೧೧. ಉಪಾದಾನಗೋಚ್ಛಕಂ

೬೯. ಉಪಾದಾನದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ಉಪಾದಾನಂ ಧಮ್ಮಂ ಪಟಿಚ್ಚ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಿಟ್ಠುಪಾದಾನಂ ಪಟಿಚ್ಚ ಕಾಮುಪಾದಾನಂ, ಕಾಮುಪಾದಾನಂ ಪಟಿಚ್ಚ ದಿಟ್ಠುಪಾದಾನಂ , ಸೀಲಬ್ಬತುಪಾದಾನಂ ಪಟಿಚ್ಚ ಕಾಮುಪಾದಾನಂ, ಕಾಮುಪಾದಾನಂ ಪಟಿಚ್ಚ ಸೀಲಬ್ಬತುಪಾದಾನಂ, ಅತ್ತವಾದುಪಾದಾನಂ ಪಟಿಚ್ಚ ಕಾಮುಪಾದಾನಂ, ಕಾಮುಪಾದಾನಂ ಪಟಿಚ್ಚ ಅತ್ತವಾದುಪಾದಾನಂ। (೧)

ಉಪಾದಾನಂ ಧಮ್ಮಂ ಪಟಿಚ್ಚ ನೋಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನೇ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ। (೨)

ಉಪಾದಾನಂ ಧಮ್ಮಂ ಪಟಿಚ್ಚ ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಿಟ್ಠುಪಾದಾನಂ ಪಟಿಚ್ಚ ಕಾಮುಪಾದಾನಂ ಸಮ್ಪಯುತ್ತಕಾ ಚ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ಕಾಮುಪಾದಾನಂ…ಪೇ॰… (ಸಬ್ಬಂ ಚಕ್ಕಂ ಕಾತಬ್ಬಂ)। (೩)

೨. ನೋಉಪಾದಾನಂ ಧಮ್ಮಂ ಪಟಿಚ್ಚ ನೋಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಉಪಾದಾನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ ನೋಉಪಾದಾನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ। (೧)

ನೋಉಪಾದಾನಂ ಧಮ್ಮಂ ಪಟಿಚ್ಚ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಉಪಾದಾನೇ ಖನ್ಧೇ ಪಟಿಚ್ಚ ಉಪಾದಾನಾ। (೨)

ನೋಉಪಾದಾನಂ ಧಮ್ಮಂ ಪಟಿಚ್ಚ ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಉಪಾದಾನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಉಪಾದಾನಾ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಉಪಾದಾನಾ ಚ ಚಿತ್ತಸಮುಟ್ಠಾನಞ್ಚ ರೂಪಂ। (೩)

೩. ಉಪಾದಾನಞ್ಚ ನೋಉಪಾದಾನಞ್ಚ ಧಮ್ಮಂ ಪಟಿಚ್ಚ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಿಟ್ಠುಪಾದಾನಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಕಾಮುಪಾದಾನಂ (ಸಬ್ಬೇ ಚಕ್ಕಾ ಕಾತಬ್ಬಾ)। (೧)

ಉಪಾದಾನಞ್ಚ ನೋಉಪಾದಾನಞ್ಚ ಧಮ್ಮಂ ಪಟಿಚ್ಚ ನೋಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಉಪಾದಾನಂ ಏಕಂ ಖನ್ಧಞ್ಚ ಉಪಾದಾನಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ ಚ…ಪೇ॰… ಉಪಾದಾನಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ಉಪಾದಾನಞ್ಚ ನೋಉಪಾದಾನಞ್ಚ ಧಮ್ಮಂ ಪಟಿಚ್ಚ ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಉಪಾದಾನಂ ಏಕಂ ಖನ್ಧಞ್ಚ ದಿಟ್ಠುಪಾದಾನಞ್ಚ ಪಟಿಚ್ಚ ತಯೋ ಖನ್ಧಾ ಕಾಮುಪಾದಾನಞ್ಚ ಚಿತ್ತಸಮುಟ್ಠಾನಂ ರೂಪಂ, ದ್ವೇ ಖನ್ಧೇ ಚ…ಪೇ॰… (ಚಕ್ಕಂ ಕಾತಬ್ಬಂ)। (೩)

ಆರಮ್ಮಣಪಚ್ಚಯೋ

೪. ಉಪಾದಾನಂ ಧಮ್ಮಂ ಪಟಿಚ್ಚ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ (ನವಪಿ ಪಞ್ಹಾ ಕಾತಬ್ಬಾ, ರೂಪಂ ಛಡ್ಡೇತಬ್ಬಂ)।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೫. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ (ಸಬ್ಬತ್ಥ ನವ), ವಿಪಾಕೇ ಏಕಂ…ಪೇ॰… ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೬. ನೋಉಪಾದಾನಂ ಧಮ್ಮಂ ಪಟಿಚ್ಚ ನೋಉಪಾದಾನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೋಉಪಾದಾನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ॰… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ನಆರಮ್ಮಣಪಚ್ಚಯಾದಿ

೭. ಉಪಾದಾನಂ ಧಮ್ಮಂ ಪಟಿಚ್ಚ ನೋಉಪಾದಾನೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಉಪಾದಾನೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

ನೋಉಪಾದಾನಂ ಧಮ್ಮಂ ಪಟಿಚ್ಚ ನೋಉಪಾದಾನೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನೋಉಪಾದಾನೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ನೋಉಪಾದಾನೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ, ಖನ್ಧೇ ಪಟಿಚ್ಚ ವತ್ಥು, ಏಕಂ ಮಹಾಭೂತಂ…ಪೇ॰… (ಯಾವ ಅಸಞ್ಞಸತ್ತಾ)। (೧)

ಉಪಾದಾನಞ್ಚ ನೋಉಪಾದಾನಂ ಚ ಧಮ್ಮಂ ಪಟಿಚ್ಚ ನೋಉಪಾದಾನೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಉಪಾದಾನೇ ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಉಪಾದಾನೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

ನಅಧಿಪತಿಪಚ್ಚಯಾ… ನಅನನ್ತರಪಚ್ಚಯಾ…ಪೇ॰… ನಉಪನಿಸ್ಸಯಪಚ್ಚಯಾ।

ನಪುರೇಜಾತಪಚ್ಚಯೋ

೮. ಉಪಾದಾನಂ ಧಮ್ಮಂ ಪಟಿಚ್ಚ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಅತ್ತವಾದುಪಾದಾನಂ ಪಟಿಚ್ಚ ಕಾಮುಪಾದಾನಂ, ಕಾಮುಪಾದಾನಂ ಪಟಿಚ್ಚ ಅತ್ತವಾದುಪಾದಾನಂ। (೧)

ಉಪಾದಾನಂ ಧಮ್ಮಂ ಪಟಿಚ್ಚ ನೋಉಪಾದಾನೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಉಪಾದಾನೇ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ, ಉಪಾದಾನೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ (ಸಂಖಿತ್ತಂ, ನವಪಿ ಪಞ್ಹಾ ಅರೂಪೇ ದ್ವೇ ಉಪಾದಾನಾ)।

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೯. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ…ಪೇ॰… ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ನವ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೩. ಪಚ್ಚಯಾನುಲೋಮಪಚ್ಚನೀಯಂ

೧೦. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ನವ…ಪೇ॰… ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ನವ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೪. ಪಚ್ಚಯಪಚ್ಚನೀಯಾನುಲೋಮಂ

೧೧. ನಹೇತುಪಚ್ಚಯಾ ಆರಮ್ಮಣೇ ಏಕಂ (ಸಬ್ಬತ್ಥ ಏಕಂ), ಮಗ್ಗೇ ಏಕಂ…ಪೇ॰… ಅವಿಗತೇ ಏಕಂ।

೨. ಸಹಜಾತವಾರೋ

(ಸಹಜಾತವಾರೋ ಪಟಿಚ್ಚವಾರಸದಿಸೋ ವಿಭಜನ್ತೇನ ದಿಟ್ಠುಪಾದಾನಂ ‘‘ಸಹಜಾತಂ ಕಾಮುಪಾದಾನ’’ನ್ತಿ ಕಾತಬ್ಬಂ।)

೩. ಪಚ್ಚಯವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೧೨. ಉಪಾದಾನಂ ಧಮ್ಮಂ ಪಚ್ಚಯಾ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಿಟ್ಠುಪಾದಾನಂ ಪಚ್ಚಯಾ ಕಾಮುಪಾದಾನಂ… ತೀಣಿ (ಪಟಿಚ್ಚಸದಿಸಾ)।

ನೋಉಪಾದಾನಂ ಧಮ್ಮಂ ಪಚ್ಚಯಾ ನೋಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಉಪಾದಾನಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಚ್ಚಯಾ ವತ್ಥು…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ) ವತ್ಥುಂ ಪಚ್ಚಯಾ ನೋಉಪಾದಾನಾ ಖನ್ಧಾ। (೧)

ನೋಉಪಾದಾನಂ ಧಮ್ಮಂ ಪಚ್ಚಯಾ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಉಪಾದಾನೇ ಖನ್ಧೇ ಪಚ್ಚಯಾ ಉಪಾದಾನಾ, ವತ್ಥುಂ ಪಚ್ಚಯಾ ಉಪಾದಾನಾ। (೨)

ನೋಉಪಾದಾನಂ ಧಮ್ಮಂ ಪಚ್ಚಯಾ ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಉಪಾದಾನಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಉಪಾದಾನಾ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ವತ್ಥುಂ ಪಚ್ಚಯಾ ಉಪಾದಾನಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವತ್ಥುಂ ಪಚ್ಚಯಾ ಉಪಾದಾನಾ ಸಮ್ಪಯುತ್ತಕಾ ಚ ಖನ್ಧಾ। (೩)

೧೩. ಉಪಾದಾನಞ್ಚ ನೋಉಪಾದಾನಞ್ಚ ಧಮ್ಮಂ ಪಚ್ಚಯಾ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಿಟ್ಠುಪಾದಾನಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಚ್ಚಯಾ ಕಾಮುಪಾದಾನಂ, ಕಾಮುಪಾದಾನಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಚ್ಚಯಾ ದಿಟ್ಠುಪಾದಾನಂ (ಚಕ್ಕಂ ಕಾತಬ್ಬಂ)। ದಿಟ್ಠುಪಾದಾನಞ್ಚ ವತ್ಥುಞ್ಚ ಪಚ್ಚಯಾ ಕಾಮುಪಾದಾನಂ (ಚಕ್ಕಂ ಕಾತಬ್ಬಂ)। (೧)

ಉಪಾದಾನಞ್ಚ ನೋಉಪಾದಾನಞ್ಚ ಧಮ್ಮಂ ಪಚ್ಚಯಾ ನೋಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಉಪಾದಾನಂ ಏಕಂ ಖನ್ಧಞ್ಚ ಉಪಾದಾನಞ್ಚ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰… (ಚಕ್ಕಂ ಕಾತಬ್ಬಂ)। ಉಪಾದಾನೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಉಪಾದಾನಞ್ಚ ವತ್ಥುಞ್ಚ ಪಚ್ಚಯಾ ನೋಉಪಾದಾನಾ ಖನ್ಧಾ। (೨)

ಉಪಾದಾನಞ್ಚ ನೋಉಪಾದಾನಞ್ಚ ಧಮ್ಮಂ ಪಚ್ಚಯಾ ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಉಪಾದಾನಂ ಏಕಂ ಖನ್ಧಞ್ಚ ದಿಟ್ಠುಪಾದಾನಞ್ಚ ಪಚ್ಚಯಾ ತಯೋ ಖನ್ಧಾ ಕಾಮುಪಾದಾನಂ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… (ಚಕ್ಕಂ)। ದಿಟ್ಠುಪಾದಾನಞ್ಚ ವತ್ಥುಞ್ಚ ಪಚ್ಚಯಾ ಕಾಮುಪಾದಾನಂ ಸಮ್ಪಯುತ್ತಕಾ ಚ ಖನ್ಧಾ…ಪೇ॰… (ಚಕ್ಕಂ)। (೩)

ಆರಮ್ಮಣಪಚ್ಚಯಾ… (ಆರಮ್ಮಣೇ ನೋಉಪಾದಾನಮೂಲಕೇ ಪಞ್ಚಾಯತನಞ್ಚ ವತ್ಥುಞ್ಚ ಕಾತಬ್ಬಾ)।

ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ (ಸಬ್ಬತ್ಥ ನವ), ವಿಪಾಕೇ ಏಕಂ…ಪೇ॰… ಅವಿಗತೇ ನವ।

ಅನುಲೋಮಂ।

೧೪. ನೋಉಪಾದಾನಂ ಧಮ್ಮಂ ಪಚ್ಚಯಾ ನೋಉಪಾದಾನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೋಉಪಾದಾನಂ ಏಕಂ ಖನ್ಧಂ ಪಚ್ಚಯಾ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ನೋಉಪಾದಾನಾ ಖನ್ಧಾ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ।

ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ…ಪೇ॰… ನಪುರೇಜಾತೇ ನವ…ಪೇ॰… ನಕಮ್ಮೇ ತೀಣಿ, ನವಿಪಾಕೇ ನವ (ಪಟಿಚ್ಚಸದಿಸಂ)…ಪೇ॰… ನೋವಿಗತೇ ತೀಣಿ।

ಪಚ್ಚನೀಯಂ।

೪. ನಿಸ್ಸಯವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೧೫. ಉಪಾದಾನಂ ಧಮ್ಮಂ ಸಂಸಟ್ಠೋ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಿಟ್ಠುಪಾದಾನಂ ಸಂಸಟ್ಠಂ ಕಾಮುಪಾದಾನಂ, ಕಾಮುಪಾದಾನಂ ಸಂಸಟ್ಠಂ ದಿಟ್ಠುಪಾದಾನಂ (ಚಕ್ಕಂ। ಏವಂ ನವಪಿ ಪಞ್ಹಾ ಕಾತಬ್ಬಾ)।

ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ (ಸಬ್ಬತ್ಥ ನವ), ವಿಪಾಕೇ ಏಕಂ…ಪೇ॰… ವಿಗತೇ ನವ, ಅವಿಗತೇ ನವ।

ಅನುಲೋಮಂ।

೧೬. ನೋಉಪಾದಾನಂ ಧಮ್ಮಂ ಸಂಸಟ್ಠೋ ನೋಉಪಾದಾನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೋಉಪಾದಾನಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಸಂಸಟ್ಠೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ।

ನಹೇತುಯಾ ಏಕಂ, ನಅಧಿಪತಿಯಾ ನವ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ನವ।

ಪಚ್ಚನೀಯಂ।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೭. ಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪಾದಾನಾ ಹೇತೂ ಸಮ್ಪಯುತ್ತಕಾನಂ ಉಪಾದಾನಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಉಪಾದಾನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಉಪಾದಾನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಉಪಾದಾನಾನಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

೧೮. ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೋಉಪಾದಾನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೧)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೋಉಪಾದಾನಾ ಹೇತೂ ಸಮ್ಪಯುತ್ತಕಾನಂ ಉಪಾದಾನಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ನೋಉಪಾದಾನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಉಪಾದಾನಾನಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

೧೯. ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪಾದಾನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪಾದಾನಾ ಚ ನೋಉಪಾದಾನಾ ಚ ಹೇತೂ ಸಮ್ಪಯುತ್ತಕಾನಂ ಉಪಾದಾನಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಉಪಾದಾನಾ ಚ ನೋಉಪಾದಾನಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಉಪಾದಾನಾ ಚ ನೋಉಪಾದಾನಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಉಪಾದಾನಾನಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

ಆರಮ್ಮಣಪಚ್ಚಯೋ

೨೦. ಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉಪಾದಾನೇ ಆರಬ್ಭ ಉಪಾದಾನಾ ಉಪ್ಪಜ್ಜನ್ತಿ… ತೀಣಿ (ಆರಬ್ಭ ಕಾತಬ್ಬಾ)।

ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ, ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ…ಪೇ॰… ನಿಬ್ಬಾನಂ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। ಅರಿಯಾ ನೋಉಪಾದಾನೇ ಪಹೀನೇ ಕಿಲೇಸೇ …ಪೇ॰… ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಉಪಾದಾನೇ ಖನ್ಧೇ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ। ಚೇತೋಪರಿಯಞಾಣೇನ ನೋಉಪಾದಾನಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ॰… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ॰… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰… ನೋಉಪಾದಾನಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ…ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಉಪಾದಾನೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। (೨)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಚ ನೋಉಪಾದಾನಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ…ಪೇ॰… ಪುಬ್ಬೇ ಸುಚಿಣ್ಣಾನಿ …ಪೇ॰… ಝಾನಾ ವುಟ್ಠಹಿತ್ವಾ ಝಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಉಪಾದಾನೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। (೩)

ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಆರಬ್ಭ ಕಾತಬ್ಬಾ)।

ಅಧಿಪತಿಪಚ್ಚಯೋ

೨೧. ಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ಉಪಾದಾನೇ ಗರುಂ ಕತ್ವಾ ಉಪಾದಾನಾ ಉಪ್ಪಜ್ಜನ್ತಿ… ತೀಣಿ (ಆರಮ್ಮಣಾಧಿಪತಿಯೇವ)।

೨೨. ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ…ಪೇ॰… ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ನೋಉಪಾದಾನೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ನೋಉಪಾದಾನಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ಪುಬ್ಬೇ…ಪೇ॰… ಝಾನಾ…ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಉಪಾದಾನೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ನೋಉಪಾದಾನಾಧಿಪತಿ ಸಮ್ಪಯುತ್ತಕಾನಂ ಉಪಾದಾನಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಚ ನೋಉಪಾದಾನಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ , ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ…ಪೇ॰… ಝಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಉಪಾದಾನೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ನೋಉಪಾದಾನಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಉಪಾದಾನಾನಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪಾದಾನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ… ತೀಣಿ… ಆರಮ್ಮಣಾಧಿಪತಿ… ತೀಣಿ (ಆರಬ್ಭ ಕಾತಬ್ಬಾ, ಆರಮ್ಮಣಾಧಿಪತಿಯೇವ)।

ಅನನ್ತರಪಚ್ಚಯಾದಿ

೨೩. ಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪಾದಾನಾ ಪಚ್ಛಿಮಾನಂ ಪಚ್ಛಿಮಾನಂ ಉಪಾದಾನಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮಾ ಪುರಿಮಾ ಉಪಾದಾನಾ ಪಚ್ಛಿಮಾನಂ ಪಚ್ಛಿಮಾನಂ ನೋಉಪಾದಾನಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಉಪಾದಾನಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮಾ ಪುರಿಮಾ ಉಪಾದಾನಾ ಪಚ್ಛಿಮಾನಂ ಪಚ್ಛಿಮಾನಂ ಉಪಾದಾನಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೩)

೨೪. ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೋಉಪಾದಾನಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೋಉಪಾದಾನಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ॰… ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೧)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೋಉಪಾದಾನಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪಾದಾನಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಉಪಾದಾನಾನಂ ಅನನ್ತರಪಚ್ಚಯೇನ ಪಚ್ಚಯೋ। (೨)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಚ ನೋಉಪಾದಾನಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೋಉಪಾದಾನಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪಾದಾನಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಉಪಾದಾನಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೩)

೨೫. ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪಾದಾನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪಾದಾನಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮಾ ಪುರಿಮಾ ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೋಉಪಾದಾನಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮಾ ಪುರಿಮಾ ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪಾದಾನಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೩)

ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ (ಪಟಿಚ್ಚಸದಿಸಂ)… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ (ಪಟಿಚ್ಚಸದಿಸಂ)… ನಿಸ್ಸಯಪಚ್ಚಯೇನ ಪಚ್ಚಯೋ (ಪಚ್ಚಯಸದಿಸಂ)।

ಉಪನಿಸ್ಸಯಪಚ್ಚಯೋ

೨೬. ಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ …ಪೇ॰…। ಪಕತೂಪನಿಸ್ಸಯೋ – ಉಪಾದಾನಾ ಉಪಾದಾನಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ।

೨೭. ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಪಞ್ಞಂ… ರಾಗಂ…ಪೇ॰… ಪತ್ಥನಂ… ಕಾಯಿಕಂ ಸುಖಂ…ಪೇ॰… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ, ಸದ್ಧಾ…ಪೇ॰… ಸೇನಾಸನಂ ಸದ್ಧಾಯ…ಪೇ॰… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಸೇನಾಸನಂ ಉಪನಿಸ್ಸಾಯ ಅದಿನ್ನಂ…ಪೇ॰… ಮುಸಾ…ಪೇ॰… ಪಿಸುಣಂ…ಪೇ॰… ಸಮ್ಫಂ…ಪೇ॰… ಸನ್ಧಿಂ…ಪೇ॰… ನಿಲ್ಲೋಪಂ…ಪೇ॰… ಏಕಾಗಾರಿಕಂ…ಪೇ॰… ಪರಿಪನ್ಥೇ…ಪೇ॰… ಪರದಾರಂ…ಪೇ॰… ಗಾಮಘಾತಂ…ಪೇ॰… ನಿಗಮಘಾತಂ ಕರೋತಿ; ಸದ್ಧಾ…ಪೇ॰… ಸೇನಾಸನಂ ಉಪಾದಾನಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ॰… ಸೇನಾಸನಂ ಉಪನಿಸ್ಸಾಯ ಅದಿನ್ನಂ ಆದಿಯತಿ, ಮುಸಾ…ಪೇ॰… ಪಿಸುಣಂ…ಪೇ॰… ಸಮ್ಫಂ…ಪೇ॰… ಸನ್ಧಿಂ…ಪೇ॰… ನಿಲ್ಲೋಪಂ…ಪೇ॰… ಏಕಾಗಾರಿಕಂ…ಪೇ॰… ಪರಿಪನ್ಥೇ…ಪೇ॰… ಪರದಾರಂ…ಪೇ॰… ಗಾಮಘಾತಂ…ಪೇ॰… ನಿಗಮಘಾತಂ ಕರೋತಿ; ಸದ್ಧಾ…ಪೇ॰… ಸೇನಾಸನಂ ಉಪಾದಾನಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪಾದಾನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ… ತೀಣಿ।

ಪುರೇಜಾತಪಚ್ಚಯೋ

೨೮. ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ। ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰…। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ॰… ವತ್ಥು ನೋಉಪಾದಾನಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೧)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ವತ್ಥುಪುರೇಜಾತಂ – ವತ್ಥು ಉಪಾದಾನಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಚ ನೋಉಪಾದಾನಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। ವತ್ಥುಪುರೇಜಾತಂ – ವತ್ಥು ಉಪಾದಾನಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೩)

ಪಚ್ಛಾಜಾತಾಸೇವನಪಚ್ಚಯಾ

೨೯. ಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೧)

ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೧)

ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ನೋಉಪಾದಾನಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೧) …ಆಸೇವನಪಚ್ಚಯೇನ ಪಚ್ಚಯೋ।

ಕಮ್ಮಪಚ್ಚಯೋ

೩೦. ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ನೋಉಪಾದಾನಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ನೋಉಪಾದಾನಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ನೋಉಪಾದಾನಾ ಚೇತನಾ ಸಮ್ಪಯುತ್ತಕಾನಂ ಉಪಾದಾನಾನಂ ಕಮ್ಮಪಚ್ಚಯೇನ ಪಚ್ಚಯೋ। (೨)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಚ ನೋಉಪಾದಾನಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ನೋಉಪಾದಾನಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಉಪಾದಾನಾನಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

ವಿಪಾಕಪಚ್ಚಯಾದಿ

೩೧. ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ನೋಉಪಾದಾನೋ ಏಕೋ ಖನ್ಧೋ…ಪೇ॰… ಏಕಂ।

ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ತೀಣಿ (ಏಕೋಯೇವ ಕಬಳೀಕಾರೋ ಆಹಾರೋ)… ಇನ್ದ್ರಿಯಪಚ್ಚಯೇನ ಪಚ್ಚಯೋ… ತೀಣಿ (ರೂಪಜೀವಿತಿನ್ದ್ರಿಯಂ ಏಕಂಯೇವ)… ಝಾನಪಚ್ಚಯೇನ ಪಚ್ಚಯೋ… ತೀಣಿ।

ಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಮಗ್ಗಪಚ್ಚಯೇನ ಪಚ್ಚಯೋ – ಉಪಾದಾನಾನಿ ಮಗ್ಗಙ್ಗಾನಿ ಸಮ್ಪಯುತ್ತಕಾನಂ ಉಪಾದಾನಾನಂ ಮಗ್ಗಪಚ್ಚಯೇನ ಪಚ್ಚಯೋ (ಇಮಿನಾ ಕಾರಣೇನ ನವ ಪಞ್ಹಾ ಕಾತಬ್ಬಾ)… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ನವ।

ವಿಪ್ಪಯುತ್ತಪಚ್ಚಯೋ

೩೨. ಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ। ಸಹಜಾತಾ – ಉಪಾದಾನಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪಚ್ಛಾಜಾತಂ – ಪಚ್ಛಾಜಾತಾ ಉಪಾದಾನಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೧)

ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಉಪಾದಾನಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೨)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಚ ನೋಉಪಾದಾನಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಉಪಾದಾನಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೩)

೩೩. ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ನೋಉಪಾದಾನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ। ಸಹಜಾತಾ – ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೧)

ಅತ್ಥಿಪಚ್ಚಯೋ

೩೪. ಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ದಿಟ್ಠುಪಾದಾನಂ ಕಾಮುಪಾದಾನಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಚಕ್ಕಂ)। (೧)

ಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ। ಸಹಜಾತಾ – ಉಪಾದಾನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಉಪಾದಾನಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। (೨)

ಉಪಾದಾನೋ ಧಮ್ಮೋ ಉಪಾದಾನಸ್ಸ ಚ ನೋಉಪಾದಾನಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಸಂಖಿತ್ತಂ, ಪಟಿಚ್ಚಸದಿಸಂ)। (೩)

೩೫. ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ, ವಿತ್ಥಾರೇತಬ್ಬಂ)। (೧)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತಂ (ಸಹಜಾತಸದಿಸಂ)। ಪುರೇಜಾತಂ (ಪುರೇಜಾತಸದಿಸಂ)। (೨)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಚ ನೋಉಪಾದಾನಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ಸಂಖಿತ್ತಂ, ಸಹಜಾತಸದಿಸಂ ಸಹಜಾತಂ ವಿಭಜಿತಬ್ಬಂ, ಪುರೇಜಾತಸದಿಸಂ ಪುರೇಜಾತಂ)। (೩)

೩೬. ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪಾದಾನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತಂ – ದಿಟ್ಠುಪಾದಾನಞ್ಚ ಸಮ್ಪಯುತ್ತಕಾ ಚ ಖನ್ಧಾ ಕಾಮುಪಾದಾನಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಚಕ್ಕಂ)। ಸಹಜಾತಂ – ದಿಟ್ಠುಪಾದಾನಞ್ಚ ವತ್ಥು ಚ ಕಾಮುಪಾದಾನಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಚಕ್ಕಂ)। (೧)

ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ನೋಉಪಾದಾನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। ಸಹಜಾತೋ – ನೋಉಪಾದಾನೋ ಏಕೋ ಖನ್ಧೋ ಚ ಉಪಾದಾನಾ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। ಸಹಜಾತಾ – ಉಪಾದಾನಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಸಹಜಾತಾ – ಉಪಾದಾನಾ ಚ ವತ್ಥು ಚ ನೋಉಪಾದಾನಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪಾದಾನಸ್ಸ ಚ ನೋಉಪಾದಾನಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ನೋಉಪಾದಾನೋ ಏಕೋ ಖನ್ಧೋ ಚ ದಿಟ್ಠುಪಾದಾನಞ್ಚ ತಿಣ್ಣನ್ನಂ ಖನ್ಧಾನಂ ಕಾಮುಪಾದಾನಸ್ಸ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰… (ಚಕ್ಕಂ)। ಸಹಜಾತಂ – ದಿಟ್ಠುಪಾದಾನಞ್ಚ ವತ್ಥು ಚ ಕಾಮುಪಾದಾನಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ (ಚಕ್ಕಂ)। (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೩೭. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ , ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ , ಆಸೇವನೇ ನವ, ಕಮ್ಮೇ ತೀಣಿ, ವಿಪಾಕೇ ಏಕಂ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ನವ, ಸಮ್ಪಯುತ್ತೇ ನವ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ।

ಅನುಲೋಮಂ।

೨. ಪಚ್ಚನೀಯುದ್ಧಾರೋ

೩೮. ಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। (೨)

ಉಪಾದಾನೋ ಧಮ್ಮೋ ಉಪಾದಾನಸ್ಸ ಚ ನೋಉಪಾದಾನಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೩೯. ನೋಉಪಾದಾನೋ ಧಮ್ಮೋ ನೋಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। (೧)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

ನೋಉಪಾದಾನೋ ಧಮ್ಮೋ ಉಪಾದಾನಸ್ಸ ಚ ನೋಉಪಾದಾನಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ । (೩)

೪೦. ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ನೋಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। (೨)

ಉಪಾದಾನೋ ಚ ನೋಉಪಾದಾನೋ ಚ ಧಮ್ಮಾ ಉಪಾದಾನಸ್ಸ ಚ ನೋಉಪಾದಾನಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೪೧. ನಹೇತುಯಾ ನವ, ನಆರಮ್ಮಣೇ ನವ (ಸಬ್ಬತ್ಥ ನವ), ನೋಅವಿಗತೇ ನವ।

೩. ಪಚ್ಚಯಾನುಲೋಮಪಚ್ಚನೀಯಂ

೪೨. ಹೇತುಪಚ್ಚಯಾ ನಆರಮ್ಮಣೇ ನವ, ನಅಧಿಪತಿಯಾ ನವ…ಪೇ॰… ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ನವ (ಸಬ್ಬತ್ಥ ನವ), ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ನವ, ನೋನತ್ಥಿಯಾ ನವ, ನೋವಿಗತೇ ನವ।

೪. ಪಚ್ಚಯಪಚ್ಚನೀಯಾನುಲೋಮಂ

೪೩. ನಹೇತುಪಚ್ಚಯಾ ಆರಮ್ಮಣೇ ನವ, ಅಧಿಪತಿಯಾ ನವ (ಅನುಲೋಮಮಾತಿಕಾ ಕಾತಬ್ಬಾ)…ಪೇ॰… ಅವಿಗತೇ ನವ।

ಉಪಾದಾನದುಕಂ ನಿಟ್ಠಿತಂ।

೭೦. ಉಪಾದಾನಿಯದುಕಂ

೧-೭. ಪಟಿಚ್ಚವಾರಾದಿ

೪೪. ಉಪಾದಾನಿಯಂ ಧಮ್ಮಂ ಪಟಿಚ್ಚ ಉಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನಿಯಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰… (ಯಥಾ ಲೋಕಿಯದುಕಂ, ಏವಂ ಕಾತಬ್ಬಂ। ನಿನ್ನಾನಾಕರಣಂ)।

ಉಪಾದಾನಿಯದುಕಂ ನಿಟ್ಠಿತಂ।

೭೧. ಉಪಾದಾನಸಮ್ಪಯುತ್ತದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೪೫. ಉಪಾದಾನಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನಸಮ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ಉಪಾದಾನಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನಸಮ್ಪಯುತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಪಟಿಚ್ಚ ಲೋಭೋ ಚಿತ್ತಸಮುಟ್ಠಾನಞ್ಚ ರೂಪಂ। (೨)

ಉಪಾದಾನಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಉಪಾದಾನಸಮ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ದಿಟ್ಠಿಗತವಿಪ್ಪಯುತ್ತಲೋಭಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಲೋಭೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

೪೬. ಉಪಾದಾನವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನವಿಪ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ದಿಟ್ಠಿಗತವಿಪ್ಪಯುತ್ತಂ ಲೋಭಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ಉಪಾದಾನವಿಪ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰…। (೧)

ಉಪಾದಾನವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಿಟ್ಠಿಗತವಿಪ್ಪಯುತ್ತಂ ಲೋಭಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ। (೨)

ಉಪಾದಾನವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಿಟ್ಠಿಗತವಿಪ್ಪಯುತ್ತಂ ಲೋಭಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ। (೩)

೪೭. ಉಪಾದಾನಸಮ್ಪಯುತ್ತಞ್ಚ ಉಪಾದಾನವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಂ ಏಕಂ ಖನ್ಧಞ್ಚ ಲೋಭಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। (೧)

ಉಪಾದಾನಸಮ್ಪಯುತ್ತಞ್ಚ ಉಪಾದಾನವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನಸಮ್ಪಯುತ್ತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ಉಪಾದಾನಸಮ್ಪಯುತ್ತಞ್ಚ ಉಪಾದಾನವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಂ ಏಕಂ ಖನ್ಧಞ್ಚ ಲೋಭಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰…। (೩)

ಆರಮ್ಮಣಪಚ್ಚಯೋ

೪೮. ಉಪಾದಾನಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಉಪಾದಾನಸಮ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ಉಪಾದಾನಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಪಟಿಚ್ಚ ಲೋಭೋ। (೨)

ಉಪಾದಾನಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಲೋಭೋ ಚ…ಪೇ॰… ದ್ವೇ ಖನ್ಧೇ…ಪೇ॰…। (೩)

೪೯. ಉಪಾದಾನವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಉಪಾದಾನವಿಪ್ಪಯುತ್ತಂ ಏಕಂ ಖನ್ಧಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ವತ್ಥುಂ ಪಟಿಚ್ಚ ಖನ್ಧಾ। (೧)

ಉಪಾದಾನವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ದಿಟ್ಠಿಗತವಿಪ್ಪಯುತ್ತಂ ಲೋಭಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ। (೨)

ಉಪಾದಾನಸಮ್ಪಯುತ್ತಞ್ಚ ಉಪಾದಾನವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಂ ಏಕಂ ಖನ್ಧಞ್ಚ ಲೋಭಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। (೩) (ಸಂಖಿತ್ತಂ।)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೫೦. ಹೇತುಯಾ ನವ, ಆರಮ್ಮಣೇ ಛ, ಅಧಿಪತಿಯಾ ನವ, ಅನನ್ತರೇ ಛ, ಸಮನನ್ತರೇ ಛ, ಸಹಜಾತೇ ನವ, ಅಞ್ಞಮಞ್ಞೇ ಛ, ನಿಸ್ಸಯೇ ನವ, ಉಪನಿಸ್ಸಯೇ ಛ, ಪುರೇಜಾತೇ ಛ, ಆಸೇವನೇ ಛ, ಕಮ್ಮೇ ನವ, ವಿಪಾಕೇ ಏಕಂ, ಆಹಾರೇ ನವ (ಸಬ್ಬತ್ಥ ನವ), ಮಗ್ಗೇ ನವ, ಸಮ್ಪಯುತ್ತೇ ಛ, ವಿಪ್ಪಯುತ್ತೇ ನವ, ಅತ್ಥಿಯಾ ನವ, ನತ್ಥಿಯಾ ಛ, ವಿಗತೇ ಛ, ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೫೧. ಉಪಾದಾನವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಉಪಾದಾನವಿಪ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

ನಆರಮ್ಮಣಪಚ್ಚಯಾದಿ

೫೨. ಉಪಾದಾನಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಉಪಾದಾನಸಮ್ಪಯುತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

ಉಪಾದಾನವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಉಪಾದಾನವಿಪ್ಪಯುತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ದಿಟ್ಠಿಗತವಿಪ್ಪಯುತ್ತಂ ಲೋಭಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ)। (೧)

ಉಪಾದಾನಸಮ್ಪಯುತ್ತಞ್ಚ ಉಪಾದಾನವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಉಪಾದಾನಸಮ್ಪಯುತ್ತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

ನಅಧಿಪತಿಪಚ್ಚಯಾ… ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಉಪನಿಸ್ಸಯಪಚ್ಚಯಾ।

ನಪುರೇಜಾತಪಚ್ಚಯಾದಿ

೫೩. ಉಪಾದಾನಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಉಪಾದಾನಸಮ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ಉಪಾದಾನಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಪಟಿಚ್ಚ ಲೋಭೋ, ಉಪಾದಾನಸಮ್ಪಯುತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ಉಪಾದಾನಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ನಪುರೇಜಾತಪಚ್ಚಯಾ – ಅರೂಪೇ ದಿಟ್ಠಿಗತವಿಪ್ಪಯುತ್ತಲೋಭಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಲೋಭೋ ಚ…ಪೇ॰… ದ್ವೇ ಖನ್ಧೇ…ಪೇ॰…। (೩)

೫೪. ಉಪಾದಾನವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಉಪಾದಾನವಿಪ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಉಪಾದಾನವಿಪ್ಪಯುತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ದಿಟ್ಠಿಗತವಿಪ್ಪಯುತ್ತಂ ಲೋಭಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ)। (೧)

ಉಪಾದಾನವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ದಿಟ್ಠಿಗತವಿಪ್ಪಯುತ್ತಂ ಲೋಭಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ। (೨)

ಉಪಾದಾನಸಮ್ಪಯುತ್ತಞ್ಚ ಉಪಾದಾನವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ದಿಟ್ಠಿಗತವಿಪ್ಪಯುತ್ತಲೋಭಸಹಗತಂ ಏಕಂ ಖನ್ಧಞ್ಚ ಲೋಭಞ್ಚ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। (೧)

ಉಪಾದಾನಸಮ್ಪಯುತ್ತಞ್ಚ ಉಪಾದಾನವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಉಪಾದಾನಸಮ್ಪಯುತ್ತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ।

ನಕಮ್ಮಪಚ್ಚಯೋ

೫೫. ಉಪಾದಾನಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಉಪಾದಾನಸಮ್ಪಯುತ್ತೇ ಖನ್ಧೇ ಪಟಿಚ್ಚ ಸಮ್ಪಯುತ್ತಕಾ ಚೇತನಾ। (೧)

ಉಪಾದಾನವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಉಪಾದಾನವಿಪ್ಪಯುತ್ತೇ ಖನ್ಧೇ ಪಟಿಚ್ಚ ಸಮ್ಪಯುತ್ತಕಾ ಚೇತನಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…ಪೇ॰…। (೧)

ಉಪಾದಾನವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ದಿಟ್ಠಿಗತವಿಪ್ಪಯುತ್ತಂ ಲೋಭಂ ಪಟಿಚ್ಚ ಸಮ್ಪಯುತ್ತಕಾ ಚೇತನಾ। (೨)

ಉಪಾದಾನಸಮ್ಪಯುತ್ತಞ್ಚ ಉಪಾದಾನವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಪಟಿಚ್ಚ ಸಮ್ಪಯುತ್ತಕಾ ಚೇತನಾ। (೧) (ಸಂಖಿತ್ತಂ।)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೫೬. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೨. ಸಹಜಾತವಾರೋ

(ಇತರೇ ದ್ವೇ ಗಣನಾಪಿ ಕಾತಬ್ಬಾ। ಸಹಜಾತವಾರೋ ಪಟಿಚ್ಚವಾರಸದಿಸೋ।)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೫೭. ಉಪಾದಾನಸಮ್ಪಯುತ್ತಂ ಧಮ್ಮಂ ಪಚ್ಚಯಾ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚಸದಿಸಂ)।

ಉಪಾದಾನವಿಪ್ಪಯುತ್ತಂ ಧಮ್ಮಂ ಪಚ್ಚಯಾ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನವಿಪ್ಪಯುತ್ತಂ ಏಕಂ ಖನ್ಧಂ ಪಚ್ಚಯಾ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ) ವತ್ಥುಂ ಪಚ್ಚಯಾ ಉಪಾದಾನವಿಪ್ಪಯುತ್ತಾ ಖನ್ಧಾ, ವತ್ಥುಂ ಪಚ್ಚಯಾ ದಿಟ್ಠಿಗತವಿಪ್ಪಯುತ್ತೋ ಲೋಭೋ। (೧)

ಉಪಾದಾನವಿಪ್ಪಯುತ್ತಂ ಧಮ್ಮಂ ಪಚ್ಚಯಾ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಉಪಾದಾನಸಮ್ಪಯುತ್ತಾ ಖನ್ಧಾ, ದಿಟ್ಠಿಗತವಿಪ್ಪಯುತ್ತಂ ಲೋಭಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ। (೨)

ಉಪಾದಾನವಿಪ್ಪಯುತ್ತಂ ಧಮ್ಮಂ ಪಚ್ಚಯಾ ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಉಪಾದಾನಸಮ್ಪಯುತ್ತಕಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ದಿಟ್ಠಿಗತವಿಪ್ಪಯುತ್ತಂ ಲೋಭಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ವತ್ಥುಂ ಪಚ್ಚಯಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ। (೩)

೫೮. ಉಪಾದಾನಸಮ್ಪಯುತ್ತಞ್ಚ ಉಪಾದಾನವಿಪ್ಪಯುತ್ತಞ್ಚ ಧಮ್ಮಂ ಪಚ್ಚಯಾ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನಸಮ್ಪಯುತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ದಿಟ್ಠಿಗತವಿಪ್ಪಯುತ್ತಲೋಭಸಹಗತಂ ಏಕಂ ಖನ್ಧಞ್ಚ ಲೋಭಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰…। (೧)

ಉಪಾದಾನಸಮ್ಪಯುತ್ತಞ್ಚ ಉಪಾದಾನವಿಪ್ಪಯುತ್ತಞ್ಚ ಧಮ್ಮಂ ಪಚ್ಚಯಾ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನಸಮ್ಪಯುತ್ತೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಲೋಭೋ। (೨)

ಉಪಾದಾನಸಮ್ಪಯುತ್ತಞ್ಚ ಉಪಾದಾನವಿಪ್ಪಯುತ್ತಞ್ಚ ಧಮ್ಮಂ ಪಚ್ಚಯಾ ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಉಪಾದಾನಸಮ್ಪಯುತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಚ…ಪೇ॰… ಉಪಾದಾನಸಮ್ಪಯುತ್ತೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ ಲೋಭೋ ಚ…ಪೇ॰… ದ್ವೇ ಖನ್ಧೇ ಚ…ಪೇ॰…। (೩) (ಸಂಖಿತ್ತಂ। ಆರಮ್ಮಣಪಚ್ಚಯಮ್ಹಿ ಪಞ್ಚ ವಿಞ್ಞಾಣಾ ಕಾತಬ್ಬಾ।)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೫೯. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ (ಸಬ್ಬತ್ಥ ನವ), ವಿಪಾಕೇ ಏಕಂ…ಪೇ॰… ಅವಿಗತೇ ನವ।

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೬೦. ಉಪಾದಾನವಿಪ್ಪಯುತ್ತಂ ಧಮ್ಮಂ ಪಚ್ಚಯಾ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಉಪಾದಾನವಿಪ್ಪಯುತ್ತಂ ಏಕಂ ಖನ್ಧಂ ಪಚ್ಚಯಾ…ಪೇ॰… (ಯಾವ ಅಸಞ್ಞಸತ್ತಾ ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ…ಪೇ॰… ವತ್ಥುಂ ಪಚ್ಚಯಾ ಅಹೇತುಕಾ ಉಪಾದಾನವಿಪ್ಪಯುತ್ತಾ ಖನ್ಧಾ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ (ಸಂಖಿತ್ತಂ)।

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೬೧. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

೪. ನಿಸ್ಸಯವಾರೋ

(ಏವಂ ಇತರೇ ದ್ವೇ ಗಣನಾಪಿ ನಿಸ್ಸಯವಾರೋಪಿ ಕಾತಬ್ಬೋ।)

೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

೬೨. ಉಪಾದಾನಸಮ್ಪಯುತ್ತಂ ಧಮ್ಮಂ ಸಂಸಟ್ಠೋ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನಸಮ್ಪಯುತ್ತಂ ಏಕಂ ಖನ್ಧಂ ಸಂಸಟ್ಠಾ… ತೀಣಿ।

ಉಪಾದಾನವಿಪ್ಪಯುತ್ತಂ ಧಮ್ಮಂ ಸಂಸಟ್ಠೋ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಪಟಿಚ್ಚಸದಿಸಂ, ಅರೂಪಂಯೇವ ಕಾತಬ್ಬಂ)।

ಉಪಾದಾನವಿಪ್ಪಯುತ್ತಂ ಧಮ್ಮಂ ಸಂಸಟ್ಠೋ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಪಟಿಚ್ಚಸದಿಸಂ, ಅರೂಪಂಯೇವ ಕಾತಬ್ಬಂ)।

ಉಪಾದಾನಸಮ್ಪಯುತ್ತಞ್ಚ ಉಪಾದಾನವಿಪ್ಪಯುತ್ತಞ್ಚ ಧಮ್ಮಂ ಸಂಸಟ್ಠೋ ಉಪಾದಾನಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಪಟಿಚ್ಚಸದಿಸಂ, ಅರೂಪಂಯೇವ ಕಾತಬ್ಬಂ)।

ಹೇತುಯಾ ಛ, ಆರಮ್ಮಣೇ ಛ, ಅಧಿಪತಿಯಾ ಛ (ಸಬ್ಬತ್ಥ ಛ), ವಿಪಾಕೇ ಏಕಂ…ಪೇ॰… ಅವಿಗತೇ ಛ।

ಅನುಲೋಮಂ।

ಉಪಾದಾನವಿಪ್ಪಯುತ್ತಂ ಧಮ್ಮಂ ಸಂಸಟ್ಠೋ ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ (ಸಂಖಿತ್ತಂ)।

ನಹೇತುಯಾ ಏಕಂ, ನಅಧಿಪತಿಯಾ ಛ, ನಪುರೇಜಾತೇ ಛ, ನಪಚ್ಛಾಜಾತೇ ಛ, ನಆಸೇವನೇ ಛ, ನಕಮ್ಮೇ ಚತ್ತಾರಿ, ನವಿಪಾಕೇ ಛ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ಛ।

ಪಚ್ಚನೀಯಂ।

೬. ಸಮ್ಪಯುತ್ತವಾರೋ

(ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರೋಪಿ ಕಾತಬ್ಬೋ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೬೩. ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪಾದಾನಸಮ್ಪಯುತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (೧)

ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪಾದಾನಸಮ್ಪಯುತ್ತಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಹೇತೂ ದಿಟ್ಠಿಗತವಿಪ್ಪಯುತ್ತಲೋಭಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಉಪಾದಾನಸಮ್ಪಯುತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಲೋಭಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

೬೪. ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪಾದಾನವಿಪ್ಪಯುತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತೋ ಲೋಭೋ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (ಮೂಲಂ ಕಾತಬ್ಬಂ) ದಿಟ್ಠಿಗತವಿಪ್ಪಯುತ್ತೋ ಲೋಭೋ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ದಿಟ್ಠಿಗತವಿಪ್ಪಯುತ್ತೋ ಲೋಭೋ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

೬೫. ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಮೋಹೋ ಚ ಲೋಭೋ ಚ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಮೋಹೋ ಚ ಲೋಭೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೨)

ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಮೋಹೋ ಚ ಲೋಭೋ ಚ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

ಆರಮ್ಮಣಪಚ್ಚಯೋ

೬೬. ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉಪಾದಾನಸಮ್ಪಯುತ್ತೇ ಖನ್ಧೇ ಆರಬ್ಭ ಉಪಾದಾನಸಮ್ಪಯುತ್ತಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ) ಉಪಾದಾನಸಮ್ಪಯುತ್ತೇ ಖನ್ಧೇ ಆರಬ್ಭ ಉಪಾದಾನವಿಪ್ಪಯುತ್ತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ) ಉಪಾದಾನಸಮ್ಪಯುತ್ತೇ ಖನ್ಧೇ ಆರಬ್ಭ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ। (೩)

೬೭. ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಿಟ್ಠಿಗತವಿಪ್ಪಯುತ್ತೋ ರಾಗೋ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ ಉಪ್ಪಜ್ಜತಿ, ಝಾನೇ ಪರಿಹೀನೇ ವಿಪ್ಪಟಿಸಾರಿಸ್ಸ ದೋಮನಸ್ಸಂ ಉಪ್ಪಜ್ಜತಿ। ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ…ಪೇ॰… ನಿಬ್ಬಾನಂ ಪಚ್ಚವೇಕ್ಖನ್ತಿ। ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। ಅರಿಯಾ ಉಪಾದಾನವಿಪ್ಪಯುತ್ತೇ ಪಹೀನೇ ಕಿಲೇಸೇ…ಪೇ॰… ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ಉಪಾದಾನವಿಪ್ಪಯುತ್ತೇ ಖನ್ಧೇ ಚ ಲೋಭಞ್ಚ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಿಟ್ಠಿಗತವಿಪ್ಪಯುತ್ತೋ ರಾಗೋ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ…ಪೇ॰… ದೋಮನಸ್ಸಂ ಉಪ್ಪಜ್ಜತಿ…ಪೇ॰… (ಸಬ್ಬಂ ಪರಿಪುಣ್ಣಂ), ದಿಬ್ಬೇನ ಚಕ್ಖುನಾ… (ಯಾವ ಕಾಯವಿಞ್ಞಾಣಂ), ಉಪಾದಾನವಿಪ್ಪಯುತ್ತಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ …ಪೇ॰… ಝಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ಉಪಾದಾನವಿಪ್ಪಯುತ್ತೇ ಖನ್ಧೇ ಚ ಲೋಭಞ್ಚ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। (೨)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚಕ್ಖುಂ…ಪೇ॰… ವತ್ಥುಂ ಉಪಾದಾನವಿಪ್ಪಯುತ್ತೇ ಖನ್ಧೇ ಚ ಲೋಭಞ್ಚ ಆರಬ್ಭ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ। (೩)

೬೮. ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಆರಬ್ಭ ಉಪಾದಾನಸಮ್ಪಯುತ್ತಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ) ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಆರಬ್ಭ ಉಪಾದಾನವಿಪ್ಪಯುತ್ತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ) ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಆರಬ್ಭ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ। (೩)

ಅಧಿಪತಿಪಚ್ಚಯೋ

೬೯. ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಉಪಾದಾನಸಮ್ಪಯುತ್ತೇ ಖನ್ಧೇ ಗರುಂ ಕತ್ವಾ ಉಪಾದಾನಸಮ್ಪಯುತ್ತಾ ಖನ್ಧಾ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ಉಪಾದಾನಸಮ್ಪಯುತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಉಪಾದಾನಸಮ್ಪಯುತ್ತೇ ಖನ್ಧೇ ಗರುಂ ಕತ್ವಾ ದಿಟ್ಠಿಗತವಿಪ್ಪಯುತ್ತೋ ಲೋಭೋ ಉಪ್ಪಜ್ಜತಿ। ಸಹಜಾತಾಧಿಪತಿ – ಉಪಾದಾನಸಮ್ಪಯುತ್ತಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಾಧಿಪತಿ ಲೋಭಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಉಪಾದಾನಸಮ್ಪಯುತ್ತೇ ಖನ್ಧೇ ಗರುಂ ಕತ್ವಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ಉಪಾದಾನಸಮ್ಪಯುತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಲೋಭಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

೭೦. ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ದಿಟ್ಠಿಗತವಿಪ್ಪಯುತ್ತೋ ರಾಗೋ ಉಪ್ಪಜ್ಜತಿ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ…ಪೇ॰… ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಉಪಾದಾನವಿಪ್ಪಯುತ್ತೇ ಖನ್ಧೇ ಚ ಲೋಭಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ದಿಟ್ಠಿಗತವಿಪ್ಪಯುತ್ತೋ ರಾಗೋ ಉಪ್ಪಜ್ಜತಿ। ಸಹಜಾತಾಧಿಪತಿ – ಉಪಾದಾನವಿಪ್ಪಯುತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ದಾನಂ…ಪೇ॰… ಝಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ಉಪಾದಾನವಿಪ್ಪಯುತ್ತೇ ಖನ್ಧೇ ಚ ಲೋಭಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। (೨)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ಚಕ್ಖುಂ…ಪೇ॰… ವತ್ಥುಂ ಉಪಾದಾನವಿಪ್ಪಯುತ್ತೇ ಖನ್ಧೇ ಚ ಲೋಭಞ್ಚ ಗರುಂ ಕತ್ವಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ। (೩)

೭೧. ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಗರುಂ ಕತ್ವಾ ಉಪಾದಾನಸಮ್ಪಯುತ್ತಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ) ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಗರುಂ ಕತ್ವಾ ದಿಟ್ಠಿಗತವಿಪ್ಪಯುತ್ತೋ ಲೋಭೋ ಉಪ್ಪಜ್ಜತಿ। (ಮೂಲಂ ಕಾತಬ್ಬಂ) ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಗರುಂ ಕತ್ವಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ। (೩)

ಅನನ್ತರಪಚ್ಚಯೋ

೭೨. ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪಾದಾನಸಮ್ಪಯುತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪಾದಾನಸಮ್ಪಯುತ್ತಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮಾ ಪುರಿಮಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ದಿಟ್ಠಿಗತವಿಪ್ಪಯುತ್ತಸ್ಸ ಲೋಭಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಉಪಾದಾನಸಮ್ಪಯುತ್ತಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮಾ ಪುರಿಮಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

೭೩. ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ದಿಟ್ಠಿಗತವಿಪ್ಪಯುತ್ತೋ ಲೋಭೋ ಪಚ್ಛಿಮಸ್ಸ ಪಚ್ಛಿಮಸ್ಸ ದಿಟ್ಠಿಗತವಿಪ್ಪಯುತ್ತಸ್ಸ ಲೋಭಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ಉಪಾದಾನವಿಪ್ಪಯುತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪಾದಾನವಿಪ್ಪಯುತ್ತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತೋ ಲೋಭೋ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ॰… ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮೋ ಪುರಿಮೋ ದಿಟ್ಠಿಗತವಿಪ್ಪಯುತ್ತೋ ಲೋಭೋ ಪಚ್ಛಿಮಾನಂ ಪಚ್ಛಿಮಾನಂ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। ಆವಜ್ಜನಾ ಉಪಾದಾನಸಮ್ಪಯುತ್ತಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮೋ ಪುರಿಮೋ ದಿಟ್ಠಿಗತವಿಪ್ಪಯುತ್ತೋ ಲೋಭೋ ಪಚ್ಛಿಮಾನಂ ಪಚ್ಛಿಮಾನಂ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

೭೪. ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಪಚ್ಛಿಮಾನಂ ಪಚ್ಛಿಮಾನಂ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮಾ ಪುರಿಮಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಪಚ್ಛಿಮಸ್ಸ ಪಚ್ಛಿಮಸ್ಸ ದಿಟ್ಠಿಗತವಿಪ್ಪಯುತ್ತಸ್ಸ ಲೋಭಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮಾ ಪುರಿಮಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಪಚ್ಛಿಮಾನಂ ಪಚ್ಛಿಮಾನಂ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ। (೩)

ಸಮನನ್ತರಪಚ್ಚಯಾದಿ

೭೫. ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… (ಪಟಿಚ್ಚಸದಿಸಂ) ನವ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… (ಪಟಿಚ್ಚಸದಿಸಂ) ಛ… ನಿಸ್ಸಯಪಚ್ಚಯೇನ ಪಚ್ಚಯೋ… (ಪಚ್ಚಯವಾರಸದಿಸಂ) ನವ।

ಉಪನಿಸ್ಸಯಪಚ್ಚಯೋ

೭೬. ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಉಪಾದಾನಸಮ್ಪಯುತ್ತಾ ಖನ್ಧಾ ಉಪಾದಾನಸಮ್ಪಯುತ್ತಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಉಪಾದಾನಸಮ್ಪಯುತ್ತಾ ಖನ್ಧಾ ಉಪಾದಾನವಿಪ್ಪಯುತ್ತಕಾನಂ ಖನ್ಧಾನಂ ಲೋಭಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಉಪಾದಾನಸಮ್ಪಯುತ್ತಾ ಖನ್ಧಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೭೭. ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ಸೀಲಂ…ಪೇ॰… ಪಞ್ಞಂ… ಉಪಾದಾನವಿಪ್ಪಯುತ್ತಂ ರಾಗಂ… ಮಾನಂ… ಪತ್ಥನಂ…ಪೇ॰… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಙ್ಘಂ ಭಿನ್ದತಿ; ಸದ್ಧಾ…ಪೇ॰… ಸೇನಾಸನಂ ಸದ್ಧಾಯ…ಪೇ॰… ಪಞ್ಞಾಯ ಉಪಾದಾನವಿಪ್ಪಯುತ್ತಸ್ಸ ರಾಗಸ್ಸ… ಮಾನಸ್ಸ… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ…ಪೇ॰… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – (ತೀಣಿ ಉಪನಿಸ್ಸಯಾ) ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ, ಸೀಲಂ…ಪೇ॰… ಪಞ್ಞಂ… ಉಪಾದಾನವಿಪ್ಪಯುತ್ತಂ ರಾಗಂ… ಮಾನಂ… ಪತ್ಥನಂ… ಸೇನಾಸನಂ ಉಪನಿಸ್ಸಾಯ ಅದಿನ್ನಂ…ಪೇ॰… ಮುಸಾ…ಪೇ॰… ಪಿಸುಣಂ…ಪೇ॰… ಸಮ್ಫಂ…ಪೇ॰… ಸನ್ಧಿಂ…ಪೇ॰… ನಿಲ್ಲೋಪಂ…ಪೇ॰… ಏಕಾಗಾರಿಕಂ…ಪೇ॰… ಪರಿಪನ್ಥೇ…ಪೇ॰… ಪರದಾರಂ…ಪೇ॰… ಗಾಮಘಾತಂ…ಪೇ॰… ನಿಗಮಘಾತಂ ಕರೋತಿ । ಸದ್ಧಾ…ಪೇ॰… ಸೇನಾಸನಂ ಉಪಾದಾನಸಮ್ಪಯುತ್ತಸ್ಸ ರಾಗಸ್ಸ… ಮೋಹಸ್ಸ… ಮಾನಸ್ಸ… ದಿಟ್ಠಿಯಾ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ, ಸೀಲಂ…ಪೇ॰… ಪಞ್ಞಂ… ಉಪಾದಾನವಿಪ್ಪಯುತ್ತಂ ರಾಗಂ…ಪೇ॰… ಸೇನಾಸನಂ ಉಪನಿಸ್ಸಾಯ ಅದಿನ್ನಂ ಆದಿಯತಿ…ಪೇ॰… ಗಾಮಘಾತಂ ಕರೋತಿ… ನಿಗಮಘಾತಂ ಕರೋತಿ…। ಸದ್ಧಾ…ಪೇ॰… ಸೇನಾಸನಂ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೭೮. ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪಾದಾನಸಮ್ಪಯುತ್ತಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪಾದಾನವಿಪ್ಪಯುತ್ತಕಾನಂ ಖನ್ಧಾನಂ ಲೋಭಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

ಪುರೇಜಾತಪಚ್ಚಯೋ

೭೯. ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ। ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ…ಪೇ॰…। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ…ಪೇ॰… ವತ್ಥು ಉಪಾದಾನವಿಪ್ಪಯುತ್ತಕಾನಂ ಖನ್ಧಾನಂ ಲೋಭಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ। (೧)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ , ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ವತ್ಥುಪುರೇಜಾತಂ – ವತ್ಥು ಉಪಾದಾನಸಮ್ಪಯುತ್ತಕಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಆರಬ್ಭ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ। ವತ್ಥುಪುರೇಜಾತಂ – ವತ್ಥು ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ। (೩)

ಪಚ್ಛಾಜಾತಾಸೇವನಪಚ್ಚಯಾ

೮೦. ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೧)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೧)

ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ। (ಸಂಖಿತ್ತಂ।) (೧) …ಆಸೇವನಪಚ್ಚಯೇನ ಪಚ್ಚಯೋ।

ಕಮ್ಮ-ವಿಪಾಕಪಚ್ಚಯಾ

೮೧. ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಉಪಾದಾನಸಮ್ಪಯುತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ಉಪಾದಾನಸಮ್ಪಯುತ್ತಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಚೇತನಾ ಲೋಭಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ಉಪಾದಾನಸಮ್ಪಯುತ್ತಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೨)

ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಉಪಾದಾನಸಮ್ಪಯುತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಲೋಭಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

೮೨. ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ಉಪಾದಾನವಿಪ್ಪಯುತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ಉಪಾದಾನವಿಪ್ಪಯುತ್ತಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ಉಪಾದಾನವಿಪ್ಪಯುತ್ತೋ ಏಕೋ…ಪೇ॰… ಏಕಂ।

ಆಹಾರಪಚ್ಚಯಾದಿ

೮೩. ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಝಾನಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ (ಇಮೇಸು ಚತೂಸುಪಿ ಯಥಾ ಕಮ್ಮಪಚ್ಚಯೇ ದಿಟ್ಠಿಗತವಿಪ್ಪಯುತ್ತೋ ಲೋಭೋ ದಸ್ಸಿತೋ ಏವಂ ದಸ್ಸೇತಬ್ಬೋ। ಚತ್ತಾರಿ ಚತ್ತಾರಿ ಪಞ್ಹಾ)… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಛ।

ವಿಪ್ಪಯುತ್ತಪಚ್ಚಯೋ

೮೪. ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಉಪಾದಾನಸಮ್ಪಯುತ್ತಕಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೨)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೩)

ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ। ಸಹಜಾತಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ…ಪೇ॰…।

ಅತ್ಥಿಪಚ್ಚಯಾದಿ

೮೫. ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ… ಏಕಂ (ಪಟಿಚ್ಚಸದಿಸಂ)। (೧)

ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ , ಪಚ್ಛಾಜಾತಂ (ಸಂಖಿತ್ತಂ)। (೨)

ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಪಟಿಚ್ಚಸದಿಸಂ)। (೩)

೮೬. ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। (೧)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ಸಂಖಿತ್ತಂ)। (೨)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ಇಮೇಸು ಸಹಜಾತಂ ಸಹಜಾತಸದಿಸಂ, ಪುರೇಜಾತಂ ಪುರೇಜಾತಸದಿಸಂ)। (೩)

೮೭. ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ಉಪಾದಾನಸಮ್ಪಯುತ್ತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। ಸಹಜಾತೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಏಕೋ ಖನ್ಧೋ ಚ ಲೋಭೋ ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। (೧)

ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। ಸಹಜಾತಾ – ಉಪಾದಾನಸಮ್ಪಯುತ್ತಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಸಹಜಾತಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಸಹಜಾತಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ವತ್ಥು ಚ ಲೋಭಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಏಕೋ ಖನ್ಧೋ ಚ ಲೋಭೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। ಸಹಜಾತೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಲೋಭಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। (೩)

ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೮೮. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ಛ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ನವ , ಕಮ್ಮೇ ಚತ್ತಾರಿ, ವಿಪಾಕೇ ಏಕಂ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ಛ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ।

ಪಚ್ಚನೀಯುದ್ಧಾರೋ

೮೯. ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೨)

ಉಪಾದಾನಸಮ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೯೦. ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ … ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। (೧)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

ಉಪಾದಾನವಿಪ್ಪಯುತ್ತೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೩)

೯೧. ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನವಿಪ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। (೨)

ಉಪಾದಾನಸಮ್ಪಯುತ್ತೋ ಚ ಉಪಾದಾನವಿಪ್ಪಯುತ್ತೋ ಚ ಧಮ್ಮಾ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೯೨. ನಹೇತುಯಾ ನವ, ನಆರಮ್ಮಣೇ ನವ, ನಅಧಿಪತಿಯಾ ನವ (ಸಬ್ಬತ್ಥ ನವ), ನೋಅವಿಗತೇ ನವ।

೩. ಪಚ್ಚಯಾನುಲೋಮಪಚ್ಚನೀಯಂ

೯೩. ಹೇತುಪಚ್ಚಯಾ ನಆರಮ್ಮಣೇ ನವ, ನಅಧಿಪತಿಯಾ ನವ, ನಅನನ್ತರೇ ನವ, ನಸಮನನ್ತರೇ ನವ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ನವ (ಸಬ್ಬತ್ಥ ನವ), ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ನವ, ನೋವಿಗತೇ ನವ।

೪. ಪಚ್ಚಯಪಚ್ಚನೀಯಾನುಲೋಮಂ

೯೪. ನಹೇತುಪಚ್ಚಯಾ ಆರಮ್ಮಣೇ ನವ, ಅಧಿಪತಿಯಾ ನವ (ಅನುಲೋಮಮಾತಿಕಾ)…ಪೇ॰… ಅವಿಗತೇ ನವ।

ಉಪಾದಾನಸಮ್ಪಯುತ್ತದುಕಂ ನಿಟ್ಠಿತಂ।

೭೨. ಉಪಾದಾನಉಪಾದಾನಿಯದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೯೫. ಉಪಾದಾನಞ್ಚೇವ ಉಪಾದಾನಿಯಞ್ಚ ಧಮ್ಮಂ ಪಟಿಚ್ಚ ಉಪಾದಾನೋ ಚೇವ ಉಪಾದಾನಿಯೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಿಟ್ಠುಪಾದಾನಂ ಪಟಿಚ್ಚ ಕಾಮುಪಾದಾನಂ, ಕಾಮುಪಾದಾನಂ ಪಟಿಚ್ಚ ದಿಟ್ಠುಪಾದಾನಂ (ಚಕ್ಕಂ)। (೧)

ಉಪಾದಾನಞ್ಚೇವ ಉಪಾದಾನಿಯಞ್ಚ ಧಮ್ಮಂ ಪಟಿಚ್ಚ ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನೇ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ। (೧)

ಉಪಾದಾನಞ್ಚೇವ ಉಪಾದಾನಿಯಞ್ಚ ಧಮ್ಮಂ ಪಟಿಚ್ಚ ಉಪಾದಾನೋ ಚೇವ ಉಪಾದಾನಿಯೋ ಚ ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಿಟ್ಠುಪಾದಾನಂ ಪಟಿಚ್ಚ ಕಾಮುಪಾದಾನಂ ಸಮ್ಪಯುತ್ತಕಾ ಚ ಖನ್ಧಾ ಚಿತ್ತಸಮುಟ್ಠಾನಾನಞ್ಚ ರೂಪಂ (ಚಕ್ಕಂ)। (೩)

೯೬. ಉಪಾದಾನಿಯಞ್ಚೇವ ನೋ ಚ ಉಪಾದಾನಂ ಧಮ್ಮಂ ಪಟಿಚ್ಚ ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನಿಯಞ್ಚೇವ ನೋ ಚ ಉಪಾದಾನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ)। (೧)

ಉಪಾದಾನಿಯಞ್ಚೇವ ನೋ ಚ ಉಪಾದಾನಂ ಧಮ್ಮಂ ಪಟಿಚ್ಚ ಉಪಾದಾನೋ ಚೇವ ಉಪಾದಾನಿಯೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನಿಯೇ ಚೇವ ನೋ ಚ ಉಪಾದಾನೇ ಖನ್ಧೇ ಪಟಿಚ್ಚ ಉಪಾದಾನಾ। (೨)

ಉಪಾದಾನಿಯಞ್ಚೇವ ನೋ ಚ ಉಪಾದಾನಂ ಧಮ್ಮಂ ಪಟಿಚ್ಚ ಉಪಾದಾನೋ ಚೇವ ಉಪಾದಾನಿಯೋ ಚ ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಉಪಾದಾನಿಯಞ್ಚೇವ ನೋ ಚ ಉಪಾದಾನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಉಪಾದಾನಾ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

೯೭. ಉಪಾದಾನಞ್ಚೇವ ಉಪಾದಾನಿಯಞ್ಚ ಉಪಾದಾನಿಯಞ್ಚೇವ ನೋ ಚ ಉಪಾದಾನಞ್ಚ ಧಮ್ಮಂ ಪಟಿಚ್ಚ ಉಪಾದಾನೋ ಚೇವ ಉಪಾದಾನಿಯೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಿಟ್ಠುಪಾದಾನಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಕಾಮುಪಾದಾನಂ (ಚಕ್ಕಂ)। (೧)

ಉಪಾದಾನಞ್ಚೇವ ಉಪಾದಾನಿಯಞ್ಚ ಉಪಾದಾನಿಯಞ್ಚೇವ ನೋ ಚ ಉಪಾದಾನಞ್ಚ ಧಮ್ಮಂ ಪಟಿಚ್ಚ ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನಿಯಞ್ಚೇವ ನೋ ಚ ಉಪಾದಾನಂ ಏಕಂ ಖನ್ಧಞ್ಚ ಉಪಾದಾನೇ ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰… ಉಪಾದಾನೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ಉಪಾದಾನಞ್ಚೇವ ಉಪಾದಾನಿಯಞ್ಚ ಉಪಾದಾನಿಯಞ್ಚೇವ ನೋ ಚ ಉಪಾದಾನಞ್ಚ ಧಮ್ಮಂ ಪಟಿಚ್ಚ ಉಪಾದಾನೋ ಚೇವ ಉಪಾದಾನಿಯೋ ಚ ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಉಪಾದಾನಿಯಞ್ಚೇವ ನೋ ಚ ಉಪಾದಾನಂ ಏಕಂ ಖನ್ಧಞ್ಚ ದಿಟ್ಠುಪಾದಾನಞ್ಚ ಪಟಿಚ್ಚ ತಯೋ ಖನ್ಧಾ ಕಾಮುಪಾದಾನಞ್ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰… (ಚಕ್ಕಂ)। (೩)

೨-೬. ಸಹಜಾತ-ಪಚ್ಚಯ-ನಿಸ್ಸಯ-ಸಂಸಟ್ಠ-ಸಮ್ಪಯುತ್ತವಾರೋ

(ಯಥಾ ಉಪಾದಾನದುಕಂ ಏವಂ ಪಟಿಚ್ಚವಾರೋಪಿ ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಕಾತಬ್ಬಾ, ನಿನ್ನಾನಾಕರಣಾ, ಆಮಸನಂ ನಾನಾಕರಣಂ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೯೮. ಉಪಾದಾನೋ ಚೇವ ಉಪಾದಾನಿಯೋ ಚ ಧಮ್ಮೋ ಉಪಾದಾನಸ್ಸ ಚೇವ ಉಪಾದಾನಿಯಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪಾದಾನಾ ಚೇವ ಉಪಾದಾನಿಯಾ ಚ ಹೇತೂ ಸಮ್ಪಯುತ್ತಕಾನಂ ಉಪಾದಾನಾನಂ ಹೇತುಪಚ್ಚಯೇನ ಪಚ್ಚಯೋ। (೧)

ಉಪಾದಾನೋ ಚೇವ ಉಪಾದಾನಿಯೋ ಚ ಧಮ್ಮೋ ಉಪಾದಾನಿಯಸ್ಸ ಚೇವ ನೋ ಚ ಉಪಾದಾನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪಾದಾನಾ ಚೇವ ಉಪಾದಾನಿಯಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ (ಉಪಾದಾನದುಕಸದಿಸಾ ನಿನ್ನಾನಾ, ನವ ಪಞ್ಹಾ)।

ಆರಮ್ಮಣಪಚ್ಚಯೋ

೯೯. ಉಪಾದಾನೋ ಚೇವ ಉಪಾದಾನಿಯೋ ಚ ಧಮ್ಮೋ ಉಪಾದಾನಸ್ಸ ಚೇವ ಉಪಾದಾನಿಯಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉಪಾದಾನೇ ಆರಬ್ಭ ಉಪಾದಾನಾ ಉಪ್ಪಜ್ಜನ್ತಿ… ತೀಣಿ।

ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಧಮ್ಮೋ ಉಪಾದಾನಿಯಸ್ಸ ಚೇವ ನೋ ಚ ಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉದ್ಧಚ್ಚಂ ದೋಮನಸ್ಸಂ ಉಪ್ಪಜ್ಜತಿ; ಅರಿಯಾ ಗೋತ್ರಭುಂ ಪಚ್ಚವೇಕ್ಖನ್ತಿ, ವೋದಾನಂ ಪಚ್ಚವೇಕ್ಖನ್ತಿ, ಪಹೀನೇ ಕಿಲೇಸೇ…ಪೇ॰… ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ ಸಮುದಾಚಿಣ್ಣೇ…ಪೇ॰… ಚಕ್ಖುಂ…ಪೇ॰… ವತ್ಥುಂ…ಪೇ॰… (ಸಂಖಿತ್ತಂ) ಅನಾಗತಂಸಞಾಣಸ್ಸ ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಧಮ್ಮೋ ಉಪಾದಾನಸ್ಸ ಚೇವ ಉಪಾದಾನಿಯಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ (ಸಂಖಿತ್ತಂ, ಇತರೇ ದ್ವೇ ಉಪಾದಾನದುಕಸದಿಸಾ)। (೩)

ಉಪಾದಾನೋ ಚೇವ ಉಪಾದಾನಿಯೋ ಚ ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಚ ಧಮ್ಮಾ ಉಪಾದಾನಸ್ಸ ಚೇವ ಉಪಾದಾನಿಯಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಹೇಟ್ಠಾ ಅಧಿಪತಿ ತೀಣಿ, ಉಪಾದಾನದುಕಸದಿಸಾ)।

ಅಧಿಪತಿಪಚ್ಚಯೋ

೧೦೦. ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಧಮ್ಮೋ ಉಪಾದಾನಿಯಸ್ಸ ಚೇವ ನೋ ಚ ಉಪಾದಾನಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ಸೇಕ್ಖಾ ಗೋತ್ರಭುಂ ಗರುಂ ಕತ್ವಾ…ಪೇ॰… ವೋದಾನಂ…ಪೇ॰… ಚಕ್ಖುಂ…ಪೇ॰… ವತ್ಥುಂ ಉಪಾದಾನಿಯೇ ಚೇವ ನೋ ಚ ಉಪಾದಾನೇ ಖನ್ಧೇ ಗರುಂ ಕತ್ವಾ ಉಪಾದಾನಿಯಾ ಚೇವ ನೋ ಚ ಉಪಾದಾನಾ ಖನ್ಧಾ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ಉಪಾದಾನಿಯಾ ಚೇವ ನೋ ಚ ಉಪಾದಾನಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ (ಅವಸೇಸಾ ದ್ವೇಪಿ ಆರಮ್ಮಣಾಧಿಪತಿ ಸಹಜಾತಾಧಿಪತಿಪಿ ಉಪಾದಾನದುಕಸದಿಸಾ)। (೩)

(ಘಟನಾ ಅಧಿಪತಿ ತೀಣಿ, ಉಪಾದಾನದುಕಸದಿಸಾ। ಸಬ್ಬೇ ಪಚ್ಚಯಾ ಉಪಾದಾನದುಕಸದಿಸಾ। ಉಪಾದಾನಿಯೇ ಲೋಕುತ್ತರಂ ನತ್ಥಿ, ಪಚ್ಚನೀಯಮ್ಪಿ ಇತರೇ ದ್ವೇ ಗಣನಾಪಿ ಉಪಾದಾನದುಕಸದಿಸಂ।)

ಉಪಾದಾನಉಪಾದಾನಿಯದುಕಂ ನಿಟ್ಠಿತಂ।

೭೩. ಉಪಾದಾನಉಪಾದಾನಸಮ್ಪಯುತ್ತದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೦೧. ಉಪಾದಾನಞ್ಚೇವ ಉಪಾದಾನಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಉಪಾದಾನೋ ಚೇವ ಉಪಾದಾನಸಮ್ಪಯುತ್ತೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಿಟ್ಠುಪಾದಾನಂ ಪಟಿಚ್ಚ ಕಾಮುಪಾದಾನಂ (ಚಕ್ಕಂ ಕಾತಬ್ಬಂ)। (೧)

ಉಪಾದಾನಞ್ಚೇವ ಉಪಾದಾನಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಉಪಾದಾನಸಮ್ಪಯುತ್ತೋ ಚೇವ ನೋ ಚ ಉಪಾದಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನೇ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ। (೨)

ಉಪಾದಾನಞ್ಚೇವ ಉಪಾದಾನಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಉಪಾದಾನೋ ಚೇವ ಉಪಾದಾನಸಮ್ಪಯುತ್ತೋ ಚ ಉಪಾದಾನಸಮ್ಪಯುತ್ತೋ ಚೇವ ನೋ ಚ ಉಪಾದಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಿಟ್ಠುಪಾದಾನಂ ಪಟಿಚ್ಚ ಕಾಮುಪಾದಾನಂ ಸಮ್ಪಯುತ್ತಕಾ ಚ ಖನ್ಧಾ (ಚಕ್ಕಂ)। (೩)

೨-೬. ಸಹಜಾತ-ಪಚ್ಚಯ-ನಿಸ್ಸಯ-ಸಂಸಟ್ಠ-ಸಮ್ಪಯುತ್ತವಾರೋ

ಉಪಾದಾನಸಮ್ಪಯುತ್ತಞ್ಚೇವ ನೋ ಚ ಉಪಾದಾನಂ ಧಮ್ಮಂ ಪಟಿಚ್ಚ…ಪೇ॰…। (ಸಂಖಿತ್ತಂ। ಆಮಸನಂ ನಾನಾಕರಣಂ ಉಪಾದಾನದುಕಸದಿಸಂ ನವ ಪಞ್ಹಾ। ರೂಪಂ ನತ್ಥಿ। ಏವಂ ಸಬ್ಬೇಪಿ ವಾರಾ ವಿತ್ಥಾರೇತಬ್ಬಾ। ಅರೂಪಂಯೇವ।)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೦೨. ಉಪಾದಾನೋ ಚೇವ ಉಪಾದಾನಸಮ್ಪಯುತ್ತೋ ಚ ಧಮ್ಮೋ ಉಪಾದಾನಸ್ಸ ಚೇವ ಉಪಾದಾನಸಮ್ಪಯುತ್ತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪಾದಾನಾ ಚೇವ ಉಪಾದಾನಸಮ್ಪಯುತ್ತಾ ಚ ಹೇತೂ ಸಮ್ಪಯುತ್ತಕಾನಂ ಉಪಾದಾನಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಪುಚ್ಛಿತಬ್ಬಂ) ಉಪಾದಾನಾ ಚೇವ ಉಪಾದಾನಸಮ್ಪಯುತ್ತಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಪುಚ್ಛಿತಬ್ಬಂ) ಉಪಾದಾನಾ ಚೇವ ಉಪಾದಾನಸಮ್ಪಯುತ್ತಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಉಪಾದಾನಾನಞ್ಚ ಹೇತುಪಚ್ಚಯೇನ ಪಚ್ಚಯೋ। (೩)

೧೦೩. ಉಪಾದಾನಸಮ್ಪಯುತ್ತೋ ಚೇವ ನೋ ಚ ಉಪಾದಾನೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚೇವ ನೋ ಚ ಉಪಾದಾನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪಾದಾನಸಮ್ಪಯುತ್ತಾ ಚೇವ ನೋ ಚ ಉಪಾದಾನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಪುಚ್ಛಿತಬ್ಬಂ) ಉಪಾದಾನಸಮ್ಪಯುತ್ತಾ ಚೇವ ನೋ ಚ ಉಪಾದಾನಾ ಹೇತೂ ಸಮ್ಪಯುತ್ತಕಾನಂ ಉಪಾದಾನಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಪುಚ್ಛಿತಬ್ಬಂ) ಉಪಾದಾನಸಮ್ಪಯುತ್ತಾ ಚೇವ ನೋ ಚ ಉಪಾದಾನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಉಪಾದಾನಾನಞ್ಚ ಹೇತುಪಚ್ಚಯೇನ ಪಚ್ಚಯೋ। (೩)

೧೦೪. ಉಪಾದಾನೋ ಚೇವ ಉಪಾದಾನಸಮ್ಪಯುತ್ತೋ ಚ ಉಪಾದಾನಸಮ್ಪಯುತ್ತೋ ಚೇವ ನೋ ಚ ಉಪಾದಾನೋ ಚ ಧಮ್ಮಾ ಉಪಾದಾನಸ್ಸ ಚೇವ ಉಪಾದಾನಸಮ್ಪಯುತ್ತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪಾದಾನಾ ಚೇವ ಉಪಾದಾನಸಮ್ಪಯುತ್ತಾ ಚ ಉಪಾದಾನಸಮ್ಪಯುತ್ತಾ ಚೇವ ನೋ ಚ ಉಪಾದಾನಾ ಚ ಹೇತೂ ಸಮ್ಪಯುತ್ತಕಾನಂ ಉಪಾದಾನಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಪುಚ್ಛಿತಬ್ಬಂ) ಉಪಾದಾನಾ ಚೇವ ಉಪಾದಾನಸಮ್ಪಯುತ್ತಾ ಚ ಉಪಾದಾನಸಮ್ಪಯುತ್ತಾ ಚೇವ ನೋ ಚ ಉಪಾದಾನಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಪುಚ್ಛಿತಬ್ಬಂ) ಉಪಾದಾನಾ ಚೇವ ಉಪಾದಾನಸಮ್ಪಯುತ್ತಾ ಚ ಉಪಾದಾನಸಮ್ಪಯುತ್ತಾ ಚೇವ ನೋ ಚ ಉಪಾದಾನಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಉಪಾದಾನಾನಞ್ಚ ಹೇತುಪಚ್ಚಯೇನ ಪಚ್ಚಯೋ। (೩)

ಆರಮ್ಮಣಪಚ್ಚಯೋ

೧೦೫. ಉಪಾದಾನೋ ಚೇವ ಉಪಾದಾನಸಮ್ಪಯುತ್ತೋ ಚ ಧಮ್ಮೋ ಉಪಾದಾನಸ್ಸ ಚೇವ ಉಪಾದಾನಸಮ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉಪಾದಾನೇ ಆರಬ್ಭ ಉಪಾದಾನಾ ಉಪ್ಪಜ್ಜನ್ತಿ। (ಮೂಲಂ ಪುಚ್ಛಿತಬ್ಬಂ) ಉಪಾದಾನೇ ಆರಬ್ಭ ಉಪಾದಾನಸಮ್ಪಯುತ್ತಾ ಚೇವ ನೋ ಚ ಉಪಾದಾನಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಪುಚ್ಛಿತಬ್ಬಂ) ಉಪಾದಾನೇ ಆರಬ್ಭ ಉಪಾದಾನಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। (೩)

ಉಪಾದಾನಸಮ್ಪಯುತ್ತೋ ಚೇವ ನೋ ಚ ಉಪಾದಾನೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚೇವ ನೋ ಚ ಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉಪಾದಾನಸಮ್ಪಯುತ್ತೇ ಚೇವ ನೋ ಚ ಉಪಾದಾನೇ ಖನ್ಧೇ ಆರಬ್ಭ ಉಪಾದಾನಸಮ್ಪಯುತ್ತಾ ಚೇವ ನೋ ಚ ಉಪಾದಾನಾ ಖನ್ಧಾ ಉಪ್ಪಜ್ಜನ್ತಿ (ತೀಣಿಪಿ ಕಾತಬ್ಬಾ, ಘಟನೇ ತೀಣಿಪಿ ಕಾತಬ್ಬಾ)।

ಅಧಿಪತಿಪಚ್ಚಯೋ

೧೦೬. ಉಪಾದಾನೋ ಚೇವ ಉಪಾದಾನಸಮ್ಪಯುತ್ತೋ ಚ ಧಮ್ಮೋ ಉಪಾದಾನಸ್ಸ ಚೇವ ಉಪಾದಾನಸಮ್ಪಯುತ್ತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ… ತೀಣಿ। (೩)

ಉಪಾದಾನಸಮ್ಪಯುತ್ತೋ ಚೇವ ನೋ ಚ ಉಪಾದಾನೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚೇವ ನೋ ಚ ಉಪಾದಾನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ (ತೀಣಿಪಿ, ತೀಸುಪಿ ದ್ವೇಪಿ ಅಧಿಪತಿ ಕಾತಬ್ಬಾ, ಘಟನಾಧಿಪತಿಪಿ ತೀಣಿ)।

ಅನನ್ತರಪಚ್ಚಯೋ

೧೦೭. ಉಪಾದಾನೋ ಚೇವ ಉಪಾದಾನಸಮ್ಪಯುತ್ತೋ ಚ ಧಮ್ಮೋ ಉಪಾದಾನಸ್ಸ ಚೇವ ಉಪಾದಾನಸಮ್ಪಯುತ್ತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪಾದಾನಾ ಚೇವ ಉಪಾದಾನಸಮ್ಪಯುತ್ತಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪಾದಾನಾನಂ ಅನನ್ತರಪಚ್ಚಯೇನ ಪಚ್ಚಯೋ (ಏವಂ ನವಪಿ ಪಞ್ಹಾ ಕಾತಬ್ಬಾ, ಆವಜ್ಜನಾಪಿ ವುಟ್ಠಾನಮ್ಪಿ ನತ್ಥಿ)।

ಸಮನನ್ತರಪಚ್ಚಯಾದಿ

೧೦೮. ಉಪಾದಾನೋ ಚೇವ ಉಪಾದಾನಸಮ್ಪಯುತ್ತೋ ಚ ಧಮ್ಮೋ ಉಪಾದಾನಸ್ಸ ಚೇವ ಉಪಾದಾನಸಮ್ಪಯುತ್ತಸ್ಸ ಚ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ… ನವ… ಸಹಜಾತಪಚ್ಚಯೇನ ಪಚ್ಚಯೋ… ನವ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನವ… ನಿಸ್ಸಯಪಚ್ಚಯೇನ ಪಚ್ಚಯೋ… ನವ।

ಉಪನಿಸ್ಸಯಪಚ್ಚಯೋ

೧೦೯. ಉಪಾದಾನೋ ಚೇವ ಉಪಾದಾನಸಮ್ಪಯುತ್ತೋ ಚ ಧಮ್ಮೋ ಉಪಾದಾನಸ್ಸ ಚೇವ ಉಪಾದಾನಸಮ್ಪಯುತ್ತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ॰… ತೀಣಿ।

ಉಪಾದಾನಸಮ್ಪಯುತ್ತೋ ಚೇವ ನೋ ಚ ಉಪಾದಾನೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚೇವ ನೋ ಚ ಉಪಾದಾನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಉಪಾದಾನಸಮ್ಪಯುತ್ತಾ ಚೇವ ನೋ ಚ ಉಪಾದಾನಾ ಖನ್ಧಾ ಉಪಾದಾನಸಮ್ಪಯುತ್ತಕಾನಞ್ಚೇವ ನೋ ಚ ಉಪಾದಾನಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ತೀಣಿ ಘಟನುಪನಿಸ್ಸಯೇಪಿ ತೀಣಿ)… ಆಸೇವನಪಚ್ಚಯೇನ ಪಚ್ಚಯೋ… ನವ।

ಕಮ್ಮಪಚ್ಚಯಾದಿ

೧೧೦. ಉಪಾದಾನಸಮ್ಪಯುತ್ತೋ ಚೇವ ನೋ ಚ ಉಪಾದಾನೋ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚೇವ ನೋ ಚ ಉಪಾದಾನಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ… ತೀಣಿ… ಆಹಾರಪಚ್ಚಯೇನ ಪಚ್ಚಯೋ… ತೀಣಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ತೀಣಿ… ಝಾನಪಚ್ಚಯೇನ ಪಚ್ಚಯೋ… ತೀಣಿ… ಮಗ್ಗಪಚ್ಚಯೇನ ಪಚ್ಚಯೋ… ನವ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ನವ… ಅತ್ಥಿಪಚ್ಚಯೇನ ಪಚ್ಚಯೋ… ನವ… ನತ್ಥಿಪಚ್ಚಯೇನ ಪಚ್ಚಯೋ… ನವ… ವಿಗತಪಚ್ಚಯೇನ ಪಚ್ಚಯೋ… ನವ… ಅವಿಗತಪಚ್ಚಯೇನ ಪಚ್ಚಯೋ… ನವ।

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೧೧೧. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಆಸೇವನೇ ನವ, ಕಮ್ಮೇ ತೀಣಿ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ನವ, ಸಮ್ಪಯುತ್ತೇ ನವ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ।

ಪಚ್ಚನೀಯುದ್ಧಾರೋ

೧೧೨. ಉಪಾದಾನೋ ಚೇವ ಉಪಾದಾನಸಮ್ಪಯುತ್ತೋ ಚ ಧಮ್ಮೋ ಉಪಾದಾನಸ್ಸ ಚೇವ ಉಪಾದಾನಸಮ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

ಉಪಾದಾನೋ ಚೇವ ಉಪಾದಾನಸಮ್ಪಯುತ್ತೋ ಚ ಧಮ್ಮೋ ಉಪಾದಾನಸಮ್ಪಯುತ್ತಸ್ಸ ಚೇವ ನೋ ಚ ಉಪಾದಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

ಉಪಾದಾನೋ ಚೇವ ಉಪಾದಾನಸಮ್ಪಯುತ್ತೋ ಚ ಧಮ್ಮೋ ಉಪಾದಾನಸ್ಸ ಚೇವ ಉಪಾದಾನಸಮ್ಪಯುತ್ತಸ್ಸ ಚ ಉಪಾದಾನಸಮ್ಪಯುತ್ತಸ್ಸ ಚೇವ ನೋ ಚ ಉಪಾದಾನಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ (ಏವಂ ನವಪಿ ಕಾತಬ್ಬಾ, ಏಕೇಕಸ್ಸ ಮೂಲೇ ತೀಣಿ ತೀಣಿ ಪಞ್ಹಾ)।

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೧೧೩. ನಹೇತುಯಾ ನವ, ನಆರಮ್ಮಣೇ ನವ, ನಅಧಿಪತಿಯಾ ನವ (ಸಬ್ಬತ್ಥ ನವ), ನೋಅವಿಗತೇ ನವ।

೩. ಪಚ್ಚಯಾನುಲೋಮಪಚ್ಚನೀಯಂ

೧೧೪. ಹೇತುಪಚ್ಚಯಾ ನಆರಮ್ಮಣೇ ನವ, ನಅಧಿಪತಿಯಾ ನವ, ನಅನನ್ತರೇ ನವ, ನಸಮನನ್ತರೇ ನವ, ನಉಪನಿಸ್ಸಯೇ ನವ (ಸಬ್ಬತ್ಥ ನವ), ನಮಗ್ಗೇ ನವ, ನಸಮ್ಪಯುತ್ತೇ ನವ, ನೋನತ್ಥಿಯಾ ನವ, ನೋವಿಗತೇ ನವ।

೪. ಪಚ್ಚಯಪಚ್ಚನೀಯಾನುಲೋಮಂ

೧೧೫. ನಹೇತುಪಚ್ಚಯಾ ಆರಮ್ಮಣೇ ನವ, ಅಧಿಪತಿಯಾ ನವ…ಪೇ॰… (ಅನುಲೋಮಮಾತಿಕಾ ಕಾತಬ್ಬಾ)।

ಉಪಾದಾನಉಪಾದಾನಸಮ್ಪಯುತ್ತದುಕಂ ನಿಟ್ಠಿತಂ।

೭೪. ಉಪಾದಾನವಿಪ್ಪಯುತ್ತಉಪಾದಾನಿಯದುಕಂ

೧. ಪಟಿಚ್ಚವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೧೧೬. ಉಪಾದಾನವಿಪ್ಪಯುತ್ತಂ ಉಪಾದಾನಿಯಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಉಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನವಿಪ್ಪಯುತ್ತಂ ಉಪಾದಾನಿಯಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಏಕಂ ಮಹಾಭೂತಂ…ಪೇ॰… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ। (೧)

ಉಪಾದಾನವಿಪ್ಪಯುತ್ತಂ ಅನುಪಾದಾನಿಯಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನವಿಪ್ಪಯುತ್ತಂ ಅನುಪಾದಾನಿಯಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

ಉಪಾದಾನವಿಪ್ಪಯುತ್ತಂ ಅನುಪಾದಾನಿಯಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಉಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನವಿಪ್ಪಯುತ್ತೇ ಅನುಪಾದಾನಿಯೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

ಉಪಾದಾನವಿಪ್ಪಯುತ್ತಂ ಅನುಪಾದಾನಿಯಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಉಪಾದಾನಿಯೋ ಚ ಉಪಾದಾನವಿಪ್ಪಯುತ್ತೋ ಅನುಪಾದಾನಿಯೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಉಪಾದಾನವಿಪ್ಪಯುತ್ತಂ ಅನುಪಾದಾನಿಯಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

ಉಪಾದಾನವಿಪ್ಪಯುತ್ತಂ ಉಪಾದಾನಿಯಞ್ಚ ಉಪಾದಾನವಿಪ್ಪಯುತ್ತಂ ಅನುಪಾದಾನಿಯಞ್ಚ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಉಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಾನವಿಪ್ಪಯುತ್ತೇ ಅನುಪಾದಾನಿಯೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

ಹೇತುಯಾ ಪಞ್ಚ, ಆರಮ್ಮಣೇ ದ್ವೇ…ಪೇ॰… ಅವಿಗತೇ ಪಞ್ಚ।

(ಇಮಂ ದುಕಂ ಚೂಳನ್ತರದುಕೇ ಲೋಕಿಯದುಕಸದಿಸಂ, ನಿನ್ನಾನಾಕರಣಂ।)

ಉಪಾದಾನವಿಪ್ಪಯುತ್ತಉಪಾದಾನಿಯದುಕಂ ನಿಟ್ಠಿತಂ।

ಉಪಾದಾನಗೋಚ್ಛಕಂ ನಿಟ್ಠಿತಂ।

ತತಿಯೋ ಭಾಗೋ ನಿಟ್ಠಿತೋ।