೨. ಭೂಕಣ್ಡ
೧. ಭೂಮಿವಗ್ಗವಣ್ಣನಾ
೧೮೦. ಇಧ ಸಾಙ್ಗೋಪಾಙ್ಗೇಹಿ ಭೂಮ್ಯಾದೀಹಿ ದಸಹಿ, ಪಾತಾಲೇನ ಚಾತಿ ಏಕಾದಸಹಿ ಕೋಟ್ಠಾಸೇಹಿ ಕಮತೋ ವಗ್ಗಾ ಭೂಮಿವಗ್ಗಾದಿನಾಮಕಾ ವಗ್ಗಾ ವುಚ್ಚನ್ತೇ। ಸಪ್ಪಧಾನೋಪಕಾರಕಾನಿ ಅಙ್ಗಾನಿ ಖಾರಾದೀನಿ, ಅಙ್ಗಾನಂ ಉಪಕಾರಕಾನಿ ಚ ಉಪಙ್ಗಾನಿ ಅದ್ಧಾದೀನಿ।
೧೮೧. ಸಾದ್ಧಪಜ್ಜೇನ ಭೂಮಿಯಾ ನಾಮಾನಿ। ವಸೂನಿ ರತನಾನಿ ಧಾರಯತೀತಿ ವಸುನ್ಧರಾ। ಖಮು ಸಹನೇ, ಖಸ್ಸ ಛೋ, ಛಮಾ, ಅಥ ವಾ ಛಿ ಛೇದನೇ, ಸತ್ತಾನಮಧೋಪತನಂ ಛಿನ್ದತೀತಿ ಛಮಾ, ಮೋ, ಇತ್ಥಿಯಮಾ ಚ। ಭವನ್ತ್ಯಸ್ಸಂ ಭೂತಾನೀತಿ ಭೂಮಿ। ಭೂ ಸತ್ತಾಯಂ, ಮಿ। ಪುಥಇತಿ ಪಾಟಿಪದಿಕೇ ಠಿತೇ ನದಾದಿ, ಈ, ಪುಥಸ್ಸ ಪುಥುಆದೇಸೇ, ವುದ್ಧಿಮ್ಹಿ ಚ ಕತೇ ಪುಥವೀ। ಉಸ್ಸುವಾದೇಸೇ ಪುಥುವೀ। ಪಥಾದೇಸೇ ತು ಪಥವೀ, ಇಮಸ್ಮಿಂ ಪಕ್ಖೇ ಅವಾಗಮೋ, ಅಥ ವಾ ಥವ ಗತಿಯಂ, ಪಥವತಿ ಏತ್ಥಾತಿ ಪಥವೀ, ನದಾದಿ, ಸಬ್ಬತ್ಥ ಪತ್ಥರತೀತಿ ವಾ ಪಥವೀ, ಥರ ಸನ್ಥರಣೇ ಪಪುಬ್ಬೋ, ರಸ್ಸ ವೋ, ನದಾದಿ, ಪುಥವೀ, ಅಸ್ಸು।
‘‘ಮಧುನೋ ಕೇಟಭಸ್ಸಾಪಿ, ಮೇದಮಂಸಪರಿಪ್ಲುತಾ।
ತೇನಾಯಂ ಮೇದಿನೀ ದೇವೀ, ವುಚ್ಚತೇ ಬ್ರಹ್ಮವಾದಿಭೀ’’ತಿ
ವಚನತೋ ಮೇದಯೋಗಾ ಮೇದಿನೀ, ಈ, ಇನೀ ಚ। ಮಿದ ಸ್ನೇಹನೇ ವಾ, ಯು, ನದಾದಿ, ಇಸ್ಸೇತ್ತಞ್ಚ। ಮಹ ಪೂಜಾಯಂ, ನದಾದಿ। ವಿತ್ಥಿಣ್ಣತ್ತಾ ಉಬ್ಬೀ, ನದಾದಿ, ಅವತಿ ಭೂತಾನೀತಿ ವಾ ಉಬ್ಬೀ, ಅಸ್ಸು। ವಸೂನಿ ಸನ್ತ್ಯಸ್ಸಂ ವಸುಮತೀ। ಗಚ್ಛನ್ತಿ ಯಸ್ಸಂ ಲೋಕಾ, ಸಾ ಗೋ, ಪುಮಿತ್ಥಿಯಂ। ಕಾ ಸದ್ದೇ, ಕಾಯತಿ ಏತ್ಥ, ಕಾಯತಿ ಮಾರವಿಜಯಕಾಲೇತಿ ವಾ ಕು, ಉ। ವಸೂನಿ ಧಾರಯತೀತಿ ವಸುಧಾ। ಸಬ್ಬಂ ಲೋಕಂ ಧರಯತೀತಿ ಧರಣೀ, ಯು, ನದಾದಿ। ಧರತೀತಿ ಧರಾ, ಇತ್ಥಿಯಂ ಆ। ಗಮು ಗಮನೇ, ಗಚ್ಛನ್ತ್ಯಸ್ಸಂ ಜಗತೀ, ಅನ್ತಪಚ್ಚಯೋ, ಗಸ್ಸ ದ್ವಿತ್ತಂ, ಜತ್ತಞ್ಚ, ನಲೋಪೋ, ನದಾದಿ। ಭೂ ಸತ್ತಾಯಂ, ರಿ, ನದಾದಿ, ಕ್ವಿಮ್ಹಿ ಭೂ। ಭೂತೇ ಸತ್ತೇ ಧರತೀತಿ ಭೂತರೋ। ಅವ ರಕ್ಖಣೇ, ಯು, ನದಾದಿ, ಅವನೀ।
೧೮೨. ಖಾರಾ ಲವಣರಸಾ ಮತ್ತಿಕಾ ಊಸೋತ್ಯುಚ್ಚತೇ। ಖಾದತೀತಿ ಖಾರಾ, ದಸ್ಸ ರೋ। ಪದೇಸಕತ್ತಾ ಮತ್ತೇನ ಪಮಾಣೇನ ಯುತ್ತಾ ಮತ್ತಿಕಾ। ಊಸ ರುಜಾಯಂ, ಊಸೋ। ಊಸಯೋಗಾ ಊಸವಾ, ವನ್ತು। ರಪಚ್ಚಯೇ ಊಸರೋ। ದ್ವೇಪಿ ತೀಸು ವತ್ತನ್ತೇ।
ಥಲ ಠಾನೇ, ಅಧಿಕರಣೇ ಅ। ಕಿತ್ತಿಮಂ ಥಲಂ, ಅಕಿತ್ತಿಮಾ ಥಲೀ, ನದಾದಿ। ಥದ್ಧಲೂಖಮ್ಹಿ ಭೂಭಾಗೇ ಭೂಮಿಪ್ಪದೇಸೇ ಜಙ್ಗಲಸದ್ದೋ ವತ್ತತಿ। ತತ್ಥ ನಿಜ್ಜಲತ್ತಾ ಕಕ್ಖಳತ್ತಾ ಥದ್ಧೋ। ತಿಕ್ಖಸಕ್ಖರಾದಿವಿದಾರಗವಾದಿಖುರಗಣ್ಡುಪ್ಪಾದವಚ್ಚಾದಿಸಹಿತತ್ತಾ ಲೂಖೋ ವೇದಿತಬ್ಬೋ। ಗಲ ಚವನಾಧೋಪತನಾದನೇಸು। ಜಲಂ ಗಲತಿ ಏತ್ಥ, ಜಲೇನ ವಾ ಗಲನ್ತಿ ಏತ್ಥಾತಿ ಜಙ್ಗಲೋ, ನಿಜ್ಜಲೋ ದೇಸೋ, ‘‘ಜಙ್ಗಲೋ ನಿಜ್ಜಲೇ ದೇಸೇ, ತಿಲಿಙ್ಗೋ ಪಿಸಿತೇ ಥಿಯ’’ನ್ತಿ ತಿಕಣ್ಡಸೇಸೋ, ಲಸ್ಸ ಲೋಪೋ, ನಿಗ್ಗಹೀತಾಗಮೋ ಚ।
೧೮೩. ವೇದೇನ ಪುಬ್ಬವಿದೇಹೋ। ಏವಮಪರುತ್ತರೇಸು। ಗವೇನ ಯನ್ತ್ಯೇತ್ಥಾತಿ ಗೋಯಾನೋ। ಅಪರೋ ಚ ಸೋ ಗೋಯಾನೋ ಚೇತಿ ಅಪರಗೋಯಾನೋ। ಜಮ್ಬುಯಾ ಲಕ್ಖಿತೋ, ಕಪ್ಪಟ್ಠಾಯಿತಾದಿಪ್ಪಭಾವೇನ ವಾ ತಪ್ಪಧಾನೋದೀಪೋತಿ ಜಮ್ಬುದೀಪೋ। ಧಮ್ಮತಾಸಿದ್ಧಸ್ಸ ಪಞ್ಚಸೀಲಸ್ಸ ಆನುಭಾವೇನ ಕಂ ಸುಖಂ ಉರು ಮಹನ್ತಮೇತ್ಥಾತಿ ಕುರು, ಕುಂ ಪಾಪಂ ರುನ್ಧನ್ತಿ ಏತ್ಥಾತಿ ವಾ ಕುರು, ಕ್ವಿ। ದೀಪ ದಿತ್ತಿಪ್ಪಕಾಸನೇಸು, ಜಲಮಜ್ಝೇ ದಿಪ್ಪನ್ತೀತಿ ದೀಪಾ, ದಿಪ್ಪನ್ತಿ ಏತ್ಥ ಸದ್ಧಮ್ಮಾತಿ ವಾ ದೀಪಾ, ಪಮಾಣತೋ ಮಹನ್ತಾ ದೀಪಾ ಮಹಾದೀಪಾ।
೧೮೪. ಕುರುಆದಯೋ ಏಕವೀಸತಿ ಜನಪದನ್ತರಾ ಜನಪದವಿಸೇಸಾ, ಆದಿನಾ ಸುರಮಹಪಚ್ಚುಗ್ಗತಾ ತಲಕುಟಾ ಅಸ್ಮಾಕಾದಯೋ ಚ ಪುಮ್ಬಹುತ್ತೇ ಪುಲ್ಲಿಙ್ಗೇ ಬಹುತ್ತೇ ಚ ಸಿಯುಂ। ಕುರು ನಾಮ ಜಾನಪದಿನೋ ರಾಜಕುಮಾರಾ, ತೇಸಂ ನಿವಾಸೋ ಏಕೋಪಿ ಜನಪದೋ ರೂಳ್ಹೀಸದ್ದೇನ ‘‘ಕುರೂ’’ತಿ ಬಹುವಚನೇನ ವುಚ್ಚತಿ, ಏವಂ ಸಬ್ಬತ್ರ। ಕುಂ ಪಾಪಂ ರುನ್ಧತೀತಿ ಕುರು, ಖತ್ತಿಯಕುಮಾರಾ, ತೇಸಂ ನಿವಾಸೋ ಕುರೂ, ಪಚ್ಚಯಲೋಪತೋ ನ ವುದ್ಧಿ, ಸಬ್ಬತ್ರೇವಂ ಸಕ್ಕಾ। ಕೋಸಂ ಲನ್ತಿ ಗಣ್ಹನ್ತಿ, ಕುಸಲಂ ಪುಚ್ಛನ್ತೀತಿ ವಾ ಕೋಸಲಾ। ಮಗೇನ ಸದ್ಧಿಂ ಧಾವನ್ತೀತಿ ಮಗಧಾ, ಕ್ವಿ, ಮಂಸೇಸು ಗಿಜ್ಝನ್ತೀತಿ ವಾ ಮಗಧಾ। ಗಿಧ ಅಭಿಕಙ್ಖಾಯಂ। ಸೇವನ್ತಿ ಯೇನಾತಿ ಸಿವಿ, ಸಿ ಸೇವಾಯಂ, ವಿ। ಸಿವಂ ಕರೋನ್ತೀತಿ ವಾ ಸಿವೀ, ಅಞ್ಞತ್ಥೇ ಇ। ಕಲ ಸದ್ದೇ, ಇಙ್ಗಪಚ್ಚಯೋ, ಕಲಿಙ್ಗಾ ಕಲಿಙ್ಗಾ, ಉತ್ತರಾಪಥೋ ಕಲಿಙ್ಗಾ, ಕ್ವಿ, ಕಲಂ ಮಧುರಸದ್ದಂ ಗಾಯನ್ತೀತಿವಾ ಕಲಿಙ್ಗಾ, ಅಸ್ಸಿತ್ತಂ, ಕೇನ ಸುಖೇನ ಲಿಙ್ಗನ್ತೀತಿ ವಾ ಕಲಿಙ್ಗಾ, ಲಿಙ್ಗ ಗಮನತ್ಥೋ ದಣ್ಡಕೋ ಧಾತು। ಅತ್ತನಾ ಖಾದಿತಂ ಲಞ್ಜಂ ಪರಾಜಿತೇಹಿ ಯಾಚಿತೇಪಿ ಪುನ ನ ವಮನ್ತೀತಿ ಅವನ್ತೀ। ಪಞ್ಚಾಲಸ್ಸ ಪುತ್ತಾ ಪಞ್ಚಾಲಾ। ವಜ್ಜೇತಬ್ಬಾತಿ ವಜ್ಜೀ, ‘‘ವಜ್ಜೇತಬ್ಬಾ ಇಮೇ’’ತ್ಯಾದಿನಾ ಪವತ್ತವಚನಮುಪಾದಾಯ ವಜ್ಜೀತಿ ಲದ್ಧನಾಮಾ ರಾಜಾನೋ। ವಜ್ಜೀರಟ್ಠಸ್ಸ ವಾ ರಾಜಾನೋ ವಜ್ಜೀ। ರಟ್ಠಸ್ಸ ವಾ ಪನ ತಂಸಮಞ್ಞಾ ತಂನಿವಾಸಿರಾಜಕುಮಾರವಸೇನ ವೇದಿತಬ್ಬಾ। ಗಂ ಪಥವಿಂ ಧಾರೇನ್ತೀತಿ ಗನ್ಧಾರಾ, ಕಿತ್ತಿಗನ್ಧೇನ ಅರನ್ತೀತಿ ವಾ ಗನ್ಧಾರಾ। ಚಿತ ಉಸ್ಸಾಹನೇ, ಚೇತನ್ತಿ ಉಸ್ಸಹನ್ತಿ ಯುದ್ಧಕಮ್ಮಾದೀಸೂತಿ ಚೇತಯೋ।
೧೮೫. ವಙ್ಗ ಗಮನತ್ಥೋ ದಣ್ಡಕೋ ಧಾತು। ವಿಸಿಟ್ಠಾನಿ ದೇಹಾನಿ ಯೇಸಂ ವಿದೇಹಾ, ಪುಬ್ಬವಿದೇಹದೀಪತೋ ಆಗತತ್ತಾ ವಾ ವಿದೇಹಾ। ಓಜ ದಿತ್ತಿಯಂ, ಕಮ್ಬುನಾ ಸಮ್ಬುಕೇನ ಓಜನ್ತಿ ತಸ್ಸಂ ವೋಹಾರಕರಣತೋತಿ ಕಮ್ಬೋಜಾ, ಕಮ್ಬುಕಜೋ ಓಜೋ ಬಲಮೇತೇಸನ್ತಿ ವಾ ಕಮ್ಬೋಜಾ। ಮದ ಮದ್ದನೇ, ಮದ್ದನ್ತೀತಿ ವಾ ಮದ್ದಾ, ಮಂ ಸಿವಂ ದದನ್ತೀತಿ ವಾ ಮದ್ದಾ, ಪಞ್ಚಕಾಮಗುಣಾದೀಹಿ ಮೋದನ್ತೀತಿ ವಾ ಮದ್ದಾ, ಮದ ಹಾಸೇ। ಭಞ್ಜ ಅವಮದ್ದನೇ, ಭಗ್ಗಾ। ಅಙ್ಗ ಗಮನತ್ಥೋ ದಣ್ಡಕೋ ಧಾತು। ಸೀಹಂ ಲನ್ತೀತಿ ಸೀಹಳಾ। ಕಾಸ ದಿತ್ತಿಯಂ, ಸಮ್ಪತ್ತಿಯಾ ಕಾಸನ್ತೀತಿ ಕಸ್ಮೀರಾ, ಮೀರೋ। ಕಾಸ ದಿತ್ತಿಯಂ, ಇ, ಕಾಸೀ। ಪಡಿ ಗತಿಯಂ, ಪಣ್ಡು, ಉ। ಅಥ ವಾ ಕುಂ ಪಾಪಂ ರುನ್ಧತಿ ಏತ್ಥಾತಿ ಕುರು, ಇತಿ ಏಕೋಪಿ ಜನಪದೋ ನಿಸ್ಸಿತಾನಂ ಬಹುತ್ತಾ ಬಹುವಚನೇನ ವುಚ್ಚತಿ। ಏವಂ ಸಬ್ಬತ್ಥ।
೧೮೬. ದ್ವಯಂ ಲುಜ ಅದಸ್ಸನೇ, ಲುಜ್ಜತೀತಿ ಲೋಕೋ, ಗಸ್ಸ ಕೋ, ಜಸ್ಸ ವೋ। ಭವನ್ತಿ ಏತ್ಥಾತಿ ಭುವನಂ, ಯು। ಜಗತಿ, ವಿಟ್ಠಪಾದೀನಿಪಿ ಭುವನಪರಿಯಾಯಾನಿ। ದ್ವಯಂ ದೇಸಸಾಮಞ್ಞೇ। ದಿಸ ಅತಿಸಜ್ಜನೇ, ಅತಿಸಜ್ಜನಂ ಪಬೋಧನಂ, ‘‘ಅಯಂ ಇತ್ಥನ್ನಾಮೋ’’ತಿ ದಿಸತಿ ಅಪದಿಸತೀತಿ ದೇಸೋ। ಸಿ ಸೇವಾಯಂ, ಸಞ್ಞಾಯಂ ಅ, ವಿಸಯೋ।
ಸಿಟ್ಠಾಚಾರರಹಿತೋ ಮಿಲಕ್ಖದೇಸೋ ಕಾಮರೂಪಾದಿ ಪಚ್ಚನ್ತೋ ನಾಮ। ಮಿಲಕ್ಖ ಅಬ್ಯತ್ತಿಯಂ ವಾಚಾಯಂ, ಮಿಲಕ್ಖನ್ತಿ ಅಬ್ಯತ್ತವಾಚಂ ಭಾಸನ್ತೀತಿ ಮಿಲಕ್ಖಾ। ಸಿಟ್ಠಾಚಾರಮಗ್ಗದಸ್ಸನತ್ಥಾಯ ಪಞ್ಞಾಚಕ್ಖುನೋ ಅಭಾವಾ ರಾಗಾದಿಮಲಂ ಅಕ್ಖಿಮ್ಹಿ ಯೇಸನ್ತಿ ವಾ ಮಿಲಕ್ಖಾ, ಅಸ್ಸಿತ್ತಂ, ತೇಸಂ ನಿವಾಸಟ್ಠಾನಂ ಮಿಲಕ್ಖದೇಸೋ। ಪಚ್ಚನ್ತೇ ಮಜ್ಝಿಮದೇಸಸ್ಸ ಬಹಿದ್ಧಾಭಾಗೇ ಜಾತೋ ಪಚ್ಚನ್ತೋ।
ಬ್ಯವತ್ಥಾ ಚತುವಣ್ಣಾನಂ, ಯಸ್ಮಿಂ ದೇಸೇ ನ ವಿಜ್ಜತೇ।
ಮಿಲಕ್ಖದೇಸೋ ಸೋ ವುತ್ತೋ, ಮಜ್ಝಭೂಮಿ ತತೋ ಪರಂ
ಅರಿಯಾಚಾರಭೂಮಿತ್ತಾ ಮಜ್ಝೋ ಚ ಸೋ ದೇಸೋ ಚೇತಿ ಮಜ್ಝದೇಸೋ, ನವಯೋಜನಸತಪರಿಕ್ಖೇಪೋ ಮಜ್ಝಿಮದೇಸೋ।
೧೮೭. ಸಲಿಲಪ್ಪಾಯೋ ಬಹೂದಕೋ ದೇಸೋ ಅನೂಪೋ ನಾಮ, ಅನುಗತಾ ಆಪಾ ಅತ್ರಾತಿ ಅನೂಪೋ, ಆಪಸ್ಸ ಆದಿನೋ ಉತ್ತಂ, ಪರಲೋಪೋ ವಾ। ಕಚ ಬನ್ಧನೇ, ಛೋ, ಕಚ್ಛಂ। ಅನೂಪದೇಸೋ ಚ। ಅಭಿನವೋಗ್ಗಮನೇನ ತಿಣೇನ ಲಕ್ಖಿತೇ ಹರಿತೇ ದೇಸೇ ಸದ್ದಲೋ, ದಲ ದಿತ್ತಿಯಂ, ಭಾವೇ ಅ। ವಿಜ್ಜತಿ ದಲೋ ಯತ್ಥ ಸದ್ದಲೋ।
೧೮೮. ನದಿಯಾ ಆಭತೇನ ಅಮ್ಬುನಾ ಉದಕೇನ ಜೀವನ್ತಿ ಏತ್ಥಾತಿ ನದ್ಯಮ್ಬುಜೀವನೋ ದೇಸೋ ನದೀ ಮಾತಾ ಅಸ್ಸಾತಿ ನದೀಮಾತಿಕೋತಿ ವುಚ್ಚತಿ, ಬಹುಬ್ಬೀಹಿಮ್ಹಿ ಕೋ। ವುಟ್ಠಿಯಾ ವಸ್ಸೇನ ನಿಪ್ಫಜ್ಜತಿ ಸಸ್ಸಮೇತ್ಥಾತಿ ವುಟ್ಠಿನಿಪ್ಫಜ್ಜಸಸ್ಸಕೋ ದೇಸೋ ದೇವೋ ಮಾತಾ ಅಸ್ಸಾತಿ ದೇವಮಾತಿಕೋತಿ ವುಚ್ಚತಿ, ಬಹುಬ್ಬೀಹಿಮ್ಹಿಯೇವ ಕೋ, ದೇವಸದ್ದೋ ಚೇತ್ಥ ವುಟ್ಠಿಮಾಹ।
೧೮೯. ಅನೂಪಾದಯೋ ದೇವಮಾತಿಕಾನ್ತಾ ತೀಸು ಲಿಙ್ಗೇಸು। ಚನ್ದಸೂರಾದೋ ಚನ್ದಸೂರಿಯಸಿನೇರುಪಬ್ಬತಾದಿಮ್ಹಿ ಸಸ್ಸತಿಸದ್ದೋ ಈರಿತೋ ಕಥಿತೋ। ಸಬ್ಬದಾ ಸರನ್ತಿ ಗಚ್ಛನ್ತೀತಿ ಸಸ್ಸತಿಯೋ, ಸರ ಗತಿಯಂ, ಸರಸದ್ದಸ್ಸ ಸೋ,ತಿ।
ರಠ ಗತಿಯಂ, ರಠನ್ತಿ ಏತ್ಥ ನಗರಾದಯೋತಿ ರಟ್ಠಂ, ತೋ। ನಾಗರೇಹಿ ವಿಜಿನಿತಬ್ಬನ್ತಿ ವಿಜಿತಂ। ಆಳಿಯಂ ಪವತ್ತಮಾನೋ ಯೋ ಸೇತು, ಸೋ ಪುರಿಸೇ ಪುಲ್ಲಿಙ್ಗೇ ವತ್ತತಿ। ಸಿ ಬನ್ಧನೇ, ತು। ಅಲ ಭೂಸನೇ, ಇ, ಆಳಿ, ತಸ್ಸಂ ಆಳಿಯಂ।
ನಗರಪಬ್ಬತಾದಿನೋ ಉಪಾನ್ತಭೂ ಸಮೀಪಭೂಮಿ ಪರಿಸರೋ ಪರಿತೋ ಸರನ್ತ್ಯತ್ರಾತಿ, ಣೋ।
ತಿಕಂ ವಜೇ। ಗಾವೋ ತಿಟ್ಠನ್ತ್ಯತ್ರಾತಿ ಗೋಟ್ಠಂ। ಕುಲ ಸಙ್ಖ್ಯಾನೇ, ಗಾವೋ ಕುಲನ್ತ್ಯೇತ್ಥಾತಿ ಗೋಕುಲಂ, ಗುನ್ನಂ ಕುಲಂ ಘರನ್ತಿ ವಾ ಗೋಕುಲಂ। ವಜ ಗತಿಯಂ, ವಜನ್ತಿ ಯಂ ಗಾವೋ ನಿವಾಸನತ್ಥಾಯಾತಿ ವಜೋ। ಗೋಟ್ಠಾನಕಂ, ಗೋಟ್ಠಾನನ್ತಿಪಿ ವಜಸ್ಸ ನಾಮಾನಿ।
೧೯೦. ಸಿಲೋಕೇನ ಮಗ್ಗಸ್ಸ ನಾಮಾನಿ। ಪಥಿಕೇಹಿ ಮಜ್ಜತೇ ನಿತ್ತಿಣಂ ಕರೀಯತೇತಿ ಮಗ್ಗೋ, ಮಜ್ಜ ಸುದ್ಧಿಯಂ, ಣೋ, ಜಸ್ಸ ಗತ್ತಂ, ಪಥಿಕೇಹಿ ಮಗ್ಗೀಯತೇತಿ ವಾ ಮಗ್ಗೋ, ಮಗ್ಗ ಅನ್ವೇಸನೇ, ಮಂ ಸಿವಂ ಗಚ್ಛತಿ ಏತ್ಥ, ಏತೇನಾತಿ ವಾ ಮಗ್ಗೋ, ‘‘ಮೋ ಸಿವೇ ಪರಿಸಾಯಞ್ಚೇ’’ತಿ ಹಿ ನಾನತ್ಥಸಙ್ಗಹೇ, ಸಿವಂ ಗಮನಂ ಕರೋತೀತ್ಯತ್ಥೋ, ಕ್ರಿಯಾವಿಸೇಸನಮೇತಂ। ಪಥಿ ಗತಿಯಂ, ಚುರಾದಿ, ನಾಗಮೋ। ಪನ್ಥಯನ್ತಿ ಯನ್ತ್ಯನೇನಾತಿ ಪನ್ಥೋ, ಅ, ಕಾರಿತಲೋಪೋ। ಪಥತಿ ಯಾತ್ಯನೇನಾತಿ ಪಥೋ। ಅದ ಗಮನೇ, ಅದತಿ ಯತ್ಥ ಸಾ ಅದ್ಧಾ, ಧೋ, ಅದ್ಧಾ ಮಗ್ಗೋ, ಅದ್ಧಾಸದ್ದೋಯಂ ಕಾಲೇಪಿ, ಸಮಭಾಗತ್ಥವಚನೇ ತು ಅದ್ಧಂ, ತಸ್ಮಾ ಅದ್ಧಸದ್ದೋ ಪುಮನಪುಂಸಕವಸೇನ ದ್ವಿಲಿಙ್ಗೋ, ರಾಜಾದಿತ್ತೇ ಅದ್ಧಾ, ಅರಾಜಾದಿತ್ತೇ ಅದ್ಧಂ। ಅಞ್ಜ ಗತಿಯಂ, ಅಸೋ। ವಜ ಗತಿಯಂ, ಉಮೋ, ಜಸ್ಸ ಟೋ। ಪದ ಗತಿಯಂ, ಅ, ದಸ್ಸ ಜೋ, ದ್ವಿತ್ತಂ, ಪಜ್ಜೋ। ಅಯ ಗತಿಯಂ, ಯು, ಪದ ಗತಿಯಂ, ಅವೋ, ನದಾದಿ। ವತ್ತ ವತ್ತನೇ, ವತ್ತನಂ ಗಮನಾದಿ, ಅನಿ, ನದಾದಿ, ವತ್ತನೀ। ಕನ್ತನದಣ್ಡೇ ಪುನ್ನಪುಂಸಕಂ। ಪಥಿಕೇಹಿ ಪಾದೇಹಿ ಹಞ್ಞತೇತಿ ಪದ್ಧತಿ। ಪಾದಸದ್ದಸಮಾನತ್ಥೇನ ಪದಸದ್ದೇನ ನಿಯತಪ್ಪಯೋಗತೋ ವುತ್ತಿನಾ ಸಿದ್ಧೋ, ಪದಸದ್ದೂಪಪದೋ ಹನಧಾತು,ತಿ, ಹನಸ್ಸ ಧೋ, ಅಲೋಪೋ। ಪದ್ಧತಿಸಹಚರಣತೋ ವತ್ತನೀ, ತಂಸಹಚರಣತೋ ಪದವೀ ಚ ಇತ್ಥಿಯಂ।
೧೯೧-೧೯೨. ತಬ್ಭೇದಾ ಜಙ್ಘಮಗ್ಗಾದಯೋ ಅಪಥನ್ತಾ। ಜಙ್ಘಾಹಿ ಗತೋ ಮಗ್ಗೋ ಜಙ್ಘಮಗ್ಗೋ। ಸಕಟೇಹಿ ಗತೋ ಮಗ್ಗೋ ಸಕಟಮಗ್ಗೋ। ತೇ ಜಙ್ಘಮಗ್ಗಸಕಟಮಗ್ಗಾ ಮಹಾಮಗ್ಗೇ ವತ್ತನ್ತಿ।
ಏತ್ಥ ಚ ‘‘ತೇಥಾ’’ತಿ ಅಥಸದ್ದೋ ನ ವತ್ತಬ್ಬೋ, ‘‘ತೇ ಚಾ’’ತಿ ಪನ ವತ್ತಬ್ಬೋ। ‘‘ಮತಾದ್ಧನೀ’’ತಿ ಪಾಠೇ ಪನ ಸತಿ ‘‘ತೇಥಾ’’ತಿ ವತ್ತಬ್ಬೋಯೇವ, ತದಾ ಏಕಪದಿಕೇ ಅದ್ಧನಿ ಮಗ್ಗೇ ಏಕಪದೀ ಮತಾತಿ ಯೋಜನಾ ಕಾತಬ್ಬಾ। ಗಚ್ಛತಂ ಏಕೋ ಅಸಹಾಯೋ ಪಾದೋ ಯಸ್ಸಂ, ನ ನಿಸಿನ್ನಸ್ಸೇವ ಯಮಕೋತಿ ಏಕಪದೀ, ಸಮಾಸನ್ತೇ ನಿಚ್ಚಮೀಪಚ್ಚಯೋ, ಕಪಚ್ಚಯೇ ಏಕಪದಿಕೋ, ಈಸ್ಸ ರಸ್ಸತ್ತಂ।
ಚೋರಕಣ್ಟಕಾದಿದೋಸೇ ದುಗ್ಗಮೇ ಪಥೇ ಕನ್ತಾರೋ, ಪುನ್ನಪುಂಸಕೇ, ಕೇನ ಪಾನೀಯೇನ ತರನ್ತಿ ಅತಿಕ್ಕಮನ್ತಿ ಯನ್ತಿ ಕನ್ತಾರೋ, ತರ ತರಣೇ, ಚೋರಕನ್ತಾರಾದೀಸು ಪನಾಯಂ ರೂಳ್ಹಿವಸೇನ ವುತ್ತೋ, ಅಥ ವಾ ಕತಿ ಛೇದನೇ, ಸಪ್ಪಟಿಭಯತ್ತಾ ಕನ್ತತಿ ನಿಚ್ಚಗಮನಾಗಮನಮೇತ್ಥಾತಿ ಕನ್ತಾರೋ, ಆರೋ, ನಾಗಮೋ ಚ। ದುಕ್ಖೇನ ಗಚ್ಛನ್ತ್ಯೇತ್ಥಾತಿ ದುಗ್ಗಮೋ।
೧೯೩. ದ್ವಯಂ ಪಟಿಮಗ್ಗೇ। ಪಟಿ ಅಭಿಮುಖೇನ ಗನ್ತಬ್ಬೋ ಮಗ್ಗೋ, ಪಥೋ ಚ ಪಟಿಮಗ್ಗೋ, ಪಟಿಪಥೋ ಚ। ದೀಘಮಞ್ಜಸಂ ಅತಿದೂರೋ ಮಗ್ಗೋ ಅದ್ಧಾನಂ, ಅಚ್ಚಾಯತೋ ಮಗ್ಗೋ, ಯಥಾ ‘‘ಪದಟ್ಠಾನ’’ನ್ತಿ, ಯಲೋಪೋ।
ದ್ವಯಂ ಪಸತ್ಥೇದ್ಧನಿ। ಸೋಭನೋ ಪಥೋ, ಪನ್ಥೋ ಚಾತಿ ವಿಗ್ಗಹೋ। ಗನ್ತಬ್ಬಪಥಭಾವತೋ ಅಪೇತಂ ಉಪ್ಪಥಂ, ಅಪಥಞ್ಚ, ಅಬ್ಯಯೀಭಾವಸಮಾಸೋ, ಅಸದ್ದೋ ಅತ್ರ ನಿಪಾತೋ।
೧೯೪-೧೯೬. ಪರಮಾಣೂನಂ ಛತ್ತಿಂಸ ಏಕೋ ಅಣು ನಾಮ, ಅಣುತೋಪಿ ಅಣುತರತ್ತಾ ಪರಮೋ ಅಣು, ಅಣುತೋ ವಾ ಪರಮೋತಿ ಪರಮಾಣು, ಅಣ ಸದ್ದತ್ಥೋ ದಣ್ಡಕೋ ಧಾತು, ಉ। ತೇ ಅಣವೋ ಛತ್ತಿಂಸ ತಜ್ಜಾರೀ ನಾಮ, ತಂ ತಂ ಅತ್ತನೋ ನಿಸ್ಸಯಂ ಮಲೀನಕರಣವಸೇನ ಜರಾಪೇತೀತಿ ತಜ್ಜಾರೀ, ಜರ ಜೀರಣೇ, ಜರ ವಯೋಹಾನಿಮ್ಹಿ ವಾ, ಅ, ನದಾದಿ। ತಾಪಿ ತಜ್ಜಾರಿಯೋ ಛತ್ತಿಂಸ ರಥರೇಣು ನಾಮ, ರಥಾನಂ ಸಞ್ಚರಣವಸೇನ ಪವತ್ತೋ ರೇಣು ರಥರೇಣು। ತೇ ರಥರೇಣವೋ ಛತ್ತಿಂಸ ಲಿಕ್ಖಾ ನಾಮ। ಲಕ್ಖ ದಸ್ಸನೇ, ಪಕತಿಚಕ್ಖುನಾಪಿ ಲಕ್ಖ್ಯತೇತಿ ಲಿಕ್ಖಾ, ಅಸ್ಸಿತ್ತಂ।
ತಾ ಊಕಾತಿ ವುಚ್ಚತಿ ಸಿರೋವತ್ತಕಿಮಿ, ತಪ್ಪಮಾಣತ್ತಾ ಊಕಾ। ತಾ ಸತ್ತ ಊಕಾ ಧಞ್ಞಮಾಸೋ ನಾಮ, ಧಞ್ಞೋ ವೀಹಿಯೇವ ಪರಿಮಾಣಿತಬ್ಬತ್ತಾ ಮಾಸೋ ಚಾತಿ ಧಞ್ಞಮಾಸೋ, ಮಸಿ ಪರಿಮಾಣೇ। ತೇ ಸತ್ತ ಧಞ್ಞಮಾಸಾ ಅಙ್ಗುಲಂ ನಾಮ, ಅಙ್ಗ ಗಮನತ್ಥೋ, ಉಲೋ, ಅಙ್ಗುಲಂ, ಪಮಾಣಂ, ಉಲಿಪಚ್ಚಯೇ ಅಙ್ಗುಲಿ, ಕರಸಾಖಾ। ಅಮುದ್ವಿಚ್ಛೇತಿ ಅದುಂ ದ್ವಾದಸಙ್ಗುಲಂ ವಿದತ್ಥಿ ನಾಮ, ಕಣಿಟ್ಠಸಹಿತೇನಙ್ಗುಟ್ಠೇನ ವಿತ್ಥಾರೀಯತೇ, ವಿಧೀಯತೇತಿ ವಾ ವಿದತ್ಥಿ, ವಿಪುಬ್ಬೋ ತನು ವಿತ್ಥಾರೇ। ಧಾ ಧಾರಣೇ, ಉಭಯತ್ರಾಪಿತಿ, ಪುಬ್ಬಪಕ್ಖೇ ತಸ್ಸ ಥೋ, ನಸ್ಸ ತೋ, ತಸ್ಸ ದೋ। ಪಚ್ಛಿಮೇ ಧಸ್ಸ ದೋ, ತಸ್ಸ ಥೋ, ಅಸರೂಪದ್ವಿಭಾವೋ ಚ। ತಾ ದುವೇ ವಿದತ್ಥೀ ರತನಂ ಸಿಯುಂ, ರಮು ಕೀಳಾಯಂ, ತನೋ, ಮಲೋಪೋ। ತಾನಿ ಸತ್ತೇವ ರತನಾನಿ ಯಟ್ಠಿ ನಾಮ, ಯತ ಪಯತನೇ,ತಿ, ತಸ್ಸ ಠೋ, ತಸ್ಸ ಟೋ। ತಾ ವೀಸತಿ ಯಟ್ಠಿಯೋ ಉಸಭಂ ನಾಮ, ಉಸ ದಾಹೇ, ಅಭೋ। ಏತ್ಥ ಪನ ಉಸಭನದನ್ತರಂ ಉಸಭಂ। ಉಸಭಾನಂ ಅಸೀತಿಪ್ಪಮಾಣಂ ಗಾವುತಂ ನಾಮ, ಗವಂ, ಗವೇಹಿ ವಾ ಯುತಂ ಗಾವುತಂ। ಯುಜ ಸಮಾಧಿಮ್ಹಿ, ಗೋನದನ್ತರೇಹಿ ಗಹಿತಪ್ಪಮಾಣಸಮಾಧಾನನ್ತ್ಯತ್ಥೋ, ತಂ ಚತುಗಾವುತಂ ಯೋಜನಂ ನಾಮ, ಯುಜ ಸಮಾಧಿಮ್ಹಿ, ಯು, ‘‘ಏತ್ತಕಂ ಯೋಜನಂ ನಾಮ ಹೋತೂ’’ತಿ ಚತುಗಾವುತೇಹಿ ಸಮಾಧಾನನ್ತ್ಯತ್ಥೋ।
೧೯೭. ಆರೋಪಿತಾನಂ ಆಚರಿಯಧನೂನಂ ಪಞ್ಚಸತಂ ಕೋಸೋ ನಾಮ, ಅನಾರೋಪಿತಾನನ್ತ್ಯಪರೇ। ಕುಸ ಅವ್ಹಾನೇ, ಣೋ, ಕುಸನಂ ಅವ್ಹಾನಂ ಕೋಸೋ, ಇಧ ಪನ ಕೋಸಪ್ಪಮಾಣತ್ತಾ ಕೋಸೋ, ದ್ವಿಸಹಸ್ಸಕರಪ್ಪಮಾಣೋ। ಅಞ್ಞತ್ಥ ಪನ –
‘‘ಚತುಕ್ಕಾಧಿವೀಸತಿಯಾ
ಖ್ಯಾತಮಟ್ಠಸಹಸ್ಸೇಹಿ, ಕೋಸಮಾನಂ ವಿಭಾವಿನಾ’’ತ್ಯುತ್ತಂ॥
ಚತುರಮ್ಬಣನ್ತಿ ಚತುರಮ್ಬಣವೀಹಿಬೀಜಜಾತರೋಪನಯೋಗ್ಯೋ ಭೂಮಿಪ್ಪದೇಸೋ ಕರೀಸಂ ನಾಮ, ಕರೋನ್ತಿ ಏತ್ಥ ಕಸನರೋಪನಾದಿಕನ್ತಿ ಕರೀಸಂ, ಈಸೋ। ಚತುರಮ್ಬಣಬೀಜಜಾತಾನಿ ರೋಪೇನ್ತ್ಯೇತ್ಥಾತಿ ಚತುರಮ್ಬಣಂ, ಅಮ್ಬಣಂ ಏಕಾದಸದೋಣಮತ್ತಂ, ಅಞ್ಞೇ ಪನ ‘‘ಚತುರಮ್ಬಣಂ ಚತುಯಟ್ಠಿಕಂ ಠಾನಂ ಕರೀಸಂ ನಾಮಾ’’ತಿ ವದನ್ತಿ, ತಂ ಕರೀಸಬ್ಭನ್ತರಾನಂ ಪರಿಯಾಯಭಾವಪ್ಪಸಙ್ಗಾ ನ ಗಹೇತಬ್ಬಂ।
ಪಮಾಣತೋ ಹತ್ಥಾನಮಟ್ಠವೀಸಪ್ಪಮಾಣಂ ಠಾನಂ ಅಬ್ಭನ್ತರಂ ನಾಮ, ಅಬ್ಭನ್ತರೇ ಅನ್ತೋಕೋಟ್ಠಾಸೇ ಜಾತಂ, ನ ಬಹಿಕೋಟ್ಠಾಸೇತಿ ಅಬ್ಭನ್ತರಂ। ಯತ್ಥ ಯತ್ಥ ಹಿ ಯೋ ಯೋ ಠಿತೋ, ನಿಸಿನ್ನೋ ವಾ, ತತ್ಥ ತತ್ಥ ಸಮನ್ತಾ ಅಟ್ಠವೀಸತಿಹತ್ಥಪ್ಪಮಾಣಂ ಠಾನಂ ತಸ್ಸ ತಸ್ಸ ಅಬ್ಭನ್ತರಂ ಠಾನಂ ನಾಮ। ಭೂಮ್ಯಾದಿತ್ತಾ ಭೂಮಿವಗ್ಗೋ, ಅಥ ವಾ ಅಙ್ಗಾಪೇಕ್ಖಾಯ ಭೂಮಿಯೇವ ಪಧಾನಂ, ಪಧಾನೇನ ಚ ಬ್ಯಪ್ಪದೇಸೋ ಭವತೀತಿ ಭೂಮಿವಗ್ಗಬ್ಯಪ್ಪದೇಸೋ।
ಭೂಮಿವಗ್ಗವಣ್ಣನಾ ನಿಟ್ಠಿತಾ।
೨. ಪುರವಗ್ಗವಣ್ಣನಾ
೧೯೮. ಛಕ್ಕಂ ನಗರೇ।
‘‘ಪಟ್ಟನಞ್ಚ ಅಧಿಟ್ಠಾನಂ, ನಗರಂ ಪುಟಭೇದನಂ।
ಥಿಯೋ ಪೂ ನಗರೀ ಪೂರಿಯೋ, ಠಾನೀಯಂ ಕಬ್ಬಟಂ ಪುಟ’’ನ್ತಿ॥
ಹಿ ಸಿಲೋಕಪರಿಯಾಯೇಸು ವೋಪಾಲಿತೋ।
‘‘ವಿಚಿತ್ತದೇವಾಯತನಂ
ನಗರಂ ದಸ್ಸಯೇ ವಿದ್ವಾ, ರಾಜಮಗ್ಗೋಪಸೋಭಿತ’’ನ್ತಿ
ನಗರಲಕ್ಖಣಂ। ಪು ಪಾಲನೇ, ಪುರ ಪಾಲನೇತಿ ಚ, ಪುನಾತಿ ಪುರೇತಿ ಚ ರಕ್ಖತಿ ಪರಚಕ್ಕಾ ದುಗ್ಗತಾಯಾತಿ ಪುರಂ, ರೋ, ಅ ಚ, ಪುರ ಅಗ್ಗಗಮನೇತಿಪಿ ಧಾತ್ವತ್ಥೋ। ನಗಾ ಪಾಸಾದಾದಯೋ ಅಸ್ಸ ಸನ್ತಿ ನಗರಂ, ರೋ। ವಾಕಾರೇನ ನಗರಸದ್ದಸ್ಸ ಪುಲ್ಲಿಙ್ಗತ್ತಂ ಸಮುಚ್ಚಿನೋತಿ ಪುರಸದ್ದಸ್ಸಾಪೀತ್ಯಾಚರಿಯಾ। ಅಕುತೋಭಯತ್ತಾ ಠಾನಾಯ ಹಿತಂ ಠಾನೀಯಂ, ಈಯೋ। ಪಣಿಕಾನಂ ಪುಟಾ ಭಿಜ್ಜನ್ತೇ ಅತ್ರಾತಿ ಪುಟಭೇದನಂ।
ನಿಚ್ಚನಿವಾಸನಟ್ಠಾನಂ ದಸ್ಸೇತ್ವಾ ಇತರಂ ದಸ್ಸೇತುಮಾಹ ‘‘ಥಿಯ’’ಮಿಚ್ಚಾದಿ। ರಾಜಾ ತಿಟ್ಠತಿ ಏತ್ಥಾತಿ ರಾಜಠಾನೀ, ಯು, ನದಾದಿ, ನಿಚ್ಚನಿವಾಸನಟ್ಠಾನೇಪಿ ‘‘ಚತುರಾಸೀತಿನಗರಸಹಸ್ಸಾನಿ ಕುಸವತೀರಾಜಠಾನೀಪಮುಖಾನೀ’’ತ್ಯಾದೀಸು ಖನ್ಧಾವಾರೋ, ಪತ್ಥನತ್ಥೋ ವರಧಾತು ಆಪುಬ್ಬತ್ತಾ ಪರಿಕ್ಖಿಪನತ್ಥೋ ಹೋತಿ। ಪಞ್ಚಕಂ ನಗರೇ, ‘‘ಖನ್ಧಾವಾರೋ’’ತಿ ಪನ ಏಕಮೇವ ಅಚಿರನಿವಾಸನಟ್ಠಾನಸ್ಸ ನಾಮಂ।
೧೯೯. ಮೂಲಪುರಾ ಅಞ್ಞತ್ರ ಮೂಲಪುರಂ ವಜ್ಜೇತ್ವಾ ಯಂ ಪುರಮತ್ಥಿ ಯೋಜನವಿತ್ಥಿಣ್ಣಪಾಕಾರಾದಿಪರಿಕ್ಖಿತ್ತಂ, ತಂ ಮೂಲಪುರಸ್ಸ ತರುಟ್ಠಾನಿಯಸ್ಸ ಸಾಖಾಸದಿಸತ್ತಾ ಸಾಖಾನಗರಂ ನಾಮ।
೨೦೦-೨೦೧. ಸಾದ್ಧಪಜ್ಜದ್ವಯೇನ ವಸ್ಸ ಬತ್ತಂ, ವಣ್ಣವಿಪರಿಯಯಂ, ದೀಘಂ, ಣತ್ತಂ, ಸಸ್ಸ ಲೋಪಞ್ಚ ಕತ್ವಾ ‘‘ಬಾರಾಣಸೀ’’ತಿ ವುತ್ತಂ। ಸವತ್ಥಸ್ಸ ಇಸಿನೋ ನಿವಾಸನಟ್ಠಾನತ್ತಾ ಸಾವತ್ಥಿ, ಸಬ್ಬಂ ಧನಮೇತ್ಥ ಅತ್ಥೀತಿ ವಾ ಸಾವತ್ಥಿ ಸಬ್ಬಸ್ಸ ಸಾವೋ, ಧನವಾಚಕೋ ಅತ್ಥಸದ್ದೋ, ಇ। ತಿಕ್ಖತ್ತುಂ ವಿಸಾಲೀಭೂತತ್ತಾ ವೇಸಾಲೀ, ಅಸ್ಸತ್ಥುತ್ಥೇ ಈ। ಮಥಿ ಹಿಂಸಾಯಂ, ಇಲೋ, ಅಸ್ಸಿತ್ತಂ, ಮಿಥಿಲಾ। ಅಲಂ ಭೂಸನಮೇತ್ಥಾತಿ ಆಳವೀ, ವೀ, ಳತ್ತಞ್ಚ। ಕುಸ ಅವ್ಹಾನೇ, ‘‘ಖಾದಥ ಪಿವಥಾ’’ತ್ಯಾದೀಹಿ ದಸಹಿ ಸದ್ದೇಹಿ ಕೋಸನ್ತಿ ಏತ್ಥಾತಿ ಕೋಸಮ್ಬೀ, ಬೋ, ನದಾದಿ, ಕುಸಮ್ಬರುಕ್ಖವನ್ತತಾಯ ವಾ ಕೋಸಮ್ಬೀ, ಕುಸಮ್ಬಸ್ಸ ಇಸಿನೋ ಅಸ್ಸಮತೋ ಅವಿದೂರೇ ಮಾಪಿತತ್ತಾತಿ ಏಕೇ ಉಜ್ಜೇನೀ, ಯು, ನದಾದಿ। ತಕ್ಕ ಊಹೇ, ಊಹೋ ಊನಪೂರಣಂ, ತಕ್ಕನಂ ತಕ್ಕೋ, ಸೋ ಸೀಲಂ ಸಭಾವೋ ಯತ್ಥ ಸಾ ತಕ್ಕಸೀಲಾ, ಯೋ ಹಿ ಪುರಿಸಕಾರೇನ ಊನೋ, ಸೋ ತತ್ಥ ಗನ್ತ್ವಾ ತಮೂನಂ ಪೂರೇತೀತಿ। ಚಮ ಅದನೇ, ಪೋ, ಚಮ್ಪಾ। ಸಾನಂ ಧನಾನಂ ಆಕರಂ ಉಪ್ಪತ್ತಿಟ್ಠಾನಂ ಸಾಕರೋ, ಸೋ ಏವ ಸಾಗಲಂ। ಸಂಸುಮಾರಸಣ್ಠಾನೋ ಗಿರಿ ಏತ್ಥಾತಿ ಸಂಸುಮಾರಗಿರಂ, ಸಂಸುಮಾರೋ ಗಾಯತಿ ಏತಸ್ಸ ಮಾಪಿತಕಾಲೇತಿ ವಾ ಸಂಸುಮಾರಗಿರಂ, ಗೇ ಸದ್ದೇ, ಇರೋ। ರಾಜೂನಮೇವ ಆಧಿಪಚ್ಚವಸೇನ ಪರಿಗ್ಗಹಿತಬ್ಬತ್ತಾ ರಾಜಗಹಂ। ಆದಿಕಾಲೇ ಕಪಿಲನಾಮಸ್ಸ ಇಸಿನೋ ನಿವಾಸನಟ್ಠಾನತ್ತಾ ಕಪಿಲವತ್ಥು, ಪುಮನಪುಂಸಕೇ।
ಸಾಕೋ ರಾಜೂನಂ ಯುದ್ಧಾದೀಸು ಸತ್ತಿ ಸಞ್ಜಾತಾ ಏತ್ಥಾತಿ ಸಾಕೇತಂ, ‘‘ಸಾಕೋ ಸತ್ತಿಮ್ಹಿ ಭೂಪಾಲೇ, ದುಮದೀಪನ್ತರೇಸು ಚೇ’’ತಿ ನಾನತ್ಥಸಙ್ಗಹೇ। ಸಞ್ಜಾತತ್ಥೇ ಇತೋ, ಸಾಕೋ ನಾಮ ರಾಜಾ, ದುಮೋ ವಾ ಏತ್ಥ ಆದಿಕಾಲೇ ಸಞ್ಜಾತೋತಿ ವಾ ಸಾಕೇತಂ। ಇನ್ದಂ ಪರಮಿಸ್ಸರಿಯಭಾವಂ ಪಾಪುಣನ್ತಿ ಏತ್ಥಾತಿ ಇನ್ದಪತ್ತಂ, ಇನ್ದೋ ವಾ ಇನ್ದಪತ್ತಂ। ಉಕ್ಕಂ ಧಾರಯತಿ ಏತಸ್ಸ ಮಾಪಿತಕಾಲೇತಿ ಉಕ್ಕಟ್ಠಾ, ವಣ್ಣವಿಕಾರೋ। ಯಸ್ಸ ಮಾಪಿತಟ್ಠಾನೇ ಪಾಟಲೀನಾಮಕೋ ಏಕೋ ತರುಣರುಕ್ಖೋ ಅತ್ಥೀತಿ ತಂ ಪಾಟಲಿಪುತ್ತಕಂ, ಅಥ ವಾ ಪಟಲಿ ನಾಮ ಏಕೋ ಗಾಮಣೀ, ತಸ್ಸ ಪುತ್ತೋ ಏತ್ಥ ವಸತಿಆದಿಕಾಲೇತಿ ಪಾಟಲಿಪುತ್ತಕಂ। ಚೇತಿಯರಟ್ಠೇ ಉತ್ತಮತ್ತಾ ಚೇತುತ್ತರಂ, ‘‘ಜೇತುತ್ತರ’’ನ್ತಿ ಪಾಠೇ ಪನ ವಣ್ಣವಿಕಾರೋ, ವೇರಿಜಯಟ್ಠಾನತ್ತಾ ಜೇತಞ್ಚ ತಂ ಉತ್ತಮತ್ತಾ ಉತ್ತರಞ್ಚೇತಿ ವಾ ಜೇತುತ್ತರಂ। ಯಸ್ಸ ಮಾಪಿತಕಾಲೇ ದೀಪೋ ದಿಪ್ಪತಿ, ತಂ ಸಙ್ಕಸ್ಸಂ, ಕಾಸ ದಿತ್ತಿಯಂ, ದ್ವಿತ್ತಂ, ಸಮ್ಮಾ ಕಸನ್ತಿ ಏತ್ಥಾತಿ ವಾ ಸಙ್ಕಸ್ಸಂ, ಕಸ ವಿಲೇಖನೇ, ಯಸ್ಸ ಮಾಪಿತಕಾಲೇ ನಿಮಿತ್ತಮೋಲೋಕೇನ್ತಾ ಬ್ರಾಹ್ಮಣಾ ಕುಸಹತ್ಥಂ ನರಂ ಪಸ್ಸಿತ್ವಾ ಮಾಪೇನ್ತಿ, ತಂ ಕುಸಿನಾರಂ। ಆದಿನಾ ಮಥುರ
೨೦೨. ಚತುಕ್ಕಂ ಅಬ್ಭನ್ತರಗಾಮಮಗ್ಗೇ। ರಥಸ್ಸ ಹಿತಾ ರಚ್ಛಾ, ಪಬ್ಬಜ್ಜಾದಿ। ವಿಸಯನ್ತೇ ಪಕಾಸಯನ್ತೇ ವಿಕ್ಕಯೇನ ದಬ್ಬಾನಿ ಯಸ್ಸಂ, ಸಾ ವಿಸಿಖಾ, ವಿಪುಬ್ಬೋ ಸಿ ಸೇವಾಯಂ, ಖೋ, ವಿಸನ್ತಿ ಏತ್ಥಾತಿ ವಾ ವಿಸಿಖಾ, ವಿಸ ಪವೇಸನೇ, ಖೋ। ರಥಸ್ಸ ಹಿತಾ ರಥಿಕಾ, ಇಕೋ। ವೀ ಗಮನೇ, ಥಿ, ವೀಥಿ।
ಅನಿಬ್ಬಿದ್ಧಾ ರಚ್ಛನ್ತರೇನ ಮಜ್ಝೇ ಅನಿಬ್ಬಿದ್ಧಾ ರಚ್ಛಾ ಬ್ಯೂಹೋ ನಾಮ। ಬ್ಯೂಹೇತಿ ಸಮ್ಪಿಣ್ಡೇತಿ ಜನೇ ಅಞ್ಞತ್ರ ಗನ್ತುಮಪ್ಪದಾನವಸೇನಾತಿ ಬ್ಯೂಹೋ, ಊಹ ಸಮ್ಪಿಣ್ಡನೇ ವಿಪುಬ್ಬತ್ತಾ। ನ ನಿಬ್ಬಿಜ್ಝತೇ ರಚ್ಛನ್ತರೇನಾತಿ ಅನಿಬ್ಬಿದ್ಧೋ, ವಿಧ ಸಮ್ಪಹಾರೇ, ಅ। ನಿಬ್ಬಿದ್ಧಾ ರಚ್ಛನ್ತರೇನ ರಚ್ಛಾ ಪಥೋ, ಅದ್ಧೀತಿ ಚ ವುಚ್ಚತಿ। ಪಥ ಗಮನೇ, ಪಥೋ। ಅದ ಗಮನೇ,ತಿ, ಅದ್ಧಿ।
೨೦೩. ಚತುಕ್ಕಂ ಚತುಕ್ಕಂ, ಚರ ಗತಿಭಕ್ಖನೇಸು, ಚರೋ, ರಸ್ಸ ಚೋ, ಚಚ್ಚರಂ, ಅಙ್ಗಣವಾಚಕೋ ಚಾಯಂ। ದ್ವಿನ್ನಂ, ಚತುನ್ನಂ ವಾ ಮಗ್ಗಾನಂ ಸನ್ಧಿ ಮಗ್ಗಸನ್ಧಿ। ಸಿಙ್ಘ ಘಾಯನೇ, ಆಟಕೋ।
ದ್ವಯಂ ವಪ್ಪಸ್ಸೋಪರಿ ಇಟ್ಠಕಾದಿರಚಿತೇ ವೇಠನೇ। ವಪ್ಪಂ ನಾಮ ದುಗ್ಗನಗರೇ ಪರಿಖಾಮತ್ತಿಕಂ ಕೂಟಂ ಪಾಕಾರೋ, ಸಮನ್ತತೋ ಕರೀಯತೇತಿ ವಾ ಪಾಕಾರೋ, ಅಕತ್ತರಿ ಚ ಕಾರಕೇ ಸಞ್ಞಾಯಂ ಣೋ, ರಸ್ಸಸ್ಸ ದೀಘತಾ। ವು ಸಂವರಣೇ, ವುಣೋತೀತಿ ವರಣೋ, ಯು, ರಾಗಮೋ ಚ। ‘‘ಸಾಲೋ’’ತಿಪಿ ಪಾಕಾರಸ್ಸ ನಾಮಂ।
ದ್ವಯಂ ರಾಜಭವನಸಾಮಞ್ಞೇ। ಸಬ್ಬಗೇಹಾನಂ ವಿಸೇಸೇನ ಪಕಾಸನತೋ ಉದ್ದಾಪೋ, ದೀಪ ಪಕಾಸನೇ, ಈಸ್ಸಾಕಾರೋ। ಸಙ್ಗಮ್ಮ ಕರೋನ್ತಿ ತನ್ತಿ ಉಪಕಾರಿಕಾ, ಣ್ವು। ಕೇ ಪಚ್ಚಯೇ ಥೀಕತಾಕಾರಪರೇ ಪುಬ್ಬೋ ಅಕಾರೋ ದೀಘಂ ಅಕಾದೇಸೋಪಿ ಹಿ ‘‘ಕೋ’’ತಿ ವುಚ್ಚತಿ, ಯಥಾ ದೇವದತ್ತೋ ‘‘ದತ್ತೋ’’ತಿ। ಕಪಚ್ಚಯೋ ವಾ।
೨೦೪. ದ್ವಯಂ ಗೇಹಾದಿನೋ ಮತ್ತಿಕೇಟ್ಠಕಾದಿಮಯಭಿತ್ತಿಯಂ। ಕುಟ ಛೇದನೇ, ಕುಟತಿ ಛಿನ್ದತಿ ಮಗ್ಗನ್ತಿ ಕುಟ್ಟಂ। ಭಿದಿ ದ್ವಿಧಾಕರಣೇ,ತಿ, ಭಿತ್ತಿ। ಗುನ್ನಂ ವಾಚಾನಂ ಪುರಂ ಗೋಪುರಂ। ದ್ವಾರಸಮೀಪೇ ಕತೋ ಕೋಟ್ಠಕೋ ದ್ವಾರಕೋಟ್ಠಕೋ, ಕುಸ ಅಕ್ಕೋಸೇ, ಠಕೋ, ಕೋಟ್ಠಕೋತಿ ಗೇಹವಿಸೇಸೋ।
ದ್ವಯಂ ಇನ್ದಖೀಲೇ। ಇಸ ಇಚ್ಛಾಯಂ, ಏಸ ಗವೇಸನೇ ವಾ, ಇಕೋ। ಇನ್ದಸ್ಸ ಸಕ್ಕಸ್ಸ ಖೀಲೋ ಕಣ್ಟಕೋ ಇನ್ದಖೀಲೋ। ದ್ವಯಂ ದ್ವಾರಪಸ್ಸೋಪಸಾಲಾಯಂ’ಹಮ್ಯಾದಿಪಿಟ್ಠೇ ಚ ವಾತಕುಟಿಕಾಯಂ। ಅಡ್ಡ ಅತಿಕ್ಕಮಹಿಂಸಾಸು, ಅ। ಆಲಕಪಚ್ಚಯೇ ಅಟ್ಟಾಲಕೋ।
೨೦೫. ಉಪರಿ ಮಾಲಾದಿಯುತ್ತಂ ಸೋಭನಥಮ್ಭದ್ವಯಮುಭಯತೋ ನಿಖನಿತ್ವಾ ಯಂ ಬಹಿದ್ವಾರಂ ಕಪ್ಪೀಯತೇ, ತಂ ತೋರಣಂ। ತುರ ವಾರಣೇ, ಯು, ಥವನ್ತಾ ವಾ ರಣನ್ತ್ಯತ್ರಾತಿ ತೋರಣಂ, ತು ಅಭಿತ್ಥವೇ। ರಣ ಸದ್ದತ್ಥೋ, ವಣ್ಣವಿಕಾರೋ। ದ್ವಾರಸ್ಸ ಬಹಿ ಬಹಿದ್ವಾರಂ। ಪರಿ ಸಮನ್ತತೋ ಖಞ್ಞತೇತಿ ಪರಿಖಾ। ದೀಘಭಾವೇನ ಯುತ್ತಾ ದೀಘಿಕಾ।
೨೦೬-೨೦೭. ಸದುಮನ್ತಂ ಗೇಹೇ। ಮನ್ದ ಮೋದನಥುತಿಜಳತ್ತೇಸು, ಮನ್ದನ್ತೇ ಯತ್ಥಾತಿ ಮನ್ದಿರಂ, ಇರೋ। ಸೀದನ್ತಿ ತತ್ಥಾತಿ ಸದನಂ, ಯು। ಸದ ಅಗಾರಂ। ರಸ್ಸಸ್ಸ ದೀಘತ್ತೇ ಆಗಾರಂ। ಚಿ ಚಯೇ, ನಿಚೀಯತೇ ಛಾದೀಯತೇತಿ ನಿಕಾಯೋ, ಯಮ್ಹಿ ಚಿಸ್ಸ ಕಾದೇಸೋ ನಿಪಾತನಾ। ಲೀ ಸಿಲೇಸನೇ, ಣೋ, ನಿಲಯೋ, ಆಲಯೋ ಚ। ವಸ ನಿವಾಸೇ, ಆವಸನ್ತ್ಯತ್ರಾತಿ ಆವಾಸೋ, ಣೋ। ಭೂ ಸತ್ತಾಯಂ, ಭವನ್ತ್ಯತ್ರಾತಿ ಭವನಂ। ವಿಸನ್ತಿ ತನ್ತಿ ವೇಸ್ಮಂ, ಮೋ। ಕಿತ ನಿವಾಸೇ, ಅಧಿಕರಣೇ ಯು, ನಿಕೇತನಂ। ನಿವಿಸನ್ತಿ, ನಿವಸನ್ತಿ ವಾ ಯತ್ರ, ತಂ ನಿವೇಸನಂ। ಘರ ಸೇಚನೇ, ಘರತಿ ಕಿಲೇಸಮೇತ್ಥಾತಿ ಘರಂ, ಗಯ್ಹತೀತಿ ವಾ ಘರಂ, ಣೋ। ಗಹಸ್ಸ ಘರಾದೇಸೋ। ಗಣ್ಹಾತಿ ಪುರಿಸೇನ ಆನೀತಂ ಧನನ್ತಿ ಗಹಂ। ಅಧಿಕರಣೇ ಥೋ, ಆವಸಥೋ। ಸರ ಗತಿಚಿನ್ತಾಹಿಂಸಾಸು, ಸರನ್ತಿ ಚಿನ್ತೇನ್ತಿ ಏತ್ಥ ಸುಭಾಸುಭಕಮ್ಮಾನಿ, ಸರತಿ ವಾ ಸೂರಿಯಸನ್ತಾಪಾದಿಕನ್ತಿ ಸರಣಂ। ಸಿ ಸೇವಾಯಂ, ಣೋ, ಪತಿಸ್ಸಯೋ। ಉಚ ಸಮವಾಯೇ, ಓಕಂ। ಸಲ ಗಮನೇ, ‘‘ಇತ್ಥಿಯಮತಿಯವೋ ವಾ’’ತಿ ಅ, ಸಾಲಾ, ಸರಧಾತುಮ್ಹಿ ಸತಿ ಲತ್ತಮೇವ ವಿಸೇಸೋ। ಚಿ ಚಯೇ, ಕಮ್ಮನಿ ಣೋ, ಚಯೋ। ಕುಟ ಛೇದನೇ, ಇ। ವಸ ನಿವಾಸೇ,ತಿ। ಉಪಧಸ್ಸ ಏತ್ತೇ ಗೇಹಂ। ಸದಧಾತುಮ್ಹಾ ಉಮೋ, ಸದುಮಂ।
ದ್ವಯಂ ಮುಖರಹಿತದೇವಕುಲಸದಿಸೇ ಯಞ್ಞಾಯತನೇ। ಚಿತ ಪೂಜಾಯಂ, ಕಮ್ಮನಿ ಇಯೋ। ಯತ ಯತನೇ, ಆಯತನ್ತಿ ವಾಯಮನ್ತಿ ಏತ್ಥ ಫಲಕಾಮಾತಿ ಆಯತನಂ, ಅಥ ವಾ ಆಯನ್ತೀತಿ ಆಯಾನಿ, ತಾನಿ ತನೋತೀತಿ ಆಯತನಂ, ಫಲಕಾರಕನ್ತ್ಯತ್ಥೋ। ಏತ್ಥ ತುಸದ್ದೋ ಸಮಾಗತಾನಂ ದ್ವಿನ್ನಂ ಪುಬ್ಬಾಪರಗಮನತ್ಥೋ। ‘‘ಚೇತಿಯಾಯತನಾನಿ ಚಾ’’ತಿಪಿ ಪಾಠೋ।
೨೦೮. ದ್ವಯಂ ದೇವಾನಂ, ನರಪತೀನಞ್ಚ ಇಟ್ಠಕಾದಿಮಯೇ ಭವನೇ। ಅಞ್ಞಸ್ಸಾಪಿ ಸಾದಿಸ್ಯಾ। ಪಸೀದನ್ತಿ ನಯನಮನಾನ್ಯತ್ರಾತಿ ಪಾಸಾದೋ। ಯು ಓತ್ತಾಭಾವೋ।
ದ್ವಯಂ ರಾಜತೋ ಅಞ್ಞೇಸಂ ಧನೀನಂ ಬ್ಯವಹಾರಕಾದೀನಂ ಭವನೇ। ಮುಣ್ಡೋ ಛದನಮೇತಸ್ಸ, ನ ಪಾಸಾದಸ್ಸ ವಿಯಾತಿ ಮುಣ್ಡಚ್ಛದೋ, ದ್ವಿತ್ತಂ। ಹರ ಹರಣೇ, ಯೋ, ಯಮ್ಹಿ ಮಿಆಗಮೋ ಚ।
ದುಗ್ಗಪುರದ್ವಾರೇ ವಾ, ಯತ್ಥ ಕತ್ಥಚಿ ವಾ ಮತ್ತಿಕಾದಿಮಯೇ ಗಜಕುಮ್ಭಮ್ಹಿ ಯೋ ಯೂಪೋ ಪಾಸಾದೋ ಪತಿಟ್ಠಿತೋ, ಸೋ ಹತ್ಥಿನಖೋ ನಾಮ, ಹತ್ಥಿಸ್ಸೇವ ನಖೋ ಯಸ್ಸಾತಿ ಹತ್ಥಿನಖೋ, ನಖಸದ್ದೇನ ವಾ ನಖಸಹಿತೋ ಪಾಸಾದೋ ಗಯ್ಹತೇ।
೨೦೯. ಸುಪಣ್ಣಸ್ಸ ಗರುಳಸ್ಸ ವಙ್ಕೇನ ಪಕ್ಖೇನ ಸದಿಸಛದನಂ ಗೇಹಂ ಸುವಣ್ಣವಙ್ಕಚ್ಛದನಂ। ವಙ್ಕ ಗಮನೇ। ಏಕಪಸ್ಸೇಯೇವ ಛದನತೋ ಅಡ್ಢಯೋಗೋ।
ಏಕೇನೇವ ಕೂಟೇನ ಯುತ್ತೋ ಅನೇಕಕೋಣೋ ಪತಿಸ್ಸಯವಿಸೇಸೋ ಮಾಳೋ ನಾಮ, ವಟ್ಟಾಕಾರೇನ ಕತಸೇನಾಸನನ್ತಿ ಕೇಚಿ। ಮಾ ಮಾನೇ, ಳೋ, ಮಾಳೋ।
ಚತುರಸ್ಸೋ ಪತಿಸ್ಸಯವಿಸೇಸೋ ಪಾಸಾದೋ ನಾಮ, ಆಯತಚತುರಸ್ಸಪಾಸಾದೋತಿ ಕೇಚಿ।
೨೧೦. ಸನ್ತೇಹಿ ಭಾತಿ ದಿಬ್ಬತೀತಿ ಸಭಾಯಂ, ಸಭಾ ಚ, ಪುರಿಮೇ ಯಪಚ್ಚಯೋ, ಸನ್ತಸ್ಸ ಸಾದೇಸೋ ತೂಭಯತ್ರ। ಮಣ್ಡಾ ರವಿರಂಸಯೋ, ತೇ ಪಿವತಿ ನಾಸಯತೀತಿ ಮಣ್ಡಪೋ, ವಾಸದ್ದೇನ ಮಣ್ಡಪಪದಸ್ಸ ಜನಾಲಯೋ। ಆಸನತ್ಥಾಯ ಕತಾ ಸಾಲಾ ಆಸನಸಾಲಾ। ಪಟಿಕ್ಕಮನ್ತಿ ಏತ್ಥಾತಿ ಪಟಿಕ್ಕಮನಂ, ಕಮು ಪದವಿಕ್ಖೇಪೇ, ಅಧಿಕರಣೇ ಯು।
೨೧೧. ಜಿನಸ್ಸ ವಾಸಭೂತಂ ಭವನಂ ಗನ್ಧಕುಟಿ ನಾಮ, ದಿಬ್ಬಗನ್ಧೇಹಿ ಪರಿಭಾವಿತಾ ಕುಟಿ ಗನ್ಧಕುಟಿ।
ತಿಕಂ ಪಾಕಟ್ಠಾನೇ। ರಸಾನಿ ಸನ್ತ್ಯಸ್ಸಂ ರಸವತೀ, ಪಚನಂ ಪಾಕೋ, ತಸ್ಸ ಠಾನಂ ಪಾಕಟ್ಠಾನಂ। ಮಹನ್ತಾನಿ ಬಹೂನಿ ಅಸಿತಬ್ಬಾನಿ ಸನ್ತೇತ್ಥ ಮಹಾನಸಂ, ಅಸ ಭಕ್ಖನೇ, ಯು, ವಣ್ಣವಿಪರಿಯಯೋ।
೨೧೨. ಸುವಣ್ಣಕಾರಾದಿಸಿಪ್ಪೀನಂ ಕಮ್ಮಸಾಲಾ ಆವೇಸನಂ। ಆವಿಸನ್ತ್ಯಸ್ಮಿಂ ಆವೇಸನಂ, ಯು। ಪಾನಮನ್ದಿರಂ ಸುರಾಪಾನತ್ಥಂ ಕತಮನ್ದಿರಂ ಸೋಣ್ಡಾ ನಾಮ, ಕತ್ತಬ್ಬಾಕತ್ತಬ್ಬಂ ವಿಚಾರೇತ್ವಾ ಅತ್ತನಾ ಇಚ್ಛಿತವತ್ಥುಕಾರಣಾ ಸಬ್ಬಂ ದೇಯ್ಯಧಮ್ಮಂ ಸನೋನ್ತೀತಿ ಸೋಣ್ಡಾ, ಸನ ದಾನೇ, ತನಾದಿ। ಡೋ, ಅಸ್ಸೋತ್ತಂ, ವಣ್ಣವಿಕಾರೋ ಚ, ತೇಸಂ ಏಸಾ ವಸತಿ ಸೋಣ್ಡಾ। ಪಾನಸದ್ದಸನ್ನಿಧಾನಾ ಸುರಾಸೋಣ್ಡಾಯೇವಿಧ ಗಹಿತಾ। ವಚ್ಚಸ್ಸ ಗೂಥಸ್ಸ ವಿಸಜ್ಜನಟ್ಠಾನಂ ವಚ್ಚಟ್ಠಾನಂ। ವಚ್ಚಸ್ಸ ವಿಸಜ್ಜನಟ್ಠಾನಾ ಕುಟಿ ವಚ್ಚಕುಟಿ। ಮುನೀನಂ ಇಸೀನಂ ವಸನಟ್ಠಾನಂ ಅಸ್ಸಮೋ ನಾಮ, ಆ ಕೋಧಂ ಸಮೇನ್ತಿ ಏತ್ಥಾತಿ ಅಸ್ಸಮೋ, ಆ ಭುಸೋ ಸಮೇನ್ತಿ ಏತ್ಥ ರಾಗಾದಯೋತಿ ವಾ ಅಸ್ಸಮೋ।
೨೧೩. ತಿಕಂ ಪಣ ಬ್ಯವಹಾರೇ, ಪಣಿತಬ್ಬಾತಿ ಪಣ್ಯಾ, ವತ್ಥಾದಯೋ, ತೇ ಏತ್ಥ ವಿಕ್ಕಿಣನ್ತೀತಿ ಪಣ್ಯವಿಕ್ಕಯೋ, ಕೀ ದಬ್ಬವಿನಿಮಯೇ, ಸೋ ಏವ ಸಾಲಾ ಗೇಹನ್ತಿ ಪಣ್ಯವಿಕ್ಕಯಸಾಲಾ। ಆಪಣಯನ್ತೇ ಬ್ಯವಹರನ್ತೇ ಅಸ್ಮಿನ್ತಿ ಆಪಣೋ, ಣೋ। ಪಣ್ಯಾನಂ ವಿಕ್ಕಯಾಯ ನೀಯಮಾನಾನಂ ವೀಥಿ ಪನ್ಥೋ ಪಣ್ಯವೀಥಿಕಾ। ವಸ ಅಚ್ಛಾದನೇ, ತೋ, ಉದಕಂ ವಸಿತಂ ಅಚ್ಛಾದನಂ ಕತಮನೇನಾತಿ ಉದೋಸಿತೋ, ವಸ್ಸೋತ್ತಂ, ಭಣ್ಡಟ್ಠಪನಸ್ಸ ಸಾಲಾ ಭಣ್ಡಸಾಲಾ। ಕಮು ಪದವಿಕ್ಖೇಪೇ, ಚಙ್ಕಮತ್ಯತ್ರಾತಿ ಚಙ್ಕಮನಂ, ಚಙ್ಕಮೋ ಚ, ದ್ವಿತ್ತಾದಿ।
೨೧೪. ಜಲನ್ತಿ ಏತ್ಥಾತಿ ಜನ್ತಾ, ಜಲ ದಿತ್ತಿಯಂ, ಅನ್ತೋ, ‘‘ಇತ್ಥಿಯಮತಿಯವೋ ವಾ’’ತಿ ಅ, ಆ, ಲಲೋಪೋ, ಜನೇತ್ಯತ್ರ ಅಗ್ಗಿನ್ತಿ ವಾ ಜನ್ತಾ, ಜನ ಜನನೇ, ಅನ್ತೋ, ಸಾ ಏವ ಘರಂ ಜನ್ತಾಘರಂ। ಅಗ್ಗಿನೋ ಸಾಲಾ ಅಗ್ಗಿಸಾಲಾ। ಪಾ ಪಿವನೇ, ಪಪಿವನ್ತ್ಯಸ್ಸನ್ತಿ ಪಪಾ, ಅ। ಪಾನೀಯಟ್ಠಾ ಸಾಲಾ ಪಾನೀಯಸಾಲಾ, ಸಾ ಏವ ಪಾನೀಯಸಾಲಿಕಾ।
ಗಸ ಗಮನೇ, ಭೋ, ಸಸ್ಸ ಬೋ। ಅವತಿ ರಕ್ಖತೀತಿ ಓವರಕೋ, ಅರೋ, ಸಕತ್ಥೇ ಕೋ, ಅಸ್ಸೋತ್ತಞ್ಚ। ವಸನಂ ವಾಸೋ, ತದತ್ಥಂ ಅಗಾರಂ ವಾಸಾಗಾರಂ। ಸಯತಿ ಏತ್ಥಾತಿ ಸಯನೀ, ಯು, ನದಾದಿ, ಸಾ ಏವ ಗಹಂ ಸಯನಿಗ್ಗಹಂ।
೨೧೫. ಚತುಕ್ಕಂ ಇತ್ಥಾಗಾರಂ। ಅವರುನ್ಧೀಯನ್ತೇ ರಾಜಿತ್ಥಿಯೋ ಅನೇನಾತಿ ಓರೋಧೋ, ರುಧ ಆವರಣೇ। ಸುದ್ಧಾ ಕಾಮಾಪಗಮತ್ತಾ ಪರಿಸುದ್ಧಾ ರಕ್ಖಕಾ ಅನ್ತೇ ಸಮೀಪೇ ಯಸ್ಸಾತಿ ಸುದ್ಧನ್ತೋ। ಅನ್ತೇ ಅಬ್ಭನ್ತರೇ ಪುರಂ ಗೇಹಂ ಅನ್ತೇಪುರಂ, ಪುರಸ್ಸ ಅನ್ತೇತಿ ವಾ ಅನ್ತೇಪುರಂ। ‘‘ಅನ್ತೋಪುರ’’ನ್ತಿಪಿ ಪಾಠೋ।
ರಞ್ಞಂ ರಾಜೂನಂ ಅಸಬ್ಬವಿಸಯಟ್ಠಾನಂ ಸಬ್ಬೇಹ್ಯಸಾಧಾರಣಟ್ಠಾನಂ ‘‘ಕಚ್ಛನ್ತರ’’ನ್ತಿ ಮತಂ ಕಥಿತಂ, ಯಂ ‘‘ಪಮದವನ’’ನ್ತಿ ವುಚ್ಚತಿ, ಪಮದವನಂ ನಾಮ ಉಪಕಾರಿಕಾಸನ್ನಿಹಿತಂ ವಾ ಪುರಸನ್ನಿಹಿತಂ ವಾ ಅನ್ತೇಪುರೋಚಿತಂ, ಯತ್ರ ಅನ್ತೇಪುರಸಹಿತೋ ಏವ ರಾಜಾ ವಿಹರತಿ, ನಾಞ್ಞಜನಪ್ಪವೇಸೋ ಯಾಕಾರಾನಂ ಕಚ್ಛನ್ತರಂ। ಪಕೋಟ್ಠಂ ನಾಮ ಅಬ್ಭನ್ತರದ್ವಾರಂ।
೨೧೬. ದ್ವಯಂ ಇಟ್ಠಕಾದಿರಚಿತೇ ಆರೋಹನೇ। ಉಪಾನೇನ ಸಹ ವತ್ತತೇತಿ ಸೋಪಾನೋ, ಸೋಪಾನಂ ವಾ ನಪುಂಸಕೇಪಿ। ಆರೂಯ್ಹತೇ ಯೇನ ತಂ ಆರೋಹನಂ, ಯು, ರುಹ ಜನನೇ।
ದ್ವಯಂ ಕಟ್ಠಾದಿರಚಿತಾಯಂ। ನಿಚ್ಛಯೇನ ಸಯನ್ತಿ ಪಾಕಾರಾದಿಕಮೇತಾಯಾತಿ ನಿಸ್ಸೇಣೀ, ಸಿ ಸೇವಾಯಂ, ಣೀ, ನದಾದಿ। ಉದ್ಧಮಾರೋಹತೇ ಏತಾಯಾತಿ ಅಧಿರೋಹಿಣೀ, ಸಾಸದ್ದೋ ದ್ವಿನ್ನಮ್ಪಿ ಇತ್ಥಿಲಿಙ್ಗತ್ತಂ ಜೋತೇತಿ।
೨೧೭. ಪಞ್ಚಕಂ ವಾತಪಾನಂ। ಗವಂ ಅಕ್ಖಿ ಗವಕ್ಖೋ, ಸಮಾಸನ್ತತ್ತಾ ಅ, ಸಞ್ಞಾಸದ್ದತೋ ಪುಲ್ಲಿಙ್ಗತ್ತಂ, ಅಕ್ಖಿ ಸದ್ದೇ ವಾ, ಗವಂ ಅಕ್ಖಿ ಗವಕ್ಖೀತಿ ವಿಗ್ಗಹೋ। ಜಲ ದಿತ್ತಿಯಂ, ಜಾಲಂ। ಸೀಹರೂಪಯುತ್ತಂ ಪಞ್ಜರಂ ಸೀಹಪಞ್ಜರಂ। ಆಲೋಕಾನಂ ಆತಪಾನಂ ಪವಿಸನಟ್ಠಾನಂ ಸನ್ಧಿ ಛಿದ್ದನ್ತಿ ಆಲೋಕಸನ್ಧಿ, ಆಲೋಕೀಯನ್ತಿ ಏತೇನಾತಿ ಆಲೋಕೋ, ಸೋ ಏವ ಸನ್ಧೀತಿ ವಾ ಆಲೋಕಸನ್ಧಿ।
ದ್ವಯಂ ಲಙ್ಗಿಯಂ। ಲಗಿ ಗತ್ಯತ್ಥೋ, ಅ, ನದಾದಿ। ಪರಿ ಪುನಪ್ಪುನಂ ಗಮನಾಗಮನವಸೇನ ಹನ್ತೀತಿ ಪಲಿಘೋ, ಣೋ। ಕಪಿರೂಪಮತ್ಥಕತ್ತಾ ಕಪಿಸೀಸೋ। ಅಗ್ಗಳಂ ನಾಮ ಕವಾಟಕೋ ಅಗ್ಗಳತ್ಥಮ್ಭೋ, ‘‘ಅಗ್ಗಳಂ ತೀಸು ಕಲ್ಲೋಲೇ, ದಣ್ಡೇ ಚಾನ್ತಕವಾಟೇಸೂ’’ತಿ ರಭಸೋ, ಇತ್ಥಿಯಮತೋ ಆಪಚ್ಚಯೋ, ಅಗ್ಗಳಾ। ನಿಸ್ಸೇಸತೋ ಅಬ್ಬತಿ ವಸ್ಸೋದಕಮನೇನಾತಿ ನಿಬ್ಬಂ, ಅಬ್ಬ ಗತಿಹಿಂಸಾಸು। ಛದ್ದಸ್ಸ ಛದನಸ್ಸ ಕೋಟಿ ಹೇಟ್ಠಿಮಾವಸಾನಂ ಛದ್ದಕೋಟಿ, ತಸ್ಸಂ।
೨೧೮. ತಿಕಂ ಗೇಹಚ್ಛದನೇ। ಛಾದೇತಿ ಏತೇನಾತಿ ಛದನಂ, ಛದ ಸಂವರಣೇ, ಚುರಾದಿ। ಪಟಗಮನೇ, ‘‘ಪಟ್ಯಾದೀಹ್ಯಲ’’ನ್ತಿ ಅಲೋ। ಛಾದೇತಿ ಏತೇನಾತಿ ಛದ್ದಂ, ದ್ವಿತ್ತಾದಿ।
ತಿಕಂ ಅಜ ಗತಿಮ್ಹಿ, ಇರೋ, ಅಜಿರಂ। ಚರ ಗತಿಭಕ್ಖನೇಸು, ಚರೋ। ಅಙ್ಗ ಗಮನೇ, ಕರಣಾಧಿಕರಣೇಸು ಯು, ವಣ್ಣವಿಕಾರೋ, ಣತ್ತಂ।
ಪಞ್ಚಕಂ ಗೇಹದ್ವಾರತೋ ಬಹಿಪಕೋಟ್ಠಕೇ, ವೀಥಿಯಂ ದ್ವಾರಪಿಣ್ಡಕೇ ಚ। ಅಲಿನ್ದೋ ತ್ವಞ್ಞಪಿಣ್ಡಕೇಪಿಚ್ಛತೇ। ಪಠಮಂ ಹನನ್ತಿ ಗಚ್ಛನ್ತಿ ಏತ್ಥಾತಿ ಪಘಾಣೋ, ಪಘಣೋ ಚ, ಹನಸ್ಸ ಘಣಾದೇಸೋ। ಅಲಿ ಸಖಾ ಇನ್ದೋ ಏತ್ಥಾತಿ ಅಲಿನ್ದೋ, ‘‘ಗೇಹೇಕದೇಸೇ ಅಲಿನ್ದೋ, ಪಘಾಣೋ ಪಘಣೋಭವೇ’’ತಿ ಅಮರಮಾಲಾಯಂ। ಆಲಿನ್ದೋ, ದೀಘಾದಿ। ಪಧಾನಂ ಮುಖಂ ಪಮುಖಂ, ಗೇಹಸ್ಸ ಹಿ ಚತೂಸು ಮುಖೇಸು ತದೇವ ಪಧಾನಂ, ಯತ್ಥ ಸಾಧುಜನಾಪಿ ಆಗನ್ತುಕಾಪಿ ನಿಸೀದನ್ತಿ। ದ್ವಾರಂ ಬನ್ಧತಿ ಪಿದಹತಿ ಏತ್ಥಾತಿ ದ್ವಾರಬನ್ಧನಂ।
೨೧೯. ದ್ವಯಂ ದ್ವಾರಬಾಹಾಯಂ। ಪೀಠಾನಿ ಲೋಹವಿಕತಿಆದೀಹಿ ಸಙ್ಘಟೀಯನ್ತಿ ಏತ್ಥಾತಿ ಪೀಠಸಙ್ಘಾಟಕಂ, ಪೀಠೇಹಿ ಸಙ್ಘಟೀಯತೀತಿ ವಾ ಪೀಠಸಙ್ಘಾಟಕಂ, ಘಟ ಘಟನೇ। ದ್ವಿಭಾಗೇನ ಬಾಹಾಸದಿಸತ್ತಾ ಬಾಹಾ, ದ್ವಾರಸ್ಸ ಬಾಹಾ ದ್ವಾರಬಾಹಾ। ‘‘ಕಪಾಟಂ, ಕವಾಟ’’ನ್ತಿಪಿ ದ್ವಾರಬಾಹಾಯ ನಾಮಾನಿ, ಕಂ ವಾತಂ ಪಾಟಯತಿ, ವಾಟಯತಿ ಚೇತಿ ಕಮ್ಮನಿ ಣೋ, ಇತ್ಥಿಯಂ ಕಪಾಟೀ।
ದ್ವಯಂ ಗೇಹಾದೀನಂ ಕೂಟೇ। ಕುಟ ಛೇದನೇ, ಕಮ್ಮನಿ ಣೋ। ನಯ ಗಮನತ್ಥೋ, ಕೇ ಸೀಸೇ ನಯತೀತಿ ಕಣ್ಣೀಕಾ, ಣ್ವು, ಇತ್ತಂ, ಣತ್ತಞ್ಚ।
೨೨೦. ದ್ವಯಂ ದ್ವಾರಂ, ದುಜ್ಜನೇ ವಾರಯನ್ತ್ಯಸ್ಮಾ ರಕ್ಖಕಾತಿ ವಾ ದ್ವಾರಂ, ಉಲೋಪೋ। ಪಟಿಹರನ್ತಿ ಅಪನೇನ್ತಿ ಏತಸ್ಮಾ ರಕ್ಖಕಾ ಅಞ್ಞಾತನ್ತಿ ಪಟಿಹರೋ, ಪಟಿಪಕ್ಖೇ ಹರತಿ ಏತಸ್ಮಾತಿ ವಾ ಪಟಿಹರೋ, ರಸ್ಸಸ್ಸ ದೀಘತ್ತೇ ಪಟಿಹಾರೋ।
ಚತುಕ್ಕಂ ಉಮ್ಮಾರೇ, ಯಂ ‘‘ದ್ವಾರಪಿಣ್ಡಿಕಾ’’ತಿ ವುಚ್ಚತಿ। ಉರ ಗತಿಮ್ಹಿ, ಮಾರೋ ಕರಣೇ। ದೇಹಂ ನೇತಿ ಪವೇಸೇನಾತಿ ದೇಹನೀ, ‘‘ದೇಹಲೀ’’ತಿಪಿ ಪಾಠೋ, ದೇಹಂ ಲಾತಿ ಪವೇಸೇನಾತಿ ದೇಹಲೀ। ಇಲ ಗತಿಮ್ಹಿ, ಣ್ವು। ಇನ್ದೋ ಏವ ಪಾದಂ ಖಿಪತಿ ಏತ್ಥಾತಿ ಇನ್ದಖೀಲೋ, ಖಿಪ ಪೇರಣೇ। ಪಸ್ಸ ಲೋಪೋ, ಅಥ ವಾ ಇಂ ಗಮನಂ ದದಾತೀತಿ ಇನ್ದೋ, ದ್ವಾರಂ, ತತ್ಥ ಠಪಿತೋ ಖೀಲೋ ಕಣ್ಟಕೋತಿ ಇನ್ದಖೀಲೋ, ವೇಗಗಭಿಘಾತನತೋ ಹಿ ಸೋ ಖೀಲೋ ವಿಯ ಹೋತಿ।
ಥಮ್ಭ ಪಟಿಬನ್ಧನೇ, ಥಮ್ಭೋ, ಧಾರೇತೀತಿ ವಾ ಥಮ್ಭೋ, ಧರ ಧರಣೇ, ರಮ್ಭಪಚ್ಚಯೋ, ವಣ್ಣವಿಕಾರೋ ಚ। ಥು ಅಭಿತ್ಥವೇ, ಉಣೋ, ಯು ವಾ, ಧಾರೇತೀತಿ ವಾ ಥೂಣೋ, ಯು, ರಲೋಪೋ, ಅಸ್ಸೂ।
ಅಡ್ಢೇನ್ದುಪಾಸಾಣೇ ಅದ್ಧಚನ್ದಾಕಾರೇ ಪಾಸಾಣೇ ಪಟಿಕಾಸದ್ದೋ ವತ್ತತಿ। ಪಟ ಗತಿಯಂ, ಣ್ವು। ಇತ್ಥಿಕತಾಕಾರಪರೇ ಕೇ ಅಸ್ಸಿತ್ತಂ। ಗಜಿ ಸದ್ದೇ, ಣ್ವು, ಅಸ್ಸಿತ್ತಂ, ಬಿನ್ದಾಗಮೋ ಚ। ಇಸ ಇಚ್ಛಾಯಂ, ಠಕೋ।
೨೨೧. ವಲಭೀತಿ ರುದ್ದೋ ದಾರುಮ್ಹಿ ಕಟ್ಠೇ ಗೋಪಾನಸೀ ಮತಾ। ವಙ್ಕೇತಿ ದಾರುವಿಸೇಸನಂ। ಗಂ ವಸ್ಸೋದಕಂ, ಸೂರಿಯಾದಿಕಿರಣಞ್ಚ ಪಿವನ್ತಿ ವಿನಾಸಯನ್ತಿ ಅಬ್ಭನ್ತರಮಪ್ಪವೇಸನವಸೇನಾತಿ ಗೋಪಾನಾ, ಇಟ್ಠಕಾದಯೋ, ತಾನಿ ಸಿನೋನ್ತಿ ಬನ್ಧನ್ತಿ ಏತ್ಥಾತಿ ಗೋಪಾನಸೀ।
ಸೋಧಾದಿಗೇಹೇಸು ಛೇಕಪಕ್ಖಾವಾಸತ್ಥಂ ಯೋ ಬಹಿ ಕರಿಯ ಕಟ್ಠೇಕದೇಸೋ ಠಪೀಯತೇ, ಸೋ ವಿಟಙ್ಕೋ। ಕಪೋತೇ ಪಾಲಯತೀತಿ ಕಪೋತಪಾಲಿಕಾ, ಕಮ್ಮನಿ ಣ್ವು। ಟಕಿ ನಿವಾಸಗತೀಸು। ವಿನೋ ಪಕ್ಖಿನೋ ಟಙ್ಕನ್ತಿ ಏತ್ಥಾತಿ ವಿಟಙ್ಕೋ। ಣೋ।
೨೨೨. ದ್ವಯಂ ಕುಞ್ಚಿಕಾಛಿದ್ದೇ। ಕುಞ್ಚಿಕಾಯ ವಿವರಂ ಛಿದ್ದಂ ಕುಞ್ಚಿಕಾವಿವರಂ। ತಾಳಸ್ಸ ಪವೇಸನಟ್ಠಾನಭೂತೋ ಛಿಗ್ಗಳೋ ಛಿದ್ದಂ ತಾಳಚ್ಛಿಗ್ಗಳೋ।
ತಿಕಂ ಕುಞ್ಚಿಕಾಯಂ। ಕುಞ್ಚ ಕೋಟಿಲ್ಯೇ, ಣ್ವು। ತಾಯತಿ ರಕ್ಖತೀತಿ ತಾಲೋ। ಅಲೋ, ತಲತಿ ತಿಟ್ಠತಿ ಏತೇನಾತಿ ವಾ ತಾಲೋ, ತಲ ಪತಿಟ್ಠಾಯಂ। ಅವಾಪುರತಿ ವಿವರತಿ ಯೇನಾತಿ ಅವಾಪುರಣಂ, ವರ ಸಂವರಣೇ, ಯು, ವಸ್ಸ ಪೋ, ಉತ್ತಂ, ಉಪಸಗ್ಗಸ್ಸ ದೀಘತಾ ಚ, ‘‘ಅಪಾರುತಾ ತೇಸಂ ಅಮತಸ್ಸ ಪುರ, ಪಾರ ಸಂವರಣೇತಿಪಿ ಧಾತ್ವತ್ಥಂ ಪಠನ್ತಿ। ಅವಪುಬ್ಬೋ ವು ಸಂವರಣೇತಿಪಿ ಧಾತ್ವತ್ಥೇ ಪನ ಸತಿ ವಸ್ಸ ರತ್ತಂ, ಉಪಸಗ್ಗಸ್ಸ ದೀಘತಾ ಚ, ‘‘ಅಪಾರುತಾ, ಸಙ್ಘಾಟಿಂ ಪಾರುಪಿತ್ವಾ’’ತ್ಯಾದೀಸು ಪನ ಪಕಾರವಣ್ಣಾಗಮೇನ ಸಿದ್ಧೋ। ವಿದ ಲಾಭೇ, ಇಮ್ಹಿ ವೇದಿಕಾ, ಸಕತ್ಥೇ ಕೋ। ಇತರತ್ಥ ಇಯೇವ।
೨೨೩. ಸಙ್ಘಾಟಾದಯೋ ಮನ್ದಿರಙ್ಗಾ ಗೇಹಙ್ಗವಿಸೇಸಾ। ಸಮ್ಮಾ ಘಟೇನ್ತಿ ಏತ್ಥ ಗೋಪಾನಸ್ಯಾದಯೋತಿ ಸಙ್ಘಾಟೋ, ಪುಬ್ಬಪಚ್ಛಿಮದಕ್ಖಿಣುತ್ತರಾಯಾಮವಸೇನ ಥಮ್ಭಾನಮುಪರಿ ಠಿತೋ ಕಟ್ಠವಿಸೇಸೋ, ತೇ ಪನ ಪುಬ್ಬಪಚ್ಛಿಮಯಾಮಾ ತಯೋ ಕಟ್ಠಾ, ದಕ್ಖಿಣುತ್ತರಯಾಮಾ ಪನ ಹೇಟ್ಠಿಮಪರಿಚ್ಛೇದತೋ ತಯೋ ಕಟ್ಠಾ, ಉಕ್ಕಟ್ಠಪರಿಚ್ಛೇದೇನ ಪನ ಪಞ್ಚಸತ್ತನವಾದಯೋಪಿ। ದ್ವಿನ್ನಂ ಪಕ್ಖಾನಂ ಅಪತನತ್ಥಂ ಬನ್ಧನತೋ ಪಾಸೋ ವಿಯಾತಿ ಪಕ್ಖಪಾಸೋ। ತುಲತಿ ಸಙ್ಘಾಟೇಸು ಪತಿಟ್ಠತೀತಿ ತುಲಾ, ತಲ ಪತಿಟ್ಠಾಯಂ, ಅಸ್ಸುತ್ತಂ, ಪಕ್ಖಾನಂ ವಾ ಸಮವಾಹಿತಭಾವಕರಣತೋ ತುಲಯತಿ ಮಿನಾತಿ ಏತಾಯಾತಿ ತುಲಾ, ತುಲ ಉಮ್ಮಾನೇ।
ತಿಕಂ ಸಮ್ಮಜ್ಜನಿಯಂ। ಮುಜಿ ಸೋಧನೇ, ಯು। ಮಜ್ಜ ಸಂಸುದ್ಧಿಯಂ, ಯು। ಸುಧ ಸುದ್ಧಿಯಂ, ಸಬ್ಬತ್ರ ಕರಣೇ ಯು।
೨೨೪. ತಿಕಂ ಸಙ್ಕಾರಛಡ್ಡನಪ್ಪದೇಸೇ। ಕಟ ಛಡ್ಡನಮದ್ದನೇಸು, ಸಙ್ಕಟನ್ತಿ ಏತ್ಥಾತಿ ಸಙ್ಕಟೀರಂ, ಈರೋ, ‘‘ಸಙ್ಕಟೋ’’ತಿ ವಾ ಸಙ್ಕಾರೋ ವುಚ್ಚತಿ, ತಂ ಈರಯನ್ತಿ ಖಿಪನ್ತಿ ಏತ್ಥಾತಿ ಸಙ್ಕಟೀರಂ, ಈರ ಖೇಪೇ। ಸಙ್ಕಾರಸ್ಸ ಠಾನಂ ಸಙ್ಕಾರಟ್ಠಾನಂ। ಸಙ್ಕಾರಂ ಕಟತಿ ಸಙ್ಕಾರಕೂಟಂ, ಅಸ್ಸೂ, ಸಕತ್ಥೇ ಕೋ।
ಚತುಕ್ಕಂ ಸಮ್ಮಜ್ಜನಿಯಾ ನಿರಾಕತೇ ಕಚವರೋ, ವರ ಇಚ್ಛಾಯಂ। ಉಚ್ಛಿಟ್ಠೋ ಕಲಾಪೋ ಸಮೂಹೋ ಉಕ್ಲಾಪೋ, ಕಸ್ಸಾಕಾರಲೋಪೋ। ನಾನಾವಿಧೇಹಿ ತಿಣಾದೀಹಿ ಸಙ್ಕರೀಯತೇ ಮಿಸ್ಸೀಕರೀಯತೇತಿ ಸಙ್ಕಾರೋ, ಣೋ। ಅವಕರೋತಿಪ್ಯತ್ರ। ಅವಕರೀಯತೇ ನಿರಸ್ಸತೇತಿ, ಅ। ‘‘ಸಮ್ಮಜ್ಜೋ ಮಜ್ಜನೀ ಚೇವ, ಸಙ್ಕಾರೋ’ವಕರೋ ಮತೋ’’ತಿ ಹಲಾಯುಧೋ। ಕಸ ವಿಲೇಖನೇ, ಅಮ್ಬು।
೨೨೫. ಘರಾದಿಭೂಮಿ ಘರಖೇತ್ತವಿಹಾರಾದೀನಂ ಯೋ ಭೂಮಿಪ್ಪದೇಸೋ ವತ್ಥು ನಾಮ, ತಂ ನಪುಂಸಕೇ, ವಸನ್ತಿ ಏತ್ಥಾತಿ ವತ್ಥು, ರತ್ಥು। ಗಸ ಮದನೇ, ಗಸನ್ತಿ ಏತ್ಥಾತಿ ಗಾಮೋ, ಮೋ। ಸಂವಸನ್ತ್ಯತ್ರಾತಿ ಸಂವಸಥೋ, ಅಥೋ।
ಪಾಕಟೋ ಖ್ಯಾತೋ ಗಾಮೋ, ಸೋ ನಿಗಮೋ ನಾಮ, ಅತಿರೇಕೋ ಗಾಮೋ ನಿಗಮೋ, ಭುಸತ್ಥೋ ನಿ, ಸಞ್ಞಾಸದ್ದತ್ತಾ ರಸ್ಸೋ।
ಉಪಭುಞ್ಜಿತಬ್ಬಭೋಗಮನುಸ್ಸಾದೀಹಿ ( ) ಈರಿತೋ ಕಥಿತೋ, ಅಧಿಕೋ ಭವತೀತಿ ಅಧಿಭೂ।
೨೨೬. ದ್ವಯಂ ಸಿ ಬನ್ಧನೇ, ಮೋ। ಪರಿಚ್ಛಿನ್ದಿತ್ವಾ ಆದೀಯತೇತಿ ಮರಿಯಾದಾ, ಪಸ್ಸ ಮೋ।
ದ್ವಯಂ ಆಭೀರಕುಟಿಯಂ ಘು ಸದ್ದೇ, ಘೋಸನ್ತ್ಯತ್ರಾತಿ ಘೋಸೋ। ಗೋಪಾಲಾನಂ ಗಾಮೋ ಗೋಪಾಲಗಾಮಕೋ, ಸಕತ್ಥೇ ಕೋ।
ಪುರವಗ್ಗವಣ್ಣನಾ ನಿಟ್ಠಿತಾ।
೩. ನರವಗ್ಗವಣ್ಣನಾ
೨೨೭-೨೨೮. ಪೋರಿಸನ್ತಾನಿ ಮನುಸ್ಸಜಾತಿಯಾ ನಾಮಾನಿ। ಮನೋ ಉಸ್ಸನ್ನಮಸ್ಸಾತಿ ಮನುಸ್ಸೋ, ಸತಿಸೂರಭಾವಬ್ರಹ್ಮಚರಿಯಯೋಗ್ಯತಾದಿಗುಣವಸೇನ ಉಪಚಿತಮಾನಸಾ ಉಕ್ಕಟ್ಠಗುಣಚಿತ್ತಾ, ಕೇ ಪನ ತೇ? ಜಮ್ಬುದೀಪವಾಸಿನೋ ಸತ್ತವಿಸೇಸಾ। ತೇನಾಹ ಭಗವಾ – ಉಸ್ಸಪಚ್ಚಯೋ। ಮನುನೋ ಅಪಚ್ಚಂ ಮಾನುಸೋ, ಉಸೋ। ಮರ ಪಾಣಚಾಗೇ, ಚೋ, ಮಚ್ಚೋ, ಪಬ್ಬಜ್ಜಾದಿನಾ ವಾ ತ್ಯಪಚ್ಚಯೋ, ಧಾತ್ವನ್ತಸ್ಸ ಲೋಪೋ ಚ। ತತೋ ‘‘ಯವತ’’ಮಿಚ್ಚಾದಿನಾ ಚೋ, ದ್ವಿತ್ತಂ। ಮನುನೋ ಅಪಚ್ಚಂ ಮಾನವೋ। ಮಾಣವೋಪ್ಯತ್ರ, ಣವೋ। ಮನುಮ್ಹಾ ಜಾತೋ ಮನುಜೋ। ನೀ ನಯೇ, ನೇತೀತಿ ನರೋ, ಅರೋ। ಪುಸ ಪೋಸನೇ, ಣೋ, ಪುರೇತೀತಿ ವಾ ಪೋಸೋ। ಪುರ ಪೂರಣೇ, ಸೋ, ಉಸ್ಸೋತ್ತಂ, ರಲೋಪೋ। ಪುನಾತೀತಿ ಪುಮಾ, ಪು ಸಿಸ್ಸಾ। ಪುರೇತೀತಿ ಪುರಿಸೋ, ಪೋರಿಸೋ ಚ, ಇಸೋ, ರಸ್ಸಸ್ಸ ದೀಘತಾಯ ಪೂರಿಸೋ ಚ। ಏತ್ಥ ಚ ಮನುಸ್ಸಾದಿಪಞ್ಚಕಂ ಇತ್ಥಿಯಮ್ಪಿ ವತ್ತತೇ, ನರಾದಯೋ ತು ಪುಮೇಯೇವ ವಿಸಿಟ್ಠಲಿಙ್ಗತ್ತಾ। ತತ್ರ ಮನುಸ್ಸ ಮಾನುಸ ಮನುಜ ಮಾಣವೇಹಿ ನದಾದಿತ್ತಾ ಈಪಚ್ಚಯೋ, ಏಕಸಕಾರಲೋಪೋ, ಮನುಸೀ, ಮಾನುಸೀ, ಮನುಜೀ, ಮಾಣವೀ। ಮಚ್ಚಾ, ಇತ್ಥಿಯಮತೋ ಆಪಚ್ಚಯೋ।
ವಿದ್ದಸುಪರಿಯನ್ತಂ ಪಣ್ಡಿತೇ। ಪಣ್ಡಾ ಬುದ್ಧಿ ಸಞ್ಜಾತಾ ಅಸ್ಸಾತಿ ಪಣ್ಡಿತೋ, ತರತ್ಯಾದಿ। ಪಡಿ ಗತಿಯಂ ವಾ, ತೋ। ಬುಜ್ಝತೀತಿ ಬುಧೋ। ವಿದತಿ ಜಾನಾತೀತಿ ವಿದ್ವಾ, ವಿದ ಞಾಣೇ, ವೋ, ಸಿಸ್ಸಾ। ಭೂ ಸತ್ತಾಯಂ, ಅತ್ಥೇ ವಿಭಾವೇತಿ ಪಕಾಸೇತಿ ಸೀಲೇನಾತಿ ವಿಭಾವೀ, ಣೀ। ರಾಗಾದಯೋ ಸಮೇತೀತಿ ಸನ್ತೋ, ತೋ, ಸುನ್ದರೋ ಅನ್ತೋ ಅವಸಾನಮೇತಸ್ಸಾತಿ ವಾ ಸನ್ತೋ। ಸುನ್ದರಾ ಪಞ್ಞಾ ಯಸ್ಸ ಸಪ್ಪಞ್ಞೋ। ಕಿನ್ನಾಮ ನ ವಿನ್ದತೀತಿ ಕೋವಿದೋ, ನೇರುತ್ತೋ, ಕುಂ ಪಾಪಂ ವಿನ್ದತೀತಿ ವಾ ಕೋವಿದೋ। ಧೀ ಪಞ್ಞಾ ಯಸ್ಸತ್ಥೀತಿ ಸೋ ಧೀಮಾ, ಸೋಭನಂ ಝಾಯತೀತಿ ಸುಧೀ, ಝೇ ಚಿನ್ತಾಯಂ। ಝಸ್ಸ ಧೋ, ಈ, ಸುನ್ದರಾ ಧೀ ಯಸ್ಸಾತಿ ವಾ ಸುಧೀ। ಕವಿ ವಣ್ಣೇ, ಇ, ಇತ್ಥಿಯಂ ಕವೀ ಚ, ಕು ಸದ್ದೇ ವಾ, ಇ, ಕವಿ। ಬ್ಯಞ್ಜಯತೀತಿ ಬ್ಯತ್ತೋ, ಅಞ್ಜ ಗತಿಯಂ, ತೋ। ಭುಜಾದೀನಮನ್ತೋ ನೋ ದ್ವಿ ಚ। ವಿಸಿಟ್ಠೋ ಅತ್ತಾ ಯಸ್ಸಾತಿ ವಾ ಬ್ಯತ್ತೋ। ಚಕ್ಖ ದಸ್ಸನೇ, ಯು, ವಿಚಕ್ಖಣೋ, ವಿಚಾರೇತೀತಿ ವಾ ವಿಚಕ್ಖಣೋ, ನೇರುತ್ತೋ। ವಿಗತೋ ಸಾರದೋ ಏತಸ್ಮಾತಿ ವಿಸಾರದೋ।
೨೨೯. ಮೇಧಾ ಧಾರಣಾ ಮತಿ ಪಞ್ಞಾ ಯಸ್ಸಾತಿ ಮೇಧಾವೀ, ವೀ। ಅತಿಸಯಮತಿಯುತ್ತತಾಯ ಮತಿಮಾ। ಪಞ್ಞಾಯ ಯೋಗತೋ ಪಞ್ಞೋ। ವಿಸೇಸಂ ಜಾನಾತಿ ಸೀಲೇನಾತಿ ವಿಞ್ಞೂ, ರೂ। ವಿದ ಞಾಣೇ, ಉರೋ, ವಿದುರೋ ರೂಪಚ್ಚಯೇ ವಿದೂ। ಧೀಯೋಗಾ ಧೀರೋ, ರೋ। ವಿಸಿಟ್ಠದಸ್ಸನಸೀಲತಾಯ ವಿಪಸ್ಸೀ, ಣೀ। ದೋಸಂ ಜಾನಾತೀತಿ ದೋಸಞ್ಞೂ, ರೂ। ಬುಜ್ಝತೀತಿ ಬುದ್ಧೋ, ತೋ। ದು ಗತಿಯಂ, ಅ, ಉಸ್ಸಾವೋ ದಬ್ಬೋ। ವಿದ ಞಾಣೇ, ದಸು।
೨೩೦-೨೩೧. ಮಹಿಲಾನ್ತಂ ಇತ್ಥಿಸಾಮಞ್ಞೇ। ಇಸು ಇಚ್ಛಾಯಂ, ತೋ, ನದಾದಿ। ಸೀಮಸ್ಸ ಅನ್ತೋ ಸೀಮನ್ತೋ, ಕೇಸವೇಸೋ, ತಂಯೋಗಾ ಸೀಮನ್ತಿನೀ, ಇನೀ। ನರಸ್ಸಾಯಂ ನಾರೀ, ಇದಮತ್ಥೇ ಣೋ। ತಿಟ್ಠತಿ ಗಬ್ಭೋ ಯಸ್ಸಂ, ಸಾ ಥೀ। ಧಾ ಧಾರಣೇ ವಾ, ವಣ್ಣವಿಕಾರೋ, ಈ। ಬನ್ಧ ಬನ್ಧನೇ, ಊ, ಬನ್ಧಸ್ಸ ವಧಾದೇಸೋ ಚ ವಧೂಸದ್ದೋ ಸುಣಿಸಾಭರಿಯಾನಮ್ಪಿ ವಾಚಕೋ। ವನ ಸಮ್ಭತ್ತಿಯಂ, ತೋ, ಇಕಾರಾಗಮೋ ಚ। ಅಙ್ಗ ಗಮನತ್ಥೋ, ಯು, ಅಙ್ಗನಾ, ವಿಸಿಟ್ಠನಾರಿಯಮ್ಪಿ ಅಙ್ಗನಾ, ತದಾ ಕಲ್ಯಾಣಙ್ಗನಾರೀಲಕ್ಖಣೋಪೇತಂ ಪಸತ್ಥಂ ಹತ್ಥಪಾದಾದಿಕಮಙ್ಗಮಸ್ಸತ್ಥೀತಿ ಅಸ್ಸತ್ಥ್ಯತ್ಥೇ ಅಙ್ಗಾ ಕಲ್ಯಾಣೇ ನಪಚ್ಚಯೋ ಪಮದಾ, ವಿಸಿಟ್ಠನಾರಿಯಂಪ್ಯತ್ರ ಪಮದಾ, ತದಾ ಪಕಟ್ಠೋ ಮದೋ ರೂಪಸೋಭಗ್ಗಜನಿತೋ ಚೇತೋವಿಕಾರೋ ಯಸ್ಸಾ ಸಾ ಪಮದಾ। ರೂಪಲಾವಣ್ಯಸಮ್ಪನ್ನತಾಯ ಸುನ್ದರೀ, ವಿಸಿಟ್ಠಾಯಮ್ಪಿ। ಕಮನೀಯವುತ್ತಿತಾಯ ಕನ್ತಾ, ಕಮು ಕನ್ತಿಯಂ, ತೋ। ಕನ್ತಿಯೋಗಾ ವಾ ಕನ್ತಾ, ವಿಸಿಟ್ಠಾಯಮ್ಪಿ। ರಮಯತಿ ವಿನೋದಯತಿ ನಾಯಕಂ, ಸಾ ರಮಣೀ, ನನ್ದಾದೀಹಿ ಯು, ನದಾದಿ, ವಿಸಿಟ್ಠಾಯಮ್ಪಿ। ದಯ ರಕ್ಖಣೇ, ಕಮ್ಮನಿ ತೋ। ಅಪ್ಪಂ ಬಲಂ ಯಸ್ಸಾ ಸಾ ಅಬಲಾ, ಅಪ್ಪತ್ಥೋಯಂ ಅಕಾರೋ। ಮಾತುಯಾ ಗಾಮೋ ವಿಯ ಗಾಮೋ ಯಸ್ಸಾ ಮಾತುಗಾಮೋ, ಮಾತಾ ವಿಯ ಗಚ್ಛತೀತಿ ವಾ ಮಾತುಗಾಮೋ, ಗಮು ಗಮನೇ, ಣೋ, ಮಾತಾ ವಿಯ ಗಸತೀತಿ ವಾ ಮಾತುಗಾಮೋ, ಗಸ ಅದನೇ, ಮೋ, ಮಾತಾ ವಿಯ ಗಾಯತೀತಿ ವಾ ಮಾತುಗಾಮೋ, ಗಾ ಸದ್ದೇ, ಮೋ। ಮಹೀ ವಿಯ ಸುಚಿಂ ಅಸುಚಿಮ್ಪಿ ಲಾತೀತಿ ಮಹಿಲಾ, ಮಹನ್ತೇಸು ಬಹೂಸುಪಿ ರತ್ತಚಿತ್ತೇಸು ಇಲತಿ ಗಚ್ಛತೀತಿ ವಾ ಮಹಿಲಾ, ಇಲ ಗಮನೇ, ಮಹ ಪೂಜಾಯಂ ವಾ, ಇರೋ, ಲತ್ತಂ, ಆ, ಮಹಿಲಾ। ಮಹೇಲಾಪ್ಯತ್ರ।
ತಿಕಂ ವಿಸಿಟ್ಠನಾರಿಯಮೇವ। ಲಲ ವಿಲಾಸೇ, ನನ್ದಾದೀಹಿ ಯು। ಲಲ ಇಚ್ಛಾಯನ್ತಿ ಚುರಾದಿಗಣತೋ ವಾ ಯು। ಭಯಪಕತಿ ಭೀರು, ಭೀ ಭಯೇ, ರು, ‘‘ಭೀರು ಅತ್ತೇ ಜನೇ’ತ್ಥಿಯ’’ನ್ತಿ ರಭಸೋ। ಅತಿಸಯಿತಕಾಮಾ ಕಾಮಿನೀ, ಕಾಮೋ ಸಿಙ್ಗಾರರೂಪೋ ಮದೋ ಯಸ್ಸಾತ್ಥೀತಿ ಇನೀ, ಸಬ್ಬತ್ರೇವಂ। ವಾಮಲೋಚನಾ, ಭಾವಿನೀ, ನಿತಮ್ಬಿನೀ, ರಾಮಾಇಚ್ಚಾದೀನಿಪಿ ವಿಸಿಟ್ಠನಾರೀನಾಮಾನಿ।
ದ್ವಯಂ ಪಠಮವಯಸಿ ವತ್ತಮಾನಾಯಂ।
ಅಟ್ಠವಸ್ಸಾ ಭವೇ ಗೋರೀ, ದಸವಸ್ಸಾ ತು ಕಞ್ಞಕಾ।
ಸಮ್ಪತ್ತೇ ದ್ವಾದಸೇ ವಸ್ಸೇ, ಕುಮಾರೀತ್ಯ’ಭಿಧೀಯತೇ
ಇಹ ತ್ವಭೇದೋಪಚಾರೇನೇಕತ್ತಂ। ಅಞ್ಞೇ ಪನಾಹು ‘‘ಕಞ್ಞಾಸದ್ದೋಯಂ ಪುಮುನಾಭಿಸಮ್ಬನ್ಧಪುಬ್ಬಕೇ ಸಮ್ಪಯೋಗೇ ನಿವತ್ತೇತೀ’’ತಿ। ಕುಮಾರ ಕೀಳಾಯಂ, ಚುರಾದಿ, ಕುಮಾರಯತೀತಿ ಕುಮಾರೀ, ಅ, ನದಾದಿ, ಸಕತ್ಥೇ ಕೋ, ಣ್ವುನಾ ವಾ ಸಿದ್ಧೋ। ಕಮನೀಯತೇತಿ ಕಞ್ಞಾ, ಕನ ದಿತ್ತಿಕನ್ತಿಗತೀಸು, ಯೋ, ನ್ಯಸ್ಸ ಞತ್ತಂ, ಅ, ಆ।
ಯುವಸದ್ದತೋ ಯುವತಿಸದ್ದೋ ಪಕತ್ಯನ್ತರಮತ್ಥೀತಿ। ತರ ತರಣೇ, ಯು, ಉತ್ತಂ, ಈ ಚ।
೨೩೨. ಸಾಭಿಸೇಕಾ ಲದ್ಧಾಭಿಸೇಕಾ ರಾಜಿತ್ಥೀ ಮಹೇಸೀ ನಾಮ, ಮಹ ಪೂಜಾಯಂ, ಕಮ್ಮನಿ ಇಸೋ, ಇಸ್ಸೇ, ತತೋ ಈ, ಮಹತಿಯೋ ರಾಜಿತ್ಥಿಯೋ ಈಸತಿ ಅಭಿಭವತೀತಿ ವಾ ಮಹೇಸೀ, ಈಸ ಇಸ್ಸರಿಯೇ, ಈ। ಮಹೇಸಿತೋ ಅಞ್ಞಾ ರಾಜನಾರಿಯೋ ಭೋಗಿನಿಯೋ ಭೋಗಯೋಗಾ, ಈ, ಇನೀ ಚ। ಯಾನಾರೀ ಪುರಿಸಸ್ಸ ಸಙ್ಕೇತಂ ಯಾತಿ, ಸಾ ‘‘ಧವತ್ಥಿನೀ, ಅಭಿಸಾರಿಕಾ’’ತಿ ಚೋಚ್ಚತೇ। ಧವಂ ಪತಿಂ ಅತ್ಥಯತಿ ಇಚ್ಛತೀತಿ ಧವತ್ಥಿನೀ, ಅತ್ಥ ಯಾಚನಿಚ್ಛಾಸು, ಇನೀ, ಅಸತೀವಿಸೇಸೋ। ಸರ ಗತಿಯಂ, ಅಭಿಸರತಿ ಸಙ್ಕೇತನ್ತಿ, ಣ್ವು।
೨೩೩. ಛಕ್ಕಂ ವೇಸಿಯಂ। ಚತುಸಟ್ಠಿಕಲಾಕುಸಲತಾಯ, ಸೀಲರೂಪಾದಿಮತ್ತಾಯ ಚ ಗಣ್ಯತೇ ಆದೀಯತೇ ಗಣಿಕಾ, ಗಣ ಸಙ್ಖ್ಯಾನೇ, ಣ್ವು। ವೇಸೋ ಆಕಪ್ಪೋ, ತೇನಾತಿಸೋಭತೇ, ಕಮ್ಮವೇಸೇಹಿ ವಾ ಇಚ್ಛೀಯತೇತಿ। ಅತಿಸೋಭನೇ, ಇಚ್ಛತ್ಥೇ ವಾ ಯಪಚ್ಚಯೋ। ವಣ್ಣಸಮ್ಪನ್ನಾ ದಾಸೀ ವಣ್ಣದಾಸೀ, ದಾಸಿಮ್ಪಿ ಹಿ ವಣ್ಣಸಮ್ಪನ್ನಂ ಕೇಚಿ ಸಾಮಿಕಾ ಧನಲೋಭೇನ ಗಣಿಕಂ ಕರೋನ್ತಿ। ನಗರಂ ಸೋಭೇತೀತಿ ನಗರಸೋಭಿನೀ। ರೂಪೇನ ಉಪಜೀವತೀತಿ ರೂಪೂಪಜೀವಿನೀ। ಅತಿಸಯವೇಸಯುತ್ತತಾಯ ವೇಸೀ।
ದ್ವಯಂ ಅಸತೀಸಾಮಞ್ಞೇ। ಕುಲಾನಿ ಅಟತಿ ನಾಸಯತೀತಿ ಕುಲಟಾ। ಬನ್ಧಮನುಬನ್ಧಂ ಕಾಯತೀತಿ ಬನ್ಧಕೀ, ನದಾದಿ।
೨೩೪. ಚತುಕ್ಕಂ ಉತ್ತಮನಾರಿಯಂ। ವರೋ ಆರೋಹೋ ಸೋಣಿ ಯಸ್ಸಾ ಸಾ ವರಾರೋಹಾ। ಉತ್ತಮಗುಣಯೋಗಾ ಉತ್ತಮಾ। ಸೋಣಿಗಾರವೇನ ಮತ್ತಕಾಸಿನೀ, ಕಸ ಗತಿಯಂ। ವರವಣ್ಣಯೋಗಾ ವರವಣ್ಣಿನೀ, ಇನೀ।
‘‘ಸೀತೇ ಸುಖೋಣ್ಹಸಬ್ಬಙ್ಗೀ, ಗಿಮ್ಹೇ ಯಾ ಸುಖಸೀತಲಾ।
ಭತ್ತು ಭತ್ತಾ ಚ ಯಾ ನಾರೀ, ಸಾ ಭವೇ ವರವಣ್ಣಿನೀ’’ತಿ॥ ರುದ್ದೋ।
ದ್ವಯಂ ಅಖಣ್ಡಿತಚರಿತ್ರಾಯಂ। ಪತಿ ಸಾಮಿಕೋವ ಕಮನೀಯೋ ಯಸ್ಸಾ ಪತಿಬ್ಬತಾ, ಪತಿಮ್ಹಿ ವತಮಸ್ಸಾತಿ ವಾ ಪತಿಬ್ಬತಾ। ಅಸ ಭುವಿ, ಅನ್ತೋ, ಈ, ಆದಿಲೋಪೋ। ಸಮೇತೀತಿ ವಾ ಸತೀ, ಸಮು ಉಪಸಮೇ, ಅನ್ತೋ, ಈ।
ದ್ವಯಂ ಕಾಮರತ್ತರಾಜಪುತ್ತಾದಿನೋ ಕುಲಸ್ಸ ನಿಯತಪತಿಯಂ। ಕುಲಾನುರೂಪಾ ಇತ್ಥೀ ಕುಲಿತ್ಥೀ, ಕುಲಂ ಪಾಲೇತಿ ರಕ್ಖತೀತಿ ಕುಲಪಾಲಿಕಾ, ಣ್ವು।
೨೩೫. ದ್ವಯಂ ಮತಭತ್ತಿಕಾಯಂ। ವಿಗತೋ ಧವೋ ಭತ್ತಾ ಯಸ್ಸಾ ವಿಧವಾ। ಪತಿ ಸುಞ್ಞೋ ನಟ್ಠೋ ಯಸ್ಸಾತಿ ಪತಿಸುಞ್ಞಾ।
ದ್ವಯಂ ಅತ್ತಿಚ್ಛಾಯ ಪತ್ಯನ್ವೇಸಿನಿಯಂ ಕಞ್ಞಾಯಂ। ಪತಿಂ ವರತಿ ಗವೇಸತೀತಿ ಪತಿಮ್ಬರಾ, ದುತಿಯಾಯಾಲೋಪೋ। ಸಯಮೇವ ಪತಿಂ ವರತೀತಿ ಸಯಮ್ಬರಾ, ಪಠಮಾಯಾಲೋಪೋ, ವರ ಪತ್ಥನಾಯಂ।
ಚತುಕ್ಕಂ ವಿಜಾತಾಯಂ। ವಿಜನೀ ಗಬ್ಭವಿಮೋಕ್ಖನೇ, ತೋ, ವಿಜಾಯಿತ್ಥಾತಿ ವಿಜಾತಾ। ಸೂ ಅಭಿಸವೇ, ತೋ। ಜಾತಂ ಅಪಚ್ಚಂ ಪುತ್ತೋ ಏತಿಸ್ಸಾತಿ ಜಾತಾಪಚ್ಚಾ। ಪಸೂತಾವ ಪಸೂತಿಕಾ, ಕಪಚ್ಚಯೋ, ಇತ್ತಞ್ಚ।
೨೩೬. ದ್ವಯಂ ದೂತೀ, ದು ಗಮನೇ,ತಿ, ಈಮ್ಹಿ ದೂತೀ। ಸಞ್ಚಾರಯತಿ ಯಥಾಭಿಮತನ್ತಿ, ಣ್ವು।
ತಿಕಂ ದಾಸಿಯಂ। ದು ಕುಚ್ಛಿತಂ ಅಸತಿ ಭಕ್ಖತೀತಿ ದಾಸೀ, ಈ, ದೀಯನ್ತೇ ತಾಯಾತಿ ವಾ ದಾಸೀ, ದಾ ದಾನೇ, ಸೋ, ಈ ಚ। ಚಿಟ ಪೇಸನೇ, ಕಮ್ಮನಿ ಣೋ, ಈ। ಕುಟಂ ಉದಕಕುಮ್ಭಂ ಧಾರೇತೀತಿ ಕುಟಧಾರಿಕಾ, ಣ್ವು।
ದ್ವಯಂ ಸುಭಾಸುಭನಿರೂಪಿನಿಯಂ ಸಂವರಿಕಾದಿಮ್ಹಿ। ವರ ಗತಿಯಂ, ಕತ್ತರಿ ಇನೀ। ಸುಭಾಸುಭಸ್ಸ ಇಕ್ಖಣಂ ನಿರೂಪನಂ ಯಸ್ಸಾತ್ಥೀತಿ, ಇ, ಸಕತ್ಥೇ ಕೋ। ಇಮೇ ದ್ವೇ ಸದ್ದಾ ತುಲ್ಯತ್ಥಾ।
ಯಾ ಸಯಂ ಖತ್ತಿಯಜಾತಿ ಯಸ್ಸ ಕಸ್ಸಚಿ ಭರಿಯಾ, ಸಾ ಖತ್ತಿಯಾನೀ, ಖತ್ತಿಯಾ ಚ। ಖತ್ತಿಯಸ್ಸಾಪಚ್ಚಂ ಖತ್ತಿಯಾನೀ, ಆನೋ, ಈ। ಣಮ್ಹಿ ಖತ್ತಿಯಾ।
೨೩೭. ಪಜ್ಜಂ ಅಗ್ಗಿಸಕ್ಖಿಪುಬ್ಬಕತಪಾಣಿಗಹಿತಾಯಂ ಭರಿಯಾಯಂ, ಅಞ್ಞತ್ರ ತೂಪಚಾರಾ। ದಾರಯನ್ತೇ ಯೇನಾತಿ ದಾರೋ, ದರ ವಿದಾರಣೇ, ಅಕತ್ತರಿ ಚ ಕಾರಕೇ ಸಞ್ಞಾಯಂ ಣೋ। ಜಾಯತಿ ಪುತ್ತೋ ಯಾಯಾತಿ ಜಾಯಾ, ಜನ ಜನನೇ, ಯೋ, ಜನಿಸ್ಸ ಜಾ ಚ, ಆ, ಜಯತೀತಿ ವಾ ಜಾಯಾ, ಜಿ ಜಯೇ, ಯೋ, ಜಿಸ್ಸ ಜಾ, ಆ, ಜಾಯಾ। ಕಲ ಸಙ್ಖ್ಯಾನೇ, ಅತ್ತೋ। ಘರಂ ನೇತೀತಿ ಘರಣೀ, ಣತ್ತಂ। ಭರಿತಬ್ಬತೋ ಭರಿಯಾ, ಭರ ಭರಣೇ, ಯೋ। ಪಿಯಾಯಿತಬ್ಬತೋ ಪಿಯಾ,ಪೀ ತಪ್ಪನಕನ್ತೀಸು, ಯೋ। ಪಜಂ ಪುತ್ತಂ ಪಾಲೇತೀತಿ ಪಜಾಪತಿ, ಪಾ ಪಾಲನೇ,ತಿ, ಆತ್ತಂ, ರಸ್ಸತ್ತಞ್ಚ ದುತಿಯಾ। ಪಠಮೋ ಭತ್ತಾ, ಭರಿಯಾ ದುತಿಯಾ। ಸಾಮಿಕಸ್ಸ ಪಾದೇ ಪರಿಚರತೀತಿ ಪಾದಪರಿಚಾರಿಕಾ, ಣ್ವು। ಪತಿನೀ, ಪಾಣಿಗಹಿತಾ, ಸಹಧಮ್ಮಿನೀತಿಪಿ ತಸ್ಸಾಯೇವ ನಾಮಾನಿ।
೨೩೮. ತಿಕಂ ಸಖಿಯಂ। ತೇಸು ತೇಸು ಕಿಚ್ಚೇಸು ಸಹ ಖಾಯತಿ ಪಕಾಸತೀತಿ ಸಖೀ, ಸಹಪುಬ್ಬೋ ಖಾ ಪಕಾಸನಕಥನೇಸು, ಈ। ಅಲ ಭೂಸನೇ ಆಪುಬ್ಬೋ, ಇ। ವಯಸಾ ತುಲ್ಯಾ ವಯಸಾ, ತುಲ್ಯೇ ಸಞ್ಞಾಯಂ ಸೋ
ಜರೋವುಚ್ಚತಿ ಚೋರಸ್ಸಾಮಿಕೋ, ತಸ್ಸಾಯಂ ಜಾರೀ, ಣೋ, ಈ। ಸಾಮಿಕಂ ಅತಿಕ್ಕಮ್ಮ ಅಞ್ಞತ್ರ ಚರತೀತಿ, ಇನೀ।
೨೩೯. ಪುಮೇ ತೂತಿ ಲಿಙ್ಗನ್ತೋ ತುಸದ್ದೋ ನ ಪುಬ್ಬಂ ಭಜತೇ। ಅರ ಗಮನೇ, ತು, ಅರಸ್ಸುತ್ತಂ। ರತಿಯಾ ಜಾಯತೀತಿ ರಜೋ, ತಿಲೋಪೋ। ಪುಪ್ಫ ವಿಕಸನೇ, ಪುಪ್ಫಂ।
ತಿಕಂ ರಜಸ್ಸಲಾಯಂ। ಉತುಯೋಗಾಉತುನೀ, ಇನೀ। ರಜಯೋಗಾ ರಜಸ್ಸಲಾ, ಸಲೋ। ಪುಪ್ಫವನ್ತತಾಯ ಪುಪ್ಫವತೀ। ಥೀಧಮ್ಮಿನೀ, ಅವೀ, ಅತ್ತೇಯೀ, ಮಲಿನೀ, ಉತುಮತೀ, ಉದಕೀಇಚ್ಚಾದೀನಿಪಿ ತಸ್ಸಾ ನಾಮಾನಿ।
ತಿಕಂ ಗಬ್ಭಿನಿಯಂ। ಗರು ಅಲಹುಕೋ ಗಬ್ಭೋ ಕುಚ್ಛಿ ಏತಿಸ್ಸಾತಿ ಗರುಗಬ್ಭಾ। ಆಪನ್ನೋ ಪತ್ತೋ ಗಬ್ಭಟ್ಠೋ ಸತ್ತೋ ಏತಾಯಾತಿ ಆಪನ್ನಸತ್ತಾ। ಗಬ್ಭಯೋಗಾ ಗಬ್ಭಿನೀ।
ತಿಕಂ ಜಲಾಬು। ಉ, ರಸ್ಸ ಲೋ, ಯಸ್ಸ ಬೋ, ಜರಾಪುಬ್ಬೋ ಇ ಗತಿಯಂ। ಕಲಂ ಜರತಂ ಲಾತೀತಿ ಕಲಲೋ, ಕಲ ಸಙ್ಖ್ಯಾನೇ ವಾ, ಅಲೋ।
೨೪೦-೨೪೧. ಸತ್ತಕಂ ಭತ್ತರಿ। ಧೂ ಕಮ್ಪನೇ, ಸನ್ತಾಸಂ ಧುನೋತೀತಿ ಧವೋ, ಅ। ಸಂ ಏತಸ್ಸತ್ಥೀತಿ ಸಾಮಿಕೋ, ಆಮಿಪಚ್ಚಯೋ, ಸಕತ್ಥೇ ಕೋ, ಇಪಚ್ಚಯೋ ವಾ, ನಿಗ್ಗಹೀತಸ್ಸ ಮೋ, ಅಸ್ಸ ಚ ದೀಘೋ, ಸಾಮಿಕೋ। ಭರ ಭರಣೇ, ಭರತೀತಿ ಭತ್ತಾ, ರಿತು। ಕಮು ಇಚ್ಛಾಯಂ, ತೋ, ‘‘ಪಕ್ಕಮಾದೀಹಿ ನ್ತೋ ಚಾ’’ತಿ ನ್ತತ್ತಂ। ಪಾ ರಕ್ಖಣೇ, ಅತಿ, ಪತಿ। ವರ ಇಚ್ಛಾಯಂ, ಅ, ವರೋ। ಪೀ ತಪ್ಪನಕನ್ತೀಸು, ಯೋ।
ರತಿಕಾರಣತ್ತಾ ಪತಿನೋ ಉಪ ಉಪಪತಿ, ಸಮಾಸೇ ಕತೇ ಅಭಿಧಾನತೋ ಪುಬ್ಬನಿಪಾತೋ, ಅಪ್ಪಧಾನಭೂತೋ ವಾ ಪತಿ ಉಪಪತಿ। ಜರ ವಯೋಹಾನಿಮ್ಹಿ, ಜೀಯನ್ತೇ ಅನೇನಾತಿ ಜಾರೋ, ದಾರೋ ಚ।
ಸತ್ತಕಂ ಪುತ್ತೇ। ನರಕೇ ನ ಪತನ್ತ್ಯನೇನ ಜಾತೇನಾತಿ ಅಪಚ್ಚಂ, ಪತ ಗತಿಯಂ, ಯೋ, ತ್ಯಸ್ಸ ಚೋ, ನ ಪತತಿ ನ ವಿಚ್ಛಿನ್ದತಿ ವಂಸೋ ಅಪಚ್ಚಂ, ಪುತ್ತೇ, ಧೀತರಿ ಚ ನಿಚ್ಚನಪುಂಸಕೋಯಂ। ಪೂ ಪವನೇ। ಪುನಾತಿ ಪಿತರೋ ತೇನಾತಿ ಪುತ್ತೋ। ‘‘ಛದಾದೀಹಿ ತತ್ರಣ’’ತಿ ತೋ। ಪೂರೇತೀತಿ ವಾ ಪುತ್ತೋ। ಅತ್ತತೋ ಜಾತೋ ಅತ್ರಜೋ, ‘‘ಅತ್ತಜೋ’’ತಿಪಿ ಪಾಠೋ। ಸುಯತೇತಿ ಸುತೋ। ಸು ಅಭಿಸವೇ, ಸುಣಾತೀತಿ ವಾ ಸುತೋ, ತೋ, ಸು ಸವನೇ। ತನುಮ್ಹಾ ಜಾತೋ ತನುಜೋ, ತನಯೋ ಚ, ಯೋ, ತನೋತಿ ಮುದನ್ತಿ ವಾ ತನಯೋ, ಅಯೋ। ಸೂಯತೇತಿ ಸೂನು, ಕಮ್ಮನಿ ನು, ಸೂ ಪಸವೇ।
ಪುತ್ತಾದಯೋ ಸೂನುಪರಿಯನ್ತಾ ಧೀತರಿ ವತ್ತಮಾನಾ ಇತ್ಥಿಯಂ ವತ್ತನ್ತಿ। ದುಹಿತಾ, ಧೀತಾ ಚ ಸದಾ ನಾರಿಯಮೇವ। ದುಹ ಪಪೂರಣೇ, ರಾತು, ಓತ್ತಾಭಾವೋ, ಇಕಾರಾಗಮೋ ಚ। ಧಾ ಧಾರಣೇ, ರಾತು, ಆಸ್ಸೀ। ಪುತ್ತಾದಯೋ ಚ ತೇ ಸಾಮಞ್ಞೇನೇವ ಕುಣ್ಡಗೋಲಕಾದೀನಂ ವಾಚಕಾ। ಸವಣ್ಣಾಯಂ ತು ಊಢಾಯಂ ಸಜಾತೋ ಸಯಂ ಜನಿತೋ ಸುತೋ ಓರಸೋ ನಾಮ। ಸಜಾತಸದ್ದೇನ ಕುಣ್ಡಕಗೋಲಕಖತ್ತಾದಿಬ್ಯವಚ್ಛೇದೋ। ಜೀವತಿ ಭತ್ತರಿ ಜಾರಜೋ ಸುತೋ ಕುಣ್ಡಾಖ್ಯೋ। ಮತೇ ಭತ್ತರಿ ಜಾರಜೋ ಗೋಲಕಾಖ್ಯೋ। ಅರಿಯಾಸುದ್ದಜೋ ಸುತೋ ಖತ್ತಾ ನಾಮ ಆದಿನಾ ಮಾಗಧಾದೀನಂ ಗಹಣಂ। ವುತ್ತಞ್ಹಿ –
‘‘ಅಮತೇ ಜಾರಜೋ ಕುಣ್ಡೋ,
ಮತೇ ಭತ್ತರಿ ಗೋಲಕೋ’’ತಿ
‘‘ಮಾಗಧೋ ಸುದ್ದಖತ್ತಾಜೋ’’ತಿ
ಉರಸಾ ಮನಸಾ ನಿಮ್ಮಿತೋ, ಉರಸದ್ದಾ ತತಿಯನ್ತಾ ನಿಮ್ಮಿತತ್ಥೇ ಣೋ, ನಿವಿಟ್ಠತ್ತಾ ತೇನ ನಿಮ್ಮಿತೋತಿ ವುಚ್ಚತಿ। ಉರಸಿ ಭವೋತಿ ವಾ ಓರಸೋ।
೨೪೨. ಚತುಕ್ಕಂಪತಿಪತಿನೀನಂ ಅಮರಮಾಲಾ, ಜಂಸದ್ದೋ ತ್ವಬ್ಯಯೋ ದಾರವಚನೋ। ತಸ್ಮಾ ‘‘ಜಮ್ಪತಿ, ದಮ್ಪತೀ’’ತಿಪಿ ಭವಿತಬ್ಬಂ, ಇಧ ಪನ ಕಚ್ಚಾಯನಮತೇನೋದಾಹಟಾ। ಜಾಯಾ ಚ ಪತಿ ಚ ಜಾಯಾಪತಿ। ಇತರೀತರಯೋಗದ್ವನ್ದೋ। ಜಾಯಾ ಚ ಪತಿ ಚ ಜಾನಿಪತಿ, ತಥಾ ಜಾಯಮ್ಪತಿಆದಯೋ, ಜಾಯಾಸದ್ದಸ್ಸ ಪತಿಮ್ಹಿ ಪರೇ ಜಾನಿ, ತುದಞ್ಚ, ಜಾಯಞ್ಚ ಯದಾದಿನಾ।
ತಿಕಂ ನಪುಂಸಕೇ। ವಿಗತೋ ರಾಗಸ್ಸವೋ ಯಸ್ಮಾ ವಸ್ಸವರೋ। ಸು ಸವನೇ, ಅರೋ। ಪಣ ಬ್ಯವಹಾರೇ, ಡೋ, ಪಡಿ ಲಿಙ್ಗವೇಕಲ್ಯೇ ವಾ, ಭೂವಾದಿ। ನ ಇತ್ಥೀ ನ ಪುಮಾ ನಪುಂಸಕಂ, ನಿರುತ್ತಿನಯೇನ ಇತ್ಥಿಪುಮಾನಂ ಪುಂಸಕಭಾವೋ, ನಸ್ಸ ಚ ಪಕತಿ। ತತಿಯಾಪಕತಿ, ಸಣ್ಡೋ, ಕಲೀಬನ್ತಿಪಿ ತಸ್ಸ ನಾಮಾನಿ। ತತಿಯಾ ಪಕತಿ ತತಿಯಪ್ಪಕಾರೋ, ಸಮಜಾತಿಕೇ ಇತ್ಥಿಪುರಿಸೇ ಅಪೇಕ್ಖಿತ್ವಾ ತತಿಯತ್ತಂ ಪಕಾರಸ್ಸ। ಪಠಮಾ ಹಿ ಪಕತಿ ಇತ್ಥೀ, ದುತಿಯಾ ಪಕತಿ ಪುರಿಸೋ, ಇತರಪಕತಿ ತತಿಯಾ ಪಕತಿ।
೨೪೩. ಛಕ್ಕಂ ಞಾತಿಮತ್ತೇ, ಬನ್ಧುಯೇವ ಬನ್ಧವೋ, ಅ, ಉಸ್ಸಾವೋ। ಬನ್ಧತೀತಿ ಬನ್ಧು, ಉ। ಸಸ್ಸ ಅತ್ತನೋ ಜನೋ ಸಜನೋ। ಸಮಾನಂ ಗೋತ್ತಂ ಕುಲಂ ಅಸ್ಸಾತಿ ಸಗೋತ್ತೋ, ಸಮಾನಸ್ಸ ಸಭಾವೋ। ಞಾ ಅವಬೋಧನೇ, ಕಮ್ಮೇತಿ, ಞಾತಿಯೇವ ಞಾತಕೋ, ಅತ್ತಂ, ಸಕತ್ಥೇ ಕೋ ಚ। ಸುಸದ್ದೋಪ್ಯತ್ರ
ದ್ವಯಂ ಸಾಲೋಹಿತೋ, ಸಮ್ಬನ್ಧಸ್ಸ ಸಾದೇಸೋ, ಪುಬ್ಬನಿಪಾತೋ ಚ, ಸಮಾನಂ ಪಿಣ್ಡದಾನಂ ಯಸ್ಸ ಸಪಿಣ್ಡೋ, ಸನಾಭಯೋಪ್ಯತ್ರ ತಾ ಪಾಲನೇ, ತೋ ಕತ್ತರಿ। ಜನಯತೀತಿ ಜನಕೋ, ಣ್ವು। ಪಾ ರಕ್ಖಣೇ, ರಿತು, ಅಸ್ಸಿತ್ತಂ।
೨೪೪. ಛಕ್ಕಂ ಮಾತರಿ। ಅಮ ಪೂಜಾಯಂ, ಕಮ್ಮನಿ ಮೋ, ಬೋ ಚ, ಅಮ್ಮಾ, ಅಮ್ಬಾ। ಜನಯತೀತಿ ಜನನೀ, ಯು, ನದಾದಿ। ಮಾನ ಪೂಜಾಯಂ, ಪುತ್ತಂ ಮಾನೇತೀತಿ ಮಾತಾ, ರಾತು, ಪಾತೀತಿ ವಾ ಮಾತಾ, ಪಾತಿಸ್ಸ ಮೋ। ಜನೇತೀತಿ ಜನೇತ್ತಿ,ತಿ। ಜನೇತೀತಿ ಜನಿಕಾ, ಣ್ವು, ಇತ್ತಂ।
ಅಪ್ಪಧಾನಭೂತಾ ಮಾತಾ ಉಪಮಾತಾ, ಕುಮಾರೇ ಧಾರೇತೀತಿ ಧಾತಿ। ಧಾ ಧಾರಣೇ,ತಿ। ಜಾಯಾಯ ಭರಿಯಾಯ ಭಾತಿಕೋ ಕನಿಟ್ಠೋ ಚ ಜೇಟ್ಠೋ ಚ ಸಾಲೋ ನಾಮ, ಸಸ್ಸ ಅತ್ತನೋ ಏಸಾ ಸಾ, ಭರಿಯಾ, ತಸ್ಸಾ ಭಾತಾ ಸಾಲೋ, ಜಾಯಾಯ ಭಾತರಿ ಅಲೋ। ಸರ ಗತಿಚಿನ್ತಾಹಿಂಸಾಸು ವಾ, ಣೋ, ಲತ್ತಂ, ಸಾಲ ವಿತಕ್ಕೇ ವಾ, ಚುರಾದಿ।
೨೪೫. ಸಾಮಿನೋ ಭತ್ತು ಭಗಿನೀ ನನನ್ದಾ ನಾಮ, ನ ನನ್ದತೀತಿ ನನನ್ದಾ, ಅತ್ತಾಭಾವೋ ನಸ್ಸ ವಿಭಾಸಾಧಿಕಾರಾ। ನನ್ದ ಸಮಿದ್ಧಿಯಂ, ಭೂವಾದಿ।
ದ್ವಯಂ ಮಾತಾಮಹೀ। ಪಿತೂನಂ ಪಿತರಿ ಚ ಮಾತರಿ ಚ ಆಮಹಂ ಯದಾದಿನಾ, ನದಾದಿ। ಅರಹ ಪೂಜಾಯಂ, ಣ್ವು, ರಹಸ್ಸ ಯೋ, ಅಯ ಗತಿಮ್ಹಿ ವಾ, ಣ್ವು, ಅಯ್ಯಿಕಾ।
ಮಾತುಯಾ ಭಾತಾ ಮಾತುಲೋ ನಾಮ, ಮಾತುಯಾ ಭಾತಾ ಮಾತುಲೋ, ಮಾತು ಭಾತರಿ ಉಲಪಚ್ಚಯೋ। ಅಸ್ಸ ಮಾತುಲಸ್ಸ ಪಜಾಪತಿ ಜಾಯಾ ಮಾತುಲಾನೀ ನಾಮ, ಮಾತುಲಸ್ಸ ಭರಿಯಾ ಮಾತುಲಾನೀ, ಮಾತುಲಭರಿಯಾಯಂ ಆನೋ, ನದಾದಿ, ಅಥ ವಾ ಮಾತುಲಸ್ಸ ಏಸಾ ಮಾತುಲಾನೀ, ಈ, ಅಸ್ಸ ಆನೋ।
೨೪೬. ಜಾಯಾಪತೀನಂ ದ್ವಿನ್ನಂ ಜನನೀ ಮಾತಾ ಸಸ್ಸು ವುತ್ತಾ, ಸಸ ಗತಿಹಿಂಸಾಪಾನೇಸು। ತಪ್ಪಿತಾ ತೇಸಂ ಜಾಯಾಪತೀನಂ ಪಿತಾ ಪನ ಸಸುರೋ ನಾಮ, ಸಸಧಾತುಮ್ಹಾ ಉರೋ। ಭಗಿನಿಯಾ ಪುತ್ತೋ ಪನ ಭಾಗಿನೇಯ್ಯೋ ನಾಮ, ಭಗಿನಿಯಾ ಅಪಚ್ಚಂ ಭಾಗಿನೇಯ್ಯೋ, ಣೇಯ್ಯೋ।
೨೪೭. ದ್ವಯಂ ಸುತಸ್ಸ, ಸುತಾಯ ಚ ಪುತ್ತೇಸು। ನಹ ಬನ್ಧನೇ, ರಿತು, ನೀ ನಯೇ ವಾ। ಪುತ್ತಸ್ಸ ಪುತ್ತೋ ಪಪುತ್ತೋ, ತ್ತಲೋಪೋ, ಉಸ್ಸತ್ತಞ್ಚ। ಸಾಮಿಭಾತಾ ದೇವರೋ ನಾಮ, ಅಥ ವಾ ಸಾಮಿಭಾತಾ ಕನಿಟ್ಠೋ ಸಾಮಿನೋ ಭಾತಾ ದೇವರೋ ನಾಮ। ಜೇಟ್ಠೋ ತು ಸಸುರೋ ಏವೋಚ್ಚತೇ। ದಿವು ಕೀಳಾಯಂ, ಅರೋ।
ದ್ವಯಂ ಜನ ಜನನೇ, ರಿತು, ಅಸ್ಸಾತ್ತಂ, ನಸ್ಸ ಮಾದೇಸೋ ಚ। ದ್ವಯಂ ಪಿತುಪಿತರಿ। ಪಿತುನೋ ಪಿತಾ ಪಿತಾಮಹೋ।
೨೪೮. ಹುಸಾನ್ತಾನಿ ಪದೇನ ಪದೇನ ನಾಮಾನಿ। ಮಾತುಯಾ ಭಗಿನೀ ಮಾತುಚ್ಛಾ, ಚ್ಛೋ। ಪಿತುನೋ ಭಗಿನೀ ಪಿತುಚ್ಛಾ, ಪಿತುಭಗಿನೀ ಪಿತುಚ್ಛಾ ಭವೇತ್ಯತ್ಥೋ।
ಪಿತಾಮಹಸದ್ದೋ ನ ಕೇವಲಂ ಜನಕಪಿತರಮೇವ ವದತಿ, ಅಥ ಖೋ ಜನಕಪಿತುಪಿತಾದಯೋಪೀತಿ ಏತ್ಥಾಪಿ ‘‘ಪಪಿತಾಮಹೋ’’ ಇಚ್ಚುದಾಹಟೋ। ಪಿತುನೋ ಅಯ್ಯಕೋ ಪಯ್ಯಕೋ, ತುಲೋಪೋ। ಸು ಸವನೇ, ಣ್ಹಾ। ಣಿಸಮ್ಹಿ ಸುಣಿಸಾ। ಸಮ್ಹಿ ಹುಸಾ, ಹತ್ತಂ। ಸಬ್ಬತ್ರ ‘‘ಇತ್ಥಿಯಮತೋ ಆಪಚ್ಚಯೋ’’ತಿ ಆ।
೨೪೯. ಚತುಕ್ಕಂ ಏಕೋದರೇ ಭಾತರಿ। ಸಮಾನೋದರೇ ಠಿತೋ ಸೋದರಿಯೋ, ಸಮಾನಸ್ಸ ಸೋ। ಸಮಾನೋ ಗಬ್ಭೋ ಸಗಬ್ಭೋ, ತತ್ರ ಭವೋ ಸಗಬ್ಭೋ, ಣೋ। ಸಮಾನೋದರೇ ಜಾತೋ ಸೋದರೋ। ಸಮಾನೋದರೇ ಜಾತೋ ಸಹಜೋ। ಸಹಸದ್ದೋ ತುಲ್ಯವಚನೋ।
ಮಾತಾಪಿತೂ ತೇ ದ್ವೇ ಜನಾ ಪಿತರೋ ವುಚ್ಚನ್ತೇ। ಉಭಿನ್ನಮ್ಪಿ ಜನಕಬ್ಯಪ್ಪದೇಸನಿಯತತ್ತಾ ಅಭೇದವಚನಿಚ್ಛಾಯಂ ಪಿತುತ್ತಮತ್ಥೇವ। ನನ್ವಭೇದಾ ಜಾತಿ, ತಸ್ಸಾ ಚೋಭಯತ್ರ ಸತ್ತಾದೇಕತ್ತಂ, ನ ಚ ಜಾತಿಯಾ
೨೫೦. ಸಸ್ಸು ಚ ಸಸುರೋ ಚ ಸಸುರಾತಿ ವುಚ್ಚನ್ತೇ। ತದಪಚ್ಚೋಹನಸಮ್ಬನ್ಧಿನಿಬನ್ಧನಾ ಹಿ ಬ್ಯಪ್ಪದೇಸೋ ಸಸ್ಸುಯಮ್ಪಿ ಠಿತೋ। ಭೇದವಚನಿಚ್ಛಾಯಂ ತು ಪುಬ್ಬೇ ವಿಯ ಪಚ್ಚತ್ಥಂ ಸದ್ದನಿವೇಸೋ। ಭಾತಾ ಚ ಭಗಿನೀ ಚ ಭಾತರೋ ವುಚ್ಚನ್ತೇ। ಏಕಗಬ್ಭೋಸಿತತ್ತಂ ಭಾತುಬ್ಯಪ್ಪದೇಸನಿಯತಂ ಭಗಿನಿಯಂಪ್ಯತ್ಥಿ। ತತೋ ಏಕಗಬ್ಭೋಸಿತತ್ತಸ್ಸಾಭೇದವಚನಿಚ್ಛಾಯಂ ಉಭೋ ಭಾತರೋ ವುಚ್ಚನ್ತೇ। ಏತ್ಥ ಚ ಸಬ್ಬತ್ರಾಪಿ ವಿರೂಪೇಕಸೇಸೋ ದಟ್ಠಬ್ಬೋ। ದುವಿಧೋ ಹಿ ಏಕಸೇಸೋ ಸರೂಪಾಸರೂಪವಸೇನ। ತತ್ರ ಸರೂಪೇಕಸೇಸೇ ಬಹುವಚನಮೇವ, ಇತರತ್ರ ಪನ ದ್ವಿವಚನಂ, ಯಥಾ ಪುರಿಸೋ ಚ ಪುರಿಸೋ ಚ ಪುರಿಸಾ, ನಾಮಞ್ಚ ರೂಪಞ್ಚ ನಾಮರೂಪಞ್ಚ ನಾಮರೂಪಂ, ಮಾತಾ ಚ ಪಿತಾ ಚ ಪಿತರೋತಿ।
ಬಾಲ್ಯಯೋಬ್ಬನವುಡ್ಢತ್ತಾನಿ ತೀಣಿ ವಯಾನಿ। ತತ್ರ ತಿಕಂ ಬಾಲ್ಯೇ। ದ್ವಯಂ ಯೋಬ್ಬನೇ। ಬಾಲಸ್ಸ ಭಾವೋ ಬಾಲತ್ತಂ, ತ್ತಂ। ತಾಪಚ್ಚಯೇ ಬಾಲತಾ। ಣ್ಯಮ್ಹಿ ಬಾಲ್ಯಂ, ಅಥ ವಾ ಬಲ ಪಾಣನೇ, ಬಲನ್ತಿ ಅಸ್ಸಸಿತಪಸ್ಸಸಿತಮತ್ತೇನ ಬಾಲಾ, ಬಲ್ಯನ್ತೇ ಸಂವರೀಯನ್ತೇತಿ ವಾ ಬಾಲಾ, ಬಲ ಸಂವರಣೇ। ತೇಸಂ ಭಾವೋ ಬಾಲತ್ತಾದಿ। ಯುವಸ್ಸ ಭಾವೋ ಯೋಬ್ಬಞ್ಞಂ, ಯೋಬ್ಬನಞ್ಚ, ಭಾವೇ ಣ್ಯೋ, ಣೋ ಚ, ಅಥ ವಾ ಯು ಮಿಸ್ಸನೇ, ಯು, ಉಸ್ಸ ಉವಾದೇಸೋ, ವುದ್ಧಿ। ತೇಸಂ ಭಾವೋ ಯೋಬ್ಬಞ್ಞಾದಿ।
೨೫೧. ಯೇ ಜರಾಕತಾ ಸುಕ್ಕಾ ಕೇಸಾದಯೋ, ತೇ ಪಲಿತಂ ನಾಮ ಸಿಯುಂ, ತೇಸಂ ವಾ ಯಂ ಸುಕ್ಕತ್ತಂ, ತಂ ಪಲಿತಂ ನಾಮ। ಪಚ ಪಾಕೇ, ಇತೋ, ಚಸ್ಸ ಲತ್ತಞ್ಚ।
ದ್ವಯಂ ವಲಿಪಲಿತಾದಿಮತಿ ಕಾಯಪರಿಪಾಕೇ। ಜೀಯನ್ತಿ ವುಡ್ಢಾ ಭವನ್ತಿ ಅಸ್ಸಂ ಜರಾ, ಜರ ವಯೋಹಾನಿಮ್ಹಿ, ಜರಾ ಏವ ಜರತಾ, ಸಕತ್ಥೇ ತಾಪಚ್ಚಯೋ। ವಿಸ್ಸಸಾತಿಪಿ ಜರಾಯ ನಾಮಂ। ವಿಸೇಸೇನ ಸಂಸತೇ ಅಧೋ ಪಾತಯತೀತಿ ವಿಸ್ಸಸಾ। ಸಂಸತಿ’ರಯಂ ಪಮಾದತ್ಥೋ, ಅವಸಂಸನತ್ಥೋ ಚ, ಇಹ ಅವಸಂಸನತ್ಥೋ, ನಿಗ್ಗಹೀತಲೋಪೋ, ದ್ವಿತ್ತಞ್ಚ।
ಬಾಲ್ಯಯೋಬ್ಬನವುಡ್ಢತ್ತಾನಿ ಪುಬ್ಬೇ ವುತ್ತಾನಿ। ಇದಾನಿ ತಬ್ಬತಿನಾಮಾನ್ಯಾಹ। ತತ್ರ ಅದ್ಧಂ ಛಾಪಸಾಮಞ್ಞೇ। ಪುಥ, ಪಥ ವಿತ್ಥಾರೇ, ಉಕೋ, ಪುಥುಕೋ, ಪಲ ಗಮನೇ, ಣ್ವು, ಅಸ್ಸಿತ್ತಂ, ದ್ವಿತ್ತಞ್ಚ, ಪಿಲ್ಲಕೋ। ಛುಪ ಸಮ್ಫಸ್ಸೇ, ಉಸ್ಸಾತ್ತಂ, ಛಾಪೋ। ಕುಮಾರ ಕೀಳಾಯಂ, ಕುಮಾರೋ। ಬಲ ಪಾಣನೇ, ಣೋ, ಬಾಲೋ, ಪೂ ಪವನೇ, ತೋ, ಸಕತ್ಥೇ ಕೋ, ಪೋತಕೋ, ಇತ್ಥಿಯಂ ಪೋತಕೀ। ಪೋತೋ, ಸಾವೋ, ಸಾವಕೋ, ಅಬ್ಭಕೋ, ಡಿಮ್ಭೋ, ಸುಸುಕೋ, ಸುಸುಇಚ್ಚಾದೀನಿಪಿ ಛಾಪಸಾಮಞ್ಞತ್ಥಾನಿ।
೨೫೨. ಬಾಲಸಾಮಞ್ಞವಾಚಕಾನಿ ‘‘ಅಥು’’ಚ್ಚಾದಿ। ಉತ್ತಾನೋ, ಉತ್ತಾನಂ ವಾ ಸಯತೀತಿ ಉತ್ತಾನಸಯೋ। ಕಪಚ್ಚಯೇ ಉತ್ತಾನಸೇಯ್ಯಕೋ। ಥನಂ ಪಿವತೀತಿ ಥನಪೋ, ಡಿಮ್ಭಸದ್ದೋಪ್ಯತ್ರ।
೨೫೩. ಸತ್ತಕಂ ತರುಣೇ।
ಆಸೋಳಸಾ ಭವೇ ಬಾಲೋ,
ತರುಣೋ ತು ತತೋ ಭವೇ।
ವುದ್ಧೋ ತು ಸತ್ತತ್ಯಾಯುಮ್ಹಾ,
ತೀಣಿ ವಯಾನಿ ಲಕ್ಖಯೇ॥
ತರ ತರಣೇ, ಉಣೋ। ವಯಸಿ ಯೋಬ್ಬನೇ ತಿಟ್ಠತೀತಿ ವಯಟ್ಠೋ, ತೋ, ‘‘ವಯೋ ಬಾಲ್ಯಾದಿ ಪಕ್ಖೀ ಚ, ಯೋಬ್ಬನಞ್ಚ ವಯೋ ಕ್ವಚೀ’’ತಿ ರುದ್ದೋ, ದಹ ಭಸ್ಮೀಕರಣೇ, ಅರೋ, ಯು ಮಿಸ್ಸನೇ, ಅ, ಉವಾದೇಸೋ, ಸಿಸ್ಸಾಕಾರೋ। ಸಸ ಪ್ಲುತಗತಿಮ್ಹಿ, ಉ, ಅಸ್ಸುತ್ತಂ, ಸುಸು, ತರುಣಸ್ಸ ವಾ ಪಾಟಿಪದಿಕಸ್ಸ ಸುಸ್ವಾದೇಸೋ। ಮನುನೋ ಅಪಚ್ಚಂ ಮಾನವೋ, ವಣ್ಣವಿಕಾರೋ, ನಸ್ಸ ಣತ್ತಂ, ಮಾಣವೋ। ಕುಚ್ಛಾಯಂ ಕಪಚ್ಚಯೋ, ಮಾಣವಕೋತಿ ಸಿದ್ಧಂ। ವುತ್ತಞ್ಚ –
‘‘ಅಪಚ್ಚೇ ಕುಚ್ಛಿತೇ ಮೂಳ್ಹೇ, ಮನುತೋಸ್ಸಗ್ಗಿಕೋ ಮತೋ’’ತಿ ದರ ವಿದಾರಣೇ, ಣ್ವು।
ದ್ವಯಂ ಸುಖವಡ್ಢಿತೇ ಕುಮಾರೇ, ಸುಖೋ ಕುಮಾರೋ ಸುಕುಮಾರೋ, ಖಲೋಪೋ, ಸುಖೇನ ಏಧತಿ ವದ್ಧತೀತಿ ಸುಖೇಧಿತೋ। ‘‘ಸುಖೋಚಿತೋ’’ತಿಪಿ ಸುಖೋಚಿತೋ, ಉಚ ಸಮವಾಯೇ।
೨೫೪-೨೫೫. ದ್ವಿಪಾದೇನ ವುಡ್ಢಸ್ಸ ನಾಮಾನಿ। ಆಯುಮಹತ್ತಂ ಲಾತೀತಿ ಮಹಲ್ಲಕೋ, ಣ್ವು, ದ್ವಿತ್ತಂ। ವಡ್ಢ ವಡ್ಢನೇ, ಕತ್ತರಿ ತೋ, ತಸ್ಸ ಢೋ, ಡ್ಢಸ್ಸ ಡೋ, ಅಸ್ಸುತ್ತಂ, ಧಾ ಗತಿನಿವತ್ತಿಯಂ, ಇರೋ, ಧಸ್ಸ ಥತ್ತಂ, ಇಸ್ಸ ಏತ್ತಂ। ಜರ ವಯೋಹಾನಿಮ್ಹಿ, ಕತ್ತರಿ ತೋ, ತಸ್ಸ ಇನ್ನಾದೇಸೋ, ಧಾತ್ವನ್ತಲೋಪೋ, ಣತ್ತಞ್ಚ, ಜಿಣ್ಣೋ, ಸಕತ್ಥೇ ಕಮ್ಹಿ ಜಿಣ್ಣಕೋ। ಪಕತಂ ವಯೋ ಯೋಬ್ಬನಮಸ್ಸಾತಿ ಪವಯೋತಿಪಿ ವುಡ್ಢಸ್ಸ ನಾಮಂ।
ವಲಿನನ್ತಾನಿ ಪಾದೇನ ನಾಮಾನಿ। ತತ್ರ ತಿಕಂ ಜೇಟ್ಠಭಾತರಿ। ಅಗ್ಗೇ ಪುರೇ ಕಾಲೇ, ಪುಬ್ಬೇ ಚ ಕಾಲೇ ಜಾಯತೀತಿ ಅಗ್ಗಜೋ, ಪುಬ್ಬಜೋ ಚ। ಅಯಞ್ಚ ವುಡ್ಢೋ ಅಯಞ್ಚ ವುಡ್ಢೋ, ಅಯಮಿಮೇಸಂ ವಿಸೇಸೇನ ವುಡ್ಢೋತಿ ಜೇಟ್ಠೋ, ವುಡ್ಢಸದ್ದಾ ಇಟ್ಠಪಚ್ಚಯೋ, ‘‘ವುಡ್ಢಸ್ಸ ಜೋ ಇಯಿಟ್ಠೇಸೂ’’ತಿ ವುಡ್ಢಸ್ಸ ಜೋ। ಅಲೋಪೇ ಪರಸ್ಸಾಸವಣ್ಣತ್ತಂ।
ತಿಕಂ ಪಚ್ಛಾಜಾತೇ ಭಾತರಿ। ಅಯಞ್ಚ ಯುವಾ ಅಯಞ್ಚ ಯುವಾ, ಅಯಮಿಮೇಸಂ ವಿಸೇಸೇನ ಯುವಾತಿ ಕನಿಟ್ಠೋ, ಕನಿಯೋ ಇಯಿಟ್ಠೇಸು ಯುವಸದ್ದಸ್ಸ ಕನಾದೇಸೋ ಅನುಜೋ। ಜಘಞ್ಞೇ ಪಚ್ಛಾಕಾಲೇ ಜಾತೋ ಜಘಞ್ಞಜೋ। ಅಪರಸ್ಮಿಂ ಪಚ್ಛಾಕಾಲೇ ಜಾತೋ ಅಪರಜೋತಿ ದ್ವೇಪ್ಯತ್ರ।
ವಲಿ ವಲಿತ್ತಚೋ, ದ್ವಿತ್ತಂ। ವಲಿ ಚಮ್ಮಮೇತಸ್ಸತ್ಥೀತಿ ವಲಿನೋ, ಇನೋ। ಉತ್ತಾನಸಯಾದಯೋ ವಲಿನನ್ತಾ ವಾಚ್ಚಲಿಙ್ಗತ್ತಾ ತೀಸು ಲಿಙ್ಗೇಸು ವತ್ತನ್ತಿ, ಯಥಾ – ಉತ್ತಾನಸಯೋ ಬಾಲೋ, ಉತ್ತಾನಸಯಾ ಕುಮಾರೀ, ಉತ್ತಾನಸಯಂ ನಪುಂಸಕಂ।
೨೫೬. ಪಞ್ಚಕಂ ಮತ್ಥಕೇ। ಸಿ ಸಯೇ, ಸೋ, ದೀಘೋ ಚ, ಅಙ್ಗೇಸು ಉತ್ತಮಙ್ಗತ್ತಾ ಉತ್ತಮಙ್ಗಂ, ಉತ್ತಮೋ ಚ ತಂ ಅಙ್ಗಞ್ಚಾತಿಪಿ ಉತ್ತಮಙ್ಗಂ। ಸೀಸಞ್ಚ ಉತ್ತಮಙ್ಗಞ್ಚ ಸೀಸೋತ್ತಮಙ್ಗಾನಿ। ಸಿ ಸೇವಾಯಂ, ರೋ, ಸೇವನ್ತಿ ಏತೇನಾತಿ ಸಿರೋ। ಮುದ ತೋಸೇ, ಧೋ। ಸಿಸ್ಸಾಕಾರೋ। ಮಸ ಆಮಸನೇ, ತ್ಥೋ, ಸಕತ್ಥೇ ಕೋ ಚ, ಮಸಿ ಪರಿಮಾಣೇ ವಾ।
ಪಜ್ಜದ್ಧಂ ಕೇಸೇ। ಕೇ ಮತ್ಥಕೇ ಸೇತಿ ತಿಟ್ಠತೀತಿ ಕೇಸೋ। ಸತ್ತಮಿಯಾಲೋಪೋ, ಕತಿ ಛೇದನೇ, ಅಲೋ, ಅಸ್ಸುತ್ತಂ। ವಲ ಸಂವರಣೇ, ಕಮ್ಮನಿ ಣಪಚ್ಚಯೋ, ವಾಲೋ। ಉತ್ತಮಙ್ಗೇ ಸೀಸೇ ರುಹತೀತಿ ಉತ್ತಮಙ್ಗರುಹೋ। ಮುದ್ಧನಿ ಜಾಯತೀತಿ ಮುದ್ಧಜೋ। ವಾಲೋ ಚ ಉತ್ತಮಙ್ಗರುಹೋ ಚ ಮುದ್ಧಜೋ ಚೇತಿ ಇತರೀತರಯೋಗದ್ವನ್ದೋ। ಚಿಕುರೋ, ಕಚೋತಿಪ್ಯತ್ರ। ಚಿ ಚಯನೇ, ಕುರ ಸದ್ದೇ, ಅನೇಕತ್ಥತ್ತಾ ಛೇದನೇ। ವಡ್ಢಮಾನೋ ಚಿಕರೀಯತೇತಿ ಚಿಕುರೋ, ಕಚ ಬನ್ಧನೇ, ಅ।
೨೫೭. ಕುಸುಮಗಬ್ಭಾ ಕೇಸಾ ಕೇಸಚೂಳಾ ಮುತ್ತಿಕಾದಿನಾ ಬಹಿ ಸಂಯತಾ ಸನ್ಥತಾ ಧಮ್ಮಿಲೋ ನಾಮ। ಏಕತೋ ಕತ್ವಾ ಧರೀಯತಿ ಧಮ್ಮಿಲೋ, ಕಮ್ಮನಿ ಇಲೋ। ಧಮ್ಮೇನ ನಾನಾದೇಸಿಯಮನುಸ್ಸಾನಂ ಸಮಾಚಾರೇನ ಇಲತೀತಿ ವಾ ಧಮ್ಮಿಲೋ, ಇಲ ಗಮನೇ।
ದ್ವಯಂ ಕುಮಾರಾನಂ ಸಿಖಾಪಞ್ಚಕೇ, ಚೂಳತ್ತಯೇತಿ ಕೇಚಿ। ಕಾಕಾನಂ ಪಕ್ಖಸಣ್ಠಾನತ್ತಾ ಕಾಕಪಕ್ಖೋ। ಸಿಖಾ ಏವ ಸಿಖಣ್ಡಕೋ, ಸಕತ್ಥೇ ಕೋ। ಸಿಖಾಸಿಖಣ್ಡಸದ್ದಾನಮಭೇದತ್ತಾಯೇವ ಹಿ ‘‘ಸಿಖಣ್ಡೀ, ಸಿಖೀ ಚಾ’’ತಿ ಮೋರೋ ವುತ್ತೋ।
ಪಾಸೋ, ಹತ್ಥೋ ಚ ಇಮೇ ದ್ವೇ ಕೇಸಚಯೇ ಕೇಸಪರಿಯಾಯತೋ ಪರೇ ಹುತ್ವಾ ಕೇಸಾನಂ ಕಲಾಪೇ ವತ್ತನ್ತಿ, ನ ಕೇವಲಾ, ಯಥಾ – ಕೇಸಪಾಸೋ ಕೇಸಹತ್ಥೋ ಇಚ್ಚಾದಿ। ಪಾ ರಕ್ಖಣೇ, ಪಾತಿ ರಕ್ಖತಿ ಅವಯವೇತಿ ಪಾಸೋ, ಸೋ, ಪಸ ಬನ್ಧನೇತಿ ಕೇಚಿ, ಣೋ। ಹನ ಗತಿಯಂ, ಅವಯವಾ ನಿಹನನ್ತಿ ಏತ್ಥಾತಿ ಹತ್ಥೋ, ಥೋ, ಪಕ್ಖೋಪ್ಯತ್ರ।
ತಾಪಸಾನಂ ವತೀನಂ ತಹಿಂ ಕೇಸಚಯೇ ಜಟಾಸದ್ದೋ ವುಚ್ಚತಿ, ಜಟ ಜಟನೇ, ಜಟ ಸಙ್ಘಾತೇ ವಾ, ‘‘ಇತ್ಥಿಯಮತಿಯವೋ ವಾ’’ತಿ ಅ।
೨೫೮. ಪೋಸಿತಭತ್ತಾದೀಹಿ ಯಾ ಬನ್ಝತೇ, ತತ್ರ ವೇಣೀ, ಪವೇಣೀ ಚ। ವೀ ಪಜನೇ, ಪಜನಂ ಗಬ್ಭವಿಮೋಕ್ಖೋ, ವೀ ತನ್ತಸನ್ತಾನೇ ವಾ, ಣೀ। ಪಕ್ಖೇ ಪವೇಣೀ।
ದ್ವಯಂ ಸೀಸಮಜ್ಝಟ್ಠಚೂಳಾಯಂ। ಚೂಳ ಸಞ್ಚೋದನೇ, ಚೂಳ ಹಾವಕರಣೇ ವಾ, ಅ। ಸಿಖಾ ವುತ್ತಾ। ಕೇಸಪಾಸೀಪ್ಯತ್ರ, ನದಾದಿ।
ನಾರೀನಂ ಪದ್ಧತಿ ಉಜುಗತಮಗ್ಗೋ ಸೀಮನ್ತೋತಿ ಮತೋ ಕಥಿತೋ। ಸೀಮಸ್ಸ ಅನ್ತೋ ಸೀಮನ್ತೋ, ಸೀ ಸಯೇ ವಾ, ಅನ್ತೋ, ಮಜ್ಝೇ ಮಕಾರವಣ್ಣಾಗಮೋ।
೨೫೯. ತಿಕಂ ಲೋಮೇ। ಲೂ ಛೇದನೇ, ವಡ್ಢಮಾನಂ ಲೂಯತೇತಿ ಲೋಮಂ, ಮೋ। ತನುಮ್ಹಿ ರುಹತೀತಿ ತನುರುಹಂ, ಅ। ರುಹ ಜನನೇ, ರೂಹ ಪಾತುಭಾವೇ ವಾ, ಮೋ, ಹಲೋಪೋ, ಓತ್ತಞ್ಚ, ಲೂ ಛೇದನೇ ವಾ, ಮೋ, ಲಸ್ಸ ರತ್ತಂ, ರೋಮಂ। ಅಕ್ಖಿಮ್ಹಿ ಜಾತಂ ಲೋಮಂ ಪಮ್ಹಂ, ಪಖುಮಞ್ಚೋಚ್ಚತೇ। ಪಮಿನೋತಿ ತೇನಾತಿ ಪಮ್ಹಂ, ಪಪುಬ್ಬೋ ಮಾ ಪರಿಮಾಣೇ, ಹಪಚ್ಚಯೋ। ಅಕ್ಖಿನೋ ಪಕ್ಖದ್ವಯೇ ಜಾತಂ ಪಖುಮಂ, ಉಮೋ, ಕಲೋಪೋ ಚ।
ಪುಮಮುಖೇ ಪುರಿಸಾನಂ ಮುಖೇ ವುತ್ತಂ ಮಸ ಆಮಸನೇ, ಸು, ಮಸ್ಸು।
ತಿಕಂ ಭಮುಮ್ಹಿ। ಭಮ ಅನವಟ್ಠಾನೇ, ಊ, ಮಲೋಪೋ, ಭೂ। ಉಮ್ಹಿ ಭಮು, ಕಪಚ್ಚಯೇ ಭಮುಕೋ। ಭಮುಕಸಹಚರಣತೋ ಭಮು ಪುಲ್ಲಿಙ್ಗೋ।
೨೬೦. ತಿಕಂ ನೇತ್ತೋದಕೇ। ಖಿಪ ಪೇರಣೇ, ಪೋ, ಇಸ್ಸತ್ತಂ। ನೇತ್ತೇ ಜಾತಂ ಜಲಂ ನೇತ್ತಜಲಂ। ಅಸ ಅಧೋಪತನೇ, ಸು, ಅಸ್ಸು। ನೇತ್ತಜಲಞ್ಚ ಅಸ್ಸು ಚಾತಿ ದ್ವನ್ದೋ। ಅಸ್ಸು ನಪುಂಸಕೇ।
ದ್ವಯಂ ನೇತ್ತತಾರಾ। ಕಞ್ಞಾಸದ್ದತೋ ತದ್ಧಿತೋ ಅಪಚ್ಚಯೋ, ಕಞ್ಞಾಸದ್ದಸ್ಸ ಕನೀನಾದೇಸೋ, ಇತ್ಥಿಕತಾಕಾರಪರೇ ಕೇ ಪುಬ್ಬೋ ಅಕಾರೋ ಇಕಾರಮಾಪಜ್ಜತೇ ಕನೀನಿಕಾ। ತಾರಕಾಪ್ಯತ್ರ।
ಛಕ್ಕಂ ಮುಖವಿವರೇ, ಕವಯೋ ಪನ ತದುಪಲಕ್ಖಿತೇಪಿ ಸಮುದಾಯೇ ಯುಜ್ಜನ್ತೇ। ವದ ವಿಯತ್ತಿಯಂ ವಾಚಾಯಂ, ಕರಣೇ ಯು। ಮು ಬನ್ಧನೇ, ಖೋ, ಓತ್ತಾಭಾವೋ ನಿಪಾತನಾ, ಮುಖಂ। ಸಬ್ಬಧರಕತೇ ಪನ ಖಞ್ಞತೇತಿ ಧಾತುನಾ ಮುಖನ್ತಿ ನಿಪಾತಿತಂ, ಖನು ಅವದಾರಣೇ। ತುಡಿ ತೋಡನೇ, ಅ। ತನು ವಿತ್ಥಾರೇ ವಾ, ಡೋ, ಅಸ್ಸುತ್ತಂ। ವದತಿ ತೇನಾತಿ ವತ್ತಂ, ತೋ, ವುಚ್ಚತೇ ಅನೇನಾತಿ ವಾ ವತ್ತಂ। ವದ ವಿಯತ್ತಿಯಂ ವಾಚಾಯಂ, ತೋ। ಲಪ ವಚನೇ, ಕರಣೇ ಯು। ಆನನ್ತಿ ಅಸನ್ತಿ ಅನೇನಾತಿ ಆನನಂ, ಅನ ಪಾಣನೇ, ಯು। ಅಸ್ಸಂಪ್ಯತ್ರ। ಅಸ ಭಕ್ಖನೇ। ಕರಣೇ ಸೋ।
೨೬೧. ಅಡ್ಢಂ ದನ್ತೇ। ದ್ವೀಸು ಠಾನೇಸು ದ್ವಿಕ್ಖತ್ತುಂ ವಾ ಜಾಯತೇತಿ ದ್ವಿಜೋ। ಲಪನೇ ಮುಖೇ ಜಾಯತೀತಿ ಲಪನಜೋ। ದಾ ಅವಖಣ್ಡನೇ, ದಾಯತಿ ಭಕ್ಖಮನೇನಾತಿ ದನ್ತೋ, ಅನ್ತೋ, ದಸ ಅದನೇ ವಾ, ದಸನ್ತಿ ಭೋಜ್ಜಮನೇನಾತಿ ದನ್ತೋ, ಅನ್ತೋ, ಧಾತ್ವನ್ತಲೋಪೋ। ದಮು ದಮನೇ ವಾ, ತೋ। ದಂಸ ದಂಸನೇ, ದಂಸತೇ ವಿಲಿಖ್ಯತೇ ಭಕ್ಖಮನೇನಾತಿ ದಂಸನೋ, ಯು। ರದ ವಿಲೇಖನೇ, ಯು, ರದನೋ। ಅಮ್ಹಿ ರದೋ।
ದನ್ತಭೇದಸ್ಮಿಂ ದನ್ತವಿಸೇಸೇ ದಾಠಾಸದ್ದೋ। ಇತ್ಥಿಲಿಙ್ಗೋಯಂ। ದಂಸಧಾತುತೋ ಠೋ, ದಂಸಿಸ್ಸ ಚ ದಾ, ದಾಠಾ, ಮುದ್ಧಜದುತಿಯೋಯಂ। ಅಕ್ಖಿಕೋಟೀಸು ಅಪಾಙ್ಗೋ ವತ್ತತಿ, ಸರೀರಙ್ಗಸಙ್ಖಾತಸ್ಸ ಕಣ್ಣಸ್ಸ ಅಪ ಸಮೀಪಂ ಅಪಾಙ್ಗೋ।
೨೬೨. ಚತುಕ್ಕಂ ಓಟ್ಠೇ। ದನ್ತೇ ಆವರತಿ ಛಾದಯತೀತಿ ದನ್ತಾವರಣಂ। ಉಸ ದಾಹೇ, ತೋ, ‘‘ಸಾದಿಸನ್ತಪುಚ್ಛಭನ್ಜಹಂಸಾದೀಹಿ ಟ್ಠೋ’’ತಿ ಸಹಾದಿಬ್ಯಞ್ಜನೇನ ಟ್ಠೋ, ಓತ್ತದ್ವಿತ್ತಾನಿ, ಓಟ್ಠೋ। ಗದ್ರಭೇಪ್ಯಯಂ। ಅಥ ವಾ ಉಸ ದಾಹೇ, ಟ್ಠೋ, ಓತ್ತದ್ವಿತ್ತಾದಿ, ಉಭಯತ್ರಾಪಿ ಮುದ್ಧಜದುತಿಯೋ, ಈಸಂ ಕಿಞ್ಚಿ ಕಾಲಂ ಧಾರೇತಿ ಭಕ್ಖಮೇತ್ಥಾತಿ ಅಧರೋ, ಈಸತ್ಥೋ ಹ್ಯತ್ರ ಅಕಾರೋ।
‘‘ಅ ಪುಮೇ ಮಾಧವೇ ಞೇಯ್ಯೋ,
ಪಟಿಸೇಧೇ ತದಬ್ಯಯಂ।
ಈಸತ್ಥೇ ಚ ವಿರುದ್ಧತ್ಥೇ,
ಸದಿಸತ್ಥೇ ಪಯೋಗತೋ’’ತಿ॥ –
ಹಿ ಏಕಕ್ಖರಕೋಸೇ ವುತ್ತಂ। ದಸನೇ ದನ್ತೇ ಛಾದಯತೀತಿ ದಸನಚ್ಛದೋ। ಏತ್ಥ ಕೇಚಿ ಅಧರಸದ್ದೇನ ಹೇಟ್ಠಿಮೋಟ್ಠಮೇವಾಹು, ತೇಸಂ ವಚನಂ ‘‘ನೇತ್ತನ್ತಾಧರಪಾಣಿಪಾದಯುಗಲೇಹಿ’’ಚ್ಚಾದೀಹಿ ಮಹಾಕವಿಪಯೋಗೇಹಿ ಅಸಂಸನ್ದನತೋ ನ ಗಹೇತಬ್ಬಂ।
ತಿಕಂ ಕಪೋಲೇ। ಗಡಿ ವದನೇಕದೇಸೇ, ಅ, ಧಾತುಪ್ಪಕ್ರಿಯತ್ಥಞ್ಹಿ ಧಾತುಪಾಠವಚನಂ, ಸಬ್ಬತ್ರಾಪ್ಯೇವಂ। ಕೇನ ಜಲೇನ ಪೂರಿಯತೇತಿ ಕಪೋಲೋ, ಅಲೋ, ಕಪ ಅಚ್ಛಾದನೇ ವಾ, ಓಲೋ, ಕಪೋಲೋ, ನದಾದಿ। ಗಣ್ಡೀ। ಅಧರಾ ಅಧೋಭಾಗೋ ಚುಬುಕಂ ನಾಮ, ಚಿಬುಕಂಪ್ಯತ್ರ। ಚಿಬು ಓಲಮ್ಬಕೇ, ಣ್ವು, ಅಸ್ಸುತ್ತಂ।
೨೬೩. ದ್ವಯಂ ಗಲ ಅದನೇ, ಕರಣೇ ಅ, ಗಿಲ ಗಿಲನೇ ವಾ, ಗಿಲತಿ ಅನೇನಾತಿ ಗಲೋ, ಇಸ್ಸತ್ತಂ। ಕಣ ಸದ್ದತ್ಥೋ ದಣ್ಡಕೋ ಧಾತು, ಠೋ, ಕಣ್ಠೋ, ಮುದ್ಧಜದುತಿಯೋಯಂ।
ತಿಕಂ ಏಕತ್ಥಂ। ಗಾ ಸದ್ದೇ, ಈವೋ। ಕಂ ಸೀಸಂ ಧರತೀತಿ ಕನ್ಧರಾ। ಸಿರಂ ಧರತೀತಿ ಸಿರೋಧರಾ, ಸಿರೋ ಧಿಯ್ಯತೇ ಅಸ್ಸನ್ತಿ ವಾ ಸಿರೋಧರಾ, ಧಾ ಗತಿನಿವತ್ತಿಯಂ, ಅರೋ।
ಸುವಣ್ಣಮಯೋ ಆಲಿಙ್ಗೋ ಮುರಜಭೇದೋ, ತೇನ ಸನ್ನಿಭಾ ಸದಿಸಾ ಯಾ ಗೀವಾ, ಸಾ ಕಮ್ಬುಗೀವಾ ಮತಾ, ಮಹಾಪುರಿಸಲಕ್ಖಣಮೇತಂ। ಅಥ ವಾ ಯಾ ಗೀವಾ ತೀಹಿ ಲೇಖಾಹಿ ಅಙ್ಕಿತಾ ಲಕ್ಖಿತಾ, ಸಾ ಕಮ್ಬುಗೀವಾ ಮತಾ, ಮಹಾಪುರಿಸಲಕ್ಖಣಮೇತಞ್ಚ। ಕಮ್ಬು ವುಚ್ಚತಿ ಸುವಣ್ಣಂ, ಕಮ್ಬುಮಯೇನ ಆಲಿಙ್ಗೇನ ಸನ್ನಿಭಾ ಗೀವಾ ಕಮ್ಬುಗೀವಾ, ಕಮ್ಬ ಸಂವರಣೇ, ಉ, ಕಮ್ಬು।
೨೬೪. ತಿಕಂ ಖನ್ಧೇ। ಅನ ಗತಿಯಂ, ಸೋ। ಭುಜಾನಂ ಸಿರೋ ಮತ್ಥಕಂ ಭುಜಸಿರೋ। ಕಂ ಮತ್ಥಕಂ ದಧಾತೀತಿ ಕನ್ಧೋ, ಸೋ ಏವ ಖನ್ಧೋ ಕಕಾರಸ್ಸ ಖಕಾರಕರಣವಸೇನ, ಖಮತಿ ಭಾರನ್ತಿ ವಾ ಖನ್ಧೋ, ಖಮು ಸಹನೇ, ತೋ, ತಸ್ಸ ಧೋ, ಮಸ್ಸ ನೋ, ನಿಗ್ಗಹೀತಂ ವಾ ತಸ್ಸನ್ಧಿ ತಸ್ಸ ಖನ್ಧಸ್ಸ ಮಜ್ಝಂ ಜತ್ತು ನಾಮ, ಯಂ ಖನ್ಧಾನಂ ಮಜ್ಝೇ ತಿಟ್ಠತಿ। ಜನ ಜನನೇ, ಜರ ವಯೋಹಾನಿಮ್ಹಿ ವಾ, ತು, ಜತ್ತು, ತಂ ನಪುಂಸಕಂ।
ದ್ವಯಂ ಬಾಹುಮೂಲೇ। ಬಾಹೂನಂ ಭುಜಾನಂ ಮೂಲಂ ಬಾಹುಮೂಲಂ। ಕಚ ಬನ್ಧನೇ, ಛೋ। ಅಸ್ಸ ಕಚ್ಛಸ್ಸ ಅಧೋಭಾಗಟ್ಠಾನಂ ಪಸ್ಸಂ ವುಚ್ಚತಿ, ದಿಸ ಪೇಕ್ಖನೇ, ಅಪಚ್ಚಯೋ, ದಿಸಸ್ಸ ಪಸ್ಸಾದೇಸೋ।
೨೬೫. ತಿಕಂ ಬಾಹುಮ್ಹಿ। ವಹತಿ ಅನೇನಾತಿ ವಾಹು, ವಾಹು ಏವ ಬಾಹು, ಕು ಭುಜೋ। ಭುಜ ಪಾಲನಜ್ಝೋಹಾರೇಸು। ಬಾಹು ಚ ಭುಜೋ ಚೇತಿ ದ್ವನ್ದೋ, ಏತೇ ದ್ವೇ ದ್ವೀಸು, ಇತ್ಥಿಯಂ ಭುಜಾ। ವಹತಿ ಯಾಯಾತಿ ಬಾಹಾ। ಅಪರೋಸದ್ದೋಪ್ಯತ್ರ
ತಿಕಂ ಹತ್ಥೇ। ಹಸ ಹಸನೇ, ಥೋ। ಹರ ಹರಣೇ ವಾ। ನಕ್ಖತ್ತೇಪ್ಯಯಂ। ಕರ ಕರಣೇ, ಅ। ಪಣ ಬ್ಯವಹಾರಥುತೀಸು, ಇ। ಪಾ ರಕ್ಖನೇ ವಾ, ಣಿ। ಕರೋ ಚ ಪಾಣಿ ಚ ಕರಪಾಣಯೋ। ಪಞ್ಚಸಾಖೋ, ಸಯೋಪ್ಯತ್ರ।
ಪಕೋಟ್ಠನ್ತೋ ಹತ್ಥಗಣ್ಠಿ ಮಣಿಬನ್ಧೋ ನಾಮ। ಪಕೋಟ್ಠೋ ನಾಮ ಆಮಣಿಬನ್ಧಂ ಕಪ್ಪರಸ್ಸ ಅಧೋಭಾಗೋ। ಮಣಿವಿಕತಿಂ ಬನ್ಧತಿ ಏತ್ಥಾತಿ ಮಣಿಬನ್ಧೋ। ಕುಸ ಅಕ್ಕೋಸೇ, ಠೋ, ಪಕೋಟ್ಠೋ।
ದ್ವಯಂ ಭುಜಮಜ್ಝಗಣ್ಠಿಮ್ಹಿ। ಕಪು ಹಿಂಸಾಯಂ, ಅರೋ। ಕುಪ್ಪರೋತಿಪಿ ಪಾಠೋ, ತದಾ ಅಸ್ಸುತ್ತಂ। ಕಪು ಹಿಂಸಾಯಂ, ಓಣಿ, ಕಪೋಣಿ, ಇತ್ಥಿಯಂ। ಕಫೋಣೀಪ್ಯತ್ರ, ತತ್ಥ ಪಸ್ಸ ಫತ್ತಂ।
೨೬೬. ಪಾಣಿಸ್ಸ ಅನ್ತರಂ ಬಹಿಟ್ಠಾನಂ ಕರಭೋ ವುಚ್ಚತಿ, ಯೇನ ಕುಮಾರಕಾ ಸತ್ಥಂ ಕತ್ವಾ ಅಞ್ಞಮಞ್ಞಂ ಪಹರನ್ತಿ, ಕರ ಹಿಂಸಾಯಂ, ಅಭೋ, ಕರ ಕರಣೇ ವಾ।
ದ್ವಯಂ ಅಙ್ಗುಲಿಮತ್ತೇ। ಕರಸ್ಸ ಪಾಣಿಸ್ಸ ಸಾಖಾ ಕರಸಾಖಾ। ಅಗಿ ಗತ್ಯತ್ಥೋ, ಅಙ್ಗ ಗಮನತ್ಥೋ ವಾ, ಉಲಿ। ಇತ್ಥಿಲಿಙ್ಗೋಯಂ ಅಙ್ಗುಲಿ।
ತಾ ಅಙ್ಗುಲಿಯೋ ಪಞ್ಚಪ್ಪಭೇದಾ, ಯಥಾ – ಅಙ್ಗುಟ್ಠೋ ತಜ್ಜನೀ ಮಜ್ಝಿಮಾ ಅನಾಮಿಕಾ ಕನಿಟ್ಠಾ ಚೇತಿ ಕಮಾ ಸಿಯುಂ। ಅಙ್ಗ ಗಮನತ್ಥೋ, ಅಸ್ಸುತ್ತಂ, ಅಗ್ಗೇ ಪುರೇ ತಿಟ್ಠತೀತಿ ವಾ ಅಙ್ಗುಟ್ಠೋ, ನಿಗ್ಗಹೀತಾಗಮೋ, ಅಸ್ಸುತ್ತಞ್ಚ। ತಜ್ಜ ಹಿಂಸಾಯಂ, ತಜ್ಜೇತಿ ಯಾಯ, ಸಾ ತಜ್ಜನೀ, ಯು, ನದಾದಿ। ಮಜ್ಝೇ ತಿಟ್ಠತೀತಿ ಮಜ್ಝಿಮಾ। ನತ್ಥಿ ನಾಮಮಸ್ಸಾತಿ ಅನಾಮಿಕಾ, ಸಕತ್ಥೇ ಕೋ। ಅತಿಸಯೇನ ಖುದ್ದಕಾತಿ ಕನಿಟ್ಠಾ। ಯುವಪ್ಪಾನಂ ಕನ, ಕಣ ವಾ ಇಯಿಟ್ಠೇಸು।
೨೬೭. ತಜ್ಜನ್ಯಾದೀಹಿ ಯುತೇ ಅಙ್ಗುಟ್ಠೇ ತತೇ ಪಸಾರಿತೇ ಸತಿ ಪದೇಸಾದಿಕಾ ಚತಸ್ಸೋ ಸಞ್ಞಾ ಕಮತೋ ಸಿಯುಂ, ಯಥಾ – ತಜ್ಜನೀಯುತೇ ಪದೇಸೋ। ದಿಸ ಪೇಕ್ಖನೇ। ಮಜ್ಝಿಮಯುತೇ ಅಙ್ಗುಟ್ಠೇ ತತೇ ತಾಲೋ, ತಲ ಪತಿಟ್ಠಾಯಂ। ಅನಾಮಿಕಾಸಹಿತೇ ಅಙ್ಗುಟ್ಠೇ ತತೇ ಗೋಕಣ್ಣೋ, ಗೋಕಣ್ಣಸದಿಸತ್ತಾ, ತಪ್ಪಮಾಣತ್ತಾ ವಾ ಗೋಕಣ್ಣೋ, ಅಥ ವಾ ಗೋಕಣ್ಣೋ ನಾಮ ಏಕೋ ಮಿಗವಿಸೇಸೋ, ತಕ್ಕಣ್ಣಸದಿಸಪ್ಪಮಾಣತ್ತಾ ಗೋಕಣ್ಣೋ, ತಾಲೋ ಚ ಗೋಕಣ್ಣೋ ಚ ತಾಲಗೋಕಣ್ಣಾ। ಲಿಙ್ಗಭೇದಾ ‘‘ತಾಲಗೋಕಣ್ಣವಿದತ್ಥೀ’’ತಿ ನ ವುತ್ತಂ, ಕನಿಟ್ಠಾಯುತೇ ಅಙ್ಗುಟ್ಠೇ ತತೇ ವಿದತ್ಥಿ, ವಿತನೋತೀತಿ ವಿತತ್ಥಿ, ವಿತತ್ಥಿ ಏವ ವಿದತ್ಥಿ, ತನು ವಿತ್ಥಾರೇ,ತಿ, ತಸ್ಸ ಥೋ। ವಿದತ್ಥಿ। ‘‘ಕಮಾ ತತೋ’’ತಿಪಿ ಪಾಠೋ।
ಕುಞ್ಚಿತೋ ಸಙ್ಕೋಚಿತೋ ಪಾಣಿ ಪಸತಾಖ್ಯೋ, ಪಪುಬ್ಬೋ ಸರ ಗತಿಯಂ, ತೋ। ಪಮಾಣಪ್ಪಕರಣತೋ ವಿತತಞ್ಜಲಿಯೇವಾಯಂ ಕವೀಹಿ ಇಚ್ಛಿತೋ। ಸಮ್ಪುಟಞ್ಜಲಿ ಪನಾಯಂ, ಪಸಾರಿತಸಹಿತಾ
ಕುಞ್ಚಿತೋ ಚ ತತಙ್ಗುಟ್ಠೋ, ಸಪತಾಕೋತಿ ಸಮ್ಮತೋ।
ಪತಾಕೇಹಿ ತು ಹತ್ಥೇಹಿ, ಸಮ್ಪುಟಞ್ಜಲಿ ಇಚ್ಛಿತೋ॥
ದೇವತಾನಂ ಗರೂನಞ್ಚ, ಪಿತೂನಞ್ಚೇ’ಚ್ಛಿತೋ ಪುರೇ।
ಅತ್ಥಪ್ಪಕರಣಾದೀಹಿ, ಭೇದೋ ಞೇಯ್ಯೋ ತಹಿಂ ತಹಿಂ॥
ಯಥಾ ಜಲಞ್ಜಲಿಂ ದದಾತಿ, ಅಞ್ಜಲಿನಾ ಪಿವತಿ, ದೇವೋಯಂ ಕತಞ್ಜಲಿರಿತಿ। ಪುಟಞ್ಜಲಿಸ್ಸ ವಾ ವಕ್ಖಮಾನತ್ತಾ ಇಧ ವಿತತಞ್ಜಲಿಯೇವ।
೨೬೮. ತಿಕಂ ಸಪ್ಪಕೋಟ್ಠೇ ವಿತತಕರೇ। ರಮು ಕೀಳಾಯಂ, ತನೋ, ಮಲೋಪೋ, ರತನಂ, ಮಣಿಬುದ್ಧಾದೀಸು ಚ। ಕುಕ ಆದಾನೇ, ಉ ಹಸ ಧಾತುಮ್ಹಾ ಥೋ, ತೋ ವಾ, ಹತ್ಥೋ, ಹತ್ಥಸಹಿತತ್ತಾ ವಾ ಪಕೋಟ್ಠೋ ಹತ್ಥೋ।
ದ್ವಯಂ ಸಮ್ಪುಟಞ್ಜಲಿಮ್ಹಿ। ಕರಮಯೋ ಪುಟೋ ಕರಪುಟೋ, ಅಞ್ಜ ಬ್ಯತ್ತಿಗತಿಕನ್ತೀಸು, ಅಲಿ, ಅಞ್ಜಲಿ। ಕರಪುಟೋ ಚ ಅಞ್ಜಲಿ ಚೇತಿ ಕರಪುಟಞ್ಜಲೀ।
ದ್ವಯಂ ನಖೇ। ಕರೇ ಜಾಯತಿ ರುಹತೀತಿ ಕರಜೋ। ನತ್ಥಿ ಖಂ ಇನ್ದ್ರಿಯಂ ಏತ್ಥಾತಿ ನಖೋ, ಸಞ್ಞಾಸದ್ದತ್ತಾ ನ ಅತ್ತಂ, ಅವಿಸಯತ್ತಾ ವಾ। ಪುನಬ್ಭವೋ, ಕರರುಹೋ, ನಖರೋತಿಪಿ ನಖಸ್ಸ ನಾಮಾನಿ।
ದ್ವಯಂ ಪುಟಙ್ಗುಲಿಕರೇತಿಖ್ಯಾತೇ ಮುಟ್ಠಿಮ್ಹಿ। ಖಟ ಇಚ್ಛಾಯಂ, ಣ್ವು, ಖದ ಹಿಂಸಾಯಂ ವಾ, ದಸ್ಸ ಟೋ। ಮು ಬನ್ಧನೇ,ತಿ, ತಸ್ಸ ಠೋ, ದ್ವಿತ್ತಂ।
೨೬೯. ಪಸ್ಸದ್ವಯವಿತ್ಥತಾ ಪಸ್ಸದ್ವಯೇಪಿ ವಿತತಾ ಪಸಾರಿತಾ ಸಹಕರಾ ಸಪಾಣಯೋ ದ್ವೇ ಬಾಹೂ ಬ್ಯಾಮೋ ನಾಮ, ಬ್ಯಾಮೀಯತೇ ಅನೇನಾತಿ ಬ್ಯಾಮೋ, ವಿಪುಬ್ಬೋ ಯಾಮ ಅಞ್ಛೇ। ಉದ್ಧಂ ಉಪರಿ ತತಾ ವಿತತಾ ಭುಜಾ ಚ ಪೋಸೋ ಚ ತೇಸಂ ಸಮುದಿತಾನಂ ಪಮಾಣಸದಿಸಂ ಪಮಾಣಂ ಯಸ್ಸ ತಸ್ಮಿಂ ಉದ್ಧನ್ತತಭುಜಪೋಸಪ್ಪಮಾಣೇ ಪೋರಿಸಸದ್ದೋ ವತ್ತತಿ। ಭುಜಸದ್ದೇನ ಸಹಕರಾ ಭುಜಾ ಗಯ್ಹತೇ, ಏಕಸ್ಸ ಪಮಾಣಸದ್ದಸ್ಸ ಲೋಪೋ, ಪುರಿಸಸ್ಸ ಪಮಾಣಂ ಪೋರಿಸಂ। ಪುರಿಸಸದ್ದೋ ಚೇತ್ಥ ಸಕರಭುಜಪುರಿಸಂ ವದತಿ, ತೀಸು, ಯಥಾ – ಪೋರಿಸಂ ಜಲಂ, ಪೋರಿಸೋ ಹತ್ಥೀ, ಪೋರಿಸೀ ಯಟ್ಠಿ।
೨೭೦. ದ್ವಯಂ ಉರಸಿ। ಉಸ ದಾಹೇ, ರೋ, ಸಲೋಪೋ, ಅರ ಗತಿಮ್ಹಿ ವಾ, ಅಸ್ಸುಕಾರೋ। ಹರ ಹರಣೇ, ಯೋ, ರಸ್ಸ ದೋ। ಕೋಳಂ ತನು ವಿತ್ಥಾರೇ, ತನೋತಿ ಇಚ್ಛನ್ತಿ ಥನೋ, ತಸ್ಸ ಥೋ, ಥನ ದೇವಸದ್ದೇ, ಥನ ಚೋರಿಯೇ ವಾ। ಕುಚ ಸಙ್ಕೋಚನೇ, ಕುಚೋ। ಪಯೋ ಖೀರಂ ಧಾರೇತೀತಿ ಪಯೋಧರೋ। ಕುಚೋ ಚ ಪಯೋಧರೋ ಚಾತಿ ದ್ವನ್ದೋ।
ಥನಗ್ಗಸ್ಮಿಂ ಥನಸ್ಸ ಅಗ್ಗೇ ಚೂಚುಕಂ, ನಪುಂಸಕೇ। ‘‘ಚೂಚುಕೋ ಸೋ ಕುಚಾನನ’’ನ್ತಿ ರತನಕೋಸೋ, ಚು ಚವನೇ, ಉಕೋ, ದ್ವಿತ್ತಂ, ದೀಘೋ ಚ, ಚೂಚುಕಂ, ಚನ್ಚು ಗತಿಯಂ ವಾ, ಉಕೋ, ನಲೋಪೋ, ಅಸ್ಸೂಕಾರೋ, ಚೂಚುಕಂ।
ದ್ವಯಂ ಪಿಟ್ಠೇ ಕಾಯಸ್ಸ ಪಚ್ಛಾಭಾಗೇ। ಪಿಟ ಸದ್ದಸಙ್ಘಾತೇಸು, ತೋ। ಇತರತ್ರ ತಿ, ಪಿಸು ಸೇಚನೇ ವಾ।
೨೭೧. ತಿಕಂ ತನುಮಜ್ಝೇ। ಮಜ್ಝೇ ಭವೋ ಮಜ್ಝೋ। ಲಗ ಸಙ್ಗೇ, ಅ। ಮಜ್ಝೇ ಭವಂ ಮಜ್ಝಿಮಂ। ಚತುಕ್ಕಂ ಉದರೇ। ಕುಸ ಅಕ್ಕೋಸೇ, ಛಿ, ಸಸ್ಸ ಚೋ। ಗಹ ಉಪಾದಾನೇ, ಅನಿ, ಈಮ್ಹಿ ಗಹಣೀ, ಗಬ್ಭಂ ಗಣ್ಹಾತಿ ಧಾರೇತೀತಿ ವಾ ಗಹಣೀ, ಗಬ್ಭಾಸಯಸಞ್ಞಿತೋ ಮಾತುಕುಚ್ಛಿಪ್ಪದೇಸೋ, ತೇಜೋಧಾತುಮ್ಹಿ ಪನ ಯಥಾಭುತ್ತಾಹಾರಸ್ಸ ವಿಪಾಚನವಸೇನ ಗಣ್ಹನತೋ ಅಛಡ್ಡನತೋ ಗಹಣೀ। ಉಪುಬ್ಬೋ ದರ ಗಮನೇ। ಉದರತಿ ಉದ್ಧಂ ಗಚ್ಛತಿ ವಾಯು ಯತ್ರಾತಿ ಉದರಂ। ಗು ಸದ್ದೇ, ಅಭೋ, ದ್ವಿತ್ತಾದಿ, ಗಬ್ಭೋ। ಪಿಚಣ್ಡ ಜಠರ ತುನ್ದಾಪ್ಯತ್ರ।
ಕುಚ್ಛಿಸಮ್ಭವೇ ಕುಚ್ಛಿಟ್ಠೇ ಕೋಟ್ಠೋ, ಅನ್ತೋ ಚಾತಿ ಇಮೇ ದ್ವೇ ವತ್ತನ್ತಿ, ಕುಸ ಅಕ್ಕೋಸೇ, ತೋ, ಠೋ ವಾ। ಅಮ ಗಮನತ್ಥೋ, ತೋ।
೨೭೨. ಚತುಕ್ಕಂ ಹನಧಾತುಮ್ಹಾ ಯು, ಹಸ್ಸ ದ್ವಿತ್ತಂ, ಹಸ್ಸ ಜೋ, ಹನಸ್ಸ ಘೋ ಚ, ಜಘನಂ। ನಿಚ್ಛಯೇನ ತಮತೀತಿ ನಿತಮ್ಬೋ, ತಮುಧಾತುಮ್ಹಾ ಬೋ। ಸೂ ಪಸವೇ, ಣಿ। ಕಟ ವಸ್ಸಾವರಣೇಸು, ಕಟ್ಯತೇ ಆವರೀಯತೇ ವತ್ಥಾದೀಹಿ ಕಟಿ, ಇ, ಏತೇ ದ್ವೇ ನಾರಿಯಂ। ಏತ್ಥ ಚ ಜಘನಸದ್ದೇನ ಇತ್ಥಿಕಟಿಯಾ ಅಗ್ಗಭಾಗೋ, ನಿತಮ್ಬಸದ್ದೇನ ಇತ್ಥಿಕಟಿಯಾ ಪಚ್ಛಾಭಾಗೋ, ಸೇಸದ್ವಯೇನ ಕಟಿಸಾಮಞ್ಞಂ ವುತ್ತನ್ತಿ ದಟ್ಠಬ್ಬಂ, ವುತ್ತಞ್ಚ ‘‘ಪಚ್ಛಾ ನಿತಮ್ಬೋ ಥೀಕಟ್ಯಾ, ಜಘನಂ ತು ಪುರೋ ಭವೇ’’ತಿ
೨೭೩. ಲಿಙ್ಗನ್ತಂ ಲಿಙ್ಗಸಾಮಞ್ಞೇ। ಅಙ್ಗೇ ಸರೀರೇ ಜಾಯತೀತಿ ಅಙ್ಗಜಾತಂ, ಅಙ್ಗಸದ್ದೋ ಸರೀರವಾಚಕೋ, ಅಙ್ಗಮೇತಸ್ಸತ್ಥೀತಿ ಕತ್ವಾ। ರಹಸಿ ಠಾನೇ ಜಾತಂ ಅಙ್ಗಂ ರಹಸ್ಸಙ್ಗಂ, ಸತ್ತಮಿಯಾಲೋಪೋ, ಇಸ್ಸತ್ತಂ, ಸಸ್ಸ ದ್ವಿತ್ತಞ್ಚ। ವತ್ಥೇನ ಗುಯ್ಹಿತಬ್ಬನ್ತಿ ವತ್ಥಗುಯ್ಹಂ। ಮಿಹ ಸೇಚನೇ, ಕರಣೇ ಯು, ಮಿಹತಿ ರೇತೋಮುತ್ತಾನಿ ಯೇನಾತಿ ಮೇಹನಂ। ನಿಪುಬ್ಬೋ ಮಿಹ ಸೇಚನೇ, ತೋ, ನಿಮಿತ್ತಂ। ಉತ್ತಮಙ್ಗತ್ತಾ ವರಙ್ಗಂ। ವಜ ಗತಿಯಂ, ಅಸ್ಸೀಕಾರೋ, ಪಚ್ಚಯೇಹಿ ವಿನಾ ಜಾಯತೀತಿ ವಾ ಬೀಜಂ, ವಿರಹತ್ತಜೋತಕೋ ಹ್ಯೇತ್ಥ ವಿಕಾರೋ। ಫಲ ನಿಪ್ಫತ್ತಿಯಂ, ಫಲತಿ ಏತೇನ ಪುತ್ತನ್ತಿ ಫಲಂ। ಲಿಙ್ಗತಿ ‘‘ಇತ್ಥೀ, ಪುರಿಸೋ’’ತಿ ವಿಭಾಗಂ ಗಚ್ಛತಿ ಯೇನಾತಿ ಲಿಙ್ಗಂ। ಲಿಙ್ಗ ಲಿಙ್ಗಂ। ಏತೇಸು ಬೀಜಫಲಸದ್ದಾ ಅಣ್ಡೇಪಿ ವತ್ತನ್ತಿ।
ದ್ವಯಂ ಪುರಿಸಲಿಙ್ಗಪಸಿಬ್ಬಕೇ। ಅಮ ಗಮನೇ, ಡೋ, ಅಣಸದ್ದತ್ಥೋ ವಾ, ಡೋ, ಅಡಿ ಅಣ್ಡತ್ಥೇ ವಾ, ತೋ। ಕುಸ ಅಕ್ಕೋಸೇ, ಣೋ। ಅಣ್ಡಸದ್ದೋ ಚೇತ್ಥ ಬೀಜೇಪಿ, ಅಣ್ಡಕೋಸೋತಿ ಸಮುದಿತಮ್ಪಿ ಕೋಸಸ್ಸ ನಾಮಂ, ‘‘ಕುಕ್ಕುಟಚ್ಛಾಪಕಸ್ಸೇವ ಅಣ್ಡಕೋಸಮ್ಹಾ’’ತಿ ಅಮರಕೋಸೇಪಿ ಅಣ್ಡಕೋಸೋತಿ ವಿಗ್ಗಹೋ ಕಾತಬ್ಬೋ।
ದ್ವಯಂ ಇತ್ಥಿಯಾ ಅಙ್ಗಜಾತೇ। ಯು ಮಿಸ್ಸನೇ, ಅಧಿಕರಣೇನಿ, ಯೋನಿ, ಇತ್ಥಿಯಂ ಪುಮೇ ಚಾಯಂ, ಇತ್ಥೀ ಚ ಪುಮಾ ಚ ಇತ್ಥಿಪುಮಂ, ತಸ್ಮಿಂ। ಭಜನ್ತಿ ಅಸ್ಮಿನ್ತಿ ಭಗಂ। ಮಾರಮನ್ದಿರ ಮಾರಕೂಪಾ ಚಾತ್ರ।
೨೭೪-೨೭೫. ತಿಕಂ ಇತ್ಥಿಪುರಿಸಾನಂ ಸಮ್ಭವೇ। ಸುಚಿಸ್ಸ ಪಟಿಪಕ್ಖೋ ಅಸುಚಿ, ಇಕಾರನ್ತೋ, ದ್ವೀಸು, ಸಮ್ಭವಲಿಙ್ಗೋ ವಾ। ಸಂಪುಬ್ಬಾ ಭೂಧಾತುಮ್ಹಾ ಅ। ಸಕ ಸಾಮತ್ಥಿಯಂ, ತೋ, ತಸ್ಸ ಕೋ, ಅಸ್ಸುತ್ತಂ, ಸುಚ ಸೋಕೇ ವಾ, ಕೋ।
ದ್ವಯಂ ವಚ್ಚಮಗ್ಗೇ। ಪುನನ್ತಿ ಅನೇನಾತಿ ಪಾಯು। ಪೂ ಪವನೇ, ಉ, ಊಸ್ಸಾಯೋ, ಪಯ ಗಮನತ್ಥೋ ವಾ, ಪಯತಿ ವಚ್ಚಮನೇನಾತಿ ಪಾಯು, ಪುರಿಸೇ ಪುಲ್ಲಿಙ್ಗೇ ವತ್ತತಿ। ಗುದ ಕೀಳಾಯಂ, ಅ। ಅಪಾನಂಪ್ಯತ್ರ।
ಅಟ್ಠಕಂ ವಚ್ಚೇ। ಗೂಥ ಕರೀಸೋಸ್ಸಗ್ಗೇ, ಗುಪ ಗೋಪನೇ ವಾ, ಥೋ। ಕಿರ ವಿಕಿರಣೇ, ಈಸೋ, ಕರೀಸಂ। ವರ ವರಣಸಮ್ಭತ್ತೀಸು, ಚೋ, ಗೂಥಞ್ಚ ಕರೀಸಞ್ಚ ವಚ್ಚಞ್ಚೇತಿ ದ್ವನ್ದೋ, ತಾನಿ ವಿಕಪ್ಪೇನ ಪುಮೇ ವತ್ತನ್ತಿ, ನಿಚ್ಚಂ ನಪುಂಸಕೇ, ಪುಲ್ಲಿಙ್ಗತ್ತಂ ತೇಸಂ ಕತ್ಥಚಿಯೇವ, ಸಬ್ಬತ್ರ ನಪುಂಸಕತ್ತಮೇವ ಬಹುಲನ್ತ್ಯತ್ಥೋ। ಮಲ ಚಲನೇ, ಅ, ಮಲ ಧಾರಣೇ ವಾ। ಸಕ ಸತ್ತಿಯಂ, ಸಸ್ಸ ಛೋ। ಉಚ್ಚಾರೀಯತೇ ಜಹ್ಯತೇತಿ ಉಚ್ಚಾರೋ, ಉಪುಬ್ಬೋ ಚರಧಾತು ಚಜನೇ, ಉಕ್ಖಿಪನೇ ಚ ವತ್ತತಿ। ಮಿಹ ಸೇಚನೇ, ಲೋ, ವಣ್ಣವಿಪರಿಯಯೋ, ಳತ್ತಞ್ಚ। ಅವಕರೀಯತೇತಿ ಉಕ್ಕಾರೋ, ಅವಸ್ಸುತ್ತಂ, ಕಿರ ವಿಕ್ಖಿಪನೇ। ಸಮಲಂಪ್ಯತ್ರ। ಸಮು ಉಪಸಮೇ, ಅಲೋ।
ದ್ವಯಂ ಮುತ್ತೇ। ಸು ಸವನೇ, ಸವನಂ ಸನ್ದನಂ, ಚುರಾದಿ, ಣೋ। ಮುಚ ಮೋಚನೇ, ತೋ, ಮುತ್ತ ಪಸ್ಸಾವೇ ವಾ। ಉಚ್ಚತೇ ಕಥೀಯತೇ। ಗೋಮುತ್ತೇ ಗವಂ ಸಮ್ಬನ್ಧಿನಿ ಮುತ್ತೇ ಪೂತಿಮುತ್ತಸದ್ದೋ ವತ್ತತಿ। ಅಜ್ಜ ಪವತ್ತಮ್ಪಿ ಹಿ ತಂ ದುಗ್ಗನ್ಧಭಾವೇನ ಪೂತಿಮುತ್ತನ್ತ್ವೇವ ವುಚ್ಚತಿ, ಯಥಾ ‘‘ಪೂತಿಕಾಯೋ’’ತಿ। ಅಸ್ಸಾದೀನಂ ಮಲೇ ಛಕಣಸದ್ದೋ, ಸಕ ಸತ್ತಿಯಂ, ಯು, ಸಸ್ಸ ಛೋ।
೨೭೬. ನಾಭಿಯಾ ಅಧೋಭಾಗೋ ವತ್ಥಿ ನಾಮ, ಸೋ ದ್ವೀಸು। ವತ್ಥಿ ಮುತ್ತಪುಟಂ। ‘‘ಮುತ್ತಾಸಯಪುಟೋ ವತ್ಥಿ’’ರಿತಿ ರತನಮಾಲಾ। ವಸತಿ ಮುತ್ತಮೇತ್ಥಾತಿ ವತ್ಥಿ, ವಸ ನಿವಾಸೇ,ತಿ, ತಸ್ಸ ಥೋ, ತ್ಥಿಪಚ್ಚಯೇನ ವಾ ಸಿದ್ಧಂ। ಉಚ್ಛಙ್ಗಂ ಅಙ್ಕಞ್ಚ ಇಮೇ ದ್ವೇ ಉಭೋ ಸದ್ದಾ ಉಚ್ಛಙ್ಗಂ, ಸಜ ಸಙ್ಗೇ, ಸಸ್ಸ ಛೋ, ದ್ವಿತ್ತಂ। ಅಙ್ಕ ಗಮನತ್ಥೋ, ಅ, ಅಙ್ಕೋ, ಅಥ ವಾ ಅಙ್ಕ ಲಕ್ಖಣೇ, ಅ, ಅಙ್ಕೋ, ‘‘ಉಚ್ಛಙ್ಗಚಿಹನೇಸ್ವ’ಙ್ಕೋ’’ತಿ ಅಮರಕೋಸೇ
ದ್ವಯಂ ಜಾಣೂಪರಿಭಾಗೇ। ಅರ ಗಮನೇ, ಉ, ಅಸ್ಸೂಕಾರೋ। ಸನ್ಜ ಸಙ್ಗೇ, ಆಸಜ್ಜತಿ ವತ್ಥಮತ್ರಾತಿ ಸತ್ಥಿ, ಥಿ। ಊರು ಚ ಸತ್ಥಿ ಚೇತಿ ದ್ವನ್ದೋ, ನಪುಂಸಕೇಪಿ।
ತಿಕಂ ಜಾಣುಮ್ಹಿ, ಊರುನೋ ಪಬ್ಬಂ ಗಣ್ಠಿ ಊರುಪಬ್ಬಂ। ಜನ ಜನನೇ, ಣು। ದ್ವಿತ್ತೇ ಜಣ್ಣು।
೨೭೭. ದ್ವಯಂ ಪಾದಗಣ್ಠಿಮ್ಹಿ। ಗುಪ ರಕ್ಖಣೇ ಫೋ, ಸಕತ್ಥೇ ಕೋ। ಪಾದಸ್ಸ ಗಣ್ಠಿ ಪಾದಗಣ್ಠಿ। ಘುಟಿಕಾಪ್ಯತ್ರ। ಘುಟ ಪರಿವತ್ತನೇ, ಘುಟ್ಯತೇ ಅನೇನೇತಿ ಘುಟಿಕಾ, ಣ್ವು।
ದ್ವಯಂ ಪಾದಸ್ಸ ಪಚ್ಛಾಭಾಗೇ ಗೋಪ್ಫಕಸ್ಸಾಧೋ ಭಾಗೇ। ಪುಮೇ ತೂತಿ ತ್ವನ್ತಂ ಲಿಙ್ಗಪದಂ। ಪಸ ಬಾಧನಫುಸನೇಸು,ತಿ, ತಸ್ಸ ಣೋ, ಸಸ್ಸ ಹೋ, ವಣ್ಣವಿಪರಿಯಯೋ, ಣಿಪಚ್ಚಯೇನ ವಾ ಸಿದ್ಧಂ। ಸಕಾರವಣ್ಣಾಗಮೇ ವುದ್ಧಿಯಞ್ಚ ಪಾಸಣ್ಹಿ। ಏಲಿಪ್ಯತ್ರ, ಇಲ ಗತಿಯಂ,ತಿ, ತಲೋಪೋ।
ದ್ವಯಂ ಪಾದಗ್ಗೇ। ಪಾದಸ್ಸ ಅಗ್ಗಂ ಪಾದಗ್ಗಂ। ಪಕಟ್ಠಂ ಪದಂ ಪಪದನ್ತಿ ಕಮ್ಮಧಾರಯೋ। ‘‘ಪಪದೋ’’ತಿಪಿ ಪಾಠೋ। ತಿಕಂ ಪಾದೇ। ಪದ ಗತಿಮ್ಹಿ, ಣೋ, ಪಜ್ಜತೇತಿ ಪಾದೋ। ಪಜ್ಜತೇ ಗಚ್ಛತೀತಿ, ಅ। ಚರಮ್ಹಾ ಕರಣೇ ಯು, ಚರಣಂ, ಇದಂ ಪುಮೇ ವಿಕಪ್ಪೇನ, ನಿಚ್ಚಂ ನಪುಂಸಕೇ। ಅಙ್ಘಿಪ್ಯತ್ರ, ಅಹಿ ಗತಿಯಂ। ಇ, ಹಸ್ಸ ಘೋ।
೨೭೮. ದ್ವಯಂ ಅಙ್ಗಿ ಗತ್ಯತ್ಥೋ, ಅ। ಅವಪುಬ್ಬೋ ಯು ಮಿಸ್ಸನೇ, ಅ। ಪತೀಕೋ, ಅಪಘನೋಪ್ಯತ್ರ। ಪತಿಪುಬ್ಬಾ ಇಮ್ಹಾ ಕೋ। ಅಪಪುಬ್ಬಾ ಹನಿಮ್ಹಾ ಅ, ಘನಾದೇಸೋ ಚ।
ದ್ವಯಂ ಪಸ್ಸಟ್ಠಿಮ್ಹಿ। ಪಾ ರಕ್ಖಣೇ, ಸು, ಳಿಕಾರವಣ್ಣಾಗಮೋ, ಸಕತ್ಥೇ ಕೋ, ಪಸ್ಸ ಫೋ। ಅಳಾಗಮೇ ಫಾಸುಕಾ। ‘‘ಪಾಸುಳಿಕಾ, ಪಾಸುಕಾ’’ತಿಪಿ ಪಾಠೋ। ಫುಸ ಸಮ್ಫಸ್ಸೇತಿಪಿ ಧಾತು, ತದಾ ಉಪಚ್ಚಯಾದಿ।
ದ್ವಯಂ ಅಟ್ಠಿಮತ್ತೇ। ಅಸು ಖೇಪನೇ, ಇ, ಸಸ್ಸ ಟ್ಠೋ, ಅಟ್ಠಿ, ಇದಂ ಪಣ್ಡಕೇ ನಪುಂಸಕೇ ವತ್ತತಿ। ಧಾ ಧಾರಣೇ, ತು, ಇತ್ಥೀ। ಕೀಕಸಂ, ಕುಲ್ಲಂಪ್ಯತ್ರ। ಗಲಸ್ಸ ಕಣ್ಠಸ್ಸ ಹೇಟ್ಠಿಮನ್ತೇ ಜಾತಮಟ್ಠಿ ಗಲನ್ತಟ್ಠಿ। ಅಕ ಗಮನೇ, ಖೋ, ಸಕತ್ಥೇ ಕೋ।
೨೭೯-೨೮೦. ದ್ವಯಂ ಸಿರಸೋಟ್ಠಿಖಣ್ಡೇ। ಸಮುದಿತೇ ತು ಕರೋಟಿ, ಇತ್ಥೀ ಕಪು ಸಾಮತ್ಥಿಯೇ, ಅರೋ, ಕಂ ಸೀಸಂ ಪಾಲೇತೀತಿ ವಾ ಕಪ್ಪರೋ, ರಸ್ಸೋ, ಲಸ್ಸ ರತ್ತಞ್ಚ। ಕಂ ಪಾಲಯತೀತಿ ರುದ್ದೋ ಕಪಾಲಸದ್ದೋ ವಿಕಪ್ಪೇನ ಪುಲ್ಲಿಙ್ಗೋ। ಕಡಿ ಛೇದೇ, ಅರೋ। ಮಹತೀ ಸಿರಾ ಮಹಾಸಿರಾ, ಸಿರಾತಿ ಚ। ಸಿ ಬನ್ಧನೇ, ರೋ।
ತಿಕಂ ಸುಸಿರವತ್ಯಂ ವಾಯುವಹನ್ತಸಿರಾಯಂ। ತಿವಿಧಾ ಹಿ ಕಾಯಸಿರಾ ಏಕಾ ವಾಯುವಹಾ, ಅಪರಾ ಸುತ್ತಮಿವಾಟ್ಠಿಬನ್ಧಿನೀ, ಅಞ್ಞಾ ಆಹಾರವಾಹಿನೀ ಅನ್ತಖ್ಯಾ। ತತ್ರ ತತಿಯೇನ ಪಠಮಾ, ಪಠಮದುತಿಯೇಹಿ ದುತಿಯಾ ಚ ದೀಪಿತಾ, ತತಿಯಾ ಪನ ಪರತೋ ವಕ್ಖತಿ। ನಹ ಬನ್ಧನೇ, ಅರು। ಸಿ ಬನ್ಧನೇ, ರೋ। ಧಮ ಸದ್ದೇ, ಯು। ನದಾದಿ, ಅನಿ ವಾ, ಧಮನೀ।
ತತಿಯಂ ದಸ್ಸೇತುಮಾಹ ‘‘ರಸಗ್ಗಸಾ’’ತ್ಯಾದಿ। ರಸಂ ಗಸತೀತಿ ರಸಗ್ಗಸಾ, ಗಸ ಅದನೇ। ರಸಂ ಹರತಿ ನೇತೀತಿ ರಸಹರಣೀ, ಯು, ನದಾದಿ।
ತಿಕಂ ಮಂಸೇ। ಮನ ಞಾಣೇ, ಸೋ। ಮಿಸ ಸದ್ದೇ, ಆಪುಬ್ಬೋ ಆಮಸನೇ ವಾ। ಪಿಸ ಅವಯವೇ, ತೋ। ಪಲಲಂ, ಕಬ್ಬಂಪ್ಯತ್ರ।
ದ್ವಯಂ ಆತಪಾದಿನಾ ಸುಕ್ಖಮಂಸೇ। ತಿಲಿಙ್ಗಕನ್ತೂತಿ ತ್ವನ್ತಂ ಲಿಙ್ಗಪದಂ। ವಲ, ವಲ್ಲ ಸಂವರಣೇ, ಊರೋ, ಇತ್ಥಿಯಂ ‘‘ಇತ್ಥಿಯಮತೋ ಆಪಚ್ಚಯೋ’’ತಿ ಆ, ವಲ್ಲೂರಾ। ಉದ್ಧಂ ತತ್ತಂ ಉತ್ತತ್ತಂ। ತಪ ಸನ್ತಾಪೇ, ತೋ।
೨೮೧. ಚತುಕ್ಕಂ ಲೋಹಿತೇ। ರುಹ ಜನನೇ, ತೋ, ಇತೋ ವಾ। ರುನ್ಝತೇ ಚಮ್ಮೇನಾತಿ ರುಧಿರಂ, ಇರೋ। ಸೋಣ ವಣ್ಣೇ, ತೋ। ರಞ್ಜ ರಾಗೇ, ತೋ। ಅಸಂ, ಖತಜಂಪ್ಯತ್ರ
ತಿಕಂ ಲಾ ಆದಾನೇ, ಅಲೋ, ಇತ್ಥಿಯಮಾ, ಲಲ ಇಚ್ಛಾಯಂ ವಾ, ಇತ್ಥಿಯಮಾ। ಖೇಲ ಗತಿಯಂ, ಅ। ಖಲ ಚಲನೇ, ಸಞ್ಚಯೇ ವಾ, ಣೋ, ಳತ್ತಂ, ಖಂ ವಾ ಆಕಾಸಂ ಇಲತೀತಿ ಖೇಳೋ। ಇಲ ಗತಿಯಂ, ಕಮ್ಮನಿ ಣೋ, ಇಲ ಗತಿಮ್ಹಿ ವಾ, ಅ, ಇಸ್ಸೇ।
ದ್ವಯಂ ಪಿತ್ತೇ। ಮಾ ಪರಿಮಾಣೇ, ಧು। ಮದ ಉಮ್ಮಾದೇ ವಾ, ಣು, ದಸ್ಸ ಧೋ। ಮಾಯೂತಿ ಪಾಠೇ ಮಯ ಗತಿಯಂ, ಣು। ಮಾಧುಮಾಯುಸದ್ದಾ ದ್ವೇ ಪುರಿಸೇ ಪುಲ್ಲಿಙ್ಗೇ। ಅಪಿದಧಾತೀತಿ ಪಿತ್ತಂ। ಅಪಿಪುಬ್ಬೋ ಧಾ ಪಿಧಾನೇ, ತೋ, ಅಲೋಪೋ, ಭುಜಾದಿ, ಪಿತ್ತಂ, ನಪುಂಸಕೇ।
ದ್ವಯಂ ಸೇಮ್ಹೇ। ಸಿಲಿಸ ಸಿಲೇಸನೇ, ಚುರಾದಿ, ಸಿಲಿಸ್ಯತೇ ಅತ್ರೇತಿ ಸೇಮ್ಹೋ, ಮನ, ಲಿಸಸ್ಸ ಹೋ, ವಣ್ಣವಿಪರಿಯಯೋ। ಇತರತ್ರ ಉಮೋ, ಸಿಲೇಸುಮೋ। ಕಫೋಪ್ಯತ್ರ, ಕೇನ ತೋಯೇನ ಫಾತಿ ವುದ್ಧಿ ಯಸ್ಸ ಕಫೋ, ನೇರುತ್ತೋ।
೨೮೨-೨೮೩. ವಿಲೀನೋ ವಿಭೂತೋ ಸ್ನೇಹೋ ವಸಾತ್ಯುಚ್ಚತೇ, ವಸ ನಿವಾಸೇ, ಆ। ದ್ವಯಂ ಅವಿಲೀನಸ್ನೇಹೇ। ಮಿದ ಸ್ನೇಹನೇ, ಣೋ। ವಪ ಬೀಜಸನ್ತಾನೇ, ಅ, ವಪಾ। ‘‘ವಪಾ ವಿವರಮೇದೇಸೂ’’ತಿ ನಾನತ್ಥಸಙ್ಗಹೇ, ಅಮರಕೋಸೇ ಪನ ಮೇದಾದೀನಮೇಕತ್ಥತಾ ದೀಪಿತಾ, ವುತ್ತಞ್ಹಿ ತತ್ಥ ‘‘ಮೇದೋ ತು ವಪಾ ವಸಾ’’ತಿ
ತಿಕಂ ಚನ್ದನಸುವಣ್ಣಾದ್ಯಲಙ್ಕಾರಕತಸರೀರಸೋಭಾಯಂ। ಕಪು ಸಾಮತ್ಥಿಯೇ, ಆಕಪ್ಪನಂ ಆಕಪ್ಪೋ, ಣೋ। ‘‘ನೇಪಚ್ಛೇ ಗೇಹಮತ್ತೇ ರಭಸೋ। ವಸ ಕನ್ತಿಯಂ, ವಿಸಿ ಬ್ಯಾಪನೇ ವಾ, ಣೋ। ನಿಸ್ಸೇಸತೋ ಪಥನಂ ಪಖ್ಯಾನಂ ನೇಪಚ್ಛಂ, ಪಥ ಪಖ್ಯಾನೇ ಘ್ಯಣ। ಪಟಿಕಮ್ಮಂ, ಪಸಾಧನಂಪ್ಯತ್ರ।
ಛಕ್ಕಂ ಹಾರಾದ್ಯಾಭರಣೇ। ಮಡಿ ಭೂಸಾಯಂ, ಕರಣೇ ಯು। ಸಾಧ ಸಂಸಿದ್ಧಿಯಂ, ಯು, ಸಾಠ ಸಙ್ಖಾರಗತೀಸು ವಾ, ಪಸಾಠನಂ, ಮುದ್ಧಜದುತಿಯೋತ್ರ। ಭೂಸ ಅಲಙ್ಕಾರೇ, ಕರಣೇಯೇವ ಯು। ಆಭರಿಯ್ಯತೇ ತನ್ತಿ ಆಭರಣಂ, ಭರ ಭರಣೇ, ಕಮ್ಮನಿ ಯು। ಅಲಂ ವಿಭೂಸನಂ ಕರಿಯ್ಯತೇನೇನೇತಿ ಅಲಙ್ಕಾರೋ, ಣೋ। ಪಿಳನ್ಧ ಭೂಸನೇ, ಕರಣೇ ಯು। ಪರಿಕ್ಖಾರೋಪ್ಯತ್ರ
ದ್ವಯಂ ಮಕುಟೇ। ಕಿರ ವಿಕಿರಣೇ, ಈಟೋ। ಮಕಿ ಮಣ್ಡನೇ, ಉಟೋ। ಮುಕುಟೋತಿಪಿ ಪಾಠೋ, ಏತೇ ದ್ವೇ ಅನಿತ್ಥೀ।
ದ್ವಯಂ ಮಕುಟಗ್ಗಟ್ಠೇ ನಾಯಕಮಣಿಮ್ಹಿ। ಮಕುಟಚೂಳಾಯಂ ಚುಮ್ಬಿತಾ ಮಣಿ ಚೂಳಾಮಣಿ। ಮಕುಟಸಿರಸಿ ಚುಮ್ಬಿತಾ ಮಣಿ ಸಿರೋಮಣಿ।
೨೮೪. ದ್ವಯಂ ಉಣ್ಹೀಸಪಟ್ಟೇ। ಸಿರಸೋ ವೇಠನಂ ಸಿರೋವೇಠನಂ। ಉಪುಬ್ಬೋ ನಹ ಬನ್ಧನೇ, ಈಸೋ, ವಣ್ಣವಿಕಾರೋ। ಯಂ ಬಹುಕಾಲಂ ದೇಬ್ಯಾಮನುಸ್ಸೇಸ್ವಪಿ ಭವತಿ, ತತ್ರ ಕಣ್ಣಾಭರಣೇ ಕುಣ್ಡಲಾದಿದ್ವಯಂ। ಕುಡಿ ದಾಹೇ, ಅಲೋ। ವೇಠ ವೇಠನೇ, ಕಣ್ಣಸ್ಸ ವೇಠನಂ ಕಣ್ಣವೇಠನಂ, ಮುದ್ಧಜದುತಿಯೋಯಂ।
ತಿಕಂ ತಾಳಕಾಖ್ಯೇ ಕಣ್ಣಾಭರಣೇ। ಕಣ್ಣಾನಂ ಭೂಸನಂ ಕಣ್ಣಿಕಾ, ಕಣ್ಣಾ ಭೂಸನೇ ಬಹುಲಲಕ್ಖಣೇ ಣಿಕೋ। ಕಣ್ಣಚ್ಛದನಂ ಕಣ್ಣಪೂರೋ। ಕಣ್ಣಸ್ಸ ವಿಭೂಸನಂ ಕಣ್ಣವಿಭೂಸನಂ, ಕರಣೇ ಯು। ತಾಲಪತ್ತಂಪ್ಯತ್ರ।
೨೮೫. ದ್ವಯಂ ಗೀವಾಭರಣೇ। ಕಣ್ಠಸ್ಸ ಭೂಸಾ ಕಣ್ಠಭೂಸಾ, ಥೀ। ಗೀವಾಯಂ ಭವಂ ಗೀವೇಯ್ಯಂ, ಭವತ್ಥೇ ಏಯ್ಯೋ, ಗೀವಾಯ ಆಭರಣಂ ವಾ ಗೀವೇಯ್ಯಂ, ಗೀವತೋ ಆಭರಣೇ ಏಯ್ಯೋ।
ದ್ವಯಂ ಮುತ್ತಾವಲಿಯಂ। ಹರೀಯತೇ ಮನೋ ಯೇನ ಹಾರೋ। ಮುತ್ತಾನಂ ಆವಲಿ ಪನ್ತಿ ಮುತ್ತಾವಲಿ। ಹಾರಾಸದ್ದೋಪ್ಯತ್ರ।
ಚತುಕ್ಕಂ ಪಕೋಟ್ಠಾಭರಣೇ। ಪಕೋಟ್ಠೋ ನಾಮ ಕಪ್ಪರಸ್ಸಾಧೋಭಾಗೋ। ನೀ ನಯೇ, ಉರೋ, ಇಯಾದೇಸೋ। ವಲ ಸಂವರಣೇ, ಅಯೋ, ಅನಿತ್ಥೀ, ನಿಯುರೋಪಿ। ಕಟ ವಸಾವರಣಗತೀಸು, ಣ್ವು। ಪರಿ ಸಮನ್ತತೋ ಹರತಿ ಚಿತ್ತಂ ಯನ್ತಿ ಪರಿಹಾರಕಂ, ಣ್ವು। ಅವಾಪಕೋಪ್ಯತ್ರ।
೨೮೬-೨೮೭. ದ್ವಯಂ ಮುತ್ತಾದಿಘಟಿತವಲಯವಿಕತ್ಯಾಭರಣೇ। ಕಾ ಸದ್ದೇ, ಕಣಪಚ್ಚಯೋ, ಕಣ ಸದ್ದೇ ವಾ, ದ್ವಿತ್ತಂ, ಕಙ್ಕಣಂ, ಕಕಿ ಗತ್ಯತ್ಥೇ ಕಕಿ ಲೋಲ್ಯೇ ವಾ, ಕಙ್ಕತಿ ಯೇನಾತಿ ಕಙ್ಕಣಂ, ಕರಣೇ ಯು। ಕರಸ್ಸ ಭೂಸಾ ಕರಭೂಸಾ, ಥೀ।
ದ್ವಯಂ ಖುದ್ದಘಣ್ಟಿಕಾಯಂ। ಕಿಂ ಕುಚ್ಛಿತಂ ಕಣತೀತಿ ಕಿಙ್ಕಣೀ, ನದಾದಿ। ಕಿಙ್ಕಿಣೀತಿಪಿ ಪಾಠನ್ತರಂ, ತದಾ ಯದಾದಿ। ಖುದ್ದಾ ಏವ ಘಣ್ಟಾ ಖುದ್ದಘಣ್ಟಿಕಾ, ಸಕತ್ಥೇ ಕೋ, ಘಟ ಚಲನೇ।
ದ್ವಯಂ ಅಙ್ಗುಲ್ಯಾಭರಣೇ। ಅಙ್ಗುಲಿಯಂ ಭವಂ ಅಙ್ಗುಲೀಯಕಂ, ಈಯೋ, ಸಕತ್ಥೇ ಕೋ, ಅಙ್ಗುಲೀನಮಾಭರಣಂ ಅಙ್ಗುಲ್ಯಾಭರಣಂ। ಉಮ್ಮಿಕಾಪ್ಯತ್ರ। ತಮೇವಾಙ್ಗುಲೀಯಕಂ ಸಾಕ್ಖರಮಕ್ಖರವನ್ತಂ ‘‘ಮುದ್ದಿಕಾ, ಅಙ್ಗುಲಿಮುದ್ದಾ’’ತಿ ಚೋಚ್ಚತೇ। ಮುದ ತೋಸೇ, ಣ್ವು, ಆ, ಮುದ್ದಿಕಾ, ಫಲವಿಸೇಸೇಪ್ಯಯಂ। ಅಙ್ಗುಲಿಯಂ ಭವಾ ಮುದ್ದಾ ಅಙ್ಗುಲಿಮುದ್ದಾ।
ದ್ವಯಂ ಇತ್ಥಿಕಟ್ಯಾಭರಣೇ। ರಸ ಸದ್ದೇ, ಕತ್ತರಿ ಯು, ಆ, ರಸನಾ। ಸಾಯೇವ ಇನೀಮ್ಹಿ ರಸನೀ। ‘‘ಸಾರೇ ಧನಿಮ್ಹಿ ರಸನಂ, ಜಿವ್ಹಾಯಂ ರಸನಾ ನ ಸೋ’’ತಿ ರುದ್ದೋ। ಮೇಹನಸ್ಸ ಖಸ್ಸ ಮಾಲಾ ಮೇಖಲಾತಿ ನಿರುತ್ತಿ, ಮೇಹನಿನ್ದ್ರಿಯಸ್ಸ ಮಾಲಾತ್ಯತ್ಥೋ। ಕಾಞ್ಚೀ ಸತ್ತಕೀ, ಸಾರಸನಂಪ್ಯತ್ರ।
ಏಕಯಟ್ಠಿ ಭವೇ ಕಾಞ್ಚೀ, ಮೇಖಲಾ ತ್ವ’ಟ್ಠಯಟ್ಠಿಕಾ।
ರಸನಾ ಸೋಳಸಾ ಞೇಯ್ಯಾ, ಕಲಾಪಾ ಪಞ್ಚವೀಸತಿ
ತಿಕಂ ಸೋವಣ್ಣೇ ಪಗಣ್ಡಭೂಸನೇ। ಪಗಣ್ಡೋ ನಾಮ ಕಪ್ಪರಸ್ಸೋಪರಿಭಾಗೋ। ಕೇ ಸದ್ದೇ, ಉರೋ, ಯಾಗಮೋ। ಅಙ್ಗ ಗಮನೇ। ದೋ। ಬಾಹುಮೂಲಸ್ಸ, ಬಾಹುಮೂಲೇ ವಾ ಭವಂ ವಿಭೂಸನಂ ಬಾಹುಮೂಲವಿಭೂಸನಂ।
೨೮೮. ಚತುಕ್ಕಂ ಇತ್ಥಿಚರಣವಿಭೂಸನೇ। ಅಙ್ಗದಾಕಾರಂ ಪಾದಭೂಸನಂ ಪಾದಙ್ಗದಂ। ಮಜಿ ಸದ್ದತ್ಥೋ, ಈರೋ, ಪಾದೇ ಕಟಕಂ ಪಾದಕಟಕಂ। ಊನಂ ಪಾದಂ ಪೂರೇತೀತಿ ನೂಪುರೋ, ವಣ್ಣವಿಪರಿಯಯೋ। ಪಾದಕಟಕೋ ಚ ನೂಪುರೋ ಚೇತಿ ಕಟಕಸದ್ದಸ್ಸ ಪುಲ್ಲಿಙ್ಗೇಪಿ ಪವತ್ತನತೋ ತುಲ ಗತಿಕೋಟಿಲ್ಯೇ। ಕುಟಿಲಕೋಟಿತ್ತಾ ತುಲಾಕೋಟಿ, ಪುಮೇ। ಹಂಸಗತಿತ್ತಾ ಹಂಸಕೋ।
೨೮೯. ಮುಖಫುಲ್ಲಾದಯೋ ಅಲಙ್ಕಾರಪ್ಪಭೇದಾ ಸಿಯುಂ। ಮುಖಫುಲ್ಲಂ ನಾಮ ಸುವಣ್ಣಮಯೋ ಮುಖಾಲಙ್ಕಾರೋ, ಮುಖೇ ಫುಲ್ಲತೀತಿ ಮುಖಫುಲ್ಲಂ, ಫುಲ್ಲ ವಿಕಸನೇ, ದನ್ತಾದೀಸು ಸುವಣ್ಣಮಯಾಲಙ್ಕಾರೋಪಿ ಮುಖಫುಲ್ಲಮೇವ। ಉಣ್ಣತಂ ಸುವಣ್ಣಾದಿರಚಿತಂ ನಲಾಟಾಭರಣಂ, ಉಪುಬ್ಬೋ ನಮು ನಮನೇ। ಏತ್ಥ ಚ ಮುಖಫುಲ್ಲುಣ್ಣತಾನಂ ವಿಸೇಸಂ ವಿಪರಿಯಯೇನಾಪೀತಿ ವದನ್ತಿ। ಗಾವೀನಂ ಥನಾಕಾರತ್ತಾ ಗತ್ಥನಂ, ಓಸ್ಸತ್ತಂ, ತಮೇವ ಉತ್ತಮತ್ತಾ ಉಗ್ಗತ್ಥನಂ, ಚತುಯಟ್ಠಿಕೋ ಹಾರಭೇದೋ। ಗಮು ಗಮನೇ, ಣ್ವು, ದ್ವಿತ್ತಂ, ಅಸ್ಸಿತ್ತಞ್ಚ, ಗಿಙ್ಗಮಕಂ, ಬಾತ್ತಿಂಸಯಟ್ಠಿಕೋ ಹಾರಭೇದೋವ। ಆದಿನಾ ಅದ್ಧಹಾರೋ, ಮಾಣವಕೋ, ಏಕಾವಲೀ, ನಕ್ಖತ್ತಮಾಲಾದಯೋ ಹಾರಭೇದಾ ಚ ಸಙ್ಗಯ್ಹನ್ತಿ
೨೯೦. ಪಜ್ಜಂ ವತ್ಥಮತ್ತೇ। ಚಿಲ ವಸ್ಸನೇ, ಚಿಲ್ಯತೇ ಅಚ್ಛಾದೀಯತೇತಿ, ಣೋ, ಥಿಯಂ ಚೇಲೀ। ಛದ ಸಂವರಣೇ, ಆಪುಬ್ಬೋ ಕರಣೇ, ಯು। ವಸ ಅಚ್ಛಾದನೇ, ವಸ್ಯತೇ ಅಚ್ಛಾದೀಯತೇತಿ ವತ್ಥಂ, ಥೋ। ಣಮ್ಹಿ ವಾಸೋ। ಯುಮ್ಹಿ ವಸನಂ। ಅಮ ಗಮನೇ, ಕರಣೇ ಯು, ಅಂಸುಕಂ, ರಂಸಿಪರಿಯಾಯೋಪ್ಯಯಂ। ಅಮ್ಬ ಸದ್ದೇ, ಕತ್ತರಿ ಅರೋ। ಪಟ ಗಮನೇ, ಕರಣೇ ಅ, ಸೋಭನಚೇಲೇಪ್ಯಯಂ। ದು ಗಮನೇ, ಕರಣೇ ಸೋ, ದ್ವಿತ್ತಂ, ದುರೂಪಂ ಅಸತಿ ಖೇಪತೀತಿ ವಾ ದುಸ್ಸಂ, ದುರೂಪಂ ಅಸತಿ ದೀಪೇತೀತಿ ವಾ ದುಸ್ಸಂ, ದುಪುಬ್ಬೋ ಅಸ ದಿತ್ತಿಯಂ ಚಲ ವಸನೇ, ಅಸ್ಸೋತ್ತಂ, ಳತ್ತಞ್ಚ। ಸಟ ರುಜಾವಿಸರಣಗತ್ಯಾವಸಾನೇಸು, ಣ್ವು।
೨೯೧. ಪಜ್ಜಂ ವತ್ಥಭೇದೇ। ತತ್ರಾದಿದ್ವಯಂ ದುಕೂಲಖ್ಯೇ ವತ್ಥೇ। ಖು ಸದ್ದೇ, ಮೋ, ಖುಮಸದ್ದಾ ವಿಕಾರೇ ಣೋ, ಖುಮಾಯ ವಿಕಾರೋ ಖೋಮಂ, ಖುಮಾ ನಾಮ ಅತಸೀ, ತಬ್ಬಕ್ಕಲಸಮ್ಭವಂ ವತ್ಥಂ, ವಾಚ್ಚಲಿಙ್ಗೋಯಂ। ಕೂಲ ಆವರಣೇ, ದುಕ್ಖೇನ ಕುಲ್ಯತೇತಿ ದುಕೂಲಂ, ದುಮೇಹಿ ಜಾತಂ ಕೂಲನ್ತಿ ವಾ ದುಕೂಲಂ। ಕೇಚಿ ಪನ ‘‘ದುಕೂಲಮ್ಪಿ ಏಕಂ ವತ್ಥನ್ತರಂ, ನ ಖೋಮನಾಮ’’ನ್ತಿ ವದನ್ತಿ। ತಂ ‘‘ಖೋಮ’ಮಟ್ಟೇ ದುಕೂಲೇ ಚ, ಅತಸೀವಸನೇಪಿ ಚ’’, ‘‘ಖೋಮ’ಮಟ್ಟೇ ದುಕೂಲೇಚಾ’’ತಿ ನಾನತ್ಥಸಙ್ಗಹತಿಕಣ್ಡಸೇಸೇಸು ಕೋಸೇಯ್ಯಂ, ಏಯ್ಯೋ, ‘‘ಕೋಸೇಯ್ಯಂ ಕಿಮಿಕೋಸೋತ್ಥ’’ನ್ತಿ ಪಟ್ಟುಣ್ಣನ್ತಿಪಿ ವದನ್ತಿ। ಕಮು ಕನ್ತಿಯಂ, ಕಮನೀಯತ್ತಾ ಕಮ್ಬಲೋ, ರಙ್ಕುನಾಮಕಸ್ಸ ಹರಿಣವಿಸೇಸಸ್ಸ ಲೋಮೇನಸಞ್ಜಾತವತ್ಥಂ ವಾಗಮೋ ಚ ಮಜ್ಝೇ। ವಾಸದ್ದೋ ಕಮ್ಬಲಸದ್ದಸ್ಸ ನಪುಂಸಕತ್ತಂ ಸಮುಚ್ಚಿನೋತಿ। ರಲ್ಲಕೋಪಿ ಸಣ ಸದ್ದೇ, ಕತ್ತರಿ ಅ, ಸಣೋ ನಾಮ ಥಿರತ್ತಚೋ ಏಕೋ ರುಕ್ಖಯೋನಿ, ಯಸ್ಸ ತಚೇನ ಕೇವಟ್ಟಾದಯೋ ಜಾಲಾದೀನಿ ಕರೋನ್ತಿ, ಸಣಸ್ಸ ವಿಕಾರೋ ಸಾಣಂ, ವತ್ಥಂ। ಮಿಗಲೋಮಾನಿ ಕೋಟ್ಟೇತ್ವಾ ಸುಖುಮಾನಿ ಕತ್ವಾ ಕತಮಮ್ಬರಂ ಕೋಟುಮ್ಬರಂ, ಕುಟ ಛೇದನೇ, ಉಸ್ಸೋ, ಅಸ್ಸು, ಕೋಟುಮ್ಬರಟ್ಠೇಜಾತತ್ತಾ ವಾ ಕೋಟುಮ್ಬರಂ। ಭಙ್ಗಂ ನಾಮ ಖೋಮಾದೀನಿ ಸಬ್ಬಾನಿ ಭನ್ಜ ಅವಮದ್ದನೇ, ಅಥ ವಾ ಭಙ್ಗಂ ನಾಮ ಸಾಣಫಲಂ, ತಬ್ಬಿಕಾರತ್ತಾ ವತ್ಥಂ ಭಙ್ಗಂ, ವುತ್ತಞ್ಚ ನಾನತ್ಥಸಙ್ಗಹೇ ‘‘ಭಙ್ಗಾ ಸಾಣಾಖ್ಯಸಸ್ಸೇಪೀ’’ತಿ। ಸಸ್ಸಸದ್ದೇನ ಚೇತ್ಥ ಫಲಂ ವುತ್ತಂ, ‘‘ರುಕ್ಖಾದೀನಂ ಫಲಂ ಸಸ್ಸ’’ನ್ತಿ ವತ್ಥನ್ತರಂ ವತ್ಥವಿಸೇಸೋ। ಆದಿನಾ ಕಪ್ಪಾಸಾದಯೋಪಿ ಗಹಿತಾ।
೨೯೨-೨೯೩. ಚತುಕ್ಕಂ ಪರಿಧಾನಭೂತೇ ಅಧೋವತ್ಥೇ। ಅಧೋಭಾಗೇ ವಸೀಯತೇತಿ ನಿವಾಸನಂ, ನಿಸದ್ದೋ ಅಧೋಭಾಗಸ್ಸ ಜೋತಕೋ। ವಸ ಅಚ್ಛಾದನೇ, ಕಮ್ಮನಿ ಯು। ಬಾಹುಲ್ಯೇನ ಅನ್ತರೇ ಮಜ್ಝೇ ಭವಂ ಅನ್ತರೀಯಂ, ಈಯೋ। ಸಮಾನಲಿಙ್ಗತ್ತಾ ದ್ವನ್ದೋ। ಅನ್ತರೇ ಭವಂ ಅನ್ತರಂ, ಣೋ। ಅನ್ತರೇ ಮಜ್ಝೇ ಭವೋ ವಾಸೋ ಅನ್ತರವಾಸಕೋ, ಸಕತ್ಥೇ ಕೋ। ಉಪಸಂಬ್ಯಾನಂಪ್ಯತ್ರ
ಪಞ್ಚಕಂ ಉಪರಿಧಾನೇ। ವರ ಅಚ್ಛಾದನೇ, ಪಪುಬ್ಬೋ, ಕಮ್ಮನಿ ಣೋ, ಉಭಯತ್ರಾಪಿ ವುದ್ಧಿ, ಪಾವಾರೋ। ಉತ್ತರಸ್ಮಿಂ ದೇಹಭಾಗೇ ಆಸಜ್ಜತೇತಿ ಉತ್ತರಾಸಙ್ಗೋ, ಆ ಪುಬ್ಬೋ ಸಞ್ಜ ಸಙ್ಗೇ। ಉಪರಿ ಸಂವೀಯತೇ ಪಿಧೀಯತೇ ಬಾಹುಲ್ಯೇನಾತಿ, ಯು। ಉಪಸಂಪುಬ್ಬೋ ವೀ ತನ್ತಸನ್ತಾನೇ। ಉತ್ತರಸ್ಮಿಂ ದೇಹಭಾಗೇ ಭವಂ ವಿಜ್ಜಮಾನಂ ಉತ್ತರಂ, ಉತ್ತರೀಯಞ್ಚ, ಣೋ, ಈಯೋ ಚ। ಸಂಬ್ಯಾನಂಪ್ಯತ್ರ।
ನವಂ ವತ್ಥಂ ಅಹತನ್ತಿ ಮತಂ ಕಥಿತಂ, ನ ಹಞ್ಞತಿ ಯಂ ಪಾಸಾಣಾದೀಹೀತಿ ಅಹತಂ। ತನ್ತತೋ ಅಚಿರಮಾಹರಿತಂ ವತ್ಥಂ। ಅನಾಹತಂ, ನಿಪ್ಪವಾಣಿ, ತನ್ತಕಂಪ್ಯತ್ರ। ವುತ್ತಞ್ಚ ‘‘ಅನಾಹತಂ ನಿಪ್ಪವಾಣಿ, ತನ್ತಕಞ್ಚ ನವಮ್ಬರೇ’’ತಿ
ದ್ವಯಂ ನನ್ತಕಂ, ಸಕತ್ಥೇ ಕೋ। ಕುಚ್ಛಿತೋ ಪಟೋ ಕಪ್ಪಟೋ, ಕಪ್ಪ ವಿತಕ್ಕೇ ವಾ, ಅಟೋ। ದ್ವಯಂ ಅಥಿರವತ್ಥೇ, ಜಿಣ್ಣವಸನಂ ಅಥಿರಂ ವತ್ಥಂ। ‘‘ಪಟ’’ಇತಿ ಚರತಿ ಫೋಟತೀತಿ ಪಟಚ್ಚರಂ, ಪಟಚ್ಚರಮೇವ ಪಳಚ್ಚರಂ, ಳತ್ತಂ।
೨೯೪. ದ್ವಯಂ ಕೋಟಿಕಾದಿಸನ್ನಾಹೇ, ಚೋಳೇ ಚ। ಕಚ ಬನ್ಧನೇ, ಉಕೋ, ನಿಗ್ಗಹೀತಾಗಮೋ ಚ। ವಾಣಂ ಸರಂ ವಾರಯತೀತಿ ವಾರವಾಣೋ, ಕಮ್ಮನಿ ಣೋ, ಅಭಿಧಾನತೋ ವಾರಸ್ಸ ಪುಬ್ಬನಿಪಾತೋ, ಅನಿತ್ಥಿಯಮೇತೇ। ವತ್ಥಸ್ಸ ಅವಯವೇ ದಸಾಸದ್ದೋ ಇತ್ಥೀ। ‘‘ದಸಾ ವತ್ಯಮವತ್ಥಾಯಂ, ವತ್ಥಂಸೇ ಬಹುಮ್ಹಿ ದ್ವಿಸೂ’’ತಿ ರಭಸೋ। ದಾ ಛೇದನೇ, ಕಮ್ಮನಿ ಸೋ, ರಸ್ಸೋ।
ಉತ್ತಮಙ್ಗಮ್ಹಿ ಸೀಸೇ ಯೋ ಕಞ್ಚುಕೋ ಸುವಣ್ಣಾದಿಮಯೋ, ಸೋ ‘‘ನಾಳಿಪತ್ತೋ’’ತಿ ಕಥಿತೋ। ನಾಳಿಪತ್ತೋ ತಂಸಣ್ಠಾನೋ ಸುವಣ್ಣಾದಿಪಟೋ ನಾಳಿಪತ್ತೋ। ಸೀಸಕಂ, ಸಿರಿಯಂ, ಸಿರೋಹನ್ತಿಪಿ ತಸ್ಸ ನಾಮಾನಿ।
೨೯೫. ತಿಕಂ ದೀಘತ್ತೇ। ಆಪುಬ್ಬೋ ಯಮು ಉಪರಮೇ, ಣೋ। ಆ ಭುಸೋ ಯಾತಿ ಗಚ್ಛತೀತಿ ವಾ ಆಯಾಮೋ, ಯಾ ಗತಿಪಾಪುಣೇಸು, ಮೋ। ದೀಘಸ್ಸ ಭಾವೋ ದೀಘತಾ। ರುಹ ಜನನೇ, ಣೋ।
ದ್ವಯಂ ಪರಿಣಾಹೋ, ನಹ ಬನ್ಧನೇ, ಣೋ। ವಿತ್ಥಾರೇನ ಸರಣಂ ವಿಸಾರೋ, ಸೋ ಏವ ವಿಸಾಲತಾ।
೨೯೬. ಚತುಕ್ಕಂ ಚೀವರೇ। ಅರಹತಂ ಧಜೋ ಅರಹದ್ಧಜೋ, ರೂಳ್ಹಿಯಾ ತದಞ್ಞಚೀವರೇಸು। ಕಸಾಯೇನ, ಕಸಾವೇನ ಚ ರತ್ತಂ ಕಾಸಾಯಂ, ಕಾಸಾವಞ್ಚ, ಸಮಾನಲಿಙ್ಗತ್ತಾ ದ್ವನ್ದೋ। ಚಿ ಚಯೇ, ಈವರೋ। ವತ್ಥಖನ್ಧೇಹಿ ಚೀಯತೇತಿ ಚೀವರಂ।
ಮಣ್ಡಲಾದಯೋ ತದಙ್ಗಾನಿ ಸಮೂಹಭೂತಸ್ಸ ಚೀವರಸ್ಸ ಅವಯವಾನಿ। ಮಡಿ ಭೂಸಾಯಂ, ಅಲೋ, ಮಣ್ಡಲಂ। ಚೀವರಪರಿಯನ್ತೋಯಂ ಮಹಾಪಥವಿಯಾ ಚಕ್ಕವಾಳಪಬ್ಬತೋ ವಿಯ ಚೀವರಸ್ಸ ಸಮನ್ತತೋ ತಿಟ್ಠತಿ। ವಿವಟ್ಟೋ ನಾಮ ಚೀವರಮಜ್ಝಗತಮಗ್ಗೋ, ಸೋ ಹಿ ವಿಸುಂ ವಿಸುಂ ವಟ್ಟತೀತಿ ವಿವಟ್ಟೋತಿ ವುಚ್ಚತಿ, ವಟ್ಟ ಆವಟ್ಟನೇ। ಕುಸಿ ನಾಮ ಮಗ್ಗಾನಂ ಮಜ್ಝಗತವತ್ಥಖಣ್ಡಂ, ಕುಸ ಛೇದನೇ, ಕಮ್ಮನಿ ಇ, ಕುಸಿ, ಪುಮಿತ್ಥಿಯಂ।
೨೯೭. ಫಲಾದೀನಂ ಯಾನಿ ಚತ್ತಾರಿ ಸನ್ತಿ, ಏತಾ ವತ್ಥಸ್ಸ ಯೋನಿಯೋ ಕಾರಣಾನಿ ತತೋ ತದುಪ್ಪತ್ತಿತೋ। ಕಪ್ಪಾಸಿಕಂ ವತ್ಥಂ ಫಾಲಂ ನಾಮ ಫಲವಿಕಾರತ್ತಾ, ವಿಕಾರೇ ಣೋ, ತೀಸು। ಯಥಾ – ಫಾಲೋ ಪಟೋ, ಫಾಲಾ ಚೇಲೀ, ಫಾಲಂ ವತ್ಥಂ। ಖೋಮಾದಯೋ ಪನ ಪಟಾ ತಚಬ್ಭವಾ ತಚತೋ ಸಞ್ಜಾತಾ।
೨೯೮. ಕೋಸೇಯ್ಯಂ ಕಿಮಿಜಂ ನಾಮ। ಮಿಗಲೋಮಮಯನ್ತು ಕಮ್ಬಲಂ। ದ್ವಯಂ ಬ್ಯವಧಾಯಕಪಟೇ, ಕಣ್ಡಪಟೇಪೀತಿ ಕೇಚಿ। ಸಮಾನತ್ಥಾ ಏತೇ ದ್ವೇ ತುಲ್ಯತ್ಥಾತ್ಯತ್ಥೋ। ಜು ಗತಿಯಂ, ಭೂವಾದಿ, ಜು ಬನ್ಧನೇ ವಾ, ಯು, ಅನಕಾದೇಸೋ, ಸಾ ಇತ್ಥೀ। ತಿರೋ ಕರೀಯತಿ ಪಿಧೀಯತಿ ಯಾಯ, ಸಾ ತಿರೋಕರಣೀ, ಯು। ಪತಿಸೀರಾಪ್ಯತ್ರ। ಪತಿಪುಬ್ಬೋ ಸಿ ಬನ್ಧನೇ, ರೋ।
೨೯೯. ದ್ವಯಂ ಉಪರಿಬನ್ಧಪಟೇ, ಅಥಸದ್ದೋತ್ರ ಲಿಙ್ಗಾದಿಜೋತಕೋ। ಉದ್ಧಂ ಲೋಚತೇ ಬನ್ಧೀಯತೇತಿ ಉಲ್ಲೋಚಂ, ಲುಚ ದಸ್ಸನೇ। ಚನ್ದಾತಪೇ ವಿತನ್ಯತೇತಿ ವಿತಾನಂ, ತನು ವಿತ್ಥಾರೇ, ಣೋ, ಚುರಾದಿ। ದ್ವಯಮ್ಪಿ ಪುನ್ನಪುಂಸಕನ್ತಿ ಈರಿತಂ ಕಥಿತಂ।
ದ್ವಯಂ ಸಿನಾನೇ। ನಹ ಸೋಚೇ, ಕರಣೇ ಯು, ಸಿನಾ ಸೋಚೇ, ಕರಣೇ ಯು, ‘‘ಸಿನಾನೇ’’ತಿ ಸತ್ತಮ್ಯನ್ತಂ ಪದಂ। ದ್ವಯಂ ಕುಲ್ಯಾದಿನಾ ಉಬ್ಬತ್ತನಂ, ವತು ವತ್ತನೇ, ಭೂವಾದಿ। ಮಜ್ಜ ಸುದ್ಧಿಯಂ, ಯು। ಸಮನ್ತಿ ದ್ವಯಮಿದಂ ಸಮಾನತ್ಥಂ।
೩೦೦. ತಿಕಂ ನಲಾಟಕತೇ ಚಿತ್ತಕೇ। ತಿಲಕಾಕತಿ ತಿಲಕೋ। ಚಿತ್ತಕಾಕತಿ ಚಿತ್ತಕಂ। ಚಕಾರೇನ ತಮಾಲಪತ್ತಾಕತಿ ತಮಾಲಪತ್ತಂ ವಿಸೇಸಕತಿಲಕಾ ಅನಿತ್ಥೀ, ಸೇಸದ್ವಯಂ ನಪುಂಸಕಂ
ತಿಕಂ ಚನ್ದನೇ, ಚದಿ ಹಿಲಾದನೇ, ಹಿಲಾದನಂ ಸುಖಾಪನಂ, ಯು। ಗನ್ಧಾನಂ ಸಾರೋ ಉತ್ತಮೋ ಗನ್ಧಸಾರೋ, ಗನ್ಧಯುತ್ತೋ ಸಾರೋ ಥಿರಂಸೋ ವಾ ಗನ್ಧಸಾರೋ। ಮಲಯದೀಪಗಿರಿಮ್ಹಿ ಜಾಯತೀತಿ ಮಲಯಜೋ। ಭದ್ದಸಿರೀಪ್ಯತ್ರ।
೩೦೧. ತಿಕಂ ಪೀತಚನ್ದನೇ। ‘‘ಗೋಸೀಸ’’ಇತಿ ಪಬ್ಬತೇ ಮಲಯೇ ದೇಸೇ ಜಾತಂ ಗೋಸೀಸಂ, ಗೋ ವಿಯ ಜಲಂ ವಿಯ ಸೀತನ್ತಿ ವಾ ಗೋಸೀತಂ, ತದೇವ ತಸ್ಸ ಸಕಾರಂ ಕತ್ವಾ ಗೋಸೀಸಂ। ತಿಲಪಣ್ಣಪ್ಪಮಾಣಪಣ್ಣಯುತ್ತತಾಯ ತೇಲಪಣ್ಣಿಕಂ। ಮನಂ ಹರತೀತಿ ಹರಿ, ತಮೇವ ಚನ್ದನನ್ತಿ ಹರಿಚನ್ದನಂ। ಪೀತಸಾರು, ಸುಸೀತಂಪ್ಯತ್ರ। ಗೋಸೀಸಾದಯೋ ತಯೋ ಪುಮೇ, ನಪುಂಸಕೇ ಚ ವತ್ತನ್ತಿ।
ಚತುಕ್ಕಂ ರತ್ತಚನ್ದನೇ। ತಿಲಪಣ್ಣಪ್ಪಮಾಣಪಣ್ಣಯುತ್ತತಾಯ ತಿಲಪಣ್ಣೀ। ಪುರಿಮೇನ ಭೇದಕರಣತ್ಥಂ ನ ವುದ್ಧಿ। ಪತ್ತಮಙ್ಗಮಸ್ಸೇತಿ ಪತ್ತಙ್ಗಂ, ಖುದ್ದಪಣ್ಣತಾಯ ಅಪ್ಪಧಾನಪತ್ತಮಿಚ್ಚತ್ಥೋ। ‘‘ಅಙ್ಗಂ ಗತ್ತನ್ತಿ ಕೋಪಾಯ-ಪತೀಕೇಸ್ವಪ್ಪಧಾನಕೇ’’ತಿ ಹಿ ನಾನತ್ಥಸಙ್ಗಹೇ। ರಞ್ಜ ರಾಗೇ, ಹೇತುಕತ್ತರಿ ಯು। ರತ್ತವಣ್ಣತಾಯ ರತ್ತಞ್ಚ ತಂ ಚನ್ದನಞ್ಚೇತಿ ರತ್ತಚನ್ದನಂ, ಅಮರಕೋಸೇ ಪನ ‘‘ಗೋಸೀಸಾದೀನಿ ರತ್ತಚನ್ದನನ್ತಾನಿ ವಿಸೇಸೇ ವತ್ತನ್ತೀ’’ತಿ ಹರಿ ಮಣ್ಡೂಕೋ, ತದಾಕಾರೇ ಪಬ್ಬತೇ ಜಾತಂ ಚನ್ದನಂ ಹರಿಚನ್ದನಂ। ಪಕ್ಕಮ್ಬಫಲಗನ್ಧಿ ಪೀತವಣ್ಣಂ। ತಿಲಪಣ್ಣೀಪತ್ತಙ್ಗಾನಿ ರತ್ತಚನ್ದನಸದಿಸಸ್ಸ ರತ್ತಸಾರಸ್ಸ ಏಕಸ್ಸ ಚನ್ದನಸ್ಸ ನಾಮಾನಿ।
ದ್ವಯಂ ರತನಮಾಲಾಯಂ।
೩೦೨. ದ್ವಯಂ ವಣಿಜಾದೀನಂ ‘‘ಕಾಳೇಯಾ’’ಇತಿ ರೂಳ್ಹೇಪೀತಕಟ್ಠೇ। ಕಾಳವಣ್ಣಂ ಅನುಸರತಿ ಸೀಲೇನಾತಿ ಕಾಳಾನುಸಾರೀ, ಕಾಳವಣ್ಣಜನಕೋತ್ಯತ್ಥೋ। ಕಾಳಂ ಜನೇತೀತಿ ಕಾಳಿಯಂ, ‘‘ಕಾಳೀಯಕನ್ತು ಕಾಳೇಯಂ, ವಣ್ಣದಂ ಕನ್ತಿಜಾಸಕ’’ನ್ತಿ ಬ್ಯಾಡಿ।
ತಿಕಂ ಅಗರುಸಾಮಞ್ಞೇ। ಲೂ ಛೇದನೇ, ಹೋ। ಲಹುನಾಮತ್ತಾ ಅಗರು। ರಸ್ಸ ಲತ್ತೇ ಅಗಲು, ದ್ವಯಂ ಪುಮೇ। ವಂಸಿಕಂ, ರಾಜಾರಹಂ, ಕಿಮಿಜಂ, ಜೋಙ್ಗಕಂಪ್ಯತ್ರ।
ಅಸ್ಮಿಂ ಅಗರುಮ್ಹಿ ಕಾಳೇ ಸತಿ ‘‘ಕಾಳಾಗರೂ’’ತ್ಯುಚ್ಚತೇ। ಮಲ್ಲಿಕಾಪುಪ್ಫಗನ್ಧಿ ಅಗರು ಪನ ಮಙ್ಗಲ್ಯೋಚ್ಚತೇ।
ದ್ವಯಂ ಸಲ್ಲಕೀದವೇ। ತುರುಕ್ಖೋ ವುತ್ತೋ। ಪಿಡಿ ಸಙ್ಘಾತೇ, ಣ್ವು। ಸಿಹಲೋ, ಯಾವಣೋಪ್ಯತ್ರ।
೩೦೩. ದ್ವಯಂ ಮಿಗನಾಭಿಯಂ। ಕತ್ಥ ಸಿಲಾಘಾಯಂ, ಊರೋ, ನದಾದಿ, ಸಕತ್ಥೇ ಕೋ। ಮಿಗಸ್ಸ ಮದೋ ಮಿಗಮದೋ, ಮಿಗೋ ಮರತಿ ಯೇನಾತಿ ವಾ ಮಿಗಮರೋ, ಸೋ ಏವ ಮಿಗಮದೋ।
ದ್ವಯಂ ಕುಟ ಛೇದನೇ, ಠೋ, ತೋ ವಾ, ‘‘ಕುಟಾದೀಹಿ ಠೋ’’ತಿ ಠೋ, ಕುಟ್ಠಂ, ರೋಗಭೇದೇಪಿ। ಅತ್ತನೋ ಛಾಯೂಪಗತೇ ಅಜೇ ಪಾಲೇತೀತಿ ಅಜಪಾಲಕಂ, ಣ್ವು। ಪಾರಿಭಾಬ್ಯಂ, ಪಾಕಲಂ
ದ್ವಯಂ ಪಿಡಙ್ಗೇ। ರೋಗಂ ಲುನನ್ತೋ ಅಙ್ಗತಿ ಗಚ್ಛತೀತಿ ಲವಙ್ಗೋ। ದೇವಾನಂ ಕುಸುಮಂ ಪುಪ್ಫಂ ದೇವಕುಸುಮಂ। ಸಿರಿಸಞ್ಞಂಪ್ಯತ್ರ।
ದ್ವಯಂ ಕುಙ್ಕುಮೇ। ಕಸ್ಮೀರರಟ್ಠೇ ಜಾತಂ ಕಸ್ಮೀರಜಂ। ಅಗ್ಗಿಸಿಖಂ, ವರಂ, ವಲ್ಲೀಕಂ, ಪೀತನಂ, ರತ್ತಸಙ್ಕೋಚಂ, ಪಿಸುನಂ, ಧೀರಂ ಲೋಹಿತಚನ್ದನಂಪ್ಯತ್ರ।
೩೦೪. ದ್ವಯಂ ಧುನಕೇ। ಯಕ್ಖೇಹಿ ಕತೋ ಧೂಪೋ ಯಕ್ಖಧೂಪೋ, ಯಕ್ಖೋ ದೇವೋ। ಸಜ್ಜರುಕ್ಖಸ್ಸ ಸಿಲೇಸೋ ಸಜ್ಜುಲಸೋ। ಅಸ್ಸು, ಸಿಲೋಪೋ, ಏಸ್ಸತ್ತಞ್ಚ, ಸಜ್ಜಸ್ಸ ರಸೋ ದವೋ ಸಜ್ಜುಲಸೋ, ಅಸ್ಸು, ಲತ್ತಞ್ಚ। ಸಜ್ಜರಸೋತಿಪಿ ಪಾಠೋ। ರಾಲೋ, ಸಬ್ಬರಸೋ, ಬಹುರೂಪೋಪ್ಯತ್ರ।
ತಿಕಂ ತಕ್ಕೋಲೇ। ತಕ್ಕ ವಿತಕ್ಕೇ, ಓಲೋ। ಕುಲ ಸಙ್ಖ್ಯಾನೇ, ಣ್ವು। ಕೋಸಯುತ್ತಂ ಫಲಮೇತಸ್ಸಾತಿ ಕೋಸಫಲಂ। ದ್ವಯಂ ಜಾತಿಫಲೇ। ಕೋಸಸಹಿತಂ ಜಾತಿಫಲಮೇತಸ್ಸಾತಿ ಜಾತಿಕೋಸಂ। ಜಾತಿಫಲಮೇತಸ್ಸ, ನ ಕಿತ್ತಿಮನ್ತಿ ಜಾತಿಫಲಂ।
೩೦೫. ಪಜ್ಜದ್ಧಂ ಕಪ್ಪೂರೇ, ಘನೋ ಹುತ್ವಾ ಸರತೀತಿ ಘನಸಾರೋ। ಅಬ್ಭಮಿವ ಸಿತಂ ಸಿತಬ್ಭೋ, ಅಭಿಧಾನತೋ ಪುಬ್ಬನಿಪಾತೋ, ಕಪ್ಪ
ಪಜ್ಜದ್ಧಂ ಲಾಖಾಯಂ, ಆ ಭುಸೋ ರತ್ತಂ ಕರೋತೀತಿ ಅಲತ್ತಕೋ, ಲತ್ತಂ, ಕ್ವಿ। ಯು ಮಿಸ್ಸನೇ, ಣ್ವು। ಲಾಖ ಸೋಸನೇ, ಅ, ಲಾ ಆದಾನೇ ವಾ, ಖೋ। ಜನ ಜನನೇ, ತು, ನಲೋಪೋ। ದುಮಾಮಯೋಪ್ಯತ್ರ।
೩೦೬. ದ್ವಯಂ ಸರಲದ್ದವೇ। ಸಿರಿಯಾ ಲಕ್ಖಿಯಾ ಆವಾಸೋ ಸಿರಿವಾಸೋ। ಸರಲನಾಮಕಸ್ಸ ರುಕ್ಖಸ್ಸ ದವೋ ರಸೋ ಸರಲದ್ದವೋ। ಪಾಯಸೋ, ವಕಧೂಪೋ, ಸಿರಿವೇಟ್ಠೋಪ್ಯತ್ರ। ‘‘ಸಿರಿವಾಸೇ ಪರಮನ್ನೇ ಚ, ಪಾಯಸೋ ಸಮ್ಮತೋ ಪುಮೇ’’ತಿ ರುದ್ದೋ। ದ್ವಯಂ ಅಞ್ಜನೇ। ಅಞ್ಜು ಬ್ಯತ್ತಿಮಕ್ಖನಗತಿಕನ್ತೀಸು, ಯು। ಕಜ್ಜ ಬ್ಯಸನೇ। ಕಜ್ಜತಿ ರೋಗನ್ತಿ ಕಜ್ಜಲಂ, ಅಲೋ।
ದ್ವಯಂ ಗನ್ಧಗಾಹಾಪನಚುಣ್ಣೇ, ವಸ ಹಿಂಸತ್ಥೋ, ವಸತಿ ದುಗ್ಗನ್ಧನ್ತಿ ವಾಸೋ, ಣೋ, ವಾಸ ಉಪಸೇವಾಯಂ ವಾ, ವಸ ನಿವಾಸೇ ವಾ। ಸೋ ಏವ ಚುಣ್ಣಂ। ಯುಜ ಯೋಗೇ, ಕಮ್ಮನಿ ಣೋ, ವಾಸೋ ಏವ ಯೋಗೋ ವಾಸಯೋಗೋ। ದ್ವಯಂ ವಿಲೇಪನಮತ್ತೇ। ವಣ್ಣ ವಣ್ಣಕ್ರಿಯಾವಿತ್ಥಾರಗುಣವಚನೇಸು, ಚುರಾದಿ। ವಣ್ಣಯತೀತಿ ವಣ್ಣಕಂ। ಣ್ವು। ಲಿಪ ಉಪದೇಹೇ। ವಿಲೇಪೀಯತೇತಿ ವಿಲೇಪನಂ, ಕಮ್ಮನಿ ಯು।
೩೦೭. ಯೋ ಗನ್ಧಮಾಲ್ಯಧೂಪಾದೀಹಿ ವತ್ಥತಮ್ಬುಲಾದೀನಂ ಸಙ್ಖಾರೋ, ತಂ ‘‘ವಾಸನ’’ಮಿತ್ಯುಚ್ಚತೇ, ವಾಸ ಉಪಸೇವಾಯಂ, ವಾಸೀಯತೇ ಸಙ್ಖರೀಯತೇತಿ ವಾಸನಂ, ಯು।
ತಿಕಂ ಮಾ ಮಾನೇ, ಲೋ, ಮಲ ಧಾರಣೇ ವಾ, ಅ। ಮಾಲೋವ ಮಾಲ್ಯಂ। ದಮ ಗತಿಯಂ, ಪುಪ್ಫಾನಿ ದಮನ್ತ್ಯತ್ರೇತಿ ಪುಪ್ಫದಾಮಂ, ಪುಪ್ಫಾನಂ ರಾಸಿಕರಣಟ್ಠಾನಮಿಚ್ಚತ್ಥೋ। ದಾ ಲವನೇ ವಾ, ಮೋ। ಅಮರಕೋಸೇ ಪನ ‘‘ಮಾಲಾಮಾಲ್ಯಾನಿ ಮುದ್ಧನಿ ಪವತ್ತಾಯ ಮಾಲಾಯ ನಾಮಾನೀ’’ತಿ ಮಾಲಮಾಲ್ಯಸದ್ದಾ ಪುಪ್ಫೇಪಿ, ‘‘ಮಾಲಾ ಮಾಲ್ಯಂ ಪಸುನೇ’’ತಿ ಹಿ ನಾನತ್ಥಸಙ್ಗಹೇ। ದ್ವಯಂ ಗನ್ಧಗ್ಗಾಹಿತೇ ವತ್ಥಾದೋ। ಭೂ ಸತ್ತಾಯಂ, ಕಮ್ಮನಿ ತೋ, ವುದ್ಧಾದಿ। ವಾಸಾಪೇತಿ ಗನ್ಧಂ ಗಾಹಾಪೇತಿ ಯನ್ತಿ ವಾಸಿತಂ, ವಸ ನಿವಾಸೇ, ಕಮ್ಮೇ ತೋ, ತೀಸು, ಯಥಾ – ಭಾವಿತೋ ಪಟೋ, ಭಾವಿತಾ ಚೇಲೀ, ಭಾವಿತಂ ವತ್ಥಂ। ವಾಸಿತೋ, ವಾಸಿತಾ, ವಾಸಿತಂ ವತ್ಥಂ।
೩೦೮. ಪಞ್ಚಕಂ ಮುದ್ಧಮಾಲಾಯಂ। ತಸಿ ಅಲಙ್ಕಾರೇ, ಭೂವಾದಿ। ಉದ್ಧಂ ತಸೀಯತೇತಿ ಉತ್ತಂಸೋ। ಸಿಖಾಯಂ ಜಾತೋ ಸೇಖರೋ, ರೋ। ಮುದ್ಧಂ ಅವತಿ ರಕ್ಖತೀತಿ ಅವೇಳಾ, ಅವ ರಕ್ಖಣೇ, ಏಲೋ, ಳತ್ತಂ। ‘‘ಆವೇಳಾ’’ತಿಪಿ ಪಾಠೋ, ದೀಘತ್ತಂ। ಸೇಖರೋ ಚ ಆವೇಳಾ ಚಾತಿ ದ್ವನ್ದೋ। ಮುದ್ಧನಿ ಅಲಙ್ಕತಂ ಮಾಲ್ಯಂ ಮುದ್ಧಮಾಲ್ಯಂ, ತಸ್ಮಿಂ। ಅವಪುಬ್ಬೋ ತಸಿ ಅಲಙ್ಕಾರೇ, ಉದ್ಧಂ ತಸೀಯತೇತಿ ಅವತಂಸೋ, ಸೋ ಏವ ವಟಂಸಕೋ, ಸಕತ್ಥೇ ಕೋ, ತಸ್ಸ ಟೋ, ಅನೇಕತ್ಥತ್ತಾ ಉಪಸಗ್ಗನಿಪಾತಾನಂ ಉದ್ಧಂಭಾವಜೋತಕೋ ಚೇತ್ಥ ಅವಸದ್ದೋತಿ ತಥೋತ್ತಂ।
ತಿಕಂ ಸೇಯ್ಯಾಯಂ। ಸಯನ್ತ್ಯಸ್ಸಂ ಸೇಯ್ಯಾ, ಯೋ। ಸಯನ್ತ್ಯತ್ರೇತಿ ಸಯನಂ, ಸೇನಞ್ಚ। ಉಭಯತ್ರಪಿ ಅಧಿಕರಣೇ ಯು, ಇಸ್ಸೇ, ಏ ಅಯ, ಇತರತ್ರ ಏತ್ತಂ, ‘‘ವಾ ಪರೋ ಅಸರೂಪಾ’’ತಿ ಅಲೋಪೋ ಚ, ಸಯನೀಪ್ಯತ್ರ।
ದ್ವಯಂ ಪರಿಪುಬ್ಬೋ ಅಕಿ ಲಕ್ಖಣೇ, ಣೋ, ಇಲೋಪೋ, ರಸ್ಸ ಲತ್ತಂ। ಮಚಿ ಧಾರಣೋಚ್ಛಾಯಪೂಜನೇಸು, ಭೂವಾದಿ ಅ, ಸಕತ್ಥೇ ಕೋ। ಖಟಾಪ್ಯತ್ರ, ಖಟ್ಯತೇ ಆಕಙ್ಖತೇ ಸಯನತ್ಥಿಕೇಹೀತಿ ಖಟಾ, ಖಟ ಆಕಙ್ಖಾಯಂ।
೩೦೯. ದ್ವಯಂ ಮಞ್ಚಾಧಾರೇ। ಮಞ್ಚಸ್ಸ ಆಧಾರೋ ಮಞ್ಚಾಧಾರೋ। ಪಟಿಪಜ್ಜತಿ ಪವತ್ತತಿ ಸೇಯ್ಯಾ ಯೇನ, ಸೋ ಪಟಿಪಾದೋ। ಮಞ್ಚಙ್ಗೇ ಮಞ್ಚಾವಯವೇ ಅಟನಿಸದ್ದೋ ಇತ್ಥಿಯಂ, ಅಟ ಗಮನತ್ಥೋ, ಅನಿ, ಯು ವಾ, ನದಾದಿ, ರಸ್ಸೋ।
೩೧೦. ಕುಳೀರಪಾದಾದಯೋ ಇಮೇ ಚತ್ತಾರೋ ಮಞ್ಚನ್ತರಾ ಮಞ್ಚಭೇದಾ ಸಿಯುಂ। ತತ್ಥ ಕುಳೀರೋ ಕಕ್ಕಟಕೋ ತಸ್ಸ ಸಣ್ಠಾನಪಾದತ್ತಾ ಕುಳೀರಪಾದೋ। ಅಟನಿಯಂ ಆಹಚ್ಚೋ, ಆಹಚ್ಚ ವಾ ಪಾದೋ ತಿಟ್ಠತಿ ಯಸ್ಸಾತಿ ಆಹಚ್ಚಪಾದೋ, ಪುಬ್ಬಪಕ್ಖೇ ‘‘ರಿಚ್ಚಾ’’ತಿ ಯೋಗವಿಭಾಗೇನ ರಿಚ್ಚಪಚ್ಚಯನ್ತೋ ಆಹಚ್ಚಸದ್ದೋ, ಪರಪಕ್ಖೇ ತು ತ್ವಾಪಚ್ಚಯನ್ತೋ, ಯಸ್ಸ ಅಟನಿಛಿದ್ದೇ ಪಾದೋ ಪವಿಸಿತ್ವಾ ತಿಟ್ಠತಿ, ಸೋ ಆಹಚ್ಚಪಾದೋ। ಮಸ ಆಮಸನೇ, ಆರೋ, ಸಕತ್ಥೇ ಕೋ। ಯಸ್ಸ ಪಾದಚ್ಛಿದ್ದೇ ಅಟನಿ ಪವಿಸಿತ್ವಾ ತಿಟ್ಠತಿ, ಸೋ ಮಸಾರಕೋ। ಬುನ್ದೇನ ಪಾದೇನ ಸಹ ಏಕಾಬದ್ಧಾ ಅಟನಿ ಯಸ್ಸ ಸೋ ಬುನ್ದಿಕಾಬದ್ಧೋ, ಏಕಾರಸ್ಸಿತ್ತಂ। ಏತ್ಥ ಚ ಮಜ್ಝೇ ದ್ವಿನ್ನಂ ಮಞ್ಚಾನಂ ಲಕ್ಖಣಂ ವಿಪರಿಯಯೇನಾಪಿ ವದನ್ತಿ।
೩೧೧. ದ್ವಯಂ ಸೀಸಾಧಾರೇ। ವಿಸೇಸೇನ ಸೀಸಂ ವಹತೀತಿ ಬಿಬ್ಬೋಹನಂ, ಯು, ಬತ್ತಂ, ಅಸ್ಸೋತ್ತಞ್ಚ। ಉಪಧೀಯತೇ ಸೀಸಾಸನಂ ಕರೀಯತೇತಿ ಉಪಧಾನಂ, ಯು, ಧಾ ಧಾರಣೇ।
ತಿಕಂ ಪೀಠ ಹಿಂಸಾಸಂಕಿಲೇಸೇಸು, ಭೂವಾದಿ, ಣ್ವು, ಆ। ಯದಾದಿನಾ ಕೇ ಪಚ್ಚಯೇ ಇತ್ಥಿಕತಾಕಾರೇ ಪರೇ ಪುಬ್ಬೋ ಅಕಾರೋ ಇಕಾರಮಾಪಜ್ಜತೇ, ‘‘ಕೇ’’ತಿ ಕಿಂ? ಚೇತನಾ। ‘‘ಪಚ್ಚಯೇ’’ತಿ ಕಿಂ? ಬಕಾ। ‘‘ಇತ್ಥೀ’’ತಿ ಕಿಂ? ಪಾಚಕಾ। ‘‘ಕತ’’ಇತಿ ಕಿಂ? ವುತ್ತಕಮ್ಮಾ, ಕಮ್ಮಪಚ್ಚಯೋಯಂ, ತಪಚ್ಚಯೇ ಪೀಠಂ ಆಸನಂ।
ದ್ವಯಂ ಉತ್ತಮಾರಹಪೀಠೇ। ಕುಚ ಸಂಪಚ್ಚನಕೋಟಿಲ್ಯಪತಿಥಮ್ಭವಿಲೇಖನೇಸು, ಛೋ। ಭದ್ದಂ ಕಲ್ಯಾಣಂ ಪೀಠಂ ಭದ್ದಪೀಠಂ। ಗಜದನ್ತಾದಿಮಯಕೇಸಮಜ್ಜನಿಯಮ್ಪಿ ದ್ವಯಮಿದಮಾಹು। ತದಾ ಪಸಾಧನೀ, ಕಙ್ಕತಿಕಾಪ್ಯತ್ರ। ಪೀಠನ್ತರೇ ದೀಘಪೀಠೇ ಆಸನ್ದೀ ಮತಾ। ಸದ ವಿಸರಣಗತ್ಯಾವಸಾನೇಸು, ನದಾದಿ, ಬಿನ್ದಾಗಮೋ ಚ।
೩೧೨. ಆಯಾಮವಿತ್ಥಾರವಸೇನ ಮಹನ್ತೋ ಆಸನಪ್ಪಭೇದೋ ‘‘ಕೋಜವೋ’’ತಿ ಮತೋ, ಕುಜು ಥೇಯ್ಯಕರಣೇ, ಣೋ, ಕುಯಂ ಪಥವಿಯಂ ಜವತೀತಿ ವಾ ಕೋಜವೋ, ಜು ಗತಿಯಂ। ದೀಘೇನ ಲೋಮೇನ ಯುತ್ತೋ ಆಸನಪ್ಪಭೇದೋ ‘‘ಗೋನಕೋ’’ತಿ ಮತೋ, ಗು ಸದ್ದೇ, ಯು, ಸಕತ್ಥೇ ಕೋ, ಉಸ್ಸೋತ್ತಂ।
ದ್ವಯಂ ಅತ್ಥರಣೇ। ಮಿಗಲೋಮಪುಣ್ಣತಾಯ ಜಾತಂ ಉಣ್ಣಾಮಯಂ। ಥರ ಸನ್ಥರಣೇ, ಪಾದಿಪುಬ್ಬೋವ, ನ ಕದಾಚಿಪಿ ಪಾದಿರಹಿತೋ, ಆ ಭುಸೋ ಥರೀಯತೇತಿ ಅತ್ಥರಣಂ, ಯು।
ದ್ವಯಂ ಸಂಸಿಬ್ಬನಚಿತ್ತಕೇ। ಚಿತ್ತರೂಪಮಸ್ಸತ್ಥೀತಿ ಚಿತ್ತಕಂ। ಬಾಹುಲ್ಯೇನ ನ ಇಕಾರಾಗಮೋ। ವಾನೇನ ಸಂಸಿಬ್ಬನೇನ ಸಞ್ಜಾತಂ ಚಿತ್ತರೂಪಮಸ್ಸಾತಿ ವಾನಚಿತ್ತಕಂ, ಸಕತ್ಥೇ ಕೋ।
೩೧೩. ದ್ವಯಂ ಘನಪುಪ್ಫಂ। ಪಟಲಮೇತಿಸ್ಸಾತ್ಥೀತಿ ಪಟಲಿಕಾ, ಇಕೋ। ದ್ವಯಂ ಬಹುಮುದುಲೋಮೇ ಸೇತವತ್ಥೇ। ಸಿ ಸೇವಾಯಂ, ಸಿವತ್ಥಿಕೇಹಿ ಸೇವೀಯತೇತಿ ಸೇತೋ, ತೋ। ಪಟ ಗಮನೇ, ಣ್ವು, ಪಟಿಕಾ, ಅದ್ಧೇನ್ದುಪಾಸಾಣೇಪಿ।
ದ್ವೀಸುಪಿ ಪರಿಯನ್ತೇಸು ಯಸ್ಸಾ ದಸಾ ಸನ್ತಿ, ಸಾ ಉದ್ದಲೋಮೀ, ಉದಿತಂ ದ್ವೀಸು ಲೋಮಂ ದಸಾ ಯಸ್ಸಾ ಸಾ ಉದ್ದಲೋಮೀ, ಇಸ್ಸತ್ತಂ, ದ್ವಿತ್ತಞ್ಚ। ಏಕಸ್ಮಿಂ ಪರಿಯನ್ತೇಯೇವ ದಸಾ ಯಸ್ಸಾ ಏಕನ್ತಲೋಮೀ, ಏಕಸ್ಮಿಂ ಅನ್ತೇ ಪರಿಯನ್ತೇ ಲೋಮಂ ದಸಾ ಯಸ್ಸಾತ್ಥೀತಿ ಏಕನ್ತಲೋಮೀ, ಉದ್ದಲೋಮೀ ಚ ಏಕನ್ತಲೋಮೀ ಚೇತಿ ಉದ್ದಲೋಮಿಏಕನ್ತಲೋಮಿನೋ, ‘‘ಪದಾನಂ ಸನ್ಧಿ ವತ್ತಿಚ್ಛಾತೋ, ನ ಸಮಾಸನ್ತರಗೇಸೂ’’ತಿ ವುತ್ತೇಪಿ ಗಾಥಾಭಾವತೋ ಛನ್ದೋಹಾನಿಭಯಾ ವಿಸನ್ಧಿ। ಯತ್ಥ ಪನ ಗಾಥಾಯಮ್ಪಿ
೩೧೪. ತದೇವ ಯಥಾವುತ್ತದ್ವಯಮೇವ ಸೋಳಸನ್ನಂ ಇತ್ಥೀನಂ ನಚ್ಚಯೋಗ್ಗಂ ನಚ್ಚಸ್ಸ ಯೋಗ್ಯಟ್ಠಾನಭೂತಂ ‘‘ಕುತ್ತಕ’’ಮಿತ್ಯುಚ್ಚತೇ। ಹಿ ಪದಪೂರಣೇ। ‘‘ನಚ್ಚಯೋಗ್ಯಮ್ಹೀ’’ತಿಪಿ ಪಾಠೋ, ತದಾ ಭಾವಸತ್ತಮೀ। ಕರೋನ್ತಿ ಕುತ್ತಕಂ, ಕರ ಕರಣೇ, ತೋ, ಅಸ್ಸು, ಭುಜಾದಿ, ಸಕತ್ಥೇ ಕೋ।
ಸೀಹಾದಿರೂಪೇಹಿ ವಿಚಿತ್ತರೂಪಂ ವತ್ಥಂ, ಆಸನಂ ವಾ ವಿಕತಿಕಾ ನಾಮ ಭವೇ, ಏಕಸ್ಸೇವ ಹಿ ಕತ್ತುನೋ ಪಕತಿವಿಕತಿಸಙ್ಖಾತಾವತ್ಥಾವಸೇನ ದ್ವಿತ್ತಂ, ವತ್ತಿಚ್ಛಾವಸೇನ ಲಿಙ್ಗಸಙ್ಖ್ಯಾವಿಭತ್ತಿಭೇದಞ್ಚ ಹೋತಿ, ಯಥಾ – ಮನುಸ್ಸಾ ಯಕ್ಖಭತ್ತಂ ಅಹೇಸುಂ, ಸತ್ತಪ್ಪಕರಣಾನಿ ಅಭಿಧಮ್ಮೋ ನಾಮ ಭವನ್ತಿ, ದೇವದತ್ತೋ ರಜ್ಜಂ ಪಾಪುಣಾತೀತಿ। ಯತ್ರ ಹಿ ಪಕತಿಯಾ ವಾ ವಿಕತಿಯಾ ವಾತಿ ದ್ವಿನ್ನಮ್ಪಿ ವುತ್ತತಾ ಸಿಯಾ, ತತ್ರ ವಾಚಕೋ ಪಕತಿಯಾಯೇವ ಸಙ್ಖ್ಯಂ ಗಣ್ಹಾತಿ, ನೇತರಸ್ಸ ತನ್ನಿಸ್ಸಿತಭಾವೇನಾಪ್ಪಧಾನತೋ ವಿಕತಿ।
೩೧೫. ಕಟ್ಟಿಸ್ಸಕೋಸೇಯ್ಯಸಙ್ಖಾತಾನಂ ದ್ವಿನ್ನಮತ್ಥರಣಾನಂ ಕರಣಪ್ಪಕಾರಂ ದಸ್ಸೇತುಂ ಅರಿಯಾಸಾಮಞ್ಞಮಾಹ ‘‘ಕಟ್ಟಿಸ್ಸ’’ಮಿಚ್ಚಾದಿ। ಕೋಸಿಯಕಟ್ಟಿಸ್ಸಮಯಂ ಕೋಸಿಯಸುತ್ತಕಟ್ಟಿಸ್ಸವಾಕೇಹಿ ಪಕತಮತ್ಥರಣಂ ಕಟ್ಟಿಸ್ಸಂ ನಾಮ, ವಿರೂಪೇಕಸೇಸವಸೇನ ಕೋಸಿಯಞ್ಚ ಕಟ್ಟಿಸ್ಸಞ್ಚ ಕಟ್ಟಿಸ್ಸಾನಿ, ತೇಹಿ ಪಕತಂ ಅತ್ಥರಣಂ ಕಟ್ಟಿಸ್ಸಂ। ಕೋಸಿಯಸುತ್ತೇನ ಪಕತನ್ತು ಅತ್ಥರಣಂ ಕೋಸೇಯ್ಯಂ ನಾಮ। ರತನಪತಿಸಿಬ್ಬಿತನ್ತಿ ಇದಂ ದ್ವಿನ್ನಮ್ಪಿ ವಿಸೇಸನಂ, ಅತ್ಥರಣಞ್ಚ ಇತಿ ಕಮಾ ಕಮತೋ ‘‘ಭವೇ’’ತಿ ಅಜ್ಝಾಹರಿತಬ್ಬಂ। ಅತ್ಥರಣಸದ್ದಸ್ಸಾನುಣ್ಣಾಮಯೇಸ್ವಪಿ ಪವತ್ತನತೋ ಏತ್ಥಾಪಿ ‘‘ಅತ್ಥರಣ’’ನ್ತಿ ಚಕಾರೋ ಪಾದನ್ತತ್ತಾ ಗರೂಸು ಗಣ್ಹಿತಬ್ಬೋ, ತೇನೇವ ಹಿ ಸತ್ತಪಞ್ಞಾಸಮತ್ತಾ ಪರಿಪುಣ್ಣಾ ಹೋನ್ತಿ, ಅರಿಯಾಯ ಹಿ ಪಠಮಪಾದೇ ದ್ವಾದಸಮತ್ತಾ, ತಥಾ ತತಿಯೇ, ದುತಿಯೇ ಅಟ್ಠಾರಸ, ಚತುತ್ಥೇ ಪನ್ನರಸಮತ್ತಾತಿ ಸಮ್ಪಿಣ್ಡಿತಾ ಸತ್ತಪಞ್ಞಾಸಮತ್ತಾ ಹೋನ್ತಿ।
೩೧೬. ತಿಕಂ ದೀಪೇ। ದೀಪ ದಿತ್ತಿಯಂ, ದಿವಾದಿ। ದಿಪ್ಪತೀತಿ ದೀಪೋ, ಣೋ। ‘‘ಪದೀಪೋ’’ತಿ ಅಞ್ಞಪದನಿವತ್ತನತ್ಥಂ ಉಪಸಗ್ಗೇನ ಪದಂ ವಡ್ಢಿತಂ। ಜುತಿ ದಿತ್ತಿಯಂ, ಭೂವಾದಿ, ಣೋ।
ದ್ವಯಂ ಆದಾಸೇ। ‘‘ಪುಮೇ ತೂ’’ತಿ ತ್ವನ್ತಂ ಲಿಙ್ಗಪದಂ। ಆದಿಸ್ಸತೇ ಅಸ್ಮಿನ್ತಿ ಆದಾಸೋ, ಣೋ, ಆಪುಬ್ಬೋ ದಿಸ ಪೇಕ್ಖನೇ, ಇಸ್ಸಾ। ದಿಪ್ಪತಿ ಏತ್ಥಾತಿ ದಪ್ಪಣೋ, ಯು, ಇಸ್ಸತ್ತಂ। ಮಕುರೋಪ್ಯತ್ರ।
ದ್ವಯಂ ಚಮ್ಮಮಯಕೀಳಾಗುಳಕೇ। ವಾಸಭವನೇಹಿ ಯುವತೀಹಿ ಸಹ ಕೀಳಾಸಮ್ಭವಾ ಞೇಯ್ಯಾ, ತಪ್ಪಕ್ಕಮೇನಸ್ಸಾಭಿಧಾನಂ। ಗುಡಿ ವೇಧನೇ, ಣುಕೋ, ಉಸ್ಸೇ, ಗುದ್ದ ಕೀಳಾಯಮೇವ ವಾ, ತದಾ ದಸ್ಸ ಣ್ಡೋ। ಕದಿ ಅವ್ಹಾನೇ ರೋದನೇ ಚ, ಣುಕೋ, ಕುದ್ದ ಕೀಳಾಯಮೇವ ವಾ, ಉಸ್ಸತ್ತಂ, ಪುಬ್ಬದಸ್ಸ ನೋ।
ದ್ವಯಂ ಬೀಜನೀಮತ್ತೇ। ವಟಿ ವಿಭಾಜನೇ, ತಾಲವಣ್ಟೇಹಿ ಕತತ್ತಾ ತಾಲವಣ್ಟಂ। ವಣ್ಟಂ ನಾಮ ಬೀಜನಾದಿಕರಣತ್ಥಂ ವಿಸುಂ ಭಾಜಿತೋ ತಾಲಪತ್ತಾವಯವೋ, ತಾಲವಣ್ಟಸದ್ದಸ್ಸ ಯಥಾವುತ್ತವಚನತ್ಥಯೋಗೇಪಿ ಸತಿ ಸಞ್ಞಾಸದ್ದತ್ತಾ ಬೀಜನೀಸಾಮಞ್ಞೇ ಪವತ್ತಿ ವೇದಿತಬ್ಬಾ। ಯದಾ ಪನ ತಾಲವಣ್ಟೇಹಿ ಕತಬೀಜನಿಮೇವ ವತ್ತುಮಿಚ್ಛತಿ, ತದಾ ಏಕೇನ ತಾಲಸದ್ದೇನ ವಿಸೇಸೇತ್ವಾ ‘‘ತಾಲತಾಲವಣ್ಟ’’ನ್ತಿ ವತ್ತಬ್ಬಂ। ಯಥಾ – ತಿಲಸ್ಸ ತೇಲಂ, ಸುಗತಸ್ಸ ಸುಗತಚೀವರನ್ತಿ। ಬಿಜನ್ತಿ ವಾಯುನಾ ಯೋಜಯನ್ತಿ ಯಾಯ ಬೀಜನೀ, ಯು, ನದಾದಿ, ಯುಜ ಯೋಗೇ, ಯಸ್ಸ ವೋ, ಉಸ್ಸೀ, ವಜ ಗತಿಯಂ ವಾ ಅಸ್ಸೀ। ಬ್ಯಜನಂಪ್ಯತ್ರ।
೩೧೭. ದ್ವಯಂ ಚಙ್ಕೋಟಕೇ। ಕುಟ ಛೇದನೇ, ಸಕತ್ಥೇ ಕೋ। ಕರಡಿ ಭಾಜನತ್ಥೇ, ಕೋ। ದ್ವಯಂ ಕಪ್ಪೂರಾದಿಸಮ್ಪುಟೇ ಸಮುಗ್ಗೋ, ಕ್ವಿ। ಪುಟ ಸಂಸಿಲೇಸನೇ, ಭೂವಾದಿ, ಅ।
ಪಜ್ಜದ್ಧಂ ಮೇಥುನೇ। ಗಾಮವಾಸೀನಂ ಧಮ್ಮೋ ಆಚಾರೋ ಗಾಮಧಮ್ಮೋ, ಗಾಮಸದ್ದೇನ ಚೇತ್ಥ ಗಾಮವಾಸಿನೋ ವುತ್ತಾ, ಯಥಾ ‘‘ಗಾಮೋ ಆಗತೋ’’ತಿ। ಅಸತಂ ಅಸಪ್ಪುರಿಸಾನಂ ಧಮ್ಮೋ, ಸದ್ಧಮ್ಮಪಟಿಪಕ್ಖತ್ತಾ ವಾ ಅಸದ್ಧಮ್ಮೋ। ಬ್ಯಯ ಖಯೇ, ಬ್ಯಯತಿ ಬಲಮೇತೇನಾತಿ ಬ್ಯವಾಯೋ, ಮಜ್ಝೇ ವಾಗಮೋ, ಅಥ ವಾ ವಿಗತೋ ಅಯೋ ವುಡ್ಢಿ ತಸ್ಮಾತಿ ಅವಾಯೋ, ಅತಿಸಯೋ ಅವಾಯೋ ಬ್ಯವಾಯೋ। ಮಿಥುನಾನಂ ಇತ್ಥಿಪುರಿಸಾನಂ ಸಮಾನಚ್ಛನ್ದಾನಂ ಆಚಾರೋ ಮೇಥುನಂ, ತದಞ್ಞೇಸು ಉಪಚಾರೋ, ರಮು ರಮನೇ, ಭಾವೇ, ಕರಣೇ ವಾತಿ।
೩೧೮. ಚತುಕ್ಕಂ ವಿವಾಹೇ। ವಹ ಪಾಪುಣೇ, ಣೋ। ಉಪಪುಬ್ಬೋ ಯಮು ಉಪರಮೇ, ಅ। ಅಞ್ಞಮಞ್ಞಸ್ಸ ಪಾಣಿನೋ ಗಹಣಂ ಪಾಣಿಗ್ಗಹೋ। ನೀ ನಯೇ, ಅ। ಉಬ್ಬಾಹೋ, ಪಾಣಿಪೀಳನಂಪ್ಯತ್ರ।
ಧಮ್ಮಕಾಮತ್ಥಾ ತಯೋ ವಗ್ಗಾ ವುಚ್ಚನ್ತೇ। ಆಗಮನಿದ್ದಿಟ್ಠೋ ಸಮಾಚಾರೋ ಧಮ್ಮೋ। ವಿಸಯವಿಸಯಿಸನ್ನಿಪಾತಜಂ ಸುಖಂ ಕಾಮೋ। ಸಬ್ಬೋಪಕರಣಂ ಅತ್ಥೋ। ಸಮೋಕ್ಖಕಾ ಮೋಕ್ಖಸಹಿತಾ ಧಮ್ಮಕಾಮತ್ಥಾ ಚತುಬ್ಬಗ್ಗೋ ವುಚ್ಚನ್ತೇ। ತಿವಗ್ಗೇನ ವಿಸಂಯುತ್ತೋ ಮೋಕ್ಖೋ ನಿಬ್ಬಾನಂ। ತುಲ್ಯಬಲೇಹಿ ಪನ ಧಮ್ಮಾದೀಹಿ ಚತೂಹಿ ಪಧಾನೇಹಿ ಚತುಭದ್ರ
೩೧೯-೩೨೦. ದ್ವಯಂ ಖುಜ್ಜೇ। ಕುಚ್ಛಿತಂ ವಜ್ಜತೀತಿ ಖುಜ್ಜೋ, ಕಸ್ಸ ಖೋ, ವಲೋಪೋ, ಣೋ। ಗಡಿ ನಿನ್ದಾಯಂ, ಉಲೋ।
ತಿಕಂ ರಸ್ಸಸರೀರೇ ಪುಗ್ಗಲೇ। ರಸ ಸದ್ದೇ, ಸೋ। ಬ್ಯಾಮಪ್ಪಮಾಣಂ ನ ಲಾತೀತಿ ವಾಮನೋ, ನೇರುತ್ತೋ। ರಸ್ಸೋ ಚ ವಾಮನೋ ಚೇತಿ ದ್ವನ್ದೋ। ಲಕುಡಿ ವಾಮನತ್ಥೇ, ಅ, ಸಕತ್ಥೇ ಕೋ, ಲಕು ವಿಯ ಘಟಿಕಾ ವಿಯ ಡೇತಿ ಪವತ್ತೇತೀತಿ ವಾ ಲಕುಣ್ಡಕೋ।
ಪಞ್ಚಕಂ ಪಙ್ಗುಳಜನೇ। ಪರೇನ ಅಙ್ಗತೀತಿ ಪಙ್ಗುಳೋ, ಉಲೋ। ಪೀಠೇನ ಸಪ್ಪತಿ ಸೀಲೇನಾತಿ ಪೀಠಸಪ್ಪೀ, ಸಪ್ಪ ಗಮನೇ, ಉಪಚ್ಚಯೇ ಪಙ್ಗು, ದ್ವೀಸು। ಛಿನ್ನೋ ಗಮನಾದಿಇರಿಯಾಪಥೋ ಯಸ್ಸಾತಿ ಸೋ ಛಿನ್ನಿರಿಯಾಪಥೋ। ವಿಗತಾ ಅಕ್ಖಸದಿಸಾ ಜಙ್ಘಾ ಯಸ್ಸಾತಿ ಪಕ್ಖೋ, ಯಥಾ ಹಿ ರಥಸ್ಸ ಅಕ್ಖೇ ಭಿನ್ನೇ ಗಮನಂ ನ ಸಿಜ್ಝತಿ, ತಥೇವ ತಸ್ಸಾಪಿ ಅಕ್ಖಜಙ್ಘಾಯ ಭಿನ್ನಾಯಾತಿ ಓಪಮ್ಮಸಂಸನ್ದನಂ।
ದ್ವಯಂ ಖಞ್ಜೇ। ಖಜಿ ಗತಿವೇಕಲ್ಯೇ, ಭೂವಾದಿ, ಖಞ್ಜತೀತಿ, ಅ। ಖೋಡಿ ಗತಿಪಟಿಘಾತೇ, ಕೋ।
ದ್ವಯಂ ಮೂಗೋ, ಇಸ್ಸೂ। ಸುಞ್ಞಂ ವಚೋ ಯಸ್ಸಾತಿ ಸೋ ಸುಞ್ಞವಚೋ।
ಹತ್ಥಾದಿವಙ್ಕೋ ಪುರಿಸೋ ‘‘ಕುಣೀ’’ತ್ಯುಚ್ಚತೇ। ಕುಣನಂ ಕುಣೋ ಹತ್ಥಾದಿವೇಕಲ್ಯಂ, ತಮೇತಸ್ಸತ್ಥೀತಿ ಕುಣೀ, ಅಥ ವಾ ಕುಣ ಸಙ್ಕೋಚನೇ, ಈ, ಕುಚ್ಛಿತಂ ನಯತೀತಿ ವಾ ಕುಣೀ, ಣತ್ತಂ, ‘‘ಹತ್ಥೇನ ಕುಣೀ, ಪಾದೇನ ಕುಣೀ’’ಇಚ್ಚಾದಿಪಯೋಗಾ। ದ್ವಯಂ ಅಪಾಙ್ಗದಸ್ಸನೇ ಜನೇ। ವಲ ಸಂವರಣೇ, ಇರೋ। ಕುಚ್ಛಿತಂ ಕರೋತೀತಿ ಕೇಕರೋ, ಉಸ್ಸೇ।
೩೨೧. ದ್ವಯಂ ನಿಕ್ಕೇಸಸೀಸೇ। ನಿಕ್ಕೇಸಂ ಸೀಸಮೇತಸ್ಸ, ಖಲ ಖಲನೇ, ಸಞ್ಚಯೇ ಚ, ಆಟೋ, ನಿಕ್ಕೇಸತ್ತಾ ಖಂ ತುಚ್ಛಂ ಸೀಸಂ ಲಾತೀತಿ ಖಲ್ಲಾಟೋ, ಟೋ।
ತಿಕಂ ಖುರಮುಣ್ಡಸೀಸೇ। ಮುಣ್ಡ ಖಣ್ಡನೇ, ಭೂವಾದಿ, ಅ। ಭಣ್ಡ ಪರಿಭಾಸನೇ, ಉ, ಸಕತ್ಥೇ ಕೋ, ಮುಣ್ಡಕೋ, ಮುಣ್ಡಿಕೋಪ್ಯತ್ರ।
ಅಕ್ಖೀನಂ ಮಜ್ಝೇ ಏಕೇನಾಕ್ಖಿನಾ ಸುಞ್ಞೋ ಕಾಣೋ ನಾಮ, ಕಣ ಸದ್ದಗತಿನಿಮೀಲನೇಸು, ಣೋ, ಕಣತಿ ನಿಮೀಲತೀತಿ ಕಾಣೋ, ತಂ ಪನಸ್ಸ ನಿಮೀಲನಂ ಏಕೇನೇವಕ್ಖಿನಾ। ಅಟ್ಠಕಥಾದೀಸು ಪನ ‘‘ಕಾಣೋತಿ ಏಕಚ್ಛಿಕಾಣೋ, ಉಭಯಚ್ಛಿಕಾಣೋ ವಾ’’ತಿ ದ್ವಯೇನ ಅಕ್ಖಿದ್ವಯೇನ ಸುಞ್ಞೋ ಅನ್ಧೋ ನಾಮ, ಅನ್ಧ ದಸ್ಸನೂಪಸಂಹಾರೇ, ಅ।
೩೨೨. ದ್ವಯಂ ಬನ್ಧ ಬನ್ಧನೇ, ಇರೋ। ನಲೋಪೋ। ಸುತಿ ಕಣ್ಣೋ ಹೀನೋ ವಿಕಲೋ ಯಸ್ಸಾತಿ ಸುತಿಹೀನೋ। ಏಳೋಪ್ಯತ್ರ।
ತಿಕಂ ಗಿಲಾನಸಾಮಞ್ಞೇ। ಗಿಲ ಹಾಸಕ್ಖಯೇ, ಯು, ಬ್ಯಾಧಿರೋಗೋಸಞ್ಜಾತೋ ಯಸ್ಸ ಬ್ಯಾಧಿತೋ। ಅತ ಸಾತಚ್ಚಗಮನೇ, ಅಧಿಕರಣೇ, ಕತ್ತರಿ ವಾ ಉರೋ, ಆತುರೋ, ದೀಘಾದಿ। ಆಮಯಾವೀ, ವಿಕತೋ, ಅಪಟು, ಅಬ್ಭಮಿತೋ, ಅಬ್ಭಾನ್ತೋಪ್ಯತ್ರ।
ಉಮ್ಮಾದೋ ವಾತಾದಿಪಕೋಪೋ ರೋಗವಿಸೇಸೋ, ತಬ್ಬತಿ ಉಮ್ಮತ್ತೋ, ಮದ ಉಮ್ಮಾದೇ, ಉಗ್ಗತೇಹಿ ವಾತಾದಿದೋಸೇಹಿ ಮದಯತೀತಿ ಉಮ್ಮಾದೋ, ಣೋ। ಖುಜ್ಜಾದಯೋ ಉಮ್ಮತ್ತನ್ತಾ ವಾಚ್ಚಲಿಙ್ಗೇ ಯುತ್ತತಾಯ ವಾಚ್ಚಲಿಙ್ಗಿಕಾ, ಯಥಾ – ಖುಜ್ಜೋ ಪುರಿಸೋ, ಖುಜ್ಜಾ ಇತ್ಥೀ, ಖುಜ್ಜಂ ನಪುಂಸಕಂ। ಉಮ್ಮತ್ತೋ ಪುರಿಸೋ, ಉಮ್ಮತ್ತಾ ಇತ್ಥೀ, ಉಮ್ಮತ್ತಂ ನಪುಂಸಕಂ।
೩೨೩. ನವಕಂ ರೋಗಮತ್ತೇ। ತಕಿ ಕಿಚ್ಛಜೀವನೇ, ಭೂವಾದಿ, ಆ ಭುಸೋ ತಙ್ಕತೀತಿ ಆತಙ್ಕೋ, ಅ। ಅಮ ರೋಗೇ, ಯೋ, ಮಯ ಗತಿಮ್ಹಿ ವಾ, ಅಥ ವಾ ಅಮ ರೋಗೇ, ಚುರಾದಿ, ಆಮಯತಿ ರುಜ್ಜತೀತಿ ಆಮಯೋ, ಅ, ಕಾರಿತಲೋಪಾಭಾವೋ। ವಿಧ ವಿಜ್ಝನೇ, ವಿಜ್ಝತೀತಿ ಬ್ಯಾಧಿ, ಇ, ಅಕಾರವಣ್ಣಾಗಮೋ, ಬಾಧ ವಿಬಾಧಾಯಂ ವಾ, ತದಾ ಯಾಗಮೋ, ವಿವಿಧಾ ವಾ ಆಧಯೋ ಮನೋಪೀಳಾ ಯಸ್ಮಿಂಸ ಬ್ಯಾಧಿ, ‘‘ಪುಮೇ ಆಧಿ ಮಾನಸೀ ಬ್ಯಥಾ’’ತಿ ಅಮರಕೋಸೇ ವುತ್ತಂ। ರೋಗೇಗದೋ, ಕುವೇರಾಯುಧೇ ಗದಾ, ಗದೋ ಭಾಥರಿಕಣ್ಹಸ್ಸ, ‘‘ಆಮಯೇ ಚಾಯುಧೇ ಗದಾ’’ತಿ ಹಿ ನಾನತ್ಥಸಙ್ಗಹೇ। ರುಜ ರೋಗೇ, ಕತ್ತರಿ ಣೋ, ರುಜಾ ಇತ್ಥೀ। ಗಿಲಾನಸ್ಸ ಭಾವೋ ಗೇಲಞ್ಞಂ। ಕಲ ಗತಿಸಙ್ಖ್ಯಾನೇಸು, ನ ಕಲತಿ ಯೇನ ತಂ ಅಕಲಂ, ತಮೇವ ಅಕಲ್ಲಂ, ಲೋ। ಬಾಧ ವಿಬಾಧಾಯಂ, ಭೂವಾದಿ, ಅ। ಉಪತಾಪೋಪ್ಯತ್ರ।
ದ್ವಯಂ ಖಯರೋಗೇ, ರಸಾದಿಸತ್ತಧಾತುಯೋ ಸೋಸಯತೀತಿ ಸೋಸೋ, ಸುಸ ಸೋಸನೇ, ದಿವಾದಿ, ಣೋ। ಖಿ ಖಯೇ, ಖಯತೀತಿ, ಅ। ಯಕ್ಖಾ, ರಾಜಯಕ್ಖಾಪ್ಯತ್ರ। ಯಕ್ಖ ಪೂಜಾಯಂ, ಚುರಾದಿ।
೩೨೪. ದ್ವಯಂ ನಾಸರೋಗೇ। ಅಪಿಹಿತಾ ನಾಸಾ ಅನೇನಾತಿ ಪೀನಾಸೋ, ಪೀನಸೋಪಿ। ಉಪಸಗ್ಗತೋ ನಾಸಾಯ ಬಹುಬ್ಬೀಹಿಮ್ಹಿ ನಸಾದೇಸಂ ಕುಬ್ಬನ್ತಿ ರಭಸೋ। ಪತಿಸ್ಸಯೋಪ್ಯತ್ರ। ವೇಜ್ಜಗನ್ಥೇ ಇಮೇಸಂ ಪೀನಸಪತಿಸ್ಸಾಯಾನಂ ಭೇದೋ ಅಭಿಹಿತೋ –
ಆನಹ್ಯತೇ ಯಸ್ಸ ವಿಸುಸ್ಸತೇ ಚ,
ಕಿಲಿದ್ಯತೇ ಧೂಪತಿ ಚೇವ ನಾಸಾ।
ನ ಞಾಯತೇ ಗನ್ಧರಸೇ ಚ ಜನ್ತು,
ದುಟ್ಠಂ ವಿಜಞ್ಞಾ ತಮಪೀನಸೇನಾತಿ॥
ಆನದ್ಧಾ
ತನುಸಾವಪ್ಪಸೇಕಿನೀ।
ಗಲತಾಲೋಟ್ಠಸೋಸೋ ಚ,
ನಿತ್ತೋದೋ ಸಙ್ಖಕದ್ವಯೇ।
ಭವೇ ಸರೋ ಪಘಾತೋ ಚ,
ಪತಿಸ್ಸಾಯೋತಿ ಲಕ್ಖಿತೋತಿ॥
ಇಹ ತ್ವಭೇದೇನೋತ್ತಂ। ಪತಿಪುಬ್ಬೋ ಸಿಧಾತು ರುಜತ್ಯತ್ಥೋ। ನಾಸಿಕಾಯ ಜಾತೋ ರೋಗೋ ನಾಸಿಕಾರೋಗೋ।
ಘಾನೇ ಪವತ್ತೋ ಅಸ್ಸವೋ ಸಿಙ್ಘಾನಿಕಾ ನಾಮ, ಸಿಙ್ಘ ಆಘಾನೇ, ಭೂವಾದಿ, ಸಿಙ್ಘತೀತಿ ಸಿಙ್ಘಾನಂ, ಯು, ತತ್ಥ ಜಾತಾ ಸಿಙ್ಘಾನಿಕಾ। ಆ ಪುನಪ್ಪುನಂ ಸವತಿ ಸನ್ದತೀತಿ ಅಸ್ಸವೋ, ಸೂ ಅಭಿಸವೇ। ದ್ವಯಂ ವಣಮತ್ತೇ। ಅರ ಗಮನೇ, ಉ, ಅರು, ನಪುಂಸಕೇಯೇವ। ವಣ ಗತ್ತವಿಚುಣ್ಣನೇ, ಚುರಾದಿ, ಅ, ವಣೋ, ಅನಿತ್ಥೀ। ದ್ವಯಂ ಫೋಟೇ। ಫುಟ ಸಂಸಿಲೇಸನೇ, ಭೂವಾದಿ, ಫೋಟೋ, ಣೋ। ಪೀಳ ವಿಬಾಧಾಯಂ, ಚುರಾದಿ, ಣ್ವು, ‘‘ಇತ್ಥಿಯಮತೋ ಆಪಚ್ಚಯೋ’’ತಿ ಆ, ಪೀಳಕೋ, ಪೀಳಕಾ, ಪೀಳಕಂ, ತೀಸ್ವಪಿ, ತಥಾ ಫೋಟೋ।
೩೨೫. ದ್ವಯಂ ಪಕ್ಕವಣಾದೀಸು ಸಞ್ಜಾತದುಗ್ಗನ್ಧವಿಸೇಸೇ। ಪುಬ್ಬ ಪೂರಣೇ, ಭೂವಾದಿ, ಅ। ಪೂಯ ವಿಸರಣೇ, ದುಗ್ಗನ್ಧೇ ಚ, ಭೂವಾದಿ।
ದ್ವಯಂ ಲೋಹಿತನಿಸ್ಸರಣರೋಗೇ। ರತ್ತಸ್ಸ ಲೋಹಿತಸ್ಸ ಸಣ್ಠಾನಮತಿಕ್ಕಮಿತ್ವಾ ಸರಣಂ ಗಮನಂ ರತ್ತಾತಿಸಾರೋ। ಪಕ್ಖನ್ದತಿ ನಿಸ್ಸರತೀತಿ ಪಕ್ಖನ್ದಿಕಾ। ಕಮು ಪದವಿಕ್ಖೇಪೇ। ‘‘ಇತ್ಥಿಯಮತಿಯವೋ ವಾ’’ತಿತಿ। ‘‘ಪಕ್ಕಮಾದೀಹಿನ್ತೋ ಚೇ’’ತಿ ಏತ್ಥ ಚಕಾರೇನ ತಿಸ್ಸನ್ತಿ, ಧಾತ್ವನ್ತಲೋಪೋ ಚ, ಸಕತ್ಥೇ ಕೋ। ದ್ವಿತ್ತೇ। ಯದಾದಿನಾ ಪರಕಕಾರಸ್ಸ ಖೋ, ಪಕ್ಖನ್ದಿಕಾ।
ದ್ವಯಂ ಅಪಮಾರೋ, ಸಸ್ಸ ಮೋ। ಇತರತ್ರ ಮಕಾರಾಗಮೋ। ದ್ವಯಂ ಪಾದಭೇದೇ। ಪಾದಸ್ಸ ಫೋಟೋ ಭೇದನಂ ದರಣಂ ಪಾದಫೋಟೋ, ಫುಟ ಭೇದೇ। ವಿರೂಪೋ ಪಾದೋ ಏತಾಯ ಹೇತುಭೂತಾಯಾತಿ ವಿಪಾದಿಕಾ। ಸಮಾಸನ್ತೇ ಕೋ, ಪುಬ್ಬಾಕಾರಸ್ಸಿತ್ತಂ, ವಿದಾರೀಯಮಾನತ್ತಾ ವಿಪಜ್ಜಮಾನೋ ಪಾದೋ ಅಸ್ಸನ್ತಿ ವಾ ವಿಪಾದಿಕಾ।
೩೨೬. ದ್ವಯಂ ವುಡ್ಢಿಪ್ಪತ್ತಣ್ಡಕೋಸರೋಗೇ। ವುಡ್ಢಿಪ್ಪತ್ತೋ ರೋಗೋ ವುಡ್ಢಿರೋಗೋ। ವಾತಪೂರಿತಂ ಅಣ್ಡಂ ಕೋಸೋ ವಾತಣ್ಡಂ। ದ್ವಯಂ ಥೂಲಪಾದರೋಗೇ। ಘನಾಭಾವತೋ ಸಿಥಿಲಂ ಪದಂ ಸೀಪದಂ, ವಣ್ಣನಾಸೋ, ದೀಘಾದಿ। ಭಾರೋ ಪಾದೋ ಯಸ್ಸ, ತಸ್ಸ ಭಾವೋ ಭಾರಪಾದತಾ।
ಪಞ್ಚಕಂ ಕಣ್ಡುಯಂ। ಕಣ್ಡ ಭೇದನೇ, ಉ, ದೀಘೇ ಕಣ್ಡೂ, ವಧೂಸದ್ದೋವ। ತಿಮ್ಹಿ ಕಣ್ಡೂತಿ, ಅಸ್ಸೂ, ಚುರಾದಿತ್ತಾ ಯಮ್ಹಿ ಕಣ್ಡೂಯಾ, ಯಲೋಪಾಭಾವೋ। ಖಜ್ಜ ಥೇಯ್ಯಕರಣಬ್ಯಥನೇಸು, ಭೂವಾದಿ, ಉ। ಯುಮ್ಹಿ ಕಣ್ಡೂವನಂ, ಅಸ್ಸೂ। ಉವಾದೇಸೋ, ದೀಘೋ ಚ।
೩೨೭. ತಿಕಂ ಕಚ್ಛುಯಂ। ಯಾ ‘‘ಖಸುರೋಗೋ’’ತಿ ವುಚ್ಚತಿ। ಪಾತ್ಯತ್ತಾನನ್ತಿ ಪಾಮಂ, ಮನ, ಪಾಮಾಪ್ಯತ್ಥಿ, ಪುಲ್ಲಿಙ್ಗೋ, ರಾಜಾದಿ, ವಿಸೇಸೇನ ತಚ್ಛತಿ ಕಾಸನ್ತಿ ವಿತಚ್ಛಿಕಾ, ತಚ್ಛ ತನುಕರಣೇ, ಣ್ವು ವಚ್ಛ ಪರಿಭಾಸನತಜ್ಜನೇಸು, ಭೂವಾದಿ। ಕಚ ಬನ್ಧನೇ, ಉ, ಚಸ್ಸ ಛತ್ತಂ, ದ್ವಿತ್ತಾದಿ। ತಿಲಕಾಳಕನ್ತಂ ದ್ವಯಂ ದ್ವಯಂ ಸಮತ್ಥಂ। ತತ್ರ ದ್ವಯಂ ಸೋಥೇ। ಸು ಗತಿವುಡ್ಢೀಸು, ಭೂವಾದಿ, ಥೋ। ಥುಪಚ್ಚಯೇ ಸಯಥು, ಉಸ್ಸತ್ತಂ, ಯಾಗಮೋ ಚ। ಸೋಫೋಪ್ಯತ್ರ। ಸೋಕಂ ಫಾಯತಿ ಬಹುಲಂ ಕರೋತೀತಿ ಸೋಫೋ, ಫಾಯ ವುಡ್ಢಿಯಂ, ಫಾಯಸ್ಸ ಫೋ, ನೇರುತ್ತೋ।
ದ್ವಯಂ ಅರಿಸರೋಗೇ। ಅಮಙ್ಗಲತಾಯ ದು ನಿನ್ದಿತಂ ನಾಮಮಸ್ಸ ದುನ್ನಾಮಂ, ಸಕತ್ಥೇ, ಕುಚ್ಛಾಯಂ ವಾ ಕೋ, ದೀಘಕೋಸಿಕಾಯಂ ದುನ್ನಾಮಾ, ಇತ್ಥೀ। ಅರಿ ವಿಯ ಸಸತಿ ಹಿಂ ಸತೀತಿ ಅರಿಸಂ, ಸಸ ಹಿಂಸಾಯಂ, ಕ್ವಿ, ಅರ ಗಮನೇ ವಾ, ಇಸೋ। ದ್ವಯಂ ವಮನರೋಗೇ। ಛದ್ದ ವಮನೇ, ಚುರಾದಿ, ಣ್ವು। ವಮು ಉಗ್ಗಿರಣೇ, ಥು। ವಮಿಧುಪ್ಯತ್ರ। ಛದ್ದಿಕಾ, ವಮಿ ಇತ್ಥಿಯಂ, ವಮಥು ಪುಮೇ।
೩೨೮-೩೨೯. ದ್ವಯಂ ಪರಿತಾಪೇ। ದು ಪರಿತಾಪೇ, ತನಾದಿ, ಥು। ಪರಿತಪನಂ ಸನ್ತಾಪನಂ ಪರಿತಾಪೋ। ದ್ವಯಂ ತಿಲಕಾಳಕೇ। ತಿಲಸಣ್ಠಾನಂ ವಿಯ ಜಾಯತೀತಿ ತಿಲಕೋ। ತಿಲಂ ವಿಯ ಕಾಳೋ ಹುತ್ವಾ ಜಾಯತೀತಿ ತಿಲಕಾಳಕೋ।
ಮಹಾವಿರೇಕೋ ‘‘ವಿಸೂಚಿಕಾ’’ತ್ಯುಚ್ಚತೇ। ನಿಸ್ಸೇಸತೋ ಸುಚತಿ ಗಚ್ಛತೀತಿ ಸೂಚಿಕಾ। ಸುಚಿ, ಸುಚ ಗತಿಯಂ, ಭೂವಾದಿ। ಸುಚ ಸೋಚೇಯ್ಯೇ ವಿಸೂಚಿಕಾ, ವಿಸೇಸೇನ ಸೂಚಿ ವಿಯ ವಿಜ್ಝತೀತಿ ವಾ ವಿಸೂಚಿಕಾ। ಬಹುಮೋಸರಣತ್ತಾ ಮಹನ್ತೋ ವಿರೇಕೋ ಮಹಾವಿರೇಕೋ, ರಿಚ ವಿಯೋಜನಸಮ್ಪುಚ್ಛನೇಸು, ಣೋ।
ಭಗನ್ದಲಾದಯೋ ಸತ್ತ ಆಮಯನ್ತರಾ ರೋಗಭೇದಾ ಭವನ್ತಿ। ತತ್ರ ಗುದಸಮೀಪಜೋ ವಣವಿಸೇಸೋ ಭಗನ್ದಲಾ, ಇತ್ಥೀ। ಭಗಂ ಯೋನಿ, ತಂ ದಾರಯತೀತಿ ರೂಳ್ಹೀತೋ ಅಪಚ್ಚಯನ್ತೋ ನಿಪಾತಿತೋ। ದರ ವಿದಾರಣೇ, ಭೂವಾದಿ, ಲತ್ತೇ ಭಗನ್ದಲಾ। ಭಗನ್ದರೋಪ್ಯತ್ರ। ಮೇಹೋ ಮುತ್ತಮೇಹೋ, ಸೋ ಚ ಬಹುಮುತ್ತತಾಯ ಮಧುಮೇಹೋ, ರತ್ತಮೇಹೋ, ಸುಕ್ಕಮೇಹೋತ್ಯನೇಕವಿಧೋ। ಮಿಹ ಸೇಚನೇ, ಭೂವಾದಿ, ಮಿಹತಿ ಮುತ್ತನ್ತಿ ಮೇಹೋ, ಣೋ। ಜರ ರೋಗೇ। ಭೂವಾದಿ, ಜರತೀತಿ, ಅ। ಜರೋ ಪಸಿದ್ಧೋ। ಕಾಸ ಸದ್ದಕುಚ್ಛಾಯಂ, ದಿತ್ತಿಯಞ್ಚ, ಭೂವಾದಿ, ಕಾಸತೀತಿ ಕಾಸೋ, ಣೋ, ಕುಚ್ಛಿತಂ ಅಸತೀತಿ ವಾ ಕಾಸೋ, ಕುಆಪುಬ್ಬೋ। ಸಸ ಪಾಣನೇ, ಸಸನಂ ಸಾಸೋ, ಭುಸಂ ಸಸನಮೇತಸ್ಸತ್ಥೀತಿ ವಾ ಸಾಸೋ, ಕುಟ ಛೇದನೇ, ಠೋ, ಕುಟ್ಠಂ। ಸಾಮಞ್ಞೇನ ತಚೋವಿಕಾರೇ। ಸುಕ್ಕೇ ತು ಸಿತ್ತಂ। ಸೂಲ ರುಜಾಯಂ, ಭೂವಾದಿ, ಸೂಲಂ। ವಿದ್ದಧಿ, ಅಸ್ಮರೀ, ಮುತ್ತಕಿಚ್ಛಾದಯೋಪ್ಯನೇಕಾ ರೋಗಭೇದಾ।
ಪಜ್ಜದ್ಧಂ ವೇಜ್ಜೇ। ಆಯುಬ್ಬೇದಸಙ್ಖಾತಂ ವಿಜ್ಜಂ ಜಾನಾತೀತಿ ವೇಜ್ಜೋ, ‘‘ಣ ರಾಗಾ ತಸ್ಸೇದಮಞ್ಞತ್ಥೇಸು ಚಾ’’ತಿ ಣೋ, ವಿದ ಞಾಣೇ ವಾ, ವಿನ್ದತೀತಿ ವೇಜ್ಜೋ, ಣ್ಯೋ, ದ್ಯಸ್ಸ ಜೋ। ಭಿಸಜ್ಜತಿ ಚಿಕಿಚ್ಛತೀತಿ ಭಿಸಕ್ಕೋ, ಅ, ಜಸ್ಸ ಕೋ। ರೋಗಂ ಹರತಿ ಸೀಲೇನಾತಿ ರೋಗಹಾರೀ, ಣೀ। ಹರಸದ್ದೋಯಂ ಕೇವಲೋಪಿ ಆನಯನಾಪನಯನೇಸು ವತ್ತತಿ ‘‘ಮನೋಹರೋ, ದುಕ್ಖಹರೋ’’ಇಚ್ಚಾದೀಸು, ಇಧ ಅಪನಯನೇ। ಕಿತ ರೋಗಾಪನಯನೇ, ಭೂವಾದಿ। ತಿಕಿಚ್ಛತೀತಿ ತಿಕಿಚ್ಛಕೋ, ಛಪಚ್ಚಯೋ, ಣ್ವು, ದ್ವಿತ್ತಾದಿ। ಅಗದಕರೋಪ್ಯತ್ರ, ಅಗದಂ ಅರೋಗಂ ಪಾಣೀನಂ ಕರೋತೀತಿ ಅಗದಕರೋ, ಕಮ್ಮಾದಿಮ್ಹಿ ಣೋ।
೩೩೦. ದ್ವಯಂ ಸಲ್ಲವೇಜ್ಜೋ। ಯಥಾವುತ್ತಂ ಸಲ್ಲಂ ನೀಹರಣವಸೇನ ಕನ್ತತಿ ಛಿನ್ದತೀತಿ ಸಲ್ಲಕತ್ತೋ, ಕತಿ ಛೇದನೇ, ತೋ। ದ್ವಯಂ ಪಟಿಕಾರೇ। ತಿಕಿಚ್ಛನಂ ತಿಕಿಚ್ಛಾ, ಭಾವೇ ಅ। ಪತಿಪುಬ್ಬೋ ಕರೋತಿ ತಿಕಿಚ್ಛಾಯಂ, ಕರತೋ ರಿರಿಯಾ।
ಚತುಕ್ಕಂ ಓಸಧೇ। ಭಿಸಜಾನಮಿದಂ ಭೇಸಜ್ಜಂ, ಣ್ಯ। ನ ವಿಜ್ಜತೇ ಗದೋ ಯಸ್ಮಿನ್ತಿ ಅಗದೋ। ಭಿಸಜಾನಮಿದಂ ಭೇಸಜಂ, ಣೋ। ಉಸ ದಾಹೇ। ರೋಗಮೋಸಾಪೇತೀತಿ ಓಸಧಂ, ಧೋ, ಅಥ ವಾ ಓಸಧೀ ನಾಮ ಅಸಂಯೋಗದಬ್ಬಂ, ತೇಹಿ ಸಂಯೋಜಿತಂ ಓಸಧಂ। ಜಾಯುಪ್ಯತ್ರ। ಜಿ ಜಯೇ, ಣು।
೩೩೧. ತಿಕಂ ಆರೋಗ್ಯೇ। ಅನತ್ಥಕಾರಕತ್ತಾ ಕುಚ್ಛಿತಾಕಾರೇನ ಸರೀರೇ ಸೇನ್ತೀತಿ ಕುಸಾ, ರೋಗಾ, ತೇ ಲುನಾತಿ ಛಿನ್ದತೀತಿ ಕುಸಲಂ। ಆಮಯಸ್ಸಾಭಾವೋ ಅನಾಮಯಂ, ಅಬ್ಯಯೀಭಾವೋ। ಅರೋಗಸ್ಸ ಭಾವೋ ಆರೋಗ್ಯಂ। ಕುಸಲಾನಾಮಯಾರೋಗ್ಯನ್ತಿ ಸಮಾಹಾರದ್ವನ್ದೋ। ದ್ವಯಂ ಅನಾಮಯಜನೇ। ಕಲ ಗತಿಸಙ್ಖ್ಯಾನೇಸು। ಕಲತಿ ಯಥಾಸುಖಂ ಸಬ್ಬಿರಿಯಾಪಥೇಸೂತಿ ಕಲ್ಲೋ, ಲೋ। ‘‘ಕಾಲಂ ಖಮತೀತಿ ಕಲ್ಯಂ, ಅರೋಗತಾ, ತಸ್ಸಂ ನಿಯುತ್ತೋ ಕಲ್ಯೋ’’ತಿ ಅಙ್ಗುತ್ತರನಿಕಾಯಟೀಕಾಯಂ। ನತ್ಥಿ ಆಮಯೋ ಯಸ್ಮಿಂ ನಿರಾಮಯೋ। ವುತ್ತೋಪ್ಯತ್ರ। ವುತ್ತಿ ಜೀವಿತವುತ್ತಿ ಪಸತ್ಥಾ ಅಸ್ಸತ್ಥೀತಿ ವುತ್ತೋ। ರೋಗತೋ ನಿಗ್ಗತಜನೇ ಪನ ಉಲ್ಲಾಘೋ, ಲಾಘ ಸಾಮತ್ಥಿಯೇ, ಉಸದ್ದೋಯಂ ರೋಗವಿಮುತ್ಯತ್ಥೋ। ನರಾದಿತ್ತಾ, ನರಪ್ಪಧಾನತ್ತಾ ಚ ನರವಗ್ಗೋ।
ನರವಗ್ಗವಣ್ಣನಾ ನಿಟ್ಠಿತಾ।
೪. ಚತುಬ್ಬಣ್ಣವಗ್ಗವಣ್ಣನಾ
೩೩೨. ಸನ್ತತಿಪರಿಯನ್ತಂ ವಂಸೇ। ಕುಲ ಸನ್ತಾನಬನ್ಧೂಸು, ಭೂವಾದಿ, ಣೋ, ಕುಲಂ, ವನ ಸಮ್ಭತ್ತಿಯಂ, ಸೋ। ಸಂತನು ವಿತ್ಥಾರೇ, ಣೋ। ಅಭಿಮುಖಂ ಜನೇತೀತಿ ಅಭಿಜನೋ, ಣೋ। ಗೋ ವುಚ್ಚತಿ ಅಭಿಧಾನಂ, ಬುದ್ಧಿ ಚ, ತೇ ತಾಯತೀತಿ ಗೋತ್ತಂ। ಗೋತ್ರಮ್ಪಿ। ಗವಂ ಸದ್ದಂ ತಾಯತೀತಿ ವಾ ಗೋತ್ತಂ, ತಾ ಪಾಲನೇ। ಅನುಪುಬ್ಬೋ ಇ ಗತಿಯಂ, ಕರಣೇ ಅ। ತನೋತಿಸ್ಮಾತಿ, ಸನ್ತತಿ, ನಲೋಪೋ, ಇತ್ಥಿಯಂ।
ಸನ್ತತಿ ಪನ್ತಿವಿತ್ಥಾರ-ಗೋತ್ತೇಸು ಕವಿಭೀ ಮತಾ।
ಪರಮ್ಪರಾ ಭವೇ ಚಾಪಿ, ಪುತ್ತಕಞ್ಞಾಸು ಸನ್ತತಿ॥
ಖತ್ತಿಯಾದಯೋ ಖತ್ತಿಯಬ್ರಾಹ್ಮಣವೇಸ್ಸಸುದ್ದಾ ಚತ್ತಾರೋ ವಣ್ಣಾ ಕುಲಾನಿ ಭವನ್ತಿ, ಏತೇ ಹಿ ಅಞ್ಞಮಞ್ಞಮಸಙ್ಕರತೋ ವಣ್ಣೇತಬ್ಬತೋ ಠಪೇತಬ್ಬತೋ ವಣ್ಣಾತಿ ವುಚ್ಚನ್ತೇ। ವಣ್ಣ ಠಪನೇ।
೩೩೩-೩೩೪. ಛಕ್ಕಂ ಕುಲಿನೋ, ಇನೋ ಅಪಚ್ಚೇ। ಸೋಭನೋ ಜನೋ ಸಜ್ಜನೋ। ಸಪರತ್ಥಂ ಸಾಧೇತೀತಿ ಸಾಧು, ಸಾಧ ಸಂಸಿದ್ಧಿಮ್ಹಿ, ಉ। ಸಭಾಯಂ ಸಾಧು ಸಭ್ಯೋ। ಸಾಧ್ವತ್ಥೇ ಯೋ। ಅಯ ಗತಿಯಂ। ಅಯಿತಬ್ಬೋ ಉಪಗನ್ತಬ್ಬೋತಿ ಅಯ್ಯೋ, ಕಮ್ಮನಿ ಯೋ। ಮಹಾಕುಲಸ್ಸಾಪಚ್ಚಂ ಮಹಾಕುಲೋ, ಣೋ।
ಭೂಭುಜನ್ತಂ ರಾಜಸಾಮಞ್ಞೇ। ಅತಿತೇಜವನ್ತತಾಯ ವಿಸೇಸೇನ ರಾಜತೇ ದಿಬ್ಬತೇತಿ ರಾಜಾ, ರಾಜ ದಿತ್ತಿಯಂ। ಭುಯಾ ಭೂಮಿಯಾ ಪತಿ ಭೂಪತಿ, ಭುಂ ಪಾಲೇತೀತಿ ವಾ ಭೂಪತಿ, ಪಾ ರಕ್ಖಣೇ,ತಿ, ರಸ್ಸೋ। ಪಥವಿಯಾ ಇಸ್ಸರೋ ಪತ್ಥಿವೋ, ಣೋ, ದ್ವಿತ್ತಂ, ಇತ್ತಞ್ಚ। ಜಗತಿಂ ಭೂಮಿಂ ಪಾಲೇತೀತಿ ಜಗತಿಪಾಲೋ, ಕಮ್ಮನಿ ಣೋ। ದಿಸಾನಂ ಪತಿ ದಿಸಮ್ಪತಿ, ದಿಸಾ, ದಿಸಟ್ಠೇ ವಾ ಪಾಲೇತೀತಿ ದಿಸಮ್ಪತಿ, ರಸ್ಸತ್ತಂ, ನಿಗ್ಗಹೀತಾಗಮೋ ಚ। ಭುಂ ಭೂಮಿಂ ಭುಞ್ಜತೀತಿ ಭೂಭುಜೋ, ಭುಜ ಪಾಲನಜ್ಝೋಹರಣೇಸು, ಇಧ ಪಾಲನೇ, ರುಧಾದಿ। ಮಹಿಖಿತೋಪ್ಯತ್ರ। ಖಿ ನಿವಾಸಗತೀಸು, ಮಹಿಂ ಅಖಿ ಗತವಾ ಮಹೀಖಿತೋ।
೩೩೫. ಪಜ್ಜದ್ಧಂ ಮುದ್ಧಾಭಿಸಿತ್ತೇ ಜಾತಿಖತ್ತಿಯೇ, ‘‘ರಾಜಜಚ್ಚೇ ಚ ಖತ್ತಿಯೇ’’ತಿ ವಚನತೋ। ರಞ್ಞೋ ಖತ್ತಿಯಸ್ಸಾಪಚ್ಚಂ ರಾಜಞ್ಞೋ, ಞ್ಞೋ ರಭಸ, ರತನಕೋಸೇಸು ಪರಿಯಾಯಾ। ಖತ್ತಸ್ಸಾಪಚ್ಚಂ ಖತ್ತಿಯೋ, ಅಪಚ್ಚೇ ಇಯಪಚ್ಚಯೋ ದಿಸ್ಸತೇ, ಖೇತ್ತಾನಂ ಅಧಿಪತಿಭೂತತ್ತಾ ವಾ ಖತ್ತಿಯೋತಿಆದಿಕಪ್ಪಿಕರಾಜಾ ವುಚ್ಚತಿ, ತಪ್ಪಭವತ್ತಾ ಪನ ಮುದ್ಧಾಭಿಸಿತ್ತೇಸ್ವಪಿ ತಂಸಮಞ್ಞಾ, ಏಸ್ಸತ್ತಂ। ಖತ್ತಸ್ಸಾಪಚ್ಚಂ ಖತ್ತಂ, ಣೋ। ರಜ್ಜಾರೋಪನಸಮಯೇ ದಕ್ಖಿಣಾವಟ್ಟಸಙ್ಖೋದಕೇನ ಗಙ್ಗಾನೀತೇನ ಮುದ್ಧನಿ ಖತ್ತಿಯಕಞ್ಞಾದೀಹಿ ಅಭಿಸಿತ್ತತ್ತಾ ಮುದ್ಧಾಭಿಸಿತ್ತೋ, ಪಠಮಖತ್ತಿಯೋ। ತಪ್ಪಭವತಾಯ ಪನ ಅನಭಿಸಿತ್ತಾ ಚ ಮುದ್ಧಾಭಿಸಿತ್ತಾಖ್ಯಾ, ಯಥಾ – ಬ್ರಹ್ಮಬಾಹುಜಸ್ಸ ವಂಸೇ ಜಾತಸ್ಸಾಪಿ ಬ್ರಹ್ಮಬಾಹುಜೋ। ಬ್ರಹ್ಮಬಾಹುತೋ ಜಾತತ್ತಾ ಬಾಹುಜೋತಿ ಹಿ ನಿಕಾಯನ್ತರಿಕಾನಂ ಲದ್ಧಿ। ಯಸ್ಮಿಂ ಪನ ರಾಜಿನಿ ಅಸೇಸಾ ಸಾಮನ್ತಾ ಪಣಮನ್ತಿ, ಸೋ ಅಧಿಸ್ಸರಾಖ್ಯೋ ಸಾಮನ್ತಾ, ಅನನ್ತರರಾಜಾನೋ।
ದ್ವಯಂ ಚಕ್ಕವತ್ತಿನಿ। ಸಬ್ಬಭೂಮಿಯಾ ಇಸ್ಸರೋ ಸಬ್ಬಭುಮ್ಮೋ, ಣ್ಯೋ। ಪುಞ್ಞೋಪನೀತೇನ ಚಕ್ಕರತನೇನ ವತ್ತತೇ ಅಸಾಧುದಮನಿಕಾದಿರಾಜವತ್ತಂ ಅನುತಿಟ್ಠತೀತಿ ಚಕ್ಕವತ್ತೀ, ಣೀ, ಚಕ್ಕರತನಂ ವತ್ತೇತಿ ಆಕಾಸೇ ಅತ್ತನೋ ಪುರತೋ ಗಮಯತೀತಿ ವಾ ಚಕ್ಕವತ್ತೀ, ಪುಞ್ಞಚಕ್ಕಂ, ಚತುಚಕ್ಕಂ ವಾ ಸತ್ತೇಸು ವತ್ತೇತಿ, ತೇ ವಾ ಅಸ್ಮಿಂ ವತ್ತೇತೀತಿ ಚಕ್ಕವತ್ತೀ, ಚಕ್ಕರತನುಪ್ಪಾದನತ್ಥಂ ದ್ವಾದಸವಸ್ಸಚರಿತಂ ದಸರಾಜಧಮ್ಮಂ ವತ್ತಮೇತಸ್ಸತ್ಥೀತಿ ವಾ ಚಕ್ಕವತ್ತೀ। ತತ್ಥ ಅನ್ತೋಜನಸ್ಮಿಂ ಬಲಕಾಯೇ ಧಮ್ಮಿಕಾರಕ್ಖಾವರಣಗುತ್ತಿಯಾ ಸಂವಿಧಾನಂ, ಖತ್ತಿಯೇಸು, ಅನುಯುತ್ತೇಸು, ಬ್ರಾಹ್ಮಣಗಹಪತಿಕೇಸು, ನೇಗಮಜಾನಪದೇಸು, ಸಮಣಬ್ರಾಹ್ಮಣೇಸು, ಮಿಗಪಕ್ಖೀಸು, ಅಧಮ್ಮಕಾರಪಟಿಕ್ಖೇಪೋ, ಅಧನಾನಂ ಧನುಪ್ಪಾದನಂ, ಸಮಣಬ್ರಾಹ್ಮಣೇ ಉಪಸಙ್ಕಮಿತ್ವಾ ಪಞ್ಹಪುಚ್ಛನನ್ತಿ ಇದಂ ದಸವಿಧಂ ಚಕ್ಕವತ್ತಿವತ್ತಂ, ಇದಮೇವ ಚ ಗಹಪತಿಕೇ, ಪಕ್ಖಿಜಾತೇ ಚ ವಿಸುಂ ಕತ್ವಾ ಗಹಣವಸೇನ ದ್ವಾದಸವಿಧಮ್ಪಿ ದೀಪೇಸು। ಚತೂಸ್ವಪಿ ದೀಪೇಸು ಆಣಾಧಮ್ಮಚಕ್ಕಾನಿ ಸತ್ತೇಸು ಚಕ್ಕವತ್ತೀ। ಅಞ್ಞೋ ಅಸಬ್ಬಭುಮ್ಮೋ ಅನವಕಾಸೋ ಸಾಮನ್ತೋ ಭೂಪೋ ಮಣ್ಡಲಿಸ್ಸರೋ ನಾಮ। ಸಯಮಾಣಾಪವತ್ತಿಟ್ಠಾನವಸೇನ ಪರಿಚ್ಛಿನ್ನಸ್ಸೇವ ಮಣ್ಡಲಸ್ಸ ಇಸ್ಸರೋ, ನ ಸಬ್ಬಮಣ್ಡಲಸ್ಸಾತಿ ಮಣ್ಡಲಿಸ್ಸರೋತಿಪಿ। ಏತ್ಥ ಚ ‘‘ಸಬ್ಬಭುಮ್ಮೋ, ಚಕ್ಕವತ್ತೀ’’ತಿ ದ್ವೀಹಿ ನಾಮೇಹಿ ಚತುದೀಪಿಸ್ಸರೋ ರಾಜಾ ದೀಪಿತೋ, ಇಧಾನಾಗತೇಪಿ ಸಙ್ಗಹೇತ್ವಾ ಕಥಿತೇನ ಅಧಿಸ್ಸರಪದೇನ ಏಕದೀಪಿಸ್ಸರೋ ರಾಜಾ, ಮಣ್ಡಲಿಸ್ಸರಪದೇನ ಪದೇಸಿಸ್ಸರೋ ರಾಜಾ ದೀಪಿತೋ। ಅಥ ವಾ ಮಣ್ಡಲಿಸ್ಸರಪದೇನ ಏಕದೀಪಿಸ್ಸರೋ ರಾಜಾ, ಸೇಸೇಹಿ ರಾಜರಾಜಞ್ಞಾದೀಹಿ ಬಾಹುಜಪರಿಯನ್ತೇಹಿ ಪದೇಸಿಸ್ಸರೋ ದೀಪಿತೋ।
೩೩೬. ದ್ವಯಂ ರಾಜಭೇದೇ। ಸುಖುಮತಾಯ ಲೀನಾ ಅಪಾಕಟಾ ಛವಿಯೋ ಯೇಸಂ ತೇ ಲಿಚ್ಛವಿನೋ। ಲಿಚ್ಛವೀ ಚ ವಜ್ಜೀ ಚಾತಿ ದ್ವನ್ದೋ। ದ್ವಯಂ ಸಮ್ಮಾಸಮ್ಬುದ್ಧಕುಲೇ ರಾಜಿನಿ। ಪುರಿಮತರಸಮ್ಭೂತೇ ಸಕ್ಯಕುಲೇ ಸಞ್ಜಾತತ್ತಾ ಸಕ್ಯೋ, ಣೋ। ಸಕ್ಕೋಪಿ। ಸಕ್ಯೇ ಭವೋ ಸಾಕಿಯೋ, ಇಯೋ, ಯಲೋಪೋ, ದೀಘೋ ಚ।
ಪಞ್ಚಕಂ ಬುದ್ಧಪುತ್ತಸ್ಸಾಯಸ್ಮತೋ ರಾಹುಲಸ್ಸ ಮಾತರಿ। ಭದ್ದ ಕಲ್ಯಾಣೇ, ಸೋಖ್ಯೇ ಚ। ಕುಲಾಚಾರರೂಪಾದಿವಸೇನ ಕಲ್ಯಾಣತ್ತಾ ಭದ್ದಾ। ಕಚ್ಚಸ್ಸಾಪಚ್ಚಂ ಕಚ್ಚಾನಾ, ಅಪಚ್ಚಸದ್ದೋಯಂ ನಿಚ್ಚಂ ನಪುಂಸಕೇ ಪುತ್ತೇ, ಪುತ್ತಿಯಞ್ಚ ಭವತೀತಿ। ‘‘ರಾಹು ವಿಯ ಚನ್ದಂ ಮಮ ನಿಕ್ಖಮನಂ ಲಾತುಕಾಮೋ ಚಾಯಂ ಮೇ ಪುತ್ತೋತಿ ರಾಹುಲೋತಿ ನಾಮೇನ ಭವಿತಬ್ಬ’’ನ್ತಿ ಮನಸಿ ಕತ್ವಾ ‘‘ರಾಹು ಜಾತೋ, ಬನ್ಧನಂ ಜಾತ’’ನ್ತಿ ಪಿತರಾ ವುತ್ತೋ ಸಿಕ್ಖಾಕಾಮೋ ಆಯಸ್ಮಾ ರಾಹುಲೋಯೇವೇತ್ಥ ರಾಹುಲೋ, ತಸ್ಸ ಮಾತಾ ರಾಹುಲಮಾತಾ, ಬಿಮ್ಬಂ ವುಚ್ಚತಿ ಸರೀರಂ, ಅತಿಸಯವಣ್ಣಸರೀರಯುತ್ತತಾಯ ಬಿಮ್ಬಾ, ವಮಿಧಾತುಮ್ಹಾ ವಾ ವಸ್ಸ ಬತ್ತಂ। ಯಸೋ ವುಚ್ಚತಿ ಪರಿವಾರೋ, ಕಿತ್ತಿ ಚ, ತೇ ಧಾರೇತೀತಿ ಯಸೋಧರಾ, ಮನಾದಿತ್ತಾ ಅಸ್ಸೋ।
೩೩೭-೩೩೯. ಯೇಸಂ ಖತ್ತಿಯಾನಂ ಧನಂ ಸತಂ ಹೋತಿ, ಕೀದಿಸಂ ತಂ ಧನಂ? ನಿಧಾನಗಂ ಪಥವಾದೀಸು ನಿಧಾನವಸೇನ ಗತಂ ಪವತ್ತಂ, ತೇಸಂ ಧನಾನಂ ಸತಂ ಕಹಾಪಣಾನಂ, ಕಿತ್ತಕಪ್ಪಮಾಣಾನಂ? ಕೋಟೀನಂ ಸತಂ। ಕೇನ ಪರಿಚ್ಛೇದೇನ? ಹೇಟ್ಠಿಮನ್ತೇನ ಹೇಟ್ಠಿಮಕೋಟ್ಠಾಸೇನ, ಹೇಟ್ಠಿಮಪರಿಚ್ಛೇದೇನ ವಾ ಕೋಟೀನಂ ಸತಂ ಹೋತಿ। ದಿವಸವಳಞ್ಜೋ ದಿವಸೇ ದಿವಸೇ ವಳಞ್ಜಿತಬ್ಬೋ ಪನ ಕಹಾಪಣೋ ವೀಸತಮ್ಬಣಮತ್ತಂ ಹೋತಿ, ತೇ ಖತ್ತಿಯಾ ‘‘ಖತ್ತಿಯಮಹಾಸಾಲಾ’’ತ್ಯುಚ್ಚನ್ತೇ। ಮಹನ್ತೋ ಧನಸಾರೋ ಯೇಸನ್ತೇ ಮಹಾಸಾಲಾ, ಲತ್ತಂ, ಅಮ್ಬಣಮತ್ರ ಏಕಾದಸದೋಣಮತ್ತಂ।
ಯೇಸಂ ದ್ವಿಜಾನಂ ಬ್ರಾಹ್ಮಣಾನಂ ನಿಧಾನಗಾನಿ ನಿಧಾನವಸೇನ ಪವತ್ತಾನಿ ಅಸೀತಿಕೋಟಿಧನಾನಿ ಹೋನ್ತಿ, ದಿವಸವಳಞ್ಜೋ ಪನ ಕಹಾಪಣೋ ದಸಮ್ಬಣಮತ್ತಂ ಹೋತಿ, ತೇ ದ್ವಿಜಾ ‘‘ದ್ವಿಜಮಹಾಸಾಲಾ’’ತ್ಯುಚ್ಚನ್ತೇ।
ನಿಧಾನಗೇ, ವಳಞ್ಜೇ ಚ ಧನೇ ತದುಪಡ್ಢೇ ತೇಸಂ ದ್ವಿಜಮಹಾಸಾಲಾನಂ ಧನಸ್ಸ ಉಪಡ್ಢಭಾಗೇ ಸತಿ ಗಹಪತಿಮಹಾಸಾಲಾ ನಾಮ ಸಿಯುಂ, ಉಭಯತ್ರಾಪಿ ಹೇಟ್ಠಿಮನ್ತೇನೇವ ಧನಪರಿಚ್ಛೇದೋ।
೩೪೦. ಯೋ ಮಹಾಮತ್ತೋ, ರೂಪಭೇದೇನ ಪಟ್ಠಾನಂ ಕ್ಲೀವಂ।
‘‘ಪಕತಿಯಂ ಮಹಾಮತ್ತೇ, ಪಞ್ಞಾಯಂ ಪರಮತ್ತನಿ।
ನಪುಂಸಕಂ ಪಧಾನಂ ತಂ, ಏಕತ್ತೇ ತು’ತ್ತಮೇ ಸದಾ’’ತಿ॥
ರಭಸೋ ಚ। ‘‘ಮಹಾಮತ್ತೋ, ಪಟ್ಠಾನೋ ಚಾ’’ತಿ ತು ಪುಂಸಕಣ್ಡೇ ವೋಪಾಲಿತೋ। ಪಕಟ್ಠೇ ತಿಟ್ಠತೀತಿ ಪಟ್ಠಾನಂ, ಯು
ಪಞ್ಚಕಂ ಮನ್ತಿನಿಮ್ಹಿ। ಮತಿಪ್ಪಧಾನೋ ಸಚಿವೋ ಸಹಾಯೋ। ಇತಿಕತ್ತಬ್ಬತಾವಧಾರಣಂ ಮನ್ತೋ, ತಂಯೋಗಾ ಮನ್ತಿನೀ। ಅಸ್ಸತ್ಥ್ಯತ್ಥೇ ಇನೀ, ಅಥ ವಾ ಮನ್ತೇನ ನಯತೀತಿ ಮನ್ತಿನೀ, ಅಥ ವಾ ಮನ್ತಯೋಗಾ ಮನ್ತಿ, ನೇತೀತಿ ನೀ, ಮನ್ತಿ ಚ ನೀ ಚಾತಿ ಮನ್ತಿನೀ। ‘‘ಮತಿಸಚಿವಮನ್ತಿನೀ’’ತಿಪಿ ಪಾಠೋ, ತದಾ ದ್ವಿನ್ನಂ ತಿಣ್ಣಂ ವಾ ದ್ವನ್ದೋ। ರಞ್ಞಾ ಸಹ ಜೀವತೀತಿ ಸಜೀವೋ। ಸಚತೇ ಸಮವೇತೋ ಭವತೀತಿ ಸಚಿವೋ। ಸಚ ಸಮವಾಯೇ, ವೋ, ಇಕಾರಾಗಮೋ ಚ। ಸಬ್ಬಕಿಚ್ಚೇಸು ರಞ್ಞಾ ಮನ್ತೇನ ಅಮಾ ಸಹ ಭವತೀತಿ ಅಮಚ್ಚೋ, ಅಮಾಸದ್ದೋಯಂ ನಿಪಾತೋ ಸಹತ್ಥೇ ಚ್ಚಪಚ್ಚಯೋ। ಸಜೀವಮತ್ತೇ ಚಾಮಚ್ಚಸದ್ದೋ ವತ್ತತಿ। ದ್ವಯಂ ಸೇನಾಪತಿಮ್ಹಿ। ಸೇನಂ ನಯತೀತಿ ಸೇನಾನೀ। ಚಮೂನಂ ಸೇನಾನಂ ಪತಿ ಚಮೂಪತಿ।
೩೪೧. ನ್ಯಾಸಾದೀನಂ ವಿವಾದಾನಂ ವೋಹಾರಾನಂ ಉಪದಟ್ಠರಿ ಉಪದಸ್ಸಿತೇ ಅಕ್ಖದಸ್ಸೋ, ಅಕ್ಖೇ ವೋಹಾರೇ ಪಸ್ಸತೀತಿ ಅಕ್ಖದಸ್ಸೋ, ಣೋ, ಧಮ್ಮಾಧಿಕರಣಿಯೋ। ಪುಚ್ಛಾವಿವಾಕೋ, ಪಞ್ಹವಿವಾಕೋಪ್ಯತ್ರ।
ಪಜ್ಜಡ್ಢಂ ಪಟಿಹಾರೇ। ದ್ವಾರೇ ನಿಯುತ್ತೋ ದೋವಾರಿಕೋ, ಣಿಕೋ, ಓಕಾರಾಗಮೋ। ಪಟಿಹರತಿ ವಿಞ್ಞಾಯತಿ ತೇನಾತಿ ಪಟಿಹಾರೋ, ಣೋ। ದ್ವಾರೇ ತಿಟ್ಠತೀತಿ ದ್ವಾರಟ್ಠೋ, ಸಕತ್ಥೇ ಕೋ। ದ್ವಾರಪಾಲಕೋ। ದ್ವಾರಟ್ಠಿತೋ, ದಸ್ಸಕೋಪ್ಯತ್ರ।
೩೪೨. ರಾಜೂನಂ ಅಙ್ಗರಕ್ಖಗಣೋ ಅನೀಕಟ್ಠೋತಿ ಮತೋ। ‘‘ರಕ್ಖಿವಗ್ಗೋ ತು ಯೋ ರಞ್ಞಂ, ಸೋ’ನೀಕಟ್ಠೋ’ಭಿಧೀಯತೇ’’ತಿ ಅಮರಮಾಲಾಯಞ್ಚ, ಅನೀಕೇನ ಸಮೂಹೇನ ತಿಟ್ಠತೀತಿ ಅನೀಕಟ್ಠೋ, ಣೋ।
ದ್ವಯಂ ಮಹಲ್ಲಕೇ। ಕಞ್ಚುಕಂ ಚೋಳಂ, ತಂಯೋಗಾ ಕಞ್ಚುಕೀ। ಸೋಕಂ ವಿನ್ದತೀತಿ ಸೋವಿದಲ್ಲೋ। ವಿದ ಲೋಭೇ, ಲೋ, ಕಲೋಪೋ। ಥಾಪತಿ, ಸೋವಿದೋಪ್ಯತ್ರ। ದ್ವಯಂ ಸೇವಕೇ। ಪಭುನೋ ಪಚ್ಛಾ ಜೀವತೀತಿ ಅನುಜೀವೀ, ಣೀ। ಸೇವ ಸೇವನೇ, ಭೂ, ಣ್ವು। ಅತ್ಥೀಪ್ಯತ್ರ। ಅತ್ಥ ಯಾಚನಾಯಂ। ಅತ್ಥನಮತ್ಥೋ, ಆಸೀಸೋ, ತಂಯೋಗಾ ಅತ್ಥೀ।
೩೪೩. ದ್ವಯಂ ಅಜ್ಝಕ್ಖೋ, ಇಸ್ಸತ್ತಂ। ಅಧಿಕಂ ಕರೋತೀತಿ ಅಧಿಕತೋ। ಇದಂ ದ್ವಯಂ ಥಾಯುಕಗೋಪಾನಂ ದ್ವಿನ್ನಮ್ಪಿ ನಾಮಂ। ತತ್ರ ಏಕಗಾಮೇ ಅಧಿಕತೋ ಥಾಯುಕೋ, ಬಹೂಸು ಗಾಮೇಸ್ವಧಿಕತೋ ಗೋಪೋ। ವುತ್ತಞ್ಚಾಮರಕೋಸೇ ‘‘ಥಾಯುಕೋಧಿಕತೋ ಗಾಮೇ, ಗೋಪೋ ಗಾಮೇಸು ಭೂರಿಸೂ’’ತಿ। ರುದ್ದೇನಾಪಿ ವುತ್ತಂ ‘‘ಗಾಮೇಸ್ವಧಿಕತೇ ಗೋಪೋ, ಗೋಟ್ಠಜ್ಝಕ್ಖೇಪಿ ವಲ್ಲಭೋ’’ತಿ
ದ್ವಯಂ ಸುವಣ್ಣರಜತಜ್ಝಕ್ಖಾನಂ ದ್ವಿನ್ನಮ್ಪಿ ನಾಮಂ। ಹಿರಞ್ಞಂ ವುಚ್ಚತಿ ಅಕತಸುವಣ್ಣಾದಿ, ತತ್ರ ನಿಯುತ್ತೋ ಹೇರಞ್ಞಿಕೋ। ಕನ ದಿತ್ತಿಗತಿಕನ್ತೀಸು, ನಿಪುಬ್ಬೋ, ಖೋ, ನಿಕ್ಖೋ, ಸುವಣ್ಣಾದಿವಿಕಾರೋ, ತತ್ರ ನಿಯೋಗೋ ನಿಕ್ಖಿಕೋ। ವಿಸೇಸತೋ ಪನ ಸುವಣ್ಣಜ್ಝಕ್ಖೇ ಭೋರಿಕೋ। ಭೂರಿಸದ್ದೋ ಸುವಣ್ಣೇ, ತಂಯೋಗಾ ಭೋರಿಕೋ। ರೂಪ್ಯಾಜ್ಝಕ್ಖೇನಿಕ್ಖಿಕೋ, ತಸ್ಮಾ’ಯ’ಮುಭಯತ್ರಾಪಿ ಹೇರಞ್ಞಿಕೋತಿ ಸಾಮಞ್ಞಸ್ಮಿಂಯೇವ। ವುತ್ತಞ್ಚ –
‘‘ಭೋರಿಕೋ ಕನಕಾಜ್ಝಕ್ಖೋ,
ರೂಪ್ಯಾ’ಜ್ಝಕ್ಖೋ ತು ನಿಕ್ಖಿಕೋ’’ತಿ
ಸಸ್ಸ ಅತ್ತನೋ ವಿಜಿಗೀಸಭೂತಸ್ಸ ದೇಸಾನನ್ತರೋ ಸಮನ್ತತೋ ಮಣ್ಡಲೀಭೂತೋ ರಾಜಾ ಸತ್ತುರುಚ್ಚತೇ ಏಕತ್ಥಾಭಿನಿವೇಸಿತತ್ತಾ। ತತೋ ಪರಂ ವಿಜಿಗೀಸಭೂಮ್ಯೇಕನ್ತರಿಕೋ ಮಿತ್ತೋ ಏಕತ್ಥಕಾರಿತ್ತನೋಪಕಾರತ್ತಾ। ಅರಿವಿಜಿಗೀಸಮಿತ್ತಾನಂ ಪನ ಮಣ್ಡಲಾನಂ ಬಹಿಭೂತೋ ದೂರಮಣ್ಡಲಟ್ಠೋ ವಿಜಿಗೀಸಭೂಮಿಯಾ ಅಚ್ಚನ್ತಬ್ಯವಹಿತೋ ಬಲಾಧಿಕೋಪಿ ಯೋ ನಾಪಕರೋತ್ಯುಪಕಾರೋತಿ ವಾ, ಸ ಉದಾಸೀನೋ ದೂರಮಣ್ಡಲತ್ತೇನೋಪಕಾರತ್ತಾ। ದೂರಮಣ್ಡಲೇ ಉದಾಸೀನೋ, ಉಪುಬ್ಬೋ ಆಸ ಉಪಸೇವನೇ, ಯು, ಅಸ್ಸಿ, ದಾಗಮೋ ಚ। ಸತ್ತುಮಭಿಯುಞ್ಜಮಾನಸ್ಸ ವಿಜಿಗೀಸಸ್ಸ ಸತ್ತುಹಿತಾಯ ಯೋ ಪಣ್ಹಿಂ ಗಣ್ಹತಿ ಪಿಟ್ಠಿತೋ ವತ್ತತಿ, ಸೋ ಪಣ್ಹಿಗ್ಗಾಹೋ। ‘‘ಪಣ್ಹಿ ಪಚ್ಛಾ ಪದಂ ವಿಜಿಗೀಸಸ್ಸಾ’’ತಿ ರತನಕೋಸೇ। ‘‘ಪಣ್ಹಿಪಾದೇ ಬ್ಯೂಹಪಿಟ್ಠೇ’’ತಿ ತಿಕಣ್ಡಸೇಸೋ। ‘‘ಪಣ್ಹಿ ಪಚ್ಛಿಮಭಾಗೇ ಚ, ಪಾದಮೂಲೋಮದಿಟ್ಠಿಸು। ಸೇನಾಪಿಟ್ಠೇ ಕುಮ್ಭಿಯಞ್ಚೇ’’ತಿ ತು ನಾನತ್ಥಸಙ್ಗಹೇ।
೩೪೪-೩೪೫. ದಿಟ್ಠನ್ತಂ ರಿಪುಮ್ಹಿ। ಮಿತ್ತಪಟಿಪಕ್ಖತ್ತಾ ಅಮಿತ್ತೋ, ರಪತ್ಯವಣ್ಣಂ ರಜತೇತಿ ರಿಪು, ಉ, ಇತ್ತಂ, ರಪ, ಲಪ, ಜಪ, ಜಪ್ಪ ವಚನೇ ವಾ। ವೇರಂ ವಿರೋಧೋ ಯಸ್ಸತ್ಥೀತಿ ವೇರೀ, ಈ, ದುಕ್ಖಹೇತುತ್ತಾ ಸಪತ್ತಿ ಇವ ಸಪತ್ತೋ, ಇವತ್ಥೇ ಅಕಾರಪಚ್ಚಯೋ। ಅರ ಗಮನೇ,ತಿ, ಭೂವಾದಿತ್ತಾ ಆಗಮೋ। ಸದ ಸಾದನೇ, ತು, ಭೂವಾದಿ, ಸತ್ತು, ಯವಾದಿಚುಣ್ಣೇಪಿ। ಅರ ಗಮನೇ, ವೇರಮರತೀತಿ ಅರಿ, ರಸ್ಸನ್ತೋ ಇ। ಸಪತ್ತಾದೀನಂ ಚತುನ್ನಂ ದ್ವನ್ದೋ, ‘‘ಬ್ಯಞ್ಜನೋ ಚ ವಿಸಂಯೋಗೋ’’ತಿ ಸುತ್ತೇ ಚಗ್ಗಹಣೇನ ಏಕತಕಾರಸ್ಸ ಲೋಪೋ ಚ। ಪತಿಯಮತ್ಥನಂ ಪಚ್ಚತ್ಥೋ, ತಂಯೋಗಾ ಪಚ್ಚತ್ಥಿಕೋ, ಪತಿಯಂ ವಿಪರೀತಗಮನಂ। ಪನ್ಥ ಗತಿಯಂ, ಚುರಾದಿ। ಪರಿಪನ್ಥೋ ಪರಿಸ್ಸವಟ್ಠಾನಂ, ತಂಯೋಗಾ ಪರಿಪನ್ಥೀ। ಪಟಿವಿರುದ್ಧೋ ಪಕ್ಖೋ ಸಹಾಯೋ ಪಟಿಪಕ್ಖೋ, ತಥಾ ವಿಪಕ್ಖೋ। ನ ಹಿತೋ ಅಹಿತೋ। ಹಿಂಸಾಯಂ ರಮತೀತಿ ಪರೋ, ಕ್ವಿ। ಪಟಿಪಕ್ಖಭಾವೇನ ಅಮತಿ ಗಚ್ಛತೀತಿ ಪಚ್ಚಾಮಿತ್ತೋ, ಅಮ ಗಮನೇ, ತೋ, ದ್ವಿತ್ತಂ। ನತ್ಥಿ ಏತಸ್ಮಾ ಈತಿ ಉಪದ್ದವೋತಿ ಅನೀತೋ ಪಚ್ಚನೀಕೋ, ತಸ್ಸ ಕೋ, ಯಥಾ ನಿಯಕೋ। ವಿರೋಧೋಸ್ಸತ್ಥೀತಿ ವಿರೋಧೀ, ಈ। ದಿಸ, ದುಸ ಅಪ್ಪೀತಿಯಂ, ದಿವಾದಿ। ವಿದುಸ್ಸನಸೀಲತಾಯ ವಿದ್ದೇಸೀ, ದ್ವಿತ್ತಂ, ಇಸ್ಸೇತ್ತಂ। ದುಸ್ಸತೀತಿ ದಿಸೋ, ಅ। ತಪಚ್ಚಯೇ ದಿಟ್ಠೋ, ಧಾತ್ವನ್ತೇನ ಸಹ ಟ್ಠಾದೇಸೋ। ದ್ವೇಸಣೋ, ದುಹದಯೋ, ದಸ್ಸು, ಸಾತ್ತವೋ, ಅಭಿಘಾತೀಪ್ಯತ್ರ।
ದ್ವಯಂ ಅನುಕೂಲನೇ। ಅನುರೋಧನಂ ಅನುರೋಧೋ, ಣೋ। ರುಧ ಆವರಣೇ। ಅನುರೂಪಂ ಪವತ್ತನಂ ಅನುವತ್ತನಂ, ವತು ವತ್ತನೇ, ಭೂ, ಯು।
೩೪೬. ಪಞ್ಚಕಂ ಮಿತ್ತಸಾಮಞ್ಞೇ। ಮಿದ ಸ್ನೇಹೇ, ಭೂವಾದಿ, ತೋ, ವಯಸಾ ತುಲ್ಯೋ ವಯಸೋ, ಮೂಲವಯೋಸದ್ದೇಹಿ ಸಞ್ಞಾಯಂ ಸಪಚ್ಚಯೋ ವಯಸೋ, ವಯ ಗಮನೇ, ಸಹಸ್ಸ ಸೋ ವಣ್ಣವಿಪರಿಯಯೋ। ಸಹ ಅಯತಿ ಕಿಚ್ಚೇಸೂತಿ ಸಹಾಯೋ, ಅಯ ಗಮನೇ, ಸಹಸ್ಸ ಸಾಭಾವೋ, ಯಥಾ ಸಹಧಮ್ಮಿಕೋ। ಸಹ ವಾ ಹಾನಿ, ಅಯೋ ವಾ ವುಡ್ಢಿ ಯಸ್ಸ ಸಹಾಯೋ, ತಿಪದಬಹುಬ್ಬೀಹಿ, ಯಥಾ ಪರಕ್ಕಮಾಧಿಗತಸಮ್ಪದಾ। ಅಥ ವಾ ಹಾನಿ ಚ ಆಯೋ ಚ ಹಾಯಾ, ನಿಲೋಪೋ, ತೇ ಯಸ್ಸ ಅತ್ಥಿ, ಸೋ ಸಹಾಯೋ, ‘‘ಸಪಕ್ಖಕೋ, ಸಲೋಮಕೋ’’ತ್ಯಾದೀಸು ವಿಯ ಸಸದ್ದಸ್ಸ ವಿಜ್ಜಮಾನತ್ಥತ್ತಾ। ಸುನ್ದರಂ ಹದಯಮೇತಸ್ಸಾತಿ ಸುಹದಯೋ, ಅಲೋಪೋ, ದ್ಯಸ್ಸ ಜೋ, ಸೋವ ಸುಹಜ್ಜೋ। ಸಹ ಪರಿಸಹನೇ। ಪರಿಸಹನಂ ಅದುಸ್ಸನಂ, ಖೋ, ಹಲೋಪೋ, ಸಖಾ, ರಾಜಾದಿ, ಸಮಾನೋ ಖ್ಯಾತೋ ಪತೀತೋ ವಾ ಸಖಾ, ಯಲೋಪೋ, ಸಮಾನಸ್ಸ ಸಭಾವೋ। ಸಿನಿದ್ಧೋ, ಸ್ನಿದ್ಧೋ, ಸವಯೋಪ್ಯತ್ರ। ಸಖ್ಯಸತ್ತಪದಿನಾ ಪನ ಮೇತ್ತಿಯಂ ವತ್ತನ್ತಿ। ಸಖಿಮ್ಹಿ ಭವಂ ಸಖ್ಯಂ। ಸತ್ತಹಿ ಪದೇಹಿ ಅವಗಮ್ಯತೇತಿ ಸತ್ತಪದಿನಂ
ದ್ವಯಂ ಅಭೇಜ್ಜಮಿತ್ತೇ। ಸಬ್ಬಕಾಲಂ ಭಜತೀತಿ ಸಮ್ಭತ್ತೋ, ಭಜ ಸೇವಾಯಂ, ಭೂವಾದಿ। ದಳ್ಹೋ ಥಿರೋ ಮಿತ್ತೋ ದಳ್ಹಮಿತ್ತೋ। ದ್ವಯಂ ದಿಟ್ಠಮತ್ತಮಿತ್ತೇ। ಕಿಞ್ಚಿ ಕಾಲಂ ಪಸ್ಸಿತಬ್ಬೋತಿ ಸನ್ದಿಟ್ಠೋ। ಸಂಸದ್ದೋಯಮಪ್ಪತ್ಥೋ। ದಿಸ ಪೇಕ್ಖನೇ, ದಸ್ಸನಂ ದಿಟ್ಠಂ, ತಂ ಮತ್ತಾ ಪಮಾಣಮೇತಸ್ಸ ದಿಟ್ಠಮತ್ತಕೋ, ಸಕತ್ಥೇ ಕೋ।
೩೪೭. ದ್ವಯಂ ಚರಪುರಿಸೇ ತಾಪಸಾದಿರೂಪೇನ ಚರಮತ್ತೇ। ಚರತಿ ಜಾನಾತಿ ಪರಚಕ್ಕನ್ತಿ ಚರೋ, ಅ, ಚಾರೋಪಿ, ಣೋ। ಗುಳ್ಹಪುರಿಸೋ ಗುತ್ತಪುರಿಸೋ। ಯಥಾರಹವಣ್ಣೋ, ಪಣಿಧಿ, ಅಪ್ಪಸಪೋ, ಫಸ್ಸೋಪ್ಯತ್ರ। ತತ್ರಾದಿದ್ವಯಂ ವಾಣಿಜಕಸಿಬಲಲಿಙ್ಗಭಿಕ್ಖುಕಚ್ಚಾಯನಾದಿಲೇಸೇನ ಥಾಯಿನಿಚರೇ। ಇತರೇ ಇಧಾಗತಸದಿಸತ್ಥೇ। ವಣ್ಣೋ ಪಕಾರೋ, ಯಥಾರಹವಣ್ಣೋ ಯಥಾರಹಪ್ಪಕಾರೋ। ಯೇನ ಪರಚಕ್ಕಂ ಸಕ್ಕಾ ಞಾತುಂ ತಪ್ಪಕಾರವಾ ಇಚ್ಚತ್ಥೋ। ಪಣಿಧಿಯ್ಯತೇ ಞೇಯ್ಯಮಸ್ಮಿಂ ಪಣಿಧಿ, ಇ। ಅಪಕಟ್ಠಂ ಸಪ್ಪತಿ ಚರತೀತಿ ಅಪಸಪ್ಪೋ, ಅ। ಫುಸ ಬಾಧನಫುಸನೇಸು, ಅ, ಫಸ್ಸೋ।
ತಿಕಂ ಪಥಿಕೇ। ಪಥೇ ಗಚ್ಛತೀತಿ ಪಥಾವೀ, ವೀ, ದೀಘೋ। ಇಕೋ, ಪಥಿಕೋ। ಅದ್ಧನಿ ಮಗ್ಗೇ ಗಚ್ಛತಿ ಸೀಲೇನಾತಿ ಅದ್ಧಗೂ। ಅದ್ಧಗೋಪ್ಯತ್ರ।
ದ್ವಯಂ ದೂತೇ। ದು ಪರಿತಾಪೇ, ತೋ। ಸನ್ದೇಸಂ ವಾಚಿಕಂ ಹರತ್ಯನೇನೇತಿ
ದ್ವಯಂ ಗಣಕೋ, ಣ್ವು। ಮುಹುತ್ತಂ ಕಾಲವಿಸೇಸಂ ಜಾನಾತೀತಿ ಮುಹುತ್ತಿಕೋ, ವಾಗ್ಗಹಣೇನ ನ ವುದ್ಧಿ। ಸಂವಚ್ಛರೋ, ಜೋತಿಸಿಕೋ, ದೇವಞ್ಞೂ, ಮೋಹುತ್ತೋ, ಞಾಣಿಕೋ, ಕಾತನ್ತಿಕೋಪ್ಯತ್ರ। ಕತನ್ತೋ ದೇವಮತ್ತಂ, ತಂ ಜಾನಾತೀತಿ ಕಾತನ್ತಿಕೋ।
೩೪೮. ದ್ವಯಂ ಲೇಖಕೇ। ಲಿಖ ಲೇಖನೇ, ಭೂ, ಣ್ವು। ಲಿಪೇನ ಮಸ್ಯೋಪದೇಸೇನ ಭವತೀತಿ ಲಿಪಿ, ಇ, ವಣ್ಣಸಣ್ಠಾನೋ, ತಂ ಕರೋತೀತಿ ಲಿಪಿಕಾರೋ। ಅಕ್ಖರಚಣೋ, ಅಕ್ಖರಚುಞ್ಚುಪ್ಯತ್ರ। ಚನ ದಾನೇ, ಭೂ। ಚಞ್ಚು ಗತಿಯಂ।
ಮೇಲಾನನ್ದಾ ಮಸಿಮಣಿ, ಮೇಲನ್ಧು ವಣ್ಣಕೂಪಿಕಾ।
ಮಸಿಜಲನ್ತು ಮೇಲಾ ಚ, ಪತ್ತಞ್ಜನಂ ಮಸಿ ದ್ವಿಸು॥
ಲೇಖನೀ ವಣ್ಣತೂಲೀ ಚ, ವಣ್ಣಕಕ್ಖರತೂಲಿಕಾ।
ವಣ್ಣದೂತೋ ಸೋತ್ಥಿಮುಖೋ, ಲೇಖೋ ವಾಚಿಕಹಾರಕೋ॥
ಕಾಚನಕಿತಲಿಕೋ ಚ, ಕಾಚನಂ ತನ್ನಿಬನ್ಧನಂ।
ಲೇಖ್ಯಟ್ಠಾನಂ ಗನ್ಥಕುಟಿ, ಮುದ್ದಾ ಪಚ್ಚಯಕಾರಿನೀ
ದ್ವಯಂ ವಣ್ಣೇ। ವಣ್ಣೀಯತಿ ಪಕಾಸೀಯತಿ ಅತ್ಥೋ ಯೇನ, ಸೋ ವಣ್ಣೋ, ವಣ್ಣ ಪಕಾಸನೇ। ನ ಖರತಿ ನ ಖೀಯತೀತಿ ಅಕ್ಖರೋ, ಖರ ವಿನಾಸೇ, ಖಿ ಖಯೇ ವಾ, ತದಾ ಅರೋ। ಲಿಖನಂ, ಲಿಪಿ, ಲಿಖಿ ಇಮೇ ವಣ್ಣಸಣ್ಠಾನೇ ವತ್ತನ್ತಿ। ಲಿಪಿಲಿಖಿಯೋ ಇತ್ಥಿಯಂ।
ಭೇದಾದಯೋ ಇಮೇ ಚತುರೋ ಉಪಾಯಾ ಸತ್ತುವಿಜಯಕಾರಣಾನಿ। ಸತ್ತುವಿಜಯಮುಪಗಚ್ಛನ್ತಿ ಏತೇಹೀತಿ ಉಪಾಯಾ। ಪರಸ್ಮಾ ವಿಸಿಲೇಸನಂ ಭೇದೋ।
ಸ್ನೇಹರಾಗಾಪನಯನಂ
ಸನ್ತಜ್ಜನಞ್ಚ ಭೇದೋಯಂ, ವಿಞ್ಞೂಹಿ ತಿವಿಧೋ ಮತೋ
ತತ್ರಾಯಂ ತವಾನುಗ್ಗತೇನ ಪವುದ್ಧೋ ಪಾಸಾದತರವೋ ವಿಯ ಅತ್ತಾನಞ್ಚೋಚ್ಛಿನ್ದಿಸ್ಸತೀತಿ ಸಙ್ಕಾಯಂ ಜನಿತಾಯಂ ಸ್ನೇಹಭತ್ತಿಞ್ಚಾಪನಯತಿ। ಅಭಿಭವನಞ್ಚೋಪಾದಯತಿ
ವಧೋತ್ಥಗ್ಗಹಣಞ್ಚೇವ, ಪರಿಕ್ಲೇಸೋ ತಥೇವ ಚ।
ಇತಿ ದಣ್ಡವಿಧಞ್ಞೂಹಿ, ದಣ್ಡೋಪಿ ತಿವಿಧೋ ಮತೋ
ಪರಿಕ್ಲೇಸೋ ಬನ್ಧನತಾಳನಾದಿ।
ಅಞ್ಞಮಞ್ಞೋಪಕಾರಾನಂ, ದಸ್ಸನಂ ಗುಣಕಿತ್ತನಂ।
ಸಮ್ಬನ್ಧಸ್ಸ ಸಮಕ್ಖಾನಂ, ಆಯತಿಂ ಸಮ್ಪಕಾಸನಂ॥
ವಾಚಾ ಪೇಸಲಯಾ ಸಾಧು, ತವಾಹಮಿತಿ ಚಪ್ಪಣಂ।
ಇತಿ ಸಾಮವಿಧಞ್ಞೂಹಿ, ಸಾಮಂ ಪಞ್ಚವಿಧಂ ಮತಂ
‘‘ಅಸ್ಮಿಂ ಏವಂ ಕತೇ ಇದಂ ಅಮ್ಹಾಕಂ ಭವಿಸ್ಸತೀ’’ತಿ ಆಸಾದಸ್ಸನಂ ಆಯತಿಸಮ್ಪಕಾಸನಂ। ಅಪ್ಪಣಮಿತ್ಯಙ್ಗಸ್ಸ ದಾನಂ।
ದಾನಞ್ಚ ಪಞ್ಚಧಾ ಸಾರಸ್ಸಾಸಾರಸ್ಸ ಚ ದಬ್ಬಸ್ಸ ಗಹಿತಸ್ಸ ಸಮಪ್ಪಣಂ, ತಥಾಗಹಿತಸ್ಸಾನುಮೋದನಂ, ತಥಾ ಅಪುಬ್ಬದಾನಂ, ತಥಾ ‘‘ಅಮುಸ್ಸ ದಬ್ಬಂ ಗಣ್ಹಾಹಿ, ತಥೇವ ಭವಿಸ್ಸತೀ’’ತಿ ಪರಸೇಸು ಸಯಂ ಗಾಹಪ್ಪವತ್ತನಂ, ತಥಾ ಇಣಪ್ಪಮೋಚನಞ್ಚೇತಿ। ಯಥಾಹ –
‘‘ಯೋ ಸಮ್ಪತ್ತಧನೋಸ್ಸಗ್ಗೋ, ಉತ್ತಮಮಜ್ಝಿಮಾಧಮೋ।
ಪತಿದಾನಂ ತಥಾ ತಸ್ಸ, ಗಹಿತಸ್ಸಾನುಮೋದನಂ॥
ದಬ್ಬದಾನ’ಮಪುಬ್ಬಞ್ಚ
ದೇಯ್ಯಸ್ಸ ಪಟಿಮೋಕ್ಖೋ ಚ, ದಾನಂ ಪಞ್ಚವಿಧಂ ಮತ’’ನ್ತಿ
ಏತೇ ಚತ್ತಾರೋ ಉಪಾಯಾ ಮಾಯಾದೀಸ್ವೇವನ್ತೋಗಧಾ, ತಥಾ ಹಿ ಮಾಯೋಪೇಕ್ಖಾ ಚ ದಣ್ಡನ್ತೋಗಧಾ। ಇನ್ದಜಾಲಞ್ಚ ಭೇದೇ ಅನ್ತೋಗಧಂ। ಕೇಚಿ ಪನಾಹು
‘‘ಸಾಮಂ ದಾನಞ್ಚ ಭೇದೋ ಚ, ದಣ್ಡೋ ಚೇತಿ ಚತುಕ್ಕಕಂ।
ಮಾಯೋಪೇಕ್ಖಿನ್ದಜಾಲಞ್ಚ, ಸತ್ತೋಪಾಯಾ ಪಕಿತ್ತಿತಾ’’ತಿ
೩೪೯. ನಾಮಮತ್ತೇನ ವುತ್ತಾನಂ ಭೇದಾದೀನಮಿದಾನಿ ಪರಿಯಾಯಾನ್ಯಾಹ। ತತ್ರ ದ್ವಯಂ ಭೇದೇ। ಜಪ ಮಾನಸೇ ಚ ಭಿದಿ ದ್ವಿಧಾಕರಣೇ, ಣೋ।
ತಿಕಂ ದಣ್ಡೇ। ದಣ್ಡ ನಿಪಾತನೇ, ಚುರಾದಿ। ಸಹೋ ವುಚ್ಚತಿ ಬಲಂ, ತಬ್ಭವಂ ಸಾಹಸಂ। ದಮನಂ ದಮೋ, ದೀಘಪಟಿಸೇಧೋ।
೩೫೦. ಸಾಮಂ ಸುದ್ದವಗ್ಗೇ, ದಾನಞ್ಚ ಬ್ರಾಹ್ಮಣವಗ್ಗೇ ಕಥೇಸ್ಸತಿ। ಸಾಮ್ಯಾದಯೋ ಸತ್ತರೇವಾಚರಿಯಮತೇ। ಪರಮ್ಪರೋಪಕಾರಿತ್ತಾ ರಜ್ಜಸ್ಸಙ್ಗಾನಿ। ಪಕಟ್ಠಮುಪಕುಬ್ಬನ್ತಿ ರಜ್ಜನ್ತಿ ಪಕತಿಯೋತಿ ಚೋಚ್ಚನ್ತೇ। ವುತ್ತಞ್ಚ ಕಾಮನ್ದಕೀಯೇ –
‘‘ಸಾಮ್ಯ’ಮಚ್ಚಞ್ಚ ರಟ್ಠಞ್ಚ, ದುಗ್ಗಂ ಕೋಸೋ ಬಲಂ ಸಖಾ।
ಪರಮ್ಪರೋಪಕಾರೀದಂ, ಸತ್ತಙ್ಗಂ ರಜ್ಜಮುಚ್ಚತೇ
ಅಮಚ್ಚರಟ್ಠದುಗ್ಗಾನಿ
ಏತಾ ಪಕತಿಯೋ ವುತ್ತಾ, ವಿಜಿಗೀಸಸ್ಸ ರಾಜಿನೋ॥
ಏತಾ ಪಞ್ಚ ತಥಾ ಮಿತ್ತಂ, ಸತ್ತಮೋ ಪಥವೀಪತಿ।
ಸತ್ತಪ್ಪಕತಿಕಂ ರಜ್ಜಂ, ಇಚ್ಚಾಹ ಸೂರಪೂಜಿತೋ’’ತಿ॥
ತತ್ರ ಪೋರಸೇಣೀನಂ ಪಧಾನಭಾವೇಪಿ ಸತಿ ರಟ್ಠಗ್ಗಹಣೇನ, ಬಲಗ್ಗಹಣೇನ ವಾ ಗಹಣಸಿದ್ಧನ್ತಿ ನೇಹ ವಿಸುಂ ಗಹಣಂ ಕತಂ, ಅಮರಕೋಸೇ ಪನ ದ್ವೀಹಿ ಗಹಣೇ ಸಿದ್ಧೇಪಿ ಪಧಾನತ್ತಾಖ್ಯಾಪನತ್ಥಂ ವಿಸುಂ ಗಹಿತಾ। ವುತ್ತಞ್ಹಿ ತತ್ರ –
‘‘ಸಾಮ್ಯ’ಮಚ್ಚೋ ಸಖಾ ಕೋಸೋ, ರಜ್ಜದುಗ್ಗಬಲಾನಿ ಚ।
ರಜ್ಜಙ್ಗಾನಿ ಪಕತಯೋ, ಪೋರಾನಂ ಸೇಣಿಯೋಪಿ ಚೇ’’ತಿ
ಏಸಞ್ಚ ಸಾಮ್ಯಮಚ್ಚರಟ್ಠದುಗ್ಗಕೋಸಬಲಸಖೀನಂ ಪುಬ್ಬತರಸ್ಸ ಗರುತ್ತಂ ವಿಞ್ಞೇಯ್ಯಂ, ಇಹ ತು ನಾಮಲಿಙ್ಗಾನುಸಾಸನೇ ಅಭಿಧಾನಸತ್ಥೇ ಅನುಪಯೋಗತೋ ಯಥಾಕ್ಕಮಂ ಗರುತ್ತಂ ನ ವತ್ತುಮಿಚ್ಛತೀತಿ ಬ್ಯತಿಕ್ಕಮೇನೋಪಞ್ಞಾಸೋ ಕತೋ।
ಸುವಣ್ಣಾದಿಮಯಭಣ್ಡಾಗಾರಂ ಕೋಸೋ, ಪಬ್ಬತೋದಕರುಕ್ಖಾದೀಹಿ ದುಗ್ಗಮಂ ಪುರಂ ದುಗ್ಗಂ, ವಿಜಿತಂ ಜನಪದವತೀ ಭೂಮಿ, ಬಲಂ ಚಕ್ಕಂ, ತಞ್ಚ ಮೋಲಭತಸೇಣಿಸಹಾಯಾಮಿತ್ತಾಟವಿಕಭೇದೇನ ಛಬ್ಬಿಧಂ। ತತ್ರ ಕಮಾಗತಂ ಮೋಲಂ, ವೇತನಸಮ್ಬನ್ಧಂ ಭತಂ, ಪೋರಂ ಬಲಂ ಸೇಣೀ, ಸಹಾಯಭೂತಂ ಸಹಾಯೋ, ಅಮಿತ್ತಭೂತಂ ಅಮಿತ್ತಂ, ಅಟವಿಕಂ ಅಟವಿಸಹಾಯೋ ಮಿತ್ತಂ। ತದಪಿ ಸಹಜ್ಜಂ, ಪಾಕತಂ, ಕಿತ್ತಿಮಞ್ಚೇತಿ ತಿವಿಧಂ। ‘‘ಲಿಙ್ಗೇ ಸಭಾವೇ ಪಕತಿ, ಪೋರಾಮಚ್ಚಾದಿಯೋನಿಸು। ತಿಲಿಙ್ಗಂ ಗುಣಸಾಮ್ಯೇಪೀ’’ತಿ ರುದ್ದೋ।
೩೫೧. ಪಭಾವಾದೀನಂ ಸಕ ಸತ್ತಿಯಂ,ತಿ। ತತ್ರ ಯಂ ಸನ್ಧಾದೀನಂ, ಭೇದಾದೀನಞ್ಚ ಯಾಥಾವತೋ ಅವಟ್ಠಾಪನಂ, ತಂ ಞಾಣಬಲಂ ಮನ್ತಸತ್ತಿ, ಸಕಸಮ್ಪತ್ತುಪ್ಪತ್ತಿಯಂ ಕೋಸದಣ್ಡಾ ಪಭೂಸತ್ತಿ, ತೇಸಂಯೇವ ಪಭುತ್ತಸಮ್ಪಾದನೇ ಸಾಮತ್ಥಿಯತೋ। ವುತ್ತಞ್ಚ ‘‘ಕೋಸದಣ್ಡಬಲಂ ಪಭೂಸತ್ತಿ’’ರಿತಿ ಉಸ್ಸಾಹಸತ್ತಿ। ವುತ್ತಞ್ಚ ‘‘ವಿಕ್ಕಮಬಲಮುಸ್ಸಾಹಸತ್ತಿ’’ರಿತಿ
ಪಭಾವಾದೀನಂ ಸಕಾರಣಂ ಸರೂಪಂ ದಸ್ಸೇತುಮಾಹ ‘‘ಪಭಾವೋ’’ಚ್ಚಾದಿ। ದಮನಂ ದಣ್ಡೋ, ತದತ್ಥಿಯಾ ಬಲಮ್ಪಿ ದಣ್ಡೋ। ತತೋ ಜಾತಂ ಯಂ ತೇಜೋ, ತಂ ಪಭಾವೋ। ತತೋ ಜಾತೋ ಯೋ ತೇಜೋ, ಸೋ ‘‘ಪಭಾವೋ’’ತಿಪಿ ಪುಲ್ಲಿಙ್ಗೇನ ಯೋಜನೀಯಂ। ಪಭವನ್ತಿ ತೇಜಸ್ಸಿನೋ ಅನೇನೇತಿ ಪಭಾವೋ, ಣೋ। ಪಕಟ್ಠೋ ವಾ ಭಾವೋ ಪಭಾವೋ। ಕೋಸೋ ಧನಂ, ತತೋ ಜಾತೋ ಯೋ ತೇಜೋ, ಸೋ ಪಭಾವೋ ನಾಮ। ತಥಾ ಕೋಸಜೋ ತೇಜೋ ಧನೇನ ಸತ್ತೂನಮುಪಕರಣಂ। ಪತಪನ್ತಿ ತೇಜಸ್ಸಿನೋ ಭವನ್ತ್ಯನೇನೇತಿ ಪತಾಪೋ, ಣೋ।
೩೫೨. ದ್ವಯಂ ಮನ್ತೇ। ಮನ್ತಾ ವುಚ್ಚತಿ ಪಞ್ಞಾ, ಸಾ ಏತಸ್ಮಿಂ ವಿಜ್ಜತಿ ತಾಯ ನಿಪ್ಫಾದೇತಬ್ಬತ್ತಾತಿ ಮನ್ತೋ, ಅಥ ವಾ ಮನ್ತ ಗುತ್ತಭಾಸನೇ, ಭಾವೇ ಣೋ। ಇತರತ್ರ ಭಾವೇ ಯು।
ಸೋ ದ್ವಿಗೋಚರೋ ದ್ವಿನ್ನಂ ಜನಾನಂ ವಿಸಯಭೂತೋ ಚತುಕ್ಕಣ್ಣೋ ನಾಮ। ಚತ್ತಾರೋ ಕಣ್ಣಾ ಏತ್ಥ ಚತುಕ್ಕಣ್ಣೋ। ಸೋ ಮನ್ತೋ ತಿಗೋಚರೋ ತಿಣ್ಣಂ ಜನಾನಂ ವಿಸಯಭೂತೋ ಛಕ್ಕಣ್ಣೋ ನಾಮ। ಮನ್ತೋ ನಾಮ ಚತುಕ್ಕಣ್ಣೋ ವಾ ಛಕ್ಕಣ್ಣೋ ವಾ ಕತ್ತಬ್ಬೋ, ನ ತತೋ ಪರನ್ತಿ ದ್ವಿನ್ನಮೇವೇತ್ಥ ಗಹಣಂ। ಅಮರಕೋಸೇ ಪನ ಛಕ್ಕಣ್ಣೋಪಿ ಪಟಿಕ್ಖಿತ್ತೋ। ವುತ್ತಞ್ಹಿ ತತ್ಥ ‘‘ಅಛಕ್ಕಣ್ಣೋ, ಯೋ ತತಿಯಾದ್ಯಗೋಚರೋ’’ತಿ
ಸಬ್ಬಪಾರಿಸದತ್ತಾ
‘‘ಸಬ್ಬಪಾರಿಸದಂ
ನಿಸ್ಸೀಯತೇ ಕ್ವಚಿ ಕಿಞ್ಚಿ, ಸಬ್ಬೇಸ’ಮತ್ರ ವಾದಿನ’’ನ್ತಿ॥
ಯಥಾ ಛಗ್ಗುಣಾ ಸನ್ಧಿ ವಿಗ್ಗಹಯಾನಾಸನದ್ವೇಧಾಸಯಾ ಸನ್ಧಿ ಉಪಹಾರಲಕ್ಖಣೋ ತಿವಿಧೋ ಕೋಸದಣ್ಡಭೂಮಿಪ್ಪದಾನಹೇತುಕೋ। ಅಪಹಾರಲಕ್ಖಣೋ ವಿಗ್ಗಹೋ, ಸೋಪಿ ತಿವಿಧೋ ಪಕಾಸಯುದ್ಧಂ ಕೂಟಯುದ್ಧಂ ತುಣ್ಹಿಯುದ್ಧನ್ತಿ।
ಪರಬ್ಯಸನತಾಸಪತ್ತಿದೇಸಕಾಲಾತ್ಯುದಯಾವಾಪಯಾನಮತ್ತೇನ ಸಾದ್ಧೇ ಪರಸ್ಮಿಂ ಕತಾಚರಸ್ಸ ಗುಣಾನುರತ್ತಪಕತಿಸ್ಸ ವಿಜಿಗೀಸಸ್ಸ ಯಾತ್ರಾ ಯಾನಂ ವಿಗ್ಗಯ್ಹಯಾನಾದಿ। ಯದಾ ನ ಸಕ್ಕೋತಿ, ತದಾ ಸಾಮನ್ತೇಹಿ ಸಹೇಕೀಭೂಯ ಯಾನಂ ಸಮ್ಭೂಯಯಾನಂ। ಅಞ್ಞತ್ರ ಗನ್ತಬ್ಬೇ ಅಞ್ಞಸ್ಮಿಂ ಪಸಙ್ಗತೋ ಗಮನಂ ಪಸಙ್ಗಯಾನಂ।
‘‘ನ ಮಂ ಪರೋ ಹನ್ತುಂ ಸಮತ್ಥೋ, ನಾಹಮ್ಪಿ ಪರ’’ಮಿತಿ ಕಾಲಾದಿಕೇ ಪರಿಕ್ಖಿತ್ವಾ ವಿಜಿಗೀಸಸ್ಸ ದುಗ್ಗಾದೀನಿ ವಡ್ಢಯತೋ ಠಿತಿ ಆಸನಂ, ತದಪಿ ವಿಗ್ಗಯ್ಹಾಸನಸನ್ಧಾಯಾಸನಾದಿಭೇದೇನ ಪಞ್ಚವಿಧಂ। ಬಲೀನಂ ದ್ವೇಧಂ। ಅಞ್ಞತರೇನ ವಾ ಬಲವತರೇನ ಸನ್ಧಿ, ಅಞ್ಞತರೇನ ಅಬಲೇನ ವಿಗ್ಗಹೋ ದ್ವೇಧಂ। ಸತ್ತುನೋ ವಾ ಪಕತೀಹಿ ಸನ್ಧಾಯ ಯೋ ತೇನ ವಿಗ್ಗಹೋ, ಸತ್ತುನೇವ ವಾ ಯೋ ಸನ್ಧಿವಿಗ್ಗಹಸಮುದಾಯಹೇತುಕೋ ದ್ವೇಧಂ। ಪರಸನ್ತಾನಮಪ್ಯೋಭಯವೇದನಾನಂ ಉಭಯತೋ ವುತ್ತಿ ದ್ವೇಧಮುಚ್ಚತೇ।
‘‘ಉಚ್ಛಿಜ್ಜಮಾನೋ ರಿಪುನಾ ನಿರುಪಾಯ ಪತಿಕ್ರಿಯೋ। ಸತ್ತಿಹೀನೋ ಸಮಾಸಿಯತೇ’’ತಿ ಆಸಯೋ ವುಚ್ಚತೇ। ಏತೇ ಛಗ್ಗುಣಾ।
ಯಸ್ಮಿಞ್ಚ ಗುಣೇ ಠಿತೋ ವಿಜಿಗೀಸೋ ಸಕ್ಕೋತ್ಯತ್ತನೋ ಅಟ್ಠವಗ್ಗಿಯಕಮ್ಮಾನಿ ಪವತ್ತಯಿತುಂ, ಪರಸ್ಸ ಚೇತಾನ್ಯುಪಹನ್ತುಂ, ಗುಣಮಾಧಿಟ್ಠೇಯ್ಯ, ಸಾ ವುಡ್ಢಿ।
ಕಸಿ ವಣಿಜ್ಜಂ ಪಥೋ ದುಗ್ಗಂ, ಸೇತು ಕುಞ್ಜರಬನ್ಧನಂ।
ಖನ್ಯಾಕರಧನಾದಾನಂ, ಸುಞ್ಞಾನಞ್ಚ ನಿವೇಸನಂ
ಇತ್ಯೇಸೋ ಅಟ್ಠವಗ್ಗೋ।
ಯಸ್ಮಿಂ ವಾ ಗುಣೇ ಠಿತೋ ಸಕಮ್ಮಾನಂ ವುಡ್ಢಿ, ಖಯಂ ವಾ ನಾಭಿಪಸ್ಸತಿ, ತಂ ಠಾನಂ, ಯಸ್ಮಿಂ ವಾ ಗುಣೇ ಠಿತೋ ಸಕಮ್ಮಾನಮುಪಘಾತಂ ಪಸ್ಸತಿ, ತಸ್ಮಿಂ ನ ತಿಟ್ಠೇಯ್ಯ, ಸೋ ಖಯೋ, ಅಯಂ ನೀತಿವೇದೀನಂ ತಿವಗ್ಗೋ
ದ್ವಯಂ ರಹಸ್ಸಂ, ಸೋ, ರಹೇ ವಾ ಭವಂ ರಹಸ್ಸಂ। ಗುಹ ಸಂವರಣೇ, ಕಮ್ಮನಿ ಯೋ। ಇದಂ ದ್ವಯಂ ತೀಸು। ರಹಸ್ಸೋ ಮನ್ತೋ, ರಹಸ್ಸಾ ವಾಚಾ, ರಹಸ್ಸಂ ಮನ್ತನಂ।
೩೫೩. ಪಞ್ಚಕಂ ವಿಜನೇ। ವಿಜಿ ಪುಥಭಾವೇ, ಭೂ, ತೋ ಚ। ವಿಚಿ ವಿವೇಚನೇ, ಪುಥುಭಾವೇ ಚ ವಾ। ‘‘ವಿವಿತ್ತಂ ತೀಸು ವಿಜನೇ, ಅಸಂಪಕ್ಕಪವಿತ್ತೇಸೂ’’ತಿ ರುದ್ದೋ। ವಿಗತೋ ಜನೋ ಅಸ್ಮಾತಿ ವಿಜನೋ। ಛಾದೇತೀತಿ ಛನ್ನೋ। ಛದ ಸಂವರಣೇ। ವಿತ್ತಮರಹತೀತಿ ರಹೋ, ರಹ ಚಾಗೇ, ರಮನ್ತೇ ಅಸ್ಮಿನ್ತಿ ವಾ ರಹೋ, ವಣ್ಣವಿಕಾರೋ। ‘‘ರಹೋ ನಿಧುವನೇ ಚಾಪಿ, ರಹೋ ಗುಯ್ಹೇ ನಪುಂಸಕ’’ನ್ತಿ ರಭಸೋ। ದುತಿಯೋ ರಹೋಸದ್ದೋ ಅಬ್ಯಯಂ। ನಿಸ್ಸಲಾಕಾ, ಉಪಾಸುಪ್ಯತ್ರ। ನಿಸ್ಸಲಾಕಾ ಥೀ, ಉಪಾಸು ಅಬ್ಯಯಂ।
ದ್ವಯಂ ವಿಸ್ಸಾಸೇ। ಸಸ ಪಾಲನೇ, ಣೋ। ಸಮ್ಭ ವಿಸ್ಸಾಸೇ। ‘‘ವಿಸ್ಸಮ್ಭೋ ಕೇಲಿಕಲಹೇ, ವಿಸ್ಸಾಸೇ’ಪಣಯೇಪಿ ಚೇ’’ತಿ ರುದ್ದೋ।
ದ್ವಯಂ ನ್ಯಾಯೇ। ಯುಜ ಸಮಾಧಿಮ್ಹಿ, ಸಮಾಧಿ ಅಭ್ಯುಪಗಮೋ, ತೋ। ಉಪಗನ್ತಬ್ಬತ್ತಾ ಉಪಾಯಿಕಂ। ಉಪಾಯಾ ಸಕತ್ಥೇ ಇಕೋ, ಓಪಾಯಿಕಂ, ಓಪಯಿಕಮ್ಪಿ
೩೫೪. ಸಿಲೋಕಂ ಓವಾದೇ। ಅವಪುಬ್ಬೋ ವದ ವಿಯತ್ತಿಯಂ ವಾಚಾಯಂ, ಭಾವೇ ಣೋ। ಸಾಸ ಅನುಸಿಟ್ಠಿಮ್ಹಿ,ತಿ, ಆಸ್ಸಿ, ಅನುಸಿಟ್ಠಿ ಅನುಸಾಸನಂ। ಪುಮವಜ್ಜೇ ಇತ್ಥಿಯಂ, ನಪುಂಸಕೇ ಚ। ಏತ್ಥ ಚ ಏಕಸ್ಸೇವತ್ಥಸ್ಸ ಭಿನ್ನಲಿಙ್ಗೇಹಿ ತೀಹಿ ನಾಮೇಹಿ ಕಥನಂ ನ ಕೇವಲಂ ವಾಚ್ಚಲಿಙ್ಗೋಯೇವ ಸದ್ದೋ, ಅಥ ಖೋ ವಾಚಕಲಿಙ್ಗೋಪ್ಯತ್ಥೀತಿ ದೀಪನತ್ಥಂ।
ದ್ವಯಂ ಆಣಾಯಂ। ಆಣ ಪೇಸನೇ, ಭಾವೇ ಅ, ಆಣಾ, ಇತ್ಥೀ। ಅವವಾದೋ, ನಿದ್ದೇಸೋ, ಸಿಟ್ಠಿಪ್ಯತ್ರ। ದ್ವಯಂ ಬನ್ಧನೇ। ದಾ ದಾನೇ, ಭಾವೇ ಯು, ದಾ ಅವಖಣ್ಡನೇ ವಾ, ವಿಯೋಗದಾನತೋ ಉದ್ದಾನಂ।
೩೫೫-೩೫೬. ದ್ವಯಂ ಅಪರಾಧೇ। ಅಪಗಚ್ಛನ್ತ್ಯನೇನಾತಿ ಆಗು, ಣು, ಪಲೋಪೋ, ರಸ್ಸಸ್ಸ ದೀಘತಾ, ನಪುಂಸಕೇ ಆಗು। ಅಪಗತೋ ರಾಧೋ ಯೇನ ಅಪರಾಧೋ, ರಾಧ ಸಂಸಿದ್ಧಿಮ್ಹಿ। ದ್ವಯಂ ರಾಜಗಯ್ಹೇ। ಕಿರ ವಿಕಿರಣೇ, ಕತ್ತರಿ ಅ, ಅತ್ತಂ। ಬಲ ಪಾಣನೇ, ಇ। ಕರಸಾಹಚರಿಯತೋ ಬಲಿ ಪುಲ್ಲಿಙ್ಗೇ। ಭಾಗಧೇಯ್ಯೋಪ್ಯತ್ರ। ಭಾಗಾಸಕತ್ಥೇ ಧೇಯ್ಯೋ ಭಾಗಧೇಯ್ಯೋ, ಇಯೋ।
ದ್ವಯಂ ತುಟ್ಠಿದಾಯೇ। ಮನೋರಥಪುಣ್ಣತ್ತಾ ಪತ್ತಬ್ಬೋ ಭಾಗೋ ಪುಣ್ಣಪತ್ತೋ। ತುಸ್ಸನಂ ತುಟ್ಠೋ, ಸೋಸ್ಸತ್ಥೀತಿ ತುಟ್ಠೀ, ತೇನ ದಾತಬ್ಬೋ ದಾಯೋ ತುಟ್ಠಿದಾಯೋ, ಆಕಾರನ್ತಾನಮಾಯೋ।
ಛಕ್ಕಂ
‘‘ಹೇಮಂ ಸೀಹಾಸನಂ ವೇಸಂ, ವುತ್ತಂ ಭದ್ದಾಸನಂ ತಥಾ।
ಉಪಾಯನ’ಮುಪಗ್ಗಯ್ಹಂ, ಪಾಭತಞ್ಚೋ’ಪದಾ ಥಿಯ’’ನ್ತಿ॥
ಸಿಲೋಕಾದ್ಧಂ ನಾಮ ಅಮರಮಾಲಾ।
ಉಪಗನ್ತ್ವಾದಾತಬ್ಬಾತಿ ಉಪದಾ, ಅ, ಇತ್ಥೀ, ತಂ ತಮತ್ಥಂ ಪತ್ಥೇನ್ತೇಹಿ ಆಭರೀಯತೇ ಆನೀಯತೇತಿ ಪಾಭತಂ, ಪತ್ಥನತ್ಥಜೋತಕೋಯಂ ಪಸದ್ದೋ। ಉಪೇಯ್ಯತೇತಿ ಉಪಾಯನಂ, ಇತೋ ಯು, ಉಪಗಚ್ಛತಿ ಯೇನಾತಿ ವಾ ಉಪಾಯನಂ। ಕುಚ ಸಙ್ಕೋಚನೇ, ಣೋ, ವಿಗತೋ ಕೋಚೋ ಯೇನ ಉಕ್ಕೋಚೋ। ಪಣ್ಣೇನ ಸತ್ಥಪಣ್ಣೇನ ಸದ್ಧಿಂ ಆಕರೀಯತೇ ಆನೀಯತೇತಿ ಪಣ್ಣಾಕಾರೋ, ಅಞ್ಞತ್ರ ಉಪಚಾರಾ। ಪಹಿಣನ್ತ್ಯನೇನೇತಿ ಪಹೇಣಕಂ, ಹಿ ಗತಿಯಂ, ಯು, ಸಕತ್ಥೇ ಕೋ। ಪದೇಸನಂ, ಉಪಗ್ಗಯ್ಹಂ, ಉಪಹಾರೋಪ್ಯತ್ರ।
ಗುಮ್ಬಾದಿದೇಯ್ಯೋ ಗುಮ್ಬಘಟಾದಿಕೋ ಆದಿನಾ ಪಾಭತಮ್ಪಿ ಸಙ್ಗಣ್ಹಾತಿ। ಸುಙ್ಕ ಗಮನೇ, ಸುಙ್ಕತಿ ಯೇನ, ತಂ ಸುಙ್ಕಂ। ಗಮು ಗಮನೇ, ಬೋ, ಅಸ್ಸು, ಗುಮ್ಬೋ। ದ್ವಯಂ ಗಾಮಜನಪದಾದಿತೋ ಲದ್ಧಬ್ಬಭಾಗೇ। ಅಯ ಗಮನೇ, ಣೋ, ಆಯೋ। ಅಪಚ್ಚಯೇ ಅಯೋ। ಧನಾನಂ ಸಮ್ಪತ್ತಕಾಲೇ ಆಗಮೋ ಧನಾಗಮೋ।
೩೫೭. ದ್ವಯಂ ಛತ್ತಸಾಮಞ್ಞೇ। ಆತಪತೋ ಸೂರಿಯಾಲೋಕತೋ ತಾಯತೀತಿ ಆತಪತ್ತಂ, ತೋ। ಛಾದಯತೀತಿ ಛತ್ತಂ, ಛದ ತ್ರಣಪಚ್ಚಯೇ ಛತ್ರಂ, ಹೇಮಂ ಸುವಣ್ಣಖಚಿತಂ ರಞ್ಞಂ ರಾಜೂನಂ ಆಸನಂ ಸೀಹಾಸನಾಖ್ಯಂ। ಸೀಹಾಕತಿಪ್ಪಧಾನತ್ತಾ ಸೀಹಾಕತಿಪ್ಪಧಾನಂ ಆಸನನ್ತಿ ವಿಗ್ಗಹೋ।
ದ್ವಯಂ ಚಾಮರೇ। ವಾಲೇನ ಕತಾ ಬೀಜನೀ ವಾಲಬೀಜನೀ। ಚಮರೋ ಮಿಗೋ ತಸ್ಸೇದಂ ಚಾಮರೀ। ‘‘ಚಾಮರಾ ಚಾಮರಂ ರೋಮಂ, ಗುಚ್ಛಕಞ್ಚಾವಚೂಲಕ’’ನ್ತಿ ತಿಕಣ್ಡಸೇಸೋ। ಪಕಿಣ್ಣಕಂಪ್ಯತ್ರ। ಪಕರೀಯತೇ ವಿಕ್ಖಿಪತೇ ಪಕಿಣ್ಣಕಂ, ಸಕತ್ಥೇ ಕೋ।
೩೫೮. ಖಗ್ಗಾದಯೋ ಇಮೇ ಪಞ್ಚ ರಾಜೂನಂ ಕಕುಧಭಣ್ಡಾನಿ ಭವನ್ತಿ। ಕುಕ ಆದಾನೇ, ಧೋ, ವಣ್ಣವಿಪರಿಯಯೋ। ರಞ್ಞೋ ಗಮನಕಾಲೇ ಸದಾ ಆದಾತಬ್ಬತೋ ಕಕುಧಾನಿ ಚ ತಾನಿ ರಾಜಧನತ್ತಾ ಭಣ್ಡಾನಿ ಚೇತಿ ಕಕುಧಭಣ್ಡಾನಿ।
೩೫೯. ದ್ವಯಂ ಪುಣ್ಣಘಟೇ। ಜಲಪುಣ್ಣತ್ತಾ ಭದ್ದೋ ಕಲ್ಯಾಣೋ ಕುಮ್ಭೋ ಭದ್ದಕುಮ್ಭೋ। ದ್ವಯಂ ಹೇಮಭಾಜನೇ। ಭರ ಭರಣೇ, ಭರಣಂ ಧಾರಣಂ ಪೋಸನಞ್ಚ, ಧಾರಣತ್ಥಸ್ಸ ಭರತಿಸ್ಸ ಭಿಙ್ಗಾದೇಸೋ, ಭರತಿ ದಧಾತಿ ಉದಕನ್ತಿ ಭಿಙ್ಗಾರೋ, ಆರೋ। ಕರಕೋ, ಕುಣ್ಡಿಕಾಪ್ಯತ್ರ।
ಹತ್ಥೀ ಚತುರಙ್ಗಿನೀ, ಈ, ಇನೀ।
೩೬೦. ದನ್ತ್ಯನ್ತಂ ಹತ್ಥಿನಿ। ಕುಞ್ಜೋ ಹನು, ದನ್ತೋ ಚ, ತಂಯೋಗಾ ಕುಞ್ಜರೋ, ಅತಿಸಯೇ ರೋ, ಕುಂ ಪಥವಿಂ ಜರಾಪೇತೀತಿ ವಾ ಕುಞ್ಜರೋ, ಅಲುತ್ತಸಮಾಸೋ, ಕುಞ್ಜೇ ವಾ ಗಿರಿಕೂಟೇ ರಮತಿ, ಕೋಞ್ಚನಾದಂ ನದನ್ತೋ ವಾ ಚರತಿ, ಕುಂ ವಾ ಪಥವಿಂ ತದಾಘಾತೇನ ಜರಯತೀತಿ ಕುಞ್ಜರೋ। ವಾರಯತಿ ಪರಬಲಂ ವಾರಣೋ, ನನ್ದಾದೀಹಿ ಯು। ಹತ್ಥಯೋಗಾ ಹತ್ಥೀ। ಮತಙ್ಗಸ್ಸ ಇಸಿನೋ ಅಪಚ್ಚಂ ಮಾತಙ್ಗೋ, ಮಹನ್ತಂ ಅಙ್ಗಂ ಸರೀರಮೇತಸ್ಸಾತಿ ವಾ ಮಾತಙ್ಗೋ, ಹ ನಲೋಪೋ, ಅಸ್ಸಾಕಾರೋ ಚ। ದ್ವೇ ರದಾ ದನ್ತಾ ಯಸ್ಸ ದ್ವಿರದೋ, ‘‘ರದ ವಿಲೇಖನೇ ದನ್ತೇ’’ತಿ ಹಿ ನಾನತ್ಥಸಙ್ಗಹೇ। ಗಜ ಸದ್ದೇ, ಗಜತೀತಿ, ಅ। ನಗೋ ಪಬ್ಬತೋ, ಸೋ ವಿಯ ದಿಸ್ಸತೀತಿ ನಾಗೋ, ಣೋ। ಕರೇನ, ಮುಖೇನ ಚಾತಿ ದ್ವೀಹಿ ಪಿವತೀತಿ ದ್ವಿಪೋ। ಇ ಗಮನೇ, ಭೋ। ದನ್ತಯೋಗಾ ದನ್ತೀ। ಸಟ್ಠಿಹಾಯನೋ, ದನ್ತಾವಲೋ, ಅನೇಕಪೋ, ಮತಙ್ಗಜೋ, ಕರೀ, ಥಮ್ಭೇರಮೋ, ಪದ್ಮೀ, ಮಹಾಮಿಗೋ, ಪೀಲು, ಸಿನ್ಧುರೋ, ದೀಘಮಾರುತೋ, ರಾಜೀವೋ, ಜಲಕಕ್ಖೋ, ನಿಲ್ಲುರೋ, ಕರಟೀ, ವರಙ್ಗೋ, ಸುಪ್ಪಕಣ್ಣೋ ಇಚ್ಚಾದೀನಿಪಿ ಹತ್ಥಿನೋ ನಾಮಾನಿ। ಸಟ್ಠಿವಸ್ಸಿಕತ್ತಾ, ಜಾತಿಯಾ ಸಟ್ಠಿವಸ್ಸಕಾಲೇ ಥಾಮೇನ ಹಾಯನತೋ ವಾ ಸಟ್ಠಿಹಾಯನೋ।
ವನಕರೀನಂ ಯೋ ಯೂಥಜೇಟ್ಠೋ, ಸೋ ಸಯೂಥಾನಂ ಜೇಟ್ಠತ್ತಾ ಯೂಥಜೇಟ್ಠೋ। ಸಯೂಥೇ ಪಾತಿ ರಕ್ಖತೀತಿ ಯೂಥಪೋತಿ ಚೋಚ್ಚತೇ।
೩೬೧. ಕಾಳಾವಕಾದೀನಿ ಕಾಳಾವಕೋ, ಣ್ವು, ಮಲೋಪೋ। ಗಙ್ಗಾಯಂ ಜಾತೋ ಗಙ್ಗೇಯ್ಯೋ, ಠಾನವಸೇನ ಸಾ ಸಞ್ಞಾ। ಪಣ್ಡರವಣ್ಣತಾಯ ಪಣ್ಡರೋ। ವಣ್ಣವಸೇನ ತಮ್ಬವಣ್ಣತಾಯ ತಮ್ಬೋ। ಪಿಙ್ಗಲವಣ್ಣತಾಯ ಪಿಙ್ಗಲೋ। ಗನ್ಧಯುತ್ತತಾಯ ಗನ್ಧೋ। ಮಙ್ಗ ಗಮನತ್ಥೋ, ಸೋಭನಗಮನಯುತ್ತತಾಯ ಮಙ್ಗಲೋ, ಅತಿಸಾಯನೇ, ಪಸಂಸಾಯಂ ವಾ ಲೋ। ಹೇಮವಣ್ಣತಾಯ ಹೇಮೋ। ಉಪೋಸಥಕುಲೇ ಜಾತತ್ತಾ ಉಪೋಸಥೋ, ಉಪಗನ್ತ್ವಾ ಅರಯೋ ಉಸತೀತಿ ವಾ ಉಪೋಸಥೋ, ಥೋ, ಉಸ ದಾಹೇ, ಉಪಪುಬ್ಬೋ ವಸ ನಿವಾಸೇ ವಾ, ವಸ್ಸೋ, ಉಪೋಸಥೋ, ತಿಥೀವಿಸೇಸೋ ಚ। ಛಬ್ಬಣ್ಣದನ್ತತಾಯ ಛದ್ದನ್ತೋ। ಏತೇಸಞ್ಚ ಕಾಳಾವಕೋ ದಸನ್ನಂ ಪುರಿಸಾನಂ ಬಲಂ ಧಾರೇತಿ, ಗಙ್ಗೇಯ್ಯೋ ದಸನ್ನಂ ಕಾಳಾವಕಾನಂ, ಏವಂ ಯಾವಛದ್ದನ್ತಾ ನೇತಬ್ಬೋ, ಸಮ್ಮಾಸಮ್ಬುದ್ಧೋ ಪನ ದಸನ್ನಂ ಛದ್ದನ್ತಾನಂ ಬಲಂ ಧಾರೇತಿ, ತೇನೇವ ಭಗವಾ ಕಾಳಾವಕಹತ್ಥಿಗಣನಾಯ ಕೋಟಿಸಹಸ್ಸಬಲಂ ಧಾರೇತಿ, ಪುರಿಸಗಣನಾಯ ದಸನ್ನಂ ಪುರಿಸಕೋಟಿಸಹಸ್ಸಾನಂ ಬಲಂ।
೩೬೨. ಪಾದೋ ಕರಿಪೋತೇ। ಪಞ್ಚವಸ್ಸಾನಿ ಯಾವ ಕಲಭೋ, ಕಲ ಸಙ್ಖ್ಯಾನೇ, ಅಭೋ, ಕಲಭೋ, ಳತ್ತೇ ಕಳಭೋ, ಮಾತಾಪಿತೂಹಿ ಭಿಙ್ಕೋ, ಭರತಿಸ್ಸ ಭಿಙ್ಕೋ। ಕರಿಸಾವಕೋಪ್ಯತ್ರ। ಪಾದೋ ಮತ್ತಮಾತಙ್ಗೇ। ದಾನಂ ಪಭಿನ್ನೋ ಯಸ್ಸ ಪಭಿನ್ನೋ। ಮಜ್ಜತೀತಿ ಮತ್ತೋ, ಮದ ಉಮ್ಮಾದೇ। ಗಜೇ ಜಾಯತೀತಿ ಗಜ್ಜೋ, ಣ್ಯೋ, ಮದೋ। ಸೋ ಸಞ್ಜಾತೋ ಯಸ್ಸ ಗಜ್ಜಿತೋ।
ದ್ವಯಂ ಹತ್ಥಿಸಮೂಹೇ। ಹತ್ಥೀನಂ ಸಮೂಹೋ ಹತ್ಥಿಘಟಾ। ಗಜಾನಂ ಸಮೂಹೋ ಗಜತಾ, ಗಾಮಜನಬನ್ಧುಸಹಾಯಾದೀಹಿ ತಾ। ಪಾದೋ ಹತ್ಥಿನಿಯಂ। ಹತ್ಥಯೋಗಾ ಹತ್ಥಿನೀ, ಈ, ಇನೀ। ಕಣ ಸದ್ದೇ, ಇರು, ಸಕತ್ಥೇ ಕೋ। ಕರೇಣುಕಾತಿಪಿ, ತದಾ ಕರಯೋಗಾ ಕರೇಣುಕಾ, ಇಣು। ಕರಿಣೀ, ಧೇನುಕಾ, ವಸಾ, ಕರೇಣುಪ್ಯತ್ರ।
೩೬೩. ಹತ್ಥಿಸಿರೋಪಿಣ್ಡಾ ಹತ್ಥಿನೋ ಸಿರಸಿ ದ್ವೇ ಪಿಣ್ಡಾ ಕುಮ್ಭಾಖ್ಯಾ। ಕೇ ಸಿರಸಿ ಭವತೀತಿ ಕುಮ್ಭೋ, ಅಸ್ಸು, ನಿಗ್ಗಹೀತಾಗಮೋ ಚ। ದ್ವಿನ್ನಂ ಪನ ಕುಮ್ಭಾನಂ ಮಜ್ಝಿಮಂ ವಿದು ನಾಮ ವಿದು, ಪುಮೇ, ಉ। ದ್ವಯಂ ಕಣ್ಣಮೂಲೇ। ಚೂಳ ನಿಮಜ್ಜನೇ, ಣ್ವು, ಚೂಳಿಕಾ, ಚುದ ಸಞ್ಚೋದನೇ ವಾ, ಚೋದೇನ್ತಿ ಏತ್ಥ ಅಙ್ಕುಸಾದೀಹಿ ಅದನ್ತನ್ತಿ ಚೂಳಿಕಾ, ದಸ್ಸ ಳೋ, ಣ್ವು।
ಆಸತೇ ಅಸ್ಮಿನ್ತಿ ಆಸನಂ, ಖನ್ಧದೇಸೋ। ಖನ್ಧೋ ಏವ ದೇಸೋ ಖನ್ಧದೇಸೋ, ತಸ್ಮಿಂ। ದ್ವಯಂ ಪುಚ್ಛಮೂಲೇ। ಪುಚ್ಛಸ್ಸ ಮೂಲಂ ಹೇಟ್ಠಿಮಭಾಗೋ।
೩೬೪. ತಿಕಂ ಗಜಬನ್ಧನಥಮ್ಭೇ। ಆಲನ್ತ್ಯಸ್ಮಿಂ, ಅನೇನ ವಾ ಬನ್ಧನ್ತಿ ಆಲಾನಂ, ಯು। ಆಪುಬ್ಬೋ ಬನ್ಧನತ್ಥೋ ಲಾಧಾತು। ಆಹನನ್ತಿ ಆಳ್ಹಕೋ, ಹನಧಾತು, ನಸ್ಸ ಳೋ, ವಣ್ಣವಿಪರಿಯಯೋ ಚ, ಣ್ವು। ಥಮ್ಭ ಪಟಿಬನ್ಧನೇ। ಬನ್ಧೋಪ್ಯತ್ರ।
ತಿಕಂ ಸಙ್ಖಲೇ। ಅನಿತ್ಥೀ ತೂತಿ ತ್ವನ್ತಂ ಲಿಙ್ಗಪದಂ। ಗಲ ಸೇಚನೇ। ನಿಗಳತಿ ಬನ್ಧತಿ ಯೇನಾತಿ ನಿಗಳೋ, ಅ, ಕತ್ತುಸಾಧನಂ ವಾ। ಅದಿ ಬನ್ಧನೇ, ಅನ್ದತೀತಿ ಅನ್ದುಕೋ। ಣ್ವು, ಅಸ್ಸು। ಭುಸಂ ಖಲತ್ಯನೇನ ಸಙ್ಖಲಂ, ಕಟಿ ವತ್ಥಬನ್ಧನೇಪಿ, ‘‘ಥೀಕಟೀವತ್ಥಬನ್ಧೇಪಿ, ನಿಗಳೇ ಸಙ್ಖಲಂ ತಿಸೂ’’ತಿ ರಭಸೋ। ಸಙ್ಖಲಿಕಾಪ್ಯತ್ರ।
ದ್ವಯಂ ಗಜಗಣ್ಡೇ। ಗಣ್ಡ ವದನೇಕದೇಸೇ, ಅಧಾತೂನಮ್ಪಿ ಧಾತೂಸು ಪಾಠೋ, ಧಾತು ಹಿ ಕ್ರಿಯತ್ಥೋ। ಗಣ್ಡೋ ಕಪೋಲಸಾಮಞ್ಞೇಪಿ। ಕಟ ವಸ್ಸಾವರಣೇಸು, ಅ। ದ್ವಯಂ ಕರಿಮದಜಲೇ। ದೀಯತೇತಿ ದಾನಂ। ಮದ ಉಮ್ಮಾದೇ, ಕರಣೇ ಅ।
೩೬೫. ದ್ವಯಂ ಹತ್ಥಿಕರೇ। ಸೋಣ ವಣ್ಣಗತೀಸು, ಡೋ, ಸೋಡ ಗಬ್ಬೇ ವಾ, ನಿಗ್ಗಹೀತಾಗಮೋ, ಣೋ ಚ। ದ್ವೀಸು ದ್ವೇಪಿ।
ದ್ವಯಂ ಸೋಣ್ಡಗ್ಗೇ। ಕರಸ್ಸ ಸೋಣ್ಡಸ್ಸ ಅಗ್ಗಂ। ಪುಸ ಪೋಸನೇ। ಖರೋ, ಸಸ್ಸ ಕೋ, ಉಸ್ಸೋತ್ತಂ, ಪುಸ ವುಡ್ಢಿಮ್ಹಿ ವಾ, ಭೂ, ಪುಸ ಸ್ನೇಹಸೇಚನಪೂರಣೇಸು ವಾ, ಕಿಯಾದಿ, ಪುಸ ಧಾರಣೇ ವಾ, ಚುರಾದಿ।
ಹತ್ಥಿಸ್ಸ ಕಾಯಮಜ್ಝಮ್ಹಿ ಬನ್ಧನರಜ್ಜು ಕಚ್ಛಾ ನಾಮ। ಕಚ ಬನ್ಧನೇ, ಛೋ। ದೂಸಾ, ವರತ್ರಾಪ್ಯತ್ರ। ಕುಥೋ ನಾಮ ಹತ್ಥಿಪಿಟ್ಠತ್ಥರಿತಚಿತ್ರಕಮ್ಬಲಂ, ಸೋ ಆದಿ ಯೇಸನ್ತೇ ಕುಥಾದಯೋ। ಕುಥಾದಯೋ ಏವ ಕಪ್ಪನೋ ನಾಮ ಭವನ್ತಿ। ಕಪ್ಪ ಸಾಮತ್ಥಿಯೇ, ಸಜ್ಜನಾಯಞ್ಚ ಕಚ ಸಜ್ಜನಾಯಂ, ಥೋ, ಕುಥೋ, ತೀಸು। ‘‘ನಪುಂಸಕಮತ್ಥರಣಂ, ಥೀ ಪವೇಣೀ ಕುಥಂ ತಿಸೂ’’ತಿ ವೋಪಾಲಿತೋ। ಪವೇಣೀ, ಅತ್ಥರಣಂ, ವಣ್ಣೋ, ಪರಿತ್ಥೋಮೋತಿ ಏತೇ ಕುಥಪರಿಯಾಯಾ।
೩೬೬. ದ್ವಯಂ ರಾಜಾರಹೇ ಹತ್ಥಿನಿ। ರಾಜಾನಮುಪಗನ್ತ್ವಾ ವಹಿತುಮರಹತೀತಿ ಓಪವಯ್ಹೋ, ಅರಹತ್ಥೇ ಣ್ಯೋ। ರಾಜಾನಂ ವಹಿತುಂ ಅರಹತೀತಿ ರಾಜವಯ್ಹೋ, ಣ್ಯೋ। ದ್ವಯಂ ಕಪ್ಪಿತಹತ್ಥಿನಿ। ಸಜ್ಜಾ ಸಜ್ಜನಾ ಸಞ್ಜಾತಾ ಯಸ್ಮಿಂ ಸಜ್ಜಿತೋ। ಕಪ್ಪಾ ಕಪ್ಪನಾ ಸಞ್ಜಾತಾ ಯಸ್ಮಿಂ ಕಪ್ಪಿತೋ। ಏತಸ್ಮಾಯೇವ ಪಾಠಾ ಸಜ್ಜಕಪ್ಪಾ ಸಜ್ಜನಾಕಪ್ಪನಾನಂ ಪರಿಯಾಯಾತಿ ಞೇಯ್ಯಾ।
ಹತ್ಥಿನೋ ಪಾದೇ ವಿಜ್ಝನಕಣ್ಟಕೋ ‘‘ತೋಮರೋ’’ತ್ಯುಚ್ಚತೇ। ತುಜ್ಜತೇನೇನೇತಿ ತೋಮರೋ, ತುದ ಬ್ಯಥನೇ, ಅರೋ, ದಸ್ಸ ಮೋ, ಓತ್ತಂ। ವೇಣುಕಂಪ್ಯತ್ರ
೩೬೭. ಹತ್ಥಿನೋ ಕಣ್ಣಮೂಲಮ್ಹಿ ವಿಜ್ಝನಕಣ್ಟಕೋ ‘‘ತುತ್ತ’’ಮಿತ್ಯುಚ್ಚತೇ। ತುಜ್ಜತೇನೇನೇತಿ ತುತ್ತಂ, ತೋ। ಹತ್ಥಿನೋ ಮತ್ಥಕಮ್ಹಿ ವಿಜ್ಝನಕಣ್ಟಕೋ ‘‘ಅಙ್ಕುಸೋ’’ತ್ಯುಚ್ಚತೇ। ಅಙ್ಕತೇ ಅನೇನೇತಿ ಅಙ್ಕುಸೋ, ಅಙ್ಕ ಲಕ್ಖಣೇ, ಸೋ, ಅಸ್ಸು।
ಪಜ್ಜದ್ಧಂ ಮಡಿ ಭೂಸಾಯಂ, ಹತ್ಥಿಂ ಮಣ್ಡಯತಿ ರಕ್ಖತೀತಿ ಹತ್ಥಿಮಣ್ಡೋ, ಸೋವ ಹತ್ಥಿಮೇಣ್ಡೋ, ಮಿ ಹಿಂಸಾಯಂ ವಾ, ಡೋ, ನಿಗ್ಗಹೀತಾಗಮೋ। ಹತ್ಥಿಂ ಪಾತಿ ರಕ್ಖತೀತಿ ಹತ್ಥಿಪೋ, ಕಮ್ಮನಿ ಣೋ। ಹತ್ಥಿಂ ಗೋಪಯತಿ ರಕ್ಖತೀತಿ ಹತ್ಥಿಗೋಪಕೋ। ಗುಪ ರಕ್ಖಣೇ, ಸಕತ್ಥೇ ಕೋ। ಆಧೋರಣೋ, ನಿಸಾದಿನೋಪ್ಯತ್ರ।
೩೬೮. ಮಾತಙ್ಗಹಯಾದೀನಂ ಗಮನಾದಿಕ್ರಿಯಾಸಿಕ್ಖಾಪಕೋ ಆಚರಿಯೋ ‘‘ಗಾಮಣೀಯೋ’’ತ್ಯುಚ್ಚತೇ। ಗಮನಂ ಗಾಮೋ, ಭಾವೇ ಣೋ। ಹತ್ಥಾದೀನಂ ಗಮನಕ್ರಿಯಾ ಗಾಮೋ, ತಂ ನೇತಿ ಸಿಕ್ಖಾಪೇತೀತಿ ಗಾಮಣೀಯೋ, ಅಞ್ಞಕ್ರಿಯಾಸಿಕ್ಖಾಪನೇತೂಪಚಾರಾ, ಗಾಮಂ ವಾ ಹತ್ಥಾದಿಸಮೂಹಂ ನೇತೀತಿ ಗಾಮಣೀಯೋ, ಗಮನಂ ವಾ ಸಿಕ್ಖಾಪೇತೀತಿ ಗಾಮಣೀಯೋ, ಸಬ್ಬತ್ರ ನಸ್ಸ ಣತ್ತಂ।
ಪಾದದ್ವಯಂ ಅಸ್ಸೇ। ಹಯ ಗತಿಯಂ, ಅ। ತುರಂ ಸೀಘಂ ಗಚ್ಛತೀತಿ ತುರಙ್ಗೋ, ಕ್ವಿ, ಬಿನ್ದಾಲೋಪೋ, ಲೋಪೇ ಸತಿ ತುರಗೋ। ವಾಹ ಪಯತನೇ, ಅ। ಅಸ ಭಕ್ಖನೇ, ಅ। ಸಿನ್ಧೂನಮದೂರಭವೋ ಜನಪದೋಪಿ ಸಿನ್ಧವೋ, ತತ್ರ ಭವೋ ಸಿನ್ಧವೋ, ಸಂಯೋಗನ್ತತ್ತಾ ನ ವುದ್ಧಿ। ಘೋಟಕೋ, ಪೀತಿ, ತುರಙ್ಗಮೋ, ವಾಜೀ, ಗನ್ಧಬ್ಬೋ, ಸತ್ತಿರಿಚ್ಚಾದೀನಿಪಿ ಅಸ್ಸೇ। ಘುಟ ಪರಿವತ್ತನೇ, ಣ್ವು। ಪಾ ಪಾನೇ,ತಿ। ‘‘ಪಾನೇ ಥೀ ಪೀತಿ ಅಸ್ಸೇ ಸೋ’’ತಿ ರುದ್ದೋ। ವಾಜಯೋಗಾ ವಾಜೀ, ಈ। ‘‘ಏಸಞ್ಚ ಪುಬ್ಬಂ ಪಕ್ಖೋ ಆಸಿ, ಸ ತು ದೇವೇತ್ಯತ್ಯತ್ಥಿತೇನ ಸಾಲೀಭೂತಮುನಿನಾ ಸಕ್ಕಂ ಪಯೋಜೇತ್ವಾ ವಜಿರಛೇದಿತೋ’’ತಿ ನಿಕಾಯನ್ತರಿಯಾ। ಸಪ ಸಮವಾಯೇ,ತಿ, ಸತ್ತಿ, ಸಾಮತ್ಥಿಯೇಪಿ।
೩೬೯. ತಸ್ಸ ಭೇದೋ ವಿಸೇಸೋ ಅಸ್ಸತರೋ, ಅಸ್ಸಂ ತರತೀತಿ ಅಸ್ಸತರೋ, ತರ ಅತಿಕ್ಕಮನೇ, ತರಪಚ್ಚಯೇನಾಪಿ ಸಿದ್ಧಂ। ಪಧಾನಸ್ಸಭೂಮಿಭವೋ ಸುಜಾತಿಕೋ ಅವಿಕಾರೀ ಕುಲೀನಕೋ ಅಸ್ಸೋ ಆಜಾನೀಯೋ ನಾಮ, ಆ ಭುಸೋ ಕಾರಣಾಕಾರಣಂ ಜಾನಾತೀತಿ ಆಜಾನೀಯೋ, ಅನೀಯೋ, ಣ್ಯಪಚ್ಚಯೇನ ವಾ ಸಿದ್ಧಂ, ತದಾ ‘‘ಕಿಯಾದಿತೋ ನಾ’’ತಿ ನಾಗಮೋ, ಈಕಾರಾಗಮೋ ಚ ಕುಲೀನಕೋ, ಈನೋ, ಸಕತ್ಥೇ ಕೋ। ಸಙ್ಗಾಮೇ ಗರುಸತ್ಥಪ್ಪಹಾರೇನ ನಿಹತೋ ಸನ್ತೋ ಪಿಯೋ ಸಾಮಿಕಂ ನ ಜಹತಿ ಸುಖಂ ವಹನಸೀಲೋ ಯೋ ಅಸ್ಸೋ, ಸೋ ವಿನೀತಸದ್ದೇನೋಚ್ಚತೇ। ವಿಸೇಸೇನ ದಮ್ಮತಂ ನೇತಿ ಯನ್ತಿ ವಿನೀತೋ।
ದ್ವಯಂ ಅಸ್ಸಪೋತೇ। ಕಸ ಗಮನೇ, ಓರೋ, ಅಸ್ಸಿ, ಕಿಞ್ಚಿ ಸರತೀತಿ ವಾ ಕಿಸೋರೋ, ಬಿನ್ದುಲೋಪೋ, ಅಸ್ಸೋ ಚ, ಹಯೋ ಏವ ಬಾಲತ್ತಾ ಹಯಪೋತಕೋ, ಅಪ್ಪತ್ಥೇ ಕೋ।
೩೭೦. ದ್ವಯಂ ಅಥಾಮಸ್ಸೇ। ಘುಟ ಪರಿವತ್ತನೇ, ಣ್ವು, ಘೋಟಕೋ, ಅಸ್ಸಸಾಮಞ್ಞೇಪ್ಯಯಂ, ಖರಂ ಗಚ್ಛತೀತಿ ಖಲುಙ್ಗೋ, ಸೋ ಏವ ಖಳುಙ್ಕೋ, ಗಕಾರಸ್ಸ ಕಕಾರಂ ಕತ್ವಾ, ರಸ್ಸ ಲೋ, ಳತ್ತಮುತ್ತಞ್ಚ, ಖಳುಕೋತಿಪಿ। ಜವೇನ ಸಬ್ಬೇಸಮಧಿಕೋ ಅಸ್ಸೋ ಜವನೋ, ಯು।
ದ್ವಯಂ ಮುಖಾಠಾನಂ। ಖೇ ಮುಖವಿವರೇ ಲೀನೋ ಖಲೀನೋ। ‘‘ಕವಿಕಾ ತು ಖಲೀನೋತಿ ರಭಸೋ। ಕವಿ, ಕವಿಕಾಪ್ಯತ್ರ। ಕು ಸದ್ದೇ। ಇ, ಈ ಚ, ಸಕತ್ಥೇ ಕೋ। ವಾಸದ್ದೇನ ನಪುಂಸಕತ್ತಂ ಸಮುಚ್ಚಿನೋತಿ। ವುತ್ತಞ್ಚ ಅಮರಕೋಸೇ ‘‘ಕವಿಕಾ ತು ಖಲೀನೋ’ನಿತ್ಥೀ’’ತಿ
ಅಸ್ಸಾಭಿತಾಳಿನೀ ವೇತ್ತವಿಕತಾದಿ ಕಸಾ ನಾಮ। ಕಸ ಗಮನೇ, ಅ, ಕರಣಸಾಧನಂ।
೩೭೧. ಅಸ್ಸಸ್ಸ ನಾಸಾಗತರಜ್ಜುಮ್ಹಿ ಕುಸಾ, ಕುಸ ಸಿಲೇಸನೇ। ದ್ವಯಂ ಅಸ್ಸಾಯಂ। ವಲ ಸಂವರಣೇ, ವೋ, ಳತ್ತಂ, ಆ, ವಳವಾ। ಅಸತೀತಿ ಅಸ್ಸಾ, ‘‘ಇತ್ಥಿಯಮತಿಯವೋ ವಾ’’ತಿ ಅ, ಆ ಚ, ಅಸ್ಸಾ। ವಾಮೀಪ್ಯತ್ರ। ದ್ವಯಂ ಖುರೇ। ಖುರ ಛೇದನೇ। ಸಂ ಸುಖಂ ಫರತ್ಯನೇನ ಸಫಂ, ನೇರುತ್ತೋ। ‘‘ಸಫಂ ಕ್ಲೀವೇ ಖುರೋ ಪುಮಾ’’ತಿ ಅಮರಕೋಸೋ।
ದ್ವಯಂ ಪುಚ್ಛಮತ್ತೇ। ಪುಚ್ಛ ಪಮಾದೇ। ನ ಗಚ್ಛತೀತಿ ನಙ್ಗುಟ್ಠೋ, ಅಙ್ಗ ಗಮನೇ, ಠೋ, ಅಸ್ಸು, ದ್ವೇಪಿ ಅನಿತ್ಥಿಯಂ। ಲೂಮಂಪ್ಯತ್ರ। ದ್ವಯಂ ಕೇಸವತಿ ನಙ್ಗುಟ್ಠಮತ್ತೇ, ನ ತು ಹತ್ಥಿನೋ ಏವ। ವಾಲಸಮೂಹಯೋಗಾ ವಾಲಹತ್ಥೋ, ಯಥಾ ಕೇಸಹತ್ಥೋ ಚಯೇ, ತಥಾತ್ರಾಪಿ। ವಾಲೋ ಧಿಯ್ಯತೇ ಅಸ್ಮಿನ್ತಿ ವಾಲಧಿ, ಇ।
ಏತ್ಥಾನಾಗತಾಪಿ ಅಸ್ಸಸ್ಸ ಧಾರಾಖ್ಯಾ
ಅಕ್ಕನ್ದಿತಂ
ಗತಿಯೋಮೇ ಪಞ್ಚ ಧಾರಾ
ತತ್ಥ ವಿತ್ಥಮ್ಭಾ ಸಮಾವಗತಿ ಅಕ್ಕನ್ದಿತಂ, ಕನ್ದಿ ಗತಿಸೋಸನೇಸು, ತೋ। ತತೋ ಅಧಿಕಾ ಚತುರಾಗತಿ ಧೋರಿತಕಂ, ಧೋರ ಗತಿಚಾತುರಿಯೇ, ತೋ, ಸಕತ್ಥೇ ಕೋ। ಮಣ್ಡಲಿಕಾಯಾನೇನ ಗಮನಂ ರೇಚಿತಂ, ರಿಚ ವಿಯೋಜನಸಮ್ಬಜ್ಝನೇಸು, ಸಮ್ಬಜ್ಝನಂ ಮಿಸ್ಸನಂ। ವೇಗೇನ ಪರಿಕ್ಖಿತ್ತೋ ಪರಿಚರಣಂ ವಗ್ಗಿತಂ, ವಗ್ಗ ಗಮನತ್ಥೋ। ತುರಂ ಸಮೇನ ಗಮನಂ ಪ್ಲುತಂ, ಪ್ಲು ಗತಿಯಂ। ತ’ದುತ್ತ’ಮಸ್ಸಸತ್ಥೇ ‘‘ಸಮೋ’ಧಿಕೋ ಲಯೋ ವೇಗೀ, ತುರಿತಸ್ಸೋ ಭವೇ ಕಮಾ’’ತಿ।
೩೭೨. ದ್ವಯಂ ಯುದ್ಧತ್ಥೇ ಚಕ್ಕಯುತ್ತಯಾನೇ। ಸನ್ದ ಗಮನೇ, ಸನ್ದತೇ ಗಮ್ಯತೇನೇನೇತಿ ಸನ್ದನೋ, ಯು। ರಮತೇನೇನೇತಿ ರಥೋ, ಥೋ, ಮಲೋಪೋ। ಸತಙ್ಗೋಪ್ಯತ್ರ। ಸತಮಙ್ಗಾನ್ಯಸ್ಸ।
ಯಂ ನ ರಣಾಯ ಯುದ್ಧತ್ಥಂ ಚಕ್ಕಯುತ್ತಂ ಯಾನಂ, ಅಪಿ ತು ಕೀಳಾಭಮನಾದ್ಯತ್ಥಂ, ಸೋ ಪುಸ್ಸರಥೋ। ವುತ್ತಞ್ಚ ಅಮರಕೋಸೇ ‘‘ಅಯಂ ಪುಸ್ಸರಥೋ ಚಕ್ಕ-ಯಾನಂ ನ ಸಮರಾಯ ಯ’’ನ್ತಿ ಪುಸ ಪಾಸನೇ, ಸೋ, ಪುಸನಾಮಕೇನ ಫಲವಿಸೇಸೇನ ಯುತ್ತೋ ರಥೋ ಪುಸ್ಸರಥೋ, ಪುಸ್ಸನಕ್ಖತ್ತೇನ ಕತೋ, ಸಜ್ಜಿತೋ ವಾ ರಥೋತಿ ಪುಸ್ಸರಥೋ।
ಬ್ಯಗ್ಘಸ್ಸ ಚಮ್ಮಾವುತೋ ಪರಿಕ್ಖಿತ್ತೋ ರಥೋ ವೇಯ್ಯಗ್ಘೋ ನಾಮ, ಬ್ಯಗ್ಘಸ್ಸ ವಿಕಾರೋ ಚಮ್ಮಂ ವೇಯ್ಯಗ್ಘಂ, ಣೋ, ತೇನ ಪರಿವುತೋ ರಥೋ ವೇಯ್ಯಗ್ಘೋ, ಣೋ, ಉಭಯತ್ರಾಪಿ ವುಡ್ಢಾಗಮೋ। ‘‘ಪಚ್ಚತ್ತಂ
೩೭೩. ದ್ವಯಂ ಪುರಿಸಯುತ್ತಯಾನೇ। ಸಿ ಸೇವಾಯಂ। ಸುಖತ್ಥಿಕೇಹಿ ಸೇವೀಯತೇತಿ ಸಿವಿಕಾ, ಣ್ವು, ವಾಗಮೋ, ಇತ್ತಂ, ಕಿತಪಚ್ಚಯಾ ಹಿ ಯೇಭುಯ್ಯೇನ ಕಮ್ಮಾದೀಸುಪಿ ವತ್ತನ್ತಿ, ಕಿಚ್ಚಪಚ್ಚಯಾ ಚ ಕತ್ತರಿಪಿ, ಯಥಾ ‘‘ವಿನಯೋ, ನಿಸ್ಸಯೋ, ತಪನೀಯಾ ಧಮ್ಮಾ’’ತ್ಯಾದೀಸು, ಮಹಾಪದೇಸೇನ ವಾ ಕಿತಕಿಚ್ಚಪಚ್ಚಯಾನಂ ಕತ್ತುಕಮ್ಮಾದೀಸ್ವಪಿ ಪವತ್ತಿ ವೇದಿತಬ್ಬಾ, ಸಿವಂ ಕರೋತೀತಿ ವಾ ಸಿವಿಕಾ, ಇಕೋ। ಯಾಪ್ಯೇಹಿ ಅಧಮೇಹಿ ಯಾಯತೇ ನಿಯ್ಯತೇತಿ ಯಾಪ್ಯಯಾನಂ। ‘‘ಯಾಪ್ಯ ಪಾನೀಯಕೇ ನಿನ್ದ್ಯೇ’’ತಿ ಹಿ ನಾನತ್ಥಸಙ್ಗಹೇ।
ದ್ವಯಂ ಸಕಟೇ। ಅನಿತ್ಥೀ ತೂತಿ ತ್ವನ್ತಂ ಲಿಙ್ಗಪದಂ। ಸಕ ಸತ್ತಿಯಂ, ಅಟೋ। ಅನ ಪಾಣನೇ, ಕರಣಸಾಧನಂ, ನತ್ಥಿ ನಾಸಾ ಯಸ್ಸಾತಿ ವಾ ಅನಂ, ಸಾಲೋಪೋ, ರಸ್ಸೋ ಚ। ಕ್ಲೀವೇ’ನಂ, ಸಕಟೋ, ನಿತ್ಥೀತ್ಯಮರಕೋಸೋ
ದ್ವಯಂ ಚಕ್ಕೇ। ಕರೋತಿ ಗಮನಮನೇನೇತಿ ಚಕ್ಕಂ, ದ್ವಿತ್ತಂ, ಚಕ್ಕಾದಿ। ರಥಸ್ಸ ಅಙ್ಗಂ ರಥಙ್ಗಂ। ತಸ್ಸ ಚಕ್ಕಸ್ಸ ಅನ್ತೋ ಅವಸಾನಂ ನೇಮಿ, ಸಾ ನಾರಿಯಂ ಇತ್ಥಿಯಂ। ನಯತಿ ಚಕ್ಕಂ ನೇಮಿ। ಯಾ ಭೂಮಿಂ ಫುಸತಿ, ನೀ ನಯೇ, ಮಿ, ಈಪಚ್ಚಯೇ ನೇಮೀ ಚ। ಪಧಿಪ್ಯತ್ರ।
೩೭೪. ತಮ್ಮಜ್ಝೇ ಪಿಣ್ಡಿಕಾಸಾಹಚರಿಯಾ ನಾಭಿ ಇತ್ಥೀ, ಈಪಚ್ಚಯೇ ನಾಭೀ ಚ। ಸಬ್ಬಾನಿ ಕಟ್ಠಾನಿ ಪಿಣ್ಡೇತೀತಿ ಪಿಣ್ಡಿಕಾ, ಪಿಣ್ಡ ಸಙ್ಘಾತೇ, ಅ, ಸಕತ್ಥೇ ಕೋ। ಪಿಣ್ಡೀಪಿ, ನಾಭಿ ವಿಯಾತಿ ನಾಭಿ।
ರಥಸ್ಸ ಯುಗಕಟ್ಠಂ ಯತ್ರ ಆಸಜ್ಜತೇ, ಸ ಯುಗನ್ಧರೋ। ಕುಂ ಪಥವಿಂ ವುಣೋತಿ ಅಚ್ಛಾದಯತೀತಿ ಕುಬ್ಬರೋ, ವು ಸಂವರಣೇ, ರೋ, ಉಸ್ಸತ್ತಂ। ಯುಗಂ ಧಾರೇತೀತಿ ಯುಗನ್ಧರೋ, ಸಞ್ಞಾಯಂ ಅ, ಅಭಿಧಾನಾ ರಸ್ಸೋ।
ಅಕ್ಖೋ ಸಕಟಂ, ತದವಯವೋ ವಾ, ತಥಾ ಚಾಹಾಜಯಾಚರಿಯೋ –
‘‘ಅಕ್ಖೋ ವಿಭೀಟಕೇ ನಿಮ್ಬೇ, ಸಕಟೇ ಚ ಬ್ಯವಹಾರೇ।
ರಥಸ್ಸಾವಯವೇ ಕಸ್ಸೇ, ಪಾಸಕೇಪ್ಯ’ಕ್ಖ’ಮಿನ್ದ್ರಿಯೇ’’ತಿ॥
ತಸ್ಸಗ್ಗಗತೇ ಕೀಲೇ ಆಣೀ, ಇತ್ಥೀ। ಅಣಿಪಿ, ‘‘ಸೀಮಾಸ್ಸಿಕ್ಖಗ್ಗಕೀಲೇಸು, ಅಣೀ ಆಣೀ ಇಮೇ ದ್ವಿಸೂ’’ತಿ ರುದ್ದೋ ದ್ವಿಧಾ ಪಠತಿ। ‘‘ಅಣೀ ಆಣೀ ಚ ಅಕ್ಖಗ್ಗಕೀಲೇ ಸೀಮಾಸ್ಸಿಸು ಮತಾ’’ತಿ ಚ ನಾನತ್ಥಸಙ್ಗಹೋಪಿ। ಅಸ್ಸಿ ಕೋಣೋ। ಅಣ ಸದ್ದೇ, ಣಿ। ಪುಬ್ಬಪಕ್ಖೇ ನ ವುಡ್ಢಿ, ಅನ ಪಾಣನೇ ವಾ, ಣತ್ತಂ। ಕಣ್ಡಕಾದಿಸತ್ಥೇಹಿ ಪರಿರಕ್ಖಣತ್ಥಂ ಕತೋ ರಥಾವರಣೋ ವರುಥೋ, ಯೋ ‘‘ರಥಗುತ್ತೀ’’ತಿ ಖ್ಯಾತೋ। ವರ ವರಣೇ, ವರಣಮೇತ್ಥಾವರಣಂ, ಯಥಾ ರಥಂ ಥಿರತ್ಥಂ ತಟ್ಠಞ್ಚ ಗೋಪತೀತಿ ರಥಗುತ್ತಿ, ಇತ್ಥೀ, ‘‘ಗುತ್ತಿ ಕಾರಾಗಾರೇ ವುತ್ತಾ, ಭೂಗತೇ ರಕ್ಖಣೇ ಯಮೇ’’ತಿ ನಾನತ್ಥಸಙ್ಗಹೇ।
೩೭೫. ರಥಾದೀನಂ ಧುರೋ। ಧರ ಧಾರಣೇ, ಅಸ್ಸು, ಯಾನಮುಖಂಪ್ಯತ್ರ। ಅಕ್ಖೋಪಕ್ಖರಾದಯೋ ರಥಸ್ಸ ಅಙ್ಗಾ ನಾಮ। ಅಕ ಗಮನೇ, ಖೋ, ಅಕ್ಖೋ, ದ್ವಿನ್ನಂ ರಥಚಕ್ಕಾನಂ ಅನ್ತರಗತೋ ಕಟ್ಠವಿಸೇಸೋ। ಉಪರಿ ಕರೀಯತೇತಿ ಉಪಕ್ಖರೋ, ಅಕ್ಖಸ್ಸೋಪರಿ ಕಟ್ಠವಿಸೇಸೋ। ಅಮರಕೋಸೇ ಪನ ಉಪಕ್ಖರಸದ್ದಸ್ಸ ಸಬ್ಬರಥಾವಯವವಾಚಕತ್ತಂ ವುತ್ತಂ ‘‘ರಥಙ್ಗನ್ತು ಉಪಕ್ಖರೋ’’ತಿ
ಸಬ್ಬಸ್ಮಿಂ ಹತ್ಥಾದಿಕೇ ವಾಹನೇ ಯಾನಾದಿತ್ತಯಂ, ಸಬ್ಬತ್ರ ಕರಣಸಾಧನಂ। ಯೋಜನೀಯಂ ಯುಜ್ಜತೇನೇನಾತಿ ಯೋಗ್ಗಂ, ಣ್ಯೋ। ಪತ್ತಂ ಧೋರಣಞ್ಚಾತ್ರ। ಪತ ಗತಿಯಂ। ಧೋರ ಗತಿಚಾತುರಿಯೇ, ಏತ್ಥಾಪಿ ಕರಣಸಾಧನಂ।
೩೭೬. ಚತುಕ್ಕಂ ಸಾರಥಿಮ್ಹಿ। ರಥೇನ ಚರತಿ ಸೀಲೇನಾತಿ ರಥಚಾರೀ। ಸವತಿ ಪೇರಯತೀತಿ ಸೂತೋ, ಸೂ ಪೇರಣೇ, ತೋ। ಅಜ ಗಮನೇ। ಪಾಜೇತೀತಿ ಪಾಜಿತಾ, ರಿತು, ದೀಘಾದಿ। ಸರ ಗತಿಯಂ, ಥಿ, ರಥೇನ ಸಹ ಗಚ್ಛತೀತಿ ವಾ ಸಾರಥಿ, ಇಣ, ಅಞ್ಞತ್ರೋಪಚಾರಾ। ನಿಯನ್ತಾ, ಯನ್ತಾ, ಖತ್ತಾ, ಸಬ್ಯಟ್ಠೋ, ದಕ್ಖಿಣತ್ಥೋ, ರಥಕುಟುಮ್ಬೀಪ್ಯತ್ರ।
‘‘ನಿಯನ್ತಾ ಪಾಜಿತಾ ಯನ್ತಾ, ಸೂತೋ ಖತ್ತಾ ಚ ಸಾರಥಿ।
ಸಬ್ಯಟ್ಠೋ ದಕ್ಖಿಣತ್ಥೋ ಚ, ಸಞ್ಞಾ ರಥಕುಟುಮ್ಬಿನೋ’’ತಿ
ವುತ್ತಂ ಖುದಿ ಸಂಪೇಸನೇ, ತು, ದಸ್ಸ ತೋ, ಉಸ್ಸತ್ತಞ್ಚ, ಖತ್ತಾ।
ತಿಕಂ ರಥೇ ಪಾಜಿತತರಾ ಅಞ್ಞೇ ಯೋಧಾ, ಅತ್ರ ಯೇ ‘‘ರಥನಾಯಕಾ’’ತಿಪ್ಯುಚ್ಚನ್ತೇ। ರಥಮಾರೋಹತೀತಿ ರಥಿಕೋ, ರಥೀ ಚ। ರಥೇನ ಯುಜ್ಜತೀತಿ ವಾ ರಥಿಕೋ, ರಥೀ ಚ। ರಥಿನೋ, ಸನ್ದನಾರೋಹೋಪ್ಯತ್ರ। ದ್ವಯಂ ಯೋಧೇ। ಯುಧ ಸಮ್ಪಹಾರೇ, ಣೋ। ಭಟತಿ ಯುಜ್ಜತೀತಿ ಭಟೋ, ಅ। ಕ್ವಚಿ ಯೋದ್ಧೋಪಿ।
೩೭೭-೩೭೯. ಚತುಕ್ಕಂ ಪದಾತಿಕೇ। ಪದೇಹಿ ಅತತಿ ಅಜತೀತಿ ಪದಾತಿ, ಅತ ಸಾತಚ್ಚಗಮನೇ, ಇ। ಪದ ಗಮನೇ। ಪದತೀತಿ ಪತ್ತಿ, ಇ, ದ್ವಿತ್ತಂ। ಪದೇನ ಅದತೀತಿ ವಾ ಪತ್ತಿ, ಅಲೋಪೋ, ದಸ್ಸ ತೋ, ಇಮೇ ದ್ವೇ, ವಕ್ಖಮಾನಾ ದ್ವೇ ಚ ಪುಮೇ। ಪದೇಹಿ ಗಚ್ಛತೀತಿ ಪದಗೋ, ಪದಿಕೋ। ಪಾದಾತಿಕೋ, ಪದಾಜಯೋಪ್ಯತ್ರ
ಛಕ್ಕಂ ನಹ ಬನ್ಧನೇ, ಕರಣೇ ಣೋ। ಕಙ್ಕ ಗತ್ಯತ್ಥೋ, ಅಟೋ। ವರೀಯತೇ ತನ್ತಿ ವಮ್ಮಂ, ವರ ವರಣೇ, ವರ ಇಚ್ಛಾಯಂ ವಾ, ಮೋ, ರಸ್ಸ ಮೋ। ಕಚ ಬನ್ಧನೇ, ಅ, ವಕಾರವಣ್ಣಾಗಮೋ। ಉರೋ ಛಾದಯನ್ತ್ಯನೇನಾತಿ ಉರಚ್ಛದೋ। ವಾಸದ್ದೋ ದ್ವಿನ್ನಂ ಪುನ್ನಪುಂಸಕತ್ತಂ ಸಮ್ಪಿಣ್ಡೇತಿ। ಜಲ ದಿತ್ತಿಯಂ, ಣ್ವು। ತನುತ್ತಂ, ದಂಸನಂ, ಜಗರೋಪ್ಯತ್ರ। ‘‘ಜಗರೋ ಕಙ್ಕಟೋ ಯೋಗೋ, ಸನ್ನಾಹೋ ಚ ಉರಚ್ಛದೋ’’ತಿ ವೋಪಾಲಿತೋ।
ತಿಕಂ ಕತಸನ್ನಾಹೇ। ಚಮ್ಮೇನ ಸಮ್ಮಾ ನದ್ಧವಾತಿ ಸನ್ನದ್ಧೋ, ಧೋ। ಸಜ್ಜು ಗತಿಯಂ, ಅ। ವಮ್ಮೇನ ನದ್ಧವಾ ವಮ್ಮಿಕೋ। ದಂಸಿತೋ, ಉರಚ್ಛದಿಕೋ, ಬ್ಯೂಳ್ಹಕಙ್ಕಟೋ, ಜಗರಿಕೋಪ್ಯತ್ರ।
ದ್ವಯಂ ಪರಿದಹಿತೇ ವತ್ಥಾದೋ। ಆಪತಿಪುಬ್ಬೋ ಮುಚಧಾತು ಪರಿದಹನೇ, ಉಭಯತ್ಥ ತೋ, ಭೂಜಾದಿ। ಪಕ್ಖೇ ‘‘ಸುಸಪಚಸಕತೋ ಕ್ಖಕ್ಕಾ ಚೇ’’ತಿ ಸುತ್ತೇ ಚಕಾರೇನ ತಪಚ್ಚಯಸ್ಸ ಕ್ಕೋ, ಧಾತ್ವನ್ತಲೋಪೋ ಚ। ಪಿನದ್ಧೋ, ಅಪಿನದ್ಧೋಪ್ಯತ್ರ। ಪುಬ್ಬಪಕ್ಖೇ ಅಪಿಸ್ಸಾಕಾರಲೋಪೋ।
ಚತುಕ್ಕಂ ಅಭಿಚಾರಪದಾತಿಮ್ಹಿ। ಪುರೇ ಚರಣಸೀಲೋ, ಸತ್ತಮಿಯಾ ಅಲೋಪೋ ಉಭಯತ್ರಾಪಿ। ಪುಬ್ಬೇ ಣೀ। ಪರಪಕ್ಖೇ ಅ, ಪುಬ್ಬಂ, ಪುಬ್ಬೇ ವಾ ಗಚ್ಛತೀತಿ ಪುಬ್ಬಙ್ಗಮೋ, ದುತಿಯಾಯಾಲೋಪೋ। ಪುರೋಗೋ, ಅಗ್ಗೇಸರೋ, ಪಟ್ಠೋ, ಅಗ್ಗತೋಸರೋ, ಪುರಸ್ಸರೋ, ಪುರೋಗಮೋಪ್ಯತ್ರ।
ದ್ವಯಂ ಅಸೀಘಗಾಮಿನಿ। ಮನ್ದಂ ಗಚ್ಛತಿ ಸೀಲೇನಾತಿ ಮನ್ದಗಾಮೀ, ಣೀ। ಮನ್ಥ ವಿಲೋಳನೇ, ಅನೇಕತ್ಥತ್ತಾ ಸಂಕಿಲೇಸೇ ಚ। ಸಂಕಿಲಿಸ್ಸತೇತಿ ಮನ್ಥರೋ, ಅರೋ।
ತಿಕಂ ವೇಗಿನಿ। ತುರಮೇತಿ ಗಚ್ಛತೀತಿ ತುರಿತೋ, ಇ ಗತಿಯಂ, ತೋ। ತುರಸ್ಸಿ, ಪಜವೀ, ಜವೋಪ್ಯತ್ರ। ದ್ವಯಂ ಜೇತುಯೋಗ್ಗತಾಮತ್ತೇ। ಜಿ ಜಯೇ, ತಬ್ಬೋ, ಜೇತಬ್ಬಂ, ಣ್ಯಪಚ್ಚಯೇ ಜೇಯ್ಯಂ।
೩೮೦. ತಿಕಂ ಸುರ ವೀರ ವಿಕ್ಕನ್ತೇತಿ ಚುರಾದಿಧಾತು। ಸುರಯತಿ, ವೀರಯತೀತಿ ಸೂರೋ, ವೀರೋ ಚ, ಅ, ದೀಘಾದಿ, ಕನ್ತ ಛೇದನೇ। ವಿಕ್ಕನ್ತೋ। ದ್ವಯಂ ಸಹಾಯಮತ್ತೇ। ಸಹ ಏತಿ ಗಚ್ಛತೀತಿ ಸಹಾಯೋ, ಸಬ್ಬತ್ರ ಕತ್ತರಿ ಚ ಅ। ಅನುಸದ್ದೋ ಪಚ್ಛಾತ್ಥೋ। ಸಮಾತಿ ಏತೇ ದ್ವೇ ತುಲ್ಯತ್ಥಾ। ಅನುಪ್ಲಪೋ, ಅಭಿಸರೋಪಿ। ಸನ್ನದ್ಧಪ್ಪಭುತೀ ಸನ್ನದ್ಧಸದ್ದಾದಯೋ ಅನುಚರನ್ತಾ ತೀಸು।
ಪಾಥೇಯ್ಯಂ ನಾಮ ರಾಜಾದೀನಂ ಯಾತ್ರಾಸ್ವೇವ ಬಹುಲಂ ಪವತ್ತತೀತಿ ಇಧ ತಂ ವುತ್ತಂ, ಪಥೇ ಹಿತಂ ಪಾಥೇಯ್ಯಂ, ಏಯ್ಯೋ। ಸಮ್ಬ ಮಣ್ಡಲೇ, ಅಲೋ, ಸಮೇತಿ ಅದ್ಧಾನಪರಿಸ್ಸಮಮೇತೇನಾತಿ ವಾ ಸಮ್ಬಲಂ, ಅಲೋ, ಬಾಗಮೋ ಚ।
೩೮೧. ಚತುಕ್ಕಂ ಸೇನಾಯಂ। ವಾಹಯೋಗಾ ವಾಹಿನೀ। ಧಜಯೋಗಾ ಧಜಿನೀ। ಸಿ ಬನ್ಧನೇ, ನೋ, ಸೇನಾ। ಚಮು ಅದನೇ, ಊ। ಚಮತಿ ಭೀರುನ್ತಿ ಚಮೂ। ಪುತನಾ, ಅನೀಕಿನೀ, ವರೂಥಿನೀಪ್ಯತ್ರ। ಏತ್ಥ ಚ ಪುತನಾ ಅನೀಕಿನೀ ವಾಹಿನೀ ಚಮೂ ಸೇನಾಭೇದೇಪಿ। ‘‘ಪುತನಾ’ನೀಕಿನೀ ಚಮೂ, ಸೇನಾ ಸೇನಾನ್ತರೇಪಿ ಚೇ’’ತಿ ರುದ್ದೋ, ‘‘ಸೇನಾಪಭೇದೇ ಸೇನಾಯಂ, ಸವನ್ತ್ಯಮಪಿ ವಾಹಿನೀ’’ತಿ ರಭಸೋ ಚ। ಚಕ್ಕಾದಿತಿಕಂ ಸಾಮಞ್ಞೇನ ಸೇನಾಯಂ, ಸೇನಙ್ಗೇ ಚ। ಚಾಣಕ್ಯೇ ತು ಸೇನಾವಿಸೇಸೇ ಅನೀಕೋ ವುತ್ತೋ ‘‘ತೀಣಿ ತಿಕಾನ್ಯನೀಕ’’ನ್ತಿ।
ಅಸ್ಸೇವ ಕಾಮನ್ದಕೀಯೇ ವಿವರಣಂ, ಯಥಾ –
‘‘ಅಸ್ಸಸ್ಸ ಪತ್ತಿಯೋಧಾ ಯೇ, ಭವೇಯ್ಯುಂ ಪುರಿಸಾ ತಯೋ।
ಇತಿ ಕಪ್ಪಾ ತು ಪಞ್ಚಸ್ಸಾ, ವಿಧೇಯ್ಯಾ ಕುಞ್ಜರಸ್ಸ ತು।
ಪಾದಙ್ಗೋ ಪಾಜಿತಾವನ್ತೋ, ಪುರಿಸಾ ದಸ ಪಞ್ಚ ಚ।
ವಿಧಾನಮಿತಿ ನಾಗಸ್ಸ, ಚತುಕ್ಕಂ ಸನ್ದನಸ್ಸ ಚ।
ಅನೀಕಮಿತಿ ವಿಞ್ಞೇಯ್ಯ-ಮಿತಿ ಕಪ್ಪಾ ನವ ದ್ವಿಪಾ’’ತಿ॥
ಕರೀಯತೇ ವಿಗ್ಗಹೋ ಯೇನೇತಿ ಚಕ್ಕಂ। ಬಲ ಸಂವರಣೇ, ಅ। ಅಣ ಸದ್ದೇ, ಇಕೋ। ವಾಕಾರೋ ನಪುಂಸಕತ್ತಂ ಸಮುಚ್ಚಿನೋತಿ।
ಚತುರಙ್ಗಬಲಾಯ ಸುಸನ್ನದ್ಧಾಯ ಸೇನಾಯ ಯುದ್ಧತ್ಥಂ ದೇಸವಿದೇಸೇ ವಿನ್ಯಾಸೋ ವಿಭಜಿತ್ವಾ ನ್ಯಸನಂ ಠಪನಂ ಬ್ಯೂಹೋ ಕಥ್ಯತೇ। ವಿಭಜಿತ್ವಾ ಊಹನಂ ಠಪನಂ ಬ್ಯೂಹೋ। ತಬ್ಭೇದಾ ದಣ್ಡಭೋಗಮಣ್ಡಲಾಸಂಹತಾ ಚತ್ತಾರೋ ಪಕತಿಬ್ಯೂಹಾ। ತತ್ರ ಅನೀಕಾನಂ ತಿರಿಯತೋ ವುತ್ತಿ ದಣ್ಡೋ। ಸಮತ್ಥಾನಮನೀಕಾನಮನ್ವಾವುತ್ತಿ ಅಞ್ಞೋಞ್ಞತೋ ವುತ್ತಿ ಭೋಗೋ। ಮಣ್ಡಲರಚನಾಯ ಸರನ್ತಾನಮನೀಕಾನಂ ಸಬ್ಬತೋ ವುತ್ತಿ ಸಪ್ಪಸರೀರಮಿವ ಮಣ್ಡಲೋ। ಠಿತಾನಮಿತರೇತರಾಸಂ ಹತಾನಂ ವಿಸಿಲಿಟ್ಠತರಾನಂ ಅನೀಕಾನಂ ಪುಥುವುತ್ತಿ ಅಸಂಹತೋ। ತದುತ್ತಂ ಕಾಮನ್ದಕೇನ –
‘‘ತಿರಿಯತೋ ವುತ್ತಿ ದಣ್ಡಾಖ್ಯಾ, ಭೋಗೋನ್ವಾವುತ್ತಿರೇವ ಚ।
ಮಣ್ಡಲೋ ಸಬ್ಬತೋವುತ್ತಿ, ಪುಥುವುತ್ತಿ ಅಸಂಹತೋ’’ತಿ॥
ಬ್ಯೂಹಸಮವೇತೋ ಏವ ಬ್ಯೂಹಸ್ಸೇಕದೇಸೋ ಪಚ್ಛಾಭಾಗೋ ಬ್ಯೂಹಪಣ್ಹಿ, ಬ್ಯೂಹಸ್ಸ ಪಚ್ಛಾ, ಬ್ಯೂಹನ್ತರಮೇವ ವಾ। ಯತ್ರ ಠಿತೋ ರಾಜಾ ಸಸೇನಂ ಪಟಿಗ್ಗಣ್ಹತಿ, ತಂ ಸೇನಾಯ ಪಚ್ಛಾ ಧನುಸತದ್ವಯನ್ತರೇನ ಠಿತಪರಿಸಸಹಿತಂ ಅನೀಕಂ ‘‘ಪಟಿಗ್ಗಹೋ’’ತ್ಯುಚ್ಚತೇ।
೩೮೨-೩೮೩. ಏಕೋ ಅಧಮನ್ತತೋ ಹೇಟ್ಠಿಮಪರಿಚ್ಛೇದೇನ ತಯೋ ಹತ್ಥಿನೋ ಹತ್ಥಾನೀಕಂ ನಾಮ, ತಥಾ ಏಕೋ ತುರಙ್ಗೋ ತಿಪುರಿಸಸಹಿತೋ, ಏಕೋ ಚ ರಥೋ ಚತುಪುರಿಸಸಹಿತೋ ಏಕೋ ಹಯೋ, ಏಕೋ ರಥೋತಿ ಏತೇನ ಲಕ್ಖಣೇನ ಅಧಮನ್ತತೋ ತಯೋ ಹಯಾ ಚ ತಯೋ ರಥಾ ಚ ಹಯಾನೀಕಂ, ರಥಾನೀಕಂ ನಾಮ, ತೇನಾಹ ‘‘ತಯೋ ತಯೋ ಗಜಾದಯೋ’’ತಿ। ಸಸತ್ಥಾ ಖಗ್ಗಾದಿಸತ್ಥಹತ್ಥಾ ಚತುಜ್ಜನಾ ಚತ್ತಾರೋ ಪುರಿಸಾ ಪತ್ತಾನೀಕಂ ನಾಮ ವುತ್ತಾ। ಹೇಟ್ಠಿಮನ್ತತೋಯೇವೇತ್ಥಾಪಿ ಪರಿಚ್ಛೇದೋ। ಅಮರಕೋಸೇ ತ್ವಞ್ಞಥಾ ಕಥಿತಾ –
‘‘ಏಕಕೇಭರಥಾ ತ್ಯಸ್ಸಾ, ಪತ್ತಿ ಪಞ್ಚಪದಾತಿಕಾ।
ಪತ್ಯಙ್ಗೇಹಿ ತಿಗುಣೇಹಿ, ಕಮಾ ಸಞ್ಞಾ ಯಥೋತ್ತರಂ॥
ಸೇನಾಮುಖಂ ಗುಮ್ಬಗಣಾ, ವಾಹಿನೀ ಪುತನಾ ಚಮೂ।
ಅನೀಕಿನೀ ಚ ತಾಸನ್ತು, ದಸ ಅಕ್ಖೋಭಿನೀ ಮತ’’ನ್ತಿ
ತಸ್ಸತ್ಥೋ – ತೀಹಿ ಅಸ್ಸೇಹಿ ಗಜೇನೇಕೇನ ರಥೇನ ಚ ಪದಾತೀಭಿ ಚ ಪಞ್ಚಹಿ ಪತ್ತಿ ನಾಮ ಸೇನನ್ತರಂ। ಪತ್ಯಙ್ಗೇಹಿ ಸಬ್ಬೇಹಿ ಗಜಾದೀಹಿ ಯಥೋತ್ತರನ್ತಿ ವಚನೇನ ಯಥಾಪುಬ್ಬಮಿತ್ಯತ್ಥಮಾಹ, ತೇನೇದಂ ವುತ್ತಂ ‘‘ಭವತಿ ತಯೋ ಪತ್ತಿನೋ ಸೇನಾಮುಖಂ। ತೀಹಿ ಸೇನಾಮುಖೇಹಿ ಗುಮ್ಬೋ। ಗುಮ್ಬತ್ತಯೇನ ಗಣೋ। ಗಣತ್ತಯಂ ವಾಹಿನೀ। ವಾಹಿನಿತ್ತಯಂ ಪುತನಾ। ಪುತನತ್ತಯಂ ಚಮೂ। ಚಮುತ್ತಯಂ ಅನೀಕಿನೀ। ತಾಸಂ ಅನೀಕಿನೀನಂ ದಸ ಅಕ್ಖೋಭಿನೀ’’ತಿ।
ತತ್ರ ರಥಾನಂ ಸಙ್ಖ್ಯಾ ಸತ್ತತಿಸಹಿತೇಹಿ ಅಟ್ಠಸತೇಹಾಧಿಕಾನ್ಯೇಕವೀಸತಿಸಹಸ್ಸಾನಿ, ಏವಮೇವ ಗಜಾನಮ್ಪಿ ಸಙ್ಖ್ಯಾ, ತಥಾ ಚ –
ಪಞ್ಚಸಟ್ಠಿಸಹಸ್ಸಾನಿ, ಛಸತಾನಿ ದಸೇವ ತು।
ಸಙ್ಖ್ಯಾ ತಾ ತುರಙ್ಗಾನಞ್ಹಿ, ವಿನಾ ರಥೇ ತುರಙ್ಗಮೇ॥
ನರಾನಂ ಸತಸಹಸ್ಸಂ, ಸಹಸ್ಸಾನಿ ನವೇವ ಚ।
ಸತಾನಿ ತೀಣಿ ಚ’ಞ್ಞಾನಿ, ಪಞ್ಞಾಸಞ್ಚ ಪದಾತಯೋತಿ
೩೮೪. ಹೇಟ್ಠಿಮಪರಿಚ್ಛೇದೇನ ಸೇನಂ ದಸ್ಸೇತ್ವಾ ಉಕ್ಕಟ್ಠಪರಿಚ್ಛೇದೇನ ದಸ್ಸೇತುಮಾಹ ‘‘ಸಟ್ಠಿ…ಪೇ॰… ಯನ್ತಿ’’ಚ್ಚಾದಿ। ಯನ್ತಿಯಾ ಯಾನಂ ಕುಬ್ಬನ್ತಿಯಾ ಸೇನಾಯ ಕತ್ತುಭೂತಾಯ ಧೂಲೀಕತೇಸು ಸನ್ತೇಸು। ಕೇಸು? ಸಟ್ಠಿವಂಸಕಲಾಪೇಸು। ಕಿತ್ತಕಪ್ಪಮಾಣೇಸು? ಪಚ್ಚೇಕಂ ಸಟ್ಠಿದಣ್ಡವನ್ತೇಸು, ಏಸಾ ಅಕ್ಖೋಭಿನೀ ನಾಮ ಸೇನಾ ಉಕ್ಕಟ್ಠಪರಿಚ್ಛೇದೇನ। ಕೇನಚಿ ಖೋಭೇತುಮಸಕ್ಕುಣೇಯ್ಯತಾಯ ಅಕ್ಖೋಭಿನೀ, ಯು, ನದಾದಿ। ಖುಭ ಚಲನೇ।
೩೮೫. ಚತುಕ್ಕಂ ಪದ ಗಮನೇ, ಭಾವೇತಿ। ಯುಪಕ್ಖೇ ‘‘ಇತ್ಥಿಯಮತಿಯವೋ ವಾ’’ತಿ ಅ। ಲಕ್ಖ ದಸ್ಸನಙ್ಕೇಸು, ಈ, ಲಕ್ಖೀ, ಸಿರೀ ಚ ಪುಬ್ಬೇ ದೇವತಾವಸೇನ ವುತ್ತಾ, ಇಧ ಧನುಕ್ಕಂಸವಸೇನ।
ದ್ವಯಂ ಸಮ್ಪತ್ತಿವಿಪರೀತಾಯಂ। ವಿರೂಪಂ ಪಜ್ಜತೀತಿ ವಿಪತ್ತಿ, ಪದಿಮ್ಹಾ ಕತ್ತರಿತಿ। ವಿರೂಪಂ ಪಜ್ಜನಂ ವಾ ವಿಪತ್ತಿ, ಭಾವೇತಿ। ಆಪದಾಸಹಚರಣತೋ ವಿಪತ್ತಿ ಥಿಯಂ।
ಚತುಕ್ಕಂ ಸತ್ಥಮತ್ತೇ। ಆದಾಯ ಯುಜ್ಝನ್ತೇ ಯನ್ತಿ ಆವುಧಂ, ಯಸ್ಸ ವೋ। ಆಯುಧಂ ವಾ। ಹರ ಹರಣೇ। ಹರತಿ ಜೀವಿತನ್ತಿ ಹೇತಿ,ತಿ, ಅಸ್ಸೇ, ರಲೋಪೋ, ಹನತಿವಸೇನ ವಾ ಸಿದ್ಧಂ। ಸಸ ಹಿಂಸಾಯಂ, ಥೋ। ಅತ್ಥಂಪ್ಯತ್ರ। ಅಸು ಖೇಪನೇ।
೩೮೬-೩೮೭. ಸಙ್ಖೇಪೇನಾಯುಧಂ ದಸ್ಸೇತುಮಾಹ। ಮುತ್ತಾಮುತ್ತಞ್ಚ ಅಮುತ್ತಞ್ಚ ಪಾಣಿತೋ ಮುತ್ತಞ್ಚ ಯನ್ತಮುತ್ತಞ್ಚೇತಿ ಸಕಲಂ ತಂ ಆಯುಧಂ ಚತುಬ್ಬಿಧಂ ಬಹೂನಮ್ಪಿ ತಬ್ಭೇದಾನತಿವತ್ತನತೋ।
ಚತುನ್ನಂ ಸರೂಪಮಾಹ ‘‘ಮುತ್ತಾಮುತ್ತಞ್ಚಾ’’ದಿ। ಯಟ್ಠಿ ನಾಮ ಸತ್ಥವಿಸೇಸೋ, ನ ಕತ್ತರದಣ್ಡೋ।
‘‘ಯಟ್ಠಿ ಹಾರಲತಾಸತ್ಥ-ಭೇದೇಸು ಧನುದಣ್ಡಕೇ’’ತಿ ಹಿ ನಾನತ್ಥಸಙ್ಗಹೇ।
ತದಾದಿ ಮುತ್ತಾಮುತ್ತಂ, ಕಮ್ಮಧಾರಯೋ, ಯಥಾ ಕತಾಕತಂ। ಛುರಿಕಾ ಅಸಿಪುತ್ತಿ, ತದಾದಿಕಂ ಅಮುತ್ತಂ। ಯನ್ತ ಸಙ್ಕೋಚನೇ, ಯನ್ತಂ, ಧನ್ವಾದಿ।
೩೮೮-೩೮೯. ಪಞ್ಚಕಂ ಧನುಮ್ಹಿ। ಉಸುಂ ಅಸತಿ ಖಿಪತೀತಿ, ಕಮ್ಮನಿ ಣೋ, ಉಸ್ಸಿ। ಧನ ಧಞ್ಞೇ, ಉ, ಹನ ಹಿಂಸಾಯಂ ವಾ, ಉ, ಹಸ್ಸ ಧೋ, ಧನು। ‘‘ಧನು ವಂಸವಿಸುದ್ಧೋಪಿ, ನಿಗ್ಗುಣೋ ಕಿಂ ಕರಿಸ್ಸತೀ’’ತಿ ತಿಕಣ್ಡಸೇಸೋ। ಕಿಂ ನಾಮೇನ ದಣ್ಡಯತೀತಿ ಕೋದಣ್ಡಂ, ದಣ್ಡ ನಿಪಾತನೇ, ಕಿಂ ನಾಮೇನ ದಮ್ಯತೀತಿ ವಾ ಕೋದಣ್ಡಂ, ದಮುಧಾತುಮ್ಹಾ ಡೋ, ಕಿಂ ನಾಮೇನ ದುನೋತೀತಿ ವಾ ಕೋದಣ್ಡಂ, ದು ಪರಿತಾಪೇ, ಡೋ ನಿಪಾತಿತೋ, ಕುಟಿಲತ್ತಾ ವಾ ಕುಚ್ಛಿತೋ ದಣ್ಡೋ ಯಸ್ಸತ್ಥೀತಿ ಕೋದಣ್ಡಂ। ಚಪ ಸನ್ತಾಪೇ, ಅ, ಚಪೋ, ವಂಸಭೇದೋ, ತಬ್ಬಿಕಾರೋ ಚಾಪೋ, ಣೋ। ಸರಮಸತಿ ಖಿಪತೀತಿ ಸರಾಸನಂ। ಕಮ್ಮುಕಮ್ಪಿ। ಕಮ್ಮಾಯ ಪಭವತೀತಿ ಕಮ್ಮುಕಂ।
ತಿಕಂ ಗುಣೇ। ಗಚ್ಛತಿ ಸರೋ ಯೇನಾತಿ ಗುಣೋ, ಮಸ್ಸ ಣೋ, ಅಸ್ಸು, ಗು ಸದ್ದೇ ವಾ, ಗವತಿ ಏತೇನಾತಿ ಗುಣೋ, ಯು, ಣತ್ತಂ। ಜರ ವಯೋಹಾನಿಮ್ಹಿ, ಅ, ಜಿಯಾದೇಸೋ। ಪಕ್ಖೇ ಇಕಾರಲೋಪೋ, ಜಯಾ। ‘‘ಜಿಯಾ ಚಾಥಾ’’ತಿಪಿ ಪಾಠೋ, ತದಾ ದ್ವಯಂ ಮುಬ್ಬೀ। ಸಿಞ್ಜ ಅಬ್ಯತ್ತಸದ್ದೇ, ಇನೀ।
ತಿಪಾದೋ ಕಣ್ಡೇ। ಸರ ಹಿಂಸಾಯಂ। ಸರನ್ತ್ಯನೇನಾತಿ, ಪುಮೇ, ಸಞ್ಞಾಯಂ ಣೋ। ಪತ್ತಂ ವಾಜೋ, ತಂಯೋಗಾ ಪತ್ತೀ, ಈ। ಸಾ ತನುಕರಣಾವಸಾನೇಸು, ದಿವಾದಿ, ಣ್ವು, ಯಸ್ಸಾಲೋಪೋ। ವಣ್ಯತೇ ಸದ್ದಾಯತೇನೇನೇತಿ ವಾಣೋ, ಣೋ, ವಣ ಸದ್ದೇ। ಕಣ್ಯತೇನೇನೇತಿ ಕಣ್ಡಂ, ಕಣ ಸದ್ದೇ, ಡೋ, ಕಣ್ಡ ಭೇದೇ ವಾ। ಇಸ ಗಮನೇ, ಉ, ಇಸ್ಸು, ಉಸ ದಾಹೇ ವಾ। ಖುರ ಛೇದನೇ, ಅಪೋ, ಅಥ ವಾ ಖೇ ಅರತಿ ಗಚ್ಛತೀತಿ ಖುರೋ, ಅಸ್ಸು, ತಂ ಪಾತೀತಿ ಖುರಪ್ಪೋ। ತಿಜ ನಿಸಾನೇ, ಯು। ಅಸ ಖಿಪನೇ, ಕಮ್ಮೇ ಯು। ವಿಸಿಖೋ, ಅಜಿಮ್ಹಗೋ, ಖಗೋ, ಆಸುಗೋ, ಕಲಮ್ಬೋ, ಮಗ್ಗಣೋ, ರೋಪೋಪ್ಯತ್ರ। ವಿಸನ್ತೋ ಖಣತೀತಿ ವಿಸಿಖೋ। ಕಲ ಮದೇ, ಅಮ್ಬೋ। ಮಗ್ಗ ಅನ್ವೇಸನೇ, ಯು। ರುಪ ವಿಮೋಹನೇ, ದಿವಾದಿ, ಅ, ರೋಪೋ। ‘‘ಥೂಲಖೇಡೋ ವಿಪಾಟೋ ಚ, ಚಿತ್ರಪುಙ್ಖೋ ಸರೋಪಿ ಚೇ’’ತಿ ತಿಕಣ್ಡಸೇಸೇ।
ಪಞ್ಚಕಂ ಕಲಾಪೇ। ತೂಣ ಪೂರಣೇ, ಚುರಾದಿ, ನದಾದಿ। ‘‘ತೂಣೋ ನಿಸಙ್ಗೋ ತೂಣಿರೋ, ಉಪಾಸಙ್ಗೋ ಚ ವಾಣಧಿ’’ರಿತಿ ಅಮರಮಾಲಾಯಂ ಪುಂಸಕಣ್ಡೇ। ‘‘ತೂಣಾ’’ತಿಪಿ ಇತ್ಥಿಲಿಙ್ಗಪ್ಪಕರಣೇ ವುತ್ತೋ, ಇಧ ಪನ ‘‘ತುಣೀ, ತೂಣೋ’’ತಿ ದ್ವೀಸು, ಸರಸಮೂಹಾನಂ ಠಾನತ್ತಾ ಕಲಾಪೋ। ಇರಪಚ್ಚಯೇ ತೂಣಿರೋ। ವಾಣಾ ಸರಾ ಧಿಯನ್ತೇತ್ರೇತಿ ವಾಣಧಿ। ‘‘ತೂಣೋ ಪಸಙ್ಗ ತೂಣಿರ-ನಿಸಙ್ಗಾ ವಾಣಧಿ ದ್ವಿಸೂ’’ತ್ಯಮರಸೀಹೇ।
೩೯೦. ದ್ವಯಂ ವಾಜೇ, ಯಂ ‘‘ಕಣ್ಡಪತ್ತ’’ಮಿತ್ಯುಚ್ಚತೇ। ಪತ ಗಮನೇ, ಕರಣೇ ಖೋ, ತಸ್ಸ ಕೋ, ಪಕ್ಖೇನ ಕತತ್ತಾ ವಾ ಪಕ್ಖೋ ವಾಜೋ, ಣೋ। ವಿಸಮಪಿವಿತ್ಥಾತಿ ವಿಸಪ್ಪೀತೋ ಸರೋ ದಿದ್ಧೋ ನಾಮ। ದಿಸ ಅಪ್ಪೀತಿಯಂ, ತೋ। ಲಿತ್ತೋಪ್ಯತ್ರ।
ತಿಕಂ ವಿಜ್ಝಿತಬ್ಬೇ। ವಿಜ್ಝನತ್ಥಂ ಲಕ್ಖ್ಯತೇತಿ ಲಕ್ಖಂ। ವಿಜ್ಝಿತಬ್ಬನ್ತಿ ವೇಜ್ಝಂ, ಣ್ಯೋ, ಝಸ್ಸ ಜ್ಝೋ, ಇಸ್ಸೇ। ಸರೋ ವಯತಿ ಗಚ್ಛತಿ ಯಸ್ಮಿಂ ಸರಬ್ಯಂ, ವಸ್ಸಾಕಾರಲೋಪೋ। ನಿಚ್ಚಂ ಸರಾನಮಭ್ಯಾಸನಂ ವಸೀಕರಣಂ ಸರಾಭ್ಯಾಸೋ। ‘‘ಬ್ಯಾಧೇಪ್ಯುಪಾಸನಾಯಞ್ಚ, ವಾಣಾಭ್ಯಾಸೇಪ್ಯುಪಾಸನ’’ನ್ತಿ ರುದ್ದೋ। ಲಕ್ಖಮುಪಗನ್ತ್ವಾ ಅಸನಂ ಖಿಪನಂ ಉಪಾಸನಂ।
೩೯೧. ಪಞ್ಚಕಂ ಖಗ್ಗೇ। ಮಣ್ಡಲಂ ಅಗ್ಗಂ ಯಸ್ಸ। ನಿಗ್ಗತೋ ತಿಂಸತೋ’ಙ್ಗುಲಿತೋ ನೇತ್ತಿಂಸೋ। ಅಸ ಖೇಪನೇ, ಅಸತೇ ಖಿಪ್ಪತೇತಿ ಅಸಿ, ಇ। ಖಗ್ಗ ಖಣ್ಡಭೇದೇ। ಸಾಯಕೋ ಸರೇಪಿ। ಚನ್ದಹಾಸೋ, ರಿಟ್ಠಿ, ಕಕ್ಖಲಕೋ, ಕರವಾಲೋಪ್ಯತ್ರ। ತಸ್ಸ ಖಗ್ಗಸ್ಸ ಪಿಧಾನೇ ಕೋಸಿ, ಇತ್ಥೀ। ಕುಸ ಸಿಲೇಸನೇ, ಇ, ಕೋಸಿ, ರಸ್ಸನ್ತೋ। ಖಗ್ಗಛುರಿಕಾದೀನಂ ಮುಟ್ಠಿಯಂ ಥರುಸದ್ದೋ। ಥರ ಸತ್ಥಗತಿಯಂ, ಉ।
೩೯೨. ತಿಕಂ ಖಗ್ಗಾದೀನಂ ಸತ್ಥಾನಂ ವಾರಣಫಲಕೇ। ಖೇಟ ಭಕ್ಖನೇ, ಣ್ವು। ಫಲ ವಿಸಾರಣೇ, ಣ್ವು। ಫಲತೀತಿ ಫಲಕಂ, ಅನಿತ್ಥೀ। ಚರ ಗತಿಭಕ್ಖನೇಸು, ಮೋ, ಚಮು ಅದನೇ ವಾ, ಅ। ಫಲಮ್ಪಿ।
ವಣ್ಟಾನಿಹಾರಸ್ಸಾಖಗ್ಗಾಕತಿ ಇಲ್ಲೀ, ಇಲೀಪಿ, ಇಲ ಗತಿಯಂ, ನದಾದಿ। ಕರಂ ಪಾಲಯತೀತಿ ಕರಪಾಲಿಕಾ, ಣ್ವು।
ದ್ವಯಂ ಅಸಿಪುತ್ತಿಯಂ। ಛುರ ಛೇದನೇ, ಣ್ವು। ಸಸು ಹಿಂಸಾಯಂ,ತಿ, ನದಾದಿ। ಅಸಿನೋ ಪುತ್ತೀ, ಅಸಿಧೇನುಕಾಪಿ।
ದ್ವಯಂ ವಡ್ಢಕೀನಂ ಮುಗ್ಗರೇಹಿ ಸಮಾನಾಕಾರಾಯುಧಭೇದೇ। ಲಗ ಸಙ್ಗೇ, ಅಲೋ, ಅಸ್ಸು, ಳತ್ತಞ್ಚ। ಮುರಂ ಗಿರತೀತಿ ಮುಗ್ಗರೋ, ರಸ್ಸ ಗೋ, ಗಿರ ನಿಗ್ಗಿರಣೇ, ಮುಚ್ಚತೀತಿ ವಾ ಮುಗ್ಗರೋ, ಅರೋ। ದುಘಣೋ, ಘನೋಪಿ।
೩೯೩. ದ್ವಯಂ ಸಲ್ಲೇ। ಸಲ ಆಸುಗತಿಯಂ, ಅ, ಸರ ಹಿಂಸಾಯಂ ವಾ, ಲೋ, ರಸ್ಸ ಲೋ। ಸಙ್ಕ ಸಙ್ಕಾಯಂ, ಉ। ಸೂಲಮ್ಪಿ। ಸೂಲ ರುಜಾಯಂ।
ದ್ವಯಂ ವಾಸಿಯಂ। ವಸ ಛೇದನಸ್ನೇಹಾವಹಾರಣೇಸು, ಣೀ। ತಚ್ಛ ತನುಕರಣೇ, ಯು, ನದಾದಿ।
ದ್ವಯಂ ಫರಸುಮ್ಹಿ। ಛೇದಕತ್ತಾ ಕುಚ್ಛಿತಾ ಧಾರಾ ಯಸ್ಸಾತಿ ಕುಧಾರೀ। ಕುಧಾರೋಪಿ। ಪರಂ ಸಸತಿ ಹಿಂಸತೀತಿ ಫರಸು। ಉ, ಪಸ್ಸ ಫೋ, ಸಲೋಪೋ ಚ। ಪರಸುಪಿ, ಸೋ ಪರಸುಸದ್ದೋ ನಪುಂಸಕೋ। ಪರಸುಧೋಪ್ಯತ್ರ।
ದ್ವಯಂ ಪಾಸಾಣವಿದಾರಣೇ। ಟಙ್ಕ ಬನ್ಧನೇ। ದರ ವಿದಾರಣೇ। ಪಾಸಾಣಂ ದಾರಯತೀತಿ ಪಾಸಾಣದಾರಣೋ, ಯು। ಪಾಸಾಣದಾರಕೋಪಿ।
೩೯೪. ದ್ವಯಂ ಕಣ ಸದ್ದೇ, ಅಯೋ। ಭಿನ್ದನಸೀಲತಾಯ ಭಿನ್ದೀ, ವಾತಿ ಗಚ್ಛತಿ ತೇನಾತಿ ವಾಲೋ, ಅಲೋ, ಭಿನ್ದೀ ಚ ಸೋ ವಾಲೋ ಚಾತಿ ಭಿನ್ದಿವಾಲೋ, ಳತ್ತೇ ಭಿನ್ದಿವಾಳೋ, ರಸ್ಸೋ।
ಚಕ್ಕಾದಯೋ ಸತ್ಥಭೇದಾ। ತತ್ರ ಚಕ್ಕಾಕಾರೋ ಆಯುಧವಿಸೇಸೋ ಚಕ್ಕಂ। ಕನ್ತ ಛೇದನೇ, ಅಸ್ಸು, ಕುನ್ತೋ ದೀಘದಣ್ಡೋ। ಗದಾ, ಸತ್ತಿ ಚ ಪಸಿದ್ಧಾ।
ತಿಕಂ ಕೋಣಭಾಗೇ। ಕುಣ ಸದ್ದೋಪಕರಣೇಸು, ಕುಣ ಸಙ್ಕೋಚನೇ ವಾ, ಣೋ। ಸಿ ಸೇವಾಯಂ, ಅ, ರಸ್ಸೋ, ಅಸ್ಸೋ। ಕುಟ ಕೋಟಿಲ್ಲೇ, ಇಣ।
೩೯೫. ದ್ವಿಪಾದಂ ವಿಜಿಗೀಸಸ್ಸ ಯಾತ್ರಾಯಂ, ಸಬ್ಬತ್ರ ಭಾವಸಾಧನಂ। ಯಾ ಪಾಪುಣೇ, ನಿಕ್ಖಮಿತ್ವಾ ಯಾಯತೇ ನಿಯ್ಯಾನಂ, ಯು। ‘‘ಛದಾದೀಹಿ ತತ್ರಣ’’ತಿ ತ್ರಣ। ಯಾತ್ರಾ, ಆ। ನದಾದಿನೋ ಆಕತಿಗಣತ್ತಾ ಈಪಚ್ಚಯಾಭಾವೋ। ಠಾ ಗತಿನಿವತ್ತಿಯಂ, ಪಪುಬ್ಬೋ ಯಾನೇ, ಯು, ಪತಿಟ್ಠೀಯತೇ ಪಟ್ಠಾನಂ, ಪುರೇಚಾರಿಮ್ಹಿ ಪಟ್ಠೋ।
ಪಞ್ಚಕಂ ಧೂಲೀಮತ್ತೇ। ತಥಾ ಚ ‘‘ಪಂಸು ಖೋದೋ ಮತೋ ರೇಣು, ಚುಣ್ಣೋ ಧೂಲಿ’ತ್ಥಿಯಂ ಭವೇ’’ತ್ಯಮರಮಾಲಾ। ಚುಣ್ಣ ಪಿಸನೇ, ಚುಣ್ಣ ಸಞ್ಚುಣ್ಣನೇ ವಾ। ಪಂಸ ನಾಸನೇ, ಉ। ರನ್ಜ ರಾಗೇ, ರಜೋ, ಮನೋಗಣೋಪಿ ನಪುಂಸಕೇ, ತಂಸಹಚರಣತೋ ಪಂಸುಪಿ। ‘‘ಕ್ಲಿವಂ’ಪರಾಧೇ ರೇಣುಮ್ಹೀ’’ತಿ ರಭಸೋ। ಅಥ ವಾ ಚುಣ್ಣರಜೋಸಹಚರಣತೋ ಪಂಸು ನಪುಂಸಕೇ। ಧೂ ವಿಧುನನೇ, ಧೂ ಕಮ್ಪನೇ ವಾ, ಲಿ, ನದಾದಿ। ರಿ ಗತಿಯಂ, ಣು, ಇಸ್ಸೇ।
೩೯೬. ವಂಸಕ್ಕಮವೇದೀವಂಸಥುತಿಂ ಯೋ ಕುಬ್ಬತಿ, ಸೋ ಮಾಗಧೋ। ತಸ್ಮಿಂ ಮಧುಕೋ ವುತ್ತೋ। ಸೋ ಚ ಖತ್ತಿಯಾವೇಸ್ಸಸಮ್ಭವೋ ಭವತಿ, ವಂಸಮಗ್ಗಂ ಥವತೀತಿ ಮಾಗಧೋ, ಥಸ್ಸ ಧೋ। ಮಗ್ಗಂ ಧವತೀತಿ ಮಧುಕೋ, ಣ್ವು, ಗ್ಗಲೋಪೋ।
ವೀರಿಯಾದಿಥುತಿಂ ಸೀಲೇನ ಯೋ ಪಠತಿ, ಸೋ ವನ್ದೀ, ತಸ್ಸೀಲಾದೀಸು ಣೀ।
ಯೋ ನಿಸಾವಸಾನಂ ವಿಭಾವೇನ್ತೋ ಬೋಧಯತಿ, ಸೋ ವೇತಾಳಿಕೋ, ವಿಭಾವೇನ್ತೋ ತಾಳಸದ್ದೇನ ಬೋಧಯತೀತಿ ವೇತಾಳಿಕೋ, ಣಿಕೋ।
ಚಕ್ಕೇನ ಚರನ್ತೋ ಬಹೂಹಿ ಪೀಳೇತ್ವಾ ಯೋ ಪಠತಿ, ಸೋ ಚಕ್ಕಿಕೋ, ಉಭಯತ್ರ ಚರತ್ಯತ್ಥೇ ಇಕೋ। ಘಣ್ಟ ಭಾಸತ್ಥೋ, ಚುರಾದಿ।
೩೯೭. ಪಞ್ಚಕಂ ಧಜೇ। ಕಿತ ನಿವಾಸೇ, ರೋಗಾಪನಯನೇ ಚ, ಉ, ಕಿತತಿ ಅಪನೇತಿ ಏತೇನಾತಿ ಕೇತು। ಧಜ ಗಮನೇ, ಅ। ಉಪ್ಪತತೀತಿ ಪಟಾಕಾ, ಆಕೋ, ಪಟ ಗತಿಯಂ ವಾ, ಪಟಾಕಾ। ಕೇನ ವಾತೇನ ದಲೀಯತೇ ವಿದಾರೀಯತೇತಿ ಕದಲೀ, ನದಾದಿ, ಛಿನ್ನಭಿನ್ನತ್ತಾ ಕದಲೀ, ಪಟಾಕಾ ಸಹಚರಣತೋ ಇತ್ಥಿಯಂ। ಕದಲೀ ಮೋಚೇಪಿ। ಯುಮ್ಹಿ ಕೇತನಂ। ಏತ್ಥ ಚ ಧಜಸಹಚರಣತೋ ಕೇತು ಪುನ್ನಪುಂಸಕೇ। ‘‘ಪಟಾಕಾ ವೇಜಯನ್ತೀ ಚ, ಕೇತನಂ ಧಜ’ಮನಿತ್ಥೀ’’ತ್ಯ ಮರಕೋಸೇ।
ಅಞ್ಞಮಞ್ಞಸ್ಸೇತಿ ಏಕಮಪೇಕ್ಖಿತ್ವಾ ಅಪರಸ್ಸಾಪರಂ ಅಪೇಕ್ಖಿತ್ವಾ ಅಞ್ಞಸ್ಸ। ಯೋ ಅಹಂಕಾರೋ ಅಭಿಮಾನೋ, ಸೋ ‘‘ಅಹಂ ಅಹ’’ಮಿತಿ ಕರೋತೀತಿ ಅಹಮಹಮಿಕಾ ಭವೇ। ‘‘ಅಹಂ ಅಗ್ಗೋ ಭವಾಮಿ, ಅಹಂ ಅಗ್ಗೋ ಭವಾಮೀ’’ತಿ ಅಞ್ಞಮಞ್ಞಮತಿಕ್ಕಮ್ಮ ಯೋಧಾನಂ ಸಮಗ್ಗೇ ಧಾವನಂ, ತತ್ರ ತು ಅಹಂಪುಬ್ಬಿಕಾ। ಅಹಂಸದ್ದೋ ವಿಭತ್ತಿಪತಿರೂಪಕೋ ನಿಪಾತೋ, ಸಕತ್ಥೇ ಕಪಚ್ಚಯೇ ಕತೇ ವಿಚ್ಛಾಯಂ ಗಮ್ಯಮಾನತ್ತಾ ದ್ವಿತ್ತಾಭಾವೋ।
೩೯೮. ಚತುಕ್ಕಂ ಬಲೇ। ಬಲ ಪಾಣನೇ, ಕರಣೇ ಅ। ಧಾ ಗತಿನಿವತ್ತಿಯಂ, ಕರಣೇ ಮೋ, ಧಸ್ಸ ಥೋ। ಸಹತೇನೇನಾತಿ ಸಹಂ, ಸಹೋಪಿ। ಸಕ ಸತ್ತಿಯಂ,ತಿ। ದ್ರವಿಣಂ, ತರೋ, ಪರಕ್ಕಮೋ, ಪಾಣೋಪಿ।
ಅತಿಸೂರತಾ ವಿಕ್ಕಮೋ ನಾಮ।
ಜಯೇ ಜಿತೇ ಸತಿ, ಕಾರಣಭೂತೇ ವಾ ಕತಂ ಪಾನಂ ಜಯಪಾನಂ। ಅಮರಕೋಸೇ ಪನ ‘‘ವೀರಪಾನಂ ತು ಯಂ ಪಾನಂ, ಜಾತೇ ಭಾವಿನಿ ವಾ ರಣೇ’’ತಿ ವೀರಪಾನಮುಚ್ಚತೇ।
೩೯೯-೪೦೦. ಸಾಡ್ಢಪಜ್ಜಂ ಸಙ್ಗಾಮ ಯುದ್ಧೇ, ಚುರಾದಿ, ಅ। ಹರ ಹರಣೇ, ಪಸಯ್ಹಕರಣೇ ಚ। ಅರ ಗಮನೇ, ಅ। ಸಮರಂ। ರಣ ಸದ್ದೇ, ದ್ವೇಪ್ಯನಿತ್ಥಿಯಂ। ಅಜ ಗಮನೇ, ಣಿ, ಆಜಿ, ರಸ್ಸನ್ತೋ। ಆಹುಯ್ಯನ್ತೇ ಅಸ್ಮಿಂಯೋಧಾ, ಹು ಸದ್ದೇ, ಅ। ಯುಧ ಸಮ್ಪಹಾರೇ, ತೋ। ಆದಾಯ ಯುಜ್ಝನ್ತೇತ್ರ ಆಯೋಧನಂ, ಯು। ಯುಜ ಯೋಗೇ, ಸಂಯುಗಂ, ಸಂಯುತ್ತಮ್ಪಿ। ಭಣ್ಡ ಪರಿಭಾಸನೇ, ಯು। ವಿಗ್ಗಯ್ಹನ್ತಿ ಯುಜ್ಝನ್ತ್ಯಸ್ಮಿಂ ವಿಗ್ಗಹೋ। ಕಲಹನ್ತ್ಯಸ್ಮಿಂ ಕಲಹೋ। ಮೇಧ ಮೇಧಾಹಿಂಸಾಸಙ್ಗಮೇಸು, ಣ್ವು। ಜಞ್ಞಂ, ಪವಿದಾರಣಂ, ಅಕ್ಕನ್ದನಂ, ಸಙ್ಖ್ಯಂ, ಸಮೀಕಂ, ಸಮ್ಪರಾಯಕಂ, ಅನೀಕಂ, ಅಭಿಸಮ್ಪಾತೋ, ಕಲಿಸಂ, ಫೋಟೋ, ಅತ್ಯಾಮದ್ದೋಇಚ್ಚಾದಯೋಪಿ ಯುದ್ಧೇ। ಕೇಚಿ ಪನ ‘‘ಭಣ್ಡನಾದಿಪಞ್ಚಕಂ ಕಲಹೇ, ನ ಯುದ್ಧೇ’’ತಿ ವದನ್ತಿ, ತಂ ‘‘ಭಣ್ಡನಂ ಕವಚೇ ಯುದ್ಧೇ, ಖಲಿಕಾರೇಪಿ ವತ್ತತೇ’’ತಿ ನಾನತ್ಥಸಙ್ಗಹೇ ವುತ್ತತ್ತಾ ನ ಗಹೇತಬ್ಬಂ।
ದ್ವಯಂ ಮುಚ್ಛಾಯಂ। ಮುಚ್ಛ ಮೋಹಸಮುಸ್ಸಯೇಸು। ಮುಹ ವೇಚಿತ್ತೇ। ತಿಕಂ ಬಲಕ್ಕಾರೇ। ಪಸಹನಂ ಪಸಯ್ಹೋ, ಸಹ ಸತ್ತಿಯಂ, ಣ್ಯೋ। ಬಲಿನೋ, ಬಲೇನ ವಾ ಕರಣಂ ಬಲಕ್ಕಾರೋ। ಹಠ ಬಲಕ್ಕಾರೇ, ಣೋ। ಪಸಙ್ಗೋಪಿ।
೪೦೧. ಸುಭಾಸುಭಾನಂ ಫಲಾನಂ ಸೂಚಿಕಾ ಪಕಾಸಕಾ ಯಾ ಭೂತಸ್ಸ ವತ್ಥುನೋ ವಿಕತಿ ಅಞ್ಞಥಾ ಉಪ್ಪತ್ತಿ, ಸಾ ಉಪ್ಪಾತೋ। ಸುಭಾಸುಭಫಲಂ ಉಪ್ಪಾತೋ। ಉಪ್ಪಾದೋಪಿ। ತಸದ್ದೋ’ಯಂ ಪುಬ್ಬಪದಸ್ಸ, ಅಪರಪದಸ್ಸ ವಾ ಲಿಙ್ಗಮಾದತ್ತೇ। ‘‘ಅವಿಜ್ಜಾ ಚ ಸಾ ಪಚ್ಚಯೋ ಚಾತಿ ಅವಿಜ್ಜಾಪಚ್ಚಯೋ, ವಿಗ್ಗಹೋ ಚ ತಂ ವಾಕ್ಯಞ್ಚೇತಿ ವಿಗ್ಗಹವಾಕ್ಯ’’ನ್ತ್ಯಾದೀಸು, ಇಧ ಪನ ಪುಬ್ಬಪದಸ್ಸ ಲಿಙ್ಗಮಾದತ್ತೇ। ಉಪ್ಪಾತಸ್ಸ ತತ್ರ ಯುದ್ಧಪಕ್ಕಮೇನಾಭಿಧಾನಂ।
ಚತುಕ್ಕಂ ಉಪ್ಪಾತಸ್ಸ ಪರಿಯಾಯೇ। ಇ ಗಮನೇ,ತಿ, ದೀಘಾದಿ। ಸಬ್ಬಕಾಲಂ ನ ಜಾಯತೀತಿ ಅಜಞ್ಞಂ, ಣ್ಯೋ, ಫಲಂ ನ ಜನೇತೀತಿ ವಾ ಅಜಞ್ಞಂ, ತಞ್ಹಿ ಧೂಮೋ ವಿಯ ಅಗ್ಗಿಸ್ಸ ಕಮ್ಮಫಲಸ್ಸ ಪಕಾಸನಮತ್ತಮೇವ ಕರೋತಿ, ನ ತಂ ಜನೇತೀತಿ ಅಜಞ್ಞಂ ನಾಮ। ಉಪಗನ್ತ್ವಾ ಸಜ್ಜತಿ ಪಕಾಸೇತೀತಿ ಉಪಸಗ್ಗೋ, ಣೋ। ಉಪಗನ್ತ್ವಾ ದುನೋತೀತಿ ಉಪದ್ದವೋ, ದು ಪರಿತಾಪೇ, ಅ। ಏತ್ಥ ಚ ಈತ್ಯಾದಯೋ ಜನಕೇಪಿ ವತ್ತನ್ತಿ, ಯಥಾ ಜರಾದೀನಮುಪದ್ದವಾ।
೪೦೨. ಮಲ್ಲಯುದ್ಧಮ್ಹಿ ಬಾಹುಯುದ್ಧಮ್ಹಿ ನಿಬ್ಬುದ್ಧಂ। ಅಧೋಭಾಗಂ ಬನ್ಧನಂ ವಾ ಕತ್ವಾ ಯುಜ್ಝನ್ತ್ಯತ್ರ ನಿಬ್ಬುದ್ಧಂ, ಯಸ್ಸ ಬೋ, ಅಞ್ಞಮಞ್ಞಸ್ಸ ವೇಧಂ ನಿಬ್ಬೇಧೇನ್ತ್ಯತ್ರೇತಿ ವಾ ನಿಬ್ಬುದ್ಧಂ। ವೇಧ ವೇಧನೇ, ತೋ, ಏಸ್ಸು, ಅಞ್ಞತ್ರೋಪಚಾರಾ। ದ್ವಯಂ ಜಯಕ್ರಿಯಾಯಂ। ಜಿ ಜಯೇ, ‘‘ಭಾವೇ ಚಾ’’ತಿ ಣೋ। ರಣೇ ಯುದ್ಧೇ ಯೋ ಭಙ್ಗೋ, ಸೋ ಪರಾಜಯೋ। ಪರಾಪುಬ್ಬೋ ಜಿ ಯುದ್ಧಭಙ್ಗೇ। ದ್ವಯಂ ಪಲಾಯನಮತ್ತೇ, ನ ತು ಸಙ್ಗಾಮತೋಯೇವ ಪಲಾಯನೇ। ಪರಿವಜ್ಜೇತ್ವಾ ಅಯನಂ ಗಮನಂ ಪಲಾಯನಂ। ಅಪವಜ್ಜೇತ್ವಾ ಗಮನಂ ಅಪಕ್ಕಮೋ। ಪದಾವೋ, ದಾವೋ, ಸನ್ದಾವೋ, ವಿದ್ದವೋ, ದವೋ, ಅಪಯಾನಂಪ್ಯತ್ರ।
೪೦೩. ಪಜ್ಜಂ ಮರ ಪಾಣಚಾಗೇ, ಸಬ್ಬತ್ಥ ಭಾವಸಾಧನಂ। ಮಾರೀಯತೇ ಮಾರಣಂ, ಯು। ಹನ ಹಿಂಸಾಯಂ, ಣಮ್ಹಿ ‘‘ಹನಸ್ಸ ಘಾತೋ’’ತಿ ಘಾತಾದೇಸೋ। ನಸ ಅದಸ್ಸನೇ। ಸೂದ ಧಾರಣೇ। ಹಿಂಸ ಹಿಂಸಾಯಂ। ಸರ ಹಿಂಸಾಯಂ, ಇತ್ಥಿಯಮಾಪಚ್ಚಯೋ, ಹಿಂಸಾ। ಣಮ್ಹಿ ಹನಸ್ಸ ವಧಾದೇಸೋ। ಸಸ ಹಿಂಸಾಯಂ। ಯುಮ್ಹಿ ಹನಸ್ಸ ಘಾತೋ, ಘಾತನಂ, ನಿಬ್ಬರಹನಂ, ನಿಕಾರಣಂ, ಪವಾಸನಂ, ಸಞ್ಞಾಪನಂ, ಪಮಥನಂ, ಕಥನಂ, ಉಜ್ಜಾಸನಂ, ಆರಮ್ಭೋ, ಪಿಞ್ಜೋಪ್ಯತ್ರ। ವರಹ ಬಾಧಾನ್ಯಪರಿಭಾಸನಹಿಂಸಾದಾನೇಸು। ಕರ ಹಿಂಸಾಯಂ। ವಸ ನಿವಾಸೇ, ಪಪುಬ್ಬೋ ಹಿಂಸತ್ಥೋ। ಞಾ ಮಾರಣತೋಸನನಿಸಾಮನೇಸು, ಪಾಗಮೋ, ಸಞ್ಞಾಪನಂ। ಮಥ ವಿಲೋಳನೇ। ಕಥ ಹಿಂಸತ್ಥೋ। ಜಸು ಹಿಂಸಾಯಂ, ಜಸಿ ತಾಳನೇ ವಾ, ಚುರಾದಿ। ಆಪುಬ್ಬೋ ರಭಿ ಮಾರಣೇ। ಪಿಞ್ಜ ಹಿಂಸಾಬಲದಾನನಿಕೇತನೇಸು। ಏತೇ ಯಥಾಕ್ಕಮಮಿಧಾನಾಗತಾನಂ ಧಾತವೋ।
೪೦೪. ಪಜ್ಜಂ ಮರಣೇ। ಕಾಲೋ ಅತೀತಾದಿ, ತಸ್ಸ ಕಿರಿಯಾ, ‘‘ಕಾಲೋ ಘಸತಿ ಭೂತಾನೀ’’ತಿ ಮರತಿತೋ ಚು, ಮಚ್ಚು, ವಜಾದಿನಾ ವಾ ತ್ಯು। ತತೋ ಮಚ್ಚುಸದಿಸೋ ದ್ವೀಸು। ಅತಿಕ್ಕಮಿತ್ವಾ ಅಯನಂ ಅಚ್ಚಯೋ। ಧನ ಧಞ್ಞೇ। ಕಾಲಸ್ಸ ಕಿರಿಯತ್ತಾ ಕಾಲೋ, ಅತ್ತಭಾವಸ್ಸ ಅನ್ತಂ ಕರೋತೀತಿ ವಾ ಕಾಲೋ, ಣೋ। ಅಮತಿ ಗಚ್ಛತೀತಿ ಅನ್ತೋ। ಚು ಚವನೇ।
೪೦೫. ತಿಕಂ ಮತೇ। ಪರಂ ಲೋಕಂ ಏತಿ ಗಚ್ಛತೀತಿ ಪೇತೋ, ಪರೇತೋ ಚ, ತೋ, ಪುಬ್ಬೇ ರಲೋಪೋ। ಮರತೀತಿ ಮತೋ। ಪರಾಸು, ಪತ್ತಪಞ್ಚತ್ತೋಪ್ಯತ್ರ। ದ್ವಯಂ ಮತದಹನಕಟ್ಠರಾಸಿಮ್ಹಿ, ಯಾ ‘‘ಫುಲ್ಲೀ’’ತಿ ವುಚ್ಚತಿ। ಚೀಯತೇ ಯತ್ಥಾತಿ ಚಿತಕೋ, ಚಿತೋ ಚ, ತೋ। ಪುಬ್ಬತ್ರ ಸಕತ್ಥೇ ಕೋ। ಚಿತಾ, ಚಿತ್ಯಾ, ಚಿತಿಪ್ಯತ್ರ।
ದ್ವಯಂ ಸುಸಾನೇ, ಆಗನ್ತ್ವಾ ದಹನ್ತಿ ಅತ್ರ ಆಳಹನಂ। ದಹ ಭಸ್ಮೀಕರಣೇ, ಯು, ದಸ್ಸ ಳೋ। ಆಳಾಹನಮ್ಪಿ। ಛವಸ್ಸ ಸಯನಟ್ಠಾನಂ ಸುಸಾನಂ, ಛವಸ್ಸ ಸು, ಸಯನಸ್ಸ ಚ ಸಾನೋ, ಅಥ ವಾ ಸೇನ್ತಿ ಅತ್ರಾತಿ ಸಾನಂ, ಯು, ಛವಸ್ಸ ಸಾನಂ ಸುಸಾನಂ। ಛವಸ್ಸ ಸು। ಪಿತುವನಮ್ಪಿ। ದ್ವಯಂ ಮತಸರೀರೇ, ಕುಣಪ ಪೂತಿಗನ್ಧತ್ಥೇ। ಕುಚ್ಛಿತಂ ನೇತೀತಿ ವಾ ಕುಣಪೋ, ಅಪೋ, ಣತ್ತಂ। ಛವ ಗತಿಯಂ, ಅ।
೪೦೬. ಅಸೀಸಕತ್ತಾ ಸಿರೋಸುಞ್ಞೋ ನಚ್ಚನಾದಿಕ್ರಿಯಾಸಹಿತತ್ತಾ ಸಹಕ್ರಿಯೋ ದೇಹೋ ಕಾಯೋ ಕಬನ್ಧೋ ಕಬನ್ಧೋ, ವಕಾರಮಜ್ಝೋ। ಅವಿಜ್ಜಮಾನಸ್ಸಾಪಿ ಹಿ ಕಾರಣಭಾವೋ
ಆಮಕೇಹಿ ಕುಚ್ಛಿತೇಹಿ ಅಪೂತಿಗತಮತಸರೀರೇಹಿ ಸಮ್ಪುಣ್ಣೇ ಆಮಕೇ ಸುಸಾನಸ್ಮಿಂ ಸಿವಥಿಕಾ ವುತ್ತಾ, ಅತ್ಥಪ್ಪಧಾನನಿದ್ದೇಸೇನ ಚೇತ್ಥ ಸದ್ದೋ ನಿದ್ದಿಟ್ಠೋ, ಯಥಾ ‘‘ಸತೋ ಸಮ್ಪಜಾನೋ’’ತಿ ಪುಗ್ಗಲಪ್ಪಧಾನನಿದ್ದೇಸೇನ ಧಮ್ಮೋತಿ। ಛವಾ ಧಿಯ್ಯನ್ತೇತ್ರ ಸಿವಥಿಕಾ, ಣ್ವು, ಛಸ್ಸ ಸೋ, ಥತ್ತಂ, ಇತ್ತಞ್ಚ। ಛವಥಿಕಾಪಿ।
೪೦೭. ದ್ವಯಂ ಆಕಡ್ಢಿತಮನುಸ್ಸಗವಾದೋ। ಮುಞ್ಚನಸಞ್ಞಾಯ ವನ್ದತೀತಿ ವನ್ದೀ। ವನ್ದ ಅಭಿವಾದನಥುತೀಸು, ಈ, ರಸ್ಸೋಪಿ, ವನ್ದಿ। ಸತ್ತೂನಂ ಕರೇನ ಹತ್ಥೇನ ಮರಿತಬ್ಬತ್ತಾ ಕರಮರೋ। ಪಗ್ಗಹೋ, ಉಪಗ್ಗಹೋಪಿ। ದ್ವಯಂ ಜೀವಿತೇ, ಅನ ಪಾಣನೇ, ಪಾಣನ್ತಿ ಅನೇನಾತಿ ಪಾಣೋ, ಣೋ। ಭವತಿ ಯೇನಾತಿ ಅಸು। ಅಸ ಭುವಿ, ಉ, ಆಸುಪಿ, ಅಸು ಖುಭನೇ ವಾ।
ಬನ್ಧನಾಗಾರಂ ಬನ್ಧನಗೇಹಂ ಕಾರಾ ನಾಮ। ಕರೋನ್ತಿ ಹಿಂಸನ್ತಿ ಅತ್ರ ಕಾರಾ, ಅ। ಕರ ಹಿಂಸಾಯಂ। ಬನ್ಧನಾಲಯೋಪಿ। ಕರ ಹಿಂಸಾಯಂ, ಯತ ನಿಯ್ಯಾತನೇ। ಕಾರಣಾ, ಯತನಾ ಚ। ತಿಬ್ಬವೇದನಾಪ್ಯತ್ರ।
ಖತ್ತಿಯವಗ್ಗವಣ್ಣನಾ ನಿಟ್ಠಿತಾ।
೪೦೮. ದ್ವಿಪಾದಂ ಬ್ರಹ್ಮಬನ್ಧು। ಕುಲಾಚಾರಬ್ರಾಹ್ಮಣಭಾವವಸೇನ ದ್ವಿಕ್ಖತ್ತುಂ ಜಾತತ್ತಾ ದ್ವಿಜೋ, ಏಕಜೇ ತೂಪಚಾರಾ। ವಪಿಸ್ಮಾ ಪೋ, ಅಸ್ಸಿ। ಬ್ರಹ್ಮುನೋ ಅಪಚ್ಚಂ ಬ್ರಹ್ಮಾ, ಬ್ರಾಹ್ಮಣೋ ಚ, ನಾಗಮೋ, ಣತ್ತಂ, ದೀಘಾದಿ। ಸುತಾಯುತಕಥನತ್ಥಂ ‘‘ಭೋಭೋ’’ತಿ ವಚನಂ ವದತಿ ಸೀಲೇನ, ಣೀ।
ದ್ವಯಂ ಛನ್ದೋಜ್ಝೇತರಿ। ಬ್ರಹ್ಮಸುತ್ತಂ ಅಧೀತೇ ಸೋತ್ತಿಯೋ, ‘‘ನೇನ ನಿದ್ದಿಟ್ಠಮನಿಚ್ಚ’’ನ್ತಿ ಯದಾದಿನಾ ವಾ ಛನ್ದಸದ್ದಸ್ಸ ಸೋತ್ತಿಯಾದೇಸೋ ಛನ್ದಸೋ, ಸೋ ಪುಲ್ಲಿಙ್ಗೋ।
ದ್ವಯಂ ಸಿಸ್ಸೇ। ಸೋತುಂ ಇಚ್ಛನ್ತೀತಿ ಸಿಸ್ಸಾ, ಸು ಸವನೇ, ಸೋ, ಉಸ್ಸಿ। ಆಚರಿಯಸ್ಸ ಅನ್ತೇ ಸಮೀಪೇ ವಸನಸೀಲೋ, ಸಞ್ಞಾಸದ್ದತ್ತಾ ಸತ್ತಮಿಯಾ ಅಲೋಪೋ।
೪೦೯. ಬ್ರಹ್ಮಚಾರೀಆದಯೋ ಏತೇ ಚತುರೋ ಜನಾ ಅಸ್ಸಮಾ ನಾಮ ಭವನ್ತಿ, ಅಸ್ಸಮಸದ್ದೋಯಂ ಪುನ್ನಪುಂಸಕೇ। ತತ್ರ ಮುಞ್ಜಮೇಖಲಾದಿಯುತ್ತೋ ವೇದಜ್ಝಾಯಕೋ ಬ್ರಹ್ಮಚರಿಯಾಯಂ ಠಿತೋ ಬ್ರಹ್ಮಚಾರೀ। ವೇದಜ್ಝಯನಂ ಬ್ರಹ್ಮಚರಿಯಂ ಚರತೀತಿ, ಣೀ। ಧಮ್ಮತ್ಥಕಾಮೇಸು ಠಿತೋ ಪಞ್ಚಮಹಾಯಞ್ಞಕಾರೀ ಗಹಟ್ಠೋ, ಗಹಾ ದಾರಾ ಗಹಟ್ಠೋ। ಗಹಟ್ಠೋ ಪರೋ ತತಿಯಸ್ಸಪಿ ವಾನಪತ್ಥೋ। ವನಪತ್ಥೇ ವನೇಕದೇಸೇ, ದೂರವನೇ ವಾ ಭವೋ ವಾನಪತ್ಥೋ, ಅಸ್ಸ ಭೂಮಿಸೇಯ್ಯಾಜಟಾಜಿನಧಾರಣವನವಾಸೋನ್ಯಹಾರಭೋಜಿತಾದಿ ಧಮ್ಮೋ। ವಾನಪತ್ಥಸ್ಸಮೇವ ತತಿಯಮಾಯುಸೋ ಭಾಗಂ ಖೇಪಯಿತ್ವಾ ಗಹಿತಕಾಸಾವದಣ್ಡೋ ಭಿಕ್ಖೋ ಸಬ್ಬಭೂತೇಸು ಸಮೋ ಝಾನಾಯತನವರೋ ಭಿಕ್ಖು। ಸಮು ತಪಸಿ, ಖೇದೇ ಚ, ಆಸಮ್ಮನ್ತಿ ಅತ್ರಾತಿ, ಅಕತ್ತರಿ ಕಾರಕೇ ಸಞ್ಞಾಯಂ ಣೋ। ‘‘ಅಸ್ಸಮೋ ಬ್ರಹ್ಮಚರಿಯಾದಿ- ಚತುಕ್ಕೇಪಿ ಮಠೇಪಿ ಚೇ’’ತಿ ನಾನತ್ಥಸಙ್ಗಹೇ।
೪೧೦. ಸೀಲಾದಯೋ ತಯೋ ಸಿಕ್ಖಾಧಮ್ಮೇ ಸಹ ಏಕತೋ ಚರನ್ತಾ ಮಿಥು ಅಞ್ಞಮಞ್ಞಂ ಸಬ್ರಹ್ಮಚಾರಿನೋ ನಾಮ, ಬ್ರಹ್ಮಚಾರೀಹಿ ಸಹ ಚರನ್ತೀತಿ ಸಬ್ರಹ್ಮಚಾರಿನೋ। ‘‘ಮಿಥೂ’’ತಿ ಇಮಿನಾ ಸಬ್ರಹ್ಮಚಾರೀಸದ್ದಸ್ಸ ತಗ್ಗುಣಸಂವಿಞ್ಞಾಣತ್ತಂ ದೀಪಿತಂ, ತೇನ ಬ್ರಹ್ಮಚಾರೀನಮ್ಪಿ ಸಬ್ರಹ್ಮಚಾರಿತ್ತಮುಪಪನ್ನಂ।
ದ್ವಯಂ ಉಪಸಮ್ಪದಾದಾಯಕೇ। ಮನಸಾ ಉಪೇಚ್ಚ ಸಿಸ್ಸಾನಂ ವಜ್ಜಾವಜ್ಜಂ ಝಾಯತೀತಿ ಉಪಜ್ಝಾಯೋ, ಉಪಜ್ಝಾ ಚ। ಝೇ ಚಿನ್ತಾಯಂ, ಣೋ, ಪುಬ್ಬತ್ರ ಏ ಅಯ, ಪಕ್ಖೇ ರಾಜಾದಿಪಕ್ಖೇಪೇನ ಉಪಜ್ಝಾ, ಪರಸಮಯೇ ಪನ ವೇದಾದಿಪಾಠಯಿತಾ ‘‘ಉಪಜ್ಝಾಯೋ, ಉಪಜ್ಝಾ’’ತಿ ಚೋಚ್ಚತೇ, ಉಪೇಚ್ಚ ಅಧೀಯತೇ ಅಸ್ಮಾತಿ ಕತ್ವಾ।
ದ್ವಯಂ ನಿಸ್ಸಯದಾಯಕೇ। ಸಿಸ್ಸಾನಂ ಹಿತಂ ಆಚರತೀತಿ ಆಚರಿಯೋ, ಣ್ಯೋ। ನಿಸ್ಸಯಂ ದದಾತೀತಿ, ಕಮ್ಮಾದಿಮ್ಹಿ ಣ್ವು।
೪೧೧. ಸಾಸನೇ ‘‘ಉಪನೀಯೇ’’ಚ್ಚಾದಿ। ಅಥ ವಾ ಯೋ ದ್ವಿಜೋ ಬ್ರಾಹ್ಮಣೋ ಯಂಕಿಞ್ಚಿ ಬ್ರಾಹ್ಮಣಂ ಉಪನೀಯ ಅತ್ತನೋ ಸನ್ತಿಕಂ ಆನೇತ್ವಾ ಕಪ್ಪಾದಿಛಳಙ್ಗಿಕತ್ತಾ ಸಾಙ್ಗಂ ಸಗುಯ್ಹತ್ತಾ ರಹಸ್ಸಞ್ಚ ವೇದಂ ಕಮ್ಮಭೂತಂ ಪುಬ್ಬಂ ಪಠಮಮೇವ ಕೇನಚಿ ಅಸಿಕ್ಖಾಪಿತೇಯೇವ ಅಜ್ಝಾಪಯೇ ಸಿಕ್ಖಾಪೇಯ್ಯ, ಸೋ ಬ್ರಾಹ್ಮಣೇಸು ‘‘ಆಚರಿಯೋ’’ತಿ ವುಚ್ಚತಿ, ಆದಿತೋ ಚಾರೇತಿ ಸಿಕ್ಖಾಪೇತೀತಿ ಆಚರಿಯೋತಿ ಕತ್ವಾ, ಣ್ಯೋ। ಯಥಾವುತ್ತಾ ಅಞ್ಞೇ ಉಪಜ್ಝಾಯಾ।
೪೧೨. ಪಜ್ಜದ್ಧಂ ಉಪದೇಸಪರಮ್ಪರಾಯಂ। ಪರೇ ಚ ಪರೇ ಚ ಪರಮ್ಪರಾ, ಪುಬ್ಬಾಚರಿಯಾ। ತತೋ ಆಭತಂ ಪಾರಮ್ಪರಿಯಂ। ಇತಿಹಸದ್ದೋ ನಿಪಾತಸಮುದಾಯೋ। ‘‘ಇತಿಹ ಪುಬ್ಬಾಚರಿಯೇಹಿ ವುತ್ತಮಿದ’’ನ್ತಿ ಕಥೇತಬ್ಬಂ ವಚನಂ ಏತಿಹ್ಯಂ, ಣ್ಯೋ। ಣಮ್ಹಿ ಏತಿಹಂ। ಆಚರಿಯಂ ಉಪಗನ್ತ್ವಾ ದಿಸ್ಸತಿ ಉಚ್ಚಾರೀಯತೀತಿ ಉಪದೇಸೋ, ದಿಸೀ ಉಚ್ಚಾರಣೇ, ಣೋ।
ತಿಕಂ ಯಞ್ಞೇ। ಯಜ ದೇವಪೂಜಾಸಙ್ಗಹಕರಣದಾನಧಮ್ಮೇಸು, ಯಜನಂ ಯಾಗೋ, ಣೋ। ಸಗ್ಗತ್ಥಿಕೇಹಿ ಕರೀಯತೇತಿ ಕತು, ತು। ಜಸ್ಸ ಞ್ಞತ್ತೇ ಯಞ್ಞೋ। ಯಾಗತ್ಥಂ ಮನ್ತಾದಿನಾ ಪರಿಕ್ಖತಾ ಪರಿಸಙ್ಖತಾ ಭೂ ಭೂಮಿ ವೇದಿ ನಾಮ, ಈಪಚ್ಚಯೇ ವೇದೀ ಚ। ವಿನ್ದತಿ ಅಸ್ಸಂ ಲಾಭಸಕ್ಕಾರನ್ತಿ ವೇದಿ, ವಿದ ಲಾಭೇ, ಇಣ।
೪೧೩. ಅಸ್ಸಮೇಧಾದಯೋ ಸಸ್ಸಮೇಧಂ ನಾಮ, ಸಸ್ಸಸಮ್ಪಾದನೇ ಮೇಧಾವಿತಾ ಸಸ್ಸಮೇಧಂ ನಾಮಾತ್ಯತ್ಥೋ। ಮಹಾಯೋಧಾನಂ ಛಮಾಸಿಕಭತ್ತವೇತನಾನುಪ್ಪದಾನಂ ಪುರಿಸಮೇಧಂ ನಾಮ, ಪುರಿಸಸ್ಸ ಸಙ್ಗಣ್ಹನೇ ಮೇಧಾವಿತಾ ಪುರಿಸಮೇಧಂ ನಾಮಾತ್ಯತ್ಥೋ। ದಲಿದ್ದಮನುಸ್ಸಾನಂ ಹತ್ಥತೋ ಲೇಖಂ ಗಹೇತ್ವಾ ತೀಣಿ ವಸ್ಸಾನಿ ವಿನಾ ವಡ್ಢಿಯಾ ಸಹಸ್ಸದ್ವಿಸಹಸ್ಸಮತ್ತಧನಾನುಪ್ಪದಾನಂ ಸಮ್ಮಾಪಾಸಂ ನಾಮ। ತಞ್ಹಿ ಸಮ್ಮಾ ಮನುಸ್ಸೇ ಪಾಸೇತಿ ಹದಯೇ ಬನ್ಧಿತಾ ವಿಯ ಠಪೇತಿ, ತಸ್ಮಾ ‘‘ಸಮ್ಮಾಪಾಸ’’ನ್ತಿ ವುಚ್ಚತಿ। ‘‘ತಾತ ಮಾತುಲಾ’’ತ್ಯಾದಿನಾ ಪನ ಸಣ್ಹವಾಚಾಯ ಭಣನಂ ವಾಚಾಪೇಯ್ಯಂ ನಾಮ, ಪೇಯ್ಯೇ ವಜ್ಜಪಿಯವಚನತಾತ್ಯತ್ಥೋ। ಏವಂ ಚತೂಹಿ ವತ್ಥೂಹಿ ಸಙ್ಗಹಿತಂ ರಟ್ಠಂ ಇದ್ಧಞ್ಚೇವ ಹೋತಿ ಫೀತಞ್ಚ ಪಹೂತನ್ನಪಾನಂ ಖೇಮಂ ನಿರಬ್ಬುದಂ। ಮನುಸ್ಸಾ ಮುದಾ ಪಮೋದಮಾನಾ ಉರೇ ಪುತ್ತೇ ನಚ್ಚೇನ್ತಾ ಅಪಾರುತಘರದ್ವಾರಾ ವಿಹರನ್ತಿ, ಇದಂ ಘರದ್ವಾರೇಸು ಅಗ್ಗಳಾನಂ ಅಭಾವತೋ ನಿರಗ್ಗಳನ್ತಿ ವುಚ್ಚತಿ, ಅಯಂ ಪೋರಾಣಿಕಪವೇಣೀ, ಅಪರಭಾಗೇ ಪನ ಓಕ್ಕಾಕರಾಜಕಾಲೇ ಬ್ರಾಹ್ಮಣಾ ಇಮಾನಿ ಚತ್ತಾರಿ ಸಙ್ಗಹವತ್ಥೂನಿ, ಇಮಞ್ಚ ರಟ್ಠಸಮ್ಪತ್ತಿಂ ಪರಿವತ್ತೇನ್ತಾ ಉದ್ಧಂ ಮೂಲಂ ಕತ್ವಾ ‘‘ಅಸ್ಸಮೇಧ’’ನ್ತಿಆದಿಕೇ ಪಞ್ಚ ಯಞ್ಞೇ ನಾಮ ಅಕಂಸು, ವುತ್ತಞ್ಹೇತಂ ಭಗವತಾ ಬ್ರಾಹ್ಮಣಧಮ್ಮಿಕಸುತ್ತೇ –
‘‘ತೇಸಂ ಆಸಿ ವಿಪಲ್ಲಾಸೋ, ದಿಸ್ವಾನ ಅಣುನಾ ಅಣುಂ।
ತೇ ತತ್ಥ ಮನ್ತೇ ಗನ್ಥೇತ್ವಾ, ಓಕ್ಕಾಕಂ ತದುಪಾಗಮು’’ನ್ತಿ
ಇದಾನಿ ‘‘ಅಸ್ಸಮೇಧೋ’’ಚ್ಚಾದಿಮಾಹ। ತತ್ಥ ಅಸ್ಸಂ ಏತ್ಥ ಮೇಧನ್ತಿ ವಧನ್ತೀತಿ ಅಸ್ಸಮೇಧೋ। ಪುರಿಸಂ ಏತ್ಥ ಮೇಧನ್ತಿ ವಧನ್ತೀತಿ ಪುರಿಸಮೇಧೋ। ಸಮ್ಮಾ ಯುಗಚ್ಛಿದ್ದೇ ಪಕ್ಖಿಪಿತಬ್ಬದಣ್ಡಕಂ ಪಾಸೇನ್ತಿ ಖಿಪೇನ್ತಿ ಏತ್ಥ ಸಮ್ಮಾಪಾಸೋ। ಮನ್ತಪದಾಭಿಸಙ್ಖತಾನಂ ಸಪ್ಪಿಮಧೂನಂ ‘‘ವಾಜ’’ನ್ತಿ ಸಮಞ್ಞಾ, ತಮೇತ್ಥ ಪಿವಯನ್ತೀತಿ ವಾಜಪೇಯ್ಯೋ। ಸಬ್ಬಸ್ಸ ಅತ್ತನೋ ಸಾಪತೇಯ್ಯಸ್ಸ ಅನಿಗೂಹಿತ್ವಾ ನಿರವಸೇಸತೋ ದಿನ್ನತ್ತಾ ನತ್ಥಿ ಏತ್ಥ ಅಗ್ಗಳಾತಿ ನಿರಗ್ಗಳೋ, ಅಯಂ ಪಾಳಿಯಾ ಆಗತಕ್ಕಮತೋ ಅತ್ಥವಣ್ಣನಾ, ಇಧಾಗತಕ್ಕಮೇನ ಪನ ಅಸ್ಸಮೇಧಪುರಿಸಮೇಧನಿರಗ್ಗಳಸಮ್ಮಾಪಾಸವಾಜಪೇಯ್ಯಾನಂ ಅತ್ಥವಣ್ಣನಾ ಲಿಖಿತಬ್ಬಾ।
೪೧೪. ತಿಕಂ ಯಾಜಕೇ। ಯಜನಸೀಲೋ ಇದಿ, ಯಸ್ಸಿ, ಜಸ್ಸ ದೋ। ಯಜತೀತಿ ಇಜೋ, ಅ। ಅಥ ವಾ ಇತ್ಥಿಯಾ ಉತುಮ್ಹಿ ಜಾತೇ ಜಾಯತೀತಿ ಇತ್ಥೀತುಜೋ। ‘‘ನಾರೀತ್ವಿಜೋ’’ತಿಪಿ ಪಾಠೋ। ‘‘ಉತುಜೋ ಯಾಜಕೋ ತಥಾ’’ತಿಪಿ ಪಾಠೋ, ಸುನ್ದರೋ। ಪರಸಮಯಂ ಅಮನಸಿ ಕತ್ವಾ ಪನ ಆಚರಿಯೇನ ಇತಿದ್ವಿಜಸದ್ದೋ ಇದಿತ್ವಿಜಸದ್ದೋ ಚ ಸಮಾನತ್ಥಾತಿ ಮಞ್ಞಮಾನೇನ ‘‘ಇದಿ ತ್ವಿಜೋ’’ತಿ ವುತ್ತಂ ಸಿಯಾ, ಣ್ವುಮ್ಹಿ ಯಾಜಕೋ
ದ್ವಯಂ ಯಾಗಸಭಾಯಂ, ಅಞ್ಞಸಭಾಯಞ್ಚಾರಮ್ಭಕೇ। ಸಭಾಯಂ ಸಾಧು ಸಭ್ಯೋ, ಯೋ। ಸಮಾಜಂ ಜನಸಙ್ಘಾತಂ ಸಮಾವಸನ್ತಿ ಆಗನ್ತ್ವಾ ಏಕದೇಸೀ ಭವನ್ತೀತಿ ಸಮಾಜಾ, ತೇಹಿ ಸಮಂ ಏಕೀಭವತೀತಿ ಸಾಮಾಜಿಕೋ, ಣಿಕೋ। ಸಭಾಸದೋ, ಸಭಾತಾರೋಪ್ಯತ್ರ।
ಪಞ್ಚಕಂ ಸಭಾಸಾಮಞ್ಞೇ। ಪರಿ ಸಮನ್ತತೋ ಸೇನ್ತ್ಯಸ್ಸಂ ಪರಿಸಾ, ಸಿ ಸೇವಾಯಂ। ಸಹ ಭಾಸನ್ತ್ಯಸ್ಸಂ ಸಭಾ, ಹಲೋಪೋ, ಸಬ್ಭಿ ಭಾತೀತಿ ವಾ ಸಭಾ। ಸಮಜ್ಜನ್ತಿ ಸಂಗಚ್ಛನ್ತಿ ಮಿಲನ್ತ್ಯಸ್ಸಂ ಸಮಜ್ಜಾ, ಅಜ ಗಮನೇ। ಸಮಯನ್ತಿ ಮಿಲನ್ತ್ಯಸ್ಸಂ ಸಮಿತಿ, ಇ ಗತಿಮ್ಹಿ, ಇತ್ಥಿಯನ್ತಿ। ಮಿಲನಮೇಕೀಭಾವೋ। ಸಮನ್ತತೋ ಸೀದನ್ತ್ಯಸ್ಮಿಂ ಸಂಸದೋ, ಇತ್ಥಿನಪುಂಸಕೇಸು। ಗೋಟ್ಠೀ, ಅಟ್ಠಾನೀಪ್ಯತ್ರ। ಗಾವೋವಾಚಾ ತಿಟ್ಠನ್ತಿ ಭವನ್ತ್ಯಸ್ಸಂ ಗೋಟ್ಠೀ। ಆಗನ್ತ್ವಾ ತಿಟ್ಠನ್ತ್ಯಸ್ಸಂ ಅಟ್ಠಾನೀ, ಯು, ನದಾದಿ, ರಸ್ಸಾದಿ।
೪೧೫-೪೧೬. ಭಿಕ್ಖುಆದಿಕಾ ಇಮಾ ಚತಸ್ಸೋ ಪರಿಸಾ ನಾಮ। ಭಿಕ್ಖನಸೀಲತಾದೀಹಿ ಭಿಕ್ಖು। ‘‘ಉದ್ದಿಸ್ಸ ಅರಿಯಾ ತಿಟ್ಠನ್ತಿ, ಏಸಾ ಅರಿಯಾನ ಯಾಚನಾ’’ತಿ ಭಿಕ್ಖ ಯಾಚನೇ, ರೂ। ಯೋಮ್ಹಿ ಭಿಕ್ಖೂ। ಇನೀಪಚ್ಚಯೇ ಭಿಕ್ಖುನೀ, ಯೋಸ್ಸ ಲೋಪೋ। ರತನತ್ತಯಮುಪಗನ್ತ್ವಾ ಆಸಯನ್ತೀತಿ ಉಪಾಸಕಾ, ಣ್ವು, ಆಸ ಉಪವೇಸನೇ। ಇತ್ತೇ ಉಪಾಸಿಕಾಯೋ। ಏತ್ಥ ಚ ಪಬ್ಬಜ್ಜಾಸಾಮಞ್ಞತೋ, ಲಿಙ್ಗಸಾಮಞ್ಞತೋ ಚ ಸಾಮಣೇರಾ ಭಿಕ್ಖೂಸು, ಸಾಮಣೇರಿಯಾದಯೋ, ಚ ಭಿಕ್ಖುನೀಸು ಸಙ್ಗಹಿತಾ, ತತೋ, ಅವಸೇಸಾ ಪನ ಸಬ್ಬೇಪಿ ದೇವಮನುಸ್ಸಾದಯೋ ಇತ್ಥಿಪುರಿಸವಸೇನ ದ್ವೇ ಕೋಟ್ಠಾಸೇ ಕತ್ವಾ ಲಿಙ್ಗಸಭಾಗವಸೇನ ದ್ವೀಸು ಸಙ್ಗಹಿತಾ, ಬ್ರಹ್ಮಾನೋ ಪನ ಲಿಙ್ಗಾಭಾವೇಪಿ ಪುರಿಸಸಣ್ಠಾನತ್ತಾ ಪುರಿಸೇಸು ಸಙ್ಗಹಿತಾ, ತಥಾ ಪಣ್ಡಕಾಪಿ, ಉಭತೋಬ್ಯಞ್ಜನೇಸು ಪನ
ಏವಂ ಚತೂಹಿ ಕೋಟ್ಠಾಸೇಹಿ ಪರಿಸಂ ದಸ್ಸೇತ್ವಾ ಅಟ್ಠಹಿಪಿ ದಸ್ಸೇತುಮಾಹ ‘‘ಅಥವೇ’’ಚ್ಚಾದಿ। ತಸ್ಸತ್ಥೋ – ಪರಿಸಾ ನಾಮ ಅಟ್ಠ ಸಿಯುಂ, ಕೇಸಂ ವಸೇನಾ’ಟ್ಠ ಸಿಯುಂ? ತಾವತಿಂಸಾನಂ ದ್ವಿಜಾನಂ ಬ್ರಾಹ್ಮಣಾನಂ ಖತ್ತಾನಂ ಖತ್ತಿಯಾನಂ ಮಾರಸ್ಸ ಗಹಪತಿಸ್ಸ ಸಮಣಾನಂ ಚಾತುಮಹಾರಾಜಿಕಾನಂ ಬ್ರಹ್ಮೂನಞ್ಚ ವಸೇನಾತಿ ಇಮಾ ಚಾ’ಟ್ಠಪರಿಸಾ ಪಾಕಟವಸೇನ, ಸೇಟ್ಠವಸೇನ ಚ ವುತ್ತಾತಿ ನ ಏತ್ಥ ಪುಬ್ಬೇ ವಿಯ ಸಬ್ಬಾ ಸಙ್ಗಹಿತಾ, ತಾವತಿಂಸಾದಿಕಾ ಹಿ ಪಾಕಟವಸೇನ ವುತ್ತಾ, ಸಮಣಾ ಪನ ಪಾಕಟವಸೇನ, ಸೇಟ್ಠವಸೇನ ಚ ವುತ್ತಾ।
೪೧೭. ಗಾಯತ್ತಿ ನಾಮ ಯಸ್ಸ ಚತೂಸು ಪಾದೇಸು ಪಟಿಪಾದಂ ಛಳಕ್ಖರಾನಿ ಸನ್ತಿ, ಸಾ ಪಮುಖಮಾದಿ ಯಸ್ಸ ಉತ್ಥಾದೀನಂ ಪಾಯೇನಾನುಪಯೋಗತ್ತಾ ಗಾಯತ್ತಿಪಮುಖಂ ಛನ್ದಂ ನಾಮ। ಗಾಯತೇತಿ ಗಾಯತ್ತಿ, ಗೇ ಸದ್ದೇ, ತ್ತಿ, ಏ ಅಯ। ವಜ್ಜಂ ಛಾದಯತೀತಿ ಛನ್ದಂ, ಛದ ಸಂವರಣೇ, ವುತ್ತಞ್ಹಿ ಪಜ್ಜವಿವೇಕೇ ಬುದ್ಧಗುತ್ತೇನ ಭಿಕ್ಖುನಾ –
‘‘ಉತ್ಥ’ಮಚ್ಚುತ್ಥಕಂ ಮಜ್ಝಂ, ಪತಿಟ್ಠಾ ಸುಪ್ಪತಿಟ್ಠಕಾ।
ಪಾಯೋ ಪಯೋಗಬಾಹ್ಯತ್ಥಾ, ಅಭಬ್ಬತ್ತಾ ಚ ನೇರಿತಾ’’ತಿ॥
ಯಂ ಪನ ಚತುವೀಸಕ್ಖರವನ್ತಂ, ವೇದಾನಂ ಆದಿಭೂತಞ್ಚ ಗಾಯತ್ತಿ ವಿಯ ಛನ್ದಾನಂ ನಾಪಿ ಚತುಪ್ಪದಂ, ಅಥ ಖೋ ತಿಪದಮೇವ ಸಿಯಾ, ಸಾ ಸಾವಿತ್ತಿ ನಾಮ, ಸಾವಿತ್ತಿಸದ್ದೋ ಗಾಯತ್ತಿಪರಿಯಾಯೋಪ್ಯತ್ಥಿ, ‘‘ಸಾವಿತ್ತಿ ಛನ್ದಸೋ ಮುಖಂ’’ ಸಾವಿತ್ತಿ, ಇಣ।
೪೧೮. ಹಬ್ಯಂ ದೇವತಾತ್ಥಮನ್ನಂ, ತಸ್ಸ ಪಾಕೇ ತದಾಧಾರೇ ಥಾಲ್ಯಾದಿಮ್ಹಿ ಚರು, ತತ್ಥ ಠಿತತ್ತಾ ಉಪಚಾರೇನ ಹಬ್ಯಮ್ಪಿ ಚರು, ಚರತಿಸ್ಮಾ ಉ, ಚರು ಪುಮೇ। ‘‘ಹಬ್ಯಪಾಕೇ ಚರು ಪುಮಾ’’ತಿ ಮರಕೋಸೇ। ಹೋಮದಬ್ಬಿಯಂ ಹೋಮಕಮ್ಮನಿ ಹಬ್ಯನ್ನಾದೀನಮುದ್ಧರಣತ್ಥಂ ಕತಾಯಂ ಕಟಚ್ಛುಯಂ ಸುಜಾ, ಇತ್ಥೀ, ಹಬ್ಯನ್ನಾದೀನಂ ಸುಖಗ್ಗಹಣತ್ಥಂ ಜಾಯತೀತಿ ಸುಜಾ।
ದ್ವಯಂ ಖೀರನ್ನೇ, ದೇವನ್ನತ್ತಾ ಪರಮಂ ಅನ್ನಂ। ಪಾತಬ್ಬಸ್ಸ, ಅಸಿತಬ್ಬಸ್ಸ ಚಾತಿ ದ್ವಿನ್ನಮ್ಪಿ ಭಾವಾನಂ ಸಮ್ಭವತೋ ಪಾಯಾಸೋ, ಆಕಾರನ್ತಾನಮಾಯೋ। ಪಾಯಸೋಪ್ಯತ್ರ। ದ್ವಯಂ ದೇವನ್ನೇ। ಹು ದಾನೇ, ಣ್ಯೋ। ಇಮ್ಹಿ ಹವಿ, ನಪುಂಸಕೇ।
೪೧೯. ಥೂಣಾಯಂ ಯಞ್ಞಥಮ್ಭೇ ಯೂಪೋ। ಬೇಲುವೋ ವಾ ಖಾದಿರೋ ವಾ। ಆಲಮ್ಬಪಸುಬನ್ಧನೇಯಟ್ಠಿ, ಸಮತ್ತಯಞ್ಞೇ ವಾ ಯಂ ಯಟ್ಠಿಮಾರೋಪಯತಿ, ಸ ಯೂಪೋ ಯು ಮಿಸ್ಸನೇ, ಪೋ, ದೀಘಾದಿ। ಥು ಅಭಿತ್ಥವೇ, ಣೋ, ದೀಘಾದಿ। ಯಂ ಕಟ್ಠಂ ಕಟ್ಠನ್ತರೇನಾ’ಗ್ಗಿನಿಪ್ಫಾದನತ್ಥಂ ಘಂಸತೇ, ತಸ್ಮಿಂ ನಿಮ್ಮನ್ಥ್ಯದಾರುಮ್ಹಿ ಅರಣೀ, ಅರ ಗಮನೇ, ಅಣಿ, ಈಮ್ಹಿ ಅರಣೀ।
ಗಾಹಪಚ್ಚಾದಯೋ ಗಾಹಪಚ್ಚೋ, ಅಗ್ಗಿ, ಣ್ಯೋ। ತಂಯೋನಿಯಂರೇವಾಹವನೀಯೋ ಹುತಬ್ಬಗ್ಗಿಆಹವನಮರಹತೀತಿ ಆಹವನೀಯೋ। ದಕ್ಖಿಣಗ್ಗಿ ಪನ ತಂಯೋನಿ ಅಞ್ಞಯೋನಿಪಿ। ದಕ್ಖಿಣಂ ದೇಯ್ಯಧಮ್ಮಂ ಅಗ್ಗನ್ತಿ ವಿಸ್ಸಜ್ಜನ್ತ್ಯಸ್ಮಿನ್ತಿ ದಕ್ಖಿಣಗ್ಗಿ, ಅಗ್ಗ ದಾನೇ, ದಾನಂ ಅಗ್ಗೀಯತಿ ದೀಯತ್ಯಸ್ಮಿನ್ತಿ ದಾನಗ್ಗಂ, ‘‘ಪರಿವೇಸನಟ್ಠಾನ’’ನ್ತಿ ಅಙ್ಗುತ್ತರನಿಕಾಯಟೀಕಾ। ಏತ್ಥ ಚ ಗಾಹಪಚ್ಚಗ್ಗಾದೀನಂ ತಿಣ್ಣಂ ವಿಪ್ಪಟಿಪಜ್ಜನ್ತಾನಂ ವಿನಾಸಹೇತುಭಾವತೋ ಅಗ್ಗಿತಾದಟ್ಠಬ್ಬಾ। ಸತ್ತಕನಿಪಾತಅಙ್ಗುತ್ತರನಿಕಾಯಟ್ಠಕಥಾಯಂ ಪನ –
ಆಹುನಂ ವುಚ್ಚತಿ ಸಕ್ಕಾರೋ, ಆಹುನಂ ಅರಹನ್ತೀತಿ ಆಹುನೇಯ್ಯಾ, ಮಾತಾಪಿತರೋ, ಮಾತಾಪಿತರೋ ಹಿ ಪುತ್ತಾನಂ ಬಹೂಪಕಾರತಾಯ ಆಹುನಂ ಅರಹನ್ತಿ, ತೇಸು ವಿಪ್ಪಟಿಪಜ್ಜಮಾನಾ ಪುತ್ತಾ ನಿರಯಾದೀಸು ಪವತ್ತನ್ತಿ, ತಸ್ಮಾ ಕಿಞ್ಚಾಪಿ ಮಾತಾಪಿತರೋ ನಾನುದಹನ್ತಿ, ಅನುದಹಮಾನಸ್ಸ ಪನ ಪಚ್ಚಯೋ ಹೋತೀತಿ ಅನುದಹನಟ್ಠೇನೇವ ‘‘ಆಹುನೇಯ್ಯಗ್ಗೀ’’ತಿ ವುಚ್ಚತಿ। ಯೋ ಮಾತುಗಾಮಸ್ಸ ಸಯನವತ್ಥಾಲಙ್ಕಾರಾದಿಅನುಪ್ಪದಾನೇನ ಬಹೂಪಕಾರೋ, ತಂ ಅತಿಚರನ್ತೋ ಮಾತುಗಾಮೋ ನಿರಯಾದೀಸು ನಿಬ್ಬತ್ತತಿ, ತಸ್ಮಾ ಸೋಪಿ ಪುರಿಮನಯೇನೇವ ಅನುದಹನಟ್ಠೇನ ‘‘ಗಹಪತಗ್ಗೀ’’ತಿ ವುತ್ತೋ। ‘‘ದಕ್ಖಿಣೇಯ್ಯಗ್ಗೀ’’ತಿ ಏತ್ಥ ಪನ ‘‘ದಕ್ಖಿಣಾ’’ತಿ ಚತ್ತಾರೋ ಪಚ್ಚಯಾ, ಭಿಕ್ಖುಸಙ್ಘೋ ದಕ್ಖಿಣೇಯ್ಯೋ, ಸೋ ಗಿಹೀನಂ ತೀಸು ಸರಣೇಸು, ಪಞ್ಚಸು ಸೀಲೇಸು, ದಸಸು ಸೀಲೇಸು, ಮಾತಾಪಿತುಪಟ್ಠಾನೇ, ಧಮ್ಮಿಕಸಮಣಬ್ರಾಹ್ಮಣೂಪಟ್ಠಾನೇತಿ ಏವಮಾದೀಸು ಕಲ್ಯಾಣಧಮ್ಮೇಸು ನಿಯೋಜನೇನ ಬಹೂಪಕಾರೋ, ತಸ್ಮಿಂ ಮಿಚ್ಛಾಪಟಿಪನ್ನೋ ಗಿಹೀ ಭಿಕ್ಖುಸಙ್ಘಂ ಅಕ್ಕೋಸಿತ್ವಾ ನಿರಯಾದೀಸು ನಿಬ್ಬತ್ತತಿ, ತಸ್ಮಾ ಸೋಪಿ ಪುರಿಮನಯೇನೇವ ಅನುದಹನಟ್ಠೇನ
‘‘ದಕ್ಖಿಣೇಯ್ಯಗ್ಗೀ’’ತಿ
೪೨೦. ಸಿಲೋಕೋ ದಾನೇ। ಹಾ ಚಾಗೇ, ಣೋ, ದ್ವಿತ್ತಚತ್ತಗತ್ತಾನಿ, ಚಜ ಹಾನಿಮ್ಹಿ ವಾ। ಸಜ ವಿಸಗ್ಗೇ, ವಿಸಗ್ಗೋ ದಾನಂ, ಉಪುಬ್ಬೋ ಸಜ ವಿಸಜ್ಜೇ, ಣೋ, ಪುಬ್ಬೇ ವಾಗಮೋ, ವೋಸಗ್ಗೋ। ದಿಸ ಅತಿಸಜ್ಜನೇ, ಅತಿಸಜ್ಜನಂ ದಾನಂ, ಪಬೋಧನಞ್ಚ, ಇಹ ದಾನಂ ಪದೇಸನಂ। ಸಣ ದಾನೇ, ಯು। ತರ ಪ್ಲವನತರಣೇಸು, ಮಚ್ಛೇರಸೋತಾತಿಕ್ಕಮನಮೇತ್ಥ ತರಣಂ। ಹಾ ಚಾಗೇ, ಚುರಾದಿ, ತೋ, ಯಾಲೋಪೋ, ಭೂವಾದಿಮ್ಹಿ ಪನ ‘‘ಆಕಾರನ್ತಾನಮಾಯೋ’’ತಿ ಆಯೋ, ವಿಹಾಯಿತಂ। ವಜ್ಜ ವಜ್ಜನೇ, ಸಬ್ಬತ್ರ ಭಾವಸಾಧನಂ। ಉಪಸಗ್ಗವಿಸೇಸೇನೇತೇ ದಾನತ್ಥಾಭಿಧಾಯಿನೋ। ಫಸ್ಸನಂ, ಪತಿಪಾದನಂಪ್ಯತ್ರ।
೪೨೧. ಸೇಟ್ಠಧನಸ್ಸ, ಪುತ್ತಾನಂ, ದಾರಾನಂ, ರಜ್ಜಸ್ಸ, ಅಙ್ಗಾನಞ್ಚ ವಸೇನ ಪಞ್ಚಮಹಾಪರಿಚ್ಚಾಗೋ ವುತ್ತೋ। ತತ್ರ ಸೇಟ್ಠಧನಂ ಸೇತಹತ್ಥಾದಿರತನಂ। ಪುತ್ತಾ ಓರಸಾ, ಅಥ ವಾ ಪುತ್ತಧೀತರೋ। ದಾರೋ ಪತಿಬ್ಬತಾ ಪಿಯಭರಿಯಾ। ರಜ್ಜಂ ಪಕತಿರಜ್ಜಂ, ತದುಟ್ಠಿತೋ ವಾ ಆಯೋ। ಅಙ್ಗಂ ಚಕ್ಖಾದಿ। ಮಹನ್ತೇಹಿ ಉತ್ತಮಪುರಿಸೇಹೇವ ಕತೋ, ಮಹನ್ತಾನಂ ವಾ ಪರಿಚ್ಚಾಗೋ ಮಹಾಪರಿಚ್ಚಾಗೋ, ಮಹತ್ಥಂ ವಾ ಬುದ್ಧಭಾವತ್ಥಂ ಕತೋ ಪರಿಚ್ಚಾಗೋ ಮಹಾಪರಿಚ್ಚಾಗೋ, ಕಾಪುರಿಸೇಹಿ ದುಕ್ಕರತ್ತಾ ಮಹನ್ತೋ ವಾ ಸೇಟ್ಠೋ ಪರಿಚ್ಚಾಗೋ ಮಹಾಪರಿಚ್ಚಾಗೋ।
೪೨೨. ದಾನಪಾರಮೀಆದಿಕಾನಂ ‘‘ಅನ್ನಂ ಪಾನ’’ಮಿಚ್ಚಾದಿ। ತತ್ರ ಅನ್ನಂ ಪಾನವಜ್ಜಿತಂ ಯಂ ಕಿಞ್ಚಿ ಖಾದನೀಯಾದಿಕಂ। ಪಾನಂ ಪಾತಬ್ಬಂ ಉದಕಾದಿ। ಯಾನಂ ಹತ್ಥ್ಯಾದಿ ಅನ್ತಮಸೋ ಉಪಾಹನಂ ಉಪಾದಾಯ ಗಮನಸಾಧನಂ। ಮಾಲಾ ಮಾಲ್ಯಂ, ಪುಪ್ಫಞ್ಚ। ವಿಲೇಪನಂ ಛವಿರಾಗಕರಣಂ, ವಿಭೂತೋ ಸುಗನ್ಧೋ ವಾ। ಗನ್ಧೋ ತದಞ್ಞಗನ್ಧೋ। ಸೇಯ್ಯಾ ಮಞ್ಚಾದಿ, ಸೇಯ್ಯಾಗ್ಗಹಣೇನ ಚೇತ್ಥ ಆಸನಮ್ಪಿ ಗಹಿತಂ। ಪದೀಪೇಯ್ಯಂ ಪದೀಪಸ್ಸ ಹಿತಂ ಯಂ ಕಿಞ್ಚಿ ತೇಲಾದಿ, ಇಮೇ ದಸ ದಾನವತ್ಥೂ ನಾಮ ಸಿಯುಂ। ದೀಯನ್ತೇ ಯಾಯಾತಿ ದಾನಂ। ತಸ್ಸ ವತ್ಥು ಕಾರಣಂ, ತದುಪ್ಪತ್ತಿಯಾ ಉಪ್ಪಜ್ಜನತೋತಿ ದಾನವತ್ಥು, ದಾತಬ್ಬಂ ವಾ ದಾನಂ, ಅನ್ನಾದಿ, ತದೇವ ವತ್ಥು। ಏತಾನಿ ಪನ ದಸ ದಾನವತ್ಥೂನಿ ಸುತ್ತನ್ತನಯೇನ ಕಥಿತಾನಿ। ವಿನಯಾಭಿಧಮ್ಮನಯವಸೇನಾಪಿ ಪನ ಕಥೇತಬ್ಬಾನಿ, ರೂಪಾದಿಛಳಾರಮ್ಮಣದಾನವಸೇನ ಹಿ ಅಭಿಧಮ್ಮೇ ಛ ದಾನವತ್ಥೂನಿ ಆಗತಾನಿ, ವಿನಯೇ ಚೀವರಪಿಣ್ಡಪಾತಭೇಸಜ್ಜಸೇನಾಸನವಸೇನ ಚತ್ತಾರಿ ಆಗತಾನಿ। ತತ್ಥೇವಮಾಚರಿಯಾ ವದನ್ತಿ ‘‘ಸುತ್ತನ್ತನಯದಾನತೋ ವಿನಯದಾನಮೇವ ಮಹಪ್ಫಲಂ, ಕಸ್ಮಾ? ಅನ್ನಾದಿದಾನಮತ್ತವಸೇನೇವ ಯಸ್ಸ ಕಸ್ಸಚಿ ದುಸ್ಸೀಲಾದಿಕಸ್ಸ ದಾತಬ್ಬನ್ತಿ ಅನುಜಾನಿತ್ವಾ ಪಿಣ್ಡಪಾತಾದಿಕಪ್ಪಿಯವೋಹಾರವಸೇನ ಸೀಲವನ್ತಾದಿಕಸ್ಸೇವ ಚ ದಾತಬ್ಬನ್ತಿ ಅನುಞ್ಞಾತತ್ತಾ। ಸಾಮಞ್ಞದಾನತೋ ಹಿ ವಿಸೇಸದಾನಮೇವ ಮಹಪ್ಫಲಂ, ತತೋಪಿ ಅಭಿಧಮ್ಮನಯದಾನಮೇವ ಮಹಪ್ಫಲಂ, ಕಸ್ಮಾ? ರೂಪಾದೀಸು ಪರಮತ್ಥವಸೇನೇವ ಅಭಿನಿವಿಸಿತ್ವಾ ದಾನವಸೇನ ತತೋಪಿ ಅತಿಸಯದಾನತ್ತಾ’’ತಿ। ಮಯಂ ಪನ ಸುತ್ತನ್ತನಯದಾನಂ ವಾ ಹೋತು ವಿನಯಾಭಿಧಮ್ಮನಯದಾನಂ ವಾ, ಯಂ ಖೇತ್ತಾದಿತಿವಿಧಸಮ್ಪದಾಯುತ್ತಂ, ತಮೇವ ಮಹಪ್ಫಲಂ ಕರೋತೀತಿ ವದಾಮ।
೪೨೩. ತದಹೇ ಏತಂ ದಾನಂ ದೇಹಾ ಉದ್ಧೇ ಭವಂ ಉದ್ಧದೇಹಿಕಂ ನಾಮ। ಪಿತರಂ ಉದ್ದಿಸ್ಸ ಜಲಾಞ್ಜಲಿಸುವಣ್ಣಾದಿದಾನಂ ನಿವಾಪೋ, ವಪ ಬೀಜಸನ್ತಾನೇ, ಣೋ। ಕಾಲಪತ್ತಾದಿನಿಯಮೇನ ರಾಜಮತ್ತಣ್ಡವಿಸೋತ್ತರಾದಿಸತ್ಥತೋ ವಿಹಿತಂ, ತಂವ ತಮೇವ ಪಿತುದಾನಂ ಸಮಣಬ್ರಾಹ್ಮಣಭೋಜನಾದಿ ಸದ್ಧಂ ನಾಮ, ಸದ್ಧಾ ಅಸ್ಸ ದಾನಸ್ಸತ್ಥೀತಿ, ಣೋ। ಸತ್ಥತೋತಿ ಹೇತುಮ್ಹಿ ಅವಧ್ಯತ್ಥವತ್ತಿಚ್ಛಾಯ ಪಞ್ಚಮೀ।
೪೨೪. ಚತುಕ್ಕಂ ಗೇಹಾಗತೇ। ಅತ ಸಾತಚ್ಚಗಮನೇ, ಇಥಿ, ಅತಿಥಿ, ‘‘ಅತಿಥಿ ದ್ವೀಸೂ’’ತಿ ತಿಕಣ್ಡಸೇಸೇ ಅತಿಥೀ ಚ। ಆಗಚ್ಛತೀತಿ ಆಗನ್ತು, ತು। ಆಹುನಂ ವುಚ್ಚತಿ ಗೇಹಾಗತಾನಂ ದಾತಬ್ಬಭತ್ತಾದಿ, ತಂ ಪಟಿಗ್ಗಣ್ಹಿತುಂ ಅರಹತೀತಿ ಪಾಹುನೋ। ವಿಸ ಪವೇಸನೇ, ಆವೇಸನಂ ಆವೇಸೋ, ತಮರಹತೀತಿ ಆವೇಸಿಕೋ। ಅತ್ಯಾಗತೋಪ್ಯತ್ರ। ಗನ್ತುಮಿಚ್ಛತೀತಿ ಗಮಿಕೋ, ಇಕೋ। ದ್ವಯಂ ಪೂಜಿತಪುಪ್ಫದಬ್ಬಕ್ಖತಾದಿಮ್ಹಿ। ಅಗ್ಘ ಪೂಜಾಯಂ, ಅ। ಣ್ಯಮ್ಹಿ ಅಗ್ಘಿಯಂ, ಅಗ್ಘಯಮ್ಪಿ। ಅಗ್ಘತೋ ವಾ ತದತ್ಥಿಯೇ ಇಯೋ।
೪೨೫. ಪಾದತ್ಥೇ ಪಜ್ಜಂ। ಪದಸ್ಸ ಹಿತಂ ಪಜ್ಜಂ। ಆಗನ್ತ್ವಾದಯೋ ಪಜ್ಜಪರಿಯನ್ತಾ ಸತ್ತ ಸದ್ದಾ ತೀಸು ಲಿಙ್ಗೇಸು।
ಛಕ್ಕಂ ಚಿ ಚಯೇ,ತಿ। ಅಚ್ಚ ಪೂಜಾಯಂ, ಯು। ಪೂಜ ಪೂಜಾಯಂ, ಇತ್ಥಿಯಮತಿ ಅ। ಹರ ಹರಣೇ, ಉಪಪುಬ್ಬೋ ಹರ ಪೂಜಾಯಂ, ಣೋ, ಉಪಹಾರೋ, ಪುಮೇ। ಬಲ ಪಾಣನಪೂಜಾಸಂವರಣೇಸು, ಇ, ಬಲಿ ದ್ವೀಸು। ಮಾನ ಪೂಜಾಯಂ, ಯು। ನಮಸ್ಸಾಪ್ಯತ್ರ, ನಮಸ್ಸ ಪೂಜಾಯಂ, ಇತ್ಥಿಯಂ ಅ।
೪೨೬. ಚತುಕ್ಕಂ ವನ್ದನಾಯಂ। ನಮಸ್ಸ ವನ್ದನೇ, ಪುಬ್ಬೇವ, ನಮು ನಮನೇ ವಾ, ಸ್ಸಪಚ್ಚಯೋ। ನಮೋ ಕರಣಂ ನಮಕ್ಕಾರೋ, ಣೋ। ನಮೋತೋ ಛಟ್ಠೀಲೋಪೋ, ‘‘ಲೋಪಞ್ಚ ತತ್ರಾಕಾರೋ’’ತಿ ಓಕಾರಲೋಪೇ ಅಕಾರಾಗಮೋ, ಅಥ ವಾ ನಮನಂ ನಮೋ, ತಸ್ಸ ಕರಣಂ ನಮಕ್ಕಾರೋ, ರಹೋಸದ್ದೋ ವಿಯ ಹಿ ನಮೋಸದ್ದೋತ್ರ ದ್ವಿಧಾ ವತ್ತತಿ। ಏಕೋ ಅಕಾರನ್ತೋ ಸಲಿಙ್ಗೋ, ಏಕೋ ಅಲಿಙ್ಗೋ ಓಕಾರನ್ತೋತಿ। ವನ್ದ ಅಭಿವಾದನಥುತೀಸು, ಯು, ವನ್ದನಾ, ನಲೋಪೇ, ದೀಘೇ ಚ ಅಭಿವಾದನಂ।
ತಿಕಂ ಪತ್ಥನಾಮತ್ತೇ। ಅತ್ಥ ಯಾಚನಾಯಂ, ಯು, ಪತ್ಥನಾ। ಅತ್ಥನಾಪಿ। ಠಾ ಗತಿನಿವತ್ತಿಮ್ಹಿ। ಪನಿದ್ವಯಪುಬ್ಬೋ ಪತ್ಥನಾಯಂ, ಯು, ಣತ್ತಂ, ಧತ್ತಂ। ಇಮ್ಹಿ ಪಣಿಧಿ। ಅಯಂ ಪುರಿಸೇ ಪುಲ್ಲಿಙ್ಗೇ। ಯಾಚನಾಪ್ಯತ್ರ।
೪೨೭. ಸಕ್ಕಾರಪುಬ್ಬಙ್ಗಮಂ ಕತ್ವಾ ಗರುಆದೀನಂ ಆರಾಧನೀಯಾನಂ ಕ್ವಚಿ ಅತ್ಥೇ ನಿಯೋಜನಂ ಪತ್ಥನಾವಿಸೇಸೋ ಅಜ್ಝೇಸನಾ, ಇಸ ಗವೇಸನೇ, ಇಸ ಗತಿಹಿಂಸಾವದಾನೇಸುವಾ, ಯು, ಅಜ್ಝೇಸನಾ, ಯಥಾ ‘‘ದೇಸೇತು ಭಗವಾ ಧಮ್ಮಂ, ದೇಸೇತು ಸುಗತೋ ಧಮ್ಮ’’ನ್ತಿ
೪೨೮. ಚತುಕ್ಕಂ ಏಸ ಗವೇಸನೇ, ಯಾಗಮೇ ಪರಿಯೇಸನಾ। ತಿಮ್ಹಿ ಪರಿಯೇಟ್ಠಿ। ಗವೇಸ ಮಗ್ಗನೇ।
ತಿಕಂ ಆರಾಧನೀಯಸ್ಸ ಚಿತ್ತಾನುಕೂಲೇ। ಆಸ ಉಪವೇಸನೇ, ಯು, ಉಪಾಸನಂ। ಸು ಸವನೇ। ಸೋತುಮಿಚ್ಛಾ ಸುಸ್ಸೂಸಾ, ‘‘ಭುಜಘಸಹರಸುಪಾದೀಹಿ ತುಮಿಚ್ಛತ್ಥೇಸೂ’’ತಿ ಸಪಚ್ಚಯೋ, ದ್ವಿತ್ತಾದಿ, ಸುಸ್ಸೂಸಾ, ಸಾ ಇತ್ಥೀ। ಚರತಿತೋ ಭಾವೇ ಣ್ಯೋ, ಪಾರಿಚರಿಯಾ।
೪೨೯. ತಿಕಂ ತುಣ್ಹೀಭಾವೇ। ಮುನಿನೋ ಕಮ್ಮಂ ಮೋನಂ, ಣೋ। ತುಹ ಅದನೇ, ಣ್ಹಪಚ್ಚಯೋ, ಹಲೋಪೋ ಚ, ತುಣ್ಹೋ ಮೋನಮೇತಸ್ಸತ್ಥೀತಿ ತುಣ್ಹೀ, ತಸ್ಸ ಭಾವೋ ತುಣ್ಹೀಭಾವೋ, ಅತುಣ್ಹಸ್ಸ ವಾ ತುಣ್ಹೀಭವನಂ ತುಣ್ಹೀಭಾವೋ, ಅಥ ವಾ ತೋಹತೀತಿ ತುಣ್ಹೀ, ತುಹ ಅದನೇ, ಅದನಂ ಹಿಂಸಾ, ಣೀಪಚ್ಚಯೋ, ವಣ್ಣವಿಪರಿಯಯೋ, ತುಣ್ಹಿನೋ ಭಾವೋ ತುಣ್ಹೀಭಾವೋ।
ಪಞ್ಚಕಂ ಅನುಕ್ಕಮೇ। ಪತಿರೂಪೇನ ಪತನಂ ಪಟಿಪಾಟಿ, ಪತ ಗಮನೇ, ಉಭಯತ್ರಾಪಿ ತಸ್ಸ ಟೋ, ಇ। ಸಾ ಇತ್ಥೀ। ಅನುರೂಪೋ ಕಮೋ, ಕಮೋ ಏವ ವಾ ಅನುಕ್ಕಮೋ। ಪರಿ ಅನತಿಕ್ಕಮೇನ ಅಯನಂ ಪವತ್ತನಂ ಪರಿಯಾಯೋ। ಪುಬ್ಬಸ್ಸಾನುರೂಪಾ ಅನುಪುಬ್ಬೀ, ನದಾದಿ। ಅಯಂ ಅಪುಮೇ। ಅನುಪುಬ್ಬಮ್ಪಿ। ಕಮು ಇಚ್ಛಾಕನ್ತೀಸು, ಣೋ।
೪೩೦. ತಿಕಂ ಸೀಲೇ। ತಪ ಸನ್ತಾಪೇ। ಕಿಲೇಸೇ ತಾಪೇತೀತಿ ತಪೋ, ಅ। ಯಮು ಉಪರಮೇ, ಉಪರಮೋ ವಿರಮಣಂ, ಭಾವೇ ಣೋ ಸಿ ಬನ್ಧನೇ, ಸಿನೋತಿ ಚಿತ್ತಮೇತೇನಾತಿ ಸೀಲಂ, ಲೋ, ಸೀಲ ಸಮಾಧಾನೇ ವಾ, ಸಮಾಧಾನಂ ಕುಸಲಾನಂ ಧಮ್ಮಾನಂ ಅಧಿಟ್ಠಾನಭಾವೋ। ಸೀಲ ಸಮಾಧಿಮ್ಹಿ ವಾ, ಸಮಾಧಿರತ್ರ ಕುಸಲಾನಂ ಧಮ್ಮಾನಂ ಅಭ್ಯುಪಗಮೋ, ಅಞ್ಞತ್ರ ಸೀಲೇ ತುಪಚಾರಾ, ಅಥ ವಾ ಅತ್ತಾನಂ, ಪರಞ್ಚ ನಿರಯಾದೀಸು ತಾಪೇತೀತಿ ತಪೋ। ಕುಸಲಧಮ್ಮತೋ ಸಂಯಮನಂ ವಿರಮಣಂ ಸಂಯಮೋ, ಸಮಾಧಾನಞ್ಚಾತ್ರಾಕುಸಲಧಮ್ಮವಸೇನೇವಾತಿ ಅಯಂ ಅಞ್ಞತ್ರ ಸೀಲೇ ನಿಬ್ಬಚನಂ।
ಸತ್ಥವಿಹಿತೋ ನಿಯಮೋ ವತಂ। ‘‘ಮನ್ತನಾಯಂ ಪಟಿಞ್ಞಾಯಂ, ನಿಯಮೋ ನಿಚ್ಛಯೇ ವತೇ’’ತಿ ರಭಸೋ। ತಞ್ಚ ವತಂ ಉಪವಾಸಾದಿಲಕ್ಖಣಂ ಪುಞ್ಞಮುಚ್ಚತೇ। ‘‘ಸೀಲಂ ಚಾರಿತ್ತಂ ವಾರಿತ್ತಮುಪವಾಸಾದಿಪುಞ್ಞಕ’’ನ್ತ್ಯಮರಮಾಲಾ। ಆದಿನಾ ಅಕ್ಖಾರಲವಣಾಸನಾದಿ ತಪಾದಯೋ ಮುಖ್ಯವಸೇನ ಕುಸಲಸೀಲೇ ವತ್ತನ್ತಿ, ರೂಳ್ಹೀವಸೇನ ಅಕುಸಲಸೀಲೇಪಿ। ನಿಯಮಾದಯೋ ಮುಖ್ಯವಸೇನ ಅಕುಸಲಸೀಲೇ ವತ್ತನ್ತಿ, ರೂಳ್ಹೀವಸೇನ ಕುಸಲಸೀಲೇತಿ ಅಯಂ ಸೀಲಬ್ಬತಾನಂ ವಿಸೇಸೋ। ಯಮು ಉಪರಮೇ। ವತು ವತ್ತನೇ, ವತ್ತನಞ್ಚಾತ್ರ ಚರಣಂ, ಸಮಾಧಾನಂ ವಾ। ವಾ ಪುಲ್ಲಿಙ್ಗೇಪಿ।
ದ್ವಯಂ ಮರಿಯಾದಾತಿಕ್ಕಮೇ। ಕಮು ಪದವಿಕ್ಖೇಪೇ, ವಿರೂಪೋ ಅತಿಕ್ಕ ಮೋ ವೀತಿಕ್ಕಮೋ। ಮರಿಯಾದಾತಿಕ್ಕಮೋ ಆಚಾರೋ ಅಜ್ಝಾಚಾರೋ। ಕಾಯವಿವೇಕಾದಯೋ ತಯೋ ಏತ್ಥ ವಿವೇಕೋ। ವಿಚ ವಿವೇಚನೇ, ಪುಥಭಾವೇ ಚ, ಭಾವೇ ಣೋ, ದ್ವಿತ್ತಾದಿ। ಪುಥು ವಿಸುಂಭೂತೋ ಗಣಾದೀಹಿ ಅತ್ತಾ ಸರೀರಂ ಮನೋ ಸಭಾವೋ ಚ ಏತೇಸನ್ತಿ ಪುಥುಗತ್ತಾ, ತೇಸಂ ಭಾವೋ ಪುಥುಗತ್ತತಾ ಗಾಗಮೋ। ‘‘ಏವಂಸರೂಪೋಯಂ ಪುರಿಸೋ, ಏವಂಸರೂಪಾ ವಾ ಅಮ್ಹೇಪಿ ನೇಸಂ ಪಕತಿ’’ರಿತಿ ಪಕತಿಪುರಿಸಾನಂ ವಿಭಾಗೇನ ಞಾಣವಿವೇಕೋ। ಅತ್ತಾ ಬುದ್ಧಿ, ಸೋ ಪುಥುಭಾವೇನ ಯಸ್ಸ, ತಬ್ಭಾವೋ ಪುಥುಗತ್ತತಾತ್ಯಞ್ಞೇ। ಅಞ್ಞತೋ ವಿಲಕ್ಖಣಸ್ಸ ಭಾವೋ ಪುಥುಗತ್ತತಾತ್ಯಞ್ಞೇ।
೪೩೧. ಖುದ್ದಾನುಖುದ್ದಕಂ ಆಭಿಸಮಾಚಾರಿಕನ್ತಿ ಕತ್ವಾ, ತದಞ್ಞಂ ಖುದ್ದಾನುಖುದ್ದಕತೋ ಅಞ್ಞಂ ಪಾತಿಮೋಕ್ಖಸಂವರಸೀಲಾದಿಕಂ ಸೀಲಂ ಬ್ರಹ್ಮಚರಿಯಸ್ಸಾರಿಯಮಗ್ಗಸ್ಸ ಆದಿಮ್ಹಿ ತದತ್ಥಾಯ ಚರಿತಬ್ಬತ್ತಾ ಆದಿಬ್ರಹ್ಮಚರಿಯಮಿತ್ಯುಚ್ಚತೇ।
೪೩೨. ಪಾಪೇಹಿ ಅಕುಸಲಧಮ್ಮೇಹಿ ಉಪಾವತ್ತೋ ವಾಸೋ ವಸನಂ ಥಮ್ಭನಮತ್ಥಿ, ಸೋ ‘‘ಉಪವಾಸೋ’’ತಿ ವಿಜಾನಿತಬ್ಬೋ। ವಸು ಥಮ್ಭೇ, ದಿವಾದಿ, ಉಪವಸನಂ ಉಪವಾಸೋ, ಣೋ, ವಿಗತೋ, ಉಪೇತೋ ಚ ವಾಸೋತಿ ವಾ ಉಪವಾಸೋ।
೪೩೩. ಪಜ್ಜದ್ಧಂ ಭಿಕ್ಖುಮ್ಹಿ। ತಪೋ ಕಮ್ಮಮಸ್ಸತ್ಥೀತಿ ತಪಸ್ಸೀ, ತಪಾದಿತೋ ಸೀ, ದ್ವಿತ್ತಂ। ಭಯದಸ್ಸನಸೀಲೋ ಭಿಕ್ಖು, ರೂ, ರಸ್ಸೋ। ಸಮೇತೀತಿ ಸಮಣೋ, ಯು। ಪಬ್ಬಜಾ ಸಞ್ಜಾತಾ ಯಸ್ಸಾತಿ ಪಬ್ಬಜಿತೋ, ಸಞ್ಜಾತತ್ಥೇ ಇತೋ, ಸೇಟ್ಠತ್ತಂ ವಜತೀತಿ ವಾ ಪಬ್ಬಜಿತೋ, ವಜ ಗಮನೇ, ತೋ। ತಪೋಕಮ್ಮಂ ಧನಂ ಯಸ್ಸಾತಿ ತಪೋಧನೋ।
ದ್ವಯಂ ಮೋನಬ್ಬತೇ। ವಾಚತೋ ಯಮತೀತಿ ವಾಚಂಯಮೋ, ನಿಗ್ಗಹೀತಾಗಮೋ, ರಸ್ಸೋ ಚ। ಮೋನಮಸ್ಸತ್ಥೀತಿ ಮುನಿ, ರಸ್ಸೋ, ಓಸ್ಸು। ದ್ವಯಂ ಆಭುಸೋಪವಾಸನಬ್ರಹ್ಮಚರಿಯಾದಿಯುತ್ತೇ। ತಪೋಯೋಗಾ ತಾಪಸೋ, ಸಣ। ಇಸ ಗವೇಸನೇ, ಇ, ಇಸಿ, ಇಸ ಗತಿಯಂ ವಾ, ಞಾಣಸ್ಸ, ಸಂಸಾರಸ್ಸ ವಾ ಪಾರಂ ಗಮನತೋ ಇಸಿ, ಇ। ಪಾರಿಕಙ್ಖೀಪ್ಯತ್ರ, ಪಾರಮಸ್ಸತ್ಥೀತಿ ಪಾರೀ, ಬ್ರಹ್ಮಞಾಣಂ, ತಂ ಕಙ್ಖತೀತಿ ಪಾರಿಕಙ್ಖೀ।
೪೩೪. ದ್ವಯಂ ಜಿತಿನ್ದ್ರಿಯಗಣೇ। ಯೇಸಂ ಸಂಯತಾ ಇನ್ದ್ರಿಯಾನಂ ಗಣಾ, ತೇ ಯತಿನೋ, ವಸಿನೋ ಚ ನಾಮ। ಯತಂ ಇನ್ದ್ರಿಯಸಂಯಮೋ ನಿಚ್ಚಮೇತೇಸಮತ್ಥೀತಿ ಯತಿನೋ, ಈ। ಯತಯೋಪಿ, ಯತ ಪಯತನೇ, ಇ। ವಸ ಪಾಗುಣ್ಯೇ, ವಸೋ ಯೇಸಮತ್ಥೀತಿ ವಸಿನೋ, ಈ।
ತಿಕಂ ಧಮ್ಮಸೇನಾಪತಿಮ್ಹಿ। ಸಾರೀ ನಾಮ ಬ್ರಾಹ್ಮಣೀ, ತಸ್ಸಾ ಪುತ್ತೋ ಸಾರಿಪುತ್ತೋ। ತುಸ್ಸನ್ತ್ಯಸ್ಮಿಂ ಅತ್ಥಸಿದ್ಧಿತೋತಿ ತಿಸ್ಸೋ, ಸೋ, ತುಸ್ಸಿ ಚ। ಪೂಜಿತೋ ತಿಸ್ಸೋ ಉಪತಿಸ್ಸೋ, ಅಥ ವಾ ‘‘ತಿಸ್ಸೋ’’ತಿ ವಾ ‘‘ಫುಸ್ಸೋ’’ತಿ ವಾ ‘‘ಉಪತಿಸ್ಸೋ’’ತಿ ವಾ ದಹರಕಾಲೇ ಮಾತಾಪಿತೂಹಿ ಯದಿಚ್ಛಾಯ ಗಹಿತಂ ನಾಮಂ, ‘‘ಸಾರಿಪುತ್ತೋ’’ತಿ ಮಾತುವಸೇನ, ‘‘ಧಮ್ಮಸೇನಾಪತೀ’’ತಿ ಪನ ಅರಿಯಭಾವಪ್ಪತ್ತೇ ಸಮ್ಮಾಸಮ್ಬುದ್ಧೇನ ಗಹಿತಂ ನಾಮಂ। ಕುಸಲಧಮ್ಮಾವುಧೇಹಿ ಕಾಮಾದಿಕಾ ಅಕುಸಲಧಮ್ಮಸೇನಾ ಜಿತಾ ಯೇಸಂ ಧಮ್ಮಸೇನಾ, ಅನೇಕಕೋಟಿಸತಸಹಸ್ಸಸಙ್ಖ್ಯಾ ಭಗವತೋ ಸಾವಕಸಙ್ಘಾ, ತೇಸಂ ಪತಿ ನಾಯಕಟ್ಠೇನ ಧಮ್ಮಸೇನಾಪತಿ।
೪೩೫. ದ್ವಯಂ ಕೋಲಿತೋ। ಮೋಗ್ಗಲ್ಲಿಬ್ರಾಹ್ಮಣಿಯಾ ಅಪಚ್ಚಂ ಮೋಗ್ಗಲ್ಲಾನೋ, ಣಾನೋ। ದ್ವಯಂ ಅರಿಯಸಾಮಞ್ಞೇ। ಕಿಲೇಸಾರಯೋ ಹನತೀತಿ ಅರಹೋ, ಸೋ ಏವ ಅರಿಯೋ, ಅರ ಗಮನೇ ವಾ, ಅರತಿ ಅಧಿಗಚ್ಛತಿ ಮಗ್ಗಫಲಧಮ್ಮೇತಿ ಅರಿಯೋ, ಣ್ಯೋ। ಅಧಿಗಚ್ಛಿತ್ಥಾತಿ ಅಧಿಗತೋ, ತೋ।
ಅಸೇಕ್ಖಸ್ಸ ಗಹಿತತ್ತಾ ‘‘ಸೋತಾಪನ್ನಾದಿಕಾ’’ತಿ ಏತ್ಥಾದಿನಾ ಛಳೇವ ಪುಗ್ಗಲಾ ಸಙ್ಗಹಿತಾ, ತೇನ ಸೋತಾಪತ್ತಿಮಗ್ಗಟ್ಠಾದಯೋ ಸತ್ತ ಸೇಕ್ಖಾ, ಏಕೋ ಅರಹಾ ಅಸೇಕ್ಖಾತಿ ಸಿದ್ಧಂ। ತೀಹಿ ಸಿಕ್ಖಾಹಿ ಯುತ್ತತಾಯ ಸೇಕ್ಖಾ, ಕಕಾರಲೋಪೇನ ‘‘ಸೇಖಾ, ಅಸೇಖಾ’’ತಿಪ್ಯತ್ಥಿ। ದ್ವಯಂ ಅನಧಿಗತೇ। ಅರಿಯೇಹಿ ಪುಥು ವಿಸುಂಭೂತೋ ಜನೋ ಪುಥುಜ್ಜನೋ, ಪುಥು ವಾ ನಾನಾಕಿಲೇಸೇ ಜನೇತೀತಿ ಪುಥುಜ್ಜನೋ।
೪೩೬. ದ್ವಯಂ ಅಗ್ಗಫಲೇ। ಪಠಮಮಗ್ಗಾದೀಹಿ ದಿಟ್ಠಮರಿಯಾದಮನತಿಕ್ಕಮಿತ್ವಾ ಜಾನಿತ್ಥಾತಿ ಅಞ್ಞಾ, ರಸ್ಸೋ, ರೂಪರಾಗಾದೀನಂ ವಾ ಪಞ್ಚುದ್ಧಮ್ಭಾಗಿಯಾನಂ ಸಂಯೋಜನಾನಂ ಓಧಿವಸೇನ ಮಾರಣತೋ ಅಞ್ಞಾ, ಮರಿಯಾದತ್ಥೋ ಚೇತ್ಥ ಆಕಾರೋ, ಞಾ ಮಾರಣತೋಸನನಿಸಾನೇಸು, ಇತ್ಥಿಯಮತಿ ಅ। ಅರಹತೋ ಭಾವೋ ಅರಹತ್ತಂ, ಭಾವೇ ತ್ತೋ, ಭಾವೋತ್ರ ಅಭಿಧಾನಬುದ್ಧೀನಂ ಪವತ್ತಿಯಾ ನಿಮಿತ್ತಂ ಬ್ಯುಪ್ಪತ್ತಿ, ಗೋಆದಿಸದ್ದಸರೂಪಂ, ತಸ್ಸಾ ನಿಮಿತ್ತಂ ಬ್ಯುಪ್ಪತ್ತಿನಿಮಿತ್ತಂ, ಕ್ರಿಯಾಪಕತಿಪಚ್ಚಯಾದಯೋ, ವಿವಿಧಂ ವಾ ಗೋಆದಿಸದ್ದಸರೂಪಂ ಉಪ್ಪಾದೇತೀತಿ ಬ್ಯುಪ್ಪತ್ತಿ, ಸಾ ಏವ ನಿಮಿತ್ತಂ, ಯಥಾವುತ್ತಾ ಕ್ರಿಯಾದಯೋಯೇವ। ಪವತ್ತಯತಿ ತತ್ಥ ತತ್ಥ ಅತ್ಥೇ ಪಯೋಜಯತೀತಿ ಪವತ್ತಿ, ಗೋಆದಿಕೋ ಸದ್ದೋ, ತಸ್ಸ ನಿಮಿತ್ತಂ ಪವತ್ತಿನಿಮಿತ್ತಂ, ಜಾತಿಕ್ರಿಯಾಗುಣದಬ್ಬನಾಮಾನಿ। ತತ್ರ ಬ್ಯುಪ್ಪತ್ತಿನಿಮಿತ್ತಂ ಸದ್ದಸರೂಪುಪ್ಪತ್ತಿಯಾ ಕಾರಣಂ, ಪವತ್ತಿನಿಮಿತ್ತಂ ಪನ ಸದ್ದಪ್ಪಯೋಜನಸ್ಸ ಕಾರಣನ್ತಿ ಅಯಮೇತೇಸಂ ಸಙ್ಖೇಪತೋ ಲಕ್ಖಣವಿಸೇಸೋ।
ದ್ವಯಂ ಚೇತಿಯೇ। ಥು ಅಭಿತ್ಥವೇ, ಪೋ, ದೀಘಾದಿ। ಚಿತ ಪೂಜಾಯಂ, ಚೇತಿತಬ್ಬಂ ಪೂಜೇತಬ್ಬನ್ತಿ, ಣ್ಯೋ, ಚೇತಿಯಂ। ಏತ್ಥ ಚ ಥೂಪಸದ್ದೋ ಸಮುಖೇಪಿ, ಚೇತಿಯಸದ್ದೋ ಪನ ಮುಖರಹಿತೇಯೇವ ವತ್ತತಿ। ‘‘ಚೇತಿಯಮಾಯತನೇ ಬುದ್ಧ-ಬಿಮ್ಬೇ ಚೋದ್ದಿಸ್ಸಪಾದಪೇ’’ತಿ ರುದ್ದೋ।
ದ್ವಯಂ ಆನನ್ದೇ। ಧಮ್ಮೋ ಪರಿಯತ್ತಿ, ಸೋವ ಭಣ್ಡಂ ಧನಂ ಸುಖದಾಯಕತೋ, ತಸ್ಸ ಅಗಾರಂ ಠಪನಟ್ಠಾನಂ ಗೇಹಂ, ತಬ್ಭಾವೇ ತಿಟ್ಠತೀತಿ ಧಮ್ಮಭಣ್ಡಾಗಾರಿಕೋ, ಇಕೋ। ನನ್ದ ಸಮಿದ್ಧಿಯಂ। ಇಮೇ ದ್ವೇ ಸದ್ದಾ ಸಮಾ ಸಮಾನತ್ಥಾ।
೪೩೭. ದ್ವಯಂ ವಿಸಾಖಾಯಂ ಸೇಟ್ಠಿಧೀತರಿ। ವಿವಿಧಾ ಬಹುಕಾ ಪುತ್ತನತ್ತಪನತ್ತಾದಿಕಾ ಸಾಖಾ ಯಸ್ಸಾ ಸಾ ವಿಸಾಖಾ। ಮಿಗಾರಸ್ಸ ಸೇಟ್ಠಿನೋ ಮಾತುಟ್ಠಾನಿಯತ್ತಾ ಮಿಗಾರಮಾತಾ।
ದ್ವಯಂ ಅನಾಥಪಿಣ್ಡಿಕಸೇಟ್ಠಿಮ್ಹಿ। ಸುನ್ದರೋ ಅತ್ತಾ ಯಸ್ಸ ಸುದತ್ತೋ, ಸುನ್ದರಂ ದತ್ತಂ ದಾನಮಸ್ಸ ವಾ ಸುದತ್ತೋ, ಇದಮಸ್ಸ ದಹರಕಾಲೇ ಅನಾಥಪಿಣ್ಡಿಕೋ, ಇದಮಸ್ಸ ಕ್ರಿಯಾನಾಮಂ।
೪೩೮-೪೩೯. ಭಿಕ್ಖುಆದಯೋ ಏತೇ ಪಞ್ಚ ಸಹಧಮ್ಮಿಕಾ। ಸಹ ಏಕತೋ ಧಮ್ಮಂ ಚರನ್ತೀತಿ ಸಹಧಮ್ಮಿಕಾ।
ಪತ್ತಾದಯೋ ಅಟ್ಠ ಪರಿಕ್ಖಾರಾ ಉಕ್ಕಟ್ಠವಸೇನ ವುತ್ತಾ, ಮಜ್ಝಿಮವಸೇನ ಪನ ಕತ್ತರದಣ್ಡೋಪಿ ತೇಲನಾಳಿಪೀತಿ ದಸ ಪರಿಕ್ಖಾರಾ ವತ್ತಬ್ಬಾ, ಓಮಕವಸೇನ ಛತ್ತಮ್ಪಿ ಉಪಾಹನಾಪೀತಿ ದ್ವಾದಸ ಪರಿಕ್ಖಾರಾ ಚ ವತ್ತಬ್ಬಾ।
೪೪೦. ದ್ವಯಂ ಸಾಮಣೇರೇ। ಸಮಣಸ್ಸಾಪಚ್ಚಂ ಸಾಮಣೇರೋ। ಸಮಣಲಿಙ್ಗಾಚಾರತ್ತಾ ‘‘ಸಮಣೋಯ’’ನ್ತಿ ಉದ್ದಿಸಿತಬ್ಬೋತಿ ಸಮಣುದ್ದೇಸೋ। ದಿಸೀ ಉಚ್ಚಾರಣೇ।
ತಿಕಂ ಅಚೇಲಕೇ। ದಿಸಾ ಏವ ಅಮ್ಬರಂ ವತ್ಥಂ, ನ ಪಕತಿವತ್ಥಮೇತಸ್ಸ ದಿಗಮ್ಬರೋ, ಸಸ್ಸ ಗೋ। ನತ್ಥಿ ಚೇಲಂ ವತ್ಥಮೇತಸ್ಸ, ಸಮಾಸನ್ತೇ ಕೋ। ಚತೂಹಿ ಗನ್ಥೇಹಿ ಬನ್ಧನೀಯತ್ತಾ ನಿಗನ್ಥೋ, ನಿಸದ್ದೋ ಜಟಿಲೋ, ಇಲೋ। ಜಟಂ ಧಾರೇತೀತಿ ಜಟಾಧರೋ।
೪೪೧. ಕುಟಿಸಕಾದಿಕಾ ಚತುತ್ತಿಂಸ ಲದ್ಧಿಯೋ ಪರಸಮಯಾನಮಾಗಮತೋ ಗಹೇತಬ್ಬಾ, ತಥಾ ದ್ವಾಸಟ್ಠಿ ದಿಟ್ಠಿಯೋ ಬ್ರಹ್ಮಜಾಲಸುತ್ತನ್ತತೋ। ಇತೀತಿ ಪರಿಸಮಾಪನತ್ಥೋ। ಏತೇತಿ ನಿದಸ್ಸನತ್ಥೋ। ಏತೇ ಛನ್ನವುತಿಲದ್ಧಿಯೋ ತಣ್ಹಾಪಾಸಂ, ದಿಟ್ಠಿಪಾಸಞ್ಚ ಡೇನ್ತಿ ಪವತ್ತೇನ್ತೀತಿ ಪಾಸಣ್ಡಾತಿ ಸಮ್ಪಕಾಸಿತಾ ಕಥಿತಾ। ‘‘ಇತಿ ಛನ್ನವುತಿ ಏತಾ’’ತಿಪಿ ಪಾಠೋ।
೪೪೨. ತಿಕಂ ಸುಚಿಮ್ಹಿ। ಪು ಪವನೇ, ತೋ। ದ್ವಿತ್ತಾದಿ। ಯತ ಪಯತನೇ, ತೋ। ದೀಘಾದಿ। ದ್ವಯಂ ಚಮ್ಮನಿ। ಚರಿತಂ ತನ್ತಿ ಚಮ್ಮಂ, ಚರತಿಮ್ಹಾ ಮನ, ಚಮು ಅದನೇ ವಾ, ಮನ। ಅಜ ಗಮನೇ, ಯು, ಇನೋ ವಾ।
ದ್ವಯಂ ದನ್ತಕಟ್ಠೇ। ದನ್ತೇ ಪುನಾತಿ ಸೋಧೇತಿ ಯೇನಾತಿ ದನ್ತಪೋನೋ, ಯು। ದನ್ತಪೋಣೋಪಿ। ದನ್ತಸೋಧನತ್ಥಂ ಕಟ್ಠಂ ದನ್ತಕಟ್ಠಂ। ದ್ವಯಂ ರುಕ್ಖತ್ತಚೇ। ವಕ್ಕ ತಚೇ, ಅಲೋ। ತರ ತರಣೇ, ಇತೋ, ಸಕತ್ಥೇ ಕೋ।
೪೪೩. ದ್ವಯಂ ಭಾಜನಸಾಮಞ್ಞೇ। ಪತತಿ ಯತ್ಥ ಸೋ ಪತ್ತೋ, ಪತ ಗತಿಯಂ, ತೋ। ಪಾ ರಕ್ಖಣೇ,ತಿ।
ದ್ವಯಂ ಕಮಣ್ಡಲು, ಉ। ಕುಡಿ ರಕ್ಖಣೇ, ಸಕತ್ಥೇ ಕೋ। ಕತ್ತರಸ್ಸ ಜಿಣ್ಣಸ್ಸ ಆಲಮ್ಬನಯಟ್ಠಿ।
೪೪೪. ಯಂ ‘‘ಪಾಣಾತಿಪಾತಾ ವೇರಮಣೀ’’ತಿಆದಿ ಬ್ರಹ್ಮಚರಿಯಕಮ್ಮಂ ನಿಚ್ಚಂ ಯಾವಜೀವಮವಸ್ಸಮ್ಭಾವೇನ, ತಂ ದೇಹಸಾಧನಾಪೇಕ್ಖಂ ಸರೀರೇನೇವ ಸಾಧನಮಪೇಕ್ಖತೇ, ನ ಬಾಹಿರೇನ ಸಾಧನಂ, ಅಯಂ ಯಮೋ ನಾಮ, ಯಮು ಉಪರಮೇ।
‘‘ಸರೀರಸಾಧನಾಪೇಕ್ಖ-ನಿಚ್ಚಕಮ್ಮಮಯೇ ಯಮೇ।
ಸಂಯಮೇ ಯಮರಾಜೇ ಚ, ಯಮಕೇ ತು ಯಮಂ ತಿಸೂ’’ತಿ
ರುದ್ದೋ।
ಯಂ ಪನಾಗನ್ತುನಾ ಸುಕ್ಕಪಕ್ಖಾದಿವಸೇನ ಅನಿಚ್ಚಂ ನಿಯಮಿತಕಾಲಮುಪವಾಸಾದಿಕಂ ಕಮ್ಮಂ, ಅಯಂ ನಿಯಮೋ, ಕಾಲಾದಿವಸೇನ ನಿಯಮಿತಬ್ಬೋತಿ ನಿಯಮೋ, ಯಮು ಉಪರಮೇ। ‘‘ಮನ್ತನಾಯಂ ಪಟಿಞ್ಞಾಯಂ, ನಿಯಮೋ ನಿಚ್ಛಯೇ ವತೇ’’ತಿ ರುದ್ದೋ।
ಬ್ರಾಹ್ಮಣವಗ್ಗವಣ್ಣನಾ ನಿಟ್ಠಿತಾ।
೪೪೫. ದ್ವಯಂ ವೇಸ್ಸೇ। ವಿಸ ಪವೇಸನೇ, ಸೋ। ಇಯಾನಪಚ್ಚಯೇ ವೇಸಿಯಾನೋ। ಊರುಜೋ, ಅರಿಯೋಪ್ಯತ್ರ।
ಪಞ್ಚಕಂ ಜೀವ ಪಾಣಧಾರಣೇ, ಯು। ಸಬ್ಬತ್ರ ಭಾವೇ ಪಚ್ಚಯೋ, ಕರಣೇತ್ಯೇಕೇ। ವತ ವತ್ತನೇ,ತಿ, ಅಸ್ಸು, ಣ್ವುಮ್ಹಿ ಜೀವಿಕಾ। ವುತ್ತೀನಂ ಸರೂಪಪ್ಪಕಾರೇ ದಸ್ಸೇತಿ। ದ್ವಯಂ ಕಸಿಕಮ್ಮೇ। ಕಸನಂ ಕಸಿ, ಸಾ ಏವ ಕಮ್ಮಂ ಕಸಿಕಮ್ಮಂ। ಕಸ ವಿಲೇಖನೇ, ಇ, ಕಸಿ।
೪೪೬. ದ್ವಯಂ ವಾಣಿಜ್ಜೇ। ವಣಿಜಾನಂ ಕಮ್ಮಂ ವಾಣಿಜ್ಜಂ, ವಣಿಜ್ಜಾ ಚ। ದ್ವಯಂ ಪಸುಪೋಸನೇ। ಗುನ್ನಂ ರಕ್ಖಾ ಗೋರಕ್ಖಾ। ಪಸೂನಂ ಗೋಮಹಿಂಸಾದಿಕಾನಂ ಪಾಲನಂ ಪೋಸನಂ ಚಿಕಿಚ್ಛಾದಿ ಪಸುಪಾಲನಂ ವುತ್ತಂ ಸರೂಪಂ, ವುತ್ತಪ್ಪಕಾರಾ ಚ ಇತಿ ವೇಸ್ಸಸ್ಸ ವುತ್ತಿಯೋ ವುತ್ತಿಕಾರಣಾ ತಿಸ್ಸೋ ಭವನ್ತಿ ಕಸಿಕಮ್ಮಾದಿಪ್ಪಕಾರೇನ।
ತಿಕಂ ಗಿಹಿಮ್ಹಿ। ಗಹೇ ಗೇಹೇ, ಪಞ್ಚಕಾಮಗುಣೇ ವಾ ಭವವಸೇನ ತಿಟ್ಠತೀತಿ ಗಹಟ್ಠೋ। ಅಗಾರೇ ಗೇಹೇ ವಸತೀತಿ ಅಗಾರಿಕೋ, ಗಹಮೇತಸ್ಸತ್ಥೀತಿ ಗಿಹಿ, ಅಸ್ಸಿ, ರಸ್ಸೋ ಚ।
೪೪೭. ದ್ವಯಂ ಕಸಿಬಲೇ। ಖೇತ್ತೇನಾಜೀವತಿ। ಕಸತೀತಿ ಕಸ್ಸಕೋ, ಣ್ವು। ದ್ವಯಂ ಖೇತ್ತೇ। ಬೀಜಾನಿ ಖಿಪನ್ತ್ಯಸ್ಮಿನ್ತಿ ಖೇತ್ತಂ, ಖಿಪ ಪೇರಣೇ, ತೋ, ಖಿತ್ತಂ ತಾಯತೀತಿಪಿ ಖೇತ್ತಂ, ಖಿ ನಿವಾಸಗತೀಸು ವಾ, ತ, ತ್ರಣ, ಖೇತ್ತಂ, ಖೇತ್ರಂ। ಕ್ಲೇದ, ಕ್ಲಿದ ಅಲ್ಲಭಾವೇ, ಲಲೋಪೋ, ಕ್ಲೇದೀಯತೀತಿ ಕೇದಾರಂ, ಕೇ ಜಲೇ ಸತಿ ದಾರೋ ವಿದಾರಣಮಸ್ಸಾತಿ ವಾ ಕೇದಾರಂ, ಸಞ್ಞಾಸದ್ದತ್ತಾ ಸತ್ತಮಿಯಾ ನ ಲೋಪೋ, ವಾಪೋಪ್ಯತ್ರ, ವಪ್ಪತೇ ಯಸ್ಮಿನ್ತಿ ವಾಪೋ, ಣೋ।
ದ್ವಯಂ ಲೇಡ್ಡ ಸಙ್ಘಾತೇ, ಉ, ಲೇಡ್ಡು। ಪುಮೇ ಉತ್ತೋ ಕಥಿತೋ। ‘‘ಲೇಡ್ಡವೋ ಪುಮೇ’’ತ್ಯ ಮರಕೋಸೇ। ದ್ವಯಂ ಖಣಿತ್ತಿಯಂ। ಖಞ್ಞತೇ ಯಾಯ, ಸಾ ಖಣಿತ್ತಿ, ಖನು ಅವದಾರಣೇ,ತಿ, ಣತ್ತಂ, ಉಸ್ಸಿ। ಅವದಾರೀಯತೇ ಯೇನ ಅವದಾರಣಂ, ದರ ವಿದಾರಣೇ, ಯು।
೪೪೮. ತಿಕಂ ದಾತ್ತೇ। ದನ್ತಿ ಲುನನ್ತ್ಯನೇನಾತಿ ದಾತ್ತಂ, ದಾ ಲವನೇ, ತೋ। ದಾತ್ರಮ್ಪಿ। ಲೂ ಛೇದನೇ, ಲವಿತ್ತಂ, ಅಸು ಖೇಪನೇ। ಅಸಿತಂ, ಸಬ್ಬತ್ರ ಕರಣೇ ಪಚ್ಚಯೋ।
ತಿಕಂ ಪಾಜನದಣ್ಡೇ। ತುದ ಬ್ಯಥನೇ, ಣೋ, ಪತೋದೋ। ತಪಚ್ಚಯೇ ತುತ್ತಂ। ಅಜ ಖೇಪನೇ, ಗತಿಮ್ಹಿ ಚ, ಕರಣೇ ಯು, ಪಾಜನಂ। ವಣ್ಣವಿಕಾರೇ ಪಾಚನಂ। ತೋದನಂಪ್ಯತ್ರ।
ತಿಕಂ ರಜ್ಜುಯಂ। ಯುಜ ಯೋಗೇ, ತೋ, ಯೋತ್ತಂ। ರುಧ ಆವರಣೇ, ಜು, ಉಸ್ಸತ್ತಂ, ಪರರೂಪತ್ತಞ್ಚ, ರಜ್ಜು ಥಿಯಂ। ರಸ ಅಸ್ಸಾದನೇ, ಮಿ, ಆಬನ್ಧೋಪ್ಯತ್ರ।
ದ್ವಯಂ ಫಾಲೇ। ಫಾಲಯತಿ ಪಾಟಯತಿ ಭೂಮಿ ಯೇನ ಫಾಲೋ, ಣೋ। ಕಸ ವಿಲೇಖನೇ, ಣ್ವು, ಕಸಕೋ। ‘‘ಫಾಲಕಸಕಾ’’ತಿ ರುದ್ದೋ। ನಿರೀಸಂ, ಕೂಟಕಂ, ಹಲಮ್ಪಿ। ಈಸಾಯ ನಿಗ್ಗತಂ ನಿರೀಸಂ। ಕುಟ ಛೇದನೇ, ಸಕತ್ಥೇ ಕೋ, ಕೂಟಕಂ, ದೀಘಾದಿ। ಹಲ ವಿಲೇಖನೇ।
೪೪೯. ತಿಕಂ ನಙ್ಗಲೇ। ಭೂಮೀನಙ್ಗ’ಮನಙ್ಗಂ ಕರೋನ್ತೋ ಲುನಾತೀತಿ ನಙ್ಗಲಂ। ಸೀ ಬನ್ಧನೇ, ರೋ, ಸೀರೋ। ‘‘ಸೀರೋ ತಿಕ್ಖಕರೇ ಹಲೇ’’ತಿ ನಾನತ್ಥಸಙ್ಗಹೇ। ಈಸಾ, ಈಸ ಇಸ್ಸರಿಯೇ, ಈಸಾ ನಾರೀ। ‘‘ಪಭುಮ್ಹಿ ಸಙ್ಕರೇ ಈಸೋ, ಥಿಯಂ ನಙ್ಗಲದಣ್ಡಕೇ’’ತಿ ರಭಸೋ।
ಯುಗಕೀಲಕೇ ಸಮ್ಮಾಸದ್ದೋ, ಸಮನ್ತಿ ಯಾಯ ಸಮ್ಮಾ, ಸಮು ಸಮನೇ। ಹಲಪದ್ಧತಿ ನಙ್ಗಲಲೇಖಾ ಸೀತಾ ನಾಮ। ‘‘ಸೀತಾ ನಙ್ಗಲಲೇಖಾ ಚ, ದಿವಗಙ್ಗಾ ಚ ಜಾನಕೀ’’ತಿ ತಿಕಣ್ಡಸೇಸೇ। ಸೀ ಸಯೇ, ತೋ, ಸೀತಾ ನಾರೀ।
೪೫೦-೪೫೧. ಮುಗ್ಗಾದಿಕೇ ಧಞ್ಞವಿಸೇಸೇ ಅಪರನ್ನಸದ್ದೋ, ಪುಬ್ಬನ್ನತೋ ಅಪರಭಾಗೇ ಪವತ್ತಂ ಅನ್ನಂ ಅಪರನ್ನಂ, ಅಪರಣ್ಣಞ್ಚ। ಸಾಲಿಆದಿಕೇ ಪುಬ್ಬನ್ನಸದ್ದೋ, ಅಪರನ್ನಸ್ಸ ಪುಬ್ಬೇ ಪವತ್ತಂ ಅನ್ನಂ ಪುಬ್ಬನ್ನಂ, ಪುಬ್ಬಣ್ಣಞ್ಚ। ಪುಬ್ಬಾಪರತ್ತಞ್ಚ ನೇಸಂ ಆದಿಕಪ್ಪೇ ಸಮ್ಭವಾಸಮ್ಭವವಸೇನ ದಟ್ಠಬ್ಬಂ।
ಸಾಲ್ಯಾದಯೋ ಸತ್ತ ಧಞ್ಞಾನಿ। ಧಾನಂ ಪೋಸನಂ, ತತ್ರ ಸಾಧೂನಿ ಧಞ್ಞಾನಿ, ಯೋ, ರಸ್ಸೋ। ಕಲಮಾ ರತ್ತಸಾಲಿ ಮಹಾಸಾಲಿಸಟ್ಠಿಕಪ್ಪಭುತಯೋ ಸೂಕಧಞ್ಞವಿಸೇಸಾ ಸಾಲಯೋ ನಾಮ। ಸಟ್ಠಿದಿನಾನಿ ಪರಿಪಾಕಮಸ್ಸ ಸಟ್ಠಿಕೋ। ಸಾಲ ಸಿಲಾಘಾಯಂ, ಇ, ಸಾಲಿ। ವಹತಿ, ಬ್ರೂಹೇತಿ ವಾ ಸತ್ತಾನಂ ಜೀವಿತನ್ತಿ ವೀಹಿ, ವಹ ಪಾಪುಣೇ, ಬ್ರೂಹ ವುಡ್ಢಿಯಞ್ಚ, ಇ, ಅಸ್ಸೀ, ಪಕ್ಖೇ ರಲೋಪೋ, ವೀಹಿ ಕುದ್ರೂಸೋ, ಗೋವಡ್ಢನೋ, ಅ। ವಣ್ಣವಿಪರಿಯಯೋ, ಓಸ್ಸು ಚ। ಗುಧ ಪರಿವೇಧನೇ, ಉಮೋ। ಗೋಧುಮೋ। ‘‘ಗೋಧೂಮಸುಮನೋ ಮಿಲಕ್ಖ, ಭೋಜನಂ ಪಾವಟೋ ಯವೋ’’ತಿ ರಭಸೋ। ವರ ವರಣಸಮ್ಭತ್ತೀಸು, ಣ್ವು, ವರಕೋ। ಯು ಮಿಸ್ಸನೇ, ಅ, ಯವೋ। ಕಙ್ಗು ಅತಿಸುಖುಮಸಸ್ಸೇ ಧಞ್ಞವಿಸೇಸೇ, ಸೋಭನಸೀಸತ್ತಾ ಕಮನೀಯಭಾವಂ ಗಚ್ಛತೀತಿ ಕಙ್ಗು, ಉ। ‘‘ಸಾಮಾ ಪಿಯಙ್ಗು ಕಙ್ಗು ದ್ವೇ’’ತಿ ರುದ್ದೋ। ತಬ್ಭೇದಾ ತೇಸಂ ಧಞ್ಞಾನಂ ಭೇದಾ ವಿಸೇಸಾ ನೀವಾರಾದಯೋ ವುಚ್ಚನ್ತೇ। ನೀವಾರಾನಿ ತಿಣಧಞ್ಞಾನಿ, ಆದಿನಾ ಸಾಮಾಕಾದಯೋ।
ದ್ವಯಂ ಕಳಾಯೇ। ಚಣ ದಾನೇ, ಣ್ವು, ಚಣಕೋ, ಹರಿಮನ್ಥಕೇಪಿ। ಕಂ ವಾತಂ ಲಾತೀತಿ ಕಳಾಯೋ, ಳತ್ತಂ, ಕಲಾಯಮ್ಪಿ। ದ್ವಯಂ ಸಾಸಪಸಾಮಞ್ಞೇ। ‘‘ಸಾಸಪೋ ತು ಸರಿಸಪೋ, ಕಟುಸ್ನೇಹೋ ಚ ತನ್ತುಭೋ’’ತಿ ತಿಕಣ್ಡಸೇಸೋ ರಭಸೋ। ಸಿದ್ಧಾ ಅತ್ಥಾ ಅಸ್ಮಿನ್ತಿ ಸಿದ್ಧತ್ಥೋ। ಸಾಸ ಅನುಸಿಟ್ಠಿಯಂ, ಅಪೋ। ಸಾಸಪಸ್ಸಾಪಿ ವೀಹಿಭೇದತ್ತಾ ಇಧ ಗಹಣಂ।
೪೫೨. ದ್ವಯಂ ಕಙ್ಗುಯಂ। ಪಿಯಭಾವಂ ಅಙ್ಗತೀತಿ ಪಿಯಙ್ಗು। ದ್ವಯಂ ಅತಸಿಯಂ। ಅವ ರಕ್ಖಣೇ, ಮೋ, ಅವಸ್ಸು, ದ್ವಿತ್ತಂ, ಉಮ್ಮಾ। ಅತ ಸಾತಚ್ಚಗಮನೇ, ಅಸೋ, ನದಾದಿ। ಖುಮಾಪ್ಯತ್ರ।
ಚತುಕ್ಕಂ ಸಸ್ಸೇ। ಕಿಟ ಗತಿಯಂ, ಠೋ, ಕಸಿತೋ ಸಮ್ಭೂತಂ ವಾ ಕಿಟ್ಠಂ, ಕಿಟ್ಠಟ್ಠಾನೇ ಉಪ್ಪನ್ನಸಸ್ಸಞ್ಹಿ ‘‘ಕಿಟ್ಠ’’ನ್ತಿ ವುಚ್ಚತಿ ಠಾನೂಪಚಾರೇನ, ಠೋ, ಸಿಲೋಪೋ, ಅಸ್ಸಿ। ಸಸ ಗತಿಹಿಂಸಾಪಾಪುಣನೇಸು, ಸೋ। ಥಮ್ಬೋ ಗುಮ್ಬೋ, ತಂ ಕರೋತೀತಿ ಥಮ್ಬಕರಿ, ಇ। ಧಞ್ಞಂಪ್ಯತ್ರ। ‘‘ಧಞ್ಞಂ ವೀಹೀಸು ಧಞ್ಞಕೇ, ಧಞ್ಞೋ ಪುಞ್ಞವತೀರಿತೋ। ಧಞ್ಞಾ ವಾತಾಮಲಕೀಸೂ’’ತಿ ಹಿ ನಾನತ್ಥಸಙ್ಗಹೇ।
೪೫೩. ದ್ವಯಂ ಕಣ ಸದ್ದೇ, ಡೋ। ನಲ ಗನ್ಥೇ, ಣೋ, ನಾಲಂ। ನಾಳಿಪಿ। ಸೋ ಏವ ಸಸ್ಸಾದಿಕಣ್ಡೋ ನಿಪ್ಫಲೋ ಚೇ, ಪಲಾಲಮುಚ್ಚತೇ। ಪಲ ಲವನಪವನೇಸು, ಅಲೋ, ಪಲಾಲೋಪಿ।
ದ್ವಯಂ ಅಸಾರೇ ತುಚ್ಛಧಞ್ಞೇ। ಭಸ ಭಸ್ಮೀಕರಣೇ, ಅಸ್ಸು, ಭುಸಂ ಅತಿಸಯೇಪಿ। ಥುಸಮ್ಪಿ। ತುಸ ಉಸ್ಸಗ್ಗೇ। ಕೇನ ವಾತೇನ ಇಙ್ಗತೀತಿ ಕಲಿಙ್ಗರೋ, ಲಾಗಮೋ, ಅರೋ ಚ। ಧಞ್ಞಾನಮೇವ ತಚೇ ವಕ್ಕಲೇ ಥುಸೋ, ತುಸ ತುಟ್ಠಿಮ್ಹಿ, ತಸ್ಸ ಥೋ, ಥುಸೋ ಪುಮೇ। ‘‘ಧಞ್ಞತ್ತಚೇ ಪುಮಾ ಥುಸೋ’’ ಮರಕೋಸೇ।
೪೫೪. ದ್ವಯಂ ಸಸ್ಸರೋಗೇ। ಸೇತವಣ್ಣಕರಣವಸೇನ ಅಟತಿ ಹಿಂಸತೀತಿ ಸೇತಟ್ಟಿಕಾ, ಸಾ ಏವ ಸೇತಟ್ಠಿಕಾ। ದ್ವಯಂ ತಣ್ಡುಲಕಣೇ। ಕಣ ನಿಮೀಲನೇ, ಕಣ ನಿಮೀಲನಸದ್ದಗತೀಸು ವಾ, ಅ, ಕಣೋ। ಕುಣ್ಡ ದಾಹೇ, ಸಕತ್ಥೇ ಕೋ। ದ್ವಯಂ ಧಞ್ಞಮದ್ದನಭೂಮಿಯಂ। ಖಲ ಸೋಚೇಯ್ಯೇ, ಧಞ್ಞಾನಿ ಕರೋನ್ತಿ ಮದ್ದನ್ತಿ ಅಸ್ಮಿಂ ಧಞ್ಞಕರಣಂ। ತಿಣಾದೀನಂ, ಸಸ್ಸಾನಞ್ಚ ಥಮ್ಬೋ ಗುಮ್ಬೋ ನಾಮ, ಥಮ್ಬ ವೇಕಲ್ಯೇ, ಥಮ್ಬ ಪಟಿಬನ್ಧೇ ವಾ। ಗುಹ ಸಂವರಣೇ, ಬೋ, ಹಸ್ಸ ಮೋ।
೪೫೫. ದ್ವಯಂ ಅಯೋಗ್ಗಂ। ಮುಸ ಖಣ್ಡನೇ, ಅಲೋ। ದ್ವಯಂ ಸುಪ್ಪೇ। ಕುಚ್ಛಿತಂ ಲುನಾತ್ಯಪನೇತೀತಿ ಕುಲ್ಲೋ। ಸುಪ ಮಾನೇ, ಅ, ಸರತ್ಯನೇನೇತಿ ವಾ ಸುಪ್ಪಂ, ಪೋ, ಅಸ್ಸು। ಪಪ್ಫೋಟನಂಪ್ಯತ್ರ।
ದ್ವಯಂ ಉದ್ಧನೇ। ಉಪರಿ ಧೀಯತೇ ಥಾಲ್ಯಾದಿಕಮಸ್ಮಿನ್ತಿ ಉದ್ಧನಂ, ಉದ್ಧಾನಮ್ಪಿ, ಯು। ಚುಲ್ಲ ಹಾವಕರಣೇ, ಇ, ಈಮ್ಹಿ ಚುಲ್ಲೀ। ಅಧಿಸಯನೀ, ಅನ್ತಿಕಾಪ್ಯತ್ರ। ಅತಿ ಅದಿ ಬನ್ಧನೇ, ಅನ್ತ್ಯತೇ ಭಿಕ್ಖಾದಿಕಮಸ್ಸನ್ತಿ ಅನ್ತಿಕಾ, ಣ್ವು। ‘‘ಸನ್ತಿಕೇ ಸನ್ನಿಧಾನೇ ಚ, ಉದ್ಧನೇ ಚಾಪಿ ಅನ್ತಿಕಾ’’ತ್ಯಜಯೋ।
ಕಾಸಾದಿರಚಿತೋ ಕಟೋ ಯೇನ ಮರಾವೋ ಬನ್ಧೀಯತೇ। ಮರಾವೋ ಚ ವೀಹ್ಯಗಾರಂ, ‘‘ಕುಸೂಲೋ ವೀಹ್ಯಗಾರಞ್ಚ, ಕನ್ತರೋ ಚ ಮರಾವಕೋ’’ತಿ ರಭಸೋ। ಕೇಚಿ ಮರಾವಮೇವ ಕಟಮಾಹು, ತಂ ನ, ‘‘ಕುಸೂಲೋ ಚ ಮರಾವೋ ಚ, ಕಿಲಞ್ಜೋ ಚ ಕಟೋ ಭವೇ’’ತಿ ಅಮರಮಾಲಾಯಂ ಪಾದನಾಮಪಕರಣೇ ಭೇದೇನ ಪಾಠಾ। ಕಿಲ ಬನ್ಧನೇ, ಕಿಲನಂ ಕಿಲೋ, ತದತ್ಥಂ ಜಾಯತೀತಿ ಕಿಲಞ್ಜೋ, ನಿಗ್ಗಹೀತಾಗಮೋ। ಕಟ ಗತಿಯಂ, ಅ।
೪೫೬. ಅಟ್ಠಕಂ ಥಾಲಿಯಂ। ಕಾಮೀಯತೀತಿ ಕುಮ್ಭೀ, ಕಮು ಇಚ್ಛಾಯಂ, ಭೋ, ಅಸ್ಸು, ಈ ಚ, ಕುಯಾ ಪಥವಿಯಾ ಭವತೀತಿ ವಾ ಕುಮ್ಭೀ, ಕೇನ ಅಗ್ಗಿನಾ ಭಣತೀತಿ ವಾ ಕುಮ್ಭೀ, ಭಣ ಸದ್ದೇ, ಣಲೋಪೋ, ಕೇನ ಕುಮ್ಭೀ, ಉಭ ಉಬ್ಭ ಉಮ್ಭ ಪೂರಣೇ, ಸಬ್ಬತ್ರ ನದಾದಿ। ಪಿಠ ಹಿಂಸಾಸಂಕಿಲೇಸೇಸು, ಅರೋ। ಕುಣ್ಡ ದಾಹೇ। ಖಲ ಸೋಚೇಯ್ಯೇ, ಳತ್ತಂ। ಉಖ ಗಮನೇ, ಅಲೋ, ನದಾದಿ, ರಸ್ಸೋ। ಅಪಚ್ಚಯೇ ಉಖಾ। ಥಲ ಠಾನೇ, ಇ, ಥಾಲಿ, ಈಮ್ಹಿ ಥಾಲೀ। ಕೇನ ಅಗ್ಗಿನಾ ಲಪತೀತಿ ಕೋಲಮ್ಬೋ, ಅಸ್ಸೋತ್ತಂ, ನಿಗ್ಗಹೀತಾಗಮೋ, ಬತ್ತಞ್ಚ, ಕೇ ಅಗ್ಗಿಮ್ಹಿ ಓಲಮ್ಬತೀತಿ ವಾ ಕೋಲಮ್ಬೋ। ಲಬಿ ಅವಸಂಸನೇ।
ತಿಕಂ ಮಣಿಕೇ। ಮನ ಞಾಣೇ, ಇ, ಣತ್ತಂ, ಮಣಿಯೇವ ಮಣಿಕಂ। ಭಣ ಸದ್ದೇ, ಣ್ವು, ಅರಂ ಸೀಘಂ ಜರೋ ಅಸ್ಸ ಅರಞ್ಜರೋ।
೪೫೭. ದ್ವಿಪಾದಂ ಘಟೇ। ಘಟ ಚಲನೇ, ಅ, ನದಾದಿಮ್ಹಿ ಘಟೀ, ಕುಟ ಕೋಟಿಲ್ಯೇ। ಕೇನ ಜಲೇನ ಲಸತಿ ಸಿಲಿಸ್ಸತೀತಿ ಕಲಸೋ, ಲಿಸ ಸಿಲೇಸನೇ, ಅ, ಇಸ್ಸತ್ತಂ, ಕಲಸೋ ತೀಸು। ವರ ವಾರಣಸಮ್ಭತ್ತೀಸು, ಣ್ವು। ಕಲಸಸಹಚರಣತೋ ವಾರಕೋಪಿ ತೀಸು। ‘‘ಕಲಸೋ ತು ತೀಸೂ’’ತ್ಯಮರಕೋಸೇ
ಭುಞ್ಜಿತಬ್ಬನ್ತಿ ಭುಞ್ಜನಂ, ಅನ್ನಾದಿ, ತಸ್ಸ ಪತ್ತೋ ಭಾಜನಂ ಸುವಣ್ಣರಜತಾದಿನಿಮ್ಮಿತಮ್ಪಿ ಕಂಸೋ ನಾಮ।
‘‘ಕಂಸೋ ರಚ್ಛನ್ತರೇ ಮಾನೇ, ತೇಜಸೇಪಿ ಭವೇ ತಥಾ।
ಪಾನಪತ್ತೇ ಚ ಕಂಸ್ಯೇ ಚ, ಸೋಭಿಕ್ಖಾಸು ಚ ಕಿತ್ತಿಸೂ’’॥ –
ತ್ಯಜಯೇನ ವುತ್ತತ್ತಾ ಪಾನಪತ್ತೇಪಿ ಕಂಸೋ। ಕನ ದಿತ್ತಿಗತಿಕನ್ತೀಸು, ಸೋ, ಕಂಸೋ। ಅನಿತ್ಥೀ। ತಿಕಂ ಭಾಜನಸಾಮಞ್ಞೇ। ಅಮ ಗತಿಯಂ, ಅತ್ತೋ, ಅಮತ್ತಂ। ಭಾಜ ಪುಥಕಮ್ಮನಿ, ಚುರಾದಿ, ಯು।
೪೫೮. ದ್ವಯಂ ಅಣ್ಡುಪಕಂ, ನ್ತಸ್ಸಣ್ಡೋ, ಗಸ್ಸ ಚ ಕೋ। ಚುಮ್ಬ ವದನಸಂಯೋಗೇ, ಅಟೋ, ಅಸ್ಸು, ಸಕತ್ಥೇ ಕೋ। ದ್ವಯಂ ಸರಾವೇ, ಸರತಿ ವುಡ್ಢಿಂ ಗಚ್ಛತೀತಿ ಸರಾವೋ, ಅವೋ। ಮಲ್ಲ ಧಾರಣೇ। ಣ್ವು। ವಡ್ಢಮಾನಕೋಪ್ಯತ್ರ, ವಡ್ಢತಿ ವಿತ್ಥಿಣ್ಣೀ ಭವತೀತಿ ವಡ್ಢಮಾನಕೋ, ಸಕತ್ಥೇ ಕೋ।
ದ್ವಯಂ ಭೇಲಬ್ಯಞ್ಜನಾದಿಘಟ್ಟನೋಪಯುತ್ತಭಣ್ಡೇ। ಕಟ ಗತಿಯಂ, ಛು, ದ್ವಿತ್ತಾದಿ। ದು ಗತಿಯಂ, ಬೋ, ನದಾದಿ, ದಬ್ಬೀ, ರಸ್ಸೇ ದಬ್ಬಿ। ಖಜಾಕಾಪಿ, ಖಜ ಮನ್ಥನೇ, ಅಕೋ, ಖಜಾಕಾ ಥಿಯಂ। ದ್ವಯಂ ಧಞ್ಞಾದಿನಿಲಯೇ। ಕುಸ ಸಿಲೇಸನೇ, ಊಲೋ। ಕುಸ ಅಕ್ಕೋಸೇ, ಠೋ। ದ್ವೇಪಿ ಪುನ್ನಪುಂಸಕೇ।
೪೫೯. ದ್ವಯಂ ಮಾಸಾದಿಸಾಕಮತ್ತೇ, ಸಾ ತನುಕರಣೇ, ಣ್ವು। ಡಂಸ ಖಾದನೇ, ಣ್ವು। ಸಲೋಪೋ, ಸಿಗ್ಗು, ಹರಿತಕಮ್ಪಿ। ಹರಿತಾ ಸಕತ್ಥೇ ಕೋ। ‘‘ಪುಲ್ಲಿಙ್ಗೋ ಸಾಕಮತ್ತಸ್ಮಿಂ, ಸಿಗ್ಗು ಸೋಭಞ್ಜನೇಪಿ ಚೇ’’ತಿ ರಭಸೋ। ದ್ವಯಂ ಅದ್ದಕೇ। ಆದ್ದಾಯಂ ಜಾತಂ ಅದ್ದಕಂ, ರಸ್ಸೋ। ಸಿಙ್ಗಮಿವ ವೇರಂ ವಪು ಯಸ್ಸ ತಮೇವ ಸಿಙ್ಗಿವೇರಂ।
ಯದಾ ಸುಕ್ಖಂ, ತದಾ ಮಹೋಸಧಾಧ್ಯಂ, ತಿಕ್ಖರಸತ್ತಾ ಮಹನ್ತಂ ಓಸಧಂ। ಸುಣ್ಠೀ, ನಾಗರಂ, ವಿಸಂ, ವಿಸಭೇಸಜ್ಜಮ್ಪಿ। ಸುಠಿ ಸೋಸನೇ, ಇ, ಸುಣ್ಠಿ, ಈಪಚ್ಚಯೇ ಸುಣ್ಠೀ।
ದ್ವಯಂ ಮರ ಪಾಣಚಾಗೇ, ಚೋ। ಕುಲ ಸಙ್ಖ್ಯಾನೇ, ಣ್ವು। ‘‘ಮರೀಚಂ ಕೋಲಕಂ ಕಣ್ಹಂ, ಉಸನಂ ಧಮ್ಮಪತ್ತನ’’ನ್ತ್ಯಮರಸೀಹೋ।
೪೬೦. ತಿಪಾದಂ ಕಞ್ಜಿಕೇ। ಸುವೀರರಟ್ಠೇ ಭವಂ ಸೋವೀರಂ। ಕೇನ ಜಲೇನ ಅಞ್ಜಿಯಮಭಿಬ್ಯತ್ತಂ ಅಸ್ಸ ಕಞ್ಜಿಯಂ। ಆರಾನಂ ಭೂಮ್ಯಕ್ಕಜಾನಂ ವಾರೇಸು ಗಹಿತೇನ ನಾರೇನ ಜಲೇನ ಜಾತಂ ಆರನಾಳಂ, ‘‘ಆರೋ ಕ್ಖಿತಿ ಸುತೇ’ಕ್ಕಜೇ, ನಾರೋ ತಣ್ಡುಲನೀರೇಸೂ’’ತಿ ಹಿ ವುತ್ತಂ, ರಸ್ಸ ಳೋ। ಥುಸತೋ ಜಾತಮುದಕಂ ಥುಸೋದಕಂ, ಥುಸೋದಕತೋ ವಾ ಜಾತಂ ಥುಸೋದಕಂ। ಧಞ್ಞತೋ ವೀಹಿತೋ ಜಾತಂ ಅಮ್ಬಿಲಂ ಧಞ್ಞಮ್ಬಿಲಂ। ವಾತಂ ಲಙ್ಕತಿ ಹೀನಂ ಕರೋತೀತಿ ಬಿಲಙ್ಕೋ, ವಾತಸ್ಸ ಬಿ, ವಿಸೇಸೇನ ಲಙ್ಕತೀತಿ ವಾ ಬಿಲಙ್ಕೋ। ಕುಮ್ಮಾಸೋ, ಅಭಿಸುತಂ, ಅವನ್ತಿಸೋಮಂ, ಕುಞ್ಜಲಂ, ಕಞ್ಜಿಕಂ, ಮಣ್ಡೋ, ಜೇಟ್ಠಮ್ಬು, ಖದಿಕಾಪ್ಯತ್ರ।
ದ್ವಯಂ ಲವಣಮತ್ತೇ। ಲೂ ಛೇದನೇ, ಯು, ಓಸ್ಸಾ’ನವಾದೇಸೇ ಲೋಣಂ।
೪೬೧. ಸಾಮುದ್ದಾದಯೋ ಏತೇ ಪಞ್ಚ ಲವಣಸ್ಸ ಪಭೇದಾ ವಿಸೇಸಾ। ಸಮುದ್ದಭೂಮಿಯಮವಟ್ಠಿತಂ ಲದ್ಧಂ ಲೋಣೋದಕಂ ಸುಕ್ಖಸನ್ತನಂ ಸಿತಂ ಯಂ ಭವತಿ, ತಂ ಸಾಮುದ್ದಲವಣಂ। ಅಕ್ಖಿವಂ, ವಸಿರಮ್ಪಿ। ವಸು ಥಮ್ಭೇ, ಇರೋ। ಸಿನ್ಧುದೇಸೇ ಭವೋ ಸಿನ್ಧವೋ, ಣೋ। ಸಿತಸಿವಂ ಕಾಳಲೋಣೋ ನಾಮ ಸೋವಚ್ಚಲವಣಾನಂ ಮಜ್ಝೇ ಕಾಳವಣ್ಣಂ ಲವಣಂ ಉಬ್ಭಿದಂ ನಾಮ ರೋಮಕಲವಣಂ, ಸಮ್ಭರಿದೇಸೇ ಕಿರ ರುಮಾ ನಾಮ ಲವಣಾಕರೋ। ತತ್ರ ಪವಿಟ್ಠಂ ಕಟ್ಠಮ್ಪಿ ಅಚಿರೇನ ವಿಲೀಯ ಲವಣಂ ಭವತಿ, ತಬ್ಭವಂ ರೋಮಲವಣಂ। ವಸುಕಮ್ಪಿ। ಕಟ್ಠಾದೀನಂ ಸಯಂ ಸಭಾವವಿಜಹನಕರತ್ತಾ ಭಿನ್ದಿತುಂ ಸಕ್ಕೋತೀತಿ ಉಬ್ಭಿದಂ, ಸಕ್ಯತ್ಥೇ ಉಸದ್ದೋ। ಬಿಲಾಲಂ ನಾಮ ಸಮುದ್ದತೀರಾಸನ್ನದೇಸಭವಂ ಮತ್ತಿಕಂ ಪಾಚಯಿತ್ವಾ ನಿಪ್ಫಾದಿತಲವಣಂ। ಸಮುದ್ದವೇಲಾಸನ್ನದೇಸೇ ಜಾತಂ ಬಿಲಾಲಂ, ಏಸ್ಸಿತ್ತಂ, ಲೋ, ಅಥ ವಾ ಉಬ್ಭಿದಂ ನಾಮ ಯತ್ಥ ಕತ್ಥಚಿ ಪದೇಸೇ ಭೂಮಿತೋ ಉಗ್ಗತಂ ಲವಣಮತ್ತಿಕಂ ಪಾಚಯಿತ್ವಾ ನಿಪ್ಫಾದಿತಲವಣಂ। ಬಿಲಾಲಂ ನಾಮ ಲವಣಭೂಮಿಂ ವಿದಾರಯಿತ್ವಾ ನಿಪ್ಫಾದಿತಲವಣಂ। ವಿಪುಬ್ಬೋ ದಲ ವಿದಾರಣೇ। ದಸ್ಸ ಲೋ। ಅಥ ವಾ ಉಬ್ಭಿದಂ ನಾಮ ಪಾಕ್ಯಂ ಲವಣಂ। ಬಿಲಾಲಂ ನಾಮ ವಚ್ಚಗನ್ಧಂ ಕಾಳಲವಣಂ।
೪೬೨. ಗುಳಾದಯೋ ಪಞ್ಚ ಉಚ್ಛುನೋ ವಿಕಾರಾ। ಗುಳ ರಕ್ಖಾಯಂ, ಗುಳೋ ಪಕ್ಕರಸೋ। ಫಾಣ ಗತಿಯಂ, ತೋ, ಫಾಣಿತಂ ಗುಳತೋ ಕಿಞ್ಚಿ ಥದ್ಧಂ। ಖಣ್ಡ ಮನ್ಥೇ, ಖಣ್ಡೋ ಫಾಣಿತತೋಪಿ ಥದ್ಧೋ। ಉಚ್ಛುವಿಸೇಸಸ್ಸ ರಸಪಾಕೇ ಖಣ್ಡಯೋಗ್ಯಸಾರಭೂತೇ ಯಾ ಗುಳಿಕಾಕಾರಾ ಜಾಯತೇ, ಸಾ ಮಚ್ಛಣ್ಡೀ ಖಣ್ಡಸಾಲೂಕಂ। ‘‘ಮಚ್ಛಣ್ಡೀ ತು ರಭಸೋ, ಖಣ್ಡಕಕ್ಕಂ ಫಾಣಿತಮಿಚ್ಚಞ್ಞೇ। ಸರ ಹಿಂಸಾಯಂ, ಖರಪಚ್ಚಯೋ, ಸಕ್ಖರಾ, ಯಾ ‘‘ಸಿತಾ’’ತಿಪಿ ವುಚ್ಚತಿ, ಸಿನೋತಿ ಬನ್ಧತಿ ತಣ್ಹಂ ಸಿತಾ। ಸಿತಸಕ್ಖರೇತ್ಯತ್ರ ತು ಸಿತೋ ಧವಲತ್ಥೋ, ಸಕ್ಖರಾಪಮಾಣಸಣ್ಠಾನತ್ತಾ ವಾ ಸಕ್ಖರಾ। ಇಮೇ ಚ ಗುಳಾದಯೋ ಯಥಾಕ್ಕಮಂ ಥದ್ಧತರಾ। ಏತ್ಥ ಚ ಮಚ್ಛಣ್ಡೀ ಫಾಣಿತಾ ಖಣ್ಡವಿಕಾರಾಪಿ। ದ್ವಯಂ ಗುಳೇ। ರೋಗಾಧಿಕೇಸು ವಿನಾಸಕರತ್ತಾ ವಿಸಞ್ಚ ತಂ ಕಣ್ಟಕಞ್ಚ।
೪೬೩. ದ್ವಯಂ ಭಟ್ಠಧಞ್ಞೇ। ಲಾಜ ಭಸ್ಸನೇ, ಭಸ್ಸನಂ ಭಜ್ಜನಂ, ಅ। ನ ಖತಂ ಅಕ್ಖತಂ। ‘‘ತತಿಯಾ ಪಕತಿ ಲಾಜೇಸ್ವಕ್ಖತಂ ತೀಸ್ವ’ಹಿಂಸಿತೇ’’ತಿ ರುದ್ದೋ।
ಭಟ್ಠಯವೇ ಧಾನಾಸದ್ದೋ ಸಿಯಾ, ‘‘ಬಹುಮ್ಹಿ ಭಟ್ಠಯವೇ ಧಾನಾ, ಥಿಯಂ ಅಭಿನವೋ’ಬ್ಭಿದೇ’’ತಿ ರಭಸೋ। ಧಾ ಧಾರಣೇ, ಯು।
ದ್ವಯಂ ಯವಾದಿಚುಣ್ಣೇ। ಸಚ ಸಮವಾಯೇ, ಸಚ ಸೇಚನೇ ವಾ, ತು। ಮನ್ಥ ವಿಲೋಳನೇ। ತಿಕಂ ಸಮಂ। ಪೂರೇತೀತಿ ಪೂಪೋ, ಪೋ। ಅಕಾರಯುತ್ತೇ ಅಪೂಪೋ, ಯಥಾ ‘‘ಲಾಬು, ಅಲಾಬೂ’’ತಿ। ತಣ್ಡುಲಾದೀನಂ ಪಿಟ್ಠಾನಂ ವಿಕಾರೋ ಪಿಟ್ಠಕೋ, ಸಞ್ಞಾಯಂ ಕೋ।
೪೬೪. ಛಕ್ಕಂ ಸೂದೇ। ಭತ್ತಂ, ಸೂಪಞ್ಚ ಕರೋತಿ ಅಕಾಸಿ ಕರಿಸ್ಸತೀತಿ ಭತ್ತಕಾರೋ, ಸೂಪಕಾರೋ ಚ। ಸು ಪಗ್ಘರಣೇ। ಸವತಿ ರಸಂ ಪಗ್ಘರಾಪೇತೀತಿ ಸೂದೋ, ದೋ, ದೀಘಾದಿ। ಸೂದ ಪಗ್ಘರಣೇ ಆಳಾರಿಕೋ। ಓದನಂ ಪಚತೀತಿ ಓದನಿಕೋ। ರಸಂ ಕರೋತೀತಿ ರಸಕೋ।
ದ್ವಯಂ ಸೂಪೇ। ಸುಖತ್ಥಾಯ ಪಾತಬ್ಬತ್ತಾ ಸೂಪೋ, ದೀಘಾದಿ। ವಿಸೇಸತೋ ಭತ್ತಂ ಅಞ್ಜತಿ ಅನ್ತೋ ಗಚ್ಛತಿ ಯೇನ, ತಂ ಬ್ಯಞ್ಜನಂ, ಅಞ್ಜ ಗತಿಯಂ, ಯು।
೪೬೫. ಪಞ್ಚಕಂ ಉದಿ ಸವನಕ್ಲೇದನೇಸು, ಯು। ವಾಕಾರೋ ಓದನಸದ್ದಸ್ಸ ನಪುಂಸಕತ್ತಂ ಸಮುಚ್ಚಿನೋತಿ। ಕುರ ಸದ್ದೇ, ಕರ ಕರಣೇ ವಾ, ಕರೋತಿ ಬಲನ್ತಿ ಕುರಂ, ಅಸ್ಸು, ಕಿರ ವಿಕ್ಖಿಪನೇ ವಾ, ಕಿರತಿ ಬುಭುಕ್ಖನ್ತಿ ಕುರಂ, ಇಸ್ಸು, ಕರ ಹಿಂಸಾಯಂ ವಾ, ಕು ಸದ್ದೇ ವಾ, ರಪಚ್ಚಯೋ। ಭಜತಿ ಯೇನ, ಭುಞ್ಜಿತಬ್ಬನ್ತಿ ವಾ ಭತ್ತಂ, ಭಜ ಸೇವಾಯಂ, ತೋ। ಭಕ್ಖಿತಬ್ಬಾತಿ ಭಿಕ್ಖಾ, ಭಕ್ಖ ಅದನೇ, ಅಸ್ಸಿ, ಭಿಕ್ಖ ಯಾಚನೇ ವಾ, ಭಿಕ್ಖಾ ನಾರೀ। ಅದ ಭಕ್ಖನೇ, ತೋ। ಭಿದಾದಿತ್ತಾ ಅನ್ನಾದೇಸೋ, ದಲೋಪೋ।
ಚತುಕ್ಕಂ ಭೋಜನೇ, ಅಸ ಭಕ್ಖನೇ, ಕಮ್ಮೇ ಯು। ಹರ ಹರಣೇ। ಆಹರತಿ ಬಲಾಯೂನೀತಿ ಆಹಾರೋ, ಣೋ। ಭುಜಧಾತುಮ್ಹಾ ಯು, ಭೋಜನಂ। ಘಸ ಅದನೇ, ಣೋ। ಅನ್ಧೋಪ್ಯತ್ರ, ಅದಧಾತುಮ್ಹಾ ತಪಚ್ಚಯಸ್ಸ ಅನ್ಧಾದೇಸೋ ನಿಪಾತನಾ।
ದ್ವಯಂ ಯಾಗುಯಂ। ತರ ಪ್ಲವನತರಣೇಸು। ತರತಿ ಪ್ಲವತಿ ಬ್ಯಾಪೀಭವತೀತಿ ತರಣಂ, ಯು। ತರಲಂ, ತರಲಾಪಿ। ಯಾ ಪಾಪುಣೇ, ಗು, ಯು ಮಿಸ್ಸನೇ ವಾ, ಗು, ಉಸ್ಸಾ। ಉಣ್ಹಿಕಾ, ಸಾಣಾ, ವಿಲೇಪೀ ಚ ಯಾಗುನಾಮಾನಿ। ಸಾ ಪಾಕೇ, ಯು, ಸಾಣಾ।
೪೬೬. ಖಜ್ಜಾದಯೋ ಖಾದ ಭಕ್ಖನೇ, ಕಮ್ಮೇ ತೋ, ಭುಜಾದಿ। ಖಜ್ಜಂ ಮಂಸಾದಿ। ಭೋಜ್ಜಂ ಅನ್ನಾದಿ। ಲಿಹ ಅಸ್ಸಾದನೇ, ಣ್ಯೋ, ಹಸ್ಸ ಯೋ। ಲೇಯ್ಯಂ ಮಧ್ವಾದಿ। ಪಾತಬ್ಬನ್ತಿ ಪೇಯ್ಯಂ, ಪಾ ಪಾನೇ, ಣ್ಯೋ, ಆಸ್ಸೇ, ಪೇಯ್ಯಂ ಸೂಪಾದಿ।
ದ್ವಯಂ ಭತ್ತಮಣ್ಡೇ। ಸು ಸವನೇ, ವಿಸರುಜಪದಾದಿತೋ ಣ। ಚಮು ಅದನೇ, ಆಪುಬ್ಬತ್ತಾ ಪಾನೇ, ಕಮ್ಮೇ ಣೋ। ಮಾಸರೋಪ್ಯತ್ರ, ಮಸಿ ಪರಿಮಾಣೇ, ಅರೋ। ದ್ವಯಂ ಆಲೋಪೇ। ಲುಪ ಛೇದನೇ, ಆಪುಬ್ಬೋ ಸಮ್ಪಿಣ್ಡನೇ, ಕು ಸದ್ದೇ। ಕಬಿ ವಣ್ಣೇ ವಾ, ಅಲೋ, ಳತ್ತಂ, ಕೇನ ತೋಯೇನ ಬಲಮಸ್ಸಾತಿ ವಾ ಕಬಳೋ, ಪುಮೇ, ಗಾಸೋಪಿ।
೪೬೭. ರಸಾನಂ ಸಬ್ಬರಸಾನಂ ಅಗ್ಗಮ್ಹಿ ರಸೇ ಮಣ್ಡಸದ್ದೋ, ಮಣ್ಡ ಭೂಸಾಯಂ, ‘‘ಸಬ್ಬರಸಗ್ಗೇ ಮಣ್ಡಮನಿತ್ಥಿಯ’’ನ್ತ್ಯಮರಸೀಹೋ ವಿಘಾಸೋ। ಭುತ್ತತೋ ಸೇಸೋ ಭುತ್ತಸೇಸೋ, ಸೋವ ಭುತ್ತಸೇಸಕೋ, ಸಕತ್ಥೇ ಕೋ।
ದ್ವಯಂ ವಿಘಾಸಾದೇ। ವಿಘಾಸಂ ಅದತೀತಿ, ಅ, ದಮು ದಮನೇ, ಣ್ವು। ದ್ವಯಂ ಪಿಪಾಸಾಯಂ। ಪಾತುಂ ಇಚ್ಛಾ ಪಿಪಾಸಾ, ಪಾ ಪಾನೇ, ಸೋ, ದ್ವಿತ್ತಾದಿ। ತಸ ಪಿಪಾಸಾಯಂ, ಯು।
೪೬೮. ದ್ವಯಂ ಖುದ ಬುಭುಕ್ಖಾಯಂ, ದೋ। ಘಸಿತುಮಿಚ್ಛಾ ಜಿಘಚ್ಛಾ, ಘಸ ಅದನೇ, ಇಚ್ಛತ್ಥೇ ಛೋ, ದ್ವಿತ್ತಾದಿ। ಮಂಸಸ್ಸ ರಸೋ ಪಟಿಚ್ಛಾದನೀಯಮುಚ್ಚತೇ। ಛನ್ದ ಇಚ್ಛಾಯಂ। ಪಟಿಚ್ಛಾದೇತೀತಿ ಪಟಿಚ್ಛಾದನೀಯಂ, ಅನೀಯೋ, ಛದ ಸಂವರಣೇ ವಾ, ಮಂಸೇನ ಪಟಿಚ್ಛಾದೇತಬ್ಬತ್ತಾ ಪಟಿಚ್ಛಾದನೀಯಂ।
ದ್ವಯಂ ಉಗ್ಗಾರೇ, ದೇಕಿ ಸದ್ದೋಸ್ಸಾಹೇಸು, ಉದ್ಧಂ ದೇಕತಿ ಗನ್ತುಮುಸ್ಸಹತೀತಿ ಉದ್ರೇಕೋ, ಏಕಸ್ಸ ದಕಾರಸ್ಸ ರೋ। ಉದ್ದೇಕೋಪಿ। ಗಿರ ನಿಗ್ಗಿರಣೇ, ಇಸ್ಸಾ, ಉಗ್ಗಾರೋ। ಪಾದೋ ತಿತ್ತಿಯಂ। ಸುಹಿತೋ ತಿತ್ತೋ, ತಸ್ಸ ಭಾವೋ ಸೋಹಿಚ್ಚಂ। ತಿಪಿ ಪೀಣನೇ,ತಿ, ಭುಜಾದಿ। ಯುಪಚ್ಚಯೇ, ಇಸ್ಸತ್ತೇ ಚ ತಪ್ಪನಂ।
೪೬೯. ಯಥಿಚ್ಛಿತನ್ತಂ ಯಥಿಚ್ಛಿತೇ। ಕ್ರಿಯಾವಿಸೇಸನತಾಯ ಚೇತೇ ನಪುಂಸಕೇ, ಕ್ರಿಯಾಬ್ಯಯಾನಞ್ಹಿ ಸತಿಪ್ಯೇಕತ್ತೇ ತಬ್ಬಿಸೇಸನಾನಿ ನಪುಂಸಕೇ ಭವನ್ತಿ ಏಕತ್ತೇಪಿ, ತಥಾ ಹಿ ಕ್ರಿಯಾನಮಬ್ಯಯಾನಞ್ಚ ಸತ್ತಾಭೂತತ್ತಾ ಲಿಙ್ಗಸಙ್ಖ್ಯಾವಿಸೇಸೋಪಾದಾನಂ ನತ್ಥೀತಿ ತಬ್ಬಿಸೇಸನಾನಮ್ಪಿ ಸಾಮಞ್ಞಲಿಙ್ಗಾ ನಪುಂಸಕತ್ತಂ, ಸಾಮಞ್ಞಸಙ್ಖ್ಯಾ ಚೇಕತ್ತಂ ಯುತ್ತನ್ತಿ, ತಂ ಯಥಾ – ಮುದುಂ ಪಚನ್ತಿ, ಸಾದುಂ ಪಚನ್ತಿ। ಬಹುವಚನನ್ತೇಪಿ ಕ್ರಿಯಾಸದ್ದೇ ತಬ್ಬಿಸೇಸನಸ್ಸೇಕತ್ತಮೇವ ಕ್ರಿಯಾವಿಸೇಸನಾನಂ ಕಮ್ಮನಿ ದುತಿಯಾ, ಸಬ್ಬೋ ಹಿ ಧಾತ್ವತ್ಥೋ ಕರೋತ್ಯತ್ಥೇನ ಬ್ಯಾಪಿತೋ, ಮುದುಂ ಪಚನ್ತಿ ಮುದುಂ ಪಚನಂ ಕುಬ್ಬನ್ತೀತ್ಯತ್ಥೋ, ತೇನ ಮುದಾದೀನಞ್ಚ ತಬ್ಬಿಸೇಸನಾನಂ ಕಮ್ಮತ್ತಂ। ಅಞ್ಞೋ ಪನಾಹ ಕಮು ಕನ್ತಿಯಂ, ಕಮ್ಮನಿ ಣೋ, ಕಾಮಂ, ನಿಕಾಮಞ್ಚ। ಇಸು ಇಚ್ಛಾಯಂ, ತೋ, ‘‘ಸಾದಿಸನ್ತಪುಚ್ಛೇ’’ತ್ಯಾದಿನಾ ಅನ್ತೇನ ಸಹ ತಸ್ಸ ಟ್ಠೋ, ಇಟ್ಠಂ। ಪರಿಪುಬ್ಬೋ ಆಪ ಪಾಪುಣನೇ, ತೋ, ಭುಜಾದಿ, ರಸ್ಸೋ, ಯಾಗಮೋ ಚ। ‘‘ಸತ್ತ್ಯಂ ನಿವಾರಣೇ ತಿತ್ತಿಯಂ, ಪರಿಯತ್ತಂ ಯಥಿಚ್ಛಿತೇ’’ತಿ ರಭಸೋ। ಇಚ್ಛಿತಸ್ಸ ಅನತಿಕ್ಕಮೋ ಯಥಿಚ್ಛಿತಂ, ಯಥಾತ್ಥೇ ಅಬ್ಯಯೀಭಾವೋ। ಪಕಾಮಂಪ್ಯತ್ರ।
ದ್ವಿಪಾದಂ ವಣಿಜಕೇ। ಕಯವಿಕ್ಕಯೇಹಿ ಜೀವತೀತಿ, ಇಕೋ। ಸತ್ಥಂ ವಾಣಿಜ್ಜೋಪಜೀವೀನಂ ಸಙ್ಘಾತಂ ವಹತಿ ದೇಸನ್ತರಂ ಪಾಪಯತೀತಿ, ಕಮ್ಮಾದಿಮ್ಹಿ ಣೋ। ಸತ್ಥವಾಹೋ ವಣಿಜನಾಯಕೋ, ತಂಯೋಗಾ ಸತ್ಥವಾಹೋ, ಣೋ। ಆಪಣೋ ಕಯವಿಕ್ಕಯವೋಹಾರೋ, ತಂಯೋಗಾ ಆಪಣಿಕೋ, ಣಿಕೋ। ವಣ ಸದ್ದೇ, ಇಜೋ। ವೇದಹಕೋ, ನೇಗಮೋ, ಪಣ್ಯಾಜೀವೋ, ವಣಿಜೋಪ್ಯತ್ರ।
೪೭೦. ವಿಕ್ಕಯೋ ನಾಮ ಪುಬ್ಬಮೇವ ಅತ್ತನೋ ಧನಸ್ಸ ಪರಸ್ಸ ದಾನಂ। ಕೀ ದಬ್ಬವಿನಿಮಯೇ, ತತ್ರ ನಿಯುತ್ತೋ ವಿಕ್ಕಯಿಕೋ। ವಿಕ್ಕಿಣಾತೀತಿ ವಿಕ್ಕೇತಾ, ರಿತು। ಕಯೋ ನಾಮ ಪರಸ್ಸ ಧನಂ ಗಹೇತ್ವಾ ಅತ್ತನೋ ಧನಸ್ಸ ದಾನಂ। ಕಯೇನ ಜೀವತೀತಿ ಕಯಿಕೋ। ಕಿನಾತೀತಿ, ಣ್ವು।
ದ್ವಯಂ ಉತ್ತಮಣ್ಣೋ, ಅಭಿಧಾನಾ ಪುಬ್ಬನಿಪಾತೋ, ಇಸ್ಸತ್ತಂ, ದ್ವಿತ್ತಞ್ಚ। ಧನಂ ವುಡ್ಢತ್ಥಂ ಪಯೋಜೇತೀತಿ ಧನಿಕೋ। ದ್ವಯಂ ಧನಗಾಹಕೇ। ಇಣೇ ಅಧಮೋ ಅಧಮಣ್ಣೋ। ಇಣಂ ಗಣ್ಹಾತೀತಿ ಇಣಾಯಿಕೋ, ಆಯಿಕೋ। ಇಣಂ ಆಯತಿ ಪವತ್ತೇತೀತಿ ವಾ ಇಣಾಯಕೋ, ಣ್ವು।
೪೭೧-೪೭೨. ದ್ವಯಂ ಇಣೇ। ಉದ್ಧರೀಯತೇ ಗಯ್ಹತೇತಿ ಉದ್ಧಾರೋ, ಉಪುಬ್ಬೋ ಧರತಿ ಗಹಣೇ, ಣೋ। ಏತಿ ವುಡ್ಢಿಂ ಗಚ್ಛತೀತಿ ಇಣಂ, ಯು, ಣತ್ತಂ। ಪರಿಯುದಞ್ಚನಮ್ಪಿ, ಪರಿತೋ ಉದಞ್ಝತೇ ಗಯ್ಹತೇತಿ, ಯು। ವುತ್ತನ್ತಿ ಕ್ರಿಯಾಪದಂ। ಯತ್ತಕೇನ ಧನೇನ ಲಾಭೋ ಲಬ್ಭತೇ, ತತ್ರ ಮೂಲಧನೇ ಮೂಲಾದಿದ್ವಯಂ। ಮೂಲ ಪತಿಟ್ಠಾಯಂ। ಪಠಮಮೇವ ಆಭತಂ ಪಾಭತಂ।
ದ್ವಯಂ ಪಟಿಪಾದೇ। ‘‘ಅವಸ್ಸಮಸ್ಸಿದಂ ಕಯಿತಬ್ಬ’’ಮಿತಿ ಸಚ್ಚಸ್ಸಾಖ್ಯಾಪನಂ, ಕರಣಂ ವಾ ಸಚ್ಚಾಪನಂ, ಸಚ್ಚಸ್ಸ ಕರಞ್ಚಿತ್ತಭರಣಮಿಚ್ಚತ್ಥೋ, ಸಚ್ಚಸದ್ದಾ ಧಾತುರೂಪಾ ಯು, ಮಜ್ಝೇ ಅಪಾಗಮೋ, ಸಚ್ಚಸ್ಸ ವಾ ಆಪುಣನಂ ಸಚ್ಚಾಪನಂ, ಅಪಧಾತುಮ್ಹಾ ಯು। ‘‘ಸಚ್ಚಾಪನಾ ಸಚ್ಚಾಕತಿ’’ರಿತಿ ತಿಕಣ್ಡಸೇಸೇ ಸಚ್ಚಕಾರೋ। ಸಚ್ಚಂಕಾರೋಪಿ। ‘‘ಕ್ಲಿವೇ ಸಚ್ಚಾಪನಂ ಸಚ್ಚ-ಙ್ಕಾರೋ ಸಚ್ಚಾಕತಿತ್ಥಿಯ’’ನ್ತ್ಯಮರಕೋಸೇ ವಿಕ್ಕೇಯ್ಯಂ, ಣ್ಯೋ। ಪಣ ಬ್ಯವಹಾರೇ, ಣ್ಯೋ, ದ್ವೇಪಿ ತೀಸು।
ದ್ವಯಂ ಪತಿಪುಬ್ಬೋ ದದಾತಿ ನ್ಯಾಸಸಮ್ಪನ್ನತ್ಥೋ, ತಥಾ ಪರಿಪುಬ್ಬೋ ವತ್ತತಿ। ಪರಿದಾನಂಪ್ಯತ್ರ।
ದ್ವಯಂ ನ್ಯಾಸೇ। ಅಸು ಖೇಪನೇ। ನ್ಯಸ್ಸತೇ ನಿಕ್ಖಿಪೀಯತೇತಿ, ಣೋ। ಉಪನಿಧಿಯ್ಯತೇತಿ ಉಪನಿಧಿ, ಇ, ಉಪನಿಧಿ ಪುಮೇ। ‘‘ಪುಮೇ ಉಪನಿಧಿನ್ಯಾಸೋ’’ತಿ ಅಮರಕೋಸೇ।
೪೭೩. ಏಕಾದಯೋ ಅಟ್ಠಾರಸಪರಿಯನ್ತಾ ಸಙ್ಖ್ಯಾಸದ್ದಾ ಸಙ್ಖ್ಯೇಯ್ಯೇ ದಬ್ಬೇ ವತ್ತನ್ತಿ ತೀಸು ಚ ಲಿಙ್ಗೇಸು। ಸಙ್ಖ್ಯೇಯ್ಯೇಕತ್ತೇ ಚ ‘‘ಏಕೋ ಬ್ರಾಹ್ಮಣೋ, ಅಟ್ಠಾರಸ ಬ್ರಾಹ್ಮಣಾ’’ತಿ ಸಮಾನಾಧಿಕರಣಂ ಭವತಿ, ನ ತು ಭಿನ್ನಾಧಿಕರಣಂ ‘‘ಬ್ರಾಹ್ಮಣಾನಂ ಏಕಾದಸ ಚೇ’’ತಿ। ತೀಸೂತ್ಯನೇನ ‘‘ನ ಕೇವಲಂ ಏಕಸದ್ದೋವ ಸಲಿಙ್ಗೋ, ಅಥ ಖೋ ಅಟ್ಠಾರಸಪರಿಯನ್ತಾಪೀ’’ತಿ ದಸ್ಸೇತಿ, ತೇನ ಕತ್ಥಚಿ ತೇಸಂ ಅಲಿಙ್ಗತಾವಚನಂ ಲಿಙ್ಗವಿಸೇಸಾಭಾವಂ ಸನ್ಧಾಯ ವುತ್ತಂ, ನ ಪನ ಸಾಮಞ್ಞಲಿಙ್ಗಾಭಾವನ್ತಿ ದಟ್ಠಬ್ಬಂ। ಇಮಿನಾ ನಯೇನ ‘‘ಅತಿಲಿಙ್ಗಂ ದ್ವಿವಚನಂ, ತದಾಖ್ಯಾತನ್ತಿ ವುಚ್ಚತೀ’’ತ್ಯಾದೀಸುಪಿ ದಟ್ಠಬ್ಬಂ, ತೇನ ‘‘ಪುರಿಸೋ ಗಚ್ಛತಿ, ಇತ್ಥೀ ಗಚ್ಛತಿ, ಚಿತ್ತಂ ಗಚ್ಛತೀ’’ತ್ಯಾದೀಸು ಗಚ್ಛತಿಸದ್ದಸ್ಸ ತಂತಂಲಿಙ್ಗವಿಸೇಸವಚನತಾ, ‘‘ಗಚ್ಛತೀ’’ತ್ಯಾದೀಸು ಸಾಮಞ್ಞಲಿಙ್ಗವಚನತಾ ಚ ದಟ್ಠಬ್ಬಾ। ವೀಸತ್ಯಾದಯೋ ಸಙ್ಖ್ಯಾಸದ್ದಾ ಸಙ್ಖ್ಯಾನೇ, ಸಙ್ಖ್ಯೇಯ್ಯೇ ಚ ವತ್ತನ್ತಿ ‘‘ವೀಸತಿ ಗಾವೋ, ಗವಂ ವೀಸತೀ’’ತಿ। ಏಕತ್ತೇತಿ ಯದಾ ಪನೇತಾ ಸಙ್ಖ್ಯೇಯ್ಯೇ ಏಕತ್ತವಿಸಿಟ್ಠಮೇವ ವಗ್ಗತ್ತಂ ಸಭಾವತೋ ಪಟಿಪಾದಯನ್ತಿ। ತದಾ ಭಿನ್ನಸಙ್ಖ್ಯೇನಾಪಿ ಸಮಾನಾಧಿಕರಣೇ ಏಕವಚನೇಯೇವ ಸಬ್ಬಕಾಲಂ ವತ್ತತೇ ‘‘ವೀಸತಿ ಗಾವೋ’’ತಿ। ಯದ್ಯೇಕತ್ತೇ, ಕಥಂ? ದ್ವೇವೀಸತಿಯೋ, ತಿಸ್ಸೋ ವೀಸತಿಯೋ, ಪಞ್ಚಸತಾನಿಚ್ಚಾದಯೋ ಪಯೋಗಾ ಇಚ್ಚಾಹ ‘‘ವಗ್ಗಭೇದೇ ಬಹುತ್ತೇಪೀ’’ತಿ ಅಮರಕೋಸೇ ಪನ ‘‘ಸಙ್ಖ್ಯನ್ತರಸ್ಸತ್ಥೇ ಅಭಿಧೇಯ್ಯೇವೀಸತ್ಯಾದಯೋ ತಂಸಮಾನಾಧಿಕರಣತೋ ಬಹುವಚನಾನಿಪಿ ಭವನ್ತೀ’’ತಿ ಆನವುತಿ ನವುತಿಸದ್ದಮಭಿಬ್ಯಾಪೇತ್ವಾ ತಾ ವೀಸತ್ಯಾದಯೋ ಭಿನ್ನಲಿಙ್ಗೇನಾಪಿ ಸಮಾನಾಧಿಕರಣೇ ನಾರಿಯಂ ಇತ್ಥಿಯಂ, ಯಥಾ ವೀಸತಿ ಕುಣ್ಡಾನಿ। ವೀಸತ್ಯಾದಯೋ ವಿಕತಸಮಾಹಾರದ್ವನ್ದಾ। ಲಿಙ್ಗಸ್ಸ ಲೋಕಾಸಯತ್ತಾ ದ್ವನ್ದೇಕತ್ತನ್ತಿ ನಪುಂಸಕತ್ತನ್ತಿ ವೀಸತ್ಯಾದಯೋ ಅಬ್ಯುಪ್ಪನ್ನಾ ಪರಮತೇನ, ಕಚ್ಚಾಯನಮತೇನ ಪನ ಬ್ಯುಪ್ಪನ್ನಾ।
೪೭೪-೪೭೬. ಸತಾದೀನಿ ಅಸಙ್ಖ್ಯೇಯ್ಯಪರಿಯನ್ತಾನಿ ಚತುವೀಸತಿ ಠಾನಾನಿ ಗಣನಭೇದಾನಿ। ತತ್ಥ ದಸದಸಸದ್ದೇಹಿ ನಿಪ್ಫಾದಿತೋ ಸತಸದ್ದೋ, ತಥಾ ಸತದಸಸದ್ದೇಹಿ ಸಹಸ್ಸಸದ್ದೋ। ಯುಜ ಯೋಗೇ, ನಿಯುತಂ, ಅಯುತಮ್ಪಿ। ಯು ಮಿಸ್ಸನೇ ವಾ, ತೋ। ಲಕ್ಖ ದಸ್ಸನಙ್ಕೇಸು, ಲಕ್ಖಂ, ಸತಸಹಸ್ಸಮ್ಪಿ। ಕುಟ ಛೇದನೇ, ದಸಗುಣಂ ಕುಟತೀತಿ ಕೋಟಿ। ಉಪಸಗ್ಗೇನ ವಿಸೇಸೇತ್ವಾ ಏಕೋ ಗಣನವಿಸೇಸೋ ಪಕೋಟೀತಿ ವುಚ್ಚತಿ, ದ್ವೇಪಿ ಮಿಸ್ಸೇತ್ವಾ ಏಕೋ ಕೋಟಿಪಕೋಟೀತಿ। ನಹ ಬನ್ಧನೇ, ತೋ। ಆಗಮಸ್ಸು। ವಿದ ಲಾಭೇ, ಉ, ನಿಗ್ಗಹೀತಾಗಮೋ। ಅಬ ಹಿಂಸಾಯಂ, ಗತಿಮ್ಹಿ ಚ, ದೋ, ಆಗಮಸ್ಸು। ಅಹಿ ಗತಿಮ್ಹಿ, ಹಪಚ್ಚಯೋ। ಅವ ರಕ್ಖಣೇ, ವೋ ಅಟ ಗಮನೇ, ಟೋ। ಸೋಗನ್ಧಿಕನ್ತಿ ಕಮಲವಿಸೇಸನಾಮೇನ ಏಕೋ ಗಣನವಿಸೇಸೋ ವುಚ್ಚತಿ, ತಥೋಪ್ಪಲಾದಿನಾಮೇಹಿ ಏಕೇಕೋ ಗಣನವಿಸೇಸೋ। ಕಥ ವಾಕ್ಯಪ್ಪಬನ್ಧೇ, ಯು, ಸಙ್ಖ್ಯಾತುಮಸಕ್ಕುಣೇಯ್ಯತಾಯ ಅಸಙ್ಖ್ಯೇಯ್ಯಂ।
ನನು ಸಙ್ಖ್ಯಾತುಮಸಕ್ಕುಣೇಯ್ಯತ್ತೇ ಸತಿ ಏಕೇನ ಭವಿತಬ್ಬಂ, ಅಥ ಕಥಮೇಕೋ ಅಸಙ್ಖ್ಯೇಯ್ಯೋ, ದ್ವೇ ಅಸಙ್ಖ್ಯೇಯ್ಯಾನಿಚ್ಚಾದೀನಿ ಭೇದಾನಿ ವುತ್ತಾನೀತಿ? ನಾಯಂ ದೋಸೋ, ತೇಸಂ ಕಾಲದೇಸಾದಿವಸೇನ ಭಿನ್ನಾನಮ್ಪಿ ಸಮ್ಭವತೋ। ಏತಾಸು ಸಙ್ಖ್ಯಾಸು ಕಮಾ ಕಮೇನ ಸತಾದಿಲಕ್ಖಪರಿಯನ್ತಂ ದಸಗುಣಂ ದಸಹಿ ಗುಣಿತಂ ಭವತಿ। ಕೋಟ್ಯಾದಿಕಂ ಅಸಙ್ಖ್ಯೇಯ್ಯಪರಿಯನ್ತಂ ಸತಲಕ್ಖಗುಣಂ ಸತಲಕ್ಖೇಹಿ ಗುಣಿತಂ ಭವತಿ, ತಸ್ಮಾ ಏಕಾ ಲೇಖಾ ದ್ವಿಸುಞ್ಞಸಹಿತಾ ಸತಂ ಭವತಿ, ತಥಾ ತಿಸುಞ್ಞಸಹಿತಾ ಸಹಸ್ಸಂ, ಚತುಸುಞ್ಞಸಹಿತಾ ನಿಯುತಂ, ಪಞ್ಚಸುಞ್ಞಸಹಿತಾ ಏಕಾ ಲೇಖಾ ಲಕ್ಖಂ ಭವತಿ, ಏಕಾ ಪನ ಲೇಖಾ ಸತ್ತಸುಞ್ಞಸಹಿತಾ ಕೋಟಿ, ತಥಾ ಚುದ್ದಸಸುಞ್ಞಸಹಿತಾ ಪಕೋಟಿ, ಇಮಿನಾ ನಯೇನ ಯಾವಾಸಙ್ಖ್ಯೇಯ್ಯಂ ನೇತಬ್ಬಂ, ಅಯಮೇಕಚ್ಚಾನಮಾಚರಿಯಾನಂ ಮತಿ।
ಅಥ ವಾ ಸತಾದಯೋ ಅಸಙ್ಖ್ಯೇಯ್ಯಪರಿಯನ್ತಾ ಸಬ್ಬೇಪಿ ದಸಗುಣಿತಾ ಕಾತಬ್ಬಾ, ಅಯಂ ಕಚ್ಚಾಯನಸ್ಸ ಮತಿ, ತೇನ ಹಿ ‘‘ಯಾವ ತದುತ್ತರಿ ದಸಗುಣಿತಞ್ಚೇ’’ತಿ ಸುತ್ತಮಾಹ। ಅಥ ವಾ ಸತಾದಯೋ ಲಕ್ಖನ್ತಾ ದಸದಸಗುಣಿತಾ, ತೇನ ಏಕಾ ಲೇಖಾ ದ್ವಿಬಿನ್ದುಸಹಿತಾ ಸತಂ ಭವತಿ, ತಥಾ ಚತುಪಞ್ಚಾದಿಬಿನ್ದುಸಹಿತಾ ಸಹಸ್ಸಾದಿಕಂ ಭವತಿ, ಏಕಾ ಲೇಖಾ ಪನ ದ್ವಾದಸಬಿನ್ದುಸಹಿತಾ ಕೋಟಿ, ತಥಾ ಏಕೂನವೀಸತಿಬಿನ್ದುಸಹಿತಾ ಪಕೋಟೀತಿ ಯಾವ ಅಸಙ್ಖ್ಯೇಯ್ಯಾ ಏಕೇಕಸ್ಮಿಂ ಸತ್ತ ಸತ್ತ ಬಿನ್ದೂನಿ ಕತ್ವಾ ಗಣನಾ ಕಾತಬ್ಬಾ, ತಸ್ಮಾ ಅಸಙ್ಖ್ಯೇಯ್ಯಗಣನವಿಸೇಸೇ ಪಞ್ಚಚತ್ತಾಲೀಸಾಧಿಕಾನಿ ಸತಬಿನ್ದೂನಿ ಭವನ್ತಿ, ಅಯಮಮ್ಹಾಕಂ ಮತಿ।
ಅಮರಕೋಸೇ
೪೭೭-೪೭೮. ಸಾಧಿಕೇನ ದ್ವೇಪಾದೇನ ‘‘ಅಡ್ಢೇನ ಚತುತ್ಥೋ ಅಡ್ಢುಡ್ಢೋ, ಅಡ್ಢೇನ ತತಿಯೋ ಅಡ್ಢತಿಯೋ, ಅಡ್ಢತೇಯ್ಯೋ ಚಾ’’ತಿ ಇಮಂ ವಚನತ್ಥಂ ದಸ್ಸೇತಿ। ಅಡ್ಢೂಪಪದೇನ ಸಹ ಚತುತ್ಥಾದಿಸದ್ದಾನಂ ಅಡ್ಢುಡ್ಢಾದ್ಯಾದೇಸೋ। ಸಾಧಿಕಪಾದೇನ ‘‘ಅಡ್ಢೇನ ದುತಿಯೋ ದಿಯಡ್ಢೋ, ದಿವಡ್ಢೋ ಚಾ’’ತಿ ಇಮಂ ವಚನತ್ಥಂ ದಸ್ಸೇತಿ। ಅನ್ತರಿತಸ್ಸಾಪಿ ಅಡ್ಢೇನಸದ್ದಸ್ಸ ಇಧಾನುವತ್ತನತಾ ಅಧಿಪ್ಪೇತಾ ಅಭಿಧಾನನ್ತರಾಭಾವಾ, ಸಬ್ಬತ್ರೇವಂ।
೪೭೯-೪೮೦. ಮೀಯತೇ ಪರಿಚ್ಛಿನ್ದೀಯತೇ ಯೇನ, ತಂ ಮಾನಂ। ತಞ್ಚ ತುಲಾಪತ್ಥಙ್ಗುಲಿವಸಾ ತಿಧಾ ಮಾನಿಯದಬ್ಬಸ್ಸ ಭವತಿ। ತುಲ ಉಮ್ಮಾನೇ ತುಲಾ ಇತ್ಥೀ। ಪದ ಗತಿಯಂ, ಥೋ। ಅಙ್ಗ ಗಮನೇ, ಉಲೋ, ಅಙ್ಗುಲಂ, ‘‘ಅಙ್ಗುಲೀ’’ತಿಪಿ ಪಾಠೋ, ಕರಸಾಖಾ।
ಚತ್ತಾರೋ ವೀಹಯೋ ಸಮ್ಪಿಣ್ಡಿತಾ ಏಕಾವ ಗುಞ್ಜಾ ಸಮಗರುಕಾ, ತಥಾ ದ್ವೇ ಗುಞ್ಜಾ ಏಕೋವ ಮಾಸಕೋ ಸಮಗರುಕೋತಿ ಸಬ್ಬತ್ರ ನಯೋ ನೇತಬ್ಬೋ। ದ್ವೇ ಮಾಸಕಾ ಅಕ್ಖೋ ನಾಮ, ವಿಭೀಟಕೋತಿ ವುತ್ತೋ, ಅಕ್ಖಫಲಸಮಾನಗರುಕತ್ತಾ ವಾ ಅಕ್ಖೋ। ಕರಿಸೋಪ್ಯತ್ರ, ಕಸ ವಿಲೇಖನೇ, ಅ, ರಿಮಜ್ಝೋ, ಅನಿತ್ಥೀ। ಅಕ್ಖಾನಂ ಪಞ್ಚ ಧರಣಂ ನಾಮ, ಧರತಿಧಾತುಯಾ ಯು। ಅಕ್ಖಾನಮಟ್ಠಕಂ ಸುವಣ್ಣೋ ನಾಮ। ಪಞ್ಚಧರಣಂ ನಿಕ್ಖಂ ನಾಮ। ತೇ ನಿಕ್ಖಾ ಪಞ್ಚ ಪಾದೋ ನಾಮ। ಸೋ ಪಾದೋ ಚತುತ್ಥೇ ಭಾಗೇ ವತ್ತತೀತ್ಯೇಕಚ್ಚಾನಂ ಮತಿ। ಯಥಾವುತ್ತಾಯೇವ ಚತ್ತಾರೋ ವೀಹಯೋ ಗುಞ್ಜಾ ನಾಮ। ದ್ವೇ ಗುಞ್ಜಾ ಮಾಸಕೋ ನಾಮ। ದ್ವೇ ಪಞ್ಚಮಾಸಕಾ ದಸಮಾಸಕಾ ಅಕ್ಖೋ ನಾಮ। ಅಕ್ಖಾನಂ ಅಟ್ಠಕಂ ಧರಣಂ ನಾಮ। ಪಞ್ಚಧರಣಂ ಸುವಣ್ಣೋ ನಾಮ। ತೇ ಪಞ್ಚಸುವಣ್ಣಾ ನಿಕ್ಖಂ ನಾಮಾತ್ಯಮ್ಹಾಕಂ ಮತಿ। ಕನ ದಿತ್ತಿಗತಿಕನ್ತೀಸು, ನಿಪುಬ್ಬೋ, ನಸ್ಸ ಖೋ, ನಿಕ್ಖೋ, ಸುವಣ್ಣವಿಕಾರೇಪಿ। ಯಸ್ಸ ಕಸ್ಸಚಿ ವತ್ಥುನೋ ಚತುತ್ಥೇ ಭಾಗೇ ಪಾದೋ। ದಸ ಧರಣಾನಿ ಪಲಂ ನಾಮ, ಪಲ ಪಥೇ ಚ ಗತಿಮ್ಹಿ।
೪೮೧. ಯಸ್ಸ ಕಸ್ಸಚಿ ವತ್ಥುನೋ ಪಲಸತಂ ತುಲಾ। ತುಲ ಉಮ್ಮಾನೇ, ತುಲಾ ನಾರೀ।
ಗೇಹಾನಂ ದಾರುಬನ್ಧಾಯ, ಪಿಠಿಕಾಯಂ ತುಲಾ ಥಿಯಂ।
ಮಾನಭಣ್ಡೇ ಚ ಸಾದಿಸೇ, ರಾಸಿಪಲಸತೇಸು ಚ॥
ತಾ ಭಾರೋ ನಾಮ। ಭರ ಧಾರಣಪೋಸನೇಸು, ಣೋ। ‘‘ಭಾರೋ ತು ದ್ವಿಸಹಸ್ಸೇಸು, ಪಲಾನಮಪಿ ವಿವಧೇ’’ತ್ಯಜಯೋ
ರೂಪಿಯಸ್ಸ ಕರಿಸೇನ ಕತೋ ಸಂವೋಹಾರಪದತ್ಥೋ ಕಹಾಪಣೋ ನಾಮ। ಕರಿಸಪ್ಪಮಾಣೇನ ರೂಪಿಯೇನ ಕತೋ ಪಣೋ ಪಣಿಯೋ ದಬ್ಬಭೇದೋ ಕಹಾಪಣೋ। ರಿಸಸ್ಸ ಹಾದೇಸೋ। ಅಹಾದೇಸೇ ಕರಿಸಾಪಣೋ, ಏತೇ ದ್ವೇ ರೂಪವಿಕಾರೋ, ಅಞ್ಞತ್ರೂಪಚಾರಾ। ಇತಿ ತುಲಾಮಾನಂ ವುತ್ತಂ।
೪೮೨. ಪತ್ಥಮಾನಂ ದಸ್ಸೇತುಮಾಹ ‘‘ಕುಡುವೋ’’ಚ್ಚಾದಿ। ಏಕೋ ಪಸತೋ ಕುಡುವೋ ನಾಮ। ಸರ ಗತಿಯಂ, ತೋ, ರಲೋಪೋ, ಕಡಿ ಭೇದೇ, ವೋ, ಕಡಿಸ್ಸ ಕುಡು, ತೇ ಕುಡುವಾ ಚತ್ತಾರೋ ಪತ್ಥೋ। ಚತುಪತ್ಥಾ ಆಳ್ಹಕೋ, ಅಹ ಪೂಜಾಯಂ, ಣ್ವು, ಳತ್ತಾದಿ ದಸಙ್ಗುಲಂ, ದ್ವಾದಸಙ್ಗುಲಂ ವಾಸಬ್ಬತೋ ಮಾನಮ್ಪಿ ಆಳ್ಹಕೋ। ಚತುರೋ ಆಳ್ಹಕಾ ದೋಣಂ ನಾಮ, ‘‘ಚತುರಾಳ್ಹಕ’’ನ್ತಿಪಿ ಪಾಠೋ, ದು ಗಮನೇ, ಣೋ, ದುಣ ಗತಿಯಂ, ಹಿಂಸಾಯಞ್ಚ ವಾ, ದೋಣಂ। ವಾಕಾರೇನ ದೋಣೋ।
೪೮೩. ಚತುರೋ ದೋಣಾ ಮಾನಿಕಾ, ಮಾನ ಪೂಜಾಯಂ, ಸಕತ್ಥೇ ಕೋ, ಅಸ್ಸಿ। ಚತುಮಾನಿಕಂ ಚತಸ್ಸನ್ನಂ ಮಾನಿಕಾನಂ ಸಮೂಹೋ ಚತುಮಾನಿಕಂ ಖಾರೀ ನಾಮ, ಖರ ವಿನಾಸೇ, ಣೋ, ನದಾದಿ। ದಸಮ್ಬಣಂ ದಸಾಧಿಕಸತದೋಣಮತ್ತಂ ಕುಮ್ಭೋತಿ ಘಟನಾಮೇನ ಏಕೋ ಪತ್ಥಮಾನವಿಸೇಸೋ ದಸ್ಸಿತೋ, ‘‘ಅಮ್ಬಣ’’ನ್ತಿಪಿ ಪಾಠೋ।
೪೮೪. ಪತ್ಥಮಾನವಿಸೇಸಾನಂ ಲಬ್ಭಮಾನಪರಿಯಾಯೇ ದಸ್ಸೇತುಮಾಹ ‘‘ಆಳ್ಹಕೋ’’ಚ್ಚಾದಿ। ತುಮ್ಬ ಕಮ್ಪನೇ, ಅ। ದ್ವಯಂ ಪತ್ಥೇ। ಪತ್ಥಸದ್ದೋಯಂ ಸಾಮಞ್ಞಭೇದಮಾನೇಸು ಪವತ್ತತಿ, ಇಧ ಪನ ವಿಸೇಸಮಾನವಾಚಕೋ ಅಧಿಪ್ಪೇತೋ। ನಲ ಗನ್ಥೇ, ಇಣ।
ದ್ವಯಂ ವಾಹೇ। ವಹತೀತಿ ವಾಹೋ, ವಹ ಪಾಪುಣನೇ, ಣೋ।
ಅಮ್ಬಣಮಾನಂ, ಪರಿಯಾಯಂ ವಾ ದಸ್ಸೇತುಮಾಹ ‘‘ಏಕಾದಸ ದೋಣೇ’’ಚ್ಚಾದಿ। ಅಮ್ಬ ಗಮನೇ, ಯು, ಅಮ್ಬ ಸದ್ದೇ ವಾ, ಇತಿ ಪತ್ಥಮಾನಂ ವುತ್ತಂ, ಅಙ್ಗುಲಮಾನಂ ಪನ ಅಣ್ವಾದ್ಯಾಭಿಧಾನಾವಸರೇ ಭೂಮಿವಗ್ಗೇ ಅಭಿಹಿತಂ।
೪೮೫. ಚತುಕ್ಕಂ ಭಾಗೇ। ವಿಸ ಪವೇಸನೇ, ದೀಘಾದಿ, ಕೋಟ್ಠಂ ವುಚ್ಚತಿ ಸರೀರಂ, ತತ್ಥ ಸೇತೀತಿ ಕೋಟ್ಠಾಸೋ। ಆತ್ತಂ। ಅನ ಪಾಣನೇ, ಅಮ ಗಮನೇ ವಾ, ಸೋ। ಭಜೀಯತೇ ಸೇವೀಯತೇತಿ ಭಾಗೋ। ಣೋ। ವಣ್ಟಕೋಪ್ಯತ್ರ। ವಟಿ ವಿಭಾಜನೇ, ಣ್ವು, ಣನ್ತಾ ವಾ ಸಕತ್ಥೇ ಕೋ।
ವಿಭವನ್ತಂ ಧನೇ। ಧನ ಧಞ್ಞೇ, ಅ। ಸಸ್ಸ ಅತ್ತನೋ ಅಯಂ ಸೋ, ಸಮ್ಪಿ। ದುಇವ ದಬ್ಬಂ, ಸಾರಮಿಚ್ಚತ್ಥೋ, ಇವತ್ಥೇ ವೋ, ವಿದ ಲಾಭೇ, ತೋ ಸಾಪತೇಯ್ಯಂ, ಣೇಯ್ಯೋ। ವಸ ನಿವಾಸೇ, ಉ। ಅರ ಗಮನೇ, ಥೋ। ರಸ್ಸ ತೋ। ವಿಭವನ್ತಿ ಪಭವನ್ತ್ಯನೇನಾತಿ ವಿಭವೋ, ಅ। ಹಿರಞ್ಞಂ, ಕೋಸೋಪ್ಯತ್ರ।
೪೮೬. ಕತಾಕತಂ ಕಞ್ಚನಂ, ರೂಪಿಯಞ್ಚ ಮಿಸ್ಸಿತಂ ತದಞ್ಞಂ ತೇಹಿ ಕಞ್ಚನರೂಪಿಯೇಹಿ ಅಞ್ಞಂ ತೇಜಸಂ ದಬ್ಬಂ ತಮ್ಬಂ। ಆದಿನಾ ಕಂಸರೀತಿಸೀಸಕಾದಿ, ಯಞ್ಚಾತೇಜಸಂ ರಾಜಪಟ್ಟದಾರುವಿಸಾದಿಕ’ಮಸಾರಂ ದಬ್ಬಂ, ತಂ ಸಬ್ಬಂ ಕುಪ್ಪಂ, ಗುಪ ರಕ್ಖಣೇ, ಗುಪ್ಪತೇತಿ, ಪೋ, ಕತ್ತಞ್ಚ ಗಸ್ಸ।
ದ್ವಯಂ ಕಞ್ಚನಂ ರೂಪಿಯಞ್ಚಾಹತಮುಟ್ಠಾಪಿತಹಯವರಾಹಪುರಿಸಾದಿ ರೂಪಂ ನಿಗ್ಘಾತಿಕಾಯ ತಾಳಿತಂ ದೀನಾರಾದಿಕಂ ರೂಪಿಯಾಖ್ಯಂ। ಅಸ್ಸಾದಿರೂಪಮಸ್ಸಾಹತಮತ್ಥೀತಿ ರೂಪಿಯಂ। ರೂಪ ಆಹತಪಸಂಸಾಸು, ಇಯೋ।
೪೮೭-೪೮೮. ಹಿರಞ್ಞನ್ತಂ ಸುವಣ್ಣೇ। ಸೋಭನೋ ವಣ್ಣೋ ಯಸ್ಸ ಸುವಣ್ಣಂ। ಕನ ದಿತ್ತಿಯಂ, ಣ್ವು, ಜನನಂ ಜಾತಂ, ಪಕಟ್ಠಂ ಜಾತಂ ಜಾತರೂಪಂ, ರೂಪಪಚ್ಚಯೋ ಜಾತರೂಪಂ। ಇಣ ಗತಿಯಂ, ದಿತ್ತಿಯಞ್ಚ ಅನೇಕತ್ಥತ್ತಾ। ಸುಟ್ಠು ದಿಪ್ಪತೇ ದಿತ್ತಿಯಾ ಯುಜ್ಜತೇತಿ ಸೋಣ್ಣಂ, ಉಸ್ಸೋ, ‘‘ವಾ ಪರೋ ಅಸರೂಪಾ’’ತಿ ಇಲೋಪೋ, ದ್ವಿತ್ತಂ। ಕಞ್ಚ ದಿತ್ತಿಯಂ, ಯು। ಸತ್ಥು ವಣ್ಣೋ ವಿಯ ವಣ್ಣೋ ಯಸ್ಸ। ಚಿತ್ತಮತ್ತಾನಂ ಹರತೀತಿ ಹರಿ। ಇ, ಕಮು ಇಚ್ಛಾಯಂ, ಬು। ಚರತಿ ಏತ್ಥ ಚಿತ್ತಂ ಚಾರು, ಣು। ಹಿ ಗತಿಯಂ, ಮೋ। ಹಟ ದಿತ್ತಿಯಂ, ಣ್ವು। ತಪನಂ ದಾಹಮರಹತೀತಿ ತಪನಿಯೋ, ಇಯೋ। ಹರ ಹರಣೇ, ಅಞ್ಞೋ, ಅಸ್ಸಿ। ಹಾ ಚಾಗೇ, ಹಾ ಗತಿಯಂ ವಾ, ಅಞ್ಞೋ, ಹಿರಾದೇಸೋ ಚ।
ಚಾಮೀಕರಾದಯೋ ಚತ್ತಾರೋ ತಬ್ಭೇದಾ ತಸ್ಸ ಸುವಣ್ಣಸ್ಸ ವಿಸೇಸಾ। ಚಾಮೀ ನಾಮ ಏಕಾ ಪುಪ್ಫಜಾತಿ, ತಂಕರತ್ತಾ ಚಾಮೀಕರೋ, ಅಥ ವಾ ಚಾಮೀ ನಾಮ ಅಗ್ಗಿ। ಚಮು ಅದನೇ, ಣೀ, ತಕ್ಕರತ್ತಾ ಚಾಮೀಕರೋ। ಸತಕುಮ್ಭಂ ಪದ್ಧಕೇಸರವಣ್ಣಂ, ತಬ್ಬಣ್ಣಸದಿಸತ್ತಾ ಸಾತಕುಮ್ಭಂ। ದೇವರುಕ್ಖಭೂತಾಯ ಮಹಾಜಮ್ಬುಯಾ ಪತಿಟ್ಠಿತಟ್ಠಾನೇ ನದೀ ಜಮ್ಬುನದೀ, ತಸ್ಸಂ ಪತಿತೇಹಿ ಮಹಾಗಜಪ್ಪಮಾಣಾನಂ, ಕುಮ್ಭಪ್ಪಮಾಣಾನಂ ವಾ ಫಲಾನಂ ಬೀಜೇಹಿ ಜಾತಂ ಸುವಣ್ಣಂ ಜಮ್ಬುನದಂ, ಇದಂ ಪನ ಸುವಣ್ಣಂ ಅನಲಪ್ಪಭಂ ದೇವಾಲಙ್ಕಾರಮತುಲಂ ಜಾಯತೇ। ತಂ ಪನಾನಲಮಿತಿ ವಿಸೇಸತ್ಥೇಪಿ ಅಮರಸೀಹೋ ಸುವಣ್ಣಸಾಮಞ್ಞೇವ ಪಠತಿ। ಸಿಙ್ಗೀ ನಾಮ ಏಕಾ ಮಚ್ಛಜಾತಿ, ತಬ್ಬಣ್ಣತಾಯ। ಖಣಿಯಂ ವಾ ತಂಸಣ್ಠಾನಸಿಲಾಖಣ್ಡೇಹಿ ಜಾತತಾಯ ಸಿಙ್ಗೀ, ಅಮರಕೋಸೇ ಪನ ಚಾಮೀಕರಾದೀನಿಪಿ ಸುವಣ್ಣಸಾಮಞ್ಞೇ ಪಠತಿ, ಸಿಙ್ಗೀ ಪನ ವಿಸೇಸೇ। ವುತ್ತಞ್ಹಿ ತತ್ಥ ‘‘ಅಲಙ್ಕಾರಸುವಣ್ಣಂ ಯಂ, ಸಿಙ್ಗೀಕನಕಮಿಚ್ಚಯ’’ನ್ತಿ ರತನಕೋಸೋ। ಸುವಣ್ಣತಾಯ ಸಿಙ್ಗೀ ‘‘ಕನಕ’’ಮಿತ್ಯುಚ್ಚತೇ।
೪೮೯. ಪಞ್ಚಕಂ ರಜತೇ। ರೂಪಯುತ್ತತಾಯ ರೂಪಿಯಂ। ರಞ್ಜ ರಾಗೇ, ಅತೋ। ಸಞ್ಜ ಸಙ್ಗೇ, ಝು, ಞಲೋಪೋ, ಸಜ್ಝು। ರೂಪಯುತ್ತತಾಯ ರೂಪೀ, ಸಞ್ಜ ಸಙ್ಗೇ, ಝೋ, ಞಲೋಪೋ, ಸಜ್ಝಂ, ‘‘ರೂಪಿಯಜ್ಝ’’ನ್ತಿಪಿ ಪಾಠೋ। ತದಾ ಇಯಜ್ಝಪಚ್ಚಯೇನ ಸಿದ್ಧಂ। ದುಬ್ಬಣ್ಣಂ, ಖಜ್ಜೂರಂ, ಸೇತಮ್ಪಿ।
ಆಹತಸೋಣ್ಣರಜತೇ, ರಜತೇ ರೂಪಿಯಂ ಮತಂ।
ರಜತೇ ಚ ಖಲೇಕ್ಲಿವಂ, ಖಜ್ಜೂರೋ ಪಾದಪನ್ತರೇ।
ಸೇತಾ ಚ ಭತಿಕಾಯಂ ಥ, ಕ್ಲಿವಂ ಸಜ್ಝೇ ಸಿತೇ ತಿಸು॥
ಅಸ್ಮಜಾತಿಯಂ ಪುಪ್ಫರಾಗಾದಿಮ್ಹಿ, ಮುತ್ತಾವಜಿರಾದಿಮ್ಹಿ ಚ ವಸ್ವಾದಿತ್ತಯಂ। ವಸ ನಿವಾಸೇ, ಉ। ರತಿಂ ತನೋತೀತಿ ರತನಂ, ಕಮ್ಮಾದಿಮ್ಹಿ ಣೋ, ತಿಲೋಪೋ। ‘‘ರತ್ನಂ ಸಜಾತಿಸೇಟ್ಠೇಪೀ’’ತ್ಯಮರಕೋಸೇ ಮನಸದ್ದತೋ ಇ, ಈಪಚ್ಚಯೇ ಮಣೀ ಚ। ಪುಪ್ಫರಾಗಾದಯೋ ವಕ್ಖಮಾನಾ ತಬ್ಭಿದಾ ತಸ್ಸ ಮಣಿನೋ ವಿಸೇಸಾ। ಭಾಸನ್ತೋ ರಞ್ಜೇತೀತಿ ಪುಪ್ಫರಾಗೋ, ಭಾಸಸ್ಸ ಪುಪ್ಫೋ।
೪೯೦. ಸುವಣ್ಣಾದಯೋ ಇಮೇ ಸತ್ತ ರತನಾನ್ಯಾಹು। ಮಣಿ ರತ್ತಮಣಿ।
೪೯೧. ಸತ್ತರತನಾನಂ ಲಬ್ಭಮಾನಪರಿಯಾಯೇ ದಸ್ಸೇತುಮಾಹ ‘‘ಲೋಹಿತಙ್ಗೋ’’ಚ್ಚಾದಿ। ಲೋಹಿತಙ್ಗಾದಿತ್ತಯಂ ರತ್ತಮಣಿಯಂ ಲೋಹಿತಙ್ಗೋ, ಲೋಹಿತಂ ಅಙ್ಗಂ ಸರೀರಮೇತಸ್ಸ ವಾ ಲೋಹಿತಙ್ಗೋ। ಪದುಮಞ್ಚಾತ್ರ ಕೋಕನದಂ, ತಬ್ಬಣ್ಣಸದಿಸೋ ಮಣಿ ಪದುಮರಾಗೋ। ಸೋಣರತನಂ, ಲೋಹಿತಕೋಪ್ಯತ್ರ।
ದ್ವಯಂ ವೇಳುರಿಯೇ। ವಂಸೋ ತಚಸಾರೋ, ತಬ್ಬಣ್ಣೋ ಮಣಿ ವಂಸವಣ್ಣೋ। ವೇಳು ವಿಯ ದಿಸ್ಸತೀತಿ ವೇಳುರಿಯೋ, ಇವತ್ಥೇ ಇಯೋ, ರಾಗಮೋ ಚ। ದ್ವಯಂ ಪವಾಳೇ। ವಲ ಸಂವರಣೇ, ಣೋ, ಳತ್ತಂ, ವಾಕಾರೇನ ಪವಾಳೋಪಿ। ದು ಗಮನೇ, ದು ಉಪತಾಪೇ ವಾ, ಮೋ, ದ್ವಿತ್ತಂ।
೪೯೨. ದ್ವಯಂ ಕಬರಮಣಿಮ್ಹಿ। ಮಸಾರಗಿರಿಮ್ಹಿ ಜಾತಂ ಮಸಾರಗಲ್ಲಂ, ಲೋ, ರಸ್ಸ ಲೋ। ಕಬರೋ ಸಬಲೋ ಮಣಿ। ದ್ವಯಂ ಮುತ್ತಾಯಂ। ಮುಚ ಮೋಚನೇ, ಥೋ, ಮುತ್ತಾ ಏವ ಮುತ್ತಿಕಂ, ಸಕತ್ಥೇ ಇಕೋ। ಸತ್ಥಿಕಾ ಪಕತಿತೋ ಲಿಙ್ಗವಚನಾನ್ಯತಿವತ್ತನ್ತೇತಿ ನಪುಂಸಕತ್ತಂ। ಏತ್ಥ ಚ ರತನಪರಿಯಾಯಾನಂ ಉಪ್ಪಟಿಪಾಟಿಯಾ ಕಥನಂ ಸತ್ತನ್ನಂ ರತನಾನಂ ಉಪ್ಪತ್ತಿಕ್ಕಮಪಣೀತಕ್ಕಮಾದಿನೋ ಅಭಾವದೀಪನತ್ಥಂ।
ದ್ವಯಂ ಪಿತ್ತಲೇ। ರೀ ಗಮನೇ, ರಿ। ರೀತಿಪಿ। ‘‘ರೀತಿ ಪಚಾರೇ ಸನ್ದೇ ಚ, ಲೋಹಕಿಟ್ಟಾರಕೂಟೇಸೂ’’ತಿ ರುದ್ದೋ। ಆರಸ್ಸೇವ ಕೂಟೋ, ಯಸ್ಸ। ದಬ್ಬಸದ್ದೋಪ್ಯತ್ರ। ದ್ವಯಂ ಅಬ್ಭಕೇ। ಅಮ ಗಮನೇ, ಅಲೋ। ಅಬ್ಭಂ ಆಕಾಸೋ, ಮೇಘೋ ಚ, ತಂಸಞ್ಞಕತ್ತಾ ಅಬ್ಭಕಂ, ಸಞ್ಞಾಯಂ ಕೋ। ‘‘ಮೇಘಮ್ಬರಾಭಿಧಾನಞ್ಚ, ಗೋರಿ ಬೀಜಞ್ಚ ಅಬ್ಭಕ’’ನ್ತಿ ಹಿ ವುತ್ತಂ। ಗಿರಿಜತು, ಸಿಲಾಜತುಪ್ಯತ್ರ।
೪೯೩. ತಿಕಂ ಲೂ ಛೇದನೇ, ಹೋ। ಅಯ ಗಮನೇ, ಮನೋಗಣಾದಿ। ಕಾಳಞ್ಚ ತಂ ಅಯಸಞ್ಚೇತಿ ಕಾಳಾಯಸಂ। ಸತ್ಥಕಂ, ತಿಕ್ಖಣಂ, ಪಿಣ್ಡಂ, ಅಯಸಂ, ಅಸ್ಮಸಾರೋಪ್ಯತ್ರ। ‘‘ಸತ್ಥಮಾಯುಧಲೋಹೇಸೂ’’ತಿ ಅನೇಕತ್ಥೋ। ‘‘ಸಾಮುದ್ದಲವಣೇತಿಕ್ಖಂ, ವಿಸಲೋಹಾಜಿಮುಕ್ಕಕೇ’’ತಿ ರಭಸೋ। ಪಣ್ಡ ಗಮನೇ, ಅ। ಅಸ್ಮಸ್ಸ ಸಾರೋ। ‘‘ಕಾಳಾಯಸ’ಮಯೋ ಲೋಹಂ, ಅಸ್ಮಸಾರಞ್ಚ ಸತ್ಥಕ’’ನ್ತಿ ತ್ವಮರಮಾಲಾಯಂ ಕ್ಲೀವಕಣ್ಡಂ।
ದ್ವಯಂ ಚಪಲೇ। ಪಾರ ಸಾಮತ್ಥಿಯೇ, ದೋ, ಪಾರಯತಿ ಸಕ್ಕೋತಿ ಸಬ್ಬಲೋಹಂ ಕಞ್ಚನಂ ಕಾತುನ್ತಿ ಪಾರದೋ। ರಸ ಸದ್ದೇ, ಅಗ್ಗಿಮ್ಹಿ ಪಕ್ಖಿತ್ತೇ ರಸತೀತಿ ರಸೋ, ಮಧುರಾದೀಸು ಚ ರಸೋ। ಚಪಲೋ, ಸೂತೋಪ್ಯತ್ರ।
‘‘ಚಞ್ಚಲಾದಿಮ್ಹಿ ಚಪಲೋ’’।
‘‘ಸಾರಥಿಮ್ಹಿ ರಸೇ ಸೂತೋ, ಪಸೂತೇ ಪೇರಿತೇ ತಿಸು’’।
‘‘ರಸೇನ್ದೋ ಪಾರದೋ ವುತ್ತೋ, ಪಾರತೋಪಿ ನಿಗದ್ಯತೇ’’ತಿ॥ –
ತಾರಪಾಲೋ।
‘‘ಪಾರದೋ ಸಿದ್ಧಧಾತು ಚ, ವರಬೀಜಞ್ಚ ಸೂತಕ’’ನ್ತಿ॥ –
ತಿಕಣ್ಡಸೇಸೋ
ತಿಕಂ ನಾಗೇ। ತಿಪು ಪೀಳನೇ, ಉ। ತಿಪುಸದ್ದಸ್ಸ ಸೇತೇಪಿ ಪವತ್ತನತೋ ಕಾಳಸದ್ದೇನ ವಿಸೇಸೇತ್ವಾ ಕಾಳತಿಪೂತಿ ವುತ್ತೋ, ತೇನ ತಿಪುಸದ್ದಸ್ಸದ್ವಿನ್ನಮ್ಪಿ ವಾಚಕತಾದಟ್ಠಬ್ಬಾತ್ಯೇಕೇ, ತಂ ‘‘ನಾಗೋ ಸೀಸಕಯೋಗಿಟ್ಠ-ವಪ್ಪಾಣಿ ತಿಪು ಪಿಚ್ಚಟ’’ನ್ತಿ ಅಮರಕೋಸೇ, ‘‘ತಿಪು ತಿಕಣ್ಡಸೇಸ ನಾನತ್ಥಸಙ್ಗಹಾದೀಸು ವುತ್ತತ್ತಾ ನ ಗಹೇತಬ್ಬಂ, ತೇನ ಕಾಳೋ ಚ ತಿಪು ಚಾತಿ ದ್ವೇಯೇವತ್ಥಾಭಿಧಾನಾನಿ। ಕಾಳವಣ್ಣತಾಯ ಕಾಳೋ। ತಿಪು ಯಥಾವುತ್ತತ್ಥೋವ। ತಪ ಸನ್ತಾಪೇ ವಾ, ಉ, ಅಸ್ಸಿತ್ತಂ। ಸೀ ಸಯೇ, ಸಿ ಬನ್ಧನೇ ವಾ, ಸೋ। ‘‘ಸೇಟ್ಠಭಕದ್ದುಜೋ ನಾಗೋ, ಕ್ಲಿವಂ ಸೀಸಕರಙ್ಗೇಸೂ’’ತಿ ರಭಸೋ। ‘‘ಯೋಗಿಟ್ಠ’’ಮಿತ್ಯೇಕಂ ನಾಮಂ ಸೀಸಸ್ಸ। ‘‘ವಪ್ಪೋ ಸೋ ಸೀಸಮತ್ತಕ’’ನ್ತಿ ತ್ವಮರಮಾಲಾ।
‘‘ಆರಕೂಟೋಸೀ ರೀತಿ ಚ, ಸೀಸಕಂ ತಿಪು ವದ್ಧಕಂ।
ನಾಗಂ ಮಹಾಮಲಞ್ಚೇವ, ಯೋಗಿಟ್ಠಕ’’ನ್ತಿ॥ –
ಬ್ಯಾಡಿ।
‘‘ಸೀಸಮತ್ತಂ ಬಹುಮಲಂ, ಯೋಗಿಟ್ಠಂ ಪಿಟ್ಠಪಿಚ್ಚಟಾ।
ಸುವಣ್ಣಾದಿಸಮಾಲುಕ-ಮಪಿ ಸಿನ್ದೂರಸಮ್ಭವ’’ನ್ತಿ॥ –
ತನ್ತಾತನ್ತರಂ।
ಸೇತೇ ತು ರಙ್ಗವಙ್ಗಾ, ತೇ ಗತ್ಯತ್ಥಾ।
‘‘ರಙ್ಗಂಸುರೇಭಂ ಮುದಙ್ಗಂ, ಕುಸುಮ್ಭಂ ಗಾಮ್ಯಕುಙ್ಕುಮ’’ನ್ತಿ॥ –
ತಿಕಣ್ಡಸೇಸೋ
ದ್ವಯಂ ಹರಿತಾಲೇ। ಹರಿತವಣ್ಣಂ ಅಲಂ ಹರಿತಾಲಂ, ಬ್ಯುಪ್ಪತ್ತಿಮತ್ತಮೇತಂ। ರೂಳ್ಹೀಸದ್ದೋ ತ್ವಯಂ। ಪೀತಿಂ ನೇತೀತಿ ಪೀತನಂ। ‘‘ಪಿಞ್ಜರಂ ಪೀತನಂ ತಾಲ-ಮಾಲಞ್ಚ ಹರಿತಾಲಕೇ’’ತ್ಯಮರಸೀಹೋ । ಪಿಞ್ಜ ವಣ್ಣೇ, ಅರೋ। ಅಲ ಭೂಸನೇ, ಅಲನ್ತ್ಯನೇನೇತಿ, ಣೋ, ‘‘ಹರಿತಾಲಮಲಂ ತಾಲ-ವಣ್ಣಕಂ ನಟಭೂಸನ’’ನ್ತಿ ತು ಮಾಧವೋ। ‘‘ಹರಿತಾಲೇ ತು ಕಪ್ಪೂರಂ, ಗೋದನ್ತೋ ನಟಸಞ್ಞಕೋ’’ತಿ ತಿಕಣ್ಡಸೇಸೋ
೪೯೪. ದ್ವಯಂ ಚೀನಪಿಟ್ಠನ್ತಿ ಪುಬ್ಬಪದೇ ಉತ್ತರಪದಲೋಪೋ। ಸನ್ದ ಸವನೇ, ಊರೋ, ಅಸ್ಸಿ। ‘‘ಸಿನ್ದೂರಂ ನಾಗಸಮ್ಭವ’’ನ್ತ್ಯಮರಸೀಹೋ ತುಲ ನಿಕಸೇ, ಅ। ಪಿಚು ಮದ್ದನೇ, ಉ। ಪಿಚು ತುಲೋತಿ ಸಮುದಿತಞ್ಚಸ್ಸ ನಾಮಂ। ‘‘ತೂಲೋ ಪಿಚು ಪಿಚುತೂಲೋ, ಮಕ್ಕಟಿಸುತ್ತಂ ತಕ್ಕೋಟೀ’’ತಿ ಹಿ ರಭಸೋ।
ಮಧುಸದ್ದೇನ ಖುದ್ದಜನ್ತು, ಖುದ್ದಞ್ಚೋಚ್ಚತೇ। ಖುದ್ದಜನ್ತವೋ ಭಮರಾದಯೋ। ತತ್ರ ಭಮರಕತಂ ಖುದ್ದಂ ಭಾಮರಂ, ಮಕ್ಖಿಕಾಕತಂ ಮಕ್ಖಿಕಂ, ಸರಘಞ್ಚೋಚ್ಚತೇ। ವರಟಾ ಕತಂ ವಾರಟಂ। ಪುತ್ತಿಕಾ ಕತಂ ಪುತ್ತಿಕನ್ತಿ ಸಬ್ಬತ್ರಞ್ಞತ್ಥೇ ಣೋ। ಮಧು ಉನ್ದೇ, ಉ। ಖು ಸದ್ದೇ, ದೋ, ಖುದ ಪಿಪಾಸಾಯಂ ವಾ, ದೋ।
ದ್ವಯಂ ಸಿತ್ಥೇ। ಮಧೂಹಿ ಖುದ್ದಜನ್ತೂಹಿ ಉಚ್ಛಿಟ್ಠಂ ಸಜ್ಜಿತನ್ತಿ ಮಧುಚ್ಛಿಟ್ಠಂ। ಸಜ್ಜ ವಿಸಜ್ಜನಾಲಿಙ್ಗನನಿಮ್ಮಾನೇಸು। ನಿಮ್ಮಾನಂ ಸಮ್ಪಿಣ್ಡೀಕರಣಂ, ತೋ, ಜತಾನಂ ಠಾದೇಸೋ, ಸಸ್ಸ ಛೋ, ದ್ವಿತ್ತಂ, ಇತ್ತಞ್ಚ। ಸಿಚ ಪಗ್ಘರಣೇ, ಥೋ। ಸಿತ್ಥಮೇವ ಸಿತ್ಥಕಂ। ಮದನೋಪ್ಯತ್ರ।
೪೯೫. ತಿಕಂ ಗೋಪಾಲೇ। ಗಾವೋ ಪಾಲೇತಿ, ಪಾತಿ ಚಾತಿ ಗೋಪಾಲೋ, ಗೋಪೋ ಚ, ಕಮ್ಮನಿ ಣೋ। ಗಾವೋ ಸಙ್ಖ್ಯಾಯತೀತಿ ಗೋಸಙ್ಖ್ಯೋ, ಸಂಪುಬ್ಬೋ ಖ್ಯಾ ಗಣನೇ। ಗೋದುಹೋ, ಆಭಿರೋ, ವಲ್ಲವೋಪ್ಯತ್ರ। ದ್ವಯಂ ಗೋಮಿಕೇ। ಗಾವೋ ಅಸ್ಸ ಸನ್ತೀತಿ ಗೋಮಾ, ಮನ್ತು। ಇಕಪಚ್ಚಯೇ, ಮಾಗಮೇ ಚ ಗೋಮಿಕೋ।
ದ್ವಿಪಾದಂ ಉಸ ದಾಹೇ, ಅಭೋ। ಬಲಂ ವದ್ಧಯತೀತಿ ಬಲೀಬದ್ದೋ, ನಿಪಾತನಾ। ಗಚ್ಛತೀತಿ ಗೋಣೋ, ಯು, ಮಲೋಪೋ, ಅಸ್ಸೋ, ಣತ್ತಂ। ಗಚ್ಛತೀತಿ ಗೋ, ಗಮು ಗಮನೇ, ರೋ।
‘‘ಸಗ್ಗೇ ಕರೇ ಚ ವಜಿರೇ, ಬಲೀಬದ್ದೇ ಚ ಗೋ ಪುಮಾ।
ಥೀ ಸೋರಭೇಯ್ಯಿನೇತ್ತಮ್ಬು-ದಿಸಾವಚನಭೂಮಿಸೂ’’ತಿ॥ –
ರುದ್ದೋ। ವಸ ನಿವಾಸೇ, ಅಭೋ। ವಸ್ಸತೀತಿ ವುಸೋ, ವಸ್ಸ ಸೇಚನೇ, ಣೋ, ಅಸ್ಸು, ಸಂಯೋಗಲೋಪೋ ಚ। ಉಕ್ಖೋ, ಭದ್ದೋ, ಅನವಾಹೋ, ಸೋರಭೇಯ್ಯೋಪ್ಯತ್ರ। ಉಕ್ಖ ಸೇಚನೇ। ಅನಂ ಸಕಟಂ ವಹತೀತಿ ಅನವಾಹೋ, ಣೋ। ಸುರಭಿ ಗೋ, ತಸ್ಸಾಪಚ್ಚಂ ಸೋರಭೇಯ್ಯೋ, ಣೇಯ್ಯೋ।
೪೯೬. ಸೋ ಗೋ ವುದ್ಧೋ ಜರಗ್ಗವೋ ನಾಮ। ಜರಂ ಪತ್ತೋ ಗೋ ಜರಗ್ಗವೋ, ಸಿಮ್ಹಿ ಓಸ್ಸ ಅವೋ। ದ್ವಯಂ ಮಿಸಬಾಲ್ಯಯುತ್ತೇ ಕಿಞ್ಚಿಫುಟ್ಠತಾರುಞ್ಞೇ ಅಸಮ್ಪತ್ತಬಲೀಬದ್ದಭಾವೇ ವಚ್ಛೇ। ‘‘ವಚ್ಛೋ ವುದ್ಧೋ ವಚ್ಛತರೋ’’ತಿ ನಾಮಮಾಲಾ। ದಮನಾರಹೋ ದಮ್ಮೋ, ಮೋ। ವಸ ನಿವಾಸೇ, ಛೋ, ವಚ್ಛಸ್ಸಾಯೇವ ಗಾವಿಯಾ ತನುತ್ಥೇ ನಿಪಾತನಾ ತರೋ ಸಮಾತಿ ಏತೇ ದ್ವೇ ತುಲ್ಯತ್ಥಾ।
ದ್ವಯಂ ಧುರವಾಹೇ। ಧುರಂ ವಹತಿ ಸೀಲೇನಾತಿ ಧುರವಾಹೀ, ಣೀ। ಧುರಂ ವಹಿತುಮರಹತೀತಿ ಧೋರಯ್ಹೋ, ಣೋ, ವಸ್ಸ ಯೋ।
ಗವಂ ಗುನ್ನಂ ಅಧಿಕತೋ ಜನೋ ಗೋವಿನ್ದೋ, ಗವಂ ಇನ್ದೋ ಗೋವಿನ್ದೋ, ಗವಂ ವಿನ್ದತೀತಿ ವಾ ಗೋವಿನ್ದೋ।
೪೯೭. ವಹತ್ಯನೇನ ವಹೋ, ಅ। ಕುಕ ಆದಾನೇ, ಉದೋ, ಉಸ್ಸತ್ತಂ, ದಸ್ಸ ಧೋ ವಾ, ಕಕುದೋ, ಕಕುಧೋ ಚ। ದ್ವಯಂ ಸಿಙ್ಗೇ। ವಿಸ ಪವೇಸನೇ, ಯು। ಸೀ ಸಯೇ, ಗೋ, ನಿಗ್ಗಹೀತಾಗಮೋ, ರಸ್ಸತ್ತಞ್ಚ। ಲೋಹಿತವಣ್ಣತಾಯ ರೋಹಿಣೀ, ತಸ್ಸ ಣೋ, ನದಾದಿ।
೪೯೮. ತಿಕಂ ಗಾವೀಸಾಮಞ್ಞೇ। ಪುಮೇಪಿ ಗಾವೀ, ತದಾ ಯೋಸ್ಸ ಈ। ಸಿಙ್ಗಯುತ್ತತಾಯ ಸಿಙ್ಗಿನೀ, ತದ್ಧಿತನ್ತಾ ಇನೀ। ದ್ವಯಂ ಅಪುತ್ತಿಕಾಯಂ। ಹನತಿಸ್ಮಾ ಇತ್ಥಿಯಂ ಅ, ಹನತಿಸ್ಸ ವಧೋ, ನಿಗ್ಗಹೀತಾಗಮೋ, ಧಸ್ಸ ಝೋ ಚ, ಬನ್ಧ ಬನ್ಧನೇ ವಾ, ವಞ್ಝಾ। ವಸ ಕನ್ತಿಯಂ, ಅ।
ನವಪ್ಪಸೂತಿಕಾ ಪಚ್ಚಗ್ಘಪಸೂತಾ ಗೋ ಧೇನು ನಾಮ, ಧೇ ಪಾನೇ, ನು। ದ್ವಯಂ ಪಿಯಪುತ್ತಾಯಂ। ವಚ್ಛಂ ಕಾಮಯತೀತಿ ವಚ್ಛಕಾಮಾ। ವಚ್ಛಂ ಲಾತೀತಿ ವಚ್ಛಲಾ। ಸವಚ್ಛಕಾಯಮಪಿ ದ್ವಯಮಿದಂ ವದನ್ತಿ।
೪೯೯. ದ್ವಯಂ ಮನ್ಥನಕುಮ್ಭಿಕಾಯಂ। ‘‘ಗಗ್ಗ’’ನ್ತಿ ಸದ್ದಂರಾತೀತಿ ಗಗ್ಗರೀ, ನದಾದಿ। ಮನ್ಥತಿ ಯಸ್ಸ ಮನ್ಥನೀ। ಮನ್ಥ ವಿಲೋಳನೇ, ಯು, ನದಾದಿ, ದ್ವೇಪಿ ಇತ್ಥೀ। ಯತ್ರೇಕಸ್ಮಿಂ ಬಹುಪಗ್ಗಹಯುತ್ತೇ ಅನೇಕೇ ಬನ್ಧೀಯನ್ತೇ, ತತ್ರ ಸನ್ದಾನಾದಿದ್ವಯಂ। ಸಂಪುಬ್ಬೋ ದಾ ದಾನೇ ಸಂಯಮನತ್ಥೋ, ಕರಣೇ ಯು। ದಾ ದಾನೇ, ಮೋ, ದಾಮಂ।
ದ್ವಯಂ ಗೋವಚ್ಚೇ। ಮಿಹ ಸೇಚನೇ, ಲೋ। ಗವಂ ಮೀಳ್ಹೋ ವಚ್ಚೋ ಗೋಮೀಳ್ಹೋ। ಗೋತೋ ನಿಬ್ಬತ್ತೋ ಗೋಮಯೋ, ದ್ವೇಪ್ಯನಿತ್ಥೀ। ದ್ವಯಂ ಘತೇ। ಸಪ್ಪ ಗಮನೇ, ಇ, ಸಪ್ಪಿ ನಪುಂಸಕೇ। ಘರ ಸೇಚನೇ, ತೋ। ಹವಿಪ್ಯತ್ರ।
೫೦೦. ತಂದಿವಸಿಯಾ ದಧಿತೋ, ದುದ್ಧಾ ವಾ ಸಮುಬ್ಭತಂ ಘತಂ ತಪ್ಪಕತಿ ಚ ನವನೀತಂ। ನವದಧ್ಯಾದೀಹಿ ನೀತಂ ಪವತ್ತಂ ನೋನೀತಂ, ವಸ್ಸೋ। ನವನೀತಮ್ಪಿ। ದ್ವಯಂ ದಧಿಸಾರೇ। ದಧಿನೋ ಮಣ್ಡಂ ಸಾರೋ ದಧಿಮಣ್ಡಂ। ಮಸ ಪರಿಮಾಣೇ, ಥು, ಸಸ್ಸ ತೋ, ಮತ್ಥು ನಪುಂಸಕೇ।
ಚತುಕ್ಕಂ ಖೀರೇ, ಖಿ ಖಯೇ, ಈರೋ। ದುಹ್ಯತೇತಿ ದುದ್ಧಂ, ದುಹ ಪಪೂರಣೇ, ತೋ। ಪಾ ಪಾನೇ, ಪಾತಬ್ಬನ್ತಿ ಪಯೋ, ಣ್ಯೋ, ಆಸ್ಸತ್ತಂ। ಥನತೋ ಸಮ್ಭೂತಂ ಥಞ್ಞಂ।
ದ್ವಯಂ ತಕ್ಕೇ। ತೀಣಿ ಕಾನಿ ಜಲಭಾಗಾನಿ ಏತ್ಥ ಸನ್ತೀತಿ ತಕ್ಕಂ, ಇಸ್ಸತ್ತಂ, ದ್ವಿತ್ತಞ್ಚ। ಮಥ ವಿಲೋಳನೇ, ತೋ, ‘‘ಯಥಾಗಮಮಿಕಾರೋ’’ತಿ ಇಕಾರಾಗಮೋ, ಅಞ್ಞತ್ರ ಪನ –
‘‘ಅದ್ಧೋದಕಸಮಾಯುತ್ತಂ, ಉದಸ್ಸಿತಮುದೀರಿತಂ।
ತಕ್ಕಂ ತಿಭಾಗಸಂಯುತ್ತಂ, ಮಥಿತನ್ತಿ ಗತೋದಕ’’ನ್ತಿ॥ –
ತಕ್ಕಮಥಿತಾ ಭೇದೇನುತ್ತಾ, ಗತೋದಕಮಿತಿ ನಿಜ್ಜಲಂ।
‘‘ನಿಜ್ಜಲಂ ಮಥಿತಂ ಸಿನಿದ್ಧಂ, ತಕ್ಕನ್ತು ಜಲಪಾದಿಕಂ।
ಉದಸ್ಸಿತಂ ಜಲದ್ಧಞ್ಚ, ಸೋತಖ್ಯನ್ತು ಸಮೋದಕ’’ನ್ತಿ॥ –
ರತನಮಾಲಾ।
೫೦೧. ಖೀರಾದಯೋ ರತನಾಮಾಲಾ। ಧಾ ಧಾರಣೇ। ಇ, ದ್ವಿತ್ತಂ, ನಿಪಾತನಾ। ದಧಿತೋ ವಾ ಘತಂ, ನೋನೀತಞ್ಚ। ಸಬ್ಬಸೇಸೋ ತಕ್ಕಂ, ಖೀರತೋಯೇವ ವಾ।
ಛಕ್ಕಂ ಏಳಕೇ। ಬಾಧಿಯಮಾನೋಪಿ ನ ರವತೀತಿ ಉರಬ್ಭೋ। ರು ಸದ್ದೇ, ಭೋ। ಮೇಣ್ಡ ಕುಟಿಲತ್ಥೇ, ಕೋ। ಮಿಸತಿ ಪದ್ಧತೇ ಅಞ್ಞಮಞ್ಞಂ ಮೇಸೋ। ‘‘ಸಂಹಸನೇ ಮೇಸೋ, ಪದ್ಧಾಯ’ಮಸಮುನ್ನತೀ’’ತಿ ನಾನತ್ಥಸಙ್ಗಹೇ। ನ ರಣತೀತಿ ಉರಣೋ, ರಣ ಸದ್ದೇ। ಅವ ರಕ್ಖಣೇ, ಇ। ಅವಿ, ‘‘ಅವಯೋ ಸೇಲಮೇಸಕ್ಕಾ’’ತ್ಯಮರಸೀಹೋ ಇಲ ಗತಿಯಂ, ಣ್ವು। ಉಣ್ಣಾಯುಪ್ಯತ್ರ, ಉಣ್ಣಾಯೋಗಾ ಉಣ್ಣಾಯು, ಯು, ಲುಹು ಉಭೇ ಉಲೋಮಸಸದ್ದಾ ಚ ರಭಸೇನ ವುತ್ತಾ।
೫೦೨. ತಿಕಂ ಅಜೇ। ವಸ ನಿವಾಸೇ। ತೋ, ವಸ್ತೋ, ವತ್ತೋಪಿ। ಅಞ್ಞೇ ತು ‘‘ವಸ ಗನ್ಧಅದನೇ’’ತಿ ಚುರಾದಿಮಾಹು, ಅಜ ಗಮನೇ, ನ ಜಾಯತೀತಿ ವಾ ಅಜೋ। ಛಿನ್ದನ್ತೋ ಗಚ್ಛತೀತಿ ಛಗಲಕೋ, ಛೋ ಛೇದನೇ, ಗಮು ಗಮನೇ, ಣೋ, ಮಸ್ಸ ಲೋ, ಓಸ್ಸತ್ತಂ, ಸಕತ್ಥೇ ಕೋ, ಛಕಲಕೋಪಿ। ಛಾಗೋಪ್ಯತ್ರ। ದ್ವಯಂ ಕರಭೇ। ವಸ ಕನ್ತಿಮ್ಹಿ, ತೋ, ವಸ್ಸೋತ್ತಂ, ಉಸ ಓತ್ತಾದಿ, ಓಟ್ಠೋ, ದನ್ತಚ್ಛದೇಪಿ। ಕರ ಕರಣೇ, ಅಭೋ। ‘‘ಖರಭೋ’’ತ್ಯೇಕೇ ಪಠನ್ತಿ। ಕಮೇಲಕೋ, ಮಯೋ, ಮಹಾಙ್ಗೋಪ್ಯತ್ರ।
ದ್ವಯಂ ಗದ್ರಭೇ। ಗದತಿಸ್ಮಾ ರಭೋ, ಗದ್ರಭೋ। ಖಂ ಕಣ್ಠವಿವರಂ ಮಹನ್ತಮಸ್ಸತ್ಥೀತಿ ಖರೋ, ರೋ। ಚಕ್ಕವಾ, ಬಾಲೇಯ್ಯೋ, ರಾಸಭೋಪ್ಯತ್ರ। ಚಕ್ಕಯೋಗಾ, ವನ್ತು। ಬಲಯುತ್ತತ್ತಾ ಬಾಲೇಯ್ಯೋ। ರಸ ಸದ್ದೇ, ಅಭೋ। ದ್ವಯಂ ಅವಿಯಂ। ಉರಣಸ್ಸ ಅಯಂ ಉರಣೀ। ಅವಿನೋ ಏಸಾ ಅವೀ। ಅಜಾಸದ್ದೋ ಏಕೋ ಛಾಗಿಯಂ। ಅಞ್ಞೇ ತು ‘‘ಉರಣೀ ತು ಅಜೀ ಅಜಾ’’ತಿಪಿ ಪಾಠಂ ವತ್ವಾ ತಿಣ್ಣಮ್ಪಿ ಉರಣೀಪರಿಯಾಯತ್ತಂ ವದನ್ತಿ, ತೇಸಂ ಮತೇ ಅಜೀಅಜಾಸದ್ದಾಪಿ ಉರಣೀಪರಿಯಾಯಾ ಅತ್ಥೀತಿ ದಟ್ಠಬ್ಬಾ। ಅಥ ವಾ ತಿಕಂ ಅಜಿಯಂ। ಉರಣಸದ್ದಸ್ಸಾಪಿ ಅಜಪರಿಯಾಯಸ್ಸ ಸಮ್ಭವತೋ ‘‘ಉರಣೀ ತು ಅಜೀ ಅಜಾ’’ತಿ ವುತ್ತಂ, ವಕ್ಖತಿ ಹಿ ಅನೇಕತ್ಥವಗ್ಗೇ ‘‘ಉಮ್ಮಾರೇ ಏಳಕೋ ಅಜೇ’’ತಿ ಉರಣಪರಿಯಾಯೋ ಹೇತ್ಥ ಏಳಕೋ।
ವೇಸ್ಸವಗ್ಗವಣ್ಣನಾ ನಿಟ್ಠಿತಾ।
೫೦೩. ತಿಕಂ ಸುದ್ದೇ। ಸದ ಅಸ್ಸಾದನೇ, ದೋ, ಅಸ್ಸು। ಅನ್ತವಣ್ಣೋ ಲಾಮಕವಣ್ಣೋ। ವಸ ಸೇಚನೇ, ವಸೇತಬ್ಬೋ ಅಸುಚಿತತ್ತಾ ವಸಲೋ, ಅಲೋ। ಯತ್ರ ಯತ್ರ ವಾ ಮುತ್ತಂ ಕರೀಸಂ ಸಿಞ್ಚತೀತಿ ವಸಲೋ, ಅಲೋ, ಜಘಞ್ಞಜೋಪ್ಯತ್ರ। ಬ್ರಹ್ಮುನೋ ಜಘಞ್ಞಙ್ಗೇ ಪಾದೇ ಜಾತೋ ಜಘಞ್ಞಜೋ।
ಮಾಗಧಾದಯೋ ಮಾಗಧೋ। ಥುತಿಕ್ರಿಯಾವುತ್ತಿ। ಸುದ್ದಾಯ ಸಮ್ಬನ್ಧೇನ ಖತ್ತಿಯೇನ ಜಾತೋ ಉಗ್ಗೋ, ಉಚ ಸಮವಾಯೇ, ಣೋ।
೫೦೪. ಬ್ರಾಹ್ಮಣಿಯಾ ಸಮ್ಬನ್ಧೇನ ಖತ್ತಿಯೇನ ಜಾತೋ ಸೂತೋ, ಸು ಅಭಿಭವೇ, ತೋ, ದೀಘಾದಿ।
ಸುದ್ದಾವೇಸ್ಸಹಿ ಕರಣೋ-ಮ್ಬಟ್ಠೋ ವೇಸ್ಸಾದ್ವಿಜಾತಿಹಿ। ಮಾಹಿಂಸೋ ವೇಸ್ಸಾಖತ್ತಜೋ, ಖತ್ತಾ ಖತ್ತಾಯ ಸುದ್ದಜೋ।
ಬ್ರಾಹ್ಮಣೀಖತ್ತಜೋ ಸೂತೋ,
ತಸ್ಸಂ ವೇದೇಹಕೋ ವೇಸ್ಸೇ।
ರಥಕಾರೋ ತು ಮಾಹಿಂಸಾ,
ಕರಣ್ಯಂ ಯಸ್ಸ ಸಮ್ಭವೋ।
ಚಣ್ಡಾಲೋ ನಾಮ ಜನಿತೋ,
ಬ್ರಾಹ್ಮಣೀವಸಲೇಹಿ ಯೋ॥
ತತ್ರ ಕರಣೋ ಲಿಪಿಲೇಖನವುತ್ತಿ, ಅಮ್ಬಟ್ಠೋ ವಿಚಿಕಿಚ್ಛಾವುತ್ತಿ।
ದ್ವಯಂ ಸಿಪ್ಪಿನಿ। ಕರೋತಿ ನಿಮ್ಮಿನಾತಿ ಚಿತ್ರಲೇಪ್ಯಾದಿಕನ್ತಿ ಕಾರು, ಣು। ಸಿಪ್ಪಮಸ್ಸತ್ಥೀತಿ ಸಿಪ್ಪಿಕೋ। ಸಜಾತೀನಂ ತೇಸಂ ಸಿಪ್ಪೀನಂ ಸಙ್ಘಾತೋ ‘‘ಸೇಣೀ’’ತ್ಯುಚ್ಚತೇ। ಸಿ ಸೇವಾಯಂ, ಣಿ।
೫೦೫. ತಚ್ಛಕಾದಯೋ ಕಾರವೋ ಸಿಪ್ಪಿನೋ ನಾಮ ಸಿಯುಂ। ವುತ್ತಞ್ಚ –
‘‘ತಚ್ಛಕೋ ತನ್ತವಾಯೋ ಚ, ರಜಕೋ ಚ ನಹಾಪಿತೋ।
ಪಞ್ಚಮೋ ಚಮ್ಮಕಾರೋ ಚ, ಕಾರವೋ ಸಿಪ್ಪಿನೋ ಮತಾ’’ತಿ॥
೫೦೬. ಪಞ್ಚಕಂ ತಚ್ಛಕೇ। ತಚ್ಛ ತನುಕರಣೇ। ತಚ್ಛತಿ ತನುಂ ಕರೋತೀತಿ ತಚ್ಛಕೋ, ಣ್ವು, ವದ್ಧಯತಿ ಛಿನ್ದತೀತಿ ವದ್ಧಕೀ, ವದ್ಧ ಛೇದನೇ, ಚುರಾದಿ, ‘‘ಛೇದನೇ ಚಾಪಿ ವದ್ಧನ’’ನ್ತಿ ರತನಮಾಲಾ, ಣ್ವು। ಸಕತ್ಥೇ ಈ, ವದ್ಧಕೀ, ವಡ್ಢಕೀಪಿ। ಪಲಾದ್ಯುಮ್ಮಾನಪ್ಪಕಾರೇನ ಗಣ್ಡತಿ ಛಿನ್ದತೀತಿ ಪಲಗಣ್ಡೋ। ಗಣ್ಡ ಛೇದನೋಪಲೇಪನಸನ್ನಿಚಯವದನೇಕದೇಸೇಸು। ಪಲಗಣ್ಡೋ ಸುಧಾಜೀವಿನ್ಯಪಿ। ಠಾ ಗತಿನಿವತ್ತಿಯಂ,ತಿ, ಪಕಾರವಣ್ಣಾಗಮೋ। ಠಾತಿಸ್ಸ ಥೋಪಿ। ರಥಂ ಕರೋತೀತಿ, ಕಮ್ಮನಿ ಣೋ, ರಥಕಾರೋ, ಚಮ್ಮಕಾರೇಪಿ। ದ್ವಯಂ ಸುವಣ್ಣಕಾರೇ। ನಾಳಿಂ ಧಮತಿ ಮುಖೇ ವಿನಾಸಯಿತ್ವಾ ಮುಖವಾಯುನಾ ಅಗ್ಗಿದೀಪನತ್ಥಂ ನಾಳಿಂ ಸದ್ದಾಪಯತೀತಿ ನಾಳಿಧಮೋ।
೫೦೭. ಅಥೋಪರಂ ಪುಕ್ಕುಸಂಯಾವಪಾದೇನ ನಾಮಂ। ವೇ ತನ್ತಸನ್ತಾನೇ, ತನ್ತಂ ವಾಯತೀತಿ, ಣೋ। ಪೇಸ ಪೇರಣಪಯತನಗತೀಸು। ಪೇಸನಂ ಪೇಸೋ, ತಂ ಕರೋತೀತಿ, ಣೋ। ಕುವಿನ್ದೋಪ್ಯತ್ರ ಕುವಿನ್ದೋ। ಮಾಲಾಸಿಪ್ಪಯೋಗಾ, ಮಾಲಾಪನಯೋಗಾ ವಾ ಮಾಲಿಕೋ, ಇಕೋ।
ಕುಂ ಲಲಯತಿ ಇಚ್ಛತೀತಿ ಕುಲಾಲೋ, ಲಲ ಇಚ್ಛಾಯಂ, ಣೋ। ದ್ವಯಂ ಸೂಚಿಕಮ್ಮೋಪಜೀವಿನಿ। ಸೂಚಿವಾನಕಮ್ಮಂ ದುವಿಧಂ ಸೂಚನಂ, ತುನ್ನಞ್ಚಾತಿ, ತತ್ರ ತುನ್ನವಾನಕಮ್ಮೇನ ಪವತ್ತಿನಿಮಿತ್ತೇನ ತುನ್ನವಾಯೋ, ಸೂಚಿವಾನಸಿಪ್ಪಯೋಗಾ ಸೋಚಿಕೋ।
೫೦೮. ಚಮ್ಮಂ ಕರೋತಿ ವಿಕಾರಮಾಪಾದಯತೀತಿ, ಕಮ್ಮನಿ ಣೋ। ಪಾದುಕರೋಪ್ಯತ್ರ। ಕಪ್ಪ ಛೇದನೇ, ಣ್ವು। ನಹ ಸೋಚೇಯ್ಯೇ, ದಿವಾದಿತೋ ನಿಪಾತನಾ ಪಕಾರಾಗಮಾದಿ, ನ ಹಾಪೇತೀತಿ ವಾ ನಹಾಪಿತೋ, ಹಾ ಪರಿಹಾನೇ, ಣಾಪೇ ಪಚ್ಚಯೋ, ತೋ, ಏಸ್ಸಿತ್ತಂ, ಸಞ್ಞಾಸದ್ದತ್ತಾ ನಸ್ಸಪಕತಿ। ಖುರೀ, ಮುಣ್ಡೀ, ದಿವಾಕಿತ್ತಿಪ್ಯತ್ರ। ಖುರವಾ ಖುರೀ, ಮುಣ್ಡವಾ ಮುಣ್ಡೀ, ಮುಣ್ಡೋ, ಮುಣ್ಡೀ, ಮುಣ್ಡಕೋತಿ ಪಸಿದ್ಧಿ। ದಿವಾ ದಿವಸೇ ಕಿತ್ತಿ ಬ್ಯಾಪಾರೋ ಅಸ್ಸ ದಿವಾಕಿತ್ತಿ। ‘‘ಚಣ್ಡಾಲೇ ತು ದಿವಾಕಿತ್ತಿ, ನಹಾಪಿತೋ’’ತಿ ರುದ್ದೋ।
ರಞ್ಜತೇ ಸುತ್ತಂ ರತ್ತಮಾಪಜ್ಜತೇ ಯಸ್ಮಿಂ, ಸ ರಙ್ಗೋ। ಹರಿತಾಲಮನೋಸಿಲಾದಿ, ತಮಾಜೀವತೀತಿ, ಕಮ್ಮನಿ ಣೋ।
ಪುಞ್ಜಂ ಕಸತೀತಿ ಪುಕ್ಕುಸೋ, ನಿಪಾತನಾ, ಅಥ ವಾ ‘‘ಪು’’ಇತಿ ಪುರಿಸಸ್ಸ ನಾಮಂ, ತಂ ಕುಸೇತಿ ಅಪನೇತೀತಿ ಪುಕ್ಕುಸೋ। ಪುಪ್ಫಂ ವುಚ್ಚತಿ ಕರೀಸಂ, ಕುಸುಮಂ ವಾ, ತಂ ಛಡ್ಡೇತೀತಿ, ಣ್ವು। ಛಡ್ಡ ಅಪನಯನೇ।
೫೦೯. ವೇನಾದಯೋ ಸಮಾ ತುಲ್ಯತ್ಥಾ। ವೇಣುನಾ ಜೀವತೀತಿ ವೇನೋ। ಣಸ್ಸ ನತ್ತಂ। ವೇಣೋಪಿ। ವೇಣುವೇತ್ತಾದೀನಂ ವಿಕತಿ ವಿಲೀವಾ, ತೇಹಿ ವಿಲೀವಂ ಕರೋತೀತಿ ವಿಲೀವಕಾರೋ। ನಳೋಪಿ ವೇಣುವೇತ್ತಾದೀನಂಯೇವ ವಿಕತಿ, ತಂ ಕರೋತೀತಿ, ಕಮ್ಮನಿ ಣೋ। ನಳೇಹಿ ವಾ ವಿಲೀವಂ ಕರೋತೀತಿ ನಳಕಾರೋ।
ಇತೋ ಪರಂ ಸೋಣ್ಡಿಕಂ ಯಾವ ಪಾದೇನ ನಾಮಂ। ಚುನ್ದ ಛೇದನೇ, ಸಞ್ಚೋದನೇ ಚ। ಚುನ್ದ ನಿಸಾಮನೇ ವಾ। ಭಮು ಅನವಟ್ಠಾನೇ, ತಂ ಕರೋತೀತಿ ಭಮಕಾರೋ। ಕರ ಕರಣೇ, ಮಾರೋ, ಕಮ್ಮಾರೋ, ಕಮ್ಮನಿ ಣ್ವು। ಲೋಹಕಾರಕೋ। ಆಕರೋಟ್ಠಿತಂ ಲೋಹಕಾರಕೋ।
೫೧೦. ರಜಕಸ್ಸ ದ್ವೇ ಕಮ್ಮಾನಿ ಚೇಲಧೋವನಂ, ರಜನಞ್ಚ। ತತ್ರ ಚೇಲಧೋವನೋ ನಿನ್ನೇಜಕೋ, ಣ್ವು, ನಿಜಿ ಸುದ್ಧಿಯಂ, ನಿಜಿ ಸೋಚೇಯ್ಯಸೋಚನೇಸು ವಾ। ವತ್ಥರಞ್ಜನಾ ರಜಕೋ। ರನ್ಜ ರಙ್ಗೇ, ಣ್ವು। ನೇತೀತಿ ನೇತ್ತಿಕೋ। ಸಕತ್ಥೇ ಕೋ, ನೇತ್ತಿಯಂ ಉದಕನಯೇನ ನಿಯುತ್ತೋತಿ ವಾ ನೇತ್ತಿಕೋ, ನೇತ್ತಿಯಾ ಮಾತಿಕಾಯ ನೇತೀತಿ ವಾ ನೇತ್ತಿಕೋ, ಇಕೋ। ಉದಕಂ ಹಾರೇತೀತಿ ಉದಹಾರಕೋ। ಕಲೋಪೋ, ಣ್ವು।
ವೀಣಾವಾದನಸೀಲತ್ತಾ ವೀಣಾವಾದಿ। ವೀಣಾವಾದನಸಿಪ್ಪಯೋಗಾ ವೇಣಿಕೋ। ಉಸುಮ್ಹಿ, ಉಸುಕಾರೋ ವಾ ವಡ್ಢಕೀ ಉಸುವಡ್ಢಕೀ, ವಡ್ಢಕೀಸದ್ದಸ್ಸ ಸಬ್ಬೇಸಮ್ಪಿ ಸಿಪ್ಪಿಕಾನಂ ವಾಚಕತಾ ದೀಪಿತಾ, ತೇನ ಸುವಣ್ಣವಡ್ಢಕೀ, ತನ್ತವಡ್ಢಕೀತ್ಯಾದಯೋಪಿ ಯೋಜ್ಜಾ।
೫೧೧. ವೇಣುಂ ವಂಸಂ ಧಮತೀತಿ ವೇಣುಧಮೋ। ವೇಣುವಾದನಸಿಪ್ಪಯೋಗಾ ವೇಣವಿಕೋ, ಣಿಕೋ। ಯೋ ಪಾಣಿನೇವ ಪಾಣನ್ತರೇ ಮುರಜಾದಿಸದ್ದಂ ಉಟ್ಠಾಪಯತಿ, ಸೋ ಪಾಣಿವಾದೋ। ಪಾಣಿಂ ಹನ್ತೀತಿ ಪಾಣಿಘೋ। ಪಾಣಿಯೋಪಿ। ಪಾಣಿವಾದನಸಿಪ್ಪಯೋಗಾ ಪಾಣಿಯೋ, ಯೋ।
ಪೂಪೇನ ಜೀವತೀತಿ ಪೂಪಿಯೋ, ಪೂಪೋ ಪಣಿಯೋ ವಿಕ್ಕೇಯ್ಯೋ ಯಸ್ಸ। ಪಾನಾಗಾರಂ ಸುಣ್ಡಾ, ತಟ್ಠತ್ತಾ ಸುರಾ ಸೋಣ್ಡಾ, ತಂ ವಿಕ್ಕಿಣಾತೀತಿ ಸೋಣ್ಡಿಕೋ, ‘‘ನೇನನಿದ್ದಿಟ್ಠಮನಿಚ್ಚ’’ನ್ತಿ ಮಣ್ಡಹಾರೋ।
೫೧೨. ದ್ವಯಂ ಇನ್ದಚಾಲಖ್ಯೇ ಕಪಟೇ। ಮಯೇನ ಅಸುರೇನ ಸುರೇ ವಞ್ಚಯಿತುಂ ಮಾಯಾ, ಮಯೋ ಏವ ಸಮ್ಬರೋ, ತಸ್ಸಾಯಂ ಸಮ್ಬರೀ, ಣೀ, ನದಾದಿ। ದ್ವಯಂ ಮಾಯಾಕಾರೇ। ಇನ್ದಜಾಲೇ ನಿಯುತ್ತೋ ಇನ್ದಜಾಲಿಕೋ। ಪಾಟಿಹಾರಕೋಪಿ। ಪಟಿಹರತಿ ನಯನಮನೇನಾತಿ ಪಾಟಿಹಾರಕೋ, ಣ್ವು।
೫೧೩. ಅರಿಯಾಸಾಮಞ್ಞಂ ಓರಬ್ಭಿಕಾ। ಸೂಕರೇ ಹನ್ತ್ವಾ ಜೀವನ್ತಿ ಸೂಕರಿಕಾ, ತಥಾ ಮಗಂ ಹನ್ತ್ವಾ ಜೀವನ್ತಿ ಮಾಗವಿಕಾ। ಸಕುಣೇ ಪಕ್ಖಿನೋ ಹನ್ತ್ವಾ ಜೀವನ್ತಿ ಸಾಕುಣಿಕಾ, ಇತಿ ಕಮತೋ ಭವನ್ತಿ।
೫೧೪. ದ್ವಯಂ ಜಾಲಿಕೇ। ವಾಗುರಾ ಮಿಗಬನ್ಧನಜಾಲಂ, ತಾಯ ಚರತೀತಿ ವಾಗುರಿಕೋ, ವಾಕರಿಕೋಪಿ। ವಕ ಆದಾನೇ, ಅರೋ, ಆ, ವಾಕರಾ, ತಾಯ ಚರತೀತಿ ವಾಕರಿಕೋ, ಪುಬ್ಬಪಕ್ಖೇ ಕಸ್ಸ ಗೋ, ಅಸ್ಸು ಚ, ವಾಗುರಿಕೋ। ದ್ವಯಂ ಭಾರವಾಹೇ। ಭಾರಂ ವಹತೀತಿ, ಕಮ್ಮನಿ ಣೋ। ಭಾರಂ ವಹತೀತಿ ಭಾರಿಕೋ।
ತಿಕಂ ವೇತನೋಪಜೀವಿನಿ ಕಿಙ್ಕರೇ। ವೇತನೇನ ಜೀವತೀತಿ ವೇತನಿಕೋ। ಭತೋ ವೇತನೇನ ಕೀತೋ, ಸೋ ಏವ ಭತಕೋ, ಸಞ್ಞಾಯಂ ವಾ ಕೋ। ಭತಿಂ ವೇತನಂ ಭುಞ್ಜತೀತಿ ವಾ ಭತಕೋ, ಕೋ, ಇಸ್ಸತ್ತಂ। ಕಮ್ಮಂ ಕರೋತೀತಿ ಕಮ್ಮಕರೋ, ಕಮ್ಮಕಾರೋಪಿ।
ಛಕ್ಕಂ ಕಿಙ್ಕರೋ, ‘‘ಅಹಮಜ್ಜ ಕಿಂ ಕರಿಸ್ಸಾಮೀ’’ತಿ ಭತ್ತು ಕತ್ತಬ್ಬಕಿಚ್ಚಯಾಚನತ್ತಾ ವಾ ಕಿಙ್ಕರೋ। ದಾಸ ದಾಹೇ। ದಾಸನ್ತೇತಸ್ಸಾತಿ ದಾಸೋ, ಅ। ಚಿಟ ಪೇಸನೀಯೇ, ಪೇಸೀಯತೇ ಸಾಮಿನಾತಿ ಚೇಟೋ, ಣೋ, ಸಕತ್ಥೇ ಕೋ, ಚೇಟಕೋ। ಪಿಸ ಪೇಸನೀಯೇ, ಣೋ, ಸಸ್ಸ ದ್ವಿತ್ತಂ। ಭರ ಧಾರಣಪೋಸನೇಸು, ಭರೀಯತೀತಿ ಭಚ್ಚೋ, ‘‘ರಿಚ್ಚಾ’’ತಿಯೋಗವಿಭಾಗೇನ ಭರಾದಿತೋಪಿ ರಿಚ್ಚಪಚ್ಚಯೋ, ‘‘ರಮ್ಹಿ ರನ್ತೋ ರಾದಿನೋ’’ತಿ ರಲೋಪೋ ಚ, ಭಚ್ಚೋ। ಪರಿಚರತಿ ಸಾಮೀನನ್ತಿ ಪರಿಚಾರಿಕೋ। ದಾಸೇರೋ, ದಾಸೇಯ್ಯೋ, ಗೋಪ್ಪಕೋ, ನಿಯೋಜ್ಜೋ, ಅಭುಜಿಸ್ಸೋಪ್ಯತ್ರ।
೫೧೫. ತೇ ಚ ದಾಸಾ ಅನ್ತೋಜಾತಾದಿವಸೇನ ಚತುಧಾ ಸಿಯುಂ। ಅನ್ತೋಗೇಹೇ ದಾಸಿಯಾ ಕುಚ್ಛಿಮ್ಹಿ ಜಾತೋ ಅನ್ತೋಜಾತೋ, ಧನೇನ ಕೀತೋ ಧನಂ ದತ್ವಾ ದಾಸಭಾವಂ ಗತೋ ಧನಕ್ಕೀತೋ, ಸಯಮೇವ ದಾಸಬ್ಯೋಪಗತೋ ಭಯನಿವಾರಣಾದ್ಯತ್ಥಂ ದಾಸಭಾವಮುಪಗತೋ ಚ ಕರಮರಭಾವೇನ ಆನೀತೋ ಕರಮರಾನೀತೋ ಚ, ಇಚ್ಚೇವಂ ತೇ ದಾಸಾ ಚತುಧಾ ಸಿಯುನ್ತಿ ಪಕತಂ।
೫೧೬. ದ್ವಯಂ ಭುಜಿಸ್ಸೇ। ಭುಜ ಪಾಲನಜ್ಝೋಹಾರೇಸು, ಇಸೋ, ದ್ವಿತ್ತಂ। ತಿಕಂ ನೀಚೇ। ನಿಹೀನಂ ಚಿನೋತೀತಿ ನೀಚೋ, ಣೋ, ರಸ್ಸಸ್ಸ ದೀಘತಾ। ಜಮ ಅದನೇ, ಮೋ। ನಿಚ್ಛಯೇನ ಹಾನಿಂ ಗಚ್ಛತೀತಿ ನಿಹೀನಕೋ, ಹಾ ಪರಿಹಾನೇ, ಇ ಗತಿಯಂ, ಯು, ಸಕತ್ಥೇ ಕೋ।
‘‘ವಿವಣ್ಣೋ ಪಾಪರೋ ನೀಚೋ, ಪಾಕಿತೋ ಚ ಪುಥುಜ್ಜನೋ।
ನಿಹೀನೋ’ಪಸದೋ ಜಮ್ಮೋ, ಖುಲ್ಲಕೋ ಇತರೋ ಚ ಸೋ’’॥ –
ತ್ಯಮರಕೋಸೇ ವಿವಣ್ಣೋ। ‘‘ಅಸ್ಸಮೋ ಬ್ರಹ್ಮಚಾರಿಯಾದಿ, ಚತುಕ್ಕೇಪಿ ಮಠೇಪಿ ಚೇ’’ತಿ ನಾನತ್ಥಸಙ್ಗಹೇ। ಪಾಪಂ ರಾತೀತಿ ಪಾಪರೋ। ಪಕತಿಯಂ ಯಥಾಜಾತಭಾವೇ ಭವೋ ವಿಜ್ಜಮಾನೋ, ನ ತು ಬ್ಯಾಪಾರೋತಿ ಪಾಕಿತೋ, ಣೋ। ಸಜ್ಜನೇಹಿ ಪುಥುಭೂತೋ ಜನೋ ಪುಥುಜ್ಜನೋ। ಅಪಕಟ್ಠಂ ಸದತಿ ಗಚ್ಛತೀತಿ ಅಪಸದೋ। ಖುದಂ ಲಾತೀತಿ ಖುಲ್ಲೋ, ದಸ್ಸ ಲೋ, ಖುಲ್ಲೋ ಏವ ಖುಲ್ಲಕೋ। ಇತಂ ಕಮ್ಪಿತಂ ರಾತೀತಿ ಇತರೋ।
ದ್ವಯಂ ಅನಾಲಸೇ। ಕುಸೀತಸ್ಸ ಭಾವೋ ಕೋಸಜ್ಜಂ, ತಂ ಯಸ್ಸ ನತ್ಥೀತಿ ನಿಕ್ಕೋಸಜ್ಜೋ। ಲಸ ಕನ್ತಿಯಂ, ಅಪ್ಪಂ ಲಸತೀತಿ ಕಿಲಾಸು, ಣು, ನ ಕಿಲಾಸು ಅಕಿಲಾಸು। ಮನ್ದ ಸುಪನೇ, ಅ। ನ ಲಸತಿ ಕೀಳತೀತಿ ಅಲಸೋ।
೫೧೭. ಚತುಕ್ಕಂ ಚಣ್ಡಾಲೇ। ಸಂ ಸುನಖಂ ಪಚತೀತಿ ಸಪಾಕೋ। ಚಣ್ಡ ಚಣ್ಡಿಕ್ಕೇ, ಆಲೋ। ಮತಙ್ಗಸ್ಸ ಅಪಚ್ಚಂ ಮಾತಙ್ಗೋ। ಚು ಚವನೇ, ಣ್ವು, ಚವಕೋ। ‘‘ಪ್ಲವಕೋ’’ತಿಪಿ ಪಾಠೋ, ಪ್ಲವ ಗತಿಯಂ, ಣ್ವು।
‘‘ಚಣ್ಡಾಲಪ್ಲವಮಾತಙ್ಗಾ
ನಿಸಾದಸಪಚಾಅನ್ತೇ-ವಾಸೀ ಚಣ್ಡಾಲಪುಕ್ಕುಸಾ’’॥ –
ತ್ಯಮರಕೋಸೇ
ಮಿಲಕ್ಖಜಾತ್ಯಾದಯೋ ಮಹಾರಞ್ಞನಿವಾಸಿನೋ ತಬ್ಭೇದಾ ತಸ್ಸ ಚಣ್ಡಾಲಸ್ಸ ವಿಸೇಸಾ।
ಗೋಮಂಸಭಕ್ಖಕೋ ಯೋ ತು,
ಲೋಕಬಾಹ್ಯಞ್ಚ ಭಾಸತೇ।
ಸಬ್ಬಾಚಾರವಿಹೀನೋ’ಯಂ,
ಮಿಲಕ್ಖಜಾತಿ ವುಚ್ಚತೇ
ಮಿಲಕ್ಖ ಅಬ್ಯತ್ತಸದ್ದೇ। ಮಿಲಕ್ಖನ್ತೇ ಅಬ್ಯತ್ತಂ ಭಾಸನ್ತೇತಿ ಮಿಲಕ್ಖಾ, ತೇಸಂ ಜಾತಿ ಯೋನಿ ಮಿಲಕ್ಖಜಾತಿ। ಮಯೂರಪಿಞ್ಛಾದಿಪರಿಧಾನೋ ಕಿರಾತೋ, ಕಿರ ವಿಕಿರಣೇ, ಅತೋ, ಕಿರತೀತಿ ಕಿರಾತೋ। ಕಿರತೋಪಿ। ಪತ್ತಪರಿಧಾನೋ ಸವರೋ। ಸವ ಗತಿಯಂ, ಅರೋ। ಆದಿನಾ ಪುಲಿನ್ದೋ, ಪುಲ ಮಹತ್ಥೇ, ದೋ, ಪುಲಿನ್ದೋ, ಸಭಾಸಾ ಬ್ಯವಹಾರೀ ದೇಸನ್ತರಭಾಸಾನಭಿಞ್ಞೋ, ಪುಲಿನ್ದೋ ಸವರಪರಿಯಾಯೋತಿ ಕೇಚಿ।
೫೧೮-೫೧೯. ತಿಕಂ ಲುದ್ದಮತ್ತೇ, ಅಯಮ್ಪಿ ಮಿಲಕ್ಖಪ್ಪಕಾರೋ। ಮಿಗಮಚ್ಛಾದೀನಂ ನಿಸಾದನತೋ ಮಾರಣತೋ ನೇಸಾದೋ। ಲುಧ ಉಪಘಾತೇ ಧಸ್ಸ ದೋ, ಲೂ ಛೇದನೇ ವಾ, ದೋ, ಉಭಯತ್ರಾಪಿ ಸಕತ್ಥೇ ಕೋ। ವಿಜ್ಝತೀತಿ ಬ್ಯಾಧೋ, ರಸ್ಸಸ್ಸ ದೀಘತಾ। ದ್ವಯಂ ಮಿಗಲುದ್ದೇ। ಮಿಗೇ ಹನ್ತೀತಿ ಮಿಗವೋ, ವೋ। ಮಿಗೇ ವಿಜ್ಝತೀತಿ ಮಿಗಬ್ಯಧೋ।
ಸಿಲೋಕೋ ಸುನಖೇ। ಸರಮಾ ಸುನೀ, ತಸ್ಸಾಪಚ್ಚಂ ಸಾರಮೇಯ್ಯೋ, ಣೇಯ್ಯೋ। ಸುನ್ದರಂ ನಖಮೇತಸ್ಸ ಸುನಖೋ, ಸುನಸ್ಸ ವಾ ಪಾಟಿಪದಿಕಸ್ಸ ಉನಖೋ, ಸುನ ಗತಿಯಂ ವಾ, ಖೋ, ಏವಂ ಸಬ್ಬತ್ರ ಪಾಟಿಪದಿಕವಸೇನ ವಾ ಧಾತುವಸೇನ ವಾ ರೂಪಸಿದ್ಧಿ ವೇದಿತಬ್ಬಾ। ಸುನ ಗತಿಯಂ, ಸುನಸ್ಸ ವಾ ಉನೋ। ಸೋಣ ವಣ್ಣಗತೀಸು, ಸುನ ಗತಿಯಂ ವಾ, ಣೋ, ಣತ್ತಂ, ಸುನಸ್ಸ ವಾ ಓಣೋ। ಕುಕ ಆದಾನೇ, ಉರೋ, ಕುಕ್ಕುರೋ। ಸುನ ಗತಿಯಂ, ಉಸ್ಸ ವಾದೇಸೇ ಸ್ವಾನೋ, ಉವಾದೇಸೇ ಸುವಾನೋ। ಮಿಗೇ ಸರತಿ ಹಿಂಸತೀತಿ ಸಾಳೂರೋ, ಊರೋ, ರಸ್ಸ ಳೋ। ದೀಘಾದಿಮ್ಹಿ ಸೂನೋ। ಉಸ್ಸಾತ್ತೇ ಸಾನೋ। ನಲೋಪೇ ಉಸ್ಸಾತ್ತೇ ಸಾ, ಅಯಂ ಪುಮೇ, ಕೋಲೇಯ್ಯೋ, ಮಿಗದಂಸಕೋ, ಭಸಕೋಪ್ಯತ್ರ, ಕುಲೇ ಗೇಹೇ ಭವೋ ಕೋಲೇಯ್ಯೋ। ಮಿಗಂ ದಂಸತೀತಿ ಮಿಗದಂಸಕೋ। ಭಸತಿ ಬುಕ್ಕತೀತಿ ಭಸಕೋ, ಭಸ ಭಣನೇ।
ಭೇಸಜ್ಜಾದಿಯೋಗೇನ, ನಿಸ್ಸಗ್ಗೇನ ವಾ ಉಮ್ಮತ್ತಾದಿಭಾವಮಾಪನ್ನೋ ಸುನಖೋ ‘‘ಅಳಕ್ಕೋ, ಅತಿಸುನೋ’’ತಿ ಚ ವುಚ್ಚತೇ। ಅಲ ನಿವಾರಣೇ, ಕಮ್ಮನಿ ಣ್ವು, ದ್ವಿತ್ತಳತ್ತಾನಿ, ಅಳಕ್ಕೋ। ಅಲಕ್ಕೋಪಿ। ಪಕತಿಂ ಅತಿಕ್ಕನ್ತೋ ಸುನೋ ಅತಿಸುನೋ।
೫೨೦. ಸಾದಿಬನ್ಧನಂ ಸುನಖಾದಿಬನ್ಧನಂ ರಜ್ಜಾದಿ ಗದ್ದೂಲೋ ನಾಮ। ಗದ್ದ ಸದ್ದೇ, ಉಲೋ, ದೀಘೋ। ದ್ವಯಂ ದೀಪಕೇ। ದೀಪ ದಿತ್ತಿಯಂ, ಣ್ವು, ಚಿಟ ಪೇಸನೀಯೇ, ಲುದ್ದೇನ ಚಿಟ್ಯತೇತಿ ಚೇಟಕೋ, ಣೋ, ಸಕತ್ಥೇ ಕೋ, ಣ್ವುಪಚ್ಚಯೇನ ವಾ ಸಿದ್ಧಂ।
ತಿಕಂ ಬನ್ಧ ಬನ್ಧನೇ, ಕತ್ತರಿ ಯು। ಗನ್ಥ ಗನ್ಥನೇ, ಗನ್ಥ ಕೋಟಿಲ್ಯೇ ವಾ, ನ್ಥಸ್ಸ ಣ್ಠೋ। ಪಸ ಬಾಧನಫುಸನೇಸು, ಕತ್ತರಿ ಣೋ। ದ್ವಯಂ ವಾಕರಾಯಂ, ಯಾ ಸಾಣತಚಾದೀಹಿ ಮಿಗಾದೀನಂ ಬನ್ಧನತ್ಥಂ ಕತಾ। ವಕ ಆದಾನೇ, ಅರೋ, ಇತ್ಥಿಯಮತೋ ಆ। ಮಿಗೇ ಗನ್ಥತಿ ಬನ್ಧತೀತಿ ಮಿಗಗನ್ಥನೀ, ‘‘ಮಿಗಬನ್ಧನೀ’’ತಿಪಿ ಪಾಠೋ।
೫೨೧. ದ್ವಯಂ ಕುಮೀನೇ। ಯತ್ರ ಮಚ್ಛಾ ಪವಿಸನ್ತೇವ, ನ ನಿಸ್ಸರನ್ತಿ, ಕುಚ್ಛಿತಾ ವೇಣೀ ಅಸ್ಸಾ ಕುವೇಣೀ, ನದಾದಿ। ವಜ್ಝಪ್ಪತ್ತತಾಯ ಕುಚ್ಛಿತಾ ಮೀನಾ ಯಸ್ಮಿಂ ಕುಮೀನಂ, ಕಮು ಪದವಿಕ್ಖೇಪೇ ವಾ, ಇನೋ, ಮಚ್ಛಾಧಾನೀಪ್ಯತ್ರ, ಮಚ್ಛಾ ಆಧೀಯನ್ತೇ ಯಸ್ಸಂ ಮಚ್ಛಾಧಾನೀ, ಯು, ನದಾದಿ। ದ್ವಯಂ ಜಾಲೇ। ಆನೀಯನ್ತೇನೇನಾತಿ ಆನಯೋ, ಣೋ, ಈಸ್ಸೇ, ಏ ಅಯ। ಜಲೇ ಹಿತಂ ಜಾಲಂ, ಣ।
ದ್ವಯಂ ವಧಟ್ಠಾನೇ। ಆಗನ್ತ್ವಾ ಹನನ್ತಿ ಯಸ್ಮಿಂ ಆಘಾತನಂ, ಯು, ಹನಸ್ಸ ಘಾತೋ। ವಧಸ್ಸ ಮಾರಣಸ್ಸ ಠಾನಂ ವಧಟ್ಠಾನಂ। ದ್ವಯಂ ಅಧಿಕೋಟ್ಟನೇ। ಸದಾ ಆಕೋಟ್ಟನತ್ತಾ ಸಹ ಊನೇನಾತಿ ಸೂನಾ, ಸುನ ಗತಿಯಂ ವಾ, ಇತ್ಥಿಯಮತಿ ಅ, ದೀಘಾದಿ। ಕುಟ ಛೇದನೇ, ಅಧಿಕೋಟೇನ್ತಿ ಯಸ್ಮಿಂ ಅಧಿಕೋಟ್ಟನಂ।
೫೨೨. ದ್ವಿಪಾದಂ ಚೋರೇ। ತಂ ಕರೋತೀತಿ ತಕ್ಕರೋ, ಥೇಯ್ಯತ್ಥಂ ವಾ ತಕ್ಕಯತೀತಿ ತಕ್ಕರೋ। ತಕ್ಕ ವಿತಕ್ಕೇ, ಅರೋ। ಮುಸ ಚುರ ಥೇಯ್ಯೇ, ಣೋ, ಚುರಾ ಥೇಯ್ಯಸೀಲಮಸ್ಸೇತಿ ವಾ ಚೋರೋ, ಣೋ। ಥೇನ ಚೋರಿಯೇ, ಚುರಾದಿ, ಅ। ಏಕಂ ಅಸಹಾಯಂ ಅಗಾರಂ ಗೇಹಂ ಏಕಾಗಾರಂ, ತಂ ಪಯೋಜನಂ ಯಸ್ಸ ಏಕಾಗಾರಿಕೋ, ಇಕೋ। ಮೋಸತ್ಥಿನೋ ಹ್ಯೇಕಾಗಾರಂ ಪಯೋಜನಂ। ಸಮಾತಿ ತುಲ್ಯತ್ಥಾ। ದಸ್ಸುಪ್ಯತ್ರ। ದಂಸ ದಂಸನೇ, ಸು, ನಿಗ್ಗಹೀತಲೋಪೋ।
ತಿಕಂ ಥೇಯ್ಯಕ್ರಿಯಾಯಂ। ಥೇನಸ್ಸ ಕಮ್ಮಂ ಥೇಯ್ಯಂ, ಚೋರಸ್ಸ ಕಮ್ಮಂ ಚೋರಿಕಾ। ಮುಸನಂ ಮೋಸೋ, ಭಾವೇ ಣೋ। ವೇ ತನ್ತಸನ್ತಾನೇ, ವೇಮೋ, ಅನಿತ್ಥೀ। ವಾಯನತ್ಥೋ ದಣ್ಡಕೋ ವಾಯನದಣ್ಡಕೋ, ವಾಸರದಣ್ಡಕೋಪಿ।
೫೨೩. ತಿಕಂ ಸುತ್ತೇ। ಸುಚ ಗತಿಯಂ, ತೋ। ತನು ವಿತ್ಥಾರೇ, ತು, ತನ್ತು ಪುಮೇ, ತನ್ತಪಯೋಜನತ್ತಾ ತನ್ತಂ। ಲೇಪ್ಯಾದಿಕಮ್ಮನಿ ಲೇಪನಾದಿಕ್ರಿಯಾಯಂ ಪೋತ್ಥಸದ್ದೋ ವತ್ತತಿ। ಆದಿನಾ ಪೋತ್ಥಲಿಕಾದಿಲಿಖನಕಮ್ಮಂ ಗಯ್ಹತೇ, ಪುಸ ಸ್ನೇಹಸೇಚನಪೂರಣೇಸು, ಭಾವೇ ಥೋ। ಅಥ ವಾ ಲೇಪ್ಯಾದಿಕಮ್ಮನಿ ಕಮ್ಮಕಾರಕಭೂತೇ ಲೇಪಿತಬ್ಬಾದಿಮ್ಹಿ ಪೋತ್ಥಸದ್ದೋ, ತದಾ ಕಮ್ಮನಿ ಥೋ, ಪೋತ್ಥಂ।
ವತ್ಥದನ್ತಕಟ್ಠಸಿಙ್ಗಾದಿಪೋತ್ಥಲಿಕಾಯಂ ಪಞ್ಚಾಲಿಕಾದಿದ್ವಯಂ। ಪಞ್ಚಙ್ಗಾನಿ ಯಸ್ಸಾ ಸನ್ತಿ ಸಜೀವಸ್ಸೇವಾತಿ ಪಞ್ಚಾಲಿಕಾ, ಇಕೋ। ಮಜ್ಝೇ ಲಕಾರಾಗಮೋ। ಪೋತ್ಥೇನ ವತ್ಥೇನ ಅಲಙ್ಕರಿಯತ್ತಾ ಪೋತ್ಥಲಿಕಾ। ಅಲ ಭೂಸನೇ, ಣ್ವು। ‘‘ಚತುರೋ ಜನಾ ಪೋತ್ಥಕಮಗ್ಗಹೇಸು’’ನ್ತಿ ಏತ್ಥ ಪೋತ್ಥಕಸದ್ದೇನ ವತ್ಥಂ ವುತ್ತಂ, ಪೋತ್ಥಸದ್ದೋಯೇವ ಹಿ ಸಕತ್ಥೇ ಕಪಚ್ಚಯೇನ ‘‘ಪೋತ್ಥಕೋ’’ತಿ ವುತ್ತೋ। ‘‘ಪುತ್ತಲಿಕಾ’’ತಿಪಿ ಪಾಠೋ, ಪುತ್ತೋ ವಿಯ ಅಲಙ್ಕರೀಯತೇತಿ ಪುತ್ತಲಿಕಾ, ಪುತ್ತಿಕಾಪ್ಯತ್ರ।
೫೨೪. ಯಂ ಕೂಪತೋ ಆವಾಟತೋ ಅಮ್ಬುನೋ ಜಲಸ್ಸ ಉಬ್ಬಾಹನಂ ಉದ್ಧಾರಣಂ ಭವೇ, ತಂ ‘‘ಉಗ್ಘಾಟನಂ, ಘಟೀಯನ್ತ’’ಮಿತಿ ಚೋಚ್ಚತೇ। ಉದ್ಧಂ ಘಟೀಯತಿ ಉದಕನ್ತಿ ಉಗ್ಘಾಟನಂ, ಯು। ಘಟ ಚೇತಾಯಂ, ಘಟೀಯೇವ ಉದ್ಧಾಧೋಗಮನವಸೇನ ಗಮನತೋ ಘಟೀಯನ್ತಂ, ಯಾ ಗತಿಪಾಪುಣನೇಸು, ಅನ್ತೋ, ತೋ ವಾ।
ದ್ವಯಂ ಮಞ್ಜುಸಾಯಂ, ಯಾ ಕಟ್ಠೇಹಿ ಕರೀಯತಿ। ಮನ ಞಾಣೇ, ಸೋ, ಜುಮಜ್ಝೋ ಪೇಲ ಗತಿಯಂ, ಪೇ ಪಾಲನೇ ವಾ, ಲೋ, ಳತ್ತಂ, ಪೇಳಾ, ಪಲ ರಕ್ಖಣೇ ವಾ, ಕತ್ತರಿ ಅ, ಅಸ್ಸೇ, ಪೇಳಾ। ತಿಕಂ ಪಚ್ಛಿಯಂ। ಪಿಟ ಸಙ್ಘಾತೇ, ಣ್ವು, ಪಿಟಕೋ, ವುದ್ಧಿಮ್ಹಿ ಪೇಟಕೋ। ಪಸ ಪಾಲನೇ, ಛಿ, ಪಚ್ಛಿ, ಇತ್ಥಿಯಂ।
೫೨೫. ದ್ವಯಂ ಕಾಜೇ। ವಿವಿಧಂ ಭಾರಮಾಭಞ್ಜನ್ತಿ ಓಲಮ್ಬನ್ತಿ ಯಸ್ಸಂ ಬ್ಯಾಭಙ್ಗೀ। ಕಜ್ಜ ಬ್ಯಧನೇ, ಕತ್ತರಿ ಣೋ, ಏಕಸ್ಸ ಜಸ್ಸ ಲೋಪೋ, ಕಚ ಬನ್ಧನೇ ವಾ, ಅಧಿಕರಣೇ ಣೋ, ಚಸ್ಸ ಜೋ, ಕಾಜೋ, ಕಾಚೋಪಿ। ಅತ್ರ ಕಾಜೇ ಅವಲಮ್ಬನಂ ವೇತ್ತಾದಿವಿಕತಿ ಸಿಕ್ಕಾ ನಾಮ। ಸಕ ಸತ್ತಿಯಂ, ಕತ್ತರಿ ಕೋ, ಉಪಾನ್ತಸ್ಸಿ, ಸಿಕ್ಕಾ, ಕಾಜೋಪಿ।
ದ್ವಯಂ ಉಪಾಹನೇ। ಉಪನಯ್ಹತೇ ಬನ್ಧೀಯತೇತಿ ಉಪಾಹನೋ, ವಣ್ಣವಿಪರಿಯಯೋ, ರಸ್ಸಸ್ಸ ದೀಘತಾ, ವಾಕಾರೇನ ಉಪಾಹನಂ। ಪಜ್ಜತೇ ಪಾದು, ಉ, ಪಾದು ಇತ್ಥೀ, ‘‘ಪನ್ನದ್ಧೀ ಪಾದುಕಾ ಪಾಣಿಹಿತಾ ಪದರಥೀ’’ತಿಪಿ ತಿಕಣ್ಡಸೇಸೋ । ತಬ್ಭೇದಾ ತಸ್ಸುಪಾಹನಸ್ಸ ಭೇದಾ ವಿಸೇಸಾ ಪಾದುಕಾ ನಾಮ, ಪದ ಗಮನೇ, ಣುಕೋ, ಪಾದುಕಾ, ಬಹುಪಟಲಾ ಚಮ್ಮಮಯಾ ಕಟ್ಠಮಯಾತ್ಯೇಕೇ।
೫೨೬. ತಿಕಂ ಚಮ್ಮರಜ್ಜುಯಂ। ವರ ಇಚ್ಛಾಯಂ, ವರ ಸಂವರಣೇ ವಾ, ಛದಾದೀಹಿ ತತ್ರಣ। ವರತ್ತಾ, ವರತ್ತಂ, ವರತ್ರಾ, ವರತ್ರಮ್ಪಿ। ವದ್ಧ ವದ್ಧಿಯಂ, ಸಕತ್ಥೇ ಕೋ, ವದ್ಧಿಕಾ। ನಯ್ಹತೇ ಬನ್ಧೀಯತೇ ಯಾಯ ನದ್ಧೀ, ನಹ ಬನ್ಧನೇ, ತೋ, ನದಾದಿ।
ದ್ವಯಂ ಅಗ್ಗಿದೀಪನೇ। ಭಸ ಭಾಸದಿತ್ತೀಸು, ದಿಬ್ಬತೇ ಅಗ್ಗಿ ಯಾಯ ಭಸ್ತಾ, ತೋ, ತ್ರಣಮ್ಹಿ ಭಸ್ತ್ರಾ, ನದಾದಿನೋ ಆಕತಿಗಣತ್ತಾ ಈಪಚ್ಚಯಾಭಾವೋ। ಚಮ್ಮಮಯಂ ಪಸಿಬ್ಬಕಂ ಚಮ್ಮಪಸಿಬ್ಬಕಂ, ಚಮ್ಮಪಸಿಬ್ಬಕಾಪಿ।
ತೇಜಸೇ ಸುವಣ್ಣಾದಿಕೇ ಆವತ್ಯತೇ ಯತ್ರ, ಸಾ ಸೋಣ್ಣಾದ್ಯಾವತ್ತನೀ ಮೂಸಾ ನಾಮ, ಮುಸ ಥೇಯ್ಯೇ, ಅ, ಮೂಸಾ, ದೀಘಾದಿ। ಕಲಾದಿಕಂ ಯಾವ ಪಾದೇನ ನಾಮಂ। ಕುಟ ಛೇದನೇ, ಕರಣಸಾಧನಂ, ಕೂಟಂ, ದೀಘಾದಿ, ವಾಕಾರೇನ ಕೂಟೋ। ಅಯಸೋ, ಅಯೋಮಯೋ ವಾ ಘನೋ ಅಯೋಘನೋ।
೫೨೭. ಕಮ್ಮಾರಾನಂ ಭಣ್ಡಂ ಕಮ್ಮಾರಭಣ್ಡಂ। ಸಙ್ಗಮ್ಮ ಡಂಸತೀತಿ ಸಣ್ಡಾಸೋ, ಣೋ, ನಿಗ್ಗಹೀತಲೋಪೋ, ಸಣ್ಡಾಸೋ, ಯೇನಾದಿತ್ತಲೋಹಾದಿ ಮುದ ಸಂಸಗ್ಗೇ, ಥಿ, ಮುಟ್ಠಿ, ಇತ್ಥೀ। ಅಧಿಕರೋತಿ ಯಸ್ಸಂ ಅಧಿಕರಣೀ, ಯು, ನದಾದಿ।
ತಬ್ಭಸ್ತಾ ತೇಸಂ ಕಮ್ಮಾರಾನಂ ಭಸ್ತಾ ಅಗ್ಗಿದೀಪನೀ ಗಗ್ಗರೀ ನಾಮ, ಯಾ ‘‘ಉಕ್ಕಾ’’ತಿಪಿ ವುಚ್ಚತಿ, ಸಾ ಚ ನಾರೀ, ‘‘ಗಗ್ಗ’’ಇತಿ ಸದ್ದಂ ರಾತೀತಿ ಗಗ್ಗರೀ, ಮನ್ಥನಿಯಮ್ಪಿ। ದ್ವಯಂ ಖುದ್ದಕಸತ್ಥೇ। ಸಸ ಹಿಂಸಾಯಂ, ಥೋ। ಪಿಯಮ್ಪಿ ಫಾಲೇತೀತಿ ಪಿಪ್ಫಲಂ, ಫಲ ವಿದಾರಣೇ।
೫೨೮. ದ್ವಯಂ ನಿಕಸೇ। ಸಾ ತನುಕರಣೇ, ಯು, ಣತ್ತಂ, ನಿಕಸತೇ ಪರಿಕ್ಖ್ಯತೇ ಸುವಣ್ಣನ್ತಿ ನಿಕಸೋ। ಕಸೋಪಿ। ಸೂಚಿಯಾ ನಾಸಾವಿಜ್ಝನಂ ಆರಾ, ಅರ ಗಮನೇ, ಆ, ಆರಾ, ಚಮ್ಮಕಾರಾನಂ ಚಮ್ಮವೇಧನೇಪಿ ಆರಾ, ‘‘ತಿಕಂ ಸೂಚಿಯ’’ನ್ತಿ ಕೇಚಿ।
ದ್ವಯಂ ಖರಪತ್ತೇ। ಖರಸಮ್ಫಸ್ಸತಾಯ ಖರೋ। ‘‘ಕ’’ಇತಿ ಕಚತಿ ಪಾಟಯತಿ ಕಕಚೋ, ಅನಿತ್ಥೀ, ‘‘ಕಕಚಂ ಖರಪತ್ತಞ್ಚೇ’’ತ್ಯಮರಮಾಲಾಯಂ ನಪುಂಸಕಕಣ್ಡಂ। ವಚ್ಛಾಯನಸತ್ಥೇ ವುತ್ತಾ ಗೀತವಜ್ಜಾದಿಕಾ ವಿಜ್ಜಾ ಚತುಸಟ್ಠಿಕ್ರಿಯಾ, ತಥಾ ಆಲಿಙ್ಗನಚುಮ್ಬನಾದಿಕಾ ಚ ಅಬ್ಭನ್ತರಾ ಚತುಸಟ್ಠಿಕ್ರಿಯಾ ಕಲಾಸದ್ದೇನೋಚ್ಚತೇ। ಆದಿನಾ ಯಂ ತತ್ರ ವುತ್ತಂ ಕಾರುಕಮ್ಮಂ, ತಂ ಗಯ್ಹತೇ, ತಂ ಸಬ್ಬಮ್ಪಿ ಕಲಾದಿಕಂ ಕಮ್ಮಂ ಕ್ರಿಯಾ ಸಿಪ್ಪಂ ನಾಮ, ಸೀ ಸಯೇ, ಪೋ, ಸಪ್ಪ ಗಮನೇ ವಾ, ಉಪಾನ್ತಸ್ಸಿ, ಸಿಪ್ಪಂ।
೫೨೯-೫೩೦. ಪತಿಸದಿಸಂ ಪಟಿಮಾದಿಚತುಕ್ಕಂ। ಮಾ ಮಾನೇ, ಮಾನಮತ್ರ ಸದಿಸೀಕರಣಂ, ಕತ್ತರಿ, ಕರಣೇ ವಾ ಅ, ಪಟಿಮಾ, ನಾರೀ। ವಮು ಉಗ್ಗಿರಣೇ, ಬೋ, ಇತ್ತಂ, ಪಟಿಬಿಮ್ಬಂ। ಧಾ ಧಾರಣೇ, ಇ, ಪಟಿನಿಧಿ, ದ್ವೀಸು। ಪಟಿಮಾನಂ, ಪಟಿಯಾತನಾ, ಪಟಿಚ್ಛಾಯಾ, ಪಟಿಕತಿಪ್ಯತ್ರ।
ಪಜ್ಜಂ ಸದಿಸೇ, ತತ್ರ ಸಮಾದಯೋ ಕೇವಲಾ ಅಪಿ ತೀಸು, ಸದಿಸತ್ಥೇ ಚ ವತ್ತನ್ತಿ, ಸನ್ನಿಕಾಸೋ, ಪನ ಅನ್ತೇ ತಯೋ ಚ ಉತ್ತರಪದೀಭೂತಾ, ತಂ ಯಥಾ – ತೇನ ಸಮೋ’ಯಂ ಸಮ ವೇಲಮ್ಬೇ, ಅ। ಪತಿರೂಪಕಂ ಭಜತೀತಿ ಪಟಿಭಾಗೋ, ಣೋ, ಕಾಸ ದಿತ್ತಿಯಂ, ಅ, ಸನ್ನಿಕಾಸೋ। ಸಮಾನಮಿವ ನಂ ದಿಸ್ಸತೀತಿ ಸರಿಕ್ಖಕೋ, ಸಮಾನಸ್ಸ ಸೋ, ದಿಸ್ಸ ರಿ, ಸಸ್ಸ ಕ್ಖೋ, ಸಕತ್ಥೇ ಕೋ, ಸರಿಕ್ಖಕೋ। ಸಮ ವೇಲಮ್ಬೇ, ಯು, ಸಮಾನೋ, ಸಹ ಮಾನೇನಾತಿ ವಾ ಸಮಾನೋ। ಸಮಾನಂ ಕತ್ವಾ ನಂ ಪಸ್ಸತೀತಿ ಸದಿಸೋ, ಸಮಾನಸ್ಸ ಸೋ। ಪರಿಚ್ಛೇದಸಧಮ್ಮಾ ತುಲ್ಯಾಧಿಟ್ಠಿತಾಯ ಸಮ್ಮಿತೋ ಪರಿಚ್ಛಿನ್ನೋ ತುಲ್ಯೋ, ಸಮ್ಮಿತತ್ಥೇ ಯೋ, ಅಪಚ್ಚಯೇ ತುಲೋಪಿ। ಭಾ ದಿತ್ತಿಯಂ ಸನ್ನಿಭೋ, ನಿಭೋ ಚ। ಭೂತ ರೂಪಾದಯೋಪ್ಯತ್ರ, ಯಥಾ ಪಿತುಭೂತೋ, ಮಾತುರೂಪೋ।
ತಿಕಂ ಉಪಮಾನೇ। ಉಪಮೀಯತೇ ಯೇನ ಓಪಮ್ಮಂ, ಮನ, ಉಪಪುಬ್ಬೋ ಮಾ ಮಾನೇ, ಯುಪಚ್ಚಯೇ ಉಪಮಾನಂ, ಇತ್ಥಿಯಮತಿ ಅ, ಉಪಮಾ, ಉಪಮಾನೋಪಮೇಯ್ಯಾನಂ ಸಧಮ್ಮತ್ತೇಪ್ಯಯಂ, ವುತ್ತಞ್ಚ ‘‘ಉಪಮಾನೋಪಮೇಯ್ಯಾನಂ, ಸಧಮ್ಮತ್ತಂ ಸಿಯೋಪಮಾ’’ತಿ ಓಪಮ್ಮಾದಿತ್ತಯ’’ನ್ತ್ಯಮರಸೀಹೋ
೫೩೧. ಚತುಕ್ಕಂ ವೇತನೇ। ಭರತಿ ಕಮ್ಮಕರೇ ಯಾಯ, ಸಾ ಭತಿ,ತಿ। ವಿಸ ಪೇರಣೇ, ಪೇರಣಂ ಗಮನಾದೀಸು ನಿಯೋಜನಂ, ಕರಣೇ ಣೋ, ನಿಬ್ಬೇಸೋ, ನಿವೇಸೋಪಿ। ವೀ ಗಮನೇ, ತನೋ। ಮೂಲೇನ ಸಮಿತಂ ಮೂಲ್ಯಂ, ಮೂಲ ಪತಿಟ್ಠಾಯಂ ವಾ, ಕರಣೇ ಯೋ।
‘‘ಕಮ್ಮಞ್ಞಾ ತು ವಿಧಾ ಭಚ್ಚಾ, ಭತಯೋ ಭಮ್ಮವೇತನಂ।
ಭರಣ್ಯಂ ಭರಣಂ ಮೂಲ್ಯಂ, ನಿಬ್ಬೇಸೋ ಪಣಮಿಚ್ಚಪೀ’’॥ –
ತ್ಯಮರಸೀಹೋ
ದ್ವಯಂ ಜೂತೇ। ಜು ಗತಿಜವನೇಸು, ತೋ, ದೀಘಾದಿ, ಜೂತಂ, ಜುತ ದಿತ್ತಿಯಂ ವಾ, ಕರಣೇ ಅ। ಕಿತವಸ್ಸ ಜೂತಕಾರಸ್ಸ ಕಮ್ಮಂ ಕೇತವಂ, ಣೋ। ಅಕ್ಖವತೀ, ಪಣೋಪ್ಯತ್ರ। ಅಕ್ಖಾ ಪಾಸಕಾ ಉಪಾಯತ್ಥೇನ ಅಸ್ಸಂ ಸನ್ತೀತಿ, ವನ್ತು, ಸಭಾವತೋ ಇತ್ಥಿತ್ತಂ। ಪಣೋ ಅಟ್ಟೋ, ತಂಯೋಗಾ ಪಣೋ।
ಪಞ್ಚಕಂ ಧುತ್ತೋ, ಣೋ, ಧೂ ಕಮ್ಪನೇ ವಾ, ತೋ, ರಸ್ಸೋ, ಧುತ್ತೋ, ಸಬ್ಬಕೀಳಾದಿಪಸುತೇಪ್ಯಯಂ। ಅಕ್ಖೇಸು ಧುತ್ತೋ ಅಕ್ಖಧುತ್ತೋ। ಮರಿಯಾದಮತಿಕ್ಕಮ್ಮ ಕೀಳಾದಿಪಸುತೋ ಹಿ ‘‘ಧುತ್ತೋ’’ತಿ ವುಚ್ಚತಿ। ಕಿತವಂ ಅಸ್ಸತ್ಥೀತಿ ಕಿತವೋ, ನಿಪಾತನಾ, ಕಿತ ನಿವಾಸೇ ವಾ, ಅವೋ। ಅಕ್ಖೇಹಿ ಜೂತೇಹಿ ದಿಬ್ಬತೀತಿ ಅಕ್ಖದೇವೀ, ಣೀ।
೫೩೨. ದ್ವಯಂ ಪಾಟಿಭೋಗೇ, ಪಟಿಭುಞ್ಜತಿ ಪಾಲಯತೀತಿ ಪಾಟಿಭೋಗೋ, ಭುಜ ಪಾಲನೇ, ಣೋ। ಪಟಿಭವತೀತಿ ಪಟಿಭೂ। ದ್ವಯಂ ಚತುವೀಸತಿಪಾಸಕೇ, ಯೇನ ಜೂತಕಾರಾ ದಿಬ್ಬನ್ತಿ। ಅಕ ಕುಟಿಲಾಯಂ ಗತಿಯಂ, ಖೋ, ಅಕ್ಖೋ। ಪಸ ಬಾಧನಫುಸನೇಸು, ಣ್ವು। ದೇವನೋಪ್ಯತ್ರ। ದಿಬ್ಬನ್ತಿ ಯೇನ ದೇವನೋ, ದಿವು ಕೀಳಾಯಂ, ಯು।
ಸಾರಫಲಕೇ ಅಟ್ಠಾಪದಂ, ಪುಮೇ, ನಪುಂಸಕೇ ವಾ, ಅಟ್ಠಪದಾನ್ಯಸ್ಸ ಅಟ್ಠಾಪದಂ। ದೇಸನ್ತರೇ ಹಿ ಚತುರಙ್ಗಸ್ಸೇವ ಪಟ್ಟಿಕಾಯಂ ಪಾಸಕಜೂತಮ್ಪಿ ವತ್ತತೇ, ಸಞ್ಞಾಯಂ ಅಟ್ಠಸದ್ದಸ್ಸ ಉತ್ತರಪದೇ ರಸ್ಸಸ್ಸ ದೀಘತಾ ಸಾರಿಫಲಕಂ, ಸಕತ್ಥೇ ಕೋ।
ದ್ವಯಂ ಅಬ್ಭುತೇ, ಯೇನ ಸತಾದಿಲಾಭಜಾನಿವಸೇನ ಜೂತಕಾರಾದೀನಂ ಜಯಪರಾಜಯಾ ಹೋನ್ತಿ। ಪಣ ಬ್ಯವಹಾರೇ, ಅ, ಪಣೋ, ಪನೋಪಿ। ಅಬ್ಭ ಗಮನೇ, ತೋ, ಅಭಿ ಸದ್ದೇ ವಾ, ತೋ, ಅಸರೂಪದ್ವಿತ್ತಂ, ಅಬ್ಭತೋಪಿ।
೫೩೩. ನಾನಾದಬ್ಬಕತೇ ಮದಿರಾಬೀಜೇ ಸುರಾಬೀಜೇ ಕಿಣ್ಣಾ, ಕಿರನ್ತಿ ನಾನಾದಬ್ಬಾನಿ ಮಿಸ್ಸೀಭವನ್ತ್ಯಸ್ಸಂ ಕಿಣ್ಣಾ, ತೋ। ಮಧ್ವಾಸವೇ ಮಧುಕಪುಪ್ಫಕತೇ ಮಜ್ಜೇ ಮಧು ಮತಂ, ಮಧುಕಪುಪ್ಫಂ ಮಧು, ತಪ್ಪಕತತ್ತಾ ಮಧು, ಮಧುಕತೇಪಿ ಮಜ್ಜೇ ಮಧು ಮಧ್ವಾಸವಾ ವುತ್ತಾ, ಮಾಧವಕೋ, ಮಾಧ್ವಿಕಮ್ಪಿ, ಅದ್ವೀಸ್ವಿದಂ।
ಸುರಾನ್ತಂ ಮಜ್ಜೇ। ಮದ ಉಮ್ಮಾದೇ, ಕರಣೇ ಇರೋ। ವರುಣೋ ನಾಮ ಏಕೋ ಜನೋ, ತೇನೇವ ಪಠಮಂ ದಿಟ್ಠತ್ತಾ ವರುಣತೋ ಜಾಯತೀತಿ ವಾರುಣೀ, ಣೀ, ವರ ಪತ್ಥನಾಯಂ ವಾ, ಕಮ್ಮೇ ಯು, ಅಸ್ಸು, ನದಾದಿ। ಮಜ್ಜನ್ತೇ ಯೇನ ಮಜ್ಜಂ, ವಜಾದಿನಾ ಯೋ, ದ್ಯಸ್ಸ ಜ್ಜೋ ಚ। ಸು ಅಭಿಸವೇ, ರೋ, ಸು ಸವನೇ ವಾ, ಸುರಾ। ಹಲಿಪ್ಪಿಯಾ, ಹಾಲಾ, ಗನ್ಧೋತ್ತಮಾ, ಪಸನ್ನಾ, ಇರಾ, ಕಾದಮ್ಬರೀಪ್ಯತ್ರ। ಹಲಿನೋ ಬಲಭದ್ದಸ್ಸ ಪಿಯಾ ರುಚ್ಚಾ ಹಲಿಪ್ಪಿಯಾ। ಹಲ ವಿಲೇಖನೇ, ಣೋ, ಹಾಲಾ। ಇ ಗಮನೇ, ರೋ, ಇರಾ। ಪಠಮ’ಮಯಂ ಗೋಮನ್ಥ ಪಬ್ಬತೇ ಕದಮ್ಬಕೋಟರೇ ಭವಾ ಕಾದಮ್ಬರೀ, ತಥಾ ಚಾಗಮೋ ‘‘ಕದಮ್ಬಕೋಟರೇ ಜಾತಾ, ತೇನ ಕಾದಮ್ಬರೀ ಮತಾ’’ತಿ
ದ್ವಯಂ ತಾಲಾದಿರಸಜೇ। ಆಸವನ್ತಿ ಮಾನಪುರಿಸಮದಾದಯೋ ಯೇನಾತಿ ಆಸವೋ। ಮದಂ ಜನೇತೀತಿ ಮೇರಯಂ, ಣೇಯ್ಯೋ, ಅಸ್ಸೇ, ದಸ್ಸ ರೋ ಚ। ಸೀಧುಪ್ಯತ್ರ। ಮಜ್ಜವಿಸೇಸೇಪಿ ತಯಮಿದಂ ವದನ್ತಿ, ವುತ್ತಞ್ಚ –
‘‘ಸೀಧುಉಚ್ಛುರಸೇ ಪಕ್ಕೇ, ಅಪಕ್ಕೇ ಆಸವೋ ಭವೇ।
ಮೇರಯಂ ಧಾತಕೀಪುಪ್ಫ-ಗುಳಧಞ್ಞಮ್ಬಿಲೋಟ್ಠಿತ’’ನ್ತಿ
೫೩೪. ದ್ವಯಂ ಸರ ಗತಿಯಂ, ಣ್ವು। ಸರ ಗತಿಹಿಂಸಾಚಿನ್ತಾಸು ವಾ। ಚಸ ಭಕ್ಖನೇ, ಣ್ವು, ದ್ವಯಂಪ್ಯನಿತ್ಥೀ। ಸೀಧುಮ್ಹಿ ಚ ಸರಕೋ।
ದ್ವಯಂ ಪಾನಮಣ್ಡಲೇ। ಆಪಿವನ್ತಿ ಸಂಭೂಯ ಪಿವನ್ತ್ಯಸ್ಮಿಂ ಆಪಾನಂ, ಯು। ಪಾನಸ್ಸ ಮಣ್ಡಲಂ ಕೋಟ್ಠಂ ಪಾನಮಣ್ಡಲಂ।
೫೩೫. ಸಮತ್ತಲಿಙ್ಗಾಸಙ್ಗಹತೋ ಅಸಮ್ಪುಣ್ಣತಂ ಪರಿಹರತಿ। ಅತ್ರ ಅಸ್ಮಿಂ ವಗ್ಗೇ ಯೇ ಯೋಗಿಕಾ ಸದ್ದಾವೇಣಿಕಮಾಯಾಕಾರಚೋರಅಕ್ಖದೇವಿಪ್ಪಭುತಯೋ ಪುಮೇ ಭೂರಿಪ್ಪಯೋಗತ್ತಾ ಪಚುರಪ್ಪಯೋಗದಸ್ಸನತೋ ಏಕಸ್ಮಿಂ ಲಿಙ್ಗೇ ಪುಮೇ ಈರಿತಾ ಕಥಿತಾ, ತೇ ತದ್ಧಮ್ಮತ್ತಾ ತಂಯೋಗವಸಾ ಏಕಕ್ರಿಯಾಕಾರಿತ್ತಾ ಅಞ್ಞವುತ್ತಿಯಂ ತತೋ ಅಞ್ಞತ್ರ ಇತ್ಥಾದೀಸು ವುತ್ತಿಯಂ ಸತ್ಯಂ ಲಿಙ್ಗನ್ತರೇಪಿ ಇತ್ಥಿಲಿಙ್ಗಾದೋಪಿ ನೇಯ್ಯಾ ಉಪನೀಯಾ, ತಂ ಯಥಾ – ಮಾಯಾಕಾರೀ ಇತ್ಥೀ, ಮಾಯಾಕಾರಮಿದಂ ಕುಲಮಿಚ್ಚಾದಿ। ಯೇ ತ್ವಯೋಗಿಕಾ ಮಾಗಧಮಾಲಿಕಕುಮ್ಭಕಾರಾದಯೋ, ತೇ ಜಾತಿವಚನತ್ತಾ ಸುದ್ದಾದಯೋ ವಿಯ ದ್ವೀಸೂತಿ।
ಸುದ್ದವಗ್ಗವಣ್ಣನಾ ನಿಟ್ಠಿತಾ।
ಚತುಬ್ಬಣ್ಣವಗ್ಗವಣ್ಣನಾ ಸಮತ್ತಾ।
೫. ಅರಞ್ಞವಗ್ಗವಣ್ಣನಾ
೫೩೬. ಸತ್ತಕಂ ಅರ ಗಮನೇ, ಅಞ್ಞೋ, ಅರಞ್ಞಂ। ಕೇನ ಜಲೇನ ಅನನಂ ಪಾಣಮನಸ್ಸ ಕಾನನಂ, ದಾ ಅವಖಣ್ಡನೇ, ದಾ ಛೇದನೇ ವಾ। ಅಧಿಕರಣೇ ಣೋ, ‘‘ಆಕಾರನ್ತಾನಮಾಯೋ’’ತಿ ಆಯೋ। ದಯ ದಾನಗತಿಹಿಂ ಸಾದಾನೇಸು ವಾ, ಣೋ, ಗಹ ಉಪಾದಾನೇ ವಪ ಬೀಜನಿಕ್ಖೇಪೇ, ಇನೋ, ಅಸ್ಸಿತ್ತಂ। ವನ ಸಮ್ಭತ್ತಿಸದ್ದೇಸು, ಕತ್ತರಿ ಅ, ವನಂ। ಅಟಾ ಅವಯವೋ ಸೇಲಾ ಅತ್ರೇತಿ ಅಟವಿ, ಇ, ಈಮ್ಹಿ ಅಟವೀ।
ಮಹಾಪದುಮಲತಾವನಂ ಮಹಾರಞ್ಞಂ, ನದಾದಿ, ಅನನ್ತೋ ಚ, ಅರಞ್ಞಾನೀ।
೫೩೭. ನಗರತೋ ನಾತಿದೂರಸ್ಮಿಂ ಠಾನೇ ಸನ್ತೇಹಿ ಅಭಿರೋಪಿತೋ ತರುಸಣ್ಡೋ ಪೂಗಪನಸಾದಿತರುಸಮೂಹೋ ಅತ್ಥಿ, ಸೋ ‘‘ಉಪವನ’’ನ್ತಿ ಚೋಚ್ಚತೇ, ಕಿತ್ತಿಮವನಮೇತಂ। ಆರಮನ್ತ್ಯಸ್ಮಿನ್ತಿ ಆರಾಮೋ, ಣೋ। ಉಪಗತಂ, ಉಪರೋಪಿತಂ ವಾ ವನಂ ಉಪವನಂ।
೫೩೮. ಸಬ್ಬಸಾಧಾರಣಂ ಸಬ್ಬಲೋಕೇಹಿ ಸಾಧಾರಣೋಪಭೋಗಂ ರಞ್ಞಂ ರಾಜೂನಂ ಅರಞ್ಞಂ ‘‘ಉಪವನಂ, ಉಯ್ಯಾನ’’ಮಿತ್ಯುಚ್ಚತೇ, ಉಲ್ಲೋಕೇನ್ತಾ ಉಯ್ಯಾನಂ, ಯು। ಆಕೀಳೋಪ್ಯತ್ರ।
ತದೇವ ರಾಜೋಪವನಮೇವ ಉಪಕಾರಿಕಾಸನ್ನಿಹಿತಂ, ಪುರಸನ್ನಿಹಿತಂ ವಾ ಅನ್ತೇಪುರಾಚಿತಂ ಪಮದವನಾಖ್ಯಂ। ಯತ್ರ ಅನ್ತೇಪುರಸಹಿತೋ ಏವ ರಾಜಾ ವಿಹರತಿ, ನಾಞ್ಞಜನಪ್ಪವೇಸೋ। ಪಮದಾನಂ ಇತ್ಥೀನಂ ವನಂ ಪಮದವನಂ, ರಸ್ಸೋ।
೫೩೯-೫೪೦. ಸಾನ್ತರಾಳಾ ಪನ್ತಿ, ಯಥಾ – ತರುಪನ್ತಿ, ಪಾಸಾದಪನ್ತಿ, ನಿರನ್ತರಾಳಾ ತು ರಾಜೀತಿ। ತತ್ರ ಪಞ್ಚಕಂ ಪನ್ತಿಯಂ। ಪನ ಬ್ಯವಹಾರೇ, ಥುತಿಮ್ಹಿ ಚ, ಪನ್ತಿ। ವೀ ಗಮನೇ, ಥಿ, ವೀಥಿ। ವಲ ಸಂವರಣೇ, ಇ, ಆವಲಿ। ಆಲಿಪಿ, ಅಲಧಾತುಮ್ಹಾ ಇ। ಸಿ ಸೇವಾಯಂ, ಣಿ, ಸೇಣಿ। ಪಾ ರಕ್ಖಣೇ, ಳಿ, ಪಾಳಿ, ಸೋಗತೇಪಿ। ದ್ವೇ ಸಮಾ। ಲಿಖ ಲೇಖನೇ, ಅ। ರಾಜ ದಿತ್ತಿಯಂ, ಇ।
ತಿಪಾದಂ ರುಕ್ಖಮತ್ತೇ। ಪಾದೇನ ಮೂಲೇನ ಪಿವತೀತಿ ಪಾದಪೋ, ಣೋ। ವಿಟಪಯೋಗಾ ವಿಟಪೀ। ರುಕ್ಖ ವರಣೇ, ಅ, ರುಹ ಜನನೇ ವಾ, ಖೋ, ಹಸ್ಸ ಕೋ। ನ ಗಚ್ಛತೀತಿ ಅಗೋ। ಸಲ ಗಮನೇ, ಣೋ, ಸಾರವನ್ತತಾಯ ವಾ ಸಾರೋ, ಸೋ ಏವ ಸಾಲೋ, ಅಞ್ಞತ್ರೋಪಚಾರಾ। ಮಹಿಯಂ ರುಹತೀತಿ, ಅ। ದು ಗತಿಯಂ, ಮೋ। ತರ ತರಣೇ, ಉ। ಕುತೋ ಭೂಮಿತೋ ಜಾಯತೀತಿ ಕುಜೋ, ಅಙ್ಗಾರೇಪಿ। ಸಾಖಾಯೋಗತೋ ಸಾಖೀ।
ಗಮು ಖುದ್ದಪಾದಪೋ। ಯೇ ರುಕ್ಖಾ ಪುಪ್ಫಂ ವಿನಾ ಅಪುಪ್ಫಕಾ ಫಲನ್ತಿ, ತೇ ಅಸ್ಸತ್ಥೋದುಮ್ಬರಪನಸಾದಯೋ ‘‘ವನಪ್ಪತೀ’’ತಿ ವುಚ್ಚನ್ತಿ, ವನಾನಂ ಪತಿ ವನಪ್ಪತಿ। ಪುಪ್ಫತೋ ಜಾತಫಲಾ ಪನ ಅಮ್ಬಖಜ್ಜೂರಾದಯೋ ವಾನಪ್ಪತಯೋ। ವನಪ್ಪತಿಮ್ಹಿ ಭವಾ ವಾನಪ್ಪತಯೋ।
೫೪೧. ಯೋ ಫಲಪಾಕಾವಸಾನೇ ಮರತಿ, ಸೋ ಕದಲೀಧಞ್ಞಾದಿಕೋ ಓಸಧಿ ನಾಮ ಭವೇ, ಓಸೋ ಧೀಯತೇ ಯಸ್ಸಂ ಓಸಧಿ, ಇ। ಸಾಸದ್ದೋ ಓಸಧಿಸದ್ದಸ್ಸ ಇತ್ಥಿಲಿಙ್ಗತ್ತದೀಪಕೋ।
ದ್ವಯಂ ಉತುಪ್ಪತ್ತೇಪಿ ಫಲಹೀನೇ। ವನ ಯಾಚನೇ, ಝೋ, ವಞ್ಝಾ, ವಧತಿ ಫಲನ್ತಿ ವಾ ವಞ್ಝಾ, ವಜಾದಿನಾ ಯೋ, ಝಸ್ಸ ಝೋ, ನಿಗ್ಗಹೀತಾಗಮೋ ಚ। ನ ವಿಜ್ಜತಿ ಫಲಮೇತಿಸ್ಸಾತಿ ಅಫಲಾ, ದ್ವೇ ತೀಸು। ತಿಕಂ ವತ್ತಮಾನಫಲೇ ರುಕ್ಖಾದೋ। ಫಲಯೋಗಾ, ಇನೋ, ವನ್ತು, ಈ ಚ।
೫೪೨. ಚತುಕ್ಕಂ ವಿಕಸಿತೇ। ಫುಲ್ಲ ವಿಕಸನೇ, ಕತ್ತರಿ ತೋ, ಸಞ್ಜಾತತ್ಥೇ ವಾ ಇತೋ, ಫಲ ವಿಸರಣೇ ವಾ, ವಿಸರಣಂ ವಿಕಾಸೋ, ಅಸ್ಸು। ಕಚ ಬನ್ಧನೇ, ವಿಪುಬ್ಬೋ ವಿಕಸನೇ, ಕತ್ತರಿ ಅ ವಿಕಚೋ, ಅ, ವಿಸದ್ದೋ ವಿಸಿಲೇಸಜೋತಕೋ। ಕಸ ಗಮನೇ, ತೋ। ದಲಾನಂ ಅಞ್ಞಮಞ್ಞಂ ವಿಸಿಲೇಸತೋ ಸಮುದಾಯೋ ‘‘ವಿಕಸಿತೋ’’ತ್ಯುಚ್ಚತೇ। ಫುಟೋಪ್ಯತ್ರ। ಫುಟ ವಿಕಸನೇ।
ಪಾದೋ ರುಕ್ಖಗ್ಗೇ। ‘‘ನ ನಾ’ಗ್ಗಂ ಸಿಖರಂ ಸಿರೋ’’ತಿ ವೋಪಾಲಿತವಚನತೋ ‘‘ಸಿರಸೋ ಅಗ್ಗ’’ನ್ತಿ ನ ಛಟ್ಠೀಸಮಾಸೋ। ಸಿರೋ ವುತ್ತೋ। ಅಜ ಗಮನೇ, ಗೋ, ಅಗ್ಗಂ, ಸೇಟ್ಠೇ ತೀಸು। ಸೀ ಸಯೇ, ಖರೋ, ಸಿಖಾ ವಾ ಚೂಳಾ, ಸಾ ವಿಯ ಜಾಯತೀತಿ ಸಿಖರೋ। ದ್ವಯಂ ಸಾಖಾಯಂ। ಸಾಖ ಬ್ಯಾಪನೇ, ಅ। ‘‘ಲತಾ ವಲ್ಲೀ ಸಮಾಖ್ಯಾತಾ, ಲತಾ ಸಾಖಾ ಚ ಸಾಖಿನ’’ನ್ತಿ ಲತಾ ನಾನತ್ಥಾ। ಲಾ ಆದಾನೇ, ತೋ, ರಸ್ಸೋ।
೫೪೩. ಛಕ್ಕಂ ಪತ್ತೇ। ದಲತಿ ವಿಕಸತೀತಿ ದಲಂ, ಅ। ಲಸ ಕನ್ತಿಯಂ, ಪಕಾರೇನ ಲಸತೀತಿ ಪಲಾಸೋ, ಣೋ। ಛದ ಸಂವರಣೇ, ಛಾದೀಯತೇ ಯೇನ ಛದನಂ, ಯು। ಪೂರಯತೀತಿ ಪಣ್ಣಂ, ನಿಪಾತನಾ, ಪತ ಅಧೋಗಮನೇ ವಾ, ಪತತ್ಯಚಿರೇನ ಪಣ್ಣಂ, ಪತ್ತಞ್ಚ, ತೋ, ಪುಮೇ। ಸಞ್ಞಾಯಂ ಣಮ್ಹಿ ಛದೋ।
ದ್ವಯಂ ಪತ್ತಾದಿಸಙ್ಘಾತವತಿ ಸಾಖಾಯ ಪಬ್ಬೇ। ಪಲ್ಲ ಗಮನೇ, ಅವೋ। ಕಿಸ ಗಮನೇ, ಯೋ, ಲಾಗಮೋ ಮಜ್ಝೇ। ದ್ವಯಂ ಅಙ್ಕುರೇ। ನವೋ ಏವ ಉಬ್ಭಿತೋ ಉಗ್ಗತೋ ನವುಬ್ಭಿನ್ನೋ। ಅಙ್ಕ ಲಕ್ಖಣೇ, ಉರೋ।
೫೪೪. ಪಕ್ಕಂ ಯಾವ ಪಾದೇನ ನಾಮಂ। ವಿಕಾಸೋ ಮುಖಪಬುದ್ಧಕಲಿಕಾಯಂ ಮಕುಳಾದಿದ್ವಯಂ। ಮುಚ ಮೋಚನೇ, ಉಲೋ, ಉಸ್ಸತ್ತಂ, ಚಸ್ಸ ಕೋ, ಮಕುಳಂ, ಮಕುಳೋ ವಾ। ಕುಟ ಛೇದನೇ, ಮಲೋ, ಅಸ್ಸು, ಕುಟುಮಲೋ, ಕುತುಮಲೋಪಿ। ಪುಪ್ಫಸ್ಸ ಚ ಫಲಸ್ಸ ಚ ಪಕತಿಭೂತೇ ಖಾರಕಾದಿದ್ವಯಂ। ಖುರ ವಿನಾಸೇ। ಣ್ವು। ಜಲ ಧಞ್ಞೇ, ಸಕತ್ಥೇ ಕೋ। ಜಾಲಕಂ ನಪುಂಸಕೇ। ದ್ವಯಂ ಜಾಲಕತೋ ಪವುದ್ಧೇ ಪುಪ್ಫೇ, ಫಲೇ ಚ। ಕಲ ಸಙ್ಖ್ಯಾನೇ, ಣ್ವು, ಕುರ ಸದ್ದೇ, ಣ್ವು।
ಪುಪ್ಫಾದಿಬನ್ಧನಂ ಪುಪ್ಫಫಲಾನಂ ಬನ್ಧನಂ ವಣ್ಟಂ ನಾಮ। ಬನ್ಧೀಯತೇ ಯೇನ ವಣ್ಟಂ, ವಜಾದಿ।
೫೪೫. ತಿಕಂ ಪುಪ್ಫೇ। ಪಸು ಪಾಣಿಗಬ್ಭವಿಮೋಚನೇ, ಣೋ। ಖಪಣಕಭಾಸಾಯ ರುಕ್ಖೋಪಿ ಪಾಣಿ, ವುದ್ಧಾದಿ, ಪಸವೋ। ಕುಸ ಅಕ್ಕೋಸೇ, ಉಮೋ, ಕಸ ಗಮನೇ ವಾ, ಕಾಸ ದಿತ್ತಿಯಂ ವಾ, ಉಮೋ, ರಸ್ಸೋ। ಪುಪ್ಫ ವಿಕಸನೇ, ಪುಪ್ಫತೀತಿ, ಅ। ಪುಪ್ಫಜೋ ರಜೋ ಪುಪ್ಫಧೂಲೀ ಪರಾಗೋ ನಾಮ, ರನ್ಜ ರಙ್ಗೇ, ಣೋ।
ಮಧುರಪುಪ್ಫರಸೋ ಮಕರನ್ದೋ ನಾಮಾತಿ ಮತಂ। ಮಕ್ಖಿಕಾ ರಮನ್ತಿ ಯಸ್ಮಿಂ ಮಕರನ್ದೋ, ವಜಾದಿ। ದ್ವಯಂ ಕಲಿಕಾಭಿ ಆಕಿಣ್ಣೇ ಪರಿಣಾಯವತಿ। ಥು ಅಭಿತ್ಥವೇ, ಣ್ವು, ಥವಕೋ। ಗುಧ ಪರಿವೇಧನೇ, ಣ್ವು, ಧಸ್ಸ ಛೋ, ಗೋಚ್ಛಕೋ।
೫೪೬-೫೪೭. ಆಮೇ ಅಪಕ್ಕೇ ಫಲೇ ಸಲಾಟು ಉತ್ತೋ, ಸಲಾಟ ಬಾಲ್ಯಪರಿಭಾಸನೇಸು, ಉ, ವಿಜ್ಜಮಾನಬಾಲ್ಯತಾಯ ಸಲಾಟು ಫಲ ನಿಪ್ಫತ್ತಿಯಂ, ನಿಪ್ಫತ್ತಿ ಚಾತ್ರ ಸುಪಕ್ಕತ್ತಂ, ಸುಕ್ಖೇ ತು ಫಲೇ ವಾನೋ। ತತ್ರ ಸಲಾಟು ವಾನಾ ತೀಸು, ಯಥಾ ಸಲಾಟು ಜಮ್ಬೂ, ಸಲಾಟವೋ ಮಾಸಾ, ಸಲಾಟೂನಿ ಕುಮ್ಭಣ್ಡಾನಿ, ವಾನಾ ಹರೀಟಕೀ, ವಾನೋ ಮುಗ್ಗೋ, ವಾನಮಮ್ಬಂ।
ಚಮ್ಪಕಾದಿ ಚಮ್ಪಕಂ ಕರವೀರಂ ಕದಮ್ಬಕಂ ಅಸೋಕಂ ಕಣ್ಣಿಕಾರಂ ಚಮ್ಪಕಾದೀನಂ ಪುಪ್ಫಂ ವಿಕಾರೋ, ಅವಯವೋ ಚೇತಿ ಅಞ್ಞತ್ಥೇ ಣೋ ನ ಭವತಿ, ತದನ್ತತೋ ಪುಪ್ಫಸ್ಸುಪ್ಪತಿತತೋ, ಏವಂ ಚಮ್ಪಕಾದೀನಿ ಕುಸುಮನಾಮಾನಿ ನಪುಂಸಕೇ ವತ್ತನ್ತಿ, ಅಮ್ಬಾದಿ ದಾಳಿಮಂ ನಾರಙ್ಗಂ ಆಮಲಕಂ ಕುವಲಂ ಬದರನ್ತಿ ಪಕತ್ಯನ್ತರಮೇವ ಫಲೇ ವತ್ತತೇ, ಆಮಲಕಿಯಾ ಕುವಲಿಯಾ ಬದರಿಯಾ ಫಲಂ ವಿಕಾರೋ, ಅವಯವೋ ಚೇತಿ ಅಞ್ಞತ್ಥೇ ತದ್ಧಿತೋಪಿ ನೋಪ್ಪಜ್ಜತೇ, ತದನ್ತತೋ ಫಲಸ್ಸುಪ್ಪತಿತತೋ, ಏವಂ ಅಮ್ಬಾದೀನಿ ಫಲನಾಮಾನಿ ನಪುಂಸಕೇ ವತ್ತನ್ತಿ। ಮಲ್ಲಿಕಾದಯೋ ಕುಸುಮೇಪಿ ವತ್ತಮಾನಾ ಸಲಿಙ್ಗಾ ಪಕತಿಲಿಙ್ಗಾಅಭೇದೋಪಚಾರೇನ ಪವತ್ತಿಯಾ, ಯಥಾ – ಮಲ್ಲಿಕಾ ಜಾತಿ, ವನಮಲ್ಲಿಕಾ ಇಚ್ಚಾದಿ। ವೀಹಯೋಪ್ಯಭೇದೋಪಚಾರೇನ ಫಲೇಪಿ ಸಲಿಙ್ಗಾ, ಯಥಾ ಮಾಸಸ್ಸ ಫಲಂ ಮಾಸೋ, ಮುಗ್ಗಸ್ಸ ಫಲಂ ಮುಗ್ಗೋ, ಏವಂ ಯವೋ, ತಿಲೋ, ಅತಸೀ, ಕಙ್ಗು, ಧಞ್ಞಂ।
ತಿಕಂ ಜಮ್ಬುಯಾ ಫಲೇ। ತತ್ರ ಯದಾ ಲೋಕತೋ ಫಲೇ ವುತ್ತಿ, ತದಾ ಜಮ್ಬುಸದ್ದೋ ಪಕತ್ಯನ್ತರಮೇವ ಫಲೇ ವತ್ತತೇ, ಯದಾ ನ ಫಲವುತ್ತಿ, ತದಾ ವಿಕಾರೇ ಅವಯವೇ ವಾನೋ, ಜಮ ಅದನೇ, ಬೂ, ಜಮ್ಬೂ, ಪಕತ್ಯನ್ತರಾಫಲೇ ವುತ್ತಿ। ಜಮ್ಬುಯಾ ಫಲಂ ಜಮ್ಬುವಂ। ಜಮ್ಬು ಚ। ಲೋಕತೋ ಏವ ಫಲೇಪಿ ವತ್ತಮಾನಾ ಹರೀಟಕ್ಯಾದಯೋ ಸಭಾವತೋ ಇತ್ಥಿಯಂ ಭವನ್ತಿ ಅಸ್ಸತ್ಥಂ, ವೇಣುನೋ ಫಲಂ ವೇಣವಂ, ಪಿಲಕ್ಖಸ್ಸ ಫಲಂ ಪಿಲಕ್ಖಂ, ನಿಗ್ರೋಧಸ್ಸ ಫಲಂ ನಿಗ್ರೋಧಂ, ಇಙ್ಗುದಿಯಾ ಫಲಂ ಇಙ್ಗುದಂ, ಬ್ರಹತಿಯಾ ಫಲಂ ಬ್ರಾಹತಂ, ವಿದಾರೀ ಅಂಸುಮತೀ ಗಮ್ಭರಿಯಾದಯೋ ಮೂಲೇ, ಪುಪ್ಫೇಪಿ ಸಲಿಙ್ಗಾ ಪಾಟಲಾಸದ್ದೋ ಪನ ಅಭೇದವತ್ತಿಚ್ಛಾಯಂ ಮೂಲೇ ಪುಪ್ಫೇಪಿ ವತ್ತಮಾನೋ ಸಭಾವತೋ ಇತ್ಥಿಲಿಙ್ಗೋ, ಭೇದವತ್ತಿಚ್ಛಾಯಂ ವಿಕಾರೇ ಅವಯವೇ ವಾ ಣಮ್ಹಿ ಪಾಟಲಂ ವಿಟ ವೇಧನೇ, ವಿಟ ಅಕ್ಕೋಸೇ ವಾ, ಅಪೋ, ಪಸ್ಸ ಭತ್ತೇ ವಿಟಭೀ, ನದಾದಿ।
೫೪೮. ಮೂಲಮಾರಬ್ಭ ಮೂಲತೋ ಪಟ್ಠಾಯ ಸಾಖನ್ತೋ ಸಾಖಾವಧಿ ತರುಸ್ಸ ಭಾಗೋ ಖನ್ಧೋ ನಾಮ, ಯೋ ‘‘ಪಕಣ್ಡೋ’’ತಿಪಿ ವುಚ್ಚತಿ, ಖನು ಅವದಾರಣೇ, ಧೋ, ಖನ್ಧೋ, ಖಾದ ಭಕ್ಖನೇ ವಾ, ಕೋ, ‘‘ಖಾದಾಮಗಮಾನಂ ಖನ್ಧನ್ಧಗನ್ಧಾ’’ತಿ ಖನ್ಧಾದೇಸೋ, ಕಲೋಪೋ।
ರುಕ್ಖಚ್ಛಿದ್ದೇ ರುಕ್ಖಾದೀನಂ ವಿವರೇ ಕೋಟರೋ। ಕುಟ ಛೇದನೇ, ಅರೋ, ಕೋಟರೋ, ನಿಕ್ಕುಹೋಪಿ। ದ್ವೇ ಸಮಾ। ಕಾಸ ದಿತ್ತಿಯಂ, ಕಾಸತೇ ಅಗ್ಗಿನಾ ದಿಪ್ಪತೇತಿ ಕಟ್ಠಂ, ತೋ, ತಸ್ಸ ಟ್ಠೋ, ರಸ್ಸೋ ಚ, ಕಸ ಗಮನೇ ವಾ, ತೋ, ಕಟ್ಠಂ। ದರ ವಿದಾರಣೇ, ಣು।
೫೪೯. ತಿಕಂ ಮೂಲೇ। ವು ಸಂವರಣೇ, ದೋ, ನಿಗ್ಗಹೀತಾಗಮೋ, ಬುಧ ಗಮನೇ ವಾ, ಅ, ಧಸ್ಸ ದೋ। ಮೂಲ ಪತಿಟ್ಠಾಯಂ, ಣೋ, ಪಾದಸದ್ದೇನ ಪಾದೋ, ದ್ವಯಂ ಛಿನ್ನಸ್ಸ ತರುಕ್ಖನ್ಧಸ್ಸ ಭೂಮಿಟ್ಠಭಾಗೇ। ಸಙ್ಕ ಸಙ್ಕಾಯಂ, ಉ, ಸಕ ಸತ್ತಿಯಂ ವಾ, ನಿಗ್ಗಹೀತಾಗಮೋ। ಖನು ಅವದಾರಣೇ, ಣು, ಖಾಣು। ಧುವೋಪಿ, ಧುವತಿ ಥಿರಾಯತೇತಿ ಧುವೋ, ಧು ಗತಿಥೇರಿಯೇಸು, ಅ, ಉವಾದೇಸೋ।
ದ್ವಯಂ ವಿದಾರಿಯಾದೀನಂ ಕನ್ದೇ। ಕುಯಂ ಪಥವಿಯಂ ರುಹತೀತಿ ಕುರುಹಾಟಂ, ಅಟೋ, ಕನ್ದ ಅವ್ಹಾನೇ, ರೋದನೇ ಚ, ‘‘ಕರಹಾಟೋ’ಮ್ಬುಜಕನ್ದೇ, ಪುಪ್ಫರುಕ್ಖಭೀತೇಸು ಚೇ’’ತಿ ನಾನತ್ಥಸಙ್ಗಹೇ। ದ್ವಯಂ ಹಲಾದೀನಂ ಕಲೀರೇ। ಕಲ ಸಙ್ಖ್ಯಾನೇ, ಈರೋ। ಮಸ ಆಮಸನೇ, ಥಕೋ, ಮತ್ಥಕೇ ಸೀಸೇ ವಾ ಜಾತೋ ಮತ್ಥಕೋ।
೫೫೦. ದ್ವೇ ಸಮಾ। ಅಭಿನವನಿಗ್ಗತಾ ಆಯತಾ ಸಕುಸುಮಾ, ಕುಸುಮಸುಞ್ಞಾ ಚ ಮಞ್ಜರೀ, ವಲ್ಲರೀ ತು ತದಞ್ಞಾಪಿ, ಯಥಾ ತಾಲವಲ್ಲರೀ, ವಲ, ವಲ್ಲ ಸಂವರಣೇ, ಅರೋ, ನದಾದಿ। ಮುಞ್ಜಯೋಗತೋ ಮಞ್ಜರೀ, ರೋ, ನದಾದಿ, ಉಸ್ಸತ್ತಞ್ಚ, ದ್ವೇಪಿ ನಾರೀ। ದ್ವಯಂ ಲತಾಯಂ। ವಲ್ಲ ಸಂವರಣೇ, ನದಾದಿ। ಲತಾ ವುತ್ತಾ, ‘‘ಲತಾ ಪತಾನಿನೀ ವಲ್ಲೀ ಮತಕೀಥಾ’’ತಿ ಹಲಾಯುಧೋ।
ಅಕ್ಖನ್ಧೋ ಅಪ್ಪಕ್ಖಣ್ಡೋ, ಬಹುಪತ್ತತಚದಣ್ಡಿಕಾದಿ। ಯೋ ವಾ ತನುಪಕಣ್ಡೋ ವಂಸನಳಾದಿ, ಸೋ ‘‘ಥಮ್ಬೋ, ಗುಮ್ಬೋ’’ತಿ ಚೋಚ್ಚತೇ, ಥಕ ಸಂವರಣೇ, ಬೋ, ಕಸ್ಸ ಮೋ। ಗುಪ ರಕ್ಖಣೇ, ಬೋ, ಪಸ್ಸ ಮೋ। ಪತಾನೋ ಸಾಖಾಪತ್ತಚಯೋ, ತೇನ ಯುತ್ತಾ ಗೋರಕ್ಖಾ ವೀರು ನಾಮ, ವಿವಿಧೇಹಿ ರುಹತೀತಿ ಕತ್ವಾ, ಕ್ವಿ, ವೀರು, ದೀಘಾದಿ, ಗುಮ್ಬಿನೀಪಿ।
೫೫೧. ಪಜ್ಜೇ ಪಾದೇನ ನಾಮಂ। ಯತ್ರ ದ್ವಯಂ ‘‘ಬೋಧಿರುಕ್ಖೋ’’ತಿ ಸಞ್ಞಿತೇ ಬುದ್ಧಸ್ಸ ಭಗವತೋ ಸಬ್ಬಞ್ಞುತಞ್ಞಾಣಪ್ಪಟಿಲಾಭಟ್ಠಾನಭೂತೇ ದುಮರಾಜೇ, ಅಞ್ಞತ್ರ ತೂಪಚಾರಾ। ಅಸ್ಸಂ ಸಬ್ಬಞ್ಞುತಞ್ಞಾಣಂ ತಿಟ್ಠತಿ ಏತ್ಥಾತಿ ಅಸ್ಸತ್ಥೋ, ಠಸ್ಸ ಥೋ, ದ್ವಿತ್ತಂ, ಮಾರವಿಜಯಸಬ್ಬಞ್ಞುತಞ್ಞಾಣಪ್ಪಟಿಲಾಭಾದಿಕೇಹಿ ಭಗವನ್ತಂ ಅಸ್ಸಾಸೇತೀತಿ ವಾ ಅಸ್ಸತ್ಥೋ, ಆಪುಬ್ಬೋ ಸಾಸ ಅನುಸಿಟ್ಠಿಯಂ, ತೋಸನೇ ಚ ವತ್ತತಿ, ತೋ, ರಸ್ಸೋ। ಸಬ್ಬಞ್ಞುತಞ್ಞಾಣಂ ಬುಜ್ಝತಿ ಏತ್ಥಾತಿ ಬೋಧಿ, ಬುಧ ಅವಗಮನೇ, ಇ, ಬೋಧಿ, ದ್ವೀಸು। ಚಲದಲೋ, ಪಿಪ್ಪಲೋ, ಕುಞ್ಜರಾಸನೋಪಿ। ದ್ವಯಂ ಬಹುಪಾದೇ। ಅಧೋಭಾಗಂ ರುನ್ಧತೀತಿ ನಿಗ್ರೋಧೋ, ಉಸ್ಸೋ, ಗಾಗಮೋ ಚ। ವಟ ವೇಧನೇ, ವಟತೀತಿ, ಅ।
ದ್ವಯಂ ಕಬಿಟ್ಠೇ। ಕವಿಮ್ಹಿ ವಾನರೇ ತಿಟ್ಠತೀತಿ ಕಬಿಟ್ಠೋ ವೋಪಾಲಿತೋ, ತಥಾ ಕಪಿತ್ಥೋ, ತೋ, ಠಸ್ಸ ಥೋ ಚ। ದಧಿತ್ಥೋ, ಅಮ್ಬಿಲಫಲೋಪಿ। ದ್ವಯಂ ಉದುಮ್ಬರೇ। ಯಞ್ಞಕಮ್ಮಾನಮಙ್ಗೋ ಏಕಙ್ಗತ್ತಾ ಯಞ್ಞಙ್ಗೋ, ದುಬ್ಬೀ ಹಿಂಸಾಯಂ, ಅರೋ, ನಿಗ್ಗಹೀತಾಗಮೋ, ಏಕಸ್ಸ ಬಸ್ಸ ಲೋಪೋ ಚ। ಜನ್ತುಫಲೋ ಹೇಮದುದ್ಧೋಪಿ।
೫೫೨. ದ್ವಯಂ
‘‘ಸುಕಪದಾಚ್ಛರೋ ಚಮ್ಪೋ,
ಕೋವಿಳಾರೋ ತು ಕಞ್ಚನೋ।
ಪುಬ್ಬೋ ಸಿತೋ ಪರೋ ರತ್ತೋ,
ಯುಗಪತ್ತಾ ಉಭೋಪಿತೇ’’ತಿ
ಹಿ ರತನಕೋಸೋ, ಕಞ್ಜನಾಲಕೋಪ್ಯತ್ರ। ಯುಗಂ ಯಮಕಂ ಪತ್ತಮಸ್ಸ।
ತಿಪಾದಂ ಉದ್ದಾಲೇ। ವಾತಂ ಉದ್ದಾಲತೀತಿ ಉದ್ದಾಲೋ। ಸಿಙ್ಗಾರಾದೀನಂ ಸಞ್ಞಾವಸೇನ ರುಕ್ಖಾನಂ ರಾಜಾ ರಾಜರುಕ್ಖೋ, ವಾತರೋಗಹನನೇ ರಾಜಭೂತೋ ರುಕ್ಖೋ ವಾ ರಾಜರುಕ್ಖೋ। ಕತಾ ಮಾಲಾ ಅಸ್ಸ ಪುಪ್ಫೇಹೀತಿ ಕತಮಾಲೋ, ಸಿಙ್ಗಾರಪ್ಪಕಾಸೋ। ಇನ್ದತಿ ಪರಮಿಸ್ಸರಿಯಂ ಕರೋತಿ ವಾತಹನನೇತಿ ಇನ್ದೀವರೋ, ಈವರೋ, ಇನ್ದಿಯಾ ಸಕ್ಕಸ್ಸ ಭರಿಯಾಯ ಇಚ್ಛಿತಬ್ಬತ್ತಾ ವಾ ಇನ್ದೀವರೋ। ಚತುರಙ್ಗುಲೋ, ಆರೇವತೋ, ಸುವಣ್ಣಕೋಪಿ।
೫೫೩. ದ್ವಯಂ ಜಮ್ಭೀರೇ, ಯಸ್ಸ ಫಲಮಮ್ಬಿಲಂ ಹೋತಿ। ಅಮ್ಬಿಲತ್ತಾ ದನ್ತಸ್ಸ ಸಠೋ ದನ್ತಸಠೋ। ಸಠ ಕೇತವಹಿಂಸಾಸಂಕಿಲೇಸೇಸು, ಅ। ಜಮು ಅದನೇ, ಈರೋ, ಭನ್ತೋ ಚ, ಜಮ್ಭ ಗತ್ತವಿನಾಮೇ ವಾ, ಜಮ್ಭೋ, ಜಮ್ಭಲೋ, ಜಮ್ಬೀರೋಪಿ। ದ್ವಯಂ ವರಣೇ। ವರ ಇಚ್ಛಾಯಂ ಕಲ ಸಙ್ಖ್ಯಾನೇ, ಇರೋ, ನದಾದಿ, ರಸ್ಸನ್ತೋ। ವರುಣೋ, ತಿತ್ತಸಾಕೋಪಿ।
ದ್ವಯಂ ಫಲಹರೇ। ‘‘ಕೋ ಅಯಂ, ಸುಕೋ’’ತಿ ವಿಮತುಪ್ಪತ್ತಿಕರಪತ್ತಕುಸುಮತಾಯ ಕಿಂಸುಕೋ। ಪಾರಿ ಸಮುದ್ದೋ, ತತ್ರ ಭದ್ದೋ ಪಾರಿಭದ್ದೋ, ಸೋ ಏವ ಪಾಳಿಭದ್ದೋ, ಕೋವಿಳಾರೋ, ತಂಸಣ್ಠಾನಪತ್ತಕುಸುಮತಾಯ ಪಾಳಿಭದ್ದೋ। ದ್ವಯಂ ವಿದುಲೇ, ಯೋ ಅಬ್ಭಸಮಯೇ ಪುಪ್ಫತಿ। ವಜ ಗಮನೇ, ಉಲೋ। ವೀ ಪಜನೇ, ಅಸೋ, ತೋನ್ತೋ ಚ, ವಿಪುಬ್ಬೋ ಅತ ಸಾತಚ್ಚಗಮನೇ ವಾ, ಅಸೋ। ವಾನೀರೋಪಿ।
೫೫೪. ದ್ವಯಂ ಪೀತನೇ, ಯಸ್ಸ ಪತ್ತಫಲಾನಿ ಅಮ್ಬಿಲಾನಿ, ಪೂಗಫಲಪ್ಪಮಾಣಞ್ಚ ಫಲಂ, ಸಲ್ಲಕೀರುಕ್ಖಸಣ್ಠಾನೋ ಚ, ಸೋ ರುಕ್ಖೋ। ಅಮ್ಬ ಸದ್ದೇ, ಅಟೋ, ಸಕತ್ಥೇ ಕೋ। ಪೀ ತಪ್ಪನಕನ್ತೀಸು, ತನೋ, ಪೀತಿಂ ವಾ ತನೋತೀತಿ ಪೀತನೋ, ಸಕತ್ಥೇ ಕೋ। ದ್ವಯಂ ಗುಳಪುಪ್ಫೇ। ಮನ ಞಾಣೇ, ಕೋ, ಮಧ್ವಾದೇಸೋ ಚ। ಮಧುನಾಮೋ ದುಮೋ ಮಧುದ್ದುಮೋ। ದ್ವಯಂ ‘‘ಲಮ್ಬೂ’’ತಿ ಖ್ಯಾತೇ। ಗುಳೋ ವಿಯ ಸಾತೇನ ಫಲಮಸ್ಸ ಗುಳಫಲೋ। ಪೀಲ ಪತಿತ್ಥಮ್ಭೇ, ಉ। ದ್ವಯಂ ತಿಕ್ಖಗನ್ಧೇ। ಸೋಭಂ ಜನೇತೀತಿ ಸೋಭಞ್ಜನೋ, ಸೋಭಂ ವಿಸಞ್ಜನಮೇತೇನ ಹೇತುಭೂತೇನಾತಿ ವಾ ಸೋಭಞ್ಜನೋ। ವುತ್ತಞ್ಚ –
‘‘ಸಿರೀಸಪುಪ್ಫಸ್ಸ ರಸೇನ ಭಾವಿತಂ,
ಸಹಸ್ಸವಾರಂ ಮರೀಚಂ ಸಿತವ್ಹಯಂ।
ಏತೇನ ಸಮನ್ತಿ ವಿಸಾಹಿ ಸಮ್ಭವಾ,
ಕತಞ್ಜನಸ್ನೇಹನಪಾದನತ್ಥುತೋ’’ತಿ॥
ಸಿ ಸೇವಾಯಂ, ವಿದ್ಧವಿನಾಸನತ್ಥಂ ಸೇವೀತೇತಿ ಸಿಗ್ಗು, ಗು, ಥೀ। ಚಿತ್ತಹಾರೀ, ಪಭಞ್ಜನೋ, ವಿದ್ಧವಿನಾಸನೋಪಿ।
೫೫೫. ದ್ವಯಂ ಸತ್ತಪಣ್ಣೀ ಪುಮೇ। ಛತ್ತಮಿವ ಪಣ್ಣಮಸ್ಸ ಛತ್ತಪಣ್ಣೋ। ವಿಸಮಚ್ಛದೋಪಿ, ಸತ್ತಪಣ್ಣತ್ತಾ ವಿಸಮಚ್ಛದೋ। ದ್ವಯಂ ರಥದ್ದುಮೇ। ರಥಂ ತನೋತಿ ಯೇನ ತಿನಿಸೋ, ಇಸೋ। ಅತಿಪಮುಚ್ಚತಿ ದಾಹಪಿತ್ತಮನೇನೇತಿ ಅತಿಮುತ್ತಕೋ। ಚಿತ್ತಕಿಪಿ।
ದ್ವಯಂ ವಾತಪೋಥೇ, ಪಂ ವಾತಂ ಲುನಾತೀತಿ ಪಲಾಸೋ, ಅಸೋ। ‘‘ಪತ್ತೇ ಪಲಾಸಂ ಸೋ ರುಕ್ಖೇ, ಪೀತಹರಿತಕಿಂ ಸುಕೇ’’ತಿ ಹಿ ರುದ್ದೋ। ವಾತಪೋಥೋಪಿ, ವಾತಸ್ಸ ಪೋಥೋ ವಾತಪೋಥೋ, ಪುಥ ಹಿಂಸಾಯಂ।
ದ್ವಯಂ ‘‘ಪುತೀತಿ’’ ಖ್ಯಾತೇ। ಹತಜನ್ತುಪಮೋಹಸಙ್ಖಾತಾರಿಫಲತಾಯ ಅರಿಟ್ಠೋ, ನಿಪಾತನಾ ಹನ್ತಿಸ್ಸ ಟ್ಠೋ, ತಂರೋಗಾರಿವನ್ತಜನೇಹಿ ಇಚ್ಛಿತಬ್ಬಫಲತ್ತಾ ವಾ ಅರಿಟ್ಠೋ, ಇಸು ಇಚ್ಛಾಯಂ। ಫಣ ಗತಿಯಂ, ಇಲೋ, ಅಸ್ಸೇ।
೫೫೬. ತಿಕಂ ಸಿರಿಫಲೇ। ಮಲ ಧಾರಣೇ, ಊರೋ। ಬಿಲ ಭೇದನೇ, ಣುವೋ, ಬೇಲುವೋ। ಲಪಚ್ಚಯೇ ಬಿಲ್ಲೋ। ಸಣ್ಡಿಲ್ಯೋ, ಸೇಲುಸೋಪಿ। ‘‘ಮುನಿಪ್ಪಭೇದೇ ಮಾಲೂರೇ, ಸಣ್ಡಿಲ್ಯೋ ಪಾದಪನ್ತರೇ, ನಟೇ ಬಿಲ್ಲೇ ಚ ಸೇಲುಸೋ’’ತಿ ರಭಸೋ।
ದ್ವಯಂ ಪುನ್ನಾಗೋ। ‘‘ಪುನ್ನಾಗೇ ಪುರಿಸೋ ತುಙ್ಗೋ, ಕೇಸರೋ ದೇವವಲ್ಲಭೋ’’ತಿ ಮರಸೀಹೋ, ದೀಘೋ, ‘‘ಪುಮಸ್ಸ ಲಿಙ್ಗಾದೀಸು ಸಮಾಸೇಸೂ’’ತಿ ಅಕಾರಲೋಪೋ ಚ। ಅತಿಸಯಪುಪ್ಫಕೇಸರವನ್ತತಾಯ ಕೇಸರೋ, ಕಿಸ ತನುಕರಣೇ ವಾ, ಅರೋ, ಪುಪ್ಫಕೇಸಯುತ್ತತಾಯ ವಾ ಕೇಸರೋ, ರೋ।
ದ್ವಯಂ ಲೋದ್ದಮತ್ತೇ। ಸಲ ಗಮನತ್ಥೋ, ಅವೋ। ರತ್ತಕಫಪಿತ್ತಸೋತೇ ಲುನಾತೀತಿ ಲೋದ್ದೋ, ದ್ದೋ। ತಿರಿಟೋ, ಸಾವರೋಪಿ। ‘‘ಸಾವರೋ ಅಪರಾಧೇ ಚ, ಲೋದ್ದೇ ಪಾಪೇ ಚ ಕಥ್ಯತೇ’’ ಜಯೋ। ದ್ವಯಂ ಧನುಪಟ್ಟೇ ಫಲಿನಿ। ಪೀ ಪಾನೇ, ಅಲೋ, ಈಸ್ಸ ಇಯಾದೇಸೋ। ಸನ್ನಕಾ ತಾಪಸಾ, ತೇಸಂ ದು ದುಮೋ ಸನ್ನಕದ್ದು, ‘‘ಸನ್ನಕದ್ದು ಚಾಪಪಟಾ, ವರಣೋ ತಾಪಸಪ್ಪಿಯೋ’’ತಿ ಕೋಸನ್ತರೇ।
೫೫೭. ದ್ವಯಂ ‘‘ಮ್ಹನಕೂ’’ಇತಿ ಖ್ಯಾತೇ। ಲಿಕುಚೋ ನಾಮ ಡಹುರುಕ್ಖೋ, ತಗ್ಗುಣತ್ತಾ ಲಿಕೋಚಕೋ, ಸಞ್ಞಾಯಂ ಕೋ। ಅಙ್ಕ ಲಕ್ಖಣೇ, ಓಲೋ, ಅಙ್ಕೋಲೋ। ದ್ವಯಂ ಕುಮ್ಭೇ। ರೋಗಹರಣೇ ಗರುನೋಪಿ ವೇಜ್ಜಸ್ಸ ಗರು ಗುಗ್ಗುಲು, ನಿಪಾತನಾ। ಕುಸ ಛೇದನೇ, ಣ್ವು। ಕುಮ್ಭೋ, ಪುರೋಪಿ।
‘‘ರಾಸಿಭೇದೇ ಗಜಮುದ್ಧಂಸೇ,
ಕುಮ್ಭಕಣ್ಣಸುಕೇ ಘಟೇ।
ಕಾಮುಕೇ ವಾರನಾರಿಯಞ್ಚ,
ಕುಮ್ಭೋ ಕ್ಲೀವನ್ತು ವಗ್ಗುಲುಮ್ಹೀ’’ತಿ
ರಭಸೋ। ಪುರ ಅಗ್ಗಗಮನೇ, ಣೋ, ಪುರೋ।
ದ್ವಯಂ ಅಮ ಗತಿಯಂ, ಬೋ, ಅಮ್ಬ ಸದ್ದೇ ವಾ, ಅ। ಚುತಿ ಆಸೇಚನೇ, ರಕ್ಖಣೇ ಚ, ಅ, ಚು ಚವನೇ ವಾ, ತೋ, ದೀಘಾದಿ। ರಸಾಲೋಪಿ, ರಸಂ ಲಾತೀತಿ ರಸಾಲೋ, ದೀಘೋ। ಏಸೋ ಅಮ್ಬೋ ಸುಗನ್ಧವಾ ಅತಿಸಯಗನ್ಧಯುತ್ತೋ ಸಮಾನೋ ‘‘ಸಹೋ, ಸಹಕಾರೋ’’ತಿ ಚೋಚ್ಚತೇ। ಸಹ ಸತ್ತಿಯಂ, ಸುಗನ್ಧಂ ಕತ್ತುಂ ಸಹತೀತಿ ಸಹೋ, ಅ। ಸಹನಂ ಸಹೋ, ತಂ ಕರೋತೀತಿ ಸಹಕಾರೋ, ಹಾ ವಾ ಪಮುದಾ, ತಾಯ ಸಹ ವತ್ತತೀತಿ ಸಹೋ, ಸಹಂ ಸಮುದಂ ಕರೋತೀತಿ ಸಹಕಾರೋ।
೫೫೮. ದ್ವಯಂ ಸೇತಮ್ಬೇ। ಪುಣ್ಡ ಪುಣ್ಡನೇ। ಪುಣ್ಡ ಖಣ್ಡನೇತ್ಯೇಕೇ, ಣ್ವು, ಅಸ್ಸೀ, ಅರಾಗಮೋ ಚ। ಸೇತವಣ್ಣೋ ಅಮ್ಬೋ ಸೇತಮ್ಬೋ। ದ್ವಯಂ ಬಹುವಾರಕೇ, ಯಸ್ಸ ಫಲಾನಿ ಅತಿಪಿಚ್ಛಿಲಾನಿ। ಸಿ ಬನ್ಧನೇ, ಲು, ಸಲ ಗಮನತ್ಥೋ ವಾ, ಉ, ಅಸ್ಸೇ। ಪಿಚ್ಛಿಲತ್ತಾ ಬಹೂನಿ ವಾರೀನಿ ಯಸ್ಮಿಂ ಬಹುವಾರಕೋ, ಸಞ್ಞಾಯಂ ಕೋ। ಸೀತೋ, ಉದ್ದಾಲೋ, ಕಫಲೋಪಿ।
ದ್ವಯಂ ಕಾಸ್ಮರಿಯಂ। ಸಿರಿಮನ್ತಾನಿ ಪಣ್ಣಾನಿ ಯಸ್ಸಾ ಸೇಪಣ್ಣೀ, ನದಾದಿ, ಸಿರೀಸದ್ದಸ್ಸ ಸೇ। ಕಸ್ಮೀರದೇಸಜತ್ತಾ ಕಾಸ್ಮರೀ, ಕಾಸ ದಿತ್ತಿಯಂ ವಾ, ಮರೋ, ನದಾದಿ। ಮಧುಪಣ್ಣೀ, ಭದ್ದಪಣ್ಣೀಪಿ। ದ್ವಯಂ ಸಕಣ್ಟಕಮ್ಬಿಲಫಲರುಕ್ಖೇ। ಸಕಣ್ಟಕತ್ತಾ ಕುಚ್ಛಿತಂ ಲಾತೀತಿ ಕೋಲೀ, ನದಾದಿ। ವದ ಥೇರಿಯೇ, ಅರೋ, ನದಾದಿ। ಕುವಲೀ, ಕಕ್ಕನ್ಧೂಪಿ।
೫೫೯. ದ್ವಯಂ ಕೋಲಂ। ಬದರಿಯಾ ಅಯಂ ಅವಯವೋ ಬದರೋ। ಕುವಲಂ, ಫೇನಿಲಂ, ಸೋವೀರಮ್ಪಿ। ‘‘ಸೋತಞ್ಜನೇ ತು ಸೋವೀರಂ, ಕಞ್ಜಿಕೇ ಬದರೇಪಿ ಚೇ’’ತಿ ರಭಸೋ। ದ್ವಯಂ ಅಸ್ಸತ್ಥಕುಲಸಮ್ಭೂತೇ ರುಕ್ಖಪಾಸಾಣಾದೀಸು ಸಞ್ಜಾತರುಕ್ಖೇ। ಪಿಲಂ ಪರಂ ನಿಸ್ಸಯಭೂತಂ ಕಸತೀತಿ ಪಿಲಕ್ಖೋ, ಕಸ ವಿಲೇಖನೇ, ಸಸ್ಸ ಖತ್ತಾದಿ ನಿಪಾತನಾ। ಅಖಾದನೀಯಫಲತಾಯ ವಿರೂಪಂ ಫಲಮಸ್ಸತ್ಥೀತಿ ಪಿಪ್ಫಲೀ, ಈ, ನದಾದಿ, ವಿಸ್ಸಪಿ ಚ।
ದ್ವಯಂ ತೋಯಾದಿವಾಪಿನಿಯಂ, ಯಸ್ಸಾ ಮೂಲಂ ಮಹಾಪಞ್ಚಮೂಲೇ ಪವಿಟ್ಠಂ। ಪಟ ಗಮನೇ, ಅಲೋ, ನದಾದಿ, ಪಾಟಲೀ, ಪಾಟಲಾಪಿ। ಕಣ್ಹಂ ಪುಪ್ಫವಣ್ಟಂ ಯಸ್ಸಾ ಸಾ ಕಣ್ಹವಣ್ಟಾ, ಕಾಸ್ಮರಿಯಮ್ಪಿ। ಅಲಿಪ್ಪಿಯಂ, ತಮ್ಬಪುಪ್ಫಿಪ್ಯತ್ರ। ದ್ವಯಂ ಗನ್ಧಿಲೇ। ಸಾದುಫಲತಾಯ ಸಾದು ಚ ಸೋ ಕಣ್ಟಸಹಿತತಾಯ ಕಣ್ಟೋ ಚೇತಿ ಸಾದುಕಣ್ಟೋ। ಸಕಣ್ಟಕತಾಯ ಅತ್ತಾನಂ ವಿರೂಪಂ ಕರೋತೀತಿ ವಿಕಙ್ಕತೋ, ದ್ವಿತ್ತಂ, ನಿಗ್ಗಹೀತಾಗಮೋ ಚ।
೫೬೦. ಚತುಕ್ಕಂ ತಿನ್ದುಕೇ। ತನು ವಿತ್ಥಾರೇ, ಉಕೋ, ದನ್ತೋ ಚ। ತಿದಿ ಹಿಂಸಾಯಂ ವಾ, ಉ, ಸಞ್ಞಾಯಂ ಕೋ। ಕಾಳೋ ಖನ್ಧೋ ಪಕಣ್ಡೋ ಯಸ್ಸಾತಿ। ತಿಮ ಅದ್ದಭಾವೇ, ಊಸೋ, ಸಕತ್ಥೇ ಕೋ, ವರನ್ತೋ ಚ। ಉಪಚ್ಚಯೇ ತಿಮ್ಬರು।
ದ್ವಯಂ ಏರಾವತೋ। ನಾರಂ ವುಚ್ಚತಿ ನೀರಂ, ತಂ ಗಚ್ಛತೀತಿ ನಾರಙ್ಗೋ। ದ್ವಯಂ ಮಕ್ಕಟತಿನ್ದುಕೇ। ಕುಲ ಸಙ್ಖ್ಯಾನೇ, ಣ್ವು। ಕಾಕೇನ್ದು, ಕಾಕಲುಕೋಪಿ।
೫೬೧. ತಿಕಂ ಕದಮ್ಬೇ। ಕಂ ವಾತಂ ದಮೇತೀತಿ ಕದಮ್ಬೋ, ಬೋ। ಪಿನೇತೀತಿ ಪಿಯಕೋ, ಣ್ವು, ಇಯಾದೇಸೋ। ನಯತಿ ಮುದಂ ನೀಪೋ, ಪೋ। ದ್ವಯಂ, ವಿದರುಕ್ಖೇ, ಯಸ್ಸ ನಿಯ್ಯಾಸೇನ ಪೇಳಾದಯೋ ಲಿಮ್ಪನ್ತಿ। ಭಲ, ಭಲ್ಲ ಪರಿಭಾಸನಹಿಂಸಾದಾನೇಸು, ನದಾದಿ, ಅಞ್ಞತ್ರ ತೋ, ಕನ್ತೋ ಚ, ಭಲ್ಲಾತಕೋ, ತೀಸ್ವಯಂ। ಅರುಕರೋ, ಅಗ್ಗಿಮುಖೋಪಿ।
ದ್ವಯಂ ‘‘ಪಾವುಸಾ’’ಇತಿ ಖ್ಯಾತೇ। ಝಪ ದಾಹೇ, ಣ್ವು। ಪಸ್ಸ ವೋ। ಪಚ ಪಾಕೇ, ಉಲೋ। ದ್ವಯಂ ಸಿರಿಮತಿ, ಯಸ್ಸ ಫಲಾನಿ ಮರೀಚಪ್ಪಮಾಣಾನಿ, ಅಮ್ಬಿಲಾನಿ ಚ। ತಿಲ ಗಮನೇ, ಣ್ವು। ಖುರ ಛೇದನೇ, ಣ್ವು।
೫೬೨. ದ್ವಯಂ ಅಮ್ಬಿಲಿಕಾಯಂ। ಚಿ ಚಯನೇ, ಚೋ, ಚಿಚ ಆದಾನಸಂವರಣೇಸು ವಾ। ತನು ವಿತ್ಥಾರೇ, ಅಮ್ಬಿಲರಸಂ ತನೋತೀತಿ ತಿನ್ತಿಣೀ, ದ್ವಿತ್ತಮಿತ್ತಂ, ಣತ್ತಞ್ಚ, ನದಾದಿ। ದ್ವಯಂ ಅಮ್ಬಿಲಙ್ಕುರಫಲೇ ಸೇತರುಕ್ಖೇ। ಗದ್ರಭಣ್ಡಪ್ಪಮಾಣಫಲತ್ತಾ ಗದ್ದಭಣ್ಡೋ, ರಲೋಪೋ। ಕಪಿ ಚಲನೇ, ತನೋ, ದೀಘೋ ಆಗಮಸ್ಸ। ಕನ್ದರಾಲೋ, ಪಿಲಕ್ಖೋಪಿ।
ತಿಕಂ ಸಲ ಗಮನೇ, ಣೋ, ಸಾರವನ್ತತಾಯ ವಾ ಸಾಲೋ। ಅಸ್ಸಕಣ್ಣಸದಿಸಪಣ್ಣತಾಯ ಅಸ್ಸಕಣ್ಣೋ। ಸನ್ಜ ಸಙ್ಗೇ, ಅ, ಸಜ್ಜ ಅದನೇ ವಾ, ಅ। ದ್ವಯಂ ನದೀಸಜ್ಜೇ। ಅಜ್ಜ ಅಜ್ಜನೇ, ಉನೋ। ಕಕ ಲೋಲ್ಯೇ, ಉಧೋ। ವೀರತರು, ಇನ್ದದುಮೋಪಿ।
೫೬೩. ತಿಕಂ ಮುಚಲಿನ್ದೇ। ಚುಲ ನಿಮುಜ್ಜನೇ। ಮುಚಲ ಸಙ್ಗಾತೇ, ಇನ್ದೋ। ನೀಪೋ ಕದಮ್ಬೇಪಿ। ತಿಕಂ ಪೀತಸಾಲೇ। ಪಿಯಕೋ ಕದಮ್ಬೇಪಿ। ಅಸ ಭಕ್ಖನೇ, ಯು, ಪೀತಪುಪ್ಫೋ ಸಾಲೋ ರುಕ್ಖೋ ಪೀತಸಾಲೋ। ಬನ್ಧೂಕಪುಪ್ಫೋ, ಜೀವಕೋಪಿ।
ದ್ವಯಂ ಝಾಟಲಿಯಂ। ಗಾವೋ ಲಿಹನ್ತೀತಿ ಗೋಲೀಸೋ, ಹಸ್ಸ ಸೋ। ಝಟ ಸಙ್ಘಾತೇ, ಅಲೋ। ಝಾಟಲೋ, ಪಾಟಲಿಪುಪ್ಫಾಕಾರೋ ದೀಘಫಲೋ ರುಕ್ಖೋ। ಪಮೋಕ್ಖೋಪಿ।
೫೬೪. ದ್ವಯಂ ರಾಜಾಯತನೇ, ಖೀರವನ್ತತಾಯ ಖೀರಿಕಾ। ದೇವರಾಜಸ್ಸ ನಿವಾಸನಟ್ಠಾನಭೂತತ್ತಾ ರಾಜಾಯತನಂ, ಪಿಯಾಲೇಪಿ। ದ್ವಯಂ ಕಪ್ಫಲೇ। ಕುಚ್ಛಿತೇನ ಫಲೇನ ಉಮ್ಭತಿ ಪೂರತೀತಿ ಕುಮ್ಭೋ। ಕುಚ್ಛಿತೇನ ಮೋದತೀತಿ ಕುಮುದಿಕಾ, ಣ್ವು।
ದ್ವಯಂ ಗುವಾಕರುಕ್ಖೇ, ಯಸ್ಸ ಫಲೇನ ತಮ್ಬೂಲನಾಮಂ ಜಾಯತಿ। ಪೂಜ ಪೂಜಾಯಂ, ಣೋ, ಜಸ್ಸ ಗೋ। ಕಮು ಇಚ್ಛಾಯಂ, ಹೇತುಕತ್ತರಿ ಣ್ವು। ಖಪುರೋಪಿ। ದ್ವಯಂ ಲೋಹಿತಲೋದ್ದೇ। ಪಟ್ಟಿಇತ್ಯಾಖ್ಯಾ ಯಸ್ಸ ಪಟ್ಟಿ ಲಾಖಾಪಸಾದನೋ। ಕಮುಕೋಪಿ।
೫೬೫. ದ್ವಯಂ ಇಙ್ಗುದಿಯಂ, ಅಯಞ್ಚ ಕಣ್ಟಕೀ ಬಾಹುಲ್ಯೇನ ಮಜ್ಝಿಮದೇಸೇ ಜಾಯತೇ। ಇಙ್ಗ ಗಮನತ್ಥೋ, ಇದೋ, ಇಸ್ಸು, ನದಾದಿ। ತಾಪಸೋ ಪಯುಜ್ಜಮಾನಫಲಕತಾಯ ತಾಪಸತರು। ದ್ವಯಂ ‘‘ಭುಜಪತ್ತೋ’’ಇತಿಖ್ಯಾತೇ ಸುನ್ದರತಚೇ ರುಕ್ಖೇ, ಯಸ್ಸ ತಚೇ ಮನ್ತಕ್ಖರಾನಿ ಲಿಖನ್ತಿ। ಭುಜೋ ಪಾಣಿ, ತಂಸದಿಸಪತ್ತತಾಯ ಭುಜಪತ್ತೋ। ಮನ್ತಲೇಖಕೇಹಿ ಆಭುಜಿತತಚವನ್ತತಾಯ ಆಭುಜೀ। ಭೂಜೋ, ಚಮ್ಮೀ, ಮುದುತ್ತಚೋಪಿ।
ದ್ವಯಂ ಸಿಮ್ಬಲಿಯಂ। ಪಿಚ್ಛಾಯೋಗಾ ಪಿಚ್ಛಿಲಾ, ಇಲೋ। ಸಮ್ಬ ಮಣ್ಡಲೇ, ಅಲಿ, ಅಸ್ಸಿ। ‘‘ಪಿಚ್ಛಿಲಾ ಪೂರಣೀ ಮೋಚಾ, ಥಿರಾಯು ಸಿಮ್ಬಲೀ ದ್ವಿಸೂ’’ತಿ ಅಮರಕೋಸೋ। ದ್ವಯಂ ಪಿಚ್ಛಿಲಾಕಾರೇ ಕಣ್ಟಕಸಹಿತೇ ರುಕ್ಖೇ। ರುಚ ದಿತ್ತಿಯಂ, ಹೇತುಕತ್ತರಿ ಯು, ಕುಟ ಕೋಟಿಲ್ಯೇ, ಕತ್ತರಿ ಣೋ, ಕೋಟೋ ಅಸಿಮ್ಬಲಿ ಸಮಾನೋಪಿ ಸಿಮ್ಬಲಿಸದಿಸಾಕಾರದಸ್ಸನತೋ ಕೋಟಸಿಮ್ಬಲಿ, ಪುಮೇ। ಕಸಮ್ಬಲೋಪಿ।
೫೬೬. ದ್ವಯಂ ‘‘ಕಣ್ಟಕರಞ್ಜ’’ಇತಿ ಖ್ಯಾತೇ ಕಣ್ಟಕಿನಿ ಕರಞ್ಜಗುಮ್ಬೇ, ಯಂ ಲೋಕೇ ‘‘ಕಲಿನೋ’’ತಿ ವುಚ್ಚತಿ। ಕರ ಹಿಂಸಾಯಂ, ಕರತೋ ಪೂ ಪವನೇ, ಇಕೋ, ತೋನ್ತೋ ಚ। ಪೂತಿಕರಜೋ, ಕಲಿಮಾರಕೋಪಿ, ಕಲಿನೋ। ದ್ವಯಂ ದಾಲಿಮಪುಪ್ಫಾಕಾರೇ ಪೀತನಾಸಕರುಕ್ಖೇ। ರುಹ ಜನನೇ, ಣೀ। ಲೋಹಿತಪುಪ್ಫತಾಯ ರೋಹಿತಕೋ।
ದ್ವಯಂ ಏರಣ್ಡೇ। ಏರಡಿ ಹಿಂಸಾಯಂ। ವಾತಂ ಏರಣ್ಡತೀತಿ ಏರಣ್ಡೋ, ಣೋ। ಮಣ್ಡ ಭೂಸನೇ, ಈಸಂಪಸನ್ನತೇಲತಾಯ ವಾ ಆಮಣ್ಡೋ, ಆಮಂ ವಾ ವಾತಂ, ತಂ ದಾಯತೀತಿ ಆಮಣ್ಡೋ। ದಾ ಅವಖಣ್ಡನೇ, ದಾಸ್ಸ ಡೋ। ಚಿತ್ತಕೋ, ಚಞ್ಚುಪಿ।
‘‘ಅಗ್ಗಿಸಞ್ಞೇಪಿ ಚಿತ್ತಕೋ, ಪುಮೇ ಏರಣ್ಡಕೇ ಚಞ್ಚು।
ಪಕ್ಖಿತುಣ್ಡೇ ಥಿಯಂ ಮತೋ’’॥
ದ್ವಯಂ ಸಿವಾರುಕ್ಖೇ। ಸತ್ತುಯುತ್ತಫಲತಾಯ ಸತ್ತುಫಲಾ। ಗಣ್ಡಂ ಸಮೇತೀತಿ ಸಮೀ, ಅ, ನದಾದಿ, ಪಾರಿಭದ್ದಕೇಪಿ। ಗರುದಾರು, ಪೂತಿಕಟ್ಠಮ್ಪಿ।
೫೬೭. ದ್ವಯಂ ಕರಞ್ಜೇ। ನತ್ತಂ ರತ್ತಾ ಮಾಲಾ ಯಸ್ಸ। ಕಂ ರಞ್ಜಯತೀತಿ ಕರಞ್ಜೋ, ಣೋ। ಚಿಲ್ಲವಿಲ್ಲೋ, ಕರಜೋಪಿ। ದ್ವಯಂ ಖದಿರೇ। ಖದ ಹಿಂಸಾಯಂ, ಥೇರಿಯೇ ಚ। ಖದನ್ತಿ ದನ್ತಾ ಯೇನಾತಿ ಖದಿರೋ, ಇರೋ। ದನ್ತಾ ಧಾವನ್ತಿ ಯೇನ ನಿರೋಗತ್ತಾತಿ ದನ್ತಧಾವನೋ, ಯು, ಧಾವ ಗತಿಸುದ್ಧಿಯಂ। ಗಾಯತ್ತೀ, ಬಾಲತನಯೋಪಿ। ‘‘ಗಾಯತ್ತೀ ಖದಿರೇ ಇತ್ಥೀ, ಛನ್ದಸಿಪಿ ಛಳಕ್ಖರೇ’’ತಿ ರಭಸೋ। ಬಾಲೋ ಸುಖುಮೋ ಪತ್ತಸಞ್ಞಿತೋ ತನಯೋ ಯಸ್ಸ ಬಾಲತನಯೋ। ದ್ವಯಂ ಪೀತಸಾರೇ ಖದಿರೇ। ಖದಿರಾದಿಕನ್ತು ಪೀತಸಾರೇ। ಸೇತವಣ್ಣತಾಯ ಸೋಮವಕ್ಕೋ। ‘‘ಸೋಮೋ ಕುವೇರೇ ಪಿತುದೇವತಾಯಂ, ವಸುಪ್ಪಭೇದೇ ವಸುಧಾಕರೇ ಚ। ದಿಬ್ಬೋಸಧೀ ಸೋಮಲತಾ ಸಮೀರಣೇ, ಕಪ್ಪೂರನೀರೇಸು ಚ ವಾನರೇ ಚಾ’’ತಿ ನಾನತ್ಥಸಙ್ಗಹೋ। ಈಸಂ ಖುದ್ದಕಂ ದಲಮೇತಸ್ಸ ಕದರೋ, ಲಸ್ಸ ರೋ। ದ್ವಯಂ ಪಿಣ್ಡೀತಕೇ। ಸಲ ಗಮನೇ, ಲೋ। ಮದ ಉಮ್ಮಾದೇ, ಯು। ‘‘ಪಿಣ್ಡೀತಕೋ ಮರವಕೋ, ಸಸನೋ ಕರಹಾಟಕೋ’’ತ್ಯಮರಕೋಸೇ
೫೬೮. ತಿಕಂ ಇನ್ದಸಾಲೇ। ಸಾಲಾನಂ ರುಕ್ಖಾನಂ ಇನ್ದೋ ರಾಜಾ ಇನ್ದಸಾಲೋ, ದಾಸಾದೀಸು ಸಿರಿವಡ್ಢಕಾದಿಸದ್ದೋ ವಿಯ ಅಧಿವಚನಮತ್ತಮಿದಂ। ಇನ್ದಸ್ಸ ಸಕ್ಕಸ್ಸ ಸಾಲೋತಿಪಿ ಇನ್ದಸಾಲೋ। ಸಲ್ಲತೋ ಣ್ವು, ನದಾದಿ, ಸಲ್ಲಕೀ। ಖರ ಛೇದನವಿನಾಸನೇಸು, ಣ್ವು।
ದ್ವಯಂ ದೇವದಾರುಮ್ಹಿ। ದೇವಾನಂ ದಾರು। ಭದ್ದತ್ತಾ ಭದ್ದದಾರು। ಸಕ್ಕಪಾದಪೋ, ಪಾರಿಭದ್ದಕೋ, ಪೀತದಾರು, ದಾರು, ಪೂತಿಕಟ್ಠಮ್ಪಿ। ದ್ವಯಂ ಹೇಮಪುಪ್ಫಕೇ। ಪಠಮಕಾಲೇ ಚಮ್ಪಾನಗರೇ ಜಾತೋ ಚಮ್ಪೇಯ್ಯೋ, ಣೇಯ್ಯೋ। ಕಪಚ್ಚಯೇ ಚಮ್ಪಕೋ।
೫೬೯. ದ್ವಯಂ ಪನಸೇ। ಪನ ಬ್ಯವಹಾರೇ, ಥುತಿಮ್ಹಿ ಚ, ಅಸೋ। ಕಣ್ಟಕಯುತ್ತಂ ಫಲಮಸ್ಸ ಕಣ್ಟಕಿಫಲೋ। ದ್ವಯಂ ಸಿವಾಯಂ। ನ ವಿಜ್ಜತೇ ಅಭಯಾ। ರೋಗಭಯಂ ಹರತಿ ಅಪನೇತೀತಿ ಹರೀತಕೀ, ತೋ, ಸಕತ್ಥೇ ಕೋ, ನದಾದಿ। ಹರಿತ್ತಕೀಪಿ। ಅಬ್ಯಥಾ, ಪುತನಾ, ಅಮತಾ, ಹೇಮವತೀ, ಚೇತಕೀ, ಸಿವಾಪಿ।
ದ್ವಯಂ ಕರಿಸಫಲೇ। ರೋಗಂ ಅಸತಿ ಭಕ್ಖತೀತಿ ಅಕ್ಖೋ, ಖೋ, ಸಸ್ಸ ಕೋ। ರೋಗಂ ವಿಭೂತಂ ಕರೋತೀತಿ ವಿಭೀತಕೋ, ವಿಭೀಟಕೋಪಿ। ಭೂತಾವಾಸೋ, ಕಲಿದ್ದುಮೋಪಿ, ಕಲಿಸ್ಸ ಆಸಯಭೂತೋ ದುಮೋ ಕಲಿದ್ದುಮೋ। ದ್ವಯಂ ಪುಸ್ಸಫಲೇ। ನತ್ಥಿ ಮತಮೇತಿಸ್ಸಂ ಹೇತುಭೂತಾಯಂ ಅಮತಾ। ಮಲ ಧಾರಣೇ, ಣ್ವು, ನದಾದಿ, ಆಮಲಕೀ। ವಯಟ್ಠಾಪಿ। ವಯೋ ತಿಟ್ಠತಿ ಥಿರೀಭವತ್ಯೇತಾಯಾತಿ ವಯಟ್ಠಾ।
೫೭೦. ದ್ವಯಂ ಡಹುರುಕ್ಖೇ। ಲಬುನಾಮಕೇ ಪಬ್ಬತೇ ಜಾಯತೀತಿ ಲಬುಜೋ। ಖುದ್ದಕತ್ತಾ ಲೀನಂ ಅಪಾಕಟಂ ಕುಚಸಙ್ಖಾತಂ ಫಲಮೇತಸ್ಸ ಲಿಕುಚೋ, ನಿಪಾತನಾ। ದ್ವಯಂ ಪೀತಪುಪ್ಫೇ। ಅಗನ್ಧಪುಪ್ಫತಾಯ ಅತ್ತಾನಂ ಕಣಿಟ್ಠಂ ಕರೋತೀತಿ ಕಣಿಕಾರೋ, ಟ್ಠಲೋಪೋ, ಪದುಮಪ್ಪಮಾಣಪುಪ್ಫದುಮತಾಯ ದುಮುಪ್ಪಲೋ।
ತಿಕಂ ಹಿಙ್ಗುನಿಯ್ಯಾಸೇ। ನೀ ನಯೇ, ಬೋ, ಮೋನ್ತೋ ಚ। ತಿತ್ತರಸತ್ತಾ ಅರಿಭಾವೇ ತಿಟ್ಠತೀತಿ ಅರಿಟ್ಠೋ। ಪುಚಿಂ ಕುಟ್ಠಂ ಮದ್ದತೀತಿ ಪುಚಿಮನ್ದೋ, ಇತ್ತಂ, ಬಿನ್ದಾಗಮೋ। ಧಮ್ಮಸೇನೋ, ಮಾಲಕೋಪಿ। ಮಲತೇ ರೋಗಂ ಮಾಲಕೋ, ಣ್ವು। ದ್ವಯಂ ರತ್ತಪುಪ್ಫೇ। ಕರೋತಿಸ್ಮಾ ಣ್ವು। ದಲ ವಿದಾರಣೇ, ಮೋ, ಇಕಾರಾಗಮೋ। ದಾಳಿಮೋಪಿ।
೫೭೧. ದ್ವಯಂ ಸರಲೋ, ಅಲೋ। ಪೂತಿಯೇವ ಕಟ್ಠಂ ಪೂತಿಕಟ್ಠಂ, ಪೂತಿಮುತ್ತನ್ತಿ ಯಥಾ। ದ್ವಯಂ ಪಿಚ್ಛಿಲಾಯಂ। ಕಪಿ ಚಲನೇ, ಇಲೋ। ಸಾಸ ಅನುಸಿಟ್ಠಿಯಂ, ಸಿಸ ಇಚ್ಛಾಯಂ ವಾ, ಅಪೋ, ನಿಗ್ಗಹೀತಾಗಮೋ, ಸಿಂಸಪಾ। ಅಗುರುಪಿ।
ತಿಕಂ ಫಲಿನಿಯಂ। ಸಾ ತನುಕರಣೇ, ಮೋ। ಪಿಯಭಾವಂ ಗಚ್ಛತೀತಿ ಪಿಯಙ್ಗು, ಉ। ಕಮನೀಯಭಾವಂ ಗಚ್ಛತೀತಿ ಕಙ್ಗು, ಉ, ನಿಪಾತನಾ। ಮಹಿಲಾವ್ಹಯಾ, ಲತಾ, ಗುನ್ದಾ, ಗನ್ಧಫಲೀ, ಕಾರಮ್ಭಾಪಿ। ದ್ವಯಂ ಸಿರೀಸೇ। ಸರತಿ ರೋಗಂ ಹಿಂಸತೀತಿ ಸಿರೀಸೋ। ಈಸೋ, ಅಸ್ಸಿ। ಭಣ್ಡ ಪರಿಭಾಸನೇ, ಇಲೋ। ಕಪೀತನೋಪಿ। ಅಮ್ಬಾಟಕೇ, ಗದ್ದಭಣ್ಡೇ ಚ ಕಪೀತನೋ।
೫೭೨. ದ್ವಯಂ ಮಣ್ಡೂಕಪಣ್ಣೇ। ಸುಣ ಗತಿಯಂ, ಣ್ವು, ದೀಘಂ ಫಲವಣ್ಟಂ ಯಸ್ಸ। ನಟೋ ಕುಟನ್ನಟಾಪಿ। ದ್ವಯಂ ಬಕುಲೇ। ವಕ ಆದಾನೇ, ಉಲೋ। ಕೇಸರಯುತ್ತಪುಪ್ಫತಾಯ ಕೇಸರೋ।
ದ್ವಯಂ ಮಲಪುಪ್ಫಸ್ಮಿಂ। ಕಾಕಾನಂ ಉದುಮ್ಬರೋ ಕಾಕೋದುಮ್ಬರೋ, ಸೋ ಏವ ಕಾಕೋದುಮ್ಬರಿಕಾ, ಸಕತ್ಥೇ ಇಕೋ। ಫಲ ನಿಪ್ಫತ್ತಿಯಂ, ಗು, ಲಸ್ಸ ಗೋ। ದ್ವಯಂ ನಾಗರುಕ್ಖೇ। ನ ಗಚ್ಛತೀತಿ ನಾಗೋ, ದೀಘಾದಿ। ನಾಗಾನಂ ಮಾಲಾ, ಸಾ ಸಞ್ಜಾತಾ ಯತ್ರ ನಾಗಮಾಲಿಕಾ।
೫೭೩. ದ್ವಯಂ ವಜ ಗಮನೇ, ಉಲೋ। ದ್ವಯಂ ಜಯಾಯಂ। ತಂತಂರೋಗಜಯಾದಿಕಂ ಕರೋತೀತಿ ತಕ್ಕಾರೀ, ಣೀ। ವಿಸೇಸೇನ ಜಯತೀತಿ ವೇಜಯನ್ತಿಕಾ, ಅನ್ತೋ, ನದಾದಿ, ಸಕತ್ಥೇ ಕೋ। ‘‘ಜಯಾ ಜಯನ್ತೀ ತಕ್ಕಾರೀ, ನಾದೇಯೀ ವೇಜಯನ್ತಿಕಾ’’ತ್ಯಮರಕೋಸೋ
ದ್ವಯಂ ಸಮುದ್ದಸಮೀಪದೇಸಜೇ ಸಾಮದಲೇ ತಮಾಲನಾಮೇ ತರುಮ್ಹಿ। ತಾಪಿಯಂ ಜಾಯತೀತಿ ತಾಪಿಞ್ಛೋ, ಅಞ್ಞತ್ಥೇ ಛೋ, ಬಿನ್ದಾಗಮೋ, ‘‘ತಾಪೀ ತು ಸರಿತಾನ್ತರೇ’’ತಿ ಹಿ ನಾನತ್ಥಸಙ್ಗಹೋ। ತಮು ಕಙ್ಖಾಯಂ, ಅಲೋ। ದ್ವಯಂ ಕುಟಜೇ। ರೋಗಂ ಛಿನ್ದತೀತಿ ಕುಟಜೋ, ಜೋ। ಗಿರಿಮ್ಹಿ ಜಾತಾ ಮಲ್ಲಿಕಾ ಗಿರಿಮಲ್ಲಿಕಾ, ಸಕ್ಕಪರಿಯಾಯೋಪ್ಯತ್ರ।
೫೭೪. ತಸ್ಸ ಕುಟಜಸ್ಸ ಫಲೇ ಇನ್ದಯವೋ। ಇನ್ದಸ್ಸ ಸಕ್ಕಸ್ಸ ಯವೋ ಧಞ್ಞವಿಸೇಸೋ ಇನ್ದಯವೋ। ಕಲಿಙ್ಗಂ, ಕದ್ದಯವಮ್ಪಿ।
‘‘ಪೂತಿಕರಞ್ಜ ಧೂಮ್ಯಾಟೇ, ದೇಸಭೇದೇ ಪುಮಾ ಭವೇ।
ಕುಟಜಸ್ಸ ಫಲೇ ಕ್ಲೀವಂ, ಕಲಿಙ್ಗಂ ಥೀ ತು ನಾರಿಯ’’ನ್ತಿ
ರಭಸೋ। ಅಮರಮಾಲಾಯನ್ತು ‘‘ಕಲಿಙ್ಗೇ’ನ್ದಯವೋ ಪುಮಾ’’ತಿ ಇತ್ಥಿಕಣ್ಡೇ ಪಾಠೋ। ತಸ್ಸತ್ಥೋ ಕಲಿಙ್ಗಾ ಇತ್ಥೀ, ಇನ್ದಯವೋ ಪುಮಾ ಅಗ್ಗಿಮನ್ಥೋ, ಣೋ। ತಂ ಕಟ್ಠೇಹಿ ಘಂಸಿಯಮಾನೇ ಅಗ್ಗಿ ಉಟ್ಠಹತಿ। ಕಣ ಗತಿಯಂ, ಣ್ವು। ಜಯಾಪ್ಯತ್ರ। ‘‘ವಿಜಯೇ ಸೋ ಜಯಾ ದುಗ್ಗಾ, ಜಯನ್ತೀ ಗಣಿಕಾರಿಕೇ’’ತಿ ಜಯಾ ನಾನಾತ್ಥಾ।
ದ್ವಯಂ ನಿಗ್ಗುಣ್ಡಿಯಂ। ನತ್ಥಿ ಗುಣ್ಡಂ ಗಬ್ಭಬನ್ಧನಮೇತಾಯಾತಿ ನಿಗ್ಗುಣ್ಡೀ। ಸಿ ಬನ್ಧನೇ, ದು, ಸಿನ್ದುಂ ಗಬ್ಭಬನ್ಧನಂ ವಾರೇತೀತಿ ಸಿನ್ದುವಾರೋ। ಇನ್ದಾನೀಪ್ಯತ್ರ। ಇನ್ದಾನೀಕರಣೇ ಥೀನಂ, ಸಿನ್ದುವಾರೇನ್ದನಾರಿಸು। ದ್ವಯಂ ಮಲ್ಲಿಕಾಯಂ। ತಿಣಾನಿ ಸೂಲನ್ತಿ ಯಸ್ಮಿನ್ತಿ ತಿಣಸೂಲಂ, ಸೂಲ ರುಜಾಯಂ। ಯತ್ರ ತಂ ಜಾಯತಿ, ತತ್ರ ತಿಣಾನಿ ರೋಗೀನಿ ಭವನ್ತೀತ್ಯತ್ಥೋ। ‘‘ತಿಣಸೂಲಂ ಮಲ್ಲಿಕಾಯಂ, ಪಣ್ಡಕಂ ಕೇತಕೀಫಲೇ’’। ಮಲ್ಲತೇ ಧಾರೀಯತೇ ಸಬ್ಬೇಹೀತಿ ಮಲ್ಲಿಕಾ, ಮಲ್ಲ ಧಾರಣೇ, ಇ, ಸಕತ್ಥೇ ಕೋ। ಭೂಪದೀ, ಸೀತಭೀರು ಚ।
೫೭೫. ದ್ವಯಂ ಕಣ್ಹಪುಪ್ಫಸೇಫಾಲಿಕಾಯಂ। ಸಿಫಾ ಜಟಾ ಯಸ್ಸತ್ಥಿ ಸೇಫಾಲಿಕಾ, ಇಕೋ, ಲಮಜ್ಝೋ। ನೀಲಪುಪ್ಫತಾಯ ನೀಲಿಕಾ। ಸುವಹಾ, ನಿಗ್ಗುಣ್ಡೀಪಿ। ‘‘ಸಿನ್ದುವಾರೇಪಿ ನಿಗ್ಗುಣ್ಡೀ, ನೀಲಸೇಫಾಲಿಕಾಯ ಚೇ’’ತಿ ರುದ್ದೋ। ದ್ವಯಂ ವನಮಲ್ಲಿಕಾಯಂ। ಫುಟ ವಿಕಸನೇ, ಆ ಭುಸೋ ಫುಟತೀತಿ ಅಪ್ಫೋಟಾ, ರಸ್ಸಾದಿ।
ಚತುಕ್ಕಂ ರತ್ತಪುಪ್ಫೇ। ಬನ್ಧ ಬನ್ಧನೇ, ಉ, ಸಕತ್ಥೇ ಕೋ। ಜಯತ್ಥಂ ಸುಮನಂ ಜಯಸುಮನಂ। ಭಣ್ಡತಿಸ್ಮಾ ಇಕೋ, ಭಣ್ಡಿಕೋ। ಜೀವತೀತಿ ಜೀವಕೋ, ಜೀವ ಪಾಣಧಾರಣೇ, ಣ್ವು। ಜೀವಕಸದ್ದಸ್ಸ ಪೀತಸಾಲಾದೀಸ್ವಪಿ ಪವತ್ತನತೋ ಬನ್ಧು ಏವ ಜೀವಕೋ ಬನ್ಧುಜೀವಕೋತಿ ಬನ್ಧುಸದ್ದೇನ ವಿಸೇಸೇತ್ವಾ ವುತ್ತಂ, ಸಮುದಿತೇನ ವಾ ನಾಮಮಿದಮೇಕಸ್ಸ। ‘‘ಬನ್ಧು ಬನ್ಧುಕಪುಪ್ಫೇ ಚ, ಬನ್ಧುಭಾತರಿ ಬನ್ಧವೇ’’ತಿ ವಚನತೋ,
‘‘ಜೀವಕೋ
ಸೇವಿನಿ ಪಾಣಕೇ ಫಾತಿ-ಕುಣ್ಡಿಕೇ ಪಾದಪನ್ತರೇ’’ತಿ॥ –
ವಚನತೋ ಚ ‘‘ಬನ್ಧುಜೀವಕೋ’’ತಿ ಏತ್ಥ ದ್ವೇ ನಾಮಾನಿಪಿ ದಟ್ಠಬ್ಬಾನಿ।
೫೭೬. ಪಞ್ಚಕಂ ಸುಮನಾಯಂ। ಸುನ್ದರಂ ಮನೋ ಯಸ್ಸಂ। ಸುಗನ್ಧತ್ತಾ ಜಾತಿಸುಮನಾತಿ ಸಮುದಿತನಾಮಂ। ಮಲ ಧಾರಣೇ, ತೋ, ನದಾದಿ। ಜನ ಜನನೇ,ತಿ। ವಸ್ಸಕಾಲಸಞ್ಜಾತಪುಪ್ಫತಾಯ ವಸ್ಸಿಕೀ। ಇಕೋ, ನದಾದಿ।
ದ್ವಯಂ ‘‘ಚಮ್ಪೇಯ್ಯ’’ಇತಿ ಖ್ಯಾತೇ। ಯುಥ ಹಿಂಸಾಯಂ, ಇ, ಸಕತ್ಥೇ ಕೋ, ದೀಘಾದಿ। ಮಗಧೇ ಭವಾ ಮಾಗಧೀ। ಗಣಿಕಾ, ಅಮ್ಬಟ್ಠಾಪಿ। ದ್ವಯಂ ‘‘ದೇವಾಲಿ’’ಇತಿ ಖ್ಯಾತಾಯಂ। ಸುನ್ದರಂ ದಲಮೇತಿಸ್ಸಾ ಸತ್ತಲಾ, ದಸ್ಸ ತೋ, ಸತ್ತ ದಲಾನಿ ಯಸ್ಸಾ ವಾ ಸತ್ತಲಾ। ನವಾ ನೂತನಾ ಮಲ್ಲಿಕಾ ನವಮಲ್ಲಿಕಾ। ನವಮಾಲಿಕಾಪಿ।
೫೭೭. ದ್ವಯಂ ಪುಣ್ಡಕೇ ‘‘ಲಂಸ್ವಣ’’ಇತಿ ಖ್ಯಾತೇ। ವಸನ್ತೇ ಪುಪ್ಫತಿ ವಾಸನ್ತೀ। ಅತಿಮುದಂ ತನೋತೀತಿ ಅತಿಮುತ್ತೋ, ನಿಪಾತನಾ। ಮಾಧವೀ, ಲತಾಪಿ। ಮಧುಮ್ಹಿ ಚಿತ್ತೇ, ವೇಸಾಖೇ ವಾ ಪುಪ್ಫತೀತಿ ಮಾಧವೀ।
‘‘ಲತಾ ಜೋತಿಮತೀಪಕ್ಕ-ಸಾಖಾವಲ್ಲೀಪಿಯಙ್ಗುಸು।
ಲತಾ ಕತ್ಥೂರಿಕಾಯಞ್ಚ, ಸಾ ದುಬ್ಬಾಮಾಧವೀಸು ಚಾ’’ತಿ॥
ಲತಾ ಕರವೀರೋ, ಈರೋ। ಅಸ್ಸೇ ಮಾರೇತೀತಿ ಅಸ್ಸಮಾರಕೋ। ಪಟಿಹಾಸೋಪಿ।
ದ್ವಯಂ ಮಾತುಲುಙ್ಗೇ। ಮತ್ತೋ ಲುಜ್ಜತಿ ಯೇನ ಮಾತುಲುಙ್ಗೋ, ಲುಜ ವಿನಾಸೇ। ಪರಿಪುಣ್ಣಬೀಜತಾಯ ಬೀಜಪೂರೋ। ರುಚಕೋಪಿ, ರುಚ ದಿತ್ತಿಯಂ, ಣ್ವು। ದ್ವಯಂ ಧುತ್ತುರೇ। ಉಗ್ಗಂ ಮಜ್ಜತಿ ಯೇನ ಉಮ್ಮತ್ತೋ, ಮದ ಉಮ್ಮಾದೇ। ಮಾರೇತೀತಿ ಮಾತುಲೋ, ಉಲೋ, ರಸ್ಸ ತೋ। ‘‘ಉಮ್ಮತ್ತೋ ಕಿತವೋ ಧುತ್ತೋ, ಧತ್ತೂರೋ ಕನಕಾವ್ಹಯೋ, ಮಾತುಲೋ ಮದನೋ’’ತ್ಯಮರಕೋಸೋ
೫೭೮. ದ್ವಯಂ ಕಣ್ಹಪಾಕಫಲೇ। ಕರಂ ಹತ್ಥಂ ಮದ್ದತಿ ಕಣ್ಟಕೇನ ಕರಮನ್ದೋ। ಕರಮದ್ದೋಪಿ। ಸುಟ್ಠು ಸಿನೋತೀತಿ ಸುಸೇನೋ, ಸಿ ಬನ್ಧನೇ, ಯು। ದ್ವಯಂ ಕುನ್ದೇ। ಕುಣ ಸಙ್ಕೋಚನೇ, ದೋ, ನತ್ತಂ, ಕುಣ ಸದ್ದೋಪಕರಣೇಸು ವಾ। ಮಾಘೇ ಭವಂ ಮಾಘ್ಯಂ, ಯೋ, ತಸ್ಮಿಂ ಕಾಲೇ ಹಿ ಪುಪ್ಫಾದಿಸಮಿದ್ಧಿ ಭವತೀತಿ ತಬ್ಭವತ್ತೇನ ಬ್ಯಪದೇಸೋ।
ದ್ವಯಂ ದೇವತಾಸೇ। ದೇವತಾ ಆಸನ್ತಿ ಯಂ ದೇವತಾಸೋ। ಜೀಮೂತಕಾಲೇ ಸಞ್ಜಾತತ್ತಾ ಜೀಮೂತೋ, ಮ್ಹನಲಾ। ದ್ವಯಂ ಸನಾಮಪಸಿದ್ಧೇ ಪುಪ್ಫವಿಟಪೇ। ಪುಪ್ಫಮಾಸುಂ ನ ಮಿಲಾತಮಸ್ಸ ಭವತೀತಿ ಅಮಿಲಾತೋ। ಮಹನ್ತಮ್ಪಿ ಕಾಲಂ ಸಹತೀತಿ ಮಹಾಸಹಾ।
೫೭೯. ಚತುಕ್ಕಂ ಸೇರೇಯ್ಯಕೋ, ಣೇಯ್ಯಕೋ। ದಾಸನಾಮಕತ್ತಾ ದಾಸೀ। ಕಿರ ವಿಕ್ಕಿರಣೇ, ಆತೋ, ದ್ವಿತ್ತಂ। ಕುರ ಸದ್ದೇ, ಡೋ, ಸಕತ್ಥೇ ಕೋ।
ದ್ವಯಂ ಕಣ್ಟೇನ, ಪತ್ರೇನ ಚ ಸಿತೇ ಪಣ್ಣಾಸೇ। ಅಜ ಗಮನೇ, ಉಕೋ। ಸಿತೋ ಸುಕ್ಕೋ ಪಣ್ಣಾಸೋ ಸಿತಪಣ್ಣಾಸೋ। ದ್ವಯಂ ಅಪ್ಪಪತ್ತೇ ಪಣ್ಣಾಸೇ। ಈರ ಕಮ್ಪನೇ, ಯು। ಫಣಿಂ ಜಯತಿ ಫಣಿಜ್ಜಕೋ, ಯಸ್ಸ ಕೋ।
೫೮೦. ದ್ವಯಂ ಜಪಾಕುಸುಮೇ। ಜಪತಿ ಯಾಯ ಜಪಾ, ಜು ಜವನೇ ವಾ, ಪೋ, ಉಸ್ಸತ್ತಂ। ಮರುದೇಸಜೇ ಕಣ್ಟಕಿನಿ ಕರಭಪ್ಪಿಯೇ ತರುವಿಸೇಸೇ ಕರೀರಾದಿದ್ವಯಂ। ಕರೋತಿಸ್ಮಾ ಈರೋ। ಕಚ ಬನ್ಧನೇ, ದ್ವಿತ್ತಂ, ಕಕಚೋ, ಗನ್ಥಿಲೋಪಿ।
ದ್ವಯಂ ರುಕ್ಖೋಪರಿಜಾತೇ ವಿಜಾತಿಯೇ ಪಲ್ಲವೇ। ರುಕ್ಖೇ ಜಾಯಮಾನಾ ತಂ ಅದ್ದತಿ ಹಿಂಸತೀತಿ ರುಕ್ಖಾದನೀ, ಅದ್ದ ಹಿಂಸಾಯಂ, ಯು, ನದಾದಿ, ದಲೋಪೋ। ವನ್ದ ಅಭಿವಾದನಥುತೀಸು, ಅ, ಇತ್ಥಿಯಂ, ಸಕತ್ಥೇ ಕೋ, ಅಸ್ಸ ದೀಘೋ। ರುಕ್ಖರುಹಾ, ಜೀವನ್ತಿಕಾಪಿ। ದ್ವಯಂ ಚಿತ್ತಕೇ। ಚಿತಿ ಹಿಂಸಾಯಂ, ಗನ್ಧೇ ಚ, ಣ್ವು। ಅಗ್ಗಿಸಞ್ಞಿತೋತಿ ಅಗ್ಗಿಪರಿಯಾಯನಾಮಕೋ। ಪಾಠೀಪಿ, ಪುಮೇ’ಯಂ।
೫೮೧. ದ್ವಯಂ ಅಕ್ಕೋ। ವಿಕರೋತೀತಿ ವಿಕಿರಣೋ, ಯು। ಅಸ್ಸಿ। ಅಕ್ಕವ್ಹೋ, ವಸುಕೋ, ಅಪ್ಫೋಟೋ, ಮನ್ದಾರೋ, ಅಕ್ಕಪಣ್ಣೋಪಿ। ‘‘ಪುಮೇ ಅಕ್ಕವ್ಹೋ ಅಪ್ಫೋಟೋ, ವನಮಾಲ್ಯಪರಾಜಿತೇ’’ತಿ ರುದ್ದೋ। ಮನ್ದಾರೋ ದೇವದುಮಮ್ಹಿ ಪಾರಿಭದ್ದಕೇಪಿ। ತಸ್ಮಿಂ ಅಕ್ಕೇ ಯೋ ಸೇತಪುಪ್ಫಕೋ, ತಸ್ಮಿಂ ಅಳಕ್ಕೋ। ಸೇತಪುಪ್ಫತಾಯ ಅಲಂಭೂತೋ ಅಕ್ಕೋ ಅಳಕ್ಕೋ, ಅಲ ಭೂಸನೇ, ಳತ್ತಂ। ಪತಾಪಸೋಪಿ। ದ್ವಯಂ ಛಿನ್ನರುಹಾಯಂ। ತಿತ್ತರಸತ್ತಾ ಪೂತಿಭೂತಾ ಲತಾ ಪೂತಿಲತಾ, ಪೂ ಪವನೇ ವಾ,ತಿ। ರೋಗಮಲಂ ಪುನಾತೀತಿ ಪೂತಿ, ಸಾ ಏವ ಲತಾ ಪೂತಿಲತಾ। ಗುಳ ರಕ್ಖಣೇ, ಚೋ, ನದಾದಿ। ಗರ ಸೇಚನೇ ವಾ। ಅಮತಾ, ಮಧುಪಣ್ಣೀಪಿ। ಮಧು ಇವ ಪಣ್ಣಮಸ್ಸಾ ಮಧುಪಣ್ಣೀ। ದ್ವಯಂ ಧನುಸೇನಿಯಂ, ಯಾ ಪತ್ತೇಹಿ ವಚಾಸದಿಸೀ, ತತ್ತಚೋ ತನ್ತಧನುಗುಣೋಪಯುತ್ತೋ। ಮುಬ್ಬಾವಿಕಾರತಾಯೇವ ಧನುಜಿಯಾ ‘‘ಮುಬ್ಬೀ’’ತ್ಯುಚ್ಚತೇ, ಮುಬ್ಬ ಬನ್ಧನೇ, ಅ, ಮುಬ್ಬಾ। ಮಧುರಸತ್ತಾ ಮಧುರಸಾ। ದೇವೀ, ಮೋರಟಾಪಿ। ಮುರ ಪವೇಧನೇ, ಅಟೋ, ಮೋರಟಾ।
೫೮೨. ದ್ವಯಂ ಮಕ್ಕಟಿಯಂ। ಕಪೀನಂ ವಾನರಾನಂ ಕಚ್ಛುಂ ಜನೇತೀತಿ ಕಪಿಕಚ್ಛು। ಕಪಿಕಚ್ಚುಪಿ। ದುಕ್ಖಸಮ್ಫಸ್ಸತಾಯ ದುಫಸ್ಸೋ। ಅತ್ತಗುತ್ತಾ, ಜಡಾ, ಅಬ್ಯಣ್ಡಾ, ಕಣ್ಡೂರಾ, ಪಾವುಸಾಯಿನೀ, ಸೂಕಸಿಮ್ಬಿಪಿ। ‘‘ಅಯಂ ಅತ್ತಗುತ್ತಾ। ಪಾವುಸಾಯಂ ಉತುಯಂ ಏತಿ ಜಾಯತೇ, ಣೋ, ಇನೀ। ಸೂಕಸಹಿತಾ ಸಿಮ್ಬಿ ಅಸ್ಸಾ ಸೂಕಸಿಮ್ಬಿ, ರಸ್ಸನ್ತೋ। ದ್ವಯಂ ಮಣ್ಡೂಕಪಣ್ಣಿಯಂ। ಮಜ ಸುದ್ಧಿಯಂ, ಠೋ। ಕಾಸ ದಿತ್ತಿಯಂ, ಕರಣೇ ಅ, ರಸ್ಸೋ। ಸಮಙ್ಗಾ, ಯೋಜನವಲ್ಲೀಪಿ। ಸಮಙ್ಗತೀತಿ ಸಮಙ್ಗಾ, ಅ। ಯೋಜನಂ ವಲ್ಲೀ ಯಸ್ಸಾ ಯೋಜನವಲ್ಲೀ।
ದ್ವಯಂ ವನತಿತ್ತಿಕಾಯಂ। ಅಮ್ಬ ಸದ್ದೇ, ಠೋ, ಅವ ರಕ್ಖಣೇ ವಾ, ನಿಗ್ಗಹೀತಾಗಮೋ। ಪಾ ರಕ್ಖಣೇ, ಠೋ। ಸೇತಾ, ಪಾಪಚೇಲೀಪಿ। ಸೇತರಸೇನ ಯುಜ್ಜತೇತಿ, ಅ। ದ್ವಯಂ ಕಟುಕರೋಹಿಣಿಯಂ। ಕಟ ವಸ್ಸಾವರಣಗತೀಸು। ಉ, ಕಟು, ನಾರೀ। ಕಟುಕರಸಾ ಹುತ್ವಾ ರುಹತೀತಿ ಕಟುಕರೋಹಿಣೀ, ರುಹ ಜನನೇ, ಯು, ನದಾದಿ। ‘‘ಕಟುಕರೋಹಿಣೀ’’ತಿ ಸಮುದಿತೇನ ನಾಮಮಿದಂ। ಕಟುರೋಹಿಣೀಪಿ।
೫೮೩. ದ್ವಯಂ ಖರಮಞ್ಜರಿಯಂ ‘‘ಚಚಸಿಮ’’ಇತಿ ಖ್ಯಾತಾಯಂ। ಅಪಮಜ್ಜನ್ತಿ ವತ್ಥಾದಿಕ’ಮನೇನೇತಿ ಅಪಾಮಗ್ಗೋ, ದೀಘೋ ಉಪಸಗ್ಗಸ್ಸ। ಸಿಖರಮಸ್ಸಾತಿ ಸೇಖರಿಕೋ। ಧಾಮಗ್ಗವೋ, ವಿಮುಖಪುಪ್ಫೀಪಿ। ‘‘ಘೋಸಕೇ ಖರಮಞ್ಜರಿಯಂ, ಧಾಮಗ್ಗವೋ ಪುಮೇ ಮತೋ’’। ವಿಮುಖಂ ಪುಪ್ಫಮಸ್ಸಾ। ದ್ವಯಂ ಕಣಾಯಂ। ಪಿತ್ತಂ ಫಲತಿ ಕುಪ್ಪತಿ ಯಾಯ ಪಿಪ್ಫಲೀ, ನದಾದಿ। ಮಗಧೇ ಭವಾ ಮಾಗಧೀ, ಮಗಧಾನಂ ಅಯಂ ವಾ ಮಾಗಧೀ, ತತ್ರ ಪಠಮುಪ್ಪನ್ನತ್ತಾ, ಬಾಹುಲ್ಯೇನ ವಾ ತತ್ರ ಜಾಯಮಾನತ್ತಾ ತಂಸಮಞ್ಞಾಯ ಬ್ಯಪದಿಸ್ಸತೇ। ವೇದೇಹೀ, ಕಣಾ, ಕೋಲಾಪಿ। ವೇದೇಹಾನಮಯಂ ವೇದೇಹೀ। ಕಣಾ ನಾನತ್ಥಾ, ವುತ್ತಞ್ಚ ‘‘ಕಣಾ ಪಿಪ್ಫಲಿ’ಜಾಜೀ ಚೇ’’ತಿ।
ದ್ವಯಂ ಗೋಕಣ್ಟಕೋ, ಪಥವಿಯಂ ವಾ ಲಗ್ಗೋ ಕಣ್ಟಕೋ ಗೋಕಣ್ಟಕೋ। ಸಿಙ್ಘ ಘಾಯನೇ, ಆಟೋ। ಪಲಙ್ಕಸಾ, ಸಾದುಕಣ್ಟೋಪಿ। ಯುತ್ತರಾಸ್ನಾಯಂ ಪಲಾಸೇ ಚ ಪಲಙ್ಕಸಾ ಥಿಯಂ। ಸಾದುಕಣ್ಟೋ ವಿಕಙ್ಕತೇಪಿ। ದ್ವಯಂ ಹತ್ಥಿಪಿಪ್ಫಲಿಯಂ। ಕೋಲಾಕಾರಾ, ತಂನಾಮಿಕಾ ವಾ ವಲ್ಲೀ ಕೋಲವಲ್ಲಿ, ರಸ್ಸೋ। ಇಭಾನಂ ಹತ್ಥೀನಂ ಪಿಪ್ಫಲೀ ಇಭಪಿಪ್ಫಲೀ। ಕಪಿವಲ್ಲೀ, ವಸಿರೋಪಿ। ವಸಿರೋ ನಾನತ್ಥೋ। ವಸಿರೋ ಅಪಾಮಗ್ಗೋ ಸಾಮುದ್ದಲವಣಂ ಹತ್ಥಿಪಿಪ್ಫಲಿ ಚೇತಿ। ಪುಮೇ’ಯಂ।
೫೮೪. ದ್ವಯಂ ಛಗನ್ಥಾಯಂ, ಯಾ ‘‘ಉಗ್ಗಗನ್ಧಾ’’ತಿಪ್ಯುಚ್ಚತೇ। ಗುನ್ನಂ ಲೋಮಸಮ್ಪಾತನಟ್ಠಾನೇ ಜಾತಾ ಗೋಲೋಮೀ, ವಚ ವಿಯತ್ತಿಯಂ ವಾಚಾಯಂ, ಕರಣೇ ಅ, ಸತಪಬ್ಬಿಕಾಪಿ। ವಚಾ ಸುಕ್ಕಲೋಹಿತಮೂಲಭೇದೇನ ದುವಿಧಾ, ತತ್ರಸುಕ್ಕಾ ‘‘ಹೇಮವತೀ’’ತ್ಯುಚ್ಚತೇ ಅಮರಕೋಸೇ ಗಿರಿಕಣ್ಣೀ। ರೋಗಾದಿಜಿತತ್ತಾ ಅಪರಾಜಿತಾ।
ದ್ವಯಂ ಕಲಸಿಯಂ। ಸೀಹಪುಚ್ಛಾಕಾರಕುಸುಮಮಞ್ಜರಿತಾಯ ಸೀಹಪುಚ್ಛಿ। ಪಞ್ಹಿ ಅಪ್ಪತನು ವುಚ್ಚತೇ। ಪಞ್ಹಿ ಪಣ್ಣಂ ಯಸ್ಸಾ ಪಞ್ಹಿಪಣ್ಣೀ। ಪುಥುಪಣ್ಣೀ, ಗುಹಾಪಿ, ಪುಥು ಅಸಿಲಿಟ್ಠಂ ಪಣ್ಣಮಸ್ಸಾ ಪುಥುಪಣ್ಣೀ। ಗಹ್ವರೇ ಸೀಹಪುಚ್ಛಞ್ಚ, ಥಿಯಂ ಛಮಾತುಕೇ ಗುಹೋ ಸಾಲಪಣ್ಣೀ। ಸಾಲಂ ಸೋಭನಯುತ್ತಂ ಪಣ್ಣಮಸ್ಸಾ ವಾ ಸಾಲಪಣ್ಣೀ। ಥು ಗತಿಥೇರಿಯೇಸು, ಇರೋ, ಥಿರೋ।
೫೮೫. ದ್ವಯಂ ನಿದಿದ್ಧಿಕಾ, ಣ್ವು। ಭಯಕರಣವಸೇನ ಬ್ಯಗ್ಘಸದಿಸತಾಯ ಬ್ಯಗ್ಘೀ, ಬ್ರಹತೀ, ಖುದ್ದಾಪಿ। ದ್ವಯಂ ನೀಲಿರುಕ್ಖೇ। ನೀಲ ವಣ್ಣೇ। ನೀಲವಣ್ಣತಾಯ ನೀಲೀ, ನದಾದಿ, ಇನೀ, ನೀಲಿನೀ, ಕಾಳಾ, ತುತ್ಥಾಪಿ।
ಕಾಳಾ ಕಣ್ಹತಿವುತಾಯಂ, ನೀಲೀ ಯೋಜನವಲ್ಲಿಸು।
ಪಣ್ಡೇ ರಸಞ್ಜನೇ ತುತ್ಥಾ, ಸುಖುಮೇಲಾಯ ನೀಲಿಯಂ
ದ್ವಯಂ ಗುಞ್ಜಾಯಂ। ಜಞ್ಜ ಯುದ್ಧೇ, ಉಕೋ, ಅಸ್ಸಿ, ಗುಜ ಸದ್ದೇ, ಅ, ಬಿನ್ದಾಗಮೋ। ನಾಮನ್ತರಾನಿ ಚಸ್ಸ –
ದುಮೇ ಸಾ ರತ್ತಿಕಾ ರತ್ತ-ದಲಾ ಚೂಳಾಮಣೀ ಚ ಸಾ।
ಕಾಕಚಿಞ್ಚೀ ತುಲಾಬೀಜಂ, ಕಣ್ಹಲಾ ಚ ಸಿಖಣ್ಡಿನೀ॥
ದ್ವಯ’ಮಹೇರುಯಂ। ಅಯಮಹೇರುಇಚ್ಚೇವ ಖ್ಯಾತಕಣ್ಟಕವತೀ ಭವತಿ। ಸತಂ ಮೂಲಾನಿ ಯಸ್ಸ ಸತಮೂಲೀ। ಸತಂ ರೋಗೇ ಆವರತೀತಿ ಸತಾವರೀ, ವರ ಆವರಣಿಚ್ಛಾಸು, ಅಥ ವಾ ‘‘ಸತಾ’’ತಿ ಚ ‘‘ಆವರೀ’’ತಿ ಚ ದ್ವೇ ನಾಮಾನಿ ತಸ್ಸಾ। ‘‘ಸತಮೂಲೀ ಬಹುಸುತಾ-ಭೀರು ಇನ್ದೀವರೀ ವರೀ’’ತಿ
೫೮೬. ದ್ವಯಂ ಅತಿವಿಸಾಯಂ। ಮಹಾವೀರಿಯಂ ಓಸಧಂ ಮಹೋಸಧಂ। ‘‘ಲಸುಣೇ ತಿವಿಸಾಯಞ್ಚ, ಸುಣ್ಠಿಯಮ್ಪಿ ಮಹೋಸಧ’’ನ್ತಿ ರುದ್ದೋ ಅತಿವಿಸಾ, ವಿಸಾ, ಅರುಣಾ, ಸಿಙ್ಗೀಪಿ।
‘‘ಅರುಣೋ ಕಿಞ್ಚಿರತ್ತಕ್ಕೇ, ಸಞ್ಝಾರಾಗೇ ಅನೂರುಕೇ।
ನಿಸದ್ದೇ ಕಪಿಲೇ ಕುಟ್ಠೇ, ದಬ್ಬೇವ ವಾಚ್ಚಲಿಙ್ಗಿಕೋ’’॥
‘‘ಅರುಣಾತಿವಿಸಾಸಾಮಾ, ಮಞ್ಜಟ್ಠಾತಿವುತಾಸು ಚ।
ಉಸೀರೇತಿವಿಸಾಯಞ್ಚ, ಸಿಙ್ಗಿಮಗ್ಗುರವಲ್ಲಭಾ’’ತಿ॥
ದ್ವಯಂ ಸೋಮರಾಜಿಯಂ। ವಕ ಆದಾನೇ, ಅಚೋ, ಸೋಮಸಮತಾಯ ಕಾರಿತಾ ವಲ್ಲಿಕಾ ಸೋಮವಲ್ಲಿಕಾ, ಸಕತ್ಥೇ ಕೋ, ಕಣ್ಹಫಲಾ, ಪೂತಿಫಲಾಪಿ।
ದ್ವಯಂ ದಾರುಹಲಿದ್ದಾರುಕ್ಖೇ। ದರ ವಿದಾರಣೇ, ಬೋ, ರಸ್ಸ ಬೋ, ದಾಬ್ಬೀ, ದೀಘಾದಿ, ನದಾದಿ। ಹಲಿದ್ದವಣ್ಣದಾರುತಾಯ ದಾರುಹಲಿದ್ದಾ, ಹಲಿದ್ದಾಪಿ। ದ್ವಯಂ ಬಿಳಙ್ಗೇ। ಅಙ್ಗ, ರಙ್ಗ, ಲಙ್ಗ, ಗತ್ಯತ್ಥಾ ದಣ್ಡಕಾ ಧಾತೂ, ಅ, ಳತ್ತಂ, ಬಿಳಙ್ಗಂ। ಚಿತ್ರಾನಿ ತಣ್ಡುಲಾನಿ ಯಸ್ಸಾ, ತಣ್ಡುಲೋ, ಕಿಮಿಸತ್ತುಪಿ।
೫೮೭. ದ್ವಯಂ ಸಮನ್ತದುದ್ಧಾಯಂ, ನುಹ ಉಗ್ಗಿರಣೇ, ನದಾದಿ, ಮಹನ್ತಂ ನಾಮಮಸ್ಸ। ಸೀಹುಣ್ಡೋ, ವಜಿರದುಮೋ, ಗುಳಾಪಿ। ದ್ವಯಂ ದಕ್ಖಾಯಂ। ಮುದುಗುಣಯೋಗಾ ಮುದ್ದಿಕಾ, ಮಧುರಸೋ ಸಾದು, ತೇನ ವುತ್ತಂ ವೇಜ್ಜಗನ್ಥೇ ‘‘ಸಾದು ಲವಣತಿತ್ತಮ್ಬಿಲಕಟುಕಸಾಯಕಾ’’ಇತಿ, ತಂಯೋಗಾ ಮಧುರಸಾ। ಗೋತ್ಥನೀ, ದಕ್ಖಾಪಿ। ತಿಕಂ ಯಟ್ಠಿಮಧುಕಾಯಂ। ಮಧುರಸತಾಯ ಮಧುಕಂ, ಉಪಮಾನೇ ಕೋ। ದಣ್ಡಾಕಾರತ್ತಾ ಯಟ್ಠಿ ಚ ಸಾ ಮಧುರಸತ್ತಾ ಮಧುಕಾ ಚೇತಿ ಯಟ್ಠಿಮಧುಕಾ। ಮಧುರಸಭಾವೇ ತಿಟ್ಠತೀತಿ ಮಧುಲಟ್ಠಿಕಾ, ರಸ್ಸ ಲೋ, ಸಕತ್ಥೇ ಕೋ ಚ। ‘‘ಮಧುಯಟ್ಠಿಕಾ’’ತಿಪಿ ಪಾಠೋ, ವುತ್ತಞ್ಚ ‘‘ಮಧುಕಂ ಕ್ಲೀತಕಂ ಯಟ್ಠಿ-ಮಧುಕಂ ಮಧುಯಟ್ಠಿಕಾ’’ತಿ
೫೮೮. ದ್ವಯಂ ವಾತಿಙ್ಗಣೋ, ಭಣ್ಡ ಪರಿಭಾಸನೇ, ಣ್ವು, ನದಾದಿ। ಟಕಾರಕರಣೇ ಭಣ್ಟಾಕೀಪಿ, ಬ್ರಹತಿಯಮ್ಪಿ ಅಯಂ।
‘‘ವಾತಿಙ್ಗಣೋ ತು ವಾತ್ತಾಕು,
ವಾತ್ತಾಕೋ ಸಾಕವೇಳು ಚ।
ಭಣ್ಡಾಕೀ ರಾಜಕುಮ್ಭಣ್ಡೋ,
ವಾತ್ತಾಕೀ ದುಪ್ಪಹಾಸಿನೀ’’ತಿ
ರಭಸೋ। ದ್ವಯಂ ಬ್ರಹತಿಯಂ। ವಾತ್ತಂ ನಿರಾಮಯಂ ಕರೋತೀತಿ ವಾತ್ತಾಕೀ, ವಾತಿಙ್ಗಣೇಪಿ। ಬ್ರಹ ವುತ್ತಿಯಂ, ತೋ, ನದಾದಿ।
ದ್ವಯಂ ಗೋರಕ್ಖತಣ್ಡುಲೇ, ವುತ್ತಞ್ಚ ತನ್ತನ್ತರೇ ‘‘ಗಙ್ಗೇರುಕೀ ನಾಗಬಲಾ, ತಥಾ ಗೋರಕ್ಖತಣ್ಡುಲಾ’’ತಿ। ನಾಗಸ್ಸ ಬಲಮಿವ ಬಲಮೇತಿಸ್ಸಾ ರೋಗಹರಣತ್ತಾ ನಾಗಬಲಾ, ಝಸ ಹಿಂಸತ್ಥೋ, ಅ। ದ್ವಯಂ ಅಗ್ಗಿಸಿಖಾಯಂ। ನಙ್ಗಲಸದಿಸಮೂಲತಾಯ ಲಾಙ್ಗಲೀ, ನಸ್ಸ ಲೋ, ದೀಘೋ ಚ। ‘‘ನಙ್ಗಲೀ’’ತಿಪಿ ಪಾಠೋ, ಸರದಕಾಲೇ ಸಞ್ಜಾತತ್ತಾ ಸಾರದೀ।
೫೮೯. ತಿಕಂ ಕದಲಿಯಂ। ರಮನ್ತಿ ಯಸ್ಸಂ ರಮ್ಭಾ, ಭೋ। ಕದ ಮಾರಣೇ, ಅಲೋ, ನದಾದಿ। ಮುಚ ಮೋಚನೇ, ಣೋ। ದ್ವಯಂ ಕಪ್ಪಾಸಿಯಂ ಕಪ್ಪಾಸೀ, ಕರೋತಿಸ್ಮಾ ಪಾಸೋ, ನದಾದಿ। ವದ ಥೇರಿಯೇ, ಅರೋ, ಸಮುದ್ದನ್ತಾಪಿ।
ಸಮುದ್ದನ್ತಾ ತು ಕಪ್ಪಾಸೀ, ಸಿಕ್ಕಾದುರಾಲಭಾಸು ಚ।
ಕಪ್ಪಾಸೀ ವನಸಮ್ಭವಾ ಚೇ, ಭಾರದ್ವಾಜೀತಿ ವುಚ್ಚತಿ॥
ದ್ವಯಂ ಪಣ್ಣಲತಾಯಂ। ನಾಗಲೋಕೇ ಜಾತಾ ಲತಾ ನಾಗಲತಾ। ತಮ್ಬವಣ್ಣಂ ಲಾತೀತಿ ತಮ್ಬೂಲೀ, ಅಸ್ಸೂ, ನದಾದಿ। ತಮ್ಬೂಲಸ್ಸ ಅಯಂ ವಾ ತಮ್ಬೂಲೀ। ತಮ್ಬೂಲವಲ್ಲೀ, ನಾಗವಲ್ಲೀಪಿ, ತಮ್ಬೂಲಂ ನಾಮ ಫಲಪತ್ತಚುಣ್ಣಾದಿಯೋಗಸಮೂಹಾನಂ ನಾಮಂ, ತದತ್ಥಾ ವಲ್ಲೀ ತಮ್ಬೂಲವಲ್ಲೀ, ನಾಗಲೋಕಸ್ಸ ವಲ್ಲೀ। ದ್ವಯಂ ಧಾತಕಿಯಂ, ಅಯಂ ತಮ್ಬಪುಪ್ಫೀ, ಮಜ್ಜೋಪಯುತ್ತಾ। ಪುಪ್ಫಾ ಸುಗನ್ಧಿಕಾ ಧಾತಕಿಚ್ಚೇವ ಖ್ಯಾತಾ। ಅಗ್ಗಿಜಾಲಸಮಾನಪುಪ್ಫತಾಯ ಅಗ್ಗಿಜಾಲಾ। ಅತಿಸಯಂ ಠಿತಿಂ ಕರೋತೀತಿ ಧಾತಕೀ, ನದಾದಿ।
೫೯೦. ದ್ವಯಂ ಸುಕ್ಕತಿವುತಾಯಂ। ತಿಸ್ಸೋ ವುತಾ ತಚರಾಜಿಯೋ ಯಸ್ಸಾ ತಿವುತಾ। ತಿಸ್ಸೋ ಪುಟಾ ತಚರಾಜಿಯೋ ಯಸ್ಸಾ ತಿಪುಟಾ। ಸರಲಾ, ತಿಭಣ್ಡೀ, ರೋಚನೀಪಿ ಸಾ ತನುಕರಣೇ, ವಿರೇಚನಕರಣೇನ ಕಾಯಂ, ರೋಗಞ್ಚ ಸಾಯತೀತಿ ಸಾಮಾ।
‘‘ಸಾಮಾ ತು ಮೇಚಕೇ ವುದ್ಧ-ದಾರಕೇ ಹರಿತೇ ನದಿ।
ತಿಕಣ್ಹತಿವುತಾ ಗುನ್ದಾ, ಸಾರಿವಾಯಮಿನೀಸು ಚೇ’’ತಿ॥ –
ರಭಸೋ, ಕಲ ಕರ ಕರಣೇ ವಾ, ಅ, ಕಾಳಾ। ಥೀ ಕಾಳಾ ಕಣ್ಹತಿವುತಾಯಂ, ನೀಲೀಯೋಜನವಲ್ಲಿಸು। ಮಸೂರವಿದಲಾ, ಅದ್ಧಚನ್ದಾ, ಕಾಳಮೇಸಿಕಾಪಿ।
ದ್ವಯಂ ಕುಕ್ಕುಟಸಿಙ್ಗಾಯಂ। ಸಿಙ್ಗಸದಿಸಪುಪ್ಫತಾಯ ಸಿಙ್ಗೀ, ಕುಳೀರಸಿಙ್ಗೀ, ವಕ್ಕಙ್ಗೀಪಿ। ದ್ವಯಂ ರೇಣುಕಾಖ್ಯೇ ಗನ್ಧದಬ್ಬೇ, ಅಯಂ ರೇಣುಕೇತ್ಯೇವ ವಾಣಿಜಾದೀನಂ ಖ್ಯಾತಾ। ಅಸ್ಸಾ ಚ ಮರೀಚಾಕತಿ ಫಲಂ। ರೇಣು ಗತಿಸದ್ದೇಸು, ಣು, ಕಪಿಲಾ ವುತ್ತಾ। ದ್ವಿಜಾ, ಹರೇಣೂ, ಕೋನ್ತೀ, ಭಸ್ಮಗನ್ಧನೀಪಿ। ‘‘ಹರೇಣು ಸೋ ಕಲಾಯೇಪಿ, ರೇಣುಕಾಯಂ ಥಿಯಂ ಭವೇ’’ತಿ ರುದ್ದೋ।
೫೯೧. ದ್ವಯಂ ಫಾಲಕೇ। ಹಿರೀನಾಮಿಕಾಯ ದೇವಧೀತಾಯ ಸರೀರತೋ ಸಞ್ಜಾತತ್ತಾ ಹಿರಿವೇರಂ। ವಾರೇತೀತಿ ವಾರಂ, ವಾರಿನಾಮಕತ್ತಾ ವಾ ವಾರಂ, ಲತ್ತೇ ವಾಲಂ। ಉದೀಝಂ। ಕೇಸಮ್ಬುನಾಮಮ್ಪಿ, ಉದೀಚೀದೇಸೇ ಭವಂ ಉದೀಝಂ, ಕೇಸಸ್ಸ ಅಮ್ಬುನೋ ಚ ಯಾನಿ ನಾಮಾನಿ, ತಾನಿ ಸಬ್ಬಾನ್ಯಸ್ಸಾತಿ ಕೇಸಮ್ಬುನಾಮಂ। ದ್ವಯಂ ಬಿಮ್ಬಿಕಾಯಂ। ರತ್ತಂ ಪಕ್ಕಫಲಮಸ್ಸಾ। ಓಟ್ಠವಣ್ಣಸಮಾನಫಲತಾಯ ಬಿಮ್ಬಿಕಾ, ಅಸ್ಸಾ ಏವ ಹಿ ಫಲೇನೋಟ್ಠೋ ಉಪಮೀಯತೇ। ತುಣ್ಡಿಕೇರೀ, ಪಿಲುಪಣ್ಣೀಪಿ।
ದ್ವಯಂ ಸೇಲೇಯ್ಯೇ, ತಞ್ಚ ಪಾಸಾಣಭವಂ ಸುಗನ್ಧರಸದಬ್ಬಂ ಸೇಲಜನ್ತಿ ಖ್ಯಾತಂ। ಸಿಲಾಯಂ ಪಾಸಾಣೇ ಭವಂ ಸೇಲೇಯ್ಯಂ, ಣೇಯ್ಯೋ। ಅಸ್ಮನೋ, ಅಸ್ಮಸ್ಸ ವಾ ಪುಪ್ಫಂ ಅಸ್ಮಪುಪ್ಫಂ, ಕಾಳಾನುಸಾರಿಯಮ್ಪಿ। ದ್ವಯಂ ಏಲಾಯಂ ‘‘ಫಾಲಾ’’ತಿ ಖ್ಯಾತಾಯಂ। ಇಲ ಗಮನೇ, ಅ, ಇಸ್ಸೇ। ಬಹವೋ ಅತ್ಥೇ ಲಾತೀತಿ ಬಹುಲಾ, ಬಹುರೋಗೇ ವಾ ಲುನಾತೀತಿ ಬಹುಲಾ, ಚನ್ದವಾಲಾಪಿ।
೫೯೨. ದ್ವಯಂ ಕುಟ ಚೇದನೇ, ಠೋ। ಕುಯಂ ಪಥವಿಯಂ ತಿಟ್ಠತೀತಿ ವಾ ಕುಟ್ಠಂ। ಬ್ಯಾಧಿನಾಮಕತ್ತಾ ಬ್ಯಾಧಿ, ತಥಾ ಚ ‘‘ಕೋವೇರಂ ಭಾಸುರಂ ಕುಟ್ಠಂ, ಪಾರಿಭಾಬ್ಯಂ ಗದಾಹ್ವಯ’’ನ್ತಿ ರಭಸೋ। ಪಾಕಲಂ, ಉಪ್ಪಲಮ್ಪಿ। ದ್ವಯಂ ಕೇವತ್ತೀಮುತ್ಥಕೇ। ವುತ್ತಞ್ಚ –
‘‘ಪರಿಪೇಲವಂ ಪ್ಲವಂ ವನ್ಯಂ, ತಂ ಕುಟನ್ನಟಸಞ್ಞಕಂ।
ಜಾಯತೇ ಮಣ್ಡೂಕಾಕಾರಂ, ಸೇವಾಲದಲಸಞ್ಚಯೇ’’ತಿ॥
ವನೇ ಪಾನೀಯೇ ಜಾತಂ ವಾನೇಯ್ಯಂ, ಣೇಯ್ಯೋ, ಕೇವತ್ತೀಮುತ್ಥಕೇ ಪಣ್ಡೋ, ಸೋಣಕೋಸೋ ಕುಟನ್ನಟೋ। ಕುಟ ಛೇದನೇ, ನಟ ಅವಬನ್ಧನೇ, ನಟ ನಟ್ಟನೇ ವಾ, ಕುಟನ್ನಟನ್ತಿ ಸಮುದಿತನಾಮಂ। ನಿಗ್ಗಹೀತಾಗಮೋ। ದಾಸಪುರಮ್ಪಿ।
ಫಲಪಾಕನ್ತಲತಾದಿ ಜಾತಿಮತ್ತಮೇವ ಓಸಧಿ ನಾಮ, ನ ತು ತಿಫಲಕಕ್ಕೋಲಾದಿ, ಇಪಚ್ಚಯೋ, ಬಹುವಚನನ್ತು ಅತ್ಥಬಹುಲತ್ತಾ ಏವ, ಏಕವಚನನ್ತೋಪಿ ದಿಸ್ಸತೇ, ಓಸಧಿ ಇತ್ಥಿಯಮೇವ। ಓಸಧಂ ಸಬ್ಬಮಜಾತಿಯಂ। ಫಲಪಾಕನ್ತತ್ತಾ ಜಾತಿತೋ ಅಞ್ಞಂ ಯಂ ಕಿಞ್ಚಿ ರೋಗಾಪನಯನಕರಂ, ತದೋಸಧಮುಚ್ಚತೇ। ಓಸಧಿಜಾತಿಸಮ್ಬನ್ಧಿದಬ್ಬಮ್ಪಿ ಜಾತಿವತ್ತಿಚ್ಛಾಯಂ ರೋಗಪಹೀನಕ್ರಿಯಾಹೇತುತ್ತಾ ಓಸಧಸದ್ದವಾಚ್ಚನ್ತಿ ಪಟಿಪಾದನತ್ಥಂ ಸಬ್ಬಗ್ಗಹಣಂ। ಓಸಧಸದ್ದತೋ ಜಾತಿಯಂ ಣೋ। ಕೇಚಿ ಪನ ‘‘ಓಸಧಿಜಾತಿಮತ್ತಮೋಸಧಂ ಸಬ್ಬಮಜಾತಿಯ’’ನ್ತಿ ಪಾಠಮವತ್ವಾ ‘‘ಓಸಧಿಜಾತಿಮತ್ತಂ ಭೇಸಜ್ಜಂ ಸಬ್ಬಮಜಾತಿಯ’’ನ್ತಿ ಪಠನ್ತಿ। ತಮಿಧ ಓಸಧಿಓಸಧಸದ್ದಾನಮೇವ ಏಕದೇಸವಿಕತಿವಸೇನ ವುತ್ತಾನಂ ಸಂಸಯಾಪಗಮನತ್ಥಂ ವಿಸೇಸಸ್ಸ ವುತ್ತತ್ತಾ ನ ಅಮರಕೋಸೇಪಿ ವುತ್ತಂ ‘‘ಓಸಧ್ಯೋ ಜಾತಿಮತ್ತೇಸು, ಅಜಾತ್ಯಂ ಸಬ್ಬಮೋಸಧ’’ನ್ತಿ ಮಕಾರೋ ಆಗಮವಸೇನ ವುತ್ತೋ।
೫೯೩. ಮೂಲಾದಿಕಂ ದಸವಿಧಂ ಸಾಕನ್ತಿ ಮತಂ, ಸಕ್ಕೋತಿ ಯೇನಾತಿ ಕತ್ವಾ। ತತ್ರ ಮೂಲಂ ಮೂಲಕಾದೀನಂ, ಪತ್ತಂ ಬಾಕುಚಾದೀನಂ, ಕಲೀರಂ ವಂಸಾದೀನಂ, ಅಗ್ಗಂ ವೇತ್ತಾದೀನಂ, ಕನ್ದಂ ನೀಲುಪ್ಪಲಾದೀನಂ, ಮಿಞ್ಜಂ ತಾಲಾದೀನಂ, ಫಲಂ ಕುಮ್ಭಣ್ಡಾದೀನಂ, ತಚೋ ಮಾತುಲುಙ್ಗಾದೀನಂ, ಪುಪ್ಫಂ ವಙ್ಗಸುಸೇನಾದೀನಂ, ಛತ್ತಂ ಅಹಿಛತ್ತಾದೀನಂ।
೫೯೪. ದ್ವಯಂ ಏಳಗಲೇ। ಪಕಾರೇನ ದದ್ದುಂ ಪುನಾತೀತಿ ಪಪುನ್ನಾಟೋ। ಪು ಪವನೇ, ಕಿಯಾದಿ, ಅಟೋ, ನಿಗ್ಗಹೀತಾಗಮೋ। ಏಳಗಂ ದದ್ದುಂ ಲುನಾತೀತಿ ಏಳಗಲೋ। ದದ್ದುಘೋ, ಚಕ್ಕಮದ್ದಕೋ, ಉರಣಾಖ್ಯೋಪಿ, ದದ್ದುಂ ಹನ್ತೀತಿ ದದ್ದುಘೋ, ಹನಸ್ಸ ಘೋ। ಚಕ್ಕಾಕಾರತಾಯ ಚಕ್ಕಂ, ದದ್ದು, ತಂ ಮದ್ದಯತೀತಿ ಚಕ್ಕಮದ್ದಕೋ। ಉರಣಾಖ್ಯೋ ಮೇಸಾಖ್ಯೋ। ಮಾರಿಸಾಕತಿಅಪ್ಪಪತ್ತಕೋ ಭೂಮಿಲಗ್ಗಪತ್ತೋ ತಣ್ಡುಲೇಯ್ಯೋ ಅಪ್ಪಮಾರಿಸೋ ಚ ನಾಮ, ತಣ್ಡುಲತೋ ಜಾಯತೀತಿ ತಣ್ಡುಲೇಯ್ಯೋ, ಣೇಯ್ಯೋ। ಅಪ್ಪಪತ್ತತಾಯ ಅಪ್ಪೋ ಚ ಸೋ ಮಾರಿಸಾಕತಿತ್ತಾ ಮಾರಿಸೋ ಚೇತಿ ಅಪ್ಪಮಾರಿಸೋ।
ದ್ವಯಂ ಜೀವತೋ ಅನ್ತೋ, ನದಾದಿ। ಇತರತೋ ಯು, ನದಾದಿ। ಜೀವಾ, ಜೀವನೀಯಾ, ಮಧುಪಿ। ‘‘ಹೇಂ ನು ನ್ವೇ ನೀ’’। ದ್ವಯಂ ಜೀವಕೇ, ಅಯಂ ಅಟ್ಠವಗ್ಗಪವಿಟ್ಠೋ। ಅನೇನೇವ ನಾಮೇನ ವಾಣಿಜಾನಂ ಪಸಿದ್ಧೋ। ಮಧುರಸತಾಯ ಮಧುರಕೋ, ಜೀವಾಪೇತೀತಿ ಜೀವಕೋ, ಣ್ವು।
‘‘ಜೀವಕೋ ಸಿಙ್ಗಕೋ ಸೇಕೋ,
ದೀಘಾಯು ಕುಚ್ಚಸೀಸಕೋ।
ರಸ್ಸಙ್ಗೋ ಮಧುರೋ ಸಾದು,
ಪಾಣಕೋ ಚಿರಜೀವಿನೀ’’ತಿ॥
ತನ್ತನ್ತರಂ
೫೯೫. ದ್ವಯಂ ಲಸುಣೇ। ಯಸ್ಸ ಮೂಲಂ ಸೇತವಣ್ಣಂ। ಪಲಣ್ಡುಕನ್ದತೋ ಮಹನ್ತಕನ್ದತಾಯ ಮಹಾಕನ್ದೋ। ಅಮ್ಬಿಲೇನೇಕೇನ ರಸೇನ ಊನತಾಯ ಲಸುಣಂ, ಲತ್ತಂ, ರಸ್ಸತ್ತಂ, ಣತ್ತಞ್ಚ, ಲಸ ಕನ್ತಿಯಂ ವಾ, ಯು, ಅಸ್ಸು, ಣತ್ತಂ। ಮಹೋಸಧಂ, ಅರಿಟ್ಠಂ, ರಸೋನೋಪಿ। ದ್ವಯಂ ರತ್ತಮೂಲೇ, ಹರಿತೇ ಚ। ಪಲಡಿ ಗನ್ಧನೇ, ಉ, ಸುನ್ದರೋ ಕನ್ದೋ ಯಸ್ಸ ಸುಕನ್ದಕೋ। ಕ್ರಣಸ್ವನನೀ।
ದ್ವಯಂ ಪಟೋಲೇ। ಪಟ ಗಮನೇ, ಓಲೋ, ಪಟುಂ ರಸಂ ಲಾತೀತಿ ವಾ ಪಟೋಲೋ, ಉಸ್ಸೋ, ತಿತ್ತರಸತಾಯ ತಿತ್ತಕೋ। ಸಕತ್ಥೇ ಕೋ। ಕುಲಕಂ, ಪಟುಪಿ। ದ್ವಯಂ ‘‘ಭಿಙ್ಗರಾಜ’’ಇತಿ ಖ್ಯಾತೇ ಕೇಸರಞ್ಜನೇ। ಭಿಙ್ಗೋ ವುಚ್ಚತಿ ಭಮರೋ, ತಬ್ಬಣ್ಣಂ ಕತ್ವಾ ತೇಸಂ ರಞ್ಜೇತೀತಿ ಭಿಙ್ಗರಾಜೋ। ಮುಚ ಮೋಚನೇ, ಅವೋ, ಉಸ್ಸಾ, ಮಾಕ್ಕವೋ।
೫೯೬. ದ್ವಯಂ ಪುನನ್ನವಾ। ಸೋಥಂ ಹನ್ತೀತಿ ಸೋಥಘಾತಂ, ಹನಸ್ಸ ಘಾತೋ। ದ್ವಯಂ ಅನೂಪಜೇ ಸಾಕೇ। ತುದ ಬ್ಯಥನೇ, ಭಾವೇ ತೋ। ವಿಗತಂ ತುನ್ನಮೇತಸ್ಸ ಖಾದನೇ ವಿತುನ್ನಂ। ಸದ ವಿಸರಣಗತ್ಯಾವಸಾನೇಸು, ತೋ, ಅನ್ನಾದೇಸೋ, ಸಕತ್ಥೇ ಕೋ।
ದ್ವಯಂ ಕಾರವೇಲ್ಲಕೇ। ತಿತ್ತರಸತಾಯ ಕುಚ್ಛಿತಾಕಾರೇನ ಲಮ್ಬತೀತಿ ಕಾರವೇಲ್ಲೋ। ಉಸ್ಸಾತ್ತಂ, ರತ್ತಂ, ಇಲ್ಲೋ, ಕುಪುಬ್ಬೋ ಲವಿ ಅವಸಂಸನೇ। ಸಸು ಹಿಂಸಾಯಂ, ಅವೋ, ನದಾದಿ, ಅಸ್ಸು। ‘‘ಹೇ ಖಾ ಲೇ-ಖ್ಯಾ’’। ತಿಕಂ ಲಾಬುಯಂ। ತುಮ್ಬ ಅದನೇ, ತುಮ್ಬತಿ ಹಿಂಸತಿ ಪಿತ್ತನ್ತಿ ತುಮ್ಬೀ, ನದಾದಿ। ನಪುಬ್ಬೋ ಲಮ್ಬ ಅವಸಂಸನೇ, ಉ, ಮಲೋಪೋ, ನಸ್ಸ ಅತ್ತಂ, ಅಲಾಬು, ಪಾಣಿನಿಯಾನಂ ಆಪುಬ್ಬೋ ಲಮ್ಬ ಅವಸಂಸನೇ, ಆಲಾಬು। ಕಾತನ್ತಿಕಾನಂ, ಚನ್ದಾನಞ್ಚೇವಂ, ಅಸ್ಮಾಕನ್ತು ರಸ್ಸಂ ಕತ್ವಾ ಅಲಾಬು, ಅಲೋಪೇ ಲಾಬು, ಅಭೇದೋಪಚಾರೇನ ತೀಣಿಪಿ ಫಲೇಪಿ ಇತ್ಥಿಲಿಙ್ಗಾನಿ, ಸಾಸದ್ದೋ ಇತ್ಥಿ ಲಿಙ್ಗತ್ಥಜೋತಕೋ।
೫೯೭. ದ್ವಯಂ ಸಮ್ಪುಸೇ। ಇರಂ ವಾರಿಂ ಲಾತಿ ತಬ್ಬಾಹುಲ್ಯತೋತಿ ಏಳಾಲುಕಂ। ‘‘ಇರಾ ವಾರಿಸುರಾ ಭೂಮಿ-ಭಾರತೀಸು ಪಯುಜ್ಜತೇ’’ತಿ ಹಿ ನಾನತ್ಥಸಙ್ಗಹೋ। ಥಿಯಂ, ಉ, ಸಕತ್ಥೇ ಕೋ। ಕುಕ ಆದಾನೇ, ಅರೋ, ನದಾದಿ, ಉಸ್ಸತ್ತಂ, ಕಂ ವಾತಂ, ಕಫಞ್ಚ ಕರೋತೀತಿ ಕಕ್ಕರೀ, ಅಪರತ್ರ ಫಲೋಪೋ। ಕಕಳಿಪಿ। ದ್ವಯಂ ಕುಮ್ಭಣ್ಡೇ। ಕುಮ್ಭಪ್ಪಮಾಣಫಲತಾಯ ಕುಮ್ಭಣ್ಡೋ, ಅಞ್ಞತ್ಥೇ ಣ್ಡೋ, ಕುಮ್ಭೋ ವಿಯ ಡೇತೀತಿ ವಾ ಕುಮ್ಭಣ್ಡೋ, ಬಿನ್ದಾಗಮೋ, ಕುಸ ಛೇದನೇ ವಾ, ಅಣ್ಡೋ, ಸಸ್ಸ ಭೋ, ಬಿನ್ದಾಗಮೋ, ಕಂ ವಾತಂ ಉಮ್ಭೇತೀತಿ ವಾ ಕುಮ್ಭಣ್ಡೋ, ಅಣ್ಡೋ। ವಲ್ಲ ಸಂವರಣೇ, ಇಭೋ, ಮಹಾಫಲತಾಯ ಸಬ್ಬಾಸಂ ವಲ್ಲಿಜಾತೀನಂ ಭಾತಿ ದಿಬ್ಬತೀತಿ ವಾ ವಲ್ಲಿಭೋ, ಕಕ್ಕಾರೂಪಿ।
ದ್ವಯಂ ಗೋರಕ್ಖಕಕ್ಕರಿಯಂ। ಇನ್ದಸ್ಸ ಸಕ್ಕಸ್ಸ ವಾರುಣೀ ಸುರಾ ಇನ್ದವಾರುಣೀ। ವಿಸೇಸೇನ ಸರತಿ ಹಿಂಸತಿ ಕಫಪಿತ್ತಾದಯೋತಿ ವಿಸಾಲಾ। ‘‘ಸರಮೇಹೋ ಕುಟ್ಠಹರಿ, ವಿಸಾಲಾ ಕಫಪಿತ್ತಘಾ’’ತಿ ಹಿ ದಬ್ಬಗುಣೇ। ವಿಸರತಿ ವಿರೇಚತಿ ಏತಾಯಾತಿ ವಾ ವಿಸಾಲಾ। ದ್ವಯಂ ಅನುಪಸಾಕೇ। ವಸತಿ ಯಸ್ಮಿಂ ಖಾರಗುಣೋ ವತ್ಥು। ವಸ ನಿವಾಸೇ, ರತ್ಥು, ವಸ ಹಿಂಸಾಯಂ ವಾ, ವಸತಿ ಕಫವಾತಪಿತ್ತೇತಿ ವತ್ಥು। ವತ್ಥುಲೇಯ್ಯಕೋತಿ ಸಮುದಿತನಾಮಂ। ಲಯ ಸಾಯ್ಯೇ, ಲಯಾಪೇತಿ ಸಬ್ಬದೋಸೇತಿ ಲೇಯ್ಯಕೋ, ಣ್ವು, ಅಸ್ಸೇ, ವತ್ಥು ಚ ಸೋ ಲೇಯ್ಯಕೋ ಚಾತಿ ವತ್ಥುಲೇಯ್ಯಕೋ। ‘‘ಮೌಂ-ಹೇಂ’’।
೫೯೮. ದ್ವಯಂ ಮೂಲಕೇ। ಣ್ವುಮ್ಹಿ ಮೂಲಕೋ। ಚಚ್ಚ ಪರಿಭಾಸನತಜ್ಜನೇಸು, ಉ, ಅಸ್ಸು, ಮುಂಲಾಪಙ। ದ್ವಯಂ ಕಲಮ್ಬುಕೇ। ತಮು ಕಙ್ಖಾಯಂ, ಣ್ವು, ಬನ್ತೋ ಚ, ಕೇ ಜಲೇ ಲಮ್ಬತೀತಿ ಕಲಮ್ಬುಕೋ, ಣ್ವು, ಅಸ್ಸು। ಉಪೋದಿಕಾಪಿ, ಉದಕಂ ಅಪಗತಾ ಉಪೋದಿಕಾ।
ಕಾಸಮದ್ದಝಜ್ಝರೀಮಗ್ಗವಾದಯೋ ಸಾಕಭೇದಾ ಸಾಕವಿಸೇಸಾ। ಕಾಸಂ ಮದ್ದತೀತಿ ಕಾಸಮದ್ದೋ। ಕಚೋ, ಝಜ್ಝ ಪರಿಭಾಸನತಜ್ಜನೇಸು, ಅರೋ, ನದಾದಿ, ಝಜ್ಝರೀ। ಕನಕಲಾ। ಫಂ ವಾತಂ ಗಣ್ಹಾತೀತಿ ಫಗ್ಗವೋ, ಹಸ್ಸ ವೋ, ಫಗ್ಗವೋ, ‘‘ಪೈ-ತೇಂ-ಖಾ’’।
೫೯೯-೬೦೦. ದ್ವಯಂ ದುಬ್ಬಾಯಂ। ಸುನ್ದರಂ ದಲಂ ಪತ್ತಮೇತಸ್ಸ ಮಙ್ಗಲಪಾಠೇತಿ ಸದ್ದಲೋ, ಸದ್ದಂ ಮಙ್ಗಲಸದ್ದಂ ಲಾನ್ತಿ ಭಾಸನ್ತಿ ಪಠನ್ತಿ ಬ್ರಾಹ್ಮಣಾ ಯೇನಾತಿ ವಾ ಸದ್ದಲೋ। ದುಬ್ಬೀ ಹಿಂಸಾಯಂ, ಅ, ಅವಮಙ್ಗಲಂ ದುಬ್ಬತೀತಿ ದುಬ್ಬಾ, ದುನ್ನಿಮಿತ್ತಾದಯೋ ವಾರೇನ್ತಿ ಯಾಯಾತಿ ವಾದುಬ್ಬಾ, ನೇರುತ್ತೋ। ಸತಪಬ್ಬಿಕಾ, ಭಗ್ಗವೀ, ಅನನ್ತಾ, ರುಹಾಪಿ। ಸಾ ದುಬ್ಬಾ ಸಿತಾ ಸುಕ್ಕಾ ಚೇ, ಗೋಲೋಮೀ ನಾಮ, ಗೋಲೋಮಜತ್ತಾ ಗೋಲೋಮೀ। ಸತವೀರಿಯಾ, ಗಣ್ಡಾಲೀ, ಸಕುಲಾಕ್ಖಕೋಪಿ।
ದ್ವಯಂ ಭದ್ದಮುತ್ತೇ। ಗು ಸದ್ದೇ, ದೋ। ಮುಚ ಮೋಚನೇ, ತೋ, ರೋಗಹರಣತ್ತಾ ಭದ್ದಞ್ಚ ತಂ ಮುತ್ತಞ್ಚೇತಿ ಭದ್ದಮುತ್ತಂ, ‘‘ನ್ವಾ-ಮ್ಯೇ-ಯೇಂ-ಜೀ’’। ದ್ವಯಂ ಉಚ್ಛುಮ್ಹಿ। ರಸಂ ಲಾತೀತಿ ರಸಾಲೋ, ದೀಘೋ। ಇಸು ಇಚ್ಛಾಯಂ, ಉ, ಉಸ ದಾಹೇ ವಾ, ಉ, ಸಸ್ಸ ಛೋ, ಪುಬ್ಬತ್ರ ಇಸ್ಸು, ಅಸರೂಪದ್ವಿತ್ತಂ, ಉಚ್ಛು, ಪುಮೇ।
ಚತುಕ್ಕಂ ವೀ ಗಮನೇ, ಳು, ತಚೋವ ಸಾರೋ ಯಸ್ಸ। ವೀ ಗಮನೇ, ಉ, ನಾಗಮೋ, ಣತ್ತಂ, ವನತಿ ಸಮ್ಭತೀತಿ ವಂಸೋ। ವನ ಸಮ್ಭತ್ತಿಯಂ, ಸೋ, ವಸ ನಿವಾಸೇ ವಾ, ಕರಣೇ ಅ, ನಿಗ್ಗಹೀತಾಗಮೋ। ಸತಪಬ್ಬೋ, ಯವಫಲೋ, ಮಕ್ಕರೋ, ತೇಜನೋಪಿ, ಮಕ್ಕರೋತಿ ಪಟಿಸೇವತಿ ಯೇನ ಮಕ್ಕರೋ, ಸಞ್ಞಾಯಂ ಅ। ತಿಕಂ ಪಬ್ಬೇ। ಪಬ್ಬ ಪೂರಣೇ, ಪಬ್ಬಂ। ಫಲ ವಿಸರಣೇ, ಉ, ಳತ್ತಂ। ಗನ್ಥ ಗನ್ಥನೇ, ಇ, ವಣ್ಣವಿಕಾರೇ ಗಣ್ಠಿ, ಸೋ ಪುಮಾ।
ಅನಿಲದ್ಧುತಾ ಅನಿಲೇನ ಕಮ್ಪಿತಾ ಯೇ ವೇಣೂ ಕೀಟಾದಿಭಿ ಕತರನ್ಧತಾಯ ನದನ್ತಿ, ತೇ ಕೀಚಕಾ ನಾಮ ಸಿಯುಂ, ಚಕೀ ಆಮಸನೇ, ಣ್ವು, ಪುಬ್ಬಾಪರಬ್ಯಞ್ಜನಾನಂ ವಿಪರಿಯಯೋ, ಕೀಚಕಾ।
೬೦೧. ದ್ವಯಂ ನಳೇ। ನೀ ನಯೇ, ಅಲೋ, ಳತ್ತಂ, ಧಮ ಸದ್ದಗ್ಗಿಸಂಯೋಗೇಸು, ಯು, ಪೋಟಗಲೋಪ್ಯತ್ರ। ದ್ವಯಂ ಕಾಸೇ। ಪುಟಂ ಅಞ್ಞಮಞ್ಞಂ ಸಂಸಗ್ಗಂ ಗಚ್ಛತೀತಿ ಪೋಟಗಲೋ, ಮಸ್ಸ ಲೋ। ಕಾಸ ದಿತ್ತಿಯಂ, ಅ, ಅಯಮನಿತ್ಥೀ।
ದ್ವಯಂ ಸರೇ। ತಿಜ ನಿಸಾನೇ, ಯು। ಸರನ್ತ್ಯನೇನೇತಿ ಸರೋ। ಪುಮೇ ಸಞ್ಞಾಯಂ ಅ, ಸರ ಹಿಂಸಾಯಂ ವಾ। ಗುನ್ದೋಪ್ಯತ್ರ। ಬೀರಣಸ್ಸ ಸೇತಕುಸುಮಸ್ಸ ತಿಣವಿಸೇಸಸ್ಸ ಮೂಲಂ ಉಸೀರಂ ನಾಮ, ವಸ ಕನ್ತಿಯಂ, ಉಸ ದಾಹೇ ವಾ, ಈರೋ, ಪುಬ್ಬಸ್ಮಿಂ ವಸ್ಸು, ಅಭಯಂ, ನಲದಂ, ಸೇಬ್ಯಂ, ಜಲಾಸಯಂ, ಅಮಣಾಲಂ, ಲಾಮಜ್ಜಕಮ್ಪಿ।
ಹರಿತಕ್ಯಾಭಯಾ ಪಣ್ಡೋ, ಉಸೀರೇ ನಿಬ್ಭಯೇ ತಿಸು।
ಜಲಾಸಯೋ ಜಲಾಧಾರೇ, ಉಸೀರೇ ತು ಜಲಾಸಯಂ।
ಸೇಬ್ಯಾ ಸೇವಾರಹೇ ಸಿಯಾ।
೬೦೨. ತಿಕಂ ಕುಸ ಛೇದನೇ, ಅ, ವರಹ ಪಾಧಾನ್ಯೇ, ಪರಿಭಾಸನಹಿಂ ಸಾದಾನೇಸು ಚ, ಇಸೋ, ದು ಪರಿತಾಪೇ, ಅಬ್ಭೋ, ದಬ್ಭೋ, ಕುಥೋ, ಪವಿತ್ರಮ್ಪಿ।
ದ್ವಯಂ ‘‘ಗನ್ಧಖೇಡ’’ಇತಿ ಖ್ಯಾತೇ ತಿಣೇ, ವುತ್ತಞ್ಚ ‘‘ಭೂತಿನಂ ಗನ್ಧಖೇಡಞ್ಚ, ಸುಗನ್ಧಂ ಗೋಮಯಪ್ಪಿಯ’’ನ್ತಿ। ಅಥ ರಾಮಕಪ್ಪೂರತೋ ಕೋ ಅಸ್ಸ ಭೇದೋ। ರಾಮಕಪ್ಪೂರಂ ಬಹುಪಕಣ್ಡಂ ಕಪ್ಪೂರಸುಗನ್ಧಂ। ಗನ್ಧಖೇಡನ್ತು ಇಕಡಸಮಾನಪತ್ತಂ ಸಾಖಾಸಭಾವಂ ಭೂಮಿಲಗ್ಗಂ, ಅತೋಯೇವ ಭೂತಿನಕಮುಚ್ಚತೇ, ಭೂಮಿಯಂ ಲಗ್ಗಂ ತಿಣಂ ಭೂತಿನಕಂ, ನತ್ತಂ, ಸಕತ್ಥೇ ಕೋ।
ದ್ವಯಂ ಗವಾದೀನಂ ಮದನೀಯೇ ತಿಣೇ, ಘಸ ಅದನೇ, ಣೋ, ಯು ಮಿಸ್ಸನೇ, ಅಸೋ। ದ್ವಯಂ ಪೂಗರುಕ್ಖೇ। ಪೂಜ ಪೂಜಾಯಂ, ಣೋ, ಪೂಗೋ। ಕಮು ಇಚ್ಛಾಯಂ, ಣ್ವು। ಘೋಣ್ಟಾಪಿ, ‘‘ಘೋಣ್ಟಾ ಬದರಪೂಗೇಸೂ’’ತಿ ರುದ್ದೋ।
೬೦೩. ದ್ವಯಂ ತಾಲೇ। ತಲ ಪತಿಟ್ಠಾಯಂ, ಚುರಾದಿ, ಅ। ವಾತಾದಯೋ ವಿಭಿನ್ದತೀತಿ ವಿಭೇದಿಕಾ।
‘‘ವಾತಘೋ ಬ್ರೂಹನೋ ಚಾಪಿ, ಕಿಮಿಹಾ ಕುಟ್ಠನಾಸನೋ।
ರತ್ತಪಿತ್ತಹರೋ ಸಾದು, ತಾಲೋ ಸತ್ತಗುಣೋ ಮತೋ’’ತಿ॥
ಹಿ ದಬ್ಬಗುಣೋ। ತಿಣರಾಜಾಪಿ। ದ್ವಯಂ ಖಜ್ಜೂರಿಯಂ। ಖಜ್ಜ ಖಜ್ಜನೇ, ಬ್ಯಥನೇ ಚ, ಊರೋ, ನದಾದಿ। ಸಿದ ಮೋಚನೇ, ಸ್ನೇಹನೇ ಚ, ಇ, ಸನ್ದ ಸವನೇ ವಾ, ಇ, ಉಪಾನ್ತಸ್ಸಿ ಚ, ಸಿನ್ದಿ।
೬೦೪. ಹಿನ್ತಾಲಾದಯೋ ತಿಣಪಾದಪಾ ವುಚ್ಚನ್ತಿ, ತಿಣ ಅದನೇ, ಪಮಾಣತೋ ತಾಲತೋ ಹೀನೋ ಹಿನ್ತಾಲೋ, ಪದವಿಪರಿಯಯೋ, ರಸ್ಸೋ ಚ। ನಾಳಿ ವಿಯ ಜಾಯತೀತಿ ನಾಳಿಕೇರೋ। ಅಞ್ಞತ್ಥೇ ಇರೋ, ಕೋನ್ತೋ ಚ, ನಾಳಿಕೇರೋ। ಲಾಙ್ಗಲೀಪಿ। ‘‘ಲಾಙ್ಗಲೀ ನಾಳಿಕೇರೇ ಚ, ಸಿರಪಾಣಿಮ್ಹಿ ಲಾಙ್ಗಲೀ’’ತಿ ರಭಸೋ। ಸಣ್ಠಾನತೋ ತಾಲಸದಿಸತಾಯ ತಾಳೀ, ಳತ್ತಂ, ಉಪಮಾನೇ ಈ, ತಳ ಆಘಾತೇ ವಾ, ಚುರಾದಿ, ನದಾದಿ, ತಾಳೀ। ಕಿತ ನಿವಾಸೇ, ರೋಗಾಪನಯನೇ ಚ, ಣ್ವು, ನದಾದಿತ್ತಾ ಈ, ಕೇತಕೀ, ಅಯಂ ನಾರೀ।
ಅರಞ್ಞವಗ್ಗವಣ್ಣನಾ ನಿಟ್ಠಿತಾ।
೬. ಅರಞ್ಞಾದಿವಗ್ಗವಣ್ಣನಾ
೬೦೫. ನವ ಪಬ್ಬತಸ್ಸ ನಾಮಾನಿ। ಪಬ್ಬ ಪೂರಣೇ, ತೋ। ಗಿರ ನಿಗ್ಗಿರಣೇ, ಓಸಧಾದಯೋ ನಿಗ್ಗಿರತೀತಿ ಗಿರಿ, ಇ। ಸಿಲಾನಂ ರಾಸಿ ಸೇಲೋ, ಸೇಲೋ, ಸೇಲ ಗತಿಯಂ ವಾ, ಅ। ಅದ್ದ ಗತಿಮ್ಹಿ ಯಾಚನೇ ಚ, ಭೂವಾದಿ, ಇ, ಅದ್ದ ಹಿಂಸಾಯಂ ವಾ, ಚುರಾದಿ। ನ ಗಚ್ಛತೀತಿ ನಗೋ। ನ ಚಲತೀತಿ ಅಚಲೋ। ಸಿಲಾನಮುಚ್ಚಯೋ ಉಬ್ಬೇಧೋ, ಥೂಪೋ ವಾ ಸಿಲುಚ್ಚಯೋ। ಸಿಖರಯೋಗಾ ಸಿಖರೀ, ಈ, ತಿಲಕೀಭೂತೋ। ಭುಂ ಭೂಮಿಂ ಧರತೀತಿ ಭೂಧರೋ, ಭುಯಾ ಧರೀಯತೀತಿ ವಾ ಭೂಧರೋ, ಬಾಹುಲ್ಯೇನ ಅ, ಭೂಧರೋ। ಅಹಾರಿಯೋ, ಗೋತ್ತೋಪಿ, ದೇಸನ್ತರಂ ನೇತುಮಸಕ್ಯತ್ತಾ ಅಹಾರಿಯೋ, ಗವಂ ಭೂಮಿಂ ಧಾರಣೇನ ತಾಯತೇ ಗೋತ್ತೋ।
ಪಞ್ಚಕಂ ಸಿಲಾಯಂ। ಅಮ ಗತಿಯಂ, ಭೋ। ವನ, ಸನ ಸಮ್ಭತ್ತಿಯಂ, ಪಸನತಿ ಬ್ಯಾಪೇತೀತಿ ಪಾಸಾಣೋ, ನಿಪಾತನಾ, ಪಸ ಬನ್ಧನೇ ವಾ, ಯು। ಅಸು ಖೇಪನೇ, ಮೋ, ಅಸ್ಮಾ, ರಾಜಾದಿ, ಅಸು ಬ್ಯಾಪನೇ ವಾ। ಪಲ ರಕ್ಖಣೇ, ಉಪಲೋ, ಉಪ ದೇಹೇ ವಾ, ಅಲಪಚ್ಚಯೋ ನಿಪಾತೋ। ಸಿಲ ಉಚ್ಚೇ, ಅ। ಸಿಲಾ, ನಾರೀ।
೬೦೬. ಗಿಜ್ಝಕೂಟಾದಯೋ ತಿಕೂಟನ್ತಾ ‘‘ವಙ್ಕಾದೀ’’ತಿ ಏತ್ಥ ಆದಿನಾ ಮಲಯದದ್ದುರಾದಯೋ ಚ ನಗಾ ನಗವಿಸೇಸಾ। ಗಿಜ್ಝಾ ಸಕುಣವಿಸೇಸಾ ಅಸ್ಸ ಕೂಟೇ ವಸನ್ತಿ, ಗಿಜ್ಝಸದಿಸಕೂಟಯುತ್ತತಾಯ ವಾ ಗಿಜ್ಝಕೂಟೋ। ವಿಸೇಸೇನ ಭಾತೀತಿ ವೇಭಾರೋ, ಅರೋ। ಪುಲ ಮಹತ್ತೇ, ವಿಸೇಸೇನ ಪುಲತೀತಿ ವೇಪುಲ್ಲೋ। ಇಸಯೋ ಗಿಲತೀತಿ ಇಸಿಗಿಲಿ, ಇ। ಆದಿಚ್ಚಗಮನವಿರೋಧೇನ ವಿರುದ್ಧಂ ಝಾಯತೀತಿ ವಿಞ್ಝೋ। ಪಣ್ಡುವಣ್ಣತಾಯ ಪಣ್ಡವೋ , ಪಣ್ಡ ಗತಿಯಂ ವಾ, ಅವೋ। ಕುಟಿಲತಾಯ ವಙ್ಕೋ। ದ್ವಯಂ ಉದಯಗಿರಿಮ್ಹಿ। ಅಪರಸೇಲಾಪೇಕ್ಖಾಯ ಪುಬ್ಬಸೇಲೋ। ಉದಯನ್ತ್ಯಸ್ಮಾ ಸೂರಿಯಾದಯೋತಿ ಉದಯೋ, ಸೂರಿಯಾದೀನಮುದಯಯೋಗತೋ ವಾ ಉದಯೋ।
ತಿಕಂ ಅತ್ಥಗಿರಿಮ್ಹಿ। ಮನ್ದಯತಿ ಸೂರಿಯೋ ಯಸ್ಮಿಂ ಮನ್ದರೋ। ಮನ್ದಪ್ಪಭೋ ವಾ ಅರತಿ ಯಸ್ಮಿಂ ಸೂರಿಯೋತಿ ಮನ್ದರೋ, ಅತ್ಥಂ ಅನುಪಲದ್ಧಿಂ ಗಹನಕ್ಖತ್ತಾನಂ ಕರೋತೀತ್ಯತ್ಥೋ, ನಾಮಧಾತುಕಾರಿತನ್ತಾ ಅ। ದ್ವಯಂ ಹಿಮವತಿ ಪಬ್ಬತೇ। ಹಿಮಪ್ಪಚುರತಾಯ ಹಿಮವಾ, ಹಿಮಂ ವಾ ವಮತೀತಿ ಹಿಮವಾ, ಕ್ವಿ, ರಾಜಾದಿಪಕ್ಖೇಪತ್ತಾ ಸಿಸ್ಸಾ। ಹಿಮಯುತ್ತೋ ಅಚಲೋ ಹಿಮಾಚಲೋ।
೬೦೭. ಅತ್ತನಿ ಸಞ್ಜಾತಗನ್ಧದಬ್ಬಾನಂ ಗನ್ಧೇಹಿ ಲೋಕೇ ಮದಯತಿ, ಮೋದಯತೀತಿ ವಾ ಗನ್ಧಮಾದನೋ, ಯು। ಕೇಲಾಸೋ ವುತ್ತೋ। ವಿಚಿತ್ತಕೂಟಯುತ್ತತಾಯ ಚಿತ್ತಕೂಟೋ। ಸುಖಂ ದಸ್ಸನಂ ಯಸ್ಸ, ಯಸ್ಮಿಂ ವಾ ಸುದಸ್ಸನೋ, ಕಾಳವಣ್ಣಕೂಟತಾಯ ಕಾಳಕೂಟೋ। ತೀಣಿ ಕೂಟಾನ್ಯಸ್ಸ ತಿಕೂಟೋ, ಛಳೇತೇಪಿ ಪಬ್ಬತವಿಸೇಸಾ। ಅಸ್ಸ ಯಥಾವುತ್ತಸ್ಸ ಪಬ್ಬತಸ್ಸ ಪತ್ಥೋ ಸಮೋ ಭೂಮಿಭಾಗೋ ಸಾನು ನಾಮ, ಅಸ್ಸ ವಾ ಪಬ್ಬತಸ್ಸ ಸಮಾಯ ಭೂಮಿಯಂ ಪತ್ಥೋ ಸಾನು ಚ ಭವನ್ತೀತಿ ಅಜ್ಝಾಹರಿತಬ್ಬಂ। ಪತಿಟ್ಠತೇ ಅಸ್ಮಿನ್ತಿ ಪತ್ಥೋ, ಠಸ್ಸ ಥೋ। ಸನ ಸಮ್ಭತ್ತಿಯಂ, ಣು, ಸಮ್ಭಜೀಯತೇ ಸೇವೀಯತೇತಿ ಸಾನು, ದ್ವೇಪ್ಯನಿತ್ಥಿಯಂ।
೬೦೮. ತಿಕಂ ಕುಟ ದಾಹೇ, ಕಮ್ಮನಿ ಣೋ, ವಾಕಾರೇನ ಕೂಟಮ್ಪಿ। ಸಿಖಂ ರುಹತೀತಿ ಸಿಖರಂ। ನೇರುತ್ತೋ। ಸಿಖಂ ಗಚ್ಛತೀತಿ ಸಿಙ್ಗಂ, ಇಙ್ಗ ಗಮನತ್ಥೋ, ಖಲೋಪೋ। ದ್ವಯಂ ಪಬ್ಬತಾದೀನಂ ಪಪತನಟ್ಠಾನಸ್ಸ ನಾಮಂ। ಪಪತನ್ತ್ಯಸ್ಮಾ, ಣೋ। ಪತ ಅಧೋಗಮನೇ, ಪಪಾತೋ। ತಟ ಸಮುಸ್ಸಯೇ, ತಟೋ।
ದ್ವಯಂ ಪಬ್ಬತನಿತಮ್ಬೇ। ನಿತಮ್ಬೋ ಜಘನೇಪಿ, ಕಟ ವಸ್ಸಾವರಣೇಸು, ಣ್ವು। ಪಬ್ಬತೇ ಪಾಸಾಣಾದೀಸು ಅಮ್ಬುನೋ ಜಲಸ್ಸ ಪಸವೋ ಪಸವನಂ ನಿಜ್ಝರೋ ನಾಮ, ನಿಸ್ಸರಣಂ ನಿಜ್ಝರೋ, ಸಸ್ಸ ಝೋ, ಅಸರೂಪದ್ವಿತ್ತಂ। ಝರೋಪಿ।
೬೦೯. ದ್ವಯಂ ಕಿತ್ತಿಮೇ ಅಕಿತ್ತಿಮೇ, ಸಜಲೇ ನಿಜ್ಜಲೇ ವಾ ಕನ್ದರೇ। ದರ ವಿದಾರಣೇ, ಅ, ಈ, ದರೀ। ಕಂ ಜಲವಾಚಕಮಬ್ಯಯಂ, ಕೇನ ದರೀಯತೇ ಕನ್ದರೋ, ಆ, ಕನ್ದರಾ। ತಿಕಂ ದೇವಖಾತಬಿಲೇ। ನಿಲೀಯನ್ತ್ಯಸ್ಮಿಂ ಲೇಣಂ, ಲೀ ಸಿಲೇಸನೇ, ಯು। ಗತಿಂ ಹ್ವಯತಿ ಕುಟಿಲಯತೀತಿ ಗಬ್ಭರಂ, ನಿಪಾತನಾ। ಗಬ್ಭ ಧಾರಣೇ ವಾ, ಅರೋ। ಗುಹೂ ಸಂವರಣೇ, ಅ, ಗುಹಾ।
ದ್ವಯಂ ಸಿಲಾಮಯಪೋಕ್ಖರಣಿಯಂ। ಸೋಡಿ ಗಬ್ಭೇ, ಈ। ಸೋಣ ವಣ್ಣಗತಿಸಙ್ಘಾತೇಸು ವಾ, ಡೋ, ಈ। ದ್ವಯಂ ಪಬ್ಬತಾದೀನಂ ಗಬ್ಭರದೇಸೇ ಲತಾಪಲ್ಲವತಿಣಾದೀಹಿ ಪಿಹಿತೋದರೇ ಗಬ್ಭರೇ। ಕುಞ್ಜ ಅಬ್ಯತ್ತಸದ್ದೇ, ಕರಣೇ, ಣೋ, ನಿಕುಞ್ಜಂ ನಿಪುಬ್ಬೋ। ದ್ವಯಂಪ್ಯನಿತ್ಥಿಯಂ। ನಿಕುಞ್ಜವಚನಂ ಪಕುಞ್ಜಾದಿನಿವತ್ತನತ್ಥಂ।
೬೧೦. ಸೇಲಸ್ಸ ಅಧಿಚ್ಚಕಾ ನಾಮ। ಸೇಲಸ್ಸಾಧೋಭಾಗಾಸನ್ನಭೂಮಿ ಉಪಚ್ಚಕಾ ನಾಮ। ಅತ್ರ ತೇಹಿ ಉಪಾದಿಸದ್ದೇಹಿ ಚ್ಚಕೋ ಯದಾದಿನಾ
ಮೂಲಪಬ್ಬತಸ್ಸನ್ತೇ ಪರಿವಾರೇತ್ವಾ ಠಿತಾ ಖುದ್ದಪಬ್ಬತಾ ಪಾದಾ ನಾಮ। ತತ್ರ ಪಾದಾದಿದ್ವಯಂ। ಪಜ್ಜತೇ ಗಮ್ಯತೇತಿ, ಣೋ। ಸೇಲಸ್ಸ ಉಪನ್ತೋ ಸಮೀಪೇ ಪಬ್ಬತೋ ಉಪನ್ತಸೇಲೋ।
ಗೇರಿಕಮನೋಸಿಲಾಹರಿತಾಲಕಟ್ಠಿನ್ಯಾದಿಕೋಸಬ್ಬೋ ಏವ ಸಿಲಾವಿಕಾರೋ ‘‘ಧಾತೂ’’ತ್ಯುತ್ತೋ, ಧರ ಧಾರಣೇ, ತು, ಧಾತು।
ಸೇಲವಗ್ಗವಣ್ಣನಾ ನಿಟ್ಠಿತಾ।
೬೧೧. ತಿಕಂ ಸೀಹೇ। ಕೇಸರೋ ಜಟಾ, ತಂಯೋಗಾ, ಈ, ಕೇಸರೀ। ಮಿಗೇ ಹಿಂಸತೀತಿ ಸೀಹೋ, ನಿಪಾತನಾ ವಣ್ಣವಿಪರಿಯಯೋ, ಮಿಗೇ ಹನ್ತುಂ ಸಂವಿಜ್ಜಮಾನಾ ಈಹಾ ಅಸ್ಸಾತಿ ವಾ ಸೀಹೋ, ಸಹತೀತಿ ವಾ ಸೀಹೋ। ಪಞ್ಚಸ್ಸೋ, ಹರಿಪಿ। ಮುಖಮಿವ ಚರಣಾಪ್ಯಸ್ಸ ಕರಿಕುಮ್ಭದಾರಣಸಮತ್ಥಾತಿ ತೇಹಿ ಸಹ ಪಞ್ಚಸ್ಸಾನಿ ಹರಿ, ಇ। ಮಹಾಕುಕ್ಕುರಪ್ಪಮಾಣೋ ಕುಕ್ಕುರಾಕತಿ ಕಣ್ಹಲೇಖಾಚಿತ್ತಸರೀರೋ ಗೋಮನುಸ್ಸಾದಿಹಿಂಸಕ್ಖಮೋ ರಸ್ಸಮುಖೋ ತರಚ್ಛೋ ನಾಮ, ಸೋ ‘‘ಸುನಖಬ್ಯಗ್ಘೋ’’ತಿ ವುಚ್ಚತಿ। ತರ ತರಣೇ, ಛೋ, ಮಿಗೇ ಅದತೀತಿ ಮಿಗಾದನೋ, ನನ್ದಾದೀಹಿ ಯು।
ದ್ವಯಂ ಬ್ಯಗ್ಘೇ। ವಿನಿಹನ್ತ್ವಾ ಆಘಾಯತೀತಿ ಬ್ಯಗ್ಘೋ, ಘಾ ಗನ್ಧೋಪಾದಾನೇ, ಬ್ಯಗ್ಘೋ ದೀಪಿನಿಪಿ। ಪುಂ ಪುಮಾನೋ ದಾಲೇತೀತಿ ಪುಣ್ಡರೀಕೋ, ದಲ ವಿದಾರಣೇ, ಣ್ವು। ದಸ್ಸ ಡೋ, ಲಸ್ಸ ರೋ, ಅಸ್ಸೀ, ಪುಣ್ಡರೀಕೋ।
‘‘ಪುಣ್ಡರೀಕಂ ಸಿತಮ್ಬೋಜೇ,
ಸಿತಚ್ಛತ್ರೇ ಚ ಭೇಸಜ್ಜೇ।
ಕೋಸಕಾರನ್ತರೇ ಬ್ಯಗ್ಘೇ,
ಸೋ ದಿಸಾವಾರಣಗ್ಗಿಸೂ’’ತಿ॥ –
ನಾನತ್ಥಸಙ್ಗಹೇ। ವಗ್ಘೋಪಿ। ದೀಪಿನಿವಿಸಯೇ ಸದ್ದೂಲೋ ಈರಿತೋ, ಸರತೀತಿ ಸದ್ದೂಲೋ, ಊಲೋ, ದೋ ಚನ್ತೋ, ಸದ್ದೇನ ಉಲತಿ ಗಚ್ಛತೀತಿ ವಾ ಸದ್ದೂಲೋ। ದೀಪಂ ತಚ್ಚಮ್ಮಂ, ತಂಯೋಗಾ ದೀಪೀ, ತಸ್ಮಿಂ ದೀಪಿನಿ।
೬೧೨. ಪಞ್ಚಕಂ ಅಚ್ಛೇ। ಅಸು ಖೇಪನೇ, ಛೋ। ಇಚ ಥುತಿಯಂ, ಅ, ಇಕ್ಕೋ। ಭಲ್ಲುಕೋಪಿ, ಭಲ, ಭಲ್ಲ ಪರಿಭಾಸನಹಿಂಸಾದಾನೇಸು, ಣ್ವು, ಅಸ್ಸು, ಈಸ ಗತಿಹಿಂಸಾದಾನೇಸು, ಸೋ, ರಸ್ಸಾದಿ। ಅಪಚ್ಚಯೇ ಇಸೋ।
ದ್ವಯಂ ರೋಹಿತೇ। ಲೋಹಿತವಣ್ಣತಾಯ ರೋಹಿಸೋ, ಲೋಹಿತೋ ಚ, ಪುಬ್ಬತ್ರ ತಸ್ಸ ಸೋ। ತಿಕಂ ಗೋಕಣ್ಣೇ। ಗವಸ್ಸ ಗೋಕಣ್ಣೋ। ಗಣಯುತ್ತತಾಯ ಗಣೀ ಚ ಸೋ ಕಣ್ಟಕಸದಿಸಸಿಙ್ಗತಾಯ ಕಣ್ಟಕೋ ಚೇತಿ ಗಣಿಕಣ್ಟಕೋ, ಸಮುದಿತನಾಮಮ್ಪಿ ವದನ್ತಿ। ಗಣಿ ಚ ಕಣ್ಟಕೋ ಚ ಗಣಿಕಣ್ಟಕಾತಿ ದ್ವೇ ನಾಮಾನಿಪಿ ದಟ್ಠಬ್ಬಾನಿ, ತೇನೇವ ಹಿ ‘‘ಗಣಿಕಣ್ಟಕಾ’’ತಿ ಬಹುವಚನನಿದ್ದೇಸೋ ಕತೋ।
೬೧೩-೬೧೪. ಚತುಕ್ಕಂ ಖಗ್ಗೇ। ಸಿಙ್ಗಞ್ಚ ಖಗ್ಗಾಖ್ಯಂ, ತಂಯೋಗಾ ಖಗ್ಗೋ। ‘‘ಖಗ್ಗೋ ಗಣ್ಡಕಸಿಙ್ಗಾಸಿ-ವುದ್ಧಭೇದೇಸು ಗಣ್ಡಕೇ’’ತಿ ನಾನತ್ಥಸಙ್ಗಹೇ। ಖಗ್ಗಸದಿಸಂ ವಿಸಾಣಮಸ್ಸ ಸಣ್ಠಾನತೋತಿ ಖಗ್ಗವಿಸಾಣೋ, ಣೋ। ಏತ್ಥ ಖಗ್ಗಸದ್ದೋ ಅಸಿಪರಿಯಾಯೋ। ಪಲಾಸಮದತೀತಿ ಪಲಾಸಾದೋ। ಗಣ್ಡ ವದನೇಕದೇಸೇ, ಣ್ವು, ಗಣ್ಡಕೋ।
ಬ್ಯಗ್ಘಾದಿಕೋ ಸಬ್ಬೋಪಿ ಮಿಗಭೇದೋ ‘‘ವಾಳಮಿಗೋ, ಸಾಪದೋ’’ತಿ ಚೋಚ್ಚತೇ। ಬ್ಯಗ್ಘಸ್ಸಾತಿಸಯೇನ ಮನುಸ್ಸಾದೀನಂ ಹಿಂಸನತೋ ದುಟ್ಠತಾ ಪಾಕಟಾತಿ ತಪ್ಪಮುಖತಾ ವುತ್ತಾ। ವಲ ಸಂವರಣೇ, ವಲನ್ತ್ಯತ್ತಾನಮಸ್ಮಾತಿ ವಾಳೋ, ಣೋ, ವಾಳೋ ಚ ಸೋ ಮಿಗೋ ಚೇತಿ ವಾಳಮಿಗೋ, ದುಟ್ಠಮಿಗೋತ್ಯತ್ಥೋ। ‘‘ಬ್ಯಗ್ಘೋ ತಂ ಖಾದತೂ’’ತ್ಯಾದಿನಾ ಸಪನ್ತಿ ಯೇನಾತಿ ಸಾಪದೋ, ಸಪ ಅಕ್ಕೋಸೇ, ದೋ, ದೀಘಾದಿ।
ಪ್ಲವಙ್ಗನ್ತಂ ಪ್ಲವಙ್ಗಮೋ, ಪ್ಲವಙ್ಗೋ ಚ। ಮರ ಪಾಣಚಾಗೇ, ಅಟೋ, ಕೋ ಚನ್ತೋ, ಮಕ್ಕಟೋ। ನರೋ ಇವ ವಾನರೋ, ವಾಸದ್ದೋ ಇವತ್ಥೇ, ನಾಮಾನಂ ಯುತ್ತತ್ಥತ್ತಾ ಸಮಾಸೋ। ಸಾಖಾಯಂ ಪಸುತೋ ಮಿಗೋ ಸಾಖಾಮಿಗೋ। ಗತ್ಯತ್ಥತಾಯ ಕ್ರಿಯಾಯ ಪಯೋಗಾ। ಕಪಿ ಚಲನೇ, ಇ, ಕಪಿ। ವಲೀ ಸಿಥಿಲಂ ಚಮ್ಮಂ ಮುಖೇ ಅಸ್ಸ ವಲೀಮುಖೋ। ಕಿಸೋ, ವನೋಕೋಪಿ, ಕುಚ್ಛಿತೇನಾಕಾರೇನ ಸೇತೀತಿ ಕಿಸೋ, ಉಸ್ಸಿ। ವನಮೋಕಮಾಸಯೋ ಅಸ್ಸ ವನೋಕೋ। ಸೋ ಮಕ್ಕಟೋ ಚೇ ಕಣ್ಹತುಣ್ಡೋ ಕಾಳಮುಖೋ ಸಿಯಾ, ತದಾ ‘‘ಗೋನಙ್ಗಲೋ’’ತಿ ಮತೋ, ಗುನ್ನಂ ನಙ್ಗಲಸದಿಸತಾಯ ಗೋನಙ್ಗಲೋ।
೬೧೫. ಪಜ್ಜದ್ಧಂ ಸಿಙ್ಗಾಲಸ್ಸ ನಾಮಂ। ಸರ ಗತಿಹಿಂಸಾಚಿನ್ತಾಸು, ಅಲೋ। ಸರತಿಸ್ಸ ಸಿಙ್ಗೋ। ಜಮು ಅದನೇ, ಣ್ವು, ಬೋ ಚನ್ತೋ, ಅಸ್ಸು। ಕುಸ ಅಕ್ಕೋಸೇ, ತು, ಥು ವಾ। ಭೇರವಯುತ್ತತಾಯ ಭೇರವೋ, ‘‘ಭೇ’’ಇತಿ ರವತೀತಿ ವಾ ಭೇರವೋ। ಸಮು ಉಪಸಮೇ, ಇವೋ, ಸಿವಾ, ನಾರೀ, ಸಿ ಸೇವಾಯಂ ವಾ, ವೋ। ಮಿಗಧುತ್ತೋ, ವಞ್ಚಕೋಪಿ, ಮಿಗೇಸು ವನಪಸೂಸು ಧುತ್ತೋ। ಬ್ರಾಹ್ಮಣಂ ವಞ್ಚೇತೀತಿ ವಞ್ಚಕೋ।
ತಿಕಂ ಬಿಳಾರೇ। ಬಿಲ ಭೇದನೇ, ಅರೋ, ಳತ್ತಂ। ಬಬ್ಬ ಗತಿಯಂ, ಉ। ಮಜ ಸುದ್ಧಿಯಂ, ಆರೋ, ನಿಗ್ಗಹೀತಾಗಮೋ। ಓತು, ಆಖುಭುಜೋಪಿ। ದ್ವಯಂ ಕೋಕೇ, ಅಯಂ ಕುಕ್ಕುರಪ್ಪಮಾಣೋ ಕಪಿಲೋ ಹರಿಣೋ। ಕುಕ, ವಕ ಆದಾನೇ। ಈಹಾಮಿಗೋಪಿ, ಮಿಗೇ ಈಹತಿ ಕಙ್ಖತೀತಿ, ಕಮ್ಮನಿ ಣೋ।
೬೧೬. ದ್ವಯಂ ಮಹಿಂಸೋ, ರಸ್ಸೋ, ನಿಗ್ಗಹೀತಾಗಮೋ ಚ। ಲಲ ಇಚ್ಛಾಯಂ, ಉದಕಂ ಲಲತೀತಿ ಲುಲಾಯೋ, ನಿಪಾತನಾ, ಅಯೋ, ಅಸ್ಸು ಚ। ಗೋ ವಿಯ ವಜತಿ ಜಾಯತೀತಿ ಗವಜೋ। ಗೋ ವಿಯ ಅಯತೀತಿ ಗವಯೋ, ಸಮಾ ದ್ವೇ ತುಲ್ಯತ್ಥಾ।
ದ್ವಯಂ ಸಲ್ಲೇ। ಸಲ್ಲ ಆಸುಗತಿಯಂ, ಅ, ಸಲ್ಲೋ, ಸಕತ್ಥೇ ಕೋ, ಸಲ್ಲಕೋ ಅತ್ತನೋ ಸರೀರಜಾತೇನ ಸಲ್ಲೇನ ಸುನಖಂ ಸಲತಿ ಹಿಂಸತೀತಿ ವಾ ಸಲ್ಲೋ, ಸಲ್ಲಕೋ ಚ, ಅಯಂ ಸೂಕರಸಣ್ಠಾನೋ, ಸಲಾಕಾಪಾಯೋ ಚ। ಅಸ್ಸ ಸಲ್ಲಸ್ಸ ಲೋಮಮ್ಹಿ ಸಲಲಂ, ಸಲಞ್ಚ ಭವೇ। ಪಲ, ಸಲ, ಪಥ ಗತಿಯಂ, ಅಲೋ, ನದಾದಿತ್ತೇ ಸಲಲೀ, ಥಿತ್ತಾಭಾವೇ ಸಲಲಂ, ಅಮ್ಹಿ ಸಲಂ।
೬೧೭. ಪಞ್ಚಕಂ ಮಿಗೇ, ಹರನ್ತ್ಯನೇನ ಹರಿಣೋ, ಹರ ಹರಣೇ ಯು। ಣತ್ತಮಿತ್ತಞ್ಚ। ಮರ ಪಾಣಚಾಗೇ, ಅ, ರಸ್ಸ ಗೋ, ಇತ್ತಞ್ಚ। ಸೇನ ಸುನಖೇನ ರಙ್ಗತಿ ಗಚ್ಛತಿ ಪಲಾಯತೀತಿ ಸಾರಙ್ಗೋ। ದೀಘಾದಿ, ಮಗೋ, ಮಿಗೋ ಚ ಏತೇ ದ್ವೇ ಮಿಗಮತ್ತೇಪಿ। ಅಜಿನಸ್ಸೋಪಯುಜ್ಜಮಾನಸ್ಸ ಯೋನಿ, ತೇನ ಭೂತಸ್ಸಾಜಿನಸ್ಸುಪ್ಪತ್ತಿಕಾರಣತ್ತಾ ವಾ ಅಜಿನಯೋನಿ। ಅಯಮ್ಪಿ ಮಿಗಮತ್ತೇಪಿ। ಕುರಙ್ಗೋ, ವಾತಾಯುಪಿ। ಕುಯಂ ಪಥವಿಯಂ ರಙ್ಗತೀತಿ ಕುರಙ್ಗೋ। ವಾತಮಯತೀತಿ ವಾತಾಯು, ಉ।
ದ್ವಯಂ ಸೂಕರೋ। ವುತ್ತಞ್ಚ ದಬ್ಬಗುಣೇ –
‘‘ಸ್ನೇಹನಂ ಬ್ರೂಹನಂ ವಸ್ಸಂ, ತಥಾ ವಾತಸಮಾಪಹಂ।
ವಾರಾಹಂ ಪಿಸಿತಂ ಬಾಲ್ಯಂ, ರೋಚನಂ ಸೇದನಂ ಗರೂ’’ತಿ
ಸುಖಂ ಕರೋತೀತಿ ವಾ ಸೂಕರೋ। ಸುನ್ದರೋ ಕರೋ ಯಸ್ಸ ವಾ ಸೂಕರೋ। ವರೇ ಆಹನ್ತೀತಿ ವರಾಹೋ, ವರೇ ಸತಿ ಆಹನ್ತಬ್ಬೋತಿ ವಾ ವರಾಹೋ, ಕೋಲೋ, ಥದ್ಧಲೋಮೋ, ಭೂದಾರೋಪಿ। ದ್ವಯಂ ಸಸೇ। ಪೇಲ ಗತಿಯಂ, ಣ್ವು। ಸಸ ಪ್ಲುತಗತಿಯಂ, ಅ।
೬೧೮. ದ್ವಯಂ ಏಣೀಮಿಗೇ। ಏಣಿಯಾ ಮಿಗಿಯಾ, ಏಣಸ್ಸ ವಾ ಅಪಚ್ಚಂ ಏಣೇಯ್ಯೋ, ಅಯಂ ಚಮ್ಮಾದೀಸುಪಿ ‘‘ಏಣಸ್ಸ, ಏಣಿಯಾ ವಾ ಚಮ್ಮಾದಿಕೋ ಏಣೇಯ್ಯೋ’’ತಿ ವಚನತ್ಥಂ ಕತ್ವಾ। ಏಣಿಯಾ ಇತ್ಥಿಯಾ ಪುತ್ತೋ ಮಿಗೋ ಏಣೀಮಿಗೋ, ಇ ಗತಿಯಂ, ಯು, ನದಾದಿ, ಅನದಾದಿತ್ತೇ ಏಣೋ, ಏವಮೇತೇಪ್ಯುಪ್ಪಾದಿತಾ। ದ್ವಯಂ ಪಮ್ಪಟಕೇ। ಪಟ ಗಮನೇ, ಣ್ವು, ಉಪಸಗ್ಗನ್ತೇ ಬಿನ್ದಾಗಮೋ ಚ। ಪಬ್ಬ ಗತಿಯಂ, ಣ್ವು, ಬಿನ್ದಾಗಮೋ, ಬಲೋಪೋ ಚ।
ದ್ವಯಂ ವಾತಮಿಗೇ। ಗಮನೇನ ವಾತಸಮೋ ಮಿಗೋ ವಾತಮಿಗೋ। ಚಲತಿಸ್ಮಾ ಯು, ನದಾದಿ। ತಿಕಂ ಮೂಸಿಕೇ। ಮುಸ ಥೇಯ್ಯೇ, ಣ್ವು, ಇತ್ತಞ್ಚ। ಆಪುಬ್ಬೋ ಖನು ಅವದಾರಣೇ, ಉ, ನಲೋಪೋ। ಉನ್ದ ಪಸವನಕ್ಲೇದನೇಸು, ಊರೋ।
೬೧೯. ಚಮರಾದಯೋ ಮಿಗನ್ತರಾ ಮಿಗವಿಸೇಸಾ। ಚಮರೋ ಉತ್ತರಾಪಥೇ ಖ್ಯಾತೋ, ಯಸ್ಸ ಪುಚ್ಛಂ ಚಾಮರಂ, ಚಮು ಅದನೇ, ಅರೋ, ಚಮರೋ, ಥಿಯಂ ಚಮರೀ। ಪಸದೋ ಚಿತ್ತಲೋಮೀ, ಪಸ ಬನ್ಧನೇ, ಅದೋ। ಕುಯಂ ರಙ್ಗತೀತಿ ಕುರುಙ್ಗೋ, ಅಸ್ಸು, ಉತ್ತಾಭಾವೇ ಕುರಙ್ಗೋ। ಸಬ್ಬೇಸಮ್ಪಿ ಮಿಗಾನಂ ಮಾತುಟ್ಠಾನೇ ತಿಟ್ಠತೀತಿ ಮಿಗಮಾತುಕಾ, ಉಪಮಾನೇ ಕೋ। ರು ಸದ್ದೇ, ರು। ರುಣಂ ಕರೋತೀತಿ ರಙ್ಕು, ಉ, ಣಸ್ಸ ಲೋಪೋ ರಕಾರಸ್ಸ, ಉಸ್ಸ ಚ। ಅತ್ತಾನಂ ನೀಚಂ ಕರೋತೀತಿ ನೀಕೋ। ಸರತಿಸ್ಮಾ ಅಭೋ, ಸರಭೋ। ಅಟ್ಠಾಪದೋ ಉದ್ಧಂನಯನೋ ಸೀಹಸ್ಸಾಪಿ ಹನ್ತಾ, ತಸ್ಸ ಚ ಪಾದಚತುಕ್ಕಂ ಉದ್ಧಂ ಭವತೀತಿ।
೬೨೦. ಪಿಯಕಾದಯೋ ತಯೋ, ಆದಿನಾ ಕನ್ದಲೀಚೀನಸಮೂರುಆದಯೋ ಚ ಚಮ್ಮಯೋನಯೋ, ತೇನ ಭೂತಸ್ಸ ಚಮ್ಮಸ್ಸ ಉಪ್ಪತ್ತಿಕಾರಣತ್ತಾ, ಏತೇ ಚ ಚಿತ್ರತನುರುಹಾದಯೋ ಕಮ್ಬೋಜಾದಿಮ್ಹಿ, ಉತ್ತರಾಪಥೇ ಚ ಜಾಯನ್ತಿ, ತತ್ರೇವ ಸನಾಮಖ್ಯಾತಾ। ಯಥಾ ಮಿಗಸದ್ದೋ ವನ್ಯಪಸುಸಾಮಞ್ಞೇ, ವಿಸೇಸೇ ಚ ಕುರಙ್ಗಾಖ್ಯೇ ವತ್ತತಿ, ಯಥಾ ಚ ಲೋಹಸದ್ದೋ ಸುವಣ್ಣಾದಿಕೇ ತೇಜಸಸಾಮಞ್ಞೇ, ವಿಸೇಸೇ ಚ, ತಥಾ ಚಮ್ಮಯೋನಿಅಜಿನಯೋನಿಸದ್ದಾಪಿ ಮಿಗಸಾಮಞ್ಞೇ, ಮಿಗವಿಸೇಸೇ ಚೇತಿ ತಥಾ ವುತ್ತಾ।
ಪೀ ತಪ್ಪನಕನ್ತೀಸು, ಣ್ವು, ಇಯಾದೇಸೋ। ಊರುಮ್ಹಿ ಅತಿಸಯಚಮ್ಮಯುತ್ತತಾಯ ಚಮೂರು, ಏಕಸ್ಸ ಮಸ್ಸ ಲೋಪೋ। ಕದಿ ಅವ್ಹಾನೇ, ಅಲೋ, ಈ, ಕದಲೀ ಚ ಸೋ ಮಿಗೋ ಚೇತಿ ಕದಲೀಮಿಗೋ।
ಸೀಹಾದಯೋ ಪಸವೋ, ಸು ಅಭಿಸವೇ, ಪಸ ಬನ್ಧನೇ ವಾ, ಉ।
೬೨೧. ಚತುಕ್ಕಂ ಲೂತಾಯಂ। ಲೂ ಛೇದನೇ, ತೋ, ಲೂತಾ, ಸಕತ್ಥೇ ಇಕೋ, ಲೂತಿಕಾ, ದ್ವೇ ನಾರಿಯಂ। ಉಣ್ಣಾಪಾಯೋ ತನ್ತು ಉಣ್ಣಾ, ಸಾ ನಾಭಿಯಂ ಅಸ್ಸ ಉಣ್ಣನಾಭಿ, ರಸ್ಸೋ। ಮಕ್ಕಟೋ ವಿಯ ಸಾಖಾಯಂ ಅತ್ತನೋ ತನ್ತುಮ್ಹಿ ಗಚ್ಛತೀತಿ ಮಕ್ಕಟಕೋ।
ದ್ವಯಂ ಗೋಮಯಜವಿಚ್ಛಿಕೇ। ವಿಚ್ಛ ಗಮನೇ, ಣ್ವು, ವಿಚ್ಛಿಕೋ, ಸತಪದಿಯಮ್ಪಿ, ಆಳಂ ವಿಚ್ಛಿಕನಙ್ಗುಲಂ, ತಂಯೋಗಾ ಆಳಿ। ದ್ವಯಂ ಘರಗೋಧಾಯಂ। ಸರತಿಸ್ಮಾ ಊ, ಅವೋ ಚನ್ತೋ। ಘರಂ ನಿಸ್ಸಿತಾ ಗೋಧಾ ಘರಗೋಳಿಕಾ, ಧಸ್ಸ ಳೋ, ಸಕತ್ಥೇ ಕೋ।
೬೨೨. ದ್ವಯಂ ಗೋಧಾಯಂ। ಗುಧ ರೋಸೇ, ಅ, ಗೋಧಾ, ನಾರೀ। ಕುಣ್ಡ ದಾಹೇ, ಅ, ಕುಣ್ಡೋ। ದ್ವಯಂ ರತ್ತಪಾಯಂ। ಕಣ್ಣಸ್ಸ ಜಲೂಕಾ ರತ್ತಪಾ ಕಣ್ಣಜಲೂಕಾ। ಸತಂ ಪದಾ ಯಸ್ಸಾ ಸತಪದೀ, ಪದಸದ್ದೋ ಪಾದತ್ಥೋ।
ದ್ವಯಂ ಕಲನ್ದಕೇ। ಕನ್ದ ಅವ್ಹಾನೇ, ರೋದನೇ ಚ, ಕನ್ದತೀತಿ ಕಲನ್ದಕೋ, ಲಮಜ್ಝೋ, ಣ್ವು। ಕಾಳವಣ್ಣತಾಯ ಕಾಳಕಾ, ನಾರಿಯಂ। ದ್ವಯಂ ನಕುಲೇ, ನತ್ಥಿ ಕುಲಂ ಏತಸ್ಸ ಸಪ್ಪೇಸು ನಕುಲೋ, ಅರಿಸಪ್ಪೋಪಿ। ನಕ್ಕ ನಾಸನೇ ವಾ, ಉಲೋ, ಕಲೋಪೋ, ಸಪ್ಪೇ ನಾಸೇತೀತಿ ನಕುಲೋ। ಮಙ್ಗ ಗತ್ಯತ್ಥೋ ದಣ್ಡಕೋ ಧಾತು, ಉಸೋ।
೬೨೩. ದ್ವಯಂ ಕಕಣ್ಟಕೇ। ಕುಚ್ಛಿತೋ ಕಣ್ಟಕೋ ಅಸ್ಸ, ಉಸ್ಸತ್ತಂ। ಸರತಿ ಧಾವತೀತಿ ಸರಟೋ, ಅಟೋ।
ಚತುಕ್ಕಂ ಕೀಟೇ। ಕೀಟ ಬನ್ಧನೇ, ಅ, ಕೀಟ ಗಮನೇ ವಾ, ದೀಘಾದಿ। ಪುಲ ಮಹತ್ಥೇ, ಅವೋ, ಳತ್ತಂ। ಕುಚ್ಛಿತಂ ಅಮತಿ ಗಚ್ಛತೀತಿ ಕಿಮಿ, ಇ, ಅಸ್ಸಿತ್ತಂ। ಪಕಾರೇನ ಅನತೀತಿ ಪಾಣಕೋ, ಣ್ವು, ಣತ್ತಂ।
ದ್ವಯಂ ಕಣ್ಟಲೋಮಕೀಟೇ। ಉಚ್ಚಂ ಠಾನಂ ಆಲಿಙ್ಗತೀತಿ ಉಚ್ಚಾಲಿಙ್ಗೋ। ಬಹುಲೋಮಯುತ್ತೋ ಪಾಣಕೋ ಲೋಮಸಪಾಣಕೋ।
೬೨೪-೬೨೫. ಸಾದ್ಧಪಜ್ಜೇನ ಸಕುಣಸ್ಸ ನಾಮಾನಿ। ವಿಹೇ ಆಕಾಸೇ ಗಚ್ಛತೀತಿ ವಿಹಙ್ಗೋ, ವಿಹಙ್ಗಮೋ ಚ, ಆಕಾಸಪರಿಯಾಯೋ ಚೇತ್ಥ ವಿಹಸದ್ದೋ, ವೇಹಾಸಸ್ಸ ವಾ ವಿಹಾದೇಸೋ। ಪಕ್ಖಯುತ್ತತಾಯ ಪಕ್ಖೀ। ಖೇನ, ಖಸ್ಮಿಂ ವಾ ಗಚ್ಛತೀತಿ ಖಗೋ। ಅಣ್ಡತೋ ಜಾತೋ। ಸಕ್ಕೋತಿ ಉದ್ಧಂ ಗನ್ತುನ್ತಿ ಸಕುಣೋ, ಸಕುನ್ತೋ, ಸಕುಣೀ ಚ, ಸಕ ಸತ್ತಿಯಂ, ಉಣೋ, ಉನ್ತೋ, ಉಣೀ ಚ। ಪತನ್ತೋ ಡೇನ್ತೋ, ಪತ್ತೇನ ವಾ ಗಚ್ಛತೀತಿ ಪತಙ್ಗೋ, ಅಪರತ್ರ ತಲೋಪೋ। ಮಾತುಕುಚ್ಛಿತೋ, ಅಣ್ಡತೋ ಚಾತಿ ದ್ವಿಕ್ಖತ್ತುಂ ಜಾಯತೀತಿ ದ್ವಿಜೋ। ಉಡ್ಡನಾದೀಸು ವಕ್ಕಂ ಕುಟಿಲಂ ಅಙ್ಗಂ ಗೀವಾದಿಕಂ ಏತಸ್ಸ, ವಕ್ಕೇನ ಗಮನೇನ ಅಙ್ಗತೀತಿ ವಾ ವಕ್ಕಙ್ಗೋ। ಪತ್ತೇನ ಯಾತಿ, ತಂ ವಾ ಯಾನಂ ಏತಸ್ಸ। ಪತತಿ ಪತನ್ತೋ ವಿಯ ಆಕಾಸತೋ ಹೋತೀತಿ ಪತನ್ತೋ। ನೀಳೇ ಕುಲಾವಕೇ ಜಾಯತೀತಿ ನೀಳಜೋ।
ವಟ್ಟಕಾದಯೋ, ಪೋಕ್ಖರಸಾತಕಾದಯೋ ಚ ತಬ್ಭೇದಾ ತೇಸಂ ಸಕುಣಾನಂ ವಿಸೇಸಾ। ವಟ್ಟ ವಟ್ಟನೇ, ಣ್ವು, ವಟ್ಟಕಾ ನಾರೀ। ಮಯೂರಪ್ಪಮಾಣೋ ತದಾಕತಿಚಿತ್ತಪಕ್ಖೋ ಜೀವಞ್ಜೀವೋ ದಕ್ಖಿಣಪಥಾದೀಸು ಜಾಯತೇ, ‘‘ಜೀವಜೀವಾ’’ತಿ ಸದ್ದಂ ಕರೋತೀತಿ ಜೀವಞ್ಜೀವೋ। ‘‘ಜೀವಜೀವೋ’’ತಿ ನಿರಾನುನಾಸಿಕಾಪಿ। ಚನ್ದಿಕಾಯುತ್ತರತ್ತಿಪ್ಪಿಯೋ ಪಕ್ಖೀ ಚಕೋರೋ, ಚಕ ಪರಿತಕ್ಕನೇ, ಉರೋ, ಉಸ್ಸೋ, ಚಙ್ಕೋರೋಪಿ। ತರತಿಸ್ಮಾ ಇರೋ, ದ್ವಿತ್ತಮಿತ್ತಞ್ಚ, ತಿತ್ತಿರೋ।
೬೨೬. ಸಲ ಗತಿಯಂ, ಣಿಕೋ, ಳತ್ತಂ, ಸಾಳಿಕಾ, ನಾರೀ। ಕಲಂ ರವತೀತಿ ಕರವೀಕೋ, ಈಕೋ, ಲಲೋಪೋ। ಕರವೀಕೋ, ಯಸ್ಸ ಸರೋ ಭಗವತೋ ಸರೇನ ಉಪಮೀಯತೇ, ಸೋ ವುಚ್ಚತಿ ‘‘ಕರವೀಕೋ’’ತಿ। ಜವೇನ ರವಿನಾ ಸದಿಸೋ ಹಂಸೋ ರವಿಹಂಸೋ। ಕುಸ ಸದ್ದೇ, ಥಕೋ, ದ್ವಿತ್ತಂ, ಕುಸಸ್ಸ ಸಸ್ಸ ತೋ, ಕುಕುತ್ಥಕೋ । ಕರಣ್ಡ ಭಾಜನತ್ಥೇ, ಅವೋ, ಕರಣ್ಡವೋ, ಜಲಚರೋ ಪಕ್ಖೀ। ಬಿಲು ಪತಿತ್ಥಮ್ಭೇ, ಅ, ಅವಾದೇಸೋ, ಬಿಲವೋ, ‘‘ಗಣ್ಡಪ್ಲವೋ’’ತಿ ಖ್ಯಾತೋ ರತ್ತಪಕ್ಖೋ ಮಹಾಪಕ್ಖೀ ಪೋಕ್ಖರಸಾತಕೋ, ಪೋಕ್ಖರಸ್ಸ ಸಞ್ಞಾ ಯಸ್ಸ ಪೋಕ್ಖರಸಾತಕೋ, ಞ್ಞಸ್ಸ ತೋ, ದೀಘೋ ಚ, ಸಮುದಿತನಾಮಮೇವ ವಾ ತಸ್ಸ, ತದಾ ಸಾದ ಅಸ್ಸಾದನೇ, ಣ್ವು, ದಸ್ಸ ತೋ, ಪೋಕ್ಖರಸಾತಕೋ।
೬೨೭. ಸತ್ತಕಂ ಪಕ್ಖೇ। ಪತನ್ತಿ ಅನೇನಾತಿ ಪತತ್ತಂ, ಯದಾದಿನಾ ತೋ, ದ್ವಿತ್ತಂ। ಉಖ ಗತಿಯಂ, ಯು, ಉಸ್ಸೇ, ಅಸ್ಸು, ಪೇಖುಣಂ, ಣತ್ತಂ। ಪತ ಗಮನೇ, ತೋ, ಪಾತತೋ ತಾಯತೀತಿ ವಾ ಪತ್ತಂ। ಪತ ಗಮನೇ, ಖೋ, ತಸ್ಸ ಕೋ, ಪಕ್ಖೋ। ಪತಿತುಂ ಇಚ್ಛತಿ ಯೇನ ಪಿಞ್ಛಂ, ನೇರುತ್ತೋ, ಪತ ಗಮನೇ ವಾ, ಛೋ, ತಲೋಪೋ, ಬಿನ್ದಾಗಮೋ, ಅಸ್ಸಿ। ಛಾದ್ಯತೇ ಅನೇನ ಛದೋ। ಗಿರ ನಿಗ್ಗಿರಣೇ, ಉ, ಇಸ್ಸತ್ತಂ, ಗಮು ಗಮನೇ ವಾ, ಉ, ಮಸ್ಸ ರೋ।
ಪಕ್ಖೀನಂ ಬೀಜೇ ‘‘ಅಉ’’ಇತಿ ಖ್ಯಾತೇ ಅಣ್ಡಂ, ಕಚ್ಛಪಾದೀನಂ ಬೀಜೇಪಿ, ‘‘ಅಣ್ಡಂ ಖಗಾದಿಕೋಸೇ ಚಾ’’ತಿ ನಾನತ್ಥಸಙ್ಗಹೇ। ಅಡಿ ಅಣ್ಡತ್ಥೇ, ಣೋ, ಪೇಸಿ, ಕೋಸೋಪಿ, ಪಿಸ ಅವಯವೇ, ಇ, ಪೇಸಿ, ‘‘ಪೇಸಿಯಂ ಪತ್ತಭೇದೇ ಚ, ಕೋಸೋ ಪುಮೇವ ಇಚ್ಛಿತೋ’’ತಿ ರುದ್ದೋ। ದ್ವಯಂ ಪಕ್ಖಿಗೇಹೇ। ನೀಲ ವಣ್ಣೇ, ಅ, ಳತ್ತಂ, ನೀ ನಯೇ ವಾ, ಇಲೋ। ಕುಚ್ಛಿತಂ ಅಣ್ಡವಿನಾಸನಾದಿಕಂ ಲುನಾತೀತಿ ಕುಲಾವಕಂ, ಣ್ವು।
೬೨೮. ದ್ವಯಂ ಗರುಳಾನಂ ಮಾತರಿ। ವಿನೋ ಪಕ್ಖಿನೋ ನಮನ್ತಿ ಯಂ ವಿನತಾ। ಥೀಪುಮದ್ವಯಂ ಇತ್ಥಿಪುರಿಸಾನಂ ದ್ವಯಂ ಮಿಥುನಂ ನಾಮ, ಸಙ್ಖ್ಯಾನಸ್ಸ ಮಿಥುನಂ, ಮಿಥ ಸಙ್ಗಮೇ, ಉನೋ।
ಛಕ್ಕಂ ಯುಗಳಮತ್ತೇ। ಯುಜ ಯೋಗೇ, ಅ, ಯುಗಂ, ಅಲಪಚ್ಚಯೇ ಯುಗಳಂ, ಳತ್ತಂ, ಯುಗಲಮ್ಪಿ। ಉಭ ಪೂರಣೇ, ಣೋ, ದ್ವನ್ದಾದೇಸೋ ಚ, ದ್ವನ್ದಂ, ಯಮು ಉಪರಮೇ, ಣ್ವು, ಅಲೋ ಚ, ಯಮಕಂ, ಯಮಲಞ್ಚ, ಅಪಚ್ಚಯೇ ಯಮಂ।
೬೨೯-೬೩೧. ಮಣ್ಡಲನ್ತಂ ಸಮೂಹೇ। ಸಮ್ಮಾ, ವಿಸೇಸೇನ ಚ ಊಹತೇ ಪುಞ್ಜೀಭೂತತ್ತಾತಿ ಸಮೂಹೋ, ಣೋ, ಸಮಂ ಸಹ ಅವಯವೇನ ಊಹತಿ ತಿಟ್ಠತೀತಿ ವಾ ಸಮೂಹೋ। ಗಣ ಸಙ್ಖ್ಯಾನೇ, ಗಣೀಯತಿ ಅವಯವೇನ ಸಹಾತಿ ಗಣೋ। ಸಹ ಅವಯವೇನ ಗಚ್ಛತೀತಿ ಸಙ್ಘಾತೋ, ಹನ ಗಮನೇ, ಣೋ, ಸಹ ಅವಯವೇನ ಉದಯತೀತಿ ಸಮುದಾಯೋ, ದಾಗಮೋ, ಮಜ್ಝೇ ದೀಘೋ। ಸಞ್ಚಿನೋತಿ ಅವಯವನ್ತಿ ಸಞ್ಚಯೋ, ಚಿ ಚಯೇ। ಸಹ ಅವಯವೇನ ದುಹಯತೀತಿ ಸನ್ದೋಹೋ, ದುಹ ಪಪೂರಣೇ। ನಿಸ್ಸೇಸತೋ ವಹತಿ ಅವಯವನ್ತಿ ನಿವಹೋ। ಅವಯವಂ ಕತ್ವಾ ಬ್ಯಪಿಯತಿ ಗಚ್ಛತೀತಿ ಓಘೋ ವಿಸರೋ, ನಿಕರೋ। ಏಕೇಕಾಪೇಕ್ಖಾಯ ಅಪ್ಪತ್ಥೇನ ಕಸಙ್ಖಾತಾ ಅವಯವಾ ಆಯನ್ತಿ ಯಸ್ಮಿಂ ಕಾಯೋ, ಅಥ ವಾ ಕುಚ್ಛಿತಾನಂ ಕೇಸಾದೀನಂ ಆಯೋತಿ ಕಾಯೋ, ಸೋ ವಿಯ ಅವಯವಾನಂ ಉಪ್ಪತ್ತಿಟ್ಠಾನಂ ಕಾಯೋತಿ ಇಧ ಸಮೂಹೋ ವುತ್ತೋ। ಅನ್ತತ್ಥೇನ ಖಂಸಙ್ಖಾತಂ ಅವಯವಂ ಧಾರೇತೀತಿ ಖನ್ಧೋ, ಖಾದತಿ ಅವಯವೇತಿ ವಾ ಖನ್ಧೋ, ಅಮಜ್ಝದೀಘೇ ಸಮುದಯೋ। ಘಟ ಘಟನೇ। ಘಟನಂ ರಾಸಿಭವನಂ, ಘಟೇನ್ತಿ ಅಸ್ಸಂ ಅವಯವಾತಿ ಘಟಾ। ಸಹ ಅವಯವೇನ ಏತೀತಿ ಸಮಿತಿ,ತಿ। ಸಹ ಅವಯವೇನ ಗಚ್ಛತೀತಿ ಸಂಹತಿ, ಹನ ಗತಿಯಂ,ತಿ, ನಲೋಪೋ। ರಸ ಅಸ್ಸಾದನೇ, ಇಣ। ಪುಞ್ಜ ಕುಚ್ಛಾಯಂ। ಸಹ ಅವಯವೇನ ಬ್ಯಾಪೇತ್ವಾ ಅಯತೀತಿ ಸಮವಾಯೋ। ಪೂಗೋ ತಮ್ಬೂಲೇಪಿ। ಜನೇತಿ ಅವಯವೇತಿ ಜಾತಂ, ತೋ। ಕಂ ಅತ್ತಾನಂ ದೇತೀತಿ ಕದೋ, ಚಕ್ಖಾದಿಕೋ ಸರೀರಾವಯವೋ। ಕದೋ ವಿಯ ಕದೋ, ಅವಯವೋ, ತಂ ವಕತಿ ಆದದಾತೀತಿ ಕದಮ್ಬಕಂ। ವಿಸೇಸೇನ ಊಹನ್ತ್ಯಸ್ಮಿಂ ಅವಯವಾ ಬ್ಯೂಹೋ। ವಿತನೋತಿ ಅವಯವೇತಿ ವಿತಾನಂ, ಣೋ। ಗುಪ ರಕ್ಖಣೇ, ಬೋ, ಪಸ್ಸ ಮೋ, ಗುಮ್ಬೋ, ಗುಮ್ಬಮ್ಪಿ। ಕಲಂ ಅವಯವಭಾವಂ ಪಾತಿ ರಕ್ಖತೀತಿ ಕಲಾಪೋ, ‘‘ಕಲಾ ಸೋಳಸಮೋ ಭಾಗೋ’’ತಿ ಹಿ ವುತ್ತತ್ತಾ ಕಲಾಸದ್ದೋ ಭಾಗತ್ಥೋಪ್ಯತ್ಥೀತಿ ಞಾಯತಿ। ಜಲ ದಿತ್ತಿಯಂ। ಜಲತಿ ಅವಯವೇನಾತಿ ಜಾಲಂ। ಅವಯವೇನ ಮಣ್ಡತೀತಿ ಮಣ್ಡಲಂ, ಮಣ್ಡ ವಿಭೂಸಾಯಂ, ಅಲೋ।
೬೩೨. ಸಾದ್ಧಪಜ್ಜೇನ ಗಣಭೇದಾ ವುಚ್ಚನ್ತೇ। ತತ್ರ ಜಾತ್ಯಾದೀಹಿ ಸಮಾನಾನಂ ಪಾಣೀನಂ, ಅಪಾಣೀನಞ್ಚ ಗಣೋ ವಗ್ಗೋ ನಾಮ, ಯಥಾ ವಜ್ಜ ವಜ್ಜನೇ, ವಜ್ಜೇತಿ ಅಸಮಾನಜಾತ್ಯಾದಯೋತಿ ವಗ್ಗೋ, ಣೋ, ಜ್ಜಸ್ಸ ಗ್ಗೋ। ಜನ್ತೂನಂ ಸಮಾನಜಾತಿಯಾನಂ, ವಿಜಾತಿಯಾನಞ್ಚ ಗಣೋ ‘‘ಸಙ್ಘೋ, ಸತ್ಥೋ’’ತಿ ಚೋಚ್ಚತೇ, ಯಥಾ ‘‘ಭಿಕ್ಖುಸಙ್ಘೋ, ವಾಣಿಜಸತ್ಥೋ’’ಚ್ಚಾದಯೋ। ಸಂಹಞ್ಞನ್ತೇ ನಿಬ್ಬಿಸೇಸೇನ ಞಾಯನ್ತೇ ಅವಯವಾ ತಸ್ಮಿನ್ತಿ ಸಙ್ಘೋ, ರೋ। ಸರನ್ತಿ ವತ್ತನ್ತಿ ಅವಯವಾ ಯಸ್ಮಿನ್ತಿ ಸತ್ಥೋ, ಥೋ, ರಸ್ಸ ತೋ।
ಸಜಾತಿಕಾನಂ ಸಮಾನಜಾತಿಕಾನಂ ಜನ್ತೂನಮೇವ ಗಣೋ ಕುಲಂ ನಾಮ, ಯಥಾ ‘‘ಖತ್ತಿಯಕುಲಂ, ಗೋಕುಲ’’ಮಿಚ್ಚಾದಯೋ। ಕುಲ ಸಙ್ಖ್ಯಾನೇ, ಬನ್ಧುಮ್ಹಿ ಚ, ಅ, ಕುಲಂ। ಸಧಮ್ಮೀನಂ ಸಮಾನಧಮ್ಮಾನಮೇವ ಜನ್ತೂನಂ ಗಣೋ ನಿಕಾಯೋ ನಾಮ, ಯಥಾ ‘‘ಭಿಕ್ಖುನಿಕಾಯೋ’’ತಿ। ಚಿ ಚಯೇ, ಣೋ, ನಿಬ್ಬಿಸೇಸೇನ ಚಿನೋತಿ ಅವಯವೇತಿ ನಿಕಾಯೋ।
ಸಜಾತಿಯತಿರಚ್ಛಾನಾನಂಯೇವ ಗಣೋ ‘‘ಯೂಥೋ’’ತ್ಯುಚ್ಚತೇ, ಸೋ ಚಾನಿತ್ಥೀ, ಯಥಾ ‘‘ಹತ್ಥಿಯೂಥೋ, ಮಿಗಯೂಥ’’ಮಿಚ್ಚಾದಯೋ, ಯು ಮಿಸ್ಸನೇ, ಥೋ, ದೀಘಾದಿ, ಯೂಥೋ, ‘‘ಗಣೋ ಪಸೂನಂ ಸಮಜೋ, ಸಮಾಜೋಞ್ಞೇಸ’ಮುಚ್ಚತೇ’’ತಿ
೬೩೩. ಚತುಕ್ಕಂ ಗರುಳೇ। ಕನಕರುಚಿರತ್ತಾ ಸೋಭನೋ ಪಣ್ಣೋ ಪಕ್ಖೋ ಯಸ್ಸ ಸುಪಣ್ಣೋ। ವಿನಭಾಯ ನಾಮ ಮಾತುಯಾ ಅಪಚ್ಚಂ ವೇನತೇಯ್ಯೋ, ಣೇಯ್ಯೋ। ಗರಂ ವಿಸಧರಂ ಹನ್ತೀತಿ ಗರುಳೋ, ಣೋ, ರನ್ತಸ್ಸು, ಹಸ್ಸ ಚ ಳತ್ತಂ, ವಣ್ಣವಿಕಾರೋ, ಗರುಡೋ।
ಪಿಕನ್ತಂ ಕೋಕಿಲೇ। ಪರೇನ ವಿಜಾತಿಯೇನ ಕಾಕೇನ ಪೋಸಿತೋತಿ ಪರಪುಟ್ಠೋ, ಪುಸ ಪೋಸನೇ, ತೋ। ಪರೇನ ಭತೋ ಪುಟ್ಠೋ ಪರಭತೋ, ಭರ ಧಾರಣಪೋಸನೇಸು, ತೋ। ಕುಣ ಸದ್ದೋಪಕರಣೇಸು, ಅಲೋ। ಕುಕ, ವಕ ಆದಾನೇ, ಇಲೋ, ಕೋಕಿಲೋ। ಅಪಿಹಿತೋ ಕಾಯತೀತಿ ಪಿಕೋ, ಅಪಿ ಅನ್ತರಧಾನೇ, ವಣ್ಣನಾಸೋ, ಅಪಿಸ್ಸಾಕಾರಲೋಪೋ।
೬೩೪. ಅಟ್ಠಕಂ ಮೋರೇ। ಮುರ ಸಂವರಣೇ, ಣೋ। ಮಯ ಗತಿಯಂ, ಊರೋ, ಮಹಿಯಂ ರವತೀತಿ ವಾ ಮಯೂರೋ, ಧಾತುಸ್ಸ ಅತ್ಥಾತಿಸಯೇನ ಯೋಗೋತಿ ನೇರುತ್ತೋ। ವರಹಂ ಸಿಖಣ್ಡೋ, ತಂಯೋಗಾ ವರಹೀ। ನೀಲಾ ಗೀವಾ ಕಣ್ಠೋ ಯಸ್ಸ, ಭುಜಙ್ಗಭುಜೋಪಿ।
ದ್ವಯಂ ಮಯೂರಮತ್ಥಕಸಿಖಾಯಂ। ಸಿಖಾ ಅಗ್ಗಿಜಾಲಾಯಞ್ಚ, ಪುಬ್ಬೇ ವುತ್ತಾ।
೬೩೫-೬೩೬. ಚತುಕ್ಕಂ ಮಯೂರಕಲಾಪೇ। ಸಿಖಣ್ಡಿನೋ ಅಯಂ ಸಿಖಣ್ಡೋ, ವರಹ ಪಾಧಾನ್ಯೇ, ಪರಿಭಾಸನಹಿಂಸಾದಾನೇಸು ಚ, ಕರಣೇ ಕಲಾಪೋ, ಣೋ, ಸಸ್ಸ ಪೋ। ಪೀ ತಪ್ಪನಕನ್ತೀಸು, ಛೋ, ನಿಗ್ಗಹೀತಾಗಮೋ, ರಸ್ಸೋ ಚ। ದ್ವಯಂ ಮೋರಸ್ಸ ಪಿಞ್ಛಟ್ಠೇ ಅಕ್ಖಿಸಣ್ಠಾನೇ। ಚದಿ ಹಿಲಾದನೇ, ದಿತ್ತಿಯಞ್ಚ, ಣ್ವು। ಮೇಚಕೋ ಕಣ್ಹವಣ್ಣೇಪಿ ವುತ್ತೋ।
ಅಳ್ಯನ್ತಂ ಭಮರೇ, ಛ ಪದಾನಿ ಅಸ್ಸ। ಮಧುಂ ವತಯತಿ ಭುಞ್ಜತೇ ಮಧುಬ್ಬತೋ, ವತ ಭೋಜನೇ। ಭಮ ಅನವಟ್ಠಾನೇ, ಪುಪ್ಫಮತ್ಥಕೇ ಭಮತೀತಿ ಭಮರೋ, ಅರೋ। ಅರ ಗಮನೇ, ಇ, ಳತ್ತಂ।
ಚತುಕ್ಕಂ ಗೇಹವನಕಪೋತೇಸು। ಪಾರೇನ ಸಬಲೇನ ಆಪತತೀತಿ ಪಾರಾಪತೋ, ಪಾರವತೋಪಿ। ಕಪ ಅಚ್ಛಾದನೇ, ಕಮ್ಪ ಚಲನೇ ವಾ। ಓತೋ, ಪರಪಕ್ಖೇ ಮಲೋಪೋ। ಕುಕ ಆದಾನೇ, ಅಟೋ, ಉಸ್ಸತ್ತಮಸ್ಸುತ್ತಞ್ಚ। ಪಕಾರೇನ ರವತೀತಿ ಪಾರೇವಟೋ, ರು ಸದ್ದೇ, ಅಟೋ, ಉಪಸಗ್ಗಸ್ಸ ದೀಘೋ, ಅಸ್ಸೇ, ಪಾರೇವಟೋ, ಪರೇವಟೋಪಿ।
‘‘ಪಾರಾವತೋ ಚ ಛೇಜ್ಜೋ ಚ,
ಕಪೋತೋ ರತ್ತಲೋಚನೋ।
ಪಾರಾಪತೋ ಕಲರವೋ,
ಪತ್ತೀ ಸೇನೋ ಸಸಾದನೋ’’ತಿ
ರಭಸೋ।
೬೩೭. ದ್ವಯಂ ಗಿಜ್ಝೇ। ಗಿಧ ಅಭಿಕಙ್ಖಾಯಂ, ಯೋ, ಝಸ್ಸ ಝೋ, ಅಸರೂಪದ್ವಿತ್ತಂ, ಝಪಚ್ಚಯೇನ ವಾ ಸಿದ್ಧಂ, ತಥಾ ಧಸ್ಸ ಜೋ। ಗಿಧತಿಸ್ಮಾ ಅ, ನಿಗ್ಗಹೀತಾಗಮೋ, ಇಸ್ಸತ್ತಂ, ಗನ್ಧೋ। ತಿಕಂ ಸೇನಸಾಮಞ್ಞೇ। ಕುಕ್ಕುಟಾದೀನಂ ಕುಲಂ ಲುನಾತಿ ಛಿನ್ದತೀತಿ ಕುಲಲೋ, ಕುಲ ಸನ್ತಾನೇ ಸೇ ಗಮನೇ, ನೋ। ಸತ್ತಾನಂ ಹಿಂಸನತೋ ಬ್ಯಗ್ಘೋ ವಿಯ ಬ್ಯಗ್ಘಿ, ಸತ್ತೇ ನಾಸೇತೀತಿ ನಾಸೋ। ಬ್ಯಗ್ಘಿ ಏವ ನಾಸೋತಿ ಸಮುದಿತನಾಮಂ।
ಸಕುಣಗ್ಘಾದಯೋ ತಯೋ ತಬ್ಭೇದಾ ತಸ್ಸ ಸೇನಸ್ಸ ವಿಸೇಸಾ। ಸಕುಣಂ ಹನ್ತೀತಿ ಸಕುಣಗ್ಘಿ, ಸಿನ?। ಅಟ ಗಮನೇ, ಣೋ। ಆಟೋ। ದಬ್ಬಿಸದಿಸಂ ತುಣ್ಡಂ ಯಸ್ಸ ದ್ವಿಜಸ್ಸ ಸೋ ದಬ್ಬಿಮುಖದ್ವಿಜೋ। ‘‘ದಬ್ಬಿಮುಖದ್ವಿಜೋ ಆಟೋ ನಾಮಾ’’ತಿಪ್ಯೇಕೋ ಅತ್ಥೋ, ತದಾ ದ್ವೇಯೇವ ಸೇನಭೇದಾ।
೬೩೮. ಚತುಕ್ಕಂ ಉಲೂಕೇ। ‘‘ಉಹು’’ನ್ತಿ ಸದ್ದಂ ಕರೋತೀತಿ ಉಹುಙ್ಕಾರೋ। ‘‘ಉದ್ಧಂ ಕಣ್ಣಾ ಯಸ್ಸ ಉದ್ಧಂಕಣ್ಣೋ’’ತಿ ಸಮ್ಪತ್ತೇ ನಿರುತ್ತಿನಯೇನ ಉಲೂಕೋ ಕುಸ ಅಕ್ಕೋಸೇ, ಯಸ್ಸ ಅಮನಾಪತಾಯ ಸದ್ದೇನ ಲೋಕಾ ಕೋಸನ್ತಿ, ಸೋ ಕೋಸಿಯೋ, ಕೋಸಿತಬ್ಬೋತಿ ಕತ್ವಾ, ಕೋಟರೇ ವಸತೀತಿ ವಾ ಕೋಸಿಯೋ, ನೇರುತ್ತೋ, ವಾಯಸಾನಂ ಕಾಕಾನಂ ಅರಿ ಸತ್ತು, ಸಕ್ಕಹ್ವಯೋ, ದಿವಾನ್ಧೋ ವಕ್ಕನಾಸಿಕೋ, ಹರಿನೇತ್ತೋ, ದಿವಾಭೀತೋ, ಕಾಕಭೀರೂ, ರತ್ತಿಚಾರೀಪಿ।
ವಾಯಸನ್ತಂ ಕಾಕೇ। ‘‘ಕಾ’’ಇತಿ ಸದ್ದಂ ಕಾಯತೀತಿ ಕಾಕೋ। ರಿಟ್ಠಂ ಮರಣಲಕ್ಖಣಂ, ತದಸ್ಸ ನತ್ಥಿ ಅರಿಟ್ಠೋ। ಧಙ್ಕ ಘೋರವಾಸಿತೇ, ಅ। ಬಲಿನಾ ಪುಟ್ಠೋ ಭತೋ। ವಯ ಗಮನೇ, ವಯೋ ಏವ ವಾಯಸೋ, ಸಕತ್ಥೇ ಸೋ, ಸಕಿಂಪಜೋ, ಅತ್ತಘೋಸೋ, ಪರಭರೋ, ಬಲಿಭುಜೋ, ಗುಳ್ಹಮೇಥುನೋಪಿ। ಸಕಿಂ ಏಕವಾರಂಪಜಾ
೬೩೯. ಕಾಕೋ ವಿಯ ಉಲತಿ ಗಚ್ಛತೀತಿ ಕಾಕೋಳೋ, ಳತ್ತಂ। ದೋಣಕಾಕೋ, ದದ್ಧಕಾಕೋಪಿ। ದ್ವಯಂ ‘‘ಬೀ-ಲೌಂ’’ಇತಿ ಖ್ಯಾತೇ ಸಕುಣೇ। ಲೂ ಛೇದನೇ, ಣೋ, ವಸ್ಸ ಪೋ, ಲಾಪೋ, ಲಾವೋಪಿ। ಲೇಡ್ಡು ವಿಯ ಅಕತೀತಿ ಲಟುಕಿಕಾ
ತಿಕಂ ಹತ್ಥಿಲಿಙ್ಗಸಕುಣೇ। ವಾರಣಸದಿಸತ್ತಾ ವಾರಣೋ। ಹತ್ಥಿನೋ ಲಿಙ್ಗಂ ಞಾಪಕಂ ಸೋಣ್ಡಂ ಯಸ್ಮಿಂ ವಿಜ್ಜತೀತಿ ಹತ್ಥಿಲಿಙ್ಗೋ। ಹತ್ಥಿಸೋಣ್ಡಂ ಯಸ್ಮಿಂ ವಿಜ್ಜತಿ, ಸೋ ಹತ್ಥಿಸೋಣ್ಡೋ ಚ ವಿಹಙ್ಗಮೋ ಚೇತಿ ಹತ್ಥಿಸೋಣ್ಡವಿಹಙ್ಗಮೋ।
೬೪೦. ದ್ವಯಂ ಉಕ್ಕುಸೇ। ಉಚ್ಚಂ ಕೋಸತೀತಿ ಉಕ್ಕುಸೋ, ಕುಸ ಸದ್ದೇ, ಅ। ಕುರ ಸದ್ದೇ, ಅರೋ, ಥಿಯಂ ಕುರರೀ। ಕೋಲಟ್ಠಿಪಕ್ಖಿಮ್ಹಿ ‘‘ಉಭುತ’’ಇತಿ ಖ್ಯಾತೇ ಪಕ್ಖಿಮ್ಹಿ ಕುಕ್ಕುಹೋ। ಕೋಲಟ್ಠಿಅಜ್ಝೋಹಾರಕೋ ಪಕ್ಖೀ ಕೋಲಟ್ಠಿಪಕ್ಖೀ। ‘‘ಕುಕ್ಕು’’ಇತಿ ಸದ್ದಾಯತೀತಿ ಕುಕ್ಕುಹೋ, ಹೋ, ಕುಕ ಅವ್ಹಾನೇ ವಾ, ಉಹೋ।
ತಿಕಂ ಸುವೇ। ಸು ಸವನೇ। ಮನುಸ್ಸಸದ್ದಮ್ಪಿ ಸುಣಾತೀತಿ ಸುವೋ, ಅ, ಉವಾದೇಸೋ। ‘‘ಕೀ’’ಇತಿ ಸದ್ದಂ ಕರೋತೀತಿ ಕೀರೋ। ಕರೋತಿ ಮನುಸ್ಸಸದ್ದನ್ತಿ ವಾ ಕೀರೋ। ಅ, ಅಸ್ಸೀ। ಸುಕ ಗತಿಯಂ, ಸುನ್ದರಂ ಸುಕೋ। ದ್ವಯಂ ಕುಕ್ಕುಟಮತ್ತೇ। ತಮ್ಬಾ ಚೂಳಾ ಯಸ್ಸ। ಕುಕ್ಕುಟತೀತಿ ಕುಕ್ಕುಟೋ, ಕುಕ, ವಕ ಆದಾನೇ ವಾ, ಅಟೋ।
೬೪೧. ದ್ವಯಂ ನಿಜ್ಜಿವ್ಹೇ। ನತ್ಥಿ ಜಿವ್ಹಾ ಯಸ್ಸ ನಿಜ್ಜಿವ್ಹೋ। ದ್ವಯಂ ಕೋಞ್ಚಾಸಕುಣೇ। ಇತ್ಥಿಲಿಙ್ಗೇನ ಮಿಥುನಾನಂ ನಾಮಾನಿ। ಕೋಞ್ಚ ಕೋಟಿಲ್ಯಪ್ಪೀಭಾವೇಸು, ಅ, ಕೋಞ್ಚಾ। ಕನ್ತ ಛೇದನೇ, ಯು, ನದಾದಿ, ಅಸ್ಸು। ಕುಣ್ಡನೀಪಿ, ಕುಣ್ಡ ದಾಹೇ।
ದ್ವಯಂ ಚಕ್ಕವಾಕೇ। ಚಕ್ಕೇನ ಚಕ್ಕಸದ್ದೇನ ಉಚ್ಚತೇ ಚಕ್ಕವಾಕೋ, ಣೋ। ವಚ ವಿಯತ್ತಿಯಂ ವಾಚಾಯಂ, ಚಕ್ಕಮಿಚ್ಚಾವ್ಹಾ ಯಸ್ಸ, ರಥಙ್ಗಾವ್ಹಯನಾಮಕೋಪಿ, ರಥಙ್ಗಂ ಚಕ್ಕಂ, ತಸ್ಸ ಅವ್ಹಯೋ ರಥಙ್ಗಾವ್ಹಯೋ, ಸೋ ನಾಮಂ ಅಸ್ಸ ರಥಙ್ಗಾವ್ಹಯನಾಮಕೋ, ತೇನ ರಥಙ್ಗನಾಮೋ ರಥಚರಣಸಮಾನೋ ಅವ್ಹಯೋ ಚೋಚ್ಚತೇ।
ಲಕ್ಖಿತಲಕ್ಖಣಾ ಚಾತ್ರ, ಲಕ್ಖಣೋಪಚರಿತವುತ್ತಿಯಾ, ಗೋಣಮುಖ್ಯಾಯ ವಾ ವುತ್ತಿಯಾ ಲಕ್ಖಿತೇನ ಅತ್ಥೇನ ಯತ್ರ ಅತ್ಥನ್ತರಂ ಲಕ್ಖ್ಯತೇ, ಸಾ ಲಕ್ಖಿತಲಕ್ಖಣಾ। ಯಥಾ ‘‘ರಥಾವಯವಾಯುಧೋ’’ ಇಚ್ಚತ್ರ ರಥಾವಯವಸದ್ದೇನ ಚಕ್ಕಂ ಲಕ್ಖ್ಯತೇ, ನ ತದಾಕತಿ ತನ್ನಾಮೋ ಚಾಯುಧವಿಸೇಸೋ। ‘‘ಪನ್ತಿರಥೋ’’ಇಚ್ಚತ್ರ ಪನ್ತಿಸದ್ದೇನ ದಸಕ್ಖರಂ ಛನ್ದೋ ಲಕ್ಖ್ಯತೇ, ನ ದಸಸದ್ದೋ, ತೇಹಿ ತು ಆಯುಧರಥಸದ್ದಸನ್ನಿವೇಸೋ ‘‘ಚಕ್ಕಾವಯವಾಯುಧೋ, ದಸರಥೋ’’ ಇತಿ ದೇವವಿಸೇಸೋ, ರಾಜವಿಸೇಸೋ ಚ ಲಕ್ಖ್ಯತೇ, ತಥಾತ್ರಾಪಿ ‘‘ರಥಙ್ಗ’’ನ್ತ್ಯನೇನ ರಥೇಕದೇಸೋ ಲಕ್ಖೀಯತೇ, ‘‘ಅವ್ಹಾಯತೇ’’ಇಚ್ಚನೇನ ಚ ಪರಿಭಾಸನಂ, ನ ತೇನಾಪಿ ವಾಕಸದ್ದೋ। ತೇಹಿ ಚ ಅಞ್ಞಮಞ್ಞಸನ್ನಿವೇಸೋ ಚಕ್ಕವಾಕೋತಿ ಪಕ್ಖಿವಿಸೇಸೋ
ದ್ವಯಂ ಚಾತಕೇ। ಅಯಂ ಮೇಘಜಲಪಾಯೀ, ಸರ ಹಿಂಸಾಯಂ, ಸರಣಂ ಸಾರೋ, ತಂ ಗಚ್ಛತೀತಿ ಸಾರಙ್ಗೋ। ‘‘ಚಾತಕೇ ಹರಿಣೇ ಪುಮೇ, ಸಾರಙ್ಗೋ ಸಬಲೇ ತಿಸೂ’’ತಿ ರಭಸೋ। ಚತ ಯಾಚನೇ, ಣ್ವು, ಥೋಕಕೋಪಿ, ಥೋಕಂ ಕಂ ಜಲಂ ಈಹನೀಯಟ್ಠೇನ ಅಸ್ಸತ್ಥಿ ಥೋಕಕೋ।
೬೪೨. ದ್ವಯಂ ಪಕ್ಖಿಬಿಳಾಲೇ। ತುಲ ಉಮ್ಮಾನೇ, ಇಯೋ। ಪಕ್ಖಯುತ್ತೋ ಬಿಳಾಲೋ, ‘‘ಸೂ’’।
ದ್ವಯಂ ರುಕ್ಖಕೀಟಖಾದಕೇ। ಸತಂ ಪತ್ತಾನಿ ಅಸ್ಸ। ಸರತಿ ಕೀಟೇತಿ ಸಾರಸೋ, ಸೋ, ‘‘ಖಾವ ಸಾ’’।
ದ್ವಯಂ ಕಾಕೇಹಿ ಸದ್ಧಿಂ ನೀಳಂ ಕತ್ವಾ ವಸನಕೇ ಸುಕ್ಕಸಕುಣೇ। ವಕ ಆದಾನೇ, ಅ। ಸೇತವಣ್ಣತಾಯ ಸುಕ್ಕೋ ಚ ಸೋ ಕಾಕೇಹಿ ಸದ್ಧಿಂ ನಿವಾಸನತೋ, ಕಾಕಸಣ್ಠಾನತ್ತಾ ವಾ ಕಾಕೋ ಚೇತಿ ಸುಕ್ಕಕಾಕೋ।
ದ್ವಯಂ ವಿಸಕಣ್ಠಿಕಾಯಂ। ಬಲ ಪಾಣನೇ, ಣ್ವು, ದೀಘೋ, ಆಕೋ ವಾ। ವಿಸಸದಿಸೋ ಕಾಳವಣ್ಣೋ ಕಣ್ಠೋ ಯಸ್ಸಾ ಸಾ ವಿಸಕಣ್ಠಿಕಾ, ಏತಿಸ್ಸಾ ಪುಮೋ ನಾಮ ನ ವಿಜ್ಜತಿ। ವುತ್ತಞ್ಚ ಅಪದಾನೇ –
‘‘ಯಥಾ ಬಲಾಕಯೋನಿಮ್ಹಿ, ನ ವಿಜ್ಜತಿ ಪುಮೋ ಸದಾ।
ಮೇಘೇಸು ಗಜ್ಜಮಾನೇಸು, ಗಬ್ಭಂ ಗಣ್ಹನ್ತಿ ತಾ ತದಾ’’ತಿ
೬೪೩. ದ್ವಯಂ ಲೋಹಪಿಟ್ಠೋ। ಕಙ್ಕ ಲೋಲ್ಯೇ, ಅ, ಕಙ್ಕೋ।
ದ್ವಯಂ ಪತ್ತಕಣ್ಠೇ। ಖಞ್ಜೋ ವಿಯ ಚರತೀತಿ ಖಞ್ಜರೀಟೋ, ಈಟೋ। ಪಸ್ಸನ್ತಾನಂ ಖಂ ಸುಖಂ ಜನೇತೀತಿ ಖಞ್ಜನೋ। ಖಞ್ಜ ಗತಿವೇಕಲ್ಯೇ ವಾ, ಯು।
ದ್ವಯಂ ಗಾಮಚಾಟಕೇ, ಚಾಟಕಮತ್ತೇ ವಾ। ಕಲಹಂ ರವತೀತಿ ಕಲವಿಙ್ಕೋ, ಯದಾದಿ। ಕಂ ಸುಖಂ ಲುನಾತೀತಿ ವಾ ಕಲವಿಙ್ಕೋ, ಇಕೋ, ನಿಗ್ಗಹೀತಾಗಮೋ ಚ। ಚಟ ಭೇದೇ, ಣ್ವು, ಚಾಟಕೋ।
ದ್ವಯಂ ವೇಳುರಿಯಚ್ಛವಿಲೋಮೇ ಚಿತ್ರಪಕ್ಖೇ ‘‘ಸುವಣ್ಣಚೂಳೇ’’ತಿ ಖ್ಯಾತೇ। ದಿಭ ಸನ್ಥಮ್ಭೇ, ದ್ವಿತ್ತಂ, ಬಿನ್ದಾಗಮೋ ಚ। ‘‘ಕಿ’’ಇತಿ ಸದ್ದಂ ಕರೋತೀತಿ ಕಿಕೀ, ಣೀ, ಚಾಸೋ, ದಿವಿಪಿ
೬೪೪. ದ್ವಯಂ ಮೇಘಸಾಮೇ ‘‘ಟೀ-ಟೌ’’ಇತಿ ಖ್ಯಾತೇ। ಕದಮ್ಬಯೋಗಾ ಕಾದಮ್ಬೋ। ಕಾಳವಣ್ಣೋ ಹಂಸೋ ಕಾಳಹಂಸೋ, ಕಾಲಹಂಸೋಪಿ।
ದ್ವಯಂ ನಾನತ್ಥಸಙ್ಗಹೇ। ಸುನ್ದರಾಕಾರೇನ ಪಕ್ಖೇನ ಯುತ್ತೋ ಸಕುಣೋ ಭಾಸಪಕ್ಖೀ, ‘‘ಭಾಸನ್ತೋ ಸುನ್ದರಾಕಾರೇ, ಭಾಸನ್ತೋ ಭಾಸಪಕ್ಖಿನೀ’’ತಿ ಹಿ ನಾನತ್ಥಸಙ್ಗಹೇ।
ದ್ವಯಂ ‘‘ನ್ವಾ-ಮೀ-ಸ್ವೇ’’ಇತಿ ಖ್ಯಾತೇ ನೀಲಪಕ್ಖಿನಿ। ಧೂಮ್ಯಂ ಧೂಮಂ ಅಟತಿ ಸಹತೀತಿ ಧೂಮ್ಯಾಟೋ, ಣೋ। ಕಾಳವಣ್ಣತಾಯ ಕುಚ್ಛಿತಂ ಲಿಙ್ಗಂ ಯಸ್ಸ। ಭಿಙ್ಗೋಪಿ।
ದ್ವಯಂ ಜಲಕುಕ್ಕುಟೇ। ದಾ ಲವನೇ,ತಿ, ದಾತಿ ಊಹತಿ ಉಸ್ಸಹತೀತಿ ದಾತ್ಯೂಹೋ, ಖಣ್ಡಿತದ್ಧನಿಇಚ್ಚತ್ಥೋ। ಕಾಲೇ ಸಸ್ಸಮುತುಮ್ಹಿ ಕಣ್ಠೋ ಕಣ್ಡದ್ಧನಿ ಯಸ್ಸ ಕಾಳಕಣ್ಠಕೋ, ಸಮಾಸನ್ತೇ ಕೋ।
೬೪೫. ಖುದ್ದಾದಿ ಮಧುಚ್ಛಿಟ್ಠಕರಾದಿಕೋ ಕಮ್ಮಭೂತೋ ‘‘ಮಕ್ಖಿಕಾಭೇದೋ’’ತ್ಯುಚ್ಚತೇ, ಮಕ್ಖಿ ಸಙ್ಘಾತೇ, ಣ್ವು, ಮಕ್ಖಿಕಾ, ತಾಸಂ ಭೇದೋ ಮಕ್ಖಿಕಾಭೇದೋ। ಪಿಙ್ಗಲಮಕ್ಖಿಕಾಯಂ ‘‘ಮ್ಹಣ’’ಇತಿ ಖ್ಯಾತಾಯಂ ದ್ವಯಂ। ಡಂಸ ಡಂಸನೇ, ಡಂಸೋ। ದಂಸೋಪಿ, ಡಂಸ ಖಾದನೇ ವಾ, ಪಿಙ್ಗಲಮಕ್ಖಿಕಾತಿವಣ್ಣನಾಮಂ।
ಮಕ್ಖಿಕಾಯ ಅಣ್ಡಂ ಆಸಾಟಿಕಾ ನಾಮ, ಸಟ ಅವಯವೇ, ಣ್ವು। ದ್ವಯಂ ‘‘ನ್ಹಂ’’ಇತಿ ಖ್ಯಾತೇ। ಪಟಂ ಗಚ್ಛತೀತಿ ಪಟಙ್ಗೋ, ಪತಙ್ಗೋಪಿ, ಸರತಿ ಹಿಂಸತೀತಿ ಸಲಭೋ, ಅಭೋ, ಲತ್ತಂ, ಸಲ ಗಮನೇ ವಾ।
೬೪೬. ದ್ವಯಂ ಮಕ ಪಾಣೇ, ಅಸೋ, ಮಕಸೋ। ದ್ವಯಂ ನಿದಾಘೇ ನುಹಾದೀಸು ವರಣಕಮಕ್ಖಿಕಾಯಂ। ‘‘ಚೀರೀ’’ತಿ ಸದ್ದಾಯತೀತಿ ಚೀರೀ, ಚಿರಿ ಹಿಂಸಾಯಂ ವಾ, ನದಾದಿ, ದೀಘಾದಿ। ಝಲ್ಲ ಸದ್ದೇ, ಣ್ವು, ಝಲ್ಲಿಕಾ।
ದ್ವಯಂ ತಾಲಪತ್ತಾದ್ಯನ್ತರೇಸು ನಿಲೀನಾಯಂ ಚಮ್ಮಪತ್ತಾಯಂ। ಜತು ವಿಯ ಜತುಕಾ, ಉಪಮಾನೇ ಕೋ, ‘‘ರಾಮಠೇ ಜತುಕಂ ಚಮ್ಮ-ಪತ್ತಜತುಕರೇಸು ಥೀ’’ತಿ ರಭಸೋ। ಅಜಿನಂ ಚಮ್ಮಂ ಪತ್ತಂ ಯಸ್ಸಾ ಅಜಿನಪತ್ತಾ। ದ್ವಯಂ ಹಂಸಸಾಮಞ್ಞೇ। ಹನ್ತಿ ಅದ್ಧಾನಂ ಹಂಸೋ। ಸೇತೋ ಛದೋ ಪತ್ತಂ ಯಸ್ಸ। ಯಥಾಕಥಞ್ಚಿ ಬ್ಯುಪ್ಪತ್ತೀತಿ ವುತ್ತತ್ತಾ ಅಸೇತಚ್ಛದೇಪಿ, ಚಕ್ಕಙ್ಗೋ, ಮಾನಸೋಕೋಪಿ, ಚಕ್ಕಸ್ಸ ಚಕ್ಕವಾಕಸ್ಸೇವ ಅಙ್ಗಾನಿ ಯಸ್ಸ। ಮಾನಸಂ ಸರೋ ಓಕೋ ಯಸ್ಸ।
೬೪೭. ಯೇ ರತ್ತೇಹಿ ಲೋಹಿತೇಹಿ ಪಾದತುಣ್ಡೇಹಿ ಚರಣಚಞ್ಚೂಹಿ ವಿಸಿಟ್ಠಾ ಸಿತಾ ಚ ಸರೀರೇ, ತೇ ರಾಜಹಂಸಾ ನಾಮ, ಹಂಸಾನಂ ರಾಜಾನೋ ರಾಜಹಂಸಾ।
ಮಲೀನೇಹಿ ಪಾದತುಣ್ಡೇಹಿ ವಿಸಿಟ್ಠಾ ಯೇ ತೇ ಮಲ್ಲಿಕಾಖ್ಯಾ, ಮಲ, ಮಲ್ಲ ಧಾರಣೇ, ಇ, ಸಞ್ಞಾಯಂ ಕೋ, ‘‘ಮಲ್ಲಿಕೋ ಹಂಸಭೇದೇ ಚ, ತಿಣಸೂಲೇ ಚ ಮಲ್ಲಿಕೇ’’ತಿ ರುದ್ದೋ। ಆಖ್ಯಾಸದ್ದೇನ ಬಹುಬ್ಬೀಹಿ। ಅಸಿತೇಹಿ ಕಣ್ಹೇಹಿ ಪಾದತುಣ್ಡೇಹಿ ವಿಸಿಟ್ಠಾ ಯೇ, ತೇ ಧತರಟ್ಠಾ, ಧತರಟ್ಠಾನಂ ಅಪಚ್ಚಾನಿ ಧತರಟ್ಠಾತಿ, ಣೋ।
೬೪೮. ತಿಕಂ ತಿರಚ್ಛೋ, ತಿರಿಯಸ್ಸ ತಿರೋ, ಅಞ್ಚತಿಸ್ಸ ಚ್ಛೋ। ಯುಮ್ಹಿ ತಿರಚ್ಛಾನೋ, ತಿರಚ್ಛಾನೋಯೇವ ತಿರಚ್ಛಾನಗತಂ, ತಬ್ಭಾವಂ ವಾ ಗತಂ ಪತ್ತಂ, ತೇಸು ವಾ ಗತಂ ಅನ್ತೋಗಧನ್ತಿ ತಿರಚ್ಛಾನಗತಂ, ಸಿಯಾತಿ ಪಕತ್ಯಾನಪೇಕ್ಖಕ್ರಿಯಾಪದಂ, ಭವತ್ಯತ್ಥೋ ವಾ ಹಿ ಕರೋತ್ಯತ್ಥೋ ವಾ ಕದಾಚಿ ಪಕತ್ಯಾನಪೇಕ್ಖೋ ಭವತಿ, ನ ಪನ ವಿಕತ್ಯಾನಪೇಕ್ಖೋ। ತಥಾ ಕದಾಚಿ ಉಭಯಾಪೇಕ್ಖೋಪಿ ಭವತಿ, ನ ಪನುಭಯಾನಪೇಕ್ಖೋತಿ ಸಬ್ಬತ್ರೇವಂ। ಸೀಹಾದಿವಗ್ಗೋ।
ಅರಞ್ಞಾದಿವಗ್ಗವಣ್ಣನಾ ನಿಟ್ಠಿತಾ।
೭. ಪಾತಾಲವಗ್ಗವಣ್ಣನಾ
೬೪೯-೬೫೦. ಚತುಕ್ಕಂ ಪಾತಾಲೇ। ಅಧರಂ ಭುವನಂ ಅಧೋಭುವನಂ। ಪತನ್ತಿ ಅಸ್ಮಿಂ ಪಾತಾಲಂ, ಅಲೋ, ಮಜ್ಝೇ ದೀಘೋ। ನಾಗಾನಂ ಲೋಕೋ। ರಸಾಯ ತಲಂ ರಸಾತಲಂ।
ಸೋಬ್ಭನ್ತಂ ರಣ ಸದ್ದೇ, ಧೋ, ನತ್ತಂ, ಯದಾದಿ। ವರ ದಿತ್ತಿಯಂ। ವಿಗತೋ ವರೋ ವಾರಣಂ ಅಸ್ಸ ವಿವರಂ, ಛಿದಿ ದ್ವಿಧಾಕರಣೇ, ದೋ। ಕುಹ ವಿಮ್ಹಯನೇ, ಅರೋ। ಸುಸ ಸೋಸನೇ, ಇರೋ। ಬಿಲ ಭೇದನೇ, ಅ। ಸುಸತೋ ಇ, ಸುಸಿ। ಛಿನ್ದಿತ್ವಾ ಗಚ್ಛತೀತಿ ಛಿಗ್ಗಲಂ, ಯದಾದಿ। ಸುಟ್ಠು ಅಬ್ಭಂ ಆಕಾಸಂ ಅಸ್ಮಿಂ ಸೋಬ್ಭಂ।
‘‘ಸುಸಿರ’’ನ್ತಿ ಛಿದ್ದಸಾಮಞ್ಞೇ ಯಂ ನಪುಂಸಕವಚನಂ, ತಂ ಸಚ್ಛಿದ್ದೇ ಛಿದ್ದವತಿ ದಬ್ಬೇ ತೀಸು, ಯಥಾ ‘‘ಸುಸಿರೋ ರುಕ್ಖೋ, ಸುಸಿರಾ ಚಿಞ್ಚಾ, ಸುಸಿರಂ ಕಟ್ಠ’’ನ್ತಿ।
ದ್ವಯಂ ಭೂಮಿಛಿದ್ದೇ। ಕಾಸ ದಿತ್ತಿಯಂ, ಉ। ಅವ ರಕ್ಖಣೇ, ಅಟೋ, ಆವಾಟೋ, ಅವಾಟೋಪಿ। ದ್ವಯಂ ಸಪ್ಪಾನಂ ರಾಜಿನಿ। ವಸು ರತನಂ ಯಸ್ಸತ್ಥೀತಿ ವಾಸುಕೀ।
೬೫೧. ದ್ವಯಂ ನಾಗಾನಂ ರಾಜಿನಿ। ದೇವೇಹಿಪ್ಯಸ್ಸನ್ತೋ ನೋಪಲದ್ಧೋತಿ ಅನನ್ತೋ, ಸೇಸೋಪಿ, ಸಿಸ ಹಿಂಸಾಯಂ, ಸಿಸತಿ ಕಪ್ಪನ್ತೇತಿ ಸೇಸೋ, ಅ।
ದ್ವಯಂ ಅಜಗರೇ। ವಹತಿಸ್ಮಾ ಅಸೋ, ವಾಹಸೋ। ಅಜಂ ಛಾಗಂ ಗಿಲತೀತಿ ಅಜಗರೋ, ಅ, ಇಸ್ಸತ್ತಂ, ಲಸ್ಸ ರತ್ತಞ್ಚ। ಸಯೀಪಿ, ಸಯನಸೀಲೋ ಸಯೀ।
ದ್ವಯಂ ಗೋನಸಸಪ್ಪೇ ‘‘ಙಾ-ಚ್ವೇ’’ಇತಿ ಖ್ಯಾತೇ। ಗವಸ್ಸೇವ ನಾಸಾ ಅಸ್ಸಾತಿ ಗೋನಸೋ, ಸಞ್ಞಾಯಂ ನಾಸಸದ್ದಸ್ಸ ನಸೋ ಕತೋ ತಿಲಿಚ್ಛೋ, ತಿರಿಯಂ ಅಞ್ಚತೀತಿ ವಾ ತಿಲಿಚ್ಛೋ, ಯದಾದಿ।
ದ್ವಯಂ ದೇಡ್ಡುಭೋ। ಪಿಟ್ಠೇ ರಾಜಿಯೋಗಾ ರಾಜುಲೋ, ಉಲೋ, ಬಧಿರಸಪ್ಪೇಪ್ಯೇತೇ।
೬೫೨. ಕಮ್ಬಲೋ ಚ ಅಸ್ಸತರೋ ಚಾತಿ ಇಮೇ ದ್ವೇ ನಾಗಕುಲಾ ಮೇರುಪಾದೇ ವಸನ್ತಿ।
ದ್ವಯಂ ವೇಸ್ಮನಿವುಟ್ಠಸಪ್ಪೇ। ‘‘ವಮ್ಮನೀ’’ತಿಪಿ ಪಾಠೋ। ‘‘ಅಸುದ್ದೋ ಘರಸಪ್ಪೋ’’ತಿ ವುತ್ತತ್ತಾ ನಿಬ್ಬಿಸತಾಯ ಅಮಾರಿತತ್ತಾ ಸೀಲಯುತ್ತಂ ಅತ್ತಾ ಮನೋ ಯಸ್ಮಿಂ ಸಿಲುತ್ತೋ, ಅಸ್ಸು, ರಸ್ಸಾದಿ।
ದ್ವಯಂ ರುಕ್ಖಗ್ಗಾದೀಸು ನಿವುಟ್ಠಸಪ್ಪೇ। ನೀಲೋ ಹರಿತೋ ಸಪ್ಪೋತಿ ನೀಲಸಪ್ಪೋ। ‘‘ನೀಲೋ ಕಣ್ಹಮ್ಹಿ ಹರಿತೇ’’ತಿ ಹಿ ತಾರಪಾಲೋ। ಪಠಮಕಾಲೇ ಸಿಲಾಯಂ ಭವತೀತಿ ಸಿಲಾಭು।
೬೫೩-೬೫೪. ವಿಸಧರನ್ತಂ ಸಪ್ಪಮತ್ತೇ। ಆಸಿಯಂ ವಿಸಂ ಏತಸ್ಸ ಆಸೀವಿಸೋ, ಆಸೀ ಸಪ್ಪದಾಠಾ। ಭುಜ ಕೋಟಿಲ್ಯೇ, ಕುಟಿಲಾಯಮಾನೋ ಗಚ್ಛತೀತಿ ಭುಜಙ್ಗೋ, ಏವಂ ಭುಜಗೋ, ಭುಜಙ್ಗಮೋ ಚ। ಅಹಿ ಗಮನೇ, ಇ। ಸರನ್ತೋ ಸಪ್ಪತಿ ಗಚ್ಛತೀತಿ ಸರೀಸಪೋ, ಅಸ್ಸೀ, ಸಂಯೋಗಲೋಪೋ, ಅಲುತ್ತಸಮಾಸೋಯಂ, ಭುಜಙ್ಗಭುಜಙ್ಗಮಾಪಿ, ಸಬ್ಬಧರಕತೇ ಪನ ‘‘ಭುಸಂ, ಪುನಪ್ಪುನಂ ವಾ ಕುಟಿಲಂ ಸಪ್ಪತೀತಿ ಫಣೀ। ಸಪ್ಪತಿಸ್ಮಾ ಅ, ಭೂಮಿಫುಟ್ಠೇನ ಗತ್ತೇನ ಗತಿ ಸಪ್ಪನಂ। ಅರಂ ಸೀಘಂ ಗಚ್ಛತೀತಿ ಅಲಗದ್ದೋ, ಮಸ್ಸ ದೋ, ರಸ್ಸ ಲತ್ತಞ್ಚ, ಅಲಗದ್ದೋ, ಜಲಸಪ್ಪೇಪ್ಯಯಂ, ‘‘ಅಲಗದ್ದೋ ಜಲವಾಳೋ’’ತಿ ಅಮರಸೀಹೋ। ಭೋಗೋ ಫಣಿಕಾಯೋ, ತಂಯೋಗಾ ಭೋಗೀ। ಪನ್ನಂ ಗಚ್ಛತೀತಿ ಪನ್ನಗೋ, ಪಾದೇಹಿ ವಾ ನ ಗಚ್ಛತೀತಿ ಪನ್ನಗೋ। ದ್ವೇ ಜಿವ್ಹಾ ಅಸ್ಸ। ಉರಸಾ ಗಚ್ಛತೀತಿ ಉರಗೋ। ವಿಸೇಸೇನ ಆಲಾತಿ ಗಣ್ಹಾತಿ ಆಯುನ್ತಿ ವಾಳೋ, ಲಸ್ಸ ಳತ್ತಂ, ವಾ ಗಮನೇ ವಾ, ಅಲೋ। ದೀಘಸರೀರತಾಯ ದೀಘೋ। ದೀಘಾ ಪಿಟ್ಠಿ ಯಸ್ಸ, ಸಮಾಸೇ ಕೋ। ಉದರಮೇವ ಪಾದೋ ಯಸ್ಸ। ವಿಸಂ ಧರತಿ। ಚಕ್ಕೀ, ಕುಣ್ಡಲೀ, ಗೂಳ್ಹಪಾದೋ, ಚಕ್ಖುಸ್ಸವೋ, ಕಾಕೋದರೋ, ದಬ್ಬೀಕರೋ, ಬಿಲೇಸಯೋ, ಜಿಮ್ಹಗೋ, ಪವನಾಸನೋಪಿ। ಸಿರಸಿ ಚಕ್ಕಯೋಗಾ ಚಕ್ಕೀ। ಕುಣ್ಡಲಮಿವ ವಪು ಅಸ್ಸತ್ಥೀತಿ ತಂಯೋಗಾ ಕುಣ್ಡಲೀ। ಚಕ್ಖುನಾ ಸುಣೋತೀತಿ ಚಕ್ಖುಸ್ಸವೋ। ಕಾಕೋದರಮಿವ ಉದರಂ ಅಸ್ಸ। ದಬ್ಬಿಗತಿಕತ್ತಾ ಫಣಾ ದಬ್ಬೀ, ತಂ ಕರೋತಿ ಬನ್ಧತೀತಿ ದಬ್ಬೀಕರೋ। ಸಾಮಞ್ಞನಿದ್ದೇಸೇಪಿ ಕಣ್ಹಸಪ್ಪಾದಿಯೇವ ದಬ್ಬೀಕರೋ। ಜಿಮ್ಹಂ ಕುಟಿಲಂ ಗಚ್ಛತೀತಿ। ಪವನಾಸನೋ ವಾತಭೋಜೀ।
ಫಣಿನೋ ಸಪ್ಪಸ್ಸ ತನು ಕಾಯೋ ಭೋಗೋ ನಾಮ। ಭುಜತೀತಿ ಭೋಗೋ, ಭುಜ ಕೋಟಿಲ್ಯೇ, ಣೋ।
೬೫೫-೬೫೬. ದ್ವಯಂ ಸಪ್ಪಸ್ಸ ದಾಠಾಯಂ। ಅಸತಿ ಯೇನ ಅಸಂ, ಮುಖಂ, ತಸ್ಮಿಂ ಭವಾ ಆಸೀ, ಸಪ್ಪಸ್ಸ ದಾಠಾ ದನ್ತುತ್ತಮಾ। ದ್ವಯಂ ಸಪ್ಪಸ್ಸ ಜಿಣ್ಣತಚೇ ಕಞ್ಚುಕೋ। ಸಮಾ ತುಲ್ಯತ್ಥಾ।
ದ್ವಯಂ ವಿಸಮತ್ತೇ। ಸೋಣಿಪಥಗತಂ ವಿಸತಿ ದೇಹನ್ತಿ ವಿಸಂ, ವಿಸ ಪವೇಸನೇ। ಗಿರತೀತಿ ಗರಳಂ, ಅಳೋ।
ಹಲಾಹಲೋ, ಕಾಳಕೂಟೋ, ಆದಿನಾ ಕಾಕೋಲಾದಯೋ ಚ ಸತ್ತಾತಿ ಇಮೇ ನವ ತಬ್ಭೇದಾ ತಸ್ಸ ವಿಸಸ್ಸ ಭೇದಾ। ವುತ್ತಞ್ಚ –
‘‘ಪುಮೇ ಪಣ್ಡೇ ಚ ಕಾಕೋಲ-ಕಾಳಕೂಟಹಲಾಹಲಾ।
ಸೋರಟ್ಠಿಕೋ ಸುಕ್ಕಿಕೇಯ್ಯೋ, ಬ್ರಹ್ಮಪುತ್ತೋ ಪದೀಪನೋ।
ದಾರದೋ ವಚ್ಛನಾಭೋ ಚ, ವಿಸಭೇದಾ ಇಮೇ ನವಾ’’ತಿ
ತತ್ರ ಹಲಾಹಲೋ ಪುಮೇ, ವಾಕಾರೇನ ನಪುಂಸಕೇಪಿ, ‘‘ಹಾಲಾಹಲ’’ನ್ತಿ ಹಿ ತಿಕಣ್ಡಸೇಸೇ ನಸ್ಸ ಲೋ, ಹಲಾನಮ್ಪಿ ಹಲೋ ಹಲಾಹಲೋ, ಮಜ್ಝದೀಘೋ। ತಿರಿಯಲೇಖಾಯ ಚಿತಂ ದ್ವಿಜಪದೇಹಿ ಯುತ್ತಂ, ತಥಾ ಗಣ್ಠಿಭಿ ಬ್ಯಾಪಿತಂ ಬಿನ್ದುಭಿದೇವ ಯಂ ಘನತರೇಹಿ, ತಂ ಕಾಳಕೂಟಂ। ಇದಞ್ಚ ಪುಥುಮಾಲಿನಾಮಸ್ಸಾಸುರಸ್ಸ ಸೋಣಿತಮ್ಹಾ ಏವ ಅಸುರಸಮಯೇ ಕಾಳಕೂಟಂ।
ಬ್ರಹ್ಮಪುತ್ತೋ ತು ಕಪಿಲೋ, ಮಲಯದ್ದಿಭವೋ ಖರೋ।
ಪದೀಪನೋ ತು ದಹನೋ, ರತ್ತವಣ್ಣೋ’ಞ್ಜನದ್ದಿಜೋ
ದರದೇ ದಾರದೋ, ಸುಪ್ಪಭನಾಮಕೋ ತಂದೇಸಪಸಿದ್ಧೋ ಚ। ವಚ್ಛನಾಭೋ ಸಿನ್ದುವಾರಪತ್ತಸದಿಸೋ ಚ ತಂಸಮೀಪೇ ರುಕ್ಖೋ ನ ವದ್ಧತೇ, ತಂಸಮ್ಫಸ್ಸವಾಯು ಚ ಜರಯತಿ, ವಿಞ್ಝಾಯಂ, ಕಿಕ್ಕಿನ್ದಾಯಞ್ಚ ಜಾಯತೇ, ಏವಂ ವಿಸನ್ತರಾನಮ್ಪಿ ಸರೂಪಂ ಆಗಮತೋ ವಿಞ್ಞೇಯ್ಯಂ।
ದ್ವಯಂ ಧನತ್ಥಂ ಸಪ್ಪಗ್ಗಾಹೇ। ವಾಳಂ ಸಪ್ಪಂ ಗಣ್ಹನಸೀಲತಾಯ ವಾಳಗಾಹೀ। ಅಹಿನೋ ತುಣ್ಡೇನ ಮುಖೇನ ದಿಬ್ಬತೀತಿ ಅಹಿತುಣ್ಡಿಕೋ, ಣಿಕೋ, ‘‘ವಾಳಗ್ಗಾಹೋ’ಹಿತುಣ್ಡಿಕೋ’’ತಿ ಅಮರಮಾಲಾ।
೬೫೭. ತಿಕಂ ನಿರಯೇ। ಅಯೋ ಇಟ್ಠಫಲಂ, ಸೋ ನಿಗ್ಗತೋ ಅಸ್ಮಾತಿ ನಿರಯೋ, ನಿನ್ದಿತೋ ರಯೋ ಗಮನಂ ಏತ್ಥಾತಿ ವಾ ನಿರಯೋ। ದುಟ್ಠಾ ಗತಿ ದುಗ್ಗತಿ। ಅಪುಞ್ಞೇ ನೇತೀತಿ ನರಕೋ, ಣ್ವು, ರನ್ತೋ ಚ, ನರಕೋ।
ತೇಸು ನಿರಯೇಸು ಯೋ ‘‘ಮಹಾನಿರಯೋ’’ತಿ ವುತ್ತೋ, ಸೋ ಅಟ್ಠಧಾ ಹೋತೀತಿ ತಂ ದಸ್ಸೇತಿ ‘‘ಸಞ್ಜೀವೋ’’ಚ್ಚಾದಿನಾ ಸಿಲೋಕೇನ। ಮರನ್ತಾಪಿ ಕಮ್ಮಫಲಾನುಭವನತ್ಥಂ ಪುನಪ್ಪುನಂ ಜೀವನ್ತಿ ಅಸ್ಮಿಂ ಸಞ್ಜೀವೋ। ಯತ್ಥ ನಿರಯೇ ನೇರಯಿಕಾನಂ ಸರೀರಾನಿ ವಡ್ಢಕೀನಂ ಕಾಳಸುತ್ತೇನ ಸಞ್ಞಾಣಂ ಕತ್ವಾ ವಾಸಿಯಾ ತಚ್ಛನ್ತಿ, ಸೋ ಕಾಳಸುತ್ತೋ। ಭುಸಂ, ಪುನಪ್ಪುನಂ ವಾ ದುಕ್ಖಿತಸದ್ದೇನ ರವನ್ತಿ ಅಸ್ಮಿಂ ರೋರುವೋ, ಮಹನ್ತೋ ಚ ಸೋ ರೋರುವೋ ಚಾತಿ ಮಹಾರೋರುವೋ। ಪುನ ‘‘ರೋರುವೋ’’ತಿ ಚೂಳರೋರುವೋ ವುತ್ತೋ। ಭುಸಂ ಪತನ್ತಿ ಪತಾಪನೋ, ‘‘ವೀಚಿ ತರಙ್ಗೇ ಅಪ್ಪೇ ಚಾ’’ತಿ ರುದ್ದೋ, ನತ್ಥಿ ಸುಖಸ್ಸ ವೀಚಿ ಲೇಸೋಪಿ ಅತ್ರಾತಿ ಅವೀಚಿ, ‘‘ವೀಚಿ ಸುಖತರಙ್ಗೇಸೂ’’ತಿ ತಿಕಣ್ಡಸೇಸೋ ಅವೀಚಿ। ಸಮನ್ತತೋ ಆಗತೇಹಿ ಪಬ್ಬತೇಹಿ ಹಞ್ಞನ್ತಿ ಅತ್ರಾತಿ ಸಙ್ಘಾತೋ। ತಪನ್ತಿ ಅತ್ರ ತಾಪನೋ, ಇತಿಸದ್ದೋ ಅಟ್ಠನ್ನಂ ಪರಿಸಮಾಪನತ್ಥೋ।
೬೫೮. ತತ್ಥ ನಿರಯೇಸು ವೇತರಣೀ ಚ ಲೋಹಕುಮ್ಭೀ ಚಾತಿ ಇಮೇ ದ್ವೇ ನಿರಯಾ ಜಲಾಸಯಾ ಜಲಾಧಾರಾ, ತೇ ಚ ಥಿಯಂ, ತರಣೀ ನಾವಾ, ಸಾ ನತ್ಥಿ ಯಸ್ಸಂ ವೇತರಣೀ। ಲೋಹಮಯಾ ಕುಮ್ಭೀ ಲೋಹಕುಮ್ಭೀ।
ದ್ವಯಂ ನಿರಯಪಾಲೇ। ಕಾರಣಾ ಯಾತನಾ, ಸಾ ಚ ತಿಬ್ಬವೇದನಾ, ತಂ ಕರೋತೀತಿ ಕಾರಣಿಕೋ। ನಿರಯಗತಸತ್ತೇ ಪಾತೀತಿ ನಿರಯಪೋ।
ದ್ವಯಂ ನಿರಯಗತಸತ್ತೇ। ನಿರಯಂ ಗಚ್ಛತೀತಿ ನೇರಯಿಕೋ। ನರಕಂ ಗಚ್ಛತೀತಿ ನಾರಕೋ।
೬೫೯. ಉದಧಿ ಪರಿಯನ್ತಂ ಸಮುದ್ದಸ್ಸ ನಾಮಂ। ಅಣ್ಣೋ ಜಲಂ, ಸೋ ವಾತಿ ಗಚ್ಛತಿ ಯಸ್ಮಿಂ ಅಣ್ಣವೋ, ಅಣ್ಣೋ ಯಸ್ಮಿಂ ವಿಜ್ಜತೀತಿ ವಾ ಅಣ್ಣವೋ, ಅಸ್ಸತ್ಥ್ಯತ್ಥೇ ವೋ। ಸಗರೇಹಿ ರಾಜಕುಮಾರೇಹಿ ಖತೋ ಸಾಗರೋ, ಸಾನಂ ಧನಾನಂ ಆಕರೋತಿ ವಾ ಸಾಗರೋ, ಕಸ್ಸ ಗೋ, ಸಾಗ ಸಂವರಣೇ ವಾ, ಅರೋ। ಸನ್ದತೇತಿ ಸಿನ್ಧು, ಸನ್ದ ಸವನೇ, ಯದಾದಿ। ಉದಿ ಕ್ಲೇದನೇ, ಸಮ್ಮಾ ಕ್ಲಿದನ್ತಿ ಚನ್ದೋದಯೇ ಅಸ್ಮಾ ಆಪಾನೀತಿ ಸಮುದ್ದೋ। ಜಲಾನಿ, ಉದಕಾನಿ ಚ ನಿಧೀಯನ್ತೇ, ಧೀಯನ್ತೇ ಚಾತ್ರಾತಿ ಜಲನಿಧಿ, ಉದಧಿ ಚ, ಉದಕಸ್ಸ ಉದಾದೇಸೋ।
ತಸ್ಸ ಸಮುದ್ದಸ್ಸ ಖೀರಣ್ಣವೋ, ಆದಿನಾ ಲವಣೋದೋ, ದಧ್ಯುದೋ, ಘತೋದೋ, ಉಚ್ಛುರಸೋದೋ, ಮದಿರೋದೋ, ಸಾದುದಕೋ ಚಾತಿ ಇಮೇ ಸತ್ತ ಮಹಣ್ಣವವಿಸೇಸಾ ಭವನ್ತಿ ಖೀರಣ್ಣವೋ।
೬೬೦. ಅಸ್ಸ ಸಮುದ್ದಸ್ಸ ಕೂಲದೇಸೋ ತೀರದೇಸೋ ವೇಲಾ ನಾಮ, ವಿಗಚ್ಛನ್ತಿ ಇರಾ ಯಸ್ಸಂ ವೇಲಾ, ಲತ್ತಂ। ಚಕ್ಕಮಿವ ಸಲಿಲಾನಂ ಜಲಾನಂ ಭಮೋ ಭಮನಂ ಆವಟ್ಟೋ ನಾಮ, ಆವಟ್ಟನ್ತಿ ಜಲಾನಿ ಅತ್ರಾತಿ ಆವಟ್ಟೋ।
ತಿಕಂ ಬಿನ್ದುಮ್ಹಿ। ಥು ಅಭಿತ್ಥವೇ, ವೋ, ಉಸ್ಸೇ। ವಿದಿ ಅವಯವೇ, ಉ, ಬಿನ್ದು। ಫುಸ ಫುಸನೇ, ತೋ, ಫುಸಿತಂ। ಪಾಕಾರೇ, ಗೇಹಾದಿತಿತ್ತಿಯಞ್ಚ ಜಲನಿಗ್ಗಮೋ ಭಮೋ ನಾಮ, ಭಮು ಅನವಟ್ಠಾನೇ।
೬೬೧. ಸಿಲೋಕೋ ಉದಕೇ। ಆಪ ಬ್ಯಾಪನೇ, ಅಪ್ಪೋತಿ ಸಬ್ಬತ್ರಾತಿ ಆಪೋ। ಪಾತಬ್ಬನ್ತಿ ಪಯೋ, ಪಾ ಪಾನೇ, ಣ್ಯೋ। ರಸ್ಸೋ ಪಯೋ। ಜಲ ಧಞ್ಞೇ, ಅ। ವಾರಯತಿ ನಿನ್ನೋನತನ್ತಿ ವಾರಿ, ವರ ನಿಸೇಧೇ, ಣಿ, ವಾರಯತಿ ಪಿಪಾಸನ್ತಿ ವಾ ವಾರಿ। ಪೀಯತೇತಿ ಪಾನೀಯಂ, ಅನೀಯೋ। ಸಲತೀತಿ ಸಲಿಲಂ, ಸಲ ಗತಿಯಂ, ಇಲೋ। ಉದಿ ಕ್ಲೇದನೇ, ಣ್ವು, ಉಲೋಪೋ, ದಕಂ ಪಿಪಾಸಚ್ಛೇದಂ ಕರೋತೀತಿ ವಾ ದಕಂ, ‘‘ದಾ ದಾನಚ್ಛೇದಧಾತೂ’’ತಿ ಏಕಕ್ಖರಕೋಸೇ, ರಸ್ಸೋ। ಅನ ಸದ್ದೇ, ಅ, ದ್ವಿತ್ತಂ, ಅರ ಗಮನೇ ವಾ, ತೋ, ಅನ್ನಾದೇಸೋ, ಣತ್ತಂ। ನೀ ನಯೇ, ಈರೋ। ವನ ಸಮ್ಭತ್ತಿಯಂ। ವನೀಯತೇ ಪಿಪಾಸೇಹೀತಿ ವನಂ। ವಾ ಗಮನೇ, ಅಲೋ। ತಾಯತೇ ಪಾಲಯತೇತಿ ತೋಯಂ, ತಾ ಪಾಲನೇ, ಚುರಾದಿ, ಯೋ, ಆಕಾರಸ್ಸೋತ್ತಂ। ಅಮ್ಬ ಸದ್ದೇ, ಉ, ಅಮ್ಬು। ಉದಿ ಪಸವನಕ್ಲೇದನೇಸು, ಣ್ವು, ಉದಕಂ। ಕರ ಕರಣೇ, ಕ್ವಿ, ಕಂ। ಕಮಲಂ, ಖೀರಮ್ಪಿ, ಕಮು ಇಚ್ಛಾಕನ್ತೀಸು, ಅಲೋ। ಖನು ಹಿಂಸಾಯಂ, ಈರೋ, ನಲೋಪೋ, ಖೀ ಖಯೇ ವಾ, ಖೀರಂ।
೬೬೨. ಚತುಕ್ಕಂ ತರಙ್ಗೇ। ತರನ್ತೋ ಗಚ್ಛತಿ, ತೀರಂ ವಾ ಗಚ್ಛತೀತಿ ತರಙ್ಗೋ, ಅಲುತ್ತಸಮಾಸೋ, ಪರತ್ರ ಈಸ್ಸತ್ತಂ। ಸಯಮೇವ ಭಿಜ್ಜತೇತಿ ಭಙ್ಗೋ, ಅ। ಊಹ ವಿತಕ್ಕೇ, ಮಿ, ಹಲೋಪೋ, ಊಮಿ, ಅರ ಗಮನೇ ವಾ, ಮಿ, ಅಸ್ಸೂ, ರಲೋಪೋ। ವಿಮ್ಹಯಂ ವಿಚಿತ್ತಂ ಚಿನೋತೀತಿ ವೀಚಿ, ಇ, ಉಪಸಗ್ಗಸ್ಸ ದೀಘೋ, ಏತೇ ದ್ವೇ ಪುಮಿತ್ಥಿಯಂ।
ಉಲ್ಲೋಲೋ, ಕಲ್ಲೋಲೋ ಚಾತಿ ಇದಂ ದ್ವಯಂ ಮಹಾವೀಚೀಸು ಕಥ್ಯತೇ, ಲೋಲ ಉಮ್ಮಾದನೇ, ಉಲ್ಲೋಲಯತೀತಿ ಉಲ್ಲೋಲೋ, ಣೋ, ಉಲ ಗಮನೇ ವಾ, ಓಲೋ, ದ್ವಿತ್ತಂ। ಕಲ್ಲ ಸದ್ದೇ, ಓಲೋ, ಕಲ್ಲೋಲೋ।
೬೬೩. ಸಿಲೋಕದ್ಧಂ ಜಮ್ಬಾಲೋ, ಕಮ್ಮನಿ ಣೋ, ಮಕಾರೋ ವಣ್ಣವಿಕಾರೋ। ಕಲ ಸಙ್ಖ್ಯಾನೇ, ಅಲೋ। ಪಚ ವಿತ್ಥಾರವಚನೇ, ಕಮ್ಮನಿ ಣೋ। ಚಿಕ್ಖ ವಚನೇ, ಅಲೋ, ದ್ವಿತ್ತಂ। ಕದ ಮದ್ದೇ, ಅಮೋ, ದ್ವಿತ್ತಂ।
ಛಕ್ಕಂ ವಾಲುಕಾಯಂ। ಪುಲ ಮಹತ್ಥೇ, ಇನೋ, ಳತ್ತಂ। ವಲ ಸಂವರಣೇ, ಣ್ವು, ಅಸ್ಸು, ವಾಲುಕಾ, ಥೀ। ವಣ್ಣ ಸದ್ದೇ, ವಣ್ಣೋ। ಮರ ಪಾಣಚಾಗೇ, ಉ, ಮರು, ದೇವೇಪಿ। ಅರ ಗಮನೇ, ಉ, ಅಸ್ಸು, ಉರು, ಮಹನ್ತೇಪಿ, ವಣ್ಣೋ ಚ ಮರು ಚ ಉರು ಚ ವಣ್ಣಮರೂರು। ಸಿಚ ಪಗ್ಘರಣೇ, ತೋ, ಸಿಕತಾ, ಥೀ।
೬೬೪. ಜಲಮಜ್ಝಗತಂ ತಲಂ ಕಮ್ಮಭೂತಂ ‘‘ಅನ್ತರೀಪಂ, ದೀಪೋ’’ತಿ ಚೋಚ್ಚತೇ। ದ್ವಿಧಾಗತಾನಂ ಆಪಾನಂ ಅನ್ತರಗತಂ ಅನ್ತರೀಪಂ, ಆಕಾರಸ್ಸೀ। ‘‘ಅನ್ತರೀಯ’’ನ್ತಿ ವಾ ಪಾಠೋ, ತದಾ ದ್ವಿಧಾಗತಾನಂ ಆಪಾನಂ ಅನ್ತರೇ ಭವಂ ಅನ್ತರೀಯನ್ತಿ ವಿಗ್ಗಹೋ, ಅಕಾರಸ್ಸೀ। ದ್ವಿಧಾಗತಾನಿ ಆಪಾನಿ ಅಸ್ಮಿಂ ಹೇತುಭೂತೇತಿ ದೀಪೋ। ವಕಾರಆಕಾರಾನಂ ಲೋಪೋ, ಇಸ್ಸೀ ಚ, ದೀಪೋ, ವಾಕಾರೇನ ದೀಪಮ್ಪಿ।
ಪಞ್ಚಕಂ ತೀರಸ್ಸ ನಾಮಂ। ಪಾರ ತೀರ ಕಮ್ಮಸಮ್ಪತ್ತಿಯಂ, ಚುರಾದಿ, ಅ। ಕೂಲ ಆವರಣೇ, ಣೋ। ರುಧ ಆವರಣೇ, ರೋಧಂ। ಅಞ್ಞಪಾರಾದಿನಿವತ್ತನತ್ಥಂ ‘‘ಪತೀರ’’ನ್ತಿ ವುತ್ತಂ। ತಟ ಉಸ್ಸಯೇ, ಅ, ಥಿಯಂ, ತಟೀ।
೬೬೫. ಪರಮ್ಹಿ ಪಾರಸದ್ದೋ, ಸೋ ಚ ನಪುಂಸಕೇ, ಪಾರ ತೀರ ಕಮ್ಮಸಮ್ಪತ್ತಿಯಂ, ಪಾರ ಸಾಮತ್ಥಿಯೇ ವಾ, ಪಾರಯತಿ ತರಙ್ಗಾದಯೋ ವಾರೇತುನ್ತಿ ಪಾರಂ। ಓರನ್ತುತೀರಂ ‘‘ಅಪಾರ’’ನ್ತ್ಯುಚ್ಚತೇ, ಅವರೇ ತೀರದೇಸೇ ಭವಂ ಓರಂ, ಣೋ। ಪಾರತೋ ಅಞ್ಞಂ ತೀರಂ ಅಪಾರಂ।
ಪಞ್ಚಕಂ ಉಳುಮ್ಪೇ। ಉಳುತೋ ದಕತೋ ಪಾತಿ ರಕ್ಖತಿ ಉಳುಪೋ, ಸೋಯೇವ ನಿಗ್ಗಹೀತಾಗಮವಸೇನ ಉಳುಮ್ಪೋ। ಪ್ಲವತಿ, ಪ್ಲವನ್ತಿ ಅನೇನಾತಿ ವಾ ಪ್ಲವೋ, ಪ್ಲವ ಗಮನೇ, ಗಮನಂ ಅತ್ರ ಜಲಗಮನಂ। ಕುಲ ಸನ್ತಾನೇ, ಅ, ಕೇ ಉಲತಿ ಗಚ್ಛತೀತಿ ವಾ ಕುಲ್ಲೋ, ಅ, ದ್ವಿತ್ತಂ। ತರನ್ತಿ ಅನೇನ ತರೋ, ತರ ಪ್ಲವತರಣೇಸು। ಗಮನಾಗಮನವಸೇನ ಪುನಪ್ಪುನಂ ಜಲೇ ಅರನ್ತಿ ಯಾಯ, ಸಾ ಪಚ್ಚರೀ, ಅ, ನದಾದಿ।
೬೬೬. ತಿಕಂ ನಾವಾಯಂ। ತರನ್ತಿ ಯಾಯ ತರಣೀ, ಯು, ನದಾದಿ, ಇಪಚ್ಚಯೇ ತರಿ, ಈಮ್ಹಿ ತು ತರೀ। ನು ಥುತಿಯಂ, ಅ, ವುಡ್ಢಾವಾದೇಸಾ, ನಾವಾ। ದ್ವಯಂ ಲಙ್ಕಾರಥಮ್ಭೇ। ಕೂಪ ಗಮನೇ, ಣ್ವು, ಕೂಪಕೋ, ಅಪಚ್ಚಯೋ ವಾ, ತದಾ ಸಕತ್ಥೇ ಕೋ। ಕಮು ಇಚ್ಛಾಯಂ, ಭೋ, ಸಕತ್ಥೇ ಕೋ, ಅಸ್ಸು ಚ, ಕುಮ್ಭಕಂ।
ದ್ವಯಂ ‘‘ಪೇ ಸೇಂ’’ಇತಿ ಖ್ಯಾತೇ। ತರಸ್ಸ ಪಚ್ಛಾಭಾಗೇ ಬನ್ಧಿತಬ್ಬೋತಿ ಪಚ್ಛಾಬನ್ಧೋ। ಗ’ಮಿಚ್ಛಿತದಿಸಂ ಅಟತಿ ಯೇನ ಗೋಟವಿಸೋ, ಇಸೋ, ಅವನ್ತೋ ಚ ಅಸ್ಸೋತ್ತಞ್ಚ, ಗೋಟವಿಸೋ। ದ್ವಯಂ ‘‘ಪೇ ತಮಾ’’ಇತಿ ನಾವಿಕೋ।
೬೬೭. ದ್ವಯಂ ನಾವಾಯ ಗಮನೋಪಾಯೇ। ಅರತಿ ಯೇನಾತಿ ಅರಿತ್ತಂ, ಛದಾದೀಹಿ ತತ್ರಣ, ಇಕಾರಾಗಮೋ, ದ್ವಿತ್ತಞ್ಚ। ಕೇ ಜಲೇ ನಿಪಾತಿಯತೇ ಕೇನಿಪಾತೋ, ಅಲುತ್ತಸಮಾಸೋಯಂ।
ದ್ವಯಂ ನಿಯಾಮಕೇ। ಪೋತೋ ಪವಹನಂ, ತಂ ವಾಹಯತೀತಿ ಪೋತವಾಹೋ। ನಿಯಚ್ಛತಿ ಪೋತನ್ತಿ ನಿಯಾಮಕೋ, ಯಮು ಉಪರಮೇ, ನಿಪುಬ್ಬೋ ಗಮನೇ, ಣ್ವು, ನಿಯಾಮಕೋ, ಚುರಾದಿ। ನಿಯಾಮಕೇಪಿ।
ಯೇ ವಾಣಿಜಾ ನಾವಾಯ ವಾಣಿಜಕಮ್ಮಂ ಆಚರನ್ತಿ, ತೇ ಸಂಯತ್ತಿಕಾ ನಾಮ, ಸಂಯಾನಂ ಸಂಯಾತ್ರಾ, ದೀಪನ್ತರಗಮನಂ, ತ್ರಣ, ಸಾ ಪಯೋಜನಮೇತೇಸಂ ಸಂಯತ್ತಿಕಾ, ಣಿಕೋ, ರಲೋಪೋ, ರಸ್ಸೋ ಚ। ತಪಚ್ಚಯೇನ ವಾ ಸಿದ್ಧಂ। ಪೋತವಾಣಿಜಾಪಿ, ಪೋತೋ ಪವಹನಂ, ತಸ್ಸ ವಾಣಿಜಾ।
೬೬೮. ಲಙ್ಕಾರಾದಯೋ, ಫಿಯಾದಯೋ ಚ ನಾವಾಯ ಅಙ್ಗಾ ಅವಯವಾ। ಲೋ ಇನ್ದೋ, ತಸ್ಸ ಕಾರಣಂ ಲಙ್ಕಾರೋ। ವಟೋ ವುಚ್ಚತಿ ಸಿವಟೋ, ತದಾಕಾರತಾಯ ವಟಾಕಾರೋ। ‘‘ವಟೋ ಕಮದ್ದೇ ನಾನತ್ಥಸಙ್ಗಹೋ। ಫಾ ವುಡ್ಢಿಯಂ, ಇಯೋ, ಫಿಯೋ।
ದ್ವಯಂ ‘‘ತಲಕ’’ಇತಿ ಖ್ಯಾತೇ। ಪೂ ಪವನೇ, ತೋ, ವುಡ್ಢಿ, ಪವಹತಿ ನಿಯಾಮಕೇತಿ ಪವಹನಂ। ವುತ್ತನ್ತಿ ಕ್ರಿಯಾಪದಂ। ದ್ವಯಂ ಕಟ್ಠಮ್ಬುವಾಹಿನಿಯಂ, ದುಣ ಗತಿಹಿಂಸಾಸು, ಅ, ನದಾದಿ, ವುಡ್ಢಿ, ದೋಣೀ। ಅಮ್ಬುಂ ನೇತಿ ಯೇನ ಅಮ್ಬಣಂ, ಉಸ್ಸತ್ತಂ, ಣತ್ತಞ್ಚ, ಅಮ್ಬ ಸದ್ದೇ ವಾ, ಯು।
೬೬೯. ತಿಕಂ ಗಮ್ಭೀರೇ। ಗಮು ಗಮನೇ, ಈರೋ, ಭೋನ್ತೋ ಚ ಮಲೋಪೋ ಚ, ಗಭೀರೋ। ಮಾಲೋಪೇ ತು ಗಮ್ಭೀರೋ, ಗಚ್ಛನ್ತಾ ಭಾಯನ್ತಿ ಅಸ್ಮಿನ್ತಿ ವಾ ಗಭೀರೋ, ಗಮ್ಭೀರೋ ಚ। ನಿಪುಬ್ಬೋ ಮನ ಅಭ್ಯಾಸೇ, ಣೋ, ಮಸ್ಸ ನೋ। ತಬ್ಬಿಪಕ್ಖತೋ ಗಮ್ಭೀರವಿಪರೀತತೋ ಉತ್ತಾನಂ ನಾಮ, ಉಗ್ಗತಂ ತಾನಂ ಪಮಾಣಂ ಅಸ್ಸ ಉತ್ತಾನಂ, ಅಗಮ್ಭೀರಂ।
ದ್ವಯಂ ಅಗಾಧೇ। ಗಾಧ ಪತಿಟ್ಠಾಕಙ್ಖಾಸು, ಗನ್ಥೇ ಚ, ನತ್ಥಿ ಗಾಧಂ ಯತ್ರ ಅಗಾಧಂ। ನ ಹೇಟ್ಠಿಮತಲಂ ಫುಸತಿ ಯತ್ರ ಅತಲಮ್ಫಸ್ಸಂ।
ತಿಕಂ ಅಪ್ಪಸನ್ನೇ। ನತ್ಥಿ ಅಚ್ಛಭಾವೋ ಅತ್ರ ಅನಚ್ಛೋ। ಕಲುಸಂ ಪಾಪೇಪಿ ವುತ್ತಂ। ವಿಲ ಭೇದನೇ, ಣೋ, ಆವಿಲೋ। ಅವ ರಕ್ಖಣೇ ವಾ, ಇಲೋ।
೬೭೦. ತಿಕಂ ನಿಮ್ಮಲೇ। ಛೋ ಛೇದನೇ, ನ ಛಿನ್ದತಿ ದಸ್ಸನನ್ತಿ ಅಚ್ಛೋ, ಣೋ, ಸಚ್ಛೋಪಿ, ಸರ ವಿಸರಣೇ, ತೋ, ಅನ್ನಾದೇಸೋ। ನತ್ಥಿ ಮಲಂ ಏತಸ್ಮಿಂ ವಿಮಲೋ। ಗಭೀರಪ್ಪಭುತೀ ಗಭೀರಾದಯೋ ವಿಮಲನ್ತಾ ತೀಸು ಲಿಙ್ಗೇಸು।
ಪಞ್ಚಕಂ ಧಾ ಧಾರಣೇ, ಈವರೋ। ಮಚ್ಛೇ ಹನ್ತ್ವಾ ಜೀವತೀತಿ ಮಚ್ಛಿಕೋ, ಇಕೋ। ಮಚ್ಛೇ ಬನ್ಧತಿ ಜಾಲೇನಾತಿ ಮಚ್ಛಬನ್ಧೋ, ಮಚ್ಛೇ ವಧತೀತಿ ವಾ ಮಚ್ಛಬನ್ಧೋ, ನಿಗ್ಗಹೀತಾಗಮೋ, ಕಂ ಜಲಂ, ತಸ್ಸ ಈಲಕ್ಖೀ, ತಾಯ ವಟ್ಟೋ ವಟ್ಟನಂ ಅಸ್ಸತ್ಥೀತಿ ಕೇವಟ್ಟೋ। ಕೇವತ್ತೋಪಿ, ಣೋ। ಜಾಲೇ ನಿಯುತ್ತೋ, ಜಾಲೇನ ಹನ್ತೀತಿ ವಾ ಜಾಲಿಕೋ, ದಾಸೋಪ್ಯತ್ರ, ದಾಸ ದಾನೇ, ಅ, ‘‘ದಾಸೋ ಕೇವಟ್ಟಭಚ್ಚೇಸೂ’’ತಿ ರುದ್ದೋ।
೬೭೧-೬೭೨. ಝಸಾನ್ತಂ ಮಚ್ಛೇ। ಮಸ ಆಮಸನೇ, ಛೋ, ಮರಧಾತುವಸೇನ ವಾ ಸಿದ್ಧೋ, ಮರ ಪಾಣಚಾಗೇ, ಇನೋ, ರಲೋಪೋ। ಮುಖಪ್ಪದೇಸೇ ಪುಥೂನಿ ಲೋಮಾನಿ ಅಸ್ಸ ಪುಥುಲೋಮೋ। ಪಾಠೀನಾದೀನಂ ಮಚ್ಛತ್ತಾ ವಿಸೇಸತೋ ಅಲೋಮಕೇಪ್ಯಸ್ಸ ವುತ್ತಿ। ಝಸ ಹಿಂಸತ್ಥೋ ದಣ್ಡಕೋ ಧಾತು, ಅ, ಝಸೋ। ಅಣ್ಡಜೋ, ವಿಸಾರೋ, ಸಕಲೀಪಿ, ವಿಚಿತ್ರಂ ಸರತಿ ಅನೇನ ವಿಸಾರೋ, ಣೋ। ರೋಹಿತಾದೀನಂ ವಕ್ಕಲಪ್ಪಾಯೋ ಸಕಲೀ।
ರೋಹಿತಾದಯೋ, ಮಕರಾದಯೋ ಚ ಮಚ್ಛಪ್ಪಭೇದಾ। ರುಹ ಜನನೇ, ತೋ, ರೋಹಿತೋ। ವಿಪಾಕೇ ಮಧುರಸತ್ತಾ ಮಗ್ಗುರೋ, ವಣ್ಣವಿಕಾರೋ, ಮಜ್ಜತೀತಿ ವಾ ಮಗ್ಗುರೋ, ಊರೋ, ಮಜ್ಜ ಸುದ್ಧಿಯಂ, ಜ್ಜಸ್ಸ ಗ್ಗತ್ತಂ, ರಸ್ಸೋ ಚ, ಮಗ್ಗುರೋ, ‘‘ಙಾ ಖೂ’’। ಸಿಙ್ಗಯುತ್ತತಾಯ ಸಿಙ್ಗೀ, ಣೋ, ನದಾದಿ, ಸಙ್ಗುಪಿ, ಸರತಿ ವಾತನ್ತಿ ವಾ ಸಿಙ್ಗೀ, ಸರ ಹಿಂಸಾಯಂ, ಅ, ರಸ್ಸ ಗೋ, ಅಸ್ಸಿ, ನಿಗ್ಗಹೀತಾಗಮೋ, ನದಾದಿ, ಸಿಙ್ಗೀ, ‘‘ಙ ಚ್ವೇ’’। ಬಲ ಲಸ್ಸ ಜೋ, ಬಲಜೋ,’’ಙ ಪಾ’’। ಮುಞ್ಜ ಸದ್ದತ್ಥೋ, ಮುಞ್ಜೋ। ಪೂ ಪವನೇ, ಉಸೋ, ವುದ್ಧ್ಯಾವಾದೇಸಾ, ಪಾವುಸೋ, ಮಹಾಮುಖಮಚ್ಛೋ, ‘‘ಙ ಟಾ’’।
ಸತ್ತಕ್ಖತ್ತುಂ ವಙ್ಕತೀತಿ ಸತ್ತವಙ್ಕೋ, ‘‘ಙ ಸೇ’’। ಸಹ ವಙ್ಕೇನ, ಸಂವಿಜ್ಜಮಾನೋ ವಾ ವಙ್ಕೋ ಯಸ್ಸ ಸವಙ್ಕೋ, ‘‘ಙ ಮ್ವೇ’’। ನಳಸಣ್ಠಾನೋ ಮೀನೋ ನಳಮೀನೋ, ‘‘ಙ ಫೌ-ಯೋ’’। ಕಡಿ ಸನ್ನಿಚಯವದನೇಕದೇಸೇಸು, ಣ್ವು, ಗಣ್ಡಕೋ, ‘‘ಙ ಮಾ’’। ಸಸು ಹಿಂಸಾಯಂ, ಉ, ಅಸ್ಸು, ಸುಸುಕಾ, ಸಕತ್ಥೇಕೋ, ‘‘ಙ-ಪೌ-ಟಯೇ’’। ಸಯನತೋ ಪಸ್ಸೇನ ಫರತೀತಿ ಸಫರೀ, ನದಾದಿ, ಫರ ಫರಣೇ, ಸಫರೀ ದ್ವೀಸು, ‘‘ಙ ಖೂ-ಮಾ’’। ಪಾಣಿಗ್ಗಹಣೇ ಮುಖಂ ಕಿರತೀತಿ ಮಕರೋ, ಯದಾದಿ।
೬೭೩. ತಿಮಿಆದಯೋ ಸತ್ತ ಮಹಾಮಚ್ಛಾ ನಾಮ। ತಿಮ ಅದ್ದಭಾವೇ, ತಿಮತೀತಿ ತಿಮಿ, ಇ, ತಿಮಿ ಮಚ್ಛಮತ್ತೇಪಿ। ಗಿರ ನಿಗ್ಗಿರಣೇ, ಣೋ, ಲತ್ತಂ, ಇಸ್ಸತ್ತಂ। ತಿಮಿನೋ ಗಲೋ ತಿಮಿಙ್ಗಲೋ, ನಿಗ್ಗಹೀತಾಗಮೋ। ವಣ್ಣೇನ ಪಿಙ್ಗಲತಿಮಿರಸದಿಸತಾಯ ತಿಮಿರಪಿಙ್ಗಲೋ। ಆ ಭುಸೋ ನನ್ದತೀತಿ ಆನನ್ದೋ, ನನ್ದ ಸಮಿದ್ಧಿಯಂ। ತಿಮಿನೋ ಮಚ್ಛೇ ನನ್ದಯತೀತಿ ತಿಮಿನನ್ದೋ। ‘‘ತಿಮಿನ್ದೋ’’ತಿಪಿ ಪಾಠೋ, ತಿಮೀನಂ ಮಚ್ಛಾನಂ ಇನ್ದೋ ತಿಮಿನ್ದೋ। ಅಧಿಕೋ ಆರೋಹೋ ಯಸ್ಸ ಅಜ್ಝಾರೋಹೋ। ಮಹನ್ತೋ ತಿಮಿ ಮಚ್ಛೋ ಮಹಾತಿಮಿ।
೬೭೪. ದ್ವಯಂ ‘‘ಙ ಫೇ’’ಇತಿ ಖ್ಯಾತೇ। ಪಾಸಾಣಸದಿಸಸಣ್ಠಾನೋ ಮಚ್ಛೋ ಪಾಸಾಣಮಚ್ಛೋ। ಪಠ ವಿಯತ್ತಿಯಂ ವಾಚಾಯಂ, ಇನೋ ಪಾಠೀನೋ, ‘‘ಙ-ಪೌ’’ತಿ ಚ ವದನ್ತಿ। ದ್ವಯಂ ಬಳಿಸೇ। ವಙ್ಕತೀತಿ ವಙ್ಕೋ, ವಙ್ಕ ಕೋಟಿಲ್ಯೇ। ಬಲ ಸಂವರಣೇ, ಇಸೋ, ಳತ್ತಂ। ಮಚ್ಛವೇಧನಮ್ಪಿ, ವಿಧ ವಿಧಾನೇ, ಭೇದನೇ ಚ, ಅನೇಕತ್ಥತ್ತಾ, ಯು।
ತಿಕಂ ಕುಮ್ಭೀಲೇ। ‘‘ಸುಂಸುಮಾರೋ’’ತಿ ಸಮುದಿತನಾಮಂ, ಸಸತೀತಿ ಸುಸು। ಸುಸು ಏವ ಸುಂಸು, ಮಾರೇತೀತಿ ಮಾರೋ, ಸುಂಸು ಏವ ಮಾರೋ ಸುಂಸುಮಾರೋ। ಕೇನ ಉಭತಿ ಪೂರೇತೀತಿ ಕುಮ್ಭೋ, ಜಲಾಸಯೋ, ತತ್ರ ಉಲತಿ ಗಚ್ಛತೀತಿ ಕುಮ್ಭೀಲೋ, ಕುಮ್ಭೀ ವಾ ಘಟೋ, ತಂ ಲಾತೀತಿ ಕುಮ್ಭೀಲೋ। ನ ಕಮತೀತಿ ನಕ್ಕೋ, ಕ್ವಿ, ಸಞ್ಞಾಸದ್ದತ್ತಾ ನಸ್ಸ ಪಕತಿ, ನಕ್ಕ ನಾಸನೇ ವಾ, ಚುರಾದಿ।
ದ್ವಯಂ ಕಚ್ಛಪೇ। ಕುಚ್ಛಿತೋ ಊಮಿ ವೇಗೋ ಅಸ್ಸ ಕುಮ್ಮೋ, ‘‘ಪಕಾಸೇ ವೇಗಭಙ್ಗೇಸು, ತರಙ್ಗೇ ಊಮಿ ಪುಂಥಿಯ’’ನ್ತಿ ರಭಸೋ, ‘‘ವೇಗೇ ಭಙ್ಗಪ್ಪಕಾಸೇಸು, ಬಿಲಾಯಂ ಊಮಿ ವೀಚಿಯ’’ನ್ತಿ ನಾನತ್ಥಸಙ್ಗಹೋ। ಕಚ್ಛೇನ ಪಿವತೀತಿ ಕಚ್ಛಪೋ, ಣೋ, ಕಮಠೋಪ್ಯತ್ರ, ಕಮು ಇಚ್ಛಾಯಂ, ಅಠೋ।
೬೭೫. ದ್ವಯಂ ಕಕ್ಕಟೇ। ಕಕತೀತಿ ಕಕ್ಕಟಕೋ। ಸಕತ್ಥೇ ಕೋ, ಕುಕ ಆದಾನೇ ವಾ, ಅಟೋ, ಉಸ್ಸತ್ತಂ। ಕುಲ ಸನ್ತಾನೇ, ಬನ್ಧುಮ್ಹಿ ಚ, ಈರೋ, ಕುಂ ವಾ ಪಥವಿಂ ಲುನಾತೀತಿ ಕುಳೀರೋ, ಈರೋ। ದ್ವಯಂ ರತ್ತಪೇ। ಜಲಸ್ಸ ಊಕಾ ಕಿಮಿವಿಸೇಸೋ ಜಲೂಕಾ, ಜಲಂ ಓಕಂ ಗೇಹಂ ಏತಿಸ್ಸಾತಿ ವಾ ಜಲೂಕಾ, ಓಸ್ಸೂ, ಉಚ ಸಮವಾಯೇ, ಣೋ, ಓಕಂ। ರತ್ತಂ ರುಧಿರಂ ಪಿವತೀತಿ ರತ್ತಪಾ।
ತಿಕಂ ಮಣ್ಡ ಭೂಸನೇ, ಉಕೋ, ದೀಘೋ। ದದ ದಾನೇ, ಉರೋ, ದ್ವಿತ್ತಂ। ಭೀ ಭಯೇ, ಸಪ್ಪತೋ ಭಾಯತೀತಿ ಭೇಕೋ, ಇಕೋ, ಈಸ್ಸೇ। ವಸ್ಸಾಭೂ, ಸಾಲುರೋ, ಪ್ಲವೋಪಿ। ದ್ವಯಂ ‘‘ತೀ’’ಇತಿ ಖ್ಯಾತೇ। ಗಣ್ಡಂ ವಚ್ಚಸನ್ನಿಚಯಂ ಉಪ್ಪಾದೇತೀತಿ ಗಣ್ಡುಪ್ಪಾದೋ। ಮಹಿಯಾ ಲತಾ ಮಹೀಲತಾ, ಕಿಞ್ಚುಲುಕೋಪಿ। ಕಿಞ್ಚ ಚುಲತೀತಿ ಕಿಞ್ಚುಲುಕೋ, ಉಕೋ।
೬೭೬. ದ್ವಯಂ ಮುತ್ತಾಫೋಟೇ। ಸಪ್ಪ ಗಮನೇ, ಇ, ಅಸ್ಸಿ, ಸಿಪ್ಪಿ, ಥೀ। ಸು ಅಭಿಸವೇ, ತ್ತಿ, ಸುತ್ತಿ। ದ್ವಯಂ ಸಙ್ಖೇ। ಖನು ಅವದಾರಣೇ, ಕ್ವಿ, ಸಙ್ಖೋ। ಸಮು ಉಪಸಮೇ ವಾ, ಖೋ, ಸಙ್ಖೋ। ಕಂ ವಾತಿ ಗಚ್ಛತೀತಿ ಕುಮ್ಬು, ಉ, ದ್ವೇಪ್ಯನಿತ್ಥಿಯಂ।
ದ್ವಯಂ ಖುದ್ದಸಙ್ಖಜಾತಿಯಂ। ಸಙ್ಖಸ್ಸ ನಖೋ ಇವ ಸಙ್ಖನಖೋ। ದ್ವಯಂ ‘‘ಖರು’’ಇತಿ ಖ್ಯಾತೇ। ಜಲೇ ಸವತೀತಿ ಜಲಸುತ್ತಿ, ಸು ಪಸವೇ, ತ್ತಿ। ಸಮತೀತಿ ಸಮ್ಬುಕೋ, ಉಕೋ, ಬೋನ್ತೋ ಚ, ‘‘ಸಮ್ಬುಕೋ ಜಲಸುತ್ತಿ’ತ್ಥೀ’’ತಿ ಪುಂಕಣ್ಡೇ ವೋಪಾಲಿತೋ।
೬೭೭. ದ್ವಯಂ ಜಲಾಸಯೇ। ಜಲಾನಂ ಆಸಯೋ ಪತಿಟ್ಠಿತಟ್ಠಾನಂ ಜಲಾಸಯೋ। ತೇಸು ಜಲಾಸಯೇಸು ಮಜ್ಝೇ ಯೋ ಗಮ್ಭೀರೋ ರಹದಾಖ್ಯೋ, ಹರ ಹರಣೇ, ಭೂವಾದಿ, ದೋ, ವಣ್ಣವಿಪರಿಯಯೋ, ರಹದೋ।
ದ್ವಯಂ ಉದಪಾನೇ। ಉದಕಂ ಪಿವನ್ತಿ ಅಸ್ಮಿಂ, ಯು, ಕಲೋಪೋ। ಪಿವನ್ತಿ ಅಸ್ಮಿಂ ಪಾನೋ, ಸೋ ಏವ ಕೂಪೋ ಪಾನಕೂಪೋ, ಕು ಸದ್ದೇ, ಪೋ, ದೀಘಾದಿ, ಕೂಪೋ, ಕೇನ ಉಭತೀತಿ ವಾ ಕೂಪೋ, ಭಸ್ಸ ಪೋ। ಅನ್ಧುಪಿ, ಅನ್ಧ ದಸ್ಸನುಪಸಙ್ಘಾತೇ, ಚುರಾದಿ, ಉ। ದ್ವಯಂ ಸಮಚತುರಸ್ಸಪೋಕ್ಖರಣಿಯಂ। ಖನು ಅವದಾರಣೇ, ಕಮ್ಮೇ ತೋ, ನಲೋಪೋ, ದೀಘಾದಿ। ಪೋಕ್ಖರಂ ಜಲಂ, ತಂಯೋಗಾ ಅನೋ, ನದಾದಿ, ಪೋಕ್ಖರಣೀ।
೬೭೮. ತಿಪಾದೇನ ಮಹತೋ ಸದಾ ಅಗಾಧಜಲಸ್ಸ ಪದ್ಮಟ್ಠಾನಸ್ಸ ಚ ಪದ್ಮಸುಞ್ಞಸ್ಸ ಚ ಯೋಗ್ಯತಾಯ ನಾಮಂ ತಳ ಆಘಾತೇ, ತಲ ಪತಿಟ್ಠಾಯಂ ವಾ, ಆಕೋ, ಅಪರಪಕ್ಖೇ ಳತ್ತಂ। ಸರ ಗಮನೇ, ಅ, ಸರೋ। ವಪ ಬೀಜನಿಕ್ಖೇಪೇ, ವಪನ್ತಿ ಯಾಯ ವಾಪೀ, ಆಯತಚತುರಸ್ಸಾಯಮ್ಪಿ। ಸರತಿಸ್ಮಾ ಅಸೋ, ನದಾದಿ, ಸರಸೀ। ದಹ ಭಸ್ಮೀಕರಣೇ, ಅ, ದಧ ಧಾರಣೇ ವಾ, ಧಸ್ಸ ಹೋ। ಅಮ್ಬುಜಾನಂ ಪದ್ಧಾನಂ ಆಕರೋ ಉಪ್ಪತ್ತಿಟ್ಠಾನಂ।
ಖುದ್ದಕೋ ಸರೋ ‘‘ಪಲ್ಲಲ’’ನ್ತ್ಯುಚ್ಚತೇ। ಯತ್ರ ವಸ್ಸಾಸು ಅಧಿಕಂ ಜಲಂ, ಗಿಮ್ಹೇಸು ಜಾಣುಮತ್ತಂ, ಸುಕ್ಖತ್ಯೇವ ವಾ, ಪಲ್ಲ ರಕ್ಖಣೇ, ಚುರಾದಿ, ಅಲೋ, ಪಲ್ಲಲಂ।
೬೭೯-೬೮೦. ಅನೋತತ್ತಾದಯೋ ಅನೋತತ್ತೋ। ಕಣ್ಣಮುಣ್ಡಪಬ್ಬತಸಮೀಪತ್ತಾ ಕಣ್ಣಮುಣ್ಡೋ। ರಥಂ ಕರೋತೀತಿ ರಥಕಾರಕೋ, ಯಥಾಕಥಞ್ಚಿ ಅಯಂ ಬ್ಯುಪ್ಪತ್ತಿ ನಾಮ, ಸಞ್ಞಾ ಪನ ಲೋಕತೋಯೇವಾವಗನ್ತಬ್ಬಾ। ಛಬ್ಬಣ್ಣದನ್ತವನ್ತತಾಯ ಛದ್ದನ್ತೋ, ನಾಗರಾಜಾ, ತಸ್ಸ ನಿವಾಸನಟ್ಠಾನಸಮೀಪತ್ತಾ ಛದ್ದನ್ತೋ, ಸರೋ। ಕುಣಾಲಸಕುಣಾ ಬಹವೋ ಯತ್ಥ ಸನ್ತಿ ಕುಣಾಲೋ। ಮನ್ದಾಕಿನೀ ಆಕಾಸಗಙ್ಗಾಯಮ್ಪಿ ವುತ್ತಾ। ಬಹವೋ ಸೀಹಾ ಪಪತನ್ತಿ ಅಸ್ಮಿಂ ಸೀಹಪ್ಪಪಾತೋ।
ದ್ವಯಂ ಜಲಪ್ಪಾಯೇ ದೇಸೇ ಕೂಪನಿಕಟೇ ಪಸುಪಾನತ್ಥಂ ಪತ್ಥಾರಾದಿರಚಿತೇ ಜಲಾಸಯೇ। ಆಹೂಯನ್ತೇ ಪಸವೋ ಅತ್ರ ಪಾನಾಯಾತಿ ಆಹಾವೋ, ಣೋ, ವುಡ್ಢಾವಾದೇಸೋ। ನಿಪಿವನ್ತಿ ಅಸ್ಮಿಂ ನಿಪಾನಂ, ಯು। ದ್ವಯಂ ಸುರಖಾತೇ, ಅಪೋರಿಸೇ ದೇವನಿಮ್ಮಿತೇತಿ ಭಾವೋ, ಸೋಣ್ಡೇಇಚ್ಚಞ್ಞೇ। ‘‘ಅಖಾತೋ ದೇವಖಾತಕೋ’’ತಿ ಅಮರಮಾಲಾಯಂ ಪುಂಸಕಣ್ಡಂ।
೬೮೧. ನದ್ಯನ್ತಂ ಸವನ್ತೀ। ನಿನ್ನಟ್ಠಾನಂ ಗಚ್ಛತೀತಿ ನಿನ್ನಗಾ, ಕ್ವಿ। ಸನ್ದ ಪಸವನೇ, ಉ, ಅಸ್ಸಿತ್ತಂ, ವಣ್ಣವಿಕಾರೋ, ಸಿನ್ಧು। ಸರ ಗಮನೇ, ತೋ, ಇಕಾರಾಗಮೋ, ಸರಿತಾ। ಆಪಾನಂ ನಿವಾಸೋ ಆಪೋ, ಸಮುದ್ದೋ, ಣೋ, ತಂ ಗಚ್ಛತೀತಿ ಆಪಗಾ। ನದ ಅಬ್ಯತ್ತಸದ್ದೇ, ನದತೀತಿ ನದೀ, ನದಾದಿ, ತರಙ್ಗನೀಪ್ಯತ್ರ।
ದ್ವಯಂ ಗಙ್ಗಾಯಂ। ಭಗೀರಥೇನ ರಞ್ಞಾ ನಿಬ್ಬತ್ತಿತಾ ಭಾಗೀರಥೀತಿ ಲೋಕಿಯಾ, ಅಸ್ಮಾಕನ್ತು ಮತೇನ ನಾಮಮತ್ತಮೇವೇತಂ ತಸ್ಸಾತಿ ಸನ್ನಿಟ್ಠಾನಂ, ಏವಂ ಸಬ್ಬತ್ರ। ಗಚ್ಛತೀತಿ ಗಙ್ಗಾ, ಗಮಿತೋ ಗೋ, ತಿಪಥಗತಾಪಿ, ತಯೋ ಸಗ್ಗಮಚ್ಚಪಾತಾಲಪಥೇ ಗತಾ ತಿಪಥಗತಾ। ಸಿನ್ಧೂನಂ ನದೀನಂ ಸಙ್ಗಮೋ ಮೇಲಕೋ ಸಮ್ಭೇದೋ। ಸಮ್ಮಾ ಭಿಜ್ಜನ್ತಿ ಅಸ್ಮಿಂ ಸಮ್ಭೇದೋ, ಸಂಪುಬ್ಬೋ ಭಿದಿ ಮೇಲನೇ, ಣೋ।
೬೮೨. ಗಙ್ಗಾದಿಕಾ ಇಮಾ ಪಞ್ಚ ನದಿಯೋ ಮಹಾನದೀ ನಾಮ। ಅಚಿರಂ ಸೀಘಗಮನಂ ಏತಿಸ್ಸಮತ್ಥೀತಿ ಅಚಿರವತೀ। ಯಮು ಉಪರಮೇ, ಉನೋ, ಯಮಸ್ಸ ಭಗಿನೀ ವಾ ಯಮುನಾ, ಭಗಿನ್ಯತ್ಥೇ ಉನೋ। ಸರಾನಿ ಭವನ್ತಿ ಯಾಯ ಅವಧಿಭೂತಾಯಾತಿ ಸರಭೂ, ಸರ ಗತಿಹಿಂಸಾಚಿನ್ತಾಸು ವಾ, ಊ, ಅಭೋನ್ತೋ ಚ, ಸರಭೂ। ಮಹ ಪೂಜಾಯಂ, ಅ, ನದಾದಿ।
ಚನ್ದಭಾಗಾದಿಕಾ ಚನ್ದಭಾಗಾ। ಸರಯೋಗಾ ವನ್ತು, ಮಜ್ಝೇ ಸಕಾರಾಗಮೋ, ನದಾದಿ, ಸರಸ್ವತೀ। ವನ್ತುರತ್ರಾತಿಸಯೇ।
೬೮೩. ನಿದ್ದೋಸಂ ಜಲಂ ಅಸ್ಸಂ ನೇರಞ್ಜರಾ, ಯದಾದಿ, ಅಥ ವಾ ನೇರಞ್ಜರಾ ನಾಮ ತೂರಿಯವಿಸೇಸೋ, ತಂಸಮಾನಸದ್ದತಾಯ ಅಯಂ ನದೀ ನೇರಞ್ಜರಾ ನಾಮ। ನಾನಾಗಾಹಾಕುಲೀಭೂತತಾಯ ಕುಚ್ಛಿತಂ ವೇರಂ ಅಸ್ಸಾ ಕಾವೇರೀ, ನದಾದಿ। ನಮ್ಮಂ ಸುಖಂ ದದಾತೀತಿ ನಮ್ಮದಾ, ಣೋ। ಆದಿನಾ ಸರಾವತೀ ವೇತ್ತವತೀ ಕಣ್ಟಕೀ ಕೋಸಿಕೀಆದಿಕಾ ಅನೇಕಾ ನದೀಭೇದಾ ಸಙ್ಗಹಿತಾ।
ದ್ವಯಂ ಹಮ್ಮಿಯದೇವಾಲಯಾದೀಸು ಜಲಮಗ್ಗೇ। ವಾರಿನೋ ನಿಕ್ಖಮನಮಗ್ಗೋ ವಾರಿಮಗ್ಗೋ। ನಲ ಗನ್ಧೇ, ಅ, ನದಾದಿ, ಳತ್ತಂ, ಪನಾಳಿ, ಅಯಂ ಇತ್ಥಿಯಂ, ಪುಮೇ ಚ।
ತಿಕಂ ಗಾಮದ್ವಾರಮ್ಹಿ ಅಸುಚಿಪೂತಿಪಙ್ಕಸಮ್ಪುಣ್ಣಾಯಂ ಕಾಸುಯಂ। ಚಿತ್ತಂ ದುನೋತೀತಿ ಚನ್ದನಿಕಾ, ಯದಾದಿ।
೬೮೪-೬೮೫. ಜಮು ಅದನೇ, ಅಲೋ, ನದಾದಿ, ಬೋನ್ತೋ ಚ, ಳತ್ತಂ, ಜಮ್ಬಾಳೀ। ಅವಲಗ್ಗನ್ತಿ ಅಸ್ಮಿಂ ಓಳಿಗಲ್ಲೋ, ಲಗ್ಗ ಸಙ್ಗೇ, ಅಲೋ, ಳತ್ತಂ, ಅಸ್ಸಿ, ಗಲೋಪೋ, ದ್ವಿತ್ತಞ್ಚ। ಸಾದ್ಧಪಜ್ಜೇನ ಪದುಮಸ್ಸ ನಾಮಂ। ಸರಸಿ ರುಹತೀತಿ ಸರೋರುಹಂ, ರೋ। ಸತಂ ಪತ್ತಾನಿ ಅರವಿನ್ದಂ। ಪದ ಗಮನೇ, ಉಮೋ। ಪದುಮಂ, ಅನಿತ್ಥೀ। ಪಙ್ಕೇ ಕದ್ದಮೇ ರುಹತೀತಿ ಪಙ್ಕೇರುಹಂ, ಅಲುತ್ತಸಮಾಸೋಯಂ। ನಲ ಗನ್ಧೇ, ಇನೋ, ಳತ್ತಂ। ಪುಸ ವುಡ್ಢಿಮ್ಹಿ, ಖರೋ, ವುಡ್ಢಿ, ಸಸ್ಸ ಕೋ, ಪೋಕ್ಖರೇ ಜಲೇ ಜಾತನ್ತಿ ವಾ ಪೋಕ್ಖರಂ। ಮುಳಾಲತೋಪಿ ಉಗ್ಗನ್ತ್ವಾ ಪುಪ್ಫತಿ ಮುಳಾಲಪುಪ್ಫಂ। ಕಂ ಜಲಂ ಅಲಯತಿ ಭೂಸಯತೀತಿ ಕಮಲಂ, ಅಲ ಭೂಸನೇ। ಭಿಸತೋಪಿ ಉಗ್ಗನ್ತ್ವಾ ಪುಪ್ಫತೀತಿ ಭಿಸಪುಪ್ಫಂ। ಕುಸೇ ಜಲೇ ಸೇತಿ ತಿಟ್ಠತೀತಿ ಕುಸೇಸಯಂ, ರೋ, ಅಲುತ್ತಸಮಾಸೋ। ತಾಮರಸಮ್ಪಿ, ತಾಮರಂ ಜಲಂ, ‘‘ತಾಮರಂ ಘತಮಣ್ಣೋ ಚೇ’’ತಿ ತನ್ತತನ್ತರಂ, ತತ್ರ ಸೇತಿ ತಿಟ್ಠತೀತಿ ತಾಮರಸಂ, ರೋ।
೬೮೬. ಸಿತಂ ಸೇತಂ ಕಮಲಂ ‘‘ಪುಣ್ಡರೀಕ’’ನ್ತ್ಯುಚ್ಚತೇ, ಪುಡಿ ಖಣ್ಡನೇ, ಮುಡಿರಿತ್ಯೇಕೇ, ಇಕೋ, ಅರಾಗಮೋ ಚ, ಮಸ್ಸ ಪೋ, ಇಸ್ಸೀಕಾರೋ ಚ, ಪುಣ್ಡರೀಕಂ। ರತ್ತಂ ತು ಕಮಲಂ ‘‘ಕೋಕನದಂ, ಕೋಕಾಸಕೋ’’ತಿ ಚೋಚ್ಚತೇ। ಕೋಕೇ ನಾದಯತೀತಿ ಕೋಕನಾದಂ, ಣೋ। ರತ್ತುಪ್ಪಲೇ ಚ, ‘‘ಕೋಕನದಂ, ಕೋಕನುದ’’ನ್ತಿಪಿ ಪಾಠೋ, ಕೇ ಕನತಿ ದಿಬ್ಬತೀತಿ ವಾ ಕೋಕನದಂ, ಭೂವಾದಿ, ದೋ, ಅಸ್ಸೋ। ಕನ ದಿತ್ತಿಕನ್ತಿಗತೀಸು, ಕೇ ಕಾಸತೀತಿ ಕೋಕಾಸಕೋ, ಣ್ವು, ಕಾಸ ದಿತ್ತಿಯಂ।
ದ್ವಯಂ ಕೇಸರೇ, ಕೇ ಜಾಯತೀತಿ ಕಿ, ಕಮಲಾದಿ, ತಸ್ಮಿಂ ಜಾಯತಿ, ಜಲತೀತಿ ವಾ ಕಿಞ್ಜಕ್ಖೋ, ಖೋ, ನಸ್ಸ, ಲಸ್ಸ ವಾ ಕೋ, ನಿಗ್ಗಹೀತಾಗಮೋ, ಕೇ ಸರತೀತಿ, ಅ, ಸತ್ತಮಿಯಾ ಅಲೋಪೋ, ದ್ವಯಮನಿತ್ಥೀ। ದ್ವಯಂ ಪದ್ಮಾದಿದಣ್ಡೇ। ದಣ್ಡಸದಿಸತಾಯ ದಣ್ಡೋ। ನಲ ಗನ್ಧೇ, ಣೋ।
೬೮೭. ದ್ವಯಂ ವಿಸ ಪೇರಣೇ, ವಸ್ಸ ಭೋ, ಭಿಸಂ, ಭಾಸ ದಿತ್ತಿಯಂ ವಾ, ಆಕಾರಸ್ಸಿ। ಮೂಲೇ ಜಾಯತೀತಿ ಮುಳಾಲೋ, ಅಞ್ಞತ್ಥೇ ಅಲೋ, ರಸ್ಸಾದಿ, ಳತ್ತಞ್ಚ, ಮೂಲ ಪತಿಟ್ಠಾಯಂ ವಾ, ಅಲೋ, ಸೇಸಂ ಪುಬ್ಬಸದಿಸಂ, ದ್ವಯಂಪ್ಯನಿತ್ಥೀ।
ದ್ವಯಂ ಕಣ್ಣಿಕಾಯಂ। ಬೀಜಸ್ಸ ಕೋಸೋ ಆಕರೋ ಬೀಜಕೋಸೋ। ಕಣ್ಣೇ ಕರೀಯತೀತಿ ಕಣ್ಣಿಕಾ, ಕಣ್ಣಾಲಙ್ಕಾರೋ, ತಂಸದಿಸಸಣ್ಠಾನತಾಯ ಕಣ್ಣಿಕಾ, ಪದುಮಾದೀನಂ ಸಮೂಹೇ ಗಹನೇ ವನೇತ್ಯತ್ಥೋ। ಸಣ ದಾನೇ, ಡೋ, ಸಣ್ಡಂ, ‘‘ಸಣ್ಡಂ ಪದ್ಧಾದಿಸಙ್ಘಾತೇ, ಗೋಪತಿಮ್ಹಿ ಪುಮೇ ಭವೇ’’ತಿ ನಾನತ್ಥಸಙ್ಗಹೋ।
೬೮೮. ದ್ವಯಂ ಪದ್ಮಕುಮುದಾದಿಸಾಮಞ್ಞೇ, ತಥಾ ಹಿ ಪದ್ಮಂ ಮಹೋಪ್ಪಲಂ ಸಿತೋಪ್ಪಲಮುಚ್ಚತೇ, ‘‘ಕುವಲಯಂ ಉಪ್ಪಲಞ್ಚ, ನೀಲಮಿನ್ದೀವರನ್ತಿ ಹಿ’’ಇತಿ ಬ್ಯಾಡಿ, ‘‘ಉಪ್ಪಲಞ್ಚ ಕುವಲಯಂ, ನೀಲಮಿನ್ದೀವರಂ ಮತ’’ನ್ತಿ ಭಾಗುರಿ ಚ, ‘‘ರೋಮೋ ಸಿತಿ ಚ ನೀಲೋ, ಕುವಲಯಮಿನ್ದೀವರಞ್ಚ ನೀಲಮ್ಬುಜ’’ನ್ತಿ ತು ವರರುಚಿ। ‘‘ಕುವಲಯದಲಸಾಮೋಪ್ಯಙ್ಗದಧಿತಿ ಪರಿಧೂ ಸರ’’ನ್ತಿ ಮಾಲಧಿ, ಮಾಧವೋ ಚ, ತತ್ರ ಪುಬ್ಬಕಮತಮಿಹ ನಿಸ್ಸೀಯತೇ। ಯದ್ಯೇವಂ ಕಥಮುಪ್ಪಲಸದ್ದೇನ ನೀಲುಪ್ಪಲಾದೀಸ್ವೇವ ಬುದ್ಧಿ, ನ ಪನ ಮಹೋಪ್ಪಲಾದಿಮ್ಹೀತಿ? ವುಚ್ಚತೇ – ಸಾಮಞ್ಞೇಪಿ ಧಞ್ಞತ್ತೇ ಯಥಾ ಧಞ್ಞಸದ್ದೇನ ಕಲಮಾದೀಸ್ವೇವ ಬುದ್ಧಿ, ನ ಪನ ಮುಗ್ಗಾದೀಸು, ಏವಮಿಹಾಪಿ। ಉಪುಬ್ಬೋ ಪಾ ಪಾನೇ, ಅಲೋ, ದ್ವಿತ್ತಂ, ಉದಕೇ ಪ್ಲವತೀತಿ ವಾ ಉಪ್ಪಲಂ, ಯದಾದಿ। ಕುಯಾ ಪಥವಿಯಾ ವಲಯಂ ಇವ ಸೋಭಾಕರತ್ತಾ ಕುವಲಯಂ।
ದ್ವಯಂ ನೀಲುಪ್ಪಲೇ। ನೀಲವಣ್ಣೇ, ಅ, ನೀಲಂ, ಇನ್ದತೀತಿ ಇನ್ದೀ, ನದಾದಿ, ಇನ್ದೀ ಲಕ್ಖೀ, ತಸ್ಸಾ ವರಂ ಇನ್ದೀವರಂ, ಇನ್ದ ಪರಮಿಸ್ಸರಿಯೇ ವಾ, ಈರೋ।
ಅಸ್ಮಿಂ ನೀಲುಪ್ಪಲೇ ಸೇತೇ ಕುಮುದಂ ನಾಮ। ಕುಯಂ ಮೋದತೇ ಕುಮುದಂ, ಣೋ। ಅಸ್ಸ ಪದುಮಾದಿನೋ ಕನ್ದೋ ಸಾಲೂಕಮುಚ್ಚತೇ। ಕಂ ಸುಖಂ ದದಾತೀತಿ ಕನ್ದೋ, ಕನ್ದ ಅವ್ಹಾನೇ ವಾ ರೋದನೇ ಚ। ಸಲ ಗಮನತ್ಥೋ ದಣ್ಡಕೋ ಧಾತು, ಉಕೋ, ದೀಘೋ, ಸಾಲೂಕಂ।
೬೮೯. ತಿಕಂ ರತ್ತಾರತ್ತಸಾಮಞ್ಞೇ। ಕಮಲತೋ ಅಞ್ಞತರಸ್ಮಿಂ ಜಲಕುಸುಮೇ, ನ ತು ರತ್ತೇಯೇವ, ಸುಗನ್ಧೇನ ಯುತ್ತಂ ಸೋಗನ್ಧಿಕಂ। ಕಸ್ಸ ಹಾರಂ ಇವ ಸೋಭಾಕರತ್ತಾ ಕಲ್ಲಹಾರಂ, ಲಾಗಮೋ, ದ್ವಿತ್ತಞ್ಚ। ದಕಂ ಸೀತಲಂ ಕರೋತೀತಿ ದಕಸೀತಲಿಕಂ।
ದ್ವಯಂ ಸೇವಾಲೇ। ಉದಕಂ ಸೇವತೀತಿ ಸೇವಾಲೋ, ಅಲೋ, ವಕಾರಾಗಮೋ, ಇಸ್ಸೇ ಚ। ನೀಲತೀತಿ ನೀಲಿಕಾ, ನೀಲ ವಣ್ಣೇ, ಇಕೋ, ನೀಲವಣ್ಣಯೋಗತೋ ವಾ ನೀಲಿಕಾ, ಸೇವಲೋಪಿ, ದ್ವಯಂ ಪದ್ಮಯುತ್ತೇ ದೇಸೇ, ಪದ್ಮಸಮೂಹೇ ಚ। ನಳಿನೀ ಚ ಪಙ್ಕಜಿನೀ ವಿಸಿನೀ ಚ ಸರೋಜಿನೀ ಪದ್ಮಿನೀತಿ ಪರಿಯಾಯಾ। ‘‘ಪದ್ಮಸಣ್ಡಂ ತದಾಕರೇ’’ತಿ ಹಿ ಪರಿಯಾಯಂ ರತನಮಾಲಾಯಂ ಮಾಧವೋ, ವಿಸಂ ಸಮಂ, ತಬ್ಬನ್ತತಾಯ ವಿಸಿನೀ, ಇನೋ, ನದಾದಿ। ಅಮ್ಬುಜಯೋಗತೋ, ಅಮ್ಬುಜಾನಂ ಸಮೂಹತೋ ವಾ ಅಮ್ಬುಜಿನೀ।
೬೯೦. ತಿಲಬೀಜಾದಯೋ ತಿಲಬೀಜಂ ನಾಮ। ಸಙ್ಖೋ ನಾಮ ಸಪತ್ತೋ ಅಪ್ಪಕಣ್ಡೋ ಉಖಾಪಿಧಾನಾದಿಪ್ಪಮಾಣೋ ಸಮೂಲೋ ಏಕೋ ಸೇವಾಲವಿಸೇಸೋ। ಪಣಕೋ ನಾಮ ಭಮರಸಣ್ಠಾನೋ ನೀಲವಣ್ಣೋ ಏಕೋ ಸೇವಾಲವಿಸೇಸೋ, ಪಣ ಸಙ್ಖಾತೇ, ಣ್ವು, ಪಣಕೋ।
ಪಾತಾಲವಗ್ಗವಣ್ಣನಾ ನಿಟ್ಠಿತಾ।
ಇತಿ ಸಕಲಬ್ಯಾಕರಣಮಹಾವನಾಸಙ್ಗಞಾಣಚಾರಿನಾ ಕವಿಕುಞ್ಜರಕೇಸರಿನಾ ಧೀಮತಾ ಸಿರಿಮಹಾಚತುರಙ್ಗಬಲೇನ ಮಹಾಮಚ್ಚೇನ ವಿರಚಿತಾಯಂ ಅಭಿಧಾನಪ್ಪದೀಪಿಕಾವಣ್ಣನಾಯಂ ಭೂಕಣ್ಡವಣ್ಣನಾ ಸಮತ್ತಾ।