೯. ನವಮೋ ಪರಿಚ್ಛೇದೋ
ದಸಾನುಸ್ಸತಿವಿಭಾಗೋ
೧೧೦೦.
ಸದ್ಧಾಪಬ್ಬಜಿತೋ
ದಸಾನುಸ್ಸತಿಭೇದೇಸು, ಭಾವೇಯ್ಯಞ್ಞತರಂ ಕಥಂ॥
೧೧೦೧.
ಅರಹಂ ಸುಗತೋ ಲೋಕೇ, ಭಗವಾ ಲೋಕಪಾರಗೂ।
ವಿಜ್ಜಾಚರಣಸಮ್ಪನ್ನೋ, ವಿಮುತ್ತಿಪರಿನಾಯಕೋ॥
೧೧೦೨.
ಜೇಟ್ಠೋ ಸಮ್ಮಾಭಿಸಮ್ಬುದ್ಧೋ, ಸೇಟ್ಠೋ ಪುರಿಸಸಾರಥೀ।
ಸತ್ಥಾ ದೇವಮನುಸ್ಸಾನಂ, ಬುದ್ಧೋ ಅಪ್ಪಟಿಪುಗ್ಗಲೋ॥
೧೧೦೩.
ಸಬ್ಬಲೋಕಹಿತೋ ಬನ್ಧು, ಸಮತ್ತರತನಾಲಯೋ।
ಸತ್ತಾನಮನುಕಮ್ಪಾಯ, ಜಾತೋ ನಾಥೋ ಸಿವಂಕರೋ॥
೧೧೦೪.
ಚಕ್ಖುಮಾ ತಿತ್ಥಕುಸಲೋ, ಧಮ್ಮಸ್ಸಾಮೀ ತಥಾಗತೋ।
ಮಚ್ಚುಧೇಯ್ಯವಿಮೋಕ್ಖಾಯ, ಪಟಿಪಾದಯಿ ಪಾಣಿನೋ॥
೧೧೦೫.
ಸತ್ಥವಾಹೋ ಮಹಾಯೋಗ್ಗೋ, ಮಗ್ಗಾಮಗ್ಗಯುಧನ್ಧರೋ।
ಸಿರಿಸತ್ಥಮಧಿಗ್ಗಯ್ಹ, ವಿಚರಿತ್ಥ ಮಹಾಪಥಂ,
೧೧೦೬.
ಅನೋಮೋ ಅಸಮೋ ಧೀರೋ,
ಲೋಕಹೀತಪರಕ್ಕಮೋ।
ಸಬ್ಬಾಕಾರವರೋಪೇತೋ
ಅಚ್ಛೇರಬ್ಭುತಪುಗ್ಗಲೋ॥
೧೧೦೭.
ಅತ್ಥಭೂತೋ ಧಮ್ಮಭೂತೋ,
ಬ್ರಹ್ಮಭೂತೋ ಮಹಾಯಸೋ।
ಞಾಣಾಲೋಕಪರಿಚ್ಛಿನ್ನ-
ಞೇಯ್ಯಾಸೇಸಪರಿಗ್ಗಹೋ॥
೧೧೦೮.
ಆನುಭಾವವಸಿಪ್ಪತ್ತೋ, ಆಸಭಣ್ಡಾನನಿಚ್ಚಲೋ।
ಮಹನ್ತಮರಿಯಾದೋಯಮನನ್ತಗತಿಗೋಚರೋ॥
೧೧೦೯.
ಸಬ್ಬಾ ಭಿಞ್ಞಾಬಲಪ್ಪತ್ತೋ, ವೇಸಾರಜ್ಜವಿಸಾರದೋ।
ಸಬ್ಬಸಮ್ಪತ್ತಿನಿಟ್ಠಾನೋ, ಗುಣಪಾರಮಿಪೂರಕೋ॥
೧೧೧೦.
ಅಪ್ಪಮೇಯ್ಯೋ
ಮಹೇಸೀ ಮಹಿತಾಚಾರೋ, ಮಹಾಮಹೋ ಮಹಿದ್ಧಿಕೋ॥
೧೧೧೧.
ಸಬ್ಬತ್ಥಸಿದ್ಧಿಸಞ್ಚಾರೋ, ಮಹೇಸೀಗಣಪೂಜಿತೋ।
ರಾಜಾಧಿರಾಜಮಹಿತೋ, ದೇವಬ್ರಹ್ಮಾಭಿವನ್ದಿತೋ॥
೧೧೧೨.
ಅಭಿಭೂಯ ತಯೋ ಲೋಕೇ, ಆದಿಚ್ಚೋವ ನಭನ್ತರೇ।
ವಿರೋಚತಿ ಮಹಾತೇಜೋ, ಅನ್ಧಕಾರೇ ಪಭಙ್ಕರೋ॥
೧೧೧೩.
ಬ್ಯಾಮಪ್ಪಭಾಪರಿಕ್ಖಿತ್ತೋ, ಕೇತುಮಾಲಾಹಲಙ್ಕತೋ।
ದ್ವತ್ತಿಂಸಲಕ್ಖಣಾಸೀತಿಅನುಬ್ಯಞ್ಜನಸೋಭಿತೋ॥
೧೧೧೪.
ಛಬ್ಬಣ್ಣರಂಸಿಲಲಿತೋ, ರತನಗ್ಘಿಯಸನ್ನಿಭೋ।
ಸಮಿದ್ಧಿರೂಪಸೋಭಗ್ಗೋ, ದಸ್ಸನೇಯ್ಯಂವ ಪಿಣ್ಡಿತಂ॥
೧೧೧೫.
ಫುಲ್ಲಂ ಪದುಮಸಣ್ಡಂವ, ಕಪ್ಪರುಕ್ಖೋವಲಙ್ಕತೋ।
ನಭಂವ ತಾರಕಾಕಿಣ್ಣಂ, ಉತ್ತಮೋ ಪಟಿದಿಸ್ಸತಿ॥
೧೧೧೬.
ಸತ್ಥುಕಪ್ಪಮಹಾವೀರಪುತ್ತೇಹಿ ಪರಿವಾರಿತೋ।
ಸಬ್ಬಲೋಕಮಹಿದ್ಧಾಯ, ಧಮ್ಮರಾಜಾ ಸಯಂವಸೀ॥
೧೧೧೭.
ನಿದ್ಧೋತಮಲಚನ್ದೋವ
ಖತ್ತಸಙ್ಘಪರಿಬ್ಯುಳ್ಹೋ, ಚಕ್ಕವತ್ತೀವ ಸೋಭತಿ॥
೧೧೧೮.
ಇಚ್ಚಾನನ್ತಗುಣಾಕಿಣ್ಣಮಸೇಸಮಲನಿಸ್ಸಟಂ।
ಸಬ್ಬಸಮ್ಪತ್ತಿದಾತಾರಂ, ವಿಪತ್ತಿವಿನಿಬನ್ಧಕಂ॥
೧೧೧೯.
ದಯಾಪರಮಹೋರತ್ತಂ, ಭಗವನ್ತಮನುಸ್ಸರಂ।
ಭಾವೇತಿ ಪಞ್ಞವಾ ಯೋಗೀ, ಬುದ್ಧಾನುಸ್ಸತಿಭಾವನಂ॥
೧೧೨೦.
ಸ್ವಾಖಾತೋ ತೇನ ಸದ್ಧಮ್ಮೋ, ಸಮ್ಬುದ್ಧೇನ ಸತೀಮತಾ।
ಪಚ್ಚತ್ತಪಟಿವೇಧೇನ, ಪಸ್ಸಿತಬ್ಬೋ ಯಥಾರಹಂ॥
೧೧೨೧.
ತಣ್ಹಾದಲಿದ್ದನಾಸಾಯ, ಮನೋರಥಸಮಿದ್ಧಿಯಾ।
ಕಾಲನ್ತರಮನಾಗಮ್ಮ, ಪಚ್ಚಕ್ಖಫಲದಾಯಕೋ॥
೧೧೨೨.
ಉಪನಿಸ್ಸಯವನ್ತಾನಂ, ‘‘ಏಹಿ ಪಸ್ಸಾ’’ತಿ ದಸ್ಸಿಯೋ।
ಪಚ್ಚತ್ತಮೇವ ವಿಞ್ಞೂಹಿ, ವೇದಿತಬ್ಬೋ ಸಭಾವತೋ॥
೧೧೨೩.
ಸಬ್ಬಾಸವಸಮುಗ್ಘಾತೀ
ಪಿಹಿತಾಪಾಯಕುಮ್ಮಗ್ಗೋ, ಮಗ್ಗೋ ನಿಬ್ಬಾನಪತ್ತಿಯಾ॥
೧೧೨೪.
ಕ್ಲೇಸಸಂಕಟದುಗ್ಗಮ್ಹಾ, ದುಕ್ಖಕ್ಖನ್ಧಮಹಬ್ಭಯಾ।
ಖೇಮನ್ತಭೂಮಿಂ ನಿಯ್ಯಾತಿ, ಅಚ್ಚನ್ತಮನುಪದ್ದವಂ॥
೧೧೨೫.
ಪುಞ್ಞತಿತ್ಥಮಿದಂ ನಾಮ, ಮಙ್ಗಲಞ್ಚ ಸಿವಙ್ಕರಂ।
ಹಿತೋದಯಸುಖಾಧಾನ-ಮಮತಾಹಾರಮುತ್ತಮಂ॥
೧೧೨೬.
ಅವಿಜ್ಜಾಪಟಲುದ್ಧಾರವಿಜ್ಜಾನೇತ್ತೋಸಧಂ ವರಂ।
ಪಞ್ಞಾಧಾರಮಿದಂ ಸತ್ಥಂ, ಕ್ಲೇಸಗಣ್ಡಪ್ಪಭೇದಕಂ॥
೧೧೨೭.
ಚತುರೋಘನಿಮುಗ್ಗಾನಂ, ಸೇತುಬನ್ಧೋ ಸಮುಗ್ಗತೋ।
ಭವಚಾರಕರುದ್ಧಾನಂ, ಮಹಾದ್ವಾರೋ ಅಪಾರುತೋ॥
೧೧೨೮.
ಸೋಕೋಪಾಯಾಸವಿದ್ಧಾನಂ, ಪರಿದೇವಸಮಙ್ಗಿನಂ।
ಸಲ್ಲನೀಹರಣೋಪಾಯೋ, ಅಚ್ಚನ್ತಸುಖಮೀರಿತೋ॥
೧೧೨೯.
ಬ್ಯಸನೋಪದ್ದವಾಪೇತೋ
ಉಜುಸಮ್ಮತ್ತನಿಯತೋ, ಪಟಿಪತ್ತಿವಿಸುದ್ಧಿಯಾ॥
೧೧೩೦.
ಸುದ್ಧಸೀಲಪರಿಕ್ಖಾರೋ, ಸಮಾಧಿಮಯಪಞ್ಜರೋ।
ಸಮ್ಮಾಸಙ್ಕಪ್ಪಚಕ್ಕಙ್ಗೋ, ಸಮ್ಮಾವಾಯಾಮವಾಹನೋ॥
೧೧೩೧.
ಸತಿಸಾರಥಿಸಂಯುತ್ತೋ, ಸಮ್ಮಾದಿಟ್ಠಿಪುರೇಜವೋ।
ಏಸ ಧಮ್ಮರಥೋ ಯಾತಿ, ಯೋಗಕ್ಖೇಮಸ್ಸ ಪತ್ತಿಯಾ॥
೧೧೩೨.
ವಿಪತ್ತಿಪಟಿಬಾಹಾಯ, ಸಬ್ಬಸಮ್ಪತ್ತಿಸಿದ್ಧಿಯಾ।
ಸಬ್ಬಖನ್ಧವಿಮೋಕ್ಖಾಯ, ಧಮ್ಮಂ ದೇಸೇಸಿ ಚಕ್ಖುಮಾ॥
೧೧೩೩.
ಹಿತೇಸೀ ಸಬ್ಬಪಾಣೀನಂ, ದಯಾಪನ್ನೋ ಮಹಾಮುನಿ।
ಧಮ್ಮಾಲೋಕಂ ಪಕಾಸೇಸಿ, ಚಕ್ಖುಮನ್ತಾನಮುತ್ತಮೋ॥
೧೧೩೪.
ಯಂ ಧಮ್ಮಂ ಸಮ್ಮದಞ್ಞಾಯ, ಖೇಮಮಗ್ಗಪ್ಪತಿಟ್ಠಿತಾ।
ಪಾಪಕಾಪಗತಾ ಧೀರಾ, ಪಸ್ಸದ್ಧಿದರಥಾಸಯಾ॥
೧೧೩೫.
ಭವಯೋಗಾ ವಿನಿಮುತ್ತಾ, ಪಹೀನಭಯಭೇರವಾ।
ಅಚ್ಚನ್ತಸುಖಮೇಧೇನ್ತಿ, ಸೋತ್ಥಿಪತ್ತಾ ಮಹೇಸಯೋ॥
೧೧೩೬.
ತಮೇವಮುತ್ತಮಂ
ಭಾವೇತೀತಿ ಪಕಾಸೇನ್ತಿ, ಧಮ್ಮಾನುಸ್ಸತಿಭಾವನಂ॥
೧೧೩೭.
ಚತ್ತಾರೋ ಚ ಪಟಿಪನ್ನಾ, ಚತ್ತಾರೋ ಚ ಫಲೇ ಠಿತಾ।
ಏಸ ಸಙ್ಘೋ ಉಜುಭೂತೋ, ಪಞ್ಞಾಸೀಲಸಮಾಹಿತೋ॥
೧೧೩೮.
ಪಲಾಪಾಪಗತೋ ಸುದ್ಧೋ, ಪಟಿಪತ್ತಿಪತಿಟ್ಠಿತೋ।
ಪರಿಗ್ಗಹಿತಸದ್ಧಮ್ಮೋ, ಸಮಿದ್ಧಿಗುಣಸೋಭಿತೋ॥
೧೧೩೯.
ಪಹೀನಾಪಾಯಗಮನೋ, ಪಾಪಕ್ಲೇಸವಿನಿಸ್ಸಟೋ।
ಪರಿಪನ್ಥಸಮುಚ್ಛೇದೀ, ಭವಚಾರಕಭೇದಕೋ॥
೧೧೪೦.
ಉತ್ತಮದಮಥಪ್ಪತ್ತೋ, ಸುವಿನೀತೋ ಮಹೇಸಿನಾ।
ವಿಜ್ಜಾವಿಮುತ್ತಿವೋದಾತೋ, ಆಜಾನೀಯಪಥೇ ಠಿತೋ॥
೧೧೪೧.
ಸುಗತೋರಸಿ
ಪಟಿಪಾದಿತಸಮ್ಪತ್ತೋ, ಧಮ್ಮಸಾಸನಸೇವಿತೋ॥
೧೧೪೨.
ಭಯಭೇರವನಿಸ್ಸಙ್ಗೋ, ಜಿನತೇಜಾನುಪಾಲಿತೋ।
ಮೋನೇಯ್ಯಪಥಸಞ್ಚಾರೋ, ಸುಗತೋವಾದಭಾಜನೋ॥
೧೧೪೩.
ಅಪ್ಪಮಾದಪರಿತ್ತಾಣೋ, ಸೀಲಾಲಙ್ಕಾರಭೂಸಿತೋ।
ಚೇತೋಸಮಾಧಿಸನ್ನದ್ಧೋ, ಪಞ್ಞಾಯುಧಸಮುಜ್ಜಲೋ॥
೧೧೪೪.
ಉಜುಮಗ್ಗಮಧಿಟ್ಠಾಯ, ಮಾರಕಾಯಪ್ಪದಾಲನೋ।
ಅಪರಾಜಿತಸಙ್ಗಾಮೋ, ಲಲಿತೋದಾತವಿಕ್ಕಮೋ॥
೧೧೪೫.
ಮಚ್ಚುಧೇಯ್ಯಮತಿಕ್ಕನ್ತೋ, ಬೋಧಿಧಮ್ಮಪ್ಪತಿಟ್ಠಿತೋ।
ಛಳಾಭಿಞ್ಞಾಬಲಪ್ಪತ್ತೋ, ಸಮಾರಾಧಿತಸಾಸನೋ॥
೧೧೪೬.
ಅನುಬೋಧಿಮನುಪ್ಪತ್ತೋ, ಪಭಿನ್ನಪಟಿಸಮ್ಭಿದೋ।
ಸಾಮಞ್ಞಪಾರಮಿಪ್ಪತ್ತೋ, ತೋಸೇತಿ ಜಿನಮಾನಸಂ॥
೧೧೪೭.
ನೇಕಾಕಾರವರೂಪೇತೋ, ನಾನಾಸಮ್ಪತ್ತಿಫುಲ್ಲಿತೋ।
ವಿಪತ್ತಿಪಥನಿತ್ತಿಣ್ಣೋ, ಅಭಿಬುದ್ಧಿಪರಾಯಣೋ॥
೧೧೪೮.
ಆಹುನೇಯ್ಯೋ
ದಕ್ಖಿಣೇಯ್ಯೋ ಸುದುಲ್ಲಭೋ।
ಸದೇವಕಸ್ಸ ಲೋಕಸ್ಸ,
ಪುಞ್ಞಕ್ಖೇತ್ತಮನುತ್ತರಂ॥
೧೧೪೯.
ಯತ್ಥ ಸುದ್ಧಿಮ್ಹಿ ನಿದ್ದೋಸೇ, ಸದ್ಧಾಬೀಜಂ ಪತಿಟ್ಠಿತಂ।
ಅಚ್ಚನ್ತಂ ಪರಿಪಾಚೇತಿ, ಸಮ್ಪತ್ತಿಫಲಮುತ್ತಮಂ॥
೧೧೫೦.
ಯಂ ಫಲಂ ಪರಿಭುಞ್ಜನ್ತಾ, ವಿಮುತ್ತಿರಸಸೇವನಂ।
ಅಚ್ಚನ್ತಸುಖಿತಾ ಧೀರಾ, ಭವನ್ತಿ ಅಜರಾಮರಾ॥
೧೧೫೧.
ತಂ ಫಲಂ ಪತ್ಥಯನ್ತೇನ, ಸಙ್ಘಾನುಸ್ಸತಿಭಾವನಾ।
ಭಾವೇತಬ್ಬಾ ಪನಿಚ್ಚೇವಮಿತಿ ಭಾಸನ್ತಿ ಪಣ್ಡಿತಾ॥
೧೧೫೨.
ಪಞ್ಚಸೀಲಂ
ಚಾತುಪಾರಿಸುದ್ಧಿಸೀಲಂ, ಧುತಙ್ಗಪರಿವಾರಿತಂ॥
೧೧೫೩.
ಏವಮೇತೇಸು ಯಂ ಕಿಞ್ಚಿ, ಸಮಾದಾಯ ರಹೋಗತೋ।
ತಮಾನಿಸಂಸಂ ಗುಣತೋ, ಫಲತೋ ಚ ವಿಚಿನ್ತಯೇ॥
೧೧೫೪.
ಆದಿ ಚೇತಂ ಪತಿಟ್ಠಾ ಚ, ಮುಖಂ ಪಮುಖಮುತ್ತಮಂ।
ಮೂಲಂ ಕುಸಲಧಮ್ಮಾನಂ, ಪಭವಂ ಪಟಿಪತ್ತಿಯಾ॥
೧೧೫೫.
ಸಾಸನೋತರಣದ್ವಾರಂ, ತಿತ್ಥಂ ಸದ್ಧಮ್ಮವಾಪಿಯಾ।
ಪಾರಿಸುದ್ಧಿಪದಟ್ಠಾನಂ, ಮಗ್ಗೋ ಖೇಮನ್ತಪಾಪಕೋ॥
೧೧೫೬.
ಸಾಧು ಸಿಕ್ಖಾಸಮಾದಾನಂ, ಬಾಹುಸಚ್ಚವಿಭೂಸನಂ।
ಅರಿಯಾಚಾರಚಾರಿತ್ತ-ಮವಣ್ಣಮಲವಜ್ಜನಂ॥
೧೧೫೭.
ಕುಲಪುತ್ತಅಲಙ್ಕಾರೋ, ಪಾಪಜಲ್ಲಪವಾಹನಂ।
ಅನಪಾಯಿ ಸುಗನ್ಧಞ್ಚ, ಮಹಾಪುರಿಸಸೇವಿತಂ॥
೧೧೫೮.
ಪಚ್ಛಾನುತಾಪಹರಣಂ, ಪೀತಿಪಾಮೋಜ್ಜವಡ್ಢನಂ।
ನೇಕ್ಖಮ್ಮಭಾವನೋಪೇತಂ, ಪಬ್ಬಜ್ಜಾವೇಸಸೋಭನಂ॥
೧೧೫೯.
ಸೋಪಾನಂ ಸಗ್ಗಲೋಕಸ್ಸ, ದಳ್ಹಾಪಾಯವಿಧಾನಕಂ।
ಅನುಪದ್ದವಸಮ್ಪತ್ತಿ, ಸಮತ್ಥಗುಣಸೂದನೀ॥
೧೧೬೦.
ಕ್ಲೇಸಪಞ್ಜರವಿಚ್ಛೇದಿ
ಸೋತ್ಥಿಕಮ್ಮಸಮುಟ್ಠಾನಂ, ಅಸಾಧಾರಣಮಙ್ಗಲಂ॥
೧೧೬೧.
‘‘ಸುಲದ್ಧಾ ವತ ಮೇ ಲದ್ಧಾ, ಸದ್ಧಾ ಸುಗತಸಾಸನೇ।
ಸೀಲಂ ಮೇ ಯಸ್ಸ ಕಲ್ಯಾಣಂ, ಪರಿಸುದ್ಧಮಖಣ್ಡಿತಂ॥
೧೧೬೨.
‘‘ದುಲ್ಲಭೋ ವತ ಮೇ ಲದ್ಧೋ,
ಮಹಾಲಾಭೋ ಅನಪ್ಪಕೋ।
ಯೋಹಮಕ್ಖಲಿತಾಚಾರೋ,
ಉಪಘಾತವಿವಜ್ಜಿತೋ॥
೧೧೬೩.
‘‘ಧಮ್ಮಙ್ಕುರಿತಸನ್ತಾನೋ
ಉಜುಮಗ್ಗಂ ಸಮಾರುಳ್ಹೋ, ಪಿಹಿತಾ ಸಭಯಾ ದಿಸಾ॥
೧೧೬೪.
‘‘ಅವಞ್ಚಾ ವತ ಮೇ ಜಾತಿ, ಆರದ್ಧಾ ಖಣಸಮ್ಪದಾ।
ಪತಿಟ್ಠಿತೋಮ್ಹಿ ಸದ್ಧಮ್ಮೇ, ಸಫಲಂ ಮಮ ಜೀವಿತಂ’’॥
೧೧೬೫.
ಇತ್ಥಂ ನಾನಪ್ಪಕಾರೇನ, ಚಿನ್ತೇನ್ತೋ ಗುಣಮತ್ತನೋ।
ಸೀಲಕ್ಖನ್ಧಸ್ಸ ಭಾವೇತಿ, ಸೀಲಾನುಸ್ಸತಿಭಾವನಂ॥
೧೧೬೬.
ಸದ್ಧಾಯ ಸೀಲವನ್ತೇಸು, ದತ್ವಾ ದಾನಂ ಯಥಾರಹಂ।
ನಿದ್ಧೋತಮಲಮಚ್ಛೇರೋ, ವಿವಿತ್ತೋ ತಮನುಸ್ಸರೇ॥
೧೧೬೭.
ದಾನಂ ನಿಧಾನಮನುಗಂ, ಅಸಾಧಾರಣಮುತ್ತಮಂ।
ಅವಿನಾಸಸುಖಾಧಾನಂ, ಅಚ್ಚನ್ತಂ ಸಬ್ಬಕಾಮದಂ॥
೧೧೬೮.
ಕೋಪದಾಹೋಪಸಮನಂ, ಮಚ್ಛೇರಮಲಸೋಧನಂ।
ಪಮಾದನಿದ್ದಾವುಟ್ಠಾನಂ, ಲೋಭಪಾಸವಿಮೋಚನಂ॥
೧೧೬೯.
ಚೇತೋವಿಕಾರದಮನಂ, ಮಿಚ್ಛಾಮಗ್ಗನಿವಾರಣಂ।
ವಿತ್ತಿಲಾಭಸುಖಸ್ಸಾದೋ, ವಿಭವೋದಯಮಙ್ಗಲಂ॥
೧೧೭೦.
ಸದ್ಧಾದಿಗುಣವೋದಾನಂ, ಅಜ್ಝಾಸಯವಿಕಾಸನಂ।
ಸತಾಚಾರಪರಿಕ್ಖಾರೋ, ತನುಚೇತೋವಿಭೂಸನಂ॥
೧೧೭೧.
ಅಪ್ಪಮಞ್ಞಾಪದಟ್ಠಾನಂ, ಅಪ್ಪಮೇಯ್ಯೇನ ವಣ್ಣಿತಂ।
ಮಹಾಪುರಿಸಚಾರಿತ್ತಂ, ಸಪದಾನಂ ಮಹೇಸಿನಾ॥
೧೧೭೨.
ಧಮ್ಮಾಧಿಗತಭೋಗಾನಂ
ಮಹತ್ತಾಧಿಗಮೂಪಾಯಂ, ಲೋಕಸನ್ತತಿಕಾರಣಂ॥
೧೧೭೩.
ಅತ್ಥಕಾರೀ ಚ ಸಮ್ಮಾಹಂ, ಪರಿಚ್ಚಾಗಸಮಾಯುತೋ।
ಅತ್ತನೋ ಚ ಪರೇಸಞ್ಚ, ಹಿತಾಯ ಪಟಿಪನ್ನಕಾ॥
೧೧೭೪.
ಉಜುಮದ್ದವಚಿತ್ತೋಸ್ಮಿ, ಕಾಲುಸ್ಸಿಯವಿನಿಸ್ಸಟೋ।
ಪಾಪಸಂಕ್ಲೇಸವಿಮುಖೋ, ಪಾಣಭೂತಾನುಕಮ್ಪಕೋ॥
೧೧೭೫.
ಸೀಲವನ್ತಪತಿಟ್ಠೋಸ್ಮಿ
ಬುದ್ಧಸಾಸನುಪಟ್ಠಾಕೋ, ಞಾತಿಮಿತ್ತೋಪಜೀವಿಕೋ॥
೧೧೭೬.
ದಾನವೋಸ್ಸಗ್ಗಸಮ್ಮುಖೋ,
ಸಂವಿಭಾಗರತೋ ಸುಖೀ।
ಕಪ್ಪರುಕ್ಖೋವ ಫಲಿತೋ,
ಜಾತೋ ಲೋಕಾಭಿವಡ್ಢಿಯಾ॥
೧೧೭೭.
ಪಿಹಿತಾಪಾಯಮಗ್ಗೋಸ್ಮಿ, ಮಗ್ಗದ್ವಾರಮಪಾರುತಂ।
ಸಮ್ಪತ್ತಾ ಸಬ್ಬಸಮ್ಪತ್ತಿ, ದಲಿದ್ದಸ್ಸ ಮನಾಪಿಕಂ॥
೧೧೭೮.
‘‘ಸಂಸಾರದ್ಧಾನಪಾಥೇಯ್ಯಂ, ಸಬ್ಬದುಕ್ಖವಿನೋದನಂ।
ಸುಬನ್ಧಂ ಮಮ ಸಬ್ಬತ್ಥ, ಗಹಿತೋ ಚ ಕಟಗ್ಗಹೋ’’॥
೧೧೭೯.
ಏವಂ ದಾನಗುಣಂ ನಾನಪ್ಪಕಾರೇನ ವಿಚಿನ್ತಯಂ।
ಭಾವೇತಿ ದಾಯಕೋಯೋಗೀ, ಚಾಗಾನುಸ್ಸತಿಭಾವನಂ॥
೧೧೮೦.
ಸದ್ಧಂ ಸೀಲಂ ಸುತಂ ಚಾಗಂ, ಪಞ್ಞಂ ಪಣ್ಡಿತಜಾತಿಕೋ।
ಸಮ್ಪಾದಯಿತ್ವಾ ಸದ್ಧಮ್ಮೇ, ದೇವತಾಯೋ ಅನುಸ್ಸರೇ॥
೧೧೮೧.
ಚಾತುಮಹಾರಾಜಿಕಾ ಚ, ತಾವತಿಂಸಾ ಚ ಯಾಮಕಾ।
ತುಸಿತಾ ಚೇವ ನಿಮ್ಮಾನರತಿನೋ ವಸವತ್ತಿನೋ॥
೧೧೮೨.
ತದುತ್ತರಿಞ್ಚ ಯೇ ದೇವಾ, ದಿಬ್ಬಕಾಯಮಧಿಟ್ಠಿತಾ।
ತೇಪಿ ಸದ್ಧಾದಿಧಮ್ಮೇಸು, ಚಿರಕಾಲಂ ಪತಿಟ್ಠಿತಾ॥
೧೧೮೩.
ಸುಸಮಾಹಿತಸಙ್ಕಪ್ಪಾ, ದಾನಸೀಲಧುರನ್ಧರಾ।
ಧಮ್ಮಮಗ್ಗಮಧಿಟ್ಠಾಯ, ಹಿರೋತ್ತಪ್ಪಪುರಕ್ಖತಾ॥
೧೧೮೪.
ತಂ
ಇದ್ಧಿಮನ್ತೋ ಜುತಿಮನ್ತೋ, ವಣ್ಣವನ್ತೋ ಯಸಸ್ಸಿನೋ॥
೧೧೮೫.
ದಿಬ್ಬಸಮ್ಪತ್ತಿಸಮ್ಪತ್ತಾ, ನಾನಾಭೋಗಸಮಪ್ಪಿತಾ।
ಪಾಲೇನ್ತೋ ದೀಘಮದ್ಧಾನಂ, ಅನುಭೋನ್ತಿ ಮಹಾಸುಖಂ॥
೧೧೮೬.
ತೇ
ಸದ್ಧಾದಿಕುಸಲಾ ಧಮ್ಮಾ, ದೇವಧಮ್ಮಾತಿ ವಿಸ್ಸುತಾ॥
೧೧೮೭.
ಸದ್ಧಮ್ಮಗುಣಸಮ್ಪತ್ತಿ-ದಾತಾ ಮಙ್ಗಲನಾಯಿಕಾ।
ದುಲ್ಲಭಾಪಿ ಚ ಮೇ ಲದ್ಧಾ, ಸದ್ಧಾ ಸುಗತಸಾಸನೇ॥
೧೧೮೮.
ವಜ್ಜೋಪವಾದರಹಿತೋ, ಪಾಪಕಮ್ಮಪರಮ್ಮುಖೋ।
ಪರಿಸುದ್ಧಸಮಾಚಾರೋ, ಪಸನ್ನಾಮಲಚೇತನೋ॥
೧೧೮೯.
ನಿಚ್ಚಮೋಹಿತಸೋತೋಸ್ಮಿ,
ತಥಾಗತಸುಭಾಸಿತೇ।
ಸುತಭಾಜನಭೂತೋ ಚ,
ಸತಿಮಾ ಸುಸಮಾಹಿತೋ॥
೧೧೯೦.
ಮಚ್ಛೇರಮಲನಿತ್ತಿಣ್ಣೋ, ಲೋಭಕ್ಖನ್ಧವಿಮುಚ್ಚಿತೋ।
ಓಪಾನಭೂತೋ ಲೋಕಸ್ಮಿಂ, ವಿಸ್ಸಟ್ಠಸುಖಯಾಚನೋ॥
೧೧೯೧.
ವತ್ಥುತ್ತಯಮಹತ್ತೇ ಚ, ಹಿತಾಹಿತವಿನಿಚ್ಛಯೇ।
ಪಞ್ಞಾ ವತ್ಥುಸಭಾವೇ ಚ, ತಿಖಿಣಾ ಮಮ ವತ್ತತಿ॥
೧೧೯೨.
ಸಮಾರಾಧಿತಸದ್ಧಮ್ಮೋ, ಕತಪುಞ್ಞಮಹುಸ್ಸವೋ।
ದೇವಧಮ್ಮಸಮಿದ್ಧೋಸ್ಮಿ, ಕಲ್ಯಾಣಚರಿತಾಕರೋ॥
೧೧೯೩.
ದೇವತಾಹಿ ಸಮಾನೋಹಂ, ಗುಣಾಲಙ್ಕಾರಭೂಸಿತೋ।
ಹತ್ಥಪತ್ತಾ ಚ ದೇವಿದ್ಧಿ, ನಿಪ್ಫನ್ನಾ ದಿಬ್ಬಸಮ್ಪದಾ॥
೧೧೯೪.
ದೇವಸಾಮಞ್ಞಮಿಚ್ಚೇವಂ, ಚಿನ್ತೇನ್ತೋ ಗುಣಮತ್ತನೋ।
ಭಾವೇತಿ ಗುಣಸಮ್ಪನ್ನೋ, ದೇವತಾನುಸ್ಸತಿಂ ಪರಂ॥
೧೧೯೫.
ಜಾತಿಧಮ್ಮಾ ಜರಾಬ್ಯಾಧಿಸೋಕೋಪಾಯಾಸಭಞ್ಜಿತೇ।
ಅನಿಚ್ಚೇ ದುಕ್ಖೇನತ್ತೇ ಚ, ನಿಬ್ಬಿನ್ನೋಪಧಿಸಮ್ಭವೇ॥
೧೧೯೬.
ವಿರಾಗೋ
ಯೋಯಮಾದಾನನಿಸ್ಸಗ್ಗೋ, ನಿಬ್ಬಾನಮಿತಿ ವುಚ್ಚತಿ॥
೧೧೯೭.
ಉಪಸನ್ತಮಿದಂ
ಅನುಪಾದಾನಸಂಕ್ಲಿಟ್ಠಮಸಙ್ಖಾರಮನಾಸವಂ॥
೧೧೯೮.
ಅಪ್ಪಮಾಣಂ ಪಣೀತಞ್ಚ, ಸಿವಂ ಪರಮಮಚ್ಚುತಂ।
ಅನನ್ತಗುಣಮಚ್ಚನ್ತ-ಮವಿಕಾರಮನಾಮಯಂ॥
೧೧೯೯.
ಖೇಮಂ ತಂ ಪಾರಿಮತೀರ-ಮಹಾಯನಕರಂ ಪರಂ।
ತಾಣಂ ಲೇಣಞ್ಚ ದೀಪಞ್ಚ, ಪತಿಟ್ಠಾನಂ ಪರಾಯಣಂ॥
೧೨೦೦.
ವಟ್ಟಾನುಬನ್ಧವಿಚ್ಛೇದೋ, ಭವತಣ್ಹಾವಿಸೋಸನಂ।
ಸಬ್ಬೂಪಧಿಸಮುಗ್ಘಾತೋ, ದುಕ್ಖನಿಬ್ಬಾಪನಂ ಸುಖಂ॥
೧೨೦೧.
ಸಬ್ಬಪಾಪವಿನಾಸೋಯಂ, ಸಬ್ಬಕ್ಲೇಸವಿಸೋಧನಂ।
ಸೋಕೋಪಾಯಾಸಸನ್ತಾಪಭಯಭೇರವಮೋಚನಂ॥
೧೨೦೨.
ಪಲಿಬೋಧಸಮುಚ್ಛೇದೋ, ಪಪಞ್ಚವಿನಿವೇಠನಂ।
ಸಬ್ಬಸಙ್ಖಾರಸಮಥೋ, ಸಬ್ಬಲೋಕವಿನಿಸ್ಸಟೋ॥
೧೨೦೩.
ಪಾರಿಸುದ್ಧಿಕರಾ ಧಾತು, ಭವನಿಸ್ಸರಣಂ ಪದಂ।
ಉತ್ತಮಾರಿಯಸಮ್ಪತ್ತಿ, ಅನೋಮಮಮತಂ ಪದಂ॥
೧೨೦೪.
ಸಬ್ಬಥಾ ಭದ್ದಮತುಲಂ, ನಿಬ್ಬಾನಮಿತಿ ಪಸ್ಸತೋ।
ಉಪಸಮಾನುಸ್ಸತೀತಿ, ಭಾವನಾಯಂ ಪವುಚ್ಚತಿ॥
೧೨೦೫.
ಸತ್ತಾನುಸ್ಸತಿಮಿಚ್ಚೇವಂ, ಭಾವೇನ್ತೋ ಪನ ಪಣ್ಡಿತೋ।
ಪಾಮೋಜ್ಜಬಹುಲೋ ಹೋತಿ, ಪಸನ್ನೋ ಬುದ್ಧಸಾಸನೇ॥
೧೨೦೬.
ಪಟಿಪಸ್ಸದ್ಧದರಥ-ಮುಪಚಾರಸಮಾಧಿನಾ।
ಸಮಾಧಿಯತಿ ಚಿತ್ತಞ್ಚ, ಪರಿಸುದ್ಧಮನಾಮಯಂ॥
೧೨೦೭.
ಭಾವನಾಮಯಮೇತಞ್ಚ, ಕತ್ವಾ ಪುಞ್ಞಮನಪ್ಪಕಂ।
ವಾಸನಾಗತಿಸಮ್ಪತ್ತಿ-ಭೋಗಭಾಗೀತಿ ವುಚ್ಚತಿ॥
೧೨೦೮.
ಉಪನಿಸ್ಸಯಸಮ್ಪನ್ನೋ, ಪತ್ವಾ ನಿಬ್ಬೇಧಮುತ್ತಮಂ।
ದಿಟ್ಠೇವ ಧಮ್ಮೇ ದುಕ್ಖಗ್ಗಿಂ, ನಿಬ್ಬಾಪೇತಿ ಅನಾಸವೋ॥
೧೨೦೯.
ಲೋಕಪ್ಪವತ್ತಿ
ಭಾವೇಯ್ಯ ಸಕಮಚ್ಚನ್ತಂ, ಚಿನ್ತೇನ್ತೋ ಮರಣಂ ಕಥಂ॥
೧೨೧೦.
ಅನಿಮಿತ್ತಮನಞ್ಞಾತಂ, ಮಚ್ಚಾನಮಿಧ ಜೀವಿತಂ।
ಕಸಿರಞ್ಚ ಪರಿತ್ತಞ್ಚ, ತಞ್ಚ ದುಕ್ಖೇನ ಸಂಯುತಂ॥
೧೨೧೧.
ಅಪ್ಪೋದಕಮ್ಹಿ ಮಚ್ಛೇವ, ಬನ್ಧಮಾನೇ ರುದಮ್ಮುಖೇ।
ಮಚ್ಚು ಗಚ್ಛತಿ ಆದಾಯ, ಪೇಕ್ಖಮಾನೇ ಮಹಾಜನೇ॥
೧೨೧೨.
ಪುರಕ್ಖತ್ವಾವ ಮರಣಂ, ಜಾಯನ್ತಿ ಪಟಿಸನ್ಧಿಯಂ।
ಜಾತಾ ಪುನ ಮರಿಸ್ಸನ್ತಿ, ಏವಂಧಮ್ಮಾ ಹಿ ಪಾಣಿನೋ॥
೧೨೧೩.
ಯಮೇಕರತ್ತಿಂ ಪಠಮಂ, ಗಬ್ಭೇ ವಸತಿ ಮಾನವೋ।
ಅಬ್ಭುಟ್ಠಿತೋವ ಸೋ ಯಾತಿ, ಸ ಗಚ್ಛಂ ನ ನಿವತ್ತತಿ॥
೧೨೧೪.
ಸತ್ತಾ ಮರನ್ತಿ ಗಬ್ಭೇಪಿ, ಜಾಯಮಾನಾ ಚ ದಾರಕಾ।
ಕುಮಾರಾ ಯೋಬ್ಬನಪ್ಪತ್ತಾ, ಬಲಪ್ಪತ್ತಾ ಮಹತ್ತರಾ॥
೧೨೧೫.
ಅಥಾವಸ್ಸಂ ಮರನ್ತೇವ, ಜಿಣ್ಣಾ ದಣ್ಡಪರಾಯಣಾ।
ಸೂರಾ ಪುಞ್ಞಬಲತ್ಥಾಮಾ, ನಾನಾಬ್ಯಾಧಿನಿಪೀಳಿತಾ॥
೧೨೧೬.
ಅಜ್ಜ ಸುವೇತಿ ಮರಣಂ, ಪರಿಯೇಸತಿ ಪಾಣಿನೋ।
ಸೇನಾ ಯುದ್ಧಪಯಾತಾವ, ಸಬ್ಬೇ ಮಚ್ಚುಭಯಾಕುಲಾ॥
೧೨೧೭.
ಸತ್ತಾರತನಲಙ್ಕಾರಾ, ಚತುರಿದ್ಧಿಸಮುಗ್ಗತಾ।
ಚಕ್ಕವತ್ತೀ ಮಹಾತೇಜಾ, ರಾಜಮಣ್ಡಲಸೋಭಿನೋ॥
೧೨೧೮.
ಕಪ್ಪುಟ್ಠಾನಮಹಾವಾತಾ, ಪಾತಿತಾವ ಮಹಾಸಿಲಾ।
ಪತನ್ತಿ ಮಚ್ಚುವಿಕ್ಖಿತ್ತಾ, ಪರೋ ಚೇತಾನ ಮಾನವಾ॥
೧೨೧೯.
ಯೇಪಿ ದೀಘಾಯುಕಾ ದೇವಾ, ವಣ್ಣವನ್ತಾ ಮಹಿದ್ಧಿಕಾ।
ಆನುಭಾವಬಲಪ್ಪತ್ತಾ, ಮಹಾಭೋಗಸುಖೇಧಿನೋ॥
೧೨೨೦.
ತೇಪಿ ಮಚ್ಚುಸಮುದ್ಧತ್ತಾ, ಭವನ್ತಿ ಭಯಸಂಕುಲಾ।
ವೇರಮ್ಭಕ್ಖಿತ್ತಪಕ್ಖೀವ, ಮಾದಿಸೇಸು ಕಥಾವ ಕಾ॥
೧೨೨೧.
ಅಚ್ಚನ್ತರಾಯಬಹುಲೋ
ನಿಚ್ಚಂ ಚಕ್ಕಸಮಾರುಳ್ಹೋ, ಲೋಕೋಯಂ ಪರಿವತ್ತತಿ॥
೧೨೨೨.
ಏತ್ಥನ್ತರೇ
ಅಸ್ಸಾಸೇಪಿ ಅವಿಸ್ಸಟ್ಠೇ, ಜೀವಿಕಾ ಚೇ ಕಥಾವ ಕಾ॥
೧೨೨೩.
ಅಚ್ಛೇರಂ ವತ ಲೋಕಸ್ಮಿಂ, ಖಣಮತ್ತಮ್ಪಿ ಜೀವಿತಂ।
ನಿಸ್ಸಿತೋಪದ್ದವಟ್ಠಾನೇ, ಮಹಾಬ್ಯಸನಪೀಳಿತೇ॥
೧೨೨೪.
ಅದ್ಧುವಂ ಜೀವಿತಂ ನಿಚ್ಚ-ಮಚ್ಚನ್ತಂ ಮರಣಂ ಮಮ।
ಸಭಾವೋ ಮರಣನ್ತೇವ, ವಿಸೇಸೋ ಪನ ಜೀವಿತಂ॥
೧೨೨೫.
ಅತ್ಥಮಾರಬ್ಭ ಗಚ್ಛನ್ತೋ, ಆದಿಚ್ಚೋವ ನಭನ್ತರೇ।
ಮರಣಾಯಾಭಿಧಾವನ್ತೋ, ವಿಹಾಯಾಮಿ ಸುವೇ ಸುವೇ॥
೧೨೨೬.
ವಜ್ಝಪ್ಪತ್ತೋ ಮಹಾಚೋರೋ,
ನಿಯ್ಯಾತಾಘಾತನಂ ಯಥಾ।
ಮರಣಾಯ ಪಯಾತೋಹಂ,
ತಥೇವಮನಿವತ್ತಿಯೋ॥
೧೨೨೭.
ಅಮ್ಬುಜೋವ ವಙ್ಕಘಸ್ತೋ, ತಾಣಲೇಣವಿವಜ್ಜಿತೋ।
ನಿಚ್ಚಂ ಮಚ್ಚುವಸಂ ಯನ್ತೋ, ವಿಸ್ಸಟ್ಠೋ ಕಿಮಹಂ ಚರೇ॥
೧೨೨೮.
ಕೋ ಮೇ ಹಾಸೋ ಕಿಮಾನನ್ದೋ,
ಕಿಮಹಂ ಮೋಹಪಾರುತೋ।
ಮದಪ್ಪಮಾದವಿಕ್ಖಿತ್ತೋ,
ವಿಚರಾಮಿ ನಿರಙ್ಕುಸೋ?
೧೨೨೯.
ಹನ್ದಾಹಮಾರಭಿಸ್ಸಾಮಿ, ಸಮ್ಮಾಸಮ್ಬುದ್ಧಸಾಸನೇ।
ಆತಾಪೀ ಪಹಿತತ್ತೋ ಚ, ಹಿರೋತ್ತಪ್ಪಸಮಾಹಿತೋ॥
೧೨೩೦.
ಪಟಿಪತ್ತಿಪರೋ ಹುತ್ವಾ, ಪಾಪಧಮ್ಮನಿರಙ್ಕತೋ।
ನಿಬ್ಬಾಪಯಾಮಿ ಅಚ್ಚನ್ತಂ, ಸಬ್ಬದುಕ್ಖಹುತಾವಹಂ॥
೧೨೩೧.
ಇತ್ಥಂ
ಮರಣಾನುಸ್ಸತಿಂ ನಾಮ, ಭಾವೇತೀತಿ ಪವುಚ್ಚತಿ॥
೧೨೩೨.
ತದೇತಂ
ನಿಬ್ಬೇದಬಹುಲೋ ಹೋತಿ, ಅಪ್ಪಮಾದಧುರನ್ಧರೋ॥
೧೨೩೩.
ಮಿಚ್ಛಾಧಮ್ಮಂ ವಿರಾಜೇತ್ವಾ, ನನ್ದಿರಾಗನಿರಾಲಯೋ।
ಸಬ್ಬಾಸವಪರಿಕ್ಖೀಣೋ, ಪಪ್ಪೋತಿ ಅಮತಂ ಪದಂ॥
೧೨೩೪.
ಗಹೇತ್ವಾ ಪನ ಮೇಧಾವೀ, ದ್ವತ್ತಿಂಸಾಕಾರಭಾವನಂ।
ಕರೇಯ್ಯ ತಾವ ಪಚ್ಛಾ ವೇ, ಅನುಪುಬ್ಬಮಭಿಣ್ಹಸೋ॥
೧೨೩೫.
ಕೇಸಾ ಲೋಮಾ ನಖಾ ದನ್ತಾ, ತಚೋ ಮಂಸಂ ನಹಾರು ಚ।
ಅಟ್ಠಿ ಚ ಮಿಞ್ಜ ವಕ್ಕಂ ಚ, ಹದಯಂ ಯಕನಂ ತಥಾ॥
೧೨೩೬.
ಕಿಲೋಮಂ ಪಿಹಕ ಪಪ್ಫಾಸಂ, ಅನ್ತಂ ಗುಣಮುದರಿಯಂ।
ಮತ್ಥಲುಙ್ಗಂ ಕರೀಸಞ್ಚ, ಪಿತ್ತಂ ಸೇಮ್ಹಮಥಾಪರಂ॥
೧೨೩೭.
ಪುಬ್ಬೋ ಚ ಲೋಹಿತಂ ಸೇದೋ,
ಮೇದೋ ಅಸ್ಸು ವಸಾಥ ವಾ।
ಖೇಳೋ ಸಿಙ್ಘಾಣಿಕಾ ಚೇವ,
ಲಸಿಕಾ ಮುತ್ತಮಿಚ್ಚಪಿ॥
೧೨೩೮.
ಘನಬನ್ಧಸುಭಾಕಾರ-ವಿಪಲ್ಲಾಸಾನುಸಾರಿನಂ।
ಯಥಾಭೂತಾವಬೋಧಾಯ, ವಿಭತ್ತಾವ ಮಹೇಸಿನಾ॥
೧೨೩೯.
ಕಾಯೇ ಬಾತ್ತಿಂಸ ಕೋಟ್ಠಾಸಾ,
ಕುಣಪಾವ ಸಮುಸ್ಸಿತಾ।
ಸಾರಗಯ್ಹೂಪಗಾಪೇತಾ,
ಧಿಕ್ಕತಾ ಧೀರಹೀಳಿತಾ॥
೧೨೪೦.
ಅಸುಭಾವ ಪಟಿಕ್ಕೂಲಾ, ಜೇಗುಚ್ಛಾ ಸುಚಿವಜ್ಜಿತಾ।
ನಿನ್ದಿತಾ ಚಕ್ಖುಮನ್ತೇಹಿ, ಅನ್ಧಬಾಲೋಪಲಾಳಿತಾ॥
೧೨೪೧.
ವಿಚಿತ್ತಛವಿಸಞ್ಛನ್ನಾ
ಪರಿಸ್ಸವಪರಿಕ್ಲಿಟ್ಠಾ, ಕುಥಿತಾ ಪೂತಿಗನ್ಧಿತಾ॥
೧೨೪೨.
ಧೋವಿಯನ್ತಾಪಿ
ಸುಗನ್ಧಾನುವಿಲಿತ್ತಾಪಿ, ದುಗ್ಗನ್ಧಪರಿಣಾಮಿನೋ॥
೧೨೪೩.
ಅಹಂಕಾರಮಮತ್ತೇನ, ವಿಸ್ಸಟ್ಠಸುಖಸಙ್ಗಹಾ।
ಸಙ್ಘಾಟಘನಸಮ್ಬದ್ಧಾ, ಸಮ್ಮೋಹೇನ್ತಿ ಮಹಾಜನಂ॥
೧೨೪೪.
ಛನ್ದರಾಗಸಮೂಪೇತಾ, ಯತ್ಥ ಮುಳ್ಹಾ ಪುಥುಜ್ಜನಾ।
ಸೇವನ್ತಿ ವಿಸಮಂ ಘೋರಂ, ಚತುರಾಪಾಯಭಾಗಿನೋ॥
೧೨೪೫.
ತತ್ಥ ಚಿತ್ತಂ ವಿರಾಜೇತುಂ, ಪಟಿಪನ್ನೋ ಯಥಾಕ್ಕಮಂ।
ಚೇತೋವಿಭಾವನತ್ಥಾಯ, ಕೋಟ್ಠಾಸೇಸು ವಿಚಕ್ಖಣೋ॥
೧೨೪೬.
ವಚಸಾ ಮನಸಾ ಚೇವ, ಯಥಾವುತ್ತಾನುಸಾರತೋ।
ಅನುಲೋಮಪಟಿಲೋಮಂ, ಸಜ್ಝಾಯಿತ್ವಾ ತತೋ ಪರಂ॥
೧೨೪೭.
ವಣ್ಣಸಣ್ಠಾನದಿಸತೋ, ವವತ್ಥಪೇಯ್ಯ ಪಣ್ಡಿತೋ।
ತತೋಕಾಸಪರಿಚ್ಛೇದಾ, ಪಚ್ಚೇಕಂ ತು ಯಥಾಕ್ಕಮಂ॥
೧೨೪೮.
ವಣ್ಣಸಣ್ಠಾನಗನ್ಧಾ ಚ,
ಆಸಯೋಕಾಸತೋ ತತೋ।
ವಿಭಾವೇಯ್ಯಾಸುಭಾಕಾರ-
ಮೇಕೇಕಸ್ಮಿಂ ತು ಪಞ್ಚಧಾ॥
೧೨೪೯.
ದಸಧಾಭೋಗಮಿಚ್ಚೇವಂ, ಕತ್ವಾ ಭಾವಯತೋ ಪನ।
ಸನ್ತಿಭೂತಾ ಪಕಾಸೇನ್ತಿ, ರಥಚಕ್ಕಾರಸಾದಿಸಾ॥
೧೨೫೦.
ಹಿತ್ವಾ ಅಪ್ಪಗುಣೇ ತತ್ಥ, ಗಣ್ಹಂ ಸುಪ್ಪಗುಣಂ ಬುಧೋ।
ಅಪ್ಪನಂ ಪಟಿಭಾಗಞ್ಚ, ಪಪ್ಪೋತೇಕೇಕವತ್ಥುಸು॥
೧೨೫೧.
ಅಸುಭಾಕಾರಮಾರಬ್ಭ, ಭಾವನಾ ಚೇ ಪವತ್ತತಿ।
ಕಮ್ಮಟ್ಠಾನಂ ಪಟಿಕ್ಕೂಲಂ, ಪಠಮಜ್ಝಾನಿಕಂ ಸಿಯಾ॥
೧೨೫೨.
ನೀಲಾದಿವಣ್ಣಮಾರಬ್ಭ, ಪಟಿಭಾಗೋ ಯದಾ ತದಾ।
ನೀಲಾದಿಕಸಿಣಂ ಹುತ್ವಾ, ಪಞ್ಚಕಜ್ಝಾನಿಕಂ ಭವೇ॥
೧೨೫೩.
ಲಕ್ಖಣಾಕಾರಮಾರಬ್ಭ
ವಿಪಸ್ಸನಾಕಮ್ಮಟ್ಠಾನ-ಮಿತಿ ಭಾಸನ್ತಿ ಪಣ್ಡಿತಾ॥
೧೨೫೪.
ತಿಧಾ
ಕಾಯಗತಾಸತಿಂ ನಾಮ, ಭಾವೇತೀತಿ ಪವುಚ್ಚತಿ॥
೧೨೫೫.
ಸೋಯಮಜ್ಝತ್ತಂ ನಿಬ್ಬಿನ್ನೋ, ಬಹಿದ್ಧಾ ಚ ನಿರಾಲಯೋ।
ಉಬ್ಬೇಗಬಹುಲೋ ಯೋಗೀ, ಪಮಾದಮತಿವತ್ತತಿ॥
೧೨೫೬.
ಕಾಮಬನ್ಧವಿನಿಮುತ್ತೋ, ಪಾಪಾ ಮೇಧಾವಿ ನಿಸ್ಸಟೋ।
ಸಚ್ಛಿಕತ್ವಾನ ಸಾಮಞ್ಞಂ, ಅಮತಂ ಪರಿಭುಞ್ಜತಿ॥
೧೨೫೭.
ಆನಾಪಾನಸ್ಸತಿಂ ನಾಮ, ಸಮ್ಮಾಸಮ್ಬುದ್ಧವಣ್ಣಿತಂ।
ಕಮ್ಮಟ್ಠಾನಾಧಿರಾಜಾನಂ, ಭಾವೇನ್ತೋ ಪನ ಪಣ್ಡಿತೋ॥
೧೨೫೮.
ಅಪ್ಪನಞ್ಚೋಪಚಾರಞ್ಚ, ಸಮಥಞ್ಚ ವಿಪಸ್ಸನಂ।
ಲೋಕುತ್ತರಂ ಲೋಕಿಯಞ್ಚ, ಸುಖೇನೇವಾಧಿಗಚ್ಛತಿ॥
೧೨೫೯.
ಸುಖುಮಾ ನಿಪುಣಾ ತಿಕ್ಖಾ, ಪರಿಪಕ್ಕಾ ಬಲೇ ಠಿತಾ।
ಬೋಧಿಪಕ್ಖಿಯಧಮ್ಮಾ ಚ, ವೋದಾಯನ್ತಿ ವಿಸೇಸತೋ॥
೧೨೬೦.
ಕಮ್ಮಟ್ಠಾನೇ ತಥಾ ಹೇತ್ಥ, ಗಣನಾ ಅನುಬನ್ಧನಾ।
ಫುಸನಾ ಠಪನಾ ಚೇವ, ಸಲ್ಲಕ್ಖಣವಿವಟ್ಟನಾ॥
೧೨೬೧.
ಪಾರಿಸುದ್ಧಿ ತತೋ ಪಚ್ಛಾ, ತೇಸಞ್ಚ ಪಟಿಪಸ್ಸನಾ।
ಇಚ್ಚೇವಮಟ್ಠಧಾ ಭೇದಾ, ಮಾತಿಕಾಯಂ ಪಕಾಸಿತಾ॥
೧೨೬೨.
ವಿಭತ್ತಾ ಸತಿಪಟ್ಠಾನ-ವಸಾ ಸೋಳಸಧಾ ತತೋ।
ಆನಾಪಾನಪ್ಪಭೇದೇನ, ಭಿನ್ನಾ ದ್ವತ್ತಿಂಸಧಾ ಪುನ॥
೧೨೬೩.
ತಮೇವ ಪರಿಯಾದಾಯ, ಸಮಥಞ್ಚ ವಿಪಸ್ಸನಂ।
ಮಹತ್ತವೇಪುಲ್ಲಗತಂ, ಭಾವೇಯ್ಯ ಸತಿಮಾ ಕಥಂ॥
೧೨೬೪.
ಆನಾಪಾನಂ ಪರಿಗ್ಗಯ್ಹ, ಪವಿವಿತ್ತೋ ರಹೋಗತೋ।
ಗಣೇಯ್ಯ ಪಠಮಂ ತಾವ, ನಿಸಿನ್ನೋ ಸುಖಮಾಸನೇ॥
೧೨೬೫.
ಪಞ್ಚನ್ನಂ
ನೇತಬ್ಬಮನುಪುಬ್ಬೇನ, ಗಣೇತಬ್ಬಮಖಣ್ಡಿತಂ॥
೧೨೬೬.
ಅನ್ತೋ
ಫುಟ್ಠಟ್ಠಾನಮ್ಹಿ ಸತಿಮಾ, ಅನುಬನ್ಧೇಯ್ಯ ಮಾನಸಂ॥
೧೨೬೭.
ನಾಸಿಕಗ್ಗೋತ್ತರೋಟ್ಠೇ ಚ, ಕತ್ವಾಭೋಗಂ ತತೋಪರಂ।
ಸತತಸ್ಸಾಸಸಮ್ಫಸ್ಸಂ, ಆವಜ್ಜನ್ತಸ್ಸ ಯೋಗಿನೋ॥
೧೨೬೮.
ಪುಥುಲಂ ವಾಥ ದೀಘಂ ವಾ, ಮಣ್ಡಲಂ ವಾಥ ವಿತ್ಥತಂ।
ತಾರಕಾದಿಸಮಾಕಾರಂ, ನಿಮಿತ್ತಂ ತತ್ಥ ಜಾಯತಿ॥
೧೨೬೯.
ಚಿತ್ತಂ ಸಮಾಹಿತಂ ಹೋತಿ, ಉಪಚಾರಸಮಾಧಿನಾ।
ಉಪಕ್ಲೇಸಾ ಪಹಿಯ್ಯನ್ತಿ, ಪಟಿಭಾಗೇ ಸಮುಟ್ಠಿತೇ॥
೧೨೭೦.
ನಿಮಿತ್ತೇ ಠಪಯಂ ಚಿತ್ತಂ, ತತೋ ಪಾಪೇತಿ ಅಪ್ಪನಂ।
ಪಞ್ಚಜ್ಝಾನವಸೇನಾಯಂ, ಸಮಥೇ ಭಾವನಾನಯೋ॥
೧೨೭೧.
ಆರಭಿತ್ವಾಭಿನಿವೇಸ-ಮಾನಾಪಾನೇ ಪುನಾಪರೋ।
ಅಜ್ಝತ್ತಞ್ಚ ಬಹಿದ್ಧಾ ಚ, ತತೋ ತದನುಸಾರತೋ॥
೧೨೭೨.
ಭೂಮಿಧಮ್ಮೇ ಯಥಾಭೂತಂ, ವಿಪಸ್ಸಿತ್ವಾ ವಿಸಾರದೋ।
ಅಪ್ಪೇತಾನುತ್ತರಜ್ಝಾನ-ಮಯಂ ಸುದ್ಧಿವಿಪಸ್ಸನಾ॥
೧೨೭೩.
ಆನಾಪಾನಸಮಾಪತ್ತಿಂ, ಕತ್ವಾ ಪಾದಕಮುತ್ತರಂ।
ಭಾವೇನ್ತಸ್ಸ ವಸೇನಾಹು, ನಯಂ ಸೋಳಸಧಾ ಕಥಂ॥
೧೨೭೪.
ದೀಘಮಸ್ಸಾಸಪಸ್ಸಾಸಾ, ರಸ್ಸಂ ವಾಥ ತಥಾ ದ್ವಯಂ।
ಸತಿಮಾ ಮತಿಸಮ್ಪನ್ನೋ, ಪಠಮಂ ಪರಿಗಣ್ಹತಿ॥
೧೨೭೫.
ಆದಿಮಜ್ಝಾವಸಾನಂ ತು, ಕರೋನ್ತೋ ವಿದಿತಂ ತಥಾ।
ಸಮಾಹಿತೋ ಸಬ್ಬಕಾಯ-ಪಟಿಸಂವೇದಿ ಸಿಕ್ಖತಿ॥
೧೨೭೬.
ತತೋ ತೇ ಏವ ಸಙ್ಖಾರೇ, ಪಸ್ಸಮ್ಭೇನ್ತೋಪರೂಪರಿ।
ವುತ್ತೋ ಪಸ್ಸಮ್ಭಯಂ ಕಾಯಸಙ್ಖಾರಂ ಸಿಕ್ಖತೀತಿ ಚ॥
೧೨೭೭.
ಆನಾಪಾನಸತಿಚ್ಚೇವಂ
ಕಾಯಾನುಪಸ್ಸನಾ ನಾಮ, ಚತುಧಾಪಿ ಚ ಭಾಸಿತಾ॥
೧೨೭೮.
ಸಮ್ಪಯುತ್ತೇನ
ವಿಪಸ್ಸನಾಯ ಸಮಥೇ, ಕುಬ್ಬನ್ತೋ ಪಾಕಟಂ ಸುಖಂ॥
೧೨೭೯.
ವೇದನಾಸಞ್ಞಾಸಙ್ಖಾತೇ, ಚಿತ್ತಸಙ್ಖಾರಕೇ ತಥಾ।
ಪೀತಾದಿಪಟಿಸಂವೇದೀ, ಸಿಕ್ಖತೀತಿ ಪವುಚ್ಚತಿ॥
೧೨೮೦.
ಥೂಲೇ ತೇ ಏವ ಸಙ್ಖಾರೇ, ಸಮೇತುಂ ಪರಿಭಾವಯಂ।
ವುತ್ತೋ ‘‘ಪಸ್ಸಮ್ಭಯಂ ಚಿತ್ತಂ, ಸಙ್ಖಾರಂ ಸಿಕ್ಖತೀ’’ತಿ ಚ॥
೧೨೮೧.
ತಸ್ಸಾ ತಂತಂಮುಖೇನೇತ್ಥ, ಸಮ್ಪಜ್ಜನವಿಸೇಸತೋ।
ವೇದನಾನುಪಸ್ಸನಾಯ, ಚತುಧಾ ಸಮುದೀರಿತಾ॥
೧೨೮೨.
ಅಪ್ಪೇನ್ತೋ ಪಚ್ಚವೇಕ್ಖನ್ತೋ, ಬುಜ್ಝನ್ತೋ ಚ ಪಕಾಸಿತಂ।
ಕರೋನ್ತೋ ಮಾನಸಂ ಚಿತ್ತ-ಪಟಿಸಂವೇದಿ ಸಿಕ್ಖತಿ॥
೧೨೮೩.
ತಮೇವಾಭಿಪ್ಪಮೋದೇನ್ತೋ, ಸಪ್ಪೀತಿಕಸಮಾಧಿನಾ।
‘‘ಅಭಿಪ್ಪಮೋದಯಂ ಚಿತ್ತಂ, ಸಿಕ್ಖತೀ’’ತಿ ಪವುಚ್ಚತಿ॥
೧೨೮೪.
ಅಪ್ಪನಾಯೋಪಚಾರೇನ, ತಮೇವಾಥ ಸಮಾದಹಂ।
ಯೋಗೀ ‘‘ಸಮಾದಹಂ ಚಿತ್ತಂ, ಸಿಕ್ಖತೀ’’ತಿ ಪಕಾಸಿತೋ॥
೧೨೮೫.
ಪಚ್ಚನೀಕೇಹಿ ವಿಕ್ಖಮ್ಭ-ಸಮುಚ್ಛೇದೇಹಿ ಮೋಚಯಂ।
ತಥಾ ‘‘ವಿಮೋಚಯಂ ಚಿತ್ತಂ, ಸಿಕ್ಖತೀ’’ತಿಪಿ ಭಾಸಿತೋ॥
೧೨೮೬.
ಆನಾಪಾನಂ ಪಭೇದಾಯ, ಕಮ್ಮಟ್ಠಾನಂ ಯಥಾರಹಂ।
ಚಿತ್ತಾನುಪಸ್ಸನಾ ನಾಮ, ಪವತ್ತಾಯಂ ಚತುಬ್ಬಿಧಾ॥
೧೨೮೭.
ವಿಪಸ್ಸನಾಯನಿಚ್ಚಾನು-ಗತತ್ತಾ ಹಿ ವಿಸೇಸತೋ।
ವಿಪಸ್ಸನ್ತೋ ಅನಿಚ್ಚಾನು-ಪಸ್ಸೀ ಸಿಕ್ಖತಿ ಪಣ್ಡಿತೋ॥
೧೨೮೮.
ತತೋ ವಿರಾಗಾನುಪಸ್ಸೀ, ನಿಬ್ಬಿನ್ದಿತ್ವಾ ವಿರಾಜಯಂ।
ತಥಾ ನಿರೋಧಾನುಪಸ್ಸೀ, ಭೂಮಿಧಮ್ಮೇ ನಿರೋಧಯಂ॥
೧೨೮೯.
ಪಕ್ಖನ್ದನಪರಿಚ್ಚಾಗಪಟಿನಿಸ್ಸಗ್ಗತೋ
ಪಟಿನಿಸ್ಸಗ್ಗಾನುಪಸ್ಸೀ, ಸಿಕ್ಖತೀತಿ ಪವುಚ್ಚತಿ॥
೧೨೯೦.
ಆನಾಪಾನಮುಖೇನೇವ
ಧಮ್ಮಾನುಪಸ್ಸನಾ ನಾಮ, ಭಾಸಿತೇವಂ ಚತುಬ್ಬಿಧಾ॥
೧೨೯೧.
ಇತಿ ಸೋಳಸಧಾಕಾರಂ, ಸಿಕ್ಖತ್ತಯಪತಿಟ್ಠಿತಂ।
ಚತುಬ್ಬಿಧಮ್ಪಿ ಪೂರೇತಿ, ಸತಿಪಟ್ಠಾನಭಾವನಂ॥
೧೨೯೨.
ಪರಿಗ್ಗಯ್ಹ ಸತಿಞ್ಚೇವ-ಮುಸ್ಸಾಹನ್ತೋ ವಿಪಸ್ಸನಂ।
ದ್ವತ್ತಿಂಸಾಕಾರಭೇದೇಹಿ, ಸತೋಕಾರೀತಿ ವುಚ್ಚತಿ॥
೧೨೯೩.
ಇತ್ಥಞ್ಚ ಗಣನಾದೀಹಿ, ಭಾವೇತ್ವಾ ಸಮಥಂ ತತೋ।
ವಿಪಸ್ಸನಾಧಿವಚನಂ, ಕತ್ವಾ ಸಲ್ಲಕ್ಖಣಂ ಪುನ॥
೧೨೯೪.
ಪತ್ವಾ ವಿವಟ್ಟನಾಮಗ್ಗಂ, ಪಾರಿಸುದ್ಧಿಫಲೇ ಠಿತೋ।
ಪಚ್ಚವೇಕ್ಖಣಸಙ್ಖಾತಂ, ಪಪ್ಪೋತಿ ಸತಿಪಸ್ಸನಂ॥
೧೨೯೫.
ಆನಾಪಾನಸತಿಚ್ಚೇವಮಸೇಸಂ ಪರಿಪೂರಿತಾ।
ಸಾಕಾರಂ ಸಪ್ಪಭೇದಞ್ಚ, ಭಾವಿತಾತಿ ಪವುಚ್ಚತಿ॥
೧೨೯೬.
ಆನಾಪಾನಸಮಾಧಿಮೇತಮತುಲಂ ಬುದ್ಧಾಪದಾನುತ್ತಮಂ,
ಪಾಪಕ್ಲೇಸರಜೋಹರಂ ಸುಖಮುಖಂ ದುಕ್ಖಗ್ಗಿನಿಬ್ಬಾಪನಂ।
ಭಾವೇತ್ವಾ ಸತಿಸಮ್ಪಜಞ್ಞವಿಪುಲಾ ವಿಕ್ಖೇಪವಿದ್ಧಂಸಕಾ,
ಪಪ್ಪೋನ್ತುತ್ತರಮುತ್ತಮಾಮತಪದಂ ಬೋಧಿತ್ತಯಬ್ಯಾಪಕಂ॥
೧೨೯೭.
ಬುದ್ಧಂ ಧಮ್ಮಞ್ಚ ಸಙ್ಘಂ ಪುಥುನನಮಹಿತಂ ಸುದ್ಧಸೀಲಂ ಸುದಾನಂ,
ಧಮ್ಮಟ್ಠಾ ದೇವತಾಯೋಪಸಮಥ ಮರಣಂ ಕಾಯಮಾನಞ್ಚಪಾನಂ।
ಪಞ್ಞತ್ತಾರಬ್ಭಯಾಯಂ ಸತಿಸಮವಹಿತಾ ಬೋಧಿಮಗ್ಗೋದಯಾಯ,
ಸಾಯಂ ಸದ್ಧಮ್ಮನೇತ್ತೀ ಸಹಿತಸಿವಗುಣಾ ಸೇವಿತಬ್ಬಾದರೇನ॥
ಇತಿ ನಾಮರೂಪಪರಿಚ್ಛೇದೇ ದಸಾನುಸ್ಸತಿವಿಭಾಗೋ ನಾಮ
ನವಮೋ ಪರಿಚ್ಛೇದೋ।