೫. ವಿಸಮವುತ್ತಿನಿದ್ದೇಸ-ಪಞ್ಚಮಪರಿಚ್ಛೇದ

೧೧೮. ನ’ಟ್ಠಕ್ಖರೇಸು ಪಾದೇಸು, ಸ್ನಾ’ದಿಮ್ಹಾ ಯೋ’ಣ್ಣವಾ ವತ್ತಂ।

೧೧೯. ಸಮೇಸು ಸಿನ್ಧುತೋ ಜೇನ, ಪಥ್ಯಾವತ್ತಂ ಪಕಿತ್ತಿತಂ।

೧೨೦. ಓಜೇಸು ಜೇನ ಸಿನ್ಧುತೋ, ತ’ಮೇವ ವೀಪರೀತಾ’ದಿ।

೧೨೧. ನ,ಕಾರೋ ಚೇ ಜಲಧಿತೋ, ಚಪಲಾವತ್ತ’ಮಿಚ್ಚೇ’ತಂ।

೧೨೨. ಸಮೇ ಲೋ ಸತ್ತಮೋ ಯಸ್ಸಾ, ವಿಪುಲಾ ಪಿಙ್ಗಲಸ್ಸ ಸಾ।

೧೨೩. ಸೇತವಸ್ಸಾ’ಖಿಲೇಸುಪಿ।

೧೨೪. ಭೇನ’ಣ್ಣವಾ ಭ’ಬ್ಬಿಪುಲಾ।

೧೨೫. ಏವ’ಮಞ್ಞಾ ರೋ ಚತುತ್ಥಾ।

೧೨೬. ನೋ’ಣ್ಣವಾ ಚೇ ನವಿಪುಲಾ।

೧೨೭. ತೋ’ಣ್ಣವಾ ತಥಾ’ಞ್ಞಾ ಸಿಯಾ।

ವತ್ತ’ಪ್ಪಭೇದೋ।

೧೨೮.

ನದಿಸ್ಸತೇ’ತ್ಥ ಯಂ ಛನ್ದಂ, ಪಯೋಗೇ ದಿಸ್ಸತೇ ಯದಿ।

ವಿಸಮ’ಕ್ಖರಪಾದಂ ತಂ, ಗಾಥಾ ಸಾಮಞ್ಞನಾಮತೋ॥

ಇತಿ ವುತ್ತೋದಯೇ ಛನ್ದಸಿ ವಿಸಮವುತ್ತಿ ನಿದ್ದೇಸೋ ನಾಮ

ಪಞ್ಚಮೋ ಪರಿಚ್ಛೇದೋ।