೬. ಛಟ್ಠೋ ಪರಿಚ್ಛೇದೋ
ಆರಮ್ಮಣವಿಭಾಗನಿದ್ದೇಸೋ
೨೯೧.
ಏತೇಸಂ
ದಸ್ಸಯಿಸ್ಸಾಮಹಂ ತೇನ, ವಿನಾ ನತ್ಥಿ ಹಿ ಸಮ್ಭವೋ॥
೨೯೨.
ರೂಪಂ ಸದ್ದಂ ಗನ್ಧಂ ರಸಂ, ಫೋಟ್ಠಬ್ಬಂ ಧಮ್ಮಮೇವ ಚ।
ಛಧಾ ಆರಮ್ಮಣಂ ಆಹು, ಛಳಾರಮ್ಮಣಕೋವಿದಾ॥
೨೯೩.
ತತ್ಥ ಭೂತೇ ಉಪಾದಾಯ, ವಣ್ಣೋ ಚತುಸಮುಟ್ಠಿತೋ।
ಸನಿದಸ್ಸನಪಟಿಘೋ, ರೂಪಾರಮ್ಮಣಸಞ್ಞಿತೋ॥
೨೯೪.
ದುವಿಧೋ ಹಿ ಸಮುದ್ದಿಟ್ಠೋ, ಸದ್ದೋ ಚಿತ್ತೋತುಸಮ್ಭವೋ।
ಸವಿಞ್ಞಾಣಕಸದ್ದೋವ, ಹೋತಿ ಚಿತ್ತಸಮುಟ್ಠಿತೋ॥
೨೯೫.
ಅವಿಞ್ಞಾಣಕಸದ್ದೋ ಯೋ,
ಸೋ ಹೋತೂತುಸಮುಟ್ಠಿತೋ।
ದುವಿಧೋಪಿ ಅಯಂ ಸದ್ದೋ,
ಸದ್ದಾರಮ್ಮಣತಂ ಗತೋ॥
೨೯೬.
ಧರೀಯತೀತಿ ಗಚ್ಛನ್ತೋ, ಗನ್ಧೋ ಸೂಚನತೋಪಿ ವಾ।
ಅಯಂ ಚತುಸಮುಟ್ಠಾನೋ, ಗನ್ಧಾರಮ್ಮಣಸಮ್ಮತೋ॥
೨೯೭.
ರಸಮಾನಾ ರಸನ್ತೀತಿ, ರಸೋತಿ ಪರಿಕಿತ್ತಿತೋ।
ಸೋವ ಚತುಸಮುಟ್ಠಾನೋ, ರಸಾರಮ್ಮಣನಾಮಕೋ॥
೨೯೮.
ಫುಸೀಯತೀತಿ ಫೋಟ್ಠಬ್ಬಂ, ಪಥವೀತೇಜವಾಯವೋ।
ಫೋಟ್ಠಬ್ಬಂ ಚತುಸಮ್ಭೂತಂ, ಫೋಟ್ಠಬ್ಬಾರಮ್ಮಣಂ ಮತಂ॥
೨೯೯.
ಸಬ್ಬಂ ನಾಮಞ್ಚ ರೂಪಞ್ಚ, ಹಿತ್ವಾ ರೂಪಾದಿಪಞ್ಚಕಂ।
ಲಕ್ಖಣಾನಿ ಚ ಪಞ್ಞತ್ತಿ-ಧಮ್ಮಾರಮ್ಮಣಸಞ್ಞಿತಂ॥
೩೦೦.
ಛಾರಮ್ಮಣಾನಿ
ತೀಣಿ ರೂಪೇ ಪನಾರೂಪೇ, ಧಮ್ಮಾರಮ್ಮಣಮೇಕಕಂ॥
೩೦೧.
ಖಣವತ್ಥುಪರಿತ್ತತ್ತಾ
ತೇ ಧಮ್ಮಾರಮ್ಮಣಾ ಹೋನ್ತಿ, ಯೇಸಂ ರೂಪಾದಯೋ ಕಿರ॥
೩೦೨.
ತೇ ಪಟಿಕ್ಖಿಪಿತಬ್ಬಾವ, ಅಞ್ಞಮಞ್ಞಸ್ಸ ಗೋಚರಂ।
ನೇವ ಪಚ್ಚನುಭೋನ್ತಾನಂ, ಮನೋ ತೇಸಂ ತು ಗೋಚರಂ॥
೩೦೩.
ತಞ್ಚ
ರೂಪಾದಾರಮ್ಮಣಾನೇವ, ಹೋನ್ತಿ ರೂಪಾದಯೋ ಪನ॥
೩೦೪.
ದಿಬ್ಬಚಕ್ಖಾದಿಞಾಣಾನಂ, ರೂಪಾದೀನೇವ ಗೋಚರಾ।
ಅನಾಪಾಥಗತಾನೇವ, ತಾನೀತಿಪಿ ನ ಯುಜ್ಜತಿ॥
೩೦೫.
ಯಂ ರೂಪಾರಮ್ಮಣಂ ಹೋನ್ತಂ, ತಂ ಧಮ್ಮಾರಮ್ಮಣಂ ಕಥಂ।
ಏವಂ ಸತಿ ಪನೇತೇಸಂ, ನಿಯಮೋತಿ ಕಥಂ ಭವೇ॥
೩೦೬.
ಸಬ್ಬಂ ಆರಮ್ಮಣಂ ಏತಂ, ಛಬ್ಬಿಧಂ ಸಮುದೀರಿತಂ।
ತಂ ಪರಿತ್ತತ್ತಿಕಾದೀನಂ, ವಸೇನ ಬಹುಧಾ ಮತಂ॥
೩೦೭.
ಸಬ್ಬೋ ಕಾಮವಿಪಾಕೋ ಚ, ಕ್ರಿಯಾಹೇತುದ್ವಯಮ್ಪಿ ಚ।
ಪಞ್ಚವೀಸತಿ ಏಕನ್ತಂ, ಪರಿತ್ತಾರಮ್ಮಣಾ ಸಿಯುಂ॥
೩೦೮.
ಇಟ್ಠಾದಿಭೇದಾ ಪಞ್ಚೇವ, ರೂಪಸದ್ದಾದಯೋ ಪನ।
ವಿಞ್ಞಾಣಾನಂ ದ್ವಿಪಞ್ಚನ್ನಂ, ಗೋಚರಾ ಪಟಿಪಾಟಿಯಾ॥
೩೦೯.
ರೂಪಾದಿಪಞ್ಚಕಂ ಸಬ್ಬಂ, ಮನೋಧಾತುತ್ತಯಸ್ಸ ತು।
ತೇರಸನ್ನಂ ಪನೇತೇಸಂ, ರೂಪಕ್ಖನ್ಧೋವ ಗೋಚರೋ॥
೩೧೦.
ನಾರೂಪಂ ನ ಚ ಪಞ್ಞತ್ತಿಂ, ನಾತೀತಂ ನ ಚನಾಗತಂ।
ಆರಮ್ಮಣಂ ಕರೋನ್ತೇ ಚ, ವತ್ತಮಾನೋ ಹಿ ಗೋಚರೋ॥
೩೧೧.
ತೇರಸೇತಾನಿ ಚಿತ್ತಾನಿ, ಜಾಯನ್ತೇ ಕಾಮಧಾತುಯಂ।
ಚತ್ತಾರಿ ರೂಪಾವಚರೇ, ನೇವ ಕಿಞ್ಚಿ ಅರೂಪಿಸು॥
೩೧೨.
ಮಹಾಪಾಕಾನಮಟ್ಠನ್ನಂ
ಛಸು ದ್ವಾರೇಸು ರೂಪಾದಿಛಪರಿತ್ತಾನಿ ಗೋಚರಾ॥
೩೧೩.
ರೂಪಾದಯೋ ಪರಿತ್ತಾ ಛ, ಹಸಿತುಪ್ಪಾದಗೋಚರಾ।
ಪಞ್ಚದ್ವಾರೇ ಪಟುಪ್ಪನ್ನಾ, ಮನೋದ್ವಾರೇ ತಿಕಾಲಿಕಾ॥
೩೧೪.
ದುತಿಯಾರುಪ್ಪಚಿತ್ತಞ್ಚ, ಚತುತ್ಥಾರುಪ್ಪಮಾನಸಂ।
ಛಬ್ಬಿಧಂ ನಿಯತಂ ಹೋತಿ, ತಂ ಮಹಗ್ಗತಗೋಚರಂ॥
೩೧೫.
ನಿಬ್ಬಾನಾರಮ್ಮಣತ್ತಾ ಹಿ, ಏಕನ್ತೇನ ಅನಞ್ಞತೋ।
ಅಟ್ಠಾನಾಸವಚಿತ್ತಾನಂ, ಅಪ್ಪಮಾಣೋವ ಗೋಚರೋ॥
೩೧೬.
ಚತ್ತಾರೋ ಞಾಣಹೀನಾ ಚ, ಕಾಮಾವಚರಪುಞ್ಞತೋ।
ಕ್ರಿಯತೋಪಿ ಚ ಚತ್ತಾರೋ, ದ್ವಾದಸಾಕುಸಲಾನಿ ಚ॥
೩೧೭.
ಪರಿತ್ತಾರಮ್ಮಣಾ ಚೇವ, ತೇ ಮಹಗ್ಗತಗೋಚರಾ।
ಪಞ್ಞತ್ತಾರಮ್ಮಣತ್ತಾ ಹಿ, ನವತ್ತಬ್ಬಾವ ಹೋನ್ತಿ ತೇ॥
೩೧೮.
ಚತ್ತಾರೋ ಞಾಣಸಂಯುತ್ತಾ, ಪುಞ್ಞತೋ ಕ್ರಿಯತೋಪಿ ಚ।
ತಥಾಭಿಞ್ಞಾದ್ವಯಞ್ಚೇವ, ಕ್ರಿಯಾವೋಟ್ಠಬ್ಬನಮ್ಪಿ ಚ॥
೩೧೯.
ಏಕಾದಸನ್ನಮೇತೇಸಂ, ತಿವಿಧೋ ಹೋತಿ ಗೋಚರೋ।
ಪಞ್ಞತ್ತಾರಮ್ಮಣತ್ತಾ ಹಿ, ನವತ್ತಬ್ಬಾಪಿ ಹೋನ್ತಿಮೇ॥
೩೨೦.
ಯಾನಿ ವುತ್ತಾವಸೇಸಾನಿ, ಚಿತ್ತಾನಿ ಪನ ತಾನಿ ಹಿ।
ನವತ್ತಬ್ಬಾರಮ್ಮಣಾನೀತಿ, ವಿಞ್ಞೇಯ್ಯಾನಿ ವಿಭಾವಿನಾ॥
ಪರಿತ್ತಾರಮ್ಮಣತ್ತಿಕಂ ಸಮತ್ತಂ।
೩೨೧.
ದುತಿಯಾರುಪ್ಪಚಿತ್ತಞ್ಚ
ಛಬ್ಬಿಧಂ ಪನ ಏಕನ್ತ-ಅತೀತಾರಮ್ಮಣಂ ಸಿಯಾ॥
೩೨೨.
ವಿಞ್ಞಾಣಾನಂ ದ್ವಿಪಞ್ಚನ್ನಂ, ಮನೋಧಾತುತ್ತಯಸ್ಸ ಚ।
ಪಞ್ಚ ರೂಪಾದಯೋ ಧಮ್ಮಾ, ಪಚ್ಚುಪ್ಪನ್ನಾವ ಗೋಚರಾ॥
೩೨೩.
ಅಟ್ಠ
ಹಸಿತುಪ್ಪಾದಚಿತ್ತನ್ತಿ, ದ್ವಾದಸೇತೇ ತು ಮಾನಸಾ॥
೩೨೪.
ಸಿಯಾತೀತಾರಮ್ಮಣಾ ಪಚ್ಚು-ಪ್ಪನ್ನಾನಾಗತಗೋಚರಾ।
ಕುಸಲಾಕುಸಲಾ ಕಾಮೇ, ಕ್ರಿಯತೋ ನವ ಮಾನಸಾ॥
೩೨೫.
ಅಭಿಞ್ಞಾಮಾನಸಾ ದ್ವೇಪಿ, ಸಿಯಾತೀತಾದಿಗೋಚರಾ।
ಸನ್ತಪಞ್ಞತ್ತಿಕಾಲೇಪಿ, ನವತ್ತಬ್ಬಾ ಭವನ್ತಿಮೇ॥
೩೨೬.
ಸೇಸಾನಿ ಪನ ಸಬ್ಬಾನಿ, ರೂಪಾರೂಪಭವೇಸುಪಿ।
ನವತ್ತಬ್ಬಾನಿ ಹೋನ್ತೇವ, ಅತೀತಾರಮ್ಮಣಾದಿನಾ॥
೩೨೭.
ಕಾಮತೋ ಚ ಕ್ರಿಯಾ ಪಞ್ಚ, ರೂಪತೋ ಪಞ್ಚಮೀ ಕ್ರಿಯಾ।
ಚಿತ್ತಾನಂ ಛನ್ನಮೇತೇಸಂ, ನತ್ಥಿ ಕಿಞ್ಚಿ ಅಗೋಚರಂ॥
೩೨೮.
ನಿಬ್ಬಾನಞ್ಚ ಫಲಂ ಮಗ್ಗಂ, ರೂಪಞ್ಚಾರೂಪಮೇವ ಚ।
ಸಕ್ಕೋನ್ತಿ ಗೋಚರಂ ಕಾತುಂ, ಕತಿ ಚಿತ್ತಾನಿ ಮೇ ವದ॥
೩೨೯.
ಚತ್ತಾರೋ ಞಾಣಸಂಯುತ್ತಾ,
ಪುಞ್ಞತೋ ಕ್ರಿಯತೋ ತಥಾ।
ಅಭಿಞ್ಞಾಹದಯಾ ದ್ವೇಪಿ,
ಕ್ರಿಯಾ ವೋಟ್ಠಬ್ಬನಮ್ಪಿ ಚ॥
೩೩೦.
ಸಕ್ಕೋನ್ತಿ ಗೋಚರಂ ಕಾತುಂ, ಚಿತ್ತಾನೇಕಾದಸಾಪಿ ಚ।
ನಿಬ್ಬಾನಞ್ಚ ಫಲಂ ಮಗ್ಗಂ, ರೂಪಞ್ಚಾರೂಪಮೇವ ಚ॥
೩೩೧.
ಚಿತ್ತೇಸು ಪನ ಸಬ್ಬೇಸು, ಕತಿ ಚಿತ್ತಾನಿ ಮೇ ವದ।
ಅರಹತ್ತಫಲಂ ಮಗ್ಗಂ, ಕಾತುಂ ಸಕ್ಕೋನ್ತಿ ಗೋಚರಂ॥
೩೩೨.
ಸಬ್ಬೇಸು ಪನ ಚಿತ್ತೇಸು, ಛ ಚ ಚಿತ್ತಾನಿ ಮೇ ಸುಣ।
ಅರಹತ್ತಫಲಂ ಮಗ್ಗಂ, ಕಾತುಂ ಸಕ್ಕೋನ್ತಿ ಗೋಚರಂ॥
೩೩೩.
ಚತ್ತಾರೋ ಞಾಣಸಂಯುತ್ತಾ, ಕ್ರಿಯಾ ವೋಟ್ಠಬ್ಬನಮ್ಪಿ ಚ।
ಕ್ರಿಯಾಭಿಞ್ಞಾ ಮನೋಧಾತು, ಛ ಚ ಸಕ್ಕೋನ್ತಿ ಗೋಚರಂ॥
೩೩೪.
ಚತ್ತಾರೋ
ನಾರಹತ್ತಂ ಫಲಂ ಮಗ್ಗಂ, ಕಾತುಂ ಸಕ್ಕೋನ್ತಿ ಗೋಚರಂ॥
೩೩೫.
ಕಸ್ಮಾ ಅರಹತೋ ಮಗ್ಗ-ಚಿತ್ತಂ ವಾ ಫಲಮಾನಸಂ।
ಪುಥುಜ್ಜನಾ ವಾ ಸೇಕ್ಖಾ ವಾ, ನ ಸಕ್ಕೋನ್ತಿ ಹಿ ಜಾನಿತುಂ॥
೩೩೬.
ಪುಥುಜ್ಜನೋ ನ ಜಾನಾತಿ,
ಸೋತಾಪನ್ನಸ್ಸ ಮಾನಸಂ।
ಸೋತಾಪನ್ನೋ ನ ಜಾನಾತಿ,
ಸಕದಾಗಾಮಿಸ್ಸ ಮಾನಸಂ॥
೩೩೭.
ಸಕದಾಗಾಮೀ ನ ಜಾನಾತಿ, ಅನಾಗಾಮಿಸ್ಸ ಮಾನಸಂ।
ಅನಾಗಾಮೀ ನ ಜಾನಾತಿ, ಅರಹನ್ತಸ್ಸ ಮಾನಸಂ॥
೩೩೮.
ಹೇಟ್ಠಿಮೋ
ಉಪರೂಪರಿ ಜಾನಾತಿ, ಹೇಟ್ಠಿಮಸ್ಸ ಚ ಮಾನಸಂ॥
೩೩೯.
ಯೋ ಧಮ್ಮೋ ಯಸ್ಸ ಧಮ್ಮಸ್ಸ,
ಹೋತಿ ಆರಮ್ಮಣಂ ಪನ।
ತಮುದ್ಧರಿತ್ವಾ ಏಕೇಕಂ,
ಪವಕ್ಖಾಮಿ ಇತೋ ಪರಂ॥
೩೪೦.
ಕುಸಲಾರಮ್ಮಣಂ ಕಾಮೇ, ಕುಸಲಾಕುಸಲಸ್ಸ ಚ।
ಅಭಿಞ್ಞಾಮಾನಸಸ್ಸಾಪಿ, ಕುಸಲಸ್ಸ ಕ್ರಿಯಸ್ಸ ಚ॥
೩೪೧.
ಕಾಮಾವಚರಪಾಕಸ್ಸ, ತಥಾ ಕಾಮಕ್ರಿಯಸ್ಸ ಚ।
ಏತೇಸಂ ಪನ ರಾಸೀನಂ, ಛನ್ನಂ ಆರಮ್ಮಣಂ ಸಿಯಾ॥
೩೪೨.
ರೂಪಾವಚರಪುಞ್ಞಾನಿ, ಕಾಮಪಾಕಂ ತತೋ ವಿನಾ।
ಪಞ್ಚನ್ನಂ ಪನ ರಾಸೀನಂ, ಹೋನ್ತಿ ಆರಮ್ಮಣಾನಿ ಹಿ॥
೩೪೩.
ಆರುಪ್ಪಕುಸಲಞ್ಚಾಪಿ, ತೇಭೂಮಕುಸಲಸ್ಸ ಚ।
ತೇಭೂಮಕಕ್ರಿಯಸ್ಸಾಪಿ, ತಥೇವಾಕುಸಲಸ್ಸಪಿ॥
೩೪೪.
ಅರೂಪಾವಚರಪಾಕಾನಂ
ಇಮೇಸಂ ಅಟ್ಠರಾಸೀನಂ, ಹೋತಾರಮ್ಮಣಪಚ್ಚಯೋ॥
೩೪೫.
ಅಪರಿಯಾಪನ್ನಪುಞ್ಞಮ್ಪಿ, ಕಾಮಾವಚರತೋಪಿ ಚ।
ರೂಪತೋ ಪಞ್ಚಮಸ್ಸಾಪಿ, ಕುಸಲಸ್ಸ ಕ್ರಿಯಸ್ಸ ಚ॥
೩೪೬.
ಚತುನ್ನಂ ಪನ ರಾಸೀನಂ, ಹೋತಿ ಆರಮ್ಮಣಂ ಸದಾ।
ತಥೇವಾಕುಸಲಂ ಕಾಮ-ರೂಪಾವಚರತೋ ಪನ॥
೩೪೭.
ಕುಸಲಸ್ಸ ಕ್ರಿಯಸ್ಸಾಪಿ, ತಥೇವಾಕುಸಲಸ್ಸ ಚ।
ಕಾಮಾವಚರಪಾಕಾನಂ, ಛನ್ನಂ ರಾಸೀನಮೀರಿತಂ॥
೩೪೮.
ವಿಪಾಕಾರಮ್ಮಣಂ ಕಾಮೇ, ಕಾಮಾವಚರತೋಪಿ ಚ।
ರೂಪಾವಚರತೋ ಚೇವ, ಕುಸಲಸ್ಸ ಕ್ರಿಯಸ್ಸ ಚ॥
೩೪೯.
ಕಾಮಾವಚರಪಾಕಾನಂ, ತಥೇವಾಕುಸಲಸ್ಸ ಚ।
ಛನ್ನಞ್ಚ ಪನ ರಾಸೀನಂ, ಹೋತಾರಮ್ಮಣಪಚ್ಚಯೋ॥
೩೫೦.
ವಿಪಾಕಾರಮ್ಮಣಂ ರೂಪೇ, ಕಾಮಾವಚರತೋಪಿ ಚ।
ರೂಪಾವಚರತೋ ಚೇವ, ಕುಸಲಸ್ಸ ಕ್ರಿಯಸ್ಸ ಚ॥
೩೫೧.
ಅಪುಞ್ಞಸ್ಸಾತಿ ಪಞ್ಚನ್ನಂ, ರಾಸೀನಂ ಹೋತಿ ಗೋಚರೋ।
ಅರೂಪಾವಚರಪಾಕೇಸು, ಅಯಮೇವ ನಯೋ ಮತೋ॥
೩೫೨.
ಅಪರಿಯಾಪನ್ನಪಾಕಮ್ಪಿ, ಕಾಮತೋ ರೂಪತೋಪಿ ಚ।
ಕುಸಲಸ್ಸ ಕ್ರಿಯಸ್ಸಾಪಿ, ಹೋತಿ ಆರಮ್ಮಣಂ ಪನ॥
೩೫೩.
ಕ್ರಿಯಚಿತ್ತಮಿದಂ ಕಾಮೇ, ಕಾಮಾವಚರತೋಪಿ ಚ।
ರೂಪಾವಚರತೋ ಚೇವ, ಕುಸಲಸ್ಸ ಕ್ರಿಯಸ್ಸ ಚ॥
೩೫೪.
ಕಾಮಾವಚರಪಾಕಸ್ಸ, ತಥೇವಾಕುಸಲಸ್ಸ ಚ।
ಛನ್ನಂ ರಾಸೀನಮೇತೇಸಂ, ಹೋತಾರಮ್ಮಣಪಚ್ಚಯೋ॥
೩೫೫.
ಯಂ
ಪಞ್ಚನ್ನಂ ಪನ ರಾಸೀನಂ, ಹೋತಿ ಆರಮ್ಮಣಂ ಪನ॥
೩೫೬.
ಕ್ರಿಯಾಚಿತ್ತಂ
ಆರುಪ್ಪಸ್ಸ ಕ್ರಿಯಸ್ಸಾಪಿ, ಛನ್ನಂ ಹೋತೇವ ಗೋಚರೋ॥
೩೫೭.
ರೂಪಂ ಚತುಸಮುಟ್ಠಾನಂ, ರೂಪಾರಮ್ಮಣಸಞ್ಞಿತಂ।
ಕಾಮಾವಚರಪುಞ್ಞಸ್ಸ, ತಥೇವ ಕುಸಲಸ್ಸ ಚ॥
೩೫೮.
ಅಭಿಞ್ಞಾದ್ವಯಚಿತ್ತಸ್ಸ, ಕಾಮಪಾಕಕ್ರಿಯಸ್ಸ ಚ।
ಛನ್ನಂ ರಾಸೀನಮೇತೇಸಂ, ಹೋತಾರಮ್ಮಣಪಚ್ಚಯೋ॥
೩೫೯.
ನಿಬ್ಬಾನಾರಮ್ಮಣಂ ಕಾಮ-ರೂಪಾವಚರತೋ ಪನ।
ಕುಸಲಸ್ಸುಭಯಸ್ಸಾಪಿ, ಕಾಮರೂಪಕ್ರಿಯಸ್ಸ ಚ॥
೩೬೦.
ಅಪರಿಯಾಪನ್ನತೋ ಚೇವ, ಫಲಸ್ಸ ಕುಸಲಸ್ಸ ಚ।
ಛನ್ನಂ ರಾಸೀನಮೇತೇಸಂ, ಹೋತಾರಮ್ಮಣಪಚ್ಚಯೋ॥
೩೬೧.
ನಾನಪ್ಪಕಾರಕಂ ಸಬ್ಬಂ, ಪಞ್ಞತ್ತಾರಮ್ಮಣಂ ಪನ।
ತೇಭೂಮಕಸ್ಸ ಪುಞ್ಞಸ್ಸ, ತಥೇವಾಕುಸಲಸ್ಸ ಚ॥
೩೬೨.
ರೂಪಾರೂಪವಿಪಾಕಸ್ಸ, ತೇಭೂಮಕಕ್ರಿಯಸ್ಸ ಚ।
ನವನ್ನಂ ಪನ ರಾಸೀನಂ, ಹೋತಾರಮ್ಮಣಪಚ್ಚಯೋ॥
೩೬೩.
ರೂಪಾರಮ್ಮಣಿಕಾ ದ್ವೇ ತು, ದ್ವೇ ದ್ವೇ ಸದ್ಧಾದಿಗೋಚರಾ।
ಪಞ್ಚಾರಮ್ಮಣಿಕಾ ನಾಮ, ಚಿತ್ತುಪ್ಪಾದಾ ತಯೋ ಮತಾ॥
೩೬೪.
ಇಧೇಕಚತ್ತಾಲೀಸೇವ, ಛಳಾರಮ್ಮಣಿಕಾ ಮತಾ।
ಕಾಮಾವಚರಚಿತ್ತಾನ-ಮಯಮಾರಮ್ಮಣಕ್ಕಮೋ॥
೩೬೫.
ಪಞ್ಚಾಭಿಞ್ಞಾ ವಿವಜ್ಜೇತ್ವಾ, ರೂಪಾರೂಪಾ ಅನಾಸವಾ।
ಚಿತ್ತುಪ್ಪಾದಾ ಇಮೇ ಸಬ್ಬೇ, ಧಮ್ಮಾರಮ್ಮಣಗೋಚರಾ॥
೩೬೬.
ಪಠಮಾರುಪ್ಪಕುಸಲಂ, ದುತಿಯಾರುಪ್ಪಚೇತಸೋ।
ಕುಸಲಸ್ಸ ವಿಪಾಕಸ್ಸ, ಕ್ರಿಯಸ್ಸಾರಮ್ಮಣಂ ಭವೇ॥
೩೬೭.
ಪಠಮಾರುಪ್ಪಪಾಕೋಯಂ
ಕುಸಲಸ್ಸ ವಿಪಾಕಸ್ಸ, ಕ್ರಿಯಸ್ಸಾರಮ್ಮಣಂ ನ ಹಿ॥
೩೬೮.
ಪಠಮಂ
ನ ಪುಞ್ಞಸ್ಸ ನ ಪಾಕಸ್ಸ, ಹೋತಿ ಆರಮ್ಮಣಂ ಪನ॥
೩೬೯.
ಪಠಮಂ ತು ಕ್ರಿಯಾಚಿತ್ತಂ, ದುತಿಯಾರುಪ್ಪಚೇತಸೋ।
ಕ್ರಿಯಸ್ಸಾರಮ್ಮಣಂ ಹೋತಿ, ಇತಿ ಞೇಯ್ಯಂ ವಿಭಾವಿನಾ॥
೩೭೦.
ಪುಥುಜ್ಜನಸ್ಸ ಸೇಕ್ಖಸ್ಸ, ಅರೂಪಾರಮ್ಮಣಂ ದ್ವಿಧಾ।
ಕುಸಲಂ ಕುಸಲಸ್ಸಾಪಿ, ವಿಪಾಕಸ್ಸ ಚ ತಂ ಸಿಯಾ॥
೩೭೧.
ಖೀಣಾಸವಸ್ಸ ಭಿಕ್ಖುಸ್ಸ, ಪಠಮಾರುಪ್ಪಮಾನಸಂ।
ಆರಮ್ಮಣಂ ತಿಧಾ ಹೋತಿ, ಇತಿ ವುತ್ತಂ ಮಹೇಸಿನಾ॥
೩೭೨.
ಕ್ರಿಯಸ್ಸಾಪಿ ಕ್ರಿಯಾ ಹೋತಿ, ಕುಸಲಮ್ಪಿ ಕ್ರಿಯಸ್ಸ ಚ।
ಕುಸಲಂ ತು ವಿಪಾಕಸ್ಸ, ಏವಂ ಹೋತಿ ತಿಧಾ ಪನ॥
೩೭೩.
ತತಿಯಾರುಪ್ಪಚಿತ್ತಮ್ಪಿ, ಚತುತ್ಥಾರುಪ್ಪಚೇತಸೋ।
ಏವಮೇವ ದ್ವಿಧಾ ಚೇವ, ತಿಧಾ ಚಾರಮ್ಮಣಂ ಸಿಯಾ॥
೩೭೪.
ಯಂ ಯಂ ಪನ ಇಧಾರಬ್ಭ,
ಯೇ ಯೇ ಜಾಯನ್ತಿ ಗೋಚರಂ।
ಸೋ ಸೋ ತೇಸಞ್ಚ ತೇಸಞ್ಚ,
ಹೋತಾರಮ್ಮಣಪಚ್ಚಯೋ॥
೩೭೫.
ಯೋ
ದುತ್ತರಮುತ್ತರಮುತ್ತರತೀಧ।
ಸೋ ಅಭಿಧಮ್ಮಮಹಣ್ಣವಪಾರಂ,
ದುತ್ತರಮುತ್ತರಮುತ್ತರತೇವ॥
ಇತಿ ಅಭಿಧಮ್ಮಾವತಾರೇ ಆರಮ್ಮಣವಿಭಾಗೋ ನಾಮ
ಛಟ್ಠೋ ಪರಿಚ್ಛೇದೋ।