೬. ಆಖ್ಯಾತಕಣ್ಡ
ಸುದ್ಧಕತ್ತುರೂಪ
ಅಥ
ತತ್ಥ ಕ್ರಿಯಂ ಧಾರೇತೀತಿ ಧಾತು। ಸಾ ಪಕತಿಧಾತು, ವಿಕತಿಧಾತು, ನಾಮಧಾತುವಸೇನ ತಿವಿಧಾ।
ತತ್ಥ ಭೂ, ಹೂ, ಗಮು, ಪಚ ಇಚ್ಚಾದಿ ಪಕತಿಧಾತು ನಾಮ ಸಭಾವೇನ ಸಿದ್ಧತ್ತಾ।
ತಿತಿಕ್ಖ, ತಿಕಿಚ್ಛ, ಬುಭುಕ್ಖ, ಜಿಘಚ್ಛಇಚ್ಚಾದಿ ವಿಕತಿಧಾತು ನಾಮ ಸಙ್ಖತವಸೇನ ಸಿದ್ಧತ್ತಾ।
ಪುತ್ತೀಯ, ಪಬ್ಬತಾಯ ಇಚ್ಚಾದಿ ನಾಮಧಾತು ನಾಮ ನಾಮಭೂತಸ್ಸ ಸತೋ ಕ್ರಿಯವಾಚೀಪಚ್ಚಯಯೋಗೇನ ಧಾತುಟ್ಠಾನೇ ಠಿತತ್ತಾ।
ಪಕತಿಧಾತು ಚ ಸಕಮ್ಮಿಕಾ’ಕಮ್ಮಿಕವಸೇನ ದುವಿಧಾ।
ತತ್ಥಯಾ ಧಾತು ಕಮ್ಮಾಪೇಕ್ಖಂ ಕ್ರಿಯಂ ವದತಿ, ಸಾ ಸಕಮ್ಮಿಕಾ ನಾಮ। ಗಾಮಂ ಗಚ್ಛತಿ, ಓದನಂ ಪಚತಿ ಇಚ್ಚಾದಿ।
ಯಾ ಕಮ್ಮನಿರಪೇಕ್ಖಂ ಕ್ರಿಯಂ ವದತಿ, ಸಾ ಅಕಮ್ಮಿಕಾ ನಾಮ। ಭವತಿ, ಹೋತಿ, ತಿಟ್ಠತಿ, ಸೇತಿ ಇಚ್ಚಾದಿ।
ಸಕಮ್ಮಿಕಾ ಚ ಏಕಕಮ್ಮಿಕ, ದ್ವಿಕಮ್ಮಿಕವಸೇನ ದುವಿಧಾ।
ತತ್ಥ ಯಾ ಏಕಕಮ್ಮಾಪೇಕ್ಖಂ ಕ್ರಿಯಂ ವದತಿ, ಸಾ ಏಕಕಮ್ಮಿಕಾ ನಾಮ। ಗಾಮಂ ಗಚ್ಛತಿ, ಓದನಂ ಪಚತಿ ಇಚ್ಚಾದಿ।
ಯಾ ಪಧಾನಾ’ಪಧಾನವಸೇನ ಕಮ್ಮದ್ವಯಾಪೇಕ್ಖಂ ಕ್ರಿಯಂ ವದತಿ, ಸಾ ದ್ವಿಕಮ್ಮಿಕಾ ನಾಮ।
ಸಾ ಚ ನ್ಯಾದಿ, ದುಹಾದಿವಸೇನ ದುವಿಧಾ।
ತತ್ಥ
ಸೇಸಾ ದ್ವಿಕಮ್ಮಿಕಾ ದುಹಾದಿ ನಾಮ। ಗಾವಿಂ ಖೀರಂ ದುಹತಿ, ಬ್ರಾಹ್ಮಣಂ ಕಮ್ಬಲಂ ಯಾಚತಿ, ದಾಯಕಂ ಭಿಕ್ಖಂ ಭಿಕ್ಖತಿ, ಗೋಣಂ ವಜಂ ರುನ್ಧತಿ, ಭಗವನ್ತಂ ಪಞ್ಹಂ ಪುಚ್ಛತಿ, ಸಿಸ್ಸಂ ಧಮ್ಮಂ ಅನುಸಾಸತಿ, ಭಗವಾ ಭಿಕ್ಖೂ ಏತಂ [ವಚನಂ] ಅವೋಚ, ರಾಜಾ ಅಮಚ್ಚಂ ವಚನಂ ಬ್ರವೀತಿ ಇಚ್ಚಾದಿ।
ತತ್ಥ ಯದಾ ಕಮ್ಮಸ್ಮಿಂ ರೂಪಂ ಸಿಜ್ಝತಿ, ತದಾ ವಿಭತ್ತಿ, ಪಚ್ಚಯಾ ನ್ಯಾದಿಮ್ಹಿ ಪಧಾನಕಮ್ಮಂ ವದನ್ತಿ, ದುಹಾದಿಮ್ಹಿ ಅಪಧಾನಕಮ್ಮಂ, ಸಬ್ಬಧಾತೂಸು ಕಾರಿತಯೋಗೇ ಕಾರಿತಕಮ್ಮನ್ತಿ, ಸಬ್ಬಞ್ಚೇತಂ ಧಾತೂನಂ ಪಕತಿಅತ್ಥವಸೇನ ವುತ್ತಂ, ಅನೇಕತ್ಥತ್ತಾ ಪನ ಧಾತೂನಂ ಅತ್ಥನ್ತರವಚನೇ ವಾ ನಾನುಪಸಗ್ಗಯೋಗೇ ವಾ ಅಕಮ್ಮಿಕಾಪಿ ಸಕಮ್ಮಿಕಾ ಹೋನ್ತಿ, ಸಕಮ್ಮಿಕಾಪಿ ಅಕಮ್ಮಿಕಾ ಹೋನ್ತಿ।
ಅತ್ಥನ್ತರವಚನೇ ತಾವ –
ವಿದ – ಸತ್ತಾಯಂ, ಧಮ್ಮೋ ವಿಜ್ಜತಿ, ಸಂವಿಜ್ಜತಿ।
ವಿದ – ಞಾಣೇ, ಧಮ್ಮಂ ವಿದತಿ।
ವಿದ – ಲಾಭೇ, ಧನಂ ವಿನ್ದತಿ।
ವಿದ – ಅನುಭವನೇ, ಸುಖಂ ವೇದೇತಿ, ವಿಪಾಕಂ ಪಟಿಸಂವೇದೇತಿ
ವಿದ – ಆರೋಚನೇ, ವೇದಯಾಮಹಂ ಭನ್ತೇ ವೇದಯತೀತಿ ಮಂ ಧಾರೇತು
ನಾನುಪಸಗ್ಗಯೋಗೇ –
ಪದ-ಗತಿಯಂ, ಮಗ್ಗಂ ಪಜ್ಜತಿ, ಪಟಿಪಜ್ಜತಿ, ಮಗ್ಗೋ ಉಪ್ಪಜ್ಜತಿ, ನಿಪಜ್ಜತಿ, ಸಮ್ಪಜ್ಜತಿ, ಭೋಗೋ ಭವತಿ, ಸಮ್ಭವತಿ, ಭೋಗಂ ಅನುಭವತಿ, ತಣ್ಹಂ
ಪದಾನಂ ಬ್ಯಞ್ಜನಸಮ್ಪತ್ತಿಯಾ ವಾ ಅತ್ಥಸಮ್ಪತ್ತಿಯಾ ವಾ ಉಪಕಾರಕಾ ವಿಭತ್ತಿ, ಪಚ್ಚಯಾ ಪಚ್ಚಯಾ ನಾಮ।
ತತ್ಥ ವಿಭತ್ತಿಯೋ ತ್ಯಾದಿ, ತ್ವಾದಿಇಚ್ಚಾದಿನಾ ಅಟ್ಠವಿಧಾ ಭವನ್ತಿ, ಸರೂಪತೋ ಛನ್ನವುತಿವಿಧಾ।
ತತ್ಥ ಪುಬ್ಬಛಕ್ಕಭೂತಾನಿ ಅಟ್ಠಚತ್ತಾಲೀಸರೂಪಾನಿ ಪರಸ್ಸಪದಾನಿ ನಾಮ। ಪರಛಕ್ಕಭೂತಾನಿ ಅಟ್ಠಚತ್ತಾಲೀಸರೂಪಾನಿ ಅತ್ತನೋಪದಾನಿ ನಾಮ।
ತತ್ಥ ಪರಹಿತಪಟಿಸಂಯುತ್ತೇಸು ಠಾನೇಸು ಪವತ್ತಿಬಹುಲಾನಿ ಪದಾನಿ ಪರಸ್ಸಪದಾನಿ ನಾಮ। ಅತ್ತಹಿತಪಟಿಸಂಯುತ್ತೇಸು ಪವತ್ತಿಬಹುಲಾನಿ ಅತ್ತನೋಪದಾನಿ ನಾಮಾತಿ ಏಕೇ।
ಪರೋ ವುಚ್ಚತಿ ಕತ್ತಾ ಸಬ್ಬಕ್ರಿಯಾಸಾಧಾರಣತ್ತಾ, ಅತ್ತಾ ವುಚ್ಚತಿ ಕಮ್ಮಂ ಸಕಸಕಕ್ರಿಯಾಸಾಧಾರಣತ್ತಾ, ಪರಸ್ಸ ಅಭಿಧಾಯಕಾನಿ ಪದಾನಿ ಪರಸ್ಸಪದಾನಿ, ಅತ್ತನೋ ಅಭಿಧಾಯಕಾನಿ ಪದಾನಿ ಅತ್ತನೋಪದಾನೀತಿ ಅಞ್ಞೇ।
ಅತ್ತಾ ವುಚ್ಚತಿ ಪದತ್ಥಾನಂ ಸರೀರಭೂತಾ ಕ್ರಿಯಾ, ಕತ್ತುನಾ ಪನ ಸಾಧ್ಯಟ್ಠೇನ ಕ್ರಿಯರೂಪಾನಿ ಭಾವ, ಕಮ್ಮಾನಿಪಿ ಅತ್ತಾತಿ ವುಚ್ಚನ್ತಿ। ಸಾಧಕಟ್ಠೇನ ತೇಹಿ ಪರಭೂತೋ ಕತ್ತಾ ಪರೋ ನಾಮಾತಿ ಅಪರೇ।
ಅತ್ತಾ ವುಚ್ಚತಿ ಅಮ್ಹತ್ಥೋ, ಪರೋ ವುಚ್ಚತಿ ತುಮ್ಹ, ನಾಮತ್ಥೋ, ಪುಬ್ಬಛಕ್ಕಾನಿ ಪರಬಹುಲತ್ತಾ ಪರಸ್ಸಪದಾನಿ ನಾಮ, ಪರಛಕ್ಕಾನಿ ಪನ ರೂಳ್ಹೀವಸೇನ ಅತ್ತನೋಪದಾನಿ ನಾಮಾತಿಪಿ ವದನ್ತಿ। ಇದಂ ನ ಯುಜ್ಜತಿ ಪರಛಕ್ಕೇಸು ತಬ್ಬಹುಲಮತ್ತಸ್ಸಾಪಿ ಅಸಿದ್ಧತ್ತಾ। ಪಾಳಿಭಾಸಂ ಪನ ಪತ್ವಾ ದ್ವಿನ್ನಂ ಛಕ್ಕಾನಂ ಅತ್ತಹಿತ, ಪರಹಿತೇಸು ವಾ ತೀಸು ಕಾರಕೇಸು ವಾ ಪವತ್ತಿನಾನಾತ್ತಂ ನ ದಿಸ್ಸತಿಯೇವ, ತಸ್ಮಾ ಇಮಸ್ಮಿಂ ಗನ್ಥೇ ತಂ ನಾಮದ್ವಯಂ ನ ಗಹಿತನ್ತಿ ದಟ್ಠಬ್ಬಂ।
ಪಚ್ಚಯಾ
ತತ್ಥ ಯೇ ಧಾತುಸಿದ್ಧಾನಿ ತ್ಯಾದಿಪದಾನಿ ತಬ್ಬಾದಿಪದಾನಿ ಚ ಗಣವಿಭಾಗವಸೇನ ಅಞ್ಞಮಞ್ಞಂ ವಿಸದಿಸರೂಪಾನಿ ಕರೋನ್ತಿ, ತೇ ವಿಕರಣಪಚ್ಚಯಾ ನಾಮ, ಲ, ಯ, ಣೋಇಚ್ಚಾದಯೋ।
ಭಾವ, ಕಮ್ಮವಿಸಯೋ ಕ್ಯೋ ಕಿಚ್ಚಪಚ್ಚಯೋ ನಾಮ।
ಪರೇಸಂ ಆಣಾಪನಸಙ್ಖಾತೇ ಪಯೋಜಕಬ್ಯಾಪಾರೇ ಪವತ್ತಾ ಣಿ, ಣಾಪಿಪಚ್ಚಯಾ ಕಾರಿತಪಚ್ಚಯಾ ನಾಮ।
ವಿಸುಂ ತಂತಂಕ್ರಿಯವಾಚೀಭಾವೇನ ಧಾತುರೂಪಾ ಖ, ಛ, ಸಇಚ್ಚಾದಿಕಾ ಪಚ್ಚಯಾ ಧಾತುಪಚ್ಚಯಾ ನಾಮ।
‘‘ಕಾಲ, ಕಾರಕ, ಪುರಿಸ, ಸಙ್ಖ್ಯಾಭೇದದೀಪಕ’’ನ್ತಿ ಏತ್ಥ ಅತೀತ, ಪಚ್ಚುಪ್ಪನ್ನಾ’ನಾಗತ, ಕಾಲವಿಮುತ್ತವಸೇನ ಕಾಲಭೇದೋ ಚತುಬ್ಬಿಧೋ।
ತತ್ಥ ಹಿಯ್ಯತ್ತನೀ, ಅಜ್ಜತ್ತನೀ
ವತ್ತಮಾನಾ, ಪಞ್ಚಮೀತಿ ದ್ವೇ ಪಚ್ಚುಪ್ಪನ್ನೇ।
ಏಕಾ ಭವಿಸ್ಸನ್ತೀ ಅನಾಗತೇ।
ಸತ್ತಮೀ, ಕಾಲಾತಿಪತ್ತೀತಿ ದ್ವೇ ಕಾಲವಿಮುತ್ತೇ ವತ್ತನ್ತಿ, ಅಯಂ ಕಿರ ಪೋರಾಣಿಕೋ ವಿಭತ್ತೀನಂ ಕಮೋ, ಸೋ ಚ ಪಾಳಿಯಾ ಸಮೇತಿಯೇವ।
‘‘ಸಬ್ಬೇ ಸದ್ಧಮ್ಮಗರುನೋ, ವಿಹಂಸು ವಿಹರನ್ತಿ ಚ।
ಅಥೋಪಿ ವಿಹರಿಸ್ಸನ್ತಿ, ಏಸಾ ಬುದ್ಧಾನ ಧಮ್ಮತಾ’’ತಿ
‘‘ಅಬ್ಭತೀತಾ ಚ ಯೇ ಬುದ್ಧಾ, ವತ್ತಮಾನಾ ಅನಾಗತಾ’’ತಿ ಚ
ಕತ್ತು, ಕಮ್ಮ, ಭಾವಾ ಪನ ಕಾರಕಭೇದೋ ನಾಮ। ತತ್ಥ ಭಾವೋ ದುವಿಧೋ ಸಾಧ್ಯ, ಸಾಧನವಸೇನ ವಿಸೇಸನ, ವಿಸೇಸ್ಯವಸೇನ ಚ। ತತ್ಥ ಧಾತ್ವತ್ಥಕ್ರಿಯಾ ಸಾಧ್ಯಭಾವೋ ನಾಮ। ಪಚ್ಚಯತ್ಥಕ್ರಿಯಾ ಸಾಧನಭಾವೋ ನಾಮ।
ತೇಸು ಸಾಧ್ಯಭಾವೋ ನಾನಾಧಾತೂನಂ ವಸೇನ ನಾನಾವಿಧೋ ಹೋತಿ। ಸಾಧನಭಾವೋ ನಾನಾಧಾತ್ವತ್ಥಾನಂ ಪವತ್ತಾಕಾರಸಙ್ಖಾತೇನ ಏಕಟ್ಠೇನ ಏಕೋವ ಹೋತಿ। ಸೋ ಪನ ಯಥಾ ಜಾತಿ ನಾಮ ಅನುಪ್ಪನ್ನಪಕ್ಖೇ ಠಿತೇ ಸಙ್ಖತಧಮ್ಮೇ ಉಪ್ಪಾದೇನ್ತೀ ವಿಯ ಖಾಯತಿ, ತಥಾ ವೋಹಾರವಿಸಯಮತ್ತೇ ಠಿತೇ ಸಬ್ಬಧಾತ್ವತ್ಥೇ ಪಾತುಭೋನ್ತೇ ಕರೋನ್ತೋ ವಿಯ ಖಾಯತಿ, ತಸ್ಮಾ ಸೋ ಸಾಧನನ್ತಿ ಚ ಕಾರಕನ್ತಿ ಚ ವುಚ್ಚತಿ। ಯಥಾ ಚ ಜಾತಿವಸೇನ ಉಪ್ಪನ್ನಾ ಸಙ್ಖತಧಮ್ಮಾ ‘‘ಚಿನ್ತನಂ ಜಾತಂ, ಫುಸನಂ ಜಾತ’’ ಮಿಚ್ಚಾದಿನಾ ಏಕನ್ತಮೇವ ಜಾತಿಂ ವಿಸೇಸೇನ್ತಿ, ತಥಾ ಪಚ್ಚಯತ್ಥವಸೇನ ಪಾತುಭೋನ್ತಾ ನಾನಾಧಾತ್ವತ್ಥಾಪಿ ‘‘ಭುಯ್ಯತೇ, ಗಮ್ಯತೇ, ಪಚ್ಚತೇ, ಭವನಂ, ಗಮನಂ, ಪಚನ’’ ಮಿಚ್ಚಾದಿನಾ ಏಕನ್ತಮೇವ ಪಚ್ಚಯತ್ಥಂ ವಿಸೇಸೇನ್ತಿ। ವತ್ತಿಚ್ಛಾವಸೇನ ಪನ ಭಾವಸಾಧನಪದೇಸು ಧಾತ್ವತ್ಥ, ಪಚ್ಚಯತ್ಥಾನಂ ಅಭೇದೋಪಿ ವತ್ತುಂ ಯುಜ್ಜತಿಯೇವ। ಇಧ ಪನ ದ್ವೀಸು ಭಾವೇಸು ಸಾಧನಭಾವೋ ಅಧಿಪ್ಪೇತೋತಿ।
ಪಠಮ, ಮಜ್ಝಿಮು’ತ್ತಮಪುರಿಸಾ ಪುರಿಸಭೇದೋ। ‘ಪುರಿಸೋ’ತಿ ಚ ‘‘ಯಂಕಿಞ್ಚಾಯಂ ಪುರಿಸಪುಗ್ಗಲೋ ಪಟಿಸಂವೇದೇತಿ ಸುಖಂ ವಾ ದುಕ್ಖಂ ವಾ ಅದುಕ್ಖಮಸುಖಂ ವಾ’’ತಿ
ಸೋ ಚ ತಿವಿಧೋ ನಾಮತ್ಥೋ, ತುಮ್ಹತ್ಥೋ, ಅಮ್ಹತ್ಥೋ ಚಾತಿ। ತತ್ಥ ಅತ್ತನೋ ಅಜ್ಝತ್ತಸನ್ತಾನಭೂತತ್ತಾ ಅಮ್ಹತ್ಥೋ ಉತ್ತಮಪುರಿಸೋ
ಸಙ್ಖ್ಯಾಭೇದೋ ದುವಿಧೋ ಏಕತ್ತ, ಬಹುತ್ತವಸೇನ।
‘ಲಿಙ್ಗಭೇದರಹಿತ’ನ್ತಿ ‘‘ಪುರಿಸೋ ಗಚ್ಛತಿ, ಇತ್ಥೀ ಗಚ್ಛತಿ, ಕುಲಂ ಗಚ್ಛತಿ’’ ಇಚ್ಚಾದೀಸು ‘ಪುರಿಸೋ’ಇಚ್ಚಾದೀನಂ ಅಭಿಧೇಯ್ಯಪದಾನಂ ಲಿಙ್ಗಾನುಗತೋ ರೂಪಭೇದೋ ಆಖ್ಯಾತಪದೇ ನತ್ಥಿ।
‘ಕ್ರಿಯಾಪಧಾನವಾಚಕ’ನ್ತಿ ಏತ್ಥ ಕ್ರಿಯಂ ಏವ ಪಧಾನತೋ ಅಭಿಧಾತಿ, ನ ನಾಮಪದಂ ವಿಯ ದಬ್ಬಂ ಪಧಾನತೋ ಅಭಿಧಾತೀತಿ ಅಧಿಪ್ಪಾಯೋ।
ತತ್ಥ ಕ್ರಿಯಾ ನಾಮ ಧಾತ್ವತ್ಥಭಾವೋ ವುಚ್ಚತಿ, ಸಾ ಚ ಕಾಲವಸೇನ ಅತೀತಕ್ರಿಯಾ, ಪಚ್ಚುಪ್ಪನ್ನಕ್ರಿಯಾ, ಅನಾಗತಕ್ರಿಯಾ, ಕಾಲವಿಮುತ್ತಕ್ರಿಯಾತಿ ಚತುಬ್ಬಿಧಾ ಹೋತಿ।
ಆಣತ್ತಿಕ್ರಿಯಾ, ಆಸಿಟ್ಠಕ್ರಿಯಾ, ಅನುಮತಿಕ್ರಿಯಾ, ಪರಿಕಪ್ಪಕ್ರಿಯಾ, ಅರಹ, ಸಕ್ಕ, ವಿಧಿ, ನಿಮನ್ತನಾ’ಮನ್ತನಾದಿಕ್ರಿಯಾತಿ ಬಹುವಿಧೋ ಕ್ರಿಯಾಭೇದೋತಿ।
ಭೂ-ಸತ್ತಾಯಂ, ಸನ್ತಸ್ಸ ಭಾವೋ ಸತ್ತಾ, ತಸ್ಸಂ ಸತ್ತಾಯಂ, ಭೂಧಾತು ಸತ್ತಾಯಮತ್ಥೇ ವತ್ತತೇ, ಸಬ್ಬಪದತ್ಥಾನಂ ಸದ್ದ, ಬುದ್ಧಿವಿಸಯಭಾವೇನ ವಿಜ್ಜಮಾನಭಾವೇ ವತ್ತತೇತ್ಯತ್ಥೋ।
೫೬೧. ಕ್ರಿಯತ್ಥಾ
ಅಧಿಕಾರಸುತ್ತಮಿದಂ, ಕ್ರಿಯತ್ಥಾ ಪರಂ ವಿಭತ್ತಿ, ಪಚ್ಚಯಾ ಭವನ್ತೀತಿ ಅತ್ಥೋ। ಕ್ರಿಯಾ ಅತ್ಥೋ ಯಸ್ಸಾತಿ ಕ್ರಿಯತ್ಥೋ। ಪಕತಿಧಾತು, ವಿಕತಿಧಾತು, ನಾಮಧಾತುವಸೇನ ತಿವಿಧೋ ಧಾತು, ಕಾರಿತಪಚ್ಚಯನ್ತರೂಪಮ್ಪಿ ವಿಕತಿಧಾತುಮ್ಹಿ ಸಙ್ಗಯ್ಹತಿ।
೫೬೨. ವತ್ತಮಾನೇತಿ ಅನ್ತಿ ಸಿ ಥ ಮಿ ಮ ತೇ ಅನ್ತೇ ಸೇ ವ್ಹೇ ಏ ಮ್ಹೇ
ಆರಭಿತ್ವಾ ನಿಟ್ಠಂ ಅನುಪಗತೋ ಭಾವೋ ವತ್ತಮಾನೋ ನಾಮ, ತಂಸಮ್ಬನ್ಧೀಕಾಲೋಪಿ ತದೂಪಚಾರೇನ ವತ್ತಮಾನೋತಿ ವುಚ್ಚತಿ। ವತ್ತಮಾನೇ ಕಾಲೇ ಕ್ರಿಯತ್ಥಾ ಪರಂ ತ್ಯಾದಿವಿಭತ್ತಿಯೋ ಭವನ್ತಿ। ಅಯಞ್ಚ ವಿಭತ್ತಿ ತ್ಯಾದೀತಿ ಚ ವತ್ತಮಾನಕಾಲವಿಸಯತ್ತಾ ವತ್ತಮಾನಾತಿ ಚ ಸಿಜ್ಝತಿ।
೫೬೩. ಪುಬ್ಬಾಪರಛಕ್ಕಾನಮೇಕಾನೇಕೇಸು ತುಮ್ಹಮ್ಹಸೇಸೇಸು ದ್ವೇ ದ್ವೇ ಮಜ್ಝಿಮುತ್ತಮಪಠಮಾ
ತುಮ್ಹನಾಮಂ, ಅಮ್ಹನಾಮಂ, ತದುಭಯತೋ ಸೇಸನಾಮನ್ತಿ ತೀಸು ನಾಮೇಸು ಪಯುಜ್ಜಮಾನೇಸು ವಾ ಗಮ್ಯಮಾನೇಸು ವಾ ಏಕಸ್ಮಿಂ ವಾ ಅನೇಕೇಸು ವಾ ಅತ್ಥೇಸು ಪುಬ್ಬಛಕ್ಕ, ಪರಛಕ್ಕಾನಂ ದ್ವೇ ದ್ವೇ ಮಜ್ಝಿಮ, ಉತ್ತಮ, ಪಠಮಾ ವಿಭತ್ತಿಯೋ ಭವನ್ತಿ। ‘‘ಉತ್ತಮನ್ತಿ ಉತ್ತರಂ ಅನ್ತಿಮ’’ನ್ತಿ ಚೂಳಮೋಗ್ಗಲ್ಲಾನೇ ವುತ್ತಂ।
ಏತ್ಥ ಚ ವಿಭತ್ತಿವಿಧಾನಮುಖೇನ ತಂತಂಸಞ್ಞಾವಿಧಾನಮ್ಪಿ ಸಿದ್ಧಂ ಹೋತಿ।
ಕಥಂ?ತಿ, ಅನ್ತಿ, ಸಿ, ಥ, ಮಿ, ಮ ಇತಿ ಪುಬ್ಬಛಕ್ಕಂ ನಾಮ।
ತೇ, ಅನ್ತೇ, ಸೇ, ವ್ಹೇ, ಏ, ಮ್ಹೇ ಇತಿ ಪರಛಕ್ಕಂ ನಾಮ।
ಪುಬ್ಬಛಕ್ಕೇ ಚ-ತಿ, ಅನ್ತಿದ್ವಯಂ ಪಠಮದುಕಂ ನಾಮ, ಸಿ, ಥದ್ವಯಂ ಮಜ್ಝಿಮದುಕಂ ನಾಮ, ಮಿ, ಮದ್ವಯಂ ಉತ್ತಮದುಕಂ ನಾಮ। ಏವಂ ಪರಛಕ್ಕೇ।
ತತ್ಥ ತುಲ್ಯಾಧಿಕರಣಭೂತೇ ಸೇಸನಾಮೇ ಪಯುಜ್ಜಮಾನೇ ವಾ ಗಮ್ಯಮಾನೇ ವಾ ಪಠಮದುಕಂ ಭವತಿ। ತಥಾ ತುಮ್ಹನಾಮೇ ಮಜ್ಝಿಮದುಕಂ, ಅಮ್ಹನಾಮೇ ಉತ್ತಮದುಕಂ। ದುಕೇಸು ಚ ಏಕಸ್ಮಿಂ ಅತ್ಥೇ ವತ್ತಬ್ಬೇ ಏಕವಚನಂ, ಬಹುಮ್ಹಿ ವತ್ತಬ್ಬೇ ಬಹುವಚನಂ।
ಏತ್ಥ
ವುತ್ತಕತ್ತು, ಕಮ್ಮಾಧಿಟ್ಠಾನಸ್ಸ ಚ ಲಿಙ್ಗತ್ಥಸ್ಸ ವಾಚಕಂ ನಾಮಪದಂ ಅಭಿಧೇಯ್ಯಪದಂ ನಾಮ, ಏತದೇವ ತುಲ್ಯಾಧಿಕರಣಪದನ್ತಿ ಚ ವುಚ್ಚತಿ।
ಅಮಾದಯೋ ಚ ಅತ್ಥವಾಚಕವಿಭತ್ತಿಯೋ ಏತಸ್ಮಿಂ ಓಕಾಸಂ ನ ಲಭನ್ತಿ, ಲಿಙ್ಗತ್ಥಮತ್ತಜೋತಿಕಾ ಪಠಮಾವಿಭತ್ತಿ ಏವ ಓಕಾಸಂ ಲಭತಿ। ಏವರೂಪಾನಿ ತುಲ್ಯಾಧಿಕರಣಭೂತಾನಿ ಅಭಿಧೇಯ್ಯಪದಾನಿ ಸನ್ಧಾಯ ಸುತ್ತೇ ‘ತುಮ್ಹಮ್ಹಸೇಸೇಸೂ’ತಿ ವುತ್ತಂ।
ಇದಞ್ಚ ಸುತ್ತಂ ಸುದ್ಧೇಹಿ ತುಮ್ಹ’ಮ್ಹ, ಸೇಸನಾಮೇಹಿ ಯುತ್ತವಾಕ್ಯೇ ಚ ಮಿಸ್ಸಕೇಹಿ ಯುತ್ತವಾಕ್ಯೇ ಚಾತಿ ದ್ವೀಸು ದ್ವೀಸು ವಾಕ್ಯೇಸು ವೇದಿತಬ್ಬಂ।
ತತ್ಥ ಸುದ್ಧೇಹಿ ಯುತ್ತೇ ಪಚ್ಚೇಕಂ ದುಕಾನಿ ವತ್ತನ್ತಿ। ಯಥಾ? ಸೋ ಗಚ್ಛತಿ, ತೇ ಗಚ್ಛನ್ತಿ, ತ್ವಂ ಗಚ್ಛಸಿ, ತುಮ್ಹೇ ಗಚ್ಛಥ, ಅಹಂ ಗಚ್ಛಾಮಿ, ಮಯಂ ಗಚ್ಛಾಮಾತಿ।
ತಥಾ ಸುದ್ಧದ್ವನ್ದೇಪಿ। ಯಥಾ? ಸೋ ಚ ಸೋ ಚ ಗಚ್ಛತಿ, ಗಚ್ಛನ್ತಿ ವಾ। ತೇ ಚ ತೇ ಚ ಗಚ್ಛನ್ತಿ, ಸೋ ಚ ತೇ ಚ ಗಚ್ಛನ್ತಿ, ತ್ವಞ್ಚ ತ್ವಞ್ಚ ಗಚ್ಛಸಿ, ಗಚ್ಛಥ ವಾ। ತುಮ್ಹೇ ಚ ತುಮ್ಹೇ ಚ ಗಚ್ಛಥ, ತ್ವಞ್ಚ ತುಮ್ಹೇ ಚ ಗಚ್ಛಥಾತಿ।
ಮಿಸ್ಸಕೇಹಿ ಯುತ್ತೇ ದ್ವನ್ದವಾಕ್ಯೇ ಪನ ‘ವಿಪ್ಪಟಿಸೇಧೇ’ತಿ ಸಙ್ಕೇತತ್ತಾ ಪರದುಕಾನಿ ಏವ ಓಕಾಸಂ ಲಭನ್ತಿ, ತೇಸು ಚ ಬಹುವಚನಾನಿ ಏವ। ಯಥಾ? ಸೋ ಚ ತ್ವಞ್ಚ ಗಚ್ಛಥ, ಸೋ ಚ ಅಹಞ್ಚ ಗಚ್ಛಾಮ, ತ್ವಞ್ಚ ಅಹಞ್ಚ ಗಚ್ಛಾಮ, ಸೋ ಚ ತ್ವಞ್ಚ ಅಹಞ್ಚ ಗಚ್ಛಾಮ। ಏಕವಚನಚತುಕ್ಕಂ।
ತೇ ಚ ತುಮ್ಹೇ ಚ ಗಚ್ಛಥ, ತೇ ಚ ಮಯಞ್ಚ ಗಚ್ಛಾಮ, ತುಮ್ಹೇ ಚ ಮಯಞ್ಚ ಗಚ್ಛಾಮ, ತೇ ಚ ತುಮ್ಹೇ ಚ ಮಯಞ್ಚ ಗಚ್ಛಾಮ। ಬಹುವಚನಚತುಕ್ಕಂ।
ಸೋ
ತೇ ಚ ತ್ವಞ್ಚ ಗಚ್ಛಥ, ತೇ ಚ ಅಹಞ್ಚ ಗಚ್ಛಾಮ, ತುಮ್ಹೇ ಚ ಅಹಞ್ಚ ಗಚ್ಛಾಮ, ತೇ ಚ ತುಮ್ಹೇ ಚ ಅಹಞ್ಚ ಗಚ್ಛಾಮ। ಬಹುವಚನಮೂಲಚತುಕ್ಕಂ।
ಅಪಿ ಚ ತ್ವಞ್ಚ ಸೋ ಚ ಗಚ್ಛಥ, ಅಹಞ್ಚ ಸೋ ಚ ಗಚ್ಛಾಮ, ತ್ವಞ್ಚ ಅಹಞ್ಚ ಸೋ ಚ ಗಚ್ಛಾಮ, ತುಮ್ಹೇ ಚ ಸೋ ಚ ಗಚ್ಛಥ, ಮಯಞ್ಚ ಸೋ ಚ ಗಚ್ಛಾಮ, ತ್ವಞ್ಚ ತೇ ಚ ಗಚ್ಛಥ, ಅಹಞ್ಚ ತೇ ಚ ಗಚ್ಛಾಮಇಚ್ಚಾದೀನಿಪಿ ಚತುಕ್ಕಾನಿ ವೇದಿತಬ್ಬಾನಿ।
ಅತ್ರಿಮಾ ಪಾಳೀ – ತುವಞ್ಚ ಪುತ್ತೋ ಸುಣಿಸಾ ಚ ನತ್ತಾ, ಸಮ್ಮೋದಮಾನಾ ಘರಮಾವಸೇಥ
ಅಹಞ್ಚ ದಾನಿ ಆಯಸ್ಮಾ ಚ ಸಾರಿಪುತ್ತೋ ಭಿಕ್ಖುಸಙ್ಘಂ ಪರಿಹರಿಸ್ಸಾಮ
ಅಹಞ್ಚ ಇಮೇ ಚ ಭಿಕ್ಖೂ ಸಮಾಧಿನಾ ನಿಸೀದಿಮ್ಹಾ।
ಅಹಞ್ಚ ಭರಿಯಾ ಚ ದಾನಪತೀ ಅಹುಮ್ಹಾ
ಅಹಞ್ಚ ಸಾಮಿಕೋ ಚ ದಾನಪತೀ ಅಹುಮ್ಹಾ
ಯಂ ಪನ ‘‘ಸೋ ಚ ಗಚ್ಛತಿ, ತ್ವಞ್ಚ ಗಚ್ಛಸೀ’’ತಿ ವತ್ತಬ್ಬೇ ‘‘ತುಮ್ಹೇ ಗಚ್ಛಥಾ’’ತಿ ವಾ ‘‘ಸೋ ಚ ಗಚ್ಛತಿ, ಅಹಞ್ಚ ಗಚ್ಛಾಮೀ’’ತಿ ವತ್ತಬ್ಬೇ ‘‘ಮಯಂ ಗಚ್ಛಾಮಾ’’ತಿ ವಾ ವಚನಂ, ತಂ ಪಕತಿಬಹುವಚನಮೇವ, ನ ಪರೋಪುರಿಸಬಹುವಚನಂ।
ಯಞ್ಚ ಕಚ್ಚಾಯನೇ – ‘‘ಸಬ್ಬೇಸಮೇಕಾಭಿಧಾನೇ ಪರೋ ಪುರಿಸೋ’’ತಿ
೫೬೪. ಕತ್ತರಿ ಲೋ
ಅಪರೋಕ್ಖೇಸು ಮಾನ, ನ್ತ, ತ್ಯಾದೀಸು ಪರೇಸು ಕ್ರಿಯತ್ಥಾ ಪರಂ ಕತ್ತರಿ ಲಾನುಬನ್ಧೋ ಅಪಚ್ಚಯೋ ಹೋತಿ। ಲಾನುಬನ್ಧೋ ‘ಊಲಸ್ಸೇ’ತಿ ಸುತ್ತೇ ವಿಸೇಸನತ್ಥೋ।
ಏತೇನ ಯತ್ಥ ಮಾನ, ನ್ತ, ತ್ಯಾದಯೋ ಕತ್ತರಿ ವತ್ತನ್ತಿ, ತತ್ಥ ಅಯಂ ಲಪಚ್ಚಯೋತಿ ಲಪಚ್ಚಯೇನ ತೇಸಂ ಕತ್ತುವಾಚಕಭಾವಂ ಞಾಪೇತಿ, ಏಸ ನಯೋ ‘‘ಕ್ಯೋ ಭಾವಕಮ್ಮೇಸು…’’ ಇಚ್ಚಾದೀಸುಪಿ।
ಏತ್ಥ ಚ ವಿಕರಣಪಚ್ಚಯಾ ನಾಮ ಬ್ಯಞ್ಜನಪೂರಣಾ ಏವ ಹೋನ್ತಿ, ನ ಅತ್ಥಪೂರಣಾ, ತಸ್ಮಾ ಯಸ್ಮಿಂ ಪಯೋಗೇ ತೇಹಿ ವಿನಾ ಪದರೂಪಂ ನ ಸಿಜ್ಝತಿ, ತತ್ಥೇವ ತೇ ವತ್ತನ್ತಿ। ಯತ್ಥ ಸಿಜ್ಝತಿ, ತತ್ಥ ನ ವತ್ತನ್ತಿ, ಅಯಮ್ಪಿ ಲಪಚ್ಚಯೋ ಧಾತುತೋ ಪರಂ ವಿಭತ್ತಿಸರೇ ವಾ ಆಗಮಸರೇ ವಾ ಅಸನ್ತೇ ವತ್ತತಿ, ಸನ್ತೇ ಪನ ‘‘ಪಚಾಮಿ, ಪಚಾಮ, ಪಚಾಹಿ, ಗಮೇತಿ, ಗಮೇನ್ತಿ, ವಜ್ಜೇತಿ, ವಜ್ಜೇನ್ತಿ’’-ಇಚ್ಚಾದೀಸು ಕಾರಿಯನ್ತರತ್ಥಾಯ ವತ್ತತಿ। ಯತ್ಥ ಚ ಪಚ್ಚಯಾನಂ ಲೋಪೋ ವಿಹಿತೋ, ತತ್ಥ ಗಣನ್ತರ, ರೂಪನ್ತರಪ್ಪಸಙ್ಗಪಟಿಸಿದ್ಧಾಯ ವತ್ತತಿ, ಅಞ್ಞತ್ಥ ನ ವತ್ತತಿ।
೫೬೫. ಯುವಣ್ಣಾನಮೇಓ ಪಚ್ಚಯೇ
ವಿಭತ್ತಿ, ಪಚ್ಚಯಾ ಪಚ್ಚಯೋ ನಾಮ। ಇ, ಕೀ, ಖಿ, ಚಿ, ಜಿ ಇಚ್ಚಾದಯೋ ಇವಣ್ಣಾ ನಾಮ। ಚು, ಜು, ಭೂ, ಹೂ ಇಚ್ಚಾದಯೋ ಉವಣ್ಣಾ ನಾಮ। ಪಚ್ಚಯೇ ಪರೇ ಏಕಕ್ಖರಧಾತ್ವನ್ತಾನಂ ಇವಣ್ಣು’ವಣ್ಣಾನಂ ಕಮೇನ ಏ, ಓವುದ್ಧಿಯೋ ಹೋನ್ತಿ। ‘ಪರೋ ಕ್ವಚೀ’ತಿ ಪರಸರಲೋಪೋ।
ಸಂಪುಬ್ಬೋ-ಸಮ್ಭೋತಿ
ಅನುಪುಬ್ಬೋ-ಅನುಭವನೇ, ಸೋ ಭೋಗಂ ಅನುಭೋತಿ, ತೇ ಭೋಗಂ ಅನುಭೋನ್ತಿ, ತ್ವಂ ಭೋಗಂ ಅನುಭೋಸಿ, ತುಮ್ಹೇ ಭೋಗಂ ಅನುಭೋಥ, ಅಹಂ ಭೋಗಂ ಅನುಭೋಮಿ, ಮಯಂ ಭೋಗಂ ಅನುಭೋಮ।
ತತ್ಥ ಯಥಾ ‘‘ನೀಲೋ ಪಟೋ’’ತಿ ಏತ್ಥ ನೀಲಸದ್ದಸ್ಸ ಅತ್ಥೋ ದುವಿಧೋ ವಾಚ್ಚತ್ಥೋ, ಅಭಿಧೇಯ್ಯತ್ಥೋತಿ।
ತತ್ಥ ಗುಣಸಙ್ಖಾತೋ ಸಕತ್ಥೋ ವಾಚ್ಚತ್ಥೋ ನಾಮ।
ಗುಣನಿಸ್ಸಯೋ ದಬ್ಬತ್ಥೋ ಅಭಿಧೇಯ್ಯತ್ಥೋ ನಾಮ।
ನೀಲಸದ್ದೋ ಪನ ವಚ್ಚಾತ್ಥಮೇವ ಉಜುಂ ವದತಿ, ನೀಲಸದ್ದಮತ್ತಂ ಸುಣನ್ತೋ ನೀಲಗುಣಮೇವ ಉಜುಂ ಜಾನಾತಿ, ತಸ್ಮಾ ‘‘ಪಟೋ’’ ಇತಿ ಪದನ್ತರೇನ ನೀಲಸದ್ದಸ್ಸ ಅಭಿಧೇಯ್ಯತ್ಥೋ ಆಚಿಕ್ಖೀಯತಿ।
ತಥಾ ‘‘ಅನುಭೋತೀ’’ತಿ ಏತ್ಥ ತಿಸದ್ದಸ್ಸ ಅತ್ಥೋ ದುವಿಧೋ ವಾಚ್ಚತ್ಥೋ, ಅಭಿಧೇಯ್ಯತ್ಥೋತಿ।
ತತ್ಥ ಕತ್ತುಸತ್ತಿಸಙ್ಖಾತೋ ಸಕತ್ಥೋ ವಾಚ್ಚತ್ಥೋ ನಾಮ।
ಸತ್ತಿನಿಸ್ಸಯೋ ಲಿಙ್ಗತ್ಥೋ ಅಭಿಧೇಯ್ಯತ್ಥೋ ನಾಮ।
ತಿಸದ್ದೋ ಪನ ವಾಚ್ಚತ್ಥಮೇವ ಉಜುಂ ವದತಿ, ನ ಅಭಿಧೇಯ್ಯತ್ಥಂ। ‘‘ಅನುಭೋತೀ’’ತಿ ಸುಣನ್ತೋಸಾಧ್ಯಕ್ರಿಯಾಸಹಿತಂ ಕತ್ತಾರಮೇವ ಉಜುಂ ಜಾನಾತಿ, ನ ಕಿಞ್ಚಿ ದಬ್ಬನ್ತಿ ಅತ್ಥೋ। ತಸ್ಮಾ ‘‘ಸೋ’’ ಇತಿ ಪದನ್ತರೇನ ತಿಸದ್ದಸ್ಸ ಅಭಿಧೇಯ್ಯತ್ಥೋ ಆಚಿಕ್ಖೀಯತಿ, ವಾಚ್ಚತ್ಥಸ್ಸ ಪನ ತಿಸದ್ದೇನೇವ ಉಜುಂ ವುತ್ತತ್ತಾ ತತಿಯಾವಿಭತ್ತಿಯಾ ಪುನ ಆಚಿಕ್ಖಿತಬ್ಬಕಿಚ್ಚಂ ನತ್ಥಿ, ಲಿಙ್ಗತ್ಥಜೋತನತ್ಥಂ ಅಭಿಧೇಯ್ಯಪದೇ ಪಠಮಾವಿಭತ್ತಿ ಏವ ಪವತ್ತತೀತಿ। ಏಸ ನಯೋ ಸಬ್ಬತ್ಥ।
೫೬೬. ಏಓನಮಯವಾ ಸರೇ
ಸರೇ
ಭವತಿ, ಭವನ್ತಿ, ಭವಸಿ, ಭವಥ।
೫೬೭. ಹಿಮಿಮೇಸ್ವಸ್ಸ
ಹಿ, ಮಿ, ಮೇಸು ಪರೇಸು ಅ-ಕಾರಸ್ಸ ದೀಘೋ ಹೋತಿ।
ಭವಾಮಿ, ಭವಾಮ।
ಪರಛಕ್ಕೇ – ಭವತೇ, ಭವನ್ತೇ, ಭವಸೇ, ಭವವ್ಹೇ, ಭವೇ, ಭವಮ್ಹೇ।
ಪಪುಬ್ಬೋ ಭೂ-ಪವತ್ತಿಯಂ, ನದೀ ಪಭವತಿ।
ಅಧ್ಯಾ’ಭಿ, ಪರಿಪುಬ್ಬೋ ಹಿಂಸಾಯಂ, ಅಧಿಭವತಿ, ಅಭಿಭವತಿ, ಪರಿಭವತಿ।
ವಿಪುಬ್ಬೋ ವಿನಾಸೇ, ಪಾಕಟೇ, ಸೋಭಣೇ ಚ, ವಿಭವತಿ।
ಪರಾಪುಬ್ಬೋ ಪರಾಜಯೇ, ಪರಾಭವತಿ।
ಅಭಿ, ಸಂಪುಬ್ಬೋ ಪತ್ತಿಯಂ, ಅಜ್ಝೋಗಾಹೇ ಚ, ಅಭಿಸಮ್ಭವತಿ, ತಥಾ ಪಾತುಬ್ಭವತಿ, ಆವಿಭವತಿ ಇಚ್ಚಾದಿ।
ಇತಿ ಸುದ್ಧಕತ್ತುರೂಪಂ।
ಸುದ್ಧಭಾವಕಮ್ಮರೂಪ
೫೬೮. ಕ್ಯೋ ಭಾವಕಮ್ಮೇಸ್ವಪರೋಕ್ಖೇಸು ಮಾನ ನ್ತ ತ್ಯಾದೀಸು
ಪರೋಕ್ಖಾವಜ್ಜಿತೇಸು ಮಾನ, ನ್ತಪಚ್ಚಯೇಸು ತ್ಯಾದೀಸು ಚ ಪರೇಸು ಕ್ರಿಯತ್ಥಾ ಭಾವಸ್ಮಿಂ ಕಮ್ಮನಿ ಚ ಕಾನುಬನ್ಧೋ ಯಪಚ್ಚಯೋ ಹೋತಿ, ಬಹುಲಾಧಿಕಾರಾ ಕ್ವಚಿ ಕತ್ತರಿ ಚ।
ರೂಪಂ ವಿಭುಯ್ಯತಿ, ಸೋ ಪಹೀಯಿಸ್ಸತಿ
೫೬೯. ನ ತೇ ಕಾನುಬನ್ಧನಾಗಮೇಸು।
ಕಾನುಬನ್ಧೇ ನಾಗಮೇ ಚ ಇವಣ್ಣು’ವಣ್ಣಾನಂ ಅಸ್ಸ ಚ ತೇ ಏ, ಓ,-ಆ ನ ಹೋನ್ತೀತಿ ಕ್ಯಮ್ಹಿ ವುದ್ಧಿ ನತ್ಥಿ।
ಕಮ್ಮೇ-ತೇನ ಪುರಿಸೇನ ಭೋಗೋ ಅನುಭೂಯತಿ, ತೇನ ಭೋಗಾ ಅನುಭೂಯನ್ತಿ, ತೇನ ತ್ವಂ ಅನುಭೂಯಸಿ, ತೇನ ತುಮ್ಹೇ ಅನುಭೂಯಥ, ತೇನ ಅಹಂ ಅನುಭೂಯಾಮಿ, ತೇನ ಮಯಂ ಅನುಭೂಯಾಮ। ಯಸ್ಸ ದ್ವಿತ್ತಂ ರಸ್ಸತ್ತಞ್ಚ, ಅನುಭುಯ್ಯತಿ, ಅನುಭುಯ್ಯನ್ತಿ।
ತತ್ಥ ‘‘ಅನುಭೂಯತೀ’’ತಿ ಏತ್ಥ ಕ್ಯಪಚ್ಚಯಸಹಿತಸ್ಸ ತಿಸದ್ದಸ್ಸ ಅತ್ಥೋ ದುವಿಧೋ ವಾಚ್ಚತ್ಥೋ, ಅಭಿಧೇಯ್ಯತ್ಥೋತಿ।
ತತ್ಥ ಕಮ್ಮಸತ್ತಿಸಙ್ಖಾತೋ ಸಕತ್ಥೋ ವಾಚ್ಚತ್ಥೋ ನಾಮ।
ಸತ್ತಿನಿಸ್ಸಯೋ ಲಿಙ್ಗತ್ಥೋ ಅಭಿಧೇಯ್ಯತ್ಥೋ ನಾಮ।
ತಿಸದ್ದೋ ಪನ ಕ್ಯಪಚ್ಚಯಸಹಿತೋ ವಾಚ್ಚತ್ಥಮೇವ ಉಜುಂ ವದತಿ, ನ ಅಭಿಧೇಯ್ಯತ್ಥಂ। ‘‘ಅನುಭೂಯತೀ’’ತಿ ಸುಣನ್ತೋ ಸಾಧ್ಯಕ್ರಿಯಾಸಹಿತಂ ಕಮ್ಮಸತ್ತಿಂ ಏವ ಉಜುಂ ಜಾನಾತಿ, ನ ಕಿಞ್ಚಿ ದಬ್ಬನ್ತಿ ವುತ್ತಂ ಹೋತಿ। ಸೇಸಂ ಪುಬ್ಬೇ ವುತ್ತನಯಮೇವ।
ಅನುಭೂಯತೇ
೫೭೦. ಗರುಪುಬ್ಬಾ ರಸ್ಸಾ ರೇ ನ್ತೇನ್ತೀನಂ
ಗರುಪುಬ್ಬಮ್ಹಾ ರಸ್ಸತೋ ನ್ತೇ, ನ್ತೀನಂ ರೇಆದೇಸೋ ಹೋತಿ।
ಜಾಯರೇ, ಜಾಯನ್ತಿ, ಜಾಯರೇ, ಜಾಯನ್ತೇ, ಗಚ್ಛರೇ, ಗಚ್ಛನ್ತಿ, ಗಚ್ಛರೇ, ಗಚ್ಛನ್ತೇ, ಗಮಿಸ್ಸರೇ, ಗಮಿಸ್ಸನ್ತಿ, ಗಮಿಸ್ಸರೇ, ಗಮಿಸ್ಸನ್ತೇ।
ಗರುಪುಬ್ಬಾತಿ ಕಿಂ? ಪಚನ್ತಿ, ಪಚನ್ತೇ।
ರಸ್ಸಾತಿ ಕಿಂ? ಪಾಚೇನ್ತಿ, ಪಾಚನ್ತೇ।
ಏತ್ಥ ಚ ಸುತ್ತವಿಭಾಗೇನ ‘‘ಸಬ್ಬಂ ಹಿದಂ ಭಞ್ಜರೇ ಕಾಲಪರಿಯಾಯಂ
ತತ್ಥ ‘ಭಞ್ಜರೇ’ತಿ ಭಿಜ್ಜತಿ, ‘ಮುಞ್ಚರೇ’ತಿ ಮುಞ್ಚನ್ತು, ‘ಜೀವರೇ’ ವಾಪೀ’ತಿ ಜೀವನ್ತೋ’ವಾಪಿ। ಅನುಭೂಯರೇ, ಅನುಭೂಯನ್ತಿ, ಅನುಭೂಯರೇ, ಅನುಭೂಯನ್ತೇ।
ಭಾವೋ ನಾಮ ಭವನ, ಗಮನಾದಿಕೋ ಕ್ರಿಯಾಕಾರೋ, ಸೋ ಧಾತುನಾ ಏವ ತುಲ್ಯಾಧಿಕರಣಭಾವೇನ ವಿಸೇಸೀಯತಿ, ನ ನಾಮಪದೇನ, ತಸ್ಮಾ ತತ್ಥ ತುಮ್ಹ’ಮ್ಹ, ಸೇಸನಾಮವಸೇನ ತ್ಯಾದಿದುಕವಿಸೇಸಯೋಗೋ ನಾಮ ನತ್ಥಿ, ಪಠಮದುಕಮೇವ ತತ್ಥ ಭವತಿ, ದಬ್ಬಸ್ಸೇವ ಚ ತಸ್ಸ ಅಬ್ಯತ್ತಸರೂಪತ್ತಾ ಸಙ್ಖ್ಯಾಭೇದೋಪಿ ನತ್ಥಿ, ಏಕವಚನಮೇವ ಭವತಿ।
ತೇನ ಭೋಗಂ ಅನುಭೂಯತಿ, ಅನುಭುಯ್ಯತಿ, ಅನುಭೂಯತೇ, ಅನುಭುಯ್ಯತೇ, ಅನುಭವನಂ ಹೋತೀತಿ ಅತ್ಥೋ।
ಇತಿ ಸುದ್ಧಭಾವಕಮ್ಮರೂಪಾನಿ।
ಹೇತುಕತ್ತುರೂಪ
೫೭೧. ಪಯೋಜಕಬ್ಯಾಪಾರೇ ಣಾಪಿ ಚ
ಯೋ ಸುದ್ಧಕತ್ತಾರಂ ಪಯೋಜೇತಿ, ತಸ್ಸ ಪಯೋಜಕಸ್ಸ ಕತ್ತುನೋ ಬ್ಯಾಪಾರೇ ಕ್ರಿಯತ್ಥಾ ಣಿ ಚ ಣಾಪಿ ಚ ಹೋನ್ತಿ। ಣಾನುಬನ್ಧಾ ವುದ್ಧುತ್ಥಾ।
ತೇಸು ಚ ಆಕಾರನ್ತತೋ
ಉವಣ್ಣನ್ತತೋ ಣಿಯೇವ, ಸಾವೇತಿ, ಸಾವಯತಿ।
ಸೇಸತೋ ದ್ವೇಪಿ, ಪಾಚೇತಿ, ಪಾಚಯತಿ, ಪಾಚಾಪೇತಿ, ಪಾಚಾಪಯತಿ।
ಪಯೋಜಕಬ್ಯಾಪಾರೋಪಿ ಕ್ರಿಯಾ ಏವಾತಿ ತದತ್ಥವಾಚೀಹಿ ಣಿ,-ಣಾಪೀಹಿ ಪರಂ ವಿಭತ್ತಿ, ಪಚ್ಚಯಾ ಭವನ್ತಿ, ಧಾತ್ವನ್ತಸ್ಸ ಚ ಣಿ, ಣಾಪೀನಞ್ಚ ವುದ್ಧಿ।
ಸೋ ಮಗ್ಗಂ ಭಾವೇತಿ, ತೇ ಮಗ್ಗಂ ಭಾವೇನ್ತಿ, ತ್ವಂ ಮಗ್ಗಂ ಭಾವೇಸಿ, ತುಮ್ಹೇ ಮಗ್ಗಂ ಭಾವೇಥ, ಅಹಂ ಮಗ್ಗಂ ಭಾವೇಮಿ, ಮಯಂ ಮಗ್ಗಂ ಭಾವೇಮ।
೫೭೨. ಆಯಾವಾ ಣಾನುಬನ್ಧೇ
ಏ, ಓನಂ ಕಮೇನ ಆಯ, ಆವಾ ಹೋನ್ತಿ ಸರಾದೋ ಣಾನುಬನ್ಧೇ ಪಚ್ಚಯೇ ಪರೇ, ಸುತ್ತವಿಭತ್ತಿಯಾ ಅಣಾನುಬನ್ಧೇಪಿ ಆಯಾ’ವಾ ಹೋನ್ತಿ।
ಗೇ-ಸದ್ದೇ, ಗಾಯತಿ, ಗಾಯನ್ತಿ।
ಅಪಪುಬ್ಬೋ ಚೇ-ಪೂಜಾಯಂ, ಅಪಚಾಯತಿ, ಅಪಚಾಯನ್ತಿ।
ಝೇ-ಚಿನ್ತಾಯಂ, ಝಾಯತಿ, ಝಾಯನ್ತಿ, ಉಜ್ಝಾಯತಿ, ನಿಜ್ಝಾಯತಿ ಇಚ್ಚಾದಿ।
೫೭೩. ಣಿಣಾಪ್ಯಾಪೀಹಿ ಚ
ಣಿ
ಕಾರಯತಿ, ಕಾರಾಪಯತಿ, ಸದ್ದಾಪಯತಿ।
ಇಮಿನಾ ಅಸರೇ ಠಾನೇ ಅಯಾದೇಸತೋ ಪರಂ ಅಕಾರೋ ಹೋತಿ, ಸೋ ಮಗ್ಗಂ ಭಾವಯತಿ, ಭಾವಯನ್ತಿ, ಭಾವಯಸಿ, ಭಾವಯಥ, ಭಾವಯಾಮಿ, ಭಾವಯಾಮ।
ಇತಿ ಹೇತುಕತ್ತುರೂಪಾನಿ।
ತ್ಯಾದಿ
‘ಕ್ಯೋ ಭಾವಕಮ್ಮೇಸೂ…’ತಿ ಣಿ, ಣಾಪಿಪಚ್ಚಯನ್ತತೋ ಯೋ।
೫೭೪. ಕ್ಯಸ್ಸ
ಕ್ರಿಯತ್ಥಾ ಪರಸ್ಸ ಕ್ಯಸ್ಸ ಆದಿಮ್ಹಿ ಈಞ ಹೋತಿ।
ತೇನ ಮಗ್ಗೋ ಭಾವೀಯತಿ, ತೇನ ಮಗ್ಗಾ ಭಾವೀಯನ್ತಿ, ತೇನ ತ್ವಂ ಭಾವೀಯಸಿ, ತೇನ ತುಮ್ಹೇ ಭಾವೀಯಥ, ತೇನ ಅಹಂ ಭಾವೀಯಾಮಿ, ತೇನ ಮಯಂ ಭಾವೀಯಾಮ।
ರಸ್ಸತ್ತೇ-ಭಾವಿಯತಿ, ಭಾವಿಯನ್ತಿ।
ದ್ವಿತ್ತೇ-ಭಾವಿಯ್ಯತಿ, ಭಾವಿಯ್ಯನ್ತಿ। ತಥಾ ಭಾವಯೀಯತಿ, ಭಾವಯೀಯನ್ತಿ।
ರಸ್ಸತ್ತೇ-ಭಾವಯಿಯತಿ, ಭಾವಯಿಯನ್ತಿ।
ದ್ವಿತ್ತೇ-ಭಾವಯಿಯ್ಯತಿ, ಭಾವಯಿಯ್ಯನ್ತಿ।
ಅಕಮ್ಮಿಕಾಪಿ ಯಾ ಧಾತು, ಕಾರಿತೇ ತ್ವೇ’ಕಕಮ್ಮಿಕಾ।
ಏಕಕಮ್ಮಾ ದ್ವಿಕಮ್ಮಾ ಚ, ದ್ವಿಕಮ್ಮಾ ಚ ತಿಕಮ್ಮಕಾ॥
ಇತಿ
ಕತ್ತುರೂಪೇನ ಚೇತ್ಥ ಕಮ್ಮಕತ್ತುರೂಪಮ್ಪಿ ಸಙ್ಗಯ್ಹತಿ। ಕುಸೂಲೋ ಭಿಜ್ಜತಿ, ಭಿಜ್ಜನಧಮ್ಮೋ ಭಿಜ್ಜತಿ।
ಕಮ್ಮರೂಪೇನ ಚ ಕತ್ತುಕಮ್ಮರೂಪಮ್ಪಿ ಸಙ್ಗಯ್ಹತಿ। ತತ್ಥ ಯಂ ಪದಂ ಕತ್ತುವಾಚಕಂ ಸಮಾನಂ ಸದ್ದರೂಪೇನ ಕಮ್ಮರೂಪಂ ಭವತಿ, ತಂ ಕತ್ತುಕಮ್ಮರೂಪಂ ನಾಮ, ತಂ ಪಾಳಿಯಂ ಬಹುಲಂ ದಿಸ್ಸತಿ।
ರೂಪಂ ವಿಭಾವಿಯ್ಯತಿ
ತಥಾ ಸೋ ಪಹೀಯೇಥಾಪಿ ನೋಪಿ ಪಹೀಯೇಥ
ಯಞ್ಚ ‘ಯಮ್ಹಿ ದಾ ಧಾ ಮಾ ಥಾ ಹಾ ಪಾ ಮಹ ಮಥಾದೀನಮೀ’ತಿ ಕಚ್ಚಾಯನೇ ಸುತ್ತಂ, ತಂ ಕಮ್ಮನಿ ಇಚ್ಛನ್ತಿ, ಕತ್ತರಿ ಏವ ಯುಜ್ಜತಿ ಕಮ್ಮನಿ ಇವಣ್ಣಾಗಮಸ್ಸ ಸಬ್ಭಾವಾ। ಸದ್ದನೀತಿಯಂ ಪನ ‘‘ಸೋ ಪಹೀಯಿಸ್ಸತೀ’’ತಿ ಪದಾನಂ ಭಾವರೂಪತ್ತಂ ದಳ್ಹಂ ವದತಿ, ತಾನಿ ಪನ ಕತ್ತುಕಮ್ಮರೂಪಾನಿ ಏವಾತಿ।
ಏತ್ಥ ಚ ವತ್ತಮಾನಂ ಚತುಬ್ಬಿಧಂ ನಿಚ್ಚಪವತ್ತಂ, ಪವತ್ತಾವಿರತಂ, ಪವತ್ತುಪರತಂ, ಸಮೀಪವತ್ತಮಾನನ್ತಿ।
ತತ್ಥ ನಿಚ್ಚಪವತ್ತೇ – ಇಧಾಯಂ ಪಬ್ಬತೋ ತಿಟ್ಠತಿ, ಚನ್ದಿಮಸೂರಿಯಾ ಪರಿಯಾಯನ್ತಿ, ದಿಸಾ ಭನ್ತಿ ವಿರೋಚಮಾನಾ
ಪವತ್ತಾವಿರತೇ
ಏತ್ಥ ಚ ಯಾವ ದಾನೇ ಸಉಸ್ಸಾಹೋ, ತಾವ ಯಥಾಪವತ್ತಾ ದಾನಕ್ರಿಯಾ ವತ್ತಮಾನಾ ಏವ ನಾಮ ಹೋತಿ ಉಸ್ಸಾಹಸ್ಸ ಅವಿರತತ್ತಾ।
ಪವತ್ತುಪರತೇ – ನ ಖಾದತಿ ಅಯಂ ಮಂಸಂ, ನೇವ ಪಾಣಂ ಹನತಿ
ಸಮೀಪೇ – ಅತೀತೇ – ಕುತೋ ನು ತ್ವಂ ಆಗಚ್ಛಸಿ
ಸುತ್ತವಿಭತ್ತೇನ ತದಾಯೋಗೇ ಅತೀತೇಪಿ ಅಯಂ ವಿಭತ್ತಿ ಹೋತಿ, ವಾಕಚೀರಾನಿ ಧುನನ್ತೋ, ಗಚ್ಛಾಮಿ ಅಮ್ಬರೇ ತದಾ
ಯಾವ, ಪುರೇ, ಪುರಾಯೋಗೇ ಅನಾಗತೇಪಿ-ಇಧೇವ ತಾವ ತಿಟ್ಠಾಹಿ, ಯಾವಾಹಂ ಆಗಚ್ಛಾಮಿ, ಯಂನೂನಾಹಂ ಧಮ್ಮಞ್ಚ ವಿನಯಞ್ಚ ಸಙ್ಗಾಯೇಯ್ಯಂ
ಏಕಂಸತ್ಥೇಪಿ-ನಿರಯಂ ನೂನಗಚ್ಛಾಮಿ, ಏತ್ಥ ಮೇ ನತ್ಥಿ ಸಂಸಯೋ
ಅನಿಯಮತ್ಥೇಪಿ-ಮನಸಾ ಚೇ ಪಸನ್ನೇನ, ಭಾಸತಿ ವಾ ಕರೋತಿ ವಾ
ಕದಾ
ಇತಿ ತ್ಯಾದಿ।
ತ್ವಾದಿ
ಅಥ ತ್ವಾದಿ ವುಚ್ಚತೇ।
೫೭೫. ತು ಅನ್ತು ಹಿ ಥ ಮಿ ಮ ತಂ ಅನ್ತಂ ಸು ವ್ಹೋ ಏ ಆಮಸೇ
ವತ್ತಮಾನೇ ಕಾಲೇ ಪಞ್ಹ, ಪತ್ಥನಾ, ವಿಧೀಸು ಕ್ರಿಯತ್ಥಾ ತ್ವಾದಯೋ ಹೋನ್ತಿ।
ಪಞ್ಹೇ-ಧಮ್ಮಂ ವಾ ತ್ವಂ ಅಧಿಯಸ್ಸು ವಿನಯಂ ವಾ
ಪತ್ಥನಾಸದ್ದೇನ ಆಸೀಸಾದಯೋಪಿ ಸಙ್ಗಯ್ಹನ್ತಿ।
ತತ್ಥ ಪತ್ಥನಾಯಂ-ಭವಾಭವೇ ಸಂಸರನ್ತೋ, ಸದ್ಧೋ ಹೋಮಿ ಅಮಚ್ಛರೀ।
ಆಸೀಸಾಯಂ-ಏತೇನ ಸಚ್ಚವಜ್ಜೇನ, ಪಜ್ಜುನ್ನೋ ಅಭಿವಸ್ಸತು
ಯಾಚನೇ-ಏಕಂ ಮೇ ನಯನಂ ದೇಹಿ
ಆಯಾಚನೇ-ದೇಸೇತು ಭನ್ತೇ ಭಗವಾ ಧಮ್ಮಂ
ವಿಧಿಸದ್ದೇನ ನಿಯೋಜನಾದಯೋಪಿ ಸಙ್ಗಯ್ಹನ್ತಿ।
ತತ್ಥ
ನಿಯೋಜನೇ-ಏಥ ಭಿಕ್ಖವೇ ಸೀಲವಾ ಹೋಥ
ಅಜ್ಝೇಸನೇ-ಉದ್ದಿಸತು ಭನ್ತೇ ಥೇರೋ ಪಾತಿಮೋಕ್ಖಂ
ಆಣತ್ತಿಯಂ-ಸುಣಾತು ಮೇ ಭನ್ತೇ ಸಙ್ಘೋ
ಪೇಸನೇ-ಗಚ್ಛಥ ತುಮ್ಹೇ ಸಾರಿಪುತ್ತಾ
ಪವಾರಣಾಯಂ-ವದತು ಮಂ ಭನ್ತೇ ಸಙ್ಘೋ
ಅನುಮತಿಯಂ-ಪರಿಭುಞ್ಜ ವಾ ವಿಸ್ಸಜ್ಜೇಹಿ ವಾ ಯಥಾಪಚ್ಚಯಂ ವಾ ಕರೋಹಿ
ವರದಾನೇ-ಫುಸ್ಸತೀ ವರವಣ್ಣಾಭೇ, ವರಸ್ಸು ದಸಧಾ ವರೇ
ಅನುಞ್ಞಾಯಂ-ಪುಚ್ಛ ವಾಸವ ಮಂ ಪಞ್ಹಂ, ಯಂ ಕಿಞ್ಚಿ ಮನಸಿಚ್ಛಸಿ
ಕತಾವಕಾಸಾ ಪುಚ್ಛವ್ಹೋ
ಸಮ್ಪಟಿಚ್ಛನೇ-ಏವಂ ಹೋತು
ಅಕ್ಕೋಸೇ-ಮುದ್ಧಾ ತೇ ಫಲತು ಸತ್ತಧಾ
ಸಪಥೇ-ಏತೇನ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ
ಆಮನ್ತನೇ-ಏತು
ನಿಮನ್ತನೇ-ಅಧಿವಾಸೇತು ಮೇ ಭನ್ತೇ ಭಗವಾ ಸ್ವಾತನಾಯ ಭತ್ತಂ
ಪವೇದನೇ-ವೇದಯತೀತಿ ಮಂ ಸಙ್ಘೋ ಧಾರೇತು
ಪತ್ತಕಾಲೇ-ಪರಿನಿಬ್ಬಾತು ಭನ್ತೇ ಭಗವಾ, ಪರಿನಿಬ್ಬಾತು ಸುಗತೋ, ಪರಿನಿಬ್ಬಾನಕಾಲೋ ಭನ್ತೇ ಭಗವತೋ
ಅನುಭೋತು, ಅನುಭೋನ್ತು, ಅನುಭೋಹಿ, ಅನುಭೋಥ, ಅನುಭೋಮಿ, ಅನುಭೋಮ, ಭವತು, ಭವನ್ತು, ‘ಹಿಮಿಮೇಸ್ವಸ್ಸಾ’ತಿ ಹಿ, ಮಿ, ಮೇಸು ಅಸ್ಸ ದೀಘೋ, ತ್ವಂ ಪಣ್ಡಿತೋ ಭವಾಹಿ।
೫೭೬. ಹಿಸ್ಸತೋ ಲೋಪೋ
ಅಕಾರತೋ ಪರಸ್ಸ ಹಿಸ್ಸ ಲೋಪೋ ಹೋತಿ।
ಅತೋತಿ ಕಿಂ? ಬ್ರೂಹಿ, ದೇಹಿ, ಹೋಹಿ।
ಇಮಿನಾ ಅತೋ ಹಿಸ್ಸ ಲೋಪೋ, ತ್ವಂ ಪಣ್ಡಿತೋ ಭವ।
ತುಮ್ಹೇ ಪಣ್ಡಿತಾ ಭವಥ, ಭವಾಮಿ, ಭವಾಮ।
ಪರಛಕ್ಕೇ-ಸೋ ಭವತಂ, ತೇ ಭವನ್ತಂ, ತ್ವಂ ಭವಸ್ಸು, ತುಮ್ಹೇ ಭವವ್ಹೋ, ಅಹಂ ಭವೇ, ಮಯಂ ಭವಾಮಸೇ, ಇಮಾನಿ ಸುದ್ಧಕತ್ತುರೂಪಾನಿ।
ಅನುಭೂಯತು
ಭಾವೇತು, ಭಾವೇನ್ತು, ಭಾವಯತು, ಭಾವಯನ್ತು ಇಚ್ಚಾದಿ ಹೇತುಕತ್ತುರೂಪಂ।
ಭಾವೀಯತು, ಭಾವೀಯನ್ತು। ರಸ್ಸತ್ತೇ-ಭಾವಿಯತು, ಭಾವಿಯನ್ತು। ದ್ವಿತ್ತೇ-ಭಾವಿಯ್ಯತು, ಭಾವಿಯ್ಯನ್ತು। ತಥಾ ಭಾವಯೀಯತು, ಭಾವಯೀಯನ್ತುಇಚ್ಚಾದಿ ಹೇತುಕಮ್ಮರೂಪಂ।
‘ಏಯ್ಯಾಥಸ್ಸೇ’ಇಚ್ಚಾದಿಸುತ್ತೇನ ಥಸ್ಸ ವ್ಹೋ, ತುಮ್ಹೇ ಭವವ್ಹೋ, ಭವಥ ವಾ।
ಇತಿ ತ್ವಾದಿ।
ಏಯ್ಯಾದಿ
ಅಥ ಏಯ್ಯಾದಿ ವುಚ್ಚತೇ।
೫೭೭. ಹೇತುಫಲೇಸ್ವೇಯ್ಯ ಏಯ್ಯುಂ ಏಯ್ಯಾಸಿ ಏಯ್ಯಾಥ ಏಯ್ಯಾಮಿ ಏಯ್ಯಾಮ ಏಥ ಏರಂ ಏಥೋ ಏಯ್ಯಾವ್ಹೋ ಏಯ್ಯಂ ಏಯ್ಯಾಮ್ಹೇ ವಾ
ಅಞ್ಞಮಞ್ಞಸಮ್ಬನ್ಧಿನಿಯಾ ಹೇತುಕ್ರಿಯಾಯಞ್ಚ ಫಲಕ್ರಿಯಾಯಞ್ಚ ಕ್ರಿಯತ್ಥಾ ಏಯ್ಯಾದಯೋ ಹೋನ್ತಿ ವಾ। ಹೇತುಫಲೇಸುಪಿ ಕದಾಚಿ ಅಞ್ಞವಿಭತ್ತುಪ್ಪತ್ತಿದೀಪನತ್ಥೋ ವಾಸದ್ದೋ, ಸಚೇ ಸೋ ಯಾನಂ ಲಭಿಸ್ಸತಿ, ಗಮಿಸ್ಸತಿ, ಸಚೇ ನ ಲಭಿಸ್ಸತಿ, ನ ಗಮಿಸ್ಸತಿ ಇಚ್ಚಾದಿ।
ಸಚೇ ಸಙ್ಖಾರೋ ನಿಚ್ಚೋ ಭವೇಯ್ಯ, ಸುಖೋ ನಾಮ ಭವೇಯ್ಯ, ಸಚೇ ಸೋ ಪಣ್ಡಿತೋ ಭವೇಯ್ಯ, ಸುಖಿತೋ ಭವೇಯ್ಯ।
೫೭೮. ಪಞ್ಹಪತ್ಥನಾವಿಧೀಸು
ಏತೇಸು
ಪಞ್ಹೇ-ಕಿನ್ನು ಖೋ ತ್ವಂ ವಿನಯಂ ವಾ ಅಧಿಯ್ಯೇಯ್ಯಾಸಿ ಧಮ್ಮಂ ವಾ।
ಪತ್ಥನಾಯಂ-ಭವೇಯ್ಯಂ ಜಾತಿಜಾತಿಯಂ।
ವಿಧಿಮ್ಹಿ-ಪಾಣಂ ನ ಹನೇಯ್ಯ, ಅದಿನ್ನಂ ನ ಆದಿಯೇಯ್ಯ, ದಾನಂ ದದೇಯ್ಯ, ಸೀಲಂ ರಕ್ಖೇಯ್ಯ।
೫೭೯. ಸತ್ತಾರಹೇಸ್ವೇಯ್ಯಾದೀ
ಸತ್ತಿಯಂ ಅರಹತ್ಥೇ ಚ ಏಯ್ಯಾದಯೋ ಹೋನ್ತಿ।
ಭವಂ ರಜ್ಜಂ ಕರೇಯ್ಯ, ಭವಂ ರಜ್ಜಂ ಕಾತುಂ ಸಕ್ಕೋ, ಕಾತುಂ ಅರಹೋತಿ ಅತ್ಥೋ।
ಸೋ ಇಮಂ ವಿಜಟಯೇ ಜಟಂ
೫೮೦. ಸಮ್ಭಾವನೇ ವಾ
ಸಮ್ಭಾವನೇಪಿ ಏಯ್ಯಾದಯೋ ಹೋನ್ತಿ ವಾ।
ಪಬ್ಬತಮಪಿ ಸಿರಸಾ ಭಿನ್ದೇಯ್ಯ, ಭವೇಯ್ಯ, ಭವೇಯ್ಯುಂ, ಭವೇಯ್ಯಾಸಿ, ಭವೇಯ್ಯಾಥ, ಭವೇಯ್ಯಾಮಿ, ಭವೇಯ್ಯಾಮ।
ಪರಛಕ್ಕೇ-ಸೋ ಭವೇಥ, ತೇ ಭವೇರಂ, ತ್ವಂ ಭವೇಥೋ, ತುಮ್ಹೇ ಭವೇಯ್ಯಾವ್ಹೋ, ಅಹಂ ಭವೇಯ್ಯಂ, ಮಯಂ ಭವೇಯ್ಯಾಮ್ಹೇ, ಇತಿ ಸುದ್ಧಕತ್ತುರೂಪಾನಿ।
ಅನುಭೂಯೇಯ್ಯ, ಅನುಭೂಯೇಯ್ಯುಂ। ದ್ವಿತ್ತೇ ರಸ್ಸತ್ತಂ, ಅನುಭುಯ್ಯೇಯ್ಯ, ಅನುಭುಯ್ಯೇಯ್ಯುಂ ಇಚ್ಚಾದಿ ಸುದ್ಧಕಮ್ಮರೂಪಂ।
ಭಾವೇಯ್ಯ
ಭಾವೀಯೇಯ್ಯ, ಭಾವೀಯೇಯ್ಯುಂ। ರಸ್ಸತ್ತೇ-ಭಾವಯಿಯೇಯ್ಯ, ಭಾವಯಿಯೇಯ್ಯುಂ। ದ್ವಿತ್ತೇ-ಭಾವಿಯ್ಯೇಯ್ಯ, ಭಾವಿಯ್ಯೇಯ್ಯುಂ। ತಥಾ ಭಾವಯೀಯೇಯ್ಯ, ಭಾವಯೀಯೇಯ್ಯುಂ ಇಚ್ಚಾದಿ ಹೇತುಕಮ್ಮರೂಪಂ।
೫೮೧. ಏಯ್ಯೇಯ್ಯಾಸೇಯ್ಯಂನಂ ಟೇ
ಏಯ್ಯ, ಏಯ್ಯಾಸಿ, ಏಯ್ಯಮಿಚ್ಚೇತೇಸಂ ಟೇ ಹೋತಿ ವಾ।
ಅತ್ರಿಮಾ ಪಾಳೀ-ಚಜೇ ಮತ್ತಾ ಸುಖಂ ಧೀರೋ, ಪಸ್ಸೇ ಚೇ ವಿಪುಲಂ ಸುಖಂ
ಸೋ ಭವೇ, ಭವೇಯ್ಯ, ತ್ವಂ ಭವೇ, ಭವೇಯ್ಯಾಸಿ, ಅಹಂ ಭವೇ, ಭವೇಯ್ಯಂ।
೫೮೨. ಏಯ್ಯುಂಸ್ಸುಂ
ಏಯ್ಯುಂಸ್ಸ ಉಂ ಹೋತಿ ವಾ।
ಅತ್ರಿಮಾ ಪಾಳೀ-ವಜ್ಜುಂ ವಾ ತೇ ನ ವಾ ವಜ್ಜುಂ, ನತ್ಥಿ ನಾಸಾಯ ರೂಹನಾ
೫೮೩. ಏಯ್ಯಾಮಸ್ಸೇಮು ಚ
ಏಯ್ಯಾಮಸ್ಸ ಏಮು ಚ ಹೋತಿ, ಅನ್ತಸ್ಸ ಉ ಚ।
ಅತ್ರಿಮಾ ಪಾಳೀ-ಕಥಂ ಜಾನೇಮು ತಂ ಮಯಂ
ಮಹಾವುತ್ತಿನಾ ಕ್ವಚಿ ಮಜ್ಝೇ ಯ್ಯಾ-ಕಾರಸ್ಸ ಲೋಪೋ, ಅತ್ಥಂ ಧಮ್ಮಞ್ಚ ಪುಚ್ಛೇಸಿ
‘ಏಯ್ಯಾಥಸ್ಸೇ’ಇಚ್ಚಾದಿಸುತ್ತೇನ ಏಯ್ಯಾಥಸ್ಸ ಓ ಚ, ತುಮ್ಹೇ ಭವೇಯ್ಯಾಥೋ, ಭವೇಯ್ಯಾಥ ವಾ।
ಏತ್ಥ ಚ ಪುಬ್ಬೇ ವುತ್ತಾ ಪಞ್ಹ, ಪತ್ಥನಾ, ವಿಧಿಪ್ಪಭೇದಾ ಇಧಪಿ ಯಥಾಪಯೋಗಂ ವೇದಿತಬ್ಬಾ। ಪಞ್ಹಸದ್ದೇನ ಪರಿಪಞ್ಹ, ಪರಿಪುಚ್ಛಾ, ಪರಿವಿತಕ್ಕ, ಪರಿವೀಮಂಸಾದಯೋ ಸಙ್ಗಯ್ಹನ್ತಿ।
ಪರಿಪಞ್ಹೇ-ಧಮ್ಮಂ ವಾ ಪಠಮಂ ಸಙ್ಗಾಯೇಯ್ಯಾಮ ವಿನಯಂ ವಾ।
ಪರಿಪುಚ್ಛಾಯಂ-ವದೇಥ ಭನ್ತೇ ಕಿಮಹಂ ಕರೇಯ್ಯಂ, ಕೋ ಇಮಸ್ಸ ಅತ್ಥೋ, ಕಥಞ್ಚಸ್ಸ ಅತ್ಥಂ ಅಹಂ ಜಾನೇಯ್ಯಂ।
ಪರಿವಿತಕ್ಕೇ-ಕಸ್ಸಾಹಂ ಪಠಮಂ ಧಮ್ಮಂ ದೇಸೇಯ್ಯಂ
ಪರಿವೀಮಂಸಾಯಂ-ಗಚ್ಛೇಯ್ಯಂ ವಾ ಅಹಂ ಉಪೋಸಥಂ, ನ ವಾಗಚ್ಛೇಯ್ಯಂ
ಪತ್ಥನಾಯಂ-ಏವಂರೂಪೋ ಸಿಯಂ ಅಹಂ ಅನಾಗತಮದ್ಧಾನಂ
ಆಯಾಚನೇ-ಲಭೇಯ್ಯಾಹಂ
ವಿಧಿಮ್ಹಿ-ಚರೇಯ್ಯ ಧಮ್ಮಂ
ನಿಯೋಜನೇ-ಚರೇಯ್ಯಾದಿತ್ತಸೀಸೋವ, ನತ್ಥಿ ಮಚ್ಚುಸ್ಸ ನಾ ಗಮೋ
ಅಜ್ಝೇಸನೇ-ಯಸ್ಸ ಸಿಯಾ ಆಪತ್ತಿ, ಸೋ ಆವಿಕರೇಯ್ಯ
ಪವಾರಣಾಯಂ-ವದೇಯ್ಯಾಥ ಭನ್ತೇ ಯೇನತ್ಥೋ
ಅನುಮತಿಯಂ-ತಂ ಜನೋ ಹರೇಯ್ಯ ವಾ ದಹೇಯ್ಯ ವಾ ಯಥಾಪಚ್ಚಯಂ ವಾ ಕರೇಯ್ಯ
ಅನುಞ್ಞಾಯಂ-ಆಕಙ್ಖಮಾನೋ ಸಙ್ಘೋ ಕಮ್ಮಂ ಕರೇಯ್ಯ
ಆಮನ್ತನೇ-ಯದಾ ತೇ ಪಹಿಣೇಯ್ಯಾಮಿ, ತದಾ ಏಯ್ಯಾಸಿ ಖತ್ತಿಯ
ನಿಮನ್ತನೇ-ಇಧ ಭವಂ ನಿಸೀದೇಯ್ಯ।
ಪತ್ತಕಾಲೇ-ಸಙ್ಘೋ ಉಪೋಸಥಂ ಕರೇಯ್ಯ, ಪಾತಿಮೋಕ್ಖಂ ಉದ್ದಿಸೇಯ್ಯ
‘ಸಮ್ಭಾವನೇ ವಾ’ತಿ ವಾಸದ್ದೋ ಅವುತ್ತವಿಕಪ್ಪನತ್ಥೋ, ತೇನ ಪರಿಕಪ್ಪ, ಕ್ರಿಯಾತಿಪನ್ನಾದಯೋ ಸಙ್ಗಯ್ಹನ್ತಿ।
ತತ್ಥ ಪರಿಕಪ್ಪೋ ದುವಿಧೋ ಭೂತಾ’ಭೂತವಸೇನ।
ತತ್ಥ ಭೂತಪರಿಕಪ್ಪೇ-ಯೋ ಬಾಲಂ ಸೇವೇಯ್ಯ, ಸೋಪಿ ಬಾಲೋ ಭವೇಯ್ಯ।
ಅಭೂತಪರಿಕಪ್ಪೇ-ಯದಾ
ಕ್ರಿಯಾತಿಪನ್ನೇ-ಸಚೇ ಸೋ ಅಗಾರಂ ಅಜ್ಝಾವಸೇಯ್ಯ, ರಾಜಾ ಅಸ್ಸ ಚಕ್ಕವತ್ತೀ
ಇತಿ ಏಯ್ಯಾದಿ।
ಹಿಯ್ಯತ್ತನೀ
ಅಥ ಹಿಯ್ಯತ್ತನೀ ವುಚ್ಚತೇ।
೫೮೪. ಅನಜ್ಜತ್ತನೇ ಆ ಊ ಓ ತ್ಥ ಅ ಮ್ಹಾ ತ್ಥ ತ್ಥುಂ ಸೇ ವ್ಹಂ ಇಂ ಮ್ಹಸೇ
ಅಜ್ಜತೋ ಅಞ್ಞಸ್ಮಿಂ ಭೂತೇ ಕಾಲೇ ಕ್ರಿಯತ್ಥಾ ಪರಂ ಆಇಚ್ಚಾದಯೋ ಹೋನ್ತಿ।
೫೮೫. ಆ ಈ ಸ್ಸಾದೀಸ್ವಞ ವಾ
ಆಇಚ್ಚಾದೀಸು ಈಇಚ್ಚಾದೀಸು ಸ್ಸಾದೀಸು ಚ ತೇಸಂ ಆದಿಮ್ಹಿ ಅಞ ಹೋತಿ ವಾ।
ಸೋ ಅಭವಾ, ಭವಾ, ತೇ ಅಭವೂ, ಭವೂ, ತ್ವಂ ಅಭವೋ, ಭವೋ, ತುಮ್ಹೇ ಅಭವತ್ಥ, ಭವತ್ಥ, ಅಹಂ ಅಭವ, ಭವ, ಮಯಂ ಅಭವಮ್ಹಾ, ಭವಮ್ಹಾ।
ಪರಛಕ್ಕೇ-ಅಭವತ್ಥ, ಭವತ್ಥ, ಅಭವತ್ಥುಂ, ಭವತ್ಥುಂ, ಅಭವಸೇ, ಭವಸೇ, ಅಭವವ್ಹಂ, ಭವವ್ಹಂ, ಅಭವಿಂ, ಭವಿಂ, ಅಭವಮ್ಹಸೇ, ಭವಮ್ಹಸೇ।
೫೮೬. ಆ ಈ ಊ ಮ್ಹಾ ಸ್ಸಾ ಸ್ಸಾಮ್ಹಾನಂ ವಾ
ಏತೇಸಂ ರಸ್ಸೋ ಹೋತಿ ವಾ।
ಸೋ ಅಭವ, ತೇ ಅಭವು, ಮಯಂ ಅಭವಮ್ಹ।
‘ಏಯ್ಯಾಥಸ್ಸೇ’ಇಚ್ಚಾದಿನಾ ಆಸ್ಸ ತ್ಥತ್ತಂ, ಅಸ್ಸ ಚ ಅಂ, ಸೋ ಅಭವತ್ಥ, ಭವತ್ಥ, ಅಭವಾ, ಭವಾ ವಾ, ಅಹಂ ಅಭವಂ, ಭವಂ, ಅಭವ, ಭವ ವಾ, ಇಮಾನಿ ಸುದ್ಧಕತ್ತುರೂಪಾನಿ।
ಏತ್ಥ ಚ ಮಹಾವುತ್ತಿನಾ ಆ-ವಿಭತ್ತಿಯಾ ಥಾದೇಸೋ ಬಹುಲಂ ದಿಸ್ಸತಿ, ಮೇದನೀ ಸಮ್ಪಕಮ್ಪಥ
ಇತಿ ಹಿಯ್ಯತ್ತನೀ।
ಅಜ್ಜತ್ತನೀ
ಅಥ ಅಜ್ಜತ್ತನೀ ವುಚ್ಚತೇ।
೫೮೭. ಭೂತೇ ಈ ಉಂ ಓ ತ್ಥ ಇಂ ಮ್ಹಾ ಆ ಊ ಸೇ ವ್ಹಂ ಅಂ ಮ್ಹೇ
ಅಭವೀತಿ ಭೂತೋ, ಅತೀತೋತಿ ಅತ್ಥೋ, ಭೂತೇ ಕಾಲೇ ಕ್ರಿಯತ್ಥಾ ಪರಂ ಈಇಚ್ಚಾದಯೋ ಹೋನ್ತಿ।
೫೮೮. ಅ ಈ ಸ್ಸಾ ಸ್ಸತ್ಯಾದೀನಂ ಬ್ಯಞ್ಜನಸ್ಸಿಉ
ಅಆದಿಸ್ಸ ಈಆದಿಸ್ಸ ಸ್ಸಾಆದಿಸ್ಸ ಸ್ಸತಿಆದಿಸ್ಸ ಚ ಬ್ಯಞ್ಜನಸ್ಸ ಆದಿಮ್ಹಿ ಇಉ ಹೋತಿ। ‘ಬ್ಯಞ್ಜನಸ್ಸಾ’ತಿ ಏತೇನ ಅಆದಿಮ್ಹಿ
‘ಆಈಸ್ಸಾದೀಸ್ವಞ ವಾ’ಇತಿ ಸುತ್ತೇನ ವಿಕಪ್ಪೇನ ಧಾತ್ವಾದಿಮ್ಹಿ ಅಕಾರೋ।
ಸೋ ಅಭವೀ, ಭವೀ, ತೇ ಅಭವುಂ, ಭವುಂ, ತ್ವಂ ಅಭವೋ, ಭವೋ, ತುಮ್ಹೇ ಅಭವಿತ್ಥ, ಭವಿತ್ಥ, ಅಹಂ ಅಭವಿಂ, ಭವಿಂ, ಮಯಂ ಅಭವಿಮ್ಹಾ, ಭವಿಮ್ಹಾ, ಸೋ ಅಭವಾ, ಭವಾ, ತೇ ಅಭವೂ, ಭವೂ, ತ್ವಂ ಅಭವಿಸೇ, ಭವಿಸೇ, ತುಮ್ಹೇ ಅಭವಿವ್ಹಂ, ಭವಿವ್ಹಂ, ಅಹಂ ಅಭವಂ, ಭವಂ, ಮಯಂ ಅಭವಿಮ್ಹೇ, ಭವಿಮ್ಹೇ।
‘ಆಈಊ’ಇಚ್ಚಾದಿನಾ ಈ, ಮ್ಹಾ, ಆ, ಊನಂ ರಸ್ಸತ್ತೇ-ಸೋ ಅಭವಿ, ಭವಿ, ಮಯಂ ಅಭವಿಮ್ಹ, ಭವಿಮ್ಹ, ಸೋ ಅಭವ, ಭವ, ತೇ ಅಭವು, ಭವು।
೫೮೯. ಏಯ್ಯಾಥಸ್ಸೇಅಆಈಥಾನಂ ಓ ಅ ಅಂ ತ್ಥ ತ್ಥೋ ವ್ಹೋ ವಾ
ಏಯ್ಯಾಥಾದೀನಂ ಯಥಾಕ್ಕಮಂ ಓಆದಯೋ ಹೋನ್ತಿ ವಾ।
ತುಮ್ಹೇ ಗಚ್ಛೇಯ್ಯಾಥೋ, ಗಚ್ಛೇಯ್ಯಾಥ ವಾ, ತ್ವಂ ಅಗಚ್ಛಿಸ್ಸ, ಅಗಚ್ಛಿಸ್ಸೇ ವಾ, ಅಹಂ ಅಗಮಂ, ಗಮಂ, ಅಗಮ, ಗಮ ವಾ, ಸೋ ಅಗಮಿತ್ಥ, ಗಮಿತ್ಥ, ಅಗಮಾ, ಗಮಾ ವಾ, ಸೋ ಅಗಮಿತ್ಥೋ, ಗಮಿತ್ಥೋ, ಅಗಮೀ, ಗಮೀ ವಾ, ತುಮ್ಹೇ ಗಚ್ಛವ್ಹೋ, ಗಚ್ಛಥ ವಾತಿ।
ಇಮಿನಾ ಈ, ಆ, ಅವಚನಾನಂ ತ್ಥೋ, ತ್ಥ, ಅಂಆದೇಸಾ ಹೋನ್ತಿ, ಸೋ ಅಭವಿತ್ಥೋ, ಭವಿತ್ಥೋ, ಸೋ ಅಭವಿತ್ಥ, ಭವಿತ್ಥ, ಅಹಂ ಅಭವಂ, ಭವಂ।
ಅತ್ರಿಮಾ ಪಾಳೀ – ಈಮ್ಹಿ-ಪಙ್ಕೋ ಚ ಮಾ ವಿಸಿಯಿತ್ಥೋ
೫೯೦. ಉಂಸ್ಸಿಂಸ್ವಂಸು
ಉಮಿಚ್ಚಸ್ಸ ಇಂಸು, ಅಂಸು ಹೋನ್ತಿ।
ಅಗಮಿಂಸು, ಅಗಮಂಸು, ಅಗಮುಂ। ಇಮಿನಾ ಉಂಸ್ಸ ಇಂಸು, ಅಭವಿಂಸು, ಭವಿಂಸು।
೫೯೧. ಓಸ್ಸ ಅ ಇ ತ್ಥ ತ್ಥೋ
ಓಸ್ಸ ಅಇಚ್ಚಾದಯೋ ಹೋನ್ತಿ।
ತ್ವಂ ಅಭವ, ತ್ವಂ ಅಭವಿ, ತ್ವಂ ಅಭವಿತ್ಥ, ತ್ವಂ ಅಭವಿತ್ಥೋ।
ಅತ್ರಿಮಾ ಪಾಳೀ-ಓಸ್ಸ ಅತ್ತೇ-ಮಾ ಹೇವಂ ಆನನ್ದ ಅವಚ
ತತ್ಥ
ಸುತ್ತವಿಭತ್ತೇನ ತ್ಥಸ್ಸ ತ್ಥೋ ಹೋತಿ, ತಂ ವೋ ವದಾಮಿ ಭದ್ದನ್ತೇ, ಯಾವನ್ತೇತ್ಥ ಸಮಾಗತಾ
ಮಹಾವುತ್ತಿನಾ ಓಸ್ಸ ಕ್ವಚಿ ಲೋಪೋ, ಪುನ ದಾನಂ ಅದಾ ತುವಂ
೫೯೨. ಸಿ
ಓಸ್ಸ ಸಿ ಹೋತಿ ವಾ।
ತ್ವಂ ಅಭವಸಿ, ಭವಸಿ, ತ್ವಂ ಅನುಭೋಸಿ।
೫೯೩. ಮ್ಹಾತ್ಥಾನಮುಉ
ಮ್ಹಾ, ತ್ಥಾನಂ ಆದಿಮ್ಹಿ ಉಞ ಹೋತಿ।
ಅಸ್ಸೋಸುಮ್ಹಾ, ಅಹೇಸುಮ್ಹಾ, ಅವೋಚುಮ್ಹಾ, ಅವೋಚುತ್ಥ ಇಚ್ಚಾದೀನಿ ದಿಸ್ಸನ್ತಿ।
ತುಮ್ಹೇ ಅಭವುತ್ಥ, ಭವುತ್ಥ, ಅಭವಿತ್ಥ, ಭವಿತ್ಥ ವಾ, ಮಯಂ ಅಭವುಮ್ಹಾ, ಭವುಮ್ಹಾ, ಅಭವಿಮ್ಹಾ, ಭವಿಮ್ಹಾ ವಾ।
೫೯೪. ಇಂಸ್ಸ ಚ ಸುಉ
ಇಮಿಚ್ಚಸ್ಸ ಮ್ಹಾ, ತ್ಥಾನಞ್ಚ ಆದಿಮ್ಹಿ ಸುಉ ಹೋತಿ, ಸಾಗಮೋ ಹೋತೀತಿ ಅತ್ಥೋ। ಚಸದ್ದೇನ ಈಆದೀನಮ್ಪಿ ಆದಿಮ್ಹಿ ಸಾಗಮೋ ಹೋತಿ, ಸಾಗಮೇ ಚ ಸತಿ ಬ್ಯಞ್ಜನಂ ಹೋತಿ, ತಸ್ಸ ಆದಿಮ್ಹಿ ಇಆಗಮೋ ಲಬ್ಭತಿ। ತೇನ ‘‘ಇಮಾ ಗಾಥಾ ಅಭಾಸಿಸುಂ
ಸೋ ಭೋಗಂ ಅನುಭೋಸಿ, ಅನುಭವಿ ವಾ, ತುಮ್ಹೇ ಅನುಭೋಸಿತ್ಥ, ಅನುಭವಿತ್ಥ ವಾ, ಅಹಂ ಅನುಭೋಸಿ, ಅನುಭವಿಂ ವಾ। ಮಯಂ ಅನುಭೋಸಿಮ್ಹಾ ಅನುಭವಿಮ್ಹಾ ವಾ।
೫೯೫. ಏಓನ್ತಾ ಸುಂ
ಏದನ್ತತೋ ಓದನ್ತತೋ ಚ ಪರಸ್ಸ ಉಂವಚನಸ್ಸ ಸುಂ ಹೋತಿ ವಾ।
ಆನೇಸುಂ, ಸಾಯೇಸುಂ, ಚಿನ್ತೇಸುಂ, ಪಚ್ಚನುಭೋಸುಂ, ಪರಿಭೋಸುಂ, ಅಧಿಭೋಸುಂ, ಅಭಿಭೋಸುಂ।
ಸುತ್ತವಿಭತ್ತೇನ ಆದನ್ತತೋಪಿ ಚ, ವಿಹಾಸುಂ ವಿಹರನ್ತಿ ಚ
ತೇನ ಭೋಗೋ ಅನ್ವಭೂಯೀ, ಅನುಭೂಯೀ।
ರಸ್ಸತ್ತೇ-ಅನ್ವಭೂಯಿ, ಅನುಭೂಯಿ।
ದ್ವಿತ್ತೇ-ಅನ್ವಭುಯ್ಯಿ, ಅನುಭುಯ್ಯಿ।
ತೇನ ಭೋಗಾ ಅನ್ವಭೂಯುಂ, ಅನುಭೂಯುಂ, ಅನ್ವಭೂಯಿಂಸು, ಅನುಭೂಯಿಂಸು ಇಚ್ಚಾದಿ ಸುದ್ಧಕಮ್ಮರೂಪಂ।
ಸೋ ಮಗ್ಗಂ ಅಭಾವಿ, ಭಾವಿ, ಅಭಾವೇಸಿ, ಭಾವೇಸಿ, ಅಭಾವಯಿ, ಭಾವಯಿ, ತೇ ಮಗ್ಗಂ ಅಭಾವಿಂಸು, ಭಾವಿಂಸು।
‘ಏಓನ್ತಾಸು’ನ್ತಿ ಏದನ್ತಮ್ಹಾ ಸುಂ। ತೇ ಮಗ್ಗಂ ಅಭಾವೇಸುಂ, ಭಾವೇಸುಂ, ಅಭಾವಯಿಂಸು, ಭಾವಯಿಂಸು, ತ್ವಂ ಮಗ್ಗಂ ಅಭಾವಯ, ಭಾವಯ, ಅಭಾವಯಿ, ಭಾವಯಿ, ತ್ವಂ ಮಗ್ಗಂ ಅಭಾವಿತ್ಥ, ಭಾವಿತ್ಥ, ಅಭಾವಯಿತ್ಥ, ಭಾವಯಿತ್ಥ, ತ್ವಂ ಮಗ್ಗಂ ಅಭಾವಯಿತ್ಥೋ, ಭಾವಯಿತ್ಥೋ, ತ್ವಂ ಮಗ್ಗಂ
ಸೋ ಮಗ್ಗಂ ಅಭಾವಾ, ಭಾವಾ, ಅಭಾವಿತ್ಥ, ಭಾವಿತ್ಥ, ಅಭಾವಯಿತ್ಥ, ಭಾವಯಿತ್ಥ ಇಚ್ಚಾದಿ ಹೇತುಕತ್ತುರೂಪಂ।
ತೇನ ಮಗ್ಗೋ ಅಭಾವಿಯಿ, ಭಾವಿಯಿ, ತೇನ ಮಗ್ಗಾ ಅಭಾವಿಯಿಂಸು, ಭಾವಿಯಿಂಸು ಇಚ್ಚಾದಿ ಹೇತುಕಮ್ಮರೂಪಂ।
ಇತಿ ಅಜ್ಜತ್ತನೀ।
ಪರೋಕ್ಖಾ
ಅಥ ಪರೋಕ್ಖಾ ವುಚ್ಚತೇ।
೫೯೬. ಪರೋಕ್ಖೇ ಅ ಉ ಏ ಥ ಅಂ ಮ್ಹ ತ್ಥ ರೇ ತ್ಥೋ ವ್ಹೋ ಇಂ ಮ್ಹೇ
ಅಕ್ಖಾನಂ ಇನ್ದ್ರಿಯಾನಂ ಪರಂ ಪರೋಕ್ಖಂ, ಅಪಚ್ಚಕ್ಖನ್ತಿ ಅತ್ಥೋ। ಭೂತೇ ಕಾಲೇ ಅತ್ತನೋ ಪರೋಕ್ಖಕ್ರಿಯಾಯ ವತ್ತಬ್ಬಾಯ ಕ್ರಿಯತ್ಥಾ ಅಆದಯೋ ಹೋನ್ತಿ।
ಮಹಾವುತ್ತಿನಾ ಗಸ್ಸ ದೀಘೋ ವಾ, ಸೋ ಕಿರ ಜಗಾಮ, ತೇ ಕಿರ ಜಗಾಮು, ತ್ವಂ ಕಿರ ಜಗಾಮೇ, ತುಮ್ಹೇ ಕಿರ ಜಗಾಮಿತ್ಥ, ಅಹಂ ಕಿರ ಜಗಾಮಂ, ಮಯಂ ಕಿರ ಜಗಾಮಿಮ್ಹ ಇಚ್ಚಾದಿ।
ಏತ್ಥ ಚ ‘ಸೋ ಕಿರ ಜಗಾಮ’ ಇಚ್ಚಾದೀನಿ ಅನುಸ್ಸವಪರೋಕ್ಖಾನಿ ನಾಮ।
‘ಅಹಂ ಪಟಿವಚನಪರೋಕ್ಖಂ ನಾಮ।
೫೯೭. ಪರೋಕ್ಖಾಯಞ್ಚ
ಪರೋಕ್ಖಮ್ಹಿ ಪುಬ್ಬಕ್ಖರಂ ಏಕಸ್ಸರಂ ದ್ವೇರೂಪಂ ಹೋತಿ, ಚಸದ್ದೇನ ಅಞ್ಞಸ್ಮಿಮ್ಪಿ ದ್ವೇದ್ವೇರೂಪಂ ಸಿಜ್ಝತಿ।
ಚಙ್ಕಮತಿ, ದದ್ದಲ್ಲತಿ, ದದಾತಿ, ಜಹಾತಿ, ಜುಹೋತಿ, ಲೋಲುಪೋ, ಮೋಮೂಹೋ।
೫೯೮. ದುತಿಯಚತುತ್ಥಾನಂ ಪಠಮತತಿಯಾ
ದ್ವಿತ್ತೇ ಪುಬ್ಬೇಸಂ ದುತಿಯ, ಚತುತ್ಥಾನಂ ಕಮೇನ ಪಠಮ, ತತಿಯಾ ಹೋನ್ತಿ।
೫೯೯. ಪುಬ್ಬಸ್ಸ ಅ
ದ್ವಿತ್ತೇ ಪುಬ್ಬಸ್ಸ ಭೂಸ್ಸ ಅನ್ತೋ ಅ ಹೋತಿ।
೬೦೦. ಭೂಸ್ಸ ವುಕ
ದ್ವಿತ್ತೇ ಭೂಧಾತುಸ್ಸ ಅನ್ತೇ ವುಕ ಹೋತಿ, ವಾಗಮೋ ಹೋತೀತಿ ಅತ್ಥೋ।
‘‘ತತ್ಥಪ್ಪನಾದೋ ತುಮುಲೋ ಬಭೂವಾ’’ತಿ
ಸೋ ಕಿರ ರಾಜಾ ಬಭೂವ, ತೇ ಕಿರ ರಾಜಾನೋ ಬಭೂವು, ತ್ವಂ ಬಭೂವೇ।
‘ಅ ಈ ಸ್ಸಾ ಸ್ಸತ್ಯಾದೀನಂ ಬ್ಯಞ್ಜನಸ್ಸಿಉ’ ಇತಿ ಸುತ್ತೇನ ಬ್ಯಞ್ಜನಾದಿಮ್ಹಿ ಇಆಗಮೋ, ತುಮ್ಹೇ ಬಭೂವಿತ್ಥ, ಅಹಂ ಬಭೂವಂ, ಮಯಂ ಬಭೂವಿಮ್ಹ
‘ಕ್ಯೋ ಭಾವಕಮ್ಮೇಸ್ವಪರೋಕ್ಖೇಸೂ’ತಿ ಪಟಿಸಿದ್ಧತ್ತಾ ಪರೋಕ್ಖಮ್ಹಿ ಭಾವಕಮ್ಮೇಸು ಯಪಚ್ಚಯೋ ನ ಹೋತಿ, ‘ತೇನ ಕಿರ ಭೋಗೋ ಅನುಬಭೂವಿತ್ಥ, ತೇನ ಭೋಗೋ ಅನುಬಭೂವಿರೇ’ತಿಆದಿನಾ ಯೋಜೇತಬ್ಬಂ।
ಇತಿ ಪರೋಕ್ಖಾ।
ಸ್ಸತ್ಯಾದಿ
ಅಥ ಸ್ಸತ್ಯಾದಿ ವುಚ್ಚತೇ।
೬೦೧. ಭವಿಸ್ಸತಿ ಸ್ಸತಿ ಸ್ಸನ್ತಿ ಸ್ಸಸಿ ಸ್ಸಥ ಸ್ಸಾಮಿ ಸ್ಸಾಮ ಸ್ಸತೇ ಸ್ಸನ್ತೇ ಸ್ಸಸೇ ಸ್ಸವ್ಹೇ ಸ್ಸಂ ಸ್ಸಾಮ್ಹೇ
ಭವಿಸ್ಸತೀತಿ ಭವಿಸ್ಸನ್ತೋ, ಅನಾಗತಕಾಲೋ, ತಸ್ಮಿಂ ಭವಿಸ್ಸತಿ ಕಾಲೇ ಕ್ರಿಯತ್ಥಸ್ಸ ತ್ಯಾದಯೋ ಹೋನ್ತಿ।
೬೦೨. ನಾಮೇ ಗರಹಾವಿಮ್ಹಯೇಸು
ನಿಪಾತನಾಮಯೋಗೇ ಗರಹಾಯಞ್ಚ ವಿಮ್ಹಯೇ ಚ ಸ್ಸತ್ಯಾದಯೋ ಹೋನ್ತಿ, ಅತೀತಕಾಲೇಪಿ ಸ್ಸತ್ಯಾದೀನಂ ಉಪ್ಪತ್ತಿದೀಪನತ್ಥಮಿದಂ ಸುತ್ತಂ, ಅನುತ್ಥುನನ, ಪಚ್ಚಾನುತಾಪ, ಪಚ್ಚಾನುಮೋದನಾದೀನಿಪಿ ಏತ್ಥ ಸಙ್ಗಯ್ಹನ್ತಿ।
ತತ್ಥ ಗರಹಾಯಂ-ಅತ್ಥಿ ನಾಮ ತಾತ ಸುದಿನ್ನ ಆಭಿದೋಸಿಕಂ ಕುಮ್ಮಾಸಂ ಪರಿಭುಞ್ಜಿಸ್ಸಸಿ
ವಿಮ್ಹಯೇ-ಯತ್ರ
ಅನುತ್ಥುನನಾದೀಸು-ನ ಅತ್ತನಾ ಪಟಿಚೋದೇಸ್ಸಂ, ನ ಗಣಸ್ಸ ಆರೋಚೇಸ್ಸಂ
ಕತ್ಥಚಿ ಪನ ಗಾಥಾವಸೇನ ಏಕಸಕಾರಲೋಪೋ, ಮಿತ್ತೋ ಮಿತ್ತಸ್ಸ ಪಾನಿಯಂ, ಅದಿನ್ನಂ ಪರಿಭುಞ್ಜಿಸಂ
‘ಅ ಈ ಸ್ಸಾ ಸ್ಸತ್ಯಾದೀನಂ ಬ್ಯಞ್ಜನಸ್ಸಿಉ’ ಇತಿ ಇಆಗಮೋ, ಭವಿಸ್ಸತಿ, ಭವಿಸ್ಸನ್ತಿ, ಭವಿಸ್ಸರೇ, ಭವಿಸ್ಸಸಿ, ಭವಿಸ್ಸಥ, ಭವಿಸ್ಸಾಮಿ, ಭವಿಸ್ಸಾಮ, ಭವಿಸ್ಸತೇ, ಭವಿಸ್ಸನ್ತೇ, ಭವಿಸ್ಸರೇ, ಭವಿಸ್ಸಸೇ, ಭವಿಸ್ಸವ್ಹೇ, ಭವಿಸ್ಸಂ, ಭವಿಸ್ಸಾಮ್ಹೇ।
ಅನುಭೋಸ್ಸತಿ, ಅನುಭೋಸ್ಸನ್ತಿ, ಅನುಭೋಸ್ಸರೇ ಇಚ್ಚಾದಿ ಸುದ್ಧಕತ್ತುರೂಪಂ।
ಅನುಭೂಯಿಸ್ಸತಿ, ಅನುಭೂಯಿಸ್ಸನ್ತಿ, ಅನುಭೂಯಿಸ್ಸರೇ।
೬೦೩. ಕ್ಯಸ್ಸ ಸ್ಸೇ
ಕ್ಯಸ್ಸ ಲೋಪೋ ಹೋತಿ ವಾ ಸ್ಸಕಾರವತಿ ವಿಭತ್ತಿಮ್ಹಿ।
ತೇನ ಮಗ್ಗೋ ಗಮಿಸ್ಸತಿ, ಗಮೀಯಿಸ್ಸತಿ ವಾ, ತೇನ ಮಗ್ಗೋ ಅಗಮಿಸ್ಸಾ, ಅಗಮೀಯಿಸ್ಸಾ ವಾತಿ ವಿಕಪ್ಪೇನ ಕ್ಯಸ್ಸ ಲೋಪೋ।
ತೇನ
ಭಾವಿಸ್ಸತಿ, ‘ಊಲಸ್ಸೇ’ತಿ ಇಸ್ಸ ಏ, ಭಾವೇಸ್ಸತಿ, ಭಾವಯಿಸ್ಸತಿಇಚ್ಚಾದಿ ಹೇತುಕತ್ತುರೂಪಂ।
ತೇನ ಮಗ್ಗೋ ಭಾವೀಯಿಸ್ಸತಿ, ಮಗ್ಗಾ ಭಾವೀಯಿಸ್ಸನ್ತಿ ಇಚ್ಚಾದಿ ಹೇತುಕಮ್ಮರೂಪಂ।
ಇತಿ ಸ್ಸತ್ಯಾದಿ।
ಸ್ಸಾದಿ
ಅಥ ಸ್ಸಾದಿ ವುಚ್ಚತೇ।
೬೦೪. ಏಯ್ಯಾದೋತಿಪತ್ತಿಯಂ ಸ್ಸಾ ಸ್ಸಂಸು ಸ್ಸೇ ಸ್ಸಥ ಸ್ಸಂ ಸ್ಸಾಮ್ಹಾ ಸ್ಸಥ ಸ್ಸಿಂಸು ಸ್ಸಸೇ ಸ್ಸವ್ಹೇ ಸ್ಸಿಂ ಸ್ಸಾಮ್ಹಸೇ
ಏಯ್ಯಾದಿವಿಸಯೇ ಕ್ರಿಯಾತಿಪತ್ತಿಯಂ ಸ್ಸಾದಯೋ ಭವನ್ತಿ। ಏಯ್ಯಾದಿವಿಸಯೋ ನಾಮ ಹೇತುಫಲಕ್ರಿಯಾಸಮ್ಭವೋ, ತದುಭಯಕ್ರಿಯಾಯ ಅಭಾವೋ ಕ್ರಿಯಾತಿಪತ್ತಿ।
ಸಾ ದುವಿಧಾ ಅತೀತಾ ಚ ಅನಾಗತಾ ಚ।
ತತ್ಥ ಅತೀತಾಯಂ-ಸಚೇ ಸೋ ಪಠಮವಯೇ ಪಬ್ಬಜ್ಜಂ ಅಲಭಿಸ್ಸಾ, ಅರಹಾ ಅಭವಿಸ್ಸಾ
ಅನಾಗತಾಯಂ-ಸಚಾಹಂ ನ ಗಮಿಸ್ಸಂ, ಮಹಾಜಾನಿಯೋ ಸೋ ಅಭವಿಸ್ಸಾ ಇಚ್ಚಾದಿ।
‘ಆಈಸ್ಸಾದೀಸ್ವಞ
‘ಆಈಊ’ಇಚ್ಚಾದಿನಾ ಸ್ಸಾ, ಸ್ಸಾಮ್ಹಾನಂ ರಸ್ಸತ್ತೇ-ಸೋ ಅಭವಿಸ್ಸ, ಭವಿಸ್ಸ, ಮಯಂ ಅಭವಿಸ್ಸಾಮ್ಹ, ಭವಿಸ್ಸಾಮ್ಹ। ‘ಏಯ್ಯಾಥಸ್ಸೇ’ಇಚ್ಚಾದಿನಾ ಸ್ಸೇಸ್ಸ ಅತ್ತೇ-ತ್ವಂ ಅಭವಿಸ್ಸ, ಭವಿಸ್ಸ ಇಚ್ಚಾದೀನಿ ರೂಪಚತುಕ್ಕಾನಿ ಯಥಾಸಮ್ಭವಂ ಯೋಜೇತಬ್ಬಾನಿ।
ಇತಿಸ್ಸಾದಿ।
ಭೂಧಾತುರೂಪಂ ನಿಟ್ಠಿತಂ।
ಅಟ್ಠವಿಭತ್ತುಪ್ಪತ್ತಿರಾಸಿ ನಿಟ್ಠಿತೋ।
ಭೂವಾದಿಗಣ
ಸರನ್ತಧಾತು
ಆಕಾರನ್ತಧಾತುರೂಪ
ಇತೋ ಪಟ್ಠಾಯ ಸರನ್ತಧಾತುಯೋ ಸರಾನುಕ್ಕಮೇನ, ಬ್ಯಞ್ಜನನ್ತಧಾತುಯೋ ಅಕ್ಖರಾನುಕ್ಕಮೇನ ವುಚ್ಚನ್ತೇ।
ಕಚ್ಚಾಯನಗನ್ಥೇ ಅನೇಕಸ್ಸರಧಾತುಯೋ ಇಧ ಬ್ಯಞ್ಜನನ್ತಧಾತುಯೋ ನಾಮ। ತಸ್ಮಾ ಇಧ ಧಾತ್ವನ್ತಸರಲೋಪಕಿಚ್ಚಂ ನಾಮ ನತ್ಥಿ।
ಖಾ, ಖ್ಯಾ-ಕಥನೇ, ಗಾ-ಸದ್ದೇ, ಘಾ-ಗನ್ಧೋಪಾದಾನೇ, ಞಾ-ಪಞ್ಞಾಯನೇ ಅವಬೋಧನೇ ಚ, ಠಾ-ಗತಿನಿವತ್ತಿಯಂ, ತಾ-ಪಾಲನೇ, ಥಾ-ಠಾನೇ
ತ್ಯಾದ್ಯುಪ್ಪತ್ತಿ, ಕತ್ತರಿಲೋ, ಮಹಾವುತ್ತಿನಾ ಸರೇ ಪರೇ ಆದನ್ತಮ್ಹಾ ಕ್ವಚಿ ಯಾಗಮೋ, ಅಕ್ಖಾತಿ। ಪರಸ್ಸರಲೋಪೋ, ಅಕ್ಖಾಯತಿ, ಕ್ರಿಯಂ ಆಖ್ಯಾತಿ, ಆಖ್ಯಾಯತಿ, ಜಾತಿಂ ಅಕ್ಖಾಹಿ ಪುಚ್ಛಿತೋ
ಕಮ್ಮೇ ಕ್ಯೋ, ಧಮ್ಮೋ ಞಾಯತಿ, ಧಮ್ಮಾ ಞಾಯನ್ತಿ, ವಿಞ್ಞಾಯತಿ, ವಿಞ್ಞಾಯನ್ತಿ।
ಪಯೋಜಕಬ್ಯಾಪಾರೇ-ಣಾಪಿ, ಞಾಪೇತಿ, ಞಾಪೇನ್ತಿ, ಞಾಪಯತಿ, ಞಾಪಯನ್ತಿ।
ಕಮ್ಮೇ-ಞಾಪೀಯತಿ, ಞಾಪೀಯನ್ತಿ, ಠಾತಿ, ಠಾನ್ತಿ, ಓಪುಪ್ಫಾ ಪದ್ಮಾ ಠಾನ್ತಿ, ಮಾಲಾವ ಗನ್ಥಿತಾ ಠಾನ್ತಿ, ಧಜಗ್ಗಾನೇವ ದಿಸ್ಸರೇ
೬೦೫. ಞ್ಚೀಲಸ್ಸೇ
ಞಾನುಬನ್ಧಸ್ಸ ಈಆಗಮಸ್ಸ ಚ ಕತ್ತರಿ ವಿಹಿತಸ್ಸ ಲಪಚ್ಚಯಸ್ಸ ಚ ಕ್ವಚಿ ಏತ್ತಂ ಹೋತೀತಿ ಲಸ್ಸ ಏತ್ತಂ।
ಅಧಿಟ್ಠೇತಿ, ಅಧಿಟ್ಠೇನ್ತಿ।
೬೦೬. ಠಾಪಾನಂ ತಿಟ್ಠಪಿವಾ
ಠಾ, ಪಾನಂ ತಿಟ್ಠ, ಪಿವಾ ಹೋನ್ತಿ ನ್ತ, ಮಾನ, ತ್ಯಾದೀಸು।
ತಿಟ್ಠತಿ, ತಿಟ್ಠನ್ತಿ।
೬೦೭. ಪಾದಿತೋ ಠಾಸ್ಸ ವಾ ಠಹೋ ಕ್ವಚಿ
ಪಾದಯೋ
ಸಣ್ಠಹತಿ, ಸಣ್ಠಹನ್ತಿ, ಸಣ್ಠಾತಿ, ಸಣ್ಠಾನ್ತಿ, ಉಪಟ್ಠಹತಿ, ಉಪಟ್ಠಹನ್ತಿ, ಉಪಟ್ಠಾತಿ, ಉಪಟ್ಠಾನ್ತಿ।
ಕಮ್ಮೇ –
೬೦೮. ಅಞ್ಞಾದಿಸ್ಸಿ ಕ್ಯೇ
ಞಾದಿತೋ ಅಞ್ಞಸ್ಸ ಆಕಾರನ್ತಕ್ರಿಯತ್ಥಸ್ಸ ಇ ಹೋತಿ ಕ್ಯೇ ಪರಮ್ಹಿ।
ಅಧಿಟ್ಠೀಯತಿ, ಅಧಿಟ್ಠೀಯನ್ತಿ, ಉಪಟ್ಠೀಯತಿ, ಉಪಟ್ಠೀಯನ್ತಿ।
ಅಞ್ಞಾದಿಸ್ಸಾತಿ ಕಿಂ? ಞಾಯತಿ, ಞಾಯನ್ತಿ, ಆಕ್ಖಾಯತಿ, ಆಕ್ಖಾಯನ್ತಿ, ಆಖ್ಯಾಯತಿ, ಆಖ್ಯಾಯನ್ತಿ।
ಣಾಪಿಮ್ಹಿ-ಪತಿಟ್ಠಾಪೇತಿ, ಪತಿಟ್ಠಾಪೇನ್ತಿ, ಪತಿಟ್ಠಾಪಯತಿ, ಪತಿಟ್ಠಾಪಯನ್ತಿ।
ಅಜ್ಝತ್ತನಿಮ್ಹಿ ವಿಕಪ್ಪೇನ ಸಾಗಮೋ, ಅಟ್ಠಾಸಿ, ಪತಿಟ್ಠಾಸಿ, ಅಧಿಟ್ಠಹಿ, ಅಧಿಟ್ಠಾಸಿ, ಅಧಿಟ್ಠೇಸಿ, ಸಣ್ಠಹಿ, ಸಣ್ಠಾಸಿ, ಉಪಟ್ಠಹಿ, ಉಪಟ್ಠಾಸಿ।
‘ಉಂಸ್ಸಿಂಸ್ವಂಸೂ’ತಿ ಉಂಸ್ಸ ಇಂಸು, ಅಂಸು, ಅಧಿಟ್ಠಹಿಂಸು, ಸಣ್ಠಹಿಂಸು, ಉಪಟ್ಠಹಿಂಸು। ಅತ್ಥಮೇನ್ತಮ್ಹಿ ಸೂರಿಯೇ, ವಾಳಾ ಪನ್ಥೇ ಉಪಟ್ಠಹುಂ
ಪರಛಕ್ಕೇ-ಅಟ್ಠಾ ಬುದ್ಧಸ್ಸ ಸನ್ತಿಕೇ
ಕಮ್ಮೇ-ಅಧಿಟ್ಠಿಯಿ, ಅಧಿಟ್ಠಿಯಿಂಸು, ಉಪಟ್ಠಿಯಿ, ಉಪಟ್ಠಿಯಿಂಸು।
ಣಾಪಿಮ್ಹಿ-ಪತಿಟ್ಠಾಪೇಸಿ
‘ಏಓನ್ತಾಸು’ನ್ತಿ ಉಂಸ್ಸಸುಂ, ಸರಲೋಪೋ, ಅಟ್ಠಾಸುಂ, ಉಪಟ್ಠಾಸುಂ, ಪತಿಟ್ಠಾಪೇಸುಂ, ಸಣ್ಠಾಪೇಸುಂ, ಪತಿಟ್ಠಾಪಯುಂ, ಸಣ್ಠಾಪಯುಂ, ಪತಿಟ್ಠಾಪಯಿಂಸು, ಸಣ್ಠಾಪಯಿಂಸು।
ಸ್ಸತ್ಯಾದಿಮ್ಹಿ-ಠಸ್ಸತಿ, ಠಸ್ಸನ್ತಿ, ರಸ್ಸತ್ತಂ, ಉಪಟ್ಠಿಸ್ಸತಿ, ಉಪಟ್ಠಿಸ್ಸನ್ತಿ, ಅಹಂ ಭೋತಿಂ ಉಪಟ್ಠಿಸ್ಸಂ
ಣಾಪಿಮ್ಹಿ-ಪತಿಟ್ಠಾಪೇಸ್ಸತಿ, ಪತಿಟ್ಠಾಪೇಸ್ಸನ್ತಿ।
ತಾ-ಪಾಲನೇ, ಭಯಂ ತಾಯತಿ।
ಥಾ-ಠಾನೇ, ಅವತ್ಥಾತಿ, ಅವತ್ಥಾಯತಿ, ವಿತ್ಥಾಯತಿ, ವಿತ್ಥಾಯನ್ತಿ, ಮಾ ಖೋ ವಿತ್ಥಾಸಿ
ದಾ-ದಾನೇ, ‘ಊಲಸ್ಸೇ’ತಿ ಲಸ್ಸ ಏತ್ತಂ, ದೇತಿ, ದೇನ್ತಿ, ದೇಸಿ, ದೇಥ, ದೇಮಿ, ದೇಮ।
‘ಪರೋಕ್ಖಾಯಞ್ಚಾ’ತಿ ಸುತ್ತೇ ಚಸದ್ದೇನ ದಾಸ್ಸ ದ್ವಿತ್ತಂ। ‘ರಸ್ಸೋ ಪುಬ್ಬಸ್ಸಾ’ತಿ ಪುಬ್ಬಸ್ಸ ರಸ್ಸತ್ತಂ, ದದಾತಿ, ದದನ್ತಿ, ದದಾಸಿ, ದದಾಥ, ದದಾಮಿ, ದದಾಮ।
೬೦೯. ದಾಸ್ಸ ದಂ ವಾ ಮಿಮೇಸ್ವದ್ವಿತ್ತೇ
ಅದ್ವಿತ್ತೇ ದಾಸ್ಸ ದಂ ಹೋತಿ ವಾ ಮಿ, ಮೇಸು, ನಿಗ್ಗಹೀತಸ್ಸ ವಗ್ಗನ್ತತ್ತಂ।
ದಮ್ಮಿ, ದಮ್ಮ।
ಅದ್ವಿತ್ತೇತಿ ಕಿಂ? ದದಾಮಿ, ದದಾಮ।
೬೧೦. ದಾಸ್ಸಿಯಙ
ಪಾದಿತೋ
‘ಇಯಙ’ ಇತಿ ಸುತ್ತವಿಭತ್ತೇನ ಅಞ್ಞಧಾತೂನಮ್ಪಿ। ಜಾ-ಹಾನಿಯಂ, ಅಪ್ಪೇನ ಬಹುಂ ಜಿಯ್ಯಾಮ
ಆದಿಯತಿ, ಆದಿಯನ್ತಿ, ಉಪಾದಿಯತಿ, ಉಪಾದಿಯನ್ತಿ, ಸಮಾದಿಯತಿ, ಸಮಾದಿಯನ್ತಿ, ಸಿಕ್ಖಾಪದಂ ಸಮಾದಿಯಾಮಿ
೬೧೧. ಗಮ ವದ ದಾನಂ ಘಮ್ಮ ವಜ್ಜ ದಜ್ಜಾ
ಏತೇಸಂ ಘಮ್ಮ, ವಜ್ಜ, ದಜ್ಜಾ ಹೋನ್ತಿ ವಾ ನ್ತ, ಮಾನ, ತ್ಯಾದೀಸು।
ದಜ್ಜತಿ, ದಜ್ಜನ್ತಿ, ದಜ್ಜಸಿ, ದಜ್ಜಥ, ದಜ್ಜಾಮಿ, ದಜ್ಜಾಮ।
‘ಊಲಸ್ಸೇ’ತಿ ಲಸ್ಸ ಏತ್ತಂ, ದಜ್ಜೇತಿ, ದಜ್ಜೇನ್ತಿ।
ಕಮ್ಮೇ ‘ಅಞ್ಞಾದಿಸ್ಸಿ ಕ್ಯೇ’ತಿ ಕ್ಯಮ್ಹಿ ಆಸ್ಸ ಇತ್ತಂ, ದಿಯತಿ, ದಿಯನ್ತಿ।
ದೀಘತ್ತೇ-ದೀಯತಿ, ದೀಯನ್ತಿ।
ದ್ವಿತ್ತೇ-ದಿಯ್ಯತಿ, ದಿಯ್ಯನ್ತಿ, ದಜ್ಜೀಯತಿ, ದಜ್ಜೀಯನ್ತಿ।
ಣಾಪಿಮ್ಹಿ-ದಾಪೇತಿ, ದಾಪೇನ್ತಿ, ದಾಪಯತಿ, ದಾಪಯನ್ತಿ।
ಪಾದಿಪುಬ್ಬೇ ರಸ್ಸೋ, ಸಮಾದಪೇತಿ
ಕಮ್ಮೇ-ದಾಪೀಯತಿ
ಏಯ್ಯಾದಿಮ್ಹಿ ಮಹಾವುತ್ತಿನಾ ದಜ್ಜತೋ ಏಯ್ಯಾದೀನಂ ಅನ್ತಸ್ಸ ಏಯ್ಯಸ್ಸ ಲೋಪೋ ವಾ, ದಾನಂ ದಜ್ಜಾ, ದದೇಯ್ಯ, ದಜ್ಜುಂ, ದದೇಯ್ಯುಂ, ದಜ್ಜಾಸಿ, ದದೇಯ್ಯಾಸಿ, ದಜ್ಜಾಥ, ದದೇಯ್ಯಾಥ, ದಜ್ಜಾಮಿ, ದದೇಯ್ಯಾಮಿ, ದಜ್ಜಾಮ, ದದೇಯ್ಯಾಮ, ಅಹಂ ದಜ್ಜಂ, ದದೇಯ್ಯಂ, ಮಯಂ ದಜ್ಜಾಮ್ಹೇ, ದದೇಯ್ಯಾಮ್ಹೇ।
ಅತ್ರಿಮಾ ಪಾಳೀ-ದಜ್ಜಾ ಸಪ್ಪುರಿಸೋ ದಾನಂ
ಅಜ್ಝತ್ತನಿಮ್ಹಿ-ಅದದಿ, ಅದಾಸಿ, ಅದದುಂ, ಅದಂಸು, ಅದಜ್ಜಿ, ಅದಜ್ಜುಂ, ತ್ವಂ ಅದದೋ। ವರಞ್ಚೇ ಮೇ ಅದೋ ಸಕ್ಕ
ಪರಛಕ್ಕೇ-ಸೋ ದಾನಂ ಅದಾ, ಬ್ರಾಹ್ಮಣಸ್ಸ ಅದಾ ದಾನಂ, ಸಿವೀನಂ ರಟ್ಠವಡ್ಢನೋ
ಸ್ಸತ್ಯಾದಿಮ್ಹಿ-ದಾಸ್ಸತಿ, ದಾಸ್ಸನ್ತಿ, ದದಿಸ್ಸತಿ, ದದಿಸ್ಸನ್ತಿ, ದಜ್ಜಿಸ್ಸತಿ, ದಜ್ಜಿಸ್ಸನ್ತಿ।
ದಾಇಚ್ಚಸ್ಸ ದಿಚ್ಛ, ಪವೇಚ್ಛಾದೇಸಮ್ಪಿ ಇಚ್ಛನ್ತಿ, ವಿಪುಲಂ ಅನ್ನಂ ಪಾನಞ್ಚ, ಸಮಣಾನಂ ಪವೇಚ್ಛಸಿ
ಧಾ-ಧಾರಣೇ, ಸನ್ಧಾತಿ, ವಿಧಾತಿ, ನಿಧೇತಿ, ನಿಧೇನ್ತಿ। ವಿಧೇತಿ, ವಿಧೇನ್ತಿ।
‘ಪರೋಕ್ಖಾಯಞ್ಚಾ’ತಿ ಚಸದ್ದೇನ ದ್ವಿತ್ತಂ। ‘ದುತಿಯಚತುತ್ಥಾನ…’ನ್ತಿ ಧಸ್ಸ ದತ್ತಂ। ‘ರಸ್ಸೋ ಪುಬ್ಬಸ್ಸಾ’ತಿ ಪುಬ್ಬಸ್ಸ ರಸ್ಸೋ।
೬೧೨. ಧಾಸ್ಸ ಹೋ
ದ್ವಿತ್ತೇ
ಸದ್ದಹಾತಿ, ಸದ್ದಹತಿ ವಾ। ಸದ್ದಹಾತಿ ತಥಾಗತಸ್ಸ ಬೋಧಿಂ। ವಿದಹಾತಿ, ನಿದಹಾತಿ, ಸದ್ದಹನ್ತಿ, ವಿದಹನ್ತಿ, ನಿದಹನ್ತಿ।
‘ಮಯದಾ ಸರೇ’ತಿ ಸುತ್ತೇ ‘ಮಯದಾ’ತಿ ಸುತ್ತವಿಭತ್ತಿಯಾ ಬ್ಯಞ್ಜನೇಪಿ ನಿಗ್ಗಹೀತಸ್ಸ ದತ್ತಂ, ಕಮ್ಮಂ ಸದ್ದಹಾತಿ, ಕಮ್ಮಫಲಂ ಸದ್ದಹಾತಿ, ಸದ್ದಹನ್ತಿ, ವತ್ಥಂ ಪರಿದಹಾತಿ, ಪರಿದಹನ್ತಿ।
ಕಮ್ಮೇ-ಸನ್ಧೀಯತಿ, ಸನ್ಧೀಯನ್ತಿ, ಸನ್ಧಿಯ್ಯತಿ, ಸನ್ಧಿಯ್ಯನ್ತಿ, ವಿಧಿಯ್ಯತಿ। ನವೇನ ಸುಖದುಕ್ಖೇನ, ಪೋರಾಣಂ ಅಪಿಧಿಯ್ಯತಿ
ಣಾಪಿಮ್ಹಿ-ನಿಧಾಪೇತಿ, ನಿಧಾಪೇನ್ತಿ, ನಿಧಾಪಯತಿ, ನಿಧಾಪಯನ್ತಿ।
ಕಮ್ಮೇ-ನಿಧಾಪೀಯತಿ, ನಿಧಾಪೀಯನ್ತಿ।
ಏಯ್ಯಾದಿಮ್ಹಿ-ಸದ್ದಹೇಯ್ಯಂ, ಸದ್ದಹೇಯ್ಯುಂ।
ಈಆದಿಮ್ಹಿ-ಸದ್ದಹಿ, ಸದ್ದಹಿಂಸು। ತತ್ರ ಭಿಕ್ಖವೋ ಸಮಾದಹಿಂಸು
ಪಾ-ಪಾನೇ, ಪಾತಿ, ಪಾನ್ತಿ।
‘ಠಾಪಾನಂ ತಿಟ್ಠಪಿವಾ’ತಿ ಪಾಸ್ಸ ಪಿವೋ, ಪಿವತಿ, ಪಿವನ್ತಿ।
ಕಮ್ಮೇ-ಪೀಯತಿ, ಪೀಯನ್ತಿ।
ಣಿಮ್ಹಿ-‘ಆಸ್ಸಾ ಣಾಪಿಮ್ಹಿ ಯುಕ’ ಇತಿ ಸುತ್ತೇನ ಣಾನುಬನ್ಧೇ ಆಸ್ಸ ಅನ್ತೇ ಯಾಗಮೋ, ಪುತ್ತಂ ಥಞ್ಞಂ ಪಾಯೇತಿ, ಪಾಯೇನ್ತಿ, ಪಾಯಯತಿ, ಪಾಯಯನ್ತಿ।
ಕಮ್ಮೇ-ಪಾಯೀಯತಿ, ಪಾಯೀಯನ್ತಿ।
ಸ್ಸತ್ಯಾದಿಮ್ಹಿ-ಪಸ್ಸತಿ, ಪಸ್ಸನ್ತಿ, ಪಿಸ್ಸತಿ, ಪಿಸ್ಸನ್ತಿ।
ಅತ್ರಿಮಾ
ಭಾ-ದಿತ್ತಿಯಂ, ಭಾತಿ, ರತ್ತಿಮಾಭಾತಿ ಚನ್ದಿಮಾ
ಮಾ-ಮಾನೇ, ದ್ವಿತ್ತಂ ರಸ್ಸೋ ಚ, ಮಮಾಯತಿ, ಮಮಾಯನ್ತಿ। ಯೇಮಂ ಕಾಯಂ ಮಮಾಯನ್ತಿ, ಅನ್ಧಾ ಬಾಲಾ ಪುಥುಜ್ಜನಾ
ಯಾ-ಗತಿಯಂ, ಯಾತಿ, ಯನ್ತಿ, ಯಾಯತಿ, ಯಾಯನ್ತಿ, ಯಾಯನ್ತ’ ಮನುಯಾಯನ್ತಿ
ಲಾ-ಆದಾನೇ, ಲಾತಿ।
ವಾ-ಗತಿ, ಗನ್ಧನೇಸು, ವಾತಿ ದೇವೇಸು ಉತ್ತಮೋ
ಣಾಪಿಮ್ಹಿ-ನಿಬ್ಬಾಪೇತಿ, ನಿಬ್ಬಾಪಯತಿ।
ಈಆದಿಮ್ಹಿ-ಪರಿನಿಬ್ಬಾಯಿ, ಪರಿನಿಬ್ಬಾಯಿಂಸು।
ಸ್ಸತ್ಯಾದಿಮ್ಹಿ-ಪರಿನಿಬ್ಬಿಸ್ಸತಿ, ಪರಿನಿಬ್ಬಿಸ್ಸನ್ತಿ, ಪರಿನಿಬ್ಬಾಯಿಸ್ಸತಿ, ಪರಿನಿಬ್ಬಾಯಿಸ್ಸನ್ತಿ।
ಸಾ-ಅಸ್ಸಾದನ, ತನುಕರಣ, ಅನ್ತಕ್ರಿಯಾಸು, ಸಾತಿ, ಸಾಯತಿ, ಸಾಯನ್ತಿ, ಪರಿಯೋಸಾಯನ್ತಿ।
ಣಾಪಿಮ್ಹಿ-ಓಸಾಪೇತಿ
ಕಮ್ಮೇ-ಓಸಾಪೀಯತಿ, ಪರಿಯೋಸಾಪೀಯತಿ।
ಹಾ-ಚಾಗೇ, ಪಹಾತಿ, ಪಹಾಯತಿ, ಪಹಾಯನ್ತಿ।
ಕತ್ತು, ಕಮ್ಮನಿ ಕ್ಯೋ, ಈಞಆಗಮೋ, ಹಿಯ್ಯೋತಿ ಹಿಯ್ಯತಿ ಪೋಸೋ
೬೧೩. ಕವಗ್ಗಹಾನಂ ಚವಗ್ಗಜಾ
ದ್ವಿತ್ತೇ ಪುಬ್ಬೇಸಂ ಕವಗ್ಗ, ಹಾನಂ ಚವಗ್ಗ, ಜಾ ಹೋನ್ತಿ।
ಜಹಾತಿ, ಪಜಹಾತಿ, ಜಹನ್ತಿ, ಪಜಹನ್ತಿ।
ಕಮ್ಮೇ-ಪಹೀಯತಿ, ಪಹೀಯನ್ತಿ।
ರಸ್ಸತ್ತೇ-ಪಹಿಯತಿ, ಪಹಿಯನ್ತಿ।
ದ್ವಿತ್ತೇ-ಪಹಿಯ್ಯತಿ, ಪಹಿಯ್ಯನ್ತಿ, ಪಜಹೀಯತಿ, ಪಜಹೀಯನ್ತಿ।
ಣಾಪಿಮ್ಹಿ-ಹಾಪೇತಿ, ಹಾಪೇನ್ತಿ, ಹಾಪಯತಿ, ಹಾಪಯನ್ತಿ, ಜಹಾಪೇತಿ, ಜಹಾಪೇನ್ತಿ, ಜಹಾಪಯತಿ, ಜಹಾಪಯನ್ತಿ।
ಕಮ್ಮೇ-ಹಾಪೀಯತಿ, ಜಹಾಪೀಯತಿ।
ಈಆದಿಮ್ಹಿ-ಪಹಾಸಿ, ಪಹಾಸುಂ, ಪಜಹಿ, ಪಜಹಿಂಸು।
೬೧೪. ಹಾತೋ ಹ
ಹಾತೋ ಪರಸ್ಸ ಸ್ಸ-ಕಾರಸ್ಸ ಹ ಹೋತಿ ವಾ।
‘‘ಹಾಹಿಸಿ
ನ್ಹಾ-ಸೋಚೇಯ್ಯೇ, ನ್ಹಾತಿ, ನ್ಹಾಯತಿ, ನ್ಹಾಯನ್ತಿ।
ಮಹಾವುತ್ತಿನಾ ಬ್ಯಞ್ಜನವಡ್ಢನೇ, ನಹಾತಿ, ನಹಾಯತಿ, ನಹಾಯನ್ತಿ।
ಇತಿ ಭೂವಾದಿಗಣೇ ಆಕಾರನ್ತಧಾತುರೂಪಂ।
ಇವಣ್ಣನ್ತಧಾತುರೂಪ
ಇ-ಗತಿಯಂ ಅಜ್ಝಾಯನೇ ಚ, ಖಿ-ಖಯೇ ಪಕಾಸನೇ ಚ, ಚಿಚಯೇ, ಜಿ-ಜಯೇ, ಡೀ-ವೇಹಾಸಗತಿಯಂ, ನೀ-ನಯೇ, ಭೀ-ಭಯೇ, ಲೀ-ಲಯೇ, ಸೀ-ಸಯೇ, ಮ್ಹಿ-ಹಾಸೇ।
ತ್ಯಾದ್ಯುಪ್ಪತ್ತಿ, ಕತ್ತರಿ ಲೋ, ಏತಿ, ಏನ್ತಿ, ಏಸಿ, ಏಥ, ಏಮಿ, ಏಮ, ವೇತಿ, ವೇನ್ತಿ, ಸಮೇತಿ, ಸಮೇನ್ತಿ, ಅಬ್ಭೇತಿ, ಅಬ್ಭೇನ್ತಿ, ಅಭಿಸಮೇತಿ, ಅಭಿಸಮೇನ್ತಿ, ಅವೇತಿ, ಅವೇನ್ತಿ, ಸಮವೇತಿ, ಸಮವೇನ್ತಿ, ಅಪೇತಿ, ಅಪೇನ್ತಿ, ಉಪೇತಿ, ಉಪೇನ್ತಿ, ಅನ್ವೇತಿ, ಅನ್ವೇನ್ತಿ, ಅಚ್ಚೇತಿ, ಅಚ್ಚೇನ್ತಿ, ಪಚ್ಚೇತಿ, ಪಚ್ಚೇನ್ತಿ, ಅಜ್ಝೇತಿ, ಅಜ್ಝೇನ್ತಿ, ಉದೇತಿ, ಉದೇನ್ತಿ, ಸಮುದೇತಿ, ಸಮುದೇನ್ತಿ, ಪರಿಯೇತಿ, ಪರಿಯೇನ್ತಿ, ಉಪಯತಿ, ಉಪಯನ್ತಿ, ಅಚ್ಚಯತಿ, ಅಚ್ಚಯನ್ತಿ, ಉದಯತಿ, ಸಮುದಯತಿ।
ಏತು, ಸಮೇತು, ಏನ್ತು, ಸಮೇನ್ತು, ಏಹಿ, ಸಮೇಹಿ, ಏಥ, ಸಮೇಥ, ಏಥ ಬ್ಯಗ್ಘಾ ನಿವತ್ತವ್ಹೋ, ಪಚ್ಚುಪೇಥ ಮಹಾವನಂ
ಮಹಾವುತ್ತಿನಾ ಇಧಾತುಮ್ಹಾ ಏಯ್ಯಾದೀನಂ ಏಕಾರಸ್ಸ ಲೋಪೋ, ನ ಚ ಅಪತ್ವಾ ದುಕ್ಖಸ್ಸನ್ತಂ
ಈಆದಿಮ್ಹಿ
‘ಏಓನ್ತಾ ಸು’ನ್ತಿ ಉಂಸ್ಸ ಸುಂ, ಅಭಿಸಮೇಸುಂ, ಅಭಿಸಮಯುಂ, ಅಭಿಸಮಯಿಂಸು।
ಸ್ಸತ್ಯಾದಿಮ್ಹಿ –
೬೧೫. ಏತಿಸ್ಮಾ
‘ಏತೀ’ತಿ ಧಾತುನಿದ್ದೇಸೋ ತಿಸದ್ದೋ, ಇಧಾತುಮ್ಹಾ ಪರಸ್ಸ ಸ್ಸಕಾರಸ್ಸ ಹಿ ಹೋತಿ ವಾ।
ಏಹಿತಿ, ಏಸ್ಸತಿ। ಬೋಧಿರುಕ್ಖಮುಪೇಹಿತಿ
ಸ್ಸಾದಿಮ್ಹಿ ‘‘ಸಚೇ ಪುತ್ತಂ ಸಿಙ್ಗಾಲಾನಂ, ಕುಕ್ಕುರಾನಂ ಅದಾಹಿಸೀ’’ತಿ
ಖಿ-ಖಯೇ ಅವಣ್ಣಪಕಾಸನೇ ಚ, ಖಯತಿ, ಖಯನ್ತಿ।
ಖಿತೋ ಯಾಗಮೋ, ವಿಕಪ್ಪೇನ ಯಸ್ಸ ದ್ವಿತ್ತಂ, ಕಪ್ಪೋ ಖೀಯೇಥ, ವಣ್ಣೋ ನ ಖೀಯೇಥ ತಥಾಗತಸ್ಸ
ಚಿ-ಚಯೇ, ಸಮುಚ್ಚೇತಿ, ಸಮುಚ್ಚಯತಿ।
೬೧೬. ನಿತೋ ಚಿಸ್ಸ ಛೋ
ನಿತೋ
ನಿಚ್ಛಯತಿ, ವಿನಿಚ್ಛಯತಿ, ವಿನಿಚ್ಛಯನ್ತಿ, ವಿನಿಚ್ಛೇತಿ, ವಿನಿಚ್ಛೇನ್ತಿ,
ಕಮ್ಮೇ ಕ್ಯೋ –
೬೧೭. ದೀಘೋ ಸರಸ್ಸ
ಸರನ್ತಸ್ಸ ಧಾತುಸ್ಸ ದೀಘೋ ಹೋತಿ ಕ್ಯಮ್ಹೀತಿ ಇಕಾರು’ಕಾರಾನಂ ಕ್ಯಮ್ಹಿ ವಿಕಪ್ಪೇನ ದೀಘೋ।
ಸಮುಚ್ಚೀಯತಿ ಸಮುಚ್ಚೀಯನ್ತಿ, ವಿನಿಚ್ಛೀಯತಿ, ವಿನಿಚ್ಛೀಯನ್ತಿ।
ಜಿ-ಜಯೇ, ಜೇತಿ, ಜೇನ್ತಿ, ವಿಜೇತಿ, ವಿಜೇನ್ತಿ, ಪರಾಜೇತಿ, ಪರಾಜೇನ್ತಿ, ಜಯತಿ, ಜಯನ್ತಿ, ವಿಜಯತಿ, ವಿಜಯನ್ತಿ, ಪರಾಜಯತಿ, ಪರಾಜಯನ್ತಿ।
ಕಮ್ಮೇ ಕ್ಯಮ್ಹಿ ದೀಘೋ, ನ ತಂ ಜಿತಂ ಸಾಧು ಜಿತಂ, ಯಂ ಜಿತಂ ಅವಜೀಯತಿ। ತಂ ಖೋ ಜಿತಂ ಸಾಧು ಜಿತಂ, ಯಂ ಜಿತಂ ನಾವಜೀಯತಿ
ಣಾಪಿಮ್ಹಿ ಪುಬ್ಬಸ್ಸರಲೋಪೋ ವಾ, ಜಾಪೇತಿ, ಜಾಪಯತಿ। ಯೋ ನ ಹನ್ತಿ ನ ಘಾತೇತಿ, ನ ಜಿನಾತಿ ನ ಜಾಪಯೇ
ಈಆದಿಮ್ಹಿ-ಅಜೇಸಿ, ಅಜೇಸುಂ, ವಿಜೇಸಿ, ವಿಜೇಸುಂ, ಅಜಯಿ, ಅಜಯುಂ, ಅಜಯಿಂಸು, ವಿಜಯಿ, ವಿಜಯುಂ, ವಿಜಯಿಂಸು, ಜೇಸ್ಸತಿ, ವಿಜೇಸ್ಸತಿ, ಪರಾಜೇಸ್ಸತಿ, ಜಯಿಸ್ಸತಿ, ವಿಜಯಿಸ್ಸತಿ, ಪರಾಜಯಿಸ್ಸತಿ।
ಡೀ-ವೇಹಾಸಗತಿಯಂ, ಸಕುಣೋ ಡೇತಿ, ಡೇನ್ತಿ
ನೀ-ನಯೇ
ಕಮ್ಮೇ-ನೀಯತಿ, ನೀಯನ್ತಿ।
ದ್ವಿತ್ತೇ-ನಿಯ್ಯತಿ, ನಿಯ್ಯನ್ತಿ, ನಿಯ್ಯರೇ।
ಣಾಪಿಮ್ಹಿ ಆಯಾದೇಸಸ್ಸ ರಸ್ಸೋ, ನಯಾಪೇತಿ, ನಯಾಪೇನ್ತಿ, ನಯಾಪಯತಿ, ನಯಾಪಯನ್ತಿ।
ಕಮ್ಮೇ-ನಯಾಪೀಯತಿ, ನಯಾಪೀಯನ್ತಿ।
ಈಆದಿಮ್ಹಿ-ನೇಸಿ, ನೇಸುಂ, ವಿನೇಸಿ, ವಿನೇಸುಂ, ಆನೇಸಿ, ಆನೇಸುಂ, ಅನಯಿ, ನಯಿ, ಅನಯಿಂಸು, ನಯಿಂಸು, ಆನಯಿ, ಆನಯಿಂಸು, ವಿನಯಿ, ವಿನಯಿಂಸು।
ಸ್ಸತ್ಯಾದಿಮ್ಹಿ-ನೇಸ್ಸತಿ, ನೇಸ್ಸನ್ತಿ, ನಯಿಸ್ಸತಿ, ನಯಿಸ್ಸನ್ತಿ।
ಭೀ-ಭಯೇ, ಭೇತಿ। ಮಾ ಭೇಥ ಕಿಂ ಸೋಚಥ ಮೋದಥವ್ಹೋ
ಕಾರಿತೇ ಮಹಾವುತ್ತಿನಾ ಸಾಗಮೋ ವಾ, ಭೀಸೇತಿ, ಭೀಸಯತಿ, ಭೀಸಾಪೇತಿ, ಭೀಸಾಪಯತಿ। ಭಿಕ್ಖುಂ ಭೀಸೇಯ್ಯ ವಾ ಭೀಸಾಪೇಯ್ಯ ವಾ
ಸೀ-ಸಯೇ, ಸೇತಿ, ಸೇನ್ತಿ, ಅತಿಸೇತಿ, ಅತಿಸೇನ್ತಿ, ಸಯತಿ, ಸಯನ್ತಿ।
ಕಮ್ಮೇ-ಅತಿಸೀಯತಿ, ಅತಿಸೀಯನ್ತಿ।
ಣಾಪಿಮ್ಹಿ ರಸ್ಸೋ, ಸಯಾಪೇತಿ, ಸಯಾಪಯತಿ।
ಣಿಮ್ಹಿ-ಸಾಯೇತಿ, ಸಾಯಯತಿ, ಸಾಯೇಸುಂ ದೀನಮಾನಸಾ
ಮ್ಹಿ-ಹಾಸೇ
ಕಮ್ಮೇ-ಉಮ್ಹೀಯತಿ, ವಿಮ್ಹೀಯತಿ।
ಕಾರಿತೇ ಪುಬ್ಬಸ್ಸರಲೋಪೋ, ಸಚೇ ಮಂ ನಾಗನಾಸೂರೂ, ಉಮ್ಹಾಯೇಯ್ಯ ಪಭಾವತೀ। ಸಚೇ ಮಂ ನಾಗನಾಸೂರೂ, ಪಮ್ಹಾಯೇಯ್ಯ ಪಭಾವತೀ
ಇತಿ ಭೂವಾದಿಗಣೇ ಇವಣ್ಣನ್ತಧಾರೂಪಂ।
ಉವಣ್ಣನ್ತಧಾತುರೂಪ
ಚು-ಚವನೇ, ಜು-ಸೀಘಗಮನೇ, ಥು-ಅಭಿತ್ಥವನೇ, ದು-ಗತಿಯಂ ಉಪತಾಪೇ ಚ, ಭೂ-ಸತ್ತಾಯಂ, ಯು-ಮಿಸ್ಸನೇ ಗತಿಯಞ್ಚ, ರು-ಸದ್ದೇ, ಬ್ರೂ-ವಿಯತ್ತಿಯಂ ವಾಚಾಯಂ, ಸು-ಸನ್ದನೇ ಜನನೇ ಚ, ಸೂ-ಪಸವನೇ, ಹು-ದಾನೇ ಭಕ್ಖನೇ ಪೂಜಾಯಂ ಸತ್ತಿಯಞ್ಚ, ಹೂ-ಸತ್ತಾಯಂ।
ತ್ಯಾದ್ಯುಪ್ಪತ್ತಿ, ‘ಕತ್ತರಿ ಲೋ’ತಿ ಲಪಚ್ಚಯೋ, ಉವಣ್ಣಸ್ಸ ಅವಾದೇಸೋ, ‘ದೀಘೋ ಸರಸ್ಸಾ’ತಿ ಸಕಮ್ಮಿಕಧಾತೂನಂ ಕ್ಯಮ್ಹಿ ದೀಘೋ।
ಚು-ಚವನೇ, ಚವತಿ, ಚವನ್ತಿ।
ಣಿಮ್ಹಿ-ಚಾವೇತಿ, ಚಾವಯತಿ।
ಜು-ಸೀಘಗಮನೇ, ಜವತಿ, ಜವನ್ತಿ।
ಥು-ಅಭಿತ್ಥವನೇ, ಅಭಿತ್ಥವತಿ, ಅಭಿತ್ಥವನ್ತಿ।
‘ಬಹುಲ’ನ್ತಿ ಅಧಿಕತತ್ತಾ ಕ್ಯಮ್ಹಿ ಕ್ವಚಿ ವುದ್ಧಿ, ಅವಾದೇಸೋ, ಅಭಿತ್ಥವೀಯತಿ, ಅಭಿತ್ಥವೀಯನ್ತಿ, ಅಭಿತ್ಥವಿಯ್ಯತಿ, ಅಭಿತ್ಥವಿಯ್ಯನ್ತಿ।
ದು-ಉಪತಾಪೇ, ಉಪದ್ದವತಿ, ಉಪದ್ದವನ್ತಿ।
ಭೂ-ಸತ್ತಾಯಂ, ಸಮ್ಭೋತಿ, ಸಮ್ಭವತಿ।
ಯು-ಗತಿಯಂ
ರು-ಸದ್ದೇ, ರವತಿ, ರವನ್ತಿ, ವಿರವತಿ, ವಿರವನ್ತಿ।
ಬ್ರೂ-ವಿಯತ್ತಿಯಂ ವಾಚಾಯಂ –
೬೧೮. ನ ಬ್ರೂಸ್ಸೋ।
ಬ್ಯಞ್ಜನೇ ಪರೇ ಬ್ರೂಸ್ಸ ಓ ನ ಹೋತಿ।
ಬ್ರೂತಿ।
೬೧೯. ಬ್ರೂತೋ ತಿಸ್ಸೀಉ
ಬ್ರೂತೋ ತಿಸ್ಸ ಆದಿಮ್ಹಿ ಈಞ ಹೋತಿ। ಈಮ್ಹಿ ಪುಬ್ಬಲೋಪೋ।
ಬ್ರವೀತಿ।
೬೨೦. ಯುವಣ್ಣಾನಮಿಯಙಉವಙ ಸರೇ
ಇವಣ್ಣು’ವಣ್ಣನ್ತಾನಂ ಧಾತೂನಂ ಕ್ವಚಿ ಇಯಙ, ಉವಙ ಹೋನ್ತಿ ಸರೇ।
ಬ್ರುವನ್ತಿ, ಬ್ರುನ್ತಿ ವಾ। ‘‘ಅಜಾನನ್ತಾ ನೋ ಪಬ್ರುನ್ತೀ’’ತಿ ಪಾಳಿ। ಬ್ರೂಸಿ, ಬ್ರೂಥ, ಬ್ರೂಮಿ, ಬ್ರೂಮ।
೬೨೧. ತ್ಯನ್ತೀನಂ ಟಟೂ
ತಿ, ಅನ್ತೀಸು ಬ್ರೂಸ್ಸ ಆಹ ಹೋತಿ, ತೇಸಞ್ಚ ಟ, ಟೂ ಹೋನ್ತಿ।
ಸೋ ಆಹ, ತೇ ಆಹು।
ಅತ್ರಿಮಾ ಪಾಳೀ-ನಿಬ್ಬಾನಂ ಭಗವಾ ಆಹ, ಸಬ್ಬಗನ್ಥಪಮೋಚನಂ, ಆಹ ತೇಸಞ್ಚ ಯೋ ನಿರೋಧೋ
ಬ್ರೂತು
ಏಯ್ಯಾದಿಮ್ಹಿ-ಬ್ರೂಸ್ಸ ಉವಙ ಹೋತಿ, ಬ್ರುವೇಯ್ಯ, ಬ್ರುವೇಯ್ಯುಂ।
ಈಆದಿಮ್ಹಿ ಸರೇ ಪರೇ ಬ್ರೂಸ್ಸ ಓತ್ತಂ, ಓಸ್ಸ ಚ ಅವಾದೇಸೋ, ಅಬ್ರವಿ, ಅಬ್ರವುಂ, ಅಬ್ರವಿಂಸು।
ಉವಾದೇಸೇ-ಅಬ್ರುವಿ, ಅಬ್ರುವುಂ, ಅಬ್ರುವಿಂಸು।
ಪರೋಕ್ಖಮ್ಹಿ –
೬೨೨. ಅಆದೀಸ್ವಾಹೋ ಬ್ರೂಸ್ಸ
ಅಆದೀಸು ಬ್ರೂಸ್ಸ ಆಹ ಭವತಿ।
ಸೋ ಆಹ, ತೇ ಆಹು।
೬೨೩. ಉಸ್ಸಂಸ್ವಾಹಾ ವಾ
ಆಹಾದೇಸಮ್ಹಾ ಪರಸ್ಸ ಉವಚನಸ್ಸ ಅಂಸು ಹೋತಿ ವಾ।
ತೇ ಆಹಂಸು, ಸಚ್ಚಂ ಕಿರೇವಮಾಹಂಸು, ನರಾ ಏಕಚ್ಚಿಯಾ ಇಧ
ಸು-ಸನ್ದನೇ, ನದೀ ಸವತಿ, ಸವನ್ತಿ, ಆಭವಗ್ಗಾ ಸವನ್ತಿ।
ಸೂ-ಪಸವನೇ, ಪುಞ್ಞಂ ಪಸವತಿ
ಹು-ಪೂಜಾಯಂ, ‘ಪರೋಕ್ಖಾಯಞ್ಚಾ’ತಿ ದ್ವಿತ್ತಂ, ‘ಕವಗ್ಗಹಾನಂ ಚವಗ್ಗಜಾ’ತಿ ಹಸ್ಸ ಜೋ, ಜುಹೋತಿ, ಜುಹೋನ್ತಿ।
ಕಮ್ಮೇ-ತೇನ ಅಗ್ಗಿ ಹೂಯತೇ।
ಣಿಮ್ಹಿ-ಜುಹಾವೇತಿ, ಜುಹಾವಯತಿ।
ಣಾಪಿಮ್ಹಿ-ಜುಹಾಪೇತಿ, ಜುಹಾಪಯತಿ।
ಹು-ಸತ್ತಿಯಂ, ಪಹೋತಿ, ಸಮ್ಪಹೋತಿ, ಪಹೋನ್ತಿ, ಸಮ್ಪಹೋನ್ತಿ।
ಹೂ-ಸತ್ತಾಯಂ
ಏಯ್ಯಾದಿಮ್ಹಿ- ‘ಯುವಣ್ಣಾನಮಿಯಙಉವಙ ಸರೇ’ತಿ ಧಾತ್ವನ್ತಸ್ಸ ಉವಾದೇಸೋ, ಹುವೇಯ್ಯ, ಹುವೇಯ್ಯುಂ।
ಆಆದಿಮ್ಹಿ-ಸೋ ಅಹುವಾ। ವಣ್ಣಗನ್ಧಫಲೂಪೇತೋ, ಅಮ್ಬೋಯಂ ಅಹುವಾ ಪುರೇ
ಈಆದಿಮ್ಹಿ ಸಾಗಮೋ, ಅಹೋಸಿ, ಪಾತುರಹೋಸಿ।
ಮಹಾವುತ್ತಿನಾ ಈಲೋಪೋ ರಸ್ಸೋ ಚ। ಅಹುದೇವ ಭಯಂ ಅಹು ಛಮ್ಭಿತತ್ತಂ। ಅಹುದೇವ ಕುಕ್ಕುಚ್ಚಂ, ಅಹು ವಿಪ್ಪಟಿಸಾರೋ
೬೨೪. ಹೂತೋ ರೇಸುಂ
ಹೂತೋ ಞುಂವಚನಸ್ಸ ರೇಸುಂ ಹೋತಿ। ಸುತ್ತವಿಭತ್ತೇನ ಮ್ಹಾಸ್ಸ ರೇಸುಮ್ಹಾ ಚ। ‘ರಾನುಬನ್ಧೇನ್ತಸರಾದಿಸ್ಸಾ’ತಿ ಧಾತ್ವನ್ತಲೋಪೋ।
ತೇ ಪುಬ್ಬೇ ಅಹೇಸುಂ। ಉವಾದೇಸೇ ಅಹುವುಂ, ಪುಬ್ಬಸ್ಸರಲೋಪೇ ಅಹುಂ।
ಅತ್ರಿಮಾ ಪಾಳೀ- ಸಬ್ಬಮ್ಹಿ ತಂ ಅರಞ್ಞಮ್ಹಿ, ಯಾವನ್ತೇತ್ಥ ದಿಜಾ ಅಹುಂ
ಓಸ್ಸ
ಮಹಾವುತ್ತಿನಾ ಓಲೋಪೋ ರಸ್ಸೋ, ಮಾ ಭೋತಿ ಕುಪಿತಾ ಅಹು
ರಸ್ಸತ್ತೇ-ಅಹುಮ್ಹ।
ಮಹಾವುತ್ತಿನಾ ಮ್ಹಾಸ್ಸ ಉಞ್ಚ। ‘‘ಪಞ್ಚಸತಾ ಮಯಂ ಸಬ್ಬಾ, ತಾವತಿಂಸುಪಗಾ ಅಹು’’ನ್ತಿ ಪಾಳಿ।
ಪರಛಕ್ಕೇ ಅಸ್ಸ ಅಂ, ಅಹಂ ಪುಬ್ಬೇ ಅಹುವಂ, ಅಹುವ ವಾ।
‘ಪರೋ ಕ್ವಚೀ’ತಿ ಪರಲೋಪೋ, ಅಹುಂ।
ಅತ್ರಿಮಾ ಪಾಳೀ- ‘‘ಅಹಂ ಕೇವಟ್ಟಗಾಮಸ್ಮಿಂ, ಅಹುಂ ಕೇವಟ್ಟದಾರಕೋ
ಸ್ಸತ್ಯಾದಿಮ್ಹಿ –
೬೨೫. ಹೂಸ್ಸ ಹೇಹೇಹಿಹೋಹಿ ಸ್ಸಚ್ಚಾದೋ
ಸ್ಸತ್ಯಾದಿಮ್ಹಿ ಹೂಧಾತುಸ್ಸ ಹೇ ಚ ಹೋಹಿ ಚ ಹೋಹಿ ಚ ಹೋನ್ತಿ।
ಹೇಸ್ಸತಿ
೬೨೬. ದಕ್ಖ ಸಕ್ಖ ಹೇಹಿ ಹೋಹೀಹಿ ಲೋಪೋ
ಏತೇಹಿ ಆದೇಸೇಹಿ ಸ್ಸಸ್ಸ ಲೋಪೋ ಹೋತಿ ವಾ। ಸುತ್ತವಿಭತ್ತೇನ ಅಞ್ಞೇಹಿಪಿ ಸ್ಸಲೋಪೋ।
ಸಕ್ಖಿಸಿ ತ್ವಂ ಕುಣ್ಡಲಿನಿ, ಮಞ್ಞಿಸಿ ಖತ್ತಬನ್ಧುನಿ
ಹೇಹಿತಿ, ಹೇಹಿನ್ತಿ, ಹೋಹಿತಿ, ಹೋಹಿನ್ತಿ।
ಅತ್ರಿಮಾ ಪಾಳೀ-ಪಿಯೋ ಚ ಮೇ ಹೇಹಿತಿ ಮಾಲಭಾರೀ, ಅಹಞ್ಚ ನಂ ಮಾಲಿನೀ ಅಜ್ಝುಪೇಸ್ಸಂ
ಇತಿ ಭೂವಾದಿಗಣೇ ಉವಣ್ಣನ್ತಧಾತುರೂಪಂ।
ಏದನ್ತಧಾತುರೂಪ
ಏ-ಆಗತಿಯಂ ಗತಿಯಞ್ಚ, ಕೇ-ಸದ್ದೇ, ಖೇ-ಖಾದನು’ಪಟ್ಠಾನೇಸು, ಗೇ-ಸದ್ದೇ, ಅಪಪುಬ್ಬ ಚೇ-ಪೂಜಾಯಂ, ಝೇ-ಚಿನ್ತಾಯಂ ದಾಹ’ಜ್ಝಾನೇಸು ಚ, ತೇ-ಪಾಲನೇ, ಥೇ-ಸದ್ದ, ಸಙ್ಘಾತೇಸು, ದೇ-ಸುದ್ಧಿ, ನಿದ್ದಾಸು, ಪೇ-ವುದ್ಧಿಯಂ
ಣಾನುಬನ್ಧಪಚ್ಚಯೇನ ವಿನಾ ಯೇಸಂ ಧಾತೂನಂ ಆಯಾದೇಸೋ ಲಬ್ಭತಿ, ತೇ ಏದನ್ತಾ ನಾಮ। ಮಹಾವುತ್ತಿನಾ ಯಲೋಪೇ ಸತಿ ಆದನ್ತೇಹಿ ಸಮಾನರೂಪಂ, ಆದನ್ತಾನಞ್ಚ ಯಾಗಮೇ ಸತಿ ಏದನ್ತೇಹಿ ಸಮಾನರೂಪಂ, ತಸ್ಮಾ ಆದನ್ತ, ಏದನ್ತಾ ಯೇಭುಯ್ಯೇನ ಸಮಾನರೂಪಾ ಭವನ್ತಿ।
ಮಹಾವುತ್ತಿನಾ ಏದನ್ತಾನಂ ತ್ಯಾದೀಸು ತಬ್ಬಾದೀಸು ಚ ಆಯಾದೇಸೋ, ಕ್ವಚಿ ಯಲೋಪೋ, ಏ-ಆಗತಿಯಂ। ಅಯಂ ಸೋ ಸಾರಥೀ ಏತಿ
ಏತ್ಥ ಏಧಾತು ಆಗಚ್ಛ, ಗಚ್ಛಾಮಾತಿ ಅತ್ಥದ್ವಯಂ ವದತಿ, ಯಾಧಾತುವಸೇನ ಆಗಚ್ಛ, ಯಾಮಾತಿಪಿ ಅತ್ಥಂ ವದನ್ತಿ।
ಏ-ವುದ್ಧಿಯಂ ವಾ, ‘‘ಕಾಯೋ, ಅಪಾಯೋ, ಉಪಾಯೋ, ಸಮುದಾಯೋ’’ತಿಆದೀಸು –
ಕುಚ್ಛಿತಾ ಧಮ್ಮಾ ಆಯನ್ತಿ ವಡ್ಢನ್ತಿ ಏತ್ಥಾತಿ ಕಾಯೋ, ‘ಆಯೋ’ತಿ ವುಚ್ಚತಿ ವಡ್ಢಿ, ತತೋ ಅಪೇತೋ ಅಪಾಯೋ, ತೇನ ಉಪೇತೋ ಉಪಾಯೋ, ಅವಯವಧಮ್ಮಾ ಸಮುದೇನ್ತಿ ಏತ್ಥಾತಿ ಸಮುದಾಯೋ, ಪರಿಬ್ಯತ್ತಂ ಆಯನ್ತಿ ಏತೇನಾತಿ ಪರಿಯಾಯೋ।
ಕೇ-ಸದ್ದೇ, ಕಾಯತಿ।
ಕಮ್ಮೇ-ಕಿಯ್ಯತಿ।
ಖೇ-ಖಾದನೇ, ತಿಣಂ ಖಾಯತಿ, ವಿಕ್ಖಾಯತಿ, ಉನ್ದುರಾ ಖಾಯನ್ತಿ, ವಿಕ್ಖಾಯನ್ತಿ।
ಖೇ-ಉಪಟ್ಠಾನೇ
ಗೇ-ಸದ್ದೇ, ಗಾಯತಿ, ಗಾಯನ್ತಿ।
ಅಪಪುಬ್ಬ ಚೇ-ಪೂಜಾಯಂ, ಅಪಚಾಯತಿ, ಯೇ ವುದ್ಧ’ಮಪಚಾಯನ್ತಿ
ಝೇ-ಚಿನ್ತಾಯಂ, ಝಾಯತಿ, ಝಾಯನ್ತಿ, ಪಜ್ಝಾಯತಿ, ಪಜ್ಝಾಯನ್ತಿ, ಅಭಿಜ್ಝಾಯತಿ, ಅಭಿಜ್ಝಾಯನ್ತಿ।
ಝೇ-ಓಲೋಕನೇ, ನಿಜ್ಝಾಯತಿ, ನಿಜ್ಝಾಯನ್ತಿ, ಉಪನಿಜ್ಝಾಯತಿ, ಉಪನಿಜ್ಝಾಯನ್ತಿ, ಉಜ್ಝಾಯತಿ, ಉಜ್ಝಾಯನ್ತಿ।
ಝೇ-ದಯ್ಹನೇ, ಪದೀಪೋ ಝಾಯತಿ, ಪರಿಜ್ಝಾಯತಿ।
ಕಮ್ಮೇ-ಝಾಯೀಯತಿ।
ಣಾಪಿಮ್ಹಿ ಯಲೋಪೋ, ಕಟ್ಠಂ ಝಾಪೇತಿ, ಝಾಪೇನ್ತಿ, ಝಾಪಯತಿ, ಝಾಪಯನ್ತಿ।
ಝೇ-ಅಜ್ಝಯನೇ ಸಂಪುಬ್ಬೋ, ಮಹಾವುತ್ತಿನಾ ನಿಗ್ಗಹೀತಸ್ಸ ಜಾದೇಸೋ, ಸಜ್ಝಾಯತಿ, ಸಜ್ಝಾಯನ್ತಿ, ಮನ್ತಂ ಸಜ್ಝಾಯತಿ।
ತೇ-ಪಾಲನೇ, ತಾಯತಿ, ತಾಯನ್ತಿ।
ಥೇ-ಸದ್ದ, ಸಙ್ಘಾತೇಸು, ಥಾಯತಿ।
ದೇ-ಸುದ್ಧಿಯಂ, ವೋದಾಯತಿ, ವೋದಾಯನ್ತಿ।
ದೇ-ಸೋಪ್ಪನೇ, ನಿದ್ದಾಯತಿ, ನಿದ್ದಾಯನ್ತಿ।
ಪೇ-ವುದ್ಧಿಯಂ, ಅಪ್ಪಾಯತಿ, ಅಪ್ಪಾಯನ್ತಿ।
ಭೇ-ಭಯೇ, ಭಾಯತಿ, ಭಾಯನ್ತಿ, ಸಬ್ಬೇ ಭಾಯನ್ತಿ ಮಚ್ಚುನೋ
ಣಾಪಿಮ್ಹಿ-ಭಯಾಪೇತಿ, ಭಾಯಾಪೇತಿ, ಭಾಯಾಪಯತಿ।
ಈಆದಿಮ್ಹಿ-ಮಾ
ಸ್ಸತ್ಯಾದಿಮ್ಹಿ-ಭಾಯಿಸ್ಸತಿ, ಭಾಯಿಸ್ಸನ್ತಿ।
ಲೇ-ಛೇದನೇ, ತಿಣಂ ಲಾಯತಿ, ಸಾಲಿಂ ಲಾಯತಿ, ಲಾಯನ್ತಿ।
ವೇ-ಗತಿಯಂ, ವಾತೋ ವಾಯತಿ, ವಾತಾ ವಾಯನ್ತಿ।
ವೇ-ತನ್ತಸನ್ತಾನೇ, ತನ್ತಂ ವಾಯತಿ, ವಾಯನ್ತಿ।
ಕಮ್ಮೇ-ವಾಯೀಯತಿ, ಪುಬ್ಬಲೋಪೇ ವೀಯತಿ, ವಿಯ್ಯತಿ।
ಣಾಪಿಮ್ಹಿ-ಚೀವರಂ ವಾಯಾಪೇತಿ
ಸೇ-ಅನ್ತಕ್ರಿಯಾಯಂ, ಓಸಾಯತಿ, ಪರಿಯೋಸಾಯತಿ, ಅಜ್ಝೋಸಾಯತಿ।
ಕಮ್ಮೇ-ಪರಿಯೋಸೀಯತಿ।
ಣಾಪಿಮ್ಹಿ-ಪರಿಯೋಸಾಪೇತಿ।
೬೨೭. ಣಿಣಾಪೀನಂ ತೇಸು।
ಣಿ, ಣಾಪೀನಂ ಲೋಪೋ ಹೋತಿ ತೇಸುಣಿ, ಣಾಪೀಸು ಪರೇಸು।
ಭಿಕ್ಖು ಅತ್ತನಾ ವಿಪ್ಪಕತಂ ಕುಟಿಂ ಪರೇಹಿ ಪರಿಯೋಸಾಪೇತಿ
ಅನೇಕಸ್ಸರಏದನ್ತಮ್ಪಿ ಕಿಞ್ಚಿ ಇಧ ವುಚ್ಚತಿ।
ಹರೇ-ಲಜ್ಜಾಯಂ, ಹರಾಯತಿ, ಹರಾಯನ್ತಿ, ಅಟ್ಟಿಯಾಮಿ ಹರಾಯಾಮಿ
ಗಿಲೇ-ರುಜ್ಜನೇ, ಗಿಲಾಯತಿ, ಪಿಟ್ಠಿ ಮೇ ಆಗಿಲಾಯತಿ
ಪಲೇ-ಗತಿಯಂ
ಮಿಲೇ-ಹಾನಿಯಂ, ಮಿಲಾಯತಿ, ಮಿಲಾಯನ್ತಿ।
‘‘ಝಾನಂ, ಉಜ್ಝಾನಂ, ನಿಜ್ಝಾನಂ, ತಾಣಂ, ಪರಿತ್ತಾಣಂ, ವೋದಾನಂ, ನಿದ್ದಾನಂ, ಗಿಲಾನೋ, ಪಲಾತೋ, ಮಿಲಾತನ್ತಿ’’ಆದೀಸು ಯಲೋಪೋ।
ಇತಿ ಭೂವಾದಿಗಣೇ ಏದನ್ತಧಾತುರೂಪಂ।
ಭೂವಾದಿಗಣೇ ಸರನ್ತಧಾತೂನಂ ತ್ಯಾದ್ಯನ್ತರೂಪಾನಿ ನಿಟ್ಠಿತಾನಿ।
ಬ್ಯಞ್ಜನನ್ತಧಾತು
ಅವುದ್ಧಿಕರೂಪ
ತುದಾದಿಗಣ
ಅಥ ಬ್ಯಞ್ಜನನ್ತಧಾತುರೂಪಾನಿ ವುಚ್ಚನ್ತೇ। ತಾನಿ ಚ ಅವುದ್ಧಿಕ, ಸವುದ್ಧಿಕವಸೇನ ದುವಿಧಾನಿ ಹೋನ್ತಿ। ತತ್ಥ ಅವುದ್ಧಿಕಾನಿ ತಾವ ವುಚ್ಚನ್ತೇ।
ಖಿಪ, ಗುಹ, ತುದ, ದಿಸ, ಪಿಸ, ಫುಸ, ಲಿಖ, ವಧಾದಿ।
ಇಧ ಧಾತೂನಂ ಅನ್ತಸ್ಸರೋ ಉಚ್ಚಾರಣತ್ಥೋ, ಸೋ ರೂಪವಿಧಾನೇ ನಪ್ಪಯುಜ್ಜತೇ।
೬೨೮. ತುದಾದೀಹಿ ಕೋ
ತುದಾದೀಹಿ ಕಾನುಬನ್ಧೋ ಅಪಚ್ಚಯೋ ಹೋತಿ। ಕಾನುಬನ್ಧೋ ಅವುದ್ಧಿದೀಪನತ್ಥೋ।
ಖಿಪ-ಖಿಪನೇ, ಖಿಪತಿ, ಪಕ್ಖಿಪತಿ, ಉಕ್ಖಿಪತಿ, ಓಕ್ಖಿಪತಿ, ನಿಕ್ಖಿಪತಿ, ವಿಕ್ಖಿಪತಿ, ಪಟಿಕ್ಖಿಪತಿ, ಸಂಖಿಪತಿ।
ಕಮ್ಮೇ-ಖಿಪೀಯತಿ।
ಕಾರಿತೇ-ಖಿಪೇತಿ
ಗುಹ-ಸಂವರಣೇ, ಗುಹತಿ, ನಿಗ್ಗುಹತಿ।
ಕಮ್ಮೇ-ಗುಹಿಯತಿ।
ಕಾರಿತೇ ಗುಸ್ಸ ದೀಘೋ, ಗೂಹೇತಿ, ಗೂಹಯತಿ, ಗೂಹಾಪೇತಿ, ಗೂಹಾಪಯತಿ।
ಕಮ್ಮೇ-ಗೂಹಾಪೀಯತಿ।
ಘಟ-ಚೇತಾಯಂ, ಘಟತಿ।
ಕಮ್ಮೇ-ಘಟೀಯತಿ।
ಕಾರಿತೇ-ಘಟೇತಿ, ಘಟಯತಿ, ಘಟಾಪೇತಿ, ಘಟಾಪಯತಿ।
ತುದ-ಬ್ಯಧನೇ, ಬ್ಯಧನಂ ವಿಜ್ಝನಂ, ತುದತಿ, ವಿತುದತಿ।
ಅಸ್ಸ ಏತ್ತೇ-ತುದೇತಿ, ತುದೇನ್ತಿ।
ಕಮ್ಮೇ-ತುದೀಯತಿ।
‘ತವಗ್ಗವರಣಾನಂ ಯೇ ಚವಗ್ಗಬಯಞಾ’ತಿ ದಸ್ಸ ಜತ್ತಂ। ‘ವಗ್ಗಲಸೇಹಿ ತೇ’ತಿ ಯಸ್ಸ ಪುಬ್ಬರೂಪತ್ತಂ, ತುಜ್ಜತಿ।
ಕಾರಿತೇ-ತುದೇತಿ, ತುದಯತಿ, ತುದಾಪೇತಿ, ತುದಾಪಯತಿ।
ದಿಸೀ-ಉದ್ದಿಸನೇ, ಉದ್ದಿಸನಂ ಸರೂಪತೋ ಕಥನಂ। ಉದ್ದಿಸತಿ, ಪಾತಿಮೋಕ್ಖಂ ಉದ್ದಿಸನ್ತಿ
ಕಮ್ಮೇ-ಉದ್ದಿಸೀಯತಿ, ಉದ್ದಿಸೀಯನ್ತಿ।
ಕಾರಿತೇ-ಆಚರಿಯೋ ಸಿಸ್ಸಂ ಪಾಳಿಧಮ್ಮಂ ಉದ್ದಿಸಾಪೇತಿ, ಉದ್ದಿಸಾಪಯತಿ, ವಾಚೇತೀತಿ ಅತ್ಥೋ। ಪಾಠೇಸು ಪನ ಸದ್ವಯಮ್ಪಿ ದಿಸ್ಸತಿ।
ನುದ-ಖಿಪನೇ
ಕಮ್ಮೇ-ಪನುದೀಯತಿ, ಪನುಜ್ಜತಿ।
ಕಾರಿತೇ-ಪನುದೇತಿ, ಪನುದಯತಿ, ಪನುದಾಪೇತಿ, ಪನುದಾಪಯತಿ।
ಪಿಸ-ಸಂಚುಣ್ಣೇ, ಪಿಸತಿ।
ಕಮ್ಮೇ-ಪಿಸೀಯತಿ।
ಕಾರಿತೇ-ಪಿಸೇತಿ, ಪಿಸಯತಿ, ಪಿಸಾಪೇತಿ, ಪಿಸಾಪಯತಿ।
ಫುಸ-ಸಮ್ಫಸ್ಸೇ ಪತ್ತಿಯಞ್ಚ, ಫುಸತಿ, ಫುಸನ್ತಿ ಧೀರಾ ನಿಬ್ಬಾನಂ
ಕಮ್ಮೇ-ಫುಸೀಯತಿ।
ಕಾರಿತೇ-ಫುಸೇತಿ, ಫುಸಯತಿ, ಫುಸಾಪೇತಿ, ಫುಸಾಪಯತಿ।
ಲಿಖ-ಲೇಖನೇ, ಲಿಖತಿ, ಸಲ್ಲಿಖತಿ, ವಿಲಿಖತಿ।
ಕಾರಿತೇ-ಲಿಖೇತಿ, ಸಲ್ಲಿಖೇತಿ, ವಿಲಿಖೇತಿ।
ವಧ-ಹಿಂಸಾಯಂ, ವಧತಿ, ವಧೇತಿ।
ಕಮ್ಮೇ-ವಧೀಯತಿ।
ಯಮ್ಹಿ ಧಸ್ಸ ಝತ್ತಂ, ಯಸ್ಸ ಪುಬ್ಬರೂಪಂ। ‘ಚತುತ್ಥದುತಿಯೇಸ್ವೇಸಂ ತತಿಯಪಠಮಾ’ತಿ ಝಸ್ಸ ತತಿಯಜತ್ತಂ, ವಜ್ಝತಿ, ವಜ್ಝನ್ತಿ, ವಜ್ಝರೇ। ಇಮೇ ಸತ್ತಾ ಹಞ್ಞನ್ತು ವಾ ವಜ್ಝನ್ತು ವಾ
ಕಾರಿತೇ-ವಧೇತಿ, ವಧಯತಿ, ವಧಾಪೇತಿ, ವಧಾಪಯತಿ, ಸಾಮಿಕೋ ಪುರಿಸಂ ಮಗ್ಗಂ ಗಮೇತಿ, ಗಮಯತಿ, ಗಮಾಪೇತಿ, ಗಮಾಪಯತಿ ಇಚ್ಚಾದೀನಿಪಿ ಇಧ ವತ್ತಬ್ಬಾನಿ।
ಇತಿ ತುದಾದಿಗಣೋ।
ಸವುದ್ಧಿಕರೂಪ
ಅಥ
ಅಸ-ಭುವಿ, ಆಸ-ನಿವಾಸೇ ಉಪವೇಸನೇ ಚ, ಇಸು-ಇಚ್ಛಾ, ಕನ್ತೀಸು, ಕಮು-ಪದಗಮನೇ, ಕುಸ-ಅಕ್ಕೋಸೇ, ಗಮು-ಗತಿಮ್ಹಿ, ಜರವಯೋಹಾನಿಮ್ಹಿ, ಜನ-ಜನನೇ, ಮರ-ಪಾಣಚಾಗೇ, ಯಮು-ಉಪರಮೇ, ರುದ-ಅಸ್ಸುವಿಮೋಚನೇ ಕನ್ದನೇ ಚ, ರುಹ-ಜನನೇ, ಲಭ-ಲಾಭೇ, ವಚ, ವದ-ವಿಯತ್ತಿಯಂ ವಾಚಾಯಂ, ವಿದ-ಞಾಣೇ, ವಸ-ನಿವಾಸೇ, ವಿಸಪವೇಸನೇ, ಸದ-ಗತ್ಯಾ’ವಸಾನೇ, ಹನ-ಹಿಂಸಾಯಂ, ಹರಹರಣೇ।
ತ್ಯಾದ್ಯುಪ್ಪತ್ತಿ, ಕತ್ತರಿ ಲೋ, ಅಸ-ಭುವಿ, ಸತ್ತಾಯನ್ತಿ ಅತ್ಥೋ।
೬೨೯. ತಸ್ಸ ಥೋ
ಅತ್ಥಿತೋ ಪರಸ್ಸತಿ, ತೂನಂ ತಸ್ಸ ಥೋ ಹೋತಿ।
‘ಪರರೂಪಮಯಕಾರೇ ಬ್ಯಞ್ಜನೇ’ತಿ ಸುತ್ತೇನ ಬ್ಯಞ್ಜನೇ ಪರೇ ಧಾತ್ವನ್ತಸ್ಸ ಪರರೂಪತ್ತಂ, ‘ಚತುತ್ಥದುತಿಯೇಸ್ವೇಸಂ ತತಿಯಪಠಮಾ’ತಿ ಸುತ್ತೇನ ಪರರೂಪಸ್ಸ ದುತಿಯಸ್ಸ ಪಠಮತ್ತಂ।
ಧನಂ ಮೇ ಅತ್ಥಿ।
ಏತ್ಥ ಚ ‘‘ಅತ್ಥಿ ತ್ವಂ ಏತರಹಿ, ನ ತ್ವಂ ನತ್ಥಿ, ಅತ್ಥಿ ಅಹಂ ಏತರಹಿ, ನಾಹಂ ನತ್ಥಿ, ಪುತ್ತಾ ಮತ್ಥಿ ಧನಾ ಮತ್ಥಿ
‘‘ಅತ್ಥೀತಿ ಖೋ ಕಚ್ಚಾಯನ ಅಯಮೇಕೋ ಅನ್ತೋ, ನತ್ಥೀತಿ ದುತಿಯೋ ಅನ್ತೋ’’ತಿ
ತುಮ್ಹಿ-ವಿಪಸ್ಸಿಸ್ಸ
೬೩೦. ನ್ತಮಾನನ್ತನ್ತಿಯಿಯುಂಸ್ವಾದಿಲೋಪೋ
ನ್ತ, ಮಾನ, ಅನ್ತಿ, ಅನ್ತು, ಇಯಾ, ಇಯುಂಸು ಅತ್ಥಿಸ್ಸ ಆದಿಲೋಪೋ ಹೋತಿ।
ಸನ್ತಿ, ಸನ್ತು।
೬೩೧. ಸಿಹೀಸ್ವಟ
ಅತ್ಥಿಸ್ಸ ಅಟ ಹೋತಿ ಸಿ, ಹೀಸು।
ಮನುಸ್ಸೋಸಿ
೬೩೨. ಮಿಮಾನಂ ವಾ ಮ್ಹಿಮ್ಹಾ ಚ
ಅತ್ಥಿತೋ ಪರೇಸಂ ಮಿ, ಮಾನಂ ಮ್ಹಿ, ಮ್ಹಾ ಹೋನ್ತಿ ವಾ, ಅತ್ಥಿಸ್ಸ ಚ ಅಟ ಹೋತಿ।
ಅಹಂ ಪಸನ್ನೋಮ್ಹಿ, ಮಯಂ ಪಸನ್ನಾಮ್ಹ।
ತ್ವಾದಿಮ್ಹಿ-ಅಹಂ ಇಮಿನಾ ಪುಞ್ಞೇನ ಅನಾಗತೇ ಪಞ್ಞವಾ ಅಮ್ಹಿ, ಮಯಂ ಪಞ್ಞವನ್ತೋ ಅಮ್ಹ।
೬೩೩. ಏಸು ಸ
ಏತೇಸು
ಅಹಂ ಪಣ್ಡಿತೋ ಅಸ್ಮಿ, ಮಯಂ ಪಣ್ಡಿತಾ ಅಸ್ಮ।
ತ್ವಾದಿಮ್ಹಿ-ಅಹಂ ಅನಾಗತೇ ಪಞ್ಞವಾ ಅಸ್ಮಿ, ಮಯಂ ಪಞ್ಞವನ್ತೋ ಅಸ್ಮ।
ಏಯ್ಯಾದಿಮ್ಹಿ –
೬೩೪. ಅತ್ಥಿತೇಯ್ಯಾದಿಛನ್ನಂ ಸ ಸು ಸಸಿ ಸಥ ಸಂಸಾಮ
‘ಅತ್ಥೀ’ತಿ ಧಾತುನಿದ್ದೇಸೋ ತಿ-ಕಾರೋ, ಅತ್ಥಿತೋ ಪರೇಸಂ ಏಯ್ಯಾದೀನಂ ಛನ್ನಂ ಸಾದಯೋ ಹೋನ್ತಿ।
ಏವಮಸ್ಸ ವಚನೀಯೋ
ಅಸ್ಸುನಿಪಾತೋಪಿ ಬಹುಂ ದಿಸ್ಸತಿ, ತಯಸ್ಸು ಧಮ್ಮಾ ಜಹಿತಾ ಭವನ್ತಿ
೬೩೫. ಆದಿದ್ವಿನ್ನಮಿಯಾಮಿಯುಂ
ಅತ್ಥಿತೋ ಏಯ್ಯಾದೀಸು ಆದಿಮ್ಹಿ ದ್ವಿನ್ನಂ ಇಯಾ, ಇಯುಂ ಹೋನ್ತಿ। ‘ನ್ತಮಾನನ್ತನ್ತಿಯಿಯುಂಸೂ…’ತಿಆದಿಲೋಪೋ।
ಸೋ
‘‘ಸಿಯಾ ಕುಸಲಂ ಧಮ್ಮಂ ಪಟಿಚ್ಚ ಕುಸಲೋ ಧಮ್ಮೋ ಉಪ್ಪಜ್ಜೇಯ್ಯ ಹೇತುಪಚ್ಚಯಾ’’ತಿ
‘‘ದ್ವಾದಸಾಕುಸಲಾ ಸಿಯು’’ನ್ತಿ
ಮಹಾವುತ್ತಿನಾ ಏಯ್ಯುಂ, ಏಯ್ಯಮಿಚ್ಚೇತೇಸಂ ಇಯಂಸು, ಇಯಂ ಹೋನ್ತಿ, ಆದಿಲೋಪೋ, ಸಿಯಂಸು ದ್ವೇ ಭಿಕ್ಖೂ ಅಭಿಧಮ್ಮೇ ನಾನಾವಾದಾ
ಅಜ್ಜತ್ತನಿಮ್ಹಿ –
೬೩೬. ಈಆದೋ ದೀಘೋ
ಅತ್ಥಿಸ್ಸ ದೀಘೋ ಹೋತಿ ಈಆದೀಸು।
ಸೋ ಆಸಿ, ತೇ ಆಸುಂ, ಆಸಿಂಸು, ತ್ವಂ ಆಸಿ, ತುಮ್ಹೇ ಆಸಿತ್ಥ, ಅಹಂ ಆಸಿಂ। ತತ್ರಾಪಾಸಿಂ ಏವಂವಣ್ಣೋ
೬೩೭. ಅಆಸ್ಸಾದೀಸು
ಅಆದಿಪರೋಕ್ಖಾಯಞ್ಚ ಆಆದಿಹಿಯ್ಯತ್ತನಿಯಞ್ಚ ಸ್ಸಾದೀಸು ಭವಿಸ್ಸನ್ತಿ, ಕಾಲಾತಿಪತ್ತೀಸು ಚ ಅತ್ಥಿಸ್ಸ ಭೂ ಹೋತಿ। ಇದಞ್ಚ ಸುತ್ತಂ ಅತ್ಥಿಸ್ಸ ಏತಾಸಂ ವಿಭತ್ತೀನಮ್ಪಿ ಸಾಧಾರಣಕರಣತ್ಥಂ। ರೂಪಮ್ಪಿ ಭೂರೂಪಮೇವ।
ಸೋ
೬೩೮. ಅತ್ಯಾದಿನ್ತೇಸ್ವತ್ಥಿಸ್ಸ ಭೂ
ತ್ಯಾದಿವಜ್ಜಿತೇಸು ನ್ತವಜ್ಜಿತೇಸು ಚ ಪಚ್ಚಯೇಸು ಅತ್ಥಿಸ್ಸ ಭೂ ಹೋತಿ। ಏತೇನ ತ್ಯಾದಿ, ತ್ವಾದಿ, ಏಯ್ಯಾದಿ, ಈಆದಿಸಙ್ಖಾತಾಸು ಚತೂಸು ವಿಭತ್ತೀಸು ನ್ತಪಚ್ಚಯೇ ಚ ಅತ್ಥಿಸ್ಸ ಭೂಆದೇಸೋ ನತ್ಥಿ, ಸೇಸಾಸು ಚತೂಸು ವಿಭತ್ತೀಸು ಚ ನ್ತವಜ್ಜಿತೇಸು ತಬ್ಬಾದೀಸು ಚ ಅತ್ಥಿಸ್ಸ ಭೂಆದೇಸೋ ಲಬ್ಭತೀತಿ ವೇದಿತಬ್ಬೋ।
ಆಸ-ಉಪವೇಸನೇ। ಗುರುಂ ಉಪಾಸತಿ, ಪಯಿರುಪಾಸತಿ, ಉಪಾಸನ್ತಿ, ಪಯಿರುಪಾಸನ್ತಿ।
ಕಮ್ಮೇ-ಉಪಾಸೀಯತಿ, ಪಯಿರುಪಾಸೀಯತಿ।
ಕಾರಿತೇ-ಮಾತಾ ಪುತ್ತಂ ಗುರುಂ ಉಪಾಸೇತಿ, ಪಯಿರುಪಾಸೇತಿ, ಉಪಾಸಯತಿ, ಪಯಿರುಪಾಸಯತಿ।
ಈಆದಿಮ್ಹಿ-ಉಪಾಸಿ, ಪಯಿರುಪಾಸಿ, ಉಪಾಸಿಂಸು, ಪಯಿರುಪಾಸಿಂಸು, ಉಪಾಸುಂ, ಪಯಿರುಪಾಸುಂ।
ಆಸ-ನಿವಾಸೇ।
೬೩೯. ಗಮಯಮಿಸಾಸದಿಸಾನಂ ವಾ ಚ್ಛಙ
ಗಮು, ಯಮು, ಇಸು, ಆಸ, ದಿಸಾನಂ ಅನ್ತೋ ಬ್ಯಞ್ಜನೋ ಙಾನುಬನ್ಧೋ ಚ್ಛೋ ಹೋತಿ ವಾ ನ್ತ, ಮಾನ, ತ್ಯಾದೀಸು।
ಗಚ್ಛನ್ತೋ, ನಿಯಚ್ಛನ್ತೋ, ಇಚ್ಛನ್ತೋ, ಅಚ್ಛನ್ತೋ, ದಿಚ್ಛನ್ತೋತಿ ಇಮಿನಾ ತ್ಯಾದೀಸು ಆಸಸ್ಸ ಚ್ಛೋ, ಅಚ್ಛತಿ, ಅಚ್ಛನ್ತಿ, ಸೋ ಅಚ್ಛಿ, ತೇ ಅಚ್ಛಿಂಸು।
ಇಸು-ಏಸನಾಯಂ
೬೪೦. ಲಹುಸ್ಸುಪನ್ತಸ್ಸ
ಅನ್ತಸ್ಸ ಸಮೀಪೇ ಪವತ್ತತೀತಿ ಉಪನ್ತೋ, ಬ್ಯಞ್ಜನನ್ತಧಾತೂನಂ ಪುಬ್ಬಸ್ಸರೋ ‘ಉಪನ್ತೋ’ತಿ ವುಚ್ಚತಿ, ಲಹುಭೂತಸ್ಸ ಉಪನ್ತಭೂತಸ್ಸ ಚ ಇವಣ್ಣು’ವಣ್ಣಸ್ಸ ಏ, ಓವುದ್ಧೀ ಹೋನ್ತಿ।
ಇರ-ಕಮ್ಪನೇ, ಏರತಿ, ಮೋದತಿ।
ಲಹುಸ್ಸಾತಿ ಕಿಂ? ಜೀವತಿ, ಧೂಪತಿ, ಇಕ್ಖತಿ, ಸುಕ್ಖತಿ।
ಉಪನ್ತಸ್ಸಾತಿ ಕಿಂ? ಸಿಞ್ಚತಿ, ಭುಞ್ಜತಿ, ನಿಗ್ಗಹೀತಾಗಮೇನ ಬ್ಯವಹಿತತ್ತಾ ಉಪನ್ತೋ ನ ಹೋತಿ।
ಇವಣ್ಣುವಣ್ಣಸ್ಸಾತ್ವೇವಂ? ಪಚತಿ, ವದತಿ।
ಇಮಿನಾ ಇಸ್ಸ ಏವುದ್ಧಿ ಹೋತಿ, ಏಸತಿ, ಅನ್ವೇಸತಿ, ಪರಿಯೇಸತಿ।
ಅಧಿಪುಬ್ಬೋ ಇಸು-ಆಯಾಚನೇ, ಅಜ್ಝೇಸತಿ।
ಕಮ್ಮೇ-ಏಸೀಯತಿ, ಪರಿಯೇಸೀಯತಿ, ಅನ್ವೇಸೀಯತಿ, ಅಜ್ಝೇಸೀಯತಿ।
ಕಾರಿತೇ-ಏಸೇತಿ, ಏಸಯತಿ, ಏಸಾಪೇತಿ, ಏಸಾಪಯತಿ।
ಇಸು-ಇಚ್ಛಾಯಂ, ಚ್ಛಾದೇಸೋ, ಇಚ್ಛತಿ, ಇಚ್ಛನ್ತಿ, ಸಮ್ಪಟಿಚ್ಛತಿ, ಸಮ್ಪಟಿಚ್ಛನ್ತಿ।
ಕಮ್ಮೇ-ಇಚ್ಛೀಯತಿ।
ಕಾರಿತೇ-ಇಚ್ಛಾಪೇತಿ, ಇಚ್ಛಾಪಯತಿ, ಸಮ್ಪಟಿಚ್ಛಾಪೇತಿ, ಸಮ್ಪಟಿಚ್ಛಾಪಯತಿ।
ಕಮ್ಮೇ-ಇಚ್ಛಾಪೀಯತಿ, ಇಚ್ಛಾಪಯೀಯತಿ, ಸೋ ಇಚ್ಛಿ, ತೇ ಇಚ್ಛಿಂಸು, ಇಚ್ಛಿಸ್ಸತಿ, ಇಚ್ಛಿಸ್ಸನ್ತಿ।
ಕಮು-ವಿಜ್ಝನೇ, ಗಮ್ಭೀರೇಸು ಠಾನೇಸು ಞಾಣಂ ಕಮತಿ, ನ ಸತ್ಥಂ ಕಮತಿ, ನ ವಿಸಂ ಕಮತಿ, ನ ಅಗ್ಗಿ ಕಮತಿ
ಕಮು-ಪದಗಮನೇ
೬೪೧. ನಿತೋ ಕಮಸ್ಸ
ನಿಮ್ಹಾ ಪರಸ್ಸ ಕಮಸ್ಸ ಕಸ್ಸ ಖೋ ಹೋತಿ। ‘ಆದಿಸ್ಸಾ’ತಿ ಸಙ್ಕೇತತ್ತಾ ಕಸ್ಸಾತಿ ಞಾಯತಿ।
ನಿಕ್ಖಮತಿ, ನಿಕ್ಖಮನ್ತಿ।
ಕಾರಿತೇ –
೬೪೨. ಅಸ್ಸಾ ಣಾನುಬನ್ಧೇ
ಬ್ಯಞ್ಜನನ್ತಸ್ಸ ಧಾತುಸ್ಸ ಆದಿಮ್ಹಿ ಅ-ಕಾರಸ್ಸ ಆವುದ್ಧಿ ಹೋತಿ ಣಾನುಬನ್ಧೇ ಪಚ್ಚಯೇ। ‘ಬಹುಲ’ನ್ತಿ ಅಧಿಕತತ್ತಾ ಣಾಪಿಮ್ಹಿ ಆವುದ್ಧಿ ನತ್ಥಿ।
ಪಕ್ಕಾಮೇತಿ, ಪಕ್ಕಾಮಯತಿ, ನಿಕ್ಖಾಮೇತಿ, ನಿಕ್ಖಾಮಯತಿ, ನಿಕ್ಖಮಾಪೇತಿ, ನಿಕ್ಖಮಾಪಯತಿ।
ಈಆದಿಮ್ಹಿ ಮಹಾವುತ್ತಿನಾ ಆದಿದೀಘೋ ವಾ ಹೋತಿ, ಸೋ ಪಕ್ಕಮಿ, ಪಕ್ಕಾಮಿ, ಇದಂ ವತ್ವಾನ ಪಕ್ಕಾಮಿ, ಮದ್ದೀ ಸಬ್ಬಙ್ಗಸೋಭಣಾ
ಆಪುಬ್ಬೋ ಕುಸ-ಅಕ್ಕೋಸೇ, ಲಹುಪನ್ತತ್ತಾ ವುದ್ಧಿ, ಅಕ್ಕೋಸತಿ, ಅಕ್ಕೋಸನ್ತಿ। ಪಪುಬ್ಬೋ ಆಮನ್ತನೇ, ಪಕ್ಕೋಸತಿ, ಪಕ್ಕೋಸನ್ತಿ। ವಿಪುಬ್ಬೋ ಉಚ್ಚಸದ್ದೇ, ವಿಕ್ಕೋಸತಿ, ವಿಕ್ಕೋಸನ್ತಿ। ಪಟಿಪುಬ್ಬೋ ನೀವಾರಣೇ, ಪಟಿಕ್ಕೋಸತಿ, ಪಟಿಕ್ಕೋಸನ್ತಿ।
ಈಆದಿಮ್ಹಿ
೬೪೩. ಕುಸರುಹೀಸ್ಸಚ್ಛಿ
ಕುಸತೋ ರುಹತೋ ಚ ಪರಸ್ಸ ಈಸ್ಸ ಚ್ಛಿ ಹೋತಿ।
ಅಕ್ಕೋಚ್ಛಿ ಮಂ ಅವಧಿ ಮಂ
ಗಮು ಗತಿಮ್ಹಿ, ಕತ್ತರಿ ಲೋ, ‘ಊಲಸ್ಸೇ’ತಿ ಲಸ್ಸ ಏತ್ತಂ, ಗಮೇತಿ, ಗಮೇನ್ತಿ। ಅವಪುಬ್ಬೋ ಞಾಣೇ, ಅವಗಮೇತಿ, ಅವಗಮೇನ್ತಿ, ಅಧಿಪುಬ್ಬೋ ಞಾಣೇ ಲಾಭೇ ಚ, ಅಧಿಗಮೇತಿ, ಅಧಿಗಮೇನ್ತಿ। ವಿಪುಬ್ಬೋ ವಿಗಮೇ, ವಿಗಮೇತಿ, ವಿಗಮೇನ್ತಿ।
ಕಮ್ಮೇ-ಗಮೀಯತಿ, ಗಮಿಯತಿ, ಗಮಿಯ್ಯತಿ।
ಪುಬ್ಬರೂಪತ್ತೇ-ಗಮ್ಮತಿ, ಗಮ್ಮನ್ತಿ, ಅಧಿಗಮ್ಮತಿ, ಅಧಿಗಮ್ಮನ್ತಿ, ಅಧಿಗಮ್ಮರೇ, ಅಧಿಗಮ್ಮತೇ, ಅಧಿಗಮ್ಮನ್ತೇ, ಅಧಿಗಮ್ಮರೇ।
ಕಾರಿತೇ ವುದ್ಧಿ ನತ್ಥಿ, ಗಮೇತಿ, ಗಮಯತಿ, ಗಮಾಪೇತಿ, ಗಮಾಪಯತಿ।
ಕಮ್ಮೇ-ಗಮಯೀಯತಿ, ಗಮಯೀಯನ್ತಿ, ಗಮಾಪೀಯತಿ, ಗಮಾಪೀಯನ್ತಿ।
ಹಿಯ್ಯತ್ತನಿಮ್ಹಿ-ಸೋ ಅಗಮಾ, ಗಮಾ, ತೇ ಅಗಮೂ, ಗಮೂ, ತ್ವಂ ಅಗಮೋ, ಅಗಮ, ಅಗಮಿ, ತುಮ್ಹೇ ಅಗಮುತ್ಥ, ಅಹಂ ಅಗಮಿಂ, ಗಮಿಂ, ಮಯಂ ಅಗಮಮ್ಹಾ, ಗಮಮ್ಹಾ, ಅಗಮುಮ್ಹಾ, ಗಮುಮ್ಹಾ, ಸೋ ಅಗಮತ್ಥ, ತೇ ಅಗಮತ್ಥುಂ, ತ್ವಂ ಅಗಮಸೇ, ತುಮ್ಹೇ ಅಗಮವ್ಹಂ, ಅಹಂ ಅಗಮಂ, ಮಯಂ ಅಗಮಮ್ಹಸೇ।
ಅಜ್ಝತ್ತನಿಮ್ಹಿ ಈಆದೀಸು ಇಕಾರಾಗಮೋ, ಸೋ ಅಗಮೀ, ಗಮೀ।
ರಸ್ಸತ್ತೇ-ಅಗಮಿ, ಗಮಿ।
ಮಹಾವುತ್ತಿನಾ
‘ಏಯ್ಯಾಥಸ್ಸೇ’ಇಚ್ಚಾದಿನಾ ಈಸ್ಸ ತ್ಥೋ, ಸೋ ಗಾಮಂ ಅಗಮಿತ್ಥೋ, ಗಮಿತ್ಥೋ, ತೇ ಅಗಮುಂ, ಗಮುಂ।
‘ಉಂಸ್ಸಿಂಸ್ವಂಸೂ’ತಿ ಇಂಸು, ಅಂಸು, ತೇ ಅಗಮಿಂಸು, ಗಮಿಂಸು, ಅಗಮಂಸು, ಗಮಂಸು, ತ್ವಂ ಅಗಮೋ, ಗಮೋ।
‘ಓಸ್ಸ ಅ ಇ ತ್ಥ ತ್ಥೋ’ ‘ಸೀ’ತಿ ಸುತ್ತಾನಿ, ತ್ವಂ ಅಗಮ, ಗಮ, ಅಗಮಿ, ಗಮಿ, ಅಗಮಿತ್ಥ, ಗಮಿತ್ಥ, ಅಗಮಿತ್ಥೋ, ಗಮಿತ್ಥೋ, ಅಗಮಾಸಿ, ಗಮಾಸಿ, ತುಮ್ಹೇ ಅಗಮಿತ್ಥ।
‘ಮ್ಹಾತ್ಥಾನಮುಉ’ಇತಿ ಉತ್ತಂ, ತುಮ್ಹೇ ಅಗಮುತ್ಥ, ಗಮುತ್ಥ, ಅಹಂ ಅಗಮಿಂ, ಗಮಿಂ, ಅಗಮಾಸಿಂ, ಗಮಾಸಿಂ, ಮಯಂ ಅಗಮಿಮ್ಹಾ, ಗಮಿಮ್ಹಾ।
ರಸ್ಸತ್ತೇ-ಅಗಮಿಮ್ಹ, ಗಮಿಮ್ಹ, ಅಗಮುಮ್ಹಾ, ಗಮುಮ್ಹಾ, ಅಗಮುಮ್ಹ, ಗಮುಮ್ಹ, ಅಗಮಾಸಿಮ್ಹಾ, ಗಮಾಸಿಮ್ಹಾ, ಅಗಮಾಸಿಮ್ಹ, ಗಮಾಸಿಮ್ಹ।
ಪರಛಕ್ಕೇ-ಸೋ ಅಗಮಾ, ಗಮಾ।
ರಸ್ಸತ್ತೇ-ಅಗಮ, ಗಮ।
‘ಏಯ್ಯಾಥಸ್ಸೇ’ಇಚ್ಚಾದಿನಾ ತ್ಥತ್ತೇ-ಸೋ ಅಗಮಿತ್ಥ, ಗಮಿತ್ಥ, ತೇ ಅಗಮೂ, ಗಮೂ।
ರಸ್ಸತ್ತೇ-ಅಗಮು, ಗಮು, ತ್ವಂ ಅಗಮಿಸೇ, ಗಮಿಸೇ, ತುಮ್ಹೇ ಅಗಮಿವ್ಹಂ, ಗಮಿವ್ಹಂ, ಅಹಂ ಅಗಮ, ಗಮ, ಅಗಮಂ, ಗಮಂ ವಾ, ಅಗಮಿಮ್ಹೇ, ಗಮಿಮ್ಹೇ।
ಕಮ್ಮೇ-ಅಗಮೀಯಿ, ಅಗಮ್ಮಿ, ಅಗಮೀಯಿತ್ಥೋ, ಅಗಮ್ಮಿತ್ಥೋ, ಅಗಮೀಯುಂ, ಗಮೀಯುಂ, ಅಗಮೀಯಿಂಸು, ಗಮೀಯಿಂಸು, ಅಗಮ್ಮುಂ, ಗಮ್ಮುಂ, ಅಗಮ್ಮಿಂಸು, ಗಮ್ಮಿಂಸು।
ಪರಛಕ್ಕೇ-ಅಗಮೀಯಿತ್ಥ, ಗಮೀಯಿತ್ಥ, ಅಗಮ್ಮಿತ್ಥ, ಗಮ್ಮಿತ್ಥ।
ಕಾರಿತೇ-ಅಗಮಾಪಯಿ, ಗಮಾಪಯಿ, ಅಗಮಾಪೇಸಿ, ಗಮಾಪೇಸಿ, ಅಗಮಾಪಯುಂ, ಗಮಾಪಯುಂ, ಅಗಮಾಪಯಿಂಸು, ಗಮಾಪಯಿಂಸು।
೬೪೪. ಗಮಿಸ್ಸ
ಆಆದಿಮ್ಹಿ
ಸೋ ಅಗಾ, ತೇ ಅಗೂ, ತ್ವಂ ಅಗೋ, ತುಮ್ಹೇ ಅಗುತ್ಥ, ಅಹಂ ಅಗಂ, ಮಯಂ ಅಗುಮ್ಹಾ।
ಈಆದಿಮ್ಹಿ ಈಸರಲೋಪೋ, ಅಗಾ ದೇವಾನ ಸನ್ತಿಕೇ
ಆಪುಬ್ಬೋ ಆಗಮನೇ, ಅನವ್ಹಿತೋ ತತೋ ಆಗಾ
ಅಧಿಪುಬ್ಬೋ ಪಟಿಲಾಭೇ, ಅಜ್ಝಗಾ ಅಮತಂ ಸನ್ತಿಂ
ಅತಿಪುಬ್ಬೋ ಉಪಾಧಿಪುಬ್ಬೋ ಚ ತಿತಿಕ್ಕಮೇ, ನಕ್ಖತ್ತಂ ಪಟಿಮಾನೇನ್ತಂ, ಅತ್ಥೋ ಬಾಲಂ ಉಪಜ್ಝಗಾ
ಏತಾನಿ ಓ, ಅವಚನಾನಂ ಲೋಪೇ ಸತಿ ತುಮ್ಹ’ಮ್ಹಯೋಗೇಪಿ ಲಭನ್ತಿ, ಅಗುಂ, ಅಗಿಂಸು, ಅಗಂಸು। ಸಮನ್ತಾ ವಿಜ್ಜುತಾ ಆಗುಂ
ಪರೋಕ್ಖಾಯಂ
ಬ್ಯಞ್ಜನಾದಿಮ್ಹಿ ಇಕಾರಾಗಮೋ, ತುಮ್ಹೇ ಜಗಮಿತ್ಥ, ಅಹಂ ಜಗಮಂ, ಮಯಂ ಜಗಮಿಮ್ಹ, ಸೋ ಜಗಮಿತ್ಥ, ತೇ ಜಗಮಿರೇ, ತ್ವಂ ಜಗಮಿತ್ಥೋ, ತುಮ್ಹೇ ಜಗಮಿವ್ಹೋ, ಅಹಂ ಜಗಮಿಂ, ಮಯಂ ಜಗಮಿಮ್ಹೇ।
ಸ್ಸತ್ಯಾದಿಮ್ಹಿ-ಗಮಿಸ್ಸತಿ, ಗಮಿಸ್ಸನ್ತಿ, ಗಮಿಸ್ಸರೇ।
ಪರಛಕ್ಕೇ-ಸೋ ಗಮಿಸ್ಸತೇ, ತೇ ಗಮಿಸ್ಸನ್ತೇ, ಗಮಿಸ್ಸರೇ, ತ್ವಂ ಗಮಿಸ್ಸಸೇ, ತುಮ್ಹೇ ಗಮಿಸ್ಸವ್ಹೇ, ಅಹಂ ಗಮಿಸ್ಸಂ, ಮಯಂ ಗಮಿಸ್ಸಾಮ್ಹೇ।
ಸ್ಸಾದಿಮ್ಹಿ-ಸೋ ಅಗಮಿಸ್ಸಾ, ಗಮಿಸ್ಸಾ।
‘ಆಈಊಮ್ಹಾಸ್ಸಾಸ್ಸಾಮ್ಹಾನಂ ವಾ’ತಿ ಸ್ಸಾ, ಸ್ಸಾಮ್ಹಾನಂ ರಸ್ಸೋ, ಅಗಮಿಸ್ಸ, ಗಮಿಸ್ಸ, ತೇ ಅಗಮಿಸ್ಸಂಸು, ಗಮಿಸ್ಸಂಸು, ತ್ವಂ ಅಗಮಿಸ್ಸೇ, ಗಮಿಸ್ಸೇ।
‘ಏಯ್ಯಾಥಸ್ಸೇ’ ಇಚ್ಚಾದಿನಾ ಸ್ಸೇಸ್ಸ ಅತ್ತಂ, ತ್ವಂ ಅಗಮಿಸ್ಸ, ಗಮಿಸ್ಸ, ತುಮ್ಹೇ ಅಗಮಿಸ್ಸಥ, ಗಮಿಸ್ಸಥ, ಅಹಂ ಅಗಮಿಸ್ಸಂ, ಗಮಿಸ್ಸಂ, ಮಯಂ ಅಗಮಿಸ್ಸಾಮ್ಹಾ, ಗಮಿಸ್ಸಾಮ್ಹಾ, ಅಗಮಿಸ್ಸಾಮ್ಹ, ಗಮಿಸ್ಸಾಮ್ಹ।
‘ಗಮ ವದ ದಾನಂ ಘಮ್ಮವಜ್ಜದಜ್ಜಾ’ತಿ ಸಬ್ಬವಿಭತ್ತೀಸು ಗಮಿಸ್ಸ ಘಮ್ಮೋ, ಘಮ್ಮತಿ, ಘಮ್ಮನ್ತಿ।
ಕಮ್ಮೇ-ಘಮ್ಮೀಯತಿ, ಘಮ್ಮೀಯನ್ತಿ।
ಮಹಾವುತ್ತಿನಾ ಗಗ್ಘಾದೇಸೋ ವಾ, ತ್ವಂ ಯೇನ ಯೇನೇವ ಗಗ್ಘಸಿ, ಫಾಸುಂಯೇವ ಗಗ್ಘಸಿ
‘ಗಮಯಮಿಸಾಸದಿಸಾನಂ
ಕಮ್ಮೇ-ಗಚ್ಛೀಯತಿ, ಗಚ್ಛೀಯನ್ತಿ, ಗಚ್ಛಿಯ್ಯತಿ, ಗಚ್ಛಿಯ್ಯನ್ತಿ, ಗಚ್ಛಿಯ್ಯರೇ।
ಕಾರಿತೇ-ಗಚ್ಛಾಪೇತಿ, ಗಚ್ಛಾಪಯತಿ। ಗಚ್ಛತು, ಗಚ್ಛನ್ತು, ಗಚ್ಛೇಯ್ಯ, ಗಚ್ಛೇಯ್ಯುಂ।
‘ಏಯ್ಯುಂಸ್ಸುಂ’ಇತಿ ಉಂತ್ತಂ, ಗಚ್ಛುಂ।
‘ಏಯ್ಯೇಯ್ಯಾಸೇಯ್ಯಂನಂ ಟೇ’ಇತಿ ಸುತ್ತೇನ ಏಯ್ಯ, ಏಯ್ಯಾಸಿ, ಏಯ್ಯಂವಿಭತ್ತೀನಂ ಏತ್ತಂ, ಸೋ ಗಚ್ಛೇ, ತ್ವಂ ಗಚ್ಛೇ, ಅಹಂ ಗಚ್ಛೇ।
‘ಏಯ್ಯಾಥಸ್ಸೇ’ ಇಚ್ಚಾದಿನಾ ಏಯ್ಯಾಥಸ್ಸ ಓತ್ತಂ, ತುಮ್ಹೇ ಗಚ್ಛೇಯ್ಯಾಥೋ।
ಆಆದಿಮ್ಹಿ-ಅಗಚ್ಛಾ, ಗಚ್ಛಾ, ಅಗಚ್ಛ, ಗಚ್ಛ ವಾ।
ಈಆದಿಮ್ಹಿ-ಅಗಚ್ಛಿ, ಗಚ್ಛಿ, ಅಗಚ್ಛುಂ, ಗಚ್ಛುಂ, ಅಗಚ್ಛಿಂಸು, ಗಚ್ಛಿಂಸು।
೬೪೫. ಡಂಸಸ್ಸ ಚ ಞ್ಛಙ
ಆಆದೀಸು ಈಆದೀಸು ಚ ಡಂಸಸ್ಸ ಚ ಅನ್ತೋ ಬ್ಯಞ್ಜನೋ ಞ್ಛಙ ಹೋತಿ।
ಸೋ ಅಗಞ್ಛಾ, ಗಞ್ಛಾ। ತಥಾ ಅಗಞ್ಛೂ, ಗಚ್ಛೂ।
ಈಆದಿಮ್ಹಿ-ಸೋ ಅಗಞ್ಛಿ, ಗಞ್ಛಿ।
ತಸ್ಮಿಂ ಪಟಿಪವಿಟ್ಠಮ್ಹಿ, ಅಞ್ಞೋ ಆಗಞ್ಛಿ ಬ್ರಾಹ್ಮಣೋ
ಸ್ಸತ್ಯಾದಿಮ್ಹಿ-ಗಚ್ಛಿಸ್ಸತಿ, ಗಚ್ಛಿಸ್ಸನ್ತಿ, ಗಚ್ಛಿಸ್ಸರೇ।
೬೪೬. ಲಭ ವಸ ಛಿದ ಗಮ ಭಿದ ರುದಾನಂ ಚ್ಛಙ
ಸ್ಸೇನ
ಲಚ್ಛತಿ, ಲಭಿಸ್ಸತಿ, ಅಲಚ್ಛಾ, ಅಲಭಿಸ್ಸಾ, ವಚ್ಛತಿ, ವಸಿಸ್ಸತಿ, ಅವಚ್ಛಾ, ಅವಸಿಸ್ಸಾ, ಛೇಚ್ಛತಿ, ಛಿನ್ದಿಸ್ಸತಿ, ಅಚ್ಛೇಚ್ಛಾ, ಅಚ್ಛಿನ್ದಿಸ್ಸಾ, ಭೇಚ್ಛತಿ, ಭಿನ್ದಿಸ್ಸತಿ, ಅಭೇಚ್ಛಾ, ಅಭಿನ್ದಿಸ್ಸಾ, ರುಚ್ಛತಿ, ರೋದಿಸ್ಸತಿ, ಅರುಚ್ಛಾ, ಅರೋದಿಸ್ಸಾತಿ।
ಇಮಿನಾ ಸ್ಸಯುತ್ತಾಸು ದ್ವೀಸು ವಿಭತ್ತೀಸು ಸ್ಸೇನ ಸಹ ಗಮಿಸ್ಸ ಮಸ್ಸ ಚ್ಛೋ, ಗಚ್ಛತಿ, ಗಚ್ಛಿಸ್ಸತಿ, ಗಚ್ಛನ್ತಿ, ಗಚ್ಛಿಸ್ಸನ್ತಿ, ಅಹಂ ಗಚ್ಛಂ, ಗಚ್ಛಿಸ್ಸಂ।
ಅತ್ರಿಮಾ ಪಾಳೀ-ಗಚ್ಛಂ ಪಾರಂ ಸಮುದ್ದಸ್ಸ, ಕಸ್ಸಂ ಪುರಿಸಕಾರಿಯಂ
ಸ್ಸಾದಿಮ್ಹಿ-ಅಗಚ್ಛಾ, ಅಗಚ್ಛಿಸ್ಸಾ, ಅಗಚ್ಛಂಸು, ಅಗಚ್ಛಿಸ್ಸಂಸು।
ಜರ-ವಯೋಹಾನಿಮ್ಹಿ –
೬೪೭. ಜರಸದಾನಮೀಮ ವಾ
ಜರ, ಸದಾನಂ ಸರಮ್ಹಾ ಈಮಆಗಮೋ ಹೋತಿ ವಾತಿ ಈಮಆಗಮೋ।
ಜೀರತಿ, ಜೀರನ್ತಿ।
ಕಾರಿತೇ-ಜೀರಾಪೇತಿ, ಜೀರಾಪಯತಿ।
೬೪೮. ಜರಮರಾನಮಿಯಙ
ಏತೇಸಂ
ಜಿಯತಿ, ಜಿಯನ್ತಿ।
ದೀಘತ್ತೇ-ಜೀಯತಿ, ಜೀಯನ್ತಿ।
ದ್ವಿತ್ತೇ-ಜಿಯ್ಯತಿ, ಜಿಯ್ಯನ್ತಿ।
ಕಾರಿತೇ-ಜಿಯಾಪೇತಿ, ಜಿಯಾಪಯತಿ।
ಜನೀ-ಪಾತುಭಾವೇ, ಮಹಾವುತ್ತಿನಾ ಸಬ್ಬವಿಭತ್ತೀಸು ನಸ್ಸ ಯಾದೇಸೋ ಆದಿದೀಘೋ ಚ, ಜಾಯತಿ, ಉಪಜಾಯತಿ, ವಿಜಾಯತಿ, ಜಾಯನ್ತಿ, ಜಾಯರೇ, ಪಜಾಯನ್ತಿ, ಪಜಾಯರೇ, ಉಪಜಾಯನ್ತಿ, ಉಪಜಾಯರೇ।
ಕಾರಿತೇ ವುದ್ಧಿ ನತ್ಥಿ, ಜನೇತಿ, ಜನೇನ್ತಿ, ಜನಯತಿ, ಜನಯನ್ತಿ।
ಕಮ್ಮೇ-ಜನೀಯತಿ, ಜನೀಯನ್ತಿ, ಜಾಯತು, ಜಾಯನ್ತು, ಜಾಯೇಯ್ಯ, ಜಾಯೇಯ್ಯುಂ।
ಕಾರಿತೇ-ಜನೇಯ್ಯ, ಜನೇಯ್ಯುಂ, ಜನಯೇಯ್ಯ, ಜನಯೇಯ್ಯುಂ।
ಈಆದಿಮ್ಹಿ-ಅಜಾಯಿ, ಅಜಾಯಿಂಸು, ವಿಜಾಯಿ, ವಿಜಾಯಿಂಸು, ಅಜನಿ, ಜನಿ ವಾ।
ಕಾರಿತೇ-ಅಜನೇಸಿ, ಜನೇಸಿ, ಅಜನಯಿ, ಜನಯಿ, ಅಜನೇಸುಂ, ಜನೇಸುಂ, ಅಜನಯುಂ, ಜನಯುಂ, ಅಜನಯಿಂಸು, ಜನಯಿಂಸು।
ಸ್ಸತ್ಯಾದಿಮ್ಹಿ-ಜಾಯಿಸ್ಸತಿ, ವಿಜಾಯಿಸ್ಸತಿ।
ಸ್ಸಾದಿಮ್ಹಿ-ಅಜಾಯಿಸ್ಸಾ, ಜಾಯಿಸ್ಸಾ।
ಡಂಸ-ಡಂಸನೇ, ಡಂಸತಿ, ಡಂಸನ್ತಿ।
ಕಾರಿತೇ-ಡಂಸೇತಿ, ಡಂಸಯತಿ, ಡಂಸಾಪೇತಿ, ಡಂಸಾಪಯತಿ।
ಆ
ದಹ-ದಾಹೇ, ದಹತಿ, ದಹನ್ತಿ।
ಕಮ್ಮೇ ಯಮ್ಹಿ ‘ಹಸ್ಸ ವಿಪಲ್ಲಾಸೋ’ತಿ ಪುಬ್ಬಾಪರವಿಪಲ್ಲಾಸೋ, ಅಗ್ಗಿನಾ ಗಾಮೋ ದಯ್ಹತಿ, ದಯ್ಹನ್ತಿ।
ಕಾರಿತೇ-ದಾಹೇತಿ, ದಾಹಯತಿ, ದಹಾಪೇತಿ, ದಹಾಪಯತಿ।
೬೪೯. ದಹಸ್ಸ ದಸ್ಸ ಡೋ
ದಹಧಾತುಸ್ಸ ದಸ್ಸ ಡೋ ಹೋತಿ ವಾ।
ಡಹತಿ, ಡಹನ್ತಿ।
ದಿಸ-ಪೇಕ್ಖನೇ, ತ್ಯಾದ್ಯುಪ್ಪತ್ತಿ, ಕತ್ತರಿ ಲೋ।
೬೫೦. ದಿಸಸ್ಸ ಪಸ್ಸದಸ್ಸದಸದದಕ್ಖಾ
ದಿಸಧಾತುಸ್ಸ ಪಸ್ಸ ಚ ದಸ್ಸ ಚ ದಸ ಚ ದ ಚ ದಕ್ಖ ಚಾತಿ ಏತೇ ಆದೇಸಾ ಹೋನ್ತಿ ವಾ।
ವಿಪಸ್ಸನಾ, ವಿಪಸ್ಸೀ ಭಗವಾ, ಸುದಸ್ಸೀ, ಪಿಯದಸ್ಸೀ, ಅತ್ಥದಸ್ಸೀ, ಧಮ್ಮದಸ್ಸೀ, ಸುದಸ್ಸಂ ವಜ್ಜಮಞ್ಞೇಸಂ
ದಸಾದೇಸೇ-ಚತುಸಚ್ಚದ್ದಸೋ ನಾಥೋ
ಇಮಿನಾ ಸುತ್ತೇನ ದಿಸಸ್ಸ ಸಬ್ಬವಿಭತ್ತೀಸು ಯಥಾರಹಂ ಪಸ್ಸ, ದಸ್ಸ, ದಕ್ಖಾದೇಸಾ ಹೋನ್ತಿ, ಆ, ಈಆದೀಸು ದಸ, ದಾದೇಸಾ ಹೋನ್ತಿ, ‘‘ದಿಸ್ಸತಿ, ದಿಸ್ಸನ್ತೀ’’ತಿ ರೂಪಾನಿ ಪನ ಯಸ್ಸ ಪುಬ್ಬರೂಪತ್ತೇನ ಇಧ
ಕಾರಿತೇ ಣಿಮ್ಹಿ ದಸ್ಸಾದೇಸೋ, ದಸ್ಸೇತಿ, ದಸ್ಸಯತಿ, ನಿದಸ್ಸೇತಿ, ನಿದಸ್ಸಯತಿ, ಸನ್ದಸ್ಸೇತಿ, ಸನ್ದಸ್ಸಯತಿ।
ಕಮ್ಮೇ-ದಸ್ಸೀಯತಿ, ದಸ್ಸೀಯನ್ತಿ, ನಿದಸ್ಸೀಯತಿ, ನಿದಸ್ಸೀಯನ್ತಿ, ಸನ್ದಸ್ಸೀಯತಿ, ಸನ್ದಸ್ಸೀಯನ್ತಿ, ದಕ್ಖತಿ, ದಕ್ಖನ್ತಿ।
ಕಮ್ಮೇ-ದಕ್ಖೀಯತಿ, ದಕ್ಖೀಯನ್ತಿ।
‘ಗಮಯಮಿಸಾಸದಿಸಾನಂ ಚ್ಛಙ’ ಇತಿ ಚ್ಛಾದೇಸೇ- ದಿಚ್ಛತಿ, ದಿಚ್ಛನ್ತಿ ಇಚ್ಚಾದಿ।
ಪಸ್ಸತಿ, ಪಸ್ಸನ್ತಿ, ದಕ್ಖತಿ, ದಕ್ಖನ್ತಿ, ಪಸ್ಸೀಯತಿ, ಪಸ್ಸೀಯನ್ತಿ, ದಕ್ಖೀಯತಿ, ದಕ್ಖೀಯನ್ತಿ।
ಯಸ್ಸ ಪುಬ್ಬರೂಪತ್ತೇ-ದಿಸ್ಸತಿ, ದಿಸ್ಸನ್ತಿ, ದಿಸ್ಸತೇ, ದಿಸ್ಸನ್ತೇ, ಉದ್ದಿಸ್ಸತೇ, ಉದ್ದಿಸ್ಸನ್ತೇ, ನಿದ್ದಿಸ್ಸತೇ, ನಿದ್ದಿಸ್ಸನ್ತೇ, ಅಪದಿಸ್ಸತೇ, ಅಪದಿಸ್ಸನ್ತೇ।
ಕಾರಿತೇ-ಪಸ್ಸಾಪೇತಿ, ಪಸ್ಸಾಪಯತಿ, ದಕ್ಖಾಪೇತಿ, ದಕ್ಖಾಪಯತಿ।
ಕಮ್ಮೇ-ಪಸ್ಸಾಪೀಯತಿ, ದಸ್ಸೀಯತಿ, ನಿದಸ್ಸೀಯತಿ, ಸನ್ದಸ್ಸೀಯತಿ, ದಕ್ಖಾಪೀಯತಿ।
ಪಸ್ಸತು
ಏಯ್ಯಾಮಸ್ಸ ಏಮು ಚ ಅನ್ತಸ್ಸ ಉ ಚ ಹೋನ್ತಿ। ‘‘ಕತ್ಥ ಪಸ್ಸೇಮು ಖತ್ತಿಯಂ
ಆಆದಿಮ್ಹಿ-ಅಪಸ್ಸಾ, ಅದಕ್ಖಾ।
ದಸ, ದಾದೇಸೇಸು ದಕಾರಸ್ಸ ದ್ವಿತ್ತಂ, ಅದ್ದಸಾ ಖೋ ಭಗವಾ
ರಸ್ಸತ್ತೇ-ತಮದ್ದಸ ಮಹಾಬ್ರಹ್ಮಾ, ನಿಸಿನ್ನಂ ಸಮ್ಹಿ ವೇಸ್ಮನಿ
ದಾದೇಸೇ-ಸೋ ಅದ್ದಾ।
ರಸ್ಸತ್ತೇ-ಅದ್ದ। ಯಾಯಮಾನೋ ಮಹಾರಾಜಾ, ಅದ್ದಾ ಸೀದನ್ತರೇ ನಗೇ
ಈಆದಿಮ್ಹಿ-ಅಪಸ್ಸಿ, ಪಸ್ಸಿ, ಅಪಸ್ಸೀ, ಪಸ್ಸೀ, ಅಪಸ್ಸಿಂಸು, ಪಸ್ಸಿಂಸು, ಅಪಸ್ಸಿ, ಪಸ್ಸಿ, ಅಪಸ್ಸಿತ್ಥ, ಪಸ್ಸಿತ್ಥ, ಅಪಸ್ಸಿಂ, ಪಸ್ಸಿಂ, ಅಪಸ್ಸಿಮ್ಹಾ, ಪಸ್ಸಿಮ್ಹಾ।
ದಸ್ಸಾದೇಸೇ-ಅದ್ದಸ್ಸಿ, ಅದ್ದಸ್ಸುಂ, ಅದ್ದಸ್ಸಿಂಸು, ಅದ್ದಸ್ಸಂಸು, ಅದ್ದಸ್ಸಿ, ಅದ್ದಸ್ಸಿತ್ಥ, ಅದ್ದಸ್ಸಿಂ, ಅದ್ದಸ್ಸಿಮ್ಹಾ।
ದಕ್ಖಾದೇಸೇ-ಅದಕ್ಖಿ, ದಕ್ಖಿ ಇಚ್ಚಾದಿ।
ದಸಾದೇಸೇ ಗಾಥಾಸು-ಅದ್ದಸಿ, ಅದ್ದಸುಂ, ಅದ್ದಸಿಂಸು, ಅದ್ದಸಂಸು।
ಪರಛಕ್ಕೇ-ಅದ್ದಸಾ
ಕ್ವಚಿ ಸಾಗಮೇ ಆಕಾರಾಗಮೋ, ಸೋ ಅದ್ದಸಾಸಿ, ತೇ ಅದ್ದಸಾಸುಂ, ಅಹಂ ಅದ್ದಸಾಸಿಂ, ಮಯಂ ಅದಸಾಸಿಮ್ಹ। ಯಂ ಅದ್ದಸಾಸಿಂ ಸಮ್ಬುದ್ಧಂ, ದೇಸೇನ್ತಂ ಧಮ್ಮಮುತ್ತಮಂ
ಮಹಾವುತ್ತಿನಾ ಇಂಸ್ಸ ಇಮ್ಹಿ ಹೋತಿ, ಪಥೇ ಅದ್ದಸಾಸಿಮ್ಹಿ ಭೋಜಪುತ್ತೇ
ಸ್ಸತ್ಯಾದಿಮ್ಹಿ-ಪಸ್ಸಿಸ್ಸತಿ, ಪಸ್ಸಿಸ್ಸನ್ತಿ।
ದಕ್ಖಾದೇಸೇ‘ದಕ್ಖ ಸಕ್ಖ ಹೇಹಿ’ಇಚ್ಚಾದಿನಾ ಸ್ಸಸ್ಸಲೋಪೋ, ದಕ್ಖತಿ, ದಕ್ಖನ್ತಿ, ದಕ್ಖಿತಿ, ದಕ್ಖಿನ್ತಿ, ದಕ್ಖಿಸ್ಸತಿ, ದಕ್ಖಿಸ್ಸನ್ತಿ।
ಸ್ಸಾದಿಮ್ಹಿ-ಅಪಸ್ಸಿಸ್ಸಾ, ಅದಕ್ಖಿಸ್ಸಾ ಇಚ್ಚಾದಿ।
ಮರ-ಪಾಣಚಾಗೇ, ಮರತಿ, ಮರನ್ತಿ।
‘ಜರಮರಾನಮಿಯಙ’ಇತಿ ಇಯಾದೇಸೋ, ಮಿಯತಿ, ಮಿಯನ್ತಿ, ಅಮ್ಹಂ ದಹರಾ ನ ಮಿಯ್ಯರೇ
ಕಾರಿತೇ ‘ಅಸ್ಸಾ ಣಾನುಬನ್ಧೇ’ತಿ ಆವುದ್ಧಿ, ಮಾರೇತಿ, ಮಾರೇನ್ತಿ, ಮಾರಯತಿ, ಮಾರಯನ್ತಿ, ಮಾರಾಪೇತಿ, ಮಾರಾಪೇನ್ತಿ, ಮಾರಾಪಯತಿ, ಮಾರಾಪಯನ್ತಿ।
ಯಮು-ಉಪರಮೇ, ಯಮತಿ, ಯಮನ್ತಿ। ಪರೇ ಚ ನ ವಿಜಾನನ್ತಿ, ಮಯಮೇತ್ಥ ಯಮಾಮಸೇ। ಏತ್ಥ ಚ ‘ಯಮಾಮಸೇ’ತಿ ವಿರಮಾಮಸೇ, ಮರಣಂ ಗಚ್ಛಾಮಸೇತಿ ಅತ್ಥೋ।
ಸಂಪುಬ್ಬೋ ಸಂಯಮೇ, ಸಂಯಮತಿ, ಸಂಯಮನ್ತಿ।
ನಿಗ್ಗಹೀತಸ್ಸ ಞಾದೇಸೇ-ಸಞ್ಞಮತಿ, ಸಞ್ಞಮನ್ತಿ।
ನಿಪುಬ್ಬೋ
‘ಗಮಯಮಿಸಾಸದಿಸಾನಂ ವಾ ಚ್ಛಙ’ಇತಿ ಮಸ್ಸ ಚ್ಛಾದೇಸೋ, ನಿಯಚ್ಛತಿ, ನಿಯಚ್ಛನ್ತಿ।
ಕಮ್ಮೇ-ನಿಯಮೀಯತಿ, ನಿಯಮೀಯನ್ತಿ।
ಪುಬ್ಬರೂಪೇ-ನಿಯಮ್ಮತಿ, ನಿಯಮ್ಮನ್ತಿ।
ಕಾರಿತೇ-ನಿಯಾಮೇತಿ, ನಿಯಾಮಯತಿ।
ಣಾಪಿಮ್ಹಿ ನ ವುದ್ಧಿ, ನಿಯಮಾಪೇತಿ, ನಿಯಮಾಪಯತಿ, ವವತ್ಥಪೇತೀತಿ ಅತ್ಥೋ।
ರುದ-ಅಸ್ಸುವಿಮೋಚನೇ, ರೋದತಿ, ರೋದನ್ತಿ।
ಸ್ಸತ್ಯಾದಿಮ್ಹಿ-‘ಲಭವಸಛಿದಗಮಭಿದಾನಂ ಚ್ಛಙ’ಇತಿ ಸ್ಸೇನ ಸಹ ದಸ್ಸ ಚ್ಛಾದೇಸೋ, ಸಾ ನೂನ ಕಪಣಾ ಅಮ್ಮಾ, ಚಿರರತ್ತಾಯ ರುಚ್ಛತಿ
ಸ್ಸಾದೀಸು-ಅರುಚ್ಛಾ, ಅರುಚ್ಛಂಸು, ಅರೋದಿಸ್ಸಾ, ಅರೋದಿಸ್ಸಂಸು।
ರುಹ-ಪಾಪುಣನೇ, ರುಹತಿ, ರುಹನ್ತಿ, ಆರುಹತಿ, ಆರುಹನ್ತಿ, ಆರೋಹತಿ, ಆರೋಹನ್ತಿ, ಅಭಿರುಹತಿ, ಅಭಿರುಹನ್ತಿ, ಓರುಹತಿ, ಓರುಹನ್ತಿ, ಓರೋಹತಿ, ಓರೋಹನ್ತಿ।
ಕಮ್ಮೇ-ಆರೋಹೀಯತಿ।
‘ಹಸ್ಸ ವಿಪಲ್ಲಾಸೋ’ತಿ ಹ, ಯಾನಂ ವಿಪರಿಯಾಯೋ, ಆರುಯ್ಹತಿ, ಓರುಯ್ಹತಿ।
ಈಆದಿಮ್ಹಿ-ರುಹಿ, ಆರುಹಿ, ಓರುಹಿ।
‘ಕುಸರುಹಿಸ್ಸ ಚ್ಛೀ’ತಿ ಸುತ್ತಂ, ಅಭಿರುಚ್ಛಿ, ಅಭಿರುಹಿ ವಾ।
ಲಭ-ಲಾಭೇ
ಯಸ್ಸ ಪುಬ್ಬರೂಪತ್ತೇ ‘ಚತುತ್ಥದುತಿಯೇಸ್ವೇಸಂ ತತಿಯಪಠಮಾ’ತಿ ಸಂಯೋಗಾದಿಸ್ಸ ಚತುತ್ಥಸ್ಸ ತತಿಯತ್ತಂ, ಲಬ್ಭತಿ, ಲಬ್ಭನ್ತಿ, ಲಬ್ಭರೇ।
ಈಆದಿಮ್ಹಿ-ಅಲಭಿ, ಅಲಭಿಂಸು।
೬೫೧. ಲಭಾ ಇಂಈನಂ ಥಂಥಾ ವಾ
ಲಭಮ್ಹಾ ಪರೇಸಂ ಇಂ, ಈನಂ ಕಮೇನ ಥಂ, ಥಾ ಹೋನ್ತಿ ವಾ, ಧಾತ್ವನ್ತಸ್ಸ ಪರರೂಪತ್ತಂ, ಸಂಯೋಗಾದಿಸ್ಸ ದುತಿಯಸ್ಸ ಪಠಮತ್ತಂ।
ಅಹಂ ಅಲತ್ಥಂ, ಅಲಭಿಂ ವಾ, ಸೋ ಅಲತ್ಥ, ಅಲಭಿ ವಾ।
ಮಹಾವುತ್ತಿನಾ ಉಂಸ್ಸ ಥುಂ, ಥಂಸು ಹೋನ್ತಿ, ಮ್ಹಾಸ್ಸ ಚ ಥಮ್ಹಾ, ಥುಂಮ್ಹಾ ಹೋನ್ತಿ, ತೇ ಭಗವತೋ ಸನ್ತಿಕೇ ಪಬ್ಬಜ್ಜಞ್ಚ ಉಪಸಮ್ಪದಞ್ಚ ಅಲತ್ಥುಂ
ಸ್ಸತ್ಯಾದಿಮ್ಹಿ-‘ಲಭವಸ ಛಿದ ಗಮ ಭಿದ ರುದಾನಂ ಚ್ಛಙ’ಇತಿ ಸುತ್ತೇನ ಸ್ಸೇನ ಸಹ ಧಾತ್ವನ್ತಸ್ಸ ಚ್ಛಾದೇಸೋ, ಲಚ್ಛತಿ, ಲಭಿಸ್ಸತಿ, ಲಚ್ಛನ್ತಿ, ಲಭಿಸ್ಸನ್ತಿ, ಲಚ್ಛಸಿ, ಲಭಿಸ್ಸಸಿ, ಲಚ್ಛಥ, ಲಭಿಸ್ಸಥ, ಲಚ್ಛಾಮಿ, ಲಭಿಸ್ಸಾಮಿ, ಲಚ್ಛಾಮ, ಲಭಿಸ್ಸಾಮ। ಲಚ್ಛಾಮ ಪುತ್ತೇ ಜೀವನ್ತಾ, ಅರೋಗಾ ಚ ಭವಾಮಸೇ
ಸ್ಸಾದಿಮ್ಹಿ-ಅಲಚ್ಛಾ, ಅಲಭಿಸ್ಸಾ, ಅಲಚ್ಛಂಸು, ಅಲಭಿಸ್ಸಂಸು।
ವಚ-ವಿಯತ್ತಿಯಂ ವಾಚಾಯಂ, ವಚತಿ, ವಚನ್ತಿ।
ಕಮ್ಮೇ-ವಚೀಯತಿ, ವಚೀಯನ್ತಿ।
ಯಸ್ಸ
ಕಾರಿತೇ-ವಾಚೇತಿ, ವಾಚೇನ್ತಿ, ವಾಚಯತಿ, ವಾಚಯನ್ತಿ, ವಾಚಾಪೇತಿ, ವಾಚಾಪೇನ್ತಿ, ವಾಚಾಪಯತಿ, ವಾಚಾಪಯನ್ತಿ।
ಈಆದಿಮ್ಹಿ-ಅವಚಿ, ವಚಿ।
ಮಹಾವುತ್ತಿನಾ ಆಕಾರೇನ ಸಹ ಸಾಗಮೋ, ಅವಚಾಸಿ, ವಚಾಸಿ, ಅವಚುಂ, ವಚುಂ, ಅವಚಿಂಸು, ವಚಿಂಸು, ತ್ವಂ ಅವಚೋ, ಅವಚ, ಅವಚಿ, ಅವಚಾಸಿ, ಅವಚಿತ್ಥ, ಅವಚಿತ್ಥೋ, ತುಮ್ಹೇ ಅವಚಿತ್ಥ।
‘ಮ್ಹಾಥಾನಮುಞ’ಇತಿ ಸುತ್ತಂ, ತುಮ್ಹೇ ಅವಚುತ್ಥ, ವಚುತ್ಥ, ಅಹಂ ಅವಚಿಂ, ವಚಿಂ, ಅವಚಾಸಿಂ, ವಚಾಸಿಂ, ಮಯಂ ಅವಚಿಮ್ಹಾ, ವಚಿಮ್ಹಾ, ಅವಚಿಮ್ಹ, ವಚಿಮ್ಹ ವಾ, ಮಯಂ ಅವಚುಮ್ಹಾ, ವಚುಮ್ಹಾ, ಸೋ ಅವಚಾ, ವಚಾ।
ರಸ್ಸತ್ತೇ-ಅವಚ, ಅವಚಿತ್ಥ, ವಚಿತ್ಥ ವಾ, ಅಹಂ ಅವಚಂ, ಅವಚ, ವಚ ವಾ, ಮಯಂ ಅವಚಿಮ್ಹೇ, ವಚಿಮ್ಹೇ।
೬೫೨. ಈಆದೋ ವಚಸ್ಸೋಮ
ಈಆದೀಸು ವಚಸ್ಸ ಮಾನುಬನ್ಧೋ ಓ ಹೋತಿ।
ಸೋ ಅವೋಚಿ, ತೇ ಅವೋಚುಂ, ಅವೋಚಿಂಸು, ತ್ವಂ ಅವೋಚಿ, ತುಮ್ಹೇ ಅವೋಚುತ್ಥ, ಅಹಂ ಅವೋಚಿಂ, ಮಯಂ ಅವೋಚುಮ್ಹಾ, ಸೋ ಅವೋಚ, ರಸ್ಸೋ, ಭಗವಾ ಏತದವೋಚ
ಸ್ಸತ್ಯಾದಿಮ್ಹಿ –
೬೫೩. ವಚಭುಜಮುಚವಿಸಾನಂ ಕ್ಖಙ
ಸ್ಸೇನ ಸಹ ವಚಾದೀನಂ ಅನ್ತೋ ಬ್ಯಞ್ಜನೋ ಕ್ಖಙ ಹೋತಿ ವಾ ಸ್ಸಯುತ್ತಾಸು ವಿಭತ್ತೀಸು।
ವಕ್ಖತಿ
‘ಸ್ಸೇನಾ’ತಿ ಅಧಿಕಾರೇನ ವಿನಾ ಧಾತ್ವನ್ತಸ್ಸ ಕ್ಖಾದೇಸೋಪಿ ಲಬ್ಭತಿ, ವಕ್ಖಿಸ್ಸತಿ, ವಕ್ಖಿಸ್ಸನ್ತಿ।
ಸ್ಸಾದಿಮ್ಹಿ-ಅವಕ್ಖಾ, ಅವಚಿಸ್ಸಾ, ಅವಕ್ಖಂಸು, ಅವಚಿಸ್ಸಂಸು।
ವದ-ವಿಯತ್ತಿಯಂ ವಾಚಾಯಂ, ವದತಿ, ವದನ್ತಿ, ಓವದತಿ, ಓವದನ್ತಿ, ವದಸಿ, ವದಥ, ವದಾಮಿ, ವದಾಮ।
ಲಸ್ಸ ಏತ್ತೇ-ವದೇತಿ, ವದೇನ್ತಿ, ವದೇಸಿ, ವದೇಥ, ವದೇಮಿ, ವದೇಮ।
ಕಮ್ಮೇ-ವದೀಯತಿ, ವದಿಯ್ಯತಿ, ಓವದೀಯತಿ, ಓವದಿಯ್ಯತಿ।
ದಸ್ಸ ಚವಗ್ಗತ್ತೇ ಯಸ್ಸ ಪುಬ್ಬರೂಪತ್ತಂ, ವಜ್ಜತಿ, ವಜ್ಜನ್ತಿ, ಓವಜ್ಜತಿ, ಓವಜ್ಜನ್ತಿ।
ಕಾರಿತೇ-ಭೇರಿಂ ವಾದೇತಿ, ವಾದೇನ್ತಿ, ವಾದಯತಿ, ವಾದಯನ್ತಿ, ಗುರುಂ ಅಭಿವಾದೇತಿ, ಅಭಿವಾದೇನ್ತಿ, ಅಭಿವಾದೇಸಿ, ಅಭಿವಾದೇಥ, ಅಭಿವಾದೇಮಿ, ಅಭಿವಾದೇಮ।
ಮಹಾವುತ್ತಿನಾ ಅಸ್ಸ ಇತ್ತಂ, ಅಭಿವಾದಿಯಾಮಿ, ಅಭಿವಾದಿಯಾಮ, ಅಭಿವಾದಯಾಮಿ, ಅಭಿವಾದಯಾಮ ವಾ, ಅಭಿವನ್ದಾಮಿ, ಅಭಿವನ್ದಾಮಾತಿ ಅತ್ಥೋ। ವನ್ದನ್ತೋ ಹಿ ‘‘ಸುಖೀ ಹೋತೂ’’ತಿ ಅಭಿಮಙ್ಗಲವಚನಂ ವದಾಪೇತಿ ನಾಮ, ತಥಾವಚನಞ್ಚ ವನ್ದನೀಯಸ್ಸ ವತ್ತಂ।
ಣಾಪಿಮ್ಹಿ ನ ವುದ್ಧಿ, ವದಾಪೇತಿ, ವದಾಪಯತಿ।
‘ಗಮವದದಾನಂ ಘಮ್ಮವಜ್ಜದಜ್ಜಾ ವಾ’ತಿ ವಜ್ಜಾದೇಸೋ, ‘ಊಲಸ್ಸೇ’ತಿ ಲಸ್ಸ ಏತ್ತಂ, ವಜ್ಜೇತಿ, ವಜ್ಜೇನ್ತಿ।
ಕಮ್ಮೇ-ವಜ್ಜೀಯತಿ, ವಜ್ಜೀಯನ್ತಿ।
ಕಾರಿತೇ-ವಜ್ಜಾಪೇತಿ, ವಜ್ಜಾಪಯತಿ।
ಏಯ್ಯಾದಿಮ್ಹಿ-‘ಏಯ್ಯೇಯ್ಯಾಸೇಯ್ಯಂನಂಟೇ’ಇತಿ
ವಜ್ಜಾದೇಸೇ ಮಹಾವುತ್ತಿನಾ ಏಯ್ಯಸ್ಸ ಆತ್ತಂ, ಏಯ್ಯುಮಾದೀನಂ ಏಯ್ಯಸದ್ದಸ್ಸ ಲೋಪೋ, ಸೋ ವಜ್ಜಾ, ತೇ ವಜ್ಜುಂ।
ಏಯ್ಯಾದೀನಂ ಯ್ಯಾಸದ್ದಸ್ಸ ಲೋಪೋ ವಾ, ತ್ವಂ ವಜ್ಜಾಸಿ, ವಜ್ಜೇಸಿ, ತುಮ್ಹೇ ವಜ್ಜಾಥ, ವಜ್ಜೇಥ, ಅಹಂ ವಜ್ಜಾಮಿ, ವಜ್ಜೇಮಿ, ಮಯಂ ವಜ್ಜಾಮ, ವಜ್ಜೇಮ, ಅಹಂ ವಜ್ಜಂ, ಮಯಂ ವಜ್ಜಾಮ್ಹೇ, ವಜ್ಜೇಯ್ಯಾಮ್ಹೇ।
ಅತ್ರಿಮಾ ಪಾಳೀ-ವಜ್ಜುಂ ವಾ ತೇ ನ ವಾ ವಜ್ಜುಂ, ನತ್ಥಿ ನಾಸಾಯ ರೂಹನಾ
ಹಿಯ್ಯತ್ತನಿಯಂ-ಸೋ ಅವದಾ, ವದಾ, ಅವಜ್ಜಾ, ವಜ್ಜಾ, ತೇ ಅವದೂ, ವದೂ, ಅವಜ್ಜೂ, ವಜ್ಜೂ।
ಅಜ್ಜತ್ತನಿಯಂ-ಸೋ ಅವದಿ, ವದಿ, ಅವಜ್ಜಿ, ವಜ್ಜಿ, ತೇ ಅವದುಂ, ವದುಂ, ಅವಜ್ಜುಂ, ವಜ್ಜುಂ, ಅವದಿಂಸು, ವದಿಂಸು, ಅವಜ್ಜಿಂಸು, ವಜ್ಜಿಂಸು।
ಸ್ಸತ್ಯಾದಿಮ್ಹಿ-ವದಿಸ್ಸತಿ, ವಜ್ಜಿಸ್ಸತಿ।
ಸ್ಸಾದಿಮ್ಹಿ-ಅವದಿಸ್ಸಾ, ಅವಜ್ಜಿಸ್ಸಾ ಇಚ್ಚಾದಿ।
ವಿದ-ಞಾಣೇ, ವಿದತಿ।
‘ಯುವಣ್ಣಾನಮಿಯಙಉವಙ ಸರೇ’ತಿ ಸರಮ್ಹಿ ಇಯಾದೇಸೋ, ತೇ ವಿದಿಯನ್ತಿ।
ಕಾರಿತೇ-ನಿವೇದೇತಿ, ಪಟಿವೇದೇತಿ, ನಿವೇದಯತಿ, ಪಟಿವೇದಯತಿ, ಪಟಿವೇದಯಾಮಿ ವೋ ಭಿಕ್ಖವೇ
‘‘ವೇದಿಯಾಮಹಂ
ಏಯ್ಯಾದಿಮ್ಹಿ-ವಿದೇಯ್ಯ, ವಿದಿಯೇಯ್ಯ, ವಿದೇಯ್ಯುಂ, ವಿದಿಯೇಯ್ಯುಂ।
ಈಆದಿಮ್ಹಿ-ಪಚ್ಚಯಾನಂ ಖಯಂ ಅವೇದಿ, ತೇ ವಿದುಂ, ವಿದಿಂಸು।
ಕಾರಿತೇ-ನಿವೇದೇಸಿ, ನಿವೇದಯಿ, ಪಟಿವೇದೇಸಿ, ಪಟಿವೇದಯಿ, ನಿವೇದಯುಂ, ನಿವೇದಯಿಂಸು, ಪಟಿವೇದಯುಂ, ಪಟಿವೇದಯಿಂಸು।
ಸ್ಸತ್ಯಾದಿಮ್ಹಿ-ವಿದಿಸ್ಸತಿ, ವೇದಿಸ್ಸತಿ, ಪರಿಸುದ್ಧಾತಿ ವೇದಿಸ್ಸಾಮಿ
ವಸ-ನಿವಾಸೇ, ವಸತಿ, ವಸನ್ತಿ, ನಿವಸತಿ, ನಿವಸನ್ತಿ।
ಕಮ್ಮೇ-ಅಧಿ, ಆಪುಬ್ಬೋ, ತೇನ ಗಾಮೋ ಅಧಿವಸೀಯತಿ, ಆವಸೀಯತಿ, ಅಜ್ಝಾವಸೀಯತಿ।
‘ಅಸ್ಸೂ’ತಿ ಸುತ್ತೇನ ಅಕಾರಸ್ಸ ಉತ್ತಂ, ವುಸ್ಸತಿ, ವುಸ್ಸನ್ತಿ, ವುಸ್ಸರೇ, ‘‘ಭಗವತಿ ಬ್ರಹ್ಮಚರಿಯಂ ವುಸ್ಸತೀ’’ತಿ
ಕಾರಿತೇ-ವಾಸೇತಿ, ಅಧಿವಾಸೇತಿ, ವಾಸಯತಿ, ಅಧಿವಾಸಯತಿ।
ಣಾಪಿಮ್ಹಿ ವುದ್ಧಿ ನತ್ಥಿ, ವಸಾಪೇತಿ, ವಸಾಪಯತಿ।
ಈಆದಿಮ್ಹಿ-ಅವಸಿ, ವಸಿ, ಅವಸುಂ, ವಸುಂ, ಅವಸಿಂಸು, ವಸಿಂಸು।
ಸ್ಸತ್ಯಾದೀಸು-‘ಲಭ ವಸ ಛಿದ ಗಮ ಭಿದ ರುದಾನಂ ಚ್ಛಙ’ಇತಿ ಸ್ಸೇನ ಸಹ ಧಾತ್ವನ್ತಸ್ಸ ಚ್ಛಾದೇಸೋ, ವಚ್ಛತಿ, ವಸಿಸ್ಸತಿ, ವಚ್ಛನ್ತಿ, ವಸಿಸ್ಸನ್ತಿ, ಆಯಸ್ಮತೋ ನಿಸ್ಸಾಯ ವಚ್ಛಾಮಿ
ವಿಸ-ಪವಿಸನೇ, ಪವಿಸತಿ, ಪವಿಸನ್ತಿ।
ಕಮ್ಮೇ-ಪವಿಸೀಯತಿ
ಯಸ್ಸ ಪುಬ್ಬರೂಪತ್ತೇ-ಪವಿಸ್ಸತಿ, ಪವಿಸ್ಸನ್ತಿ, ಪವಿಸ್ಸರೇ, ಪವಿಸ್ಸತೇ, ಪವಿಸ್ಸನ್ತೇ, ಪವಿಸ್ಸರೇ।
ಕಾರಿತೇ-ಪವೇಸೇತಿ, ಪವೇಸಯತಿ।
ಕಮ್ಮೇ-ಪವೇಸೀಯತಿ, ಪವೇಸೀಯನ್ತಿ।
ಈಆದಿಮ್ಹಿ ಉಪಸಗ್ಗಸ್ಸ ದೀಘೋ ವಾ, ಪಾವಿಸಿ।
ಮಹಾವುತ್ತಿನಾ ಧಾತ್ವನ್ತಸ್ಸ ಕ್ಖೋ ಹೋತಿ, ಪಾವೇಕ್ಖಿ ಪಥವಿಂ ಚೇಚ್ಚೋ
ಸ್ಸತ್ಯಾದೀಸು ‘ವಚ ಭುಜ ಮುಚ ವಿಸಾನಂ ಕ್ಖಙ’ಇತಿ ಸ್ಸೇನ ಸಹ ಧಾತ್ವನ್ತಸ್ಸ ಕ್ಖೋ, ಪವೇಕ್ಖತಿ, ಪವಿಸಿಸ್ಸತಿ, ಪವೇಕ್ಖನ್ತಿ, ಪವಿಸಿಸ್ಸನ್ತಿ, ಏಸ ಭಿಯ್ಯೋ ಪವೇಕ್ಖಾಮಿ, ವಮ್ಮಿಕಂ ಸತಪೋರಿಸಂ
ಸದ-ಸಂಸೀದನೇ, ‘ಜರಸದಾನಮೀಮ ವಾ’ತಿಆದಿಸರಮ್ಹಾ ಈಮಆಗಮೋ ಹೋತಿ ವಾ, ಸೀದತಿ, ಸೀದನ್ತಿ, ಲಾಬೂನಿ ಸೀದನ್ತಿ, ಸಿಲಾ ಪ್ಲವನ್ತಿ
ನಿಪುಬ್ಬೋ ನಿಸಜ್ಜಾಯಂ, ನಿಸೀದತಿ, ನಿಸೀದನ್ತಿ।
ಪಪುಬ್ಬೋ ಪಸಾದೇ, ಪಸೀದತಿ, ಪಸೀದನ್ತಿ।
ಕಾರಿತೇಪಿ ನ ವುದ್ಧಿ ಆದೇಸನ್ತರತ್ತಾ, ಸೀದೇತಿ, ಸೀದಯತಿ, ಸಂಸೀದೇತಿ, ಸಂಸೀದಯತಿ, ಓಸೀದೇತಿ, ಓಸೀದಯತಿ, ಓಸೀದಾಪೇತಿ, ಓಸೀದಾಪಯತಿ, ನಿಸೀದಾಪೇತಿ, ನಿಸೀದಾಪಯತಿ।
ಪಪುಬ್ಬಮ್ಹಿ ಈಮ ನ ಹೋತಿ, ಪಿತಾ ಪುತ್ತಂ ಬುದ್ಧೇ ಪಸಾದೇತಿ, ಪಸಾದಯತಿ, ಪಸಾದೇನ್ತಿ, ಪಸಾದಯನ್ತಿ।
ಕಮ್ಮೇ-ಪಸಾದೀಯತಿ
ಹನ-ಹಿಂಸಾ, ಗತೀಸು, ಹನತಿ, ಹನನ್ತಿ।
‘ಕ್ವಚಿ ವಿಕರಣಾನ’ನ್ತಿ ಸುತ್ತೇನ ಲವಿಕರಣಸ್ಸ ಲೋಪೇ ಹನ್ತಿ, ಫಲಂ ವೇ ಕದಲಿಂ ಹನ್ತಿ, ಸಕ್ಕಾರೋ ಕಾಪುರಿಸಂ ಹನ್ತಿ
ಮಹಾವುತ್ತಿನಾ ಕ್ವಚಿ ಧಾತ್ವನ್ತಲೋಪೋ, ವಿಕ್ಕೋಸಮಾನಾ ತಿಬ್ಬಾಹಿ, ಹನ್ತಿ ನೇಸಂ ವರಂ ವರಂ
ಕಮ್ಮೇ-ಹನೀಯತಿ, ಹನೀಯನ್ತಿ।
ಧಾತ್ವನ್ತಸ್ಸ ಚವಗ್ಗತ್ತೇ ಯಸ್ಸ ಪುಬ್ಬರೂಪತ್ತಂ, ಹಞ್ಞತಿ, ಹಞ್ಞನ್ತಿ।
ಕಾರಿತೇ –
೬೫೪. ಹನಸ್ಸ ಘಾತೋ ಣಾನುಬನ್ಧೇ
ಹನಸ್ಸ ಘಾತೋ ಹೋತಿ ಣಾನುಬನ್ಧೇ ಪಚ್ಚಯೇ।
ಘಾತೇತಿ, ಘಾತಯತಿ, ಘಾತಾಪೇತಿ, ಘಾತಾಪಯತಿ।
ಕಮ್ಮೇ-ಘಾತೀಯತಿ, ಘಾತಾಪೀಯತಿ।
ಈಆದಿಮ್ಹಿ-ಅಹನಿ, ಹನಿ, ಅಹನಿಂಸು, ಹನಿಂಸು।
ಕಮ್ಮೇ-ಅಹಞ್ಞಿ, ಹಞ್ಞಿ, ಅಹಞ್ಞಿಂಸು, ಹಞ್ಞಿಂಸು।
ಸ್ಸತ್ಯಾದಿಮ್ಹಿ –
೬೫೫. ಹನಾ ಜೇಖಾ
ಹನಮ್ಹಾ ಪರಸ್ಸ ಸ್ಸಕಾರಸ್ಸ ಜೇ, ಖಾದೇಸಾ ಹೋನ್ತಿ ವಾ, ಮಹಾವುತ್ತಿನಾ ಧಾತ್ವನ್ತಸ್ಸ ಪರರೂಪತ್ತಂ।
ಹಜ್ಜೇತಿ
ಖಾದೇಸೇ ಮಹಾವುತ್ತಿನಾ ಧಾತ್ವನ್ತಸ್ಸ ವಗ್ಗನ್ತತ್ತಂ, ಪಟಿಹಙ್ಖತಿ, ಪಟಿಹನಿಸ್ಸತಿ, ಪಟಿಹಙ್ಖನ್ತಿ, ಪಟಿಹಙ್ಖಸಿ, ಪಟಿಹಙ್ಖಾಮಿ, ಪಟಿಹಙ್ಖಾಮ, ಪಟಿಹನಿಸ್ಸಾಮ।
ಹರ-ಹರಣೇ, ಹರತಿ, ಹರನ್ತಿ।
ಕಮ್ಮೇ-ಹರೀಯತಿ, ಹರೀಯನ್ತಿ।
ಕಾರಿತೇ-ಹಾರೇತಿ, ಹಾರಯತಿ।
ಣಾಪಿಮ್ಹಿ ನ ವುದ್ಧಿ, ಹರಾಪೇತಿ, ಹರಾಪಯತಿ।
ಕಮ್ಮೇ-ಹಾರೀಯತಿ, ಹರಾಪೀಯತಿ।
ಆ, ಈಆದೀಸು –
೬೫೬. ಆಈಆದೀಸು ಹರಸ್ಸಾ।
ಆಆದೀಸು ಈಆದೀಸು ಚ ಹರಸ್ಸ ರಕಾರಸ್ಸ ಆ ಹೋತಿ ವಾ, ಸೋ ಅಹಾ, ಅಹರಾ।
ಈಆದಿಮ್ಹಿ-ಸೋ ಅಹಾಸಿ, ಅಜಿನಿ ಮಂ ಅಹಾಸಿ ಮೇ
ಪರಛಕ್ಕೇ ಅಸ್ಸ ತ್ಥತ್ತಂ, ಸೋ ಅಹಾಸಿತ್ಥ, ಅಹರಿತ್ಥ।
ಸ್ಸತ್ಯಾದೀಸು
೬೫೭. ಹರಸ್ಸ ಚಾಹಙ ಸ್ಸೇ
ಸ್ಸಕಾರವತೀಸು ವಿಭತ್ತೀಸು ಸ್ಸೇನ ಸಹ ಹರಸ್ಸ ಚ ಕರಸ್ಸ ಚ ರಕಾರಸ್ಸ ಆಹಙ ಹೋತಿ ವಾ।
ಇಉ ಆಗಮೇ-ಹಾಹಿತಿ, ಖಾರಿಕಾಜಞ್ಚ ಹಾಹಿತಿ
ಮಹಾವುತ್ತಿನಾ ಹರಸ್ಸ ಧಾತ್ವನ್ತಸ್ಸ ಲೋಪೋ ಚ, ‘‘ಯೋ ಇಮಸ್ಮಿಂ ಧಮ್ಮವಿನಯೇ ಅಪ್ಪಮತ್ತೋ ವಿಹಸ್ಸತಿ
ಸ್ಸಾದಿಮ್ಹಿ-ಅಹಾಹಾ, ಅಹರಿಸ್ಸಾ, ಅಹಾಹಂಸು, ಅಹರಿಸ್ಸಂಸು।
ಆಪುಬ್ಬ ಸೀಸ-ಪತ್ಥನಾಯಂ, ಆಸೀಸತಿ, ಆಸೀಸನ್ತಿ, ಪಚ್ಚಾಸೀಸತಿ, ಪಚ್ಚಾಸೀಸನ್ತಿ।
೬೫೮. ಆದಿಸ್ಮಾ ಸರಾ
ಆದಿಭೂತಾ ಸರಮ್ಹಾ ಪರಂ ಪಠಮಸದ್ದರೂಪಂ ಏಕಸ್ಸರಂ ದ್ವೇರೂಪಂ ಹೋತಿ, ಇಮಿನಾ ಸರಪುಬ್ಬಾನಂ ಧಾತುಪದಾನಂ ಪದದ್ವಿತ್ತೇ ಆಸೀಸ, ಸೀಸ ಇತಿ ರೂಪದ್ವಯಂ ಭವತಿ।
೬೫೯. ಲೋಪೋನಾದಿಬ್ಯಞ್ಜನಸ್ಸ
ದ್ವಿತ್ತೇ ಅನಾದಿಭೂತಸ್ಸ ಏಕಸ್ಸ ಬ್ಯಞ್ಜನಸ್ಸ ಲೋಪೋ ಹೋತೀತಿ ಪುರಿಮೇ ಸೀಸರೂಪೇ ಸಕಾರಲೋಪೋ।
ಆಸೀಸೀಸತಿ
ತಥಾ ‘ಪರೋಕ್ಖಾಯಞ್ಚಾ’ತಿ ಸುತ್ತೇ ಚಸದ್ದೇನ ಕಮಾದೀನಂ ಧಾತುಪದಾನಂ ಪದದ್ವಿತ್ತೇ ಕತೇ ‘ಲೋಪೋನಾದಿಬ್ಯಞ್ಜನಸ್ಸಾ’ತಿ ಪುರಿಮೇ ಪದರೂಪೇ ಅನಾದಿಬ್ಯಞ್ಜನಲೋಪೋ, ‘ಕವಗ್ಗಹಾನಂ ಚವಗ್ಗಜಾ’ತಿ ಸೇಸಸ್ಸ ಕವಗ್ಗಸ್ಸ ಚವಗ್ಗತ್ತಂ, ‘ನಿಗ್ಗಹೀತಞ್ಚಾ’ತಿ ನಿಗ್ಗಹೀತಾಗಮೋ, ಚಙ್ಕಮತಿ, ಚಙ್ಕಮನ್ತಿ, ಚಙ್ಕಮತು, ಚಙ್ಕಮನ್ತು, ಚಙ್ಕಮೇಯ್ಯ, ಚಙ್ಕಮೇಯ್ಯುಂ ಇಚ್ಚಾದಿ।
ಕುಚ-ಸಙ್ಕೋಚನೇ, ಚಙ್ಕೋಚತಿ, ಚಙ್ಕೋಚನ್ತಿ।
ಚಲ-ಚಲನೇ, ಚಞ್ಚಲತಿ, ಚಞ್ಚಲನ್ತಿ।
ಮಹಾವುತ್ತಿನಾ ನಿಗ್ಗಹೀತಸ್ಸ ಪರರೂಪತ್ತೇ ಜರ-ಭಿಜ್ಜನೇ, ಜಜ್ಜರತಿ ಜಜ್ಜರನ್ತಿ।
ದಳ-ದಿತ್ತಿಯಂ, ದದ್ದಲ್ಲತಿ, ದದ್ದಲ್ಲನ್ತಿ।
ಮುಹ-ವೇಚಿತ್ತೇ, ಮೋಮುಹತಿ, ಮೋಮುಹನ್ತಿ, ಮಹಾವುತ್ತಿನಾ ಉಸ್ಸ ಓತ್ತಂ।
ತಥಾ ರು-ಸದ್ದೇ, ರೋರುವತಿ, ರೋರುವನ್ತಿ।
ಲುಪ-ಗಿದ್ಧೇ, ಲೋಲುಪ್ಪತಿ, ಲೋಲುಪ್ಪನ್ತಿ ಇಚ್ಚಾದಿ।
ಪದದ್ವಿತ್ತಂ ನಾಮ ಪದತ್ಥಾನಂ ಅತಿಸಯತಾದೀಪನತ್ಥಂ, ವಿಚ್ಛಾಯಂ ಪನ ಪೋನೋಪುಞ್ಞ, ಸಮ್ಭಮಾದೀಸು ಚ ದ್ವಿತ್ತೇ ಅನಾದಿಬ್ಯಞ್ಜನಲೋಪೋ ನತ್ಥಿ, ಗಾಮೋ ಗಾಮೋ ರಮಣೀಯೋ। ತಥಾ ಕ್ವಚಿ ಅತಿಸಯದೀಪನೇಪಿ, ರೂಪರೂಪಂ, ದುಕ್ಖದುಕ್ಖಂ, ಅಜ್ಝತ್ತಜ್ಝತ್ತಂ, ದೇವದೇವೋ, ಮುನಿಮುನಿ, ರಾಜರಾಜಾ, ಬ್ರಹ್ಮಬ್ರಹ್ಮಾ, ವರವರೋ, ಅಗ್ಗಅಗ್ಗೋ, ಜೇಟ್ಠಜೇಟ್ಠೋ, ಸೇಟ್ಠಸೇಟ್ಠೋ, ಪಸತ್ಥಪಸತ್ಥೋ, ಉಗ್ಗತಉಗ್ಗತೋ, ಉಕ್ಕಟ್ಠುಕ್ಕಟ್ಠೋ, ಓಮಕೋಮಕೋ, ದುಬ್ಬಲದುಬ್ಬಲೋ, ಅಬಲಅಬಲೋ, ಮಹನ್ತಮಹನ್ತೋ ಇಚ್ಚಾದಿ।
ಭೂವಾದಿಗಣೋ ನಿಟ್ಠಿತೋ।
ರುಧಾದಿಗಣ
ಅಥ
‘ಕತ್ತರೀ’ತಿ ಪದಂ ವತ್ತತೇ, ತಞ್ಚ ಬಹುಲಾಧಿಕಾರಾ ವಿಕರಣಾನಂ ಕತ್ತರಿ ನಿಬನ್ಧಂ ಭಾವ, ಕಮ್ಮೇಸು ಅನಿಬನ್ಧಂ ವಿಕಪ್ಪೇನ ಪವತ್ತಿಂ ದೀಪೇತಿ, ತಸ್ಮಾ ಭಾವ, ಕಮ್ಮೇಸು ಚ ಕಾರಿತರೂಪೇಸು ಚ ವಿಕರಣಾನಂ ಪವತ್ತಿ ವೇದಿತಬ್ಬಾ ಹೋತೀತಿ।
ಛಿದ, ಭಿದ, ಭುಜ, ಮುಚ, ಯುಜ, ರಿಚ, ರುಧ, ಲಿಪ, ವಿದ, ಸಿಚ, ಸುಭ।
೬೬೦. ಮಞ್ಚ ರುಧಾದೀನಂ
ರುಧಾದೀಹಿ ಕ್ರಿಯತ್ಥೇಹಿ ಕತ್ತರಿ ಲೋ ಹೋತಿ, ತೇಸಞ್ಚ ರುಧಾದೀನಂ ಪುಬ್ಬನ್ತಸರಮ್ಹಾ ಪರಂ ನಿಗ್ಗಹೀತಂ ಆಗಚ್ಛತಿ, ಮಾನುಬನ್ಧೋ ಪುಬ್ಬನ್ತದೀಪನತ್ಥೋ, ಅಕಾರೋ ಉಚ್ಚಾರಣತ್ಥೋ, ಚಸದ್ದೇನ ರುಧ, ಸುಭಾದೀಹಿ ಇ, ಈ, ಏ, ಓಪಚ್ಚಯೇ ಸಙ್ಗಣ್ಹಾತಿ, ನಿಗ್ಗಹೀತಸ್ಸ ವಗ್ಗನ್ತತ್ತಂ।
ರುನ್ಧತಿ।
ಛಿದ-ದ್ವಿಧಾಕರಣೇ, ಛಿನ್ದತಿ, ಛಿನ್ದನ್ತಿ।
ಕಮ್ಮೇ ಕ್ಯೋ, ‘ತವಗ್ಗವರಣಾನಂ ಯೇ ಚವಗ್ಗಬಯಞಾ’ತಿ ಯಮ್ಹಿ ಧಾತ್ವನ್ತಸ್ಸ ಚವಗ್ಗತ್ತಂ, ‘ವಗ್ಗಲಸೇಹಿ ತೇ’ತಿ ಯಸ್ಸ ಪುಬ್ಬರೂಪತ್ತಂ। ಛಿಜ್ಜತಿ, ಛಿಜ್ಜನ್ತಿ।
‘ಗರುಪುಬ್ಬಾ ರಸ್ಸಾ ರೇ ನ್ತೇನ್ತೀನ’ನ್ತಿ ಚತುನ್ನಂ ನ್ತೇ, ನ್ತೀನಂ ರೇತ್ತಂ, ಛಿನ್ದತೇ, ಛಿಜ್ಜತೇ, ಛಿಜ್ಜನ್ತೇ, ಛಿಜ್ಜರೇ।
ಇಮಿನಾ ನಿಗ್ಗಹೀತಾಗಮೋ, ಛಿನ್ದೀಯತಿ, ಛಿನ್ದೀಯನ್ತಿ, ಛಿನ್ದೀಯತೇ, ಛಿನ್ದೀಯನ್ತೇ।
ಕಾರಿತೇ-ಛೇದೇತಿ, ಛೇದಯತಿ, ಛೇದಾಪೇತಿ, ಛೇದಾಪಯತಿ, ಛಿನ್ದೇತಿ, ಛಿನ್ದಯತಿ, ಛಿನ್ದಾಪೇತಿ, ಛಿನ್ದಾಪಯತಿ।
ಈಆದಿಮ್ಹಿ-ಅಚ್ಛಿನ್ದಿ
ಮಹಾವುತ್ತಿನಾ ಧಾತ್ವನ್ತಸ್ಸ ಚ್ಛೋ ಪುಬ್ಬಸ್ಸ ದ್ವಿತ್ತಞ್ಚ, ಅಚ್ಛೇಚ್ಛಿ ತಣ್ಹಂ, ವಿವತ್ತಯಿ ಸಂಯೋಜನಂ
ಕಮ್ಮೇ-ಅಚ್ಛಿಜ್ಜಿ, ಛಿಜ್ಜಿ, ಅಚ್ಛಿನ್ದಿಯಿ, ಛಿನ್ದಿಯಿ।
ಕಾರಿತೇ-ಛೇದೇಸಿ, ಕಣ್ಣನಾಸಞ್ಚ ಛೇದಯಿ
ಸ್ಸತ್ಯಾದಿಮ್ಹಿ-‘ಲಭವಸಛಿದಗಮಭಿದರುದಾನಂ ಚ್ಛಙ’ಇತಿ ಸ್ಸೇನ ಸಹ ಧಾತ್ವನ್ತಸ್ಸ ಚ್ಛೋ, ಛೇಚ್ಛತಿ, ಛಿನ್ದಿಸ್ಸತಿ, ಛೇಚ್ಛನ್ತಿ, ಛಿನ್ದಿಸ್ಸನ್ತಿ, ಛೇಚ್ಛಸಿ, ಛೇಚ್ಛತ, ಛೇಚ್ಛಾಮಿ, ಛೇಚ್ಛಾಮ, ಛಿನ್ದಿಸ್ಸಾಮ।
ಸ್ಸಾದಿಮ್ಹಿ-ಅಚ್ಛೇಚ್ಛಾ, ಅಚ್ಛಿನ್ದಿಸ್ಸಾ, ಅಚ್ಛೇಚ್ಛಂಸು, ಅಚ್ಛಿನ್ದಿಸ್ಸಂಸು।
ಭಿದ-ವಿದಾರಣೇ, ಭಿನ್ದತಿ, ಭಿನ್ದನ್ತಿ।
ಕಮ್ಮೇ-ಭಿಜ್ಜತಿ, ಭಿಜ್ಜನ್ತಿ, ಭಿಜ್ಜರೇ, ಭಿನ್ದಿಯತಿ, ಭಿನ್ದಿಯನ್ತಿ।
ಕಾರಿತೇ-ಭಿಕ್ಖೂ ಭಿಕ್ಖೂಹಿ ಭೇದೇತಿ
ಕಮ್ಮೇ-ಭೇದೀಯತಿ, ಭೇದಾಪೀಯತಿ।
ಈಆದಿಮ್ಹಿ-ಅಭಿನ್ದಿ, ಭಿನ್ದಿ, ಅಭಿನ್ದುಂ, ಭಿನ್ದುಂ, ಅಭಿನ್ದಿಂಸು, ಭಿನ್ದಿಂಸು।
ಕಮ್ಮೇ-ಅಭಿಜ್ಜಿ, ಭಿಜ್ಜಿ, ಅಭಿನ್ದಿಯಿ, ಭಿನ್ದಿಯಿ।
ಕಾರಿತೇ-ಅಭೇದೇಸಿ, ಭೇದೇಸಿ, ಅಭೇದಯಿ, ಭೇದಯಿ, ಭೇದಾಪೇಸಿ, ಭೇದಾಪಯಿ।
ಸ್ಸತ್ಯಾದಿಮ್ಹಿ-‘ಲಭವಸ…’ಇಚ್ಚಾದಿನಾ
ಸ್ಸಾದಿಮ್ಹಿ-ಅಚ್ಛೇಚ್ಛಾ, ಅಚ್ಛಿನ್ದಿಸ್ಸಾಇಚ್ಚಾದಿ।
ಭುಜ-ಪಾಲನ, ಬ್ಯವಹರಣೇಸು, ಭುಞ್ಜತಿ, ಭುಞ್ಜನ್ತಿ।
ಕಮ್ಮೇ-ಭುಜ್ಜತಿ, ಭುಜ್ಜನ್ತಿ।
ಕಾರಿತೇ-ಭೋಜೇತಿ, ಭೋಜಯತಿ, ಭೋಜಾಪೇತಿ, ಭೋಜಾಪಯತಿ।
ಕಮ್ಮೇ-ಭೋಜೀಯತಿ, ಭೋಜಾಪೀಯತಿ।
ಸ್ಸತ್ಯಾದಿಮ್ಹಿ-‘ವಚಭುಜಮುಚವಿಸಾನಂ ಕ್ಖಙ’ಇತಿ ಸ್ಸೇನ ಸಹ ಧಾತ್ವನ್ತಸ್ಸ ಕ್ಖೋ, ಆದಿವುದ್ಧಿ, ಭೋಕ್ಖತಿ, ಭುಞ್ಜಿಸ್ಸತಿ, ಭೋಕ್ಖನ್ತಿ, ಭೋಕ್ಖಸಿ, ಭೋಕ್ಖಥ, ಭೋಕ್ಖಾಮಿ, ಭೋಕ್ಖಾಮ, ಭುಞ್ಜಿಸ್ಸಾಮ।
ಸ್ಸಾದಿಮ್ಹಿ-ಅಭೋಕ್ಖಾ, ಅಭುಞ್ಜಿಸ್ಸಾ, ಅಭೋಕ್ಖಂಸು, ಅಭುಞ್ಜಿಸ್ಸಂಸು ಇಚ್ಚಾದಿ।
ಮುಚ-ಮೋಚನೇ, ಮುಞ್ಚತಿ, ಮುಞ್ಚನ್ತಿ, ಮುಞ್ಚರೇ।
ಕಮ್ಮೇ-ಮುಚ್ಚತಿ, ಮುಚ್ಚನ್ತಿ, ಮುಞ್ಚೀಯತಿ, ಮುಞ್ಚೀಯನ್ತಿ।
ಕಾರಿತೇ-ಮೋಚಾಪೇತಿ, ಮೋಚಾಪಯತಿ।
ಈಆದಿಮ್ಹಿ-ಅಮುಞ್ಚಿ, ಮುಞ್ಚಿ, ಅಮುಞ್ಚಿಂಸು, ಮುಞ್ಚಿಂಸು।
ಕಾರಿತೇ-ಅಮೋಚೇಸಿ, ಮೋಚೇಸಿ, ಅಮೋಚಯಿ, ಮೋಚಯಿ, ಅಮೋಚೇಸುಂ, ಮೋಚೇಸುಂ, ಅಮೋಚಯುಂ, ಮೋಚಯುಂ, ಅಮೋಚಿಂಸು, ಮೋಚಿಂಸು, ಅಮೋಚಯಿಂಸು, ಮೋಚಯಿಂಸು।
ಸ್ಸತ್ಯಾದಿಮ್ಹಿ-ಸ್ಸೇನ ಸಹ ಚಸ್ಸ ಕ್ಖೋ, ಮೋಕ್ಖತಿ, ಮುಞ್ಚಿಸ್ಸತಿ, ಮೋಕ್ಖನ್ತಿ ಮಾರಬನ್ಧನಾ
ಸ್ಸಾದಿಮ್ಹಿ-ಅಮೋಕ್ಖಾ
ಯುಜ-ಯೋಗೇ, ಯುಞ್ಜತಿ ಬುದ್ಧಸಾಸನೇ, ಆರಭತೀತಿ ಅತ್ಥೋ, ಯುಞ್ಜನ್ತಿ, ಪಮಾದಮನುಯುಞ್ಜನ್ತಿ, ಬಾಲಾ ದುಮ್ಮೇಧಿನೋ ಜನಾ
ಕಮ್ಮೇ-ಯುಞ್ಜೀಯತಿ, ಯುಞ್ಜೀಯನ್ತಿ।
ಕಾರಿತೇ-ಯೋಜೇತಿ, ಪಯೋಜೇತಿ, ನಿಯೋಜೇತಿ, ಉಯ್ಯೋಜೇತಿ, ಯೋಜಯತಿ, ಪಯೋಜಯತಿ, ನಿಯೋಜಯತಿ, ಉಯ್ಯೋಜಯತಿ।
ಕಮ್ಮೇ-ಯೋಜೀಯತಿ, ಪಯೋಜೀಯತಿ, ನಿಯೋಜೀಯತಿ, ಉಯ್ಯೋಜೀಯತಿ।
ರುಧ-ಆವರಣೇ, ರುನ್ಧತಿ, ರುನ್ಧಿತಿ, ರುನ್ಧೀತಿ, ರುನ್ಧೇತಿ, ರುನ್ಧೋತಿ, ರುನ್ಧನ್ತಿ, ಓರುನ್ಧತಿ, ಅವರುನ್ಧತಿ, ರುನ್ಧಾಪೇತಿ, ರುನ್ಧಾಪಯತಿ, ಅವರೋಧೇತಿ, ಅವರೋಧಯತಿ, ಉಪರೋಧೇತಿ, ಉಪರೋಧಯತಿ, ರೋಧಾಪೇತಿ, ರೋಧಾಪಯತಿ।
ಕಮ್ಮೇ-ಅವರೋಧೀಯತಿ ಇಚ್ಚಾದಿ।
ಲಿಪ-ಲಿಮ್ಪನೇ, ಲಿಮ್ಪತಿ, ಲಿಮ್ಪನ್ತಿ।
ಕಮ್ಮೇ-ಲಿಮ್ಪೀಯತಿ।
ಕಾರಿತೇ-ಲಿಮ್ಪೇತಿ, ಲಿಮ್ಪಯತಿ, ಲಿಮ್ಪಾಪೇತಿ, ಲಿಮ್ಪಾಪಯತಿ, ಲೇಪೇತಿ, ಲೇಪಯತಿ, ಲೇಪಾಪೇತಿ, ಲೇಪಾಪಯತಿ ಇಚ್ಚಾದಿ।
ವಿದ-ಪಟಿಲಾಭೇ, ವಿನ್ದತಿ, ವಿನ್ದನ್ತಿ।
ಕಮ್ಮೇ-ವಿನ್ದೀಯತಿ, ವಿನ್ದೀಯನ್ತಿ।
ಕಾರಿತೇ-ವಿನ್ದೇತಿ, ವಿನ್ದಯತಿ, ವಿನ್ದಾಪೇತಿ, ವಿನ್ದಾಪಯಹಿ।
ಈಆದಿಮ್ಹಿ-ಅವಿನ್ದಿ
ಸಿಚ-ಸೇಚನೇ, ಸಿಞ್ಚತಿ, ಸಿಞ್ಚನ್ತಿ।
ಕಮ್ಮೇ-ಸಿಞ್ಚೀಯತಿ, ಸಿಞ್ಚೀಯನ್ತಿ।
ಕಾರಿತೇ-ಸಿಞ್ಚೇತಿ, ಸಿಞ್ಚಯತಿ, ಸಿಞ್ಚಾಪೇತಿ, ಸಿಞ್ಚಾಪಯತಿ, ಸಿಞ್ಚೇಯ್ಯ ವಾ ಸಿಞ್ಚಾಪೇಯ್ಯ ವಾ
ಸುಭ-ಸಮ್ಪಹಾರೇ, ಯೋ ನೋ ಗಾವೋವ ಸುಮ್ಭತಿ
ಗಹಧಾತುಪಿ ಇಧ ಸಙ್ಗಹಿತಾ। ಗಹ-ಉಪಾದಾನೇ। ‘ಮಞ್ಚ ರುಧಾದೀನ’ನ್ತಿ ನಿಗ್ಗಹೀತೇನ ಸಹ ಲಪಚ್ಚಯೋ।
೬೬೧. ಣೋ ನಿಗ್ಗಹೀತಸ್ಸ
ಗಹಧಾತುಮ್ಹಿ ಆಗತಸ್ಸ ನಿಗ್ಗಹೀತಸ್ಸ ಣೋ ಹೋತಿ। ಮಹಾವುತ್ತಿನಾ ವಿಕಪ್ಪೇನ ಲಸ್ಸ ದೀಘೋ।
ಗಣ್ಹಾತಿ, ಗಣ್ಹತಿ ವಾ, ಗಣ್ಹನ್ತಿ, ಗಣ್ಹಸಿ, ಗಣ್ಹಥ, ಗಣ್ಹಾಮಿ, ಗಣ್ಹಾಮ।
ಕಮ್ಮೇ-ಗಣ್ಹೀಯತಿ, ಗಣ್ಹೀಯನ್ತಿ।
‘ಹಸ್ಸ ವಿಪಲ್ಲಾಸೋ’ತಿ ಹ, ಯಾನಂ ವಿಪರಿಯಾಯೋ, ಗಯ್ಹತಿ, ಗಯ್ಹನ್ತಿ, ಗಯ್ಹರೇ।
ಕಾರಿತೇ-ಗಾಹೇತಿ, ಗಾಹಯತಿ, ಗಾಹಾಪೇತಿ, ಗಾಹಾಪಯತಿ ಇಚ್ಚಾದಿ।
೬೬೨. ಗಹಸ್ಸ ಘೇಪ್ಪೋ
ನ್ತ, ಮಾನ, ತ್ಯಾದೀಸು ಗಹಸ್ಸ ಘೇಪ್ಪಾದೇಸೋ ಹೋತಿ ವಾ।
ಘೇಪ್ಪತಿ
ಕಮ್ಮೇ-ಘೇಪ್ಪೀಯತಿ, ಘೇಪ್ಪೀಯನ್ತಿ।
ಈಆದಿಮ್ಹಿ-ಅಗಣ್ಹಿ, ಗಣ್ಹಿ।
ಮಹಾವುತ್ತಿನಾ ನಿಗ್ಗಹೀತಲೋಪೋ, ಇಞಆಗಮಸ್ಸ ಏತ್ತಂ, ಅಗ್ಗಹೇಸಿ, ಪಟಿಗ್ಗಹೇಸಿ, ಅನುಗ್ಗಹೇಸಿ, ಅಗ್ಗಣ್ಹಿಂಸು, ಗಣ್ಹಿಂಸು। ಅಗ್ಗಹೇಸುಂ, ಪಟಿಗ್ಗಹೇಸುಂ, ಅನುಗ್ಗಹೇಸುಂ।
ಸ್ಸತ್ಯಾದಿಮ್ಹಿ-ಗಣ್ಹಿಸ್ಸತಿ, ಗಹೇಸ್ಸತಿ, ಗಣ್ಹಿಸ್ಸನ್ತಿ, ಗಹೇಸ್ಸನ್ತಿ ಇಚ್ಚಾದಿ।
ರುಧಾದಿಗಣೋ ನಿಟ್ಠಿತೋ।
ದಿವಾದಿಗಣ
ಅಥ ದಿವಾದಿಗಣೋ ವುಚ್ಚತೇ।
ಇಧ ಧಾತೂನಂ ಕಮೋ ಅನ್ತಕ್ಖರವಸೇನ ವತ್ತಬ್ಬೋ ಸಬ್ಬಸೋ ಸದಿಸರೂಪತ್ತಾ।
ಮುಚ, ವಿಚ, ಯುಜ, ಲುಜ, ವಿಜ, ಗದ, ಪದ, ಮದ, ವಿದ, ಇಧ, ಕುಧ, ಗಿಧ, ಬುಧ, ಯುಧ, ವಿಧ, ಸಿಧ, ಸುಧ ಮನ, ಹನ, ಕುಪ, ದೀಪ, ಲುಪ, ವಪ, ಸುಪ, ದಿವು, ಸಿವು, ತಸ, ತುಸ, ದಿಸ, ದುಸ, ಸಿಸ, ಸುಸ, ದಹ, ನಹ, ಮುಹ।
೬೬೩. ದಿವಾದೀಹಿ ಯಕ
ದಿವಾದೀಹಿ ಕ್ರಿಯತ್ಥೇಹಿ ಕತ್ತರಿ ಕಾನುಬನ್ಧೋ ಯಪಚ್ಚಯೋ ಹೋತಿ।
ದಿಬ್ಬತಿ।
ಮುಚ-ಮುತ್ತಿಯಂ, ಯಸ್ಸ ಪುಬ್ಬರೂಪತ್ತಂ, ಮುಚ್ಚತಿ, ವಿಮುಚ್ಚತಿ। ಅಕಮ್ಮಕತ್ತಾ ಸುದ್ಧಕಮ್ಮರೂಪಂ ನ ಲಬ್ಭತಿ।
ಕಾರಿತೇ-ಮೋಚೇತಿ
ಕಮ್ಮೇ-ಮೋಚೀಯತಿ, ಮೋಚಾಪೀಯತಿ, ಮುಚ್ಚತು, ದುಕ್ಖಾ ಮುಚ್ಚನ್ತು।
ಸ್ಸತ್ಯಾದಿಮ್ಹಿ ಧಾತ್ವನ್ತಸ್ಸ ಕ್ಖೋ, ಮೋಕ್ಖತಿ, ಮೋಕ್ಖನ್ತಿ।
ವಿಚ-ವಿವೇಕೇ, ವಿವಿಚ್ಚತಿ, ವಿವಿಚ್ಚನ್ತಿ।
ಕಾರಿತೇ-ವಿವೇಚೇತಿ, ವಿವೇಚಯತಿ, ವಿವೇಚಾಪೇತಿ, ವಿವೇಚಾಪಯತಿ।
ಕಮ್ಮೇ-ವಿವೇಚೀಯತಿ, ವಿವೇಚಾಪೀಯತಿ ಇಚ್ಚಾದಿ।
ಯುಜ-ಯುತ್ತಿಯಂ, ಯುಜ್ಜತಿ, ಯುಜ್ಜನ್ತಿ।
ಲುಜ-ವಿನಾಸೇ, ಲುಜ್ಜತಿ, ಲುಜ್ಜನ್ತಿ।
ವಿಜ-ಭಯ, ಚಲನೇಸು, ಸಂವಿಜ್ಜತಿ, ಸಂವಿಜ್ಜನ್ತಿ।
ಕಾರಿತೇ-ಸಂವೇಜೇತಿ, ಸಂವೇಜಯತಿ, ಸಂವೇಜೇನ್ತಿ, ಸಂವೇಜಯನ್ತಿ ಇಚ್ಚಾದಿ।
ಗದ-ಗಜ್ಜನೇ, ಮೇಘೋ ಗಜ್ಜತಿ, ಗಜ್ಜನ್ತಿ।
ಪದ-ಗತಿಮ್ಹಿ, ಉಪ್ಪಜ್ಜತಿ, ಉಪ್ಪಜ್ಜನ್ತಿ, ನಿಪಜ್ಜತಿ, ವಿಪಜ್ಜತಿ, ಸಮ್ಪಜ್ಜತಿ, ಆಪಜ್ಜತಿ, ಸಮಾಪಜ್ಜತಿ, ಪಟಿಪಜ್ಜತಿ।
ಕಮ್ಮೇ-ತೇನ ಆಪತ್ತಿ ಆಪಜ್ಜತಿ, ಝಾನಂ ಸಮಾಪಜ್ಜತಿ, ಮಗ್ಗೋ ಪಟಿಪಜ್ಜತಿ।
ಕ್ಯಮ್ಹಿ ಪರೇಪಿ ಯಕ ಹೋತಿ, ತೇನ ಆಪತ್ತಿ ಆಪಜ್ಜೀಯತಿ। ಝಾನಂ ಸಮಾಪಜ್ಜೀಯತಿ, ಮಗ್ಗೋ ಪಟಿಪಜ್ಜೀಯತಿ।
ಕಾರಿತೇ-ಉಪ್ಪಾದೇತಿ, ಉಪ್ಪಾದಯತಿ, ನಿಪ್ಫಾದೇತಿ, ನಿಪ್ಫಾದಯತಿ। ಸಮ್ಪಾದೇತಿ, ಸಮ್ಪಾದಯತಿ, ಆಪಾದೇತಿ, ಆಪಾದಯತಿ, ಪಟಿಪಾದೇತಿ, ಪಟಿಪಾದಯತಿ, ಪಟಿಪಜ್ಜಾಪೇತಿ, ಪಟಿಪಜ್ಜಾಪಯತಿ।
ಕಮ್ಮೇ-ಉಪ್ಪಾದೀಯತಿ, ನಿಪ್ಫಾದೀಯತಿ, ಸಮ್ಪಾದೀಯತಿ, ಆಪಾದೀಯತಿ, ಪಟಿಪಾದೀಯತಿ।
ಉಪ್ಪಜ್ಜತು
ಈಆದಿಮ್ಹಿ-ಉಪ್ಪಜ್ಜಿ, ನಿಪಜ್ಜಿ, ವಿಪಜ್ಜಿ, ಸಮ್ಪಜ್ಜಿ, ಆಪಜ್ಜಿ, ಸಮಾಪಜ್ಜಿ, ಪಟಿಪಜ್ಜಿ।
೬೬೪. ಕ್ವಚಿ ವಿಕರಣಾನಂ
ವಿಕರಣಾನಂ ಕ್ವಚಿ ಲೋಪೋ ಹೋತಿ।
ಚಕ್ಖುಂ ಉದಪಾದಿ, ಞಾಣಂ ಉದಪಾದಿ, ವಿಜ್ಜಾ ಉದಪಾದಿ, ಆಲೋಕೋ ಉದಪಾದಿ
ಮದ-ಉಮ್ಮಾದೇ, ಮಜ್ಜತಿ, ಮಜ್ಜನ್ತಿ।
ವಿದ-ಸತ್ತಾಯಂ, ವಿಜ್ಜತಿ, ಸಂವಿಜ್ಜತಿ।
ಇಧ-ಸಮಿದ್ಧಿಯಂ, ಇಜ್ಝತಿ, ಸಮಿಜ್ಝತಿ।
ಕುಧ-ಕೋಪೇ, ಕುಜ್ಝತಿ, ಕುಜ್ಝನ್ತಿ।
ಬುಧ-ಅವಗಮನೇ, ಬುಜ್ಝತಿ, ಸಮ್ಬುಜ್ಝತಿ।
ಪಟಿಪುಬ್ಬೋ ನಿದ್ದಕ್ಖಯೇ ವಿಕಸನೇ ಚ, ಪಟಿಬುಜ್ಝತಿ।
ಕಮ್ಮೇ-ತೇನ ಧಮ್ಮೋ ಬುಜ್ಝತಿ, ಧಮ್ಮಾ ಬುಜ್ಝನ್ತಿ, ಬುಜ್ಝರೇ, ಬುಜ್ಝೀಯತಿ, ಬುಜ್ಝೀಯನ್ತಿ।
ಕಾರಿತೇ-ಬೋಧೇತಿ, ಬೋಧಯತಿ, ಬೋಧಾಪೇತಿ, ಬೋಧಾಪಯತಿ, ಬುಜ್ಝಾಪೇತಿ, ಬುಜ್ಝಾಪಯತಿ।
ಯುಧ-ಸಮ್ಪಹಾರೇ, ಮಲ್ಲೋ ಮಲ್ಲೇನ ಸದ್ಧಿಂ ಯುಜ್ಝತಿ, ದ್ವೇ ಸೇನಾ ಯುಜ್ಝನ್ತಿ, ದ್ವೇ ಮೇಣ್ಡಾ ಯುಜ್ಝನ್ತಿ, ದ್ವೇ ಉಸಭಾ ಯುಜ್ಝನ್ತಿ, ದ್ವೇ ಹತ್ಥಿನೋ ಯುಜ್ಝನ್ತಿ, ದ್ವೇ ಕುಕ್ಕುಟಾ ಯುಜ್ಝನ್ತಿ।
ಕಮ್ಮೇ-ಯುಜ್ಝೀಯತಿ, ಯುಜ್ಝೀಯನ್ತಿ।
ಕಾರಿತೇ-ಯೋಧೇತಿ
ವಿಧ-ತಾಳನೇ, ಸರೇನ ಮಿಗಂ ವಿಜ್ಝತಿ, ಧಮ್ಮಂ ಪಟಿವಿಜ್ಝತಿ, ಪಟಿವಿಜ್ಝನ್ತಿ।
ಕಮ್ಮೇ ಕತ್ತುಸದಿಸಮ್ಪಿ ರೂಪಂ ಹೋತಿ, ತೇನ ಧಮ್ಮೋ ಪಟಿವಿಜ್ಝತಿ, ಧಮ್ಮಾ ಪಟಿವಿಜ್ಝನ್ತಿ, ಪಟಿವಿಜ್ಝೀಯತಿ, ಪಟಿವಿಜ್ಝೀಯನ್ತಿ।
ಕಾರಿತೇ-ವೇಧೇತಿ, ವೇಧಯತಿ, ಪಟಿವೇಧೇತಿ, ಪಟಿವೇಧಯತಿ, ಇಚ್ಚಾದಿ।
ಸಿಧ-ಸಂಸಿದ್ಧಿಯಂ, ಸಿಜ್ಝತಿ, ಸಿಜ್ಝನ್ತಿ, ಸಿಜ್ಝರೇ।
ಕಾರಿತೇ ಮಹಾವುತ್ತಿನಾ ಇಸ್ಸ ಆತ್ತಂ, ಸಾಧೇತಿ, ಸಾಧಯತಿ, ಸಾಧೇನ್ತಿ, ಸಾಧಯನ್ತಿ।
ಕಮ್ಮೇ-ಸಾಧೀಯತಿ, ಸಾಧೀಯನ್ತಿ ಇಚ್ಚಾದಿ।
ಸುಧ-ಸುದ್ಧಿಯಂ, ಸುಜ್ಝತಿ, ಸುಜ್ಝನ್ತಿ, ವಿಸುಜ್ಝತಿ, ಪರಿಸುಜ್ಝತಿ।
ಕಾರಿತೇ-ಸೋಧೇತಿ, ಸೋಧಯತಿ।
ಮನ-ಮಞ್ಞನಾಯಂ, ಮಞ್ಞತಿ, ಅವಮಞ್ಞತಿ, ಅತಿಮಞ್ಞತಿ, ಮಞ್ಞನ್ತಿ, ಅವಮಞ್ಞನ್ತಿ, ಅತಿಮಞ್ಞನ್ತಿ ಇಚ್ಚಾದಿ।
ಹನ-ವಿಘಾತ, ಸಙ್ಘಾತೇಸು, ಹಞ್ಞತಿ, ವಿಹಞ್ಞತಿ, ಹಞ್ಞನ್ತಿ, ವಿಹಞ್ಞನ್ತಿ ಇಚ್ಚಾದಿ।
ಕುಪ-ಕೋಪೇ, ಪರೋ ಪರಸ್ಸ ಕುಪ್ಪತಿ, ಕುಚ್ಛಿವಾತೋ ಕುಪ್ಪತಿ, ರೋಗೋ ಕುಪ್ಪತಿ, ಪಟಿಕುಪ್ಪತಿ, ತೇಜೋಧಾತು ಪಕುಪ್ಪತಿ
ಕಾರಿತೇ-ಕೋಪೇತಿ, ಕೋಪಯತಿ ಇಚ್ಚಾದಿ।
ದೀಪ-ದಿತ್ತಿಯಂ, ದಿಪ್ಪತಿ, ದಿಪ್ಪನ್ತಿ, ಪುರೇ ಅಧಮ್ಮೋ ದಿಪ್ಪತಿ
ಕಮ್ಮೇ-ದೀಪೀಯತಿ, ದೀಪೀಯನ್ತಿ।
ಕಾರಿತೇ ಗರುಪನ್ತತ್ತಾ ನ ವುದ್ಧಿ, ದೀಪೇತಿ, ದೀಪಯತಿ, ದೀಪೇನ್ತಿ, ದೀಪಯನ್ತಿ ಇಚ್ಚಾದಿ।
ಲುಪ-ಅದಸ್ಸನೇ
ಕಾರಿತೇ-ಲೋಪೇತಿ, ಲೋಪಯತಿ ಇಚ್ಚಾದಿ।
ವಪ-ಬೀಜನಿಕ್ಖೇಪೇ, ವಪ್ಪತಿ, ವಪ್ಪನ್ತಿ ಇಚ್ಚಾದಿ।
ಸುಪ-ಸುಪ್ಪನೇ, ಸುಪ್ಪತಿ, ಸುಪ್ಪನ್ತಿ।
ಮಹಾವುತ್ತಿನಾ ಆದಿವುದ್ಧಿ, ಸೋಪ್ಪತಿ, ಸೋಪ್ಪನ್ತಿ।
ಸಮು-ಉಪಸಮೇ ನಿವಾಸೇ ಚ, ಸಮ್ಮತಿ, ವಿಸಮ್ಮತಿ, ಉಪಸಮ್ಮತಿ, ವೂಪಸಮ್ಮತಿ, ಅಸ್ಸಮೇ ಸಮ್ಮತಿ, ಯತ್ಥ ಸಮ್ಮತಿ ತೇಮಿಯೋ
ದಿವು-ಕೀಳಾಯಂ ವಿಜಿಗೀಸಾಯಂ ಬ್ಯವಹಾರೇ ಥುತಿ, ಕನ್ತಿ, ಗತಿ, ಸತ್ತೀಸು ಚ, ‘ತವಗ್ಗವರಣಾನಂ ಯೇ ಚವಗ್ಗಬಯಞಾ’ತಿ ಯಮ್ಹಿ ವಸ್ಸ ಬತ್ತಂ, ‘ವಗ್ಗಲಸೇಹಿ ತೇ’ತಿ ಯಸ್ಸ ಬತ್ತಂ, ದಿಬ್ಬತಿ, ದಿಬ್ಬನ್ತಿ ಇಚ್ಚಾದಿ।
ಸಿವು-ಸಂಸಿಬ್ಬನೇ, ಸಿಬ್ಬತಿ, ಸಿಬ್ಬನ್ತಿ, ಸಿಬ್ಬೇಯ್ಯ ವಾ ಸಿಬ್ಬಾಪೇಯ್ಯ ವಾ
ತಸ-ಸನ್ತಾಸೇ, ತಸ್ಸತಿ।
ಮಹಾವುತ್ತಿನಾ ತಸ್ಸ ತ್ರತ್ತಂ, ಉತ್ರಸ್ಸತಿ, ಉಬ್ಬಿಜ್ಜತೀತಿ ಅತ್ಥೋ। ತಸ್ಸತಿ, ಪರಿತಸ್ಸತಿ, ಪಿಪಾಸತೀತಿ ಅತ್ಥೋ।
ಕಾರಿತೇ-ತಾಸೇತಿ, ತಾಸಯತಿ ಇಚ್ಚಾದಿ।
ತುಸ-ಪೀತಿಮ್ಹಿ, ತುಸ್ಸತಿ, ಸನ್ತುಸ್ಸತಿ।
ಕಮ್ಮೇಪಿ-ತುಸ್ಸತಿ, ಸನ್ತುಸ್ಸತಿ, ತುಸ್ಸೀಯತಿ।
ಕಾರಿತೇ-ತೋಸೇತಿ, ತೋಸಯತಿ ಇಚ್ಚಾದಿ।
ದಿಸ-ಪಞ್ಞಾಯನೇ, ದಿಸ್ಸತಿ, ಪದಿಸ್ಸತಿ, ಸನ್ದಿಸ್ಸತಿ। ದಿಸ್ಸನ್ತಿ ಬಾಲಾ ಅಬ್ಯತ್ತಾ
ದುಸ-ಪಟಿಘಾತೇ
ಕಾರಿತೇ ದೀಘೋ, ದೂಸೇತಿ, ದೂಸಯತಿ।
ಕಮ್ಮೇ-ದೂಸೀಯತಿ ಇಚ್ಚಾದಿ।
ಸಿಸ-ಅಸಬ್ಬಯೋಗೇ, ಸಿಸ್ಸತಿ, ಅವಸಿಸ್ಸತಿ। ಸರೀರಾನಿ ಅವಸಿಸ್ಸನ್ತಿ।
ಕಾರಿತೇ-ಸೇಸೇತಿ, ಸೇಸಯತಿ ಇಚ್ಚಾದಿ।
ಸುಸ-ಸುಸ್ಸನೇ, ಸುಸ್ಸತಿ। ಅಟ್ಠಿ ಚ ನ್ಹಾರು ಚ ಚಮ್ಮಞ್ಚ ಅವಸಿಸ್ಸತು, ಉಪಸುಸ್ಸತು ಮೇ ಸರೀರೇ ಮಂಸಲೋಹಿತಂ
ದಹ-ದಾಹೇ, ಹ, ಯಾನಂ ವಿಪರಿಯಾಯೋ, ದಯ್ಹತಿ, ದಯ್ಹನ್ತಿ, ಏಕಚಿತಕಮ್ಹಿ ದಯ್ಹರೇ।
ಕಾರಿತೇ-ದಾಹೇತಿ, ದಾಹಯತಿ ಇಚ್ಚಾದಿ।
ನಹ-ಬನ್ಧನೇ, ಸನ್ನಯ್ಹತಿ, ಸನ್ನಯ್ಹನ್ತಿ ಇಚ್ಚಾದಿ।
ಮುಹ-ಮುಯ್ಹನೇ, ಮುಯ್ಹತಿ, ಸಮ್ಮುಯ್ಹತಿ, ಸಮ್ಮುಯ್ಹಾಮಿ, ಪಮುಯ್ಹಾಮಿ। ಸಬ್ಬಾ ಮುಯ್ಹನ್ತಿ ಮೇ ದಿಸಾ
ಕಾರಿತೇ-ಮೋಹೇತಿ, ಮೋಹಯತಿ ಇಚ್ಚಾದಿ।
ದಿವಾದಿಗಣೋ ನಿಟ್ಠಿತೋ।
ಸ್ವಾದಿಗಣ
ಅಥ ಸ್ವಾದಿಗಣೋ ವುಚ್ಚತೇ।
ಗಿ, ಚಿ, ಮಿ, ವು, ಸು, ಹಿ, ಆಪ, ಸಕ।
‘ಕಾ’ತಿ ವತ್ತತೇ।
೬೬೫. ಸ್ವಾದಿತೋ ಕ್ಣೋ
ಸ್ವಾದೀಹಿ
೬೬೬. ನ ತೇ ಕಾನುಬನ್ಧನಾಗಮೇಸು।
ಇವಣ್ಣು’ವಣ್ಣಾನಂ ಅಕಾರಸ್ಸ ಚ ತೇ ಏ, ಓ, ಆ ನ ಹೋನ್ತಿ ಕಾನುಬನ್ಧನಾಗಮೇಸು ಪರೇಸೂತಿ ವುದ್ಧಿಪಟಿಸೇಧೋ।
ಸುಣಾತಿ, ಸುಣೋತಿ।
ಗಿ-ಸದ್ದೇ, ಗಿಣಾತಿ, ಗಿಣೋತಿ, ಅನುಗಿಣಾತಿ, ಪಟಿಗಿಣಾತಿ।
ಪುಬ್ಬಸ್ಸರಲೋಪೋ, ಅನುಗಿಣನ್ತಿ, ಪಟಿಗಿಣನ್ತಿ।
ಚಿ-ಚಯೇ, ಮಹಾವುತ್ತಿನಾ ಣಸ್ಸ ನತ್ತಂ, ವಡ್ಢಕೀ ಪಾಕಾರಂ ಚಿನಾತಿ, ಚಿನೋತಿ, ಆಚಿನಾತಿ, ಆಚಿನೋತಿ, ಅಪಚಿನಾತಿ, ಅಪಚಿನೋತಿ, ವಿದ್ಧಂಸೇತೀತಿ ಅತ್ಥೋ।
ಪುಬ್ಬಸ್ಸರಲೋಪೋ, ಚಿನನ್ತಿ, ಆಚಿನನ್ತಿ, ಅಪಚಿನನ್ತಿ।
ಕಮ್ಮೇ-ಚೀಯತಿ, ಆಚೀಯತಿ, ಅಪಚೀಯತಿ, ಚಿನೀಯತಿ, ಆಚಿನೀಯತಿ, ಅಪಚಿನೀಯತಿ।
ಕಾರಿತೇ-ಚಯಾಪೇತಿ, ಚಯಾಪಯತಿ, ಚಿನಾಪೇತಿ, ಚಿನಾಪಯತಿ ಇಚ್ಚಾದಿ।
ಮಿ-ಪಕ್ಖೇಪೇ, ಮಿಣಾತಿ, ಮಿಣೋತಿ, ಮಿನಾತಿ, ಮಿನೋತಿ ವಾ।
ವು-ಸಂವರಣೇ, ಸಂವುಣಾತಿ, ಸಂವುಣೋತಿ, ಆವುಣಾತಿ, ಆವುಣೋತಿ।
ಸು-ಸವನೇ, ಸುಣಾತಿ, ಸುಣೋತಿ, ಸುಣನ್ತಿ, ಸುಣಾಸಿ, ಸುಣೋಸಿ।
ರಸ್ಸತ್ತೇ-ಸುಣಸಿ
ಕಮ್ಮೇ ‘ದೀಘೋ ಸರಸ್ಸಾ’ತಿ ಕ್ಯಮ್ಹಿ ದೀಘೋ, ಸೂಯತಿ, ಸುಯ್ಯತಿ, ಸೂಯನ್ತಿ, ಸುಯ್ಯನ್ತಿ, ಸುಣೀಯತಿ, ಸುಣೀಯನ್ತಿ।
ಕಾರಿತೇ-ಸಾವೇತಿ, ಅನುಸಾವೇತಿ, ಸಾವಯತಿ, ಅನುಸಾವಯತಿ, ಸುಣಾಪೇತಿ, ಸುಣಾಪಯತಿ।
ಕಮ್ಮೇ-ಸಾವೀಯತಿ, ಅನುಸಾವೀಯತಿ।
ಸುಣಾತು, ಸುಣನ್ತು, ಸುಯ್ಯತು, ಸುಯ್ಯನ್ತು, ಸಾವೇತು, ಸಾವೇನ್ತು, ಸುಣೇ, ಸುಣೇಯ್ಯ, ಸುಣೇಯ್ಯುಂ, ಸೂಯೇಯ್ಯ, ಸುಯ್ಯೇಯ್ಯ, ಸೂಯೇಯ್ಯುಂ, ಸುಯ್ಯೇಯುಂ, ಸಾವೇಯ್ಯ, ಸಾವೇಯ್ಯುಂ।
ಈಆದಿಮ್ಹಿ-ಅಸುಣಿ, ಸುಣಿ।
೬೬೭. ತೇಸು ಸುತೋ ಕ್ಣೋಕ್ಣಾನಂ ರೋಟ
ತೇಸು ಈಆದೀಸು ಸ್ಸಕಾರವನ್ತೇಸು ಚ ವಚನೇಸು ಸುಧಾತುತೋ ಪರೇಸಂ ಕ್ಣೋ, ಕ್ಣಾನಂ ರೋಟ ಹೋತಿ, ರಾನುಬನ್ಧೋ ಸಬ್ಬಾದೇಸದೀಪನತ್ಥೋ। ‘ರಾನುಬನ್ಧೇನ್ತಸರಾದಿಸ್ಸಾ’ತಿ ಸುತ್ತೇನ ಆದಿಸರಸ್ಸ ಲೋಪೋ, ದ್ವಿತ್ತಂ।
ಅಸ್ಸೋಸಿ, ಅಸ್ಸೋಸುಂ, ಅಸ್ಸೋಸಿ, ಅಸ್ಸೋಸಿತ್ಥ, ಅಸ್ಸೋಸಿಂ, ಅಸ್ಸೋಸಿಮ್ಹಾ, ಅಸ್ಸೋಸುಮ್ಹಾ, ಅಸ್ಸೋಸಿತ್ಥ ಇಚ್ಚಾದಿ।
ಸ್ಸತ್ಯಾದಿಮ್ಹಿ-ಸುಣಿಸ್ಸತಿ, ಸೋಸ್ಸತಿ, ಸುಣಿಸ್ಸನ್ತಿ, ಸೋಸ್ಸನ್ತಿ, ಸುಣಿಸ್ಸಸಿ, ಸೋಸ್ಸಸಿ, ಸುಣಿಸ್ಸಥ, ಸೋಸ್ಸಥ, ಸುಣಿಸ್ಸಾಮಿ, ಸೋಸ್ಸಾಮಿ, ಸುಣಿಸ್ಸಾಮ, ಸೋಸ್ಸಾಮ। ಏವಂ ಪರಛಕ್ಕೇ।
ಸ್ಸಾದಿಮ್ಹಿ-ಅಸುಣಿಸ್ಸಾ, ಅಸೋಸ್ಸಾ, ಅಸುಣಿಸ್ಸಂಸು, ಸೋಸ್ಸಂಸು ಇಚ್ಚಾದಿ।
ಪಪುಬ್ಬೋ
ಈಆದಿಮ್ಹಿ-ದೂತಂ ಪಹಿಣಿ, ಪಹಿಣಿಂಸು, ‘ಕ್ವಚಿ ವಿಕರಣಾನ’ನ್ತಿ ವಿಕರಣಲೋಪೋ, ಮಹಾವುತ್ತಿನಾ ಪಸ್ಸ ದೀಘೋ, ದೂತಂ ಪಾಹೇಸಿ
ಆಪ-ಪಾಪುಣನೇ ಪಪುಬ್ಬೋ –
೬೬೮. ಸಕಾಪಾನಂ ಕುಕ್ಕು ಕ್ಣೇ
ಸಕ, ಆಪಧಾತೂನಂ ಕಾನುಬನ್ಧಾ ಕುಕಾರ, ಉಕಾರಾ ಕಮೇನ ಆಗಮಾ ಹೋನ್ತಿ ಕ್ಣಮ್ಹಿ ಪಚ್ಚಯೇ।
ಪಾಪುಣೋತಿ, ಪಾಪುಣನ್ತಿ, ಸಮ್ಪಾಪುಣನ್ತಿ।
ಪರಿಪುಬ್ಬೋ ಪರಿಯತ್ತಿಯಂ, ಪರಿಯಾಪುಣಾತಿ, ಪರಿಯಾಪುಣನ್ತಿ।
ಸಂಪುಬ್ಬೋ-ಸಮಾಪುಣಾತಿ, ಪರಿಸಮಾಪುಣಾತಿ, ನಿಟ್ಠಾನಂ ಗಚ್ಛತೀತಿ ಅತ್ಥೋ।
ಕ್ಣೇತಿ ಕಿಂ? ಪಪ್ಪೋತಿ।
ಕಮ್ಮೇ-ಪಾಪೀಯತಿ, ಪಾಪೀಯನ್ತಿ।
ಕಾರಿತೇ-ಪಾಪೇತಿ, ಪಾಪಯತಿ, ಪಾಪೇನ್ತಿ, ಪಾಪಯನ್ತಿ।
ಕಮ್ಮೇ-ಪಾಪೀಯತಿ, ಪಾಪೀಯನ್ತಿ।
ಈಆದಿಮ್ಹಿ-ಪಾಪುಣಿ, ಪಾಪುಣಿಂಸು ಇಚ್ಚಾದಿ।
ಸಕ-ಸತ್ತಿಯಂ, ಸಕ್ಕುಣೋತಿ, ಸಕ್ಕುಣಾತಿ।
ಕ್ಣೇತಿ ಕಿಂ? ಸಕ್ಕೋತಿ, ಸಕ್ಕುಣನ್ತಿ।
ಈಆದಿಮ್ಹಿ-ಅಸಕ್ಕುಣಿ, ಸಕ್ಕುಣಿ, ಅಸಕ್ಕುಣಿಂಸು, ಸಕ್ಕುಣಿಂಸು।
೬೬೯. ಸಕಾ ಕ್ಣಾಸ್ಸ ಖೋ ಈಆದೋ
ಸಕಮ್ಹಾ
ಅಸಕ್ಖಿ, ಸಕ್ಖಿ, ಅಸಕ್ಖಿಂಸು, ಸಕ್ಖಿಂಸು ಇಚ್ಚಾದಿ।
೬೭೦. ಸ್ಸೇ ವಾ
ಸಕಮ್ಹಾ ಪರಸ್ಸ ಕ್ಣಸ್ಸ ಖೋ ಹೋತಿ ವಾ ಸ್ಸೇ ಪರೇ।
ಸಕ್ಖಿಸ್ಸತಿ, ಸಕ್ಕುಣಿಸ್ಸತಿ, ಸಕ್ಖಿಸ್ಸನ್ತಿ, ಸಕ್ಕುಣಿಸ್ಸನ್ತಿ, ಸಕ್ಖಿಸ್ಸಸಿ, ಸಕ್ಖಿಸ್ಸಥ, ಸಕ್ಖಿಸ್ಸಾಮಿ, ಸಕ್ಖಿಸ್ಸಾಮ, ಸಕ್ಕುಣಿಸ್ಸಾಮ।
‘ದಕ್ಖ ಸಕ್ಖ ಹೇಹಿ ಹೋಹೀಹಿ ಲೋಪೋ’ತಿ ಸ್ಸಸ್ಸ ವಿಕಪ್ಪೇನ ಲೋಪೋ, ಸಕ್ಖಿತಿ, ಸಕ್ಖಿಸ್ಸತಿ, ಸಕ್ಖಿನ್ತಿ, ಸಕ್ಖಿಸ್ಸನ್ತಿ।
ಸ್ಸಾದಿಮ್ಹಿ-ಅಸಕ್ಖಿಸ್ಸಾ, ಸಕ್ಖಿಸ್ಸಾ, ಅಸಕ್ಕುಣಿಸ್ಸಾ, ಸಕ್ಕುಣಿಸ್ಸಾ ಇಚ್ಚಾದಿ।
ಸ್ವಾದಿಗಣೋ ನಿಟ್ಠಿತೋ।
ಕ್ಯಾದಿಗಣ
ಅಥ ಕ್ಯಾದಿಗಣೋ ವುಚ್ಚತೇ।
ಕೀ, ಜಿ, ಞಾ, ಧೂ, ಪು, ಭೂ, ಮಾ, ಮೂ, ಲೂ।
೬೭೧. ಕ್ಯಾದೀಹಿ ಕ್ಣಾ
ಕೀಇಚ್ಚಾದೀಹಿ ಕ್ರಿಯತ್ಥೇಹಿ ಪರಂ ಕತ್ತರಿ ಕಾನುಬನ್ಧೋ ಣಾಪಚ್ಚಯೋ ಹೋತಿ।
೬೭೨. ಕ್ಣಾಕ್ನಾಸು ರಸ್ಸೋ
ಏತೇಸು
ಕೀ-ದಬ್ಬವಿನಿಮಯೇ, ಕಿಣಾತಿ, ಕಿಣನ್ತಿ, ವಿಕ್ಕಿಣಾತಿ, ವಿಕ್ಕಿಣನ್ತಿ।
ಕಮ್ಮೇ-ಕೀಯತಿ, ಕಿಯ್ಯತಿ, ವಿಕ್ಕೀಯತಿ, ವಿಕ್ಕಿಯ್ಯತಿ, ವಿಕ್ಕಿಯ್ಯನ್ತಿ।
ಕಾರಿತೇ-ವಿಕ್ಕಾಯೇತಿ, ವಿಕ್ಕಾಯಯತಿ, ಕೀಣಾಪೇತಿ, ಕೀಣಾಪಯತಿ ಇಚ್ಚಾದಿ।
೬೭೩. ಜ್ಯಾದೀಹಿ ಕ್ನಾ
ಜಿಇಚ್ಚಾದೀಹಿ ಕತ್ತರಿ ಕಾನುಬನ್ಧೋ ನಾಪಚ್ಚಯೋ ಹೋತಿ।
ಜಿನಾತಿ, ಜಿನನ್ತಿ।
ಕಮ್ಮೇ-ಜೀಯತಿ, ಜಿಯ್ಯತಿ, ಜಿನೀಯತಿ, ಜಿನಿಯ್ಯತಿ।
ಕಾರಿತೇ-ಜಯಾಪೇತಿ, ಜಯಾಪಯತಿ, ಪರಾಜೇತಿ, ಪರಾಜಯತಿ, ಪರಾಜೇನ್ತಿ, ಪರಾಜಯನ್ತಿ, ಜಿನಾಪೇತಿ, ಜಿನಾಪಯತಿ, ಅಜಿನಿ, ಜಿನಿ, ಅಜಿನಿಂಸು, ಜಿನಿಂಸು, ಜಿನಿಸ್ಸತಿ, ಜಿನಿಸ್ಸನ್ತಿ ಇಚ್ಚಾದಿ।
ಞಾ-ಅವಬೋಧನೇ।
೬೭೪. ಞಾಸ್ಸ ನೇ ಜಾ
ನಾಪಚ್ಚಯೇ ಪರೇ ಞಾಸ್ಸ ಜಾ ಹೋತಿ।
ಜಾನಾತಿ, ಪಜಾನಾತಿ, ಆಜಾನಾತಿ, ಸಞ್ಜಾನಾತಿ, ವಿಜಾನಾತಿ, ಅಭಿಜಾನಾತಿ, ಪರಿಜಾನಾತಿ, ಪಟಿಜಾನಾತಿ, ಜಾನನ್ತಿ।
ಕಮ್ಮೇ-ಞಾಯತಿ, ಪಞ್ಞಾಯತಿ, ಅಞ್ಞಾಯತಿ, ಸಞ್ಞಾಯತಿ, ವಿಞ್ಞಾಯತಿ, ಅಭಿಞ್ಞಾಯತಿ, ಪರಿಞ್ಞಾಯತಿ, ಪಟಿಞ್ಞಾಯತಿ, ಞಾಯನ್ತಿ।
ಕಾರಿತೇ-ಞಾಪೇತಿ
ಕಮ್ಮೇ-ಞಾಪೀಯತಿ, ಸಞ್ಞಾಪೀಯತಿ, ಜಾನಾಪೀಯತಿ।
೬೭೫. ಞಾಸ್ಸ ಸನಾಸ್ಸ ನಾಯೋ ತಿಮ್ಹಿ
ನಾಸಹಿತಸ್ಸ ಞಾಸ್ಸ ನಾಯೋ ಹೋತಿ ತಿಮ್ಹಿ, ಸುತ್ತವಿಭತ್ತಿಯಾ ಅನ್ತಿ, ಅನ್ತೇಸು ಚ।
ನಾಯತಿ। ವಿಚೇಯ್ಯ ವಿಚೇಯ್ಯ ಅತ್ಥೇ ಪನಾಯತೀತಿ ಖೋ ಭಿಕ್ಖವೇ ವಿಪಸ್ಸೀತಿ ವುಚ್ಚತಿ
ಏಯ್ಯಾದಿಮ್ಹಿ-ಜಾನೇಯ್ಯ, ಜಾನೇಯ್ಯುಂ, ಜಾನೇಯ್ಯಾಸಿ, ಜಾನೇಯ್ಯಾಥ, ಜಾನೇಯ್ಯಾಮಿ, ಜಾನೇಯ್ಯಾಮ।
ಉತ್ತೇ-ಜಾನೇಯ್ಯಾಮು।
ಏಯ್ಯಾಮಸ್ಸ ಏಮುತ್ತೇ ‘‘ಕಥಂ ಜಾನೇಮು ತಂ ಮಯ’’ನ್ತಿ
೬೭೬. ಏಯ್ಯಸ್ಸಿಯಾಞಾ ವಾ
ಞಾತೋ ಏಯ್ಯಸ್ಸ ಇಯಾ, ಞಾ ಹೋನ್ತಿ, ವಾಸದ್ದೇನ ಏಯ್ಯುಮಾದೀನಮ್ಪಿ ಞೂ, ಞಾಸಿ, ಞಾಥ, ಞಾಮಿ, ಞಾಮಾದೇಸಾ ಹೋನ್ತಿ, ಏಯ್ಯಮಿಚ್ಚಸ್ಸ ಞಞ್ಚ।
ಜಾನಿಯಾ।
೬೭೭. ಞಾಮ್ಹಿ ಜಂ
ಞಾದೇಸೇ ಪರೇ ಸನಾಸ್ಸ ಞಾಸ್ಸ ಜಂ ಹೋತಿ।
ಜಞ್ಞಾ, ವಿಜಞ್ಞಾ।
ಸುತ್ತವಿಭತ್ತೇನ
೬೭೮. ಈಸ್ಸತ್ಯಾದೀಸು ಕ್ನಾಲೋಪೋ
ಕ್ನಾಸ್ಸ ಲೋಪೋ ಹೋತಿ ವಾ ಈಆದಿಮ್ಹಿ ಸ್ಸತ್ಯಾದಿಮ್ಹಿ ಚ।
ಅಞ್ಞಾಸಿ, ಅಬ್ಭಞ್ಞಾಸಿ, ಅಜಾನಿ, ಅಞ್ಞಾಸುಂ, ಅಞ್ಞಂಸು, ಅಬ್ಭಞ್ಞಂಸು, ಜಾನಿಂಸು, ಅಞ್ಞಾಸಿ, ಅಬ್ಭಞ್ಞಾಸಿ, ಅಜಾನಿ, ಅಞ್ಞಿತ್ಥ, ಜಾನಿತ್ಥ, ಅಞ್ಞಾಸಿಂ, ಅಬ್ಭಞ್ಞಾಸಿಂ, ಅಜಾನಿಂ, ಜಾನಿಂ, ಅಞ್ಞಾಸಿಮ್ಹಾ, ಅಜಾನಿಮ್ಹಾ, ಜಾನಿಮ್ಹಾ, ಞಾಸ್ಸತಿ, ಜಾನಿಸ್ಸತಿ, ಞಾಸ್ಸನ್ತಿ, ಜಾನಿಸ್ಸನ್ತಿ।
ಕಮ್ಮೇ-ವಿಞ್ಞಾಯಿಸ್ಸತಿ, ವಿಞ್ಞಾಯಿಸ್ಸನ್ತಿ।
೬೭೯. ಸ್ಸಸ್ಸ ಹಿ ಕಮ್ಮೇ
ಞಾತೋ ಸ್ಸಸ್ಸ ಹಿ ಹೋತಿ ವಾ ಕಮ್ಮೇ।
ಪಞ್ಞಾಯಿಹಿ। ‘‘ಪಞ್ಞಾಯಿಹಿನ್ತಿ ಏತಾ, ದಹರಾ’’ತಿ
ಧೂ-ವಿಧುನನೇ, ಕ್ನಾಮ್ಹಿ ರಸ್ಸೋ, ಧುನಾತಿ, ಧುನನ್ತಿ।
ಕಮ್ಮೇ-ಧುನೀಯತಿ, ಧುನೀಯನ್ತಿ।
ಕಾರಿತೇ-ಧುನಾಪೇತಿ, ಧುನಾಪಯತಿ।
ಪು-ಸೋಧನೇ, ಪುನಾತಿ, ಪುನನ್ತಿ।
ಭೂ-ಪತ್ತಿಯಂ, ರಸ್ಸೋ, ಅಭಿಸಮ್ಭುನಾತಿ, ಅಭಿಸಮ್ಭುನನ್ತಿ। ನಾಸ್ಸ ಣತ್ತೇ-ಅಭಿಸಮ್ಭುಣಾತಿ, ಅಭಿಸಮ್ಭುಣನ್ತಿ।
ಮಾ-ಪರಿಮಾಣೇ
ಕಮ್ಮೇ-ಉಪಮೀಯತಿ, ಉಪಮೀಯನ್ತಿ, ನಿಮ್ಮೀಯತಿ, ನಿಮ್ಮೀಯನ್ತಿ।
ಕಾರಿತೇ-ನಗರಂ ಮಾಪೇತಿ, ಮಾಪಯತಿ, ಮಾಪೀಯತಿ, ಮಾಪೀಯನ್ತಿ, ನಿಮ್ಮಿನಿ, ನಿಮ್ಮಿನಿಂಸು, ಮಾಪೇಸಿ, ಮಾಪಯಿ, ಮಾಪೇಸುಂ, ಮಾಪಯುಂ, ನಿಮ್ಮಿನಿಸ್ಸತಿ, ನಿಮ್ಮಿನಿಸ್ಸನ್ತಿ, ಮಾಪೇಸ್ಸತಿ, ಮಾಪೇಸ್ಸನ್ತಿ ಇಚ್ಚಾದಿ।
ಮೂ-ಬನ್ಧನೇ, ಮುನಾತಿ।
ಲೂ-ಛೇದನೇ, ರಸ್ಸತ್ತಂ, ಲುನಾತಿ, ಲುನನ್ತಿ।
ಕಮ್ಮೇ-ಲೂಯತಿ, ಲೂಯನ್ತಿ।
ಕಾರಿತೇ-ಲಾವಯತಿ, ಲಾವಯನ್ತಿ।
ಕಮ್ಮೇ-ಲಾವೀಯತಿ ಇಚ್ಚಾದಿ।
ಕ್ಯಾದಿಗಣೋ ನಿಟ್ಠಿತೋ।
ತನಾದಿಗಣ
ಅಥ ತನಾದಿಗಣೋ ವುಚ್ಚತೇ।
ಆಪ, ಕರ, ತನ, ಸಕ।
೬೮೦. ತನಾದಿತ್ವೋ
ತನಾದೀಹಿ ಪರಂ ಓಪಚ್ಚಯೋ ಹೋತಿ।
ತನೋತಿ।
ಆಪ-ಪಾಪುಣನೇ ಪಪುಬ್ಬೋ। ಧಾತ್ವನ್ತಸ್ಸ ದ್ವಿತ್ತಂ ರಸ್ಸೋ ಚ, ಪಪ್ಪೋತಿ, ಪಪ್ಪೋನ್ತಿ।
ಕಮ್ಮೇ-ಪಾಪೀಯತಿ, ಪಾಪೀಯನ್ತಿ।
ಕಾರಿತೇ-ಪಾಪೇತಿ, ಪಾಪಯತಿ।
ಕಮ್ಮೇ-ಪಾಪೀಯತಿ
ಕರ-ಕರಣೇ, ಕರೋತಿ, ಕರೋನ್ತಿ।
ಕಮ್ಮೇ-ಕರೀಯತಿ, ಕರೀಯನ್ತಿ।
‘ತವಗ್ಗವರಣಾನಂ ಯೇ ಚವಗ್ಗಬಯಞಾ’ತಿ ಯಮ್ಹಿ ಧಾತ್ವನ್ತಸ್ಸ ಯತ್ತಂ, ಕಯ್ಯತಿ, ಕಯ್ಯನ್ತಿ, ಕಯ್ಯರೇ, ಕಯ್ಯತೇ, ಕಯ್ಯನ್ತೇ।
ಕಾರಿತೇ-ಕಾರೇತಿ, ಕಾರಯತಿ, ಕಾರೇನ್ತಿ, ಕಾರಯನ್ತಿ, ಕಾರಾಪೇತಿ, ಕಾರಾಪಯತಿ, ಕಾರಾಪೇನ್ತಿ, ಕಾರಾಪಯನ್ತಿ।
೬೮೧. ಕರಸ್ಸ ಸೋಸ್ಸ ಕುಂ
ಓ-ಕಾರಸಹಿತಸ್ಸ ಕರಸ್ಸ ಕುಂ ಹೋತಿ ಮಿ, ಮೇಸು ಪರೇಸು।
ಕುಮ್ಮಿ, ಕುಮ್ಮ, ‘‘ಭತ್ತು ಅಪಚಿತಿಂ ಕುಮ್ಮಿ
೬೮೨. ಕರೋತಿಸ್ಸ ಖೋ
ಪಾದಿತೋ ಪರಸ್ಸ ಕರಧಾತುಸ್ಸ ಕ್ವಚಿ ಖೋ ಹೋತಿ।
ಸಙ್ಖರೋತಿ, ಸಙ್ಖರೋನ್ತಿ, ಅಭಿಸಙ್ಖರೋತಿ, ಅಭಿಸಙ್ಖರೋನ್ತಿ।
ಕಮ್ಮೇ-ಸಙ್ಖರೀಯತಿ, ಸಙ್ಖರೀಯನ್ತಿ।
ಕಾರಿತೇ-ಸಙ್ಖಾರೇತಿ, ಸಙ್ಖಾರಯತಿ।
ಣಾಪಿಮ್ಹಿ ನ ವುದ್ಧಿ, ಸಙ್ಖರಾಪೇತಿ, ಸಙ್ಖರಾಪಯತಿ।
ಕಮ್ಮೇ-ಸಙ್ಖಾರೀಯತಿ, ಸಙ್ಖರಾಪೀಯತಿ।
೬೮೩. ಕರಸ್ಸ ಸೋಸ್ಸ ಕುಬ್ಬಕುರುಕಯಿರಾ
ಓ-ಕಾರಸಹಿತಸ್ಸ ಕರಸ್ಸ ಕುಬ್ಬ, ಕುರು, ಕಯಿರಾ ಹೋನ್ತಿ ವಾ ನ್ತ, ಮಾನ, ತ್ಯಾದೀಸು, ಮಹಾವುತ್ತಿನಾ ವಿಕಪ್ಪೇನ ಕುಸ್ಸ ಕ್ರುತ್ತಂ।
ಕುಬ್ಬತಿ
ಪರಛಕ್ಕೇ-ಕುಬ್ಬತೇ, ಕ್ರುಬ್ಬತೇ, ಕುಬ್ಬನ್ತೇ, ಕ್ರುಬ್ಬನ್ತೇ, ಕುರುತೇ, ಕಯಿರತಿ, ಕಯಿರನ್ತಿ, ಕಯಿರಸಿ, ಕಯಿರಥ, ಕಯಿರಾಮಿ, ಕಯಿರಾಮ, ಕಯಿರತೇ, ಕಯಿರನ್ತೇ।
ಕರೋತು, ಸಙ್ಖರೋತು, ಕುಬ್ಬತು, ಕ್ರುಬ್ಬತು, ಕುರುತು, ಅಗ್ಘಂ ಕುರುತು ನೋ ಭವಂ
ಕರೇಯ್ಯ, ಸಙ್ಖರೇಯ್ಯ, ಕುಬ್ಬೇಯ್ಯ, ಕ್ರುಬ್ಬೇಯ್ಯ, ಕಯಿರೇಯ್ಯ।
೬೮೪. ಟಾ
ಕಯಿರಾದೇಸತೋ ಪರಸ್ಸ ಏಯ್ಯವಿಭತ್ತಿಸ್ಸ ಟಾನುಬನ್ಧೋ ಆ ಹೋತಿ ವಾ।
ಸೋ ಪುಞ್ಞಂ ಕಯಿರಾ, ಪುಞ್ಞಂ ಚೇ ಪುರಿಸೋ ಕಯಿರಾ
೬೮೫. ಕಯಿರೇಯ್ಯಸ್ಸೇಯ್ಯುಮಾದೀನಂ
ಕಯಿರಾದೇಸತೋ ಪರಸ್ಸ ಏಯ್ಯುಂಆದೀನಂ ಏಯ್ಯಸದ್ದಸ್ಸ ಲೋಪೋ ಹೋತಿ।
ಕಯಿರುಂ, ಕಯಿರೇಯ್ಯುಂ, ಕಯಿರಾಸಿ, ಕಯಿರೇಯ್ಯಾಸಿ, ಕಯಿರಾಥ, ಕಯಿರೇಯ್ಯಾಥ, ಕಯಿರಾಮಿ, ಕಯಿರೇಯ್ಯಾಮಿ, ಕಯಿರಾಮ, ಕಯಿರೇಯ್ಯಾಮ।
೬೮೬. ಏಥಸ್ಸಾ
ಕಯಿರಾದೇಸತೋ ಪರಸ್ಸ ಏಥಸ್ಸ ಏ-ಕಾರಸ್ಸ ಆ ಹೋತಿ ವಾ।
ಸೋ
ಈಆದಿಮ್ಹಿ-ಅಕರಿ, ಕರಿ, ಸಙ್ಖರಿ, ಅಭಿಸಙ್ಖರಿ, ಅಕುಬ್ಬಿ, ಕುಬ್ಬಿ, ಅಕ್ರುಬ್ಬಿ, ಕ್ರುಬ್ಬಿ, ಅಕಯಿರಿ, ಕಯಿರಿ, ಅಕರುಂ, ಕರುಂ, ಸಙ್ಖರುಂ, ಅಭಿ, ಸಙ್ಖರುಂ, ಅಕರಿಂಸು, ಕರಿಂಸು, ಸಙ್ಖರಿಂಸು, ಅಭಿಸಙ್ಖರಿಂಸು, ಅಕುಬ್ಬಿಂಸು, ಕುಬ್ಬಿಂಸು, ಅಕ್ರುಬ್ಬಿಂಸು, ಕ್ರುಬ್ಬಿಂಸು, ಅಕಯಿರಿಂಸು, ಕಯಿರಿಂಸು, ಅಕಯಿರುಂ, ಕಯಿರುಂ।
೬೮೭. ಕಾ ಈಆದೀಸು
ಈಆದೀಸು ಸಓಕಾರಸ್ಸ ಕರಸ್ಸ ಕಾ ಹೋತಿ ವಾ।
೬೮೮. ದೀಘಾ ಈಸ್ಸ
ಆ, ಏ, ಊದೀಘೇಹಿ ಪರಸ್ಸ ಈವಚನಸ್ಸ ಸಿ ಹೋತಿ ವಾ।
ಅಟ್ಠಾಸಿ, ಅದಾಸಿ, ವದೇಸಿ, ವಜ್ಜೇಸಿ, ಭಾವೇಸಿ, ಕಾರೇಸಿಅನುಭೋಸಿ, ಅಹೋಸಿ ಇಚ್ಚಾದಿ।
ಸೋ ಅಕಾಸಿ, ತೇ ಅಕಂಸು, ಗಾಥಾಯಂ ‘‘ಅಕಂಸು ಸತ್ಥುವಚನ’’ನ್ತಿ
ಕಾರಿತೇ-ಸೋ ಕಾರೇಸಿ, ಕಾರಯಿ, ಕಾರಾಪೇಸಿ, ಕಾರಾಪಯಿ, ತೇ ಕಾರೇಸುಂ, ಕಾರಯುಂ, ಕಾರಾಪೇಸುಂ, ಕಾರಾಪಯುಂ ಇಚ್ಚಾದಿ।
ಕರಿಸ್ಸತಿ
‘‘ಹರಸ್ಸ ಚಾಹಙ ಸ್ಸೇ’ತಿ ಸ್ಸೇನ ಸಹ ಕರಸ್ಸ ರಕಾರಸ್ಸ ಆಹಙ ಹೋತಿ, ಕಾಹತಿ, ಕಾಹನ್ತಿ, ಕಥಂ ಕಾಹನ್ತಿ ದಾರಕಾ
ಇಞಾಗಮೇ-ಕಾಹಿತಿ, ಕಾಹಿನ್ತಿ ಇಚ್ಚಾದಿ। ಕಾಹಸಿ, ಕಾಹಥ। ಕಾಹಾಮಿ ಕುಸಲಂ ಬಹುಂ
‘ಆಈಆದೀಸೂ’ತಿ ಸುತ್ತೇ ಯೋಗವಿಭಾಗೇನ ಸ್ಸತ್ಯಾದೀಸುಪಿ ಕಾ ಹೋತಿ, ಸಂಯೋಗೇ ರಸ್ಸತ್ತಂ, ಕಸ್ಸತಿ, ಕಸ್ಸನ್ತಿ, ಕಸ್ಸಸಿ, ಕಸ್ಸಥ, ಕಸ್ಸಾಮಿ, ಕಸ್ಸಾಮ, ಕಸ್ಸಂ ಪುರಿಸಕಾರಿಯಂ
ಸ್ಸಾದಿಮ್ಹಿ-ಅಕಾಹಾ, ಅಕರಿಸ್ಸಾ ಇಚ್ಚಾದಿ।
ತನು-ವಿತ್ಥಾರೇ, ತನೋತಿ।
ಪರಸ್ಸರಲೋಪೋ-ತನೋನ್ತಿ।
೬೮೯. ಓವಿಕರಣಸ್ಸು ಪರಛಕ್ಕೇ
ಪರಛಕ್ಕೇ ಪರೇ ಓವಿಕರಣಸ್ಸ ಉ ಹೋತಿ।
ತನುತೇ, ತನುನ್ತೇ।
‘ಯವಾ ಸರೇ’ತಿ ಉಸ್ಸ ವತ್ತೇ-ತನ್ವನ್ತೇ।
೬೯೦. ಪುಬ್ಬಛಕ್ಕೇ ವಾ ಕ್ವಚಿ
ಪುಬ್ಬಛಕ್ಕೇ ಓವಿಕರಣಸ್ಸ ಕ್ವಚಿ ಉ ಹೋತಿ ವಾ।
ತನುತಿ, ಕುರುತು।
ಕ್ವಚೀತಿ ಕಿಂ? ಕರೋತಿ।
ವಾತಿ
ಕಮ್ಮೇ-ತನೀಯತಿ, ತಞ್ಞತಿ।
೬೯೧. ತನಸ್ಸಾ ವಾ
ತನಧಾತುಸ್ಸ ನ-ಕಾರಸ್ಸ ಆ ಹೋತಿ ವಾ ಕ್ಯಮ್ಹಿ।
ತಾಯತಿ, ತಾಯನ್ತಿ, ಪತಾಯತಿ, ಪತಾಯನ್ತಿ। ‘‘ಇತೋ’ದಾನಿ ಪತಾಯನ್ತಿ, ಸೂಚಿಯೋ ಬಲಿಸಾನಿ ಚಾ’’ತಿ
ಸಕ-ಸತ್ತಿಯಂ, ಸಕ್ಕೋತಿ, ಸಕ್ಕೋನ್ತಿ, ಸಕ್ಕೋಸಿ, ಸಕ್ಕೋಥ, ಸಕ್ಕೋಮಿ, ಸಕ್ಕೋಮ।
ತನಾದಿಗಣೋ ನಿಟ್ಠಿತೋ।
ಚುರಾದಿಗಣ
ಅಥ ಚುರಾದಿಗಣೋ ವುಚ್ಚತೇ।
ಆಪ, ಕಮು, ಗಣ, ಘಟ, ಚಿನ್ತ, ಚೇತ, ಚುರ, ಧರ, ಪಾಲ, ಪೂಜ, ಮನ್ತ, ಮಾನ, ವಿದ।
೬೯೨. ಚುರಾದೀಹಿಣಿ
ಚುರಾದೀಹಿ ಕ್ರಿಯತ್ಥೇಹಿ ಪರಂ ಸಕತ್ಥೇ ಣಿಪಚ್ಚಯೋ ಹೋತಿ।
ಚೋರೇತಿ, ಚೋರಯತಿ।
ವಿಪುಬ್ಬೋ ಆಪ-ಬ್ಯಾಪನೇ, ಬ್ಯಾಪೇತಿ, ಬ್ಯಾಪಯತಿ।
ಕಮು-ಇಚ್ಛಾಯಂ, ಕಾಮೇತಿ, ಕಾಮಯತಿ, ಕಾಮೇನ್ತಿ, ಕಾಮಯನ್ತಿ, ನಿಕಾಮೇತಿ, ನಿಕಾಮಯತಿ, ನಿಕಾಮೇನ್ತಿ, ನಿಕಾಮಯನ್ತಿ।
ಕಮ್ಮೇ-ಕಾಮೀಯತಿ, ಕಾಮೀಯನ್ತಿ।
ಕಾರಿತೇ ಣಾಪಿ ಏವ, ಕಾಮಾಪೇತಿ, ಕಾಮಾಪಯತಿ।
ಕಮ್ಮೇ-ಕಾಮಾಪೀಯತಿ
ಗಣ-ಸಙ್ಖ್ಯಾನೇ, ಗಣ, ಘಟಾನಂ ತುದಾದಿತ್ತಾ ನ ವುದ್ಧಿ, ಗಣೇತಿ, ಗಣಯತಿ।
ಘಟ-ಚೇತಾಯಂ, ಘಟೇತಿ, ಘಟಯತಿ।
ಚಿನ್ತ-ಚಿನ್ತಾಯಂ, ಗರುಪನ್ತತ್ತಾ ನ ವುದ್ಧಿ, ಚಿನ್ತೇತಿ, ಚಿನ್ತಯತಿ।
ಕಮ್ಮೇ-ಚಿನ್ತೀಯತಿ, ಚಿನ್ತೀಯನ್ತಿ।
ಕಾರಿತೇ-ಚಿನ್ತಾಪೇತಿ, ಚಿನ್ತಾಪಯತಿ।
ಕಮ್ಮೇ-ಚಿನ್ತಾಪೀಯತಿ, ಚಿನ್ತಾಪಯೀಯತಿ।
ಈಆದಿಮ್ಹಿ-ಚಿನ್ತೇಸಿ, ಚಿನ್ತಯಿ, ಚಿನ್ತೇಯುಂ, ಚಿನ್ತಯುಂ, ಚಿನ್ತೇಸಿ, ಚಿನ್ತಯಿ, ಚಿನ್ತಯಿತ್ಥ, ಚಿನ್ತೇಸಿಂ, ಚಿನ್ತಯಿಂ, ಚಿನ್ತೇಸಿಮ್ಹಾ, ಚಿನ್ತಯಿಮ್ಹಾ।
ಚೇತ-ಚೇತಾಯಂ, ಚೇತೇತಿ, ಚೇತಯತಿ, ಚೇತೇನ್ತಿ, ಚೇತಯನ್ತಿ।
ಚುರ-ಥೇಯ್ಯೇ, ಚೋರೇತಿ, ಚೋರಯತಿ, ಚೋರೇನ್ತಿ, ಚೋರಯನ್ತಿ।
ಧರ-ಧಾರಣೇ, ಧಾರೇತಿ, ಧಾರಯತಿ, ಧಾರೇನ್ತಿ, ಧಾರಯನ್ತಿ।
ಪಾಲ-ಪಾಲನೇ, ಪಾಲೇತಿ, ಪಾಲಯತಿ, ಪಾಲೇನ್ತಿ, ಪಾಲಯನ್ತಿ।
ಪೂಜ-ಪೂಜಾಯಂ, ಗರುಪನ್ತತ್ತಾ ನ ವುದ್ಧಿ, ಪೂಜೇತಿ, ಪೂಜಯತಿ, ಪೂಜೇನ್ತಿ, ಪೂಜಯನ್ತಿ।
ಮನ್ತ-ಗುತ್ತಭಾಸನೇ, ಮನ್ತೇತಿ, ಮನ್ತಯತಿ, ಮನ್ತೇನ್ತಿ, ಮನ್ತಯನ್ತಿ।
ಆಪುಬ್ಬೋ ಕಥನೇ ಆಮನ್ತನೇ ಚ। ಆಮನ್ತಯಾಮಿ ವೋ ಭಿಕ್ಖವೇ
ನಿಪುಬ್ಬೋ-ನಿಮನ್ತನೇ, ನಿಮನ್ತೇತಿ, ನಿಮನ್ತಯತಿ।
ಈಆದಿಮ್ಹಿ-ಮನ್ತೇಸಿ
ಮಾನ-ಪೂಜಾಯಂ, ಮಾನೇತಿ, ಮಾನಯತಿ, ಮಾನೇನ್ತಿ, ಮಾನಯನ್ತಿ ಇಚ್ಚಾದಿ।
ವಿದ-ಅನುಭವನೇ, ವೇದೇತಿ, ವೇದಯತಿ, ಪಟಿಸಂವೇದೇತಿ, ಪಟಿಸಂವೇದಯತಿ।
ಪಟಿ, ನಿ, ಪಪುಬ್ಬೋ ಆಚಿಕ್ಖನೇ, ಪಟಿವೇದೇತಿ, ಪಟಿವೇದಯತಿ, ನಿವೇದೇತಿ, ನಿವೇದಯತಿ, ಪವೇದೇತಿ, ಪವೇದಯತಿ ಇಚ್ಚಾದಿ।
ಚುರಾದಿಗಣೋ ನಿಟ್ಠಿತೋ।
ವಿಕರಣಪಚ್ಚಯರಾಸಿ ನಿಟ್ಠಿತೋ।
ಸಾಮಞ್ಞ ಖ, ಛ, ಸರಾಸಿ
ಅಥ ಧಾತುಪಚ್ಚಯಾ ವುಚ್ಚನ್ತೇ।
ಕ್ರಿಯಾವಾಚೀಭಾವೇನ ಧಾತುರೂಪಾ ಪಚ್ಚಯಾ ಧಾತುಪಚ್ಚಯಾ, ಕ್ರಿಯತ್ಥಪಚ್ಚಯಾತಿ ವುತ್ತಂ ಹೋತಿ, ತಸ್ಮಾ ತೇಹಿಪಿ ಸಬ್ಬೇಸಂ ತ್ಯಾದಿ, ತಬ್ಬಾದಿವಿಭತ್ತಿ, ಪಚ್ಚಯಾನಂ ಸಮ್ಭವೋ।
ತಿಜ, ಮಾನ, ಕಿತ, ಗುಪ, ಬಧ।
೬೯೩. ತಿಜಮಾನೇಹಿ ಖಸಾ ಖಮಾವೀಮಂಸಾಸು
ಖಮಾಯಂ ವೀಮಂಸಾಯಞ್ಚ ಪವತ್ತೇಹಿ ತಿಜ, ಮಾನಧಾತೂಹಿ ಪರಂ ಕಮೇನ ಖ, ಸಪಚ್ಚಯಾ ಹೋನ್ತಿ।
ತಿಜ-ಖಮಾಯಂ, ಇಮಿನಾ ಖಪಚ್ಚಯೋ।
೬೯೪. ಖಛಸಾನಮೇಕಸ್ಸರಂ ದ್ವೇ
ಖ
ತಿತಿಕ್ಖತಿ, ತಿತಿಕ್ಖನ್ತಿ।
ಕಮ್ಮೇ-ತಿತಿಕ್ಖೀಯತಿ।
ಕಾರಿತೇ-ತಿತಿಕ್ಖೇತಿ, ತಿತಿಕ್ಖಯತಿ, ತಿತಿಕ್ಖಾಪೇತಿ, ತಿತಿಕ್ಖಾಪಯತಿ।
ಕಮ್ಮೇ-ತಿತಿಕ್ಖಾಪೀಯತಿ, ತಿತಿಕ್ಖಾಪೀಯನ್ತಿ।
ತಿತಿಕ್ಖತು, ತಿತಿಕ್ಖನ್ತು, ತಿತಿಕ್ಖೇಯ್ಯ, ತಿತಿಕ್ಖೇಯ್ಯುಂ ಇಚ್ಚಾದಿ।
ಖಮಾಯನ್ತಿ ಕಿಂ? ತಿಜ-ನಿಸಾನೇ, ತೇಜೇತಿ, ತೇಜೇನ್ತಿ।
ಕಾರಿತೇ-ತೇಜೇತಿ। ‘‘ಸಮುತ್ತೇಜೇತಿ ಸಮ್ಪಹಂಸೇತೀ’’ತಿ
ಮಾನ-ವೀಮಂಸಾಯಂ, ತತೋ ಸಪಚ್ಚಯೋ। ‘ಖಛಸಾನಮೇಕಸ್ಸರಂ ದ್ವೇ’ತಿ ‘ಮಾನ, ಮಾನ’ಇತಿ ದ್ವಿರೂಪೇ ಕತೇ –
೬೯೫. ಮಾನಸ್ಸ ವೀ ಪರಸ್ಸ ಚ ಮಂ
ದ್ವಿತ್ತೇ ಪುಬ್ಬಸ್ಸ ಮಾನಸ್ಸ ವೀ ಹೋತಿ, ಪರಸ್ಸ ಚ ಸಬ್ಬಸ್ಸ ಮಾನಸ್ಸ ಮಂ ಹೋತಿ।
ವೀಮಂಸತಿ, ವೀಮಂಸನ್ತಿ।
ಕಮ್ಮೇ-ವೀಮಂಸೀಯತಿ
ಕಾರಿತೇ-ವೀಮಂಸೇತಿ, ವೀಮಂಸಯತಿ, ವೀಮಂಸಾಪೇತಿ, ವೀಮಂಸಾಪಯತಿ।
ಕಮ್ಮೇ-ವೀಮಂಸಾಪೀಯತಿ, ವೀಮಂಸಾಪೀಯನ್ತಿ।
ವೀಮಂಸಾಯನ್ತಿ ಕಿಂ? ಮಾನ-ಪೂಜಾಯಂ, ಮಾನೇತಿ, ಸಮ್ಮಾನೇತಿ, ಅಭಿಮಾನೇತಿ, ಪೂಜೇತೀತಿ ಅತ್ಥೋ।
ಕಿತ-ರೋಗಾಪನಯನೇ ಸಂಸಯೇ ಚ।
೬೯೬. ಕಿತಾ ತಿಕಿಚ್ಛಾಸಂಸಯೇಸು ಛೋ
ತಿಕಿಚ್ಛಾಯಂ ಸಂಸಯೇ ಚ ಪವತ್ತಕಿತಧಾತುತೋ ಪರಂ ಛೋ ಹೋತಿ।
‘ಕಿತ, ಕಿತ’ ಇತಿ ದ್ವಿರೂಪೇ ಕತೇ –
೬೯೭. ಕಿತಸ್ಸಾಸಂಸಯೇತಿ ವಾ
ಸಂಸಯಮ್ಹಾ ಅಞ್ಞಸ್ಮಿಂ ತಿಕಿಚ್ಛತ್ಥೇ ಪವತ್ತಸ್ಸ ಕಿತಧಾತುಸ್ಸ ದ್ವಿತ್ತೇ ಪುಬ್ಬಸ್ಸ ಕಿತಸ್ಸತಿ ಹೋತಿ ವಾ। ‘ಪರರೂಪಮಯಕಾರೇ ಬ್ಯಞ್ಜನೇ’ತಿ ಪರರೂಪತ್ತಂ, ಸಂಯೋಗಾದಿಸ್ಸ ಚಕಾರತ್ತಂ।
ತಿಕಿಚ್ಛತಿ, ತಿಕಿಚ್ಛನ್ತಿ। ದೇವಾಪಿ ನಂ ತಿಕಿಚ್ಛನ್ತಿ, ಮಾತಾಪೇತ್ತಿಭರಂ ನರಂ
ಕಮ್ಮೇ-ತಿಕಿಚ್ಛೀಯತಿ, ತಿಕಿಚ್ಛೀಯನ್ತಿ।
ಕಾರಿತೇ-ತಿಕಿಚ್ಛೇತಿ, ತಿಕಿಚ್ಛಯತಿ, ತಿಕಿಚ್ಛಾಪೇತಿ, ತಿಕಿಚ್ಛಾಪಯತಿ।
ವಾಸದ್ದೇನ ತಿಕಾರಾಭಾವೇ ‘ಕವಗ್ಗಹಾನಂ ಚವಗ್ಗಜಾ’ತಿ ದ್ವಿತ್ತೇ ಪುಬ್ಬಸ್ಸ ಚವಗ್ಗೋ, ಚಿಕಿಚ್ಛತಿ, ಚಿಕಿಚ್ಛನ್ತಿ, ಚಿಕಿಚ್ಛೀಯತಿ, ಚಿಕಿಚ್ಛೀಯನ್ತಿ।
ಅಸಂಸಯೇತಿ
ತಿಕಿಚ್ಛತ್ಥ, ಸಂಸಯತ್ಥತೋ ಅಞ್ಞಸ್ಮಿಂ ಅತ್ಥೇ –
ಕಿತ-ಞಾಣೇ ನಿವಾಸೇ ಚ, ಕೇತತಿ, ಸಂಕೇತತಿ, ನಿಕೇತತಿ।
ಗುಪ-ನಿನ್ದಾಯಂ।
೬೯೮. ನಿನ್ದಾಯಂ ಗುಪಬಧಾ ಬಸ್ಸ ಭೋ ಚ
ನಿನ್ದಾಯಂ ಪವತ್ತೇಹಿ ಗುಪ, ಬಧೇಹಿ ಪರಂ ಛಪಚ್ಚಯೋ ಹೋತಿ, ಬಸ್ಸ ಚ ಭೋ ಹೋತಿ। ದ್ವಿರೂಪೇ ಕತೇ ಅನಾದಿಬ್ಯಞ್ಜನಲೋಪೋ।
೬೯೯. ಗುಪಿಸ್ಸಿ
ಗುಪಿಸ್ಸ ದ್ವಿತ್ತೇ ಪುಬ್ಬಸ್ಸ ಉ-ಕಾರಸ್ಸ ಇ ಹೋತಿ। ಗಸ್ಸ ಚವಗ್ಗತ್ತಂ, ಧಾತ್ವನ್ತಸ್ಸ ಪರರೂಪತ್ತಂ, ಸಂಯೋಗಾದಿಸ್ಸ ಪಠಮತ್ತಂ।
ಜಿಗುಚ್ಛತಿ, ಜಿಗುಚ್ಛನ್ತಿ।
ಕಮ್ಮೇ-ಜಿಗುಚ್ಛೀಯತಿ, ಜಿಗುಚ್ಛೀಯನ್ತಿ।
ಕಾರಿತೇ-ಜಿಗುಚ್ಛೇತಿ, ಜಿಗುಚ್ಛಯತಿ, ಜಿಗುಚ್ಛಾಪೇತಿ, ಜಿಗುಚ್ಛಾಪಯತಿ। ಜಿಗುಚ್ಛತು, ಜಿಗುಚ್ಛನ್ತು ಇಚ್ಚಾದಿ।
ನಿನ್ದಾಯನ್ತಿ ಕಿಂ? ಗುಪ-ಸಂವರಣೇ, ಗೋಪೇತಿ, ಗೋಪಯತಿ।
ಬಧ-ನಿನ್ದಾಯಂ, ದ್ವಿರೂಪಾದಿಮ್ಹಿ ಕತೇ –
೭೦೦. ಖಛಸೇಸ್ಸಿ
ದ್ವಿತ್ತೇ ಪುಬ್ಬಸ್ಸ ಅಸ್ಸ ಇ ಹೋತಿ ಖ, ಛ, ಸೇಸೂತಿ ಅಸ್ಸ ಇತ್ತಂ, ಪರಬಕಾರಸ್ಸ ಚ ಭತ್ತಂ, ಧಾತ್ವನ್ತಸ್ಸ ಪರರೂಪಾದಿ।
ಬಿಭಚ್ಛತಿ, ವಿರೂಪೋ ಹೋತೀತಿ ಅತ್ಥೋ। ಬಿಭಚ್ಛನ್ತಿ।
ನಿನ್ದಾಯನ್ತಿ
ಕಮ್ಮೇ-ಬಾಧೀಯತಿ, ಬಾಧೀಯನ್ತಿ, ಬಜ್ಝತಿ, ಬಜ್ಝನ್ತಿ।
ಇತಿ ಸಾಮಞ್ಞ ಖ, ಛ, ಸರಾಸಿ।
ತುಮಿಚ್ಛತ್ಥೇ ಖಛಸರಾಸಿ
೭೦೧. ತುಂಸ್ಮಾ ಲೋಪೋ ಚಿಚ್ಛಾಯಂ ತೇ
ತುಮನ್ತೇಹಿ ಇಚ್ಛತ್ಥೇ ತೇ ಖ, ಛ, ಸಾ ಹೋನ್ತಿ, ತುಂಪಚ್ಚಯಸ್ಸ ಚ ಲೋಪೋ ಹೋತಿ। ಇದಞ್ಚ ಸುತ್ತಂ ತುಮಿಚ್ಛತ್ಥಸಮ್ಭವೇ ಸತಿ ಸಬ್ಬಧಾತುಪದೇಹಿಪಿ ಖ, ಛ, ಸಾನಂ ಪವತ್ತಿದೀಪನತ್ಥಂ। ತೇನ ತುಮಿಚ್ಛತ್ಥೇ ಸ, ಛಪಚ್ಚಯೇ ಕತ್ವಾ ‘ಊ ಬ್ಯಞ್ಜನಸ್ಸಾ’ತಿ ಸ, ಛಾನಂ ಆದಿಮ್ಹಿ ಈಆಗಮಂ ಕತ್ವಾ ‘‘ಅಪುತ್ತಂ ಪುತ್ತಮಿವ ಆಚರಿತುಂ ಇಚ್ಛತಿ ಪುತ್ತೀಯೀಸತಿ, ಪಬ್ಬತೋ ವಿಯ ಅತ್ತಾನಂ ಆಚರಿತುಂ ಇಚ್ಛತಿ ಪಬ್ಬತಾಯೀಸತಿ, ದಾತುಂ ಇಚ್ಛತಿ ದಿಚ್ಛತಿ’’ ಇಚ್ಚಾದೀನಿ ಸಿಜ್ಝನ್ತಿ।
ಭುಜ, ಘಸ, ಹನ, ಜಿ, ಹರ, ಪಾ, ಸು।
ಭುಞ್ಜಿತುಂ ಇಚ್ಛತೀತಿ ಅತ್ಥೇ-ಭುಜತೋ ಖಪಚ್ಚಯೋ, ತುಂಪಚ್ಚಯಲೋಪೋ, ದ್ವಿತ್ತಂ, ಪುಬ್ಬಸ್ಸ ಅನಾದಿಲೋಪೋ, ಪರರೂಪತ್ತೇ ಸಂಯೋಗಾದಿಸ್ಸ ಪಠಮತ್ತಂ, ಪುಬ್ಬಸ್ಸ ಭಸ್ಸ ಬತ್ತಂ, ಬುಭುಕ್ಖತಿ, ಬುಭುಕ್ಖನ್ತಿ, ಬುಭುಕ್ಖೀಯತಿ, ಬುಭುಕ್ಖೀಯನ್ತಿ, ಬುಭುಕ್ಖೇತಿ, ಬುಭುಕ್ಖಯತಿ, ಬುಭುಕ್ಖಾಪೇತಿ, ಬುಭುಕ್ಖಾಪಯತಿ, ಬುಭುಕ್ಖಾಪೀಯತಿ, ಬುಭುಕ್ಖಾಪೀಯನ್ತಿ, ಬುಭುಕ್ಖತು, ಬುಭುಕ್ಖನ್ತು, ಬುಭುಕ್ಖೇಯ್ಯ, ಬುಭುಕ್ಖೇಯ್ಯುಂ, ಬುಭುಕ್ಖಿ, ಬುಭುಕ್ಖಿಂಸು, ಬುಭುಕ್ಖಿಸ್ಸತಿ, ಬುಭುಕ್ಖಿಸ್ಸನ್ತಿ, ಬುಭುಕ್ಖಿಸ್ಸಾ, ಬುಭುಕ್ಖಿಸ್ಸಂಸು।
ಘಸ-ಅದನೇ, ಘಸಿತುಂ ಇಚ್ಛತೀತಿ ಅತ್ಥೇ – ಛಪಚ್ಚಯೋ, ದ್ವಿತ್ತಾದಿ, ಪುಬ್ಬಸ್ಸ ಘಸ್ಸ ಗತ್ತಂ, ಗಸ್ಸ ಜತ್ತಂ, ಅಸ್ಸ ಇತ್ತಂ, ಜಿಘಚ್ಛತಿ, ಜಿಘಚ್ಛನ್ತಿ, ಜಿಘಚ್ಛೀಯತಿ, ಜಿಘಚ್ಛೀಯನ್ತಿ, ಜಿಘಚ್ಛೇತಿ, ಜಿಘಚ್ಛಾಪೇತಿ ಇಚ್ಚಾದಿ।
ಹನ-ಹಿಂ
೭೦೨. ಪರಸ್ಸ ಘಂ ಸೇ।
ದ್ವಿತ್ತೇ ಪರಸ್ಸ ಹನಸ್ಸ ಘಂ ಹೋತಿ ಸೇ ಪರೇ।
ಜಿಘಂಸತಿ, ಜಿಘಂಸನ್ತಿ।
ಜಿ-ಜಯೇ, ಜೇತುಂ ಇಚ್ಛತೀತಿ ಅತ್ಥೇ – ಸಪಚ್ಚಯೋ, ದ್ವಿತ್ತಂ।
೭೦೩. ಜಿಹರಾನಂ ಗೀ
ಜಿ, ಹರಾನಂ ದ್ವಿತ್ತೇ ಪರಸ್ಸ ಜಿಸ್ಸ ಹರಸ್ಸ ಚ ಗೀ ಹೋತಿ ಸೇ ಪರೇ।
ಜಿಗೀಸತಿ, ಜಿಗೀಸನ್ತಿ, ವಿಜಿಗೀಸತಿ, ವಿಜಿಗೀಸನ್ತಿ।
ಹರ-ಹರಣೇ, ದ್ವಿತ್ತಾದಿ, ಪರಸ್ಸ ಗೀ, ಪುಬ್ಬಸ್ಸ ಹಸ್ಸ ಜೋ, ಅಸ್ಸ ಇತ್ತಂ, ಜಿಗೀಸತಿ, ಹರಿತುಂ ಇಚ್ಛತೀತಿ ಅತ್ಥೋ, ಜಿಗೀಸನ್ತಿ।
ಪಾ-ಪಾನೇ, ಪಿವಿತುಂ ಇಚ್ಛತೀತಿ ಅತ್ಥೇ – ಸಪಚ್ಚಯೋ, ದ್ವಿತ್ತಂ, ‘ರಸ್ಸೋ ಪುಬ್ಬಸ್ಸಾ’ತಿ ರಸ್ಸೋ, ಅಸ್ಸ ಇತ್ತಂ, ಪಿಪಾಸತಿ, ಪಿಪಾಸನ್ತಿ, ಪಿಪಾಸೀಯತಿ, ಪಿಪಾಸೀಯನ್ತಿ।
ಸು-ಸವನೇ, ಸೋತುಂ ಇಚ್ಛತೀತಿ ಅತ್ಥೇ – ದ್ವಿತ್ತೇ ಪರಸ್ಸ ದ್ವಿತ್ತಂ, ಸುಸ್ಸುಸತಿ
ತಿತಿಕ್ಖಿತುಂ ಇಚ್ಛತೀತಿ ಅತ್ಥೇ – ತಿತಿಕ್ಖತೋ ಸಪಚ್ಚಯೋ, ಸಪಚ್ಚಯಪರತ್ತಾ ಪುನ ದ್ವಿತ್ತಪ್ಪಸಙ್ಗೇ –
೭೦೪. ನ ಪುನ
ಸಕಿಂ
ತಿತಿಕ್ಖಿಸತಿ, ತಿತಿಕ್ಖಿಸನ್ತಿ ಇಚ್ಚಾದಿ। ಏವಂ ತಿಕಿಚ್ಛಿತುಂ ಇಚ್ಛತೀತಿ ತಿಕಿಚ್ಛಿಸತಿ, ತಿಕಿಚ್ಛಿಸನ್ತಿ, ಚಿಕಿಚ್ಛಿಸತಿ, ಚಿಕಿಚ್ಛಿಸನ್ತಿ ಇಚ್ಚಾದಿ।
ಇತಿ ತುಮಿಚ್ಛತ್ಥೇ ಖ, ಛ, ಸ ರಾಸಿ।
ನಾಮಧಾತುರಾಸಿ
ಪುತ್ತಂ ಇಚ್ಛತೀತಿ ಅತ್ಥೇ –
೭೦೫. ಈಯೋ ಕಮ್ಮಾ
ಕಮ್ಮತ್ಥಾ ನಾಮಪದಮ್ಹಾ ಇಚ್ಛತ್ಥೇ ಈಯೋ ಹೋತೀತಿ ಕಮ್ಮಭೂತಾ ಪುತ್ತಸದ್ದತೋ ಇಚ್ಛಾಯಂ ಈಯೋ, ‘ಪುತ್ತೀಯ’ಇತಿ ಧಾತುಪಚ್ಚಯನ್ತರೂಪಂ, ತತೋ ತ್ಯಾದ್ಯುಪ್ಪತ್ತಿ।
ಪುತ್ತೀಯತಿ, ಪುತ್ತೀಯನ್ತಿ, ಪುತ್ತೀಯೇತಿ, ಪುತ್ತೀಯಯತಿ, ಪುತ್ತೀಯಾಪೇತಿ, ಪುತ್ತೀಯಾಪಯತಿ, ಪುತ್ತೀಯಾಪೀಯತಿ, ಪುತ್ತೀಯಾಪೀಯನ್ತಿ। ಏವಂ ಚೀವರೀಯತಿ, ಚೀವರೀಯನ್ತಿ, ಪತ್ತೀಯತಿ, ಪತ್ತೀಯನ್ತಿ, ಪರಿಕ್ಖಾರೀಯತಿ, ಪರಿಕ್ಖಾರೀಯನ್ತಿ ಇಚ್ಚಾದಿ।
ಅಪುತ್ತಂ ಸಿಸ್ಸಂ ಪುತ್ತಮಿವ ಆಚರತೀತಿ ಅತ್ಥೇ –
೭೦೬. ಉಪಮಾಣಾಚಾರೇ
ಉಪಮೀಯತಿ ಉಪಮೇತಬ್ಬೋ ಅತ್ಥೋ ಏತೇನಾತಿ ಉಪಮಾನಂ, ಉಪಮಾನಭೂತಾ ಕಮ್ಮಪದತೋ ಆಚಾರತ್ಥೇ ಈಯೋ ಹೋತಿ।
ಪುತ್ತೀಯತಿ
ಕಮ್ಮೇ-ಅಪುತ್ತೋಪಿ ಪುತ್ತೋ ವಿಯ ಆಚರೀಯತಿ ಪುತ್ತೀಯೀಯತಿ, ಪುತ್ತೀಯೀಯನ್ತಿ, ಪುತ್ತೀಯೇತಿ, ಪುತ್ತೀಯಯತಿ, ಪುತ್ತೀಯಾಪೇತಿ, ಪುತ್ತೀಯಾಪಯತಿ, ಪುತ್ತೀಯಾಪೀಯತಿ, ಪುತ್ತೀಯಾಪೀಯನ್ತಿ। ಏವಂ ಸಿಸ್ಸೀಯತಿ, ಸಿಸ್ಸೀಯನ್ತಿ।
ಕುಟಿಯಂ ವಿಯ ಪಾಸಾದೇ ಆಚರತೀತಿ ಅತ್ಥೇ –
೭೦೭. ಆಧಾರಾ
ಉಪಮಾನಭೂತಾ ಆಧಾರಭೂತಾ ಚ ನಾಮಮ್ಹಾ ಆಚಾರತ್ಥೇ ಈಯೋ ಹೋತಿ।
ಕುಟೀಯತಿ, ಕುಟೀಯನ್ತಿ ಪಾಸಾದೇ, ನದಿಯಂ ವಿಯ ಸಮುದ್ದೇ ಆಚರತಿ ನದೀಯತಿ, ನದೀಯನ್ತಿ ಇಚ್ಚಾದಿ।
ಅರಞ್ಞೇ ವಿಯ ನಗರೇ ಆಚರತಿ ಅರಞ್ಞೀಯತಿ, ಅರಞ್ಞೀಯನ್ತಿ ನಗರೇ। ಏವಂ ಗೇಹೀಯತಿ ವಿಹಾರೇ।
ಲೋಕಧಮ್ಮೇಹಿ ಅಕಮ್ಪನೀಯಟ್ಠೇನ ಪಬ್ಬತೋ ವಿಯ ಅತ್ತಾನಂ ಆಚರತೀತಿ ಅತ್ಥೇ –
೭೦೮. ಕತ್ತುತಾಯೋ
ಉಪಮಾನಭೂತಾ ಕತ್ತುಭೂತಾ ಚ ನಾಮಮ್ಹಾ ಆಚಾರತ್ಥೇ ಆಯೋ ಹೋತೀತಿ ಪಬ್ಬತಸದ್ದತೋ ಆಯೋ। ತತೋ ತ್ಯಾದ್ಯುಪ್ಪತ್ತಿ।
ಪಬ್ಬತಾಯತಿ ಸಙ್ಘೋ, ಪಬ್ಬತಾಯನ್ತಿ, ಚಿಚ್ಚಿಟೋ ವಿಯ ಅತ್ತಾನಂ ಆಚರತಿ ಚಿಚ್ಚಿಟಾಯತಿ, ಸದ್ದೋ। ಏವಂ ಪಟಪಟಾಯತಿ, ಕಟಕಟಾಯತಿ, ಧೂಮಧೂಮಾಯತಿ, ಧೂಪಾಯತಿ, ಸನ್ಧೂಪಾಯತಿ।
ಅಭುಸಮ್ಪಿ
೭೦೯. ಝತ್ಥೇ
ಚೀಪಚ್ಚಯಸ್ಸ ಅತ್ಥೋ ಅಬ್ಭೂತತಬ್ಭಾವೋ ಝತ್ಥೋ ನಾಮ। ಕತ್ತುತೋ ಝತ್ಥೇ ಆಯೋ ಹೋತಿ।
ಭುಸಾಯತಿ, ಭುಸಾಯನ್ತಿ, ಅಪಟೋಪಿ ಪಟೋ ಭವತಿ ಪಟಾಯತಿ, ಪಟಾಯನ್ತಿ, ಅಲೋಹಿತಮ್ಪಿ ಲೋಹಿತಂ ಭವತಿ ಲೋಹಿತಾಯತಿ। ಏವಂ ನೀಲಾಯತಿ, ಕಮಲಾಯತಿ, ಚನ್ದಾಯತಿ, ಚನ್ದನಾಯತಿ, ಕಞ್ಚನಾಯತಿ, ವಜಿರಾಯತಿ।
ಕತ್ತುತೋತ್ವೇವ? ಭುಸಂ ಕರೋತಿ।
ಸದ್ದಂ ಕರೋತೀತಿ ಅತ್ಥೇ –
೭೧೦. ಸದ್ದಾದೀಹಿ ಕರೋತಿ
ಸದ್ದಾದೀಹಿ ದುತಿಯನ್ತೇಹಿ ನಾಮೇಹಿ ಕರೋತ್ಯತ್ಥೇ ಆಯೋ ಹೋತಿ।
ಸದ್ದಾಯತಿ, ಸದ್ದಾಯನ್ತಿ, ವೇರಂ ಕರೋತಿ ವೇರಾಯತಿ, ವೇರಾಯನ್ತಿ, ಕಲಹಂ ಕರೋತಿ ಕಲಹಾಯತಿ, ಕಲಹಾಯನ್ತಿ, ಮೇತ್ತಂ ಕರೋತಿ ಮೇತ್ತಾಯತಿ, ಮೇತ್ತಾಯನ್ತಿ, ಕರುಣಂ ಕರೋತಿ ಕರುಣಾಯತಿ, ಕರುಣಾಯನ್ತಿ, ಮುದಿತಂ ಕರೋತಿ ಮುದಿತಾಯತಿ, ಮುದಿತಾಯನ್ತಿ, ಉಪೇಕ್ಖಂ ಕರೋತಿ ಉಪೇಕ್ಖಾಯತಿ, ಉಪೇಕ್ಖಾಯನ್ತಿ, ಕುಕ್ಕುಚ್ಚಂ ಕರೋತಿ ಕುಕ್ಕುಚ್ಚಾಯತಿ, ಕುಕ್ಕುಚ್ಚಾಯನ್ತಿ, ಪಿಯಂ ಕರೋತಿ ಪಿಯಾಯತಿ, ಪಿಯಾಯನ್ತಿ, ಪಚ್ಚಯಂ ಸದ್ದಹನಂ ಕರೋತಿ ಪತ್ತಿಯಾಯತಿ, ಪತ್ತಿಯಾಯನ್ತಿ, ತಣ್ಹಂ ಕರೋತಿ ತಣ್ಹಾಯತಿ, ತಣ್ಹಾಯನ್ತಿ, ತಣ್ಹೀಯತಿ, ತಣ್ಹೀಯನ್ತಿ ವಾ, ಕರೋತ್ಯತ್ಥೇ ಈಯೋ। ಮಮ ಇದನ್ತಿ ಕರೋತಿ ಮಮಾಯತಿ, ಮಮಾಯನ್ತಿ।
ನಮೋ
೭೧೧. ನಮೋತ್ವಸ್ಸೋ
ನಮೋಸದ್ದತೋ ಕರೋತ್ಯತ್ಥೇ ಅಸ್ಸೋ ಹೋತಿ।
ನಮಸ್ಸತಿ, ನಮಸ್ಸನ್ತಿ।
ಸಮಾನಂ ಸದಿಸಂ ಕರೋತೀತಿ ಅತ್ಥೇ –
೭೧೨. ಧಾತ್ವತ್ಥೇ ನಾಮಸ್ಮಿ
ಧಾತ್ವತ್ಥೋ ವುಚ್ಚತಿ ಯಾ ಕಾಚಿ ಕ್ರಿಯಾ। ನಾಮಸ್ಮಾ ಧಾತ್ವತ್ಥೇ ಇ ಹೋತಿ। ‘ಯುವಣ್ಣಾನಮೇಓ ಪಚ್ಚಯೇ’ತಿ ಇಸ್ಸ ಏತ್ತಂ।
ಸಮಾನೇತಿ, ಸಮಾನೇನ್ತಿ।
‘ಏಓನಮಯಾವಾ ಸರೇ’ತಿ ಏಸ್ಸ ಅಯಾದೇಸೋ। ‘ಣಿಣಾಪ್ಯಾಪೀಹಿ ವಾ’ತಿ ಏತ್ಥ ವಾಸದ್ದೇನ ಲಪಚ್ಚಯೋ, ಸಮಾನಯತಿ, ಸಮಾನಯನ್ತಿ, ಪಿಣಂ ಕರೋತಿ ಪಿಣೇತಿ, ಪಿಣಯತಿ, ಕುಸಲಂ ಪುಚ್ಛತಿ ಕುಸಲೇತಿ, ಕುಸಲಯತಿ, ವಿಸುದ್ಧಂ ಹೋತಿ ವಿಸುದ್ಧೇತಿ, ವಿಸುದ್ಧಯತಿ, ವೀಣಾಯ ಉಪಗಾಯತಿ ಉಪವೀಣೇತಿ, ಉಪವೀಣಾಯತಿ, ಪಞ್ಞಾಯ ಅತಿಕ್ಕಮತಿ ಅತಿಪಞ್ಞೇತಿ, ಅತಿಪಞ್ಞಾಯತಿ, ವಚ್ಚಂ ಕರೋತಿ ವಚ್ಚೇತಿ, ವಚ್ಚಯತಿ, ಮುತ್ತಂ ಕರೋತಿ ಮುತ್ತೇತಿ, ಮುತ್ತಯತಿ, ಬಲೇನ ಪೀಳೇತಿ ಬಲೇತಿ, ಬಲಯತಿ।
ಅಸ್ಸ ಇತ್ತೇ-ಬಲೀಯತಿ, ಬಲೀಯನ್ತಿ। ‘‘ಅಬಲಾನಂ ಬಲೀಯನ್ತೀ’’ತಿ ಪಾಳಿ।
ಸಚ್ಚಂ ಕರೋತೀತಿ ಅತ್ಥೇ –
೭೧೩. ಸಚ್ಚಾದೀಹಾಪಿ
ಸಚ್ಚಾದೀಹಿ ನಾಮೇಹಿ ಧಾತ್ವತ್ಥೇ ಆಪಿ ಹೋತಿ।
ಸಚ್ಚಾಪೇತಿ
ಅಪುತ್ತಂ ಪುತ್ತಮಿವ ಆಚರತಿ ಪುತ್ತೀಯತಿ, ಪುತ್ತೀಯಿತುಂ ಇಚ್ಛತೀತಿ ಅತ್ಥೇ ‘ತುಂಸ್ಮಾ ಲೋಪೋ ಚಿಚ್ಛಾಯಂ ತೇ’ತಿ ಸಪಚ್ಚಯೋ।
೭೧೪. ಯಥಿಟ್ಠಂ ಸ್ಯಾದಿನೋ
ಇಚ್ಛೀಯತೀತಿ ಇಟ್ಠಂ, ಯಂ ಯಂ ಇಟ್ಠಂ ಯಥಿಟ್ಠಂ। ‘‘ಯಮಿಟ್ಠ’’ನ್ತಿಪಿ ಪಾಠೋ। ಸ್ಯಾದ್ಯನ್ತಸ್ಸ ಯಥಿಟ್ಠಂ ಏಕಸ್ಸರಂ ಆದಿಭೂತ’ಮಞ್ಞಂ ವಾ ದ್ವೇರೂಪಂ ಹೋತಿ, ನ ತ್ಯಾದಿಸ್ಸ ವಿಯ ಆದಿಭೂತಮೇವಾತಿ ಅತ್ಥೋ। ‘ಊ ಬ್ಯಞ್ಜನಸ್ಸಾ’ತಿ ಊ ಆಗಮೋ।
ಆದಿಮ್ಹಿ ದ್ವಿತ್ತೇ-ಪುಪ್ಪುತ್ತೀಯಿಸತಿ।
ಮಜ್ಝೇ ದ್ವಿತ್ತೇ-ಪುತ್ತಿತ್ತೀಯಿಸತಿ।
ಅಕಮಲಂ ಕಮಲಂ ಭವತಿ ಕಮಲಾಯತಿ, ಕಮಲಾಯಿತುಂ ಇಚ್ಛತೀತಿ ಕಕಮಲಾಯಿಸತಿ, ಕಮಮಲಾಯಿಸತಿ, ಕಮಲಲಾಯಿಸತಿ ಇಚ್ಚಾದಿ।
ಇತಿ ನಾಮಧಾತುರಾಸಿ।
ಇತಿ ನಿರುತ್ತಿದೀಪನಿಯಾ ನಾಮ ಮೋಗ್ಗಲ್ಲಾನದೀಪನಿಯಾ
ತ್ಯಾದಿಕಣ್ಡೋ ನಾಮ ಆಖ್ಯಾತಕಣ್ಡೋ
ನಿಟ್ಠಿತೋ।