೨. ನಾಮಕಪ್ಪ
ಪಠಮಕಣ್ಡ
೫೨, ೬೦. ಜಿನವಚನಯುತ್ತಂ ಹಿ।
‘‘ಜಿನವಚನಯುತ್ತಂ ಹಿ’’ ಇಚ್ಚೇತಂ ಅಧಿಕಾರತ್ಥಂ ವೇದಿತಬ್ಬಂ।
೫೩, ೬೧. ಲಿಙ್ಗಞ್ಚ ನಿಪ್ಪಜ್ಜತೇ।
ಯಥಾ ಯಥಾ ಜಿನವಚನಯುತ್ತಂ ಹಿ ಲಿಙ್ಗಂ, ತಥಾ ತಥಾ ಇಧ ಲಿಙ್ಗಞ್ಚ ನಿಪ್ಪಜ್ಜತೇ।
ತಂ ಯಥಾ? ಏಸೋ ನೋ ಸತ್ಥಾ, ಬ್ರಹ್ಮಾ ಅತ್ತಾ, ಸಖಾ, ರಾಜಾ।
೫೪, ೬೨. ತತೋ ಚ ವಿಭತ್ತಿಯೋ।
ತತೋ ಜಿನವಚನಯುತ್ತೇಹಿ ಲಿಙ್ಗೇಹಿ ವಿಭತ್ತಿಯೋ ಪರಾ ಹೋನ್ತಿ।
೫೫, ೬೩. ಸಿ ಯೋ, ಅಂ ಯೋ, ನಾ ಹಿ, ಸ ನಂ, ಸ್ಮಾ ಹಿ, ಸ ನಂ, ಸ್ಮಿಂ ಸು।
ಕಾ ಚ ಪನ ತಾಯೋ ವಿಭತ್ತಿಯೋ? ಸಿ, ಯೋ ಇತಿ ಪಠಮಾ, ಅಂ, ಯೋಇತಿ ದುತಿಯಾ, ನಾ ಹಿ ಇತಿ ತತಿಯಾ, ಸ, ನಂಇತಿ ಚತುತ್ಥೀ, ಸ್ಮಾ, ಹಿ ಇತಿ ಪಞ್ಚಮೀ, ಸ, ನಂ ಇತಿ ಛಟ್ಠೀ, ಸ್ಮಿಂ, ಸು ಇತಿ ಸತ್ತಮೀ।
ವಿಭತ್ತಿಇಚ್ಚನೇನ
೫೬, ೬೪. ತದನುಪರೋಧೇನ।
ಯಥಾ ಯಥಾ ತೇಸಂ ಜಿನವಚನಾನಂ ಅನುಪರೋಧೋ। ತಥಾ ತಥಾ ಇಧ ಲಿಙ್ಗಞ್ಚ ನಿಪ್ಪಜ್ಜತೇ।
೫೭, ೭೧. ಆಲಪನೇ ಸಿ ಗ ಸಞ್ಞೋ।
ಆಲಪನತ್ಥೇ ಸಿ ಗಸಞ್ಞೋ ಹೋತಿ।
ಭೋತಿ ಅಯ್ಯೇ, ಭೋತಿ ಕಞ್ಞೇ, ಭೋತಿ ಖರಾದಿಯೇ।
ಆಲಪನೇತಿ ಕಿಮತ್ಥಂ? ಸಾ ಅಯ್ಯಾ।
ಸೀತಿ ಕಿಮತ್ಥಂ? ಭೋತಿಯೋ ಅಯ್ಯಾಯೋ।
ಗಇಚ್ಚನೇನ ಕ್ವತ್ಥೋ? ಘತೇ ಚ।
೫೮, ೨೯. ಇವಣ್ಣುವಣ್ಣಾ ಝಲಾ।
ಇವಣ್ಣುವಣ್ಣಾಇಚ್ಚೇತೇ ಝಲಸಞ್ಞಾ ಹೋನ್ತಿ ಯಥಾಸಙ್ಖ್ಯಂ।
ಇಸಿನೋ
ಝಲಇಚ್ಚನೇನ ಕ್ವತ್ಥೋ? ಝಲತೋ ಸಸ್ಸ ನೋ ವಾ।
೫೯, ೧೮೨. ತೇ ಇತ್ಥಿಖ್ಯಾ ಪೋ।
ತೇ ಇವಣ್ಣುವಣ್ಣಾ ಯದಾ ಇತ್ಥಿಖ್ಯಾ, ತದಾ ಪಸಞ್ಞಾ ಹೋನ್ತಿ।
ರತ್ತಿಯಾ, ಇತ್ಥಿಯಾ, ಧೇನುಯಾ, ವಧುಯಾ।
ಇತ್ಥಿಖ್ಯಾತಿ ಕಿಮತ್ಥಂ? ಇಸಿನಾ, ಭಿಕ್ಖುನಾ।
ಸಇಚ್ಚನೇನ
೬೦, ೧೭೭. ಆ ಘೋ।
ಆಕಾರೋ ಯದಾ ಇತ್ಥಿಖ್ಯೋ, ತದಾ ಘಸಞ್ಞೋ ಹೋತಿ।
ಸದ್ಧಾಯ, ಕಞ್ಞಾಯ, ವೀಣಾಯ, ಗಙ್ಗಾಯ, ದಿಸಾಯ ಸಾಲಾಯ, ಮಾಲಾಯ, ತುಲಾಯ, ದೋಲಾಯ, ಪಭಾಯ, ಸೋಭಾಯ, ಪಞ್ಞಾಯ, ಕರುಣಾಯ ನಾವಾಯ, ಕಪಾಲಿಕಾಯ।
ಆತಿ ಕಿಮತ್ಥಂ? ರತ್ತಿಯಾ, ಇತ್ಥಿಯಾ।
ಇತ್ಥಿಖ್ಯೋತಿ ಕಿಮತ್ಥಂ? ಸತ್ಥಾರಾ ದೇಸಿತೋ ಅಯಂ ಧಮ್ಮೋ।
ಘಇಚ್ಚನೇನ ಕ್ವತ್ಥೋ? ಘತೋ ನಾದೀನಂ।
೬೧, ೮೬. ಸಾಗಮೋ ಸೇ।
ಸಕಾರಾಗಮೋ ಹೋತಿ ಸೇ ವಿಭತ್ತಿಮ್ಹಿ।
ಪುರಿಸಸ್ಸ, ಅಗ್ಗಿಸ್ಸ, ಇಸಿಸ್ಸ, ದಣ್ಡಿಸ್ಸ, ಭಿಕ್ಖುಸ್ಸ, ಸಯಮ್ಭುಸ್ಸ, ಅಭಿಭುಸ್ಸ।
ಸೇತಿ ಕಿಮತ್ತಂ? ಪುರಿಸಸ್ಮಿಂ।
೬೨, ೨೦೬. ಸಂಸಾಸ್ವೇಕವಚನೇಸು ಚ।
ಸಂಸಾಸು ಏಕವಚನೇಸು ವಿಭತ್ತಾದೇಸೇಸು ಸಕಾರಾಗಮೋ ಹೋತಿ।
ಏತಿಸ್ಸಂ, ಏತಿಸ್ಸಾ ಇಮಿಸ್ಸಂ, ಇಮಿಸ್ಸಾ, ತಿಸ್ಸಂ, ತಿಸ್ಸಾ,
ತಸ್ಸಂ ತಸ್ಸಾ, ಯಸ್ಸಂ, ಯಸ್ಸಾ, ಅಮುಸ್ಸಂ, ಅಮುಸ್ಸಾ।
ಸಂಸಾಸ್ವೀತಿ ಕಿಮತ್ಥಂ? ಅಗ್ಗಿನಾ, ಪಾಣಿನಾ।
ಏಕವಚನೇಸ್ವೀತಿ ಕಿಮತ್ಥಂ? ತಾಸಂ, ಸಬ್ಬಾಸಂ।
ವಿಭತ್ತಾದೇಸೇಸ್ವೀತಿ ಕಿಮತ್ಥಂ? ಮನಸಾ, ವಚಸಾ, ಥಾಮಸಾ।
೬೩, ೨೧೭. ಏತಿಮಾಸಮಿ।
ಏತಾಇಮಾಇಚ್ಚೇತೇಸಮನ್ತೋ ಸರೋ ಇಕಾರೋ ಹೋತಿ ಸಂಸಾಸು ಏಕವಚನೇಸು ವಿಭತ್ತಾದೇಸೇಸು।
ಏತಿಸ್ಸಂ, ಏತಿಸ್ಸಾ, ಇಮಿಸ್ಸಂ, ಇಮಿಸ್ಸಾ।
ಸಂಸಾಸ್ವೀತಿ
ಏಕವಚನೇಸ್ವೀತಿ ಕಿಮತ್ಥಂ? ಏತಾಸಂ, ಇಮಾಸಂ।
೬೪, ೨೧೬. ತಸ್ಸಾ ವಾ।
ತಸ್ಸಾ ಇತ್ಥಿಯಂ ವತ್ತಮಾನಸ್ಸ ಅನ್ತಸ್ಸ ಆಕಾರಸ್ಸ ಇಕಾರೋ ಹೋತಿ ವಾ ಸಂಸಾಸು ಏಕವಚನೇಸು ವಿಭತ್ತಾದೇಸೇಸು।
ತಿಸ್ಸಂ, ತಿಸ್ಸಾ, ತಸ್ಸಂ, ತಸ್ಸಾ।
೬೫, ೨೧೫. ತತೋ ಸಸ್ಸ ಸ್ಸಾಯ।
ತತೋ ತಾ ಏತಾ ಇಮಾತೋ ಸಸ್ಸ ವಿಭತ್ತಿಸ್ಸ ಸ್ಸಾಯಾದೇಸೋ ಹೋತಿ ವಾ।
ತಿಸ್ಸಾಯ, ಏತಿಸ್ಸಾಯ, ಇಮಿಸ್ಸಾಯ।
ವಾತಿ ಕಿಮತ್ಥಂ? ತಿಸ್ಸಾ, ಏತಿಸ್ಸಾ, ಇಮಿಸ್ಸಾ।
೬೬, ೨೦೫. ಘೋ ರಸ್ಸಂ।
ಘೋ ರಸ್ಸಮಾಪಜ್ಜತೇ ಸಂಸಾಸು ಏಕವಚನೇಸು ವಿಭತ್ತಾದೇಸೇಸು।
ತಸ್ಸಂ, ತಸ್ಸಾ, ಯಸ್ಸಂ, ಯಸ್ಸಾ, ಸಬ್ಬಸ್ಸಂ, ಸಬ್ಬಸ್ಸಾ।
ಸಂಸಾಸ್ವೀತಿ ಕಿಮತ್ಥಂ? ತಾಯ, ಸಬ್ಬಾಯ।
ಏಕವಚನೇಸ್ವೀತಿ ಕಿಮತ್ಥಂ? ತಾಸಂ, ಸಬ್ಬಾಸಂ।
೬೭, ೨೨೯. ನೋ ಚ ದ್ವಾದಿತೋ ನಂಮ್ಹಿ।
ದ್ವಿಇಚ್ಚೇವಮಾದಿತೋ ಸಙ್ಖ್ಯಾತೋ ನಕಾರಾಗಮೋ ಹೋತಿ ನಂಮ್ಹಿ ವಿಭತ್ತಿಮ್ಹಿ।
ದ್ವಿನ್ನಂ, ತಿನ್ನಂ, ಚತುನ್ನಂ, ಪಞ್ಚನ್ನಂ, ಛನ್ನಂ, ಸತ್ತನ್ನಂ, ಅಟ್ಠನ್ನಂ, ನವನ್ನಂ, ದಸನ್ನಂ।
ದ್ವಾದಿತೋತಿ ಕಿಮತ್ಥಂ? ಸಹಸ್ಸಾನಂ।
ನಂಮ್ಹೀತಿ ಕಿಮತ್ಥಂ? ದ್ವೀಸು, ತೀಸು।
ಚಗ್ಗಹಣೇನಸ್ಸಞ್ಚಾಗಮೋ ಹೋತಿ। ಚತಸ್ಸನ್ನಂ ಇತ್ಥೀನಂ ತಿಸ್ಸನ್ನಂ ವೇದನಾನಂ।
೬೮, ೧೮೪. ಅಮಾ ಪತೋ ಸ್ಮಿಂಸ್ಮಾನಂ ವಾ।
ಪಇಚ್ಚೇತಸ್ಮಾ ಸ್ಮಿಂಸ್ಮಾಇಚ್ಚೇತೇಸಂ ಅಂಆಆದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ।
ಮತ್ಯಂ, ಮತಿಯಂ, ಮತ್ಯಾ, ಮತಿಯಾ, ನಿಕತ್ಯಂ। ನಿಕತಿಯಂ, ನಿಕತ್ಯಾ, ನಿಕತಿಯಾ, ವಿಕತ್ಯಂ, ವಿಕತಿಯಂ, ವಿಕತ್ಯಾ, ವಿಕತಿಯಾ, ವಿರತ್ಯಂ, ವಿರತಿಯಂ, ವಿರತ್ಯಾ, ವಿರತಿಯಾ, ರತ್ಯಂ, ರತಿಯಂ, ರತ್ಯಾ, ರತಿಯಾ, ಪುಥಬ್ಯಂ, ಪುಥವಿಯಂ, ಪುಥಬ್ಯಾ, ಪುಥವಿಯಾ, ಪವತ್ಯಂ, ಪವತ್ಯಾ, ಪವತ್ತಿಯಂ, ಪವತ್ತಿಯಾ।
೬೯, ೧೮೬. ಆದಿತೋ ಓ ಚ।
ಆದಿಇಚ್ಚೇತಸ್ಮಾ ಸ್ಮಿಂವಚನಸ್ಸ ಅಂಓಆದೇಸಾ ಹೋನ್ತಿ ವಾ।
ಆದೀಂ
ವಾತಿ ಕಿಮತ್ಥಂ? ಆದಿಸ್ಮಿಂ, ಆದಿಮ್ಹಿ ನಾಥಂ ನಮಸ್ಸಿತ್ವಾನ,
ಚಗ್ಗಹಣೇನ ಅಞ್ಞಸ್ಮಾಪಿ ಸ್ಮಿಂ ವಚನಸ್ಸ ಆ ಓ ಅಂಆದೇಸಾ ಹೋನ್ತಿ। ದಿವಾ ಚ ರತ್ತೋ ಚ ಹರನ್ತಿ ಯೇ ಬಲಿ। ಬಾರಾಣಸಿಂ ಅಹು ರಾಜಾ।
೭೦, ೩೦. ಝಲಾನಮಿಯುವಾ ಸರೇ ವಾ।
ಝಲಇಚ್ಚೇತೇಸಂ ಇಯ ಉವಇಚ್ಚೇತೇ ಆದೇಸಾ ಹೋನ್ತಿ ವಾ ಸರೇ ಪರೇ ಯಥಾಸಙ್ಖ್ಯಂ।
ತಿಯನ್ತಂ ಪಚ್ಛಿಯಾಗಾರೇ, ಅಗ್ಗಿಯಾಗಾರೇ, ಭಿಕ್ಖುವಾಸನೇ ನಿಸೀದತಿ, ವುಥುವಾಸನೇ ನಿಸೀದತಿ।
ಸರೇತಿ ಕಿಮತ್ಥಂ? ತಿಮಲಂ, ತಿಫಲಂ, ತಿಚತುಕ್ಕಂ, ತಿದಣ್ಡಂ, ತಿಲೋಕಂ, ತಿನಯನಂ, ತಿಪಾಸಂ, ತಿಹಂಸಂ, ತಿಭವಂ, ತಿಖನ್ಧಂ, ತಿಪಿಟಕಂ, ತಿವೇದನಂ, ಚತುದ್ದಿಸಂ, ಪುಥುಭೂತಂ।
ವಾತಿ ಕಿಮತ್ಥಂ? ಪಞ್ಚಹಙ್ಗೇಹಿ ತೀಹಾಕಾರೇಹಿ। ಚಕ್ಖಾಯತನಂ।
ವಾತಿ ವಿಕಪ್ಪನತ್ಥಂ, ಇಕಾರಸ್ಸ ಅಯಾದೇಸೋ ಹೋತಿ, ವತ್ಥುತ್ತಯಂ।
೭೧, ೫೦೫. ಯವಕಾರಾ ಚ।
ಝಲಾನಂ ಯಕಾರ ವಕಾರಾದೇಸಾ ಹೋನ್ತಿ ಸರೇ ಪರೇ ಯಥಾಸಙ್ಖ್ಯಂ।
ಅಗ್ಯಾಗಾರಂ
ಚಗ್ಗಹಣಂ ಸಮ್ಪಿಣ್ಡನತ್ಥಂ।
೭೨, ೧೮೫. ಪಸಞ್ಞಸ್ಸ ಚ।
ಪಸಞ್ಞಸ್ಸ ಚ ಇವಣ್ಣಸ್ಸ ವಿಭತ್ತಾದೇಸೇ ಸರೇ ಪರೇ ಯಕಾರಾದೇಸೋ ಹೋತಿ।
ಪುಥಬ್ಯಾ, ರತ್ಯಾ, ಮತ್ಯಾ।
ಸರೇತಿ ಕಿಮತ್ಥಂ? ಪುಥವಿಯಂ।
೭೩, ೧೭೪. ಗಾವ ಸೇ।
ಗೋಇಚ್ಚೇತಸ್ಸ ಓಕಾರಸ್ಸ ಆವಾದೇಸೋ ಹೋತಿ ಸೇ ವಿಭತ್ತಿಮ್ಹಿ।
ಗಾವಸ್ಸ।
೭೪, ೧೬೯. ಯೋಸು ಚ।
ಗೋಇಚ್ಚೇತಸ್ಸ ಓಕಾರಸ್ಸ ಆವಾದೇಸೋ ಹೋತಿ ಯೋಇಚ್ಚೇತೇಸು ಪರೇಸು।
ಗಾವೋ ಗಚ್ಛನ್ತಿ, ಗಾವೋ ಪಸ್ಸನ್ತಿ, ಗಾವೀ ಗಚ್ಛನ್ತಿ, ಗಾವೀ ಪಸ್ಸನ್ತಿ।
ಚಗ್ಗಹಣಂ ಕಿಮತ್ಥಂ? ನಾಸ್ಮಾಸ್ಮಿಂಸು ವಚನೇಸು ಆವಾ ದೇಸೋ ಹೋತಿ।
ಗಾವೇನ, ಗಾವಾ, ಗಾವೇ, ಗಾವೇಸು।
೭೫, ೧೭೦. ಅವಮ್ಹಿ ಚ।
ಗೋಇಚ್ಚೇತಸ್ಸ ಓಕಾರಸ್ಸ ಆವಅವಇಚ್ಚೇತೇ ಆದೇಸಾ ಹೋನ್ತಿ ಅಂಮ್ಹಿ ವಿಭತ್ತಿಮ್ಹಿ।
ಗಾವಂ, ಗವಂ।
ಚಗ್ಗಹಣೇನ ಸಾದಿಸೇಸೇಸು ಪುಬ್ಬುತ್ತವಚನೇಸು ಗೋಇಚ್ಚೇತಸ್ಸ ಓಕಾರಸ್ಸ ಅವಾದೇಸೋ ಹೋತಿ।
ಗವಸ್ಸ, ಗವೋ, ಗವೇನ, ಗವಾ, ಗವೇ, ಗವೇಸು।
೭೬, ೧೭೧. ಆವಸ್ಸು ವಾ।
ಆವಇಚ್ಚೇತಸ್ಸ ಗಾವಾದೇಸಸ್ಸ ಅನ್ತ ಸರಸ್ಸ ಉಕಾರಾದೇಸೋ ಹೋತಿ ವಾ ಅಂಮ್ಹಿ ವಿಭತ್ತಿಮ್ಹಿ।
ಗಾವುಂ, ಗಾವಂ।
ಆವಸ್ಸೇತಿ ಕಿಮತ್ಥಂ? ಗಾವೋ ತಿಟ್ಠನ್ತಿ।
೭೭, ೧೭೫. ತತೋ ನಮಂ ಪತಿಮ್ಹಾ ಲುತ್ತೇ ಚ ಸಮಾಸೇ।
ತತೋ ಗೋಸದ್ದತೋ ನಂವಚನಸ್ಸ ಅಂಆದೇಸೋ ಹೋತಿ, ಗೋಇಚ್ಚೇತಸ್ಸ ಓಕಾರಸ್ಸ ಅವಾದೇಸೋ ಹೋತಿ ಪತಿಮ್ಹಿ ಪರೇ ಅಲುತ್ತೇ ಚ ಸಮಾಸೇ।
ಗವಪತಿ।
ಅಲುತ್ತೇತಿ
ಚಗ್ಗಹಣೇನ ಅಸಮಾಸೇಪಿ ನಂವಚನಸ್ಸ ಅಂಆದೇಸೋ ಹೋತಿ, ಗೋಇಚ್ಚೇತಸ್ಸ ಓಕಾರಸ್ಸ ಅವಾದೇಸೋ ಹೋತಿ।
ಗವಂ।
೭೮, ೩. ಓಸರೇ ಚ।
ಗೋಇಚ್ಚೇತಸ್ಸ ಓಕಾರಸ್ಸ ಅವಾದೇಸೋ ಹೋತಿ ಸಮಾಸೇ ಚ ಸರೇ ಪರೇ।
ಗವಸ್ಸಕಂ, ಗವೇಳಕಂ, ಗವಾಜಿನಂ।
ಚಗ್ಗಹಣೇನ ಉವಣ್ಣಇಚ್ಚೇವಮನ್ತಾನಂ ಲಿಙ್ಗಾನಂ ಉವಅವಉರಾದೇಸಾ ಹೋನ್ತಿ ಸ್ಮಿಂಯೋಇಚ್ಚೇತೇಸು ಕ್ವಚಿ।
ಭುವಿ, ಪಸವೋ, ಗುರವೋ, ಚತುರೋ।
ಸರೇತಿ ಕಿಮತ್ಥಂ? ಗೋಧನೋ, ಗೋವಿನ್ದೋ।
೭೯, ೪೬. ತಬ್ಬಿಪರೀತೂಪಪದೇ ಬ್ಯಞ್ಜನೇ ಚ।
ತಸ್ಸ ಅವಸದ್ದಸ್ಸ ಯದಾ ಉಪಪದೇ ತಿಟ್ಠಮಾನಸ್ಸ ತಸ್ಸ ಓಕಾರಸ್ಸ ವಿಪರೀತೋ ಹೋತಿ ಬ್ಯಞ್ಜನೇ ಪರೇ।
ಉಗ್ಗತೇ ಸೂರಿಯೇ, ಉಗ್ಗಚ್ಛತಿ, ಉಗ್ಗಹೇತ್ವಾ।
ಚಗ್ಗಹಣಮವಧಾರಣತ್ಥಂ। ಅವಸಾನೇ, ಅವಕಿರಣೇ, ಅವಕಿರತಿ।
೮೦, ೧೭೩. ಗೋಣ ನಂಮ್ಹಿ ವಾ।
ಸಬ್ಬಸ್ಸೇವ ಗೋಸದ್ದಸ್ಸ ಗೋಣಾದೇಸೋ ಹೋತಿ ವಾ ನಂಮ್ಹಿ ವಿಭತ್ತಿಮ್ಹಿ।
ಗೋಣಾನಂ ಸತ್ತನ್ನಂ।
ವಾತಿ ಕಿಮತ್ಥಂ?
ಗೋನಞ್ಚೇ ತರಮಾನಾನಂ, ಉಜುಂ ಗಚ್ಛತಿ ಪುಙ್ಗವೋ।
ಸಬ್ಬಾ ಗಾವೀ ಉಜುಂ ಯನ್ತಿ, ನೇತ್ತೇ ಉಜುಂ ಗತೇ ಸತಿ।
ಯೋಗವಿಭಾಗೇನ ಅಞ್ಞತ್ರಾಪಿ ಗೋಣಾದೇಸೋ ಹೋತಿ। ಗೋಣಭೂತಾನಂ।
೮೧, ೧೭೨. ಸುಹಿನಾಸು ಚ।
ಸುಹಿನಾಇಚ್ಚೇತೇಸು ಸಬ್ಬಸ್ಸ ಗೋಸದ್ದಸ್ಸ ಗೋಣಾದೇಸೋ ಹೋತಿ ವಾ।
ಗೋಣೇಸು, ಗೋಣೇಹಿ, ಗೋಣೇಭಿ, ಗೋಣೇನ।
ವಾತಿ ಕಿಮತ್ಥಂ? ಗೋಸು, ಗೋಹಿ, ಗೋಭಿ, ಗವೇನ।
ಚಗ್ಗಹಣೇನ ಸ್ಯಾದಿಸೇಸೇಸು ಪುಬ್ಬುತ್ತರವಚನೇಸುಪಿ ಗೋಣ ಗು ಗವಯಾದೇಸಾ ಹೋನ್ತಿ। ಗೋಣೋ, ಗೋಣಾ, ಗೋಣಂ, ಗೋಣೇ, ಗೋಣಸ್ಸ, ಗೋಣಮ್ಹಾ। ಗೋಣಮ್ಹಿ, ಗುನ್ನಂ, ಗವಯೇಹಿ, ಗವಯೇಭಿ।
೮೨, ೧೪೯. ಅಂಮೋ ನಿಗ್ಗಹಿತಂ ಝಲಪೇಹಿ।
ಅಂವಚನಸ್ಸ ಮಕಾರಸ್ಸ ಚ ಝಲಪಇಚ್ಚೇತೇಹಿ ನಿಗ್ಗಹಿತಂ ಹೋತಿ
ಅಗ್ಗಿಂ, ಇಸಿಂ, ಗಹಪತಿಂ, ದಣ್ಡಿಂ, ಮಹೇಸಿಂ, ಭಿಕ್ಖುಂ, ಪಟುಂ, ಸಯಮ್ಭುಂ, ಅಭಿಭುಂ, ರತ್ತಿಂ, ಇತ್ಥಿಂ, ವಧುಂ, ಪುಲ್ಲಿಙ್ಗಂ, ಪುಮ್ಭಾವೋ, ಪುಙ್ಕೋಕಿಲೋ।
ಅಂಮೋತಿ ಕಿಮತ್ಥಂ? ಅಗ್ಗಿನಾ, ಪಾಣಿನಾ, ಭಿಕ್ಖುನಾ, ರತ್ತಿಯಾ, ಇತ್ಥಿಯಾ, ವಧುಯಾ।
ಝಲಪೇಹೀತಿ ಕಿಮತ್ಥಂ? ಸುಖಂ, ದುಕ್ಖಂ।
ಪುನಾರಮ್ಭ ಹಣಂ ವಿಭಾಸಾನಿವತ್ತನತ್ಥಂ। ಅಗ್ಗಿಂ, ಪಟುಂ, ಬುದ್ಧಿಂ, ವಧುಂ।
೮೩, ೬೭. ಸರಲೋಪೋ’ ಮಾದೇಸ ಪಚ್ಚಯಾದಿಮ್ಹಿ ಸರಲೋಪೇ ತು ಪಕತಿ।
ಸರಲೋಪೋ ಹೋತಿ ಅಮಾದೇಸಪಚ್ಚಯಾದಿಮ್ಹಿ ಸರ ಲೋಪೇ ತು ಪಕತಿ ಹೋತಿ।
ಪುರಿಸಂ, ಪುರಿಸೇ, ಪಾಪಂ, ಪಾಪೇ, ಪಾಪಿಯೋ, ಪಾಪಿಟ್ಠೋ।
ಅಮಾದೇಸಪಚ್ಚಯಾದಿಮ್ಹೀತಿ ಕಿ ತ್ಥಂ? ಅಪ್ಪಮಾದೋ ಅಮತಂ ಪದಂ।
ಸರಲೋಪೇತಿ ಕಿಮತ್ಥಂ? ಪುರಿಸಸ್ಸ, ದಣ್ಡಿನಂ।
ತುಗ್ಗಹಣಮವಧಾರಣತ್ಥಂ। ಭಿಕ್ಖುನೀ, ಗಹಪತಾನೀ।
ಪಕತಿಗ್ಗಹಣಸಾಮತ್ಥೇನ
೮೪, ೧೪೪. ಅಘೋರಸ್ಸಮೇಕವಚನಯೋಸ್ವಪಿ ಚ।
ಅಘೋ ಸರೋ ರಸ್ಸಮಾಪಜ್ಜತೇ ಏಕವಚನಯೋಇಚ್ಚೇತೇಸು।
ಇತ್ಥಿಂ, ಇತ್ಥಿಯೋ, ಇತ್ಥಿಯಾ। ವಧುಂ, ವಧುಯೋ, ವಧುಯಾ। ದಣ್ಡಿಂ, ದಣ್ಡಿನೋ, ದಣ್ಡಿನಾ। ಸಯಮ್ಭುಂ, ಸಯಮ್ಭುವೋ, ಸಯಮ್ಭುನಾ।
ಅಘೋತಿ ಕಿಮತ್ಥಂ? ಕಞ್ಞಂ, ಕಞ್ಞಾಯೋ, ಕಞ್ಞಾಯ।
ಏಕವಚನಯೋಸ್ವೀತಿ ಕಿಮತ್ಥಂ? ಇತ್ಥೀಹಿ, ಸಯಮ್ಭೂಹಿ।
ಚಗ್ಗಹಣಮವಧಾರಣತ್ಥಂ। ನದಿಂ, ನದಿಯೋ, ನದಿಯಾ।
ಅಪಿಗ್ಗಹಣೇನ ನ ರಸ್ಸಮಾಪಜ್ಜತೇ। ಇತ್ಥೀ, ಭಿಕ್ಖುನೀ।
೮೫, ೧೫೦. ನ ಸಿಸ್ಮಿಮನಪುಂಸಕಾನಿ।
ಸಿಸ್ಮಿಂ ಅನಪುಂಸಕಾನಿ ಲಿಙ್ಗಾನಿ ನ ರಸ್ಸಮಾಪಜ್ಜನ್ತೇ। ಇತ್ಥೀ, ಭಿಕ್ಖುನೀ, ವಧೂ, ದಣ್ಡೀ, ಸಯಮ್ಭೂ।
ಸಿಸ್ಮಿಂನ್ತಿ ಕಿಮತ್ಥಂ? ಭೋತಿ ಇತ್ಥಿ, ಭೋತಿ ವಧು, ಭೋ ದಣ್ಡಿ, ಭೋ ಸಯಮ್ಭು।
ಅನಪುಂಸಕಾನೀತಿ
೮೬, ೨೨೭. ಉಭಾದಿತೋ ನಮಿನ್ನಂ।
ಉಭಇಚ್ಚೇವಮಾದಿತೋ ಸಙ್ಖ್ಯಾತೋ ನಂವಚನಸ್ಸ ಇನ್ನಂ ಹೋತಿ।
ಉಭಿನ್ನಂ, ದುವಿನ್ನಂ।
ಉಭಾದಿತೋತಿ ಕಿಮತ್ಥಂ? ಉಭಯೇಸಂ।
೮೭, ೨೩೧. ಇಣ್ಣಮಿಣ್ಣನ್ನಂ ತೀಹಿ ಸಙ್ಖ್ಯಾಹಿ।
ನಂವಚನಸ್ಸ ಇಣ್ಣಂ ಇಣ್ಣನ್ನಂ ಇಚ್ಚೇತೇ ಆದೇಸಾ ಹೋನ್ತಿ ತೀಹಿ ಸಙ್ಖ್ಯಾಹಿ।
ತಿಣ್ಣಂ, ತಿಣ್ಣನ್ನಂ।
ತೀಹೀತಿ ಕಿಮತ್ಥಂ? ದ್ವಿನ್ನಂ।
೮೮, ೧೪೭. ಯೋಸು ಕತನಿಕಾರಲೋಪೇಸು ದೀಘಂ।
ಸಬ್ಬೇ ಸರಾ ಯೋಸು ಕತನಿಕಾರಲೋಪೇಸು ದೀಘಮಾಪಜ್ಜನ್ತೇ।
ಅಗ್ಗೀ, ಭಿಕ್ಖೂ, ರತ್ತೀ, ಯಾಗೂ, ಅಟ್ಠೀ, ಅಟ್ಠೀನಿ, ಆಯೂ, ಆಯೂನಿ, ಸಬ್ಬಾನಿ, ಯಾನಿ, ತಾನಿ, ಕಾನಿ, ಕತಮಾನಿ, ಏತಾನಿ, ಅಪೂನಿ, ಇಮಾನಿ।
ಯೋಸ್ವೀತಿ
ಕತನಿಕಾರಲೋಪೇಸ್ವೀತಿ ಕಿಮತ್ಥಂ? ಇತ್ಥಿಯೋ, ವಧುಯೋ, ಸಯಮ್ಭುವೋ।
ಪುನಾರಮ್ಭಗ್ಗಹಣಂ ಕಿಮತ್ಥಂ? ನಿಚ್ಚದೀಪನತ್ಥಂ। ಅಗ್ಗೀ, ಭಿಕ್ಖೂ, ರತ್ತೀ, ಯಾನಿ, ತಾನಿ, ಕತಮಾನಿ।
೮೯, ೮೭. ಸುನಂಹಿಸು ಚ।
ಸುನಂಹಿಇಚ್ಚೇತೇಸು ಸಬ್ಬೇ ಸರಾ ದೀಘಮಾಪಜ್ಜನ್ತೇ।
ಅಗ್ಗೀಸು, ಅಗ್ಗೀನಂ, ಅಗ್ಗೀಹಿ, ರತ್ತೀಸು, ರತ್ತೀನಂ, ರತ್ತೀಹಿ। ಭಿಕ್ಖೂಸು, ಭಿಕ್ಖೂನಂ, ಭಿಕ್ಖೂಹಿ। ಪುರಿಸಾನಂ।
ಏತೇಸ್ವೀತೀ ಕಿಮತ್ಥಂ? ಅಗ್ಗಿನಾ, ಪಾಣಿನಾ, ದಣ್ಡಿನಾ।
ಚಗ್ಗಹಣಮವಧಾರಣತ್ಥಂ। ಸುಖೇತ್ತೇಸು ಬ್ರಹ್ಮಚಾರಿಸು, ಧಮ್ಮಮಕ್ಖಾಸಿ ಭಗವಾ ಭಿಕ್ಖುನಂ ದತ್ವಾ ಸಕೇಹಿ ಪಾಣಿಭಿ।
೯೦, ೨೫೨. ಪಞ್ಚಾದೀನಮತ್ತಂ।
ಪಞ್ಚಾದೀನಂ ಸಙ್ಖ್ಯಾನಂ ಅನ್ತೋ ಅತ್ತಮಾಪಜ್ಜತೇ ಸುನಂಹಿಇಚ್ಚೇತೇಸು।
ಪಞ್ಚಸು, ಪಞ್ಚನ್ನಂ, ಪಞ್ಚಹಿ, ಛಸು, ಛನ್ನಂ, ಛಹಿ, ಸತ್ತಸು, ಸತ್ತನ್ನಂ, ಸತ್ತಹಿ, ಅಟ್ಠಸು, ಅಟ್ಠನ್ನಂ, ಅಟ್ಠಹಿ, ನವಸು, ನವನ್ನಂ, ನವಹಿ, ದಸಸು, ದಸನ್ನಂ, ದಸಹಿ।
ಪಞ್ಚಾದೀನಮೀತಿ ಕಿಮತ್ಥಂ? ದ್ವೀಸು, ದ್ವಿನ್ನಂ, ದ್ವೀಹಿ।
ಅತ್ತಮಿತಿಭಾವನಿದ್ದೇಸೋ ಉಕಾರೋ ಅತ್ತಮಾಪಜ್ಜತೇ। ಚತಸ್ಸನ್ನಂ ಇತ್ಥೀನಂ। ತಿಸ್ಸನ್ನಂ ವೇದನಾನಂ।
೯೧, ೧೯೪. ಪತಿಸ್ಸಿನೀಮ್ಹಿ।
ಪತಿಸ್ಸನ್ತೋ ಅತ್ತಮಾಪಜ್ಜತೇ ಇನೀಮ್ಹಿ ಪಚ್ಚಯೇ ಪರೇ।
ಗಹಪತಾನೀ।
ಇನೀಮ್ಹೀತಿ ಕಿಮತ್ಥಂ? ಗಹಪತಿ।
೯೨, ೧೦೦. ನ್ತುಸ್ಸನ್ತೋ ಯೋಸುಚ।
ನ್ತುಪಚ್ಚಯಸ್ಸ ಅನ್ತೋ ಅತ್ತಮಾಪಜ್ಜತೇ ಸುನಂಹಿಯೋಇಚ್ಚೇತೇಸು ಪರೇಸು।
ಗುಣವನ್ತೇಸು, ಗುಣವನ್ತಾನಂ, ಗುಣವನ್ತೇಹಿ, ಗುಣವನ್ತಾ, ಗುಣವನ್ತೇ।
ನ್ತುಸ್ಸೇತಿ ಕಿಮತ್ಥಂ? ಇಸೀನಂ।
ಏತೇಸ್ವೀತಿ ಕಿಮತ್ಥಂ? ಗುಣವಾ।
ಚಗ್ಗಹಣೇನ ಅಞ್ಞೇಸು ವಚನೇಸು ಅತ್ತಞ್ಚ ಹೋತಿ। ಗುಣವನ್ತಸ್ಮಿಂ, ಗುಣವನ್ತೇನ।
ಅನ್ತಗ್ಗಹಣೇನ ನ್ತುಪಚ್ಚಯಸ್ಸ ಅನ್ತೋ ಅತ್ತಮಾಪಜ್ಜತೇ, ಯೋನಞ್ಚ ಇಕಾರೋ ಹೋತಿ। ಗುಣವನ್ತಿ।
೯೩, ೧೦೬. ಸಬ್ಬಸ್ಸ ವಾ ಅಂಸೇಸು।
ಸಬ್ಬಸ್ಸೇವ ನ್ತುಪಚ್ಚಯಸ್ಸ ಅತ್ತಂ ಹೋತಿ ವಾ ಅಂಸಇಚ್ಚೇತೇಸು।
ಸತಿಮಂ ಭಿಕ್ಖು, ಸತಿಮನ್ತಂ ಭಿಕ್ಖುಂ ವಾ, ಬನ್ಧುಮಂ ರಾಜಾನಂ, ಬನ್ಧುಮನ್ತಂ ರಾಜಾನಂ ವಾ, ಸತಿಮಸ್ಸ ಭಿಕ್ಖುನೋ, ಸತಿಮತೋ ಭಿಕ್ಖುನೋ ವಾ, ಬನ್ಧುಮಸ್ಸ ರಞ್ಞೋ ಸುಙ್ಕಂ, ಬನ್ಧುಮತೋ ರಞ್ಞೋ ವಾ ಸುಙ್ಕಂ ದೇತಿ।
ಏತೇಸ್ವೀತಿ ಕಿಮತ್ಥಂ? ಸತಿಮಾ ಭಿಕ್ಖು, ಬನ್ಧುಮಾ ರಾಜಾ।
೯೪, ೧೦೫. ಸಿಮ್ಹಿ ವಾ।
ನ್ತುಪಚ್ಚಯಸ್ಸ ಅನ್ತಸ್ಸ ಅತ್ತಂ ಹೋತಿ ವಾ ಸಿಮ್ಹಿ ವಿಭತ್ತಿಮ್ಹಿ।
ಹಿಮವನ್ತೋ ಪಬ್ಬತೋ।
ವಾತಿ ಕಿಮತ್ಥಂ? ಹಿಮವಾ ಪಬ್ಬತೋ।
೯೫, ೧೪೫. ಅಗ್ಗಿಸ್ಸಿನಿ
ಅಗ್ಗಿಸ್ಸನ್ತಸ್ಸ ಇನಿ ಹೋತಿ ವಾ ಸಿಮ್ಹಿ ವಿಭತ್ತಿಮ್ಹಿ।
ಪುರತೋ ಅಗ್ಗಿನಿ, ಪಚ್ಛತೋ ಅಗ್ಗಿನಿ, ದಕ್ಖಿಣತೋ ಅಗ್ಗಿನಿ, ವಾಮತೋ ಅಗ್ಗಿನಿ।
ವಾತಿ ಕಿಮತ್ಥಂ? ಅಗ್ಗಿ।
೯೬, ೧೪೮. ಯೋಸ್ವಕತರಸ್ಸೋ ಝೋ।
ಯೋಸು ಅಕತರಸ್ಸೋ ಝೋ ಅತ್ತಮಾಪಜ್ಜತೇ।
ಅಗ್ಗಯೋ ಮುನಯೋ, ಇಸಯೋ, ಗಹಪತಯೋ।
ಯೋಸ್ವೀತಿ ಕಿಮತ್ಥಂ? ಅಗ್ಗೀಸು।
ಅಕತರಸ್ಸೋತಿ ಕಿಮತ್ಥಂ? ದಣ್ಡಿನೋ।
ಝೋತಿ ಕಿಮತ್ಥಂ? ರತ್ತಿಯೋ।
೯೭, ೧೫೬. ವೇವೋಸು ಲೋ ಚ।
ವೇವೋಇಚ್ಚೇತೇಸು ಅಕತರಸ್ಸೋ ಲೋ ಅತ್ತಮಾಪಜ್ಜತೇ।
ಭಿಕ್ಖವೇ, ಭಿಕ್ಖವೋ, ಹೇತವೇ, ಹೇತವೋ।
ಅಕತರಸ್ಸೋತಿ ಕಿಮತ್ಥಂ? ಸಯಮ್ಭುವೋ, ವೇಸ್ಸಭುವೋ, ಪರಾಭಿಭುವೋ।
ವೇವೋಸ್ವೀತಿ ಕಿಮತ್ಥಂ? ಹೇತುನಾ, ಕೇತುನಾ, ಸೇತುನಾ।
ಚಗ್ಗಹಣಮನುಕಡ್ಢನತ್ಥಂ।
೯೮, ೧೮೬. ಮಾತುಲಾದೀನಮಾನತ್ತಮೀಕಾರೇ।
ಮಾತುಲಇಚ್ಚೇವಮಾದೀನಂ ಅನ್ತೋ ಆನತ್ತಮಾಪಜ್ಜತೇ ಈಕಾರೇ ಪಚ್ಚಯೇ ಪರೇ।
ಮಾತುಲಾನೀ
ಈಕಾರೇತಿ ಕಿಮತ್ಥಂ? ಭಿಕ್ಖುನೀ, ರಾಜಿನೀ, ಜಾಲಿನೀ, ಗಹಪತಾನೀ।
ಆನತ್ತಗ್ಗಹಣೇನ ನದೀಇಚ್ಚೇತಸ್ಸ ದೀಸದ್ದಸ್ಸ ಜ್ಜೋಜ್ಜಾ ಆದೇಸಾ ಹೋನ್ತಿ ಸಹ ವಿಭತ್ತಿಯಾ ಯೋನಾಸಇಚ್ಚೇತೇಸು। ನಜ್ಜೋ ಸನ್ದನ್ತಿ, ನಜ್ಜಾ ಕತಂ ತರಙ್ಗಂ, ನಜ್ಜಾ ನೇರಞ್ಜರಾಯ ತೀರೇ।
೯೯, ೮೧. ಸ್ಮಾಹಿಸ್ಮಿಂನಂಮ್ಹಾಭಿಮ್ಹಿವಾ।
ಸಬ್ಬತೋ ಲಿಙ್ಗತೋ ಸ್ಮಾಹಿಸ್ಮಿಂ ಇಚ್ಚೇತೇಸಂ ಮ್ಹಾಭಿಮ್ಹಿಇಚ್ಚೇತೇ ಆದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ।
ಪುರಿಸಮ್ಹಾ, ಪುರಿಸಸ್ಮಾ, ಪುರಿಸೇಭಿ, ಪುರಿಸೇಹಿ, ಪುರಿಸಮ್ಹಿ, ಪುರಿಸಸ್ಮಿಂ।
ಸ್ಮಾಹಿಸ್ಮಿಂನಮಿತಿ ಕಿಮತ್ಥಂ? ವಣ್ಣವನ್ತಂ ಅಗನ್ಧಕಂ ವಿರುಳ್ಹಪುಪ್ಫಂ, ಮಹನ್ತಂ ಛತ್ತಂ ಮಹಾಛತ್ತಂ, ಮಹನ್ತಂ ಧಜಂ ಮಹಾಧಜಂ।
೧೦೦, ೨೧೪. ನ ತಿಮೇಹಿ ಕತಾಕಾರೇಹಿ।
ತ ಇಮಇಚ್ಚೇತೇಹಿ ಕತಾಕಾರೇಹಿ ಸ್ಮಾಸ್ಮಿಂ ನಂಮ್ಹಾಮ್ಹಿಇಚ್ಚೇತೇ ಆದೇಸಾ ನೇವ ಹೋನ್ತಿ।
ಅಸ್ಮಾ ಠಾನಾ ಭಯಂ ಉಪ್ಪಜ್ಜತಿ, ಅಸ್ಮಿಂ ಠಾನೇ ಭಯಂ ತಿಟ್ಠತಿ, ಅಸ್ಮಾ, ಅಸ್ಮಿಂ।
ಕತಾಕಾರೇಹೀತಿ
೧೦೧, ೮೦. ಸುಹಿಸ್ವಕಾರೋ ಏ।
ಸುಹಿಇಚ್ಚೇತೇಸು ಅಕಾರೋ ಏತ್ತಮಾಪಜ್ಜತೇ।
ಸಬ್ಬೇಸು, ಯೇಸು, ತೇಸು, ಕೇಸು, ಪುರಿಸೇಸು, ಇಮೇಸು, ಕುಸಲೇಸು, ತುಮ್ಹೇಸು, ಅಮ್ಹೇಸು, ಸಬ್ಬೇಹಿ, ಯೇಹಿ, ತೇಹಿ, ಕೇಹಿ, ಪುರಿಸೇಹಿ, ಇಮೇಹಿ, ಕುಸಲೇಹಿ, ತುಮ್ಹೇಹಿ, ಅಮ್ಹೇಹಿ।
೧೦೨, ೨೦೨. ಸಬ್ಬನಾಮಾನಂ ನಂಮ್ಹಿ ಚ।
ಸಬ್ಬೇಸಂ ಸಬ್ಬನಾಮಾನಂ ಅನ್ತೋ ಅಕಾರೋ ಏತ್ತಮಾಪಜ್ಜತೇ ನಂಮ್ಹಿ ವಿಭತ್ತಿಮ್ಹಿ।
ಸಬ್ಬೇಸಂ, ಸಬ್ಬೇಸಾನಂ, ಯೇಸಂ, ಯೇಸಾನಂ, ತೇಸಂ, ತೇಸಾನಂ, ಇಮೇಸಂ, ಇಮೇಸಾನಂ, ಕೇಸಂ, ಕೇಸಾನಂ, ಇತರೇಸಂ, ಇತರೇಸಾನಂ, ಕತಮೇಸಂ, ಕತಮೇಸಾನಂ। ಸಬ್ಬನಾಮಾನಮಿತಿ ಕಿಮತ್ಥಂ? ಬುದ್ಧಾನಂ ಭಗವನ್ತಾನಂ ಆಚಿಣ್ಣಸಮಾಚಿಣ್ಣೋ।
ಅಕಾರೋತಿ ಕಿಮತ್ಥಂ? ಅಮೂಸಂ, ಅಮೂಸಾನಂ।
ನಂಮ್ಹೀತಿ ಕಿಮತ್ಥಂ? ಸಬ್ಬೇ, ಇಮೇ।
ಚಗ್ಗಹಣ ಮನುಕಡ್ಢನತ್ಥಂ।
೧೦೩, ೭೯. ಅತೋ ನೇನ।
ತಸ್ಮಾ ಅಕಾರತೋ ನಾವಚನಸ್ಸ ಏನಾದೇಸೋ ಹೋತಿ।
ಸಬ್ಬೇನ, ಯೇನ, ತೇನ, ಕೇನ, ಅನೇನ, ಪುರಿಸೇನ, ರೂಪೇನ।
ಅತೋತಿ ಕಿಮತ್ಥಂ? ಮುನಿನಾ, ಅಮುನಾ, ಭಿಕ್ಖುನಾ।
ನಾತಿ ಕಿಮತ್ಥಂ? ತಸ್ಮಾ।
೧೦೪, ೬೬. ಸೋ।
ತಸ್ಮಾ ಅಕಾರತೋ ಸಿವಚನಸ್ಸ ಓಕಾರಾದೇಸೋ ಹೋತಿ।
ಸಬ್ಬೋ, ಯೋ, ಸೋ, ಕೋ, ಅಮುಕೋ, ಪುರಿಸೋ।
ಸೀತಿ ಕಿಮತ್ಥಂ? ಪುರಿಸಾನಂ।
ಅತೋತಿ ಕಿಮತ್ಥಂ? ಸಯಮ್ಭೂ।
೧೦೫, ೦. ಸೋ ವಾ।
ತಸ್ಮಾ ಅಕಾರತೋ ನಾವಚನಸ್ಸ ಸೋಆದೇಸೋ ಹೋತಿ ವಾ।
ಅತ್ಥಸೋ ಧಮ್ಮಂ ಜಾನಾತಿ, ಬ್ಯಞ್ಜನಸೋ ಅತ್ಥಂ ಜಾನಾತಿ, ಅಕ್ಖರಸೋ, ಸುತ್ತಸೋ, ಪದಸೋ, ಯಸಸೋ। ಉಪಾಯಸೋ, ಸಬ್ಬಸೋ, ಥಾಮಸೋ, ಠಾನಸೋ।
ವಾತಿ
೧೦೬, ೩೧೩. ದೀಘೋರೇಹಿ।
ದೀಘಓರಇಚ್ಚೇತೇಹಿ ಸ್ಮಾವಚನಸ್ಸ ಸೋಆದೇಸೋ ಹೋತಿ ವಾ।
ದೀಘಸೋ, ಓರಸೋ, ದೀಘಮ್ಹಾ, ಓರಮ್ಹಾ।
ದೀಘೋರೇಹಿತಿ ಕಿಮತ್ಥಂ? ಸರಮ್ಹಾ, ವಚನಮ್ಹಾ।
೧೦೭, ೬೯. ಸಬ್ಬಯೋನೀನಮಾಏ।
ತಸ್ಮಾ ಅಕಾರತೋ ಸಬ್ಬೇಸಂ ಯೋನೀನಂಆಏ ಆದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ।
ಪುರಿಸಾ, ಪುರಿಸೇ, ರೂಪಾ, ರೂಪೇ।
ವಾತಿ ಕಿಮತ್ಥಂ? ಅಗ್ಗಯೋ, ಮುನಯೋ, ಇಸಯೋ।
ಯೋನೀನನ್ತಿ ಕಿಮತ್ಥಂ? ಪುರಿಸಸ್ಸ, ರೂಪಸ್ಸ।
ಅಕಾರತೋತಿ ಕಿಮತ್ಥಂ? ದಣ್ಡಿನೋ, ಅಟ್ಠೀನಿ, ಅಗ್ಗೀ ಪಜ್ಜಲನ್ತಿ, ಮುನೀ ಚರನ್ತಿ।
೧೦೮, ೯೦. ಸ್ಮಾಸ್ಮಿಂನಂವಾ।
ತಸ್ಮಾ ಅಕಾರತೋ ಸಬ್ಬೇಸಂ ಸ್ಮಾಸ್ಮಿಂಇಚ್ಚೇತೇಸಂ ಆ ಏ ಆದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ।
ಪುರಿಸಾ
ಅಕಾರತೋತಿ ಕಿಮತ್ಥಂ? ದಣ್ಡಿನಾ, ದಣ್ಡಿಸ್ಮಿಂ, ಭಿಕ್ಖುನಾ, ಭಿಕ್ಖುಸ್ಮಿಂ।
೧೦೯, ೩೦೪. ಆಯ ಚತುತ್ಥೇಕವಚನಸ್ಸತು।
ತಸ್ಮಾ ಅಕಾರತೋ ಚತುತ್ಥೇಕವಚನಸ್ಸ ಆಯಾದೇಸೋ ಹೋತಿ ವಾ।
ಅತ್ಥಾಯ ಹಿತಾಯ ಸುಖಾಯ ದೇವಮನುಸ್ಸಾನಂ ಬುದ್ಧೋ ಲೋಕೇ ಉಪ್ಪಜ್ಜತಿ।
ಅತೋತಿ ಕಿಮತ್ಥಂ? ಇಸಿಸ್ಸ।
ಚತುತ್ಥೀತಿ ಕಿಮತ್ಥಂ? ಪುರಿಸಸ್ಸ ಮುಖಂ।
ಏಕವಚನಸ್ಸೇತಿ ಕಿಮತ್ಥಂ? ಪುರಿಸಾನಂ ದದಾತಿ।
ವಾತಿ ಕಿಮತ್ಥಂ? ದಾತಾ ಹೋತಿ ಸಮಣಸ್ಸ ವಾ ಬ್ರಾಹ್ಮಣಸ್ಸ ವಾ।
ತುಗ್ಗಹಣೇನತ್ಥಞ್ಚ ಹೋತಿ। ಅತ್ಥತ್ಥಂ, ಹಿತತ್ಥಂ, ಸುಖತ್ಥಂ।
೧೧೦, ೨೦೧. ತಯೋ ನೇವ ಚ ಸಬ್ಬನಾಮೇಹಿ।
ತೇಹಿ ಸಬ್ಬನಾಮೇಹಿ ಅಕಾರನ್ತೇಹಿ ಸ್ಮಾಸ್ಮಿಂ ಸಇಚ್ಚೇತೇಸಂ ತಯೋ ಆ ಏ ಆಯಾದೇಸಾ ನೇವ ಹೋನ್ತಿ।
ಸಬ್ಬಸ್ಮಾ
ಸಬ್ಬನಾಮೇಹೀತಿ ಕಿಮತ್ಥಂ? ಪಾಪಾ, ಪಾಪೇ, ಪಾಪಾಯ।
ಚಗ್ಗಹಣಮನುಕಡ್ಢನತ್ಥಂ।
೧೧೧, ೧೭೯. ಘತೋ ನಾದೀನಂ।
ತಸ್ಮಾ ಘತೋ ನಾದೀನಮೇಕವಚನಾನಂ ವಿಭತ್ತಿಗಣಾನಂ ಆಯಾದೇಸೋ ಹೋತಿ।
ಕಞ್ಞಾಯ ಕತಂ ಕಮ್ಮಂ, ಕಞ್ಞಾಯ ದೀಯತೇ, ಕಞ್ಞಾಯ ನಿಸ್ಸಟಂ ವತ್ಥಂ। ಕಞ್ಞಾಯ ಪರಿಗ್ಗಹೋ, ಕಞ್ಞಾಯ ಪತಿಟ್ಠಿತಂ ಸೀಲಂ।
ಘತೋತಿ ಕಿಮತ್ಥಂ? ರತ್ತಿಯಾ, ಇತ್ಥಿಯಾ, ಧೇನುಯಾ, ವಧುಯಾ।
ನಾದೀನಮಿತಿ ಕಿಮತ್ಥಂ? ಕಞ್ಞಂ ಪಸ್ಸತಿ, ವಿಜ್ಜಂ, ವೀಣಂ, ಗಙ್ಗಂ।
ಏಕವಚನಾನಮಿತಿ ಕಿಮತ್ಥಂ? ಸಬ್ಬಾಸು, ಯಾಸು, ತಾಸು, ಕಾಸು, ಇಮಾಸು, ಪಭಾಸು।
೧೧೨, ೧೮೩. ಪತೋ ಯಾ।
ತಸ್ಮಾ ಪತೋ ನಾದೀನಮೇಕವಚನಾನಂ ವಿಭತ್ತಿಗಣಾನಂ ಯಾಆದೇಸೋ ಹೋತಿ।
ರತ್ತಿಯಾ
ನಾದೀನಮಿತಿ ಕಿಮತ್ಥಂ? ರತ್ತೀ, ರತ್ತಿಂ, ಇತ್ಥೀ, ಇತ್ಥಿಂ।
ಪತೋತಿ ಕಿಮತ್ಥಂ? ಕಞ್ಞಾಯ, ವೀಣಾಯ, ಗಙ್ಗಾಯ, ಪಭಾಯ, ಸೋಭಾಯ।
ಏಕವಚನಾನಮಿತಿ ಕಿಮತ್ಥಂ? ರತ್ತೀನಂ, ಇತ್ಥೀನಂ।
೧೧೩, ೧೩೨. ಸಖತೋ ಗಸ್ಸೇ ವಾ।
ತಸ್ಮಾ ಸಖತೋ ಗಸ್ಸ ಅಕಾರ ಆಕಾರ ಇಕಾರ ಈಕಾರ ಏಕಾರಾದೇಸಾ ಹೋನ್ತಿ ವಾ।
ಭೋ ಸಖ, ಭೋ ಸಖಾ, ಭೋ ಸಖಿ, ಭೋ ಸಖೀ, ಭೋ ಸಖೇ।
೧೧೪, ೧೭೮. ಘತೇ ಚ।
ತಸ್ಮಾ ಘತೋ ಗಸ್ಸ ಏಕಾರಾದೇಸೋ ಹೋತಿ।
ಭೋತಿ ಅಯ್ಯೇ, ಭೋತಿ ಕಞ್ಞೇ, ಭೋತಿ ಖರಾದಿಯೇ।
ಚಗ್ಗಹಣಮವಧಾರಣತ್ಥಂ, ಸನ್ನಿಟ್ಠಾನಂ।
೧೧೫, ೧೮೧. ನ ಅಮ್ಮಾದಿತೋ।
ತತೋ ಅಮ್ಮಾದಿತೋ ಗಸ್ಸ ಏಕಾರತ್ತಂ ನ ಹೋತಿ।
ಭೋತಿ
ಅಮ್ಮಾದಿತೋತಿ ಕಿಮತ್ಥಂ? ಭೋತಿ ಕಞ್ಞೇ।
೧೧೬, ೧೫೭. ಅಕತರಸ್ಸಾ ಲತೋ ಯ್ವಾಲಪನಸ್ಸ ವೇವೋ।
ತಸ್ಮಾ ಅಕತರಸ್ಸಾ ಲತೋ ಯ್ವಾಲಪನಸ್ಸ ವೇವೋಆದೇಸಾ ಹೋನ್ತಿ।
ಭಿಕ್ಖವೇ, ಭಿಕ್ಖವೋ, ಹೇತವೇ, ಹೇತವೋ।
ಅಕತರಸ್ಸಾತಿ ಕಿಮತ್ಥಂ? ಸಯಮ್ಭುವೋ।
ಲತೋತಿ ಕಿಮತ್ಥಂ? ನಾಗಿಯೋ, ಧೇನುಯೋ, ಯಾಗುಯೋ।
ಆಲಪನಸ್ಸೇತಿ ಕಿಮತ್ಥಂ? ತೇ ಹೇತವೋ, ತೇ ಭಿಕ್ಖವೋ।
೧೧೭, ೧೨೪. ಝಲತೋ ಸಸ್ಸನೋ ವಾ।
ತಸ್ಮಾ ಝಲತೋ ಸಸ್ಸ ವಿಭತ್ತಿಸ್ಸ ನೋ ಆದೇಸೋ ಹೋತಿ ವಾ।
ಅಗ್ಗಿನೋ, ಅಗ್ಗಿಸ್ಸ, ಸಖಿನೋ, ಸಖಿಸ್ಸ, ದಣ್ಡಿನೋ, ದಣ್ಡಿಸ್ಸ, ಭಿಕ್ಖುನೋ, ಭಿಕ್ಖುಸ್ಸ, ಸಯಮ್ಭುನೋ, ಸಯಮ್ಭುಸ್ಸ।
ಸಸ್ಸೇತಿ ಕಿಮತ್ಥಂ? ಇಸಿನಾ, ಭಿಕ್ಖುನಾ।
ಝಲತೋತಿ ಕಿಮತ್ಥಂ? ಪುರಿಸಸ್ಸ।
೧೧೮, ೧೪೬. ಘಪತೋ ಚ ಯೋನಂ ಲೋಪೋ।
ತೇಹಿ ಘಪಝಲಇಚ್ಚೇತೇಹಿ ಯೋನಂ ಲೋಪೋ ಹೋತಿ ವಾ।
ಕಞ್ಞಾ, ಕಞ್ಞಾಯೋ। ರತ್ತೀ, ರತ್ತಿಯೋ, ಇತ್ಥೀ, ಇತ್ಥಿಯೋ, ಯಾಗೂ, ಯಾಗುಯೋ, ವಧೂ, ವಧುಯೋ। ಅಗ್ಗೀ, ಅಗ್ಗಯೋ। ಭಿಕ್ಖೂ, ಭಿಕ್ಖವೋ। ಸಯಮ್ಭೂ, ಸಯಮ್ಭುವೋ। ಅಟ್ಠೀ, ಅಟ್ಠೀನಿ, ಆಯೂ, ಆಯೂನಿ।
ಚಗ್ಗಹಣಮನುಕಡ್ಢನತ್ಥಂ।
೧೧೯, ೧೫೫. ಲತೋ ವೋಕಾರೋ ಚ।
ತಸ್ಮಾ ಲತೋ ಯೋನಂ ವೋಕಾರೋ ಹೋತಿ ವಾ।
ಭಿಕ್ಖವೋ, ಭಿಕ್ಖೂ, ಸಯಮ್ಭುವೋ, ಸಯಮ್ಭೂ।
ಕಾರಗ್ಗಹಣಂ ಕಿಮತ್ಥಂ? ಯೋನಂ ನೋ ಚ ಹೋತಿ। ಜನ್ತುನೋ।
ಚಗ್ಗಹಣಮವಧಾರಣತ್ಥಂ, ಅಮೂ ಪುರಿಸಾ ತಿಟ್ಠನ್ತಿ, ಅಮೂ ಪುರಿಸೇ ಪಸ್ಸಥ।
ಇತಿ ನಾಮಕಪ್ಪೇ ಪಠಮೋ ಕಣ್ಡೋ।
ದುತಿಯಕಣ್ಡ
೧೨೦, ೨೪೩. ಅಮ್ಹಸ್ಸ ಮಮಂ ಸಪಿಭತ್ತಿಸ್ಸ ಸೇ।
ಸಬ್ಬಸ್ಸೇವ ಅಮ್ಹಸದ್ದಸ್ಸ ಸವಿಭತ್ತಿಸ್ಸ ಮಮಂ ಆದೇಸೋ ಹೋತಿ ಸೇ ವಿಭತ್ತಿಮ್ಹಿ।
ಮಮಂ
೧೨೧, ೨೩೩. ಮಯಂ ಯೋಮ್ಹಿ ಪಠಮೇ।
ಸಬ್ಬಸ್ಸೇವ ಅಮ್ಹಸದ್ದಸ್ಸ ಸವಿಭತ್ತಿಸ್ಸ ಮಯಂಆದೇಸೋ ಹೋತಿ ಯೋಮ್ಹಿ ಪಠಮೇ।
ಮಯಂ ಗಚ್ಛಾಮ, ಮಯಂ ದೇಮ।
ಅಮ್ಹಸ್ಸೇತಿ ಕಿಮತ್ಥಂ? ಪುರಿಸಾ ತಿಟ್ಠನ್ತಿ।
ಯೋಮ್ಹೀತಿ ಕಿಮತ್ಥಂ? ಅಹಂ ಗಚ್ಛಾಮಿ।
ಪಠಮೇತಿ ಕಿಮತ್ಥಂ? ಅಮ್ಹಾಕಂ ಪಸ್ಸಸಿ ತ್ವಂ।
೧೨೨, ೯೯. ನ್ತುಸ್ಸ ನ್ತೋ।
ಸಬ್ಬಸ್ಸೇವ ನ್ತುಪಚ್ಚಯಸ್ಸ ಸವಿಭತ್ತಿಸ್ಸ ನ್ತೋಆದೇಸೋ ಹೋತಿ ಯೋಮ್ಹಿ ಪಠಮೇ।
ಗುಣವನ್ತೋ ತಿಟ್ಠನ್ತಿ।
ನ್ತುಸ್ಸೇತಿ ಕಿಮತ್ಥಂ? ಸಬ್ಬೇ ಸತ್ತಾ ಗಚ್ಛನ್ತಿ।
ಪಠಮೇತಿ ಕಿಮತ್ಥಂ? ಗುಣವನ್ತೇ ಪಸ್ಸನ್ತಿ ಜನಾ।
೧೨೩, ೧೦೩. ನ್ತಸ್ಸ ಸೇ ವಾ।
ಸಬ್ಬಸ್ಸೇವ ನ್ತುಪಚ್ಚಯಸ್ಸ ಸವಿಭತ್ತಿಸ್ಸ ನ್ತಸ್ಸಾದೇಸೋ ಹೋತಿ ವಾ ಸೇ ವಿಭತ್ತಿಮ್ಹಿ।
ಸೀಲವನ್ತಸ್ಸ ಝಾಯಿನೋ, ಸೀಲವತೋ ಝಾಯಿನೋ ವಾ।
ಸೇತಿ ಕಿಮತ್ಥಂ? ಸೀಲವಾ ತಿಟ್ಠತಿ।
೧೨೪, ೯೮. ಆ ಸಿಮ್ಹಿ।
ಸಬ್ಬಸ್ಸೇವನ್ತುಪಚ್ಚಯಸ್ಸ ಸವಿಭತ್ತಿಸ್ಸ ಆಆದೇಸೋ ಹೋತಿ ಸಿಮ್ಹಿ ವಿಭತ್ತಿಮ್ಹಿ।
ಗುಣವಾ, ಪಞ್ಞವಾ, ಸೀಲವಾ, ಬಲವಾ, ಧನವಾ, ಮತಿಮಾ, ಸತಿಮಾ, ಧಿತಿಮಾ।
ನ್ತುಸ್ಸೇತಿ ಕಿಮತ್ಥಂ? ಪುರಿಸೋ ತಿಟ್ಠತಿ।
ಸಿಮ್ಹೀತಿ ಕಿಮತ್ಥಂ? ಸೀಲವನ್ತೋ ತಿಟ್ಠನ್ತಿ।
೧೨೫, ೧೯೮. ಅಂ ನಪುಂಸಕೇ।
ಸಬ್ಬಸ್ಸೇವ ನ್ತುಪಚ್ಚಯಸ್ಸ ಸವಿಭತ್ತಿಸ್ಸ ಅಂಆದೇಸೋ ಹೋತಿ ಸಿಮ್ಹಿ ವಿಭತ್ತಿಮ್ಹಿ ನಪುಂಸಕೇ ವತ್ತಮಾನಸ್ಸ।
ಗುಣವಂ ಚಿತ್ತಂ ತಿಟ್ಠತಿ, ರುಚಿಮಂ ಪುಪ್ಫಂ ವಿರೋಚತಿ।
ಸಿಮ್ಹಿತಿ ಕಿಮತ್ಥಂ? ವಣ್ಣವನ್ತಂ ಅಗನ್ಧಕಂ ವಿರೂಳ್ಹಪುಪ್ಫಂ ಪಸ್ಸಸಿ ತ್ವಂ।
೧೨೬, ೧೦೧. ಅವಣ್ಣಾ ಚ ಗೇ।
ಸಬ್ಬಸ್ಸೇವ ನ್ತುಪಚ್ಚಯಸ್ಸ ಸವಿಭತ್ತಿಸ್ಸ ಅಂ ಅವಣ್ಣಾ ಚ ಹೋನ್ತಿ ಗೇ ಪರೇ।
ಭೋ ಗುಣವಂ, ಭೋ ಗುಣವ, ಭೋ ಗುಣವಾ।
ಚಗ್ಗಹಣಮನುಕಡ್ಢನತ್ಥಂ।
೧೨೭, ೧೦೨. ತೋ ತಿ ತಾ ಸ ಸ್ಮಿಂ ನಾಸು।
ಸಬ್ಬಸ್ಸೇವ ನ್ತುಪಚ್ಚಯಸ್ಸ ಸವಿಭತ್ತಿಸ್ಸ ತೋತಿತಾಆದೇಸಾ ಹೋನ್ತಿ ವಾ ಸಸ್ಮಿಂ ನಾಇಚ್ಚೇತೇಸು ಯಥಾಸಙ್ಖ್ಯಂ।
ಗುಣವತೋ, ಗುಣವನ್ತಸ್ಸ, ಗುಣವತಿ, ಗುಣವನ್ತಸ್ಮಿಂ, ಗುಣವತಾ, ಗುಣವನ್ತೇನ, ಸತಿಮತೋ, ಸತಿಮನ್ತಸ್ಸ, ಸತಿಮತಿ, ಸತಿಮನ್ತಸ್ಮಿಂ, ಸತಿಮತಾ, ಸತಿಮನ್ತೇನ।
ಏತೇಸ್ವೀತಿ ಕಿಮತ್ಥಂ? ಗುಣವಾ। ಸತಿಮಾ।
೧೨೮, ೧೦೪. ನಂಮ್ಹಿ ತಂ ವಾ।
ಸಬ್ಬಸ್ಸೇವ ನ್ತುಪಚ್ಚಯಸ್ಸ ಸವಿಭತ್ತಿಸ್ಸ ತಂಆದೇಸೋ ಹೋತಿ ವಾ ನಂಮ್ಹಿ ವಿಭತ್ತಿಮ್ಹಿ।
ಗುಣವತಂ, ಗುಣವನ್ತಾನಂ, ಸತಿಮತಂ, ಸತಿಮನ್ತಾನಂ।
ನಂಮ್ಹೀತಿ ಕಿಮತ್ಥಂ? ಗುಣವನ್ತೋ ತಿಟ್ಠನ್ತಿ, ಸತಿಮನ್ತೋ ತಿಟ್ಠನ್ತಿ।
೧೨೯, ೨೨೨. ಇಮಸ್ಸಿದಮಂಸಿಸು ನಪುಂಸಕೇ।
ಸಬ್ಬಸ್ಸೇವ ಇಮಸದ್ದಸ್ಸ ಸವಿಭತ್ತಿಸ್ಸ ಇದಂಆದೇಸೋ ಹೋತಿ ವಾ ಅಂಸಿಸು ನಪುಂಸಕೇ ವತ್ತಮಾನಸ್ಸ।
ಇದಂ ಚಿತ್ತಂ ಪಸ್ಸಸಿ, ಇದಂ ಚಿತ್ತಂ ತಿಟ್ಠತಿ, ಇಮಂ ಚಿತ್ತಂ ಪಸ್ಸಸಿ। ಇಮಂ ಚಿತ್ತಂ ತಿಟ್ಠತಿ।
ನಥುಂಸಕೇತಿ
೧೩೮, ೨೨೫. ಅಮುಸ್ಸಾದುಂ।
ಸಬ್ಬಸ್ಸೇವ ಅಮುಸದ್ದಸ್ಸ ಸವಿಭತ್ತಿಸ್ಸ ಅದುಂಆದೇಸೋ ಹೋತಿ ಅಂಸಿಸು ನಪುಂಸಕೇ ವತ್ತಮಾನಸ್ಸ।
ಅದುಂ ಪುಪ್ಫಂ ಪಸ್ಸಸಿ, ಅದುಂ ಪುಪ್ಫಂ ವಿರೋಚತಿ।
ನಪುಂಸಕೇತಿ ಕಿಮತ್ಥಂ? ಅಮುಂ ರಾಜಾನಂ ಪಸ್ಸಸಿ, ಅಸು ರಾಜಾ ತಿಟ್ಠತಿ।
೧೩೧, ೦. ಇತ್ಥಿಪುಮನಪುಂಸಕಸಙ್ಖ್ಯಂ।
‘‘ಇತ್ಥಿಪುಮನಪುಂಸಕಸಙ್ಖ್ಯಂ’’ ಇಚ್ಚೇತಂ ಅಧಿಕಾರತ್ಥಂ ವೇದಿತಬ್ಬಂ।
೧೩೨, ೨೨೮. ಯೋಸು ದ್ವಿನ್ನಂ ದ್ವೇ ಚ।
ದ್ವಿನ್ನಂ ಸಙ್ಖ್ಯಾನಂ ಇತ್ಥಿಪುಮನಪುಂಸಕೇ ವತ್ತಮಾನಾನಂ ಸವಿಭತ್ತೀನಂ ದ್ವೇ ಹೋತಿ ಯೋಇಚ್ಚೇತೇಸು।
ದ್ವೇ ಇತ್ಥಿಯೋ, ದ್ವೇ ಧಮ್ಮಾ। ದ್ವೇ ರೂಪಾನಿ।
ಯೋಸ್ವೀತಿ ಕಿಮತ್ಥಂ? ದ್ವೀಸು।
ಚಗ್ಗಹಣೇನ ದುವೇ ದ್ವಯ ಉಭ ಉಭಯ ದುವಿ ಚ ಹೋನ್ತಿ ಯೋನಾಅನಮಿಚ್ಚೇತೇಸು। ದುವೇ ಸಮಣಾ। ದುವೇ ಬ್ರಾಹ್ಮಣಾ
೧೩೩, ೨೩೦. ತಿ ಚತುನ್ನಂ ತಿಸ್ಸೋ ಚತಸ್ಸೋ ತಯೋ ಚತ್ತಾರೋ ತೀಣಿ ಚತ್ತಾರಿ।
ತಿಚತುನ್ನಂ ಸಙ್ಖ್ಯಾನಂ ಇತ್ಥಿಪುಮನಪುಂಸಕೇ ವತ್ತಮಾನಾನಂ ಸವಿಭತ್ತೀನಂ ತಿಸ್ಸೋ ಚತಸ್ಸೋ ತಯೋ ಚತ್ತಾರೋ ತೀಣಿ ಚತ್ತಾರಿಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಯೋಇಚ್ಚೇತೇಸು।
ತಿಸ್ಸೋ ವೇದನಾ ಚತಸ್ಸೋ ದಿಸಾ, ತಯೋ ಜನಾ, ಜನೇ, ಚತ್ತಾರೋ ಪುರಿಸಾ, ಪುರಿಸೇ, ತೀಣಿ ಆಯತನಾನಿ, ಚತ್ತಾರಿ ಅರಿಯಸಚ್ಚಾನಿ।
ಯೋಸ್ವೀತಿ ಕಿಮತ್ಥಂ? ತೀಸು, ಚತೂಸು।
೧೩೪, ೨೫೧. ಪಞ್ಚಾದೀನಮಕಾರೋ।
ಪಞ್ಚಾದೀನಂ ಸಙ್ಖ್ಯಾನಂ ಇತ್ಥಿಪುಮನಪುಂಸಕೇ ವತ್ತಮಾನಾನಂ ಸವಿಭತ್ತಿಸ್ಸ ಅನ್ತಸ್ಸ ಸರಸ್ಸ ಅಕಾರೋ ಹೋತಿ ಯೋಇಚ್ಚೇತೇಸು।
ಪಞ್ಚ, ಪಞ್ಚ, ಛ, ಛ, ಸತ್ತ, ಸತ್ತ, ಅಟ್ಠ, ಅಟ್ಠ, ನವ, ನವ, ದಸ, ದಸ।
ಪಞ್ಚಾದೀನಮಿತಿ ಕಿಮತ್ಥಂ? ದ್ವೇ, ತಯೋ।
೧೩೫, ೧೧೮. ರಾಜಸ್ಸ ರಞ್ಞೋ ರಾಜಿನೋ ಸೇ।
ಸಬ್ಬಸ್ಸೇವ ರಾಜಸದ್ದಸ್ಸ ಸವಿಭತ್ತಿಸ್ಸ ರಞ್ಞೋ ರಾಜಿನೋಇಚ್ಚೇತೇ ಆದೇಸಾ ಹೋನ್ತಿ ಸೇ ವಿಭತ್ತಿಮ್ಹಿ।
ರಞ್ಞೋ, ರಾಜಿನೋ।
ಸೇತಿ ಕಿಮತ್ಥಂ? ರಞ್ಞಾ।
೧೩೬, ೧೧೯. ರಞ್ಞಂ ನಂಮ್ಹಿ ವಾ।
ಸಬ್ಬಸ್ಸೇವ ರಾಜಸದ್ದಸ್ಸ ಸವಿಭತ್ತಿಸ್ಸ ರಞ್ಞಂಆದೇಸೋ ಹೋತಿ ವಾ ನಂಮ್ಹಿ ವಿಭತ್ತಿಮ್ಹಿ।
ರಞ್ಞಂ, ರಾಜೂನಂ ಇದಂ ರಟ್ಠಂ।
೧೩೭, ೧೧೬. ನಾಮ್ಹಿರಞ್ಞಾ ವಾ।
ಸಬ್ಬಸ್ಸೇವ ರಾಜಸದ್ದಸ್ಸ ಸವಿಭತ್ತಿಸ್ಸ ರಞ್ಞಾಆದೇಸೋ ಹೋತಿ ವಾ ನಾಮ್ಹಿ ವಿಭತ್ತಿಮ್ಹಿ।
ತೇನ ರಞ್ಞಾ ಕತಂ। ರಾಜೇನ ವಾ ಕತಂ।
ನಾಮ್ಹೀತಿ ಕಿಮತ್ಥಂ? ರಞ್ಞೋ ಸನ್ತಕಂ।
೧೩೮, ೧೨೧. ಸ್ಮಿಂಮ್ಹಿ ರಞ್ಞೇ ರಾಜಿನಿ।
ಸಬ್ಬಸ್ಸೇವ ರಾಜಸದ್ದಸ್ಸ ಸವಿಭತ್ತಿಸ್ಸ ರಞ್ಞೇರಾಜಿನಿಇಚ್ಚೇತೇ ಆದೇಸಾ ಹೋನ್ತಿ ಸ್ಮಿಂಮ್ಹಿವಿಭತ್ತಿಮ್ಹಿ।
ರಞ್ಞೇ, ರಾಜಿನಿ ಸೀಲಂ ತಿಟ್ಠತಿ।
೧೩೯, ೨೪೫. ತುಮ್ಹಾಕಂ ತಯಿಮಯಿ।
ಸಬ್ಬೇಸಂ ತುಮ್ಹ ಅಮ್ಹ ಸದ್ದಾನಂ ಸವಿಭತ್ತೀನಂ ತಯಿ ಮಯಿಇಚ್ಚೇತೇ ಆದೇಸೋ ಹೋನ್ತಿ ಯಥಾಸಙ್ಖ್ಯಂ ಸ್ಮಿಂಮ್ಹಿ ವಿಭತ್ತಿಮ್ಹಿ।
ತಯಿ, ಮಯಿ।
ಸ್ಮಿಂಮ್ಹೀತಿ ಕಿಮತ್ಥಂ? ತ್ವಂ ಭವಸಿ, ಅಹಂ ಭವಾಮಿ।
೧೪೦, ೨೩೨. ತ್ವಮಹಂ ಸಿಮ್ಹಿ ಚ।
ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತ್ವಂ ಅಹಂಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಸಿಮ್ಹಿ ವಿಭತ್ತಿಮ್ಹಿ।
ತ್ವಂ, ಅಹಂ।
ಸಿಮ್ಹಿತಿ ಕಿಮತ್ಥಂ? ತಯಿ, ಮಯಿ।
ಚಗ್ಗಹಣೇನ ತುವಂ ಚ ಹೋತಿ। ತುವಂ ಸತ್ಥಾ।
೧೪೧, ೨೪೧. ತವ ಮಮಸೇ।
ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತವಮಮಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಸೇ ವಿಭತ್ತಿಮ್ಹಿ।
ತವ, ಮಮ।
ಸೇತಿ ಕಿಮತ್ಥಂ? ತಯಿ, ಮಯಿ।
೧೪೨, ೨೪೨. ತುಯ್ಹಂ ಮಯ್ಹಞ್ಚ।
ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತುಯ್ಹಂ ಮಯ್ಹಂಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಸೇ ವಿಭತ್ತಿಮ್ಹಿ।
ತುಯ್ಹಂ, ಮಯ್ಹಂ ಧನಂ ದೀಯತೇ।
ಸೇತಿ ಕಿಮತ್ಥಂ? ತಯಾ, ಮಯಾ।
೧೪೩, ೨೩೫. ತಂ ಮಮಂಮ್ಹಿ।
ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತಂ ಮಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಅಂಮ್ಹಿ ವಿಭತ್ತಿಮ್ಹಿ।
ತಂ, ಮಂ।
ಅಂಮ್ಹೀತಿ ಕಿಮತ್ಥಂ? ತಯಾ ಮಯಾ।
೧೪೪, ೨೩೪. ತವಂ ಮಮಞ್ಚ ನವಾ।
ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತವಂ ಮಮಂಇಚ್ಚೇತೇ ಆದೇಸಾ ಹೋನ್ತಿ ನವಾ ಯಥಾಸಙ್ಖ್ಯಂ ಅಂಮ್ಹಿ ವಿಭತ್ತಿಮ್ಹಿ।
ತವಂ, ಮಮಂ ಪಸ್ಸತಿ।
ನವಾತಿ ಕಿಮತ್ಥಂ? ತಂ, ಮಂ ಪಸ್ಸತಿ।
ಚಗ್ಗಹಣಮನುಕಡ್ಢನತ್ಥಂ।
೧೪೫, ೨೩೮. ನಾಮ್ಹೀ ತಯಾ ಮಯಾ।
ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತಯಾ ಮಯಾಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ನಾಮ್ಹಿ ವಿಭತ್ತಿಮ್ಹಿ।
ತಯಾ
ನಾಮ್ಹಿತಿ ಕಿಮತ್ಥಂ? ತುಮ್ಹೇಹಿ, ಅಮ್ಹೇಹಿ।
೧೪೬, ೨೩೬. ತುಮ್ಹಸ್ಸ ತುವಂ ತ್ವಮಂಮ್ಹಿ।
ಸಬ್ಬಸ್ಸ ತುಮ್ಹಸದ್ದಸ್ಸ ಸವಿಭತ್ತಿಸ್ಸ ತುವಂ ತ್ವಂ ಇಚ್ಚೇತೇ ಆದೇಸಾ ಹೋನ್ತಿ ಅಂಮ್ಹಿ ವಿಭತ್ತಿಮ್ಹಿ।
ಕಲಿಙ್ಗರಸ್ಸ ತುವಂ ಮಞ್ಞೇ, ಕಟ್ಠಸ್ಸ ತ್ವಂ ಮಞ್ಞೇ।
೧೪೭, ೨೪೬. ಪದತೋ ದುತಿಯಾ ಚತುತ್ಥೀ ಛಟ್ಠೀಸು ವೋನೋ।
ಸಬ್ಬೇಸಂ ತುಮ್ಹಅಮ್ಹಸದ್ದಾನಂ ಸವಿಭತ್ತೀನಂ ಯದಾ ಪದಸ್ಮಾ ಪರೇಸಂ ವೋ ನೋಆದೇಸಾ ಹೋನ್ತಿ ನವಾ ಯಥಾಸಙ್ಖ್ಯಂ ದುತಿಯಾ ಚತುತ್ಥೀಛಟ್ಠೀಇಚ್ಚೇತೇಸು ಬಹುವಚನೇಸು।
ಪಹಾಯ ವೋ ಭಿಕ್ಖವೇ ಗಮಿಸ್ಸಾಮಿ, ಮಾ ನೋ ಅಜ್ಜ ವಿಕನ್ತಿಂಸು, ರಞ್ಞೋ ಸೂದಾ ಮಹಾನಸೇ, ಏವಂ ದುತಿಯತ್ಥೇ।
ಧಮ್ಮಂ ವೋ ಭಿಕ್ಖವೇ ದೇಸೇಸ್ಸಾಮಿ, ಸಂವಿಭಜೇಥ ನೋ ರಜ್ಜೇನ, ಏವಂ ಚತುತ್ಥ್ಯತ್ಥೇ।
ತುಟ್ಠೋಸ್ಮಿ ವೋ ಭಿಕ್ಖವೇ ಪಕತಿಯಾ, ಸತ್ಥಾ ನೋ ಭಗವಾ ಅನುಪ್ಪತ್ತೋ, ಏವಂ ಛಟ್ಠ್ಯತ್ಥೇ।
ನವಾತಿ
ತುಮ್ಹಮ್ಹಾಕಮಿತಿ ಕಿಮತ್ಥಂ? ಏತೇ ಇಸಯೋ ಪಸ್ಸಸಿ।
ಪದತೋತಿ ಕಿಮತ್ಥಂ? ತುಮ್ಹಾಕಂ ಸತ್ಥಾ।
ಏತೇಸ್ವೀತಿ ಕಿಮತ್ಥಂ? ಗಚ್ಛಥ ತುಮ್ಹೇ।
೧೪೮, ೨೪೭. ತೇಮೇಕವಚನೇಸು ಚ।
ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ಯದಾ ಪದಸ್ಮಾ ಪರೇಸಂ ತೇ ಮೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಚತುತ್ಥೀಛಟ್ಠೀಇಚ್ಚೇತೇಸು ಏಕವಚನೇಸು।
ದದಾಮಿ ತೇ ಗಾಮವರಾನಿ ಪಞ್ಚ, ದದಾಹಿ ಮೇ ಗಾಮವರಂ, ಇದಂ ತೇ ರಟ್ಠಂ, ಅಯಂ ಮೇ ಪುತ್ತೋ।
ಪದತೋತಿ ಕಿಮತ್ಥಂ? ತವ ಞಾತಿ, ಮಮ ಞಾತಿ।
೧೪೯, ೧೪೮. ನ ಅಂಮ್ಹಿ।
ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ಯದಾ ಪದಸ್ಮಾ ಪರೇಸಂ ತೇ ಮೇಆದೇಸಾ ನ ಹೋನ್ತಿ ಅಂಮ್ಹಿ ವಿಭತ್ತಿಮ್ಹಿ।
ಪಸ್ಸೇಯ್ಯ ತಂ ವಸ್ಸಸತಂ ಅರೋಗಂ, ಸೋ ಮಂ ಬ್ರವೀತಿ।
೧೫೦, ೨೪೯. ವಾ ತತಿಯೇ ಚ।
ಸಬ್ಬೇಸಂ ತುಮ್ಹಅಮ್ಹಸದ್ದಾನಂ ಸವಿಭತ್ತೀನಂ ಯದಾ ಪದಸ್ಮಾ ಪರೇಸಂ ತೇಮೇಆದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ ತತಿಯೇಕವಚನೇ ಪರೇ।
ಕತಂ ತೇ ಪಾಪಂ, ಕತಂ ಮೇ ಪಾಪಂ, ಕತಂ ತಯಾ ಪಾಪಂ, ಕತಂ ಮಯಾ ಪಾಪಂ।
ಪದತೋತಿ ಕಿಮತ್ಥಂ? ತಯಾ ಕತಂ, ಮಯಾ ಕತಂ।
೧೫೧, ೨೫೦. ಬಹುವಚನೇಸು ವೋನೋ।
ಸಬ್ಬೇಸಂ ತುಮ್ಹಅಮ್ಹಸದ್ದಾನಂ ಸವಿಭತ್ತೀನಂ ಯದಾ ಪದಸ್ಮಾ ಪರೇಸಂ ವೋನೋಆದೇಸಾ ಹೋನ್ತಿ ಯಥಾಸಙ್ಖ್ಯಂ ತತಿಯಾಬಹುವಚನೇಸು ಪರೇಸು।
ಕತಂ ವೋ ಕಮ್ಮಂ, ಕತಂ ನೋ ಕಮ್ಮಂ।
ಪದತೋತಿ ಕಿಮತ್ಥಂ? ತುಮ್ಹೇಹಿ ಕತಂ, ಅಮ್ಹೇಹಿ ಕತಂ।
ಬಹುವಚನಗ್ಗಹಣೇನ ಯೋಮ್ಹಿ ಪಠಮೇ ವೋ ನೋಆದೇಸಾ ಹೋನ್ತಿ। ಗಾಮಂ ವೋ ಗಚ್ಛೇಯ್ಯಾಥ, ಗಾಮಂ ನೋ ಗಚ್ಛೇಯ್ಯಾಮ।
೧೫೨, ೨೩೬. ಪುಮನ್ತಸ್ಸಾ ಸಿಮ್ಹಿ।
ಪುಮಇಚ್ಚೇವಮನ್ತಸ್ಸ ಸವಿಭತ್ತಿಸ್ಸ ಆಆದೇಸೋ ಹೋತಿ ಸಿಮ್ಹಿ ವಿಭತ್ತಿಮ್ಹಿ।
ಪುಮಾ
ಸಿಮ್ಹೀತಿ ಕಿಮತ್ಥಂ? ಪುಮಾನೋ ತಿಟ್ಠನ್ತಿ।
ಅನ್ತಗ್ಗಹಣೇನ ಮಘವ ಯುವಇಚ್ಚೇವಮಾದೀನಮನ್ತಸ್ಸಸವಿಭತ್ತಿಸ್ಸ ಆಆದೇಸೋ ಹೋತಿ। ಮಘವಾ, ಯುವಾ।
೧೫೩, ೧೩೮. ಅಮಾಲಪನೇಕವಚನೇ।
ಪುಮಇಚ್ಚೇವಮನ್ತಸ್ಸ ಸವಿಭತ್ತಿಸ್ಸ ಅಂಆದೇಸೋ ಹೋತಿ ಆಲಪನೇಕವಚನೇ ಪರೇ।
ಹೇ ಪುಮಂ।
ಆಲಪನೇತಿ ಕಿಮತ್ಥಂ? ಪುಮಾ।
ಏಕವಚನೇತಿ ಕಿಮತ್ಥಂ? ಹೇ ಪುಮಾನೋ।
೧೫೪, ೦. ಸಮಾಸೇ ಚ ವಿಭಾಸಾ।
ಪುಮಇಚ್ಚೇವಮನ್ತಸ್ಸ ಸಮಾಸೇ ಚ ಅಂಆದೇಸೋ ಹೋತಿ ವಿಭಾಸಾ ಸಮಾಸೇ ಕತೇ।
ಇತ್ಥೀ ಚ ಪುಮಾ ಚ ನಪುಂಸಕಂ ಚ ಇತ್ಥಿಪುಮನಪುಂಸಕಾನಿ। ಇತ್ಥಿಪುಮನಪುಂಸಕಾನಂ ಸಮೂಹೋ ಇತ್ಥಿಪುಮನಪುಂಸಕಸಮೂಹೋ।
ವಿಭಾಸಾತಿ ಕಿಮತ್ಥಂ? ಇತ್ಥಿಪುಮನಪುಂಸಕಾನಿ।
೧೫೫, ೧೩೭. ಯೋಸ್ವಾನೋ
ಪುಮಇಚ್ಚೇವಮನ್ತಸ್ಸ ಸವಿಭತ್ತಿಸ್ಸ ಆನೋಆದೇಸೋ ಹೋತಿ ಯೋಸು ವಿಭತ್ತೀಸು।
ಪುಮಾನೋ, ಹೇ ಪುಮಾನೋ।
ಯೋಸ್ವೀತಿ ಕಿಮತ್ಥಂ? ಪುಮಾ।
೧೫೬, ೧೪೨. ಆನೇ ಸ್ಮಿಂಮ್ಹಿ ವಾ।
ಪುಮಇಚ್ಚೇವಮನ್ತಸ್ಸ ಸವಿಭತ್ತಿಸ್ಸ ಆನೇ ಆದೇಸೋ ಹೋತಿ ವಾ ಸ್ಮಿಂಮ್ಹಿ ವಿಭತ್ತಿಮ್ಹಿ।
ಪುಮಾನೇ, ಪುಮೇ ವಾ।
೧೫೭, ೧೪೦. ಹಿವಿಭತ್ತಿಮ್ಹಿ ಚ।
ಪುಮಇಚ್ಚೇವಮನ್ತಸ್ಸ ಹಿವಿಭತ್ತಿಮ್ಹಿ ಚ ಆನೇಆದೇಸೋ ಹೋತಿ।
ಪುಮಾನೇಹಿ, ಪುಮಾನೇಭಿ।
ಪುನ ವಿಭತ್ತಿಗ್ಗಹಣಂ ಕಿಮತ್ಥಂ? ಸವಿಭತ್ತಿಗ್ಗಹಣನಿವತ್ತನತ್ಥಂ। ಪುಮಾನೇಹಿ।
ಚಗ್ಗಹಣೇನ ಮಘವ ಯುವಇಚ್ಚೇವಮಾದೀನಮನ್ತಸ್ಸ ಆನಆದೇಸೋ ಹೋತಿ ಸಿ ಯೋ ಅಂಯೋ ಇಚ್ಚೇತೇಸು ವಿಭತ್ತೀಸು, ಪುಮಕಮ್ಮಥಾಮನ್ತಸ್ಸ ಚುಕಾರೋ ಹೋತಿ ಸಸ್ಮಾ ಸು ವಿಭತ್ತೀಸು। ಮಘವಾನೋ, ಮಘವಾನಾ। ಮಘವಾನಂ, ಮಘವಾನೇ
೧೫೮, ೧೪೩. ಸುಸ್ಮಿಮಾ ವಾ।
ಪುಮಇಚ್ಚೇವಮನ್ತಸ್ಸ ಸುಇಚ್ಚೇತಸ್ಮಿಂವಿಭತ್ತಿಮ್ಹಿ ಆಆದೇಸೋ ಹೋತಿ ವಾ।
ಪುಮಾಸು, ಪುಮೇಸು ವಾ।
೧೫೬, ೧೩೯. ಉನಾಮ್ಹಿ ಚ।
ಪುಮಇಚ್ಚೇವಮನ್ತಸ್ಸ ಆಉಆದೇಸಾ ಹೋನ್ತಿ ವಾ ನಾಮ್ಹಿ ವಿಭತ್ತಿಮ್ಹಿ।
ಪುಮಾನಾ, ಪುಮುನಾ, ಪುಮೇನ ವಾ।
ಚಗ್ಗಹಣಮನುಕಡ್ಢನತ್ಥಂ।
೧೬೦, ೧೬೭. ಅ ಕಮ್ಮನ್ತಸ್ಸ ಚ।
ಕಮ್ಮಇಚ್ಚೇವಮನ್ತಸ್ಸ ಚ ಉಅ ಆದೇಸಾ ಹೋನ್ತಿ ವಾ ನಾಮ್ಹಿ ವಿಭತ್ತಿಮ್ಹಿ।
ಕಮ್ಮುನಾ, ಕಮ್ಮನಾ, ಕಮ್ಮೇನ ವಾ।
ಚಗ್ಗಹಣೇನ ಮಘವಯುವಇಚ್ಚೇವಮನ್ತಸ್ಸ ಆಆದೇ ಸೋ ಹೋತಿ ಕ್ವಚಿ ನಾಸುಇಚ್ಚೇತೇಸು ವಿಭತ್ತೀಸು। ಮಘವಾನಾ, ಮಘವಾಸು, ಮಘವೇಸು, ಮಘವೇನ ವಾ। ಯುವಾನಾ, ಯುವಾಸು, ಯುವೇಸು, ಯುವೇನ ವಾ।
ಇತಿ ನಾಮಕಪ್ಪೇ ದುತಿಯೋ ಕಣ್ಡೋ।
ತತಿಯಕಣ್ಡ
೧೬೧, ೨೪೪. ತುಮ್ಹ’ಮ್ಹೇಹಿ ನಮಾಕಂ।
ತೇಹಿ ತುಮ್ಹಅಮ್ಹೇಹಿ ನಂವಚನಸ್ಸ ಆಕಂ ಹೋತಿ।
ತುಮ್ಹಾಕಂ, ಅಮ್ಹಾಕಂ।
ನಮಿತಿ ಕಿಮತ್ಥಂ? ತುಮ್ಹೇಹಿ, ಅಮ್ಹೇಹಿ।
೧೬೨, ೨೩೭. ವಾ ಯ್ವಪ್ಪಠಮೋ।
ತೇಹಿ ತುಮ್ಹಅಮ್ಹೇಹಿ ಯೋ ಅಪ್ಪಠಮೋ ಆಕಂಹೋತಿ ವಾ।
ತುಮ್ಹಾಕಂ ಪಸ್ಸಾಮಿ, ತುಮ್ಹೇ ಪಸ್ಸಾಮಿ ವಾ। ಅಮ್ಹಾಕಂ ಪಸ್ಸಸಿ, ಅಮ್ಹೇ ಪಸ್ಸಸಿ ವಾ।
ಯೋತಿ ಕಿಮತ್ಥಂ? ತುಮ್ಹೇಹಿ, ಅಮ್ಹೇಹಿ।
ಅಪ್ಪಠಮೋತಿ ಕಿಮತ್ಥಂ? ಗಚ್ಛಥ ತುಮ್ಹೇ, ಗಚ್ಛಾಮ ಮಯಂ।
ವಾತಿವಿಕಪ್ಪನತ್ಥೇನ ಯೋನಂ ಅಂ ಆನಂ ಹೋನ್ತಿ। ತುಮ್ಹಂ ತುಮ್ಹಾನಂ। ಅಮ್ಹಂ, ಅಮ್ಹಾನಂ।
೧೬೩, ೨೪೦. ಸಸ್ಸಂ।
ತೇಹಿ ಹುಮ್ಹಅಮ್ಹೇಹಿ ಸಸ್ಸ ವಿಭತ್ತಿಸ್ಸ ಅಂ ಆದೇಸೋ ಹೋತಿ ವಾ।
ತುಮ್ಹಂ ದೀಯತೇ, ತವ ದೀಯತೇ। ತುಮ್ಹಂ ಪರಿಗ್ಗಹೋ, ತವ ಪರಿಗ್ಗಹೋ। ಅಮ್ಹಂ ದೀಯತೇ, ಮಮ ದೀಯತೇ। ಅಮ್ಹಂ ಪರಿಗ್ಗಹೋ, ಮಮ ಪರಿಗ್ಗಹೋ।
ಸಸ್ಸೇತಿ
೧೬೪, ೨೦೦. ಸಬ್ಬನಾಮ’ಕಾರತೇ ಪಠಮೋ।
ಸಬ್ಬೇಸಂ ಸಬ್ಬನಾಮಾನಂ ಅಕಾರತೋ ಯೋ ಪಠಮೋ ಏತ್ತಮಾಪಜ್ಜತೇ।
ಸಬ್ಬೇ, ಯೇ, ತೇ, ಕೇ, ತುಮ್ಹೇ, ಅಮ್ಹೇ, ಇಮೇ।
ಸಬ್ಬನಾಮಾತಿ ಕಿಮತ್ಥಂ? ದೇವಾ, ಅಸುರಾ, ನಾಗಾ, ಗನ್ಧಬ್ಬಾ, ಮನುಸ್ಸಾ।
ಅಕಾರತೋತಿ ಕಿಮತ್ಥಂ? ಅಮೂ ಪುರಿಸಾ ತಿಟ್ಠನ್ತಿ।
ಯೋತಿ ಕಿಮತ್ಥಂ? ಸಬ್ಬೋ, ಯೋ, ಸೋ, ಕೋ, ಅಯಂ।
ಪಠಮಗ್ಗಹಣಂ ಉತ್ತರಸುತ್ತತ್ಥಂ।
೧೬೫, ೨೦೮. ದ್ವನ್ದಟ್ಠಾ ವಾ।
ತಸ್ಮಾ ಸಬ್ಬನಾಮ’ಕಾರತೋ ದ್ವನ್ದಟ್ಠಾ ಯೋ ಪಠಮೋ ಏತ್ತಮಾಪಜ್ಜತೇ ವಾ।
ಕತರಕತಮೇ, ಕತರಕತಮಾ ವಾ।
ಸಬ್ಬನಾಮಾತಿ ಕಿಮತ್ಥಂ? ದೇವಾಸುರನಾಗ ಗನ್ಧಬ್ಬಮನುಸ್ಸಾ।
ದ್ವನ್ದಟ್ಠಾತಿ ಕಿಮತ್ಥಂ ತೇ, ಸಬ್ಬೇ।
೧೬೬, ೨೦೯. ನಾಞ್ಞಂ ಸಬ್ಬನಾಮಿಕಂ।
ಸಬ್ಬನಾಮಿಕಾನಂ ದ್ವನ್ದಟ್ಠೇ ನಾಞ್ಞಂ ಕಾರಿಯಂ ಹೋತಿ,
ಪುಬ್ಬಾಪರಾನಂ, ಪುಬ್ಬುತ್ತರಾನಂ, ಅಧರುತ್ತರಾನಂ।
೧೬೭, ೨೧೦. ಬಹುಬ್ಬೀಹಿಮ್ಹಿ ಚ।
ಬಹುಬ್ಬೀಹಿಮ್ಹಿ ಚ ಸಮಾಸೇ ಸಬ್ಬನಾಮವಿಧಾನಞ್ಚ ನಾಞ್ಞಂ ಕಾರಿಯಂ ಹೋತಿ।
ಪಿಯಪುಬ್ಬಾಯ, ಪಿಯಪುಬ್ಬಾನಂ, ಪಿಯಪುಬ್ಬೇ, ಪಿಯಪುಬ್ಬಸ್ಸ।
ಚೇತಿ ಕಿಮತ್ಥಂ? ಸಬ್ಬನಾಮವಿಧಾನಂ ಹೋತಿ, ದಕ್ಖಿಣ ಪುಬ್ಬಸ್ಸಂ, ದಕ್ಖಿಣಪುಬ್ಬಸ್ಸಾ, ಉತ್ತರಪುಬ್ಬಸ್ಸಂ, ಉತ್ತರಪುಬ್ಬಸ್ಸಾ।
೧೬೮, ೨೦೩. ಸಬ್ಬತೋ ನಂ ಸಂ ಸಾನಂ।
ಸಬ್ಬತೋ ಸಬ್ಬನಾಮತೋ ನಂವಚನಸ್ಸ ಸಂಸಾನಂಇಚ್ಚೇತೇ ಆದೇಸಾ ಹೋನ್ತಿ।
ಸಬ್ಬೇಸಂ, ಸಬ್ಬೇಸಾನಂ, ಸಬ್ಬಾಸಂ, ಸಬ್ಬಾಸಾನಂ। ಯೇಸಂ, ಯೇಸಾನಂ, ಯಾಸಂ, ಯಾಸಾನಂ। ತೇಸಂ, ತೇಸಾನಂ, ತಾಸಂ, ತಾಸಾನಂ। ಕೇಸಂ, ಕೇಸಾನಂ, ಕಾಸಂ, ಕಾಸಾನಂ। ಇಮೇಸಂ, ಇಮೇಸಾನಂ, ಇಮಾಸಂ, ಇಮಾಸಾನಂ। ಅಮೂಸಂ, ಅಮೂಸಾನಂ।
ನಮಿತಿ ಕಿಮತ್ಥಂ? ಸಬ್ಬಸ್ಸ, ಯಸ್ಸ, ತಸ್ಸ, ಕಸ್ಸ। ಏವಂ ಸಬ್ಬತ್ಥ।
೧೬೯, ೧೧೭. ರಾಜಸ್ಸ ರಾಜು ಸುನಂಹಿಸು ಚ।
ಸಬ್ಬಸ್ಸೇವ ರಾಜಸದ್ದಸ್ಸ ರಾಜುಆದೇಸೋ ಹೋತಿ ಸುನಂಹಿಇಚ್ಚೇತೇಸು।
ರಾಜೂಸು, ರಾಜೂನಂ, ರಾಜೂಹಿ, ರಾಜೂಭಿ।
ಸುನಂಹಿಸೂತಿ ಕಿಮತ್ಥಂ? ರಾಜಾ।
ಚಗ್ಗಹಣಮವಧಾರಣತ್ಥಂ। ರಾಜೇಸು, ರಾಜಾನಂ, ರಾಜೇಹಿ ರಾಜೇಭಿ।
೧೭೦, ೨೨೦. ಸಬ್ಬಸ್ಸಿಮಸ್ಸೇ ವಾ।
ಸಬ್ಬಸ್ಸೇವ ಇಮಸದ್ದಸ್ಸ ಏಕಾರೋ ಹೋತಿ ವಾ ಸುನಂಹಿಇಚ್ಚೇತೇಸು।
ಏಸು, ಇಮೇಸು, ಏಸಂ, ಇಮೇಸಂ, ಏಹಿ, ಏಭಿ, ಇಮೇಹಿ, ಇಮೇಭಿ।
ಇಮಸ್ಸೇತಿ ಕಿಮತ್ಥಂ? ಏತೇಸು, ಏತೇಸಂ, ಏತೇಹಿ, ಏತೇಭಿ।
೧೭೧, ೨೧೯. ಅನಿಮಿ ನಾಮ್ಹಿ ಚ।
ಇಮಸದ್ದಸ್ಸ ಸಬ್ಬಸ್ಸೇವ ಅನ ಇಮಿಇಚ್ಚೇತೇ ಆದೇಸಾ ಹೋನ್ತಿ ನಾಮ್ಹಿ ವಿಭತ್ತಿಮ್ಹಿ।
ಅನೇನ ಧಮ್ಮದಾನೇನ। ಸುಖಿತಾ ಹೋತು ಸಾ ಪಜಾ।
ಇಮಿನಾ ಬುದ್ಧಪೂಜೇನ, ಪತ್ವಾನ ಅಮತಂ ಪದಂ।
ನಾಮ್ಹೀತಿ ಕಿಮತ್ಥಂ? ಇಮೇಸು, ಇಮೇಸಂ, ಇಮೇಹಿ, ಇಮೇಭಿ।
೧೭೨, ೨೧೮. ಅನಪುಂಸಕಸ್ಸಾ ಯಂ ಸಿಮ್ಹಿ।
ಇಮಸದ್ದಸ್ಸ ಸಬ್ಬಸ್ಸೇವ ಅನಪುಂಸಕಸ್ಸ ಅಯಂಆದೇಸೋ ಹೋತಿ ಸಿಮ್ಹಿ ವಿಭತ್ತಿಮ್ಹಿ।
ಅಯಂ ಪುರಿಸೋ, ಅಯಂ ಇತ್ಥೀ।
ಅನಪುಂಸಕಸ್ಸೇತಿ ಕಿಮತ್ಥಂ? ಇದಂ ಚಿತ್ತಂ ತಿಟ್ಠತಿ।
ಸಿಮ್ಹಿತಿ ಕಿಮತ್ಥಂ? ಇಮಂ ಪುರಿಸಂ ಪಸ್ಸಸಿ ತ್ವಂ।
೧೭೩, ೨೨೩. ಅಮುಸ್ಸ ಮೋ ಸಂ।
ಅಮುಸದ್ದಸ್ಸ ಅನಪುಂಸಕಸ್ಸ ಮಕಾರೋ ಸಕಾರಮಾಪಜ್ಜತೇ ವಾ ಸಿಮ್ಹಿ ವಿಭತ್ತಿಮ್ಹಿ।
ಅಸು ರಾಜಾ, ಅಸು ಇತ್ಥೀ, ಅಮುಕೋ ರಾಜಾ, ಅಮುಕಾ ಇತ್ಥೀ।
ಅನಪುಂಸಕಸ್ಸೇತಿ ಕಿಮತ್ಥಂ? ಅದುಂ ಪುಪ್ಫಂ ವಿರೋಚತಿ।
ಅಮುಸ್ಸೇತಿ ಕಿಮತ್ಥಂ? ಅಯಂ ಪುರಿಸೋ ತಿಟ್ಠತಿ।
ಸಿಮ್ಹಿತಿ ಕಿಮತ್ಥಂ? ಅಮ್ಹಂ ಪುರಿಸಂ ಪಸ್ಸಸಿ।
೧೭೪, ೨೧೧. ಏತತೇಸಂ ತೋ।
ಏತ ತಇಚ್ಚೇತೇಸಂ ಅನಪುಂಸಕಾನಂ ತಕಾರೋ ಸಕಾರಮಾಪಜ್ಜತೇ ಸಿಮ್ಹಿ ವಿಭತ್ತಿಮ್ಹಿ।
ಏಸೋ ಪುರಿಸೋ, ಏಸಾ ಇತ್ಥೀ, ಸೋ ಪುರಿಸೋ, ಸಾ ಇತ್ಥೀ।
ಏತತೇಸಮಿತಿ
ಅನಪುಂಸಕಾನಮಿತಿ ಕಿಮತ್ಥಂ? ಏತಂ ಚಿತ್ತಂ, ಏತಂ ರೂಪಂ। ತಂ ಚಿತ್ತಂ, ತಂ ರೂಪಂ।
೧೫೭, ೨೧೨. ತಸ್ಸ ವಾ ನತ್ತಂ ಸಬ್ಬತ್ಥ।
ತಸ್ಸ ಸಬ್ಬನಾಮಸ್ಸ ತಕಾರಸ್ಸ ನತ್ತಂ ಹೋತಿ ವಾ ಸಬ್ಬತ್ಥ ಲಿಙ್ಗೇಸು।
ನಾಯ, ತಾಯ, ನಂ, ತಂ, ನೇ, ತೇ, ನೇಸು, ತೇಸು, ನಮ್ಹಿ, ತಮ್ಹಿ, ನಾಹಿ, ತಾಹಿ, ನಾಭಿ, ತಾಭಿ।
೧೭೬, ೨೧೩. ಸಸ್ಮಾಸ್ಮಿಂಸಂಸಾಸ್ವತ್ತಂ।
ತಸ್ಸ ಸಬ್ಬನಾಮಸ್ಸ ತಕಾರಸ್ಸ ಸಬ್ಬಸ್ಸೇವ ಅತ್ತಂ ಹೋತಿ ವಾ ಸಸ್ಮಾಸ್ಮಿಂ ಸಂಸಾಇಚ್ಚೇತೇಸು ಸಬ್ಬತ್ಥ ಲಿಙ್ಗೇಸು।
ಅಸ್ಸ, ತಸ್ಸ, ಅಸ್ಮಾ, ತಸ್ಮಾ, ಅಸ್ಮಿಂ, ತಸ್ಮಿಂ, ಅಸ್ಸಂ, ತಸ್ಸಂ, ಅಸ್ಸಾ, ತಸ್ಸಾ।
ತಕಾರಸ್ಸೇತಿ ಕಿಮತ್ಥಂ? ಅಮುಸ್ಸಂ, ಅಮುಸ್ಸಾ।
ಏತೇಸ್ವೀತಿ ಕಿಮತ್ಥಂ? ನೇಸು, ತೇಸು।
೧೭೭, ೨೨೧. ಇಮಸದ್ದಸ್ಸ ಚ।
ಇಮಸದ್ದಸ್ಸ ಚ ಸಬ್ಬಸ್ಸೇವ ಅತ್ತಂ ಹೋತಿ ವಾ ಸಸ್ಮಾಸ್ಮಿಂ ಸಂ ಸಾಇಚ್ಚೇತೇಸು ಸಬ್ಬತ್ಥ ಲಿಙ್ಗೇಸು।
ಅಸ್ಸ
ಇಮಸದ್ದಸ್ಸೇತಿ ಕಿಮತ್ಥಂ? ಏತಿಸ್ಸಂ, ಏತಿಸ್ಸಾ।
೧೭೮, ೨೨. ಸಬ್ಬತೋ ಕೋ।
ಸಬ್ಬತೋ ಸಬ್ಬನಾಮತೋ ಕಕಾರಾಗಮೋ ಹೋತಿ ವಾ ಸಿಮ್ಹಿ ವಿಭತ್ತಿಮ್ಹಿ।
ಸಬ್ಬಕೋ, ಯಕೋ, ಸಕೋ, ಅಮುಕೋ, ಅಸುಕೋ।
ವಾತಿ ಕಿಮತ್ಥಂ? ಸಬ್ಬೋ, ಯೋ, ಸೋ, ಕೋ।
ಸಬ್ಬನಾಮತೋತಿ ಕಿಮತ್ಥಂ? ಪುರಿಸೋ।
ಪುನ ಸಬ್ಬತೋಗ್ಗಹಣೇನ ಅಞ್ಞಸ್ಮಾಪಿ ಕಕಾರಾಗಮೋ ಹೋತಿ, ಹೀನಕೋ, ಪೋತಕೋ।
೧೭೯, ೨೦೪. ಯಪತೋ ಸ್ಮಿಂಸಾನಂ ಸಂಸಾ।
ಸಬ್ಬತೋ ಸಬ್ಬನಾಮತೋ ಘಪಸಞ್ಞತೋ ಸ್ಮಿಂಸಇಚ್ಚೇತೇಸಂ ಸಂಸಾ ಆದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ।
ಸಬ್ಬಸ್ಸಂ, ಸಬ್ಬಸ್ಸಾ, ಸಬ್ಬಾಯಂ, ಸಬ್ಬಾಯ, ಇಮಿಸ್ಸಂ, ಇಮಿಸ್ಸಾ, ಇಮಾಯಂ, ಇಮಾಯ, ಅಮುಸ್ಸಂ, ಅಮುಸ್ಸಾ, ಅಮುಯಂ, ಅಮುಯಾ।
ಸಬ್ಬನಾಮತೋತಿ ಕಿಮತ್ಥಂ? ಇತ್ಥಿಯಂ, ಇತ್ಥಿಯಾ।
ಸ್ಮಿಂಸಾನಮಿತಿ ಕಿಮತ್ಥಂ? ಅಮುಯೋ।
೧೮೦, ೨೦೭. ನೇತಾಹಿ ಸ್ಮಿಮಾಯ ಯಾ।
ಏತೇಹಿ ಸಬ್ಬನಾಮೇಹಿ ಘಪಸಞ್ಞೇಹಿ ಸ್ಮಿಂವಚನಸ್ಸ ನೇವ ಆಯ ಯಾಆದೇಸಾ ಹೋನ್ತಿ।
ಏತಿಸ್ಸಂ, ಏತಾಯಂ, ಇಮಿಸ್ಸಂ, ಇಮಾಯಂ, ಅಮುಸ್ಸಂ, ಅಮುಯಂ।
ಸ್ಮಿಂನ್ತಿ ಕಿಮತ್ಥಂ? ತಾಯ ಇತ್ಥಿಯಾ ಮುಖಂ।
ಏತಾಹೀತಿ ಕಿಮತ್ಥಂ? ಕಞ್ಞಾಯ, ವೀಣಾಯ, ಗಙ್ಗಾಯ, ಕಪಾಲಿಕಾಯ।
೧೮೧, ೯೫. ಮನೋಗಣಾದಿತೋ ಸ್ಮಿಂನಾನಮಿಆ।
ತಸ್ಮಾ ಮನೋಗಣಾದಿತೋ ಸ್ಮಿಂನಾಇಚ್ಚೇತೇಸಂ ಇಕಾರಆಕಾರಾದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ।
ಮನಸಿ, ಮನುಸ್ಮಿಂ, ಸಿರಸಿ, ಸಿರಸ್ಮಿಂ, ಮನಸಾ, ಮನೇನ, ವಚಸಾ, ವಚೇನ, ಸಿರಸಾ, ಸಿರೇನ, ಸರಸಾ, ಸರೇನ, ತಪಸಾ, ತಪೇನ, ವಯಸಾ, ವಯೇನ, ಯಸಸಾ, ಯಸೇನ, ತೇಜಸಾ, ತೇಜೇನ, ಉರಸಾ, ಉರೇನ, ಥಾಮಸಾ, ಥಾಮೇನ।
ಸ್ಮಿಂನಾನಮಿತಿ ಕಿಮತ್ಥಂ? ಮನೋ, ಸಿರೋ, ತಮೋ, ತಪೋ, ತೇಜೋ।
ಆದಿಗ್ಗಹಣೇನ ಅಞ್ಞಾಸ್ಮಾಪಿ ಸ್ಮಿಂನಾನಂ ಇಕಾರಆಕಾರಾದೇಸಾ ಹೋನ್ತಿ, ಬಿಲಸಿ, ಬಿಲಸಾ, ಪದಸಿ, ಪದಸಾ।
೧೮೨, ೯೭. ಸಸ್ಸ ಚೋ।
ತಸ್ಮಾ ಮನೋಗಣಾದಿತೋ ಸಸ್ಸ ಚ ಓಕಾರೋ ಹೋತಿ।
ಮನಸೋ, ಥಾಮಸೋ, ತಪಸೋ।
೧೮೩, ೪೮. ಏತೇಸಮೋ ಲೋಪೇ।
ಏತೇಸಂ ಮನೋಗಣಾದೀನಂ ಅನ್ತೋ ಓತ್ತಮಾಪಜ್ಜತೇ ವಿಭತ್ತಿಲೋಪೇ ಕತೇ।
ಮನೋಮಯಂ, ಅಯೋಮಯಂ, ತೇಜೋಸಮೇನ, ತಪೋಗುಣೇನ, ಸಿರೋರುಹೇನ।
ಆದಿಗ್ಗಹಣಂಕಿಮತ್ಥಂ? ಅಞ್ಞೇಸಮನ್ತೋ ಓತ್ತಮಾಪಜ್ಜತೇ। ಆಪೋಸಮೇನ, ವಾಯೋಸಮೇನ।
ಲೋಪೇತಿ ಕಿಮತ್ಥಂ? ಪದಯಾ, ತಪಸಾ, ಯಸಸಾ, ವಚಸಾ, ಮನಸಾ, ಏವಮಞ್ಞೇಪಿ ಯೋಜೇತಬ್ಬಾ।
೧೮೪, ೯೬. ಸ ಸರೇ ವಾಗಮೋ।
ಏತೇಹೇವ ಮನೋಗಣಾದೀಹಿ ವಿಭತ್ತಾದೇಸೇ ಸರೇ ಪರೇ ಸಕಾರಾಗಮೋ ಹೋತಿ ವಾ।
ಮನಸಾ, ವಚಸಾ, ಮನಸಿ, ವಚಸಿ।
ವಾತಿ ಕಿಮತ್ಥಂ? ಮನೇನ, ತೇಜೇನ, ವಸೇನ,
ಸರೇತಿ
ಪುನ ಆದಿಗ್ಗಹಣೇನ ಅಞ್ಞಸ್ಮಿಮ್ಪಿ ಪಚ್ಚಯೇ ಪರೇ ಸಕಾರಾಗಮೋ ಹೋತಿ। ಮಾನಸಿಕಂ, ವಾಚಸಿಕಂ।
೧೮೫, ೧೧೨. ಸನ್ತಸದ್ದಸ್ಸ ಸೋ ತೇ ಬೋ ಚನ್ತೇ।
ಸಬ್ಬಸ್ಸ ಸನ್ತಸದ್ದಸ್ಸ ಸಕಾರಾದೇಸೋ ಹೋತಿ ಭಕಾರೇ ಪರೇ, ಅನ್ತೇ ಚ ಬಕಾರಾಗಮೋ ಹೋತಿ।
ಸಬ್ಭಿರೇವ ಸಮಾಸೇಥ,
ಸಬ್ಭಿಕುಬ್ಬೇಥ ಸನ್ಥವಂ।
ಸತಂ ಸದ್ಧಮ್ಮಮಞ್ಞಾಯ,
ಸೇಯ್ಯೋ ಹೋತಿ ನ ಪಾಪಿಯೋ।
ಜೀರನ್ತಿ ವೇ ರಾಜರಥಾ ಸುಚಿತ್ತಾ।
ಅಥೋ ಸರೀರಮ್ಪಿ ಜರಂ ಉಪೇತಿ।
ಸತಞ್ಚ ಧಮ್ಮೋ ನ ಜರಂ ಉಪೇತಿ,
ಸನ್ತೋ ಹವೇ ಸಬ್ಭಿ ಪವೇದಯನ್ತಿ।
ಸಬ್ಭೂತೋ, ಸಬ್ಭಾವೋ।
ಭೇತಿ ಕಿಮತ್ಥಂ? ಸನ್ತೇಹಿ ಪೂಜಿತೋ ಭಗವಾ।
ಚಗ್ಗಹಣಂ ಕ್ವಚಿ ಸಕಾರಸ್ಸೇವ ಪಸಿದ್ಧತ್ಥಂ। ಸಕ್ಕಾರೋ, ಸಕ್ಕತೋ।
೧೯೬, ೧೦೭. ಸಿಮ್ಹಿಗಚ್ಛನ್ತಾದೀನಂ ನ್ತಸದ್ದೋ ಅಂ।
ಸಿಮ್ಹಿ ಗಚ್ಛನ್ತಾದೀನಂ ನ್ತಸದ್ದೋ ಅಮಾಪಜ್ಜತೇ ವಾ।
ಗಚ್ಛಂ, ಗಚ್ಛನ್ತೋ, ಮಹಂ, ಮಹನ್ತೋ, ಚರಂ, ಚರನ್ತೋ, ಖಾದಂ, ಖಾದನ್ತೋ।
ಗಚ್ಛನ್ತಾದೀನಮಿತಿ ಕಿಮತ್ಥಂ? ಅನ್ತೋ, ದನ್ತೋ, ವನ್ತೋ, ಸನ್ತೋ।
೧೮೭, ೧೦೮. ಸೇಸೇಸು ನ್ತುವ।
ಗಚ್ಛನ್ತಾದೀನಂನ್ತಸದ್ದೋನ್ತುಪ್ಪಚ್ಚಯೋವ ದಟ್ಠಬ್ಬೋ ಸೇಸೇಸು ವಿಭತ್ತಿಪ್ಪಚ್ಚಯೇಸು।
ಗಚ್ಛತೋ, ಮಹತೋ, ಗಚ್ಛತಿ, ಮಹತಿ, ಗಚ್ಛತಾ, ಮಹತಾ।
ಸೇಸೇಸೂತಿ ಕಿಮತ್ಥಂ? ಗಚ್ಛಂ, ಮಹಂ, ಚರಂ, ಖಾದಂ।
೧೮೮, ೧೧೫. ಬ್ರಹ್ಮತ್ತ ಸಖ ರಾಜಾದಿತೋ ಅಮಾನಂ।
ಬ್ರಹ್ಮ ಅತ್ತ ಸಖ ರಾಜಇಚ್ಚೇವಮಾದಿತೋ ಅಂವಚನಸ್ಸ ಆನಂ ಹೋತಿ ವಾ।
ಬ್ರಹ್ಮಾನಂ, ಬ್ರಹ್ಮಂ, ಅತ್ತಾನಂ, ಅತ್ತಂ, ಸಖಾನಂ, ಸಖಂ, ರಾಜಾನಂ, ರಾಜಂ।
ಅಮಿತಿ ಕಿಮತ್ಥಂ? ರಾಜಾ।
೧೮೯, ೧೧೩. ಸ್ಯಾ ಚ।
ಬ್ರಹ್ಮ ಅತ್ತ ಸಖ ರಾಜಇಚ್ಚೇವಮಾದಿತೋ ಸಿವಚನಸ್ಸ ಆ ಚ ಹೋತಿ।
ಬ್ರಹ್ಮಾ, ಅತ್ತಾ, ಸಖಾ, ರಾಜಾ, ಆತುಮಾ।
೧೯೦, ೧೧೪. ಯೋನಮಾನೋ।
ಬ್ರಹ್ಮಅತ್ತ ಸಖ ರಾಜಇಚ್ಚೇವಮಾದಿತೋ ಯೋನಂ ಆನೋಆದೇಸೋ ಹೋತಿ।
ಬ್ರಹ್ಮಾನೋ, ಅತ್ತಾನೋ, ಸಖಾನೋ, ರಾಜಾನೋ, ಆತುಮಾನೋ।
೧೯೧, ೧೩೦. ಸಖತೋ ಚಾಯೋ ನೋ।
ತಸ್ಮಾ ಸಖತೋ ಚ ಯೋನಂ ಆಯೋ ನೋ ಆದೇಸಾ ಹೋನ್ತಿ।
ಸಖಾಯೋ, ಸಖಿನೋ।
ಯೋನಮಿತಿ ಕಿಮತ್ಥಂ? ಸಖಾ।
೧೯೨, ೧೩೫. ಸ್ಮಿಮೇ।
ತಸ್ಮಾ ಸಖತೋ ಸ್ಮಿಂವಚನಸ್ಸ ಏಕಾರೋ ಹೋತಿ। ಸಖೇ।
೧೯೩, ೧೨೨. ಬ್ರಹ್ಮತೋ ಗಸ್ಸ ಚ।
ತಸ್ಮಾ ಬ್ರಹ್ಮತೋ ಗಸ್ಸ ಚ ಏಕಾರೋ ಹೋತಿ। ಹೇ ಬ್ರಹ್ಮೇ।
೧೯೪, ೧೩೧. ಸಖನ್ತಸ್ಸಿ ನೋ ನಾ ನಂ ಸೇಸು।
ತಸ್ಸ ಸಖನ್ತಸ್ಸ ಇಕಾರೋ ಹೋತಿ ನೋನಾನಂಸಇಚ್ಚೇತೇಸು।
ಸಖಿನೋ, ಸಖಿನಾ, ಸಖೀನಂ, ಸಖಿಸ್ಸ।
ಏತೇಸ್ವೀತಿ ಕಿಮತ್ಥಂ? ಸಖಾರೇಹಿ।
೧೯೫, ೧೩೪. ಆರೋ ಹಿಮ್ಹಿ ವಾ।
ತಸ್ಸ ಸಖನ್ತಸ್ಸ ಆರೋ ಹೋತಿ ವಾ ಹಿಮ್ಹಿ ವಿಭತ್ತಿಮ್ಹಿ। ಸಖಾರೇಹಿ, ಸಖೇಹಿ।
೧೯೬, ೧೩೩. ಸುನಮಂಸು ವಾ।
ತಸ್ಸ ಸಖನ್ತಸ್ಸ ಆರೋ ಹೋತಿ ವಾ ಸುನಂ ಅಂಇಚ್ಚೇತೇಸು।
ಸಖಾರೇಸು, ಸಖೇಸು, ಸಖಾರಾನಂ, ಸಖೀನಂ, ಸಖಾರಂ, ಸಖಂ।
೧೯೭, ೧೨೫. ಬ್ರಹ್ಮತೋ ತು ಸ್ಮಿಂ ನಿ।
ತಸ್ಮಾ ಬ್ರಹ್ಮತೋ ಸ್ಮಿಂವಚನಸ್ಸ ನಿಆದೇಸೋ ಹೋತಿ। ಬ್ರಹ್ಮನಿ।
ತುಗ್ಗಹಣೇನ ಸ್ಮಿಂ ವಚನಸ್ಸ ನಿ ಹೋತಿ। ಕಮ್ಮನಿ, ಚಮ್ಮನಿ, ಮುದ್ಧನಿ।
೧೯೮, ೧೨೩. ಉತ್ತಂ ಸನಾಸು।
ತಸ್ಸ ಬ್ರಹ್ಮಸದ್ದಸ್ಸ ಅನ್ತೋ ಉತ್ತಮಾಪಜ್ಜತೇ ಸನಾಇಚ್ಚೇತೇಸು।
ಬ್ರಹ್ಮುನೋ, ಬ್ರಹ್ಮುನಾ।
ಸನಾಸೂತಿ ಕಿಮತ್ಥಂ? ಬ್ರಹ್ಮಾ।
೧೯೯, ೧೫೮. ಸತ್ಥುಪಿತಾದೀನಮಾ ಸಿಸ್ಮಿಂಸಿಲೋಪೋಚ।
ಸತ್ಥುಪಿತುಆದೀನಮನ್ತೋ ಅತ್ತಮಾಪಜ್ಜತೇ ಸಿಸ್ಮಿಂ, ಸಿಲೋಪೋ ಚ ಹೋತಿ।
ಸತ್ಥಾ, ಪಿತಾ, ಮಾತಾ, ಭಾತಾ, ಕತ್ತಾ।
ಸಿಸ್ಮಿನ್ತಿ ಕಿಮತ್ಥಂ? ಸತ್ಥುಸ್ಸ, ಪಿತುಸ್ಸ, ಮಾತುಸ್ಸ, ಭಾತುಸ್ಸ, ಕತ್ತುಸ್ಸ।
೨೦೦, ೧೫೯. ಅಞ್ಞೇಸ್ವಾರತ್ತಂ।
ಸತ್ಥುಪಿತುಆದೀನಮನ್ತೋ ಅಞ್ಞೇಸು ವಚನೇಸು ಆರತ್ತಮಾಪಜ್ಜತೇ।
ಸತ್ಥಾರಂ, ಪಿತರಂ, ಮಾತರಂ, ಭಾತರಂ, ಕತ್ತಾರಂ, ಸತ್ಥಾರೇಹಿ, ಪಿತರೇಹಿ, ಮಾತರೇಹಿ, ಭಾತರೇಹಿ, ಕತ್ತಾರೇಹಿ।
ಅಞ್ಞೇಸ್ವೀತಿ
೨೦೧, ೧೬೩. ವಾ ನಂಮ್ಹಿ।
ಸತ್ಥುಪಿತುಆದೀನಮನ್ತೋ ಆರತ್ತಮಾಪಜ್ಜತೇ ವಾ ನಂಮ್ಹಿ ವಿಭತ್ತಿಮ್ಹಿ।
ಸತ್ಥಾರಾನಂ, ಪಿತರಾನಂ, ಮಾತರಾನಂ, ಭಾತರಾನಂ।
ವಾತಿ ಕಿಮತ್ಥಂ? ಸತ್ಥಾನಂ, ಪಿತೂನಂ, ಮಾತೂನಂ, ಭಾತೂನಂ।
೨೦೨, ೧೬೪. ಸತ್ಥುನತ್ತಞ್ಚ।
ತಸ್ಸ ಸತ್ಥುಸದ್ದಸ್ಸ ಅನ್ತೋ ಅತ್ತಮಾಪಜ್ಜತೇ ವಾ ನಂಮ್ಹಿ ವಿಭತ್ತಿಮ್ಹಿ।
ಸತ್ಥಾನಂ, ಪಿತಾನಂ, ಮಾತಾನಂ, ಭಾತಾನಂ, ಕತ್ತಾನಂ।
ವಾತಿ ಕಿಮತ್ಥಂ? ಸತ್ಥಾರಾನಂ, ಪಿತರಾನಂ, ಮಾತರಾನಂ, ಭಾತರಾನಂ, ಧೀತರಾನಂ।
ಚಗ್ಗಹಣಂ ಅಞ್ಞೇಸಮ್ಪಿ ಸಙ್ಗಹಣತ್ಥಂ।
೨೦೩, ೧೬೨. ಉಸಸ್ಮಿಂ ಸಲೋಪೋ ಚ।
ಸತ್ಥುಪಿತುಇಚ್ಚೇವಮಾದೀನಮನ್ತಸ್ಸ ಉತ್ತಂ ಹೋತಿ ವಾ ಸಸ್ಮಿಂ, ಸಲೋಪೋ ಚ।
ಸತ್ಥು
ಚಗ್ಗಹಣಂ ದುತಿಯಸಮ್ಪಿಣ್ಡನತ್ಥಂ।
೨೦೪, ೧೬೭. ಸಕ್ಕಮನ್ಧಾತಾದೀನಞ್ಚ।
ಸಕ್ಕಮನ್ಧಾತುಇಚ್ಚೇವಮಾದೀನಮನ್ತೋ ಉತ್ತಮಾಪಜ್ಜತೇ ಸಸ್ಮಿಂ, ಸಲೋಪೋ ಚ ಹೋತಿ।
ಸಕ್ಕಮನ್ಧಾತು ಇವ ಅಸ್ಸ ರಾಜಿನೋ ವಿಭವೋ। ಏವಂ ಕತ್ತು, ಗನ್ತು, ದಾತು ಇಚ್ಚೇವಮಾದೀ।
ಪುನಾರಮ್ಭಗ್ಗಹಣಂ ಕಿಮತ್ಥಂ? ನಿಚ್ಚದೀಪನತ್ಥಂ। ಸಕ್ಕಮನ್ಧಾತು।
ಚಗ್ಗಹಣಂ ದುತಿಯಸಮ್ಪಿಣ್ಡನತ್ಥಂ।
೨೦೫, ೧೬೦. ತತೋ ಯೋನಮೋ ತು।
ತತೋ ಆರಾದೇಸತೋ ಸಬ್ಬೇಸಂ ಯೋ ನಂ ಓಕಾರಾದೇಸೋ ಹೋತಿ।
ಸತ್ಥಾರೋ, ಪಿತರೋ, ಮಾತರೋ, ಭಾತರೋ, ಕತ್ತಾರೋ, ವತ್ತಾರೋ।
ತುಗ್ಗಹಣೇನ ಅಞ್ಞಸ್ಮಾಪಿ ಯೋನಂ ಓಕಾರೋ ಹೋತಿ। ಚತುರೋ ಜನಾ, ಗಾವೋ, ಉಭೋ ಪುರಿಸಾ।
೨೦೬, ೧೬೫. ತತೋ ಸ್ಮಿಮಿ।
ತತೋ ಆರಾದೇಸತೋ ಸ್ಮಿಂವಚನಸ್ಸ ಇಕಾರಾದೇಸೋ ಹೋತಿ।
ಸತ್ಥರಿ, ಪಿತರಿ, ಮಾತರಿ, ಧೀತರಿ, ಭಾತರಿ, ಕತ್ತರಿ, ವತ್ತರಿ।
ಪುನ ತತೋಗಹಣೇನ ಅಞ್ಞಸ್ಮಾಪಿ ಸ್ಮಿಂವಚನಸ್ಸ ಇಕಾರೋ ಹೋತಿ। ಭುವಿ।
೨೦೭, ೧೬೧. ನಾ ಆ।
ತತೋ ಆರಾದೇಸತೋ ನಾವಚನಸ್ಸ ಆಆದೇಸೋ ಹೋತಿ।
ಸತ್ಥಾರಾ, ಪಿತರಾ, ಮಾತರಾ, ಭಾತರಾ, ಧೀತರಾ, ಕತ್ತಾರಾ, ವತ್ತಾರಾ।
೨೦೮, ೧೬೬. ಆರೋ ರಸ್ಸಮಿಕಾರೇ।
ಆರಾದೇಸೋ ರಸ್ಸಮಾಪಜ್ಜತೇ ಇಕಾರೇ ಪರೇ।
ಸತ್ಥರಿ, ಪಿತರಿ, ಮಾತರಿ, ಧೀತರಿ, ಕತ್ತರಿ, ವತ್ತರಿ।
೨೦೯, ೧೬೮. ಪಿತಾದೀನಮಸಿಮ್ಹಿ।
ಪಿತಾದೀನ ಮಾರಾದೇಸೋ ರಸ್ಸಮಾಪಜ್ಜತೇ ಅಸಿಮ್ಹಿ ವಿಭತ್ತಿಮ್ಹಿ।
ಪಿತರಾ, ಮಾತರಾ, ಭಾತರಾ, ಮೀತರಾ ಪಿತರೋ, ಮಾತರೋ, ಭಾತರೋ, ಧೀತರೋ।
ಅಸಿಮ್ಹಿಗ್ಗಹಣಂ ತೋಮ್ಹಿ ಪರೇ ಇಕಾರಾದೇಸಞಾಪನತ್ಥಂ। ಮಾತಿತೋ, ಪಿತಿತೋ, ಭಾತಿತೋ, ದುಹಿತಿತೋ।
೨೧೦, ೨೩೯. ತಯಾತಯೀನಂ ತಕಾರೋ ತ್ವತ್ತಂ ವಾ।
ತಯಾತಯಿ ಇಚ್ಚೇತೇಸಂ ತಕಾರೋ ತ್ವತ್ತಮಾಪಜ್ಜತೇ ವಾ।
ತ್ವಯಾ, ತಯಾ, ತ್ವಯಿ, ತಯಿ।
ಏತೇಸಮಿತಿ ಕಿಮತ್ಥಂ? ತುವಂ, ತವಂ।
ಇತಿ ನಾಧಕಪ್ಪೇ ತತಿಯೋ ಕಣ್ಡೋ।
ಚತುತ್ಥಕಣ್ಡ
೨೧೧, ೧೨೬. ಅತ್ತನ್ತೋ ಹಿಸ್ಮಿ’ಮನತ್ತಂ।
ತಸ್ಸ ಅತ್ತನೋ ಅನ್ತೋ ಅನತ್ತಮಾಪಜ್ಜತೇ ಹಿಮ್ಹಿ ವಿಭತ್ತಿಮ್ಹಿ।
ಅತ್ತನೇಹಿ, ಅತ್ತನೇಭಿ।
ಅತ್ತನ್ತೋತಿ ಕಿಮತ್ಥಂ? ರಾಜೇಹಿ, ರಾಜೇಭಿ।
ಹಿಸ್ಮಿನ್ತಿ ಕಿಮತ್ಥಂ? ಅತ್ತನೋ।
ಅನತ್ತಮಿತಿಭಾವನಿದ್ದೇಸೇನ ಅತ್ತಸದ್ದಸ್ಸ ಸಕಾದೇಸೋ ಹೋತಿ ಸಬ್ಬಾಸು ವಿಭತ್ತೀಸು। ಸಕೋ, ಸಕಾ, ಸಕಂ, ಸಕೇ।
೨೧೨, ೩೨೯. ತತೋ ಸ್ಮಿಂನಿ।
ತತೋ ಅತ್ತತೋ ಸ್ಮಿಂವಚನಸ್ಸ ನಿ ಹೋತಿ। ಅತ್ತನಿ।
೨೧೩, ೧೨೭. ಸಸ್ಸ ನೋ।
ತತೋಅತ್ತತೋ ಸಸ್ಸ ವಿಭತ್ತಿಸ್ಸ ನೋ ಹೋತಿ, ಅತ್ತನೋ।
೨೧೪, ೧೨೮. ಸ್ಮಾ ನಾ।
ತತೋ ಅತ್ತತೋ ಸ್ಮಾ ವಚನಸ್ಸ ನಾ ಹೋತಿ। ಅತ್ತನಾ।
ಪುನ ತತೋಗಹಣೇನ ತಸ್ಸ ಅತ್ತನೋ ತಕಾರಸ್ಸೇವ ರಕಾರೋ ಹೋತಿ ಸಬ್ಬೇಸು ವಚನೇಸು। ಅತ್ರಜೋ, ಅತ್ರಜಂ।
೨೧೫, ೧೪೧. ಝಲತೋ ಚ।
ಝಲಇಚ್ಚೇತೇಹಿ ಸ್ಮಾವಚನಸ್ಸ ನಾ ಹೋತಿ।
ಅಗ್ಗಿನಾ, ದಣ್ಡಿನಾ, ಭಿಕ್ಖುನಾ, ಸಯಮ್ಭುನಾ।
ಸ್ಮಾತಿ ಕಿಮತ್ಥಂ? ಅಗ್ಗಯೋ, ಮುನಯೋ, ಇಸಯೋ।
೨೧೬, ೧೮೦. ಘಪತೋ ಸ್ಮಿಂ ಯಂ ವಾ।
ತಸ್ಮಾ ಘಪತೋ ಸ್ಮಿಂ ವಚನಸ್ಸ ಯಂ ಹೋತಿ ವಾ।
ಕಞ್ಞಾಯಂ
೨೧೭, ೧೯೯. ಯೋನಂ ನಿ ನಪುಂಸಕೇಹಿ।
ಸಬ್ಬೇಸಂ ಯೋನಂ ನಿ ಹೋತಿ ವಾ ನಪುಂಸಕೇಹಿ ಲಿಙ್ಗೇಹಿ।
ಅಟ್ಠೀನಿ, ಅಟ್ಠೀ, ಆಯೂನಿ, ಆಯೂ।
ನಪುಂಸಕೇಹೀತಿ ಕಿಮತ್ಥಂ? ಇತ್ಥಿಯೋ।
೨೧೮, ೧೯೬. ಅತೋ ನಿಚ್ಚಂ।
ಅಕಾರನ್ತೇಹಿ ನಪುಂಸಕಲಿಙ್ಗೇಹಿ ಯೋನಂ ನಿ ಹೋತಿ ನಿಚ್ಚಂ।
ಯಾನಿ, ಯಾನಿ। ತಾನಿ, ತಾನಿ। ಕಾನಿ, ಕಾನಿ। ಭಯಾನಿ, ಭಯಾನಿ। ರೂಪಾನಿ, ರೂಪಾನಿ।
೨೧೯, ೧೯೬. ಸಿಂ।
ಅಕಾರನ್ತೇಹಿ ನಪುಂಸಕಲಿಙ್ಗೇಹಿ ಸಿವಚನಸ್ಸ ಅಂ ಹೋತಿ ನಿಚ್ಚಂ।
ಸಬ್ಬಂ, ಯಂ, ತಂ, ಕಂ, ರೂಪಂ।
೨೨೦, ೭೪. ಸೇಸತೋ ಲೋಪಂ ಪಸಿಪಿ।
ತತೋ ನಿದ್ದಿಟ್ಠೇಹಿ ಲಿಗೇಹಿ ಸೇಸಖತಾ ಗಸಿಇಚ್ಚೇತೇ ಲೋಪಮಾಪಜ್ಜನ್ತೇ।
ಭೋತಿ ಸೇಸತೋತಿ ಕಿಮತ್ಥಂ? ಪುರಿಸೋ ಗಚ್ಛತಿ।
ಗಸೀತಿ ಕಿಮತ್ಥಂ? ಇತ್ಥಿಯಾ, ಸತ್ಥುಸ್ಸ।
೨೨೧, ೨೮೨. ಸಬ್ಬಾಸಮಾವುಸೋ ಪಸಗ್ಗನಿಪಾತಾದೀಹಿ ಚ।
ಸಬ್ಬಾಸಂ ವಿಭತ್ತೀನಂ ಏಕವಚನಬಹುವಚನಾನಂ ಪಠಮಾ ದುತಿಯಾತತಿಯಾ ಚತುತ್ಥೀ ಪಞ್ಚಮೀ ಛಟ್ಠೀ ಸತ್ತಮೀನಂ ಲೋಪೋ ಹೋತಿ, ಆವುಸೋ ಉಪಸಗ್ಗ ನಿಪಾತಇಚ್ಚೇವಮಾದೀಹಿ ಚ,
ತ್ವಂ ಪನಾವುಸೋ, ತುಮ್ಹೇ ಪನಾವುಸೋ, ಪದಸೋ ಧಮ್ಮಂ ವಾಚೇಯ್ಯ, ವಿಹಾರಂ ಸ್ವೇ ಉಪಗಚ್ಛೇಯ್ಯ।
ಪ, ಪರಾ, ನಿ, ನೀ, ಉ, ದು, ಸಂ, ವಿ, ಅವ, ಅನು, ಪರಿ, ಅಧಿ, ಅಭಿ, ಪತಿ, ಸು, ಆ, ಅತಿ, ಅಪಿ, ಅಪ, ಉಪ, ಪಹಾರೋ, ಪರಾಭವೋ, ನಿಹಾರೋ, ನೀಹಾರೋ, ಉಹಾರೋ, ದುಹಾರೋ, ಸಂಹಾರೋ, ವಿಹಾರೋ, ಅವಹಾರೋ, ಅನುಹಾರೋ, ಪರಿಹಾರೋ, ಅಧಿಹಾರೋ, ಅಭಿಹಾರೋ, ಪತಿಹಾರೋ, ಸುಹಾರೋ, ಆಹಾರೋ, ಅತಿಹಾರೋ, ಅಪಿಹಾರೋ, ಅಪಹಾರೋ, ಉಪಹಾರೋ, ಏವಂ ವೀಸತಿ ಉಪಸಗ್ಗೇಹಿ ಚ।
ಯಥಾ, ತಥಾ, ಏವಂ, ಖಲು, ಖೋ, ತತ್ರ, ಅಥೋ, ಅಥ, ಹಿ, ತು ಚ, ವಾ, ವೋ, ಹಂ, ಅಭಂ, ಅಲಂ, ಏವ, ಹೋ ಅಹೋ, ಹೇ ನಿಪಾತೇಹಿ ಚ ಯೋಜೇತಬ್ಬಾನಿ।
ಚಗ್ಗಹಣಮ ವಧಾರಣತ್ಥಂ।
೨೨೨, ೩೪೨. ಪುಮಸ್ಸ ಲಿಙ್ಗಾದೀಸು ಸಮಾಸೇಸು।
ಪುಮಇಚ್ಚೇತಸ್ಸ ಅನ್ತೋ ಲೋಪಮಾಪಜ್ಜತೇ ಲಿಙ್ಗಾದೀಸು ಪರಪದೇಸು ಸಮಾಸೇಸು।
ಪುಲ್ಲಿಙ್ಗಂ, ಪುಮ್ಭಾವೋ, ಪುಙ್ಕೋಕಿಲೋ।
ಪುಮಸ್ಸೇತಿ ಕಿಮತ್ಥಂ? ಇತ್ಥಿಲಿಙ್ಗಂ, ನಪುಂಸಕಲಿಙ್ಗಂ।
ಲಿಙ್ಗಾದೀಸೂತಿ ಕಿಮತ್ಥಂ? ಪುಮಿತ್ಥೀ।
ಸಮಾಸೇಸೂತಿ ಕಿಮತ್ಥಂ? ಪುಮಸ್ಸ ಲಿಙ್ಗಂ।
೨೨೩, ೧೮೮. ಅಂ ಯಮೀತೋ ಪಸಞ್ಞತೋ।
ಅಂ ವಚನಸ್ಸ ಯಂ ಹೋತಿ ವಾ ಈತೋ ಪಸಞ್ಞತೋ।
ಇತ್ಥಿಯಂ, ಇತ್ಥಿಂ।
ಪಸಞ್ಞತೋತಿ ಕಿಮತ್ಥಂ? ದಣ್ಡಿನಂ, ಭೋಗಿನಂ।
ಅಮಿತಿ ಕಿಮತ್ಥಂ? ಇತ್ಥೀಹಿ।
೨೨೪, ೧೫೩. ನಂ ಝತೋ ಕತರಸ್ಸಾ।
ತಸ್ಮಾ ಝತೋ ಕತರಸ್ಸಾ ಅಂ ವಚನಸ್ಸ ನಂ ಹೋತಿ।
ದಣ್ಡಿನಂ
ಝತೋತಿ ಕಿಮತ್ಥಂ? ವೇಸ್ಸಭುಂ।
ಕತರಸ್ಸಾತಿ ಕಿಮತ್ಥಂ? ಕುಚ್ಛಿಂ।
೨೨೫, ೧೫೧. ಯೋನಂ ನೋ।
ಸಬ್ಬೇಸಂ ಯೋನಂ ಝತೋ ಕತರಸ್ಸಾ ನೋ ಹೋತಿ।
ದಣ್ಡಿನೋ ಭೋಗಿನೋ, ಹೇ ದಣ್ಡಿನೋ, ಹೇ ಭೋಗಿನೋ।
ಕತರಸ್ಸಾತಿ ಕಿಮತ್ಥಂ? ಅಗ್ಗಯೋ, ಮುನಯೋ, ಇಸಯೋ।
ಝತೋತಿ ಕಿಮತ್ಥಂ? ಸಯಮ್ಭುನೋ।
ಯೋನನ್ತಿ ಕಿಮತ್ಥಂ? ದಣ್ಡಿನಾ, ಭೋಗಿನಾ।
೨೨೬, ೧೫೪. ಸ್ಮಿಂನಿ।
ತಸ್ಮಾ ಝತೋ ಕತರಸ್ಸಾ ಸ್ಮಿಂವಚನಸ್ಸ ನಿಆದೇ ಸೋ ಹೋತಿ।
ದಣ್ಡಿನಿ, ಭೋಗಿನಿ।
ಕತರಸ್ಸಾತಿ ಕಿಮತ್ಥಂ? ಬ್ಯಾಧಿಮ್ಹಿ।
೨೨೭, ೨೭೦. ಕಿಸ್ಸ ಕವೇಚ।
ಕಿಮಿಚ್ಚೇತಸ್ಸ ಕೋ ಚ ಹೋತಿ ವಪಚ್ಚಯೇ ಪರೇ।
ಕ್ವ
ಚಗ್ಗಹಣೇನ ಅವಪಚ್ಚಯೇ ಪರೇಪಿ ಕೋ ಚ ಹೋತಿ। ಕೋ ತಂನಿನ್ದಿತು ಮರಹತಿ, ಕಥಂ ಬೋಧಯಿತುಂ ಧಮ್ಮಂ।
ವೇತಿ ಕಿಮತ್ಥಂ? ಕುತೋ ಆಗತೋಸಿ ತ್ವಂ।
೨೨೮, ೨೭೨. ಕುಹಿಂ ಹಂ ಸು ಚ।
ಕಿಮಿಚ್ಚೇತಸ್ಸ ಕು ಹೋತಿ ಹಿಂ ಹಂಇಚ್ಚೇತೇಸು ಚ। ಕುಹಿಂ ಗಚ್ಛಸಿ, ಕುಲಂ ಗಚ್ಛಸಿ।
ಚಗ್ಗಹಣೇನ ಹಿಞ್ಚನಂದಾಚನಂ ಪಚ್ಚಯೇಸು ಪರೇಸು ಅಞ್ಞತ್ಥಾಪಿ ಕು ಹೋತಿ। ಕುಹಿಞ್ಚನಂ, ಕುದಾಚನಂ।
೨೨೯, ೨೨೬. ಸೇಸೇಸು ಚ।
ಕಿಮಿಚ್ಚೇತಸ್ಸ ಕೋ ಹೋತಿ ಸೇಸೇಸು ವಿಭತ್ತಿಪಚ್ಚಯೇಸು ಪರೇಸು।
ಕೋ ಪಕಾರೋ ಕಥಂ, ಕಂ ಪಕಾರಂ ಕಥಂ।
ಚಗ್ಗಹಣಮನುಕಡ್ಢನತ್ಥಂ।
೨೩೦, ೨೬೨. ತ್ರಭೋಥೇಸು ಚ।
ಕಿಮಿಚ್ಚೇತಸ್ಸ ಕು ಹೋತಿ ತ್ರತೋಥ ಇಚ್ಚೇತೇಸು ಚ।
ಕುತ್ರ, ಕುತೋ, ಕುತ್ಥ।
ಚಗ್ಗಹಣಮನುಕಡ್ಢನತ್ಥಂ,
೨೩೧, ೨೬೩. ಸಬ್ಬಸ್ಸೇತಸ್ಸ ಕಾರೋ ವಾ।
ಸಬ್ಬಸ್ಸ ಏತಸದ್ದಸ್ಸ ಅಕಾರೋ ಹೋತಿ ವಾ ತೋಥಇಚ್ಚೇತೇಸು।
ಅತೋ, ಅತ್ಥ, ಏತ್ತೋ, ಏತ್ಥ।
೨೩೨, ೨೬೭. ತ್ರೇ ನಿಚ್ಚಂ।
ಸಬ್ಬಸ್ಸ ಏತಸದ್ದಸ್ಸ ಅಕಾರೋ ಹೋತಿ ನಿಚ್ಚಂ ತ್ರಪಚ್ಚಯೇ ಪರೇ।
ಅತ್ರ।
೨೩೩, ೨೬೪. ಏ ತೋಥೇಸು ಚ।
ಸಬ್ಬಸ್ಸ ಏತಸದ್ದಸ್ಸ ಏಕಾರೋ ಹೋತಿ ವಾ ತೋಥಇಚ್ಚೇತೇಸು।
ಏತ್ತೋ, ಅತೋ, ಏತ್ಥ, ಅತ್ಥ।
೨೩೪, ೨೬೫. ಇಮಸ್ಸಿ ಥಂ ದಾನಿ ಹ ತೋ ಧೇಸು ಚ।
ಇಮಸದ್ದಸ್ಸ ಸಬ್ಬಸ್ಸೇವ ಇಕಾರೋ ಹೋತಿ ಥಂ ದಾನಿಹತೋ ಧಇಚ್ಚೇತೇಸು।
ಇತ್ಥಂ, ಇದಾನಿ, ಇಹ, ಇತೋ, ಇಧ।
೨೩೫, ೨೮೧. ಅಧುನಾಮ್ಹಿ ಚ।
ಇಮಸದ್ದಸ್ಸ ಸಬ್ಬಸ್ಸೇವ ಅಕಾರೋ ಹೋತಿ ಧುನಾಮ್ಹಿ ಪಚ್ಚಯೇ ಪರೇ।
ಅಧುನಾ।
ಚಗ್ಗಹಣಮವಧಾರಣತ್ಥಂ।
೨೩೬, ೨೮೦. ಏತ ರಹಿಮ್ಹಿ।
ಸಬ್ಬಸ್ಸೇವ ಇಮಸದ್ದಸ್ಸ ಏತಾದೇಸೋ ಹೋತಿ ರಹಿಮ್ಹಿ ಪಚ್ಚಯೇ ಪರೇ।
ಏತರಹಿ।
೨೩೭, ೧೭೬. ಇತ್ಥಿಯಮತೋ ಆಪಚ್ಚಯೋ।
ಇತ್ಥಿಯಂ ವತ್ತಮಾನಾಯ ಅಕಾರತೋ ಆಪಚ್ಚಯೋ ಹೋತಿ।
ಸಬ್ಬಾ, ಯಾ, ಸಾ, ಕಾ। ಕತರಾ।
೨೩೮, ೧೮೭. ನದಾದಿತೋ ವಾ ಈ।
ನದಾದಿತೋ ವಾಅನದಾದಿತೋವಾ ಇತ್ಥಿಯಂ ವತ್ತಮಾನಾಯ ಈಪಚ್ಚಯೋ ಹೋತಿ।
ನದೀ, ಮಹೀ, ಕುಮಾರೀ, ತರುಣೀ, ಸಖೀ, ಇತ್ಥೀ।
೨೩೯, ೧೯೦. ಣವ ಣಿಕ ಣೇಯ್ಯ ಣ ನ್ತುಹಿ।
ಣವ ಣಿಕ ಣೇಯ್ಯ ಣ ನ್ತುಇಚ್ಚೇತೇಹಿ ಇತ್ಥಿಯಂ ವತ್ತಮಾನೇಹಿ ಈಪಚ್ಚಯೋ ಹೋತಿ।
ಮಾಣವೀ, ಪಣ್ಡವೀ, ನಾವಿಕೀ, ವೇನತೇಯ್ಯೀ, ಕುನ್ತೇಯ್ಯೀ, ಗೋತಮೀ, ಗುಣವತೀ, ಸಾಮಾವತೀ।
೨೪೦, ೧೯೩. ಪತಿ ಭಿಕ್ಖುರಾಜೀಕಾರನ್ತೇಹಿ ಇನೀ।
ಪತಿ ಭಿಕ್ಖು ರಾಜೀಕಾರನ್ತೇಹಿ ಇತ್ಥಿಯಂ ವತ್ತಮಾನೇಹಿ ಇನೀಪಚ್ಚಯೋ ಹೋತಿ।
ಗಹಪತಾನೀ, ಭಿಕ್ಖುನೀ, ರಾಜಿನೀ, ಹತ್ಥಿನೀ, ದಣ್ಡಿನೀ, ಮೇಧಾವಿನೀ, ತಪಸ್ಸಿನೀ।
೨೪೧, ೧೯೧. ನ್ತುಸ್ಸ ತಮೀಕಾರೇ।
ಸಬ್ಬಸ್ಸೇವ ನ್ತುಪಚ್ಚಯಸ್ಸ ತಕಾರೋ ಹೋತಿ ವಾ ಈಕಾರೇ ಪರೇ।
ಗುಣವತೀ, ಗುಣವನ್ತೀ, ಕುಲವತೀ, ಕುಲವನ್ತೀ, ಸತಿಮತೀ। ಸತಿಮನ್ತೀ, ಮಹತೀ, ಮಹನ್ತೀ, ಗೋತ್ತಮತೀ, ಗೋತ್ತಮನ್ತೀ।
೨೪೨, ೧೯೨. ಭವತೋ ಭೋತೋ।
ಸಬ್ಬಸ್ಸೇವ ಭವನ್ತಸದ್ದಸ್ಸ ಭೋತಾದೇಸೋ ಹೋತಿ ಈಕಾರೇ ಇತ್ಥಿಗತೇ ಪರೇ।
ಭೋತಿ ಅಯ್ಯೇ, ಭೋತಿ ಕಞ್ಞೇ, ಭೋತಿ ಖರಾದಿಯೇ।
೨೪೩, ೧೧೦. ಭೋಗೇ ತು।
ಸಬ್ಬಸ್ಸೇವ ಭವನ್ತಸದ್ದಸ್ಸ ಭೋಆದೇಸೋ ಹೋತಿ ಗೇ ಪರೇ।
ಭೋ ಪುರಿಸ, ಭೋ ಅಗ್ಗಿ, ಭೋ ರಾಜ, ಭೋ ಸತ್ಥ, ಭೋ ದಣ್ಡಿ, ಭೋ ಸಯಮ್ಭು।
ಗೇತಿ ಕಿಮತ್ಥಂ? ಭವತಾ, ಭವಂ।
ತುಗ್ಗಹಣೇನ ಅಞ್ಞಸ್ಮಿಮ್ಪಿ ವಚನೇ ಸಬ್ಬಸ್ಸ ಭವನ್ತಸದ್ದಸ್ಸ ಭೋನ್ತ ಭನ್ತೇ ಭೋನ್ತೋ ಭದ್ದೇ ಭೋತಾ ಭೋ ತೋಇಚ್ಚೇತೇ ಆದೇಸಾ ಹೋನ್ತಿ।
ಭೋನ್ತ, ಭನ್ತೇ, ಭೋನ್ತೋ, ಭದ್ದೇ, ಭೋತಾ, ಭೋತೋ।
೨೪೪, ೭೨. ಅಕಾರಪಿತಾದ್ಯನ್ತಾನಮಾ।
ಅಕಾರೋ ಚ ಪಿತಾದೀನಮನ್ತೋ ಚ ಅತ್ತಮಾಪಜ್ಜತೇ ಗೇ ಪರೇ।
ಭೋ ಪುರಿಸಾ, ಭೋ ರಾಜಾ, ಭೋ ಪಿತಾ, ಭೋ ಮಾತಾ, ಭೋ ಸತ್ಥಾ।
೨೪೫, ೧೫೨. ಝಲಪಾ ರಸ್ಸಂ।
ಝಲಪಇಚ್ಚೇತೇ ರಸ್ಸಮಾಪಜ್ಜನ್ತೇ ಗೇ ಪರೇ।
ಭೋ ದಣ್ಡಿ, ಭೋ ಸಯಮ್ಭು, ಭೋತಿ ಇತ್ಥಿ, ಭೋತಿವಧು,
೨೪೬, ೭೩. ಆಕಾರೋ ವಾ।
ಆಕಾರೋ ರಸ್ಸಮಾಪಜ್ಜತೇ ವಾ ಗೇ ಪರೇ।
ಭೋ ರಾಜ, ಭೋ ರಾಜಾ, ಭೋ ಅತ್ತ, ಭೋ ಅತ್ತಾ, ಭೋ ಸಖ, ಭೋ ಸಖಾ, ಭೋ ಸತ್ಥ, ಭೋ ಸತ್ಥಾ।
ಇತಿ ನಾಮಕಪ್ಪೇ ಚತುತ್ಥೋ ಕಣ್ಡೋ।
ಪಞ್ಚಮಕಣ್ಡ
೨೪೭, ೨೬೧. ತ್ವಾದಯೋ ವಿಭತ್ತಿಸಞ್ಞಾಯೋ।
ತೋಆದಿ ಯೇಸಂ ಪಚ್ಚಯಾನಂ, ತೇ ಹೋನ್ತಿ ತ್ವಾದಯೋ। ತೇ ಪಚ್ಚಯಾ ತ್ವಾದಯೋ ವಿಭತ್ತಿಸಞ್ಞಾವ ದಟ್ಠಬ್ಬಾ।
ಸಬ್ಬತೋ, ಯತೋ, ತತೋ, ಕುತೋ, ಅತೋ, ಇತೋ, ಸಬ್ಬದಾ, ಯದಾ, ತದಾ, ಕದಾ, ಇಧ, ಇದಾನಿ।
೨೪೮, ೨೬೦. ಕ್ವಚಿ ತೋ ಪಞ್ಚಮ್ಯತ್ಥೇ।
ಕ್ವಚಿ ತೋಪಚ್ಚಯೋ ಹೋತಿ ಪಞ್ಚಮ್ಯತ್ಥೇ।
ಸಬ್ಬತೋ, ಯತೋ, ತತೋ, ಕುತೋ, ಅತೋ, ಇತೋ।
ಕ್ವಚೀತಿ ಕಿಮತ್ಥಂ? ಸಬ್ಬಸ್ಮಾ, ಇಮಸ್ಮಾ।
೨೪೯, ೨೬೬. ತ್ರ ಥ ಸತ್ತಮಿಯಾ ಸಬ್ಬನಾಮೇಹಿ।
ತ್ರಥಇಚ್ಚೇತೇ ಪಚ್ಚಯಾ ಹೋನ್ತಿ ಸತ್ತಮ್ಯತ್ಥೇ ಸಬ್ಬ ನಾಮೇಹಿ।
ಸಬ್ಬತ್ರ, ಸಬ್ಬತ್ಥ, ಯತ್ರ, ಯತ್ಥ, ತತ್ರ, ತತ್ಥ।
೨೫೦, ೨೬೮. ಸಬ್ಬತೋ ಧಿ।
ಸಬ್ಬಇಚ್ಚೇತಸ್ಮಾ ಧಿಪಚ್ಚಯೋ ಹೋತಿ ಕ್ವಚಿ ಸತ್ತಮ್ಯತ್ಥೇ। ಸಬ್ಬಧಿ, ಸಬ್ಬಸ್ಮಿಂ।
೨೫೧, ೨೬೯. ಕಿಂ ಸ್ಮಾ ವೋ।
ಕಿಮಿಚ್ಚೇತಸ್ಮಾ ವಪಚ್ಚಯೋ ಹೋತಿ ಸತ್ತಮ್ಯತ್ಥೇ।
ಕ್ವ ಗತೋಸಿ ತ್ವ ದೇವಾನಂಪಿಯತಿಸ್ಸ।
೨೫೨, ೨೭೧. ಹಿಂ ಹಂ ಹಿಞ್ಚನಂ।
ಕಿಮಿಚ್ಚೇತಸ್ಮಾ ಹಿಂಹಂಹಿಞ್ಚನಂಇಚ್ಚೇತೇ ಪಚ್ಚಯಾ ಹೋನ್ತಿ ಸತ್ತಮ್ಯತ್ಥೇ।
ಕುಹಿಂ, ಕುಲಂ, ಕುಹಿಞ್ಚನಂ।
೨೫೩, ೨೭೩. ತಮ್ಹಾ ಚ।
ತಮ್ಹಾ ಚ ಹಿ ಹಂಇಚ್ಚೇತೇ ಪಚ್ಚಯಾ ಹೋನ್ತಿ ಸತ್ತಮ್ಯತ್ಥೇ। ತಹಿಂ, ತಹಂ।
ಚಗ್ಗಹಣಂ ಹಿಞ್ಚನಗ್ಗಹಣನಿವತ್ತನತ್ಥಂ।
೨೫೪, ೨೭೪. ಇಮಸ್ಮಾ ಹ ಧಾ ಚ।
ಇಮಸ್ಮಾ ಹಧಇಚ್ಚೇತೇ ಪಚ್ಚಯಾ ಹೋನ್ತಿ ಸತ್ತಮ್ಯತ್ಥೇ। ಇಹ, ಇಧ।
ಚಗ್ಗಹಣಮವಧಾರಣತ್ಥಂ।
೨೫೫, ೨೭೫. ಯತೋ ಹಿಂ।
ತಸ್ಮಾ ಯತೋ ಹಿಂಪಚ್ಚಯೋ ಹೋತಿ ಸತ್ತಮ್ಯತ್ಥೇ। ಯಹಿಂ।
೨೫೬, ೦. ಕಾಲೇ।
‘‘ಕಾಲೇ’’ಇಚ್ಚೇತಂ ಅಧಿಕಾರತ್ಥಂ ವೇದಿತಬ್ಬಂ।
೨೫೭, ೨೭೯. ಕಿಂಸಬ್ಬಞ್ಞೇಕಯಕುಹಿದಾದಾಚನಂ।
ಕಿಂ ಸಬ್ಬಅಞ್ಞ ಏಕ ಯ ಕುಇಚ್ಚೇತೇಹಿ ದಾ ದಾಚನಂಇಚ್ಚೇತೇ ಪಚ್ಚಯಾ ಹೋನ್ತಿ ಕಾಲೇ ಸತ್ತಮ್ಯತ್ಥೇ।
ಕದಾ, ಸಬ್ಬದಾ, ಅಞ್ಞದಾ, ಏಕದಾ, ಯದಾ, ಕುದಾಚನಂ।
೨೫೮, ೨೭೮. ತಮ್ಹಾ ದಾನಿ ಚ।
ತಇಚ್ಚೇತಸ್ಮಾ ದಾನಿ ದಾಇಚ್ಚೇತೇ ಪಚ್ಚಯಾ ಹೋನ್ತಿ, ಕಾಲೇ ಸತ್ತಮ್ಯತ್ಥೇ।
ತದಾನಿ
ಚಗ್ಗಹಣಮನುಕಡ್ಢನತ್ಥಂ।
೨೫೯, ೨೭೯. ಇಮಸ್ಮಾ ರಹಿ ಧುನಾ ದಾನಿ ಚ।
ಇಮಸ್ಮಾ ರಹಿ ಧುನಾ ದಾನಿಇಚ್ಚೇತೇ ಪಚ್ಚಯಾ ಹೋನ್ತಿ ಕಾಲೇ ಸತ್ತಮ್ಯತ್ಥೇ।
ತೇರಹಿ, ಅಧುನಾ, ಇದಾನಿ।
ಚಗ್ಗಹಣಮನುಕಡ್ಢನತ್ಥಂ।
೨೬೦, ೨೭೭. ಸಬ್ಬಸ್ಸ ಸೋ ದಾಮ್ಹಿ ವಾ।
ಸಬ್ಬಇಚ್ಚೇತಸ್ಸ ಸಕಾರಾದೇಸೋ ಹೋತಿ ವಾ ದಾಮ್ಹಿ ಪಚ್ಚಯೇ ಪರೇ।
ಸದಾ, ಸಬ್ಬದಾ।
೨೬೧, ೩೬೯. ಅವಣ್ಣೋ ಯೇ ಲೋಪಞ್ಚ।
ಅವಣ್ಣೋ ಯೇ ಪಚ್ಚಯೇ ಪರೇ ಲೋಪಮಾಪಜ್ಜತೇ।
ಬಾಹುಸ್ಸಚ್ಚಂ, ಪಣ್ಡಿಚ್ಚಂ, ವೇಪುಲ್ಲಂ, ಕಾರುಞ್ಞಂ, ಕೋಸಲ್ಲಂ, ಸಾಮಞ್ಞಂ, ಸೋಹಜ್ಜಂ।
೨೬೨, ೩೯೧. ವುಡ್ಢಸ್ಸ ಜೋ ಇಯಿಟ್ಠೇಸು।
ಸಬ್ಬಸ್ಸೇವ ವುಡ್ಢಸದ್ದಸ್ಸ ಜೋಆದೇಸೋ ಹೋತಿ ಇಯ ಇಟ್ಠಇಚ್ಚೇತೇಸು ಪಚ್ಚಯೇಸು।
ಜೇಯ್ಯೋ
೨೬೩, ೩೯೨. ಪಸತ್ಥಸ್ಸ ಸೋ ಚ।
ಸಬ್ಬಸ್ಸೇವ ಪಸತ್ಥಸದ್ದಸ್ಸ ಸೋಆದೇಸೋ ಹೋತಿ, ಜಾದೇಸೋ ಚ ಇಯಇಟ್ಠಇಚ್ಚೇತೇಸು ಪಚ್ಚಯೇಸು।
ಸೇಯ್ಯೋ, ಸೇಟ್ಠೋ, ಜೇಯ್ಯೋ, ಜೇಟ್ಠೋ।
೨೬೪, ೩೯೩. ಅನ್ತಿಕಸ್ಸ ನೇದೋ।
ಸಬ್ಬಸ್ಸ ಅನ್ತಿಕಸದ್ದಸ್ಸ ನೇದಾದೇಸೋ ಹೋತಿ ಇಯ ಇಟ್ಠಇಚ್ಚೇತೇಸು ಪಚ್ಚಯೇಸು।
ನೇದಿಯೋ, ನೇದಿಟ್ಠೋ।
೨೬೫, ೩೯೪. ಬಾಳ್ಹಸ್ಸ ಸಾಧೋ।
ಸಬ್ಬಸ್ಸ ಬಾಳ್ಹಸದ್ದಸ್ಸ ಸಾಧಾದೇಸೋ ಹೋತಿ ಇಯ ಇಟ್ಠಇಚ್ಚೇತೇಸು ಪಚ್ಚಯೇಸು।
ಸಾಧಿಯೋ, ಸಾಧಿಟ್ಠೋ।
೨೬೬, ೩೯೫. ಅಪ್ಪಸ್ಸ ಕಣ।
ಸಬ್ಬಸ್ಸ ಅಪ್ಪಸದ್ದಸ್ಸ ಕಣ ಆದೇಸೋ ಹೋತಿ ಇಯ ಇಟ್ಠಇಚ್ಚೇತೇಸು ಪಚ್ಚಯೇಸು।
ಕಣಿಯೋ, ಕಣಿಟ್ಠೋ।
೨೬೭, ೩೯೬. ಯುವಾನಞ್ಚ
ಸಬ್ಬಸ್ಸ ಯುವಸದ್ದಸ್ಸ ಕಣ ಆದೇಸೋ ಹೋತಿ ಇಯ ಇಟ್ಠಇಚ್ಚೇತೇಸು ಪಚ್ಚಯೇಸು।
ಕನಿಯೋ, ಕನಿಟ್ಠೋ।
ಚಗ್ಗಹಣಮನುಕಡ್ಢನತ್ಥಂ।
೨೬೮, ೩೯೭. ವನ್ತುಮನ್ತು ವೀನಞ್ಚ ಲೋಪೋ।
ವನ್ತುಮನ್ತುವೀಇಚ್ಚೇತೇಸಂ ಪಚ್ಚಯಾನಂ ಲೋಪೋ ಹೋತಿ ಇಯಇಟ್ಠಇಚ್ಚೇತೇಸು ಪಚ್ಚಯೇಸು।
ಗುಣಿಯೋ, ಗುಣಿಟ್ಠೋ, ಸತಿಯೋ, ಸತಿಟ್ಠೋ, ಮೇಧಿಯೋ, ಮೇಧಿಟ್ಠೋ।
೨೬೯, ೪೦೧. ಯವತಂ ತ ಲ ಣ ದಕಾರಾನಂ ಬ್ಯಞ್ಜನಾನಿ ಚ ಲ ಞ ಜಕಾರತ್ತಂ।
ಯಕಾರವನ್ತಾನಂ ತ ಲ ಣ ದಕಾರಾನಂ ಬ್ಯಞ್ಜನಾನಿ ಚ ಲ ಞ ಜಕಾರತ್ತಮಾಪಜ್ಜನ್ತೇ ಯಥಾಸಙ್ಖ್ಯಂ।
ಬಾಹುಸ್ಸಚ್ಚಂ, ಪಣ್ಡಿಚ್ಚಂ, ವೇಪುಲ್ಲಂ, ಕಾರುಞ್ಞಂ, ಕೋಸಲ್ಲಂ, ನೇಪುಞ್ಞಂ, ಸಾಮಞ್ಞಂ, ಸೋಹಜ್ಜಂ।
ಯ ವ ತಮಿತಿ ಕಿಮತ್ಥಂ? ತಿಣದಲಂ।
ತ ಲ ಣ ದಕಾರಾನಮಿತಿ ಕಿಮತ್ಥಂ? ಆಲಸ್ಯಂ, ಆರೋಗ್ಯಂ।
ಬ್ಯಞ್ಜನಾನಮಿತಿ
ಕಾರಗ್ಗಹಣಂ ಕಿಮತ್ಥಂ? ಯಕಾರಸ್ಸ ಮಕಾರಾದೇಸಞಾಪನತ್ಥಂ। ಓಪಮ್ಮಂ।
೨೭೦, ೧೨೦. ಅಮ್ಹ ತುಮ್ಹನ್ತುರಾಜ ಬ್ರಹ್ಮತ್ತ ಸಖಸತ್ಥು ಪಿತಾದೀಹಿಸ್ಮಾ ನಾವ।
ಅಮ್ಹ ತುಮ್ಹನ್ತುರಾಜ ಬ್ರಹ್ಮ ಅತ್ತ ಸಖ ಸತ್ಥು ಪಿತುಇಚ್ಚೇವಮಾದೀಹಿ ಸ್ಮಾವಚನಂ ನಾವ ದಟ್ಠಬ್ಬಂ।
ಮಯಾ, ತಯಾ, ಗುಣವತಾ, ರಞ್ಞಾ, ಬ್ರಹ್ಮುನಾ, ಅತ್ತನಾ, ಸಖಿನಾ, ಸತ್ಥಾರಾ, ಪಿತರಾ, ಮಾತರಾ, ಭಾತರಾ, ಧೀತರಾ, ಕತ್ತಾರಾ, ವತ್ತಾರಾ।
ಏತೇಹೀತಿ ಕಿಮತ್ಥಂ? ಪುರಿಸಾ।
ಇತಿ ನಾಮಕಪ್ಪೇ ಪಞ್ಚಮೋ ಕಣ್ಡೋ
ನಾಮಕಪ್ಪೋ ನಿಟ್ಠಿತೋ।