ಚುದ್ದಸಮೋ ಪರಿಚ್ಛೇದೋ
೧೪. ರಾಸಿಸಮ್ಭವಕಥಾ
೪೯೦.
ನವೇವ
ನವಭಿಂಸತಿಸಮ್ಭಿನ್ನಾ, ದಸ ದ್ವೇ ಸವಿಭತ್ತಿಕಾ॥
೪೯೧.
ಏಕದ್ವಯತಿಚತುಛಸತ್ತಟ್ಠಾನಾನವಜ್ಜಕೇ।
ಸತ್ತವೀಸತಿ ಸತ್ತೇಕೋ, ದ್ವಯಮೇಕೋ ಪುನೇಕಕೋ॥
೪೯೨.
ದಸೇವ ಯೇವಾಪನಕಾ, ಏಕಾದಸ ಚ ರಾಸಯೋ।
ಅಟ್ಠವೀಸತಿಸಮ್ಭಿನ್ನಾ, ದಸೇವ ಸವಿಭತ್ತಿಕಾ॥
೪೯೩.
ಏಕದ್ವಯತಿಚತುಕ್ಕಛಟ್ಠಾನನಿಯತಾ ಪನ।
ಅಟ್ಠಾರಸ ಚ ಸತ್ತೇಕೋ, ಏಕೋ ಚೇಕೋವ ಪಾಪಕೇ॥
೪೯೪.
ದ್ವೇ ಯೇವಾಪನಕಾ ಹೋನ್ತಿ, ರಾಸಯೋ ಚ ಚತುಬ್ಬಿಧಾ।
ತೇರಸೇತ್ಥ ಅಸಮ್ಭಿನ್ನಾ, ತಯೋವ ಸವಿಭತ್ತಿಕಾ॥
೪೯೫.
ಏಕದ್ವಯತಿಕಟ್ಠಾನಾ, ದಸ ದ್ವೇಕೋ ಅಹೇತುಕೇ।
ಇಚ್ಚಾನವಜ್ಜಾ ಸಾವಜ್ಜಾ-ಹೇತುಕೇ ಯೋಗನಿಚ್ಛಯೋ॥
೪೯೬.
ಸತ್ತಾಪಿ
ಅಹೇತುಕೇ ಚ ಮಗ್ಗಾದಿರಾಸಯೋ ನತ್ಥಿ ಚುದ್ದಸ॥
೪೯೭.
ಅನವಜ್ಜಾ ತು ಸಾವಜ್ಜೇ, ಸಾವಜ್ಜಕಾನವಜ್ಜಕೇ।
ಚಿತ್ತುಪ್ಪಾದಮ್ಹಿ ನತ್ಥೇವ, ನತ್ಥೋಭಯಮಹೇತುಕೇ॥
೪೯೮.
ಸಾವಜ್ಜಾ ಪನ ಸಾವಜ್ಜೇ, ಅನವಜ್ಜಾನವಜ್ಜಕೇ।
ಗಹೇತಬ್ಬಾ ತು ಸಬ್ಬತ್ಥ, ಸಾಧಾರಣಾ ಪಕಿಣ್ಣಕಾ॥
೪೯೯.
ಝಾನಪಞ್ಚಕಚಿತ್ತೇಸು, ಸತ್ತಸಟ್ಠಿಸು ನಿದ್ದಿಸೇ।
ಝಾನಙ್ಗಯೋಗಭೇದೇನ, ರಾಸಿಭೇದಂ ತಹಿಂ ತಹಿಂ॥
೫೦೦.
ಚತುಛಕ್ಕಾನವಜ್ಜೇಸು
ಚತುವೀಸ ಪರಿತ್ತೇಸು, ಚತುಧಾ ಭೇದಮುದ್ದಿಸೇ॥
೫೦೧.
ಸರಾಗವೀತರಾಗಾನಂ, ಅಪ್ಪಮಞ್ಞಾಪವತ್ತಿಯಂ।
ಕರುಣಾಮುದಿತಾ ಹೋನ್ತಿ, ಕಾಮಪುಞ್ಞಮಹಾಕ್ರಿಯೇ॥
೫೦೨.
ಉಪಚಾರಪ್ಪನಾಪತ್ತಾ, ಸುಖಿತಾ ಸತ್ತಗೋಚರಾ।
ತಸ್ಮಾ ನ ಪಞ್ಚಮಾರುಪ್ಪೇ, ಮಹಾಪಾಕೇ ಅನುತ್ತರೇ॥
೫೦೩.
ಸೋತಾಪತಿತುಪೇಕ್ಖಾಸು, ಪರಿಕಮ್ಮಾದಿಸಮ್ಭವೇ।
ಝಾನಾನಂ ತುಲ್ಯಪಾಕತ್ತಾ, ತಪ್ಪಾಕೇಸು ಚ ಲಬ್ಭರೇ॥
೫೦೪.
ವಿರತೀ ಚ ಸರಾಗಾನಂ, ವೀತಿಕ್ಕಮನಸಮ್ಭವಾ।
ಸಮ್ಪತ್ತೇ ಚ ಸಮಾದಾನೇ, ಕಾಮಪುಞ್ಞೇಸು ಲಬ್ಭರೇ॥
೫೦೫.
ತಂತಂದ್ವಾರಿಕದುಸ್ಸಿಲ್ಯ-ಚೇತನುಚ್ಛೇದಕಿಚ್ಚತೋ।
ಮಗ್ಗೇ ಚ ತುಲ್ಯಪಾಕತ್ತಾ, ಫಲೇ ಚ ನಿಯತಾ ಸಿಯುಂ॥
೫೦೬.
ಪವತ್ತಾಕಾರವಿಸಯಭಿನ್ನಾ ಪಞ್ಚಾಪಿ ಸಮ್ಭವಾ।
ಲೋಕಿಯೇ ಲಬ್ಭಮಾನಾಪಿ, ವಿಸುಂ ಚೇವ ಸಿಯುಂ ನ ವಾ॥
೫೦೭.
ಪಾಪಾ ಲಬ್ಭನ್ತಿ ಪಾಪೇಸು, ಸತ್ತ ಛಕ್ಕೇಕಕಾ ಕಮಾ।
ಸರೂಪಯೇವೋಭಯಕಾ, ನಿಯತಟ್ಠ ಛಳೇತರೇ॥
೫೦೮.
ಸಾಧಾರಣಾ ಚ ಸಬ್ಬತ್ಥ, ಯಥಾವುತ್ತಾ ಪಕಿಣ್ಣಕಾ।
ತತ್ಥ ಚೇಕಗ್ಗತಾ ನತ್ಥಿ, ಇನ್ದ್ರಿಯಾದೀಸು ಕಙ್ಖಿತೇ॥
೫೦೯.
ಛನ್ದಾಧಿಮೋಕ್ಖಾ
ಉದ್ಧಚ್ಚಮೇಕಾದಸಸು, ಮಜ್ಝತ್ತಮನವಜ್ಜಕೇ॥
೫೧೦.
ಸಬ್ಬತ್ಥ ಮನಸಿಕಾರೋ, ತಿದ್ವೇಕದ್ವಿತಿಕಾಪರೇ।
ಅಟ್ಠಟ್ಠವೀಸಚತೂಸು, ಪಞ್ಚದ್ವೀಸು ಯಥಾಕ್ಕಮಂ॥
೫೧೧.
ಸಮುದಾಯವಸೇನೇತ್ಥ, ಉದ್ಧಚ್ಚವಿರತಿತ್ತಯಂ।
ಸವಿಭತ್ತಿಕಮಞ್ಞತ್ಥ, ಅವಿಭತ್ತಿಕಮೇವ ತಂ॥
೫೧೨.
ಚಿತ್ತುಪ್ಪಾದೇಸು
ಇತಿ ಸಾಧು ಸಲ್ಲಕ್ಖೇಯ್ಯ, ಸಮ್ಭವಾಸಮ್ಭವಂ ಬುಧೋತಿ॥
ಇತಿ ಚೇತಸಿಕವಿಭಾಗೇ ರಾಸಿಸಮ್ಭವಕಥಾ ನಿಟ್ಠಿತಾ।
ಚುದ್ದಸಮೋ ಪರಿಚ್ಛೇದೋ।