೧೯. ಏಕೂನವೀಸತಿಮೋ ಪರಿಚ್ಛೇದೋ
ಕಙ್ಖಾವಿತರಣವಿಸುದ್ಧಿನಿದ್ದೇಸವಣ್ಣನಾ
೧೨೩೧. ಇಚ್ಚೇವಮಾದಿಬಾತ್ತಿಂಸಕೋಟ್ಠಾಸಾನಂ
೧೨೩೩. ಹೇತ್ವಙ್ಕುರಸ್ಸ ಬೀಜಂ ತು ಬೀಜಂ ಅಙ್ಕುರಸ್ಸ ಹೇತುಜನಕಂ, ಪಥವಾದಯೋ ಅಙ್ಕುರಸ್ಸ ಪಚ್ಚಯಾ।
೧೨೩೪. ಪಞ್ಚ ಧಮ್ಮಾತಿ ಅವಿಜ್ಜಾತಣ್ಹುಪಾದಾನಕಮ್ಮಾಹಾರಾ ಹೇತುಪಚ್ಚಯಾ ಧಮ್ಮಾ।
೧೨೩೫. ಕಮ್ಮಂ ಪುತ್ತಸ್ಸ ಜನಕೋ ಪಿತಾ ವಿಯ ನಾಮರೂಪಸ್ಸ ಜನಕಂ।
೧೨೩೮. ಪಚ್ಚಯಾತಿ ಪಚ್ಚಯೇನ।
೧೨೪೦. ಯಾ ಸಾತಿ ಯಾ ಸಾ ಕಙ್ಖಾ। ಪುಬ್ಬನ್ತೇ ಪುಬ್ಬಕೋಟ್ಠಾಸೇ।
೧೨೪೧. ಸಬ್ಬಥಾ ಸಬ್ಬಕೋಟ್ಠಾಸತೋ ಅನವಸೇಸಾವ ತಸ್ಸ ಯೋಗಿನೋ ಸಾ ಕಙ್ಖಾ ಪಹಿಯ್ಯತಿ ನಾಸೀಯತೇ।
೧೨೪೩. ಅತ್ಥಸಾಧಿಕಾತಿ ಕುಸಲಪಕ್ಖೇ ದಾನಾದಿಅತ್ಥಸಾಧಿಕಾ, ಅಕುಸಲಪಕ್ಖೇ ಪಾಣಾತಿಪಾತಾದಿಅತ್ಥಸಾಧಿಕಾ।
ತಂ ವಿಪಾಕನ್ತಿ ಉಪಘಾತಕಕಮ್ಮಸ್ಸ ತಂ ವಿಪಾಕಂ ಉಪ್ಪನ್ನಂ ನಾಮ ಹೋತಿ। ಏವಂ ಏಕೋ ಯೋಗೀ ಕಮ್ಮವಿಪಾಕವಸೇನ ನಾಮರೂಪಸ್ಸ ಪಚ್ಚಯಪರಿಗ್ಗಹಂ ಕರೋತಿ।
೧೨೪೬. ಹೇತುಫಲಸ್ಸ ಸಮ್ಬನ್ಧವಸೇನಾತಿ ಹೇತುಫಲಸಮ್ಬನ್ಧವಸೇನ ಇದಂ ನಾಮರೂಪಂ ಕೇವಲಂ ಏಕನ್ತೇನ ಪವತ್ತತಿ, ಇತಿ ಸಮ್ಮಾ ಅವಿಪರೀತಾಕಾರೇನ ಸಂ ಅನುಪಸ್ಸತಿ।
೧೨೪೭. ಪಾಕಪ್ಪವತ್ತಿತೋ ನ ಪಸ್ಸತಿ ನ ಜಾನಿಯತೇ।
೧೨೫೦-೧. ಅಪ್ಪವತ್ತಿ ನಾಮ ನ ದಿಸ್ಸತಿ, ಉಪಪನ್ನಂ ದಿಸ್ಸತಿ। ತಿತ್ಥಿಯಾ ಏತಮತ್ಥಂ ಅನಞ್ಞಾಯ ಅಜಾನಿತ್ವಾ ಅಸಯಂವಸೀ ಸತ್ತಸಞ್ಞನ್ತಿ ‘‘ಸತ್ತೋ’’ತಿ ಸಞ್ಞಂ ಗಹೇತ್ವಾನ ಸಸ್ಸತಉಚ್ಛೇದದಸ್ಸಿನೋ ಅಞ್ಞಮಞ್ಞಂ ವಿರೋಧಿನೋ ಹುತ್ವಾ ದ್ವಾಸಟ್ಠಿದಿಟ್ಠಿಂ ಗಣ್ಹನ್ತಿ।
೧೨೫೪. ಉಭೋತಿ ಉಭೋ ಕಮ್ಮವಿಪಾಕಾ ಅಞ್ಞಮಞ್ಞತೋ ಸುಞ್ಞಾ। ನ ಚ ಕಮ್ಮಂ ವಿನಾ ಫಲನ್ತಿ ಕಮ್ಮಂ ವಿನಾ ಫಲಂ ನ ಚ ಹೋತಿ।
೧೨೫೫. ಸಮ್ಭಾರೇಹೀತಿ
೧೨೫೭. ಸುಞ್ಞಂ ತಂ ನಾಮರೂಪಧಮ್ಮಂ।
೧೨೫೮. ಹೇತುಸಮ್ಭಾರಪಚ್ಚಯಾತಿ ಹೇತುನಾ ಚ ಸಮ್ಭಾರಪಚ್ಚಯೇಹಿ ಚ।
ಇತಿ ಅಭಿಧಮ್ಮಾವತಾರಟೀಕಾಯ
ಕಙ್ಖಾವಿತರಣವಿಸುದ್ಧಿನಿದ್ದೇಸವಣ್ಣನಾ ನಿಟ್ಠಿತಾ।
ಏಕೂನವೀಸತಿಮೋ ಪರಿಚ್ಛೇದೋ।