೭. ಕಿತಕಣ್ಡ
ಧಾತ್ವನ್ತವಿಕಾರರಾಸಿ
ವಿಸಂಯೋಗರೂಪರಾಸಿ
ಅಥ
ತತ್ಥ ಅತೀತಾದಯೋ ಕಾಲಭೇದೋ ನಾಮ।
ಕತ್ತಾ ಚ ಕಮ್ಮಞ್ಚ ಕರಣಞ್ಚ ಸಮ್ಪದಾನಞ್ಚ ಅಪಾದಾನಞ್ಚ ಅಧಿಕರಣಞ್ಚ ಭಾವೋ ಚಾತಿ ಸತ್ತ ಸಾಧನಾನಿ ಕಾರಕಭೇದೋ ನಾಮ।
ಇತ್ಥಿಲಿಙ್ಗಾದೀನಿ ಲಿಙ್ಗಭೇದೋ ನಾಮ।
ಏಕತ್ತ, ಬಹುತ್ತಭೇದೋ ಸಙ್ಖ್ಯಾಭೇದೋ ನಾಮ।
ತಸ್ಸೀಲಕ್ರಿಯಾ, ತದ್ಧಮ್ಮಕ್ರಿಯಾ, ತಸ್ಸಾಧುಕಾರಕ್ರಿಯಾ, ಅತ್ತಮಾನಕ್ರಿಯಾ, ಅಭಿಕ್ಖಞ್ಞಕ್ರಿಯಾ, ಅರಹಕ್ರಿಯಾ, ಸಕ್ಕಕ್ರಿಯಾ, ಪೇಸನಕ್ರಿಯಾ, ಅತಿಸಗ್ಗಕ್ರಿಯಾ, ಪತ್ತಕಾಲಾರೋಚನಕ್ರಿಯಾ, ಅವಸ್ಸಮ್ಭಾವೀಕ್ರಿಯಾದಯೋ ಕ್ರಿಯಾಭೇದೋ ನಾಮ।
‘‘ಗಮನಂ ಭವತಿ, ಪಚನಂ ಜಾನಾತಿ’’ ಇಚ್ಚಾದೀಸು ಪಚ್ಚಯತ್ಥಭೂತೋ ಭಾವೋ ನಾಮ ಸಾಧನರೂಪೋ ಹೋತಿ। ಜಾತಿ ವಿಯ ಸಙ್ಖತಧಮ್ಮಸ್ಸ ಧಾತ್ವತ್ಥಭೂತಾಯ ಸಾಧ್ಯಕ್ರಿಯಾಯ ಸಾಧಕತ್ತಾ ಲಿಙ್ಗತ್ತಯಯುತ್ತೋ ಚ ಹೋತಿ, ಕ್ರಿಯಾ, ಕಾರೋ, ಕರಣನ್ತಿ ಸಿದ್ಧತ್ತಾ ಸಙ್ಖ್ಯಾಭೇದಯುತ್ತೋ ಚ ಹೋತಿ-ನಾನಾಧಾತ್ವತ್ಥಾನಞ್ಚ ಕತ್ತು, ಕಮ್ಮಾನಞ್ಚ ಕಾಲಾದೀನಞ್ಚ ಭೇದೇನ ಸರೂಪಭೇದಸಬ್ಭವತೋ, ತಸ್ಮಾ ಸೋಪಿ ದಬ್ಬೇ ಏವ ಸಙ್ಗಯ್ಹತೀತಿ ಕತ್ವಾ ‘ದಬ್ಬಪ್ಪಧಾನವಾಚಕ’ನ್ತಿ ವುತ್ತಂ। ಸೇಸಂ ಸಬ್ಬಂ ತ್ಯಾದಿಕಣ್ಡೇ ಭಾವಸಾಧನವಿನಿಚ್ಛಯೇ ವುತ್ತಮೇವ।
‘ಬಹುಲ’ನ್ತಿ
೭೧೫. ಕತ್ತರಿ ಭೂತೇ ಕ್ತ ಕ್ತವನ್ತು ಕ್ತಾವೀ
ಅಭವೀತಿ ಭೂತೋ, ಅತೀತೋ, ಭೂತೇ ವತ್ತಬ್ಬೇ ಕ್ರಿಯತ್ಥಾ ಕತ್ತರಿ ಕಾನುಬನ್ಧಾ ತ, ತವನ್ತು, ತಾವೀಪಚ್ಚಯಾ ಹೋನ್ತಿ, ಕಾನುಬನ್ಧಾ ‘ನ ತೇ ಕಾನುಬನ್ಧನಾಗಮೇಸೂ’ತಿ ಸುತ್ತೇ ವಿಸೇಸನತ್ಥಾ।
೭೧೬. ಕ್ತೋ ಭಾವಕಮ್ಮೇಸು
ಭೂತೇ ವತ್ತಬ್ಬೇ ಕ್ರಿಯತ್ಥಾ ಭಾವ, ಕಮ್ಮೇಸು ಕಾನುಬನ್ಧೋ ತಪಚ್ಚಯೋ ಹೋತಿ।
ಅಭವೀತಿ ಭೂತೋ-ಪುರಿಸೋ, ಭೂತಾ-ಇತ್ಥೀ, ಭೂತಂ-ಕುಲಂ, ಕಾರಿತೇ ಧಾತುತೋ ಣಾನುಬನ್ಧಾನಂ ಪಠಮಂ ಸಮ್ಪತ್ತತ್ತಾ ‘ನ ತೇ ಕಾನುಬನ್ಧನಾಗಮೇಸೂ’ತಿ ಪಟಿಸೇಧೋ ನ ಪಾಪುಣಾತಿ, ‘ಯುವಣ್ಣಾನಮೇಓ ಪಚ್ಚಯೇ’ತಿ ಓವುದ್ಧಿ, ‘ಆವಾಯಾ ಣಾನುಬನ್ಧೇ’ತಿ ಓಸ್ಸ ಆವತ್ತಂ, ತತೋ ತಪಚ್ಚಯೋ।
೭೧೭. ಞೀ ಬ್ಯಞ್ಜನಸ್ಸ
ಬ್ಯಞ್ಜನಾದಿಪಚ್ಚಯಸ್ಸ ಆದಿಮ್ಹಿ ಞಾನುಬನ್ಧೋ ಈಕಾರೋ ಆಗಚ್ಛತಿ।
ಕತ್ತರಿ-ಅಭಾವಯಿತ್ಥಾತಿ ಭಾವಿತೋ-ಪುರಿಸೋ, ಭಾವಿತಾಇತ್ಥೀ, ಭಾವಿತಂ-ಕುಲಂ।
ಕಮ್ಮೇ-ಅನುಭೂಯಿತ್ಥಾತಿ ಅನುಭೂತೋ-ಭೋಗೋ, ಅನುಭೂತಾಸಮ್ಪತ್ತಿ, ಅನುಭೂತಂ-ಸುಖಂ।
ಕಾರಿತೇ-ಭಾವೀಯಿತ್ಥಾತಿ ಭಾವಿತೋ-ಮಗ್ಗೋ, ಭಾವಿತಾಪಟಿಪದಾ, ಭಾವಿತಂ-ಚಿತ್ತಂ।
ತವನ್ತು
ಏತ್ಥ ಚ ಕಿತಪಚ್ಚಯಾನಂ ಅತ್ಥೋ ದುವಿಧೋ ವಾಚ್ಚತ್ಥೋ, ಅಭಿಧೇಯ್ಯತ್ಥೋ ಚಾತಿ ಸಬ್ಬಂ ತ್ಯಾದಿಕಣ್ಡೇ ವುತ್ತನಯೇನ ವೇದಿತಬ್ಬಂ।
ಪುರಿಮೇಸು ಪನ ಛಸು ಸಾಧನೇಸು ಪಚ್ಚಯಾನಂ ಅಭಿಧೇಯ್ಯತ್ಥೋ ಪದನ್ತರೇನ ಆಚಿಕ್ಖೀಯತಿ, ಭಾವಸಾಧನೇ ಪನ ಅತ್ತನೋ ಧಾತುನಾ ಏವ।
ತತ್ಥ ಚ ಕತ್ತುಸತ್ತಿ, ಕಮ್ಮಸತ್ತಿ, ಕರಣಸತ್ತಿ, ಸಮ್ಪದಾನಸತ್ತಿ, ಅಪಾದಾನಸತ್ತಿ, ಅಧಿಕರಣಸತ್ತಿಸಙ್ಖಾತಂ ವಾಚ್ಚತ್ಥಂ ಉಜುಂ ವದನ್ತಾ ಕಿತಪಚ್ಚಯಾ ಅತ್ತನೋ ಅಭಿಧೇಯ್ಯಪದೇನ ಸಮಾನಲಿಙ್ಗ, ವಿಭತ್ತಿ, ಸಙ್ಖ್ಯಾಯುತ್ತಾ ಹುತ್ವಾ ವದನ್ತಿ।
ತಂ ಯಥಾ? –
ಕತ್ತರಿ ತಾವ-ಪುರಿಸೋ ಭೋಗಂ ಅನುಭೂತೋ, ಪುರಿಸಾ ಭೋಗಂ ಅನುಭೂತಾ…ಪೇ॰… ಪುರಿಸೇಸು ಭೋಗಂ ಅನುಭೂತೇಸು, ಇತ್ಥೀ ಭೋಗಂ ಅನುಭೂತಾ, ಇತ್ಥಿಯೋ ಭೋಗಂ ಅನುಭೂತಾಯೋ…ಪೇ॰… ಇತ್ಥೀಸು ಭೋಗಂ ಅನುಭೂತಾಸು, ಕುಲಂ ಭೋಗಂ ಅನುಭೂತಂ, ಕುಲಾನಿ ಭೋಗಂ ಅನಭೂತಾನಿ…ಪೇ॰… ಕುಲೇಸು ಭೋಗಂ ಅನುಭೂತೇಸು।
ಕಮ್ಮೇ-ಭೋಗೋ ಪುರಿಸೇನ ಅನುಭೂತೋ, ಭೋಗಾ ಪುರಿಸೇನ ಅನುಭೂತಾ…ಪೇ॰… ಭೋಗೇಸು ಪುರಿಸೇನ ಅನುಭೂತೇಸು, ಸಮ್ಪತ್ತಿ ಪುರಿಸೇನ ಅನುಭೂತಾ, ಸಮ್ಪತ್ತಿಯೋ ಪುರಿಸೇನ ಅನುಭೂತಾಯೋ…ಪೇ॰… ಸಮ್ಪತ್ತೀಸು ಪುರಿಸೇನ ಅನುಭೂತಾಸು, ಸುಖಂ ಪುರಿಸೇನ ಅನುಭೂತಂ, ಸುಖಾನಿ ಪುರಿಸೇನ ಅನುಭೂತಾನಿ…ಪೇ॰… ಸುಖೇಸು ಪುರಿಸೇನ ಅನುಭೂತೇಸು। ಏಸ ನಯೋ ಕರಣಾದೀಸುಪಿ।
ಏವಂ ಕಿತವಾಚಕಾ ಅತ್ತನೋ ಅಭಿಧೇಯ್ಯಪದೇನ ಸಮಾನಲಿಙ್ಗ, ವಿಭತ್ತಿ, ಸಙ್ಖ್ಯಾಯುತ್ತಾ ಹುತ್ವಾ ತಂ ತಂ ಸಾಧನಂ ವದನ್ತಿ।
‘ಇತ್ಥಿಯಮಣತಿಕಯಕ್ಯಾ
೫೦೩ ೭೧೮. ಕತ್ತರಿ ಲ್ತುಣಕಾ
ಕತ್ತುಕಾರಕೇ ಕ್ರಿಯತ್ಥಾ ಲ್ತು, ಣಕಾ ಹೋನ್ತಿ, ಲಾನುಬನ್ಧೋ ತುಸ್ಸ ಕತ್ತರಿ ನಿಬನ್ಧನತ್ಥೋ, ‘ಲ್ತುಪಿತಾದೀನಮಾ’ತಿ ವಿಸೇಸನತ್ಥೋ ಚ।
ಅನುಭವತೀತಿ ಅನುಭೂತಾ, ಅನುಭೂತಾರೋ, ಸತ್ಥುಸಮಂ।
ಸಾಮಞ್ಞವಿಧಾನತ್ತಾ ಅರಹತ್ಥೇ ಸತ್ತಿಅತ್ಥೇ ತಸ್ಸೀಲ, ತದ್ಧಮ್ಮ, ತಸ್ಸಾಧುಕಾರ, ಅತ್ತಮಾನೇಸು ಚ ಕಾಲತ್ತಯೇ ಚ ಭವನ್ತಿ।
ಅರಹತ್ಥೇ-ಬ್ರಹ್ಮಣೋ ಬ್ರಹ್ಮಣಿಯಾ ಪರಿಗ್ಗಹಿತಾ।
ಸತ್ತಿಅತ್ಥೇ-ಭಗವಾ ಅನುಪ್ಪನ್ನಸ್ಸ ಮಗ್ಗಸ್ಸ ಉಪ್ಪಾದೇತಾ।
ತಸ್ಸೀಲಾದೀಸು-ಪಸಯ್ಹಪವತ್ತಾ।
ಅತ್ತಮಾನೇ-ಅತ್ತಾನಂ ಪಣ್ಡಿತಂ ಮಞ್ಞತೀತಿ ಪಣ್ಡಿತಮಾನಿತಾ।
೭೧೯. ಪುಬ್ಬೇಕಕತ್ತುಕಾನಂ
ಯಾಸಂ ವಿಸೇಸನ, ವಿಸೇಸ್ಯಾನಂ ದ್ವಿನ್ನಂ ಪುಬ್ಬಾ’ಪರಕ್ರಿಯಾನಂ ಕತ್ತಾ ಏಕೋವ ಹೋತಿ। ತಾಸು ಪುಬ್ಬಕ್ರಿಯಾಯಂ ಭಾವತ್ಥೇ ತುನ, ತ್ವಾನ, ತ್ವಾಪಚ್ಚಯಾ ಹೋನ್ತಿ। ‘ಏಓನಮಯವಾ ಸರೇ’ತಿ ಈಕಾರೇ ಪರೇ ಓವುದ್ಧಿಯಾ ಅವತ್ತಂ।
ಭೋಗಂ ಅನುಭವಿತುನ, ಅನುಭುತ್ವಾನ, ಅನುಭುತ್ವಾ।
ಏಕಕತ್ತುಕಾನನ್ತಿ
ಪುಬ್ಬೇತಿ ಕಿಂ? ಪಚ್ಛಾ ಭುಞ್ಜತಿ, ಪಠಮಂ ಪಚತಿ।
ಬಹುಲಾಧಿಕಾರಾ ಸಮಾನಾ’ಪರಕ್ರಿಯಾಸುಪಿ ನಾನಾಕತ್ತುಕಾಸುಪಿ ತುನಾದಯೋ ಭವನ್ತಿ। ಥಕ್ಕಚ್ಚ ದಣ್ಡೋ ಪತತಿ, ದ್ವಾರಂ ಸಂವರಿತ್ವಾ ನಿಕ್ಖಮತಿ, ಪುರಿಸೋ ಸೀಹಂ ದಿಸ್ವಾ ಭಯಂ ಉಪ್ಪಜ್ಜತೀತಿ।
ಯಸ್ಮಿಂ ವಾಕ್ಯೇ ಅಪರಕ್ರಿಯಾಪದಂ ನ ದಿಸ್ಸತಿ। ಯಥಾ? ಪಬ್ಬತಂ ಅತಿಕ್ಕಮ್ಮ ನದೀ, ಅತಿಕ್ಕಮ್ಮ ನದಿಂ ಪಬ್ಬತೋ, ಯೇ ತೇ ಸನ್ತಾ ವಿಮೋಕ್ಖಾ ಅತಿಕ್ಕಮ್ಮ ರೂಪೇ ಅರೂಪಾತಿ, ತತ್ಥಪಿ ಸತ್ತಾಕ್ರಿಯಾ ವಿಞ್ಞಾಯತೇವ ಸಬ್ಬಪದತ್ಥಾನಂ ಸತ್ತಾನಾತಿವತ್ತನತೋ। ಅಪರಕ್ರಿಯಾರಹಿತೇ ಅಸಮಾನಕತ್ತುಕೇ ಚ ವಾಕ್ಯೇ ಪಠಮನ್ತಯೋಗಸ್ಸ ದಿಟ್ಠತ್ತಾ ಕತ್ತರಿಪಿ ತುನಾದೀನಂ ಸಮ್ಭವೋ ಯುತ್ತೋ।
೭೨೦. ಪಟಿಸೇಧಾಲಂಖಲೂನಂ ತುನ ತ್ವಾನ ತ್ವಾ ವಾ
ಪಟಿಸೇಧತ್ಥಾನಂ ಅಲಂ, ಖಲೂನಂ ಯೋಗೇ ತುನಾದಯೋ ಹೋನ್ತಿ ವಾ।
ಅಲಂ ಭುತ್ವಾ, ಖಲು ಭುತ್ವಾ, ಅಲಂ ಭುತ್ತೇನ, ಖಲು ಭುತ್ತೇನ ವಾ।
೭೨೧. ತುಂತಾಯೇತವೇ ಭಾವೇ ಭವಿಸ್ಸತಿಕ್ರಿಯಾಯಂ ತದತ್ಥಾಯಂ
ತಸ್ಸಾ ತಸ್ಸಾ ಕ್ರಿಯಾಯ ಅತ್ಥಭೂತಾಯ ಭವಿಸ್ಸಮಾನಕ್ರಿಯಾಯ ಗಮ್ಯಮಾನಾಯ ಭಾವತ್ಥೇ ತುಂ, ತಾಯೇ, ತವೇಪಚ್ಚಯಾ ಭವನ್ತಿ। ಸುತ್ತಪದವಡ್ಢನೇನ ತುಯೇಪಚ್ಚಯೋಪಿ।
ಅನುಭವಿತುಂ ಗಚ್ಛತಿ, ಅನುಭವಿತಾಯೇ ಗಚ್ಛತಿ, ಅನುಭವಿತವೇ ಗಚ್ಛತಿ, ಅನುಭವಿತುಂ ಇಚ್ಛತಿ, ಕಾಮೇತಿ, ಸಕ್ಕೋತಿ, ಜಾನಾತಿ। ತಥಾ ಕಾಲೋ ಅನುಭವಿತುಂ, ಸಮಯೋ ಅನುಭವಿತುಂ, ವೇಲಾ ಅನುಭವಿತುಂ
ಏತ್ಥ ಚ ‘‘ಕಾಲೋ ಅನುಭವಿತು’’ನ್ತಿಆದೀಸು ಸತ್ತಾವಸೇನ ಹೇತುಕ್ರಿಯಾ ಸಿಜ್ಝತಿ, ತಸ್ಮಾ ‘‘ಅನುಭವಿತುಂ ಕಾಲೋ ಭವತೀ’’ತಿಆದಿನಾ ಅತ್ಥೋ ವೇದಿತಬ್ಬೋ।
ಇಮೇ ಪನೇತ್ಥ ತಾಯೇ, ತುಯೇಪಯೋಗಾ – ಆಗತಾಮ್ಹ ಇಮಂ ಧಮ್ಮಸಮಯಂ, ದಕ್ಖಿತಾಯೇ ಅಪರಾಜಿತಸಙ್ಘಂ
೭೨೨. ಭಾವಕಮ್ಮೇಸು ತಬ್ಬಾನೀಯಾ
ಭಾವೇ ಕಮ್ಮನಿ ಚ ತಬ್ಬ, ಅನೀಯಾ ಹೋನ್ತಿ। ಸುತ್ತಪದವಡ್ಢನೇನ ತಬ್ಯ, ತಾಯ, ತೇಯ್ಯಪಚ್ಚಯಾಪಿ ಹೋನ್ತಿ।
ಅನುಭವಿತಬ್ಬೋ-ಭೋಗೋ, ಅನುಭವಿತಬ್ಬಾ-ಸಮ್ಪತ್ತಿ, ಅನುಭವಿತಬ್ಬಂ-ಸುಖಂ।
ಬಹುಲಾಧಿಕಾರಾ ಕತ್ತಾದೀಸ್ವಪಿ ಭವನ್ತಿ, ತಪನ್ತೀತಿ ತಪನೀಯಾಪಾಪಧಮ್ಮಾ, ಉಪಟ್ಠಾತೀತಿ ಉಪಟ್ಠಾನೀಯೋ-ಸಿಸ್ಸೋ। ಪವುಚ್ಚತಿ ಏತೇನಾತಿ ಪವಚನೀಯೋ-ಉಪಜ್ಝಾಯೋ, ನಿಯ್ಯನ್ತಿ ಏತೇನಾತಿ ನಿಯ್ಯಾನೀಯೋ, ಸೋ ಏವ ನಿಯ್ಯಾನಿಕೋ।
ಸಿನಾ-ಸೋಚೇಯ್ಯೇ, ಸಿನಾಯನ್ತಿ ಏತೇನಾತಿ ಸಿನಾನೀಯಂಚುಣ್ಣಂ, ದೀಯತೇ ಅಸ್ಸಾತಿ ದಾನೀಯೋ-ಬ್ರಾಹ್ಮಣೋ। ಸಮ್ಮಾ ವತ್ತತಿ ಏತ್ಥಾತಿ ಸಮ್ಮಾವತ್ತನೀಯೋ-ಗುರು।
ಇಧ
ಅರಹತ್ಥೇ ಚ ಸಕ್ಕತ್ಥೇ, ಪತ್ತಕಾಲೇ ಚ ಪೇಸನೇ।
ತಬ್ಬಾದಯೋ ಅತಿಸಗ್ಗೇ, ಅವಸ್ಸಾಧಮಿಣೇಸು ಚ॥
ತತ್ಥ ‘‘ಅರಹ ಸಕ್ಕ ವಿಸಿಟ್ಠೇ ಕತ್ತರೀ’’ತಿ ವುತ್ತಿಯಂ ವುತ್ತಂ, ತಸ್ಮಾ ಭವತೀತಿ ಭಬ್ಬೋ, ಭವಿತುಂ ಅರಹತೀತಿ ಅತ್ಥೋ, ಮಜ್ಜತೀತಿ ಮಜ್ಜಂ, ಮದನೀಯಂ, ಮಜ್ಜಿತುಂ ಸಕ್ಕೋತೀತಿ ಅತ್ಥೋ, ಏವಮ್ಪಿ ಯುಜ್ಜತಿ।
ಪತ್ತಕಾಲೇ-ಕತ್ತಬ್ಬೋ ಭವತಾ ಕಟೋ, ಏಸ ಕಾಲೋ ಕಟಕರಣಸ್ಸಾತಿ ದೀಪೇತಿ।
ಪೇಸನೇ-ಗನ್ತಬ್ಬೋ ಭವತಾ ಗಾಮೋ, ಗಚ್ಛತು ಭವಂ ಗಾಮನ್ತಿ ದೀಪೇತಿ।
ಅತಿಸಜ್ಜನಂ ಸಮ್ಬೋಧನಂ ಅತಿಸಗ್ಗೋ, ಉಪದೇಸೋ ಚೇವ ವಿಧಿ ಚ। ತತ್ಥ ಕತ್ತಬ್ಬಾ’ಕತ್ತಬ್ಬಸ್ಸ ಕಮ್ಮಸ್ಸ ಆಚಿಕ್ಖಣಂ ಉಪದೇಸೋ, ದಾನಂ ದಾತಬ್ಬಂ, ಸೀಲಂ ರಕ್ಖಿತಬ್ಬಂ, ಪಾಣೋ ನ ಹನ್ತಬ್ಬೋ, ಅದಿನ್ನಂ ನ ಆದಾತಬ್ಬಂ ವಿಧಿ, ಸಕ್ಕಚ್ಚಂ ದಾನಂ ದಾತಬ್ಬಂ, ನೋ ಅಸಕ್ಕಚ್ಚಂ।
ಅವಸ್ಸಕೇ-ಗಮನೀಯೋ ಅಭಿಸಮ್ಪರಾಯೋ, ಅವಸ್ಸಂ ಗನ್ತಬ್ಬೋತಿ ಅತ್ಥೋ।
ಯಂ ಇಣಂ ಅದೇನ್ತಸ್ಸ ದಣ್ಡೋ ಆಗಚ್ಛತಿ, ಇದಂ ಅಧಮಿಣಂ ನಾಮ, ಸತಂ ಮೇ ದಾತಬ್ಬಂ ಭವತಾತಿ।
ಇಮೇ ಪನೇತ್ಥ ತಬ್ಯ, ತಾಯ, ತೇಯ್ಯಪಯೋಗಾ – ನ ಬ್ರಾಹ್ಮಣೇ ಅದ್ಧಿಕೇ ತಿಟ್ಠಮಾನೇ, ಗನ್ತಬ್ಯಮಾಹು ದ್ವಿಪದಿನ್ದ ಸೇಟ್ಠ
ತ,ತಿ
ಕರ, ಖನು, ಗಾ, ಗಮು, ಜನ, ಠಾ, ತನು, ಥರ, ಧಾ, ಧರ, ನಮು, ಪಾ, ಫರ, ಭರ, ಮನ, ಮರ, ರಮು, ಸರ, ಹರ, ಹನ।
೭೨೩. ಗಮಾದಿರಾನಂ ಲೋಪೋನ್ತಸ್ಸ
ಗಮಾದೀನಂ ಮಕಾರ, ನಕಾರನ್ತಾನಂ ರಕಾರನ್ತಾನಞ್ಚ ಧಾತೂನಂ ಅನ್ತಸ್ಸ ಲೋಪೋ ಹೋತಿ ಕಾನುಬನ್ಧೇ ತಪಚ್ಚಯೇ ಪರೇ ತ್ವಾದಿವಜ್ಜಿತೇ।
ಕರ-ಕರಣೇ, ಕರೀಯಿತ್ಥಾತಿ ಕತೋ-ವಿಹಾರೋ, ಕತಾಗೂಹಾ, ಕತಂ-ಗೇಹಂ, ಸಕ್ಕರೀಯಿತ್ಥಾತಿ ಸಕ್ಕತೋ, ಮಹಾವುತ್ತಿನಾ ಸನ್ತಸ್ಸ ಸೋ।
‘ಕರೋತಿಸ್ಸ ಖೋ’ತಿ ಪಾದಿತೋ ಕರಸ್ಸ ಕಸ್ಸ ಖೋ, ಸಙ್ಖರೀಯಿತ್ಥಾತಿ ಸಙ್ಖತೋ, ಅಭಿಸಙ್ಖತೋ, ವಿಸಙ್ಖರಿತ್ಥ ವಿಕಿರೀಯಿತ್ಥಾತಿ ವಿಸಙ್ಖತೋ, ಉಪಕರೀಯಿತ್ಥ ಸಜ್ಜೀಯಿತ್ಥಾತಿ ಉಪಕ್ಖಟೋ, ‘ತಥನರಾನಂ ಟಠಣಲಾ’ತಿ ತಸ್ಸ ಟೋ। ಏವಂ ದುಕ್ಕಟಂ।
ಪರಿತೋ ಕರೀಯಿತ್ಥಾತಿ ಪರಿಕ್ಖತೋ, ಪುರತೋ ಕರೀಯಿತ್ಥಾತಿ ಪುರಕ್ಖತೋ, ಪುರೇಕ್ಖತೋ ವಾ, ಮಹಾವುತ್ತಿನಾ ಪುರಸ್ಸ ಏತ್ತಂ।
ಖನು-ಅವದಾರಣೇ, ಖಞ್ಞಿತ್ಥಾತಿ ಖತೋ-ಆವಾಟೋ।
ಗಾ-ಸದ್ದೇ।
೭೨೪. ಗಾಪಾನಮೀ
ಗಾ, ಪಾನಂ ಅನ್ತೋ ಈಕಾರೋ ಹೋತಿ ಕಾನುಬನ್ಧೇ ತಪಚ್ಚಯೇ ಪರೇ ತ್ವಾದಿವಜ್ಜಿತೇ।
ಗಾಯಿತ್ಥಾತಿ ಗೀತಂ, ಸಮೋಧಾನೇತ್ವಾ ಗಾಯಿತ್ಥಾತಿ ಸಙ್ಗೀತೋಪರಿಯತ್ತಿಧಮ್ಮೋ।
ಗಮು-ಗತಿಮ್ಹಿ
ಜನ-ಜಾತಿಯಂ।
೭೨೫. ಜನಿಸ್ಸಾ
ಜನಿಸ್ಸ ನಸ್ಸ ಆ ಹೋತಿ ಕಾನುಬನ್ಧೇ ತಪಚ್ಚಯೇ ಪರೇ ತ್ವಾದಿವಜ್ಜಿತೇ।
ಅಜಾಯಿತ್ಥಾತಿ ಜಾತೋ, ದುಜ್ಜಾತೋ, ಸುಜಾತೋ, ಸಞ್ಜಾತೋ, ಅನುಜಾತೋ, ಅವಜಾತೋ, ಅತಿಜಾತೋ।
ಸುತ್ತವಿಭತ್ತೇನ ಅಞ್ಞಸ್ಮಿಮ್ಪಿ ವಣ್ಣೇ ಪರೇ ನಸ್ಸ ಆ ಹೋತಿ, ಪುತ್ತಂ ವಿಜಾಯಿತ್ವಾ, ವಿಜಾಯಿತುಂ, ವಿಜಾಯನಂ, ವಿಜಾಯನ್ತೀ-ಇತ್ಥೀ, ವಿಜಾಯಮಾನಾ, ಪುತ್ತಂ ಜನೇತೀತಿ ಜಾಯಾ ಇಚ್ಚಾದಿ, ಸಬ್ಬತ್ಥ ಮಹಾವುತ್ತಿನಾ ಸರೇ ಪರೇ ಯಾಗಮೋ, ಮಹಾವುತ್ತಿನಾ ವಾ ಸಬ್ಬತ್ಥ ನಸ್ಸ ಯಾದೇಸೋ ಆದಿದೀಘೋ ಚ।
ಠಾ-ಗತಿನಿವತ್ತಿಯಂ।
೭೨೬. ಠಾಸ್ಸಿ
ಠಾಸ್ಸ ಇ ಹೋತಿ ಕಾನುಬನ್ಧೇ ತಕಾರೇ ತ್ವಾದಿವಜ್ಜಿತೇ।
ಅಟ್ಠಾಸೀತಿ ಠಿತೋ, ಉಟ್ಠಿತೋ, ನಿಟ್ಠಿತೋ, ಸಣ್ಠಿತೋ, ಅಧಿಟ್ಠಿತೋ।
ತನು-ವಿತ್ಥಾರೇ, ಆತಞ್ಞಿತ್ಥಾತಿ ಆತತಂ, ವಿತತಂ, ಆತತವಿತತಂ, ತೂರಿಯಭೇದೋ।
ಥರ-ಸನ್ಥರಣೇ, ಸನ್ಥರೀಯಿತ್ಥಾತಿ ಸನ್ಥತೋ, ವಿತ್ಥತೋ।
ಧಾ-ಧಾರಣೇ।
೭೨೭. ಧಾಸ್ಸ ಹಿ
ಧಾಧಾತುಸ್ಸ
ಆಧೀಯಿತ್ಥಾತಿ ಆಹಿತೋ, ಆಗ್ಯಾಹಿತೋ, ವಿಧೀಯಿತ್ಥಾತಿ ವಿಹಿತೋ, ನಿಧೀಯಿತ್ಥಾತಿ ನಿಹಿತೋ, ಸನ್ಧೀಯಿತ್ಥಾತಿ ಸಂಹಿತೋ, ಓಧೀಯಿತ್ಥಾತಿ ಓಹಿತೋ, ಅಭಿಧೀಯಿತ್ಥಾತಿ ಅಭಿಹಿತೋ, ಪಿಧೀಯಿತ್ಥಾತಿ ಪಿಹಿತೋ, ಅಪಿಹಿತೋ। ದ್ವಿತ್ತೇ ಪುಬ್ಬಸ್ಸ ತತಿಯತ್ತಂ, ‘ಧಾಸ್ಸ ಹೋ’ತಿ ಸುತ್ತೇನ ಪರಸ್ಸ ಹತ್ತಂ, ಆದಹಿತೋ, ವಿದಹಿತೋ, ನಿದಹಿತೋ, ಸಂದಹಿತೋ, ಸದ್ದಹಿತೋ ವಾ, ಸನ್ನಿದಹಿತೋ, ಓದಹಿತೋ, ಪಿದಹಿತೋ, ಅಪಿದಹಿತೋ, ಪರಿದಹಿತೋ।
ಧರ-ಧಾರಣೇ, ಉದ್ಧರೀಯಿತ್ಥಾತಿ ಉದ್ಧಟೋ, ಸಮುದ್ಧಟೋ, ನಿದ್ಧಟೋ, ತಸ್ಸ ಟತ್ತಂ।
ನಮು-ನಮನೇ, ನಮಿತ್ಥಾತಿ ನತೋ, ಉನ್ನತೋ, ಸಮುನ್ನತೋ, ಓನತೋ, ಅವನತೋ।
ಪಾ-ಪಾನೇ, ‘ಗಾಪಾನಮೀ’ತಿ ಈತ್ತಂ, ಪೀಯಿತ್ಥಾತಿ ಪೀತಂ।
ಫರ-ಫರಣೇ, ಫರಿತ್ಥ, ಫರೀಯಿತ್ಥಾತಿ ವಾ ಫುಟೋ, ವಿಪ್ಫುಟೋ, ಸಮ್ಫುಟೋ, ಓಫುಟೋ, ಮಹಾವುತ್ತಿನಾ ಫಸ್ಸ ಉತ್ತಂ, ತಸ್ಸ ಟತ್ತಂ।
ಭರ-ಧಾರಣೇ, ಭರೀಯಿತ್ಥಾತಿ ಭತೋ, ಆಭತೋ, ಆಭಟೋ ವಾ। ಉದಕಾತಲಮುಬ್ಭತೋ, ಉಬ್ಭತಂ ಸಙ್ಘೇನ ಕಥಿನಂ
ಮನ-ಞಾಣೇ, ಮತೋ, ಮಹಾಜನೇನ ಸಮ್ಮತೋತಿ ಮಹಾಸಮ್ಮತೋ, ಸಮ್ಮತಾ ಸೀಮಾ
ಮರ-ಪಾಣಚಾಗೇ, ಮರಿತ್ಥಾತಿ ಮತೋ, ಕಾಲಙ್ಕತೋ।
ರಮು-ಕೀಳಾಯಂ, ರಮಿತ್ಥಾತಿ ರತೋ, ಅಭಿರತೋ।
ರಮು-ಉಪರಮೇ
ಸರ-ಗತಿ, ಚಿನ್ತಾಸು, ಬಹುಲಾಧಿಕಾರಾ ಕಾಲತ್ತಯೇಪಿ ತಪಚ್ಚಯೋ, ಸರತಿ, ಅಸರಿ, ಸರಿಸ್ಸತೀತಿ ಸತೋ, ಅನುಸ್ಸತೋ, ಪತಿಸ್ಸತೋ।
ಹರ-ಹರಣೇ, ಹರೀಯಿತ್ಥಾತಿ ಹತೋ, ಆಹತೋ, ನಿಹತೋ।
ತಸ್ಸ ಟತ್ತೇ-ಆಹಟೋ, ನಿಹಟೋ, ಉದಾಹಟೋ, ಸಮುದಾಹಟೋ, ಅವಹಟೋ।
ಹನ-ಹಿಂಸಾಯಂ, ಹಞ್ಞಿತ್ಥಾತಿ ಹತೋ, ವಿಹತೋ, ಸಮೂಹತೋ ಅವಿಪ್ಪವಾಸೋ
ತಿಪಚ್ಚಯಮ್ಹಿ ಬಹುಲಾಧಿಕಾರಾ ಅಕಾನುಬನ್ಧೇಪಿ ಅನ್ತಲೋಪೋ। ಪಠಮಂ ಕರೀಯತೀತಿ ಪಕತಿ, ಆಕಾರೋ ಆಕತಿ, ವಿಕಾರೋ ವಿಕತಿ, ಗಾಯನಂ ಗೀತಿ, ಉಗ್ಗೀತಿ, ಸಙ್ಗೀತಿ, ಅನುಗಾಯನಂ ಅನುಗೀತಿ, ಗಮನಂ ಗತಿ, ಗನ್ತಬ್ಬಾತಿ ವಾ ಗತಿ, ಗಚ್ಛನ್ತಿ ಏತ್ಥಾತಿ ವಾ ಗತಿ, ಆಗಮನಂ ಆಗತಿ, ಸುಗತಿ, ದುಗ್ಗತಿ, ಸಮಾಗಮನಂ ಸಙ್ಗತಿ, ಜನನಂ ಜಾತಿ, ಜಾಯನ್ತಿ ಏತಾಯ, ಏತ್ಥಾತಿ ವಾ ಜಾತಿ, ಠಾನಂ ಠಿತಿ, ಸಣ್ಠಿತಿ, ಅವಟ್ಠಿತಿ, ಪುನಪ್ಪುನಂ ತನನಂ ಸನ್ತತಿ, ಧಾರೇನ್ತಿ ಏತಾಯಾತಿ ಧೀತಿ, ಮಹಾವುತ್ತಿನಾ ಈತ್ತಂ।
ನಮನಂ ನತಿ, ಉನ್ನತಿ, ಸಮುನ್ನತಿ, ಓನತಿ, ಅವನತಿ, ಭರಿತಬ್ಬಾತಿ ಭತಿ, ಮನತಿ ಜಾನಾತಿ ಏತಾಯಾತಿ ಮತಿ, ವಿವಿಧಾ ಮತಿ ವಿಮತಿ, ರಮಣಂ ರತಿ, ಆರಮಣಂ ಆರತಿ, ವಿರಮಣಂ ವಿರತಿ, ಅಭಿರಮಣಂ ಅಭಿರತಿ, ಪಟಿವಿರಮಣಂ ಪತಿವಿರತಿ, ಸರಣಂ ಸತಿ, ಸರನ್ತಿ ಏತಾಯಾತಿ ವಾ ಸತಿ, ಅನುಸ್ಸತಿ, ಪಟಿಸ್ಸತಿ, ಉಪಹನನಂ ಉಪಹತಿ।
ತವನ್ತುಪಚ್ಚಯಮ್ಹಿ-ಅಕಾಸೀತಿ ಕತವಾ, ಅಹನೀತಿ ಹತವಾ।
ತಾವೀಪಚ್ಚಯಮ್ಹಿ-ಕತಾವೀ, ಹತಾವೀ।
ತ್ವಾದೀಸು
೭೨೮. ತುಂತುನತಬ್ಬೇಸು ವಾ।
ಕರಧಾತುಸ್ಸ ರ-ಕಾರಸ್ಸ ಆ ಹೋತಿ ವಾ ತುಂ, ತುನ, ತಬ್ಬೇಸು। ತುನಸದ್ದೇನ ತ್ವಾನ, ತ್ವಾಪಿ ಸಙ್ಗಯ್ಹನ್ತಿ।
೭೨೯. ಕರಸ್ಸಾ ತವೇ।
ಕರಸ್ಸ ರ-ಕಾರಸ್ಸ ಆ ಹೋತಿ ತವೇಪಚ್ಚಯಮ್ಹಿ।
ಕಾತುಂ, ಕಾತವೇ, ಕಾತುನ, ಕಾತಬ್ಬಂ।
ಯಥಾ ಕರಸ್ಸ, ತಥಾ ಮಹಾವುತ್ತಿನಾ ಹರಸ್ಸ ರೂಪಂ ಸಿಜ್ಝತಿ, ಹಾಥುಂ, ಹಾತವೇ, ಹಾತುನ। ತೇಸಂ ತುಣ್ಡೇನ ಹಾತೂನ, ಮುಞ್ಚೇ ಪುಬ್ಬಕತಂ ಇಣಂ
ತ್ವಾಮ್ಹಿ ಆಸ್ಸ ಇತ್ತಂ, ಆಹಿತ್ವಾ, ಸೋಣ್ಡಾಯುದಕಮಾಹಿತ್ವಾ
ಇತಿ ವಿಸಂಯೋಗರೂಪರಾಸಿ।
ಸದಿಸಸಂಯೋಗರೂಪರಾಸಿ
ಅಥ ಸದಿಸಸಂಯೋಗರೂಪರಾಸಿ ವುಚ್ಚತೇ।
ತುಪಚ್ಚಯಮ್ಹಿ –
೭೩೦. ಪರರೂಪಮಯಕಾರೇ ಬ್ಯಞ್ಜನೇ।
ಯಕಾರವಜ್ಜಿತೇ ಬ್ಯಞ್ಜನಪಚ್ಚಯೇ ಪರೇ ಸಬ್ಬಧಾತೂನಂ ಅನ್ತಬ್ಯಞ್ಜನೋ ಪರರೂಪಂ ಆಪಜ್ಜತೇ।
ಕರೋತೀತಿ ಕತ್ತಾ, ಕಾತುಂ ಅರಹತಿ, ಕಾತುಂ ಸಕ್ಕೋತಿ, ಕರಣಸೀಲೋ, ಕರಣಧಮ್ಮೋ, ಸಕ್ಕಚ್ಚಂ ವಾ ಕರೋತೀತಿ ಅತ್ಥೋ। ಭರತೀತಿ ಭತ್ತಾ, ಹರತೀತಿ ಹತ್ತಾ।
ತ್ವಾದೀಸು
ಪರರೂಪತ್ತಂ, ಕತ್ತುನ, ಕತ್ತುಂ, ಕತ್ತಬ್ಬಂ, ಭರಣಂ ಭತ್ತುಂ, ಭತ್ತವೇ, ಹರಣಂ ಹತ್ತುಂ, ಅಭಿಹತ್ತುಂ, ಹತ್ತವೇ।
ಆಪ, ಣಾಪ, ಖಿಪ, ಗುಪ, ಚಜ, ಞಪ, ಞಾಪ, ತಪ, ದೀಪ, ಧೂಪ, ಪದ, ಭಜ, ಭುಜ, ಮದ, ಮಿದ, ಯುಜ, ರಿಚ, ರನ್ಜ, ಲಿಪ, ಲುಪ, ವಚ, ವತು, ವದ, ವಪ, ವಿಚ, ಸನ್ಜ, ಸಿಚ, ಸಮ್ಭು, ಸೂಚ, ಸೂದ, ಸುಪ।
ಧಾತ್ವನ್ತಬ್ಯಞ್ಜನಸ್ಸ ಪರರೂಪತ್ತಂ, ತಪಚ್ಚಯಮ್ಹಿ ವಿಪುಬ್ಬೋ ಆಪಬ್ಯಾಪನೇ, ಬ್ಯಾಪಯತಿ ಖಿಪ್ಪಂ ಞಾಣಬ್ಯಾಪನೇನ ಬ್ಯಾಪಿತುಂ ಸಕ್ಕೋತೀತಿ ಬ್ಯತ್ತೋ, ವಿಯತ್ತೋ।
ಪರಿಪುಬ್ಬೋ ಪರಿಯಾಪುಣನೇ ಪಹುತ್ತೇ ಚ, ಪರಿಯತ್ತೋ।
ಸಂಪುಬ್ಬೋ ಪರಿಪುಣ್ಣಭಾವೇ, ಸಮಾಪಯಿತ್ಥಾತಿ ಸಮತ್ತೋ, ಪರಿಸಮತ್ತೋ।
ಆಪುಬ್ಬೋ ಣಾಪ-ಪೇಸನೇ, ಆಣಾಪೀಯಿತ್ಥಾತಿ ಆಣತ್ತೋ।
ಖಿಪ-ಖಿಪನೇ, ಖಿಪೀಯಿತ್ಥಾತಿ ಖಿತ್ತೋ-ದಣ್ಡೋ, ಖಿತ್ತಾ-ಮತ್ತಿಕಾ, ಖಿತ್ತಂ-ಲೇಟ್ಟು। ಏವಂ ಸಬ್ಬತ್ಥ। ಪಕ್ಖಿತ್ತೋ, ಉಕ್ಖಿತ್ತೋ, ನಿಕ್ಖಿತ್ತೋ, ವಿಕ್ಖಿತ್ತೋ, ಓಕ್ಖಿತ್ತೋ, ಸಂಖಿತ್ತೋ।
ಗುಪ-ಗುತ್ತಿಯಂ, ಗೋಪೀಯಿತ್ಥಾತಿ ಗುತ್ತೋ, ಸಂಗುತ್ತೋ।
ಚಜ-ಚಾಗೇ, ಚಜೀಯಿತ್ಥಾತಿ ಚತ್ತೋ।
ಉಪ-ಪಞ್ಞಾಪನೇ, ಪಞ್ಞಪೀಯಿತ್ಥಾತಿ ಪಞ್ಞತ್ತೋ-ವಿನಯೋ, ಪಞ್ಞತ್ತಂಸಿಕ್ಖಾಪದಂ, ಪಞ್ಞತ್ತಂ-ಆಸನಂ।
ಞಾಪ-ಞಾಪನೇ, ವಿಕತಿಧಾತು ನಾಮೇಸಾ ಕಾರಿತನ್ತತ್ತಾ, ಪಞ್ಞಾಪೀಯಿತ್ಥಾತಿ ಪಞ್ಞತ್ತೋ, ಸಞ್ಞಾಪೀಯಿತ್ಥಾತಿ ಸಞ್ಞತ್ತೋ, ವಿಞ್ಞಾಪೀಯಿತ್ಥಾತಿ ವಿಞ್ಞತ್ತೋ।
ತಪ-ಸನ್ತಾಪೇ, ಅತಪ್ಪೀತಿ ತತ್ತೋ, ಸನ್ತತ್ತೋ।
ದೀಪ-ದಿತ್ತಿಯಂ, ಅದೀಪಿತ್ಥಾತಿ ದಿತ್ತೋ, ಪದಿತ್ತೋ, ಆದಿತ್ತೋ।
ಧೂಪ-ಸೋಣ್ಡಿಯೇ
ಪದ-ಗತಿಯಂ, ಅಪಜ್ಜೀತಿ ಪತ್ತೋ, ನಿಪತ್ತೋ, ಸಮ್ಪತ್ತೋ।
ಭಜ-ಸಮ್ಭತ್ತಿಯಂ, ಭಜತೀತಿ ಭತ್ತೋ, ಸಮ್ಭತ್ತೋ।
ವಿಪುಬ್ಬೋ ಪುಥಕ್ಕರಣೇ, ವಿಭಜಿತ್ಥಾತಿ ವಿಭತ್ತೋ।
ಭುಜ-ಪಾಲನ, ಬ್ಯವಹರಣೇಸು, ಭುಞ್ಜಿತ್ಥ, ಭುಞ್ಜೀಯಿತ್ಥಾತಿ ವಾ ಭುತ್ತೋ, ಪರಿಭುತ್ತೋ।
ಮದ-ಉಮ್ಮಾದೇ, ಮಜ್ಜಿತ್ಥಾತಿ ಮತ್ತೋ, ಸಮ್ಮತ್ತೋ, ಪಮತ್ತೋ, ಉಮ್ಮತ್ತೋ।
ಮಿದ-ಸಿನೇಹನೇ, ಮಿಜ್ಜತೀತಿ ಮಿತ್ತೋ।
ಯುಜ-ಯೋಗೇ, ಯುಞ್ಜತೀತಿ ಯುತ್ತೋ, ಪಯುತ್ತೋ, ಉಯ್ಯುತ್ತೋ, ನಿಯುತ್ತೋ, ವಿಯುತ್ತೋ, ಸಂಯುತ್ತೋ, ಸಞ್ಞುತ್ತೋ।
ರಿಚ-ವಿರಿಞ್ಚನೇ, ರಿಞ್ಚತೀತಿ ರಿತ್ತೋ।
ರನ್ಜ-ರಾಗೇ, ರಞ್ಜತೀತಿ ರತ್ತೋ, ಸಾರತ್ತೋ, ವಿರತ್ತೋ।
ಲಿಪ-ಲಿಮ್ಪನೇ, ಲಿಮ್ಪೀಯಿತ್ಥಾತಿ ಲಿತ್ತೋ, ಉಲ್ಲಿತ್ತೋ, ಅವಲಿತ್ತೋ।
ಲುಪ-ಅದಸ್ಸನೇ, ಲುಪ್ಪತೀತಿ ಲುತ್ತೋ।
ವಚ-ವಿಯತ್ತಿಯಂ ವಾಚಾಯಂ।
೭೩೧. ವಚಾದೀನಂ ವಸ್ಸುಟ ವಾ
ವಚಾದೀನಂ ವಸ್ಸ ಉಟ ಹೋತಿ ವಾ ಕಾನುಬನ್ಧೇ ತ-ಕಾರಪಚ್ಚಯೇ ತ್ವಾದಿವಜ್ಜಿತೇ।
ವುಚ್ಚಿತ್ಥಾತಿ
೭೩೨. ಅಸ್ಸು।
ವಚಾದೀನಂ ಅಸ್ಸ ಉ ಹೋತಿ ಕಾನುಬನ್ಧೇ ತ-ಕಾರಪಚ್ಚಯೇ ತ್ವಾದಿವಜ್ಜಿತೇ।
ವುತ್ತೋ-ಧಮ್ಮೋ, ವುತ್ತಾ-ಕಥಾ, ವುತ್ತಂ-ವಚನಂ।
ವತು-ವತ್ತನೇ, ವತ್ತತೀತಿ ವತ್ತೋ, ಪವತ್ತೋ, ನಿವತ್ತೋ।
ವಪ-ಬೀಜನಿಕ್ಖೇಪೇ, ವಪೀಯಿತ್ಥಾತಿ ವುತ್ತಂ-ಬೀಜಂ, ‘ಅಸ್ಸೂ’ತಿ ಉತ್ತಂ।
ವಿಚ-ವಿವೇಚನೇ, ವಿವಿಚ್ಚಿತ್ಥಾತಿ ವಿವಿತ್ತೋ।
ಸನ್ಜ-ಸಙ್ಗೇ, ಸಞ್ಜತೀತಿ ಸತ್ತೋ, ಆಸತ್ತೋ, ವಿಸತ್ತೋ।
ಸಿಚ-ಸೇಚನೇ, ಸಿಞ್ಚೀಯಿತ್ಥಾತಿ ಸಿತ್ತೋ, ಆಸಿತ್ತೋ, ಅವಸಿತ್ತೋ, ಅಭಿಸಿತ್ತೋ।
ಸೂಚ-ಸೂಚನೇ, ಅತ್ಥಂ ಸೂಚೇತೀತಿ ಸುತ್ತಂ।
ಸೂದ-ಪಗ್ಘರಣೇ, ಅತ್ಥಂ ಸೂದತೀತಿ ಸುತ್ತಂ।
ಸುಪ-ಸೋಪ್ಪನೇ, ಸುಪತೀತಿ ಸುತ್ತೋ ಇಚ್ಚಾದಿ।
ತಿಪಚ್ಚಯಮ್ಹಿ-ಬ್ಯಾಪನಂ ಬ್ಯತ್ತಿ, ವಿಯತ್ತಿ, ಪರಿಯಾಪುಣನಂ ಪರಿಯತ್ತಿ, ಸಮಾಪನಂ ಸಮತ್ತಿ, ಪರಿಸಮತ್ತಿ, ಆಣಾಪನಂ ಆಣತ್ತಿ, ಗೋಪನಂ ಗುತ್ತಿ, ಞಾಪನಂ ಞತ್ತಿ, ಪಞ್ಞಾಪನಂ ಪಞ್ಞತ್ತಿ, ಸಞ್ಞಾಪನಂ ಸಞ್ಞತ್ತಿ, ವಿಞ್ಞಾಪನಂ ವಿಞ್ಞತ್ತಿ।
ತಪ-ತಪ್ಪನೇ, ತಪ್ಪನಂ ತಿತ್ತಿ, ಮಹಾವುತ್ತಿನಾ ಅಸ್ಸ ಇತ್ತಂ। ದೀಪನಂ ದಿತ್ತಿ, ಪಜ್ಜನಂ ಪತ್ತಿ, ಆಪತ್ತಿ, ಉಪ್ಪತ್ತಿ, ನಿಪ್ಪತ್ತಿ, ವಿಪತ್ತಿ, ಸಮ್ಪತ್ತಿ, ಭಜನಂ ಭತ್ತಿ, ಸಮ್ಭತ್ತಿ, ಭುಞ್ಜನಂ ಭುತ್ತಿ, ಯುಞ್ಜನಂ ಯುತ್ತಿ, ರಿಞ್ಚನಂ ರಿತ್ತಿ, ನಿದ್ಧಾರೇತ್ವಾ ವುಚ್ಚತಿ ಅತ್ಥೋ ಏತಾಯಾತಿ ನಿರುತ್ತಿ, ವುಚ್ಚತಿ ಸುತ್ತಸ್ಸ ಅತ್ಥೋ
ತುಪಚ್ಚಯಮ್ಹಿ-ಖಿಪತೀತಿ ಖಿತ್ತಾ, ಗೋಪೇತೀತಿ ಗುತ್ತಾ, ಚಜತೀತಿ ಚತ್ತಾ।
ಇಧ ಛಿದ, ಭಿದಾದಯೋಪಿ ವತ್ತಬ್ಬಾ, ಛಿನ್ದತೀತಿ ಛೇತ್ತಾ, ಭಿನ್ದತೀತಿ ಭೇತ್ತಾ, ಭಜತೀತಿ ಭತ್ತಾ, ಭುಞ್ಜತೀತಿ ಭುತ್ತಾ, ಭೋತ್ತಾ, ಯುತ್ತಾ, ರಿತ್ತಾ, ಲಿತ್ತಾ, ಲುತ್ತಾ, ವಚತಿ ವದತೀತಿ ವಾ ವತ್ತಾ, ವಿವಿಚ್ಚತೀತಿ ವಿವಿತ್ತಾ, ಸಞ್ಜತೀತಿ ಸತ್ತಾ, ಸುಪ್ಪತೀತಿ ಸುತ್ತಾ ಇಚ್ಚಾದಿ।
ತವನ್ತುಪಚ್ಚಯಮ್ಹಿ-ಖಿಪಿತ್ಥಾತಿ ಖಿತ್ತವಾ, ಗೋಪಿತ್ಥಾತಿ ಗುತ್ತವಾ, ಚಜಿತ್ಥಾತಿ ಚತ್ತವಾ, ಛಿನ್ದಿತ್ಥಾತಿ ಛೇತ್ತವಾ।
ಭಜ-ಪುಥಕ್ಕರಣೇ, ಭಾಜಿತ್ಥಾತಿ ಭತ್ತವಾ, ವಿಭತ್ತವಾ, ಅಭುಞ್ಜೀತಿ ಭುತ್ತವಾ, ಅಯುಞ್ಜೀತಿ ಯುತ್ತವಾ ಇಚ್ಚಾದಿ।
ತಾವೀಪಚ್ಚಯಮ್ಹಿ-ಖಿತ್ತಾವೀ, ಗುತ್ತಾವೀ, ಚತ್ತಾವೀ, ಛೇತ್ತಾವೀ, ವಿಭತ್ತಾವೀ, ಭೇತ್ತಾವೀ, ಭುತ್ತಾವೀ, ಯುತ್ತಾವೀ ಇಚ್ಚಾದಿ।
ತ್ವಾದೀಸು ಪರರೂಪತ್ತೇ ಮಹಾವುತ್ತಿನಾ ತಿಣ್ಣಂ ಬ್ಯಞ್ಜನಾನಂ ಆದಿಬ್ಯಞ್ಜನಸ್ಸ ಲೋಪೋ, ಛೇತ್ವಾ, ಛೇತ್ವಾನ, ಛೇತ್ತುನ, ವಿಭತ್ವಾ, ವಿಭತ್ವಾನ, ವಿಭತ್ತುನ, ಭುತ್ವಾ, ಭುತ್ವಾನ, ಭುತ್ತುನ ಇಚ್ಚಾದಿ।
ತುಂ, ತವೇಸು-ಛೇತ್ತುಂ, ಛೇತ್ತವೇ, ಛೇತುಂ, ಛೇತವೇ ವಾ, ಆದಿಬ್ಯಞ್ಜನಸ್ಸ ಲೋಪೋ। ವಿಭತ್ತುಂ, ವಿಭತ್ತವೇ, ಭೇತ್ತುಂ, ಭೇತ್ತವೇ, ಭೋತ್ತುಂ, ಭೋತ್ತವೇ, ಆದಿವುದ್ಧಿ ಇಚ್ಚಾದಿ।
ತಬ್ಬಪಚ್ಚಯೇ-ಛೇತ್ತಬ್ಬಂ, ಛೇತಬ್ಬಂ ವಾ, ಭೇತ್ತಬ್ಬಂ, ಭೋತ್ತಬ್ಬಂ, ವುಚ್ಚತೀತಿ ವತ್ತಬ್ಬಂ ಇಚ್ಚಾದಿ।
ಇತಿ ಸದಿಸಸಂಯೋಗರೂಪರಾಸಿ।
ವಗ್ಗನ್ತರೂಪರಾಸಿ
ಅಥ ವಗ್ಗನ್ತರೂಪರಾಸಿ ವುಚ್ಚತೇ।
ಕಮು, ಕಿಲಮು, ಖನು, ಖಮು, ಗಮು, ತನು, ತಿಮು, ದಮು, ಭಮು, ಮನ, ಯಮು, ವಮು, ಸಮು, ಹನ।
೭೩೩. ಮನಾನಂ ನಿಗ್ಗಹೀತಂ।
ಮಕಾರ, ನಕಾರನ್ತಾನಂ ಧಾತೂನಂ ಅನ್ತೋ ಮಕಾರೋ ನಕಾರೋ ಚ ನಿಗ್ಗಹೀತಂ ಹೋತಿ ಯಕಾರವಜ್ಜಿತೇ ಬ್ಯಞ್ಜನೇ ಪರೇ। ‘ವಗ್ಗೇ ವಗ್ಗನ್ತೋ’ತಿ ನಿಗ್ಗಹೀತಸ್ಸ ವಗ್ಗನ್ತತ್ತಂ।
ಕಮು-ಪಾದಗಮನೇ, ಪಕ್ಕಮಿತ್ಥಾತಿ ಪಕ್ಕನ್ತೋ, ಪಾದೇನ ಅಕ್ಕಮಿತ್ಥಾತಿ ಅಕ್ಕನ್ತೋ, ಉಕ್ಕನ್ತೋ, ವಿಕ್ಕನ್ತೋ, ನಿಕ್ಖನ್ತೋ, ‘ನಿತೋ ಕಮಸ್ಸಾ’ತಿ ಕಸ್ಸ ಖತ್ತಂ, ಸಙ್ಕನ್ತೋ, ಓಕ್ಕನ್ತೋ, ಅವಕ್ಕನ್ತೋ, ಅಪಕ್ಕನ್ತೋ, ಅತಿಕ್ಕನ್ತೋ, ಪಟಿಕ್ಕನ್ತೋ, ಕಸ್ಸ ದ್ವಿತ್ತಾನಿ।
ಕಿಲಮು-ಖೇದೇ, ಕಿಲಮಿತ್ಥಾತಿ ಕಿಲನ್ತೋ।
ತಿಮು-ಅದ್ದಭಾವೇ, ತೇಮಯಿತ್ತಾತಿ ತಿನ್ತೋ।
ದಮು-ದಮನೇ, ದಮಿತ್ಥಾತಿ ದನ್ತೋ।
ಭಮು-ಅನವತ್ಥಾನೇ, ಭಮಿತ್ಥಾತಿ ಭನ್ತೋ, ವಿಬ್ಭನ್ತೋ।
ಮನ-ಞಾಣೇ, ಮನತೀತಿ ಮನ್ತೋ।
ವಮು-ಉಗ್ಗಿಲನೇ, ವಮಿತ್ಥಾತಿ ವನ್ತೋ।
ಸಮು-ಸನ್ತಿಯಂ, ಸಮ್ಮತೀತಿ ಸನ್ತೋ, ಉಪಸನ್ತೋ, ವೂಪಸನ್ತೋ।
ಸಮು-ಖೇದೇ, ಸಮ್ಮತಿ ಖಿಜ್ಜತೀತಿ ಸನ್ತೋ ಇಚ್ಚಾದಿ।
ತಿಪಚ್ಚಯಮ್ಹಿ-ಕಾಮನಂ ಕನ್ತಿ, ನಿಕಾಮನಂ ನಿಕನ್ತಿ, ಪಕ್ಕಮನಂ ಪಕ್ಕನ್ತಿ, ಖಮನಂ ಖನ್ತಿ, ತನನಂ ತನ್ತಿ, ದಮನಂ ದನ್ತಿ, ಭಮನಂ ಭನ್ತಿ, ವಿಬ್ಭನ್ತಿ, ಮನನಂ ಮನ್ತಿ, ಸಮನಂ ಸನ್ತಿ ಇಚ್ಚಾದಿ।
ತುಪಚ್ಚಯೇ-ಪಕ್ಕಮತೀತಿ
ನಿಪುಬ್ಬೋ ಯಮು-ನಿಯಮನೇ, ನಿಯಾಮೇತೀತಿ ನಿಯನ್ತಾ, ವಮತೀತಿ ವನ್ತಾ, ಸಮತೀತಿ ಸನ್ತಾ, ಹನತೀತಿ ಹನ್ತಾ ಇಚ್ಚಾದಿ।
ತ್ವಾದೀಸು-ಗನ್ತ್ವಾ, ಗನ್ತ್ವಾನ, ಗನ್ತುನ, ಮನ್ತ್ವಾ, ಮನ್ತ್ವಾನ, ಮನ್ತುನ, ಹನ್ತ್ವಾ, ಹನ್ತ್ವಾನ, ಹನ್ತುನ ಇಚ್ಚಾದಿ।
ತುಂ, ತವೇಸು-ಪಕ್ಕನ್ತುಂ, ಪಕ್ಕನ್ತವೇ, ಖನನಂ ಖನ್ತುಂ, ಖನ್ತವೇ, ಗಮನಂ ಗನ್ತುಂ, ಗನ್ತವೇ, ಮನನಂ ಮನ್ತುಂ, ಮನ್ತವೇ, ಹನನಂ ಹನ್ತುಂ, ಹನ್ತವೇ ಇಚ್ಚಾದಿ।
ತಬ್ಬಮ್ಹಿ-ಅಭಿಕ್ಕನ್ತಬ್ಬಂ, ಪಟಿಕ್ಕನ್ತಬ್ಬಂ, ಖಞ್ಞತೇತಿ ಖನ್ತಬ್ಬಂ, ಗಚ್ಛೀಯತೇತಿ ಗನ್ತಬ್ಬಂ, ಮಞ್ಞತೇತಿ ಮನ್ತಬ್ಬಂ, ವಮೀಯತೇತಿ ವನ್ತಬ್ಬಂ, ಹಞ್ಞತೇತಿ ಹನ್ತಬ್ಬಂ ಇಚ್ಚಾದಿ।
ಇತಿ ವಗ್ಗನ್ತರೂಪರಾಸಿ।
ಧಾತ್ವನ್ತವಿಕಾರರಾಸಿ ನಿಟ್ಠಿತೋ।
ಪಚ್ಚಯವಿಕಾರರಾಸಿ
ಕಾದೇಸರಾಸಿ
ಅಥ ಪಚ್ಚಯವಿಕಾರರಾಸಿ ವುಚ್ಚತೇ।
೭೩೪. ಪಚಾ ಕೋ
ಪಚಮ್ಹಾ ತ, ತವನ್ತೂನಂ ತಸ್ಸ ಕೋ ಹೋತಿ।
ಪಚ್ಚಿತ್ಥಾತಿ ಪಕ್ಕೋ, ಪಕ್ಕವಾ।
ಬಹುಲಾಧಿಕಾರಾ
ಮುಚ-ಮೋಚನೇ।
೭೩೫. ಮುಚಾ ವಾ
ಮುಚಮ್ಹಾ ತ, ತವನ್ತೂನಂ ತಸ್ಸ ಅನನ್ತರಸ್ಸ ಕೋ ಹೋತಿ ವಾ।
ಓಮುಚ್ಚಿತ್ಥಾತಿ ಓಮುಕ್ಕೋ, ಓಮುಕ್ಕವಾ, ಪಟಿಮುಕ್ಕೋ, ಪಟಿಮುಕ್ಕವಾ।
ಸುಸ-ಸೋಸನೇ।
೭೩೬. ಸುಸಾ ಖೋ
ಸುಸಮ್ಹಾ ತ, ತವನ್ತೂನಂ ತಸ್ಸ ಖೋ ಹೋತಿ।
ಸುಸ್ಸಿತ್ಥಾತಿ ಸುಕ್ಖೋ, ಸುಕ್ಖವಾ।
೭೩೭. ಗೋ ಭನ್ಜಾದೀಹಿ
ಭನ್ಜಾದೀಹಿ ತ, ತವನ್ತೂನಂ ತಸ್ಸ ಗೋ ಹೋತಿ।
ಅಭಞ್ಜಿತ್ಥಾತಿ ಭಗ್ಗೋ, ಭಗ್ಗವಾ, ಓಭಗ್ಗೋ, ಸಮ್ಭಗ್ಗೋ, ಪಲಿಭಗ್ಗೋ।
ಲಗ-ಲಗ್ಗನೇ, ಲಗಿತ್ಥಾತಿ ಲಗ್ಗೋ, ಲಗ್ಗವಾ, ವಿಲಗ್ಗೋ, ವಿಲಗ್ಗವಾ।
ಮುಜ-ಮುಜ್ಜನೇ, ಮುಜ್ಜಿತ್ಥಾತಿ ಮುಗ್ಗೋ, ಮುಗ್ಗವಾ, ನಿಮ್ಮುಗ್ಗೋ, ಉಮ್ಮುಗ್ಗೋ।
ವಿಜ-ಭಯ, ಚಲನೇಸು, ಸಂವಿಜಿತ್ಥಾತಿ ಸಂವಿಗ್ಗೋ, ಸಂವಿಗ್ಗವಾ, ಉಬ್ಬಿಗ್ಗೋ, ಉಬ್ಬಿಗ್ಗವಾ।
ಲುಜ-ವಿನಾಸೇ, ಪಲುಜಿತ್ಥಾತಿ ಪಲುಗ್ಗೋ, ಪಲುಗ್ಗವಾ, ಓಲುಗ್ಗೋ, ಓಲುಗ್ಗವಾ, ವಿಲುಗ್ಗೋ, ವಿಲುಗ್ಗವಾ ಇಚ್ಚಾದಿ।
ಇತಿ ಕಾದೇಸರಾಸಿ।
ಠಾದೇಸರಾಸಿ
ಇಸು ಆಸ, ಏಸ, ಕಸ, ಕಿಸ, ಕಿಲಿಸ, ಕುಸ, ಘುಸ, ಜುಸ, ತುಸ, ದಿಸ, ದುಸ, ದಂಸ, ನಸ, ಪಿಸ, ಪುಸ, ಪುಚ್ಛ, ಫುಸ, ಭಸ್ಸ, ಭಜ್ಜ, ಮಜ, ಮಸ, ಮುಸ, ವಸ್ಸ, ವಿಸ, ಸಜ, ಸಿಸ, ಸಿಲಿಸ, ಹಸ, ಹಸ್ಸ, ಹಂಸ।
೭೩೮. ಸಾನನ್ತರಸ್ಸ ತಸ್ಸ ಠೋ
ಸಕಾರನ್ತೇಹಿ ಧಾತೂಹಿ ಪರಸ್ಸ ಅನನ್ತರಸ್ಸ ಪಚ್ಚಯತಕಾರಸ್ಸ ಠೋ ಹೋತಿ, ಧಾತ್ವನ್ತಸ್ಸ ಪರರೂಪತ್ತಂ, ‘ಚತುತ್ಥದುತಿಯೇಸ್ವೇಸ’ನ್ತಿ ಸಂಯೋಗಾದಿಸ್ಸ ಪಠಮತ್ತಂ।
ಇಸು-ಇಚ್ಛಾ, ಕನ್ತೀಸು, ಇಚ್ಛೀಯತೇತಿ ಇಟ್ಠೋ, ಪರಿಯಿಟ್ಠೋ।
ಆಸ-ಉಪವೇಸನೇ, ವಿಪರಿತತೋ ಆಸತಿ ಉಪವೀಸತೀತಿ ವಿಪಲ್ಲಟ್ಠೋ।
ಕಸ-ವಪ್ಪನೇ ವಿಲೇಖನೇ ಚ।
೭೩೯. ಕಸಸ್ಸಿಮ ಚ ವಾ
ಕಸಮ್ಹಾ ಪರಸ್ಸ ಪಚ್ಚಯತಕಾರಸ್ಸ ಠೋ ಹೋತಿ, ಕಸಸ್ಸ ಆದಿಸರಮ್ಹಾ ಪರಂ ಇಮ ಚ ಹೋತಿ ವಾ।
ಕಸ್ಸಿತ್ಥಾತಿ ಕಿಟ್ಠಂ-ಸಸ್ಸಂ, ಕಟ್ಠಂ ವಾ।
ಉಪಪುಬ್ಬೋ ಆಸನ್ನೇ, ಉಪಕಟ್ಠೋ।
ವಿಪುಬ್ಬೋ ಪವಾಸೇ, ವೂಪಕಟ್ಠೋ।
ಕಿಸ-ಹಾನಿಮ್ಹಿ, ಪಟಿಕಿಟ್ಠೋ, ನಿಹೀನೋತಿ ಅತ್ಥೋ।
ಕಿಲಿಸ-ವಿಬಾಧನೇ ಉಪತಾಪೇ ಚ, ಕಿಲಿಸ್ಸತೀತಿ ಕಿಲಿಟ್ಠೋ, ಸಂಕಿಲಿಟ್ಠೋ, ಉಪಕ್ಕಿಲಿಟ್ಠೋ।
ಕುಸ-ಅಕ್ಕೋಸೇ, ಅಕ್ಕೋಸೀಯಿತ್ಥಾತಿ ಅಕ್ಕುಟ್ಠೋ। ಅಕ್ಕುಟ್ಠೋ ಜಾತಿವಾದೇನ।
ಘುಸ-ಸದ್ದೇ
ಜುಸ-ಸೇವಾಯಂ, ಜುಸೀಯಿತ್ಥಾತಿ ಜುಟ್ಠೋ।
ತುಸ-ಪೀತಿಮ್ಹಿ, ತುಸ್ಸಿತ್ಥಾತಿ ತುಟ್ಠೋ, ಸನ್ತುಟ್ಠೋ।
ದಿಸ-ಪೇಕ್ಖನೇ, ಪಸ್ಸೀಯಿತ್ಥಾತಿ ದಿಟ್ಠೋ, ಸನ್ದಿಟ್ಠೋ।
ದಿಸೀ-ಕಥನೇ, ಉದ್ದಿಸೀಯಿತ್ಥಾತಿ ಉದ್ದಿಟ್ಠೋ, ನಿದ್ದಿಸೀಯಿತ್ಥಾತಿ ನಿದ್ದಿಟ್ಠೋ, ಅಪದಿಸೀಯಿತ್ಥಾತಿ ಅಪದಿಟ್ಠೋ।
ದುಸ-ದೂಸನೇ, ದುಸೀಯಿತ್ಥಾತಿ ದುಟ್ಠೋ।
ದಂಸ-ದಂಸನೇ, ದಂಸೀಯಿತ್ಥಾತಿ ದಟ್ಠೋ, ನಿಗ್ಗಹೀತಲೋಪೋ।
ನಸ-ಅದಸ್ಸನೇ, ನಸ್ಸಿತ್ಥಾತಿ ನಟ್ಠೋ, ವಿನಟ್ಠೋ।
ಪಿಸ-ಚುಣ್ಣಿಯೇ, ಪಿಸೀಯಿತ್ಥಾತಿ ಪಿಟ್ಠಂ।
ಪುಸ-ಪೋಸನೇ, ಪೋಸೀಯಿತ್ಥಾತಿ ಪುಟ್ಠೋ, ಪರಪುಟ್ಠೋ।
ಫುಸ-ಸಮ್ಫಸ್ಸೇ, ಫುಸೀಯಿತ್ಥಾತಿ ಫುಟ್ಠೋ, ಸಮ್ಫುಟ್ಠೋ।
ಭಸ್ಸ-ಕಥನೇ ಚವನೇ ಚ, ಭಸ್ಸಿತ್ಥಾತಿ ಭಟ್ಠೋ, ಆಭಟ್ಠೋ।
ಮಸ-ಆಮಸನೇ ವಿಜ್ಝನೇ ಚ, ಮಸೀಯಿತ್ಥಾತಿ ಮಟ್ಠೋ, ಆಮಟ್ಠೋ, ಓಮಟ್ಠೋ, ಉಮ್ಮಟ್ಠೋ। ಸತ್ತಿಯಾ ವಿಯ ಓಮಟ್ಠೋ
ಮುಸ-ನಸ್ಸನೇ, ಮುಸ್ಸಿತ್ಥಾತಿ ಮುಟ್ಠೋ, ಪಮುಟ್ಠೋ, ಸಮ್ಮುಟ್ಠೋ।
ವಸ್ಸ-ಸೇಚನೇ, ವಸ್ಸಿತ್ಥಾತಿ ವುಟ್ಠೋ-ದೇವೋ, ‘ಅಸ್ಸೂ’ತಿ ಉತ್ತಂ।
ವಿಸ-ಪವೇಸನೇ, ಪವಿಸಿತ್ಥಾತಿ ಪವಿಟ್ಠೋ, ನಿವಿಟ್ಠೋ, ಉಪವಿಟ್ಠೋ।
ಸಿಸ-ಸೇಸೇ, ಅವಸೇಸಿತ್ಥಾತಿ ಅವಸಿಟ್ಠೋ।
ವಿಪುಬ್ಬೋ ವಿಸೇಸನೇ, ವಿಸೇಸಿತ್ಥಾತಿ ವಿಸಿಟ್ಠೋ।
ಸಿಲಿಸ-ಸಿಲೇಸನೇ, ಸಿಲಿಸ್ಸಿತ್ಥಾತಿ ಸಿಲಿಟ್ಠೋ।
ಹಸ-ಹಾಸೇ,
ಹಸ್ಸ, ಹಂಸಧಾತುಯೋ ಸದಿಸಾ ಏವ।
ಪುಚ್ಛ-ಪುಚ್ಛಾಯಂ।
೭೪೦. ಪುಚ್ಛಾದಿತೋ
ಪುಚ್ಛಾದೀಹಿ ಪರಸ್ಸ ಅನ್ತರಸ್ಸ ಪಚ್ಚಯತಕಾರಸ್ಸ ಠೋ ಹೋತಿ।
ಪುಚ್ಛೀಯಿತ್ಥಾತಿ ಪುಟ್ಠೋ।
ಭಜ್ಜ-ಭಜ್ಜನೇ, ಭಜ್ಜಿತ್ಥಾತಿ ಭಟ್ಠಂ-ಧಞ್ಞಂ।
ಮಜ-ಸುದ್ಧಿಯಂ, ಸುಟ್ಠು ಮಜ್ಜಿತ್ಥಾತಿ ಸಮ್ಮಟ್ಠೋ-ಭೂಮಿಭಾಗೋ।
ಸಜ-ಸಂಸಗ್ಗಾದೀಸು, ಸಂಸಜ್ಜಿತ್ಥಾತಿ ಸಂಸಟ್ಠೋ, ವಿಸಟ್ಠೋ, ನಿಸಟ್ಠೋ, ಓಸಟ್ಠೋ।
ಯಜ-ಪೂಜಾಯಂ।
೭೪೧. ಯಜಸ್ಸ ಯಸ್ಸ ಟಿಯೀ
ಯಜಸ್ಸ ಯಕಾರಸ್ಸ ಟಿ, ಯಿಆದೇಸಾ ಹೋನ್ತಿ ಕಾನುಬನ್ಧೇ ಪಚ್ಚಯತಕಾರೇ ತ್ವಾದಿವಜ್ಜಿತೇ।
ಯಜಿತ್ಥಾತಿ ಇಟ್ಠೋ, ಯಿಟ್ಠೋ।
ತಿಪಚ್ಚಯಮ್ಹಿ-ಪರಿಯೇಸನಂ ಪರಿಯೇಟ್ಠಿ।
ಏಸ-ಗವೇಸನೇ, ಏಸನಂ ಏಟ್ಠಿ, ಪರಿಯೇಟ್ಠಿ, ತುಸ್ಸನಂ ತುಟ್ಠಿ, ಸನ್ತುಟ್ಠಿ, ದಸ್ಸನಂ ದಿಟ್ಠಿ, ಸನ್ದಿಟ್ಠಿ, ವಸ್ಸನಂ ವುಟ್ಠಿ, ‘ಅಸ್ಸೂ’ತಿ ಉತ್ತಂ। ವಿಸಜ್ಜನಂ ವಿಸಟ್ಠಿ।
ತ್ವಾದೀಸು-ದಿಸ-ಪೇಕ್ಖನೇ, ‘ದಿಸಸ್ಸ ಪಸ್ಸದಸ್ಸದಸಾದದಕ್ಖಾ’ತಿ ಸುತ್ತೇನ ದಿಸಸ್ಸ ದಸಾದೇಸೋ, ಮಹಾವುತ್ತಿನಾ ವಕಾರಲೋಪೋ, ದಟ್ಠಾ, ದಟ್ಠಾನ, ದಟ್ಠುನ।
‘ತುಂಯಾನಾ’ತಿ
ತುಂ, ತವೇಸು-ದಟ್ಠುಂ, ದಟ್ಠವೇ, ಪುಚ್ಛನಂ ಪುಟ್ಠುಂ, ಪುಟ್ಠವೇ।
ತಬ್ಬಮ್ಹಿ-ತುಸ್ಸಿತಬ್ಬನ್ತಿ ತುಟ್ಠಬ್ಬಂ, ತೋಟ್ಠಬ್ಬಂ, ಪಸ್ಸಿತಬ್ಬನ್ತಿ ದಟ್ಠಬ್ಬಂ, ಪುಚ್ಛಿತಬ್ಬನ್ತಿ ಪುಟ್ಠಬ್ಬಂ, ಫುಸಿತಬ್ಬನ್ತಿ ಫೋಟ್ಠಬ್ಬಂ।
ಇತಿ ಠಾದೇಸರಾಸಿ।
ಢಾದೇಸರಾಸಿ
೭೪೨. ದಹಾ ಢೋ
ದಹಮ್ಹಾ ಪರಸ್ಸ ಅನನ್ತರಸ್ಸ ಪಚ್ಚಯತಕಾರಸ್ಸ ಢೋ ಹೋತಿ, ಪರರೂಪತ್ತೇ ಸಂಯೋಗಾದಿಸ್ಸ ತತಿಯತ್ತಂ।
ದಹ-ದಯ್ಹನೇ, ದಯ್ಹಿತ್ಥಾತಿ ದಡ್ಢೋ।
೭೪೩. ಬಹಸ್ಸುಮ ಚ
ಬಹಮ್ಹಾ ಪರಸ್ಸ ಅನನ್ತರಸ್ಸ ತಸ್ಸ ಢೋ ಹೋತಿ, ಬಹಸ್ಸ ಆದಿಸರಮ್ಹಾ ಉಮ ಚ ಹೋತಿ।
ಬಹ-ವುದ್ಧಿಯಂ, ಅಬಹೀತಿ ಬುಡ್ಢೋ, ಬಸ್ಸ ವೋ, ವುಡ್ಢೋ।
ತಿಮ್ಹಿ-ಬಹನಂ ವುಡ್ಢಿ।
೭೪೪. ಲೋಪೋ ವಡ್ಢಾ ತಿಸ್ಸ
ವಡ್ಢಮ್ಹಾ ಪರಸ್ಸ ತಿಪಚ್ಚಯಸ್ಸ ತಕಾರಸ್ಸ ಲೋಪೋ ಹೋತಿ।
ವಡ್ಢ-ವಡ್ಢನೇ, ವಡ್ಢನಂ ವುಡ್ಢಿ।
ಇತಿ ಢಾದೇಸರಾಸಿ।
ಣಾದೇಸರಾಸಿ
ಕಿರ ಖೀ, ಚರ, ಜರ, ತರ, ಥರ, ಪೂರ।
೭೪೫. ಕಿರಾದೀಹಿ ಣೋ।
ಕಿರಾದೀಹಿ ಪರೇಸಂ ತ, ತವನ್ತೂನಂ ತಕಾರಸ್ಸ ಅನನ್ತರಭೂತಸ್ಸ ಣೋ ಹೋತಿ, ಧಾತ್ವನ್ತಸ್ಸ ಪರರೂಪತ್ತಂ।
ಕಿರ-ಆಕಿರಣೇ ಸಮ್ಮಿಸ್ಸನ, ಖಿಪನೇಸು ಚ, ಕಿರಿತ್ಥಾತಿ ಕಿಣ್ಣೋ, ಪಕಿಣ್ಣೋ, ಆಕಿಣ್ಣೋ, ವಿಕ್ಕಿಣ್ಣೋ, ಸಂಕಿಣ್ಣೋ, ಸಮಾಕಿಣ್ಣೋ।
ಪೂರ-ಪೂರಣೇ, ಪೂರಿತ್ಥಾತಿ ಪುಣ್ಣೋ, ಸಮ್ಪುಣ್ಣೋ, ಪರಿಪುಣ್ಣೋ।
ಖೀ-ಖಯೇ, ಖಿಯಿತ್ಥಾತಿ ಖೀಣೋ।
ಕಿಣ್ಣವಾ, ಪುಣ್ಣವಾ, ಖೀಣವಾ।
೭೪೬. ತರಾದೀಹಿ ರಿಣ್ಣೋ
ತರಾದೀಹಿ ಪರೇಸಂ ತ, ತವನ್ತೂನಂ ತಕಾರಸ್ಸ ಅನನ್ತರಭೂತಸ್ಸ ರಿಣ್ಣೋ ಹೋತಿ। ‘ರಾನುಬನ್ಧೇನ್ತಸರಾದಿಸ್ಸಾ’ತಿ ಧಾತ್ವನ್ತಬ್ಯಞ್ಜನಸ್ಸ ಆದಿಸರಸ್ಸ ಚ ಲೋಪೋ।
ಚರ-ಗತಿ, ಭಕ್ಖನೇಸು, ಚರಿತ್ಥ, ಚರೀಯಿತ್ಥಾತಿ ವಾ ಚಿಣ್ಣೋ, ಆಚಿಣ್ಣೋ, ಸಮಾಚಿಣ್ಣೋ।
ಜರ-ಜಿರಣೇ, ಜಿಯ್ಯಿತ್ಥಾತಿ ಜಿಣ್ಣೋ, ಅನುಜಿಣ್ಣೋ, ಪರಿಜಿಣ್ಣೋ।
ತರ-ತರಣೇ, ತರಿತ್ಥಾತಿ ತಿಣ್ಣೋ, ಉತ್ತಿಣ್ಣೋ, ನಿತ್ತಿಣ್ಣೋ, ವಿತಿಣ್ಣೋ, ಓತಿಣ್ಣೋ, ಸಮೋತಿಣ್ಣೋ।
ಥರ-ವಿತ್ಥಾರೇ, ವಿತ್ಥರಿತ್ಥಾತಿ ವಿತ್ಥಿಣ್ಣೋ।
ಚಿಣ್ಣವಾ, ಜಿಣ್ಣವಾ, ತಿಣ್ಣವಾ, ವಿತ್ಥಿಣ್ಣವಾ।
ಇತಿ ಣಾದೇಸರಾಸಿ।
ಥಾದೇಸರಾಸಿ
೭೪೭. ಧಸ್ತೋಓಸ್ತಾ।
ಧಸ್ತೋ
ಧಂಸ-ವಿದ್ಧಂಸನೇ, ವಿದ್ಧಂಸತೀತಿ ವಿದ್ಧಸ್ತೋ, ವಿದ್ಧಂಸಿತೋ ವಾ।
ತಸ-ಸನ್ತಾಸೇ, ಉತ್ರಸತೀತಿ ಉತ್ರಸ್ತೋ, ಉತ್ತಸಿತೋ ವಾ।
ಭಸ-ಭಸ್ಮೀಕರಣೇ, ಭಸನ್ತಿ ಭಸ್ಮಿಂ ಕರೋನ್ತಿ ಏತೇನಾತಿ ಭಸ್ತಾ, ಭಸ್ತ್ರಾ ವಾ, ಕಮ್ಮಾರಗಗ್ಗರೀ, ಏವಮಾದೀನಿಪಿ ಇಧ ವೇದಿತಬ್ಬಾನಿ।
೭೪೮. ಸಾಸ ವಸ ಸಂಸ ಹಂಸಾ ಥೋ
ಏತೇಹಿ ಪರಸ್ಸ ಅನನ್ತರಸ್ಸ ಪಚ್ಚಯತಕಾರಸ್ಸ ಥೋ ಹೋತಿ।
ಸಾಸ-ಅನುಸಿಟ್ಠಿಮ್ಹಿ।
೭೪೯. ಸಾಸಸ್ಸ ಸಿಸಾ
ಸಾಸಸ್ಸ ಸಿಸಾ ಹೋನ್ತಿ ಕಾನುಬನ್ಧೇ ಪಚ್ಚಯತಕಾರೇ ತ್ವಾದಿವಜ್ಜಿತೇ, ಧಾತ್ವನ್ತಸ್ಸ ಪರರೂಪತ್ತಂ ಸಂಯೋಗಾದಿಸ್ಸ ಚ ಪಠಮತ್ತಂ।
ಸಾಸೀಯತೀತಿ ಸಿತ್ಥೋ, ಅನುಸಾಸೀಯತೀತಿ ಅನುಸಿಟ್ಠೋ। ‘‘ಅನುಸಿಟ್ಠೋ ಸೋ ಮಯಾ’’ತಿ
ವಸ-ನಿವಾಸೇ, ‘ಅಸ್ಸೂ’ತಿ ಉತ್ತಂ, ಅವಸೀತಿ ವುತ್ಥೋ, ವಸೀಯಿತ್ಥಾತಿ ವಾ ವುತ್ಥೋ, ವಸ್ಸಂ ವಸಿತ್ಥಾತಿ ವಸ್ಸಂವುತ್ಥೋ, ಆವಸೀಯಿತ್ಥಾತಿ ಆವುತ್ಥಂ-ಜೇತವನಂ, ನಿವಸಿತ್ಥಾತಿ ನಿವುತ್ಥೋ, ಅಜ್ಝಾವಸಿತ್ಥಾತಿ ಅಜ್ಝಾವುತ್ಥೋ। ಬಹುಲಾಧಿಕಾರಾ ‘‘ರುಕ್ಖೇ ಅಧಿವತ್ಥಾ
ಸಂಸ-ಪಸಂಸನೇ, ಪಸಂಸೀಯಿತ್ಥಾತಿ ಪಸತ್ಥೋ।
ಹಂಸ-ಪಹಂಸನೇ, ಹಂಸೀಯಿತ್ಥಾತಿ ಹತ್ಥೋ, ನಿಗ್ಗಹೀತಲೋಪೋ, ಪಹತ್ಥೋ।
ತಿಪಚ್ಚಯಮ್ಹಿ-ಅನುಸಾಸನಂ ಅನುಸಿತ್ಥಿ, ಅನುಸಿಟ್ಠಿ ವಾ, ನಿವಸನಂ ನಿವುತ್ಥಿ।
ತುಪಚ್ಚಯಮ್ಹಿ-ಸದೇವಕಂ ಲೋಕಂ ಸಾಸತಿ ಅನುಸಾಸತೀತಿ ಸತ್ಥಾ।
ತವನ್ತುಪಚ್ಚಯಮ್ಹಿ-ನಿವಸಿತ್ಥಾತಿ ನಿವುತ್ಥವಾ।
ತಾವೀಮ್ಹಿ-ನಿವುತ್ಥಾವೀ।
ತುಂ, ತವೇಸು-ವಸನಂ ವತ್ಥುಂ, ವತ್ಥವೇ।
ತಬ್ಬಮ್ಹಿ-ದ್ವಾರಮೂಲೇ ವತ್ಥಬ್ಬಂ, ಸಭಾಯೇ ವತ್ಥಬ್ಬಂ।
ವಸ-ಪರಿದಹನೇ, ಬಹುಲಾಧಿಕಾರಾ ಉತ್ತಂ ನತ್ಥಿ, ವಾಸಿತಬ್ಬನ್ತಿ ವತ್ಥಂ, ನಿವಾಸೀಯಿತ್ಥಾತಿ ನಿವತ್ಥಂ, ವತ್ಥಬ್ಬಂ, ನಿವತ್ಥಬ್ಬಂ।
ಇತಿ ಥಾದೇಸರಾಸಿ।
ಧಾದೇಸರಾಸಿ
ಇಧ, ಕುಧ, ಗಿಧ, ಬಧ, ಬುಧ, ಬುಧಿ, ಮಿಧ, ಯುಧ, ರಾಧ, ರುಧ, ವಿಧ, ಸಿಧ, ಸುಧ, ಥಭಿ, ರಭ, ಲಭ, ಲುಭ, ಸಮ್ಭೂ, ದುಹ, ನಹ, ಮುಹ।
೭೫೦. ಧೋ ಧಭಹೇಹಿ
ಏತೇಹಿ ಪರಸ್ಸ ಅನನ್ತರಸ್ಸ ತಸ್ಸ ಧೋ ಹೋತಿ।
ಇಧ-ಇಜ್ಝನೇ
ಕುಧ-ಕೋಪೇ, ಕುಜ್ಝತೀತಿ ಕುದ್ಧೋ, ಸಂಕುದ್ಧೋ।
ಗಿಧ-ಗೇಧೇ, ಗಿಜ್ಝಿತ್ಥಾತಿ ಗಿದ್ಧೋ, ಅನುಗಿದ್ಧೋ, ಅಭಿಗಿದ್ಧೋ।
ಬಧ-ಬನ್ಧನೇ, ಬಜ್ಝಿತ್ಥಾತಿ ಬದ್ಧೋ, ಪಬದ್ಧೋ, ಆಬದ್ಧೋ, ನಿಬದ್ಧೋ।
ಬುಧ-ಞಾಣೇ ಜಾಗರೇ ವಿಕಸನೇ ಚ, ಬುಜ್ಝತಿ ಜಾನಾತೀತಿ ಬುದ್ಧೋ, ಸಮ್ಬುದ್ಧೋ, ಸಮ್ಮಾಸಮ್ಬುದ್ಧೋ, ಪಬುಜ್ಝತಿ ಜಾಗರೋತೀತಿ ವಾ ಪಬುದ್ಧೋ, ಪಟಿಬುದ್ಧೋ।
ಬುಧಿ-ನಿವಾರಣೇ, ಪರಿಬುನ್ಧೀಯತೀತಿ ಪಲಿಬುದ್ಧೋ। ವಾತಪಲಿಬುದ್ಧೋ, ಪಿತ್ತಪಲಿಬುದ್ಧೋ, ಸೇಮ್ಹಪಲಿಬುದ್ಧೋ।
ಮಿಧ-ಮಿಜ್ಝನೇ, ಮಿಜ್ಝತೀತಿ ಮಿದ್ಧಂ, ಮಿದ್ಧೋ। ಕಪಿಮಿದ್ಧೋ।
ಯುಧ-ಸಮ್ಪಹಾರೇ, ಯುಜ್ಝೀಯತೇತಿ ಯುದ್ಧಂ। ಮಲ್ಲಯುದ್ಧಂ, ಮೇಣ್ಡಯುದ್ಧಂ, ಹತ್ಥಿಯುದ್ಧಂ, ಕುಕ್ಕುಟಯುದ್ಧಂ।
ರಾಧ-ಆರಾಧನೇ, ಆರಾಧಯಿತ್ಥಾತಿ ಆರದ್ಧೋ, ಅಭಿರದ್ಧೋ।
ವಿಪುಬ್ಬೋ-ವಿರಜ್ಝನೇ, ವಿರದ್ಧೋ।
ರುಧ-ಆವರಣೇ, ರುನ್ಧೀಯಿತ್ಥಾತಿ ರುದ್ಧೋ, ಓರುದ್ಧೋ, ಅವರುದ್ಧೋ।
ನಿಪುಬ್ಬೋ-ನಿರೋಧೇ, ನಿರುಜ್ಝಿತ್ಥಾತಿ ನಿರುದ್ಧೋ।
ವಿಪುಬ್ಬೋ-ವಿರೋಧೇ, ವಿರುಜ್ಝಿತ್ಥಾತಿ ವಿರುದ್ಧೋ, ಪಟಿವಿರುದ್ಧೋ।
ಅನುಪುಬ್ಬೋ-ಕನ್ತಿಯಂ, ಅನುರುದ್ಧೋ।
ವಿಧ-ವಿಜ್ಝನೇ, ವಿಜ್ಝಿತ್ಥಾತಿ ವಿದ್ಧೋ। ಸಲ್ಲವಿದ್ಧೋ।
ಸಿಧ-ನಿಪ್ಫತ್ತಿಯಂ, ಸಿಜ್ಝಿತ್ಥಾತಿ ಸಿದ್ಧೋ।
ಪಪುಬ್ಬೋ-ಪಾಕಟಭಾವೇ, ಪಸಿದ್ಧೋ।
ನಿ, ಪಟಿಪುಬ್ಬೋ ನಿವಾರಣೇ, ನಿಸಿದ್ಧೋ, ಪಟಿಸಿದ್ಧೋ।
ಸುಧ-ಸುಜ್ಝನೇ, ಸುಜ್ಝತೀತಿ ಸುದ್ಧೋ, ವಿಸುದ್ಧೋ, ಪರಿಸುದ್ಧೋ।
ಥಭಿ-ಥಮ್ಭನೇ
ರಭ-ಆರಭೇ, ಆರಭಿತ್ಥಾತಿ ಆರದ್ಧೋ, ಆರಬ್ಭಿತ್ಥಾತಿ ವಾ ಆರದ್ಧೋ, ಸಮಾರದ್ಧೋ।
ಲಭ-ಲಾಭೇ, ಅಲಭೀತಿ ಲದ್ಧೋ, ಲಬ್ಭಿತ್ಥಾತಿ ವಾ ಲದ್ಧೋ, ಪಟಿಲದ್ಧೋ, ಉಪಲದ್ಧೋ।
ಲುಭ-ಗಿದ್ಧಿಯಂ, ಲುಬ್ಭತೀತಿ ಲುದ್ಧೋ, ಪಲುದ್ಧೋ, ವಿಲುದ್ಧೋ।
ಸಮ್ಭೂ-ಪಸ್ಸದ್ಧಿಯಂ, ಪಸ್ಸಮ್ಭಿತ್ಥಾತಿ ಪಸ್ಸದ್ಧೋ।
ದುಹ-ದೋಹನೇ, ದುಯ್ಹಿತ್ಥಾತಿ ದುದ್ಧಾ-ಗಾವೀ।
ನಹ-ಬನ್ಧನೇ, ಸನ್ನಯ್ಹಿತ್ಥಾತಿ ಸನ್ನದ್ಧೋ, ಓನದ್ಧೋ, ಅವನದ್ಧೋ।
ಮುಹ-ಅನ್ಧಭಾವೇ, ಮುಯ್ಹತೀತಿ ಮುದ್ಧೋ-ಬಾಲೋ।
ತಿಪಚ್ಚಯಮ್ಹಿ-ಇಜ್ಝನಂ ಇದ್ಧಿ, ಇಜ್ಝನ್ತಿ ಏತಾಯಾತಿ ವಾ ಇದ್ಧಿ, ಸಮಿಜ್ಝನಂ ಸಮಿದ್ಧಿ, ಗಿಜ್ಝನಂ ಗಿದ್ಧಿ, ಮಿಜ್ಝನಂ ಮಿದ್ಧಿ, ಅಭಿರಾಧನಂ ಅಭಿರದ್ಧಿ, ವಿರುಜ್ಝನಂ ವಿರುದ್ಧಿ, ಪಟಿವಿರುದ್ಧಿ, ಸಿಜ್ಝನಂ ಸಿದ್ಧಿ, ಸಂಸಿದ್ಧಿ, ಪಟಿಸಿದ್ಧಿ, ಸುಜ್ಝನಂ ಸುದ್ಧಿ, ವಿಸುದ್ಧಿ, ಪಾರಿಸುದ್ಧಿ, ಲಭನಂ ಲದ್ಧಿ, ಉಪಲದ್ಧಿ, ಲುಬ್ಭನಂ ಲುದ್ಧಿ, ಪಸ್ಸಮ್ಭನಂ ಪಸ್ಸದ್ಧಿ, ಮುಯ್ಹನಂ ಮುದ್ಧಿ।
ತವನ್ತು, ತಾವೀಸು- ‘‘ಸಮಿದ್ಧಾ, ಸಮಿದ್ಧಾವೀ’’ತಿಆದಿನಾ ವತ್ತಬ್ಬಂ।
ತ್ವಾದೀಸು-ರಭ-ಆರಭೇ, ಆರದ್ಧಾ, ಆರದ್ಧಾನ।
ಲಭ-ಲಾಭೇ, ಲದ್ಧಾ, ಲದ್ಧಾನ, ಪಟಿಲದ್ಧಾ, ಪಟಿಲದ್ಧಾನ।
ತುಂ, ತವೇಸು-ಬುಧ-ಞಾಣೇ, ಬುದ್ಧುಂ, ಬುದ್ಧವೇ, ಸುಬುದ್ಧುಂ, ಸುಬುದ್ಧವೇ, ಬೋದ್ಧುಂ, ಬೋದ್ಧವೇ, ಲದ್ಧುಂ, ಲದ್ಧವೇ, ಪಟಿಲದ್ಧುಂ, ಪಟಿಲದ್ಧವೇ।
ತಬ್ಬಮ್ಹಿ-ಬೋದ್ಧಬ್ಬಂ, ಲದ್ಧಬ್ಬಂ, ಪಟಿಲದ್ಧಬ್ಬಂ।
೭೫೧. ವದ್ಧಸ್ಸ ವಾ।
ವದ್ಧಸ್ಸ ಉ ಹೋತಿ ವಾ ಕಾನುಬನ್ಧೇ ಪಚ್ಚಯತಕಾರೇ ತ್ವಾದಿವಜ್ಜಿತೇ।
ವದ್ಧಿತ್ಥಾತಿ
ಇತಿ ಧಾದೇಸರಾಸಿ।
ವಿಸಂಯೋಗನಾದೇಸರಾಸಿ
ಹಾ, ಇ, ಚಿ, ಜಿ, ಟಿ, ಥೀ, ದೀ,ಪೀ, ಮಿ, ಲೀ, ಥು, ದೂ, ಧೂ, ಪೂ, ಭೂ, ಲೂ, ವು, ಸು, ಹು, ಆಸ, ಕಥ, ಕುಪ, ಪಲ, ಮಲ, ಸುಪ, ಪಳ।
೭೫೨. ಭಿದಾದಿತೋ ನೋ ಕ್ತ, ಕ್ತವನ್ತೂನಂ।
ಭಿದಾದಿಮ್ಹಾ ಪರೇಸಂ ಕ್ತ, ಕ್ತವನ್ತೂನಂ ತಕಾರಸ್ಸ ಅನನ್ತರಭೂತಸ್ಸ ನೋ ಹೋತಿ।
ಹಾ-ಚಾಗೇ, ಹೀಯಿತ್ಥಾತಿ ಹೀನೋ, ಪಹೀನೋ, ನಿಹೀನೋ, ಓಹೀನೋ। ಏತ್ಥ ಚ ನೋಆದೇಸಂ ಕತ್ವಾ ಪಚ್ಛಾ ‘ಊಬ್ಯಞ್ಜನಸ್ಸಾ’ತಿ ಈಆಗಮೋ, ತಸ್ಸ ಚ ಕ್ವಚಿ ರಸ್ಸೋ। ಏವಂ ಪರತ್ಥ।
ಅಧಿಪುಬ್ಬೋ-ಇ-ಆಯತ್ತೇ, ಅಧಿಚ್ಚ ಏತೀತಿ ಅಧಿನೋ।
ಚಿ-ಚಯೇ, ಚಯಿತ್ಥಾತಿ ಚಿನೋ, ಆಚಿನೋ।
ಜಿ-ಜಯೇ, ಪಞ್ಚಮಾರೇ ಜಿನಾತೀತಿ ಜಿನೋ।
ಡಿ-ಗತಿಯಂ, ಡೇತೀತಿ ಡಿನೋ।
ಥೀ-ಸಙ್ಘಾತೇ, ಥೀಯತೀತಿ ಥಿನಂ।
ದೀ-ಖಯೇ, ಅನುಕ್ಕಮೇನ ದೀಯತಿ ಖಿಯ್ಯತೀತಿ ದಿನೋ-ದಿವಸೋ।
ಪೀ-ತಪ್ಪನೇ, ಪೀನಿತ್ಥಾತಿ ಪೀನೋ।
ಮಿ-ಪಕ್ಖೇಪೇ, ಮಿನಾತೀತಿ ಮಿನೋ।
ಲೀ-ಲಯೇ, ಲೀಯಿತ್ಥಾತಿ ಲೀನೋ, ಅಲ್ಲೀಯಿತ್ಥಾತಿ ಅಲ್ಲೀನೋ। ನಿಲೀಯಿತ್ಥಾತಿ ನಿಲೀನೋ, ಪಟಿಲೀಯಿತ್ಥಾತಿ ಪಟಿಲೀನೋ, ಪಟಿಲೀನಚರೋ ಭಿಕ್ಖು, ಪಟಿಸಲ್ಲೀಯಿತ್ಥಾತಿ ಪಟಿಸಲ್ಲೀನೋ।
ಥು-ನಿತ್ಥುನನೇ
ದೂ-ಖೇದೇ, ದೂಯತೇತಿ ದೂನೋ।
ಧೂ-ನಿದ್ಧೂನನೇ, ಅಹಿತೇ ಧಮ್ಮೇ ಧುನಾತೀತಿ ಧುನೋ, ಧೋನೋಪಞ್ಞವಾ।
ಪೂ-ಸೋಧನೇ, ಪುನಾತೀತಿ ಪುನೋ, ದನ್ತಂ ಪುನನ್ತಿ ಏತೇನಾತಿ ದನ್ತಪೋಣೋ, ನಸ್ಸ ಣತ್ತಂ।
ಭೂ-ವುದ್ಧಿಯಂ, ಭವತಿ ವಡ್ಢತೀತಿ ಭೂನೋ-ಹಿತರಾಸಿ।
ಲೂ-ಛೇದನೇ, ಲುನಾತೀತಿ ಲುನೋ।
ವು-ಸಂವರಣೇ, ಆವುಣಾತೀತಿ ಆವುಣೋ।
ಸು-ಸವನೇ, ಸುಣಾತೀತಿ ಸುನೋ, ಸೋಣೋ, ನಸ್ಸ ಣತ್ತಂ।
ಸು-ಪಸವನೇ ವಾ, ಪಸವತಿ ವಡ್ಢತೀತಿ ಸುನಂ-ಉದ್ಧುಮಾತಂ।
ಹು-ಪೂಜಾ, ದಾನೇಸು, ಆಹುತಬ್ಬನ್ತಿ ಆಹುನಂ, ಪಾಹುತಬ್ಬನ್ತಿ ಪಾಹುನಂ-ದಾತಬ್ಬವತ್ಥು।
ಆಸ-ಉಪವೇಸನೇ, ಅಚ್ಛತೀತಿ ಆಸಿನೋ, ತುಣ್ಹೀ ಅಚ್ಛತೀತಿ ತುಣ್ಹೀಮಾಸಿನೋ।
ಕಥ-ಥದ್ಧೇ ಥೇರಿಯೇ ಚ, ಕಥತೀತಿ ಕಥಿನಂ।
ಕುಪ-ಕೋಪೇ, ಹಿರೀ ಕುಪ್ಪತಿ ಏತೇನಾತಿ ಹಿರೀಕೋಪಿನಂ।
ಪಲ-ಗತಿಯಂ, ಪಲೇತೀತಿ ಪಲಿನೋ।
ಮಲ-ಮಲಿನಭಾವೇ, ಮಲತೀತಿ ಮಲಿನೋ, ಮಲಿನಂ-ವತ್ಥಂ।
ಸುಪ-ಸೋಪ್ಪನೇ, ಸುಪತೀತಿ ಸುಪಿನೋ।
ಪಳ-ಗತಿಯಂ, ಪಳೇತೀತಿ ಪಳಿನೋ, ಪಳಿನಾ ಜಮ್ಬುದೀಪಾತೇ
ಇತಿ ವಿಸಂಯೋಗನಾದೇಸರಾಸಿ।
ಸಸಂಯೋಗನಾದೇಸರಾಸಿ
ಖಿದ ಛಿದ, ತುದ, ದಾ, ನುದ, ಪತ, ಪದ, ಭಿದ, ವಿದ, ಸದ।
‘ಭಿದಾದಿತೋ ನೋ ಕ್ತಕ್ತವನ್ತೂನ’ನ್ತಿ ತಸ್ಸ ನೋ, ಧಾತ್ವನ್ತಸ್ಸ ಪರರೂಪತ್ತಂ, ಖಿಜ್ಜಿತ್ಥಾತಿ ಖಿನ್ನೋ, ಛಿಜ್ಜಿತ್ಥಾತಿ ಛಿನ್ನೋ, ಸಞ್ಛಿನ್ನೋ, ತುದಿತ್ಥಾತಿ ತುನ್ನೋ, ಪತುನ್ನೋ, ನಿತುನ್ನೋ, ವಿತುನ್ನೋ।
ನುದ-ಖೇಪೇ, ನುದಿತ್ಥಾತಿ ನುನ್ನೋ, ಪನುನ್ನೋ।
ಪತ-ಪತನೇ, ಪತತೀತಿ ಪನ್ನೋ, ಪನ್ನಧಜೋ, ನ್ನಸ್ಸ ಣ್ಣತ್ತೇರುಕ್ಖಪಣ್ಣಂ, ಪತ್ತಂ ವಾ।
ಪದ-ಗತಿಯಂ, ಪಜ್ಜಿತ್ಥಾತಿ ಪನ್ನೋ, ಆಪನ್ನೋ, ಉಪ್ಪನ್ನೋ, ನಿಪನ್ನೋ, ವಿಪನ್ನೋ, ಸಮ್ಪನ್ನೋ, ಉಪಪನ್ನೋ, ಸಮುಪಪನ್ನೋ, ಪರಿಯಾಪನ್ನೋ।
ಭಿದ-ವಿದಾರಣೇ, ಭಿಜ್ಜಿತ್ಥಾತಿ ಭಿನ್ನೋ, ಪಭಿನ್ನೋ, ಸಮ್ಭಿನ್ನೋ, ಪರಿಭಿನ್ನೋ, ವಿಭಿನ್ನೋ।
ವಿದ-ತುಟ್ಠಿಯಂ, ನಿಬ್ಬಿನ್ದತೀತಿ ನಿಬ್ಬಿನ್ನೋ।
ಸದ ವಿಸರಣ, ಗತ್ಯಾ’ವಸಾನೇಸು, ಸೀದಿತ್ಥಾತಿ ಸನ್ನೋ, ಓಸನ್ನೋ, ಪಸೀದಿತ್ಥಾತಿ ಪಸನ್ನೋ, ಅಭಿಪ್ಪಸನ್ನೋ, ನಿಸೀದಿತ್ಥಾತಿ ನಿಸಿನ್ನೋ, ಸನ್ನಿಸಿನ್ನೋ, ‘ಸದಜರಾನಮೀಮ’ಇತಿ ಈಮ, ಸಂಯೋಗೇ ರಸ್ಸೋ ಚ।
ತವನ್ತುಮ್ಹಿ-ಖಿನ್ನವಾ, ಛಿನ್ನವಾ, ಸಞ್ಛಿನ್ನವಾ, ತುನ್ನವಾ, ಪತುನ್ನವಾ, ಪನುನ್ನವಾ, ಪನ್ನವಾ, ಆಪನ್ನವಾ, ಭಿನ್ನವಾ, ಸಮ್ಭಿನ್ನವಾ, ಸನ್ನವಾ, ಪಸನ್ನವಾ, ನಿಸಿನ್ನವಾ।
೭೫೩. ದಾತ್ವಿನ್ನೋ
ದಾಧಾತುಮ್ಹಾ ಪರೇಸಂ ತ, ತವನ್ತೂನಂ ತಸ್ಸ ಇನ್ನೋ ಹೋತಿ।
ದೀಯಿತ್ಥಾತಿ ದಿನ್ನೋ, ಪದಿನ್ನೋ, ಆದಿನ್ನೋ, ಸಮಾದಿನ್ನೋ, ಉಪಾದಿನ್ನೋ, ಪರಿಯಾದಿನ್ನೋ, ನ್ನಸ್ಸ ಣ್ಣತ್ತೇ ಉಪಾದಿಣ್ಣೋ।
ಇತಿ ಸಸಂಯೋಗನಾದೇಸರಾಸಿ।
ಹಾದೇಸರಾಸಿ
ಊಹ ಗಾಹು, ಗುಹ, ಬಹ, ಬಾಹ, ಬುಹ, ಮುಹ, ರುಹ, ವಹ।
೭೫೪. ರುಹಾದೀಹಿ ಹೋ ಳೋ ಚ
ರುಹಾದೀಹಿ ಪರಸ್ಸ ಅನನ್ತರಭೂತಸ್ಸ ತಪಚ್ಚಯಸ್ಸ ತಕಾರಸ್ಸ ಹೋ ಹೋತಿ, ಧಾತ್ವನ್ತಸ್ಸ ಳೋ ಹೋತಿ।
ಊಹ-ಸಞ್ಚಯೇ, ಬ್ಯೂಹಿತ್ಥಾತಿ ಬ್ಯೂಳ್ಹೋ, ವಿಯೂಳ್ಹೋ, ಪರಿಬ್ಯೂಳ್ಹೋ, ದೇವಾಸುರಸಙ್ಗಾಮೋ ಸಮುಪಬ್ಯೂಳ್ಹೋ ಅಹೋಸಿ
ಗಾಹು-ಭುಸತ್ಥೇ ವಿಲೋಲನೇ ಚ, ಮಾ ಗಾಳ್ಹಂ ಪರಿದೇವಯಿ। ಆಗಾಳ್ಹಾಯ ಚೇತೇತಿ। ಗಾಹಿತ್ಥಾತಿ ಗಾಳ್ಹೋ, ಪಗಾಳ್ಹೋ, ಆಗಾಳ್ಹೋ, ಓಗಾಳ್ಹೋ, ಅಜ್ಝೋಗಾಳ್ಹೋ
ಬಹ-ವುದ್ಧಿಮ್ಹಿ।
೭೫೫. ಮುಹಬಹಬುಹಾನಞ್ಚ ತೇ ಕಾನುಬನ್ಧೇತ್ವೇ
ತ್ವಾದಿವಜ್ಜಿತೇ ಕಾನುಬನ್ಧೇ ಪಚ್ಚಯತಕಾರೇ ಪರೇ ಮುಹ, ಬಹ, ಬುಹಾನಞ್ಚ ಗುಹಸ್ಸ ಚ ದೀಘೋ ಹೋತಿ।
‘ರುಹಾದೀಹಿಹೋ ಳೋ ಚಾ’ತಿ ಧಾತ್ವನ್ತಸ್ಸಳೋ, ತಪಚ್ಚಯಸ್ಸ ಹೋ, ಅಬಹೀತಿ ಬಾಳ್ಹಂ।
ಬುಹ-ಉದ್ಧರಣೇ, ಅಬುಹಿತ್ಥಾತಿ ಬೂಳ್ಹೋ, ಅಬ್ಬೂಳ್ಹೋ, ಅಬೂಳ್ಹಸಲ್ಲೋ
ಮುಹ-ಅನ್ಧಭಾವೇ।
೭೫೬. ಮುಹಾ ವಾ।
ಮುಹಮ್ಹಾ ಪರಸ್ಸ ಅನನ್ತರಭೂತಸ್ಸ ತಕಾರಸ್ಸ ಹೋ ಹೋತಿ, ಧಾತ್ವನ್ತಸ್ಸ ಚ ಳೋ ಹೋತಿ ವಾ।
ಮುಯ್ಹಿತ್ಥಾತಿ
ರುಹ-ಜನನೇ, ಗತಿಯಞ್ಚ, ರುಹಿತ್ಥಾತಿ ರೂಳ್ಹೋ, ಪರೂಳ್ಹೋ, ಆರೂಳ್ಹೋ, ಓರೂಳ್ಹೋ, ವಿರೂಳ್ಹೋ, ನಿರೂಳ್ಹೋ।
ವಹ-ಪಾಪನೇ, ವಹಿತ್ಥಾತಿ ವೂಳ್ಹೋ, ‘ಅಸ್ಸೂ’ತಿ ಉತ್ತಂ।
ತಿಪಚ್ಚಯಮ್ಹಿ-ರುಹನಂ ರೂಳ್ಹಿ, ನಿರುಹನಂ ನಿರೂಳ್ಹಿ, ವಿರುಹನಂ ವಿರೂಳ್ಹಿ।
ತ್ವಾದೀಸು –
೭೫೭. ಪ್ಯೋ ವಾ ತ್ವಾಸ್ಸ ಸಮಾಸೇ।
ಸಮಾಸಟ್ಠಾನೇ ತ್ವಾಪಚ್ಚಯಸ್ಸ ಪಾನುಬನ್ಧೋ ಯೋ ಹೋತಿ ವಾ। ಪಾನುಬನ್ಧೋ ‘ಪ್ಯೇ ಸಿಸ್ಸಾ’ತಿ ವಿಸೇಸನತ್ಥೋ। ‘ಹಸ್ಸ ವಿಪಲ್ಲಾಸೋ’ತಿ ಹ, ಯಾನಂ ವಿಪರಿಯಾಯೋ।
ಬ್ಯುಯ್ಹ, ಪರಿಬ್ಯುಯ್ಹ। ಬ್ಯೂಹಿತ್ವಾ, ವಿಯೂಹಿತ್ವಾ ವಾ, ವಿಗಾಯ್ಹ, ವಿಗಾಹಿತ್ವಾ, ಓಗಾಯ್ಹ, ಓಗಾಹಿತ್ವಾ, ಅಜ್ಝೋಗಾಯ್ಹ, ಅಜ್ಝೋಗಾಹಿತ್ವಾ।
ಬಹುಲಾಧಿಕಾರಾ ಅಸಮಾಸೇಪಿ ಪ್ಯೋ ಹೋತಿ, ಗುಯ್ಹ, ಗೂಹಿತ್ವಾ, ನಿಗುಯ್ಹ, ನಿಗೂಹಿತ್ವಾ, ಓಗುಯ್ಹ, ಓಗೂಹಿತ್ವಾ।
ನಹ-ಬನ್ಧನೇ, ಸನ್ನಯ್ಹ, ಸನ್ನಾಹಿತ್ವಾ।
ಬಾಹ-ನಿವಾರಣೇ, ದೀಘೋ, ಬಾಯ್ಹ, ಬಾಹಿತ್ವಾ, ಪಟಿಬಾಯ್ಹ, ಪಟಿಬಾಹಿತ್ವಾ।
ಬುಹ-ಉದ್ಧರಣೇ ಪಪುಬ್ಬೋ, ಪಬ್ಬುಯ್ಹ। ಸಮೂಲಂ ತಣ್ಹಂ ಪಬ್ಬುಯ್ಹ
ಆಪುಬ್ಬೋ-ಅಬ್ಬುಯ್ಹ, ‘‘ಅಬ್ಬುಹೇ ಸಲ್ಲಮತ್ತನೋ’’ತಿ ಆದೀಸು ವಿಯ। ಪಮುಯ್ಹ, ಪಮುಯ್ಹಿತ್ವಾ, ವಿಮುಯ್ಹ, ವಿಮುಯ್ಹಿತ್ವಾ, ಸಮ್ಮುಯ್ಹ, ಸಮ್ಮುಯ್ಹಿತ್ವಾ, ಆರುಯ್ಹ, ಆರುಹಿತ್ವಾ, ಆರೋಹಿತ್ವಾ, ಓರುಯ್ಹ, ಓರೋಹಿತ್ವಾ।
ಸಹ-ಸಹನೇ, ಪಸಯ್ಹ, ಪಸಹಿತ್ವಾ ವಾ।
ಇತಿ ಹಾದೇಸರಾಸಿ।
ತ್ವಾದಿವಿಕಾರರಾಸಿ
ಅಥ
ಇ, ಕರ, ಹನ।
೭೫೮. ಇತೋ ಚ್ಚೋ।
ಇಧಾತುಮ್ಹಾ ಪರಸ್ಸ ತ್ವಾಸ್ಸ ಚ್ಚೋ ಹೋತಿ ವಾ।
ಪೇಚ್ಚ, ಸಮೇಚ್ಚ, ಅಭಿಸಮೇಚ್ಚ, ಅವೇಚ್ಚ, ಅನ್ವೇಚ್ಚ, ಅಪೇಚ್ಚ, ಉಪೇಚ್ಚ, ಸಮುಪೇಚ್ಚ, ಅಧಿಚ್ಚ, ಅತಿಚ್ಚ, ಪಟಿಚ್ಚ।
ವಾತಿ ಕಿಂ? ಉಪೇತ್ವಾ, ಸಮುಪೇತ್ವಾ, ಅಧಿಯಿತ್ವಾ।
೭೫೯. ಸಾಧಿಕರಾ ರಚ್ಚರಿಚ್ಚಾ
ಸನ್ತ, ಅಧಿಪರಾ ಕರಮ್ಹಾ ತ್ವಾಸ್ಸ ರಚ್ಚ, ರಿಚ್ಚಾ ಹೋನ್ತಿ ವಾ, ಸುತ್ತವಿಭತ್ತಂ ಇಧ ಲಬ್ಭತಿ।
ಸಕ್ಕಚ್ಚ, ‘ಸಕ್ಕಚ್ಚ’ನ್ತಿ ಬಿನ್ದಾಗಮೋ, ಅಧಿಕಿಚ್ಚ।
ವಾತಿ ಕಿಂ? ಸಕ್ಕತ್ವಾ, ಸಕ್ಕರಿತ್ವಾ, ಅಧಿಕರಿತ್ವಾ।
ಸುತ್ತವಿಭತ್ತೇ-ಅತ್ತಂ ನಿರಂಕಚ್ಚ ಪಿಯಾನಿ ಸೇವತಿ
೭೬೦. ಹನಾ ರಚ್ಚೋ
ಹನಮ್ಹಾ ತ್ವಾಸ್ಸ ರಚ್ಚೋ ಹೋತಿ ವಾ ಸಮಾಸೇ। ಸುತ್ತವಿಭತ್ತೇನ ಹರಮ್ಹಾಪಿ।
ಆಹಚ್ಚ, ಉಹಚ್ಚ, ವಿಹಚ್ಚ, ಸಂಹಚ್ಚ, ಉಪಹಚ್ಚ।
ವಾತಿ ಕಿಂ? ಆಹನಿತ್ವಾ, ಉಹನಿತ್ವಾ, ವಿಹನಿತ್ವಾ, ಸಂಹನಿತ್ವಾ।
ಹರಮ್ಹಿ-ಸಾ
ದಿಸ-ಪೇಕ್ಖನೇ।
೭೬೧. ದಿಸಾ ವಾನವಾ ಸ ಚ
ದಿಸಮ್ಹಾ ತ್ವಾಸ್ಸ ವಾನ, ವಾ ಹೋನ್ತಿ ವಾ, ದಿಸಸ್ಸ ಚ ಸಸ್ಸ ಸ ಹೋತಿ, ಪರರೂಪನಿಸೇಧನಮಿದಂ।
ದಿಸ್ವಾನ, ದಿಸ್ವಾ।
ವಾತಿ ಕಿಂ? ಪಸ್ಸಿತ್ವಾ।
ಖಾ, ಞಾ, ದಾ, ಧಾ, ಹಾ, ಕಿ, ಖಿ, ಚಿ, ಜಿ, ನೀ, ಲೀ, ಸಿ, ಭೂ।
‘ಪ್ಯೋ ವಾ ತ್ವಾಸ್ಸ ಸಮಾಸೇ’ತಿ ತ್ವಾಸ್ಸ ಯೋ, ಮಹಾವುತ್ತಿನಾ ವಿಕಪ್ಪೇನ ಕ್ವಚಿ ಯಲೋಪೋ, ಸಂಪುಬ್ಬೋ ಖಾ-ಞಾಣೇ, ಸಙ್ಖಾಯ, ಸಙ್ಖಾ, ಪಟಿಸಙ್ಖಾಯ, ಪಟಿಸಙ್ಖಾ, ಅಞ್ಞಾಯ, ಅಞ್ಞಾ, ಅಭಿಞ್ಞಾಯ, ಅಭಿಞ್ಞಾ, ಪರಿಞ್ಞಾಯ, ಪರಿಞ್ಞಾ।
ಸಮಾಸೇತಿ ಕಿಂ? ಞತ್ವಾ।
ವಾತಿ ಕಿಂ? ಆಜಾನಿತ್ವಾ, ಅಭಿಜಾನಿತ್ವಾ, ಪರಿಜಾನಿತ್ವಾ।
ಅಧಿಟ್ಠಾಯ, ಅಧಿಟ್ಠಾ, ಪತಿಟ್ಠಾಯ, ಪತಿಟ್ಠಾ।
ಸಮಾಸೇತಿ ಕಿಂ? ಠತ್ವಾ।
ವಾತಿ ಕಿಂ? ಅಧಿಟ್ಠಹಿತ್ವಾ, ಪತಿಟ್ಠಹಿತ್ವಾ। ಮಹಾವುತ್ತಿನಾ ಇತ್ತಂ, ಉಪಟ್ಠಿತ್ವಾ।
ಆದಾಯ, ಉಪಾದಾಯ, ಉಪಾದಾ।
ಸಮಾಸೇತಿ ಕಿಂ? ದತ್ವಾ।
ವಾತಿ ಕಿಂ? ಆದಿಯಿತ್ವಾ, ಸಮಾದಿಯಿತ್ವಾ, ‘ಊ ಬ್ಯಞ್ಜನಸ್ಸಾ’ತಿ ಈಆಗಮೋ, ‘ದಾಸ್ಸಿಯಙ’ಇತಿ ಸುತ್ತೇನ ಸರೇ ಪರೇ ಸಮಾಸೇ ಇಯಾದೇಸೋ।
೭೬೨. ತುಂಯಾನಾ।
ತ್ವಾಸ್ಸ
ಬಹುಲಾಧಿಕಾರಾ ಗಾಥಾಯಂ ಅಸಮಾಸೇಪಿ, ನೇಕ್ಖಮಂ ದಟ್ಠು ಖೇಮತೋ
ಅಭಿಹತ್ತುಂ ಪವಾರೇಯ್ಯ, ‘‘ಅಭಿಹಟು’’ನ್ತಿಪಿ ಪಾಠೋ, ಸಂಯೋಗಾದಿಸ್ಸ ಲೋಪೋ ತಸ್ಸ ಟತ್ತಂ। ‘‘ಅಭಿಹಟ್ಠು’’ನ್ತಿಪಿ
ಆದಿಯಾನ, ಉಪಾದಿಯಾನ। ವಿಧಾಯ, ನಿಧಾಯ, ಸನ್ಧಾಯ, ಓಧಾಯ, ಸಮೋಧಾಯ, ವಿದಹಿತ್ವಾ, ನಿದಹಿತ್ವಾ, ಓದಹಿತ್ವಾ, ಸಮೋದಹಿತ್ವಾ। ಪಹಾಯ, ವಿಹಾಯ, ಓಹಾಯ, ಹಿತ್ವಾ, ಜಹಿತ್ವಾ।
ಇವಣ್ಣೇಸು ಪ್ಯಸ್ಸ ದ್ವಿತ್ತಂ, ವಿಕ್ಕಿಯ್ಯ, ವಿಕ್ಕಿಣಿತ್ವಾ।
ವಿಚೇಯ್ಯ ದಾನಂ ದಾತಬ್ಬಂ
೭೬೩. ಪ್ಯೇ ಸಿಸ್ಸಾ
ಪ್ಯೇ ಪರೇ ಸಿಸ್ಸ ಆ ಹೋತಿ।
ನಿಸ್ಸಾಯ, ಉಪನಿಸ್ಸಾಯ, ಅಪಸ್ಸಾಯ, ಅಪಸ್ಸಯಿತ್ವಾ, ಅವಸ್ಸಾಯ, ಅವಸ್ಸಯಿತ್ವಾ।
ವಾತಿ ಕಿಂ? ಅಧಿಸೇತ್ವಾ, ಅಧಿಸಯಿತ್ವಾ।
ಭೂ-ಸತ್ತಾಯಂ, ರಸ್ಸತ್ತಂ, ಸಮ್ಭುಯ್ಯ, ವಿಭುಯ್ಯ, ಅನುಭುಯ್ಯ, ಅಧಿಭುಯ್ಯ, ಪರಿಭುಯ್ಯ, ಅಭಿಭುಯ್ಯ।
ಸಮಾಸೇತಿ
ಬ್ಯಞ್ಜನನ್ತಧಾತೂಸು ‘ವಗ್ಗಲಲೇಹಿ ತೇ’ತಿ ಸುತ್ತೇನ ಚವಗ್ಗ, ಪವಗ್ಗ, ಸಕಾರೇಹಿ ಯಸ್ಸ ಪುಬ್ಬರೂಪತ್ತಂ। ತವಗ್ಗೇ ‘ತವಗ್ಗವರಣಾನಂ ಯೇ ಚವಗ್ಗಬಯಞಾ’ತಿ ತವಗ್ಗಸ್ಸ ಚವಗ್ಗೋ, ತತೋ ಯಸ್ಸ ಪುಬ್ಬರೂಪತ್ತಂ, ವಿಪಚ್ಚ, ಪರಿಪಚ್ಚ, ವಿಮುಚ್ಚ, ಅಧಿಮುಚ್ಚ।
ಮಹಾವುತ್ತಿನಾ ಯಲೋಪೋ ದೀಘೋ ಚ, ಆಪುಚ್ಛಾ, ಅನಾಪುಚ್ಛಾ, ವಿಭಜ್ಜ, ಸಂವಿಭಜ್ಜ, ವಿಸಜ್ಜ, ನಿಸಜ್ಜ, ಪಟಿನಿಸಜ್ಜ।
ಉಜ್ಝ-ವಿಸಗ್ಗೇ, ಯಲೋಪೋ, ಉಜ್ಝ, ಉಜ್ಝಿಯ, ಉಜ್ಝಿತ್ವಾ।
ಕತಿ-ಛೇದನೇ, ಕಚ್ಚ, ವಿಕಚ್ಚ, ಕನ್ತಿತ್ವಾ, ವಿಕನ್ತಿತ್ವಾ।
ನಿಕರ-ವಞ್ಚನೇ, ನಿಕಚ್ಚ ಕಿತವಸ್ಸೇವ
ಪತ-ಗತಿಯಂ, ಪಚ್ಚ, ನಿಪಚ್ಚ, ಪತಿತ್ವಾ, ನಿಪತಿತ್ವಾ।
ಕಥ-ಕಥನೇ, ಸಾಕಚ್ಛ।
ಪದ-ಗತಿಯಂ, ಪಜ್ಜ, ಆಪಜ್ಜ, ನಿಪಜ್ಜ, ವಿಪಜ್ಜ, ಸಮ್ಪಜ್ಜ, ಉಪಸಮ್ಪಜ್ಜ, ಪಟಿಪಜ್ಜ।
‘ಊ ಬ್ಯಞ್ಜನಸ್ಸಾ’ತಿ ಈಆಗಮೇ ‘ಪದಾದೀನಂ ಯುಕ’ಇತಿ ಯಾಗಮೋ, ಪುಬ್ಬರೂಪಂ, ಪಜ್ಜಿಯ, ಪಜ್ಜಿಯಾನ, ಆಪಜ್ಜಿಯ, ಆಪಜ್ಜಿಯಾನ, ನಿಪಜ್ಜಿಯ, ವಿಪಜ್ಜಿಯ, ಸಮ್ಪಜ್ಜಿಯ, ಪಟಿಪಜ್ಜಿಯ।
ಆಪುಬ್ಬ ಸದ-ಘಟ್ಟನೇ, ಆಸಜ್ಜ ನಂ ತಥಾಗತಂ
ಬುಧ-ಞಾಣೇ, ಬುಜ್ಝ, ಸಮ್ಬುಜ್ಝ, ಅಭಿಸಮ್ಬುಜ್ಝ, ಬುಜ್ಝಿಯ, ಬುಜ್ಝಿಯಾನ, ‘‘ಮರೀಚಿಕೂಪಮಂ ಅಭಿಸಮ್ಬುದ್ಧಾನೋ’’ತಿ ಪಾಳಿ, ದಾದೇಸೇ ಅಸ್ಸ ಓತ್ತಂ ಕತ್ವಾ ಸಿದ್ಧಾ ಯಥಾ ‘ಅನುಪಾದಿಯಾನೋ’ತಿ।
ವಧ-ಹಿಂಸಾಯಂ
ವಿಧ-ತಾಳನೇ, ವಿಜ್ಝ, ವಿಜ್ಝಿಯ।
ಖನ-ವಿಲೇಖನೇ, ಖಞ್ಞ, ಖಣಿಯ, ನಾಸ್ಸ ಣತ್ತಂ।
ಪವಗ್ಗೇ –
ಖಿಪ್ಪ, ನಿಖಿಪ್ಪ, ಸಂಖಿಪ್ಪ, ಖಿಪಿಯ, ಸಂಖಿಪಿಯ।
ಲಬಿ-ಅವಸಂಸನೇ, ಯಲೋಪೋ, ಆಲಮ್ಬ, ವಿಲಮ್ಬ, ಅವಲಮ್ಬ।
ಲುಬಿ-ಸನ್ಥಮ್ಭನೇ, ದಣ್ಡಮೋಲುಮ್ಬ ತಿಟ್ಠತಿ, ಝಾನಮೋಲುಮ್ಬ ವತ್ತತಿ।
ಉಪುಬ್ಬೋ ಉದ್ಧರಣೇ ‘‘ಉಲ್ಲುಮ್ಬತು ಮಂ ಭನ್ತೇ ಸಙ್ಘೋ’’ತಿ
ಪಕ್ಕಮ್ಮ, ಅಕ್ಕಮ್ಮ, ವಿಕ್ಕಮ್ಮ, ನಿಕ್ಖಮ್ಮ, ಓಕ್ಕಮ್ಮ, ಅಭಿಕ್ಕಮ್ಮ, ಅತಿಕ್ಕಮ್ಮ, ಪಟಿಕ್ಕಮ್ಮ, ಆಗಮ್ಮ, ಸಙ್ಗಮ್ಮ।
ಸಮ-ಉಪಧಾರಣೇ। ನಿಸಮ್ಮ ರಾಜ ಕಯಿರಾ, ನಾನಿಸಮ್ಮ ದಿಸಮ್ಪತಿ
ಸಮು-ಸನ್ತಿಯಂ ಖೇದೇ ಚ, ಉಪಸಮ್ಮ, ವೂಪಸಮ್ಮ, ವಿಸ್ಸಮ್ಮ।
ಕಸ-ಕಡ್ಢನೇ, ಅಪಕಸ್ಸ।
ದಿಸ-ಪೇಕ್ಖನೇ, ಆದಿಸ್ಸ, ಉದ್ದಿಸ್ಸ, ಓದಿಸ್ಸ, ಅಪದಿಸ್ಸ।
ಫುಸ-ಸಮ್ಫಸ್ಸೇ। ಫುಸ್ಸ ಫುಸ್ಸ ಬ್ಯನ್ತೀಕರೋತಿ
ವಸ-ನಿವಾಸೇ। ಉಪವಸ್ಸಂ ಖೋ ಪನ ಕತ್ತಿಕತೇಮಾಸಪುಣ್ಣಮಂ
ವಿಸ-ಪವೇಸನೇ, ಪವಿಸ್ಸ, ನಿವಿಸ್ಸ, ಅಭಿನಿವಿಸ್ಸ ಇಚ್ಚಾದಿ।
ಇತಿ ತ್ವಾದಿವಿಕಾರರಾಸಿ।
ಪಚ್ಚಯವಿಕಾರರಾಸಿ ನಿಟ್ಠಿತೋ।
ಪಕತಿರೂಪರಾಸಿ
ತಾದಿಪಚ್ಚಯರಾಸಿ
ಅಥ
ತ,ತಿ, ತು, ತವನ್ತು, ತಾವೀ, ತ್ವಾ, ತ್ವಾನ, ತುನ, ತುಂ, ತವೇ, ತಾಯೇ, ತಬ್ಬ।
ದಾ, ಖ್ಯಾ, ಗಾ, ಘಾ, ಟಾ, ಠಾ, ತಾ, ಥಾ, ದಾ, ಧಾ, ಪಾ, ಫಾ, ಭಾ, ಮಾ, ಯಾ, ಲಾ, ವಾ, ಸಾ, ಹಾ।
ಅಕ್ಖಾತೋ, ಸ್ವಾಕ್ಖಾತೋ, ಆಖ್ಯಾತೋ, ವಿಖ್ಯಾತೋ।
‘ಊ ಬ್ಯಞ್ಜನಸ್ಸಾ’ತಿ ಕ್ವಚಿ ಈಆಗಮೋ ರಸ್ಸೋ ಚ, ಸಙ್ಗಾಯಿತೋ, ಘಾಯಿತೋ, ಞಾತೋ।
‘ಜ್ಯಾದೀಹಿ ಕ್ನಾ’ತಿ ನಾಪಚ್ಚಯೋ, ಜಾನಿತೋ।
ಕಾರಿತೇ-ಞಾಪಿತೋ, ಞಾಪಯಿತೋ। ಪುತ್ತಂ ತಾಯತಿ ರಕ್ಖತೀತಿ ತಾತೋ-ಪಿತಾ। ದತ್ತೋ, ದ್ವಿತ್ತಂ ರಸ್ಸತ್ತಞ್ಚ। ದೇವದತ್ತೋ, ಬ್ರಹ್ಮದತ್ತೋ, ಯಞ್ಞದತ್ತೋ, ದಾಪಿತೋ, ದಾಪಯಿತೋ।
ಮಹಾವುತ್ತಿನಾ ಪಸ್ಸ ಪಿವೋ, ಪಿವಿತೋ।
ಫಾ-ವುದ್ಧಿಯಂ, ಫಿತೋ ಪಭಾತಾ ರತ್ತಿ।
ಮಾ-ಮಾನೇ, ಮಿತೋ, ಸಮ್ಮಿತೋ, ಉಪಮಿತೋ, ನಿಮ್ಮಿತೋ, ಯಾತೋ, ಲಾತೋ, ವಾತೋ।
ಮಹಾವುತ್ತಿನಾ ವಾಸ್ಸುತ್ತಂ, ನಿಬ್ಬುತೋ, ಪರಿನಿಬ್ಬುತೋ, ನಿಬ್ಬಾಪಿತೋ, ಪರಿನಿಬ್ಬಾಪಿತೋ, ಓಸಿತೋ, ಪರಿಯೋಸಿತೋ, ಓಸಾಪಿತೋ, ಪರಿಯೋಸಾಪಿತೋ, ಪಹಿತೋ, ಪಜಹಿತೋ, ಹಾಪಿತೋ।
ತಿಮ್ಹಿ-ಞತ್ತಿ, ದತ್ತಿ, ಪಾತಿ, ಫಾತಿ, ನಿಬ್ಬುತಿ, ಪರಿನಿಬ್ಬುತಿ।
ತುಮ್ಹಿ-ಸಙ್ಖಾತಾ ಸಬ್ಬಧಮ್ಮಾನಂ
‘ಊ ಲಸ್ಸೇ’ತಿ
ತವನ್ತು, ತಾವೀಸು-ಅಕ್ಖತಾ, ಅಕ್ಖಾತಾವೀ ಇಚ್ಚಾದಿ।
ತ್ವಾದೀಸು ಸಂಯೋಗೇ ರಸ್ಸತ್ತಂ, ಞತ್ವಾ, ಜಾನಿತ್ವಾ, ಞಾಪೇತ್ವಾ, ಜಾನಾಪೇತ್ವಾ, ಠತ್ವಾ।
ಪಾದಿತೋ ಠಾಸ್ಸ ಠಹೋ, ಸಣ್ಠಹಿತ್ವಾ, ಪತಿಟ್ಠಹಿತ್ವಾ।
ಕಾರಿತೇ ಕ್ವಚಿ ರಸ್ಸತ್ತಂ, ಠಪೇತ್ವಾ, ಪಟ್ಠಪೇತ್ವಾ, ಪತಿಟ್ಠಾಪೇತ್ವಾ, ದತ್ವಾ, ಆದಿಯಿತ್ವಾ, ಸಮಾದಿಯಿತ್ವಾ, ದಜ್ಜಿತ್ವಾ।
ದದ-ದಾನೇ, ತ್ವಾಸ್ಸ ಪ್ಯೋ, ಯಮ್ಹಿ ದಸ್ಸ ಜೋ, ಯಸ್ಸ ಪುಬ್ಬರೂಪಂ ದೀಘೋ, ದಜ್ಜಾ, ದಾಪೇತ್ವಾ।
ಪಾದಿತೋ ರಸ್ಸೋ, ಸಮಾದಪೇತ್ವಾ।
ಧಾ-ಧಾರಣೇ, ದ್ವಿತ್ತಂ, ಪುಬ್ಬಸ್ಸ ತತಿಯತ್ತಂ ರಸ್ಸೋ ಚ, ಪರಸ್ಸ ‘ಧಾಸ್ಸ ಹೋ’ತಿ ಹೋ, ಪದಹಿತ್ವಾ, ವಿದಹಿತ್ವಾ, ನಿದಹಿತ್ವಾ, ಸದ್ದಹಿತ್ವಾ, ಓದಹಿತ್ವಾ, ಪಿದಹಿತ್ವಾ, ಪರಿದಹಿತ್ವಾ।
ಕಾರಿತೇ-ಆಧಪೇತ್ವಾ, ಸನ್ನಿಧಾಪೇತ್ವಾ, ಪಿವಿತ್ವಾ, ಪಿತ್ವಾ ವಾ, ಪಾಯೇತ್ವಾ, ಮಾಪೇತ್ವಾ, ಓಸಾಪೇತ್ವಾ, ಪರಿಯೋಸಾಪೇತ್ವಾ, ಹಿತ್ವಾ, ಪಜಹಿತ್ವಾ, ಹಾಪೇತ್ವಾ, ಪಜಹಾಪೇತ್ವಾ।
ತುಂ, ತವೇಸು-ಅಕ್ಖಾತುಂ, ಅಕ್ಖಾತವೇ, ಸಙ್ಖಾತುಂ, ಸಙ್ಖಾತವೇ, ಞಾತುಂ, ಞಾತವೇ, ಜಾನಿತುಂ, ಜಾನಿತವೇ, ಞಾಪೇತುಂ, ಞಾಪೇತವೇ, ಜಾನಾಪೇತುಂ, ಜಾನಾಪೇತವೇ, ಠಾತುಂ, ಠಾತವೇ, ಸಣ್ಠಾತುಂ, ಸಣ್ಠಾತವೇ, ಸಣ್ಠಹಿತುಂ, ಸಣ್ಠಹಿತವೇ, ಠಪೇತುಂ, ಠಪೇತವೇ, ಸಣ್ಠಾಪೇತುಂ, ಸಣ್ಠಾಪೇತವೇ, ದಾತುಂ, ದಾತವೇ, ಪದಾತುಂ, ಪದಾತವೇ, ಆದಾತುಂ, ಆದಾತವೇ, ದಜ್ಜಿತುಂ, ದಜ್ಜಿತವೇ, ದಾಪೇತುಂ, ದಾಪೇತವೇ, ಸಮಾದಪೇತುಂ, ಸಮಾದಪೇತವೇ, ಸನ್ಧಾತುಂ, ಸನ್ಧಾತವೇ, ಸದ್ದಹಿತುಂ, ಸದ್ದಹೇತುಂ, ಸದ್ದಹೇತವೇ, ನಿಧೇತುಂ, ನಿಧೇತವೇ
ತಬ್ಬಮ್ಹಿ-ಅಕ್ಖಾತಬ್ಬಂ, ಸಙ್ಖಾತಬ್ಬಂ, ಸಙ್ಖ್ಯಾತಬ್ಬಂ, ಗಾಯಿತಬ್ಬಂ, ಞಾತಬ್ಬಂ, ಜಾನಿತಬ್ಬಂ, ಞಾಪೇತಬ್ಬಂ, ಜಾನಾಪೇತಬ್ಬಂ, ಠಾತಬ್ಬಂ, ಠಪೇತಬ್ಬಂ, ದಾತಬ್ಬಂ, ಆದಾತಬ್ಬಂ, ಸಮಾದಾತಬ್ಬಂ, ದಾಪೇತಬ್ಬಂ, ಸಮಾದಪೇತಬ್ಬಂ, ವಿಧಾತಬ್ಬಂ, ವಿದಹಿತಬ್ಬಂ, ಪಾತಬ್ಬಂ, ಪಿವಿತಬ್ಬಂ, ಮಿನಿತಬ್ಬಂ, ಮಿನೇತಬ್ಬಂ, ಯಾತಬ್ಬಂ, ಲಾತಬ್ಬಂ, ಪಹಾತಬ್ಬಂ।
ಇವಣ್ಣೇಸು ವಿಪುಬ್ಬೋ ಇ-ಗತ್ಯಂ, ವೀತೋ, ವೀತದೋಸೋ ವೀತಮೋಹೋ
ಸಮಿತೋ, ಸಮೇತೋ, ಸಮವೇತೋ, ಅಪೇತೋ, ಉಪೇತೋ, ಸಮುಪೇತೋ, ಅಭಿತೋ, ಕೀತೋ, ಕಯಿತೋ, ಕಿಣಿತೋ, ಚಿತೋ, ಚಿನಿತೋ, ಆಚಿತೋ, ಉಪಚಿತೋ, ಸಞ್ಚಿತೋ, ಜಿತೋ, ಪರಾಜಿತೋ, ಡಿತೋ, ಓಡ್ಡಿತೋ, ನೀತೋ, ಆನೀತೋ, ವಿನೀತೋ, ಓಣೀತೋ, ಪಣೀತೋ, ನಸ್ಸ ಣತ್ತಂ।
ಪೀತೋ, ಭೀತೋ, ಮಿತೋ, ಸಿತೋ, ನಿಸ್ಸಿತೋ, ಪಹಿತೋ।
ತಿಮ್ಹಿ-ಸಮಿತಿ, ವಿಚಿತಿ, ನೀತಿ, ದ್ವಿತ್ತೇ ಆದಿವುದ್ಧಿ, ನೇತ್ತಿ, ಸದ್ಧಮ್ಮನೇತ್ತಿ, ಭೀತಿ।
ತುಮ್ಹಿ-ಸಮೇತಾ, ಅಭಿಸಮೇತಾ, ವಿಚೇತಾ, ಜೇತಾ, ನೇತಾ, ವಿನೇತಾ, ನಿನ್ನೇತಾ।
ತವನ್ತು, ತಾವೀಸು-ಸಮೇತವಾ, ಸಮೇತಾವೀ, ಅಭಿಸಮೇತವಾ, ಅಭಿಸಮೇತಾವೀ ಇಚ್ಚಾದಿ।
ತ್ವಾದೀಸು-ಸಮೇತ್ವಾ, ಉಪೇತ್ವಾ, ಕಿಣಿತ್ವಾ, ವಿಚಿನಿತ್ವಾ, ಜೇತ್ವಾ, ವಿಜೇತ್ವಾ, ಜಿನಿತ್ವಾ, ವಿಜಿನಿತ್ವಾ, ಪರಾಜೇತ್ವಾ, ನೇತ್ವಾ, ಆನೇತ್ವಾ
ತುಂ, ತವೇಸು-ಸಮೇತುಂ, ಉಪೇತುಂ, ಸಮುಪೇತುಂ, ಸಮೇತವೇ, ಕೇತುಂ, ಕಿಣಿತುಂ, ಕೇತವೇ, ವಿಚೇತುಂ, ವಿಚಿನಿತುಂ, ಜೇತುಂ, ವಿಜೇತುಂ, ನಿತುಂ, ಆನಿತುಂ, ವಿನಿತುಂ, ನೇತುಂ, ಆನೇತುಂ, ವಿನೇತುಂ, ನಯಿತುಂ, ಆನಯಿತುಂ, ವಿನಯಿತುಂ, ನೇತವೇ।
ತಬ್ಬಮ್ಹಿ-ಸಮೇತಬ್ಬಂ, ಕೇತಬ್ಬಂ, ಕಿಣಿತಬ್ಬಂ ಇಚ್ಚಾದಿ।
ಉವಣ್ಣೇಸು-ಚುತೋ, ಚವಿತೋ।
ಕಾರಿತೇ-ಚಾವಿತೋ।
ಜುತೋ, ಜವಿತೋ, ಥುತೋ, ಅಭಿತ್ಥುತೋ, ಅಭಿತ್ಥವಿತೋ,
ಸಂಪುಬ್ಬೋ ಧು-ವಲ್ಲಭೇ, ಸನ್ಧುತೋ-ಮಿತ್ತೋ। ‘‘ಅಸಣ್ಠುತಂ ಚಿರಸಣ್ಠುತೇನಾ’’ತಿಪಿ ಪಾಳಿ।
ದು-ಗತಿಯಂ ಹಿಂಸಾಯಞ್ಚ, ದುತೋ, ಉಪದ್ದುತೋ।
ಧೂ-ಕಮ್ಪನೇ, ಧುತೋ, ನಿದ್ಧುತೋ।
ಭೂತೋ, ಸಮ್ಭೂತೋ।
ಕಾರಿತೇ-ಭಾವಿತೋ, ಸಮ್ಭಾವಿತೋ, ವಿಭಾವಿತೋ, ಪರಿಭಾವಿತೋ।
ಯು-ಮಿಸ್ಸನೇ, ಸಂಯುತೋ।
ರು-ಸದ್ದೇ, ರುತೋ, ಲುತೋ, ವುತೋ, ಸಂವುತೋ, ಸುಸಂವುತೋ, ಸುತೋ, ವಿಸ್ಸುತೋ।
ಹು-ಪೂಜಾಯಂ, ಹುತೋ।
ತಿಮ್ಹಿ-ಚವನಂ ಚುತಿ, ಥವನಂ ಥುತಿ, ಭೂತಿ, ವಿಭೂತಿ, ಸವನಂ ಸುತಿ,
ತುಮ್ಹಿ-ಚವಿತಾ, ಚಾವೇತಾ, ಜವಿತಾ, ಥವಿತಾ, ಸನ್ಥವಿತಾ, ಸೋತಾ, ಸಾವೇತಾ।
ತವನ್ತು
ತ್ವಾದೀಸು-ಚವಿತ್ವಾ, ಚವಿತ್ವಾನ, ಚವಿತುನ, ಜವಿತ್ವಾ, ಅಭಿತ್ಥವಿತ್ವಾ, ಭುತ್ವಾ, ಅನುಭವಿತ್ವಾ, ಭಾವೇತ್ವಾ, ಭಾವಯಿತ್ವಾ, ಸುತ್ವಾ, ಸುಣಿತ್ವಾ, ಸಾವೇತ್ವಾ, ಸಾವಯಿತ್ವಾ।
ತುಂ, ತವೇಸು-ಚವಿತುಂ, ಚಾವೇತುಂ, ಭೋತುಂ, ಭವಿತುಂ, ಅನುಭವಿತುಂ, ಭಾವೇತುಂ, ಭಾವಯಿತುಂ, ಸೋತುಂ, ಸಾವೇತುಂ।
ಹೂ-ಸತ್ತಾಯಂ, ಹೋತುಂ। ‘‘ಯಾ ಇಚ್ಛೇ ಪುರಿಸೋ ಹೋತುಂ
ತಬ್ಬಮ್ಹಿ-ಚವಿತಬ್ಬಂ, ಭವಿತಬ್ಬಂ, ಅನುಭವಿತಬ್ಬಂ, ಭಾವೇತಬ್ಬಂ, ಸೋತಬ್ಬಂ। ದ್ವಿತ್ತೇ-ಸೋತ್ತಬ್ಬಂ, ಸಾವೇತಬ್ಬಂ।
ಏದನ್ತೇಸು ಮಹಾವುತ್ತಿನಾ ಕ್ವಚಿ ಏಕಾರಸ್ಸ ಇತ್ತಂ, ಗಾಯಿತೋ, ಅಪಚಾಯಿತೋ, ಅಪಚಿತೋ ವಾ, ಉಜ್ಝಾಯಿತೋ, ನಿಜ್ಝಾಯಿತೋ, ಅಭಿಜ್ಝಾಯಿತೋ।
ಗಾಯನಂ ಗೀತಿ, ಅಪಚಾಯನಂ ಅಪಚಿತಿ।
ತುಮ್ಹಿ-ಗಾಯಿತಾ, ಅಪಚಾಯಿತಾ, ಉಜ್ಝಾಯಿತಾ।
ತವನ್ತು, ತಾವೀಸು-ಗಾಯಿತವಾ, ಗಾಯಿತಾವೀ ಇಚ್ಚಾದಿ।
ಗಾಯಿತ್ವಾ, ಝಾಯಿತ್ವಾ, ಅಭಿಜ್ಝಾಯಿತ್ವಾ।
ಗಾಯಿತುಂ, ಗಾಯಿತವೇ, ಅಪಚಾಯಿತುಂ, ಅಪಚಾಯಿತವೇ, ಝಾಯಿತುಂ, ಝಾಯಿತವೇ, ಅಭಿಜ್ಝಾಯಿತುಂ, ಅಭಿಜ್ಝಾಯಿತವೇ।
ಗಾಯಿತಬ್ಬಂ, ಅಪಚಾಯಿತಬ್ಬಂ, ಉಜ್ಝಾಯಿತಬ್ಬಂ।
ಇತಿ ಏಕಬ್ಯಞ್ಜನಧಾತೂನಂ ಪಕತಿರೂಪರಾಸಿ।
ಭೂವಾದಿಗಣ
ಅನೇಕಬ್ಯಞ್ಜನಧಾತೂನಂ
ಅತ್ರಿದಂ ನಯದಸ್ಸನಂ –
ಆಸ, ಇಸ, ಗಮು, ದಿಸ।
ಆಸ-ಉಪವೇಸನೇ, ಚ್ಛಾದೇಸಸುತ್ತೇ ‘ನ್ತ ಮಾನ ತ್ಯಾದೀಸೂ’ತಿ ಅಧಿಕತತ್ತಾ ತಪಚ್ಚಯೇಸುಚ್ಛಾದೇಸೋ ನತ್ಥಿ, ಗರುಂ ಉಪಾಸಿತೋ, ಪಯಿರುಪಾಸಿತೋ।
ತುಮ್ಹಿ-ಉಪಾಸಿತಾ, ಉಪಾಸೇತಾ ವಾ, ಉಪಾಸಿತವಾ, ಉಪಾಸಿತಾವೀ, ಉಪಾಸಿತ್ವಾ, ಉಪಾಸಿತ್ವಾನ, ಉಪಾಸಿತುನ। ‘ಪ್ಯೋ ವಾ ತ್ವಾಸ್ಸ ಸಮಾಸೇ’ತಿ ಪ್ಯಾದೇಸೇ-ಉಪಾಸಿಯ, ಪಯಿರುಪಾಸಿಯ, ಉಪಸಿಯಾನ, ಉಪಾಸಿತುಂ, ಉಪಾಸಿತವೇ, ಉಪಾಸಿತಬ್ಬೋ।
ಇಸು-ಇಚ್ಛಾ, ಕನ್ತೀಸು, ಬಹುಲಾಧಿಕಾರಾ ಚ್ಛಾದೇಸೋ, ಇಚ್ಛಿತೋ, ಇಚ್ಛಿತಾ, ಇಚ್ಛಿತವಾ, ಇಚ್ಛಿತಾವೀ, ಇಚ್ಛಿತುಂ, ಇಚ್ಛಿತವೇ, ಇಚ್ಛಿತಬ್ಬಂ।
ಕಾರಿತೇ-ಇಚ್ಛಾಪಿತೋ, ಇಚ್ಛಾಪಿತಾ, ಇಚ್ಛಾಪಿತಾವೀ, ಇಚ್ಛಾಪೇತ್ವಾ, ಇಚ್ಛಾಪೇತುಂ, ಇಚ್ಛಾಪೇತವೇ, ಇಚ್ಛಾಪೇತಬ್ಬಂ।
ಏಸಧಾತುಮ್ಹಿ-ಏಸಿತೋ, ಪರಿಯೇಸಿತೋ, ಏಸಿತಾ, ಪರಿಯೇಸಿತಾ, ಏಸಿತವಾ, ಪರಿಯೇಸಿತವಾ, ಏಸಿತ್ವಾ, ಪರಿಯೇಸಿತ್ವಾ, ಏಸಿತ್ವಾನ, ಪರಿಯೇಸಿತ್ವಾನ, ಏಸಿತುಂ, ಪರಿಯೇಸಿತುಂ, ಏಸಿತವೇ, ಪರಿಯೇಸಿತವೇ, ಏಸಿತಬ್ಬಂ, ಪರಿಯೇಸಿತಬ್ಬಂ।
ಗಮು-ಗತಿಮ್ಹಿ, ಗಮಿತೋ, ಗಮಿತಾ, ಗಮಿತವಾ, ಗಮಿತಾವೀ, ಗಮಿತ್ವಾ, ಗಮಿತ್ವಾನ, ಗಮಿತುನ, ಗಮಿತುಂ, ಗಮಿತವೇ, ಗಮಿತಬ್ಬಂ।
ಕಾರಿತೇ-ಗಮಾಪಿತೋ, ಗಮಾಪೇತಾ ಇಚ್ಚಾದಿ।
ದಿಸ-ಪೇಕ್ಖನೇ
ಕಾರಿತೇ-ದಸ್ಸಿತೋ, ದಸ್ಸಯಿತೋ, ದಸ್ಸಿತಾ, ದಸ್ಸೇತಾ, ದಸ್ಸಯಿತಾ, ದಸ್ಸಿತವಾ, ದಸ್ಸಿತಾವೀ, ದಸ್ಸೇತ್ವಾ, ದಸ್ಸಯಿತ್ವಾ, ದಸ್ಸೇತ್ವಾನ, ದಸ್ಸಯಿತ್ವಾನ, ದಸ್ಸೇತುಂ, ದಸ್ಸಯಿತುಂ, ದಸ್ಸೇತಬ್ಬಂ।
ದಕ್ಖಾದೇಸೇ-ದಕ್ಖಿತೋ, ದಕ್ಖಿತಾ, ದಕ್ಖಿತವಾ, ದಕ್ಖಿತಾವೀ, ದಕ್ಖಿತ್ವಾ, ದಕ್ಖಿತುಂ, ದಕ್ಖಿತವೇ, ‘‘ದಕ್ಖಿತಾಯೇ ಅಪರಾಜಿತಸಙ್ಘ’’ನ್ತಿ
ದುಸ-ನಾಸೇ, ಕಾರಿತೇ ಣಿಪಚ್ಚಯೇ –
೭೬೪. ಣಿಮ್ಹಿ ದೀಘೋ ದುಸಸ್ಸ
ಣಿಮ್ಹಿ ಪರೇ ದುಸಸ್ಸ ದೀಘೋ ಹೋತಿ।
ದೂಸಿತೋ, ದೂಸಿತಾ, ದೂಸೇತಾ, ದೂಸಿತವಾ, ದೂಸಿತಾವೀ, ದೂಸೇತ್ವಾ, ದೂಸೇತ್ವಾನ, ದೂಸಿತುನ, ದೂಸೇತುಂ, ದೂಸೇತವೇ।
ಣಿಮ್ಹೀತಿ ಕಿಂ? ದುಟ್ಠೋ।
ಇತಿ ಭೂವಾದಿಗಣೋ।
ರುಧಾದಿಗಣ
ಭುಜ, ಯುಜ, ಛಿದ, ಭಿದ, ರುಧ।
೭೬೫. ಮಂ ವಾ ರುಧಾದೀನಂ
ರುಧಾದೀನಂ ಪುಬ್ಬನ್ತಸರಾ ಪರಂ ಮಾನುಬನ್ಧೋ ನಿಗ್ಗಹೀತಾಗಮೋ ಹೋತಿ ವಾ।
ಭುಞ್ಜಿತೋ, ಭುಞ್ಜಿತಾ, ಭುಞ್ಜಿತವಾ, ಭುಞ್ಜಿತಾವೀ, ಭುಞ್ಜಿತ್ವಾ, ಭುಞ್ಜಿತ್ವಾನ, ಭುಞ್ಜಿತುನ, ಭುಞ್ಜಿತುಂ, ಭುಞ್ಜಿತವೇ, ಭುಞ್ಜಿತಬ್ಬಂ।
ಕಾರಿತೇ-ಭೋಜಿತೋ
ಛಿನ್ದಿತೋ, ಛಿನ್ದಿತಾ, ಛಿನ್ದೇತಾ ವಾ, ಛಿನ್ದಿತವಾ, ಛಿನ್ದಿತಾವೀ, ಛಿನ್ದಿತ್ವಾ, ಛಿನ್ದಿತ್ವಾನ, ಛಿನ್ದಿತುನ। ಪ್ಯಾದೇಸೇ-ಲತಂ ದನ್ತೇಹಿ ಛಿನ್ದಿಯ
ಕಾರಿತೇ-ಛಿನ್ದಾಪಿತೋ, ಛಿನ್ದಾಪೇತಾ ಇಚ್ಚಾದಿ।
ಭಿನ್ದಿತೋ, ಭಿನ್ದಿತಾ, ಭಿನ್ದೇತಾ ವಾ, ಛಿದಧಾತುಸದಿಸಂ।
ರುನ್ಧಿತೋ, ರುನ್ಧಿತಾ, ರುನ್ಧೇತಾ, ರುನ್ಧಿತವಾ, ರುನ್ಧಿತಾವೀ, ರುನ್ಧಿತ್ವಾ, ರುನ್ಧಿತ್ವಾನ, ರುನ್ಧಿತುಂ, ರುನ್ಧಿತವೇ, ರುನ್ಧಿತಬ್ಬಂ।
ಕಾರಿತೇ-ರುನ್ಧಾಪಿತೋ, ರುನ್ಧಾಪಯಿತೋ ಇಚ್ಚಾದಿ।
ಇತಿ ರುಧಾದಿಗಣೋ।
ದಿವಾದಿಗಣ
ಪದ, ಬುಧ, ತುಸ, ದಿವು।
೭೬೬. ಪದಾದೀನಂ ಕ್ವಚಿ।
ಪದಾದೀನಂ ಕ್ವಚಿ ಯುಕ ಹೋತಿ, ಯಾಗಮೋ, ‘ತವಗ್ಗವರಣಾನಂ ಯೇ ಚವಗ್ಗಬಯಞಾ’ತಿ ಚವಗ್ಗತ್ತಂ, ‘ವಗ್ಗಲಸೇಹಿ ತೇ’ತಿ ಯಸ್ಸ ಪುಬ್ಬರೂಪತ್ತಂ।
ಪಜ್ಜಿತೋ, ಆಪಜ್ಜಿತೋ, ಪಟಿಪಜ್ಜಿತೋ, ಪಟಿಪಜ್ಜಿತಾ, ಪಟಿಪಜ್ಜಿತವಾ, ಪಟಿಪಜ್ಜಿತಾವೀ, ಪಟಿಪಜ್ಜಿತ್ವಾ, ಪಟಿಪಜ್ಜಿತ್ವಾನ, ಪಟಿಪಜ್ಜಿತುನ, ಪಟಿಪಜ್ಜಿತುಂ, ಪಟಿಪಜ್ಜಿತವೇ, ಪಟಿಪಜ್ಜಿತಬ್ಬಂ।
ಕಾರಿತೇ-ಆಪಾದಿತೋ, ಉಪ್ಪಾದಿತೋ, ನಿಪ್ಫಾದಿತೋ, ಸಮ್ಪಾದಿತೋ, ಪಟಿಪಾದಿತೋ, ಆಪಾದಿತಾ, ಆಪಾದೇತಾ, ಉಪ್ಪಾದಿತಾ, ಅನುಪ್ಪನ್ನಸ್ಸ
ಕಾರಿತೇ-ಬೋಧಿತೋ, ಬೋಧೇತಾ ಪಜಾಯಾತಿ ಬುದ್ಧೋ
ಕಾರಿತೇ-ತೋಸಿತೋ, ತೋಸಿತಾ, ತೋಸೇತಾ ವಾ, ತೋಸಿತವಾ, ತೋಸಿತಾವೀ, ತೋಸೇತ್ವಾ, ತೋಸೇತುಂ, ತೋಸೇತಬ್ಬಂ, ದಿಬ್ಬಿತೋ, ದಿಬ್ಬಿತಾ, ದಿಬ್ಬಿತವಾ, ದಿಬ್ಬಿತಾವೀ, ದಿಬ್ಬಿತ್ವಾ, ದಿಬ್ಬಿತುಂ, ದಿಬ್ಬಿತಬ್ಬಂ।
ಇತಿ ದಿವಾದಿಗಣೋ।
ಸ್ವಾದಿಗಣ
ಸು, ವು, ಆಪ।
ಸುಣಿತೋ, ಸುಣಿತಾ, ಸೋತಾ ವಾ, ಸುಣಿತವಾ, ಸುಣಿತಾವೀ, ಸುಣಿತ್ವಾ, ಸುಣಿತುಂ, ಸುಣಿತಬ್ಬಂ।
ಕಾರಿತೇ-ಸಾವಿತೋ, ಸಾವೇತಾ, ಸಾವೇತವಾ, ಸಾವೇತಾವೀ, ಸಾವೇತ್ವಾ, ಸಾವೇತುಂ, ಸಾವೇತಬ್ಬಂ, ಸಂವುಣಿತೋ, ಆವುಣಿತೋ, ಸಂವುಣಿತಾ, ಸಂವುಣಿತ್ವಾ, ಸಂವುಣಿತುಂ, ಸಂವುಣಿತಬ್ಬಂ, ಪಾಪುಣಿತೋ, ಪರಿಯಾಪುಣಿತೋ, ಪಾಪುಣಿತಾ, ಪರಿಯಾಪುಣಿತಾ, ಪಾಪುಣಿತವಾ, ಪರಿಯಾಪುಣಿತವಾ, ಪಾಪುಣಿತಾವೀ, ಪರಿಯಾಪುಣಿತಾವೀ, ಪಾಪುಣಿತ್ವಾ
ಕಾರಿತೇ-ಪಾಪಿತೋ, ಪಾಪಿತಾ, ಪಾಪೇತಾ ವಾ, ಪಾಪೇತ್ವಾ, ಪಾಪೇತುಂ ಇಚ್ಚಾದಿ।
ಇತಿ ಸ್ವಾದಿಗಣೋ।
ಕಿಯಾದಿಗಣೋ ಏಕಬ್ಯಞ್ಜನೇಸು ವುತ್ತೋ ಏವ।
ತನಾದಿಗಣ
ಕರ, ತನ।
‘ಕರೋತಿಸ್ಸ ಖೋ’ತಿ ಕಸ್ಸ ಖೋ, ಅಭಿಸಙ್ಖರಿತೋ, ಅಭಿಸಙ್ಖರಿತಾ, ಅಭಿಸಙ್ಖರಿತವಾ, ಅಭಿಸಙ್ಖರಿತಾವೀ, ಕರಿತ್ವಾ, ಕರಿತ್ವಾನ, ಅಭಿಸಙ್ಖರಿತ್ವಾ, ಅಭಿಸಙ್ಖರಿತ್ವಾನ, ಅಭಿಸಙ್ಖರಿತುಂ, ಅಭಿಸಙ್ಖರಿತಬ್ಬಂ।
ಕಾರಿತೇ-ಕಾರಿತೋ, ಕಾರಾಪಿತೋ, ಕಾರಿತಾ, ಕಾರೇತಾ, ಕಾರಾಪಿತಾ, ಕಾರಾಪೇತಾ, ಕಾರಿತವಾ, ಕಾರಿತಾವೀ, ಕಾರೇತ್ವಾ, ಕಾರಾಪೇತ್ವಾ, ಕಾರೇತುಂ, ಕಾರಾಪೇತುಂ, ಕಾರೇತಬ್ಬಂ, ಕಾರಾಪೇತಬ್ಬಂ।
ತನಿತೋ, ತನಿತ್ವಾ, ತನಿತುಂ ಇಚ್ಚಾದಿ।
ಇತಿ ತನಾದಿಗಣೋ।
ಚುರಾದಿಗಣ
ಕಪ್ಪ, ಚಿನ್ತ, ಚುರ, ವಿದ।
ಕಪ್ಪ-ಸಙ್ಕಪ್ಪನೇ, ಕಪ್ಪಿತೋ, ಸಙ್ಕಪ್ಪಿತೋ, ಕಪ್ಪಯಿತೋ, ಸಙ್ಕಪ್ಪೇತಾ, ಸಙ್ಕಪ್ಪಯಿತಾ, ಕಪ್ಪೇತವಾ, ಕಪ್ಪೇತಾವೀ, ಕಪ್ಪೇತ್ವಾ, ಕಪ್ಪಯಿತ್ವಾ, ಕಪ್ಪೇತುಂ, ಕಪ್ಪಯಿತುಂ, ಕಪ್ಪೇತಬ್ಬಂ, ಕಪ್ಪಯಿತಬ್ಬಂ।
ಕಾರಿತೇ-ಕಪ್ಪಾಪಿತೋ
ಚಿನ್ತಿತೋ, ಚಿನ್ತಯಿತೋ, ಚಿನ್ತೇತಾ, ಚಿನ್ತಯಿತಾ, ಚಿನ್ತಿತವಾ, ಚಿನ್ತಿತಾವೀ, ಚಿನ್ತೇತ್ವಾ, ಚಿನ್ತಯಿತ್ವಾ, ಚಿನ್ತಿತುಂ, ಚಿನ್ತೇತುಂ, ಚಿನ್ತಯಿತುಂ, ಚಿನ್ತಿತಬ್ಬಂ, ಚಿನ್ತೇತಬ್ಬಂ।
ಕಾರಿತೇ-ಚಿನ್ತಾಪಿತೋ ಇಚ್ಚಾದಿ।
ಚೋರಿತೋ, ಚೋರಯಿತೋ, ಚೋರೇತಾ, ಚೋರಯಿತಾ ಇಚ್ಚಾದಿ।
ವೇದಿತೋ, ವೇದಯಿತೋ, ವೇದೇತಾ, ವೇದಯಿತಾ ಇಚ್ಚಾದಿ।
ಇತಿ ಚುರಾದಿಗಣೋ।
ತಿತಿಕ್ಖ, ವೀಮಂಸ, ಬುಭುಕ್ಖ, ಪಬ್ಬತಾಯ।
ತಿತಿಕ್ಖಿತೋ, ತಿತಿಕ್ಖಿತಾ, ತಿತಿಕ್ಖಿತವಾ, ತಿತಿಕ್ಖಿತಾವೀ, ತಿತಿಕ್ಖಿತ್ವಾ, ತಿತಿಕ್ಖಿತುಂ, ತಿತಿಕ್ಖಿತಬ್ಬೋ।
ಕಾರಿತೇ-ತಿತಿಕ್ಖಾಪಿತೋ ಇಚ್ಚಾದಿ।
ವೀಮಂಸಿತೋ, ವೀಮಂಸೇತಾ, ವೀಮಂಸಿತವಾ, ವೀಮಂಸಿತಾವೀ, ವೀಮಂಸಿತ್ವಾ, ವೀಮಂಸಿತುಂ, ವೀಮಂಸಿತಬ್ಬಂ।
ಕಾರಿತೇ-ವೀಮಂಸಾಪಿತೋ ಇಚ್ಚಾದಿ।
ಬುಭುಕ್ಖಿತೋ, ಬುಭುಕ್ಖಿತಾ, ಬುಭುಕ್ಖಿತವಾ, ಬುಭುಕ್ಖಿತಾವೀ, ಬುಭುಕ್ಖಿತ್ವಾ, ಬುಭುಕ್ಖಿತುಂ, ಬುಭುಕ್ಖಿತಬ್ಬಂ।
ಕಾರಿತೇ-ಬುಭುಕ್ಖಾಪಿತೋ ಇಚ್ಚಾದಿ।
ಪಬ್ಬತಾಯಿತೋ, ಪಬ್ಬತಾಯಿತಾ, ಪಬ್ಬತಾಯಿತವಾ, ಪಬ್ಬತಾಯಿತಾವೀ, ಪಬ್ಬತಾಯಿತ್ವಾ, ಪಬ್ಬತಾಯಿತುಂ, ಪಬ್ಬತಾಯಿತಬ್ಬೋ।
ಕಾರಿತೇ-ಪಬ್ಬತಾಯಾಪಿತೋ ಇಚ್ಚಾದಿ।
ಏವಂ ಕುಕ್ಕುಚ್ಚಾಯಿತೋ, ಕುಕ್ಕುಚ್ಚಾಯಿತಾ, ಕುಕ್ಕುಚ್ಚಾಯಿತವಾ, ಕುಕ್ಕುಚ್ಚಾಯಿತಾವೀ, ಕುಕ್ಕುಚ್ಚಾಯಿತ್ವಾ, ಕುಕ್ಕುಚ್ಚಾಯಿತುಂ, ಕುಕ್ಕುಚ್ಚಾಯಿತಬ್ಬಂ
ಅಥ ವಿಸೇಸರಾಸಿ ವುಚ್ಚತೇ।
೭೬೭. ಕತ್ತರಿ ಚಾರಮ್ಭೇ
ಆರಮ್ಭೋ ನಾಮ ಆದಿಕ್ರಿಯಾ-ಪಠಮಾರಮ್ಭೋ। ಕ್ರಿಯಾರಮ್ಭೇ ವತ್ತಬ್ಬೇ ಕತ್ತರಿ ಚ ಭಾವ, ಕಮ್ಮೇಸು ಚ ಕ್ತೋ ಹೋತಿ, ಏತೇನ ಪಚ್ಚುಪ್ಪನ್ನೇಪಿ ಕ್ರಿಯಾಸನ್ತಾನೇ ಪಠಮಾರಮ್ಭಂ ಪಟಿಚ್ಚ ಅತೀತವಿಸಯೋ ತಪಚ್ಚಯೋ ವಿಹಿತೋ, ಯಥಾ? ಭುತ್ತಾವೀ ಪವಾರಿತೋತಿ
ಪುರಿಸೋ ಕಟಂ ಪಕತೋ, ಪುರಿಸೇನ ಕಟೋ ಪಕತೋ।
೭೬೮. ಠಾಸವಸಸಿಲಿಸಸೀರುಹಜರಜನೀಹಿ
ಠಾದೀಹಿ ಕತ್ತರಿ ಚ ಭಾವ, ಕಮ್ಮೇಸು ಚ ಕ್ತೋ ಹೋತಿ।
ಠಾಮ್ಹಿ-ಉಪಟ್ಠಿತೋ ಗರುಂ ಸಿಸ್ಸೋ, ಉಪಟ್ಠಿತೋ ಗರು ಸಿಸ್ಸೇನ।
ಆಸಮ್ಹಿ-ಉಪಾಸಿತೋ ಗರುಂ ಸಿಸ್ಸೋ, ಉಪಾಸಿತೋ ಗರು ಸಿಸ್ಸೇನ।
ವಸಮ್ಹಿ-ಅನುವುಸಿತೋ ಗರುಂ ಸಿಸ್ಸೋ, ಅನುವುಸಿತೋ ಗರು ಸಿಸ್ಸೇನ।
ಸಿಲಿಸ-ಆಲಿಙ್ಗನೇ, ಆಸಿಲಿಟ್ಠೋ ಪಿತರಂ ಪುತ್ತೋ, ಆಸಿಲಿಟ್ಠೋ ಪಿತಾ ಪುತ್ತೇನ।
ಸೀಮ್ಹಿ-ಅಧಿಸಯಿತೋ ಉಕ್ಖಲಿಂ ಜನೋ, ಅಧಿಸಯಿತಾ ಉಕ್ಖಲಿ ಜನೇನ, ಉದ್ಧನಂ ಆರೋಪಿತಾತಿ ಅತ್ಥೋ।
ರುಹಮ್ಹಿ-ಆರೂಳ್ಹೋ ರುಕ್ಖಂ ಜನೋ, ಆರೂಳ್ಹೋ ರುಕ್ಖೋ ಜನೇನ।
ಜರಮ್ಹಿ-ಅನುಜಿಣ್ಣೋ ವಸಲಿಂ ದೇವದತ್ತೋ, ಅನುಜಿಣ್ಣಾ ವಸಲೀ ದೇವದತ್ತೇನ, ಅನುಜಾತೋ ಮಾಣವಿಕಂ ಮಾಣವೋ, ಅನುಜಾತಾ ಮಾಣವಿಕಾ ಮಾಣವೇನ।
೭೬೯. ಗಮನತ್ಥಾಕಮ್ಮಕಾಧಾರೇ ಚ
ಗಮನತ್ಥಧಾತೂಹಿ
ಯನ್ತಿ ಏತ್ಥಾತಿ ಯಾತಂ, ಇದಂ ತೇಸಂ ಯಾತಂ। ಪದಂ ಅಕ್ಕಮತಿ ಏತ್ಥಾತಿ ಪದಕ್ಕನ್ತಂ, ಇದಂ ತೇಸಂ ಪದಕ್ಕನ್ತಂ। ಇಹ ತೇ ಯಾತಾ, ಅಯಂ ತೇಹಿ ಯಾತೋ ಮಗ್ಗೋ, ಇಹ ತೇಹಿ ಯಾತಂ।
ಅಕಮ್ಮಕಮ್ಹಿ-ಇದಂ ತೇಸಂ ಆಸಿತಂ ಠಾನಂ, ಇಹ ತೇ ಆಸಿತಾ, ಇದಂ ತೇಹಿ ಆಸಿತಂ ಠಾನಂ, ಇಧ ತೇಹಿ ಆಸಿತಂ।
೭೭೦. ಆಹಾರತ್ಥಾ
ಅಜ್ಝೋಹರಣತ್ಥಧಾತುತೋ ಕತ್ತರಿ ಚ ಭಾವ, ಕಮ್ಮೇಸು ಚ ಆಧಾರೇ ಚ ಕ್ತೋ ಹೋತಿ।
ಇಹ ತೇ ಭುತ್ತಾ, ಅಸಿತಾ, ಪೀತಾ, ಖಾಯಿತಾ, ಸಾಯಿತಾ। ಇಮಾನಿ ತೇಹಿ ಭುತ್ತಾನಿ, ಅಸಿತಾನಿ, ಪೀತಾನಿ, ಖಾಯಿತಾನಿ, ಸಾಯಿತಾನಿ। ಇಹ ತೇಸಂ ಭುತ್ತಂ, ಅಸಿತಂ, ಪೀತಂ, ಖಾಯಿತಂ, ಸಾಯಿತಂ। ಇದಂ ತೇಸಂ ಭುತ್ತಂ ಠಾನಂ, ಅಸಿತಂ ಠಾನಂ, ಪೀತಂ ಠಾನಂ, ಖಾಯಿತಂ ಠಾನಂ, ಸಾಯಿತಂ ಠಾನಂ।
ಇತಿ ತಾದಿಪಚ್ಚಯರಾಸಿ।
ಅನೀಯಪಚ್ಚಯರಾಸಿ
‘ಭಾವಕಮ್ಮೇಸು ತಬ್ಬಾನೀಯಾ’ತಿ ಅನೀಯೋ, ಅನುಭುಯ್ಯತೀತಿ ಅನುಭವನೀಯೋ।
ಆಕಾರನ್ತೇಸು ಪರಸ್ಸರಲೋಪೋ, ಕ್ವಚಿ ಯಾಗಮೋ, ಉಪಟ್ಠಾನೀಯೋ, ದಾನೀಯೋ, ಪದಹತೀತಿ ಪಧಾನೀಯೋ-ಯೋಗಾವಚರೋ, ಪಾತಬ್ಬನ್ತಿ ಪಾನೀಯಂ, ಸಾಯಿತುಂ ಅರಹತೀತಿ ಸಾಯನೀಯಂ, ಪಟಿಸಾಯನೀಯಂ, ಪಹಾನೀಯಂ, ಅಭಿತ್ಥವನೀಯಂ, ಸೋತಬ್ಬನ್ತಿ ಸವನೀಯಂ, ಹುತಬ್ಬನ್ತಿ
ಕರ, ತರ, ಥರ, ಧರ, ಸರ, ಹರ।
೭೭೧. ರಾ ನಸ್ಸ ಣೋ
ರಕಾರನ್ತಧಾತುಮ್ಹಾ ಪರಸ್ಸ ಪಚ್ಚಯನಕಾರಸ್ಸ ಣೋ ಹೋತಿ।
ಕತ್ತಬ್ಬನ್ತಿ ಕರಣೀಯಂ, ತರಿತಬ್ಬನ್ತಿ ತರಣೀಯಂ, ಅತ್ಥರಿತಬ್ಬನ್ತಿ ಅತ್ಥರಣೀಯಂ, ಧಾರೇತಬ್ಬನ್ತಿ ಧಾರಣೀಯಂ, ಸಾರೇತಬ್ಬನ್ತಿ ಸಾರಣೀಯಂ, ಹರಿತಬ್ಬನ್ತಿ ಹರಣೀಯಂ ಇಚ್ಚಾದಿ।
ರುನ್ಧಿತಬ್ಬನ್ತಿ ರುನ್ಧನೀಯಂ, ಭುಞ್ಜಿತಬ್ಬನ್ತಿ ಭುಞ್ಜನೀಯಂ, ಭೋಜನೀಯಂ, ಪರಿಭೋಜನೀಯಂ, ಯೋಜೇತಬ್ಬನ್ತಿ ಯೋಜನೀಯಂ, ದಿಬ್ಬಿತಬ್ಬನ್ತಿ ದಿಬ್ಬನೀಯಂ, ಬುಜ್ಝಿತಬ್ಬನ್ತಿ ಬುಜ್ಝನೀಯಂ, ಪಾಪುಣಿತಬ್ಬನ್ತಿ ಪಾಪನೀಯಂ, ಞಾಪೇತಬ್ಬನ್ತಿ ಞಾಪನೀಯಂ, ಚಿನ್ತೇತಬ್ಬನ್ತಿ ಚಿನ್ತನೀಯಂ, ವಜ್ಜೇತಬ್ಬನ್ತಿ ವಜ್ಜನೀಯಂ, ತಿತಿಕ್ಖಿತಬ್ಬನ್ತಿ ತಿತಿಕ್ಖನೀಯಂ, ವೀಮಂಸಿತಬ್ಬನ್ತಿ ವೀಮಂಸನೀಯಂ ಇಚ್ಚಾದಿ।
ಇತಿ ಅನೀಯಪಚ್ಚಯರಾಸಿ।
ನ್ತ, ಮಾನಪಚ್ಚಯರಾಸಿ
ಅಥ ನ್ತ, ಮಾನಪಚ್ಚಯಾ ವುಚ್ಚನ್ತೇ।
೭೭೨. ನ್ತೋ ಕತ್ತರಿ ವತ್ತಮಾನೇ
ವತ್ತಮಾನೋ ವುಚ್ಚತಿ ಪಚ್ಚುಪ್ಪನ್ನೋ, ವತ್ತಮಾನೇ ಕಾಲೇ ಕ್ರಿಯತ್ಥಾ ಪರಂ ಕತ್ತರಿ ನ್ತೋ ಹೋತಿ।
ಭೂ-ಸತ್ತಾಯಂ, ‘ಕತ್ತರಿ ಲೋ’ತಿ ಅಪಚ್ಚಯೋ, ‘ಯುವಣ್ಣಾನಮೇಓಪಚ್ಚಯೇ’ತಿ ಓವುದ್ಧಿ, ಭವತೀತಿ ಭೋನ್ತೋ-ಪುರಿಸೋ, ಭೋನ್ತಂಕುಲಂ, ಭೋನ್ತೀ-ಇತ್ಥೀ।
ಪುನ
೭೭೩. ಮಾನೋ
ವತ್ತಮಾನೇ ಕಾಲೇ ಕ್ರಿಯತ್ಥಾ ಪರಂ ಕತ್ತರಿ ಮಾನೋ ಹೋತಿ।
ಭವಮಾನೋ-ಪುರಿಸೋ, ಭವಮಾನಂ-ಕುಲಂ, ಭವಮಾನಾ-ಇತ್ಥೀ।
೭೭೪. ಭಾವಕಮ್ಮೇಸು ಚ
ವತ್ತಮಾನೇ ಕಾಲೇ ಕ್ರಿಯತ್ಥಾ ಪರಂ ಭಾವ, ಕಮ್ಮೇಸು ಚ ಮಾನೋ ಹೋತಿ। ‘ಕ್ಯೋ ಭಾವಕಮ್ಮೇಸೂ…’ತಿ ಯಪಚ್ಚಯೋ।
ಅನುಭೂಯತೇತಿ ಅನುಭೂಯಮಾನೋ ಭೋಗೋ ಪುರಿಸೇನ, ಅನುಭೂಯಮಾನಾ ಸಮ್ಪತ್ತಿ, ಅನುಭೂಯಮಾನಂ ಸುಖಂ।
ಯಸ್ಸ ದ್ವಿತ್ತಂ, ಅನುಭುಯ್ಯಮಾನೋ।
೭೭೫. ತೇ ಸ್ಸಪುಬ್ಬಾನಾಗತೇ।
ಅನಾಗತೇ ಕಾಲೇ ವತ್ತಬ್ಬೇ ತೇ ನ್ತ, ಮಾನಪಚ್ಚಯಾ ಸ್ಸಪುಬ್ಬಾ ಹೋನ್ತಿ।
ಭವಿಸ್ಸತೀತಿ ಭವಿಸ್ಸನ್ತೋ
ಕಮ್ಮೇ-ಅನುಭೂಯಿಸ್ಸಮಾನೋ।
೭೭೬. ಮಾನಸ್ಸ ಮಸ್ಸ।
ಮಾನಪಚ್ಚಯಸ್ಸ ಮಸ್ಸ ಕ್ವಚಿ ಲೋಪೋ ಹೋತಿ।
ನಿಸಿನ್ನೋ ವಾ ಸಯಾನೋ
ಪಞ್ಞಾಯನ್ತೋ
ಕಮ್ಮೇ-ವಿಞ್ಞಾಯಮಾನೋ।
ಕಾರಿತೇ-ಞಾಪೇನ್ತೋ, ಞಾಪಯನ್ತೋ, ಞಾಪಯಮಾನೋ।
ಕಮ್ಮೇ-ಞಾಪೀಯಮಾನೋ।
ಕಿಯಾದಿಗಣೇ-ಜಾನನ್ತೋ, ಜಾನಮಾನೋ।
ಕಾರಿತೇ-ಜಾನಾಪೇನ್ತೋ, ಜಾನಾಪಯಮಾನೋ।
ಕಮ್ಮೇ-ಜಾನಾಪೀಯಮಾನೋ।
ತಿಟ್ಠಂ, ತಿಟ್ಠನ್ತೋ, ತಿಟ್ಠಮಾನೋ, ಸಣ್ಠಹಂ, ಸಣ್ಠಹನ್ತೋ, ಸಣ್ಠಹಮಾನೋ।
ಕಮ್ಮೇ-ಉಪಟ್ಠೀಯಮಾನೋ।
ಕಾರಿತೇ-ಪತಿಟ್ಠಾಪೇನ್ತೋ, ಪತಿಟ್ಠಾಪಯನ್ತೋ, ಪತಿಟ್ಠಾಪಯಮಾನೋ।
ಕಮ್ಮೇ-ಪತಿಟ್ಠಾಪೀಯಮಾನೋ।
ದೇನ್ತೋ, ದದನ್ತೋ, ದಜ್ಜನ್ತೋ, ಸಮಾದಿಯನ್ತೋ, ದದಮಾನೋ, ದಜ್ಜಮಾನೋ, ಸಮಾದೀಯಮಾನೋ।
ಕಮ್ಮೇ-ದೀಯಮಾನೋ, ದಿಯ್ಯಮಾನೋ।
ಕಾರಿತೇ-ದಾಪೇನ್ತೋ, ದಾಪಯನ್ತೋ, ಸಮಾದಪಯನ್ತೋ, ರಸ್ಸೋ।
ಕಮ್ಮೇ-ದಾಪೀಯಮಾನೋ, ಸಮಾದಾಪೀಯಮಾನೋ।
ನಿಧೇನ್ತೋ, ನಿದಹನ್ತೋ, ನಿದಹಮಾನೋ, ನಿಧಿಯ್ಯಮಾನೋ, ನಿಧಾಪೇನ್ತೋ, ನಿಧಾಪಯನ್ತೋ, ನಿಧಾಪಯಮಾನೋ, ನಿಧಾಪೀಯಮಾನೋ, ಯಾಯನ್ತೋ। ಯಾಯನ್ತ’ಮನುಯಾಯನ್ತಿ
ಇವಣ್ಣೇಸು-ವಿಕ್ಕಯನ್ತೋ, ವಿಕ್ಕಿಣನ್ತೋ, ವಿನಿಚ್ಛಯನ್ತೋ, ವಿನಿಚ್ಛಿನನ್ತೋ, ನಿತೋ ಚಸ್ಸ ಛೋ।
ಆಚಯನ್ತೋ, ಆಚಿನನ್ತೋ, ಜಯನ್ತೋ, ಜಿನನ್ತೋ, ಡೇನ್ತೋ, ಡೇಮಾನೋ, ನೇನ್ತೋ, ವಿನೇನ್ತೋ, ನಯನ್ತೋ, ವಿನಯನ್ತೋ, ನಯಮಾನೋ, ನಿಯ್ಯಮಾನೋ, ನಯಾಪೇನ್ತೋ, ನಯಾಪಯಮಾನೋ, ಸೇನ್ತೋ, ಸಯನ್ತೋ, ಸೇಮಾನೋ, ಸಯಮಾನೋ, ಸಯಾನೋ ವಾ, ಪಹಿಣನ್ತೋ, ಪಹಿಣಮಾನೋ।
ಉವಣ್ಣೇಸು-ಚವನ್ತೋ, ಚವಮಾನೋ, ಠಾನಾ ಚಾವನ್ತೋ, ಚಾವಯನ್ತೋ, ಚಾವಯಮಾನೋ, ಜವನ್ತೋ, ಜವಮಾನೋ, ಅಭಿತ್ಥವನ್ತೋ, ಅಭಿತ್ಥವಮಾನೋ, ಅಭಿತ್ಥವೀಯಮಾನೋ, ಸನ್ಧವನ್ತೋ, ಸನ್ಧವಮಾನೋ, ಧುನನ್ತೋ, ನಿದ್ಧುನನ್ತೋ, ಧುನಮಾನೋ, ನಿದ್ಧುನಮಾನೋ, ಪುನನ್ತೋ, ರವನ್ತೋ, ಲುನನ್ತೋ, ಆವುಣನ್ತೋ, ಪಸವನ್ತೋ, ವಿಸ್ಸವನ್ತೋ।
ಕಮ್ಮೇ-ಸುಯ್ಯಮಾನೋ।
ಕಾರಿತೇ-ಸಾವೇನ್ತೋ, ಸಾವಯನ್ತೋ।
ಸ್ವಾದಿಗಣೇ-ಸುಣನ್ತೋ, ಸುಣಮಾನೋ।
ಕಾರಿತೇ-ಸುಣಾಪೇನ್ತೋ, ಸುಣಾಪಯನ್ತೋ।
ಹು-ಪೂಜಾಯಂ, ಜುಹೋನ್ತೋ।
ಪಪುಬ್ಬೋ ಪಹುತ್ತೇ, ಪಹೋನ್ತೋ, ಸಮ್ಪಹೋನ್ತೋ।
ಹೂ-ಸತ್ತಾಯಂ, ಹೋನ್ತೋ।
ಏದನ್ತೇಸು-ಏನ್ತೋ
ಕಾರಿತೇ-ಝಾಪೇನ್ತೋ, ಉಜ್ಝಾಪೇನ್ತೋ, ಯಲೋಪೋ।
ಭಾಯನ್ತೋ, ಭಾಯಮಾನೋ, ಸಾಲಿಂ ಲಾಯನ್ತೋ, ಲಾಯಮಾನೋ, ಚೀವರಂ ವಾಯನ್ತೋ, ವಾಯಮಾನೋ।
ಕಿಲೇ-ಕೀಳಾಯಂ ಪೇಮನೇ ಚ, ಕೇಲಾಯನ್ತೋ, ಕೇಲಾಯಮಾನೋ, ಚಾಲೇನ್ತೋ ಪಿಯಾಯನ್ತೋತಿ ವಾ ಅತ್ಥೋ।
ಗಿಲೇ-ಗೇಲಞ್ಞೇ, ಗಿಲಾಯನ್ತೋ।
ಚಿನೇ-ಅವಮಞ್ಞನೇ, ಚಿನಾಯನ್ತೋ।
ಪಲೇ-ಗತಿಯಂ, ಪಲಾಯನ್ತೋ।
ಮಿಲೇ-ಹಾನಿಯಂ, ಮಿಲಾಯನ್ತೋ।
ಸಙ್ಕಸೇ-ನಿವಾಸೇ, ಸಙ್ಕಸಾಯನ್ತೋ ಇಚ್ಚಾದಿ।
ಅನೇಕಬ್ಯಞ್ಜನೇಸು-ಅಸ-ಭುವಿ, ‘‘ನ್ತಮಾನಾನ್ತನ್ತಿಯಿಯುಂಸ್ವಾದಿಲೋಪೋ’’ತಿ ನ್ತ, ಮಾನೇಸು ಆದಿಲೋಪೋ, ಸನ್ತೋ, ಸಮಾನೋ, ಉಪಾಸನ್ತೋ, ಉಪಾಸಮಾನೋ, ಉಪಾಸೀಯಮಾನೋ, ಇಚ್ಛನ್ತೋ, ಇಚ್ಛಮಾನೋ, ಇಚ್ಛೀಯಮಾನೋ, ಗಚ್ಛನ್ತೋ, ಗಚ್ಛಮಾನೋ, ಗಚ್ಛೀಯಮಾನೋ।
ಯಸ್ಸ ಪುಬ್ಬರೂಪತ್ತೇ-ಗಮ್ಮಮಾನೋ, ಅಧಿಗಮ್ಮಮಾನೋ, ಅನಾಗತೇ ಸ್ಸಪುಬ್ಬೋ- ‘‘ಲಭ ವಸ ಛಿದ ಗಮ ಭಿದ ರುದಾನಂ ಚ್ಛಙ’’ಇತಿ ಸ್ಸೇನ ಸಹ ಧಾತ್ವನ್ತಸ್ಸ ಚ್ಛೋ, ಗಚ್ಛನ್ತೋ, ಗಮಿಸ್ಸನ್ತೋ, ಗಚ್ಛಮಾನೋ, ಗಮಿಸ್ಸಮಾನೋ, ಜಿರನ್ತೋ, ಜಿರಮಾನೋ, ಜಿಯ್ಯನ್ತೋ, ಜಿಯ್ಯಮಾನೋ, ದಹನ್ತೋ, ದಹಮಾನೋ।
ದಹಸ್ಸ
ಕಮ್ಮೇ-ಡಯ್ಹಮಾನೋ।
ದಿಸ-ಪೇಕ್ಖನೇ, ಪಸ್ಸನ್ತೋ, ಪಸ್ಸಮಾನೋ, ಪಸ್ಸೀಯಮಾನೋ।
ಕಾರಿತೇ-ದಸ್ಸೇನ್ತೋ, ದಸ್ಸಯನ್ತೋ, ದಸ್ಸಯಮಾನೋ।
ಲಭನ್ತೋ, ಲಭಮಾನೋ।
ಕಮ್ಮೇ ಪುಬ್ಬರೂಪಂ, ಲಬ್ಭಮಾನೋ, ಉಪಲಬ್ಭಮಾನೋ।
ಅನಾಗತೇ-ಲಚ್ಛನ್ತೋ, ಲಭಿಸ್ಸನ್ತೋ, ಲಚ್ಛಮಾನೋ, ಲಭಿಸ್ಸಮಾನೋ।
ಮರನ್ತೋ, ಮರಮಾನೋ, ಮಿಯನ್ತೋ, ಮಿಯಮಾನೋ।
ಯಮು-ಉಪರಮೇ, ನಿಯಮನ್ತೋ, ಸಞ್ಞಮನ್ತೋ, ಸಞ್ಞಮಮಾನೋ, ನಿಯಚ್ಛನ್ತೋ।
ಕಾರಿತೇ-ನಿಯಾಮೇನ್ತೋ।
ರುದನ್ತೋ, ರೋದನ್ತೋ, ರೋದಮಾನೋ।
ಅನಾಗತೇ-ರುಚ್ಛನ್ತೋ, ರೋದಿಸ್ಸನ್ತೋ, ರುಚ್ಛಮಾನೋ, ರೋದಿಸ್ಸಮಾನೋ।
ವಚನ್ತೋ, ವಚಮಾನೋ।
ಕಮ್ಮೇ ‘ಅಸ್ಸೂ’ತಿ ಉತ್ತಂ, ವುಚ್ಚಮಾನೋ।
ಕಾರಿತೇ-ವಾಚೇನ್ತೋ, ವಾಚಯನ್ತೋ, ವಾಚಯಮಾನೋ।
ಕಮ್ಮೇ-ವಾಚೀಯಮಾನೋ।
ಅನಾಗತೇ-‘ವಚ ಭುಜ ಮುಚ ವಿಸಾನಂ ಕ್ಖಙ’ಇತಿ ಸ್ಸೇನ ಸಹ ಧಾತ್ವನ್ತಸ್ಸ ಕ್ಖಾದೇಸೋ, ವಕ್ಖನ್ತೋ, ವಕ್ಖಮಾನೋ, ವದನ್ತೋ, ವದಮಾನೋ, ಓವದನ್ತೋ, ಓವದಮಾನೋ, ವಜ್ಜನ್ತೋ, ವಜ್ಜಮಾನೋ।
ಕಮ್ಮೇ-ವದೀಯಮಾನೋ, ಓವದೀಯಮಾನೋ, ಓವಜ್ಜಮಾನೋ।
ಕಾರಿತೇ-ಭೇರಿಂ ವಾದೇನ್ತೋ, ವಾದಯಮಾನೋ।
ವಸನ್ತೋ
ಕಮ್ಮೇ ಪುಬ್ಬರೂಪತ್ತಂ, ಉಪವಸ್ಸಮಾನೋ।
ವಾಸೇನ್ತೋ, ವಾಸಯನ್ತೋ।
ಅನಾಗತೇ-ವಚ್ಛನ್ತೋ, ವಸಿಸ್ಸನ್ತೋ, ವಚ್ಛಮಾನೋ, ವಸಿಸ್ಸಮಾನೋ।
ಪವಿಸನ್ತೋ, ಪವಿಸಮಾನೋ।
ಕಮ್ಮೇ-ಪವಿಸೀಯಮಾನೋ।
ಅನಾಗತೇ-ಪವೇಕ್ಖನ್ತೋ, ಪವಿಸಿಸ್ಸನ್ತೋ, ಪವೇಕ್ಖಮಾನೋ, ಪವಿಸಿಸ್ಸಮಾನೋ ಇಚ್ಚಾದಿ।
ರುಧಾದಿಮ್ಹಿ-ರುನ್ಧನ್ತೋ, ರುನ್ಧಮಾನೋ।
ಕಮ್ಮೇ-ರುನ್ಧೀಯಮಾನೋ।
ಪುಬ್ಬರೂಪತ್ತೇ-ರುಜ್ಝಮಾನೋ।
ರೋಧೇನ್ತೋ, ರೋಧಮಾನೋ, ರೋಧೀಯಮಾನೋ।
ಛಿನ್ದನ್ತೋ, ಛಿನ್ದಮಾನೋ, ಛಿನ್ದೀಯಮಾನೋ, ಛಿಜ್ಜಮಾನೋ, ಛಿನ್ದಾಪೇನ್ತೋ, ಛಿನ್ದಾಪಯನ್ತೋ।
ಅನಾಗತೇ-ಛೇಚ್ಛನ್ತೋ, ಛಿನ್ದಿಸ್ಸನ್ತೋ, ಛೇಚ್ಛಮಾನೋ, ಛಿನ್ದಿಸ್ಸಮಾನೋ।
ಭಿನ್ದನ್ತೋ, ಭಿನ್ದಮಾನೋ, ಭಿನ್ದೀಯಮಾನೋ, ಭಿಜ್ಜಮಾನೋ, ಭೇಚ್ಛನ್ತೋ, ಭಿನ್ದಿಸ್ಸನ್ತೋ, ಭೇಚ್ಛಮಾನೋ, ಭಿನ್ದಿಸ್ಸಮಾನೋ।
ಭುಞ್ಜನ್ತೋ, ಭುಞ್ಜಮಾನೋ।
ಕಮ್ಮೇ-ಭುಞ್ಜೀಯಮಾನೋ।
ಪುಬ್ಬರೂಪತ್ತೇ-ಭುಜ್ಜಮಾನೋ।
ಭೋಜೇನ್ತೋ, ಭೋಜಯನ್ತೋ, ಭೋಜಯಮಾನೋ, ಭೋಜೀಯಮಾನೋ।
ಅನಾಗತೇ-ಭೋಕ್ಖನ್ತೋ
ಮುಞ್ಚನ್ತೋ, ಮುಞ್ಚಮಾನೋ, ಮುಞ್ಚೀಯಮಾನೋ, ಮುಚ್ಚಮಾನೋ।
ಅನಾಗತೇ-ಮೋಕ್ಖನ್ತೋ, ಮುಞ್ಚಿಸ್ಸನ್ತೋ, ಮೋಕ್ಖಮಾನೋ, ಮುಞ್ಚಿಸ್ಸಮಾನೋ ಇಚ್ಚಾದಿ।
ದಿವಾದಿಮ್ಹಿ ಸುದ್ಧಕತ್ತುರೂಪಂ ಸುದ್ಧಕಮ್ಮರೂಪಞ್ಚ ಪುಬ್ಬರೂಪೇ ಸದಿಸಮೇವ, ದಿಬ್ಬನ್ತೋ, ದಿಬ್ಬಮಾನೋ, ದಿಬ್ಬೀಯಮಾನೋ।
ಪುಬ್ಬರೂಪತ್ತೇ-ದಿಬ್ಬಮಾನೋ।
ಛಿಜ್ಜನ್ತೋ, ಛಿಜ್ಜಮಾನೋ, ಛೇದಾಪೇನ್ತೋ, ಛೇದಾಪಯಮಾನೋ।
ಬುಜ್ಝನ್ತೋ, ಬುಜ್ಝಮಾನೋ, ಬುಜ್ಝೀಯಮಾನೋ, ಬೋಧೇನ್ತೋ, ಬೋಧಯನ್ತೋ, ಬೋಧಯಮಾನೋ।
ಮುಚ್ಚನ್ತೋ, ಮುಚ್ಚಮಾನೋ, ಮೋಚೇನ್ತೋ, ಮೋಚಯನ್ತೋ, ಮೋಚಯಮಾನೋ, ಮೋಚೀಯಮಾನೋ।
ಯುಜ್ಜನ್ತೋ, ಯುಜ್ಜಮಾನೋ ಇಚ್ಚಾದಿ।
ಸ್ವಾದಿಮ್ಹಿ-ಸುಣನ್ತೋ, ಸುಣಮಾನೋ।
ಕಮ್ಮೇ-ಸುಯ್ಯಮಾನೋ।
ಕಾರಿತೇ-ಸಾವೇನ್ತೋ, ಸಾವಯನ್ತೋ, ಸಾವಯಮಾನೋ।
ಪಾಪುಣನ್ತೋ, ಧಮ್ಮಂ ಪರಿಯಾಪುಣನ್ತೋ, ಪರಿಯಾಪುಣಮಾನೋ, ಪಾಪುಣೀಯಮಾನೋ, ಪಾಪೀಯಮಾನೋ।
ಕಾರಿತೇ-ಪಾಪೇನ್ತೋ, ಪಾಪಯನ್ತೋ, ಪಾಪಯಮಾನೋ।
ಪರಿ, ಸಂಪುಬ್ಬೋ-ಪರಿಸಮಾಪೇನ್ತೋ, ಪರಿಸಮಾಪಯನ್ತೋ, ಪರಿಸಮಾಪಯಮಾನೋ, ಪರಿಸಮಾಪೀಯಮಾನೋ।
ಸಕ್ಕುಣನ್ತೋ, ಆವುಣನ್ತೋ ಇಚ್ಚಾದಿ।
ಕಿಯಾದಿಮ್ಹಿ-ಕಿಣನ್ತೋ, ಕಿಣಾಪೇನ್ತೋ, ವಿಕ್ಕಯನ್ತೋ ಇಚ್ಚಾದಿ।
ತನಾದಿಮ್ಹಿ-ತನೋನ್ತೋ
ಕಮ್ಮೇ-ಕರೀಯಮಾನೋ, ಕಯ್ಯಮಾನೋ, ‘ತವಗ್ಗವರಣಾನಂ ಯೇ ಚವಗ್ಗಬಯಞಾ’ತಿ ಧಾತ್ವನ್ತಸ್ಸ ಯಾದೇಸೋ।
ಸಙ್ಖರೋನ್ತೋ, ಅಭಿಸಙ್ಖರೋನ್ತೋ।
ಕಾರಿತೇ-ಕಾರೇನ್ತೋ, ಕಾರಯನ್ತೋ, ಕಾರಯಮಾನೋ, ಕಾರೀಯಮಾನೋ।
ಸಕ್ಕೋನ್ತೋ ಇಚ್ಚಾದಿ।
ಚುರಾದಿಮ್ಹಿ-ಚೋರೇನ್ತೋ, ಚೋರಯನ್ತೋ, ಚೋರಯಮಾನೋ, ಥೇನೇನ್ತೋ, ಥೇನಯನ್ತೋ, ಥೇನಯಮಾನೋ, ಚಿನ್ತೇನ್ತೋ, ಚಿನ್ತಯನ್ತೋ, ಚಿನ್ತಯಮಾನೋ, ಚಿನ್ತೀಯಮಾನೋ, ಚಿನ್ತಾಪೇನ್ತೋ, ಚಿನ್ತಾಪಯನ್ತೋ, ಚಿನ್ತಾಪಯಮಾನೋ, ಚಿನ್ತಾಪೀಯಮಾನೋ ಇಚ್ಚಾದಿ।
ತಿತಿಕ್ಖನ್ತೋ, ತಿತಿಕ್ಖಮಾನೋ, ತಿತಿಕ್ಖೀಯಮಾನೋ, ತಿತಿಕ್ಖಾಪೇನ್ತೋ, ತಿತಿಕ್ಖಾಪಯನ್ತೋ, ತಿತಿಕ್ಖಾಪಯಮಾನೋ, ವೀಮಂಸನ್ತೋ, ತಿಕಿಚ್ಛನ್ತೋ, ಚಿಕಿಚ್ಛನ್ತೋ, ವಿಚಿಕಿಚ್ಛನ್ತೋ।
ಭುಞ್ಜಿತುಂ ಇಚ್ಛತೀತಿ ಬುಭುಕ್ಖನ್ತೋ, ಘಸಿತುಂ ಇಚ್ಛತೀತಿ ಜಿಘಚ್ಛನ್ತೋ, ಪಾತುಂ ಪರಿಭುಞ್ಜಿತುಂ ಇಚ್ಛತೀತಿ ಪಿಪಾಸನ್ತೋ, ಗೋತ್ತುಂ ಸಂವರಿತುಂ ಇಚ್ಛತೀತಿ ಜಿಗುಚ್ಛನ್ತೋ, ಹರಿತುಂ ಪರಿಯೇಸಿತುಂ ಇಚ್ಛತೀತಿ ಜಿಗೀಸನ್ತೋ, ವಿಜೇತುಂ ಇಚ್ಛತೀತಿ ವಿಜಿಗೀಸನ್ತೋ।
ಪಬ್ಬತೋ ವಿಯ ಅತ್ತಾನಂ ಚರತೀತಿ ಪಬ್ಬತಾಯನ್ತೋ, ಪಬ್ಬತಾಯಮಾನೋ, ಪಿಯಾಯನ್ತೋ, ಮೇತ್ತಾಯನ್ತೋಇಚ್ಚಾದೀನಿ ಚ ಯೋಜೇತಬ್ಬಾನಿ।
ಇತಿ ನ್ತ, ಮಾನಪಚ್ಚಯರಾಸಿ।
ಣ್ಯಾದಿಪಚ್ಚಯರಾಸಿ
ಅಥ
೭೭೭. ಘ್ಯಣ।
ಭಾವ, ಕಮ್ಮೇಸು ಘ, ಣಾನುಬನ್ಧೋ ಯಪಚ್ಚಯೋ ಹೋತಿ। ಘಾನುಬನ್ಧೋ ‘ಕಗಾಚಜಾನಂ ಘಾನುಬನ್ಧೇ’ತಿಆದೀಸು ವಿಸೇಸನತ್ಥೋ। ಣಾನುಬನ್ಧೋ ವುದ್ಧಿದೀಪನತ್ಥೋ। ಏವಂ ಸಬ್ಬತ್ಥ।
ಅನುಭವಿತಬ್ಬೋತಿ ಅನುಭಾವಿಯೋ ಭೋಗೋ ಪುರಿಸೇನ, ಅನುಭಾವಿಯಂ ಸುಖಂ, ಅನುಭಾವಿಯಾ ಸಮ್ಪತ್ತಿ।
೭೭೮. ಆಸ್ಸೇ ಚ।
ಆದನ್ತಧಾತೂನಂ ಆಸ್ಸ ಏ ಹೋತಿ ಘ್ಯಣಮ್ಹಿ। ಚಸದ್ದೇನ ಇವಣ್ಣಧಾತೂನಂ ಆಗಮಈಕಾರಸ್ಸ ಚ ಏತ್ತಂ।
ಅಕ್ಖಾತಬ್ಬಂ ಕಥೇತಬ್ಬನ್ತಿ ಅಕ್ಖೇಯ್ಯಂ।
ಯಸ್ಸ ದ್ವಿತ್ತಂ, ಸಙ್ಖಾತಬ್ಬನ್ತಿ ಸಙ್ಖ್ಯೇಯ್ಯಂ, ಸಙ್ಖಾತುಂ ಅಸಕ್ಕುಣೇಯ್ಯನ್ತಿ ಅಸಙ್ಖ್ಯೇಯ್ಯಂ, ಗಾಯಿತಬ್ಬನ್ತಿ ಗೇಯ್ಯಂ-ಸಗಾಥಕಂ ಸುತ್ತಂ, ಘಾಯಿತುಂ ಅರಹತೀತಿ ಘೇಯ್ಯಂ, ಘಾಯನೀಯಂ, ಅಪಚಾಯಿತುಂ ಅರಹತೀತಿ ಅಪಚೇಯ್ಯಂ, ಞಾತುಂ ಅರಹತೀತಿ ಞೇಯ್ಯಂ, ಆಜಾನಿತುಂ ಅರಹತೀತಿ ಅಞ್ಞೇಯ್ಯಂ, ವಿಞ್ಞೇಯ್ಯಂ, ಅಭಿಞ್ಞೇಯ್ಯಂ, ಪರಿಞ್ಞೇಯ್ಯಂ।
ಈಆಗಮೇ-ಜಾನಿಯಂ, ವಿಜಾನಿಯಂ, ಈಸ್ಸ ರಸ್ಸೋ।
ಜಾನೇಯ್ಯಂ, ವಿಜಾನೇಯ್ಯಂ, ಅಧಿಟ್ಠಾತಬ್ಬನ್ತಿ ಅಧಿಟ್ಠೇಯ್ಯಂ, ಅಧಿಟ್ಠಹೇಯ್ಯಂ, ದಾತಬ್ಬನ್ತಿ ದೇಯ್ಯಂ, ಆದಾತಬ್ಬನ್ತಿ ಆದೇಯ್ಯಂ, ಸದ್ದಹಿತುಂ ಅರಹತೀತಿ ಸದ್ದಹೇಯ್ಯಂ, ವಿಧಾತುಂ ಅರಹತೀತಿ ವಿಧೇಯ್ಯಂ, ನ ವಿಧೇಯ್ಯಂ ಅವಿಧೇಯ್ಯಂ-ಅನತ್ತಲಕ್ಖಣಂ, ಮಾರಸ್ಸ ಆಣಾ ದಹತಿ ಏತ್ಥಾತಿ ಮಾರಧೇಯ್ಯಂ, ಮಚ್ಚುಧೇಯ್ಯಂ, ಸನ್ನಿಹಿತಬ್ಬನ್ತಿ ಸನ್ನಿಧೇಯ್ಯಂ, ಅಭಿಧಾತಬ್ಬಂ ಕಥೇತಬ್ಬನ್ತಿ ಅಭಿಧೇಯ್ಯಂ, ಪಿದಹಿತಬ್ಬನ್ತಿ ಪಿಧೇಯ್ಯಂ, ಅಲೋಪೋ, ಅಪಿಧೇಯ್ಯಂ ವಾ, ಪಾತಬ್ಬನ್ತಿ ಪೇಯ್ಯಂ, ಮಿನೇತಬ್ಬನ್ತಿ ಮೇಯ್ಯಂ, ಪಮೇತಬ್ಬನ್ತಿ
ಇವಣ್ಣೇಸು-ಅಜ್ಝಾಯಿತಬ್ಬನ್ತಿ ಅಜ್ಝೇಯ್ಯಂ, ಅಧಿಯೇಯ್ಯಂ, ಉಪೇತಬ್ಬನ್ತಿ ಉಪೇಯ್ಯಂ, ವಿಕ್ಕಿಣಿತಬ್ಬನ್ತಿ ವಿಕ್ಕೇಯ್ಯಂ, ವಿಕ್ಕಾಯಿಯಂ, ವಿಕ್ಕಾಯೇಯ್ಯಂ, ವಿಕ್ಕಿಣೇಯ್ಯಂ ವಾ, ವಿಚಿನಿತಬ್ಬನ್ತಿ ವಿಚೇಯ್ಯಂ, ವಿಚಿನೇಯ್ಯಂ, ಜೇತಬ್ಬನ್ತಿ ಜೇಯ್ಯಂ, ವಿಜೇಯ್ಯಂ, ನೇತಬ್ಬನ್ತಿ ನೇಯ್ಯಂ, ವಿನೇಯ್ಯಂ, ಅಧಿಸಯಿತಬ್ಬನ್ತಿ ಅಧಿಸೇಯ್ಯಂ, ಪಹಿತಬ್ಬನ್ತಿ ಪಾಹೇಯ್ಯಂ, ಪಹಿಣೇಯ್ಯಂ ವಾ।
ಉವಣ್ಣೇಸು ವುದ್ಧಿಆವಾದೇಸೋ, ಕು-ಸದ್ದೇ, ಕುಯ್ಯತೀತಿ ಕಾವೇಯ್ಯಂ।
ಈಸ್ಸ ಅಭಾವೇ ವಸ್ಸ ಬತ್ತಂ ರಸ್ಸೋ ಚ, ಕಬ್ಯಂ।
ಪುಬ್ಬರೂಪತ್ತೇ ಕಬ್ಬಂ, ಚಾವೇತಬ್ಬನ್ತಿ ಚಾವೇಯ್ಯಂ, ಜವಿತಬ್ಬನ್ತಿ ಜವೇಯ್ಯಂ, ಅಭಿತ್ಥವಿತಬ್ಬನ್ತಿ ಅಭಿತ್ಥವೇಯ್ಯಂ, ಭವಿತುಂ ಅರಹತೀತಿ ಭಬ್ಬಂ। ಜುಹೋತಬ್ಬನ್ತಿ ಹಬ್ಯಂ-ಸಪ್ಪಿ।
ಏದನ್ತೇಸು-ಅಪಚಾಯಿತಬ್ಬನ್ತಿ ಅಪಚೇಯ್ಯಂ, ಅಪಚಾಯಿಯಂ।
ವೇ-ತನ್ತಸನ್ತಾನೇ, ವೇತಬ್ಬನ್ತಿ ವೇಯ್ಯಂ।
ವಚ, ಭಜ, ಭುಜ, ಯುಜಾದೀಹಿ ಘ್ಯಣಪಚ್ಚಯೋ।
೭೭೯. ಕಗಾ ಚಜಾನಂ ಘಾನುಬನ್ಧೇ
ಚ, ಜಾನಂ ಧಾತ್ವನ್ತಾನಂ ಕ, ಗಾ ಹೋನ್ತಿ ಘಾನುಬನ್ಧೇ ಪಚ್ಚಯೇ ಪರೇ।
ವತ್ತಬ್ಬನ್ತಿ ವಾಕ್ಯಂ, ವಾಕ್ಕಂ, ವಾಚ್ಚಂ, ವಾಚೇಯ್ಯಂ ವಾ।
ಭಜ-ಸೇವಾಯಂ, ಭಜಿತಬ್ಬನ್ತಿ ಭಾಗ್ಯಂ, ಭಗ್ಗಂ, ಭುಞ್ಜಿತಬ್ಬನ್ತಿ ಭೋಗ್ಯಂ, ಭೋಗ್ಗಂ, ಯುಞ್ಜಿತಬ್ಬನ್ತಿ ಯೋಗ್ಯಂ, ಯೋಗ್ಗಂ।
೭೮೦. ವದಾದೀಹಿ ಯೋ
ವದಾದೀಹಿ ಭಾವ, ಕಮ್ಮೇಸು ಬಹುಲಂ ಯೋ ಹೋತಿ।
ಭುಞ್ಜಿಭಬ್ಬನ್ತಿ
ಮುದ-ಹಾಸೇ, ಪಮೋದತಿ ಏತೇನಾತಿ ಪಾಮೋಜ್ಜಂ, ವದೀಯತೀತಿ ವಜ್ಜಂ।
ವಧ-ಹಿಂಸಾಯಂ, ವಧಿತಬ್ಬನ್ತಿ ವಜ್ಝಂ, ವಿಜ್ಝಿತಬ್ಬನ್ತಿ ವಿಜ್ಝಂ, ಪುನನ್ತಿ ಸುಜ್ಝನ್ತಿ ಸತ್ತಾ ಏತೇನಾತಿ ಪುಞ್ಞಂ, ನಾಗಮೋ।
ವಿಹಞ್ಞತೇ ವಿಹಞ್ಞಂ, ವಪಿಯತೇತಿ ವಪ್ಪಂ, ಸುಪನಂ ಸೋಪ್ಪಂ, ಲಭಿತಬ್ಬನ್ತಿ ಲಬ್ಭಂ, ಗನ್ತಬ್ಬನ್ತಿ ಗಮ್ಮಂ, ದಮಿತುಂ ಅರಹತೀತಿ ದಮ್ಮಂ, ರಮಿತಬ್ಬನ್ತಿ ರಮ್ಮಂ, ಅಭಿರಮ್ಮಂ, ನಿಸಾಮೀಯತೇ ನಿಸಮ್ಮಂ, ವಿಸಮೀಯತೇ ವಿಸಮ್ಮಂ, ಫುಸೀಯತೇತಿ ಫಸ್ಸೋ, ಉಸ್ಸ ಅತ್ತಂ।
ಸಾಸಿತಬ್ಬೋತಿ ಸಿಸ್ಸೋ, ‘ಸಾಸಸ್ಸ ಸಿಸಾ’ತಿ ಸಿತ್ತಂ।
ಗಹ, ಗುಹ, ಗರಹ, ದುಹ, ವಹ, ಸಹ।
೭೮೧. ಗುಹಾದೀಹಿ ಯಕ
ಏತೇಹಿ ಭಾವ, ಕಮ್ಮೇಸು ಬಹುಲಂ ಯಕ ಹೋತಿ, ಹಸ್ಸ ವಿಪಲ್ಲಾಸೋ।
ಗಹೇತಬ್ಬನ್ತಿ ಗಯ್ಹಂ, ಗುಹಿತಬ್ಬನ್ತಿ ಗುಯ್ಹಂ।
ಗರಹ-ನಿನ್ದಾಯಂ, ಗರಹಿತಬ್ಬನ್ತಿ ಗಾರಯ್ಹಂ, ದುಹಿತಬ್ಬನ್ತಿ ದುಯ್ಹಂ, ವಹಿತಬ್ಬನ್ತಿ ವಯ್ಹಂ।
ಸಹ-ಸಾಹಸೇ, ಸಹಿತಬ್ಬನ್ತಿ ಸಯ್ಹಂ, ಪಸಯ್ಹಂ।
೭೮೨. ಕಿಚ್ಚ ಘಚ್ಚ ಭಚ್ಚ ಗಬ್ಬ ಲ್ಯಾ
ಏತೇ ಸದ್ದಾ ಯಪಚ್ಚಯನ್ತಾ ಸಿಜ್ಝನ್ತಿ, ಇಮಿನಾ ಯಪಚ್ಚಯಂ ಕತ್ವಾ ತೇನ ಸಹ ಕರಸ್ಸ ಕಿಚ್ಚಂ, ಹನಸ್ಸ ಘಚ್ಚಂ, ಭರಸ್ಸ ಭಚ್ಚಂ, ಗುಸ್ಸ ಗಬ್ಬಂ, ಲಿಸ್ಸ ಲ್ಯತ್ತಂ ಕತ್ವಾ ಸಿಜ್ಝನ್ತಿ।
ಕರೀಯತೇತಿ
ಗು-ದಬ್ಬೇ, ಗುಯತೇ ಗಬ್ಬಂ, ಪಟಿಸಲ್ಲೀಯತೇ ಪಟಿಸಲ್ಯಂ।
ವಿಸೇಸವಿಧಾನಂ –
ಭರ-ಭರಣೇ, ಭರಿತಬ್ಬನ್ತಿ ಭಾರಿಯಂ, ಹರಿತಬ್ಬನ್ತಿ ಹಾರಿಯಂ, ಭಾಜೇತಬ್ಬನ್ತಿ ಭಾಜಿಯಂ, ಭಾಜೇಯ್ಯಂ, ಉಪಾಸಿತಬ್ಬನ್ತಿ ಉಪಾಸಿಯಂ, ಇಚ್ಛಿತಬ್ಬನ್ತಿ ಇಚ್ಛೇಯ್ಯಂ, ಅಧಿಗನ್ತಬ್ಬನ್ತಿ ಅಧಿಗಮೇಯ್ಯಂ ಇಚ್ಚಾದಿ।
ರುನ್ಧಿತಬ್ಬನ್ತಿ ರುನ್ಧೇಯ್ಯಂ, ಛಿನ್ದಿತಬ್ಬನ್ತಿ ಛಿನ್ದೇಯ್ಯಂ, ಛೇಜ್ಜಂ ಇಚ್ಚಾದಿ।
ದಿಬ್ಬಿತಬ್ಬನ್ತಿ ದಿಬ್ಬೇಯ್ಯಂ, ದಿಬ್ಬಂ, ಬುಜ್ಝಿತಬ್ಬನ್ತಿ ಬುಜ್ಝೇಯ್ಯಂ, ಬೋಧೇಯ್ಯಂ, ಬೋಜ್ಝಂ ಇಚ್ಚಾದಿ।
ಸೋತಬ್ಬನ್ತಿ ಸುಣೇಯ್ಯಂ, ಪಾಪುಣಿತಬ್ಬನ್ತಿ ಪಾಪುಣೇಯ್ಯಂ, ಸಕ್ಕುಣಿತಬ್ಬನ್ತಿ ಸಕ್ಕುಣೇಯ್ಯಂ, ನ ಸಕ್ಕುಣೇಯ್ಯಂ ಅಸಕ್ಕುಣೇಯ್ಯಂ ಇಚ್ಚಾದಿ।
ತನಿತಬ್ಬನ್ತಿ ತಾನೇಯ್ಯಂ, ತಞ್ಞಂ, ಕಾತಬ್ಬನ್ತಿ ಕಾರಿಯಂ, ಕಯ್ಯಂ।
ಚೋರೇತಬ್ಬನ್ತಿ ಚೋರೇಯ್ಯಂ, ಥೇನೀಯತೇ ಥೇಯ್ಯಂ, ನಸ್ಸ ಪರರೂಪತ್ತಂ, ಚಿನ್ತೇತಬ್ಬನ್ತಿ ಚಿನ್ತೇಯ್ಯಂ, ನ ಚಿನ್ತೇಯ್ಯಂ ಅಚಿನ್ತೇಯ್ಯಂ, ಅಚಿನ್ತಿಯಂ, ಮನ್ತೇಯ್ಯಂ, ಮನ್ತಿಯಂ, ವೇದಿಯಂ, ವೇದೇಯ್ಯಂ ಇಚ್ಚಾದಿ।
ತಿತಿಕ್ಖೇಯ್ಯಂ, ವೀಮಂಸೇಯ್ಯಂ ಇಚ್ಚಾದಿ ಚ ಯೋಜೇತಬ್ಬಾನಿ।
ಇತಿ ಣ್ಯಾದಿಪಚ್ಚಯರಾಸಿ।
ಅಆದಿಪಚ್ಚಯರಾಸಿ
ಅಥ ಅ, ಅಣ, ಘಕ, ಘಣಪಚ್ಚಯನ್ತಾ ವುಚ್ಚನ್ತೇ।
೭೮೩. ಭಾವಕಾರಕೇಸ್ವಘಣಘಕ
ಭಾವೇ ಛಸು ಕಾರಕೇಸು ಚ ಕ್ರಿಯತ್ಥಾ ಪರಂ ಅ, ಘಣ, ಘಕಪಚ್ಚಯಾ ಹೋನ್ತಿ ಕಮ್ಮಾದಿಮ್ಹಿ ವಾ ಅಕಮ್ಮಾದಿಮ್ಹಿ ವಾ।
೭೮೪. ಕ್ವಚಣ।
ಕಮ್ಮುಪಪದಮ್ಹಾ
ಅ, ಅಣ, ಘಕ, ಘಣ।
ಅಮ್ಹಿ ತಾವ –
ಅಗ್ಗಂ ಜಾನಾತೀತಿ ಅಗ್ಗಞ್ಞೋ, ವಂಸಂ ಜಾನಾತೀತಿ ವಂಸಞ್ಞೋ, ಮಗ್ಗೇ ತಿಟ್ಠತೀತಿ ಮಗ್ಗಟ್ಠೋ-ಪುರಿಸೋ, ಮಗ್ಗಟ್ಠಾ-ಇತ್ಥೀ, ಮಗ್ಗಟ್ಠಂ-ಞಾಣಂ। ಏವಂ ಫಲಟ್ಠೋ, ಥಲಟ್ಠೋ, ಜಲಟ್ಠೋ, ಪಬ್ಬತಟ್ಠೋ, ಭೂಮಟ್ಠೋ।
ಗೋ ವುಚ್ಚತಿ ಞಾಣಂ ಸದ್ದೋ ಚ, ಗವಂ ತಾಯತಿ ರಕ್ಖತೀತಿ ಗೋತ್ತಂ, ಪರಿತೋ ಭಯಂ ತಾಯತಿ ರಕ್ಖತೀತಿ ಪರಿತ್ತಂ, ಅನ್ನಂ ದೇತೀತಿ ಅನ್ನದೋ। ಏವಂ ವತ್ಥದೋ, ವಣ್ಣದೋ, ಯಾನದೋ, ಸುಖದೋ, ದೀಪದೋ, ಚಕ್ಖುದೋ, ದಾಯಂ ಆದದಾತೀತಿ ದಾಯಾದೋ, ಪಾರಂ ಗನ್ತುಂ ದೇತೀತಿ ಪಾರದೋ-ರಸೋ।
ಅನ್ನಂ ದದಾತೀತಿ ಅನ್ನದದೋ, ದ್ವಿತ್ತಂ ಪುಬ್ಬಸ್ಸ ರಸ್ಸೋ ಚ।
ಪುರಿನ್ದದೋ, ಮಹಾವುತ್ತಿನಾ ಪುರಸದ್ದೇ ಅಸ್ಸ ಇತ್ತಂ ಬಿನ್ದಾಗಮೋ ಚ।
ಸಬ್ಬಂ ದದಾತೀತಿ ಸಬ್ಬದದೋ, ಸಚ್ಚಂ ಸನ್ಧೇತೀತಿ ಸಚ್ಚಸನ್ಧೋ, ಜನಂ ಸನ್ಧೇತೀತಿ ಜನಸನ್ಧೋ।
ಕಕು ವುಚ್ಚತಿ ಗುಣರಾಸಿ, ಕಕುಂ ಸನ್ಧೇತೀತಿ ಕಕುಸನ್ಧೋ, ಗಾವೋಪಾತಿ ರಕ್ಖತೀತಿ ಗೋಪೋ-ಪುರಿಸೋ, ಗೋಪಸ್ಸ ಭರಿಯಾ ಗೋಪೀ।
ಕಸ್ಸಂ ವುಚ್ಚತಿ ಖೇತ್ತಂ, ಕಸ್ಸಂ ಪಾತಿ ರಕ್ಖತೀತಿ ಕಸ್ಸಪೋ।
ಭೂ ವುಚ್ಚತಿ ಪಥವೀ, ಭುಂ ಪಾತಿ ರಕ್ಖತೀತಿ ಭೂಪೋ। ಏವಂ ಭೂಮಿಪೋ।
ಪಾದೇನ ಮೂಲೇನ ಪಥವೀರಸಂ ಆಪೋರಸಞ್ಚ ಪಿವತೀತಿ ಪಾದಪೋ, ಸುಟ್ಠು ಭಾತಿ ದಿಬ್ಬತೀತಿ ಸುಭೋ, ನ ಮಮಾಯತೀತಿ ಅಮಮೋ, ದ್ವೇ ಅನತ್ಥೇ ಲಾತಿ ಗಣ್ಹಾತೀತಿ ಬಾಲೋ, ಬಹುಂ ಲಾತಿ ಗಣ್ಹಾತೀತಿ ಬಹುಲೋ, ರಾಹು ವಿಯ ಲಾತಿ ಗಣ್ಹಾತೀತಿ ರಾಹುಲೋ, ಆದೀನಂ
ದುಕ್ಖಂ
ಅಣಮ್ಹಿ –
೭೮೫. ಆಸ್ಸಾಣಾಪಿಮ್ಹಿ ಯುಕ।
ಣಾಪಿವಜ್ಜಿತೇ ಣಾನುಬನ್ಧೇ ಪಚ್ಚಯೇ ಪರೇ ಆದನ್ತಸ್ಸ ಧಾತುಸ್ಸ ಅನ್ತೇ ಯುಕ ಹೋತಿ, ಯಾಗಮೋತಿ ಅತ್ಥೋ।
ಞಾತಬ್ಬೋ ಬುಜ್ಝಿತಬ್ಬೋತಿ ಞಾಯೋ-ಯುತ್ತಿ, ಞಾಯತಿ ಅಮತಂ ಪದಂ ಏತೇನಾತಿ ಞಾಯೋ-ಅರಿಯಮಗ್ಗೋ, ಪಟಿಚ್ಚ ತಿಟ್ಠತೀತಿ ಪತಿಟ್ಠಾಯೋ, ದಾತಬ್ಬೋತಿ ದಾಯೋ-ಆಮಿಸದಾಯೋ, ಧಮ್ಮದಾಯೋ, ಖೀರಂ ಪಿವತೀತಿ ಖೀರಪಾಯೋ, ಧಞ್ಞಂ ಮಿನಾತೀತಿ ಧಞ್ಞಮಾಯೋ, ವಾತಿ ಗಚ್ಛತೀತಿ ವಾಯೋ ಇಚ್ಚಾದಿ।
ಇವಣ್ಣೇಸು ಅಮ್ಹಿ ತಾವ –
ಏತಿ ಪವತ್ತತೀತಿ ಆಯೋ, ಸಮೇತೀತಿ ಸಮಯೋ, ವೇತಿ ವಿನಸ್ಸತೀತಿ ವಯೋ-ಮನ್ದಾದಿ, ವಿಗಮನಂ ವಿನಸ್ಸನಂ ವಯೋ-ಭಙ್ಗೋ, ಉದಯನಂ ಉದಯೋ, ಸಮುದಯನಂ ಸಮುದಯೋ, ಸಮುದೇತಿ ಫಲಂ ಏತೇನಾತಿ ವಾ ಸಮುದಯೋ, ಅತಿಚ್ಚ ಅಯನಂ ಪವತ್ತನಂ ಅಚ್ಚಯೋ, ಪಟಿಚ್ಚ ಫಲಂ ಏತಿ ಏತಸ್ಮಾತಿ ಪಚ್ಚಯೋ, ಕಿಣನಂ ಕಯೋ, ವಿಕ್ಕಿಣನಂ ವಿಕ್ಕಯೋ, ಖೀಯನಂ ಖಯೋ, ಖೀಯನ್ತಿ ಏತ್ಥಾತಿ ವಾ ಖಯೋ, ರಾಗಸ್ಸ ಖಯೋ ರಾಗಕ್ಖಯೋ, ಚಯನಂ ಚಯೋ, ಆಚಯೋ, ಉಚ್ಚಯೋ, ಸಮುಚ್ಚಯೋ, ಉಪಚಯೋ, ಧಮ್ಮಂ ವಿಚಿನನ್ತಿ ಏತೇನಾತಿ ಧಮ್ಮವಿಚಯೋ, ಜಯನಂ ಜಯೋ, ವಿಜಯೋ, ಪರಾಜಯೋ, ನಿಯ್ಯತಿ ಏತೇನಾತಿ ನಯೋ-ವಿಧಿ, ವಿನೇತಿ ಏತ್ಥ, ಏತೇನಾತಿ ವಾ ವಿನಯೋ, ಸುಖೇನ ನೇತಬ್ಬೋ ಞಾತಬ್ಬೋತಿ ಸುನಯೋ, ದುಕ್ಖೇನ ನೇತಬ್ಬೋ ಞಾತಬ್ಬೋತಿ ದುನ್ನಯೋ, ಪಾತಬ್ಬೋತಿ ಪಯೋ-ಜಲಂ ಖೀರಞ್ಚ।
ರಿ-ಕಮ್ಪನೇ, ನಿಚ್ಚಂ ರಯನ್ತಿ ಫನ್ದನ್ತಿ ದುಕ್ಖಪ್ಪತ್ತಾ ಸತ್ತಾ ಏತ್ಥಾತಿ ನಿರಯೋ, ಅಲ್ಲೀಯನಂ ಆಲಯೋ, ನಿಲಿಯನಂ ನಿಲಯೋ, ಸಯನಂ ಸಯೋ, ಭುಸೋ ಸೇನ್ತಿ ಏತ್ಥಾತಿ ಆಸಯೋ, ಅಜ್ಝಾಸಯೋ, ವಿಸೇಸೇನ
ಅಣಮ್ಹಿ –
ಅಯನಂ ವಡ್ಢನಂ ಆಯೋ, ಆಯಮ್ಹಾ ಅಪೇತೋ ಅಪಾಯೋ, ಆಯೇನ ಉಪೇತೋ ಉಪಾಯೋ, ಸಮುದೇತಿ ಏತ್ಥಾತಿ ಸಮುದಾಯೋ, ಸಮವೇತಿ ಏತ್ಥಾತಿ ಸಮವಾಯೋ, ಪರಿಯಾಯೋ, ವಿಪರಿಯಾಯೋ, ನೇತಬ್ಬೋತಿ ನಾಯೋ
ಉವಣ್ಣೇಸು ಅಮ್ಹಿ ತಾವ –
ಚವನಂ ಚವೋ, ಜವನಂ ಜವೋ, ಅಭಿತ್ಥವನಂ ಅಭಿತ್ಥವೋ, ಭುಸಂ ದವತಿ ಹಿಂಸತೀತಿ ಉಪದ್ದವೋ, ಸನ್ಧವನಂ ಸನ್ಧವೋ, ಮಿತ್ತಭಾವೇನ ಸನ್ಧವೋ ಮಿತ್ತಸನ್ಧವೋ, ಭವತೀತಿ ಭಾವೋ, ವಿಭವನಂ ವಿಭವೋ, ಸಮ್ಭವನಂ ಸಮ್ಭವೋ, ಸಮ್ಭವತಿ ಏತಸ್ಮಾತಿ ವಾ ಸಮ್ಭವೋ, ಅಧಿಭವನಂ ಅಧಿಭವೋ, ಅಭಿಭವೋ, ಪರಿಭವೋ, ಪರಾಭವನಂ ವಿನಸ್ಸನಂ ಪರಾಭವೋ, ರವತೀತಿ ರವೋ-ಸದ್ದೋ, ಲುನನಂ ಲವೋ, ಪಸವತೀತಿ ಪಸ್ಸಾವೋ, ಆಸವತೀತಿ ಆಸವೋ, ಪಟಿಮುಖಂ ಸವನಂ ಪಟಿಸ್ಸವೋ ಇಚ್ಚಾದಿ।
ಅಣಮ್ಹಿ –
ಭವನಂ ಭಾವೋ, ಭವನ್ತಿ ಸದ್ದ, ಬುದ್ಧಿಯೋ ಏತೇನಾತಿ ಭಾವೋ, ಸಾಲಿಂ ಲುನಾತೀತಿ ಸಾಲಿಲಾವೋ, ಕುಚ್ಛಿತೇನ ಸವತಿ ಸನ್ದತೀತಿ ಕಸಾವೋ ಇಚ್ಚಾದಿ।
ಏದನ್ತೇಸು ಅಣಮ್ಹಿ –
ಮಹಾವುತ್ತಿನಾ ಏಸ್ಸ ಆಯತ್ತಂ, ಮನ್ತಂ ಅಜ್ಝೇತೀತಿ ಮನ್ತಜ್ಝಾಯೋ, ವಜ್ಜಾವಜ್ಜಂ ಉಪೇಚ್ಚ ಝಾಯತೀತಿ ಉಪಜ್ಝಾಯೋ-ಥೇರೋ, ಉಪಜ್ಝಾಯಿನೀಥೇರೀ।
ದೇ-ಪಾಲನೇ
ವ್ಹೇ-ಅವ್ಹಾನೇ, ವ್ಹೀಯತೀತಿ ವ್ಹಯೋ-ನಾಮಂ, ರಸ್ಸತ್ತಂ, ಆಪುಬ್ಬೋ ಅವ್ಹಯೋ ಇಚ್ಚಾದಿ।
ಅನೇಕಬ್ಯಞ್ಜನೇಸು ಅಮ್ಹಿ ತಾವ –
ಕಮನಂ ಕಮೋ, ಪಕ್ಕಮೋ, ಅಭಿಕ್ಕಮೋ, ಪಟಿಕ್ಕಮೋ, ಚಙ್ಕಮತಿ ಏತ್ಥಾತಿ ಚಙ್ಕಮೋ, ಹಿತಂ ಕರೋತೀತಿ ಹಿತಕ್ಕರೋ, ದುಕ್ಖೇನ ಕಾತಬ್ಬೋತಿ ದುಕ್ಕರೋ-ಅತ್ಥೋ, ದುಕ್ಕರಾ-ಪಟಿಪದಾ, ದುಕ್ಕರಂ-ಕಮ್ಮಂ, ಸುಖೇನ ಕಾತಬ್ಬೋತಿ ಸುಕರೋ, ಈಸಂ ಕಾತಬ್ಬೋತಿ ಈಸಕ್ಕರೋ, ದೀಪಂ ಕರೋತೀತಿ ದೀಪಙ್ಕರೋ, ಅಲುತ್ತಸಮಾಸೋ।
ಆಗಚ್ಛತೀತಿ ಆಗಮೋ, ಆಗಮನಂ ವಾ ಆಗಮೋ, ಸಙ್ಗಮನಂ ಸಙ್ಗಮೋ, ಸಮಾಗಮೋ, ಪಗ್ಗಣ್ಹನಂ ಪಗ್ಗಹೋ, ಸಙ್ಗಣ್ಹನಂ ಸಙ್ಗಹೋ, ಸಙ್ಗಯ್ಹನ್ತಿ ಏತ್ಥ, ಏತೇನಾತಿ ವಾ ಸಙ್ಗಹೋ, ಅನುಗ್ಗಹೋ, ಪಟಿಗ್ಗಹೋ, ಗಾವೋ ಚರನ್ತಿ ಏತ್ಥಾತಿ ಗೋಚರೋ, ಕಾಮೇ ಅವಚರತೀತಿ ಕಾಮಾವಚರೋ, ಉರಂ ಛಾದೇತೀತಿ ಉರಚ್ಛದೋ, ಜಿರತಿ ಏತೇನಾತಿ ಜರೋ, ವೇಸ್ಸಂ ತರತೀತಿ ವೇಸ್ಸನ್ತರೋ, ಅಲುತ್ತಸಮಾಸೋ।
ರಥೇ ಅತ್ಥರತೀತಿ ರಥತ್ಥರೋ, ಅಸ್ಸತ್ಥರೋ, ಅರಿಂ ದಮೇತೀತಿ ಅರಿನ್ದಮೋ, ಭಗಂ ದರತಿ ಭಿನ್ದತೀತಿ ಭಗನ್ದರೋ, ಯುಗಂ ರವಿ’ನ್ದುದ್ವಯಂ ಧಾರೇತೀತಿ ಯುಗನ್ಧರೋ, ಧಮ್ಮಂ ಧಾರೇತೀತಿ ಧಮ್ಮಧರೋ, ಪಜ್ಜತೇತಿ ಪದಂ, ಸಿಕ್ಖಾ ಏವ ಪದಂ ಸಿಕ್ಖಾಪದಂ, ಸುಖೇನ ಭರಿತಬ್ಬೋತಿ ಸುಭರೋ, ದುಕ್ಖೇನ ಭರಿತಬ್ಬೋತಿ ದುಬ್ಭರೋ, ನ ಮರತೀತಿ ಅಮರೋ-ದೇವೋ, ನಿಯಮನಂ ನಿಯಮೋ, ಸಂಯಮನಂ ಸಂಯಮೋ, ಸಿರಸ್ಮಿಂ ರುಹತೀತಿ ಸಿರೋರುಹೋ, ಸುಖೇನ ಲಬ್ಭತೀತಿ ಸುಲಭೋ, ದುಕ್ಖೇನ ಲಬ್ಭತೀತಿ ದುಲ್ಲಭೋ, ಸಂವರಿತಬ್ಬೋತಿ ಸಂವರೋ, ವುಚ್ಚತೀತಿ ವಚೋ, ಸುಬ್ಬಚೋ, ದುಬ್ಬಚೋ, ವಾರಿಂ ವಹತೀತಿ
ಅಣಮ್ಹಿ –
ಕಮು-ಇಚ್ಛಾ, ಕನ್ತೀಸು, ಕಾಮೇತೀತಿ ಕಾಮೋ, ಕಾಮೀಯತೀತಿ ವಾ ಕಾಮೋ, ಅತ್ಥಂ ಕಾಮೇತೀತಿ ಅತ್ಥಕಾಮೋ, ಕರಣಂ ಕಾರೋ, ಪಕಾರೋ, ಆಕಾರೋ, ವಿಕಾರೋ, ಉಪಕಾರೋ, ಅಪಕಾರೋ, ಕುಮ್ಭಂ ಕರೋತೀತಿ ಕುಮ್ಭಕಾರೋ, ರಥಕಾರೋ, ಮಾಲಕಾರೋ, ಸಙ್ಖರಣಂ ಸಙ್ಖಾರೋ, ಸಙ್ಖರೀಯತೀತಿ ವಾ ಸಙ್ಖಾರೋ, ಸಙ್ಖರೋತೀತಿ ವಾ ಸಙ್ಖಾರೋ, ಪರಿಕ್ಖಾರೋ, ಪುರಕ್ಖಾರೋ, ಗಚ್ಛನ್ತಿ ಪವತ್ತನ್ತಿ ಕಾಮಾ ಏತ್ಥಾತಿ ಗಾಮೋ, ಗಣ್ಹಾತೀತಿ ಗಾಹೋ, ಪತ್ತಂ ಗಣ್ಹಾತೀತಿ ಪತ್ತಗಾಹೋ, ರಸ್ಮಿಂ ಗಣ್ಹಾತೀತಿ ರಸ್ಮಿಗಾಹೋ, ವಿಚರಣಂ ವಿಚಾರೋ, ಉಪೇಚ್ಚ ಚರತೀತಿ ಉಪಚಾರೋ, ಗಾಮಂ ಉಪೇಚ್ಚ ಚರತೀತಿ ಗಾಮೂಪಚಾರೋ, ಜಿರತಿ ಹಿರೀ ಭಿಜ್ಜತಿ ಏತೇನಾತಿ ಜಾರೋ, ಕಿಚ್ಛೇನ ತರಿತಬ್ಬೋತಿ ಕನ್ತಾರೋ, ಮಹಾವುತ್ತಿನಾ ಕಿಚ್ಛಸ್ಸ ಕತ್ತಂ, ಬಿನ್ದಾಗಮೋ, ವಾಳಕನ್ತಾರೋ, ಯಕ್ಖಕನ್ತಾರೋ, ಅತ್ಥರಣಂ ಅತ್ಥಾರೋ, ಕಥಿನಸ್ಸ ಅತ್ಥಾರೋ ಕಥಿನತ್ಥಾರೋ, ದರತಿ ಭಿನ್ದತಿ ಕುಲವಿಭಾಗಂ ಗಚ್ಛತಿ ಏತೇನ ಜನೇನಾತಿ ದಾರೋ, ಕುಂ ಪಥವಿಂ ದಾರೇತೀತಿ ಕುದಾರೋ, ರಸ್ಸ ಲೋ, ಕುದಾಲೋ।
ಭುಸೋ ಕ್ರಿಯಂ ಧಾರೇತೀತಿ ಆಧಾರೋ, ಪತ್ತಾಧಾರೋ, ಪಟಿಸನ್ಧಾರಣಂ ಪಟಿಸನ್ಧಾರೋ, ಪಜ್ಜತಿ ಏತೇನಾತಿ ಪಾದೋ, ಉಪ್ಪಜ್ಜನಂ ಉಪ್ಪಾದೋ, ಪಟಿಚ್ಚ ಸಮುಪ್ಪಜ್ಜನಂ ಪಟಿಚ್ಚಸಮುಪ್ಪಾದೋ, ಭರಿತಬ್ಬೋ ವಹಿತಬ್ಬೋತಿ ಭಾರೋ, ಸಮ್ಭರೀಯತಿ ಸನ್ನಿಚೀಯತೀತಿ ಸಮ್ಭಾರೋ, ಬೋಧಿಸಮ್ಭಾರೋ, ದಬ್ಬಸಮ್ಭಾರೋ, ಮಾರೇತೀತಿ ಮಾರೋ, ಕಿಲೇಸಮಾರೋ, ಖನ್ಧಮಾರೋ, ಮಚ್ಚುಮಾರೋ, ನಿಯಾಮೇತೀತಿ ನಿಯಾಮೋ, ಧಮ್ಮನಿಯಾಮೋ, ಕಮ್ಮನಿಯಾಮೋ, ಆರೂಹತೀತಿ ಆರೋಹೋ, ರುಕ್ಖಂ ಆರೂಹತೀತಿ ರುಕ್ಖಾರೋಹೋ, ಹತ್ಥಾರೋಹೋ, ಅಸ್ಸಾರೋಹೋ, ರಥಾರೋಹೋ, ಲಬ್ಭತೀತಿ ಲಾಭೋ, ಪಟಿಲಾಭೋ, ನಿವರಣಂ ನಿವಾರೋ, ಪರಿವಾರೇತೀತಿ ಪರಿವಾರೋ, ವಹತೀತಿ ವಾಹೋ, ಆವಾಹೋ, ವಿವಾಹೋ, ಸರತಿ ಅದ್ಧಾನಂ ಪವತ್ತತೀತಿ
೭೮೬. ಹನಸ್ಸ ಘಾತೋ ಣಾನುಬನ್ಧೇ
ಣಾನುಬನ್ಧೇ ಪಚ್ಚಯೇ ಪರೇ ಹನಸ್ಸ ಘಾತೋ ಹೋತಿ।
ಹನನಂ ಘಾತೋ, ವಿಹಞ್ಞನಂ ವಿಘಾತೋ, ಉಪಹನನಂ ಉಪಘಾತೋ, ಪಟಿಹನನಂ ಪಟಿಘಾತೋ।
ಘಕಪಚ್ಚಯೇ ವುದ್ಧಿ ನತ್ಥಿ, ‘ಮನಾನಂ ನಿಗ್ಗಹೀತ’ನ್ತಿ ಧಾತ್ವಾನುಬನ್ಧಸ್ಸಪಿ ನಸ್ಸ ನಿಗ್ಗಹೀತಂ ವಗ್ಗನ್ತೋ ಚ, ‘ಕಗಾ ಚಜಾನಂ ಘಾನುಬನ್ಧೇ’ತಿ ಘಾನುಬನ್ಧೇ ಪಚ್ಚಯೇ ಪರೇ ಧಾತ್ವನ್ತಾನಞ್ಚ, ಜಾನಂ ಕ, ಗಾ ಹೋನ್ತಿ, ನಿಪಚ್ಚತೀತಿ ನಿಪಕೋ।
ಭನ್ಜ-ಭಿಜ್ಜನೇ ವಿಭಾಗೇ ಚ, ಭಞ್ಜನಂ ಭಙ್ಗೋ, ವಿಭಜ್ಜನಂ ವಿಭಙ್ಗೋ, ವಿಭಜೀಯನ್ತಿ ಧಮ್ಮಾ ಏತ್ಥ, ಏತೇನಾತಿ ವಾ ವಿಭಙ್ಗೋ, ಖನ್ಧವಿಭಙ್ಗೋ, ಧಾತುವಿಭಙ್ಗೋ।
ರನ್ಜ-ರಾಗೇ, ರಞ್ಜನಂ ರಙ್ಗೋ, ರಞ್ಜನ್ತಿ ಸತ್ತಾ ಏತ್ಥಾತಿ ರಙ್ಗೋ।
ಸನ್ಜ-ಸಙ್ಗೇ, ಸಞ್ಜನಂ ಸಙ್ಗೋ, ಪಸಜ್ಜನಂ ಲಗ್ಗನಂ ಪಸಙ್ಗೋ, ಆಸಜ್ಜತೀತಿ ಆಸಙ್ಗೋ, ಉತ್ತರಿ ಆಸಙ್ಗೋ ಉತ್ತರಾಸಙ್ಗೋ।
ಸಜ-ಸಜ್ಜನೇ, ಅತಿಸಜ್ಜನಂ ಸಮ್ಬೋಧನಂ ಅತಿಸಗ್ಗೋ, ಗಸ್ಸ ದ್ವಿತ್ತಂ।
ನಿಸ್ಸಜ್ಜನಂ ನಿಸ್ಸಗ್ಗೋ, ಪಟಿನಿಸ್ಸಗ್ಗೋ, ವಿಸ್ಸಜ್ಜನಂ ವಿಸ್ಸಗ್ಗೋ, ಸಂಸಜ್ಜನಂ ಮಿಸ್ಸೀಕರಣಂ ಸಂಸಗ್ಗೋ, ಯುಜ್ಜತಿ ಏತ್ಥಾತಿ ಯುಗಂ, ಕಲಿಯುಗಂ, ಸಕಟಯುಗಂ, ಪಿತಾಮಹಯುಗಂ, ನಿತುದನಂ ನಿತುದೋ, ಪನುದನಂ ಪನುದೋ, ಉದ್ಧಂ ಭಿಜ್ಜತೀತಿ ಉಬ್ಭಿದೋ, ಕೋವಿದತೀತಿ ಕೋವಿದೋ, ಪಕಾರೇನ ಕುಜ್ಝತೀತಿ ಪಕುಧೋ, ಬುಜ್ಝತೀತಿ ಬುಧೋ-ಪಣ್ಡಿತೋ, ಮುಯ್ಹತೀತಿ ಮೋಮೂಹೋ, ಲೋಲುಪ್ಪತೀತಿ ಲೋಲುಪ್ಪೋ, ಆದಿದ್ವಿತ್ತಂ ಓತ್ತಞ್ಚ ಇಚ್ಚಾದಿ।
ಘಣಪಚ್ಚಯೇ-ಪಚನಂ
ಯಜ-ಪೂಜಾಯಂ, ಯಜನಂ ಯಾಗೋ, ಆಮಿಸಯಾಗೋ, ಧಮ್ಮಯಾಗೋ, ಯುಜ್ಜನಂ ಯೋಗೋ, ಪಯೋಗೋ, ಆಯೋಗೋ, ವಿಯೋಗೋ, ಅನುಯೋಗೋ, ಉಪಯುಜ್ಜಿತಬ್ಬೋತಿ ಉಪಯೋಗೋ, ಲುಜ್ಜತೀತಿ ಲೋಕೋ, ಮಹಾವುತ್ತಿನಾ ಗಸ್ಸ ಕತ್ತಂ, ಕಾಮಲೋಕೋ, ರೂಪಲೋಕೋ, ಸಂವಿಜ್ಜನಂ ಸಂವೇಗೋ ಇಚ್ಚಾದಿ।
೭೮೭. ಅನಘಣಸ್ವಾಪರೀಹಿ ಳೋ
ಆ, ಪರೀಹಿ ಪರಸ್ಸ ದಹಸ್ಸ ಳೋ ಹೋತಿ ಅನ, ಘಣಪಚ್ಚಯೇಸು।
ಪರಿದಯ್ಹನಂ ಪರಿಳಾಹೋ, ‘ದಹಸ್ಸ ದಸ್ಸ ಡೋ’ತಿ ವಿಕಪ್ಪೇನ ಡಾದೇಸೋ, ದಯ್ಹನಂ ಡಾಹೋ, ದಾಹೋ ವಾ।
ಇತಿ ಅಆದಿಪಚ್ಚಯರಾಸಿ।
ಅನಪಚ್ಚಯರಾಸಿ
ಅಥ ಅನಪಚ್ಚಯನ್ತಾ ವುಚ್ಚನ್ತೇ।
೭೮೮. ಅನೋ।
ಭಾವೇ ಚ ಛಸು ಕಾರಕೇಸು ಚ ಕ್ರಿಯತ್ಥಾ ಅನಪಚ್ಚಯೋ ಹೋತಿ, ಆದನ್ತೇಸು ಪರಸ್ಸರಲೋಪೋ, ಅಲೋಪೇ ಯಾಗಮೋ।
ಅಕ್ಖಾಯತೇ ಅಕ್ಖಾನಂ, ಅಕ್ಖಾಯತಿ ಏತೇನಾತಿ ವಾ ಅಕ್ಖಾನಂ, ಧಮ್ಮಸ್ಸ ಅಕ್ಖಾನನ್ತಿ ಧಮ್ಮಕ್ಖಾನಂ, ಪಟಿಸಙ್ಖಾಯತಿ ಪಜಾನಾತಿ ಏತೇನಾತಿ ಪಟಿಸಙ್ಖಾನಂ
ಕಾರಿತೇ-ಞಾಪನಂ, ಪಞ್ಞಾಪನಂ, ವಿಞ್ಞಾಪನಂ, ಸಞ್ಞಾಪನಂ।
ಜಾನನಂ, ಪಜಾನನಂ, ವಿಜಾನನಂ, ಸಞ್ಜಾನನಂ, ಪುಬ್ಬಸ್ಸರಲೋಪೋ, ಠೀಯತೇ ಠಾನಂ, ತಿಟ್ಠತಿ ಏತ್ಥಾತಿ ವಾ ಠಾನಂ।
ಕಾರಿತೇ-ಠಾಪನಂ, ಪತಿಟ್ಠಾಪನಂ।
ತಾಯತಿ ರಕ್ಖತೀತಿ ತಾಣಂ, ಪರಿತ್ತಾಣಂ, ನಸ್ಸ ಣತ್ತಂ।
ಅವತ್ಥಾಯತಿ ಏತ್ಥಾತಿ ಅವತ್ಥಾನಂ, ದೀಯತೇ ದಾನಂ, ದಿಯ್ಯತಿ ಏತೇನಾತಿ ವಾ ದಾನಂ, ಸಮ್ಮಾ ಪದೀಯತಿ ಅಸ್ಸಾತಿ ಸಮ್ಪದಾನಂ, ಅಪೇಚ್ಚ ಆದದಾತಿ ಏತಸ್ಮಾತಿ ಅಪಾದಾನಂ।
ಕಾರಿತೇ-ದಾಪನಂ, ಸಮಾದಪನಂ।
ಪದಹೀಯತೇ ಪಧಾನಂ, ಪದಹನ್ತಿ ಏತೇನಾತಿ ವಾ ಪಧಾನಂ, ಆಧಾನಂ, ವಿಧಾನಂ, ನಿಧಾನಂ, ಸನ್ನಿಧಾನಂ।
ಕಾರಿತೇ-ಸನ್ನಿಧಾಪನಂ।
ಪಾನಂ, ಪಟಿಭಾನಂ, ಮಾಣಂ, ಪಮಾಣಂ, ಉಪಮಾಣಂ, ಪರಿಮಾಣಂ, ನಸ್ಸ ಣತ್ತಂ।
ಯಾಯತಿ ಏತೇನಾತಿ ಯಾನಂ, ಉಯ್ಯಾನಂ, ನಿಯ್ಯಾನಂ, ವಾಯನ್ತಿ ಭವಾಭವಂ ಗಚ್ಛನ್ತಿ ಏತೇನಾತಿ ವಾನಂ, ನತ್ಥಿ ವಾನಂ ಏತ್ಥಾತಿ ನಿಬ್ಬಾನಂ, ನಿಬ್ಬಾಯನ್ತಿ ಏತ್ಥಾತಿ ವಾ ನಿಬ್ಬಾನಂ।
ಕಾರಿತೇ-ನಿಬ್ಬಾಪನಂ।
ಅವಸಾನಂ, ಓಸಾನಂ, ಪರಿಯೋಸಾನಂ, ಪಹಾನಂ, ಪರಿಹಾನಂ।
ಕಾರಿತೇ-ಹಾಪನಂ, ಪರಿಹಾಪನಂ।
ಇವಣ್ಣೇಸು-ಅಯನಂ
ಪಟಿಸಲ್ಲೀಯನ್ತಿ ಏತ್ಥಾತಿ ಪಟಿಸಲ್ಲಾನಂ, ಇಸ್ಸ ಆತ್ತಂ। ಸೇತಿ ಏತ್ಥಾತಿ ಸೇನಂ, ಸಯನಂ।
ಕಾರಿತೇ-ಸಯಾಪನಂ ಇಚ್ಚಾದಿ।
ಉವಣ್ಣೇಸು-ಚವನಂ, ಜವನಂ, ಅಭಿತ್ಥವನಂ, ಧುನನಂ, ವಿದ್ಧುನನಂ, ನಿದ್ಧುನನಂ, ಭವನಂ, ಅಭಿಭವನಂ, ಲವನಂ, ಲುನನಂ, ಸವನಂ, ಪಸವನಂ ಇಚ್ಚಾದಿ।
ಏದನ್ತೇಸು-ಅಜ್ಝೇನಂ, ಅಜ್ಝಾಯನಂ, ಅಪಚಾಯನಂ, ಝಾಯತೇ ಝಾನಂ, ಝಾಯತಿ ಏತೇನಾತಿ ವಾ ಝಾನಂ, ಪಠಮಜ್ಝಾನಂ, ದುತಿಯಜ್ಝಾನಂ, ಉಜ್ಝಾನಂ, ನಿಜ್ಝಾನಂ, ಅಭಿಜ್ಝಾನಂ, ಸಾಲಿಲಾಯನಂ, ಚೀವರವಾಯನಂ, ಗಿಲಾಯತೀತಿ ಗಿಲಾನೋ ಇಚ್ಚಾದಿ।
‘ರಾ ನಸ್ಸ ಣೋ’ತಿ ಸುತ್ತೇನ ರಕಾರಮ್ಹಾ ಪರಸ್ಸ ನಸ್ಸ ಣೋ, ಕಾರಣಂ, ಅಧಿಕರೀಯತಿ ಏತ್ಥಾತಿ ಅಧಿಕರಣಂ, ಸಙ್ಖರಣಂ, ಅಭಿಸಙ್ಖರಣಂ।
ಕಾರಿತೇ-ಕಾರಾಪನಂ।
ಆಕಿರಣಂ, ವಿಕ್ಕಿರಣಂ, ಚರಣಂ, ಜಿರಣಂ, ತರಣಂ, ಕಙ್ಖಾವಿತರಣಂ, ಅತ್ಥರಣಂ, ಆಗನ್ತ್ವಾ ದಹನ್ತಿ ಏತ್ಥ ಮತಸರೀರನ್ತಿ ಆಳಹನಂಸುಸಾನಂ, ದಸ್ಸ ಳೋ।
ಪಸ್ಸೀಯತೇ ಪಸ್ಸನಂ, ದಸ್ಸನಂ, ಸುಟ್ಠು ಪಸ್ಸತೀತಿ ಸುದಸ್ಸನೋರಾಜಾ, ಸುಟ್ಠು ಪಸ್ಸಿತಬ್ಬನ್ತಿ ಸುದಸ್ಸನಂ-ದೇವನಗರಂ, ಸನ್ದಸ್ಸನಂ, ನಿದಸ್ಸನಂ, ಧಾರಣಂ, ಉದ್ಧಾರಣಂ, ನಿದ್ಧಾರಣಂ, ಆದಿದೀಘೋ।
ಪೂರಣಂ, ಪರಿಪೂರಣಂ, ಫರಣಂ, ವಿಪ್ಫರಣಂ।
ಕಾರಿತೇ-ಮಾರಣಂ।
ನಿವಾರಣಂ, ಸರಣಂ, ನಿಸ್ಸರಣಂ, ಹರಣಂ, ಆಹರಣಂ, ನೀಹರಣಂ ಇಚ್ಚಾದಿ।
ಸಾಮಞ್ಞವಿಧಾನತ್ತಾ
೭೮೯. ಕರಾ ಣನೋ।
ಕರಮ್ಹಾ ಕತ್ತರಿ ಣಾನುಬನ್ಧೋ ಅನೋ ಹೋತಿ।
ಕರೋತಿ ಅತ್ತನೋ ಫಲನ್ತಿ ಕಾರಣಂ।
೭೯೦. ಹಾತೋ ವೀಹಿಕಾಲೇಸು।
ವೀಹಿಸ್ಮಿಂ ಕಾಲೇ ಚ ವತ್ತಬ್ಬೇ ಹಾಧಾತುಮ್ಹಾ ಕತ್ತರಿ ಣಾನುಬನ್ಧೋ ಅನೋ ಹೋತಿ।
ಹಾಪೇತೀತಿ ಹಾಯನೋ, ವೀಹಿವಿಸೇಸೋ ವಸ್ಸಞ್ಚ। ‘‘ಕುಞ್ಜರಂ ಸಟ್ಠಿಹಾಯನ’’ನ್ತಿ ಏತ್ಥ ವಸ್ಸಂ ಹಾಯನನ್ತಿ ವುಚ್ಚತಿ।
ಇತಿ ಅನಪಚ್ಚಯರಾಸಿ।
ಅಕಪಚ್ಚಯರಾಸಿ
ಅಥ ಅಕಪಚ್ಚಯನ್ತಾ ವುಚ್ಚನ್ತೇ।
೭೯೧. ಆಸೀಸಾಯಮಕೋ
ಆಸೀಸಾ ವುಚ್ಚತಿ ಪತ್ಥನಾ, ಆಸೀಸಾಯಂ ಗಮ್ಯಮಾನಾಯಂ ಅಕೋ ಹೋತಿ ಕತ್ತರಿ।
ಜೀವತೂತಿ
‘ಕತ್ತರಿ ಲ್ತುಣಕಾ’ತಿ ಣಕೋ, ಸೋ ಚ ಸಾಮಞ್ಞವಿಧಾನತ್ತಾ ಅರಹೇ ಸತ್ತಿಯಂ ಸೀಲೇ ಧಮ್ಮೇ ಸಾಧುಕಾರೇ ಚ ಸಿಜ್ಝತಿ, ಅಕ್ಖಾಯತೀತಿ ಅಕ್ಖಾಯಕೋ, ‘ಆಸ್ಸಾಣಾಪಿಮ್ಹಿ ಯುಕ’ಇತಿ ಯಾಗಮೋ, ಅಕ್ಖಾತುಂ ಅರಹತಿ, ಸಕ್ಕೋತಿ, ಅಕ್ಖಾನಮಸ್ಸ ಸೀಲಂ, ಧಮ್ಮೋ, ಅಕ್ಖಾನಂ ಸಕ್ಕಚ್ಚಂ ಕರೋತೀತಿ ಅತ್ಥೋ। ಕಾಲತ್ತಯೇಪಿ ಸಿಜ್ಝತಿ, ಪುಬ್ಬೇಪಿ ಅಕ್ಖಾಸಿ, ಅಜ್ಜಪಿ ಅಕ್ಖಾತಿ, ಪಚ್ಛಾಪಿ ಅಕ್ಖಾಯಿಸ್ಸತೀತಿ ಅತ್ಥೋ। ಏವಂ ಸೇಸೇಸು ಸಾಮಞ್ಞವಿಧೀಸು ಯಥಾರಹಂ ವೇದಿತಬ್ಬೋ।
ಇತ್ಥಿಯಂ-‘ಅಧಾತುಸ್ಸ ಕೇ…’ತಿ ಸುತ್ತೇನ ಅಕಸ್ಸ ಅಸ್ಸ ಇತ್ತಂ, ಅಕ್ಖಾಯಿಕಾ-ಇತ್ಥೀ, ಅಕ್ಖಾಯಕಂ-ಕುಲಂ, ಸಙ್ಗಾಯಕೋ, ಜಾನಾತೀತಿ ಜಾನಕೋ।
ವಿಕರಣಪಚ್ಚಯತೋ ಪರಂ ನಾಗಮೇ ಸತಿ ವಿಕರಣಸ್ಸ ರಸ್ಸೋ, ಜಾನನಕೋ, ಆಜಾನನಕೋ, ವಿಜಾನನಕೋ, ಸಞ್ಜಾನನಕೋ।
ಕಾರಿತೇ-ಞಾಪೇತೀತಿ ಞಾಪಕೋ, ವಿಞ್ಞಾಪಕೋ, ಸಞ್ಞಾಪಕೋ।
ನಾಗಮೇ-ಞಾಪನಕೋ, ವಿಞ್ಞಾಪನಕೋ, ಸಞ್ಞಾಪನಕೋ, ಅಧಿಟ್ಠಾತೀತಿ ಅಧಿಟ್ಠಾಯಕೋ, ಅಧಿಟ್ಠಾಪೇತೀತಿ ಅಧಿಟ್ಠಾಪಕೋ, ದೇತೀತಿ ದಾಯಕೋ, ದಾಪೇತೀತಿ ದಾಪಕೋ।
ಣಾಪಿಮ್ಹಿ ಯಾಗಮೋ ನತ್ಥಿ, ಸಮಾದಪೇತೀತಿ ಸಮಾದಪಕೋ, ಉಭಯತ್ಥ ರಸ್ಸೋ। ವಿಧೇತೀತಿ ವಿಧಾಯಕೋ, ಪಜಹತೀತಿ ಪಜಹಾಯಕೋ, ಅವಹಿಯ್ಯತೀತಿ ಓಹಿಯಕೋ, ಆಸ್ಸ ಇತ್ತಂ ಇಚ್ಚಾದಿ।
ಇವಣ್ಣೇಸು-ಅಜ್ಝೇತೀತಿ
ಭೂಮಿಯಂ ಸೇತೀತಿ ಭೂಮಿಸಾಯಕೋ, ಸಯಾಪೇತೀತಿ ಸಯಾಪಕೋ, ಪಾಹೇತೀತಿ ಪಹಿಣಕೋ ಇಚ್ಚಾದಿ।
ಉವಣ್ಣೇಸು-ಪುನಾತಿ ಸೋಧೇತೀತಿ ಪಾವಕೋ-ಅಗ್ಗಿ, ಭವತೀತಿ ಭಾವಕೋ, ವಿಭಾವೇತೀತಿ ವಿಭಾವಕೋ, ಲುನಾತೀತಿ ಲಾವಕೋ, ಸುಣಾತೀತಿ ಸಾವಕೋ-ಪುರಿಸೋ, ಸಾವಿಕಾ-ಇತ್ಥೀ, ಜುಹೋತೀತಿ ಹಾವಕೋ ಇಚ್ಚಾದಿ।
ಅಪ-ಪಾಪುಣನೇ, ಪಾಪೇತೀತಿ ಪಾಪಕೋ, ಸಮ್ಪಾಪೇತೀತಿ ಸಮ್ಪಾಪಕೋ, ಉಪಾಸತೀತಿ ಉಪಾಸಕೋ-ಪುರಿಸೋ, ಉಪಾಸಿಕಾ-ಇತ್ಥೀ, ಉಪಾಸಕಂ-ಕುಲಂ, ಕರೋತೀತಿ ಕಾರಕೋ, ಕಾರಿಕಾ, ಕಾರಕಂ, ಉಪಕಾರಕೋ, ಕಾರೇತೀತಿ ಕಾರಾಪಕೋ, ಸಙ್ಖರೋತೀತಿ ಸಙ್ಖಾರಕೋ, ಅಭಿಸಙ್ಖಾರಕೋ, ಖಿಪತೀತಿ ಖಿಪಕೋ, ಉಕ್ಖಿಪಕೋ, ನಿಕ್ಖಿಪಕೋ, ಖೇಪಕೋ, ಉಕ್ಖೇಪಕೋ, ನಿಕ್ಖೇಪಕೋ, ನಾಗಮೇಖಿಪನಕೋ।
ಗಣ್ಹಾತೀತಿ ಗಾಹಕೋ, ಗಣ್ಹಾಪೇತೀತಿ ಗಾಹಾಪಕೋ। ಏವಂ ಗೋಪಕೋ, ಪಾದಮೂಲೇ ಚರತೀತಿ ಪಾದಚಾರಕೋ, ಪುಪ್ಫಂ ಓಚಿನಾಯತೀತಿ ಓಚಿನಾಯಕೋ, ಏದನ್ತೋ ಧಾತು।
ಛಿನ್ದತೀತಿ ಛೇದಕೋ, ಛಿನ್ದಕೋ, ಛೇದಾಪೇತೀತಿ ಛೇದಾಪಕೋ, ಛಿನ್ದಾಪಕೋ, ಜನೇತೀತಿ ಜನಕೋ-ಪುರಿಸೋ, ಜನಿಕಾಮಾತಾ, ಜನಕಂ-ಕಮ್ಮಂ, ಕಾರಿತಲೋಪೋ।
ಝಾಪ-ದಾಹೇ, ಝಾಪೇತೀತಿ ಝಾಪಕೋ।
ಞಪ-ಪಞ್ಞಾಪನೇ, ಪಞ್ಞಪೇತೀತಿ ಪಞ್ಞಾಪಕೋ।
ಠಾಪ-ಠಾನೇ, ಪತಿಟ್ಠಾಪೇತೀತಿ ಪತಿಟ್ಠಾಪಕೋ।
ಣಾಪ-ಪೇಸನೇ
ಪಚತೀತಿ ಪಾಚಕೋ, ಪಾಚೇತೀತಿ ಪಾಚಾಪಕೋ, ಆಪಾದೇತೀತಿ ಆಪಾದಕೋ, ನಿಪ್ಫಾದಕೋ, ಸಮ್ಪಾದಕೋ, ಪಟಿಪಜ್ಜಕೋ, ಪಟಿಪಾದಕೋ, ಪೂರೇತೀತಿ ಪೂರಕೋ, ಗರುಪನ್ತತ್ತಾ ನ ವುದ್ಧಿ।
ಫುಸತೀತಿ ಫುಸಕೋ, ತುದಾದಿತ್ತಾ ನ ವುದ್ಧಿ।
ಭಾಜೇತೀತಿ ಭಾಜಕೋ, ಭಿನ್ದತೀತಿ ಭಿನ್ದಕೋ, ಭೇದಕೋ, ಕಾರಭೇದಕೋ, ಭುಞ್ಜತೀತಿ ಭುಞ್ಜಕೋ, ಭೋಜಕೋ, ಗಾಮಭೋಜಕೋ, ಬುಜ್ಝತೀತಿ ಬುಜ್ಝಕೋ, ಬೋಧಕೋ, ಮರತೀತಿ ಮಿಯ್ಯಕೋ, ಮಾರೇತೀತಿ ಮಾರಕೋ, ಮುಞ್ಚತೀತಿ ಮುಞ್ಚಕೋ, ಮೋಚಕೋ, ಯಾಚತೀತಿ ಯಾಚಕೋ, ಯಜತೀತಿ ಯಾಜಕೋ, ಯುಞ್ಜತೀತಿ ಯುಞ್ಜಕೋ, ಅನುಯುಞ್ಜಕೋ, ಯೋಜಕೋ, ಪಯೋಜಕೋ, ಯುಜ್ಝತೀತಿ ಯುಜ್ಝಕೋ, ಯೋಧಕೋ, ರುನ್ಧತೀತಿ ರುನ್ಧಕೋ, ಅವರೋಧಕೋ, ವಚತೀತಿ ವಾಚಕೋ, ಓವದತೀತಿ ಓವಾದಕೋ, ಓವಜ್ಜಕೋ, ವೀಣಂ ವಾದೇತೀತಿ ವೀಣಾವಾದಕೋ, ಭೇರಿವಾದಕೋ, ಗರುಂ ಅಭಿವಾದೇತೀತಿ ಅಭಿವಾದಕೋ, ವಿದತಿಜಾನಾತೀತಿ ವೇದಕೋ, ವಿನ್ದತಿ ಪಟಿಲಭತೀತಿ ವಿನ್ದಕೋ, ಅನುವಿಜ್ಜತಿ ವಿಚಾರೇತೀತಿ ಅನುವಿಜ್ಜಕೋ, ಪಟಿಸಂವೇದೇತೀತಿ ಪಟಿಸಂವೇದಕೋ, ವಿಜ್ಝತೀತಿ ವೇಧಕೋ, ಅಟ್ಠಿಂ ವಿಜ್ಝತೀತಿ ಅಟ್ಠಿವೇಧಕೋ, ಪತ್ತಂ ವಿಜ್ಝತೀತಿ ಪತ್ತವೇಧಕೋ।
ಬಹುಲಾಧಿಕಾರಾ ಕಮ್ಮೇಪಿ ದಿಸ್ಸತಿ, ಅನ್ತರೇ ವಾಸೀಯತಿ ನಿವಾಸೀಯತೀತಿ ಅನ್ತರವಾಸಕೋ, ಪಸೀದತೀತಿ ಪಸೀದಕೋ, ಪಸಾದಕೋ ವಾ, ದೀಪಪ್ಪಸಾದಕೋ, ಉದಕಪ್ಪಸಾದಕೋ, ಸಿಬ್ಬತೀತಿ ಸಿಬ್ಬಕೋ, ಸೇವತೀತಿ ಸೇವಕೋ, ಹನತೀತಿ ಘಾತಕೋ, ಗಾವೋ ಹನತೀತಿ ಗೋಘಾತಕೋ, ಹನಸ್ಸ ಘಾತೋ। ಹರತೀತಿ ಹಾರಕೋ।
ಕಮ್ಮೇ
ಇತಿ ಅಕಪಚ್ಚಯರಾಸಿ।
ಇವಣ್ಣನ್ತರೂಪರಾಸಿ
ಅಥ ಇವಣ್ಣನ್ತರೂಪಾನಿ ವುಚ್ಚನ್ತೇ।
೭೯೨. ದಾಧಾತ್ವಿ
ದಾ, ಧಾಹಿ ಭಾವಕಾರಕೇಸು ಇಪಚ್ಚಯೋ ಹೋತಿ।
ಪಠಮಂ ಚಿತ್ತೇನ ಆದೀಯತೀತಿಆದಿ, ತಣ್ಹಾದಿಟ್ಠೀಹಿ ಉಪಾದೀಯತೀತಿ ಉಪಾದಿ, ಖನ್ಧುಪಾದಿ, ಕಿಲೇಸುಪಾದಿ, ವಿಧಾನಂ ವಿಧಿ, ವಿಧಿಯ್ಯತಿ ಏತೇನಾತಿ ವಿಧಿ, ನಿಧಿಯ್ಯತೀತಿ ನಿಧಿ, ಸನ್ಧಿಯತೇ ಸನ್ಧಿ, ಅಭಿಸನ್ಧಿ, ಪಟಿಸನ್ಧಿ, ಸನ್ನಿದಹನಂ ಸನ್ನಿಧಿ, ಸಮಾಧಾನಂ ಸಮಾಧಿ, ಸಮಾದಹನ್ತಿ ಏತೇನಾತಿ ಸಮಾಧಿ, ಪಣಿದಹನಂ ಪಣಿಧಿ, ಓಧಿ, ಅವಧಿ, ಉಪನಿಧಿ, ಪಟಿನಿಧಿ, ಉದಕಂ ದಹತಿ ತಿಟ್ಠತಿ ಏತ್ಥಾತಿ ಉದಧಿ, ಮಹನ್ತೋ ಉದಧಿ ಮಹೋದಧಿ, ವಾಲಾನಿ ದಹನ್ತಿ ತಿಟ್ಠನ್ತಿ ಏತ್ಥಾತಿ ವಾಲಧಿ।
೭೯೩. ಇಕಿತೀ ಸರೂಪೇ
ಧಾತೂನಂ ಸುತಿಸಙ್ಖಾತೇ ಸರೂಪೇ ವತ್ತಬ್ಬೇ ಕ್ರಿಯತ್ಥಾ ಪರಂ ಇ, ಕಿ, ತಿಪಚ್ಚಯಾ ಹೋನ್ತಿ।
ಅವಣ್ಣುಪನ್ತೇಹಿ ಇ, ಗಮಿ, ಪಚಿ ಇಚ್ಚಾದಿ।
ಉವಣ್ಣುಪನ್ತೇಹಿ ಕಿ, ಬುಧಿ, ರುಧಿ ಇಚ್ಚಾದಿ।
ಕೇಹಿಚಿತಿ, ಕರೋತಿಸ್ಸ, ಅತ್ಥಿಸ್ಸ ಇಚ್ಚಾದಿ।
೭೯೪. ಸೀಲಾಭಿಕ್ಖಞ್ಞಾವಸ್ಸಕೇಸು ಣೀ
ಸೀಲಂ
ಅಕ್ಖಾಯತೀತಿ ಅಕ್ಖಾಯೀ, ಅಕ್ಖಾಯನಸೀಲೋ, ಅಕ್ಖಾಯನಧಮ್ಮೋ, ಅಕ್ಖಾನೇ ಸಕ್ಕಚ್ಚಕಾರಿತಾ ಯುತ್ತೋತಿ ಅತ್ಥೋ। ಕಾಲತ್ತಯೇಪಿ ಸಿಜ್ಝತಿ ಸಾಮಞ್ಞವಿಧಾನತ್ತಾ।
ಅವಸ್ಸಕಂ ಪನ ಅನಾಗತಮೇವ, ಧಮ್ಮಕ್ಖಾಯೀ-ಪುರಿಸೋ, ಧಮ್ಮಕ್ಖಾಯಿನೀ-ಇತ್ಥೀ, ಧಮ್ಮಕ್ಖಾಯಿ-ಕುಲಂ, ಗೀತಂ ಅಭಿಣ್ಹಂ ಗಾಯತೀತಿ ಗೀತಗಾಯೀ, ಕಪ್ಪಂ ಅವಸ್ಸಂ ಠಾಸ್ಸತೀತಿ ಕಪ್ಪಟ್ಠಾಯೀ, ಸಂವಟ್ಟಮಾನಂ ಅಸಙ್ಖ್ಯೇಯ್ಯಂ ಠಾಸ್ಸತೀತಿ ಸಂವಟ್ಟಟ್ಠಾಯೀ। ಏವಂ ವಿವಟ್ಟಟ್ಠಾಯೀ।
ಅದಿನ್ನಂ ಆದದಾತಿ ಸೀಲೇನಾತಿ ಅದಿನ್ನಾದಾಯೀ। ತಥಾ ದಿನ್ನಮೇವ ಆದದಾತೀತಿ ದಿನ್ನಾದಾಯೀ, ಅನ್ನಂ ದದಾತಿ ಸೀಲೇನಾತಿ ಅನ್ನದಾಯೀ।
ದಾ-ಸುಪ್ಪನೇ। ನಿದ್ದಾಯನಸೀಲೋ ನಿದ್ದಾಯೀ, ಮಜ್ಜಂ ಪಿವನಸೀಲೋ ಮಜ್ಜಪಾಯೀ, ಮಜ್ಜಂ ಅಭಿಣ್ಹಂ ಪಿವತೀತಿ ಮಜ್ಜಪಾಯೀ, ಸೀಘಂ ಯಾಯನಸೀಲೋ ಸೀಘಯಾಯೀ, ಸಸಙ್ಖಾರೇನ ಸಪ್ಪಯೋಗೇನ ಅವಸ್ಸಂ ಪರಿನಿಬ್ಬಾಯಿಸ್ಸತೀತಿ ಸಸಙ್ಖಾರಪರಿನಿಬ್ಬಾಯೀ। ತಥಾ ಅಸಙ್ಖಾರಪರಿನಿಬ್ಬಾಯೀ, ಆಯುಕಪ್ಪಸ್ಸ ಅನ್ತರೇ ವೇಮಜ್ಝೇ ಅವಸ್ಸಂ ಪರಿನಿಬ್ಬಾಯಿಸ್ಸತೀತಿ ಅನ್ತರಾಪರಿನಿಬ್ಬಾಯೀ, ಆಯುಕಪ್ಪಪರಿಯೋಸಾನಂ ಉಪಹಚ್ಚ ಅವಸ್ಸಂ ಪರಿನಿಬ್ಬಾಯಿಸ್ಸತೀತಿ ಉಪಹಚ್ಚಪರಿನಿಬ್ಬಾಯೀ ಇಚ್ಚಾದಿ।
ಇವಣ್ಣೇಸು-ಮನ್ತಂ ನಿಚ್ಚಕಾಲಂ ಅಜ್ಝಾಯತೀತಿ ಮನ್ತಜ್ಝಾಯೀ, ಧಮ್ಮಜ್ಝಾಯೀ, ಧಞ್ಞಂ ನಿಚ್ಚಕಾಲಂ ವಿಕ್ಕಿಣಾತೀತಿ ಧಞ್ಞವಿಕ್ಕಾಯೀ, ಭಾಯನಸೀಲೋ ಭಾಯೀ, ಭೂಮಿಯಂ ಸಯನಸೀಲೋ, ಭೂಮಿಯಂ ವಾ ನಿಚ್ಚಕಾಲಂ ಸಯತೀತಿ
ಏದನ್ತಾಪಿ ಇಧ ವತ್ತಬ್ಬಾ, ಉದ್ಧಂ ವಡ್ಢನಸೀಲೋ ಉದಾಯೀ, ವುದ್ಧೇಸು ಅಪಚಾಯನಸೀಲೋ ವುದ್ಧಾಪಚಾಯೀ। ಏವಂ ಜೇಟ್ಠಾಪಚಾಯೀ, ಝಾಯನಸೀಲೋ, ಝಾಯನಧಮ್ಮೋ, ಝಾಯನೇ ಸಕ್ಕಚ್ಚಕ್ರಿಯಾಯುತ್ತೋತಿ ಝಾಯೀ, ನಿಚ್ಚಕಾಲಂ ಝಾಯತೀತಿ ವಾ ಝಾಯೀ, ಪಜ್ಝಾಯೀ, ಉಜ್ಝಾಯೀ, ನಿಜ್ಝಾಯೀ, ಅಭಿಜ್ಝಾಯೀ, ಭಾಯನಸೀಲೋ ಭಾಯೀ, ತಿಣಂ ಅಭಿಣ್ಹಂ ಲಾಯತೀತಿ ತಿಣಲಾಯೀ, ತನ್ತಂ ನಿಚ್ಚಕಾಲಂ ವಾಯತೀತಿ ತನ್ತವಾಯೀ, ಪಲಾಯನಸೀಲೋ ಪಲಾಯೀ, ನ ಪಲಾಯೀ ಅಪಲಾಯೀ ಇಚ್ಚಾದಿ।
ಉವಣ್ಣೇಸು-ಯಥಾಭೂತಂ ಅತ್ಥಂ ವಿಭಾವನಸೀಲೋ ವಿಭಾವೀಪುರಿಸೋ, ವಿಭಾವಿನೀ-ಇತ್ಥೀ, ಆಯತಿಂ ಅವಸ್ಸಂ ಭವಿಸ್ಸತೀತಿ ಭಾವೀ, ಸಾಲಿಂ ಲುನಾತಿ ಸೀಲೇನಾತಿ ಸಾಲಿಲಾವೀ ಇಚ್ಚಾದಿ।
ಬ್ಯಾಪನಸೀಲೋ ಬ್ಯಾಪೀ, ಕಾಮೇತಿ ಇಚ್ಛತಿ ಸೀಲೇನಾತಿ ಕಾಮೀ, ಧಮ್ಮಕಾಮೀ, ಅತ್ಥಕಾಮೀ, ಕರಣಸೀಲೋ ಕಾರೀ, ಪಾಪಕಾರೀ, ಪುಞ್ಞಕಾರೀ।
ಅವಸ್ಸಂ ಆಗಮಿಸ್ಸತೀತಿ ಆಗಾಮೀ। ರಸ್ಸತ್ತೇ-ಆಗಮಿನೀರತ್ತಿ, ಆಗಮಿನೀ-ಪುಣ್ಣಮಾಸೀ, ಆಚಯಂ ವಟ್ಟಂ ಗಚ್ಛತಿ ಸೀಲೇನಾತಿ ಆಚಯಗಾಮೀ, ಅಪಚಯಂ ವಿವಟ್ಟಂ ಗಚ್ಛತಿ ಸೀಲೇನಾತಿ ಅಪಚಯಗಾಮೀ, ಸಕಿಂ ಅವಸ್ಸಂ ಆಗಮಿಸ್ಸತೀತಿ ಸಕದಾಗಾಮೀ। ತಥಾ ನ ಆಗಮಿಸ್ಸತೀತಿ ಅನಾಗಾಮೀ।
ಆಧಾನಂ ವುಚ್ಚತಿ ದಳ್ಹಟ್ಠಿತಿ, ಆಧಾನಂ ಕತ್ವಾ ಗಹಣಸೀಲೋ ಆಧಾನಗಾಹೀ, ದಳ್ಹಗಾಹೀ, ಧಮ್ಮಂ ಚರತಿ ಸೀಲೇನಾತಿ ಧಮ್ಮಚಾರೀ, ಬ್ರಹ್ಮಂ ಸೇಟ್ಠಂ ಚರತಿ ಸೀಲೇನಾತಿ ಬ್ರಹ್ಮಚಾರೀ।
ಅಪಿಚೇತ್ಥ ಧಮ್ಮೋ ನಾಮ ಕುಲಾಚಾರಧಮ್ಮೋ, ತಂ ಧಮ್ಮಂ ಚರಾಮೀತಿ ದಳ್ಹಂ ಗಣ್ಹಿತ್ವಾ ಯಾವ ನ ವಿಜಹತಿ, ತಾವ ಅವೀತಿಕ್ಕಮನಟ್ಠೇನ ಧಮ್ಮಂ ಚರತಿ ಸೀಲೇನಾತಿ ಧಮ್ಮಚಾರೀ ನಾಮ। ತಥಾಚರನ್ತೋ ಚ ಅನ್ತರಾವೀತಿಕ್ಕಮನೀಯವತ್ಥುಸಮಾಯೋಗೇ ಸತಿ ತಂ ಧಮ್ಮಂ ಅಪತಮಾನಂ ಕತ್ವಾ ಧಾರೇನ್ತೋ
ಬ್ರಹ್ಮಂ ವುಚ್ಚತಿ ತತೋ ಸೇಟ್ಠತರಂ ಸಿಕ್ಖಾಪದಸೀಲಂ, ತಮ್ಪಿ ಗಣ್ಹಿತ್ವಾ ಅವಿಜಹನ್ತೋ ಅನ್ತರಾ ಚ ಅಪತಮಾನಂ ಕತ್ವಾ ಧಾರೇನ್ತೋ ಅನುಪಕ್ಕಿಲಿಟ್ಠಂ ಸುಪರಿಯೋದಾತಞ್ಚ ಕರೋನ್ತೋ ತಿವಿಧೇನ ಅತ್ಥೇನ ಬ್ರಹ್ಮಚಾರೀ ನಾಮ, ಸಮಾದಾನ, ಸಮ್ಪತ್ತ, ಸಮುಚ್ಛೇದವಿರತೀನಂ ವಸೇನ ವಿಯೋಜೇತುಂ ವಟ್ಟತಿ, ಯೋ ಪನ ಗಣ್ಹನ್ತೋ ತಥಾ ನ ಧಾರೇತಿ, ಧಾರೇನ್ತೋ ವಾ ಉಪಕ್ಕಿಲಿಟ್ಠಂ ಕರೋತಿ, ಸೋ ಏಕದೇಸೇನ ಅತ್ಥೇನ ಬ್ರಹ್ಮಚಾರೀ ನಾಮ।
ಯೋ ಪನ ತಿವಿಧೇನ ಅತ್ಥೇನ ಮುತ್ತೋ ಹುತ್ವಾ ಕದಾಚಿ ತಂ ಧಮ್ಮಂ ಚರತಿ, ತಸ್ಸ ಚರಣಕ್ರಿಯಾ ತಸ್ಸೀಲಕ್ರಿಯಾ ನ ಹೋತಿ, ಸೋ ಧಮ್ಮಚಾರೀತಿ ನ ವುಚ್ಚತಿ, ಏತೇನುಪಾಯೇನ ಸೇಸೇಸು ಪಾಪ, ಕಲ್ಯಾಣಭೂತೇಸು ತಸ್ಸೀಲಪದೇಸು ಅತ್ಥವಿಭಾಗೋ ವೇದಿತಬ್ಬೋ।
ಬ್ರಹ್ಮಚಾರಿನೀ-ಇತ್ಥೀ, ವಿಸೇಸೇನ ದಸ್ಸನಸೀಲೋ ವಿಪಸ್ಸೀ, ಅತ್ಥದಸ್ಸೀ, ಧಮ್ಮದಸ್ಸೀ, ಪಿಯದಸ್ಸೀ, ಸುದಸ್ಸೀ, ದುಸ್ಸನಸೀಲೋ ದುಸ್ಸೀಮಾರೋ, ಧಾರಣಸೀಲೋ ಧಾರೀ, ಇಣಧಾರೀ, ಛತ್ತಧಾರೀ, ಭುಸಂ ನಹನಸೀಲೋ ಉಪನಾಹೀ, ಪರಿನಿಟ್ಠಿತಪಚ್ಚಯೇಕದೇಸತ್ತಾ ಆಯತಿಂ ಅವಸ್ಸಂ ಉಪ್ಪಜ್ಜಿಸ್ಸತೀತಿ ಉಪ್ಪಾದೀ, ಉಪ್ಪಾದಿನೋ ಧಮ್ಮಾ
ಭರ-ಧಾರಣೇ, ಮಾಲಂ ನಿಚ್ಚಕಾಲಂ ಭರತೀತಿ ಮಾಲಭಾರೀ, ಭಾಜನಸೀಲೋ ಭಾಜೀ, ಉಣ್ಹಂ ಭುಞ್ಜನಸೀಲೋ ಉಣ್ಹಭೋಜೀ, ಅತ್ತಾನಂ ಮಞ್ಞತಿ ಸೀಲೇನಾತಿ ಅತ್ತಮಾನೀ, ಅತ್ತಾನಂ ಪಣ್ಡಿತಂ ಮಞ್ಞತೀತಿ ಪಣ್ಡಿತಮಾನೀ, ಲಭನಸೀಲೋ ಲಾಭೀ, ವಚನಸೀಲೋ ವಾಚೀ। ಏವಂ ವಾದೀ, ಅತ್ಥವಾದೀ, ಧಮ್ಮವಾದೀ, ಯುತ್ತವಾದೀ, ಮುತ್ತವಾದೀ, ವಿಭಜ್ಜವಾದೀ, ನಿಚ್ಚಂ ವಸತೀತಿ ವಾಸೀ, ಗಾಮವಾಸೀ, ನಗರವಾಸೀ, ಭಾರಂ ವಹನಸೀಲೋ ಭಾರವಾಹೀ
ಹರಿತಬ್ಬಂ ಸಬ್ಬಂ ಹರತಿ ಸೀಲೇನಾತಿ ಹಾರಹಾರೀ ಇಚ್ಚಾದಿ।
‘ಕಗಾ ಚಜಾನ’ನ್ತಿ ಸುತ್ತವಿಭತ್ತಿಯಾ ಅಘಾನುಬನ್ಧೇಪಿ ಚಜಾನಂ ಕಗಾದೇಸೋ, ಸಮಂ ವಿಪಾಚೇತೀತಿ ಸಮವೇಪಾಕೀ-ಉದರಗ್ಗಿ, ಸಮವೇಪಾಕಿನೀ-ಗಹಣೀ, ಉಪಧಿ ಫಲಂ ವಿಪಚ್ಚತೀತಿ ಉಪಧಿವೇಪಾಕಿನೀ, ಸೋಚನಸೀಲೋ ಸೋಕೀ, ಸೋಕಿನೀ-ಪಜಾ, ಮುತ್ತೋ ಹುತ್ವಾ ಚಜನಸೀಲೋ ಮುತ್ತಚಾಗೀ, ಸಂವಿಭಾಜನಸೀಲೋ ಸಂವಿಭಾಗೀ, ಕಾಮಸುಖಂ ಭುಞ್ಜನಸೀಲೋ ಕಾಮಭೋಗೀ, ವಿಸುಂ ಅವಿಭತ್ತಂ ಭೋಗಂ ಭುಞ್ಜನಸೀಲೋ ಅಪಟಿವಿಭತ್ತಭೋಗೀ, ಯುಞ್ಜನಸೀಲೋ ಯೋಗೀ ಇಚ್ಚಾದಿ।
೭೯೫. ಆವೀ
ಆವೀ ಹೋತಿ ಕತ್ತರಿ।
ಭಯಂ ದಸ್ಸನಸೀಲೋ ಭಯದಸ್ಸಾವೀ।
ಇತಿ ಇವಣ್ಣನ್ತರೂಪರಾಸಿ।
ಉವಣ್ಣನ್ತರೂಪರಾಸಿ
೭೯೬. ಭಙ್ಗು ಭೀರೂ ಭಾಸು ಅಸ್ಸವಾ।
ಏತೇ ಸದ್ದಾ ಮಹಾವುತ್ತಿನಾ ಸೀಲಾದೀಸು ನಿಪಚ್ಚನ್ತೇ।
ಭನ್ಜ-ವಿನಾಸೇ, ಪಭಞ್ಜನಸೀಲೋ ಪಭಙ್ಗು-ಸಙ್ಖತಧಮ್ಮೋ।
ಭೀ-ಭಯೇ, ಭಾಯನಸೀಲೋ ಭೀರೂ।
ಭಾ-ದಿತ್ತಿಯಂ, ಓಭಾಸನಸೀಲೋ ಭಾಸು-ಪಭಾ, ಜೇಟ್ಠವಚನಂ ಆದರೇನ ಸುಣಾತಿ ಸೀಲೇನಾತಿ ಅಸ್ಸವೋ-ಪುತ್ತೋ, ಅಸ್ಸವಾಭರಿಯಾ।
೭೯೭. ವಿದಾ ಕೂ
ವಿದಮ್ಹಾ
ವಿದತಿ ಸೀಲೇನಾತಿ ವಿದೂ, ಲೋಕವಿದೂ, ಪರಚಿತ್ತವಿದೂ। ಇತ್ಥಿಯಂ ಪರಚಿತ್ತವಿದುನೀ।
೭೯೮. ವಿತೋ ಞಾತೋ
ವಿಪುಬ್ಬಾ ಞಾತೋ ಕೂ ಹೋತಿ ಕತ್ತರಿ।
ವಿಜಾನನಸೀಲೋ ವಿಞ್ಞೂ।
೭೯೯. ಕಮ್ಮಾ
ಕಮ್ಮುಪಪದಾ ಞಾತೋ ಕೂ ಹೋತಿ ಕತ್ತರಿ।
ಸಬ್ಬಂ ಜಾನಾತಿ ಸೀಲೇನಾತಿ ಸಬ್ಬಞ್ಞೂ, ರತ್ತಞ್ಞೂ, ಅತ್ಥಞ್ಞೂ, ಧಮ್ಮಞ್ಞೂ, ಕಾಲಞ್ಞೂ, ಸಮಯಞ್ಞೂ।
೭೮೦. ಗಮಾ ರೂ
ಕಮ್ಮುಪಪದಾ ಗಮಮ್ಹಾ ರೂ ಹೋತಿ ಕತ್ತರಿ। ‘ರಾನುಬನ್ಧೇನ್ತಸರಾದಿಸ್ಸಾ’ತಿ ಸಬ್ಬಧಾತ್ವನ್ತಲೋಪೋ।
ಪಾರಂ ಗಚ್ಛತಿ ಸೀಲೇನಾತಿ ಪಾರಗೂ, ವೇದಂ ವುಚ್ಚತಿ ಅಗ್ಗಮಗ್ಗಞಾಣಂ, ವೇದಂ ಗಚ್ಛತೀತಿ ವೇದಗೂ, ಅದ್ಧಾನಂ ಗಚ್ಛತೀತಿ ಅದ್ಧಗೂ।
ಇತಿ ಉವಣ್ಣನ್ತರೂಪರಾಸಿ।
ಇತ್ಥಿಲಿಙ್ಗರೂಪರಾಸಿ
ಅಥ ಇತ್ಥಿಲಿಙ್ಗರೂಪಾನಿ ವುಚ್ಚನ್ತೇ।
೮೦೧. ಇತ್ಥಿಯಮಣತಿಕಯಕಯಾ ಚ
ಇತ್ಥಿಲಿಙ್ಗೇ ವತ್ತಬ್ಬೇ ಭಾವಕಾರಕೇಸು ಅ, ಣ,ತಿ, ಕ, ಯಕ, ಯಪಚ್ಚಯಾ ಚ ಅನೋ ಚ ಹೋತಿ।
ಕ
ಕಮ್ಹಿ ತಾವ-ಅತ್ತನಿ ನಿಸಿನ್ನಂ ಗೂಹತಿ ಸಂವರತೀತಿ ಗುಹಾ, ಅತ್ತಾನಂ ವಾ ಪರಂ ವಾ ದೂಸೇತೀತಿ ದೂಸಾ-ಧುತ್ತಿತ್ಥೀ।
ಮುದ-ಹಾಸೇ, ಮೋದನಂ ಮುದಾ, ಪಮುದಾ, ಸುಜ್ಝತಿ ಏತಾಯಾತಿ ಸುಧಾ, ವಸುಂ ರತನಂ ಧಾರೇತೀತಿ ವಸುಧಾ ಇಚ್ಚಾದಿ।
ಅಮ್ಹಿ-ಸಙ್ಖಾಯನ್ತಿ ಏತಾಯಾತಿ ಸಙ್ಖಾ। ತಥಾ ಸಙ್ಖ್ಯಾ, ಪಜಾನಾತೀತಿ ಪಞ್ಞಾ, ಆಜಾನಾತೀತಿ ಅಞ್ಞಾ, ಸಞ್ಜಾನಾತೀತಿ ಸಞ್ಞಾ, ಸಞ್ಜಾನನ್ತಿ ಏತಾಯಾತಿ ವಾ ಸಞ್ಞಾ, ಸಞ್ಜಾನನಂ ವಾ ಸಞ್ಞಾ, ಅಭಿಜಾನನಂ ಅಭಿಞ್ಞಾ, ಪಟಿಜಾನನಂ ಪಟಿಞ್ಞಾ, ಪರಿಚ್ಛಿಜ್ಜ ಜಾನನಂ ಪರಿಞ್ಞಾ, ಪಟಿಚ್ಚ ತಿಟ್ಠತಿ ಏತ್ಥಾತಿ ಪತಿಟ್ಠಾ।
ಥಾ-ಠಾನೇ, ಅವಧಿಭಾವೇನ ಠಾತಿ ತಿಟ್ಠತೀತಿ ಅವತ್ಥಾ, ಉಪಾದೀಯತೀತಿ ಉಪಾದಾ-ಪಞ್ಞತ್ತಿ, ಅಞ್ಞಮಞ್ಞಂ ಉಪೇಚ್ಚ ನಿಸ್ಸಾಯ ಚ ಧಿಯ್ಯತೀತಿ ಉಪನಿಧಾ-ಪಞ್ಞತ್ತಿಯೇವ, ಸದ್ದಹನಂ ಸದ್ಧಾ, ಸದ್ದಹನ್ತಿ ಏತಾಯಾತಿ ವಾ ಸದ್ಧಾ, ವಿಸಿಟ್ಠಂ ಕತ್ವಾ ಅತ್ತಾನಂ ದಹನ್ತಿ ಏತಾಯಾತಿ ವಿಧಾ-ಮಾನೋ, ಭಾತಿ ದಿಬ್ಬತೀತಿ ಭಾ-ನಕ್ಖತ್ತಂ, ಪಭಾ, ಆಭಾ, ನಿಭಾ, ಉಪಮೀಯತೇ ಉಪಮಾ।
ಝೇ-ಚಿನ್ತಾಯಂ, ಪಜ್ಝಾಯನಂ ಪಜ್ಝಾ, ವಜ್ಜಾವಜ್ಜಂ ಉಪಜ್ಝಾಯತಿ ಪೇಕ್ಖತೀತಿ ಉಪಜ್ಝಾ, ಅಭಿಮುಖಂ ಝಾಯನಂ ಅಭಿಜ್ಝಾ।
ಆಸ-ಪತ್ಥನಾಯಂ, ಆಸೀಸನಂ ಆಸಾ, ಪಚ್ಚಾಸೀಸನಂ ಪಚ್ಚಾಸಾ।
ಆಸ-ಉಪವೇಸನೇ, ಅಚ್ಛನಂ ಅಚ್ಛಾ।
ಇಕ್ಖ-ದಸ್ಸನ’ಙ್ಕೇಸು, ಅಪೇಕ್ಖನಂ ಅಪೇಕ್ಖಾ, ಉಪೇಕ್ಖನಂ ಉಪೇಕ್ಖಾ, ಉಪಪರಿಕ್ಖನಂ ಉಪಪರಿಕ್ಖಾ, ಇಚ್ಛನಂ ಇಚ್ಛಾ, ಬ್ಯಾಪಿತುಂ ಇಚ್ಛಾ ವಿಚ್ಛಾ।
ಇಸ್ಸ-ಉಸ್ಸುಯ್ಯಿಯೇ, ಇಸ್ಸನಂ ಇಸ್ಸಾ।
ಈಹ-ಬ್ಯಾಪಾರೇ, ಈಹನಂ ಈಹಾ।
ಉಛಿ-ಉಚ್ಛೇ
ಏಲ-ಕಮ್ಪನೇ, ಏಲಯತೀತಿ ಏಲಾ-ದೋಸೋ।
ಓಜ-ಥಮ್ಭನೇ ತೇಜನೇ ಚ, ಓಜೇತಿ ತಂಸಮಙ್ಗಿನೇ ಸತ್ತೇ ಸಙ್ಖಾರೇ ಚ ಸಮುಪತ್ಥಮ್ಭತಿ ಸಮುತ್ತೇಜೇತೀತಿ ವಾ ಓಜಾ।
ಕಲ-ಸಙ್ಖ್ಯಾನೇ, ಕಲೀಯತೀತಿ ಕಲಾ, ಖಮನಂ ಖಮಾ, ಗಜ್ಜನ್ತಿ ಏತಾಯಾತಿ ಗದಾ, ಗಿರೀಯತಿ ಕಥೀಯತೀತಿ ಗಿರಾ-ವಾಚಾ, ಘಟೀಯತಿ ಸಙ್ಘಟೀಯತಿ ಏತ್ಥಾತಿ ಘಟಾ-ಯೂಥೋ, ಭುಸೋ ಚಾರೇತಿ ಪರಿಚಾರೇತೀತಿ ಅಚ್ಛರಾ-ದೇವೀ, ಮಹಾವುತ್ತಿನಾ ಚಸ್ಸ ಛೋ, ಜಟತೀತಿ ಜಟಾ, ಅನ್ತೋಜಟಾ ಬಹಿಜಟಾ
ಭಿಕ್ಖ-ಯಾಚನೇ, ಭಿಕ್ಖೀಯತೇತಿ ಭಿಕ್ಖಾ।
ಸಿಕ್ಖ-ಘಟನೇ, ಸಿಕ್ಖನಂ ಸಿಕ್ಖಾ, ಸಿಕ್ಖನ್ತಿ ಘಟೇನ್ತಿ ಸೇಕ್ಖಾ ಜನಾ ಏತ್ಥಾತಿ ಸಿಕ್ಖಾ, ಅಧಿಸೀಲಸಿಕ್ಖಾ, ಅಧಿಚಿತ್ತಸಿಕ್ಖಾ, ಅಧಿಪಞ್ಞಾಸಿಕ್ಖಾ ಇಚ್ಚಾದಿ।
ತಿತಿಕ್ಖನಂ ತಿತಿಕ್ಖಾ, ವೀಮಂಸನಂ ವೀಮಂಸಾ, ತಿಕಿಚ್ಛನಂ ತಿಕಿಚ್ಛಾ, ವಿಗತಾ ತಿಕಿಚ್ಛಾ ಏತಿಸ್ಸಾತಿ ವಿಚಿಕಿಚ್ಛಾ, ಭೋತ್ತುಂ ಇಚ್ಛಾ ಬುಭುಕ್ಖಾ, ಬುಭೋಕ್ಖಾ ವಾ, ಘಸಿತುಂ ಇಚ್ಛಾ ಜಿಘಚ್ಛಾ, ಪಾತುಂ ಪರಿಭುಞ್ಜಿತುಂ ಇಚ್ಛಾ ಪಿಪಾಸಾ, ಹರಿತುಂ ಇಚ್ಛಾ ಜಿಗೀಸಾ, ವಿಜೇತುಂ ಇಚ್ಛಾ ವಿಜಿಗೀಸಾ, ಹನ್ತುಂ ಇಚ್ಛಾ ಜಿಘಂಸಾ ಇಚ್ಚಾದಿ।
ಣಮ್ಹಿ-ಅರ-ಗತಿಯಂ, ಅರತಿ ಸೀಘಂ ವಿಜ್ಝಮಾನಾ ಗಚ್ಛತೀತಿ ಆರಾವೇಧಕೋ, ಕರೋನ್ತಿ ನಾನಾಕಮ್ಮಕಾರಣಾಯೋ ಏತ್ಥಾತಿ ಕಾರಾ-ಅದ್ದು
ಯಕ್ಪಚ್ಚಯೇ-ಸಹ ಕಥನಂ ಸಾಕಚ್ಛಾ, ತಥನಂ ತಚ್ಛಾ, ನಿಪಜ್ಜನಂ ನಿಪಜ್ಜಾ, ವಿದತಿ ಜಾನಾತೀತಿ ವಿಜ್ಜಾ, ವಿದನ್ತಿ ಜಾನನ್ತಿ ಏತಾಯಾತಿ ವಾ ವಿಜ್ಜಾ, ವಿಜ್ಜಾಪಟಿಪಕ್ಖಾ ಅವಿಜ್ಜಾ, ನಿಸಜ್ಜನಂ ನಿಸಜ್ಜಾ।
ಇಧ-ಇಜ್ಝನೇ, ಸಮಿಜ್ಝನಂ ಸಮಿಜ್ಝಾ।
ಸಿಧ-ನಿಪ್ಫತ್ತಿಯಂ, ಸಿಜ್ಝನಂ ಸಿಜ್ಝಾ ಇಚ್ಚಾದಿ।
ಯಮ್ಹಿ-ಮಜ-ಸಂಸುದ್ಧಿಯಂ, ಸಮ್ಮಜ್ಜನಂ ಸಮ್ಮಜ್ಜಾ, ಅಪೇಚ್ಚ ವಜನಂ ಗಮನಂ ಪಬ್ಬಜ್ಜಾ, ಚರಣಂ ಚರಿಯಾ, ಪರಿಚರಣಂ ಪಾರಿಚರಿಯಾ, ‘ಊಬ್ಯಞ್ಜನಸ್ಸಾ’ತಿ ಈಆಗಮೋ ರಸ್ಸೋ ಚ।
ಜಾಗರ-ನಿದ್ದಕ್ಖಯೇ, ಜಾಗರಣಂ ಜಾಗರಿಯಾ, ಸೇತಿ ಏತ್ಥಾತಿ ಸೇಯ್ಯಾ, ದ್ವಿತ್ತಂ।
ಅನಮ್ಹಿ-ಸಹ ಗಾಯನ್ತಿ ಸಜ್ಝಾಯನ್ತಿ ಏತ್ಥಾತಿ ಸಙ್ಗಾಯನಾ, ಠಾಪೀಯತೇ ಪತಿಟ್ಠೀಯತೇ ಪತಿಟ್ಠಾನಾ, ಪಾಪೀಯತೇ ಪಾಪನಾ, ಸಮ್ಪಾಪನಾ, ಪರಿಸಮಾಪನಾ, ಉಪಾಸೀಯತೇ ಉಪಾಸನಾ, ಪಯಿರೂಪಾಸನಾ, ಏಸೀಯತೇ ಏಸನಾ, ಪರಿಯೇಸನಾ, ಕಾಮೇಸನಾ, ಭವೇಸನಾ, ಬ್ರಹ್ಮಚರಿಯೇಸನಾ, ಛೇಜ್ಜಭೇಜ್ಜಾದಿಕಸ್ಸ ಕಮ್ಮಸ್ಸ ಕರಣಂ ಕಮ್ಮಕಾರಣಾ, ಆದಿವುದ್ಧಿ, ದ್ವತ್ತಿಂಸ ಕಮ್ಮಕಾರಣಾ।
ಚಿತಿ-ಚೇತಾಯಂ, ಚೇತೇನ್ತಿ ಸಮ್ಪಯುತ್ತಾ ಧಮ್ಮಾ ಏತಾಯಾತಿ ಚೇತನಾ, ಚಿನ್ತೀಯತೇ ಚಿನ್ತನಾ, ಠಪೀಯತೇ ಠಪನಾ, ದೀಪೀಯತೇ ದೀಪನಾ, ವಿಪಸ್ಸನ್ತಿ ಏತಾಯಾತಿ ವಿಪಸ್ಸನಾ, ಸನ್ದಸ್ಸೀಯತೇ ಸನ್ದಸ್ಸನಾ, ದೇಸೀಯತೇ ದೇಸನಾ, ದೇಸೀಯತಿ ಏತಾಯಾತಿ ವಾ ದೇಸನಾ, ಪತ್ಥೀಯತೇ ಪತ್ಥನಾ, ಫರೀಯತೇ ಫರಣಾ, ಫುಸೀಯತೇ ಫುಸನಾ, ಭಾವೀಯತೇ ಭಾವನಾ, ವಿಭಾವನಾ, ಸಮ್ಭಾವನಾ, ಮನ್ತೀಯತೇ ಮನ್ತನಾ, ನಿಮನ್ತನಾ
ರಚ-ವಿಧಾನೇ, ರಚೀಯತೇ ರಚನಾ, ಆರಚನಾ, ವಿರಚನಾ।
ವಟ್ಟ-ವಟ್ಟನೇ, ಆವಟ್ಟನಾ, ವಿವಟ್ಟನಾ, ವೇದೀಯತೇ ವೇದನಾ।
ವರ-ಇಚ್ಛಾಯಂ, ಪವಾರೀಯತೇ ಇಚ್ಛಾಪೀಯತೇ ಪವಾರಣಾ, ವಾಸೀಯತೇ ವಾಸನಾ, ಆಸೀಸೀಯತೇ ಆಸೀಸನಾ, ಹಿಂಸೀಯತೇ ಹಿಂಸನಾ ಇಚ್ಚಾದಿ।
ತಿಮ್ಹಿ-ಬಹುಲಾಧಿಕಾರಾ ಅನಿತ್ಥಿಯಮ್ಪಿತಿ ಹೋತಿ, ಗಾಯನಂ ಗೀತಿ, ಸಹ ಗಾಯನಂ ಸಙ್ಗೀತಿ, ದುಗ್ಗೀತಿ, ಅನುಗೀತಿ, ಅಯಂ ಅಮ್ಹಾಕಂ ಅಬ್ಭನ್ತರಿಮೋತಿ ಞಾಯತೀತಿ ಞಾತಿ, ಜಾನನಂ ಞತ್ತಿ, ದ್ವಿತ್ತಂ, ಠಾನಂ ಠಿತಿ।
ದಾ-ಅವಖಣ್ಡನೇ, ದೀಯತಿ ಏತಾಯಾತಿ ದತ್ತಿ, ದ್ವಿತ್ತಂ, ಧಾರೇತೀತಿ ಧಾತಿ, ದಹನಂ ಅಕಮ್ಪನಂ ಧೀತಿ, ಸಮಾದಹನಂ ಸಮಾಧೀತಿ, ಮಹಾವುತ್ತಿನಾ ಆಸ್ಸಂ ಈತ್ತಂ, ದ್ವಿತ್ತೇ ಧಸ್ಸ ದತ್ತಂ ರಸ್ಸೋ ಚ, ದೀಧಿತಿ-ರಂಸಿ।
ನಿಬ್ಬಾಯನಂ ನಿಬ್ಬುತಿ, ಆಸ್ಸ ಉತ್ತಂ, ಸಹ ಅಯನಂ ಸಮಿತಿ, ಏತಿ ಆಗಚ್ಛತೀತಿ ಈತಿ-ಉಪದ್ದವೋ, ವಿಚಿನನಂ ವಿಚಿತಿ, ವಿಜಯನಂ ವಿಜಿತಿ, ನೀಯತಿ ಞಾಯತಿ ಏತಾಯಾತಿ ನೀತಿ, ಲೋಕನೀತಿ, ಧಮ್ಮನೀತಿ, ಸದ್ದನೀತಿ, ಭವಂ ನೇತೀತಿ ಭವನೇತ್ತಿ, ವುದ್ಧಿ ದ್ವಿತ್ತಞ್ಚ, ಸದ್ಧಮ್ಮನೇತ್ತಿ, ಪಿನಯತೀತಿ ಪೀತಿ, ಭಾಯನಂ ಭೀತಿ, ಚವನಂ ಚುತಿ, ಜವನಂ ಜುತಿ, ಥವನಂ ಥುತಿ, ಅಭಿತ್ಥುತಿ, ಪವನಂ ಪೂತಿ, ಭವನಂ ಭೂತಿ, ಸುಟ್ಠು ಭವತೀತಿ ಸುಭೂತಿ, ವಿಭವನಂ ವಿಭೂತಿ, ಸುಟ್ಠು ಮುನನಂ ಬನ್ಧನಂ ಸಮ್ಮುತಿ, ಸವನಂ ಸುತಿ, ಸುಯ್ಯತೇತಿ ವಾ ಸುತಿ, ಪಸುತಿ, ಉಪಸುತಿ, ಹೂಯತೇತಿ ಹುತಿ, ಆನೇತ್ವಾ ಹುತಬ್ಬಾತಿ ಆಹುತಿ, ಚಾಯನಂ ಪೂಜನಂ ಚಿತಿ, ದ್ವಿತ್ತೇ-ಚಿತ್ತಿ, ಅಪಚಿತಿ, ಏಸ್ಸ ಅತ್ತಂ, ನಿಜ್ಝಾಯನಂ ನಿಜ್ಝತ್ತಿ।
ಮಹಾವುತ್ತಿನಾ ತಕಾರೇ ಕರಸ್ಸ ಕುತ್ತಂ, ಕ್ರಿಯಾ ಕುತ್ತಿ, ಸರಕುತ್ತಿ, ಇತ್ಥಿಕುತ್ತಂ, ಪುರಿಸಕುತ್ತಂ, ಜನೇತೀತಿ ಜನೇತ್ತಿ, ಈಆಗಮಸ್ಸ ಏತ್ತಂ
೮೦೨. ಜಾಹಾಹಿ ನಿ।
ಏತೇಹಿ ನಿ ಹೋತಿ।
ಜಾ-ಹಾನಿಯಂ, ಜಿಯ್ಯತೇ ಜಾನಿ, ಧನಜಾನಿ, ಭೋಗಜಾನಿ, ಮಹನ್ತೀ ಜಾನಿ ಅಸ್ಸಾತಿ ಮಹಾಜಾನಿಯೋ, ಹಿಯ್ಯತೇ ಹಾನಿ, ವಣ್ಣಹಾನಿ, ಬಲಹಾನಿ, ಆಯುಹಾನಿ, ಅವಹಾನಿ, ಪರಿಹಾನಿ।
೮೦೩. ಕರಾ ರಿರಿಯೋ
ಕರಮ್ಹಾ ಇತ್ಥಿಯಂ ರಿರಿಯೋ ಹೋತಿ।
ಕರೀಯತೇ ಕಿರಿಯಾ, ನಿಪಾತನೇನ ಕ್ರಿಯಾತಿ ಸಿಜ್ಝತಿ।
ಇತಿ ಇತ್ಥಿಲಿಙ್ಗರೂಪರಾಸಿ।
ರೀರಿಕ್ಖಾದಿಪಚ್ಚಯರಾಸಿ
೮೦೪. ಸಮಾನಞ್ಞಭವನ್ತಯಾದಿತೂಪಮಾನಾ ದಿಸಾ ಕಮ್ಮೇ ರೀರಿಕ್ಖಕಾ
ಸಮಾನೋ ಚ ಅಞ್ಞೋ ಚ ಭವನ್ತೋ ಚ ಯಾದಿ ಚ ಏತೇಹಿ ಉಪಮಾನಭೂತೇಹಿ ಪರಂ ದಿಸಮ್ಹಾ ಕಮ್ಮೇರೀ ಚ ರಿಕ್ಖೋ ಚ ಕೋ ಚಾತಿ ಏತೇ ಪಚ್ಚಯಾ ಹೋನ್ತಿ, ರೀ, ರಿಕ್ಖೇಸು ‘ರಾನುಬನ್ಧೇನ್ತಸರಾದಿಸ್ಸಾ’ತಿ ಸುತ್ತೇನ ದಿಸಸ್ಸ ಅನ್ತಸ್ಸರಾದೀನಂ ಲೋಪೋ, ಕಾನುಬನ್ಧೋ ಅವುದ್ಧತ್ಥೋ, ‘ರೀರಿಕ್ಖಕೇಸು’ಇಚ್ಚಾದೀಹಿ ಸಮಾಸಸುತ್ತೇಹಿ ಪುಬ್ಬಪದಾನಂ ರೂಪಂ ಸಾಧೇತಬ್ಬಂ।
ಯ, ತ, ಏತ, ಇಮ, ಕಿಂ, ತುಮ್ಹ, ಅಮ್ಹ, ಭವನ್ತ, ಸಮಾನ, ಅಞ್ಞ।
ಯೋ ವಿಯ ದಿಸ್ಸತೀತಿ ಯಾದೀ, ಯಾದಿಕ್ಖೋ, ಯಾದಿಸೋ, ಯಂ ವಿಯ ನಂ ಪಸ್ಸನ್ತೀತಿ ಯಾದೀ, ಯೇ ವಿಯ ದಿಸ್ಸನ್ತೀತಿ ಯಾದಿನೋ, ಇತ್ಥಿಯಂ-ಯಾ
ಸೋ ವಿಯ ದಿಸ್ಸತೀತಿ ತಾದೀ, ತಾದಿಕ್ಖೋ, ತಾದಿಸೋ।
ಏಸೋ ವಿಯ ದಿಸ್ಸತೀತಿ ಏದೀ, ಏದಿಕ್ಖೋ, ಏದಿಸೋ, ಏತಾದೀ, ಏತಾದಿಕ್ಖೋ, ಏತಾದಿಸೋ ವಾ।
ಅಯಂ ವಿಯ ದಿಸ್ಸತೀತಿ ಈದೀ, ಈದಿಕ್ಖೋ, ಈದಿಸೋ।
ಕೋ ವಿಯ ದಿಸ್ಸತೀತಿ ಕೀದೀ, ಕೀದಿಕ್ಖೋ, ಕೀದಿಸೋ।
ತ್ವಂ ವಿಯ ದಿಸ್ಸತೀತಿ ತಾದೀ, ತಾದಿಕ್ಖೋ, ತಾದಿಸೋ।
ಅಹಂ ವಿಯ ದಿಸ್ಸತೀತಿ ಮಾದೀ, ಮಾದಿಕ್ಖೋ, ಮಾದಿಸೋ।
ಬಹುತ್ತೇ ಪನ ತುಮ್ಹೇ ವಿಯ ದಿಸ್ಸನ್ತೀತಿ ತುಮ್ಹಾದೀ, ತುಮ್ಹಾದಿಕ್ಖೋ, ತುಮ್ಹಾದಿಸೋ।
ಅಮ್ಹೇ ವಿಯ ದಿಸ್ಸನ್ತೀತಿ ಅಮ್ಹಾದೀ, ಅಮ್ಹಾದಿಕ್ಖೋ, ಅಮ್ಹಾದಿಸೋ।
ಭವಂ ವಿಯ ದಿಸ್ಸತೀತಿ ಭವಾದೀ, ಭವಾದಿಕ್ಖೋ, ಭವಾದಿಸೋ।
ಸಮಾನೋ ವಿಯ ದಿಸ್ಸತೀತಿ ಸದೀ, ಸದಿಕ್ಖೋ, ಸದಿಸೋ।
ಅಞ್ಞೋ ವಿಯ ದಿಸ್ಸತೀತಿ ಅಞ್ಞಾದೀ, ಅಞ್ಞಾದಿಕ್ಖೋ, ಅಞ್ಞಾದಿಸೋ।
ಇತ್ಥಿಯಂ-ಯಾ ವಿಯ ದಿಸ್ಸತೀತಿ ಯಾದಿಸಾ-ಇತ್ಥೀ, ಯಾದಿಸೀ-ಇತ್ಥೀ। ತಾದಿಸಾ-ಇತ್ಥೀ, ತಾದಿಸೀ-ಇತ್ಥೀ ಇಚ್ಚಾದಿ।
೮೦೫. ವಮಾದೀಹಿ ಥು
ವಮಾದೀಹಿ ಭಾವಕಾರಕೇಸು ಥು ಹೋತಿ।
ವಮೀಯತೇತಿ ವಮಥು, ದವೀಯತೇತಿ ದವಥು ಇಚ್ಚಾದಿ।
೮೦೬. ಕ್ವಿ
ಭಾವಕಾರಕೇಸು
೮೦೭. ಕ್ವಿಸ್ಸ
ಕ್ವಿಸ್ಸ ಲೋಪೋ ಹೋತಿ।
ಇವಣ್ಣೇಸು ತಾವ-ಭುಸೋ ಚಯತಿ ವಡ್ಢತೀತಿ ಅಚ್ಚಿ, ದ್ವಿತ್ತಂ ರಸ್ಸತ್ತಞ್ಚ, ವಿವಿಧೇನ ಚಯತಿ ವಡ್ಢತೀತಿ ವೀಚಿ, ಪಞ್ಚ ಮಾರೇ ಜಿನಾತೀತಿ ಮಾರಜಿ, ಭದ್ದಂ ಜಿನಾತೀತಿ ಭದ್ದಜಿ। ಏವಂ ಪುಣ್ಣಜಿ, ಗಾಮಂ ಸಮೂಹಂ ನೇತೀತಿ ಗಾಮಣೀ, ನಸ್ಸ ಣತ್ತಂ। ಸೇನಂ ನೇತೀತಿ ಸೇನಾನೀ ಇಚ್ಚಾದಿ।
ಉವಣ್ಣೇಸು-ಮಾರೇತಿ ಚಾವೇತಿ ಚಾತಿ ಮಚ್ಚು, ಮಹಾವುತ್ತಿನಾ ರಸ್ಸ ಪರರೂಪತ್ತಂ, ವಿವಿಧೇನ ಜವತಿ ಸೀಘಂ ಫರತೀತಿ ವಿಜ್ಜು, ಭವನ್ತಿ ಏತ್ಥಾತಿ ಭೂ-ಭೂಮಿ, ಪಭವತಿ ಇಸ್ಸರಂ ಕರೋತೀತಿ ಪಭೂ, ವಿಭವನಂ ವಿಭೂ, ಅಭಿಭವತೀತಿ ಅಭಿಭೂ, ಸಯಂ ಭವತೀತಿ ಸಯಮ್ಭೂ, ಗೋತ್ತಂ ಅಭಿಭವತೀತಿ ಗೋತ್ತಭೂ, ಗೋತ್ರಭೂ ಇಚ್ಚಾದಿ।
ಬ್ಯಞ್ಜನನ್ತೇಸು –
೮೦೮. ಕ್ವಿಮ್ಹಿ ಲೋಪೋನ್ತಬ್ಯಞ್ಜನಸ್ಸ
ಧಾತೂನಂ ಅನ್ತಬ್ಯಞ್ಜನಸ್ಸ ಲೋಪೋ ಹೋತಿ ಕ್ವಿಮ್ಹಿ।
ಅನ್ತಂ ಕರೋತೀತಿ ಅನ್ತಕೋ, ನನ್ದಂ ಕರೋತೀತಿ ನನ್ದಕೋ, ಜೀವಂ ಕರೋತೀತಿ ಜೀವಕೋ, ಚಿತ್ತಂ ವಿಚಿತ್ತಂ ಕರೋತೀತಿ ಚಿತ್ತಕೋ, ಸುಖೇನ ಖಮಿತಬ್ಬನ್ತಿ ಸುಖಂ, ದುಕ್ಖೇನ ಖಮಿತಬ್ಬನ್ತಿ ದುಕ್ಖಂ, ಪರಿತೋ ಖಞ್ಞತೇತಿ ಪರಿಕ್ಖಾ, ಸಂ ಅತ್ತಾನಂ ಖನತೀತಿ ಸಙ್ಖೋ, ನ ಗಚ್ಛತೀತಿ ಅಗೋ-ನಗೋ, ಸೀಸಂ ಉಪಗಚ್ಛತೀತಿ ಸೀಸೂಪಗೋ। ಏವಂ ಗೀವೂಪಗೋ, ನಿನ್ನಟ್ಠಾನಂ ಗಚ್ಛತೀತಿ ನಿನ್ನಗಾ-ನದೀ, ತುರಂ ಸೀಘಂ ಗಚ್ಛತೀತಿ ತುರಙ್ಗೋ, ಮಜ್ಝೇ ಬಿನ್ದಾಗಮೋ।
ಭುಜೇನ
‘‘ಗೋ ಗಚ್ಛತಿ, ಗಾವೋ ಗಚ್ಛನ್ತೀ’’ತಿಆದೀಸು ಪನ ‘‘ಗೋಚರೋ, ಗೋಧನೋ, ಗೋತ್ತಂ, ಗೋತ್ರಭೂ’’ತಿಆದೀಸು ಚ ಕ್ವಿಮ್ಹಿ ಅನ್ತಬ್ಯಞ್ಜನಲೋಪೇ ಕ್ವಿಲೋಪೇ ಚ ಕತೇ ಮಹಾವುತ್ತಿನಾ ಉಪನ್ತಸ್ಸ ಓತ್ತಂ ಕತ್ವಾ ಗೋಇತಿ ಪಕತಿರೂಪಂ ವೇದಿತಬ್ಬಂ, ಬಲಂ ಗಣೀಯತಿ ಏತ್ಥಾತಿ ಬಲಗ್ಗಂ, ಭತ್ತಂ ಗಣ್ಹನ್ತಿ ಏತ್ಥಾತಿ ಭತ್ತಗ್ಗಂ। ಏವಂ ಸಲಾಕಗ್ಗಂ, ಉಪೋಸಥಗ್ಗಂ।
ಕಮ್ಮೇನ ಜಾಯತೀತಿ ಕಮ್ಮಜೋ। ಏವಂ ಚಿತ್ತಜೋ, ಉತುಜೋ, ಅತ್ತನಿ ಜಾತೋತಿ ಅತ್ರಜೋ, ಪುಬ್ಬೇ ಜಾತೋ ಪುಬ್ಬಜೋ, ಪಚ್ಛಾ ಜಾತೋ ಅನುಜೋ, ಸಹ ಜಾಯತೀತಿ ಸಹಜೋ, ಥಲೇ ಜಾಯತೀತಿ ಥಲಜಂ। ಏವಂ ದಕಜಂ, ವಾರಿಜಂ, ಅಮ್ಬುಜಂ। ಅಣ್ಡೇ ಜಾಯತೀತಿ ಅಣ್ಡಜೋ, ದ್ವಿಕ್ಖತ್ತುಂ ಜಾಯತೀತಿ ದ್ವಿಜೋ, ಸಹ ಭಾಸನ್ತಿ ಏತ್ಥಾತಿ ಸಭಾ, ಕುಞ್ಜೇ ರಮತೀತಿ ಕುಞ್ಜರೋ ಇಚ್ಚಾದಿ।
೮೦೯. ಕ್ವಿಮ್ಹಿ ಘೋ ಪರಿಪಚ್ಚಾಸಮೋಹಿ
ಪರಿ ಚ ಪತಿ ಚ ಆ ಚ ಸಞ್ಚ ಓ ಚ ಏತೇಹಿ ಪರಸ್ಸ ಹನಸ್ಸ ಘೋ ಹೋತಿ ಕ್ವಿಮ್ಹಿ।
ಪರಿಹಞ್ಞತೀತಿ ಪಲಿಘೋ, ರಸ್ಸ ಲತ್ತಂ। ಪತಿಹನತೀತಿ ಪಟಿಘೋ, ತಸ್ಸ ಟತ್ತಂ। ಭುಸೋ ಹನತಿ ಬಾಧತೀತಿ ಅಘಂ-ದುಕ್ಖಂ ಪಾಪಞ್ಚ, ವಿಸೇಸೇನ ಭುಸೋ ಹನತೀತಿ ಬ್ಯಗ್ಘೋ, ದಿಟ್ಠಿ, ಸೀಲಸಾಮಞ್ಞೇನ ಸಂಹತೋತಿ ಸಙ್ಘೋ-ಸಮೂಹೋ, ದೇವಸಙ್ಘೋ, ಬ್ರಹ್ಮಸಙ್ಘೋ, ಮಿಗಸಙ್ಘೋ, ಓಹನತಿ ಅಧೋಭಾಗಂ ಕತ್ವಾ ಮಾರೇತೀತಿ ಓಘೋ, ಕಿಲೇಸೋಘೋ, ಸಂಸಾರೋಘೋ, ಉದಕೋಘೋ।
ಸುತ್ತವಿಭತ್ತಿಯಾ ಅಞ್ಞತೋಪಿ ಘೋ ಹೋತಿ, ಮಾತರಂ ಹನತೀತಿ ಮಾತುಘೋ। ಏವಂ ಪಿತುಘೋ ಇಚ್ಚಾದಿ।
೮೧೦. ಣ್ವಾದಯೋ
ಕ್ರಿಯತ್ಥಾ
ಕರೋತೀತಿ ಕಾರು-ಸಿಪ್ಪೀ, ಅಯತಿ ವಡ್ಢತೀತಿ ಆಯು, ಅಯನ್ತಿ ವಡ್ಢನ್ತಿ ಸತ್ತಾ ಏತೇನಾತಿ ವಾ ಆಯು-ಜೀವಿತಂ, ಸೋಭಾವಿಸೇಸಂ ರಹನ್ತಿ ಜಹನ್ತಿ ಚನ್ದ, ಸೂರಿಯಾ ಏತೇನಾತಿ ರಾಹು-ಅಸುರಿನ್ದೋ, ಹಿತಸುಖಂ ಸಾಧೇತೀತಿ ಸಾಧು-ಸಪ್ಪುರಿಸೋ, ವಾಯತೀತಿ ವಾಯುವಾತೋ ಇಚ್ಚಾದಿ।
ಇತಿ ರೀರಿಕ್ಖಾದಿಪಚ್ಚಯರಾಸಿ।
ಪಕತಿರೂಪರಾಸಿ ನಿಟ್ಠಿತೋ।
ಇತಿ ನಿರುತ್ತಿದೀಪನಿಯಾ ನಾಮ ಮೋಗ್ಗಲ್ಲಾನದೀಪನಿಯಾ
ತಬ್ಬಾದಿಕಣ್ಡೋ ನಾಮ ಕಿತಕಣ್ಡೋ ನಿಟ್ಠಿತೋ।