॥ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥

ಬುದ್ಧಗುಣಗಾಥಾವಲೀ

ಯಥೇವ ಪುಪ್ಫರಾಸಿಮ್ಹಾ, ಗನ್ಥೇಯ್ಯ ಮಾಲಾ ಸೋಭನಾ।

ಏವಂ ಬುದ್ಧಗುಣಗಾಥಾ, ವಿರಚಿಂ ಸಹಸ್ಸಾಧಿಕಾ॥

ಸೋಪಿ ಭಗವಾ ಅರಹಂ, ಸಮ್ಮಾಸಮ್ಬುದ್ಧೋ ಸಯಮ್ಭೂ।

ವಿಜ್ಜಾಚರಣಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧॥

ಪುರಿಸದಮ್ಮಸಾರಥೀ, ಲೋಕವಿದೂ ಅನುತ್ತರೋ।

ಸತ್ಥಾದೇವಮನುಸ್ಸಾನಂ, ಬುದ್ಧಂ ತಂ ಪಣಮಾಮ್ಯಹಂ॥೨॥

ಸುಗತೋ ಸುಗದೋ ಸಾಮೀ, ಸುಖದೋ ಸನ್ತಿಪದಾಯಕೋ।

ಸಬ್ಬಲೋಕಾನುಕಮ್ಪಕೋ, ಬುದ್ಧಂ ತಂ ಪಣಮಾಮ್ಯಹಂ॥೩॥

ವರೋ ವರಞ್ಞೂ ವರದೋ, ವರುತ್ತಮೋ ವರಾಹರೋ।

ವರಧಮ್ಮಂ ಅದೇಸಯಿ, ಬುದ್ಧಂ ತಂ ಪಣಮಾಮ್ಯಹಂ॥೪॥

ಮಹಾಮಙ್ಗಲಮಙ್ಗಲ್ಯೋ, ಮಙ್ಗಲೋ ಮಙ್ಗಲಾಲಯೋ।

ಮಙ್ಗಲಾಯತನೋ ನಾಥೋ, ಬುದ್ಧಂ ತಂ ಪಣಮಾಮ್ಯಹಂ॥೫॥

ಮಙ್ಗಲಿನ್ದೋ ಮಙ್ಗಲಿಕೋ, ಮಹಾಮಙ್ಗಲನಾಯಕೋ।

ಮಙ್ಗಲಧಮ್ಮಂ ದೇಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬॥

ಮಙ್ಗಲಗ್ಗೋ ಮಙ್ಗಲಞ್ಞೂ, ಮಙ್ಗಲತ್ಥಪದಾಯಕೋ।

ಮಙ್ಗಲಪನ್ಥದಸ್ಸಾವೀ, ಬುದ್ಧಂ ತಂ ಪಣಮಾಮ್ಯಹಂ॥೭॥

ಮಙ್ಗಲಿಚ್ಛೋ ಮಙ್ಗಲಿದ್ಧೋ, ಮಙ್ಗಲಮಭಿವದ್ಧನೋ।

ಮಙ್ಗಲೇಹಿ ಪರಿಪುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೮॥

ಮಙ್ಗಲಾಭಾ ಉಜ್ಜೋತೇಸಿ, ಮಙ್ಗಲತ್ಥಪಭಾಕರೋ।

ಮಙ್ಗಲಾಲೋಕಮಣ್ಡಿತೋ, ಬುದ್ಧಂ ತಂ ಪಣಮಾಮ್ಯಹಂ॥೯॥

ಮಙ್ಗಲತ್ಥಮನುಪ್ಪತ್ತೋ, ಮಙ್ಗಲತ್ಥಪರಾಯಣೋ।

ಸಬ್ಬದಾ ಮಙ್ಗಲಕರೋ, ಬುದ್ಧಂ ತಂ ಪಣಮಾಮ್ಯಹಂ॥೧೦॥

ಮಙ್ಗಲಮಗ್ಗಮನ್ವೇಸಿ, ಪತ್ತೋ ಮಙ್ಗಲಮುತ್ತಮಂ।

ಮಙ್ಗಲಾಯನಂ ದಸ್ಸೇತಾ, ಬುದ್ಧಂ ತಂ ಪಣಮಾಮ್ಯಹಂ॥೧೧॥

ಮಙ್ಗಲಮಹಿಮಾಧಾರೀ, ಮಙ್ಗಲಕಾರೀ ನಾಯಕೋ।

ಸಬ್ಬಧಿ ಮಙ್ಗಲದಾತಾ, ಬುದ್ಧಂ ತಂ ಪಣಮಾಮ್ಯಹಂ॥೧೨॥

ಮಙ್ಗಲಸ್ಸ ಕೋವಿದೋ ಚ, ಅಮಙ್ಗಲಸ್ಸ ಕೋವಿದೋ।

ಪರಮಂ ಮಙ್ಗಲಂ ಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೧೩॥

ಸಬ್ಬಮಙ್ಗಲಸಮ್ಪನ್ನೋ, ಮಙ್ಗಲಘೋಸಘೋಸಕೋ।

ಮಙ್ಗಲುತ್ತಮಂ ದೇಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೪॥

ಮಹಾಮಙ್ಗಲತ್ಥಂ ಮಗ್ಗೀ, ಲದ್ಧೋ ಧಮ್ಮಸುಮಙ್ಗಲೋ।

ಮಙ್ಗಲ’ದ್ಧಾನಂ ಞಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೫॥

ಅಗಾರಿಕತ್ಥಂ ಞಾಪೇಸಿ, ಮಹಾಮಙ್ಗಲಮುತ್ತಮಂ।

ಗಿಹೀ ಸಹಾಯಕೋ ಸಾಮೀ, ಬುದ್ಧಂ ತಂ ಪಣಮಾಮ್ಯಹಂ॥೧೬॥

ಮಹಾಮಙ್ಗಲ’ಲಙ್ಕಿತೋ, ಮಹಾಮಙ್ಗಲಭೂಸನೋ।

ಮಹಾಮಙ್ಗಲಸೇಖರೋ, ಬುದ್ಧಂ ತಂ ಪಣಮಾಮ್ಯಹಂ॥೧೭॥

ಮಹಾಮಙ್ಗಲಂಸುಮಾಲೀ, ಮಙ್ಗಲಾಭೋ ಸಮುಜ್ಜಲೋ।

ಮಙ್ಗಲಂಸುಂ ಉಜ್ಜೋತೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೮॥

ಮಹಗ್ಘ ಮಙ್ಗಲೋದಧಿ, ಮಹನ್ತಮಙ್ಗಲಣ್ಣವೋ।

ಮಹಾಮಙ್ಗಲಸಾಗರೋ, ಬುದ್ಧಂ ತಂ ಪಣಮಾಮ್ಯಹಂ॥೧೯॥

ಅಮಙ್ಗಲನಿಸಾಹನ್ತಾ, ಮಙ್ಗಲಭಾನುಭಸ್ಸರೋ।

ಮಙ್ಗಲಾಲೋಕವಿಕಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೨೦॥

ಬಾಹುಸಚ್ಚೋ ಬುಜ್ಝನಕೋ, ಧಮ್ಮಚಕ್ಖುಉಪ್ಪಾದಕೋ।

ತಿಭವಮಙ್ಗಲಙ್ಕಾರೀ, ಬುದ್ಧಂ ತಂ ಪಣಮಾಮ್ಯಹಂ॥೨೧॥

ಮಹಾವತ್ತಾ ಪವತ್ತಾ ಚ, ಅತ್ಥಸ್ಸ ನಿನ್ನೇತಾ ಪಭೂ।

ಅಮತಸ್ಸ ದಾತಾ ವಿಞ್ಞೂ, ಬುದ್ಧಂ ತಂ ಪಣಮಾಮ್ಯಹಂ॥೨೨॥

ದಿವಾ ತಪತಿ ಆದಿಚ್ಚೋ, ರತ್ತಿಂ ದಿಪ್ಪತಿ ಚನ್ದಿಮಾ।

ರತ್ತಿಂದಿವಂ ತಪಿ ನಾಥೋ, ಬುದ್ಧಂ ತಂ ಪಣಮಾಮ್ಯಹಂ॥೨೩॥

ಸನ್ನದ್ಧೋ ಖತ್ತಿಯೋ ತಪತಿ, ಝಾಯೀ ತಪತಿ ಬ್ರಾಹ್ಮಣೋ।

ನಿರನ್ತರಂ ತಪಿ ನಾಥೋ, ಬುದ್ಧಂ ತಂ ಪಣಮಾಮ್ಯಹಂ॥೨೪॥

ದುಕ್ಖದೋಮನಸ್ಸನಾಸೀ, ಸೋಕಪರಿದೇವಕ್ಖಯೋ।

ಜಾತಿಮಚ್ಚುಜರಾತಿಗೋ, ಬುದ್ಧಂ ತಂ ಪಣಮಾಮ್ಯಹಂ॥೨೫॥

ಯಥಾವಾದೀ ತಥಾಕಾರೀ, ತಥವಾದೀ ತಥಾಗತೋ।

ಯಥಾಕಾರೀ ತಥಾವಾದೀ, ಬುದ್ಧಂ ತಂ ಪಣಮಾಮ್ಯಹಂ॥೨೬॥

ಭಗ್ಗರಾಗೋ ಭಗ್ಗದೋಸೋ, ಭಗ್ಗಮೋಹೋ ಸೋ ಭಗವಾ।

ಭಗ್ಗಮಾನೋ ಭಗ್ಗಮಾಯೋ, ಬುದ್ಧಂ ತಂ ಪಣಮಾಮ್ಯಹಂ॥೨೭॥

ಭಗ್ಗಕಾಮೋ ಭಗ್ಗಕೋಧೋ, ಭಗ್ಗಕೋಪೋ ಭಗ್ಗಕುಹೋ।

ಭಗ್ಗಕಸಾವೋ ಭಗ್ಗಿನ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೨೮॥

ಭಗ್ಗಜಾತಿ ಭಗ್ಗಮಚ್ಚೂ, ಭಗ್ಗಲೋಕೋ ಭಗ್ಗಭವೋ।

ಭಗ್ಗಸಂಸಾರೋ ಭಗ್ಗೋಘೋ, ಬುದ್ಧಂ ತಂ ಪಣಮಾಮ್ಯಹಂ॥೨೯॥

ಭೋಗಭಗ್ಗೋ ಸೋಕಭಗ್ಗೋ, ರೋಗಭಗ್ಗೋ ಭಗ್ಗರಜೋ।

ಸೂಲಭಗ್ಗೋ ಸಲ್ಲಭಗ್ಗೋ, ಬುದ್ಧಂ ತಂ ಪಣಮಾಮ್ಯಹಂ॥೩೦॥

ಆಸಾಭಗ್ಗೋ ಇಸ್ಸಾಭಗ್ಗೋ, ಏಜಾಭಗ್ಗೋ ಭಗ್ಗಜಟಾ।

ಛನ್ದಭಗ್ಗೋ ಬನ್ಧಭಗ್ಗೋ, ಬುದ್ಧಂ ತಂ ಪಣಮಾಮ್ಯಹಂ॥೩೧॥

ವೀತರಾಗೋ ವೀತದೋಸೋ, ವೀತಮೋಹೋ ವೀತಾಸವೋ।

ವೀತಕಾಮೋ ವೀತಕೋಧೋ, ಬುದ್ಧಂ ತಂ ಪಣಮಾಮ್ಯಹಂ॥೩೨॥

ವೀತಪಾಪೋ ವೀತಪುಞ್ಞೋ, ವೀತಭಾರೋ ವೀತಮಲೋ।

ವೀತವಿಕಾರೋ ವೀತಿನ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೩೩॥

ವನ್ತರಾಗೋ ವನ್ತದೋಸೋ, ವನ್ತಮೋಹೋ ವನ್ತಮಲೋ।

ವನ್ತಕಸಾವೋ ವನ್ತೀಘೋ, ಬುದ್ಧಂ ತಂ ಪಣಮಾಮ್ಯಹಂ॥೩೪॥

ವನ್ತರಾಗೋ ವನ್ತದೋಸೋ, ವನ್ತಮೋಹೋ ವನ್ತಮಲೋ।

ವನ್ತಕಸಾವೋ ವನ್ತೀಘೋ, ಬುದ್ಧಂ ತಂ ಪಣಮಾಮ್ಯಹಂ॥೩೫॥

ಸಗ್ಗುರು ತಿಲೋಕಗುರು, ಸಬ್ಬಸತ್ತಾನಮಗ್ಗಗುರೂ।

ನೇತಾರೇಸು ಮಹಾನೇತಾ, ಬುದ್ಧಂ ತಂ ಪಣಮಾಮ್ಯಹಂ॥೩೬॥

ಮಹಾಗುರು ನರಗುರು, ದೇವಗುರು ಗುರುತ್ತಮೋ!

ಜೇಟ್ಠಗುರು ಸೇಟ್ಠಗುರು, ಬುದ್ಧಂ ತಂ ಪಣಮಾಮ್ಯಹಂ॥೩೭॥

ವಿಸ್ಸಗುರು ಲೋಕಗುರು, ಧಮ್ಮಗುರು ಗುರೂತ್ತಮೋ।

ನತ್ಥಿ ಏತಾದಿಸೋ ಗುರು, ಬುದ್ಧಂ ತಂ ಪಣಮಾಮ್ಯಹಂ॥೩೮॥

ಮಹಾಸತ್ಥಾ ಮಹಾಸೋತ್ಥಿ, ಮಹಾಮಿತ್ತೋ ಮಹಾಸಖಾ।

ಮಹಾಕಲ್ಯಾಣಮಿತ್ತೋ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೩೯॥

ಮಹಾಪಞ್ಞೋ ಮಹಾವಿಞ್ಞೂ, ಮಹಾವಿದ್ವಾ ಮಹಾವಿದೂ।

ಮಹಾಮೇಧಾವೀ ಸುಮೇಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೦॥

ಮಹಾಸುದ್ಧೋ ಮಹಾಭದ್ದೋ, ಮಹಾದಯೋ ಮಹಾಸಯೋ।

ಮಹಾದಿಬ್ಬೋ ಮಹಾಭಬ್ಬೋ, ಬುದ್ಧಂ ತಂ ಪಣಮಾಮ್ಯಹಂ॥೪೧॥

ಮಹಾವೀರೋ ಮಹಾಧೀರೋ, ಮಹಾಸೂರೋ ಮಹಬ್ಬಲೋ।

ಮಹಾಮಾರಚಮೂ ಮದ್ದಿ, ಬುದ್ಧಂ ತಂ ಪಣಮಾಮ್ಯಹಂ॥೪೨॥

ಮಹಾಜೇಟ್ಠೋ ಮಹಾಸೇಟ್ಠೋ, ಮಹಗ್ಗೋ ಮಹಾನಾಯಕೋ।

ಮಹಾಛೇಕೋ ಮಹಾದಕ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೪೩॥

ಮಹಾಬ್ಯತ್ತೋ ಮಹಾಞಾತೋ, ಮಹಾಖ್ಯಾತೋ ಮಹಾಯಸೀ।

ಮಹಿದ್ಧೋ ಮಹಾವಿಖ್ಯಾತೋ, ಬುದ್ಧಂ ತಂ ಪಣಮಾಮ್ಯಹಂ॥೪೪॥

ಮಹಾತುಟ್ಠೋ ಮಹಾಹಟ್ಠೋ, ಮಹಾಜವೋ ಮಹಾಜಯೋ।

ಮಹಾಸನ್ತುಟ್ಠೋ ವಿಸಿಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೪೫॥

ಮಹಾನಾಥೋ ಮಹಾಸಾಮೀ, ಮಹಾಪಭೂ ಮಹಾವಿಭೂ।

ಮಹಿಸ್ಸರೋ ಬೋಧಿಸ್ಸರೋ, ಬುದ್ಧಂ ತಂ ಪಣಮಾಮ್ಯಹಂ॥೪೬॥

ಮಹಾವಣ್ಣೋ ಮಹಾಕನ್ತೋ, ಮನೋಪಿಯೋ ಮನಾಪಿಕೋ।

ಮಹಾಸೋಭನೋ ಮನುಞ್ಞೋ, ಬುದ್ಧಂ ತಂ ಪಣಮಾಮ್ಯಹಂ॥೪೭॥

ಮಹಾಝಾಯೀ ಮಹಾಞಾಣೀ, ಮಹಾಧೀಮಾ ಮಹಾಸುಧೀ।

ಮಹಾವಿಭಾವೀ ಮೇಧಾವೀ, ಬುದ್ಧಂ ತಂ ಪಣಮಾಮ್ಯಹಂ॥೪೮॥

ಮಹಾಖನ್ತೀ ಚ ತಿತಿಕ್ಖೋ, ಮಹಾನಿಕ್ಕಙ್ಖೋ ಧಮ್ಮಗೂ।

ಮಹಾಸಂಯತೋ ಸಂವುತೋ, ಬುದ್ಧಂ ತಂ ಪಣಮಾಮ್ಯಹಂ॥೪೯॥

ಮಹಾಥೋಮಿತೋ ಪೂಜಿತೋ, ಮಹಾಮಾನಿತೋ ವನ್ದಿತೋ।

ಮಹಾಭಿವಾದಿತೋ ಭಿಯ್ಯೋ, ಬುದ್ಧಂ ತಂ ಪಣಮಾಮ್ಯಹಂ॥೫೦॥

ಮಹತತ್ಥೋ ಮಹತ್ಥಿಕೋ, ಮಹನ್ತತ್ಥೋ ಮಹತ್ತರೋ।

ಮಹನ್ತೋ ಮಹತ್ತಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೫೧॥

ಮಹಾಲಾಭೀ ಮಹಾಕಾರೀ, ಮಹಾದಾಯೀ ಮಹಾಧನೀ।

ಮಹಾವಿಜ್ಜೋ ಮಹಾಪುಜ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೫೨॥

ಮಹಾಬುದ್ಧಿ ಮಹಾಬುಧಾ, ಮಹಾಪಬೋಧಿಪುಙ್ಗವೋ।

ಮಹಾಭವಣ್ಣವಂ ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೫೩॥

ಮಹಾನಾಗೋ ಮಹಾಭಾಗೋ, ಮಹಾಬಾಹೋ ಮಹಿದ್ಧಿಕೋ।

ಮಹಾಯೋಧೋ ಮಹಗ್ಗತೋ, ಬುದ್ಧಂ ತಂ ಪಣಮಾಮ್ಯಹಂ॥೫೪॥

ಮಹಾದನ್ತೋ ಮಹಾಸನ್ತೋ, ಮಹಾಗಣೀ ಮಹಾಗುಣೀ।

ಮಹಾಸನ್ತಿಪದಾಯಕೋ, ಬುದ್ಧಂ ತಂ ಪಣಮಾಮ್ಯಹಂ॥೫೫॥

ಮಹಾಸೀಲೋ ಮಹಾಚಿತ್ತೋ, ಮಹಾಬುಧೋ ಮಹೇಸಿನೋ।

ಮಹಾಮೋಹೋದಧಿಂ ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೫೬॥

ಮಹಾತಪಸ್ಸೀ ಧಮ್ಮೇಸೀ, ಮಹಾಯಸಸ್ಸೀ ನಾಯಕೋ।

ಮಹಾಪತಾಪೀ ತೇಜಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೫೭॥

ಮಹಾಆಭೋ ಮಹಾಪಭೋ, ಮೋಹನ್ಧಕಾರಭಿನ್ದಕೋ।

ಞಾಣಪದೀಪಂ ದೀಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೫೮॥

ಮಹಾಪಸ್ಸದ್ಧಿದಾಯಕೋ, ಮುನಿರಾಜಾ ಮುನಿಸ್ಸರೋ।

ಸನ್ತಿದದೋ ಸುಖದದೋ, ಬುದ್ಧಂ ತಂ ಪಣಮಾಮ್ಯಹಂ॥೫೯॥

ಮಹಾನೀವರಣಾ’ತೀತೋ, ಮಹಾಮೋಹಸಮೂಹತೋ।

ಮಹೋಘತಿಣ್ಣೋ ಮೋಕ್ಖಕೋ, ಬುದ್ಧಂ ತಂ ಪಣಮಾಮ್ಯಹಂ॥೬೦॥

ಮಹಾಭವೋಪಧಿಚತ್ತೋ, ಲೋಭದೋಸವಿನಾಸಕೋ।

ಮಹಾರಿಪುಂ ನಿಮದ್ದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೧॥

ಮಹಾ’ಭಿಞ್ಞಾಬಲಪ್ಪತ್ತೋ, ಮಹಾಮಞ್ಞಿತನಾಸಕೋ।

ಮಹಾಸದ್ಧಮಂ ನಿದ್ದಿಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೨॥

ಅಹೋರತ್ತಿಂ ಸದಾಸುದ್ಧೋ, ಮಹಾಲೋಕಗ್ಗನಾಯಕೋ।

ಸಮತ್ತವಿಸ್ಸವಿಸ್ಸುತೋ, ಬುದ್ಧಂ ತಂ ಪಣಮಾಮ್ಯಹಂ॥೬೩॥

ಮಹಾಅವಿಜ್ಜಾಉಚ್ಛಿನ್ನೋ, ಮಹಾಆಸತ್ತಿರಿಞ್ಚಕೋ।

ಮಹಾಜಟಾ ವಿಜಟೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೪॥

ಮಹಾಸೂಲವಿವತ್ತಕೋ, ಮಹಾಸಲ್ಲವಿನೋದನೋ।

ಮಹಾಸವಂ ಬ್ಯನ್ತಿಕರೋ, ಬುದ್ಧಂ ತಂ ಪಣಮಾಮ್ಯಹಂ॥೬೫॥

ಮಹಾಪರಕ್ಕಮೀ ಸೂರೋ, ಸಬ್ಬಥಾ ಅಪರಾಜಯೋ।

ಅಚ್ಚನ್ತಅಭಯೋ ವೀರೋ, ಬುದ್ಧಂ ತಂ ಪಣಮಾಮ್ಯಹಂ॥೬೬॥

ಮಹಾತಣ್ಹಾವೀತಿವತ್ತೋ, ಮಹಾಸೋಕಪನೂದನೋ।

ಮಹಾದುಕ್ಖಮತಿಕ್ಕನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೭॥

ಮಹಾಮಾನಮತಿಕ್ಕಮೋ, ಮಾರಸೇನನಿಮ್ಮದ್ದನೋ।

ಕಮ್ಮಕ್ಲೇಸಂ ನಿಜ್ಜರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೮॥

ಮಹಾಭವೋದಧಿತ್ತಿಣ್ಣೋ, ಪಾಪಣ್ಣವಪಾರಙ್ಗತೋ।

ಮಹಾಸಂಸರಣಾತಿಗೋ, ಬುದ್ಧಂ ತಂ ಪಣಮಾಮ್ಯಹಂ॥೬೯॥

ಮಹಾಸಂಯೋಜನಾತೀತೋ, ಮಹಾವಟ್ಟವಿನಾಸಕೋ।

ಮಹಾಸಂಸಾರೋಘತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೭೦॥

ಮಹಾರಾಗವಿರಞ್ಜಕೋ, ಮಹಾದೋಸನಿಮ್ಮದ್ದಕೋ।

ಮಹಾಸೋತಂ ವಿಸೋಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೧॥

ಮಹಾಮೇತ್ತಾವಿಹಾರೀ ಯೋ, ಮಹಾಪುಞ್ಞೋ ಮಹಾರಹೋ।

ಮಹಾಕರುಣಾಸಾಗರೋ, ಬುದ್ಧಂ ತಂ ಪಣಮಾಮ್ಯಹಂ॥೭೨॥

ಮಹಾಭವಸಿನ್ಧುಲಙ್ಘೀ, ಭವಮುತ್ತೋ ಭವನ್ತಗೂ।

ಸೋಕಸೂಲಸಮುಚ್ಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೭೩॥

ಮಹಾವನಪಥಾತೀತೋ, ಮಹಾಕನ್ತಾರಪಾರಗೂ।

ಮಹಾಭವೋಘನಿತ್ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೭೪॥

ಮಹಾಮಗ್ಗಫಲಪ್ಪತ್ತೋ, ಸುಪತ್ತೋ ಅಮತೋದಧೀ।

ಭವಚಕ್ಕಂ ವಿಭಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೫॥

ಮಹಾಸುಬೋಧಿಸಮ್ಪನ್ನೋ, ಮುತ್ತಿಮಗ್ಗಸುಭಾವಿತೋ।

ಭವಬನ್ಧನಂ ಭಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೬॥

ಮಹಾನನ್ದೀಸಮುಚ್ಛಿನ್ನೋ, ಮಹಾಕಿಲೇಸನಿಸ್ಸಟೋ।

ಮಹಾಪಾಪೋಘಮುತ್ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೭೭॥

ಮಹಾಪಿಹಾಪರಿಕ್ಖೀಣೋ, ಮಹಾಸಂಯೋಜನೇ ನುದೋ।

ಸಬ್ಬಾಸವೇ ವಿನೋದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೮॥

ಮೋಹತಿಮಿರಂ ಭಞ್ಜೇಸಿ, ಸುರಿಯೋ’ವ ಪಭಙ್ಕರೋ।

ಮಹಾಜುತಿಂ ಪಭಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೯॥

ಮಹಾಭಯಂ ಪದಾಲೇಸಿ, ಛಮ್ಭಚ್ಛಿನ್ನೋ ಭಯನುದೋ।

ಮಹಾದುಕ್ಖಕ್ಖನ್ಧನುದೋ, ಬುದ್ಧಂ ತಂ ಪಣಮಾಮ್ಯಹಂ॥೮೦॥

ಮಹಾಸತ್ತುಂ ವಿನಾಸೇಸಿ, ಸತ್ತಿಧಾರೀ ಮಹಾಬಲೀ।

ಮಹಾಸಿದ್ಧೋ ಮಹೇಸಕ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೮೧॥

ಮಹಾತಮಂ ಪನುದಿ ಚ, ಮಹಾಜೋತಿಪಭಾಸಕೋ।

ಆದಿಚ್ಚೋ ವಿಯ ದೀಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೨॥

ಮಹಾಭೋಗಪರಿಚ್ಚಾಗೀ, ತಿಣ್ಣಮಹಾತಣ್ಹಣ್ಣವೋ।

ಮೋಹುದಧಿಂ ಪಾರಙ್ಗತೋ, ಬುದ್ಧಂ ತಂ ಪಣಮಾಮ್ಯಹಂ॥೮೩॥

ಮಹಾಭಿಞ್ಞಾಬಲಪ್ಪತ್ತೋ, ಮಹಾಪಧಾನನಾಯಕೋ।

ಮಹಾಬನ್ಧನವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೪॥

ಮಹಾಬೋಧಿಮಹಣ್ಣವೋ, ಮಹಾಸಮ್ಬೋಧಿಸಾಗರೋ।

ಮಹಾಞಾಣಮಹೋದಧಿ, ಬುದ್ಧಂ ತಂ ಪಣಮಾಮ್ಯಹಂ॥೮೫॥

ಮಹಾಭಿಸಕ್ಕೋ ಯತೀನ್ದೋ, ತಣ್ಹಾರೋಗತಿಕಿಚ್ಛಕೋ।

ದುಕ್ಖತೋ ಬಹೂ ಮೋಚೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೬॥

ಮಹಾಮಹಿಮಾಮಣ್ಡಿತೋ, ಛಬ್ಬಣ್ಣರಂಸಿಧಾರಕೋ।

ಮಹಾಪಭಾಯ ಬ್ಯಾಪಕೋ, ಬುದ್ಧಂ ತಂ ಪಣಮಾಮ್ಯಹಂ॥೮೭॥

ಮಹಾಕರುಣಾಸಮ್ಪತ್ತೋ, ಸದಾ ಮೇತ್ತಾಯ’ಭಿರತೋ।

ಮಹಾಜನಹಿತರತೋ, ಬುದ್ಧಂ ತಂ ಪಣಮಾಮ್ಯಹಂ॥೮೮॥

ಮಹಾಮಿಚ್ಛಾದಿಟ್ಠಿಂ ಹನ್ತಾ, ಮಹಾಸದ್ಧಮ್ಮುದ್ದೇಸಕೋ।

ಮಹಾಅನ್ತಕುಪಚ್ಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೮೯॥

ಮಹಾಸೋಕಸಲ್ಲಕತ್ತೋ, ಮಹಾಖೀಲವಿಸೋಧನೋ।

ಮಹಾಸನ್ತಿಕರೋ ಲೋಕೇ, ಬುದ್ಧಂ ತಂ ಪಣಮಾಮ್ಯಹಂ॥೯೦॥

ಮಹಾಪಾಪಪಙ್ಕಂ ಧೋತಾ, ಮಹಾದುಕ್ಖವಿಮೋಚಕೋ।

ಮಹಾಸಜ್ಜನಂ ಸೋಧೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೧॥

ಮಹಾಅನ್ತಕಹನ್ತಾ ಯೋ, ಮಚ್ಚುಸೇನವಿನಾಸಕೋ।

ಮಹಾತಣ್ಹಂ ವಿನೋದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೨॥

ಮಹಾದಿಟ್ಠಿಂ ವಿದ್ಧಂಸೇಸಿ, ಪಾಪಪುಞ್ಞಸಮೂಹತೋ।

ಮಾನಂ ಮಾಯಞ್ಚ ಮದ್ದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೩॥

ಮಹಾಮೋಹಂ ವಿನಾಸೇಸಿ, ಮಹಾರಾಗನಿರೋಧಕೋ।

ಮಹಾದೋಸಂ ನಿದ್ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೪॥

ವಿಚಿತ್ರಧಮ್ಮಕಥಿಕೋ, ಅಬ್ಭುತಮಗ್ಗುದ್ದೇಸಕೋ।

ಮಹಕ್ಖಾತೋ ಮಹಾಕಥೀ, ಬುದ್ಧಂ ತಂ ಪಣಮಾಮ್ಯಹಂ॥೯೫॥

ಮಹಾವಾದೀ ಕಮ್ಮವಾದೀ, ಮಹಾಸಕ್ಯಮುನೀವರೋ।

ಮುನಿಪುಙ್ಗವೋ ಮುನಿನ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೯೬॥

ಮಹಾಮೋಹನಿಸಾನಾಸೀ, ಮಹಾಪಭಾ ವಿತ್ಥಾರಕೋ।

ಮಹಾಜುಣ್ಹಾ ಪಜ್ಜೋತೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೭॥

ಮಹಾ’ವಿಜ್ಜಾನಿಸಾ ಹನ್ತಾ, ವಿಜ್ಜಾರಂಸಿವಿಭೂಸಿತೋ।

ಮಹಾಧಮ್ಮಾಭಾ ವಿಕರಿ, ಬುದ್ಧಂ ತಂ ಪಣಮಾಮ್ಯಹಂ॥೯೮॥

ಮಹಾಮೋಹಂ ನಿಮ್ಮದ್ದೇಸಿ, ಮಾಯಾಜಾಲವಿಮೋಚನೋ।

ಮಿಚ್ಛಾವಾದಂ ಪಮದ್ದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೯॥

ಆಸವಸೋತಂ ಸೋಸೇಸಿ, ಮಹಾವ್ಯಾಪಾದಮದ್ದನೋ।

ಮೋಹಮಹೋದಧಿತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೦॥

ಮಹಾಮೋಹಮತಿಕ್ಕನ್ತೋ, ಮಹಾಸಙ್ಕಾವಿನೋದನೋ।

ಮಹಾಭವೋಘನಿತ್ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೧॥

ಪಾಣಾತಿಪಾತಾ ವಿರತೋ, ಚತ್ತದಣ್ಡೋ ಅಹಿಂಸಕೋ।

ಅಮಿತಮೇತ್ತವಾರಿಧಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೨॥

ಅದಿನ್ನಾದಾನಾ ವಿರತೋ, ಅನಿಚ್ಛೋ ಅಪರಿಗ್ಗಹೋ।

ಸಬ್ಬಸ್ಸ ಚಾಗೀ ವಿರಾಗೀ, ಬುದ್ಧಂ ತಂ ಪಣಮಾಮ್ಯಹಂ॥೧೦೩॥

ಅಬ್ರಹ್ಮಚರಿಯಾತೀತೋ, ಕಾಮಭೋಗಪರಿಚ್ಚಜೋ।

ಮಾರಧೀತಾಮಾನಂ ಮದ್ದಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೪॥

ಕಾಯಾನುರಕ್ಖೀ ಸುದನ್ತೋ, ವಾಚಾನುರಕ್ಖೀ ಸುಬ್ಬತೋ।

ಮಹಾಸೀಲೇನ ಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೫॥

ಸಮ್ಮಾಆಜೀವಸಮ್ಪನ್ನೋ, ಸುದ್ಧಾಚರಣಚಾರಕೋ।

ಸೀಲಸಿರೋಮಣಿ ಸಾಮೀ, ಬುದ್ಧಂ ತಂ ಪಣಮಾಮ್ಯಹಂ॥೧೦೬॥

ಸುಭರೋ ಸೀಲಸಮ್ಪನ್ನೋ, ಸುದ್ಧಾಚಾರಸಿರೋಮಣೀ।

ಥಾಮವಾ ಜವಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೭॥

ಅವಿಕಪ್ಪೋ ಅವಿತಕ್ಕೋ, ಅವಿಚಾರೋ ಅಚಿನ್ತಕೋ।

ಚಿತ್ತಏಕಗ್ಗತಾಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೮॥

ಇನ್ದ್ರಿಯಾನಿ ಸುರಕ್ಖೇಸಿ, ಸತೋ ಸಂವರಮಾನಸೋ।

ಸಮ್ಮಾಸಮಾಹಿತಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೯॥

ಪಬಲಪಞ್ಞೋ ಪಞ್ಞಞ್ಞೂ, ಗಮ್ಭೀರಪಞ್ಞಾಸೋಭನೋ।

ಸಮ್ಪನ್ನಪಞ್ಞೋ ಪಞ್ಞಕ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೦॥

ಪಹೂತಪಞ್ಞೋ ಸುಪಞ್ಞೋ, ಪುಥುಲಪಞ್ಞೋ ಪಞ್ಞವಾ।

ಪಗುಣಞಾಣೋ ಞಾಣಕ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೧॥

ತಿಕ್ಖಪಞ್ಞೋ ಖಿಪ್ಪಪಞ್ಞೋ, ಪುಣ್ಣಪಞ್ಞೋ ಪಞ್ಞಾಪಭೂ।

ಪಞ್ಞಾನಾಥೋ ಪಞ್ಞಾಸಾಮೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೨॥

ಧುವಪಞ್ಞೋ ಠಿತಪಞ್ಞೋ, ಥಿರಪಞ್ಞೋ ಪಞ್ಞಾದದೋ।

ಪರಿಯೋದಾತಪಞ್ಞೋ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೩॥

ಪಞ್ಞಾಯ ಪಾರಮೀಪ್ಪತ್ತೋ, ಅನನ್ತಪಞ್ಞಸೇಖರೋ।

ಪುಞ್ಞಪಾರಮೀಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೪॥

ಪಞ್ಞಾಧನೀ ಪಞ್ಞಾಬಲೀ, ಪಞ್ಞಾಸೀಲಸಮಾಹಿತೋ।

ಪಞ್ಞಾಪತಿ ಪಞ್ಞಾಧಾರೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೫॥

ಪಞ್ಞವನ್ತೋ ಸುಧೀಮನ್ತೋ, ಸೀಧಪಞ್ಞೋ ಪಞ್ಞಾನಿಧಿ।

ಪಞ್ಞಾವಾರಿಧಿ ಪಞ್ಞಗೂ, ಬುದ್ಧಂ ತಂ ಪಣಮಾಮ್ಯಹಂ॥೧೧೬॥

ಪಗುಣಪಞ್ಞಾಕುಸಲೋ, ಅನನ್ತಪಞ್ಞವಾ ವಿಭೂ।

ಸೇಟ್ಠಪಞ್ಞೋ ಜೇಟ್ಠಪಞ್ಞೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೭॥

ಪರಿಪುಣ್ಣಪಞ್ಞೋ ಪುಣ್ಣೋ, ಪವರಪಞ್ಞಪಾರಗೂ।

ಪಞ್ಞಿಸ್ಸರೋ ಞಾಣಿಸ್ಸರೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೮॥

ಅಚ್ಚನ್ತಅಮಲಪಞ್ಞೋ, ಸಮ್ಪುಣ್ಣಪಟಿಭಾನವಾ।

ಪಟಿವೇಧಪಞ್ಞಾಧಾರೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೯॥

ಅನೋಮಪಞ್ಞೋ ಅನೋಮೋ, ಭೂರಿಪಞ್ಞೋ ಪಞ್ಞವರೋ।

ಪರಿಸುದ್ಧಪಞ್ಞೋ ಸುದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೦॥

ನಿಬ್ಬೇಧಿಕಪಞ್ಞೋ ನಾಥೋ, ಪಟಿಬೋಧಪಞ್ಞೋ ಪಟೂ।

ವಿಸುದ್ಧಪಞ್ಞೋ ಸಂಸುದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೧॥

ಪಞ್ಞಾಚಕ್ಖು ಞಾಣಚಕ್ಖು, ಬುದ್ಧಚಕ್ಖು ಸುಚಕ್ಖುಮಾ।

ಸಮನ್ತಚಕ್ಖು ಸಮ್ಪುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೨॥

ಪಬಲಪಞ್ಞಾಸಂಯುತ್ತೋ, ತಿಕ್ಖಮೇಧೋ ಮೇಧಾಮಯೋ।

ಪುಣ್ಣಾಭಿಞ್ಞಾ ಅಞ್ಞಾತಾವೀ, ಬುದ್ಧಂ ತಂ ಪಣಮಾಮ್ಯಹಂ॥೧೨೩॥

ಪಞ್ಞಾವುಧೇನ ಸಮ್ಪನ್ನೋ, ಅಜೇಯ್ಯೋ ಅಜಿತೋ ಪಭೂ।

ಜಿನೋ ಅಜಿನಿ ಪಾಪಿಮಂ, ಬುದ್ಧಂ ತಂ ಪಣಮಾಮ್ಯಹಂ॥೧೨೪॥

ಅಸಙ್ಖತಮನುಪ್ಪತ್ತೋ, ಪಞ್ಞಾ’ಭರಣಭೂಸಿತೋ।

ಪರಮತ್ಥಂ ಪಞ್ಞಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೨೫॥

ಪಞ್ಞವಾ ಪಞ್ಞಂ ಪಸಾರೇಸಿ, ಞಾಣೀ ಞಾಣಸಂವಡ್ಢನೋ।

ಅಧಮ್ಮಧಂಸಕೋ ಧಮ್ಮೀ, ಬುದ್ಧಂ ತಂ ಪಣಮಾಮ್ಯಹಂ॥೧೨೬॥

ಪಞ್ಞಾಸೇಖರೋ ಪಞ್ಞಿನ್ದೋ, ಞಾಣಿನ್ದೋ ಞಾಣಸೇಖರೋ।

ಧಮ್ಮಸೇಖರೋ ಧಮ್ಮಿನ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೭॥

ಜವನಪಞ್ಞೋ ಜಿತತ್ತೋ, ಸಬ್ಬಗನ್ಥಪ್ಪಮೋಚನೋ।

ಗಣ್ಠಿಮುತ್ತೋ ಗುತ್ತದ್ವಾರೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೮॥

ಬಹುಪಞ್ಞೋ ಬಹುಕಾರೀ, ಬಹುಞಾಣೀ ಬಹುಗುಣೋ।

ಬಹುಲಗುಣಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೯॥

ಪಞ್ಞಾವಿಮುತ್ತಿಸಮ್ಪನ್ನೋ, ಮೋಹಾತೀತೋ ದುಕ್ಖಾತಿಗೋ।

ಕಿಲೇಸಸಲ್ಲಕನ್ತಕೋ, ಬುದ್ಧಂ ತಂ ಪಣಮಾಮ್ಯಹಂ॥೧೩೦॥

ಬೋಧಿಹದಯೋ ಸಮ್ಬುದ್ಧೋ, ಪಞ್ಞಿನ್ದೋ ಪಞ್ಞಮಾನಸೋ।

ಞಾಣಚೇತಸೋ ಞಾಣಾಭೋ, ಬುದ್ಧಂ ತಂ ಪಣಮಾಮ್ಯಹಂ॥೧೩೧॥

ಧುವಸೀಲೋ ಧುವಚಿತ್ತೋ, ಧುವಮೇಧೋ ಧುವಙ್ಗತೋ।

ಧುವಮುತ್ತೋ ಧುವಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೧೩೨॥

ಸೀಲಬಲೀ ಚಿತ್ತಬಲೀ, ಪಞ್ಞಾಬಲೀ ಅಞ್ಞಾಬಲೀ।

ಧಮ್ಮಬಲೀ ಧೀರಬಲೀ, ಬುದ್ಧಂ ತಂ ಪಣಮಾಮ್ಯಹಂ॥೧೩೩॥

ಸೀಲಧನೀ ಚಿತ್ತಧನೀ, ಪಞ್ಞಾಧನೀ ಅಞ್ಞಾಧನೀ।

ಧಮ್ಮಧನೀ ಧೀರಧನೀ, ಬುದ್ಧಂ ತಂ ಪಣಮಾಮ್ಯಹಂ॥೧೩೪॥

ಕಾಯಾಸಂವರಸಂಯತೋ, ಸಂಯತವಾಚಾಸಂವರೋ।

ಚಿತ್ತಸಂವರ ಸಂಯತೋ, ಬುದ್ಧಂ ತಂ ಪಣಮಾಮ್ಯಹಂ॥೧೩೫॥

ಸೀಲಗ್ಗೋ ಸಮಾಧಿಪ್ಪತ್ತೋ, ಪಞ್ಞಪ್ಪತ್ತೋ ಸುಭಾವಿತೋ।

ಧಮ್ಮಸುಧಾರಸಂ ಪಾಯೀ, ಬುದ್ಧಂ ತಂ ಪಣಮಾಮ್ಯಹಂ॥೧೩೬॥

ಸುಸೀಲೋ ಸಮಾಧಿಪ್ಪತ್ತೋ, ಪಞ್ಞಾಲಙ್ಕಾರ’ಲಙ್ಕತೋ।

ಧಮ್ಮಾಭರಣಭೂಸಿತೋ, ಬುದ್ಧಂ ತಂ ಪಣಮಾಮ್ಯಹಂ॥೧೩೭॥

ಸಮ್ಮಾಸಮಾಧಿ’ಲಙ್ಕಿತೋ, ಸೀಲಪಞ್ಞವಿಭೂಸತೋ।

ಸಬ್ಬಾಭಿಞ್ಞಾಬಲಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೩೮॥

ಸುದ್ಧಸೀಲೋ ಸುದ್ಧಚಿತ್ತೋ, ಸುದ್ಧಪಞ್ಞೋ ಸುದ್ಧಮನೋ।

ಸುದ್ಧಧಮ್ಮಂ ಪಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೩೯॥

ಸೀಲವಾ ಸುಸಮಾಹಿತೋ, ಪಞ್ಞವಾ ಯಸವಾ ಇಸಿ।

ಲೋಕವಿಸ್ಸುತೋ ವಿದಿತೋ, ಬುದ್ಧಂ ತಂ ಪಣಮಾಮ್ಯಹಂ॥೧೪೦॥

ಸೀಲಸಮಾಧಿಸಮ್ಪನ್ನೋ, ವಿಧುರೋ ಪಞ್ಞಪುಙ್ಗವೋ।

ಸಬ್ಬೇಸಂ ಸಬ್ಬಂ ಬೋಧೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೪೧॥

ಅನನ್ತಞಾಣೀ ನಿಜ್ಝಾನೀ, ಞಾಣಸೀಸಚೂಳಾಮಣಿ।

ಞಾಣಕ್ಖೋ ನರಪಾಮೋಕ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೧೪೨॥

ನಾಯಕಾನಂ ವರೋ ನಾಥೋ, ಞಾಣಿಕೋ ಞಾಣಪುಣ್ಣಿಕೋ।

ಞಾಣಸಮತ್ಥೋ ಞಾಣಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೧೪೩॥

ಞಾಣರಾಮೋ ಞಾಣರತೋ, ಗಮ್ಭೀರಞಾಣಕೋವಿದೋ।

ಞಾಣದಸ್ಸನಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೪೪॥

ಞಾಣಸೋಭಿತೋ ಞಾಣಗ್ಗೂ, ಞಾಣ’ಲಙ್ಕಾರ’ಲಙ್ಕತೋ।

ಞಾಣಸಿರೋಮಣಿ ಞಾಣೀ, ಬುದ್ಧಂ ತಂ ಪಣಮಾಮ್ಯಹಂ॥೧೪೫॥

ಞಾಣವನ್ತೋ ಞಾಣವರೋ, ಞಾಣನೇರು ಸುಞ್ಞಾಣವಾ।

ಞಾಣಸಿನ್ಧು ಞಾಣೋದಧಿ, ಬುದ್ಧಂ ತಂ ಪಣಮಾಮ್ಯಹಂ॥೧೪೬॥

ಞಾಣಮೋಲಿ ಞಾಣಮುದ್ಧೋ, ಞಾಣದೀಪೋ ಞಾಣಸಿಖೋ।

ಞಾಣಮೇರು ಞಾಣಸಿಙ್ಗೋ, ಬುದ್ಧಂ ತಂ ಪಣಮಾಮ್ಯಹಂ॥೧೪೭॥

ಗಮ್ಭೀರಞ್ಞಾಣೀ ಮೇಧಾವೀ, ತಿಕ್ಖಞ್ಞಾಣೀ ವಿಚಕ್ಖಣೋ।

ಅಞ್ಞಾಣಮೂಲಂ ಭಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೪೮॥

ಸಬ್ಬಞಾಣೀ ಸಬ್ಬಞ್ಞಾತೋ, ಸತ್ಥಾ ಸಮ್ಮಪವತ್ತಕೋ।

ಸುದ್ಧಧಮ್ಮಂ ವಿತ್ಥಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೪೯॥

ಸಬ್ಬಞ್ಞುತಞಾಣಪತ್ತೋ, ಸಬ್ಬವಿಞ್ಞೂ ವಿನಾಯಕೋ।

ನಿಬ್ಬಾನಸುಖಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೫೦॥

ಸಬ್ಬಞ್ಞೂ ಸಬ್ಬಞಾಣಿಕೋ, ಸಬ್ಬತೋ ಮಞ್ಞನಾಜಹೋ।

ಸಬ್ಬಮಥಿತವಿಕ್ಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೫೧॥

ಸಬ್ಬಞಾಣಾಧಿಪತಿಕೋ, ಸಮತ್ಥೋ ಪವರೋ ಪಭೂ।

ಸಬ್ಬತೋ ಞಾಣದಸ್ಸಾವೀ, ಬುದ್ಧಂ ತಂ ಪಣಮಾಮ್ಯಹಂ॥೧೫೨॥

ದಸಬಲಾಧಿಪೋ ನಾಗೋ, ಅಮಿತಞಾಣಾಧಿಪತಿ।

ಬಹುಂ ಇದ್ಧಿಂ ಅನುಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೫೩॥

ಪಟಿವೇಧಞಾಣಯುತ್ತೋ, ಮಾಯಾಪಟಪಚ್ಛೇದಕೋ।

ಅವಿಜ್ಜಂ ಪರಿಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೫೪॥

ಮುತ್ತಿಞಾಣಂ ಗವೇಸಿ ಯೋ, ಮಗ್ಗಸಚ್ಚಪಕಾಸಕೋ।

ಮಗ್ಗ’ಕ್ಖಾಯೀ ಮಗ್ಗವಿದೂ, ಬುದ್ಧಂ ತಂ ಪಣಮಾಮ್ಯಹಂ॥೧೫೫॥

ಸಬ್ಬಾಞ್ಞಾಣಂ ವಿನಾಸೇಸಿ, ಮಹಾಪಞ್ಞಾನಮುತ್ತಮೋ।

ಬೋಧಿಞಾಣಮಹಾಸಿನ್ಧು, ಬುದ್ಧಂ ತಂ ಪಣಮಾಮ್ಯಹಂ॥೧೫೬॥

ಸಮ್ಮಾದಸ್ಸನಸಮ್ಪತ್ತೋ, ಸಮ್ಮಾಞಾಣಪತಿಟ್ಠಿತೋ।

ಸಮ್ಮಾವಿಮುತ್ತಿಜಿತತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೫೭॥

ಅರಹಾ ವಿಜ್ಜಾಸಮ್ಪನ್ನೋ, ಞಾಣಸಿಖರಸೇಖರೋ।

ಪರಮಂ ಸುಖಂ ಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೫೮॥

ಪರಮಞಾಣಸಮ್ಪನ್ನೋ, ಪವರಪಞ್ಞಾಪುಣ್ಣಿಕೋ।

ಸಮ್ಮಾವಿಮುತ್ತಿಂ ಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೫೯॥

ಸಬ್ಬದಸ್ಸಾವೀ ಸುಞ್ಞಾಣೀ, ಸಬ್ಬಕಿಚ್ಚೇಸು ಪಣ್ಡಿತೋ।

ಸಬ್ಬಧಿ ಸುಗುಣುಪೇತೋ, ಬುದ್ಧಂ ತಂ ಪಣಮಾಮ್ಯಹಂ॥೧೬೦॥

ಸಂವೇದನಾ ಸಂವೇದಿತ್ವಾ, ಸಮ್ಮಾಸಮ್ಬೋಧಿಂ ಬೋಧಯಿ।

ಸೋಕವಿಗತೋ ಸುಮತೋ, ಬುದ್ಧಂ ತಂ ಪಣಮಾಮ್ಯಹಂ॥೧೬೧॥

ವೇದನಾಸು ವೀತಗಿಜ್ಝೋ, ವೇದನಾಮುತ್ತೋ ಸಬ್ಬಥಾ।

ವೇದಗೂ ಚ ವೇದನ್ತಗೂ, ಬುದ್ಧಂ ತಂ ಪಣಮಾಮ್ಯಹಂ॥೧೬೨॥

ವಿಸ್ಸಾಸಭೂಮಿ ಸತ್ತಾನಂ, ಅನ್ಧಾನಂ ನಯನೂಪಮೋ।

ಅರಕ್ಖೇಯ್ಯೋ ಆರಕ್ಖಕೋ, ಬುದ್ಧಂ ತಂ ಪಣಮಾಮ್ಯಹಂ॥೧೬೩॥

ದುಕ್ಖಸಕ್ಖೀ ದುಕ್ಖಕ್ಖೀಣೋ, ದುಕ್ಖವಿದೂ ದುಕ್ಖನ್ತಗೂ।

ದುಕ್ಖಪ್ಪಹೀನೋ ದುಕ್ಖಞ್ಞೂ, ಬುದ್ಧಂ ತಂ ಪಣಮಾಮ್ಯಹಂ॥೧೬೪॥

ಕಾಯಸಕ್ಖೀ ಚಿತ್ತಸಕ್ಖೀ, ವೇದನಾನುಸಕ್ಖೀ ಸುಖೀ।

ಧಮ್ಮಾನುಸಕ್ಖೀ ಸುಸಕ್ಖೀ, ಬುದ್ಧಂ ತಂ ಪಣಮಾಮ್ಯಹಂ॥೧೬೫॥

ಸನ್ತಕಾಯೋ ಸನ್ತವಾಚೋ, ಸನ್ತಚಿತ್ತೋ ಸಮಾಹಿತೋ।

ಸಬ್ಬೂಪಧಿವೂಪಸನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೬೬॥

ಸಮ್ಮಾಸಮಾಹಿತಚಿತ್ತೋ, ಸಮ್ಮಾಸೀಲೇ ಪತಿಟ್ಠಿತೋ।

ಸಮ್ಮಾಪಞ್ಞಾಪರಿಪುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೬೭॥

ನಿಖಿಲನಿಟ್ಠ’ಧಿಗಮೋ, ಅಚ್ಚಾರದ್ಧವಿಪಸ್ಸಕೋ।

ಸಮತ್ತಸನ್ತಿಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೬೮॥

ಸಬ್ಬಕಾಯಂ ಸಂವೇದಿತ್ವಾ, ಸಬ್ಬಧಮ್ಮವಿಪಸ್ಸಕೋ।

ಭವಸಂಸಾರಂ ರಿಞ್ಚೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೬೯॥

ಸಬ್ಬದಾ ಸತಿಸಮ್ಪನ್ನೋ, ಸಮ್ಪಜಞ್ಞರತೋ ಸದಾ।

ಸನ್ತತಂ ಸಮಣೋ ಸಾಮೀ, ಬುದ್ಧಂ ತಂ ಪಣಮಾಮ್ಯಹಂ॥೧೭೦॥

ಸಚ್ಚದಸ್ಸನದಸ್ಸಾವೀ, ಸಚ್ಚಧಮ್ಮವಿಪಸ್ಸಕೋ।

ಸಚ್ಚಚಕ್ಕಂ ಪವತ್ತೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೭೧॥

ಝಾನಸೋಖುಮ್ಮಸಮ್ಪನ್ನೋ, ಅತ್ತಪಣಿಧಿಪಾರಗೂ।

ಭವಾದೀನವದಸ್ಸಾವೀ, ಬುದ್ಧಂ ತಂ ಪಣಮಾಮ್ಯಹಂ॥೧೭೨॥

ಚಕ್ಖುಮನ್ತೋ ವತವನ್ತೋ, ಸೀಲವನ್ತೋ ಸುಸೀಲವಾ।

ಮೇಧಾವನ್ತೋ ಪಞ್ಞಾವನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೭೩॥

ವಣ್ಣವನ್ತೋ ಗುಣವನ್ತೋ, ಜುತಿಮನ್ತೋ ಜುತಿಧರೋ।

ಯಸವನ್ತೋ ಕಿತ್ತಿಮನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೭೪॥

ಸತಿಮನ್ತೋ ಯತಿ ಸನ್ತೋ, ಮತಿಮನ್ತೋ ಮೇಧಾವಿನೋ।

ಪತಾಪವನ್ತೋ ಧೀಮನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೭೫॥

ಯೋಗವನ್ತೋ ಖೇಮವನ್ತೋ, ಪಟಿಭಾನವನ್ತೋ ಪಭೂ।

ಹಿರೀಮನೋ ಸಿರೀಮನೋ, ಬುದ್ಧಂ ತಂ ಪಣಮಾಮ್ಯಹಂ॥೧೭೬॥

ಅತ್ತದನ್ತೋ ಅನುಸ್ಸದೋ, ಧೀರಧಾರೀ ಧುರನ್ಧರೋ।

ಧಿತಿಮನ್ತೋ ಧೀಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೭೭॥

ಥಾಮವನ್ತೋ ಇದ್ಧಿಮನ್ತೋ, ದಯಾವನ್ತೋ ದಯಾಲಯೋ।

ಕನ್ತಿಮನ್ತೋ ರೂಪವನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೭೮॥

ಖನ್ತಿಮನ್ತೋ ಸನ್ತಿಮನ್ತೋ, ಭಗವನ್ತೋ ಸುಕೇವಲೀ।

ಞಾಯವನ್ತೋ ನಯವನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೭೯॥

ಬೋಧಿಮನ್ತೋ ಬುದ್ಧಿಮನ್ತೋ, ಬೋಧಿಞಾಣೋ ಬೋಧಿಗುಣೋ।

ಬೋಧಿಧಮ್ಮಮನುಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೮೦॥

ಮುತ್ತದೋಸೋ ಮೇತ್ತಾವನ್ತೋ, ಕರುಣಾವನ್ತೋ ಮೋದಿತೋ।

ಸಬ್ಬಥಾ ಉಪೇಕ್ಖಾವನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೮೧॥

ಯತವನ್ತೋ ಯತಚಾರೀ, ಖಮವನ್ತೋ ಸುಖೇಮಿನೋ।

ತಪವನ್ತೋ ತಥವನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೮೨॥

ಪಭಾವವನ್ತೋ ಪುರಿಸೋ, ಪತಾಪೀ ಪಟಿಭಾನವಾ।

ಸದತ್ಥಪಟಿದೀಪಕೋ, ಬುದ್ಧಂ ತಂ ಪಣಮಾಮ್ಯಹಂ॥೧೮೩॥

ಸಙ್ಗಛಿನ್ನೋ ರಙ್ಗಛಿನ್ನೋ, ರಾಗಛಿನ್ನೋ ಛಿನ್ನರತೀ।

ನನ್ದೀಛಿನ್ನೋ ತಣ್ಹಾಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೮೪॥

ಛಿನ್ನಾಸಙ್ಕೋ ಛಿನ್ನಾತಙ್ಕೋ, ಛಿನ್ನಾಕಙ್ಖೋ ಛಿನ್ನಙ್ಗಣೋ।

ಛಿನ್ನಸಂಯೋಜನಾ ಸಬ್ಬೇ, ಬುದ್ಧಂ ತಂ ಪಣಮಾಮ್ಯಹಂ॥೧೮೫॥

ಛಿನ್ನಾಸಙ್ಗೋ ಛಿನ್ನಾಸತ್ತೋ, ಛಿನ್ನಾದಾನೋ ಛಿನ್ನಾವಿಲೋ।

ಛಿನ್ನಲಿತ್ತೋ ಛಿನ್ನಾಲಮ್ಬೋ, ಬುದ್ಧಂ ತಂ ಪಣಮಾಮ್ಯಹಂ॥೧೮೬॥

ಛಿನ್ನಕಾಮೋ ಛಿನ್ನಕೋಧೋ, ಛಿನ್ನಕೋಪೋ ಛಿನ್ನಮದೋ।

ಛಿನ್ನಕ್ಲೇಸೋ ಛಿನ್ನಖೋಭೋ, ಬುದ್ಧಂ ತಂ ಪಣಮಾಮ್ಯಹಂ॥೧೮೭॥

ಛಿನ್ನಪಾಪೋ ಛಿನ್ನತಾಪೋ, ಛಿನ್ನಿಚ್ಛೋ ಛಿನ್ನಸಂಸಯೋ।

ಛಿನ್ನಸೋತೋ ಛಿನ್ನಸ್ನೇಹೋ, ಬುದ್ಧಂ ತಂ ಪಣಮಾಮ್ಯಹಂ॥೧೮೮॥

ಛಿನ್ನಭೋಗೋ ಛಿನ್ನಯೋಗೋ, ಛಿನ್ನಭೀತಿ ಛಿನ್ನಭಯೋ।

ಛಿನ್ನಖನ್ಧೋ ಛಿನ್ನಛನ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೧೮೯॥

ಭಿನ್ನಾಸಙ್ಕೋ ಭಿನ್ನಾತಙ್ಕೋ, ಭಿನ್ನಾಕಙ್ಖೋ ಭಿನ್ನುಸ್ಸುಕೋ।

ಭಿನ್ನಾಭಿರತೋ ಭಿನ್ನಾಸೋ, ಬುದ್ಧಂ ತಂ ಪಣಮಾಮ್ಯಹಂ॥೧೯೦॥

ಭಿನ್ನಖೋಭೋ ಭಿನ್ನದುಕ್ಖೋ, ಭಿನ್ನಕ್ಲೇಸೋ ಭಿನ್ನಖಿಲೋ।

ಭಿನ್ನಾಭಿಮಾನೋ ಭಿನ್ನೇಜೋ, ಬುದ್ಧಂ ತಂ ಪಣಮಾಮ್ಯಹಂ॥೧೯೧॥

ಲೋಭಭಿನ್ನೋ ಲೋಲಭಿನ್ನೋ, ರೋಸಭಿನ್ನೋ ಭಿನ್ನರಣೋ।

ನೇಹಭಿನ್ನೋ ಖೇದಭಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೯೨॥

ಭೋಗಭಿನ್ನೋ ಸೋಕಭಿನ್ನೋ, ರೋಗಭಿನ್ನೋ ಭಿನ್ನರಜೋ।

ಸೂಲಭಿನ್ನೋ ಸಲ್ಲಭಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೯೩॥

ಸಙ್ಗಭಿನ್ನೋ ರಙ್ಗಭಿನ್ನೋ, ರಾಗಭಿನ್ನೋ ಭಿನ್ನರತೀ।

ನನ್ದೀಭಿನ್ನೋ ತಣ್ಹಾಭಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೯೪॥

ಸಬ್ಬಭವಾಬಾಧಭಿನ್ನೋ, ಭಿನ್ನಮಹಾಮೋಹತಮೋ।

ಆಧಿಭಿನ್ನೋ ವ್ಯಾಧಿಭಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೯೫॥

ಖಿನ್ನಗಿದ್ಧೋ ಖಿನ್ನಮುದ್ಧೋ, ಖಿನ್ನಾಭಿಲಾಸೋ ಖಿನ್ನಿಚ್ಛೋ।

ಖಿನ್ನಲೋಭೋ ಖಿನ್ನಾಭಿಜ್ಝೋ, ಬುದ್ಧಂ ತಂ ಪಣಮಾಮ್ಯಹಂ॥೧೯೬॥

ಆಸಾಖಿನ್ನೋ ಇಸ್ಸಾಖಿನ್ನೋ, ಏಜಾಖಿನ್ನೋ ಖಿನ್ನಇಣೋ।

ಛನ್ದಖಿನ್ನೋ ಬನ್ಧಖಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೯೭॥

ಕಪ್ಪಖಿನ್ನೋ ಕಾಲಖಿನ್ನೋ, ಕಿಲೇಸಖಿನ್ನೋ ಸಬ್ಬಥಾ।

ಮೂಲಖಿನ್ನೋ ಸೂಲಖಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೯೮॥

ತಿಣ್ಣಪಾಪೋ ತಿಣ್ಣಪುಞ್ಞೋ, ತಿಣ್ಣಮೋಹೋ ತಿಣ್ಣಮಲೋ।

ತಿಣ್ಣವಿಕಾರೋ ತಿಣ್ಣೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೯೯॥

ತಿಣ್ಣದೋಸೋ ತಿಣ್ಣದೋಹೋ, ತಿಣ್ಣರಾಗೋ ತಿಣ್ಣಮಮೋ।

ತಿಣ್ಣತಾಪೋ ತಿಣ್ಣತಾಸೋ, ಬುದ್ಧಂ ತಂ ಪಣಮಾಮ್ಯಹಂ॥೨೦೦॥

ತಿಣ್ಣಜಾತಿ ತಿಣ್ಣಮಚ್ಚು, ತಿಣ್ಣಲೋಕೋ ತಿಣ್ಣಭವೋ।

ತಿಣ್ಣೋಘೋ ತಿಣ್ಣಸಂಸಾರೋ, ಬುದ್ಧಂ ತಂ ಪಣಮಾಮ್ಯಹಂ॥೨೦೧॥

ಚುಣ್ಣಮೋಹೋ ಚುಣ್ಣಮಕ್ಖೋ, ಚುಣ್ಣಮಾನೋ ಚುಣ್ಣಮದೋ।

ಚುಣ್ಣರಾಗೋ ಚುಣ್ಣದೋಸೋ, ಬುದ್ಧಂ ತಂ ಪಣಮಾಮ್ಯಹಂ॥೨೦೨॥

ಚುಣ್ಣಕೋಧೋ ಚುಣ್ಣಕೋಪೋ, ಚುಣ್ಣಖೋಭೋ ಚುಣ್ಣಭಯೋ।

ಚುಣ್ಣಸೂಲೋ ಚುಣ್ಣಸಲ್ಲೋ, ಬುದ್ಧಂ ತಂ ಪಣಮಾಮ್ಯಹಂ॥೨೦೩॥

ಪಾಪಚುಣ್ಣೋ ಪುಞ್ಞಚುಣ್ಣೋ, ಅಹಂಚುಣ್ಣೋ ಚುಣ್ಣಮಮೋ।

ಕಙ್ಖಾಚುಣ್ಣೋ ಸಙ್ಕಾಚುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೨೦೪॥

ಸಂಸಾರಚಕ್ಕಂ ಚುಣ್ಣೇಸಿ, ಭವರಜ್ಜೂನಿಕನ್ತಕೋ।

ಸಬ್ಬಸಙ್ಖಾರವಿಚುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೨೦೫॥

ನಿಮ್ಮಮೋ ನಿರಹಂಕಾರೋ, ನಿರಾಲಮ್ಬೋ ನಿರಾಲಯೋ।

ನಿಪ್ಪಪಞ್ಚೋ ನಿರಾರಮ್ಭೋ, ಬುದ್ಧಂ ತಂ ಪಣಮಾಮ್ಯಹಂ॥೨೦೬॥

ನಿರಾಸತ್ತೋ ನಿರಾಸಂಸೋ, ನಿಸ್ಸಂಸಯೋ ನಿರುಸ್ಸುಕೋ।

ನಿರಾಸವೋ ನಿರಪೇಕ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೨೦೭॥

ನಿರಾಸಙ್ಕೋ ನಿರಾತಙ್ಕೋ, ನಿರಾಕಙ್ಖೋ ನಿರಙ್ಗಣೋ।

ನಿಸ್ಸಙ್ಕಿಲಿಟ್ಠೋ ನಿಕ್ಕಙ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೨೦೮॥

ನ್ಹಾತೋ ಧೋತೋ ನಿದ್ಧೋತೋ, ನಿಬ್ಬುತೋ ನಿತ್ಥರಣಿಕೋ।

ನಿಮ್ಮಲೋ ನಿರೋಧಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೦೯॥

ನಿಬ್ಭಯೋ ನರನಿಸಭೋ, ನಿಕ್ಕಮ್ಪೋ ನರಕೇಸರೀ।

ನರಕುಞ್ಜರೋ ನಿಚ್ಛಮ್ಭೀ, ಬುದ್ಧಂ ತಂ ಪಣಮಾಮ್ಯಹಂ॥೨೧೦॥

ನಿರಾಗೋ ಚಾಪಿ ನಿಕ್ಕೋಪೋ, ನಿಚ್ಛುದ್ಧೋ ಚಾಪಿ ನಿಮ್ಮದೋ।

ನಿದ್ದುಕ್ಖೋ ಚಾಪಿ ನಿಸ್ಸೋಕೋ, ಬುದ್ಧಂ ತಂ ಪಣಮಾಮ್ಯಹಂ॥೨೧೧॥

ನಾಸಕೋ ತಿತ್ಥಿಯೇ ನಾನಾ, ನಾನಾವಾದವಿದ್ಧಂಸಕೋ।

ನಾನಾದಿಟ್ಠಿಂ ನಿವಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೨೧೨॥

ನನ್ದಿಕ್ಖಯೋ ನಿಬ್ಬನಥೋ, ನಿರಿಚ್ಛಕೋ ನಿರಿನ್ಧನೋ।

ನಿಸ್ಸಟ್ಠಮಾನೋ ನಿತ್ತಣ್ಹೋ, ಬುದ್ಧಂ ತಂ ಪಣಮಾಮ್ಯಹಂ॥೨೧೩॥

ನಿಪ್ಪಟಿಬದ್ಧೋ ನಿಬದ್ಧೋ, ನಿರಾಬಾಧೋ ನಿರಬ್ಬುದೋ।

ನಿರಗ್ಗಲೋ ನಿಕ್ಕಣ್ಟಕೋ, ಬುದ್ಧಂ ತಂ ಪಣಮಾಮ್ಯಹಂ॥೨೧೪॥

ನಿರುಪತಾಪೋ ನಿಪ್ಪಾಪೋ, ನಿಪ್ಪಿಪಾಸೋ ನಿರಾಕುಲೋ।

ನಿಪ್ಪರಿಫನ್ದೋ ನಿರಿಞ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೨೧೫॥

ನಿಹತಮಾನೋ ನೇಪುಞ್ಞೋ, ನಯನಿಯಾಮಞಾಣಿಕೋ।

ನಿತ್ತಿಣ್ಣಕಙ್ಖೋ ನಿಸ್ಸಙ್ಕೋ, ಬುದ್ಧಂ ತಂ ಪಣಮಾಮ್ಯಹಂ॥೨೧೬॥

ನಿಪ್ಪಗಬ್ಭೋ ನಿಪ್ಪಟಿಘೋ, ನಾತಿಮಾನೋ ನಿರಾವಿಲೋ।

ನಿಬ್ಬಾನಪತ್ತೋ ನಿಖಿಲೋ, ಬುದ್ಧಂ ತಂ ಪಣಮಾಮ್ಯಹಂ॥೨೧೭॥

ನಿರೋಸಮಾನೋ ನಿವೇರೋ, ನಿಕ್ಕೋಧೋ ಚ ನಿಕ್ಕುಪಿತೋ।

ನಿಯಾಮಪ್ಪತ್ತೋ ಪಮುದೋ, ಬುದ್ಧಂ ತಂ ಪಣಮಾಮ್ಯಹಂ॥೨೧೮॥

ಸುನಿಪುಣೋ ನಯಲದ್ಧೋ, ನಿರಾಗು ನಿಬ್ಬಾನಗತೋ।

ನಮುಚಿಧೇಯ್ಯಮಚ್ಚಗೋ, ಬುದ್ಧಂ ತಂ ಪಣಮಾಮ್ಯಹಂ॥೨೧೯॥

ನಿಲ್ಲೋಭಮಾನೋ ನಿಸ್ನೇಹೋ, ನಿಕ್ಕಮನೋ ನಿಕ್ಕಾಮನೋ।

ನಿರಭಿಮಾನೀ ನಿಲ್ಲುದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೨೨೦॥

ನಿರಾಗಮಾನೋ ನಿನ್ನೇಹೋ, ನನ್ದೀರಾಗವಿನಾಸಕೋ।

ನಿರಿಚ್ಛಮಾನೋ ನಿಲ್ಲಗ್ಗೋ, ಬುದ್ಧಂ ತಂ ಪಣಮಾಮ್ಯಹಂ॥೨೨೧॥

ನಿದ್ದೋಸಮಾನೋ ನಿಮ್ಮಕ್ಖೋ, ಭವನೇತ್ತಿನಿಕನ್ತಕೋ।

ನಿಕ್ಕಸಾವೋ ನಿಕ್ಕಲುಸೋ, ಬುದ್ಧಂ ತಂ ಪಣಮಾಮ್ಯಹಂ॥೨೨೨॥

ನಿಕ್ಕಿಲಿಸ್ಸಕೋ ನಿಕ್ಕುಪ್ಪೋ, ನಿಚ್ಚಲೋ ಚ ನಿಚ್ಚಞ್ಚಲೋ।

ನಿಚ್ಚಪಲೋ ಚ ನಿಲ್ಲೋಲೋ, ಬುದ್ಧಂ ತಂ ಪಣಮಾಮ್ಯಹಂ॥೨೨೩॥

ನಿಕ್ಕುಹೋ ಚ ನಿಕ್ಕುಟಿಲೋ, ನಿಬ್ಬಿಕಾರೋ ನಿಬ್ಬಿಜ್ಜನೋ।

ನಿಗ್ಗಣ್ಠೋ ನಿರಾಪರಾಧೋ, ಬುದ್ಧಂ ತಂ ಪಣಮಾಮ್ಯಹಂ॥೨೨೪॥

ನಿಕ್ಕುಕ್ಕುಚ್ಚೋ ನಿರುದ್ಧಚ್ಚೋ, ನಿರಾಸೋ ಚ ಭವಾಭವೇ।

ನಿಬ್ಬಿಚಿಕಿಚ್ಛೋ ನಿಬ್ಬಿಜ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೨೨೫॥

ನಮುಚಿಸೇನಸೂದಕೋ, ಅನಿಮಿತ್ತರತೋ ಯತೀ।

ನಿಪುಣೋ ನಿತ್ತಿಣ್ಣಓಘೋ, ಬುದ್ಧಂ ತಂ ಪಣಮಾಮ್ಯಹಂ॥೨೨೬॥

ನಿಕ್ಖೀಲೋ ಚಾಪಿ ನಿಸ್ಸಲ್ಲೋ, ನಿಸ್ಸೂಲೋ ನಿಬ್ಬಾನರತೋ।

ನಿಪ್ಪಮಾದೋ ನಿಬ್ಬನ್ಧನೋ, ಬುದ್ಧಂ ತಂ ಪಣಮಾಮ್ಯಹಂ॥೨೨೭॥

ನಿರಭಿಮಾನೋ ನಿಮ್ಮಾನೋ, ನಿತ್ತಣ್ಹಮಾನೋ ನಿಚ್ಛಲೋ।

ನಿಕ್ಕಙ್ಖಮಾನೋ ನಿಚ್ಛನ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೨೨೮॥

ನರವೀರೋ ನರಧೀರೋ, ನರಾಜಞ್ಞೋ ನರವರೋ।

ನರನಾಗೋ ನರಸೀಹೋ, ಬುದ್ಧಂ ತಂ ಪಣಮಾಮ್ಯಹಂ॥೨೨೯॥

ನರಜೇಟ್ಠೋ ನರಸೇಟ್ಠೋ, ನರುಸಭೋ ನರುತ್ತಮೋ।

ನರದಮ್ಮಸುಸಾರಥೀ, ಬುದ್ಧಂ ತಂ ಪಣಮಾಮ್ಯಹಂ॥೨೩೦॥

ವರನಾಥೋ ನರನಾಥೋ, ಲೋಕನಾಥೋ ಲೋಕಜಿನೋ।

ದೇವನಾಥೋ ಬ್ರಹ್ಮನಾಥೋ, ಬುದ್ಧಂ ತಂ ಪಣಮಾಮ್ಯಹಂ॥೨೩೧॥

ಝಾನನಿರತೋ ನಿಜ್ಝಾಯೀ, ಕಿಲೇಸವಿಸನಾಸಕೋ।

ಸುಖುಮಝಾನಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೨೩೨॥

ನಿತ್ತಣ್ಹಮಾನಸೋ ನಾಥೋ, ಸದಾ ನಿಮ್ಮಲಮಾನಸೋ।

ಅಲಿತ್ತಮಾನಸೋ ಚಾಗೀ, ಬುದ್ಧಂ ತಂ ಪಣಮಾಮ್ಯಹಂ॥೨೩೩॥

ನುನ್ನಜಾತಿ ನುನ್ನಮಚ್ಚು, ನುನ್ನಲೋಕೋ ನುನ್ನಭವೋ।

ನುನ್ನವಿಭವೋ ನುನ್ನೋಘೋ, ಬುದ್ಧಂ ತಂ ಪಣಮಾಮ್ಯಹಂ॥೨೩೪॥

ನುನ್ನಾಸಙ್ಕೋ ನುನ್ನಾತಙ್ಕೋ, ನುನ್ನಾಸೋ ಚ ನುನ್ನುಸ್ಸುಕೋ।

ನುನ್ನಾಭಿರತೋ ನುನ್ನಿಚ್ಛೋ, ಬುದ್ಧಂ ತಂ ಪಣಮಾಮ್ಯಹಂ॥೨೩೫॥

ನುನ್ನಾನುತಾಪೋ ನುನ್ನಾಗು, ನುನ್ನದಾಹೋ ನುನ್ನಾಸವೋ।

ನುನ್ನಮಾನಾಭಿಮಾನೋ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೨೩೬॥

ಲೋಭನುದೋ ಲೋಲನುದೋ, ರೋಸನುದೋ ನುನ್ನಮದೋ।

ದಿಸನುದೋ ದೇಸ್ಸನುದೋ, ಬುದ್ಧಂ ತಂ ಪಣಮಾಮ್ಯಹಂ॥೨೩೭॥

ಕಮ್ಮನುದೋ ಕ್ಲೇಸನುದೋ, ಕಲಿನುದೋ ನುನ್ನಮಲೋ।

ಸಬ್ಬಥಾ ಅವಿಜ್ಜಾನುದೋ, ಬುದ್ಧಂ ತಂ ಪಣಮಾಮ್ಯಹಂ॥೨೩೮॥

ಸಬ್ಬಭವಾಬಾಧನುದೋ, ನುನ್ನಮಹಾಮೋಹತಮೋ।

ಆಧಿನುದೋ ವ್ಯಾಧಿನುದೋ, ಬುದ್ಧಂ ತಂ ಪಣಮಾಮ್ಯಹಂ॥೨೩೯॥

ಲಹುಪಞ್ಞೋ ಪಞ್ಞಣ್ಣವೋ, ಕಾರುಣೋ ಕರುಣಣ್ಣವೋ।

ಮೇಧಣ್ಣವೋ ಮೇತ್ತಣ್ಣವೋ, ಬುದ್ಧಂ ತಂ ಪಣಮಾಮ್ಯಹಂ॥೨೪೦॥

ಞಾಣನಿಧಿ ಞಾಣಣ್ಣವೋ, ಧಮ್ಮನಿಧಿ ಧಮ್ಮಣ್ಣವೋ।

ಗುಣನಿಧಿ ಗುಣಣ್ಣವೋ, ಬುದ್ಧಂ ತಂ ಪಣಮಾಮ್ಯಹಂ॥೨೪೧॥

ಮುತ್ತಾಸಙ್ಗೋ ಮುತ್ತಾಸಙ್ಕೋ, ಮುತ್ತಾಲಮ್ಬೋ ಮುತ್ತಾಲಯೋ।

ಮುತ್ತಾಸಂಸೋ ಮುತ್ತಾಸತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೪೨॥

ಮುತ್ತಲಾಲಸೋ ಮುತ್ತಿನ್ಧೋ, ಮುತ್ತಛಮ್ಭೋ ಮುತ್ತದರೋ।

ಮುತ್ತಮಚ್ಛರೋ ಮುತ್ತಿಚ್ಛೋ, ಬುದ್ಧಂ ತಂ ಪಣಮಾಮ್ಯಹಂ॥೨೪೩॥

ಮುತ್ತಕಾಮೋ ಮುತ್ತತಣ್ಹೋ, ಮುತ್ತರಾಗೋ ಮುತ್ತಪಿಹೋ।

ಮುತ್ತಛನ್ದೋ ಮುತ್ತನನ್ದೀ, ಬುದ್ಧಂ ತಂ ಪಣಮಾಮ್ಯಹಂ॥೨೪೪॥

ಮುತ್ತಗಿದ್ಧೋ ಮುತ್ತಲುದ್ಧೋ, ಮುತ್ತಾಭಿಲಾಸೋ ಮುತ್ತಿಞ್ಜೋ।

ಮುತ್ತಲೋಭೋ ಮುತ್ತಾಭಿಜ್ಝೋ, ಬುದ್ಧಂ ತಂ ಪಣಮಾಮ್ಯಹಂ॥೨೪೫॥

ಜಾಲಮುತ್ತೋ’ವ ಸಕುಣೋ, ಮುತ್ತಾಸೋ ಯೋ ಭವಾಭವೇ।

ಸಂಯೋಜನೇಹಿ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೪೬॥

ಚೇತೋವಿಮುತ್ತೋ ಝಾನವಾ, ಪಞ್ಞಾವಿಮುತ್ತೋ ಪಞ್ಞವಾ।

ಉಭತೋಭಾಗ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೪೭॥

ಸಬ್ಬಾಯತನೇಹಿ ಮುತ್ತೋ, ಮುನಿನ್ದೋ ಪರಿನಿಬ್ಬುತೋ।

ಜಾತಿಸಂಸಾರವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೪೮॥

ಸಬ್ಬಕಿಲೇಸಾ ವಿಮುತ್ತೋ, ಸಬ್ಬದೋಮನಸ್ಸಚುತೋ।

ಸಬ್ಬದೋಹವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೪೯॥

ಕಾಮೇಸನಾ ವಿನಿಮುತ್ತೋ, ಮುತ್ತೋ ಚಾಪಿ ಭವೇಸನಾ।

ವಿಭವೇಸನಾ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೫೦॥

ಕಾಮಿಞ್ಜನಾ ವಿನಿಮುತ್ತೋ, ಮುತ್ತೋ ಚಾಪಿ ಭವಿಞ್ಜನಾ।

ವಿಭವಿಞ್ಜನಾ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೫೧॥

ಕಾಮತಣ್ಹಾ ವಿನಿಮುತ್ತೋ, ಭವತಣ್ಹಾವಿಭಞ್ಜಕೋ।

ವಿಭವತಣ್ಹಾವಿಕ್ಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೨೫೨॥

ಸಬ್ಬಕಾಮರೋಗಮುತ್ತೋ, ಭವರೋಗಭೇಸಜ್ಜಗೂ।

ರಾಗರೋಗವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೫೩॥

ದುಕ್ಖಮುತ್ತೋ ಸುಖಪ್ಪತ್ತೋ, ಅತ್ತಮುತ್ತೋ ಅನತ್ತಗೂ।

ಅನಿಚ್ಚಮುತ್ತೋ ನಿಚ್ಚಞ್ಞೂ, ಬುದ್ಧಂ ತಂ ಪಣಮಾಮ್ಯಹಂ॥೨೫೪॥

ಕೋಧಮುತ್ತೋ ಕೋಪಮುತ್ತೋ, ಕ್ಲೇಸಮುತ್ತೋ ಮುತ್ತಕುಹೋ।

ಛನ್ದಮುತ್ತೋ ಛಲಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೫೫॥

ಮಾಯಾಮುತ್ತೋ ಮೋಹಮುತ್ತೋ, ಮಕ್ಖಮುತ್ತೋ ಮುತ್ತಮದೋ।

ಮಾನಮುತ್ತೋ ಮುಚ್ಛಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೫೬॥

ದೋಸಮುತ್ತೋ ದೋಹಮುತ್ತೋ, ದೇಸ್ಸಮುತ್ತೋ ಮುತ್ತದಿಸೋ।

ದಿಟ್ಠಿಮುತ್ತೋ ಅಘಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೫೭॥

ಲೋಭಮುತ್ತೋ ಲೋಲಮುತ್ತೋ, ರೋಸಮುತ್ತೋ ಮುತ್ತರಣೋ।

ಖೋಭಮುತ್ತೋ ಖೇದಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೫೮॥

ಭೋಗಮುತ್ತೋ ಸೋಕಮುತ್ತೋ, ರೋಗಮುತ್ತೋ ಮುತ್ತರಜೋ।

ಸೂಲಮುತ್ತೋ ಸಲ್ಲಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೫೯॥

ಸಙ್ಗಮುತ್ತೋ ರಙ್ಗಮುತ್ತೋ, ರಾಗಮುತ್ತೋ ಮುತ್ತರತೀ।

ನನ್ದೀಮುತ್ತೋ ತಣ್ಹಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೬೦॥

ಇಞ್ಜಾಮುತ್ತೋ ಇನ್ಧಾಮುತ್ತೋ, ಇಚ್ಛಾಮುತ್ತೋ ಮುತ್ತಪಿಹೋ।

ಏಧಮುತ್ತೋ ಏಳಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೬೧॥

ಈತಿಮುತ್ತೋ ಭೀತಿಮುತ್ತೋ, ಛಮ್ಭಮುತ್ತೋ ಮುತ್ತಭಯೋ।

ಆಧಿಮುತ್ತೋ ವ್ಯಾಧಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೬೨॥

ಗಬ್ಬಮುತ್ತೋ ದಮ್ಭಮುತ್ತೋ, ಕೂಟಮುತ್ತೋ ಮುತ್ತದರೋ।

ಡಾಹಮುತ್ತೋ ದಾಹಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೬೩॥

ಕಮ್ಯಮುತ್ತೋ ಕಿಚ್ಚಮುತ್ತೋ, ಭನ್ತಿಮುತ್ತೋ ಮುತ್ತಭಮೋ।

ವಟ್ಟಮುತ್ತೋ ಓಘಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೬೪॥

ಜಾತಿಮುತ್ತೋ ಮಚ್ಚುಮುತ್ತೋ, ಲೋಕಮುತ್ತೋ ಮುತ್ತಭವೋ।

ನೇಹಮುತ್ತೋ ನೇತ್ತಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೬೫॥

ಆಸಾಮುತ್ತೋ ಇಸ್ಸಾಮುತ್ತೋ, ಏಜಾಮುತ್ತೋ ಮುತ್ತಇಣೋ।

ವಾನಮುತ್ತೋ ಪಿಹಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೬೬॥

ಸೋತಮುತ್ತೋ ಯೋಗಮುತ್ತೋ, ಫಸ್ಸಮುತ್ತೋ ಮುತ್ತರಸೋ।

ಮೂಲಮುತ್ತೋ ಭಾರಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೬೭॥

ಓರಮುತ್ತೋ ಪಾರಮುತ್ತೋ, ಘೋರಮುತ್ತೋ ಮುತ್ತಗಹೋ।

ಕಪ್ಪಮುತ್ತೋ ಕಾಲಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೬೮॥

ಪಾಪಮುತ್ತೋ ಪುಞ್ಞಮುತ್ತೋ, ಅಹಂಮುತ್ತೋ ಮುತ್ತಮಮೋ।

ಕಙ್ಖಾಮುತ್ತೋ ಸಙ್ಕಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೬೯॥

ಥೀನಮುತ್ತೋ ಮಿದ್ಧಮುತ್ತೋ, ತಾಪಮುತ್ತೋ ಮುತ್ತುಪಯೋ।

ಮುತ್ತುತ್ತಾಪೋ ಮುತ್ತುದ್ಧಚ್ಚೋ, ಬುದ್ಧಂ ತಂ ಪಣಮಾಮ್ಯಹಂ॥೨೭೦॥

ಖನ್ಧಮುತ್ತೋ ಬನ್ಧಮುತ್ತೋ, ಕಲಿಮುತ್ತೋ ಮುತ್ತಮಲೋ।

ಸಬ್ಬಥಾ ಪಿಪಾಸಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೭೧॥

ವಿಚಾರವಿತಕ್ಕಮುತ್ತೋ, ಸದಾ ಸಮ್ಮಾಸಮಾಹಿತೋ।

ಸಮ್ಮಾಪಣಿಹಿತಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೭೨॥

ಅನ್ವಾಹತಚಿತ್ತಮುತ್ತೋ, ಮುತ್ತೋ ಸಬ್ಬಭಯೇಹಿ ಚ।

ಭೀಮಮುತ್ತೋ ಭೇಸ್ಮಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೭೩॥

ಯೋ ಪಞ್ಞತ್ತಿಂ ಠಪೇತ್ವಾನ, ಪರಮತ್ಥಸ್ಸ ದಸ್ಸನೋ।

ವಿಪಲ್ಲಾಸಾ ವಿಪ್ಪಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೭೪॥

ಅಭಾವಿತಚಿತ್ತಮುತ್ತೋ, ಮುತ್ತೋ ಸಬ್ಬದುಕ್ಖೇಹಿ ಚ।

ಸಬ್ಬೂಪಸಗ್ಗಾ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೭೫॥

ಆಕುಲಚಿತ್ತವಿಮುತ್ತೋ, ಸಬ್ಬದಾ ಥಿರಮಾನಸೋ।

ಅಗ್ಗಲಚಿತ್ತವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೭೬॥

ಅಬ್ಬುದಚಿತ್ತವಿಮುತ್ತೋ, ಸದಾ ಭಾವಿತಮಾನಸೋ।

ಪಮಾದಚಿತ್ತಪಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೭೭॥

ಉಪಧಿಚಿತ್ತವಿಮುತ್ತೋ, ಸದಾ ನಿಯ್ಯಾನಮಾನಸೋ।

ಉಸ್ಸುಕಚಿತ್ತವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೭೮॥

ಅಪೇಕ್ಖಾಚಿತ್ತವಿಮುತ್ತೋ, ಸದಾ ಚಿತ್ತನಿರಾಲಯೋ।

ಆರಮ್ಭಚಿತ್ತವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೭೯॥

ಸಮ್ಮಾವಿಮುತ್ತೋ ಸಮ್ಬುದ್ಧೋ, ಸುವಿಮುತ್ತಚಿತ್ತೋ ಮುನೀ।

ಸಮ್ಮದಞ್ಞಾಪರಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೮೦॥

ಅಸಙ್ಕಿಲಿಟ್ಠಚಿತ್ತೋ ಯೋ, ಮುತ್ತೋ ಸಬ್ಬಭವೇಹಿ ಚ।

ಅಭಿನಿವೇಸಾಭಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೮೧॥

ತಿಲೋಕತಿಮಿರಾ ಮುತ್ತೋ, ಪಞ್ಞಪ್ಪಭಾಪಭಾಸಕೋ।

ತಿಭವತಣ್ಹಾ ನಿತ್ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೨೮೨॥

ಪಮದಪ್ಪಮುತ್ತೋ ಬ್ಯತ್ತೋ, ಭಾವನಾರತಮಾನಸೋ।

ಭವಣ್ಣವವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೮೩॥

ಸಂಸಾರಸಙ್ಖಾರಾ ಮುತ್ತೋ, ವಿಕಾರಮುತ್ತಮಾನಸೋ।

ನವಸಮುಸ್ಸಯಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೮೪॥

ಜಾತಿವ್ಯಾಧಿಜರಾಮುತ್ತೋ, ಮರಣಮುತ್ತೋ ಮಾರಜೀ।

ಪುನಬ್ಭವವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೮೫॥

ಅಸುಚಿಅಸುದ್ಧಿಮುತ್ತೋ, ನಿಚ್ಚನಿಮ್ಮಲಮಾನಸೋ।

ಸುಭಾವಿತಚಿತ್ತೋ ಸುದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೨೮೬॥

ಅವಿಜ್ಜಾನ್ಧಕಾರಮುತ್ತೋ, ವಿಜ್ಜಾಲೋಕಪಕಾಸಕೋ।

ಅನವಸೇಸಞಾಣಞ್ಞೂ, ಬುದ್ಧಂ ತಂ ಪಣಮಾಮ್ಯಹಂ॥೨೮೭॥

ಆಸತ್ತಿಮುತ್ತೋ ಅಲಿತ್ತೋ, ಆಸಜ್ಜಾಮುತ್ತಚೇತಸೋ।

ಮೋಹಮಾನವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೮೮॥

ಭವಭೋಗವಿಪ್ಪಮುತ್ತೋ, ಭವಸಂಯೋಜನಚ್ಛಿದೋ।

ಭವಭೀತಿಭಯಾತೀತೋ, ಬುದ್ಧಂ ತಂ ಪಣಮಾಮ್ಯಹಂ॥೨೮೯॥

ಕೋಪಕೋಧವಿನಿಮುತ್ತೋ, ದೋಸದೋಹಂ ವಿಸೋಸಯೀ।

ಸೋಕಸಲ್ಲಂ ವಿಚುಣ್ಣೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೨೯೦॥

ಬೀಜಮುತ್ತೋ ಬಲಯುತ್ತೋ, ಸುಬುಜ್ಝಿತಾ ಸುಬುದ್ಧಿಮಾ।

ಗೇಧಾಮುತ್ತೋ ಮೇಧಾಯುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೯೧॥

ಸಬ್ಬಭವಾಬಾಧಮುತ್ತೋ, ಮುತ್ತಮಹಾಮೋಹತಮೋ।

ಬಾಲ್ಯಸಠತಾವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೯೨॥

ತಸಮುತ್ತೋ ತಾಸಮುತ್ತೋ, ಸನ್ತಾಸಮುತ್ತೋ ಸಬ್ಬಥಾ।

ಸಬ್ಬತಸ್ಸನವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೯೩॥

ಭವನೇತ್ತಿಯಾ ವಿಮುತ್ತೋ, ಭವೋಘಮುತ್ತಮಾನಸೋ।

ಸಬ್ಬತ್ಥ ಸಂಯೋಗಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೯೪॥

ಸಬ್ಬಕಾಮಯೋಗಮುತ್ತೋ, ಸಬ್ಬಕಾಮಗ್ಗಿನಿಬ್ಬುತೋ।

ಸಬ್ಬಕಾಮರತಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೯೫॥

ಸಬ್ಬೇಸಾನಂ ಜಟಾಮುತ್ತೋ, ವಿಮುತ್ತೋ ಸಬ್ಬಾಸತ್ತಿಯಾ।

ಸಬ್ಬಾನುಸಯಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೯೬॥

ಸಬ್ಬಾಸವಾ ವಿನಿಮುತ್ತೋ, ಸದಾ ಅಲೀನಮಾನಸೋ।

ಸಬ್ಬಾಸಜ್ಜಾ ವಿಪ್ಪಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೯೭॥

ಸಬ್ಬಾತಙ್ಕವಿನಿಮುತ್ತೋ, ಸೀಹೋ ಅಭಯಮಾನಸೋ।

ಸಬ್ಬಥಾ ತಸ್ಸನಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೯೮॥

ಸಬ್ಬಾಸಙ್ಕಾ ವಿನಿಮುತ್ತೋ, ಅನವಸ್ಸುತಮಾನಸೋ।

ಸಬ್ಬಠಾನೇ ಕಿಚ್ಛಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೨೯೯॥

ಸಬ್ಬಾಲಮ್ಬವಿನಿಮುತ್ತೋ, ಸಬ್ಬಥಾ ಭವಭಞ್ಜಕೋ।

ಸಬ್ಬಾನುಸಯಾ ವಿಚ್ಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೩೦೦॥

ಸಬ್ಬಾಪೇಕ್ಖಾ ವಿಪ್ಪಮುತ್ತೋ, ಸದಾ ಅಲಿತ್ತಚೇತಸೋ।

ಸಬ್ಬಾಭಿಜ್ಝಾ ವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೦೧॥

ಇಞ್ಜನಾಇನ್ಧನಾಮುತ್ತೋ, ಮುತ್ತೋಮೋಹಮದೇಹಿ ಚ।

ಸಬ್ಬಲೋಭವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೦೨॥

ಸಬ್ಬಾಕ್ಕೋಸಾ ವಿನಿಮುತ್ತೋ, ಸಮ್ಪುಣ್ಣಮೇತ್ತಮಾನಸೋ।

ಕುಪ್ಪನಕುಜ್ಝನಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೦೩॥

ಸಬ್ಬಥಾ ಸಙ್ಕೋಪಮುತ್ತೋ, ಬ್ಯಾಪಾದಮುತ್ತೋ ಸಬ್ಬದಾ।

ಸಬ್ಬಧಿ ಪಟಿಘಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೦೪॥

ಸಬ್ಬಾಭಿಲಾಸಾ ವಿಮುತ್ತೋ, ಆಕಙ್ಖಾಮುತ್ತೋ ಸಬ್ಬಥಾ।

ಸಬ್ಬಲಾಲಸಾ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೦೫॥

ವಿರೋಧಾನುರೋಧಮುತ್ತೋ, ಸಙ್ಖೋಭಮುತ್ತೋ ಸಬ್ಬದಾ।

ಸಬ್ಬಾನುತಾಪಾ ಸುಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೦೬॥

ಸಬ್ಬದಾ ಸಮ್ಮೋಸಮುತ್ತೋ, ಸಮ್ಮೋಹಮುತ್ತೋ ಸಬ್ಬಥಾ।

ಸಬ್ಬಧಿ ಅವಿಜ್ಜಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೦೭॥

ಸಬ್ಬಠಾನೇ ವಿಬ್ಭಮಮುತ್ತೋ, ವಿಬ್ಭನ್ತಿಮುತ್ತೋ ಸಬ್ಬಧಿ।

ಸಬ್ಬವಿಪಲ್ಲಾಸಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೦೮॥

ಕಟುಕಕಸಾಯಾಮುತ್ತೋ, ಕಕ್ಕಸಮುತ್ತೋ ಸಬ್ಬಥಾ।

ಸಬ್ಬದಾ ಕಲುಸಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೦೯॥

ಸಬ್ಬಸ್ಸಾದನಾ ವಿಮುತ್ತೋ, ಸಂಸಟ್ಠಮುತ್ತೋ ಸಬ್ಬದಾ।

ಆಸಜ್ಜನಾ ವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೧೦॥

ಅಹಙ್ಕಾರಾ ವಿನಿಮುತ್ತೋ, ಮಮಙ್ಕಾರಾ ಮುತ್ತೋ ಮುನೀ।

ಮಾನಾವಮಾನಾ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೧೧॥

ಸಬ್ಬಗನ್ಥವಿನಿಮುತ್ತೋ, ಪಲಿಘಮುತ್ತೋ ಸಬ್ಬದಾ।

ಸಬ್ಬಾಭಿಭೂ ಸಬ್ಬಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೧೨॥

ಸಬ್ಬಸಾರಮ್ಭಸುಮುತ್ತೋ, ಪಪಞ್ಚಮುತ್ತೋ ಸಬ್ಬದಾ।

ಸಬ್ಬೂಪಧಿ ವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೧೩॥

ಕೋಹಞ್ಞಕೋಟಿಲ್ಲಮುತ್ತೋ, ಚಾಪಲ್ಲಮುತ್ತೋ ಸಬ್ಬಥಾ।

ಸಬ್ಬಥಾ ವಿದ್ದೇಸಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೧೪॥

ದೋಮನಸ್ಸಾ ವಿನಿಮುತ್ತೋ, ಪಳಾಸಮುತ್ತಮಾನಸೋ।

ಸಬ್ಬಸನ್ತಾಪಾ ಸುಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೧೫॥

ಸಬ್ಬಾಭಿಮಾನಾ ವಿಮುತ್ತೋ, ಸಬ್ಬತಾಪೇಹಿ ಮುಚ್ಚಕೋ।

ಸಬ್ಬಧಿ ವಿಕ್ಖೋಭಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೧೬॥

ಸಬ್ಬನೀವರಣಾಮುತ್ತೋ, ಸಿದ್ಧೋ ಏಕಗ್ಗಮಾನಸೋ।

ಸಮ್ಮಾಪಞ್ಞೋ ಸಮ್ಮಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೧೭॥

ಸಬ್ಬಾವಿಲಾ ವಿಪ್ಪಮುತ್ತೋ, ಸುದ್ಧೋ ಸಂಸುದ್ಧಚೇತಸೋ।

ಕಸಾವಕಲಙ್ಕಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೧೮॥

ಸಬ್ಬಬ್ಯಾಪಾದಪ್ಪಮುತ್ತೋ, ಸದಾ ಪಸಾದಮಾನಸೋ।

ಸಬ್ಬೂಪನಾಹಾ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೧೯॥

ಸಬ್ಬಥಾಪಮಾದಮುತ್ತೋ, ಸಮ್ಪಜಾನೋ ಸತಿಯುತೋ।

ಭಾವನಾಭಿರತೋ ಯೋಗೀ, ಬುದ್ಧಂ ತಂ ಪಣಮಾಮ್ಯಹಂ॥೩೨೦॥

ಸಬ್ಬಾಭಿಸಜ್ಜನಾ ಮುತ್ತೋ, ಸದಾ ಕಾರುಞ್ಞಮಾನಸೋ।

ಸಬ್ಬುಪಾರಮ್ಭವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೨೧॥

ಸಬ್ಬಧಿ ರೋಸರಹಿತೋ, ಸಬ್ಬಧಿ ಕರುಣಾನಿಧೀ।

ಸಬ್ಬಸಾವಜ್ಜಾ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೨೨॥

ಸಬ್ಬಬಾಧಾಪರಿಮುತ್ತೋ, ಬನ್ಧಮುತ್ತೋ ಚ ಸಬ್ಬಥಾ।

ಕಙ್ಖಿಚ್ಛಾಕಣ್ಟಕಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೨೩॥

ಸಬ್ಬಾರಮ್ಭವಿನಿಮುತ್ತೋ, ಸದಾ ಸಮಿತಮಾನಸೋ।

ಖಮ್ಭನಾಖೋಭನಾ ಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೨೪॥

ಸಬ್ಬಸಙ್ಖತಾ ಸುಮುತ್ತೋ, ಅಸಙ್ಖತ ಸುದಸ್ಸನೋ।

ಉದ್ಧಚ್ಚಕುಕ್ಕುಚ್ಚಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೨೫॥

ಸಬ್ಬಬ್ಯಸನವಿಮುತ್ತೋ, ಅಬ್ಯಾಸತ್ತ ಸುಮಾನಸೋ।

ಸಬ್ಬಸಂಸರಣಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೨೬॥

ಸಬ್ಬುಪಾದಾನಪಮುತ್ತೋ, ಮುತ್ತೋ ಸಬ್ಬಮದೇಹಿ ಚ।

ಸಬ್ಬಾಯತನೇಹಿ ಸುಞ್ಞೋ, ಬುದ್ಧಂ ತಂ ಪಣಮಾಮ್ಯಹಂ॥೩೨೭॥

ಸಬ್ಬಪಾಸೇಹಿ ಪಮುತ್ತೋ, ಯೋ ವಿಪ್ಪಸನ್ನಮಾನಸೋ।

ಸಬ್ಬಮಾನಾನುಸಯಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೨೮॥

ಸಬ್ಬನೇಹವಿನಿಮುತ್ತೋ, ಸದಾ ಅಲಿತ್ತಚೇತಸೋ।

ಸಬ್ಬಾಸತಿವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೨೯॥

ಚಿತ್ತಿಞ್ಜನಾ ವಿನಿಮುತ್ತೋ, ಸದಾ ಚಿತ್ತನಿರಿನ್ಧನೋ।

ಸಬ್ಬಾಸವಾ ವಿಪ್ಪಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೩೦॥

ಸಬ್ಬದಾ ಅಕಮ್ಪಚಿತ್ತೋ, ಥಿರವಿಮುತ್ತಮಾನಸೋ।

ಸಬ್ಬವಿಕ್ಖೇಪವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೩೧॥

ಭವಸ್ನೇಹಾ ವಿಪ್ಪಮುತ್ತೋ, ವಿಮುತ್ತೋ ತಿಭವೋದಧಿ।

ಸಬ್ಬಾನುಗಿದ್ಧಿಸುಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೩೨॥

ಭವಚಕ್ಕವಿನಿಮುತ್ತೋ, ಸುದನ್ತೋ ಬಹುಸಂಯತೋ।

ವಿಸಙ್ಖಾರಗತಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೩೩॥

ಸಬ್ಬಥಾ ಭವಿಞ್ಜಾಮುತ್ತೋ, ವನ್ತಲೋಕಾಮಿಸೋ ಇಸಿ।

ಧಾರೇಸಿ ಅನ್ತಿಮಂ ದೇಹಂ, ಬುದ್ಧಂ ತಂ ಪಣಮಾಮ್ಯಹಂ॥೩೩೪॥

ಸಬ್ಬಾಭಿಜ್ಝಾವಿನಿಮುತ್ತೋ, ಸನ್ತುಟ್ಠೋ ಸುದ್ಧಮಾನಸೋ।

ಸಂಸಾರಸಾಗರಾ ಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೩೫॥

ಸಬ್ಬಧಿ ಸಬ್ಬತೋ ಮುತ್ತೋ, ಸಬ್ಬಞ್ಞಾತೋ ಸಬ್ಬಞ್ಜಯೋ।

ಸಬ್ಬಥಾ ಮುತ್ತೋ ಸುಭದ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೩೩೬॥

ಸಬ್ಬನ್ತರಾಯವಿಮುತ್ತೋ, ಅಗ್ಗಲಮುತ್ತೋ ಸಬ್ಬಧಿ।

ಸಬ್ಬಬ್ಯವಧಾನಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೩೭॥

ಸಬ್ಬತಾಪವಿನಿಮುತ್ತೋ, ಸೀತಲೋ ಸೀತಿಮಾನಸೋ।

ಭವರಾಗಗ್ಗಿವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೩೮॥

ವಙ್ಕಮುತ್ತೋ ಪಙ್ಕಮುತ್ತೋ,?..ಧಮುತ್ತೋ ಮುತ್ತಮನೋ।

ಸಬ್ಬದಾ ಆತಙ್ಕಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೩೯॥

ಸಬ್ಬಥಾ ಸಂಸಯಮುತ್ತೋ, ಕಮ್ಪಮುತ್ತೋ ವಿಸಾರದೋ।

ಅಗ್ಗಿಇಧುಮವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೪೦॥

ಸಬ್ಬದಾ ಚಣ್ಡಿಕ್ಕಮುತ್ತೋ, ದುಸ್ಸನಮುತ್ತೋ ಸಬ್ಬಥಾ।

ಸಬ್ಬಧಿ ಸಮ್ಪುಣ್ಣಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೪೧॥

ಉಜುಚಿತ್ತೋ ಸುಜೂಚಿತ್ತೋ, ಸಮಚಿತ್ತೋ ಸಮಾಚರೋ।

ಧೀತಿಚಿತ್ತೋ ವತಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೪೨॥

ಅಲೋಭಅದೋಸಚಿತ್ತೋ, ಅಲಗ್ಗಚಿತ್ತೋ ಸೋಭನೋ।

ಅಮೋಹಚಿತ್ತೋ ಧೀಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೪೩॥

ಸಾಧುಚಿತ್ತೋ ಸುದ್ಧಚಿತ್ತೋ, ಸೋತ್ಥಿಚಿತ್ತೋ ಸತಿಯುತೋ।

ಚಾರುಚಿತ್ತೋ ಸಿವಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೪೪॥

ಧಮ್ಮಚಿತ್ತೋ ಅತ್ಥಚಿತ್ತೋ, ಧೀರಚಿತ್ತೋ ಚಿತ್ತುತ್ತಮೋ।

ಹಿರಿಚಿತ್ತೋ ಸಿರಿಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೪೫॥

ಹಿತಚಿತ್ತೋ ಸುಖಚಿತ್ತೋ, ಕಲ್ಯಾಣಚಿತ್ತೋ ಕಾರುಞ್ಞೋ।

ಪೀತಿಚಿತ್ತೋ ಸೀತಿಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೪೬॥

ಪರಮವಿಸುದ್ಧಚಿತ್ತೋ, ಮುತ್ತಚಿತ್ತೋ ಯತಿವರೋ।

ಯತಚಿತ್ತೋ ವತಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೪೭॥

ಹಟ್ಠಚಿತ್ತೋ ತುಟ್ಠಚಿತ್ತೋ, ಸೇಟ್ಠಚಿತ್ತೋ ಸುಟ್ಠುತ್ತರೋ।

ಸನ್ತುಟ್ಠಚಿತ್ತೋ ಪಹಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೩೪೮॥

ಸತಿಚಿತ್ತೋ ಯತಿಚಿತ್ತೋ, ಸಮ್ಪಜಞ್ಞೋ ವಿರಿಯವಾ।

ಸುಮತಿಚಿತ್ತೋ ಸಪ್ಪಞ್ಞೋ, ಬುದ್ಧಂ ತಂ ಪಣಮಾಮ್ಯಹಂ॥೩೪೯॥

ಮೇತ್ತಚಿತ್ತೋ ದಯಾಚಿತ್ತೋ, ಕರುಣಚಿತ್ತೋ ಕೇವಲೀ।

ಮೋದಿತೋ ಮದ್ದವಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೫೦॥

ಸಚ್ಚಚಿತ್ತೋ ತಥಚಿತ್ತೋ, ಸುಗುಣಚಿತ್ತೋ ಸೀಲವಾ।

ನಿಲ್ಲೋಭಚಿತ್ತೋ ಸುಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೫೧॥

ನಿದ್ದೋಸಚಿತ್ತೋ ನಿದ್ಧೋತೋ, ನಿಮ್ಮೋಹಚಿತ್ತೋ ನಿಲ್ಲೀನೋ।

ನಿಮ್ಮಲಚಿತ್ತೋ ನಿಸ್ಸಙ್ಗೋ, ಬುದ್ಧಂ ತಂ ಪಣಮಾಮ್ಯಹಂ॥೩೫೨॥

ದಿಬ್ಬಚಿತ್ತೋ ಭಬ್ಬಚಿತ್ತೋ, ದಮ್ಮಚಿತ್ತೋ ದಸಬಲೋ।

ಭಬ್ಬಭಾವರತೋ ಭಬ್ಬೋ, ಬುದ್ಧಂ ತಂ ಪಣಮಾಮ್ಯಹಂ॥೩೫೩॥

ಞಾಣಚಿತ್ತೋ ಮೇಧಾಚಿತ್ತೋ, ವಿಜ್ಜಾಚಿತ್ತೋ ವಿಜ್ಜಾಧನೀ।

ಪಞ್ಞಾಚಿತ್ತೋ ಅಞ್ಞಾಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೫೪॥

ದಿತ್ತಿಚಿತ್ತೋ ಜುತಿಚಿತ್ತೋ, ಜುಣ್ಹಚಿತ್ತೋ ಆಲೋಕದೋ।

ಕನ್ತಿಚಿತ್ತೋ ಖನ್ತಿಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೫೫॥

ಅಮಲೋ ಓದಾತಚಿತ್ತೋ, ಪಸನ್ನಚಿತ್ತೋ ಪೇಸಲೋ।

ಪಾವನೋ ಪುನೀತಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೫೬॥

ಜವಚಿತ್ತೋ ಬಲಚಿತ್ತೋ, ಥಾಮಚಿತ್ತೋ ವಿಸಾರದೋ।

ಠಿತಚಿತ್ತೋ ಥಿರಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೫೭॥

ಓಜಚಿತ್ತೋ ತೇಜಚಿತ್ತೋ, ಯೋಧಚಿತ್ತೋ ಅವಿಚಲೋ।

ನಿಬ್ಭಯಚಿತ್ತೋ ನಿಪ್ಫನ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೩೫೮॥

ಪಗುಣೋ ಸುಪಞ್ಞಚಿತ್ತೋ, ಸಂಯತಚಿತ್ತೋ ಸಂವುತೋ।

ಪಸನ್ನಚಿತ್ತೋ ಪಸ್ಸದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೩೫೯॥

ಭದ್ದಚಿತ್ತೋ ಮೋಕ್ಖಚಿತ್ತೋ, ಸಬ್ಬಸೇಟ್ಠೋ ಸತ್ತುತ್ತಮೋ।

ಸೋಮನಸ್ಸಚಿತ್ತೋ ಸನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೬೦॥

ಸನ್ತಚಿತ್ತೋ ದನ್ತಚಿತ್ತೋ, ವಸೀಚಿತ್ತೋ ವುಸಿತವಾ।

ಸುಚಿಚಿತ್ತೋ ರುಚಿಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೬೧॥

ಗುತ್ತಚಿತ್ತೋ ಮುತ್ತಚಿತ್ತೋ, ಪಸನ್ನಚಿತ್ತೋ ಚಿತ್ತುಜೂ।

ಸುಮನಚಿತ್ತೋ ಸುಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೬೨॥

ಸನ್ತಚಿತ್ತೋ ಸದಾಸನ್ತೋ, ಸದಾ ಸನ್ತುಸಿತೋ ಇಸಿ।

ಸಬ್ಬತ್ಥ ಸಂವುತೋ ಸಾಮೀ, ಬುದ್ಧಂ ತಂ ಪಣಮಾಮ್ಯಹಂ॥೩೬೩॥

ರಿತ್ತಕಾಮೋ ರಿತ್ತತಣ್ಹೋ, ರಿತ್ತರಾಗೋ ರಿತ್ತರಜೋ।

ರಿತ್ತಛನ್ದೋ ರಿತ್ತನನ್ದೀ, ಬುದ್ಧಂ ತಂ ಪಣಮಾಮ್ಯಹಂ॥೩೬೪॥

ರಿತ್ತವೇರೋ ರಿತ್ತರೋಸೋ, ರಿತ್ತುತ್ತಾಪೋ ರಿತ್ತಾವಿಲೋ।

ರಿತ್ತಕೋಧೋ ರಿತ್ತಕೋಪೋ, ಬುದ್ಧಂ ತಂ ಪಣಮಾಮ್ಯಹಂ॥೩೬೫॥

ಸಙ್ಗರಿತ್ತೋ ರಙ್ಗರಿತ್ತೋ, ರಾಗರಿತ್ತೋ ರಿತ್ತರತೀ।

ನನ್ದೀರಿತ್ತೋ ತಣ್ಹಾರಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೬೬॥

ಸಬ್ಬಭವಾಬಾಧರಿತ್ತೋ, ರಿತ್ತಮಹಾಮೋಹತಮೋ।

ಸಬ್ಬಥಾ ಅವಿಜ್ಜಾರಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೬೭॥

ನನ್ದೀಸಂಯೋಜನರಿತ್ತೋ, ಸಬ್ಬಸಙ್ಗಪರಿಚ್ಚಜೋ।

ಉತ್ತಮತ್ಥಂ ಹತ್ಥಗತೋ, ಬುದ್ಧಂ ತಂ ಪಣಮಾಮ್ಯಹಂ॥೩೬೮॥

ಇಞ್ಜಾರಿತ್ತೋ ಇನ್ಧಾರಿತ್ತೋ, ಇಚ್ಛಾರಿತ್ತೋ ರಿತ್ತಅಘೋ।

ಏಧರಿತ್ತೋ ಗೇಧರಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೬೯॥

ಅನ್ತಗತೋ ಅನ್ತಪ್ಪತ್ತೋ, ಪಾರಪ್ಪತ್ತೋ ಪಾರಙ್ಗತೋ।

ಕೋಟಿಗತೋ ಕೋಟಿಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೭೦॥

ಖೇಮಪ್ಪತ್ತೋ ಖೇಮಙ್ಗತೋ, ಅಗ್ಗಪ್ಪತ್ತೋ ಅಗ್ಗಙ್ಗತೋ।

ಸಿವಪ್ಪತ್ತೋ ಸಿವಙ್ಗತೋ, ಬುದ್ಧಂ ತಂ ಪಣಮಾಮ್ಯಹಂ॥೩೭೧॥

ಪದಪ್ಪತ್ತೋ ಧುವಪ್ಪತ್ತೋ, ಪರಿಸುದ್ಧಿಪ್ಪತ್ತೋ ಪಭೂ।

ಮಗ್ಗಪ್ಪತ್ತೋ ಫಲಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೭೨॥

ಸಾರಪ್ಪತ್ತೋ ಪಾರಗತೋ, ಪರಿಯನ್ತಪ್ಪತ್ತೋ ವರೋ।

ಪರಿಯೋದಾತಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೭೩॥

ವಿಮಲೋ ವೋದಾತಪ್ಪತ್ತೋ, ನಿಬ್ಬಾನಪ್ಪತ್ತೋ ನಿಮ್ಮಲೋ।

ಅಮಲೋ ಅಮತಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೭೪॥

ಧಮ್ಮಪ್ಪತ್ತೋ ಧಮ್ಮಯೋಗೀ, ಕುಸಲಪ್ಪತ್ತೋ ಕೇವಲೀ।

ಲೋಕುತ್ತರಪ್ಪತ್ತೋ ಪುಜ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೩೭೫॥

ಪತ್ತವಿಜ್ಜೋ ಪತ್ತಪಞ್ಞೋ, ಪತ್ತೋ ಸಮ್ಬೋಧಿಮುತ್ತಮಂ।

ಪತ್ತಸನ್ತಿ ಪತ್ತಸುಖೋ, ಬುದ್ಧಂ ತಂ ಪಣಮಾಮ್ಯಹಂ॥೩೭೬॥

ಪತ್ತಧಮ್ಮೋ ಪತ್ತಬೋಧಿ, ಪತ್ತಮಗ್ಗೋ ಪತ್ತಫಲೋ।

ಪತ್ತಅಮತೋ ಪತ್ತತ್ಥೋ, ಬುದ್ಧಂ ತಂ ಪಣಮಾಮ್ಯಹಂ॥೩೭೭॥

ಪರಮತ್ಥಸಚ್ಚಂ ಪತ್ತೋ, ಪತ್ತಖೇಮೋ ಪತ್ತಸಿವೋ।

ಪತ್ತಅಚ್ಚುತೋ ಪತ್ತಗ್ಗೋ, ಬುದ್ಧಂ ತಂ ಪಣಮಾಮ್ಯಹಂ॥೩೭೮॥

ಪತ್ತಅನೋಮೋ ಪತ್ತಿಟ್ಠೋ, ಪತ್ತಧುವೋ ಪತ್ತಕ್ಖಯೋ।

ಪತ್ತಲೋಕುತ್ತರಧಮ್ಮೋ, ಬುದ್ಧಂ ತಂ ಪಣಮಾಮ್ಯಹಂ॥೩೭೯॥

ಪತ್ತಞಾಣೋ ಪತ್ತಮೇಧೋ, ಪತ್ತಧಮ್ಮನಿಯಾಮಕೋ।

ಪತ್ತಅನನ್ತೋ ಪತ್ತನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೮೦॥

ಪತ್ತವಿಸುದ್ಧಿ ಪತ್ತಿದ್ಧಿ, ಪತ್ತಪ್ಪರಮತ್ಥಪದೋ।

ಪತ್ತನಿಪುಣತ್ಥಧಮ್ಮೋ, ಬುದ್ಧಂ ತಂ ಪಣಮಾಮ್ಯಹಂ॥೩೮೧॥

ಪತ್ತಕನ್ತಿ ಪತ್ತವಣ್ಣೋ, ಪತ್ತಕಿತ್ತಿ ಪತ್ತಯಸೋ।

ಪತ್ತಪಸ್ಸಿದ್ಧಿ ಪಖ್ಯಾತೋ, ಬುದ್ಧಂ ತಂ ಪಣಮಾಮ್ಯಹಂ॥೩೮೨॥

ಸಬ್ಬಕಪ್ಪಪರಿಕ್ಖೀಣೋ, ಪರಿಮುತ್ತೋ ಪತಾಪವಾ।

ಸಂಸಾರೋಘಪಾರಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೮೩॥

ನಯಪ್ಪತ್ತೋ ವಸೀಪ್ಪತ್ತೋ, ಸಚ್ಛಿಕರಣಪಾರಗೂ।

ನಿಯ್ಯಾನಂ ಸುಸಚ್ಛಿಕತೋ, ಬುದ್ಧಂ ತಂ ಪಣಮಾಮ್ಯಹಂ॥೩೮೪॥

ಭಾರಭಞ್ಜಕೋ ಭದನ್ತೋ, ಭುವನಭೋಗಭಿನ್ದಕೋ।

ಭವಮಹಣ್ಣವಂ ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೩೮೫॥

ದುಕ್ಕರೇ ಬೋಧಿಸ್ಸಮ್ಭಾರೇ, ಪೂರೇತ್ವಾನ ಅಸೇಸತೋ।

ಪತ್ತೋ ಸಬ್ಬಞ್ಞುತಂ ಞಾಣಂ, ಬುದ್ಧಂ ತಂ ಪಣಮಾಮ್ಯಹಂ॥೩೮೬॥

ಸನ್ತಿಪತ್ತೋ ಸನ್ತಿಭೂತೋ, ಸೀತಲೀಭೂತೋ ಸಬ್ಬಧಿ।

ಪರಮಂ ಸುಖಂ ಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೮೭॥

ಪನ್ನಾಸಜ್ಜೋ ಪನ್ನಾಸತ್ತೋ, ಪನ್ನಾಲಮ್ಬೋ ಪನ್ನಾಲಯೋ।

ಪನ್ನಸೂಲೋ ಪನ್ನಸಲ್ಲೋ, ಬುದ್ಧಂ ತಂ ಪಣಮಾಮ್ಯಹಂ॥೩೮೮॥

ಪನ್ನಾಸಙ್ಕೋ ಪನ್ನಾತಙ್ಕೋ, ಪನ್ನಾಕಙ್ಖೋ ಪನ್ನಙ್ಗಣೋ।

ಪನ್ನಾಪೇಕ್ಖೋ ಪನ್ನಾಭಿಜ್ಝೋ, ಬುದ್ಧಂ ತಂ ಪಣಮಾಮ್ಯಹಂ॥೩೮೯॥

ಪನ್ನಭಾರೋ ಕತಕಿಚ್ಚೋ, ಪುಣ್ಣಅಭಿಞ್ಞಾ ವೋಸಿತೋ।

ಸಬ್ಬವೋಸಿತ ವೋಸಾನಂ, ಬುದ್ಧಂ ತಂ ಪಣಮಾಮ್ಯಹಂ॥೩೯೦॥

ಮನೋಗುತ್ತೋ ವಚೀಗುತ್ತೋ, ಕಾಯಗುತ್ತೋ ಗುತ್ತಿವರೋ।

ಗುತ್ತಕಮ್ಮೋ ಗುತ್ತಧಮ್ಮೋ, ಬುದ್ಧಂ ತಂ ಪಣಮಾಮ್ಯಹಂ॥೩೯೧॥

ಚಿತ್ತಗುತ್ತೋ ಚಿತ್ತದನ್ತೋ, ಸಂತತ ಚಿತ್ತ ಸಂಯತೋ।

ಚಿತ್ತಮುತ್ತೋ ಚಿತ್ತಸನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೯೨॥

ಇನ್ದ್ರಿಯಗುತ್ತೋ ಸುಗುತ್ತೋ, ಅತ್ತಪಚ್ಚಕ್ಖೋ ಆಸಭೋ।

ಪಚುರಪಞ್ಞಾಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೩೯೩॥

ಕಾಯಗುತ್ತೋ ವಚೀಗುತ್ತೋ, ಚಿತ್ತಗುತ್ತೋ ಯೋ ಗುತ್ತತ್ತೋ।

ಸಬ್ಬಿನ್ದ್ರಿಯಗುತ್ತೋ ಸಾಮೀ, ಬುದ್ಧಂ ತಂ ಪಣಮಾಮ್ಯಹಂ॥೩೯೪॥

ಧೀರಹದಯೋ ಧೋರಯ್ಹೋ, ಸಂವುತೋ ಸಂಯತಮನೋ।

ಗುತ್ತಿನ್ದ್ರಿಯೋ ಗುತ್ತಮಾನೋ, ಬುದ್ಧಂ ತಂ ಪಣಮಾಮ್ಯಹಂ॥೩೯೫॥

ಧಿತಿಯುತ್ತೋ ಮತಿಯುತ್ತೋ, ನೀತಿಯುತ್ತೋ ಯುತ್ತನಯೋ।

ಮಗ್ಗಯುತ್ತೋ ಫಲಯುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೩೯೬॥

ಮಗ್ಗಲದ್ಧೋ ಅಗ್ಗಲದ್ಧೋ, ಅನ್ತಲದ್ಧೋ ಲದ್ಧಪಥೋ।

ಪರಮತ್ಥಸಚ್ಚಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೩೯೭॥

ಇಟ್ಠಲದ್ಧೋ ಸಿದ್ಧಲದ್ಧೋ, ಸೀತಿಲದ್ಧೋ ಲದ್ಧಸಿವೋ।

ದುಲ್ಲಭನಿಬ್ಬಾನಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೩೯೮॥

ಧಮ್ಮಲದ್ಧೋ ಅತ್ಥಲದ್ಧೋ, ಮುತ್ತಿಲದ್ಧೋ ಲದ್ಧತಥೋ।

ಪಲದ್ಧತಿಂಸಪಾರಮೀ, ಬುದ್ಧಂ ತಂ ಪಣಮಾಮ್ಯಹಂ॥೩೯೯॥

ಸನ್ತಿಲದ್ಧೋ ಖನ್ತಿಲದ್ಧೋ, ಕನ್ತಿಲದ್ಧೋ ಲದ್ಧಯಸೋ।

ದಿತ್ತಿಲದ್ಧೋ ಕಿತ್ತಿಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೦೦॥

ದಿಬ್ಬಲದ್ಧೋ ಭಬ್ಬಲದ್ಧೋ, ಸಬ್ಬಲದ್ಧೋ ಲದ್ಧಬಲೋ।

ಸುದುದ್ದಸಂ ಸಿವಂ ಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೦೧॥

ಸುದ್ಧಿಲದ್ಧೋ ಬುದ್ಧಿಲದ್ಧೋ, ಇದ್ಧಿಲದ್ಧೋ ಲದ್ಧನಿಧೀ।

ಉಪಲದ್ಧಛಳಭಿಞ್ಞೋ, ಬುದ್ಧಂ ತಂ ಪಣಮಾಮ್ಯಹಂ॥೪೦೨॥

ಕಲ್ಯಾಣಂ ಕುಸಲಂ ಲದ್ಧೋ, ಪೀತಿಲದ್ಧೋ ಲದ್ಧಸುಖೋ।

ಉಪಲದ್ಧಅಮತಸಿನ್ಧೂ, ಬುದ್ಧಂ ತಂ ಪಣಮಾಮ್ಯಹಂ॥೪೦೩॥

ಉಪಲದ್ಧಯೋಗಕ್ಖೇಮೋ, ಸೋತ್ಥಿಲದ್ಧೋ ಲದ್ಧಧುವೋ।

ದಸಬಲಲದ್ಧೋ ವೀರೋ, ಬುದ್ಧಂ ತಂ ಪಣಮಾಮ್ಯಹಂ॥೪೦೪॥

ಬೋಧಿಲದ್ಧೋ ಞಾಣಲದ್ಧೋ, ಮೇಧಾಲದ್ಧೋ ಲದ್ಧನಯೋ।

ಪಞ್ಞಾಲದ್ಧೋ ವಿಜ್ಜಾಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೦೫॥

ಸುಮತಿಲದ್ಧೋ ಧೀಲದ್ಧೋ, ಲದ್ಧವಿಮುತ್ತಿಸಮ್ಪತ್ತೀ।

ಪರಮ’ಪವಗ್ಗಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೦೬॥

ಪುನೀತಂ ಪವಿತ್ತಂಲದ್ಧೋ, ಲದ್ಧಉತ್ತಮಮಙ್ಗಲೋ।

ಪರಮಂ ಅವಯಂ ಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೦೭॥

ಉಕ್ಕಟ್ಠಂ ಕೇವಲಂ ಲದ್ಧೋ, ಸುಮುತ್ತಿಲದ್ಧೋ ಸಬ್ಬತೋ।

ಅನನ್ತ’ನೀತಿಕಂ ಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೦೮॥

ಸತ್ತಬೋಜ್ಝಙ್ಗುಪಲದ್ಧೋ, ಲದ್ಧಅಭಿಞ್ಞೋ ಸಬ್ಬತೋ।

ಭವತಣ್ಹಕ್ಖಯಂ ಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೦೯॥

ಪರಿಸುದ್ಧಪನ್ಥಲದ್ಧೋ, ಸಚ್ಚಲದ್ಧೋ ಅನೂಪಮೋ।

ಪರಿಪುಣ್ಣಧಮ್ಮಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೧೦॥

ಸಮ್ಪುಣ್ಣಪರಿಞ್ಞಾಲದ್ಧೋ, ಅಞ್ಞಾಲದ್ಧೋ ಸಬ್ಬುತ್ತಮೋ।

ಪಟಿಸಮ್ಭಿದಾಸುಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೧೧॥

ಪಚ್ಚಕ್ಖವಿಮುತ್ತಿಲದ್ಧೋ, ಲದ್ಧಛಳಭಿಞ್ಞಾವರೋ।

ಪರಿಪುಣ್ಣಸನ್ತಿಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೧೨॥

ಯಥಾಭೂತಸಚ್ಚಲದ್ಧೋ, ತಥತಾಲದ್ಧೋ ಸಬ್ಬಧಿ।

ಸಮನ್ತಸಮತಾಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೧೩॥

ನಿಮ್ಮಲಚಕ್ಖುಪಲದ್ಧೋ, ವಿಮಲವಿಜ್ಜಾವಾರಿಧಿ।

ನಿಪುಣತ್ಥಧಮ್ಮಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೧೪॥

ಥಾಮಲದ್ಧೋ ಜವಲದ್ಧೋ, ಸಮಲದ್ಧೋ ಪತಾಪವಾ।

ಲೋಕುತ್ತರಸಚ್ಚಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೧೫॥

ಧಿತಿಲದ್ಧೋ ಸುಚಿಲದ್ಧೋ, ಸಂಸುದ್ಧಿಲದ್ಧೋ ಸುದ್ಧಿಮಾ।

ಸುಧಾಲದ್ಧೋ ಸುಮೇಧಾವೀ, ಬುದ್ಧಂ ತಂ ಪಣಮಾಮ್ಯಹಂ॥೪೧೬॥

ಲದ್ಧಅದ್ಧೋ ಭದ್ದಲದ್ಧೋ, ಮೋದಲದ್ಧೋ ಲದ್ಧಸುಭೋ।

ಸಬ್ಬತ್ಥ ಸನ್ತೋಸಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೧೭॥

ತೀರಲದ್ಧೋ ಪಾರಲದ್ಧೋ, ಸಾರಲದ್ಧೋ ಲದ್ಧಫಲೋ।

ಮಙ್ಗಲಮುತ್ತಮಂ ಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೧೮॥

ಅಂಸುಲದ್ಧೋ ರಂಸಿಲದ್ಧೋ, ಓಜಲದ್ಧೋ ಲದ್ಧಜುತೀ।

ಉಗ್ಗಅಗ್ಗಆಭಾಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೧೯॥

ಪಸಂಸಾಪಸಿದ್ಧಿಲದ್ಧೋ, ವಿಸೇಸವಿಸ್ಸವಿಸ್ಸುತೋ।

ಪೂಜನಂ ಥೋಮನಂ ಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೨೦॥

ಮೋಹನ್ಧಕಾರವಿಮುತ್ತೋ, ಆಲೋಕಲದ್ಧೋ ಲೋಕಜೀ।

ಅಪ್ಪಮೇಯ್ಯಪ್ಪಭಾಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೨೧॥

ವಿಸಲ್ಲೋ ಕುಸಲೋ ಸತ್ಥಾ, ಕಮ್ಮಾಕಮ್ಮಸ್ಸಕೋವಿದೋ।

ಪಾರಗೂ ಸಬ್ಬಕಮ್ಮಾನಂ, ಬುದ್ಧಂ ತಂ ಪಣಮಾಮ್ಯಹಂ॥೪೨೨॥

ಕುಸಲಸ್ಸ ಕೋವಿದೋ ಚ, ಅಕುಸಲಸ್ಸ ಕೋವಿದೋ।

ಕುಸಲಸ್ಸುಪಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೪೨೩॥

ಧಮ್ಮಸ್ಸ ಕೋವಿದೋ ಚಾಪಿ, ಅಧಮ್ಮಸ್ಸಾಪಿ ಕೋವಿದೋ।

ಪಾರಗೂ ಸಬ್ಬಧಮ್ಮಾನಂ, ಬುದ್ಧಂ ತಂ ಪಣಮಾಮ್ಯಹಂ॥೪೨೪॥

ಪುಞ್ಞಸ್ಸ ಕೋವಿದೋ ಚಾಪಿ, ಅಪುಞ್ಞಸ್ಸಾಪಿ ಕೋವಿದೋ।

ಪಾಪಪುಞ್ಞಮತಿಕ್ಕನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೨೫॥

ಮಗ್ಗಸ್ಸ ಕೋವಿದೋ ಚಾಪಿ, ಅಮಗ್ಗಸ್ಸಾಪಿ ಕೋವಿದೋ।

ಅಗ್ಗಮಗ್ಗಮುಗ್ಘಾಟೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೨೬॥

ಸುಖಸ್ಸ ಕೋವಿದೋ ಚಾಪಿ, ದುಕ್ಖಸ್ಸ ಚಾಪಿ ಕೋವಿದೋ।

ಪರಮಸುಖದಸ್ಸಾವೀ, ಬುದ್ಧಂ ತಂ ಪಣಮಾಮ್ಯಹಂ॥೪೨೭॥

ಇಟ್ಠಸ್ಸ ಕೋವಿದೋ ಚಾಪಿ, ಅನಿಟ್ಠಸ್ಸಾಪಿ ಕೋವಿದೋ।

ಪರಮಿಟ್ಠಂ ಪಞ್ಞಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೨೮॥

ಅನ್ತಸ್ಸ ಕೋವಿದೋ ಚಾಪಿ, ಅನನ್ತಸ್ಸಾಪಿ ಕೋವಿದೋ।

ಅನನ್ತಓಭಾಸಂ ಸಕ್ಖೀ, ಬುದ್ಧಂ ತಂ ಪಣಮಾಮ್ಯಹಂ॥೪೨೯॥

ಮತಸ್ಸ ಕೋವಿದೋ ಚಾಪಿ, ಅಮತಸ್ಸಾಪಿ ಕೋವಿದೋ।

ಅಮತಸ್ಸಸಿನ್ಧುಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೩೦॥

ನಿಚ್ಚಸ್ಸ ಕೋವಿದೋ ಚಾಪಿ, ಅನಿಚ್ಚಸ್ಸಾಪಿ ಕೋವಿದೋ।

ನಿಚ್ಚಸಚ್ಚಂ ಪಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೩೧॥

ಭವಸ್ಸ ಕೋವಿದೋ ಚಾಪಿ, ವಿಭವಸ್ಸಾಪಿ ಕೋವಿದೋ।

ಸಬ್ಬಸೋ ಭವಂ ಭಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೩೨॥

ರಾಗಸ್ಸ ಕೋವಿದೋ ಚಾಪಿ, ಅರಾಗಸ್ಸಾಪಿ ಕೋವಿದೋ।

ಸಬ್ಬರಾಗಂ ವಿರಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೩೩॥

ದೋಸಸ್ಸ ಕೋವಿದೋ ಚಾಪಿ, ಅದೋಸಸ್ಸಾಪಿ ಕೋವಿದೋ।

ಸಬ್ಬದೋಸಂ ವಿದ್ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೩೪॥

ಮೋಹಸ್ಸ ಕೋವಿದೋ ಚಾಪಿ, ಅಮೋಹಸ್ಸಾಪಿ ಕೋವಿದೋ।

ಸಬ್ಬಮೋಹವೀತಿವತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೩೫॥

ವೇರಸ್ಸ ಕೋವಿದೋ ಚಾಪಿ, ಅವೇರಸ್ಸಾಪಿ ಕೋವಿದೋ।

ಸಬ್ಬವೇರಮತಿಕ್ಕನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೩೬॥

ಕ್ಲೇಸಸ್ಸ ಕೋವಿದೋ ಚಾಪಿ, ನಿಕ್ಲೇಸಸ್ಸಾಪಿ ಕೋವಿದೋ।

ಸಬ್ಬಕಿಲೇಸಂ ಝಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೩೭॥

ತಮಸ್ಸ ಕೋವಿದೋ ಚಾಪಿ, ಆಲೋಕಸ್ಸಾಪಿ ಕೋವಿದೋ।

ಲೋಕೇ ಆಲೋಕಂ ಜೋತೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೩೮॥

ನೇಳಸ್ಸ ಕೋವಿದೋ ಚಾಪಿ, ಅನೇಳಸ್ಸಾಪಿ ಕೋವಿದೋ।

ಅನೇಳಕೋ ಅಕ್ಕಿಲೇಸೋ, ಬುದ್ಧಂ ತಂ ಪಣಮಾಮ್ಯಹಂ॥೪೩೯॥

ಸಙ್ಗಸ್ಸ ಕೋವಿದೋ ಚಾಪಿ, ಅಸಙ್ಗಸ್ಸಾಪಿ ಕೋವಿದೋ।

ಸಬ್ಬಸಙ್ಗವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೪೦॥

ಕೋವಿದೋ ಚ ವೇದನಾಯ, ಅವೇದನಾಯ ಕೋವಿದೋ।

ಸಬ್ಬಸ್ಸ ವೇದನಾತೀತೋ, ಬುದ್ಧಂ ತಂ ಪಣಮಾಮ್ಯಹಂ॥೪೪೧॥

ಆರಮ್ಭಸ್ಸ ಕೋವಿದೋ ಚ, ಅನಾರಮ್ಭಸ್ಸ ಕೋವಿದೋ।

ಸಬ್ಬಾರಮ್ಭಪರಿಚ್ಚಾಗೀ, ಬುದ್ಧಂ ತಂ ಪಣಮಾಮ್ಯಹಂ॥೪೪೨॥

ಆಲಯಸ್ಸ ಕೋವಿದೋ ಚ, ಅನಾಲಯಸ್ಸ ಕೋವಿದೋ।

ಸಬ್ಬಾಲಯವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೪೩॥

ಆಲಮ್ಬಸ್ಸ ಕೋವಿದೋ ಚ, ಅನಾಲಮ್ಬಸ್ಸ ಕೋವಿದೋ।

ಸಬ್ಬಾಲಮ್ಬನಾ ವಿಗತೋ, ಬುದ್ಧಂ ತಂ ಪಣಮಾಮ್ಯಹಂ॥೪೪೪॥

ತಣ್ಹಾಯ ಕೋವಿದೋ ಚಾಪಿ, ವೀತತಣ್ಹಾಯ ಕೋವಿದೋ।

ತಣ್ಹಾಜಾಲಂ ವಿದಾಲೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೪೫॥

ಮಾನಸ್ಸ ಕೋವಿದೋ ಚಾಪಿ, ಅವಮಾನಸ್ಸ ಕೋವಿದೋ।

ಮಾನಾವಮಾನಸಮಕೋ, ಬುದ್ಧಂ ತಂ ಪಣಮಾಮ್ಯಹಂ॥೪೪೬॥

ಕಾಮಸ್ಸ ಕೋವಿದೋ ಚಾಪಿ, ನಿಕ್ಕಾಮಸ್ಸಾಪಿ ಕೋವಿದೋ।

ಸಬ್ಬಕಾಮಪರಿಕ್ಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೪೪೭॥

ಕೋಪಸ್ಸ ಕೋವಿದೋ ಚಾಪಿ, ನಿಕ್ಕೋಪಸ್ಸಾಪಿ ಕೋವಿದೋ।

ಸಬ್ಬಕೋಪಗ್ಗಿನಿಬ್ಬುತೋ, ಬುದ್ಧಂ ತಂ ಪಣಮಾಮ್ಯಹಂ॥೪೪೮॥

ಕೋಧಸ್ಸ ಕೋವಿದೋ ಚಾಪಿ, ನಿಕ್ಕೋಧಸ್ಸಾಪಿ ಕೋವಿದೋ।

ಕೋಧಾನಲಂ ನಿಬ್ಬಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೪೯॥

ಛನ್ದಸ್ಸ ಕೋವಿದೋ ಚಾಪಿ, ನಿಚ್ಛನ್ದಸ್ಸಾಪಿ ಕೋವಿದೋ।

ಸಬ್ಬಭವಚ್ಛನ್ದಚ್ಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೪೫೦॥

ಲೋಭಸ್ಸ ಕೋವಿದೋ ಚಾಪಿ, ನಿಲ್ಲೋಭಸ್ಸಾಪಿ ಕೋವಿದೋ।

ಲೋಭಲಾಲಸಾನಿಲ್ಲಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೫೧॥

ಸೋಕಸ್ಸ ಕೋವಿದೋ ಚಾಪಿ, ನಿಸ್ಸೋಕಸ್ಸಾಪಿ ಕೋವಿದೋ।

ಸೋಕಸೂಲಂ ಅಬ್ಬಾಹೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೫೨॥

ಸ್ನೇಹಸ್ಸ ಕೋವಿದೋ ಚಾಪಿ, ನಿಸ್ನೇಹಸ್ಸಾಪಿ ಕೋವಿದೋ।

ಸಬ್ಬಸ್ನೇಹಾ ವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೫೩॥

ಖೋಭಸ್ಸ ಕೋವಿದೋ ಚಾಪಿ, ನಿಕ್ಖೋಭಸ್ಸಾಪಿ ಕೋವಿದೋ।

ಸಬ್ಬಕಮ್ಮಖೋಭಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೪೫೪॥

ಸಲ್ಲಸ್ಸ ಕೋವಿದೋ ಚಾಪಿ, ವಿಸಲ್ಲಸ್ಸಾಪಿ ಕೋವಿದೋ।

ಸಬ್ಬಸಲ್ಲಂ ಸನ್ದಾಲೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೫೫॥

ಖಯಸ್ಸ ಕೋವಿದೋ ಚಾಪಿ, ಅಕ್ಖಯಸ್ಸಾಪಿ ಕೋವಿದೋ।

ಸಬ್ಬಥಾ ಅಕ್ಖಯಂ ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೫೬॥

ಲೋಕಸ್ಸ ಕೋವಿದೋ ಚಾಪಿ, ಲೋಕನ್ತಸ್ಸಾಪಿ ಕೋವಿದೋ।

ಲೋಕುತ್ತರಂ ಸಚ್ಛಿಕತೋ, ಬುದ್ಧಂ ತಂ ಪಣಮಾಮ್ಯಹಂ॥೪೫೭॥

ಸುದ್ಧಸ್ಸ ಕೋವಿದೋ ಚಾಪಿ, ಅಸುದ್ಧಸ್ಸಾಪಿ ಕೋವಿದೋ।

ಸುದ್ಧಿಮಗ್ಗಂ ವಿಸೋಧೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೫೮॥

ಕಾಲಸ್ಸ ಕೋವಿದೋ ಚಾಪಿ, ಅಕಾಲಸ್ಸಾಪಿ ಕೋವಿದೋ।

ಕಾಲಾನುಸಾರೀ ದೇಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೫೯॥

ಛಲಸ್ಸ ಕೋವಿದೋ ಚಾಪಿ, ನಿಚ್ಛಲಸ್ಸಾಪಿ ಕೋವಿದೋ।

ಸಬ್ಬಥಾ ಛಲವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೬೦॥

ಸುಮನಸ್ಸ ಕೋವಿದೋ ಚ, ದುಮ್ಮನಸ್ಸಾಪಿ ಕೋವಿದೋ।

ಸಬ್ಬಧಿ ಸುಮನೋ ಸನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೬೧॥

ಕೋವಿದೋ ಲೋಕಚಕ್ಕಸ್ಸ, ಧಮ್ಮಚಕ್ಕಸ್ಸ ಕೋವಿದೋ।

ಲೋಕಚಕ್ಕಂ ವಿದ್ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೬೨॥

ತೀರಸ್ಸ ಕೋವಿದೋ ಚಾಪಿ, ಪಾರಸ್ಸ ಚಾಪಿ ಕೋವಿದೋ।

ಘೋರಂ ಓಘಂ ಪಾರಙ್ಗತೋ, ಬುದ್ಧಂ ತಂ ಪಣಮಾಮ್ಯಹಂ॥೪೬೩॥

ಬೋಧಸ್ಸ ಕೋವಿದೋ ಚಾಪಿ, ದುಬ್ಬೋಧಸ್ಸಾಪಿ ಕೋವಿದೋ।

ಸಬ್ಬಥಾ ಸಬ್ಬಂ ಬೋಧೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೬೪॥

ಯೋಗಸ್ಸ ಕೋವಿದೋ ಚಾಪಿ, ಖೇಮಸ್ಸ ಚಾಪಿ ಕೋವಿದೋ।

ಯೋಗಕ್ಖೇಮಮನುಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೬೫॥

ಆವಿಲಸ್ಸ ಕೋವಿದೋ ಚ, ಅನಾವಿಲಸ್ಸ ಕೋವಿದೋ।

ಸಬ್ಬಾವಿಲಂ ವಿಧೋಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೬೬॥

ಸಂಸಯಸ್ಸ ಕೋವಿದೋ ಚ, ಅಸಂಸಯಸ್ಸ ಕೋವಿದೋ।

ಸಬ್ಬತ್ಥ ಸಂಸಯಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೬೭॥

ಸಾರಜ್ಜಸ್ಸ ಕೋವಿದೋ ಚ, ವಿಸಾರಜ್ಜಸ್ಸ ಕೋವಿದೋ।

ವೇಸಾರಜ್ಜಞಾಣುಪೇತೋ, ಬುದ್ಧಂ ತಂ ಪಣಮಾಮ್ಯಹಂ॥೪೬೮॥

ವಿಕಾರಸ್ಸ ಕೋವಿದೋ ಚ, ನಿಬ್ಬಿಕಾರಸ್ಸ ಕೋವಿದೋ।

ವಿಕಾರಾನಿ ವಿಕ್ಖಮ್ಭೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೬೯॥

ಸಮ್ಮೋಹಸ್ಸ ಕೋವಿದೋ ಚ, ಅಸಮ್ಮೋಹಸ್ಸ ಕೋವಿದೋ।

ಸಬ್ಬಸಮ್ಮೋಹಾ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೭೦॥

ಸನ್ತಾಪಸ್ಸ ಕೋವಿದೋ ಚ, ಅಸನ್ತಾಪಸ್ಸ ಕೋವಿದೋ।

ಸನ್ತಾಪಾನಂ ಸನ್ತಿಕರೋ, ಬುದ್ಧಂ ತಂ ಪಣಮಾಮ್ಯಹಂ॥೪೭೧॥

ಪಟಿಘಸ್ಸ ಕೋವಿದೋ ಚ, ಅಪ್ಪಟಿಘಸ್ಸ ಕೋವಿದೋ।

ಪಟಿಘಸಞ್ಞಾಸುಞ್ಞೋ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೪೭೨॥

ಆಸವಸ್ಸ ಕೋವಿದೋ ಚ, ಅನಾಸವಸ್ಸ ಕೋವಿದೋ।

ಸಬ್ಬಾಸವಪರಿಕ್ಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೪೭೩॥

ಸುಗುಣಸ್ಸ ಕೋವಿದೋ ಚ, ದುಗ್ಗುಣಸ್ಸಾಪಿ ಕೋವಿದೋ।

ಸಬ್ಬಸುಗುಣಸಂಯುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೭೪॥

ಕಲ್ಯಾಣಸ್ಸ ಕೋವಿದೋ ಚ, ಅಕಲ್ಯಾಣಸ್ಸ ಕೋವಿದೋ।

ಕಲ್ಯಾಣತ್ಥಮನುಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೭೫॥

ವಿಪುಲಪಞ್ಞೋ ಪಬಲೋ, ಮಗ್ಗಾಮಗ್ಗಸ್ಸ ಕೋವಿದೋ।

ಪರಮತ್ಥಧಮ್ಮಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೪೭೬॥

ಚೇತೋಸಮಥಕೋವಿದೋ, ಝಾನಸಮಾಧಿಕೋವಿದೋ।

ಸಮಾಪತ್ತಿಸಮಾಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೪೭೭॥

ಮಗ್ಗಕೋವಿದೋ ಮಗ್ಗಞ್ಞೂ, ಧಮ್ಮಞ್ಞೂ ಧಮ್ಮಕೋವಿದೋ।

ಅಗ್ಗಕೋವಿದೋ ಅಗ್ಗಞ್ಞೂ, ಬುದ್ಧಂ ತಂ ಪಣಮಾಮ್ಯಹಂ॥೪೭೮॥

ಸಮ್ಪಜಞ್ಞಸ್ಸ ಕೋವಿದೋ, ಸಮ್ಮಾಸತಿಯಾ ಕೋವಿದೋ।

ಸತಿಪಟ್ಠಾನೇ ಕೋವಿದೋ, ಬುದ್ಧಂ ತಂ ಪಣಮಾಮ್ಯಹಂ॥೪೭೯॥

ಸತ್ತಬೋಜ್ಝಙ್ಗಕೋವಿದೋ, ಸಬ್ಬವಿಭಙ್ಗಕೋವಿದೋ।

ವಿಜ್ಜಾಕೋವಿದೋ ತೇವಿಜ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೪೮೦॥

ಚೇತೋವಿಮುತ್ತಿಕೋವಿದೋ, ಪಞ್ಞಾವಿಮುತ್ತಿಕೋವಿದೋ।

ಉಭತೋವಿಮುತ್ತಿಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೮೧॥

ಇದ್ಧಿಪಾದೇಸು ಕೋವಿದೋ, ಚೇತೋಪರಿಯಕೋವಿದೋ।

ಛಳಭಿಞ್ಞಾಹಿ ಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೪೮೨॥

ಅಪ್ಪಮಞ್ಞಾಸು ಕೋವಿದೋ, ಅಟ್ಠಙ್ಗಮಗ್ಗಂ ಪಾರಗೂ।

ಸಬ್ಬಥಾ ನಿಕ್ಖಯಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೮೩॥

ಧಮ್ಮನಿಯಾಮೇ ಕೋವಿದೋ, ಧಮ್ಮತಾಯಪಿ ಕೋವಿದೋ।

ಧಮ್ಮಟ್ಠಿತಿಯಾ ಕೋವಿದೋ, ಬುದ್ಧಂ ತಂ ಪಣಮಾಮ್ಯಹಂ॥೪೮೪॥

ಕಾಯಸಂವರಸಮ್ಪನ್ನೋ, ಚಿತ್ತಸಂವರಕೋವಿದೋ।

ವಚೀಸಂವರಸಂವುತೋ, ಬುದ್ಧಂ ತಂ ಪಣಮಾಮ್ಯಹಂ॥೪೮೫॥

ಲೋಕಜೇಟ್ಠೋ ಲೋಕಸೇಟ್ಠೋ, ತಿಲೋಕಜೇಟ್ಠೋ ತೇವಿಜ್ಜೋ।

ಪುರಿಸಜೇಟ್ಠೋ ವಿಸಿಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೪೮೬॥

ಸಬ್ಬಸೇಟ್ಠೋ ಸುಧಮ್ಮಟ್ಠೋ, ಯೋನಿಸೋ ಸಬ್ಬನಿಗ್ಗಹೋ।

ವಿಸಂಸಗ್ಗೋ ವಿಸಂಸಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೪೮೭॥

ಸಬ್ಬಜೇಟ್ಠೋ ಸಬ್ಬಸೇಟ್ಠೋ, ಸಬ್ಬಗ್ಗೋ ಸಬ್ಬನಾಯಕೋ।

ಸಬ್ಬನಾಥೋ ಸಬ್ಬಸಾಮೀ, ಬುದ್ಧಂ ತಂ ಪಣಮಾಮ್ಯಹಂ॥೪೮೮॥

ಮಚ್ಚುಜಯೀ ಮಾರಜಯೀ, ಮಾರಧೇಯ್ಯವಿದ್ಧಂಸಕೋ।

ಮಾರಪಾಸಂ ವಿನಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೮೯॥

ಮಚ್ಚುಹಾಯೀ ಮಾರಹಾಯೀ, ಮಚ್ಚುಧೇಯ್ಯವಿದ್ಧಂಸಕೋ।

ಮಚ್ಚುಪಾಸಂ ವಿನಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೯೦॥

ಮಾರಜಯೋ ಮಚ್ಚುಜಯೋ, ಅನ್ತಕಧೇಯ್ಯದ್ಧಂಸಕೋ।

ಮಚ್ಚುಖೇತ್ತಂ ಪದಾಲೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೪೯೧॥

ಪರಕ್ಕಮಪುಣ್ಣೋ ವೀರೋ, ಮಾರಚಮೂನಿಮ್ಮದ್ದನೋ।

ಮಚ್ಚುತಿಣ್ಣೋ ಮಚ್ಚುಜಿತೋ, ಬುದ್ಧಂ ತಂ ಪಣಮಾಮ್ಯಹಂ॥೪೯೨॥

ಮಾರಮಾಯಂ ವಿಮದ್ದೇಸಿ, ಮೋಹನಮಾರಘಾತಕೋ।

ಮಾರಮದನಮದ್ದನೋ, ಬುದ್ಧಂ ತಂ ಪಣಮಾಮ್ಯಹಂ॥೪೯೩॥

ಪಬಲೋ ಮಾರಂ ಮದ್ದೇಸಿ, ಸಬಲೋ ಮಚ್ಚುಮದ್ದಕೋ।

ನಮುಚಿನಾಸಕೋ ನಾಗೋ, ಬುದ್ಧಂ ತಂ ಪಣಮಾಮ್ಯಹಂ॥೪೯೪॥

ಪಾಪೀಮಾರಬಲಾನೀಕಂ, ನಿಮ್ಮದ್ದೇಸಿ ಮಹಾಜಿನೋ।

ಪರಂ ಸುಖಂ ಅಧಿಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೪೯೫॥

ಪಾಪಜಯೋ ಪುಞ್ಞಜಯೋ, ಅಹಂಜಯೋ ಜಿತಮಮೋ।

ಕಙ್ಖಾಜಯೋ ಸಙ್ಕಾಜಯೋ, ಬುದ್ಧಂ ತಂ ಪಣಮಾಮ್ಯಹಂ॥೪೯೬॥

ಜಿತಮೋಹೋ ಜಿತಮಾಯೋ, ಜಿತಮಕ್ಖೋ ಮಾರಞ್ಜಿತೋ।

ಜಿತಮಚ್ಛರೋ ಜಿತಿಚ್ಛೋ, ಬುದ್ಧಂ ತಂ ಪಣಮಾಮ್ಯಹಂ॥೪೯೭॥

ಜಿತಕೋಧೋ ಜಿತಕಾಮೋ, ಜಿತಲೋಭೋ ನನ್ದೀಜಿತೋ।

ಜಿತತಣ್ಹೋ ಜಿತರಾಗೋ, ಬುದ್ಧಂ ತಂ ಪಣಮಾಮ್ಯಹಂ॥೪೯೮॥

ಜಿತವೇರೋ ಜಿತಸ್ನೇಹೋ, ಜಿತಮಾನೋ ಜಿತಮದೋ।

ಜಿತಾತಙ್ಕೋ ಜಿತಾಪೇಕ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೪೯೯॥

ಸಬ್ಬದಾ ವಿಜಯೀ ವೀರೋ, ಸಬ್ಬಜಿ ಸಮಣುತ್ತಮೋ।

ಖೇಮದಾಯಕೋ ಖೇಮಿನ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೫೦೦॥

ಸಬ್ಬಜಿತೋ ಸಬ್ಬವಸೀ, ಸಬ್ಬವಿಜಯಮಙ್ಗಲೋ।

ಸಬ್ಬಜಯೋ ಸಕ್ಕಸೀಹೋ, ಬುದ್ಧಂ ತಂ ಪಣಮಾಮ್ಯಹಂ॥೫೦೧॥

ದನ್ತಥೀನೋ ದನ್ತಮಿದ್ಧೋ, ದನ್ತಪಮಾದೋ ದನ್ತಿಞ್ಜೋ।

ದನ್ತಾರಮ್ಭೋ ದನ್ತಲೀನೋ, ಬುದ್ಧಂ ತಂ ಪಣಮಾಮ್ಯಹಂ॥೫೦೨॥

ದನ್ತಛಮ್ಭೋ ದನ್ತದರೋ, ದನ್ತಭೀತಿ ದನ್ತಭಯೋ।

ದನ್ತಭೇಸ್ಮೋ ದನ್ತಭೀಮೋ, ಬುದ್ಧಂ ತಂ ಪಣಮಾಮ್ಯಹಂ॥೫೦೩॥

ದೋಹದನ್ತೋ ದೋಸದನ್ತೋ, ದೇಸ್ಸದನ್ತೋ ದನ್ತದಿಸೋ।

ಡಾಹದನ್ತೋ ದಾಹದನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೫೦೪॥

ಸಮ್ಮಾಪಧಾನೋ ವಿಕ್ಕನ್ತೋ, ಮಹಾವಿಕ್ಕಮಮಾನಸೋ।

ಪರಕ್ಕಮೀ ಮಾರಞ್ಜಯೋ, ಬುದ್ಧಂ ತಂ ಪಣಮಾಮ್ಯಹಂ॥೫೦೫॥

ಸಮ್ಮಾಪಧಾನಕುಸಲೋ, ಸಂವುತೋ ಅತಿಸಂಯತೋ।

ಪಾರಮಿತಾಪರಿಪುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೫೦೬॥

ಹಿರೋತ್ತಪ್ಪೀ ಆತಾಪೀ ಚ, ಸುದನ್ತೋ ಅತಿಸಂವುತೋ।

ಸಕ್ಯಸೇಟ್ಠೋ ಸಬ್ಬಜೇಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೫೦೭॥

ದಸಬಲಧಾರೀ ದಳ್ಹೋ, ಧೀರೋ ಅಸಯ್ಹಸಾಹಿನೋ।

ಪುರಿಸಪುಙ್ಗವೋ ಸೂರೋ, ಬುದ್ಧಂ ತಂ ಪಣಮಾಮ್ಯಹಂ॥೫೦೮॥

ದ್ವಿಪದುತ್ತಮೋ ದಮಕೋ, ದನ್ತೋ ದಳ್ಹಪರಕ್ಕಮೋ।

ದೋಸಾಪಗತೋ ದೋಸಞ್ಞೂ, ಬುದ್ಧಂ ತಂ ಪಣಮಾಮ್ಯಹಂ॥೫೦೯॥

ಉಪಕ್ಕಮೀ ಪರಕ್ಕಮೀ, ವಿರಿಯಾರಮ್ಭೋ ವಿಕ್ಕಮೀ।

ಪಾರಮೀ ಪರಿಪೂರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೫೧೦॥

ಪತಾಪೀ ಪಾರಮೀಪ್ಪತ್ತೋ, ಪಧಾನಿಕೋ ಪಗ್ಗಾಹಕೋ।

ಪಾಪೀಮಾರಂ ಪರಾಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೫೧೧॥

ಜವಸತ್ತಿಸುಸಮ್ಪನ್ನೋ, ಸೂರೋ ವಿಕ್ಕಮಸೇಖರೋ।

ಧಿತಿಧಾರಕೋ ಸುಧೀರೋ, ಬುದ್ಧಂ ತಂ ಪಣಮಾಮ್ಯಹಂ॥೫೧೨॥

ವಿಕ್ಕಮೋ ದುರತಿಕ್ಕಮೋ, ಅಕಿಲನ್ತೋ ಪರಕ್ಕಮೋ।

ಅಮತಾಗಧಂ ಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೫೧೩॥

ಸತಿಸಾತಚ್ಚಸಮ್ಪನ್ನೋ, ಸಮ್ಮಪ್ಪಧಾನ ಪಾರಗೂ।

ಅರಿಯದಸ್ಸನದಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೫೧೪॥

ಸಮ್ಮಾವಿರಿಯಸಮ್ಪನ್ನೋ, ಸಮ್ಮಾಪಧಾನಪಾರಗೂ।

ಸಬ್ಬತ್ಥಪ್ಪತ್ತೋ ಸಿದ್ಧತ್ಥೋ, ಬುದ್ಧಂ ತಂ ಪಣಮಾಮ್ಯಹಂ॥೫೧೫॥

ಸೂರೋ ವಿಜಿತಸಙ್ಗಾಮೋ, ವೀರೋ ವಿಜಿತವೇರಿಕೋ।

ಧೀರೋ ಪುರಿಸಧೋರೇಯ್ಯೋ, ಬುದ್ಧಂ ತಂ ಪಣಮಾಮ್ಯಹಂ॥೫೧೬॥

ಪೂರೇಸಿ ಪಾರಮೀ ಸಬ್ಬಾ, ನರಾಸಭೋ ಪರಕ್ಕಮೀ।

ವಿಮುತ್ತಜಾತಿಮರಣೋ, ಬುದ್ಧಂ ತಂ ಪಣಮಾಮ್ಯಹಂ॥೫೧೭॥

ವಿಕ್ಕಮೋ ಚ ಪರಕ್ಕಮೋ, ಪಾಪಕಮ್ಮಂ ಪಹಾಣಕೋ।

ಪಗ್ಗಾಹಕೋ ಉಪಕ್ಕಮೋ, ಬುದ್ಧಂ ತಂ ಪಣಮಾಮ್ಯಹಂ॥೫೧೮॥

ಸಬ್ಬಸತ್ತಹಿತತ್ಥಾಯ, ಪರಿಕ್ಕಾಮೇಸಿ ವಿಕ್ಕಮೀ।

ಮುತ್ತಾಯನಂ ಅನ್ವೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೫೧೯॥

ಭವವಟ್ಟಂ ಸುಅಚ್ಛೇಚ್ಛಿ, ನರಸದ್ದೂಲೋ ನಿದ್ದರೋ।

ಪರಮಿಟ್ಠಂ ಸುಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೫೨೦॥

ಹತಮೋಹೋ ಹತಮಾಯೋ, ಹತಮಕ್ಖೋ ಹತಮದೋ।

ಹತಮಾನೋ ಹತಮಾರೋ, ಬುದ್ಧಂ ತಂ ಪಣಮಾಮ್ಯಹಂ॥೫೨೧॥

ದಮ್ಭಹನ್ತಾ ಗಬ್ಬಹನ್ತಾ, ವಟ್ಟಹನ್ತಾ ಅರಹನ್ತೋ।

ಬೀಜಹನ್ತಾ ಬಾಧಾಹನ್ತಾ, ಬುದ್ಧಂ ತಂ ಪಣಮಾಮ್ಯಹಂ॥೫೨೨॥

ಭವನೇತ್ತಿಂ ಸಮ್ಮಾಹನ್ತಾ, ಸಙ್ಖತಮುತ್ತಮಾನಸೋ।

ಸಬ್ಬಧಿ ಅವಿಜ್ಜಾಹನ್ತಾ, ಬುದ್ಧಂ ತಂ ಪಣಮಾಮ್ಯಹಂ॥೫೨೩॥

ಸಂವುತತ್ತೋ ಸಂಯತತ್ತೋ, ಸಮಿತತ್ತೋ ಸಮಾಹಿತೋ।

ವಿಮುತ್ತತ್ತೋ ವಿರತ್ತತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೫೨೪॥

ಪಾಪಘಚ್ಚೋ ಪುಞ್ಞಘಚ್ಚೋ, ಅಹಂಘಚ್ಚೋ ಘಚ್ಚಮಮೋ।

ಕಙ್ಖಾಘಚ್ಚೋ ಸಙ್ಕಾಘಚ್ಚೋ, ಬುದ್ಧಂ ತಂ ಪಣಮಾಮ್ಯಹಂ॥೫೨೫॥

ಕಪ್ಪಘಚ್ಚೋ ಕಾಲಘಚ್ಚೋ, ಕಿಲೇಸಘಚ್ಚೋ ಸಬ್ಬಥಾ।

ಮೂಲಘಚ್ಚೋ ಸೂಲಘಚ್ಚೋ, ಬುದ್ಧಂ ತಂ ಪಣಮಾಮ್ಯಹಂ॥೫೨೬॥

ಘಚ್ಚಜಾತಿ ಘಚ್ಚಮಚ್ಚು, ಘಚ್ಚಲೋಕೋ ಘಚ್ಚಭವೋ।

ಘಚ್ಚವಿಭವೋ ಘಚ್ಚೋಘೋ, ಬುದ್ಧಂ ತಂ ಪಣಮಾಮ್ಯಹಂ॥೫೨೭॥

ಘಚ್ಚಖೋಭೋ ಘಚ್ಚದುಕ್ಖೋ, ಘಚ್ಚಸಲ್ಲೋ ಘಚ್ಚಖಿಲೋ।

ಘಚ್ಚಾಭಿಮಾನೋ ಘಚ್ಚೇಧೋ, ಬುದ್ಧಂ ತಂ ಪಣಮಾಮ್ಯಹಂ॥೫೨೮॥

ದೋಸಭಞ್ಜೋ ದೋಹಭಞ್ಜೋ, ಕಾಮಭಞ್ಜೋ ಭಞ್ಜತಮೋ।

ದಿಟ್ಠಿಭಞ್ಜೋ ದುಕ್ಖಭಞ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೫೨೯॥

ಭೋಗಭಞ್ಜೋ ಸೋಕಭಞ್ಜೋ, ರೋಗಭಞ್ಜೋ ಭಞ್ಜರಜೋ।

ಸೂಲಭಞ್ಜೋ ಸಲ್ಲಭಞ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೫೩೦॥

ಭಞ್ಜಥೀನೋ ಭಞ್ಜಮಿದ್ಧೋ, ಭಞ್ಜಬನ್ಧೋ ಭಞ್ಜಗ್ಗಲೋ।

ಭಞ್ಜಾರಮ್ಭೋ ಭಞ್ಜಲೀನೋ, ಬುದ್ಧಂ ತಂ ಪಣಮಾಮ್ಯಹಂ॥೫೩೧॥

ಭಞ್ಜಾಸಙ್ಕೋ ಭಞ್ಜಾತಙ್ಕೋ, ಭಞ್ಜಾಸಂಸೋ ಭಞ್ಜುಸ್ಸುಕೋ।

ಭಞ್ಜಾಭಿರತೋ ಭಞ್ಜಿಚ್ಛೋ, ಬುದ್ಧಂ ತಂ ಪಣಮಾಮ್ಯಹಂ॥೫೩೨॥

ಭಞ್ಜಾನುತಾಪೋ ಭಞ್ಜಾಗು, ಭಞ್ಜಙ್ಗಣೋ ಭಞ್ಜಾಸವೋ।

ಮಾನಾಭಿಮಾನವಿಭಞ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೫೩೩॥

ಸಲ್ಲಭಞ್ಜೋ ಸೂಲಭಞ್ಜೋ, ಮೂಲಭಞ್ಜೋ ಭಞ್ಜಮಲೋ।

ಸಬ್ಬಭವಬನ್ಧಭಞ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೫೩೪॥

ಕಪ್ಪಕ್ಖಯೋ ಕಾಲಕ್ಖಯೋ, ಕಿಲೇಸಕ್ಖಯೋ ಸಬ್ಬಥಾ।

ಮೂಲಕ್ಖಯೋ ಸೂಲಕ್ಖಯೋ, ಬುದ್ಧಂ ತಂ ಪಣಮಾಮ್ಯಹಂ॥೫೩೫॥

ದೋಸಕ್ಖಯೋ ದೋಹಕ್ಖಯೋ, ಕಾಮಕ್ಖಯೋ ಖೀಣಮದೋ।

ದಿಟ್ಠಿಕ್ಖಯೋ ದುಕ್ಖಕ್ಖಯೋ, ಬುದ್ಧಂ ತಂ ಪಣಮಾಮ್ಯಹಂ॥೫೩೬॥

ಕೋಧಖೀಣೋ ಕೋಪಖೀಣೋ, ಕ್ಲೇಸಖೀಣೋ ಖೀಣಕುಹೋ।

ವೇರಖೀಣೋ ದೇಸ್ಸಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೫೩೭॥

ಲೋಭಖೀಣೋ ಲೋಲಖೀಣೋ, ರೋಸಖೀಣೋ ಖೀಣರಣೋ।

ಕಿಚ್ಛಾಖೀಣೋ ಇಚ್ಛಾಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೫೩೮॥

ಖೀಣರಾಗೋ ಖೀಣದೋಸೋ, ಖೀಣಮೋಹೋ ಖೀಣಭವೋ।

ಖೀಣಮಾನೋ ಖೀಣಮಕ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೫೩೯॥

ಖೀಣಗೇಧೋ ಖೀಣಲೋಭೋ, ಖೀಣಕಾಮೋ ಚ ಖೀಣಿಞ್ಜೋ।

ಖೀಣಸಾರಮ್ಭೋ ಖೀಣಿನ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೫೪೦॥

ಖೀಣಾಸಯೋ ಖೀಣಬೀಜೋ, ಅವಿರುಳ್ಹಿಛನ್ದೋ ವಸೀ।

ಖೀಣತಣ್ಹೋ ಖೀಣಭಿಜ್ಝೋ, ಬುದ್ಧಂ ತಂ ಪಣಮಾಮ್ಯಹಂ॥೫೪೧॥

ಖಯಾಸಙ್ಕೋ ಖಯಾತಙ್ಕೋ, ಖಯಾಕಙ್ಖೋ ಖಯಙ್ಗಣೋ।

ಖಯಾಪೇಕ್ಖೋ ಖಯಾಭಿಜ್ಝೋ, ಬುದ್ಧಂ ತಂ ಪಣಮಾಮ್ಯಹಂ॥೫೪೨॥

ಖಯತಣ್ಹೋ ಖಯಲೋಭೋ, ಖಯಸಲ್ಲೋ ಖಯಖಿಲೋ।

ಖಯಭೋಗೋ ಖಯರೋಗೋ, ಬುದ್ಧಂ ತಂ ಪಣಮಾಮ್ಯಹಂ॥೫೪೩॥

ಖಯಛಮ್ಭೋ ಖಯದರೋ, ಖಯಭಿಸ್ಮಾ ಖಯಭಯೋ।

ಖಯಸಂಸಯೋ ಖಯಿಞ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೫೪೪॥

ಖಯಸಂಸಟ್ಠೋ ಖಯೋಕೋ, ಖಯಾಗಾರೋ ಖಯಗಹೋ।

ಖಯಸೂಲೋ ಖಯಮೂಲೋ, ಬುದ್ಧಂ ತಂ ಪಣಮಾಮ್ಯಹಂ॥೫೪೫॥

ಅಹಙ್ಖಯೋ ಮಮಙ್ಖಯೋ, ಸಙ್ಖತಕ್ಖಯೋ ಸಬ್ಬಧಿ।

ಸಙ್ಕಿಲೇಸಕ್ಖಯಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೫೪೬॥

ಸುಞ್ಞತಣ್ಹೋ ಸುಞ್ಞರಾಗೋ, ಸುಞ್ಞರಙ್ಗೋ ಸುಞ್ಞರಜೋ।

ಸುಞ್ಞಛನ್ದೋ ಸುಞ್ಞನನ್ದೀ, ಬುದ್ಧಂ ತಂ ಪಣಮಾಮ್ಯಹಂ॥೫೪೭॥

ಸುಞ್ಞರೋಸೋ ಸುಞ್ಞದೋಸೋ, ಸುಞ್ಞದೋಹೋ ಸುಞ್ಞದಹೋ।

ಸುಞ್ಞಸಾಪೋ ಸುಞ್ಞತಾಪೋ, ಬುದ್ಧಂ ತಂ ಪಣಮಾಮ್ಯಹಂ॥೫೪೮॥

ಸುಞ್ಞಕೋಧೋ ಸುಞ್ಞಕೋಪೋ, ಸುಞ್ಞಕ್ಲೇಸೋ ಸುಞ್ಞಕುಹೋ।

ಸುಞ್ಞವೇರೀ ಸುಞ್ಞಸತ್ತು, ಬುದ್ಧಂ ತಂ ಪಣಮಾಮ್ಯಹಂ॥೫೪೯॥

ಸುಞ್ಞಜಾತಿ ಸುಞ್ಞಮಚ್ಚು, ಸುಞ್ಞಲೋಕೋ ಸುಞ್ಞಭವೋ।

ಸುಞ್ಞತಾ’ಭಿರತೋ ಸುಗತೋ, ಬುದ್ಧಂ ತಂ ಪಣಮಾಮ್ಯಹಂ॥೫೫೦॥

ಈತಿಸುಞ್ಞೋ ಭೀತಿಸುಞ್ಞೋ, ಛಮ್ಭಸುಞ್ಞೋ ಸುಞ್ಞಭಯೋ।

ಸಬ್ಬಥಾ ಸಾರಜ್ಜಸುಞ್ಞೋ, ಬುದ್ಧಂ ತಂ ಪಣಮಾಮ್ಯಹಂ॥೫೫೧॥

ಸುಞ್ಞಗನ್ಥೋ ಸುಞ್ಞರಜ್ಜು, ಸಬ್ಬಥಾ ಸುಞ್ಞಬನ್ಧನೋ।

ಸುಞ್ಞದಿಟ್ಠಿ ಸುಞ್ಞನೇತ್ತಿ, ಬುದ್ಧಂ ತಂ ಪಣಮಾಮ್ಯಹಂ॥೫೫೨॥

ಸಲ್ಲಸುಞ್ಞೋ ಸೂಲಸುಞ್ಞೋ, ಮೂಲಸುಞ್ಞೋ ಸುಞ್ಞಮಲೋ।

ಸಬ್ಬಾನುಸಯೇಹಿ ಸುಞ್ಞೋ, ಬುದ್ಧಂ ತಂ ಪಣಮಾಮ್ಯಹಂ॥೫೫೩॥

ಸಬ್ಬಧಿ ಸನ್ತಾಪಸುಞ್ಞೋ, ಸನ್ತಾಸಸುಞ್ಞೋ ಸಬ್ಬಥಾ।

ತಸಸುಞ್ಞೋ ತಾಸಸುಞ್ಞೋ, ಬುದ್ಧಂ ತಂ ಪಣಮಾಮ್ಯಹಂ॥೫೫೪॥

ಆಸಾಸುಞ್ಞೋ ಇಸ್ಸಾಸುಞ್ಞೋ, ಏಜಾಸುಞ್ಞೋ ಸುಞ್ಞಇಣೋ।

ಛನ್ದಸುಞ್ಞೋ ಬನ್ಧಸುಞ್ಞೋ, ಬುದ್ಧಂ ತಂ ಪಣಮಾಮ್ಯಹಂ॥೫೫೫॥

ಪಾಪಸುಞ್ಞೋ ಪುಞ್ಞಸುಞ್ಞೋ, ಅಹಂಸುಞ್ಞೋ ಸುಞ್ಞಮಮೋ।

ಕಙ್ಖಾಸುಞ್ಞೋ ಸಙ್ಕಾಸುಞ್ಞೋ, ಬುದ್ಧಂ ತಂ ಪಣಮಾಮ್ಯಹಂ॥೫೫೬॥

ಸಬ್ಬಕಮ್ಮಜಹೋ ಚಾಗೀ, ಚತ್ತಾಭಿಲಾಸೋ ಸಬ್ಬಧಿ।

ಸಬ್ಬಥಾ ಚತ್ತಸಂಸಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೫೫೭॥

ದೋಸಚಾಗೀ ದೋಹಚಾಗೀ, ಕುಜ್ಝನಚಾಗೀ ಚತ್ತಿನ್ಧೋ।

ಕೋಧಚಾಗೀ ಕೋಪಚಾಗೀ, ಬುದ್ಧಂ ತಂ ಪಣಮಾಮ್ಯಹಂ॥೫೫೮॥

ಸಬ್ಬರಾಜಭೋಗಚಾಗೀ, ಮಹಾಓಘಮುಮ್ಮುಜ್ಜಕೋ।

ಪರಮತ್ಥಧಮ್ಮದಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೫೫೯॥

ಚತ್ತಕಾಮೋ ಚತ್ತಕ್ಲೇಸೋ, ಚತ್ತಾಸತ್ತೋ ಚತ್ತಾಸವೋ।

ಚತ್ತಪಾಪೋ ಚತ್ತುತ್ತಾಪೋ, ಬುದ್ಧಂ ತಂ ಪಣಮಾಮ್ಯಹಂ॥೫೬೦॥

ಈತಿಚುತೋ ಭೀತಿಚುತೋ, ಛಮ್ಭಚುತೋ ಚುತ್ತಭಯೋ।

ಡಾಹಚುತೋ ದಾಹಚುತೋ, ಬುದ್ಧಂ ತಂ ಪಣಮಾಮ್ಯಹಂ॥೫೬೧॥

ಸಬ್ಬಚತ್ತೋ ಸಬ್ಬಚಜೋ, ಸಬ್ಬಚಾಗೀ ಸಬ್ಬಚ್ಚಗೋ।

ಸಬ್ಬರಿತ್ತೋ ಸಬ್ಬಞ್ಜಹೋ, ಬುದ್ಧಂ ತಂ ಪಣಮಾಮ್ಯಹಂ॥೫೬೨॥

ಅನಾಸಙ್ಕೋ ಅನಾತಙ್ಕೋ, ಅನಾಕಙ್ಖೋ ಅನಙ್ಗಣೋ।

ಸದಾ ಅಸಙ್ಗಚೇತಸೋ, ಬುದ್ಧಂ ತಂ ಪಣಮಾಮ್ಯಹಂ॥೫೬೩॥

ಅನುಸೂಯೋ ಅನಾಸಂಸೋ, ಅನಾಸೋ ಚ ಅನುಸ್ಸುಕೋ।

ಅನಾಸವೋ ಅನಪೇಕ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೫೬೪॥

ಆಕಾಸೋ ವಿಯ ಪಞ್ಞಾಯ, ಅಲಿತ್ತೋ ಅನಿಲೋ ಯಥಾ।

ಅನಿಸ್ಸಿತೋ ವಿಹಾಸಿ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೫೬೫॥

ಆರದ್ಧವಿರಿಯೋ ಆತಾಪೀ, ಉಯ್ಯುಜ್ಜನ್ತೋ ಪಧಾನಿಕೋ।

ಅಕುಸೀತೋ ಅನಲಸೋ, ಬುದ್ಧಂ ತಂ ಪಣಮಾಮ್ಯಹಂ॥೫೬೬॥

ಅನುಪಮೋ ಸತ್ಥಾ ಜೇಟ್ಠೋ, ಸಬ್ಬಸೇಟ್ಠೋ ಓವಾದಕೋ।

ಅರಿಯಧಮ್ಮಂ ಅಞ್ಞಾಸಿ, ಬುದ್ಧಂ ತಂ ಪಣಮಾಮ್ಯಹಂ॥೫೬೭॥

ಅಮತೇನ ಅತಪ್ಪಿ ಲೋಕಂ, ಧಮ್ಮಮೇಘಪವಸ್ಸಕೋ।

ಅಸ್ಸಾಸೇಸಿ ಯಥಾ ಚನ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೫೬೮॥

ಅವಿಕಮ್ಪೀ ಅನಭೀತೋ, ಅಸನ್ತಾಸೀ ಅನಾತುರೋ।

ಅಭೀರುಕೋ ಯೋ ಅಚ್ಛಮ್ಭೀ, ಬುದ್ಧಂ ತಂ ಪಣಮಾಮ್ಯಹಂ॥೫೬೯॥

ಅಮಚ್ಛರೀ ಅಮಾಯಾವೀ, ಅಜೇಗುಚ್ಛೋ ಅನಿಟ್ಠುರೋ।

ಅಪ್ಪದುಟ್ಠೋ ಅಕುಟಿಲೋ, ಬುದ್ಧಂ ತಂ ಪಣಮಾಮ್ಯಹಂ॥೫೭೦॥

ಅನಭಿಜ್ಝೋ ಅಪಿಹಾಲು, ಅಕುಹಕೋ ಅಲೋಲುಪೋ।

ಅನುಪವಜ್ಜೋ ಅಮತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೫೭೧॥

ಅಪ್ಪಗಬ್ಭೋ ಅಪ್ಪಟಿಘೋ, ಅಪ್ಪಾವಿಲೋ ಅಮುಚ್ಛಿತೋ।

ಅಪೇಸುಣಿಕೋ ಅದೋಸೋ, ಬುದ್ಧಂ ತಂ ಪಣಮಾಮ್ಯಹಂ॥೫೭೨॥

ಅಕೋಪೋ ಚಾಪಿ ಅದುಟ್ಠೋ, ವೀತುಸ್ಸುಕೋ ಅದೂಸಕೋ।

ವೀತಕೋಪೋ ವೀತಕುಹೋ, ಬುದ್ಧಂ ತಂ ಪಣಮಾಮ್ಯಹಂ॥೫೭೩॥

ಅಕಮ್ಪಿತೋ ಅಕಮ್ಪಕೋ, ಅವೇರೋ ಅಕುತೋಭಯೋ।

ಸಬ್ಬದಾ ಛಮ್ಭರಹಿತೋ, ಬುದ್ಧಂ ತಂ ಪಣಮಾಮ್ಯಹಂ॥೫೭೪॥

ಅನತಿಮಾನೀ ಅಖಿಲೋ, ಅಕುಪ್ಪನೋ ಅಕುಜ್ಝನೋ।

ಅನಭಿಸಜ್ಜೋ ಅಕ್ಕೋಧೋ, ಬುದ್ಧಂ ತಂ ಪಣಮಾಮ್ಯಹಂ॥೫೭೫॥

ಅಕಕ್ಕಸೋ ಚ ಅಕ್ಕೋಪೋ, ಅಕಟುಕೋ ಅಕೂಟಕೋ।

ಅಪ್ಪದೇಸ್ಸೋ ಅನುನ್ನಲೋ, ಬುದ್ಧಂ ತಂ ಪಣಮಾಮ್ಯಹಂ॥೫೭೬॥

ಅನಪೇಕ್ಖೀ ಅನುಪಯೋ, ಅನಾಸಙ್ಗೋ ಅನಾವಿಲೋ।

ಅನಲಿತ್ತೋ ಅನಾಲಮ್ಬೋ, ಬುದ್ಧಂ ತಂ ಪಣಮಾಮ್ಯಹಂ॥೫೭೭॥

ಅಗ್ಗಮಹತ್ತತ್ತೋ ಮುನಿ, ಅಭಿನಿಬ್ಬುತ್ತತ್ತೋ ಯತೀ।

ವಿಸುದ್ಧೋ ಅಭಿಸಮ್ಬುದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೫೭೮॥

ಅಬ್ಬೂಳ್ಹಸಲ್ಲೋ ಅರಜೋ, ಅಕ್ಖದಕ್ಖೀ ಅನಾಸವೋ।

ಅನೋಮದಕ್ಖೀ ಅನಣೋ, ಬುದ್ಧಂ ತಂ ಪಣಮಾಮ್ಯಹಂ॥೫೭೯॥

ಅತ್ಥಪತಿಟ್ಠೋ ಅತ್ಥಗೂ, ಅನಪ್ಪಅತ್ಥಪಾರಗೂ।

ಅಚ್ಚನ್ತೋ ಅತ್ಥಕುಸಲೋ, ಬುದ್ಧಂ ತಂ ಪಣಮಾಮ್ಯಹಂ॥೫೮೦॥

ಅರಿಯದ್ಧಾನಂ ಸಮ್ಪತ್ತೋ, ಅತ್ಥತ್ತೋ ಅತ್ಥಪಣ್ಡಿತೋ।

ಮೋಚೇಸಿ ಬನ್ಧನಾಸತ್ತೇ, ಬುದ್ಧಂ ತಂ ಪಣಮಾಮ್ಯಹಂ॥೫೮೧॥

ಅಸಜ್ಜಮಾನಸೋ ಅಲೀನೋ, ಸದಾ ಅಸಙ್ಗಮಾನಸೋ।

ಅಪ್ಪಮಾದರತೋ ನಾಥೋ, ಬುದ್ಧಂ ತಂ ಪಣಮಾಮ್ಯಹಂ॥೫೮೨॥

ಅಸಙ್ಗಚಿತ್ತೋ ಅಕ್ಲೇಸೋ, ಆಸಾ ಯಸ್ಸ ನ ವಿಜ್ಜತಿ।

ಅಸಙ್ಕಿಲಿಟ್ಠೋ ಅಕ್ಕುಹೋ, ಬುದ್ಧಂ ತಂ ಪಣಮಾಮ್ಯಹಂ॥೫೮೩॥

ಉಪೇಕ್ಖಚಿತ್ತೋ ಅಚಲೋ, ಉಪಾದಾನಕ್ಖಯೋ ಉಜೂ।

ಅಭಿನಿಬ್ಬಿದೋ ಅಪ್ಪಿಞ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೫೮೪॥

ಅಭಿಞ್ಞಾಪಾರಮೀಪತ್ತೋ, ಅಭಿಪಞ್ಞೋ ಅಭಿಗತೋ।

ಅನುಪಾದಾ ವಿಮುತ್ತೋ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೫೮೫॥

ಅವಿರುದ್ಧೋ ಅಸಾರತ್ತೋ, ಸನ್ತಿಲದ್ಧೋ ಅನಪ್ಪಕೋ।

ಅಮಿತಅಮತಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೫೮೬॥

ಆಕಙ್ಖಿಞ್ಜಾರಿತ್ತೋ, ಅನುಪಾದಾನೋ ಉತ್ತಮೋ।

ಅಪ್ಪನೇಹೋ ಚ ಅಪ್ಪಿಹೋ, ಬುದ್ಧಂ ತಂ ಪಣಮಾಮ್ಯಹಂ॥೫೮೭॥

ಅತಿಸೀಲೋ ಅತಿಸನ್ತೋ, ಅತಿವಿಞ್ಞೂ ಅರಹತೋ।

ಅಗ್ಗತ್ಥಪತ್ತೋ ಅಗ್ಗತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೫೮೮॥

ಅಧಿಸೀಲೋ ಅಧಿಚಿತ್ತೋ, ಅಧಿಪಞ್ಞೋ ಅಧಿಗತೋ।

ಅಪಲೋಕಿತದಸ್ಸಾವೀ, ಬುದ್ಧಂ ತಂ ಪಣಮಾಮ್ಯಹಂ॥೫೮೯॥

ಅತ್ತದೀಪೋ ಅತ್ತಸರಣೋ, ಅತ್ತನಾಥೋ ಅಧಿವರೋ।

ಅಚ್ಚನ್ತುತ್ತಮೋ ಅಗ್ಗಭೂ, ಬುದ್ಧಂ ತಂ ಪಣಮಾಮ್ಯಹಂ॥೫೯೦॥

ಅನಭಿಕಙ್ಖೋ ಅನಿಚ್ಛೋ, ಅರಾಗೋ ಅನಪೇಕ್ಖಕೋ।

ಅನನುಗಿದ್ಧೋ ಅಲೋಭೋ, ಬುದ್ಧಂ ತಂ ಪಣಮಾಮ್ಯಹಂ॥೫೯೧॥

ಅನಭಿಲಾಸೋ ಅನೇಧೋ, ಅವಿರುಳ್ಹಿತಣ್ಹೋ ಇಸಿ।

ಉಚ್ಛಿನ್ನರಾಗೋ ಅಲಗ್ಗೋ, ಬುದ್ಧಂ ತಂ ಪಣಮಾಮ್ಯಹಂ॥೫೯೨॥

ನಟ್ಠರಾಗೋ ನಟ್ಠದೋಸೋ, ನಟ್ಠಮೋಹೋ ನಟ್ಠಮದೋ।

ನಟ್ಠಕೋಧೋ ನಟ್ಠಕೋಪೋ, ಬುದ್ಧಂ ತಂ ಪಣಮಾಮ್ಯಹಂ॥೫೯೩॥

ವಿನಟ್ಠಿಞ್ಜೋ ವಿನಟ್ಠಿನ್ಧೋ, ವಿನಟ್ಠಿಚ್ಛೋ ವಿನಟ್ಠಿಣೋ।

ವಿನಟ್ಠಾಸಾ ವಿನಟ್ಠಿಸ್ಸಾ, ಬುದ್ಧಂ ತಂ ಪಣಮಾಮ್ಯಹಂ॥೫೯೪॥

ನಟ್ಠಕಙ್ಖಾ ನಟ್ಠಸಙ್ಕಾ, ನಟ್ಠಭನ್ತಿ ನಟ್ಠಭಮೋ।

ನಟ್ಠಮಾಯಾ, ನಟ್ಠಾವಿಜ್ಜಾ, ಬುದ್ಧಂ ತಂ ಪಣಮಾಮ್ಯಹಂ॥೫೯೫॥

ಅಮಾಯೋ ಅಪರಿಚ್ಛಿನ್ನೋ, ಉಜುಕೋ ಅತಿವಿಸ್ಸುತೋ।

ಅನೋಮಚಿತ್ತೋ ಅನೇಳೋ, ಬುದ್ಧಂ ತಂ ಪಣಮಾಮ್ಯಹಂ॥೫೯೬॥

ಅತ್ಥಪಸ್ಸೀ ಅತ್ಥಚರೋ, ಅತ್ಥಕ್ಖಾಯೀ ಅತ್ಥಕರೋ।

ಅತ್ಥಕಾಮೋ ಅತ್ತಮನೋ, ಬುದ್ಧಂ ತಂ ಪಣಮಾಮ್ಯಹಂ॥೫೯೭॥

ಅಬ್ಭುತೋ ಚ ಅಚ್ಛರಿಯೋ, ಚಿತ್ತಕಥೀ ಓವಾದಕೋ!

ಅಗ್ಗಮಗ್ಗಂ ಸುಅಕ್ಖಾಸಿ, ಬುದ್ಧಂ ತಂ ಪಣಮಾಮ್ಯಹಂ॥೫೯೮॥

ಅಕಲಙ್ಕೋ ಅಕಲುಸೋ, ಅಕಸಾವೋ ಅಪಣ್ಣಕೋ।

ಅಕುಕ್ಕುಚ್ಚೋ ಚ ಅಕಙ್ಖೀ, ಬುದ್ಧಂ ತಂ ಪಣಮಾಮ್ಯಹಂ॥೫೯೯॥

ಸಬ್ಬಸೋ ವಿಜಯೋ ಸೂರೋ, ಅಭಯೋ ಅಭಯಪ್ಪದೋ।

ಅನಾಕುಲೋ ಅಪ್ಪಭೀತೋ, ಬುದ್ಧಂ ತಂ ಪಣಮಾಮ್ಯಹಂ॥೬೦೦॥

ಉಪೇಕ್ಖಕೋ ಉಪಸನ್ತೋ, ಅನುಸಯರಿತ್ತೋ ಇಸಿ।

ಅಪ್ಪಟಿಬದ್ಧೋ ಅಬದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೬೦೧॥

ಅತ್ಥಚಾರೀ ಅತ್ಥಕಾರೀ, ಅತ್ಥಸಾರೀ ಅತ್ಥರತೋ।

ಅತ್ಥಞಾಣೀ ಅತ್ಥಭಾಣೀ, ಬುದ್ಧಂ ತಂ ಪಣಮಾಮ್ಯಹಂ॥೬೦೨॥

ಅನಧಿವರೋ ಅಸೋಕೋ, ಉಸಭೋ ಇಸಿಪುಙ್ಗವೋ।

ಅನೋಮನಾಮೋ ಅನೋಮೋ, ಬುದ್ಧಂ ತಂ ಪಣಮಾಮ್ಯಹಂ॥೬೦೩॥

ಅನವಸ್ಸುತಹದಯೋ, ಅನನ್ವಾಹತಚೇತಸೋ।

ಅನಭಿರತೋ ಅನಿಞ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೬೦೪॥

ಅಪ್ಪಾಸಙ್ಕೋ ಅಪ್ಪಾತಙ್ಕೋ, ಅಪ್ಪಾಕಙ್ಖೋ ಅಪ್ಪಙ್ಗಣೋ।

ಅಪ್ಪಲೋಲೋ ಅಪ್ಪಕಮ್ಪೀ, ಬುದ್ಧಂ ತಂ ಪಣಮಾಮ್ಯಹಂ॥೬೦೫॥

ಅತ್ಥವಿಞ್ಞೂ ಅತ್ಥವಿದೂ, ಅತ್ಥಕುಸಲೋ ಅತ್ಥವಾ।

ಕುಸಲತ್ಥಮನುಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೦೬॥

ಅವಿಚಲಿತೋ ಅಕುಪ್ಪೋ, ಕೇಸರೀ’ವ ಅಛಮ್ಭಿತೋ।

ಅವಿಕಮ್ಪಿತೋ ಅಬ್ಭಯೋ, ಬುದ್ಧಂ ತಂ ಪಣಮಾಮ್ಯಹಂ॥೬೦೭॥

ಅಕಿಞ್ಚನೋ ಅನಾದಾನೋ, ಅಮತಞ್ಞೂ ಅಮತೋಗಧೋ।

ಅಗ್ಗಫಲಮನುಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೦೮॥

ಅಮಿತಅನುಗ್ಗಹಂ ಕತ್ವಾ, ಅಕಾಲಿಕಧಮ್ಮದದೋ।

ಅಚ್ಚನ್ತುಪಕಾರೀ ನಾಥೋ, ಬುದ್ಧಂ ತಂ ಪಣಮಾಮ್ಯಹಂ॥೬೦೯॥

ಅನುಪಲಿತ್ತೋ ಲೋಕೇನ, ತೋಯೇನ ಪದುಮಂ ಯಥಾ।

ನಿಸ್ಸಙ್ಗಚಿತ್ತೋ ನಿಸ್ಸತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೧೦॥

ಅಬ್ಬೂಳ್ಹೇಸಿಕೋ ಇಸಿ, ಉಕ್ಖಿತ್ತಪಲಿಘೋ ಉಜೂ।

ಅನುದ್ಧತೋ ಅತನ್ದಿತೋ, ಬುದ್ಧಂ ತಂ ಪಣಮಾಮ್ಯಹಂ॥೬೧೧॥

ಅಗಿದ್ಧೋ ಅಲಿತ್ತಚಿತ್ತೋ, ಆದೀನವವಿದಾಲಕೋ।

ಪಕತತ್ತೋ ಪಹಿತತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೧೨॥

ಅಗ್ಗಪುಞ್ಞೋ ಅಗ್ಗವಿಞ್ಞೂ, ಅಗ್ಗೀಸಿ ಅಗ್ಗಸೇಖರೋ।

ಅಗ್ಗಮಗ್ಗಮನುಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೧೩॥

ಅಗ್ಗಗೋಚರೋ ಅಗ್ಗಗೂ, ಅಗ್ಗತ್ಥೋ ಅಗ್ಗದೇಸಕೋ।

ಅಗ್ಗಞಾಣೀ ಅಗ್ಗಭಾಣೀ, ಬುದ್ಧಂ ತಂ ಪಣಮಾಮ್ಯಹಂ॥೬೧೪॥

ಅಗ್ಗಪಞ್ಞೋ ಅಗ್ಗಟ್ಠಿತೋ, ಅಗ್ಗಸಿದ್ಧೋ ಅಗ್ಗಯತೀ।

ಅಗ್ಗಭೂತೋ ಅಗ್ಗಪತಿ, ಬುದ್ಧಂ ತಂ ಪಣಮಾಮ್ಯಹಂ॥೬೧೫॥

ಅಗ್ಗಸಮಣೋ ಲೋಕಗ್ಗೋ, ಪಞ್ಞಗ್ಗೋ ಅಗ್ಗಮಗ್ಗಗೂ।

ಅಗ್ಗಧಮ್ಮಂ ಉಗ್ಘಾಟೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೧೬॥

ಅಗ್ಗಧಮ್ಮಮನುಪ್ಪತ್ತೋ, ಅಗ್ಗಧಮ್ಮಪ್ಪಕಾಸಕೋ।

ಅಪಾಯದುಕ್ಖಂ ನಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೧೭॥

ಅಗ್ಗಪುಗ್ಗಲೋ ಅಗ್ಗಗ್ಗೋ, ಞಾಣಗ್ಗೋ ಞಾಣಪುಙ್ಗವೋ।

ಧಮ್ಮಪುಗ್ಗಲೋ ಧಮ್ಮಗ್ಗೋ, ಬುದ್ಧಂ ತಂ ಪಣಮಾಮ್ಯಹಂ॥೬೧೮॥

ಅಗ್ಗಪಸ್ಸೀ ಅಗ್ಗದಸ್ಸೀ, ಅಗ್ಗಪನ್ಥಪಕಾಸಕೋ।

ಅಗ್ಗೇಸೀ ಅಗ್ಗದಸ್ಸಾವೀ, ಬುದ್ಧಂ ತಂ ಪಣಮಾಮ್ಯಹಂ॥೬೧೯॥

ಅನನ್ತಝಾನೀ ಝಾನಿನ್ದೋ, ಅನನ್ತಪಞ್ಞವಾರಿಧೀ।

ಅನನ್ತಮೇಧಾಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೬೨೦॥

ಅನನ್ತವಿಜ್ಜಾವಾರಿಧಿ, ಅನನ್ತಪಞ್ಞಾಸಾಗರೋ।

ಅನನ್ತಕರುಣಾಸಿನ್ಧು, ಬುದ್ಧಂ ತಂ ಪಣಮಾಮ್ಯಹಂ॥೬೨೧॥

ಸಬ್ಬುತ್ತಮೋ ಸತ್ತುತ್ತಮೋ, ಸುಮನೋ ಸಮಣುತ್ತಮೋ।

ಜನುತ್ತಮೋ ಜಿನುತ್ತಮೋ, ಬುದ್ಧಂ ತಂ ಪಣಮಾಮ್ಯಹಂ॥೬೨೨॥

ಕಲ್ಯಾಣಮಿತ್ತೋ ಕಲ್ಯಾಣೋ, ಮಙ್ಗಲಮಿತ್ತೋ ಮಙ್ಗಲೋ।

ಧಮ್ಮಮಿತ್ತೋ ಧಮ್ಮದದೋ, ಬುದ್ಧಂ ತಂ ಪಣಮಾಮ್ಯಹಂ॥೬೨೩॥

ಧಮ್ಮಿಟ್ಠೋ ಚಾಪಿ ಧಮ್ಮಟ್ಠೋ, ಪಞ್ಞಿಟ್ಠೋ ಚಾಪಿ ಪಞ್ಞಟ್ಠೋ।

ಸುದ್ಧಿಟ್ಠೋ ಚಾಪಿ ಸುದ್ಧಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೬೨೪॥

ಕಾಯಾಸಕ್ಖೀ ಚಿತ್ತಸಕ್ಖೀ, ಧಮ್ಮಸಕ್ಖೀ ಸಕ್ಖೀವರೋ।

ವೇದನಾಸಕ್ಖೀ ಸುಸಕ್ಖೀ, ಬುದ್ಧಂ ತಂ ಪಣಮಾಮ್ಯಹಂ॥೬೨೫॥

ಸೀಘಪಞ್ಞೋ ಸುನಿಪುಣೋ, ಸನ್ತಿಪತ್ತೋ ಸುಖಾಧಿಪೋ।

ಕಲ್ಯಾಣಕಾರೀ ಕುಸಲೋ, ಬುದ್ಧಂ ತಂ ಪಣಮಾಮ್ಯಹಂ॥೬೨೬॥

ಸುಸೀಲಗ್ಗೋ ಸುಚಿತ್ತಗ್ಗೋ, ಸುಪಞ್ಞಗ್ಗೋ ಸುಸೋಭಿತೋ।

ಅಗ್ಗಮತ್ಥಮನುಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೨೭॥

ಉಪರಿಟ್ಠೋ ಉಜ್ಜುಗತೋ, ಉಕ್ಕಟ್ಠೋ ಅಮತಾವಹೋ।

ಅಪ್ಪದಮ್ಭೋ ಅಪ್ಪಗಬ್ಬೋ, ಬುದ್ಧಂ ತಂ ಪಣಮಾಮ್ಯಹಂ॥೬೨೮॥

ಅಪ್ಪಸೋಕೋ ಅಪ್ಪರೋಗೋ, ಅಪ್ಪಭೀತಿ ಅಪ್ಪಭಯೋ।

ಅಪ್ಪಪಾಪೋ ಅಪ್ಪತಾಪೋ, ಬುದ್ಧಂ ತಂ ಪಣಮಾಮ್ಯಹಂ॥೬೨೯॥

ಅಪ್ಪರೋಸೋ ಅಪ್ಪದೋಸೋ, ಅಪ್ಪದೋಹೋ ಅಪ್ಪಿನ್ಧನೋ।

ಅಪ್ಪಾಭಿಸಜ್ಜೋ ಅಪ್ಪೀಘೋ, ಬುದ್ಧಂ ತಂ ಪಣಮಾಮ್ಯಹಂ॥೬೩೦॥

ಅಚ್ಚನ್ತಕರುಣಾಕಾರೀ, ಅಚ್ಚನ್ತಮೇತ್ತಚೇತಸೋ।

ಅಚ್ಚನ್ತಮುದಿತೋ ಸನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೩೧॥

ಏಕಪ್ಪತ್ತೋ ಏಕನಾಥೋ, ಏಕೋ ಅಪ್ಪಟಿಪುಗ್ಗಲೋ।

ಏಕೋವ ಸಬ್ಬಲೋಕಸ್ಮಿಂ, ಬುದ್ಧಂ ತಂ ಪಣಮಾಮ್ಯಹಂ॥೬೩೨॥

ಅತುಲಿಯೋ ಅತಿತುಲೋ, ಅದುತಿಯೋ ಅನುತ್ತರೋ।

ಅಪ್ಪಮೇಯ್ಯೋ ಅಪ್ಪಟಿಮೋ, ಬುದ್ಧಂ ತಂ ಪಣಮಾಮ್ಯಹಂ॥೬೩೩॥

ಅತುಲದಸ್ಸೀ ಅತುಲೋ, ಅಸರಿಕ್ಖೋ ಅನುಪಮೋ।

ಅಸಮೋ ಯೋ ಅಸದಿಸೋ, ಬುದ್ಧಂ ತಂ ಪಣಮಾಮ್ಯಹಂ॥೬೩೪॥

ಅಮಿತೋ ಅಪರಿಮಿತೋ, ಅಮಿತಞಾಣಸಾಗರೋ।

ಅಪರಿತ್ತೋ ಅಪ್ಪಮಾಣೋ, ಬುದ್ಧಂ ತಂ ಪಣಮಾಮ್ಯಹಂ॥೬೩೫॥

ಅಸೀಮೋ ಅಸಮಸಮೋ, ಅತುಲ್ಯೋ ಅಮಿತಗುಣೋ।

ಅನುಪಮೇಯ್ಯೋ ಅಗಾಧೋ, ಬುದ್ಧಂ ತಂ ಪಣಮಾಮ್ಯಹಂ॥೬೩೬॥

ನಿಪ್ಪರಿಚ್ಛಿನ್ನೋ ನಿಸ್ಸೀಮೋ, ನಪ್ಪಮಞ್ಞೋ ಜಿನವರೋ।

ನಪ್ಪಮಾಣೋ ನಿರುಪಮೋ, ಬುದ್ಧಂ ತಂ ಪಣಮಾಮ್ಯಹಂ॥೬೩೭॥

ನತ್ಥಿ ಅಞ್ಞೋ ಏತಾದಿಸೋ, ನಿಪಕೋ ಏಕಪುಗ್ಗಲೋ।

ಏಕನ್ತಸುಖಸಂವೇದೀ, ಬುದ್ಧಂ ತಂ ಪಣಮಾಮ್ಯಹಂ॥೬೩೮॥

ಅಗ್ಗವಸಭೋ ಅಸಮೋ, ಅಸಮಪಟಿಪುಗ್ಗಲೋ।

ಏಕಕೋ ಏಕಪುರಿಸೋ, ಬುದ್ಧಂ ತಂ ಪಣಮಾಮ್ಯಹಂ॥೬೩೯॥

ಸಬ್ಬತ್ಥ ಆಸತ್ತಿಸುಞ್ಞೋ, ಸಬ್ಬಥಾಮುತ್ತಮಾನಸೋ।

ಸಬ್ಬದಾ ಏಕಸದಿಸೋ, ಬುದ್ಧಂ ತಂ ಪಣಮಾಮ್ಯಹಂ॥೬೪೦॥

ಪಾಪಸೂಲಂ ವಿಭಞ್ಜೇಸಿ, ಪಾಪಮೂಲಸ್ಸ ಛೇದಕೋ।

ಪಾಪರಜ್ಜುಂ ವಿಕನ್ತೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೪೧॥

ಪಾಪನೇತ್ತಿಂ ನಿಜ್ಜರೇಸಿ, ಪಾಪಕಮ್ಮವಿನಾಸಕೋ।

ಸಬ್ಬಪಾಪಪರಿಕ್ಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೬೪೨॥

ಸಮೂಲಂ ಖಣಿತೋ ಪಾಪಂ, ಪಾಪವಾರಿಧಿಪಾರಗೂ।

ಪಾಪಗನ್ಥಿಂ ವಿಮೋಚೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೪೩॥

ಪಾಪಚಕ್ಕಂ ವಿಚುಣ್ಣೇತ್ವಾ, ಧಮ್ಮಚಕ್ಕಂ ಪವತ್ತಯೀ।

ಬಹೂಜನೇ ಉದ್ಧಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೪೪॥

ನಿಜ್ಜರೇಸಿ ಪಾಪಕಮ್ಮಂ, ಮಹಾಪಾಪೋಘಪಾರಗೂ।

ಸಬ್ಬಪಾಪವೀತಿವತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೪೫॥

ಸಬ್ಬಪಾಪಮತಿಕ್ಕನ್ತೋ, ಸಬ್ಬಪಾಪಸಮೂಹತೋ।

ಸಬ್ಬಪಾಪಸಮುಚ್ಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೬೪೬॥

ಪಾಪಸೋತಂ ವಿಸೋಸೇಸಿ, ಪಾಪತಾಪಪನೂದನೋ।

ಪಾಪಛನ್ದಂ ವಿಚ್ಛಿನ್ದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೪೭॥

ಪಾಪತಾಸವಿನಿಮುತ್ತೋ, ಪಾಪಪಾವಕನಿಬ್ಬುತೋ।

ಪಾಪಬನ್ಧಂ ವಿಮೋಚೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೪೮॥

ಪಾಪಸಲ್ಲಂ ವಿಚುಣ್ಣೇಸಿ, ಪಾಪಚಕ್ಕವಿದಾಲಕೋ।

ಪಾಪರೋಗಸೋಕಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೬೪೯॥

ಪಾಪಮೋಹಪರಿಮುತ್ತೋ, ಪಾಪಸಂತಾಸನಾಸಕೋ।

ಪಾಪಖೋಭಂ ವಿಕ್ಖಮ್ಭೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೫೦॥

ಕಣ್ಹಕಲುಸಂ ಧೋಪೇಸಿ, ಪಾಪಮಲಪಕ್ಖಾಲಕೋ।

ಸಬ್ಬಕ್ಲೇಸಂ ವೋದಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೫೧॥

ಪಾಪಪರಿಳಾಹಮುತ್ತೋ, ವಿಮುತ್ತಪಾಪತಸ್ಸನಾ।

ಪಾಪಸನ್ತಾಪವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೫೨॥

ಪಾಪಉಪಧಿಮುಚ್ಛಿನ್ನೋ, ಪಾಪಪಲಿಘಭಗ್ಗವಾ।

ಪಾಪಧೇಯ್ಯವೀತಿವತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೫೩॥

ಪಾಪಪುಞ್ಞಪನೂದಕೋ, ಭವಬನ್ಧನಭಞ್ಜಕೋ।

ಪಾಪಕಣ್ಟಕಕನ್ತಕೋ, ಬುದ್ಧಂ ತಂ ಪಣಮಾಮ್ಯಹಂ॥೬೫೪॥

ಸಬ್ಬಪಾಪಂ ಪದಾಲೇಸಿ, ಸಬ್ಬಪಾಪಂ ಪರಿಚ್ಚಜೀ।

ಸಬ್ಬಪಾಪೇಹಿ ನಿಸ್ಸಟೋ, ಬುದ್ಧಂ ತಂ ಪಣಮಾಮ್ಯಹಂ॥೬೫೫॥

ಸಬ್ಬಪಾಪಂ ಪವಾಹೇಸಿ, ಸಬ್ಬಪಾಪಜಿಗುಚ್ಛಕೋ।

ಸಬ್ಬಪಾಪೇಹಿ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೫೬॥

ಸಬ್ಬಪಾಪಂ ವಿರಜ್ಜೇಸಿ, ಸಬ್ಬಪಾಪನಿದ್ಧೋತಕೋ।

ಸಬ್ಬಪಾಪಂ ನಿದ್ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೫೭॥

ಪಾಪಣ್ಣವಸಮುತ್ತಿಣ್ಣೋ, ಛಿನ್ನಭವಸಂಯೋಜನೋ।

ಪುನಬ್ಭವಪರಿಕ್ಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೬೫೮॥

ಪಾಪಪಙ್ಕಂ ಪಕ್ಖಾಲೇಸಿ, ಧಮ್ಮಸೋತಪವಾಹಕೋ।

ಸದ್ಧಮ್ಮಂ ಪತಿಟ್ಠಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೫೯॥

ಪಾಪುತ್ತಾಪಂ ಸಮುಚ್ಛಿನ್ನೋ, ಮೋಹುತ್ತಾಪಂ ಸೀತಿಕರೋ।

ಸಬ್ಬುತ್ತಾಪಂ ನಿಬ್ಬಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೬೦॥

ಪಾಪಹಾರೀ ತಾಪಹಾರೀ, ಸುಖಕಾರೀ ಖೇಮಙ್ಕರೋ।

ಮೇತ್ತಾವಿಹಾರೀ ಮಾರಾರೀ, ಬುದ್ಧಂ ತಂ ಪಣಮಾಮ್ಯಹಂ॥೬೬೧॥

ಸಂಯೋಜನಪರಿಕ್ಖೀಣೋ, ಪಾಪತಾಪವಿದ್ಧಂಸಕೋ।

ಅನ್ತಿಮಭವಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೬೨॥

ಪಟಿಪದಾಪಟಿಪನ್ನೋ, ದುಕ್ಖದಾಹಪನೂದನೋ।

ಪಾಪತಾಪಪರಿಕ್ಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೬೬೩॥

ಪುಞ್ಞಪಾಪಪರಿಕ್ಖೀಣೋ, ಸೋಕಸಲ್ಲವಿನೋದನೋ।

ಪಧಾನಪಹಿತತ್ತೋ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೬೬೪॥

ಚಕ್ಖುಮಾ ಸಬ್ಬಧಮ್ಮೇಸು, ಸಬ್ಬಪಾಪಪ್ಪಭಞ್ಜಕೋ।

ಸಬ್ಬಸಂಯೋಜನಹನ್ತಾ, ಬುದ್ಧಂ ತಂ ಪಣಮಾಮ್ಯಹಂ॥೬೬೫॥

ಸಬ್ಬಪಾಪಂ ಪಕ್ಖಾಲೇಸಿ, ಸಬ್ಬಕಿಲೇಸಸೋಧಕೋ।

ಸಬ್ಬತ್ಥ ವಿಮಲೋ ಸುದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೬೬೬॥

ಸಬ್ಬಪಾಪಂ ನಿಮ್ಮದ್ದೇಸಿ, ಸಬ್ಬತಾಪಸಮೂಹತೋ।

ಸಬ್ಬಸನ್ತಾಪಂ ಹಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೬೭॥

ಸಬ್ಬೂಪಧೀನಂ ನಿಸ್ಸಗ್ಗೋ, ಸಬ್ಬಾಸಾನಂ ವಿರಜ್ಜಕೋ।

ಸಬ್ಬಪಾಪಂ ಪಭಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೬೮॥

ಪಾರಗೂ ಪಾರಸಮ್ಪತ್ತೋ, ಆಸವಸೋತಸೋಸಕೋ।

ಸಬ್ಬಪಾಪಂ ಪಹಾಸಿ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೬೬೯॥

ಸಬ್ಬಾಸವಂ ವಿದ್ಧಂಸೇಸಿ, ಸಬ್ಬಮೋಹಸಮೂಹತೋ।

ಸಬ್ಬಪಾಪಂ ವಿವಜ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೭೦॥

ಸಬ್ಬಾಸಾ ಸಮತಿಕ್ಕನ್ತೋ, ಸಬ್ಬರಾಗಗ್ಗಿ ನಿಬ್ಬುತೋ।

ಸಬ್ಬಪಾಪಂ ಪರಿಮದ್ದಿ, ಬುದ್ಧಂ ತಂ ಪಣಮಾಮ್ಯಹಂ॥೬೭೧॥

ಸಬ್ಬಕಾಮಭವತಿಣ್ಣೋ, ಸಬ್ಬವಿಭವವಜ್ಜಿತೋ।

ಸಬ್ಬಪಾಪುತ್ತಾಪಕ್ಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೬೭೨॥

ಸಬ್ಬನೀವರಣಾತೀತೋ, ಸಬ್ಬಪಾಸಪ್ಪಮೋಚನೋ।

ಮಾರಮರೀಚಿಕಾ ಭಞ್ಜಿ, ಬುದ್ಧಂ ತಂ ಪಣಮಾಮ್ಯಹಂ॥೬೭೩॥

ಸರಣದಾಯಕೋ ಸಾಮೀ, ಪರಿತ್ತಾಣಪ್ಪದಾಯಕೋ।

ಆರಕ್ಖಣದಾತಾ ಸತ್ಥಾ, ಬುದ್ಧಂ ತಂ ಪಣಮಾಮ್ಯಹಂ॥೬೭೪॥

ಸಚ್ಚಸ್ಸ ಕೋವಿದೋ ಚಾಪಿ, ಅಸಚ್ಚಸ್ಸಾಪಿ ಕೋವಿದೋ।

ಚತುಸಚ್ಚಂ ಉಗ್ಘೋಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೭೫॥

ಭದ್ದಸ್ಸ ಕೋವಿದೋ ಚಾಪಿ, ಅಭದ್ದಸ್ಸಾಪಿ ಕೋವಿದೋ।

ಸಬ್ಬತೋ ಭದ್ದಂ ದಸ್ಸಾವೀ, ಬುದ್ಧಂ ತಂ ಪಣಮಾಮ್ಯಹಂ॥೬೭೬॥

ಆಕಙ್ಖಾಯ ಕೋವಿದೋ ಚ, ಅನಾಕಙ್ಖಾಯ ಕೋವಿದೋ।

ಸಬ್ಬೇಸು ಚ ನಿರಾಕಙ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೬೭೭॥

ಲೋಲಸ್ಸ ಕೋವಿದೋ ಚಾಪಿ, ಅಲೋಲಸ್ಸಾಪಿ ಕೋವಿದೋ।

ನಿಲ್ಲೋಭೋ ಅಪಿ ನಿಲ್ಲೋಲೋ, ಬುದ್ಧಂ ತಂ ಪಣಮಾಮ್ಯಹಂ॥೬೭೮॥

ಪಪಞ್ಚಸ್ಸ ಕೋವಿದೋ ಚ, ನಿಪ್ಪಪಞ್ಚಸ್ಸ ಕೋವಿದೋ।

ನಿಪ್ಪಪಞ್ಚೋ ಚ ನಿಚ್ಛಲೋ, ಬುದ್ಧಂ ತಂ ಪಣಮಾಮ್ಯಹಂ॥೬೭೯॥

ಸಬ್ಬೇ ಧಮ್ಮೇ ಪಬೋಧೇಸಿ, ಸಬ್ಬಪಾಪೇಹಿ ಮೋಚಕೋ।

ಸಬ್ಬದುಕ್ಖವೀತಿವತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೮೦॥

ವಿದುರೋ ಸಬ್ಬಧಮ್ಮೇಸು, ಪಾಪಪ್ಪಹಾನಪಾರಗೂ।

ಸಬ್ಬಸಙ್ಖಾರೂಪಸಮೋ, ಬುದ್ಧಂ ತಂ ಪಣಮಾಮ್ಯಹಂ॥೬೮೧॥

ಸಚ್ಚಧಮ್ಮಂ ವಿತ್ಥಾರೇಸಿ, ಸಬ್ಬಪಾಪವಿನಾಸಕೋ।

ಪಾಪಾಯತನಾ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೮೨॥

ಸಬ್ಬಧಮ್ಮಾನುಪಸ್ಸೀ ಯೋ, ಸಬ್ಬಪಾಪಂ ವಿಸೋಸಯೀ।

ಸಬ್ಬತಣ್ಹಾ ಪಹಾಸಿ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೬೮೩॥

ಪಾಪಪಾಸಂ ಪಮೋಚೇಸಿ, ಸಬ್ಬಧಮ್ಮಾನ ವೇದಗೂ।

ಸಬ್ಬುಪಧೀಹಿ ವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೬೮೪॥

ಚಕ್ಕವತ್ತೀ ಧಮ್ಮರಾಜಾ, ಧಮ್ಮಚಕ್ಕವಿಭೂಸಿತೋ।

ಅಧಮ್ಮಚಕ್ಕಂ ಚುಣ್ಣೇಸೀ, ಬುದ್ಧಂ ತಂ ಪಣಮಾಮ್ಯಹಂ॥೬೮೫॥

ಸದ್ಧಮ್ಮಮುದ್ಧಾಭಿಸಿತೋ, ಧಮ್ಮಮಹಾರಞ್ಞೋ ಬುಧೋ।

ಧಮ್ಮಸಾಸನ ಠಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೬೮೬॥

ಧಮ್ಮನಾಥೋ ಧಮ್ಮಸ್ಸಾಮೀ, ಧಮ್ಮೀಸೋ ಧಮ್ಮಸಾಸಕೋ।

ಧಮ್ಮಸೂರೋ ಧಮ್ಮಸತ್ಥಾ, ಬುದ್ಧಂ ತಂ ಪಣಮಾಮ್ಯಹಂ॥೬೮೭॥

ಧಮ್ಮರಞ್ಞೋ ಧಮ್ಮಪತಿ, ಧಮ್ಮವತ್ತೀ ಧಮ್ಮಿಸ್ಸರೋ।

ಧಮ್ಮಭೂಪೋ ಧಮ್ಮಾಧಿಪೋ, ಬುದ್ಧಂ ತಂ ಪಣಮಾಮ್ಯಹಂ॥೬೮೮॥

ಧಮ್ಮಮಹಾರಾಜಾಧಿಪೋ, ಸಬ್ಬಥಾ ಧಮ್ಮಸಮ್ಮತೋ।

ಧಮ್ಮಸಮತ್ಥೋ ಧಮ್ಮೀಸೋ, ಬುದ್ಧಂ ತಂ ಪಣಮಾಮ್ಯಹಂ॥೬೮೯॥

ಧಮ್ಮತಾಣೋ ಧಮ್ಮಲೇಣೋ, ಧಮ್ಮಸರಣದಾಯಕೋ।

ಧಮ್ಮಸಕ್ಕೋ ಧಮ್ಮಾಸಯೋ, ಬುದ್ಧಂ ತಂ ಪಣಮಾಮ್ಯಹಂ॥೬೯೦॥

ಧಮ್ಮದಾತಾ ಧಮ್ಮತಾತಾ, ಧಮ್ಮಕ್ಖಾತಾ ಧಮ್ಮಸಖಾ।

ಧಮ್ಮಸುಖೋ ಧಮ್ಮಹಿತೋ, ಬುದ್ಧಂ ತಂ ಪಣಮಾಮ್ಯಹಂ॥೬೯೧॥

ಧಮ್ಮನಾಗೋ ಧಮ್ಮಸೀಹೋ, ಧಮ್ಮಾಜಞ್ಞೋ ಧಮ್ಮುಸಭೋ।

ಧಮ್ಮಧುರನ್ಧರೋ ಧೀರೋ, ಬುದ್ಧಂ ತಂ ಪಣಮಾಮ್ಯಹಂ॥೬೯೨॥

ಧಮ್ಮಸಿಙ್ಗೋ ಧಮ್ಮತುಙ್ಗೋ, ಧಮ್ಮಮೇರು ಧಮ್ಮಗಿರಿ।

ಧಮ್ಮಕೂಟೋ ಧಮ್ಮಸೀಸೋ, ಬುದ್ಧಂ ತಂ ಪಣಮಾಮ್ಯಹಂ॥೬೯೩॥

ಧಮ್ಮಾದಿಚ್ಚೋ ಧಮ್ಮಪ್ಪಭೋ, ದಿಬ್ಬೋ ಧಮ್ಮವಿಭಾಕರೋ।

ಧಮ್ಮಭಾಕರೋ ಧಮ್ಮಾಭೋ, ಬುದ್ಧಂ ತಂ ಪಣಮಾಮ್ಯಹಂ॥೬೯೪॥

ಧಮ್ಮಸಿರೋಮಣಿ ಸಾಮೀ, ಧಮ್ಮಸಿಖರಸೇಖರೋ।

ಧಮ್ಮಚೂಳಾಮಣಿ ಚಾರು, ಬುದ್ಧಂ ತಂ ಪಣಮಾಮ್ಯಹಂ॥೬೯೫॥

ಧಮ್ಮಭೂಸನಭೂಸಿತೋ, ಧಮ್ಮಾಲಙ್ಕಾರ’ಲಙ್ಕಿತೋ।

ಧಮ್ಮಾಭರಣಸೋಭಿತೋ, ಬುದ್ಧಂ ತಂ ಪಣಮಾಮ್ಯಹಂ॥೬೯೬॥

ಧಮ್ಮದೀಪೋ ಧಮ್ಮೋಭಾಸೋ, ಧಮ್ಮಲೋಕೋ ಧಮ್ಮಜುತಿ।

ಧಮ್ಮಪಕಾಸೋ ಧಮ್ಮಂಸು, ಬುದ್ಧಂ ತಂ ಪಣಮಾಮ್ಯಹಂ॥೬೯೭॥

ಧಮ್ಮಗುತ್ತೋ ಪಾಪಮುತ್ತೋ, ಧಮ್ಮಯುತ್ತೋ ಧಮ್ಮಾಲಯೋ।

ಧಮ್ಮಞತ್ತೋ ಧಮ್ಮಸಞ್ಞೋ, ಬುದ್ಧಂ ತಂ ಪಣಮಾಮ್ಯಹಂ॥೬೯೮॥

ಧಮ್ಮದಸ್ಸೀ ಧಮ್ಮಪಸ್ಸೀ, ಧಮ್ಮಪೇಕ್ಖೀ ವಿಚಕ್ಖಣೋ।

ಧಮ್ಮವಿಪಸ್ಸೀ ಸುಪಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೬೯೯॥

ಧಮ್ಮದಕ್ಖೀ ಧಮ್ಮಸಕ್ಖೀ, ಧಮ್ಮರಕ್ಖೀ ಧಮ್ಮಧರೋ।

ಸದ್ಧಮ್ಮಪೇಕ್ಖೀ ಉಪೇಕ್ಖೀ, ಬುದ್ಧಂ ತಂ ಪಣಮಾಮ್ಯಹಂ॥೭೦೦॥

ಧಮ್ಮಸಞ್ಞೋ ಧಮ್ಮಪಞ್ಞೋ, ಧಮ್ಮಅಭಿಞ್ಞೋ ಧಮ್ಮಞ್ಞೋ।

ಧಞ್ಞೋ ಧಮ್ಮಪರಾಯಣೋ, ಬುದ್ಧಂ ತಂ ಪಣಮಾಮ್ಯಹಂ॥೭೦೧॥

ಧಮ್ಮಞಾಣೀ ಧಮ್ಮಭಾಣೀ, ಧಮ್ಮವಾಚೀ ಧಮ್ಮವಿದೂ।

ಮನ್ತಭಾಣೀ ಮಧುಭಾಣೀ, ಬುದ್ಧಂ ತಂ ಪಣಮಾಮ್ಯಹಂ॥೭೦೨॥

ಧಮ್ಮವಾ ಧಮ್ಮಸಮ್ಪನ್ನೋ, ಞಾಣವಾ ಞಾಣಸಾಗರೋ।

ಪಞ್ಞವಾ ಪಞ್ಞಾವಾರಿಧಿ, ಬುದ್ಧಂ ತಂ ಪಣಮಾಮ್ಯಹಂ॥೭೦೩॥

ಧಮ್ಮಕ್ಖೋ ಧಮ್ಮರಕ್ಖಕೋ, ಬುದ್ಧಕ್ಖೋ ಬೋಧಿರಕ್ಖಕೋ।

ಪಞ್ಞಕ್ಖೋ ಚಾಪಿ ಮೇಧಕ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೭೦೪॥

ಅಧಮ್ಮಮುತ್ತೋ ಧಮ್ಮಭಾ, ಅಞ್ಞಾಣಮುತ್ತೋ ಞಾಣಭಾ।

ಅವಿಜ್ಜಾಮುತ್ತೋ ವಿಜ್ಜಾಭಾ, ಬುದ್ಧಂ ತಂ ಪಣಮಾಮ್ಯಹಂ॥೭೦೫॥

ಧಮ್ಮಸಿನ್ಧು ಧಮ್ಮೋದಧಿ, ಅನನ್ತಧಮ್ಮಸಾಗರೋ।

ಸದ್ಧಮ್ಮರತ್ನಾಕರೋ, ಬುದ್ಧಂ ತಂ ಪಣಮಾಮ್ಯಹಂ॥೭೦೬॥

ಧಮ್ಮಪಟಿಭಾನಪ್ಪತ್ತೋ, ಧಮ್ಮಪ್ಪಟಿಪದಾವಿದೂ।

ಪಟಿಸಮ್ಭಿದಾಮಗ್ಗಞ್ಞೂ, ಬುದ್ಧಂ ತಂ ಪಣಮಾಮ್ಯಹಂ॥೭೦೭॥

ತುಟ್ಠೋ ಧಮ್ಮಸನ್ತುಟ್ಠಿತೋ, ಧೀರೋ ಧಮ್ಮಪತಿಟ್ಠಿತೋ।

ಅಗ್ಗಪತಿಟ್ಠಿತೋ ಅಗ್ಗೋ, ಬುದ್ಧಂ ತಂ ಪಣಮಾಮ್ಯಹಂ॥೭೦೮॥

ಮೋಕ್ಖದ್ಧಜಂ ಉನ್ನಾಮೇಸಿ, ಮಾರದ್ಧಜಂ ಓನಾಮಕೋ।

ಪಾಪಹಾರೀ ಸೋಕಹಾರೀ, ಬುದ್ಧಂ ತಂ ಪಣಮಾಮ್ಯಹಂ॥೭೦೯॥

ಸಬ್ಬಾಸವಂ ವಿವಜ್ಜಿತ್ವಾ, ಪತ್ತಧಮ್ಮನಿಯ್ಯಾನಿಕೋ।

ಸಮಿದ್ಧಿಗುಣಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೭೧೦॥

ಧಮ್ಮಧಾರಾ ಪವಾಹೇಸಿ, ಪಾಪಧಾರಾನಿರೋಧಕೋ।

ಅತಿತ್ತಾನಂ ಸುತೋಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೧೧॥

ಧಮ್ಮಮೇಘೋ ಪಞ್ಞಾಮೇಘೋ, ಧಮ್ಮಾಮತಂ ಪವಸ್ಸಯೀ।

ರಜೋಜಲ್ಲಂ ವಿಧೋವೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೧೨॥

ಧಮ್ಮಞತ್ತೋ ಧಮ್ಮಕ್ಖಾಯೀ, ಧಮ್ಮಮಗ್ಗಸ್ಸ ದೇಸಕೋ।

ಧಮ್ಮಿಂ ಧಮ್ಮಂ ವಿತ್ಥಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೧೩॥

ಸಬ್ಬಞೇಯ್ಯಧಮ್ಮಂ ಞತ್ವಾ, ಞತ್ತಧಮ್ಮಂ ಸುವಿತರೀ।

ಅಭಿಞ್ಞಾಞಾಣಸಮ್ಪುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೭೧೪॥

ಸಬ್ಬಸದ್ಧಮ್ಮಸಮ್ಪತ್ತೋ, ತಿಣ್ಣಸಂಸಾರಸಾಗರೋ।

ಸಬ್ಬಪಾಪಪರಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೧೫॥

ಸಿದ್ಧಧಮ್ಮೋ ಸಿದ್ಧಅತ್ಥೋ, ಸಬ್ಬಸಂಸಾರಪೂಜಿತೋ।

ಸಬ್ಬುತ್ತಮೋ ಸಮ್ಮಚಾರೀ, ಬುದ್ಧಂ ತಂ ಪಣಮಾಮ್ಯಹಂ॥೭೧೬॥

ಧಮ್ಮಕಾರೀ ಧಮ್ಮಧಾರೀ, ಧಮ್ಮಚಾರೀ ಧಮ್ಮಯುತೋ।

ಧಮ್ಮಸಾರೀ ಧಮ್ಮಭಾವೀ, ಬುದ್ಧಂ ತಂ ಪಣಮಾಮ್ಯಹಂ॥೭೧೭॥

ಧಮ್ಮಜೇಟ್ಠೋ ಧಮ್ಮಸೇಟ್ಠೋ, ಧಮ್ಮಸುದ್ಧೋ ಧಮ್ಮಸುಚೀ।

ಧಮ್ಮಕೇತು ಧಮ್ಮದ್ಧಜೋ, ಬುದ್ಧಂ ತಂ ಪಣಮಾಮ್ಯಹಂ॥೭೧೮॥

ಧಮ್ಮಕಾಮೋ ಧಮ್ಮಭೂತೋ, ಧಮ್ಮಾಭಿರಮನ್ತೋ ಮುನಿ।

ಧಮ್ಮಾನುರಾಗೀ ವಿರಾಗೀ, ಬುದ್ಧಂ ತಂ ಪಣಮಾಮ್ಯಹಂ॥೭೧೯॥

ಧಮ್ಮಞಾತೋ ಪಾಪನುದೋ, ಧಮ್ಮವಿಹಾರೀ ಧಮ್ಮಿಕೋ।

ದಸ್ಸೇಸಿ ಅಮತಂ ಧಮ್ಮಂ, ಬುದ್ಧಂ ತಂ ಪಣಮಾಮ್ಯಹಂ॥೭೨೦॥

ಧಮ್ಮಕಾಯೋ ಧಮ್ಮರೂಪೋ, ಧಮ್ಮನಾಮೋ ಧಮ್ಮಮುದೋ।

ಧಮ್ಮಪತಿಟ್ಠೋ ಮುತ್ತಿಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೭೨೧॥

ಧಮ್ಮಧಾರಕೋ ಧೋರೇಯ್ಹೋ, ಧಮ್ಮಪುಣ್ಣೋ’ವ ಪುಣ್ಣಿನ್ದು।

ಅಮತೋಗಧಂ ಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೨೨॥

ಧಮ್ಮತಿಕಿಚ್ಛಕೋ ದಕ್ಖೋ, ವಿಸಲ್ಲೋ ಸಲ್ಲಕನ್ತಕೋ।

ಮಹೋಪಕಾರೀ ಭಿಸಕ್ಕೋ, ಬುದ್ಧಂ ತಂ ಪಣಮಾಮ್ಯಹಂ॥೭೨೩॥

ಧಮ್ಮಸಕ್ಕೋ ಧಮ್ಮಸಿದ್ಧೋ, ಧಮ್ಮಮಕುಟಸೋಭನೋ।

ಧಮ್ಮಕನ್ತೋ ಧಮ್ಮಸನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೨೪॥

ಧಮ್ಮಾಞಾಣೀ ಧಮ್ಮಕಥೀ, ಧಮ್ಮದಾಯೀ ಮಗ್ಗದದೋ।

ಧಮ್ಮವಿಭೂ ಧಮ್ಮಪಭೂ, ಬುದ್ಧಂ ತಂ ಪಣಮಾಮ್ಯಹಂ॥೭೨೫॥

ಅಮತಧಮ್ಮಂ ಞಾಪೇಸಿ, ಸನ್ತಾರೇಸಿ ಬಹುಜನಂ।

ಆತುರಾನಂ ತಿಕಿಚ್ಛಕೋ, ಬುದ್ಧಂ ತಂ ಪಣಮಾಮ್ಯಹಂ॥೭೨೬॥

ಧಮ್ಮಭಾಗೀ ಪಾಪಚಾಗೀ, ಧಮ್ಮಭಜೀ ಪಾಪಚ್ಚಜೋ।

ಧಮ್ಮರಾಗೀ ಧಮ್ಮರಮೋ, ಬುದ್ಧಂ ತಂ ಪಣಮಾಮ್ಯಹಂ॥೭೨೭॥

ಧಮ್ಮವಿಞ್ಞೂ ಧಮ್ಮವಿದ್ವಾ, ಧಮ್ಮವಿಜ್ಜೋ ಧಮ್ಮಯುತೋ।

ಧಮ್ಮವತ್ತಾ ಧಮ್ಮವ್ಯತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೨೮॥

ಧಮ್ಮಾನುಧಮ್ಮಧಾರಕೋ, ತಾಸಾನುತಾಸನಾಸಕೋ।

ಭಯಾನುಭಯಭಞ್ಜಕೋ, ಬುದ್ಧಂ ತಂ ಪಣಮಾಮ್ಯಹಂ॥೭೨೯॥

ವಿಸುದ್ಧಧಮ್ಮಧಾರಕೋ, ಸಬ್ಬಧಿ ಉಪಕಾರಕೋ।

ಚಾರುಚರಣಚಾರಕೋ, ಬುದ್ಧಂ ತಂ ಪಣಮಾಮ್ಯಹಂ॥೭೩೦॥

ಧಮ್ಮಮಕರನ್ದಪಾಯೀ, ಮುದುಚಿತ್ತೋ ಮಧುಕರೋ।

ಸದ್ಧಮ್ಮಸುಧಾಮಥನೋ, ಬುದ್ಧಂ ತಂ ಪಣಮಾಮ್ಯಹಂ॥೭೩೧॥

ಏಹಿಪಸ್ಸಿಕಂ ಧಮ್ಮದದೋ, ಸನ್ದಿಟ್ಠಿಕಮಕಾಲಿಕಂ।

ಓಪನಯಿಕಂ ಸ್ವಾಕ್ಖಾತಂ, ಬುದ್ಧಂ ತಂ ಪಣಮಾಮ್ಯಹಂ॥೭೩೨॥

ಸುದ್ಧಧಮ್ಮಾಮತಂ ಪಾಯೀ, ಸುಭುಞ್ಜೇಸಿ ಮುತ್ತಿಫಲಂ।

ಸನ್ತಿಭೋಜೀ ಸುಖಭಕ್ಖೀ, ಬುದ್ಧಂ ತಂ ಪಣಮಾಮ್ಯಹಂ॥೭೩೩॥

ಮಾನಿತೋ ಮಹಿಮಾವನ್ತೋ, ಮಹಿದ್ಧಿಕೋ ಮಹೀಯತೋ।

ಮಹಾಸದ್ಧಮ್ಮಾಧಿಪತಿ, ಬುದ್ಧಂ ತಂ ಪಣಮಾಮ್ಯಹಂ॥೭೩೪॥

ಅತ್ತಸರಣಮನುಸಾಸಿ, ನೇಪಕ್ಕೋ ಅನುಸಾಸಕೋ।

ಧಮ್ಮಸರಣಮನುಸಾಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೩೫॥

ಬೋಧಿಪಕ್ಖಿಯಧಮ್ಮಾನಂ, ಭಾವಿತೋ ಬಹುಲೀಕತೋ।

ಸಮ್ಮಾಸಮ್ಬೋಧಿಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೩೬॥

ಮತಿಮಾ ಧಿತಿಸಮ್ಪನ್ನೋ, ಧೀರವರೋ ಸುಧಮ್ಮಿಕೋ।

ಧಮ್ಮಟ್ಠಪ್ಪಟಿಸಂಯುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೩೭॥

ಧಮ್ಮ’ಜ್ಝಾಸಯಕುಸಲೋ, ಧಮ್ಮೇಸು ಅಕಥಂಕಥೀ।

ಪರಮತ್ಥಮನುಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೩೮॥

ಧಿತಿಬಲೋ ಧಿತಿಧರೋ, ಧಿತಿಧಾರೀ ಧೀಸೇಖರೋ।

ಉತ್ತಮಧಮ್ಮೇಸೀ ಧೀರೋ, ಬುದ್ಧಂ ತಂ ಪಣಮಾಮ್ಯಹಂ॥೭೩೯॥

ಸಬ್ಬಸನ್ತಾಪಂ ಧಂಸೇಸಿ, ಸಬ್ಬಪಾಪವಿನೋದನೋ।

ಸಬ್ಬಧಮ್ಮಫಲಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೪೦॥

ವಿರತೋ ಸಬ್ಬಪಾಪೇಹಿ, ಸಬ್ಬಾಧಮ್ಮೇಹಿ ಮುಞ್ಚಿತೋ।

ಸಬ್ಬದುಕ್ಖಬ್ಯನ್ತಿಕರೋ, ಬುದ್ಧಂ ತಂ ಪಣಮಾಮ್ಯಹಂ॥೭೪೧॥

ಸಬ್ಬಧಿ ಪಾಪವಿಮುತ್ತೋ, ಸುದ್ಧಧಮ್ಮೇ ಪತಿಟ್ಠಿತೋ।

ಸಬ್ಬದುಕ್ಖಾ ಪಮೋಚೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೪೨॥

ಸಬ್ಬಪಾಪಪ್ಪಹೀನೋ ಯೋ, ಸಬ್ಬಧಮ್ಮಾನ ಪಾರಗೂ।

ಘೋರದುಕ್ಖೋಘಉತ್ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೭೪೩॥

ಸಬ್ಬಾಧಮ್ಮಂ ವಿದ್ಧಂಸೇಸಿ, ಸಬ್ಬಪಾಪಕ್ಖಯಙ್ಕರೋ।

ಕತ್ತಕೋ ಸಬ್ಬಬನ್ಧಾನಂ, ಬುದ್ಧಂ ತಂ ಪಣಮಾಮ್ಯಹಂ॥೭೪೪॥

ಸಬ್ಬಾಧಿಧಮ್ಮಂ ಪಾಲೇಸಿ, ಸಬ್ಬಪಾಪಪನೂದನೋ।

ಸಬ್ಬದುಕ್ಖಂ ನಿದ್ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೪೫॥

ದುಕ್ಖಮೋಚಕೋ ಮೋಕ್ಖದೋ, ಸಮತ್ಥೋ ಸತ್ಥವಾಹಕೋ।

ಪಾಪನಾಸೀ ಧಮ್ಮಭಾಸೀ, ಬುದ್ಧಂ ತಂ ಪಣಮಾಮ್ಯಹಂ॥೭೪೬॥

ಧಮ್ಮಭಜೋ ಪಾಪಚ್ಚಜೋ, ರಾಗಚ್ಚಜೋ ಚಾಗಭಜೋ।

ಸುಖಭಜೋ ದುಕ್ಖಚ್ಚಜೋ, ಬುದ್ಧಂ ತಂ ಪಣಮಾಮ್ಯಹಂ॥೭೪೭॥

ಸಮ್ಮಾಜೀವೀ ಧಮ್ಮಾಜೀವೀ, ಸುದ್ಧಾಜೀವೀ ಸುಚಿಜೀವೀ।

ಸೀಲಜೀವೀ ಸಚ್ಚಾಜೀವೀ, ಬುದ್ಧಂ ತಂ ಪಣಮಾಮ್ಯಹಂ॥೭೪೮॥

ಪಞ್ಞಾಜೀವೀ ಅಞ್ಞಾಜೀವೀ, ಞಾಣಾಜೀವೀ ವರಜೀವೀ।

ವಿಜ್ಜಾಜೀವೀ ವಿಞ್ಞಾಜೀವೀ, ಬುದ್ಧಂ ತಂ ಪಣಮಾಮ್ಯಹಂ॥೭೪೯॥

ಖನ್ತಿಜೀವೀ ಸನ್ತಿಜೀವೀ, ಸೂಜುಜೀವೀ ಉಜುಜೀವೀ।

ಪೀತಿಜೀವೀ ಪೀತಿಭೋಜೀ, ಬುದ್ಧಂ ತಂ ಪಣಮಾಮ್ಯಹಂ॥೭೫೦॥

ದಿಬ್ಬಾಜೀವೀ ಭಬ್ಬಾಜೀವೀ, ಭದ್ದಾಜೀವೀ ಸಮಜೀವೀ।

ಮೋದಜೀವೀ ಮೇತ್ತಾಜೀವೀ, ಬುದ್ಧಂ ತಂ ಪಣಮಾಮ್ಯಹಂ॥೭೫೧॥

ಗುತ್ತಾಜೀವೀ ಮುತ್ತಾಜೀವೀ, ದನ್ತಾಜೀವೀ ಯತಜೀವೀ।

ದಕ್ಖಾಜೀವೀ ಸೇಟ್ಠಾಜೀವೀ, ಬುದ್ಧಂ ತಂ ಪಣಮಾಮ್ಯಹಂ॥೭೫೨॥

ಹಿತಜೀವೀ ಸುಖಜೀವೀ, ಝಾನಜೀವೀ ವತಜೀವೀ।

ಸುಧಾಜೀವೀ ಸುಭಾಜೀವೀ, ಬುದ್ಧಂ ತಂ ಪಣಮಾಮ್ಯಹಂ॥೭೫೩॥

ವಿಸುದ್ಧಜೀವೀ ಸಂಸುದ್ಧೋ, ಸನ್ತುಟ್ಠಜೀವೀ ಸುತುಟ್ಠೋ।

ಪವರಜೀವೀ ಪಕಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೭೫೪॥

ಮೇತ್ತಾಧಾರೀ ಮೇತ್ತಾಚಾರೀ, ಮೇತ್ತಾಕಾರೀ ಮೇತ್ತಾಲಯೋ।

ಮೇತ್ತಾಸಯೋ ಮೇತ್ತಾಸಾರೀ, ಬುದ್ಧಂ ತಂ ಪಣಮಾಮ್ಯಹಂ॥೭೫೫॥

ಸನ್ತಿಧಾರೀ ಸನ್ತಿಕಾರೀ, ಸನ್ತಿಚಾರೀ ಸನ್ತಿಮನೋ।

ಸನ್ತಿಸಾರೀ ಸನ್ತಿಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೫೬॥

ಖನ್ತಿಧಾರೀ ಖನ್ತಿಕಾರೀ, ಖನ್ತಿಚಾರೀ ಖನ್ತಿಮನೋ।

ಖನ್ತಿಯುತ್ತೋ ಖನ್ತಿಸಾರೀ, ಬುದ್ಧಂ ತಂ ಪಣಮಾಮ್ಯಹಂ॥೭೫೭॥

ಸುಖಕಾರೀ ಸುಖಚಾರೀ, ಸುಖಧಾರೀ ಸುಖಾವಹೋ।

ಸುಖಸಾರೀ ಸುಖಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೫೮॥

ಹಿತಕಾರೀ ಹಿತಧಾರೀ, ಹಿತಚಾರೀ ಹಿತಾವಹೋ।

ಹಿತಸಾರೀ ಹಿತೇಸಿನೋ, ಬುದ್ಧಂ ತಂ ಪಣಮಾಮ್ಯಹಂ॥೭೫೯॥

ಪಞ್ಞಾಚಾರೀ ಪಞ್ಞಾಸಾರೀ, ಪಞ್ಞಾಧಾರೀ ಪಞ್ಞಾಲಯೋ।

ಪಞ್ಞಾಭಾನು ಪಞ್ಞಾದಿಚ್ಚೋ, ಬುದ್ಧಂ ತಂ ಪಣಮಾಮ್ಯಹಂ॥೭೬೦॥

ಮೇಧಾಚಾರೀ ಮೇಧಾಸಾರೀ, ಮೇಧಾಧಾರೀ ಮೇಧಾಲಯೋ।

ಮೇಧಾಚನ್ದೋ ಮೇಧಾಇನ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೭೬೧॥

ಮೇತ್ತಙ್ಕರೋ ಮೋದಙ್ಕರೋ, ಕುಸಲೋ ಕುಸಲಙ್ಕರೋ।

ಮೇಧಾಚಾರೀ ಮೇಧಙ್ಕರೋ, ಬುದ್ಧಂ ತಂ ಪಣಮಾಮ್ಯಹಂ॥೭೬೨॥

ಪಭಙ್ಕರೋ ದಿವಙ್ಕರೋ, ಕಾರುಞ್ಞೋ ಕರುಣಙ್ಕರೋ।

ನಿಬ್ಭೀತೋ ನಿಬ್ಭಯಙ್ಕರೋ, ಬುದ್ಧಂ ತಂ ಪಣಮಾಮ್ಯಹಂ॥೭೬೩॥

ಸಿವಙ್ಕರೋ ಸುಭಙ್ಕರೋ, ಸುಖಙ್ಕರೋ ಹಿತಙ್ಕರೋ।

ಸಲ್ಲಹರೋ ಸೂಲಹರೋ, ಬುದ್ಧಂ ತಂ ಪಣಮಾಮ್ಯಹಂ॥೭೬೪॥

ಮಹಾಖೇಮಙ್ಕರೋ ಖೇಮೀ, ಮಹಾಪಞ್ಞಙ್ಕರೋ ಪಭೂ।

ಮಹಾಸನ್ತಿಕರೋ ಸನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೬೫॥

ಅನಾಥಾನಂ ಭವನಾಥೋ, ಭೀತಾನಂ ಅಭಯಙ್ಕರೋ।

ಸರಣಙ್ಕರೋ ದೀನಾನಂ, ಬುದ್ಧಂ ತಂ ಪಣಮಾಮ್ಯಹಂ॥೭೬೬॥

ದೂರದಸ್ಸೀ ದೀಘದಸ್ಸೀ, ಅನ್ತದಸ್ಸೀ ಭವನ್ತಗೂ।

ತೀರದಸ್ಸೀ ಪಾರದಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೭೬೭॥

ಸಾರದಸ್ಸೀ ಸಚ್ಚದಸ್ಸೀ, ಸಿವದಸ್ಸೀ ಸುದಸ್ಸಿಕೋ।

ಯೋಗದಸ್ಸೀ ಖೇಮದಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೭೬೮॥

ಸನ್ತಿದಸ್ಸೀ ಸುಖದಸ್ಸೀ, ಸುದ್ಧಿದಸ್ಸೀ ಸುದ್ಧಮನೋ।

ಅಗ್ಗದಸ್ಸೀ ಧುವದಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೭೬೯॥

ಲೋಕುತ್ತರಧಮ್ಮದಸ್ಸೀ, ಪರಿಯನ್ತದಸ್ಸೀ ಇಸೀ।

ಮಗ್ಗದಸ್ಸೀ ಫಲದಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೭೭೦॥

ಅತ್ಥದಸ್ಸೀ ಪಥದಸ್ಸೀ, ಅನೋಮದಸ್ಸೀ ಸುದಸ್ಸೀ।

ಪರಮಪಸ್ಸೀ ಸುಪಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೭೭೧॥

ಖಯದಸ್ಸೀ ವಯದಸ್ಸೀ, ನಯದಸ್ಸೀ ಸುದಸ್ಸನೋ।

ಅಕ್ಖಯದಸ್ಸೀ ಸುದಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೭೭೨॥

ಅಮತದಸ್ಸೀ ಪಚ್ಚಕ್ಖೋ, ಪೇಕ್ಖಕೋ ಪರಿಸೋಧಕೋ।

ಪಟಿಸಮ್ಭಿದಾಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೭೩॥

ಸಬ್ಬಧಿ ಸಬ್ಬದಸ್ಸಾವೀ, ಸಬ್ಬಪಸ್ಸೀ ಸಬ್ಬವಿದೂ।

ಸಬ್ಬಂ ಸಮ್ಮಾ ಅಭಞ್ಞಾಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೭೪॥

ಹನ್ತ್ವಾ ಕಾಮಭವತಣ್ಹಾ, ವಿಭವತಣ್ಹಾಭಞ್ಜಕೋ।

ಸಬ್ಬತಣ್ಹಾ ವಿಚುಣ್ಣೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೭೫॥

ತಣ್ಹಾಸಂಯೋಜನಕ್ಖಯೋ, ತಣ್ಹಾಸಲ್ಲವಿಚುಣ್ಣಕೋ।

ತಣ್ಹಾಪಿಹಾ ಪದಾಳೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೭೬॥

ಕಾಮತಣ್ಹಾಪರಿಕ್ಖೀಣೋ, ಭವತಣ್ಹಾಉಪಚ್ಚಗೋ।

ವಿಭವತಣ್ಹಾವಿನಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೭೭೭॥

ತುಟ್ಠಿಮನ್ತೇ ತೋಸವನ್ತೇ, ಅತಸ್ಸನ್ತೇ ಸುತಪ್ಪಯೀ।

ತಣ್ಹಾತೀತೋ ಸದಾತಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೭೮॥

ಕಿಲೇಸಜಾಲವಿದ್ಧಂಸೀ, ತಣ್ಹಾಮಲಪಕ್ಖಾಲಕೋ।

ಸಂಸಾರಸೋತಂ ಸೋಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೭೯॥

ಉಪಧಿಪಟಿನಿಸ್ಸಗ್ಗೋ, ತಣ್ಹಾಜಾಲಪ್ಪಭೇದಕೋ।

ನೀವರಣೇ ಪವಿಜ್ಝೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೮೦॥

ಗುಹಾಸಯಪರಿಕ್ಖೀಣೋ, ಪಹೀನತಣ್ಹಾನಿಸ್ಸಯೋ।

ಛಿನ್ನಅವಿಜ್ಜಾನುಸಯೋ, ಬುದ್ಧಂ ತಂ ಪಣಮಾಮ್ಯಹಂ॥೭೮೧॥

ತಣ್ಹಾಸಲ್ಲಂ ಹನಿತ್ವಾನ, ತೇವಿಜ್ಜೋ ಮಚ್ಚುಹಾಯನೋ।

ಸಮ್ಬೋಧಿಮುತ್ತಮಂ ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೮೨॥

ತಣ್ಹಾಜಟಾ ವಿಜಟೇಸಿ, ಸಬ್ಬಠಾನೇ ನೇಹನುದೋ।

ನನ್ದೀರಾಗಂ ವಿದ್ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೮೩॥

ಸಬ್ಬಾಸಾಸಮತಿಕ್ಕನ್ತೋ, ತಣ್ಹಾಸೋತವಿಸೋಸಕೋ।

ಧಮ್ಮಸೋತಂ ಪವಾಹೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೮೪॥

ಸಬ್ಬತಣ್ಹಕ್ಖಯಂ ಪತ್ತೋ, ಸಬ್ಬದುಕ್ಖಪ್ಪನೂದನೋ।

ಸಬ್ಬುಪಧಿ ಸನ್ದಾಲೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೮೫॥

ಸಬ್ಬತಣ್ಹಾ ವಿಕ್ಖಮ್ಭೇಸಿ, ಪಟಿಪ್ಪಸ್ಸದ್ಧಸಬ್ಬಿಚ್ಛೋ।

ಸಬ್ಬಿಞ್ಜಾ ಸಮುಚ್ಛಿನ್ದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೮೬॥

ಸಬ್ಬಿಞ್ಜಾ ಪರಿಭಞ್ಜೇಸಿ, ಸಬ್ಬತಣ್ಹಾತಿಗೋ ಯತೀ।

ಸಬ್ಬಿಚ್ಛಾ ಪರಿಚಜ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೮೭॥

ತಣ್ಹಾಸಾಗರನಿತ್ತಿಣ್ಣೋ, ಸಬ್ಬಮಿಚ್ಛಮನಿಚ್ಛಕೋ।

ಚಿತ್ತಸಲ್ಲಂ ವಿಮೋಚೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೮೮॥

ಕಮ್ಮವಟ್ಟಂ ವಿವಜ್ಜೇಸಿ, ಕಮ್ಮಕ್ಲೇಸಾ ಅಪಗತೋ।

ಸಬ್ಬತ್ಥ ಸಂವುತೋ ಸೂರೋ, ಬುದ್ಧಂ ತಂ ಪಣಮಾಮ್ಯಹಂ॥೭೮೯॥

ಅಸತ್ತೋ ಉಪಸನ್ತತ್ತೋ, ಕಾಮಕೋಧಭಯಾತಿಗೋ।

ಭವಕಮ್ಮಜಹೋ ಛೇಕೋ, ಬುದ್ಧಂ ತಂ ಪಣಮಾಮ್ಯಹಂ॥೭೯೦॥

ವಿಗತಸಾರದೋ ಸೀಹೋ, ಛಿನ್ನಛಮ್ಭೋ ಛಿನ್ನದರೋ।

ಭವಕಮ್ಮಕ್ಖಯಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೯೧॥

ಕಮ್ಮಬೀಜಾನಿ ಝಾಪೇಸಿ, ಮೋಹಮೂಲಪಲಿಖಣೋ।

ನಿಜ್ಜರೇಸಿ ಅನುಸಯೇ, ಬುದ್ಧಂ ತಂ ಪಣಮಾಮ್ಯಹಂ॥೭೯೨॥

ಸಬ್ಬಕಮ್ಮಪರಿಕ್ಖೀಣೋ, ಸಬ್ಬವಿಪಾಕನಿಜ್ಜರೋ।

ಸಬ್ಬಪುಞ್ಞಪಾಪಞ್ಜಹೋ, ಬುದ್ಧಂ ತಂ ಪಣಮಾಮ್ಯಹಂ॥೭೯೩॥

ಸಬ್ಬಕಮ್ಮಂ ಕಿಲೇಸೇ ಚ, ಅಸೇಸಮಭಿವಾಹಯೀ।

ಸಬ್ಬಗಣ್ಠಿಂ ವಿಮೋಚೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೯೪॥

ಸಬ್ಬಕಮ್ಮೇಹಿ ವಿಮುತ್ತೋ, ಸಬ್ಬಕಮ್ಮಪರಿಚ್ಚಜೋ।

ಸಬ್ಬಕಾಮಗುಣಾ’ಪೇತೋ, ಬುದ್ಧಂ ತಂ ಪಣಮಾಮ್ಯಹಂ॥೭೯೫॥

ಅವಿಜ್ಜಾಮೂಲಂ ಭಿನ್ದೇಸಿ, ಕಮ್ಮಯನ್ತವಿಘಾತಕೋ।

ಸಬ್ಬಕಮ್ಮಕ್ಖಯಂ ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೭೯೬॥

ನತ್ಥಿಕವಾದಂ ಮದ್ದಿತ್ವಾ, ಅತ್ಥಿಕವಾದಂ ತಿಟ್ಠಯಿ।

ಸಮ್ಮಾದಿಟ್ಠಿಂ ವಿಞ್ಞಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೭೯೭॥

ಅಜ್ಝತ್ತನ್ಹಾತಕೋ ನಾಥೋ, ತಿಭವೋಘಪಾರಙ್ಗತೋ।

ಸುಭಗೋ ಸಬ್ಬಥಾ ಸುದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೭೯೮॥

ನಾಗವರೋ ಸೀಹವರೋ, ಸತ್ಥವಾಹೋ ಸತ್ಥುವರೋ।

ಧೀಸಾಗರೋ ಧೀರಧರೋ, ಬುದ್ಧಂ ತಂ ಪಣಮಾಮ್ಯಹಂ॥೭೯೯॥

ತಾಪನುದೋ ದುಕ್ಖನುದೋ, ಸಬ್ಬಹಿತಸುಖದದೋ।

ವಗ್ಗುವದೋ ಪಿಯವದೋ, ಬುದ್ಧಂ ತಂ ಪಣಮಾಮ್ಯಹಂ॥೮೦೦॥

ಚರಣಯುತ್ತೋ ತೇವಿಜ್ಜೋ, ಮೂಲಘಚ್ಚಸಮೂಹತೋ।

ಪಚ್ಛಿಮಜಾತಿಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೦೧॥

ತಿಭವದ್ಧಜ’ಚ್ಛರಿಯೋ, ತಿಲೋಕಕೇತುಅಬ್ಭುತೋ।

ಸದ್ಧಮ್ಮಪತಾಕಾಸೇಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೮೦೨॥

ಯತಿನ್ದ್ರಿಯೋ ಸನ್ತಿನ್ದ್ರಿಯೋ, ಪಸನ್ನಪಸಾದಿನ್ದ್ರಿಯೋ।

ಸುಭಾವಿತಿನ್ದ್ರಿಯೋ ಸನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೦೩॥

ನಭೂಪಮಮೇಧಾಯುತ್ತೋ, ಧಿತಿಯುತ್ತೋ ಸೇಲಸಮೋ।

ಖನ್ತಿಯುತ್ತೋ ಧರಾಸಮೋ, ಬುದ್ಧಂ ತಂ ಪಣಮಾಮ್ಯಹಂ॥೮೦೪॥

ಅಪ್ಪಮೇಯ್ಯಸಿರಿಮನ್ತೋ, ಸನ್ತಿಲಙ್ಕಾರ’ಲಙ್ಕತೋ।

ಸುಖಾಭರಣಭೂಸಿತೋ, ಬುದ್ಧಂ ತಂ ಪಣಮಾಮ್ಯಹಂ॥೮೦೫॥

ತಿಂಸಪಾರಮೀ ಸಞ್ಚಯಿ, ಸುತ್ತಿಣ್ಣೋ ತಿಭವಣ್ಣವಾ।

ಅನ್ತಿಮಜಾತಿಯುತ್ತೋ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೮೦೬॥

ಭವಾಸವಪರಿಞ್ಞಾತೋ, ಪಾಪುತ್ತಾಪವೂಪಸಮೋ।

ಪರಮಸುಖಧಿಗತೋ, ಬುದ್ಧಂ ತಂ ಪಣಮಾಮ್ಯಹಂ॥೮೦೭॥

ಭದ್ದಪ್ಪತ್ತೋ ಭದ್ದಕ್ಖಾಯೀ, ಭದ್ದಮಗ್ಗಪ್ಪಕಾಸಕೋ।

ಭದ್ದಕ್ಖೋ ಭದ್ದದಸ್ಸಾವೀ, ಬುದ್ಧಂ ತಂ ಪಣಮಾಮ್ಯಹಂ॥೮೦೮॥

ಮಹಾಮಹಿದ್ಧಿಕೋ ಧೀಮಾ, ಭವಾಭವಂ ಬ್ಯನ್ತಿಕತೋ।

ಯೋ ಅಮತಪ್ಫಲಂ ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೦೯॥

ನಿಬ್ಬಾನಭಾಗೀ ಭಗವಾ, ಸನ್ತಿಪ್ಪತ್ತೋ ಸುಭಾಗ್ಯವಾ।

ಪರಮಂ ಸಿವಂ ಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೧೦॥

ಆಚಾರಗುಣಸಮ್ಪನ್ನೋ, ಸಬ್ಬಗುಣಾನಮಾಕರೋ।

ಪುಣ್ಣಿನ್ದು ವಿಯ ಸಮ್ಪುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೮೧೧॥

ನನ್ದೀರಾಗಪರಿಕ್ಖೀಣೋ, ಉಪಾದಾನಪ್ಪಮೋಚನೋ।

ನರೋತ್ತಮೋ ಯೋಗಕ್ಖೇಮೀ, ಬುದ್ಧಂ ತಂ ಪಣಮಾಮ್ಯಹಂ॥೮೧೨॥

ಕಿಚ್ಚಕಾರೀ ಕತಕಿಚ್ಚೋ, ಕಿಚ್ಚಾಕಿಚ್ಚಪ್ಪಕಾಸಕೋ।

ಕಿಚ್ಚಾಧಿಕರಣದಕ್ಖೋ, ಬುದ್ಧಂ ತಂ ಪಣಮಾಮ್ಯಹಂ॥೮೧೩॥

ಸುಪಸ್ಸದ್ಧೋ ಮುನಿವರೋ, ಪಗುಣೋ ಮುನಿಪುಙ್ಗವೋ।

ಇಸಿಪುಙ್ಗವೋ ಉತ್ತಮೋ, ಬುದ್ಧಂ ತಂ ಪಣಮಾಮ್ಯಹಂ॥೮೧೪॥

ಪಹೀನಭಯಭೇರವೋ, ಪರಿಸಾಸು ವಿಸಾರದೋ।

ನರಸೀಹನಾದಂ ನದಿ, ಬುದ್ಧಂ ತಂ ಪಣಮಾಮ್ಯಹಂ॥೮೧೫॥

ಪಾರಗಾಮೀ ಪಾರಗತೋ, ಪವರೋ ಪರಿಯನ್ತಗೂ।

ಲೋಕವಿದೂ ಲೋಕನ್ತಗೂ, ಬುದ್ಧಂ ತಂ ಪಣಮಾಮ್ಯಹಂ॥೮೧೬॥

ಪರಮತ್ಥಪರಿಪುಣ್ಣೋ, ಪರಮಸಚ್ಚದಸ್ಸನೋ।

ನಿಬ್ಬಾನಂ ಯೋ ಸಚ್ಛಿಕತೋ, ಬುದ್ಧಂ ತಂ ಪಣಮಾಮ್ಯಹಂ॥೮೧೭॥

ಲಾಭಾಲಾಭೇ ಯಸಾಯಸೇ, ಸಮ್ಮಾನಅವಮಾನನೇ।

ಸಬ್ಬತ್ಥ ಸಮಕೋ ಸಾಮೀ, ಬುದ್ಧಂ ತಂ ಪಣಮಾಮ್ಯಹಂ॥೮೧೮॥

ಪರಮತ್ಥಪ್ಪತ್ತೋ ಧೀರೋ, ಪರಮನಿಮ್ಮಲೋತ್ತಮೋ।

ಭವಬನ್ಧಂ ಪಮೋಚೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೧೯॥

ಪಟಿರೂಪೋ ಪಟಿಬುದ್ಧೋ, ಸಂಸಾರಪಟಿಮೋಚಕೋ।

ಪಟಿಪಸ್ಸದ್ಧಿಸಂಯುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೨೦॥

ಪಞ್ಚಕ್ಖನ್ಧಪರಿಞ್ಞಾತೋ, ಪಞ್ಞಾಯ ಪಟಿಭಾವಿತೋ।

ಸಬ್ಬಮೋಹಂ ನಿಮ್ಮದ್ದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೨೧॥

ಪಧಾನೋ ಪುರಿಸವರೋ, ಪಾರಗವೇಸೀ ಪಾರಗೂ।

ಪವಿವೇಕಮನುಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೨೨॥

ಸಬ್ಬಕ್ಲೇಸಕ್ಖಯಂ ಪತ್ತೋ, ಸಬ್ಬಾನುಸಯದ್ಧಂಸಿತೋ।

ಸಬ್ಬಾಸವೇ ಪಹಾಸಿ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೮೨೩॥

ಸಬ್ಬಾವಿಜ್ಜಾ ಸಞ್ಛಿನ್ದೇಸಿ, ತಿಕ್ಖವಿಜ್ಜಾವುಧನ್ಧರೋ।

ಸಬ್ಬಾಸಯಂ ವಿನಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೨೪॥

ಸಬ್ಬಸೋಕಮತಿಕ್ಕನ್ತೋ, ಸಬ್ಬದುಕ್ಖವಿನಾಸಕೋ।

ಸಬ್ಬುಪಾಯಾಸಉಚ್ಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೮೨೫॥

ಮುತ್ತಿಮಗ್ಗಂ ಪಕಾಸೇಸಿ, ಮುತ್ತಿಮಗ್ಗಗವೇಸಕೋ।

ಸಬ್ಬಭವಬ್ಯಾಧಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೨೬॥

ಯೋ ನ ಲಿಮ್ಪತಿ ಕಾಮೇಸು, ಆರಗ್ಗೇರಿವ ಸಾಸಪೋ।

ಭವಾಸತ್ತಿವಿಸಂಯುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೨೭॥

ಮುನಿ ಮೋನೇಯ್ಯ ಸಮ್ಪನ್ನೋ, ಬಾಹಿತಪಾಪೋ ಬ್ರಾಹ್ಮಣೋ।

ಸಮಣೋ ಸಮತಾವಿನೋ, ಬುದ್ಧಂ ತಂ ಪಣಮಾಮ್ಯಹಂ॥೮೨೮॥

ಭವಾಸವಾ ವಿಧೂಪಿತೋ, ಕಾಮಾಸವಾ ವೂಪಸಮೋ।

ಅವಿಜ್ಜಾಸವಾ ವಿಗತೋ, ಬುದ್ಧಂ ತಂ ಪಣಮಾಮ್ಯಹಂ॥೮೨೯॥

ಪರಿಞ್ಞೇಯ್ಯಂ ಪರಿಞ್ಞಾತೋ, ಭಾವೇತಬ್ಬಂ ಚ ಭಾವಿತೋ।

ಪಹಾತಬ್ಬಂ ಪಹೀನಂ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೮೩೦॥

ಸನ್ತಿಸುಖಮನುಪ್ಪತ್ತೋ, ಮುತ್ತಿಸೋತಪವಾಹಕೋ।

ಬಹೂ ಸತ್ತೇ ಪಮೋಚೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೩೧॥

ಪರಿಞ್ಞಾಪಾರಗೂ ಚಾಪಿ, ಪಹಾನಪಾರಗೂ ಪಭೂ।

ಭಾವನಾಪಾರಗೂ ವಿಭೂ, ಬುದ್ಧಂ ತಂ ಪಣಮಾಮ್ಯಹಂ॥೮೩೨॥

ಆಸತ್ತಿದೋಸರಹಿತೋ, ವಿಪ್ಪಮುತ್ತೋ ನಿರುಪಧಿ।

ಓನದ್ಧಮುತ್ತೋ ಓಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೩೩॥

ನಿಬ್ಬಾನಪತ್ತೋ ಸಿದ್ಧತ್ಥೋ, ಪಗಬ್ಭೋ ಪಪಞ್ಚಜಹೋ।

ಪಬುದ್ಧೋ ಪಟಿಸರಣೋ, ಬುದ್ಧಂ ತಂ ಪಣಮಾಮ್ಯಹಂ॥೮೩೪॥

ಮಗ್ಗಟ್ಠೋ ಅಪಿ ಫಲಟ್ಠೋ, ಮೋಹಜಾಲಸುಫಾಲಕೋ।

ಸುಫಾಸುಕೋ ಸುಮುತ್ತಿಮಾ, ಬುದ್ಧಂ ತಂ ಪಣಮಾಮ್ಯಹಂ॥೮೩೫॥

ಬೋಧಿರತನಸಮ್ಪನ್ನೋ, ಪವರಭೂರಿಮೇಧಸೋ।

ಬ್ರಾಹ್ಮಣೋ ಸಮಣೋ ಸಾಧು, ಬುದ್ಧಂ ತಂ ಪಣಮಾಮ್ಯಹಂ॥೮೩೬॥

ಮಿಚ್ಛಾದಿಟ್ಠಿಂ ಪದಾಲೇಸಿ, ಮಿಚ್ಛಾಚಾರನಿಮ್ಮದ್ದಕೋ।

ಮಿಚ್ಛಾಞಾಣಂ ನಿವಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೩೭॥

ಮೋಹಜಾಲಮತಿಕ್ಕನ್ತೋ, ದುಟ್ಠನ್ತಕಸ್ಸ ಅನ್ತಕೋ।

ಮಾರಮದಂ ನಿಮ್ಮದ್ದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೩೮॥

ಸಿದ್ಧತ್ಥೋ ಸದತ್ಥಪತ್ತೋ, ಪರಿಪುಣ್ಣಮನೋರಥೋ।

ಕತಕಿಚ್ಚೋ ವೂಪಸನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೩೯॥

ಯಸ್ಸ ಮಾಯಾ ಚ ಮಾನೋ ಚ, ಮೋಹೋ ಮಕ್ಖೋ ಚ ಪಾತಿತೋ।

ವಾರಿ ಪೋಕ್ಖರಪತ್ತಾ’ವ, ಬುದ್ಧಂ ತಂ ಪಣಮಾಮ್ಯಹಂ॥೮೪೦॥

ಉಳುರಾಜಾ’ವ ವಿಮಲೋ, ಸುದ್ಧಚಿತ್ತೋ ಅನಾವಿಲೋ।

ಅಸತ್ತೋ ಸುಗತೋ ನಾಥೋ, ಬುದ್ಧಂ ತಂ ಪಣಮಾಮ್ಯಹಂ॥೮೪೧॥

ಕಾಮಭವಪ್ಪರಿಕ್ಖೀಣೋ, ರೂಪಭವಮುಪಚ್ಚಗೋ।

ಅರೂಪಭವಂ ಭಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೪೨॥

ಯಸೀ ಯಸಆಭೂಸಿತೋ, ಮಹೇಸೀ ಇಸಿಕುಞ್ಜರೋ।

ಹಿತೇಸೀ ಹಿತಸಮ್ಭವೋ, ಬುದ್ಧಂ ತಂ ಪಣಮಾಮ್ಯಹಂ॥೮೪೩॥

ತಪಸ್ಸೀ ಚಾಪಿ ತೇಜಸ್ಸೀ, ಯಸಸ್ಸೀ ಚ ಯಸೋಧರೋ।

ವಿಪಸ್ಸೀ ಚಾಪಿ ವಿದಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೮೪೪॥

ಅಗ್ಗಮಗ್ಗಗವೇಸೀ ಚ, ಸುಖೇಸಿ ಸಬ್ಬಪಾಣಿನಂ।

ಮಹಾಮುನಿ ಮಹೇಸೀ ಚ, ಬುದ್ಧಂ ತಂ ಪಣಮಾಮ್ಯಹಂ॥೮೪೫॥

ಅತ್ಥವಿದೂ ಸಚ್ಚವಿದೂ, ಲೋಕವಿದೂ ಲೋಕನ್ತಗೂ।

ಅದ್ಧಗೂ ಅದ್ಧಾನಗತೋ, ಬುದ್ಧಂ ತಂ ಪಣಮಾಮ್ಯಹಂ॥೮೪೬॥

ಸೋಕಸಲ್ಲಸತ್ತಿಚುಣ್ಣೋ, ಸಬ್ಬುಪಾದಾನಝಾಯಕೋ।

ಮೋಹಣ್ಣವತಿಣ್ಣೋ ವೀರೋ, ಬುದ್ಧಂ ತಂ ಪಣಮಾಮ್ಯಹಂ॥೮೪೭॥

ಭಯಭೇರವಮತಿಕ್ಕನ್ತೋ, ಅಭೀತೋ ವೀತಸಾರದೋ।

ಸಬ್ಬಥಾ ಛಮ್ಭವಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೪೮॥

ನಿಪ್ಪಪಞ್ಚರತೋ ನಾಥೋ, ನಿಪ್ಪಪಞ್ಚಂ ನಿದ್ದೇಸಯಿ।

ಸಬ್ಬಪ್ಪಪಞ್ಚಂ ಹಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೪೯॥

ಓವಾದಕೋ ವಿಞ್ಞಾಪಕೋ, ತಾರಕೋ ಬಹುಪಾಣಿನಂ।

ದೇಸನಾಕುಸಲೋ ಸತ್ಥಾ, ಬುದ್ಧಂ ತಂ ಪಣಮಾಮ್ಯಹಂ॥೮೫೦॥

ಸುದ್ಧಹದಯೋ ಸಂಸುದ್ಧೋ, ವಿಮಲೋ ವಿರಜಮಾನಸೋ।

ನ್ಹಾತಕೋ ನಿಮ್ಮಲಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೫೧॥

ವಿಕ್ಖೀಣಜಾತಿಸಂಸಾರೋ, ಅನ್ತಿಮದೇಹಧಾರಕೋ।

ಸಂಸಾರೇ ಅಸಂಸರನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೫೨॥

ದೀಪಙ್ಕರಪಾದಮೂಲೇ, ಮುತ್ತಿಂ ಹತ್ಥಗತಂ ಚಜಿ।

ಸಮ್ಮಾಸಮ್ಬೋಧಿಮಾಕಙ್ಖೀ, ಬುದ್ಧಂ ತಂ ಪಣಮಾಮ್ಯಹಂ॥೮೫೩॥

ಪಿಯವಾಚೀ ಪಿಯಭಾಣೀ, ಪಿಯವಾದೀ ವಚೀವರೋ।

ವಗ್ಗುವಾಚೀ ವಗ್ಗುಭಾಣೀ, ಬುದ್ಧಂ ತಂ ಪಣಮಾಮ್ಯಹಂ॥೮೫೪॥

ಥಿರವಾಚೋ ಖೇಮವಾಚೋ, ಪೀತಿವಾಚೋ ಸನ್ತಿವದೋ।

ಅಚ್ಛಭಾಣೀ ತಚ್ಛಭಾಣೀ, ಬುದ್ಧಂ ತಂ ಪಣಮಾಮ್ಯಹಂ॥೮೫೫॥

ಞಾಣಭಾಸೀ ಞಾಣವಿದೂ, ಕಾಲಭಾಸೀ ಕಾಲವಿದೂ।

ಸಚ್ಚಭಾಸೀ ಸಚ್ಚವಿದೂ, ಬುದ್ಧಂ ತಂ ಪಣಮಾಮ್ಯಹಂ॥೮೫೬॥

ಕರವೀಕಭಾಣೀ ಞಾಣೀ, ಗಮ್ಭೀರಧಮ್ಮದೇಸಕೋ।

ಚಿತ್ರಕಥಿಕೋ ವಿಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೫೭॥

ಸಮ್ಮಾಸಮ್ಬೋಧಿಸಮ್ಪನ್ನೋ, ಸದ್ಧಮ್ಮಬಲಸೋಭಿತೋ।

ಸಮ್ಪನ್ನವಿಜ್ಜಾಚರಣೋ, ಬುದ್ಧಂ ತಂ ಪಣಮಾಮ್ಯಹಂ॥೮೫೮॥

ಯಸ್ಸಾಸವಾ ನ ವಿಜ್ಜನ್ತಿ, ವಿಮುತ್ತಚಿತ್ತೋ ಸಬ್ಬದಾ।

ಪರಮಂ ಪದಂ ಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೫೯॥

ಸಮಥಪ್ಪತ್ತೋ ಸಮಣೋ, ಬ್ರಹ್ಮವಿಹಾರೀ ಬ್ರಾಹ್ಮಣೋ।

ಸಬ್ಬಮಲಂ ಪಬ್ಬಾಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೬೦॥

ನನ್ದೀಭವಪರಿಕ್ಖೀಣೋ, ಭವೋಘಮೋಹಮಚ್ಚಗೋ।

ಸಬ್ಬೋತ್ತಮಮನುಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೬೧॥

ಪಞ್ಚನೀವರಣಾತೀತೋ, ಸತ್ತವಿಸುದ್ಧಿಧಾರಣೋ।

ಸತ್ತಬೋಜ್ಝಙ್ಗಕುಸಲೋ, ಬುದ್ಧಂ ತಂ ಪಣಮಾಮ್ಯಹಂ॥೮೬೨॥

ಸಬ್ಬಪಾರಮೀ ಪೂರೇತ್ವಾ, ಸುದ್ಧಧಮ್ಮಗವೇಸಯೀ।

ಮೋಕ್ಖಮಗ್ಗಂ ಪಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೬೩॥

ಲೋಕಾಭಿಭೂ ಲೋಕಜಿತೋ, ಲೋಕಞ್ಞೂ ಲೋಕನಾಯಕೋ।

ತಿಲೋಕನಾಥೋ ಲೋಕೀಸೋ, ಬುದ್ಧಂ ತಂ ಪಣಮಾಮ್ಯಹಂ॥೮೬೪॥

ಸುವತ್ಥಿನಾಮೋ ಸುನಾಮೋ, ಸಚ್ಚನಾಮೋ ಸುಖಾವಹೋ।

ಸಚ್ಚಸನ್ಧೋ ಸಚ್ಚವಾದೋ, ಬುದ್ಧಂ ತಂ ಪಣಮಾಮ್ಯಹಂ॥೮೬೫॥

ಛನ್ದರಾಗವಿಪ್ಪಹೀನೋ, ಅಮಮೋ ಚ ಅನಾಸಯೋ।

ಅಸತ್ತೋ ಸುಗತೋ ಸುದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೮೬೬॥

ಪುಣ್ಣವೋಸಿತವೋಸಾನೋ, ಅಭಿಞ್ಞಾಬಲವೋಸಿತೋ।

ಜಾತಿಮಚ್ಚುಕ್ಖಯಂ ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೬೭॥

ಮಾಯಾಮೋಹಸಮುಚ್ಛಿನ್ನೋ, ದೋಸದೋಹವಿದಾಲಕೋ।

ಲೋಭಲಾಲಸಾ ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೬೮॥

ದೋಸಸಲ್ಲಸಮುಚ್ಛಿನ್ನೋ, ಅಪ್ಪಟಿಬದ್ಧಮಾನಸೋ।

ದಳ್ಹಚಿತ್ತೋ ಅಸನ್ತಾಪೀ, ಬುದ್ಧಂ ತಂ ಪಣಮಾಮ್ಯಹಂ॥೮೬೯॥

ಪಫುಲ್ಲಮಾನಸೋ ಸತ್ಥಾ, ಸದಾ ಪಸನ್ನಮಾನಸೋ।

ಮುದಿತಮಾನಸೋ ಸಾಮೀ, ಬುದ್ಧಂ ತಂ ಪಣಮಾಮ್ಯಹಂ॥೮೭೦॥

ನಿರಜಮಾನಸೋ ನಾಥೋ, ಸದಾ ವಿಮಲಮಾನಸೋ।

ವಿಸುದ್ಧಮಾನಸೋ ಸುದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೮೭೧॥

ತೇಜಸ್ಸೀ ಚ ತೇಜಧನೋ, ತಪಸ್ಸೀ ಚ ತಪೋಧನೋ।

ಞಾಣೇಸೀ ಚ ಞಾಣಧನೋ, ಬುದ್ಧಂ ತಂ ಪಣಮಾಮ್ಯಹಂ॥೮೭೨॥

ಪಮೋದಿತೋ ಪಮೋದೇಸಿ, ತೋಸೇಸಿ ಪರಿತೋಸಕೋ।

ಪರಿರಕ್ಖಕೋ ರಕ್ಖೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೭೩॥

ಪುಣ್ಣವೋಸಿತವೋಸಾನೋ, ಅಭಿಞ್ಞಾಬಲವೋಸಿತೋ।

ಜಾತಿಮಚ್ಚುಕ್ಖಯಂ ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೭೪॥

ಮಾಯಾಮೋಹಸಮುಚ್ಛಿನ್ನೋ, ದೋಸದೋಹವಿದಾಲಕೋ।

ಲೋಭಲಾಲಸಾ ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೭೫॥

ದೋಸಸಲ್ಲಸಮುಚ್ಛಿನ್ನೋ, ಅಪ್ಪಟಿಬದ್ಧಮಾನಸೋ।

ದಳ್ಹಚಿತ್ತೋ ಅಸನ್ತಾಪೀ, ಬುದ್ಧಂ ತಂ ಪಣಮಾಮ್ಯಹಂ॥೮೭೬॥

ಸಹೇತುಧಮ್ಮಂ ಞಾಪೇಸಿ, ಆತಾಪೀ ಝಾಯೀ ಬ್ರಾಹ್ಮಣೋ।

ಸಬ್ಬಾ ಕಙ್ಖಾ ವಿನೋದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೭೭॥

ಸಬ್ಬಾ ಕಙ್ಖಾಯೋ ವಾಪೇಸಿ, ಆತಾಪೀ ಝಾಯೀ ಬ್ರಾಹ್ಮಣೋ।

ಪಚ್ಚಯಾನಂ ಖಯಂ ವಿದ್ವಾ, ಬುದ್ಧಂ ತಂ ಪಣಮಾಮ್ಯಹಂ॥೮೭೮॥

ಮಾರಸೇನಾ ಪರಾಜಿತ್ವಾ, ಸುರಿಯೋ’ವ ಓಭಾಸಸಿ।

ಸಚ್ಚಧಮ್ಮಮನುಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೭೯॥

ತಿಂಸಪಾರಮೀಪೂರೇಸಿ, ಸಬ್ಬಲೋಕಹಿತಙ್ಕರೋ।

ಚತುಸಚ್ಚಂ ಅನ್ವೇಸಯಿ, ಬುದ್ಧಂ ತಂ ಪಣಮಾಮ್ಯಹಂ॥೮೮೦॥

ಚತುಸಚ್ಚಂ ಸಚ್ಛಿಕತ್ವಾ, ತಣ್ಹಾನಂ ಖಯಮಜ್ಝಗಾ।

ವಿಸಙ್ಖಾರಗತಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೮೧॥

ಭದ್ದಕಾಯೋ ಭದ್ದವಾಚೋ, ಭದ್ದಚಿತ್ತೋ ಭದ್ದಾಸಯೋ।

ಸಮನ್ತಭದ್ದೋ ಸುಭದ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೮೮೨॥

ಸನ್ತಕಾಯೋ ಸನ್ತವಾಚೋ, ಸನ್ತವಾ ಸನ್ತಚೇತಸೋ।

ಸನ್ತಿಸಮುದ್ದಂ ಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೮೩॥

ಲೋಕಬನ್ಧು ಲೋಕಸಾಮೀ, ಲೋಕಾಧಿಪೋ ಲೋಕಿಸ್ಸರೋ।

ಲೋಕಮಿತ್ತೋ ಲೋಕಸಖಾ, ಬುದ್ಧಂ ತಂ ಪಣಮಾಮ್ಯಹಂ॥೮೮೪॥

ಅಕ್ಖರಾನಂ ಸನ್ನಿಪಾತೇ, ಪುಬ್ಬಾಪರಾನಂ ಪಾರಗೂ।

ನಿರುತ್ತಿಪದಕೋವಿದೋ, ಬುದ್ಧಂ ತಂ ಪಣಮಾಮ್ಯಹಂ॥೮೮೫॥

ಸನ್ತಿಸುಖಪದಾಯಕೋ, ವಿಜ್ಜಾನಿಧಿ ವಿನಾಯಕೋ।

ಬಾಹೂಜನೇ ಸಹಾಯಕೋ, ಬುದ್ಧಂ ತಂ ಪಣಮಾಮ್ಯಹಂ॥೮೮೬॥

ವಿಜಯನ್ತೋ ಬೋಧಿಮೂಳೇ, ಪತ್ತೋ ಸಮ್ಬೋಧಿಮುತ್ತಮಂ।

ಅನ್ತಕಸ್ಸ ಅನ್ತಕರೋ, ಬುದ್ಧಂ ತಂ ಪಣಮಾಮ್ಯಹಂ॥೮೮೭॥

ವಿನಯವಾದೀ ವಿರತ್ತೋ, ಧಮ್ಮವಾದೀ ಧಮ್ಮಗತೋ।

ಅತ್ಥವಾದೀ ಅತ್ಥಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೮೮॥

ಸನ್ತಿವಾದೀ ಮುದುವಾದೀ, ಸಚ್ಚವಾದೀ ಸಚ್ಚರತೋ।

ಭೂತವಾದೀ ಭದ್ದವಾದೀ, ಬುದ್ಧಂ ತಂ ಪಣಮಾಮ್ಯಹಂ॥೮೮೯॥

ಯತಕಾಯೋ ಯತವಾಚೋ, ಯತಚಿತ್ತೋ ಯತಿನ್ದ್ರಿಯೋ।

ಸಬ್ಬವಿಧೇ ಯತೋ ಯತಿ, ಬುದ್ಧಂ ತಂ ಪಣಮಾಮ್ಯಹಂ॥೮೯೦॥

ನಿರಿಚ್ಛೋ ಚೇವ ಛಿನ್ನಿಚ್ಛೋ, ವೀತಿಚ್ಛೋ ಇಚ್ಛಾಉಚ್ಛಿನ್ನೋ।

ಗತಿಚ್ಛೋ ಇಚ್ಛಾನಿಚ್ಛಾತೋ, ಬುದ್ಧಂ ತಂ ಪಣಮಾಮ್ಯಹಂ॥೮೯೧॥

ಅಚ್ಛಚಿತ್ತೋ ಅಚ್ಛಚಾರೀ, ಅನಚ್ಛಇಚ್ಛಾರಿಞ್ಚಕೋ।

ಸಬ್ಬಿಚ್ಛಾ’ನಿಚ್ಛಾ ಉಚ್ಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೮೯೨॥

ಅಚ್ಚಿತೋ ಅಚ್ಚಿಸಜ್ಜಿತೋ, ಅಚ್ಚುಚ್ಚೋ ಚ ಅಚ್ಚುತ್ತಮೋ।

ಅಚ್ಚುತಂ ಅಕತಂ ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೮೯೩॥

ಸುದ್ಧೋ ಮಗ್ಗಂ ವಿಸೋಧೇಸಿ, ಸಿದ್ಧೋ ಸಮಣಸೇಖರೋ।

ಬುದ್ಧೋ ಬೋಧಿಂ ಪಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೮೯೪॥

ಪಣೀತೋ ಚ ಪುನೀತೋ ಚ, ಪವಿತ್ತೋ ಚಾಪಿ ಪಾವನೋ।

ಪೇಸಲೋ ಪವರೋ ಮೇಜ್ಝೋ, ಬುದ್ಧಂ ತಂ ಪಣಮಾಮ್ಯಹಂ॥೮೯೫॥

ಖೇಮೋ ಖೀಣಪರಿಳಾಹೋ, ಖೇಮಯುತ್ತೋ ಖೇಮಕರೋ।

ಖೇಮಕ್ಖೇತ್ತೋ ಖೇಮಟ್ಠಾನೋ, ಬುದ್ಧಂ ತಂ ಪಣಮಾಮ್ಯಹಂ॥೮೯೬॥

ಗತಭೋಗೋ ಗತರೋಗೋ, ಗತಸೋಕೋ ಗತಾವಿಲೋ।

ಗತಾನುತಾಪೋ ಗತಿನ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೮೯೭॥

ಪಾರಗೂ ಸಬ್ಬದುಕ್ಖಾನಂ, ಪರಿಞ್ಞಾಣಞ್ಚ ಪಾರಗೂ।

ನಿರೋಧಂ ಸುಸಚ್ಛಿಕತೋ, ಬುದ್ಧಂ ತಂ ಪಣಮಾಮ್ಯಹಂ॥೮೯೮॥

ಸತ್ತವಿಸುದ್ಧಿಸಮ್ಪನ್ನೋ, ಸುದ್ಧೋ ವಿಸುದ್ಧಮಾನಸೋ।

ವಿಮುತ್ತಮಾನಸೋ ವಿದ್ವಾ, ಬುದ್ಧಂ ತಂ ಪಣಮಾಮ್ಯಹಂ॥೮೯೯॥

ಭವಾಭವೇ ಅನುಭವಿತ್ವಾ, ಪತ್ತೋ ಸುಮುತ್ತಿಮುತ್ತಮಂ।

ಬ್ರಹ್ಮಚಕ್ಕಂ ಪವತ್ತೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೦೦॥

ಭೂರಿಪಞ್ಞೋ ಭೂರಿಮೇಧೋ, ಭೂರಿಬೋಧಿಪಕಾಸಕೋ।

ಭೂರಿಞಾಣಂ ಪಸಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೦೧॥

ಭಾರನಿಕ್ಖೇಪಕೋ ವೀರೋ, ಭವಸಿನೇಹನಾಸಕೋ।

ಭವನೇತ್ತಿಂ ವಿಭಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೦೨॥

ಭಾವಿತತ್ತೋ ಭವಮುತ್ತೋ, ಭಾವಿತೋ ಭಾವನಾರತೋ।

ಭಾವಿತಿನ್ದ್ರಿಯೋ ಭಗವಾ, ಬುದ್ಧಂ ತಂ ಪಣಮಾಮ್ಯಹಂ॥೯೦೩॥

ಮಹಾಭಿಸಕ್ಕೋ ಭೇಸಜ್ಜೋ, ಭವರೋಗತಿಕಿಚ್ಛಕೋ।

ಭವೋಘತಾರಕೋ ಭದ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೯೦೪॥

ಭವಾಭವತಣ್ಹಾಭಗ್ಗೋ, ಭವಾಸತ್ತಿವಿಭಞ್ಜಕೋ।

ಭವಸಂಯೋಜನಂ ಛಿನ್ದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೦೫॥

ಭವನ್ತದಸ್ಸೀ ಸುಭದ್ದೋ, ಭವಗ್ಗಾತೀತೋ ನಿಬ್ಬುತೋ।

ಭವನ್ತಗೂ ಭಗವನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೦೬॥

ಭಾವಿತೋ ಅರಿಯಮಗ್ಗೋ, ಭವಬನ್ಧನಸಮೂಹತೋ।

ಭಯಭೇರವಂ ಭೇದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೦೭॥

ಭಾವೇಸಿ ಕುಸಲಂ ಧಮ್ಮಂ, ಬೋಜ್ಝಙ್ಗರತನಿಸ್ಸರೋ।

ಭವಸೋತಂ ತಿಣ್ಣೋ ನಾಥೋ, ಬುದ್ಧಂ ತಂ ಪಣಮಾಮ್ಯಹಂ॥೯೦೮॥

ಭವಸಂಯೋಜನಂ ಛೇತ್ವಾ, ಭವಸಙ್ಗಾತಿಗೋ ಇಸಿ।

ಭವಸಾಗರಮುತ್ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೯೦೯॥

ಭವಯೋಗವೀತಿವತ್ತೋ, ಭವಸನ್ತಾಪನಿಬ್ಬುತೋ।

ಭವಮೋಹೋದಧಿತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೯೧೦॥

ಭವಭೋಗವಿಸಂಯುತ್ತೋ, ಭಾರಮುತ್ತೋ ಭವಜಯೋ।

ಭವಯೋಗವಿಪ್ಪಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೧೧॥

ಭವಭೋಗೋಘನಿತ್ತಿಣ್ಣೋ, ಭವಜಾಲಸನ್ದಾಲಕೋ।

ಭವಸಂಸರಣಾತೀತೋ, ಬುದ್ಧಂ ತಂ ಪಣಮಾಮ್ಯಹಂ॥೯೧೨॥

ಭೀರುತಾಣೋ ಭೀರುಲೇಣೋ, ಭೀರುಸರಣದಾಯಕೋ।

ಭೀರುಆರಕ್ಖಕೋ ಭಿಯ್ಯೋ, ಬುದ್ಧಂ ತಂ ಪಣಮಾಮ್ಯಹಂ॥೯೧೩॥

ಸಬ್ಬಾಸರಣಸರಣೋ, ತಾಣೋ ಲೇಣೋ ಸುರಕ್ಖಕೋ।

ಜನಾನಂ ನನ್ದಕೋ ಭಿಯ್ಯೋ, ಬುದ್ಧಂ ತಂ ಪಣಮಾಮ್ಯಹಂ॥೯೧೪॥

ಸಬ್ಬಾಬಾಧಂ ಅಚ್ಚಗಮೋ, ತಣ್ಹಾತಿಮಿರನ್ತಕರೋ।

ಕಾಮಾಸವಂ ಪಜಹಿ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೯೧೫॥

ಸಬ್ಬಧಮ್ಮಾಭಿಸಮ್ಬುದ್ಧೋ, ಮೋಕ್ಖಮಗ್ಗಗನ್ವೇಸಕೋ।

ಪರಮತ್ಥಧಮ್ಮಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೧೬॥

ಸಬ್ಬಧಮ್ಮಂ ಸಮ್ಬೋಧೇಸಿ, ಅನ್ತಕನ್ತಕರೋ ಜಿನೋ।

ಪರಿಯನ್ತಧಮ್ಮಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೧೭॥

ಸಬ್ಬಲೋಕಂ ಪರಿಞ್ಞಾಸಿ, ಸಬ್ಬಲೋಕಪನೂದನೋ।

ಲೋಕುತ್ತರಧಮ್ಮಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೧೮॥

ಸಬ್ಬಲೋಕಹಿತತ್ಥಾಯ, ಬೋಧೇಸಿ ಕರುಣಾಪತೀ।

ನಿಪುಣತ್ಥಧಮ್ಮಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೧೯॥

ಸಬ್ಬಇದ್ಧೀ ಅಭಿಞ್ಞಾಸಿ, ಸಬ್ಬತಣ್ಹಾ ನಿರೋಧಕೋ।

ನಿರೋಧಂ ಸಕ್ಖಿಂ ಅಕಾಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೨೦॥

ಸಬ್ಬಸಚ್ಚಂ ಅಭಿಞ್ಞಾಸಿ, ಸಬ್ಬಞ್ಞೂ ಸಮಣುತ್ತಮೋ।

ಪಣ್ಡಿತೋ ಸಬ್ಬಧಮ್ಮೇಸು, ಬುದ್ಧಂ ತಂ ಪಣಮಾಮ್ಯಹಂ॥೯೨೧॥

ಸಬ್ಬಸಿದ್ಧತ್ಥಸಿದ್ಧೋ ಚ, ಸಮನ್ತಭದ್ದೋ ಸಬ್ಬಥಾ।

ಸಬ್ಬುತ್ತಮಂ ಧಮ್ಮಂ ಲದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೯೨೨॥

ಉಪೇತೋ ಬೋಧಿಧಮ್ಮೇಹಿ, ವಿಮುತ್ತೋ ಸಬ್ಬಭವೇಹಿ ಚ।

ಇಟ್ಠಪತ್ತೋ ಮುತ್ತಾ’ನಿಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೯೨೩॥

ಸಬ್ಬಾಹಾರಪರಿಞ್ಞಾತೋ, ಸಬ್ಬಾಹಾರಮನಿಸ್ಸಿತೋ।

ಸಬ್ಬಾಧಾರಪರಿಚ್ಚಾಗೀ, ಬುದ್ಧಂ ತಂ ಪಣಮಾಮ್ಯಹಂ॥೯೨೪॥

ಸಬ್ಬಮೋಹನಿಸಾ ಹನ್ತ್ವಾ, ಸಬ್ಬಂ ರಾಗಂ ದೋಸಂ ನುದೋ।

ಸುದ್ಧಿಧಮ್ಮಂ ಪಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೨೫॥

ಸಬ್ಬಕಿಲೇಸಂ ಸೋಸೇಸಿ, ಸಬ್ಬಾದಾನಪನೂದನೋ।

ಸಬ್ಬಸೋಕಂ ವಿನಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೨೬॥

ಸಬ್ಬಿನ್ದ್ರಿಯಗುತ್ತೋ ಸಾಮೀ, ಸಬ್ಬಕಙ್ಖಿಚ್ಛಾಸಂವುತೋ।

ಸಬ್ಬಲೋಕೇಸನಾಚಾಗೀ, ಬುದ್ಧಂ ತಂ ಪಣಮಾಮ್ಯಹಂ॥೯೨೭॥

ಸಬ್ಬಾಸವಪರಿಚ್ಚಾಗೀ, ಜಾತಿಮಚ್ಚು ನಿವಾರಯೀ।

ಭವದುಕ್ಖಂ ವಿದ್ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೨೮॥

ಸಬ್ಬಕಮ್ಮಕ್ಲೇಸಜಹೋ, ವೀತಸಙ್ಖಾರಚೇತಸೋ।

ಅನ್ತಿಮಸಾರೀರಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೨೯॥

ಸಬ್ಬಬನ್ಧಂ ವಿಘಾತೇಸಿ, ಸಬ್ಬನ್ತರಾಯನಾಸಕೋ।

ಬೋಧಞ್ಞೂ ದುಬ್ಬುದ್ಧಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೩೦॥

ಸಬ್ಬಮೋಹಪರಿಕ್ಖೀಣೋ, ಸಬ್ಬಞ್ಞೂ ಸಬ್ಬಕೋವಿದೋ।

ಸಬ್ಬಾಭಿಭೂ ಸಬ್ಬವಿದೂ, ಬುದ್ಧಂ ತಂ ಪಣಮಾಮ್ಯಹಂ॥೯೩೧॥

ಸಬ್ಬಾಭಿನಿವೇಸಾ ಸುಞ್ಞೋ, ಸಬ್ಬಗುಣಪತಿಟ್ಠಿತೋ।

ಸಬ್ಬಕ್ಲೇಸೇ ವಿಸೋಧೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೩೨॥

ಸಬ್ಬರಾಗಂ ವಿರಾಜೇಸಿ, ಸಬ್ಬದೋಸವಿದ್ಧಂಸಕೋ।

ಸಬ್ಬಮೋಹವಿನಿಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೩೩॥

ಸಬ್ಬದುಕ್ಖಪರಿಞ್ಞಾತೋ, ಸಬ್ಬದುಕ್ಖಕ್ಖಯಙ್ಕರೋ।

ಸಬ್ಬಧಿ ಭವಭಞ್ಜನೋ, ಬುದ್ಧಂ ತಂ ಪಣಮಾಮ್ಯಹಂ॥೯೩೪॥

ಸಬ್ಬದುಕ್ಖಮತಿಕ್ಕನ್ತೋ, ಸಬ್ಬದುಕ್ಖಸ್ಸ ಅನ್ತಗೂ।

ಸಬ್ಬದುಕ್ಖಪ್ಪಹೀನೋ ಚ, ಬುದ್ಧಂ ತಂ ಪಣಮಾಮ್ಯಹಂ॥೯೩೫॥

ಸಂಸಾರಸಾಗರುತ್ತಿಣ್ಣೋ, ಸಬ್ಬಭವಾನ ಪಾರಗೂ।

ಅನ್ತಿಮದೇಹಂ ಧಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೩೬॥

ಸಬ್ಬಥಾ ಆಕಙ್ಖಾತೀತೋ, ಸಬ್ಬಸಙ್ಗಾತಿಗೋ ಸುಧೀ।

ಸಬ್ಬೇಸು ಅನೂಪಲಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೩೭॥

ಗಿದ್ಧಿಞ್ಜಹೋ ತಣ್ಹಕ್ಖಯೋ, ಸಬ್ಬಚಾಗೇಸು ಸಣ್ಠಿತೋ।

ಸಬ್ಬತ್ಥ ಉಪಸಮ್ಮತೋ, ಬುದ್ಧಂ ತಂ ಪಣಮಾಮ್ಯಹಂ॥೯೩೮॥

ಸಬ್ಬಾಮಿತ್ತೇ ವಸೀಕತ್ವಾ, ಸಬ್ಬಜಿನೋ ಸಬ್ಬಾಭಿಭೂ।

ಸಬ್ಬವೇರವಿಪ್ಪಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೩೯॥

ಸಬ್ಬಭೋಗಮತಿಕ್ಕನ್ತೋ, ಸಬ್ಬಕಾಮರತಿಚಜೋ।

ಸಬ್ಬಕಙ್ಖಿಚ್ಛಾ ಉಚ್ಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೯೪೦॥

ಸಬ್ಬೀತಿಯೋ ವೀತಿವತ್ತೋ, ಸಬ್ಬಭೀತಿವಿನಾಸಕೋ।

ಸಬ್ಬದೋಸದೋಹದನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೪೧॥

ಸಬ್ಬಕೋಪಕೋಧಖೀಣೋ, ಕಾಮಕ್ಲೇಸಮತಿಕ್ಕಮೋ।

ಸಬ್ಬಮೋಹಮಾಯಾಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೪೨॥

ಸಬ್ಬಸಂಯೋಜನೇ ಛೇತ್ವಾ, ಸಬ್ಬಸಂಸಯ’ಪಗತೋ।

ಸಬ್ಬುಪಾದಾನುಪಚ್ಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೯೪೩॥

ಸಬ್ಬಾಭಿಲಾಸಾ ಹಾಪೇಸಿ, ಸಬ್ಬಕ್ಲೇಸವಿಸೋಧಕೋ।

ಸಬ್ಬಿಞ್ಜಾ ಪಟಿಪ್ಪಸ್ಸದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೯೪೪॥

ಸಬ್ಬಾದಾನಪರಿಚ್ಚಾಗೀ, ಸಬ್ಬಸಂಯೋಜನಾತಿಗೋ।

ಸಬ್ಬಸಙ್ಗವಿಸಂಯುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೪೫॥

ಸಬ್ಬತ್ಥ ಸುಮನೋ ಸಾಮೀ, ಸಬ್ಬಸೋತ್ಥಿಂ ಪದಾಯಕೋ।

ಸಬ್ಬೇಸಂ ಸಮ್ಪಸೀದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೪೬॥

ಸಬ್ಬಾನಲಂ ನಿಬ್ಬಾಪೇಸಿ, ಸಬ್ಬಸನ್ತಾಪಮದ್ದಕೋ।

ಸಬ್ಬಧಿ ಸುಮುತ್ತೋ ಸನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೪೭॥

ಸಬ್ಬಾಸವಂ ಪರಿಜಾನಿ, ಸಬ್ಬಬ್ಯಾಧಿವಿನಾಸಕೋ।

ಸಬ್ಬಸೋಕಕ್ಖಯಂ ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೪೮॥

ಸಬ್ಬರಾಗತಮಂ ಧಂಸೀ, ಸಬ್ಬದೋಸತಮಂ ನುದೋ।

ಸಬ್ಬಮೋಹತಮಂ ಹನ್ತಾ, ಬುದ್ಧಂ ತಂ ಪಣಮಾಮ್ಯಹಂ॥೯೪೯॥

ಸಬ್ಬಧಿ ಸಬ್ಬತ್ಥಪ್ಪತ್ತೋ, ಸಬ್ಬತ್ಥದಸ್ಸಾವೀ ಇಸಿ।

ಸಬ್ಬಪಾಸಣ್ಡಂ ಮದ್ದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೫೦॥

ಸಬ್ಬಪಾರಮೀಸಮ್ಭೂತೋ, ಸಬ್ಬಪರಿಞ್ಞಾಪೂರಿತೋ।

ಸಬ್ಬಅಭಿಞ್ಞಾಸಮ್ಪುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೯೫೧॥

ಸಬ್ಬದುಕ್ಖಕ್ಖಯಂ ಪತ್ತೋ, ಸಬ್ಬಸೋಕಮತಿಕ್ಕಮೋ।

ಸಂಸಾರಸಿನ್ಧುನಿತ್ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೯೫೨॥

ಸೀಲಸಮಾಧಿಸಂಯುತ್ತೋ, ವಿಜ್ಜಾವಾರಿಧಿ ಪಞ್ಞವಾ।

ಸಬ್ಬಾಸವಾಛಿನ್ನಭಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೯೫೩॥

ಸಬ್ಬತಾಪವಿಪ್ಪಮುತ್ತೋ, ಸಮುಚ್ಛಿನ್ನಸಬ್ಬೂಪಧಿ।

ಸಬ್ಬಪಪಞ್ಚೂಪಸಮೋ, ಬುದ್ಧಂ ತಂ ಪಣಮಾಮ್ಯಹಂ॥೯೫೪॥

ಸಬ್ಬಅಹಙ್ಕಾರಮುತ್ತೋ, ಸಬ್ಬಮಮಙ್ಕಾರಕ್ಖಯೋ।

ಸಬ್ಬಾಸತ್ತಿ ವಿಪ್ಪಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೫೫॥

ವಿಜಿತಸಬ್ಬಸಙ್ಗಾಮೋ, ಸಬ್ಬತ್ಥ ಅಪರಾಜಿತೋ।

ಸಬ್ಬೇ ವತ್ತೇಸಿ ಸಬ್ಬಸೋ, ಬುದ್ಧಂ ತಂ ಪಣಮಾಮ್ಯಹಂ॥೯೫೬॥

ಸಬ್ಬಞ್ಞೂ ತಿಲೋಕಸೇಟ್ಠೋ, ಸಬ್ಬಸಂಯೋಜನಾ ನುದೋ।

ಸಬ್ಬಓಘೇ ನಿತ್ಥರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೫೭॥

ಸಬ್ಬಬನ್ಧವಿನಿಮುತ್ತೋ, ಸಬ್ಬಗಣ್ಠಿವಿಖಣ್ಡಿತೋ।

ಸಬ್ಬಪಾಸೇಹಿ ಮೋಚೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೫೮॥

ಸಬ್ಬಗನ್ಥಸಮುಚ್ಛಿನ್ನೋ, ಸಬ್ಬಯೋಗವಿಸಂಯುತೋ।

ಹತಕ್ಖೋಭೋ ಹತಾಲಯೋ, ಬುದ್ಧಂ ತಂ ಪಣಮಾಮ್ಯಹಂ॥೯೫೯॥

ಸಬ್ಬಸಂಯೋಜನಾ ಸುಞ್ಞೋ, ಸಬ್ಬವಟ್ಟವಿನಾಸಕೋ।

ಸಬ್ಬಜಟಾ ವಿಜಟೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೬೦॥

ಸಬ್ಬೇಸು ಅನಿಚ್ಛಾಸಞ್ಞೀ, ಸಬ್ಬಾಭಿಜ್ಝಾತಿಗೋ ಇಸಿ।

ಸಬ್ಬಸಂಯೋಗ’ಸಂಯೋಗೋ, ಬುದ್ಧಂ ತಂ ಪಣಮಾಮ್ಯಹಂ॥೯೬೧॥

ಸಬ್ಬಸಙ್ಖಾರೇಹಿ ರಿತ್ತೋ, ಸಬ್ಬಾಸತ್ತಿ ಪನೂದನೋ।

ಸಬ್ಬಾಕುಸಲಪಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೬೨॥

ಸಬ್ಬಪಕಾರಸಮ್ಪನ್ನೋ, ಸಬ್ಬಸಮನ್ತಭದ್ದಕೋ।

ಸಬ್ಬಾಕಾರಪರಿಪುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೯೬೩॥

ಸಬ್ಬ ವಿಜ್ಜಾ ಅನುಪ್ಪತ್ತೋ, ಸಬ್ಬಸುಗುಣಸಙ್ಗಹೋ।

ಭದ್ದಕೋ ಸುಭದ್ದಕಾರೀ, ಬುದ್ಧಂ ತಂ ಪಣಮಾಮ್ಯಹಂ॥೯೬೪॥

ಸಬ್ಬಾಸವೇ ಪರಿಞ್ಞಾತೋ, ಸಬ್ಬಾಸವೇ ಬ್ಯನ್ತಿಕತೋ।

ಸಬ್ಬೇಸಂ ಪರಿಚಜ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೬೫॥

ಸಬ್ಬಬನ್ಧವಿಪ್ಪಮುತ್ತೋ, ಸಬ್ಬಸಙ್ಕಪ್ಪಪೂರಿತೋ।

ಸಬ್ಬಕ್ಖೇಮಂ ವಿಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೬೬॥

ಸಬ್ಬತ್ಥ ಕುಸಲೋ ಸತ್ಥಾ, ಸಬ್ಬತ್ಥ ಕೋವಿದೋ ವಿದೂ।

ಸಬ್ಬತ್ಥ ವಿಮಲೋ ಸುದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೯೬೭॥

ಸಬ್ಬೋಚ್ಚ ಸಬ್ಬತೋಭದ್ದೋ, ಸಬ್ಬಥಾ ಮಞ್ಞಿತಂ ಚಜೋ।

ಸಮ್ಮಾದಸ್ಸನಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೯೬೮॥

ಅನವಸೇಸಞಾಣಞ್ಞೂ, ಸಬ್ಬತೋ ಸುವಿಜಾನಕೋ।

ಸಬ್ಬಅಞ್ಞಾಣಮುಚ್ಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೯೬೯॥

ಸಬ್ಬಞ್ಞಾಸಮ್ಪತ್ತೋ ನಾಥೋ, ಆಸತ್ತಿರಿತ್ತೋ ಸಬ್ಬಧಿ।

ಸಬ್ಬತ್ಥ ಸಬ್ಬವಿಸಿಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೯೭೦॥

ಸಬ್ಬಕಿಲೇಸೇಹಿ ಸುಞ್ಞೋ, ಸಬ್ಬಗನ್ಥಿಪ್ಪಮೋಚಕೋ।

ಸಬ್ಬಬನ್ಧಂ ವಿಚ್ಛಿನ್ದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೭೧॥

ಸಬ್ಬಭವಉಪಚ್ಛಿನ್ನೋ, ಉಚ್ಛಿನ್ನಲೋಕಬನ್ಧನೋ।

ಸಬ್ಬಓಘಂ ನಿತ್ಥರಣೋ, ಬುದ್ಧಂ ತಂ ಪಣಮಾಮ್ಯಹಂ॥೯೭೨॥

ನಿತ್ತಿಣ್ಣಭವಸಾಗರೋ, ಕತಕಿಚ್ಚೋ ಯತಿಸ್ಸರೋ।

ಸಬ್ಬಸೋ ಸೀತಲೀಭೂತೋ, ಬುದ್ಧಂ ತಂ ಪಣಮಾಮ್ಯಹಂ॥೯೭೩॥

ಸಬ್ಬಲೋಕಮಭಿಭೂತೋ, ಸಬ್ಬಲೋಕವಿದೂ ಇಸಿ।

ಸಬ್ಬಲೋಕಂ ಸುದಸ್ಸಾವೀ, ಬುದ್ಧಂ ತಂ ಪಣಮಾಮ್ಯಹಂ॥೯೭೪॥

ಸಬ್ಬಲೋಕವಿಸಂಯುತ್ತೋ, ಸಬ್ಬಲೋಕವಿರಜ್ಜಕೋ।

ಸಬ್ಬಲೋಕಂ ನಿರೋಧೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೭೫॥

ಸಬ್ಬಲೋಕೇ ಅನಾಸಂಸೋ, ಸಬ್ಬಲೋಕೇ ಅನೂಪಯೋ।

ಸಬ್ಬಲೋಕೇ ಸಙ್ಗಸುಞ್ಞೋ, ಬುದ್ಧಂ ತಂ ಪಣಮಾಮ್ಯಹಂ॥೯೭೬॥

ಸಬ್ಬಅಭಿಞ್ಞಾ ಸಮ್ಪತ್ತೋ, ಸಬ್ಬಧಿ ಸುಮತಿವರೋ।

ಸಬ್ಬಸಚ್ಚಂ ವಿತ್ಥಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೭೭॥

ಸಬ್ಬಪಾರಮೀಸಮ್ಪನ್ನೋ, ಸಬ್ಬಗುಣಾನುಪಾಗತೋ।

ಸಬ್ಬಥಾ ಪರಿಞ್ಞಾಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೭೮॥

ಭವಸೋತಂ ವಿಸೋಸೇಸಿ, ಸಬ್ಬಕ್ಲೇಸಮುಪಚ್ಚಗೋ।

ಸಬ್ಬಾಸವಂ ವಿಕ್ಖಾಲೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೭೯॥

ಸಬ್ಬಥಾ ಸಮ್ಪಟಿನಿಸ್ಸಜ್ಜಿ, ಸಬ್ಬಂ ಸನ್ತರಬಾಹಿರಂ।

ಸಬ್ಬಂ ಸೋತ್ಥಿಂ ಸಚ್ಛಿಕತೋ, ಬುದ್ಧಂ ತಂ ಪಣಮಾಮ್ಯಹಂ॥೯೮೦॥

ಸಬ್ಬಪ್ಪಪಞ್ಚಂ ಪಹಾಸಿ ಯೋ, ಪರಿಚ್ಚಾಗೇಸು ಸಣ್ಠಿತೋ।

ಸಬ್ಬಸಙ್ಗಂ ವಿವಜ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೮೧॥

ಸಬ್ಬ’ನ್ತರಾಯವಿಹತೋ, ಸಬ್ಬ’ಘಾನಲನಿಬ್ಬುತೋ।

ಸಬ್ಬಸಾರಮ್ಭಂ ಭಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೮೨॥

ಸಬ್ಬಾಭಿಲಾಸಾ ಉಚ್ಛಿನ್ನೋ, ಸಬ್ಬಾಭಿಮಾನಭಿನ್ದಕೋ।

ಸಬ್ಬಾ’ನುಸಯಂ ನಿಸ್ಸಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೯೮೩॥

ಸಬ್ಬಸಂಸಟ್ಠವಿಚ್ಛಿನ್ನೋ, ಸಬ್ಬಸಂಯೋಜನಾ ಚಜೋ।

ಸಬ್ಬಗೇಧಪಭೇದಕೋ, ಬುದ್ಧಂ ತಂ ಪಣಮಾಮ್ಯಹಂ॥೯೮೪॥

ಸಬ್ಬುಪಾದಾನೂಪಸಮೋ, ಸಬ್ಬಾಕಙ್ಖಾವಿಖಣ್ಡಿತೋ।

ಸಬ್ಬಸಲ್ಲಂ ವಿಚುಣ್ಣೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೮೫॥

ಸಬ್ಬಮೋಹಂ ವಿನೋದೇಸಿ, ಸಬ್ಬಮಾನನಿಮದ್ದಕೋ।

ಸಬ್ಬಭೀತಿಂ ವೀತಿವತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೮೬॥

ಕಾಮಾಸತ್ತಿಂ ಬ್ಯನ್ತಿಕತೋ, ಸಬ್ಬಛನ್ದಸಞ್ಛಿನ್ದಕೋ।

ಸಬ್ಬಾ ಇಚ್ಛಾ ಉಚ್ಛೇದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೮೭॥

ಸಬ್ಬಸಮ್ಮೋಹಂ ಮದ್ದೇಸಿ, ಸಬ್ಬಸೋತವಿಸೋಸಕೋ।

ಸಬ್ಬಗನ್ಥಿಂ ನಿದ್ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೮೮॥

ಸಬ್ಬಿಸ್ಸಾ ಸಮತಿಕ್ಕನ್ತೋ, ಸಬ್ಬತೋ ಇಞ್ಜಾ ರಿಞ್ಚಕೋ।

ಸಬ್ಬದೋಸದೋಹಂ ಹನ್ತಾ, ಬುದ್ಧಂ ತಂ ಪಣಮಾಮ್ಯಹಂ॥೯೮೯॥

ಸಬ್ಬಕೋಧಮತಿಕ್ಕನ್ತೋ, ಸಬ್ಬಕಾಮನಿಮದ್ದಕೋ।

ಸಬ್ಬಮೋಹಸಮುಚ್ಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೯೯೦॥

ಭವನೇತ್ತಿಂ ಸಞ್ಛಿನ್ದೇಸಿ, ಸಬ್ಬಭೋಗಜಿಗುಚ್ಛಕೋ।

ಸಬ್ಬಬೋಧಿಗುಣುಪೇತೋ, ಬುದ್ಧಂ ತಂ ಪಣಮಾಮ್ಯಹಂ॥೯೯೧॥

ಸಬ್ಬತ್ಥದೋಹಾತೀತೋ ಯೋ, ಸಬ್ಬಮಾನಾತಿಗೋ ಮುನಿ।

ಸಬ್ಬದೋಸಂ ವಿಪ್ಪಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೯೨॥

ಸಬ್ಬಸಂಸಯಾ ವಿಮುತ್ತೋ, ಸಬ್ಬಸಂಯೋಜನಾಚುತೋ।

ಸಬ್ಬಸಂಸಾರೋಘಂ ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೯೯೩॥

ಸಬ್ಬಮ್ಹಿ ಅನೂಪಲಿತ್ತೋ, ಸಬ್ಬವಿದೂ ಸಬ್ಬಾಭಿಭೂ।

ಸಬ್ಬನ್ತರಾಯವಿಕ್ಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೯೯೪॥

ಸಬ್ಬೂಪಧಿಮತಿಕ್ಕನ್ತೋ, ಸಬ್ಬಾಸವಕ್ಖಯಙ್ಕರೋ।

ಸೀಹೋ’ವ ಅನುತ್ರಾಸೋ, ಬುದ್ಧಂ ತಂ ಪಣಮಾಮ್ಯಹಂ॥೯೯೫॥

ಸಬ್ಬಮಮಙ್ಕಾರಮುತ್ತೋ, ಸಬ್ಬಅಹಂಕಾರಕ್ಖಯೋ।

ಸಬ್ಬದೋಸಮತಿಕ್ಕನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೯೯೬॥

ಸಬ್ಬಭವಪಥಂ ಖಿನ್ನೋ, ಸಬ್ಬಸಙ್ಖಾರನಿಬ್ಬುತೋ।

ಸಬ್ಬಬನ್ಧನಂ ಭಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೯೭॥

ಸಬ್ಬೀಘಾ ಸಮುಗ್ಘಾತೇಸಿ, ಸಬ್ಬಿನ್ಧಾ ಪರಿನಿಸ್ಸಗೋ।

ಸಬ್ಬಿಸ್ಸಾ ಪಟಿನಿಸ್ಸಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೯೯೮॥

ಸಬ್ಬಗಿದ್ಧಾಗಿಜ್ಝಾಚಾಗೀ, ಸಬ್ಬಮೋಹಮಾಯಾನುದೋ।

ಸಬ್ಬಾಭಿಜ್ಝಾ ವಿಭಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೯೯೯॥

ಸಬ್ಬಕೋಪಕೋಧಾತೀತೋ, ಸಬ್ಬದೋಸಕ್ಲೇಸಚ್ಚಜೋ।

ಸಬ್ಬದೋಹಮತಿಕ್ಕನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೦೦॥

ಸಬ್ಬರಾಗಂ ವಿರಜ್ಜೇಸಿ, ಸಬ್ಬದೋಸವಿನಾಸಕೋ।

ಸಬ್ಬಮೋಹಮತಿಕ್ಕನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೦೧॥

ಸಬ್ಬಮಲಂ ಪಕ್ಖಾಲೇಸಿ, ಸಬ್ಬಸಲ್ಲಸನ್ದಾಲಕೋ।

ಸಬ್ಬಖಿಲಂ ವಿದ್ದಾಲೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೦೨॥

ಸಬ್ಬಭಯಮತಿಕ್ಕನ್ತೋ, ಸಬ್ಬಭೀತಿಬ್ಯನ್ತಿಕತೋ।

ಸಬ್ಬಛಮ್ಭಿಸಮುಚ್ಛಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೦೩॥

ಸಬ್ಬಲೋಭಅಬ್ಬುಳ್ಹನ್ತೋ, ಸಬ್ಬರಜಂ ವಿರಾಜೇಸೀ।

ಸಬ್ಬನನ್ದೀ ವಿಚ್ಛಿನ್ದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೦೪॥

ಸಬ್ಬಸೋಕಸಮುಚ್ಛಿನ್ನೋ, ಸಬ್ಬದೋಸವಿಸೋಸಕೋ।

ಸಬ್ಬನೇತ್ತಿಂ ನಿವಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೦೫॥

ಸಬ್ಬಜಾತಿಂ ನಿಜ್ಜರೇಸಿ, ಸಬ್ಬಭವಗ್ಗಿನಿಬ್ಬುತೋ।

ಸಬ್ಬಲೋಕಮತಿಕ್ಕನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೦೬॥

ಸಬ್ಬಸಂಸಟ್ಠವಿರತೋ, ಸಬ್ಬಸಂಸಗ್ಗಆರಕೋ।

ಸಬ್ಬಾಸತ್ತಿನಿರತ್ತಕೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೦೭॥

ಸಬ್ಬಾಕಙ್ಖಾಪರಿಕ್ಖೀಣೋ, ಸಬ್ಬಾಪೇಕ್ಖಾವಿಕ್ಖಮ್ಭಕೋ।

ಸಬ್ಬಾಭಿಲಾಸಾ ಭಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೦೮॥

ಸಬ್ಬಾಸಙ್ಕಾ ನಿವಾರೇಸಿ, ಸಬ್ಬಾತಙ್ಕಾವಿಚ್ಛಿನ್ದಕೋ।

ಸಬ್ಬಾವಿಲಂ ವಿಕ್ಖಾಲೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೦೯॥

ಸಬ್ಬಾಲಯಸಮುಚ್ಛಿನ್ನೋ, ಸಬ್ಬಾಸಯಅನಿಸ್ಸಿತೋ।

ಸಬ್ಬಾಸವೇ ವಿಸೋಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೧೦॥

ಸಬ್ಬುಪಧಿಂ ನಿದ್ಧೋವೇಸಿ, ಸಬ್ಬಾರಮ್ಮಣರಿಞ್ಚಕೋ।

ಸಬ್ಬಾಭಿಮಾನಂ ಭಞ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೧೧॥

ಸಬ್ಬುಪಾಯಾಸಂ ಉಕ್ಖಿತ್ತೋ, ಸಬ್ಬುಪಾದಾನಂ ಉಜ್ಝಿತೋ।

ಸಬ್ಬಾಭಿಜ್ಝಾ ಉಚ್ಛೇದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೧೨॥

ಸಬ್ಬಸಂಯೋಜನಂ ಛೇತ್ವಾ, ಸುದ್ಧಾಜೀವೀ ಸುದ್ಧಾಚರೋ।

ಸಙ್ಗಾತಿಗೋ ಓಘತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೧೩॥

ಸಬ್ಬದೋಮನಸ್ಸಸನ್ತೋ, ಸಬ್ಬಸಂಯೋಜನಾ ಹತೋ।

ಸಬ್ಬಾಸಙ್ಕಾವಿಪ್ಪಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೧೪॥

ಸಬ್ಬಸೋಕವೀತಿವತ್ತೋ, ಸಬ್ಬನೀವರಣಾನುದೋ।

ಸಬ್ಬದೋಮನಸ್ಸಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೧೫॥

ಸಬ್ಬಭೀತಿಭಯಾತೀತೋ, ಛಮ್ಭನಸುಞ್ಞೋ ಸಬ್ಬಸೋ।

ಸಬ್ಬಾಕುಲತಾ ನಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೧೬॥

ಸಬ್ಬಭೋಗೇ ಪಹಾಸಿ ಯೋ, ಸಬ್ಬಾಸತ್ತಿಪರಿಚ್ಚಜೋ।

ಸಬ್ಬಕಾಮಮತಿಕ್ಕಮೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೧೭॥

ಸಬ್ಬೋತ್ತಮಯೋಗಕ್ಖೇಮೀ, ಸಬ್ಬೋತ್ತಮಂ ಅಧಿಗಮೋ।

ಸಬ್ಬೋತ್ತಮಸನ್ತಿಮನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೧೮॥

ಸಬ್ಬವೋಸಿತವೋಸಾನೋ, ಕತಕಿಚ್ಚೋ ಯತಿನ್ದ್ರಿಯೋ।

ಮಹಾಮೋಹಣ್ಣವುತ್ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೧೯॥

ದುಕ್ಖಕ್ಖನ್ಧಂ ಪರಿಞ್ಞಾತೋ, ತಣ್ಹಾಪಾಸವಿಚ್ಛೇದಕೋ।

ಸಬ್ಬಸನ್ತಾಸಸುಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೨೦॥

ಸಬ್ಬಯೋಗವೀತಿವತ್ತೋ, ಸೀತಿಭೂತೋ ನಿರೂಪಧಿ।

ಭವರಾಗಪರಿಕ್ಖೀಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೨೧॥

ಸಬ್ಬೇಜಾ ಸಮತಿಕ್ಕನ್ತೋ, ಸಬ್ಬಧಿಂ ಸಮತಾಠಿತೋ।

ಸದಾ ಸುಮತಿದಾಯಕೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೨೨॥

ಭವೇನ ನಿರಾಸತ್ತಿಕೋ, ಪರಮೋಯಂ ಸಮುಸ್ಸಯೋ।

ಪಹಾಸಿ ಸಬ್ಬಸಙ್ಖಾರೇ, ಬುದ್ಧಂ ತಂ ಪಣಮಾಮ್ಯಹಂ॥೧೦೨೩॥

ಸಬ್ಬದುಕ್ಖಪರಿಮುತ್ತೋ, ದೋಸದೋಹಪಧಂಸಕೋ।

ಭವಗನ್ಥಂ ಪದಾಲೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೨೪॥

ಅಂಸುಮಾಲೀ ಅಚ್ಚಿಮಾಲೀ, ರಂಸಿಮಾಲೀ ಧಮ್ಮರವಿ।

ಮೋಹ’ಮಾವಸೀ ನಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೨೫॥

ಚನ್ದಿಮಾ’ವ ಸನ್ತಿಕರೋ, ಚನ್ದಿಮಾ’ವ ಪಭಾಕರೋ।

ಸನ್ತಿಪಭಾ ಸಣ್ಠಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೨೬॥

ಅಗ್ಗಿಕ್ಖನ್ಧೋ’ವ ಸುಪ್ಪಭೋ, ಭಬ್ಬತೇಜೋ ಸುಖಾಲಯೋ।

ಓಭಾಸಿತೋ ಉಕ್ಕಾಧಾರೀ, ಬುದ್ಧಂ ತಂ ಪಣಮಾಮ್ಯಹಂ॥೧೦೨೭॥

ಅಚ್ಚಿಮಾ’ವ ಪಭಸ್ಸರೋ, ಸಬ್ಬಲೋಕೇ ಆಲೋಕದಾ।

ಅತಿರುಚಿರೋ ಓಭಾಸೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೨೮॥

ಬ್ಯಾಮಪ್ಪಭಾಯ ಸುಪ್ಪಭೋ, ಕರುಣಾರುಣಉಜ್ಜಲೋ।

ರುಚಿರಾಭಾಯ ಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೨೯॥

ಇನ್ದುವಿಯ’ಮ್ಬರಮಜ್ಝೇ, ಸಙ್ಘಮಜ್ಝೇ ವಿರೋಚಯಿ।

ಞಾಣಾಲೋಕಂ ವಿಕಿರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೩೦॥

ಆದಿಚ್ಚಬನ್ಧು ಆತಾಪೀ, ದಿಬ್ಬರೂಪೋ ವಿರೋಚನೋ।

ಸಬ್ಬಲೋಕಂ ಪಜ್ಜೋತೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೩೧॥

ಮಜ್ಝೇ ಸಮಣಸಙ್ಘಸ್ಸ, ಆದಿಚ್ಚೋ’ವ ವಿರೋಚಯೀ।

ವಿಜ್ಜಾಲೋಕಕರೋ ಲೋಕೇ, ಬುದ್ಧಂ ತಂ ಪಣಮಾಮ್ಯಹಂ॥೧೦೩೨॥

ತಾರಾ’ವ ಸಮಣಮಜ್ಝೇ, ಪುಣ್ಣಿನ್ದುಸಮಸೋಭಿತೋ।

ಸಬ್ಬಸತ್ತುತ್ತಮೋ ಸಾಮೀ, ಬುದ್ಧಂ ತಂ ಪಣಮಾಮ್ಯಹಂ॥೧೦೩೩॥

ಚಾರುಞಾಣಸಿಖಾಧಾರೀ, ಸೋಭಾಜೋತಿಸಮುಜ್ಜಲೋ।

ಪಭಸ್ಸರಂ ಪಭಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೩೪॥

ದಿನಕರೋ ತಮೋನುದೋ, ದಿತ್ತೋ ತಿಮಿರದ್ಧಂಸಕೋ।

ಛಬ್ಬಣ್ಣರಂಸೀಸೋಭಿತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೩೫॥

ಇನ್ದು’ವ ನಿಮ್ಮಲೋ ಸುದ್ಧೋ, ಪರಮಪುರಿಸೋ ಯಸೀ।

ವರಲಕ್ಖಣಸಮ್ಪುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೩೬॥

ಪುಣ್ಣಿನ್ದಸದಿಸೋ ಜುಣ್ಹೋ, ಸಮ್ಪುಣ್ಣಸನ್ತಮಾನಸೋ।

ಸಬ್ಬತೋ ಸೀತಲೀಭೂತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೩೭॥

ಚಾರುದಸ್ಸೀ ಪಿಯದಸ್ಸೀ, ಅಙ್ಗೀರಸೋ ಆಲೋಕಿತೋ।

ಪಭಙ್ಕರೋ’ವ ಉಜ್ಜೋತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೩೮॥

ಇನ್ದು’ವ ಅಮ್ಬರತಲೇ, ಅಭಿವಣ್ಣೋ ಸುಸೋಭಿತೋ।

ಮಹಾಧಮ್ಮಪ್ಪಭಾಯುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೩೯॥

ಆರೋಚಿತೋ ಓಭಾಸಿತೋ, ಸುರಿಯೋ’ವ ವಿರೋಚಿತೋ।

ಅತುಲತೇಜೋ ತೇಜಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೧೦೪೦॥

ಸಹಸ್ಸರಂಸೀ ಭಗವಾ, ಪದುಮಾಮಲಸುಚ್ಛವೀ।

ಧಮ್ಮಪ್ಪಭಾಪರಿವುತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೪೧॥

ಸೋಭಿತೋ ಸಾಲರಾಜಾ’ವ, ಪುಣ್ಣಮಾಯಂ’ವ ಚನ್ದಿಮಾ।

ಓಭಾಸೇಸಿ ದಿಸಾ ಸಬ್ಬಾ, ಬುದ್ಧಂ ತಂ ಪಣಮಾಮ್ಯಹಂ॥೧೦೪೨॥

ರಂಸಿಜಾಲಪರಿಕ್ಖಿತ್ತೋ, ಪದುಮಾನನಲೋಚನೋ।

ಕನಕಂ’ವ ವಿರೋಚೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೪೩॥

ಮೇತ್ತಾಪಭಾಪರಿವುತೋ, ಧಮ್ಮಭಾನುಪಭಾಸಿತೋ।

ಪಞ್ಞಪ್ಪಭಾ ವಿಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೪೪॥

ಪರಿಧೋತೋ ಪರಿಸುದ್ಧೋ, ಚನ್ದಿಮಾ ಇವ ಪುಣ್ಣಕೋ।

ಸದ್ಧಮಂ ಪರಿಸೋಧೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೪೫॥

ಞಾಣರಂಸಿಂ ವಿಕಿರೇಸಿ, ಧಮ್ಮಾದಿಚ್ಚಸುಭಾಸುರೋ।

ಮುತ್ತಿಪನ್ಥಂ ಪಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೪೬॥

ಅನ್ತಲಿಕ್ಖೇ ಪುಣ್ಣಿನ್ದು’ವ, ಸೀತಲಪಭಾದಾಯಕೋ।

ಸುದ್ಧಧಮ್ಮಜೋತಿಕರೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೪೭॥

ಸದ್ಧಮ್ಮಜೋತಿಂ ಜೋತೇಸಿ, ಜುತಿವನ್ತೋ ಜುತಿನ್ಧರೋ।

ಸಬ್ಬಲೋಕಂ ಪಜ್ಜೋತೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೪೮॥

ಪಭಸ್ಸರೋ ತಿಲೋಕಗ್ಗೋ, ಸದ್ಧಮ್ಮಸ್ಸ ಸುದೀಪಕೋ।

ಅರಿಯಞಾಣಂ ವಿತ್ಥಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೪೯॥

ಚನ್ದಿಮಾ’ವ ಗಗನತಲೇ, ಸೀತಾಭಾ ಸುಪ್ಪಕಾಸಕೋ।

ಅನೂನಸುಖದಾಯಕೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೫೦॥

ಜಲಿತಪ್ಪದೀಪಂ ದಿತ್ತೋ, ತಿಲೋಕಸ್ಸತಿಮಿರಹರೋ।

ಅರಿಯಮಗ್ಗಂ ಜೋತೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೫೧॥

ಜುತಿಙ್ಕರೋ ಜೋತಿಧರೋ, ಪಭಙ್ಕರೋ ಪಭಾಧರೋ।

ಆಭಾಧರೋ ಆಭಾಕರೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೫೨॥

ಅವಿಜ್ಜಾತಮಂ ಧಂಸೇಸಿ, ವಿಜ್ಜಾಭಾನುಸಮುಜ್ಜಲೋ।

ಧಮ್ಮವಿಭಾ ವಿಭಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೫೩॥

ತಿಲೋಕತಿಮಿರಂ ಹನ್ತಾ, ಮೇಧಾಮುದ್ಧಾಸಮುಜ್ಜಲೋ।

ಲೋಕಾಲೋಕಕರೋ ನಾಥೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೫೪॥

ಮೋಹತಿಮಿರಂ ಧಂಸೇಸಿ, ಪಭಾಕರೋ ಪದೀಪಕೋ।

ಸಚ್ಚಧಮ್ಮಂ ಪಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೫೫॥

ಕರುಣಾರುಣೋ ಆಲೋಕೋ, ಪಞ್ಞಾರಂಸಿಪಕಾಸಕೋ।

ಅವಿಜ್ಜಾವರಣಭಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೫೬॥

ಕರುಣಾಕರೋ ಪಞ್ಞಾಭೋ, ತಿಭವೇ ಆಲೋಕಙ್ಕರೋ।

ಸನ್ತಿರಸ್ಮೀ ವಿಪ್ಫಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೫೭॥

ಪುಣ್ಣಿನ್ದು ವಿಯ ಸುದಿತ್ತೋ, ಞಾಣಿನ್ದು ಞಾಣಪುಣ್ಣಿಕೋ।

ಸದ್ಧಮ್ಮಾಭಾ ಪಭಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೫೮॥

ಮೋಹತಿಮಿಸಿಕಾಛಿನ್ನೋ, ದೀಪಙ್ಕರೋ ಸುದೀಪಿತೋ।

ಬೋಧಿಪ್ಪಭಾ ಪಭಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೫೯॥

ಅವಿಜ್ಜಾನಿಸಾ ನಾಸೇಸಿ, ತಿಲೋಕೇ ಧಮ್ಮಸೂರಿಯೋ।

ಧಮ್ಮರಂಸಿಂ ವಿಕಿರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೬೦॥

ಅವಿಜ್ಜಾಚ್ಛಾದಿತೇ ಲೋಕೇ, ವಿಜ್ಜಾಲೋಕಂ ವಿಕಾಸಯೀ।

ಧಮ್ಮಪ್ಪಭಾ ವಿಸಜ್ಜೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೬೧॥

ಮೋಹನಿಸಾ ವಿನಾಸೇಸಿ, ಧಮ್ಮುಜ್ಜಲೋ ದಿವಾಕರೋ।

ಲೋಕಾಲೋಕಂ ಆಲೋಕೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೬೨॥

ತಿಭವಸ್ಸ ತಮೋಹನ್ತಾ, ತೇಜಸ್ಸೀ ಜಿನಸೂರಿಯೋ।

ಆಭಸ್ಸರೋ ಆಭಾಪುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೬೩॥

ಭದ್ದತೇಜೋ ಮಹಾತೇಜೋ, ತಿಬ್ಬತೇಜೋ ತೇಜಬಹೂ।

ಝಾನತೇಜೋ ಞಾಣತೇಜೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೬೪॥

ಉಗ್ಗತೇಜೋ ಅಗ್ಗತೇಜೋ, ಪುಣ್ಣತೇಜೋ ತೇಜಿಸ್ಸರೋ।

ಬ್ರಹ್ಮತೇಜೋ ಧಮ್ಮತೇಜೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೬೫॥

ಸಬ್ಬದಿಸಾ ಪಭಾಸೇಸಿ, ಸಬ್ಬತ್ಥಂ ಸಮ್ಪಕಾಸಕೋ।

ಮಹಾಪಭಸ್ಸರೋ ಉಗ್ಗೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೬೬॥

ಭೂರಿಪಞ್ಞೋ ಪಭಙ್ಕರೋ, ಸಬ್ಬಥಾ ತಮನಾಸಕೋ।

ಅರಿಯಸಚ್ಚಂ ಜೋತೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೬೭॥

ರಂಸಿಮನ್ತೋ ರಂಸಿಧರೋ, ಜೋತಿಮನ್ತೋ ಜೋತಿಕರೋ।

ಸಹಸ್ಸರಂಸಿ ಜೋತಿನ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೬೮॥

ಪುಣ್ಣಿನ್ದು ಸದಿಸದಿತ್ತೋ, ಪಞ್ಞಾಓಭಾಸೋ ಭಾಸುರೋ।

ಮಹಾಮೋಹತಮಂ ಭಿನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೬೯॥

ಮೋಹಅಮಾವಸೀನಾಸೀ, ಮಹಾದಿಚ್ಚೋ ಮಹಪ್ಪಭೋ।

ಸಬ್ಬಲೋಕಂ ಪಭಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೭೦॥

ಅಙ್ಗಾರಿವ ಅಚ್ಚಿಮನ್ತೋ, ವಿಜ್ಜಾದೀಪೋ ರಸ್ಮಿಧರೋ।

ಮೋಹತಿಮಿಸಂ ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೭೧॥

ತಮಚ್ಛನ್ನೇ ಭವೇ ಸಬ್ಬೇ, ಞಾಣಾಲೋಕೇನ ಮೋಚಯೀ।

ಧಮ್ಮಜೋತಿಂ ಉಜ್ಜೋತೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೭೨॥

ಅವಿಜ್ಜಾನ್ಧಕಾರಹನ್ತಾ, ಸಬ್ಬಞ್ಞೂ ಸಬ್ಬತೋ ಪಭೋ।

ವಿಜ್ಜಾಯನಂ ಪಭಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೭೩॥

ಸಬ್ಬತಮನ್ತರಹಿತೋ, ಸಬ್ಬಥಾ ಸಬ್ಬತೋ ಪಭೋ।

ಸಬ್ಬಸಚ್ಚಂ ಪಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೭೪॥

ಸಬ್ಬಲೋಕಾನುಕಮ್ಪಾಯ, ಸಬ್ಬಲೋಕೇ ಜೋತಿಙ್ಕರೋ।

ಸಬ್ಬಲೋಕೇ ತಮೋಹರೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೭೫॥

ಸಬ್ಬಞ್ಞುತಂ ಪಕಾಸೇಸಿ, ಸಬ್ಬಸ್ಸ ದಸ್ಸಾವೀ ಇಸಿ।

ಮೋಹಮೂಲಂ ವಿದ್ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೭೬॥

ಜಲನ್ತೋ ಞಾಣತೇಜೇನ, ತಿಕ್ಖತೇಜೋ ಅತಿಸಯೋ।

ಞಾಣಂಸುಮಾಲೀ ಆತಾಪೀ, ಬುದ್ಧಂ ತಂ ಪಣಮಾಮ್ಯಹಂ॥೧೦೭೭॥

ಮೋಹತಮಂ ವಿನಾಸೇಸಿ, ಧಮ್ಮಜೋತಿಪಕಾಸಕೋ।

ಬಹುಜನೇ ಪಹಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೭೮॥

ಘೋರತಮಾಚ್ಛನ್ನಲೋಕೇ, ಮಹಾಞಾಣೇನ ಮೋಚಯೀ।

ಧಮ್ಮಾಲೋಕಂ ಪಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೭೯॥

ಕರುಣಾರುಣೋ ಜೋತಿದೋ, ಸಬ್ಬಸೋಕಪನೂದನೋ।

ತಣ್ಹಾತಿಮಿರಂ ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೮೦॥

ತಮಾಚ್ಛನ್ನೇ ಸಬ್ಬಲೋಕೇ, ಧಮ್ಮಾಲೋಕಕರೋ ಪಭೂ।

ಅವಿಜ್ಜಾಭನ್ತಿಭಞ್ಜಕೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೮೧॥

ಅವಿಜ್ಜಾವರಣಂ ಛೇತ್ವಾ, ವಿಜ್ಜಾಲೋಕಪಭಾಸಕೋ।

ಪಞ್ಞಾಪ್ಪಭಾ ಪಭಂಕಾರೀ, ಬುದ್ಧಂ ತಂ ಪಣಮಾಮ್ಯಹಂ॥೧೦೮೨॥

ಘೋರತಮಂ ನಿದ್ಧಂಸೇಸಿ, ವಿದ್ಧಂಸೇಸಿ ತಯೋ ಭವೇ।

ನರಾದಿಚ್ಚೋ ವರಾದಿಚ್ಚೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೮೩॥

ಞಾಣಜೋತಿಂ ಪಜ್ಜೋತೇಸಿ, ಮೋಹಾವರಣನಾಸಕೋ।

ಧಮ್ಮಪ್ಪಭಂ ಪಭಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೮೪॥

ಧಮ್ಮಜೋತಿಂ ವಿಜೋತೇಸಿ, ಪಾಪತಮನಿದ್ಧಂಸಕೋ।

ಮೋಕ್ಖಾಯನಂ ಪಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೮೫॥

ಧಮ್ಮದೀಪಂ ಪದೀಪೇಸಿ, ಪಾಪಾವರಣ ಛೇದಕೋ।

ಮುತ್ತಿಪಥಂ ಪಞ್ಞಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೮೬॥

ಪಞ್ಞಾಭಾನು ಪಞ್ಞಾಪ್ಪಭೋ, ಉದ್ಧತಂ ಅನ್ಧತಮಂ ಹರೋ।

ಲೋಕಾಲೋಕಂ ಪಕಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೮೭॥

ಧಮ್ಮದೀಪಪಜ್ಜಲಿತೋ, ಮೋಹತಮಸನ್ದಾಲಕೋ।

ವರಧಮ್ಮಮುಜ್ಜೋತೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೮೮॥

ಪಞ್ಞಾ’ಲೋಕಂ ಪಜ್ಜಲೇಸಿ, ತಮಕ್ಖನ್ಧಪ್ಪದಾಲಕೋ।

ಪಞ್ಚಕ್ಖನ್ಧಂ ನಿರೋಧೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೮೯॥

ಧಮ್ಮಭಾನು ಭಬ್ಬಪ್ಪಭೋ, ಸಬ್ಬಞಾಣತಮಂ ಹತೋ।

ಉಜ್ಜಲೋ ಜೋತಿಜ್ಜಲಿತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೯೦॥

ಪಞ್ಞಾಜೋತಿಪ್ಪಭನ್ಧರೋ, ಸಬ್ಬಲೋಕಾಲೋಕಕರೋ।

ಮೋಕ್ಖಧಮ್ಮಂ ಪಭಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೯೧॥

ಅವಿಜ್ಜಾನ್ಧಕಾರಂ ಹನ್ತಾ, ಧಮ್ಮಾಲೋಕಪ್ಪಕಾಸಕೋ।

ಪಭಾಕಾರೀ ಆಭಾಕಾರೀ, ಬುದ್ಧಂ ತಂ ಪಣಮಾಮ್ಯಹಂ॥೧೦೯೨॥

ಓಜಸ್ಸೀ ಓಜಸಮ್ಪನ್ನೋ, ತಪಸ್ಸೀ ತಪಸೇಖರೋ।

ತೇಜಭೂಸಿತೋ ತೇಜಸ್ಸೀ, ಬುದ್ಧಂ ತಂ ಪಣಮಾಮ್ಯಹಂ॥೧೦೯೩॥

ಧಮ್ಮಮಙ್ಗಲಸಮ್ಮತೋ, ಧಮ್ಮಾಭಾಪರಿಮಣ್ಡಿತೋ।

ಧಮ್ಮಂ ಸುಟ್ಠುಪರಿವುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೯೪॥

ಪಞ್ಞಾಭಾಪರಿಮಣ್ಡಿತೋ, ಪಞ್ಞಾಭಾಪರಿದೀಪಕೋ।

ಪಞ್ಞಂಸುಮಾ ಪಞ್ಞಚ್ಚಿಮಾ, ಬುದ್ಧಂ ತಂ ಪಣಮಾಮ್ಯಹಂ॥೧೦೯೫॥

ಅಂಸುಮನ್ತೋ ಆಭಾವನ್ತೋ, ತೇಜವನ್ತೋ ಜುತಿಕರೋ।

ಪಭಾವನ್ತೋ ಸೋಭಾವನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೯೬॥

ಕೋಟಿಭಾನುಸಮಪ್ಪಭೋ, ಚನ್ದಿಮಾ’ವ ಸಮುಜ್ಜಲೋ।

ಅಭಿಕ್ಕನ್ತೋ ಅಧಿಕ್ಕನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೯೭॥

ಸಬ್ಬಕಙ್ಖಾ ನಿವಾರೇಸಿ, ಮಾರಸೇನ ವಿಧೂಪಕೋ।

ಸಬ್ಬಲೋಕಂ ಓಭಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೦೯೮॥

ಅಮಿತಾಭೋ ಅತುಲಾಭೋ, ಲೋಕೇ ಅಮಿತಾಲೋಕದಾ।

ಅಮಿತೋಜೋ ಅತುಲೋಜೋ, ಬುದ್ಧಂ ತಂ ಪಣಮಾಮ್ಯಹಂ॥೧೦೯೯॥

ಸಬ್ಬಲೋಕಂ ಪಭಾಸೇಸಿ, ಅಬ್ಭಾಮುತ್ತೋ’ವ ಚನ್ದಿಮಾ।

ಸುದ್ಧಂ ಸದ್ಧಮ್ಮಂ ದೀಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೦೦॥

ಅಗ್ಗಿ ಯಥಾ ಪಜ್ಜಲಿತೋ, ದೇವತಾ’ವ ವಿರೋಚಯಿ।

ಮಹಾ’ವಿಜ್ಜಾ ವಿದ್ಧಂಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೦೧॥

ಸನ್ತಿಧಮ್ಮಂ ಪಕಾಸೇಸಿ, ಸುರಿಯೋ ತಮಚ್ಛದ್ದಕೋ।

ಸನ್ತತಂ ಸನ್ತಿಂ ಪಸಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೦೨॥

ಲೋಕಮಿತ್ತೋ ಲೋಕಹಿತೋ, ಲೋಕಬನ್ಧು ಲೋಕಸಖಾ।

ತಿಲೋಕೇ ಆಲೋಕಕರೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೦೩॥

ಪೀತಿಪಸ್ಸದ್ಧಿಖಾಯೀ ಚ, ಪೀತಿರಸಪಾಯೀ ಬಹೂ।

ಪೀತಿಭಕ್ಖೀ ಪೀತಿಮನೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೦೪॥

ಪೀತಿಪಾಮೋಜ್ಜಜನಕೋ, ಪರಮಂ ಸುಖಂ ಭೋಜಕೋ।

ಪಟಿಸಲ್ಲಾನನಿರತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೦೫॥

ಬೋಧಿತೇಜೋ ಬೋಧಿರಂಸಿ, ಬೋಧಿಪ್ಪಭಾಯ ಮಣ್ಡಿತೋ।

ಬ್ರಹ್ಮತೇಜೋ ಬ್ರಹ್ಮರಂಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೦೬॥

ಬ್ರಹ್ಮಕಾಯೋ ಬ್ರಹ್ಮರೂಪೋ, ಬ್ರಹ್ಮಧಮ್ಮೋ ಯೋ ಬ್ರಾಹ್ಮಣೋ।

ಬ್ರಹ್ಮಪತ್ತೋ ಬ್ರಹ್ಮಭೂತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೦೭॥

ಬ್ರಹ್ಮಪಞ್ಞೋ ಬ್ರಹ್ಮಚಾರೀ, ಬ್ರಹ್ಮವಿಹಾರೀ ಬ್ರಹ್ಮಞ್ಞೂ।

ಬ್ರಹ್ಮಚಕ್ಖು ಧಮ್ಮಚಕ್ಖು, ಬುದ್ಧಂ ತಂ ಪಣಮಾಮ್ಯಹಂ॥೧೧೦೮॥

ಬಹೂಪಕಾರೀ ಮೇತ್ತಾವಾ, ಮಹಾಕಾರುಞ್ಞಮಾನಸೋ।

ಮುತ್ತಿನಯಂ ನಿದ್ದೇಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೦೯॥

ಬಹೂ ಭವೋಘಾ ತಾರೇಸಿ, ಸುದಕ್ಖೋ ನಾವಿಕೋ ಯಥಾ।

ಮೇತ್ತಾವೇಗಪರಕ್ಕಮೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೧೦॥

ಕಲ್ಯಾಣಕಾಮೀ ನಿಬ್ಬನೋ, ಅನನ್ತಕರುಣಾಲಯೋ।

ಅನೂನಕ ಕಲ್ಯಾಣಞ್ಞೂ, ಬುದ್ಧಂ ತಂ ಪಣಮಾಮ್ಯಹಂ॥೧೧೧೧॥

ಚಕ್ಖುದದೋ ಞಾಣದದೋ, ಸಬ್ಬಲೋಕಾನುಕಮ್ಪಕೋ।

ಕರುಣಾಪುಣ್ಣಮಾನಸೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೧೨॥

ಕಲ್ಯಾಣಚಿತ್ತೋ ಅಚಣ್ಡೋ, ಮೇತ್ತಾಮನೋ ಅಕ್ಕೋಧನೋ।

ವಿಸುದ್ಧಚಿತ್ತೋ ಅಕ್ಕೋಸೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೧೩॥

ಕಲ್ಯಾಣಕಾರೀ ಕಲ್ಯಾಣೋ, ಕಲ್ಯಾಣಪಥನಾಯಕೋ।

ಕಲ್ಯಾಣಪಾರಮೀಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೧೪॥

ನಿಸ್ಸೀಮಕರುಣಾಕಾರೀ, ಉಸ್ಸನ್ನಕರುಣಾನಿಧೀ।

ಗಂಭೀರಕರುಣಾಲಯೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೧೫॥

ಮಹಾಕಾರುಣಿಕೋ ಧೀರೋ, ಕರುಣಾಞಾಣಸಾಗರೋ।

ಅತೀವಕರುಣಾಕಾರೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೧೬॥

ಕಲ್ಯಾಣಕಾರೀ ಕಾರುಞ್ಞೋ, ಕಲ್ಯಾಣಮಿತ್ತೋ ಮೇತ್ತವಾ।

ಕಲ್ಯಾಣಂ ಧಮ್ಮಂ ದೇಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೧೭॥

ಕರುಣಾಹದಯೋ ನಾಥೋ, ಖೇಮಿನೋ ಖೇಮಮಾನಸೋ।

ಮುದಿತಚಿತ್ತೋ ಮಾದಕೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೧೮॥

ಚಕ್ಕವತ್ತಿಂ ವಿವಜ್ಜಿತ್ವಾ, ಪತ್ತೋ ಸಬ್ಬಞ್ಞುತಂ ಬುಧೋ।

ನಿಸ್ಸೇಸಂ ಕರುಣಾಸಿನ್ಧು, ಬುದ್ಧಂ ತಂ ಪಣಮಾಮ್ಯಹಂ॥೧೧೧೯॥

ಕೋಧದೋಸಮಹಾಅಗ್ಗಿಂ, ಮೇತ್ತೋದಕೇನ ಸಿಞ್ಚಯೀ।

ಸಬ್ಬಲೋಕಸ್ಸ ಹಿತಕಾರೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೨೦॥

ಕರುಣಾಸೀತಲಚಿತ್ತೋ, ಸಬ್ಬಸತ್ತಾನುಕಮ್ಪಕೋ।

ಕಲ್ಯಾಣಧಮ್ಮೇನ ಯುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೨೧॥

ದಯೋದಧಿ ದಯಾನಿಧಿ, ದಯಾಲು ದಯಾಸಾಗರೋ।

ದಯಾಧಿಪೋ ದಯಾನಾಥೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೨೨॥

ಮಹಾದಯೋ ಮಹೋದಯೋ, ಮಹಾಸಯೋ ಮಹೇಸಿ ಯೋ।

ಸದಾದಯೋ ಸದಾಸಯೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೨೩॥

ಹಿತದೋ ಸಬ್ಬಸತ್ತಾನಂ, ಸಬ್ಬೇಸಾನಂ ಸುಖದದೋ।

ಸನ್ತಿದೋ ಸಬ್ಬಪಾಣಾನಂ, ಬುದ್ಧಂ ತಂ ಪಣಮಾಮ್ಯಹಂ॥೧೧೨೪॥

ಪಜ್ಜುನ್ನೋರಿವ ಭೂತಾನಿ, ಧಮ್ಮಮೇಘೇನ ವಸ್ಸಿತಾ।

ಸನ್ತಿಸುಖಕರೋ ಲೋಕೇ, ಬುದ್ಧಂ ತಂ ಪಣಮಾಮ್ಯಹಂ॥೧೧೨೫॥

ಪರಪೇಕ್ಖೀ ಪರಸೇವೀ, ಪರಸುಖಕಾರೀ ಇಸಿ।

ಪರಹಿತೇಸೀ ಪರತ್ಥೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೨೬॥

ಚತುಸಚ್ಚಂ ಪಕಾಸೇಸಿ, ಅನುಕಮ್ಪಾಯ ಪಾಣಿನಂ।

ಬಹೂಜನೇ ಸನ್ತಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೨೭॥

ಸದಾ ಸನ್ತೋ ಸನ್ತಿದಾಯೀ, ಸುಖಿತೋ ಸುಖದಾಯಕೋ।

ಧಮ್ಮಮೇಘಂ ಪವಸ್ಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೨೮॥

ಬಹುಜನಹಿತತ್ಥಾಯ, ಅನೇಕಭವಂ ಸಂಸರಿ।

ಬಹುಜನಂ ಉದ್ಧಾರೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೨೯॥

ಬಹೂನಂ ಹಿತಸುಖಾಯ, ಪರಿಪೂರೇಸಿ ಪಾರಮೀ।

ಮೋಕ್ಖಮಗ್ಗಂ ಗವೇಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೩೦॥

ಸಬ್ಬತ್ಥ ಸಮತ್ತಚಿತ್ತೋ, ಸಬ್ಬಪಾಣಾನುಕಮ್ಪಕೋ।

ಸಬ್ಬದಾ ಕರುಞ್ಞಚಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೩೧॥

ಸಬ್ಬಮಿತ್ತೋ ಸಬ್ಬಸಖೋ, ಸಬ್ಬಭೂತಾನುಕಮ್ಪಕೋ।

ಸಬ್ಬಸತ್ತಹಿತಕರೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೩೨॥

ಸಬ್ಬೇಸಾನಂ ಹಿತಚಿನ್ತೀ, ಸಬ್ಬೇಸಾನಂ ಸುಖಾವಹೋ।

ಸಬ್ಬೇಸಾನಂ ಅನುಕಮ್ಪೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೩೩॥

ಸಮ್ಪುಣ್ಣಸುಕುಮಾರಙ್ಗೋ, ಅಙ್ಗಪಚ್ಚಙ್ಗ ಸೋಭನೋ।

ವಣ್ಣನೀಯೋ ವನ್ದನೀಯೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೩೪॥

ಸಬ್ಬಸೋಭಾ ಸುಸೋಭಿತೋ, ಸಬ್ಬಮಹಿಮಾಮಣ್ಡಿತೋ।

ಸಬ್ಬಪಜಾನಂ ವಲ್ಲಭೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೩೫॥

ರುಚಿರೋ ಅಭಿರುಚಿರೋ, ಅಭಿರೂಪೋ ಸುರೂಪವಾ।

ಅನೋಮವಣ್ಣೋ ಸುವಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೩೬॥

ಕನ್ತವಣ್ಣೋ ಕನ್ತರೂಪೋ, ಕನ್ತಕಿತ್ತಿ ಕನ್ತಯಸೋ।

ಕನ್ತಜುಣ್ಹೋ ಕನ್ತಜೋತಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೩೭॥

ಛಳಭಿಞ್ಞಾಪ್ಪತ್ತೋ ಧೀಮಾ, ಛವಿವಣ್ಣೋ ಸುದಸ್ಸನೋ।

ಛಬ್ಬಣ್ಣರಂಸೀ ಸೋಭನೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೩೮॥

ಕಞ್ಚನಗ್ಘಿಯಸಙ್ಕಾಸೋ, ನಿದ್ದೋಸೋ ಕನಕತ್ತಚೋ।

ಸೋಣ್ಣಾನನೋ ಸುರುಚಿರೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೩೯॥

ಪಭಾಹಿ ಅನುರಞ್ಜೇಸಿ, ಮೋಕ್ಖಪನ್ಥಪಕಾಸಕೋ।

ಧಮ್ಮರಸ್ಮಿಪರಿಕ್ಖಿತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೪೦॥

ಸೀಹಹನು’ಸಭಕ್ಖನ್ಧೋ, ಞಾಣನಿಭಾಮಣ್ಡಿತೋ।

ಸುಮುಖೋ ಸುನ್ದರೋ ಏಸೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೪೧॥

ಕನ್ತಿಯುತ್ತೋ ಕನ್ತಿದತ್ತೋ, ಮನೋಜೋ ಮನಮೋದನೋ।

ಸಬ್ಬಜನೇ ಪಮೋದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೪೨॥

ಸುವಣ್ಣೋ ಸುವಣ್ಣವಣ್ಣೋ, ಹೇಮವಣ್ಣೋ ವಣ್ಣುತ್ತಮೋ।

ಹಿರಞ್ಞವಣ್ಣೋ ಹೇಮಾಂಸು, ಬುದ್ಧಂ ತಂ ಪಣಮಾಮ್ಯಹಂ॥೧೧೪೩॥

ಕನ್ತಕಾಯೋ ಕನ್ತಸೋಭೋ, ಕನ್ತಆಭೋ ಕನ್ತಪಭೋ।

ಕನ್ತದಸ್ಸನೋ ಕನ್ತಿಮಾ, ಬುದ್ಧಂ ತಂ ಪಣಮಾಮ್ಯಹಂ॥೧೧೪೪॥

ಮುದುಧವಲುಣ್ಣೋ ಚಾಪಿ, ಅವಿರಳದನ್ತಾವಲೀ।

ಉಸ್ಸಙ್ಖಪಾದೋ ಭಗವಾ, ಬುದ್ಧಂ ತಂ ಪಣಮಾಮ್ಯಹಂ॥೧೧೪೫॥

ದೀಘತನು ದೀಘಜಿವ್ಹೋ, ದೀಘಬಾಹು ದೀಘಙ್ಗುಲೀ।

ಸುದಳ್ಹಹತ್ಥಚರಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೪೬॥

ಬ್ರಹ್ಮಘೋಸೋ ಏಣಿಜಙ್ಘೋ, ಉಜುದೇಹೋ ಬ್ರಹ್ಮಾಸಮೋ।

ರಸಞ್ಞೂ ರಸಗ್ಗಸಗ್ಗೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೪೭॥

ನೀಲಕ್ಖೀ ದೀಘಪಣ್ಹೀ ಚ, ಕನಕತುಙ್ಗನಾಸಿಕೋ।

ಚಕ್ಕವರಙ್ಕಿತಪಾದೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೪೮॥

ಚತ್ತಾಲೀಸಸಮದನ್ತೋ, ತರುಣವಚ್ಛ ಪಖುಮೋ।

ಸೀಹೋ’ವ ಪುಬ್ಬದ್ಧಕಾಯೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೪೯॥

ಲೋಮಕೂಪೇಕಲೋಮೋ ಚ, ಕಞ್ಚನಸದಿಸತ್ತಚೋ।

ಓದಾತದಾಢಾಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೫೦॥

ಸುನೀಲಮುದ್ಧಗ್ಗಲೋಮೋ, ಬ್ಯಾಮಪ್ಪಭಾಸುಮಣ್ಡಿತೋ।

ಜಾಲಿಕಹತ್ಥಚರಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೫೧॥

ಕೋಸೋಹಿತವತ್ಥಗುಯ್ಹೋ, ಸುಪ್ಪತಿಟ್ಠಿತಚರಣೋ।

ಸೀಹಹನು’ಣ್ಹೀಸಸೀಸೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೫೨॥

ಸಬ್ಬಮಹಾಪುರಿಸಙ್ಗೋ, ಬತ್ತಿಂಸಲಕ್ಖಣಧರೋ।

ಅಸೀತಾನುಬ್ಯಞ್ಜನೋ ಯೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೫೩॥

ಅತಿವಿಯ ಮನುಞ್ಞೋ ಚ, ಅತಿವಿಯ ಮನೋರಮೋ।

ಅತಿವಿಯ ಮನೋಹಾರೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೫೪॥

ಅಚ್ಚನ್ತಕನ್ತಿಮಾ ಕನ್ತೋ, ಸೋಭನೋ ಪಿಯದಸ್ಸನೋ।

ಬತ್ತಿಂಸಲಕ್ಖಣಪುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೫೫॥

ಕನ್ತಾಭೋ ಕಞ್ಚನವಣ್ಣೋ, ಕಞ್ಚನಾನನಲೋಚನೋ।

ಕಞ್ಚನಾಚಲಸಙ್ಕಾಸೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೫೬॥

ಕಮನೀಯೋ ಕನ್ತನೀಯೋ, ಕಞ್ಚನಂ’ವ ಜುತಿಕರೋ।

ಪದುಮಪತ್ತಕ್ಖೋ ರೂಪೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೫೭॥

ಕಲ್ಯಾಣದಸ್ಸನೋ ಜುಣ್ಹೋ, ದಿತ್ತೋ’ವ ಕನಕಾಚಲೋ।

ಜುತಿಮಾ ದಿಬ್ಬದಸ್ಸನೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೫೮॥

ವರಲಕ್ಖಣಲಙ್ಕಿತೋ, ಸಬ್ಬತೋ ಸಬ್ಬಸುನ್ದರೋ।

ಸೋಮ್ಮ ಸಬ್ಬಙ್ಗಸೋಭನೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೫೯॥

ಗುಣಾನಮಾಕರೋ ಪುಜ್ಜೋ, ಕರವೀಕರುತಸ್ಸರೋ।

ವರಲಕ್ಖಣಆಕಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೬೦॥

ಮಹಾಕಾಯೋ ಬ್ರಹಾಕಾಯೋ, ಬ್ರಹ್ಮಕಾಯೋ ಕಾಯಉಜೂ।

ಕನ್ತಿಕಾಯೋ ಸನ್ತಿಕಾಯೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೬೧॥

ಅಚ್ಚನ್ತಸುಖುಮಾಲಙ್ಗೋ, ಅಚ್ಚನ್ತಮುದುಲತನು।

ಅಚ್ಚನ್ತಸುನ್ದರೋ ಸಾಮೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೬೨॥

ಜನನೇತ್ತೋ ಜನಮೋಳಿ, ಪಸನ್ನನಯನಾನನೋ।

ಕುಮುದಾನನಲೋಚನೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೬೩॥

ಪಸನ್ನಚಿತ್ತೋ ಪಸಾದೋ, ಪಣೀತೋ ಅತಿಸೋಭಿತೋ।

ಪರಿಯೋದಾತೋ ಪರಮೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೬೪॥

ಭಬ್ಬರೂಪೋ ಭದ್ದರೂಪೋ, ಭದ್ದಭಾಣೀ ಭದ್ದಮುಖೋ।

ಭಸ್ಸರೋ ಭಾಸುರೋ ಭಿಯ್ಯೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೬೫॥

ಮಞ್ಜುಘೋಸೋ ಮಞ್ಜುವಾಣೀ, ಮಞ್ಜುಭಾಣೀ ಮಞ್ಜುಸ್ಸರೋ।

ಮಞ್ಜುಭಾಸೀ ಮುದುಭಾಸೀ, ಬುದ್ಧಂ ತಂ ಪಣಮಾಮ್ಯಹಂ॥೧೧೬೬॥

ಮುದುಕಾಯೋ ಮುದುಚಿತ್ತೋ, ಮುದುಕೋ ಮುದುಲಕ್ಖಣೋ।

ಮುದುಮನೋ ಮುದುಭಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೬೭॥

ವರಲಕ್ಖಣಸಮ್ಪನ್ನೋ, ಸಬ್ಬಙ್ಗಸಮನ್ನಾಗತೋ।

ಸಬ್ಬಲೋಕೇ ಸಬ್ಬುತ್ತಮೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೬೮॥

ಸುಸೋಭಿತೋ ಸೋಭಾಯುತ್ತೋ, ಸನ್ತಿಭೂಸನಭೂಸಿತೋ।

ತಿಲೋಕಸ್ಸ ತುಙ್ಗಕೇತುಂ, ಬುದ್ಧಂ ತಂ ಪಣಮಾಮ್ಯಹಂ॥೧೧೬೯॥

ಘೋರಸಂಸಾರೋಘತಿಣ್ಣೋ, ಮೋಕ್ಖಲಙ್ಕಾರ’ಲಙ್ಕತೋ।

ಸುಸೋಭಯುತ್ತೋ ಸುಗುಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೭೦॥

ಸಬ್ಬಗುಣಸುಸಮ್ಪನ್ನೋ, ಸೀಲಾಲಙ್ಕಾರ’ಲಙ್ಕತೋ।

ಸದ್ಧಮ್ಮರತನಸೇಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೭೧॥

ಅನನ್ತಕಿತ್ತಿವಣ್ಣೋ ಯೋ, ಸಬ್ಬಸಂಸಾರವನ್ದಿತೋ।

ಪಸಿದ್ಧೋ ವಿಸ್ಸುತೋ ಪುಜ್ಜೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೭೨॥

ಸುವನ್ದಿತೋ ಸಬ್ಬಲೋಕೇ, ಸಬ್ಬಲೋಕೇ ಸಮ್ಭಾವಿತೋ।

ಸಮ್ಮಾನಿತೋ ಸಬ್ಬಲೋಕೇ, ಬುದ್ಧಂ ತಂ ಪಣಮಾಮ್ಯಹಂ॥೧೧೭೩॥

ದೇವಾಧಿದೇವವನ್ದಿತೋ, ಮಹಾದೇವವಿನಾಯಕೋ।

ತಿಭವವಲ್ಲಭೋ ಖ್ಯಾತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೭೪॥

ದಸ್ಸನೇಯ್ಯೋ ಥೋಮನೇಯ್ಯೋ, ಪಸಂಸನೇಯ್ಯೋ ಪಾಮೋಕ್ಖೋ।

ವಣ್ಣನೀಯೋ ವನ್ದನೀಯೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೭೫॥

ಪಸಾದನೀಯೋ ಪಸೀದೋ, ಪಾಸಾದಿಕೋ ಪಸ್ಸದ್ಧಿಕೋ।

ಪೂಜನೀಯೋ ಅಚ್ಚನೀಯೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೭೬॥

ಅಪಚಿತೋ ಸಕ್ಕಾರಿತೋ, ಪಥಿತೋ ಅಭಿವಾದಿತೋ।

ನಿಸ್ಸೀಮಸಿಲಾಘಾಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೭೭॥

ತಿಭವವನ್ದಿತೋ ಭಿಯ್ಯೋ, ಓರಂ ತೀರಂ ಪಾರಙ್ಗತೋ।

ಅನಘೋ ಪಞ್ಞಸೇಖರೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೭೮॥

ಬಲವನ್ತೋ ಫಲವನ್ತೋ, ಬಹೂಹಿ ಬಹುಮಾನಿತೋ।

ಬಹೂಪಕಾರೀ ಬೋಧಿನ್ದೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೭೯॥

ಸಬ್ಬಲೋಕೇ ನಮಸ್ಸಿತೋ, ಸಬ್ಬಲೋಕೇ ಸಮ್ಮಾನಿತೋ।

ಮನುಜಾಮರಸಕ್ಕತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೮೦॥

ಲೋಕಾನಂ ಉತ್ತಮೋ ಪುಜ್ಜೋ, ಸುಸಕ್ಕತೋ ಸಗಾರವೋ।

ವಣ್ಣಕಿತ್ತಿಭತೋ ಕನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೮೧॥

ಖ್ಯಾತೋ ಪಖ್ಯಾತೋ ಸುಖ್ಯಾತೋ, ವಿಸ್ಸವಿಖ್ಯಾತೋ ವನ್ದಿತೋ।

ವಣ್ಣಾಧಿಕೋ ವಿತ್ಥಾರಿಕೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೮೨॥

ಸಬ್ಬಸೇಟ್ಠೋ ಸಬ್ಬಜೇಟ್ಠೋ, ಸಬ್ಬಸುದ್ಧೋ ಸಬ್ಬುತ್ತಮೋ।

ಸಬ್ಬವನ್ದಿತೋ ಮಾನಿತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೮೩॥

ಸಬ್ಬೇ ದೇವೇನುವತ್ತೇಸಿ, ಸಬ್ಬದೇವವಿನಾಯಕೋ।

ತಿಲೋಕಮಹಿತೋ ನಾಥೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೮೪॥

ಸಬ್ಬಲೋಕಸ್ಸ ವಿನೇತಾ, ಸಬ್ಬಲೋಕತಿಕಿಚ್ಛಕೋ।

ಸಬ್ಬೇಸಂ ಸೇಟ್ಠೋ ಧಮ್ಮಟ್ಠೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೮೫॥

ಸಬ್ಬಲೋಕಾಭಿಭೂ ವೀರೋ, ಸಬ್ಬಲೋಕುತ್ತಮೋ ಜಿನೋ।

ವಿಸ್ಸುತೋ ಸಬ್ಬಲೋಕಮ್ಹಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೮೬॥

ಸಬ್ಬಾಭಿಞ್ಞಾಪರಿಪುಣ್ಣೋ, ಸಬ್ಬಲೋಕಸ್ಮಿಂ ವಿಸ್ಸುತೋ।

ಸಮನ್ತಚಕ್ಖೂ ಪಸಿದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೮೭॥

ಸಬ್ಬಲೋಕಹಿತೋ ನಾಥೋ, ಸಬ್ಬಲೋಕಸುಖಾವಹೋ।

ಸುಪೂಜಿತೋ ಸಬ್ಬಲೋಕೇ, ಬುದ್ಧಂ ತಂ ಪಣಮಾಮ್ಯಹಂ॥೧೧೮೮॥

ಸಬ್ಬಿಚ್ಛಂ ಅನಿಚ್ಛನ್ತೋ, ಉಚ್ಛಿನ್ನಛನ್ದೋ ಸಬ್ಬಧಿ।

ಮಹಾತಣ್ಹಾಣ್ಣವುತ್ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೮೯॥

ಯಥಾಪೇಕ್ಖೀ ತಥಾ’ಕ್ಖಾಸಿ, ಸಬ್ಬಥಾ ಸಚ್ಚಮಾನಸೋ।

ಅವಿತಥಂ ವಿಞ್ಞಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೯೦॥

ಞಾಣಞ್ಞೂ ಞಾಣಸಮ್ಪನ್ನೋ, ಪಞ್ಞಾಸಮ್ಪನ್ನೋ ಪಞ್ಞವಾ।

ಧಮ್ಮೋಜೋ ಧಮ್ಮಪ್ಪಸನ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೯೧॥

ಸುಗುಣೇಸು ಸುಸಮ್ಪನ್ನೋ, ಸಾಧು ಸಪ್ಪುರಿಸೋ ಸುಧೀ।

ಮಹಾಸುಮತಿಸಾಗರೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೯೨॥

ನಾಮದಸ್ಸೀ ರೂಪದಸ್ಸೀ, ತಪಸ್ಸೀ ಚ ತಪೋನಿಧಿ।

ಯಥಾಭೂತಂ ವಿಪಸ್ಸೀ ಚ, ಬುದ್ಧಂ ತಂ ಪಣಮಾಮ್ಯಹಂ॥೧೧೯೩॥

ಉಪೇತೋ ಬುದ್ಧಧಮ್ಮೇಹಿ, ಅಟ್ಠಾರಸಹಿ ನಾಯಕೋ।

ಇದ್ಧಿಪ್ಪತ್ತೋ ಮಹಾಸಿದ್ಧೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೯೪॥

ಸೀಲಞ್ಚ ಸಮಾಧಿಂ ಪತ್ತೋ, ಪತ್ತೋ ಪಞ್ಞಂ ನಿಯ್ಯಾನಿಕಂ।

ಪರಿಪುಣ್ಣಧಮ್ಮಪ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೯೫॥

ಪರಿಸುದ್ಧಧಮ್ಮಪ್ಪತ್ತೋ, ಸಬ್ಬವಿಪಲ್ಲಾಸನುದೋ।

ತಿಭವಾಣ್ಣವನಿತ್ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೯೬॥

ರಾಗಾನಲಂ ನಿಬ್ಬಾಪೇಸಿ, ಸೀತಿಭೂತೋ ಸೀತಙ್ಕರೋ।

ಸನ್ತಿಸುಧಾ ವಸ್ಸಾಪೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೯೭॥

ತಿತ್ಥಿಯೇ ಸುನಿಮ್ಮದ್ದಿತ್ವಾ, ಠಪೇತ್ವಾ ಮಿಚ್ಛಾಮಞ್ಞಿತಂ।

ಸಚ್ಚಧಮ್ಮೇ ಪತಿಟ್ಠೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೧೯೮॥

ವಿಮುತ್ತೋ ಮಾನುಸಾಸತ್ತಿಂ, ದಿಬ್ಬಾಸತ್ತಿಂ ಉಪಚ್ಚಗೋ।

ಸಬ್ಬಾಸತ್ತಿವಿನಿಮ್ಮುತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೧೯೯॥

ತಿಭವೇತಿಮಿರಹರೋ, ಬೋಧಿಞಾಣಪ್ಪಭನ್ಧರೋ।

ಧಮ್ಮಪ್ಪದೀಪಕೋ ಭಬ್ಬೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೦೦॥

ಝಾನಿಕೋ ಝಾನಸಮ್ಪನ್ನೋ, ಅಞ್ಞಾಣಧೇಯ್ಯಧಂಸಕೋ।

ಸುಟ್ಠುಝಾನೀ ಮಹಾಝಾನೀ, ಬುದ್ಧಂ ತಂ ಪಣಮಾಮ್ಯಹಂ॥೧೨೦೧॥

ತಣ್ಹಕ್ಖಯಪ್ಪತ್ತೋ ನಾಗೋ, ಭವನೇತ್ತಿಪಚ್ಛಿನ್ದಕೋ।

ಆಸತ್ತಿಂ ಪರಿಮದ್ದೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೨೦೨॥

ಸಬ್ಬಕಮ್ಮಕಿಲೇಸಾನಿ, ಅನವಸೇಸ ವಾಹಯೀ।

ಧಮ್ಮಗಙ್ಗಾ ಪವಾಹೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೨೦೩॥

ದಮಪ್ಪತ್ತೋ ಯಮಪ್ಪತ್ತೋ, ಸಮಪ್ಪತ್ತೋ ಸಮಾಚರೋ।

ಧುವಂ ಸಸ್ಸತಂ ಸಮ್ಪತ್ತೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೦೪॥

ಬುದ್ಧಿಮಾ ಮುತಿಮಾ ಚೇವ, ಮತಿಮಾ ಚ ಮತಿಸ್ಸರೋ।

ಮುತ್ತಿಮಾ ಮೇತ್ತಮಾನಸೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೦೫॥

ಠಾನಾಠಾನೇಸು ಕುಸಲೋ, ಧಮ್ಮೇಸು ಅತಿಕೋವಿದೋ।

ಲದ್ಧಮೇಧೋ ಸುಮೇಧಾವೀ, ಬುದ್ಧಂ ತಂ ಪಣಮಾಮ್ಯಹಂ॥೧೨೦೬॥

ಭವದುಕ್ಖೋಘನಿತ್ತಿಣ್ಣೋ, ತಣ್ಹಾಪಹಾನಪಾರಗೂ।

ಅಞ್ಞಾಣನಿಸಾ ನಾಸೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೨೦೭॥

ಧೀರಹದಯೋ ಧೋರಯ್ಹೋ, ಸಂವುತೋ ಸಂಯತಮನೋ।

ಗುತ್ತಿನ್ದ್ರಿಯೋ ಗುತ್ತಮಾನೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೦೮॥

ಸುಸಂವುತೋ ಸನ್ತಿನ್ದ್ರಿಯೋ, ಸನ್ತುಟ್ಠೋ ಸುಸಮಾಹಿತೋ।

ವಿಜ್ಜಾಚರಣಸಮ್ಪುಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೦೯॥

ಜಾತಿಚಕ್ಕಂ ವಿಚುಣ್ಣೇಸಿ, ನತ್ಥಿ ದಾನಿ ಪುನಬ್ಭವೋ।

ತಿಲೋಕಓಘನಿತ್ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೧೦॥

ಅಸಂಸಟ್ಠೋ ಅಗಾರೇಹಿ, ಅನಾಗಾರೇಹಿ ಚೂಭಯಂ।

ಅನೋಕಸಾರೀ ಅಸಙ್ಗೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೧೧॥

ಪಹೀನಜಾತಿಮರಣೋ, ಅನುಪಾದಾಯ ನಿಬ್ಬುತೋ।

ಸಂಸಾರಸಾಗರಂ ತಿಣ್ಣೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೧೨॥

ಮಗ್ಗಗವೇಸೀ ಮಗ್ಗಗೂ, ಮಗ್ಗಕ್ಖಾತೋ ತಥಾಗತೋ।

ಅಮತಮಗ್ಗಂ ದಸ್ಸಾವೀ, ಬುದ್ಧಂ ತಂ ಪಣಮಾಮ್ಯಹಂ॥೧೨೧೩॥

ಯಥಾ ಅದಕ್ಖಿ ಅಕ್ಖಾಸಿ, ಭಗವಾ ಭೂರಿಮೇಧಸೋ।

ನಿಕ್ಕಾಮೋ ನಿಮ್ಮಲೋ ನಾಥೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೧೪॥

ಮೋನೇಯ್ಯಸೇಟ್ಠೋ ಮುನಿನ್ದೋ, ರತಿಂ ಚ ಅರತಿಂ ಚುತೋ।

ಭಯಾತೀತೋ ಭವಾತೀತೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೧೫॥

ಪಬುದ್ಧಪರಿಣಾಯಕೋ, ಅತಿಉಚ್ಚುಪಕಾರಕೋ।

ಸಬ್ಬೋಚ್ಚಸುಖದಾಯಕೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೧೬॥

ಅಮಲಿನೋ ಅಮಲಿಚ್ಛೋ, ನಿಮ್ಮಲೋ ಮಲಮಜ್ಜನೋ।

ಮದಮದ್ದೋ ವೀತಮದೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೧೭॥

ಅಪಚಿತೋ ನಮಸ್ಸಿತೋ, ಪಥಿತೋ ಅಭಿವಾದಿತೋ।

ದೇವಮನುಜಅಚ್ಚಿತೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೧೮॥

ಬ್ಯಾಮಪ್ಪಭಾಭಿರುಚಿತೋ, ದ್ವತ್ತಿಂಸಲಕ್ಖಣದ್ಧರೋ।

ಅನುಬ್ಯಞ್ಜನಸಮ್ಪನ್ನೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೧೯॥

ಅದಣ್ಡೇನ ಅಸತ್ಥೇನ, ಧಮ್ಮೇನ ಅನುಸಾಸಯಿ।

ಉದ್ಧರೇಸಿ ಬಹೂ ಸತ್ತೇ, ಬುದ್ಧಂ ತಂ ಪಣಮಾಮ್ಯಹಂ॥೧೨೨೦॥

ಧಞ್ಞೋ ಧಮ್ಮಸುಧಾ ಪಾಯೀ, ತಣ್ಹಾವಿಸವಿದ್ಧಂಸಕೋ।

ಸಬ್ಬಾವಿಜ್ಜಂ ವಿಚುಣ್ಣೇಸಿ, ಬುದ್ಧಂ ತಂ ಪಣಮಾಮ್ಯಹಂ॥೧೨೨೧॥

ಧಞ್ಞೋ ನಾಥೋ! ಧಞ್ಞೋ ಸಾಮೀ! ಧಞ್ಞೋ ಮಾರಾಭಿಭೂ ಮುನೀ!

ಧಞ್ಞೋ ವಿಜಿತಸಙ್ಗಾಮೋ! ಬುದ್ಧಂ ತಂ ಪಣಮಾಮ್ಯಹಂ॥೧೨೨೨॥

ಝಾನಾರಾಮೋ ಝಾನರತೋ, ಧಮ್ಮಾರಾಮೋ ಧಮ್ಮರತೋ।

ಅಹೋ! ಅಹೋ! ಪಾರಙ್ಗತೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೨೩॥

ಪುಣ್ಡರೀಕೋ’ವ ನಿಲ್ಲಿತ್ತೋ, ಪಸ್ಸ ತಸ್ಸ ವಿಸುದ್ಧತಂ।

ಅಲಗ್ಗಮಾನಸೋ ಏಕೋ, ಬುದ್ಧಂ ತಂ ಪಣಮಾಮ್ಯಹಂ॥೧೨೨೪॥

ಅಹೋ! ಬುದ್ಧೋ! ಅಹೋ! ಸುದ್ಧೋ! ಅಹೋ! ಸಂಸುದ್ಧಮಾನಸೋ!

ಅಹೋ! ಅಹೋ! ಮೇತ್ತಾಸಿನ್ಧು! ಬುದ್ಧಂ ತಂ ಪಣಮಾಮ್ಯಹಂ॥೧೨೨೫॥

ಸೀಲವಿಸುದ್ಧೋ, ಚಿತ್ತವಿಸುದ್ಧೋ, ದಿಟ್ಠಿವಿಸುದ್ಧೋ ನಮೋ ನಮೋ।

ಧಮ್ಮವಿಹಾರೀ, ಮಙ್ಗಲಕಾರೀ, ಜನಹಿತಕಾರೀ ನಮೋ ನಮೋ॥

ಮಹಾತಪಸ್ಸೀ, ಧಮ್ಮವಿಪಸ್ಸೀ, ಅಕ್ಖಯದಸ್ಸೀ ನಮೋ ನಮೋ।

ಮಗ್ಗಗವೇಸೀ, ಲೋಕಹಿತೇಸೀ, ಬುದ್ಧಮಹೇಸೀ ನಮೋ ನಮೋ॥