀತಿಕಾ ಝಾನಾ ವುಟ್ಠಹಿತ್ವಾ…ಪೇ॰… ಮಗ್ಗಾ ವುಟ್ಠಹಿತ್ವಾ…ಪೇ॰… ಫಲಾ ವುಟ್ಠಹಿತ್ವಾ ಅಪ್ಪೀತಿಕೇನ ಚಿತ್ತೇನ ಫಲಂ ಪಚ್ಚವೇಕ್ಖತಿ, ಅರಿಯಾ ಅಪ್ಪೀತಿಕೇನ ಚಿತ್ತೇನ ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಅಪ್ಪೀತಿಕಸ್ಸ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಪೀತಿಯಾ ಚ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ಅಪ್ಪೀತಿಕೇನ ಚಿತ್ತೇನ ಅಪ್ಪೀತಿಕೇ ಪಹೀನೇ ಕಿಲೇಸೇ…ಪೇ॰… ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ಅಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಅಪ್ಪೀತಿಕೇನ ಚಿತ್ತೇನ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಅಪ್ಪೀತಿಕೋ ರಾಗೋ ಉಪ್ಪಜ್ಜತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ; ಅಪ್ಪೀತಿಕಾ ಖನ್ಧಾ ಇದ್ಧಿವಿಧಞಾಣಸ್ಸ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಪೀತಿಯಾ ಚ ಆರಮ್ಮಣಪಚ್ಚಯೇನ ಪಚ್ಚಯೋ; ಅಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಆರಬ್ಭ ಅಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ। (೧)

ಅಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅಪ್ಪೀತಿಕೇನ ಚಿತ್ತೇನ ದಾನಂ ದತ್ವಾ ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಸಪ್ಪೀತಿಕೇನ ಚಿತ್ತೇನ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸಪ್ಪೀತಿಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ಅಪ್ಪೀತಿಕಾ ಝಾನಾ ವುಟ್ಠಹಿತ್ವಾ…ಪೇ॰… ಮಗ್ಗಾ ವುಟ್ಠಹಿತ್ವಾ…ಪೇ॰… ಫಲಾ ವುಟ್ಠಹಿತ್ವಾ ಸಪ್ಪೀತಿಕೇನ ಚಿತ್ತೇನ ಫಲಂ ಪಚ್ಚವೇಕ್ಖತಿ, ಅರಿಯಾ ಸಪ್ಪೀತಿಕೇನ ಚಿತ್ತೇನ ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಸಪ್ಪೀತಿಕಸ್ಸ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ಸಪ್ಪೀತಿಕೇನ ಚಿತ್ತೇನ ಅಪ್ಪೀತಿಕೇ ಪಹೀನೇ ಕಿಲೇಸೇ…ಪೇ॰… ವಿಕ್ಖಮ್ಭಿತೇ ಕಿಲೇಸೇ …ಪೇ॰… ಪುಬ್ಬೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ಅಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಸಪ್ಪೀತಿಕೇನ ಚಿತ್ತೇನ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸಪ್ಪೀತಿಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ಅಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಆರಬ್ಭ ಸಪ್ಪೀತಿಕಾ ಖನ್ಧಾ ಉಪ್ಪಜ್ಜನ್ತಿ। (೨)

ಅಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಚ ಅಪ್ಪೀತಿಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅಪ್ಪೀತಿಕೇನ ಚಿತ್ತೇನ ದಾನಂ ದತ್ವಾ ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಸಪ್ಪೀತಿಕೇನ ಚಿತ್ತೇನ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ, ಅಪ್ಪೀತಿಕಾ ಝಾನಾ…ಪೇ॰… ಮಗ್ಗಾ…ಪೇ॰… ಫಲಾ ವುಟ್ಠಹಿತ್ವಾ ಸಪ್ಪೀತಿಕೇನ ಚಿತ್ತೇನ ಫಲಂ ಪಚ್ಚವೇಕ್ಖತಿ, ಅರಿಯಾ ಸಪ್ಪೀತಿಕೇನ ಚಿತ್ತೇನ ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಸಪ್ಪೀತಿಕಸ್ಸ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಪೀತಿಯಾ ಚ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ಸಪ್ಪೀತಿಕೇನ ಚಿತ್ತೇನ ಅಪ್ಪೀತಿಕೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ಅಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಸಪ್ಪೀತಿಕೇನ ಚಿತ್ತೇನ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ , ತಂ ಆರಬ್ಭ ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ, ಅಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಆರಬ್ಭ ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ। (೩)

೧೫೨. ಸಪ್ಪೀತಿಕೋ ಚ ಅಪ್ಪೀತಿಕೋ ಚ ಧಮ್ಮಾ ಸಪ್ಪೀತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಆರಬ್ಭ ಸಪ್ಪೀತಿಕಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಸಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಆರಬ್ಭ ಅಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ।

(ಮೂಲಂ ಕಾತಬ್ಬಂ।) ಸಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಆರಬ್ಭ ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ। (೩)

ಅಧಿಪತಿಪಚ್ಚಯೋ

೧೫೩. ಸಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಸಪ್ಪೀತಿಕೇ ಖನ್ಧೇ ಗರುಂ ಕತ್ವಾ ಸಪ್ಪೀತಿಕಾ ಖನ್ಧಾ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ಸಪ್ಪೀತಿಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ಸಪ್ಪೀತಿಕೋ ಧಮ್ಮೋ ಅಪ್ಪೀತಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಸಪ್ಪೀತಿಕೇ ಖನ್ಧೇ ಗರುಂ ಕತ್ವಾ ಅಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ಸಪ್ಪೀತಿಕಾಧಿಪತಿ ಪೀತಿಯಾ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

ಸಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಚ ಅಪ್ಪೀತಿಕಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಸಪ್ಪೀತಿಕೇ ಖನ್ಧೇ ಗರುಂ ಕತ್ವಾ ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ಸಪ್ಪೀತಿಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಪೀತಿಯಾ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೧೫೪. ಅಪ್ಪೀತಿಕೋ ಧಮ್ಮೋ ಅಪ್ಪೀತಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಅಪ್ಪೀತಿಕೇನ ಚಿತ್ತೇನ ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಅಪ್ಪೀತಿಕೇನ ಚಿತ್ತೇನ ತಂ ಗರುಂ ಕತ್ವಾ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಅಪ್ಪೀತಿಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ಅಪ್ಪೀತಿಕಾ ಝಾನಾ…ಪೇ॰… ಮಗ್ಗಾ…ಪೇ॰… ಫಲಾ ವುಟ್ಠಹಿತ್ವಾ ಅಪ್ಪೀತಿಕೇನ ಚಿತ್ತೇನ ಫಲಂ ಗರುಂ ಕತ್ವಾ ಪಚ್ಚವೇಕ್ಖತಿ; ಅರಿಯಾ ಅಪ್ಪೀತಿಕೇನ ಚಿತ್ತೇನ ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಅಪ್ಪೀತಿಕಸ್ಸ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಅಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಅಪ್ಪೀತಿಕೇನ ಚಿತ್ತೇನ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಅಪ್ಪೀತಿಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ಅಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಗರುಂ ಕತ್ವಾ ಅಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ಅಪ್ಪೀತಿಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ಅಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ಅಪ್ಪೀತಿಕೇನ ಚಿತ್ತೇನ ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… (ಸಂಖಿತ್ತಂ) ನಿಬ್ಬಾನಂ ಸಪ್ಪೀತಿಕಸ್ಸ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಅಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಸಪ್ಪೀತಿಕೇನ ಚಿತ್ತೇನ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಸಪ್ಪೀತಿಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ಅಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಗರುಂ ಕತ್ವಾ ಸಪ್ಪೀತಿಕಾ ಖನ್ಧಾ ಉಪ್ಪಜ್ಜನ್ತಿ। (೨)

ಅಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಚ ಅಪ್ಪೀತಿಕಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ದಾನಂ…ಪೇ॰… (ಸಂಖಿತ್ತಂ) ನಿಬ್ಬಾನಂ ಸಪ್ಪೀತಿಕಸ್ಸ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಪೀತಿಯಾ ಚ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಅಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಸಪ್ಪೀತಿಕೇನ ಚಿತ್ತೇನ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ ಅಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಗರುಂ ಕತ್ವಾ ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ। (೩)

೧೫೫. ಸಪ್ಪೀತಿಕೋ ಚ ಅಪ್ಪೀತಿಕೋ ಚ ಧಮ್ಮಾ ಸಪ್ಪೀತಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ಸಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಗರುಂ ಕತ್ವಾ ಸಪ್ಪೀತಿಕಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಸಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಗರುಂ ಕತ್ವಾ ಅಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ।) ಸಪ್ಪೀತಿಕೇ ಖನ್ಧೇ ಚ ಪೀತಿಞ್ಚ ಗರುಂ ಕತ್ವಾ ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಉಪ್ಪಜ್ಜನ್ತಿ। (೩)

ಅನನ್ತರಪಚ್ಚಯಾದಿ

೧೫೬. ಸಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಪ್ಪೀತಿಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸಪ್ಪೀತಿಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಸಪ್ಪೀತಿಕಾ ಖನ್ಧಾ ಪಚ್ಛಿಮಾಯ ಪಚ್ಛಿಮಾಯ ಪೀತಿಯಾ ಅನನ್ತರಪಚ್ಚಯೇನ ಪಚ್ಚಯೋ – ಸಪ್ಪೀತಿಕಂ ಚುತಿಚಿತ್ತಂ ಅಪ್ಪೀತಿಕಸ್ಸ ಉಪಪತ್ತಿಚಿತ್ತಸ್ಸ , ಸಪ್ಪೀತಿಕಂ ಭವಙ್ಗಂ ಆವಜ್ಜನಾಯ, ಸಪ್ಪೀತಿಕಾ ಖನ್ಧಾ ಅಪ್ಪೀತಿಕಸ್ಸ ವುಟ್ಠಾನಸ್ಸ, ಪೀತಿಸಹಗತಾ ವಿಪಾಕಮನೋವಿಞ್ಞಾಣಧಾತು ಕಿರಿಯಮನೋವಿಞ್ಞಾಣಧಾತುಯಾ, ಸಪ್ಪೀತಿಕಂ ಭವಙ್ಗಂ ಅಪ್ಪೀತಿಕಸ್ಸ ಭವಙ್ಗಸ್ಸ, ಸಪ್ಪೀತಿಕಂ ಕುಸಲಾಕುಸಲಂ ಅಪ್ಪೀತಿಕಸ್ಸ ವುಟ್ಠಾನಸ್ಸ, ಕಿರಿಯಂ ವುಟ್ಠಾನಸ್ಸ, ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಸಪ್ಪೀತಿಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸಪ್ಪೀತಿಕಾನಂ ಖನ್ಧಾನಂ ಪೀತಿಯಾ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

೧೫೭. ಅಪ್ಪೀತಿಕೋ ಧಮ್ಮೋ ಅಪ್ಪೀತಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿ ಪಚ್ಛಿಮಾಯ ಪಚ್ಛಿಮಾಯ ಪೀತಿಯಾ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ಅಪ್ಪೀತಿಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅಪ್ಪೀತಿಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ॰… ಅಪ್ಪೀತಿಕಾಯ ಫಲಸಮಾಪತ್ತಿಯಾ ಪೀತಿಯಾ ಚ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಪೀತಿ ಪಚ್ಛಿಮಾನಂ ಪಚ್ಛಿಮಾನಂ ಸಪ್ಪೀತಿಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅಪ್ಪೀತಿಕಂ ಚುತಿಚಿತ್ತಂ ಸಪ್ಪೀತಿಕಸ್ಸ ಉಪಪತ್ತಿಚಿತ್ತಸ್ಸ, ಆವಜ್ಜನಾ ಸಪ್ಪೀತಿಕಾನಂ ಖನ್ಧಾನಂ, ಅಪ್ಪೀತಿಕಾ ಖನ್ಧಾ ಸಪ್ಪೀತಿಕಸ್ಸ ವುಟ್ಠಾನಸ್ಸ, ವಿಪಾಕಮನೋಧಾತು ಸಪ್ಪೀತಿಕಾಯ ವಿಪಾಕಮನೋವಿಞ್ಞಾಣಧಾತುಯಾ, ಅಪ್ಪೀತಿಕಂ ಭವಙ್ಗಂ ಸಪ್ಪೀತಿಕಸ್ಸ ಭವಙ್ಗಸ್ಸ, ಅಪ್ಪೀತಿಕಂ ಕುಸಲಾಕುಸಲಂ ಸಪ್ಪೀತಿಕಸ್ಸ ವುಟ್ಠಾನಸ್ಸ, ಕಿರಿಯಂ ವುಟ್ಠಾನಸ್ಸ, ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಸಪ್ಪೀತಿಕಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೨)

ಅಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಚ ಅಪ್ಪೀತಿಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿ ಪಚ್ಛಿಮಾನಂ ಪಚ್ಛಿಮಾನಂ ಸಪ್ಪೀತಿಕಾನಂ ಖನ್ಧಾನಂ ಪೀತಿಯಾ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

೧೫೮. ಸಪ್ಪೀತಿಕೋ ಚ ಅಪ್ಪೀತಿಕೋ ಚ ಧಮ್ಮಾ ಸಪ್ಪೀತಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಪಚ್ಛಿಮಾನಂ ಪಚ್ಛಿಮಾನಂ ಸಪ್ಪೀತಿಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೧)

ಸಪ್ಪೀತಿಕೋ ಚ ಅಪ್ಪೀತಿಕೋ ಚ ಧಮ್ಮಾ ಅಪ್ಪೀತಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಪಚ್ಛಿಮಾಯ ಪಚ್ಛಿಮಾಯ ಪೀತಿಯಾ ಅನನ್ತರಪಚ್ಚಯೇನ ಪಚ್ಚಯೋ; ಸಪ್ಪೀತಿಕಂ ಚುತಿಚಿತ್ತಞ್ಚ ಪೀತಿ ಚ ಅಪ್ಪೀತಿಕಸ್ಸ ಉಪಪತ್ತಿಚಿತ್ತಸ್ಸ… ಸಪ್ಪೀತಿಕಂ ಭವಙ್ಗಞ್ಚ ಪೀತಿ ಚ ಆವಜ್ಜನಾಯ… ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಅಪ್ಪೀತಿಕಸ್ಸ ವುಟ್ಠಾನಸ್ಸ… ಸಪ್ಪೀತಿಕಾ ವಿಪಾಕಮನೋವಿಞ್ಞಾಣಧಾತು ಚ ಪೀತಿ ಚ ಕಿರಿಯಮನೋವಿಞ್ಞಾಣಧಾತುಯಾ… ಸಪ್ಪೀತಿಕಂ ಭವಙ್ಗಞ್ಚ ಪೀತಿ ಚ ಅಪ್ಪೀತಿಕಸ್ಸ ಭವಙ್ಗಸ್ಸ… ಸಪ್ಪೀತಿಕಂ ಕುಸಲಾಕುಸಲಞ್ಚ ಪೀತಿ ಚ ಅಪ್ಪೀತಿಕಸ್ಸ ವುಟ್ಠಾನಸ್ಸ… ಕಿರಿಯಞ್ಚ ಪೀತಿ ಚ ವುಟ್ಠಾನಸ್ಸ… ಫಲಞ್ಚ ಪೀತಿ ಚ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

ಸಪ್ಪೀತಿಕೋ ಚ ಅಪ್ಪೀತಿಕೋ ಚ ಧಮ್ಮಾ ಸಪ್ಪೀತಿಕಸ್ಸ ಚ ಅಪ್ಪೀತಿಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಪಚ್ಛಿಮಾನಂ ಪಚ್ಛಿಮಾನಂ ಸಪ್ಪೀತಿಕಾನಂ ಖನ್ಧಾನಂ ಪೀತಿಯಾ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

ಸಮನನ್ತರಪಚ್ಚಯೇನ ಪಚ್ಚಯೋ… ನವ… ಸಹಜಾತಪಚ್ಚಯೇನ ಪಚ್ಚಯೋ… ನವ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನವ… ನಿಸ್ಸಯಪಚ್ಚಯೇನ ಪಚ್ಚಯೋ… ನವ।

ಉಪನಿಸ್ಸಯಪಚ್ಚಯೋ

೧೫೯. ಸಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸಪ್ಪೀತಿಕಾ ಖನ್ಧಾ ಸಪ್ಪೀತಿಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಸಪ್ಪೀತಿಕಾ ಖನ್ಧಾ ಅಪ್ಪೀತಿಕಾನಂ ಖನ್ಧಾನಂ ಪೀತಿಯಾ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಸಪ್ಪೀತಿಕಾ ಖನ್ಧಾ ಸಪ್ಪೀತಿಕಾನಂ ಖನ್ಧಾನಂ ಪೀತಿಯಾ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೧೬೦. ಅಪ್ಪೀತಿಕೋ ಧಮ್ಮೋ ಅಪ್ಪೀತಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಅಪ್ಪೀತಿಕಂ ಸದ್ಧಂ ಉಪನಿಸ್ಸಾಯ ಅಪ್ಪೀತಿಕೇನ ಚಿತ್ತೇನ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ; ಅಪ್ಪೀತಿಕಂ ಝಾನಂ…ಪೇ॰… ವಿಪಸ್ಸನಂ… ಮಗ್ಗಂ… ಅಭಿಞ್ಞಂ… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಅಪ್ಪೀತಿಕಂ ಸೀಲಂ…ಪೇ॰… ಪಞ್ಞಂ… ರಾಗಂ… ದೋಸಂ… ಮೋಹಂ… ಮಾನಂ… ದಿಟ್ಠಿಂ… ಪತ್ಥನಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ… ಪೀತಿಂ ಉಪನಿಸ್ಸಾಯ ಅಪ್ಪೀತಿಕೇನ ಚಿತ್ತೇನ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಅಪ್ಪೀತಿಕಾ ಸದ್ಧಾ…ಪೇ॰… ಸೇನಾಸನಂ ಪೀತಿ ಚ ಅಪ್ಪೀತಿಕಾಯ ಸದ್ಧಾಯ…ಪೇ॰… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ… ಮಗ್ಗಸ್ಸ ಫಲಸಮಾಪತ್ತಿಯಾ ಪೀತಿಯಾ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಅಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ತೀಣಿ ಉಪನಿಸ್ಸಯಾ)। ಅಪ್ಪೀತಿಕಂ ಸದ್ಧಂ ಉಪನಿಸ್ಸಾಯ ಸಪ್ಪೀತಿಕೇನ ಚಿತ್ತೇನ ದಾನಂ ದೇತಿ…ಪೇ॰… ಅಪ್ಪೀತಿಕಾ ಝಾನಾ…ಪೇ॰… ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಅಪ್ಪೀತಿಕಂ ಸೀಲಂ…ಪೇ॰… ಸೇನಾಸನಂ ಪೀತಿಂ ಉಪನಿಸ್ಸಾಯ ಸಪ್ಪೀತಿಕೇನ ಚಿತ್ತೇನ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ಸಪ್ಪೀತಿಕೇನ ಚಿತ್ತೇನ ಅದಿನ್ನಂ ಆದಿಯತಿ, ಮುಸಾ…ಪೇ॰… ಪಿಸುಣಂ…ಪೇ॰… ಸಮ್ಫಂ…ಪೇ॰… ಸನ್ಧಿಂ…ಪೇ॰… ನಿಲ್ಲೋಪಂ…ಪೇ॰… ಏಕಾಗಾರಿಕಂ…ಪೇ॰… ಪರಿಪನ್ಥೇ…ಪೇ॰… ಪರದಾರಂ…ಪೇ॰… ಗಾಮಘಾತಂ…ಪೇ॰… ನಿಗಮಘಾತಂ ಕರೋತಿ; ಅಪ್ಪೀತಿಕಾ ಸದ್ಧಾ…ಪೇ॰… ಸೇನಾಸನಂ ಪೀತಿ ಚ ಸಪ್ಪೀತಿಕಾಯ ಸದ್ಧಾಯ…ಪೇ॰… ಪಞ್ಞಾಯ ರಾಗಸ್ಸ, ಮೋಹಸ್ಸ… ಮಾನಸ್ಸ… ದಿಟ್ಠಿಯಾ… ಪತ್ಥನಾಯ… ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಅಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಚ ಅಪ್ಪೀತಿಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ತೀಣಿ ಉಪನಿಸ್ಸಯಾ)। ಅಪ್ಪೀತಿಕಂ ಸದ್ಧಂ ಉಪನಿಸ್ಸಾಯ ಸಪ್ಪೀತಿಕೇನ ಚಿತ್ತೇನ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಅಪ್ಪೀತಿಕಂ ಸೀಲಂ…ಪೇ॰… ಸೇನಾಸನಂ ಪೀತಿಂ ಉಪನಿಸ್ಸಾಯ ಸಪ್ಪೀತಿಕೇನ ಚಿತ್ತೇನ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ಸಪ್ಪೀತಿಕೇನ ಚಿತ್ತೇನ ಅದಿನ್ನಂ ಆದಿಯತಿ…ಪೇ॰… (ದುತಿಯವಾರಸದಿಸಂ) ನಿಗಮಘಾತಂ ಕರೋತಿ; ಅಪ್ಪೀತಿಕಾ ಸದ್ಧಾ…ಪೇ॰… ಸೇನಾಸನಂ ಪೀತಿ ಚ ಸಪ್ಪೀತಿಕಾಯ ಸದ್ಧಾಯ…ಪೇ॰… ಪಞ್ಞಾಯ… ರಾಗಸ್ಸ… ಮೋಹಸ್ಸ… ಮಾನಸ್ಸ… ದಿಟ್ಠಿಯಾ… ಪತ್ಥನಾಯ… ಮಗ್ಗಸ್ಸ, ಫಲಸಮಾಪತ್ತಿಯಾ ಪೀತಿಯಾ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

ಸಪ್ಪೀತಿಕೋ ಚ ಅಪ್ಪೀತಿಕೋ ಚ ಧಮ್ಮಾ ಸಪ್ಪೀತಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ತೀಣಿಪಿ ಉಪನಿಸ್ಸಯಾ)। ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಸಪ್ಪೀತಿಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಅಪ್ಪೀತಿಕಾನಂ ಖನ್ಧಾನಂ ಪೀತಿಯಾ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಸಪ್ಪೀತಿಕಾ ಖನ್ಧಾ ಚ ಪೀತಿ ಚ ಸಪ್ಪೀತಿಕಾನಂ ಖನ್ಧಾನಂ ಪೀತಿಯಾ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

ಪುರೇಜಾತಪಚ್ಚಯೋ

೧೬೧. ಅಪ್ಪೀತಿಕೋ ಧಮ್ಮೋ ಅಪ್ಪೀತಿಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಪ್ಪೀತಿಕೇನ ಚಿತ್ತೇನ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಅಪ್ಪೀತಿಕೋ ರಾಗೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ, ಪೀತಿ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰…। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ॰… ವತ್ಥು ಅಪ್ಪೀತಿಕಾನಂ ಖನ್ಧಾನಂ ಪೀತಿಯಾ ಚ ಪುರೇಜಾತಪಚ್ಚಯೇನ ಪಚ್ಚಯೋ। (೧)

ಅಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಸಪ್ಪೀತಿಕೇನ ಚಿತ್ತೇನ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸಪ್ಪೀತಿಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ವತ್ಥುಪುರೇಜಾತಂ – ವತ್ಥು ಸಪ್ಪೀತಿಕಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

ಅಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಚ ಅಪ್ಪೀತಿಕಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಸಪ್ಪೀತಿಕೇನ ಚಿತ್ತೇನ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪೀತಿ ಚ ಸಮ್ಪಯುತ್ತಕಾ ಖನ್ಧಾ ಚ ಉಪ್ಪಜ್ಜನ್ತಿ। ವತ್ಥುಪುರೇಜಾತಂ – ವತ್ಥು ಸಪ್ಪೀತಿಕಾನಂ ಖನ್ಧಾನಂ ಪೀತಿಯಾ ಚ ಪುರೇಜಾತಪಚ್ಚಯೇನ ಪಚ್ಚಯೋ। (೩)

ಪಚ್ಛಾಜಾತಪಚ್ಚಯಾದಿ

೧೬೨. ಸಪ್ಪೀತಿಕೋ ಧಮ್ಮೋ ಅಪ್ಪೀತಿಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ… ತೀಣಿ… ಆಸೇವನಪಚ್ಚಯೇನ ಪಚ್ಚಯೋ… ನವ… ಕಮ್ಮಪಚ್ಚಯೇನ ಪಚ್ಚಯೋ… ಛ (ಸಹಜಾತಾಪಿ ನಾನಾಕ್ಖಣಿಕಾಪಿ ಕಾತಬ್ಬಾ… ದ್ವೇ ನಾನಾಕ್ಖಣಿಕಾ)… ವಿಪಾಕಪಚ್ಚಯೇನ ಪಚ್ಚಯೋ… ನವ… ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಚತ್ತಾರಿ… ಝಾನಪಚ್ಚಯೇನ ಪಚ್ಚಯೋ… ನವ… ಮಗ್ಗಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಛ… ವಿಪ್ಪಯುತ್ತಪಚ್ಚಯೇನ ಪಚ್ಚಯೋ… ಪಞ್ಚ… ಅತ್ಥಿಪಚ್ಚಯೇನ ಪಚ್ಚಯೋ… ನವ (ಸಂಖಿತ್ತಂ। ಸವಿತಕ್ಕದುಕಸದಿಸಂ ಕಾತಬ್ಬಂ।)… ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ… ನವ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೧೬೩. ಹೇತುಯಾ ಚತ್ತಾರಿ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ನವ, ಕಮ್ಮೇ ಛ, ವಿಪಾಕೇ ನವ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ನವ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ಛ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ।

ಅನುಲೋಮಂ।

ಪಚ್ಚನೀಯುದ್ಧಾರೋ

೧೬೪. ಸಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। ಸಪ್ಪೀತಿಕೋ ಧಮ್ಮೋ ಅಪ್ಪೀತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। ಸಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಚ ಅಪ್ಪೀತಿಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೩)

೧೬೫. ಅಪ್ಪೀತಿಕೋ ಧಮ್ಮೋ ಅಪ್ಪೀತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। ಅಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। ಅಪ್ಪೀತಿಕೋ ಧಮ್ಮೋ ಸಪ್ಪೀತಿಕಸ್ಸ ಚ ಅಪ್ಪೀತಿಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೩)

೧೬೬. ಸಪ್ಪೀತಿಕೋ ಚ ಅಪ್ಪೀತಿಕೋ ಚ ಧಮ್ಮಾ ಸಪ್ಪೀತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ । ಸಪ್ಪೀತಿಕೋ ಚ ಅಪ್ಪೀತಿಕೋ ಚ ಧಮ್ಮಾ ಅಪ್ಪೀತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। ಸಪ್ಪೀತಿಕೋ ಚ ಅಪ್ಪೀತಿಕೋ ಚ ಧಮ್ಮಾ ಸಪ್ಪೀತಿಕಸ್ಸ ಚ ಅಪ್ಪೀತಿಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

(ಪಚ್ಚನೀಯವಿಭಙ್ಗಗಣನಾಪಿ ಸವಿತಕ್ಕದುಕಸದಿಸಾ। ಯದಿಪಿ ನ ಸಮೇತಿ ಇಮಂ ಅನುಲೋಮಂ ಪಚ್ಚವೇಕ್ಖಿತ್ವಾ ಗಣೇತಬ್ಬಂ, ಇತರೇ ದ್ವೇ ಗಣನಾ ಗಣೇತಬ್ಬಾ।)

ಸಪ್ಪೀತಿಕದುಕಂ ನಿಟ್ಠಿತಂ।

೯೦. ಪೀತಿಸಹಗತದುಕಂ

೧-೭. ಪಟಿಚ್ಚವಾರಾದಿ

೧೬೭. ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… (ಏವಂ ಪೀತಿಸಹಗತದುಕಂ ವಿತ್ಥಾರೇತಬ್ಬಂ, ಸಪ್ಪೀತಿಕದುಕಸದಿಸಂ ನಿನ್ನಾನಾಕರಣಂ, ಆಮಸನಂ ನಿನ್ನಾನಂ।)

ಪೀತಿಸಹಗತದುಕಂ ನಿಟ್ಠಿತಂ।

೯೧. ಸುಖಸಹಗತದುಕಂ

೧-೬. ಪಟಿಚ್ಚವಾರಾದಿ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೧೬೮. ಸುಖಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ; ಪಟಿಸನ್ಧಿಕ್ಖಣೇ…ಪೇ॰…। ಸುಖಸಹಗತಂ ಧಮ್ಮಂ ಪಟಿಚ್ಚ ನಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸುಖಸಹಗತೇ ಖನ್ಧೇ ಪಟಿಚ್ಚ ಸುಖಂ ಚಿತ್ತಸಮುಟ್ಠಾನಞ್ಚ ರೂಪಂ। (ಏವಂ ಸುಖಸಹಗತದುಕಂ ವಿತ್ಥಾರೇತಬ್ಬಂ, ಯಥಾ ಸಪ್ಪೀತಿಕದುಕಸ್ಸ ಅನುಲೋಮಪಟಿಚ್ಚವಾರೋ।)

ಹೇತುಯಾ ನವ, ಆರಮ್ಮಣೇ ನವ…ಪೇ॰… ಪುರೇಜಾತೇ ಛ, ಆಸೇವನೇ ಛ, ಕಮ್ಮೇ ನವ…ಪೇ॰… ಅವಿಗತೇ ನವ।

ಅನುಲೋಮಂ।

೧೬೯. ಸುಖಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ॰… (ಮೂಲಂ ಕಾತಬ್ಬಂ।) ಅಹೇತುಕೇ ಸುಖಸಹಗತೇ ಖನ್ಧೇ ಪಟಿಚ್ಚ ಸುಖಞ್ಚ ಚಿತ್ತಸಮುಟ್ಠಾನಞ್ಚ ರೂಪಂ। ಸುಖಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಚ ನಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಸುಖಞ್ಚ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ॰…। (೩)

ನಸುಖಸಹಗತಂ ಧಮ್ಮಂ ಪಟಿಚ್ಚ ನಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಂ ಸುಖಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ ನಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ …ಪೇ॰… ದ್ವೇ ಖನ್ಧೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰…। (ಯಾವ ಅಸಞ್ಞಸತ್ತಾ) ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (ಯಥಾ ಸಪ್ಪೀತಿಕೇ ನಹೇತುಪಚ್ಚಯಸದಿಸಂ, ನಿನ್ನಾನಂ ಸಬ್ಬತ್ಥಮೇವ ನವ ಪಞ್ಹಾ।)

ನಹೇತುಯಾ ನವ, ನಆರಮ್ಮಣೇ ತೀಣಿ…ಪೇ॰… ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಛ, ನಮಗ್ಗೇ ನವ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

ಪಚ್ಚನೀಯಂ।

(ಏವಂ ಇತರೇ ದ್ವೇ ಗಣನಾಪಿ ಸಹಜಾತವಾರೋಪಿ ಪಟಿಚ್ಚವಾರಸದಿಸಾ। ಪಚ್ಚಯವಾರೇ ಪವತ್ತಿಪಿ ಪಟಿಸನ್ಧಿಪಿ ವಿತ್ಥಾರೇತಬ್ಬಾ, ಯಥಾ ಸಪ್ಪೀತಿಕದುಕಪಚ್ಚಯವಾರಪಚ್ಚನೀಯೇಪಿ ಪವತ್ತೇ ವತ್ಥು ಚ ವಿತ್ಥಾರೇತಬ್ಬಂ, ಯಥಾ ಸಪ್ಪೀತಿಕದುಕೇ ಏಕೋಯೇವ ಮೋಹೋ, ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಯಥಾ ಸಪ್ಪೀತಿಕದುಕಂ, ಏವಂ ಕಾತಬ್ಬಂ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೭೦. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ಚತ್ತಾರಿ। (ಆರಮ್ಮಣೇಪಿ ಅಧಿಪತಿಯಾಪಿ ಸಪ್ಪೀತಿಕದುಕಸದಿಸಾ, ಸುಖನ್ತಿ ನಾನಾಕರಣಂ।)

ಅನನ್ತರಪಚ್ಚಯಾದಿ

೧೭೧. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸುಖಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸುಖಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಸುಖಸಹಗತಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ಸುಖಸ್ಸ ಅನನ್ತರಪಚ್ಚಯೇನ ಪಚ್ಚಯೋ। ಸುಖಸಹಗತಂ ಚುತಿಚಿತ್ತಂ ನಸುಖಸಹಗತಸ್ಸ ಉಪಪತ್ತಿಚಿತ್ತಸ್ಸ… ಸುಖಸಹಗತಂ ಭವಙ್ಗಂ ಆವಜ್ಜನಾಯ… ಸುಖಸಹಗತಂ ಕಾಯವಿಞ್ಞಾಣಂ ವಿಪಾಕಮನೋಧಾತುಯಾ… ಸುಖಸಹಗತಾ ವಿಪಾಕಮನೋವಿಞ್ಞಾಣಧಾತು ಕಿರಿಯಮನೋವಿಞ್ಞಾಣಧಾತುಯಾ… ಸುಖಸಹಗತಂ ಭವಙ್ಗಂ ನಸುಖಸಹಗತಸ್ಸ ಭವಙ್ಗಸ್ಸ… ಸುಖಸಹಗತಂ ಕುಸಲಾಕುಸಲಂ ನಸುಖಸಹಗತಸ್ಸ ವುಟ್ಠಾನಸ್ಸ… ಕಿರಿಯಂ ವುಟ್ಠಾನಸ್ಸ… ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಸುಖಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸುಖಸಹಗತಾನಂ ಖನ್ಧಾನಂ ಸುಖಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ। (೧)

ನಸುಖಸಹಗತೋ ಧಮ್ಮೋ ನಸುಖಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನಸುಖಸಹಗತಾ…ಪೇ॰…। (ಮೂಲಂ। ತೀಣಿಪಿ ಸಪ್ಪೀತಿಕದುಕಸದಿಸಾ।)

೧೭೨. ಸುಖಸಹಗತೋ ಚ ನಸುಖಸಹಗತೋ ಚ ಧಮ್ಮಾ ಸುಖಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸುಖಸಹಗತಾ ಖನ್ಧಾ ಚ ಸುಖಞ್ಚ ಪಚ್ಛಿಮಾನಂ ಪಚ್ಛಿಮಾನಂ ಸುಖಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಸುಖಸಹಗತಾ ಖನ್ಧಾ ಚ ಸುಖಞ್ಚ ಪಚ್ಛಿಮಸ್ಸ ಪಚ್ಛಿಮಸ್ಸ ಸುಖಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಸುಖಸಹಗತಂ ಚುತಿಚಿತ್ತಞ್ಚ ಸುಖಞ್ಚ ನಸುಖಸಹಗತಸ್ಸ ಉಪಪತ್ತಿಚಿತ್ತಸ್ಸ ಸುಖಸಹಗತಂ ಭವಙ್ಗಞ್ಚ ಸುಖಞ್ಚ ಆವಜ್ಜನಾಯ … ಸುಖಸಹಗತಂ ಕಾಯವಿಞ್ಞಾಣಞ್ಚ ಸುಖಞ್ಚ ವಿಪಾಕಮನೋಧಾತುಯಾ… ಸುಖಸಹಗತಾ ವಿಪಾಕಮನೋವಿಞ್ಞಾಣಧಾತು ಚ ಸುಖಞ್ಚ ಕಿರಿಯಮನೋವಿಞ್ಞಾಣಧಾತುಯಾ… ಸುಖಸಹಗತಂ ಭವಙ್ಗಞ್ಚ ಸುಖಞ್ಚ ನಸುಖಸಹಗತಸ್ಸ ಭವಙ್ಗಸ್ಸ… ಸುಖಸಹಗತಂ ಕುಸಲಾಕುಸಲಞ್ಚ ಸುಖಞ್ಚ ನಸುಖಸಹಗತಸ್ಸ ವುಟ್ಠಾನಸ್ಸ… ಕಿರಿಯಂ ವುಟ್ಠಾನಸ್ಸ… ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಸುಖಸಹಗತಾ ಖನ್ಧಾ ಚ ಸುಖಞ್ಚ ಪಚ್ಛಿಮಾನಂ ಪಚ್ಛಿಮಾನಂ ಸುಖಸಹಗತಾನಂ ಖನ್ಧಾನಂ ಸುಖಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನಿಸ್ಸಯಪಚ್ಚಯೇನ ಪಚ್ಚಯೋ।

ಉಪನಿಸ್ಸಯಪಚ್ಚಯೋ

೧೭೩. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ।

ನಸುಖಸಹಗತೋ ಧಮ್ಮೋ ನಸುಖಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ನಸುಖಸಹಗತಂ ಸದ್ಧಂ ಉಪನಿಸ್ಸಾಯ ನಸುಖಸಹಗತೇನ ಚಿತ್ತೇನ ದಾನಂ ದೇತಿ, ಸೀಲಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ನಸುಖಸಹಗತಂ ಸೀಲಂ…ಪೇ॰… ಪಞ್ಞಂ… ರಾಗಂ…ಪೇ॰… ಪತ್ಥನಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಸುಖಂ ಉಪನಿಸ್ಸಾಯ ನಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ನಸುಖಸಹಗತಾ ಸದ್ಧಾ…ಪೇ॰… ಸೇನಾಸನಂ ಸುಖಞ್ಚ ನಸುಖಸಹಗತಾಯ ಸದ್ಧಾಯ…ಪೇ॰… ಪಞ್ಞಾಯ… ರಾಗಸ್ಸ… ದೋಸಸ್ಸ…ಪೇ॰… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ, ಮಗ್ಗಸ್ಸ, ಫಲಸಮಾಪತ್ತಿಯಾ ಸುಖಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ನಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ನಸುಖಸಹಗತಂ ಸದ್ಧಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ನಸುಖಸಹಗತಂ ಸೀಲಂ…ಪೇ॰… ಪಞ್ಞಂ… ರಾಗಂ…ಪೇ॰… ಪತ್ಥನಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಸುಖಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ಸುಖಸಹಗತೇನ ಚಿತ್ತೇನ ಅದಿನ್ನಂ ಆದಿಯತಿ; ಮುಸಾ…ಪೇ॰… ಪಿಸುಣಂ…ಪೇ॰… ಸಮ್ಫಂ…ಪೇ॰… ಸನ್ಧಿಂ…ಪೇ॰… ನಿಲ್ಲೋಪಂ…ಪೇ॰… ಏಕಾಗಾರಿಕಂ…ಪೇ॰… ಪರಿಪನ್ಥೇ…ಪೇ॰… ಪರದಾರಂ…ಪೇ॰… ಗಾಮಘಾತಂ…ಪೇ॰… ನಿಗಮಘಾತಂ ಕರೋತಿ; ನಸುಖಸಹಗತಾ ಸದ್ಧಾ…ಪೇ॰… ಸೇನಾಸನಂ ಸುಖಞ್ಚ ಸುಖಸಹಗತಾಯ ಸದ್ಧಾಯ…ಪೇ॰… ಪಞ್ಞಾಯ… ರಾಗಸ್ಸ… ಮಾನಸ್ಸ… ದಿಟ್ಠಿಯಾ… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಮಗ್ಗಸ್ಸ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ನಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಚ ನಸುಖಸಹಗತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ನಸುಖಸಹಗತಂ ಸದ್ಧಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… (ದುತಿಯಗಮನಸದಿಸಂ) ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ನಸುಖಸಹಗತಂ ಸೀಲಂ…ಪೇ॰… ಸೇನಾಸನಂ ಸುಖಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಸುಖಸಹಗತೇನ ಚಿತ್ತೇನ ಅದಿನ್ನಂ ಆದಿಯತಿ…ಪೇ॰… ನಸುಖಸಹಗತಾ ಸದ್ಧಾ…ಪೇ॰… ಸೇನಾಸನಂ ಸುಖಞ್ಚ ಸುಖಸಹಗತಾಯ … ಸದ್ಧಾಯ…ಪೇ॰… ಪತ್ಥನಾಯ … ಕಾಯಿಕಸ್ಸ ಸುಖಸ್ಸ, ಮಗ್ಗಸ್ಸ, ಫಲಸಮಾಪತ್ತಿಯಾ ಸುಖಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

ಸುಖಸಹಗತೋ ಚ ನಸುಖಸಹಗತೋ ಚ ಧಮ್ಮಾ ಸುಖಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ।

ಪುರೇಜಾತಪಚ್ಚಯಾದಿ

೧೭೪. ನಸುಖಸಹಗತೋ ಧಮ್ಮೋ ನಸುಖಸಹಗತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ನಸುಖಸಹಗತೇನ ಚಿತ್ತೇನ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ನಸುಖಸಹಗತೋ ರಾಗೋ ಉಪ್ಪಜ್ಜತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ, ಸುಖಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰…। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ॰… ವತ್ಥು ನಸುಖಸಹಗತಾನಂ ಖನ್ಧಾನಂ ಸುಖಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ। (೧)

ನಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಸುಖಸಹಗತೇನ ಚಿತ್ತೇನ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸುಖಸಹಗತೋ ರಾಗೋ ಉಪ್ಪಜ್ಜತಿ , ದಿಟ್ಠಿ ಉಪ್ಪಜ್ಜತಿ। ವತ್ಥುಪುರೇಜಾತಂ – ವತ್ಥು ಸುಖಸಹಗತಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

ನಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಚ ನಸುಖಸಹಗತಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಸುಖಸಹಗತೇನ ಚಿತ್ತೇನ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸುಖಞ್ಚ ಸಮ್ಪಯುತ್ತಕಾ ಖನ್ಧಾ ಚ ಉಪ್ಪಜ್ಜನ್ತಿ। ವತ್ಥುಪುರೇಜಾತಂ – ವತ್ಥು ಸುಖಸಹಗತಾನಂ ಖನ್ಧಾನಂ ಸುಖಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ। (೩)

ಪಚ್ಛಾಜಾತಪಚ್ಚಯೇನ ಪಚ್ಚಯೋ… ತೀಣಿ… ಆಸೇವನಪಚ್ಚಯೇನ ಪಚ್ಚಯೋ… ನವ।

ಕಮ್ಮಪಚ್ಚಯಾದಿ

೧೭೫. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। (ಛ ಕಮ್ಮಾನಿ ಚತ್ತಾರಿ ಸಹಜಾತಾಪಿ ನಾನಾಕ್ಖಣಿಕಾಪಿ ಕಾತಬ್ಬಾ, ದ್ವೇ ನಾನಾಕ್ಖಣಿಕಾ।)… ವಿಪಾಕಪಚ್ಚಯೇನ ಪಚ್ಚಯೋ… ನವ… ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ನವ… ಝಾನಪಚ್ಚಯೇನ ಪಚ್ಚಯೋ… ನವ… ಮಗ್ಗಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಛ… ವಿಪ್ಪಯುತ್ತಪಚ್ಚಯೇನ ಪಚ್ಚಯೋ… ಪಞ್ಚ… ಅತ್ಥಿಪಚ್ಚಯೇನ ಪಚ್ಚಯೋ… ನವ… ನತ್ಥಿಪಚ್ಚಯೇನ ಪಚ್ಚಯೋ… ನವ… ವಿಗತಪಚ್ಚಯೇನ ಪಚ್ಚಯೋ… ನವ… ಅವಿಗತಪಚ್ಚಯೇನ ಪಚ್ಚಯೋ… ನವ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೧೭೬. ಹೇತುಯಾ ಚತ್ತಾರಿ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ನವ, ಕಮ್ಮೇ ಛ, ವಿಪಾಕೇ ನವ, ಆಹಾರೇ ಚತ್ತಾರಿ, ಇನ್ದ್ರಿಯೇ ನವ, ಝಾನೇ ನವ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ಛ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ।

(ಏವಂ ಪಚ್ಚನೀಯವಿಭಙ್ಗೋಪಿ ಗಣನಾಪಿ ಸಪ್ಪೀತಿಕದುಕಸದಿಸಂ ಕಾತಬ್ಬಂ, ಯದಿಪಿ ವಿಮತಿ ಅತ್ಥಿ ಅನುಲೋಮಂ ಪಸ್ಸಿತ್ವಾ ಗಣೇತಬ್ಬಂ।)

ಸುಖಸಹಗತದುಕಂ ನಿಟ್ಠಿತಂ।

೯೨. ಉಪೇಕ್ಖಾಸಹಗತದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೭೭. ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ …ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ನಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪೇಕ್ಖಾಸಹಗತೇ ಖನ್ಧೇ ಪಟಿಚ್ಚ ಉಪೇಕ್ಖಾ ಚಿತ್ತಸಮುಟ್ಠಾನಞ್ಚ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಚ ನಉಪೇಕ್ಖಾಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಉಪೇಕ್ಖಾ ಚ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೩)

ನಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ನಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಉಪೇಕ್ಖಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ನಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ ಉಪೇಕ್ಖಂ ಪಟಿಚ್ಚ ಕಟತ್ತಾರೂಪಂ, ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಉಪೇಕ್ಖಂ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಉಪೇಕ್ಖಾ, ಏಕಂ ಮಹಾಭೂತಂ…ಪೇ॰…। (ಸಪ್ಪೀತಿಕದುಕಸದಿಸಂ, ಅನುಲೋಮೇ ನವಪಿ ಪಞ್ಹಾ।)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೧೭೮. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ॰… ಪುರೇಜಾತೇ ಛ, ಆಸೇವನೇ ಛ, ಕಮ್ಮೇ ನವ (ಸಬ್ಬತ್ಥ ನವ), ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೧೭೯. ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ನಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಉಪೇಕ್ಖಾಸಹಗತೇ ಖನ್ಧೇ ಪಟಿಚ್ಚ ಉಪೇಕ್ಖಾ ಚಿತ್ತಸಮುಟ್ಠಾನಞ್ಚ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ…ಪೇ॰…। ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಚ ನಉಪೇಕ್ಖಾಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಉಪೇಕ್ಖಾ ಚ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰…। (೩)

೧೮೦. ನಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ನಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಂ ಉಪೇಕ್ಖಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ಉಪೇಕ್ಖಂ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಉಪೇಕ್ಖಾ, ಏಕಂ ಮಹಾಭೂತಂ…ಪೇ॰… (ಯಾವ ಅಸಞ್ಞಸತ್ತಾ)।

ನಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಉಪೇಕ್ಖಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ; ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ; ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಉಪೇಕ್ಖಾಸಹಗತಾ ಖನ್ಧಾ; ವಿಚಿಕಿಚ್ಛಾಸಹಗತಂ ಉದ್ಧಚ್ಚಸಹಗತಂ ಉಪೇಕ್ಖಂ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ।

ನಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಚ ನಉಪೇಕ್ಖಾಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಉಪೇಕ್ಖಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ಅಹೇತುಕಂ ಉಪೇಕ್ಖಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ, ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಕಟತ್ತಾ ಚ ರೂಪಂ, ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ, ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಉಪೇಕ್ಖಾಸಹಗತಾ ಖನ್ಧಾ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ, ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಉಪೇಕ್ಖಾ ಚ ಸಮ್ಪಯುತ್ತಕಾ ಚ ಖನ್ಧಾ। (೩)

೧೮೧. ಉಪೇಕ್ಖಾಸಹಗತಞ್ಚ ನಉಪೇಕ್ಖಾಸಹಗತಞ್ಚ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಉಪೇಕ್ಖಾಸಹಗತಂ ಏಕಂ ಖನ್ಧಞ್ಚ ಉಪೇಕ್ಖಞ್ಚ ಪಟಿಚ್ಚ ದ್ವೇ ಖನ್ಧಾ , ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಾಸಹಗತಂ ಏಕಂ ಖನ್ಧಞ್ಚ ಉಪೇಕ್ಖಞ್ಚ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಾಸಹಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ; ದ್ವೇ ಖನ್ಧೇ…ಪೇ॰… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ಉಪೇಕ್ಖಞ್ಚ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ।

ಉಪೇಕ್ಖಾಸಹಗತಞ್ಚ ನಉಪೇಕ್ಖಾಸಹಗತಞ್ಚ ಧಮ್ಮಂ ಪಟಿಚ್ಚ ನಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಉಪೇಕ್ಖಾಸಹಗತೇ ಖನ್ಧೇ ಚ ಉಪೇಕ್ಖಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಅಹೇತುಕೇ ಉಪೇಕ್ಖಾಸಹಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಾಸಹಗತೇ ಖನ್ಧೇ ಚ ಉಪೇಕ್ಖಞ್ಚ ಪಟಿಚ್ಚ ಕಟತ್ತಾರೂಪಂ, ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಾಸಹಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ, ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಾಸಹಗತೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ಉಪೇಕ್ಖಾ।

ಉಪೇಕ್ಖಾಸಹಗತಞ್ಚ ನಉಪೇಕ್ಖಾಸಹಗತಞ್ಚ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಚ ನಉಪೇಕ್ಖಾಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಉಪೇಕ್ಖಾಸಹಗತಂ ಏಕಂ ಖನ್ಧಞ್ಚ ಉಪೇಕ್ಖಞ್ಚ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ॰… ಅಹೇತುಕಂ ಉಪೇಕ್ಖಾಸಹಗತಂ ಏಕಂ ಖನ್ಧಞ್ಚ ಉಪೇಕ್ಖಞ್ಚ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ॰… ಅಹೇತುಕೇ ಉಪೇಕ್ಖಾಸಹಗತೇ ಖನ್ಧೇ ಚ ಉಪೇಕ್ಖಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಾಸಹಗತಂ ಏಕಂ ಖನ್ಧಞ್ಚ ಉಪೇಕ್ಖಞ್ಚ ಪಟಿಚ್ಚ ದ್ವೇ ಖನ್ಧಾ ಕಟತ್ತಾ ಚ ರೂಪಂ, ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಾಸಹಗತಂ ಏಕಂ ಖನ್ಧಞ್ಚ ಉಪೇಕ್ಖಞ್ಚ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ॰… ಅಹೇತುಕೇ ಉಪೇಕ್ಖಾಸಹಗತೇ ಖನ್ಧೇ ಚ ಉಪೇಕ್ಖಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ; ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಾಸಹಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ಉಪೇಕ್ಖಾ ಚ, ದ್ವೇ ಖನ್ಧೇ…ಪೇ॰… (ಸಂಖಿತ್ತಂ)। (೩)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೧೮೨. ನಹೇತುಯಾ ನವ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ನವ, ನಮಗ್ಗೇ ನವ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೨. ಸಹಜಾತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಹಜಾತವಾರೋಪಿ ಕಾತಬ್ಬೋ।)

೩. ಪಚ್ಚಯವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೧೮೩. ಉಪೇಕ್ಖಾಸಹಗತಂ ಧಮ್ಮಂ ಪಚ್ಚಯಾ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪೇಕ್ಖಾಸಹಗತಂ ಏಕಂ ಖನ್ಧಂ ಪಚ್ಚಯಾ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಥಾ ಸವಿತಕ್ಕದುಕಸದಿಸಂ ಪಚ್ಚಯವಾರೇ ನಾನಾಕರಣಂ। ‘‘ಉಪೇಕ್ಖ’’ನ್ತಿ ನವಪಿ ಪಞ್ಹಾ ಕಾತಬ್ಬಾ, ಪಟಿಸನ್ಧಿಪವತ್ತಿಪಿ ವತ್ಥುಪಿ।)

ಹೇತುಯಾ ನವ, ಆರಮ್ಮಣೇ ನವ…ಪೇ॰… ಪುರೇಜಾತೇ ನವ, ಆಸೇವನೇ ನವ (ಸಬ್ಬತ್ಥ ನವ), ಅವಿಗತೇ ನವ।

ಅನುಲೋಮಂ।

೧೮೪. ಉಪೇಕ್ಖಾಸಹಗತಂ ಧಮ್ಮಂ ಪಚ್ಚಯಾ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಉಪೇಕ್ಖಾಸಹಗತಂ ಏಕಂ ಖನ್ಧಂ ಪಚ್ಚಯಾ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (ಏವಂ ನವಪಿ ಪಞ್ಹಾ ಪವತ್ತಿಪಟಿಸನ್ಧಿಯೋ ಯಥಾ ಸವಿತಕ್ಕದುಕಸ್ಸ ಏವಂ ಕಾತಬ್ಬಾ। ತೀಣಿಯೇವ ಮೋಹೋ, ಪವತ್ತೇ ವತ್ಥುಪಿ ಕಾತಬ್ಬಾ।)

ನಹೇತುಯಾ ನವ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ನವ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

ಪಚ್ಚನೀಯಂ।

೪. ನಿಸ್ಸಯವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೧೮೫. ಉಪೇಕ್ಖಾಸಹಗತಂ ಧಮ್ಮಂ ಸಂಸಟ್ಠೋ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪೇಕ್ಖಾಸಹಗತಂ ಏಕಂ ಖನ್ಧಂ ಸಂಸಟ್ಠಾ ದ್ವೇ ಖನ್ಧಾ, ದ್ವೇ ಖನ್ಧೇ …ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (ಯಥಾ ಸವಿತಕ್ಕದುಕಂ ಸಮ್ಪಯುತ್ತವಾರೋ ಏವಂ ಕಾತಬ್ಬೋ।)

ಹೇತುಯಾ ಛ, ಆರಮ್ಮಣೇ ಛ (ಸಬ್ಬತ್ಥ ಛ), ಅವಿಗತೇ ಛ।

ಅನುಲೋಮಂ।

ಉಪೇಕ್ಖಾಸಹಗತಂ ಧಮ್ಮಂ ಸಂಸಟ್ಠೋ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಉಪೇಕ್ಖಾಸಹಗತಂ ಏಕಂ ಖನ್ಧಂ ಸಂಸಟ್ಠಾ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಸಂಸಟ್ಠೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (ಏವಂ ಪಞ್ಚ ಪಞ್ಹಾ ಯಥಾ ಸವಿತಕ್ಕದುಕೇ ಏವಂ ಕಾತಬ್ಬಾ।)

ನಹೇತುಯಾ ಛ, ನಅಧಿಪತಿಯಾ ಛ, ನಪುರೇಜಾತೇ ಛ, ನಪಚ್ಛಾಜಾತೇ ಛ, ನಆಸೇವನೇ ಛ, ನಕಮ್ಮೇ ಚತ್ತಾರಿ, ನವಿಪಾಕೇ ಛ, ನವಿಪ್ಪಯುತ್ತೇ ಛ।

ಪಚ್ಚನೀಯಂ।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯಾದಿ

೧೮೬. ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪೇಕ್ಖಾಸಹಗತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (ಏವಂ ಚತ್ತಾರಿ ಪಞ್ಹಾ ಯಥಾ ಸವಿತಕ್ಕದುಕಸ್ಸ।)

ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಅಧಿಪತಿಪಚ್ಚಯೇನ ಪಚ್ಚಯೋ। (ಯಥಾ ಸಪ್ಪೀತಿಕದುಕಂ ಏವಂ ಆರಮ್ಮಣಮ್ಪಿ ಅಧಿಪತಿಪಿ ವಿತ್ಥಾರೇತಬ್ಬಾ, ‘‘ಉಪೇಕ್ಖಾ’’ತಿ ನಾನಂ।)

ಅನನ್ತರಪಚ್ಚಯಾದಿ

೧೮೭. ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪೇಕ್ಖಾಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪೇಕ್ಖಾಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೧)

ಉಪೇಕ್ಖಾಸಹಗತೋ ಧಮ್ಮೋ ನಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪೇಕ್ಖಾಸಹಗತಾ ಖನ್ಧಾ ಪಚ್ಛಿಮಾಯ ಪಚ್ಛಿಮಾಯ ಉಪೇಕ್ಖಾಯ ಅನನ್ತರಪಚ್ಚಯೇನ ಪಚ್ಚಯೋ; ಉಪೇಕ್ಖಾಸಹಗತಂ ಚುತಿಚಿತ್ತಂ ನಉಪೇಕ್ಖಾಸಹಗತಸ್ಸ ಉಪಪತ್ತಿಚಿತ್ತಸ್ಸ… ಆವಜ್ಜನಾ ನಉಪೇಕ್ಖಾಸಹಗತಾನಂ ಖನ್ಧಾನಂ… ವಿಪಾಕಮನೋಧಾತು ನಉಪೇಕ್ಖಾಸಹಗತಾಯ ವಿಪಾಕಮನೋವಿಞ್ಞಾಣಧಾತುಯಾ… ಉಪೇಕ್ಖಾಸಹಗತಂ ಭವಙ್ಗಂ ನಉಪೇಕ್ಖಾಸಹಗತಸ್ಸ ಭವಙ್ಗಸ್ಸ… ಉಪೇಕ್ಖಾಸಹಗತಂ ಕುಸಲಾಕುಸಲಂ ನಉಪೇಕ್ಖಾಸಹಗತಸ್ಸ ವುಟ್ಠಾನಸ್ಸ… ಕಿರಿಯಂ ವುಟ್ಠಾನಸ್ಸ… ಫಲಂ ವುಟ್ಠಾನಸ್ಸ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ನಉಪೇಕ್ಖಾಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೨)

ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಚ ನಉಪೇಕ್ಖಾಸಹಗತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪೇಕ್ಖಾಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪೇಕ್ಖಾಸಹಗತಾನಂ ಖನ್ಧಾನಂ ಉಪೇಕ್ಖಾಯ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

೧೮೮. ನಉಪೇಕ್ಖಾಸಹಗತೋ ಧಮ್ಮೋ ನಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪೇಕ್ಖಾ ಪಚ್ಛಿಮಾಯ ಪಚ್ಛಿಮಾಯ ಉಪೇಕ್ಖಾಯ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ನಉಪೇಕ್ಖಾಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನಉಪೇಕ್ಖಾಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ॰… ಅನುಲೋಮಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಉಪೇಕ್ಖಾ ಪಚ್ಛಿಮಾನಂ ಪಚ್ಛಿಮಾನಂ ಉಪೇಕ್ಖಾಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ ; ನಉಪೇಕ್ಖಾಸಹಗತಂ ಚುತಿಚಿತ್ತಂ ಉಪೇಕ್ಖಾಸಹಗತಸ್ಸ ಉಪಪತ್ತಿಚಿತ್ತಸ್ಸ… ನಉಪೇಕ್ಖಾಸಹಗತಂ ಭವಙ್ಗಂ ಆವಜ್ಜನಾಯ… ಕಾಯವಿಞ್ಞಾಣಧಾತು ವಿಪಾಕಮನೋಧಾತುಯಾ… ನಉಪೇಕ್ಖಾಸಹಗತಾ ವಿಪಾಕಮನೋವಿಞ್ಞಾಣಧಾತು ಕಿರಿಯಮನೋವಿಞ್ಞಾಣಧಾತುಯಾ… ನಉಪೇಕ್ಖಾಸಹಗತಂ ಭವಙ್ಗಂ ಉಪೇಕ್ಖಾಸಹಗತಸ್ಸ ಭವಙ್ಗಸ್ಸ… ನಉಪೇಕ್ಖಾಸಹಗತಂ ಕುಸಲಾಕುಸಲಂ ಉಪೇಕ್ಖಾಸಹಗತಸ್ಸ ವುಟ್ಠಾನಸ್ಸ… ಕಿರಿಯಂ ವುಟ್ಠಾನಸ್ಸ… ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

ನಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಚ ನಉಪೇಕ್ಖಾಸಹಗತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪೇಕ್ಖಾ ಪಚ್ಛಿಮಾನಂ ಪಚ್ಛಿಮಾನಂ ಉಪೇಕ್ಖಾಸಹಗತಾನಂ ಖನ್ಧಾನಂ ಉಪೇಕ್ಖಾಯ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

೧೮೯. ಉಪೇಕ್ಖಾಸಹಗತೋ ಚ ನಉಪೇಕ್ಖಾಸಹಗತೋ ಚ ಧಮ್ಮಾ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪೇಕ್ಖಾಸಹಗತಾ ಖನ್ಧಾ ಚ ಉಪೇಕ್ಖಾ ಚ ಪಚ್ಛಿಮಾನಂ ಪಚ್ಛಿಮಾನಂ ಉಪೇಕ್ಖಾಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಉಪೇಕ್ಖಾಸಹಗತಾ ಖನ್ಧಾ ಚ ಉಪೇಕ್ಖಾ ಚ ಪಚ್ಛಿಮಾಯ ಪಚ್ಛಿಮಾಯ ಉಪೇಕ್ಖಾಯ ಅನನ್ತರಪಚ್ಚಯೇನ ಪಚ್ಚಯೋ; ಉಪೇಕ್ಖಾಸಹಗತಂ ಚುತಿಚಿತ್ತಞ್ಚ ಉಪೇಕ್ಖಾ ಚ ನಉಪೇಕ್ಖಾಸಹಗತಸ್ಸ ಉಪಪತ್ತಿಚಿತ್ತಸ್ಸ… ಆವಜ್ಜನಾ ಚ ಉಪೇಕ್ಖಾ ಚ ನಉಪೇಕ್ಖಾಸಹಗತಾನಂ ಖನ್ಧಾನಂ… ವಿಪಾಕಮನೋಧಾತು ಚ ಉಪೇಕ್ಖಾ ಚ ನಉಪೇಕ್ಖಾಸಹಗತಾಯ ವಿಪಾಕಮನೋವಿಞ್ಞಾಣಧಾತುಯಾ… ಉಪೇಕ್ಖಾಸಹಗತಂ ಭವಙ್ಗಞ್ಚ ಉಪೇಕ್ಖಾ ಚ ನಉಪೇಕ್ಖಾಸಹಗತಸ್ಸ ಭವಙ್ಗಸ್ಸ… ಉಪೇಕ್ಖಾಸಹಗತಂ ಕುಸಲಾಕುಸಲಞ್ಚ ಉಪೇಕ್ಖಾ ಚ ನಉಪೇಕ್ಖಾಸಹಗತಸ್ಸ ವುಟ್ಠಾನಸ್ಸ… ಕಿರಿಯಞ್ಚ ಉಪೇಕ್ಖಾ ಚ ವುಟ್ಠಾನಸ್ಸ… ಫಲಞ್ಚ ಉಪೇಕ್ಖಾ ಚ ವುಟ್ಠಾನಸ್ಸ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಞ್ಚ ಉಪೇಕ್ಖಾ ಚ ನಉಪೇಕ್ಖಾಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಪುರಿಮಾ ಪುರಿಮಾ ಉಪೇಕ್ಖಾಸಹಗತಾ ಖನ್ಧಾ ಚ ಉಪೇಕ್ಖಾ ಚ ಪಚ್ಛಿಮಾನಂ ಪಚ್ಛಿಮಾನಂ ಉಪೇಕ್ಖಾಸಹಗತಾನಂ ಖನ್ಧಾನಂ ಉಪೇಕ್ಖಾಯ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ನವ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನವ… ನಿಸ್ಸಯಪಚ್ಚಯೇನ ಪಚ್ಚಯೋ… ನವ।

ಉಪನಿಸ್ಸಯಪಚ್ಚಯೋ

೧೯೦. ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ।

ನಉಪೇಕ್ಖಾಸಹಗತೋ ಧಮ್ಮೋ ನಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ನಉಪೇಕ್ಖಾಸಹಗತಂ ಸದ್ಧಂ ಉಪನಿಸ್ಸಾಯ ನಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ, ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ನಉಪೇಕ್ಖಾಸಹಗತಂ ಝಾನಂ…ಪೇ॰… ವಿಪಸ್ಸನಂ…ಪೇ॰… ಮಗ್ಗಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ನಉಪೇಕ್ಖಾಸಹಗತಂ ಸೀಲಂ…ಪೇ॰… ಪಞ್ಞಂ… ರಾಗಂ… ದೋಸಂ… ಮೋಹಂ… ಮಾನಂ… ದಿಟ್ಠಿಂ… ಪತ್ಥನಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪೇಕ್ಖಂ ಉಪನಿಸ್ಸಾಯ ನಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ನಉಪೇಕ್ಖಾಸಹಗತಾ ಸದ್ಧಾ…ಪೇ॰… ಸೇನಾಸನಂ ಉಪೇಕ್ಖಾ ಚ ನಉಪೇಕ್ಖಾಸಹಗತಾಯ ಸದ್ಧಾಯ…ಪೇ॰… ಪಞ್ಞಾಯ… ರಾಗಸ್ಸ…ಪೇ॰… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ … ಮಗ್ಗಸ್ಸ, ಫಲಸಮಾಪತ್ತಿಯಾ ಉಪೇಕ್ಖಾಯ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ನಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ತೀಣಿಪಿ ಉಪನಿಸ್ಸಯಾ)। ನಉಪೇಕ್ಖಾಸಹಗತಂ ಸದ್ಧಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ನಉಪೇಕ್ಖಾಸಹಗತಂ ಸೀಲಂ…ಪೇ॰… ಸೇನಾಸನಂ ಉಪೇಕ್ಖಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಉಪೇಕ್ಖಾಸಹಗತೇನ ಚಿತ್ತೇನ ಅದಿನ್ನಂ ಆದಿಯತಿ, ಮುಸಾ ಭಣತಿ, ಪಿಸುಣಂ…ಪೇ॰… ಸಮ್ಫಂ…ಪೇ॰… ಸನ್ಧಿಂ…ಪೇ॰… ನಿಲ್ಲೋಪಂ…ಪೇ॰… ಏಕಾಗಾರಿಕಂ…ಪೇ॰… ಪರಿಪನ್ಥೇ…ಪೇ॰… ಪರದಾರಂ…ಪೇ॰… ಗಾಮಘಾತಂ…ಪೇ॰… ನಿಗಮಘಾತಂ ಕರೋತಿ; ನಉಪೇಕ್ಖಾಸಹಗತಾ ಸದ್ಧಾ…ಪೇ॰… ಸೇನಾಸನಂ ಉಪೇಕ್ಖಾ ಚ ಉಪೇಕ್ಖಾಸಹಗತಾಯ ಸದ್ಧಾಯ…ಪೇ॰… ಪತ್ಥನಾಯ… ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ।

ನಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಚ ನಉಪೇಕ್ಖಾಸಹಗತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ತೀಣಿ ಉಪನಿಸ್ಸಯಾ ದುತಿಯಗಮನಸದಿಸಾ)। (೩)

ಉಪೇಕ್ಖಾಸಹಗತೋ ಚ ನಉಪೇಕ್ಖಾಸಹಗತೋ ಚ ಧಮ್ಮಾ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ।

ಪುರೇಜಾತಪಚ್ಚಯೋ

೧೯೧. ನಉಪೇಕ್ಖಾಸಹಗತೋ ಧಮ್ಮೋ ನಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ… ತೀಣಿ (ಸಪ್ಪೀತಿಕದುಕಸದಿಸಾ)।

ಪಚ್ಛಾಜಾತಪಚ್ಚಯಾದಿ

೧೯೨. ಉಪೇಕ್ಖಾಸಹಗತೋ ಧಮ್ಮೋ ನಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ… ತೀಣಿ… ಆಸೇವನಪಚ್ಚಯೇನ ಪಚ್ಚಯೋ… ನವ… ಕಮ್ಮಪಚ್ಚಯೇನ ಪಚ್ಚಯೋ… ಛ। (ಚತ್ತಾರಿ ಸಹಜಾತಾ ನಾನಾಕ್ಖಣಿಕಾ ಕಾತಬ್ಬಾ , ದ್ವೇ ನಾನಾಕ್ಖಣಿಕಾ ಚ।)… ವಿಪಾಕಪಚ್ಚಯೇನ ಪಚ್ಚಯೋ… ನವ… ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ನವ… ಝಾನಪಚ್ಚಯೇನ ಪಚ್ಚಯೋ… ನವ… ಮಗ್ಗಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಛ… ವಿಪ್ಪಯುತ್ತಪಚ್ಚಯೇನ ಪಚ್ಚಯೋ… ಪಞ್ಚ… ಅತ್ಥಿಪಚ್ಚಯೇನ ಪಚ್ಚಯೋ… ನವ… ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ। (ಇಮಾನಿ ಪಚ್ಚಯಾನಿ ಸಪ್ಪೀತಿಕಕರಣೇನ ವಿಭಜಿತಬ್ಬಾನಿ।)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೧೯೩. ಹೇತುಯಾ ಚತ್ತಾರಿ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ , ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ನವ, ಕಮ್ಮೇ ಛ, ವಿಪಾಕೇ ನವ, ಆಹಾರೇ ಚತ್ತಾರಿ, ಇನ್ದ್ರಿಯೇ ನವ, ಝಾನೇ ನವ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ಛ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ।

(ಏವಂ ಪಚ್ಚನೀಯವಿಭಙ್ಗೋಪಿ ಇತರೇ ತೀಣಿ ಗಣನಾಪಿ ಸಪ್ಪೀತಿಕದುಕಸದಿಸಾ ಕಾತಬ್ಬಾ।)

ಉಪೇಕ್ಖಾಸಹಗತದುಕಂ ನಿಟ್ಠಿತಂ।

೯೩. ಕಾಮಾವಚರದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೯೪. ಕಾಮಾವಚರಂ ಧಮ್ಮಂ ಪಟಿಚ್ಚ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಏಕಂ ಮಹಾಭೂತಂ…ಪೇ॰… (ಸಂಖಿತ್ತಂ)। ಕಾಮಾವಚರಂ ಧಮ್ಮಂ ಪಟಿಚ್ಚ ನಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ನಕಾಮಾವಚರಾ ಖನ್ಧಾ। ಕಾಮಾವಚರಂ ಧಮ್ಮಂ ಪಟಿಚ್ಚ ಕಾಮಾವಚರೋ ಚ ನಕಾಮಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ನಕಾಮಾವಚರಾ ಖನ್ಧಾ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ। (೩)

೧೯೫. ನಕಾಮಾವಚರಂ ಧಮ್ಮಂ ಪಟಿಚ್ಚ ನಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಕಾಮಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ನಕಾಮಾವಚರಂ ಧಮ್ಮಂ ಪಟಿಚ್ಚ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಕಾಮಾವಚರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ನಕಾಮಾವಚರೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ। ನಕಾಮಾವಚರಂ ಧಮ್ಮಂ ಪಟಿಚ್ಚ ಕಾಮಾವಚರೋ ಚ ನಕಾಮಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನಕಾಮಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೩)

೧೯೬. ಕಾಮಾವಚರಞ್ಚ ನಕಾಮಾವಚರಞ್ಚ ಧಮ್ಮಂ ಪಟಿಚ್ಚ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಕಾಮಾವಚರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ನಕಾಮಾವಚರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ। ಕಾಮಾವಚರಞ್ಚ ನಕಾಮಾವಚರಞ್ಚ ಧಮ್ಮಂ ಪಟಿಚ್ಚ ನಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ನಕಾಮಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। ಕಾಮಾವಚರಞ್ಚ ನಕಾಮಾವಚರಞ್ಚ ಧಮ್ಮಂ ಪಟಿಚ್ಚ ಕಾಮಾವಚರೋ ಚ ನಕಾಮಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ನಕಾಮಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ನಕಾಮಾವಚರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ। (೩) (ಸಂಖಿತ್ತಂ।)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೧೯೭. ಹೇತುಯಾ ನವ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ನವ, ಅಞ್ಞಮಞ್ಞೇ ಛ, ನಿಸ್ಸಯೇ ನವ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ನವ, ವಿಪಾಕೇ ನವ, ಆಹಾರೇ ನವ, ಇನ್ದ್ರಿಯೇ ನವ, ಝಾನೇ ನವ, ಮಗ್ಗೇ ನವ, ಸಮ್ಪಯುತ್ತೇ ಚತ್ತಾರಿ, ವಿಪ್ಪಯುತ್ತೇ ನವ, ಅತ್ಥಿಯಾ ನವ, ನತ್ಥಿಯಾ ಚತ್ತಾರಿ, ವಿಗತೇ ಚತ್ತಾರಿ, ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯಾದಿ

೧೯೮. ಕಾಮಾವಚರಂ ಧಮ್ಮಂ ಪಟಿಚ್ಚ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಕಾಮಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ನಆರಮ್ಮಣಪಚ್ಚಯಾ… ತೀಣಿ।

ನಅಧಿಪತಿಪಚ್ಚಯಾದಿ

೧೯೯. ಕಾಮಾವಚರಂ ಧಮ್ಮಂ ಪಟಿಚ್ಚ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… ತೀಣಿ।

ನಕಾಮಾವಚರಂ ಧಮ್ಮಂ ಪಟಿಚ್ಚ ನಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ನಕಾಮಾವಚರೇ ಖನ್ಧೇ ಪಟಿಚ್ಚ ನಕಾಮಾವಚರಾಧಿಪತಿ, ವಿಪಾಕಂ ನಕಾಮಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ನಕಾಮಾವಚರಂ ಧಮ್ಮಂ ಪಟಿಚ್ಚ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವಿಪಾಕೇ ನಕಾಮಾವಚರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। ನಕಾಮಾವಚರಂ ಧಮ್ಮಂ ಪಟಿಚ್ಚ ಕಾಮಾವಚರೋ ಚ ನಕಾಮಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ವಿಪಾಕಂ ನಕಾಮಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೩)

ಕಾಮಾವಚರಞ್ಚ ನಕಾಮಾವಚರಞ್ಚ ಧಮ್ಮಂ ಪಟಿಚ್ಚ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವಿಪಾಕೇ ನಕಾಮಾವಚರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰… (ಇತರೇ ದ್ವೇ ಪಾಕತಿಕಾ) ನಅನನ್ತರಪಚ್ಚಯಾ…ಪೇ॰… ನಪುರೇಜಾತಪಚ್ಚಯಾ… ನಪಚ್ಛಾಜಾತಪಚ್ಚಯಾ।

ನಆಸೇವನಪಚ್ಚಯೋ

೨೦೦. ಕಾಮಾವಚರಂ ಧಮ್ಮಂ ಪಟಿಚ್ಚ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ… ತೀಣಿ।

ನಕಾಮಾವಚರಂ ಧಮ್ಮಂ ಪಟಿಚ್ಚ ನಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ವಿಪಾಕಂ ನಕಾಮಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ನಕಾಮಾವಚರಂ ಧಮ್ಮಂ ಪಟಿಚ್ಚ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ನಕಾಮಾವಚರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰… (ಮೂಲಂ ಕಾತಬ್ಬಂ) ವಿಪಾಕಂ ನಕಾಮಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೩)

(ಅವಸೇಸಾ ತೀಣಿ ಪಾಕತಿಕಾ। ಸಂಖಿತ್ತಂ।)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೨೦೧. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೨. ಸಹಜಾತವಾರೋ

(ಅವಸೇಸಾ ಗಣನಾಪಿ ಸಹಜಾತವಾರೋಪಿ ಕಾತಬ್ಬೋ।)

೯೩. ಕಾಮಾವಚರದುಕಂ

೩. ಪಚ್ಚಯವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೨೦೨. ಕಾಮಾವಚರಂ ಧಮ್ಮಂ ಪಚ್ಚಯಾ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮಾವಚರಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ …ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ) ವತ್ಥುಂ ಪಚ್ಚಯಾ ಕಾಮಾವಚರಾ ಖನ್ಧಾ। ಕಾಮಾವಚರಂ ಧಮ್ಮಂ ಪಚ್ಚಯಾ ನಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ನಕಾಮಾವಚರಾ ಖನ್ಧಾ; ಪಟಿಸನ್ಧಿಕ್ಖಣೇ…ಪೇ॰…। ಕಾಮಾವಚರಂ ಧಮ್ಮಂ ಪಚ್ಚಯಾ ಕಾಮಾವಚರೋ ಚ ನಕಾಮಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ನಕಾಮಾವಚರಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। (೩)

ನಕಾಮಾವಚರಂ ಧಮ್ಮಂ ಪಚ್ಚಯಾ ನಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚಸದಿಸಾ)।

ಕಾಮಾವಚರಞ್ಚ ನಕಾಮಾವಚರಞ್ಚ ಧಮ್ಮಂ ಪಚ್ಚಯಾ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಪಟಿಚ್ಚಸದಿಸಾ)। ಕಾಮಾವಚರಞ್ಚ ನಕಾಮಾವಚರಞ್ಚ ಧಮ್ಮಂ ಪಚ್ಚಯಾ ನಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಕಾಮಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ಕಾಮಾವಚರಞ್ಚ ನಕಾಮಾವಚರಞ್ಚ ಧಮ್ಮಂ ಪಚ್ಚಯಾ ಕಾಮಾವಚರೋ ಚ ನಕಾಮಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನಕಾಮಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ನಕಾಮಾವಚರೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। (೩) (ಸಂಖಿತ್ತಂ।)

ಹೇತುಯಾ ನವ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ನವ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ನವ, ಅಞ್ಞಮಞ್ಞೇ ಛ, ನಿಸ್ಸಯೇ ನವ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ಚತ್ತಾರಿ, ಆಸೇವನೇ ಚತ್ತಾರಿ, ಕಮ್ಮೇ ನವ…ಪೇ॰… ಅವಿಗತೇ ನವ।

ಅನುಲೋಮಂ।

ನಹೇತುಪಚ್ಚಯಾದಿ

೨೦೩. ಕಾಮಾವಚರಂ ಧಮ್ಮಂ ಪಚ್ಚಯಾ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಕಾಮಾವಚರಂ ಏಕಂ ಖನ್ಧಂ ಪಚ್ಚಯಾ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ಕಾಮಾವಚರಾ ಖನ್ಧಾ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ನಆರಮ್ಮಣಪಚ್ಚಯಾ… ತೀಣಿ।

ನಅಧಿಪತಿಪಚ್ಚಯಾದಿ

೨೦೪. ಕಾಮಾವಚರಂ ಧಮ್ಮಂ ಪಚ್ಚಯಾ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… ಏಕಂ (ಯಾವ ಅಸಞ್ಞಸತ್ತಾ)। ಕಾಮಾವಚರಂ ಧಮ್ಮಂ ಪಚ್ಚಯಾ ನಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ನಕಾಮಾವಚರಾಧಿಪತಿ, ವತ್ಥುಂ ಪಚ್ಚಯಾ ವಿಪಾಕಾ ನಕಾಮಾವಚರಾ ಖನ್ಧಾ; ಪಟಿಸನ್ಧಿಕ್ಖಣೇ…ಪೇ॰…। ಕಾಮಾವಚರಂ ಧಮ್ಮಂ ಪಚ್ಚಯಾ ಕಾಮಾವಚರೋ ಚ ನಕಾಮಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ವಿಪಾಕಾ ನಕಾಮಾವಚರಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। (೩)

ನಕಾಮಾವಚರಂ ಧಮ್ಮಂ ಪಚ್ಚಯಾ ನಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… ತೀಣಿ (ಪಟಿಚ್ಚಸದಿಸಾ)।

ಕಾಮಾವಚರಞ್ಚ ನಕಾಮಾವಚರಞ್ಚ ಧಮ್ಮಂ ಪಚ್ಚಯಾ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ (ಪಟಿಚ್ಚಸದಿಸಾ। ಮೂಲಂ ಕಾತಬ್ಬಂ।) ನಕಾಮಾವಚರೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ನಕಾಮಾವಚರಾಧಿಪತಿ, ವಿಪಾಕಂ ನಕಾಮಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (ಮೂಲಂ ಕಾತಬ್ಬಂ।) ವಿಪಾಕಂ ನಕಾಮಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ವಿಪಾಕೇ ನಕಾಮಾವಚರೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। (೩)

ನಉಪನಿಸ್ಸಯಪಚ್ಚಯಾ… ತೀಣಿ… ನಆಸೇವನಪಚ್ಚಯಾ (ಸುದ್ಧಕೇ ಅರೂಪಮಿಸ್ಸಕೇ ಚ ‘‘ವಿಪಾಕ’’ನ್ತಿ ನಿಯಾಮೇತಬ್ಬಂ, ರೂಪಮಿಸ್ಸಕೇ ನತ್ಥಿ। ಸಂಖಿತ್ತಂ)।

ಸುದ್ಧಂ

ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

ಪಚ್ಚನೀಯಂ।

೪. ನಿಸ್ಸಯವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೨೦೫. ಕಾಮಾವಚರಂ ಧಮ್ಮಂ ಸಂಸಟ್ಠೋ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮಾವಚರಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ನಕಾಮಾವಚರಂ ಧಮ್ಮಂ ಸಂಸಟ್ಠೋ ನಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಕಾಮಾವಚರಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ಹೇತುಯಾ ದ್ವೇ, ಆರಮ್ಮಣೇ ದ್ವೇ, ಅಧಿಪತಿಯಾ ದ್ವೇ (ಸಬ್ಬತ್ಥ ದ್ವೇ), ಅವಿಗತೇ ದ್ವೇ।

ಅನುಲೋಮಂ।

ಕಾಮಾವಚರಂ ಧಮ್ಮಂ ಸಂಸಟ್ಠೋ ಕಾಮಾವಚರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಕಾಮಾವಚರಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಸಂಸಟ್ಠೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ।

ನಹೇತುಯಾ ಏಕಂ, ನಅಧಿಪತಿಯಾ ದ್ವೇ, ನಪುರೇಜಾತೇ ದ್ವೇ, ನಪಚ್ಛಾಜಾತೇ ದ್ವೇ, ನಆಸೇವನೇ ದ್ವೇ, ನಕಮ್ಮೇ ದ್ವೇ, ನವಿಪಾಕೇ ದ್ವೇ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ದ್ವೇ।

ಪಚ್ಚನೀಯಂ।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೨೦೬. ಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಕಾಮಾವಚರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೧)

ನಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನಕಾಮಾವಚರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನಕಾಮಾವಚರಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (ಮೂಲಂ ಕಾತಬ್ಬಂ।) ನಕಾಮಾವಚರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೩)

ಆರಮ್ಮಣಪಚ್ಚಯೋ

೨೦೭. ಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ಅರಿಯಾ ಗೋತ್ರಭುಂ ಪಚ್ಚವೇಕ್ಖನ್ತಿ , ವೋದಾನಂ ಪಚ್ಚವೇಕ್ಖನ್ತಿ; ಪಹೀನೇ ಕಿಲೇಸೇ…ಪೇ॰… ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ ಸುಚಿಣ್ಣಾನಿ…ಪೇ॰… ಚಕ್ಖುಂ…ಪೇ॰… ವತ್ಥುಂ ಕಾಮಾವಚರೇ ಖನ್ಧೇ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ಕಾಮಾವಚರಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಕಾಮಾವಚರಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ। (೨)

೨೦೮. ನಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ನಿಬ್ಬಾನಂ ಮಗ್ಗಸ್ಸ, ಫಲಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ; ಚೇತೋಪರಿಯಞಾಣೇನ ನಕಾಮಾವಚರಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ॰… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ॰… ನಕಾಮಾವಚರಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ; ಫಲಂ…ಪೇ॰… ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಆಕಾಸಾನಞ್ಚಾಯತನಂ ಪಚ್ಚವೇಕ್ಖತಿ, ವಿಞ್ಞಾಣಞ್ಚಾಯತನಂ ಪಚ್ಚವೇಕ್ಖತಿ, ಆಕಿಞ್ಚಞ್ಞಾಯತನಂ ಪಚ್ಚವೇಕ್ಖತಿ, ನೇವಸಞ್ಞಾನಾಸಞ್ಞಾಯತನಂ ಪಚ್ಚವೇಕ್ಖತಿ, ದಿಬ್ಬಂ ಚಕ್ಖುಂ ಪಚ್ಚವೇಕ್ಖತಿ, ದಿಬ್ಬಂ ಸೋತಧಾತುಂ ಪಚ್ಚವೇಕ್ಖತಿ, ಇದ್ಧಿವಿಧಞಾಣಂ ಪಚ್ಚವೇಕ್ಖತಿ, ಚೇತೋಪರಿಯಞಾಣಂ…ಪೇ॰… ಪುಬ್ಬೇನಿವಾಸಾನುಸ್ಸತಿಞಾಣಂ…ಪೇ॰… ಯಥಾಕಮ್ಮೂಪಗಞಾಣಂ…ಪೇ॰… ಅನಾಗತಂಸಞಾಣಂ ಪಚ್ಚವೇಕ್ಖತಿ, ನಕಾಮಾವಚರೇ ಖನ್ಧೇ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ। (೨)

ಅಧಿಪತಿಪಚ್ಚಯೋ

೨೦೯. ಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ ಸುಚಿಣ್ಣಾನಿ ಗರುಂ ಕತ್ವಾ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ಸೇಕ್ಖಾ ಗೋತ್ರಭುಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ವೋದಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಚಕ್ಖುಂ…ಪೇ॰… ವತ್ಥುಂ ಕಾಮಾವಚರೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ಕಾಮಾವಚರಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

೨೧೦. ನಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ನಿಬ್ಬಾನಂ ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ನಕಾಮಾವಚರಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ , ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಫಲಂ…ಪೇ॰… ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಆಕಾಸಾನಞ್ಚಾಯತನಂ ಗರುಂ ಕತ್ವಾ ಪಚ್ಚವೇಕ್ಖತಿ ವಿಞ್ಞಾಣಞ್ಚಾಯತನಂ…ಪೇ॰… ಆಕಿಞ್ಚಞ್ಞಾಯತನಂ…ಪೇ॰… ನೇವಸಞ್ಞಾನಾಸಞ್ಞಾಯತನಂ ಗರುಂ ಕತ್ವಾ ಪಚ್ಚವೇಕ್ಖತಿ, ದಿಬ್ಬಂ ಚಕ್ಖುಂ…ಪೇ॰… ದಿಬ್ಬಂ ಸೋತಧಾತುಂ…ಪೇ॰… ಇದ್ಧಿವಿಧಞಾಣಂ…ಪೇ॰… ಅನಾಗತಂಸಞಾಣಂ ಗರುಂ ಕತ್ವಾ ಪಚ್ಚವೇಕ್ಖತಿ, ನಕಾಮಾವಚರೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ನಕಾಮಾವಚರಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ; ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಚ ನಕಾಮಾವಚರಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ನಕಾಮಾವಚರಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

ಅನನ್ತರಪಚ್ಚಯಾದಿ

೨೧೧. ಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಕಾಮಾವಚರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಕಾಮಾವಚರಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಆವಜ್ಜನಾ ಕಾಮಾವಚರಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ।

ಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಕಾಮಾವಚರಂ ಚುತಿಚಿತ್ತಂ ನಕಾಮಾವಚರಸ್ಸ ಉಪಪತ್ತಿಚಿತ್ತಸ್ಸ… ಆವಜ್ಜನಾ ನಕಾಮಾವಚರಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಕಾಮಾವಚರಾ ಖನ್ಧಾ ನಕಾಮಾವಚರಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಪಠಮಸ್ಸ ಝಾನಸ್ಸ ಪರಿಕಮ್ಮಂ ಪಠಮಸ್ಸ ಝಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ…ಪೇ॰… ಚತುತ್ಥಸ್ಸ ಝಾನಸ್ಸ…ಪೇ॰… ನೇವಸಞ್ಞಾನಾಸಞ್ಞಾಯತನಸ್ಸ ಪರಿಕಮ್ಮಂ…ಪೇ॰… ದಿಬ್ಬಸ್ಸ ಚಕ್ಖುಸ್ಸ…ಪೇ॰… ದಿಬ್ಬಾಯ ಸೋತಧಾತುಯಾ…ಪೇ॰… ಇದ್ಧಿವಿಧಞಾಣಸ್ಸ…ಪೇ॰… ಚೇತೋಪರಿಯಞಾಣಸ್ಸ…ಪೇ॰… ಪುಬ್ಬೇನಿವಾಸಾನುಸ್ಸತಿಞಾಣಸ್ಸ…ಪೇ॰… ಯಥಾಕಮ್ಮೂಪಗಞಾಣಸ್ಸ…ಪೇ॰… ಅನಾಗತಂಸಞಾಣಸ್ಸ ಪರಿಕಮ್ಮಂ ಅನಾಗತಂಸಞಾಣಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ… ಅನುಲೋಮಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೨)

೨೧೨. ನಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನಕಾಮಾವಚರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನಕಾಮಾವಚರಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಮಗ್ಗೋ ಫಲಸ್ಸ, ಫಲಂ ಫಲಸ್ಸ, ನಿರೋಧಾ ವುಟ್ಠಹನ್ತಸ್ಸ, ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ನಕಾಮಾವಚರಂ ಚುತಿಚಿತ್ತಂ ಕಾಮಾವಚರಸ್ಸ ಉಪಪತ್ತಿಚಿತ್ತಸ್ಸ, ನಕಾಮಾವಚರಂ ಭವಙ್ಗಂ ಆವಜ್ಜನಾಯ, ನಕಾಮಾವಚರಾ ಖನ್ಧಾ ಕಾಮಾವಚರಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ…। (೨)

ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಸತ್ತ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ಛ… ನಿಸ್ಸಯಪಚ್ಚಯೇನ ಪಚ್ಚಯೋ… ಸತ್ತ।

ಉಪನಿಸ್ಸಯಪಚ್ಚಯೋ

೨೧೩. ಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಕಾಮಾವಚರಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ವಿಪಸ್ಸನಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಕಾಮಾವಚರಂ ಸೀಲಂ…ಪೇ॰… ಪಞ್ಞಂ… ರಾಗಂ…ಪೇ॰… ಪತ್ಥನಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ವಿಪಸ್ಸನಂ ಉಪ್ಪಾದೇತಿ, ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಕಾಮಾವಚರಾ ಸದ್ಧಾ…ಪೇ॰… ಸೇನಾಸನಂ ಕಾಮಾವಚರಾಯ ಸದ್ಧಾಯ…ಪೇ॰… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಕಾಮಾವಚರಂ ಸದ್ಧಂ ಉಪನಿಸ್ಸಾಯ ನಕಾಮಾವಚರಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ॰… ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ಕಾಮಾವಚರಂ ಸೀಲಂ…ಪೇ॰… ಸೇನಾಸನಂ ಉಪನಿಸ್ಸಾಯ ನಕಾಮಾವಚರಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ॰… ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ಕಾಮಾವಚರಾ ಸದ್ಧಾ…ಪೇ॰… ಸೇನಾಸನಂ ನಕಾಮಾವಚರಾಯ ಸದ್ಧಾಯ…ಪೇ॰… ಪಞ್ಞಾಯ… ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ಪಠಮಸ್ಸ ಝಾನಸ್ಸ ಪರಿಕಮ್ಮಂ ಪಠಮಸ್ಸ ಝಾನಸ್ಸ…ಪೇ॰… ಚತುತ್ಥಸ್ಸ ಝಾನಸ್ಸ…ಪೇ॰… ಆಕಾಸಾನಞ್ಚಾಯತನಸ್ಸ…ಪೇ॰… ಪಠಮಸ್ಸ ಮಗ್ಗಸ್ಸ…ಪೇ॰… ಚತುತ್ಥಸ್ಸ ಮಗ್ಗಸ್ಸ ಪರಿಕಮ್ಮಂ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

೨೧೪. ನಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ , ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ನಕಾಮಾವಚರಂ ಸದ್ಧಂ ಉಪನಿಸ್ಸಾಯ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ॰… ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ನಕಾಮಾವಚರಂ ಸೀಲಂ …ಪೇ॰… ಪಞ್ಞಂ ಉಪನಿಸ್ಸಾಯ ನಕಾಮಾವಚರಂ ಝಾನಂ ಉಪ್ಪಾದೇತಿ…ಪೇ॰… ಮಗ್ಗಂ…ಪೇ॰… ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ನಕಾಮಾವಚರಾ ಸದ್ಧಾ…ಪೇ॰… ಪಞ್ಞಾ ನಕಾಮಾವಚರಾಯ ಸದ್ಧಾಯ…ಪೇ॰… ಪಞ್ಞಾಯ, ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ಪಠಮಂ ಝಾನಂ ದುತಿಯಸ್ಸ ಝಾನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ॰… ತತಿಯಂ ಝಾನಂ…ಪೇ॰… ಚತುತ್ಥಂ ಝಾನಂ…ಪೇ॰… ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ …ಪೇ॰… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ…ಪೇ॰… ದುತಿಯೋ ಮಗ್ಗೋ ತತಿಯಸ್ಸ ಮಗ್ಗಸ್ಸ…ಪೇ॰… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ಮಗ್ಗೋ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ನಕಾಮಾವಚರಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ವಿಪಸ್ಸನಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ನಕಾಮಾವಚರಂ ಸೀಲಂ…ಪೇ॰… ಪಞ್ಞಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ವಿಪಸ್ಸನಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ನಕಾಮಾವಚರಾ ಸದ್ಧಾ…ಪೇ॰… ಪಞ್ಞಾ ಕಾಮಾವಚರಾಯ ಸದ್ಧಾಯ…ಪೇ॰… ಪಞ್ಞಾಯ, ರಾಗಸ್ಸ…ಪೇ॰… ಪತ್ಥನಾಯ ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ಅರಿಯಾ ಮಗ್ಗಂ ಉಪನಿಸ್ಸಾಯ ಸಙ್ಖಾರೇ ಅನಿಚ್ಚತೋ…ಪೇ॰… ವಿಪಸ್ಸನ್ತಿ, ಮಗ್ಗೋ ಅರಿಯಾನಂ ಅತ್ಥಪಟಿಸಮ್ಭಿದಾಯ… ಧಮ್ಮಪಟಿಸಮ್ಭಿದಾಯ… ನಿರುತ್ತಿಪಟಿಸಮ್ಭಿದಾಯ… ಪಟಿಭಾನಪಟಿಸಮ್ಭಿದಾಯ… ಠಾನಾಠಾನಕೋಸಲ್ಲಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ಫಲಸಮಾಪತ್ತಿ ಕಾಯಿಕಸ್ಸ ಸುಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಪುರೇಜಾತಪಚ್ಚಯಾದಿ

೨೧೫. ಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ …ಪೇ॰…। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ॰… ವತ್ಥು ಕಾಮಾವಚರಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। ಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ। ವತ್ಥುಪುರೇಜಾತಂ – ವತ್ಥು ನಕಾಮಾವಚರಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

ಪಚ್ಛಾಜಾತಪಚ್ಚಯೇನ ಪಚ್ಚಯೋ… ದ್ವೇ… ಆಸೇವನಪಚ್ಚಯೇನ ಪಚ್ಚಯೋ… ತೀಣಿ।

ಕಮ್ಮಪಚ್ಚಯಾದಿ

೨೧೬. ಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ (ಸಂಖಿತ್ತಂ)।

ನಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ (ಸಂಖಿತ್ತಂ)। ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ (ಸಂಖಿತ್ತಂ)। ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಚ ನಕಾಮಾವಚರಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ (ಸಂಖಿತ್ತಂ)। (೩)

ವಿಪಾಕಪಚ್ಚಯೇನ ಪಚ್ಚಯೋ… ಚತ್ತಾರಿ… ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಚತ್ತಾರಿ… ಝಾನಪಚ್ಚಯೇನ ಪಚ್ಚಯೋ… ಚತ್ತಾರಿ… ಮಗ್ಗಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ದ್ವೇ।

ವಿಪ್ಪಯುತ್ತಪಚ್ಚಯೋ

೨೧೭. ಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ)। ಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತಂ (ಸಂಖಿತ್ತಂ) ಪಟಿಸನ್ಧಿಕ್ಖಣೇ ವತ್ಥು ನಕಾಮಾವಚರಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ನಕಾಮಾವಚರಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೨)

ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ। ಸಹಜಾತಾ – ನಕಾಮಾವಚರಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ಪಚ್ಛಾಜಾತಾ – ನಕಾಮಾವಚರಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೧)

ಅತ್ಥಿಪಚ್ಚಯಾದಿ

೨೧೮. ಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। ಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ , ಪುರೇಜಾತಂ। ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ನಕಾಮಾವಚರಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪುರೇಜಾತಂ – ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… (ಪುರೇಜಾತಸದಿಸಂ)। (೨)

ನಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ (ಸಂಖಿತ್ತಂ)। ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ವಿಪ್ಪಯುತ್ತಸದಿಸಂ)। ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಚ ನಕಾಮಾವಚರಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಪಟಿಚ್ಚಸದಿಸಂ)। (೩)

೨೧೯. ಕಾಮಾವಚರೋ ಚ ನಕಾಮಾವಚರೋ ಚ ಧಮ್ಮಾ ಕಾಮಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। ಸಹಜಾತಾ – ನಕಾಮಾವಚರಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ಪಚ್ಛಾಜಾತಾ – ನಕಾಮಾವಚರಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ನಕಾಮಾವಚರಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಕಾಮಾವಚರೋ ಚ ನಕಾಮಾವಚರೋ ಚ ಧಮ್ಮಾ ನಕಾಮಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ನಕಾಮಾವಚರೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ। (೨)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೨೨೦. ಹೇತುಯಾ ಚತ್ತಾರಿ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಚತ್ತಾರಿ , ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ಸತ್ತ, ಅಞ್ಞಮಞ್ಞೇ ಛ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಪಚ್ಛಾಜಾತೇ ದ್ವೇ, ಆಸೇವನೇ ತೀಣಿ, ಕಮ್ಮೇ ಚತ್ತಾರಿ, ವಿಪಾಕೇ ಚತ್ತಾರಿ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ನತ್ಥಿಯಾ ಚತ್ತಾರಿ, ವಿಗತೇ ಚತ್ತಾರಿ, ಅವಿಗತೇ ಸತ್ತ।

೨. ಪಚ್ಚನೀಯುದ್ಧಾರೋ

೨೨೧. ಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। ಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

೨೨೨. ನಕಾಮಾವಚರೋ ಧಮ್ಮೋ ನಕಾಮಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। ನಕಾಮಾವಚರೋ ಧಮ್ಮೋ ಕಾಮಾವಚರಸ್ಸ ಚ ನಕಾಮಾವಚರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೩)

ಕಾಮಾವಚರೋ ಚ ನಕಾಮಾವಚರೋ ಚ ಧಮ್ಮಾ ಕಾಮಾವಚರಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ , ಇನ್ದ್ರಿಯಂ। ಕಾಮಾವಚರೋ ಚ ನಕಾಮಾವಚರೋ ಚ ಧಮ್ಮಾ ನಕಾಮಾವಚರಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ। (೨)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೨೨೩. ನಹೇತುಯಾ ಸತ್ತ, ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತ, ನಅನನ್ತರೇ ಸತ್ತ, ನಸಮನನ್ತರೇ ಸತ್ತ, ನ ಸಹಜಾತೇ ಛ, ನಅಞ್ಞಮಞ್ಞೇ ಛ, ನನಿಸ್ಸಯೇ ಛ, ನಉಪನಿಸ್ಸಯೇ ಸತ್ತ, ನಪುರೇಜಾತೇ ಛ…ಪೇ॰… ನಸಮ್ಪಯುತ್ತೇ ಛ, ನವಿಪ್ಪಯುತ್ತೇ ಪಞ್ಚ, ನೋಅತ್ಥಿಯಾ ಪಞ್ಚ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ, ನೋಅವಿಗತೇ ಪಞ್ಚ।

೩. ಪಚ್ಚಯಾನುಲೋಮಪಚ್ಚನೀಯಂ

೨೨೪. ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ, ನಅಧಿಪತಿಯಾ ಚತ್ತಾರಿ, ನಅನನ್ತರೇ ಚತ್ತಾರಿ, ನಸಮನನ್ತರೇ ಚತ್ತಾರಿ, ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಚತ್ತಾರಿ…ಪೇ॰… ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ಚತ್ತಾರಿ, ನೋವಿಗತೇ ಚತ್ತಾರಿ।

೪. ಪಚ್ಚಯಪಚ್ಚನೀಯಾನುಲೋಮಂ

೨೨೫. ನಹೇತುಪಚ್ಚಯಾ ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಚತ್ತಾರಿ (ಅನುಲೋಮಮಾತಿಕಾ ಕಾತಬ್ಬಾ)…ಪೇ॰… ಅವಿಗತೇ ಸತ್ತ।

ಕಾಮಾವಚರದುಕಂ ನಿಟ್ಠಿತಂ।

೯೪. ರೂಪಾವಚರದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೨೨೬. ರೂಪಾವಚರಂ ಧಮ್ಮಂ ಪಟಿಚ್ಚ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ರೂಪಾವಚರಂ ಧಮ್ಮಂ ಪಟಿಚ್ಚ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ರೂಪಾವಚರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। ರೂಪಾವಚರಂ ಧಮ್ಮಂ ಪಟಿಚ್ಚ ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೩)

೨೨೭. ನರೂಪಾವಚರಂ ಧಮ್ಮಂ ಪಟಿಚ್ಚ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ …ಪೇ॰… ಏಕಂ ಮಹಾಭೂತಂ…ಪೇ॰…। ನರೂಪಾವಚರಂ ಧಮ್ಮಂ ಪಟಿಚ್ಚ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ರೂಪಾವಚರಾ ಖನ್ಧಾ। ನರೂಪಾವಚರಂ ಧಮ್ಮಂ ಪಟಿಚ್ಚ ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ರೂಪಾವಚರಾ ಖನ್ಧಾ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ। (೩)

೨೨೮. ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಟಿಚ್ಚ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ರೂಪಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಟಿಚ್ಚ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ। ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಟಿಚ್ಚ ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ರೂಪಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ (ಸಂಖಿತ್ತಂ)। (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೨೨೯. ಹೇತುಯಾ ನವ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ನವ, ಅಞ್ಞಮಞ್ಞೇ ಛ, ನಿಸ್ಸಯೇ ನವ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ನವ, ವಿಪಾಕೇ ನವ, ಝಾನೇ ನವ, ಮಗ್ಗೇ ನವ, ಸಮ್ಪಯುತ್ತೇ ಚತ್ತಾರಿ, ವಿಪ್ಪಯುತ್ತೇ ನವ, ಅತ್ಥಿಯಾ ನವ, ನತ್ಥಿಯಾ ಚತ್ತಾರಿ, ವಿಗತೇ ಚತ್ತಾರಿ, ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತು-ನಆರಮ್ಮಣಪಚ್ಚಯಾ

೨೩೦. ನರೂಪಾವಚರಂ ಧಮ್ಮಂ ಪಟಿಚ್ಚ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰… (ಯಾವ ಅಸಞ್ಞಸತ್ತಾ) ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ನಆರಮ್ಮಣಪಚ್ಚಯಾ… ತೀಣಿ।

ನಅಧಿಪತಿಪಚ್ಚಯಾದಿ

೨೩೧. ರೂಪಾವಚರಂ ಧಮ್ಮಂ ಪಟಿಚ್ಚ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ರೂಪಾವಚರೇ ಖನ್ಧೇ ಪಟಿಚ್ಚ ರೂಪಾವಚರಾಧಿಪತಿ ವಿಪಾಕಂ, ರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ರೂಪಾವಚರಂ ಧಮ್ಮಂ ಪಟಿಚ್ಚ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವಿಪಾಕೇ ರೂಪಾವಚರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। ರೂಪಾವಚರಂ ಧಮ್ಮಂ ಪಟಿಚ್ಚ ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ವಿಪಾಕಂ ರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೩)

ನರೂಪಾವಚರಂ ಧಮ್ಮಂ ಪಟಿಚ್ಚ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ನರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ತೀಣಿ। (ನಕಾಮಾವಚರಂ ಪಟಿಚ್ಚವಾರಸದಿಸಂ ನಿನ್ನಾನಂ, ಇಧ ಸಬ್ಬೇ ಮಹಾಭೂತಾ ಕಾತಬ್ಬಾ।) (೩)

೨೩೨. ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಟಿಚ್ಚ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಪಟಿಸನ್ಧಿಕ್ಖಣೇ ರೂಪಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಟಿಚ್ಚ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವಿಪಾಕೇ ರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಟಿಚ್ಚ ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ಪಟಿಸನ್ಧಿಕ್ಖಣೇ ರೂಪಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ। (೩) ನಅನನ್ತರಪಚ್ಚಯಾ…ಪೇ॰… ನಉಪನಿಸ್ಸಯಪಚ್ಚಯಾ ।

ನಪುರೇಜಾತಪಚ್ಚಯಾದಿ

೨೩೩. ರೂಪಾವಚರಂ ಧಮ್ಮಂ ಪಟಿಚ್ಚ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಪಟಿಸನ್ಧಿಕ್ಖಣೇ ರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। ರೂಪಾವಚರಂ ಧಮ್ಮಂ ಪಟಿಚ್ಚ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ರೂಪಾವಚರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। ರೂಪಾವಚರಂ ಧಮ್ಮಂ ಪಟಿಚ್ಚ ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ನಪುರೇಜಾತಪಚ್ಚಯಾ – ಪಟಿಸನ್ಧಿಕ್ಖಣೇ ರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

ನರೂಪಾವಚರಂ ಧಮ್ಮಂ ಪಟಿಚ್ಚ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ನರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ನರೂಪಾವಚರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ, ಇತರೇ ಪಞ್ಚಪಿ ಪಞ್ಹಾ, ಅನುಲೋಮಂ ಕಾತಬ್ಬಂ) ನಪಚ್ಛಾಜಾತಪಚ್ಚಯಾ… ನವ।

ನಆಸೇವನಪಚ್ಚಯಾದಿ

೨೩೪. ರೂಪಾವಚರಂ ಧಮ್ಮಂ ಪಟಿಚ್ಚ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ವಿಪಾಕಂ ರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ರೂಪಾವಚರಂ ಧಮ್ಮಂ ಪಟಿಚ್ಚ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ರೂಪಾವಚರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। ರೂಪಾವಚರಂ ಧಮ್ಮಂ ಪಟಿಚ್ಚ ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ನಆಸೇವನಪಚ್ಚಯಾ – ವಿಪಾಕಂ ರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ …ಪೇ॰…। (೩)

ನರೂಪಾವಚರಂ ಧಮ್ಮಂ ಪಟಿಚ್ಚ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ… ತೀಣಿ।

ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಟಿಚ್ಚ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ (ಸಂಖಿತ್ತಂ। ಮೂಲಂ। ಇತರೇಪಿ ಪಞ್ಹಾ ಕಾತಬ್ಬಾ)… ನಕಮ್ಮಪಚ್ಚಯಾ… ದ್ವೇ…ಪೇ॰… ನಸಮ್ಪಯುತ್ತಪಚ್ಚಯಾ।

೨೩೫. ನರೂಪಾವಚರಂ ಧಮ್ಮಂ ಪಟಿಚ್ಚ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ನರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ॰… (ಸಂಖಿತ್ತಂ)।

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೨೩೬. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ , ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಏಕಂ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೨. ಸಹಜಾತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಹಜಾತವಾರೋಪಿ ಕಾತಬ್ಬೋ।)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೨೩೭. ರೂಪಾವಚರಂ ಧಮ್ಮಂ ಪಚ್ಚಯಾ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚಸದಿಸಂ)।

ನರೂಪಾವಚರಂ ಧಮ್ಮಂ ಪಚ್ಚಯಾ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನರೂಪಾವಚರಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… (ಯಾವ ಅಜ್ಝತ್ತಿಕಂ ಮಹಾಭೂತಂ) ವತ್ಥುಂ ಪಚ್ಚಯಾ ನರೂಪಾವಚರಾ ಖನ್ಧಾ। ನರೂಪಾವಚರಂ ಧಮ್ಮಂ ಪಚ್ಚಯಾ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ರೂಪಾವಚರಾ ಖನ್ಧಾ; ಪಟಿಸನ್ಧಿಕ್ಖಣೇ…ಪೇ॰…। ನರೂಪಾವಚರಂ ಧಮ್ಮಂ ಪಚ್ಚಯಾ ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ರೂಪಾವಚರಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। (೩)

೨೩೮. ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಚ್ಚಯಾ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ರೂಪಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಚ್ಚಯಾ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಚ್ಚಯಾ ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ರೂಪಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। (೩) (ಸಂಖಿತ್ತಂ।)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೨೩೯. ಹೇತುಯಾ ನವ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ನವ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ನವ, ಅಞ್ಞಮಞ್ಞೇ ಛ, ನಿಸ್ಸಯೇ ನವ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ಚತ್ತಾರಿ, ಆಸೇವನೇ ಚತ್ತಾರಿ, ಕಮ್ಮೇ ನವ…ಪೇ॰… ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೨೪೦. ನರೂಪಾವಚರಂ ಧಮ್ಮಂ ಪಚ್ಚಯಾ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನರೂಪಾವಚರಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ನರೂಪಾವಚರಾ ಖನ್ಧಾ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧) (ಸಂಖಿತ್ತಂ।)

ನಅಧಿಪತಿಪಚ್ಚಯೋ

೨೪೧. ರೂಪಾವಚರಂ ಧಮ್ಮಂ ಪಚ್ಚಯಾ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… ತೀಣಿ (ಪಟಿಚ್ಚವಾರಸದಿಸಂ)।

ನರೂಪಾವಚರಂ ಧಮ್ಮಂ ಪಚ್ಚಯಾ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ (ಪಟಿಚ್ಚವಾರಸದಿಸಂ)। ನರೂಪಾವಚರಂ ಧಮ್ಮಂ ಪಚ್ಚಯಾ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ರೂಪಾವಚರಾಧಿಪತಿ, ವತ್ಥುಂ ಪಚ್ಚಯಾ ವಿಪಾಕಾ ರೂಪಾವಚರಾ ಖನ್ಧಾ; ಪಟಿಸನ್ಧಿಕ್ಖಣೇ…ಪೇ॰…। ನರೂಪಾವಚರಂ ಧಮ್ಮಂ ಪಚ್ಚಯಾ ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ವಿಪಾಕಾ ರೂಪಾವಚರಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। (೩)

೨೪೨. ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಚ್ಚಯಾ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ರೂಪಾವಚರೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ರೂಪಾವಚರಾಧಿಪತಿ, ವಿಪಾಕಂ ರೂಪಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ಪಟಿಸನ್ಧಿಕ್ಖಣೇ ರೂಪಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಚ್ಚಯಾ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವಿಪಾಕೇ ರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। ರೂಪಾವಚರಞ್ಚ ನರೂಪಾವಚರಞ್ಚ ಧಮ್ಮಂ ಪಚ್ಚಯಾ ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ವಿಪಾಕಂ ರೂಪಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ವಿಪಾಕೇ ರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰…। (೩) (ಸಂಖಿತ್ತಂ।)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೨೪೩. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ…ಪೇ॰… ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ (ಸುದ್ಧಿಕೇ ಅರೂಪೇ ಚ ಮಿಸ್ಸಕೇ ಚ ‘‘ವಿಪಾಕ’’ನ್ತಿ ನಿಯಾಮೇತಬ್ಬಂ), ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಏಕಂ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೪. ನಿಸ್ಸಯವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೨೪೪. ರೂಪಾವಚರಂ ಧಮ್ಮಂ ಸಂಸಟ್ಠೋ ರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ರೂಪಾವಚರಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ನರೂಪಾವಚರಂ ಧಮ್ಮಂ ಸಂಸಟ್ಠೋ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನರೂಪಾವಚರಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ಹೇತುಯಾ ದ್ವೇ, ಆರಮ್ಮಣೇ ದ್ವೇ (ಸಬ್ಬತ್ಥ ದ್ವೇ), ಅವಿಗತೇ ದ್ವೇ।

ಅನುಲೋಮಂ।

ನರೂಪಾವಚರಂ ಧಮ್ಮಂ ಸಂಸಟ್ಠೋ ನರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ (ಸಂಖಿತ್ತಂ)।

ನಹೇತುಯಾ ಏಕಂ, ನಅಧಿಪತಿಯಾ ದ್ವೇ, ನಪುರೇಜಾತೇ ದ್ವೇ, ನಪಚ್ಛಾಜಾತೇ ದ್ವೇ, ನಆಸೇವನೇ ದ್ವೇ, ನಕಮ್ಮೇ ದ್ವೇ, ನವಿಪಾಕೇ ದ್ವೇ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ಏಕಂ।

ಪಚ್ಚನೀಯಂ।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೨೪೫. ರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ರೂಪಾವಚರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (ಮೂಲಂ ಕಾತಬ್ಬಂ।) ರೂಪಾವಚರಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (ಮೂಲಂ ಕಾತಬ್ಬಂ।) ರೂಪಾವಚರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೩)

ನರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನರೂಪಾವಚರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೧)

ಆರಮ್ಮಣಪಚ್ಚಯೋ

೨೪೬. ರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚೇತೋಪರಿಯಞಾಣೇನ ರೂಪಾವಚರಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ , ರೂಪಾವಚರಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ। ರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪಠಮಂ ಝಾನಂ ಪಚ್ಚವೇಕ್ಖತಿ…ಪೇ॰… ಚತುತ್ಥಂ ಝಾನಂ ಪಚ್ಚವೇಕ್ಖತಿ, ದಿಬ್ಬಂ ಚಕ್ಖುಂ ಪಚ್ಚವೇಕ್ಖತಿ, ದಿಬ್ಬಂ ಸೋತಧಾತುಂ…ಪೇ॰… ಇದ್ಧಿವಿಧಞಾಣಂ…ಪೇ॰… ಚೇತೋಪರಿಯಞಾಣಂ…ಪೇ॰… ಪುಬ್ಬೇನಿವಾಸಾನುಸ್ಸತಿಞಾಣಂ…ಪೇ॰… ಯಥಾಕಮ್ಮೂಪಗಞಾಣಂ…ಪೇ॰… ಅನಾಗತಂಸಞಾಣಂ ಪಚ್ಚವೇಕ್ಖತಿ, ರೂಪಾವಚರೇ ಖನ್ಧೇ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ। (೨)

೨೪೭. ನರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ಪಹೀನೇ ಕಿಲೇಸೇ…ಪೇ॰… ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ನರೂಪಾವಚರೇ ಖನ್ಧೇ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ॰… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ॰… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ನರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ನರೂಪಾವಚರಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ನರೂಪಾವಚರಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ , ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ। (೨)

ಅಧಿಪತಿಪಚ್ಚಯೋ

೨೪೮. ರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ರೂಪಾವಚರಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ । ರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಪಠಮಂ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ…ಪೇ॰… ಚತುತ್ಥಂ ಝಾನಂ…ಪೇ॰… ದಿಬ್ಬಂ ಚಕ್ಖುಂ…ಪೇ॰… ದಿಬ್ಬಂ ಸೋತಧಾತುಂ…ಪೇ॰… ಇದ್ಧಿವಿಧಞಾಣಂ…ಪೇ॰… ಚೇತೋಪರಿಯಞಾಣಂ…ಪೇ॰… ಪುಬ್ಬೇನಿವಾಸಾನುಸ್ಸತಿಞಾಣಂ…ಪೇ॰… ಯಥಾಕಮ್ಮೂಪಗಞಾಣಂ…ಪೇ॰… ಅನಾಗತಂಸಞಾಣಂ ಗರುಂ ಕತ್ವಾ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ರೂಪಾವಚರೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ರೂಪಾವಚರಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। ರೂಪಾವಚರೋ ಧಮ್ಮೋ ರೂಪಾವಚರಸ್ಸ ಚ ನರೂಪಾವಚರಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ರೂಪಾವಚರಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೨೪೯. ನರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ ಸುಚಿಣ್ಣಾನಿ ಗರುಂ ಕತ್ವಾ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ…ಪೇ॰… ಫಲಂ…ಪೇ॰… ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ನರೂಪಾವಚರೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ಆಕಾಸಾನಞ್ಚಾಯತನಂ ಗರುಂ ಕತ್ವಾ ಪಚ್ಚವೇಕ್ಖತಿ…ಪೇ॰… ನೇವಸಞ್ಞಾನಾಸಞ್ಞಾಯತನಂ ಗರುಂ ಕತ್ವಾ ಪಚ್ಚವೇಕ್ಖತಿ। ಸಹಜಾತಾಧಿಪತಿ – ನರೂಪಾವಚರಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ಅನನ್ತರಪಚ್ಚಯಾದಿ

೨೫೦. ರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ರೂಪಾವಚರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ರೂಪಾವಚರಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। ರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ರೂಪಾವಚರಂ ಚುತಿಚಿತ್ತಂ ನರೂಪಾವಚರಸ್ಸ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ರೂಪಾವಚರಂ ಭವಙ್ಗಂ ಆವಜ್ಜನಾಯ… ರೂಪಾವಚರಾ ಖನ್ಧಾ ನರೂಪಾವಚರಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

೨೫೧. ನರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನರೂಪಾವಚರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನರೂಪಾವಚರಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ॰… ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। ನರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ನರೂಪಾವಚರಂ ಚುತಿಚಿತ್ತಂ ರೂಪಾವಚರಸ್ಸ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ನರೂಪಾವಚರಾ ಖನ್ಧಾ ರೂಪಾವಚರಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಪಠಮಸ್ಸ ಝಾನಸ್ಸ ಪರಿಕಮ್ಮಂ ಪಠಮಸ್ಸ ಝಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ…ಪೇ॰… ಚತುತ್ಥಸ್ಸ ಝಾನಸ್ಸ…ಪೇ॰… ದಿಬ್ಬಸ್ಸ ಚಕ್ಖುಸ್ಸ…ಪೇ॰… ದಿಬ್ಬಾಯ ಸೋತಧಾತುಯಾ…ಪೇ॰… ಇದ್ಧಿವಿಧಞಾಣಸ್ಸ…ಪೇ॰… ಚೇತೋಪರಿಯಞಾಣಸ್ಸ…ಪೇ॰… ಪುಬ್ಬೇನಿವಾಸಾನುಸ್ಸತಿಞಾಣಸ್ಸ…ಪೇ॰… ಯಥಾಕಮ್ಮೂಪಗಞಾಣಸ್ಸ…ಪೇ॰… ಅನಾಗತಂಸಞಾಣಸ್ಸ, ಪರಿಕಮ್ಮಂ ಅನಾಗತಂಸಞಾಣಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಸತ್ತ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ಛ… ನಿಸ್ಸಯಪಚ್ಚಯೇನ ಪಚ್ಚಯೋ… ಸತ್ತ।

ಉಪನಿಸ್ಸಯಪಚ್ಚಯೋ

೨೫೨. ರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ರೂಪಾವಚರಂ ಸದ್ಧಂ ಉಪನಿಸ್ಸಾಯ ರೂಪಾವಚರಂ ಝಾನಂ ಉಪ್ಪಾದೇತಿ, ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ರೂಪಾವಚರಂ ಸೀಲಂ…ಪೇ॰… ಪಞ್ಞಂ ಉಪನಿಸ್ಸಾಯ ರೂಪಾವಚರಂ ಝಾನಂ…ಪೇ॰… ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ರೂಪಾವಚರಾ ಸದ್ಧಾ…ಪೇ॰… ಪಞ್ಞಾ ರೂಪಾವಚರಾಯ ಸದ್ಧಾಯ…ಪೇ॰… ಪಞ್ಞಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ, ಪಠಮಂ ಝಾನಂ ದುತಿಯಸ್ಸ ಝಾನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ, ದುತಿಯಂ ಝಾನಂ ತತಿಯಸ್ಸ ಝಾನಸ್ಸ…ಪೇ॰… ತತಿಯಂ ಝಾನಂ ಚತುತ್ಥಸ್ಸ ಝಾನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ರೂಪಾವಚರಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ…ಪೇ॰… ಉಪೋಸಥಕಮ್ಮಂ ಕರೋತಿ; ರೂಪಾವಚರಂ ಝಾನಂ…ಪೇ॰… ವಿಪಸ್ಸನಂ…ಪೇ॰… ಮಗ್ಗಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ರೂಪಾವಚರಂ ಸೀಲಂ…ಪೇ॰… ಪಞ್ಞಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ರೂಪಾವಚರಾ ಸದ್ಧಾ…ಪೇ॰… ಪಞ್ಞಾ ನರೂಪಾವಚರಾಯ ಸದ್ಧಾಯ…ಪೇ॰… ಪಞ್ಞಾಯ… ರಾಗಸ್ಸ…ಪೇ॰… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ… ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

೨೫೩. ನರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ನರೂಪಾವಚರಂ ಸದ್ಧಂ ಉಪನಿಸ್ಸಾಯ ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕರೋತಿ; ನರೂಪಾವಚರಂ ಝಾನಂ…ಪೇ॰… ವಿಪಸ್ಸನಂ…ಪೇ॰… ಮಗ್ಗಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ನರೂಪಾವಚರಂ ಸೀಲಂ…ಪೇ॰… ಪಞ್ಞಂ, ರಾಗಂ…ಪೇ॰… ಭೋಜನಂ, ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ನರೂಪಾವಚರಾ ಸದ್ಧಾ…ಪೇ॰… ಪಞ್ಞಾ… ರಾಗೋ…ಪೇ॰… ಸೇನಾಸನಂ ನರೂಪಾವಚರಾಯ ಸದ್ಧಾಯ…ಪೇ॰… ಪಞ್ಞಾಯ… ರಾಗಸ್ಸ…ಪೇ॰… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ… ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ನರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ನರೂಪಾವಚರಂ ಸದ್ಧಂ ಉಪನಿಸ್ಸಾಯ ರೂಪಾವಚರಂ ಝಾನಂ…ಪೇ॰… ಅಭಿಞ್ಞಂ …ಪೇ॰… ಸಮಾಪತ್ತಿಂ ಉಪ್ಪಾದೇತಿ; ನರೂಪಾವಚರಂ ಸೀಲಂ…ಪೇ॰… ಸೇನಾಸನಂ ಉಪನಿಸ್ಸಾಯ ರೂಪಾವಚರಂ ಝಾನಂ…ಪೇ॰… ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ನರೂಪಾವಚರಾ ಸದ್ಧಾ…ಪೇ॰… ಸೇನಾಸನಂ ರೂಪಾವಚರಾಯ ಸದ್ಧಾಯ…ಪೇ॰… ಪಞ್ಞಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ, ಪಠಮಸ್ಸ ಝಾನಸ್ಸ ಪರಿಕಮ್ಮಂ ಪಠಮಸ್ಸ ಝಾನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ॰… ಚತುತ್ಥಸ್ಸ ಝಾನಸ್ಸ…ಪೇ॰… ದಿಬ್ಬಸ್ಸ ಚಕ್ಖುಸ್ಸ ಪರಿಕಮ್ಮಂ…ಪೇ॰… ದಿಬ್ಬಾಯ ಸೋತಧಾತುಯಾ…ಪೇ॰… ಇದ್ಧಿವಿಧಞಾಣಸ್ಸ…ಪೇ॰… ಚೇತೋಪರಿಯಞಾಣಸ್ಸ…ಪೇ॰… ಪುಬ್ಬೇನಿವಾಸಾನುಸ್ಸತಿಞಾಣಸ್ಸ…ಪೇ॰… ಯಥಾಕಮ್ಮೂಪಗಞಾಣಸ್ಸ…ಪೇ॰… ಅನಾಗತಂಸಞಾಣಸ್ಸ ಪರಿಕಮ್ಮಂ ಅನಾಗತಂಸಞಾಣಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಪುರೇಜಾತಪಚ್ಚಯಾದಿ

೨೫೪. ನರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ …ಪೇ॰… ವತ್ಥುಂ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ; ವತ್ಥು ನರೂಪಾವಚರಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। ನರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ। ವತ್ಥುಪುರೇಜಾತಂ – ವತ್ಥು ರೂಪಾವಚರಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

ಪಚ್ಛಾಜಾತಪಚ್ಚಯೇನ ಪಚ್ಚಯೋ… ದ್ವೇ… ಆಸೇವನಪಚ್ಚಯೇನ ಪಚ್ಚಯೋ… ತೀಣಿ।

ಕಮ್ಮಪಚ್ಚಯಾದಿ

೨೫೫. ರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ರೂಪಾವಚರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ರೂಪಾವಚರಾ ಚೇತನಾ ವಿಪಾಕಾನಂ ರೂಪಾವಚರಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। ರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ರೂಪಾವಚರಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ರೂಪಾವಚರಾ ಚೇತನಾ ಕಟತ್ತಾರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। ರೂಪಾವಚರೋ ಧಮ್ಮೋ ರೂಪಾವಚರಸ್ಸ ಚ ನರೂಪಾವಚರಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ರೂಪಾವಚರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ರೂಪಾವಚರಾ ಚೇತನಾ ವಿಪಾಕಾನಂ ರೂಪಾವಚರಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

ನರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ನರೂಪಾವಚರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ನರೂಪಾವಚರಾ ಚೇತನಾ ವಿಪಾಕಾನಂ ನರೂಪಾವಚರಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ…। (೧)

ವಿಪಾಕಪಚ್ಚಯೇನ ಪಚ್ಚಯೋ… ಚತ್ತಾರಿ… ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಚತ್ತಾರಿ… ಝಾನಪಚ್ಚಯೇನ ಪಚ್ಚಯೋ… ಚತ್ತಾರಿ… ಮಗ್ಗಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ದ್ವೇ।

ವಿಪ್ಪಯುತ್ತಪಚ್ಚಯೋ

೨೫೬. ರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

ನರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ)। ನರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ರೂಪಾವಚರಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ರೂಪಾವಚರಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೨)

ಅತ್ಥಿಪಚ್ಚಯಾದಿ

೨೫೭. ರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಪಟಿಚ್ಚಸದಿಸಂ)। ರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ। ರೂಪಾವಚರೋ ಧಮ್ಮೋ ರೂಪಾವಚರಸ್ಸ ಚ ನರೂಪಾವಚರಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಪಟಿಚ್ಚಸದಿಸಂ)। (೩)

ನರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। ನರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ರೂಪಾವಚರಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪುರೇಜಾತಂ – ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ವತ್ಥು ರೂಪಾವಚರಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

೨೫೮. ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ರೂಪಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ , ಪುರೇಜಾತಂ। ಸಹಜಾತೋ – ರೂಪಾವಚರೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ನರೂಪಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। ಸಹಜಾತಾ – ರೂಪಾವಚರಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ಪಚ್ಛಾಜಾತಾ – ರೂಪಾವಚರಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ರೂಪಾವಚರಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೨೫೯. ಹೇತುಯಾ ಚತ್ತಾರಿ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಚತ್ತಾರಿ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ಸತ್ತ, ಅಞ್ಞಮಞ್ಞೇ ಛ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಪಚ್ಛಾಜಾತೇ ದ್ವೇ, ಆಸೇವನೇ ತೀಣಿ, ಕಮ್ಮೇ ಚತ್ತಾರಿ, ವಿಪಾಕೇ ಚತ್ತಾರಿ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ನತ್ಥಿಯಾ ಚತ್ತಾರಿ, ವಿಗತೇ ಚತ್ತಾರಿ, ಅವಿಗತೇ ಸತ್ತ।

ಪಚ್ಚನೀಯುದ್ಧಾರೋ

೨೬೦. ರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ…। ರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। ರೂಪಾವಚರೋ ಧಮ್ಮೋ ರೂಪಾವಚರಸ್ಸ ಚ ನರೂಪಾವಚರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೩)

೨೬೧. ನರೂಪಾವಚರೋ ಧಮ್ಮೋ ನರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। ನರೂಪಾವಚರೋ ಧಮ್ಮೋ ರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ರೂಪಾವಚರಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ। ರೂಪಾವಚರೋ ಚ ನರೂಪಾವಚರೋ ಚ ಧಮ್ಮಾ ನರೂಪಾವಚರಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। (೨)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೨೬೨. ನಹೇತುಯಾ ಸತ್ತ, ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತ, ನಅನನ್ತರೇ ಸತ್ತ, ನಸಮನನ್ತರೇ ಸತ್ತ, ನಸಹಜಾತೇ ಛ, ನಅಞ್ಞಮಞ್ಞೇ ಛ, ನನಿಸ್ಸಯೇ ಛ, ನಉಪನಿಸ್ಸಯೇ ಸತ್ತ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ಸತ್ತ…ಪೇ॰… ನಸಮ್ಪಯುತ್ತೇ ಛ, ನವಿಪ್ಪಯುತ್ತೇ ಪಞ್ಚ, ನೋಅತ್ಥಿಯಾ ಪಞ್ಚ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ, ನೋಅವಿಗತೇ ಪಞ್ಚ।

೩. ಪಚ್ಚಯಾನುಲೋಮಪಚ್ಚನೀಯಂ

೨೬೩. ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ, ನಅಧಿಪತಿಯಾ ಚತ್ತಾರಿ, ನಅನನ್ತರೇ ನಸಮನನ್ತರೇ ಚತ್ತಾರಿ, ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಚತ್ತಾರಿ…ಪೇ॰… ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ಚತ್ತಾರಿ, ನೋವಿಗತೇ ಚತ್ತಾರಿ।

೪. ಪಚ್ಚಯಪಚ್ಚನೀಯಾನುಲೋಮಂ

೨೬೪. ನಹೇತುಪಚ್ಚಯಾ ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಚತ್ತಾರಿ (ಅನುಲೋಮಮಾತಿಕಾ ಕಾತಬ್ಬಾ)…ಪೇ॰… ಅವಿಗತೇ ಸತ್ತ।

ರೂಪಾವಚರದುಕಂ ನಿಟ್ಠಿತಂ।

೯೫. ಅರೂಪಾವಚರದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೨೬೫. ಅರೂಪಾವಚರಂ ಧಮ್ಮಂ ಪಟಿಚ್ಚ ಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ಅರೂಪಾವಚರಂ ಧಮ್ಮಂ ಪಟಿಚ್ಚ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅರೂಪಾವಚರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। ಅರೂಪಾವಚರಂ ಧಮ್ಮಂ ಪಟಿಚ್ಚ ಅರೂಪಾವಚರೋ ಚ ನಅರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಅರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

೨೬೬. ನಅರೂಪಾವಚರಂ ಧಮ್ಮಂ ಪಟಿಚ್ಚ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಅರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ …ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ ನಅರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰…। (೧)

ಅರೂಪಾವಚರಞ್ಚ ನಅರೂಪಾವಚರಞ್ಚ ಧಮ್ಮಂ ಪಟಿಚ್ಚ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧) (ಸಂಖಿತ್ತಂ।)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೨೬೭. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅಧಿಪತಿಯಾ ಪಞ್ಚ, ಅನನ್ತರೇ ದ್ವೇ, ಸಮನನ್ತರೇ ದ್ವೇ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಪಞ್ಚ, ಉಪನಿಸ್ಸಯೇ ದ್ವೇ, ಪುರೇಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ಪಞ್ಚ, ವಿಪಾಕೇ ದ್ವೇ, ಆಹಾರೇ ಪಞ್ಚ…ಪೇ॰… ಅವಿಗತೇ ಪಞ್ಚ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತು-ನಆರಮ್ಮಣಪಚ್ಚಯಾ

೨೬೮. ನಅರೂಪಾವಚರಂ ಧಮ್ಮಂ ಪಟಿಚ್ಚ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನಅರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ …ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧) ನಆರಮ್ಮಣಪಚ್ಚಯಾ… ತೀಣಿ।

ನಅಧಿಪತಿಪಚ್ಚಯಾದಿ

೨೬೯. ಅರೂಪಾವಚರಂ ಧಮ್ಮಂ ಪಟಿಚ್ಚ ಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅರೂಪಾವಚರೇ ಖನ್ಧೇ ಪಟಿಚ್ಚ ಅರೂಪಾವಚರಾಧಿಪತಿ, ವಿಪಾಕಂ ಅರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ನಅರೂಪಾವಚರಂ ಧಮ್ಮಂ ಪಟಿಚ್ಚ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ನಅರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ …ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ)। (೧) ನಅನನ್ತರಪಚ್ಚಯಾ…ಪೇ॰… ನಉಪನಿಸ್ಸಯಪಚ್ಚಯಾ।

ನಪುರೇಜಾತಪಚ್ಚಯಾದಿ

೨೭೦. ಅರೂಪಾವಚರಂ ಧಮ್ಮಂ ಪಟಿಚ್ಚ ಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಅರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (ಮೂಲಂ ಕಾತಬ್ಬಂ।) ಅರೂಪಾವಚರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ನಅರೂಪಾವಚರಂ ಧಮ್ಮಂ ಪಟಿಚ್ಚ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ನಅರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ)। (೧)

ಅರೂಪಾವಚರಞ್ಚ ನಅರೂಪಾವಚರಞ್ಚ ಧಮ್ಮಂ ಪಟಿಚ್ಚ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧) ನಪಚ್ಛಾಜಾತಪಚ್ಚಯಾ…।

ನಆಸೇವನಪಚ್ಚಯೋ

೨೭೧. ಅರೂಪಾವಚರಂ ಧಮ್ಮಂ ಪಟಿಚ್ಚ ಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ವಿಪಾಕಂ ಅರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। ಅರೂಪಾವಚರಂ ಧಮ್ಮಂ ಪಟಿಚ್ಚ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಅರೂಪಾವಚರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ನಅರೂಪಾವಚರಂ ಧಮ್ಮಂ ಪಟಿಚ್ಚ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ನಅರೂಪಾವಚರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… (ಯಾವ ಅಸಞ್ಞಸತ್ತಾ)। (೧)

ಅರೂಪಾವಚರಞ್ಚ ನಅರೂಪಾವಚರಞ್ಚ ಧಮ್ಮಂ ಪಟಿಚ್ಚ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಅರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧) (ಸಂಖಿತ್ತಂ।)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೨೭೨. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ದ್ವೇ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ಪಞ್ಚ, ನಆಸೇವನೇ ಚತ್ತಾರಿ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೨. ಸಹಜಾತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಹಜಾತವಾರೋಪಿ ಕಾತಬ್ಬೋ।)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೨೭೩. ಅರೂಪಾವಚರಂ ಧಮ್ಮಂ ಪಚ್ಚಯಾ ಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚಸದಿಸಾ)।

ನಅರೂಪಾವಚರಂ ಧಮ್ಮಂ ಪಚ್ಚಯಾ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಅರೂಪಾವಚರಂ ಏಕಂ ಖನ್ಧಂ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ) ವತ್ಥುಂ ಪಚ್ಚಯಾ ನಅರೂಪಾವಚರಾ ಖನ್ಧಾ। ನಅರೂಪಾವಚರಂ ಧಮ್ಮಂ ಪಚ್ಚಯಾ ಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಅರೂಪಾವಚರಾ ಖನ್ಧಾ। ನಅರೂಪಾವಚರಂ ಧಮ್ಮಂ ಪಚ್ಚಯಾ ಅರೂಪಾವಚರೋ ಚ ನಅರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಅರೂಪಾವಚರಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೩)

೨೭೪. ಅರೂಪಾವಚರಞ್ಚ ನಅರೂಪಾವಚರಞ್ಚ ಧಮ್ಮಂ ಪಚ್ಚಯಾ ಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅರೂಪಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। ಅರೂಪಾವಚರಞ್ಚ ನಅರೂಪಾವಚರಞ್ಚ ಧಮ್ಮಂ ಪಚ್ಚಯಾ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। ಅರೂಪಾವಚರಞ್ಚ ನಅರೂಪಾವಚರಞ್ಚ ಧಮ್ಮಂ ಪಚ್ಚಯಾ ಅರೂಪಾವಚರೋ ಚ ನಅರೂಪಾವಚರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಅರೂಪಾವಚರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ಅರೂಪಾವಚರೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೨೭೫. ಹೇತುಯಾ ನವ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ನವ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ನವ, ಅಞ್ಞಮಞ್ಞೇ ಚತ್ತಾರಿ, ನಿಸ್ಸಯೇ ನವ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ಚತ್ತಾರಿ, ಆಸೇವನೇ ಚತ್ತಾರಿ, ಕಮ್ಮೇ ನವ, ವಿಪಾಕೇ ದ್ವೇ…ಪೇ॰… ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯಾದಿ

೨೭೬. ನಅರೂಪಾವಚರಂ ಧಮ್ಮಂ ಪಚ್ಚಯಾ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನಅರೂಪಾವಚರಂ ಏಕಂ ಖನ್ಧಂ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ನಅರೂಪಾವಚರಾ ಖನ್ಧಾ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧) ನಆರಮ್ಮಣಪಚ್ಚಯಾ… ತೀಣಿ।

ಅರೂಪಾವಚರಂ ಧಮ್ಮಂ ಪಚ್ಚಯಾ ಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅರೂಪಾವಚರೇ ಖನ್ಧೇ ಪಚ್ಚಯಾ ಅರೂಪಾವಚರಾಧಿಪತಿ, ವಿಪಾಕಂ ಅರೂಪಾವಚರಂ ಏಕಂ ಖನ್ಧಂ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ನಅರೂಪಾವಚರಂ ಧಮ್ಮಂ ಪಚ್ಚಯಾ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ನಅರೂಪಾವಚರಂ ಏಕಂ ಖನ್ಧಂ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ನಅರೂಪಾವಚರಾ ಖನ್ಧಾ। (೧)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೨೭೭. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ಚತ್ತಾರಿ, ನಅನನ್ತರೇ ತೀಣಿ, ನಸಮನನ್ತರೇ ನಅಞ್ಞಮಞ್ಞೇ ನಉಪನಿಸ್ಸಯೇ ತೀಣಿ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ನವ, ನಆಸೇವನೇ ಚತ್ತಾರಿ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೪. ನಿಸ್ಸಯವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೨೭೮. ಅರೂಪಾವಚರಂ ಧಮ್ಮಂ ಸಂಸಟ್ಠೋ ಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅರೂಪಾವಚರಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ನಅರೂಪಾವಚರಂ ಧಮ್ಮಂ ಸಂಸಟ್ಠೋ ನಅರೂಪಾವಚರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಅರೂಪಾವಚರಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ಹೇತುಯಾ ದ್ವೇ…ಪೇ॰… ಅವಿಗತೇ ದ್ವೇ (ಅನುಲೋಮಂ)।

ನಹೇತುಯಾ ಏಕಂ, ನಅಧಿಪತಿಯಾ ದ್ವೇ, ನಪುರೇಜಾತೇ ದ್ವೇ, ನಪಚ್ಛಾಜಾತೇ ದ್ವೇ, ನಆಸೇವನೇ ದ್ವೇ, ನಕಮ್ಮೇ ದ್ವೇ, ನವಿಪಾಕೇ ದ್ವೇ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ದ್ವೇ (ಪಚ್ಚನೀಯಂ)।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೨೭೯. ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅರೂಪಾವಚರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (ಮೂಲಂ ಕಾತಬ್ಬಂ।) ಅರೂಪಾವಚರಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ ।) ಅರೂಪಾವಚರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

ನಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನಅರೂಪಾವಚರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೧)

ಆರಮ್ಮಣಪಚ್ಚಯೋ

೨೮೦. ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ; ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ। ಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಆಕಾಸಾನಞ್ಚಾಯತನಂ ಪಚ್ಚವೇಕ್ಖತಿ, ವಿಞ್ಞಾಣಞ್ಚಾಯತನಂ…ಪೇ॰… ಆಕಿಞ್ಚಞ್ಞಾಯತನಂ…ಪೇ॰… ನೇವಸಞ್ಞಾನಾಸಞ್ಞಾಯತನಂ ಪಚ್ಚವೇಕ್ಖತಿ, ಅರೂಪಾವಚರೇ ಖನ್ಧೇ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ಚೇತೋಪರಿಯಞಾಣೇನ ಅರೂಪಾವಚರಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಅರೂಪಾವಚರಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೨)

ನಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ ಪಚ್ಚವೇಕ್ಖನ್ತಿ , ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ನಅರೂಪಾವಚರೇ ಖನ್ಧೇ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ನಅರೂಪಾವಚರಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰… ನಅರೂಪಾವಚರಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ಅಧಿಪತಿಪಚ್ಚಯೋ

೨೮೧. ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಅರೂಪಾವಚರಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। ಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಆಕಾಸಾನಞ್ಚಾಯತನಂ ಗರುಂ ಕತ್ವಾ ಪಚ್ಚವೇಕ್ಖತಿ…ಪೇ॰… ನೇವಸಞ್ಞಾನಾಸಞ್ಞಾಯತನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅರೂಪಾವಚರೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ಅರೂಪಾವಚರಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಅರೂಪಾವಚರಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೨೮೨. ನಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಫಲಂ…ಪೇ॰… ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ನಅರೂಪಾವಚರೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ನಅರೂಪಾವಚರಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ಅನನ್ತರಪಚ್ಚಯಾದಿ

೨೮೩. ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅರೂಪಾವಚರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅರೂಪಾವಚರಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। ಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಅರೂಪಾವಚರಂ ಚುತಿಚಿತ್ತಂ ನಅರೂಪಾವಚರಸ್ಸ ಉಪಪತ್ತಿಚಿತ್ತಸ್ಸ, ಅರೂಪಾವಚರಂ ಭವಙ್ಗಂ ಆವಜ್ಜನಾಯ, ಅರೂಪಾವಚರಾ ಖನ್ಧಾ ನಅರೂಪಾವಚರಸ್ಸ ವುಟ್ಠಾನಸ್ಸ, ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೨)

೨೮೪. ನಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನಅರೂಪಾವಚರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನಅರೂಪಾವಚರಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ॰… ಅನುಲೋಮಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। ನಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ನಅರೂಪಾವಚರಂ ಚುತಿಚಿತ್ತಂ ಅರೂಪಾವಚರಸ್ಸ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ನಅರೂಪಾವಚರಾ ಖನ್ಧಾ ಅರೂಪಾವಚರಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಆಕಾಸಾನಞ್ಚಾಯತನಸ್ಸ ಪರಿಕಮ್ಮಂ ಆಕಾಸಾನಞ್ಚಾಯತನಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ವಿಞ್ಞಾಣಞ್ಚಾಯತನಸ್ಸ…ಪೇ॰… ಆಕಿಞ್ಚಞ್ಞಾಯತನಸ್ಸ…ಪೇ॰… ನೇವಸಞ್ಞಾನಾಸಞ್ಞಾಯತನಸ್ಸ ಪರಿಕಮ್ಮಂ ನೇವಸಞ್ಞಾನಾಸಞ್ಞಾಯತನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಪಞ್ಚ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ದ್ವೇ… ನಿಸ್ಸಯಪಚ್ಚಯೇನ ಪಚ್ಚಯೋ… ಸತ್ತ।

ಉಪನಿಸ್ಸಯಪಚ್ಚಯೋ

೨೮೫. ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ವಿಞ್ಞಾಣಞ್ಚಾಯತನಂ ಆಕಿಞ್ಚಞ್ಞಾಯತನಸ್ಸ…ಪೇ॰… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಅರೂಪಾವಚರಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ…ಪೇ॰… ಉಪೋಸಥಕಮ್ಮಂ ಕರೋತಿ , ನಅರೂಪಾವಚರಂ ಝಾನಂ ಉಪ್ಪಾದೇತಿ, ವಿಪಸ್ಸನಂ…ಪೇ॰… ಮಗ್ಗಂ…ಪೇ॰… ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಅರೂಪಾವಚರಂ ಸೀಲಂ…ಪೇ॰… ಪಞ್ಞಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ… ಮಾನಂ ಜಪ್ಪೇತಿ… ದಿಟ್ಠಿಂ ಗಣ್ಹಾತಿ; ಅರೂಪಾವಚರಾ ಸದ್ಧಾ…ಪೇ॰… ಪಞ್ಞಾ ನಅರೂಪಾವಚರಾಯ ಸದ್ಧಾಯ…ಪೇ॰… ಪಞ್ಞಾಯ… ರಾಗಸ್ಸ…ಪೇ॰… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ… ಮಗ್ಗಸ್ಸ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

೨೮೬. ನಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ನಅರೂಪಾವಚರಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ…ಪೇ॰… ಉಪೋಸಥಕಮ್ಮಂ ಕರೋತಿ, ನಅರೂಪಾವಚರಂ ಝಾನಂ ಉಪ್ಪಾದೇತಿ, ವಿಪಸ್ಸನಂ…ಪೇ॰… ಮಗ್ಗಂ…ಪೇ॰… ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ… ದಿಟ್ಠಿಂ ಗಣ್ಹಾತಿ; ನಅರೂಪಾವಚರಂ ಸೀಲಂ…ಪೇ॰… ಪಞ್ಞಂ…ಪೇ॰… ರಾಗಂ…ಪೇ॰… ಪತ್ಥನಂ…ಪೇ॰… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ… ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ನಅರೂಪಾವಚರಾ ಸದ್ಧಾ…ಪೇ॰… ಸೇನಾಸನಂ ನಅರೂಪಾವಚರಾಯ ಸದ್ಧಾಯ…ಪೇ॰… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ, ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ನಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಆಕಾಸಾನಞ್ಚಾಯತನಸ್ಸ ಪರಿಕಮ್ಮಂ ಆಕಾಸಾನಞ್ಚಾಯತನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ॰… ನೇವಸಞ್ಞಾನಾಸಞ್ಞಾಯತನಸ್ಸ ಪರಿಕಮ್ಮಂ ನೇವಸಞ್ಞಾನಾಸಞ್ಞಾಯತನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಪುರೇಜಾತಪಚ್ಚಯಾದಿ

೨೮೭. ನಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰…। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ॰… ವತ್ಥು ನಅರೂಪಾವಚರಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। ನಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ। ವತ್ಥುಪುರೇಜಾತಂ – ವತ್ಥು ಅರೂಪಾವಚರಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

ಪಚ್ಛಾಜಾತಪಚ್ಚಯೇನ ಪಚ್ಚಯೋ… ದ್ವೇ… ಆಸೇವನಪಚ್ಚಯೇನ ಪಚ್ಚಯೋ… ತೀಣಿ।

ಕಮ್ಮಪಚ್ಚಯೋ

೨೮೮. ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ…ಪೇ॰…। ಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಅರೂಪಾವಚರಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ । (ಮೂಲಂ ಕಾತಬ್ಬಂ।) ಅರೂಪಾವಚರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

ನಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ನಅರೂಪಾವಚರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೧)

ವಿಪಾಕಪಚ್ಚಯಾದಿ

೨೮೯. ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ (ಸಂಖಿತ್ತಂ)।

ನಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ (ಸಂಖಿತ್ತಂ)… ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಚತ್ತಾರಿ… ಝಾನಪಚ್ಚಯೇನ ಪಚ್ಚಯೋ… ಚತ್ತಾರಿ… ಮಗ್ಗಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ದ್ವೇ।

ವಿಪ್ಪಯುತ್ತಪಚ್ಚಯೋ

೨೯೦. ಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

ನಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ)। ನಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಅರೂಪಾವಚರಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೨)

ಅತ್ಥಿಪಚ್ಚಯಾದಿ

೨೯೧. ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ…ಪೇ॰…। ಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ , ಪಚ್ಛಾಜಾತಂ…ಪೇ॰…। ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಚ ನಅರೂಪಾವಚರಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ (ಸಂಖಿತ್ತಂ)। (೩)

ನಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। ನಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಅರೂಪಾವಚರಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

೨೯೨. ಅರೂಪಾವಚರೋ ಚ ನಅರೂಪಾವಚರೋ ಚ ಧಮ್ಮಾ ಅರೂಪಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ಅರೂಪಾವಚರೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। ಅರೂಪಾವಚರೋ ಚ ನಅರೂಪಾವಚರೋ ಚ ಧಮ್ಮಾ ನಅರೂಪಾವಚರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। ಸಹಜಾತಾ – ಅರೂಪಾವಚರಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಅರೂಪಾವಚರಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಅರೂಪಾವಚರಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೨೯೩. ಹೇತುಯಾ ಚತ್ತಾರಿ, ಆರಮ್ಮಣೇ ತೀಣಿ, ಅಧಿಪತಿಯಾ ಚತ್ತಾರಿ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಪಚ್ಛಾಜಾತೇ ದ್ವೇ, ಆಸೇವನೇ ತೀಣಿ, ಕಮ್ಮೇ ಚತ್ತಾರಿ, ವಿಪಾಕೇ ದ್ವೇ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ , ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ನತ್ಥಿಯಾ ಚತ್ತಾರಿ, ವಿಗತೇ ಚತ್ತಾರಿ, ಅವಿಗತೇ ಸತ್ತ।

ಪಚ್ಚನೀಯುದ್ಧಾರೋ

೨೯೪. ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಚ ನಅರೂಪಾವಚರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ। (೩)

೨೯೫. ನಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। ನಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

ಅರೂಪಾವಚರೋ ಚ ನಅರೂಪಾವಚರೋ ಚ ಧಮ್ಮಾ ಅರೂಪಾವಚರಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ। ಅರೂಪಾವಚರೋ ಚ ನಅರೂಪಾವಚರೋ ಚ ಧಮ್ಮಾ ನಅರೂಪಾವಚರಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। (೨)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೨೯೬. ನಹೇತುಯಾ ಸತ್ತ, ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತ , ನಅನನ್ತರೇ ಸತ್ತ, ನಸಮನನ್ತರೇ ಸತ್ತ, ನಸಹಜಾತೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನನಿಸ್ಸಯೇ ಪಞ್ಚ, ನಉಪನಿಸ್ಸಯೇ ಸತ್ತ, ನಪುರೇಜಾತೇ ಛ, ನಪಚ್ಛಾಜಾತೇ ಸತ್ತ…ಪೇ॰… ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ಚತ್ತಾರಿ, ನೋಅತ್ಥಿಯಾ ಚತ್ತಾರಿ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ, ನೋಅವಿಗತೇ ಚತ್ತಾರಿ।

೩. ಪಚ್ಚಯಾನುಲೋಮಪಚ್ಚನೀಯಂ

೨೯೭. ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ, ನಅಧಿಪತಿಯಾ ಚತ್ತಾರಿ, ನಅನನ್ತರೇ ನಸಮನನ್ತರೇ ಚತ್ತಾರಿ, ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಚತ್ತಾರಿ…ಪೇ॰… ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ಚತ್ತಾರಿ, ನೋವಿಗತೇ ಚತ್ತಾರಿ।

೪. ಪಚ್ಚಯಪಚ್ಚನೀಯಾನುಲೋಮಂ

೨೯೮. ನಹೇತುಪಚ್ಚಯಾ ಆರಮ್ಮಣೇ ತೀಣಿ, ಅಧಿಪತಿಯಾ ಚತ್ತಾರಿ (ಅನುಲೋಮಮಾತಿಕಾ ಕಾತಬ್ಬಾ)…ಪೇ॰… ಅವಿಗತೇ ಸತ್ತ।

ಅರೂಪಾವಚರದುಕಂ ನಿಟ್ಠಿತಂ।

೯೬. ಪರಿಯಾಪನ್ನದುಕಂ

೧-೭. ಪಟಿಚ್ಚವಾರಾದಿ

೨೯೯. ಪರಿಯಾಪನ್ನಂ ಧಮ್ಮಂ ಪಟಿಚ್ಚ ಪರಿಯಾಪನ್ನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಿಯಾಪನ್ನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (ಯಥಾ ಚೂಳನ್ತರದುಕೇ ಲೋಕಿಯದುಕಂ। ಏವಂ ಇಮಮ್ಪಿ ದುಕಂ ಕಾತಬ್ಬಂ, ನಿನ್ನಾನಾಕರಣಂ।)

ಪರಿಯಾಪನ್ನದುಕಂ ನಿಟ್ಠಿತಂ।

೯೭. ನಿಯ್ಯಾನಿಕದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

೩೦೦. ನಿಯ್ಯಾನಿಕಂ ಧಮ್ಮಂ ಪಟಿಚ್ಚ ನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಿಯ್ಯಾನಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। ನಿಯ್ಯಾನಿಕಂ ಧಮ್ಮಂ ಪಟಿಚ್ಚ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಿಯ್ಯಾನಿಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। ನಿಯ್ಯಾನಿಕಂ ಧಮ್ಮಂ ಪಟಿಚ್ಚ ನಿಯ್ಯಾನಿಕೋ ಚ ಅನಿಯ್ಯಾನಿಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನಿಯ್ಯಾನಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

ಅನಿಯ್ಯಾನಿಕಂ ಧಮ್ಮಂ ಪಟಿಚ್ಚ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅನಿಯ್ಯಾನಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰…। (೧)

ನಿಯ್ಯಾನಿಕಞ್ಚ ಅನಿಯ್ಯಾನಿಕಞ್ಚ ಧಮ್ಮಂ ಪಟಿಚ್ಚ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಿಯ್ಯಾನಿಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೩೦೧. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅಧಿಪತಿಯಾ ಪಞ್ಚ, ಅನನ್ತರೇ ಸಮನನ್ತರೇ ದ್ವೇ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಪಞ್ಚ, ಉಪನಿಸ್ಸಯೇ ದ್ವೇ, ಪುರೇಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ಪಞ್ಚ, ವಿಪಾಕೇ ಏಕಂ, ಆಹಾರೇ ಪಞ್ಚ…ಪೇ॰… ಅವಿಗತೇ ಪಞ್ಚ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತು-ನಆರಮ್ಮಣಪಚ್ಚಯಾ

೩೦೨. ಅನಿಯ್ಯಾನಿಕಂ ಧಮ್ಮಂ ಪಟಿಚ್ಚ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅನಿಯ್ಯಾನಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰… (ಯಾವ ಅಸಞ್ಞಸತ್ತಾ) ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧) ನಆರಮ್ಮಣಪಚ್ಚಯಾ… ತೀಣಿ।

ನಅಧಿಪತಿಪಚ್ಚಯಾದಿ

೩೦೩. ನಿಯ್ಯಾನಿಕಂ ಧಮ್ಮಂ ಪಟಿಚ್ಚ ನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ನಿಯ್ಯಾನಿಕೇ ಖನ್ಧೇ ಪಟಿಚ್ಚ ನಿಯ್ಯಾನಿಕಾಧಿಪತಿ। (೧)

ಅನಿಯ್ಯಾನಿಕಂ ಧಮ್ಮಂ ಪಟಿಚ್ಚ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅನಿಯ್ಯಾನಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ ಕಾತಬ್ಬಾ)। (೧)

ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ…ಪೇ॰…।

ನಪುರೇಜಾತಪಚ್ಚಯೋ

೩೦೪. ನಿಯ್ಯಾನಿಕಂ ಧಮ್ಮಂ ಪಟಿಚ್ಚ ನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ನಿಯ್ಯಾನಿಕಂ ಏಕಂ ಖನ್ಧಂ…ಪೇ॰…। ನಿಯ್ಯಾನಿಕಂ ಧಮ್ಮಂ ಪಟಿಚ್ಚ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ನಿಯ್ಯಾನಿಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ಅನಿಯ್ಯಾನಿಕಂ ಧಮ್ಮಂ ಪಟಿಚ್ಚ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಅನಿಯ್ಯಾನಿಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಅನಿಯ್ಯಾನಿಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ)। (೧)

ನಿಯ್ಯಾನಿಕಞ್ಚ ಅನಿಯ್ಯಾನಿಕಞ್ಚ ಧಮ್ಮಂ ಪಟಿಚ್ಚ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ನಿಯ್ಯಾನಿಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೩೦೫. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ದ್ವೇ, ನಅನನ್ತರೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ಪಞ್ಚ, ನಆಸೇವನೇ ಏಕಂ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೨. ಸಹಜಾತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಹಜಾತವಾರೋಪಿ ಕಾತಬ್ಬೋ।)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೩೦೬. ನಿಯ್ಯಾನಿಕಂ ಧಮ್ಮಂ ಪಚ್ಚಯಾ ನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚಸದಿಸಾ)।

ಅನಿಯ್ಯಾನಿಕಂ ಧಮ್ಮಂ ಪಚ್ಚಯಾ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅನಿಯ್ಯಾನಿಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ) ವತ್ಥುಂ ಪಚ್ಚಯಾ ಅನಿಯ್ಯಾನಿಕಾ ಖನ್ಧಾ। ಅನಿಯ್ಯಾನಿಕಂ ಧಮ್ಮಂ ಪಚ್ಚಯಾ ನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ನಿಯ್ಯಾನಿಕಾ ಖನ್ಧಾ। ಅನಿಯ್ಯಾನಿಕಂ ಧಮ್ಮಂ ಪಚ್ಚಯಾ ನಿಯ್ಯಾನಿಕೋ ಚ ಅನಿಯ್ಯಾನಿಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ನಿಯ್ಯಾನಿಕಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೩)

೩೦೭. ನಿಯ್ಯಾನಿಕಞ್ಚ ಅನಿಯ್ಯಾನಿಕಞ್ಚ ಧಮ್ಮಂ ಪಚ್ಚಯಾ ನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಿಯ್ಯಾನಿಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। ನಿಯ್ಯಾನಿಕಞ್ಚ ಅನಿಯ್ಯಾನಿಕಞ್ಚ ಧಮ್ಮಂ ಪಚ್ಚಯಾ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಿಯ್ಯಾನಿಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। ನಿಯ್ಯಾನಿಕಞ್ಚ ಅನಿಯ್ಯಾನಿಕಞ್ಚ ಧಮ್ಮಂ ಪಚ್ಚಯಾ ನಿಯ್ಯಾನಿಕೋ ಚ ಅನಿಯ್ಯಾನಿಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನಿಯ್ಯಾನಿಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ನಿಯ್ಯಾನಿಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೩೦೮. ಹೇತುಯಾ ನವ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ನವ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ನವ, ಅಞ್ಞಮಞ್ಞೇ ಚತ್ತಾರಿ, ನಿಸ್ಸಯೇ ನವ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ಚತ್ತಾರಿ, ಆಸೇವನೇ ಚತ್ತಾರಿ, ಕಮ್ಮೇ ನವ, ವಿಪಾಕೇ ಏಕಂ…ಪೇ॰… ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೩೦೯. ಅನಿಯ್ಯಾನಿಕಂ ಧಮ್ಮಂ ಪಚ್ಚಯಾ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅನಿಯ್ಯಾನಿಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ಅನಿಯ್ಯಾನಿಕಾ ಖನ್ಧಾ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ನಆರಮ್ಮಣಪಚ್ಚಯಾದಿ

೩೧೦. ನಿಯ್ಯಾನಿಕಂ ಧಮ್ಮಂ ಪಚ್ಚಯಾ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ… ತೀಣಿ।

ನಿಯ್ಯಾನಿಕಂ ಧಮ್ಮಂ ಪಚ್ಚಯಾ ನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ನಿಯ್ಯಾನಿಕೇ ಖನ್ಧೇ ಪಚ್ಚಯಾ ನಿಯ್ಯಾನಿಕಾಧಿಪತಿ। (೧)

ಅನಿಯ್ಯಾನಿಕಂ ಧಮ್ಮಂ ಪಚ್ಚಯಾ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅನಿಯ್ಯಾನಿಕಂ ಏಕಂ ಖನ್ಧಂ ಪಚ್ಚಯಾ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅನಿಯ್ಯಾನಿಕಾ ಖನ್ಧಾ। ಅನಿಯ್ಯಾನಿಕಂ ಧಮ್ಮಂ ಪಚ್ಚಯಾ ನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ನಿಯ್ಯಾನಿಕಾಧಿಪತಿ। (೨)

ನಿಯ್ಯಾನಿಕಞ್ಚ ಅನಿಯ್ಯಾನಿಕಞ್ಚ ಧಮ್ಮಂ ಪಚ್ಚಯಾ ನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ನಿಯ್ಯಾನಿಕೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ನಿಯ್ಯಾನಿಕಾಧಿಪತಿ। (೧)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೩೧೧. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ಚತ್ತಾರಿ, ನಅನನ್ತರೇ ತೀಣಿ…ಪೇ॰… ನಉಪನಿಸ್ಸಯೇ ತೀಣಿ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ನವ, ನಆಸೇವನೇ ಏಕಂ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೪. ನಿಸ್ಸಯವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

೩೧೨. ನಿಯ್ಯಾನಿಕಂ ಧಮ್ಮಂ ಸಂಸಟ್ಠೋ ನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಿಯ್ಯಾನಿಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ಅನಿಯ್ಯಾನಿಕಂ ಧಮ್ಮಂ ಸಂಸಟ್ಠೋ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅನಿಯ್ಯಾನಿಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

ಹೇತುಯಾ ದ್ವೇ, ಆರಮ್ಮಣೇ ದ್ವೇ (ಸಬ್ಬತ್ಥ ದ್ವೇ), ವಿಪಾಕೇ ಏಕಂ…ಪೇ॰… ಅವಿಗತೇ ದ್ವೇ (ಅನುಲೋಮಂ)।

ನಹೇತುಯಾ ಏಕಂ, ನಅಧಿಪತಿಯಾ ದ್ವೇ, ನಪುರೇಜಾತೇ ದ್ವೇ, ನಪಚ್ಛಾಜಾತೇ ದ್ವೇ, ನಆಸೇವನೇ ಏಕಂ, ನಕಮ್ಮೇ ದ್ವೇ, ನವಿಪಾಕೇ ದ್ವೇ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ದ್ವೇ (ಪಚ್ಚನೀಯಂ)।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೩೧೩. ನಿಯ್ಯಾನಿಕೋ ಧಮ್ಮೋ ನಿಯ್ಯಾನಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನಿಯ್ಯಾನಿಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ನಿಯ್ಯಾನಿಕಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ನಿಯ್ಯಾನಿಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

ಅನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅನಿಯ್ಯಾನಿಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ ; ಪಟಿಸನ್ಧಿಕ್ಖಣೇ…ಪೇ॰…। (೧)

ಆರಮ್ಮಣಪಚ್ಚಯೋ

೩೧೪. ನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಚೇತೋಪರಿಯಞಾಣೇನ ನಿಯ್ಯಾನಿಕಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ನಿಯ್ಯಾನಿಕಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ಅನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ…ಪೇ॰… ಅರಿಯಾ ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ಪಹೀನೇ ಕಿಲೇಸೇ…ಪೇ॰… ವಿಕ್ಖಮ್ಭಿತೇ…ಪೇ॰… ಪುಬ್ಬೇ ಸಮುದಾಚಿಣ್ಣೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ಅನಿಯ್ಯಾನಿಕೇ ಖನ್ಧೇ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ಅನಿಯ್ಯಾನಿಕಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ॰… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ॰… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰… ಅನಿಯ್ಯಾನಿಕಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ।

ಅನಿಯ್ಯಾನಿಕೋ ಧಮ್ಮೋ ನಿಯ್ಯಾನಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ನಿಬ್ಬಾನಂ ಮಗ್ಗಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ। (೨)

ಅಧಿಪತಿಪಚ್ಚಯೋ

೩೧೫. ನಿಯ್ಯಾನಿಕೋ ಧಮ್ಮೋ ನಿಯ್ಯಾನಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ನಿಯ್ಯಾನಿಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। ನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ। ಸಹಜಾತಾಧಿಪತಿ – ನಿಯ್ಯಾನಿಕಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ನಿಯ್ಯಾನಿಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೩೧೬. ಅನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ ವುಟ್ಠಹಿತ್ವಾ…ಪೇ॰… ಅರಿಯಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ , ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಅನಿಯ್ಯಾನಿಕೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ಅನಿಯ್ಯಾನಿಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। ಅನಿಯ್ಯಾನಿಕೋ ಧಮ್ಮೋ ನಿಯ್ಯಾನಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ನಿಬ್ಬಾನಂ ಮಗ್ಗಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। (೨)

ಅನನ್ತರಪಚ್ಚಯಾದಿ

೩೧೭. ನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಮಗ್ಗೋ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೧)

ಅನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅನಿಯ್ಯಾನಿಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅನಿಯ್ಯಾನಿಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಫಲಂ ಫಲಸ್ಸ… ಅನುಲೋಮಂ ಫಲಸಮಾಪತ್ತಿಯಾ … ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। ಅನಿಯ್ಯಾನಿಕೋ ಧಮ್ಮೋ ನಿಯ್ಯಾನಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ಗೋತ್ರಭು ಮಗ್ಗಸ್ಸ; ವೋದಾನಂ ಮಗ್ಗಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಪಞ್ಚ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ದ್ವೇ… ನಿಸ್ಸಯಪಚ್ಚಯೇನ ಪಚ್ಚಯೋ… ಸತ್ತ।

ಉಪನಿಸ್ಸಯಪಚ್ಚಯೋ

೩೧೮. ನಿಯ್ಯಾನಿಕೋ ಧಮ್ಮೋ ನಿಯ್ಯಾನಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ॰… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ , ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಅರಿಯಾ ಮಗ್ಗಂ ಉಪನಿಸ್ಸಾಯ ಅನುಪ್ಪನ್ನಂ ಸಮಾಪತ್ತಿಂ ಉಪ್ಪಾದೇನ್ತಿ, ಉಪ್ಪನ್ನಂ ಸಮಾಪಜ್ಜನ್ತಿ, ಸಙ್ಖಾರೇ ಅನಿಚ್ಚತೋ…ಪೇ॰… ವಿಪಸ್ಸನ್ತಿ, ಮಗ್ಗೋ ಅರಿಯಾನಂ ಅತ್ಥಪಟಿಸಮ್ಭಿದಾಯ…ಪೇ॰… ಪಟಿಭಾನಪಟಿಸಮ್ಭಿದಾಯ ಠಾನಾಠಾನಕೋಸಲ್ಲಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ, ಮಗ್ಗೋ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

೩೧೯. ಅನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಅನಿಯ್ಯಾನಿಕಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ…ಪೇ॰… ಉಪೋಸಥಕಮ್ಮಂ ಕರೋತಿ, ಝಾನಂ ಉಪ್ಪಾದೇತಿ… ವಿಪಸ್ಸನಂ… ಅಭಿಞ್ಞಂ… ಸಮಾಪತ್ತಿಂ ಉಪ್ಪಾದೇತಿ… ಮಾನಂ ಜಪ್ಪೇತಿ… ದಿಟ್ಠಿಂ ಗಣ್ಹಾತಿ; ಅನಿಯ್ಯಾನಿಕಂ ಸೀಲಂ…ಪೇ॰… ಪಞ್ಞಂ… ರಾಗಂ…ಪೇ॰… ಪತ್ಥನಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಅನಿಯ್ಯಾನಿಕಾ ಸದ್ಧಾ…ಪೇ॰… ಸೇನಾಸನಂ ಅನಿಯ್ಯಾನಿಕಾಯ ಸದ್ಧಾಯ…ಪೇ॰… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಅನಿಯ್ಯಾನಿಕೋ ಧಮ್ಮೋ ನಿಯ್ಯಾನಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪಠಮಸ್ಸ ಮಗ್ಗಸ್ಸ ಪರಿಕಮ್ಮಂ ಪಠಮಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ॰… ಚತುತ್ಥಸ್ಸ ಮಗ್ಗಸ್ಸ ಪರಿಕಮ್ಮಂ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಪುರೇಜಾತಪಚ್ಚಯಾದಿ

೩೨೦. ಅನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ… ದ್ವೇ (ಅರೂಪದುಕಸದಿಸಾ ಕಾತಬ್ಬಾ)… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ದ್ವೇ… ಆಸೇವನಪಚ್ಚಯೇನ ಪಚ್ಚಯೋ… ದ್ವೇ।

ಕಮ್ಮಪಚ್ಚಯೋ

೩೨೧. ನಿಯ್ಯಾನಿಕೋ ಧಮ್ಮೋ ನಿಯ್ಯಾನಿಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ನಿಯ್ಯಾನಿಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ನಿಯ್ಯಾನಿಕಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ನಿಯ್ಯಾನಿಕಾ ಚೇತನಾ ಫಲಸ್ಸ ಕಮ್ಮಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ನಿಯ್ಯಾನಿಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

೩೨೨. ಅನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ (ಸಂಖಿತ್ತಂ)। ನಾನಾಕ್ಖಣಿಕಾ – ಅನಿಯ್ಯಾನಿಕಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ… ವಿಪಾಕಪಚ್ಚಯೇನ ಪಚ್ಚಯೋ… ಏಕಂಯೇವ… ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಚತ್ತಾರಿ… ಝಾನಪಚ್ಚಯೇನ ಪಚ್ಚಯೋ… ಚತ್ತಾರಿ… ಮಗ್ಗಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ದ್ವೇ… ವಿಪ್ಪಯುತ್ತಪಚ್ಚಯೇನ ಪಚ್ಚಯೋ… ತೀಣಿ (ಅರೂಪದುಕಸದಿಸಾ ಕಾತಬ್ಬಾ)… ಅತ್ಥಿಪಚ್ಚಯೇನ ಪಚ್ಚಯೋ… ಸತ್ತ (ಅರೂಪದುಕಸದಿಸಾ ಕಾತಬ್ಬಾ, ಆಮಸನಾ ನಾನಾಪದಾಯೇವ)… ನತ್ಥಿಪಚ್ಚಯೇನ ಪಚ್ಚಯೋ… ತೀಣಿ… ವಿಗತಪಚ್ಚಯೇನ ಪಚ್ಚಯೋ… ತೀಣಿ… ಅವಿಗತಪಚ್ಚಯೇನ ಪಚ್ಚಯೋ… ಸತ್ತ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೩೨೩. ಹೇತುಯಾ ಚತ್ತಾರಿ, ಆರಮ್ಮಣೇ ತೀಣಿ, ಅಧಿಪತಿಯಾ ಪಞ್ಚ, ಅನನ್ತರೇ ತೀಣಿ, ಸಮನನ್ತರೇ ತೀಣಿ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಪಚ್ಛಾಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ಚತ್ತಾರಿ, ವಿಪಾಕೇ ಏಕಂ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ನತ್ಥಿಯಾ ತೀಣಿ, ವಿಗತೇ ತೀಣಿ, ಅವಿಗತೇ ಸತ್ತ।

ಅನುಲೋಮಂ।

ಪಚ್ಚನೀಯುದ್ಧಾರೋ

೩೨೪. ನಿಯ್ಯಾನಿಕೋ ಧಮ್ಮೋ ನಿಯ್ಯಾನಿಕಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। ನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। ನಿಯ್ಯಾನಿಕೋ ಧಮ್ಮೋ ನಿಯ್ಯಾನಿಕಸ್ಸ ಚ ಅನಿಯ್ಯಾನಿಕಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ। (೩)

೩೨೫. ಅನಿಯ್ಯಾನಿಕೋ ಧಮ್ಮೋ ಅನಿಯ್ಯಾನಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। ಅನಿಯ್ಯಾನಿಕೋ ಧಮ್ಮೋ ನಿಯ್ಯಾನಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

ನಿಯ್ಯಾನಿಕೋ ಚ ಅನಿಯ್ಯಾನಿಕೋ ಚ ಧಮ್ಮಾ ನಿಯ್ಯಾನಿಕಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ। ನಿಯ್ಯಾನಿಕೋ ಚ ಅನಿಯ್ಯಾನಿಕೋ ಚ ಧಮ್ಮಾ ಅನಿಯ್ಯಾನಿಕಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। (೩)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೩೨೬. ನಹೇತುಯಾ ಸತ್ತ, ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತ, ನಅನನ್ತರೇ ನಸಮನನ್ತರೇ ಸತ್ತ, ನಸಹಜಾತೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನನಿಸ್ಸಯೇ ಪಞ್ಚ, ನಉಪನಿಸ್ಸಯೇ ಸತ್ತ, ನಪುರೇಜಾತೇ ಛ, ನಪಚ್ಛಾಜಾತೇ ಸತ್ತ…ಪೇ॰… ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ಚತ್ತಾರಿ, ನೋಅತ್ಥಿಯಾ ಚತ್ತಾರಿ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ, ನೋಅವಿಗತೇ ಚತ್ತಾರಿ।

೩. ಪಚ್ಚಯಾನುಲೋಮಪಚ್ಚನೀಯಂ

೩೨೭. ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ, ನಅಧಿಪತಿಯಾ ಚತ್ತಾರಿ, ನಅನನ್ತರೇ ನಸಮನನ್ತರೇ ಚತ್ತಾರಿ, ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಚತ್ತಾರಿ …ಪೇ॰… ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ಚತ್ತಾರಿ, ನೋವಿಗತೇ ಚತ್ತಾರಿ।

೪. ಪಚ್ಚಯಪಚ್ಚನೀಯಾನುಲೋಮಂ

೩೨೮. ನಹೇತುಪಚ್ಚಯಾ ಆರಮ್ಮಣೇ ತೀಣಿ, ಅಧಿಪತಿಯಾ ಪಞ್ಚ (ಅನುಲೋಮಮಾತಿಕಾ ವಿತ್ಥಾರೇತಬ್ಬಾ)…ಪೇ॰… ಅವಿಗತೇ ಸತ್ತ।

ನಿಯ್ಯಾನಿಕದುಕಂ ನಿಟ್ಠಿತಂ।

೯೮. ನಿಯತದುಕಂ

೧-೬. ಪಟಿಚ್ಚವಾರಾದಿ

೩೨೯. ನಿಯತಂ ಧಮ್ಮಂ ಪಟಿಚ್ಚ ನಿಯತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಿಯತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। ನಿಯತಂ ಧಮ್ಮಂ ಪಟಿಚ್ಚ ಅನಿಯತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಿಯತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ (ಸಂಖಿತ್ತಂ। ಪಞ್ಚಪಿ ಪಞ್ಹಾ ಕಾತಬ್ಬಾ। ಯಥಾ ನಿಯ್ಯಾನಿಕದುಕಂ ಏವಂ ಪಟಿಚ್ಚವಾರೋಪಿ ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಕಾತಬ್ಬಾ, ನಿನ್ನಾನಾಕರಣಂ ಆಮಸನಂ ನಾನಂ)।

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೩೩೦. ನಿಯತೋ ಧಮ್ಮೋ ನಿಯತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ಚತ್ತಾರಿ (ನಿಯ್ಯಾನಿಕದುಕಸದಿಸಾ ನಿನ್ನಾನಾಕರಣಾ)।

ಆರಮ್ಮಣಪಚ್ಚಯೋ

೩೩೧. ನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ನಿಯತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ…ಪೇ॰… ನಿಯತೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ, ಚೇತೋಪರಿಯಞಾಣೇನ ನಿಯತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ನಿಯತಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ಅನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಅನಿಯತೋ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ…ಪೇ॰… ಅನಿಯತಂ ದೋಮನಸ್ಸಂ ಉಪ್ಪಜ್ಜತಿ, ಅರಿಯಾ ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ , ವೋದಾನಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ಅನಿಯತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ ಸಮುದಾಚಿಣ್ಣೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ಅನಿಯತೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಅನಿಯತೋ ರಾಗೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ॰… ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। ಅನಿಯತೋ ಧಮ್ಮೋ ನಿಯತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ; ನಿಬ್ಬಾನಂ ಮಗ್ಗಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ; ರೂಪಜೀವಿತಿನ್ದ್ರಿಯಂ ಮಾತುಘಾತಿಕಮ್ಮಸ್ಸ… ಪಿತುಘಾತಿಕಮ್ಮಸ್ಸ… ಅರಹನ್ತಘಾತಿಕಮ್ಮಸ್ಸ… ರುಹಿರುಪ್ಪಾದಕಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ; ಯಂ ವತ್ಥುಂ ಆಮಸನ್ತಸ್ಸ ಮಿಚ್ಛತ್ತನಿಯತಾ ಖನ್ಧಾ ಉಪ್ಪಜ್ಜನ್ತಿ, ತಂ ವತ್ಥು ಮಿಚ್ಛತ್ತನಿಯತಾನಂ ಖನ್ಧಾನಂ ಆರಮ್ಮಣಪಚ್ಚಯೇನ ಪಚ್ಚಯೋ। (೨)

ಅಧಿಪತಿಪಚ್ಚಯೋ

೩೩೨. ನಿಯತೋ ಧಮ್ಮೋ ನಿಯತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ನಿಯತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। ನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ। ಸಹಜಾತಾಧಿಪತಿ – ನಿಯತಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। ನಿಯತೋ ಧಮ್ಮೋ ನಿಯತಸ್ಸ ಚ ಅನಿಯತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ನಿಯತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೩೩೩. ಅನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಅನಿಯತೋ ರಾಗೋ ಉಪ್ಪಜ್ಜತಿ… ದಿಟ್ಠಿ ಉಪ್ಪಜ್ಜತಿ; ಪುಬ್ಬೇ…ಪೇ॰… ಝಾನಾ…ಪೇ॰… ಅರಿಯಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಅನಿಯತೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಅನಿಯತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ಅನಿಯತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। ಅನಿಯತೋ ಧಮ್ಮೋ ನಿಯತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ನಿಬ್ಬಾನಂ ಮಗ್ಗಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। (೨)

ಅನನ್ತರಪಚ್ಚಯಾದಿ

೩೩೪. ನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಮಗ್ಗೋ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ, ನಿಯತಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೧)

ಅನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅನಿಯತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅನಿಯತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಫಲಂ ಫಲಸ್ಸ… ಅನುಲೋಮಂ ಫಲಸಮಾಪತ್ತಿಯಾ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। ಅನಿಯತೋ ಧಮ್ಮೋ ನಿಯತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಅನಿಯತಂ ದೋಮನಸ್ಸಂ ನಿಯತಸ್ಸ ದೋಮನಸ್ಸಸ್ಸ, ಅನಿಯತಾ ಮಿಚ್ಛಾದಿಟ್ಠಿ ನಿಯತಮಿಚ್ಛಾದಿಟ್ಠಿಯಾ ಅನನ್ತರಪಚ್ಚಯೇನ ಪಚ್ಚಯೋ; ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಪಞ್ಚ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ದ್ವೇ… ನಿಸ್ಸಯಪಚ್ಚಯೇನ ಪಚ್ಚಯೋ… ಸತ್ತ।

ಉಪನಿಸ್ಸಯಪಚ್ಚಯೋ

೩೩೫. ನಿಯತೋ ಧಮ್ಮೋ ನಿಯತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಪಕತೂಪನಿಸ್ಸಯೋ – ಮಾತುಘಾತಿಕಮ್ಮಂ ಮಾತುಘಾತಿಕಮ್ಮಸ್ಸ… ಪಿತುಘಾತಿಕಮ್ಮಸ್ಸ… ಅರಹನ್ತಘಾತಿಕಮ್ಮಸ್ಸ… ರುಹಿರುಪ್ಪಾದಕಮ್ಮಸ್ಸ… ಸಙ್ಘಭೇದಕಮ್ಮಸ್ಸ, ನಿಯತಮಿಚ್ಛಾದಿಟ್ಠಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ಚಕ್ಕಂ)। ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ…ಪೇ॰… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಮಾತರಂ ಜೀವಿತಾ ವೋರೋಪೇತ್ವಾ…ಪೇ॰… ಸಙ್ಘಂ ಭಿನ್ದಿತ್ವಾ ತಸ್ಸ ಪಟಿಘಾತತ್ಥಾಯ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ, ಅರಿಯಾ ಮಗ್ಗಂ ಉಪನಿಸ್ಸಾಯ ಅನುಪ್ಪನ್ನಂ ಸಮಾಪತ್ತಿಂ ಉಪ್ಪಾದೇನ್ತಿ, ಉಪ್ಪನ್ನಂ ಸಮಾಪಜ್ಜನ್ತಿ…ಪೇ॰… ಠಾನಾಠಾನಕೋಸಲ್ಲಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ಮಗ್ಗೋ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

೩೩೬. ಅನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಅನಿಯತಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ…ಪೇ॰… ಉಪೋಸಥಕಮ್ಮಂ ಕರೋತಿ, ಝಾನಂ ಉಪ್ಪಾದೇತಿ, ವಿಪಸ್ಸನಂ…ಪೇ॰… ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ… ದಿಟ್ಠಿಂ ಗಣ್ಹಾತಿ; ಅನಿಯತಂ ಸೀಲಂ…ಪೇ॰… ಪಞ್ಞಂ… ರಾಗಂ…ಪೇ॰… ಪತ್ಥನಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ॰… ನಿಗಮಘಾತಂ ಕರೋತಿ, ಅನಿಯತಾ ಸದ್ಧಾ…ಪೇ॰… ಸೇನಾಸನಂ ಅನಿಯತಾಯ ಸದ್ಧಾಯ…ಪೇ॰… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಅನಿಯತೋ ಧಮ್ಮೋ ನಿಯತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಅನಿಯತಂ ರಾಗಂ ಉಪನಿಸ್ಸಾಯ ಮಾತರಂ ಜೀವಿತಾ ವೋರೋಪೇತಿ…ಪೇ॰… ಸಙ್ಘಂ ಭಿನ್ದತಿ; ಅನಿಯತಂ ದೋಸಂ…ಪೇ॰… ಸೇನಾಸನಂ ಉಪನಿಸ್ಸಾಯ ಮಾತರಂ ಜೀವಿತಾ ವೋರೋಪೇತಿ…ಪೇ॰… ಸಙ್ಘಂ ಭಿನ್ದತಿ; ಅನಿಯತೋ ರಾಗೋ… ದೋಸಂ…ಪೇ॰… ಸೇನಾಸನಂ ಮಾತುಘಾತಿಕಮ್ಮಸ್ಸ…ಪೇ॰… ಸಙ್ಘಭೇದಕಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ಪಠಮಸ್ಸ ಮಗ್ಗಸ್ಸ ಪರಿಕಮ್ಮಂ ಪಠಮಸ್ಸ ಮಗ್ಗಸ್ಸ…ಪೇ॰… ಚತುತ್ಥಸ್ಸ ಮಗ್ಗಸ್ಸ ಪರಿಕಮ್ಮಂ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಪುರೇಜಾತಪಚ್ಚಯಾದಿ

೩೩೭. ಅನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ (ಸಂಖಿತ್ತಂ)। ಅನಿಯತೋ ಧಮ್ಮೋ ನಿಯತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ , ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ರೂಪಜೀವಿತಿನ್ದ್ರಿಯಂ ಮಾತುಘಾತಿಕಮ್ಮಸ್ಸ… ಪಿತುಘಾತಿಕಮ್ಮಸ್ಸ… ಅರಹನ್ತಘಾತಿಕಮ್ಮಸ್ಸ… ರುಹಿರುಪ್ಪಾದಕಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ। ವತ್ಥುಪುರೇಜಾತಂ – ವತ್ಥು ನಿಯತಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

ಪಚ್ಛಾಜಾತಪಚ್ಚಯೇನ ಪಚ್ಚಯೋ… ದ್ವೇ… ಆಸೇವನಪಚ್ಚಯೇನ ಪಚ್ಚಯೋ… ದ್ವೇ।

ಕಮ್ಮಪಚ್ಚಯೋ

೩೩೮. ನಿಯತೋ ಧಮ್ಮೋ ನಿಯತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ನಿಯತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ನಿಯತಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ನಿಯತಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ನಿಯತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

ಅನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ (ಸಂಖಿತ್ತಂ)।

ವಿಪಾಕಪಚ್ಚಯೇನ ಪಚ್ಚಯೋ… ಏಕಂ… ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಚತ್ತಾರಿ… ಝಾನಪಚ್ಚಯೇನ ಪಚ್ಚಯೋ… ಚತ್ತಾರಿ… ಮಗ್ಗಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ದ್ವೇ… ವಿಪ್ಪಯುತ್ತಪಚ್ಚಯೇನ ಪಚ್ಚಯೋ… ತೀಣಿ (ಅರೂಪದುಕಸದಿಸಂ)… ಅತ್ಥಿಪಚ್ಚಯೇನ ಪಚ್ಚಯೋ… ಸತ್ತ (ಅರೂಪಾವಚರದುಕಸದಿಸಂ)… ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ… ಸತ್ತ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೩೩೯. ಹೇತುಯಾ ಚತ್ತಾರಿ, ಆರಮ್ಮಣೇ ತೀಣಿ, ಅಧಿಪತಿಯಾ ಪಞ್ಚ, ಅನನ್ತರೇ ತೀಣಿ, ಸಮನನ್ತರೇ ತೀಣಿ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಪಚ್ಛಾಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ಚತ್ತಾರಿ, ವಿಪಾಕೇ ಏಕಂ, ಆಹಾರೇ ಚತ್ತಾರಿ, ಇನ್ದ್ರಿಯೇ ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ನತ್ಥಿಯಾ ತೀಣಿ, ವಿಗತೇ ತೀಣಿ, ಅವಿಗತೇ ಸತ್ತ।

೨. ಪಚ್ಚನೀಯುದ್ಧಾರೋ

೩೪೦. ನಿಯತೋ ಧಮ್ಮೋ ನಿಯತಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। ನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। ನಿಯತೋ ಧಮ್ಮೋ ನಿಯತಸ್ಸ ಚ ಅನಿಯತಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ। (೩)

೩೪೧. ಅನಿಯತೋ ಧಮ್ಮೋ ಅನಿಯತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। ಅನಿಯತೋ ಧಮ್ಮೋ ನಿಯತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

ನಿಯತೋ ಚ ಅನಿಯತೋ ಚ ಧಮ್ಮಾ ನಿಯತಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ। ನಿಯತೋ ಚ ಅನಿಯತೋ ಚ ಧಮ್ಮಾ ಅನಿಯತಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। (೨)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೩೪೨. ನಹೇತುಯಾ ಸತ್ತ, ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತ, ನಅನನ್ತರೇ ನಸಮನನ್ತರೇ ಸತ್ತ, ನಸಹಜಾತೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನನಿಸ್ಸಯೇ ಪಞ್ಚ, ನಉಪನಿಸ್ಸಯೇ ಸತ್ತ, ನಪುರೇಜಾತೇ ಛ, ನಪಚ್ಛಾಜಾತೇ ಸತ್ತ…ಪೇ॰… ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ಚತ್ತಾರಿ, ನೋಅತ್ಥಿಯಾ ಚತ್ತಾರಿ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ, ನೋಅವಿಗತೇ ಚತ್ತಾರಿ।

೩. ಪಚ್ಚಯಾನುಲೋಮಪಚ್ಚನೀಯಂ

೩೪೩. ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ, ನಅಧಿಪತಿಯಾ ಚತ್ತಾರಿ, ನಅನನ್ತರೇ ನಸಮನನ್ತರೇ ಚತ್ತಾರಿ , ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಚತ್ತಾರಿ…ಪೇ॰… ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ಚತ್ತಾರಿ, ನೋವಿಗತೇ ಚತ್ತಾರಿ।

೪. ಪಚ್ಚಯಪಚ್ಚನೀಯಾನುಲೋಮಂ

೩೪೪. ನಹೇತುಪಚ್ಚಯಾ ಆರಮ್ಮಣೇ ತೀಣಿ, ಅಧಿಪತಿಯಾ ಪಞ್ಚ (ಅನುಲೋಮಮಾತಿಕಾ ವಿತ್ಥಾರೇತಬ್ಬಾ)…ಪೇ॰… ಅವಿಗತೇ ಸತ್ತ।

ನಿಯತದುಕಂ ನಿಟ್ಠಿತಂ।

೯೯. ಸಉತ್ತರದುಕಂ

೧-೭. ಪಟಿಚ್ಚವಾರಾದಿ

೩೪೫. ಸಉತ್ತರಂ ಧಮ್ಮಂ ಪಟಿಚ್ಚ ಸಉತ್ತರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಉತ್ತರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (ಯಾವ ಅಜ್ಝತ್ತಿಕಾ ಮಹಾಭೂತಾ। ಯಥಾ ಚೂಳನ್ತರದುಕೇ ಲೋಕಿಯದುಕಸದಿಸಂ ನಿನ್ನಾನಾಕರಣಂ।)

ಸಉತ್ತರದುಕಂ ನಿಟ್ಠಿತಂ।

೧೦೦. ಸರಣದುಕಂ

೧. ಪಟಿಚ್ಚವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೩೪೬. ಸರಣಂ ಧಮ್ಮಂ ಪಟಿಚ್ಚ ಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸರಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (ಪಞ್ಚ ಪಞ್ಹಾ ಅರೂಪಾವಚರದುಕಸದಿಸಾ, ಅನುಲೋಮಪಟಿಚ್ಚಸದಿಸಾ।)

ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅಧಿಪತಿಯಾ ಪಞ್ಚ…ಪೇ॰… ಅವಿಗತೇ ಪಞ್ಚ।

ಅನುಲೋಮಂ।

ಸರಣಂ ಧಮ್ಮಂ ಪಟಿಚ್ಚ ಸರಣೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ಅರಣಂ ಧಮ್ಮಂ ಪಟಿಚ್ಚ ಅರಣೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅರಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ)। (೧)

ನಹೇತುಯಾ ದ್ವೇ, ನಆರಮ್ಮಣೇ ತೀಣಿ, ನಅಧಿಪತಿಯಾ ಪಞ್ಚ, ನಅನನ್ತರೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ಪಞ್ಚ, ನಆಸೇವನೇ ಪಞ್ಚ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

ಪಚ್ಚನೀಯಂ।

೨. ಸಹಜಾತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಹಜಾತವಾರೋಪಿ ಕಾತಬ್ಬೋ।)

೩. ಪಚ್ಚಯವಾರೋ

೧-೪. ಪಚ್ಚಯಚತುಕ್ಕಂ

೩೪೭. ಸರಣಂ ಧಮ್ಮಂ ಪಚ್ಚಯಾ ಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸರಣಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… (ಯಥಾ ಅರೂಪಾವಚರದುಕಸ್ಸ ಪಚ್ಚಯವಾರೋಪಿ ಏವಂ ಕಾತಬ್ಬೋ)।

ಹೇತುಯಾ ನವ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ನವ…ಪೇ॰… ಅವಿಗತೇ ನವ।

ಅನುಲೋಮಂ।

೩೪೮. ಸರಣಂ ಧಮ್ಮಂ ಪಚ್ಚಯಾ ಸರಣೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ಅರಣಂ ಧಮ್ಮಂ ಪಚ್ಚಯಾ ಅರಣೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅರಣಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ಖನ್ಧಾ। ಅರಣಂ ಧಮ್ಮಂ ಪಚ್ಚಯಾ ಸರಣೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವತ್ಥುಂ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೨)

ಸರಣಞ್ಚ ಅರಣಞ್ಚ ಧಮ್ಮಂ ಪಚ್ಚಯಾ ಸರಣೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ನಹೇತುಯಾ ಚತ್ತಾರಿ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

ಪಚ್ಚನೀಯಂ।

೪-೫. ನಿಸ್ಸಯ-ಸಂಸಟ್ಠವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ, ಸಂಸಟ್ಠವಾರೇಪಿ ದ್ವೇ ಪಞ್ಹಾ ಕಾತಬ್ಬಾ ಸಬ್ಬತ್ಥ।)

ಹೇತುಯಾ ದ್ವೇ, ಆರಮ್ಮಣೇ ದ್ವೇ (ಸಬ್ಬತ್ಥ ದ್ವೇ), ವಿಪಾಕೇ ಏಕಂ, ಅವಿಗತೇ ದ್ವೇ (ಅನುಲೋಮಂ)।

ನಹೇತುಯಾ ದ್ವೇ, ನಅಧಿಪತಿಯಾ ದ್ವೇ, ನಪುರೇಜಾತೇ ದ್ವೇ, ನಪಚ್ಛಾಜಾತೇ ದ್ವೇ, ನಆಸೇವನೇ ದ್ವೇ, ನಕಮ್ಮೇ ದ್ವೇ, ನವಿಪಾಕೇ ದ್ವೇ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ದ್ವೇ (ಪಚ್ಚನೀಯಂ)।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೩೪೯. ಸರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಅರೂಪದುಕಸದಿಸಂ, ಚತ್ತಾರಿ)।

ಆರಮ್ಮಣಪಚ್ಚಯೋ

೩೫೦. ಸರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ರಾಗಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ…ಪೇ॰… ದೋಮನಸ್ಸಂ ಉಪ್ಪಜ್ಜತಿ, ದಿಟ್ಠಿಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ, ವಿಚಿಕಿಚ್ಛಂ ಆರಬ್ಭ …ಪೇ॰… ಉದ್ಧಚ್ಚಂ ಆರಬ್ಭ…ಪೇ॰… ದೋಮನಸ್ಸಂ ಆರಬ್ಭ ದೋಮನಸ್ಸಂ ಉಪ್ಪಜ್ಜತಿ, ದಿಟ್ಠಿ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ ಉಪ್ಪಜ್ಜತಿ। ಸರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಪಹೀನೇ ಕಿಲೇಸೇ…ಪೇ॰… ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ ಸಮುದಾಚಿಣ್ಣೇ…ಪೇ॰… ಸರಣೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ, ಚೇತೋಪರಿಯಞಾಣೇನ ಸರಣಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ। ಸರಣಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೨)

೩೫೧. ಅರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ; ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ…ಪೇ॰… ಝಾನಾ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ…ಪೇ॰… ನಿಬ್ಬಾನಂ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ , ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। ಚಕ್ಖುಂ…ಪೇ॰… ವತ್ಥುಂ ಅರಣೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ …ಪೇ॰… ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। ಅರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ॰… ಪುಬ್ಬೇ…ಪೇ॰… ಝಾನಾ…ಪೇ॰… ಚಕ್ಖುಂ…ಪೇ॰… ವತ್ಥುಂ, ಅರಣೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ। (೨)

ಅಧಿಪತಿಪಚ್ಚಯೋ

೩೫೨. ಸರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ರಾಗಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ… ದಿಟ್ಠಿ ಉಪ್ಪಜ್ಜತಿ; ದಿಟ್ಠಿಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ। ಸಹಜಾತಾಧಿಪತಿ – ಸರಣಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। ಸರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಸರಣಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। ಸರಣೋ ಧಮ್ಮೋ ಸರಣಸ್ಸ ಚ ಅರಣಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಸರಣಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೩೫೩. ಅರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ …ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪುಬ್ಬೇ…ಪೇ॰… ಝಾನಾ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಫಲಂ…ಪೇ॰… ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಅರಣಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। ಅರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ… ದಿಟ್ಠಿ ಉಪ್ಪಜ್ಜತಿ; ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ…ಪೇ॰… ಚಕ್ಖುಂ…ಪೇ॰… ವತ್ಥುಂ, ಅರಣೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ… ದಿಟ್ಠಿ ಉಪ್ಪಜ್ಜತಿ। (೨)

ಅನನ್ತರಪಚ್ಚಯಾದಿ

೩೫೪. ಸರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸರಣಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸರಣಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। ಸರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಸರಣಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

೩೫೫. ಅರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅರಣಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅರಣಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ॰… ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। ಅರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಆವಜ್ಜನಾ ಸರಣಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೨)

ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಪಞ್ಚ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ದ್ವೇ… ನಿಸ್ಸಯಪಚ್ಚಯೇನ ಪಚ್ಚಯೋ… ಸತ್ತ।

ಉಪನಿಸ್ಸಯಪಚ್ಚಯೋ

೩೫೬. ಸರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ರಾಗಂ ಉಪನಿಸ್ಸಾಯ ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ದೋಸಂ…ಪೇ॰… ಪತ್ಥನಂ ಉಪನಿಸ್ಸಾಯ ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ, ರಾಗೋ…ಪೇ॰… ಪತ್ಥನಾ ರಾಗಸ್ಸ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಸರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ರಾಗಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ…ಪೇ॰… ಉಪೋಸಥಕಮ್ಮಂ ಕರೋತಿ, ಝಾನಂ ಉಪ್ಪಾದೇತಿ, ವಿಪಸ್ಸನಂ…ಪೇ॰… ಮಗ್ಗಂ…ಪೇ॰… ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ದೋಸಂ…ಪೇ॰… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ರಾಗೋ…ಪೇ॰… ಪತ್ಥನಾ ಸದ್ಧಾಯ…ಪೇ॰… ಪಞ್ಞಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ… ಮಗ್ಗಸ್ಸ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

೩೫೭. ಅರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ , ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ಸೀಲಂ…ಪೇ॰… ಪಞ್ಞಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ; ಸದ್ಧಾ …ಪೇ॰… ಸೇನಾಸನಂ ಸದ್ಧಾಯ…ಪೇ॰… ಪಞ್ಞಾಯ… ಕಾಯಿಕಸ್ಸ ಸುಖಸ್ಸ… ಕಾಯಿಕಸ್ಸ ದುಕ್ಖಸ್ಸ… ಮಗ್ಗಸ್ಸ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಅರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಸದ್ಧಾ…ಪೇ॰… ಸೇನಾಸನಂ ರಾಗಸ್ಸ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಪುರೇಜಾತಪಚ್ಚಯಾದಿ

೩೫೮. ಅರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ವಿಪಸ್ಸತಿ…ಪೇ॰… ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰…। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ …ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ॰… ವತ್ಥು ಅರಣಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। ಅರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ। ವತ್ಥುಪುರೇಜಾತಂ – ವತ್ಥು ಸರಣಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

ಪಚ್ಛಾಜಾತಪಚ್ಚಯೇನ ಪಚ್ಚಯೋ… ದ್ವೇ… ಆಸೇವನಪಚ್ಚಯೇನ ಪಚ್ಚಯೋ… ದ್ವೇ।

ಕಮ್ಮಪಚ್ಚಯೋ

೩೫೯. ಸರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸರಣಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ಸರಣಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ಸರಣಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) ಸರಣಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

ಅರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – (ಸಂಖಿತ್ತಂ)। (೧)

ವಿಪಾಕಪಚ್ಚಯೇನ ಪಚ್ಚಯೋ… ಏಕಂ… ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಚತ್ತಾರಿ… ಝಾನಪಚ್ಚಯೇನ ಪಚ್ಚಯೋ… ಚತ್ತಾರಿ… ಮಗ್ಗಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ದ್ವೇ… ವಿಪ್ಪಯುತ್ತಪಚ್ಚಯೇನ ಪಚ್ಚಯೋ… ತೀಣಿ (ಅರೂಪದುಕಸದಿಸಾ)।

ಅತ್ಥಿಪಚ್ಚಯೋ

೩೬೦. ಸರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। ಸರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। ಸರಣೋ ಧಮ್ಮೋ ಸರಣಸ್ಸ ಚ ಅರಣಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೩)

೩೬೧. ಅರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। ಅರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪುರೇಜಾತಂ – ಚಕ್ಖುಂ …ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ, ವತ್ಥು ಸರಣಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

ಸರಣೋ ಚ ಅರಣೋ ಚ ಧಮ್ಮಾ ಸರಣಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ಸಂಖಿತ್ತಂ)। ಸರಣೋ ಚ ಅರಣೋ ಚ ಧಮ್ಮಾ ಅರಣಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। ಸಹಜಾತಾ – ಸರಣಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಸರಣಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಸರಣಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೩೬೨. ಹೇತುಯಾ ಚತ್ತಾರಿ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಪಚ್ಛಾಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ಚತ್ತಾರಿ, ವಿಪಾಕೇ ಏಕಂ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ನತ್ಥಿಯಾ ಚತ್ತಾರಿ, ವಿಗತೇ ಚತ್ತಾರಿ, ಅವಿಗತೇ ಸತ್ತ।

ಪಚ್ಚನೀಯುದ್ಧಾರೋ

೩೬೩. ಸರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಸರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। ಸರಣೋ ಧಮ್ಮೋ ಸರಣಸ್ಸ ಚ ಅರಣಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ। (೩)

೩೬೪. ಅರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। ಅರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

ಸರಣೋ ಚ ಅರಣೋ ಚ ಧಮ್ಮಾ ಸರಣಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ। ಸರಣೋ ಚ ಅರಣೋ ಚ ಧಮ್ಮಾ ಅರಣಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। (೨)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೩೬೫. ನಹೇತುಯಾ ಸತ್ತ, ನಸಮನನ್ತರೇ ಸತ್ತ, ನಸಹಜಾತೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನನಿಸ್ಸಯೇ ಪಞ್ಚ, ನಉಪನಿಸ್ಸಯೇ ಸತ್ತ, ನಪುರೇಜಾತೇ ಛ, ನಪಚ್ಛಾಜಾತೇ ಸತ್ತ…ಪೇ॰… ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ಚತ್ತಾರಿ, ನೋಅತ್ಥಿಯಾ ಚತ್ತಾರಿ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ, ನೋಅವಿಗತೇ ಚತ್ತಾರಿ।

೩. ಪಚ್ಚಯಾನುಲೋಮಪಚ್ಚನೀಯಂ

೩೬೬. ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ, ನಅಧಿಪತಿಯಾ ಚತ್ತಾರಿ…ಪೇ॰… ನಸಮನನ್ತರೇ ಚತ್ತಾರಿ, ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಚತ್ತಾರಿ…ಪೇ॰… ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ಚತ್ತಾರಿ , ನೋವಿಗತೇ ಚತ್ತಾರಿ।

೪. ಪಚ್ಚಯಪಚ್ಚನೀಯಾನುಲೋಮಂ

೩೬೭. ನಹೇತುಪಚ್ಚಯಾ ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ, ಅನನ್ತರೇ ಚತ್ತಾರಿ (ಅನುಲೋಮಮಾತಿಕಾ ಗಹೇತಬ್ಬಾ)…ಪೇ॰… ಅವಿಗತೇ ಸತ್ತ।

ಸರಣದುಕಂ ನಿಟ್ಠಿತಂ।

ಪಿಟ್ಠಿದುಕಂ ನಿಟ್ಠಿತಂ।

ಧಮ್ಮಾನುಲೋಮೇ ದುಕಪಟ್ಠಾನಂ ನಿಟ್ಠಿತಂ।

ಧಮ್ಮಾನುಲೋಮೇ ದುಕತಿಕಪಟ್ಠಾನಂ