೨೧. ಏಕವೀಸತಿಮೋ ಪರಿಚ್ಛೇದೋ
ಪಟಿಪದಾಞಾಣದಸ್ಸನವಿಸುದ್ಧಿನಿದ್ದೇಸವಣ್ಣನಾ
೧೨೯೯. ಉಪಲ್ಲೇಸವಿಮುತ್ತಂ ಸುವಿಸದಂ ಞಾಣನ್ತಿ ಅಟ್ಠವಿಧಞಾಣಂ ಸನ್ಧಾಯಾಹ।
೧೩೦೨. ಸಚ್ಚಾನುಲೋಮಞಾಣನ್ತಿ ಅಯಮೇವ ಪವುಚ್ಚತಿ।
೧೩೦೬. ಅಯಂ ಸಿಖಾಪತ್ತಾ ವಿಪಸ್ಸನಾ ಏವ ಸಚ್ಚಾನುಲೋಮಞಾಣಂ ನಾಮ ಪವುಚ್ಚತಿ।
೧೩೦೯. ಭವಙ್ಗಾನನ್ತರಂ ಸಙ್ಖಾರು-ಪೇಕ್ಖಾಗತನಯೇನಾತಿ ಭವಙ್ಗಾನನ್ತರಂ ಸಙ್ಖಾರುಪೇಕ್ಖಾಸಙ್ಖಾತೇನ ಞಾಣೇನ ಕತನಯೇನ।
೧೩೧೪-೬. ಬೋಧಿಪಕ್ಖಿಯಧಮ್ಮಾನಂ ಉದ್ಧಞ್ಚ ಅನುಲೋಮತೋತಿ ಉದ್ಧಂ ವತ್ತಮಾನಾನಂ ಬೋಧಿಪಕ್ಖಿಯಧಮ್ಮಾನಂ ಅನುಲೋಮತೋ, ಇದಂ ಅನುಲೋಮಞಾಣಂ ವುಟ್ಠಾನಗಾಮಿನಿಯಾ ಪರಿಯೋಸಾನಂ ನಾಮ ಭಾಸಿತಂ ಮಹೇಸಿನಾ ಕಥಿತಂ। ಸಚ್ಚಾನುಲೋಮಞಾಣಂ ಆಹಚ್ಚ ಉಪ್ಪನ್ನಾ, ಸಬ್ಬಪ್ಪಕಾರೇನ ಗೋತ್ರಭುಪರಿಯೋಸಾನಂ।
೧೩೧೮. ತತ್ಥಾತಿ ವಿಪಸ್ಸನಾಯ।
ಇತಿ ಅಭಿಧಮ್ಮಾವತಾರಟೀಕಾಯ
ಪಟಿಪದಾಞಾಣದಸ್ಸನವಿಸುದ್ಧಿನಿದ್ದೇಸವಣ್ಣನಾ ನಿಟ್ಠಿತಾ।
ಏಕವೀಸತಿಮೋ ಪರಿಚ್ಛೇದೋ।