೪. ಚತುತ್ಥೋ ಕಣ್ಡೋ (ಣಾದಿ)
೧. ಣೋ ವಾ ಪಚ್ಚೇ।
ಛಟ್ಠಿಯನ್ತಾ ನಾಮಸ್ಮಾ ವಾ ಣಪ್ಪಚ್ಚಯೋ ಹೋತಿ ಅಪಚ್ಚೇ-ಭಿಧೇಯ್ಯೇ, ಣಕಾರೋ ವುದ್ಧ್ಯತ್ಥೋ, ಏವಮಞ್ಞತ್ತಾಪಿ, ವಸಿಟ್ಠಸ್ಸಾಪಚ್ಚಂ ವಾಸಿಟ್ಠೋ, ವಾಸಿಟ್ಠೀ ವಾ, ಓಪಗವೋ, ಓಪಗವೀ ವಾ, ವೇತಿ ವಾಕ್ಯಸಮಾಸವಿಕಪ್ಪನತ್ಥಂ, ತಸ್ಸಾಧಿಕಾರೋ ಸಕತ್ಥಾವಧಿ।
೨. ವಚ್ಛಾದಿತೋ ಣಾನಣಾಯನಾ।
ವಚ್ಛಾದೀಹಿ ಅಪಚ್ಚಪ್ಪಚ್ಚಯನ್ತೇಹಿ ಗೋತ್ತಾದೀಹಿ ಚ ಸದ್ದೇಹಿ ಣಾನಣಾಯನಪ್ಪಚ್ಚಯಾ ವಾ ಹೋನ್ತಿ ಅಪಚ್ಚೇ, ವಚ್ಛಾನೋ ವಚ್ಛಾಯನೋ, ಕಚ್ಚಾನೋ ಕಚ್ಚಾಯನೋ, ಯಾಗಮೇ ಕಾತಿಯಾನೋ, ಮೋಗ್ಗಲ್ಲಾನೋ ಮೋಗ್ಗಲ್ಲಾಯನೋ, ಸಾಕಟಾನೋ ಸಾಕಟಾಯನೋ, ಕಣ್ಹಾನೋ ಕಣ್ಹಾಯನೋ ಇಚ್ಚಾದಿ।
೩. ಕತ್ತಿಕಾವಿಧವಾದೀಹಿ ಣೇಯ್ಯಣೇರಾ।
ಕತ್ತಿಕಾದೀಹಿ ವಿಧವಾದೀಹಿ ಚ ಣೇಯ್ಯಣೇರಾ ವಾ ಯಥಾಕ್ಕಮಂ ಹೋನ್ತಿ ಅಪಚ್ಚೇ, ಕತ್ತಿಕೇಯ್ಯೋ, ವೇನತೇಯ್ಯೋ, ಭಾಗಿನೇಯ್ಯೋ ಇಚ್ಚಾದಿ
೪. ಣ್ಯದಿಚ್ಚಾದೀಹಿ।
ದಿತಿಪ್ಪಭುತಿಹಿ ಣ್ಯೋ ವಾ ಹೋತಿ ಅಪಚ್ಚೇ, ದೇಚ್ಚೋ, ಆದಿಚ್ಚೋ, ಕೋಣ್ಡಞ್ಞೋ, ಗಗ್ಗ್ಯೋ, ಭಾತಬ್ಬೋ ಇಚ್ಚಾದಿ।
೫. ಆ ಣಿ।
ಅಕಾರನ್ತತೋ ಣಿ ವಾ ಹೋತಿ ಅಪಚ್ಚೇ, ದಕ್ಖಿ, ದತ್ಥಿ, ದೋಣಿ। ವಾಸವಿ, ವಾರುಣಿ ಇಚ್ಚಾದಿ।
೬. ರಾಜತೋ ಞ್ಞೋ ಜಾತಿಯಂ।
ರಾಜಸದ್ದತೋ ಞ್ಞೋ ವಾ ಹೋತಿ ಅಪಚ್ಚೇ ಜಾತಿಯಂ ಗಮ್ಯಮಾನಾಯಂ, ರಾಜಞ್ಞೋ, ಜಾತಿಯನ್ತಿ ಕಿಂ? ರಾಜಾಪಚ್ಚಂ।
೭. ಖತ್ತಾ ಯಿಯಾ।
ಖತ್ತಸದ್ದಾ ಯಇಯಾ ಹೋನ್ತಿ ಅಪಚ್ಚೇ ಜಾತಿಯಂ, ಖತ್ಯೋ, ಖತ್ತಿಯೋ, ಜಾತಿಯಂತ್ವೇವ? ಖತ್ತಿ।
೮. ಮನುತೋ ಸ್ಸಸಣ।
ಮನುಸದ್ದತೋ ಜಾತಿಯಂ ಸ್ಸಸಣ ಹೋನ್ತಿ ಅಪಚ್ಚೇ, ಮನುಸ್ಸೋ, ಮಾನುಸೋ, ಇತ್ಥಿಯಂ ಮನುಸ್ಸಾ, ಮಾನುಸೀ, ಜಾತಿಯಂತ್ವೇವ? ಮಾನವೋ।
೯. ಜನಪದನಾಮಸ್ಮಾ ಖತ್ತಿಯಾ ರಞ್ಞೇ ಚ ಣೋ।
ಜನಪದಸ್ಸ ಯಂ ನಾಮಂ, ತನ್ನಾಮಸ್ಮಾ ಖತ್ತಿಯಾ ಅಪಚ್ಚೇ ರಞ್ಞೇ ಚ ಣೋ ಹೋತಿ, ಪಞ್ಚಾಲೋ, ಕೋಸಲೋ, ಮಾಗಧೋ, ಓಕ್ಕಾಕೋ, ಜನಪದನಾಮಸ್ಮಾತಿ
೧೦. ಣ್ಯ ಕುರುಸಿವೀಹಿ।
ಕುರುಸಿವೀಹಿ ಅಪಚ್ಚೇ ರಞ್ಞೇ ಚ ಣ್ಯೋ ಹೋತಿ। ಕೋರಬ್ಯೋ, ಸೇಬ್ಯೋ।
೧೧. ಣ ರಾಗಾ ತೇನ ರತ್ತಂ।
ರಾಗವಾಚಿತತಿಯನ್ತತೋ ರತ್ತಮಿಚ್ಛೇತಸ್ಮಿಂ ಅತ್ಥೇ ಣೋ ಹೋತಿ, ಕಸಾವೇನ ರತ್ತಂ ಕಾಸಾವಂ, ಕೋಸುಮ್ಭಂ, ಯಾಲಿದ್ದಂ, ರಾಗಾತಿ ಕಿಂ? ದೇವದತ್ತೇನ ರತ್ತಂ ವತ್ಥಂ, ಇಧ ಕಸ್ಮಾ ನ ಹೋತಿ? ‘ನೀಲಂ ಪೀತ’ನ್ತಿ, ಗುಣವಚನತ್ತಾ ವಿನಾಪಿ ಣೇನ ಣತ್ಥಸ್ಸಾಭಿಧಾನತೋ।
೧೨. ನಕ್ಖತ್ತೇನಿನ್ದುಯುತ್ತೇನ ಕಾಲೇ।
ತತಿಯನ್ತತೋ ನಕ್ಖತ್ತಾ ತೇನ ಲಕ್ಖಿತೇ ಕಾಲೇ ಣೋ ಹೋತಿ, ತಞ್ಚೇ ನಕ್ಖತ್ತಮಿನ್ದುಯುತ್ತಂ ಹೋತಿ, ಫುಸ್ಸೀ ರತ್ತಿ, ಫುಸ್ಸಂ ಅಹಂ, ನಕ್ಖತ್ತೇನೇತಿ ಕಿಂ? ಗುರುನಾ ಲಕ್ಖಿತಾ ರತ್ತಿ। ಇನ್ದುಯುತ್ತೇನೇತಿ ಕಿಂ? ಕತ್ಥಿಕಾಯ ಲಕ್ಖಿತೋ ಮುಹುತ್ತೋ, ಕಾಲೇತಿ ಕಿಂ? ಫುಸ್ಸೇನ ಲಕ್ಖಿತಾ ಅತ್ಥಸಿದ್ಧಿ, ಅಜ್ಜಕತ್ತಿಕಾತಿ ಕತ್ತಿಕಾಯುತ್ತೇ ಚನ್ದೇ ಕತ್ತಿಕಾಸದ್ದೋ ವತ್ತತೇ।
೧೩. ಸಾ-ಸ್ಸ ದೇವತಾ ಪುಣ್ಣಮಾಸೀ।
ಸೇತಿ ಪಠಮನ್ತಾ ಅಸ್ಸಾತಿ ಛಟ್ಠ್ಯತ್ಥೇ ಣೋ ಭವತಿ, ಯಂ ಪಠಮನ್ತಂ, ಸಾ ಚೇ ದೇವತಾ ಪುಣ್ಣಮಾಸೀವಾ, ಸುಗತೋ ದೇವತಾ ಅಸ್ಸಾಭಿ
೧೪. ತಮಧೀತೇ ತಂ ಜಾನಾತಿ ಕಣಿಕಾ ಚ।
ದುತಿಯನ್ತತೋ ತಮಧೀತೇ ತಂ ಜಾನಾತೀತಿ ಏತೇಸ್ವತ್ಥೇಸು ಣೋ ಹೋತಿ ಣೋ ಣಿಕೋ ಚ, ಬ್ಯಾಕರಣಮಧೀತೇ ಜಾನಾತಿ ವಾ ವೇಯ್ಯಾಕರಣೋ, ಛನ್ದಸೋ, ಕಮಕೋ, ಪದಕೋ, ವೇನಯಿಕೋ, ಸುತ್ತನ್ತಿಕೋ, ದ್ವಿತಗ್ಗಹಣಂ ಪುಥಗೇವ ವಿಧಾನತ್ಥಂ ಜಾನನಸ್ಸ ಚ ಅಜ್ಝೇನವಿಸಯಭಾವದಸ್ಸನತ್ಥಂ ಪಸಿದ್ಧೂಪಸಙ್ಗಹತ್ಥಂ ಚ।
೧೫. ತಸ್ಸ ವಿಸಯೇ ದೇಸೇ।
ಛಟ್ಠಿಯನ್ತಾ ವಿಸಯೇ ದೇಸರೂಪೇ ಣೋ ಹೋತಿ, ವಸಾತೀನಂ ವಿಸಯೋ ದೇಸೋ ವಾಸಾತೋ, ದೇಸೇತಿ ಕಿಂ? ಚಕ್ಖುಸ್ಸ ವಿಸಯೋ ರೂಪಂ, ದೇವದತ್ತಸ್ಸ ವಿಸಯೋ-ನುವಾಕೋ।
೧೬. ನಿವಾಸೇ ತನ್ನಾಮೇ।
ಛಟ್ಠಿಯನ್ತಾ ನಿವಾಸೇ ದೇಸೇ ತನ್ನಾಮೇ ಣೋ ಹೋತಿ, ಸಿವೀನಂ ನಿವಾಸೋ ದೇಸೋ ಸೇಬ್ಯೋ, ವಾಸಾತೋ।
೧೭. ಅದೂರಭವೇ।
ಛಟ್ಠಿಯನ್ತಾ
೧೮. ತೇನ ನಿಬ್ಬತ್ತೇ।
ತತಿಯನ್ತಾ ನಿಬ್ಬತ್ತೇ ದೇಸೇ ತನ್ನಾಮೇ ಣೋ ಹೋತಿ, ಕುಸಮ್ಬೇನ ನಿಬ್ಬತ್ತಾ ಕೋಸಮ್ಭೀ ನಗರೀ, ಕಾಕನ್ದೀ, ಮಾಕನ್ದೀ, ಸಹಸ್ಸೇನ ನಿಬ್ಬತ್ತಾ ಸಾಹಸ್ಸೀ ಪರೀಖಾ, ಹೋತುಮ್ಹಿ ಕತ್ತರಿ ಕರಣೇ ಚ ಯಥಾಯೋಗಂ ತತಿಯಾ।
೧೯. ತಮೀಧತ್ಥಿ।
ತನ್ತಿ ಪಠಮನ್ತಾ ಇಧಾತಿ ಸತ್ತಮ್ಯತ್ಥೇ ದೇಸೇ ತನ್ನಾಮೇ ಣೋ ಹೋತಿ, ಯನ್ತಂ ಪಠಮನ್ತಮತ್ಥಿ ಚೇ, ಉದುಮ್ಬರಾ ಅಸ್ಮಿಂ ದೇಸೇ ಸನ್ತೀತಿ ಓದುಮ್ಬರೋ, ಬಾದರೋ, ಬಬ್ಬಜೋ।
೨೦. ತತ್ರ ಭವೇ।
ಸತ್ತಮ್ಯನ್ತಾ ಭವತ್ಥೇ ಣೋ ಹೋತಿ, ಉದಕೇ ಭವೋ ಓದಕೋ, ಓರಸೋ, ಜಾನಪದೋ, ಮಾಗಧೋ, ಕಾಪಿಲವತ್ಥವೋ, ಕೋಸಮ್ಬೋ।
೨೧. ಅಜ್ಜಾದೀಹಿ ತನೋ।
ಭವತ್ಥೇ ಅಜ್ಜಾದೀಹಿ ತನೋ ಹೋತಿ, ಅಜ್ಜ ಭವೋ ಅಜ್ಜತನೋ, ಸ್ವಾತನೋ, ಹಿಯ್ಯತ್ತನೋ।
೨೨. ಪುರಾತೋ ಣೋ ಚ।
ಪುರಾಇಚ್ಚಸ್ಮಾ ಭವತ್ಥೇ ಣೋ ಹೋತಿ ತನೋ ಚ, ಪುರಾಣೋ, ಪುರಾತನೋ।
೨೩. ಅಮಾತ್ವಚ್ಚೋ।
ಅಮಾಸದ್ದತೋ
೨೪. ಮಜ್ಝಾದಿತ್ವಿಮೋ।
ಮಜ್ಝಾದೀಹಿ ಸತ್ತಮ್ಯನ್ತೇಹಿ ಭವತ್ತೇ ಇಮೋ ಹೋತಿ, ಮಜ್ಝಿಮೋ, ಅನ್ತಿಮೋ। ಮಜ್ಝ, ಅನ್ತ, ಹೇಟ್ಠಾ, ಉಪರಿ, ಓರ, ಪಾರ, ಪಚ್ಛಾ, ಅಬ್ಭನ್ತರ, ಪಚ್ಚನ್ತ (ಪುರತ್ಥಾ, ಬಾಹಿರ)।
೨೫. ಕಣಣೇಯ್ಯಣೇಯ್ಯಕಯಿಯಾ।
ಸತ್ತಮ್ಯನ್ತಾ ಏತೇ ಪಚ್ಚಯಾ ಹೋನ್ತಿ ಭವತ್ಥೇ, ಕಣ-ಕುಸಿನಾ ರಾಯಂ ಭವೋ ಕೋಸಿನಾರಕೋ, ಮಾಗಧಕೋ, ಆರಞ್ಞಕೋ ವಿಹಾರೋ। ಣೇಯ್ಯ-ಗಙ್ಗೇಯ್ಯೋ, ಪಬ್ಬತೇಯ್ಯೋ, ವಾನೇಯ್ಯೋ। ಣೇಯ್ಯಕ-ಕೋಲೇಯ್ಯಕೋ, ಬಾರಾಣಸೇಯ್ಯಕೋ, ಚಮ್ಪೇಯ್ಯಕೋ, ಮಿಥಿಲೇಯ್ಯಕೋತಿ ಏಯ್ಯಕೋ। ಯ-ಗಮ್ಮೋ, ದಿಬ್ಬೋ। ಇಯಗಾಮಿಯೋ, ಉದರಿ-ಯೋ, ದಿವಿಯೋ, ಪಞ್ಚಾಲಿಯೋ, ಬೋಧಿಪಕ್ಖಿಯೋ, ಲೋಕಿಯೋ।
೨೬. ಣಿಕೋ।
ಸತ್ತಮ್ಯನ್ತಾ ಭವತ್ಥೇ ಣಿಕೋ ಹೋತಿ, ಸಾರದಿಕೋ ದಿವಸೋ, ಸಾರದಿಕಾ ರತ್ತಿ।
೨೭. ತಮಸ್ಸ ಸಿಪ್ಪಂ ಸೀಲಂ ಪಣ್ಯಂ ಪಹರಣಂ ಪಯೋಜನಂ।
ಪಠಮನ್ತಾ ಸಿಪ್ಪಾದಿವಾಚಕಾ ಅಸ್ಸೇತಿಛಟ್ಠಿಯತ್ಥೇಣಿಕೋ ಹೋತಿ, ವೀಣಾವಾದನಂ ಸಿಪ್ಪಮಸ್ಸ ವೇಣಿಕೋ, ಮೋದಙ್ಗಿಕೋ, ವಂಸಿಕೋ, ಪಂಸುಕೂ- ಲಧಾರಣಂ
೨೮. ತಂ ಹನ್ತರಹತಿ ಗಚ್ಛತುಞ್ಛತಿ ಚರತಿ।
ದುತಿಯನ್ತಾ ಹನ್ತೀತಿ ಏವಮಾದೀಸ್ವತ್ಥೇಸು ಣೀಕೋ ಹೋತಿ। ಪಕ್ಖೀಹಿಪಕ್ಖಿನೋ ಹನ್ತೀತಿ ಪಕ್ಖಿಕೋ, ಸಾಕುನಿಕೋ, ಮಾಯೂರಿಕೋ। ಮಚ್ಛೇಹಿ-ಮಚ್ಛಿಕೋ, ಮೇನಿಕೋ। ಮಿಗೇಹಿ-ಮಾಗವಿಕೋ ಹಾರಿಣಿಕೋ, ‘ಸೂಕರಿಕೋ’ತಿ ಇಕೋ। ಸತಮರಹತೀತಿ ಸಾತಿಕಂ, ಸನ್ದಿಟ್ಠಿಕೋ, ಏಹಿಪಸ್ಸವಿಧಿಂ ಅರಹತೀತಿ ಏಹಿಪಸ್ಸಿಕೋ, ಸಾಹಸ್ಸಿಕೋ, ‘ಸಹಸ್ಸಿಯೋ’ತಿ ಇಯೋ। ಪರದಾರಂ ಗಚ್ಛತೀತಿ ಪಾರದಾರಿಕೋ, ಮಗ್ಗಿಕೋ, ಪಞ್ಞಾಸಯೋಜನಿಕೋ। ಬದರೇ ಉಞ್ಛತೀತಿ ಬಾದರಿಕೋ, ಸಾಮಾಕಿಕೋ। ಧಮ್ಮಂ ಚರತೀತಿ ಧಮ್ಮಿಕೋ, ಅಧಮ್ಮಿಕೋ।
೨೯. ತೇನ ಕತಂ ಕೀತಂ ಬದ್ಧಮಭಿಸಙ್ಖತಂ ಸಂಸಟ್ಠಂ ಹತಂ ಹನ್ತಿ ಜಿತಂ ಜಯತಿ ದಿಬ್ಬತಿ ಖಣತಿ ತರತಿ ಚರತಿ ವಹತಿ ಜೀವತಿ।
ತತಿಯನ್ತಾ ಕತಾದಿಸ್ವತ್ಥೇಸು ಣಿಕೋ ಹೋತಿ। ಕಾಯೇನ ಕತಂ ಕಾಯಿಕಂ, ವಾಚಸಿಕಂ, ಮಾನಸಿಕಂ, ವಾತೇನ ಕತೋ ಆಬಾಧೋ ವಾತಿಕೋ। ಸತೇನ ಕೀತಂ ಸಾತಿಕಂ, ಸಾಹಸ್ಸಿಕಂ, ಮೂಲತೋವ, ದೇವದತೇನ ಕೀತನ್ತಿ ನ ಹೋತಿ ತದತ್ಥಾಪ್ಪತೀತಿಯಾ। ವರತ್ತಾಯ ಬದ್ಧೋ ವಾರತ್ತಿಕೋ, ಆಯಸಿಕೋ, ಪಾಸಿಕೋ। ಘತೇನ ಅಭಿಸಙ್ಖತಂ ಸಂಸಟ್ಠಂ ವಾ ಘಾತಿಕಂ, ಗೋಳಿಕಂ, ದಾಧಿಕಂ, ಮಾರಿಚಿಕಂ। ಜಾಲೇನ ಹತೋ ಹನ್ತೀತಿ ವಾ ಜಾಲಿಕೋ, ಬಾಲೀಸಿಕೋ। ಅಕ್ಖೇಹಿ ಜಿತಮಕ್ಖಿಕಂ, ಸಾಲಾಕಿಕಂ। ಅಕ್ಖೇಹಿ ಜಯತಿ ದಿಬ್ಬತೀತಿ ವಾ ಅಕ್ಖಿಕೋ। ಖಣಿತ್ತಿಯಾ
೩೦. ತಸ್ಸ ಸಂವತ್ತತಿ।
ಚತುತ್ಥಿಯನ್ತಾ ಸಂವತ್ತತೀತಿ ಅಸ್ಮಿಂ ಅತ್ಥೇ ಣಿಕೋ ಹೋತಿ, ಪುನಬ್ಭವಾಯ ಸಂವತ್ತತೀತಿ ಪೋನೋಭವಿಕೋ, ಇತ್ಥಿಯಂ ಪೋನೋ ಭವಿಕಾ, ಲೋಕಾಯ ಸಂವತ್ತತೀತಿ ಲೋಕಿಕೋ ಸುಟ್ಠು ಅಗ್ಗೋತಿ ಸಗ್ಗೋ, ಸಗ್ಗಾಯ ಸಂವತ್ತತೀತಿ ಸೋವಗ್ಗಿಕೋ, ಸಸ್ಸೋವಕ ತದಮಿನಾದಿಪಾಠಾ, ಧನಾಯ ಸಂವತ್ತತೀತಿ ಧಞ್ಞಂ, ಯೋ।
೩೧. ತತೋ ಸಮ್ಭೂತಮಾಗತಂ।
ಪಞ್ಚಮ್ಯನ್ತಾ ಸಮ್ಭೂತಮಾಗತನ್ತಿ ಏತೇಸ್ವತ್ಥೇಸು ಣಿಕೋ ಹೋತಿ, ಮಾತಿಕೋ ಸಮ್ಭೂತಮಾಗತಂ ವಾ ಮತ್ತಿಕಂ, ಪೇತ್ತಿಕಂ, ಣ್ಯರಿಯಣ -ಯಾಪಿ ದಿಸ್ಸನ್ತಿ, ಸುರಭಿತೋ ಸಮ್ಭೂತಂ ಸೋರಭ್ಯಂ, ಥನತೋ ಸಮ್ಭೂತಂ ಥಞ್ಞಂ, ಪಿತಿತೋ ಸಮ್ಭೂತೋ ಪೇತ್ತಿಯೋ, ಮಾತಿಯೋ, ಮತ್ತಿಯೋ, ಮಚ್ಚೋ ವಾ।
೩೨. ತತ್ಥ ವಸತಿ ವಿದಿತೋ ಭತ್ತೋ ನಿಯುತ್ತೋ।
ಸತ್ತಮ್ಯನ್ತಾ ತತ್ಥ ವಸತೀತ್ವೇವಮಾದೀಸ್ವತ್ಥೇಸು ಣಿಕೋ ಹೋತಿ। ರುಕ್ಖಮೂಲೇ ವಸತೀತಿ ರುಕ್ಖಮೂಲಿಕೋ, ಆರಞ್ಞಿಕೋ, ಸೋಸಾನಿಕೋ। ಲೋಕೇ ವಿದಿತೋ ಲೋಕಿಕೋ। ಚತುಮಹಾರಾಜೇಸು ಭತ್ತಾ ಚಾತುಮ್ಮಹಾರಾಜಿಕಾ
೩೩. ತಸ್ಸಿದಂ।
ಛಟ್ಠಿಯನ್ತಾ ಇದಮಿಚ್ಚಸ್ಮಿಂ ಅತ್ಥೇ ಣಿಕೋ ಹೋತಿ, ಸಙ್ಘಸ್ಸ ಇದಂ ಸಙ್ಘಿಕಂ, ಪುಗ್ಗಲಿಕಂ, ಸಕ್ಯಪುತ್ತಿಕೋ, ನಾತಿಪುತ್ತಿಕೋ, ಜೇನದತ್ತಿಕೋ, ಕಿಯೇ-ಸಕಿಯೋ, ಪರಕಿಯೋ, ನಿಯೇ-ಅತ್ತನಿಯಂ, ಕೇ- ಸಕೋ ರಾಜಕಂ ಭಣ್ಡಂ।
೩೪. ಣೋ।
ಛಟ್ಠಿಯನ್ತಾ ಇದಮಿಚ್ಚಸ್ಮಿಂ ಅತ್ಥೇ ಣೋ ಹೋತಿ, ಕಚ್ಚಾಯನಸ್ಸ ಇದಂ ಕಚ್ಚಾಯನಂ ಬ್ಯಾಕರಣಂ, ಸೋಗತಂ ಸಾಸನಂ, ಮಾಹಿಸಂ ಮಂಸಾದಿ।
೩೫. ಗವಾದೀಹಿ ಯೋ।
ಗವಾದೀಹಿ ಛಟ್ಠಿಯನ್ತೇಹಿ ಇದಮಿಚ್ಚಸ್ಮಿಂ ಅತ್ಥೇ ಯೋ ಹೋತಿ, ಗುನ್ನಂ ಇದಂ ಗಬ್ಯಂ ಮಂಸಾದಿ, ಕಬ್ಯಂ, ದಬ್ಬಂ।
೩೬. ಪಿತಿತೋ ಭಾತರಿ ರೇಯ್ಯಣ।
ಪಿತುಸದ್ದಾ ತಸ್ಸ ಭಾತರಿ ರೇಯ್ಯಣ ಹೋತಿ, ಪಿತು ಭಾತಾ ಪೇತ್ತೇಯ್ಯೋ।
೩೭. ಮಾತಿತೋ ಚ ಭಗಿನಿಯಂ ಛೋ।
ಮಾತಿತೋ ಪಿತಿತೋ ಚ ತೇಸಂ ಭಗಿನಿಯಂ ಛೋ ಹೋತಿ, ಮಾತು ಭಗಿನೀ ಮಾತುಚ್ಛಾ, ಪಿತು ಭಗಿನೀ ಪಿತುಚ್ಛಾ, ಕಥಂ ‘ಮಾತುಲೋ’ತಿ ‘‘ಮಾತುಲಾದಿತ್ವಾನೀ’’ತಿ ನಿಪಾತನಾ।
೩೮. ಮಾತಾಪಿತೂಸ್ವಾಮಹೋ।
ಮಾತಾಪಿತೂಹಿ
೩೯. ಹಿತೇ ರೇಯ್ಯಣ।
ಮಾತಾಪಿತೂಹಿ ಹಿತೇ ರೇಯ್ಯಣ ಹೋತಿ, ಮತ್ತೇಯ್ಯೋ, ಪೇತ್ತೇಯ್ಯೋ।
೪೦. ನಿನ್ದಾಞ್ಞಾತಪ್ಪಪಟಿಭಾಗರಸ್ಸದಯಾಸಞ್ಞಾಸು ಕೋ।
ನಿನ್ದಾದೀಸ್ವತ್ಥೇಯು ನಾಮಸ್ಮಾ ಕೋ ಹೋತಿ, ನಿನ್ದಾಯಂ-ಮುಣ್ಡಕೋ, ಸಮಣಕೋ। ಅಞ್ಞಾತೇ-ಕಸ್ಸಾಯಂ ಅಸ್ಸೋತಿ ಅಸ್ಸಕೋ, ಪಯೋಗಸಾಮತ್ಥಿಯಾ ಸಮ್ಬನ್ಧಿವಿಸೇಸಾನವಗಮೋವಗಮ್ಯತೇ। ಅಪ್ಪತ್ಥೇತೇಲಕಂ, ಘತಕಂ। ಪಟಿಭಾಗತ್ಥೇ-ಹತ್ಥೀ ವಿಯ ಹತ್ಥಿಕೋ, ಅಸ್ಸಕೋ, ಬಲೀಬದ್ದಕೋ। ರಸ್ಸೇ-ಮಾನುಸಕೋ, ರುಕ್ಖಕೋ, ಪಿಲಕ್ಖಕೋ। ದಯಾಯಂ-ಪುತ್ತಕೋ, ವಚ್ಛಕೋ। ಸಞ್ಞಾಯಂ-ಮೋರೋ ವಿಯ ಮೋರಕೋ।
೪೧. ತಮಸ್ಸಪರಿಮಾಣಂ ಣಿಕೋ ಚ।
ಪಠಮನ್ತಾ ಅಸ್ಸೇತಿ ಅಸ್ಮಿಂ ಅತ್ಥೇ ಣಿಕೋ ಹೋತಿ ಕೋ ಚ ತಞ್ಚೇ ಪಠಮನ್ತಂ ಪರಿಮಾಣಂ ಭವತಿ, ಪರಿಮೀಯತೇ ನೇನೇತಿ ಪರಿಮಾಣಂ, ದೋಣೋ ಪರಿಮಾಣಮಸ್ಸ ದೋಣಿಕೋ ವೀಹಿ, ಖಾರಸತಿಕೋ, ಖಾರಸಹಸ್ಸಿಕೋ ಆಸೀತಿಕೋ ವಯೋ, ಉಪಡ್ಢಕಾಯಿಕಂ ಬಿಮ್ಬೋಹನಂ, ಪಞ್ಚಕಂ, ಛಕ್ಕಂ।
೪೨. ಯತೇತೇಹಿ ತ್ತಕೋ।
ಯಾದೀಹಿ
೪೩. ಸಬ್ಬಾ ಚಾವನ್ತು।
ಸಬ್ಬತೋ ಪಠಮನ್ತೇಹಿ ಯಾದೀಹಿ ಚ ಅಸ್ಸೇತಿ ಛಟ್ಠಿಯತ್ಥೇ ಆವನ್ತು ಹೋತಿ, ತಞ್ಚೇ ಪಠಮನ್ತಂ ಪರಿಮಾಣಂ ಭವತಿ। ಸಬ್ಬಂ ಪರಿಮಾಣಮಸ್ಸ ಸಬ್ಬಾವನ್ತಂ, ಯಾವನ್ತಂ, ತಾವನ್ತಂ, ಏತಾವನ್ತಂ।
೪೪. ಕಿಮ್ಹಾ ರತಿರೀವರೀವತಕರಿತ್ತಕಾ।
ಕಿಮ್ಹಾ ಪಠಮನ್ತಾ ಅಸ್ಸೇತಿ ಛಟ್ಠಿಯತ್ಥೇ ರತಿರೀವರೀವತಕರಿತ್ತಕಾ ಹೋನ್ತಿ, ತಞ್ಚೇ ಪಠಮನ್ತಂ ಪರಿಮಾಣಂ ಭವತಿ, ಕಿಂ ಸಙ್ಖ್ಯಾನಂ ಪರಿಮಾಣಮೇಸಂ ಕತಿ ಏತೇ, ಕೀವ, ಕೀವತಕಂ, ಕಿತ್ತಕಂ। ರೀವನ್ತೋ ಸಭಾವತೋ ಅಸಙ್ಖ್ಯೋ।
೪೫. ಸಞ್ಜಾತಂ ತಾರಕಾದಿತ್ವಿತೋ।
ತಾರಕಾದೀಹಿ ಪಠಮನ್ತೇಹಿ ಅಸ್ಸೇತಿ ಛಟ್ಠಿಯತ್ಥೇ ಇತೋ ಹೋತಿ, ತೇ ಚೇ ಸಞ್ಜಾತಾ ಹೋನ್ತಿ, ತಾರಕಾ ಸಞ್ಜಾತಾ ಅಸ್ಸ ತಾರಕಿತಂ ಗಗನಂ, ಪುಪ್ಫಿತೋ ರುಕ್ಖೋ, ಪಲ್ಲವಿತಾ ಲತಾ।
೪೬. ಮಾನೇ ಮತ್ತೋ।
ಪಠಮನ್ತಾ ಮಾನವುತ್ತಿತೋ ಅಸ್ಸೇತಿ ಅಸ್ಮಿಂಅತ್ಥೇ ಮತ್ತೋ ಹೋತಿ, ಪಲಂ ಉಮ್ಮಾನಮಸ್ಸ ಪಲಮತ್ತಂ, ಹತ್ಥೋ ಪಮಾಣಮಸ್ಸ ಹತ್ಥಮತ್ತಂ
೪೭. ತಗ್ಘೋ ಚುದ್ಧಂ।
ಉದ್ಧಮಾನವುತ್ತಿಹೋ ಅಸ್ಸೇತಿ ಛಟ್ಠಿಯತ್ಥೇ ತಗ್ಘೋ ಹೋತಿ ಮತ್ತೋ ಚ, ಜಣ್ಣುತಗ್ಘಂ, ಜಣ್ಣುಮತ್ತಂ।
೪೮. ಣೋ ಚ ಪುರಿಸಾ।
ಪುರಿಸಾ ಪಠಮನ್ತಾ ಉದ್ಧಮಾನವುತ್ತಿತೋ ಣೋ ಹೋತಿ ಮತ್ತಾದಯೋ ಚ, ಪೋರಿಸಂ, ಪುರಿಸಮತ್ತಂ, ಪುರಿಸತಗ್ಘಂ।
೪೯. ಅಯೂಭದ್ವಿತೀಹಂಸೇ।
ಉಭದ್ವಿತೀಹಿ ಅವಯವವುತ್ತೀತಿ ಪಠಮನ್ತೇಹಿ ಅಸ್ಸೇತಿ ಛಟ್ಠಿಯತ್ಥೇ ಅಯೋ ಹೋತಿ। ಉಭೋ ಅಂಸಾ ಅಸ್ಸ ಉಭಯಂ, ದ್ವಯಂ, ತಯಂ।
೫೦. ಸಙ್ಖ್ಯಾಯ ಸಚ್ಚುತೀಸಾಸದಸನ್ತಾಯಾಧಿಕಾಸ್ಮಿಂ ಸವಸಹಸ್ಸೇ ಡೋ।
ಸತ್ಯನ್ತಾಯ ಉತ್ಯನ್ತಾಯ ಈಸನ್ತಾಯ ಆಸನ್ತಾಯ ದಸನ್ತಾಯ ಚ ಸಙ್ಖ್ಯಾಯ ಪಠಮನ್ತಾಯ ಅಸ್ಮಿನ್ತಿ ಸತ್ತಮ್ಯತ್ಥೇ ಡೋ ಹೋತಿ, ಸಾ ಚೇ ಸಙ್ಖ್ಯಾ ಅಧಿಕಾ ಹೋತಿ, ಯದಸ್ಮಿನ್ತಿ ತಞ್ಚೇ ಸತಂ ಸಹಸ್ಸಂ ಸತಸಹಸ್ಸಂ ವಾ ಹೋತಿ, ವೀಸತಿ ಅಧಿಕಾ ಅಸ್ಮಿಂ ಸತೇತಿ ವೀಸಂ ಸತಂ, ಏಕವೀಸಂ ಸತಂ, ಸಹಸ್ಸಂ, ಸತಸಹಸ್ಸಂ ವಾ, ತಿಂಸಂ ಸತಂ, ಏಕತಿಂಸಂ ಸತಂ। ಉತ್ಯನ್ತಾಯ-ನವುತಂ ಸತಂ ಸಹಸ್ಸಂ ಸತಸಹಸ್ಸಂ ವಾ। ಈಸನ್ತಾಯ ಚತ್ತಾಲೀಸಂ ಸತಂ, ಸಹಸ್ಸಂ, ಸತಸಹಸ್ಸಂ ವಾ। ಆಸನ್ತಾಯ
೫೧. ತಸ್ಸ ಪೂರಣೇಕಾದಸಾದಿತೋ ವಾ।
ಛಟ್ಠಿಯನ್ಥಾಯೇಕಾದಸಾದಿಕಾಯ ಸಙ್ಖ್ಯಾಯ ಡೋ ಹೋತಿ (ತಸ್ಸ) ಪೂರಣತ್ಥೇ ವಿಭಾಸಾ, ಸಾ ಸಙ್ಖ್ಯಾ ಪೂರೀಯತೇ ಯೇನ ತಂ ಪೂರಣಂ, ಏಕಾದಸನ್ನಂ ಪೂರಣೋ ಏಕಾದಸೋ। ಏಕಾದಸಮೋ, ವೀಸೋ, ವೀಸತಿಮೋ, ತಿಂಸೋ, ತಿಂಸತಿಮೋ, ಚತ್ತಾಲೀಸೋ, ಪಞ್ಞಾಸೋ।
೫೨. ಮ ಪಞ್ಚಾದಿಕತಿಹಿ।
ಛಟ್ಠಿಯನ್ತಾಯ ಪಞ್ಚಾದಿಕಾಯ ಸಙ್ಖ್ಯಾಯ ಕತಿಸ್ಮಾ ಚ ಮೋ ಹೋತಿ (ತಸ್ಸ) ಪೂರಣತ್ಥೇ, ಪಞ್ಚಮೋ, ಸತ್ತಮೋ, ಅಟ್ಠಮೋ, ಕತಿಮೋ, ಕತಿಮೀ।
೫೩. ಸತಾದೀನಮಿಚ। ಸತಾದಿಕಾಯ ಸಙ್ಖ್ಯಾಯ ಛಟ್ಠಿಯನ್ತಾಯ (ತಸ್ಸ) ಪೂರಣತ್ಥೇ ಮೋಹೋತಿ ಸತಾದೀನಮಿಚಾನ್ತಾದೇಸೋ, ಸತಿಮೋ, ಸಹಸ್ಸಿಮೋ।
೫೪. ಛಾ ಟ್ಠಟ್ಠಮಾ।
ಛಸದ್ದಾ ಟ್ಠಟ್ಠಮಾ ಹೋನ್ತಿ ತಸ್ಸ ಪೂರಣತ್ಥೇ, ಛಟ್ಠೋ, ಛಟ್ಠಮೋ, ಇತ್ಥಿಯಂ ಛಟ್ಠೀ, ಛಟ್ಠಮೀ, ಕಥಂ ‘ದುತಿಯಂ ಚತುತ್ಥ’ನ್ತಿ? ‘‘ದುತಿಯಸ್ಸ, ಚತುತ್ಥ ತತಿಯಾನ’’ನ್ತಿ ನಿಪಾತನಾ।
೫೫. ಏಕಾ ಕಾಕ್ಯಸಹಾಯೇ।
ಏಕಸ್ಮಾ
೫೬. ವಚ್ಛಾದೀಹಿ ತನುತ್ತೇ ತರೋ।
ವಚ್ಛಾದೀನಂ ಸಭಾವಸ್ಸ ತನುತ್ತೇ ಗಮ್ಯಮಾನೇ ತರೋ ಹೋತಿ, ಸುಸುತ್ತಸ್ಸ ತನುತ್ತೇ ವಚ್ಛತರೋ, ಇತ್ಥಿಯಂ ವಚ್ಛತರೀ, ಯೋಬ್ಬನಸ್ಸ ತನುತ್ತೇ ಓಕ್ಖತರೋ, ಅಸ್ಸಭಾವಸ್ಸ ತನುತ್ತೇ ಅಸ್ಸತರೋ, ಸಾಮತ್ಥಿಯಸ್ಸ ತನುತ್ತೇ ಉಸಭತರೋ।
೫೭. ಕಿಮ್ಹಾ ನಿದ್ಧಾರಣೇ ರತರ ರತಮಾ। ಕಿಂಸದ್ದಾ ನಿದ್ಧಾರಣೇ ರತರ ರತಮಾ ಹೋನ್ತಿ, ಕತರೋ ಭವತಂ ದೇವದತ್ತೋ, ಕತರೋ ಭವತಂ ಕಠೋ, ಕತಮೋ ಭವತಂ ದೇವದತ್ತೋ, ಕತಮೋ ಭವತಂ ಕಠೋ, ಭಾರದ್ವಾಜಾನಂ ಕತಮೋಸಿ ಬ್ರಹ್ಮೇ।
೫೮. ತೇನ ದತ್ತೇ ಲಿಯಾ।
ತತಿಯನ್ತಾ ದತ್ತೇ-ಭಿಧೇಯ್ಯೇ ಲಇಯಾ ಹೋನ್ತಿ, ದೇವೇನ ದತ್ತೋ ದೇವಲೋ, ದೇವಿಯೋ, ಬ್ರಹ್ಮಲೋ, ಬ್ರಹ್ಮಿಯೋ, ಸಿವಾ ಸೀವಲೋ, ಸೀವಿಯೋ, ಸಿಸ್ಸ ದೀಘೋ।
೫೯. ತಸ್ಸ ಭಾವಕಮ್ಮೇಸು ತ್ತತಾತ್ತನಣ್ಯಣೇಯ್ಯಣಿಯಣಿಯಾ।
ಛಟ್ಠಿಯನ್ತಾ ಭಾವೇ ಕಮ್ಮೇ ಚ ತ್ತಾದಯೋ ಹೋನ್ತಿ ಬಹುಲಂ, ನ ಚ ಸಬ್ಬೇ ಸಬ್ಬತೋ ಹೋನ್ತಿ ಅಞ್ಞತ್ರ ತ್ತತಾಹಿ, ಭವನ್ತಿ ಏತಸ್ಮಾ ಬುದ್ಧಿಸದ್ದಾಭಿ ಭಾವೋ ಸದ್ದಸ್ಸ ಪವತ್ತಿನಿಮಿತ್ತಂ, ನೀಲಸ್ಸ ಪಟಸ್ಸ ಭಾವೋ ನೀಲತ್ತಂ
೬೦. ಬ್ಯ ವದ್ಧದಾಸಾ ವಾ।
ಛಟ್ಠಿಯನ್ತಾ ವದ್ಧಾ ದಾಸಾ ಚ ಬ್ಯೋ ವಾ ಹೋತಿ ಭಾವಕಮ್ಮೇಸು, ವದ್ಧಬ್ಯಂ ವದ್ಧತಾ, ದಾಸಬ್ಯಂ ದಾಸತಾ, ಕಥಂ ‘ವದ್ಧವ’ನ್ತಿ? ಣೇ ವಾಗಮೋ।
೬೧. ನಣ ಯುವಾ ಬೋ ಚ ವಸ್ಸ।
ಛಟ್ಠಿಯನ್ತಾ ಯುವಸದ್ದಾ ಭಾವಕಮ್ಮೇಸು ನಣ ವಾ ಹೋತಿ ತಸ್ಸ ಬೋ ಚ, ಯೋಬ್ಬನಂ, ವಾತ್ವೇವ? ಯುವತ್ತಂ, ಯುವತಾ।
೬೨. ಅಣ್ವಾದಿತ್ವಿಮೋ।
ಅಣುಆದೀಹಿ
೬೩. ಭಾವಾ ತೇನ ನಿಬ್ಬತ್ತೇ।
ಭಾವವಾಚಕಾ ಸದ್ದಾ ತೇನ ನಿಬ್ಬತ್ತೇ-ಭಿಧೇಯ್ಯೇ ಇಮೋ ಹೋತಿ, ಪಾಕೇನ ನಿಬ್ಬತ್ತ ಪಾಣಿಮಂ, ಸೇಕಿಮಂ।
೬೪. ತರತಮಿಸ್ಸಿಕಿಯಿಟ್ಠಾತಿಸಯೇ।
ಅತಿಸಯೇ ವತ್ತಮಾನತೋ ಹೋನ್ತೇತೇ ಪಚ್ಚಯಾ, ಅತಿಸಯೇನ ಪಾಪೋ ಪಾಪತರೋ, ಪಾಪತಮೋ, ಪಾಪಿಸ್ಸಿಕೋ, ಪಾಪಿಯೋ, ಪಾಪಿಟ್ಠೋ, ಇತ್ಥಿಯಂ ಪಾಪತರಾ। ಅತಿಸಯನ್ತಾಪಿ ಅತಿಸಯಪ್ಪಚ್ಚಯೋ, ಅತಿಸಯೇನ ಪಾಪಿಟ್ಠೋ ಪಾಪಿಟ್ಠತರೋ।
೬೫. ತನ್ನಿಸ್ಸಿತೇ ಲ್ಲೋ।
ದುತಿಯನ್ತಾ ಲ್ಲಪ್ಪಚ್ಚಯೋ ಹೋತಿ ನಿಸ್ಸಿತತ್ಥೇ, ವೇದಂ ನಿಸ್ಸಿತಂ ವೇದಲ್ಲಂ, ದುಟ್ಠು ನಿಸ್ಸಿತಂ ದುಟ್ಠುಲ್ಲಂ। ಇಲ್ಲೇ-ಸಙ್ಖಾರಿಲ್ಲಂ।
೬೬. ತಸ್ಸ ವಿಕಾರಾವಯವೇಸು ಣ ಣಿಕ ಣೇಯ್ಯಮಯಾ।
ಪಕತಿಯಾ ಉತ್ತರಮವತ್ಥನ್ತರಂ ವಿಕಾರೋ, ಛಟ್ಠಿಯನ್ತಾ ನಾಮಸ್ಮಾ ವಿಕಾರೇ-ವಯವೇ ಚ ಣಾದಯೋ ಹೋನ್ತಿ ಬಹುಲಂ, ಣ-ಆಯಸಂ ಬನ್ಧನಂ, ಓದುಮ್ಬರಂ, ಪಣ್ಣಂ, ಓದುಮ್ಬರಂ ಭಸ್ಮಂ, ಕಾಪೋತಂ ಮಂಸಂ, ಕಾಪೋತಂ ಸತ್ಥಿ। ಣಿಕ-ಕಪ್ಪಾಸಿಕಂ ವತ್ಥಂ। ಣೇಯ್ಯ-ಏಣೇಯ್ಯಂ ಮಂಸಂ, ಏಣೇಯ್ಯಂ ಸತ್ಥಿ
೬೭. ಜತುತೋ ಸಣ ವಾ।
ಛಟ್ಠಿಯನ್ತಾ ನಾಮಸ್ಮಾ ಜತುತೋ ವಿಕಾರಾವಯವೇಸು ಸಣ ವಾ ಹೋತಿ। ಜತುನೋ ವಿಕಾರೋ ಜಾತುಸಂ ಜತುಮಯಂ। ‘‘ಲೋಪೋ’’ತಿ (೪.೧೨೩) ಬಹುಲಂ ಪಚ್ಚಯಲೋಪೋಪಿ ಫಲಪುಪ್ಫಮೂಲೇಸು ವಿಕಾರಾವಯವೇಸು, ಪಿಯಾಲಸ್ಸ ಫಲಾನಿ ಪಿಯಾಲಾನಿ, ಮಲ್ಲಿಕಾಯ ಪುಪ್ಫಾನಿ ಮಲ್ಲಿಕಾ, ಉಸಿರಸ್ಸ ಮೂಲಂ ಉಸೀರಂ, ತಂ ಸದ್ದೇನ ವಾ ತದಭಿಧಾನಂ।
೬೮. ಸಮೂಹೇ ಕಣ ಣ ಣಿಕಾ।
ಛಟ್ಠಿಯನ್ತಾ ಸಮೂಹೇ ಕಣ ಣ ಣಿಕಾ ಹೋನ್ತಿ ಗೋತ್ತಪ್ಪಚ್ಚಯನ್ತಾ। ಕಣ-ರಾಜಞ್ಞಕಂ, ಮಾನುಸ್ಸಕಂ, ಉಕ್ಖಾದೀಹಿ-ಓಕ್ಖಕಂ, ಓಟ್ಠಕಂ, ಓರಬ್ಭಕಂ, ರಾಜಕಂ, ರಾಜಪುತ್ತಕಂ, ಹತ್ಥಿಕಂ, ಧೇನುಕಂ। ಣ-ಕಾಕಂ, ಭಿಕ್ಖಂ। ಅಚಿತ್ತಾ ಣಿಕ-ಆಪೂಪಿಕಂ, ಸಂಕುಲಿಕಂ।
೬೯. ಜನಾದೀಹಿ ತಾ।
ಜನಾದೀಹಿ ಛಟ್ಠಿಯನ್ತೇಹಿ ಸಮೂಹೇ ತಾ ಹೋತಿ। ಜನತಾ, ಗಜತಾ, ಬನ್ಧುತಾ, ಗಾಮತಾ, ಸಹಾಯತಾ, ನಾಗರತಾ। ತಾನ್ತಾ ಸಭಾವತೋ ಇತ್ಥಿಲಿಙ್ಗಾ, ‘ಮದನೀಯ’ನ್ತಿ ಕರಣೇ-ಧಿಕರಣೇ ವಾ ಅನೀಯೇನ ಸಿದ್ಧಂ। ‘ಧೂಮಾಯಿತತ್ತ’ನ್ತಿ ಕ್ತಾನ್ತಾ ನಾಮಧಾತುತೋ ಕ್ತೇನ ಸಿದ್ಧಂ।
೭೦. ಇಯೋ ಹಿತೇ।
ಛಟ್ಠಿಯನ್ತಾ ಹಿತೇ ಇಯೋ ಹೋತಿ। ಉಪಾದಾನಿಯಂ, ಅಞ್ಞತ್ರಾಪಿ ಸಮಾನೋದರೇ ಸಯಿತೋ ಸೋದರಿಯೋ।
೭೧. ಚಕ್ಖ್ವಾದಿತೋ ಸ್ಸೋ।
ಛಟ್ಠಿಯನ್ತೇಹಿ
೭೨. ಣ್ಯೋ ತತ್ಥ ಸಾಧು।
ಸತ್ತಮ್ಯನ್ತಾ ತತ್ಥ ಸಾಧೂತಿ ಅಸ್ಮಿಂ ಅತ್ಥೇ ಣ್ಯೋ ಹೋತಿ। ಸಬ್ಭೋ, ಪಾರಿಸಜ್ಜೋ। ಸಾಧೂತಿ ಕುಸಲೋ ಯೋಗ್ಗೋ ಹಿತೋ ವಾ। ಅಞ್ಞತ್ರಾಪಿ ರಥಂ ವಹತೀತಿ ರಚ್ಛಾ।
೭೩. ಕಮ್ಮಾ ನಿಯ ಞ್ಞಾ।
ಸತ್ತಮ್ಯನ್ತಾ ಕಮ್ಮಸದ್ದಾ ತತ್ಥ ಸಾಧೂಭಿ ಅಸ್ಮಿಂ ಅತ್ಥೇ ನಿಯ ಞ್ಞಾ ಹೋನ್ತಿ। ಕಮ್ಮೇ ಸಾಧು ಕಮ್ಮನಿಯಂ, ಕಮ್ಮಞ್ಞಂ।
೭೪. ಕಥಾದಿತ್ವಿಕೋ।
ಕಥಾದೀಹಿ ಸತ್ತಮ್ಯನ್ತೇಹಿ ತತ್ಥ ಸಾಧೂತಿ ಅಸ್ಮಿಂ ಅತ್ಥೇ ಇಕೋ ಹೋತಿ। ಕಥಿಕೋ, ಧಮ್ಮಕಥಿಕೋ, ಸಙ್ಗಾಮಿಕೋ ಪವಾಸಿಕೋ, ಉಪವಾಸಿಕೋ।
೭೫. ಪಥಾದೀಹಿ ಣೇಯ್ಯೋ।
ಪಥಾದೀಹಿ ಸತ್ತಮ್ಯನ್ತೇಹಿ ತತ್ಥ ಸಾಧೂತಿ ಅಸ್ಮಿಂ ಅತ್ಥೇ ಣೇ-ಯ್ಯೋ ಹೋತಿ, ಪಾಥೇಯ್ಯಂ ಸಾಪತೇಯ್ಯಂ (ಆತಿಥೇಯ್ಯಂ)।
೭೬. ದಕ್ಖಿಣಾಯಾರಹೇ।
ದಕ್ಖಿಣಾಸದ್ದತೋ ಅರಹತ್ಥೇ ಣೇಯ್ಯೋ ಹೋತಿ, ದಕ್ಖಿಣಂ ಅರಹತೀತಿ ದಕ್ಖಿಣೇಯ್ಯೋ।
೭೭. ರಾಯೋ ತುಮನ್ತಾ।
ತುಮನ್ತತೋ
೭೮. ತಮೇತ್ಥಸ್ಸತ್ಥೀತಿ ಮನ್ತು।
ಪಠಮನ್ತಾ ಏತ್ಥ ಅಸ್ಸ ಅತ್ಥೀತಿ ಏತೇಸ್ವತ್ಥೇಸು ಮನ್ತು ಹೋತಿ। ಗಾವೋ ಏತ್ಥ ದೇಸೇ, ಅಸ್ಸ ವಾ ಪುರಿಸಸ್ಸ ಸನ್ತೀತಿ ಗೋಮಾ। ಅತ್ಥೀತಿ ವತ್ತಮಾನಕಾಲೋಪಾದಾನತೋ ಭೂತಾಹಿ ಭವಿಸ್ಸನ್ತೀಹಿ ವಾ ಗೋಹಿ ನ ಗೋಮಾ। ಕಥಂ ‘ಗೋಮಾ ಆಸಿ, ಗೋಮಾ ಭವಿಸ್ಸತೀ’ತಿ? ತದಾಪಿ ವತ್ತಮಾನಾಹಿಯೇವ ಗೋಹಿ ಗೋಮಾ, ಆಸಿ ಭವಿಸ್ಸತೀತಿ ಪದನ್ತರಾ ಕಾಲನ್ತರಂ, ಇತಿಕರಣತೋ ವಿಸಯನಿಯಮೋ –
ಪಹೂತೇ ಚ ಪಸಂಸಾಯಂ, ನಿನ್ದಾಯಞ್ಚಾತಿಸಾಯನೇ।
ನಿಚ್ಚಯೋಗೇ ಚ ಸಂಸಗ್ಗೇ, ಹೋನ್ತಿಮೇ ಮನ್ತುಆದಯೋ॥
ಗೋ ಅಸ್ಸೋತಿ ಜಾತಿಸದ್ದಾನಂ ದಬ್ಬಾಭಿಧಾನಸಾಮತ್ಥಿಯಾ ಮನ್ತ್ವಾದಯೋ ನ ಹೋನ್ತಿ, ತಥಾ ಗುಣಸದ್ದಾನಂ ‘ಸೇತೋ ಪಟೋ’ತಿ, ಯೇಸನ್ತು ಗುಣಸದ್ದಾನಂ ದಬ್ಬಾಭಿಧಾನಸಾಮತ್ಥಿಯಂ ನತ್ಥಿ, ತೇಹಿ ಹೋನ್ತೇವ ‘ಬುದ್ಧಿಮಾ, ರೂಪವಾ, ರಸವಾ, ಗನ್ಧವಾ, ಫಸ್ಸವಾ, ಸದ್ದವಾ, ರಸೀ, ರಸಿಕೋ, ರೂಪೀ, ರೂಪಿಕೋ, ಗನ್ಧೀ, ಗನ್ಧಿಕೋ’ತಿ।
೭೯. ವನ್ತ್ವಾವಣ್ಣಾ।
ಪಠಮನ್ತತೋ ಅವಣ್ಣನ್ತಾ ಮನ್ತ್ವಾತ್ಥೇ ವನ್ತು ಹೋತಿ। ಸೀಲವಾ, ಪಞ್ಞವಾ, ಅವಣ್ಣಾತಿ ಕಿಂ? ಸತಿಮಾ ಬನ್ಧುಮಾ।
೮೦. ದಣ್ಡಾದಿತ್ವಿಕಈ ವಾ।
ದಣ್ಡಾದೀಹಿ
೮೧. ತಪಾದೀಹಿ ಸ್ಸೀ। ತಪಾದಿತೋ ಮನ್ತ್ವತ್ಥೇ ವಾ ಸ್ಸೀ ಹೋತಿ। ತಪಸ್ಸೀ, ಯಸಸ್ಸೀ, ತೇಜಸ್ಸೀ, ಮನಸ್ಸೀ, ಪಯಸ್ಸೀ। ವಾತ್ವೇವ? ಯಸವಾ।
೮೨. ಮುಖಾದಿತೋ ರೋ। ಮುಖಾದೀಹಿ ಮನ್ತ್ವತ್ಥೇರೋ ಹೋತಿ। ಮುಖರೋ, ಸುಸಿರೋ, ಊಸರೋ, ಮಧುರೋ, ಖರೋ, ಕುಞ್ಜರೋ, ನಗರಂ, (೩೯) ‘‘ದನ್ತಸ್ಸು ಚ ಉನ್ನಭದನ್ತೇ’’, ದನ್ತುರೋ।
೮೩. ತುನ್ದ್ಯಾದೀಹಿ ಭೋ।
ತುನ್ದಿಆದೀಹಿ
೮೪. ಸದ್ಧಾದಿತ್ವಾ।
ಸದ್ಧಾದೀಹಿ ಮನ್ತ್ವತ್ಥೇಅ ಹೋತಿ ವಾ। ಸದ್ಧೋ, ಪಞ್ಞೋ, ಇತ್ಥಿಯಂ ಸದ್ಧಾ। ವಾತ್ವೇವ? ಪಞ್ಞವಾ।
೮೫. ಣೋ ತಪಾ।
ತಪಾ ಣೋ ಹೋತಿ ಮನ್ತ್ವತ್ಥೇ। ತಾಪಸೋ, ಇತ್ಥಿಯಂ ತಾಪಸೀ।
೮೬. ಆಲ್ವಭಿಜ್ಝಾದೀಹಿ।
ಅಭಿಜ್ಝಾದೀಹಿ ಆಲು ಹೋತಿ ಮನ್ತ್ವತ್ಥೇ, ಅಭಿಜ್ಝಾಲು, ಸೀತಾಲು, ಧಜಾಲು, ದಯಾಲು। ವಾತ್ವೇವ? ದಯಾವಾ।
೮೭. ಪಿಚ್ಛಾದಿತ್ವಿಲೋ।
ಪಿಚ್ಛಾದೀಹಿ ಇಲೋ ಹೋತಿ ವಾ ಮನ್ತ್ವತ್ಥೇ। ಪಿಚ್ಛಿಲೋ ಪಿಚ್ಛವಾ, ಫೇನಿಲೋ ಫೇನವಾ, ಜಟಿಲೋ ಜಟಾವಾ। ಕಥಂ ‘ವಾಚಾಲೋ’ತಿ? ನಿನ್ದಾಯಮಿಲಸ್ಸಾದಿಲೋಪೇ ‘‘ಪರೋ ಕ್ವಚೀ’’ತಿ (೧-೨೭)।
೮೮. ಸೀಲಾದಿತೋ ವೋ।
ಸೀಲಾದೀಹಿ ವೋ ಹೋತಿ ವಾ ಮನ್ತ್ವತ್ಥೇ। ಸೀಲವೋ ಸೀಲವಾ, ಕೇಸವೋ ಕೇಸವಾ, (೪೦) ‘‘ಅಣ್ಣಾ ನಿಚ್ಚಂ’’ ಅಣ್ಣವೋ। (೪೧) ಗಾಣ್ಡೀ ರಾಜೀಹಿ ಸಞ್ಞಾಯಂ’’ ಗಾಣ್ಡೀವಂ ಧನು, ರಾಜೀವಂ ಪಙ್ಕಜಂ।
೮೯. ಮಾಯಾ ಮೇಧಾಹಿ ವೀ।
ಏತೇಹಿ
೯೦. ಸಿಸ್ಸರೇ ಆಮ್ಯುವಾಮೀ। ಸಸದ್ದಾ ಆಮ್ಯುವಾಮೀ ಹೋನ್ತಿ ಇಸ್ಸರೇ-ಭಿಧಾಯ್ಯೇ ಮನ್ತ್ವತ್ಥೇ। ಸಮಸ್ಸತ್ಥೀತಿ ಸಾಮೀ, ಸುವಾಮೀ।
೯೧. ಲಕ್ಖ್ಯಾ ಣೋ ಅ ಚ। ಲಕ್ಖೀಸದ್ದಾ ಣೋ ಹೋತಿ ಮನ್ತ್ವತ್ಥೇ ಅ ಚಾನ್ತಸ್ಸ। ಣಕಾರೋವಯವೋ, ಲಕ್ಖಣೋ।
೯೨. ಅಙ್ಗಾ ನೋ ಕಲ್ಯಾಣೇ।
ಕಲ್ಯಾಣೇ ಗಮ್ಯಮಾನೇ ಅಙ್ಗಸ್ಮಾ ನೋ ಹೋತಿ ಮನ್ತ್ವತ್ಥೇ। ಅಙ್ಗನಾ।
೯೩. ಸೋ ಲೋಮಾ।
ಲೋಮಾ ಸೋ ಹೋತಿ ಮನ್ತ್ವತ್ಥೇ। ಲೋಮಸೋ, ಇತ್ಥಿಯಂ, ಲೋಮಸಾ।
೯೪. ಇಮಿಯಾ।
ಮನ್ತ್ವತ್ಥೇ ಇಮ ಇಯಾ ಹೋನ್ತಿ ಬಹುಲಂ। ಪುತ್ತಿಮೋ, ಕಿತ್ತಿಮೋ, ಪುತ್ತಿಯೋ, ಕಪ್ಪಿಯೋ, ಜಟಿಯೋ, ಹಾನಭಾಗಿಯೋ, ಸೇನಿಯೋ।
೯೫. ತೋ ಪಞ್ಚಮ್ಯಾ। ಪಞ್ಚಮ್ಯನ್ತಾ ಬಹುಲಂ ತೋ ಹೋತಿ ವಾ। ಗಾಮತೋ ಆಗಚ್ಛತಿ ಗಾಮಸ್ಮಾ ಆಗಚ್ಛತಿ, ಚೋರತೋ ಭಾಯತಿ ಚೋರೇಹಿ ಭಾಯತಿ, ಸತ್ಥತೋ ಪರಿಹೀನೋ ಸತ್ಥಾ ಪರಿಹೀನೋ।
೯೬. ಇತೋ-ತೇತ್ತೋ ಕುತೋ।
ತೋಮ್ಹಿ
೯೭. ಅಭ್ಯಾದೀಹಿ। ಅಭಿಆದೀಹಿ ತೋ ಹೋತಿ। ಅಭಿತೋ, ಪರಿತೋ, ಪಚ್ಛತೋ ಹೇಟ್ಠತೋ।
೯೮. ಆದ್ಯಾದೀಹಿ। ಆದಿಪ್ಪಭುತೀಹಿ ತೋ ವಾ ಹೋತಿ, ಆದೋ ಆದಿತೋ, ಮಜ್ಝತೋ ಅನ್ತತೋ, ಪಿಟ್ಠಿತೋ, ಪಸ್ಸತೋ, ಮುಖತೋ, ಯತೋದಕಂ ತದಾದಿತ್ತಂ, ಯಂ ಉದಕಂ ತದೇವಾದಿತ್ತನ್ತಿ ಅತ್ಥೋ।
೯೯. ಸಬ್ಬಾದಿತೋ ಸತ್ತಮ್ಯಾ ತ್ರತ್ತಾ। ಸಬ್ಬಾದೀಹಿ ಸತ್ತಮ್ಯನ್ತೇಹಿ ತ್ರತ್ಥಾ ವಾ ಹೋನ್ತಿ। ಸಬ್ಬತ್ರ ಸಬ್ಬ। ಸಬ್ಬಸ್ಮಿಂ, ಯತ್ರ ಯತ್ಥ ಯಸ್ಮಿಂ। ಬಹುಲಾಧಿಕಾರಾ ನ ತುಮ್ಹಾಮ್ಹೇಹಿ।
೧೦೦. ಕತ್ಥೇತ್ಥ ಕುತ್ರಾತ್ರ ಕ್ವೇಹಿಧ।
ಏತೇಸದ್ದಾ ನಿಪಚ್ಚನ್ತೇ। ಕಸ್ಮಿಂ ಕತ್ಥ, ಕುತ್ರ, ಕ್ವ, ಏತಸ್ಮಿಂ, ಏತ್ಥ, ಅತ್ರ, ಅಸ್ಮಿಂ ಇಹ, ಇಧ।
೧೦೧. ಧಿ ಸಬ್ಬಾ ವಾ। ಸತ್ತಮ್ಯನ್ತತೋ ಸಬ್ಬಸ್ಮಾ ಧಿ ವಾ ಹೋತಿ। ಸಬ್ಬಧಿ, ಸಬ್ಬತ್ಥ।
೧೦೨. ಯಾ ಹಿಂ। ಸತ್ತಮ್ಯನ್ತತೋ ಯತೋ ಹಿಂ ವಾ ಹೋತಿ। ಯಹಿಂ ಯತ್ರ।
೧೦೩. ತಾ ಹಂ ಚ।
ಸತ್ತಮ್ಯನ್ತತೋ
೧೦೪. ಕುಹಿಂ ಕಹಂ।
ಕಿಂಸದ್ದಾ ಸತ್ತಮ್ಯನ್ತಾ ಹಿಂ ಹಂ ನಿಪಚ್ಚನ್ತೇ ಕಿಸ್ಸ ಕುಕಾ ಚ। ಕುಹಿಂ, ಕಹಂ। ಕಥಂ ‘ಕುಹಿಞ್ಚನ’ನ್ತಿ? ‘ಚನಂ’ ಇತಿ ನಿಪಾತನ್ತರಂ ‘ಕುಹಿಞ್ಚೀ’ತಿ ಏತ್ಥ ಚಿಸದ್ದೋ ವಿಯ।
೧೦೫. ಸಬ್ಬೇಕಞ್ಞಯತೇಹಿ ಕಾಲೇ ದಾ। ಏತೇಹಿ ಸತ್ತಮ್ಯನ್ತೇಹಿ ಕಾಲೇ ದಾ ಹೋತಿ। ಸಬ್ಬಸ್ಮಿಂ ಕಾಲೇ ಸಬ್ಬದಾ, ಏಕದಾ, ಅಞ್ಞದಾ, ಯದಾ, ತದಾ। ಕಾಲೇತಿ ಕಿಂ? ಸಬ್ಬತ್ಥ ದೇಸೇ।
೧೦೬. ಕದಾ ಕುದಾ ಸದಾ ಧುನೇದಾನಿ।
ಏತೇ ಸದ್ದಾ ನಿಪಚ್ಚನ್ತೇ। ಕಸ್ಮಿಂ ಕಾಲೇ ಕದಾ, ಕುದಾ, ಸಬ್ಬಸ್ಮಿಂ ಕಾಲೇ ಸದಾ, ಇಮಸ್ಮಿಂ ಕಾಲೇ ಅಧುನಾ, ಇದಾನಿ।
೧೦೭. ಅಜ್ಜ ಸಜ್ಜ್ವಪರಜ್ಜ್ವೇತರಹಿ ಕರಹಾ।
ಏತೇಸದ್ದಾ ನಿಪಚ್ಚನ್ತೇ। ಪಕತಿಪ್ಪಚ್ಚಯೋ ಆದೇಸೋ ಕಾಲವಿಸೇಸೋತಿ ಸಬ್ಬಮೇತಂ ನಿಪಾತನಾ ಲಬ್ಭತಿ, ಇಮಸ್ಸ ಟೋ ಜ್ಜೋ ಜಾಹನಿ ನಿಪಚ್ಚತೇ, ಅಸ್ಮಿಂ ಅಹನಿ ಅಜ್ಜ। ಸಮಾನಸ್ಸ ಸಭಾವೋ ಜ್ಜು ಚಾಹನಿ, ಸಮಾನೇ ಅಹನಿ ಸಜ್ಜು। ಅಪರಸ್ಮಾ ಜ್ಜು, ಅಪರಸ್ಮಿಂ ಅಹನಿ ಅಪರಜ್ಜು। ಇಮಸ್ಸೇತೋ ಕಾಲೇ ರಹಿ ಚ, ಇಮಸ್ಮಿಂ ಕಾಲೇ ಏತರಹಿ। ಕಿಂಸದ್ದಸ್ಸ ಕೋ ರಹ ಚಾನಜ್ಜತನೇ, ಕಸ್ಮಿಂ ಕಾಲೇ ಕರಹ।
೧೦೮. ಸಬ್ಬಾದೀಹಿ ಪಯಾರೇ ಥಾ।
ಸಾಮಞ್ಞಸ್ಸ
೧೦೯. ಕಥಮಿತ್ಥಂ।
ಏತೇ ಸದ್ದಾ ನಿಪಚ್ಚನ್ತೇ ಪಕಾರೇ। ಕಿಮಿಮೇಹಿ ಥಂ ಪಚ್ಚಯೋ, ಕಇತ ಚ ತೇಸಂ ಯಥಾಕ್ಕಮಂ, ಕಥಂ, ಇತ್ಥಂ।
೧೧೦. ಧಾ ಸಙ್ಖ್ಯಾಹಿ।
ಸಙ್ಖ್ಯಾವಾಚೀಹಿ ಪಕಾರೇ ಧಾ ಪರಾ ಹೋತಿ। ದ್ವೀಹಿ ಪಕಾರೇಹಿ, ದ್ವೇ ವಾ ಪಕಾರೇ ಕರೋತಿ ದ್ವಿಧಾ ಕರೋತಿ, ಬಹುಧಾ ಕರೋತಿ, ಏಕಂ ರಾಸಿಂ ಪಞ್ಚಪ್ಪಕಾರಂ ಕರೋತಿ ಪಞ್ಚಧಾ ಕರೋತಿ, ಪಞ್ಚಪ್ಪಕಾರಮೇಕಪ್ಪಕಾರಂ ಕರೋತಿ ಏಕಧಾ ಕರೋತಿ।
೧೧೧. ವೇಕಾ ಜ್ಝಂ।
ಏಕಸ್ಮಾ ಪಕರೇ ಜ್ಝಂ ವಾ ಹೋತಿ। ಏಕಜ್ಝಂ ಕರೋತಿ, ಏಕಧಾ, ಕರೋತಿ।
೧೧೨. ದ್ವಿತೀಹೇಧಾ।
ದ್ವಿತೀಹಿ ಪಕಾರೇ ಏಧಾ ವಾ ಹೋತಿ। ದ್ವೇಧಾ, ತೇಧಾ, ದ್ವಿಧಾ, ತಿಧಾ।
೧೧೩. ತಬ್ಬತಿ ಜಾತಿಯೋ।
ಪಕಾರವತಿ ತಂಸಾಮಞ್ಞವಾಚಕಾ ಸದ್ದಾ ಜಾತಿಯೋ ಹೋತಿ, ಪಟುಜಾತಿಯೋ, ಮುದುಜಾತಿಯೋ।
೧೧೪. ವಾರಸಙ್ಖ್ಯಾಯ ಕ್ಖತ್ತುಂ।
ವಾರಸಮ್ಬನ್ಧಿನಿಯಾ
೧೧೫. ಕತಿಮ್ಹಾ।
ವಾರಸಮ್ಬನ್ಧಿನಿಯಾ ಕತಿಸಙ್ಖ್ಯಾಯ ಕ್ಖತ್ತುಂ ಹೋತಿ, ಕತಿ ವಾರೇ, ಭುಞ್ಜಥಿ, ಕತಿಕ್ಖತ್ತುಂ ಭುಞ್ಜತಿ।
೧೧೬. ಬಹುಮ್ಹಾ ಧಾ ಚ ಪಚ್ಚಾಸತ್ತಿಯಂ।
ವಾರಸಮ್ಬನ್ಧಿನಿಯಾ ಬಹುಸಙ್ಖ್ಯಾಯ ಧಾ ಹೋತಿ ಕ್ಖತ್ಥುಂ ಚ, ವಾರಾನಞ್ಚೇ ಪಚ್ಚಾಸತ್ತಿ ಹೋತಿ, ಬಹುಧಾ ದಿವಸಸ್ಸ ಭುಞ್ಜತಿ ಬಹುಕ್ಖತ್ತುಂ ಭುಞ್ಜತಿ। ಪಚ್ಚಾಸತ್ತಿಯನ್ತಿ ಕಿಂ? ಬಹುವಾರೇ ಮಾಸಸ್ಸ ಭುಞ್ಜತಿ।
೧೧೭. ಸಕಿಂ ವಾ।
ಏಕಂ ವಾರಮಿಚ್ಚಸ್ಮಿಂ ಅತ್ಥೇ ಸಕಿನ್ತಿ ವಾ ನಿಪಚ್ಚತೇ। ಏಕವಾರಂ ಭುಞ್ಜತಿ ಸಕಿಂ ಭುಞ್ಜತಿ, ವಾತಿ ಕಿಂ? ಏಕಕ್ಖತ್ತುಂ ಭುಞ್ಜತಿ।
೧೧೮. ಸೋ ವೀಚ್ಛಪ್ಪಕಾರೇಸು।
ವೀಚ್ಛಾಯಂ ಪಕಾರೇ ಚ ಸೋ ಹೋತಿ ಬಹುಲಂ। ವೀಚ್ಛಾಯಂ-ಖಣ್ಡಸೋ, ಬಿಲಸೋ। ಪಕಾರೇ-ಪುಥುಸೋ, ಸಬ್ಬಸೋ।
೧೧೯. ಅಭೂತತಬ್ಭಾವೇ ಕರಾಸಭೂಯೋಗೇ ವಿಕಾರಾ ಚೀ।
ಅವತ್ಥಾವತೋ-ವತ್ಥನ್ತರೇನಾಭೂತಸ್ಸ ತಾಯಾವತ್ಥಾಯ ಭಾವೇಕರಾಸಭೂಹಿ ಸಮ್ಬನ್ಧೇ ಸತಿ ವಿಕಾರವಾಚಕಾ ಚೀ ಹೋತಿ, ಅಧವಲಂ ಧವಲಂ
೧೨೦. ದಿಸ್ಸನ್ತಞ್ಞೇಪಿ ಪಚ್ಚಯಾ।
ವುತ್ತತೋ-ಞ್ಞೇಪಿ ಪಚ್ಚಯಾ ದಿಸ್ಸನ್ತಿ ವುತ್ತಾವುತ್ತತ್ಥೇಸು। ವಿವಿಧಾ ಮಾತರೋ ವಿಮಾತರೋ, ತಾಸಂ ಪುತ್ತಾ ವೇಮಾತಿಕಾ-ರಿಕಣ। ಪಥಂ ಗಚ್ಛತೀತಿ ಪಥಾವಿನೋ-ಆವೀ। ಇಸ್ಸಾ ಅಸ್ಸ ಅತ್ಥೀತಿ ಇಸ್ಸುಕೀ-ಉಕೀ। ಧುರಂ ವಹತೀತಿ ಧೋರಯ್ಹೋ- ಯ್ಹಣ।
೧೨೧. ಅಞ್ಞಸ್ಮಿಂ।
ವುತ್ತತೋ-ಞ್ಞಸ್ಮಿಮ್ಪಿ ಅತ್ಥೇ ವುತ್ತಪ್ಪಚ್ಚಯಾ ದಿಸ್ಸನ್ತಿ। ಮಗಧಾನಂ ಇಸ್ಸರೋ ಮಾಗಧೋ-ಧಣಾ। ಕಾಸೀತಿ ಸಹಸ್ಸಂ, ತಮಗ್ಘತೀತಿ ಕಾಸಿಯೋ ಇಯೋ।
೧೨೨. ಸಕತ್ಥೇ।
ಸಕತ್ಥೇಪಿ ಪಚ್ಚಯಾ ದಿಸ್ಸನ್ತಿ। ಹೀನಕೋ, ಪೋತಕೋ, ಕಿಚ್ಚಯಂ।
೧೨೩. ಲೋಪೋ।
ಪಚ್ಚಯಾನಂ ಲೋಪೋಪಿ ದಿಸ್ಸತಿ। ಬುದ್ಧೇ ರತನಂ ಪಣೀತಂ, ಚಕ್ಖುಂ ಸುಞ್ಞಂ ಅತ್ತೇನ ವಾ ಅತ್ತರಿಯೇನ ವಾತಿ ಭಾವಪ್ಪಚ್ಚಯಲೋಪೋ।
೧೨೪. ಸರಾನಮಾದಿಸ್ಸಾಯುವಣ್ಣಸ್ಸಾಏಓ ಣಾನುಬನ್ಧೇ।
ಸರಾನಮಾದಿಭೂತಾ
೧೨೫. ಸಂಯೋಗೇ ಕ್ವಚಿ।
ಸರಾನಮಾದಿಭೂತಾ ಯೇ ಅಯುವಣ್ಣಾ, ತೇಸಂ ಆಏಓ ಹೋನ್ತಿ ಕ್ವಚಿದೇವ ಸಂಯೋಗವಿಸಯೇ ಣಾನುಬನ್ಧೇ। ದೇಚ್ಚೋ, ಕೋಣ್ಡಞ್ಞೋ। ಕ್ವಚೀತಿ ಕಿಂ? ಕತ್ತಿಕೇಯ್ಯೋ।
೧೨೬. ಮಜ್ಝೇ।
ಮಜ್ಝೇ ವತ್ತಮಾನಾನಮ್ಪಿ ಅಯುವಣ್ಣಾನಂ ಆ ಏ ಓ ಹೋನ್ತಿ ಕ್ವಚಿ। ಅಡ್ಢತೇಯ್ಯೋ, ವಾಸೇಟ್ಠೋ।
೧೨೭. ಕೋಸಜ್ಜಾಜ್ಜವ ಪಾರಿಸಜ್ಜ ಸೋಹಜ್ಜ ಮದ್ದವಾರಿಸ್ಸಾಸಭಾಜಞ್ಞಥೇಯ್ಯ ಬಾಹುಸಚ್ಚಾ।
ಏತೇಸದ್ದಾ ನಿಪಚ್ಚನ್ತೇಣಾನುಬನ್ಧೇ। ಕುಸೀ ತಸ್ಸ ಭಾವೋಕೋಸಜ್ಜಂ, ಉಜುನೋ ಭಾವೋ ಅಜ್ಜವಂ, ಪರಿಸಾಸು ಸಾಧು ಪಾರಿಸಜ್ಜೋ, ಸುಹದಯೋವ ಸುಹಜ್ಜೋ, ತಸ್ಸ ಪನ ಭಾವೋ ಸೋಹಜ್ಜಂ, ಮುದುನೋ ಭಾವೋ ಮದ್ದವಂ, ಇಸಿನೋ ಇದಂ ಭಾವೋ ವಾ ಆರಿಸ್ಸಂ, ಉಸಭಸ್ಸ ಇದಂ ಭಾವೋ
೧೨೮. ಮನಾದೀನಂ ಸಕ।
ಮನಾದೀನಂ ಸಕ ಹೋತಿ ಣಾನುಬನ್ಧೇ। ಮನಸಿ ಭವಂ ಮಾನಸಂ, ದುಮ್ಮನಸೋ ಭಾವೋ ದೋಮನಸ್ಸಂ, ಸೋಮನಸ್ಸಂ।
೧೨೯. ಉವಣ್ಣಸ್ಸಾವಙ ಸರೇ।
ಸರಾದೋ ಣಾನುಬನ್ಧೇ ಉವಣ್ಣಸ್ಸಾವಙ ಹೋತಿ। ರಾಘವೋ, ಜಮ್ಬವಂ।
೧೩೦. ಯಮ್ಹಿ ಗೋಸ್ಸ ಚ।
ಯಕಾರಾದೋ ಪಚ್ಚಯೇ ಗೋಸ್ಸುವಣ್ಣಸ್ಸ ಚ ಅವಙ ಹೋತಿ। ಗಬ್ಯಂ, ಭಾತಬ್ಯೋ।
೧೩೧. ಲೋಪೋ-ವಣ್ಣಿವಣ್ಣಾನಂ।
ಯಕಾರಾದೋ ಪಚ್ಚಯೇ ಅವಣ್ಣಿವಣ್ಣಾನಂ ಲೋಪೋ ಹೋತಿ। ದಾಯಜ್ಜಂ, ಕಾರುಞ್ಞಂ, ಆಧಿಪಚ್ಚಂ, ದೇಪ್ಪಂ। ಬಹುಲಂವಿಧಾನಾ ಕ್ವಚಿ ನ ಹೋತಿ ಕಿಚ್ಚಯಂ।
೧೩೨. ರಾನುಬನ್ಧೇ-ನ್ತ ಸರಾದಿಸ್ಸ।
ಅನ್ತೋ ಸರೋ ಆದಿಮ್ಹಿ ಯಸ್ಸಾವಯವಸ್ಸ, ತಸ್ಸ ಲೋಪೋ ಹೋತಿ ರಾನುಬನ್ಧೇ। ಕಿತ್ತಕಂ, ಪೇತ್ತೇಯ್ಯಂ।
೧೩೩. ಕಿಸಮಹತಮಿಮೇ ಕಸ ಮಹಾ।
ಕಿಸಸ್ಸ ಮಹತೋ ಇಮೇ ಕಸಮಹಾ ಹೋನ್ತಿ ಯಥಾಕ್ಕಮಂ, ಕಸಿಮಾ, ಮಹಿಮಾ।
೧೩೪. ಆಯುಸ್ಸಾಯಸ ಮನ್ತುಮ್ಹಿ।
ಆಯುಸ್ಸ
೧೩೫. ಜೋ ವುದ್ಧಸ್ಸಿಯಿಟ್ಠೇಸು।
ವುದ್ಧಸ್ಸ ಜೋ ಹೋತಿ ಇಯಇಟ್ಠೇಸು, ಜೇಯ್ಯೋ, ಜೇಟ್ಠೋ।
೧೩೬. ಬಾಳ್ಹನ್ತಿಕಪಸತ್ಥಾನಂ ಸಾಧ ನೇದ ಸಾ।
ಇಯಇಟ್ಠೇಸು ಬಾಳ್ಹನ್ತಿಕಪಸತ್ಥಾನಂ ಸಾಧ ನೇದ ಸಾ ಹೋನ್ತಿ ಯಥಾಕ್ಕಮಂ। ಸಾಧಿಯೋ, ಸಾಧಿಟ್ಠೋ, ನೇದಿಯೋ, ನೇದಿಟ್ಠೋ, ಸೇಯ್ಯೋ, ಸೇಟ್ಠೋ।
೧೩೭. ಕಣಕನಾಪ್ಪಯುವಾನಂ।
ಇಯಇಟ್ಠೇಸು ಅಪ್ಪಯುವಾನಂ ಕಣ ಕನಾ ಹೋನ್ತಿ ಯಥಾಕ್ಕಮಂ। ಕಣಿಯೋ ಕಣಿಟ್ಠೋ, ಕನಿಯೋ ಕನಿಟ್ಠೋ।
೧೩೮. ಲೋಪೋ ವೀ ಮನ್ತು ವನ್ತೂನಂ।
ವೀ ಮನ್ತು ವನ್ತೂನಂ ಲೋಪೋ ಹೋತಿ ಇಯಇಟ್ಠೇಸು। ಅತಿಸಯೇನ ಮೇಧಾವೀ ಮೇಧಿಯೋ, ಮೇಧಿಟ್ಠೋ, ಅತಿಸಯೇನ ಸತಿಮಾ ಸತಿಯೋ, ಸತಿಟ್ಠೋ, ಅತಿಸಯೇನ ಗುಣವಾ ಗುಣಿಯೋ, ಗುಣಿಟ್ಠೋ।
೧೩೯. ಡೇ ಸತಿಸ್ಸ ತಿಸ್ಸ।
ಡೇಪರೇ ಸತ್ಯನ್ತಸ್ಸ ತಿಕಾರಸ್ಸ ಲೋಪೋ ಹೋತಿ, ವೀಸಂ ಸತಂ, ತಿಂಸಂ ಸತಂ।
೧೪೦. ಏತಸ್ಸೇಟ ತ್ತಕೇ।
ತ್ತಕೇ ಪರೇ ಏತಸ್ಸ ಏಟ ಹೋತಿ। ಏತ್ತಕಂ।
೧೪೧. ಣಿಕಸ್ಸಿಯೋ ವಾ।
ಣಿಕಸ್ಸ
೧೪೨. ಅಧಾತುಸ್ಸ ಕಾ-ಸ್ಯಾದಿತೋ ಘೇ-ಸ್ಸಿ।
ಘೇ ಪರೇ ಅಧಾತುಸ್ಸ ಯೋ ಕಕಾರೋ, ತತೋ ಪುಬ್ಬಸ್ಸ ಅಕಾರಸ್ಸ ಬಹುಲಂ ಇ ಹೋತಿ ಸಚೇ ಘೋ ನ ಸ್ಯಾದಿತೋ ಪರೋ ಹೋತಿ। ಬಾಲಿಕಾ, ಕಾರಿಕಾ, ಅಧಾತುಸ್ಸಾತಿ ಕಿಂ? ಸಕಾ, ಕೇತಿ ಕಿಂ? ನನ್ದನಾ, ಅಸ್ಯಾದಿತೋತಿ ಕಿಂ? ಬಹುಪರಿಬ್ಬಾಜಕಾ ಮಥುರಾ, ಬಹುಚಮ್ಮಿಕಾತಿ ಕಕಾರೇನ ಸ್ಯಾದಿನೋ ಬ್ಯವಹಿತತ್ತಾ ಸಿದ್ಧಂ, ಘೇತಿ ಕಿಂ? ಬಾಲಕೋ, ಅಸ್ಸಾತಿ ಕಿಂ? ಬಹುಕತ್ತುಕಾ ಸಾಲಾ।
ಇತಿ ಮೋಗ್ಗಲ್ಲಾನೇ ಬ್ಯಾಕರಣೇ ವುತ್ತಿಯಂ
ಣಾದಿಕಣ್ಡೋ ಚತುತ್ಥೋ।