॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥

ಅಭಿಧಮ್ಮಪಿಟಕೇ

ಯಮಕಪಾಳಿ (ಪಠಮೋ ಭಾಗೋ)

೧. ಮೂಲಯಮಕಂ

(ಕ) ಉದ್ದೇಸೋ

೧. ಮೂಲವಾರೋ

೧. ಕುಸಲಾ ಧಮ್ಮಾ

(೧) ಮೂಲನಯೋ

೧. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲಾ?

(ಖ) ಯೇ ವಾ ಪನ ಕುಸಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾ?

೨. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಏಕಮೂಲಾ?

(ಖ) ಯೇ ವಾ ಪನ ಕುಸಲಮೂಲೇನ ಏಕಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾ?

೩. (ಕ) ಯೇ ಕೇಚಿ ಕುಸಲಮೂಲೇನ ಏಕಮೂಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಅಞ್ಞಮಞ್ಞಮೂಲಾ?

(ಖ) ಯೇ ವಾ ಪನ ಕುಸಲಮೂಲೇನ ಅಞ್ಞಮಞ್ಞಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾ?

(೨) ಮೂಲಮೂಲನಯೋ

೪. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲಮೂಲಾ?

(ಖ) ಯೇ ವಾ ಪನ ಕುಸಲಮೂಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾ?

೫. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಏಕಮೂಲಮೂಲಾ?

(ಖ) ಯೇ ವಾ ಪನ ಕುಸಲಮೂಲೇನ ಏಕಮೂಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾ?

೬. (ಕ) ಯೇ ಕೇಚಿ ಕುಸಲಮೂಲೇನ ಏಕಮೂಲಮೂಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಅಞ್ಞಮಞ್ಞಮೂಲಮೂಲಾ?

(ಖ) ಯೇ ವಾ ಪನ ಕುಸಲಮೂಲೇನ ಅಞ್ಞಮಞ್ಞಮೂಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾ?

(೩) ಮೂಲಕನಯೋ

೭. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲಕಾ?

(ಖ) ಯೇ ವಾ ಪನ ಕುಸಲಮೂಲಕಾ, ಸಬ್ಬೇ ತೇ ಧಮ್ಮಾ ಕುಸಲಾ?

೮. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಏಕಮೂಲಕಾ?

(ಖ) ಯೇ ವಾ ಪನ ಕುಸಲಮೂಲೇನ ಏಕಮೂಲಕಾ, ಸಬ್ಬೇ ತೇ ಧಮ್ಮಾ ಕುಸಲಾ?

೯. (ಕ) ಯೇ ಕೇಚಿ ಕುಸಲಮೂಲೇನ ಏಕಮೂಲಕಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಅಞ್ಞಮಞ್ಞಮೂಲಕಾ?

(ಖ) ಯೇ ವಾ ಪನ ಕುಸಲಮೂಲೇನ ಅಞ್ಞಮಞ್ಞಮೂಲಕಾ, ಸಬ್ಬೇ ತೇ ಧಮ್ಮಾ ಕುಸಲಾ?

(೪) ಮೂಲಮೂಲಕನಯೋ

೧೦. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲಮೂಲಕಾ?

(ಖ) ಯೇ ವಾ ಪನ ಕುಸಲಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಕುಸಲಾ?

೧೧. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಏಕಮೂಲಮೂಲಕಾ?

(ಖ) ಯೇ ವಾ ಪನ ಕುಸಲಮೂಲೇನ ಏಕಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಕುಸಲಾ?

೧೨. (ಕ) ಯೇ ಕೇಚಿ ಕುಸಲಮೂಲೇನ ಏಕಮೂಲಮೂಲಕಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಅಞ್ಞಮಞ್ಞಮೂಲಮೂಲಕಾ?

(ಖ) ಯೇ ವಾ ಪನ ಕುಸಲಮೂಲೇನ ಅಞ್ಞಮಞ್ಞಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಕುಸಲಾ?

೨. ಅಕುಸಲಾ ಧಮ್ಮಾ (೧) ಮೂಲನಯೋ

೧೩. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲಾ?

(ಖ) ಯೇ ವಾ ಪನ ಅಕುಸಲಮೂಲಾ, ಸಬ್ಬೇ ತೇ ಧಮ್ಮಾ ಅಕುಸಲಾ?

೧೪. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಏಕಮೂಲಾ?

(ಖ) ಯೇ ವಾ ಪನ ಅಕುಸಲಮೂಲೇನ ಏಕಮೂಲಾ, ಸಬ್ಬೇ ತೇ ಧಮ್ಮಾ ಅಕುಸಲಾ?

೧೫. (ಕ) ಯೇ ಕೇಚಿ ಅಕುಸಲಮೂಲೇನ ಏಕಮೂಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಅಞ್ಞಮಞ್ಞಮೂಲಾ?

(ಖ) ಯೇ ವಾ ಪನ ಅಕುಸಲಮೂಲೇನ ಅಞ್ಞಮಞ್ಞಮೂಲಾ, ಸಬ್ಬೇ ತೇ ಧಮ್ಮಾ ಅಕುಸಲಾ?

(೨) ಮೂಲಮೂಲನಯೋ

೧೬. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲಮೂಲಾ?

(ಖ) ಯೇ ವಾ ಪನ ಅಕುಸಲಮೂಲಮೂಲಾ, ಸಬ್ಬೇ ತೇ ಧಮ್ಮಾ ಅಕುಸಲಾ?

೧೭. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಏಕಮೂಲಮೂಲಾ?

(ಖ) ಯೇ ವಾ ಪನ ಅಕುಸಲಮೂಲೇನ ಏಕಮೂಲಮೂಲಾ, ಸಬ್ಬೇ ತೇ ಧಮ್ಮಾ ಅಕುಸಲಾ?

೧೮. (ಕ) ಯೇ ಕೇಚಿ ಅಕುಸಲಮೂಲೇನ ಏಕಮೂಲಮೂಲಾ ಧಮ್ಮಾ , ಸಬ್ಬೇ ತೇ ಅಕುಸಲಮೂಲೇನ ಅಞ್ಞಮಞ್ಞಮೂಲಮೂಲಾ?

(ಖ) ಯೇ ವಾ ಪನ ಅಕುಸಲಮೂಲೇನ ಅಞ್ಞಮಞ್ಞಮೂಲಮೂಲಾ, ಸಬ್ಬೇ ತೇ ಧಮ್ಮಾ ಅಕುಸಲಾ?

(೩) ಮೂಲಕನಯೋ

೧೯. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲಕಾ?

(ಖ) ಯೇ ವಾ ಪನ ಅಕುಸಲಮೂಲಕಾ, ಸಬ್ಬೇ ತೇ ಧಮ್ಮಾ ಅಕುಸಲಾ?

೨೦. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಏಕಮೂಲಕಾ?

(ಖ) ಯೇ ವಾ ಪನ ಅಕುಸಲಮೂಲೇನ ಏಕಮೂಲಕಾ, ಸಬ್ಬೇ ತೇ ಧಮ್ಮಾ ಅಕುಸಲಾ?

೨೧. (ಕ) ಯೇ ಕೇಚಿ ಅಕುಸಲಮೂಲೇನ ಏಕಮೂಲಕಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಅಞ್ಞಮಞ್ಞಮೂಲಕಾ?

(ಖ) ಯೇ ವಾ ಪನ ಅಕುಸಲಮೂಲೇನ ಅಞ್ಞಮಞ್ಞಮೂಲಕಾ, ಸಬ್ಬೇ ತೇ ಧಮ್ಮಾ ಅಕುಸಲಾ?

(೪) ಮೂಲಮೂಲಕನಯೋ

೨೨. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲಮೂಲಕಾ?

(ಖ) ಯೇ ವಾ ಪನ ಅಕುಸಲಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಅಕುಸಲಾ?

೨೩. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಏಕಮೂಲಮೂಲಕಾ?

(ಖ) ಯೇ ವಾ ಪನ ಅಕುಸಲಮೂಲೇನ ಏಕಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಅಕುಸಲಾ?

೨೪. (ಕ) ಯೇ ಕೇಚಿ ಅಕುಸಲಮೂಲೇನ ಏಕಮೂಲಮೂಲಕಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಅಞ್ಞಮಞ್ಞಮೂಲಮೂಲಕಾ?

(ಖ) ಯೇ ವಾ ಪನ ಅಕುಸಲಮೂಲೇನ ಅಞ್ಞಮಞ್ಞಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಅಕುಸಲಾ?

೩. ಅಬ್ಯಾಕತಾ ಧಮ್ಮಾ (೧) ಮೂಲನಯೋ

೨೫. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲಾ?

(ಖ) ಯೇ ವಾ ಪನ ಅಬ್ಯಾಕತಮೂಲಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾ?

೨೬. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಏಕಮೂಲಾ?

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಏಕಮೂಲಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾ?

೨೭. (ಕ) ಯೇ ಕೇಚಿ ಅಬ್ಯಾಕತಮೂಲೇನ ಏಕಮೂಲಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಾ?

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾ?

(೨) ಮೂಲಮೂಲನಯೋ

೨೮. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲಮೂಲಾ?

(ಖ) ಯೇ ವಾ ಪನ ಅಬ್ಯಾಕತಮೂಲಮೂಲಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾ?

೨೯. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಏಕಮೂಲಮೂಲಾ?

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಏಕಮೂಲಮೂಲಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾ?

೩೦. (ಕ) ಯೇ ಕೇಚಿ ಅಬ್ಯಾಕತಮೂಲೇನ ಏಕಮೂಲಮೂಲಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಮೂಲಾ?

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಮೂಲಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾ?

(೩) ಮೂಲಕನಯೋ

೩೧. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲಕಾ?

(ಖ) ಯೇ ವಾ ಪನ ಅಬ್ಯಾಕತಮೂಲಕಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾ?

೩೨. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಏಕಮೂಲಕಾ?

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಏಕಮೂಲಕಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾ?

೩೩. (ಕ) ಯೇ ಕೇಚಿ ಅಬ್ಯಾಕತಮೂಲೇನ ಏಕಮೂಲಕಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಕಾ?

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಕಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾ?

(೪) ಮೂಲಮೂಲಕನಯೋ

೩೪. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲಮೂಲಕಾ?

(ಖ) ಯೇ ವಾ ಪನ ಅಬ್ಯಾಕತಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾ?

೩೫. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಏಕಮೂಲಮೂಲಕಾ?

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಏಕಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾ?

೩೬. (ಕ) ಯೇ ಕೇಚಿ ಅಬ್ಯಾಕತಮೂಲೇನ ಏಕಮೂಲಮೂಲಕಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಮೂಲಕಾ?

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾ?

೪. ನಾಮಾ ಧಮ್ಮಾ (೧) ಮೂಲನಯೋ

೩೭. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲಾ?

(ಖ) ಯೇ ವಾ ಪನ ನಾಮಮೂಲಾ, ಸಬ್ಬೇ ತೇ ಧಮ್ಮಾ ನಾಮಾ?

೩೮. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಏಕಮೂಲಾ?

(ಖ) ಯೇ ವಾ ಪನ ನಾಮಮೂಲೇನ ಏಕಮೂಲಾ, ಸಬ್ಬೇ ತೇ ಧಮ್ಮಾ ನಾಮಾ?

೩೯. (ಕ) ಯೇ ಕೇಚಿ ನಾಮಮೂಲೇನ ಏಕಮೂಲಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಅಞ್ಞಮಞ್ಞಮೂಲಾ?

(ಖ) ಯೇ ವಾ ಪನ ನಾಮಮೂಲೇನ ಅಞ್ಞಮಞ್ಞಮೂಲಾ, ಸಬ್ಬೇ ತೇ ಧಮ್ಮಾ ನಾಮಾ?

(೨) ಮೂಲಮೂಲನಯೋ

೪೦. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲಮೂಲಾ?

(ಖ) ಯೇ ವಾ ಪನ ನಾಮಮೂಲಮೂಲಾ, ಸಬ್ಬೇ ತೇ ಧಮ್ಮಾ ನಾಮಾ?

೪೧. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಏಕಮೂಲಮೂಲಾ?

(ಖ) ಯೇ ವಾ ಪನ ನಾಮಮೂಲೇನ ಏಕಮೂಲಮೂಲಾ, ಸಬ್ಬೇ ತೇ ಧಮ್ಮಾ ನಾಮಾ?

೪೨. (ಕ) ಯೇ ಕೇಚಿ ನಾಮಮೂಲೇನ ಏಕಮೂಲಮೂಲಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಅಞ್ಞಮಞ್ಞಮೂಲಮೂಲಾ?

(ಖ) ಯೇ ವಾ ಪನ ನಾಮಮೂಲೇನ ಅಞ್ಞಮಞ್ಞಮೂಲಮೂಲಾ, ಸಬ್ಬೇ ತೇ ಧಮ್ಮಾ ನಾಮಾ?

(೩) ಮೂಲಕನಯೋ

೪೩. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲಕಾ?

(ಖ) ಯೇ ವಾ ಪನ ನಾಮಮೂಲಕಾ, ಸಬ್ಬೇ ತೇ ಧಮ್ಮಾ ನಾಮಾ?

೪೪. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಏಕಮೂಲಕಾ?

(ಖ) ಯೇ ವಾ ಪನ ನಾಮಮೂಲೇನ ಏಕಮೂಲಕಾ, ಸಬ್ಬೇ ತೇ ಧಮ್ಮಾ ನಾಮಾ?

೪೫. (ಕ) ಯೇ ಕೇಚಿ ನಾಮಮೂಲೇನ ಏಕಮೂಲಕಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಅಞ್ಞಮಞ್ಞಮೂಲಕಾ?

(ಖ) ಯೇ ವಾ ಪನ ನಾಮಮೂಲೇನ ಅಞ್ಞಮಞ್ಞಮೂಲಕಾ, ಸಬ್ಬೇ ತೇ ಧಮ್ಮಾ ನಾಮಾ?

(೪) ಮೂಲಮೂಲಕನಯೋ

೪೬. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲಮೂಲಕಾ?

(ಖ) ಯೇ ವಾ ಪನ ನಾಮಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ನಾಮಾ?

೪೭. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಏಕಮೂಲಮೂಲಕಾ?

(ಖ) ಯೇ ವಾ ಪನ ನಾಮಮೂಲೇನ ಏಕಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ನಾಮಾ?

೪೮. (ಕ) ಯೇ ಕೇಚಿ ನಾಮಮೂಲೇನ ಏಕಮೂಲಮೂಲಕಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಅಞ್ಞಮಞ್ಞಮೂಲಮೂಲಕಾ?

(ಖ) ಯೇ ವಾ ಪನ ನಾಮಮೂಲೇನ ಅಞ್ಞಮಞ್ಞಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ನಾಮಾ?

ಮೂಲವಾರಉದ್ದೇಸೋ।

೨-೧೦. ಹೇತುವಾರಾದಿ

೪೯. ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಹೇತೂ…ಪೇ॰… ಕುಸಲನಿದಾನಾ…ಪೇ॰… ಕುಸಲಸಮ್ಭವಾ…ಪೇ॰… ಕುಸಲಪ್ಪಭವಾ…ಪೇ॰… ಕುಸಲಸಮುಟ್ಠಾನಾ…ಪೇ॰… ಕುಸಲಾಹಾರಾ…ಪೇ॰… ಕುಸಲಾರಮ್ಮಣಾ…ಪೇ॰… ಕುಸಲಪಚ್ಚಯಾ…ಪೇ॰… ಕುಸಲಸಮುದಯಾ…ಪೇ॰…।

ಮೂಲಂ ಹೇತು ನಿದಾನಞ್ಚ, ಸಮ್ಭವೋ ಪಭವೇನ ಚ।

ಸಮುಟ್ಠಾನಾಹಾರಾರಮ್ಮಣಾ ಸಮುಟ್ಠಾನಾಹಾರಾರಮ್ಮಣಂ (ಕ॰), ಪಚ್ಚಯೋ ಸಮುದಯೇನ ಚಾತಿ॥

ಉದ್ದೇಸವಾರೋ ನಿಟ್ಠಿತೋ।

(ಖ) ನಿದ್ದೇಸೋ

೧. ಮೂಲವಾರೋ

೧. ಕುಸಲಾ ಧಮ್ಮಾ (೧) ಮೂಲನಯೋ

೫೦. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲಾತಿ? ತೀಣೇವ ಕುಸಲಮೂಲಾನಿ। ಅವಸೇಸಾ ಕುಸಲಾ ಧಮ್ಮಾ ನ ಕುಸಲಮೂಲಾ।

(ಖ) ಯೇ ವಾ ಪನ ಕುಸಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾತಿ? ಆಮನ್ತಾ।

೫೧. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಏಕಮೂಲಾತಿ? ಆಮನ್ತಾ।

(ಖ) ಯೇ ವಾ ಪನ ಕುಸಲಮೂಲೇನ ಏಕಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾತಿ ?

ಕುಸಲಸಮುಟ್ಠಾನಂ ರೂಪಂ ಕುಸಲಮೂಲೇನ ಏಕಮೂಲಂ, ನ ಕುಸಲಂ। ಕುಸಲಂ ಕುಸಲಮೂಲೇನ ಏಕಮೂಲಞ್ಚೇವ ಕುಸಲಞ್ಚ।

೫೨. (ಕ) ಯೇ ಕೇಚಿ ಕುಸಲಮೂಲೇನ ಏಕಮೂಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಅಞ್ಞಮಞ್ಞಮೂಲಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಕುಸಲಮೂಲಾನಿ ಏಕಮೂಲಾನಿ ಚೇವ ಅಞ್ಞಮಞ್ಞಮೂಲಾನಿ ಚ। ಅವಸೇಸಾ ಕುಸಲಮೂಲಸಹಜಾತಾ ಧಮ್ಮಾ ಕುಸಲಮೂಲೇನ ಏಕಮೂಲಾ, ನ ಚ ಅಞ್ಞಮಞ್ಞಮೂಲಾ।

(ಖ) ಯೇ ವಾ ಪನ ಕುಸಲಮೂಲೇನ ಅಞ್ಞಮಞ್ಞಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾತಿ? ಆಮನ್ತಾ।

(೨) ಮೂಲಮೂಲನಯೋ

೫೩. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲಮೂಲಾತಿ? ತೀಣೇವ ಕುಸಲಮೂಲಮೂಲಾನಿ। ಅವಸೇಸಾ ಕುಸಲಾ ಧಮ್ಮಾ ನ ಕುಸಲಮೂಲಮೂಲಾ।

(ಖ) ಯೇ ವಾ ಪನ ಕುಸಲಮೂಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾತಿ? ಆಮನ್ತಾ।

೫೪. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಏಕಮೂಲಮೂಲಾತಿ? ಆಮನ್ತಾ।

(ಖ) ಯೇ ವಾ ಪನ ಕುಸಲಮೂಲೇನ ಏಕಮೂಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾತಿ?

ಕುಸಲಸಮುಟ್ಠಾನಂ ರೂಪಂ ಕುಸಲಮೂಲೇನ ಏಕಮೂಲಮೂಲಂ, ನ ಕುಸಲಂ। ಕುಸಲಂ ಕುಸಲಮೂಲೇನ ಏಕಮೂಲಮೂಲಞ್ಚೇವ ಕುಸಲಞ್ಚ।

೫೫. (ಕ) ಯೇ ಕೇಚಿ ಕುಸಲಮೂಲೇನ ಏಕಮೂಲಮೂಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಅಞ್ಞಮಞ್ಞಮೂಲಮೂಲಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಕುಸಲಮೂಲಾನಿ ಏಕಮೂಲಮೂಲಾನಿ ಚೇವ ಅಞ್ಞಮಞ್ಞಮೂಲಮೂಲಾನಿ ಚ। ಅವಸೇಸಾ ಕುಸಲಮೂಲಸಹಜಾತಾ ಧಮ್ಮಾ ಕುಸಲಮೂಲೇನ ಏಕಮೂಲಮೂಲಾ, ನ ಚ ಅಞ್ಞಮಞ್ಞಮೂಲಮೂಲಾ।

(ಖ) ಯೇ ವಾ ಪನ ಕುಸಲಮೂಲೇನ ಅಞ್ಞಮಞ್ಞಮೂಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾತಿ? ಆಮನ್ತಾ।

(೩) ಮೂಲಕನಯೋ

೫೬. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲಕಾತಿ? ಆಮನ್ತಾ।

(ಖ) ಯೇ ವಾ ಪನ ಕುಸಲಮೂಲಕಾ, ಸಬ್ಬೇ ತೇ ಧಮ್ಮಾ ಕುಸಲಾತಿ?

ಕುಸಲಸಮುಟ್ಠಾನಂ ರೂಪಂ ಕುಸಲಮೂಲಕಂ ನ ಕುಸಲಂ। ಕುಸಲಂ ಕುಸಲಮೂಲಕಞ್ಚೇವ ಕುಸಲಞ್ಚ।

೫೭. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಏಕಮೂಲಕಾತಿ? ಆಮನ್ತಾ।

(ಖ) ಯೇ ವಾ ಪನ ಕುಸಲಮೂಲೇನ ಏಕಮೂಲಕಾ, ಸಬ್ಬೇ ತೇ ಧಮ್ಮಾ ಕುಸಲಾತಿ?

ಕುಸಲಸಮುಟ್ಠಾನಂ ರೂಪಂ ಕುಸಲಮೂಲೇನ ಏಕಮೂಲಕಂ, ನ ಕುಸಲಂ। ಕುಸಲಂ ಕುಸಲಮೂಲೇನ ಏಕಮೂಲಕಞ್ಚೇವ ಕುಸಲಞ್ಚ।

೫೮. (ಕ) ಯೇ ಕೇಚಿ ಕುಸಲಮೂಲೇನ ಏಕಮೂಲಕಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಅಞ್ಞಮಞ್ಞಮೂಲಕಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಕುಸಲಮೂಲಾನಿ ಏಕಮೂಲಕಾನಿ ಚೇವ ಅಞ್ಞಮಞ್ಞಮೂಲಕಾನಿ ಚ। ಅವಸೇಸಾ ಕುಸಲಮೂಲಸಹಜಾತಾ ಧಮ್ಮಾ ಕುಸಲಮೂಲೇನ ಏಕಮೂಲಕಾ, ನ ಚ ಅಞ್ಞಮಞ್ಞಮೂಲಕಾ।

(ಖ) ಯೇ ವಾ ಪನ ಕುಸಲಮೂಲೇನ ಅಞ್ಞಮಞ್ಞಮೂಲಕಾ, ಸಬ್ಬೇ ತೇ ಧಮ್ಮಾ ಕುಸಲಾತಿ? ಆಮನ್ತಾ।

(೪) ಮೂಲಮೂಲಕನಯೋ

೫೯. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲಮೂಲಕಾತಿ? ಆಮನ್ತಾ।

(ಖ) ಯೇ ವಾ ಪನ ಕುಸಲಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಕುಸಲಾತಿ?

ಕುಸಲಸಮುಟ್ಠಾನಂ ರೂಪಂ ಕುಸಲಮೂಲಮೂಲಕಂ ನ ಕುಸಲಂ। ಕುಸಲಂ ಕುಸಲಮೂಲಮೂಲಕಞ್ಚೇವ ಕುಸಲಞ್ಚ।

೬೦. (ಕ) ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಏಕಮೂಲಮೂಲಕಾತಿ? ಆಮನ್ತಾ।

(ಖ) ಯೇ ವಾ ಪನ ಕುಸಲಮೂಲೇನ ಏಕಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಕುಸಲಾತಿ?

ಕುಸಲಸಮುಟ್ಠಾನಂ ರೂಪಂ ಕುಸಲಮೂಲೇನ ಏಕಮೂಲಮೂಲಕಂ, ನ ಕುಸಲಂ। ಕುಸಲಂ ಕುಸಲಮೂಲೇನ ಏಕಮೂಲಮೂಲಕಞ್ಚೇವ ಕುಸಲಞ್ಚ।

೬೧. (ಕ) ಯೇ ಕೇಚಿ ಕುಸಲಮೂಲೇನ ಏಕಮೂಲಮೂಲಕಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಅಞ್ಞಮಞ್ಞಮೂಲಮೂಲಕಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಕುಸಲಮೂಲಾನಿ ಏಕಮೂಲಮೂಲಕಾನಿ ಚೇವ ಅಞ್ಞಮಞ್ಞಮೂಲಮೂಲಕಾನಿ ಚ। ಅವಸೇಸಾ ಕುಸಲಮೂಲಸಹಜಾತಾ ಧಮ್ಮಾ ಕುಸಲಮೂಲೇನ ಏಕಮೂಲಮೂಲಕಾ, ನ ಚ ಅಞ್ಞಮಞ್ಞಮೂಲಮೂಲಕಾ।

(ಖ) ಯೇ ವಾ ಪನ ಕುಸಲಮೂಲೇನ ಅಞ್ಞಮಞ್ಞಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಕುಸಲಾತಿ? ಆಮನ್ತಾ।

೨. ಅಕುಸಲಾ ಧಮ್ಮಾ (೧) ಮೂಲನಯೋ

೬೨. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲಾತಿ?

ತೀಣೇವ ಅಕುಸಲಮೂಲಾನಿ। ಅವಸೇಸಾ ಅಕುಸಲಾ ಧಮ್ಮಾ ನ ಅಕುಸಲಮೂಲಾ।

(ಖ) ಯೇ ವಾ ಪನ ಅಕುಸಲಮೂಲಾ, ಸಬ್ಬೇ ತೇ ಧಮ್ಮಾ ಅಕುಸಲಾತಿ? ಆಮನ್ತಾ।

೬೩. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಏಕಮೂಲಾತಿ?

ಅಹೇತುಕಂ ಅಕುಸಲಂ ಅಕುಸಲಮೂಲೇನ ನ ಏಕಮೂಲಂ। ಸಹೇತುಕಂ ಅಕುಸಲಂ ಅಕುಸಲಮೂಲೇನ ಏಕಮೂಲಂ।

(ಖ) ಯೇ ವಾ ಪನ ಅಕುಸಲಮೂಲೇನ ಏಕಮೂಲಾ, ಸಬ್ಬೇ ತೇ ಧಮ್ಮಾ ಅಕುಸಲಾತಿ?

ಅಕುಸಲಸಮುಟ್ಠಾನಂ ರೂಪಂ ಅಕುಸಲಮೂಲೇನ ಏಕಮೂಲಂ, ನ ಅಕುಸಲಂ। ಅಕುಸಲಂ ಅಕುಸಲಮೂಲೇನ ಏಕಮೂಲಞ್ಚೇವ ಅಕುಸಲಞ್ಚ।

೬೪. (ಕ) ಯೇ ಕೇಚಿ ಅಕುಸಲಮೂಲೇನ ಏಕಮೂಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಅಞ್ಞಮಞ್ಞಮೂಲಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಅಕುಸಲಮೂಲಾನಿ ಏಕಮೂಲಾನಿ ಚೇವ ಅಞ್ಞಮಞ್ಞಮೂಲಾನಿ ಚ। ಅವಸೇಸಾ ಅಕುಸಲಮೂಲಸಹಜಾತಾ ಧಮ್ಮಾ ಅಕುಸಲಮೂಲೇನ ಏಕಮೂಲಾ, ನ ಚ ಅಞ್ಞಮಞ್ಞಮೂಲಾ।

(ಖ) ಯೇ ವಾ ಪನ ಅಕುಸಲಮೂಲೇನ ಅಞ್ಞಮಞ್ಞಮೂಲಾ, ಸಬ್ಬೇ ತೇ ಧಮ್ಮಾ ಅಕುಸಲಾತಿ? ಆಮನ್ತಾ।

(೨) ಮೂಲಮೂಲನಯೋ

೬೫. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲಮೂಲಾತಿ?

ತೀಣೇವ ಅಕುಸಲಮೂಲಮೂಲಾನಿ। ಅವಸೇಸಾ ಅಕುಸಲಾ ಧಮ್ಮಾ ನ ಅಕುಸಲಮೂಲಮೂಲಾ।

(ಖ) ಯೇ ವಾ ಪನ ಅಕುಸಲಮೂಲಮೂಲಾ, ಸಬ್ಬೇ ತೇ ಧಮ್ಮಾ ಅಕುಸಲಾತಿ? ಆಮನ್ತಾ।

೬೬. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಏಕಮೂಲಮೂಲಾತಿ?

ಅಹೇತುಕಂ ಅಕುಸಲಂ ಅಕುಸಲಮೂಲೇನ ನ ಏಕಮೂಲಮೂಲಂ। ಸಹೇತುಕಂ ಅಕುಸಲಂ ಅಕುಸಲಮೂಲೇನ ಏಕಮೂಲಮೂಲಂ।

(ಖ) ಯೇ ವಾ ಪನ ಅಕುಸಲಮೂಲೇನ ಏಕಮೂಲಮೂಲಾ, ಸಬ್ಬೇ ತೇ ಧಮ್ಮಾ ಅಕುಸಲಾತಿ?

ಅಕುಸಲಸಮುಟ್ಠಾನಂ ರೂಪಂ ಅಕುಸಲಮೂಲೇನ ಏಕಮೂಲಮೂಲಂ, ನ ಅಕುಸಲಂ। ಅಕುಸಲಂ ಅಕುಸಲಮೂಲೇನ ಏಕಮೂಲಮೂಲಞ್ಚೇವ ಅಕುಸಲಞ್ಚ।

೬೭. (ಕ) ಯೇ ಕೇಚಿ ಅಕುಸಲಮೂಲೇನ ಏಕಮೂಲಮೂಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಅಞ್ಞಮಞ್ಞಮೂಲಮೂಲಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಅಕುಸಲಮೂಲಾನಿ ಏಕಮೂಲಮೂಲಾನಿ ಚೇವ ಅಞ್ಞಮಞ್ಞಮೂಲಮೂಲಾನಿ ಚ। ಅವಸೇಸಾ ಅಕುಸಲಮೂಲಸಹಜಾತಾ ಧಮ್ಮಾ ಅಕುಸಲಮೂಲೇನ ಏಕಮೂಲಮೂಲಾ, ನ ಚ ಅಞ್ಞಮಞ್ಞಮೂಲಮೂಲಾ।

(ಖ) ಯೇ ವಾ ಪನ ಅಕುಸಲಮೂಲೇನ ಅಞ್ಞಮಞ್ಞಮೂಲಮೂಲಾ, ಸಬ್ಬೇ ತೇ ಧಮ್ಮಾ ಅಕುಸಲಾತಿ? ಆಮನ್ತಾ।

(೩) ಮೂಲಕನಯೋ

೬೮. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲಕಾತಿ?

ಅಹೇತುಕಂ ಅಕುಸಲಂ ನ ಅಕುಸಲಮೂಲಕಂ। ಸಹೇತುಕಂ ಅಕುಸಲಂ ಅಕುಸಲಮೂಲಕಂ।

(ಖ) ಯೇ ವಾ ಪನ ಅಕುಸಲಮೂಲಕಾ, ಸಬ್ಬೇ ತೇ ಧಮ್ಮಾ ಅಕುಸಲಾತಿ?

ಅಕುಸಲಸಮುಟ್ಠಾನಂ ರೂಪಂ ಅಕುಸಲಮೂಲಕಂ ನ ಅಕುಸಲಂ। ಅಕುಸಲಂ ಅಕುಸಲಮೂಲಕಞ್ಚೇವ ಅಕುಸಲಞ್ಚ।

೬೯. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಏಕಮೂಲಕಾತಿ?

ಅಹೇತುಕಂ ಅಕುಸಲಂ ಅಕುಸಲಮೂಲೇನ ನ ಏಕಮೂಲಕಂ। ಸಹೇತುಕಂ ಅಕುಸಲಂ ಅಕುಸಲಮೂಲೇನ ಏಕಮೂಲಕಂ।

(ಖ) ಯೇ ವಾ ಪನ ಅಕುಸಲಮೂಲೇನ ಏಕಮೂಲಕಾ, ಸಬ್ಬೇ ತೇ ಧಮ್ಮಾ ಅಕುಸಲಾತಿ?

ಅಕುಸಲಸಮುಟ್ಠಾನಂ ರೂಪಂ ಅಕುಸಲಮೂಲೇನ ಏಕಮೂಲಕಂ, ನ ಅಕುಸಲಂ। ಅಕುಸಲಂ ಅಕುಸಲಮೂಲೇನ ಏಕಮೂಲಕಞ್ಚೇವ ಅಕುಸಲಞ್ಚ।

೭೦. (ಕ) ಯೇ ಕೇಚಿ ಅಕುಸಲಮೂಲೇನ ಏಕಮೂಲಕಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಅಞ್ಞಮಞ್ಞಮೂಲಕಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಅಕುಸಲಮೂಲಾನಿ ಏಕಮೂಲಕಾನಿ ಚೇವ ಅಞ್ಞಮಞ್ಞಮೂಲಕಾನಿ ಚ। ಅವಸೇಸಾ ಅಕುಸಲಮೂಲಸಹಜಾತಾ ಧಮ್ಮಾ ಅಕುಸಲಮೂಲೇನ ಏಕಮೂಲಕಾ ನ ಚ ಅಞ್ಞಮಞ್ಞಮೂಲಕಾ।

(ಖ) ಯೇ ವಾ ಪನ ಅಕುಸಲಮೂಲೇನ ಅಞ್ಞಮಞ್ಞಮೂಲಕಾ, ಸಬ್ಬೇ ತೇ ಧಮ್ಮಾ ಅಕುಸಲಾತಿ? ಆಮನ್ತಾ।

(೪) ಮೂಲಮೂಲಕನಯೋ

೭೧. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲಮೂಲಕಾತಿ?

ಅಹೇತುಕಂ ಅಕುಸಲಂ ನ ಅಕುಸಲಮೂಲಮೂಲಕಂ। ಸಹೇತುಕಂ ಅಕುಸಲಂ ಅಕುಸಲಮೂಲಮೂಲಕಂ।

(ಖ) ಯೇ ವಾ ಪನ ಅಕುಸಲಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಅಕುಸಲಾತಿ?

ಅಕುಸಲಸಮುಟ್ಠಾನಂ ರೂಪಂ ಅಕುಸಲಮೂಲಮೂಲಕಂ ನ ಅಕುಸಲಂ। ಅಕುಸಲಂ ಅಕುಸಲಮೂಲಮೂಲಕಞ್ಚೇವ ಅಕುಸಲಞ್ಚ।

೭೨. (ಕ) ಯೇ ಕೇಚಿ ಅಕುಸಲಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಏಕಮೂಲಮೂಲಕಾತಿ?

ಅಹೇತುಕಂ ಅಕುಸಲಂ ಅಕುಸಲಮೂಲೇನ ನ ಏಕಮೂಲಮೂಲಕಂ। ಸಹೇತುಕಂ ಅಕುಸಲಂ ಅಕುಸಲಮೂಲೇನ ಏಕಮೂಲಮೂಲಕಂ।

(ಖ) ಯೇ ವಾ ಪನ ಅಕುಸಲಮೂಲೇನ ಏಕಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಅಕುಸಲಾತಿ?

ಅಕುಸಲಸಮುಟ್ಠಾನಂ ರೂಪಂ ಅಕುಸಲಮೂಲೇನ ಏಕಮೂಲಮೂಲಕಂ, ನ ಅಕುಸಲಂ। ಅಕುಸಲಂ ಅಕುಸಲಮೂಲೇನ ಏಕಮೂಲಮೂಲಕಞ್ಚೇವ ಅಕುಸಲಞ್ಚ।

೭೩. (ಕ) ಯೇ ಕೇಚಿ ಅಕುಸಲಮೂಲೇನ ಏಕಮೂಲಮೂಲಕಾ ಧಮ್ಮಾ, ಸಬ್ಬೇ ತೇ ಅಕುಸಲಮೂಲೇನ ಅಞ್ಞಮಞ್ಞಮೂಲಮೂಲಕಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಅಕುಸಲಮೂಲಾನಿ ಏಕಮೂಲಮೂಲಕಾನಿ ಚೇವ ಅಞ್ಞಮಞ್ಞಮೂಲಮೂಲಕಾನಿ ಚ। ಅವಸೇಸಾ ಅಕುಸಲಮೂಲಸಹಜಾತಾ ಧಮ್ಮಾ ಅಕುಸಲಮೂಲೇನ ಏಕಮೂಲಮೂಲಕಾ, ನ ಚ ಅಞ್ಞಮಞ್ಞಮೂಲಮೂಲಕಾ।

(ಖ) ಯೇ ವಾ ಪನ ಅಕುಸಲಮೂಲೇನ ಅಞ್ಞಮಞ್ಞಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಅಕುಸಲಾತಿ? ಆಮನ್ತಾ।

೩. ಅಬ್ಯಾಕತಾ ಧಮ್ಮಾ (೧) ಮೂಲನಯೋ

೭೪. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲಾತಿ?

ತೀಣೇವ ಅಬ್ಯಾಕತಮೂಲಾನಿ। ಅವಸೇಸಾ ಅಬ್ಯಾಕತಾ ಧಮ್ಮಾ ನ ಅಬ್ಯಾಕತಮೂಲಾ।

(ಖ) ಯೇ ವಾ ಪನ ಅಬ್ಯಾಕತಮೂಲಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾತಿ? ಆಮನ್ತಾ।

೭೫. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಏಕಮೂಲಾತಿ?

ಅಹೇತುಕಂ ಅಬ್ಯಾಕತಂ ಅಬ್ಯಾಕತಮೂಲೇನ ನ ಏಕಮೂಲಂ। ಸಹೇತುಕಂ ಅಬ್ಯಾಕತಂ ಅಬ್ಯಾಕತಮೂಲೇನ ಏಕಮೂಲಂ।

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಏಕಮೂಲಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾತಿ? ಆಮನ್ತಾ।

೭೬. (ಕ) ಯೇ ಕೇಚಿ ಅಬ್ಯಾಕತಮೂಲೇನ ಏಕಮೂಲಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಅಬ್ಯಾಕತಮೂಲಾನಿ ಏಕಮೂಲಾನಿ ಚೇವ ಅಞ್ಞಮಞ್ಞಮೂಲಾನಿ ಚ। ಅವಸೇಸಾ ಅಬ್ಯಾಕತಮೂಲಸಹಜಾತಾ ಧಮ್ಮಾ ಅಬ್ಯಾಕತಮೂಲೇನ ಏಕಮೂಲಾ, ನ ಚ ಅಞ್ಞಮಞ್ಞಮೂಲಾ।

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾತಿ? ಆಮನ್ತಾ।

(೨) ಮೂಲಮೂಲನಯೋ

೭೭. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲಮೂಲಾತಿ?

ತೀಣೇವ ಅಬ್ಯಾಕತಮೂಲಮೂಲಾನಿ। ಅವಸೇಸಾ ಅಬ್ಯಾಕತಾ ಧಮ್ಮಾ ನ ಅಬ್ಯಾಕತಮೂಲಮೂಲಾ।

(ಖ) ಯೇ ವಾ ಪನ ಅಬ್ಯಾಕತಮೂಲಮೂಲಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾತಿ? ಆಮನ್ತಾ।

೭೮. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಏಕಮೂಲಮೂಲಾತಿ?

ಅಹೇತುಕಂ ಅಬ್ಯಾಕತಂ ಅಬ್ಯಾಕತಮೂಲೇನ ನ ಏಕಮೂಲಮೂಲಂ। ಸಹೇತುಕಂ ಅಬ್ಯಾಕತಂ ಅಬ್ಯಾಕತಮೂಲೇನ ಏಕಮೂಲಮೂಲಂ।

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಏಕಮೂಲಮೂಲಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾತಿ? ಆಮನ್ತಾ।

೭೯. (ಕ) ಯೇ ಕೇಚಿ ಅಬ್ಯಾಕತಮೂಲೇನ ಏಕಮೂಲಮೂಲಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಮೂಲಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಅಬ್ಯಾಕತಮೂಲಾನಿ ಏಕಮೂಲಮೂಲಾನಿ ಚೇವ ಅಞ್ಞಮಞ್ಞಮೂಲಮೂಲಾನಿ ಚ। ಅವಸೇಸಾ ಅಬ್ಯಾಕತಮೂಲಸಹಜಾತಾ ಧಮ್ಮಾ ಅಬ್ಯಾಕತಮೂಲೇನ ಏಕಮೂಲಮೂಲಾ, ನ ಚ ಅಞ್ಞಮಞ್ಞಮೂಲಮೂಲಾ ।

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಮೂಲಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾತಿ? ಆಮನ್ತಾ।

(೩) ಮೂಲಕನಯೋ

೮೦. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲಕಾತಿ?

ಅಹೇತುಕಂ ಅಬ್ಯಾಕತಂ ನ ಅಬ್ಯಾಕತಮೂಲಕಂ। ಸಹೇತುಕಂ ಅಬ್ಯಾಕತಂ ಅಬ್ಯಾಕತಮೂಲಕಂ।

(ಖ) ಯೇ ವಾ ಪನ ಅಬ್ಯಾಕತಮೂಲಕಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾತಿ? ಆಮನ್ತಾ।

೮೧. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಏಕಮೂಲಕಾತಿ?

ಅಹೇತುಕಂ ಅಬ್ಯಾಕತಂ ಅಬ್ಯಾಕತಮೂಲೇನ ನ ಏಕಮೂಲಕಂ। ಸಹೇತುಕಂ ಅಬ್ಯಾಕತಂ ಅಬ್ಯಾಕತಮೂಲೇನ ಏಕಮೂಲಕಂ।

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಏಕಮೂಲಕಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾತಿ? ಆಮನ್ತಾ।

೮೨. (ಕ) ಯೇ ಕೇಚಿ ಅಬ್ಯಾಕತಮೂಲೇನ ಏಕಮೂಲಕಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಕಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಅಬ್ಯಾಕತಮೂಲಾನಿ ಏಕಮೂಲಕಾನಿ ಚೇವ ಅಞ್ಞಮಞ್ಞಮೂಲಕಾನಿ ಚ। ಅವಸೇಸಾ ಅಬ್ಯಾಕತಮೂಲಸಹಜಾತಾ ಧಮ್ಮಾ ಅಬ್ಯಾಕತಮೂಲೇನ ಏಕಮೂಲಕಾ, ನ ಚ ಅಞ್ಞಮಞ್ಞಮೂಲಕಾ।

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಕಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾತಿ? ಆಮನ್ತಾ।

(೪) ಮೂಲಮೂಲಕನಯೋ

೮೩. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲಮೂಲಕಾತಿ?

ಅಹೇತುಕಂ ಅಬ್ಯಾಕತಂ ನ ಅಬ್ಯಾಕತಮೂಲಮೂಲಕಂ। ಸಹೇತುಕಂ ಅಬ್ಯಾಕತಂ ಅಬ್ಯಾಕತಮೂಲಮೂಲಕಂ।

(ಖ) ಯೇ ವಾ ಪನ ಅಬ್ಯಾಕತಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾತಿ? ಆಮನ್ತಾ।

೮೪. (ಕ) ಯೇ ಕೇಚಿ ಅಬ್ಯಾಕತಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಏಕಮೂಲಮೂಲಕಾತಿ?

ಅಹೇತುಕಂ ಅಬ್ಯಾಕತಂ ಅಬ್ಯಾಕತಮೂಲೇನ ನ ಏಕಮೂಲಮೂಲಕಂ। ಸಹೇತುಕಂ ಅಬ್ಯಾಕತಂ ಅಬ್ಯಾಕತಮೂಲೇನ ಏಕಮೂಲಮೂಲಕಂ।

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಏಕಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾತಿ ? ಆಮನ್ತಾ।

೮೫. (ಕ) ಯೇ ಕೇಚಿ ಅಬ್ಯಾಕತಮೂಲೇನ ಏಕಮೂಲಮೂಲಕಾ ಧಮ್ಮಾ, ಸಬ್ಬೇ ತೇ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಮೂಲಕಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ಅಬ್ಯಾಕತಮೂಲಾನಿ ಏಕಮೂಲಮೂಲಕಾನಿ ಚೇವ ಅಞ್ಞಮಞ್ಞಮೂಲಮೂಲಕಾನಿ ಚ। ಅವಸೇಸಾ ಅಬ್ಯಾಕತಮೂಲಸಹಜಾತಾ ಧಮ್ಮಾ ಅಬ್ಯಾಕತಮೂಲೇನ ಏಕಮೂಲಮೂಲಕಾ, ನ ಚ ಅಞ್ಞಮಞ್ಞಮೂಲಮೂಲಕಾ।

(ಖ) ಯೇ ವಾ ಪನ ಅಬ್ಯಾಕತಮೂಲೇನ ಅಞ್ಞಮಞ್ಞಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ಅಬ್ಯಾಕತಾತಿ? ಆಮನ್ತಾ।

೪. ನಾಮಾ ಧಮ್ಮಾ (೧) ಮೂಲನಯೋ

೮೬. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲಾತಿ?

ನವೇವ ನಾಮಮೂಲಾನಿ। ಅವಸೇಸಾ ನಾಮಾ ಧಮ್ಮಾ ನ ನಾಮಮೂಲಾ।

(ಖ) ಯೇ ವಾ ಪನ ನಾಮಮೂಲಾ, ಸಬ್ಬೇ ತೇ ಧಮ್ಮಾ ನಾಮಾತಿ? ಆಮನ್ತಾ।

೮೭. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಏಕಮೂಲಾತಿ?

ಅಹೇತುಕಂ ನಾಮಂ ನಾಮಮೂಲೇನ ನ ಏಕಮೂಲಂ। ಸಹೇತುಕಂ ನಾಮಂ ನಾಮಮೂಲೇನ ಏಕಮೂಲಂ।

(ಖ) ಯೇ ವಾ ಪನ ನಾಮಮೂಲೇನ ಏಕಮೂಲಾ, ಸಬ್ಬೇ ತೇ ಧಮ್ಮಾ ನಾಮಾತಿ?

ನಾಮಸಮುಟ್ಠಾನಂ ರೂಪಂ ನಾಮಮೂಲೇನ ಏಕಮೂಲಂ, ನ ನಾಮಂ। ನಾಮಂ ನಾಮಮೂಲೇನ ಏಕಮೂಲಞ್ಚೇವ ನಾಮಞ್ಚ।

೮೮. (ಕ) ಯೇ ಕೇಚಿ ನಾಮಮೂಲೇನ ಏಕಮೂಲಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಅಞ್ಞಮಞ್ಞಮೂಲಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ನಾಮಮೂಲಾನಿ ಏಕಮೂಲಾನಿ ಚೇವ ಅಞ್ಞಮಞ್ಞಮೂಲಾನಿ ಚ। ಅವಸೇಸಾ ನಾಮಮೂಲಸಹಜಾತಾ ಧಮ್ಮಾ ನಾಮಮೂಲೇನ ಏಕಮೂಲಾ, ನ ಚ ಅಞ್ಞಮಞ್ಞಮೂಲಾ।

(ಖ) ಯೇ ವಾ ಪನ ನಾಮಮೂಲೇನ ಅಞ್ಞಮಞ್ಞಮೂಲಾ, ಸಬ್ಬೇ ತೇ ಧಮ್ಮಾ ನಾಮಾತಿ? ಆಮನ್ತಾ।

(೨) ಮೂಲಮೂಲನಯೋ

೮೯. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲಮೂಲಾತಿ?

ನವೇವ ನಾಮಮೂಲಮೂಲಾನಿ। ಅವಸೇಸಾ ನಾಮಾ ಧಮ್ಮಾ ನ ನಾಮಮೂಲಮೂಲಾ।

(ಖ) ಯೇ ವಾ ಪನ ನಾಮಮೂಲಮೂಲಾ, ಸಬ್ಬೇ ತೇ ಧಮ್ಮಾ ನಾಮಾತಿ? ಆಮನ್ತಾ।

೯೦. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಏಕಮೂಲಮೂಲಾತಿ?

ಅಹೇತುಕಂ ನಾಮಂ ನಾಮಮೂಲೇನ ನ ಏಕಮೂಲಮೂಲಂ। ಸಹೇತುಕಂ ನಾಮಂ ನಾಮಮೂಲೇನ ಏಕಮೂಲಮೂಲಂ।

(ಖ) ಯೇ ವಾ ಪನ ನಾಮಮೂಲೇನ ಏಕಮೂಲಮೂಲಾ, ಸಬ್ಬೇ ತೇ ಧಮ್ಮಾ ನಾಮಾತಿ?

ನಾಮಸಮುಟ್ಠಾನಂ ರೂಪಂ ನಾಮಮೂಲೇನ ಏಕಮೂಲಮೂಲಂ, ನ ನಾಮಂ। ನಾಮಂ ನಾಮಮೂಲೇನ ಏಕಮೂಲಮೂಲಞ್ಚೇವ ನಾಮಞ್ಚ।

೯೧. (ಕ) ಯೇ ಕೇಚಿ ನಾಮಮೂಲೇನ ಏಕಮೂಲಮೂಲಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಅಞ್ಞಮಞ್ಞಮೂಲಮೂಲಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ನಾಮಮೂಲಾನಿ ಏಕಮೂಲಮೂಲಾನಿ ಚೇವ ಅಞ್ಞಮಞ್ಞಮೂಲಮೂಲಾನಿ ಚ। ಅವಸೇಸಾ ನಾಮಮೂಲಸಹಜಾತಾ ಧಮ್ಮಾ ನಾಮಮೂಲೇನ ಏಕಮೂಲಮೂಲಾ, ನ ಚ ಅಞ್ಞಮಞ್ಞಮೂಲಮೂಲಾ।

(ಖ) ಯೇ ವಾ ಪನ ನಾಮಮೂಲೇನ ಅಞ್ಞಮಞ್ಞಮೂಲಮೂಲಾ, ಸಬ್ಬೇ ತೇ ಧಮ್ಮಾ ನಾಮಾತಿ? ಆಮನ್ತಾ।

(೩) ಮೂಲಕನಯೋ

೯೨. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲಕಾತಿ?

ಅಹೇತುಕಂ ನಾಮಂ ನ ನಾಮಮೂಲಕಂ। ಸಹೇತುಕಂ ನಾಮಂ ನಾಮಮೂಲಕಂ।

(ಖ) ಯೇ ವಾ ಪನ ನಾಮಮೂಲಕಾ, ಸಬ್ಬೇ ತೇ ಧಮ್ಮಾ ನಾಮಾತಿ?

ನಾಮಸಮುಟ್ಠಾನಂ ರೂಪಂ ನಾಮಮೂಲಕಂ, ನ ನಾಮಂ। ನಾಮಂ ನಾಮಮೂಲಕಞ್ಚೇವ ನಾಮಞ್ಚ।

೯೩. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಏಕಮೂಲಕಾತಿ?

ಅಹೇತುಕಂ ನಾಮಂ ನಾಮಮೂಲೇನ ನ ಏಕಮೂಲಕಂ। ಸಹೇತುಕಂ ನಾಮಂ ನಾಮಮೂಲೇನ ಏಕಮೂಲಕಂ।

(ಖ) ಯೇ ವಾ ಪನ ನಾಮಮೂಲೇನ ಏಕಮೂಲಕಾ, ಸಬ್ಬೇ ತೇ ಧಮ್ಮಾ ನಾಮಾತಿ?

ನಾಮಸಮುಟ್ಠಾನಂ ರೂಪಂ ನಾಮಮೂಲೇನ ಏಕಮೂಲಕಂ, ನ ನಾಮಂ। ನಾಮಂ ನಾಮಮೂಲೇನ ಏಕಮೂಲಕಞ್ಚೇವ ನಾಮಞ್ಚ।

೯೪. (ಕ) ಯೇ ಕೇಚಿ ನಾಮಮೂಲೇನ ಏಕಮೂಲಕಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಅಞ್ಞಮಞ್ಞಮೂಲಕಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ನಾಮಮೂಲಾನಿ ಏಕಮೂಲಕಾನಿ ಚೇವ ಅಞ್ಞಮಞ್ಞಮೂಲಕಾನಿ ಚ। ಅವಸೇಸಾ ನಾಮಮೂಲಸಹಜಾತಾ ಧಮ್ಮಾ ನಾಮಮೂಲೇನ ಏಕಮೂಲಕಾ, ನ ಚ ಅಞ್ಞಮಞ್ಞಮೂಲಕಾ।

(ಖ) ಯೇ ವಾ ಪನ ನಾಮಮೂಲೇನ ಅಞ್ಞಮಞ್ಞಮೂಲಕಾ, ಸಬ್ಬೇ ತೇ ಧಮ್ಮಾ ನಾಮಾತಿ? ಆಮನ್ತಾ।

(೪) ಮೂಲಮೂಲಕನಯೋ

೯೫. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲಮೂಲಕಾತಿ?

ಅಹೇತುಕಂ ನಾಮಂ ನ ನಾಮಮೂಲಮೂಲಕಂ। ಸಹೇತುಕಂ ನಾಮಂ ನಾಮಮೂಲಮೂಲಕಂ।

(ಖ) ಯೇ ವಾ ಪನ ನಾಮಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ನಾಮಾತಿ?

ನಾಮಸಮುಟ್ಠಾನಂ ರೂಪಂ ನಾಮಮೂಲಮೂಲಕಂ, ನ ನಾಮಂ। ನಾಮಂ ನಾಮಮೂಲಮೂಲಕಞ್ಚೇವ ನಾಮಞ್ಚ।

೯೬. (ಕ) ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಏಕಮೂಲಮೂಲಕಾತಿ?

ಅಹೇತುಕಂ ನಾಮಂ ನಾಮಮೂಲೇನ ನ ಏಕಮೂಲಮೂಲಕಂ। ಸಹೇತುಕಂ ನಾಮಂ ನಾಮಮೂಲೇನ ಏಕಮೂಲಮೂಲಕಂ।

(ಖ) ಯೇ ವಾ ಪನ ನಾಮಮೂಲೇನ ಏಕಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ನಾಮಾತಿ?

ನಾಮಸಮುಟ್ಠಾನಂ ರೂಪಂ ನಾಮಮೂಲೇನ ಏಕಮೂಲಮೂಲಕಂ, ನ ನಾಮಂ। ನಾಮಂ ನಾಮಮೂಲೇನ ಏಕಮೂಲಮೂಲಕಞ್ಚೇವ ನಾಮಞ್ಚ।

೯೭. (ಕ) ಯೇ ಕೇಚಿ ನಾಮಮೂಲೇನ ಏಕಮೂಲಮೂಲಕಾ ಧಮ್ಮಾ, ಸಬ್ಬೇ ತೇ ನಾಮಮೂಲೇನ ಅಞ್ಞಮಞ್ಞಮೂಲಮೂಲಕಾತಿ?

ಮೂಲಾನಿ ಯಾನಿ ಏಕತೋ ಉಪ್ಪಜ್ಜನ್ತಿ ನಾಮಮೂಲಾನಿ ಏಕಮೂಲಮೂಲಕಾನಿ ಚೇವ ಅಞ್ಞಮಞ್ಞಮೂಲಮೂಲಕಾನಿ ಚ। ಅವಸೇಸಾ ನಾಮಮೂಲಸಹಜಾತಾ ಧಮ್ಮಾ ನಾಮಮೂಲೇನ ಏಕಮೂಲಮೂಲಕಾ, ನ ಚ ಅಞ್ಞಮಞ್ಞಮೂಲಮೂಲಕಾ।

(ಖ) ಯೇ ವಾ ಪನ ನಾಮಮೂಲೇನ ಅಞ್ಞಮಞ್ಞಮೂಲಮೂಲಕಾ, ಸಬ್ಬೇ ತೇ ಧಮ್ಮಾ ನಾಮಾತಿ?

ಆಮನ್ತಾ।

ಮೂಲವಾರನಿದ್ದೇಸೋ।

೨-೧೦. ಹೇತುವಾರಾದಿ

೯೮. ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಹೇತೂತಿ…?

ತಯೋ ಏವ ಕುಸಲಹೇತೂ, ಅವಸೇಸಾ ಕುಸಲಾ ಧಮ್ಮಾ ನ ಕುಸಲಹೇತೂ…ಪೇ॰… ಕುಸಲನಿದಾನಾ… ಕುಸಲಸಮ್ಭವಾ… ಕುಸಲಪ್ಪಭವಾ… ಕುಸಲಸಮುಟ್ಠಾನಾ… ಕುಸಲಾಹಾರಾ… ಕುಸಲಾರಮ್ಮಣಾ… ಕುಸಲಪಚ್ಚಯಾ… ಕುಸಲಸಮುದಯಾ…।

೯೯. ಯೇ ಕೇಚಿ ಅಕುಸಲಾ ಧಮ್ಮಾ… ಯೇ ಕೇಚಿ ಅಬ್ಯಾಕತಾ ಧಮ್ಮಾ… ಯೇ ಕೇಚಿ ನಾಮಾ ಧಮ್ಮಾ, ಸಬ್ಬೇ ತೇ ನಾಮಹೇತೂ ತಿ… ನಾಮನಿದಾನಾ… ನಾಮಸಮ್ಭವಾ… ನಾಮಪ್ಪಭವಾ… ನಾಮಸಮುಟ್ಠಾನಾ… ನಾಮಾಹಾರಾ… ನಾಮಾರಮ್ಮಣಾ… ನಾಮಪಚ್ಚಯಾ… ನಾಮಸಮುದಯಾ…।

ಮೂಲಂ ಹೇತು ನಿದಾನಞ್ಚ, ಸಮ್ಭವೋ ಪಭವೇನ ಚ।

ಸಮುಟ್ಠಾನಾಹಾರಾರಮ್ಮಣಾ, ಪಚ್ಚಯೋ ಸಮುದಯೇನ ಚಾತಿ॥

ನಿದ್ದೇಸವಾರೋ ನಿಟ್ಠಿತೋ।

ಮೂಲಯಮಕಪಾಳಿ ನಿಟ್ಠಿತಾ।

॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥