೧. ಪಠಮೋ ಪರಿಚ್ಛೇದೋ
ರೂಪಸಙ್ಖೇಪೋ
೩.
ಸಚ್ಚಾನಿ
ಥದ್ಧಭಾವಾದಿನಾ ಞೇಯ್ಯಂ, ಸಚ್ಚಂ ತಂ ಪರಮತ್ಥಕಂ॥
೪.
ಸನ್ನಿವೇಸವಿಸೇಸಾದಿಞೇಯ್ಯಂ ಸಮ್ಮುತಿ ತಂ ದ್ವಯಂ।
ಭಾವಸಙ್ಕೇತಸಿದ್ಧೀನಂ, ತಥತ್ತಾ ಸಚ್ಚಮೀರಿತಂ॥
೫.
ಪರಮತ್ಥೋ ಸನಿಬ್ಬಾನಪಞ್ಚಕ್ಖನ್ಧೇತ್ಥ ರಾಸಿತೋ।
ಖನ್ಧತ್ಥೋ ಚ ಸಮಾಸೇತ್ವಾ, ವುತ್ತೋತೀತಾದಿಭೇದನಂ॥
೬.
ವೇದನಾದೀಸುಪೇಕಸ್ಮಿಂ, ಖನ್ಧಸದ್ದೋ ತು ರುಳ್ಹಿಯಾ।
ಸಮುದ್ದಾದೇಕದೇಸೇ ತು, ಸಮುದ್ದಾದಿರವೋ ಯಥಾ॥
೭.
ತತ್ಥ ಸೀತಾದಿರುಪ್ಪತ್ತಾ, ರೂಪಂ ಭ್ವಾಪಾನಲಾನಿಲಂ।
ಭೂತಂ ಕಥಿನದವತಾಪಚನೀರಣಭಾವಕಂ॥
೮.
ಚಕ್ಖು
ಗನ್ಧೋ ರಸೋಜಾ ಇತ್ಥೀ ಚ, ಪುಮಾ ವತ್ಥು ಚ ಜೀವಿತಂ॥
೯.
ಖಂ ಜಾತಿ ಜರತಾ ಭಙ್ಗೋ, ರೂಪಸ್ಸ ಲಹುತಾ ತಥಾ।
ಮುದುಕಮ್ಮಞ್ಞತಾ ಕಾಯವಚೀವಿಞ್ಞತ್ತಿ ಭೂತಿಕಂ॥
೧೦.
ಚಕ್ಖಾದೀ ದಟ್ಠುಕಾಮಾದಿಹೇತುಕಮ್ಮಜಭೂತಿಕಾ।
ಪಸಾದಾ ರೂಪಸದ್ದಾದೀ, ಚಕ್ಖುಞಾಣಾದಿಗೋಚರಾ॥
೧೧.
ಓಜಾ ಹಿ ಯಾಪನಾ ಇತ್ಥಿಪುಮಲಿಙ್ಗಾದಿಹೇತುಕಂ।
ಭಾವದ್ವಯಂ ತು ಕಾಯಂವ, ಬ್ಯಾಪಿ ನೋ ಸಹವುತ್ತಿಕಂ॥
೧೨.
ನಿಸ್ಸಯಂ ವತ್ಥು ಧಾತೂನಂ, ದ್ವಿನ್ನಂ ಕಮ್ಮಜಪಾಲನಂ।
ಜೀವಿತಂ ಉಪ್ಪಲಾದೀನಂ, ಉದಕಂವ ಠಿತಿಕ್ಖಣೇ॥
೧೩.
ಖಂ
ರೂಪನಿಬ್ಬತ್ತಿ ಪಾಕೋ ಚ, ಭೇದೋ ಚೇವ ಯಥಾಕ್ಕಮಂ॥
೧೪.
ಲಹುತಾದಿತ್ತಯಂ ತಂ ಹಿ, ರೂಪಾನಂ ಕಮತೋ ಸಿಯಾ।
ಅದನ್ಧಥದ್ಧತಾ ಚಾಪಿ, ಕಾಯಕಮ್ಮಾನುಕೂಲತಾ॥
೧೫.
ಅಭಿಕ್ಕಮಾದಿಜನಕಚಿತ್ತಜಸ್ಸಾನಿಲಸ್ಸ ಹಿ।
ವಿಕಾರೋ ಕಾಯವಿಞ್ಞತ್ತಿ, ರೂಪತ್ಥಮ್ಭಾದಿಕಾರಣಂ॥
೧೬.
ವಚೀಭೇದಕಚಿತ್ತೇನ, ಭೂತಭೂಮಿವಿಕಾರತಾ।
ವಚೀವಿಞ್ಞತ್ತುಪಾದಿನ್ನಘಟ್ಟನಸ್ಸೇವ ಕಾರಣಂ॥
೧೭.
ರೂಪಮಬ್ಯಾಕತಂ ಸಬ್ಬಂ, ವಿಪ್ಪಯುತ್ತಮಹೇತುಕಂ।
ಅನಾಲಮ್ಬಂ ಪರಿತ್ತಾದಿ, ಇತಿ ಏಕವಿಧಂ ನಯೇ॥
೧೮.
ಅಜ್ಝತ್ತಿಕಾನಿ ಚಕ್ಖಾದೀ, ಪಞ್ಚೇತೇವ ಪಸಾದಕಾ।
ವತ್ಥುನಾ ವತ್ಥು ತಾನೇವ, ದ್ವಾರಾ ವಿಞ್ಞತ್ತಿಭೀ ಸಹ॥
೧೯.
ಸೇಸಂ ಬಾವೀಸತಿ ಚೇಕವೀಸ ವೀಸತಿ ಬಾಹಿರಂ।
ಅಪ್ಪಸಾದಮವತ್ಥುಂ ಚ, ಅದ್ವಾರಞ್ಚ ಯಥಾಕ್ಕಮಂ॥
೨೦.
ಪಸಾದಾ ಪಞ್ಚ ಭಾವಾಯು, ಇನ್ದ್ರಿಯನಿನ್ದ್ರಿಯೇತರಂ।
ವಿನಾಪಂ ಆದಿತೋ ಯಾವ, ರಸಾ ಥೂಲಂ ನ ಚೇತರಂ॥
೨೧.
ಅಟ್ಠಕಂ
ಭೂತಂ ತಂ ತು ವಿನಿಬ್ಭೋಗಮಿತರನ್ತಿ ವಿನಿದ್ದಿಸೇ॥
೨೨.
ಅಟ್ಠಾರಸಾದಿತೋ ರೂಪಾ, ನಿಪ್ಫನ್ನಂ ತು ನ ಚೇತರಂ।
ಫೋಟ್ಠಬ್ಬಮಾಪವಜ್ಜಂ ತು, ಭೂತಂ ಕಾಮೇ ನ ಚೇತರಂ॥
೨೩.
ಸೇಕ್ಖಸಪ್ಪಟಿಘಾಸೇಕ್ಖಪಟಿಘಂ ದ್ವಯವಜ್ಜಿತಂ।
ವಣ್ಣಂ ತದಿತರಂ ಥೂಲಂ, ಸುಖುಮಞ್ಚೇತಿ ತಂ ತಿಧಾ॥
೨೪.
ಕಮ್ಮಜಾಕಮ್ಮಜಂನೇವಕಮ್ಮಾಕಮ್ಮಜತೋ ತಿಧಾ।
ಚಿತ್ತೋಜಉತುಜಾದೀನಂ, ವಸೇನಾಪಿ ತಿಧಾ ತಥಾ॥
೨೫.
ದಿಟ್ಠಂ
ಏಕಮೇಕಞ್ಚ ಪಞ್ಚಾಪಿ, ವೀಸತಿ ಚ ಕಮಾ ಸಿಯುಂ॥
೨೬.
ಹದಯಂ ವತ್ಥು ವಿಞ್ಞತ್ತಿ, ದ್ವಾರಂ ಚಕ್ಖಾದಿಪಞ್ಚಕಂ।
ವತ್ಥು ದ್ವಾರಞ್ಚ ಸೇಸಾನಿ, ವತ್ಥು ದ್ವಾರಞ್ಚ ನೋ ಸಿಯಾ॥
೨೭.
ನಿಪ್ಫನ್ನಂ ರೂಪರೂಪಂ ಖಂ, ಪರಿಚ್ಛೇದೋಥ ಲಕ್ಖಣಂ।
ಜಾತಿಆದಿತ್ತಯಂ ರೂಪಂ, ವಿಕಾರೋ ಲಹುತಾದಿಕಂ॥
೨೮.
ಯಥಾ ಸಙ್ಖತಧಮ್ಮಾನಂ, ಲಕ್ಖಣಂ ಸಙ್ಖತಂ ತಥಾ।
ಪರಿಚ್ಛೇದಾದಿಕಂ ರೂಪಂ, ತಜ್ಜಾತಿಮನತಿಕ್ಕಮಾ॥
೨೯.
ಕಮ್ಮಚಿತ್ತಾನಲಾಹಾರಪಚ್ಚಯಾನಂ ವಸೇನಿಧ।
ಞೇಯ್ಯಾ ಪವತ್ತಿ ರೂಪಸ್ಸ, ಪಿಣ್ಡಾನಞ್ಚ ವಸಾ ಕಥಂ॥
೩೦.
ಕಮ್ಮಜಂ ಸೇನ್ದ್ರಿಯಂ ವತ್ಥು, ವಿಞ್ಞತ್ತಿ ಚಿತ್ತಜಾ ರವೋ।
ಚಿತ್ತಗ್ಗಿಜೋ ಲಹುತಾದಿತ್ತಯಂ ಚಿತ್ತಾನಲನ್ನಜಂ॥
೩೧.
ಅಟ್ಠಕಂ ಜಾತಿ ಚಾಕಾಸೋ, ಚತುಜಾ ಜರತಾ ಖಯಂ।
ಕುತೋಚಿ ನೇವ ಜಾತಂ ತಪ್ಪಾಕಭೇದಂ ಹಿ ತಂ ದ್ವಯಂ॥
೩೨.
ಜಾತಿಯಾಪಿ ನ ಜಾತತ್ತಂ, ಕುತೋಚಿಟ್ಠಕಥಾನಯಾ।
ಲಕ್ಖಣಾಭಾವತೋ ತಸ್ಸಾ, ಸತಿ ತಸ್ಮಿಂ ನ ನಿಟ್ಠಿತಿ॥
೩೩.
ಕಮ್ಮಚಿತ್ತಾನಲನ್ನೇಹಿ, ಪಿಣ್ಡಾ ನವ ಚ ಸತ್ತ ಚ।
ಚತ್ತಾರೋ ದ್ವೇ ಚ ವಿಞ್ಞೇಯ್ಯಾ, ಸಜೀವೇ ದ್ವೇ ಅಜೀವಕೇ॥
೩೪.
ಅಟ್ಠಕಂ
ಚಕ್ಖಾದೀ ಪಞ್ಚ ದಸಕಾ, ಕಲಾಪಾ ನವ ಕಮ್ಮಜಾ॥
೩೫.
ಸುದ್ಧಟ್ಠವಿಞ್ಞತ್ತಿಯುತ್ತನವಕೋಪಿ ಚ ದಸಕೋ।
ಸುದ್ಧಸದ್ದೇನ ನವಕೋ, ಲಹುತಾದಿದಸೇಕಕೋ॥
೩೬.
ವಿಞ್ಞತ್ತಿಲಹುತಾದೀಹಿ, ಪುನ ದ್ವಾದಸ ತೇರಸ।
ಚಿತ್ತಜಾ ಇತಿ ವಿಞ್ಞೇಯ್ಯಾ, ಕಲಾಪಾ ಸತ್ತ ವಾ ಛ ವಾ॥
೩೭.
ಸುದ್ಧಟ್ಠಂ
ಸದ್ದೇನಲಹುತಾದೀಹಿ, ಚತುರೋತುಜಕಣ್ಣಿಕಾ॥
೩೮.
ಸುದ್ಧಟ್ಠಲಹುತಾದೀಹಿ, ಅನ್ನಜಾ ದ್ವೇತಿಮೇ ನವ।
ಸತ್ತ ಚತ್ತಾರಿ ದ್ವೇ ಚೇತಿ, ಕಲಾಪಾ ವೀಸತೀ ದ್ವಿಭಿ॥
೩೯.
ತಯಟ್ಠಕಾ ಚ ಚತ್ತಾರೋ, ನವಕಾ ದಸಕಾ ನವ।
ತಯೋ ದ್ವೇಕೋ ಚ ಏಕೇನ, ದಸ ದ್ವೀಹಿ ಚ ತೀಹಿ ಚ॥
೪೦.
ಚತುನ್ನಮ್ಪಿ ಚ ಧಾತೂನಂ, ಅಧಿಕಂಸವಸೇನಿಧ।
ರೂಪಭೇದೋಥ ವಿಞ್ಞೇಯ್ಯೋ, ಕಮ್ಮಚಿತ್ತಾನಲನ್ನಜೋ॥
೪೧.
ಕೇಸಾದಿಮತ್ಥಲುಙ್ಗನ್ತಾ, ಪಥವಂಸಾತಿ ವೀಸತಿ।
ಪಿತ್ತಾದಿಮುತ್ತಕನ್ತಾ ತೇ, ಜಲಂಸಾ ದ್ವಾದಸೀರಿತಾ॥
೪೨.
ಯೇನ ಸನ್ತಪ್ಪನಂ ಯೇನ, ಜೀರಣಂ ದಹನಂ ತಥಾ।
ಯೇನಸಿತಾದಿಪಾಕೋತಿ, ಚತುರಂಸಾನಲಾಧಿಕಾ॥
೪೩.
ಉದ್ಧಾಧೋಗಮಕುಚ್ಛಿಟ್ಠಾ, ಕೋಟ್ಠಾಸೇಯ್ಯಙ್ಗಸಾರಿ ಚ।
ಅಸ್ಸಾಸೋತಿ ಚ ವಿಞ್ಞೇಯ್ಯಾ, ಛಳಂಸಾ ವಾಯುನಿಸ್ಸಿತಾ॥
೪೪.
ಪುಬ್ಬಮುತ್ತಕರೀಸಞ್ಚುದರಿಯಂ ಚತುರೋತುಜಾ।
ಕಮ್ಮಾ ಪಾಚಗ್ಗಿ ಚಿತ್ತಮ್ಹಾ-ಸ್ಸಾಸೋತಿ ಛಪಿ ಏಕಜಾ॥
೪೫.
ಸೇದಸಿಙ್ಘಾನಿಕಸ್ಸು ಚ, ಖೇಳೋ ಚಿತ್ತೋತುಸಮ್ಭವಾ।
ದ್ವಿಜಾ ದ್ವತ್ತಿಂಸ ಕೋಟ್ಠಾಸಾ, ಸೇಸಾ ಏವ ಚತುಬ್ಭವಾ॥
೪೬.
ಏಕಜೇಸ್ವಾದಿಚತೂಸು, ಉತುಜಾ ಚತುರಟ್ಠಕಾ।
ಜೀವೀತನವಕೋ ಪಾಚೇಸ್ಸಾಸೇ ಚಿತ್ತಭವಟ್ಠಕೋ॥
೪೭.
ದ್ವಿಜೇಸು
ಸೇಸತೇಜಾನಿಲಂಸೇಸು, ಏಕೇಕಮ್ಹಿ ತಯೋ ತಯೋ॥
೪೮.
ಅಟ್ಠಕೋಜಮನಗ್ಗೀಹಿ, ಹೋನ್ತಿ ಅಟ್ಠಸು ಕಮ್ಮತೋ।
ಅಟ್ಠಾಯುನವಕಾ ಏವಂ, ಇಮೇ ಅಟ್ಠ ಚತುಬ್ಭವಾ॥
೪೯.
ಚತುವೀಸೇಸು
ಏಕೇಕಮ್ಹಿ ಚ ವಿಞ್ಞೇಯ್ಯಾ, ಪಿಣ್ಡಾ ಚಿತ್ತಾನಲನ್ನಜಾ॥
೫೦.
ಕಮ್ಮಜಾ ಕಾಯಭಾವವ್ಹಾ, ದಸಕಾಪಿ ಸಿಯುಂ ತಹಿಂ।
ಚತುವೀಸೇಸು ಅಂಸೇಸು, ಏಕೇಕಮ್ಹಿ ದುವೇ ದುವೇ॥
೫೧.
ಪಞ್ಚಾಪಿ ಚಕ್ಖುಸೋತಾದೀ, ಪದೇಸದಸಕಾ ಪುನ।
ನವಕಾ ಸದ್ದಸಙ್ಖಾತಾ, ದ್ವೇತಿಚ್ಚೇವಂ ಕಲಾಪತೋ॥
೫೨.
ತೇಪಞ್ಞಾಸ ದಸೇಕಞ್ಚ, ನವುತ್ತರಸತಾನಿ ಚ।
ದಸಕಾ ನವಕಾ ಚೇವ, ಅಟ್ಠಕಾ ಚ ಸಿಯುಂ ಕಮಾ॥
೫೩.
ಸೇಕಪಞ್ಚಸತಂ ಕಾಯೇ, ಸಹಸ್ಸಂ ತಂ ಪವತ್ತತಿ।
ಪರಿಪುಣ್ಣಿನ್ದ್ರಿಯೇ ರೂಪಂ, ನಿಪ್ಫನ್ನಂ ಧಾತುಭೇದತೋ॥
೫೪.
ಚಿತ್ತುಪ್ಪಾದೇ ಸಿಯುಂ ರೂಪ-ಹೇತೂ ಕಮ್ಮಾದಯೋ ಪನ।
ಠಿತಿ ನ ಪಾಠೇ ಚಿತ್ತಸ್ಸ, ನ ಭಙ್ಗೇ ರೂಪಸಮ್ಭವೋ॥
೫೫.
‘‘ಅಞ್ಞಥತ್ತಂ ಠಿತಸ್ಸಾ’’ತಿ, ವುತ್ತತ್ತಾವ ಠಿತಿಕ್ಖಣಂ।
ಅತ್ಥೀತಿ ಚೇ ಪಬನ್ಧೇನ, ಠಿತಿ ತತ್ಥ ಪವುಚ್ಚತಿ॥
೫೬.
ಅಥ ವಾ ತಿಕ್ಖಣೇ ಕಮ್ಮಂ, ಚಿತ್ತಮತ್ತುದಯಕ್ಖಣೇ।
ಉತುಓಜಾತ್ತನೋ ಠಾನೇ, ರೂಪಹೇತೂ ಭವನ್ತಿ ಹಿ॥
೫೭.
ಸೇಯ್ಯಸ್ಸಾದಿಕ್ಖಣೇ ಕಾಯ-
ಭಾವವತ್ಥುವಸಾ ತಯೋ।
ದಸಕಾ ಹೋನ್ತಿಭಾವಿಸ್ಸ,
ವಿನಾ ಭಾವಂ ದುವೇ ಸಿಯುಂ॥
೫೮.
ತತೋ
ಅಟ್ಠಕಾ ಚ ದುವೇ ಪುಬ್ಬೇ, ವುತ್ತವುತ್ತಕ್ಖಣೇ ವದೇ॥
೫೯.
ಕಾಲೇನಾಹಾರಜಂ ಹೋತಿ, ಚಕ್ಖಾದಿದಸಕಾನಿ ಚ।
ಚತುಪಚ್ಚಯತೋ ರೂಪಂ, ಸಮ್ಪಿಣ್ಡೇವಂ ಪವತ್ತತಿ॥
೬೦.
ತಂ
ಸನ್ತತಾಮರಣಾ ರೂಪಂ, ಜರಾದಿಫಲಮಾವಹಂ॥
೬೧.
ಭಙ್ಗಾ ಸತ್ತರಸುಪ್ಪಾದೇ, ಜಾಯತೇ ಕಮ್ಮಜಂ ನ ತಂ।
ತದುದ್ಧಂ ಜಾಯತೇ ತಸ್ಮಾ, ತಕ್ಖಯಾ ಮರಣಂ ಭವೇ॥
೬೨.
ಆಯುಕಮ್ಮುಭಯೇಸಂ ವಾ, ಖಯೇನ ಮರಣಂ ಭವೇ।
ಉಪಕ್ಕಮೇನ ವಾ ಕೇಸಞ್ಚುಪಚ್ಛೇದಕಕಮ್ಮುನಾ॥
೬೩.
ಓಪಪಾತಿಕಭಾವಿಸ್ಸ, ದಸಕಾ ಸತ್ತ ಕಮ್ಮಜಾ।
ಕಾಮೇ ಆದೋ ಭವನ್ತಗ್ಗಿಜಾಹಿ ಪುಬ್ಬೇವ ಭೂಯತೇ॥
೬೪.
ಆದಿಕಪ್ಪನರಾನಞ್ಚ, ಅಪಾಯೇ ಅನ್ಧಕಸ್ಸ ಚ।
ಬಧಿರಸ್ಸಾಪಿ ಆದೋ ಛ, ಪುಬ್ಬೇವೇತರಜಾ ಸಿಯುಂ॥
೬೫.
ತತ್ಥೇವನ್ಧಬಧಿರಸ್ಸ, ಪಞ್ಚ ಹೋನ್ತಿ ಅಭಾವಿನೋ।
ಯುತ್ತಿಯಾ ಇಧ ವಿಞ್ಞೇಯ್ಯಾ, ಪಞ್ಚ ವಾ ಚತುರೋಪಿ ವಾ॥
೬೬.
ಚಕ್ಖಾದಿತ್ತಯಹೀನಸ್ಸ, ಚತುರೋವ ಭವನ್ತಿತಿ।
ವುತ್ತಂ ಉಪಪರಿಕ್ಖಿತ್ವಾ, ಗಹೇತಬ್ಬಂ ವಿಜಾನತಾ॥
೬೭.
ರೂಪೇ ಜೀವಿತಛಕ್ಕಞ್ಚ, ಚಕ್ಖಾದಿಸತ್ತಕತ್ತಯಂ।
ಪಞ್ಚ ಛ ಉತುಚಿತ್ತೇಹಿ, ಪಞ್ಚ ಛಾಸಞ್ಞಿನಂ ಭವೇ॥
೬೮.
ಪಞ್ಚಧಾತ್ವಾದಿನಿಯಮಾ, ಪಾಠೇ ಗನ್ಧರಸೋಜನಂ।
ನುಪ್ಪತ್ತಿ ತತ್ಥ ಭೂತಾನಂ, ಅಫೋಟ್ಠಬ್ಬಪವತ್ತಿನಂ॥
೬೯.
ಥದ್ಧುಣ್ಹೀರಣಭಾವೋವ, ನತ್ಥಿ ಧಾತ್ವಾದಿಕಿಚ್ಚತೋ।
ಅಞ್ಞಂ ಗನ್ಧಾದೀನಂ ತೇಸಂ, ತಕ್ಕಿಚ್ಚೇನೋಪಲದ್ಧಿತೋ॥
೭೦.
ರೂಪೇ ಸಪ್ಪಟಿಘತ್ತಾದಿ, ತತ್ಥ ರುಪ್ಪನತಾ ವಿಯ।
ಘಟ್ಟನಞ್ಚ ರವುಪ್ಪಾದಸ್ಸಞ್ಞತ್ಥಸ್ಸೇವ ಹೇತುತಾ॥
೭೧.
ಇಚ್ಛಿತಬ್ಬಮಿಮೇಕನ್ತಮೇವಂ
ಅಥ ವಾ ತೇಹಿ ವಿಞ್ಞೇಯ್ಯಂ, ದಸಕಂ ನವಕಟ್ಠಕಂ॥
೭೨.
ಸಬ್ಬಂ
ಅಸಞ್ಞೀನಂ ದಸ ಗನ್ಧರಸೋಜಾಹಿ ಚ ಬ್ರಹ್ಮುನಂ॥
ಇತಿ ಸಚ್ಚಸಙ್ಖೇಪೇ ರೂಪಸಙ್ಖೇಪೋ ನಾಮ
ಪಠಮೋ ಪರಿಚ್ಛೇದೋ।