೫. ಪಞ್ಚಮೋ ಪರಿಚ್ಛೇದೋ
ಕಮ್ಮವಿಭಾಗೋ
೩೨೮.
ವಿಭಾಗಂ
ಪವಕ್ಖಾಮಿ ಇತೋ ಪರಂ।
ಕಮ್ಮಪಾಕಕ್ರಿಯಾಭೇದೇ,
ಅಮೋಹಾಯ ಸಮಾಸತೋ॥
೩೨೯.
ಕಮ್ಮಪಚ್ಚಯಕಮ್ಮನ್ತಿ, ಚೇತನಾವ ಸಮೀರಿತಾ।
ತತ್ಥಾಪಿ ನಾನಕ್ಖಣಿಕಾ, ಪುಞ್ಞಾಪುಞ್ಞಾವ ಚೇತನಾ॥
೩೩೦.
ದೇತಿ ಪಾಕಮಧಿಟ್ಠಾಯ, ಸಮ್ಪಯುತ್ತೇ ಯಥಾರಹಂ।
ಕಮ್ಮಸ್ಸಾಯೂಹನಟ್ಠೇನ, ಪವತ್ತತ್ತಾ ಹಿ ಚೇತನಾ॥
೩೩೧.
ಕ್ಲೇಸಾನುಸಯಸನ್ತಾನೇ
ಪಹೀನಾನುಸಯಾನಂ ತು, ಕ್ರಿಯಾಮತ್ತಂ ಪವತ್ತತಿ॥
೩೩೨.
ಮೂಲಭಾವಾ ಚ ಸಬ್ಬೇಸಂ, ತಥೇವಾವಜ್ಜನದ್ವಯಂ।
ಜನಿತಾನಿ ಚ ಕಮ್ಮೇಹಿ, ವಿಪಾಕಾನಿ ಪವತ್ತರೇ॥
೩೩೩.
ಚಿತ್ತುಪ್ಪಾದವಸೇನೇವ, ಕಮ್ಮಂ ತೇತ್ತಿಂಸಧಾ ಠಿತಂ।
ಕಮ್ಮಚತುಕ್ಕಭೇದೇಹಿ, ವಿಭಾವೇಯ್ಯ ವಿಚಕ್ಖಣೋ॥
೩೩೪.
ಪಚ್ಚುಪ್ಪನ್ನಾದಿಕಣ್ಹಾದಿ-ಜನಕಾದಿಗರಾದಿತೋ।
ದಿಟ್ಠಧಮ್ಮಾದಿಕಾಮಾದಿ-ಭೇದಾ ಛಧಾ ಯಥಾಕ್ಕಮಂ॥
೩೩೫.
ಯಂ ಪಾಪಂ ಸುಖವೋಕಿಣ್ಣಂ, ಅಕಿಚ್ಛೇನ ಕರೀಯತಿ।
ಪಚ್ಚುಪ್ಪನ್ನಸುಖಂ ಕಮ್ಮಂ, ಆಯತಿಂ ದುಕ್ಖಪಾಕಜಂ॥
೩೩೬.
ಕಿಚ್ಛೇನ ದುಕ್ಖವೋಕಿಣ್ಣಂ, ಯದಿ ಪಾಪಂ ಕರೀಯತಿ।
ಪಚ್ಚುಪ್ಪನ್ನೇ ಚ ತಂ ದುಕ್ಖಂ, ಆಯತಿಂ ದುಕ್ಖಪಾಕಜಂ॥
೩೩೭.
ಕಿಚ್ಛೇನ
ಪಚ್ಚುಪ್ಪನ್ನಮ್ಹಿ ತಂ ದುಕ್ಖಂ, ಆಯತಿಂ ಸುಖಪಾಕಜಂ॥
೩೩೮.
ಯಂ ಪುಞ್ಞಂ ಸುಖವೋಕಿಣ್ಣಂ, ಅಕಿಚ್ಛೇನ ಕರೀಯತಿ।
ಪಚ್ಚುಪ್ಪನ್ನಸುಖಞ್ಚೇವ, ಆಯತಿಂ ಸುಖಪಾಕಜಂ॥
೩೩೯.
ವಿಸಸಂಸಟ್ಠಮಧುರಂ, ಸವಿಸಂ ತಿತ್ತಕಂ ತಥಾ।
ಗೋಮುತ್ತಮಧುಭೇಸಜ್ಜ-ಮಿಚ್ಚೋಪಮ್ಮಂ ಯಥಾಕ್ಕಮಂ॥
೩೪೦.
ಸಮಾದಾನೇ ವಿಪಾಕೇ ಚ, ಸುಖದುಕ್ಖಪ್ಪಭೇದಿತಂ।
ಕಮ್ಮಮೇವಂ ಚತುದ್ಧಾತಿ, ಪಕಾಸೇನ್ತಿ ತಥಾಗತಾ॥
೩೪೧.
ಆನನ್ತರಿಯಕಮ್ಮಾದಿ, ಏಕನ್ತಕಟುಕಾವಹಂ।
ಕಣ್ಹಂ ಕಣ್ಹವಿಪಾಕನ್ತಿ, ಕಮ್ಮಂ ದುಗ್ಗತಿಗಾಮಿಕಂ॥
೩೪೨.
ಪಠಮಜ್ಝಾನಕಮ್ಮಾದಿ, ಏಕನ್ತೇನ ಸುಖಾವಹಂ।
ಸುಕ್ಕಂ ಸುಕ್ಕವಿಪಾಕನ್ತಿ, ಕಮ್ಮಂ ಸಗ್ಗೂಪಪತ್ತಿಕಂ॥
೩೪೩.
ವೋಕಿಣ್ಣಕಮ್ಮ
ಕಣ್ಹಸುಕ್ಕಂ ಕಣ್ಹಸುಕ್ಕ-ವಿಪಾಕನ್ತಿ ಸಮೀರಿತಂ॥
೩೪೪.
ಅಕಣ್ಹಸುಕ್ಕಮೀರೇನ್ತಿ, ಅಕಣ್ಹಸುಕ್ಕಪಾಕದಂ।
ಕಮ್ಮಂ ಲೋಕುತ್ತರಂ ಲೋಕೇ, ಗತಿಕಮ್ಮಕ್ಖಯಾವಹಂ॥
೩೪೫.
ಇತಿ ವಟ್ಟಪ್ಪವತ್ತಮ್ಹಿ, ಕ್ಲೇಸವೋದಾನಭೇದಿತಂ।
ಕಮ್ಮಕ್ಖಯೇನ ಸಙ್ಗಯ್ಹ, ಚತುಧಾ ಕಮ್ಮಮೀರಿತಂ॥
೩೪೬.
ಜನಕಞ್ಚೇವುಪತ್ಥಮ್ಭ-ಮುಪಪೀಳೋಪಘಾತಕಂ।
ಚತುಧಾ ಕಿಚ್ಚಭೇದೇನ, ಕಮ್ಮಮೇವಂ ಪವುಚ್ಚತಿ॥
೩೪೭.
ಜನೇತಿ ಜನಕಂ ಪಾಕಂ, ತಂ ಛಿನ್ದತುಪಪೀಳಕಂ।
ತಂ ಪವತ್ತೇತುಪತ್ಥಮ್ಭಂ, ತಂ ಘಾತೇತೋಪಘಾತಕಂ॥
೩೪೮.
ಕರೋತಿ ಅತ್ತನೋ ಪಾಕ-ಸ್ಸಾವಕಾಸನ್ತಿ ಭಾಸಿತಂ।
ಪಾಕದಾಯಕಕಮ್ಮಂ ತು, ಯಂ ಕಿಞ್ಚಿ ಜನಕಂ ಭವೇ॥
೩೪೯.
ಬಾಧಮಾನಕಕಮ್ಮಂ
ಉಪಘಾತಕಮೀರೇನ್ತಿ, ತದುಪಚ್ಛೇದಕಂಪರೇ॥
೩೫೦.
ಗರುಕಾಸನ್ನಮಾಚಿಣ್ಣಂ, ಕಟತ್ತಾಕಮ್ಮುನಾ ಸಹ।
ಕಮ್ಮಂ ಚತುಬ್ಬಿಧಂ ಪಾಕ-ಪರಿಯಾಯಪ್ಪಭೇದತೋ॥
೩೫೧.
ಮಹಗ್ಗತಾನನ್ತರಿಯಂ, ಗರುಕಮ್ಮನ್ತಿ ವುಚ್ಚತಿ।
ಕತಂ ಚಿನ್ತಿತಮಾಸನ್ನ-ಮಾಸನ್ನಮರಣೇನ ತು॥
೩೫೨.
ಬಾಹುಲ್ಲೇನ ಸಮಾಚಿಣ್ಣಮಾಚಿಣ್ಣನ್ತಿ ಪವುಚ್ಚತಿ।
ಸೇಸಂ ಪುಞ್ಞಮಪುಞ್ಞಞ್ಚ, ಕಟತ್ತಾಕಮ್ಮಮೀರಿತಂ॥
೩೫೩.
ದಿಟ್ಠಧಮ್ಮೇ ವೇದನೀಯಮುಪಪಜ್ಜಾಪರೇ ತಥಾ।
ಪರಿಯಾಯವೇದನೀಯಮಿತಿ ಚಾಹೋಸಿಕಮ್ಮುನಾ॥
೩೫೪.
ಪಾಕಕಾಲವಸೇನಾಥ, ಕಾಲಾತೀತವಸೇನ ಚ।
ಚತುಧೇವಮ್ಪಿ ಅಕ್ಖಾತಂ, ಕಮ್ಮಮಾದಿಚ್ಚಬನ್ಧುನಾ॥
೩೫೫.
ದಿಟ್ಠಧಮ್ಮೇ ವೇದನೀಯಂ, ಪಠಮಂ ಜವನಂ ಭವೇ।
ಅಲದ್ಧಾಸೇವನತ್ತಾವ, ಅಸಮತ್ಥಂ ಭವನ್ತರೇ॥
೩೫೬.
ವೇದನೀಯಂ
ಪರಿನಿಟ್ಠಿತಕಮ್ಮತ್ತಾ, ವಿಪಚ್ಚತಿ ಅನನ್ತರೇ॥
೩೫೭.
ಸೇಸಾನಿ ವೇದನೀಯಾನಿ, ಪರಿಯಾಯಾಪರೇ ಪನ।
ಲದ್ಧಾಸೇವನತೋ ಪಾಕಂ, ಜನೇನ್ತಿ ಸತಿ ಪಚ್ಚಯೇ॥
೩೫೮.
ವುಚ್ಚನ್ತಾಹೋಸಿಕಮ್ಮಾನಿ, ಕಾಲಾತೀತಾನಿ ಸಬ್ಬಥಾ।
ಉಚ್ಛಿನ್ನತಣ್ಹಾಮೂಲಾನಿ, ಪಚ್ಚಯಾಲಾಭತೋ ತಥಾ॥
೩೫೯.
ಚತುಧಾ ಪುನ ಕಾಮಾದಿಭೂಮಿಭೇದೇನ ಭಾಸಿತಂ।
ಪುಞ್ಞಾಪುಞ್ಞವಸಾ ದ್ವೇಧಾ, ಕಾಮಾವಚರಿಕಂ ಭವೇ॥
೩೬೦.
ಅಪುಞ್ಞಂ ತತ್ಥ ಸಾವಜ್ಜ-ಮನಿಟ್ಠಫಲದಾಯಕಂ।
ತಂ ಕಮ್ಮಫಸ್ಸದ್ವಾರೇಹಿ, ದುವಿಧಂ ಸಮ್ಪವತ್ತತಿ॥+
೩೬೧.
ಕಾಯದ್ವಾರಂ
ಕಮ್ಮದ್ವಾರತ್ತಯಂ ವುತ್ತಂ, ಫಸ್ಸದ್ವಾರಾ ಛ ದೀಪಿತಾ॥
೩೬೨.
ಕಮ್ಮದ್ವಾರೇ ಮನೋದ್ವಾರೇ, ಪಞ್ಚದ್ವಾರಾ ಸಮೋಹಿತಾ।
ಫಸ್ಸದ್ವಾರಮನೋದ್ವಾರಂ, ಕಮ್ಮದ್ವಾರತ್ತಯಂ ಕತಂ॥
೩೬೩.
ತಥಾ ಹಿ ಕಾಯವಿಞ್ಞತ್ತಿಂ, ಜನೇತ್ವಾ ಜಾತಚೇತನಾ।
ಕಾಯಕಮ್ಮಂ ವಚೀಕಮ್ಮಂ, ವಚೀಭೇದಪವತ್ತಿಕಾ॥
೩೬೪.
ವಿಞ್ಞತ್ತಿದ್ವಯಸಮ್ಪತ್ತಾ, ಮನೋಕಮ್ಮನ್ತಿ ವುಚ್ಚತಿ।
ಭೇದೋಯಂ ಪರಿಯಾಯೇನ, ಕಮ್ಮಾನಮಿತಿ ದೀಪಿತೋ॥
೩೬೫.
ಪಾಣಘಾತಾದಿಕಂ ಕಮ್ಮಂ, ಕಾಯೇ ಬಾಹುಲ್ಲವುತ್ತಿತೋ।
ಕಾಯಕಮ್ಮಂ ವಚೀಕಮ್ಮಂ, ಮುಸಾವಾದಾದಿಕಂ ತಥಾ॥
೩೬೬.
ಅಭಿಜ್ಝಾದಿ ಮನೋಕಮ್ಮಂ, ತೀಸು ದ್ವಾರೇಸು ಜಾಯತಿ।
ದ್ವೀಸು ದ್ವಾರೇಸು ಸೇಸಾನಿ, ಭೇದೋಯಂ ಪರಮತ್ಥತೋ॥
೩೬೭.
ಫಸ್ಸದ್ವಾರಮನೋದ್ವಾರೇ, ವಿಞ್ಞತ್ತಿದ್ವಯಮೀರಿತಂ।
ಪಞ್ಚದ್ವಾರೇ ದ್ವಯಂ ನತ್ಥಿ, ಅಯಮೇತ್ಥ ವಿನಿಚ್ಛಯೋ॥
೩೬೮.
ಅಕ್ಖನ್ತಿಞಾಣ ಕೋಸಜ್ಜಂ, ದುಸ್ಸಿಲ್ಯಂ ಮುಟ್ಠಸಚ್ಚತಾ।
ಇಚ್ಚಾಸಂವರಭೇದೇನ, ಅಟ್ಠದ್ವಾರೇಸು ಜಾಯತಿ॥
೩೬೯.
ಕಮ್ಮದ್ವಾರತ್ತಯಞ್ಚೇವ
ಅಸಂವರಾನಂ ಪಞ್ಚನ್ನಂ, ಅಟ್ಠ ದ್ವಾರಾ ಪಕಾಸಿತಾ॥
೩೭೦.
ತತ್ಥ ಕಮ್ಮಪಥಪ್ಪತ್ತಂ, ಪಟಿಸನ್ಧಿಫಲಾವಹಂ।
ಪಾಣಘಾತಾದಿಭೇದೇನ, ದಸಧಾ ಸಮ್ಪವತ್ತತಿ॥
೩೭೧.
ಪಾಣಾತಿಪಾತೋ ಫರುಸಂ, ಬ್ಯಾಪಾದೋ ಚ ತಥಾಪರೋ।
ಇಚ್ಚೇವಂ ತಿವಿಧಂ ಕಮ್ಮಂ, ದೋಸಮೂಲೇಹಿ ಜಾಯತಿ॥
೩೭೨.
ಮಿಚ್ಛಾಚಾರೋ ಅಭಿಜ್ಝಾ ಚ, ಮಿಚ್ಛಾದಿಟ್ಠಿ ತಥಾಪರಾ।
ಇಚ್ಚೇವಂ ತಿವಿಧಂ ಕಮ್ಮಂ, ಲೋಭಮೂಲೇಹಿ ಜಾಯತಿ॥
೩೭೩.
ಥೇಯ್ಯಾದಾನಂ
ಕಮ್ಮಂ ಚತುಬ್ಬಿಧಮ್ಮೇತಂ, ದ್ವಿಮೂಲೇಹಿ ಪವತ್ತತಿ॥
೩೭೪.
ಛನ್ದಾದೋಸಾ ಭಯಾ ಮೋಹಾ, ಪಾಪಂ ಕುಬ್ಬನ್ತಿ ಪಾಣಿನೋ।
ತಸ್ಮಾ ಛನ್ದಾದಿಭೇದೇನ, ಚತ್ತಾಲೀಸವಿಧಂ ಭವೇ॥
೩೭೫.
ಇಚ್ಚಾಪುಞ್ಞಂ ಪಕಾಸೇನ್ತಿ, ಚತುರಾಪಾಯಸಾಧಕಂ।
ಅಞ್ಞತ್ಥಾಪಿ ಪವತ್ತಮ್ಹಿ, ವಿಪತ್ತಿಫಲಸಾಧನಂ॥
೩೭೬.
ತಿವಿಧಂ ಪನ ಪುಞ್ಞಂ ತು, ಅನವಜ್ಜಿಟ್ಠಪಾಕದಂ।
ದಾನಂ ಸೀಲಂ ಭಾವನಾ ಚ, ತೀಸು ದ್ವಾರೇಸು ಜಾಯತಿ॥
೩೭೭.
ಮಹತ್ತಗಾರವಾ ಸ್ನೇಹಾ, ದಯಾ ಸದ್ಧುಪಕಾರತೋ।
ಭೋಗಜೀವಾಭಯಧಮ್ಮಂ, ದದತೋ ದಾನಮೀರಿತಂ॥
೩೭೮.
ಪುಞ್ಞಮಾಚಾರವಾರಿತ್ತ-ವತ್ತಮಾರಬ್ಭ ಕುಬ್ಬತೋ।
ಪಾಪಾ ಚ ವಿರಮನ್ತಸ್ಸ, ಹೋತಿ ಸೀಲಮಯಂ ತದಾ॥
೩೭೯.
ದಾನಸೀಲವಿನಿಮುತ್ತಂ, ಭಾವನಾತಿ ಪವುಚ್ಚತಿ।
ಪುಞ್ಞಂ ಭಾವೇನ್ತಿ ಸನ್ತಾನೇ, ಯಸ್ಮಾ ತೇನ ಹಿತಾವಹಂ॥
೩೮೦.
ಜನೇತ್ವಾ ಕಾಯವಿಞ್ಞತ್ತಿಂ, ಯದಾ ಪುಞ್ಞಂ ಕರೀಯತಿ।
ಕಾಯಕಮ್ಮಂ ತದಾ ಹೋತಿ, ದಾನಂ ಸೀಲಞ್ಚ ಭಾವನಾ॥
೩೮೧.
ವಚೀವಿಞ್ಞತ್ತಿಯಾ
ವಚೀಕಮ್ಮಂ ಮನೋಕಮ್ಮಂ, ವಿನಾ ವಿಞ್ಞತ್ತಿಯಾ ಕತಂ॥
೩೮೨.
ತಂತಂದ್ವಾರಿಕಮೇವಾಹು, ತಂತಂದ್ವಾರಿಕಪಾಪತೋ।
ವಿರಮನ್ತಸ್ಸ ವಿಞ್ಞತ್ತಿಂ, ವಿನಾ ವಾ ಸಹ ವಾ ಪುನ॥
೩೮೩.
ದಾನಂ ಸೀಲಂ ಭಾವನಾ ಚ, ವೇಯ್ಯಾವಚ್ಚಾಪಚಾಯನಾ।
ಪತ್ತಾನುಮೋದನಾ ಪತ್ತಿ-ದಾನಂ ಧಮ್ಮಸ್ಸ ದೇಸನಾ।
ಸವನಂ ದಿಟ್ಠಿಜುಕಮ್ಮ-ಮಿಚ್ಚೇವಂ ದಸಧಾ ಠಿತಂ॥
೩೮೪.
ಕಾಮಪುಞ್ಞಂ
ಅಞ್ಞತ್ಥಾಪಿ ಪವತ್ತಮ್ಹಿ, ಸಮ್ಪತ್ತಿಫಲಸಾಧಕಂ॥
೩೮೫.
ಚಿತ್ತುಪ್ಪಾದಪ್ಪಭೇದೇನ, ಕಮ್ಮಂ ವೀಸತಿಧಾ ಠಿತಂ।
ಕಾಮಾವಚರಮಿಚ್ಚೇವಂ, ವಿಭಾವೇನ್ತಿ ವಿಭಾವಿನೋ॥
೩೮೬.
ರೂಪಾವಚರಿಕಂ ಕಮ್ಮ-ಮಪ್ಪನಾಭಾವನಾಮಯಂ।
ಕಸಿಣಾದಿಕಮಾರಬ್ಭ, ಮನೋದ್ವಾರೇ ಪವತ್ತತಿ॥
೩೮೭.
ಪಥವಾಪೋ ಚ ತೇಜೋ ಚ,
ವಾಯೋ ನೀಲಞ್ಚ ಪೀತಕಂ।
ಲೋಹಿತೋದಾತಮಾಕಾಸಂ,
ಆಲೋಕೋತಿ ವಿಸಾರದಾ॥
೩೮೮.
ಕಸಿಣಾನಿ ದಸೀರೇನ್ತಿ, ಆದಿಕಮ್ಮಿಕಯೋಗಿನೋ।
ಉದ್ಧುಮಾತಂ ವಿನೀಲಞ್ಚ, ವಿಪುಬ್ಬಕಂ ವಿಖಾದಿತಂ॥
೩೮೯.
ವಿಚ್ಛಿದ್ದಕಞ್ಚ ವಿಕ್ಖಿತ್ತಂ, ಹತವಿಕ್ಖಿತ್ತಲೋಹಿತಂ।
ಪುಳವಂ ಅಟ್ಠಿಕಞ್ಚೇತಿ, ಅಸುಭಂ ದಸಧಾ ಠಿತಂ॥
೩೯೦.
ಬುದ್ಧೇ ಧಮ್ಮೇ ಚ ಸಙ್ಘೇ ಚ, ಸೀಲೇ ಚಾಗೇ ಚ ಅತ್ತನೋ।
ದೇವತೋಪಸಮಾಯಞ್ಚ, ವುತ್ತಾನುಸ್ಸತಿಭಾವನಾ॥
೩೯೧.
ಮರಣೇ ಸತಿ ನಾಮೇಕಾ, ತಥಾ ಕಾಯಗತಾಸತಿ।
ಆನಾಪಾನಸತಿಚ್ಚೇವಂ, ದಸಧಾನುಸ್ಸತೀರಿತಾ॥
೩೯೨.
ಮೇತ್ತಾ
ಚತುಬ್ರಹ್ಮವಿಹಾರಾ ಚ, ಅಪ್ಪಮಞ್ಞಾತಿ ಭಾಸಿತಾ॥
೩೯೩.
ಆಹಾರೇ ತು ಪಟಿಕ್ಕೂಲ-ಸಞ್ಞೇಕಾತಿ ಪಕಾಸಿತಾ।
ಚತುಧಾತುವವತ್ಥಾನಂ, ಚತುಧಾತುಪರಿಗ್ಗಹೋ॥
೩೯೪.
ಚತ್ತಾರೋರುಪ್ಪಕಾ ಚೇತಿ, ಚತ್ತಾಲೀಸ ಸಮಾಸತೋ।
ಕಮ್ಮಟ್ಠಾನಾನಿ ವುತ್ತಾನಿ, ಸಮಥೇ ಭಾವನಾನಯೇ॥
೩೯೫.
ಆನಾಪಾನಞ್ಚ
ಪಠಮಜ್ಝಾನಿಕಾ ವುತ್ತಾ, ಕೋಟ್ಠಾಸಾಸುಭಭಾವನಾ॥
೩೯೬.
ಮೇತ್ತಾದಯೋ ಚತುಜ್ಝಾನಾ, ಉಪೇಕ್ಖಾ ಪಞ್ಚಮೀ ಮತಾ।
ಆರುಪ್ಪಾರುಪ್ಪಕಾ ಸೇಸಾ, ಉಪಚಾರಸಮಾಧಿಕಾ॥
೩೯೭.
ಕಸಿಣಾಸುಭಕೋಟ್ಠಾಸೇ,
ಆನಾಪಾನೇ ಚ ಜಾಯತಿ।
ಪಟಿಭಾಗೋ ತಮಾರಬ್ಭ,
ತತ್ಥ ವತ್ತತಿ ಅಪ್ಪನಾ॥
೩೯೮.
ಕಮ್ಮಟ್ಠಾನೇಸು ಸೇಸೇಸು, ಪಟಿಭಾಗೋ ನ ವಿಜ್ಜತಿ।
ತಥಾ ಹಿ ಸತ್ತವೋಹಾರೇ, ಅಪ್ಪಮಞ್ಞಾ ಪವತ್ತರೇ॥
೩೯೯.
ಕಸಿಣುಗ್ಘಾಟಿಮಾಕಾಸಂ, ಪಠಮಾರುಪ್ಪಮಾನಸಂ।
ಪಠಮಾರುಪ್ಪಕಾಭಾವ-ಮಾಕಿಞ್ಚಞ್ಞಞ್ಚ ಗೋಚರಂ॥
೪೦೦.
ಆರುಪ್ಪಾ ಸಮ್ಪವತ್ತನ್ತಿ, ಆಲಮ್ಬಿತ್ವಾ ಯಥಾಕ್ಕಮಂ।
ಅಞ್ಞತ್ಥ ಪನ ಸಬ್ಬತ್ಥ, ನಪ್ಪವತ್ತತಿ ಅಪ್ಪನಾ॥
೪೦೧.
ಪರಿಕಮ್ಮಂ ಪರಿಕಮ್ಮ-ಸಮಾಧಿ ಚ ತತೋ ಪರಂ।
ಉಪಚಾರಪ್ಪನಾ ಚೇತಿ, ಭಾವನಾಯಂ ಚತುಬ್ಬಿಧಂ॥
೪೦೨.
ಪರಿಕಮ್ಮನಿಮಿತ್ತಞ್ಚ, ಉಗ್ಗಹೋ ಚ ತತೋ ಪರಂ।
ಪಟಿಭಾಗೋತಿ ತೀಣೇವ, ನಿಮಿತ್ತಾನಿ ಪಕಾಸಯುಂ॥
೪೦೩.
ನಿಮಿತ್ತಂ ಗಣ್ಹತೋ ಪುಬ್ಬ-ಮಾದಿಕಮ್ಮಿಕಯೋಗಿನೋ।
ಪರಿಕಮ್ಮನಿಮಿತ್ತನ್ತಿ, ಕಸಿಣಾದಿಕಮೀರಿತಂ॥
೪೦೪.
ತಸ್ಮಿಂ
ಪಠಮಂ ಪರಿಕಮ್ಮನ್ತಿ, ಭಾವನಾಪಿ ಪವುಚ್ಚತಿ॥
೪೦೫.
ಚಿತ್ತೇನುಗ್ಗಹಿತೇ ತಸ್ಮಿಂ, ಮನೋದ್ವಾರೇ ವಿಭಾವಿತೇ।
ತದುಗ್ಗಹನಿಮಿತ್ತಂ ತು, ಸಮುಪ್ಪನ್ನನ್ತಿ ವುಚ್ಚತಿ॥
೪೦೬.
ಪಞ್ಚದ್ವಾರವಿನಿಮುತ್ತಾ
ಪರಿಕಮ್ಮಸಮಾಧೀತಿ, ಭಾವನಾ ಸಾ ಪಕಾಸಿತಾ॥
೪೦೭.
ಉಗ್ಗಹಾಕಾರಸಮ್ಭೂತಂ, ವತ್ಥುಧಮ್ಮವಿಮುಚ್ಚಿತಂ।
ಪಟಿಭಾಗನಿಮಿತ್ತನ್ತಿ, ಭಾವನಾಮಯಮೀರಿತಂ॥
೪೦೮.
ರೂಪಾದಿವಿಸಯಂ ಹಿತ್ವಾ, ತಮಾರಬ್ಭ ತತೋ ಪರಂ।
ಭವಙ್ಗನ್ತರಿತಂ ಹುತ್ವಾ, ಮನೋದ್ವಾರಂ ಪವತ್ತತಿ॥
೪೦೯.
ಸಿಖಾಪತ್ತಸಮಾಧಾನ-ಮುಪಕ್ಲೇಸವಿಮುಚ್ಚಿತಂ।
ಉಪಚಾರಸಮಾಧೀತಿ, ಕಾಮಾವಚರಮೀರಿತಂ॥
೪೧೦.
ಪಟಿಭಾಗನಿಮಿತ್ತಮ್ಹಿ, ಉಪಚಾರಸಮಾಧಿತೋ।
ಭಾವನಾಬಲನಿಪ್ಫನ್ನಾ, ಸಮುಪ್ಪಜ್ಜತಿ ಅಪ್ಪನಾ॥
೪೧೧.
ಪುರಿಮಂ ಪುರಿಮಂ ಕತ್ವಾ, ವಸೀಭೂತಂ ತತೋ ಪರಂ।
ಓಳಾರಿಕಙ್ಗಮೋಹಾಯ, ಸುಖುಮಙ್ಗಪ್ಪವತ್ತಿಯಾ॥
೪೧೨.
ಅಪ್ಪನಾ ಪದಹನ್ತಸ್ಸ, ಪವತ್ತತಿ ಯಥಾಕ್ಕಮಂ।
ವಿತಕ್ಕಾದಿವಿನಿಮುತ್ತಾ, ವಿಚಾರಾದಿಸಮಾಯುತಾ॥
೪೧೩.
ಆವಜ್ಜನಾ ಚ ವಸಿತಾ, ತಂಸಮಾಪಜ್ಜನಾ ತಥಾ।
ವುಟ್ಠಾನಾಧಿಟ್ಠಾನಾ ಪಚ್ಚ-ವೇಕ್ಖಣಾತಿ ಚ ಪಞ್ಚಧಾ॥
೪೧೪.
ವಿತಕ್ಕಞ್ಚ ವಿಚಾರಞ್ಚ, ಸಹಾತಿಕ್ಕಮತೋ ಪನ।
ಚತುಕ್ಕಜ್ಝಾನಮಪ್ಪೇತಿ, ಪಞ್ಚಕಞ್ಚ ವಿಸುಂ ವಿಸುಂ॥
೪೧೫.
ಅಪ್ಪನಾಯ ಚ ಪಚ್ಚೇಕಝಾನಸ್ಸಾಪಿ ವಿಸುಂ ವಿಸುಂ।
ಇಚ್ಛಿತಬ್ಬಾ ಹಿ ಸಬ್ಬತ್ಥ, ಪರಿಕಮ್ಮಾದಿಭಾವನಾ॥
೪೧೬.
ತಂ ಪರಿತ್ತಂ ಮಜ್ಝಿಮಞ್ಚ, ಪಣೀತನ್ತಿ ವಿಭಜ್ಜತಿ।
ವಿಮೋಕ್ಖೋ ಚ ವಸೀಭೂತಮಭಿಭಾಯತನನ್ತಿ ಚ॥
೪೧೭.
ಪರಿತ್ತಾದಿ
ದುಕ್ಖಾಪಟಿಪದಂ ದನ್ಧಾಭಿಞ್ಞಮಿಚ್ಚಾದಿತೋ ತಥಾ॥
೪೧೮.
ತಂ
ವಿಸೇಸಟ್ಠಿತಿನಿಬ್ಬೇಧಹಾನಭಾಗಿಯತೋಪಿ ಚ॥
೪೧೯.
ಪಞ್ಚಧಾ ಝಾನಭೇದೇನ, ಚತುಧಾಲಮ್ಬಭೇದತೋ।
ಸಮಾಧಿಭಾವನಾಪುಞ್ಞಮಪ್ಪನಾಪತ್ತಮೀರಿತಂ॥
೪೨೦.
ಇತಿ ವಿಕ್ಖಮ್ಭಿತಕ್ಲೇಸಂ, ರೂಪಲೋಕೂಪಪತ್ತಿಕಂ।
ರೂಪಾವಚರಕಮ್ಮನ್ತಿ, ವಿಭಾವೇನ್ತಿ ವಿಸಾರದಾ॥
೪೨೧.
ಅರೂಪಾವಚರಕಮ್ಮಂ, ಚತುಧಾರುಪ್ಪಸಾಧನಂ।
ರೂಪಧಮ್ಮವಿಭಾಗೇನ, ಭಾವಿತನ್ತಿ ಪವುಚ್ಚತಿ॥
೪೨೨.
ಚತುಪಾರಿಸುದ್ಧಿಸೀಲಂ, ಧುತಙ್ಗಪರಿವಾರಿತಂ।
ಸೀಲವಿಸುದ್ಧಿಸಙ್ಖಾತಂ, ಪೂರಯಿತ್ವಾ ತತೋ ಪರಂ॥
೪೨೩.
ಪತ್ವಾ ಚಿತ್ತವಿಸುದ್ಧಿಞ್ಚ, ಸೋಪಚಾರಸಮಾಧಿಕಂ।
ತಥಾ ದಿಟ್ಠಿವಿಸುದ್ಧಿಞ್ಚ, ನಾಮರೂಪಪರಿಗ್ಗಹಂ॥
೪೨೪.
ಕಙ್ಖಾವಿತರಣಂ ನಾಮ, ಪಚ್ಚಯಟ್ಠಿತಿದಸ್ಸನಂ।
ವಿಸೋಧೇತ್ವಾ ಮಗ್ಗಾಮಗ್ಗ-ಞಾಣದಸ್ಸನಮೇವ ಚ॥
೪೨೫.
ತತೋ ಪರಂ ವಿಪಸ್ಸನ್ತೋ, ವಿಸುದ್ಧೀಸು ಸಮಾಹಿತೋ।
ಸಮ್ಪಾದೇತ್ವಾ ಪಟಿಪದಾ-ಞಾಣದಸ್ಸನಮುತ್ತಮಂ॥
೪೨೬.
ತತೋ ಪಪ್ಪೋತಿ ಮೇಧಾವೀ, ವಿಸುದ್ಧಿಂ ಞಾಣದಸ್ಸನಂ।
ಚತುಮಗ್ಗಸಮಞ್ಞಾತಂ, ಸಾಮಞ್ಞಫಲದಾಯಕಂ॥
೪೨೭.
ಛಬ್ಬಿಸುದ್ಧಿಕಮೇನೇವಂ, ಭಾವೇತಬ್ಬಂ ಯಥಾಕ್ಕಮಂ।
ಕಮ್ಮಂ ಲೋಕುತ್ತರಂ ನಾಮ, ಸಬ್ಬದುಕ್ಖಕ್ಖಯಾವಹಂ॥
೪೨೮.
ಇತಿ ಛನ್ನಂ ಚತುಕ್ಕಾನಂ, ವಸಾ ಕಮ್ಮಂ ವಿಭಾವಯೇ।
ಯೇನ ಕಮ್ಮವಿಸೇಸೇನ, ಸನ್ತಾನಮಭಿಸಙ್ಖತಂ॥
೪೨೯.
ಭೂಮೀಭವಯೋನಿಗತಿಠಿತಿವಾಸೇಸು ಸಮ್ಭವಾ।
ಪಟಿಸನ್ಧಾದಿಭಾವೇನ, ಪಾಕಾಯ ಪರಿವತ್ತತಿ॥
೪೩೦.
ಸಾಯಂ
ಜನೇತಿ ರೂಪಾರೂಪಾನಿ, ಮನೋಸಞ್ಚೇತನಾ ಕಥಂ॥
೪೩೧.
ಭೂಮಿ ಲೋಕುತ್ತರಾ ಚೇವ, ಲೋಕಿಯಾತಿ ದ್ವಿಧಾ ಠಿತಾ।
ಪರಿತ್ತಾ ಚ ಮಹಗ್ಗತಾ, ಅಪ್ಪಮಾಣಾತಿ ಭೇದಿತಾ॥
೪೩೨.
ಏಕಾದಸ ಕಾಮಭವಾ, ಭವಾ ಸೋಳಸ ರೂಪಿನೋ।
ಚತ್ತಾರೋರುಪ್ಪಕಾ ಚೇತಿ, ತಿವಿಧೋ ಭವ ಸಙ್ಗಹೋ॥
೪೩೩.
ಅಸಞ್ಞೇಕೋ ಭವೋ ನೇವ-
ಸಞ್ಞಿನಾಸಞ್ಞಿಕೋ ಭವೋ।
ಸಬ್ಬೋ ಸಞ್ಞಿಭವೋ ಸೇಸೋ,
ಏವಮ್ಪಿ ತಿವಿಧೋ ಭವೋ॥
೪೩೪.
ಆರುಪ್ಪಾ ಚತುವೋಕಾರಾ, ಏಕವೋಕಾರಸಞ್ಞಿನೋ।
ಪಞ್ಚವೋಕಾರಕೋ ನಾಮ, ಭವೋ ಸೇಸೋ ಪವುಚ್ಚತಿ॥
೪೩೫.
ನಿರಯೇ ಹೋತಿ ದೇವೇ ಚ, ಯೋನೇಕಾ ಓಪಪಾತಿಕಾ।
ಅಣ್ಡಜಾ ಜಲಾಬುಜಾ ಚ, ಸಂಸೇದಜೋಪಪಾತಿಕಾ॥
೪೩೬.
ಪೇತಲೋಕೇ ತಿರಚ್ಛಾನೇ, ಭುಮ್ಮದೇವೇ ಚ ಮಾನುಸೇ।
ಅಸುರೇ ಚ ಭವನ್ತೇವಂ, ಚತುಧಾ ಯೋನಿ ಸಙ್ಗಹಾ॥
೪೩೭.
ಗತಿಯೋ ನಿರಯಂ ಪೇತಾ, ತಿರಚ್ಛಾನಾ ಚ ಮಾನವಾ।
ಸಬ್ಬೇ ದೇವಾತಿ ಪಞ್ಚಾಹ, ಪಞ್ಚನಿಮ್ಮಲಲೋಚನೋ॥
೪೩೮.
ತಾವತಿಂಸೇಸು ದೇವೇಸು, ವೇಪಚಿತ್ತಾಸುರಾ ಗತಾ।
ಕಾಲಕಞ್ಚಾಸುರಾ ನಾಮ, ಗತಾ ಪೇತೇಸು ಸಬ್ಬಥಾ॥
೪೩೯.
ಸನ್ಧಿಸಞ್ಞಾಯ ನಾನತ್ತಾ, ಕಾಯಸ್ಸಾಪಿ ಚ ನಾನತೋ।
ನಾನತ್ತಕಾಯಸಞ್ಞೀತಿ, ಕಾಮಸುಗ್ಗತಿಯೋ ಮತಾ॥
೪೪೦.
ಪಠಮಜ್ಝಾನಭೂಮೀ ಚ, ಚತುರಾಪಾಯಭೂಮಿಯೋ।
ನಾನತ್ತಕಾಯಏಕತ್ತ-ಸಞ್ಞೀತಿ ಸಮುದೀರಿತಾ॥
೪೪೧.
ಏಕತ್ತಕಾಯನಾನತ್ತ-ಸಞ್ಞೀ
ಏಕತ್ತಕಾಯಏಕತ್ತ-ಸಞ್ಞೀ ಉಪರಿರೂಪಿನೋ॥
೪೪೨.
ವಿಞ್ಞಾಣಟ್ಠಿತಿಯೋ
ಅಸಞ್ಞೇತ್ಥ ನ ಗಣ್ಹನ್ತಿ, ವಿಞ್ಞಾಣಾಭಾವತೋ ಸದಾ॥
೪೪೩.
ಚತುತ್ಥಾರುಪ್ಪಭೂಮಿಞ್ಚ, ಪಟುವಿಞ್ಞಾಣಹಾನಿತೋ।
ತಂ ದ್ವಯಮ್ಪಿ ಗಹೇತ್ವಾನ, ಸತ್ತಾವಾಸಾ ನವೇರಿತಾ॥
೪೪೪.
ದೇವಾ ಮನುಸ್ಸಾಪಾಯಾತಿ, ತಿವಿಧಾ ಕಾಮಧಾತುಯೋ।
ಪಠಮಜ್ಝಾನಭೂಮಾದಿ-ಭೇದಾ ಭೂಮಿ ಚತುಬ್ಬಿಧಾ॥
೪೪೫.
ಪಠಮಾರುಪ್ಪಾದಿಭೇದಾ, ಚತುಧಾರುಪ್ಪಧಾತುಯೋ।
ಸೋತಾಪನ್ನಾದಿಭೇದೇನ, ಚತುಧಾನುತ್ತರಾ ಮತಾ॥
೪೪೬.
ನಿರಯಾದಿಪ್ಪಭೇದೇನ, ಭಿನ್ನಾ ಪಚ್ಚೇಕತೋ ಪುನ।
ಏಕತಿಂಸವಿಧಾ ಹೋನ್ತಿ, ಸತ್ತಾನಂ ಜಾತಿಭೂಮಿಯೋ॥
೪೪೭.
ಏವಂ ಭೂಮಾದಿಭೇದೇಸು, ಸತ್ತಾ ಜಾಯನ್ತಿ ಸಾಸವಾ।
ಕಮ್ಮಾನಿ ಚ ವಿಪಚ್ಚನ್ತಿ, ಯಥಾಸಮ್ಭವತೋ ಕಥಂ।
೪೪೮.
ಅಪಾಯಮ್ಹಾ ಚುತಾ ಸತ್ತಾ, ಕಾಮಧಾತುಮ್ಹಿ ಜಾಯರೇ।
ಸಬ್ಬಟ್ಠಾನೇಸು ಜಾಯನ್ತಿ, ಸೇಸಕಾಮಭವಾ ಚುತಾ॥
೪೪೯.
ಸುದ್ಧಾವಾಸಾ ಚುತಾ ಸುದ್ಧಾ-ವಾಸೇಸುಪರಿ ಜಾಯರೇ।
ಅಸಞ್ಞಿಮ್ಹಾ ಚುತಾ ಕಾಮ-ಸುಗತಿಮ್ಹೋಪಪಜ್ಜರೇ॥
೪೫೦.
ಸೇಸರೂಪಾ ಚುತಾ ಸತ್ತಾ, ಜಾಯನ್ತಾಪಾಯವಜ್ಜಿತೇ।
ಆರುಪ್ಪತೋಪರಿ ಕಾಮ-ಸುಗತಿಮ್ಹಿ ತಹಿಮ್ಪಿ ಚ॥
೪೫೧.
ಪುಥುಜ್ಜನಾವ ಜಾಯನ್ತಿ, ಅಸಞ್ಞಾಪಾಯಭೂಮಿಸು।
ಸುದ್ಧಾವಾಸೇಸು ಜಾಯನ್ತಿ, ಅನಾಗಾಮಿಕಪುಗ್ಗಲಾ॥
೪೫೨.
ವೇಹಪ್ಫಲೇ ಅಕನಿಟ್ಠೇ, ಭವಗ್ಗೇ ಚ ಪತಿಟ್ಠಿತಾ।
ನ ಪುನಞ್ಞತ್ಥ ಜಾಯನ್ತಿ, ಸಬ್ಬೇ ಅರಿಯಪುಗ್ಗಲಾ॥
೪೫೩.
ಬ್ರಹ್ಮಲೋಕಗತಾ
ದುಕ್ಖಮೂಲಸಮುಚ್ಛೇದಾ, ಪರಿನಿಬ್ಬನ್ತಿನಾಸವಾ॥
೪೫೪.
ಜಾಯನ್ತಾನಞ್ಚ ಜಾತಾನ-ಮಿತಿ ವುತ್ತನಿಯಾಮತೋ।
ಪವತ್ತಾತೀತಕಂ ಕಮ್ಮಂ, ಪಟಿಸನ್ಧಿಪವತ್ತಿಯಂ॥
೪೫೫.
ಅರೂಪಂ
ಜನೇತಿ ರೂಪಾರೂಪಾನಿ, ಪಞ್ಚವೋಕಾರಭೂಮಿಯಂ॥
೪೫೬.
ಆರುಪ್ಪಾನುತ್ತರಂ ಕಮ್ಮಂ, ಪಾಕಮೇವ ವಿಪಚ್ಚತಿ।
ಕಟತ್ತಾರೂಪಪಾಕಾನಿ, ಕಾಮರೂಪನಿಯಾಮಿತಂ॥
೪೫೭.
ಕಾಲೋಪಧಿಪ್ಪಯೋಗಾನಂ, ಗತಿಯಾ ಚ ಯಥಾರಹಂ।
ಸಮ್ಪತ್ತಿಞ್ಚ ವಿಪತ್ತಿಞ್ಚ, ಕಮ್ಮಮಾಗಮ್ಮ ಪಚ್ಚತಿ॥
೪೫೮.
ಅಪಾಯೇ ಸನ್ಧಿಮುದ್ಧಚ್ಚ-ಹೀನಾ ದತ್ವಾ ಪವತ್ತಿಯಂ।
ಸಬ್ಬಾಪಿ ಪಞ್ಚವೋಕಾರೇ, ದ್ವಾದಸಾಪುಞ್ಞಚೇತನಾ॥
೪೫೯.
ಸತ್ತಾಕುಸಲಪಾಕಾನಿ, ವಿಪಚ್ಚನ್ತಿ ಯಥಾರಹಂ।
ಕಾಮಾವಚರಪುಞ್ಞಾನಿ, ಕಾಮೇಸುಗತಿಯಂ ಪನ॥
೪೬೦.
ಸಹೇತುಕಾನಿ ಪಾಕಾನಿ, ಪಟಿಸನ್ಧಿಪವತ್ತಿಯಂ।
ಜನೇನ್ತಿ ಪಞ್ಚವೋಕಾರೇ, ಅಹೇತುಪಿ ಯಥಾರಹಂ॥
೪೬೧.
ತಿಹೇತುಪುಞ್ಞಮುಕ್ಕಟ್ಠಂ, ಪಟಿಸನ್ಧಿಂ ತಿಹೇತುಕಂ।
ದತ್ವಾ ಸೋಳಸ ಪಾಕಾನಿ, ಪವತ್ತೇ ತು ವಿಪಚ್ಚತಿ॥
೪೬೨.
ತಿಹೇತುಕೋಮಕುಕ್ಕಟ್ಠಂ, ದ್ವಿಹೇತು ಚ ದ್ವಿಹೇತುಕಂ।
ಸನ್ಧಿಂ ದೇತಿ ಪವತ್ತೇ ತು, ತಿಹೇತುಕವಿವಜ್ಜಿತಂ॥
೪೬೩.
ದ್ವಿಹೇತುಕೋಮಕಂ ಪುಞ್ಞಂ, ಪಟಿಸನ್ಧಿಮಹೇತುಕಂ।
ದತ್ವಾಹೇತುಕಪಾಕಾನಿ, ಪವತ್ತೇ ತು ವಿಪಚ್ಚತಿ॥
೪೬೪.
ಅಸಙ್ಖಾರಂ ಸಸಙ್ಖಾರ-ವಿಪಾಕಾನಿ ನ ಪಚ್ಚತಿ।
ಸಸಙ್ಖಾರಮಸಙ್ಖಾರ-ವಿಪಾಕಾನೀತಿ ಕೇಚನ॥
೪೬೫.
ಪರಿತ್ತಂ
ಭಾವೇತ್ವಾ ಜಾಯರೇ ಬ್ರಹ್ಮ-ಪಾರಿಸಜ್ಜಾದಿ ತೀಸುಪಿ॥
೪೬೬.
ತಥೇವ ದುತಿಯಜ್ಝಾನಂ, ತತಿಯಞ್ಚ ಯಥಾಕ್ಕಮಂ।
ಭಾವೇತ್ವಾ ಜಾಯರೇ ಝಾನಂ, ಪರಿತ್ತಾಭಾದಿ ತೀಸುಪಿ॥
೪೬೭.
ತಥಾ ಚತುತ್ಥಂ ತಿವಿಧಂ, ಭಾವೇತ್ವಾನ ಸಮಾಹಿತಾ।
ಪರಿತ್ತಸುಭಾದಿಕೇಸು, ತೀಸು ಜಾಯನ್ತಿ ಯೋಗಿನೋ॥
೪೬೮.
ಪಞ್ಚಮಂ
ಸಞ್ಞಾವಿರಾಗಂ ಭಾವೇತ್ವಾ, ಅಸಞ್ಞೀಸೂಪಪಜ್ಜರೇ॥
೪೬೯.
ಸುದ್ಧಾವಾಸೇಸು ಜಾಯನ್ತಿ, ಅನಾಗಾಮಿಕಪುಗ್ಗಲಾ।
ಆರುಪ್ಪಾನಿ ತು ಭಾವೇತ್ವಾ, ಆರುಪ್ಪೇಸು ಯಥಾಕ್ಕಮಂ॥
೪೭೦.
ಏವಂ ಮಹಗ್ಗತಂ ಪುಞ್ಞಂ, ಯಥಾಭೂಮಿವವತ್ಥಿತಂ।
ಜನೇತಿ ಸದಿಸಂ ಪಾಕಂ, ಪಟಿಸನ್ಧಿಪವತ್ತಿಯಂ॥
೪೭೧.
ಲೋಕುತ್ತರಾನಿ ಪುಞ್ಞಾನಿ, ಉಪ್ಪನ್ನಾನನ್ತರಂ ಪನ।
ಸಮಾಪತ್ತಿಕ್ಖಣೇ ಚೇವ, ಜನೇನ್ತಿ ಸದಿಸಂ ಫಲಂ॥
೪೭೨.
ಮಹಗ್ಗತಾನನ್ತರಿಯಂ, ಪರಿಪಕ್ಕಸಭಾವತೋ।
ಅನನ್ತರಭವಾತೀತಂ, ಕಾಲಾತೀತಂ ನ ಪಚ್ಚತಿ॥
೪೭೩.
ಸುಖುಮಾಲಸಭಾವಾ ಚ, ಸುಖುಮತ್ತಾ ಮಹಗ್ಗತಾ।
ಸನ್ತಾನೇ ನ ವಿಪಚ್ಚನ್ತಿ, ಪಟಿಪಕ್ಖೇಹಿ ದೂಸಿತೇ॥
೪೭೪.
ಸಮಾನಾಸೇವನೇ ಲದ್ಧೇ, ವಿಜ್ಜಮಾನೇ ಮಹಬ್ಬಲೇ।
ಅಲದ್ಧಾ ತಾದಿಸಂ ಹೇತುಂ, ಅಭಿಞ್ಞಾ ನ ವಿಪಚ್ಚತಿ॥
೪೭೫.
ಸಕಂ ಭೂಮಿಮತೀತಾನಂ, ನ ವಿಪಚ್ಚತಾನುತ್ತರಂ।
ಕಮ್ಮನ್ತರಸ್ಸಧಿಟ್ಠಾನಾ, ಸನ್ತಾನಸ್ಸೇತಿ ದೀಪಿತಂ॥
೪೭೬.
ಇತಿ ತೇತ್ತಿಂಸ ಕಮ್ಮಾನಿ, ಪಾಕಾ ಛತ್ತಿಂಸ ಭಾಸಿತಾ।
ಚಿತ್ತುಪ್ಪಾದಾ ಕ್ರಿಯಾ ಸೇಸಾ, ಕ್ರಿಯಾಮತ್ತಪ್ಪವತ್ತಿತೋ॥
೪೭೭.
ಚಿತ್ತುಪ್ಪಾದವಸೇನೇವಮೇಕೂನನವುತೀವಿಧಾ
ತೇಪಞ್ಞಾಸ ಸಭಾವೇನ, ಚಿತ್ತಚೇತಸಿಕಾ ಮತಾ॥
೪೭೮.
ಇತಿ ಚಿತ್ತಂ ಚೇತಸಿಕಂ, ನಿಬ್ಬಾನನ್ತಿ ನರುತ್ತರೋ।
ನಾಮಂ ತಿಧಾ ಪಕಾಸೇಸಿ, ಚಕ್ಖುಮಾ ವದತಂ ವರೋ॥
೪೭೯.
ಇತಿ ಕಮ್ಮವಿಪಾಕಪಣ್ಡಿತಾ, ಮಿತಕಮ್ಮವಿಪಾಕಸಾಸನೇ।
ಹಿತಕಮ್ಮವಿಪಾಕಪಾರಗೂ, ಚತುಕಮ್ಮವಿಪಾಕಮಬ್ರವುಂ॥
೪೮೦.
ಯತ್ಥಾಯಂ
ಅತ್ಥಾನತ್ಥವಿಚಾರಣಂ ಪತಿ ಜನೋ ಸಮ್ಮೋಹಮಾಪಾದಿತೋ।
ಬುದ್ಧೋ ಬೋಧಿತಲೇ ಯಮಾಹ ಸುಗತೋ ಗನ್ತ್ವಾನ ದೇವಾಲಯಂ,
ಸ್ವಾಯಂ ಕಮ್ಮವಿಪಾಕನಿಚ್ಛಯನಯೋ ಸಙ್ಖೇಪತೋ ದೀಪಿತೋ॥
ಇತಿ ನಾಮರೂಪಪರಿಚ್ಛೇದೇ ಕಮ್ಮವಿಭಾಗೋ ನಾಮ
ಪಞ್ಚಮೋ ಪರಿಚ್ಛೇದೋ।