೫. ಪಞ್ಚಮೋ ಕಣ್ಡೋ (ಖಾದಿ)
೧. ತಿಜ ಮಾನೇಹಿ ಖ ಸಾ ಖಮಾ ವೀಮಂಸಾಸು।
ಖನ್ತಿಯಂ ತಿಜಾ ವೀಮಂಸಾಯಂ ಮಾನಾ ಚ ಖಸಪ್ಪಚ್ಚಯಾ ಹೋನ್ತಿ ಯಥಾಕ್ಕಮಂ, ತಿತಿಕ್ಖಾ, ವೀಮಂಸಾ, ತಿತಿಕ್ಖತಿ, ವೀಮಂಸತಿ। ಖಮಾವೀಮಂಸಾ, ಸೂತಿ ಕಿಂ? ತೇಜನಂ, ತೇಜೋ, ತೇಜಯತಿ, ಮಾನನಂ, ಮಾನೋಮಾನೇತಿ।
೨. ಕಿತಾ ತಿಕಿಚ್ಛಾಸಂಸಯೇಸು ಛೋ।
ತಿಕಿಚ್ಛಾಯಂ ಸಂಸಯೇ ಚ ವತ್ತಮಾನಾ ಕಿತಾ ಛೋ ಹೋತಿ। ತಿಕಿಚ್ಛಾ, ವಿಚಿಕಿಚ್ಛಾ, ತಿಕಿಚ್ಛತಿ, ವಿಚಿಕಿಚ್ಛತಿ। ಅಞ್ಞತ್ರ ನಿಕೇತೋ, ಸಂಕೇತೋ, ಕೇತನಂ, ಕೇತೋ, ಕೇತಯತಿ।
೩. ನಿನ್ದಾಯಂ ಗುಪ ಬಧಾ ಬಸ್ಸ ಭೋ ಚ।
ನಿನ್ದಾಯಂ
೪. ತುಂಸ್ಮಾ ಲೋಪೋ ಚಿಚ್ಛಾಯಂ ತೇ।
ತುಮನ್ತತೋ ಇಚ್ಛಾಯಮತ್ಥೇ ತೇ ಖಸಛಾ ಹೋನ್ತಿ ಬಹುಲಂ, ಲೋಪೋ ಚ ತುಂಪಚ್ಚಯಸ್ಸ ಹೋತಿ ಸುತತ್ತಾ, ಬುಭುಕ್ಖಾ, ಜಿಗೀಸಾಂ, ಜಿಘಚ್ಛಾ, ಬುಭುಕ್ಖತಿ, ಜಿಗೀಸತಿ ಜಿಘಚ್ಛತಿ। ಇಧ ಕಸ್ಮಾ ನ ಹೋತಿ ‘ಭೋತ್ತುಮಿಚ್ಛತೀ’ತಿ? ಪದನ್ತರೇನಾಭಿಧಾನಾ। ತುಂಸ್ಮಾತಿ ಕಿಂ? ಭೋಜನಮಿಚ್ಛತಿ। ಇಚ್ಛಾಯನ್ತಿ ಕಿಂ? ಭುಞ್ಜಿತುಂ ಗಚ್ಛತಿ। ಕಥಂ ‘ಕೂಲಂ ವಿಪತಿ ಸತೀ’ತಿ? ಯಥಾ ಕೂಲಂ ಪತಿತು ಮಿಚ್ಛತೀತಿ ವಾಕ್ಯಂ ಹೋತಿ, ಏವಂ ವುತ್ತಿಪಿ ಹೋಸ್ಸತಿ। ವಾಕ್ಯಮೇವ ಚರಹಿ ಕಥಂ ಹೋತಿ? ಲೋಕಸ್ಸ ತಥಾ ವಚನಿಚ್ಛಾಯ।
೫. ಈಯೋ ಕಮ್ಮಾ।
ಇಚ್ಛಾಕಮ್ಮತೋ ಇಚ್ಛಾಯಮತ್ಥೇ ಈಯಪ್ಪಚ್ಚಯೋ ಹೋತಿ। ಪುತ್ತಮಿಚ್ಛತಿ ಪುತ್ಥೀಯತಿ। ಕಮ್ಮಾತಿ ಕಿಂ? ಅಸಿನೇಚ್ಛತಿ। ಇಧ ಕಸ್ಮಾ ನ ಹೋತಿ ‘ರಞ್ಞೋಪುತ್ತಮಿಚ್ಛತೀ’ತಿ? ಸಾಪೇಕ್ಖತ್ತಾ, ನ ಹಿ ಅಞ್ಞಮಪೇಕ್ಖಮಾನೋ ಅಞ್ಞೇನ ಸಹೇಕತ್ಥಿಭಾವಮನುಭವಿತುಂ ಸಕ್ಕೋತಿ। ಇಧಾಪಿ ಚರಹಿ ನ ಸಿಯಾ ‘ಅತ್ತನೋ ಪುತ್ತ ಮಿಚ್ಛತೀ’ತಿ? ನೇವೇತ್ಥ ಭವಿತಬ್ಬಂ, ನ ಹಿ ಭವತಿ ‘ಅತ್ತನೋ ಪುತ್ತೀಯತೀ’ತಿ, ಕಥಂ ಚರಹಿ ಪುತ್ತಸ್ಸ ಅತ್ತನಿಯತಾ-ವಗಮ್ಯತೇ
೬. ಉಪಮಾನಾಚಾರೇ।
ಕಮ್ಮತೋ ಉಪಮಾನಾ ಆಚಾರತ್ಥೇ ಈಯೋ ಹೋತಿ। ಪುತ್ತಮಿ-ವಾ-ಚರತಿ ಪುತ್ತೀಯತಿ ಮಾಣವಕಂ, ಉಪಮಾನಾತಿ ಕಿಂ? ಪುತ್ತಮಾಚರತಿ।
೭. ಆಧಾರಾ।
ಆಧಾರತೂ-ಪಮಾನಾ ಆಚಾರತ್ಥೇ ಈಯೋ ಯೋತಿ। ಕುಟಿಯಮಿವಾ-ಚರತಿ ಕುಟೀಯತೀ ಪಾಸಾದೇ, ಪಾಸಾದೀಯತಿ ಕುಟಿಯಂ ಭಿಕ್ಖು।
೮. ಕತ್ತುತಾಯೋ।
ಕತ್ತುತೂ-ಪಮಾನಾ ಆಚಾರತ್ಥೇ ಆಯೋ ಹೋತಿ। ಪಬ್ಬತೋ ಇವಾಚರತಿ ಪಬ್ಬತಾಯತಿ।
೯. ಯ್ಚತ್ಥೇ।
ಕತ್ತುತೋ ಅಭೂತತಬ್ಭಾವೇ ಆಯೋ ಹೋತಿ ಬಹುಲಂ। ಭುಸಾಯತಿ, ಪಟಪಟಾಯತಿ, ಲೋಹಿತಾಯತಿ, ಕತ್ತುತೋತ್ವೇವ? (ಅಭುಸಂ) ಭುಸಂ ಕರೋತೀಹಿ, ಇಹ ಕಸ್ಮಾ ನ ಹೋತಿ ‘ಭುಸೀ ಭವತೀ’ತಿ? ವುತ್ತತ್ಥತಾಯ।
೧೦. ಸದ್ದಾದೀನಿ ಕರೋತಿ।
ಸದ್ದಾದೀಹಿ ದುತಿಯನ್ತೇಹಿ ಕರೋತೀತಿ ಅಸ್ಮಿಂ ಅತ್ಥೇ ಆಯೋ ಹೋತಿ। ಸದ್ದಾಯತಿ, ವೇರಾಯತಿ, ಕಲಹಾಯತಿ, ಧೂಪಾಯತಿ।
೧೧. ನುಮೋತ್ವ-ಸ್ಸೋ।
ನಮೋಇಚ್ಚಸ್ಮಾ
೧೨. ಧಾತ್ವತ್ಥೇ ನಾಮಸ್ಮಿ।
ನಾಮಸ್ಮಾ ಧಾತ್ವತ್ಥೇ ಬಹುಲಮಿಹೋತಿ। ಹತ್ಥಿನಾ ಅತಿಕ್ಕಮತಿ ಅತಿಹತ್ಥಯತಿ, ವೀಣಾಯ ಉಪಗಾಯತಿ ಉಪವೀಣಯತಿ, ದಳ್ಹಂ ಕರೋತಿ ವಿನಯಂ ದಳ್ಹಯತಿ, ವಿಸುದ್ಧಾ ಹೋತಿ ರತ್ತಿ ವಿಸುದ್ಧಯತಿ, ಕುಸಲಂ ಪುಚ್ಛತಿ ಕುಸಲಯತಿ।
೧೩. ಸಚ್ಚಾದೀಹಾಪಿ।
ಸಚ್ಚಾದೀಹಿ ಧಾತ್ವತ್ಥೇ ಆಪಿ ಹೋತಿ। ಸಚ್ಚಾಪೇತಿ, ಅತ್ಥಾಪೇತಿ, ವೇದಾಪೇತಿ, ಸುಕ್ಖಾಪೇತಿ, ಸುಖಾಪೇತಿ, ದುಕ್ಖಾಪೇತಿ।
೧೪. ಕ್ರಿಯತ್ಥಾ।
ಅಯಮಧಿಕಾರೋ ಆಸತ್ಥಪರಿಸಮತ್ತಿಯಾ। ಕ್ರಿಯಾ ಅತ್ಥೋ ಯಸ್ಸ ಸೋ ಕ್ರಿಯತ್ಥೋ ಧಾತು।
೧೫. ಚುರಾದಿತೋ ಣಿ।
ಚುರಾದೀಹಿ ಕ್ರಿಯತ್ಥೇಹಿ ಸಕತ್ಥೇ ಣಿ ಪರೋ ಹೋತಿ ಬಹುಲಂ। ಣಕಾರೋ ವುದ್ಧ್ಯತ್ಥೋ, ಏವಮಞ್ಞತ್ರಾಪಿ, ಚೋರಯತಿ, ಲಾಳಯತಿ, ಕಥಂ ‘ರಜ್ಜಂ ಕಾರೇತೀ’ತಿ? ಯೋಗವಿಭಾಗತೋ।
೧೬. ಪಯೋಜಕಬ್ಯಾಪಾರೇ ಣಾಪಿ ಚ।
ಕತ್ತಾರಂ ಯೋ ಪಯೋಜಯತಿ, ತಸ್ಸ ಬ್ಯಾಪಾರೇ ಕ್ರಿಯತ್ಥಾ ಣಿಣಾಪೀ ಹೋನ್ತಿ ಬಹುಲಂ, ಕಾರೇತಿ, ಕಾರಾಪೇತಿ। ನನು ಚ ಕತ್ತಾಪಿ ಕರಣಾದೀನಂ
೧೭. ಕ್ಯೋ ಭಾವಕಮ್ಮೇಸ್ವ-ಪರೋಕ್ಖೇಸು ಮಾನ ನ್ತ ತ್ಯಾದೀಸು। ಭಾವಕಮ್ಮವಿಹಿತೇಸು ಪರೋಕ್ಖಾವಜ್ಜಿತೇಸು ಮಾನನ್ತತ್ಯಾದೀಸು ಪರೇಸು ಕ್ಯೋ ಹೋತಿ ಕ್ರಿಯತ್ಥಾ। ನ್ತಗ್ಗಹಣಮುತ್ತರತ್ಥಂ, ಕಕಾರೋ ಅವುದ್ಧ್ಯತ್ಥೋ ಏವಮುತ್ತರತ್ರಾಪಿ। ಠೀಯಮಾನಂ, ಠೀಯತೇ, ಸೂಯಮಾನಂ, ಸೂಯತೇ, ಅಪರೋಕ್ಖೇಸು ಮಾನನ್ತತ್ಯಾದೀಸೂತಿ ಕಿಂ? ಬಭೂವ ದೇವದತ್ತೇನ, ಬಿಭಿದ ಕುಸುಲೋ। ಭಿಜ್ಜತೇ ಕುಸುಲೋ ಸಯಮೇವಾತಿ ‘ಭಿಜ್ಜತೇ’ತಿ ಸವನಾ ಕಮ್ಮತಾ-ವಗಮ್ಯತೇ, ‘ಸಯಮೇವಾ’ತಿ ಸವನತೋ ಕತ್ತುತಾ, ಕತ್ತುತಾವಚನಿಚ್ಛಾಯನ್ತು ‘ಭಿನ್ದತಿ ಕುಸುಲೋ ಅತ್ತಾನ’ನ್ತಿ ಭವತಿ, ಏವಮಞ್ಞಮ್ಪಿ ಯಥಾಗಮಮನುಗನ್ತಬ್ಬಂ। ‘ಅಪರೋಕ್ಖೇಸು ಮಾನನ್ತತ್ಯಾದೀಸೂ’ತಿ ಅಯಮಧಿಕಾರೋ ಆ ‘ತನಾದಿತ್ವೋ’ತಿ ೫.೨೬। ಅಪಿಚ ಏತೇ ಕ್ಯಾದಯೋ ತ್ಯಾದೀಸು ಪರಭೂತೇಸು ಕತ್ತುಕಮ್ಮಭಾವ ವಿಹಿತೇಸು ಕ್ಯಲಾದೀನಂ ವಿಧಾನತೋ ತೇಸ್ವೇವ ವಿಞ್ಞಾಯನ್ತೀತಿ ಅಕಮ್ಮಕೇಹಿ ಧಾತೂಹಿ ಕತ್ತುಭಾವೇಸು, ಸಕಮ್ಮಕೇಹಿ ಕತ್ತುಕಮ್ಮೇಸು, ಕಮ್ಮಾವಚನಿಚ್ಛಾಯಂ ಭಾವೇ ಚ ಭವನ್ತೀತಿ ವೇದಿತಬ್ಬಾ। ಯಸ್ಸ ಪನ ಧಾತುಸ್ಸ ಕಿರಿಯಾ ಕಮ್ಮಮಪೇಕ್ಖತೇ, ಸೋ ಸಕಮ್ಮಕೋ, ಯಸ್ಸ ತು ಕಿರಿಯಾ ಕತ್ತುಮತ್ತಮಪೇಕ್ಖತೇ, ಸ್ವಾಕಮ್ಮಕೋತಿ ಞಾತಬ್ಬಂ।
೧೮. ಕತ್ತರಿ ಲೋ।
ಕ್ರಿಯತ್ಥತೋ ಅಪರೋಕ್ಖೇಸು ಕತ್ತುವಿಹಿತಮಾನ ನ್ತತ್ಯಾದೀಸು ಲೋ ಹೋತಿ। ಲಕಾರೋ, ‘‘ಞಿಲಸ್ಸೇ’’ತಿ ೫-೧೬೩ ವಿಸೇಸನತ್ಥೋ। ಪಚಮಾನೋ, ಪಚನ್ತೋ, ಪಚತಿ।
೧೯. ಮಂ ಚ ರುಧಾದೀನಂ।
ರುಧಾದಿತೋ
೨೦. ಣಿಣಾಪ್ಯಾಪೀಹಿ ವಾ।
ಣಿಣಾಪ್ಯಾಪೀಹಿ ಕತ್ತುವಿಹಿತಮಾನನ್ತ ತ್ಯಾದೀಸು ಲೋ ಹೋತಿ ವಿಭಾಸಾ, ಓರಯನ್ತೋ, ಚೋರೇನ್ತೋ, ಕಾರಯನ್ತೋ, ಕಾರೇನ್ತೋ, ಕಾರಾಪಯನ್ತೋ, ಕಾರಾಪೇನ್ತೋ, ಸಚ್ಚಾಪಯನ್ತೋ, ಸಚ್ಚಾಪೇನ್ತೋ, ಚೋರಯತಿ, ಚೋರೇತಿ, ಕಾರಯತಿ, ಕಾರೇತಿ, ಕಾರಾಪಯತಿ, ಕಾರಾಪೇತಿ, ಸಚ್ಚಾಪಯತಿ, ಸಚ್ಚಾಪೇತಿ। ವವತ್ಥಿತವಿಭಾಸತ್ಥೋ-ಯಂ ವಾಸದ್ದೋ, ತೇನ ಮಾನೇ ನಿಚ್ಚಂ, ಚೋರಯಮಾನೋ, ಕಾರಯಮಾನೋ, ಕಾರಾಪಯಮಾನೋ, ಸಚ್ಚಾಪಯಮಾನೋ।
೨೧. ದಿವಾದೀಹಿ ಯಕ।
ದಿವಾದೀಹಿ ಲವಿಸಯೇ ಯಕ ಹೋತಿ। ದಿಬ್ಬನ್ತೋ, ದಿಬ್ಬತಿ।
೨೨. ತುದಾದೀಹಿ ಕೋ।
ತುದಾದೀಹಿ ಲವಿಸಯೇ ಕೋ ಹೋತಿ। ತುದಮಾನೋ, ತುದನ್ತೋ, ತುದತಿ।
೨೩. ಜ್ಯಾದೀಹಿ ಕ್ನಾ।
ಜಿಆದೀಹಿ ಲವಿಸಯೇ ಕ್ನಾ ಹೋತಿ। ಜಿನನ್ತೋ, ಜಿನಾತಿ। ಕಥಂ ‘ಜಯನ್ತೋ’ ಜಯತೀ, ತಿ? ಭೂವಾದಿಪಾಠಾ।
೨೪. ಕ್ಯಾದೀಹಿ ಕ್ಣಾ।
ಕೀಆದೀಹಿ
೨೫. ಸ್ವಾದೀಹಿ ಕ್ಣೋ।
ಸುಆದೀಹಿ ಲವಿಸಯೇ ಕ್ಣೋ ಹೋತಿ। ಸುಣಮಾನೋ, ಸುಣನ್ತೋ, ಸುಣೋತಿ। ಕಥಂ ಸುಣಾತೀತಿ? ಕ್ಯಾದಿಪಾಠಾ।
೨೬. ತನಾದಿತ್ವೋ।
ತನಾದಿತೋ ಲವಿಸಯೇ ಓ ಹೋತಿ। ತನೋತಿ।
೨೭. ಭಾವಕಮ್ಮೇಸು ತಬ್ಬಾ-ನೀಯಾ।
ತಬ್ಬಅನೀಯಾ ಕ್ರಿಯತ್ಥಾ ಪರೇ ಭಾವಕಮ್ಮೇಸು ಬಹುಲಂ ಭವನ್ತಿ। ಕತ್ತಬ್ಬಂ, ಕರಣೀಯಂ, ಕತ್ತಬ್ಬೋ ಕಟೋ, ಕರಣೀಯೋ। ಬಹುಲಾಧಿಕಾರಾ ಕರಣಾದೀಸುಪಿ ಭವನ್ತಿ, ಸಿನಾನೀಯಂ ಚುಣ್ಣಂ, ದಾನೀಯೋ ಬ್ರಾಹ್ಮಣೋ, ಸಮ್ಮಾವತ್ತನೀಯೋ ಗುರು, ಪವಚನೀಯೋ ಉಪಜ್ಝಾಯೋ, ಉಪಟ್ಠಾನೀಯೋ ಸಿಸ್ಸೋ।
೨೮. ಘ್ಯಣ।
ಭಾವಕಮ್ಮೇಸು ಕ್ರಿಯತ್ಥಾ ಪರೋ ಘ್ಯಣ ಹೋತಿ ಬಹುಲಂ। ವಾಕ್ಯಂ, ಕಾರಿಯಂ, ಚೇಯ್ಯಂ, ಜೇಯ್ಯಂ।
೨೯. ಆಸ್ಸೇ ಚ।
ಆತೋಘ್ಯಣ ಹೋತಿ ಭಾವಕಮ್ಮೇಸು, ಆಸ್ಸ ಏ ಚ। ದೇಯ್ಯಂ।
೩೦. ವದಾದೀಹಿ ಯೋ।
ವದಾದೀಹಿ
೩೧. ಕಿಚ್ಚ ಘಚ್ಚ ಭಚ್ಚ ಭಬ್ಬ ಲೇಯ್ಯಾ।
ಏತೇ ಸದ್ದಾ ಯಪ್ಪಚ್ಚಯನ್ತಾ ನಿಪಚ್ಚನ್ತೇ।
೩೨. ಗುಹಾದೀಹಿ ಯಕ।
ಗುತಾದೀಹಿ ಕ್ರಿಯತ್ತೇಹಿ ಭಾವಕಮ್ಮೇಸು ಯಕ ಹೋತಿ। ಗುಯ್ಹಂ, ದುಯ್ಹಂ, ಸಿಸ್ಸೋ। ಸಿದ್ಧಾ ಏವೇತೇ ತಬ್ಬಾದಯೋ ಪೇಸಾತಿಸಗ್ಗಪತ್ತಕಾಲೇಸುಪಿ ಗಮ್ಯಮಾನೇಸು ಸಾಮಞ್ಞೇನವಿಧಾನತೋ, ತ್ವಯಾ ಖಲು ಕಟೋ ಕತ್ತಬ್ಬೋ, ಕರಣೀಯೋ, ಕಾರಿಯೋ, ಕಿಚ್ಚೋ, ಏವಂ ತ್ವಯಾ ಕಟೋ ಕತ್ತಬ್ಬೋ, ಭೋತಾ ಕಟೋ ಕತ್ತಬ್ಬೋ, ಭೋತೋ ಹಿ ಪತ್ತೋ ಕಾಲೋ ಕಟಕರಣೇ। ಏವಂ ಉದ್ಧಮೋಹುತ್ತಿಕೇಪಿ ವತ್ತಮಾನತೋ ಪೇಸಾದೀಸು ಸಿದ್ಧಾ ಏವ। ತಥಾ ಅರಹೇ ಕತ್ತರಿ ಸತ್ತಿವಿಸಿಟ್ಠೇ ಚ ಪತೀಯಮಾನೇ ಆವಸ್ಸಕಾಧಮೀಣತಾವಿಸಿಟ್ಠೇ ಚ ಭಾವಾದೋ ಸಿದ್ಧಾ, ಉದ್ಧಂಮುಹುತ್ತತೋ-ಭೋತಾ ಕಟೋ ಕತ್ತಬ್ಬೋ, ಭೋತಾ ರಜ್ಜಂ ಕತ್ತಬ್ಬಂ। ಭವಂ ಅರಹೋ, ಭೋತಾ ಸಾರೋ ವಹಿತಬ್ಬೋ, ಭವಂ ಸಕ್ಕೋ, ಭೋತಾ ಅವಸ್ಸಂ ಕಟೋ ಕತ್ತಬ್ಬೋ, ಭೋತಾ ನಿಕ್ಖೋ ದಾತಬ್ಬೋ।
೩೩. ಕತ್ತರಿ ಲ್ತುಣಕಾ।
ಕತ್ತರಿ ಕಾರಕೇ ಕ್ರಿಯತ್ಥಾ ಲ್ತುಣಕಾ ಹೋನ್ತಿ ಬಹುಲಂ। ಪಠಿತಾ, ಪಾಠಕೋ। ಬಹುಲಮಿತ್ವೇವ? ಪಾದೇಹಿ ಹರೀಯತೀತಿ ಪಾದಹಾ-ರಕೋ
೩೪. ಆವೀ।
ಕ್ರಿಯತ್ಥಾ ಆವೀ ಹೋತಿ ಬಹುಲಂ ಕತ್ತರಿ। ಭಯದಸ್ಸಾವೀ। ಅಪ್ಪವಿಸಯತಞ್ಞಾಪನತ್ಥಂ ಭಿನ್ನಯೋಗಕರಣಂ, ಸಾಮಞ್ಞವಿಹಿತತ್ತಾ ಸೀಲಾ ದೀಸು ಚ ಹೋತೇವ।
೩೫. ಆಸಿಂಸಾಯಮಕೋ।
ಆಸಿಂಸಾಯಂ ಗಮ್ಯಮಾನಾಯಂ ಕ್ರಿಯತ್ಥಾ ಅಕೋ ಹೋತಿ ಕತ್ತರಿ। ಜೀವತೂತಿ ಜೀವಕೋ, ನನ್ದತೂತಿ ನನ್ದಕೋ, ಭವತೂತಿ ಭವಕೋ।
೩೬. ಕರಾ ಣನೋ।
ಕರತೋ ಕತ್ತರಿ ಣನೋ ಹೋತಿ। ಕರೋತೀತಿ ಕಾರಣಂ, ಕತ್ತರೀತಿ ಕಿಂ? ಕರಣಂ।
೩೭. ಹಾತೋ ವೀಹಿಕಾಲೇಸು।
ಹಾತೋ ವೀಹಿಸ್ಮಿಂ ಕಾಲೇ ಚ ಣನೋ ಹೋತಿ ಕತ್ತರಿ। ಹಾಯನಾ ನಾಮ ವಿಹಯೋ, ಹಾಯನೋ ಸಂವಚ್ಛರೋ, ವೀಹಿಕಾಲೇಸೂತಿ ಕಿಂ? ಹಾತಾ।
೩೮. ವಿದಾ ಕೂ।
ವಿದಸ್ಮಾ ಕೂ ಹೋತಿ ಕತ್ತರಿ। ವಿದೂ, ಲೋಕವಿದೂ।
೩೯. ವಿತೋ ಞಾತೋ।
ವಿಪುಬ್ಬಾ
೪೦. ಕಮ್ಮಾ।
ಕಮ್ಮತೋ ಪರಾ ಞಾಇಚ್ಚಸ್ಮಾ ಕೂ ಹೋತಿ ಕತ್ತರಿ। ಸಬ್ಬಞ್ಞೂ, ಕಾಲಞ್ಞೂ।
೪೧. ಕ್ವಚಣ।
ಕಮ್ಮತೋ ಪರಾ ಕ್ರಿಯತ್ಥಾ ಕ್ವಚಿ ಅಣ ಹೋತಿ ಕತ್ತರಿ। ಕುಮ್ಭಕಾರೋ, ಸರಲಾವೋ, ಮನ್ತಜ್ಝಾಯೋ, ಬಹುಲಾಧಿಕಾರಾ ಇಧ ನ ಹೋತಿ ಆದಿಚ್ಚಂ ಪಸ್ಸತಿ, ಹಿಮವನ್ತಂ ಸುಣೋತಿ, ಗಾಮಂ ಗಚ್ಛತಿ। ಕ್ವಚೀತಿ ಕಿಂ? ಕಮ್ಮಕರೋ।
೪೨. ಗಮಾ ರೂ।
ಕಮ್ಮತೋ ಪರಾ ಗಮಾ ರೂ ಹೋತಿ ಕತ್ತರಿ। ವೇದಗೂ ಪಾರಗೂ।
೪೩. ಸಮಾನಞ್ಞ ಭವನ್ತ ಯಾದಿತೂ-ಪಮಾನಾ ದಿಸಾ ಕಮ್ಮೇ ರೀರಿಕ್ಖಕಾ।
ಸಮಾನಾದೀಹಿ ಯಾದೀಹಿ ಚೋಪಮಾನೇಹಿ ಪರಾ ದಿಸಾ ಕಮ್ಮಕಾರಕೇ ರೀರಿಕ್ಖಕಾ ಹೋನ್ತಿ। ಸಮಾನೋ ವಿಯ ದಿಸ್ಸತೀತಿ ಸದೀ ಸದಿಕ್ಖೋ ಸದಿಸೋ। ಅಞ್ಞಾದೀ ಅಞ್ಞಾದಿಕ್ಖೋ ಅಞ್ಞಾದಿಸೋ। ಭವಾದೀ ಭವಾದಿಕ್ಖೋ ಭವಾದಿಸೋ। ಯಾದೀ ಯಾದಿಕ್ಖೋ ಯಾದಿಸೋ। ತ್ಯಾದೀ ತ್ಯಾದಿಕ್ಖೋ ತ್ಯಾದಿಸೋ। ಸಮಾನಾದೀಹೀತಿ ಕಿಂ? ರುಕ್ಖೋ ವಿಯ ದಿಸ್ಸತಿ। ಉಪಮಾನಾತಿ ಕಿಂ? ಸೋ ದಿಸ್ಸತಿ। ಕಮ್ಮೇತಿ ಕಿಂ? ಸೋ
೪೪. ಭಾವಕಾರಕೇಸ್ವ-ಘಣ ಘಕಾ।
ಭಾವೇ ಕಾರಕೇ ಚ ಕ್ರಿಯತ್ಥಾ ಅ ಘಣ ಘ ಕಾ ಹೋನ್ತಿ ಬಹುಲಂ। ಅ-ಪಗ್ಗಹೋ, ನಿಗ್ಗಹೋ, ಕರೋ, ಗರೋ, ಚಯೋ, ಜಯೋ, ರವೋ, ಭವೋ, ಪಚೋ, ವಚೋ, ಅನ್ನದೋ, ಪುರಿನ್ದದೋ, ಈಸಕ್ಕರೋ, ದುಕ್ಕರೋ, ಸುಕರೋ। ಘಣ-ಭಾವೇ ಪಾಕೋ, ಚಾಗೋ, ಭಾವೋ, ಕಾರಕೇಪಿ ಸಞ್ಞಾಯಂ ತಾವ ಪಜ್ಜತೇನೇನಾತಿ ಪಾದೋ, ರುಜತೀತಿ ರೋಗೋ, ವಿಸತೀತಿ ವೇಸೋ, ಸರತಿ ಕಾಲನ್ತರನ್ತಿ ಸಾರೋ ಥಿರಂಸೋ, ದರೀಯನ್ತೇ ಏತೇಹೀತಿ ದಾರಾ, ಜೀರಯತಿ ಏತೇನಾತಿ ಜಾರೋ, ಅಸಞ್ಞಾಯಮ್ಪಿ ದಾಯೋ ದತ್ತೋ, ಲಾಭೋ ಲದ್ಧೋ, ಘ-ವಕೋ, ನಿಪಕೋ, ಕ-ಪಿಯೋ, ಖಿಪೋ, ಭುಜೋ, ಆಯುಧಂ।
೪೫. ದಾಧಾತ್ವಿ।
ದಾಧಾಹಿ ಬಹುಲಮಿ ಹೋತಿ ಭಾವಕಾರಕೇಸು। ಆದಿ, ನಿಧಿ, ವಾಲಮಿ।
೪೬. ವಮಾದೀಯ್ಯಥು।
ವಮಾದೀಹಿ ಭಾವಕಾರಕೇಸ್ವಥು ಹೋತಿ। ವಮಥು, ವೇಪಥು, (ಅವಥು, ಸಯಥು)।
೪೭. ಕ್ವಿ।
ಕ್ರಿಯತ್ಥಾ
೪೮. ಅನೋ।
ಕ್ರಿಯತ್ತಾ ಭಾವಕಾರಕೇಸ್ವನೋ ಹೋತಿ। ಗಮನಂ, ದಾನಂ, ಸಮ್ಪದಾನಂ, ಅಪಾದಾನಂ, ಅಧಿಕರಣಂ, ಚಲನೋ, ಜಲನೋ, ಕೋಧನೋ, ಕೋಪನೋ, ಮಣ್ಡನೋ, ಭೂಸನೋ।
೪೯. ಇತ್ಥಿಯಮಣ ತ್ತಿ ಕ ಯಕ ಯಾ ಚ।
ಇತ್ಥಿಲಿಙ್ಗೇ ಭಾವೇ ಕಾರಕೇ ಚ ಕ್ರಿಯತ್ಥಾ ಅಆದಯೋ ಹೋನ್ತಿ ಅನೋ ಚ ಬಹುಲಂ। ಅ ತಿತಿಕ್ಖಾ, ವೀಮಂಸಾ, ಜಿಗುಚ್ಛಾ, ಪಿಪಾಸಾ, ಪುತ್ತಿಯಾ ಈಹಾ ಭಿಕ್ಖಾ, ಆಪದಾ, ಮೇಧಾ, ಗೋಧಾ, ಣಕಾರಾ, ಹಾರಾ, ತಾರಾ, ಧಾರಾ, ಆರಾ, ಕ್ತಿ-ಇಟ್ಠಿ, ಸಿಟ್ಠಿ, ಭಿತ್ತಿ, ಭತ್ತಿ, ತನ್ತಿ ಭೂತಿ, ಕ-ಗುಹಾ, ರುಜಾ, ಮುದಾ, ಯಕ-ವಿಜ್ಜಾ, ಇಜ್ಜಾ, ಯ-ಸೇಯ್ಯಾ, ಸಮಜ್ಜಾ, ಪಬ್ಬಜ್ಜಾ, ಪರಿಚರಿಯಾ, ಜಾಗರಿಯಾ, ಅನಕಾರಣಾ, ಹಾರಣಾ, ವೇದನಾ, ವನ್ದನಾ, ಉಪಾಸನಾ।
೫೦. ಜಾಹಾಹಿ ನಿ।
ಜಾಹಾಇಚ್ಚೇತೇಹಿ ನಿ ಹೋತಿತ್ಥಿಯಂ। ಜಾನಿ, ಹಾನಿ।
೫೧. ಕರಾ ರಿರಿಯೋ।
ಕರತೋ ರಿರಿಯೋ ಹೋತಿತ್ಥಿಯಂ। ಕರಣಂ ಕಿರಿಯಾ। ಕಥಂ ‘ಕ್ರಿಯಾ’ತಿ? ‘‘ಕ್ರಿಯಾಯಂ’’ತಿ ನಿಪಾತನಾ।
೫೨. ಇಕಿತೀ ಸರೂಪೇ।
ಕ್ರಿಯತ್ಥಸ್ಸ
೫೩. ಸೀಲಾಭಿಕ್ಖಞ್ಞಾ-ವಸ್ಸಕೇಸು ಣೀ।
ಕ್ರಿಯತ್ಥಾ ಣೀ ಹೋತಿ ಸೀಲಾದೀಸು ಪತೀಯಮಾನೇಸು, ಉಣ್ಹಭೋಜೀ, ಖೀರಪಾಯೀ, ಅವಸ್ಸಕಾರೀ, ಸತನ್ದಾಯೀ।
೫೪. ಥಾವರಿತ್ತರ ಭಙ್ಗುರ ಭಿದುರ ಭಾಸುರ ಭಸ್ಸರಾ।
ಏತೇ ಸದ್ದಾ ನಿಪಚ್ಚನ್ತೇ ಸೀಲೇ ಗಮ್ಯಮಾನೇ।
೫೫. ಕತ್ತರಿ ಭೂತೇ ಕ್ತವನ್ತು ಕ್ತಾವೀ।
ಭೂತೇ-ತ್ಥೇ ವತ್ತಮಾನತೋ ಕ್ರಿಯತ್ಥಾ ಕ್ತವನ್ತುತ್ತಾವೀ ಹೋನ್ತಿ ಕತ್ತರಿ। ವಿಜಿತವಾ, ವಿಜಿತಾವೀ, ಭೂತೇತಿ ಅಧಿಕಾರೋ ಯಾವ ‘‘ಆಹಾರತ್ಥಾ’’ತಿ (೫-೬೦)।
೫೬. ಕ್ತೋಭಾವಕಮ್ಮೇಸು।
ಭಾವೇ ಕಮ್ಮೇ ಚ ಭೂತೇ ಕ್ತೋ ಹೋತಿ। ಆಸಿತಂ ಭವತಾ। ಕತೋ ಕಟೋ ಭವತಾ।
೫೭. ಕತ್ತರಿ ಚಾರಮ್ಭೇ।
ಕ್ರಿಯಾರಮ್ಭೇ ಕತ್ತರಿ ಕ್ತೋ ಹೋತಿ ಯಥಾಪತ್ತಞ್ಚ। ಪಕತೋ ಭವಂ ಕಟಂ, ಪಕತೋ ಕಟೋ ಭವತಾ, ಪಸುತ್ತೋ ಭವಂ, ಪಸುತ್ತಂ ಭವತಾ।
೫೮. ಠಾ-ಸ ವಸ ಸಿಲಿಸ ಸೀ ರುಹ ಜರ ಜನೀಹಿ।
ಠಾದೀಹಿ
೫೯. ಗಮನತ್ಥಾಕಮ್ಮಕಾಧಾರೇ ಚ।
ಗಮನತ್ಥತೋ ಅಕಮ್ಮಕತೋ ಚ ಕ್ರಿಯತ್ಥಾ ಆಧಾರೇ ಕ್ತೋ ಹೋತಿ ಕತ್ತರಿ ಚ ಯಥಾಪತ್ತಞ್ಚ, ಇದಮೇಸಂ ಯಾತಂ, ಇಹ ತೇ ಯಾತಾ, ಇಹ ತೇಹಿ ಯಾತಂ, ಅಯಂ ತೇಹಿ ಯಾತೋ ಪಥೋ, ಇದಮೇಸಮಾಸಿತಂ, ಇಹ ತೇ ಆಸಿತಾ, ಇಹತೇಹಿ ಆಸಿತಂ, ‘ದೇವೋ ಚೇ ವುಟ್ಠೋ ಸಮ್ಪನ್ನಾ ಸಾಲಯೋ’ತಿ ಕಾರಣಸಾಮಗ್ಗೀಸಮ್ಪತ್ತಿ ಏತ್ಥಾಭಿಮತಾ।
೬೦. ಆಹಾರತ್ಥಾ।
ಅಜ್ಝೋಹಾರತ್ಥಾ ಆಧಾರೇ ಕ್ತೋ ಹೋತಿ ಯಥಾಪತ್ತಞ್ಚ, ಇದಮೇಸಂ ಭುತ್ತಂ, ಇದಮೇಸಂ ಪೀತಂ, ಇಹ ತೇಹಿ ಭುತ್ತಂ, ಇಹ ತೇಹಿ ಪೀತಂ, ಓದನೋ ತೇಹಿ ಭುತ್ತೋ ಪೀತಮುದಕಂ, ಅಕತ್ತತ್ಥೋ ಯೋಗವಿಭಾಗೋ, ಕಥಂ ‘ಪೀತಾ ಗಾವೋ’ತಿ? ಪೀತಮೇಸಂ ವಿಜ್ಜತೀತಿ ಪೀತಾ, ಬಾಹುಲಕಾ ವಾ, ‘ಪಸ್ಸಿನ್ನೋ’ತಿ ಯಾ ಏತ್ಥ ಭೂತಕಾಲತಾ, ತತ್ರ ತ್ತೋ, ಏವಂ ರಞ್ಞಂ ಮತೋ ರಞ್ಞಂ ಇಟ್ಠೋ, ರಞ್ಞಂ ಬುದ್ಧೋ, ರಞ್ಞಂ ಪೂಜಿತೋ, ಏವಂ
೬೧. ತುಂ ತಾಯೇ ತವೇ ಭಾವೇ ಭವಿಸ್ಸತಿ ಕ್ರಿಯಾಯಂ ತದತ್ಥಾಯ।
ಭವಿಸ್ಸತಿ ಅತ್ಥೇ ವತ್ತಮಾನತೋ ಕ್ರಿಯತ್ಥಾ ಭಾವೇ ತುಂ ತಾಯೇ ತವೇ ಹೋನ್ತಿ ಕ್ರಿಯಾಯಂ ತದತ್ಥಾಯಂ ಪತೀಯಮಾನಾಯಂ। ಕಾತುಂ ಗಚ್ಛತಿ, ಕತ್ತಾಯೇ ಗಚ್ಛತಿ, ಕಾತವೇ ಗಚ್ಛತಿ, ಇಚ್ಛತಿ ಭೋತ್ತುಂ ಕಾಮೇತಿ ಭೋತ್ತುನ್ತಿ ಇಮೀನಾವ ಸಿದ್ಧಂ, ಪುನಬ್ಬಿಧಾನೇ ತ್ವಿಹಾಪಿ ಸಿಯಾ ‘ಇಚ್ಛನ್ತೋ ಕರೋತೀ’ತಿ, ಏವಂ ಸಕ್ಕೋತಿ ಭೋತ್ತುಂ, ಜಾನಾತಿ ಭೋತ್ತುಂ, ಗಿಲಾಯತಿ ಭೋತ್ತುಂ, ಘಟತೇ ಭೋತ್ತುಂ, ಆರಭತೇ ಭೋತ್ತುಂ, ಲಭತೇ ಭೋತ್ತುಂ, ಪಕ್ಕಮತಿ ಭೋತ್ತುಂ, ಉಸ್ಸಹತಿ ಭೋತ್ತುಂ, ಅರಹತಿ ಭೋತ್ತುಂ, ಅತ್ಥಿ ಭೋತ್ತುಂ, ವಿಜ್ಜತಿ ಭೋತ್ತುಂ, ವಟ್ಟ ತಿಭೋತ್ತುಂ, ಕಪ್ಪತಿ ಭೋತ್ತುನ್ತಿ। ತಥಾ ಪಾರಯತಿ ಭೋತ್ತುಂ, ಪಹು ಭೋತ್ತುಂ, ಸಮತ್ಥೋ ಭೋತ್ತುಂ, ಪರಿಯತ್ತೋ ಭೋತ್ತುಂ, ಅಲಂ ಭೋತ್ತುನ್ತಿ ಭವತಿಸ್ಸ ಸಬ್ಬತ್ಥ ಸಮ್ಭವಾ। ತಥಾ ಕಾಲೋ ಭೋತ್ತುಂ। ಸಮಯೋ ಭೋತುಂ, ವೇಲಾ ಭೋತುನ್ತಿ, ಯಥಾ ಭೋತ್ತುಂಮನೋ, ಸೋತ್ತುಂ ಸೋತೋ, ದಟ್ಠುಂ ಚಕ್ಖು, ಯುಜ್ಝಿತುಂ ಧನು, ವತ್ತುಂ ಜಳೋ, ಗನ್ತುಮನೋ, ಕತ್ತುಮಲಸೋತಿ, ಉಚ್ಚಾರಣನ್ತು ವತ್ತಾಯತ್ತಂ। ಭಾವೇತಿ ಕಿಂ? ಕರಿಸ್ಸಾಮೀತಿ ಗಚ್ಛತಿ, ಕ್ರಿಯಾಯನ್ತಿ ಕಿಂ? ಭಿಕ್ಖಿಸ್ಸಂ ಇಚ್ಚಸ್ಸ ಜಟಾ, ತದತ್ಥಾಯನ್ತಿ ಕಿಂ? ಗಚ್ಛಿಸ್ಸತೋ ತೇ ಭವಿಸ್ಸತಿ ಭತ್ತಂ ಭೋಜನಾಯ।
೬೨. ಪಟಿಸೇಧೇ-ಲಂಖಲೂನಂ ತುನ ತ್ವಾನ ತ್ವಾ ವಾ।
ಅಲಂ
೬೩. ಪುಬ್ಬೇಕಕತ್ಥುಕಾನಂ।
ಏಕೋ ಕತ್ತಾ ಯೇಸಂ ಬ್ಯಾಪಾರಾನಂ, ತೇಸು ಯೋ ಪುಬ್ಬೋ, ತದತ್ಥತೋ ಕ್ರಿಯತ್ಥಾ ತುನಾದಯೋ ಹೋನ್ತಿ ಭಾವೇ, ಸೋತುನ ಯಾತಿ, ಸುತ್ವಾನ, ಸುತ್ವಾ ವಾ, ಏಕಕತ್ತುಕಾನನ್ತಿಕಿಂ? ಭುತ್ತಸ್ಮಿಂ ದೇವದತ್ತೇ ಯಞ್ಞದತ್ತೋ ವಜತಿ, ಪುಬ್ಬಾತಿ ಕಿಂ? ಭುಞ್ಜಭಿ ಚ ಪಚತಿ ಚ। ‘ಅಪ್ಪತ್ವಾ ನದಿಂ ಪಬ್ಬತೋ ಅತಿಕ್ಕಮ್ಮ ಪಬ್ಬತಂ ನದೀ’ತಿ ಭೂಧಾತುಸ್ಸ ಸಬ್ಬತ್ಥ ಸಮ್ಭವಾ ಏಕಕತ್ತುಕತಾ ಪುಬ್ಬಕಾಲತಾ ಚ ಗಮ್ಯತೇ। ‘ಭುತ್ವಾ ಭುತ್ವಾ ಗಚ್ಛತೀತಿ’ ಇಮಿನಾವ ಸಿದ್ಧಂ ಆಭಿಕ್ಖಞ್ಞನ್ತು ದ್ವಿಬ್ಬಚನಾವಗಮ್ಯತೇ। ಕಥಂ ‘ಜೀವಗ್ಗಾಹಂ ಅಗಾಹಯಿ, ಕಾಯಪ್ಪಚಾಲಕಂ ಗಚ್ಛನ್ತೀ’ತಿ ಆದಿ? ಘಣನ್ತೇನ ಕ್ರಿಯಾವಿಸೇಸನೇನ ಸಿದ್ಧಂ ಯಥಾ ‘ಓದನಪಾಕಂ ಸಯತೀ’ತಿ।
೬೪. ನ್ತೋ ಕತ್ಥರಿ ವತ್ತಮಾನೇ।
ವತ್ತಮಾನತ್ಥೇ ವತ್ತಮಾನತೋ ಕ್ರಿಯತ್ತಾ ನ್ತೋ ಹೋ ತಿ ಕತ್ತರಿ, ತಿಟ್ಠನ್ತೋ।
೬೫. ಮಾನೋ।
ವತ್ತಮಾನತ್ಥೇ ವತ್ತಮಾನತೋ ಕ್ರಿಯತ್ಥಾ ಮಾನೋ ಹೋತಿ, ಕತ್ತರಿ। ತಿಟ್ಠಮಾನೋ।
೬೬. ಭಾವಕಮ್ಮೇಸು।
ವತ್ತಮಾನತ್ಥೇ
೬೭. ತೇ ಸ್ಸಪುಬ್ಬಾನಾಗತೇ।
ಅನಾಗತತ್ಥೇ ವತ್ತಮಾನತೋ ಕ್ರಿಯತ್ಥಾ ತೇನ್ತಮಾನಾ ಸ್ಸಪುಬ್ಬಾ ಹೋನ್ತಿ। ಠಸ್ಸನ್ತೋ, ಠಸ್ಸಮಾನೋ, ಠೀಯಿಸ್ಸಮಾನಂ, ಪಚ್ಚಿಸ್ಸಮಾನೋ ಓದನೋ।
೬೮. ಣ್ವಾದಯೋ।
ಕ್ರಿಯತ್ಥಾ ಪರೇ ಬಹುಲಂ ಣ್ವಾದಯೋ ಹೋನ್ತಿ। ಚಾರು, ದಾರು।
೬೯. ಖಛಸಾನ ಮೇಕಸ್ಸರೋದಿ ದ್ವೇ।
ಖಛಸಪ್ಪಚ್ಚಯನ್ತಾನಂ ಕ್ರಿಯತ್ಥಾನಂ ಪಠಮೇಕಸ್ಸರಂ ಸದ್ದರೂಪಂ ದ್ವೇ ಭವತಿ। ತಿತಿಕ್ಖಾ, ಜಿಗುಚ್ಛಾ, ವೀಮಂಸಾ।
೭೦. ಪರೋಕ್ಖಾಯಞ್ಚ।
ಪರೋಕ್ಖಾಯಂ ಪಠಮೇಕಸ್ಸರಂ ಸದ್ದರೂಪಂ ದ್ವೇ ಭವತಿ। ಜಗಾಮ, ಚಕಾರೋ ಅನುತ್ತಸಮುಚ್ಚಯತ್ಥೋ, ತೇನಞ್ಞತ್ರಾಪಿ ಯಥಾಗಮಂ, ಜಹಾತಿ, ಜಹಿತಬ್ಬಂ, ಜಹಿತುಂ, ದದ್ದಲ್ಲತಿ, ಚಙ್ಕಮತಿ। ‘ಲೋಲುಪೋ, ಮೋಮೂಹೋತಿ ಓತ್ತಂ ತದಮಿನಾದಿಪಾಠಾ।
೭೧. ಆದಿಸ್ಮಾ ಸರಾ।
ಆದಿಭೂತಾ ಸರಾ ಪರಮೇಕಸ್ಸರಂ ದ್ವೇ ಹೋತಿ, ಅಸಿಸಿಸತಿ, ಆದಿಸ್ಮಾತಿ ಕಿಂ? ಜಜಗಾರ, ಸರಾತಿ ಕಿಂ? ಪಪಾಚ।
೭೨. ನ ಪುನ।
ಯಂ
೭೩. ಯಥಿಟ್ಠಂ ಸ್ಯಾದಿನೋ।
ಸ್ಯಾದ್ಯನ್ತಸ್ಸ ಯಥಿಟ್ಠಮೇಕಸ್ಸರಮಾದಿಭೂತಮಞ್ಞಂ ವಾ ಯಥಾಗಮಂ ದ್ವಿತ್ತಪಜ್ಜತೇ, ಪುಪುತ್ತೀಯಿಸತಿ, ಪುತಿತ್ತೀಯಿಸತಿ, ಪುತ್ತೀಯಿಯಿಸತಿ।
೭೪. ರಸ್ಸೋ ಪುಬ್ಬಸ್ಸ।
ದ್ವಿತ್ತೇ ಪುಬ್ಬಸ್ಸ ಸರೋ ರಸ್ಸೋ ಹೋತಿ। ದದಾತಿ।
೭೫. ಲೋಪೋ-ನಾದಿಬ್ಯಞ್ಜನಸ್ಸ।
ದ್ವಿತ್ತೇ ಪುಬ್ಬಸ್ಸಾದಿತೋ-ಞ್ಞಸ್ಸ ಬ್ಯಞ್ಜನಸ್ಸ ಲೋಪೋ ಹೋತಿ। ಅಸಿಸಿಸತಿ।
೭೬. ಖಛಸೇಸ್ವಸ್ಸಿ।
ದ್ವಿತ್ತೇ ಪುಬ್ಬಸ್ಸ ಅಸ್ಸ ಇ ಹೋತಿ ಖಛಸೇಸು। ಪಿಪಾಸತಿ, ಜಿಘಂಸತಿ, ಖಛಸೇಸೂತಿ ಕಿಂ? ಜಹಾತಿ, ಅಸ್ಸಾತಿ ಕಿಂ? ಬುಭುಕ್ಖತಿ।
೭೭. ಗುಪಿಸ್ಸುಸ್ಸ।
ದ್ವಿತ್ತೇ ಪುಬ್ಬಸ್ಸ ಗುಪಿಸ್ಸ ಉಸ್ಸ ಇ ಹೋತಿ ಖಛಸೇಸು, ಜಿಗುಚ್ಛತಿ।
೭೮. ಚತುತ್ಥದುತಿಯಾನಂ ತತಿಯಪಠಮಾ।
ದ್ವಿತ್ತೇ ಪುಬೇಸಂ ಚತುತ್ಥದುತಿಯಾನಂ ತತಿಯಪಠಮಾ ಹೋನ್ತಿ। ಬುಭುಕ್ಖತಿ, ಚಿಚ್ಛೇದ।
೭೯. ಕವಗ್ಗಹಾನಂ ಚವಗ್ಗಜಾ।
ದ್ವಿತ್ತೇ
೮೦. ಮಾನಸ್ಸ ವೀ ಪರಸ್ಸ ಚ ಮಂ।
ದ್ವಿತ್ತೇ ಪುಬ್ಬಸ್ಸ ಮಾನಸ್ಸ ವೀ ಹೋತಿ ಪರಸ್ಸ ಚ ಮಂ, ವೀಮಂಸತಿ।
೮೧. ಕಿತಸ್ಸಾಸಂಸಯೇ ತಿ ವಾ।
ಸಂಸಯಸೋ-ಞ್ಞಸ್ಮಿಂ ವತ್ತಮಾನಸ್ಸ ದ್ವಿತ್ತೇ ಪುಬ್ಬಸ್ಸ ಕಿತಸ್ಸ ವಾ ತಿ ಹೋತಿ। ತಿಕಿಚ್ಛತಿ, ಚಿಕಿಚ್ಛತಿ, ಅಸಂಸಯೇತಿ ಕಿಂ? ವಿಚಿಕಿಚ್ಛತಿ।
೮೨. ಯುವಣ್ಣಾನಮೇಓ ಪಚ್ಚಯೇ।
ಇವಣ್ಣುವಣ್ಣನ್ತಾನಂ ಕ್ರಿಯತ್ಥಾನಂ ಏಓಹೋನ್ತಿ ಯಥಾಕ್ಕಮಂ ಪಚ್ಚಯೇ। ಚೇತಬ್ಬಂ, ನೇತಬ್ಬಂ, ಸೋತಬ್ಬಂ, ಭವಿತಬ್ಬಂ।
೮೩. ಲಹುಸ್ಸುಪನ್ತಸ್ಸ।
ಲಹುಭೂತಸ್ಸ ಉಪನ್ತಸ್ಸ ಯುವಣ್ಣಸ್ಸ ಏಓ ಹೋನ್ತಿ ಯಥಾಕ್ಕಮಂ। ಏಸಿತಬ್ಬಂ, ಕೋಸಿತಬ್ಬಂ, ಲಹುಸ್ಸಾತಿ ಕಿಂ? ಧೂಪಿತಾ, ಉಪನ್ತಸ್ಸಾತಿ ಕಿಂ? ರುನ್ಧತಿ।
೮೪. ಅಸ್ಸಾ ಣಾನುಬನ್ಧೇ।
ಣಕಾರಾನುಬನ್ಧೇ ಪಚ್ಚಯೇ ಪರೇ ಉಪನ್ತಸ್ಸ ಅಕಾರಸ್ಸ ಆ ಹೋತಿ। ಕಾರಕೋ।
೮೫. ನ ತೇ ಕಾನುಬನ್ಧನಾಗಮೇಸು।
ತೇ
೮೬. ವಾ ಕ್ವಚಿ।
ತೇ ಕ್ವಚಿ ವಾ ನ ಹೋನ್ತಿ ಕಾನುಬನ್ಧನಾಗಮೇಸು। ಮುದಿತೋ, ರುದಿತಂ, ರೋದಿತಂ।
೮೭. ಅಞ್ಞತ್ರಾಪಿ।
ಕಾನುಬನ್ಧನಾಗಮತೋ-ಞ್ಞಸ್ಮಿಮ್ಪಿ ತೇ ಕ್ವಚಿ, ನು ಹೋನ್ತಿ। ಖಿಪಕೋ, ಪನೂದನಂ, ವಧಕೋ।
೮೮. ಪ್ಯೇ ಸಿಸ್ಸಾ।
ಸಿಸ್ಸ ಆ ಹೋತಿ ಪ್ಯಾದೇಸೇ, ನಿಸ್ಸಾಯ।
೮೯. ಏಓನಮಯವಾ ಸರೇ।
ಸರೇ ಪರೇ ಏಓನಂ ಅಯಅವಾ ಹೋನ್ತಿ। ಜಯೋ, ಭವೋ, ಸರತಿ ಕಿಂ? ಜೇತಿ, ಅನುಭೋತಿ।
೯೦. ಆಯಾವಾ ಣಾನುಬನ್ಧೇ।
ಏಓನಂ
೯೧. ಆಸ್ಸಾಣಾಪಿಮ್ಹಿ ಯುಕ।
ಆಕಾರನ್ತಸ್ಸ ಕ್ರಿಯತ್ಥಸ್ಸ ಯುಕ ಹೋತಿ ಣಾಪಿತೋ-ಞ್ಞಸ್ಮಿಂ ಣಾನುಬನ್ಧೇ। ದಾಯಕೋ, ಣಾನುಬನ್ಧೇತ್ವೇವ? ದಾನಂ, ಅಣಾಪಿಮ್ಹೀತಿ ಕಿಂ? ದಾಪಯತಿ।
೯೨. ಪದಾದೀನಂ ಕ್ವಚಿ।
ಪದಾದೀನಂ ಯುಕ ಹೋತಿ ಕ್ವಚಿ। ನಿಪಜ್ಜಿತಬ್ಬಂ, ನಿಪಜ್ಜಿತುಂ ನಿಪಜ್ಜನಂ, ಪಮಜ್ಜಿತಬ್ಬಂ, ಪಮಜ್ಜಿತುಂ, ಪಮಜ್ಜನಂ, ಕ್ವಚೀತಿ ಕಿಂ? ಪಾದೋ।
೯೩. ಮಂ ವಾ ರುಧಾದೀನಂ।
ರುಧಾದೀನಂ ಕ್ವಚಿ ಮಂ ವಾ ಹೋತಿ। ರುನ್ಧಿತುಂ, ರುಜ್ಝಿತುಂ, ಕ್ವಚಿತ್ವೇವ? ನಿರೋಧೋ।
೯೪. ಕ್ವಿಮ್ಹಿ ಲೋಪೋ-ನ್ತಬ್ಯಞ್ಜನಸ್ಸ।
ಅನ್ತಬ್ಯಞ್ಜನಸ್ಸ ಲೋಪೋ ಹೋತಿ ಕ್ವಿಮ್ಹಿ। ಭತ್ತಂ ಗಸನ್ತಿ ಗಣ್ಹನ್ತಿ ವಾ ಏತ್ಥಾತಿ ಭತ್ತಗ್ಗಂ।
೯೫. ಪರರೂಪಮಯಕಾರೇ ಬ್ಯಞ್ಜನೇ।
ಕ್ರಿಯತ್ಥಾನಮನ್ತಬ್ಯಞ್ಜನಸ್ಸ ಪರರೂಪಂ ಹೋತಿ ಯಕಾರತೋ-ಞ್ಞಸ್ಮಿಂ ಬ್ಯಞ್ಜನೇ। ಭೇತ್ತಬ್ಬಂ, ಬ್ಯಞ್ಜನೇತಿ ಕಿಂ? ಭಿನ್ದಿತಬ್ಬಂ, ಅಯಕಾರೇತಿ ಕಿಂ? ಭಿಜ್ಜತಿ।
೯೬. ಮನಾನಂ ನಿಗ್ಗಹೀತಂ।
ಮಕಾರನಕಾರನ್ತಾನಂ
೯೭. ನ ಬ್ರೂಸ್ಸೋ।
ಬ್ರೂಸ್ಸ ಓ ನ ಹೋತಿ ಬ್ಯಞ್ಜನೇ। ಬ್ರೂಮಿ, ಬ್ಯಞ್ಜನೇತ್ವೇವ? ಅಬ್ರವಿ।
೯೮. ಕಗಾ ಚಜಾನಂ ಘಾನುಬನ್ಧೇ।
ಘಾನುಬನ್ಧೇ ಚಕಾರಜಕಾರನ್ತಾನಂ ಕ್ರಿಯತ್ಥಾನಂ ಕಗಾ ಹೋನ್ತಿ ಯಥಾಕ್ಕಮಂ। ವಾಕ್ಯಂ, ಭಾಗ್ಯಂ।
೯೯. ಹನಸ್ಸ ಘಾತೋ ಣಾನುಬನ್ಧೇ।
ಹನಸ್ಸ ಘಾತೋ ಹೋತಿ ಣಾನುಬನ್ಧೇ। ಆಘಾತೋ।
೧೦೦. ಕ್ವಿಮ್ಹಿ ಘೋ ಪರಿಪಚ್ಚ-ಸಮೋಹಿ।
ಪಯ್ಯಾದೀಹಿ ಪರಸ್ಸ ಹನಸ್ಸ ಘೋ ಹೋತಿ ಕ್ವಿಮ್ಹಿ। ಪಲಿಘೋ, ಪಟಿಘೋ, ಅಘಂ ರಸ್ಸತ್ತಂ ನಿಪಾತನಾ, ಸಙ್ಘೋ, ಓಘೋ।
೧೦೧. ಪರಸ್ಸ ಘಂ ಸೇ।
ದ್ವಿತ್ತೇ ಪರಸ್ಸ ಹನಸ್ಸ ಘಂ ಹೋತಿ ಸೇ। ಜಿಘಂಸಾ।
೧೦೨. ಜಿಹರಾನಂ ಗೀ।
ದ್ವಿತ್ತೇ ಪರೇಸಂ ಜಿತರಾನಂ ಗೀ ಹೋತಿ ಸೇ। ವಿಜಿಗೀಸಾ, ಜಿಗೀಸಾ।
೧೦೩. ಧಾಸ್ಸ ಹೋ।
ದ್ವಿತ್ತೇ
೧೦೪. ಣಿಮ್ಹಿ ದೀಘೋ ದುಸಸ್ಸ।
ದುಸಸ್ಸ ದೀಘೋ ಹೋತಿ ಣಿಮ್ಹಿ। ದುಸಿತೋ। ಣಿಮ್ಹೀತಿ ಕಿಂ? ದುಟ್ಠೋ।
೧೦೫. ಗುಹಿಸ್ಸ ಸರೇ।
ಗುಹಿಸ್ಸ ದೀಘೋ ಹೋತಿ ಸರೇ। ನಿಗೂಹನಂ ಸರೇತಿ ಕಿಂ? ಗುಯ್ಹಂ।
೧೦೬. ಮುಹಬಹಾನಞ್ಚ ತೇ ಕಾನುಬನ್ಧೇ-ತ್ವೇ।
ಮುಹಬಹಾನಂ ಗುಹಿಸ್ಸ ಚ ದೀಘೋ ಹೋತಿ ತಕಾರಾದೋ ಕಾನುಬನ್ಧೇ ತ್ವಾನತ್ವಾವಜ್ಜಿತೇ, ಮೂಳ್ಹೋ, ಬಾಳ್ಹೋ, ಗೂಳ್ಹೋ, ತೇತಿ ಕಿಂ? ಮುಯ್ಹತಿ, ಕಾನುಬನ್ಧೇತಿ-ಕಿಂ? ಮುಯ್ಹಿತಬ್ಬಂ, ಅತ್ವೇತಿ ಕಿಂ? ಮುಯ್ಹಿತ್ವಾನ, ಮುಯ್ಹಿತ್ವಾ, ‘ತೇ ಕಾನುಬನ್ಧೇ-ತ್ವೇ’ತಿ ಅಯಮಧಿಕಾರೋ ಯಾವ ‘‘ಸಾಸಸ್ಸ ಸಿಸ್ವೇ’’ತಿ -೧೧೭।
೧೦೭. ವಹಸ್ಸುಸ್ಸ।
ವಹಸ್ಸ ಉಸ್ಸ ದೀಘೋ ಹೋತಿ ತೇ ಕಾನುಬನ್ಧೇ ತ್ವಾನತ್ವಾವಜ್ಜಿತೇ। ವುಟ್ಠೋ।
೧೦೮. ಧಾಸ್ಸ ಹಿ।
ಧಾ=ಧಾರಣೇತೀಮಸ್ಸ ಹಿ ಹೋತಿ ತೇ ಕಾನುಬನ್ಧೇ ತ್ವಾನತ್ವಾವಜ್ಜಿತೇ। ನಿಹಿತೋ, ನಿಹಿತವಾ।
೧೦೯. ಗಮಾದಿರಾನಂ ಲೋಪೋ-ನ್ತಸ್ಸ।
ಗಮಾದೀನಂ
೧೧೦. ವಚಾದೀನಂ ವಸ್ಸುಟ ವಾ।
ವಚಾದೀನಂ ವಸ್ಸ ವಾ ಉಟ ಹೋತಿ ಕಾನುಬನ್ಧೇ-ತ್ವೇ। ಉತ್ತಂ, ವುತ್ತಂ, ಉಟ್ಠಂ, ವುಟ್ಠಂ, ‘ಅತ್ವೇತ್ವೇವ? ವತ್ವಾನ, ವತ್ವಾ।
೧೧೧. ಅಸ್ಸು।
ವಚಾದೀನಮಸ್ಸ ಉ ಹೋತಿ ಕಾನುಬನ್ಧೇ-ಸ್ವೇ। ವುತ್ತಂ, ವುಟ್ಠಂ।
೧೧೨. ವದ್ಧಸ್ಸ ವಾ।
ವದ್ಧಸ್ಸ ಅಸ್ಸ ವಾ ಉ ಹೋತಿ ಕಾನುಬನ್ಧೇ ತ್ವೇ। ವುದ್ಧೋ। ವದ್ಧೋ। ಅತ್ವೇತ್ವೇವ? ವದ್ಧಿತ್ವಾನ, ವದ್ಧಿತ್ವಾ, ಕಥಂ ‘ವುತ್ತೀ’ತಿ? ‘‘ವುತ್ತೀಮತ್ತೇ’’ತಿ ೩-೬೯. ನಿಪಾತನಾ, ‘ವತ್ತೀ’ತಿ ಹೋತೇವ ಯಥಾಲಕ್ಖಣಂ।
೧೧೩. ಯಜಸ್ಸ ಯಸ್ಸ ಟಿಯೀ।
ಯಜಸ್ಸ
೧೧೪. ಠಾಸ್ಸಿ।
ಠಾಸ್ಸಿ ಹೋತಿ ಕಾನುಬನ್ಧೇ-ತ್ವೇ। ಠಿತೋ, ಅತ್ವೇತ್ವೇವ? ಠತ್ವಾನ, ಠತ್ವಾ।
೧೧೫. ಗಾಪಾನಮೀ।
ಗಾಪಾನಮೀ ಹೋತಿ ಕಾನಬನ್ಧೇ-ತ್ವೇ। ಗೀತಂ, ಪೀತಂ, ಅತ್ವೇತ್ವೇವ? ಗಾಯಿತ್ವಾ ನಿಚ್ಚಂ ಯಾಗಮೋ, ಪಾಸ್ಸ ತು ಪೀತ್ವಾತಿ ಬಹುಲಾಧಿಕಾರಾ।
೧೧೬. ಜನಿಸ್ಸಾ।
ಜನಿಸ್ಸ ಆ ಹೋತಿ ಕಾನುಬನ್ಧೇ-ತ್ವೇ। ಜಾತೋ। ಅತ್ವೇತ್ವೇವ? ಜನಿತ್ವಾ।
೧೧೭. ಸಾಸಸ್ಸ ಸಿಸ ವಾ।
ಸಾಸಸ್ಸ ಸಿಸ ವಾ ಹೋತಿ ಕಾನುಬನ್ಧೇ-ತ್ವೇ। ಸಿಟ್ಠಂ, ಸತ್ಥಂ, ಸಿಸ್ಸೋ, ಸಾಸಿಯೋ ಅತ್ವೇತ್ವೇವ? ಅನುಸಾಸಿತ್ವಾನ।
೧೧೮. ಕರಸ್ಸಾ ತವೇ।
ಕರಸ್ಸ ಆ ಹೋತಿ ತವೇ। ಕಾತವೇ।
೧೧೯. ತುಂತುನತಬ್ಬೇಸು ವಾ।
ತುಮಾದೀಸು ವಾ ಕರಸ್ಸಾ ಹೋತಿ। ಕಾತುಂ ಕತ್ತುಂ, ಕಾತುನ ಕತ್ತುನ, ಕಾತಬ್ಬಂ ಕತ್ತಬ್ಬಂ।
೧೨೦. ಞಾಸ್ಸ ನೇ ಜಾ।
ಞಾಧಾತುಸ್ಸ
೧೨೧. ಸಕಾಪಾನಂ ಕುಕಕೂ ಣೇ।
ಸಕಆಪಾನಂ ಕುಕಕುಇಚ್ಚೇತೇ ಆಗಮಾ ಹೋನ್ತಿ ಣಕಾರೇ। ಸಕ್ಕುಣನ್ತೋ, ಪಾಪುಣನ್ತೋ, ಸಕ್ಕುಣೋತಿ, ಪಾಪುಣೋತಿ, ಣೇತಿ ಕಿಂ? ಸಕ್ಕೋತಿ, ಪಾಪೇತಿ।
೧೨೨. ನಿತೋ ಚಿಸ್ಸ ಛೋ।
ನಿಸ್ಮಾ ಪರಸ್ಸ ಚಿಸ್ಸ ಛೋ ಹೋತಿ। ನಿಚ್ಛಯೋ।
೧೨೩. ಜರಸದಾನಮೀಮ ವಾ।
ಜರಸದಾನಮನ್ತಸರಾ ಪರೋ ಈಮ ಹೋತಿ ವಿಭಾಸಾ। ಜೀರಣಂ, ಜೀರತಿ, ಜೀರಾಪೇತಿ, ನಿಸೀದಿತಬ್ಬಂ, ನಿಸೀದನಂ, ನಿಸೀದಿತುಂ, ನಿಸೀದತಿ, ವಾತಿ ಕಿಂ? ಜರಾ, ನಿಸಜ್ಜಾ, ‘ಈಮ ವಾ’ತಿ ಯೋಗವಿಭಾಗಾ ಅಞ್ಞೇಸಮ್ಪಿ, ಅಹೀರಥ, ಸಂಯೋಗಾದಿ ಲೋಪೋತ್ಥಸ್ಸ।
೧೨೪. ದಿಸಸ್ಸ ಪಸ್ಸ ದಸ್ಸ ದಸ ದ ದಕ್ಖಾ।
ದಿಸಸ್ಸ ಪಸ್ಸಾದಯೋ ಹೋನ್ತಿ ವಿಭಾಸಾ। ವಿಪಸ್ಸನಾ, ವಿಪಸ್ಸಿತುಂ, ವಿಪಸ್ಸತಿ, ಸುದಸ್ಸೀ, ಪಿಯದಸ್ಸೀ, ಧಮ್ಮದಸ್ಸೀ, ಸುದಸ್ಸಂ, ದಸ್ಸನಂ, ದಸ್ಸೇತಿ, ದಟ್ಠಬ್ಬಂ। ದಟ್ಠಾ, ದಟ್ಠುಂ, ದುದ್ದಸೋ, ಅದ್ದಸ, ಅದ್ದಾ, ಅದ್ದಂ, ಅದ್ದಕ್ಖಿ, ದಕ್ಖಿಸ್ಸತಿ, ವಾತ್ವೇವ? ದಿಸ್ಸನ್ತಿ ಬಾಲಾ।
೧೨೫. ಸಮಾನಾ ರೋ ರೀರಿಕ್ಖಕೇಸು।
ಸಮಾನಸದ್ದತೋ
೧೨೬. ದಹಸ್ಸ ದಸ್ಸ ಡೋ।
ದಹಸ್ಸ ದಸ್ಸ ಡೋ ಹೋತಿ ವಾ। ಡಾಹೋ, ದಾಹೋ, ಡಹತಿ, ದಹತಿ।
೧೨೭. ಅನಘಣ ಸ್ವಾಪರೀಹಿ ಳೋ।
ಆಪರೀಹಿ ಪರಸ್ಸ ದಹಸ್ಸ ದಸ್ಸ ಳೋ ಹೋತಿ ಅನಘಣಸು। ಆಳಹನಂ, ಪರಿಳಾಹೋ।
೧೨೮. ಅತ್ಯಾದಿನ್ತೇಸ್ವತ್ಥಿಸ್ಸ ಭೂ।
ತ್ಯಾದಿನ್ತವಜ್ಜಿತೇಸು ಪಚ್ಚಯೇಸು ‘ಅಸ=ಭುವಿ’ಇಚ್ಚಸ್ಸ ಭೂ ಹೋತಿ। ಭವಿತಬ್ಬಂ। ಆದೇಸವಿಧಾನಮಸಸ್ಸಾಪ್ಪಯೋಗತ್ಥಮೇತಸ್ಮಿಂ ವಿಸಯೇ, ಏತೇನ ಕತ್ಥಚಿ ಕಸ್ಸಚಿ ಧಾತುಸ್ಸ ಅಪ್ಪಯೋಗಾಪಿ ಞಾಪಿತೋ ಹೋತಿ। ಅತ್ಯಾದಿನ್ತೇಸೂತಿ ಕಿಂ? ಅತ್ಥಿ, ಸನ್ತೋ, ಅತ್ಥಿಸ್ಸಾತಿ ಕಿಂ? ಅಸ್ಸತಿಸ್ಸ ಮಾ ಹೋತು।
೧೨೯. ಅಆಸ್ಸಾಆದೀಸು।
ಅಆದೋ, ಆಆದೋ, ಸ್ಸಾದೋ ಚ ಅತ್ಥಿಸ್ಸ ಭೂ ಹೋತಿ। ಬಭೂವ, ಅಭವಾ, ಅಭವಿಸ್ಸಾ, ಭವಿಸ್ಸತಿ।
೧೩೦. ನ್ತಮಾನನ್ತಿಯಿಯುಂಸ್ವಾದಿಲೋಪೋ। ನ್ತಾದಿಸೂತ್ಥಿಸ್ಸಾದಿಲೋಪೋ ಹೋತಿ। ಸನ್ತೋ, ಸಮಾನೋ, ಸನ್ತಿ, ಸನ್ತು, ಸಿಯಾ, ಸಿಯುಂ, ಏತೇಸ್ವೀತಿ ಕಿಂ? ಅತ್ಥಿ।
೧೩೧. ಪಾದಿತೋ ಠಾಸ್ಸ ವಾ ಠಹೋ ಕ್ವಚಿ।
ಪಾದೀಹಿ
೧೩೨. ದಾಸ್ಸಿಯಙ।
ಪಾದಿತೋ ಪರಸ್ಸ ದಾಸ್ಸ ಇಯಙ ಹೋತಿ ಕ್ವಚಿ। ಅನಾದಿಯಿತ್ವಾ, ಸಮಾದಿಯತಿ, ಕ್ವಚಿತ್ವೇವ? ಆದಾಯ।
೧೩೩. ಕರೋತಿಸ್ಸ ಖೋ।
ಪಾದಿತೋ ಪರಸ್ಸ ಕರಸ್ಸ ಕ್ವಚಿ ಖ ಹೋತಿ। ಸಙ್ಖಾರೋ, ಸಙ್ಖರೀಯತಿ, ಕರಸ್ಸಾತಿ ಅವತ್ವಾ ಕರೋತಿಸ್ಸಾತಿ ವಚನಂ ತಿಮ್ಹಿ ಚ ವಿಕರಣುಪ್ಪತ್ತಿಞಾಪೇತುಂ।
೧೩೪. ಪುರಾಸ್ಮಾ।
ಪುರಾ ಇಚ್ಚಸ್ಮಾ ನಿಪಾತಾ ಪರಸ್ಸ ಕರಸ್ಸ ಖ ಹೋತಿ। ಪುರಕ್ಖತ್ವಾ, ಪುರೇಕ್ಖಾರೋ-ಏತ್ತಂ ತದಮಿನಾದಿಪಾಠಾ।
೧೩೫. ನಿತೋ ಕಮಸ್ಸ।
ನಿಸ್ಮಾ ಪರಸ್ಸ ಕಮಸ್ಸ ಕ್ವಚಿ ಖ ಹೋತಿ, ನಿಕ್ಖಮತಿ, ಕ್ವಚಿತ್ವೇವ? ನಿಕ್ಕಮೋ।
೧೩೬. ಯುವಣ್ಣಾನಮಿಯಙುವಙ ಸರೇ।
ಇವಣ್ಣುವಣ್ಣತ್ತಾನಂ ಕ್ರಿಯತ್ಥಾನಮಿಯಙುವಙ ಹೋತಿ ಸರೇ ಕ್ವಚಿ। ವೇದಿಯತಿ, ಬ್ರುವನ್ತಿ, ಸರೇತಿ ಕಿಂ? ನಿವೇದೇತಿ, ಬ್ರೂತಿ, ಕ್ವಚಿತ್ವೇವ? ಜಯತಿ, ಭವತಿ।
೧೩೭. ಅಞ್ಞಾದಿಸ್ಸಾಸ್ಸೀ ಕ್ಯೇ।
ಞಾದಿತೋ-ಞ್ಞಸ್ಸ
೧೩೮. ತನಸ್ಸಾ ವಾ।
ತನಸ್ಸ ಆ ಹೋತಿ ವಾ ಕ್ಯೇ। ತಾಯತೇ, ತಞ್ಞತೇ।
೧೩೯. ದೀಘೋ ಸರಸ್ಸ।
ಸರನ್ತಸ್ಸ ಕ್ರಿಯತ್ಥಸ್ಸ ದೀಘೋ ಹೋತಿ ಕ್ಯೇ, ಚೀಯತೇ, ಸೂಯತೇ।
೧೪೦. ಸಾನನ್ತರಸ್ಸ ತಸ್ಸ ಠೋ।
ಸಕಾರನ್ತತೋ ಕ್ರಿಯತ್ಥಾ ಪರಸ್ಸಾ-ನನ್ತರಸ್ಸ ತಕಾರಸ್ಸ ಠ ಹೋತಿ। ತುಟ್ಠೋ, ತುಟ್ಠವಾ, ತುಟ್ಠಬ್ಬಂ, ತುಟ್ಠಿ, ಅನನ್ತರಸ್ಸಾತಿ ಕಿಂ? ತುಸ್ಸಿತ್ವಾ।
೧೪೧. ಕಸಸ್ಸಿಮ ಚ ವಾ।
ಕಸಸ್ಮಾ ಪರಸ್ಸಾನನ್ತರಸ್ಸ ತಸ್ಸ ಠ ಹೋತಿ ಕಸಸ್ಸ ವಾ ಇಮ ಚ। ಕಿಟ್ಠಂ, ಕಟ್ಠಂ, ಅನನ್ತರಸ್ಸಾತ್ವೇವ? ಕಸಿತಬ್ಬಂ।
೧೪೨. ಧಸ್ತೋತ್ರಸ್ತಾ।
ಏತೇ ಸದ್ದಾ ನಿಪಚ್ಚನ್ತೇ।
೧೪೩. ಪುಚ್ಛಾದಿತೋ।
ಪುಚ್ಛಾದೀಹಿ
೧೪೪. ಸಾಸ ವಸ ಸಂಸ ಸಸಾ ಥೋ।
ಏತೇಹಿ ಪರಸ್ಸಾನನ್ತರಸ್ಸ ತಸ್ಸ ಥ ಹೋತಿ, ಸತ್ಥಂ, ವತ್ಥಂ, ಪಸತ್ಥಂ, ಸತ್ಥಂ। ಕಥಮನುಸಿಟ್ಠೋ (ವುಟ್ಠೋ) ತಿ? ‘ತಥನರಾನಂ ಟಟ್ಠಣಲಾ’ ೧-೫೨ ತಿ ಟ್ಠೋ, ಅನನ್ತರಸ್ಸಾತ್ವೇವ? ಸಾಸಿತುಂ।
೧೪೫. ಧೋ ಧಹಭೇಹಿ।
ಧಕಾರಹಕಾರಭಕಾರನ್ತೇಹಿ ಕ್ರಿಯತ್ಥೇಹಿ ಪರಸ್ಸಾನನ್ತರಸ್ಸ ತಸ್ಸ ಧ ಹೋತಿ। ವುದ್ಧೋ, ದುದ್ಧಂ, ಲದ್ಧಂ।
೧೪೬. ದಹಾ ಢೋ।
ದಹಾ ಪರಸ್ಸಾನನ್ತರಸ್ಸ ತಸ್ಸ ಢ ಹೋತಿ। ದಡ್ಢೋ।
೧೪೭. ಬಹಸ್ಸುಮ ಚ।
ಬಹಾ ಪರಸ್ಸಾನನ್ತರಸ್ಸ ತಸ್ಸ ಢೋ ಹೋತಿ, ಬಹಸ್ಸುಮ ಚ ಢಸನ್ನಿಯೋಗೇನ। ಬುಡ್ಢೋ।
೧೪೮. ರುಹಾದೀಹಿ ಹೋ ಳ ಚ।
ರಹಾದೀಹಿ ಪರಸ್ಸಾನನ್ತರಸ್ಸ ತಸ್ಸ ಹ ಹೋತಿ ಳೋ ಚಾನ್ತಸ್ಸ। ಆರುಳ್ಹೋ, ಗೂಳ್ಹೋ, ವೂಳ್ಹೋ, ಬಾಳ್ಹೋ, (ಓಗಾಳ್ಹೋ), ಅನನ್ತರಸ್ಸಾತ್ವೇವ? ಆರೋಹಿತುಂ।
೧೪೯. ಮುಹಾ ವಾ।
ಮುಹಾ
೧೫೦. ಭಿದಾದಿತೋ ನೋ ಕ್ತಕ್ತವನ್ತೂನಂ।
ಭಿದಾದಿತೋ ಪರೇಸಂ ಕ್ತಕ್ತವನ್ತೂನಂ ತಸ್ಸ ನೋ ಹೋತಿ। ಭಿನ್ನೋ ಭಿನ್ನವಾ, ಛಿನ್ನೋ ಛಿನ್ನವಾ, ಛನ್ನೋ ಛನ್ನವಾ, ಛಿನ್ನೋ ಖಿನ್ನವಾ, ಉಪ್ಪನ್ನೋ ಉಪ್ಪನ್ನವಾ, ಸಿನ್ನೋ, ಸಿನ್ನವಾ, ಸನ್ನೋ ಸನ್ನವಾ, ಪೀನೋ ಪೀನವಾ, ಸೂನೋ ಸೂನವಾ, ದೀನೋ ದೀನವಾ, ಡೀನೋ ಡೀನವಾ, ಲೀನೋ ಲೀನವಾ, ಲೂನೋ ಲೂನವಾ, ಕ್ತಕ್ತವನ್ತೂನನ್ತಿ ಕಿಂ? ಭಿತ್ತಿ, ಛಿತ್ತಿ, ಭೇತ್ತುಂ, ಛೇತ್ತುಂ।
೧೫೧. ದಾತ್ವಿನ್ನೋ।
ದಾತೋ ಪರೇಸಂ ಕ್ತಕ್ತವನ್ತೂನಂ ತಸ್ಸ ಇನ್ನೋ ಹೋತಿ। ದಿನ್ನೋ, ದಿನ್ನವಾ।
೧೫೨. ಕಿರಾದೀಹಿ ಣೋ।
ಕಿರಾದೀಹಿ ಪರೇಸಂ ಕ್ತಕ್ತವನ್ತೂನಂ ತಸ್ಸಾನನ್ತರಸ್ಸ ಣ ಹೋತಿ, ಕಿಣ್ಣೋ ಕಿಣ್ಣವಾ, ಪುಣ್ಣೋ ಪುಣ್ಣವಾ, ಖೀಣೋ ಖೀಣವಾ।
೧೫೩. ತರಾದೀಹಿ ರಿಣ್ಣೋ।
ತರಾದೀಹಿ ಪರೇಸಂ ಕ್ತಕ್ತವನ್ತೂನಂ ತಸ್ಸ ರಿಣ್ಣೋ ಹೋತಿ। ತಿಣ್ಣೋ ತಿಣ್ಣವಾ, ಜಿಣ್ಣೋ ಜಿಣ್ಣವಾ, ಚಿಣ್ಣೋ ಚಿಣ್ಣವಾ।
೧೫೪. ಗೋ ಸನ್ಜಾದೀಹಿ।
ಭನ್ಜಾದೀಹಿ ಪರೇಸಂ ಕ್ತಕ್ತವನ್ತೂನಂ ತಸ್ಸಾನನ್ತರಸ್ಸ ಗ ಹೋತಿ। ಭಗ್ಗೋ ಭಗ್ಗವಾ, ಲಗ್ಗೋ ಲಗ್ಗವಾ, ನಿಮುಗ್ಗೋ ನಿಮುಗ್ಗವಾ, ಸಂವಿಗ್ಗೋ ಸಂವಿಗ್ಗವಾ।
೧೫೫. ಸುಸಾ ಖೋ।
ಸುಸಾ
೧೫೬. ಪಚಾ ಕೋ।
ಪಚಾ ಪರೇಸಂ ಕ್ತಕ್ತವನ್ತೂನಂ ತಸ್ಸ ಕೋ ಹೋತಿ। ಪಕ್ಕೋ ಪಕ್ಕವಾ।
೧೫೭. ಮುಚಾ ವಾ।
ಮುಚಾ ಪರೇಸಂ ಕ್ತಕ್ತವನ್ತೂನಂ ತಸ್ಸ ಕೋ ವಾ ಹೋತಿ। ಮುಕ್ಕೋ ಮುತ್ತೋ, ಮುಕ್ಕವಾ ಮುತ್ತವಾ। ‘ಸಕ್ಕೋ’ತಿ ಣ್ವಾದೀಸು ಸಿದ್ಧಂ, ಕ್ತಕ್ತವನ್ತೂಸು ಸತ್ತೋ, ಸತ್ತಾವಾತ್ವೇವ ಹೋತಿ।
೧೫೮. ಲೋಪೋ ವಡ್ಢಾ ಕ್ತಿಸ್ಸ।
ವಡ್ಢಾ ಪರಸ್ಸ ಕ್ತಿಸ್ಸ ತಸ್ಸ ಲೋಪೋ ಹೋತಿ। ವಡ್ಢಿ।
೧೫೯. ಕ್ವಿಸ್ಸ।
ಕ್ರಿಯತ್ಥಾ ಪರಸ್ಸ ಕ್ವಿಸ್ಸ ಲೋಪೋ ಹೋತಿ, ಅಭಿಭೂ।
೧೬೦. ಣಿಣಾಪೀನಂ ತೇಸು।
ಣಿಣಾಪೀನಂ ಲೋಪೋ ಹೋತಿ ತೇಸು ಣಿಣಾಪೀಸು। ಕಾರೇನ್ತಂ ಪಯೋಜಯತಿ ಕಾರೇತಿ ಕಾರಾಪಯತಿ।
೧೬೧. ಕ್ವಚಿ ವಿಕರಣಾನಂ।
ವಿಕರಣಾನಂ ಕ್ವಚಿ ಲೋಪೋ ಹೋತಿ। ಉದಪಾದಿ, ಹನ್ತಿ।
೧೬೨. ಮಾನಸ್ಸ ಮಸ್ಸ।
ಕ್ರಿಯತ್ಥಾ
೧೬೩. ಊಲಸ್ಸೇ।
ಞಿಲಾನಮೇ ಹೋತಿ ಕ್ವಚಿ। ಗಹೇತ್ವಾ, ಅದೇನ್ತಿ, ಕ್ವಚಿತ್ವೇವ? ವಪಿತ್ವಾ।
೧೬೪. ಪ್ಯೋ ವಾ ತ್ವಾಸ್ಸ ಸಮಾಸೇ।
ತ್ವಾಸ್ಸ ವಾ ಪ್ಯೋ ಹೋತಿ ಸಮಾಸೇ। ಪಕಾರೋ ‘‘ಪ್ಯೇ ಸಿಸ್ಸಾ’’ ತಿ ೫-೮೮ ವಿಸೇಸನತ್ಥೋ। ಅಭಿಭೂಯ, ಅಭಿಭವಿತ್ವಾ, ಸಮಾಸೇತಿ ಕಿಂ? ಪತ್ವಾ, ಕ್ವಚಾಸಮಾಸೇಪಿ ಬಹುಲಾಧಿಕಾರಾ ‘ಲತಂ ದನ್ತೇಹಿ ಛಿನ್ದಿಯ’।
೧೬೫. ತುಂಯಾನಾ।
ಕ್ತ್ವಾಸ್ಸ ವಾ ತುಂಯಾನಾ ಹೋನ್ತಿ ಸಮಾಸೇ ಕ್ವಚ್ಚಿ। ಅಭಿಹಟ್ಠುಂ ಅಭಿಹರಿತ್ವಾ, ಅನುಮೋದಿಯಾನ ಅನುಮೋದಿತ್ವಾ, ಅಸಮಾಸೇಪಿ ಬಹುಲಾಧಿ ಕಾರಾ, ದಟ್ಠುಂ ದಿಸ್ವಾ, ಏಸಮಪ್ಪವಿಸಯತಾಞಾಪನತ್ಥೋ ಯೋಗವಿಭಾಗೋ।
೧೬೬. ಹನಾ ರಚ್ಚೋ।
ಹನಸ್ಮಾ ಪರಸ್ಸ ಕ್ತ್ವಾಸ್ಸ ರಚ್ಚೋ ವಾ ಹೋತಿ ಸಮಾಸೇ। ಆಹಚ್ಚ, ಆಹನಿತ್ವಾ।
೧೬೭. ಸಾಸಾಧಿಕರಾ ಚಚರಿಚ್ಚಾ।
ಸಾಸಾಧೀಹಿ ಪರಾ ಕರಾ ಪರಸ್ಸ ಕ್ತ್ವಸ್ಸ ಚಚರಿಚ್ಚಾ ಹೋನ್ತಿ ಯಥಾಕ್ಕಮಂ। ಸಕ್ಕಚ್ಚ ಸಕ್ಕರಿತ್ವಾ, ಅಸಕ್ಕಚ್ಚ ಅಸಕ್ಕರಿತ್ವಾ, ಅಧಿಕಿಚ್ಚ ಅಧಿಕರಿತ್ವಾ।
೧೬೮. ಇತೋ ಚ್ಚೋ।
ಇಇಚ್ಚಸ್ಮಾ
೧೬೯. ದಿಸಾ ವಾನವಾ ಸ ಚ।
ದಿಸತೋ ಕ್ತ್ವಾಸ್ಸ ವಾನವಾ ಹೋನ್ತಿ ವಾ ದಿಸಸ್ಸ ಚ ಸ ಕಾರೋ ತಂಸನ್ನಿಯೋಗೇನ। ಸಸ್ಸ ಸವಿಧಾನಂ ಪರರೂಪಬಾಧನತ್ಥಂ। ದಿಸ್ವಾನ, ದಿಸ್ವಾ ಪಸ್ಸಿತ್ವಾ, ಕಥಂ ‘ನಾದಟ್ಠಾ ಪರತೋ ದೋಸ’ನ್ತಿ? ಞಾಪಕಾ ತ್ವಾಸ್ಸ ವಲೋಪೋ, ಏವಂ ‘ಲದ್ಧಾ ಧನ’ನ್ತಿ ಆದೀಸು।
೧೭೦. ಞಿ ಬ್ಯಞ್ಜನಸ್ಸ।
ಕ್ರಿಯತ್ಥಾ ಪರಸ್ಸ ಬ್ಯಞ್ಜನಾದಿಪ್ಪಚ್ಚಯಸ್ಸ ಞಿ ವಾ ಹೋತಿ। ಭುಞ್ಜಿತುಂ ಭೋತ್ತುಂ, ಬ್ಯಞ್ಜನಸ್ಸಾತಿ ಕಿಂ? ಪಾಚಕೋ।
೧೭೧. ರಾ ನಸ್ಸ ಣೋ।
ರನ್ತತೋ ಕ್ರಿಯತ್ಥಾ ಪರಸ್ಸ ಪಚ್ಚಯನಕಾರಸ್ಸ ಣೋ ಹೋತಿ। ಅರಣಂ, ಸರಣಂ।
೧೭೨. ನ ನ್ತಮಾನತ್ಯಾದೀನಂ।
ರನ್ತತೋ ಪರೇಸಂ ನ್ತಮಾನತ್ಯಾದೀನಂ ನಸ್ಸ ಣೋ ನ ಹೋತಿ, ಕರೋನ್ತೋ, ಕುರುಮಾನೋ, ಕರೋನ್ತಿ।
೧೭೩. ಗಮಯಮಿಸಾಸದಿಸಾನಂ ವಾ ಚ್ಛಙ।
ಏತೇಸಂ ವಾ ಚ್ಛಙ ಹೋತಿ ನ್ತಮಾನತ್ಯಾದೀಸು। ಗಚ್ಛನ್ತೋ ಗಚ್ಛಮಾನೋ ಗಚ್ಛತಿ, ಯಚ್ಛನ್ನೋ ಯಚ್ಛಮಾನೋ ಯಚ್ಛತಿ, ಇಚ್ಛನ್ತೋ ಇಚ್ಛಮಾನೋ ಇಚ್ಛತಿ
೧೭೪. ಜರಮರಾನಮೀಯಙ।
ಏತೇಸಮೀಯಙ ವಾ ಹೋತಿ ನ್ತಮಾನತ್ಯಾದೀಸು। ಜೀಯನ್ತೋ ಜೀರನ್ತೋ, ಜೀಯಮಾನೋ ಜೀರಮಾನೋ, ಜೀಯತಿ ಜೀರತಿ, ಮೀಯನ್ತೋ ಮರನ್ತೋ, ಮೀಯಮಾನೋ ಮರಮಾನೋ, ಮೀಯತಿ ಮರತಿ।
೧೭೫. ಠಾಪಾನಂ ತಿಟ್ಠ ಪಿವಾ।
ಠಾಪಾನಂ ತಿಟ್ಠಪಿವಾ ಹೋನ್ತಿ ನ್ತಮಾನತ್ಯಾದೀಸು। ತಿಟ್ಠನ್ತೋ, ತಿಟ್ಠಮಾನೋ, ತಿಟ್ಠತಿ, ಪಿವನ್ತೋ, ಪಿವಮಾನೋ, ಪಿವತಿ, ವಾತ್ವೇವಿ? ಠಾತಿ, ಪಾತಿ।
೧೭೬. ಗಮವದದಾನಂ ಘಮ್ಮವಜ್ಜದಜ್ಜಾ।
ಗಮಾದೀನಂ ಘಮ್ಮಾದಯೋ ವಾ ಹೋನ್ತಿ ನ್ತಮಾನತ್ಯಾದೀಸು। ಘಮ್ಮನ್ತೋ, ಗಚ್ಛನ್ತೋ, ವಜ್ಜನ್ತೋ ವದನ್ತೋ, ದಜ್ಜನ್ತೋ ದದನ್ತೋ।
೧೭೭. ಕರಸ್ಸ ಸೋಸ್ಸ ಕುಬ್ಬಕುರುಕಯಿರಾ।
ಕರಸ್ಸ ಸಓಕಾರಸ್ಸ ಕುಬ್ಬಾದಯೋ ವಾ ಹೋನ್ತಿ ನ್ತಮಾನತ್ಯಾದೀಸು। ಕುಬ್ಬನ್ತೋ ಕಯಿರನ್ತೋ ಕರೋನ್ತೋ, ಕುಬ್ಬಮಾನೋ ಕುರುಮಾನೋ ಕಯಿರಮಾನೋ, ಕರಾಣೋ, ಕುಬ್ಬತಿ ಕಯಿರತಿ ಕರೋತಿ, ಕುಬ್ಬತೇ ಕುರುತೇ, ಕಯಿರತೇ, ವವತ್ಥಿತವಿಭಾಸತ್ತಾ ವಾಧಿಕಾರಸ್ಸ ಭಿಯ್ಯೋ ಮಾನಪರಚ್ಛಕ್ಕೇಸು ಕುರು, ಕ್ವಚಿದೇವ ಪುಬ್ಬಛಕ್ಕೇ ‘ಅಗ್ಘಂ ಕುರುತು, ನೋ ಭವಂ, ಸೋಸ್ಸಾತಿ ವುತ್ತತ್ತಾ ಕತ್ತರಿಯೇವಿಮೇ।
೧೭೮. ಗಹಸ್ಸ ಘೇಪ್ಪೋ।
ಗಹಸ್ಸ
೧೭೯. ಣೋ ನಿಗ್ಗಹೀತಸ್ಸ।
ಗಹಸ್ಸ ನಿಗ್ಗಹೀತಸ್ಸ ಣೋ ಹೋತಿ। ಗಣ್ಹಿತಬ್ಬಂ, ಗಣ್ಹಿತುಂ, ಗಣ್ಹನ್ತೋ।
ಇತಿಮೋಗ್ಗಲ್ಲಾನೇ ಬ್ಯಾಕರಣೇ ವುತ್ತಿಯಂ
ಖಾದಿಕಣ್ಡೋ ಪಞ್ಚಮೋ।