೭. ಕಿಬ್ಬಿಧಾನಕಪ್ಪ
ಪಠಮಕಣ್ಡ
(ಕ)
ಬುದ್ಧಂ
ವನ್ದಿತ್ವಾ ಪುಬ್ಬಮಹಂ, ವಕ್ಖಾಮಿ ಸಸಾಧನಂ ಹಿ ಕಿತಕಪ್ಪಂ॥
(ಖ)
ಸಾಧನಮೂಲಂ ಹಿ ಪಯೋಗಂ,
ಆಹು ಪಯೋಗಮೂಲಮತ್ಥಞ್ಚ।
ಅತ್ಥೇಸು ವಿಸಾರದಮತಯೋ,
ಸಾಸನಸ್ಸುಧರಾ ಜಿನಸ್ಸ ಮತಾ॥
(ಗ)
ಅನ್ಧೋ ದೇಸಕವಿಕಲೋ,
ಘತಮಧುತೇಲಾನಿ ಭಾಜನೇನ ವಿನಾ।
ನಟ್ಠೋ ನಟ್ಠಾನಿ ಯಥಾ,
ಪಯೋಗವಿಕಲೋ ತಥಾ ಅತ್ಥೋ॥
(ಘ)
ತಸ್ಮಾ ಸಂರಕ್ಖಣತ್ಥಂ, ಮುನಿವಚನತ್ಥಸ್ಸ ದುಲ್ಲಭಸ್ಸಾಹಂ।
ವಕ್ಖಾಮಿ ಸಿಸ್ಸಕಹಿತಂ, ಕಿತಕಪ್ಪಂ ಸಾಧನೇನ ಯುತಂ॥
೫೨೪, ೫೬೧. ಧಾತುಯಾ ಕಮ್ಮಾದಿಮ್ಹಿ ಣೋ।
ಧಾತುಯಾ ಕಮ್ಮಾದಿಮ್ಹಿ ಣಪಚ್ಚಯೋ ಹೋತಿ।
ಕಮ್ಮಂ ಕರೋತೀತಿ ಕಮ್ಮಕಾರೋ, ಏವಂ ಕುಮ್ಭಕಾರೋ, ಮಾಲಾಕಾರೋ, ಕಟ್ಠಕಾರೋ, ರಥಕಾರೋ, ರಜತಕಾರೋ
೫೨೫, ೫೬೫. ಸಞ್ಞಾಯಮ ನು।
ಸಞ್ಞಾಯಮಭಿಧೇಯ್ಯಾಯಂ ಧಾತುಯಾ ಕಮ್ಮಾದಿಮ್ಹಿ ಅಕಾರಪಚ್ಚಯೋ ಹೋತಿ, ನಾಮಮ್ಹಿ ಚ ನುಕಾರಾಗಮೋ ಹೋತಿ।
ಅರಿಂ ದಮೇತೀತಿ ಅರಿನ್ದಮೋ, ರಾಜಾ। ವೇಸ್ಸಂ ತರತೀತಿ ವೇಸ್ಸನ್ತರೋ, ರಾಜಾ। ತಣ್ಹಂ ಕರೋತೀತಿ ತಣ್ಹಙ್ಕರೋ, ಭಗವಾ। ಮೇಧಂ ಕರೋತೀತಿ ಮೇಧಙ್ಕರೋ, ಭಗವಾ। ಸರಣಂ ಕರೋತೀತಿ ಸರಣಙ್ಕರೋ, ಭಗವಾ। ದೀಪಂ ಕರೋತೀತಿ ದೀಪಙ್ಕರೋ, ಭಗವಾ।
೫೨೬, ೫೬೭. ಪುರೇ ದದಾ ಚ ಇಂ।
ಪುರಸದ್ದೇ ಆದಿಮ್ಹಿ ದದಇಚ್ಚೇತಾಯ ಧಾತುಯಾ ಅಕಾರಪಚ್ಚಯೋ ಹೋತಿ, ಪುರಸದ್ದಸ್ಸ ಅಕಾರಸ್ಸ ಚ ಇಂ ಹೋತಿ।
ಪುರೇ ದಾನಂ ಅದಾಸೀತಿ ಪುರಿನ್ದದೋ ದೇವರಾಜಾ।
೫೨೭, ೫೬೮. ಸಬ್ಬತೋ ಣ್ವು ತ್ವಾವೀ ವಾ।
ಸಬ್ಬತೋ ಧಾತುತೋ ಕಮ್ಮಾದಿಮ್ಹಿ ವಾ ಅಕಮ್ಮಾದಿಮ್ಹಿ ವಾ ಅಕಾರ ಣ್ವು ತು ಆವೀಇಚ್ಚೇತೇ ಪಚ್ಚಯಾ ಹೋನ್ತಿ।
ತಂ
ಣ್ವುಮ್ಹಿ – ರಥಂ ಕರೋತೀತಿ ರಥಕಾರಕೋ, ಅನ್ನಂ, ದದಾತೀತಿ ಅನ್ನದಾಯಕೋ, ವಿನೇತಿ ಸತ್ತೇತಿ ವಿನಾಯಕೋ, ಕರೋತೀತಿ ಕಾರಕೋ, ದದಾತೀತಿ ದಾಯಕೋ, ನೇತೀತಿ ನಾಯಕೋ।
ತುಮ್ಹಿ – ತಂ ಕರೋತೀತಿ ತಕ್ಕತ್ತಾ, ತಸ್ಸ ಕತ್ತಾತಿ ವಾ ತಕ್ಕತ್ತಾ। ಭೋಜನಂ ದದಾತೀತಿ ಭೋಜನದಾತಾ, ಭೋಜನಸ್ಸ ದಾತಾತಿ ವಾ ಭೋಜನದಾತಾ। ಕರೋತೀತಿ ಕತ್ತಾ। ಸರತೀತಿ ಸರಿತಾ।
ಆವೀಮ್ಹಿ – ಭಯಂ ಪಸ್ಸತೀತಿ ಭಯದಸ್ಸಾವೀ ಇಚ್ಚೇವಮಾದಿ।
೫೨೮, ೫೭೭. ವಿಸ ರುಜ ಪದಾದಿತೋ ಣ।
ವಿಸ ರುಜ ಪದಇಚ್ಚೇವಮಾದೀಹಿ ಧಾತೂಹಿ ಣ ಪಚ್ಚಯೋ ಹೋತಿ।
ಪವಿಸತೀತಿ ಪವೇಸೋ, ರುಜತೀತಿ ರೋಗೋ, ಉಪ್ಪಜ್ಜತೀತಿ ಉಪ್ಪಾದೋ, ಫುಸತೀತಿ ಫಸ್ಸೋ, ಉಚತೀತಿ ಓಕೋ, ಭವತೀತಿ ಭಾವೋ, ಅಯತೀತಿ ಆಯೋ, ಸಮ್ಮಾ ಬುಜ್ಝತೀತಿ ಸಮ್ಬೋಧೋ, ವಿಹರತೀತಿ ವಿಹಾರೋ।
೫೨೯, ೫೮೦. ಭಾವೇ ಚ।
ಭಾವತ್ಥಾಭಿಧೇಯ್ಯೇ ಸಬ್ಬಧಾತೂಹಿ ಣಪಚ್ಚಯೋ ಹೋತಿ।
ಪಚ್ಚತೇ, ಪಚನಂ ವಾ ಪಾತೋ, ಚಜತೇ, ಚಜನಂ ವಾ ಚಾಗೋ, ಏವಂ ಯಾಗೋ, ಯೋಗೋ, ಭಾಗೋ, ಪರಿದಾಹೋ।
೫೩೦, ೫೮೪. ಕ್ವಿ ಚ।
ಸಬ್ಬಧಾತೂಹಿ ಕ್ವಿಪಚ್ಚಯೋ ಹೋತಿ।
ಸಮ್ಭವತೀತಿ ಸಮ್ಭೂ, ವಿಸೇಸೇನ ಭವತೀತಿ ವಿಭೂ, ಭುಜೇನ ಗಚ್ಛತೀತಿ ಭುಜಗೋ, ಸಂ ಅತ್ತಾನಂ ಖನತಿ, ಸಂ ಸಟ್ಠು ಖನತೀತಿ ವಾ ಸಙ್ಖೋ।
೫೩೧, ೫೮೯. ಧರಾದೀಹಿ ರಮ್ಮೋ।
ಧರಇಚ್ಚೇವಮಾದೀಹಿ ಧಾತೂಹಿ ರಮ್ಮಪಚ್ಚಯೋ ಹೋತಿ।
ಧರತಿ ತೇನಾತಿ ಧಮ್ಮೋ, ಕರೀಯತೇ ತನ್ತಿ ಕಮ್ಮಂ।
೫೩೨, ೫೯೦. ತಸ್ಸೀಲಾದೀಸು ಣೀತ್ವಾವೀ ಚ।
ಸಬ್ಬೇಹಿ ಧಾತೂಹಿ ತಸ್ಸೀಲಾದೀಸ್ವತ್ಥೇಸು ಣೀ ತು ಆವೀ ಇಚ್ಚೇತೇ ಪಚ್ಚಯಾ ಹೋನ್ತಿ।
ಪಿಯಂ ಪಸಂಸಿತುಂ ಸೀಲಂ ಯಸ್ಸ ರಞ್ಞೋ, ಸೋ ಹೋತಿ ರಾಜಾ ಪಿಯಪಸಂಸೀ, ಬ್ರಹ್ಮಂ ಚರಿತುಂ ಸೀಲಂ ಯಸ್ಸ ಪುಗ್ಗಲಸ್ಸ ಸೋ
೫೩೩, ೫೯೧. ಸದ್ದ ಕು ಧ ಚಲ ಮಣ್ಡತ್ಥರುಧಾದೀಹಿಯು।
ಸದ್ದ ಕುಧ ಚಲ ಮಣ್ಡತ್ಥೇಹಿ ಚ ರುಚಾದೀಹಿ ಚ ಧಾತೂಹಿ ಯುಪಚ್ಚಯೋ ಹೋತಿ ತಸ್ಸೀಲಾದೀಸ್ವತ್ಥೇಸು।
ಘೋಸನಸೀಲೋ ಘೋಸನೋ, ಭಾಸನಸೀಲೋ ಭಾಸನೋ। ಏವಂ ವಿಗ್ಗಹೋ ಕಾತಬ್ಬೋ। ಕೋಧನೋ, ದೋಸನೋ, ಚಲನೋ, ಕಮ್ಪನೋ, ಫನ್ದನೋ, ಮಣ್ಡನೋ, ವಿಭೂಸನೋ, ರೋಚನೋ, ಜೋತನೋ, ವಡ್ಢನೋ।
೫೩೪, ೫೬೨. ಪಾರಾದಿಗಮಿಮ್ಹಾ ರೂ।
ಗಮುಇಚ್ಚೇತಮ್ಹಾ ಧಾತುಮ್ಹಾ ಪಾರಸದ್ದಾದಿಮ್ಹಾ ರೂಪಚ್ಚಯೋ ಹೋತಿ ತಸ್ಸೀಲಾದೀಸ್ವತ್ಥೇಸು।
ಭವಸ್ಸ ಪಾರಂ ಭವಪಾರಂ, ಭವಪಾರಂ ಗನ್ತುಂ ಸೀಲಂ ಯಸ್ಸ ಪುರಿಸಸ್ಸ, ಸೋ ಹೋತಿ ಪುರಿಸೋ ಭವಪಾರಗೂ।
ತಸ್ಸೀಲಾದೀಸ್ವೀತಿ ಕಿಮತ್ಥಂ? ಪಾರಙ್ಗತೋ।
ಪಾರಾದಿಗಮಿಮ್ಹಾತಿ ಕಿಮತ್ಥಂ? ಅನುಗಾಮೀ।
೫೩೫, ೫೯೩. ಭಿಕ್ಖಾದಿತೋ ಚ।
ಭಿಕ್ಖಇಚ್ಚೇವಮಾದೀಹಿ ಧಾತೂಹಿ ರೂಪಚ್ಚಯೋ ಹೋತಿ ತಸ್ಸೀಲಾದೀಸ್ವತ್ಥೇಸು।
ಭಿಕ್ಖನಸೀಲೋ ಯಾಚನಸೀಲೋ ಭಿಕ್ಖು, ವಿಜಾನನಸೀಲೋ ವಿಞ್ಞೂ।
೫೩೬, ೫೯೪. ತನತ್ಯಾದೀನಂ ಣುಕೋ।
ಹನತ್ಯಾದೀನಂ ಧಾತೂನಂ ಅನ್ತೇ ಣುಕಪಚ್ಚಯೋ ಹೋತಿ ತಸ್ಸೀಲಾದೀಸ್ವತ್ಥೇಸು।
ಆಹನನಸೀಲೋ ಆಘಾತುಕೋ, ಕರಣಸೀಲೋ ಕಾರುಕೋ।
೫೩೭, ೫೬೬. ನು ನಿಗ್ಗಹಿತಂ ಪದನ್ತೇ।
ಪದನ್ತೇ ನುಕಾರಾಗಮೋ ನಿಗ್ಗಹಿತಮಾಪಜ್ಜತೇ।
ಅರಿಂ ದಮೇತೀತಿ ಅರಿನ್ದಮೋ, ರಾಜಾ। ವೇಸ್ಸಂ ತರತೀತಿ ವೇಸ್ಸನ್ತರೋ, ರಾಜಾ। ಪಭಂ ಕರೋತೀತಿ ಪಭಙ್ಕರೋ, ಭಗವಾ।
೫೩೮, ೫೯೫. ಸಂಹನಾಞ್ಞಾಯ ವಾ ರೋ ಘೋ।
ಸಂಪುಬ್ಬಾಯ ಹನಇಚ್ಚೇತಾಯ ಧಾತುಯಾ, ಅಞ್ಞಾಯ ವಾ ಧಾತುಯಾ ರಪಚ್ಚಯೋ, ಹನಸ್ಸ ಚ ಘೋ ಹೋತಿ।
ಸಮಗ್ಗಂ
ಸಂಇತಿ ಕಿಮತ್ಥಂ? ಉಪಹನನಂ ಉಪಘಾತೋ।
೫೩೯, ೫೫೮. ರಮ್ಹಿ ರನ್ತೋ ರಾದಿನೋ।
ರಮ್ಹಿ ಪಚ್ಚಯೇ ಪರೇ ಸಬ್ಬೋ ಧಾತ್ವನ್ತೋ ರಕಾರಾದಿ ಲೋಪೋ ಹೋತಿ।
ಅನ್ತಕೋ, ಪಾರಗೂ, ಸತ್ಥಾ, ದಿಟ್ಠೋ ಇಚ್ಚೇವಮಾದಿ।
೫೪೦, ೫೪೫. ಭಾವಕಮ್ಮೇಸು ತಬ್ಬಾನೀಯಾ।
ಭಾವಕಮ್ಮಇಚ್ಚೇತೇಸ್ವತ್ಥೇಸು ತಬ್ಬ ಅನೀಯಇಚ್ಚೇತೇ ಪಚ್ಚಯಾ ಹೋನ್ತಿ ಸಬ್ಬಧಾತೂಹಿ।
ಭವಿತಬ್ಬಂ, ಭವನೀಯಂ, ಆಸಿತಬ್ಬಂ, ಆಸನೀಯಂ, ಪಜ್ಜಿತಬ್ಬಂ, ಪಜ್ಜನೀಯಂ, ಕತ್ತಬ್ಬಂ, ಕರಣೀಯಂ, ಗನ್ತಬ್ಬಂ, ಗಮನೀಯಂ।
೫೪೧, ೫೫೨. ಣ್ಯೋ ಚ।
ಭಾವಕಮ್ಮೇಸು ಸಬ್ಬಧಾತೂಹಿ ಣ್ಯಪಚ್ಚಯೋ ಹೋತಿ।
ಕತ್ತಬ್ಬಂ ಕಾರಿಯಂ, ಜೇತಬ್ಬಂ ಜೇಯ್ಯಂ, ನೇತಬ್ಬಂ ನೇಯ್ಯಂ, ಇಚ್ಚೇವಮಾದಿ।
ಚಗ್ಗಹಣೇನ ತೇಯ್ಯಪಚ್ಚಯೋ ಹೋತಿ। ಞಾತಬ್ಬಂ ಞಾತೇಯ್ಯಂ, ದಟ್ಠೇಯ್ಯಂ, ಪತ್ತೇಯ್ಯಂ ಇಚ್ಚೇವಮಾದಿ।
೫೪೨, ೫೫೭. ಕರಮ್ಹಾ ರಿಚ್ಚ।
ಕರಇಚ್ಚೇತಮ್ಹಾ ಧಾತುಮ್ಹಾ ರಿಚ್ಚಪಚ್ಚಯೋ ಹೋತಿ ಭಾವಕಮ್ಮೇಸು।
ಕತ್ತಬ್ಬಂ ಕಿಚ್ಚಂ।
೫೪೩, ೫೫೫. ಭೂತೋ’ಬ್ಬ।
ಭೂಇಚ್ಚೇತಾಯ ಧಾತುಯಾ ಣ್ಯಪಚ್ಚಯಸ್ಸ ಊಕಾರೇನ ಸಹ ಅಬ್ಬಾದೇಸೋ ಹೋತಿ ಭಾವಕಮ್ಮೇಸು।
ಭವಿತಬ್ಬೋ ಭಬ್ಬೋ, ಭವಿತಬ್ಬಂ ಭಬ್ಬಂ।
೫೪೪, ೫೫೬. ವದ ಮದ ಗಮು ಯುಜ ಗರಹಾಕಾರಾದೀಹಿ ಜ್ಜ ಮ್ಮ ಗ್ಗ ಯ್ಹೇಯ್ಯಾ ಗಾರೋ ವಾ।
ವದ ಮದ ಗಮು ಯುಜ ಗರಹಾಕಾರನ್ತಇಚ್ಚೇವಮಾದೀಹಿ ಧಾತೂಹಿ ಣ್ಯಪಚ್ಚಯಸ್ಸ ಯಥಾಸಙ್ಖ್ಯಂ ಜ್ಜ ಮ್ಮ ಗ್ಗ ಯ್ಹ ಏಯ್ಯಾದೇಸಾ ಹೋನ್ತಿ ವಾ ಧಾತ್ವನ್ತೇನ ಸಹ, ಗರಸ್ಸಂ ಚ ಗಾರೋ ಹೋತಿ ಭಾವಕಮ್ಮೇಸು।
ವತ್ತಬ್ಬಂ ವಜ್ಜಂ, ಮದನೀಯಂ ಮಜ್ಜಂ, ಗಮನೀಯಂ ಗಮ್ಮಂ, ಯೋಜನೀಯಂ ಯೋಗ್ಗಂ, ಗರಹಿತಬ್ಬಂ ಗಾರಯ್ಹಂ, ದಾತಬ್ಬಂ ದೇಯ್ಯಂ, ಪಾತಬ್ಬಂ ಪೇಯ್ಯಂ, ಹಾತಬ್ಬಂ
೫೪೫, ೫೪೮. ತೇ ಕಿಚ್ಚಾ।
ಯೇ ಪಚ್ಚಯಾ ತಬ್ಬಾದಯೋ ರಿಚ್ಚನ್ತಾ, ತೇ ಕಿಚ್ಚಸಞ್ಞಾತಿ ವೇದಿತಬ್ಬಾ।
ಕಿಚ್ಚಸಞ್ಞಾಯ ಕಿಂಪಯೋಜನಂ? ಭಾವಕಮ್ಮೇಸು ಕಿಚ್ಚತ್ತಖತ್ಥಾ।
೫೪೬, ೫೬೨. ಅಞ್ಞೇ ಕಿತ।
ಅಞ್ಞೇ ಪಚ್ಚಯಾ ಕಿತ ಏವ ಸಞ್ಞಾ ಹೋನ್ತಿ।
ಕಿತ ಸಞ್ಞಾಯ ಕಿಂಪಯೋಜನಂ? ಕತ್ತರಿ ಕಿತ।
೫೪೭, ೫೯೬. ನನ್ದಾದೀಹಿ ಯು।
ನನ್ದಾದೀಹಿ ಧಾತೂಹಿ ಯುಪಚ್ಚಯೋ ಹೋತಿ ಭಾವಕಮ್ಮೇಸು।
ನನ್ದೀಯತೇ ನನ್ದನಂ, ನಿನ್ದಿತಬ್ಬಂ ವಾ ನನ್ದನಂ, ಗಹಣೀಯಂ ಗಹಣಂ, ಚರಿತಬ್ಬಂ ಚರಣಂ, ಏವಂ ಸಬ್ಬತ್ಥ ಯೋಜೇತಬ್ಬಾ।
೫೪೮, ೫೯೭. ಕತ್ತುಕರಣಪದೇಸೇಸು ಚ।
ಕತ್ತುಕರಣಪದೇಸಇಚ್ಚೇತೇಸ್ವತ್ಥೇಸು ಚ ಯುಪಚ್ಚಯೋ ಹೋತಿ।
ಕತ್ತರಿ
ಕರಣೇ ತಾವ – ಕರೋತಿ ತೇನಾತಿ ಕರಣಂ।
ಪದೇಸೇ ತಾವ – ತಿಟ್ಠನ್ತಿ ತಸ್ಮಿನ್ತಿ ಠಾನಂ। ಏವಂ ಸಬ್ಬತ್ಥ ಯೋಜೇತಬ್ಬಾ।
೫೪೯, ೫೫೦. ರಹಾದಿತೋ ಣ।
ರಕಾರಹಕಾರಾದ್ಯನ್ತೇಹಿ ಧಾತೂಹಿ ಅನಾದೇಸಸ್ಸ ನಸ್ಸ ಣೋ ಹೋತಿ।
ಕರೋತಿ ತೇನಾತಿ ಕರಣಂ, ಪೂರೇತಿ ತೇನಾತಿ ಪೂರಣಂ। ಗಹಣೀಯಂ ತೇನಾತಿ ಗಹಣಂ। ಏವಮಞ್ಞೇಪಿ ಯೋಜೇತಬ್ಬಾ।
ಇತಿ ಕಿಬ್ಬಿಧಾನಕಪ್ಪೇ ಪಠಮೋ ಕಣ್ಡೋ।
ದುತಿಯಕಣ್ಡ
೫೫೦, ೫೪೬. ಣಾದಯೋ ತೇಕಾಲಿಕಾ।
ಣಾದಯೋ ಪಚ್ಚಯಾ ಯುಪಚ್ಚಯನ್ತಾ ತೇಕಾಲಿಕಾತಿ ವೇದಿತಬ್ಬಾ।
ಕುಮ್ಭಂ ಕರೋತಿ ಅಕಾಸಿ ಕರಿಸ್ಸತೀತಿ ಕುಮ್ಭಕಾರೋ, ಕರೋತಿ ಅಕಾಸಿ ಕರಿಸ್ಸತಿ ತೇನಾತಿ ಕರಣಂ। ಏವಮಞ್ಞೇಪಿ ಯೋಜೇತಬ್ಬಾ।
೫೫೧, ೫೯೮. ಸಞ್ಞಾಯಂ ದಾ ಧಾತೋ ಇ।
ಸಞ್ಞಾಯಮಭಿಧೇಯ್ಯಾಯಂ ದಾ ಧಾತೋ ಇಪಚ್ಚಯೋ ಹೋತಿ।
ಪಠಮಂ ಆದೀಯತೀತಿ ಆದಿ, ಉದಕಂ ದಧಾತೀತಿ ಉದಮಿ, ಮಹೋದಕಾನಿ ದಧಾತೀತಿ ಮಹೋದಧಿ, ವಾಲಾನಿ ದಧಾತಿ ತಸ್ಮಿನ್ತಿ ವಾಲಧಿ, ಸಮ್ಮಾ ಧೀಯತೀತಿ ಸನ್ಧಿ।
೫೫೨, ೬೦೯. ತಿ ಕಿತ ಚಾಸಿಟ್ಠೇ।
ಸಞ್ಞಾಯಮಭಿಧೇಯ್ಯಾಯಂ ಸಬ್ಬಧಾತೂಹಿ ತಿಪಚ್ಚಯೋ ಹೋತಿ, ಕಿತ ಚ ಆಸಿಟ್ಠೇ।
ಜಿನೋ ಜನಂ ಬುಜ್ಝತೂತಿ ಜಿನಬುದ್ಧಿ, ಧನಂ ಅಸ್ಸ ಭವತೂತಿ ಧನಭೂತಿ, ಭವತೂತಿ ಭೂತೋ, ಭವತೂತಿ ಭಾವೋ, ಧಮ್ಮೋ ಜನಂ ದದಾತೂತಿ ಧಮ್ಮದಿನ್ನೋ, ವಡ್ಢತೂತಿ ವಡ್ಢಮಾನೋ। ಏವಮಞ್ಞೇಪಿ ಯೋಜೇತಬ್ಬಾ।
೫೫೩, ೫೯೯. ಇತ್ಥಿಯಮತಿಯವೋ ವಾ।
ಇತ್ಥಿಯಮಭಿಧೇಯ್ಯಾಯಂ ಸಬ್ಬಧಾತೂಹಿ ಅಕಾರ ತಿ ಯು ಇಚ್ಚೇತೇ ಪಚ್ಚಯಾ ಹೋನ್ತಿ ವಾ।
ಜೀರತೀತೀ ಜರಾ, ಮಞ್ಞತೀತಿ ಮತಿ, ಚೇತಯತೀತಿ ಚೇತನಾ, ವೇದಯತೀತಿ ವೇದನಾ। ಏವಮಞ್ಞೇಪಿ ಯೋಜೇತಬ್ಬಾ।
೫೫೪, ೬೦೧. ಕರತೋ ರಿರಿಯ।
ಕರತೋ ಇತ್ಥಿಯಮನಿತ್ಥಿಯಂ ವಾ ಅಭಿಖೇಯ್ಯಾಯಂ ರಿರೀಯಪಚ್ಚಯೋ ಹೋತಿ ವಾ।
ಕತ್ತಬ್ಬಾ ಕಿರಿಯಾ, ಕರಣೀಯಂ ಕಿರಿಯಂ।
೫೫೫, ೬೧೨. ಅತೀತೇ ತತವನ್ತುತಾವೀ।
ಅತೀತೇ ಕಾಲೇ ಸಬ್ಬಧಾತೂಹಿ ತತವನ್ತುತಾವೀಇಚ್ಚೇತೇ ಪಚ್ಚಯಾ ಹೋನ್ತಿ।
ಹುತೋ, ಹುತವಾ, ಹುತಾವೀ। ವುಸಿತೋ, ವುಸಿತವಾ, ವುಸಿತಾವೀ। ಭುತ್ತೋ, ಭುತ್ತವಾ, ಭುತ್ತಾವೀ।
೫೫೬, ೬೨೨. ಭಾವಕಮ್ಮೇಸು ತ।
ಭಾವಕಮ್ಮೇಸು ಅತೀತೇ ಕಾಲೇ ತಪಚ್ಚಯೋ ಹೋತಿ ಸಬ್ಬಧಾತೂಹಿ।
ಭಾವೇ ತಾವ – ತಸ್ಸ ಗೀತಂ, ನಚ್ಚಂ, ನಟ್ಟಂ, ಹಸಿತಂ।
ಕಮ್ಮನಿ ತಾವ – ತೇನ ಭಾಸಿತಂ, ದೇಸಿತಂ।
೫೫೭, ೬೦೬. ಬುಧಗಮಾದಿತ್ಥೇ ಕತ್ತರಿ।
ಬುಧಗಮುಇಚ್ಚೇವಮಾದೀಹಿ ಧಾತೂಹಿ ತದತ್ಥೇ ಗಮ್ಯಮಾನೇ ತಪಚ್ಚಯೋ ಹೋತಿ ಕತ್ತರಿ ಸಬ್ಬಕಾಲೇ।
ಸಬ್ಬೇ
೫೫೮, ೬೦೨. ಜಿತೋ ಇನ ಸಬ್ಬತ್ಥ।
ಜಿಇಚ್ಚೇತಾಯ ಧಾತುಯಾ ಇನಪಚ್ಚಯೋ ಹೋತಿ ಸಬ್ಬಕಾಲೇ ಕತ್ತರಿ।
ಪಾಪಕೇ ಅಕುಸಲೇ ಧಮ್ಮೇ ಜಿನಾತಿ ಅಜಿನಿ ಜಿನಿಸ್ಸತೀತಿ ಜಿನೋ।
೫೫೯, ೬೦೩. ಸುಪತೋ ಚ।
ಸುಪಇಚ್ಚೇತಾಯ ಧಾತುಯಾ ಇನಪಚ್ಚಯೋ ಹೋತಿ ಕತ್ತರಿ, ಭಾವೇ ಚ।
ಸುಪತೀತಿ ಸುಪಿನಂ, ಸುಪೀಯತೇ ಸುಪಿನಂ।
೫೬೦, ೬೦೪. ಈಸಂದುಸೂಹಿ ಖ।
ಈಸಂದುಸುಸದ್ದಾದೀಹಿ ಸಬ್ಬಧಾತೂಹಿ ಖಪಚ್ಚಯೋ ಹೋತಿ।
ಈಸಸ್ಸಯೋ, ದುಸ್ಸಯೋ, ಸುಸ್ಸಯೋ ಭವತಾ, ಈಸಕ್ಕರಂ, ದುಕ್ಕರಂ, ಸುಕರಂ, ಭವತಾ।
೫೬೧, ೬೩೬. ಇಚ್ಛತ್ಥೇಸು ಸಮಾನಕತ್ತುಕೇಸು ತವೇ ತುಂ ವಾ।
ಇಚ್ಛತ್ಥೇಸು ಸಮಾನಕತ್ತುಕೇಸು ಸಬ್ಬಧಾತೂಹಿತವೇತುಂಇಚ್ಚೇತೇ ಪಚ್ಚಯಾ ಹೋನ್ತಿ ಸಬ್ಬಕಾಲೇ ಕತ್ತರಿ।
ಪುಞ್ಞಾನಿ ಕಾತವೇ, ಸದ್ಧಮ್ಮಂ ಸೋತು ಮಿಚ್ಛತಿ।
೫೬೨, ೬೩೮. ಅರಹಸಕ್ಕಾದೀಸು ಚ।
ಅರಹಸಕ್ಕಾದೀಸು ಚ ಅತ್ಥೇಸು ಸಬ್ಬಧಾತೂಹಿ ತುಂಪಚ್ಚಯೋ ಹೋತಿ।
ಕೋ ತಂ ನಿನ್ದಿತುಮರಹತಿ, ಸಕ್ಕಾ ಜೇತುಂ ಧನೇನ ವಾ। ಏವಮಞ್ಞೇಪಿ ಯೋಜೇತಬ್ಬಾ।
೫೬೩, ೬೩೯. ಪತ್ತವಚನೇ ಅಲಮತ್ಥೇಸು ಚ।
ಪತ್ತವಚನೇ ಅಲಮತ್ಥೇಸು ಸಬ್ಬಧಾತೂಹಿ ತುಂಪಚ್ಚಯೋ ಹೋತಿ।
ಅಲಮೇವ ದಾನಾನಿ ದಾತುಂ, ಅಲಮೇವ ಪುಞ್ಞಾನಿ ಕಾತುಂ।
೫೬೪, ೬೪೦. ಪುಬ್ಬಕಾಲೇ’ ಕಕತ್ತುಕಾನಂ ತುನ ತ್ವಾನ ತ್ವಾವಾ।
ಪುಬ್ಬಕಾಲೇ ಏಕಕತ್ತುಕಾನಂ ಧಾತೂನಂ ತುನತ್ವಾನ ತ್ವಾಇಚ್ಚೇತೇ ಪಚ್ಚಯಾ ಹೋನ್ತಿ ವಾ।
ಕಾತುನ
೫೬೫, ೬೪೬. ವತ್ತಮಾನೇ ಮಾನನ್ತಾ।
ವತ್ತಮಾನೇ ಕಾಲೇ ಸಬ್ಬಧಾತೂಹಿ ಮಾನಅನ್ತಇಚ್ಚೇತೇ ಪಚ್ಚಯಾ ಹೋನ್ತಿ।
ಸರಮಾನೋ ರೋದತಿ। ಗಚ್ಛನ್ತೋ ಗಣ್ಹಾತಿ।
೫೬೬, ೫೭೪. ಸಾಸಾದೀಹಿ ರತ್ಥು।
ಸಾಸಇಚ್ಚೇವಮಾದೀಹಿ ಧಾತೂಹಿ ರತ್ಥುಪಚ್ಚಯೋ ಹೋತಿ।
ಸಾಸತೀತಿ ಸತ್ಥಾ, ಸಾಸತಿ ಹಿಂಸತೀತಿ ವಾ ಸತ್ಥಾ।
೫೬೭, ೫೭೫. ಪಾತಿತೋರಿತು।
ಪಾಇಚ್ಚೇತಾಯ ಧಾತುಯಾ ರಿತುಪಚ್ಚಯೋ ಹೋತಿ।
ಪಾತಿ ಪುತ್ತನ್ತಿ ಪಿತಾ।
೫೬೮, ೫೭೬. ಮಾನಾದೀಹಿ ರಾತು।
ಮಾನಇಚ್ಚೇವಮಾದೀಹಿ ಧಾತೂಹಿ ರಾತುಪಚ್ಚಯೋ ಹೋತಿ, ರಿತು ಪಚ್ಚಯೋ ಚ।
ಧಮ್ಮೇನ ಪುತ್ತಂ ಮಾನೇತೀತಿ ಮಾತಾ, ಪುಬ್ಬೇ ಭಾಸತೀತಿ ಭಾತಾ, ಮಾತಾಪಿತೂಹಿ ಧಾರೀಯತೀತಿ ಧೀತಾ।
೫೬೯, ೬೧೦. ಆಗಮಾ ತುಕೋ।
ಆಇಚ್ಚಾದಿಮ್ಹಾ ಗಮಿತೋ ತುಕಪಚ್ಚಯೋ ಹೋತಿ।
ಆಗಚ್ಛತೀತಿ ಆಗನ್ತುಕೋ, ಭಿಕ್ಖು।
೫೭೦, ೬೧೧. ಭಬ್ಬೇ ಇಕ।
ಗಮುಇಚ್ಚೇತಮ್ಹಾ ಧಾತುಮ್ಹಾ ಇಕಪಚ್ಚಯೋ ಹೋತಿ ಭಬ್ಬೇ। ಗಮಿಸ್ಸತಿ ಗನ್ತುಂ ಭಬ್ಬೋತಿ ಗಮಿಕೋ, ಭಿಕ್ಖು।
ಇತಿ ಕಿಬ್ಬಿಧಾನಕಪ್ಪೇ ದುತಿಯೋ ಕಣ್ಡೋ।
ತತಿಯಕಣ್ಡ
೫೭೧, ೬೨೪. ಪಚ್ಚಯಾದನಿಟ್ಠಾ ನಿಪಾತನಾ ಸಿಜ್ಝನ್ತಿ,
ಸಙ್ಖ್ಯಾನಾಮಸಮಾಸತದ್ಧಿತಾಖ್ಯಾತಕಿತಕಪ್ಪಮ್ಹಿ ಸಪ್ಪಚ್ಚಯಾ ಯೇ ಸದ್ದಾ ಅನಿಟ್ಠಙ್ಗತಾ, ತೇ ಸಾಧನೇನ ನಿರಕ್ಖಿತ್ವಾ ಸಕೇಹಿ ಸಕೇಹಿ ನಾಮೇಹಿ ನಿಪಾತನಾ ಸಿಜ್ಝನ್ತಿ।
ಸಙ್ಖ್ಯಾಯಂ ಏಕಸ್ಸ ಏತಾ ಹೋತಿ, ದಸಸ್ಸ ಚ ದಕಾರಸ್ಸ ರಕಾರಾದೇಸೋ ಹೋತಿ। ಏಕೋ ಚ ದಸ ಚ ಏಕಾರಸ।
ದ್ವಿಸ್ಸ ಬಾ ಹೋತಿ, ದಸಸ್ಸ ಚ ದಕಾರಸ್ಸ ರಕಾರಾದೇಸೋ ಹೋತಿ, ದ್ವೇ ಚ ದಸ ಚ ಬಾರಸ।
ದ್ವಿಸ್ಸ ಬಾ ಹೋತಿ, ದಸಸ್ಸ ಚ ವೀಸಂ ಹೋತಿ। ದ್ವೇ ಚ ವೀಸಞ್ಚ ಬಾವೀಸಂ।
ಛಸ್ಸ ಸೋ ಹೋತಿ, ದಸಸ್ಸ ಚ ದಕಾರಸ್ಸ ಳೋ ಹೋತಿ, ಛ ಚ ದಸ ಚ ಸೋಳಸ।
ಛಆಯತನಮ್ಹಿ ಛಸ್ಸ ಸಳೋ ಹೋತಿ, ಸಳಾಯತನಂ। ಏವಂ ಸೇಸಾ ಸಙ್ಖ್ಯಾ ಕಾತಬ್ಬಾ।
ನಾಮಿಕೇ ತಾವ-ಇಮ ಸಮಾನ ಅಪರಇಚ್ಚೇತೇಹಿ ಜ್ಜಜ್ಜು ಪಚ್ಚಯಾ ಹೋನ್ತಿ, ಇಮ ಸಮಾನಸದ್ದಾನಞ್ಚ ಅಕಾರಸಕಾರಾದೇಸಾ ಹೋನ್ತಿ। ಇಮಸ್ಮಿಂ ಕಾಲೇ ಅಜ್ಜ, ಅಜ್ಜು, ಸಮಾನೇ ಕಾಲೇ ಸಜ್ಜ, ಸಜ್ಜು, ಅಪರಸ್ಮಿಂ ಕಾಲೇ ಅಪರಜ್ಜ, ಅಪರಜ್ಜು।
ಸಮಾಸೇ ತಾವ – ಭೂಮಿಗತೋ, ಅಪಾಯಗತೋ, ಇಸ್ಸರಕತಂ। ಸಲ್ಲವಿದ್ಧೋ, ಕಥಿನದುಸ್ಸಂ, ಚೋರಭಯಂ, ಧಞ್ಞರಾಸಿ, ಸಂಸಾರದುಕ್ಖಂ, ಪುಬ್ಬಾಪರಂ।
ತದ್ಧಿತೇ
ಆಖ್ಯಾತೇ ತಾವ – ‘‘ಅಸ ಭಾವೇ’’ತಿ ಧಾತುತೋ ವತ್ತಮಾನೇಸು ಏಕವಚನಬಹುವಚನೇಸು ಏಕವಚನಸ್ಸ ತಿಸ್ಸ ಸ್ಸೋ ಹೋತಿ ಅನ್ತೇನ ಸಹ, ಬಹುವಚನಸ್ಸ ಅನ್ತಿಸ್ಸ ಸ್ಸು ಹೋತಿ ಅನ್ತೇನ ಸಹ। ಏವಮಸ್ಸ ವಚನೀಯೋ, ಏವಮಸ್ಸು ವಚನೀಯಾ।
ಆಣತ್ತಿಯಂ ಹಿಸ್ಸ ಸ್ಸು ಹೋತಿ ವಾ, ಗಚ್ಛಸ್ಸು, ಗಚ್ಛಾಹಿ।
ಕಿತಕೇ ತಾವ – ವದ ಹನಇಚ್ಚೇವಮಾದೀಹಿ ಧಾತೂಹಿ ಕಪಚ್ಚಯೋ ಹೋತಿ, ವದಸ್ಸ ಚ ವಾದೋ ಹೋತಿ, ಹನಸ್ಸ ಚ ಘಾತೋ ಹೋತಿ। ವಾದಕೋ, ಘಾತಕೋ।
ನಟಧಾತುತೋ ತಪಞ್ಚಯಸ್ಸ ಚ್ಚ ಟ್ಟಾದೇಸಾ ಹೋನ್ತಿ ಅನ್ತೇನ ಸಹ। ನಚ್ಚಂ, ನಟ್ಟಂ। ಇಚ್ಚೇವಮಾದಯೋ ನಿಪಾತನಾ ಸಿಜ್ಝನ್ತಿ।
೫೭೨, ೬೨೫. ಸಾಸ ದಿಸತೋ ತಸ್ಸ ರಿಟ್ಠೋ ಚ।
ಸಾಸ ದಿಸಇಚ್ಚೇವಮಾದೀಹಿ ಧಾತೂಹಿ ತಪಚ್ಚಯಸ್ಸ ರಿಟ್ಠಾದೇಸೋ ಹೋತಿ ಠಾನೇ।
ಅನುಸಿಟ್ಠೋ ಸೋ ಮಯಾ, ದಿಟ್ಠಂ ಮೇ ರೂಪಂ।
ಚಗ್ಗಹಣೇನ ತುಂ ಪಚ್ಚಯಸ್ಸ ಚ ರಟ್ಠರಟ್ಠುಂಆದೇಸಾ ಹೋನ್ತಿ। ದಸ್ಸನೀಯಂ ದಟ್ಠಬ್ಬಂ। ದಟ್ಠುಂ ವಿಹಾರಂ ಗಚ್ಛನ್ತಿ ಸಮಣಾನಂ।
೫೭೩, ೬೨೬. ಸಾದಿಸನ್ತ ಪುಚ್ಛ ಭನ್ಜ ಹನ್ಸಾದೀಹಿಟ್ಠೋ।
ಸಕಾರನ್ತ ಪುಚ್ಛ ಭನ್ಜ ಹನ್ಸ ಇಚ್ಚೇವಮಾದೀಹಿ ಧಾತೂಹಿ ತಪಚ್ಚಯಸ್ಸ ಸಹಾದಿಬ್ಯಞ್ಜನೇನ ಟ್ಠಾದೇಸೋ ಹೋತಿ ಠಾನೇ।
ತುಟ್ಠೋ, ಅಹಿನಾ ದಟ್ಠೋ ನರೋ, ಮಯಾ ಪುಟ್ಠೋ, ಭಟ್ಠೋ, ಪಭಟ್ಠೋ, ಹಟ್ಠೋ, ಪಹಟ್ಠೋ, ಯಿಟ್ಠೋ। ಏವಮಞ್ಞೇಪಿ ಧಾತವೋ ಸಬ್ಬತ್ಥ ಯೋಜೇತಬ್ಬಾ।
೫೭೪, ೬೧೩. ವಸತೋ ಉಟ್ಠ।
ವಸಇಚ್ಚೇತಮ್ಹಾ ಧಾತುಮ್ಹಾ ತಕಾರಪಚ್ಚಯಸ್ಸ ಸಹಾದಿಬ್ಯಞ್ಜನೇನ ಉಟ್ಠಾದೇಸೋ ಹೋತಿ ಠಾನೇ।
ವಸ್ಸಂವುಟ್ಠೋ।
೫೭೫, ೬೧೪. ವಸ್ಸ ವಾ ವು।
ವಸಸ್ಸೇವ ಧಾತುಸ್ಸ ತಪಚ್ಚಯೇ ಪರೇ ವಕಾರಸ್ಸ ಉಕಾರಾದೇಸೋ ಹೋತಿ ವಾ।
ವುಸಿತಂ ಬ್ರಹ್ಮಚರಿಯಂ, ಉಟ್ಠೋ। ವುಠೋ ವಾ।
೫೭೬, ೬೦೭. ಧ ಢ ಭ ಯೇ ಹಿ ಧ ಢಾ ಚ।
ಧ ಢ ಭ ಹಇಚ್ಚೇವಮನ್ತೇಹಿ ಧಾತೂಹಿ ತಕಾರಪಚ್ಚಯಸ್ಸ ಯಥಾಕ್ಕಮಂ ಧ ಢಾದೇಸಾ ಹೋನ್ತಿ।
ಯಥಾ? ಬುದ್ಧೋ ಭಗವಾ, ವಡ್ಢೋ ಭಿಕ್ಖು, ಲದ್ಧಂ ಮೇ ಪತ್ಥಚೀವರಂ, ಅಗ್ಗಿನಾ ದಡ್ಢಂ ವನಂ।
೫೭೭, ೬೨೮. ಭನ್ಜತೋ ಗ್ವೋ ಚ।
ಭನ್ಜತೋ ಧಾತುಮ್ಹಾ ತಕಾರಪಚ್ಚಯಸ್ಸ ಗ್ಗೋ ಆದೇಸೋ ಹೋತಿ ಸಹಾದಿಬ್ಯಞ್ಜನೇನ।
ಭಗ್ಗೋ।
೫೭೮, ೫೬೦. ಭುಜಾದೀನಮನ್ತೋ ನೋ ದ್ವಿ ಚ।
ಭುಜಇಚ್ಚೇವಮಾದೀನಂ ಧಾತೂನಂ ಅನ್ತೋ ನೋ ಹೋತಿ, ತಪಚ್ಚಯಸ್ಸ ಚ ದ್ವಿತಾವೋ ಹೋತಿ।
ಭುತ್ತೋ, ಭುತ್ತಾವೀ, ಚತ್ತೋ, ಸತ್ತೋ, ರತ್ತೋ, ಯುತ್ತೋ, ವಿವಿತ್ತೋ।
೫೭೯, ೬೨೯. ವಚ ವಾವು।
ವಚಇಚ್ಚೇತಸ್ಸ ಉಕಾರಾದೇಸೋ ಹೋತಿ ಅನ್ತೋ ಚಕಾರೋ ನೋ ಹೋತಿ, ತಪಚ್ಚಯಸ್ಸ ಚ ದ್ವೇಭಾವೋ ಹೋತಿ ವಾ।
ವುತ್ತಂ ಭಗವತಾ, ಉತ್ತಂ ವಾ।
೫೮೦, ೬೩೦. ಗುಪಾದೀನಞ್ಚ।
ಗುಪಇಚ್ಚೇವಮಾದೀನಂ ಧಾತೂನಂ ಅನ್ತೋ ಚ ಬ್ಯಞ್ಜನೋ ನೋ ಹೋತಿ, ತಪಚ್ಚಯಸ್ಸ ಚ ದ್ವೇಭಾವೋ ಹೋತಿ।
ಸುಗುತ್ತೋ, ಚತ್ತೋ, ಲಿತ್ತೋ, ಸನ್ತತ್ತೋ, ಉತ್ತೋ, ವಿವಿತ್ತೋ, ಸಿತ್ತೋ। ಏವಮಞ್ಞೇಪಿ ಯೋಜೇತಬ್ಬಾ।
೫೮೧, ೬೧೬. ತರಾದೀಹಿ ಇಣ್ಣೋ।
ತರಇಚ್ಚೇವಮಾದೀಹಿ ಧಾತೂಹಿ ತಪಚ್ಚಯಸ್ಸ ಇಣ್ಣಾದೇಸೋ ಹೋತಿ, ಅನ್ತೋ ಚ ಬ್ಯಞ್ಜನೋ ನೋ ಹೋತಿ।
ತರತೀತಿ ತಿಣ್ಣೋ, ಉತ್ತರತೀತಿ ಉತ್ತಿಣ್ಣೋ, ಸಂಪೂರತೀತಿ ಸಮ್ಪುಣ್ಣೋ, ತುರತೀತಿ ತುಣ್ಣೋ, ಪರಿಜೀರತೀತಿ ಪರಿಜಿಣ್ಣೋ, ಆಕಿರತೀತಿ ಆಕಿಣ್ಣೋ।
೫೮೨, ೬೩೧. ಭಿದಾದಿತೋ ಇನ್ನ ಅನ್ನ ಈಣಾವಾ।
ಭಿದಿಇಚ್ಚೇವಮಾದೀಹಿ ಧಾತೂಹಿ ತಪಚ್ಚಯಸ್ಸ ಇನ್ನ ಅನ್ನ ಈಣಾದೇಸಾ ಹೋನ್ತಿ ವಾ, ಅನ್ತೋ ಚ ಬ್ಯಞ್ಜನೋ ನೋ ಹೋತಿ।
ಭಿನ್ದಿತಬ್ಬೋತಿ ಭಿನ್ನೋ, ಛಿನ್ದೀಯತೀತಿ ಛಿನ್ನೋ, ಉಚ್ಛಿನ್ದೀಯಿತ್ಥಾತಿ ಉಚ್ಛಿನ್ನೋ, ದೀಯತೀತಿ ದಿನ್ನೋ, ನಿಸೀದತೀತಿ ನಿಸಿನ್ನೋ, ಸುಟ್ಠು ಛಾದೀಯತೀತಿ ಸುಛನ್ನೋ, ಖಿದತೀತಿ ಖಿನ್ನೋ, ರೋದತೀತಿ ರುನ್ನೋ, ಖೀಣಾ ಜಾತಿ।
ವಾತಿ ಕಿಮತ್ಥಂ? ಭಿಜ್ಜತೀತಿ ಭಿತ್ತಿ।
೫೮೩, ೬೧೭. ಸುಸ ಪಚ ಸಕತೋ ಕ್ಖ ಕ್ಕಾ ಚ।
ಸುಸ ಪಚ ಸಕಇಚ್ಚೇವಮಾದೀಹಿ ಧಾತೂಹಿ ತಪಚ್ಚಯಸ್ಸ ಕ್ಖಕ್ಕಾದೇಸಾ ಹೋನ್ತಿ, ಅನ್ತೋ ಚ ಬ್ಯಞ್ಜನೋ ನೋ ಹೋತಿ।
ಸುಸ್ಸತೀತಿ ಸುಕ್ಖಂ, ಕಟ್ಠಂ, ಪಚ್ಚತೀತಿ ಪಕ್ಕಂ, ಫಲಂ। ಸಕತಿ ಸಮತ್ಥೇತಿ, ಪೂಜೇತೀತಿ ವಾ ಸಕ್ಕೋ, ಸುಜಮ್ಪತಿ।
೫೮೪, ೬೧೮. ಪಕ್ಕಮಾದೀಹಿ ನ್ತೋ ಚ।
ಪಕ್ಕಮಇಚ್ಚೇವಮಾದೀಹಿ ಧಾತೂಹಿ ತಪಚ್ಚಯಸ್ಸ ನ್ತೋಆದೇಸೋ ಹೋತಿ, ಅನ್ತೋ ಚ ನೋ ಹೋತಿ।
ಪಕ್ಕಮತೀತಿ
ಚಗ್ಗಹಣಂ ಕಿಮತ್ಥಂ? ತೇಹೇವ ಧಾತೂಹಿ ತಪಚ್ಚಯಸ್ಸನ್ತಿ ಹೋತಿ। ಅನ್ತೋ ಚ ನೋ ಹೋತಿ। ಕನ್ತಿ, ಖನ್ತಿ। ಏವಂ ಸಬ್ಬತ್ಥ।
೫೮೫, ೬೧೯. ಜನಾದೀನಮಾ ತಿಮ್ಹಿ ಚ।
ಜನಇಚ್ಚೇವಮಾದೀನಂ ಧಾತೂನಂ ಅನ್ತಸ್ಸ ಬ್ಯಞ್ಜನಸ್ಸ ಆತ್ತಂ ಹೋತಿ ತಪಚ್ಚಯೇ ಪರೇ, ತಿಮ್ಹಿ ಚ।
ಅಜನೀತಿ ಜಾತೋ, ಜನನಂ ಜಾತಿ।
ತಿಮ್ಹೀತಿ ಕಿಮತ್ಥಂ? ಅಞ್ಞಸ್ಮಿಮ್ಪಿ ಪಚ್ಚಯೇ ಪರೇ ಆಕಾರನಿವತ್ತನತ್ಥಂ। ಜನಿತ್ವಾ, ಜನಿತಾ, ಜನಿತುಂ, ಜನಿತಬ್ಬಂ ಇಚ್ಚೇವಮಾದಿ।
೫೮೬, ೬೦೦. ಗಮ ಖನ ಹನ ರಮಾದೀನಮನ್ತೋ।
ಗಮ ಖನ ಹನ ರಮುಇಚ್ಚೇವಮಾದೀನಂ ಧಾತೂನಂ ಅನ್ತೋ ಬ್ಯಞ್ಜನೋ ನೋ ಹೋತಿ ವಾ ತಪಚ್ಚಯೇ ಪರೇ ತಿಮ್ಹಿ ಚ।
ಸುನ್ದರಂ ನಿಬ್ಬಾನಂ ಗಚ್ಛತೀತಿ ಸುಗತೋ। ಸುನ್ದರಂ ನಿಬ್ಬಾನಂ ಗಚ್ಛತೀತಿ ಸುಗತಿ, ಖತಂ, ಖತಿ। ಉಪಹತಂ, ಉಪಹತಿ। ರತೋ, ರತಿ, ಮತೋ, ಮತಿ।
ವಾತಿ
೫೮೭, ೬೩೨. ರಕಾರೋ ಚ।
ರಕಾರೋ ಚ ಧಾತೂನಮನ್ತಭೂತೋ ನೋ ಹೋತಿ ತಪಚ್ಚಯೇ, ಪರೇ ತಿಮ್ಹಿ ಚ।
ಪಕಾರೇನ ಕರೀಯತೀತಿ ಪಕತೋ, ಪಠಮಂ ಕರೀಯತೀತಿ ಪಕತಿ, ವಿಸರೀಯತೀತಿ ವಿಸತೋ, ವಿಸತಿ।
೫೮೮, ೬೨೦. ಠಾಪಾನಮಿ ಈ ಚ।
ಠಾ ಪಾಇಚ್ಚೇತೇಸಂ ಧಾತೂನಂ ಅನ್ತಸ್ಸ ಆಕಾರಸ್ಸ ಇಕಾರ ಈಕಾರಾದೇಸಾ ಹೋನ್ತಿ ಯಥಾಸಙ್ಖ್ಯಂ ತಪಚ್ಚಯೇ ಪರೇ, ತಿಮ್ಹಿ ಚ।
ಯತ್ರ ಠಿತೋ, ಠಿತಿ, ಪೀತೋ, ಪೀತಿ।
೫೮೯, ೬೨೧. ಹನ್ತೇಹಿ ಹೋ ಹಸ್ಸ ಳೋ ವಾ ಅದಹನಹಾನಂ।
ಹಕಾರನ್ತೇಹಿ ಧಾತೂಹಿ ತಪಚ್ಚಯಸ್ಸ ಹಕಾರಾದೇಸೋ ಹೋತಿ, ಹಕಾರಸ್ಸ ಧಾತ್ವನ್ತಸ್ಸ ಳೋ ಹೋತಿ ವಾ ಅದಹನಹಾನಂ।
ಆರುಹಿತ್ಥಾತಿ ಆರುಳ್ಹೋ। ಗಾಳ್ಹೋ, ಬಾಳ್ಹೋ। ಮೂಳೋ।
ಅದಹನಹಾನಮಿತಿ
ಇತಿ ಕಿಬ್ಬಿಧಾನಕಪ್ಪೇ ತತಿಯೋ ಕಣ್ಡೋ।
ಚತುತ್ಥಕಣ್ಡ
೫೯೦, ೫೭೯. ಣಮ್ಹಿರನ್ಜಸ್ಸ ಜೋ ಭಾವಕರಣೇಸು।
ಣಮ್ಹಿ ಪಚ್ಚಯೇ ಪರೇ ರನ್ಜಇಚ್ಚೇತಸ್ಸ ಧಾತುಸ್ಸ ಅನ್ತಭೂತಸ್ಸ ನ್ಜಕಾರಸ್ಸ ಜೋಆದೇಸೋ ಹೋತಿ ಭಾವಕರಣೇಸು।
ರಞ್ಜನಂ ರಾಗೋ, ರನ್ಜನ್ತಿ ಏತೇನಾತಿ ರಾಗೋ।
ಭಾವಕರಣೇಸೂತಿ ಕಿಮತ್ಥಂ? ರನ್ಜತೀತಿ ರಙ್ಗೋ।
೫೯೧, ೫೪೪. ಹನಸ್ಸ ಘಾತೋ।
ಹನಇಚ್ಚೇತಸ್ಸ ಧಾತುಸ್ಸ ಸಬ್ಬಸ್ಸ ಘಾತಾದೇಸೋ ಹೋತಿ ಣಮ್ಹಿ ಪಚ್ಚಯೇ ಪರೇ।
ಉಪಹನತೀತಿ ಉಪಘಾತೋ, ಗಾವೋ ಹನತೀತಿ ಗೋಘಾತಕೋ।
೫೯೨, ೫೦೩. ವಧೋ ವಾ ಸಬ್ಬತ್ಥ।
ಹನಇಚ್ಚೇತಸ್ಸ ಧಾತುಸ್ಸ ವಧಾದೇಸೋ ಹೋತಿ ವಾ ಸಬ್ಬತ್ಥ ಠಾನೇಸು।
ಹನತೀತಿ ವಧೋ, ವಧಕೋ, ಅವಧಿ, ಅಹನಿ ವಾ।
೫೯೩, ೫೬೪. ಆಕಾರನ್ತಾನಮಾಯೋ।
ಆಕಾರನ್ತಾನಂ ಧಾತೂನಂ ಅನ್ತಸ್ಸ ಆಕಾರಸ್ಸ ಆಯಾದೇಸೋ ಹೋತಿ ಣಮ್ಹಿ ಪಚ್ಚಯೇ ಪರೇ।
ದದಾತೀತಿ ದಾಯಕೋ, ದಾನಂ ದಾತುಂ ಸೀಲಂ ಯಸ್ಸಾತಿ ದಾನದಾಯೀ, ಮಜ್ಜಂ ದಾತುಂ ಸೀಲಂ ಯಸ್ಸಾತಿ ಮಜ್ಜದಾಯೀ, ನಗರಂ ಯಾತುಂ ಸೀಲಂ ಯಸ್ಸಾತಿ ನಗರಯಾಯೀ।
೫೯೪, ೫೮೨. ಪುರ ಸಮುಪ ಪರೀಹಿ ಕರೋತಿಸ್ಸ ಖ ಖರಾ ವಾ ತಪ್ಪಚ್ಚಯೇಸುಚ।
ಪುರ ಸಂ ಉಪ ಪರಿಇಚ್ಚೇತೇಹಿ ಕರೋತಿಸ್ಸ ಧಾತುಸ್ಸ ಖ ಖರಾದೇಸಾ ಹೋನ್ತಿ ವಾ ತಪಚ್ಚಯೇ ಪರೇ, ಣಮ್ಹಿ ಚ।
ಪುರೇ ಕರೀಯತೀತಿ ಪುರಕ್ಖತೋ, ಸಮ್ಮಾ ಕರೀಯತೀತಿ ಸಙ್ಖತೋ, ಉಪಗನ್ತ್ವಾ ಕರೀಯತೀತಿ ಉಪಕ್ಖತೋ, ಪರಿಸಮನ್ತತೋ ಕರೋತೀತಿ ಪರಿಕ್ಖಾರೋ, ಸಂಕರೀಯತೀತಿ ಸಙ್ಖಾರೋ।
ವಾತಿ ಕಿಮತ್ಥಂ? ಉಪಗನ್ತ್ವಾ ಕರೋತೀತಿ ಉಪಕಾರೋ।
೫೯೫, ೬೩೭. ತವೇ ತುನಾದೀಸು ಕಾ।
ತವೇ ತುನಇಚ್ಚೇವಮಾದೀಸು ಪಚ್ಚಯೇಸು ಕರೋತಿಸ್ಸ ಧಾತುಸ್ಸ ಕಾಆದೇಸೋ ಹೋತಿ ವಾ।
ಕಾತವೇ, ಕಾತುಂ, ಕತ್ತುಂ ವಾ, ಕಾತುನ, ಕತ್ತುನ ವಾ।
೫೯೬, ೫೫೧. ಗಮ ಖನ ಹನಾದೀನಂ ತುಂ ತಬ್ಬಾದೀಸು ನ।
ಗಮ ಖನ ಹನಇಚ್ಚೇವಮಾದೀನಂ ಧಾತೂನಂ ಅನ್ತಸ್ಸ ನಕಾರೋ ಹೋತಿ ವಾ ತುಂ ತಬ್ಬಾದೀಸು ಪಚ್ಚಯೇಸು।
ಗನ್ತುಂ, ಗಮಿತುಂ, ಗನ್ತಬ್ಬಂ, ಗಮಿತಬ್ಬಂ। ಖನ್ತುಂ। ಖನಿತುಂ, ಖನ್ತಬ್ಬಂ, ಖನಿತಬ್ಬಂ। ಹನ್ತುಂ, ಹನಿತುಂ, ಹನ್ತಬ್ಬಂ। ಹನಿತಬ್ಬಂ। ಮನ್ತುಂ, ಮನಿತುಂ, ಮನ್ತಬ್ಬಂ, ಮನಿತಬ್ಬಂ।
ಆದಿಗ್ಗಹಣಂ ಕಿಮತ್ಥಂ? ತುನಗ್ಗಹಣತ್ಥಂ। ಗನ್ತುನ, ಖನ್ತುನ, ಹನ್ತುನ, ಮನ್ತುನ।
೫೯೭, ೬೪೧. ಸಬ್ಬೇಹಿ ತುನಾದೀನಂ ಯೋ।
ಸಬ್ಬೇಹಿ ಧಾತೂಹಿ ತುನಾದೀನಂ ಪಚ್ಚಯಾನಂ ಯಕಾರಾದೇಸೋ ಹೋತಿ ವಾ।
ಅಭಿವನ್ದಿಯ, ಅಭಿವನ್ದಿತ್ವಾ, ಓಹಾಯ, ಓಹಿತ್ವಾ, ಉಪನೀಯ, ಉಪನೇತ್ವಾ, ಪಸ್ಸಿಯ, ಪಸ್ಸಿತ್ವಾ, ಉದ್ದಿಸ್ಸ, ಉದ್ದಿಸಿತ್ವಾ, ಆದಾಯ, ಆದಿಯಿತ್ವಾ।
೫೯೮, ೬೪೩. ಚನನ್ತೇಹಿ ರಚ್ಚಂ।
ಚಕಾರನಕಾರನ್ತೇಹಿ ಧಾತೂಹಿ ತುನಾದೀನಂ ಪಚ್ಚಯಾನಂ ರಚ್ಚಾದೇಸೋ ಹೋತಿ ವಾ।
ವಿವಿಚ್ಚ, ಆಹಚ್ಚ, ಉಹಚ್ಚ।
ವಾತಿ ಕಿಮತ್ಥಂ? ಹನ್ತ್ವಾ।
೫೯೯, ೬೪೪. ದಿಸಾ ಸ್ವಾನ ಸ್ವಾನ್ತಲೋಪೋ ಚ।
ದಿಸಇಚ್ಚೇತಾಯ ಧಾತುಯಾ ತುನಾದೀನಂ ಪಚ್ಚಯಾನಂ ಸ್ವಾನಸ್ವಾದೇಸಾ ಹೋನ್ತಿ, ಅನ್ತಲೋಪೋ ಚ।
ದಿಸ್ವಾನ, ದಿಸ್ವಾ।
೬೦೦, ೬೪೫. ಮ ಹ ದ ಭೇಹಿ ಮ್ಮ ಯ್ಹ ಜ್ಜ ಬ್ಭ ದ್ಧಾ ಚ।
ಮ ಹ ದ ಭ ಇಚ್ಚೇವಮನ್ತೇಹಿ ಧಾತೂಹಿ ತುನಾದೀನಂ ಪಚ್ಚಯಾನಂ ಮ್ಮ ಯ್ಹ ಜ್ಜ ಬ್ಭ ದ್ಧಾ ಆದೇಸಾ ಹೋನ್ತಿ ವಾ ಅನ್ತಲೋಪೋ ಚ।
ಆಗಮ್ಮ, ಆಗಮಿತ್ವಾ, ಓಕ್ಕಮ್ಮ। ಓಕ್ಕಮಿತ್ವಾ, ಪಗ್ಗಯ್ಹ, ಪಗ್ಗಣ್ಹಿತ್ವಾ, ಉಪ್ಪಜ್ಜ, ಉಪ್ಪಜ್ಜಿತ್ವಾ, ಆರಬ್ಭ, ಆರಭಿತ್ವಾ, ಆರದ್ಧ, ಆರಭಿತ್ವಾ।
೬೦೧, ೩೩೪. ತದ್ಧಿತಸಮಾಸಕಿತಕಾ ನಾಮಂ ವಾ’ ತವೇ ತುನಾದೀಸು ಚ।
ತದ್ಧಿತಸಮಾಸಕಿತಕಇಚ್ಚೇವಮನ್ತಾ ಸದ್ದಾನಾಮಂವ ದಟ್ಠಬ್ಬಾ ತವೇ ತುನ ತ್ವಾನ ತ್ವಾದಿಪಚ್ಚಯನ್ತೇ ವಜ್ಜೇತ್ವಾ।
ವಾಸಿಟ್ಠೋ, ಪತ್ತಧಮ್ಮೋ, ಕುಮ್ಭಕಾರೋ ಇಚ್ಚೇವಮಾದಿ।
೬೦೨, ೬. ದುಮ್ಹಿ ಗರು।
ದುಮ್ಹಿ ಅಕ್ಖರೇ ಯೋ ಪುಬ್ಬೋ ಅಕ್ಖರೋ, ಸೋ ಗರುಕೋವ ದಟ್ಠಬ್ಬೋ।
ಭಿತ್ವಾ, ಛಿತ್ವಾ, ದತ್ವಾ, ಹುತ್ವಾ।
೬೦೩, ೭. ದೀಘೋ ಚ।
ದೀಘೋ ಚ ಸರೋ ಗರುಕೋವ ದಟ್ಠಬ್ಬೋ।
ಆಹಾರೋ, ನದೀ, ವಧೂ, ತೇ ಧಮ್ಮಾ, ಓಪನಯಿಕೋ।
೬೦೪, ೬೮೪. ಅಕ್ಖರೇಹಿ ಕಾರ।
ಅಕ್ಖರತ್ಥೇಹಿ ಅಕ್ಖರಾಭಿಧೇಯ್ಯೇಹಿ ಕಾರಪಚ್ಚಯೋ ಹೋತಿ ಪಯೋಗೇ ಸತಿ।
ಅ ಏವ ಅಕಾರೋ, ಆ ಏವ ಆಕಾರೋ, ಯ ಏವ ಯಕಾರೋ।
೬೦೫, ೬೪೭. ಯಥಾಗಮಮಿಕಾರೋ
ಯಥಾಗಮಂ ಸಬ್ಬಧಾತೂಹಿ ಸಬ್ಬಪಚ್ಚಯೇಸು ಇಕಾರಾಗಮೋ ಹೋತಿ।
ಕಾರಿಯಂ, ಭವಿತಬ್ಬಂ, ಜನಿತಬ್ಬಂ, ವಿದಿತಬ್ಬಂ, ಕರಿತ್ವಾ, ಇಚ್ಛಿತಂ।
೬೦೬, ೬೪೨. ದಧನ್ತತೋ ಯೋ ಕ್ವಚಿ।
ದಕಾರಧಕಾರನ್ತಾಯ ಧಾತುಯಾ ಯಥಾಗಮಂ ಯಕಾರಾಗಮೋ ಹೋತಿ ಕ್ವಚಿ ತುನಾದೀಸು ಪಚ್ಚಯೇಸು।
ಬುದ್ಧೋ ಲೋಕೇ ಉಪ್ಪಜ್ಜಿತ್ವಾ, ಧಮ್ಮಂ ಬುಜ್ಝಿತ್ವಾ।
ದಧನ್ತತೋತಿ ಕಿಮತ್ಥಂ? ಲಭಿತ್ವಾ।
ಕ್ವಚೀತಿ ಕಿಮತ್ಥಂ? ಉಪ್ಪಾದೇತ್ವಾ।
ಇತಿ ಕಿಬ್ಬಿಧಾನಕಪ್ಪೇ ಚತುತ್ಥೋ ಕಣ್ಡೋ।
ಪಞ್ಚಮಕಣ್ಡ
೬೦೭, ೫೭೮. ನಿಗ್ಗಹಿತ ಸಂಯೋಗಾದಿನೋ।
ಸಂಯೋಗಾದಿಭೂತೋ ನಕಾರೋ ನಿಗ್ಗಹಿತಮಾಪಜ್ಜತೇ।
ರಙ್ಗೋ, ಭಙ್ಗೋ, ಸಙ್ಗೋ।
೬೦೮, ೬೨೩. ಸಬ್ಬತ್ಥ ಗೇ ಗೀ।
ಗೇಇಚ್ಚೇತಸ್ಸ ಧಾತುಸ್ಸ ಗೀಆದೇಸೋ ಹೋತಿ ಸಬ್ಬತ್ಥ ಠಾನೇ।
ಗೀತಂ ಗಾಯತಿ।
೬೦೯, ೪೮೪. ಸದಸ್ಸ ಸೀದತ್ತಂ।
ಸದಇಚ್ಚೇತಸ್ಸ ಧಾತುಸ್ಸ ಸೀದಾದೇಸೋ ಹೋತಿ ಸಬ್ಬತ್ಥ ಠಾನೇ।
ನಿಸಿನ್ನೋ, ನಿಸೀದತಿ।
೬೧೦, ೬೨೭. ಯಜಸ್ಸ ಸರಸ್ಸಿ ಟ್ಠೇ।
ಯಜಇಚ್ಚೇತಸ್ಸ ಧಾತುಸ್ಸ ಸರಸ್ಸ ಇಕಾರಾದೇಸೋ ಹೋತಿ ಟ್ಠೇ ಪರೇ।
ಯಿಟ್ಠೋ, ಯಿಟ್ಠಾ।
ಟ್ಠೇತಿ ಕಿಮತ್ಥಂ? ಯಜನಂ।
೬೧೧, ೬೦೮. ಹಚತುತ್ಥಾನಮನ್ತಾನಂ ದೋ ಧೇ।
ಹಚತುತ್ಥಾನಂ ಧಾತ್ವನ್ತಾನಂ ದೋ ಆದೇಸೋ ಹೋತಿ ಧೇ ಪರೇ।
ಸನ್ನದ್ಧೋ, ಕುದ್ಧೋ, ಯುದ್ಧೋ, ಸಿದ್ಧೋ, ಲದ್ಧೋ, ಆರದ್ಧೋ।
೬೧೨, ೬೧೫. ಡೋ ಢಕಾರೇ।
ಹಚತುತ್ಥಾನಂ ಧಾತ್ವನ್ತಾನಂ ಡೋ ಆದೇಸೋ ಹೋತಿ ಢಕಾರೇ ಪರೇ।
ದಯ್ಹತೀತಿ ದಡ್ಢೋ, ವಡ್ಢತೀತಿ ವುಡ್ಢೋ।
ಢಕಾರೇತಿ ಕಿಮತ್ಥಂ? ದಾಹೋ।
೬೧೩, ೫೮೩. ಗಹಸ್ಸ ಘರ ಣೇ ವಾ।
ಗಹಇಚ್ಚೇತಸ್ಸ ಧಾತುಸ್ಸ ಸಬ್ಬಸ್ಸ ಘರಾದೇಸೋ ಹೋತಿ ವಾ ಣಪಚ್ಚಯೇ ಪರೇ।
ಘರಂ, ಘರಾನಿ।
ವಾತಿ ಕಿಮತ್ಥಂ? ಗಾಹೋ।
೬೧೪, ೫೮೧. ದಹಸ್ಸ ದೋ ಳಂ।
ದಹಇಚ್ಚೇತಸ್ಸ ಧಾತುಸ್ಸ ದಕಾರೋ ಳತ್ತಮಾಪಜ್ಜತೇ ವಾ ಣಪಚ್ಚಯೇ ಪರೇ।
ಪರಿದಹನಂ ಪರಿಳಾಹೋ।
ವಾತಿ ಕಿಮತ್ಥಂ? ಪರಿದಾಹೋ।
೬೧೫, ೫೮೬. ಧಾತ್ವನ್ತಸ್ಸ ಲೋಪೋ ಕ್ವಿಮ್ಹಿ।
ಧಾತ್ವನ್ತಸ್ಸ ಬ್ಯಞ್ಜನಸ್ಸ ಲೋಪೋ ಹೋತಿ ಕ್ವಿಮ್ಹಿ ಪಚ್ಚಯೇ ಪರೇ।
ಭುಜೇನ
೬೧೬, ೫೮೭. ವಿದನ್ತೇ ಊ।
ವಿದಇಚ್ಚೇತಸ್ಸ ಧಾತುಸ್ಸ ಅನ್ತೇ ಊಕಾರಾಗಮೋ ಹೋತಿ ಕ್ವಿಮ್ಹಿ ಪಚ್ಚಯೇ ಪರೇ।
ಲೋಕಂ ವಿದತಿ ಜಾನಾತೀತಿ ಲೋಕವಿದೂ।
೬೧೭, ೬೩೩. ನ ಮ ಕ ರಾನಮನ್ತಾನಂ ನಿಯುತ್ತತಮ್ಹಿ।
ನಕಾರ ಮಕಾರ ಕಕಾರ ರಕಾರಾನಂ ಧಾತ್ವನ್ತಾನಂ ಲೋಪೋ ನ ಹೋತಿ ಇಕಾರಯುತ್ತೇ ತಪಚ್ಚಯೇ ಪರೇ।
ಹನಿಭುಂ, ಗಮಿತೋ, ರಮಿತೋ, ಸಕಿತೋ, ಸರಿತೋ, ಕರಿತ್ವಾ।
ಇಯುತ್ತತಮ್ಹೀತಿ ಕಿಮತ್ಥಂ? ಗತೋ, ಸತೋ।
೬೧೮, ೫೭೧. ನ ಕ ಗತ್ತಂ ಚ ಜಾಣ್ವುಮ್ಹಿ।
ಚಕಾರ ಜಕಾರಾ ಕಕಾರ ಗಕಾರತ್ತಂ ನಾಪಜ್ಜನ್ತೇ ಣ್ವುಮ್ಹಿ ಪಚ್ಚಯೇ ಪರೇ।
ಪಚತೀತಿ ಪಾಚಕೋ, ಯಜತೀತಿ ಯಾಜಕೋ।
೬೧೯, ೫೭೩. ಕರಸ್ಸ ಚ ತತ್ತಂ ತುಸ್ಮಿಂ।
ಕರಇಚ್ಚೇತಸ್ಸ ಧಾತುಸ್ಸ ಅನ್ತಸ್ಸ ರಕಾರಸ್ಸ ತಕಾರತ್ತಂ ಹೋತಿ ತುಪಚ್ಚಯೇ ಪರೇ।
ಕರೋತೀತಿ ಕತ್ತಾ, ಕರೋನ್ತೀತಿ ಕತ್ತಾರೋ।
೬೨೦, ೫೪೯. ತುಂ ತುನ ತಬ್ಬೇಸು ವಾ।
ಕರಇಚ್ಚೇತಸ್ಸ ಧಾತುಸ್ಸ ಅನ್ತಸ್ಸ ರಕಾರಸ್ಸ ತಕಾರತ್ತಂ ಹೋತಿ ವಾ ತುಂ ತುನ ತಬ್ಬಇಚ್ಚೇತೇಸು ಪಚ್ಚಯೇಸು।
ಕತ್ತುಂ, ಕಾತುಂ, ಕತ್ತುನ। ಕಾತುನ, ಕತ್ತಬ್ಬಂ, ಕಾತಬ್ಬಂ।
೬೨೧, ೫೫೩. ಕಾರಿತಂ ವಿಯ ಣಾನುಬನ್ಧೋ।
ಣಕಾರಾನುಬನ್ಧೋ ಪಚ್ಚಯೋ ಕಾರಿತಂ ವಿಯ ದಟ್ಠಬ್ಬೋ ವಾ।
ದಾಹೋ, ದೇಹೋ, ವಾಹೋ, ಬಾಹೋ, ಚಾಗೋ, ವಾರೋ, ಚಾರೋ, ಪರಿಕ್ಖಾರೋ, ದಾಯಕೋ, ನಾಯಕೋ, ಲಾವಕೋ, ಭಾವಕೋ, ಕಾರೀ, ಘಾತೀ, ದಾಯೀ।
ವಾತಿ ಕಿಮತ್ಥಂ? ಉಪಕ್ಖರೋ।
೬೨೨, ೫೭೦. ಅನಕಾ ಯು ಣ್ವೂನಂ।
ಯುಣ್ವುಇಚ್ಚೇತೇಸಂ ಪಚ್ಚಯಾನಂ ಅನ ಅಕಇಚ್ಚೇತೇ ಆದೇಸಾ ಹೋನ್ತಿ।
ನನ್ದನಂ, ಕಾರಕೋ।
೬೨೩, ೫೫೪. ಕ ಗಾ ಚ ಜಾನಂ।
ಚ ಜಇಚ್ಚೇತೇಸಂ ಧಾತ್ವನ್ತಾನಂ ಕಕಾರಗಕಾರಾದೇಸಾ ಹೋನ್ತಿ ಣಾನುಬನ್ಧೇ ಪಚ್ಚಯೇ ಪರೇ।
ಪಾಕೋ, ಯೋಗೋ।
ಇತಿ ಕಿಬ್ಬಿಧಾನಕಪ್ಪೇ ಪಞ್ಚಮೋ ಕಣ್ಡೋ।
ಕಿತಕಪ್ಪೋ ನಿಟ್ಠಿತೋ।