೧೦. ದಸಮೋ ಪರಿಚ್ಛೇದೋ
ಸೇಸಕಮ್ಮಟ್ಠಾನವಿಭಾಗೋ
೧೨೯೮.
ಬ್ಯಾಪಾದಾದೀನವಂ
ಅಪ್ಪಮಞ್ಞಾ ತು ಭಾವೇನ್ತೋ, ವಿನೇಯ್ಯ ಪಟಿಘಂ ಕಥಂ॥
೧೨೯೯.
ಚೇತೋಸನ್ತಾಪನೋ ಕೋಧೋ,
ಸಮ್ಪಸಾದವಿಕೋಪನೋ।
ವಿರೂಪಬೀಭಚ್ಛಕರೋ,
ಮುಖವಣ್ಣಪ್ಪಧಂಸನೋ॥
೧೩೦೦.
ಸೀಲಕಾಲುಸ್ಸಿಯುಪ್ಪಾದೋ, ಚಿತ್ತವಿಕ್ಖೇಪಸಮ್ಭವೋ।
ಪಞ್ಞಾಪಜ್ಜೋತವಿದ್ಧಂಸೀ, ಪಟಿಪತ್ತಿವಿಬನ್ಧಕೋ॥
೧೩೦೧.
ಅಪಾಯೇಕಾಯನೋ ಮಗ್ಗೋ, ಪಾಪಕಣ್ಟಕಬನ್ಧಕೋ।
ಧಮ್ಮಮಗ್ಗಸಮುಚ್ಛೇದೀ, ಮಗ್ಗದ್ವಾರಪಿಧಾನಕೋ॥
೧೩೦೨.
ಯಸೋವಣ್ಣವಿಸಙ್ಖಾರೋ, ಗುಣಮೂಲಪ್ಪಭಞ್ಜಕೋ।
ದುಕ್ಖಧಮ್ಮಸಮೋಧಾನೋ, ಬ್ಯಸನೋಪದ್ದವಾಕರೋ॥
೧೩೦೩.
ದುನ್ನಿಮಿತ್ತಮಿದಂ ಜಾತಂ, ಸಬ್ಬಸಮ್ಪತ್ತಿಧಂಸನಂ।
ಧೂಮಕೇತುಸಮುಪ್ಪಾದೋ, ಸಬ್ಬಲೋಕವಿನಾಸಕೋ॥
೧೩೦೪.
ಸಬ್ಬಕಲ್ಯಾಣಧಮ್ಮಾನಂ, ಅವಮಙ್ಗಲಮುಟ್ಠಿತಂ।
ಹಿತಾರಮ್ಭಸಮುಗ್ಘಾತೀ, ಅನ್ತರಾಯಸಮಾಗಮೋ॥
೧೩೦೫.
ಸಬ್ಬಾಕಾರಪಟಿಕ್ಕೂಲಂ, ಸಬ್ಬವಿದ್ದೇಸಕಾರಣಂ।
ವಿಪತ್ತಿಮುಖಮುಪ್ಪನ್ನಂ, ಅಮಿತ್ತಜನಪತ್ಥಿತಂ॥
೧೩೦೬.
ಸಪತ್ತಕರಣಂ
ಭಯಮನ್ತರತೋ ಜಾತಂ, ತಂ ಜನೋ ನಾವಬುಜ್ಝತಿ॥
೧೩೦೭.
ಖುರಧಾರಂ ಲಿಹನ್ತಾವ, ಗಿಲನ್ತಾವ ಹುತಾಸನಂ।
ತಿತ್ತಲಾಬುಂವ ಖಾದನ್ತಾ, ಗಣ್ಹನ್ತಾದಿತ್ತಮಾಯುಧಂ॥
೧೩೦೮.
ಬ್ಯಾಪಾದಮತ್ತಸಮ್ಭವ-ಮತ್ತಘಞ್ಞಾಯ
ಉಪಲಾಳೇನ್ತಿ ದುಮ್ಮೇಧಾ, ಘೋರಮಾಸೀವಿಸಂ ಯಥಾ॥
೧೩೦೯.
ದೋಸತೇಜೇನ ರುಕ್ಖೋವ, ಸುಸಿರಾರುಳ್ಹಪಾವಕೋ।
ಅನ್ತೋನುದಯ್ಹಮಾನಾಪಿ, ವಿಪ್ಫನ್ದನ್ತಿ ವಿಘಾತಿನೋ॥
೧೩೧೦.
ನಾವಬುಜ್ಝನ್ತಿ ದುಮ್ಮೇಧಾ, ಚೇತೋಸಙ್ಕಪ್ಪವಾಯುನಾ।
ಉಕ್ಕಾಮುಖಾಮಿವಾದಿತ್ತ-ಮುಜ್ಜಲನ್ತಾ ಪುನಪ್ಪುನಂ॥
೧೩೧೧.
ಭಯಮಗ್ಗಸಮಾರುಳ್ಹಾ, ಖೇಮಮಗ್ಗವಿರೋಧಿನೋ।
ಬ್ಯಾಪನ್ನಾ ಕಿಬ್ಬಿಸಾಕಿಣ್ಣಾ, ಅತ್ಥದ್ವಯವಿರೋಧಿನೋ॥
೧೩೧೨.
ಅನಾಥಾ ಸಲ್ಲಕಾವಿದ್ಧಾ, ವಿಸಟ್ಟಾ ಅನುಸೋಚಿನೋ।
ಅನ್ಧಾ ವಿಯ ಮಿಗಾರಞ್ಞೇ, ಭಮನ್ತಿ ಹತಚಕ್ಖುಕಾ॥
೧೩೧೩.
ಅಸಂವಿಹಿತಕಮ್ಮನ್ತಾ, ಬಾಲಾ ಕೋಧವಸಾನುಗಾ।
ಖಿಪ್ಪಂ ಲಕ್ಖಿಂ ಪರಿಚ್ಚತ್ತಾ, ಯಸೋಭೋಗೇಹಿ ಧಂಸರೇ॥
೧೩೧೪.
ದುಪ್ಪಟಿಪ್ಪಾದಿತಾರಮ್ಭಾ, ಕೋಧಸಙ್ಖೋಭಮೋಹಿತಾ।
ಧಮ್ಮಾಮತರಸಸ್ಸಾದಂ, ನ ವಿನ್ದನ್ತಿ ಅವಿದ್ದಸು॥
೧೩೧೫.
ಬಹ್ವಾದೀನವಮಿಚ್ಚೇವ-ಮನ್ತೋ ಬ್ಯಾಧಿಮಿವುಟ್ಠಿತಂ।
ಜಾತಾನಲಮಿವುಚ್ಛಙ್ಗೇ, ಅಜ್ಝುಪೇಕ್ಖನ್ತಿ ದುಜ್ಜನಾ॥
೧೩೧೬.
ಚೋದಯಮಾನಾ ದುಕ್ಖೇಹಿ, ಕ್ಲೇಸಾಚಿಣ್ಣಮಲೀಮಹಾ।
ಪಾಪಕಮ್ಮೇಹಿ ಪೂರೇನ್ತಾ, ಸೇನ್ತಿ ಮಚ್ಚುಪಥೇ ಚಿರಂ॥
೧೩೧೭.
ತಮೇವಂ ಪಟಿಸಙ್ಖಾಯ, ಪಟಿಘಂ ಪನ ಯೋನಿಸೋ।
ವಾಳಮಿಗಂವ ಧಾವನ್ತಂ, ಆವಿಸನ್ತಂವ ರಕ್ಖಸಂ॥
೧೩೧೮.
ಪಾವಕಂವ
ಸೋತ್ಥಿಭಾವಾಯ ಖೇಮನ್ತ-ಮುಪಞ್ಞತ್ತಂ ಮಹೇಸಿನಾ॥
೧೩೧೯.
ಮಾತಾ ಕಲ್ಯಾಣಧಮ್ಮಾನಂ, ಖಮಾ ನಾಮ ಮಹಿದ್ಧಿಕಾ।
ಸಮಪ್ಪವತ್ತಿ ಸತ್ತೇಸು, ಸಬ್ಬಸಮ್ಪತ್ತಿಸಾಧಿಕಾ॥
೧೩೨೦.
ಕೋಧಾನಲಜಲಾಸೇಕೋ
ಸೋಕೋಪಾಯಾಸನಾಸನಂ।
ಆಘಾತಸಲ್ಲನಿದ್ಧಾರೀ,
ಉಪನಾಹವಿಮೋಚನಂ॥
೧೩೨೧.
ವಣ್ಣಕಿತ್ತಿಸಮುಟ್ಠಾನಂ, ಗುಣಮೂಲಾಭಿಸೇವನಂ।
ಅಪಾರುತಮುಖಂವೇತ-ಮತ್ಥದ್ವಯಸಮಿದ್ಧಿಯಾ॥
೧೩೨೨.
ವಿಘಾತಪರಿಯಾದಾನ-ಮಾಸವಾನಮಸೇಸತೋ।
ಪಟಿಪಸ್ಸಮ್ಭನಂ ಚೇತೋ-ಪೀತಿಕರಣಚನ್ದನಂ॥
೧೩೨೩.
ಸಬ್ಬದುಕ್ಖಸಮುಗ್ಘಾತಿ, ಸುಖುಪಟ್ಠಾನಮುತ್ತಮಂ।
ಬ್ಯಸನೋದಯವಿಚ್ಛೇದೋ, ಭಯಭೇರವನಿಗ್ಗಮೋ॥
೧೩೨೪.
ಚೇತೋಪಸಾದಸನ್ಧಾನೋ, ಪಾಸಾದಿಕಫಲಾವಹೋ।
ಪವರೋ ಬೋಧಿಸಮ್ಭಾರೋ, ನರಾನರನಿಸೇವಿತೋ॥
೧೩೨೫.
ಪಾಪಕನ್ತಾರನಿತ್ಥಾರೋ, ಚತುರಾಪಾಯರೋಧಕೋ।
ದ್ವಾರಾವಾಪುರಣಞ್ಚೇತಂ, ದೇವಲೋಕೂಪಪತ್ತಿಯಾ॥
೧೩೨೬.
ಪಞ್ಞಾಸೀಲಸಮಾಧಾನಂ, ಪಟಿಪತ್ತಿವಿಸೋಧನೋ।
ಪಿಯಙ್ಕರೋ ಸೋಮ್ಮಭಾವೋ, ದುಲ್ಲಭೋ ಬಹುಪತ್ಥಿತೋ॥
೧೩೨೭.
ಕ್ಲೇಸಸಙ್ಖೋಭವಿಕ್ಖೇಪ-ವಿಪ್ಫನ್ದಪಟಿಬನ್ಧನಂ।
ತಿತಿಕ್ಖಾಗುಣಮಕ್ಖಾತ-ಮಾರಕ್ಖವಿಧಿಮತ್ತನೋ॥
೧೩೨೮.
ವಿಹಿಂಸಾರತಿಸಾರಮ್ಭ-ಪಟಿರೋಧವಿಮೋಚನಂ।
ವೇರಿಕಿಬ್ಬಿಸವಿದ್ಧಂಸೀ, ಲೋಕಾನುಗ್ಗಹಕಾರಣಂ॥
೧೩೨೯.
ಧಮ್ಮಪಜ್ಜೋತಕರಣಂ
ಸಮ್ಮೋಹತಿಮಿರುದ್ಧಾರಿ, ಸಮ್ಪತ್ತಿಪಟಿಪಾದನಂ॥
೧೩೩೦.
ಇಚ್ಚತ್ತತ್ಥಂ ಪರತ್ಥಞ್ಚ, ಸಮ್ಪಾದೇತ್ವಾ ಖಮಾಪರೋ।
ಸಾಧೇತಿ ಸಬ್ಬಸಮ್ಪತ್ತಿ-ಮಿಧ ಚೇವ ಪರತ್ಥ ಚ॥
೧೩೩೧.
ತಿತಿಕ್ಖಾಗುಣಸಮ್ಪನ್ನೋ
ಅನಾಕುಲಿತಕಮ್ಮನ್ತೋ, ಸೋರತೋ ಸಖಿಲೋ ಸುಚಿ॥
೧೩೩೨.
ನಿವಾತೋ ಸಮಿತಾಚಾರೋ, ಸುಭಗೋ ಪಿಯದಸ್ಸನೋ।
ಪಟಿಸಙ್ಖಾಬಲಪ್ಪತ್ತೋ, ಧಿತಿಮಾ ಮತಿಪಾಟವೋ॥
೧೩೩೩.
ಅಕ್ಖೋಭೋ ಅಧಿವಾಸೇನ್ತೋ,
ಸಬ್ಬಾನತ್ಥೇ ಪರಿಸ್ಸಯೇ।
ಭೀಮಸಙ್ಗಾಮಾವಚರೋ,
ಹತ್ಥಿನಾಗೋವ ಸೋಭತಿ॥
೧೩೩೪.
ಇತ್ಥಂ ಸಮನ್ತತೋ ಭದ್ದಂ, ತಿತಿಕ್ಖಂ ಪಚ್ಚವೇಕ್ಖತೋ।
ಪಸ್ಸಮ್ಭೇತಿ ಸಮುಟ್ಠಾಯ, ಖಮಾ ಬ್ಯಾಪಾದಸಮ್ಭಮಂ॥
೧೩೩೫.
ದಿಬ್ಬೋಸಧಮಿವಾತಙ್ಕಂ, ಮೇಘಜ್ಜವಂ ಹುತಾಸನಂ।
ಖಿಪ್ಪಮನ್ತರಧಾಪೇತಿ, ತಿತಿಕ್ಖಾ ಕೋಧಮತ್ತನೋ॥
೧೩೩೬.
ತತೋನೇಕಗುಣೋಪೇತಂ, ನೇಕದೋಸಪ್ಪಭಞ್ಜನಂ।
ಖನ್ತಿಧಮ್ಮಮಧಿಟ್ಠಾಯ, ಪಸನ್ನಧೀರಮಾನಸೋ॥
೧೩೩೭.
ಭಾವೇಯ್ಯ ಪಠಮಂ ತಾವ, ಮೇತ್ತಾಭಾವನಮುತ್ತಮಂ।
ಅತ್ತಾನಮುಪಮಂ ಕತ್ವಾ, ಸತ್ತೇಸು ಹಿತವುಡ್ಢಿಯಾ॥
೧೩೩೮.
ಸಬ್ಬೇ ಸತ್ತಾ ಚ ಪಾಣಾ ಚ, ಭೂತಾ ಜೀವಾ ಚ ಪುಗ್ಗಲಾ।
ಅಬ್ಯಾಪಜ್ಜಾ ತಥಾವೇರಾ, ಅನೀಘಾ ಚ ಸುಖೇಧಿನೋ॥
೧೩೩೯.
ವಿಜ್ಜಾಸಮ್ಪತ್ತಿಭೋಗೇಹಿ, ಪವಡ್ಢನ್ತು ಯಸಸ್ಸಿನೋ।
ಪರಿವಾರಬಲಪ್ಪತ್ತಾ, ಭಯೋಪದ್ದವವಜ್ಜಿತಾ॥
೧೩೪೦.
ಸಖಿಲಾ
ಮೋದನ್ತು ಸುಹಿತಾ ಸಬ್ಬೇ, ಮಾ ಕಿಞ್ಚಿ ಪಾಪಮಾಗಮಾ॥
೧೩೪೧.
ಸದ್ಧಾಪಾಮೋಜ್ಜಬಹುಲಾ, ದಾನಸೀಲಮಹುಸ್ಸವಾ।
ಗುಣಭೂಸಿತಸನ್ತಾನಾ, ಆಯುಂ ಪಾಲೇನ್ತನಾಮಯಂ॥
೧೩೪೨.
ಸಮ್ಮಾದಿಟ್ಠಿಂ
ಆರಾಧೇನ್ತು ಹಿತೋಪಾಯ-ಮಚ್ಚನ್ತಂ ಸುಖಸಾಧನಂ॥
೧೩೪೩.
ಇತಿ ನಾನಪ್ಪಕಾರೇನ, ಸತ್ತೇಸು ಹಿತಮಾನಸಂ।
ಮಾತಾವ ಪಿಯಪುತ್ತಮ್ಹಿ, ಪವತ್ತೇಯ್ಯ ನಿರನ್ತರಂ॥
೧೩೪೪.
ಸಿನೇಹಂ ಪರಿವಜ್ಜೇನ್ತೋ, ಬ್ಯಾಪಾದಞ್ಚ ವಿನಾಸಯಂ।
ಪರಿಸುದ್ಧೇನ ಚಿತ್ತೇನ, ಹಿತಕಾಮೋವ ಕೇವಲಂ॥
೧೩೪೫.
ಮೇತ್ತಾಯ ಮಿತ್ತೇ ಮಜ್ಝತ್ತೇ, ವೇರಿಕೇ ಚ ಯಥಾಕ್ಕಮಂ।
ಕರೋನ್ತೋ ಸೀಮಸಮ್ಭೇದಂ, ಅತ್ತನಿ ಚ ಸಮಂ ಫರೇ॥
೧೩೪೬.
ಆಸೇವನ್ತಸ್ಸ ತಸ್ಸೇವಂ, ಹಿತಾಭೋಗಸಮಾಹಿತಂ।
ಸತ್ತಪಞ್ಞತ್ತಿಮಾರಬ್ಭ, ಸಮಾಧಿಯತಿ ಮಾನಸಂ॥
೧೩೪೭.
ತತೋ ಅನೀಘೋ ಏಕಗ್ಗೋ, ಉಪಸನ್ತಮನೋರಥೋ।
ಝಾನತ್ತಿಕಂ ಚತುಕ್ಕಂ ವಾ, ಮೇತ್ತಾಚೇತೋವಿಮುತ್ತಿಯಾ॥
೧೩೪೮.
ಭೂಮಿದೇಸದಿಸಾಸತ್ತ-ಭೇದಭಿನ್ನೇಸು ಓಧಿಸೋ।
ಯಥಾಸಮ್ಭವಮಪ್ಪೇತಿ, ಸಬ್ಬಸತ್ತೇಸ್ವನೋಧಿಸೋ॥
೧೩೪೯.
ತದೇವಮೇಕಸತ್ತಮ್ಹಿ, ಪರಿಚ್ಛೇದನಿಯಾಮತೋ।
ಬಹುಕೇಸು ಚ ಸತ್ತೇಸು, ಸಬ್ಬೇಸು ಚ ಪವತ್ತತಿ॥
೧೩೫೦.
ತಥಾಸೇವಿತಸನ್ತಾನೋ,
ಮೇತ್ತಾಚೇತೋವಿಮುತ್ತಿಯಾ।
ಕರುಣಾಭಾವನಾಯೋಗ-
ಮಾರಭೇಯ್ಯ ತತೋ ಪರಂ॥
೧೩೫೧.
ಸತ್ತಾನಂ
‘‘ಅಹೋ ದುಕ್ಖಾ ವಿಮುಚ್ಚನ್ತು, ಸಬ್ಬೇ ಸತ್ತಾ’’ತಿ ಚಿನ್ತಯಂ॥
೧೩೫೨.
ಕಥಂ ಮಾಣವಕೋಯಞ್ಚ, ಭಯಭೇರವಕಮ್ಪಿತೋ।
ಬ್ಯಸನೋಪದ್ದವಾವಿದ್ಧೋ, ವಿಪ್ಫನ್ದತಿ ವಿಘಾತವಾ॥
೧೩೫೩.
ತಥಾ ಹೇತೇ ವಿಮೋಸಾಯ, ಪಟಿಪನ್ನಾ ವಿರೋಧಿನೋ।
ಸಬ್ಯಾಪಜ್ಜಾ ವಿಹಞ್ಞನ್ತಿ, ಚೇತೋದುಕ್ಖಸಮಪ್ಪಿತಾ॥
೧೩೫೪.
ಅಥಞ್ಞೇ
ಪಧುಪಾಯಿಕಸಙ್ಕಪ್ಪಾ, ಸೋಕೋಪಾಯಾಸಭಾಗಿನೋ॥
೧೩೫೫.
ಅಥಾಪರೇ ಪರಾಭೂತಾ, ಕಾಮಕ್ಲೇಸವಸೀಕತಾ।
ಮೋಹನ್ಧಕಾರಪಕ್ಖನ್ತಾ, ಸತ್ತಾ ಗಚ್ಛನ್ತಿ ದುಗ್ಗತಿಂ॥
೧೩೫೬.
ತೇ ತತ್ಥ ಕಟುಕಂ ಘೋರಮನುಭೋನ್ತಾ ಸಕಂ ಫಲಂ।
ದುಕ್ಖಸೂಲಸಮಾವಿದ್ಧಾ, ಬಾಹಾ ಪಗ್ಗಯ್ಹ ಕನ್ದರೇ॥
೧೩೫೭.
ದೀಘರತ್ತಾಧಿಮುತ್ತಾಯ, ದೇವಲೋಕಸಮಿದ್ಧಿಯಾ।
ದೇವಕಾಯಾ ವಿಹಾಯನ್ತಿ, ಅಕಾಮಾ ಪರಿವತ್ತಿನೋ॥
೧೩೫೮.
ಚಿರಕಾಲಂ ಜಲಿತ್ವಾನ, ಸೂರಿಯೋವ ನಭನ್ತರೇ।
ಬ್ರಹ್ಮಾನೋಪಿ ಪತನ್ತೇವ, ಬ್ರಹ್ಮಲೋಕಾಪರಾಯಣಾ॥
೧೩೫೯.
ಖನ್ಧಪಞ್ಚಕಮಿಚ್ಚೇವಂ, ದುಕ್ಖಾಗಾರಂ ಸಮುಬ್ಬಹಂ।
ನಾನಾಗತೀಸು ವಿಕ್ಖಿತ್ತಂ, ಪಾಣಜಾತಂ ವಿಹಞ್ಞತಿ॥
೧೩೬೦.
ಅನಾಥಮನಯಾಪನ್ನಂ, ಪರಿಹಾನಿಭಯಾಕುಲಂ।
ವಾತಮಣ್ಡಲಿಕಕ್ಖಿತ್ತಪಕ್ಖೀವ ಪರಿವತ್ತತಿ॥
೧೩೬೧.
ಇತಿ ದಿಸ್ವಾನ ಸುತ್ವಾ ವಾ, ಸಮ್ಭಾವೇತ್ವಾನ ವಾ ಪುನ।
ದುಕ್ಖಾಪಗಮಮಿಚ್ಛನ್ತೋ, ದುಕ್ಖಾಪಗಮ ಪತ್ಥಯಂ॥
೧೩೬೨.
ಸುಖಿತೇಸು ಚ ಮೇಧಾವೀ, ದುಕ್ಖಾಕಾರಮನುಸ್ಸರಂ।
ಪವತ್ತೇಯ್ಯ ದಯಾಪನ್ನೋ, ಕರುಣಾಭಾವನಪ್ಪನಂ॥
೧೩೬೩.
‘‘ಅಹೋ
ಸಾಧು ಸಮೇನ್ತುಪಾಯಾಸಾ, ಸೋಕಾ ಚ ಪರಿದೇವನಾ॥
೧೩೬೪.
‘‘ಖೀಯನ್ತು ಪಾಪಧಮ್ಮಾ ಚ, ಪಸ್ಸಮ್ಭೇನ್ತಾಮಯಾ ತಥಾ।
ಸಂಕ್ಲೇಸಾ ಪಲಿಬೋಧಾ ಚ, ಸಮುಚ್ಛಿಜ್ಜನ್ತು ಪಾಣಿನಂ॥
೧೩೬೫.
‘‘ಬ್ಯಾಪಾದಾ ಚ ವಿಹಾಯನ್ತು, ವಿನಿವತ್ತನ್ತುಪದ್ದವಾ।
ಬ್ಯಸನಾನಿ ವಿನಸ್ಸನ್ತು, ವಿಗಚ್ಛನ್ತು ವಿಪತ್ತಿಯೋ॥
೧೩೬೬.
‘‘ವಿಹೇಸಾ
ಪಟಿಕ್ಕಮನ್ತು ವಿಸ್ಸಟ್ಠಾ, ಸೋತ್ಥಿಂ ಪಸ್ಸನ್ತು ಪಾಣಿನೋ’’॥
೧೩೬೭.
ಇಚ್ಚೇವಮನುಕಮ್ಪನ್ತೋ, ಸಬ್ಬಸತ್ತೇಪಿ ಸಬ್ಬಥಾ।
ಸಬ್ಬದುಕ್ಖಸಮುಗ್ಘಾತಂ, ಪತ್ಥೇನ್ತೋ ಕರುಣಾಯತಿ॥
೧೩೬೮.
ಸೋಕುಪ್ಪತ್ತಂ ನಿವಾರೇನ್ತೋ, ವಿಹಿಂಸಂ ದೂರತೋ ಹರಂ।
ಮೇತ್ತಾಯಮಿವ ಪಾಪೇತಿ, ಕರುಣಾಝಾನಮಪ್ಪನಂ॥
೧೩೬೯.
ಕರುಣಾನನ್ತರಂ ಯೋಗೀ, ಭಾವೇಯ್ಯ ಮುದಿತಂ ತತೋ।
ಸತ್ತಾನಂ ಸುಖಿತಾಕಾರಮಾವಜ್ಜೇತ್ವಾನ ಯೋನಿಸೋ॥
೧೩೭೦.
ಕಥಂ ಚಿರಾಯ ಬ್ರಹ್ಮಾನೋ, ಮಹಾತೇಜಾ ಮಹಿದ್ಧಿಕಾ।
ಪೀತಿಭಕ್ಖಾ ಸುಭಟ್ಠಾಯೀ, ಪಮೋದನ್ತಿ ನಿರಾಮಯಾ॥
೧೩೭೧.
ದೇವಕಾಯಾ ಮಹಾಭೋಗಾ,
ಮಹೇಸಕ್ಖಾ ಯಸಸ್ಸಿನೋ।
ಅಚ್ಛರಾಪರಿವಾರೇಹಿ,
ಪರಿಚಾರೇನ್ತಿ ನನ್ದನೇ॥
೧೩೭೨.
ರಾಜಾಭಿಸೇಕಸಮ್ಪತ್ತಾ, ಛತ್ತಚಾಮರಭೂಸಿತಾ।
ಆಧಿಪ್ಪಚ್ಚಮಧಿಟ್ಠಾಯ, ಸುಖಿತಾ ರಾಜಭೋಗಿನೋ॥
೧೩೭೩.
ಯಥೋಪಟ್ಠಿತಭೋಗೇಹಿ, ತದಞ್ಞೇಪಿ ಚ ಪಾಣಿನೋ।
ಯಥಾಕಾಮಿತನಿಪ್ಫನ್ನಾ, ಮೋದನ್ತಿ ಸುಖಪೀತಿಕಾ॥
೧೩೭೪.
ಚತುರಾಪಾಯಿಕಾ
ತತೋ ಚುತಾಭಿನನ್ದನ್ತಿ, ಸುಖಟ್ಠಾನೇ ಪತಿಟ್ಠಿತಾ॥
೧೩೭೫.
ಸಬ್ಬಾಲಯಸಮುಗ್ಘಾತಂ, ಪತ್ವಾ ಲೋಕುತ್ತರಂ ಪದಂ।
ಪಟಿಪಸ್ಸದ್ಧದರಥಾ, ಸುಖಂ ಮೋದನ್ತನಪ್ಪಕಂ॥
೧೩೭೬.
ಇತಿ ದಿಸ್ವಾನ ಸುತ್ವಾ ವಾ, ಸಮ್ಭಾವೇತ್ವಾ ಪುನಪ್ಪುನಂ।
ಸತ್ತಾನಮಧಿವಾಸೇನ್ತೋ, ಸುಖಾಕಾರಂ ಪಮೋದತಿ॥
೧೩೭೭.
‘‘ಅಹೋ
ಮೋದನ್ತಿ ವತ ಪಾಣಿನೋ।
ಅಹೋ ಸುಲದ್ಧಂ ಸತ್ತಾನಂ,
ಸಮಿದ್ಧಿಮಭಿಪತ್ಥಿತಂ॥
೧೩೭೮.
‘‘ಪಸನ್ನಮುಖವಣ್ಣಾ ಚ, ಪರಿಪುಣ್ಣಮನೋರಥಾ।
ಪೀತಿಪಾಮೋಜ್ಜಬಹುಲಾ, ಚಿರಂ ಜೀವನ್ತುನಾಮಯಾ॥
೧೩೭೯.
‘‘ಭಯಮಗ್ಗಮತಿಕ್ಕನ್ತಾ, ದುಕ್ಖಸಙ್ಘಾಟನಿಸ್ಸಟಾ।
ಖೇಮಮಗ್ಗಮನುಪ್ಪತ್ತಾ, ಪೀತಿಸಮ್ಪತ್ತಿಫುಲ್ಲಿತಾ॥
೧೩೮೦.
‘‘ಸಮಗ್ಗಾ ಸುಹಿತಾ ಚೇತೇ, ಪಟಿಸನ್ಧಾನಪೇಸಲಾ।
ಸಮ್ಪತ್ತಿಮಭಿವೇದೇನ್ತಿ, ಕಲ್ಯಾಣಗುಣಭೂಸಿತಾ’’॥
೧೩೮೧.
ಇತಿ ಸಮ್ಮಾ ಪಿಹಾಯನ್ತೋ, ಸುಖಾಧಿಗಮಸಮ್ಪದಂ।
ಸತ್ತಾನಮಭಿರೋಚೇನ್ತೋ, ಮುದಿತಾಯ ಸಮಂ ಫರಂ॥
೧೩೮೨.
ಹಿತ್ವಾ ಪಲಾಸಾಭಿಸಙ್ಗಂ, ಇಸ್ಸಾರತಿನಿರಙ್ಕತೋ।
ಮೇತ್ತಾಯಮಿವ ಪಾಪೇತಿ, ಮುದಿತಾಝಾನಮಪ್ಪನಂ॥
೧೩೮೩.
ಮುದಿತಂ ಪನ ಭಾವೇತ್ವಾ, ಭಾವೇಯ್ಯುಪೇಕ್ಖಮುತ್ತಮಂ।
ವಿರೋಧಾನುನಯಂ ಹಿತ್ವಾ, ಹುತ್ವಾ ಮಜ್ಝತ್ತಮಾನಸೋ॥
೧೩೮೪.
ಸಭಾವಭೂತ ಲೋಕಸ್ಸ,
ಲಾಭಾಲಾಭಂ ಯಸಾಯಸಂ।
ನಿನ್ದಾಪಸಂಸಂ
ಸುಖಂ ದುಕ್ಖಞ್ಚ ಕೇವಲಂ॥
೧೩೮೫.
ಕಥಂ ಕಮ್ಮಸ್ಸಕತತ್ತಾಯಂ ಲೋಕಾನುಪರಿವತ್ತತಿ।
ಲೋಕಧಮ್ಮೇ ಪರಾಭೂತೋ, ಅತ್ತಾಧೇಯ್ಯವಿವಜ್ಜಿತೋ॥
೧೩೮೬.
ಕಿಂ ನಾಮತ್ಥಿ ಸಮತ್ಥೇತ್ಥ, ಪವತ್ತೇತುಂ ಯಥಾರುಚಿ।
ಕಸ್ಸ ವಾ ರುಚಿಯಾ ಹೋನ್ತಿ, ಸುಖಿತಾ ವಾಥ ದುಕ್ಖಿತಾ॥
೧೩೮೭.
ಯಥಾಪಚ್ಚಯಸಮ್ಭೂತಾ, ಸುಖದುಕ್ಖಾ ಹಿ ಪಾಣಿನೋ।
ನ ಸಕ್ಕಾ ಪರಿವತ್ತೇತುಂ, ಅಞ್ಞೇನ ಪುನ ಕೇನಚಿ॥
೧೩೮೮.
ಮಿಚ್ಛಾಮಗ್ಗಮಧಿಟ್ಠಾಯ
ಸಮ್ಮಾಮಗ್ಗಂ ಪುರೋಧಾಯ, ಸಮ್ಪಜ್ಜನ್ತಿ ಪುನತ್ತನಾ॥
೧೩೮೯.
ತತ್ಥ ಕಾಯವಸೇನೇತೇ, ಪರಿವತ್ತನ್ತಿ ಅಞ್ಞಥಾ।
ಯಥಾರುಚಿತಕಮ್ಮನ್ತಾ, ಪಚ್ಚೇಕವಸವತ್ತಿನೋ॥
೧೩೯೦.
ನಿರತ್ಥಕವಿಹೇಸಾಯಂ, ಮಞ್ಞೇ ಲೋಕವಿಚಾರಣಾ।
ಸನ್ತಮೇತಂ ಪಣೀತಞ್ಚ, ಯದಿದಂ ತತ್ರುಪೇಕ್ಖನಂ॥
೧೩೯೧.
ಅಹಂ ಕೋ ನಾಮ ಕೇ ಚೇತೇ, ಕಿಮಟ್ಠಾನಬುಧನ್ತರೋ।
ಪರೇಸುಪರಿ ಪೇಕ್ಖನ್ತೋ, ವಿಹಞ್ಞಾಮೀತಿ ಅತ್ತನೋ॥
೧೩೯೨.
ಸುಖಿತಾ ಹೋನ್ತು ವಾ ಮಾ ವಾ, ದುಕ್ಖಾ ಮುಚ್ಚನ್ತು ವಾ ನ ವಾ।
ಸಮಿದ್ಧಾ ವಾ ದಲಿದ್ದಾ ವಾ, ಕಾ ಮಮೇತ್ಥ ವಿಚಾರಣಾ॥
೧೩೯೩.
ಅತ್ತಾನಂ ಪರಿಹಾರನ್ತು, ಯಥಾಕಾಮಂ ತು ಪಾಣಿನೋ।
ಪಲಿಬೋಧೋ ಪಪಞ್ಚೋ ವಾ, ಬ್ಯಾಪಾದೋ ವಾ ನ ಮೇ ತಹಿಂ॥
೧೩೯೪.
ಇತಿ ಸಙ್ಖಾಯುಪೇಕ್ಖನ್ತೋ, ಹಿತಕಾಮೋಪಿ ಪಾಣಿನಂ।
ಅಪಕ್ಖಪಾತುಪೇಕ್ಖಾಯ, ಸಮಂ ಫರತಿ ಯೋನಿಸೋ॥
೧೩೯೫.
ಅಞ್ಞಾಣುಪೇಕ್ಖಾ ನಿಕ್ಖನ್ತೋ, ಅನುರೋಧಂ ವಿರಾಜಿಯ।
ಮೇತ್ತಾಯಮಿವ ಪಾಪೇತಿ, ಪಞ್ಚಮಜ್ಝಾನಮಪ್ಪನಂ॥
೧೩೯೬.
ಅಪ್ಪಮಞ್ಞಾ
ಮಹಾಪುರಿಸಧೋರಯ್ಹೋ, ಹಿತಕಾಮೋ ಮಹಾಮುನಿ॥
೧೩೯೭.
ನ ಲಿಙ್ಗವಿಸಭಾಗಮ್ಹಿ, ಆದಿಕಮ್ಮಿಕಯೋಗಿನಾ।
ಭಾವೇತಬ್ಬಾ ಮತಸತ್ತೇ, ಮೇತ್ತಮೇವ ನ ಸಬ್ಬಥಾ॥
೧೩೯೮.
ಪತ್ತಬ್ಬಸಮ್ಪದಾಕಾರಂ, ದುಕ್ಖಾಕಾರಞ್ಚ ಪಾಣಿಸು।
ಆವಜ್ಜಂ ಮುದಿತಾಕಾರಮನತ್ತಾಧೀನತಂ ತಥಾ॥
೧೩೯೯.
ಅತ್ತನಿ ದುಗ್ಗತೇ ಮಿತ್ತೇ, ಮಜ್ಝತ್ತೇತಿ ಯಥಾಕ್ಕಮಂ।
ಪಠಮಂ ಭಾವನಾಯೋಗಮಾರಭಿತ್ವಾ ತತೋ ಪರಂ॥
೧೪೦೦.
ಅತ್ತನಿ ಮಿತ್ತೇ ಮಜ್ಝತ್ತೇ, ವೇರಿಕೇತಿ ಚತೂಸುಪಿ।
ಕರೋನ್ತೋ ಸೀಮಸಮ್ಭೇದಂ, ಸಬ್ಬತ್ಥ ಸಮಮಾನಸೋ॥
೧೪೦೧.
ಭೂಮಿಕಾದಿಪ್ಪಭೇದೇಹಿ
ಅಪರಿಚ್ಛಿಜ್ಜ ವಾ ಚೇತಾ, ಭಾವೇತಬ್ಬಾತಿ ಭಾಸಿತಾ॥
೧೪೦೨.
ಅಸಙ್ಖೋತಿತಸನ್ತಾನಾ, ತಾಹಿ ಭೂತಾನುಕಮ್ಪಕಾ।
ವಿಹರನ್ತುತ್ತಮಾ ಬ್ರಹ್ಮವಿಹಾರಾತಿ ತತೋ ಮತಾ॥
೧೪೦೩.
ಅಪ್ಪಮಾಣಾಲಮ್ಬಣತ್ತಾ, ತಥಾ ಸುಪ್ಪಟಿಪತ್ತಿಯಾ।
ಸತ್ತೇಸು ಅಪ್ಪಮಾಣತ್ತಾ, ಅಪ್ಪಮಞ್ಞಾತಿ ಸಮ್ಮತಾ॥
೧೪೦೪.
ಅಸಮ್ಪತ್ತಹಿತಾ ಸತ್ತಾ, ದುಕ್ಖಿತಾ ಲದ್ಧಸಮ್ಪದಾ।
ಕಮ್ಮಸ್ಸಕಾತಿ ಚಿನ್ತೇತ್ವಾ, ತತೋ ತೇಸು ಯಥಾಕ್ಕಮಂ॥
೧೪೦೫.
‘‘ಸಮ್ಪತ್ತೀಹಿ ಸಮಿಜ್ಝನ್ತು,
ದುಕ್ಖಾ ಮುಚ್ಚನ್ತು ಪಾಣಿನೋ।
ಅಹೋ ಸತ್ತಾ ಸುಖಪ್ಪತ್ತಾ,
ಹೋನ್ತು ಸತ್ತಾ ಯಥಾ ತಥಾ’’॥
೧೪೦೬.
ಇಚ್ಚಾಭಿವುದ್ಧಿಮಿಚ್ಛನ್ತೋ, ದುಕ್ಖಾಪಗಮನಂ ತಥಾ।
ಸಮಿದ್ಧೇ ಅನುಮೋದನ್ತೋ, ಉಪೇಕ್ಖನ್ತೋ ಚ ಪೀಣಿತೇ॥
೧೪೦೭.
ಮಾತಾವ
ಸಕಿಚ್ಚಪಸುತೇ ಚೇವ, ಚತುಧಾ ಸಮ್ಪವತ್ತತಿ॥
೧೪೦೮.
ಇತ್ಥಂ ಚತುಧಾ ಸತ್ತೇಸು, ಸಮ್ಮಾ ಚಿತ್ತಪವತ್ತನಾ।
ಸಬ್ಬಥಾಪಿ ಚತುದ್ಧಾವ, ತತೋ ವುತ್ತಾ ಮಹೇಸಿನಾ॥
೧೪೦೯.
ಇಚ್ಚೇತಾ ಪನ ಭಾವೇನ್ತೋ, ಪಸನ್ನಮುಖಮಾನಸೋ।
ಸುಖಂ ಸುಪತಿ ಸುತ್ತೋಪಿ, ಪಾಪಂ ಕಿಞ್ಚಿ ನ ಪಸ್ಸತಿ॥
೧೪೧೦.
ಪಟಿಬುಜ್ಝತನುತ್ರಾಸೋ, ಜಾಗರೋವ ಪಮೋದತಿ।
ಚೇತಸೋ ಚ ಸಮಾಧಾನಂ, ಖಿಪ್ಪಮೇವಾಧಿಗಚ್ಛತಿ॥
೧೪೧೧.
ಪರಿಸ್ಸಯಾ ಪಹೀಯನ್ತಿ, ವಿಗಚ್ಛನ್ತಿ ಚುಪದ್ದವಾ।
ದೇವತಾಪಿ ಚ ರಕ್ಖನ್ತಿ, ಅಮುಯ್ಹನ್ತಂ ಅನಾಕುಲಂ॥
೧೪೧೨.
ಫುಲ್ಲಂವ
ಸೋಮ್ಮಕೋಮಲಧಮ್ಮೇಹಿ, ಪಿಯಚಕ್ಖೂಹಿ ಪಸ್ಸತಿ॥
೧೪೧೩.
ಅಸಂಹೀರೋ ಅಸಂಕುಪ್ಪೋ, ಸಬ್ಬಾವತ್ಥಾಸು ಪಣ್ಡಿತೋ।
ಸಮಂ ಪವತ್ತಿತಾರಮ್ಭೋ, ಲೋಕಮೇಸೋನುಗಣ್ಹತಿ॥
೧೪೧೪.
ಖಣಮತ್ತೋಪಚಾರೇಕಾ, ಪವತ್ತೇಕಮ್ಹಿ ಪುಗ್ಗಲೇ।
ಅಪ್ಪಮಾಣಾ ಫಲಿತ್ವೇವ, ವಣ್ಣಯನ್ತಿ ಮಹೇಸಿನೋ॥
೧೪೧೫.
ಪಗೇವ ಸಬ್ಬಸತ್ತೇಸು, ಅಪ್ಪನಾಪತ್ತಭಾವನಾ।
ಚತಸ್ಸೋಪಿ ಸಮೀಭೂತಾ, ವಸೀಭೂತಾ ನಿರನ್ತರಂ॥
೧೪೧೬.
ಪುಞ್ಞಧಾರಾಭಿಸನ್ದನ್ತಾ, ಪರಿಪೂರೇನ್ತಿ ಪಣ್ಡಿತಂ।
ಅಪ್ಪಮೇಯ್ಯಮಹೋಘೋವ, ಸಾಗರಂ ವೀಚಿಮಾಲಿನಂ॥
೧೪೧೭.
ಅಪ್ಪಮಞ್ಞಾಮಯಾನಂ ಹಿ, ಪುಞ್ಞಾನಂ ಸೋಳಸಿಂ ಕಲಂ।
ಸಬ್ಬೋಪಧಿಕಪುಞ್ಞಾನಿ, ನಾಗ್ಘನ್ತೀತಿ ಪಕಾಸಿತಂ॥
೧೪೧೮.
ಅವಞ್ಝಾ ತಸ್ಸ ಪಬ್ಬಜ್ಜಾ, ಯಸ್ಸ ಹೇತಾಸು ಗಾರವೋ।
ಸುಖುಮೋದಗ್ಯಬಹುಲೋ, ತಿಸ್ಸೋ ಸಿಕ್ಖಾ ಸುಸಿಕ್ಖತಿ॥
೧೪೧೯.
ಅಮೋಘಂ
ತಮ್ಪಿ ಮಹಪ್ಫಲಂ ಹೋತಿ, ಸದ್ಧಾದೇಯ್ಯಂ ಪತಿಟ್ಠಿತಂ॥
೧೪೨೦.
ಸದ್ಧಾದಿಕುಸಲಾ ಧಮ್ಮಾ, ಪವಡ್ಢನ್ತಿ ಅಖಣ್ಡಿತಾ।
ಸಮ್ಬುದ್ಧಿಚರಿಯಾನಞ್ಚ, ಮಹತ್ತಂ ತಸ್ಸ ಪಾಕಟಂ॥
೧೪೨೧.
ಅಕಿಚ್ಛಪಟಿವೇಧಾಯ, ಪಾದಕಜ್ಝಾನಮುತ್ತಮಂ।
ಉಜು ಚೇಕಾಯನೋ ಮಗ್ಗೋ, ಬ್ರಹ್ಮಲೋಕೂಪಪತ್ತಿಯಾ॥
೧೪೨೨.
ವಾಸನಾಭಾಗಿಯಾ ಚೇತಾ, ಬೋಧಿಸಮ್ಭಾರಕೂಲಿಕಾ।
ಸೋವಗ್ಗಿಕಾ ಸುಖಾಹಾರಾ, ಲೋಕಾರಕ್ಖಾ ನಿರುತ್ತರಾ॥
೧೪೨೩.
ಅಪ್ಪಮೇಯ್ಯಾನಿಸಂಸೇವಂ, ಅಪ್ಪಮೇಯ್ಯಗುಣೋದಯಾ।
ಅಪ್ಪಮಞ್ಞಾ ತತೋ ತಾಸು, ನ ಪಮಜ್ಜೇಯ್ಯ ಪಣ್ಡಿತೋ॥
೧೪೨೪.
ಪಟಿಕ್ಕೂಲಂ
ಕಬಳೀಕಾರಮಾಹಾರ-ಮನ್ನಪಾನಾದಿಸಙ್ಗಹಂ॥
೧೪೨೫.
ಅಸಿತಂ ಖಾಯಿತಂ ಪೀತಂ, ಸಾಯಿತಞ್ಚ ರಹೋಗತೋ।
ಪಟಿಕ್ಕೂಲನ್ತಿ ಚಿನ್ತೇಯ್ಯ, ಗಮನಾದಿವಸಾ ಕಥಂ॥
೧೪೨೬.
ತಪೋವನಮಿದಂ ಹಿತ್ವಾ, ರಮಣೀಯಮನಾಕುಲಂ।
ಆಹಾರಹೇತು ಗನ್ತಬ್ಬೋ, ಗಾಮೋ ಗಾಮಜನಾಕುಲೋ॥
೧೪೨೭.
ತತ್ಥಾಸುಚಿಪರಿಕ್ಲಿಟ್ಠೇ, ದುಜ್ಜನಾವಾರಸಙ್ಕರೇ।
ದೀನಮೇಸಯತುತ್ತಿಟ್ಠಂ, ಗೇಹೇ ಗೇಹೇ ತು ಭೋಜನಂ॥
೧೪೨೮.
ತಂ ಖೇಳಮಲಸಂಕ್ಲಿಟ್ಠಂ, ಜಿವ್ಹಗ್ಗಪರಿವತ್ತಿತಂ।
ದನ್ತಚುಣ್ಣಿತಸಮ್ಭಿನ್ನಂ, ವಣ್ಣಗನ್ಧಂ ವಿಲಿಸ್ಸತಿ॥
೧೪೨೯.
ಪಿತ್ತಸೇಮ್ಹಪರಿಬ್ಯುಳ್ಹಂ, ಪುಬ್ಬಲೋಹಿತಮಿಸ್ಸಿತಂ।
ಪವಿಸನ್ತಂ ಪಟಿಕ್ಕೂಲಂ, ಜೇಗುಚ್ಛಂ ಧಿಕ್ಕತಾಸಿವಂ॥
೧೪೩೦.
ಕುಚ್ಛಿಯಂ ಕುಣಪಾಕಿಣ್ಣೇ, ದುಗ್ಗನ್ಧಪರಿಭಾವಿತೇ।
ಸುವಾನವಮಥಾಕಾರಂ, ವನ್ತಂವ ಸ್ವಾನದೋಣಿಯಂ॥
೧೪೩೧.
ತತ್ತಚನ್ದನಿಕಾಯಂವ
ತತ್ಥ ಬುಬ್ಬುಳಕಚ್ಛನ್ನಂ, ಕುಥಿತಂ ಪರಿಪಚ್ಚತಿ॥
೧೪೩೨.
ಸಂಪಚ್ಚನ್ತಂ ಪನೇತಞ್ಚ, ಸಭಾವಞ್ಚ ವಿಸೇವಿತಂ।
ವಡ್ಢೇತಿ ಕೇಸಲೋಮಾದಿಂ, ನಾನಾಕುಣಪಸಞ್ಚಯಂ॥
೧೪೩೩.
ವಿಪಚ್ಚನ್ತಮಥೋಪೇತಮನೇಕೋಪದ್ದವಾವಹಂ।
ಕುಟ್ಠಗಣ್ಡಕಿಲಾಸಾದಿಮಹಾಬ್ಯಾಧಿಸತೋದಯಂ॥
೧೪೩೪.
ಪೂತಿಭೂತಞ್ಚ ತಂ ಪಕ್ಕ-ಮನೇಕದ್ವಾರಸಞ್ಚಿತಂ।
ಮೇದಪಿಣ್ಡಂವ ಕುಥಿತಂ, ಪರಿಸ್ಸವತಿ ಸನ್ತತಂ॥
೧೪೩೫.
ಯೇನ ಪೂತಿಗತೋ ಕಾಯೋ, ನಿಚ್ಚಂ ದುಗ್ಗನ್ಧವಾಯಿಕೋ।
ಧೋವಿಯನ್ತೋಪಿ ಸತತಂ, ಸುಚಿಭಾವಂ ನ ಗಚ್ಛತಿ॥
೧೪೩೬.
ಕುಚ್ಛಿತೋ
ಕಾಯಾಸುಚಿನಿಸೇವನೋ।
ನಿಸ್ಸನ್ದಮಲನಿಟ್ಠಾನೋ,
ಉಪಕ್ಲೇಸಫಲಾವಹೋ॥
೧೪೩೭.
ಕಾಮರಾಗಸಮುಟ್ಠಾನಂ, ರೋಗಜಾತಿನಿಬನ್ಧನಂ।
ಮದಪ್ಪಮಾದಾಧಿಟ್ಠಾನಂ, ಪಾಪಕಮ್ಮಮಹಾಪಥೋ॥
೧೪೩೮.
ಅಹಿತೋದಯಮಗ್ಗೋಯಂ, ಭಯಭೇರವಸಮ್ಭವೋ।
ಬ್ಯಸನಾಗಮನದ್ವಾರಂ, ಅಪಾಯಾವಹಿತಂ ಮುಖಂ॥
೧೪೩೯.
ಚರನ್ತತ್ತಸಮತ್ತಾವ, ಯತ್ಥೋದರಿಯಮುಚ್ಛಿತಾ।
ಕ್ಲಿಟ್ಠಕಮ್ಮಾನಿ ದುಮ್ಮೇಧಾ, ಕರೋನ್ತಾ ದುಕ್ಖಭಾಗಿನೋ॥
೧೪೪೦.
ತತ್ಥ ಚಿತ್ತವಿರಾಗಾಯ, ಕಿಂ ಪಕ್ಕಫಲಸನ್ನಿಭೇ।
ರಸಸ್ಸಾದಪಿಯಾಕಾರೇ, ಘೋರಾದೀನವಸಞ್ಚಿತೇ॥
೧೪೪೧.
ಭಾವೇನ್ತಸ್ಸ ಪಟಿಕ್ಕೂಲ-ಸಞ್ಞಮೇವಂ ವಿಭಾವಿನೋ।
ಉಪಚಾರಪಥಂ ಪತ್ವಾ, ಚಿತ್ತಂ ಹೋತಿ ಸಮಾಹಿತಂ॥
೧೪೪೨.
ಸೋಯಂ
ವಿಸದೋ ಸೋ ವಿಚಕ್ಖಣೋ।
ಮದಪ್ಪಮಾದನಿಕ್ಖನ್ತೋ,
ರಸಸ್ಸಾದನಿರಾಲಯೋ॥
೧೪೪೩.
ಲಿಮ್ಪೇನ್ತೋ ವಿಯ ಭೇಸಜ್ಜ-ಮಕ್ಖರಬ್ಭಞ್ಜಕೋ ಯಥಾ।
ಪುತ್ತಮಂಸಂವ ಖಾದನ್ತೋ, ಆಹಾರಂ ಪರಿಭುಞ್ಜತಿ॥
೧೪೪೪.
ಅರಿಯವಂಸಾನುಪಜಾತೋ,
ಅಪ್ಪಿಚ್ಛಾದಿಗುಣೋದಿತೋ।
ಕಾಮಜಾಲಂ ಪದಾಲೇತ್ವಾ,
ಸೋತ್ಥಿಂ ಪಪ್ಪೋತಿ ಪಣ್ಡಿತೋ॥
೧೪೪೫.
ಚತುಧಾತುವವತ್ಥಾನಂ, ಭಾವೇನ್ತೋ ಪನ ಪಞ್ಚಧಾ।
ಧಾತುಯೋ ಪರಿಗಣ್ಹೇಯ್ಯ, ಚತಸ್ಸೋಪಿ ಸಭಾವತೋ॥
೧೪೪೬.
ಸಙ್ಖೇಪೇನ
ಅಜ್ಝತ್ತಞ್ಚ ಬಹಿದ್ಧಾ ಚ, ಚತುಧಾ ವಿಭಜೇ ಕಥಂ॥
೧೪೪೭.
ಯಂ ಕಿಞ್ಚಿ ಕೇಸಲೋಮಾದಿ, ಕಕ್ಖಳತ್ತಂ ಪವುಚ್ಚತಿ।
ಅಜ್ಝತ್ತಂ ಪಥವೀಧಾತು, ಬಹಿದ್ಧಾ ತು ತತೋಪರಾ॥
೧೪೪೮.
ಯೂಸಭೂತನ್ತಿ ಯಂ ಕಿಞ್ಚಿ,
ಆಪೋವ ಪರಿಪಾಚಕಂ।
ತೇಜೋ ವಾಯೋತಿ ಗಣ್ಹೇಯ್ಯ,
ವಿತ್ಥಮ್ಭಕಮಸೇಸತೋ॥
೧೪೪೯.
ವಿತ್ಥಾರತೋಪಿ ಸಮ್ಭಾರಾ, ಕೇಸಲೋಮಾದಿ ವೀಸತಿ।
ಪಥವೀಧಾತು ಪಿತ್ತಾದಿ, ದ್ವಾದಸಾಪೋತಿ ಭಾವಯೇ॥
೧೪೫೦.
ತೇಜೇನ ಯೇನ ಕಾಯೋಯಂ, ಸನ್ತಪ್ಪತಿ ಜಿರೀಯತಿ।
ಪರಿದಯ್ಹತಿ ಸಮ್ಮಾ ಚ, ಪಚ್ಚನ್ತಿ ಅಸಿತಾದಯೋ॥
೧೪೫೧.
ತದೇತಂ
ತೇಜೋಧಾತೂತಿ ಗಣ್ಹೇಯ್ಯ, ವಾಯೋಧಾತೂತಿಚಾಪರಂ॥
೧೪೫೨.
ಉದ್ಧಞ್ಚಾಧೋಗಮಾವಾತಾ, ಕುಚ್ಛಿಕೋಟ್ಠಾಸಯಾ ತಥಾ।
ಅಙ್ಗಮಙ್ಗಾನುಸಾರೀ ಚ, ಛಧಾನಾಪಾನಮಿಚ್ಚಪಿ॥
೧೪೫೩.
ತಂ ತಂ ಲಕ್ಖಣಮಾರಬ್ಭ, ನಿದ್ಧಾರೇತ್ವಾ ಸಲಕ್ಖಣಂ।
ಪರಿಗಣ್ಹೇಯ್ಯ ಸಬ್ಬತ್ಥ, ಚತುಧಾ ಧಾತುಸಙ್ಗಹಂ॥
೧೪೫೪.
ಇಚ್ಚೇವಂ ಚತುಕೋಟ್ಠಾಸೋ,
ಧಾತುಮತ್ತೋ ಕಳೇವರೋ।
ನಿಚ್ಚೇತನೋ ಚ ನಿಸ್ಸತ್ತೋ,
ನಿಸ್ಸಾರೋ ಪರಭೋಜನೋ॥
೧೪೫೫.
ರಿತ್ತೋ ತುಚ್ಛೋ ಚ ಸುಞ್ಞೋ ಚ,
ವಿವಿತ್ತೋ ಚ ಪವಜ್ಜಿತೋ।
ಅತ್ತಾ ವಾ ಅತ್ತನೀಯಂ ವಾ,
ನತ್ಥೇವೇತ್ಥ ಕಥಞ್ಚಿಪಿ॥
೧೪೫೬.
ಕೇವಲಂ
ಕಮ್ಪಿತೋ ಯಾಯ ಯನ್ತಂವ, ಸಾಧಿಪ್ಪಾಯೋವ ಖಾಯತಿ॥
೧೪೫೭.
ಆಯು ಉಸ್ಮಾ ಚ ವಿಞ್ಞಾಣಂ, ಯದಾ ಕಾಯಂ ಜಹನ್ತಿಮಂ।
ಅಪವಿದ್ಧೋ ತದಾ ಸೇತಿ, ನಿರತ್ಥಂವ ಕಲಿಙ್ಗರಂ॥
೧೪೫೮.
ವಿಪರೀತಂ ಪಪಞ್ಚೇನ್ತಾ, ಬಹುಧಾ ಮೋಹಪಾರುತಾ।
ಯತ್ಥ ಮಿಚ್ಛಾವಿಪಲ್ಲಾಸಪರಾಭೂತಾ ಪುಥುಜ್ಜನಾ॥
೧೪೫೯.
ಸಂಸಾರದ್ಧಾನಕನ್ತಾರಂ, ಚತುರಾಪಾಯಸಙ್ಕರಂ।
ಬ್ಯಸನೇಕಾಯನೋಪಾಯಂ, ನಾತಿವತ್ತನ್ತಿ ದುಜ್ಜನಾ॥
೧೪೬೦.
ಸೋಯಮೇವಂ ಚತುದ್ಧಾತಿ,
ಧಾತುಭೇದೇನ ಪಸ್ಸತೋ।
ತಸ್ಸೋಪಚಾರಿಕೋ
ಸಮಥೋ ಹೋತಿ ಚೇತಸಿ॥
೧೪೬೧.
ಇತ್ಥಂ ಧಾತುವವತ್ಥಾನಂ, ಕತ್ವಾ ತದನುಸಾರತೋ।
ಉಪಾದಾರೂಪಧಮ್ಮೇ ಚ, ನಾಮಧಮ್ಮೇ ಚ ಸಬ್ಬಥಾ॥
೧೪೬೨.
ಭೂಮಿಭೂತೇ ಪರಿಗ್ಗಯ್ಹ, ಪಸ್ಸನ್ತೋ ಪಚ್ಚಯಟ್ಠಿತಿಂ।
ಅಜ್ಝತ್ತಞ್ಚ ಬಹಿದ್ಧಾ ಚ, ವಿಪಸ್ಸನ್ತೋದಯಬ್ಬಯಂ॥
೧೪೬೩.
ಯಥಾಭೂತಮಭಿಞ್ಞಾಯ, ನಿಬ್ಬಿನ್ದನ್ತೋ ವಿರಜ್ಜತಿ।
ವಿರಾಗಾ ಚ ವಿಮುಚ್ಚಿತ್ವಾ, ಪಾರಗೂತಿ ಪವುಚ್ಚತಿ॥
೧೪೬೪.
ಆರುಪ್ಪಂ ಪನ ಭಾವೇನ್ತೋ, ಕಮ್ಮಟ್ಠಾನಮನಾವಿಲಂ।
ಚತುಕ್ಕಪಞ್ಚಕಜ್ಝಾನಂ, ಪತ್ವಾ ಕಸಿಣಮಣ್ಡಲೇ॥
೧೪೬೫.
ಪರಿಚಿಣ್ಣವಸೀಭೂತಾ, ಝಾನಾ ವುಟ್ಠಾಯ ಪಞ್ಚಮಾ।
ಚಿನ್ತೇತಿ ದಣ್ಡಾದಾನಾದಿರೂಪದೋಸಮಭಿಣ್ಹಸೋ॥
೧೪೬೬.
ನಿಬ್ಬಿನ್ದನ್ತೋ ತತೋ ರೂಪೇ, ತದಾಕಾರೇ ಚ ಗೋಚರೇ।
ತದಾಲಮ್ಬಣಧಮ್ಮೇ ಚ, ಪತ್ಥೇನ್ತೋ ಸಮತಿಕ್ಕಮಂ॥
೧೪೬೭.
ಪತ್ಥರಿತ್ವಾನ ಯಂ ಕಿಞ್ಚಿ, ಆಕಾಸಕಸಿಣಂ ವಿನಾ।
ಉಗ್ಘಾಟೇತಿ ತಮೇವಾಥ, ಕಸಿಣಂ ಧಿತಿಮಾ ಸತೋ॥
೧೪೬೮.
ನ
ಚಿನ್ತಾಭೋಗವಿನಿಮುತ್ತೋ, ಕಸಿಣಂ ಪತಿ ಸಬ್ಬಥಾ॥
೧೪೬೯.
ತದಪ್ಪಾಯಸಮಞ್ಞಾತಮಾಕಾಸಂ ಪತಿ ಮಾನಸಂ।
ಸಾಧುಕಂ ಪಟಿಪಾದೇತಿ, ಯೋನಿಸೋ ಪಟಿಚಿನ್ತಯಂ॥
೧೪೭೦.
ತಸ್ಸಾವಜ್ಜನಸಮ್ಪನ್ನಂ, ಉಪಾಯಪಟಿಪಾದಿತಂ।
ಕಸಿಣಾಪಗಮಾಕಾಸಂ, ಚಿನ್ತನಾರಬ್ಭ ವತ್ತತಿ॥
೧೪೭೧.
ಇತ್ಥಮನ್ತರಧಾಪೇತ್ವಾ, ಕಸಿಣಂ ತು ತತೋ ಪರಂ।
ಸಬ್ಬಾವನ್ತಮನನ್ತರಂ, ಫರತಾಕಾಸಗೋಚರಂ॥
೧೪೭೨.
ತತ್ಥ
ಪಠಮಾರುಪ್ಪಮಪ್ಪೇತಿ, ಆಕಾಸಾನನ್ತಗೋಚರೇ॥
೧೪೭೩.
ತತೋ ತಮ್ಹಾ ವಸೀಭೂತಾ, ವುಟ್ಠಹಿತ್ವಾ ವಿಚಿನ್ತಯಂ।
‘‘ಆಸನ್ನರೂಪಾವಚರಜ್ಝಾನಪಚ್ಚತ್ಥಿಕ’’ನ್ತಿ ತಂ॥
೧೪೭೪.
ನಿಕನ್ತಿಂ ಪರಿಯಾದಾಯ, ತಮ್ಹಾ ಆಕಾಸಗೋಚರಾ।
ಅಪ್ಪೇತುಂ ದುತಿಯಾರುಪ್ಪ-ಮತಿಸನ್ತನ್ತಿ ಗಚ್ಛತಿ॥
೧೪೭೫.
ಪಠಮಾರುಪ್ಪವಿಞ್ಞಾಣ-ಮನನ್ತಂ ಫರತೋ ತತೋ।
ದುತಿಯಾರುಪ್ಪಮಪ್ಪೇತಿ, ವಿಞ್ಞಾಣಾನನ್ತಗೋಚರೇ॥
೧೪೭೬.
ಪಠಮಾರುಪ್ಪವಿಞ್ಞಾಣ-ಮಭಾವೇನ್ತೋ ತತೋ ಪರಂ।
ಅಪ್ಪೇತಿ ತತಿಯಾರುಪ್ಪ-ಮಾಕಿಞ್ಚಞ್ಞಮ್ಹಿ ಗೋಚರೇ॥
೧೪೭೭.
ತತೋ ಚ ತತಿಯಾರುಪ್ಪಂ, ‘‘ಸನ್ತಮೇತ’’ನ್ತಿ ಪಸ್ಸತೋ।
ಚತುತ್ಥಾರುಪ್ಪಮಪ್ಪೇತಿ, ತತಿಯಾರುಪ್ಪಗೋಚರೇ॥
೧೪೭೮.
ಗೂಥಮ್ಹಿ ಮಣ್ಡಪೇ ಲಗ್ಗೋ, ಏಕೋ ತನ್ನಿಸ್ಸಿತೋಪರೋ।
ಏಕೋ ಬಹಿ ಅನಿಸ್ಸಾಯ, ತಂ ತಂ ನಿಸ್ಸಾಯ ಚಾಪರೋ॥
೧೪೭೯.
ಠಿತೋ ಚತೂಹಿ ಏತೇಹಿ, ಪುರಿಸೇಹಿ ಯಥಾಕ್ಕಮಂ।
ಸಮಾನತಾಯ ಞಾತಬ್ಬಾ, ಚತಸ್ಸೋಪಿ ವಿಭಾವಿನಾ॥
೧೪೮೦.
ಇಚ್ಚಾಲಮ್ಬಣಭೇದೇಹಿ
ಅಙ್ಗಭೇದಂ ಪನೇತಾಸಂ, ನ ಕಥೇನ್ತಿ ತಥಾಪಿ ಚ॥
೧೪೮೧.
ಸುಪ್ಪಣೀತತರಾ ಹೋನ್ತಿ, ಉದ್ಧಮುದ್ಧಂ ಯಥಾಕ್ಕಮಂ।
ಚಾತುಮಹಾರಾಜಿಕಾದಿದಿಬ್ಬಸಮ್ಪತ್ತಿಯೋ ಯಥಾ॥
೧೪೮೨.
ಆನೇಞ್ಜಮಿತಿ ಭಾವೇತ್ವಾ, ಸಮಾಪತ್ತಿಂ ಚತುಬ್ಬಿಧಂ।
ಸುಸಮಾಹಿತಸಙ್ಕಪ್ಪೋ, ಸಮ್ಪನ್ನಾಚಲಮಾನಸೋ॥
೧೪೮೩.
ವಿಪಸ್ಸನ್ತೋ ಯಥಾಭೂತಂ, ಸಚ್ಛಿಕತ್ವಾ ಫಲುತ್ತಮಂ।
ಉಭತೋಭಾಗವಿಮುತ್ತೋ, ಅರಹಾತಿ ಪವುಚ್ಚತಿ॥
೧೪೮೪.
ಕಮ್ಮಟ್ಠಾನವಿಧಿಂ
ಅಭಿಞ್ಞಾಯೋಪಿ ವಿಞ್ಞೇಯ್ಯಾ, ಸಮಥೇ ಭಾವನಾನಯೇ॥
೧೪೮೫.
ಇದ್ಧಿವಿಧಾ ದಿಬ್ಬಸೋತಾ, ಚೇತೋಪರಿಯಜಾನನಾ।
ಪುಬ್ಬೇನಿವಾಸಾನುಸ್ಸತಿ, ದಿಬ್ಬಚಕ್ಖು ತಥಾಪರಾ॥
೧೪೮೬.
ಚೇತೋಸಮಾಧಿನಿಸ್ಸಟ್ಠಾ, ಪಞ್ಚಾಭಿಞ್ಞಾ ಪಕಾಸಿತಾ।
ರೂಪಾವಚರಧಮ್ಮಾವ, ಪಞ್ಚಮಜ್ಝಾನಭೂಮಿಕಾ॥
೧೪೮೭.
ಬಹುಭಾವಾದಿಧಿಟ್ಠಾನಂ, ಕೋಮಾರಾದಿವಿಕುಬ್ಬನಾ।
ಮನೋಮಯಾಭಿನಿಮ್ಮಾನಮಿಚ್ಚೇವಂ ತಿವಿಧಿದ್ಧಿಯೋ॥
೧೪೮೮.
ದಿಬ್ಬೇ ಚ ಮಾನುಸೇ ಸದ್ದೇ,
ತಥಾ ದೂರೇ ಚ ಸನ್ತಿಕೇ।
ಸುಣನ್ತಿ ಯಾಯ ಸಾ ದಿಬ್ಬಾ,
ಸೋತಧಾತೂತಿ ಭಾಸಿತಾ॥
೧೪೮೯.
ಚೇತೋಪರಿಯಞಾಣನ್ತಿ, ಪರಪುಗ್ಗಲಚೇತಸೋ।
ಸರಾಗವೀತರಾಗಾದಿಪರಿಚ್ಛೇದಕಮೀರಿತಂ॥
೧೪೯೦.
ಪುಬ್ಬೇನಿವುತ್ಥಖನ್ಧಾನುಸ್ಸರಣೇ ಞಾಣಮೀರಿತಂ।
ಪುಬ್ಬೇನಿವಾಸಾನುಸ್ಸತಿಞಾಣ ನಾಮೇನ ತಾದಿನಾ॥
೧೪೯೧.
ಚವಮಾನೇ ಚ ಜಾಯನ್ತೇ, ಸತ್ತೇ ರೂಪಮರೂಪಕಂ।
ತಥಾ ಮಾನುಸಕಂ ರೂಪಂ, ಥೂಲಂ ಸುಖುಮ ಸನ್ತಿಕಂ॥
೧೪೯೨.
ದೂರೇ
ಚುತೂಪಪಾತಞಾಣಂ ತಂ, ದಿಬ್ಬಚಕ್ಖೂತಿ ವುಚ್ಚತಿ॥
೧೪೯೩.
ಅನಾಗತಂಸಞಾಣಞ್ಚ, ಯಥಾಕಮ್ಮುಪಗಂ ತಥಾ।
ತನ್ನಿಸ್ಸಿತತ್ತಾ ಗಚ್ಛನ್ತಿ, ದಿಬ್ಬಚಕ್ಖುಮ್ಹಿ ಸಙ್ಗಹಂ॥
೧೪೯೪.
ಇತಿ ಪಞ್ಚವಿಧಂ ಪತ್ತುಮಭಿಞ್ಞಂ ಪನ ಪಣ್ಡಿತೋ।
ಕತ್ವಾನ ಪಞ್ಚಮಜ್ಝಾನೇ, ಪಞ್ಚಧಾ ವಸಿತಂ ಚಿದಂ॥
೧೪೯೫.
ತಥಾ
ಮುದುಭೂತೇ ಕಮ್ಮನಿಯೇ, ಆನೇಞ್ಜಮ್ಹಿ ಪತಿಟ್ಠಿತೇ॥
೧೪೯೬.
ಅಭಿಞ್ಞಾಪಾದಕಜ್ಝಾನಾ, ತತೋ ವುಟ್ಠಾಯ ಪಞ್ಚಮಾ।
ಅಭಿಞ್ಞಾಪರಿಕಮ್ಮಾಯ, ನಿನ್ನಾಮೇಯ್ಯಾಥ ಮಾನಸಂ॥
೧೪೯೭.
ಅಧಿಟ್ಠೇಯ್ಯಾದಿಕಂ ತಂ ತಮಾವಜ್ಜಿತ್ವಾ ಯಥಾರಹಂ।
ಪರಿಕಮ್ಮಂ ಕರಿತ್ವಾನ, ಸಮಾಪಜ್ಜೇಯ್ಯ ಪಾದಕಂ॥
೧೪೯೮.
ಪುನದೇವ ಚ ವುಟ್ಠಾಯ, ಪರಿಕಮ್ಮಂ ಯಥಾ ಪುರೇ।
ಕರೋನ್ತಸ್ಸ ಪನಪ್ಪೇತಿ, ಅಭಿಞ್ಞಾಣೇನ ಪಞ್ಚಮಂ॥
೧೪೯೯.
ಅಧಿಟ್ಠನ್ತಂ ವಿಕುಬ್ಬನ್ತಂ, ನಿಮ್ಮಿನನ್ತಂ ಯಥಾರಹಂ।
ಸದ್ದೇ ಸುಣನ್ತಂ ಸತ್ತಾನಂ, ಪರಿಜಾನಞ್ಚ ಮಾನಸಂ॥
೧೫೦೦.
ಸರಂ ಪುಬ್ಬೇನಿವಾಸಞ್ಚ, ಪಸ್ಸಂ ಸುಗತಿದುಗ್ಗತಿಂ।
ಯಥಾಕಮ್ಮಂ ವಿಪಾಕಞ್ಚ, ಪಜಾನನ್ತಮನಾಗತಂ॥
೧೫೦೧.
ಯಥಾಸಮ್ಭವಮಿಚ್ಚೇವಮುಪಾಯಕುಸಲೋ ಮುನಿ।
ಉಪನಿಸ್ಸಯಸಮ್ಪನ್ನೋ, ಅಭಿಞ್ಞಮಧಿಗಚ್ಛತಿ॥
೧೫೦೨.
ಪತ್ತಾಭಿಞ್ಞೋ ಮಹಾಯೋಗೀ, ಪರಿಯೋದಾತಮಾನಸೋ।
ಪರಿಪಕ್ಕೇನ ಞಾಣೇನ, ವಿಪಸ್ಸಿತ್ವಾ ತಿಲಕ್ಖಣಂ॥
೧೫೦೩.
ಲದ್ಧಾಸವಕ್ಖಯಂ ಞಾಣಂ, ಛಧಾಭಿಞ್ಞಮನುತ್ತರಂ।
ಮಹಾಖೀಣಾಸವೋ ನಾಮ, ಛಳಭಿಞ್ಞೋ ಪವುಚ್ಚತಿ॥
೧೫೦೪.
ಚತ್ತಾಲೀಸವಿಧಂ
ಕಮ್ಮಟ್ಠಾನನಯಂ ಯಮಾಹ ಸುಗತೋ ಸಮ್ಮಾ ಸಮಾಧಾನಕಂ।
ಸಂಖಿತ್ತಂ ಕಥಿತಂ ತಮೇತ್ಥ ಸಕಲಂ ಸಾಭಿಞ್ಞಮೇತ್ತಾವತಾ,
ಕತ್ತಬ್ಬಾ ಮುನಿನೇತ್ಥ ಸಾಧುಮತಿನಾ ಸಮ್ಭಾವನಾ ಸಬ್ಬಥಾ॥
೧೫೦೫.
ವರಗುಣಗಣಭೂಸಿತಾನುಸಿಟ್ಠಂ,
ಇತಿ ಸಮಥಮಿಮಂ ತು ಭಾವಯಿತ್ವಾ।
ಪರಮಮನುಪಮಂ
ಹಿತಸುಖಮುಖಮುತ್ತಮಾನುಬುದ್ಧಂ॥
ಇತಿ ನಾಮರೂಪಪರಿಚ್ಛೇದೇ ಸೇಸಕಮ್ಮಟ್ಠಾನವಿಭಾಗೋ ನಾಮ
ದಸಮೋ ಪರಿಚ್ಛೇದೋ।
ನಿಟ್ಠಿತೋ ಚ ನಾಮರೂಪಪರಿಚ್ಛೇದೇ ಸಬ್ಬಥಾಪಿ
ಸಮಥಭಾವನಾವಿಭಾಗೋ।