॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
ವಿಸುದ್ಧಿಮಗ್ಗೋ
(ಪಠಮೋ ಭಾಗೋ)
ನಿದಾನಾದಿಕಥಾ
೧.
ಸೀಲೇ ಪತಿಟ್ಠಾಯ ನರೋ ಸಪಞ್ಞೋ, ಚಿತ್ತಂ ಪಞ್ಞಞ್ಚ ಭಾವಯಂ।
ಆತಾಪೀ ನಿಪಕೋ ಭಿಕ್ಖು, ಸೋ ಇಮಂ ವಿಜಟಯೇ ಜಟನ್ತಿ॥ (ಸಂ॰ ನಿ॰ ೧.೨೩)।
ಇತಿ ಹಿದಂ ವುತ್ತಂ, ಕಸ್ಮಾ ಪನೇತಂ ವುತ್ತಂ, ಭಗವನ್ತಂ ಕಿರ ಸಾವತ್ಥಿಯಂ ವಿಹರನ್ತಂ ರತ್ತಿಭಾಗೇ ಅಞ್ಞತರೋ ದೇವಪುತ್ತೋ ಉಪಸಙ್ಕಮಿತ್ವಾ ಅತ್ತನೋ ಸಂಸಯಸಮುಗ್ಘಾಟತ್ಥಂ –
ಅನ್ತೋಜಟಾ ಬಹಿಜಟಾ, ಜಟಾಯ ಜಟಿತಾ ಪಜಾ।
ತಂ ತಂ ಗೋತಮ ಪುಚ್ಛಾಮಿ, ಕೋ ಇಮಂ ವಿಜಟಯೇ ಜಟನ್ತಿ॥ (ಸಂ॰ ನಿ॰ ೧.೨೩) –
ಇಮಂ ಜಟಾತಿ ತಣ್ಹಾಯ ಜಾಲಿನಿಯಾ ಏತಂ ಅಧಿವಚನಂ। ಸಾ ಹಿ ರೂಪಾದೀಸು ಆರಮ್ಮಣೇಸು ಹೇಟ್ಠುಪರಿಯವಸೇನ ಪುನಪ್ಪುನಂ ಉಪ್ಪಜ್ಜನತೋ ಸಂಸಿಬ್ಬನಟ್ಠೇನ ವೇಳುಗುಮ್ಬಾದೀನಂ ಸಾಖಾಜಾಲಸಙ್ಖಾತಾ ಜಟಾ ವಿಯಾತಿ ಜಟಾ, ಸಾ ಪನೇಸಾ ಸಕಪರಿಕ್ಖಾರಪರಪರಿಕ್ಖಾರೇಸು ಸಕಅತ್ತಭಾವಪರಅತ್ತಭಾವೇಸು ಅಜ್ಝತ್ತಿಕಾಯತನಬಾಹಿರಾಯತನೇಸು ಚ ಉಪ್ಪಜ್ಜನತೋ ಅನ್ತೋಜಟಾ ಬಹಿಜಟಾತಿ ವುಚ್ಚತಿ। ತಾಯ ಏವಂ ಉಪ್ಪಜ್ಜಮಾನಾಯ ಜಟಾಯ ಜಟಿತಾ ಪಜಾ। ಯಥಾ ನಾಮ ವೇಳುಗುಮ್ಬಜಟಾದೀಹಿ ವೇಳುಆದಯೋ, ಏವಂ ತಾಯ ತಣ್ಹಾಜಟಾಯ ಸಬ್ಬಾಪಿ ಅಯಂ ಸತ್ತನಿಕಾಯಸಙ್ಖಾತಾ ಪಜಾ ಜಟಿತಾ ವಿನದ್ಧಾ, ಸಂಸಿಬ್ಬಿತಾತಿ ಅತ್ಥೋ। ಯಸ್ಮಾ ಚ ಏವಂ ಜಟಿತಾ। ತಂ ತಂ ಗೋತಮ ಪುಚ್ಛಾಮೀತಿ ತಸ್ಮಾ ತಂ ಪುಚ್ಛಾಮಿ। ಗೋತಮಾತಿ ಭಗವನ್ತಂ ಗೋತ್ತೇನ ಆಲಪತಿ। ಕೋ ಇಮಂ ವಿಜಟಯೇ ಜಟನ್ತಿ ಇಮಂ ಏವಂ ತೇಧಾತುಕಂ ಜಟೇತ್ವಾ ಠಿತಂ ಜಟಂ ಕೋ ವಿಜಟೇಯ್ಯ, ವಿಜಟೇತುಂ ಕೋ ಸಮತ್ಥೋತಿ ಪುಚ್ಛತಿ।
ಏವಂ
ಸೀಲೇ ಪತಿಟ್ಠಾಯ ನರೋ ಸಪಞ್ಞೋ, ಚಿತ್ತಂ ಪಞ್ಞಞ್ಚ ಭಾವಯಂ।
ಆತಾಪೀ ನಿಪಕೋ ಭಿಕ್ಖು, ಸೋ ಇಮಂ ವಿಜಟಯೇ ಜಟನ್ತಿ॥ –
ಇಮಂ ಗಾಥಮಾಹ।
೨.
ಇಮಿಸ್ಸಾ ದಾನಿ ಗಾಥಾಯ, ಕಥಿತಾಯ ಮಹೇಸಿನಾ।
ವಣ್ಣಯನ್ತೋ ಯಥಾಭೂತಂ, ಅತ್ಥಂ ಸೀಲಾದಿಭೇದನಂ॥
ಸುದುಲ್ಲಭಂ ಲಭಿತ್ವಾನ, ಪಬ್ಬಜ್ಜಂ ಜಿನಸಾಸನೇ।
ಸೀಲಾದಿಸಙ್ಗಹಂ ಖೇಮಂ, ಉಜುಂ ಮಗ್ಗಂ ವಿಸುದ್ಧಿಯಾ॥
ಯಥಾಭೂತಂ ಅಜಾನನ್ತಾ, ಸುದ್ಧಿಕಾಮಾಪಿ ಯೇ ಇಧ।
ವಿಸುದ್ಧಿಂ ನಾಧಿಗಚ್ಛನ್ತಿ, ವಾಯಮನ್ತಾಪಿ ಯೋಗಿನೋ॥
ತೇಸಂ
ಮಹಾವಿಹಾರವಾಸೀನಂ, ದೇಸನಾನಯನಿಸ್ಸಿತಂ॥
ವಿಸುದ್ಧಿಮಗ್ಗಂ ಭಾಸಿಸ್ಸಂ, ತಂ ಮೇ ಸಕ್ಕಚ್ಚ ಭಾಸತೋ।
ವಿಸುದ್ಧಿಕಾಮಾ ಸಬ್ಬೇಪಿ, ನಿಸಾಮಯಥ ಸಾಧವೋತಿ॥
೩. ತತ್ಥ ವಿಸುದ್ಧೀತಿ ಸಬ್ಬಮಲವಿರಹಿತಂ ಅಚ್ಚನ್ತಪರಿಸುದ್ಧಂ ನಿಬ್ಬಾನಂ ವೇದಿತಬ್ಬಂ। ತಸ್ಸಾ ವಿಸುದ್ಧಿಯಾ ಮಗ್ಗೋತಿ ವಿಸುದ್ಧಿಮಗ್ಗೋ। ಮಗ್ಗೋತಿ ಅಧಿಗಮೂಪಾಯೋ ವುಚ್ಚತಿ। ತಂ ವಿಸುದ್ಧಿಮಗ್ಗಂ ಭಾಸಿಸ್ಸಾಮೀತಿ ಅತ್ಥೋ।
ಸೋ ಪನಾಯಂ ವಿಸುದ್ಧಿಮಗ್ಗೋ ಕತ್ಥಚಿ ವಿಪಸ್ಸನಾಮತ್ತವಸೇನೇವ ದೇಸಿತೋ। ಯಥಾಹ –
‘‘ಸಬ್ಬೇ ಸಙ್ಖಾರಾ ಅನಿಚ್ಚಾತಿ, ಯದಾ ಪಞ್ಞಾಯ ಪಸ್ಸತಿ।
ಅಥ ನಿಬ್ಬಿನ್ದತಿ ದುಕ್ಖೇ, ಏಸ ಮಗ್ಗೋ ವಿಸುದ್ಧಿಯಾ’’ತಿ॥ (ಧ॰ ಪ॰ ೨೭೭)।
ಕತ್ಥಚಿ ಝಾನಪಞ್ಞಾವಸೇನ। ಯಥಾಹ –
‘‘ಯಮ್ಹಿ ಝಾನಞ್ಚ ಪಞ್ಞಾ ಚ, ಸ ವೇ ನಿಬ್ಬಾನಸನ್ತಿಕೇ’’ತಿ॥ (ಧ॰ ಪ॰ ೩೭೨)।
ಕತ್ಥಚಿ ಕಮ್ಮಾದಿವಸೇನ। ಯಥಾಹ –
‘‘ಕಮ್ಮಂ
ಏತೇನ ಮಚ್ಚಾ ಸುಜ್ಝನ್ತಿ, ನ ಗೋತ್ತೇನ ಧನೇನ ವಾ’’ತಿ॥ (ಮ॰ ನಿ॰ ೩.೩೮೭; ಸಂ॰ ನಿ॰ ೧.೪೮)।
ಕತ್ಥಚಿ ಸೀಲಾದಿವಸೇನ। ಯಥಾಹ –
‘‘ಸಬ್ಬದಾ
ಆರದ್ಧವೀರಿಯೋ ಪಹಿತತ್ತೋ, ಓಘಂ ತರತಿ ದುತ್ತರ’’ನ್ತಿ॥ (ಸಂ॰ ನಿ॰ ೧.೯೬)।
ಕತ್ಥಚಿ ಸತಿಪಟ್ಠಾನಾದಿವಸೇನ। ಯಥಾಹ –
‘‘ಏಕಾಯನೋ ಅಯಂ, ಭಿಕ್ಖವೇ, ಮಗ್ಗೋ ಸತ್ತಾನಂ ವಿಸುದ್ಧಿಯಾ…ಪೇ॰… ನಿಬ್ಬಾನಸ್ಸ ಸಚ್ಛಿಕಿರಿಯಾಯ, ಯದಿದಂ ಚತ್ತಾರೋ ಸತಿಪಟ್ಠಾನಾ’’ತಿ (ದೀ॰ ನಿ॰ ೨.೩೭೩)।
ಸಮ್ಮಪ್ಪಧಾನಾದೀಸುಪಿ ಏಸೇವ ನಯೋ। ಇಮಸ್ಮಿಂ ಪನ ಪಞ್ಹಾಬ್ಯಾಕರಣೇ ಸೀಲಾದಿವಸೇನ ದೇಸಿತೋ।
೪. ತತ್ರಾಯಂ ಸಙ್ಖೇಪವಣ್ಣನಾ – ಸೀಲೇ ಪತಿಟ್ಠಾಯಾತಿ ಸೀಲೇ ಠತ್ವಾ, ಸೀಲಂ ಪರಿಪೂರಯಮಾನೋಯೇವ ಚೇತ್ಥ ಸೀಲೇ ಠಿತೋತಿ ವುಚ್ಚತಿ। ತಸ್ಮಾ ಸೀಲಪರಿಪೂರಣೇನ ಸೀಲೇ ಪತಿಟ್ಠಹಿತ್ವಾತಿ ಅಯಮೇತ್ಥ ಅತ್ಥೋ। ನರೋತಿ ಸತ್ತೋ। ಸಪಞ್ಞೋತಿ ಕಮ್ಮಜತಿಹೇತುಕಪಟಿಸನ್ಧಿಪಞ್ಞಾಯ ಪಞ್ಞವಾ। ಚಿತ್ತಂ ಪಞ್ಞಞ್ಚ ಭಾವಯನ್ತಿ ಸಮಾಧಿಞ್ಚೇವ ವಿಪಸ್ಸನಞ್ಚ ಭಾವಯಮಾನೋ, ಚಿತ್ತಸೀಸೇನ ಹೇತ್ಥ ಸಮಾಧಿ ನಿದ್ದಿಟ್ಠೋ। ಪಞ್ಞಾನಾಮೇನ ಚ ವಿಪಸ್ಸನಾತಿ। ಆತಾಪೀತಿ ವೀರಿಯವಾ। ವೀರಿಯಞ್ಹಿ ಕಿಲೇಸಾನಂ ಆತಾಪನಪರಿತಾಪನಟ್ಠೇನ ಆತಾಪೋತಿ ವುಚ್ಚತಿ। ತದಸ್ಸ ಅತ್ಥೀತಿ ಆತಾಪೀ। ನಿಪಕೋತಿ ನೇಪಕ್ಕಂ ವುಚ್ಚತಿ ಪಞ್ಞಾ, ತಾಯ ಸಮನ್ನಾಗತೋತಿ ಅತ್ಥೋ। ಇಮಿನಾ ಪದೇನ ಪಾರಿಹಾರಿಕಪಞ್ಞಂ ದಸ್ಸೇತಿ। ಇಮಸ್ಮಿಞ್ಹಿ ಪಞ್ಹಾಬ್ಯಾಕರಣೇ ತಿಕ್ಖತ್ತುಂ ಪಞ್ಞಾ ಆಗತಾ। ತತ್ಥ ಪಠಮಾ ಜಾತಿಪಞ್ಞಾ, ದುತಿಯಾ ವಿಪಸ್ಸನಾಪಞ್ಞಾ, ತತಿಯಾ ಸಬ್ಬಕಿಚ್ಚಪರಿಣಾಯಿಕಾ ಪಾರಿಹಾರಿಕಪಞ್ಞಾ। ಸಂಸಾರೇ ಭಯಂ ಇಕ್ಖತೀತಿ ಭಿಕ್ಖು। ಸೋ ಇಮಂ ವಿಜಟಯೇ ಜಟನ್ತಿ ಸೋ ಇಮಿನಾ ಚ ಸೀಲೇನ ಇಮಿನಾ ಚ ಚಿತ್ತಸೀಸೇನ ನಿದ್ದಿಟ್ಠಸಮಾಧಿನಾ ಇಮಾಯ ಚ ತಿವಿಧಾಯ ಪಞ್ಞಾಯ ಇಮಿನಾ ಚ ಆತಾಪೇನಾತಿ ಛಹಿ ಧಮ್ಮೇಹಿ ಸಮನ್ನಾಗತೋ ಭಿಕ್ಖು। ಸೇಯ್ಯಥಾಪಿ ನಾಮ ಪುರಿಸೋ ಪಥವಿಯಂ ಪತಿಟ್ಠಾಯ
‘‘ಸೀಲೇ
ಆತಾಪೀ ನಿಪಕೋ ಭಿಕ್ಖು, ಸೋ ಇಮಂ ವಿಜಟಯೇ ಜಟ’’ನ್ತಿ॥ (ಸಂ॰ ನಿ॰ ೧.೨೩)।
೫. ತತ್ರಾಯಂ ಯಾಯ ಪಞ್ಞಾಯ ಸಪಞ್ಞೋತಿ ವುತ್ತೋ, ತತ್ರಾಸ್ಸ ಕರಣೀಯಂ ನತ್ಥಿ। ಪುರಿಮಕಮ್ಮಾನುಭಾವೇನೇವ ಹಿಸ್ಸ ಸಾ ಸಿದ್ಧಾ। ಆತಾಪೀ ನಿಪಕೋತಿ ಏತ್ಥ ವುತ್ತವೀರಿಯವಸೇನ ಪನ ತೇನ ಸಾತಚ್ಚಕಾರಿನಾ ಪಞ್ಞಾವಸೇನ ಚ ಸಮ್ಪಜಾನಕಾರಿನಾ ಹುತ್ವಾ ಸೀಲೇ ಪತಿಟ್ಠಾಯ ಚಿತ್ತಪಞ್ಞಾವಸೇನ ವುತ್ತಾ ಸಮಥವಿಪಸ್ಸನಾ ಭಾವೇತಬ್ಬಾತಿ ಇಮಮತ್ರ ಭಗವಾ ಸೀಲಸಮಾಧಿಪಞ್ಞಾಮುಖೇನ ವಿಸುದ್ಧಿಮಗ್ಗಂ ದಸ್ಸೇತಿ।
ಏತ್ತಾವತಾ ಹಿ ತಿಸ್ಸೋ ಸಿಕ್ಖಾ, ತಿವಿಧಕಲ್ಯಾಣಂ ಸಾಸನಂ, ತೇವಿಜ್ಜತಾದೀನಂ ಉಪನಿಸ್ಸಯೋ, ಅನ್ತದ್ವಯವಜ್ಜನಮಜ್ಝಿಮಪಟಿಪತ್ತಿಸೇವನಾನಿ, ಅಪಾಯಾದಿಸಮತಿಕ್ಕಮನುಪಾಯೋ, ತೀಹಾಕಾರೇಹಿ ಕಿಲೇಸಪ್ಪಹಾನಂ, ವೀತಿಕ್ಕಮಾದೀನಂ ಪಟಿಪಕ್ಖೋ, ಸಂಕಿಲೇಸತ್ತಯವಿಸೋಧನಂ, ಸೋತಾಪನ್ನಾದಿಭಾವಸ್ಸ ಚ ಕಾರಣಂ ಪಕಾಸಿತಂ ಹೋತಿ।
ಕಥಂ? ಏತ್ಥ ಹಿ ಸೀಲೇನ ಅಧಿಸೀಲಸಿಕ್ಖಾ ಪಕಾಸಿತಾ ಹೋತಿ, ಸಮಾಧಿನಾ ಅಧಿಚಿತ್ತಸಿಕ್ಖಾ, ಪಞ್ಞಾಯ ಅಧಿಪಞ್ಞಾಸಿಕ್ಖಾ।
ಸೀಲೇನ ಚ ಸಾಸನಸ್ಸ ಆದಿಕಲ್ಯಾಣತಾ ಪಕಾಸಿತಾ ಹೋತಿ। ‘‘ಕೋ ಚಾದಿ ಕುಸಲಾನಂ ಧಮ್ಮಾನಂ, ಸೀಲಞ್ಚ ಸುವಿಸುದ್ಧ’’ನ್ತಿ (ಸಂ॰ ನಿ॰ ೫.೩೬೯) ಹಿ ವಚನತೋ, ‘‘ಸಬ್ಬಪಾಪಸ್ಸ ಅಕರಣ’’ನ್ತಿ (ದೀ॰ ನಿ॰ ೨.೯೦) ಆದಿವಚನತೋ ಚ ಸೀಲಂ ಸಾಸನಸ್ಸ ಆದಿ, ತಞ್ಚ ಕಲ್ಯಾಣಂ, ಅವಿಪ್ಪಟಿಸಾರಾದಿಗುಣಾವಹತ್ತಾ। ಸಮಾಧಿನಾ ಮಜ್ಝೇಕಲ್ಯಾಣತಾ ಪಕಾಸಿತಾ ಹೋತಿ। ‘‘ಕುಸಲಸ್ಸ ಉಪಸಮ್ಪದಾ’’ತಿ (ದೀ॰ ನಿ॰ ೨.೯೦) ಆದಿವಚನತೋ ಹಿ ಸಮಾಧಿ ಸಾಸನಸ್ಸ ಮಜ್ಝೇ, ಸೋ ಚ ಕಲ್ಯಾಣೋ, ಇದ್ಧಿವಿಧಾದಿಗುಣಾವಹತ್ತಾ। ಪಞ್ಞಾಯ ಸಾಸನಸ್ಸ ಪರಿಯೋಸಾನಕಲ್ಯಾಣತಾ ಪಕಾಸಿತಾ ಹೋತಿ। ‘‘ಸಚಿತ್ತಪರಿಯೋದಾಪನಂ, ಏತಂ ಬುದ್ಧಾನ ಸಾಸನ’’ನ್ತಿ (ದೀ॰ ನಿ॰ ೨.೯೦) ಹಿ ವಚನತೋ, ಪಞ್ಞುತ್ತರತೋ
‘‘ಸೇಲೋ ಯಥಾ ಏಕಘನೋ, ವಾತೇನ ನ ಸಮೀರತಿ।
ಏವಂ ನಿನ್ದಾಪಸಂಸಾಸು, ನ ಸಮಿಞ್ಜನ್ತಿ ಪಣ್ಡಿತಾ’’ತಿ॥ (ಧ॰ ಪ॰ ೮೧)। –
ಹಿ ವುತ್ತಂ।
ತಥಾ
ಸೀಲೇನ ಚ ಕಾಮಸುಖಲ್ಲಿಕಾನುಯೋಗಸಙ್ಖಾತಸ್ಸ ಅನ್ತಸ್ಸ ವಜ್ಜನಂ ಪಕಾಸಿತಂ ಹೋತಿ, ಸಮಾಧಿನಾ ಅತ್ತಕಿಲಮಥಾನುಯೋಗಸಙ್ಖಾತಸ್ಸ। ಪಞ್ಞಾಯ ಮಜ್ಝಿಮಾಯ ಪಟಿಪತ್ತಿಯಾ ಸೇವನಂ ಪಕಾಸಿತಂ ಹೋತಿ।
ತಥಾ ಸೀಲೇನ ಅಪಾಯಸಮತಿಕ್ಕಮನುಪಾಯೋ ಪಕಾಸಿತೋ ಹೋತಿ, ಸಮಾಧಿನಾ ಕಾಮಧಾತುಸಮತಿಕ್ಕಮನುಪಾಯೋ, ಪಞ್ಞಾಯ ಸಬ್ಬಭವಸಮತಿಕ್ಕಮನುಪಾಯೋ।
ಸೀಲೇನ ಚ ತದಙ್ಗಪ್ಪಹಾನವಸೇನ ಕಿಲೇಸಪ್ಪಹಾನಂ ಪಕಾಸಿತಂ ಹೋತಿ, ಸಮಾಧಿನಾ ವಿಕ್ಖಮ್ಭನಪ್ಪಹಾನವಸೇನ, ಪಞ್ಞಾಯ ಸಮುಚ್ಛೇದಪ್ಪಹಾನವಸೇನ।
ತಥಾ ಸೀಲೇನ ಕಿಲೇಸಾನಂ ವೀತಿಕ್ಕಮಪಟಿಪಕ್ಖೋ ಪಕಾಸಿತೋ ಹೋತಿ, ಸಮಾಧಿನಾ ಪರಿಯುಟ್ಠಾನಪಟಿಪಕ್ಖೋ, ಪಞ್ಞಾಯ ಅನುಸಯಪಟಿಪಕ್ಖೋ।
ಸೀಲೇನ ಚ ದುಚ್ಚರಿತಸಂಕಿಲೇಸವಿಸೋಧನಂ ಪಕಾಸಿತಂ ಹೋತಿ, ಸಮಾಧಿನಾ ತಣ್ಹಾಸಂಕಿಲೇಸವಿಸೋಧನಂ, ಪಞ್ಞಾಯ ದಿಟ್ಠಿಸಂಕಿಲೇಸವಿಸೋಧನಂ।
ತಥಾ ಸೀಲೇನ ಸೋತಾಪನ್ನಸಕದಾಗಾಮಿಭಾವಸ್ಸ ಕಾರಣಂ ಪಕಾಸಿತಂ ಹೋತಿ, ಸಮಾಧಿನಾ ಅನಾಗಾಮಿಭಾವಸ್ಸ, ಪಞ್ಞಾಯ ಅರಹತ್ತಸ್ಸ। ಸೋತಾಪನ್ನೋ ಹಿ ‘‘ಸೀಲೇಸು ಪರಿಪೂರಕಾರೀ’’ತಿ (ಅ॰ ನಿ॰ ೩.೮೭) ವುತ್ತೋ, ತಥಾ ಸಕದಾಗಾಮೀ। ಅನಾಗಾಮೀ
ಏವಂ ಏತ್ತಾವತಾ ತಿಸ್ಸೋ ಸಿಕ್ಖಾ, ತಿವಿಧಕಲ್ಯಾಣಂ ಸಾಸನಂ, ತೇವಿಜ್ಜತಾದೀನಂ ಉಪನಿಸ್ಸಯೋ, ಅನ್ತದ್ವಯವಜ್ಜನಮಜ್ಝಿಮಪಟಿಪತ್ತಿಸೇವನಾನಿ, ಅಪಾಯಾದಿಸಮತಿಕ್ಕಮನುಪಾಯೋ, ತೀಹಾಕಾರೇಹಿ ಕಿಲೇಸಪ್ಪಹಾನಂ, ವೀತಿಕ್ಕಮಾದೀನಂ ಪಟಿಪಕ್ಖೋ, ಸಂಕಿಲೇಸತ್ತಯವಿಸೋಧನಂ, ಸೋತಾಪನ್ನಾದಿಭಾವಸ್ಸ ಚ ಕಾರಣನ್ತಿ ಇಮೇ ನವ, ಅಞ್ಞೇ ಚ ಏವರೂಪಾ ಗುಣತ್ತಿಕಾ ಪಕಾಸಿತಾ ಹೋನ್ತೀತಿ।