೧೫. ಪನ್ನರಸಮೋ ಪರಿಚ್ಛೇದೋ
ಅರೂಪಾವಚರಸಮಾಧಿಭಾವನಾನಿದ್ದೇಸೋ
೯೮೦.
ರೂಪಾರೂಪಮತೀತೇನ
ಯಾನಿ ಚಾರೂಪಪುಞ್ಞಾನಿ, ಸರೂಪೇನೀರಿತಾನಿ ತು॥
೯೮೧.
ತೇಸಂ ದಾನಿ ಪವಕ್ಖಾಮಿ, ಭಾವನಾನಯಮುತ್ತಮಂ।
ಯೋಗಾವಚರಭಿಕ್ಖೂನಂ, ಹಿತತ್ಥಾಯ ಸಮಾಸತೋ॥
೯೮೨.
‘‘ರೂಪೇ ಖೋ ವಿಜ್ಜಮಾನಸ್ಮಿಂ, ದಣ್ಡಾದಾನಾದಯೋ ಸಿಯುಂ।
ಅನೇಕಾಪಿ ಪನಾಬಾಧಾ, ಚಕ್ಖುರೋಗಾದಯೋ’’ಇತಿ॥
೯೮೩.
ರೂಪೇ ಆದೀನವಂ ದಿಸ್ವಾ, ರೂಪೇ ನಿಬ್ಬಿನ್ದಮಾನಸೋ।
ತಸ್ಸಾತಿಕ್ಕಮನತ್ಥಾಯ, ಅರೂಪಂ ಪಟಿಪಜ್ಜತಿ॥
೯೮೪.
ತಮ್ಹಾ
ಅಪಕ್ಕಮಿತುಕಾಮೋ ಚ, ಸೂಕರಾಭಿಹತೋವ ಸಾ॥
೯೮೫.
ಚತುತ್ಥೇ ಪನ ಝಾನಸ್ಮಿಂ, ಹುತ್ವಾ ಚಿಣ್ಣವಸೀ ವಸೀ।
ಚತುತ್ಥಜ್ಝಾನತೋ ಧೀಮಾ, ವುಟ್ಠಾಯ ವಿಧಿನಾ ಪುನ॥
೯೮೬.
ಕರೋತಿ ಪನಿದಂ ಚಿತ್ತಂ, ರೂಪಮಾರಮ್ಮಣಂ ಯತೋ।
ಆಸನ್ನಸೋಮನಸ್ಸಞ್ಚ, ಥೂಲಸನ್ತವಿಮೋಕ್ಖತೋ॥
೯೮೭.
ಇತಿ ಆದೀನವಂ ದಿಸ್ವಾ, ಚತುತ್ಥೇ ತತ್ಥ ಸಬ್ಬಸೋ।
ನಿಕನ್ತಿಂ ಪರಿಯಾದಾಯ, ಪಠಮಾರುಪ್ಪಞ್ಚ ಸನ್ತತೋ॥
೯೮೮.
ಚಕ್ಕವಾಳಪರಿಯನ್ತಂ, ಯತ್ತಕಂ ವಾ ಪನಿಚ್ಛತಿ।
ತತ್ತಕಂ ಪತ್ಥರಿತ್ವಾನ, ಫುಟ್ಠೋಕಾಸಞ್ಚ ತೇನ ತಂ॥
೯೮೯.
ಆಕಾಸೋ
ಆಕಾಸೋ ಇತಿ ವಾ ಪುನ।
ಮನಸಾ ಹಿ ಕರೋನ್ತೋವ,
ಉಗ್ಘಾಟೇತಿ ಪವುಚ್ಚತಿ॥
೯೯೦.
ಉಗ್ಘಾಟೇನ್ತೋ ಹಿ ಕಸಿಣಂ, ನ ಸಂವೇಲ್ಲೇತಿ ತಂ ಪನ।
ನ ಚುದ್ಧರತಿ ಸೋ ಯೋಗೀ, ಪೂವಂ ವಿಯ ಕಪಾಲತೋ॥
೯೯೧.
ಕೇವಲಂ ಪನ ತಂ ನೇವ, ಆವಜ್ಜತಿ ನ ಪೇಕ್ಖತಿ।
ನಾವಜ್ಜನ್ತೋ ನಪೇಕ್ಖನ್ತೋ, ಉಗ್ಘಾಟೇತಿ ಹಿ ನಾಮಸೋ॥
೯೯೨.
ಕಸಿಣುಗ್ಘಾಟಿಮಾಕಾಸಂ
ಆಕಾಸೋ ಇತಿ ಚಿತ್ತೇನ, ಆವಜ್ಜತಿ ಪುನಪ್ಪುನಂ॥
೯೯೩.
ಆವಜ್ಜತೋ ಹಿ ತಸ್ಸೇವಂ,
ಕರೋತೋ ತಕ್ಕಾಹತಮ್ಪಿ ಚ।
ಪಞ್ಚ ನೀವರಣಾ ತಸ್ಸ,
ವಿಕ್ಖಮ್ಭನ್ತಿ ಹಿ ಸಬ್ಬಸೋ॥
೯೯೪.
ಆಸೇವತಿ
ಕರೋತೋ ಪನ ತಸ್ಸೇವ, ಸನ್ತಚಿತ್ತಸ್ಸ ಯೋಗಿನೋ॥
೯೯೫.
ತತ್ರಾಕಾಸೇ ಪನಾಪ್ಪೇತಿ, ಪಠಮಾರುಪ್ಪಮಾನಸಂ।
ಇಧಾಪಿ ಪುರಿಮೇ ಭಾಗೇ, ತೀಣಿ ಚತ್ತಾರಿ ವಾ ಪನ॥
೯೯೬.
ಜವನಾನಿ ಉಪೇಕ್ಖಾಯ, ಸಮ್ಪಯುತ್ತಾನಿ ಹೋನ್ತಿ ಹಿ।
ಚತುತ್ಥಂ ಪಞ್ಚಮಂ ವಾಪಿ, ಹೋತಿ ಆರುಪ್ಪಮಾನಸಂ॥
೯೯೭.
ಪುನ ಭಾವೇತುಕಾಮೇನ, ದುತಿಯಾರುಪ್ಪಮಾನಸಂ।
ಸುಚಿಣ್ಣವಸಿನಾ ಹುತ್ವಾ, ಪಠಮಾರುಪ್ಪಮಾನಸೇ॥
೯೯೮.
ಆಸನ್ನರೂಪಾವಚರ-ಜ್ಝಾನಪಚ್ಚತ್ಥಿಕನ್ತಿ ಚ।
ದುತಿಯಾರುಪ್ಪಚಿತ್ತಂವ, ನ ಚ ಸನ್ತಮಿದನ್ತಿ ಚ॥
೯೯೯.
ಏವಮಾದೀನವಂ
ನಿಕನ್ತಿಂ ಪರಿಯಾದಾಯ, ದುತಿಯಂ ಸನ್ತತೋ ಪನ॥
೧೦೦೦.
ತಮಾಕಾಸಂ ಫರಿತ್ವಾನ, ಪವತ್ತಮಾನಸಂ ಪನ।
ತಞ್ಚ ವಿಞ್ಞಾಣಮಿಚ್ಚೇವಂ, ಕತ್ತಬ್ಬಂ ಮನಸಾ ಬಹುಂ॥
೧೦೦೧.
ಆವಜ್ಜನಞ್ಚ ಕತ್ತಬ್ಬಂ, ತಥಾ ತಕ್ಕಾಹತಮ್ಪಿ ಚ।
‘‘ಅನನ್ತ’’ನ್ತಿ ‘‘ಅನನ್ತ’’ನ್ತಿ, ಕಾತಬ್ಬಂ ಮನಸಾ ನಿಧ॥
೧೦೦೨.
ತಸ್ಮಿಂ ಪನ ನಿಮಿತ್ತಸ್ಮಿಂ, ವಿಚಾರೇನ್ತಸ್ಸ ಮಾನಸಂ।
ಉಪಚಾರೇನ ತಂ ಚಿತ್ತಂ, ಸಮಾಧಿಯತಿ ಯೋಗಿನೋ॥
೧೦೦೩.
ಆಸೇವತಿ ಚ ಭಾವೇತಿ, ತಂ ನಿಮಿತ್ತಂ ಪುನಪ್ಪುನಂ।
ತಸ್ಸ ಚೇವಂ ಕರೋನ್ತಸ್ಸ, ಸತಿಸಮ್ಪನ್ನಚೇತಸೋ॥
೧೦೦೪.
ಆಕಾಸಂ ಫುಸವಿಞ್ಞಾಣೇ, ದುತಿಯಾರುಪ್ಪಮಾನಸಂ।
ಅಪ್ಪೇತಿ ಅಪ್ಪನಾ ಯಸ್ಮಿಂ, ನಯೋ ವುತ್ತನಯೋವ ಸೋ॥
೧೦೦೫.
ಆಕಾಸೋಯಮನನ್ತೋತಿ, ಏವಮಾಕಾಸಮೇವ ತಂ।
ಫರಿತ್ವಾ ಪವತ್ತವಿಞ್ಞಾಣಂ, ‘‘ವಿಞ್ಞಾಣಞ್ಚ’’ನ್ತಿ ವುಚ್ಚತಿ॥
೧೦೦೬.
ಮನಕ್ಕಾರವಸೇನಾಪಿ, ಅನನ್ತಂ ಪರಿದೀಪಿತಂ।
‘‘ವಿಞ್ಞಾಣಾನನ್ತ’’ಮಿಚ್ಚೇವ, ವತ್ತಬ್ಬಂ ಪನಿದಂ ಸಿಯಾ॥
೧೦೦೭.
ಅಥ
ಸುಚಿಣ್ಣವಸಿನಾ ಹುತ್ವಾ, ದುತಿಯಾರುಪ್ಪಮಾನಸೇ॥
೧೦೦೮.
ಆಸನ್ನಪಠಮಾರುಪ್ಪ-ಚಿತ್ತಪಚ್ಚತ್ಥಿಕನ್ತಿ ಚ।
ತತಿಯಾರುಪ್ಪಚಿತ್ತಂವ, ನ ಚ ಸನ್ತಮಿದನ್ತಿ ಚ॥
೧೦೦೯.
ಏವಮಾದೀನವಂ ದಿಸ್ವಾ, ದುತಿಯಾರುಪ್ಪಮಾನಸೇ।
ನಿಕನ್ತಿಂ ಪರಿಯಾದಾಯ, ತತಿಯಂ ಸನ್ತತೋ ಪನ॥
೧೦೧೦.
ಏವಂ ಮನಸಿ ಕತ್ವಾನ, ಕಾತಬ್ಬೋ ಮನಸಾ ಪುನ।
ಪಠಮಾರುಪ್ಪವಿಞ್ಞಾಣಾ-ಭಾವೋ ತಸ್ಸೇವ ಸುಞ್ಞತೋ॥
೧೦೧೧.
ತಂ
‘‘ನತ್ಥಿ ನತ್ಥೀ’’ತಿ ವಾತೇನ, ‘‘ಸುಞ್ಞಂ ಸುಞ್ಞ’’ನ್ತಿ ವಾ ತತೋ॥
೧೦೧೨.
ಆವಜ್ಜಿತಬ್ಬಮೇವಞ್ಹಿ, ಕತ್ತಬ್ಬಂ ಮನಸಾಪಿ ಚ।
ತಕ್ಕಾಹತಞ್ಚ ಕಾತಬ್ಬಂ, ಪುನಪ್ಪುನಂವ ಧೀಮತಾ॥
೧೦೧೩.
ತಸ್ಮಿಂ ನಿಮಿತ್ತೇ ತಸ್ಸೇವಂ, ವಿಚಾರೇನ್ತಸ್ಸ ಮಾನಸಂ।
ಸತಿ ತಿಟ್ಠತಿ ಭಿಯ್ಯೋಪಿ, ಸಮಾಧಿಯತಿ ಮಾನಸಂ॥
೧೦೧೪.
ಆಸೇವತಿ ಚ ಭಾವೇತಿ, ತಂ ನಿಮಿತ್ತಂ ಪುನಪ್ಪುನಂ।
ತಸ್ಸ ಚೇವಂ ಕರೋನ್ತಸ್ಸ, ಸತಿಸಮ್ಪನ್ನಚೇತಸೋ॥
೧೦೧೫.
ಕಸಿಣುಗ್ಘಾಟಿಮಾಕಾಸಂ, ಫರಿತ್ವಾನ ಸಮನ್ತತೋ।
ವಿಞ್ಞಾಣಸ್ಸ ಪವತ್ತಸ್ಸ, ನತ್ಥಿಭಾವೇ ಅಭಾವಕೇ॥
೧೦೧೬.
ತತಿಯಾರುಪ್ಪವಿಞ್ಞಾಣಂ,
ತಂ ಪನಾಪ್ಪೇತಿ ಯೋಗಿನೋ।
ಅಪ್ಪನಾಯ ನಯೋಪೇತ್ಥ,
ಹೋತಿ ವುತ್ತನಯೋವ ಸೋ॥
೧೦೧೭.
ಆಕಾಸಗತವಿಞ್ಞಾಣಂ, ದುತಿಯಾರುಪ್ಪಚಕ್ಖುನಾ।
ಪಸ್ಸನ್ತೋ ವಿಹರಿತ್ವಾನ, ‘‘ನತ್ಥಿ ನತ್ಥೀ’’ತಿಆದಿನಾ॥
೧೦೧೮.
ಪರಿಕಮ್ಮಮನಕ್ಕಾರೇ
ತಸ್ಸಾಪಗಮಮತ್ತಂವ, ಪಸ್ಸನ್ತೋ ವಸತೀ ಚ ಸೋ॥
೧೦೧೯.
ಸನ್ನಿಪಾತಂ ಯಥಾ ಕೋಚಿ, ದಿಸ್ವಾ ಸಙ್ಘಸ್ಸ ಕತ್ಥಚಿ।
ಗತೇ ಸಙ್ಘೇ ತು ತಂ ಠಾನಂ, ಸುಞ್ಞಮೇವಾನುಪಸ್ಸತಿ॥
೧೦೨೦.
ಪುನ ಭಾವೇತುಕಾಮೇನ, ಚತುತ್ಥಾರುಪ್ಪಮಾನಸಂ।
ಸುಚಿಣ್ಣವಸಿನಾ ಹುತ್ವಾ, ತತಿಯಾರುಪ್ಪಮಾನಸೇ॥
೧೦೨೧.
ಆಸನ್ನದುತಿಯಾರುಪ್ಪ-ಚಿತ್ತಪಚ್ಚತ್ಥಿಕನ್ತಿ ಚ।
ಚತುತ್ಥಾರುಪ್ಪಚಿತ್ತಂವ, ನ ಚ ಸನ್ತಮಿದನ್ತಿ ಚ॥
೧೦೨೨.
ಏವಮಾದೀನವಂ
ನಿಕನ್ತಿಂ ಪರಿಯಾದಾಯ, ಚತುತ್ಥಂ ಸನ್ತತೋ ಪನ॥
೧೦೨೩.
ಏವಂ ಮನಸಿ ಕತ್ವಾನ, ಪುನ ತತ್ಥೇವ ಧೀಮತಾ।
ಅಭಾವಾರಮ್ಮಣಂ ಕತ್ವಾ, ಸಮ್ಪವತ್ತಮಿದಂ ಮನೋ॥
೧೦೨೪.
‘‘ಸನ್ತಂ ಸನ್ತಮಿದಂ ಚಿತ್ತ’’-ಮಿಚ್ಚೇವಂ ತಂ ಪುನಪ್ಪುನಂ।
ಹೋತಿ ಆವಜ್ಜಿತಬ್ಬಞ್ಚ, ಕಾತಬ್ಬಂ ಮನಸಾಪಿ ಚ॥
೧೦೨೫.
ತಸ್ಮಿಂ ನಿಮಿತ್ತೇ ತಸ್ಸೇವಂ, ವಿಚಾರೇನ್ತಸ್ಸ ಮಾನಸಂ।
ಸತಿ ತಿಟ್ಠತಿ ಭಿಯ್ಯೋಪಿ, ಸಮಾಧಿಯತಿ ಮಾನಸಂ॥
೧೦೨೬.
ಆಸೇವತಿ ಚ ಭಾವೇತಿ, ತಂ ನಿಮಿತ್ತಂ ಪುನಪ್ಪುನಂ।
ತಸ್ಸ ಚೇವಂ ಕರೋನ್ತಸ್ಸ, ಸತಿಸಮ್ಪನ್ನಚೇತಸೋ॥
೧೦೨೭.
ತತಿಯಾರುಪ್ಪಸಙ್ಖಾತ-ಖನ್ಧೇಸು ಚ ಚತೂಸುಪಿ।
ಚತುತ್ಥಾರುಪ್ಪವಿಞ್ಞಾಣಂ, ತಂ ಪನಾಪ್ಪೇತಿ ಯೋಗಿನೋ॥
೧೦೨೮.
ಅಪ್ಪನಾಯ
ಅಪಿಚೇತ್ಥ ವಿಸೇಸೋಯಂ, ವೇದಿತಬ್ಬೋ ವಿಭಾವಿನಾ॥
೧೦೨೯.
‘‘ಅಹೋ ಸನ್ತಾ ವತಾಯ’’ನ್ತಿ, ಸಮಾಪತ್ತಿ ಪದಿಸ್ಸತಿ।
ಯಾ ಪನಾಭಾವಮತ್ತಮ್ಪಿ, ಕತ್ವಾ ಠಸ್ಸತಿ ಗೋಚರಂ॥
೧೦೩೦.
ಸನ್ತಾರಮ್ಮಣತಾಯೇವ, ‘‘ಸನ್ತಾಯ’’ನ್ತಿ ವಿಪಸ್ಸತಿ।
ಸನ್ತತೋ ಚೇ ಮನಕ್ಕಾರೋ, ಕಥಞ್ಚ ಸಮತಿಕ್ಕಮೋ॥
೧೦೩೧.
ಅನಾಪಜ್ಜಿತುಕಾಮತ್ತಾ
‘‘ಸಮಾಪಜ್ಜಾಮಹಮೇತ’’-ಮಿಚ್ಚಾಭೋಗೋ ನ ವಿಜ್ಜತಿ॥
೧೦೩೨.
ಸನ್ತತೋ ತಂ ಕರೋನ್ತೋ ಹಿ, ಮನಸಾ ಸುಖುಮಂ ಪರಂ।
ಅಸಞ್ಞಂ ಪನ ದುಬ್ಬಲ್ಯಂ, ಪಾಪುಣಾತಿ ಮಹಗ್ಗತಂ॥
೧೦೩೩.
ನೇವಸಞ್ಞೀ ಚ ನಾಸಞ್ಞೀ,
ಯಾಯ ಸಞ್ಞಾಯ ಹೋತಿ ಸೋ।
ನ
ಏದಿಸೀ ಅಥ ಖೋ ಪನ॥
೧೦೩೪.
ಏವಮೇವ ಭವನ್ತೇತ್ಥ, ಸುಖುಮಾ ವೇದನಾದಯೋ।
ಪತ್ತಮಕ್ಖನತೇಲೇನ, ಮಗ್ಗಸ್ಮಿಂ ಉದಕೇನ ಚ॥
೧೦೩೫.
ಸಾವೇತಬ್ಬೋ ಅಯಂ ಅತ್ಥೋ, ಚತುತ್ಥಾರುಪ್ಪಬೋಧನೇ।
ಪಟುಸಞ್ಞಾಯ ಕಿಚ್ಚಸ್ಸ, ನೇವಕ್ಕರಣತೋ ಅಯಂ॥
೧೦೩೬.
‘‘ನೇವಸಞ್ಞಾ’’ತಿ ನಿದ್ದಿಟ್ಠಾ, ಚತುತ್ಥಾರುಪ್ಪಸಮ್ಭವಾ।
ಪಟುಸಞ್ಞಾಯ ಕಿಚ್ಚಂ ಸಾ, ಕಾತುಂ ಸಕ್ಕೋತಿ ನೇವ ಚ॥
೧೦೩೭.
ಯಥಾ ದಹನಕಿಚ್ಚಂ ತು, ತೇಜೋಧಾತು ಸುಖೋದಕೇ।
ಸಾ ಸಙ್ಖಾರಾವಸೇಸತ್ತಾ, ಸುಖುಮತ್ತೇನ ವಿಜ್ಜತಿ।
ತಸ್ಮಾ ಪನ ಚ ಸಾ ಸಞ್ಞಾ, ‘‘ನಾಸಞ್ಞಾ’’ತಿ ಪವುಚ್ಚತಿ॥
೧೦೩೮.
ಏತಾ ಹಿ ರೂಪಮಾಕಾಸಂ,
ವಿಞ್ಞಾಣಂ ತದಭಾವಕಂ।
ಅತಿಕ್ಕಮಿತ್ವಾ ಕಮತೋ,
ಚತಸ್ಸೋ ಹೋನ್ತಿ ಆಹ ಚ॥
೧೦೩೯.
‘‘ಆರಮ್ಮಣಾತಿಕ್ಕಮತೋ, ಚತಸ್ಸೋಪಿ ಭವನ್ತಿಮಾ।
ಅಙ್ಗಾತಿಕ್ಕಮಮೇತಾಸಂ, ನ ಇಚ್ಛನ್ತಿ ವಿಭಾವಿನೋ॥
೧೦೪೦.
ಸುಪಣೀತತರಾ
ಪಚ್ಛಿಮಾ ಪಚ್ಛಿಮಾ ಇಧ।
ಉಪಮಾ ತತ್ಥ ವಿಞ್ಞೇಯ್ಯಾ,
ಪಾಸಾದತಲಸಾಟಿಕಾ’’ತಿ॥
೧೦೪೧.
ಸಙ್ಖೇಪೇನ ಮಯಾರುಪ್ಪ-ಸಮಾಪತ್ತಿನಯೋ ಅಯಂ।
ದಸ್ಸಿತೋ ದಸ್ಸಿತೋ ಸುದ್ಧ-ದಸ್ಸಿನಾ ಪಿಯದಸ್ಸಿನಾ॥
೧೦೪೨.
ರೂಪಾರೂಪಜ್ಝಾನಸಮಾಪತ್ತಿವಿಧಾನಂ
ಜಾನಾತಿಮಂ ಸಾರತರಂ ಯೋ ಪನ ಭಿಕ್ಖು।
ರೂಪಾರೂಪಜ್ಝಾನಸಮಾಪತ್ತೀಸು ದಕ್ಖೋ,
ರೂಪಾರೂಪಂ ಯಾತಿ ಭವಂ ಸೋ ಅಭಿಭುಯ್ಯ॥
ಇತಿ ಅಭಿಧಮ್ಮಾವತಾರೇ ಅರೂಪಾವಚರಸಮಾಧಿಭಾವನಾನಿದ್ದೇಸೋ ನಾಮ
ಪನ್ನರಸಮೋ ಪರಿಚ್ಛೇದೋ।