ಮಹಾಪಧಾನದೀಪನೀಗಾಥಾ

೧೧೧.

ಓರೋಹಿತೋತೋಹಿತಪಾಪಧಮ್ಮೋ,

ಛನ್ನೇನ ಸ ಛನ್ನಹಯೇನ ಗನ್ತ್ವಾ।

ಅನೋಮತೀರಮ್ಹಿ ಅನೋಮಸತ್ತೋ,

ಅನೋಮಪಬ್ಬಜ್ಜಮುಪಾಗತೋ ಸೋ॥

೧೧೨.

ನಿರಾಮಿಸಂ ಪೀತಿಸುಖಂ ಅನೂಪಮಂ,

ಅನೂಪಿಯೇ ಅಮ್ಬವನೇ ಅಲತ್ಥ।

ಸರೂಪಸೋಭಾಯ ವಿರೂಪಸೋಭಂ,

ಸರಾಜಿಕಂ ರಾಜಗಹಂ ಕರಿತ್ಥ॥

೧೧೩.

ತತೋ ಅಳಾರ ಊದಕತಾಪಸಾನಂ,

ಝಾನೇನಸನ್ತುಟ್ಠಮನೋ ವಿಹಾಯ।

ಮಹಾಪಧಾನಾಯ ಉರುವೇಲಭೂಮಿಂ,

ಗತೋ ಸಿಖಪ್ಪತ್ತಮಕಾಸಿ ದುಕ್ಕರಂ॥

೧೧೪.

ನ ಕಾಮತೋ ನೇವತಿದುಕ್ಕರಮ್ಹಿ,

ಸಬ್ಬಞ್ಞುತಾ ಸಿಜ್ಝತಿ ಮಜ್ಝಿಮಾಯ।

ಞತ್ವಾನ ತಂ ಪುಬ್ಬಗುಣೋಪಲದ್ಧಂ,

ಧಮ್ಮಂ ಸಮಾನೇತುಮಗಾ ಸುಬೋಧಿಂ॥