೩. ತತಿಯೋ ಪರಿಚ್ಛೇದೋ
ಚಿತ್ತಪವತ್ತಿಪರಿದೀಪನೋ
೧೧೬.
ಚಿತ್ತಂ ವಿಸಯಗ್ಗಾಹಂ ತಂ, ಪಾಕಾಪಾಕದತೋ ದುಧಾ।
ಕುಸಲಾಕುಸಲಂ ಪುಬ್ಬಂ, ಪರಮಬ್ಯಾಕತಂ ಮತಂ॥
೧೧೭.
ಕುಸಲಂ
ಅಟ್ಠ ಪಞ್ಚ ಚತ್ತಾರಿ ಚ, ಚತ್ತಾರಿ ಕಮತೋ ಕಥಂ॥
೧೧೮.
ಸೋಮನಸ್ಸಮತಿಯುತ್ತಮಸಙ್ಖಾರಮನಮೇಕಂ।
ಸಸಙ್ಖಾರಮನಞ್ಚೇಕಂ, ತಥಾ ಹೀನಮತಿದ್ವಯಂ॥
೧೧೯.
ತಥೋಪೇಕ್ಖಾಮತಿಯುತ್ತಂ, ಮತಿಹೀನನ್ತಿ ಅಟ್ಠಧಾ।
ಕಾಮಾವಚರಪುಞ್ಞೇತ್ಥ, ಭಿಜ್ಜತೇ ವೇದನಾದಿತೋ॥
೧೨೦.
ದಾನಂ
ವೇಯ್ಯಾವಚ್ಚಾಪಚಾಯಞ್ಚ, ದೇಸನಾ ಸುತಿ ದಿಟ್ಠಿಜು॥
೧೨೧.
ಏತೇಸ್ವೇಕಮಯಂ ಹುತ್ವಾ, ವತ್ಥುಂ ನಿಸ್ಸಾಯ ವಾ ನ ವಾ।
ದ್ವಾರಹೀನಾದಿಯೋನೀನಂ, ಗತಿಯಾದಿಪ್ಪಭೇದವಾ॥
೧೨೨.
ತಿಕಾಲಿಕಪರಿತ್ತಾದಿಗೋಚರೇಸ್ವೇಕಮಾದಿಯ।
ಉದೇತಿ ಕಾಲಮುತ್ತಂ ವಾ, ಮತಿಹೀನಂ ವಿನಾಮಲಂ॥
೧೨೩.
ಛಗೋಚರೇಸು ರೂಪಾದಿಪಞ್ಚಕಂ ಪಞ್ಚ ಗೋಚರಾ।
ಸೇಸಂ ರೂಪಮರೂಪಞ್ಚ, ಪಞ್ಞತ್ತಿ ಛಟ್ಠಗೋಚರೋ॥
೧೨೪.
ಞಾಣಯುತ್ತವರಂ ತತ್ಥ, ದತ್ವಾ ಸನ್ಧಿಂ ತಿಹೇತುಕಂ।
ಪಚ್ಛಾ ಪಚ್ಚತಿ ಪಾಕಾನಂ, ಪವತ್ತೇ ಅಟ್ಠಕೇ ದುವೇ॥
೧೨೫.
ತೇಸುಯೇವ ನಿಹೀನಂ ತು, ದತ್ವಾ ಸನ್ಧಿಂ ದುಹೇತುಕಂ।
ದೇತಿ ದ್ವಾದಸ ಪಾಕೇ ಚ, ಪವತ್ತೇ ಧೀಯುತಂ ವಿನಾ॥
೧೨೬.
ಏವಂ ಧೀಹೀನಮುಕ್ಕಟ್ಠಂ, ಸನ್ಧಿಯಞ್ಚ ಪವತ್ತಿಯಂ।
ಹೀನಂ ಪನುಭಯತ್ಥಾಪಿ, ಹೇತುಹೀನೇವ ಪಚ್ಚತಿ॥
೧೨೭.
ಕಾಮಸುಗತಿಯಂಯೇವ, ಭವಭೋಗದದಂ ಇದಂ।
ರೂಪಾಪಾಯೇ ಪವತ್ತೇವ, ಪಚ್ಚತೇ ಅನುರೂಪತೋ॥
೧೨೮.
ವಿತಕ್ಕಚಾರಪೀತೀಹಿ, ಸುಖೇಕಗ್ಗಯುತಂ ಮನಂ।
ಆದಿ ಚಾರಾದಿಪೀತಾದಿಸುಖಾದೀಹಿ ಪರಂ ತಯಂ॥
೧೨೯.
ಉಪೇಕ್ಖೇಕಗ್ಗತಾಯನ್ತಮಾರುಪ್ಪಞ್ಚೇವಮಙ್ಗತೋ
ಪಞ್ಚಧಾ ರೂಪಪುಞ್ಞಂ ತು, ಹೋತಾರಮ್ಮಣತೋ ಪನ॥
೧೩೦.
ಆದಿಸ್ಸಾಸುಭಮನ್ತಸ್ಸು-
ಪೇಕ್ಖಾ ಮೇತ್ತಾದಯೋ ತಯೋ।
ಆದೋ ಚತುನ್ನಂ ಪಞ್ಚನ್ನಂ,
ಸಸ್ಸಾಸಕಸಿಣಾನಿ ತು॥
೧೩೧.
ನಭತಮ್ಮನತಸ್ಸುಞ್ಞತಚ್ಚಿತ್ತಚತುಗೋಚರೇ।
ಕಮೇನಾತಿಕ್ಕಮಾರುಪ್ಪಪುಞ್ಞಂ ಹೋತಿ ಚತುಬ್ಬಿಧಂ॥
೧೩೨.
ಅಮಲಂ
ಚತುಧಾ ಪಾದಕಜ್ಝಾನಭೇದತೋ ಪುನ ವೀಸತಿ॥
೧೩೩.
ದಿಟ್ಠಿಕಙ್ಖಾನುದಂ ಆದಿ, ಕಾಮದೋಸತನೂಕರಂ।
ಪರಂ ಪರಂ ತದುಚ್ಛೇದೀ, ಅನ್ತಂ ಸೇಸಕನಾಸಕಂ॥
೧೩೪.
ಏವಂ ಭೂಮಿತ್ತಯಂ ಪುಞ್ಞಂ, ಭಾವನಾಮಯಮೇತ್ಥ ಹಿ।
ಪಠಮಂ ವತ್ಥುಂ ನಿಸ್ಸಾಯ, ದುತಿಯಂ ಉಭಯೇನಪಿ॥
೧೩೫.
ತತಿಯೇ ಆದಿ ನಿಸ್ಸಾಯ,
ಸೇಸಾ ನಿಸ್ಸಾಯ ವಾ ನ ವಾ।
ಹೋನ್ತಿ ಆದಿದ್ವಯಂ ತತ್ಥ,
ಸಾಧೇತಿ ಸಕಭೂಭವಂ॥
೧೩೬.
ಸಾಧೇತಾನುತ್ತರಂ ಸನ್ತಿಂ, ಅಭಿಞ್ಞಾ ಪನಿಧೇವ ತು।
ಝಾನೂದಯಫಲತ್ತಾ ನ, ಫಲದಾನಾಪಿ ಸಮ್ಭವಾ॥
೧೩೭.
ನಾಞ್ಞಭೂಫಲದಂ ಕಮ್ಮಂ, ರೂಪಪಾಕಸ್ಸ ಗೋಚರೋ।
ಸಕಮ್ಮಗೋಚರೋಯೇವ, ನ ಚಞ್ಞೋಯಮಸಮ್ಭವೋ॥
೧೩೮.
ಪಾಪಂ ಕಾಮಿಕಮೇವೇಕಂ, ಹೇತುತೋ ತಂ ದ್ವಿಧಾ ಪುನ।
ಮೂಲತೋ ತಿವಿಧಂ ಲೋಭ-ದೋಸಮೋಹವಸಾ ಸಿಯಾ॥
೧೩೯.
ಸೋಮನಸ್ಸಕುದಿಟ್ಠೀಹಿ
ಸಸಙ್ಖಾರಮನಞ್ಚೇಕಂ, ಹೀನದಿಟ್ಠಿದ್ವಯಂ ತಥಾ॥
೧೪೦.
ಉಪೇಕ್ಖಾದಿಟ್ಠಿಯುತ್ತಮ್ಪಿ, ತಥಾ ದಿಟ್ಠಿವಿಯುತ್ತಕಂ।
ವೇದನಾದಿಟ್ಠಿಆದೀಹಿ, ಲೋಭಮೂಲೇವಮಟ್ಠಧಾ॥
೧೪೧.
ಸದುಕ್ಖದೋಸಾಸಙ್ಖಾರಂ, ಇತರಂ ದೋಸಮೂಲಕಂ।
ಮೋಹಮೂಲಮ್ಪಿ ಸೋಪೇಕ್ಖಂ, ಕಙ್ಖುದ್ಧಚ್ಚಯುತಂ ದ್ವಿಧಾ॥
೧೪೨.
ತತ್ಥ ದೋಸದ್ವಯಂ ವತ್ಥುಂ, ನಿಸ್ಸಾಯೇವಿತರೇ ಪನ।
ನಿಸ್ಸಾಯ ವಾ ನ ವಾ ಹೋನ್ತಿ, ವಧಾದಿಸಹಿತಾ ಕಥಂ॥
೧೪೩.
ಫರುಸ್ಸವಧಬ್ಯಾಪಾದಾ, ಸದೋಸೇನ ಸಲೋಭತೋ।
ಕುದಿಟ್ಠಿಮೇಥುನಾಭಿಜ್ಝಾ, ಸೇಸಾ ಕಮ್ಮಪಥಾ ದ್ವಿಭಿ॥
೧೪೪.
ಸನ್ಧಿಂ
ಪಚ್ಚತೇ ಗೋಚರಂ ತಸ್ಸ, ಸಕಲಂ ಅಮಲಂ ವಿನಾ॥
೧೪೫.
ಅಬ್ಯಾಕತಂ ದ್ವಿಧಾ ಪಾಕ-ಕ್ರಿಯಾ ತತ್ಥಾದಿ ಭೂಮಿತೋ।
ಚತುಧಾ ಕಾಮಪಾಕೇತ್ಥ, ಪುಞ್ಞಪಾಕಾದಿತೋ ದುಧಾ॥
೧೪೬.
ಪುಞ್ಞಪಾಕಾ ದ್ವಿಧಾಹೇತು-ಸಹೇತೂತಿ ದ್ವಿರಟ್ಠಕಾ।
ಅಹೇತೂ ಪಞ್ಚ ಞಾಣಾನಿ, ಗಹಣಂ ತೀರಣಾ ಉಭೋ॥
೧೪೭.
ಕಾಯಞಾಣಂ ಸುಖೀ ತತ್ಥ, ಸೋಮನಸ್ಸಾದಿ ತೀರಣಂ।
ಸೋಪೇಕ್ಖಾನಿ ಛ ಸೇಸಾನಿ, ಸಪುಞ್ಞಂವ ಸಹೇತುಕಂ॥
೧೪೮.
ಕೇವಲಂ ಸನ್ಧಿಭವಙ್ಗ-ತದಾಲಮ್ಬಚುತಿಬ್ಬಸಾ।
ಜಾಯತೇ ಸೇಸಮೇತಸ್ಸ, ಪುಬ್ಬೇ ವುತ್ತನಯಾ ನಯೇ॥
೧೪೯.
ಮನುಸ್ಸವಿನಿಪಾತೀನಂ, ಸನ್ಧಾದಿ ಅನ್ತತೀರಣಂ।
ಹೋತಿ ಅಞ್ಞೇನ ಕಮ್ಮೇನ, ಸಹೇತುಪಿ ಅಹೇತುನಂ॥
೧೫೦.
ಪಾಪಜಾ ಪುಞ್ಞಜಾಹೇತು-ಸಮಾ ತೀರಂ ವಿನಾದಿಕಂ।
ಸದುಕ್ಖಂ ಕಾಯವಿಞ್ಞಾಣಂ, ಅನಿಟ್ಠಾರಮ್ಮಣಾ ಇಮೇ॥
೧೫೧.
ತೇ
ಪಞ್ಚಟ್ಠಾನಾಪರಾ ದ್ವೇ ತೇ, ಪರಿತ್ತವಿಸಯಾಖಿಲಾ॥
೧೫೨.
ಸಮ್ಪಟಿಚ್ಛದ್ವಿಪಞ್ಚನ್ನಂ, ಪಞ್ಚ ರೂಪಾದಯೋ ತಹಿಂ।
ಪಚ್ಚುಪ್ಪನ್ನಾವ ಸೇಸಾನಂ, ಪಾಕಾನಂ ಛ ತಿಕಾಲಿಕಾ॥
೧೫೩.
ರೂಪಾರೂಪವಿಪಾಕಾನಂ, ಸಬ್ಬಸೋ ಸದಿಸಂ ವದೇ।
ಸಕಪುಞ್ಞೇನ ಸನ್ಧಾದಿ-ಸಕಿಚ್ಚತ್ತಯತಂ ವಿನಾ॥
೧೫೪.
ಸಮಾನುತ್ತರಪಾಕಾಪಿ, ಸಕಪುಞ್ಞೇನ ಸಬ್ಬಸೋ।
ಹಿತ್ವಾ ಮೋಕ್ಖಮುಖಂ ತಂ ಹಿ, ದ್ವಿಧಾ ಮಗ್ಗೇ ತಿಧಾ ಫಲೇ॥
೧೫೫.
ಕ್ರಿಯಾ ತಿಧಾಮಲಾಭಾವಾ,
ಭೂಮಿತೋ ತತ್ಥ ಕಾಮಿಕಾ।
ದ್ವಿಧಾ ಹೇತುಸಹೇತೂತಿ,
ತಿಧಾಹೇತು ತಹಿಂ ಕಥಂ॥
೧೫೬.
ಆವಜ್ಜಹಸಿತಾವಜ್ಜಾ
ಪಞ್ಚಛಕಾಮಾವಚರಾ, ಸಕಲಾರಮ್ಮಣಾ ಚ ತೇ॥
೧೫೭.
ಸಹೇತುರೂಪರೂಪಾ ಚ, ಸಕಪಞ್ಞಂವಾರಹತೋ।
ವುತ್ತಿಯಾ ನ ಫಲೇ ಪುಪ್ಫಂ, ಯಥಾ ಛಿನ್ನಲತಾ ಫಲಂ॥
೧೫೮.
ಅನಾಸೇವನಯಾವಜ್ಜ-ದ್ವಯಂ ಪುಥುಜ್ಜನಸ್ಸ ಹಿ।
ನ ಫಲೇ ವತ್ತಮಾನಮ್ಪಿ, ಮೋಘಪುಪ್ಫಂ ಫಲಂ ಯಥಾ॥
೧೫೯.
ತಿಸತ್ತ ದ್ವಿಛ ಛತ್ತಿಂಸ, ಚತುಪಞ್ಚ ಯಥಾಕ್ಕಮಂ।
ಪುಞ್ಞಂ ಪಾಪಂ ಫಲಂ ಕ್ರಿಯಾ, ಏಕೂನನವುತೀವಿಧಂ॥
೧೬೦.
ಸನ್ಧಿ ಭವಙ್ಗಮಾವಜ್ಜಂ, ದಸ್ಸನಾದಿಕಪಞ್ಚಕಂ।
ಗಹತೀರಣವೋಟ್ಠಬ್ಬ-ಜವತಗ್ಗೋಚರಂ ಚುತಿ॥
೧೬೧.
ಇತಿ ಏಸಂ ದ್ವಿಸತ್ತನ್ನಂ, ಕಿಚ್ಚವುತ್ತಿವಸಾಧುನಾ।
ಚಿತ್ತಪ್ಪವತ್ತಿ ಛದ್ವಾರೇ, ಸಙ್ಖೇಪಾ ವುಚ್ಚತೇ ಕಥಂ॥
೧೬೨.
ಕಾಮೇ
ಖಾಯತೇ ಮನಸೋಯೇವ, ಸೇಸಾನಂ ಕಮ್ಮಗೋಚರೋ॥
೧೬೩.
ಉಪಟ್ಠಿತಂ ತಮಾರಬ್ಭ, ಪಞ್ಚವಾರಂ ಜವೋ ಭವೇ।
ತದಾಲಮ್ಬಂ ತತೋ ತಮ್ಹಾ, ಚುತಿ ಹೋತಿ ಜವೇಹಿ ವಾ॥
೧೬೪.
ಅವಿಜ್ಜಾತಣ್ಹಾಸಙ್ಖಾರ-ಸಹಜೇಹಿ ಅಪಾಯಿನಂ।
ವಿಸಯಾದೀನವಚ್ಛಾದಿ-ನಮನಕ್ಖಿಪಕೇಹಿ ತು॥
೧೬೫.
ಅಪ್ಪಹೀನೇಹಿ ಸೇಸಾನಂ, ಛಾದನಂ ನಮನಮ್ಪಿ ಚ।
ಖಿಪಕಾ ಪನ ಸಙ್ಖಾರಾ, ಕುಸಲಾವ ಭವನ್ತಿಹ॥
೧೬೬.
ಕಿಚ್ಚತ್ತಯೇ ಕತೇ ಏವಂ, ಕಮ್ಮದೀಪಿತಗೋಚರೇ।
ತಜ್ಜಂ ವತ್ಥುಂ ಸಹುಪ್ಪನ್ನಂ, ನಿಸ್ಸಾಯ ವಾ ನ ವಾ ತಹಿಂ॥
೧೬೭.
ತಜ್ಜಾ ಸನ್ಧಿ ಸಿಯಾ ಹಿತ್ವಾ, ಅನ್ತರತ್ತಂ ಭವನ್ತರೇ।
ಅನ್ತರತ್ತಂ ವಿನಾ ದೂರೇ, ಪಟಿಸನ್ಧಿ ಕಥಂ ಭವೇ॥
೧೬೮.
ಇಹೇವ ಕಮ್ಮತಣ್ಹಾದಿ-ಹೇತುತೋ ಪುಬ್ಬಚಿತ್ತತೋ।
ಚಿತ್ತಂ ದೂರೇ ಸಿಯಾ ದೀಪ-ಪಟಿಘೋಸಾದಿಕಂ ಯಥಾ॥
೧೬೯.
ನಾಸಞ್ಞಾ
ಉದ್ಧಂ ಸನ್ಧಿನಿಮಿತ್ತಂ ಕಿಂ, ಪಚ್ಚಯೋಪಿ ಕನನ್ತರೋ॥
೧೭೦.
ಪುಬ್ಬಭವೇ ಚುತಿ ದಾನಿ, ಕಾಮೇ ಜಾಯನಸನ್ಧಿಯಾ।
ಅಞ್ಞಚಿತ್ತನ್ತರಾಭಾವಾ, ಹೋತಾನನ್ತರಕಾರಣಂ॥
೧೭೧.
ಭವನ್ತರಕತಂ ಕಮ್ಮಂ, ಯಮೋಕಾಸಂ ಲಭೇ ತತೋ।
ಹೋತಿ ಸಾ ಸನ್ಧಿ ತೇನೇವ, ಉಪಟ್ಠಾಪಿತಗೋಚರೇ॥
೧೭೨.
ಯಸ್ಮಾ ಚಿತ್ತವಿರಾಗತ್ತಂ, ಕಾತುಂ ನಾಸಕ್ಖಿ ಸಬ್ಬಸೋ।
ತಸ್ಮಾ ಸಾನುಸಯಸ್ಸೇವ, ಪುನುಪ್ಪತ್ತಿ ಸಿಯಾ ಭವೇ॥
೧೭೩.
ಪಞ್ಚದ್ವಾರೇ ಸಿಯಾ ಸನ್ಧಿ, ವಿನಾ ಕಮ್ಮಂ ದ್ವಿಗೋಚರೇ।
ಭವಸನ್ಧಾನತೋ ಸನ್ಧಿ, ಭವಙ್ಗಂ ತಂ ತದಙ್ಗತೋ॥
೧೭೪.
ತಮೇವನ್ತೇ
ಏಕಸನ್ತತಿಯಾ ಏವಂ, ಉಪ್ಪತ್ತಿಟ್ಠಿತಿಭೇದಕಾ॥
೧೭೫.
ಅಥಞ್ಞಾರಮ್ಮಣಾಪಾಥ-ಗತೇ ಚಿತ್ತನ್ತರಸ್ಸ ಹಿ।
ಹೇತುಸಙ್ಖ್ಯಂ ಭವಙ್ಗಸ್ಸ, ದ್ವಿಕ್ಖತ್ತುಂ ಚಲನಂ ಭವೇ॥
೧೭೬.
ಘಟ್ಟಿತೇ ಅಞ್ಞವತ್ಥುಮ್ಹಿ, ಅಞ್ಞನಿಸ್ಸಿತಕಮ್ಪನಂ।
ಏಕಾಬದ್ಧೇನ ಹೋತೀತಿ, ಸಕ್ಖರೋಪಮಯಾ ವದೇ॥
೧೭೭.
ಮನೋಧಾತುಕ್ರಿಯಾವಜ್ಜಂ, ತತೋ ಹೋತಿ ಸಕಿಂ ಭವೇ।
ದಸ್ಸನಾದಿ ಸಕದ್ವಾರ-ಗೋಚರೋ ಗಹಣಂ ತತೋ॥
೧೭೮.
ಸನ್ತೀರಣಂ ತತೋ ತಮ್ಹಾ, ವೋಟ್ಠಬ್ಬಞ್ಚ ಸಕಿಂ ತತೋ।
ಸತ್ತಕ್ಖತ್ತುಂ ಜವೋ ಕಾಮೇ, ತಮ್ಹಾ ತದನುರೂಪತೋ॥
೧೭೯.
ತದಾಲಮ್ಬದ್ವಿಕಂ ತಮ್ಹಾ, ಭವಙ್ಗಂತಿಮಹನ್ತರಿ।
ಜವಾ ಮಹನ್ತೇ ವೋಟ್ಠಬ್ಬಾ, ಪರಿತ್ತೇ ನಿತರೇ ಮನಂ॥
೧೮೦.
ವೋಟ್ಠಬ್ಬಸ್ಸ ಪರಿತ್ತೇ ತು, ದ್ವತ್ತಿಕ್ಖತ್ತುಂ ಜವೋ ವಿಯ।
ವದನ್ತಿ ವುತ್ತಿಂ ತಂ ಪಾಠೇ, ಅನಾಸೇವನತೋ ನ ಹಿ॥
೧೮೧.
ನಿಯಮೋಪಿಧ ಚಿತ್ತಸ್ಸ, ಕಮ್ಮಾದಿನಿಯಮೋ ವಿಯ।
ಞೇಯ್ಯೋ ಅಮ್ಬೋಪಮಾದೀಹಿ, ದಸ್ಸೇತ್ವಾ ತಂ ಸುದೀಪಯೇ॥
೧೮೨.
ಮನೋದ್ವಾರೇತರಾವಜ್ಜಂ
ಜವೋಕಾಮೇ ವಿಭೂತೇ ತು, ಕಾಮವ್ಹೇ ವಿಸಯೇ ತತೋ॥
೧೮೩.
ಕಾಮೀನಂ ತು ತದಾಲಮ್ಬಂ, ಭವಙ್ಗಂ ತು ತತೋ ಸಿಯಾ।
ಅವಿಭೂತೇ ಪರಿತ್ತೇ ಚ, ಭವಙ್ಗಂ ಜವತೋ ಭವೇ॥
೧೮೪.
ಅವಿಭೂತೇ ವಿಭೂತೇ ಚ, ಪರಿತ್ತೇ ಅಪರಿತ್ತಕೇ।
ಜವಾಯೇವ ಭವಙ್ಗಂ ತು, ಬ್ರಹ್ಮಾನಂ ಚತುಗೋಚರೇ॥
೧೮೫.
ಮಹಗ್ಗತಂ ಪನಾರಬ್ಭ, ಜವಿತೇ ದೋಸಸಂಯುತೇ।
ವಿರುದ್ಧತ್ತಾ ಭವಙ್ಗಂ ನ, ಕಿಂ ಸಿಯಾ ಸುಖಸನ್ಧಿನೋ॥
೧೮೬.
ಉಪೇಕ್ಖಾತೀರಣಂ
ನಿಯಮೋ ನ ವಿನಾವಜ್ಜಂ, ಮಗ್ಗತೋ ಫಲಸಮ್ಭವಾ॥
೧೮೭.
ಮಹಗ್ಗತಾಮಲಾ ಸಬ್ಬೇ, ಜವಾ ಗೋತ್ರಭುತೋ ಸಿಯುಂ।
ನಿರೋಧಾ ಚ ಫಲುಪ್ಪತ್ತಿ, ಭವಙ್ಗಂ ಜವನಾದಿತೋ॥
೧೮೮.
ಸಹೇತುಸಾಸವಾ ಪಾಕಾ, ತೀರಣಾ ದ್ವೇ ಚುಪೇಕ್ಖಕಾ।
ಇಮೇ ಸನ್ಧಿ ಭವಙ್ಗಾ ಚ, ಚುತಿ ಚೇಕೂನವೀಸತಿ॥
೧೮೯.
ದ್ವೇ ದ್ವೇ ಆವಜ್ಜನಾದೀನಿ, ಗಹಣನ್ತಾನಿ ತೀಣಿ ತು।
ಸನ್ತೀರಣಾನಿ ಏಕಂವ, ವೋಟ್ಠಬ್ಬಮಿತಿನಾಮಕಂ॥
೧೯೦.
ಅಟ್ಠ ಕಾಮಮಹಾಪಾಕಾ, ತೀಣಿ ಸನ್ತೀರಣಾನಿ ಚ।
ಏಕಾದಸ ಭವನ್ತೇತೇ, ತದಾರಮ್ಮಣನಾಮಕಾ॥
೧೯೧.
ಕುಸಲಾಕುಸಲಂ ಸಬ್ಬಂ, ಕ್ರಿಯಾ ಚಾವಜ್ಜವಜ್ಜಿತಾ।
ಫಲಾನಿ ಪಞ್ಚಪಞ್ಞಾಸ, ಜವನಾನಿ ಭವನ್ತಿಮೇ॥
ಇತಿ ಸಚ್ಚಸಙ್ಖೇಪೇ ಚಿತ್ತಪವತ್ತಿಪರಿದೀಪನೋ ನಾಮ
ತತಿಯೋ ಪರಿಚ್ಛೇದೋ।