೨೦. ವೀಸತಿಮೋ ಪರಿಚ್ಛೇದೋ
ಮಗ್ಗಾಮಗ್ಗಞಾಣದಸ್ಸನವಿಸುದ್ಧಿನಿದ್ದೇಸೋ
೧೨೬೩.
ಕಲಾಪಸಮ್ಮಸನೇನೇವ
ಯೋಗೋ ಕರಣಿಯೋ ಸಿಯಾ।
ಮಗ್ಗಾಮಗ್ಗೇ ತು ಞಾಣಂ ತ-
ಮಧಿಗನ್ತುಂ ಪನಿಚ್ಛತಾ॥
೧೨೬೪.
ಪಚ್ಚುಪ್ಪನ್ನಸ್ಸ ಧಮ್ಮಸ್ಸ, ನಿಬ್ಬತ್ತಿ ಉದಯೋ ಮತೋ।
ವಯೋ ವಿಪರಿಣಾಮೋತಿ, ತಸ್ಸೇವ ಸಮುದೀರಿತಾ॥
೧೨೬೫.
ಅನುಪಸ್ಸನಾಪಿ
ಸೋ ಪನೇವಂ ಪಜಾನಾತಿ, ಯೋಗಾವಚರಮಾಣವೋ॥
೧೨೬೬.
ಇಮಸ್ಸ ನಾಮರೂಪಸ್ಸ, ಪುಬ್ಬೇ ಉಪ್ಪತ್ತಿತೋ ಪನ।
ನಿಚಯೋ ರಾಸಿ ವಾ ನತ್ಥಿ, ತಥಾ ಉಪ್ಪಜ್ಜತೋಪಿ ಚ॥
೧೨೬೭.
ರಾಸಿತೋ ನಿಚಯಾ ವಾಪಿ, ನತ್ಥಿ ಆಗಮನನ್ತಿ ಚ।
ತಥಾ ನಿರುಜ್ಝಮಾನಸ್ಸ, ನ ದಿಸಾಗಮನನ್ತಿ ಚ॥
೧೨೬೮.
ನಿರುದ್ಧಸ್ಸಾಪಿ ಏಕಸ್ಮಿಂ, ಠಾನೇ ನತ್ಥಿ ಚಯೋತಿ ಚ।
ಏತ್ಥ ವೀಣೂಪಮಾ ವುತ್ತಾ, ಏತಸ್ಸತ್ಥಸ್ಸ ದೀಪನೇ॥
೧೨೬೯.
ಉದಬ್ಬಯಮನಕ್ಕಾರಮೇವಂ ಸಙ್ಖೇಪತೋ ಪನ।
ಕತ್ವಾ ತಸ್ಸೇವ ಞಾಣಸ್ಸ, ವಿಭಙ್ಗಸ್ಸ ವಸೇನ ತು॥
೧೨೭೦.
‘‘ಅವಿಜ್ಜಾಸಮುದಯಾ ರೂಪಸಮುದಯೋ’’ತಿ ಹಿ ಆದಿನಾ।
ನಯೇನೇಕೇಕಖನ್ಧಸ್ಸ, ಉದಯಬ್ಬಯದಸ್ಸನೇ॥
೧೨೭೧.
ದಸ ದಸಾತಿ ಕತ್ವಾನ, ವುತ್ತಾ ಪಞ್ಞಾಸಲಕ್ಖಣಾ।
ತೇಸಂ ಪನ ವಸೇನಾಪಿ, ಧಮ್ಮೇ ಸಮನುಪಸ್ಸತಿ॥
೧೨೭೨.
ಏವಂ ರೂಪುದಯೋ ಹೋತಿ, ಏವಮಸ್ಸ ವಯೋ ಇತಿ।
ಉದೇತಿ ಏವಂ ರೂಪಮ್ಪಿ, ಏವಂ ರೂಪಂ ತು ವೇತಿ ಚ॥
೧೨೭೩.
ಏವಂ
ಪಸ್ಸತೋ ಸಬ್ಬಧಮ್ಮಾ ಚ, ಪಾಕಟಾ ಹೋನ್ತಿ ತಸ್ಸ ತೇ॥
೧೨೭೪.
ಉದಕೇ ದಣ್ಡರಾಜೀವ, ಆರಗ್ಗೇರಿವ ಸಾಸಪೋ।
ವಿಜ್ಜುಪ್ಪಾದಾವ ಧಮ್ಮಾ ತೇ, ಪರಿತ್ತಟ್ಠಾಯಿನೋ ಸಿಯುಂ॥
೧೨೭೫.
ಕದಲೀಸುಪಿನಾಲಾತಚಕ್ಕಮಾಯುಪಮಾ ಇಮೇ।
ಅಸಾರಾ ಪನ ನಿಸ್ಸಾರಾ, ಹುತ್ವಾ ಖಾಯನ್ತಿ ಯೋಗಿನೋ॥
೧೨೭೬.
ಏವಮೇತ್ತಾವತಾ
ಲಕ್ಖಣಾನಿ ಚ ಪಞ್ಞಾಸ, ಪಟಿವಿಜ್ಝ ಠಿತಂ ಪನ॥
೧೨೭೭.
ಞಾಣಂ
ಯಸ್ಸ ಚಾಧಿಗಮಾ ಯೋಗೀ, ಹೋತಾರದ್ಧವಿಪಸ್ಸಕೋ॥
೧೨೭೮.
ವಿಪಸ್ಸನಾಯ ಹೇತಾಯ,
ಕರುಣಾಯಾಥ ಯೋಗಿನೋ।
ವಿಪಸ್ಸಕಸ್ಸ ಜಾಯನ್ತೇ,
ಉಪಕ್ಲೇಸಾ ದಸೇವಿಮೇ॥
೧೨೭೯.
ಓಭಾಸೋ ಪೀತಿ ಪಸ್ಸದ್ಧಿ, ಞಾಣಂ ಸದ್ಧಾ ಸತೀ ಸುಖಂ।
ಉಪೇಕ್ಖಾ ವೀರಿಯಂ ನಿಕನ್ತೀತಿ, ಉಪಕ್ಲೇಸಾ ದಸೇವಿಮೇ॥
೧೨೮೦.
ಸಮ್ಪತ್ತಪಟಿವೇಧಸ್ಸ, ಸೋತಾಪನ್ನಾದಿನೋಪಿ ಚ।
ತಥಾ ವಿಪ್ಪಟಿಪನ್ನಸ್ಸ, ಉಪಕ್ಲೇಸಾ ನ ಜಾಯರೇ॥
೧೨೮೧.
ಸಮ್ಮಾವ ಪಟಿಪನ್ನಸ್ಸ, ಯುತ್ತಯೋಗಸ್ಸ ಭಿಕ್ಖುನೋ।
ಸದಾ ವಿಪಸ್ಸಕಸ್ಸೇವ, ಉಪ್ಪಜ್ಜನ್ತಿ ಕಿರಸ್ಸು ತೇ॥
೧೨೮೨.
ವಿಪಸ್ಸನಾಯ ಓಭಾಸೋ, ಓಭಾಸೋತಿ ಪವುಚ್ಚತಿ।
ತಸ್ಮಿಂ ಪನ ಸಮುಪ್ಪನ್ನೇ, ಯೋಗಾವಚರಭಿಕ್ಖು ಸೋ॥
೧೨೮೩.
ಮಗ್ಗಪ್ಪತ್ತೋ ಫಲಪ್ಪತ್ತೋ, ಅಹಮಸ್ಮೀತಿ ಗಣ್ಹತಿ।
ಅಮಗ್ಗಂಯೇವ ಮಗ್ಗೋತಿ, ತಸ್ಸೇವಂ ಪನ ಗಣ್ಹತೋ॥
೧೨೮೪.
ಏವಂ
ಓಕ್ಕನ್ತಾ ನಾಮ ಹೋತಿ ಸಾ।
ಓಭಾಸಮೇವ ಸೋ ಭಿಕ್ಖು,
ಅಸ್ಸಾದೇನ್ತೋ ನಿಸೀದತಿ॥
೧೨೮೫.
ಪೀತಿ ವಿಪ್ಪಸ್ಸನಾಪೀತಿ, ತಸ್ಸ ತಸ್ಮಿಂ ಖಣೇ ಪನ।
ತದಾ ಪಞ್ಚವಿಧಾ ಪೀತಿ, ಜಾಯನ್ತೇ ಖುದ್ದಿಕಾದಿಕಾ॥
೧೨೮೬.
ವಿಪಸ್ಸನಾಯ ಪಸ್ಸದ್ಧಿ, ಪಸ್ಸದ್ಧೀತಿ ಪವುಚ್ಚತಿ।
ಯೋಗಿನೋ ಕಾಯಚಿತ್ತಾನಿ, ಪಸ್ಸದ್ಧಾನೇವ ಹೋನ್ತಿ ಹಿ॥
೧೨೮೭.
ಲಹೂನಿ
ಪಸ್ಸದ್ಧಾದೀಹಿ ಸೋ ಭಿಕ್ಖು, ಅನುಗ್ಗಹಿತಮಾನಸೋ॥
೧೨೮೮.
ಅಮಾನುಸಿಂ ರತಿಂ ನಾಮ,
ಅನುಭೋತಿ ಅನುತ್ತರಂ।
ಯಂ ಸನ್ಧಾಯ ಚ ಗಾಥಾಯೋ,
ಭಾಸಿತಾ ಹಿ ಮಹೇಸಿನಾ॥
೧೨೮೯.
‘‘ಸುಞ್ಞಾಗಾರಂ ಪವಿಟ್ಠಸ್ಸ, ಸನ್ತಚಿತ್ತಸ್ಸ ಭಿಕ್ಖುನೋ।
ಅಮಾನುಸೀ ರತಿ ಹೋತಿ, ಸಮ್ಮಾ ಧಮ್ಮಂ ವಿಪಸ್ಸತೋ॥
೧೨೯೦.
‘‘ಯತೋ ಯತೋ ಸಮ್ಮಸತಿ, ಖನ್ಧಾನಂ ಉದಯಬ್ಬಯಂ।
ಲಭತೀ ಪೀತಿಪಾಮೋಜ್ಜಂ, ಅಮತಂ ತಂ ವಿಜಾನತ’’ನ್ತಿ॥
೧೨೯೧.
ಞಾಣಾದಯೋ ಉಪಕ್ಲೇಸಾ, ಞೇಯ್ಯಾ ವುತ್ತನಯೇನಿಧ।
ಏತೇ ದಸ ಉಪಕ್ಲೇಸಾ, ವಜ್ಜನೀಯಾವ ಯೋಗಿನಾ॥
೧೨೯೨.
ಏತ್ಥೋಭಾಸಾದಯೋ ಧಮ್ಮಾ,
ಉಪಕ್ಲೇಸಸ್ಸ ವತ್ಥುತೋ।
ಉಪಕ್ಲೇಸಾತಿ ನಿದ್ದಿಟ್ಠಾ,
ಉಪಕ್ಲೇಸನಿಕನ್ತಿ ತು॥
೧೨೯೩.
ತಂ
ಅಸತ್ತೇ ಸತ್ತಸಞ್ಞೀ ಚ, ಹೋತಿ ಅಪ್ಪಸ್ಸುತೋ ನರೋ॥
೧೨೯೪.
ಸಬ್ಬೋಭಾಸಾದಯೋ
ಮಗ್ಗೋ ವಿಪಸ್ಸನಾಞಾಣಂ, ಇಚ್ಚೇವಂ ಪನ ಪಣ್ಡಿತೋ॥
೧೨೯೫.
ವವತ್ಥಪೇತಿ ಮಗ್ಗಞ್ಚ, ಅಮಗ್ಗಞ್ಚೇವ ಚೇತಸಾ।
ತಸ್ಸ ಚೇವಂ ಅಯಂ ಮಗ್ಗೋ, ನಾಯಂ ಮಗ್ಗೋತಿ ಯೋಗಿನೋ॥
೧೨೯೬.
ಮಗ್ಗಾಮಗ್ಗಞ್ಚ ವಿಞ್ಞಾಯ, ಠಿತಞಾಣಮಿದಂ ಪನ।
ಮಗ್ಗಾಮಗ್ಗೇಸುಞಾಣನ್ತಿ, ಭೂರಿಞಾಣೇನ ದೇಸಿತಂ॥
೧೨೯೭.
ಮಗ್ಗಾಮಗ್ಗಞಾಣದಸ್ಸನೇಸು
ಸಾರಾಸಾರವೇದಿನೋ ಸಮಾಹಿತಾಹಿತಾ।
ಮಗ್ಗಾಮಗ್ಗಞಾಣದಸ್ಸನನ್ತಿ ತಂ ಇದಂ,
ಬುದ್ಧಾ ಬುದ್ಧಸಾವಕಾ ವದನ್ತಿ ವಾದಿನೋ॥
ಇತಿ ಅಭಿಧಮ್ಮಾವತಾರೇ ಮಗ್ಗಾಮಗ್ಗಞಾಣದಸ್ಸನವಿಸುದ್ಧಿನಿದ್ದೇಸೋ
ನಾಮ ವೀಸತಿಮೋ ಪರಿಚ್ಛೇದೋ।