ಸತ್ತರಸಮೋ ಪರಿಚ್ಛೇದೋ
೧೭. ದಿಟ್ಠಿಸಙ್ಗಹಕಥಾ
೫೯೩.
ಯೇವಾಪನಕನಾಮೇನ
ಖನ್ಧಾದಯೋ ಚ ಕೋಟ್ಠಾಸಾ, ಉದ್ದಿಟ್ಠಾ ಹಿ ಯಥಾರಹಂ॥
೫೯೪.
ತತ್ಥ ಛನ್ದಾದಯೋ ಧಮ್ಮಾ, ವಿಭತ್ತಾವ ಯಥಾರಹಂ।
ಖನ್ಧಾದಿರಾಸಯೋ ವಾಪಿ, ವಿಞ್ಞೇಯ್ಯಾ ದಾನಿ ಸಮ್ಭವಾ॥
೫೯೫.
ವೇದನಾ ವೇದನಾಕ್ಖನ್ಧೋ, ಚಕ್ಖುಸಮ್ಫಸ್ಸಜಾದಿಕಾ।
ಸಞ್ಞಾ ಚ ಸಞ್ಞಾಕ್ಖನ್ಧೋತಿ, ಛಬ್ಬಿಧಾಪಿ ಪಕಾಸಿತಾ॥
೫೯೬.
ಸಙ್ಖಾರಕ್ಖನ್ಧನಾಮೇನ, ಸೇಸಾ ಚೇತಸಿಕಾ ಮತಾ।
ವುತ್ತಾ ವಿಞ್ಞಾಣಕಾಯಾ ಛ, ವಿಞ್ಞಾಣಕ್ಖನ್ಧನಾಮತೋ॥
೫೯೭.
ರೂಪಕ್ಖನ್ಧೋ
ಅರೂಪಿನೋ ಚ ಚತ್ತಾರೋ, ಪಞ್ಚಕ್ಖನ್ಧಾ ಪವುಚ್ಚರೇ॥
೫೯೮.
ಮನಾಯತನನಾಮಂ ತು, ಚಿತ್ತಮೇವ ತಥಾಪರಾ।
ಚಕ್ಖುವಿಞ್ಞಾಣಧಾತಾದಿಸತ್ತವಿಞ್ಞಾಣಧಾತುಯೋ॥
೫೯೯.
ಸಬ್ಬೇ ಚೇತಸಿಕಾ ಧಮ್ಮಾ, ಧಮ್ಮಾಯತನಸಙ್ಗಹಾ।
ಧಮ್ಮಧಾತೂತಿ ಚ ವುತ್ತಾ, ದ್ವಿಪಞ್ಞಾಸಾಪಿ ಸಬ್ಬಥಾ॥
೬೦೦.
ಸುಖುಮಾನಿ ಚ ರೂಪಾನಿ, ನಿಬ್ಬಾನಞ್ಚೇತ್ಥ ಗಯ್ಹರೇ।
ಓಳಾರಿಕಾನಿ ರೂಪಾನಿ, ದಸಾಯತನಧಾತುಯೋ॥
೬೦೧.
ಚಕ್ಖುಸೋತಘಾನಜಿವ್ಹಾ-ಕಾಯಾಯತನನಾಮಕಾ।
ರೂಪಸದ್ದಗನ್ಧರಸ-ಫೋಟ್ಠಬ್ಬಾಯತನಾನಿ ಚ॥
೬೦೨.
ದ್ವಾದಸಾಯತನಾ ಸಬ್ಬೇ, ಹೋನ್ತಟ್ಠಾರಸಧಾತುಯೋ।
ಖನ್ಧಾ ಠಪೇತ್ವಾ ನಿಬ್ಬಾನಂ, ನತ್ಥಿ ಪಣ್ಣತ್ತಿ ತೀಸುಪಿ॥
೬೦೩.
ಆಹಾರಾದಿ
ಇತಿ ಮಿಸ್ಸಕಸಙ್ಖೇಪೋ, ವಿಞ್ಞಾತಬ್ಬೋ ವಿಭಾವಿನಾ॥
೬೦೪.
ದ್ವಾದಸಾಕುಸಲೇಸ್ವೇವ, ಚುದ್ದಸಾಪಿ ವವತ್ಥಿತಾ।
ಯೇ ಸಾವಜ್ಜಾವ ತೇಸಮ್ಪಿ, ಸಙ್ಗಹೋ ದಾನಿ ನಿಯ್ಯತೇ॥
೬೦೫.
ಕಾಮಾಸವೋ ಭವಾಸವೋ, ದಿಟ್ಠಾವಿಜ್ಜಾಸವಾತಿ ಚ।
ಚತ್ತಾರೋ ಆಸವಾ ವುತ್ತಾ, ತಯೋ ಧಮ್ಮಾ ಸರೂಪತೋ॥
೬೦೬.
ಆಸವಾ ಆಸವಟ್ಠೇನ,
ಓಘಾ ವುಯ್ಹನತೋ ತಥಾ।
ಯೋಜೇನ್ತೀತಿ ಚ ಯೋಗಾತಿ,
ತೇ ಚತ್ತಾರೋ ಚ ದೇಸಿತಾ॥
೬೦೭.
ಕಾಮಬ್ಭವೋ ಚ ಪಟಿಘೋ, ಮಾನೋ ದಿಟ್ಠಿ ಚ ಸಂಸಯೋ।
ಸೀಲಬ್ಬತಪರಾಮಾಸೋ, ಭವರಾಗೋ ತಥಾಪರೋ॥
೬೦೮.
ಇಸ್ಸಾ ಮಚ್ಛರಿಯಾವಿಜ್ಜಾ, ಇತಿ ಸಂಯೋಜನಾ ದಸ।
ಅಟ್ಠ ಧಮ್ಮಾ ಸರೂಪೇನ, ಅಭಿಧಮ್ಮೇ ಪಕಾಸಿತಾ॥
೬೦೯.
ಇಸ್ಸಾಮಚ್ಛರಿಯಂ
ಭಿನ್ದಿತ್ವಾ ಭವರಾಗಞ್ಚ, ರೂಪಾರೂಪವಸಾ ದ್ವಿಧಾ॥
೬೧೦.
ಪಞ್ಚೋರಮ್ಭಾಗಿಯಾ ಚೇವ, ಪಞ್ಚುದ್ಧಮ್ಭಾಗಿಯಾತಿ ಚ।
ದಸ ಸಂಯೋಜನಾ ವುತ್ತಾ, ಸುತ್ತೇ ಸತ್ತ ಸರೂಪತೋ॥
೬೧೧.
ಗನ್ಥಾ ಧಮ್ಮಾ ಚ ಚತ್ತಾರೋ, ತಯೋ ಧಮ್ಮಾ ಸರೂಪತೋ।
ಅಭಿಜ್ಝಾಕಾಯಗನ್ಥೋ ಚ, ಬ್ಯಾಪಾದೋ ಚ ಪವುಚ್ಚತಿ॥
೬೧೨.
ಸೀಲಬ್ಬತಪರಾಮಾಸೋ, ಕಾಯಗನ್ಥೋ ತಥಾಪರೋ।
ಇದಂಸಚ್ಚಾಭಿನಿವೇಸೋ, ಇತಿ ದಿಟ್ಠಿ ವಿಭೇದಿತೋ॥
೬೧೩.
ಕಾಮಚ್ಛನ್ದೋ ಚ ಬ್ಯಾಪಾದೋ, ಥಿನಮಿದ್ಧಮಥಾಪರಂ।
ತಥಾ ಉದ್ಧಚ್ಚಕುಕ್ಕುಚ್ಚಂ, ಕಙ್ಖಾವಿಜ್ಜಾತಿ ಅಟ್ಠಿಮೇ॥
೬೧೪.
ಧಮ್ಮಾ ನಿವರಣಾ ನಾಮ, ಛಧಾ ಚ ಪನ ದೇಸಿತಾ।
ಮಿಚ್ಛಾದಿಟ್ಠಿ ಪನೇಕಾವ, ಪರಾಮಾಸೋತಿ ವುಚ್ಚತಿ॥
೬೧೫.
ಉಪಾದಾನಾನಿ ಚತ್ತಾರಿ, ಕಾಮುಪಾದಾದಿನಾಮಕಾ।
ದಿಟ್ಠಿಸೀಲಬ್ಬತಂ ಅತ್ತ-ವಾದುಪಾದಾನಮೇವ ಚ॥
೬೧೬.
ಲೋಭದಿಟ್ಠಿವಸಾ ದ್ವೇವ, ತಿವಿಧಾ ದಿಟ್ಠಿ ದೇಸಿತಾ।
ದಿಟ್ಠಿ ಸೀಲಬ್ಬತಮತ್ತ-ವಾದೋ ಚೇತಿ ಮಹೇಸಿನಾ॥
೬೧೭.
ಲೋಭೋ ದೋಸೋ ಚ ಮೋಹೋ ಚ,
ಮಾನೋ ದಿಟ್ಠಿ ಚ ಸಂಸಯೋ।
ಥಿನಮುದ್ಧಚ್ಚಮೇವಾಥ,
ಲೋಕನಾಸಯುಗಂ ತಥಾ॥
೬೧೮.
ಇತ್ಥಂ ಕಿಲೇಸವತ್ಥೂನಿ, ಕಿಲೇಸಾತಿ ಪಕಾಸಿತಾ।
ದಸೇತೇ ತು ಸಮಾನಾವ, ಪರತೋ ಚ ಸರೂಪತೋ॥
೬೧೯.
ಕಾಮರಾಗೋ ಚ ಪಟಿಘೋ, ಮಾನೋ ದಿಟ್ಠಿ ಚ ಸಂಸಯೋ।
ಭವರಾಗೋ ಅವಿಜ್ಜಾತಿ, ಛ ಸತ್ತಾನುಸಯಾ ಮತಾ॥
೬೨೦. ಗಾಹಾ ಚ ಪಲಿಬೋಧಾ ಚ, ಪಪಞ್ಚಾ ಚೇವ ಮಞ್ಞನಾ।
ತಣ್ಹಾ ಮಾನೋ ಚ ದಿಟ್ಠಿ ಚ, ದಿಟ್ಠಿ ತಣ್ಹಾ ಚ ನಿಸ್ಸಯಾ॥
೬೨೧.
ಪರಾಮಾಸೇಕಕೋ
ಆಸವೋಘಯೋಗಗನ್ಥಾ, ಉಪಾದಾನಾ ಚ ದುಬ್ಬಿಧಾ॥
೬೨೨.
ಅಟ್ಠ ನೀವರಣಾ ವುತ್ತಾ, ಸತ್ತಧಾನುಸಯಾ ಕಥಾ।
ಸಂಯೋಜನಾ ಕಿಲೇಸಾ ಚ, ದಸೇವ ಪರತೋ ಠಿತಾ॥
೬೨೩.
ಏಕದ್ವಿತಿಛಸತ್ತಟ್ಠದಸಕಾ ತು ಯಥಾರಹಂ।
ಧಮ್ಮಾ ಸರೂಪತೋ ಹೋನ್ತಿ, ಯಥಾವುತ್ತೇಸು ರಾಸಿಸು॥
೬೨೪.
ಕಾಮರಾಗಭವರಾಗಾ, ಕಾಮಾಸವಭವಾಸವಾ।
ರೂಪರಾಗಾರೂಪರಾಗ, ಇತಿ ಲೋಭೋ ವಿಭೇದಿತೋ॥
೬೨೫.
ಇದಂಸಚ್ಚಾಭಿನಿವೇಸೋ
ಅತ್ತವಾದೋ ಪರಾಮಾಸೋ, ಇತಿ ದಿಟ್ಠಿ ಪವುಚ್ಚತಿ॥
೬೨೬.
ದಿಟ್ಠಿ ಪಞ್ಚದಸವಿಧಾ, ಲೋಭಟ್ಠಾರಸಧಾ ತಹಿಂ।
ಸೇಸಾ ಸಪರರಾಸೀಹಿ, ಸಮಾನಾ ದ್ವಾದಸಟ್ಠಿತಾ॥
೬೨೭.
ಏಕಾದಸಸಮುಟ್ಠಾನೇ, ದಿಟ್ಠಿಲೋಭಾ ವವತ್ಥಿತಾ।
ಅವಿಜ್ಜಾ ಸತ್ತಸು ವುತ್ತಾ, ಪಟಿಘೋ ಪನ ಪಞ್ಚಸು॥
೬೨೮.
ಮಾನೋ ಚ ವಿಚಿಕಿಚ್ಛಾ ಚ, ಚತುಟ್ಠಾನೇಸು ಉದ್ಧಟೋ।
ತೀಸು ದ್ವೀಸು ಚ ಥೀನನ್ತಿ, ಅಟ್ಠೇತೇ ಸವಿಭತ್ತಿಕಾ॥
೬೨೯.
ಇಸ್ಸಾಮಚ್ಛೇರಕುಕ್ಕುಚ್ಚಮಿದ್ಧಲೋಕವಿನಾಸಕಾ।
ಛಾವಿಭತ್ತಿಕಧಮ್ಮಾತಿ, ಅಸಮ್ಭಿನ್ನಾ ಚತುದ್ದಸ॥
೬೩೦.
ರೂಪರಾಗಾರೂಪರಾಗ-ಕಾಮಾಸವಭವಾಸವಾ।
ಹೋನ್ತಿ ದಿಟ್ಠಿವಿಯುತ್ತೇಸು, ಪುಬ್ಬೇ ವುತ್ತನಯಾ ಪನ॥
೬೩೧.
ಇತಿ ಸಾವಜ್ಜಸಙ್ಖೇಪಂ, ಞತ್ವಾ ಪುನ ವಿಚಕ್ಖಣೋ।
ಬೋಧಿಪಕ್ಖಿಯಧಮ್ಮಾನಂ, ಸಙ್ಗಹಮ್ಪಿ ವಿಭಾವಯೇ॥
೬೩೨.
ಯೇಸು ಸಞ್ಞಾಚಿತ್ತದಿಟ್ಠಿ-ವಿಪಲ್ಲಾಸಾ ಯಥಾಕ್ಕಮಂ।
ಸುಭಂ ಸುಖಂ ನಿಚ್ಚಮತ್ತಾ, ಇತಿ ದ್ವಾದಸಧಾ ಠಿತಾ॥
೬೩೩.
ತತ್ಥ ಕಾಯೇ ವೇದನಾಸು, ಚಿತ್ತೇ ಧಮ್ಮೇಸು ಚಕ್ಕಮಾ।
ಅಸುಭಂ ದುಕ್ಖಮನಿಚ್ಚಮನತ್ತಾತಿ ಉಪಟ್ಠಿತಾ॥
೬೩೪.
ಯಥಾವುತ್ತವಿಪಲ್ಲಾಸಪಹಾನಾಯ
ಭಿನ್ನಾ ವಿಸಯಕಿಚ್ಚಾನಂ, ವಸೇನ ಪನ ಸಮ್ಭವಾ॥
೬೩೫.
ಚತ್ತಾರೋ ಸತಿಪಟ್ಠಾನಾ, ಕಾಯಾನುಪಸ್ಸನಾದಯೋ।
ಇತಿ ವುತ್ತಾ ಪನೇಕಾವ, ಸಮ್ಮಾಸತಿ ಮಹೇಸಿನಾ॥
೬೩೬.
ಉಪ್ಪನ್ನಾನುಪ್ಪನ್ನಪಾಪಪಹಾನಾನುಪ್ಪನ್ನಾಯ ಚ।
ಅನುಪ್ಪನ್ನುಪ್ಪನ್ನೇಹಿ ವಾ, ನಿಬ್ಬತ್ತಿ ಅಭಿವುದ್ಧಿಯಾ॥
೬೩೭.
ಪದಹನ್ತಸ್ಸ
ಸಮ್ಮಪ್ಪಧಾನಾ ಚತ್ತಾರೋ, ಇತಿ ವುತ್ತಾ ಮಹೇಸಿನಾ॥
೬೩೮.
ಛನ್ದೋ ಚ ವೀರಿಯಂ ಚಿತ್ತಂ, ವೀಮಂಸಾತಿ ಚ ತಾದಿನಾ।
ಚತ್ತಾರೋ ಇದ್ಧಿಪಾದಾತಿ, ವಿಭತ್ತಾ ಚತುರಾಧಿಪಾ॥
೬೩೯.
ಸದ್ಧಿನ್ದ್ರಿಯಞ್ಚ ವೀರಿಯಂ, ಸತಿ ಚೇವ ಸಮಾಧಿ ಚ।
ಪಞ್ಞಿನ್ದ್ರಿಯಞ್ಚ ಪಞ್ಚೇವ, ಬೋಧಿಪಕ್ಖಿಯಸಙ್ಗಹೇ॥
೬೪೦.
ಇನ್ದ್ರಿಯಾನಿನ್ದ್ರಿಯಟ್ಠೇನ, ಬಲಟ್ಠೇನ ಬಲಾನಿ ಚ।
ಇತಿ ಭಿನ್ನಾ ವಿಭತ್ತಾ ಚ, ದುವಿಧಾಪಿ ಮಹೇಸಿನಾ॥
೬೪೧.
ಸತೀ ಚ ಧಮ್ಮವಿಚಯೋ, ತಥಾ ವೀರಿಯಪೀತಿಯೋ।
ಪಸ್ಸದ್ಧಿ ಚ ಸಮಾಧಿ ಚ, ಉಪೇಕ್ಖಾತಿ ಚ ತಾದಿನಾ॥
೬೪೨.
ದೇಸಿತಾ ಸತ್ತ ಬೋಜ್ಝಙ್ಗಾ, ಬುಜ್ಝನ್ತಸ್ಸ ಸಭಾವತೋ।
ಕಾಯಚಿತ್ತವಸಾ ಭಿನ್ನಂ, ಕತ್ವಾ ಪಸ್ಸದ್ಧಿಮೇಕಕಂ॥
೬೪೩.
ಸಮ್ಮಾದಿಟ್ಠಿ ಚ ಸಙ್ಕಪ್ಪೋ, ವಾಯಾಮೋ ವಿರತಿತ್ತಯಂ।
ಸಮ್ಮಾಸತಿ ಸಮಾಧೀ ಚ, ಮಗ್ಗೋ ಅಟ್ಠಙ್ಗಿಕೋ ಮತೋ॥
೬೪೪.
ಇತಿ ಸತ್ತೇವ ಸಙ್ಖೇಪಾ, ಸತ್ತತಿಂಸ ಪಭೇದತೋ।
ಏಕಂ ಕತ್ವಾನ ಪಸ್ಸದ್ಧಿಂ, ಅಸಮ್ಭಿನ್ನಾ ಚತುದ್ದಸ॥
೬೪೫.
ನವಧಾ ವೀರಿಯಂ ವುತ್ತಂ, ಛಸು ರಾಸೀಸು ಪಞ್ಚಸು।
ಅಟ್ಠಧಾ ಸತಿ ಸೇಸಾ ತು, ಸಮಾನಪದರಾಸಿಕಾ॥
೬೪೬.
ಪಞ್ಚಸ್ವೇವ ತು ಪಞ್ಞಾ ಚ, ಸಮಾಧಿ ಚತುರಾಸಿಕೋ।
ಸದ್ಧಾ ದ್ವೀಸು ವಿಭತ್ತಾತಿ, ಪಞ್ಚೇತೇ ಸವಿಭತ್ತಿಕಾ॥
೬೪೭.
ನವಾ ವಿಭತ್ತಿಕಾ ಸೇಸಾ, ಛನ್ದೋ ಚಿತ್ತಮಥಾಪರಂ।
ಪೀತಿ ಪಸ್ಸದ್ಧಿಪೇಕ್ಖಾ ಚ, ಸಙ್ಕಪ್ಪೋ ವಿರತಿತ್ತಯಂ॥
೬೪೮.
ಇತಿ ವುತ್ತನಯಾ ಸಬ್ಬೇ, ಬೋಧಿಪಕ್ಖಿಯಸಙ್ಗಹಾ।
ಲೋಕುತ್ತರೇಸು ಸಮ್ಭೋನ್ತಿ, ಸಬ್ಬಥಾಪಿ ಯಥಾರಹಂ॥
೬೪೯.
ಪುಬ್ಬಭಾಗೇ
ನಿಬ್ಬೇದಭಾವನಾಕಾಲೇ, ಛಬ್ಬಿಸುದ್ಧಿಪವತ್ತಿಯಂ॥
೬೫೦.
ಇತಿ ಮಿಸ್ಸಕಸಾವಜ್ಜಾ, ಬೋಧಿಪಕ್ಖಿಯಸಙ್ಗಹಾ।
ಯೇವಾಪನಕರಾಸಿಮ್ಹಿ, ಯಥಾಸಮ್ಭವತೋ ಠಿತಾ॥
೬೫೧.
ಕಮ್ಮಪಥಾ ತು ಸಮ್ಭೋನ್ತಿ, ಪುಞ್ಞಾಪುಞ್ಞೇಸು ಸಬ್ಬಥಾ।
ಅಪಥಾ ಚ ಸುಚರಿತಾ, ತಥಾ ದುಚ್ಚರಿತಾಪಿ ಚ॥
೬೫೨.
ತತ್ಥ ಕಮ್ಮಪಥಟ್ಠಾನೇ, ಅನಭಿಜ್ಝಾದಯೋ ಪನ।
ಉಪಚಾರೇನ ವುಚ್ಚನ್ತಿ, ವಿಪಾಕೇಸು ಕ್ರಿಯೇಸು ವಾತಿ॥
ಇತಿ ಚೇತಸಿಕವಿಭಾಗೇ ದಿಟ್ಠಿಸಙ್ಗಹಕಥಾ ನಿಟ್ಠಿತಾ।
ಸತ್ತರಸಮೋ ಪರಿಚ್ಛೇದೋ।
ನಿಟ್ಠಿತೋ ಚ ಸಬ್ಬಥಾಪಿ ಚೇತಸಿಕವಿಭಾಗೋ।