೪. ಯೋನಕರಟ್ಠಸಾಸನವಂಸಕಥಾಮಗ್ಗೋ
೪. ಇದಾನಿ ಪನ ಯೋನಕರಟ್ಠೇ ಸಾಸನಸ್ಸುಪ್ಪತ್ತಿಂ ಕಥೇಸ್ಸಾಮಿ
ತದಾ ತತ್ಥ ಮಪಿನ್ನಾಯ ನಾಮ ಏಕಿಸ್ಸಾ ಮಾತಿಕಾಯ ಸಮೀಪೇ ನಿಸಿನ್ನೋ ಏಕೋ ಲವಕುಲಿಕಜೇಟ್ಠಕೋ ಅತ್ತನೋ ಪುತ್ತಂ ಸತ್ತವಸ್ಸಿಕಂ ಭಗವತೋ ನಿಯ್ಯಾದೇತ್ವಾ ಪಬ್ಬಾಜೇಸಿ। ಕಮ್ಮಟ್ಠಾನಾನುಯೋಗವಸೇನ ಅಚಿರೇನೇವ ಅರಹತ್ತಂ ಪಾಪುಣಿ। ಸತ್ತವಸ್ಸಿ ಕಸ್ಸಚ ಸಾಮಣೇರಸ್ಸ ಅರಹತ್ತಂ ಸಚ್ಛಿಕತಟ್ಠಾನತಂ ಪಟಿಚ್ಚ ಯೋನಕಭಾಸಾಯ ಏತಂ ಠಾನಂ ಚಙ್ಗಮಙ್ಘ ಇತಿ ವುಚ್ಚತಿ। ಚಿರಕಾಲ ವಸೇನ ಜಙ್ಗಮಙ್ಘ ಇತಿ ವುಚ್ಚತಿ। ತತೋ ಪಟ್ಠಾಯಯೇವ ಯೋನಕರಟ್ಠೇ ಸಾಸನಂ ಪತಿಟ್ಠಾತೀತಿ।
ಇದಂ ಯೋನಕರಟ್ಠೇ ಪಠಮಂ ಸಾಸನಸ್ಸ ಪತಿಟ್ಠಾನಂ।
ಸಾಸನೇ ಪನ ಪಞ್ಚತಿಂಸಾಧಿಕೇ ದ್ವಿವಸ್ಸಸತೇ ಸಮ್ಪತ್ತೇ ಮಹಾರಕ್ಖಿತತ್ಥೇರೋ ಯೋನಕರಟ್ಠಂ ಗನ್ತ್ವಾ ಕಮ್ಬೋಜಖೇಮಾವರ ಹರಿಭುಞ್ಜಾಯುದ್ಧಯಾದೀಸು ಅನೇಕೇಸು ರಟ್ಠೇಸು ಸಾಸನಂ ಪತಿಟ್ಠಾಪೇತಿ। ತಾನಿ ಹಿ ಸಬ್ಬಾನಿ ರಟ್ಠಾನಿ ಸಙ್ಗಹೇತ್ವಾ ದಸ್ಸೇನ್ತೇಹಿ ಅಟ್ಠಕಥಾಚರಿಯೇಹಿ ಯೋನಕಲೋಕನ್ತಿ ಓಕಾಸಕಾಲೋಕವಾಚಕೇನ ಸಾಮಞ್ಞಸದ್ದೇನ ವುತ್ತಂ। ಪಕತಿ ಹೇಸಾ ಗನ್ಥಕಾರಾನಂ ಯೇನ
ಮಹಾರಕ್ಖಿತತ್ಥೇರೋ ಚ ಸದ್ಧಿಂ ಪಞ್ಚಹಿ ಭಿಕ್ಖೂಹಿ ಪಾಟಲಿಪುತ್ತತೋ ಅನಿಲಪಥಮಗ್ಗೇನ ಯೋನಕಲೋಕಂ ಆಗನ್ತ್ವಾ ಕಾಳಕಾರಾಮಸುತ್ತೇನ ಯೋನಕೇ ಪಸಾದೇಸಿ। ಸತ್ತತಿಸಹಸ್ಸಾಧಿಕಪಾಣಸತಸಹಸ್ಸಂ ಮಗ್ಗಫಲಾಲಙ್ಕಾರಂ ಅದಾಸಿ। ಸನ್ತಿಕೇ ಚಸ್ಸ ದಸಸಹಸ್ಸಾನಿ ಪಬ್ಬಜಿಂಸು। ಏವಂ ಸೋ ತತ್ಥಸಾಸನಂ ಪತಿಟ್ಠಾಪೇಸಿ। ತಥಾ ಚ ವುತ್ತಂ ಅಟ್ಠಕಥಾಯಂ,–
ಯೋನಕರಟ್ಠಂ ತದಾ ಗನ್ತ್ವಾ, ಸೋ ಮಹಾರಕ್ಖಿತೋ ಇಸಿ।
ಕಾಳಕಾರಾಮಸುತ್ತೇನ, ತೇ ಪಸಾದೇಸಿ ಯೋನಕೇತಿ॥
ತತೋ ಪಟ್ಠಾಯ ತೇಸಂ ಸಿಸ್ಸಪರಮ್ಪರಾ ಬಹೂ ಹೋನ್ತಿ, ಗಣನಪಥಂ ವೀತಿವತ್ತಾ।
ಇದಂ ಯೋನಕರಟ್ಠೇ ಮಹಾರಕ್ಖಿತತ್ಥೇರಾದಯೋ ಪಟಿಚ್ಚ
ದುತಿಯಂ ಸಾಸನಸ್ಸ ಪತಿಟ್ಠಾನಂ।
ಯೋನಕರಟ್ಠೇ ಲಕುನ್ನನಗರೇ ಜಿನಚಕ್ಕೇ ಪಞ್ಚವಸ್ಸಸತೇ ಮಣಿಮಯಂ ಬುದ್ಧಪ್ಪಟಿಮಂ ಮಾಪೇತ್ವಾ ವಿಸುಕಮ್ಮದೇವಪುತ್ತೋ ನಾಗಸೇನತ್ಥೇರಸ್ಸ ಅದಾಸಿ। ನಾಗೇಸೇನತ್ಥೇರೋ ಚ ತಸ್ಮಿಂ ಪಟಿಮಮ್ಹಿ ಧಾತು ಆಗನ್ತ್ವಾ ಪತಿಟ್ಠಾತೂತಿ ಅಧಿಟ್ಠಾಸಿ। ಅಧಿಟ್ಠಾನವಸೇನೇವ ಸತ್ತಧಾತುಯೋ ಆಗನ್ತ್ವಾ ತತ್ಥ ಪತಿಟ್ಠಹಿತ್ವಾ ಪಾಟಿಹಾರಿಯಂ ದಸ್ಸೇಸುನ್ತಿ ರಾಜವಂಸೇ ವುತ್ತಂ।
ತಞ್ಚ ವಚನಂ ಮಮ ಪರಿನಿಬ್ಬಾನತೋ ಪಞ್ಚವಸ್ಸಸತೇ ಅತಿಕ್ಕನ್ತೇ ಏತೇ ಉಪ್ಪಜ್ಜಿಸ್ಸನ್ತೀತಿ ಮಿಲಿನ್ದಪಞ್ಹಾಯಂ ವುತ್ತವಚನೇನ ಕಾಲಪರಿಮಾಣವಸೇನ ಚ ಸಮೇತಿ। ಯೋನಕರಟ್ಠೇ ಮಿಲಿನ್ದರಞ್ಞೋ ಕಾಲೇ ಜಿನಚಕ್ಕೇ ಪಞ್ಚವಸ್ಸಸತೇಯೇವ ನಾಗಸೇನತ್ಥೇರಂ ಪಟಿಸ್ಸ ಜಿನಚಕ್ಕಂ ವಿರೂಳಂ ಹುತ್ವಾ ಪತಿಟ್ಠಾಸಿ।
ಇದಂ ಯೋನಕರಟ್ಠೇ ನಾಗಸೇನತ್ಥೇರಂ ಪಟಿಚ್ಚ ತತಿಯಂ
ಸಾಸನಸ್ಸ ಪತಿಟ್ಠಾನಂ।
ಕಲಿಯುಗೇ
ತದಾ ಸೋ ರಾಜಾ ವಿಹಾರಂ ಕತ್ವಾ ತೇಸಂ ಅದಾಸಿ। ಸೀಹಳದೀಪತೋ ಚ ಧಾತುಯೋ ಆನೇತ್ವಾ ಏಕೋ ಥೇರೋ ಆಗಚ್ಛಿ। ಧಾತುತೋ ಪಾಟಿಹಾರಿಯಂ ದಿಸ್ವಾ ಪಸೀದಿತ್ವಾ ಲಭುಞ್ಜಚೇತಿಯ ನಿಧಾನಂ ಅಕಾಸಿ। ತೇ ಚ ಥೇರೇ ಪಟಿಚ್ಚ ಯೋನಕರಟ್ಠೇ ಸಾಸನ ವಂಸೋ ಆಗತೋ।
ಇದಂ ಯೋನಕರಟ್ಠೇ ಚತುತ್ಥಂ ಸಾಸನಸ್ಸ ಪತಿಟ್ಠಾನಂ।
ಕಲಿಯುಗೇ ದ್ವಾಸಟ್ಠಾಧಿಕೇ ಸತ್ತಸತೇ ಸಮ್ಪತ್ಥೇ ಚಿನರಟ್ಠಿನ್ದೋ ರಾಜಾ ಅಭಿಭವಿತ್ವಾ ಸಕಲಮ್ಪಿ ಯೋನಕರಟ್ಠಂ ಸಙ್ಖುಬ್ಭಿತಂ ಹೋತಿ। ತದಾ ಮಹಾಧಮ್ಮಗಮ್ಭೀರತ್ಥೇರೋ ಮಹಾಮೇಧಙ್ಕರತ್ಥೇ ರೋಚಾತಿ ದ್ವೇ ಥೇರೋ ಯೋನಕರಟ್ಠತೋ ಸದ್ಧಿಂ ಬಹೂಹಿ ಭಿಕ್ಖೂಹಿ ಸೀಹಳದೀಪಂ ಅಗಮಂಸು। ತದಾ ಚ ಸೀಹಳದೀಪೇ ದುಬ್ಭಿಕ್ಖಭಯೇನ ಅಭಿಭೂತೋ ಹುತ್ವಾ ತತೋ ಸ್ಯಾಮರಟ್ಠೇ ಸೋಕ್ಕತಯನಗರಂ ಪುನ ಅಗಮಂಸು।
ತತೋ ಪಚ್ಛಾ ಲಕುನ್ನನಗರಂ ಗನ್ತ್ವಾ ಸಾಸನಂ ಪಗ್ಗಣ್ಹನ್ತಾನಂ ಲಜ್ಜಿಪೇಸಲಾನಂ ಭಿಕ್ಖೂನಂ ಸನ್ತಿಕೇ ಪುನ ಸಿಕ್ಖಂ ಗಣ್ಹಿಂಸು। ತೇ ಚ ಥೇರೋ ಸ್ಯಾಮರಟ್ಠೇ ಯೋನಕರಟ್ಠೇ ಚ ಸಬ್ಬತ್ಥ ಸಾಸನಂ ಪತಿಟ್ಠಾಪೇಸುನ್ತಿ।
ಇದಂ ಯೋನಕರಟ್ಠೇ ಪತ್ತಲಙ್ಕೇ ದ್ವೇ ಥೇರೇ ಪಟಿಚ್ಚ ಪಞ್ಚಮಂ
ಸಾಸನಸ್ಸ ಪತಿಟ್ಠಾನಂ।
ಕಲಿಯುಗೇ ಪಞ್ಚವೀಸಾಧಿಕೇ ಅಟ್ಠವಸ್ಸಸತೇ ಸಮ್ಪತ್ತೇ ಸಿರಿಸದ್ಧಮ್ಮಲೋಕಪತಿಚಕ್ಕವತ್ತಿರಾಜಾ ಲಭುಞ್ಜಚೇತಿಯಂ ಪುನ ಮಹನ್ತಂ ಕತ್ವಾ
ಇದಂ ಯೋನಕರಟ್ಠೇ ಮಹಾಮೇಧಙ್ಕರಸಾರಿಪುತ್ತತ್ಥೇರೇ
ಪಟಿಚ್ಚ ಛಟ್ಠಂ ಸಾಸನಸ್ಸ ಪತಿಟ್ಠಾನಂ।
ಕಲಿಯುಗೇ ತೇಚತ್ತಾಲೀಸಾಧಿಕೇ ನವವಸ್ಸಸತೇ ಸಮ್ಪತ್ತೇ ಹಂಸಾವತೀನಗರೇ ಅನೇಕಸೇತಿಭಿನ್ದೋ ನಾಮ ರಾಜಾ ಯೋನಕರಟ್ಠಂ ಅಭಿಭವಿತ್ವಾ ಅತ್ತನೋ ಹತ್ಥಗತಂ ಕತ್ವಾ ಬಲಿ ಭುಞ್ಜನತ್ಥಾಯ ಜೇಟ್ಠಪುತ್ತಸ್ಸ ಅನುರುದ್ಧಸ್ಸ ನಾಮ ರಾಜಕುಮಾರಸ್ಸ ದತ್ವಾ ಬಹೂಹಿ ಅಮಚ್ಚೇಹಿ ಸದ್ಧಿಂ ತತ್ಥ ಗನ್ತ್ವಾ ಅನುರಾಜತಾವೇನ ರಜ್ಜಂ ಕಾರಾಪೇಸಿ। ಸಾಸನಞ್ಚ ವಿಸೋಧಾಪೇತುಂ ಸದ್ಧಮ್ಮಚಕ್ಕಸಾಮಿತ್ಥೇರಂ ತೇನ ಸದ್ಧಿಂ ಪಹಿಣಿ।
ಅನೇಕಸೇತಿಭಿನ್ನೋ ಕಿರ ರಾಜಾ ಯೋನಕರಟ್ಠಂ ವಿಜಯಕಾಲೇ ಪಠಮಂ ಸಾಸನಸ್ಸ ಪತಿಟ್ಠಾನಭೂತಮಿದನ್ತಿ ಕತ್ವಾ ತಂರಟ್ಠವಾಸಿನೋ ಕರಮರಾನೀತಭಾವೇನ ನ ಅಗ್ಗಹೇಸೀತಿ।
ಯಥಾವುತ್ತತ್ಥೇರವಂಸೇಸು ಚ ಏಕೋ ಲಕುನ್ನನಗರೇ ಅರಞ್ಞವಾಸೀ ಥೇರೋ ತತ್ಥ ನಗರೇ ಅಜ್ಜ ಅಸುಕಸ್ಮಿಂ ಠಾನೇ ಏಕೋ ಮತೋತಿ ಗಿಹೀನಂ ಕಥೇತ್ವಾ ಯಥಾಕಥಿತಂ ಭೂತಂ ಹುತ್ವಾ ಅಯಂ ಅಭಿಞ್ಞಾಲಾಭೀತಿ ಪಾಕಟೋ ಅಹೋಸಿ।
ತಸ್ಮಿಂಯೇವ ಚ ನಗರೇ ಮಹಾಮಙ್ಗಲೋ ನಾಮ ಥೇರೋ ಅನೇಕಸೇತಿಭಿನ್ದಸ್ಸ ರಞ್ಞೋ ಯುಜ್ಝಿತುಂ ಆಗತಕಾಲೇ ಅನೇಕಸೇತಿಭಿನ್ದೋ ರಾಜಾ ಮಂ ಪಕ್ಕೋಸಿಸ್ಸತಿ, ಸಮಾನಜಾತಿಕಂ ದೂತಂ ಪೇಸ್ಸೇಸ್ಸತೀತಿ ಪಕ್ಕೋಸಿತಕಾಲತೋ ಪಠಮಮೇವವದಿ। ಯಥಾವುತ್ತನಿಯಾಮೇನೇವ ಪಕ್ಕೋಸನತೋ ಅಯಂ ಅಭಿಞ್ಞಾ ಲಾಭೀತಿ ಕಿತ್ತಿ ಘೋಸೋ ಅಹೋಸಿ।
ತತ್ಥ ನಗರೇ ಞಾಣವಿಲಾಸತ್ಥೇರೋ ಸಙ್ಖ್ಯಾಪಕಾಸಕಂ ನಾಮ
ವಿಸುದ್ಧಿಮಗ್ಗದೀಪನಿಂ ಪನ ಸಂಞ್ಞ್ವತ್ತಅರಞ್ಞವಾಸೀ ಉತ್ತರಾರಾಮೋ ನಾಮ ಏಕೋ ಥೇರೋ। ಮಙ್ಗಲದೀಪನಿಂ ಸಿರಿಮಙ್ಗಲತ್ಥೇರೋ। ಉಪ್ಪಾತಸನ್ತಿಂ ಅಞ್ಞತರೋ ಥೇರೋ। ತಂ ಕಿರ ಉಪ್ಪಾತಸನ್ತಿಂ ಸಜ್ಝಾಯಿತ್ವಾ ಚೀನರಞ್ಞೋ ಸೇನಂ ಅಜಿನೀತಿ। ಇಚ್ಚೇವಂ ಯೋನಕರಟ್ಠೇ ಅಭಿಞ್ಞಾಲಾಭೀನಂ ಗನ್ಥಕಾರಾನಞ್ಚ ಥೇರಾನಂ ಆನುಭಾವೇನ ಜಿನಸಾಸನಂ ಪರಿಸುದ್ಧಂ ಹುತ್ವಾ ಪತಿಟ್ಠಾತಿ। ಏವಂ ಹೇತುಫಲಸಮ್ಬನ್ಧವಸೇನ ಆದಿ ಅನ್ತ ಸಮ್ಬನ್ಧವಸೇನ ಚ ಯಥಾವುತ್ತೇಹಿ ತೀಹಿ ನಯೇಹಿ ಥೇರಪರಮ್ಪರಾ ಘಟ್ಟೇತ್ವಾ ಗಹೇತಬ್ಬಾ।
ಇತಿ ಸಾಸನವಂಸೇ ಯೋನಕರಟ್ಠಸಾಸನವಂಸಕಥಾ
ಮಗ್ಗೋ ನಾಮ ಚತುತ್ಥೋ ಪರಿಚ್ಛೇದೋ।