೩. ಸಾಮಞ್ಞಕಣ್ಡ
೧. ವಿಸೇಸ್ಯಾಧೀನವಗ್ಗವಣ್ಣನಾ
೬೯೧. ಇಹ ವಕ್ಖಮಾನೇ ಸಾಮಞ್ಞಕಣ್ಡೇ ಸಾಙ್ಗೋಪಾಙ್ಗೇಹಿ ಅಙ್ಗಉಪಾಙ್ಗದ್ವಯಸಹಿತೇಹಿ ವಿಸೇಸ್ಯಾಧೀನೇಹಿ ವಿಸೇಸ್ಯಾಯತ್ತೇಹಿ ವಿಸೇಸನಸದ್ದೇಹಿ ಸೋಭನಾದೀಹಿ ಸಂಕಿಣ್ಣೇಹಿ ಅಞ್ಞಮಞ್ಞವಿಜಾತಿಯತ್ಥೇಹಿ ದಬ್ಬಕ್ರಿಯಾಗುಣಾದೀಹಿ ಅನೇಕತ್ಥೇಹಿ ಸಮಯವಣ್ಣಾದೀಹಿ ಅಬ್ಯಯೇಹಿ ಚಿರಸ್ಸಮಾದೀಹಿ ಚ ಕಮಾ ಕಮತೋ ವಗ್ಗಾ ಕಥ್ಯನ್ತೇ, ತೇ ಚ ಪುಬ್ಬವಗ್ಗಸನ್ನಿಸ್ಸಯಾ, ತಥಾ ಹಿ ಸೋಭನಾದಯೋ ದೇವಮನುಸ್ಸಾದೀಸು ವಿಸೇಸನಭಾವೇನ ಸಮ್ಬನ್ಧಾ, ಕ್ರಿಯಾದಯೋ ತು ತದಾಧಾರತಾಯ, ಸಮಯಾದಯೋ ವಾಚಕತಾಯ, ಚಿರಸ್ಸಮಾದಯೋ ತಂಕ್ರಿಯಾವಿಸೇಸನಭಾವೇನ, ತತೋಯೇವ ಸಾಧಾರಣತ್ತಾ ಸಾಮಞ್ಞಕಣ್ಡಮಿದಂ।
೬೯೨. ಇಹ ಸತ್ಥೇ ಭಿಯ್ಯೋ ರೂಪನ್ತರಾ ಲಿಙ್ಗವಿನಿಚ್ಛಯೋ, ಸೋ ಅತ್ರಾಪಿ ವಗ್ಗೇ ಭಿಯ್ಯೋ ರೂಪನ್ತರಾಯೇವಾತಿ ವಿಪ್ಪಟಿಪತ್ತಿನಿರಾಸತ್ಥಂ ಬ್ಯಾಪಕನ್ಯಾಯಮಾಹ ‘‘ಗುಣಿ’’ಚ್ಚಾದಿನಾ। ತಸ್ಸತ್ಥೋ – ವಿಸೇಸನಭೂತಾ ಸಬ್ಬೇ ಗುಣಸದ್ದಾ, ದಬ್ಬಸದ್ದಾ, ಕ್ರಿಯಾಸದ್ದಾ ಚ ವಿಸೇಸ್ಯಾಧೀನಭಾವೇನ ಹೇತುನಾಯೇವ, ನ ಭಿಯ್ಯೋ ರೂಪನ್ತರಾಪಿ ವಿಸೇಸನಸದ್ದೇನ ಸಮಲಿಙ್ಗಿನೋ ಸಿಯುನ್ತಿ, ಯಥಾ – ಸೋಭನಾ ಇತ್ಥೀ, ಸೋಭನೋ ಪುರಿಸೋ, ಸೋಭನಂ ಚಿತ್ತಂ।
೬೯೩-೬೯೬. ಸುಭನ್ತಂ ಸೋಭನೇ। ಸುಭ ಸೋಭನೇ, ಯು। ರುಚ ದಿತ್ತಿಯಂ, ಇರೋ। ಸಾಧ ಸಂಸಿದ್ಧಿಯಂ, ಉ। ಮನಂ ತೋಸೇತೀತಿ ಮನುಞ್ಞಂ। ಞಾ ಪರಿಮಾಣತೋಸನನಿಸಾಮನೇಸು, ಅನ್ತಸ್ಸುಕಾರೋ, ಮನಂ ಆ ಭುಸೋ ತೋಸೇತೀತಿ ವಾ ಮನುಞ್ಞಂ, ತದಾ ‘‘ಮನೋ ಅಞ್ಞ’’ನ್ತಿ ಛೇದೋ, ಆಲೋಪೋ। ಚರ ಗತಿಭಕ್ಖನೇಸು, ಣ್ವು, ಚರತಿ ಚಿತ್ತಮೇತ್ಥಾತಿ ಚಾರು। ಸುಟ್ಠು ದರೀಯತೇ ಸುನ್ದರಂ, ದರ ದಾರಣೇ ವಗ್ಗ ಗಮನೇ, ಉ, ವಗ್ಗು। ಮನೋ ರಮತಿ ಅಸ್ಮಿಂ। ಕಮು ಇಚ್ಛಾಯಂ, ತೋ। ಹರತಿ ಚಿತ್ತಂ ಹಾರೀ, ಣೀ। ಮನ ಞಾಣೇ, ಜು, ಮನೋ ಜವತಿ ಯಸ್ಮಿಂ ವಾ ಮಞ್ಜು, ನಲೋಪೋ। ಪಿಯಸೀಲಯುತ್ತತಾಯ ಪೇಸಲಂ, ಪಿಯಸ್ಸ ಪೇ, ಈಸ್ಸತ್ತಂ। ಭದಿ ಕಲ್ಯಾಣೇ, ದೋ। ವಾ ಗತಿಯಂ, ಮೋ। ಕಲ ಸಙ್ಖ್ಯಾನೇ, ಯಾಣೋ। ಮನಂ ಅಪ್ಪೇತಿ ವಡ್ಢೇತೀತಿ ಮನಾಪಂ, ಮನೋ ಅಪ್ಪೋತಿ ಯಸ್ಮಿನ್ತಿ ವಾ ಮನಾಪಂ, ಆಪ ಪಾಪುಣನೇ, ಅಪಾದಿಪುಬ್ಬೋ ಚ। ಲಭಿತಬ್ಬನ್ತಿ ಲದ್ಧಂ, ತೋ, ಸಕತ್ಥೇ ಕೋ। ಸುಭತೀತಿ ಸುಭಂ, ಸುನ್ದರೇನ ಸಭಾವೇನ ಭವತೀತಿ ವಾ ಸುಭಂ।
ಪುಙ್ಗವನ್ತಂ ಉತ್ತಮೇ, ಉಬ್ಭುತೋ ಅತ್ಯತ್ಥಂ ಉತ್ತಮೋ, ಉಭಸದ್ದತೋ ಉಬ್ಭುತತ್ಥತೋ ವಿಸೇಸತ್ಥೇ ತಮೋ, ಉಗ್ಗತತಮತ್ತಾ ವಾ ಉತ್ತಮೋ। ವರ ಪತ್ಥನಾಯಂ, ಪವರೋ। ಇಟ್ಠಪಚ್ಚಯೇ ವುಡ್ಢಸ್ಸ ಜಾದೇಸೋ, ಜೇಟ್ಠೋ। ಪಕಟ್ಠಂ ಮುಖಂ ಆರಮ್ಭೋ ಅಸ್ಸ ಪಮುಖೋ। ನತ್ಥಿ ಉತ್ತರೋ ಉತ್ತಮೋ ಯಸ್ಮಾ ಅನುತ್ತರೋ। ಪಮುಖೋ ಚ ಅನುತ್ತರೋ ಚಾತಿ ದ್ವನ್ದೋ। ಅಪಾದಿಪುಬ್ಬೇ ವರೋ। ಮುಖಮಿವ ಮುಖ್ಯೋ, ಇವತ್ಥೇ ಯೋ। ಪದಧಾತೀತಿ ಪಧಾನಂ, ಯು। ಪಮುಖಭಾವೇ ತಿಟ್ಠತೀತಿ ಪಾಮೋಕ್ಖೋ, ಉಭಯತ್ರಾಪಿ ವುಡ್ಢಿ। ಪಕಟ್ಠಂ ರಾತೀತಿ ಪರಂ, ಣೋ। ‘‘ಅಗ್ಗ’’ನ್ತಿ ಜಾನಿತಬ್ಬನ್ತಿ ಅಗ್ಗಞ್ಞಂ, ‘‘ಅಗ್ಗ’’ನ್ತಿ ಪಮಾನಿತಬ್ಬನ್ತಿ ವಾ ಅಗ್ಗಞ್ಞಂ। ಉತ್ತರೋ ಉತ್ತಮಸದಿಸೋ। ಪಧಾನಭಾವಂ ನೀತಂ ಪಣೀತಂ, ನೀ ನಯೇ, ಕಮ್ಮನಿ ಣೋ। ಪರಂ ಪಚ್ಚನೀಕಂ ಮಾರೇತೀತಿ ಪರಮಂ, ಪಕಟ್ಠಭಾವೇ ರಮತೀತಿವಾ ಪರಮಂ, ಣೋ। ಇಯಿಟ್ಠೇಸು ಪಸತ್ಥಸ್ಸ, ವುಡ್ಢಸ್ಸ ಚ ಸೋ, ಸೇಯ್ಯೋ, ಸೇಟ್ಠೋ ಚ, ‘‘ಕ್ವಚಾಸವಣ್ಣಂ ಲುತ್ತೇ’’ತಿ ಇಸ್ಸೇ। ಗಾಮಂ ನೇತೀತಿ ಗಾಮಣಿ, ‘‘ತಸ್ಸೀಲಾದೀಸು ಣೀ ತ್ವಾವೀ ಚಾ’’ತಿ ಣೀ, ರಸ್ಸೋ, ಗಾಮಣಿ। ಸನ್ತತಮತಾಯ ಸತ್ತಮೋ, ಸನ್ತತೋ ತಮೋ, ಸನ್ತಸ್ಸ ಚ ಸೋ। ವಿಸೇಸೀಯತೇತಿ ವಿಸಿಟ್ಠೋ, ಸಿಸ ವಿಸೇಸನೇ, ತೋ। ಅರ ಗಮನೇ, ಣ್ಯೋ, ಇಕಾರಾಗಮೋ, ಅರಿಯೋ। ನತ್ಥಿ ಅಗ್ಗೋ ಯಸ್ಮಾ ನಾಗೋ, ದೀಘಾದಿ, ಗಲೋಪೋ ಚ। ಇ ಗತಿಯಂ, ಣ್ವು, ಇಸ್ಸೇ, ಅಲೋಪೋ ಚ, ಏಕೋ, ಸದಿಸರಹಿತತಾಯ ವಾ ಏಕೀಭಾವೇ ತಿಟ್ಠತೀತಿ ಏಕೋ, ಕೋ। ಉಸ್ಸಾಪೇತಿ ಪಚ್ಚನೀಕೇತಿ ಉಸಭೋ, ಉಸ ದಾಹೇ, ಅಭೋ ಅಜ ಗಮನೇ, ಅ, ಜಸ್ಸ ಗೋ, ದ್ವಿತ್ತಂ, ಅಗ್ಗೋ। ಮುಚ ಮೋಚನೇ, ಹೀನಮಜ್ಝಿಮಭಾವೇಹಿ ಮುಚ್ಚತೀತಿ ಮೋಕ್ಖೋ, ತೋ, ತಸ್ಸ ಖೋ। ಮೋಕ್ಖ ಮೋಚನೇ ವಾ, ಅ। ಪಧಾನಭಾವಂ ಗಚ್ಛತೀತಿ ಪುಙ್ಗವೋ, ಯದಾದಿ, ಪುಕ್ಖಲೋಪ್ಯತ್ರ, ಪುಸ ವುಡ್ಢಿಮ್ಹಿ, ಅಲೋ, ಸಸ್ಸ ಖೋ, ಅಸರೂಪದ್ವಿತ್ತಂ। ಏತೇ ಚುತ್ತಮಾದಯೋ ಸಮಾಸಗಾಪಿ ಅಸಮಾಸಗಾಪಿ ಉತ್ತಮತ್ಥವಾಚಕಾ। ಅಮರಕೋಸೇ ಪನ ನಾಗೋಸಭಪುಙ್ಗವಾನಂ ಸಮಾಸಗತ್ತೇಯೇವ ಉತ್ತಮತ್ಥವಾಚಕತಾ ವುತ್ತಾ, ವುತ್ತಞ್ಚ –
‘‘ಉತ್ತರಸ್ಮಿಂ ಪದೇ ಬ್ಯಗ್ಘ-ಪುಙ್ಗವೋ’ಸಭಕುಞ್ಜರಾ।
ಸೀಹಸದ್ದೂಲನಾಗಾದ್ಯಾ, ಪುಮೇ ಸೇಟ್ಠತ್ಥಗೋಚರಾ’’ತಿ
ತಸ್ಸತ್ಥೋ – ಬ್ಯಗ್ಘಾದಯೋ ಕಮ್ಮಧಾರಯಸಮಾಸೇ ಸತಿ ಉತ್ತರಪದೀಭೂತಾ ಸೇಟ್ಠತ್ಥವಿಸಯಾ ಪುಬ್ಬಪದಸ್ಸ ಸೇಟ್ಠತ್ಥವಾಚಕಾ ಪುಲ್ಲಿಙ್ಗಾ ಚ ಭವನ್ತಿ, ಯಥಾ ‘‘ಪುರಿಸಬ್ಯಗ್ಘೋ, ಮುನಿಪುಙ್ಗವೋ’’ಇಚ್ಚಾದಿ। ಸೀಹಾದಯೋ, ಆದಿನಾ ವರಾಹಪುಣ್ಡರೀಕಧೋರಯ್ಹಸೋವೀರಾದಯೋ ಚ ಸಮಾಸಗಾ ಕಮ್ಮಧಾರಯಸಮಾಸೇ ಉತ್ತರಪದಭೂತಾ ಸೇಟ್ಠತ್ಥವಾಚಕಾ ಪುಮೇವ ಭವನ್ತಿ, ಯಥಾ ‘‘ಸಕ್ಯಸೀಹೋ, ಕವಿಕುಞ್ಜರೋ, ಪುರಿಸಸದ್ದೂಲೋ, ಪುರಿಸವರಾಹೋ’’ಇಚ್ಚಾದಿ।
೬೯೭. ಚಿತ್ತಸ್ಸ, ಅಕ್ಖಿನೋ ಚ ಪೀತಿಜನಕಂ ವತ್ಥು ಅಬ್ಯಾಸೇಕಂ, ಅಸೇಚನಞ್ಚ ನಾಮ, ನ ಬ್ಯಾಸಿಞ್ಚನ್ತಿ ನಕ್ಖರನ್ತಿ ನಯನಮನಾನಿ ಯಸ್ಮಾತಿ ಅಬ್ಯಾಸೇಕಂ, ಅಸೇಚನಞ್ಚ, ನ ಬ್ಯಾಸಿಞ್ಚನ್ತಿ ಚ ಯಸ್ಮಿಂ ಆಗನ್ತುಕಭೂತಾನಿ ಅಞ್ಞರಸಾನೀತಿ ವಾ ಅಬ್ಯಾಸೇಕಂ, ಅಸೇಚನಞ್ಚ। ಣೋ, ಯು ಚ।
ಛಕ್ಕಂ ಇಟ್ಠೇ ವತ್ಥುಮ್ಹಿ। ಇಚ್ಛಿತಬ್ಬಂ, ಏಸಿತಬ್ಬನ್ತಿ ವಾ ಇಟ್ಠಂ, ಇಸು ಇಚ್ಛಾಯಂ, ಇಸ ಗವೇಸನೇ ಚ, ತೋ। ಸುಭತ್ತಂ ಗಚ್ಛತೀತಿ ಸುಭಗಂ, ಕ್ವಿ। ಹದಯೇ ಸಾಧು, ಹದಯಸ್ಸ ವಾ ಪಿಯನ್ತಿ ಹಜ್ಜಂ, ಣೋ, ದನ್ತಸ್ಸ ಲೋಪೋ, ದ್ಯಸ್ಸ ಜ್ಜೋ। ದಯಿತಬ್ಬಂ ಆದಾತಬ್ಬನ್ತಿ ದಯಿತಂ, ವಲ್ಲ ಸಂವರಣೇ, ಕಮ್ಮನಿ ಅಭೋ। ಪಿಯಾಯಿತಬ್ಬನ್ತಿ ಪಿಯಂ,ಪೀ ತಪ್ಪನಕನ್ತೀಸು, ಣ್ಯೋ, ರಸ್ಸಾದಿ।
೬೯೮. ತಿಕಂ ತುಚ್ಛೇ। ತುಚ ವಿನಾಸೇ, ಛೋ। ರಿಚ ವಿಯೋಜನಸಮ್ಬಜ್ಝನೇಸು, ಸಮ್ಬಜ್ಝನಂ ಮಿಸ್ಸನಂ, ತೋ, ಸಕತ್ಥೇ ಕೋ। ಸುನಸ್ಸ ಹಿತಂ ಸುಞ್ಞಂ, ಯೋ, ನ್ಯಸ್ಸ ಞ್ಞೋ, ಸುನ ಗತಿಯಂ ವಾ, ಯೋ। ದ್ವಯಂ ಅಸಾರೇ। ಫಲ ನಿಪ್ಫತ್ತಿಯಂ, ಉ, ಗು ವಾ। ಪುಬ್ಬತ್ರ ಗೋನ್ತೋ, ಅಸ್ಸೇ, ಫೇಗ್ಗು।
ತಿಕಂ ಪವಿತ್ತೇ। ಮೇಧ ಹಿಂಸಾಸಙ್ಗಮೇಸು, ಮೇಧೀಯತೇ ಸಙ್ಗಮೀಯತೇ ಮೇಜ್ಝಂ, ಣ್ಯೋ, ಝಸ್ಸ ಝೋ, ಅಸರೂಪದ್ವಿತ್ತಂ। ಪು ಪವನೇ, ತೋ, ದೀಘಾದಿ। ವುಡ್ಢಾವಾದೇಸೋ, ಇಕಾರಾಗಮೋ ಚ। ದ್ವಯಂ ಅವಿರದ್ಧೇ। ನ ವಿರಜ್ಝತೀತಿ ಅವಿರದ್ಧೋ, ರಧ ಹಿಂಸಾಪರಾಧಾಪಗಮನೇಸು, ತೋ। ‘‘ಧಢಭಹೇಹಿ ಧಢಾ ಚೇ’’ತಿ ತಸ್ಸ ಧೋ। ಪಣ ಬ್ಯವಹಾರಥುತೀಸು, ಣ್ವು, ವಿರದ್ಧವೋಹಾರೇನ ನ ಪಣಾಮೇತೀತಿ ಅಪಣ್ಣಕೋ।
೬೯೯-೭೦೧. ದ್ವಯಂ ಜಾತ್ಯಾಚಾರಾದಿನಾ ಅನಿನ್ದಿತೇ। ಉಪುಬ್ಬೋ, ಪಪುಬ್ಬೋ ಚ ಕಸ ವಿಲೇಖನೇ, ಹಿಂಸಾಯಞ್ಚ, ತೋ, ‘‘ಸಾದಿಸನ್ತಪುಚ್ಛಭನ್ಜಹಂಸಾದೀಹಿ ಟ್ಠೋ’’ತಿ ಸಹಾದಿಬ್ಯಞ್ಜನೇನ ತಸ್ಸ ಟ್ಠೋ।
ಗಾರಯ್ಹನ್ತಂ ನಿಹೀನೋ, ಹಾ ಚಾಗೇ, ಇನೋ, ದೀಘೋ। ಅಪಾದಿಪುಬ್ಬೇ ಹೀನೋ। ಲಮ ನಿನ್ದಾಯಂ, ಣ್ವು, ಲಾಮಕೋ। ಕಿಟ ಗತಿಯಂ, ಪತಿ ನಿಪುಬ್ಬೋ ತು ನಿನ್ದಾಯಂ, ಠೋ, ಪತಿಕಿಟ್ಠಂ, ನಿಕಿಟ್ಠಞ್ಚ। ಇತ್ತರಸದ್ದೋ ಲಾಮಕತ್ಥವಾಚಕೋ ಪಾಟಿಪದಿಕೋ, ‘‘ಜಾತ್ಯಾಚಾರಾದೀಹಿ ನಿಹೀನೋಯ’’ನ್ತಿ ಅವದಿತಬ್ಬೋತಿ ಅವಜ್ಜೋ, ತಬ್ಭಾವತ್ಥೋ ಚೇತ್ಥ ಅಕಾರೋ। ವದ ವಿಯತ್ತಿಯಂ ವಾಚಾಯಂ, ಣ್ಯೋ, ದ್ಯಸ್ಸ ಜ್ಜೋ। ಕುಚ್ಛಾ ಸಞ್ಜಾತಾ ಅಸ್ಸ ಕುಚ್ಛಿತೋ। ಅಧೋಭಾಗೇ ಜಾತೋ ಅಧಮೋ, ಓಸ್ಸತ್ತಂ। ಉಮ ನಿನ್ದಾಯಂ, ಕಮ್ಮೇ ಅ, ಸಕತ್ಥೇ ಕೋ, ಉಸ್ಸೋ, ಓಮಕೋ। ಗರಹಿತಬ್ಬೋತಿ ಗಾರಯ್ಹೋ, ಗರಹ ನಿನ್ದಾಯಂ, ಣ್ಯೋ, ವಣ್ಣವಿಪರಿಯಯೋ।
ದ್ವಯಂ ಮಲಯುತ್ತೇ। ಮಲಯುತ್ತತಾಯ ಮಲೀನೋ, ಇನೋ, ದೀಘೋ। ಅಸ್ಸತ್ಥ್ಯತ್ಥೇ ಈ, ಮಸಪಚ್ಚಯೇ ಮಲೀಮಸೋ, ಕಚ್ಚರಂ, ಮಲದೂಸಿತಮ್ಪಿ, ಕುಚ್ಛಿತಂ ಚರತೀತಿ ಕಚ್ಚರಂ।
ತಿಪಾದಂ ವಿಪುಲೇ। ಬ್ರಹ ವುದ್ಧಿಯಂ, ರಾಜಾದಿ, ಬ್ರಹಾ। ಮಹ ಪೂಜಾಯಂ, ಅನ್ತೋ। ಪುಲ ಮಹತ್ತೇ, ವಿಪುಲಂ। ಸಲ ಗಮನೇ, ವಿಸಾಲಂ, ಣೋ। ಪಥ ಸಙ್ಖ್ಯಾನೇ, ಉಲೋ, ಅಸ್ಸು, ಪುಥುಲಂ, ಉಮ್ಹಿ ಪುಥು। ಗರ ಸೇಚನೇ, ಉ, ಗರು। ಅರ ಗಮನೇ, ಉ, ಅಸ್ಸು, ಉರು। ತನು ವಿತ್ಥಾರೇ, ತೋ, ಇಣ್ಣಾದೇಸೋ, ತಸ್ಸ ಥೋ, ಅಸ್ಸಿ, ಅಸರೂಪದ್ವಿತ್ತಂ, ವಿತ್ಥಿಣ್ಣಂ।
ವಠರನ್ತಂ ಥೂಲೇ। ಪೀ ತಪ್ಪನಕನ್ತೀಸು, ಇನೋ। ಥೂಲ ಪರಿಬ್ರೂಹನೇ, ಅ। ಪೀಧಾತುತೋ ಈವರೋ, ಪೀವರಂ। ಲಪಚ್ಚಯೇ ಥುಲ್ಲಂ, ರಸ್ಸಾದಿ। ವದ ವಿಯತ್ತಿಯಂ ವಾಚಾಯಂ, ವದತೀತಿ ವಠರಂ, ಅರೋ, ದಸ್ಸ ಠೋ। ಥೂಲಮುಪಚಿತಮಂಸವಿಪುಲಾಯತಮಂಸಾದಿ।
ದ್ವಯಂ ಸನ್ನಿಚಿತೇ। ಆನಿಪುಬ್ಬೋ ಚಿ ಚಯೇ, ಕಮ್ಮೇ ತೋ, ಆಚಿತಂ, ನಿಚಿತಞ್ಚ।
೭೦೨. ಸಿಲೋಕೋ ಸಬ್ಬಂ, ವೋ, ರಸ್ಸ ಚ ವೋ। ಸಂಪುಬ್ಬೋ ಅಸು ಖೇಪನೇ, ತೋ, ಸಮತ್ತಂ, ಅಥ ವಾ ಸಮ ತಿಮ ವೇಕಲ್ಲಬ್ಯೇ, ತೋ, ಸಮತ್ತಂ। ನ ಖಿಯತೀತಿ ಅಖಿಲಂ, ಲೋ, ಅಖಿಲಂ, ನಿಖಿಲಞ್ಚ ತಥಾ। ಸಕ ಸತ್ತಿಯಂ, ಅಲೋ, ಕಲಾಭಿ ಅವಯವೇಹಿ ಸಹ ವತ್ತತೇತಿ ವಾ ಸಕಲಂ। ಸೇಸತೋ ಅವಸಿಟ್ಠತೋ ನಿಗ್ಗತಂ ನಿಸ್ಸೇಸಂ। ಕಸ ಗಮನೇ, ಇನೋ, ಣತ್ತಂ, ಕಸಿಣಂ। ನ ಸೇಸಂ ಅವಸಿಟ್ಠಂ ಅಸೇಸಂ। ಅಗ್ಗೇನ ಸಿಖರೇನ ಸಙ್ಗತಂ ಸಮಗ್ಗಂ। ಕತೇ ಸಮಾಸೇ ಪುಬ್ಬನಿಪಾತೋ ಅಭಿಧಾನಾ। ಊನ ಪರಿಹಾನೇ, ನ ಊನಂ ಅಸ್ಮಿಂ ಅನೂನಕಂ, ಕೋ।
೭೦೩. ಬಹುಲನ್ತಂ ಬಹುತ್ತೇ, ಭಾವೇತಿ ವಡ್ಢೇತೀತಿ ಭೂರಿ, ಭೂ ಸತ್ತಾಯಂ, ರಿ, ಭೂರಿ, ದೀಘಾದಿ, ರಸ್ಸನ್ತೋ, ಈಮ್ಹಿ ಭೂರೀ, ಮೇಧಾ। ಪಹು ಸತ್ತಿಯಂ, ತೋ, ಉಕಾರಾಗಮೋ, ಪಪುಬ್ಬೋ ಹೂ ಸತ್ತಾಯಂ ವಾ, ರಸ್ಸೋ। ಪಚಿ ವಿತ್ಥಾರೇ, ಉರೋ, ಪಚುರಂ। ಭೀ ಭಯೇ, ಭಾಯತಿ ಯಸ್ಮಾತಿ ಭಿಯ್ಯೋ, ದ್ವಿತ್ತಂ। ಸಮ್ಪಹೋತೀತಿ ಸಮ್ಪಹುಲಂ, ಲೋ। ಬಹ ವುಡ್ಢಿಯಂ, ಉ, ಬಹು। ಯೇಭುಯ್ಯಸದ್ದೋ ಬಹುಲತ್ಥವಾಚಕೋ ಪಾಟಿಪದಿಕೋ। ಬಹೂ ಅತ್ಥೇ ಲಾಭೀತಿ ಬಹುಲಂ।
ದ್ವಯಂ ಬಹಿಗತೇ। ಬಹಿ ಜಾತಂ ಬಾಹಿರಂ, ಇರಣ।
೭೦೪-೭೦೬. ಯೇಸಂ ಮತ್ತಂ ಪಮಾಣಂ ಸತಾದಿತೋ ಪರಂ ಅಧಿಕಂ ಭವತಿ, ತೇ ಪರೋಸತಾದೀ। ಆದಿನಾ ಪರೋಸಹಸ್ಸಾದಿ। ಸತತೋ ಪರೋ ಪರೋಸತಂ। ಸಹಸ್ಸತೋ ಪರೋ ಪರೋಸಹಸ್ಸಂ, ಪರಸ್ಸ ಪುಬ್ಬನಿಪಾತೋ ಅಭಿಧಾನಾ ಪರಸದ್ದಾ ಓಕಾರಾಗಮೋ। ಪಜ್ಜಂ ಅಪ್ಪೇ। ಪರಿತೋ ಅತ್ತಂ ಖಣ್ಡಿತಂ ಪರಿತ್ತಂ। ಸುಖ ತಕ್ರಿಯಾಯಂ, ತಕ್ರಿಯಾ ಸುಖನಂ, ಉಮೋ। ಸುಚ ಸೋಚನೇ ವಾ। ಖುದ ಪಿಪಾಸಾಯಂ, ದೋ, ಖುದ್ದಂ। ಥುಚ ಪಸಾದೇ, ಣೋ। ಅಲ ಭೂಸನಪರಿಯತ್ತಿನಿವಾರಣೇಸು, ಪೋ, ಲಸ್ಸ ಪೋ, ಅಪ್ಪಂ। ಕಿಸ ತನುಕರಣೇ, ಣೋ। ತನು ವಿತ್ಥಾರೇ। ಚಿ ಚಯೇ, ಉಲೋ, ದ್ವಿತ್ತಂ, ಚುಲ್ಲಂ, ನೀಚೇ ಪನ ಚುಲ್ಲೋ। ಮಾ ಮಾನೇ, ಛದಾದೀಹಿ ತೋ। ರಸ್ಸಾದಿ, ಮತ್ತಾ, ಇತ್ಥಿಯಂ। ಲಿಸ ಅಪ್ಪೀಭಾವೇ, ಅ। ಲೂ ಛೇದನೇ, ಲುಯತೇತಿ ಲವೋ, ಅ। ಅಣ ಗತ್ಯತ್ಥೋ, ಉ। ಕಣ ಸದ್ದೇ, ಅ, ಕಣೋ। ಲವಾದೀಹಿ ಸಹ ಕಣೋ ಪುಮೇ, ವುತ್ತಞ್ಚ ಅಮರಕೋಸೇ ‘‘ಪುಮೇ ಲವಲೇಸಕಣಾಣವೋ’’ತಿ
ಞತ್ತನ್ತಂ ಸಮೀಪಂ, ಆಸ್ಸೀ। ಪಾದಿತೋ ಯದಾದಿನಾ ಕಟೋ, ನಿಕಟೋ, ನತ್ಥಿ ಕಟೋ ಆವರಣಂ ಏತಸ್ಸಾತಿ ವಾ ನಿಕಟೋ। ಸದಸ್ಮಾ ತೋ, ಆಸನ್ನೋ। ಕಣ್ಠಂ ಸಮೀಪಂ ಉಪಗತಂ ಉಪಕಟ್ಠೋ। ‘‘ಕಣ್ಠೋ ಗಲೇ ಸನ್ನಿಟ್ಠಾನೇ, ಸದ್ದೇ ಮದನಪಾದಪೇ’’ತಿ ಹಿ ನಾನತ್ಥಸಙ್ಗಹೋ, ಇಧ ಪನ ಕಣ್ಠಸ್ಸ ಕಟ್ಠಾದೇಸೋ, ಣಲೋಪೋ ವಾ। ಅಭ್ಯಾಸೀದತೀತಿ ಅಭ್ಯಾಸೋ। ‘‘ಅಭ್ಯಾಸೋ ತು ಸಮೀಪಮ್ಹಿ, ಪುಮಾ ಅಭ್ಯಸನೇಪಿ ಚೇ’’ತಿ ರಭಸೋ। ಸಹ ಅನ್ತೇನ ಸನ್ತಿಕಂ, ಸಕತ್ಥೇ ಇಕೋ। ವಿದೂರಪಟಿಪಕ್ಖತ್ತಾ ಅವಿದೂರಂ। ಸಙ್ಗತಂ ಅನ್ತಂ ಸಾಮನ್ತಂ, ಸಸದ್ದಸ್ಸ ದೀಘೋ, ನಿಗ್ಗಹೀತಸ್ಸ ಮೋ, ಸಂ ನಿಪುಬ್ಬೋಪಿ ಕಟ್ಠಸದ್ದೋ ಸಮೀಪತ್ಥೋಯೇವಾತಿ ದಸ್ಸನತ್ಥಂ ಉದಾಹಟಂ, ಕಸ ವಿಲೇಖನೇ ವಾ, ತೋ, ಸನ್ನಿಕಟ್ಠಂ। ಅನ್ತಿಕಭಾವಂ ಉಪಗತಂ ಉಪನ್ತಿಕಂ। ಸಹ ಕಾಸೇನ ವತ್ತತೇ ಸಕಾಸಂ, ಕಾಸ ದಿತ್ತಿಯಂ। ಅನ್ತಯೋಗಾ ಅನ್ತಿಕಂ, ಇಕೋ। ಞಾಯತೇತಿ ಞತ್ತಂ, ತೋ, ಸಕಾಸಸದ್ದೇನ ಸನಿಡಸದೇಸಸವಿಧಸಮರಿಯಾದಸವೇಸಾಪಿ ಗಯ್ಹನ್ತಿ। ಸಹ ನಿಡೇನ, ಸಹ ದೇಸೇನ, ಸಹ ವಿಧಾಯ, ಸಹ ಮರಿಯಾದಾಯ, ಸಹ ವೇಸೇನ ವತ್ತತೇತಿ ವಿಗ್ಗಹೋ, ಬ್ಯುಪ್ಪತ್ತಿನಿಮಿತ್ತಂ, ರೂಳ್ಹೀಸದ್ದಾ ಪನ ಏತೇ।
ದ್ವಯಂ ದೂರಮತ್ತೇ। ದುಕ್ಖೇನ ಅರತಿ ಯಂ ದೂರಂ। ವಿಪಪುಬ್ಬೋ ಕಟ್ಠಸದ್ದೋ ದೂರೇ, ಸಕತ್ಥೇ ಕೋ, ವಿಪ್ಪಕಟ್ಠಕಂ।
೭೦೭. ತಿಕಂ ಘನೇ, ನತ್ಥಿ ಅನ್ತರಂ ಛಿದ್ದಂ ಯಸ್ಸ। ಹನತಿಸ್ಮಾ ಅ, ಹಸ್ಸ ಘೋ ಚ, ಘನಂ। ಸಮು ಉಪಸಮೇ, ದೋ, ಸನ್ದಂ। ಪಾದೋ ವಿರಳೇ। ವಿರಮತೀತಿ ವಿರಳಂ, ಅ, ವಣ್ಣವಿಕಾರೋ। ಪಿಯೋ ಲವೋ ಅಪ್ಪೋ ಯಸ್ಮಿಂ ಪೇಲವಂ, ಪಿಯಸ್ಸ ಪೇ, ಪಿಲಿ ಗಮನೇ ವಾ, ಅವೋ। ತನು ಅಪ್ಪಾದೀಸುಪಿ।
ದ್ವಯಂ ಯತ ಆಯತನೇ, ಆಯತಂ। ಇ ಗಮನೇ ವಾ, ತೋ, ಭೂವಾದಿ, ಇಸ್ಸೇ, ಏ ಅಯ, ದೀಘಾದಿ। ದಿ ಖಯೇ, ಘೋ, ದೀಘಾದಿ। ತಿಕಂ ವಟ್ಟಲೇ। ನಿಗ್ಗತಂ ತಲಂ ಅಸ್ಮಾತಿ ನಿತ್ತಲಂ। ವಟ್ಟ ವಟ್ಟನೇ, ವಟ್ಟಂ, ಲತಾದಿ। ಉಲಪಚ್ಚಯೇ ವಟ್ಟುಲಂ।
೭೦೮. ಉಚ್ಛಿತನ್ತಂ ಉನ್ನತೇ। ಚಿ ಚಯೇ, ಉಚ್ಚಿನೋತೀತಿ ಉಚ್ಚೋ, ಅ। ಉನ್ನಮತೀತಿ ಉನ್ನತೋ। ತುಜ ಹಿಂಸಾಯಂ, ಫಲನೇ ಚ, ಅ, ತುಙ್ಗೋ। ಉಗ್ಗತಂ ಅಗ್ಗಂ ಅಸ್ಸ ಉದಗ್ಗೋ। ಉದ್ಧಂ ಸಿತೋ ಉಚ್ಛಿತೋ, ಸಿ ಸೇವಾಯಂ, ತೋ, ಸಸ್ಸ ಛೋ, ಅಸರೂಪದ್ವಿತ್ತಂ, ಉಚ್ಛಿತೋ। ಪಂಸುಪಿ, ಪಕಟ್ಠೋ ಅಂಸು ದಿತ್ತಿ ಯಸ್ಸ ಪಂಸು।
ತಿಕಂ ವಾಮನೇ। ಉದ್ಧಂ ನ ಅಞ್ಚತೀತಿ ನೀಚೋ, ಅಞ್ಚ ಗಮನೇ, ಣೋ, ಅಕಾರಞಕಾರಾನಂ ಲೋಪೋ, ನಿಸದ್ದೋ ಅತ್ರ ನಿಸೇಧೇ। ರಸ ಸದ್ದೇ, ಸೋ, ರಸ್ಸೋ। ವಾ ಗಮನೇ, ಮನೋ, ವಾಮನೋ।
ತಿಕಂ ಉಜುಮ್ಹಿ। ನ ಜಿಮ್ಹಂ ಕುಟಿಲಂ ಅಜಿಮ್ಹಂ। ತಸ್ಮಿಂ ಅವಙ್ಕತಾಯ ಪಕಟ್ಠೋ ಗುಣೋ ಯಸ್ಸ ಪಗುಣೋ। ಅಜ ಗಮನೇ, ಉ, ಅಸ್ಸು, ಉಜು।
೭೦೯. ಛಕ್ಕಂ ವಙ್ಕೇ। ಅಲಧಾತುಮ್ಹಾ ಅರೋ, ಳತ್ತಂ। ವೇಲ ಗಮನೇ, ತೋ, ದ್ವಿತ್ತಾದಿ, ವಿರೂಪೇನ ಇಲಯತೀತಿ ವಾ ವೇಲ್ಲಿತಂ, ತೋ, ಇಲ ಗಮನೇ। ವಙ್ಕ ಕೋಟಿಲ್ಯೇ, ಅ। ಕುಟ ಛೇದನೇ, ಇಲೋ, ಕುಟ ಕೋಟಿಲ್ಯೇ ವಾ। ಹಾ ಚಾಗೇ, ಕತ್ತರಿ ಮೋ, ದ್ವಿತ್ತಂ, ವಣ್ಣವಿಪರಿಯಯಾದಿ, ಜಿಮ್ಹಂ। ಕುಞ್ಚ ಕೋಟಿಲ್ಯೇ, ತೋ। ವಕ್ಕಮ್ಪಿ, ವಕ್ಕ ಗಮನೇ।
ಪಞ್ಚಕಂ ಧು ಗತಿಥೇರಿಯೇಸು, ಅ, ಉವಾದೇಸೋ। ಸಸ್ಸತೇ ನಿಚ್ಚೇ ಭವೋ ಸಸ್ಸತೋ। ನಿಚ್ಚೋ ವುತ್ತೋ ಸದಾತನೋ। ಸನಸದ್ದೋ ನಿಚ್ಚತ್ಥೋ ಸತ್ತಮ್ಯನ್ತೋ ನಿಪಾತೋ, ಸನಂಸದ್ದೋ ವಾ ಸನನ್ತನೋ, ಉಭಯತ್ರಾಪಿ ಭವತ್ಥೇ ತನೋ, ಪುಬ್ಬೇ ನಿಗ್ಗಹೀತಾಗಮೋ।
೭೧೦. ಏಕೇನೇವ ಭಾವಾದಿರೂಪೇನ ಕಾಲಸ್ಸ ಬ್ಯಾಪಕೋ ನಿಬ್ಬಾನಾಕಾಸಾದಿಕೂಟಟ್ಠೋತಿ ಪಕಾಸಿತೋ। ಮಾಯಾನಿಚ್ಚಲಯನ್ತಾದೀಸು ಕೂಟಂ ವಕ್ಖತಿ ಕೂಟಟ್ಠೋ, ಪಬ್ಬತೋ, ಕೂಟಟ್ಠೋ ವಿಯ ಸದಾ ತಿಟ್ಠತೀತಿ ಕೂಟಟ್ಠೋ।
ದ್ವಯಂ ಲಹುಕೇ। ಲಙ್ಘ ಗತಿ ಸೋಸನೇಸು, ಉ, ಘಸ್ಸ ಹತ್ತಂ, ನಿಗ್ಗಹೀತಲೋಪೋ, ಲಹು, ಲಘುಪಿ। ಸಂಪುಬ್ಬೇ, ಸತ್ಥಿಕಕಪಚ್ಚಯೇ ಚ ಸಲ್ಲಹುಕಂ। ತಿಕಂ ಸಙ್ಖ್ಯಾತೇ। ಖ್ಯಾ ಕಥನೇ। ಗಣ ಸಙ್ಖ್ಯಾನೇ। ಮಾ ಪರಿಮಾಣೇ, ಸಬ್ಬತ್ರ ತೋ।
೭೧೧. ತಿಕಂ ತಿಖಿಣೇ। ತಿಜ ನಿಸಾನೇ, ಹೋ, ವಣ್ಣವಿಕಾರೋ, ತಿಣ್ಹಂ। ತಿಜ ನಿಸಾನೇ, ಇನೋ, ಜಸ್ಸ ಖೋ, ಣತ್ತಂ, ತಿಖಿಣಂ। ತಿಜತೋಯೇವ ವೋ, ಜಸ್ಸ ವೋ, ಬತ್ತಂ, ತಿಬ್ಬಂ। ತಿಕಂ ಚಣ್ಡೇ। ಚಣ್ಡ ಕೋಪೇ, ಚಣ್ಡಂ। ಉಜ್ಜ ಬಲಪಾಲನೇಸು, ಅ, ಜ್ಜಸ್ಸ ಗ್ಗೋ, ಉಗ್ಗಂ। ಖರ ವಿನಾಸೇ, ಅ, ಖರಂ।
ಚತುಕ್ಕಂ ಗಮು ಗಮನೇ, ದ್ವಿತ್ತಾದಿ, ಜಙ್ಗಮಂ। ಚರ ಗಮನೇ, ಅ, ಚರಂ। ತಸತಿ ಚಲತೀತಿ ತಸಂ, ತಸ ಉಬ್ಬೇಗೇ, ಉಬ್ಬೇಗೋ ಭಯಂ, ಚಲನಞ್ಚ। ಚರಭಿಸ್ಮಾ ಚರೋ, ಮಜ್ಝೇ ದೀಘೋ, ಚರಾಚರಂ, ಅಬ್ಭಾಸನ್ತೇ ವಾ ರಾಗಮೋ, ಚರಾಚರಂ, ಸಬ್ಬತ್ರ ಅಪಚ್ಚಯೋ। ಇಙ್ಗಮ್ಪಿ, ಇಙ್ಗತೀತಿ ಇಙ್ಗೋ, ಇಙ್ಗ ಗಮನೇ।
೭೧೨-೭೧೩. ದ್ವಯಂ ಚಲನಮತ್ತೇ। ಕಮ್ಪ ಚಲನೇ। ಚಲ ಕಮ್ಪನೇ, ಸಬ್ಬತ್ರ ಕತ್ತರಿ ಯು।
ದ್ವಯಂ ಅಧಿಕೇ। ಅತಿರಿಚ್ಚತೀತಿ ಅತಿರಿತ್ತೋ, ರಿಚ ವಿಯೋಜನಸಮ್ಪಟಿಚ್ಛನಗತೀಸು, ತೋ, ಭುಜಾದಿ। ಅಧಿ ಏತಿ ಗಚ್ಛತೀತಿ ಅಧಿಕೋ, ಇ ಗಮನೇ, ಕೋ।
ಜಙ್ಗಮಾ ಪಾಣಿತೋ ಅಞ್ಞೋ ಥಾವರೋ ನಾಮ, ತಿಟ್ಠತೀತಿ ಥಾವರೋ, ಠಾ ಗತಿನಿವತ್ತಿಯಂ, ವರೋ, ವಣ್ಣವಿಕಾರೋ, ಥಾವರೋ, ಠಾವರೋಪೀತ್ಯೇಕೇ।
ಚತುಕ್ಕಂ ಲೋಲೇ। ಲೋಲ ಉಮ್ಮಾದನೇ। ಚಲ ಕಮ್ಪನೇ, ದ್ವಿತ್ತಾದಿ, ಚಞ್ಚಲಂ। ತರ ಪ್ಲವನತರಣೇಸು, ತರಂ ಲಾತೀತಿ ತರಲಂ, ಏತೇ ಚಲನಮತ್ತೇಪಿ।
ಚತುಕ್ಕಂ ಪುರಾಣೇ। ಪುರೇ ಭವೋ ಪುರಾಣೋ, ಯದಾದಿನಾ ನಪಚ್ಚಯೋ, ಣತ್ತಂ। ಪುರಾ ಭವೋ ಪುರಾತನೋ, ತನಪಚ್ಚಯೋ। ಸನಂಸದ್ದೋ ಸನನ್ತನೋ, ಪುಬ್ಬೇ ವಿಯ ಸನಂಸದ್ದೋ ವಾ, ತತ್ರಾಪಿ ಪುಬ್ಬೇ ವಿಯ ನಿಗ್ಗಹೀತಾಗಮೋ। ಚಿರಂಸದ್ದೋ ನಿಪಾತೋ ಸತ್ತಮ್ಯನ್ತೋ ಪುರಾಣತ್ಥೋ ಇಹ ಗಯ್ಹತೇ, ತತ್ರ ಭವೋ ಚಿರನ್ತನೋ। ನಿಗ್ಗಹೀತಲೋಪೋ ಚಿರಕಾಲಾದೀಸು।
ಚತುಕ್ಕಂ ಅಭಿನವೇ। ಪತಿತೋ ಅಗ್ಗೋ ಯಸ್ಸ ಪಚ್ಚಗ್ಘೋ, ಗಸ್ಸ ಘೋ, ಬಹುಕೋ ವಾ ಅಗ್ಘೋ ಯಸ್ಸ ಪಚ್ಚಗ್ಘೋ, ಅನೇಕತ್ಥತ್ತಾ ಹಿ ಉಪಸಗ್ಗನಿಪಾತಾನಂ ಬಹುಕತ್ಥೋ ಏತ್ಥ ಪತಿಸದ್ದೋ। ನವಸದ್ದಾಸಕತ್ಥೇ ತನೋ, ನವಸ್ಸ ನುಭಾವೋ ಚ। ನವೋ ಏವ ಅಭಿನವೋ, ನು ಥುತಿಯಂ, ಅ, ನವೋ।
೭೧೪-೭೧೫. ಪಞ್ಚಕಂ ಕಕ್ಖಳೇ। ಕನ್ತತೀತಿ ಕುರೂರಂ, ಊರೋ, ಕನ್ತಸ್ಸ ಚ ಕುರಾದೇಸೋ, ಕರ ಹಿಂಸಾಯಂ ವಾ, ಊರೋ, ಅಸ್ಸು। ಕಠ ಕಿಚ್ಛಜೀವನೇ, ಮುದ್ಧಜದುತಿಯನ್ತೋ ಧಾತು, ಇನೋ, ವಣ್ಣವಿಪರಿಯಯೇ ಕಥಿನನ್ತಿಪಿ। ದಲ ವಿದಾರಣೇ, ಹೋ, ಳತ್ತಂ, ಬಹ ವುದ್ಧಿಮ್ಹಿ ವಾ, ಬಸ್ಸ ದೋ, ಳನ್ತೋ ಚ, ದಳ್ಹಂ ದಹ ಭಸ್ಮೀಕರಣೇ ವಾ, ಅ, ಳನ್ತೋ ಚ। ನಿಟ್ಠಾತೀತಿ ನಿಟ್ಠುರಂ, ಠಾ ಗತಿನಿವತ್ತಿಯಂ, ಉರೋ। ಕಕ್ಖ ಹಸನೇ, ಅಲೋ, ಳತ್ತಂ। ಕಠೋರಂ, ಜರಠಂ, ಮುತ್ತಿಮಂ, ಮುತ್ತಮ್ಪಿ, ಕಠ ಕಿಚ್ಛಜೀವನೇ, ಓರೋ। ಜರ ಜೀರಣೇ, ಭೂವಾದಿ, ಠೋ। ಮುತ್ತಿ ಕಥಿನ್ಯಂ, ತಂಯೋಗಾ ಮುತ್ತಿಮಂ। ಅಪಚ್ಚಯೇ ಮುತ್ತಂ।
ಸತ್ತಕಂ ಅನ್ತೇ। ಅಮ ಗಮನೇ, ತೋ, ಅನ್ತೋ, ಅನಿತ್ಥೀ। ಪರಿಪುಬ್ಬೋ ಪರಿಯನ್ತೋ। ಪಪುಬ್ಬೋ ಪನ್ತೋ। ಪಚ್ಛಾ ಭವೋ ಪಚ್ಛಿಮೋ। ಅನ್ತೇ ಭವೋ ಅನ್ತಿಮೋ, ಇಮೋ। ಜಘನೇ ಸಾಧು ಜಿಘಞ್ಞಂ, ಯೋ, ಅಸ್ಸಿ। ಚರತಿಸ್ಮಾ ಇಮೋ। ಚರಿಮಂ, ಚರಸದ್ದಾ ವಾ ಇಮೋ।
ಚತುಕ್ಕಂ ಪುಬ್ಬ ಪೂರಣೇ, ಅ। ಅಗ್ಗಂ ಸೇಟ್ಠೇಪಿ ವುತ್ತಂ। ಪಠ ವಿಯತ್ತಿಯಂ ವಾಚಾಯಂ, ಅಮೋ, ಪಥ ಸಙ್ಖ್ಯಾನೇ ವಾ, ಅಮೋ, ವಣ್ಣವಿಕಾರೋ, ಪಠಮಂ, ಪಥಮನ್ತಿಪಿ। ಆದೀಯತೇ ಪಠಮಂ ಗಣ್ಹೀಯತೇತಿ ಆದಿ, ಇ, ಪುಮೇ, ಸೋಸದ್ದೋ ಆದಿಸ್ಸ ಪುಲ್ಲಿಙ್ಗತ್ತಜೋತಕೋ, ಪುರಿಮಂ, ಪುರತ್ಥಾಪಿ, ಭವತ್ಥೇ ಇಮತ್ಥಾ।
ದ್ವಯಂ ಅನುಚ್ಛವಿಕೇ। ಪಟಿಗ್ಗಹಿತೋ ರೂಪೋ ಪತಿರೂಪೋ। ಛವಿಯಾ ಅನುರೂಪಂ ಅನುಚ್ಛವಿಕಂ, ಸಕತ್ಥೇ ಕೋ।
ದ್ವಯಂ ನಿರತ್ಥಕೇ। ಮೂಹ ವೇಚಿತ್ತೇ, ಅ, ಹಸ್ಸ ಘೋ। ನತ್ಥಿ ಅತ್ಥೋ ಯಸ್ಸ, ಸಕತ್ಥೇ ಕೋ।
೭೧೬. ದ್ವಯಂ ಪಾಕಟೇ। ವಿಸಿಟ್ಠೋ ಅತ್ತಾ ಯಸ್ಸ ಬ್ಯತ್ತಂ। ಪುಟ ಪಕಾಸನೇ, ಪುಟ ವಿಕಾಸನೇ ವಾ।
ತಿಕಂ ಮುದುಮ್ಹಿ। ಮುದ ಮೋದನೇ, ಉ, ಮುದ ಸಂಸಗ್ಗೇ ವಾ। ಸೋಭನಂ ಕುಮಾರಂ ಕನ್ತಿ ಯಸ್ಸ। ಕು ಸದ್ದೇ, ಅಲೋ, ಮನ್ತೋ ಚ।
ದ್ವಯಂ ಇನ್ದ್ರಿಯಗ್ಗಯ್ಹೇ। ಅಕ್ಖಂ ಇನ್ದ್ರಿಯಂ ಪತಿಗತಂ ನಿಸ್ಸಿತಂ, ಅಕ್ಖೇನ ವಾ ಪತಿಗತಂ ಪಚ್ಚಕ್ಖಂ, ಕತೇ ಸಮಾಸೇ ಪತಿಸದ್ದಸ್ಸ ಪುಬ್ಬನಿಪಾತೋ ಅಭಿಧಾನತೋ। ಇನ್ದ್ರಿಯಂ ಚಕ್ಖಾದಿಕಂ, ತೇನ ಗಯ್ಹಂ ಇನ್ದ್ರಿಯಗ್ಗಯ್ಹಂ।
ದ್ವಯಂ ಅಪಚ್ಚಕ್ಖೇ। ಪಚ್ಚಕ್ಖವಿಪರೀತಂ ಅಪಚ್ಚಕ್ಖಂ, ಪರಮಾಣ್ವಾದಿ। ಇನ್ದ್ರಿಯಂ ಅತಿಕ್ಕನ್ತಂ ಅತಿನ್ದ್ರಿಯಂ।
೭೧೭. ಚತುಕ್ಕಂ ಅಞ್ಞತ್ಥೇ। ಇತರಸದ್ದೋ ಪಾಟಿಪದಿಕೋ ಅಞ್ಞತ್ಥವಾಚಕೋ, ಇದಂಸದ್ದಾ ವಾ ತರೋ ಅಞ್ಞತ್ಥೇ, ದಂಲೋಪೋ ಚ ಅಞ್ಞಸದ್ದಾ ಸಕತ್ಥೇ ತರೋ। ಏಕೋ ಸೇಟ್ಠೇಪಿ ವುತ್ತೋ। ಅಞ್ಞಸದ್ದೋ ಪಾಟಿಪದಿಕೋ ಭಿನ್ನತ್ಥೋ, ನ ಞಾಯತೇತಿ ವಾ ಅಞ್ಞೋ।
ತಿಕಂ ನಾನಪ್ಪಕಾರೇ। ಬಹವೋ ವಿಧಾ ಪಕಾರಾ ಅಸ್ಸ ಬಹುವಿಧೋ। ವಿಚಿತ್ತಾ ವಿಧಾ ಯಸ್ಸ ವಿವಿಧೋ।
ದ್ವಯಂ ಅನಿವಾರಿತೇ। ನತ್ಥಿ ಬಾಧೋ ನಿಸೇಧೋ ಯಸ್ಸ ಅಬಾಧಂ। ನತ್ಥಿ ಅಗ್ಗಳಂ ಅಸ್ಸ।
೭೧೮. ಚತುಕ್ಕಂ ಅಸಹಾಯೇ। ಅಸಹಾಯತ್ಥೇ ಏಕತೋ ಆಕೀ, ಚ್ಚೋ, ಕೋ ಚ, ಏಕಾಕೀ, ಏಕಚ್ಚೋ। ಅಞ್ಞತ್ಥೇಪಿ ಏಕಕೋ ವುತ್ತೋ। ಸಮಾ ತುಲ್ಯತ್ಥಾ।
ಅನೇಕಸಮ್ಬನ್ಧಿನಿ ಸಾಧಾರಣಾದಿದ್ವಯಂ। ಸಹ ಆಧಾರಣೇನ ವತ್ತತೀತಿ ಸಾಧಾರಣಂ, ಯದಾದಿ, ಥಿಯಂ ಸಾಧಾರಣೀ, ಸಾಧಾರಣಾ ಚ। ಸಮಾನಮೇವ ಸಾಮಞ್ಞಂ, ಯೋ, ಸಾಮಞ್ಞಾ ಇತ್ಥಿಯಂ।
ದ್ವಯಂ ಅಪ್ಪಾವಕಾಸೇ। ಸಮ್ಬಾಧತೇ ಅಸ್ಮಿಂ, ರೋ। ಸಂಸದ್ದಾ ಕಟೋ, ಯದಾದಿ, ಸಙ್ಕಟಂ, ಸಹ ಆವರಣೇನ ವತ್ತತೀತಿ ವಾ ಸಙ್ಕಟಂ, ಸಹತ್ಥೋ ಸಂಸದ್ದೋ।
೭೧೯. ವಾಮಂ ಕಳೇವರಂ ವಾಮಕಾಯೋ ಸಬ್ಯಂ ನಾಮ। ‘‘ಸಬ್ಯಂ ವಾಮೇ ಚ ದಕ್ಖಿಣೇ’’ತಿ ಅಜಯೋ, ಸವ ಗತಿಯಂ, ಯೋ। ದಕ್ಖಿಣಂ ಕಳೇವರಂ ಅಪಸಬ್ಯಂ, ಸಬ್ಯತೋ ಅಪಗತಂ ಅಪಸಬ್ಯಂ।
ದ್ವಯಂ ಪಟಿಕೂಲಂ, ಕೂಲ ಆವರಣೇ। ಅಪಸಬ್ಯಂ ದಕ್ಖಿಣೇಪಿ ವುತ್ತಂ।
ದುರಧಿಗಮನ್ತೋ ಪಥಂ ಗಹನಂ, ಯಥಾ – ಗಹನಮೇತಂ ಸತ್ಥಂ, ದುಬ್ಬಿವೇಕಮಿಚ್ಚತ್ಥೋ। ಗಚ್ಛನ್ತಂ ಹನ್ತೀತಿ ಗಹನಂ, ಗಹಣಮ್ಪಿ, ಯದಾದಿ। ಕಲ ಗಮನೇ, ಇಲೋ, ಕಲಿಂ ಲಾತೀತಿ ವಾ ಕಲಿಲಂ।
೭೨೦-೭೨೧. ದ್ವಯಂ ಬಹುಪ್ಪಕಾರೇ। ಉಚ್ಚಞ್ಚ ತಂ ಅವಚಞ್ಚೇತಿ ಉಚ್ಚಾವಚಂ, ಕಮ್ಮಧಾರಯೋ। ಬಹವೋ ಭೇದಾ ಅಸ್ಸ।
ತಿಕಂ ಜನಾದಿನಿರನ್ತರಗತೇ। ಸಙ್ಕ ಸಙ್ಕಾಯಂ, ತೋ। ಕಿರ ಪಕ್ಖೇಪವಿಕ್ಖಿಪನೇಸು, ತೋ, ಇಣ್ಣಾದೇಸೋ। ಸಙ್ಕ ಸಙ್ಕಾಯಂ, ಉಲೋ, ಸಙ್ಕುಲಂ, ಸಂಪುಬ್ಬೋ ಕುಲ ಸನ್ತಾನೇ ವಾ, ರೋ।
ಸಿಲೋಕೋ ಛೇಕೇ। ಕತೋ ಅಭ್ಯಾಸಿತೋ ಹತ್ಥೋ ಪದತ್ಥೋ ಯೇನ ಕತಹತ್ಥೋ। ಕುಸ ಸಿಲೇಸನೇ, ಅಲೋ। ಪಕಟ್ಠಾ ವೀಣಾ ಅಸ್ಸ। ಅಭಿಜಾನಾತಿ ಅಭಿಞ್ಞೋ। ಸಿಕ್ಖ ವಿಜ್ಜೋಪಾದಾನೇ, ತೋ। ಪುಣ ಕಮ್ಮನಿ ಸುಭೇ, ರೋ। ಪಟ ಗಮನೇ, ಉ। ಛಿದಿ ದ್ವಿಧಾಕರಣೇ, ಕತ್ತರಿ ಅ, ದಸ್ಸ ಕೋ। ಚತ ಯಾಚನೇ, ಉರೋ। ದಲ ದಿತ್ತಿಯಂ, ಖೋ, ಲಸ್ಸ ಕೋ, ದಕ್ಖ ವುಡ್ಢಿಯಂ ವಾ, ಅ, ದಕ್ಖ ವುಡ್ಢಿಹಿಂಸಾಗತಿಸೀಘೇಸು ವಾ। ಪಿಸ ಹಿಂಸಾಬಲದಾನನಿಕೇತನೇಸು, ಅಲೋ, ಪೇಸಲೋ। ಕತಮುಖೋ, ಕತೀಪಿ, ಕತಸದ್ದೋ ಕತಮುಖೋ। ಕತಂ ಅಸ್ಸತ್ಥೀತಿ ಕತೀ।
ಸತ್ತಕಂ ಬಾಲೇ। ಬಲ ಪಾಣನೇ, ಬಲತೀತಿ ಬಾಲೋ, ಅಸ್ಸಾಸಿತಪಸ್ಸಾಸಿತಮತ್ತೇನ ಜೀವತಿ, ನ ಪಞ್ಞಾಜೀವಿತೇನಾತ್ಯತ್ಥೋ। ದಾ ಕುಚ್ಛಾಯಂ ಗತಿಯಂ ವಾ, ತು, ದ್ವಿತ್ತಂ, ರಸ್ಸಾದಿ। ಜಲ ಧಞ್ಞೇ, ಅ, ಳತ್ತಂ। ಮೂಹ ವೇಚಿತ್ತೇ, ಲೋ, ವಣ್ಣವಿಪರಿಯಯೋ, ಮೂಳ್ಹೋ। ಮನ್ದ ಜಳತ್ತೇ। ಬಾಲ್ಯಯೋಗಾ ಬಾಲಿಸೋ, ಇಸೋ। ಅಞ್ಞೋ, ಯಥಾಜಾತೋಪಿ, ನ ಜಾನಾತೀತಿ ಅಞ್ಞೋ। ಯಾದಿಸೋ ಜಾತೋ ವಿವೇಕೋ ಯಥಾಜಾತೋ।
೭೨೨. ತಿಕಂ ಭಾಗ್ಯಸಮ್ಪನ್ನೇ। ಪುಞ್ಞಂ, ಸುಕತಞ್ಚ ಯಸ್ಮಿಂ ಅತ್ಥಿ ಪುಞ್ಞವಾ, ಸುಕತೀ, ವನ್ತು, ಈ ಚ। ಧನಂ ಗಹಣಂ ಲದ್ಧೋತಿ ಧಞ್ಞೋ, ಯೋ। ದ್ವಯಂ ಮಹಾವೀರಿಯೇ। ಮಹಾಧಿತಿ ಮಹಾವೀರಿಯೋ। ದ್ವಯಂ ಮಹಿಚ್ಛೇ। ಮಹಾಸಯೋಪಿ।
ದ್ವಯಂ ಬಹುಲಹದಯೇ, ಪಸತ್ಥಹದಯೇ ಚ। ಹದಯಂ ಬಹುಲಂ, ಪಸತ್ಥಞ್ಚ ಯಸ್ಸ ಹದಯೀ, ಹದಯಾಲು ಚ, ತಬ್ಬಹುಲೇ ಈ, ಆಲು ಚ, ಸುಹದಯೋಪಿ।
೭೨೩. ದ್ವಯಂ ಹಟ್ಠಚಿತ್ತೇ। ‘‘ಹಾಸಮನೋ ವಿಕುಬ್ಬಾನೋ, ಪಮಾನೋ ಹಟ್ಠಮಾನಸೋ’’ತಿ ಅಮರಸೀಹೋ। ದ್ವಯಂ ದುಮ್ಮನೇ। ದುಟ್ಠಂ, ದುಕ್ಖಿತಂ ವಾ ಮನೋ ಯಸ್ಸ। ವಿರೂಪಂ ಮನೋ ಯಸ್ಸ। ಅನ್ತಮನೋಪಿ।
ಚತುಕ್ಕಂ ವದಾನಿಯೋ, ವದಞ್ಞೂ ಚ, ಇಯೋ, ರೂ ಚ, ಪುಬ್ಬತ್ರಞ್ಞಸ್ಸ ನಾದೇಸೋ, ಮಜ್ಝದೀಘೋ ಚ। ದಾನೇ ಸೋಣ್ಡೋ ಪಸುತೋ। ಸೋಣ್ಡಸದ್ದೋತ್ರ ಮಜ್ಜಮದೇತ್ಯೇಕೇ, ಥೂಲಲಕ್ಖೋಪ್ಯತ್ರ, ದಾನತ್ಥಂ ಥೂಲಂ ಲಕ್ಖಂ ಅಸ್ಸ।
೭೨೪. ಸಿಲೋಕೋ ಪಾಕಟಮತ್ತೇ। ಖ್ಯಾ ಪಕಾಸನೇ, ತೋ। ಪತಿಪುಬ್ಬೋ ಇ ಗಮನೇ, ತೋ। ಅಭಿಮುಖಂ ಏತೀತಿ ಪತೀತೋ। ಞಾ ಅವಬೋಧನೇ, ತೋ, ಪಞ್ಞಾತೋ, ಅಭಿಞ್ಞಾತೋ ಚ। ಪಥ ಖ್ಯಾನೇ। ಸು ಗತಿಬುದ್ಧೀಸು, ತೋ, ಸುತೋ, ವಿಸ್ಸುತೋ ಚ, ಸು ಸವನೇ ವಾ, ಕಮ್ಮೇ ತೋ। ವಿದ ಞಾಣೇ, ವಿದಿತೋ। ಸಿಧು ಸಂರಾಧೇ, ತೋ, ಸಿಧ ಸಂಸಿದ್ಧಿಯಂ ವಾ। ಕಟ ಗತಿಯಂ, ದಸ್ಸನಂ ಕಟತೀತಿ ಪಾಕಟೋ, ಉಪಸಗ್ಗಸ್ಸ ದೀಘೋ।
೭೨೫. ತಿಪಾದಂ ಇಸ್ಸರೇ। ಈಸ ಇಸ್ಸರಿಯೇ, ಈಸತೀತಿ ಇಸ್ಸರೋ, ಅರೋ, ರಸ್ಸಾದಿ, ದ್ವಿತ್ತಂ। ನೀ ನಯೇ, ಣ್ವು, ನಾಯಕೋ। ಸಂ ಧನಂ ಅಸ್ಸತ್ಥೀತಿ ಸಾಮೀ, ದೀಘಾದಿ, ರಸ್ಸನ್ತೇ ಸಾಮಿಪಿ। ಪಾ ರಕ್ಖಣೇ,ತಿ, ರಸ್ಸಾದಿ, ಪತಿ। ಅಧಿಪುಬ್ಬೇ ಅಧಿಪತಿ। ಈಸ ಇಸ್ಸರಿಯೇ, ಅ, ಈಸೋ। ಪಭವತೀತಿ ಪಭು, ಉ, ಪಭೂಪಿ। ಅಯ ಗಮನೇ, ಯೋ, ಅಯ್ಯೋ। ಅಧಿಪಾತೀತಿ ಅಧಿಪೋ, ರೋ। ಅಧಿಭವತೀತಿ ಅಧಿಭೂ, ಕ್ವಿ। ನೀ ನಯೇ, ರಿತು, ನೇತಾ।
ತಿಕಂ ಇಬ್ಭೋ, ವೋ, ವಣ್ಣವಿಪರಿಯಯೋ। ಝೇ ಚಿನ್ತಾಯಂ, ಅ, ಅಜ್ಝಾಯತಿ ಧನಂ ಅಡ್ಢೋ, ಝಸ್ಸ ಢೋ, ಅಸರೂಪದ್ವಿತ್ತಂ, ರಸ್ಸಾದಿ ಚ। ಧನಾ ಅತಿಸಯೇ ಈ, ಧನೀ।
೭೨೬. ದ್ವಯಂ ದಕ್ಖಿಣೇಯ್ಯೇ। ದಾನಂ ಪಟಿಗ್ಗಣ್ಹಿತುಂ ಅರಹತೀತಿ ದಾನಾರಹೋ, ದಕ್ಖ ವುದ್ಧಿಯಂ, ಸೀಘತ್ಥೇ ಚ, ದಕ್ಖನ್ತಿ ಭೋಗಸಮ್ಪದಾದೀಹಿ ಯಾಯ, ಸಾ ದಕ್ಖಿಣಾ, ಇಣೋ, ತಂ ಅರಹತೀತಿ ದಕ್ಖಿಣೇಯ್ಯೋ।
ದ್ವಯಂ ಸ್ನೇಹವತಿ। ಸಿನಿಹ ಪೀತಿಯಂ, ಧೋ, ಹಸ್ಸ ದೋ, ಸಿನಿದ್ಧೋ, ವಚ್ಛೋ ಸಿನೇಹೋ ಯಸ್ಸತ್ಥಿ ವಚ್ಛಲೋ, ಲೋ।
ಪಮಾಣಿಕೋ ಪರಿಕ್ಖಕೋ, ಪರಿಕ್ಖತೇ ಅವಧಾರಯತೇ ಪಮಾಣೇಹಿ ಅತ್ಥನ್ತಿ ಪರಿಕ್ಖಕೋ, ಇಕ್ಖ ದಸ್ಸನಙ್ಕೇಸು, ಣ್ವು। ಕಾರಣಂ ಜಾನಾತೀತಿ ಕಾರಣಿಕೋ, ಇಕೋ।
ದ್ವಯಂ ಆಸತ್ತೇ। ಸನ್ಜ ಸಙ್ಗೇ, ತೋ। ತಂ ತಂ ವತ್ಥು ಪರಂ ಪಧಾನಂ ಅಸ್ಸ ತಪ್ಪರೋ।
೭೨೭. ತಿಕಂ ಕಾರುಣಿಕೇ। ಕರುಣಾ ಸೀಲಂ ಅಸ್ಸ ಕಾರುಣಿಕೋ। ದಯಾ ಕರುಣಾ ಯಸ್ಸತ್ಥಿ ದಯಾಲು, ಆಲು। ದುಕ್ಖಿತೇಸು ಸುಟ್ಠು ರಮತೀತಿ ಸೂರತೋ, ಉಪಸಗ್ಗಸ್ಸ ದೀಘತಾ।
ಇಟ್ಠತ್ಥೇ ಉಸ್ಸುಕೋ, ಹಸಾದ್ಯನುಟ್ಠೇಯಂ।
ಯೋ ಆಲಸ್ಯಾವಸಾದೀಹಿ ಅನುತಿಟ್ಠತಿ, ಸೋ ದೀಘಸುತ್ತೋ, ದೀಘಞ್ಚ ತಂ ಸುತ್ತಞ್ಚ, ತಮಿವ ಚರತೀತಿ ದೀಘಸುತ್ತಂ, ದೀಘಸುತ್ತಪರಿಯನ್ತಿಕಂ ಕಾರಿಯಂ ಕರೋತೀತಿ ದೀಘಸುತ್ತೋ। ಚಿರೇನ ಕ್ರಿಯಾನುಟ್ಠಾನಂ ಅಸ್ಸ।
೭೨೮. ದ್ವಯಂ ಪರಾಯತ್ತೇ, ಪರಸ್ಮಿಂ, ಪರೇನ ವಾ ಅಧೀನೋ ಪರಾಧೀನೋ, ಅಝನ್ತಾ ಸಕತ್ಥೇ ಇನೋ ಯದಾದಿನಾ। ಪರತನ್ತೋ, ಪರವಾ, ಅತ್ತವಾಪಿ ತನ್ತ ಕುಟುಮ್ಬಧಾರಣೇ, ಅ, ಪರೋ ತನ್ತೋ ನಿಯಾಮಕೋ ಯಸ್ಸ। ಪರೋ ಸೇಟ್ಠೋ ನಾಯಕೋ, ಅತ್ತಾ ಚ ಅತ್ಥೀತಿ ಪರವಾ, ಅತ್ತವಾ ಚ, ವನ್ತು।
ಆಯತ್ತತಾಮತ್ತೇ ಚತುಕ್ಕಂ। ಯತ ಪಯತನೇ, ಆಪುಬ್ಬೋ ಅವಸೀಭಾವೇ, ತೋ। ಅನ್ತೇನ ಸಮೀಪೇನ ಸಹಾತಿ ಸನ್ತಕೋ, ಸಕತ್ಥೇ ಕೋ। ಪರಿಗ್ಗಯ್ಹತೇ ‘‘ಸಕ’’ನ್ತಿ ಕರೀಯತೇತಿ ಪರಿಗ್ಗಹೋ। ಅಧಿಗತೋ ಇನೋ ಪಭೂ ಯೇನಾತಿ ಅಧೀನೋ।
ಸೇನ ಅತ್ತನಾ ಈರಿತಂ ಸೀಲಂ ಅಸ್ಸಾತಿ ಸೇರೀ, ತಸ್ಮಿಂ ಸೇರಿನಿ ಚ ಸಚ್ಛನ್ದೋ ವತ್ತತಿ, ಸಸ್ಸ ಅತ್ತನೋ ಛನ್ದೋ ಯಸ್ಸತ್ಥೀತಿ ಸಚ್ಛನ್ದೋ, ಅ। ಸವಸೋ, ಸಯಂವಸೀ, ನಿರವಗ್ಗಹೋಪಿ।
೭೨೯. ಗುಣದೋಸೇ ಅನಿಸಮ್ಮ ಅನುಪಪರಿಕ್ಖಿತ್ವಾ ಯೋ ಕರೋತಿ, ಸೋ ಜಮ್ಮೋ, ಜಮ ಅದನೇ, ಮೋ।
ದ್ವಯಂ ಅತಿತಣ್ಹೇ। ಲುಭ ಲೋಭೇ, ಅ, ದ್ವಿತ್ತಂ, ಭಸ್ಸ ಪೋ, ಲೋಲುಪೋ, ಲೋಲುಭೋಪಿ।
ತಿಕಂ ಲುದ್ಧೇ। ಗಿಧ ಅಭಿಕಙ್ಖಾಯಂ, ತೋ। ಲುಭ ಗಿದ್ಧಿಯಂ, ತೋ। ಲೋಲ ಉಮ್ಮಾದನೇ, ಅ, ಲೋಲೋ। ಅಥ ಮಹಾತಣ್ಹಾತಿತಣ್ಹಗಿದ್ಧಾನಂ ಕೋ ಭೇದೋ? ಮಹಾತಣ್ಹೋ ನಾನಾರಮ್ಮಣಂ ಇಚ್ಛತಿ, ಅತಿತಣ್ಹೋ ಏಕಸ್ಮಿಮ್ಪಿ ಆರಮ್ಮಣೇ ಅನೇಕವಾರಂ, ಅಧಿಕಞ್ಚ ತಸತಿ, ಗಿದ್ಧೋ ಪನ ಉಭಯಥಾಪೀತಿ ಅಯಮೇತೇಸಂ ವಿಸೇಸೋ।
ಯೋ ಕ್ರಿಯಾಸು ಮನ್ದೋ, ಸೋ ಕುಣ್ಠೋ, ಕುಣ್ಠ ಪಟಿಘಾತೇ, ಆಲಸ್ಯೇ ಚ, ಅ।
೭೩೦. ಪಞ್ಚಕಂ ಕಾಮಕೇ। ಕಮು ಇಚ್ಛಾಯಂ, ಚುರಾದಿ, ರಿತು, ಕಾಮಯಿತಾ, ಕಾರಿತಲೋಪೇ ಕಮಿತಾ। ಯುಮ್ಹಿ ಕಾಮನೋ, ಕಮನೋಪಿ। ಣೀಪಚ್ಚಯೇ ಕಾಮೀ, ಣುಕಪಚ್ಚಯೇ ಕಾಮುಕೋ, ಅನುಕೋ, ಅಭಿಕೋಪ್ಯತ್ರ, ಅನುಕಾಮಯತೇ ಅನುಕೋ, ಕ್ವಿ। ಅಭಿಕಾಮಯತೇ ಅಭಿಕೋ, ಕ್ವಿ। ಅತಿಕೋಪಿ।
ದ್ವಯಂ ಮತ್ತೇ। ಸುಣ್ಡಾ ಸುರಾ, ತತ್ರ ಕುಸಲೋ ಸೋಣ್ಡೋ, ಪಾನಾಗಾರಂ ವಾ ಸುಣ್ಡಾ, ತತ್ರ ಭವೋ, ಠಿತಂ ವಾ ಸೋಣ್ಡೋ। ಮದ ಉಮ್ಮಾದೇ ಉಕ್ಕಟೋ, ಯದಾದಿನಾ ಉತೋ ಕಟೋ ಮತ್ತತ್ಥೇ ಖಿವ ಮದೇ, ಅ।
ತಿಕಂ ವಚನಕಾರಿನಿ। ಪವತ್ತಿನಿವತ್ತೀಸು ವಿಧಾತುಂ ಸಕ್ಯೋ ವಿಧೇಯ್ಯೋ, ಇಯ್ಯೋ। ಆದೇಸಿತಂ, ಆದರೇನ ವಾ ಸುಣೋತೀತಿ ಅಸ್ಸವೋ, ರಸ್ಸಾದಿ, ಅ। ಸುನ್ದರಂ ವಚೋ ಆಚರಿಯಾದೀನಂ ಏತಸ್ಮಿಂ ಹೇತುಭೂತೇತಿ ಸುಬ್ಬಚೋ। ವಿನಯಗ್ಗಾಹೀಪಿ, ವಿನಯಂ ವಿಧಿಪಟಿಸೇಧವಚನಂ ಗಹೇತುಂ ಸೀಲೋ ವಿನಯಗ್ಗಾಹೀ।
೭೩೧. ತಙ್ಖಣುಪ್ಪತ್ತಿಞಾಣಂ ಪಟಿಭಾ, ತಾಯ ಯುತ್ತೋ ಪಗಬ್ಭೋ, ಸೀಘಮೇವ ಗಬ್ಭತೀತಿ ಪಗಬ್ಭೋ, ಗಬ್ಭ ಧಾರಣೇ।
ತಿಕಂ ಭೀರುಕೇ। ಭೀ ಭಯಂ ಸೀಲೋ ಯಸ್ಸ ಭೀಸೀಲೋ। ಭಾಯತೀತಿ ಭೀರು, ಭೀ ಭಯೇ, ರು। ರುಕಪಚ್ಚಯೇ ಭೀರುಕೋ, ಸಕತ್ಥೇ ವಾ ಕೋ।
ದ್ವಯಂ ಅಸೂರೇ। ನ ವೀರೋ ಸೂರೋ ಅವೀರೋ। ಕುಚ್ಛಿತತರತ್ತಾ ಕಾತರೋ, ಕುಸ್ಸ ಕಾದೇಸೋ।
ದ್ವಯಂ ಹಿಂಸಾಸೀಲೇ, ಹನನಸೀಲೋ ಹಿಂಸಾಸೀಲೋ, ಘಾತುಕೋ, ಉಕೋ, ಹನಸ್ಸ ಘಾತೋ। ಸರಾರು, ಹಿಂಸೋಪಿ।
೭೩೨. ತಿಕಂ ಕೋಧಯುತ್ತೇ। ಕುಧ ಕೋಪೇ, ಕುಜ್ಝನಸೀಲೋ ಕೋಧನೋ, ಯು। ದುಸ ದೋಸೇ, ದೋಸನೋ, ಪಟಿಘೋ ಕುಪ ಕೋಪೇ, ಕುಪತೀತಿ ಕೋಪೀ, ಣೀ। ಅಮರಿಸನೋಪಿ, ನತ್ಥಿ ಮರಿಸನಂ ಖಮಾ ಅಸ್ಸ ಅಮರಿಸನೋ, ಮರಿಸ ಅಸಹನೇ।
ದ್ವಯಂ ಅಧಿಕಕೋಧಯುತ್ತೇ। ಚಣ್ಡತೇತಿ ಚಣ್ಡೋ, ಅ, ಚಣ್ಡ ಕೋಪೇ। ಅತಿರೇಕಂ ಕುಜ್ಝತೀತಿ ಅಚ್ಚನ್ತಕೋಧನೋ। ಅಚ್ಚನ್ತಕೋಪನೋಪಿ, ತದಾ ಕುಪತೋ ಯು।
ಪಞ್ಚಕಂ ಖನ್ತಿಯುತ್ತೇ। ಸಹ ಖಮನೇ, ಯು। ಖಮು ಸಹನೇ, ಯು। ತುಮ್ಹಿ ಖನ್ತಾ, ಸತ್ಥಾದಿ। ತಿತಿಕ್ಖಾ ಯಸ್ಸತ್ಥೀತಿ ತಿತಿಕ್ಖವಾ। ಮನ್ತುಮ್ಹಿ ಖನ್ತಿಮಾ, ಸವಿಭತ್ತಿಸ್ಸ ನ್ತುಸ್ಸ ಆ।
೭೩೩. ದ್ವಯಂ ಸದ್ಧಾಯುತ್ತೇ। ಹಿ ಪದಪೂರಣೇ। ಸದ್ಧಾ ಯಸ್ಸತ್ಥೀತಿ ಸದ್ಧಾಲು। ಸದ್ಧಾ ರತನತ್ತಯಾದೀಸು ಪಸಾದೋ, ತಣ್ಹಾ, ಆದರೋ ಚ। ದ್ವಯಂ ಧಜಯುತ್ತೇ। ಚಿಹನೇ ಚ ಪಟಾಕಾಯಂ, ಧಜೋ ಸೋಫೇ ಚ ಸೋಣ್ಡಿಕೇ, ಸೋಫೋ ಪುಲ್ಲಿಙ್ಗಂ।
ದ್ವಯಂ ನಿದ್ದಾಸೀಲೇ। ನಿದ್ದಾ ಏವ ಸೀಲಂ ಯಸ್ಸ ಸೋ ನಿದ್ದಾಸೀಲೋ। ದ್ವಯಂ ಪಭಾಯುತ್ತೇ। ಭಾ ದಿತ್ತಿಮ್ಹಿ, ಸರಪಚ್ಚಯೋ, ರಸ್ಸಾದಿ, ದ್ವಿತ್ತಞ್ಚ, ಭಸ್ಸರೋ, ಭಾಸಾ ರತಿ ಯಸ್ಸಾತಿ ವಾ ಭಸ್ಸರೋ, ರಸ್ಸಾದಿ ಏವ। ಸಸ್ಸ ದ್ವಿತ್ತಾಭಾವೇ ಭಾಸುರೋ, ಅಸ್ಸು, ಭಾಸ ದಿತ್ತಿಯಂ ವಾ, ಉರೋ, ಅಥ ವಾ ದ್ವಯಂ ಬಹುಕಥಾಯುತ್ತೇ, ಭಾಸಾಸು ಸಬ್ಬಾಸು ಬಹೂಸು ಕಥಾಸು ರಮತೀತಿ ಭಸ್ಸರೋ, ಕ್ವಿ, ಭಾಸತೀತಿ ವಾ ಭಸ್ಸರೋ, ಅರೋ, ರಸ್ಸಾದಿ, ದ್ವಿತ್ತಞ್ಚ, ಭಾಸಾಸು ರಮತೀತಿ ವಾ ಭಾಸರೋ, ಕ್ವಿ, ಮಜ್ಝರಸ್ಸೋ, ಭಾಸತೀತಿ ವಾ ಭಾಸರೋ, ಅರೋ, ಇಮಸ್ಮಿಂ ಪಕ್ಖೇ ಅಸ್ಸುತ್ತಾಭಾವೋ।
೭೩೪. ತಿಕಂ ನಗ್ಗೋ, ದ್ವಿತ್ತಂ, ಲಗ್ಗ ಸಙ್ಗೇ ವಾ, ನತ್ತಂ, ನಜಿ ಲಜಿ ಬಿಲೇ ವಾ, ಣೋ, ಜಸ್ಸ ಗೋ, ದ್ವಿತ್ತಂ। ದಿಸಾ ಏವ ಅಮ್ಬರಂ ವತ್ಥಂ ಏತಸ್ಸ, ನ ಪಕತಿವತ್ಥನ್ತಿ ದಿಗಮ್ಬರೋ। ಸಸ್ಸ ಗೋ। ನತ್ಥಿ ವತ್ಥಂ ಏತಸ್ಸ, ಅಥ ವಾ ದಿಗಮ್ಬರಾ ವತ್ಥಾ, ಅಞ್ಞತಿತ್ಥಿಕೋ ಅವತ್ಥೋ ಚಾತಿ ಏತೇ ದ್ವೇ ನಗ್ಗೋ ನಾಮ, ನಗ್ಗಾ ನಾಮಾತಿ ವಾ, ‘‘ತೇ ಇತ್ಥಿಖ್ಯಾ ಪೋ, ಸತ್ತ ಪಕರಣಾನಿ ಅಭಿಧಮ್ಮೋ ನಾಮಾ’’ತ್ಯಾದೀಸು ವಿಯ ಸಞ್ಞಾಸಞ್ಞೀಸದ್ದಾನಂ ವಚನಭೇದಸ್ಸಾಪಿ ಸಮ್ಭವತೋ। ನಗ್ಗೋ ಚ ನಗ್ಗೋ ಚ ನಗ್ಗಾ, ಪುರಿಮಸ್ಮಿಂ ಪಕ್ಖೇ ಪನ ಸಾಮಞ್ಞತಾಯ ಏಕವಚನನಿದ್ದೇಸೋ।
ದ್ವಯಂ ಭಕ್ಖಕೇ। ಘಸ ಅದನೇ, ಮರೋ, ಘಸ್ಮರೋ। ಭಕ್ಖ ಅದನೇ, ಣ್ವು।
ವತ್ತುಂ ಸೋತುಞ್ಚ ಅಕುಸಲೋ, ವಚನೇ ಸವನೇ ಚ ಅಕುಸಲೋ ಏಳಮೂಗೋ ನಾಮ, ಏಳೋ ಬಧಿರೋ, ಮೂಗೋ ಅವಚನೋ, ಕಮ್ಮಧಾರಯೋ, ಸಠೇಪಿ ಏಳಮೂಗೋ।
೭೩೫. ಮುಖರಾದಯೋ ತಯೋ ಅಪ್ಪಿಯವಾದಿನಿ। ವಾಝಾವಾಝೇಸು ಮುಖಂ ಅಸ್ಸತ್ಥಿ, ನಿನ್ದಾಯಂ ರೋ। ನಿನ್ದಿತಂ ಮುಖಂ ಯಸ್ಸ ದುಮ್ಮುಖೋ। ಅಬದ್ಧಂ ಅನಗ್ಗಳಂ ಮುಖಂ ಯಸ್ಸ ಅಬದ್ಧಮುಖೋ।
ಬಹು ವಾಚಾಲೋ ನಾಮ। ಕುಚ್ಛಿತಾ ವಾಚಾ ಅಸ್ಸ ಸನ್ತೀತಿ ವಾಚಾಲೋ, ನಿನ್ದಾಯಂ ಲೋ।
ದ್ವಯಂ ಸುವಚನೇ। ವದತೀತಿ ವತ್ತಾ, ಪಸಂಸಾಯಂ ತು। ವದತೀತಿ ವದೋ। ಸೋ ಪದಪೂರಣೇ।
೭೩೬. ತಿಕಂ ಅತ್ತನಿಯೇ। ನೇತಬ್ಬೋತಿ ನಿಯೋ, ನಿಯೋ ಏವ ನಿಜೋ, ನೀ ನಯೇ, ಣ್ಯೋ, ಯಸ್ಸ ಜೋ, ಸಮೀಪೇ ಜಾಯತೀತಿ ವಾ ನಿಜೋ। ಸಸ್ಸ ಅತ್ತನೋ ಅಯಂ ಸಕೋ, ಇದಮತ್ಥೇ ಕೋ, ಸೋ ಏವ ವಾ ಸಕೋ, ಸಸ್ಸಾಯಂ ಸಕೋ, ಣೋ। ಅತ್ತನಿ ಜಾತೋ ಅತ್ತನಿಯೋ, ಅನಿಯೋ।
ತಿಕಂ ಅಚ್ಛರಿಯೇ। ವಿಪುಬ್ಬೋ ಮಹ ಪೂಜಾಯಂ, ಭೂವಾದಿ, ಣ್ಯೋ, ಮನ್ತಲೋಪೋ, ವಿಮ್ಹಯೋ। ಆಪುಬ್ಬೋ ಚರ ಗತಿಭಕ್ಖನೇಸು, ಅ, ಚರಸ್ಸ ಚ್ಛರಿಯೋ, ರಸ್ಸಾದಿ ಚ, ಅಚ್ಛರಿಯೋ। ನ ಭವಿತ್ಥಾತಿ ಅಬ್ಭುತೋ, ಅಸರೂಪದ್ವಿತ್ತಂ, ರಸ್ಸೋ ಚ, ಅಭೂತೋಪಿ
ಸೋಕಾದೀಹಿ ಇತಿಕತ್ತಬ್ಬತಾಪಟಿಪತ್ತಿಸುಞ್ಞೋ ವಿಹತ್ಥೋ, ಬ್ಯಾಕುಲೋ ಚ। ವಿಕ್ಖಿತ್ತೋ ಹತ್ಥೋ ಯಸ್ಸ ವಿಹತ್ಥೋ। ಕುಲ ಸಙ್ಖ್ಯಾನೇ ವಿಆಪುಬ್ಬೋ।
ಕತಸನ್ನಾಹೋ ವಧುದ್ಯತೋ ಹನ್ತುಮುದ್ಯತೋ ಉಯ್ಯುತೋ ಆತತಾಯೀ ನಾಮ। ‘‘ವಧುಯ್ಯುತ್ತೋ’’ತಿಪಿ ಪಾಠೋ। ಆಪುಬ್ಬೋ ತಾ ಪಾಲನೇ, ಣೀ, ದ್ವಿತ್ತಂ, ಆಕಾರನ್ತಾನಮಾಯೋ, ಆತತಾಯೀ।
೭೩೭. ಸೀಸಚ್ಛೇಜ್ಜಮ್ಹಿ ವಜ್ಝೋ। ಹನ್ತಬ್ಬೋತಿ ವಜ್ಝೋ, ಹನ ಹಿಂಸಾಯಂ, ಣ್ಯೋ, ಹನಸ್ಸ ವಧೋ, ಝಸ್ಸ ಝೋ। ಅಸರೂಪದ್ವಿತ್ತಂ, ವಜ್ಝೋ।
ತಿಕಂ ವಕ್ಕಾಸಯೇ। ನಿಕನ್ತತೀತಿ ನಿಕತೋ, ಕನ್ತ ಛೇದನೇ, ಅ, ನಲೋಪೋ। ಸಠ ಕೇತವೇ, ಅ। ನತ್ಥಿ ಉಜುತಾ ಯಸ್ಸ ಅನುಜು।
ತಿಕಂ ಭೇದಕಾರಕೇ। ಸೂಚ ಪೇಸುಞ್ಞೇ, ಣ್ವು। ಪಿಸಿ ಸಞ್ಚುಣ್ಣನೇ, ಪಿಸಿ ಅವಯವೇ ವಾ, ಪಿಸತೀತಿ ಪಿಸುಣೋ, ಯದಾದಿನಾ ಉನೋ, ಣತ್ತಂ। ಕಣ್ಣೇ ಜಪತೀತಿ, ಅಲುತ್ತಸಮಾಸೋ, ಅರುಚಿತಬ್ಬರೋಚಕೇಪಿ ಕಣ್ಣೇಜಪೋ।
ದ್ವಯಂ ಪಹರಣಸೀಲೇ। ಧುಬ್ಬೀ ಹಿಂಸಾಯಂ, ತೋ, ಭುಜಾದಿ। ವಞ್ಚಯತೇ ವಿಪ್ಪಲಪತೇತಿ ವಞ್ಚಕೋ, ವಞ್ಚ ಗಮನೇ।
೭೩೮. ಅರಿಯಾಸಾಮಞ್ಞೇನ ಚ ಬಾಲಪುರಿಸಸ್ಸ ಲಕ್ಖಣಮಾಹ। ಹಿ ಪದಪೂರಣೇ। ಯೋ ಪುರಿಸೋ ಯೋ ಜನೋ, ಜನಪರಿಯಾಯೋ ಚೇತ್ಥ ಪುರಿಸಸದ್ದೋ ‘‘ದ್ವೇ ಮಹಾಪುರಿಸಾ ಅಭಿನಿಕ್ಖನ್ತಾ’’ತ್ಯಾದೀಸು ವಿಯ, ಅನಿಸಮ್ಮ ಅನುಪಪರಿಕ್ಖಿತ್ವಾ ವಧಬನ್ಧನಾದಿಕಿಚ್ಚಂ ಕರೋತಿ, ಸೋ ಖಲು ಏಕನ್ತತೋ ‘‘ಚಪಲೋ’’ತಿ ವಿಞ್ಞೇಯ್ಯೋ, ಕಸ್ಮಾ? ಅವಿನಿಚ್ಛಿತಕಾರಿತ್ತಾ ಸಮ್ಮಾ ಅವಿನಿಚ್ಛಿತಸ್ಸ ಕಾರಿಯಸ್ಸ ಕರಣಸೀಲತ್ತಾ। ಚಪ ಕಕ್ಕರಣೇ, ಚಪ ಸನ್ತಾನೇ ವಾ, ಅಲೋ, ಚಪಲೋ।
೭೩೯. ಚತುಕ್ಕಂ ಖುದ್ದೋ, ದೋ, ಕಸ್ಸ ಖೋ, ಅದಾನಸೀಲತಾಯ ಸಮ್ಪರಾಯೇಸು ಖುದ್ದಂ ಬುಭುಕ್ಖಿಸ್ಸಾಮೀತಿ ವಾ ಖುದ್ದೋ, ಖುದ ಬುಭುಕ್ಖಾಯಂ, ದೋ ಅನಾಗತತ್ಥೇ। ಪರಾನುಪಭೋಗೇನ ಅತ್ಥಸಞ್ಚಯಸೀಲತ್ತಾ ಕುಚ್ಛಿತೋ ಅರಿಯೋ ಅತ್ಥಪತಿ ಕದರಿಯೋ, ಅದಾಯಕತ್ತಾ ಕುಚ್ಛಿತಂ ಠಾನಂ ಅರತೀತಿ ವಾ ಕದರಿಯೋ, ಇಯೋ। ದಾನಾದೀಸು ನಮನಾಭಾವೇನ ಥದ್ಧೇನ ಮಚ್ಛೇರಯುತ್ತಚಿತ್ತೇನ ಸಹಿತತಾಯ ಥದ್ಧಮಚ್ಛರೀ, ಈ। ಕುಚ್ಛಿತೋ ಪಣೋ ಯಸ್ಸ ಕಪಣೋ, ಕಿಪಚಾನೋ, ಮಿತಪ್ಪಚೋಪಿ। ಕುಚ್ಛಿತಂ ಪಚಾನೋತಿ ದುತಿಯಾಸಮಾಸೋ। ಮಿತಂ ಪಚತೀತಿ ಮಿತಪ್ಪಚೋ, ಣೋ।
ಅದ್ಧಂ ದಲಿದ್ದೇ। ನತ್ಥಿ ಕಿಞ್ಚನಂ ಅಪ್ಪಮತ್ತಕಮ್ಪಿ ಧನಂ ಯಸ್ಸ ಅಕಿಞ್ಚನೋ। ದಲಿದ್ದ ದುಗ್ಗತಿಯಂ, ಅ, ದಲ ವಿದಾರಣೇ ವಾ, ಇದೋ, ದ್ವಿತ್ತಂ। ದೀನ ದುಗ್ಗತಭಾವೇ, ದೀನೋ, ದಿ ಖಯೇ ವಾ, ಈನೋ। ನತ್ಥಿ ಧನಂ ಅಸ್ಸ। ನಿನ್ದಿತಂ ಗಮನಂ ಅಸ್ಸ ದುಗ್ಗತೋ।
೭೪೦. ಯಂ ಕಮ್ಮಂ ‘‘ಇದಮಹಂ ಉಪ್ಪಾದೇಸ್ಸಾಮೀ’’ತಿ ಅಸಮ್ಭಾವಿತಂ ಅಚಿನ್ತಿತಮೇವ ಹುತ್ವಾ ಸಮ್ಪತ್ತಂ, ತಂ ‘‘ಕಾಕತಾಲೀಯ’’ನ್ತ್ಯುಚ್ಚತೇ। ತಾಲಸ್ಸ ಇದಂ ಫಲಂ ತಾಲಂ, ಕಾಕೋ ಚ ತಾಲಞ್ಚ ಕಾಕತಾಲಾನಿ, ತೇಹಿ ಸದಿಸಂ ಕಮ್ಮಂ ಕಾಕತಾಲಿಯಂ, ಕಾಕಸ್ಸ, ತಾಲಫಲಸ್ಸ ಉಡ್ಡನಪತನಸದಿಸಂ ಕಮ್ಮನ್ತ್ಯತ್ಥೋ।
ಚತುಕ್ಕಂ ಯಾಚಕೇ। ಯಾಚನಂ ಕರೋತೀತಿ ಯಾಚನಕೋ, ಯಾಚತೀತಿ ವಾ, ಯಾಚ ಯಾಚನೇ, ಯು। ಸಕತ್ಥೇ ಕೋ। ಅತ್ಥ ಯಾಚನಾಯಂ, ಅತ್ಥನಂ ಅತ್ಥೋ, ಸೋ ಅಸ್ಸತ್ಥೀತಿ ಅತ್ಥೀ। ಣ್ವು, ಯಾಚಕೋ ವನಿಬ್ಬಕೋ, ವಣ್ಣಸ್ಸ ವನಿ, ವಕ ಆದಾನೇ, ಆದಾನಮೇತ್ಥ ಯಾಚನಮೇವ।
೭೪೧. ಕಿಞ್ಚಿದೂನಕನ್ತಂ ಪತಿಪಾದೇನ ನಾಮಂ। ಪಕ್ಖಿಸಪ್ಪಮಚ್ಛಾದಯೋ ಅಣ್ಡತೋ ಜಾತತ್ತಾ ಅಣ್ಡಜಾ। ನರಾದಯೋ ಪನ ಗಬ್ಭಾಸಯಸಙ್ಖಾತಜಲಾಬುತೋ, ತತ್ರ ವಾ ಜಾತತ್ತಾ ಜಲಾಬುಜಾ। ಕಿಮಿ ಚ ಡಂಸಾ ಚ ಆದಿನಾ ಮಕಸಮಙ್ಗುರಾದಯೋ ಚ ಸೇದಜಾ, ಸೇದಕಾರಣತ್ತಾ ಉಸ್ಮಾ ಸೇದೋ, ತತೋ ಜಾತಾ ಸೇದಜಾ। ದೇವೋ ಚ ಆದಿನಾ ಬ್ರಹ್ಮನೇರಯಿಕಾದಯೋ ಚ ಓಪಪಾತಿಕಾ, ಉಪಗನ್ತ್ವಾ ಪತತೀತಿ ಉಪಪಾತೀ, ಣೀ, ಸೋಳಸವಸ್ಸುದ್ದೇಸಿಕಾದಿಕೋ ಅತ್ತಭಾವೋ, ಸೋ ಯೇಸಮತ್ಥಿ, ತೇ ಓಪಪಾತಿಕಾ।
೭೪೨. ಜಣ್ಣುಮತ್ತೇ ಜಣ್ಣುಪ್ಪಮಾಣಯುತ್ತೇ ಉದಕಾದಿಮ್ಹಿ ಜಣ್ಣುತಗ್ಘೋ, ಜಣ್ಣುಪ್ಪಮಾಣೋ ಜಣ್ಣುತಗ್ಘೋ, ಪಮಾಣತ್ಥೇ ತಗ್ಘೋ, ಜಣ್ಣುಪ್ಪಮಾಣೋ ಜಣ್ಣುಮತ್ತೋ, ಪಮಾಣತ್ಥೇ ಮತ್ತೋ
ಕಿಞ್ಚಿದೂನಕೇ ಅಪ್ಪಮತ್ತಕಯುತ್ತೇ ಕಪ್ಪೋ ಕಪ್ಪೋ, ಕಪ್ಪ ಪರಿಚ್ಛೇದನೇ।
ಚತುಕ್ಕಂ ಅನ್ತಗ್ಗತಂ, ‘‘ಲೋಪಞ್ಚ ತತ್ರಾಕಾರೋ’’ತಿ ಓಲೋಪೇ ಅಆಗಮೋ, ದ್ವಿತ್ತಂ। ಅನ್ತೋಗತಮ್ಪಿ। ಪರಿಚ್ಛಿನ್ದಿತ್ವಾ ಆಪನ್ನಂ ಗಹಿತಂ ಪರಿಯಾಪನ್ನಂ। ಗಾಧ ಪತಿಟ್ಠಾಯಂ, ಅನ್ತೋ ಓಗಾಧತೀತಿ ಅನ್ತೋಗಧಂ, ರಸ್ಸೋ, ಓಗಾಧತೀತಿ ಓಗಧಂ।
೭೪೩. ದ್ವಯಂ ಸಾಧಿತೇ। ರಾಧ ಸಾಧ ಸಿದ್ಧಿಯಂ, ಕಮ್ಮನಿ ತೋ।
ದ್ವಯಂ ಕುಥಿತೇ। ಪಚ ಪಾಕೇ, ಅತೀತೇ ಕತ್ತರಿ ತೋ, ತಸ್ಸ ಕ್ಕೋ, ಚಲೋಪೋ। ಕುಥ ನಿಪ್ಪಕ್ಕೇ, ತೋ।
ಆಪದಂ ಬ್ಯಸನಂ ಪತ್ತೋ ಆಪನ್ನೋ ನಾಮ, ಅತಿಪೀಳನಂ ಆಪಜ್ಜತೀತಿ ಆಪನ್ನೋ, ‘‘ಆ ತುಕೋಧಮುದಾಟ್ಟೀಸೂ’’ತಿ ಹಿ ಏಕಕ್ಖರಕೋಸೋ । ಪದ ಗಮನೇ, ‘‘ಆಪನ್ನೋ ಚ ವಿಪತ್ತಿಮ್ಹಿ, ಪತ್ತೇ ಚ ವಾಚ್ಚಲಿಙ್ಗಿಕೋ’’ತಿ ನಾನತ್ಥಸಙ್ಗಹೋ।
ದ್ವಯಂ ಪರೇಸಮವಸಗತೇ। ನತ್ಥಿ ವಸೋ ಆಯತ್ತೋ ಪರೇಸಂ ಏತಸ್ಮಿಂ ಸೇರೀಭೂತೇತಿ ವಿವಸೋ, ಅವಸೋ ಚ।
೭೪೪. ಛಕ್ಕಂ ಖಿತ್ತೇ। ನುದ ಪೇರಣೇ, ನುದ ಖೇಪೇ ವಾ, ತೋ, ತಸ್ಸ ಇನ್ನೋ। ಅನಿನ್ನಾದೇಸೇ ಭುಜಾದಿ, ನುತ್ತೋ। ನುತೋಪಿ। ಅಸು ಖೇಪನೇ, ತೋ, ಭುಜಾದಿ, ಅತ್ತೋ। ಖಿಪ ಪೇರಣೇ, ತೋ।
ಈರ ಈರಿತೋ। ಆಪುಬ್ಬೋ ವಿಧ ಪೇರಣೇ, ತೋ, ಆವಿದ್ಧೋ।
ಚತುಕ್ಕಂ ಕಮ್ಪಿತೇ। ಕಮ್ಪ ಚಲನೇ, ಧೂ ವಿಧುನನೇ, ಕಮ್ಪನೇ ಚ। ಧೂತೋ, ಆಧೂತೋ, ಚಲ ಕಮ್ಪನೇ, ಚಲಿತೋ। ವೇಲ್ಲಿತೋ, ಪೇಖಿತೋಪಿ। ವೇಲ್ಲ ಚಲನತ್ಥೋ। ಪೇಖ ಗತ್ಯತ್ಥೋ, ಪೇಖಿತೋ।
ದ್ವಯಂ ನಿಸಿತೇ। ನಿಸಿ ನಿಸಾನೇ। ತಿಜ ನಿಸಾನೇ, ನಿಸಾನಂ ತಿಕ್ಖಕರಣಂ, ಉಭಯತ್ರಾಪಿ ಕಮ್ಮನಿ ತೋ।
೭೪೫-೭೪೬. ತಿಕಂ ಪತ್ತಬ್ಬೇ। ಪತ ಗಮನೇ, ತಬ್ಬೋ। ಗಮು ಗತಿಯಂ, ಣ್ಯೋ, ಮ್ಯಸ್ಸ ಮ್ಮೋ ವಾ, ಗಮ್ಮಂ, ಗಮ್ಯಂ, ದ್ಯಸ್ಸ ಜ್ಜೋ, ಆಪಜ್ಜಂ।
ದ್ವಯಂ ಪರಿಣತೇ। ಪಚಿನೋ ಅನೇಕತ್ಥತ್ತಾ ಇಹ ಪರಿಣತತ್ಥೋ। ನಮು ನಮನೇ, ಭೂವಾದಿ, ಕತ್ತರಿ ತೋ, ಸಮಾ ದ್ವೇ ತುಲ್ಯತ್ಥಾ।
ಪಞ್ಚಕಂ ವೇಠಿತೇ। ವೇಠ ವೇಠನೇ। ವಲಮಿವ ವಲಯಂ, ಕುಣ್ಡಲಾಕಾರಂ ವಲಯಂ ಕತಂ ವಲಯಿತಂ, ನಾಮಧಾತು, ಕಾರಿತನ್ತಾ ತೋ। ರುಧ ಆವರಣೇ, ರುದ್ಧಂ। ಸಂಪುಬ್ಬೋ ವು ಸಂವರಣೇ, ಸಂವುತಂ। ಸಮನ್ತತೋ ವುತಂ ಆವುತಂ, ವು ಸಂವರಣೇ, ಸಬ್ಬತ್ರ ಕಮ್ಮನಿ ತೋ।
ದ್ವಯಂ ಪರಿಕ್ಖಿತ್ತಂ, ಪರಿಕ್ಖತಮ್ಪಿ। ವು ಸಂವರಣೇ, ನಿವುತಂ।
ತಿಕಂ ವಿತ್ಥತೇ। ಸರ ಗತಿಯಂ, ತೋ, ತಸ್ಸ ಟೋ, ರಲೋಪೋ, ವಿಸಟಂ। ತನು ವಿತ್ಥಾರೇ, ತೋ, ತಸ್ಸ ತೋ, ನಲೋಪೋ, ವಿತ್ಥತಂ, ತತಂ।
ದ್ವಯಂ ಲೇಪನೀಯೇ। ಲಿಪ ಲೇಪನೇ, ದಿಹ ಉಪಲೇಪನೇ, ಉಭಯತ್ರಾಪಿ ಕಮ್ಮನಿ ತೋ।
ದ್ವಯಂ ಗುಳ್ಹೇ। ಗುಹ ಸಂವರಣೇ, ಳೋ, ಗುಳ್ಹೋ। ಗುಪ ಗೋಪನೇ, ಗುತ್ತೋ।
ದ್ವಯಂ ಪೋಸನೀಯೇ। ಪುಸ ಪೋಸನೇ, ತೋ, ಸತಾನಂ ಟ್ಠೋ, ಟ್ಠಾಭಾವೇ ಪೋಸಿತೋ।
೭೪೭. ದ್ವಯಂ ಸಲಜ್ಜೇ। ಲಜ್ಜ ಪೀಳೇ, ಪೀಳೋ ಲಜ್ಜಾವ। ಹೀಳ ನಿನ್ದಾಲಜ್ಜಾಸು, ಹೀಳಿತೋ।
ದ್ವಯಂ ಸದ್ದೇ। ಸನ ಧನ ಸದ್ದೇ, ಸನಿತಂ, ಧನಿತಂ।
ಪಞ್ಚಕಂ ಬನ್ಧನೀಯೇ। ಸನ್ದನಂ ಬನ್ಧನಂ, ತಂಯೋಗಾ ವನ್ತು। ಸನ್ದಾನವನ್ತಂ ಕತಂ ಸನ್ದಾನಿತಂ, ನಾಮಧಾತುಮ್ಹಾ ತೋ, ವನ್ತುಲೋಪೋ। ಸನ್ದಾನಂ ಸಜ್ಜಾ, ತಮಸ್ಸಾತಿ ವಾ, ಇತೋ। ಸಿ ಬನ್ಧನೇ, ತೋ। ಬನ್ಧ ಬನ್ಧನೇ, ಬದ್ಧೋ। ಕೀಲ ಬನ್ಧನೇ। ಯಮು ಉಪರಮೇ, ಸಂಪುಬ್ಬೋ ಬನ್ಧನೇ, ಸಬ್ಬತ್ರ ಕಮ್ಮನಿ ತೋ। ಮೂತಂ, ಉದ್ದಿತಂ, ಸದ್ದಿತಮ್ಪಿ। ಮೂ ಬನ್ಧನೇ। ದಾ ಅವಖಣ್ಡನೇ। ಉ ಸಂಪುಬ್ಬೋ ಬನ್ಧನೇ। ವುತ್ತಞ್ಚ ‘‘ಉದ್ದಾನನ್ತು ಚ ಬನ್ಧನ’’ನ್ತಿ।
೭೪೮. ತಿಕಂ ಸಿಧ ಸಂಸಿದ್ಧಿಮ್ಹಿ। ಪದ ಗಮನೇ, ನಿಪುಬ್ಬೋ ಸಿದ್ಧಿಯಂ। ವತ್ತ ವತ್ತನೇ, ವತ್ತನಂಪ್ಯತ್ರ ಸಿಜ್ಝನಂ ನಿಪುಬ್ಬತ್ತಾ।
ತಿಕಂ ವಿದಾರಿತೇ। ದರ ಭಿದ ವಿದಾರಣೇ, ಇನ್ನಾದೇಸೋ। ಭಿನ್ನಂ। ಅನಿನ್ನಾದೇಸೇ ತು ಭೇದಿತಂ।
ದ್ವಯಂ ತಿಣಾದೀಹಿ ಛಾದನೀಯೇ। ಛದ ಸಂವರಣೇ, ತೋ, ತಸ್ಸ ಸಧಾತ್ವನ್ತಸ್ಸ ಅನ್ನಾದೇಸೋ।
ತಿಕಂ ಛಿನ್ದಿತೇ। ವಿಧ ವೇಧನೇ। ಛಿದ್ದ ಕಣ್ಣಭೇದೇ, ಚುರಾದಿ। ವಿಧ ವೇಧನೇ, ಸಬ್ಬತ್ರ ಕಮ್ಮೇ ತೋ, ಅಪರದ್ವಯೇ ಚ ಸಞ್ಜಾತತ್ಥೇ ಇತೋ।
೭೪೯. ತಿಕಂ ಆನೀತೇ। ಹರ ಹರಣೇ, ಭರ ಧಾರಣಪೋಸನೇಸು, ಆಪುಬ್ಬೋ ನೀ ನಯೇ।
ದ್ವಯಂ ದಮಯುತ್ತೇ। ದಮು ದಮನೇ, ಕತ್ತರಿ ತೋ। ಪಕ್ಕಮಾದೀಹಿ ನ್ತೋ। ಅನ್ತಾದೇಸೇ ದಮಿತೋ। ಕಮ್ಮಸಾಧನೋಪ್ಯಯಂ।
ದ್ವಯಂ ಸನ್ತೇ। ಸಮು ಉಪಸಮೇ, ಕತ್ತರಿತೋ। ಅನ್ತಾದೇಸೇ ಸಮಿತೋ, ಕಮ್ಮಸಾಧನೋಪ್ಯಯಂ।
ದ್ವಯಂ ಪುಣ್ಣೇ। ಪೂರ ಪೂರಣೇ, ತರಾದೀಹಿ ಇಣ್ಣೋ, ದ್ವೀಸುಪಿ ಕತ್ತುಕಮ್ಮಸಾಧನಾನಿ ಲಬ್ಭನ್ತಿ।
೭೫೦. ತಿಪಾದಂ ಚಾಯ ಪೂಜಾನಿಸಾಮನೇಸು। ಮಹ ಪೂಜಾಯಂ, ಪೂಜ ಪೂಜನೇ, ಅರಹ ಪೂಜಾಯಂ, ಅರಹಿತೋ। ಅಚ್ಚ ಪೂಜಾಯಂ। ಮಾನ ಪೂಜಾಯಂ। ಚಿ ಚಯೇ, ಅಪಪುಬ್ಬೋ ಪೂಜನೇ। ನಮಸ್ಸಿತೋಪಿ, ನಮಸ್ಸಧಾತು ಪೂಜಾಯಂ।
ದ್ವಯಂ ತಚ್ಛಿತೇ ದಾರುಆದಿಮ್ಹಿ। ತಚ್ಛ ತನುಕರಣೇ, ತನುಕರೀಯತೇತಿ ತನೂಕತೋ, ದೀಘೋ।
೭೫೧. ದ್ವಯಂ ಅಗ್ಗಿಆದೀಹಿ ತತ್ತೇ। ತಪ ಧೂಪ ಸನ್ತಾಪೇ।
ದ್ವಯಂ ರಾಜಾದೀನಂ ಸನ್ತಿಕೇ ಭಜನಾದಿವಸೇನ ಉಪಗತೇ। ಚರ ಗತ್ಯತ್ಥೋ, ಉಪಚರಿತೋ। ಆಸ ಉಪವೇಸನೇ, ಉಪಾಸಿತೋ।
ಅದ್ಧಂ ಚುತೇ। ಭಸ ಅಧೋಪತನೇ, ತೋ। ಗಳ ಸೇಚನೇ, ಗಳಿತಂ। ಪದ ಗಮನೇ, ಪನ್ನಂ। ಚು ಚವನೇ, ಚು ಗಮನೇ ವಾ। ಧಂಸು ಅವಸಂಸನೇ, ಗತಿಯಞ್ಚ। ಕನ್ನಮ್ಪಿ, ಕನ್ನ ಗತಿಸೋಸನೇಸು।
೭೫೨. ತುಟ್ಠನ್ತಂ ಪಮುದಿತೇ, ಪೀ ತಪ್ಪನಕನ್ತೀಸು। ಮುದ ಹಾಸೇ। ಹಸ ಹಂಸನೇ, ಹಸ ಅಲಿಕೇ ವಾ। ಮದ ಹಾಸೇ, ಮತ್ತೋ। ತುಸ ಪೀತಿಯಂ।
ಚತುಕ್ಕಂ ಕನ್ತ ಛೇದನೇ। ಛಿದಿ ದ್ವಿಧಾಕರಣೇ। ಲೂ ಛೇದನೇ, ಣೋ, ಯು ವಾ। ದಾ ಲವನೇ, ತು, ದಾ ಅವಖಣ್ಡನೇ ವಾ। ಛಾತಮ್ಪಿ। ಛೋ ಛೇದನೇ, ಓಸ್ಸಾಕಾರೋ।
ತಿಕಂ ಪಸತ್ಥೇ। ಸಠ ಥುತಿಯಂ, ತೋ। ವಣ್ಣ ವಣ್ಣಕ್ರಿಯಾವಿತ್ಥಾರಗುಣವಚನೇಸು। ಥು ಅಭಿತ್ಥವೇ। ಈಡಿತೋ, ಪಣಿತೋಪಿ, ಈಡ ಥುತಿಮ್ಹಿ। ಪಣ ಬ್ಯವಹಾರೇ, ಥುತಿಮ್ಹಿ ಚ, ಪಣಿತೋ।
೭೫೩. ಪಞ್ಚಕಂ ಅಲ್ಲೇ, ತಿಮ ಅದ್ದಭಾವೇ ನಿಚ್ಚಲೇಪಿ, ಪಕ್ಕಮಾದೀಹಿ ನ್ತೋ। ಅಲ್ಲ ಕ್ಲೇದನೇ, ಲೋ, ಅಲ್ಲಂ। ಅದ್ದ ಗತಿಮ್ಹಿ, ಯಾಚನೇ ಚ, ಆಪುಬ್ಬೋ ದಾ ಅವಖಣ್ಡನೇ ವಾ, ದೋ, ಅದ್ದಂ। ಕಿಲಿದ ಅದ್ದಭಾವೇ, ಇನ್ನಾದೇಸೋ। ಉನ್ದ ಕ್ಲೇದನೇ, ಇನ್ನೋ, ಉನ್ನೋ ವಾ, ಸಾದ್ದಮ್ಪಿ। ಅದ್ದಗುಣಯುತ್ತಂ ಅದ್ದಂ, ತೇನ ಸಹ ವತ್ತತೇ ಸಾದ್ದಂ।
ಚತುಕ್ಕಂ ಗವೇಸಿತೇ। ಮಗ್ಗ ಅನ್ವೇಸನೇ, ಚುರಾದಿ। ಏಸ ಗತಿಯಂ, ಭೂವಾದಿ। ಗವೇಸ ಮಗ್ಗನೇ, ಚುರಾದಿ।
ದ್ವಯಂ ಲದ್ಧೇ। ಲಭ ಪತ್ತಿಯಂ। ಪಪುಬ್ಬೋ ಆಪ ಬ್ಯಾಪನೇ, ತೋ, ಭುಜಾದಿ, ಆಲೋಪೋ, ಪತ್ತಂ। ಭಾವಿತಂ, ಆಸಾದಿತಂ, ವಿಭೂತಞ್ಚ।
೭೫೪. ಪಾಲಿತನ್ತಂ ರಕ್ಖನೀಯೇ, ರಕ್ಖ ಪಾಲನೇ। ಗುಪ ಗೋಪನೇ, ಭುಜಾದಿ। ತಾ ಪಾಲನೇ, ತಾತಂ। ಆಯಾಗಮೇ ಗೋಪಾಯಿತಂ। ಅವ ರಕ್ಖಣೇ, ಅವಿತಂ।
ಚತುಕ್ಕಂ ಸಜ ವಿಸ್ಸಗ್ಗೇ। ಚಜ ಹಾನಿಯಂ। ಹಾ ಚಾಗೇ, ಇನೋ, ದೀಘಾದಿ, ಹೀನೋ। ಉಝ ಉಸ್ಸಗ್ಗೇ, ಸಮುಜ್ಝಿತಂ। ಧೂತಮ್ಪಿ, ಧೂ ಕಮ್ಪನೇ।
೭೫೫. ಪಜ್ಜಂ ಭಾಸಿತೇ। ಭಾಸ ಬ್ಯತ್ತಿಯಂ ವಾಚಾಯಂ। ಲಪ ಬ್ಯತ್ತಿಯಂ ವಾಚಾಯಂ, ವಚ ಭಾಸನೇ, ವುತ್ತಂ। ಅಭಿಪುಬ್ಬೋ ಧಾ ಧಾರಣೇ, ತೋ, ಧಾತಿಸ್ಸ ಹಿ, ಹಿ ಗಮನೇ ವಾ, ಅಭಿಹಿತಂ। ಖ್ಯಾ ಕಥನೇ। ಜಪ್ಪ ಬ್ಯತ್ತಿಯಂ ವಾಚಾಯಂ। ಈರ ಖೇಪಗತಿವಚನಕಮ್ಪನೇಸು, ಉದೀರಿತಂ। ಕಥ ವಾಕ್ಯಪಬನ್ಧೇ। ಗದ ವಿಯತ್ತಿಯಂ ವಾಚಾಯಂ। ಭಣ ಭಣನೇ। ವದ ವಿಯತ್ತಿಯಂ ವಾಚಾಯಂ, ತೋ, ವಸ್ಸು, ಉದಿತಂ।
೭೫೬. ಚತುಕ್ಕಂ ಅವಮಾನಿತೇ। ಞಾ ಅವಬೋಧನೇ। ಗಣ ಸಙ್ಖ್ಯಾನೇ। ಭೂ ಸತ್ತಾಯಂ। ಮಾನ ಪೂಜಾಯಂ, ಮನ ಞಾಣೇ ವಾ, ಅವಪರಿಪುಬ್ಬಾ ಏತೇ ಪರಿಭೂತೇ। ಹೇಟ್ಠಾ ಕತ್ವಾ ಞಾಯತಿ, ಗಣೀಯತಿ, ಮಞ್ಞತೀತಿ ಅವಞ್ಞಿತೋ, ಅವಗಣಿತೋ, ಅವಮಾನಿತೋ ಚ। ಪರಿಭವೀಯತಿ ಅವಮಾನಂ ಕರೀಯತೀತಿ ಪರಿಭೂತೋ।
ಚತುಕ್ಕಂ ಛಾತೇ। ಘಸ ಅದನೇ, ಛೋ, ದ್ವಿತ್ತಂ। ಜಿಘಚ್ಛಾ ಸಞ್ಜಾತಾ ಯಸ್ಸ ಜಿಘಚ್ಛಿತೋ। ಖುದ ಪಿಪಾಸಾಯಂ। ಛಾದ ಭಕ್ಖನೇ। ಭುಜ ಪಾಲನಜ್ಝೋಹಾರೇಸು, ಖೋ, ದ್ವಿತ್ತಾದಿ, ಬುಭುಕ್ಖಾ ಸಞ್ಜಾತಾ ಯಸ್ಸ ಬುಭುಕ್ಖಿತೋ।
೭೫೭. ಛಕ್ಕಂ ಬುಧ ಞಾ ಅವಗಮನೇ। ಪದ ಗಮನೇ, ತೋ, ತಸ್ಸ ಅನ್ನೋ, ಪಟಿಪನ್ನಂ। ವಿದ ಞಾಣೇ। ಗತಿ ಬುಝತ್ಥೋ। ಅವಗತಂ। ಮನ ಞಾಣೇ, ತೋ, ಮತಂ।
ಅದ್ಧಂ ಗಿಲಿತೇ। ಗಲ ಅದನೇ, ಅಸ್ಸಿ, ಗಿಲಿತೋ। ಖಾದ ಭಕ್ಖನೇ। ಭುಜ ಪಾಲನಜ್ಝೋಹಾರೇಸು। ಭಕ್ಖ ಅದನೇ। ಅಧಿಅವಪುಬ್ಬೋ ಹರ ಹರಣೇ, ತೋ, ತಸ್ಸ ಟೋ, ರಲೋಪೋ, ಅಜ್ಝೋಹಟೋ। ಅಸ ಭಕ್ಖನೇ, ಅಸಿತೋ। ಜಪ್ಪಿತೋ, ಗಸಿತೋಪಿ, ಜಪ್ಪ ಅದನೇ। ಗಸ ಅದನೇ।
ವಿಸೇಸ್ಯಾಧೀನವಗ್ಗವಣ್ಣನಾ ನಿಟ್ಠಿತಾ।
೨. ಸಂಕಿಣ್ಣವಗ್ಗವಣ್ಣನಾ
೭೫೮. ಪುಬ್ಬಸ್ಮಿಂ ‘‘ಞೇ ಯ್ಯ’’ಮಿಚ್ಚಾದಿನಾ। ತಸ್ಸತ್ಥೋ – ಇಹಾಪಿ ಸಂಕಿಣ್ಣವಗ್ಗೇಪಿ ಕ್ವಾಪಿ ಕತ್ಥಚಿ ಕ್ರಿಯಾದೀಸು ಪಚ್ಚಯತ್ಥವಸೇನ ಆಪಚ್ಚಯಾದೀನಂ ಇತ್ಥಿಲಿಙ್ಗಾದಿಭಾವಜೋತಕಸ್ಸ ಸಭಾವಸ್ಸ ವಸೇನ ಲಿಙ್ಗಂ ಇತ್ಥಿಲಿಙ್ಗಾದಿಕಂ ಞೇಯ್ಯನ್ತಿ। ಚಕಾರೇನ ಭಿಯ್ಯೋ ರೂಪನ್ತರಾದಿಪರಿಗ್ಗಹೋಪಿ। ಇಹಾತಿ ಚ ಉಪಲಕ್ಖಣಂ, ವಗ್ಗನ್ತರೇಸುಪಿ ಪಚ್ಚಯತ್ಥವಸೇನ ಲಿಙ್ಗಾದಿನಿಚ್ಛಯಸಮ್ಭವತೋ।
ಕತ್ತಬ್ಬತೋ ಕ್ರಿಯಾ, ಕರ ಕರಣೇ, ಣ್ಯೋ, ಇಕಾರಾಗಮೋ, ಅಸ್ಸಿ, ವಣ್ಣವಿಪರಿಯಯೇ ಕ್ರಿಯಾ, ಕ್ರಿಯಮ್ಪಿ, ರಿರಿಯಪಚ್ಚಯೇ ಕಿರಿಯಂ, ಕಿರಿಯಾಪಿ। ರಮ್ಮಪಚ್ಚಯೇ ಕಮ್ಮಂ।
ತಿಕಂ ಚಿತ್ತೋಪಸಮೇ। ಸಮು ಉಪಸಮೇ,ತಿ, ಸನ್ತಿ। ಥಮ್ಹಿ ಸಮಥೋ। ಅಮ್ಹಿ ಸಮೋ।
ತಿಕಂ ಕಾಯೋಪಸಮೇ। ದಮು ಉಪಸಮೇ। ಥಮ್ಹಿ ದಮಥೋ। ತಿಮ್ಹಿ ದನ್ತಿ। ಚಿತ್ತೋಪಸಮೇಪ್ಯೇತೇ।
ಸುದ್ಧಕಮ್ಮನಿ ವತ್ತಂ ಭವತಿ। ವತ್ತ ವತ್ತನೇ, ವತ್ತ ಸಮಾದಾನೇ ವಾ ವತ್ತಂ, ಅಸೀತಿಮಹಾವತ್ತಾದಿ।
ಆಸಙ್ಗವಚನಂ ಆಸತ್ತವಚನಂ ಸದ್ದಸರೂಪಂ ಪರಾಯಣಂ ನಾಮ ವುತ್ತಂ, ತಞ್ಚ ತೀಸು। ಪರಂ ಆಯನಂ ಆಯತ್ತೋ ತಾಣಂ ಪರಾಯಣಂ, ಕಮ್ಮಾಸತ್ತೋ ಇಚ್ಚತ್ಥೋ, ಸಾಕಲ್ಯವಚನೇ ತು ಪಾರಾಯಣಂ, ಪಾರಂ ಪರಿಯನ್ತಂ ಅಯನ್ತಿ ಗಚ್ಛನ್ತಿ ಕಸ್ಸಚಿ ಅನೇನಾತಿ ಪಾರಾಯಣಂ, ಯು, ಣತ್ತಂ, ಯಥಾ – ನಾಮಪಾರಾಯಣಂ, ಧಾತುಪಾರಾಯಣಂ।
೭೫೯. ತಿಕಂ ಭಿದಿ ದ್ವಿಧಾಕರಣೇ, ಣೋ। ದರ ವಿದಾರಣೇ। ಫುಟ ವಿಕಸನೇ, ಫುಟ ಭೇದನೇ ವಾ, ಯು।
ದ್ವಯಂ ತಪ್ಪನೇ। ತಪ ಪೀಣನೇ, ಯು। ಪೀ ತಪ್ಪನೇ, ಯು, ಕಿಯಾದಿ, ನಸ್ಸ ಣತ್ತಂ। ಅವನಮ್ಪಿ, ಅವ ಪಾಲನೇ, ದಿತ್ತಿಯಞ್ಚ ಅನೇಕತ್ಥತ್ತಾ।
ದ್ವಯಂ ಸಾಪೇ। ಕುಸ ಅವ್ಹಾನೇ, ಭೇದನೇ ಚ, ಯು। ಸನ್ಜ ಸಙ್ಗೇ, ಅಭಿಸಙ್ಗೋ।
ತಿಕಂ ಯಾಚನಾಯಂ। ಭಿಕ್ಖ ಯಾಚನೇ, ಯು। ಯಾಚ ಯಾಚನೇ। ಅತ್ಥ ಯಾಚನೇ। ಅದ್ದನೋಪ್ಯತ್ರ, ಅದ್ದ ಗತಿಮ್ಹಿ, ಯಾಚನೇ ಚ।
೭೬೦. ನಿಮಿತ್ತರಹಿತಂ ಯದಿಚ್ಛಾ ನಾಮ, ಯಾ ಯಾ ಇಚ್ಛಾ ಅಧಿಪ್ಪಾಯೋ ಯದಿಚ್ಛಾ ನಾಮ। ಸೇರಿತಾಪಿ।
ತಿಕಂ ಆಪುಚ್ಛನೇ, ಆಪುಚ್ಛನಞ್ಚ ಗಮನಾಗಮನಾದಿಸಮಯೇ ಸುಹಜ್ಜ ಬನ್ಧವಾದೀನಮಾಲಿಙ್ಗನ ಚುಮ್ಬನಸ್ವಾಗತಪಿಯವಚನಾರೋಗ್ಯಪುಚ್ಛನಗಮನಾನುಞ್ಞಾದಿನಾ ಆನನ್ದನಂ। ಪುಚ್ಛ ಪುಚ್ಛನೇ, ಆಪುಚ್ಛನಂ। ನನ್ದ ಸಮಿದ್ಧಿಯಂ, ಆನನ್ದನಂ। ಸಭಾಜ ಪೀತಿದಸ್ಸನೇಸು, ಸಭಾಜ ಪೀತಿವಚನೇಸು ವಾ, ಚುರಾದಿ, ಯು, ಸಭಾಜನಂ।
ದ್ವಯಂ ನಯೇ। ಞಾಯನ್ತಿ ಯೇನಾತಿ ಞಾಯೋ, ಆಕಾರನ್ತಾನಮಾಯೋ। ನ್ಯಾಯೋಪಿ, ನಿಸ್ಸೇಸತೋ ಅಯತಿ ಯೇನ ನ್ಯಾಯೋ। ನೀ ನಯೇ, ಅಯಾದೇಸೋ, ನಯೋ।
ದ್ವಯಂ ಫಾ ವುದ್ಧಿಮ್ಹಿ, ಫಾಯ ವುದ್ಧಿಯಂ ವಾ, ಯಲೋಪೋ,ತಿ, ಫಾತಿ, ನಾರಿಯಂ। ವದ್ಧ ವದ್ಧನೇ,ತಿ, ದಲೋಪೋ, ಧಢಭಹೇಹಿ ಧಢಾ ಚ, ಅಸ್ಸು, ವುದ್ಧಿ, ವುಡ್ಢಿಪಿ।
೭೬೧. ಕಿಲಮ ಹಾಸಕ್ಖಯೇ, ಥೋ, ಕಿಲಮಥೋ। ಯುಮ್ಹಿ ಕಿಲಮನಂ। ಸೂ ಪಾಣಿಪಸವೇ, ಪಸವನಂ ಪಸವೋ, ತಿಮ್ಹಿ ಪಸೂತಿ।
ಕಸ ಗತಿಯಂ ಹಿಂಸಾಯಞ್ಚ, ನಿಗ್ಗಹೀತಾಗಮೋ, ಉಕ್ಕಂಸೋ, ಕಸ ವಿಲೇಖನೇ ವಾ। ಅತಿಸಯೋ ವುತ್ತೋ। ಭುಸಾದಯೋ ಪಮಾಣಾತಿಸಯವಸೇನ ವುತ್ತಾ, ಉಕ್ಕಂಸೋ ಗುಣಾತಿಸಯವಸೇನ ವುತ್ತೋ, ಅತಿಸಯೋ ಪನ ಉಭಯವಸೇನಾತಿ ಉಭಯತ್ರ ನಿದ್ದಿಟ್ಠಾನಂ ಭೇದೋ। ತಿಕಂ ಜಯನೇ। ಜಯನಂ ಜಯೋ, ಯು, ಜಯನಂ। ತಿಮ್ಹಿ ಜಿತಿ, ನಾರೀ।
೭೬೨. ಬನ್ಧನನ್ತಾನಿ ದ್ವೇ ದ್ವೇ ನಾಮಾನಿ। ವಸ ಕನ್ತಿಯಂ। ಕಮು ಕನ್ತಿಯಂ,ತಿ। ವಿಧ ವೇಧನೇ, ಬ್ಯಥನೇ ಚ ಅನೇಕತ್ಥತ್ತಾ, ಅ, ಇಕಾರಸ್ಸ ಯಾದೇಸೋ, ಬ್ಯಧೋ, ವೇಧೋ। ಗಹ ಉಪಾದಾನೇ ನಿಬನ್ಧನೇ ಚ, ಗಹೋ, ಗಾಹೋ ಚ। ವರ ಆವರಣೇ, ವರೋ। ವು ಸಂವರಣೇ,ತಿ, ವುತಿ। ಪಚ ಪಾಕೇ, ಇತ್ಥಿಯಮತಿಯವೋ ವಾ, ಅ। ಪಚನಂ ಪಾಕೋ, ಣೋ।
ದ್ವಯಂ ಆಹ್ವಾನೇ। ಹು ದಾನಾದನಹಬ್ಯಪ್ಪದಾನೇಸು, ಣೋ, ಹವೋ। ತಿಮ್ಹಿ ಹುತಿ। ದ್ವಯಂ ಅನುಭವನೇ। ವಿದ ಞಾಣೇ, ಣೋ, ವೇದೋ । ವಿದ ವೇದನಾಖ್ಯಾನನಿವಾಸೇಸು, ಚುರಾದಿ, ಯು, ವೇದನಂ, ವಾಕಾರೋ ವೇದನಾಸದ್ದಸ್ಸ ನಪುಂಸಕತ್ತಾಪೇಕ್ಖೋ।
೭೬೩. ದ್ವಯಂ ಧನಾದಿಜಾನಿಯಂ। ಜರ ವಯೋಹಾನಿಮ್ಹಿ, ಯು, ಜೀರಣಂ, ಅಸ್ಸೀ। ಹಾ ಚಾಗೇ, ಯು, ನದಾದಿ, ರಸ್ಸೋ, ಹಸ್ಸ ಜೋ, ಜಾನಿ। ತಾ ಪಾಲನೇ, ಯು, ಣತ್ತಂ। ದ್ವಯಂ ಪಮಾಣೇ। ಮಾ ಮಾನೇ,ತಿ, ಪಮಿತಿ। ಅಮ್ಹಿ ಪಮಾ।
ದ್ವಯಂ ಸಂಯೋಗೇ। ಸಿಲಿಸ ಆಲಿಙ್ಗನೇ। ಸಂಪುಬ್ಬೋ ಧಾ ಧಾರಣೇ, ಇ, ಸನ್ಧನಂ ಸನ್ಧಿ। ದ್ವಯಂ ಖಯೇ। ಖಿ ಖಯೇ, ಣೋ, ಇಸ್ಸೇ, ಏ ಅಯ, ಖಯೋ। ಚಿ ಚಯೇ, ಅಪಪುಬ್ಬೋ ಖಯೇ। ದ್ವಯಂ ಸದ್ದೇ। ರು ಸದ್ದೇ, ಣೋ, ವುದ್ಧ್ಯಾದೇಸೋ। ರಣ ಸದ್ದೇ। ಅ, ರಣೋ।
೭೬೪. ಗದ ಬ್ಯತ್ತಿಯಂ ವಾಚಾಯಂ, ಣೋ, ಅ ಚ, ನಿಗಾದೋ, ನಿಗದೋ ಚ। ದ್ವಯಂ ಮದೇ। ಮದ ಉಮ್ಮಾದೇ, ಮಾದೋ, ಮದೋ ಚ। ಸಿ ಬನ್ಧನೇ,ತಿ, ಸಿತಿ।
ತಿಕಂ ಆಕಾರೇ। ಆಕರಣಂ ಆಕಾರೋ, ಅನೇಕತ್ಥತ್ತಾ ಮುಖವಙ್ಕಾದ್ಯಙ್ಗವಿಕಾರೋ ವಾ, ಇಙ್ಗತಿ ಜಾನಾತೀತಿ ವಾ ಯೇನ ಆಕಾರೋ। ಇಙ್ಗ ಗಮನತ್ಥೋ, ತೋ, ಅ ಚ, ಇಙ್ಗಿತಂ, ಇಙ್ಗೋ ಚ। ಅತ್ಥಸ್ಸ ಧನಸ್ಸ ಅಪಗಮೋ ವಿನಾಸೋ ಬ್ಯಯೋ ನಾಮ। ಬ್ಯಯ ಚಿತ್ತಸಮುಸ್ಸಗ್ಗೇ।
೭೬೫. ದ್ವಯಂ ಅನ್ತರಾಯೋ। ಪಟಿಪಕ್ಖವಸೇನ ಊಹತಿ ಪವತ್ತತೀತಿ ಪಚ್ಚೂಹೋ, ಅಥ ವಾ ಕಾರಿಯಸಿದ್ಧಿ ಅನ್ತರಂ ಬ್ಯವಧಾನಂ ಅಯತಿ ಗಮಯತೀತಿ ಅನ್ತರಾಯೋ। ಪಚ್ಚೂಹನ್ತಿ ವಿನಿಹನ್ತೀತಿ ಪಚ್ಚೂಹೋ।
ವಿಕರಣಂ ಅಞ್ಞಥಾ ಭವನನ್ತಿ ವಿಕಾರೋ, ವಿಕತಿ ಚ, ಕರ ಕರಣೇ, ಣೋ,ತಿ ಚ।
ದ್ವಯಂ ಸಭಾವವಿಗಮೇ। ಸಿಲಿಸ ಆಲಿಙ್ಗನೇ, ಪವಿಪುಬ್ಬೋ ತಂಸಭಾವವಿಗಮೇ, ವಿಗತೋ ಧುರೋ ಸದಿಸಭಾವೋ ಯಸ್ಮಾತಿ ವಿಧುರೋ, ‘‘ವಿಧುರಂ ಪವಿಸಿಲೇಸೇ, ಕ್ಲಿವಞ್ಚ ವಿಕಲೇ ತಿಸೂ’’ತಿ ರಭಸೋ। ವಿಧ ವಿಧಾನೇ ವಾ, ಉರೋ। ದ್ವಯಂ ಆಸನೇ। ವಿಸ ಪವೇಸನೇ, ಉಪವೇಸನಂ। ಆಸ ಉಪವೇಸನೇ, ಆಸನಂ।
೭೬೬. ತಿಪಾದಂ ಅಧಿಪ್ಪಾಯೇ। ಚಿತ್ತಮಧ್ಯಾಗನ್ತ್ವಾ ಸಯತೀತಿ ಅಜ್ಝಾಸಯೋ। ಅನಮಿಪುಬ್ಬೇ ಆಸಯೋ। ಅಧಿಪಯತಿ ಚಿತ್ತೇತಿ ಅಧಿಪ್ಪಾಯೋ, ಣೋ, ಪಯ ಗಮನೇ। ಚಿತ್ತೇ ಅಭಿಸನ್ಧಾಯತೀತಿ ಅಭಿಸನ್ಧಿ, ದ್ವೀಸು। ಭವತಿ ಚಿತ್ತೇತಿ ಭಾವೋ, ಣೋ। ಅಧಿಮುಚ್ಚನಂ ಚಿತ್ತೇ ಅಧಿಟ್ಠಾನಂ ಅಧಿಮುತ್ತಿ, ನಾರೀ। ಛನ್ದೋ ತಣ್ಹಾಯಮ್ಪಿ ವುತ್ತೋ।
ದ್ವಯಂ ಆದೀನವೇ। ದೋಸೋ ಪಟಿಘೇ ವುತ್ತೋ। ಆ ಭುಸೋ ದೀನಂ ವಾಯತಿ ಗಮಯತೀತಿ ಆದೀನವೋ, ದೀನ ದುಗ್ಗತಭಾವೇ, ವೋ, ವೀ ಗಮನೇ ಚ।
೭೬೭. ದ್ವಯಂ ಸಂಸ ಹಿಂಸಾಥುತೀಸು, ಆನಿಸಂಸೋ ಅಮುಖ್ಯಫಲೇ, ಮುಖ್ಯಫಲೇ ಚ, ತಥಾ ಗುಣೋ। ಗುಣ ಪಕಾಸನೇ, ಪಕಾಸೇತಿ ಕಾರಣನ್ತಿ ಗುಣೋ, ಗಣ ಸಙ್ಖ್ಯಾನೇ ವಾ, ಅಸ್ಸು, ಗುಣೋ। ದ್ವಯಂ ಮಜ್ಝೇ। ಮಜ ಸುದ್ಧಿಯಂ, ಝೋ। ವಿಪುಬ್ಬೇ ವೇಮಜ್ಝಂ।
ದ್ವಯಂ ತರುಣಸೂರಿಯಟ್ಠಾನೇ। ಅಹಸ್ಸ ಮಜ್ಝೋ ಮಜ್ಝಹೋ, ಸೋ ಏವ ಮಜ್ಝನ್ಹಿಕೋ, ಹಸ್ಸ ನ್ಹೋ ಮಜ್ಝನ್ಹೋ, ಮಜ್ಝನ್ತೋಪಿ। ದ್ವಯಂ ನಾನತ್ತಾಯಂ। ವಿಗತಾ ಮತ್ತಾ ಸದಿಸಪ್ಪಮಾಣಂ ಏತೇನ ಹೇತುಭೂತೇನ ವೇಮತ್ತಂ। ನಾನಮೇವ ನಾನತಾ, ನಾನಸದ್ದೋ ಪುನ್ನಪುಂಸಕೇ, ಅಬ್ಯಯೇ ತು ನಾನಾ।
೭೬೮. ದ್ವಯಂ ನಿದ್ದಾಪಟಿಕ್ಖೇಪೇ। ಜಾಗರ ನಿದ್ದಕ್ಖಯೇ, ಜಾಗರಮೇವ ಜಾಗರಿಯೋ। ದ್ವಯಂ ಜಲಾದೀನಮವಿಚ್ಛನ್ನಾಯಂ ಸನ್ತತಿಯಂ। ವಹತಿಸ್ಮಾ ಣೋ, ಪವಾಹೋ। ವತು ಆವತ್ತನೇ,ತಿ, ಪವತ್ತಿ।
ತಿಕಂ ವಿತ್ಥಾರೇ। ಅಸು ಖೇಪನೇ, ಣೋ, ಬ್ಯಾಸೋ। ಪಪುಬ್ಬೋ ಪಞ್ಚ ವಿತ್ಥಾರೇ। ಥರ ಸನ್ಥರಣೇ, ಪಾದಿಪುಬ್ಬೋ ಚ ವಿತ್ಥಾರೇ। ತಿಕಂ ಸಂಯಮೇ। ಯಮು ಉಪರಮೇ, ಣೋ, ಯಾಮೋ। ಇತರೇಸು ಅ।
೭೬೯. ದ್ವಯಂ ವೋಪಾಲಿತೋ, ಸಂಪುಬ್ಬೋ ವಾಹ ಪಯತನೇ, ಮದ್ದನೇ ವಾ, ಯು। ಮದ್ದ ಮದ್ದನೇ। ದ್ವಯಂ ನಾನಾರಮ್ಮಣಾದೀಸು ವಿಸಪ್ಪನೇ। ಸರ ಗಮನೇ, ಣ। ಸಪ್ಪ ಗಮನೇ, ಯು, ವಿಸಪ್ಪನಂ।
ದ್ವಯಂ ಪರಿಚಯೇ। ಥು ಅಭಿತ್ಥವೇ। ಚಿ ಚಯೇ। ತಿಕಂ ಸಙ್ಗಮೇ। ಮಿಲ ಸಿಲೇಸನೇ, ಣೋ, ಸಕತ್ಥೇ ಕೋ, ಮೇಲಕೋ। ಸನ್ಜ ಸಙ್ಗೇ, ಣೋ। ಸಂಪುಬ್ಬಾ ಗಮಿತೋ ಅ।
೭೭೦. ಸನ್ನಿಕಟ್ಠಮ್ಹಿ ಸಮೀಪೇ ಸನ್ನಿಧಿಸದ್ದೋ, ಸನ್ನಿಧಾನಂ ಸನ್ನಿಧಿ, ಪುಮೇ, ಠಪನೇಪ್ಯಯಂ। ನಸ ಅದಸ್ಸನೇ, ಣೋ। ದಿಸ ಪೇಕ್ಖನೇ, ಯು, ದಿಸ್ಸಾದೇಸೋ, ಇಸ್ಸತ್ತಂ।
ತಿಕಂ ಧಞ್ಞಾದೀನಂ ಲವನೇ। ಲೂ ಛೇದನೇ, ಅ। ಣಮ್ಹಿ ಅಭಿಲಾವೋ। ಯುಮ್ಹಿ ಲವನಂ। ದ್ವಯಂ ಖಣಪ್ಪತ್ತಿಯಂ। ಪಪುಬ್ಬೋ ಥು ಅಭಿತ್ಥವೇ। ಸರ ಗಮನೇ, ಅವಸರೋ। ಸಮಾತಿ ದ್ವೇ ತುಲ್ಯತ್ಥಾ।
೭೭೧. ಚತುಕ್ಕಂ ಸಾ ತನುಕರಣೇ, ಯು, ಓಸಾನಂ। ಪರಿಪುಬ್ಬೋ ಪರಿಯೋಸಾನಂ। ಉಕ್ಕಂಸಾತಿಸಯಾ ಪಕಟ್ಠೇಪ್ಯುತ್ತಾ।
ದ್ವಯಂ ಸಣ್ಠಾನೇ। ವಿಸ ಪವೇಸನೇ, ಸನ್ನಿವೇಸೋ। ಠಾ ಗತಿನಿವತ್ತಿಯಂ, ಯು, ಸಣ್ಠಾನಂ। ದ್ವಯಂ ಅಬ್ಭನ್ತರವಾಚಕಂ ಪಾಟಿಪದಿಕಂ। ಅಥ ವಾ ಅಭಿ ಬನ್ಧನೇ, ಅರೋ, ಧಾತ್ವತ್ಥಾನುವತ್ತಕೋ ಅಭಿ, ಅಬ್ಭನ್ತರಂ। ಅಬ್ಭಾಭಾವೇ ಅನ್ತರಂ।
೭೭೨. ತಿಕಂ ಪಾಟಿಹಾರಿಯೇ। ಹಿ ಗತಿಮ್ಹಿ, ಪಟಿತೋ ಹಿಸ್ಸ ಹೇರಣ ಹೀರಣ, ಪಾಟಿಹೇರಂ, ಪಾಟಿಹೀರಂ। ಯದಾದಿನಾ ಹಾರಿಯಞ್ಚ, ಪಾಟಿಹಾರಿಯಂ, ಅಥ ವಾ ಪಟಿಪಕ್ಖೇ ಹರತೀತಿ ಪಾಟಿಹೀರಂ, ಣೋ, ಅಸ್ಸೀ। ಏಕಾರಾದೇಸೇ ಪಾಟಿಹೇರಂ। ಣ್ಯಮ್ಹಿ ಪಾಟಿಹಾರಿಯಂ, ವಿಹತುಪಕ್ಕಿಲೇಸೇನ ಪಚ್ಚಾಹರಿತಬ್ಬಂ ಪವತ್ತೇತಬ್ಬನ್ತಿ ಪಾಟಿಹೀರನ್ತಿಆದಿಪಿ ಕಾತಬ್ಬಂ।
ದ್ವಯಂ ಕತ್ತಬ್ಬಮತ್ತೇ। ಕರಮ್ಹಾ ರಿಚ್ಚ, ಕಿಚ್ಚಂ, ಅವಸ್ಸಂ ಕಾತಬ್ಬೇಪಿ। ಅನೀಯಪಚ್ಚಯೇ ಕರಣೀಯಂ।
ದ್ವಯಂ ಪುಪ್ಫಾದಿನಾ ಉದಕಾದೀನಂ ಪರಿಭಾವನೇ। ಸುನ್ದರಂ ಕರೀಯತೇ ಯೇನಾತಿ ಸಙ್ಖಾರೋ, ಣೋ, ಖರಾದೇಸೋ। ವಸ ನಿವಾಸೇ, ಯು, ವಾಸನಾ, ಕಿಲೇಸಾದೀನಂ ಸತ್ತಿವಿಸೇಸೇಪಿ। ಸಾ ಹಿ ಕುಸಲಾಪಿ ಅತ್ಥಿ ಅಕುಸಲಾಪಿ ಅಬ್ಯಾಕತಾಪಿ, ತಥಾ ಪಹಾತಬ್ಬಾಪಿ
೭೭೩. ತಿಕಂ ಧಞ್ಞಾದೀನಂ ಪೂತಕರಣೇ। ಪೂ ಪವನೇ, ಯು। ಅಪಚ್ಚಯೇ ಪವೋ। ಣಮ್ಹಿ ನಿಪ್ಪಾವೋ। ದ್ವಯಂ ತಸರೇ। ತಸ ಉಬ್ಬೇಗೇ, ಅರೋ। ಸುತ್ತೇನ ವೇಠನಂ ಸುತ್ತವೇಠನಂ।
ದ್ವಯಂ ದುಗ್ಗಸಞ್ಚಾರೇ। ಸಙ್ಕಮ್ಯತೇ ಯೇನಾತಿ ಸಙ್ಕಮೋ। ಸಞ್ಚರನ್ತಿ ಅನೇನಾತಿ ಸಞ್ಚಾರೋ, ದುಗ್ಗಸ್ಸ ಸಞ್ಚಾರೋ ದುಗ್ಗಸಞ್ಚಾರೋ। ದ್ವಯಂ ಪಠಮಾರಮ್ಭೇ। ಪಠಮಂ ಕಮೋ ಪಕ್ಕಮೋ, ಉಪಕ್ಕಮೋ ಚ।
೭೭೪. ತಿಕಂ ಪಾಠೇ। ಪಠ ವಿಯತ್ತಿಯಂ ವಾಚಾಯಂ, ಣೋ, ಪಾಠೋ। ನಿಪುಬ್ಬೇ ನಿಪಾಠೋ, ಅಮ್ಹಿ ನಿಪಠೋ। ದ್ವಯಂ ಅಪಹರಿತಾದಿನೋ ವತ್ಥುನೋ ಚಿ ಚಯೇ, ಚಯನಮತ್ರ ಅನ್ವೇಸನಂ। ಮಗ್ಗ ಅನ್ವೇಸನೇ, ಚುರಾದಿ, ಯು, ಏತೇ ದ್ವೇ ಅಪುಮೇ, ಸಂವಿಕ್ಖನಂಪ್ಯತ್ರ।
ಚತುಕ್ಕಂ ಆಲಿಙ್ಗನೇ। ಲಿಙ್ಗ ಗತ್ಯತ್ಥೋ। ಸನ್ಜ ಸಙ್ಗೇ। ಸಿಲಿಸ ಆಲಿಙ್ಗನೇ। ಗುಹ ಸಂವರಣೇ, ಯು, ಪರಿರಮ್ಭೋಪ್ಯತ್ರ। ರಮ್ಭ ಸದ್ದೇ।
೭೭೫. ಚತುಕ್ಕಂ ಆಲೋಕನೇ। ಲೋಕ ದಸ್ಸನೇ। ಝೇ ಚಿನ್ತಾಯಂ। ಇಕ್ಖ ದಸ್ಸನಙ್ಕೇಸು। ದಿಸ ಪೇಕ್ಖನೇ, ಸಬ್ಬತ್ರ ಭಾವೇ ಯು।
ಚತುಕ್ಕಂ ನಿರಾಕರಣೇ। ದಿಸ ಪೇಕ್ಖನೇ। ಅಸು ಖೇಪನೇ, ನಿರಸನಂ। ಪತಿ ಆಪುಬ್ಬೋ ಖಾಕಥನೇ। ಕರ ಕರಣೇ, ಇತ್ಥಿಯಮತಿಯವೋ ವಾ,ತಿ।
೭೭೬. ಪಞ್ಚಕಂ ವಿಪರಿಯಯೇ। ವಿಪರಿಪುಬ್ಬೋ ಅಸು ಖೇಪನೇ, ಣೋ, ವಿಪಲ್ಲಾಸೋ। ಅಞ್ಞೇನ ಪಕಾರೇನ ಭವನಂ ಅಞ್ಞಥಾಭಾವೋ। ವಿಪರಿಪುಬ್ಬೋ ಅಯ ಗಮನೇ, ವಿಪರಿಯಯೋ। ಅಸು ಖೇಪನೇ, ವಿಪರಿಯಾಸೋ।
ತಿಕಂ ಅತಿಕ್ಕಮೇ। ಅತಿಕ್ಕಮನಂ ಅತಿಕ್ಕಮೋ। ಅತಿಕ್ಕಮ್ಮ ಪತನಂ ಅತಿಪಾತೋ। ಅಯ ಗಮನೇ, ಉಪಚ್ಚಯೋ।
ಸಂಕಿಣ್ಣವಗ್ಗವಣ್ಣನಾ ನಿಟ್ಠಿತಾ।
೩. ಅನೇಕತ್ಥವಗ್ಗವಣ್ಣನಾ
೭೭೭. ಇದಾನಿ ಅನೇಕತ್ಥೇ ನಾನತ್ಥೇ ಸಮಯಾದಿಕೇ ಸದ್ದೇ ಕಮಾ ಕಮತೋ ಪವಕ್ಖಾಮಿ। ಏತ್ಥ ಅನೇಕತ್ಥವಗ್ಗೇ ಏಕಸ್ಸ ಭೂತಸದ್ದಾದಿಕಸ್ಸ ಯಾ ಪುನರುತ್ತತಾ, ಸಾ ಥೀಪುನ್ನಪುಂಸಕಸಙ್ಖಾತಲಿಙ್ಗವಿಸೇಸತ್ಥಂ ಕತಾ।
೭೭೮. ಸಮವಾಯತ್ಥಾದಿವಾಚಕೇ ಬಹವೋ ಸಮಯಸದ್ದೇ ಜಾತಿಯಾ ಸಙ್ಗಯ್ಹ ‘‘ಸಮಯೋ’’ತಿ ಏಕವಚನನಿದ್ದೇಸೋ ಕತೋ। ತತ್ರ ‘‘ಕಾಲಞ್ಚ ಸಮಯಞ್ಚ ಉಪಾದಾಯಾ’’ತ್ಯಾದೀಸು
ತತ್ಥ ಸಮಯೋ, ಸಮವಾಯೋ। ಸಮಂ, ಸಹ ವಾ ಅವಯವಾನಂ ಅಯನಂ ಪವತ್ತಿ ಅವಟ್ಠಾನನ್ತಿ ಸಮಯೋ, ಸಮೂಹೋ, ಯಥಾ – ಸಮುದಾಯೋತಿ ಅವಯವಸಹಾವತ್ಥಾನಮೇವ ಹಿ ಸಮೂಹೋತಿ। ಅವಸೇಸಪಚ್ಚಯಾನಂ ಸಮಾಗಮೇ ಏತಿ ಫಲಂ ಏತಸ್ಮಾ ಉಪ್ಪಜ್ಜತಿ ಪವತ್ತತಿ ಚಾತಿ ಸಮಯೋ, ಕಾರಣಂ, ಯಥಾ ‘‘ಸಮುದಾಯೋ’’ತಿ। ಸಮೇತಿಸಮಾಗಚ್ಛತಿ ಏತ್ಥ ಮಗ್ಗಬ್ರಹ್ಮಚರಿಯಂ ತದಾಧಾರಪುಗ್ಗಲೇಹೀತಿ ಸಮಯೋ, ಖಣೋ। ಅಭಿಮುಖಂ ಞಾಣೇನ ಸಮ್ಮಾ ಏತಬ್ಬೋ ಅವಗನ್ತಬ್ಬೋತಿ ಅಭಿಸಮಯೋ, ಧಮ್ಮಾನಂ ಅವಿಪರೀತೋ ಸಭಾವೋ। ಅಭಿಮುಖಭಾವೇನ ಸಮ್ಮಾ ಏತಿ ಗಚ್ಛತಿ ಬುಜ್ಝತೀತಿ ಅಭಿಸಮಯೋ, ಧಮ್ಮಾನಂ ಅವಿಪರೀತಸಭಾವಾವಬೋಧೋ। ಸಮೇತಿ ಏತ್ಥ, ಏತೇನ ವಾ ಸಙ್ಗಚ್ಛತಿ ಸತ್ತೋ, ಸಭಾವಧಮ್ಮೋ ವಾ ಸಹಜಾತಾದೀಹಿ, ಉಪ್ಪಾದಾದೀಹಿ ವಾತಿ ಸಮಯೋ, ಕಾಲೋ, ಧಮ್ಮಪ್ಪವತ್ತಿಮತ್ತತಾಯ ಅತ್ಥತೋ ಅಭೂತೋಪಿ ಹಿ ಕಾಲೋ ಧಮ್ಮಪ್ಪವತ್ತಿಯಾ ಅಧಿಕರಣಂ ವಿಯ, ಕರಣಂ ವಿಯ ಚ ಪರಿಕಪ್ಪನಾಮತ್ತಸಿದ್ಧೇನ ರೂಪೇನ ವೋಹರೀಯತೀತಿ। ಸಮಸ್ಸ ನಿರೋಧಸ್ಸ ಯಾನಂ, ಸಮ್ಮಾ ವಾ ಯಾನಂ ಅಪಗಮೋತಿ ಸಮಯೋ, ಪಹಾನಂ। ಸಮಿತಿ ಸಙ್ಗತಿ ಸಮೋಧಾನನ್ತಿ ಸಮಯೋ, ಪಟಿಲಾಭೋ, ಸಮೇತಿ ಸಮ್ಬನ್ಧೋ ಏತಿ ಅತ್ತನೋ ವಿಸಯೇ ಪವತ್ತತಿ, ದಳ್ಹಗ್ಗಹಣಭಾವತೋ ವಾ ಸಮ್ಪಯುತ್ತಾ ಅಯನ್ತಿ ಪವತ್ತನ್ತಿ ಸತ್ತಾ ಯಥಾಭಿನಿವೇಸಂ ಏತೇನಾತಿ ಸಮಯೋ, ದಿಟ್ಠಿ। ದಿಟ್ಠಿಸಂಯೋಜನೇನ ಹಿ ಸತ್ತಾ ಅತಿವಿಯ ಬಜ್ಝನ್ತೀತಿ, ಏವಂ ತಸ್ಮಿಂ ತಸ್ಮಿಂ ಅತ್ಥೇ ಸಮಯಸದ್ದಸ್ಸ ಪವತ್ತಿ ವೇದಿತಬ್ಬಾ। ಸಮಯಸದ್ದಸ್ಸ ಅತ್ಥುದ್ಧಾರೇ ಅಭಿಸಮಯಸದ್ದಸ್ಸ ಉದಾಹರಣಂ ಸೋಪಸಗ್ಗೋ, ಅನುಪಸಗ್ಗೋ ಚ ಸಮಯಸದ್ದೋ ಸಮವಾಯಾದ್ಯತ್ಥವಾಚಕೋ ಹೋತೀತಿ ದಸ್ಸನತ್ಥಂ। ಏವಂ ಸಬ್ಬತ್ರ ಉದಾಹರಣಂ ತಂತದತ್ಥಾನುರೂಪನಿಬ್ಬಚನಾದಯೋ ದಟ್ಠಬ್ಬಾ।
೭೭೯. ಸಣ್ಠಾನಂ ದೀಘರಸ್ಸಾದಿ। ರೂಪಂ ರೂಪಾಯತನಂ, ಜಾತಿ ಖತ್ತಿಯಾದಿಕುಲಂ। ಛವಿ ಬಹಿಚಮ್ಮಂ, ಪಮಾಣಂ ಮರಿಯಾದೋ। ಅಕ್ಖರಂ ಅಕಾರಾದಿ ಯಸೋ ಪರಿವಾರೋ, ಕಿತ್ತಿ ಚ। ಗುಣೋ ಸೀಲಾದಿ, ತಪನಿಯೇಪಿ ವಣ್ಣೋ।
೭೮೦. ಪಾತಿಮೋಕ್ಖಸ್ಸ ಭಿಕ್ಖುಭಿಕ್ಖುನೀನಂ ವಸೇನ ದುವಿಧಸ್ಸ ಪಾತಿಮೋಕ್ಖಸ್ಸ ಉದ್ದೇಸೇ ‘‘ಸಙ್ಘೋ ಉಪೋಸಥಂ ಕರೇಯ್ಯಾ’’ತಿ ಉಪವಾಸೋ ವುತ್ತೋ। ಅಟ್ಠಙ್ಗೋ ‘‘ಪಾಣಾತಿಪಾತಾ ವೇರಮಣಿ’’ಆದಿ। ಉಪೋಸಥದಿನಂ ‘‘ಅಜ್ಜುಪೋಸಥೋ ಪನ್ನರಸೋ’’ತ್ಯಾದೀಸು
೭೮೧-೭೮೨. ರಥಙ್ಗಂ ಚಕ್ಕದ್ವಯಂ। ಲಕ್ಖಣಂ ಚಕ್ಕಲಕ್ಖಣಂ। ‘‘ಮಯಾ ಪವತ್ತಿತಂ ಚಕ್ಕ’’ನ್ತ್ಯಾದೀಸು ಧಮ್ಮಚಕ್ಕೇ। ಉರಚಕ್ಕಂ ನಾಮ ಖುರಚಕ್ಕಂ ‘‘ಚಕ್ಕಂ ಭಮತಿ ಮತ್ಥಕೇ’’ತಿ ಇರಿಯಾಪಥಚಕ್ಕೇ। ‘‘ಚತ್ತಾರಿಮಾನಿ, ಭಿಕ್ಖವೇ, ಚಕ್ಕಾನಿ, ಯೇಹಿ ಸಮನ್ನಾಗತಾನಂ ದೇವಮನುಸ್ಸಾನಂ ಚತುಚಕ್ಕಂ ವತ್ತತೀ’’ತ್ಯಾದೀಸು ಸಮ್ಪತ್ತಿಚಕ್ಕೇ। ‘‘ಪಿತರಾ ಪವತ್ತಿತಂ ಚಕ್ಕಂ ಅನುವತ್ತೇತೀ’’ತ್ಯಾದೀಸು ಚಕ್ಕರತನೇ। ಮಣ್ಡಲಂ ‘‘ಅಲಾತಚಕ್ಕ’’ನ್ತ್ಯಾದೀಸು ‘‘ಅಸನಿವಿಚಕ್ಕ’’ನ್ತಿ ಬಲಂ ಥಾಮೋ। ಕುಲಾಲೋ ಕುಮ್ಭಕಾರೋ, ತಸ್ಸ ಭಣ್ಡೇ ಕುಲಾಲಚಕ್ಕನ್ತಿ। ಆಣಾಯಂ ‘‘ಚಕ್ಕಂ ವತ್ತಯತಿ ಪಾಣೀನ’’ನ್ತಿ ಆಯುಧೇ ಚಕ್ಕಾಕಾರೇ ಆಯುಧೇ। ದಾನಂ ದೇಯ್ಯಧಮ್ಮೋ। ರಾಸಿ ಖನ್ಧೋ। ಸದ್ಧಗಾಥಾಪಿ ಗಾಥಾಯೇವ।
‘‘ದಣ್ಡಕಾ
ಗಾಥಾತಿ ಚ ಪರತ್ಥೇವಂ, ಛನ್ದೋಸಞ್ಞಾ ಪಕಾಸಿತಾ॥
ಅನನ್ತರೋದಿತಂ ಚಞ್ಞ-ಮೇತಂ ಸಾಮಞ್ಞನಾಮತೋ।
ಗಾಥಾಇಚ್ಚೇವ ನಿದ್ದಿಟ್ಠಂ, ಮುನಿನ್ದವಚನೇ ಪನಾ’’ತಿ
೭೮೩.
‘‘ಕಿಂ ತೇ ವತಂ ಕಿಂ ಪನ ಬ್ರಹ್ಮಚರಿಯಂ,
ಕಿಸ್ಸ ಸುಚಿಣ್ಣಸ್ಸ ಅಯಂ ವಿಪಾಕೋ।
ಇದ್ಧಿಜುತಿಬಲವಿರಿಯೂಪಪತ್ತಿ,
ಇದಞ್ಚ ತೇ ನಾಗ ಮಹಾವಿಮಾನಂ॥
ಅಹಞ್ಚ ಭರಿಯಾ ಚ ಮನುಸ್ಸಲೋಕೇ,
ಸದ್ಧಾ ಉಭೋ ದಾನಪತೀ ಅಹುಮ್ಹ।
ಓಪಾನಭೂತಂ ಮೇ ಘರಂ ತದಾಸಿ,
ಸನ್ತಪ್ಪಿತಾ ಸಮಣಬ್ರಾಹ್ಮಣಾ ಚ॥
ತಂ ಮೇ ವತಂ ತಂ ಪನ ಬ್ರಹ್ಮಚರಿಯಂ,
ತಸ್ಸ ಸುಚಿಣ್ಣಸ್ಸ ಅಯಂ ವಿಪಾಕೋ।
ಇದ್ಧಿಜುತಿಬಲವಿರಿಯೂಪಪತ್ತಿ,
ಇದಞ್ಚ ಮೇ ಧೀರ ಮಹಾವಿಮಾನ’’ನ್ತಿ
ಇಮಸ್ಮಿಂ ವಿಧುರಪಣ್ಡಿತಜಾತಕೇ ದಾನಸ್ಮಿಂ ಆಗತೋ।
‘‘ತಂ ಖೋ ಪನ ಪಞ್ಚಸಿಖ ಬ್ರಹ್ಮಚರಿಯಂ ನೇವ ನಿಬ್ಬಿದಾಯ ನ ವಿರಾಗಾಯ ಯಾವದೇವ ಬ್ರಹ್ಮಲೋಕೂಪಪತ್ತಿಯಾ’’ತಿ ಅಪ್ಪಮಞ್ಞಾಸು। ‘‘ತಯಿದಂ ಬ್ರಹ್ಮಚರಿಯಂ ಇದ್ಧಞ್ಚೇವ ಫೀತಞ್ಚ ವಿತ್ಥಾರಿಕಂ ಬಾಹುಜಞ್ಞಂ ಪುಥುಭೂತಂ ಯಾವದೇವ ಮನುಸ್ಸೇಸು ಸುಪ್ಪಕಾಸಿತ’’ನ್ತಿ ಸಾಸನೇ। ‘‘ಪರೇ ಅಬ್ರಹ್ಮಚಾರೀ ಭವಿಸ್ಸನ್ತಿ, ಮಯಮೇತ್ಥ ಬ್ರಹ್ಮಚಾರಿನೋ ಭವಿಸ್ಸಾಮಾ’’ತಿ ಮೇಥುನಾ ವಿರತಿಯಂ।
‘‘ಕೇನ ಪಾಣಿ ಕಾಮದದೋ, ಕೇನ ಪಾಣಿ ಮಧುಸ್ಸವೋ।
ಕೇನ ತೇ ಬ್ರಹ್ಮಚರಿಯೇನ, ಪುಞ್ಞಂ ಪಾಣಿಮ್ಹಿ ಇಜ್ಝತಿ॥
ತೇನ ಪಾಣಿ ಕಾಮದದೋ, ತೇನ ಪಾಣಿ ಮಧುಸ್ಸವೋ।
ತೇನ ಮೇ ಬ್ರಹ್ಮಚರಿಯೇನ, ಪುಞ್ಞಂ ಪಾಣಿಮ್ಹಿ ಇಜ್ಝತೀ’’ತಿ
ಇಮಸ್ಮಿಂ ಅಙ್ಕುರಪೇತವತ್ಥುಮ್ಹಿ ವೇಯ್ಯಾವಚ್ಚೇ।
‘‘ಮಯಞ್ಚ ಭರಿಯಾ ನಾತಿಕ್ಕಮಾಮ,
ಅಮ್ಹೇ ಚ ಭರಿಯಾ ನಾತಿಕ್ಕಮನ್ತಿ।
ಅಞ್ಞತ್ರ ತಾ ಬ್ರಹ್ಮಚರಿಯಂ ಚರಾಮ,
ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ’’ತಿ
ಮಹಾಧಮ್ಮಪಾಲಜಾತಕೇ ಸದಾರತುಟ್ಠಿಯಂ।
‘‘ಏವಂ ಖೋ ತಂ, ಭಿಕ್ಖವೇ, ತಿತ್ತಿರಿಯಂ ನಾಮ ಬ್ರಹ್ಮಚರಿಯಂ ಅಹೋಸೀ’’ತಿ ಪಞ್ಚಸೀಲೇ।
‘‘ಇದಂ ಖೋ ಪನ ಪಞ್ಚಸಿಖ ಬ್ರಹ್ಮಚರಿಯಂ ಏಕನ್ತನಿಬ್ಬಿದಾಯ ವಿರಾಗಾಯ…ಪೇ॰… ಅಯಮೇವ ಅರಿಯೋ ಅಟ್ಠಙ್ಗಿಕೋ ಮಗ್ಗೋ’’ತಿ ಅರಿಯಮಗ್ಗೇ।
‘‘ಹೀನೇನ ಬ್ರಹ್ಮಚರಿಯೇನ, ಖತ್ತಿಯೇ ಉಪಪಜ್ಜತಿ।
ಮಜ್ಝಿಮೇನ ಚ ದೇವತ್ತಂ, ಉತ್ತಮೇನ ವಿಸುಜ್ಝತೀ’’ತಿ
ನಿಮಿಜಾತಕೇ ಅತ್ತದಮನವಸೇನ ಕತೇ ಅಟ್ಠಙ್ಗುಪೋಸಥೇ।
‘‘ಅಭಿಜಾನಾಮಿ ಖೋ ಪನಾಹಂ, ಸಾರಿಪುತ್ತ, ಚತುರಙ್ಗಸಮನ್ನಾಗತಂ ಬ್ರಹ್ಮಚರಿಯಂ ಚರಿತ್ವಾ ತಪಸ್ಸಿ ಸುದಂ ಹೋಮೀ’’ತಿ ವೀರಿಯೇ।
೭೮೪. ಸಭಾವೋ ಪರಿಯತ್ತಿ ಪರಿಯಾಪುಣಿತಬ್ಬಾ ವಿನಯಾಭಿಧಮ್ಮಸುತ್ತನ್ತಾ। ಞಾಯೋ ಯುತ್ತಿ, ಸಪ್ಪಟಿಪದಾ ವಾ ಮಗ್ಗಾದಯೋ। ಞೇಯ್ಯೇ ಸಙ್ಖಾರವಿಕಾರಲಕ್ಖಣನಿಬ್ಬಾನಪಞ್ಞತ್ತಿವಸೇನ ಪಞ್ಚವಿಧೇ ಞೇಯ್ಯೇ। ನಿಸ್ಸತ್ತತಾ ಸತ್ತಸಭಾವಸ್ಸ ಅಭಾವತಾ। ಆಪತ್ತಿಯಂ ‘‘ಪಾರಾಜಿಕಂ ಧಮ್ಮ’’ನ್ತಿ। ‘‘ಸಹ ಧಮ್ಮೇನ ನಿಗ್ಗಯ್ಹಾ’’ತ್ಯಾದೀಸು ಕಾರಣೇ। ಆದಿನಾ ಸಮಯಞ್ಞೂಪಮಾಹಿಂಸಾದೀಸುಪಿ ಧಮ್ಮೋ।
೭೮೫. ಪಯೋಜನಂ ಫಲಂ। ಸದ್ದಾಭಿಧೇಯ್ಯೇ ಸದ್ದತ್ಥೇ। ವುಡ್ಢಿಯಂ ವಡ್ಢನೇ। ವತ್ಥುಮ್ಹಿ ದಬ್ಬೇ। ನಾಸೇ ವಿನಾಸೇ। ಪಚ್ಛಿಮಪಬ್ಬತೇ ಅತ್ಥಗಿರಿಮ್ಹಿ। ನಿವತ್ತಿವಿಸಯುಪ್ಪತ್ತಿಸಭಾವಾದೀಸುಪಿ।
೭೮೬. ಯೇಭುಯ್ಯತಾ ಬಾಹುಲ್ಯತಾ। ಅಬ್ಯಾಮಿಸ್ಸಂ ಅಸಮ್ಮಿಸ್ಸಂ। ವಿಸಂಯೋಗೇ ವಿಪ್ಪಯೋಗೇ। ದಳ್ಹತ್ಥೇ ದಳ್ಹಸದ್ದಸ್ಸ ಅತ್ಥೇ। ಅನತಿರೇಕೇ ಅತಿರೇಕಾಭಾವೇ। ಅನವಸೇಸಮ್ಹಿ ಸಬ್ಬಸ್ಮಿಂ, ತಂ ಕೇವಲವಚನಂ ತೀಸು ಲಿಙ್ಗೇಸು।
೭೮೭. ಪಟಲಂ ‘‘ದಿಗುಣಂ ಸಙ್ಘಾಟಿಂ ಪಾರುಪಿತ್ವಾ’’ತ್ಯಾದೀಸು ಬನ್ಧನಂ ಕಾಮಗುಣಂ। ಅಪ್ಪಧಾನೇ ವಿಸೇಸನೇ। ಜಿಯಾಯ ಧನುನೋ।
೭೮೮-೭೮೯. ರುಕ್ಖಾದೋ ದುಮಾದಿಮ್ಹಿ। ವಿಜ್ಜಮಾನೇ ಭೂತಗುಣೇ। ಅರಹನ್ತೇ ‘‘ಯೋ ಚ ಕಾಲಘಸೋ ಭೂತೋ, ಸಭೂತಪಚಿನಿಂ ಪಚೀ’’ತಿ ಸತ್ತೇ ಪಾಣಿಮ್ಹಿ। ಮಹಾಭೂತೇ ಪಥವಾದಿಕೇ। ಅಮನುಸ್ಸೋ ದೇವರಕ್ಖಸಾದಿ। ವಿಜ್ಜಮಾನತ್ಥವಜ್ಜಿತೇ ರುಕ್ಖಾದೋ ನಾರಿಯಂ ನ ಭವತಿ, ವಿಜ್ಜಮಾನತ್ಥೇ, ಪನ ಅತೀತಾದೀಸು ಚ ವಾಚ್ಚಲಿಙ್ಗೋ। ಪತ್ತೇ ಸಮ್ಪತ್ತೇ। ಸಮೇ ತುಲ್ಯತ್ಥೇ।
೭೯೦. ಸಜ್ಜನೇ ಸಪ್ಪುರಿಸೇ।
೭೯೧. ಪದಪೂರಣೇ ‘‘ಸುತ್ತನ್ತ ವನನ್ತಾ’’ತ್ಯಾದೀಸು। ದೇಹಾವಯವೇ ‘‘ಅನ್ತಂ ಅನ್ತಗುಣ’’ನ್ತ್ಯಾದೀಸು ಲಾಮಕಂ ನಿಹೀನಕಂ।
೭೯೨. ನಿಕಾಯೋ ಸನ್ಧಿ ಪಟಿಸನ್ಧಿ। ಸಾಮಞ್ಞೇ ವಿಸೇಸಾಧಾರೇ। ಪಸೂತಿ ಮಾತುಕುಚ್ಛಿತೋ ನಿಕ್ಖಮನಂ, ಕುಲಂ ಖತ್ತಿಯಾದಿಕುಲಂ। ಭವೋ ಭವನಕ್ರಿಯಾ। ವಿಸೇಸ್ಯೋ ಉಪಾಧಿ, ಯಸ್ಸ ವಸೇನ ಭಿನ್ನೇಸು ಸಬಲಾದೀಸು ಅಭಿನ್ನಾ ಧೀಸದ್ದಾ ವತ್ತನ್ತೇ। ಸುಮನಾಯಂ ಮಾಲತಿಯಂ। ಸಙ್ಖತಲಕ್ಖಣೇ ಸಙ್ಖತಧಮ್ಮಾನಂ ಲಕ್ಖಣೇ।
೭೯೩. ಭವಭೇದೋ ಕಾಮಭವಾದಿ। ಪತಿಟ್ಠಾಯಂ ನಿಸ್ಸಯೇ। ನಿಟ್ಠಾ ನಿಪ್ಫತ್ತಿ। ಅಜ್ಝಾಸಯೋ ಅಧಿಪ್ಪಾಯೋ। ಬುದ್ಧಿ ಞಾಣಂ। ವಾಸಟ್ಠಾನಂ ವಸನಟ್ಠಾನಂ। ವಿಸರತ್ತಂ ವಿಸರಣಭಾವೋ। ‘‘ವಿಸದತ್ಥೇ’’ತಿಪಿ ಪಾಠೋ, ತದಾ ಸದಧಾತುಸ್ಸ ವಿಸರಣತ್ಥತಾ ದಟ್ಠಬ್ಬಾ।
೭೯೪. ಫಲೇ ಸೋತಾಪತ್ತಾದಿಕೇ। ಅನಿಚ್ಚಾದಿಅನುಪಸ್ಸನಾ ವಿಪಸ್ಸನಾ ನಾಮ। ಮಗ್ಗೇ ಸೋತಾಪತ್ತಿಮಗ್ಗಾದಿಕೇ।
೭೯೫. ಕಮ್ಮಾರುದ್ಧನಂ ಕಮ್ಮಾರಾನಂ ಉದ್ಧನಂ, ಕಮ್ಮಾರಾನಂ ಯಥಾ ಉಕ್ಕಾತಿ। ಅಙ್ಗಾರಕಪಲ್ಲಂ ಅಙ್ಗಾರಾನಂ ಭಾಜನಂ। ದೀಪಿಕಾ ನಾಮ ಮಧುಚ್ಛಿಟ್ಠಾದಿಮಯಾ ಪದೀಪಕಿಚ್ಚಕಾರಿಕಾ। ಸುವಣ್ಣಕಾರಮೂಸಾ ಮತ್ತಿಕಮಯಾ ಏಕಾ ಭಾಜನವಿಕತಿ। ವಾಯುನೋ ವೇಗೇ ಚ ಉಕ್ಕಾಸದ್ದೋ, ಯೋ ‘‘ದೇವದುದ್ರಭೀ’’ತಿ ವುತ್ತೋ।
೭೯೬. ಕೇಸೋಹಾರಣಂ ಜೀವಿತವುತ್ತಿ ಜೀವಿತಸ್ಸ ವತ್ತನಂ। ವಪನಂ ಬೀಜಸ್ಸ ವಪನಂ। ವಾಪಸಮಕರಣಂ ವಪಿತಸ್ಸ ಬೀಜಸ್ಸ ಸಮಕರಣಂ। ಪವುತ್ತಭಾವೋ ಬನ್ಧನಾ ಮುತ್ತಿ।
೭೯೭-೭೯೮. ಸುತೋ ವಿಸ್ಸುತೇ ಪಾಕಟೇ। ಅವಧಾರಿತೇ ಉಪಲಕ್ಖಿತೇ। ಉಪಚಿತೇ ರಾಸೀಕತೇ। ಅನುಯೋಗೋ ಪುಚ್ಛಾ। ಕಿಲಿನ್ನೇ ತಿನ್ತೇ। ಸೋತವಿಞ್ಞೇಯ್ಯಂ ಸದ್ದಾಯತನಂ। ಸತ್ಥಂ ಸದ್ದಸತ್ಥಾದಿ, ಸುತನಾಮಕೋ ವಾ ಏಕೋ ಸತ್ಥವಿಸೇಸೋ। ಏತೇಸು ದ್ವೀಸು ಅತ್ಥೇಸು ಸುತಂ ನಪುಂಸಕಂ। ಪುತ್ತೇ ಸುತೋ ಪುಲ್ಲಿಙ್ಗೋ, ರಾಜಿನಿಪಿ ಸುತೋ।
೭೯೯. ಯುಗೇ ಕತಾದಿಚತುಕ್ಕೇ। ಲೇಸೋ ಅನುಮಾನಞಾಣವಿಸಯೋ। ಪಞ್ಞತ್ತಿಯಂ ‘‘ಕಪ್ಪತ್ಥೇರೋ’’ತಿ। ಪರಮಾಯುಮ್ಹಿ ‘‘ಕಪ್ಪಂ ಸಗ್ಗಮ್ಹಿ ಸಮಣವೋಹಾರೋ ವಿನಯಾಗತೋ ಸಮಣಾನಂ ವೋಹಾರೋ। ಕಪ್ಪಬಿನ್ದು ಚೀವರೇ ಕತಬಿನ್ದು। ಸಮನ್ತತ್ತೇ ಸಮನ್ತಭಾವೇ। ಅನ್ತರಕಪ್ಪೋ ಮಹಾಕಪ್ಪಸ್ಸ ಅಸೀತಿಮೋ ಭಾಗೋ। ಆದಿಸದ್ದೇನ ಅಸಙ್ಖ್ಯೇಯ್ಯಮಹಾಕಪ್ಪೇ ಸಙ್ಗಣ್ಹಾತಿ। ತಕ್ಕೇ ವಿತಕ್ಕೇ। ವಿಧಿ ವಿಧಾನಂ।
೮೦೦. ವಿರತಿ ವಿರತಿತ್ತಯಂ। ಸಪಥೋ ಅಕ್ಕೋಸೋ। ತಚ್ಛೇ ತಥಭಾವೇ। ಅರಿಯಸಚ್ಚಮ್ಹಿ ದುಕ್ಖಸಚ್ಚಾದಿಕೇ। ದಿಟ್ಠಿ ಮಿಚ್ಛಾದಿಟ್ಠಿ।
೮೦೧. ಸಞ್ಜಾತಿದೇಸೋ ‘‘ಕಮ್ಬೋಜೋ ಅಸ್ಸಾಯತನ’’ನ್ತಿ। ವಾಸಟ್ಠಾನಂ ನಿವಾಸಟ್ಠಾನಂ ‘‘ದೇವಾನಂ ದೇವಾಯತನ’’ನ್ತಿ। ಆಕರೋತಿ ಯತ್ಥ ಸುವಣ್ಣರಜತಾದಯೋ ಉಪ್ಪಜ್ಜನ್ತಿ। ಸಮೋಸರಣಟ್ಠಾನಂ ಬಹೂನಂ ಸನ್ನಿಪಾತಟ್ಠಾನಂ। ಪದಪೂರಣೇ ‘‘ಕಮ್ಮಾಯತನಂ, ಸಿಪ್ಪಾಯತನ’’ನ್ತಿ।
೮೦೨. ವತ್ಥಂ ಅಮ್ಬರಂ। ಅಞ್ಞೋ ಯೋ ಸಕೋ ನ ಹೋತಿ। ಓಧಿ ಮರಿಯಾದೋ। ಭೇದೋ ವಿಸೇಸೋ। ಮನಸಿಪಿ ಚಿತ್ತೇಪಿ।
೮೦೩. ವಿಪಾಕೇ ಇಟ್ಠವಿಪಾಕೇ ಕುಸಲೋ। ಅನವಜ್ಜಾದೀಸು ವಾಚ್ಚಲಿಙ್ಗಿಕೋ।
೮೦೪. ದ್ರವೋ ಮಧುರಾದೀಸು ಛಸು ರಸೇಸು। ಪಾರದೋ ಸೂತೋ। ಸಿಙ್ಗಾರಾದೋ ನವ ನಾಟ್ಯರಸೇ। ರಸರತ್ತಮಂಸಮೇದಟ್ಠಿಸುಕ್ಕಟ್ಠಿಮಿಞ್ಜವಸೇನ ಸತ್ತ ಧಾತವೋ, ತಬ್ಭೇದೇ। ಕಿಚ್ಚೇ ಫಸ್ಸಾದಿಧಮ್ಮಾನಂ ಸಙ್ಘಟ್ಟನಾದಿಕಿಚ್ಚೇ। ಸಮ್ಪತ್ತಿ ತೇಸಂಯೇವ।
೮೦೫. ಬೋಧಿಸದ್ದೋ ಞಾಣದ್ವಯೇ ನಾರಿಯಂ, ಬೋಧಿರಾಜಕುಮಾರಾದಿಪಞ್ಞತ್ತಿಯಂ ಪುಮೇ। ಅಸ್ಸತ್ಥರುಕ್ಖೇ ಪುಮಿತ್ಥಿಯಂ।
೮೦೬. ಯೇನ ಕತ್ತುಭೂತೇನ ಯೋ ಕಮ್ಮಭೂತೋ ನಿಚ್ಚಸೇವಿತೋ, ತತ್ಥಾಪಿ ಕಮ್ಮಭೂತೇ। ವಿಸಯೋ ಅನಞ್ಞಥಾಭಾವೋ। ಜನಪದೇ ಕುರುಆದಿಕೇ। ಗೋಚರೇ ತಬ್ಬಹುಲಾಚಾರೇ।
೮೦೭. ಸತ್ತಾಯಂ ವಿಜ್ಜಮಾನತಾಯಂ।
೮೦೮. ಬನ್ಧವೇ ಸೋ ಪುಮೇ। ಅತ್ತನಿ ಸಂ ನಪುಂಸಕೇ। ಧನಸ್ಮಿಂ ಸೋ ಸಂ ಅನಿತ್ಥಿಯಂ। ಸುನಖೇ ಸಾ ಪುಮೇ ವುತ್ತೋ। ಅತ್ತನಿಯೇ ಸೋ ತಿಲಿಙ್ಗಿಕೋ।
೮೦೯. ಛವಿಸಮ್ಪತ್ತಿಯಂ
೮೧೦. ಜಾಮಾತಾ ಧೀತುಸಾಮಿಕೋ। ಮನ್ದಪ್ಪಿಯೇ ಅಪ್ಪಪಿಯೇ ವರಂ ಅಬ್ಯಯಂ।
೮೧೧. ಮಕುಲೇ ಅವಿಕಾಸಸಮ್ಪತ್ತೇ। ನೇತ್ತಿಂಸಾದಿಪಿಧಾನೇ ಖಗ್ಗಾದೀನಂ ಗೇಹೇ।
೮೧೨. ಪಿತಾಮಹೋ ಬ್ರಹ್ಮಾ। ಪಿತೂಸು ಮಾತಾಪಿತೂಸು। ತಥಾ ಪಕ್ಖನ್ತರೇ। ತಪಸಿ ಸೀಲೇ।
೮೧೩-೮೧೪. ಮಜ್ಝಬನ್ಧೇ ಉರೋಬನ್ಧನೇ। ಪಕೋಟ್ಠೋ ಕಪ್ಪರಸ್ಸಾಧೋಭಾಗೋ। ಕಚ್ಛಬನ್ಧನಂ ಅಧೋಮ್ಬರಸ್ಸ ದಳ್ಹಬನ್ಧನಂ। ಮೇಖಲಾಯಞ್ಚಾತಿ ಕಚ್ಛಾ ಚತೂಸ್ವತ್ಥೇಸು। ಕಚ್ಛೋ ಲತಾದೀಸು। ಕಚ್ಛೋ ಬಾಹುಮೂಲಮ್ಹಿ ಪರೂಳ್ಹಕಚ್ಛನಖಲೋಮೇ, ‘‘ಕಚ್ಛೇಹಿ ಸೇದಾ ಮುಞ್ಚನ್ತೀ’’ತಿ। ಅನೂಪೋ ಬಹೂದಕದೇಸೋ।
೮೧೫. ಮಾನಂ ಪಮಾತರಿ ಪಮಾಣಸ್ಸ ಕತ್ತರಿ।
೮೧೬. ದಬ್ಬಂ ಧನಂ। ಅತ್ತಭಾವೋ ಪಞ್ಚಕ್ಖನ್ಧಸಮೂಹೋ। ಪಾಣೋ ಜೀವಿತಿನ್ದ್ರಿಯಂ। ದಬ್ಬಾದೀಸು ಚತೂಸು ಸತ್ತಂ। ಸತ್ತಾಯಂ ವಿಜ್ಜಮಾನತಾಯಂ ಸತ್ತಾ। ಜನೇ ಸತ್ತೋ। ಸೋ ಸತ್ತಸದ್ದೋ, ಆಸತ್ತೇ ಲಗ್ಗಿತೇ ತಿಲಿಙ್ಗಿಕೋ।
೮೧೭. ಸೇಮ್ಹಾದೋ ತಿದೋಸೇ। ರಸರತ್ತಾದಿ ಪುಬ್ಬೇವುತ್ತೋ। ಪಭಾದಿಕೇ ರೂಪಧಾತುಮ್ಹಿ। ಚಕ್ಖಾದಿಕೇ ವಿಸಯಧಾತುಮ್ಹಿ।
೮೧೮. ಅಮಚ್ಚಾದಿಕಾ ಸತ್ತ ಪಕತಿಯೋ ವುತ್ತಾ। ಸತ್ತಾದಿಸಾಮ್ಯವತ್ಥಾ ಸತ್ತರಜತಮಭೂತಾನಂ ತಿಣ್ಣಂ ಗುಣಾನಂ ಸಾಮ್ಯವತ್ಥಾ। ಪಚ್ಚಯಾ ಣಪಚ್ಚಯಾದಿತೋ ಪಠಮೇ ಪಠಮಸಣ್ಠಿತೇ ಕರೋತ್ಯಾದಿಧಾತುಮ್ಹಿ।
೮೧೯. ಪರಿತ್ತಾಣಂ ವತ್ಥುಮ್ಹಿ ಓಕಾಸೇ। ತಲ್ಲಞ್ಛನಂ ಪಾದಸ್ಸ ಠಾನಂ।
೮೨೦. ಲೋಹಮುಗ್ಗರೇ ಲೋಹಮಯೇ ಮುಗ್ಗರೇ। ತಾಳಾದಿಕೇ ಸಮ್ಮತಾಳಕಂಸತಾಳಾದಿಕೇ। ಕಠಿನೇ ಕಕ್ಖಳೇ।
೮೨೧. ಮಕ್ಖಿಕಾ ನೀಲಮಕ್ಖಿಕಾದಿಕಾ। ತಾಸಂ ಭೇದಾ ಸವಿಸಾ ಮಧುಕತಾ ಪಿಙ್ಗಲಮಕ್ಖಿಕಾ। ಮಧುಮ್ಹಿ ಖುದ್ದಂ ಅಪ್ಪಕಾದೀಸು ಚತೂಸ್ವತ್ಥೇಸು ವತ್ತಮಾನಂ ತೀಸು ಲಿಙ್ಗೇಸು। ಅಧಮೋ ನಿಹೀನೋ। ಕಪಣೋ ಏಕಚಾರೀ।
೮೨೨. ತಕ್ಕೇ ಗೋರಸವಿಸೇಸೇ। ಮರಣಲಿಙ್ಗೇ ಮರಣಞಾಪಕಲಕ್ಖಣೇ। ಅಸುಭೇ, ಸುಭೇ ಚಾತಿ ಚತೂಸ್ವತ್ಥೇಸು ಅರಿಟ್ಠಂ। ಆಸವೋ ಮಜ್ಜವಿಸೇಸೋ। ಫೇಣಿಲದ್ದುಮೋ ‘‘ಬಡೀ-ಯೌ-ಖೋ’’।
೮೨೩. ಗೇಹಾನಂ ದಾರುಬನ್ಧಪ್ಪಯೋಜನಂ ಪೀಠಿಕಾ ನಾಮ। ಪಕ್ಖನ್ದದ್ವಯಸ್ಸ, ಕಣ್ಣಿಕಾದೀನಞ್ಚ ನಿಸ್ಸಯಭೂತಾ ಪೀಠಿಕಾ।
೮೨೪. ಮಿತ್ತಾಕಾರೇ
೮೨೫. ಖನ್ಧೇ ರೂಪಕ್ಖನ್ಧೇ। ಭವೇ ರೂಪಭವೇ। ನಿಮಿತ್ತಮ್ಹಿ ಕಾರಣೇ। ವಪು ಸರೀರಂ।
೮೨೬. ವತ್ಥುಕಿಲೇಸಕಾಮೇಸೂತಿ ವತ್ಥುಕಾಮಕಿಲೇಸಕಾಮೇಸು। ಮದನೇ ಮಾರದೇವಪುತ್ತೇ। ರತೇ ಮೇಥುನೇ। ನಿಕಾಮೇ ಇಚ್ಛಾರಹಿತೇ ಕಾಮಂ ನಪುಂಸಕೇ। ಅನುಞ್ಞಾಯಂ ಕಾಮಮಬ್ಯಯಂ ಭವೇ।
೮೨೭. ವಜ್ಜಭಣ್ಡಮುಖೇ ವೀಣಾದೋಣಿಮುಖೇ। ಮಾತಙ್ಗಸ್ಸ ಹತ್ಥಿನೋ ಕರಕೋಟಿ ಹತ್ಥಗ್ಗಂ।
೮೨೮. ರಮ್ಭೋ ಸಠ್ಯಂ, ಕೇತವನ್ತ್ಯತ್ಥೋ। ಅಸಚ್ಚಂ ಮುಸಾ। ಅಯೋಘನಂ ಯೇನ ಪಹರತಿ। ಗಿರಿಸಿಙ್ಗಮ್ಹಿ ಗಿರಗ್ಗೇ। ಸೀರಙ್ಗೇ ಫಾಲಙ್ಗೇ। ಯನ್ತೇ ಕೂಟಯನ್ತೇ।
೮೩೦. ಪಟಿವಾಕ್ಯೇ ಉತ್ತರಾಸಙ್ಗೇ ಉಪರಿವತ್ಥೇ। ಸೇಟ್ಠಾದೀಸು ಉತ್ತರೋ ತೀಸು, ಪರಸ್ಮಿಂ ಉಪರಿಸ್ಮಿಞ್ಚ ಈರಿತೋ।
೮೩೧. ವಿಮುತ್ತಿ ಅರಹತ್ತಫಲಂ ಮಗ್ಗನಿಬ್ಬಾನಾನಿಪಿ।
೮೩೨. ಸಙ್ಖತೇ ಪಚ್ಚಯಾಭಿಸಙ್ಖತೇ ಧಮ್ಮೇ। ಪುಞ್ಞಾಭಿಸಙ್ಖಾರೋ, ಅಪುಞ್ಞಾಭಿಸಙ್ಖಾರೋ, ಆನೇಞ್ಜಾಭಿಸಙ್ಖಾರೋತಿ ಪುಞ್ಞಾಭಿಸಙ್ಖಾರಾದಿ। ಪಯೋಗೋ ಉಸ್ಸಾಹೋ। ಕಾಯಸಙ್ಖಾರೋ, ವಚೀಸಙ್ಖಾರೋ, ಚಿತ್ತಸಙ್ಖಾರೋತಿ ಕಾಯಸಙ್ಖಾರಾದಿ। ಅಭಿಸಙ್ಖರಣಂ ಅಭಿಸಙ್ಖರಣಕ್ರಿಯಾ।
೮೩೩. ತಬ್ಭಾವೇ ದಿಟ್ಠಿಸಹಗತಂ।
೮೩೪. ಪತಿರೂಪೇ ಯುತ್ತೇ। ಛಾದಿತೇ ತಿಣಾದೀಹಿ। ರಹೋ ಸುಞ್ಞಟ್ಠಾನಂ। ಪಞ್ಞತ್ತಿಯಂ ಛನ್ನೋ ಭಿಕ್ಖು, ಪಞ್ಞತ್ತಿಯಂಯೇವ ಪುಮೇ।
೮೩೫. ಬುದ್ಧಚಕ್ಖು ಸಮನ್ತಚಕ್ಖು ಸಬ್ಬಞ್ಞುತಞಾಣಂ। ಧಮ್ಮಚಕ್ಖು ಹೇಟ್ಠಾಮಗ್ಗತ್ತಯೇ ಞಾಣಂ।
೮೩೬. ಅಭಿಕ್ಕಮೋ ಅಭಿಕ್ಕಮನೀಯೋ।
೮೩೭. ವೇವಚನಂ ಅಭಿನ್ನತ್ಥೋ ಸದ್ದೋ। ಪಕಾರಸ್ಮಿಂ ಭೇದೇ। ಅವಸರೋ ಅವಕಾಸೋ।
೮೩೮. ಚಿತ್ತಕಮ್ಮಂ ಚಿತ್ತಕಾರಾನಂ ಕಮ್ಮಂ। ವಿಚಿತ್ತೇ ನಾನಾವಿಧೇ। ಪಞ್ಞತ್ತಿಯಂ ಚಿತ್ತೋ ಧನುಧರೋಯೇವ। ಚಿತ್ತಮಾಸೋ ಪುಣ್ಣೇನ್ದುಯುತ್ತೇನ ಚಿತ್ತೇನ ನಕ್ಖತ್ತೇನ ಲಕ್ಖಿತೋ ಮಾಸೋ। ತಾರನ್ತರೇ ಚಿತ್ತನಕ್ಖತ್ತೇ। ಥಿಯಂ ನಾರಿಯಂ।
೮೩೯. ಸಾಮಲೇ ನೀಲೇ। ಸಯಮತ್ಥೇ ಸಯಂಸದ್ದಸ್ಸ ಅತ್ಥೇ। ಸಾರಿವಾ ಉಪಾಸಕಾ।
೮೪೦. ‘‘ಪುಮೇ’’ತ್ಯಾದಿನಾ ಗುರುಸದ್ದಸ್ಸ ಅತ್ಥಾ ವುತ್ತಾ, ಅಪರದ್ಧೇನ ಗರುಸದ್ದಸ್ಸ, ‘‘ಏಕದೇಸೇಕತ್ತಮನಞ್ಞಂವೇ’’ತಿ ನ್ಯಾಯೇನ ದ್ವಿನ್ನಮ್ಪಿ ಏಕತ್ತಮಞ್ಞಮಾನೇನ ಗಾಥಾನೇಕತ್ಥವಗ್ಗೇ ಕಥಿತಾ। ಮಹನ್ತೇ ಬಹುತ್ತೇ। ದುಜ್ಜರೇ ಜೀರಾಪೇತುಮಸಕ್ಕುಣೇಯ್ಯೇ, ದುಕ್ಕರೇ ವಾ।
೮೪೧. ಅಚ್ಚಿತೇ ಪೂಜಿತೇ। ಖಿನ್ನೇ ಕಿಲಮಥಪ್ಪತ್ತೇ। ಸಮಿತೇ ಉಪಸಮಿತೇ।
ಗಾಥಾನೇಕತ್ಥವಗ್ಗವಣ್ಣನಾ ನಿಟ್ಠಿತಾ।
೮೪೨. ವಿಸುದ್ಧಿದೇವೋ, ಸಮ್ಮುತಿದೇವೋ, ಉಪಪತ್ತಿದೇವೋ ಚಾತಿ ವಿಸುದ್ಧಿದೇವಾದಿ। ನಭಂ ಆಕಾಸೋ।
ತರುಣಾದೀಸು ತೀಸ್ವತ್ಥೇಸು ಮಾಣವೋ।
೮೪೩. ಆದ್ಯತ್ಥಾದೀಸು ಅಗ್ಗಂ। ವರೇ ಸೇಟ್ಠೇ ತೀಸು।
ಪಚ್ಚನೀಕೋ ಸತ್ತು। ಅಞ್ಞೇ ಅಞ್ಞತ್ಥೇ। ಪಚ್ಛಾಭಾಗೇ ‘‘ಧಾತುಲಿಙ್ಗೇಹಿ ಪರಾ ಪಚ್ಚಯಾ’’ತಿ।
೮೪೪. ಯೋನಿ ಇತ್ಥೀನಂ ಯೋನಿಮಗ್ಗೋ। ಕಾಮೋ ಇಚ್ಛಾ। ಸಿರೀ ಪಞ್ಞಾ, ಪುಞ್ಞೋ ಚ। ಇಸ್ಸರಂ ಪಭುತಾ। ಧಮ್ಮೋ ಸೀಲಾದಿ। ಉಯ್ಯಾಮೋ ವೀರಿಯಂ। ಯಸೋ ಪರಿವಾರೋ, ಕಿತ್ತಿ ಚ।
೮೪೫. ಸಮಙ್ಗಿನಿ ಸಮನ್ನಾಗತೇ।
೮೪೬. ಠಿತಿ ಠಾನಕ್ರಿಯಾ।
೮೪೮. ಖನ್ಧಕೋಟ್ಠಾಸೋ ಪಸ್ಸಾವಮಗ್ಗೋ ಇತ್ಥೀನಂ ಯೋನಿ। ಸೋ ಪುಲ್ಲಿಙ್ಗೋ। ಕೂಲೇ ತೀರೇ।
೮೪೯. ನಾಗೋತುನಾಗಸದ್ದೋ ತು। ಉರಗೇ ಸಪ್ಪೇ, ಹತ್ಥಿನಿ ಚ।
೮೫೦. ಸಙ್ಖ್ಯಾ ಗಣನಾ। ‘‘ಅಞ್ಞತ್ಥೇ’’ತ್ಯೇಕೇ ವದನ್ತಿ।
೮೫೧. ಭೇ ನಕ್ಖತ್ತವಿಸೇಸೇ। ಸನ್ತಿಕೇ ಸಮೀಪೇ। ಮೂಲಮೂಲೇ ಲೋಭಾದಿಕೇ। ಪಾಭತೇ ಮೂಲಧನೇ। ಅಂಸೋ ಸರೀರಾವಯವೋ। ಪಕಣ್ಡೇ ರುಕ್ಖಾದೀನಂ ಸರೀರೇ।
೮೫೨. ಕಮ್ಮೇ ವಿಕೋಪನಂ ವಿದ್ಧಂಸನಂ।
೮೫೩. ಪಚ್ಛಾತಾಪೋ ವಿಪ್ಪಟಿಸಾರೋ। ಅನುಬನ್ಧೋ ಪುನಪ್ಪುನಂ ಪವತ್ತನಂ। ರಾಗಾದೋ ಸತ್ತಕೇ। ಮಾತಙ್ಗಸ್ಸ ಮುದ್ಧನಿ ಪಿಣ್ಡದ್ವಯೇ ಕುಮ್ಭೋ।
೮೫೪. ಖಗ್ಗಕೋಸೇ ಖಗ್ಗಪಿಧಾನೇ। ಪಟಿಚ್ಛದೇ ಸಮನ್ತತೋ ಛಾದನೇ। ಸಾರಮ್ಭೇ ಕೋಲಾಹಲೇ।
೮೫೫. ಕಾಲವಿಸೇಸೋ ದಸಚ್ಛರಕಾಲೋ। ನಿಬ್ಯಾಪಾರಟ್ಠಿತಿ ಅಚಿರಟ್ಠಿತಿ, ಅಚಿರಟ್ಠಿತೀತಿ ದಸಚ್ಛರತೋಪಿ ಊನಟ್ಠಿತಿ।
ಉಪ್ಪತ್ತಿಭೂಮಿ ಜಾತಿಭೂಮಿ।
೮೫೬. ಕಬಳೀಕಾರಾಹಾರಾದೀಸು
೮೫೭. ಸದ್ಧಾಯ ಅಪರಪ್ಪಚ್ಚಯೇ। ಚೀವರಾದೀಸು ಚತೂಸು। ಆಧಾರೋ ನಿಸ್ಸಯೋ।
ದಿಬ್ಬವಿಹಾರೋ, ಅರಿಯವಿಹಾರೋ, ಬ್ರಹ್ಮವಿಹಾರೋ ಚಾತಿ ದಿಬ್ಬವಿಹಾರಾದಿ। ಸುಗತಾಲಯೇ ಭಿಕ್ಖೂನಮಾವಾಸೇ।
೮೫೮. ಸಮತ್ತನೇ ನಿಟ್ಠಾಯಂ। ಚಕಾರೇನ ನಿಯಮಾದಿಕೇ ಸಙ್ಗಣ್ಹಾತಿ।
ಸಙ್ಗೇ ಲಗ್ಗೇ। ಕಾಮಾದೋ ಚತುಕ್ಕೇ।
೮೫೯. ಸಪ್ಪಫಣಙ್ಗೇಸೂತಿ ಸಪ್ಪಸ್ಸ ಫಣೇ, ಅಙ್ಗೇ ಚ ಸರೀರೇ। ಕೋಟಿಲ್ಲೇ ಕುಟಿಲತಾಯ। ಭುಞ್ಜನಂ ಭೋಜನಕ್ರಿಯಾ।
ಭೂಮಿಭಾಗೇ ಕಿಲೇಸೇ ಸಂಕಿಲೇಸೇ। ಮಲೇ ರಾಗಾದಿಕೇ।
೮೬೦. ಧನಾದಿದಪ್ಪೇತಿ ಧನಾದಿಕೇ ಪಟಿಚ್ಚ ಉಪ್ಪನ್ನೇ ದಪ್ಪೇ।
ನಿಮಿತ್ತೇ ಕಾರಣೇ। ಛಲೇ ಸಠ್ಯೇ।
೮೬೧. ಸೋ ಪುಲ್ಲಿಙ್ಗೋ। ಪರಮತ್ತನಿ ದಿಟ್ಠೀನಂ ಗಾಹಲದ್ಧೇ ಅತ್ತನಿ। ಥಮ್ಭಸ್ಮಿಂ ಗೇಹಾದೀನಂ ಥಮ್ಭೇ। ಬಲಸಜ್ಜನಂ ಯುದ್ಧಕಾಲೇ ಬಲಸ್ಸ ಸಜ್ಜನಂ।
೮೬೨. ಕುಸೂಲೋ ಧಞ್ಞಾದೀನಂ ಗೇಹಂ।
ಸೋಪಾನಙ್ಗಮ್ಹಿ ಸೋಪಾನಸೀಸೇ।
೮೬೩. ನಿಯ್ಯಾಸೇ ಸಿಲೇಸೇ। ಸೇಖರೇ ಸೀಸೇ। ನಾಗದನ್ತಕೇ ಭಿತ್ತಿಆದೀಸು ಪವೇಸಿತೇ ನಾಗದನ್ತಾಕಾರೇ ದಣ್ಡೇ।
ಸಿಖಣ್ಡೋ ತೂಣೀರೇ ಉಸುನಿಧಿಮ್ಹಿ। ನಿಕರೇ ಸಮೂಹೇ।
೮೬೪. ಸಂಯತಕೇಸೇಸು ಬನ್ಧಿತಕೇಸೇಸು।
ಕಮ್ಬು ಜಲಜನ್ತುವಿಸೇಸೋ। ನಲಾಟಟ್ಠಿ ನಲಾಟೇ ಜಾತಟ್ಠಿ। ಗೋಪ್ಫಕೇ ಪಾದಗಣ್ಠಿಮ್ಹಿ।
೮೬೫. ಕಾಲೇ ಪಞ್ಚದಸೀದಿವಸಪರಿಮಾಣೇ। ಸಾಧ್ಯೇ ಪತ್ತಸಾಧನೀಯೇ। ಸಖೀ ಸಹಾಯೋ। ವಾಜೋ ಪತ್ತಂ। ಪಙ್ಗುಳೋ ಪೀಠಸಮ್ಪೀ।
ದೇಸೇ ದೇಸವಿಸೇಸೇ। ಅಣ್ಣವೇ ಸಮುದ್ದೇ, ಏತೇ ಪುಮೇ। ಸೋ ಸಿನ್ಧುಸದ್ದೋ ಸರಿತಾಯಂ ನದಿಯಂ ಭವೇ।
೮೬೬. ಕರೇಣುಸದ್ದೋ ಗಜೇ ಹತ್ಥಿಮ್ಹಿ, ಪುರಿಸೇ ಪುಲ್ಲಿಙ್ಗೇ ವತ್ತತಿ। ಹತ್ಥಿನಿಯಂ ತು ಇತ್ಥಿಯಂ।
ರತನೇ ರತನವಿಸೇಸೇ। ಮಣಿವೇಧೋ ನಾಮ ಯಂ ಲೋಕೇ ‘‘ಚಿನ’’ ಇತಿ ವುಚ್ಚತಿ। ಇನ್ದಹೇತಿ ಇನ್ದಾವುಧೋ।
೮೬೭. ಕೋಟಿಯಂ ವಾದಿತ್ತವಾದನೇ ವೀಣಾದಿವಾದಿತ್ತವಾದನೋಪಾಯೇ।
‘‘ಕೋಣೋ ವಜ್ಜಪ್ಪಭೇದೇ ಚ,
ಕೋಣೋ ಸೇಲಗುಳೇ ಇಜೇ।
ವೀಣಾದಿವಾದನೋಪಾಯೇ,
ಏಕದೇಸೇ ಗತಸ್ಸ ಚೇ’’ತಿ॥ –
ತಿಕಣ್ಡಸೇಸೋ
೮೬೮. ವಣಿಪ್ಪಥೇ ವಾಣಿಜಾನಂ ವೋಹಾರಕಮ್ಮಪಥೇ। ವೇದೇ ವೇದವಿಸೇಸೇ, ವಾಣಿಜೇಪಿ ನಿಗಮೋ।
ವಿವಾದಾದೋ ‘‘ವಿವಾದಾಧಿಕರಣ’’ ಆಧಾರೋ ಕಾರಕವಿಸೇಸೋ, ನಿಸ್ಸಯೋ ಚ। ಕಾರಣೇ ‘‘ಯತ್ವಾಧಿಕರಣಮೇನ’’ನ್ತಿ
೮೬೯. ಪಸುಮ್ಹಿ ಗೋಣೇ। ವಸುಧಾ ಪಥವೀ। ವಾಚಾ ವಚನಂ। ಆದಿನಾ ಸಗ್ಗರಂಸಿವಜಿರಚನ್ದಜಲಾದಯೋ ಗಹಿತಾ।
ಹರಿತೇ ವಾಸುದೇವೇ ಕಣ್ಹೇ।
೮೭೦. ಆಯತ್ತೇ ನಿಸ್ಸಯೇ।
ಕಣ್ಣಪೂರೋ ಕಣ್ಣಾಲಙ್ಕಾರೋ। ಸೇಖರೇ ಅಗ್ಗೇ। ಏತೇ ದ್ವಿನ್ನಮ್ಪಿ ಅತ್ಥಾ।
೮೭೧. ವಿಜ್ಜುಯಂ ಚಞ್ಚಲಾಯಂ। ಇತ್ಥಿಪುರಿಸೇ ಪುರಿಸಿತ್ಥಿಯಂ।
ಕೋಣೇ ಅಸ್ಸೇ। ಸಙ್ಖ್ಯಾವಿಸೇಸೋ ‘‘ಕೋಟಿಪಕೋಟೀ’’ತ್ಯಾದೀಸು। ಉಕ್ಕಂಸೇ ಪರಿಯೋಸಾನೇ।
೮೭೨. ಜಾಲಾ ಅಗ್ಗಿಜಾಲಾ। ಅಗ್ಗಂ ಕೋಟಿ।
ನಾರೀ ಆಸೀಸದ್ದೋ ಸಪ್ಪದಾಠಾಯಂ। ಇಟ್ಠಸ್ಸ ವತ್ಥುನೋ ಆಸೀಸನಾಯಂ ಪತ್ಥನಾಯಮ್ಪಿ ಇತ್ಥೀ ಏವ।
೮೭೩. ವಿಲೀನತೇಲೇ ವಸಗಾ ವಸಂ ಗಚ್ಛನ್ತೀ ನಾರೀ। ವಞ್ಚ್ಯಗಾವೀ ಅನವಚ್ಛಾ ಸೋರಭೇಯೀ।
ಅಭಿಲಾಸೇ ಇಚ್ಛಾಯಂ। ಕಿರಣೇ ರಂಸಿಮ್ಹಿ। ಅಭಿಸಙ್ಗೇ ಲಗ್ಗನೇ।
೮೭೪. ಅಂಸೇ ಕೋಟ್ಠಾಸೇ। ಸಿಪ್ಪೇ ನಾಟಕಸತ್ಥಾಗತೇ। ಚನ್ದಸ್ಸ ಸೋಳಸಮೇ ಭಾಗೇ ಚ ಕಲಾ।
೮೭೫. ಬೀಜಕೋಸೇ ವರಾಟಕೇ। ಕಣ್ಣಭೂಸಾಯಂ ಕಣ್ಣಾಲಙ್ಕಾರೇ।
ಆಗಾಮಿಕಾಲೇ ಅನಾಗತಕಾಲೇ। ಪಭಾವೋ ದಣ್ಡತೇಜೋ। ಸಂಯಮೇಪಿ ಆಯತಿ ಭವೇ।
೮೭೬. ಮೇಸಾದಿಲೋಮೇ ಏಳಕಾದೀನಂ ಲೋಮೇ। ಭೂಮಜ್ಝೇ ದ್ವಿನ್ನಂ ಭೂನಂ ಮಜ್ಝೇ ಜಾತಾಯಂ ರೋಮಧಾತುಯಂ ಲೋಮೇ।
ನಟ್ಟಕೀ ನಾಟಕಿತ್ಥೀ। ಮದಿರಾ ಸುರಾ।
೮೭೭. ಕ್ರಿಯಚಿತ್ತೇ ಕರಣೇ ಕರಣಕ್ರಿಯಾಯಂ, ಏತೇಸು ದ್ವೀಸು ಅತ್ಥೇಸು ಕ್ರಿಯಂ। ಕಮ್ಮನಿ ಕತ್ತಬ್ಬೇ ಕ್ರಿಯಾ ನಾರೀ।
ಸುಣಿಸಾಯಂ ಪುತ್ತಸ್ಸ ಭರಿಯಾಯಂ। ಕಞ್ಞಾಯಂ ಅನಿಬ್ಬಿದ್ಧಾಯಂ। ಜಾಯಾಯಂ ಭರಿಯಾಸಾಮಞ್ಞೇ।
೮೭೮. ಇಸ್ಸರಿಯಂ ಪಭುತಾ। ಅಕ್ಖರಾವಯವೇ ಗರುಅಕ್ಖರಾನಂ ಅವಯವೇ।
ಪಾವಚನೇ ಬುದ್ಧವಚನೇ। ಸಿದ್ಧೇ ಸಿದ್ಧನ್ತೇ। ತನ್ತೇ ಸುತ್ತಮಯೇ। ಸುಪಿತೇ ನಿದ್ದಾಸೀಲೇ।
೮೭೯. ರಾಜಲಿಙ್ಗಂ ಖಗ್ಗಾದಿ। ಉಸಭಙ್ಗೋ ಉಸಭಾವಯವೋ। ರುಕ್ಖೇ ರುಕ್ಖವಿಸೇಸೇ। ನಿಮಿತ್ತಂ ಗುಯ್ಹಙ್ಗಂ। ಚಿಹನೇ ಲಕ್ಖಣೇ। ಪದೇ ವಿಭತ್ಯನ್ತೇ।
೮೮೦. ವೋಹಾರೇ ಕೀಳಾದೋ ಕೀಳಾದಿಮ್ಹಿ। ಆದಿನಾ ಜುತಿಥುತಿಗತ್ಯಾದಯೋ ಸಙ್ಗಹಿತಾ।
ಸರೀರೇ ಸರೀರಾಧಿದೇವೇ।
೮೮೧. ಸುಸ್ಸೂಸಾಯಂ ಸೋತುಮಿಚ್ಛಾಯಂ। ಇಸ್ಸಾತ್ಯಾಸೇ ಸರಾಭ್ಯಾಸೇ। ಹಿಂಸನೇಪಿ ಉಪಾಸನಂ।
ಹೇತಿಭೇದೇ ಆವುಧಭೇದೇ। ಸಙ್ಕು ಖಾಣುವಿಸೇಸೋ।
೮೮೨. ವೀಣಾಗುಣೋ ವೀಣಾಯಜಿಯಾ। ತನ್ತಂ ತನ್ತಸದ್ದೋ। ಮುಖ್ಯಂ ಪಧಾನಂ। ಸಿದ್ಧನ್ತಂ ಉದಾಹರಣಂ। ತನ್ತು ಸುತ್ತಂ।
ರಥನಙ್ಗಲಾದೀನಂ ಅಙ್ಗೇ ರಥಾದ್ಯಙ್ಗೇ। ಕಪ್ಪಮ್ಹಿ ಕತಾದಿಕೇ।
೮೮೩. ಇತ್ಥಿಪುಪ್ಫಂ ಇತ್ಥೀನಂ ಉತು। ರೇಣು ಧೂಲೀ। ಪಕತಿಜೇ ಗುಣೇ ತಿಣ್ಣಂ ಗುಣಾನಂ ದುತಿಯೇ ಗುಣೇ।
ನ್ಯಾಸಪ್ಪಣೇ ಠಪಿತಸ್ಸ ಧನಸ್ಸ ದಾನೇ। ದಾನಮ್ಹಿ ತದಞ್ಞಸ್ಸ ದಾನೇ।
೮೮೪. ಗುರು ಉಪಾಯೋ ಹೇತು। ಅವತಾರೋ ಓತರಣಟ್ಠಾನಂ। ಪೂತಮ್ಬು ಪವಿತ್ತಜಲಂ। ದಿಟ್ಠಿ ಬುದ್ಧದಸ್ಸನಾ ಅಞ್ಞದಸ್ಸನಂ। ಆಗಮೇಪಿ ತಿತ್ಥಂ।
ಜೋತಿಸದ್ದೋ ನಕ್ಖತ್ತರಂಸೀಸು ಪಣ್ಡಕೇ ನಪುಂಸಕೇ। ಅಗ್ಗಿಮ್ಹಿ ತು ಸೋ ಪುಮಾ।
೮೮೫. ‘‘ಇತಿ ಸನ್ಧಿಕಪ್ಪೇ ಪಠಮೋ ಕಣ್ಡೋ’’ತ್ಯಾದೀಸು ವಗ್ಗೇ। ಅವಸರೇಪಿ, ಅವಸರೋ ಅವಕಾಸೋ।
ಅಥ ಬಾಹುದ್ವಯಸ್ಸ ಉದ್ಧಂ ಮಾನೇ। ಸೂರತ್ತೇ ಸೂರಭಾವೇ।
೮೮೬. ಪೋರಿಸಂ ಪುರಿಸಕಾರೋ। ಈಹಾ ವೀರಿಯಂ। ನಿಸಿನ್ನಾದ್ಯುಗ್ಗಮೋ ನಿಸಿನ್ನಾದಿಕೋ ಉಗ್ಗಮೋ ಠಾನಂ।
ಅನಿಸ್ಸಯಮಹೀಭಾಗೇ ಲೋಕನಿಸ್ಸಯಭೂತಾನಂ ತರುಪಬ್ಬತನಗರಾದೀನಂ ಅಭಾವತೋ ಅನಿಸ್ಸಯಸಙ್ಖಾತೇ ಸುಞ್ಞಮಹೀಕೋಟ್ಠಾಸೇ। ‘‘ಇರೀಣಂ ಊಸರೇ ಸುಞ್ಞೇ’’ತಿ ತಿಕಣ್ಡಸೇಸೋ। ಊಸರೇ ಊಸವತಿ ಠಾನೇ।
೮೮೭. ಸಾಧನತ್ಥಾದೀಸು ಆರಾಧನಂ। ರಾಧನಂಪ್ಯತ್ರ। ‘‘ಪತ್ತಿಯಂ ಸಾಧನೇ ವುತ್ತಂ, ರಾಧನಂ ತೋಸನೇಪಿ ಚೇ’’ತಿ ತಿಕಣ್ಡಸೇಸೋ।
ಸಾನುಮ್ಹಿ ಪಬ್ಬತಸ್ಸ ಸಮೇ ಭೂಭಾಗೇ। ವಿಸಾಣೇ ಮಾತಙ್ಗದನ್ತೇ, ಪಸೂನಂ ಸಿಙ್ಗೇ ಚ।
೮೮೮. ದಿಟ್ಠಂ ರೂಪಾರಮ್ಮಣಂ। ಆದಿಮಗ್ಗೋ ಸೋತಾಪತ್ತಿಮಗ್ಗೋ। ಞಾಣಂ ಸಾಮಞ್ಞಂ। ಅಕ್ಖಿ ಚಕ್ಖು। ಇಕ್ಖನಂ ಓಲೋಕನಂ। ಲದ್ಧಿ ಗಾಹೋ।
ಸುವಣ್ಣೋ ಪಞ್ಚಧರಣಂ। ಪಞ್ಚಸುವಣ್ಣೋ ನಿಕ್ಖೋ। ಪಸಾಧನಂ ಅಲಙ್ಕಾರವಿಸೇಸೋ।
೮೮೯. ತಿಥಿಭೇದೇ ಹೋರಸತ್ಥಾಗತೇ ಅನಿಟ್ಠಸಮ್ಮತೇ ತಿಥಿಮ್ಹಿ। ಸಾಖಾದಿಫಳುಮ್ಹಿ ರುಕ್ಖಸಾಖಾದೀನಂ ಗಣ್ಠಿಮ್ಹಿ। ಪೂರಣೇಪಿ ಪಬ್ಬಂ।
ಬಲವಾಮುಖೋ ಯತ್ರ ಪ್ಲವಾದಯೋ ಸೀಘಸೋತೇನ ಆಕಡ್ಢಿತ್ವಾ ಪವೇಸಿಯನ್ತಿ।
೮೯೦. ಕಾಮಜೇ ದೋಸೇ ಅಪರಾಧೇ। ಕೋಪಜೇ ದಣ್ಡಫರುಸಾದಿಕೇ ಚ। ವಿಪತ್ತಿಯಂ ವಿನಾಸೇ।
ಉಪಕರಣಂ ಕುಲಾಲಾದೀನಂ ದಣ್ಡಚಕ್ಕಾದಿ। ಸಿದ್ಧಿ ನಿಪ್ಫತ್ತಿ। ಕಾರಕೋ ಕತ್ತಾದಿಸತ್ತವಿಧೋ।
೮೯೧. ದಾನಸೀಲೇ ದಾನಪಕತಿಕೇ ಚ। ವಗ್ಗುವಾದಿನಿ ಮಧುರವಾದಿನಿ ಚ ವದಞ್ಞೂ ಭವೇ। ಇತೋ ಪಟ್ಠಾಯ ಉಸ್ಸಿತಪರಿಯನ್ತೋ ತೀಸು ವುತ್ತೋ। ಅಭಿಸಿತ್ತೇ ಮುದ್ಧಾಭಿಸಿತ್ತೇ ರಾಜಿನಿ।
೮೯೨. ಭಾಗ್ಯವಿಹೀನೇ ಅಪುಞ್ಞೇ। ಅಪ್ಪಕೇ ಅಬಹುಕೇ। ಮೂಳ್ಹೇ ಬಾಲೇ। ಅಪಟು ಅಛೇಕೋ। ಖಲೇ, ಜಗತಿಯಞ್ಚ ಮನ್ದೋ। ವುದ್ಧಿಯುತ್ತೇ ವಡ್ಢನಯುತ್ತೇ। ಸಮುನ್ನದ್ಧೇ ಅನೀಚೇ ಉಸ್ಸಿತಂ ತೀಸು ಭವೇ, ‘‘ಭಾಸಿತ’’ನ್ತಿಪಿ ಪಾಠೋ।
೮೯೩. ರಥಙ್ಗೇ ರಥಾವಯವೇ। ಸುವಣ್ಣಸ್ಮಿಂ ಪಲಸ್ಸ ಚತುತ್ಥಭಾಗೇ। ಪಾಸಕೇ ಚತುವೀಸತಿಪ್ಪಮಾಣೇ, ತಿಂಸಪ್ಪಮಾಣೇ ವಾ ಅಕ್ಖೋ। ಚಕ್ಖಾದಿನ್ದ್ರಿಯೇ ಅಕ್ಖಂ।
ಸಸ್ಸತೇ ನಿಚ್ಚೇ। ತಕ್ಕೇ ವಿತಕ್ಕೇ। ನಿಚ್ಛಿತೇ ವಿನಿಚ್ಛಿತೇ।
೮೯೪. ಹರೇ ಮಹಿಸ್ಸರೇ ಸಿವೋ, ಭದ್ದೇ ಕಲ್ಯಾಣೇ। ಮೋಕ್ಖೇ ನಿಬ್ಬಾನೇ ಚ ಸಿವಂ। ಜಮ್ಬುಕೇ ಸಿಙ್ಗಾಲೇ ಸಿವಾ।
ಸತ್ತಿಯಂ ಥಾಮೇ। ಥೂಲತ್ತೇ ಥೂಲಭಾವೇ।
೮೯೫. ಸಙ್ಖ್ಯಾಭೇದೋ ಉಪ್ಪಲಪುಣ್ಡರೀಕಾನಂ ಮಜ್ಝೇ ಗಣನಾ। ನರಕಭೇದೇ ‘‘ಪದುಮನಿರಯೇ ನಿಬ್ಬತ್ತೋ’’ತ್ಯಾದೀಸು। ವಾರಿಜೇ ಕಕ್ಕಸನಾಳೇ ಕಮಲೇ।
ದೇವಭೇದೇತಿ
‘‘ಆಪೋ ಧುವೋ ಚ ಸೋಮೋ ಚ,
ಧವೋ ಚೇವಾ’ನಿಲೋ’ನಲೋ।
ಪಚ್ಚೂಸೋ ಚ ಪಭಾಸೋ ಚ,
ಅಟ್ಠೇತೇ ವಸವೋ ಮತಾ’’ತಿ
ಕಥಿತೇ ದೇವವಿಸೇಸೇ। ರತನೇ ರತನಸಾಮಞ್ಞೇ, ಧನೇ ಚ, ಪಣ್ಡಕಂ ನಪುಂಸಕಂ।
೮೯೬. ಅತ್ಥಗಮನೇ ಅಪವಗ್ಗೇ ಸಬ್ಬಕಿಲೇಸಾನಂ ಖಯಹೇತುಭೂತೇ ವಿರಾಗಧಮ್ಮೇ।
ಸೇತಮ್ಬುಜೇ ಸೇತಕಮಲೇ। ರುಕ್ಖನ್ತರೇ ‘‘ಪುಣ್ಡರೀಕ’’ಇತಿ ಖ್ಯಾತೇ ದುಮವಿಸೇಸೇ, ದ್ವೀಸ್ವತ್ಥೇಸು ಪುಮೇ।
‘‘ಪುಣ್ಡರೀಕಂ ಸಿತಮ್ಬೋಜೇ, ಸೇತಚ್ಛತ್ತೇ ಚ ಭೇಸಜ್ಜೇ।
ಕೋಸಕಾರನ್ತರೇ ಬ್ಯಗ್ಘೇ, ಸೋ ದಿಸಾವಾರಣಗ್ಗಿಸೂ’’ತಿ॥ –
ನಾನತ್ಥಸಙ್ಗಹೋ।
೮೯೭. ಉಪಹಾರೇ ಪೂಜಾದ್ಯತ್ಥಂ ಆಭತೇ ವತ್ಥುಮ್ಹಿ। ಕರಸ್ಮಿಂ ಖೇತ್ತಾದಿಸಮ್ಭವೇ ರಾಜಭಾಗೇ। ಅಸುರನ್ತರೇ ಬಲಿನಾಮಕೇ ಅಸುರೇ।
ಸಮ್ಭವೇ ಇತ್ಥಿಪುರಿಸಸಮ್ಭವೇ ಅಸುಚಿಮ್ಹಿ ಸುಕ್ಕಂ। ಧವಲೇ ಸೇತೇ ಸುಕ್ಕೋ, ಕುಸಲೇ ಪುಞ್ಞೇ ತೀಸು, ‘‘ಪುಞ್ಞಂ ಧಮ್ಮಮನಿತ್ಥಿಯ’’ನ್ತಿ ಏತ್ಥ ಧಮ್ಮಸದ್ದಸ್ಸ ಅನಿತ್ಥಿಭಾವಸ್ಸ ವುತ್ತತ್ತಾ ಸುಕ್ಕಸದ್ದೋ ತೀಸು ವುತ್ತೋ।
೮೯೮. ವಿಭತ್ತಬ್ಬಧನೇ ವಿಭಜಿತಬ್ಬಧನೇ। ಪಿತೂನಂ ಧನೇ ಪೇತಾನಂ ಮಾತಾಪಿತೂನಂ ಪುತ್ತೇಹಿ ವಿಭಜಿತಬ್ಬಧನೇ ಚ।
ಪಭುನೋ ಪಭುತ್ತಂ, ತಥಾ ಆಯತ್ತಸ್ಸ ಭಾವೋ ಆಯತ್ತತಾ। ಆಯತ್ತೋ ಪುಗ್ಗಲೋ। ಅಭಿಲಾಸೋ ಇಚ್ಛಾ।
೮೯೯. ಧನಿಮ್ಹಿ ಸದ್ದಮತ್ತೇ। ಯೋಧಸೀಹನಾದಮ್ಹಿ ಯೋಧಾನಂ ಅಭೀತನಾದೇ ಚ ಸೇಳನಂ।
೯೦೦. ಆದ್ಯುಪಲದ್ಧಿಯಂ ಪಠಮಸಞ್ಜಾತೇ ವತ್ಥುಮ್ಹಿ।
೯೦೧. ಸಾಧಕತಮೇ ಕತ್ತುತೋ ಅಞ್ಞೇಸಂ ಕ್ರಿಯಾಸಾಧಕತಮೇ ಕರಣಕಾರಕೇ, ಕ್ರಿಯಾಯಂ, ಗತ್ತೇ ಸರೀರೇ ಚ। ಇನ್ದ್ರಿಯೇ ಚಕ್ಖಾದಿಕೇ।
ಕುಞ್ಚಿಕಾಯಂ ಅಪಾಪುರಣೇ। ತೂರಿಯಙ್ಗೇ ಸಮ್ಮತಾಳಾದಿಕೇ।
೯೦೨. ಉಪ್ಪಾದೇ ಜನನೇ। ಗಬ್ಭಮೋಚನೇ ಪುತ್ತವಿಜಾಯನೇ।
ಅಸ್ಸೇ ಅಸ್ಸಮತ್ತೇ।
೯೦೩. ಪುಪ್ಫಂವಿನಾ ಫಲಗ್ಗಾಹಿರುಕ್ಖೇ ಅಸ್ಸತ್ಥಾದೋ, ರುಕ್ಖಮತ್ತೇ ಚ ವನಪ್ಪತಿಸದ್ದೋ। ಆಹತೇ ಉಪಟ್ಠಾಪಿತೇ ವರಾಹಪುರಿಸಾದಿರೂಪೇ ಚ, ರಜತಮತ್ತೇ ಚ ರೂಪಿಯಂ।
೯೦೪. ಕೇಸಸದ್ದೋ ಪುಬ್ಬೋ ಯಸ್ಸ ಪಾಸಸದ್ದಸ್ಸ ಸೋ ಕೇಸಪುಬ್ಬೋ। ಚಯೇ ಸಮೂಹೇ ವತ್ತತಿ, ಯಥಾ ‘‘ಕೇಸಪಾಸೋ’’ತಿ, ಕೇಸಕಲಾಪೋತ್ಯತ್ಥೋ।
ಅಕ್ಖಿಮಜ್ಝೇ ಯಾ ‘‘ಸೂಲಾ’’ತಿ ವುತ್ತಾ। ನಕ್ಖತ್ತೇ ಸತ್ತವೀಸತಿವಿಧೇ, ತದಞ್ಞೇಸು ಚ ತಾರಾ ಇತ್ಥೀ। ಉಚ್ಚತರಸ್ಸರೇ ಉಚ್ಚತರೇ ಸದ್ದೇ ತಾರೋ।
೯೦೫. ಪತ್ತೇ ಭಾಜನಸಾಮಞ್ಞೇ, ಭುಞ್ಜನಪತ್ತೇ ಚ। ಲೋಹಭೇದಸ್ಮಿಂ ಅಯೋತಮ್ಬಾದಿಮಯೇ ಭಾಜನವಿಸೇಸೇ। ದೇಹಮಜ್ಝಂ ಉದರಂ।
೯೦೬. ವೇಸೇ ಸಣ್ಠಾನೇ। ಸಿಪ್ಪಸಾಲಾ ಸಿಪ್ಪೀನಂ ಸಾಲಾ।
ಸಮ್ಪತ್ತಿ ಇತ್ಥೀ ಇತ್ಥಿವಿಸೇಸೋ। ದೇವತಾ ಸಿರೀನಾಮಿಕಾ ಏಕಾ ದೇವಧೀತಾ।
೯೦೭. ಯುವರಾಜಾ ಪಿತರಿ ದೇವಙ್ಗತೇ ರಾಜಭಾವಾರಹೋ ರಾಜಪುತ್ತೋ। ಖನ್ದೇ ಹರಸ್ಸ ಪುತ್ತೇ। ಸುಸು ತರುಣೋ।
ಮಣಿಭೇದೇ ಯೋ ಲೋಕೇ ‘‘ಸನ್ತಾ’’ತಿ ವುಚ್ಚತಿ। ಅಙ್ಕುರೇ ರುಕ್ಖಾದೀನಂ ಅಙ್ಕುರೇ।
೯೦೮. ವೇತನಂ ಕಮ್ಮಕಾರೇಹಿ ಲಭಿತಬ್ಬಧನಂ। ಮೂಲಂ ಮೂಲಧನಂ। ವೋಹಾರೇ ವಾಣಿಜಕಮ್ಮೇ।
ಭಾಜನನ್ತರಂ ಯೇನ ಖೇಳಾದ್ಯಸುಚಿಂ ಪಟಿಗ್ಗಣ್ಹಾತಿ।
೯೦೯. ಅಸುಭೇ ಚ ಕಮ್ಮೇ ಸುಭೇ ಚ ಕಮ್ಮೇ ದ್ವಯೇಪಿ ಕಮ್ಮೇ ಚಾತಿ ತೀಸ್ವತ್ಥೇಸು ಭಾಗ್ಯಂ ವುತ್ತಂ।
ತರುಭೇದೇ ಅಸ್ಸತ್ಥೇ।
೯೧೦. ವಿಮುತ್ತಿಯಂ
‘‘ಅಯಂ ಪುಮಾ’’ತಿ ಜಾನನಸ್ಸ ಕಾರಣಭಾವೋ ಪುಮತ್ತಂ, ತದಾದಿಮ್ಹಿ।
೯೧೧. ಅಜ್ಝಾಯೇ ಪರಿಚ್ಛೇದೇ। ದಿವೇ ದೇವಲೋಕೇ।
೯೧೨. ಸಪತ್ತಸ್ಮಿಂ ಅಮಿತ್ತೇ। ರುಕ್ಖಙ್ಗೇ ರುಕ್ಖಾವಯವೇ।
೯೧೩. ಮುಖ್ಯೇ ಪಧಾನೇ। ಉಪಾಯೇ ಹೇತುಮ್ಹಿ। ವದನೇ ಲಪನೇ। ಆದಿಸ್ಮಿಂ ಪಠಮೇ।
ಭಬ್ಬೇ ವಿಮುತ್ತಾರಹೇ, ಭವಿತಬ್ಬೇ ಚ। ಗುಣಾಧಾರೇ ಗುಣಸ್ಸ ನಿಸ್ಸಯೇ। ವಿತ್ತೇ ಧನೇ। ಬುಧೇ ಪಣ್ಡಿತೇ। ದಾರು ದಾರುಕ್ಖನ್ಧೋ।
೯೧೪. ಪತ್ಥಾದೋ ಪತ್ಥೋ, ತುಲಾ, ಅಙ್ಗುಲೀತಿ ಪತ್ಥಾದಿ। ವಿಧಾಯ ಉನ್ನತಿಯಂ। ಪರಿಸ್ಸಮೇ ಖೇದೇ।
೯೧೫. ಸರೋರುಹೇ ಕಮಲೇ। ಖಗನ್ತರೇ ರುಕ್ಖಕಿಮಿಖಾದಕಸಕುಣೇ। ತೂರಿಯನ್ತರೇ ವಂಸಸಙ್ಖಾದಿಕೇ।
೯೧೬. ಸಂವೇಗೇ ಉಬ್ಬೇಗೇ, ವಿಮ್ಹಯೇ ಚ।
೯೧೭. ತದುಪೇತನಿಸಾಯ ಚನ್ದಪ್ಪಭಾಯ ಯುತ್ತರತ್ತಿಯಂ।
೯೧೮. ಮಾಸೇ ತತಿಯಮಾಸೇ। ಅತಿವುದ್ಧೇ ಚ ಅತಿಪಸತ್ಥೇ ಚ।
೯೧೯. ನಿಬನ್ಧೇ ಬಲಕ್ಕಾರೇ ‘‘ಬಲಗ್ಗಹೋ’’ತ್ಯಾದೀಸು।
ಮತ್ತಿಕಾಭೇದೋ ನೀಲಾದಿವಣ್ಣಯುತ್ತಕಿತ್ತಿಮಮತ್ತಿಕಾ। ಸಿಕ್ಕಾಯಂ ಉದಕಕುಮ್ಭಾದಿವಾಹಿಕೇ। ನಯನಾಮಯೇ ಚಕ್ಖುರೋಗವಿಸೇಸೇ।
೯೨೦. ಮಣ್ಡಲೇ ಬಿಮ್ಬಂ।
೯೨೧. ಪಥೇ ಅಞ್ಜಸೇ।
೯೨೨. ಸನ್ತಿ ನಿಬ್ಬಾನಂ। ನಿಭೇ ಸದಿಸೇ।
ಚಾಪೇ ಧನುಮ್ಹಿ ಇಸ್ಸಾಸಂ। ಉಸುನೋ ಸರಸ್ಸ ಖೇಪಕಮ್ಹಿ ಪೇರಕೇ ಇಸ್ಸಾಸೋ।
೯೨೩. ಬಾಲಸದ್ದೋ ತೀಸು। ಕುತ್ರತ್ಥೇಸು? ಆದಿವಯಸಾ ಪಠಮವಯೇನ ಸಮಙ್ಗಿನಿ ಸಮನ್ನಾಗತೇ ಚ। ಅಪಣ್ಡಿತೇ ಮೂಳ್ಹೇ ಚ।
ಸೋಣಿತೇ ಲೋಹಿತೇ। ತಮ್ಬಂ ಉದುಮ್ಬರಂ। ಅನುರತ್ತೋ ಅನುರಾಗಯುತ್ತೋ ಪುಗ್ಗಲೋ। ರಞ್ಜಿತಂ ರಙ್ಗರಞ್ಜಿತಂ।
೯೨೪. ವಿರಳೇ ನಿರನ್ತರೇ। ಕಿಸೇ ಅಥೂಲೇ। ಹಿಮೇ ತುಹಿನೇ।
೯೨೫. ಗುಳಭೇದೋ ಕಠಲೇ ಸಿಲಾಖಣ್ಡೇ।
೯೨೬. ತಿಖಿಣೇ ತಿಕ್ಖೇ। ಬ್ಯತ್ತೇ ಛೇಕೇ। ರೋಗಮುತ್ತೇ ನಿರೋಗೇ।
ಖತ್ತಿಯೇ ಮುದ್ಧಾಭಿಸಿತ್ತೇ। ನರನಾಥೇ ತದಞ್ಞಸ್ಮಿಂ। ಪಭುಮ್ಹಿ ಇಸ್ಸರೇ।
೯೨೭. ಧಞ್ಞಕರಣಂ ಧಞ್ಞಮದ್ದನಟ್ಠಾನಂ। ಕಕ್ಕೇ ನಹಾನಚುಣ್ಣೇ। ನೀಚೇ ಅಧಮೇ। ಸೇತೇಪಿ ಖಲೋ।
೯೨೮. ಬ್ರಹ್ಮಚಾರೀ ಚ ಗಹಟ್ಠೋ ಚ ವಾನಪ್ಪತ್ಥೋ ಚ ಭಿಕ್ಖು ಚಾತಿ ಬ್ರಹ್ಮಚಾರೀಗಹಟ್ಠಾದಿ, ತಪೋಧನೇ ಪಿಯಸೀಲೇ।
ಕಠಿನೇ ಕಕ್ಖಳೇ। ನಿದ್ದಯೇ ನಿಕ್ಕರುಣೇ।
೯೨೯. ಕನಿಟ್ಠೋ
ಇಟ್ಠೇ, ನಿಸ್ಸಾರೇ ಚ ಅಗರುಮ್ಹಿ ಚಾತಿ ಏತೇಸ್ವತ್ಥೇಸು ತೀಸು।
೯೩೦. ಅಧೋಭಾಗೇ ಚ ಹೀನೇ ಚ। ದನ್ತಚ್ಛದೇ ದನ್ತಾವರಣೇ।
ಪಾರಿಚರಿಯಾಯಂ ಉಪಟ್ಠಾಕೇ।
೯೩೧. ರತನೇ ದ್ವಿವಿದತ್ಥಿಕೇ। ಗಣೇ ಸಮೂಹೇ ಯಥಾ ‘‘ಕೇಸಹತ್ಥೋ’’ತಿ। ಸೋಣ್ಡಾಯ ಕರಿಕರೇ। ಭನ್ತರಂ ತೇರಸಮನಕ್ಖತ್ತಂ।
ಆವಾಟೇ ಕಾಸುಯಂ। ಉದಪಾನಂ ಅನ್ಧು, ಯತ್ರ ಜಲಂ ಘಟಿಯನ್ತೇನ ಉದ್ಧರಿತ್ವಾ ಪಿವನ್ತಿ।
೯೩೨. ಪಠಮಂ ಪಮುಖಞ್ಚಾತಿ ಇದಂ ಅಭಿಧಾನದ್ವಯಂ ಆದಿಮ್ಹಿ ಪಧಾನೇ ವತ್ತತಿ।
ವಜ್ಜಭೇದೋ ಉಭಯತಲಂ ತೂರಿಯಂ।
೯೩೩. ಥಿರಂಸೋ
ಖನ್ಧಭಾರೋ ಖನ್ಧೇನ ವಹಿತಬ್ಬೋ ಭಾರೋ। ಆದಿನಾ ಕಟಿಭಾರಾದಯೋ ಗಹಿತಾ। ಯಸ್ಮಾ ಪಲಸತಂ ತುಲಾ, ವೀಸತಿತುಲಾ ಭಾರೋ, ತಸ್ಮಾ ‘‘ದ್ವಿಸಹಸ್ಸಪಲೇ’’ತಿ ವುತ್ತಂ।
೯೩೪. ಮನ್ದಿರೇ ಗೇಹೇ। ರೋಗಭೇದೇ ಖಯರೋಗೇ। ಅಪಚಯಮ್ಹಿ ವಿದ್ಧಂಸನೇ, ವಿನಾಸೇ ಚ।
ಸಾಪದೇ ಬ್ಯಗ್ಘಾದಿಕೇ ದುಟ್ಠಮಿಗೇ। ಸಪ್ಪೇ ಉರಗೇ। ಕುರೂರೇ ಕಕ್ಖಳೇ।
೯೩೫. ಸಜ್ಜದುಮೇ ಅಸ್ಸಕಣ್ಣರುಕ್ಖೇ। ರುಕ್ಖೇ ರುಕ್ಖಮತ್ತೇ।
ಸೋತೇ ಕಣ್ಣೇ। ಯಜನೇ ಪೂಜನೇ। ಸುತಿಯಂ ಸವನಕ್ರಿಯಾಯಂ।
೯೩೬. ಪೇತೋ ಮತೇ ಕಾಲಙ್ಕತೇ ಚ ಪೇತಯೋನಿಜೇ ಪೇತಯೋನಿಸಮ್ಭವೇ ಸಿಯುಂ।
ಖ್ಯಾತೇ ಪಾಕಟೇ। ಹಟ್ಠೇ ಪಹಟ್ಠೇ।
೯೩೭. ಅಧಿಪ್ಪಾಯೇ ಅಜ್ಝಾಸಯೇ।
ಪಕ್ಖೇ ಸಕುಣಾದೀನಂ ಪಕ್ಖೇ। ದಲೇ ರುಕ್ಖಾದೀನಂ ಛದೇ। ಭಾಜನೇ ಲೋಹಮಯಾದಿಕೇ। ‘‘ಸೋಗತೇ’’ತಿ ಇದಂ ‘‘ಭಾಜನೇ’’ತಿ ಇಮಸ್ಸ ವಿಸೇಸನಂ। ಸೋಗತೇ ಸುಗತಸ್ಸ ಸನ್ತಕೇ ಭಾಜನೇತ್ಯತ್ಥೋ।
೯೩೮. ಸುಟ್ಠುಕತೇ ಸಮ್ಮಾ ಕತೇ ಕಮ್ಮನಿ।
ಅನುಕಮ್ಪಾಯಾರಹೇ ದುಕ್ಖಿತಸತ್ತೇ।
೯೩೯. ಧನಿಮ್ಹಿ
೯೪೦. ವಿಹಿತೇ ವಿಧಾತಬ್ಬೇ।
ಅಞ್ಜಸೇ ಮಗ್ಗೇ। ವಿಸಿಖಾ ರಚ್ಛಾ। ಪನ್ತಿಯಂ ಪಾಳಿಯಂ।
೯೪೧. ಗಗನೇ ಆಕಾಸೇ। ಬ್ಯಸನೇ ವಿಪತ್ತಿಯಂ।
ನೇತ್ತರೋಗೇ ಚಕ್ಖುರೋಗವಿಸೇಸೇ। ಛದಿಮ್ಹಿ ಗೇಹಾದೀನಂ ಛದನೇ।
೯೪೨. ಸಙ್ಘಟ್ಟನೇ ದ್ವಿನ್ನಂ ಅನ್ತರಭೂತೇ। ಪುನ ಸನ್ಧೀತಿ ಪದಪೂರಣತ್ಥಂ ವುತ್ತಂ। ಅತಿಸನ್ತೇ ಅತಿಸಮಿತೇ।
೯೪೩. ಯಾಪನಾ ದಿತ್ತಿ ಜಲನಂ। ಬಲಂ ಥಾಮೋ।
೯೪೪. ಕುಚ್ಛಿ ಉದರಂ। ಓವರಕೋ ಗೇಹವಿಸೇಸೋ।
ಖಣ್ಡನೇ ಛೇದನೇ। ಇತಿವುತ್ತೇ ಚ ಕಮ್ಮನೀತಿ ‘‘ಇತಿ ಏವಂ ಮಯಾ ಪುಬ್ಬೇ ಚರಿತ’’ನ್ತಿ ವತ್ತಬ್ಬೇ ಸುಭಾಸುಭಕಮ್ಮೇ। ‘‘ಅತಿವತ್ತೇ ಚ ಕಮ್ಮನೀ’’ತಿಪಿ ಪಾಠೋ, ಅತೀತಕಾಲೇ ಪವತ್ತಕಮ್ಮನೀತ್ಯತ್ಥೋ।
೯೪೫. ಚಿತ್ತಕೇ ನಲಾಟೇ ಕತಕಾಳಾದಿಬಿನ್ದುಮ್ಹಿ ರುಕ್ಖಭೇದೇ ಮರೀಚಪ್ಪಮಾಣಮ್ಬಿಲರುಕ್ಖೇ, ಯಸ್ಸ ಫಲೇನ ಅಮ್ಬಿಲಸೂಪಂ ಪಚನ್ತಿ। ತಿಲಕಾಳಕೇ ತಂತಂಸರೀರಾವಯವೇ ಸಞ್ಜಾತತಿಲಸಣ್ಠಾನೇ ಕಾಳಕೇ।
ಬೋಧೇ ಬುಜ್ಝನೇ। ಪತ್ತಿ ಲಾಭೋ, ಪಾಪುಣಞ್ಚ।
೯೪೬. ಆಯುಮ್ಹಿ ಜೀವಿತೇ। ಹದಯಙ್ಗಾನಿಲೇ ಉರೋಗಮವಾತೇ।
ವಸೇ ವೇದೇ ಚತುಬ್ಬಿಧವೇದೇ। ಇಚ್ಛಾ ಆರಮ್ಮಣಿಚ್ಛಾ।
೯೪೭. ಸಿರಸಟ್ಠಿಮ್ಹಿ ಸಿರಸೋ ಅಟ್ಠಿಮ್ಹಿ। ಘಟಾದಿಸಕಲೇ ಘಟಾದಿಖಣ್ಡೇ।
೯೪೮. ವೇಣ್ವಾದಿಸಾಖಾಜಾಲಸ್ಮಿನ್ತಿ ವೇಣುಆದೀನಞ್ಚ ಅಞ್ಞಮಞ್ಞಸಂಸಗ್ಗೇ ಸಾಖಾಸಮೂಹೇ। ಲಗ್ಗಕೇಸೇ ತಾಪಸಾದೀನಂ ಲಗ್ಗಕೇಸೇ। ಆಲಯೇ ತಣ್ಹಾಯಂ।
ವಧೇ ಮಾರಣೇ। ರಕ್ಖಿತಸ್ಮಿಂ ಕಮ್ಮನಿ, ಕತ್ತರಿ ಚ।
೯೪೯. ಥಿಯಂ ಇತ್ಥಿಯಂ। ಪಿಯೇ ಸಾಮಿಕೇ। ಮನುಞ್ಞೇ ಮನಸೋ ತೋಸನಜನಕೇ। ಗವಕ್ಖೇ ಸೀಹಪಞ್ಜರೇ।
೯೫೦. ಕಿಂ ಸದ್ದೋ ಪುಚ್ಛನತ್ಥಾದೀಸು ಸಲಿಙ್ಗೋ। ವಿಕಪ್ಪತ್ಥಾದೀಸು ತು ಅಬ್ಯಯಂ।
ಸಸದ್ಧೇ ನಿವಾಪೇ ಪೇತಾದೀನಂ ಕತ್ತಬ್ಬಪೂಜಾದಾನೇ। ಪಚ್ಚಯೇ ಸದ್ದಹನೇ ಸದ್ಧಾ।
೯೫೧. ಅಟ್ಠಿಸ್ಮಿಂ ‘‘ಪನಸಬೀಜಂ ತಾಲಬೀಜ’’ನ್ತ್ಯಾದೀಸು। ಸುಕ್ಕೇ ಚ ಬಿಜಂ।
ಪೂಯೇ ಪಕ್ಕವಣಸಞ್ಜಾತೇ। ಅಗ್ಗತೋ ಪುರತೋ। ದಿಸಾದೋ ಸೂರಿಯುಗ್ಗಮನದಿಸಾಯಂ। ಸಾ ಹಿ ದಿಸಾನಂ ಆದಿಭೂತಾ, ‘‘ದಿಸಾ’’ತಿ ವಾ ದಿಸಾವಿಸೇಸೋ। ಆದಿನಾ ಪುಬ್ಬಜಾದೀನಂ ಗಹಣಂ।
೯೫೨. ಆಗಮನೇ ಅಸನ್ತುಪ್ಪತ್ತಿಕ್ರಿಯಾಯಂ। ದೀಘಾದಿನಿಕಾಯಸ್ಮಿಂ ದೀಘನಿಕಾಯಮಜ್ಝಿಮನಿಕಾಯಾದಿಕೇ।
೯೫೩. ದೇವರುಕ್ಖೋ ಸಿರೀಸೋ। ಸನ್ತತಿಯಂ ವಂಸೇ।
ಉತ್ತರವಿಪರೀತೇ ಅಸೇಟ್ಠೇ, ಇಮಸ್ಮಿಂ ಅತ್ಥೇ ನಕಾರೋ ಪಟಿಸೇಧತ್ಥೋ। ಸೇಟ್ಠೇ ಉತ್ತಮೇ। ಇಮಸ್ಮಿಂ ಅತ್ಥೇ ಪಟಿಸೇಧತ್ಥೋವ ನಕಾರೋ। ‘‘ಅನು ಉತ್ತರ’’ನ್ತಿ ಛೇದೋ ಚ ವಿಞ್ಞೇಯ್ಯೋ।
೯೫೪. ಸತ್ತಿಸಮ್ಪತ್ತಿಯಂ ಕನ್ತಿಮತ್ತೇ ಕಮನೀಯಮತ್ತೇ। ಸೂರವೀರಿಯೇಸುಪಿ ವಿಕ್ಕಮೋ।
ಪಟಿಬಿಮ್ಬೇ ಪತಿರೂಪಕೇ। ಪಭಾಯಂ ಆಲೋಕೇ।
೯೫೫. ಘಮ್ಮೋ ನಿದಾಘೋ ಚಾತಿ ದ್ವೇ ಅಭಿಧಾನಾನಿ। ಸೇದಜಲೇ ಕಾಯತೋ ಮುತ್ತೇ।
ಕನ್ತನೇ ಛೇದನೇ। ವಿಕಪ್ಪೇ ವಿತಕ್ಕೇ। ಸಜ್ಜನೇ ಹತ್ಥಾದೀನಂ ಸಜ್ಜನೇ।
೯೫೬. ದೇಸೋ ದೇಸವಿಸೇಸೋ। ಅಙ್ಗಸದ್ದೋ ಪುಂಬಹುತ್ತೇ। ‘‘ಬಹುಮ್ಹೀ’’ತಿಪಿ ಪಾಠೋ। ಅಙ್ಗಸದ್ದೋ ಬಹುತ್ತೇ ದೇಸೇತ್ಯತ್ಥೋ। ವಪುಮ್ಹಿ ಸರೀರೇ ಅಙ್ಗಂ। ಅವಯವೇ ಹೇತುಮ್ಹಿ ಚ ಅಙ್ಗಂ।
‘‘ಅಙ್ಗಂ ಗತ್ತನ್ತಿಕೋಪಾಯ-ಪತಿಕೇಸ್ವ’ಪ್ಪಧಾನಕೇ।
ಅಙ್ಗದೇಸವಿಸೇಸಮ್ಹಿ, ಅಙ್ಗಾ ಸಮ್ಬೋಧನೇ’ಬ್ಯಯ’’ನ್ತಿ॥ –
ನಾನತ್ಥಸಙ್ಗಹೇ।
ಚೇತಿಯದುಮೇ ಪೂಜೇತಬ್ಬಭೂತೇ ರುಕ್ಖೇ ಅಸ್ಸತ್ಥಾದೋ।
೯೫೭. ಸಾಧುಪುರಿಸೇ ಕಪ್ಪನೇ ಹತ್ಥಾದೀನಂ ಕಪ್ಪನೇ। ‘‘ಸಜ್ಜನೇ ಸಜ್ಜನಾ ಕಪ್ಪನಾಯ’’ನ್ತಿ ನಾನತ್ಥಸಙ್ಗಹೋ।
ಸುಪನೇ ನಿದ್ದಾಯಂ। ಸುತ್ತೇ ಅಜಾಗರಿತೇ। ವಿಞ್ಞಾಣೇ ಸುತ್ತಸ್ಸ ವಿಞ್ಞಾಣೇ ಚಿತ್ತೇ ತಂ ಸುಪಿನವಚನಂ। ದಸ್ಸನೇ ಚ ಸುಪಿನಂ।
೯೫೮. ಪಚ್ಚಕ್ಖೇ ಸಮ್ಮುಖೇ। ಸನ್ನಿಧಾನೇ ಪಯೋಗೇ, ವಿಧಾನೇ ಚ। ಭಿಯ್ಯೋಸದ್ದೋ ಪಹೂತರತ್ಥೇ ಸೋ ಪುಮಾ।
೯೫೯. ವಿಸಲಿತ್ತಸರೇ ವಿಸೇನ ಲೇಪಿತಸರೇ ದಿದ್ಧೋ ಪುಮಾ। ಲಿತ್ತೇ ಲೇಪಿತಬ್ಬಸಾಮಞ್ಞೇ।
ವಾಸೇ ವಸನೇ। ಧೂಮಾದಿಸಙ್ಖಾರೇ ಗನ್ಧಚುಣ್ಣಧೂಮಾದಿನಾ ಅಭಿಸಙ್ಖಾರೇ। ಸಮ್ಪಟಿಚ್ಛನೇ ಪಟಿಗ್ಗಹಣೇ।
೯೬೦. ಸುಪ್ಪಗಬ್ಭೇ ವಚನಸೂರೇ।
ಮಧುಚ್ಛಿಟ್ಠೇ ಮದನೇ, ಯೇನ ದೀಪಮ್ಪಿ ಜಾಲೇನ್ತಿ। ಓದನಸಮ್ಭವೇ ಭುತ್ತೋದನತೋ ಪತಿತೇ ಲಾಮಕಸಮ್ಮತೇ ಓದನಬಿನ್ದುಮ್ಹಿ।
೯೬೧. ಸುರಭಿಮ್ಹಿ
ಉಪ್ಪತ್ತಿಯಂ ಉದ್ಧಙ್ಗಮನೇ ಚ ಉಗ್ಗಮನಂ।
೯೬೨. ಲೂಖೇ ಸಮಲೇ, ಕಕ್ಖಳೇ ಚ। ನಿಟ್ಠುರವಾಚಾಯಂ ಅಕಣ್ಣಸುಖವಚನೇ।
ಅಮ್ಬುವೇಗೇ ಅಮ್ಬುನೋ ಉದಕಸ್ಸ ವೇಗೇ ಸೋತೇ।
೯೬೩. ತಪ್ಪರೇ ತಪ್ಪಧಾನೇ। ಕವಚೇ ಉರಚ್ಛದೇ। ವಾರವಾಣೇ ಚಮ್ಮಮಯೇ ಯುದ್ಧಾಲಙ್ಕಾರೇ ಚ। ನಿಮ್ಮೋಕೇ ಸಪ್ಪಾನಂ ಜಿಣ್ಣಚಮ್ಮನಿ।
೯೬೫. ಪದಾನೇ ದಾನೇ। ಸೇಲೇ ಪಬ್ಬತೇ।
೯೬೬. ಲೋಹೇ ಸಞ್ಚಯೇ ಸಮೂಹೇ ಸತ್ಥೋ। ಯಥಾ ‘‘ಸಕಟಸತ್ಥೋ’’ತ್ಯಾದಿ। ವತ್ತನೇ ಪವತ್ತನೇ।
೯೬೭. ವಲಯೇ ಕಟಕೇ।
೯೬೮. ಕಣ್ಡೇ ವಾಣೇ। ವಾಪಿಮ್ಹಿ ದೀಘಿಕಾದಿಕಾಯಂ। ದುಪ್ಫಸ್ಸೇ ದುಕ್ಖಸಮ್ಫಸ್ಸೇ। ಕಕಚೇ ಖರಪತ್ತೇ।
೯೬೯. ಸುರಾಯ ಕಾದಮ್ಬರಿಯಂ, ಯಾಯ ಪೀತಾಯ ಮತ್ತಾ ಸತ್ತಾ ಅನಾಗಮನೀಯವತ್ಥೂಸುಪಿ ಗಚ್ಛನ್ತಿ। ರಥಙ್ಗೇ ಚಕ್ಕೇ। ಕಾಮುಪಧಿಆದೀಸು ಚತೂಸು ಉಪಧೀಸು ಚ ಉಪಧಿ, ಅನಿತ್ಥೀ।
೯೭೦. ದಬ್ಬೇ ಭೂಭೇದೋ ವತ್ಥಾದಿ। ಮಹಾರಾಜೇ ಚತೂಸು ಮಹಾರಾಜೇಸು ಏಕಸ್ಮಿಂ ಮಹಾರಾಜೇ। ನರೇ ಸತ್ತೇ।
೯೭೧. ಆಪಣೇ ಕಯವಿಕ್ಕಯಟ್ಠಾನೇ। ಸಮ್ಭಾರೇ ಉಪಕರಣೇ। ‘‘ರಥೋ ಸೀಲಪರಿಕ್ಖಾರೋ, ಝಾನಕ್ಖೋ ಚಕ್ಕವೀರಿಯೋ’’ತಿ ‘‘ಪರಿಕ್ಖಾರೋ’’ತಿ ವುತ್ತೋ।
೯೭೨. ವೋಹಾರಸ್ಮಿಂ ರಥಸಕಟಾದಿವೋಹಾರೇ। ಉಪಟ್ಠಿತಗಿರಾ ಸದ್ದತೋ ಅತ್ಥತೋ ಚ ಪಾಕಟಗಿರಾ।
೯೭೩. ವಚನಾವಯವೇತಿ ವಾಕ್ಯಾವಯವೇ। ಹೇತುದಾಹರಣಾದಿಯುತ್ತಸ್ಸ ಸಮ್ಬನ್ಧತ್ಥಸ್ಸ ವಚನಸಮೂಹಸ್ಸ ಅವಯವೇ। ಮೂಲೇ ಲೋಭಾದಿಕೇ। ಕಾರಣೇ ಲೋಭಾದಿತೋ ಅಞ್ಞಸ್ಮಿಂ ಕಾರಣೇ। ಪಾಚಾನಲಸ್ಮಿಂ ಉದರಟ್ಠೇ ಭುತ್ತಪಾಚನೇ ಕಮ್ಮಜತೇಜಸ್ಮಿಂ। ರೋಗಭೇದೇಪಿ ಗಹಣೀ।
೯೭೪. ಸಂಯಮೇ
೯೭೫. ಮುದ್ದಿಕಸ್ಸ ರುಕ್ಖಸ್ಸ ರಸೇ ಚ। ಪುಪ್ಫಸ್ಸ ಸಬ್ಬಸ್ಸ ಪುಪ್ಫಸ್ಸ ರಸೇ ಚ। ಖುದ್ದೇ ಮಕ್ಖಿಕಾಕತೇ ಚ ಮಧು ಪುನ್ನಪುಂಸಕಂ।
‘‘ಮಧು ಖುದ್ದೇ ಜಲೇ ಖೀರೇ, ಮಜ್ಜೇ ಪುಪ್ಫರಸೇ ಮಧು।
ರಚ್ಛೇ ಚಿತ್ತೇ ವಸನ್ತೇ ಚ, ಜೀವಸಾಕೇ ಮಧುದ್ದುಮೇ’’ತಿ॥ –
ನಾನತ್ಥಸಙ್ಗಹೇ।
ಉಲ್ಲೋಚೇತಿ ಸೇಯ್ಯಾದೀನಂ ಉಪರಿಭಾಗೇ ರಜೋಪಾತನಿವಾರಣತ್ಥಂ ಠಪಿತೇ ದುಸ್ಸಮಯಾದಿಕೇ।
೯೭೬. ಅಪವಗ್ಗೇ ನಿಬ್ಬಾನೇ। ಸುಧಾಯಂ ದೇವತಾನಂ ಭೋಜನೇ।
‘‘ಅಮತಂ ಯಞ್ಞಸೇಸಸ್ಮಿಂ, ಪೀಯೂಸೇ ಸಲಿಲೇ ಘತೇ।
ಅಯಾಚಿತೇ ಚ ಮೋಕ್ಖೇ ಚ, ಧನ್ವನ್ತರಿಸುಧಾಸಿಸು।
ಅಮತೋ ಅಮತಾ ಸಿವಾ-ಗಳೋ ಝಾಮಲಕೀಸು ಚೇ’’ತಿ
ನಾನತ್ಥಸಙ್ಗಹೇ ವುತ್ತಂ। ಮೋಹೇ ಅವಿಜ್ಜಾಯಂ। ತಿಮಿರೇ ಅನ್ಧಕಾರೇ। ಸಙ್ಖ್ಯಾ ಗಣನವಿಸೇಸೋ। ಗುಣೇ ತತಿಯೇ ಗುಣೇ।
೯೭೭. ಖರೇ ಅಕಾರಿಯೇ ಅಕತ್ತಬ್ಬೇ। ಪುರಿಸೇ ಪುಲ್ಲಿಙ್ಗೇ। ಸುಕತೇ ಕುಸಲೇ ಧಮ್ಮೇ ಪುಞ್ಞಂ ಪಣ್ಡಕೇ ನಪುಂಸಕೇ। ಪವನೇ ಪೂತೇ।
೯೭೮. ಅಸಿನಿದ್ಧೋ ಸುಕ್ಖೋ। ಸಙ್ಗೇ ಲಗ್ಗೇ।
೯೭೯. ಲಞ್ಛನೇ ಪಟಿಬಿಮ್ಬೇ। ಸೀಮಾ ಮರಿಯಾದೋ। ಪಕಾರೋ ತುಲ್ಯೋ।
೯೮೦. ಮನ್ತನೇ ಚತುಕ್ಕಣ್ಣಾದಿಕೇ। ಬ್ಯಸನೇ ಭೋಗಬ್ಯಸನಾದಿಕೇ। ವಿಪತ್ತಿಯಂ ಅನತ್ಥೇ।
೯೮೧. ರಂಸಿಭೇದೋ ಅಬ್ಯತ್ತರಾಗೇ ಕಿಞ್ಚಿರತ್ತೇ। ಲೋಹಿತೇ ರತ್ತೇ।
ಪಕತಾನಿವತ್ತೇ ಪಕತಿತೋ ಅನಿವತ್ತನೇ। ‘‘ಪಕತಿಯಞ್ಚ ಅನಿವತ್ತನೇ ಚಾ’’ತಿಪಿ ಅತ್ಥೋ। ನಸ್ಸನಕ್ಖರೇತಿ ವಿನಾಸನಕ್ಖರೇ। ನಸ್ಸ ಅದಸ್ಸನೇ ಅಕ್ಖರೇ।
‘‘ಅನುಬನ್ಧೋ ಪಕತ್ಯಾದೋ, ದೋಸುಪ್ಪಾದೇ ವಿನಸ್ಸರೇ।
ಸುಸುಮುಖ್ಯಾನುಸಾರೇಸು, ಪಕತಸ್ಸಾ’ನುವತ್ತನೇ’’ತಿ
ನಾನತ್ಥಸಙ್ಗಹೇ।
೯೮೨. ಅವತರಣೇ ಓತರಣೇ। ತಿತ್ಥಸ್ಮಿಂ ನದ್ಯಾದೀನಂ ತಿತ್ಥೇ। ವಿವರೇ ವಿವರಣೇ। ಇಙ್ಗಿತೇ ಸೀಸಚಲನಾದಿಕೇ।
೯೮೩. ಖತ್ತಾ ಖತ್ತಿಯತೋ ಸಞ್ಜಾತೇ ಸುದ್ದಿತ್ಥಿತನಯೇ ಸುದ್ದಿತ್ಥಿಯಾ ಪುತ್ತೇ ಚ। ತಿಬ್ಬಮ್ಹಿ ಅಧಿಮತ್ತೇ ಚ। ಸೋ ಉಗ್ಗೋ। ಅಗ್ಗೋ ಸೇಟ್ಠೋ। ಧಿತಿ ವೀರಿಯಂ।
೯೮೪. ಪಭಾತೇ ಪಚ್ಚೂಸೇ। ನಿರೋಗೇ ರೋಗಮುತ್ತೇ। ಸಜ್ಜೇ ಸಙ್ಗತೇ, ಆಧಾರೇಪಿ ಚ। ‘‘ಸಜ್ಜುತ್ತೋ ಸನ್ನದ್ಧೇ ಸಙ್ಗತೇಪಿ ಚೇ’’ತಿ ನಾನತ್ಥಸಙ್ಗಹೇ। ದಕ್ಖೋ ಛೇಕೋ। ಯುತ್ತೇಪಿ ಕಲ್ಲಂ। ಕೂಟಚರಿಯಾಯಂ ಸಠಚರಿಯಾಯಂ।
೯೮೫. ಪಕ್ಖಿಭೇದೋ ಪಾರಾವತಪ್ಪಮಾಣೋ ಪಕ್ಖೀ। ಯಸ್ಮಿಂ ಗೇಹೇ ಪಲಿನಾ ಪತಿತೇ ಅಸುಭನಿಮಿತ್ತಂ ಕರೋನ್ತಿ। ಪಾರಾವತೇ ಕಲರವೇ।
ಸರದಬ್ಭೂತೇ ಸರದಕಾಲೇ ಸಮ್ಭೂತೇ। ಅಪ್ಪಗಬ್ಭೇ ಕಾತರವಚನೇ।
೯೮೬. ಕಠಿನೇ ಕಕ್ಖಳೇ। ಸಾಹಸೋ ಬಲಕ್ಕಾರೋ। ಅಪ್ಪಿಯೇ ಅಮನಾಪೇ। ಚೀರೇ ನನ್ತಕೇ, ವಾಕೇ ಚ ಚೀರಂ।
೯೮೭. ಮಿಗಭೇದೇ ಪಟಾಕಾಯಂ ಧಜೇ। ಮೋಚಂ ಪಸಿದ್ಧಂ, ಕದಲೀ ಈಕಾರನ್ತೋ। ದಕ್ಖಿಣಾ ಕಮ್ಮಫಲಂ ಸದ್ದಹಿತ್ವಾ ದಾತಬ್ಬಂ ದಾನಂ।
೯೮೮. ಉಪ್ಪಾತೇ ಭೂತವಿಕತಿಯಂ। ವೇಸ್ಸಾನರೇ ಅಗ್ಗಿಮ್ಹಿ।
೯೮೯. ಪೋತವಾಹೇ ತಲಕವಾಹೇ। ನಿಯನ್ತರಿ ಪಾಜಿತರಿ।
೯೯೦. ರೋಧನೇ ಆವರಣೇ।
೯೯೧. ಭಾಜನೇ ವಿಲೀವಮಯಾದಿಕೇ। ಪರಿಯತ್ತಿ ಪರಿಯಾಪುಣನಂ ಸಿಕ್ಖನಂ, ಪರಿಯಾಪುಣಿತಬ್ಬಾ ವಾ ಸಿಕ್ಖಿತಬ್ಬಾ। ಜರಾಸಿಥಿಲಚಮ್ಮಸ್ಮಿಂ ಜರಾಯ ಕಾರಣಭೂತಾಯ ಸಿಥಿಲಚಮ್ಮನಿ। ಉದರಙ್ಗೇ ಉದರಚಮ್ಮರಾಜಿಯಂ।
೯೯೨. ವಿದಾರಿತಾದೀಸು ಉಪಜಾಪೇ ಚತುತ್ಥೋಪಾಯೇ।
೯೯೩. ಗಾಮಸನ್ದೋಹೇ ಗಾಮಸಮೂಹೇ। ಪರಿಧಿ ಪರಿವೇಸೋ ಸೂರಿಯಾದಿಗೇಹಂ। ಆಗಮೇ ಬುದ್ಧವಚನೇ। ಲೇಖೇ ವಾಚಿತಲೇಖೇ।
೯೯೪. ಅಯೋಮಯವಿಜ್ಝನಕಣ್ಟಕೋ ಸೂಝಾದಿವಿಜ್ಝನಂ। ಗುಣುಕ್ಕಂಸೇ ಗುಣಾತಿಸಯೇ। ವಿಭವೇ ಭೋಗೇ। ಸಮ್ಪತ್ತಿ, ಸಮ್ಪದಾತಿ ಚ ಅಭಿಧಾನದ್ವಯಂ।
೯೯೫. ಭೂ ಪಥವೀ। ಯೋಗ್ಯಾದೀಸು ತೀಸ್ವತ್ಥೇಸು ತೀಸು। ಯೋಗ್ಯೇ ಅನುಚ್ಛವಿಕೇ। ಯುತ್ತೇ ಸಙ್ಗತೇ। ಅದ್ಧೋ ಅದ್ಧಸದ್ದೋ ಭಾಗೇ ಸಮಭಾಗೇ, ಅಸಮಭಾಗೇ ಚ। ತತ್ರ ಸಮೇ ಅದ್ಧಂ। ಇತರತ್ರ ಪಥೇ ಮಗ್ಗೇ ಅದ್ಧಾ ಪುಮೇ। ಕಾಲೇಪಿ ಅದ್ಧಾ ಪುಮೇ। ಏಕಂಸೇ ನಿಚ್ಛಯೇ। ಚತುರಮ್ಬಣೇ ಕರೀಸಂ ವುತ್ತಂ।
೯೯೬. ಉಸಭೇ ಗವಸತಜೇಟ್ಠಕೇ ಗವೇ। ಸೇಟ್ಠೇಸು ಚ ಉಸಭೋ। ವೀಸಯಟ್ಠಿಯಂ ಉಸಭಂ। ತನ್ತಿ ಬುದ್ಧವಚನಂ। ಪನ್ತಿ ಆಳಿ।
೯೯೭. ಇತ್ಥಿನಿಮಿತ್ತೇ ಇತ್ಥಿಯಾ ಅಙ್ಗಜಾತೇ। ಕಿಲಞ್ಜೇ ವಿಲೀವಮಯೇ। ಸೋ ಕಟಸದ್ದೋ ಕತೇ ತೀಸು।
‘‘ಕಟೋ ಸೋಣಿಕ್ರಿಯಾಕಾರೇ,
ಕಿಲಞ್ಜೇ’ತಿಸಯೇ ಸಿವೇ।
ಸಮಯೇ ಗಜಗಣ್ಡೇ ಚ,
ಕಟಾ ವಿಪ್ಪಲಿಯಂ ಮತಾ’’ತಿ
ವೋಪಾಲಿತೋ। ‘‘ಸಮಯೇ ಚ ಕ್ರಿಯಾಕಾರೇ, ಕಿಲಞ್ಜೇ ಚ ಸರೇ ಕಟೋ’’ತಿ ತಿಕಣ್ಡಸೇಸೋ । ಮನ್ದಿರಾಲಿನ್ದವತ್ಥುನಿ ಗೇಹಸ್ಸ ಆಲಿನ್ದಭಾಗೇ ವತ್ಥುಮ್ಹಿ।
೯೯೮. ಮಥಿತೇ ಗೋರಸವಿಸೇಸೇ। ಸೂಚಿಫಲೇ ಅಮ್ಬಿಲಪತ್ತಫಲೇ। ದುದ್ದಸೇತರೇ ಪಸ್ಸಿತುಂ ಅದುಕ್ಕರೇ।
೯೯೯. ಅನ್ತರೀಪಂ ಪಜ್ಜೋತೋ ಪದೀಪೋ। ಬನ್ಧೋ ಸಮ್ಬನ್ಧೋ। ಮಿಹಿತೇ ಈಸಂಹಸಿತೇ।
೧೦೦೦. ಥಿಯಂ ಇತ್ಥಿಸಾಮಞ್ಞೇ। ಇತ್ಥಿಲಿಙ್ಗೇತಿ ವಾ ಅತ್ಥೋ। ದಾರೇ ಭರಿಯಾಯಂ। ಸುರೇ ದೇವತಾಯಂ, ದೇವತಾವಿಸೇಸೇ ವಾ। ವಾಸುದೇವೇ ನಾರಾಯನೇ। ಅನ್ತಕೇ ವಸವತ್ತಿನಿ। ಅಸಿತೇ ಕಾಳವಣ್ಣೇ।
೧೦೦೧. ಉಪಟ್ಠಾನೇ ಪಾರಿಚರಿಯಾಯಂ, ಸೇವನೇ ಚ। ಅಞ್ಞರೋಪನೇ ಅಭಂಸಭಾವಸ್ಸ ಅಞ್ಞಸ್ಸ ತಂಸಭಾವರೋಪನೇ। ಸಕ್ಕೋ ಸಕ್ಕಸದ್ದೋ। ಇನ್ದೇ ದೇವರಾಜೇ ಸಕ್ಕೋ। ಜನಪದೇ ಸಕ್ಕಾ। ಸಾಕಿಯೇ ಚ ಖಮೇ ತೀಸು।
೧೦೦೨. ವಜ್ಜನತ್ಥಾದೀಸು ತೀಸು ಪರಿಹಾರೋ। ಪಞ್ಹವಿಸ್ಸಜ್ಜನೇಪಿ ಪರಿಹಾರೋ। ದ್ವಿಜೇ ಬ್ರಾಹ್ಮಣೇ। ವೇಸ್ಸೇಪಿ ಅರಿಯೋ।
೧೦೦೩. ಸುಂಸುಮಾರೇ ಉಲೂಪಿನಿ ಚಣ್ಡಮಚ್ಛವಿಸೇಸೇ। ಉದ್ದಾಲಪಾದಪೇ ಸೇಲುರುಕ್ಖೇ, ಯಸ್ಸ ಫಲಾನಿ ಅತಿಪಿಚ್ಛಲಾನಿ।
೧೦೦೪. ಪಿಯಕೇ ಪೀತಸಾಲೇ। ಕಣ್ಡೇ ಸರೇ। ಖಿಪನೇ ಅಸನಂ। ಅಸು ಖೇಪನೇ। ಯುಗೇ ರಥಯುಗಾದೋ। ವಿಕಾರೋ ವಿಕತಿ। ಅನ್ತಿಕೇ ಸಮೀಪೇ।
೧೦೦೫. ಲವಿತ್ತೇ ದಾತ್ತೇ। ಅಜ್ಝೇಸನಾ ಸಕ್ಕಾರಪುಬ್ಬಿಕಾ ಆಯಾಚನಾ।
೧೦೦೬. ಮಕಚಿವತ್ಥೇ ಯಂ ಲೋಕೇ ‘‘ಚಕ್ಕೂ’’ತಿ ವುಚ್ಚತಿ, ‘‘ಸಾಣವತ್ಥ’’ನ್ತಿಪಿ ಏಕೇ। ಗನ್ಥೇ ಸದ್ದಸತ್ಥಾದಿಕೇ। ಲೇಪ್ಯಾದಿಕಮ್ಮನಿ ಚಿತ್ತಕಾರಾದೀಹಿ ಕತರೂಪೇ।
೧೦೦೭. ಪುಞ್ಞವತಿ ಭೂಸಣ್ಹಕರಣಿಯಂ ಸುಧಾಲೇಪಕಾನಂ ದಾರುಮಯಹತ್ಥೇ।
೧೦೦೮. ಪಾಯಿತೇ ಪಾತಬ್ಬೇ, ‘‘ವಾಯಿತೇ’’ತಿಪಿ ಪಾಠೋ। ‘‘ದಯಿತೇ’’ತಿಪಿ ಕ್ವಚಿ ದಿಸ್ಸತಿ।
೧೦೦೯. ಲೋಹಿತಾದಿಮ್ಹಿ ವಣ್ಣವಿಸೇಸೇ। ರಞ್ಜನೇ ‘‘ಮುಖರಾಗೋ’’ತ್ಯಾದೀಸು। ಪವುದ್ಧದರಿಯಂ ಮಹಾದರಿಯಂ।
೧೦೧೦. ಕಸೇರುಸ್ಸ ಫಲೇ ಸಕಣ್ಟಕಸ್ಸ ಫಲೇ। ಮಗ್ಗಸಮಾಗಮೇ ಚಚ್ಚರೇ। ಬಹುಲಾಯಂ ‘‘ಫಾಲಾತೀ’’ಇತಿ ಖ್ಯಾತೇ। ದೋಸೇ ತು ಏಳಮೀರಿತಂ।
೧೦೧೧. ಅಧಿಕರಣೇ ಪತ್ತಾಧಾರೋ ಭಾಜನಸ್ಸ ಆಧಾರೋ। ಆಲವಾಲಕೇ ತರುಸೇಕತ್ಥಂ ತರುಮೂಲವಿಚಿತೇ ಸೋಬ್ಭಜಲಾಧಾರೇ। ಅಗಭೇದೋ ರುಕ್ಖಭೇದೋ, ಸೋ ಚ ಮಹಾಸತ್ತೇನ ತೇಮಿಯರಾಜಕುಮಾರಕಾಲೇ ಭುತ್ತರುಕ್ಖೋ। ತತ್ರ ಕಾರಾ ಇತ್ಥೀ। ಕಾರೋಪಿ ಸಕ್ಕಾರೇ, ದ್ವೀಸು। ಬನ್ಧನಾಲಯೇ ಪನ ಕಾರಾಯೇವ।
೧೦೧೨. ಮೇಘಪಾಸಾಣೇ ಘನೋಪಲೇ। ಕುಣ್ಡಿಕಾಯಂ ಭಿಙ್ಗಾರೇ। ಪದಾತಿಸ್ಮಿಂ ಚತುತ್ಥಸೇನಙ್ಗೇ।
೧೦೧೩. ಛಿದ್ದಾದೀನಿ ತೀಣಿ ಅಭಿಧಾನಾನಿ ಸುಸಿರೇ ಚ ದೂಸನೇ ಅಪರಾಧೇ ಚ ತೀಸು ಸಿಯುಂ। ಮುಚ್ಚಿತೇ ಮುಚ್ಚಿತಬ್ಬೇ।
೧೦೧೪. ಹತ್ಥಿಲಿಙ್ಗೇ ಹತ್ಥಿಸಣ್ಠಾನಸಕುಣೇ। ಮದೇ ನಾಗಮದೇ।
೧೦೧೫. ಅತ್ಥಙ್ಗಮೇ ನಿಗಮುಬ್ಭೂತೇ ನಿಗಮೇಸಞ್ಜಾತವತ್ಥುಮ್ಹಿ। ಆಪಣೋಪಜೀವಿನಿ ಆಪಣೇನ ಜೀವಿತವುತ್ತಿಯಂ ಕತ್ತರಿ।
೧೦೧೬. ಹರಿತಸ್ಮಿಂ ಸುಕಪತ್ತವಣ್ಣೇ। ಪಣ್ಣೇ ಛದಮತ್ತೇ।
೧೦೧೭. ಫಲಮ್ಹಿ ರುಕ್ಖಾದೀನಂ ಫಲಮತ್ತೇ। ತಂ ಪಕ್ಕವಚನಂ। ನಾಸಮುಖೇ ನಾಸಾಭಿಮುಖೇ ಚ ಪರಿಣತೇ ಚ ತೀಸು।
ಆಜೀವನೇ ಜೀವಿತವುತ್ತಿಯಂ। ಪಿಣ್ಡನೇ ರಾಸಿಕರಣೇ। ಗೋಳಕೇ ವಟ್ಟಲೇ।
೧೦೧೮. ಪರಿಬ್ಬಯೇ ವೇತನೇ। ಕಮ್ಮಾದಿಕೇ ಕಮ್ಮವಟ್ಟವಿಪಾಕವಟ್ಟಕಿಲೇಸವಟ್ಟೇ। ವಟ್ಟಲೇ ಬುಬ್ಬುಳಸಣ್ಠಾನೇ। ಪಚ್ಚಾಹಾರೇ ಪಟಿವಚನಾಹಾರೇ।
೧೦೧೯. ವಿಕತೇ
೧೦೨೦. ಸಬ್ಯಮ್ಹಿ ಅದಕ್ಖಿಣೇ। ಚಾರು ಮನುಞ್ಞಂ। ಸರಬ್ಯೇ ಸರೇನ ವಿಜ್ಝಿತಬ್ಬೇ ಫಲಕಾದೋ। ಚಿಹನೇ ಲಕ್ಖಣೇ।
೧೦೨೧. ಸಮಸಿಪ್ಪೀನಂ ಸಮಾನಸಿಪ್ಪೀನಂ ಗಣೇ ಸೇಣೀ ಇತ್ಥೀ। ಆವಳಿಯಂ ಪನ್ತಿಯಂ। ಸುಧಾಯಂ ಲೇಪೇ। ಧೂಲಿಯಂ ರಜಸಿ। ವಾಸಚುಣ್ಣಕೇ ವಾಸಯೋಗ್ಗಚುಣ್ಣೇ।
೧೦೨೨. ಅತಿಪಸತ್ಥೇ ಪಸತ್ಥಸ್ಸ ಜೋ, ಅತಿವುಡ್ಢೇ ವುಡ್ಢಸ್ಸ। ತಕ್ಕೇ ಗೋರಸವಿಸೇಸೇ। ಹೋತೀತಿ ಕ್ರಿಯಾಪದಂ।
೧೦೨೩. ಪಣೇ ಜೂತಕಾರಾದೀನಂ ಕಮ್ಮನಿ। ಕಣ್ಹೇ ಕಾಳೇ।
೧೦೨೪. ಸಮ್ಭವೇ ಅಮೇಜ್ಝೇ ಅಪವಿತ್ತೇ।
೧೦೨೫. ಇಕ್ಕೇ ಬಹುಲೋಮೇ ಕಾಳಮಿಗೇ। ಬಳಿಸೇ ಮಚ್ಛವೇಧನೇ। ಸೇಲಭೇದೇ ವಙ್ಕನಾಮಕೇ ಪಬ್ಬತೇ।
೧೦೨೬. ಕುಣಪಮ್ಹಿ ಮತಕಾಯೇ। ಅದ್ಧಮ್ಹಿ ಸಮದ್ಧಭಾಗೇ, ತೇನಾಹ ‘‘ಪುರಿಸೇ’’ತಿ, ‘‘ಪುರಿಸೇ’’ತಿ ಚ ಯೇಭುಯ್ಯಪ್ಪವತ್ತಿಂ ಸನ್ಧಾಯ ವುತ್ತಂ, ತೇನಾಹ ‘‘ವಾ ಖಣ್ಡಂ ಸಕಲಂ ಪುಮೇ’’ತಿ।
೧೦೨೭. ಸಂವರೀಮುಖೇ ರತ್ತಿಯಾ ಆದಿಮ್ಹಿ।
೧೦೩೦. ದೇವಭೇದೋ ವಲ್ಲಿಜಾತಿಯಂ ಯಸ್ಸಾ ಫಲಾನಿ ಉಕ್ಖಲಿಪ್ಪಮಾಣಾನಿ ಹೋನ್ತಿ। ಚತುತ್ಥಂಸೇ ಚತುತ್ಥಭೂತೇ ಕೋಟ್ಠಾಸೇ। ಪದೇ ಚರಣೇ। ಪಚ್ಚನ್ತಸೇಲೇ ಪಬ್ಬತಪಾದೇ।
೧೦೩೧. ಲೋಹನ್ತರೇ ಸೇತಲೋಹೇ। ಬಹುಮ್ಹಿ ಬಹುವಚನೇ। ಕಮ್ಮಾರಭಣ್ಡಭೇದೇ ‘‘ತೂ’’ಇತಿ ಖ್ಯಾತೇ। ಖಟಕೇ ಕುಞ್ಚಿಕಪಾಣಿಮ್ಹಿ।
೧೦೩೨. ದೋಣಿಯಂ ಕಟ್ಠಮಯೇ ಧಞ್ಞಮಾನಿಕೇ। ಅಧಿಟ್ಠಿತಿಯಂ ಉಪರಿಟ್ಠಾನೇ। ಠಾನೇ ಠಾನಮತ್ತೇ।
೧೦೩೪. ಕೋಟ್ಠಾಸಭೇದಸ್ಮಿಂ ವಙ್ಕೇ ಕುಟಿಲ್ಯೇ। ದಿಬ್ಬಚಕ್ಖುಪುಬ್ಬೇನಿವಾಸಾನುಸ್ಸತಿಆಸವಕ್ಖಯಸಙ್ಖಾತಾ ತಿಸ್ಸೋ ವಿಜ್ಜಾ, ಆದಿನಾ ಅಟ್ಠ ವಿಜ್ಜಾ ಗಹಿತಾ। ಬುದ್ಧಿಯಂ ಞಾಣೇ।
೧೦೩೫. ಅನಾಕುಲೇ ಆಕುಲರಹಿತೇ। ಸಿಲೋಕೇ ಅನುಟ್ಠುಭಾದೋ। ಅದ್ಧೇ ಭಾಗೇ। ತೀಸು ಪಜ್ಜೋ ಪಜ್ಜಸದ್ದೋ।
೧೦೩೬. ರುಕ್ಖಭೇದಸ್ಮಿಂ ಉದಕಪ್ಪಸಾದನಫಲೇ। ಕಿತ್ತಿಮೇ ಕರಣೇನ ನಿಪ್ಫತ್ತೇ। ವಿಧೇಯ್ಯೇ ವಚನಗ್ಗಾಹಿನಿ। ಪುಬ್ಬಮ್ಹಿ ಪೂಯೇ।
೧೦೩೭. ಲದ್ಧತ್ಥರಕ್ಖಣೇ ನಿಯೋಜನೇ ಪೇಸನೇ। ಕಾರಿಯೇ ಫಲೇ।
೧೦೩೮. ಅಸ್ಸಾಸಪ್ಪತ್ತೇ ಲದ್ಧಸ್ಸಾಸೇ। ಬೋಧಿದುಮೇ ಅಮ್ಹಾಕಂ ಭಗವತೋ ಬೋಧಿರುಕ್ಖೇ। ಕುರೂರೇ ಕಕ್ಖಳಕಾರಕೇ। ನೇಸಾದಮ್ಹಿ ಮಿಗಮಚ್ಛಾದಿಲುದ್ದೇ।
೧೦೩೯. ಲಗ್ಗಸ್ಮಿಂ ಸಙ್ಗೇ। ಮಜ್ಝಮ್ಹಿ ಉದರೇ। ಭಾಗೇ ಅಸಮದ್ಧಭಾಗೇ। ಧನಿಮ್ಹಿ ಮಹದ್ಧನೇ।
೧೦೪೦. ಗಹನೇ ಸಙ್ಕರೇ। ಸಸನ್ತಾನೇ ಅತ್ತನೋ ನಿಯಕಜ್ಝತ್ತಸನ್ತಾನೇ। ವಿಸಯಗೋಚರಾನಂ ವಿಸೇಸೋ ವುತ್ತೋ।
ಗಾಥಾದ್ಧವಣ್ಣನಾ ನಿಟ್ಠಿತಾ।
೧೦೪೧. ಭುವನೇ ಜನೇ ಪಾಣಿಮ್ಹಿ। ಯಸೇ ಕಿತ್ತಿಯಂ। ಪಜ್ಜೇ ಅನುಟ್ಠುಭಾದೋ। ರುಕ್ಖೇ ರುಕ್ಖಭೇದೇ।
೧೦೪೨. ವಟೋ ವಟರುಕ್ಖೋ। ವಾಯಸೇ ಕಾಕೇ। ಬಕೇ ಸೇತಪತ್ತೇ। ಅವಸರೋ ಅವಕಾಸೋ। ಅಹಂ ದಿನಂ। ಕುಚೇ ನಾರಿಥನೇ। ಅಬ್ಭೇ ಮೇಘೇ।
೧೦೪೩. ಉಚ್ಛಙ್ಗೇ ಪಲ್ಲಙ್ಕೋಪರಿಭಾಗೇ। ಲಕ್ಖಣೇ ಞಾಪಕೇ।
ದಿಟ್ಠೋಭಾಸೇಸು ದಸ್ಸನೇ, ಓಭಾಸೇ ಚಾತಿ ಅತ್ಥೇಸು।
೧೦೪೪. ಸೂರಂಸೂಸು ಸೂರಿಯೇ, ಕಿರಣೇ ಚ। ದಮೇ ದಮನೇ। ಮಾನಂ ಮಾನವಿಸೇಸೋ। ಸಾನು ಪಬ್ಬತಸಾನು।
೧೦೪೫. ತಾಪೋ ಸಪಚೇ ಚಣ್ಡಾಲೇ, ಸಂ ಸುನಖಂ ಪಚತೀತಿ ಸಪಚೋ। ಪಸು ಚತುಪ್ಪದೋ। ಕುರುಙ್ಗೋ ಅಜಿನಯೋನಿ। ಉಲೂಕೋ ಕೋಟರಸಕುಣೋ। ಇನ್ದೋ ಸಕ್ಕೋ। ‘‘ಮಹಿನ್ದೇ ಗುಗ್ಗುಲುಲೂಕ-ಪಲಗ್ಗಾಹೇಸು ಕೋಸಿಯೋ’’ತಿ ಅಮರಸೀಹೋ।
೧೦೪೬. ಮಾಣವೋ ಮಚ್ಚೋ। ಅತ್ತಾ ಸರೀರಾಧಿಪತಿದೇವತಾ। ಸಿರೇ ಉತ್ತಮಙ್ಗೇ। ತಿಪುಮ್ಹಿ ಕಾಳಲೋಹೇ।
೧೦೪೭. ಬಲಿ ಭಾಗದೇಯ್ಯೋ। ಹತ್ಥೋ ಪಾಣಿ। ಅಂಸು ಭಾ। ದನ್ತೇ ರದೇ। ವಿಪ್ಪೇ ಬ್ರಾಹ್ಮಣೇ। ಅಣ್ಡಜೇ ಅಣ್ಡಸಞ್ಜಾತೇ। ಪಜ್ಜೇ ಅನುಟ್ಠುಭಾದೋ। ಆನನಂ ಮುಖಂ। ಆಚಾರೋ ಅಸೀತಿಮಹಾವತ್ತಾದಿ। ಧಞ್ಞಙ್ಗೇ ಭಿನ್ನತಣ್ಡುಲೇ। ಸುಖುಮೇ ಅಣುಮ್ಹಿ। ‘‘ಲವಲೇಸಕಣಾಣವೋ’’ತಿ ಹಿ ಅಮರಸೀಹೇನ ಸುಖುಮಪರಿಯಾಯೋ ಕಣೋ ವುತ್ತೋ।
೧೦೪೮. ಥೂಣಾ ಜಳತ್ತಂ ಮೂಳ್ಹತ್ತಂ। ಕುಮ್ಮಾಸೋ ಮಾಸವಿಕತಿ। ಬ್ಯಞ್ಜನಂ ತದಞ್ಞಬ್ಯಞ್ಜನಂ। ಫೋಟೋ ನಾಮ ಯಸ್ಮಿಂ ಪೂಯೇ ವಿಪರೀತೇ ದುಕ್ಖವೇದನಾ ನತ್ಥಿ। ಕಪೋಲೋ ನಾಮ ಮುಖಚೂಳಿಕಾನಂ ಅನ್ತರಟ್ಠಾನಂ। ಮೂಲ್ಯೇ ಮೂಲಧನೇ।
೧೦೪೯. ಭಾಸಪಕ್ಖೀ ಚ ಪಕ್ಖೀ ಚ ಭಾಸಪಕ್ಖಿನೋ, ತೇಸು, ‘‘ಸಕುನ್ತೋ ಪಕ್ಖಿಭೇದೇಪಿ, ಭಾಸಪಕ್ಖಿ ವಿಹಙ್ಗಮೇ’’ತಿ ಹಿ ‘‘ಭಾಸನ್ತಂ ಸುನ್ದರಾಕಾರೇ, ಭಾಸನ್ತೋ ಭಾಸಪಕ್ಖಿನೀ’’ತಿ ಚ ವೋಪಾಲಿತೋ। ‘‘ಸಕುನ್ತೋ ಭಾಸಪಕ್ಖಿನೀ’’ತಿಪಿ ಪಾಠೋ। ಭಾಗ್ಯೇ ಸುಭಾಸುಭಾವಹೇ ಕಮ್ಮನಿ। ವಿಧಾನೇ ಕರಣೇ।
೧೦೫೦. ಯೋ ಆಕಾಸಂ ಅಬ್ಭುಗ್ಗನ್ತ್ವಾ ಪುನ ಓತರಿತ್ವಾ ಉದಕಬ್ಭನ್ತರೇ ಮಚ್ಛೇ ಗಣ್ಹಾತಿ, ಸೋ ನೀಲಸಕುಣೋ ಚಾತಕೋ ನಾಮ। ಏಣೇ ಏಣೀಮಿಗಖ್ಯಾತೇ। ಸರೋ ಕಣ್ಡೋ। ಸೇದೇ ಸೇದನೇ, ಸಿದ ಪಾಕೇ। ಪಾಕೋ ಪಚನಂ। ಭಿಕ್ಖುಭೇದೇ ‘‘ಗಣಪೂರಕೋ’’ತ್ಯಾದೀಸು। ಚಯೇ ಸಮೂಹೇ।
೧೦೫೧. ಪುಞ್ಜೇ ಮೇಸಾದಿ। ಲೋಣೇ ಲವಣುತ್ತಮೇ। ಸಂವಟ್ಟೇ ವಿನಾಸಕಪ್ಪೇ। ಕಮುಕೇ ತಮ್ಬೂಲಫಲರುಕ್ಖೇ।
೧೦೫೨. ಅಮತೇ ದೇವತಾಭೋಜನೇ। ಲೇಪೇ ಸುದ್ಧಸಕ್ಖರಚುಣ್ಣಾದಿಮಯೇ। ಸತ್ಥೇ ದೀಘದಣ್ಡೇ ಸತ್ಥವಿಸೇಸೇ। ನಜ್ಜನ್ತರೇತಿ ಗಙ್ಗಾ ಯಮುನಾ ಅಚಿರವತೀ ಸರಭೂ ಮಹೀತಿ ಪಞ್ಚಸು ಮಹಾನದೀಸು ಪಞ್ಚಮಾಯ ಮಹಾನದಿಯಂ। ಭುವಿ ಪಥವಿಯಂ। ಕ್ರಿಯಾ ನಾರೀಸಿಙ್ಗಾರಭಾವಜಾ ಕ್ರಿಯಾ। ವಿಲಾಸೋ ಪನ ತದಞ್ಞಜೋ। ಅತ್ರಜೇ ಪುತ್ತೇ।
೧೦೫೩. ಕುಥೋ ಹತ್ಥಿಪಿಟ್ಠತ್ಥರಣಂ। ವೇಣೀ ನಾರೀನಂ ಕೇಸಕಲಾಪೋ। ‘‘ಪವೇಣೀ ವೇಣೀ ಕುಥಯೋ’’ತಿ ಹಿ ವೋಪಾಲಿತೋ। ‘‘ಪವೇಣೀ ಕುಲವೇಣೀಸೂ’’ತಿಪಿ ಕ್ವಚಿ ಪಾಠೋ। ವುತ್ತಿ ಭವನಂ ವುತ್ತಾ ವುತ್ತನ್ತೋ। ವೇತನೇ ಕಮ್ಮೇನ ಲದ್ಧಬ್ಬೇ। ಭರಣೇ ಪೋಸನೇ, ಧಾರಣೇ ಚ।
೧೦೫೪. ಮರಿಯಾದಸದ್ದೋ ದ್ವೀಸು। ಸತ್ತಾ ವಿಜ್ಜಮಾನತಾ। ಸಮಿದ್ಧಿ ಸಮ್ಪತ್ತಿ। ಸೋಪ್ಪೇ ನಿದ್ದಾಯಂ। ವುತ್ತಿ ಜೀವಿತವುತ್ತಿ।
೧೦೫೫. ಕುಚ್ಛಾ ಗರಹಾ। ಅಪವಾದೋ ಅವಣ್ಣವಾದೋ, ಅಭೂತಾಕ್ಖಾನಮ್ಪಿ। ಧಞ್ಞೇ ಧಞ್ಞವಿಸೇಸೇ, ಯಸ್ಸ ಸೀಸಂ ಅಙ್ಗುಟ್ಠಪ್ಪಮಾಣಂ ದೀಘಞ್ಚ। ಪಿಯಙ್ಗು ಗನ್ಧದಬ್ಬಂ। ಮೋಕ್ಖೇ ನಿಬ್ಬಾನೇ। ಸಿವೇ ಕಲ್ಯಾಣೇ।
೧೦೫೬. ರಞ್ಜನೇ ಕಾಸಾಯಾದಿರಞ್ಜನೇ। ಸೂರತೇ ಮೇಥುನೇ। ವಾಸೇ ವಸನಕ್ರಿಯಾಯಂ।
೧೦೫೭. ಪತ್ಥೇ ಮಾನತುಮ್ಬೇ। ನಾಳೇ ಉಪ್ಪಲಾದೀನಂ ನಾಳೇ। ಪಿಪಾಸಾಯಂ ಪಾತುಮಿಚ್ಛಾಯಂ। ವುತ್ತಿ ಭವನಂ।
೧೦೫೮. ಪಾಣ್ಯಙ್ಗೇ ಚಕ್ಕನ್ತೇ ಚಕ್ಕಸ್ಸ ಅನ್ತೇ।
‘‘ನಾಭಿ ಪಾಣ್ಯಙ್ಗಙ್ಗೇ ಖೇತ್ತೇ, ಚಕ್ಕನ್ತಚಕ್ಕವತ್ತಿಸು।
ನಾಭಿ ಪಧಾನೇ ಕತ್ಥೂರಿ-ಮಂಸೇ ಚ ಕ್ವಚಿ ಕಿತ್ತಿತೋ’’ತಿ॥ –
ವೋಪಾಲಿತೋ।
೧೦೫೯. ಅನ್ತರೇತಿ ದ್ವಿನ್ನಂ ಅನ್ತರೇ। ‘‘ವೀಚಿ ಸುಖತರಙ್ಗೇಸೂ’’ತಿ ವೋಪಾಲಿತೋ। ಥಿರತ್ತೇ ಥಿರಭಾವೇ। ‘‘ಧೀರತ್ತೇ’’ತಿಪಿ ಪಾಠೋ, ಸೋಯೇವತ್ಥೋ। ಸವೇ ಸವನೇ।
೧೦೬೦. ನಿಸ್ಸಯೇ ಆಧಾರೇ।
೧೦೬೧. ವಿತ್ತೇ ಧನೇ। ಅಙ್ಕೋ ಲಕ್ಖಣಂ। ಬುದ್ಧಿ ಞಾಣಂ। ಖೇ ಆಕಾಸೇ।
೧೦೬೨. ವತೇ ಆಗುಮ್ಹಿ ಅಪರಾಧೇ। ಮಣಿ ಸಿಲಾವಿಕತಿ, ಮಣಿಸಙ್ಖಾತೋ ವಾ ರತನವಿಸೇಸೋ ಇಧ ಮಣಿ ನಾಮ। ಹಾಯನೇ ಸಂವಚ್ಛರೇ। ವುಟ್ಠಿ ವಸ್ಸನಂ।
೧೦೬೩. ಲಿಪಿ ಅಕಾರಾದೀನಂ ಸನ್ನಿವೇಸವಿಸೇಸೋ। ಮೋಕ್ಖೋ ನಿಬ್ಬಾನಂ। ರತೇ ಸೂರತೇ।
೧೦೬೪. ಪಾಪೇ ಚ ಅಸುಭೇ ಚ ರಿಟ್ಠಂ। ಅರಿಟ್ಠಂಪ್ಯತ್ರ, ತಬ್ಭಾವೇ ತತ್ರ ಅಕಾರೋ। ಅಪರಾಧೋ ಆದೀನವೋ। ಕೇತುಮ್ಹಿ ಪಟಾಕಾಯಂ। ಚಿಹನೇ ಲಕ್ಖಣೇ। ‘‘ಧಜೋ ಸೋಣ್ಡಿಕಲೇಸೇಸು, ಪಟಾಕಾಯಞ್ಚ ಚಿಹನೇ’’ತಿ ವೋಪಾಲಿತೋ।
೧೦೬೫. ದ್ವಾರಮತ್ತೇಪಿ ಬಹಿದ್ವಾರೇಪಿ। ಇತೋ ಪರಂ ಯೇ ಅನೇಕತ್ಥಾ ವುಚ್ಚನ್ತೇ, ತೇ ವಾಚ್ಚಲಿಙ್ಗಾ। ಫುಟೇ ಪಾಕಟೇ।
೧೦೬೬. ಅಜ್ಝಕ್ಖೇ ಜಳೇ ಅಞ್ಞಾಣೇ। ಲೋಲುಪೇ ಅತಿತಣ್ಹೇ। ಚಲೇ ಕಮ್ಪಿತೇ।
೧೦೬೭. ವಿಕತೇ ವಿರೂಪೇ। ಕೋಮಲಂ ಅಕಠಿನಂ। ಅತಿಖಿಣೋ ಕುಣ್ಠೋ।
೧೦೬೮. ಸಿತೇ ಸೇತೇ। ಸೂಚಕೋ ಪೇಸುಞ್ಞಕಾರಕೋ। ಅಹಿ ಸಪ್ಪೋ। ಸಕ್ಕೇ ಖಮೇ। ‘‘ಸತ್ತೇ’’ತಿ ಪಾಠೇ ಪನ ಸತ್ತಿಯುತ್ತೇತ್ಯತ್ಥೋ। ಸಮ್ಬನ್ಧೇ ಅವಿಪ್ಪಯೋಗೇ। ಅಖಿಲೇ ಸಕಲೇ।
೧೦೬೯. ಕೇವಲಂ ಅಸಮ್ಮಿಸ್ಸಂ। ಅನ್ತೋ ಅವಸಾನಂ। ಅಧಮೋ ನಿಹೀನೋ। ಪಣತೋ ಬುದ್ಧಾದೀಸು ನಿನ್ನೋ। ನಿನ್ನೋ ಥಲಪಟಿಪಕ್ಖೋ।
೧೦೭೦. ಸುದ್ಧೇ ಪೂತೇ ಮೇಜ್ಝೇ।
೧೦೭೧. ಬ್ಯಾಪೇ ಬ್ಯಾಪಿತೇ। ಭಾವಿನಿ ಅನಾಗತೇ ವತ್ಥುಮ್ಹಿ। ಥೇರೇ ಜಿಣ್ಣೇ।
೧೦೭೨. ಬಹುಸದ್ದೋ ‘‘ಏಕಸ್ಮಿಂ, ದ್ವೀಸು ಚ ನ ಪವತ್ತತೀ’’ತ್ಯಾದೀಸುಯೇವ ಪವತ್ತತೀತಿ ಮಞ್ಞಮಾನೋ ‘‘ತ್ಯಾದೋ’’ತಿ ವದತಿ। ‘‘ಏಕವಚನಂ, ಬಹುವಚನ’’ನ್ತಿ ವುತ್ತತ್ತಾ ಪನ ದ್ವೀಸುಪಿ ಬಹುಸದ್ದೋ ವತ್ತತೇವ। ಆಚರಿಯೇನ ವಾ ಪರಸಮಯವಚನಾನಿ ಮನಸಿ ಕತ್ವಾ ‘‘ತ್ಯಾದೋ’’ತಿ ವುತ್ತಂ। ತಿವಿಧಞ್ಹಿ ತತ್ಥ ವಚನಂ ಏಕವಚನಂ ದ್ವಿವಚನಂ ಬಹುವಚನನ್ತಿ। ಸಬ್ಬಪಾರಿಸದತ್ತಾ ಹಿ ಬ್ಯಾಕರಣಸ್ಸ ಸಬ್ಬೇಸಂ ವಾದಾ ಕತ್ಥಚಿ ಕಥೀಯನ್ತೇ।
ಧೀ ವುಚ್ಚತಿ ಪಞ್ಞಾ, ಸಾ ಯಸ್ಸ ಅತ್ಥಿ, ಸ ಧೀರೋ, ಬುಧೋ। ಧಾನಂ ವಾ ಧೀ, ಸಾ ಯಸ್ಸತ್ಥೀತಿ ಸ ಧೀರೋ, ಧಿತಿಮನ್ತೋ। ಧುತೇ ಚಲೇ।
೧೦೭೩. ಯಾನೇ ಯೋಗ್ಗಂ। ಖಮೇ ಪನ ಯೋಗ್ಗೋ।
೧೦೭೪. ವುಡ್ಢೇ ಆಯುವುಡ್ಢೇ। ಕುಲಜೇ ಕುಲೀನೇ। ವುದ್ಧೋ ಆಯುವುಡ್ಢೋ। ಉರು ಪಮಾಣತೋ ಮಹನ್ತೋ।
೧೦೭೫. ವುತ್ತೇ ವತ್ತಬ್ಬೇ। ಉಗ್ಗತೇ ಉದ್ಧಂಗತೇ। ಆದಿತ್ತೇ ಅಗ್ಯಾದೀಹಿ, ಗಬ್ಬಿತೇ ಸಞ್ಜಾತಮಾನೇ।
೧೦೭೬. ವಿಗತೇ ವಿಗತರಾಗೇ। ವಾಯನೇ ವೀತೇ ಪಟೇ। ಭಜ್ಜಿತೇ ಧಞ್ಞಾದಿಕೇ। ಭಜ್ಜ ಪಾಕೇ।
೧೦೭೭. ಚಯೇ ಸಮೋ ತುಲ್ಯೋ। ಅರಿ ಸತ್ತು। ‘‘ಸಮಾದಿಸೂ’’ತಿಪಿ ಪಾಠೋ। ವೀರೇ ಅಕಾತರೇ ಸೂರೇ। ರವಿಸೂರೋತಿ ರವಿಸೂರಿಯೋ ‘‘ಸೂರೋ’’ತಿ ವುತ್ತೋ। ಕುದ್ಧೇ ಕೋಧಸಹಿತೇ। ದೂಸಿತೇ ಅಪ್ಪಿಯೇ।
೧೦೭೮. ಅರಿಮ್ಹಿ ಸತ್ತುಮ್ಹಿ ದಿಟ್ಠೋ। ಇಕ್ಖಿತೇಪಿ ದಿಟ್ಠೋ। ಪೋತೇ ಬಾಲಕೇ। ವತೇ ಏಕನ್ತಸಾಧನೇ ವತಕಮ್ಮೇ।
೧೦೭೯. ಸಲಾಕಾಯಂ ಕುಸಾವಹಾರೇ। ದಬ್ಬೇ ವರಹಿಸತಿಣೇ। ಖಯೇ ಉದಯಬ್ಬಯಾನುಪಸ್ಸೀತಿ। ಸಕುಣೇಪಿ ವಯೋ ‘‘ವಿಸಯುತ್ತನ್ನಭುತ್ತಾನಂ, ವಯಾನಂ ಮರಣಂ ಭವೇ’’ತ್ಯಾದೀಸು। ಗಬ್ಬೋ ಅಭಿಮಾನೋ।
೧೦೮೦. ಬಿಳಾಲೇ ನಕುಲೇ ಅಹಿಸತ್ತುಮ್ಹಿ। ಮನ್ಥನೋ ಖೀರಮನ್ಥನದಣ್ಡೋ। ಸತ್ತು ತಣ್ಡುಲವಿಕತಿಖಜ್ಜವಿಸೇಸೋ। ಅಸ್ಸಾದಿಲೋಮೇ ಅಸ್ಸಾದೀನಂ ಲೋಮೇ। ಘಾತೋ ಮರಣಂ। ರಾಸಿ ಪುಞ್ಜೋ।
೧೦೮೧. ಗೋಪಗಾಮೇ ಗೋಪಾಲಾನಂ ಗಾಮೇ। ರವೇ ಸದ್ದೇ। ಸಾರಥಿ ಪಾಜಿತಾ। ವನ್ದೀ ಥುತಿಪಾಠಕೋ।
‘‘ಸಾರಥಿಮ್ಹಿ ತಿಚ್ಛಕೇ ಚ, ಪಸುತೇ ವೇದಿತೇಪಿ ಚ।
ಖತ್ತಿಯಾ ಬ್ರಾಹ್ಮಣಿಯಾ ಜೇಪಿ, ವಿಸೂತೋ ಪಾದವನ್ದಿಸೂ’’ತಿ॥ –
ವೋಪಾಲಿತೋ। ಪುಪ್ಫೇ ಸುತ್ತಾದಿನಾ ಅಸಙ್ಖತೇ। ತದ್ದಾಮೇ ಪುಪ್ಫದಾಮೇ ಸುತ್ತಾದಿನಾ ಸಙ್ಖತೇ। ಸಕಟೇ ಅನೇ। ಹಯೇ ಅಸ್ಸೇ।
೧೦೮೨. ಅಚ್ಚನೇ ಪೂಜಾಯಂ। ಭೇ ನಕ್ಖತ್ತೇ। ನೇತ್ತಮಜ್ಝೇ ‘‘ಸೂಲಾ’’ತಿ ಖ್ಯಾತೇ। ಓಧಿ ಮರಿಯಾದೋ।
೧೦೮೩. ಪುಣ್ಣತಾ ಅವಜ್ಜಂ ದೋಸೋ। ಮನಕ್ಕಾರೇಪಿ ಆಭೋಗೋ। ಆಳಿಸದ್ದೋ ಇತ್ಥೀ। ಸಖೀ ವಯಸಾ। ಸೇತು ಜಲವಾರಣೋ, ನದ್ಯಾದಿಮಗ್ಗೋ ಚ। ಸತ್ತೇ ಸತ್ತಿಯುತ್ತೇ, ಥಿರೇತ್ಯತ್ಥೋ। ‘‘ದಳ್ಹೋ ಥೂಲೇ ಭುಸೇ ಸತ್ತೇ, ಪಗಾಳ್ಹೇಪಿ ದಳ್ಹೇ ಮತೋ’’ತಿ ವೋಪಾಲಿತೋ।
೧೦೮೪. ಮೋಕ್ಖೇ ನಿಬ್ಬಾನೇ, ಅರಹತ್ತಫಲೇಪಿ। ಸಾಮಿನಿ ಪತಿಮ್ಹಿ। ಧಾರಕೇತಿ ಧಾರೇತೀತಿ ಧಾರಕೋ, ತತ್ಥ। ಪೋಸಕೇಪಿ ಭತ್ತಾ।
೧೦೮೫. ಸಿಖಾ ಚೂಳಾ। ಪಿಞ್ಛಂ ಪುಚ್ಛಂ। ಅತ್ತನಿ ‘‘ಸಙ್ಘಿಕಂ ಪುಗ್ಗಲಿಕ’’ನ್ತ್ಯಾದೀಸು। ಖೇಪೇ ನಿನ್ದಾಯಂ।
೧೦೮೬. ರೂಪೇ ವಣ್ಣೇ। ಕರೀಸೇ ಗೂಥೇ।
೧೦೮೭. ಖಣ್ಡೇ ಪಣ್ಣೇ ರುಕ್ಖಾದೀನಂ ಪಣ್ಣೇ। ಕಣ್ಡೇ ಸರೇ। ಸಲಾಕಾ ವಣೋಪಯುತ್ತಾ। ಸುಚಿನೋ ಭಾವೋ ಸುಚಿತ್ತಂ, ತಸ್ಮಿಂ। ಗತೇ ಗಮನಕ್ರಿಯಾಯಂ। ‘‘ಧಾವ ಗತಿಸುದ್ಧಿಯ’’ನ್ತಿ ಹಿ ಧಾತುಪಾಠೋ। ಹಾವೋ ಇತ್ಥೀನಂ ಸಿಙ್ಗಾರಭಾವಜಕ್ರಿಯಾ। ಅವಿಜ್ಜಾಯ ಅಞ್ಞಾಣೇ। ಮುಚ್ಛನೇ ವಿಸಞ್ಞಿಭಾವೇ।
೧೦೮೮. ಘಮ್ಮಜಲಂ ಕಾಯೇ ಉಣ್ಹೇನ ಸಞ್ಜಾತಜಲಂ। ಪಾಕೇ ಪಚ್ಚನೇ। ಗೋಳೇ ‘‘ಮು-ಯೀ’’ಇತಿ ಖ್ಯಾತೇ ಮತ್ತಿಕಾಗುಳಕೇ। ಉಚ್ಛುಮಯೇ ಉಚ್ಛುರಸಸಞ್ಜಾತೇ। ಮಿತ್ತೇ ಪಿಯಮಿತ್ತೇ, ಮಿತ್ತಮತ್ತೇ ವಾ। ಸಹಾಯೇ ಅತ್ಥಚರೇ। ಪಭೂ ಅಧಿಪತಿ। ಸೋ ಪುಲ್ಲಿಙ್ಗೋ।
೧೦೮೯. ಕುರೂರೇ ಕಕ್ಖಳಕಮ್ಮನ್ತೇ। ಪರಸ್ಮಿಂ ಪರಟ್ಠಾನೇ, ಪರಲೋಕೇ ವಾ। ಅತ್ರ ಠಾನೇ, ಲೋಕೇ ವಾ। ಅಙ್ಕೋ ಚಿಹನಂ। ಅಪರಾಧೇ ನಾಟಕಪರಿಚ್ಛೇದೇಪಿ ಅಙ್ಕೋ। ಅಪವಾದೋ ಲೋಕಗರಹಾ। ದೇಸೇ ದೇಸವಿಸೇಸೇ। ‘‘ಭವೇ ಜನಪದೋ ದೇಸೇ, ಜನೇ ಜನಪದೇಪಿ ಚೇ’’ತಿ ವೋಪಾಲಿತೋ।
೧೦೯೦. ಪಜ್ಜೇ ವಚೀಭೇದೇ ಬ್ಯತ್ತವಾಚಾಯಂ। ಅನ್ವಯೇ ಸನ್ತಾನೇ। ಸರೂಪಸ್ಮಿಂ ಸಮಾನಭಾವೇ। ಅಧೋಭಾಗೇ ಚ ತಲಂ।
೧೦೯೧. ವಿಲಗ್ಗೇ ಕಾಯಮಜ್ಝೇ। ವೇಮಜ್ಝೇ ಮಜ್ಝಸಾಮಞ್ಞೇ। ಕುಸುಮಂ ಪಸವಂ। ಉತು ಇತ್ಥಿಪುಪ್ಫಂ। ಸುಬ್ಬತೇ ಸುನ್ದರೇ ವತೇ।
೧೦೯೨. ಕೋಸೇ ಲಿಙ್ಗಪಸಿಬ್ಬಕೇ। ಗಬ್ಭರೇ ಗುಹಾಯಂ। ಬಿಲೇ ಕಿಪಿಲ್ಲಿಕಾದೀನಂ ಆವಾಸೇ। ಗಣ್ಡಕೇ ಖಗ್ಗವಿಸಾಣೇ। ಕದಮ್ಬೇ ‘‘ಥಿನ’’ಇತಿ ಖ್ಯಾತೇ। ದುಮೇ ರುಕ್ಖೇ। ಚಯೇ ಸಮೂಹೇ।
೧೦೯೩. ಭೇ ನಕ್ಖತ್ತಭೇದೇ। ಧೇನುಯಂ ಸಿಙ್ಗಿನಿಯಂ। ಯೋನಿಯಂ ಇತ್ಥೀನಂ ಅಙ್ಗಜಾತೇ। ಸಿರೇ ಸೀಸೇ।
೧೦೯೪. ಭೋಗೀಸದ್ದೋ ಸಿವೋ ಮಹಿಸ್ಸರೋ। ಬಲೇ ಥಾಮೇ। ಪಭಾವೇ ತೇಜಸಿ। ‘‘ವೀರಿಯಂ ಸುಕ್ಕೇ ಪಭಾವೇ, ತೇಜೋ ಸಾಮತ್ಥಿಯೇಸ್ವಪೀ’’ತಿ ವೋಪಾಲಿತೋ। ತೇಜಸದ್ದೋ ಪನ ತೇಸು ಚ ಯಥಾವುತ್ತೇಸುಪಿ ದ್ವೀಸ್ವತ್ಥೇಸು, ದಿತ್ತಿಯಞ್ಚ ವತ್ತತಿ।
೧೦೯೫. ಸನ್ತತಿ ಆಧಾರೋ। ಖಗ್ಗಙ್ಗೇ ಖಗ್ಗಸ್ಸ ತಿಖಿಣಾವಯವೇ। ಸೂತೇ ಸಾರಥಿಮ್ಹಿ। ಪಟಿಹಾರೇ ವಚನಹಾರೇ। ‘‘ವಿದ ಲಾಭೇ’’ತಿ ಧಾತ್ವತ್ಥತೋ ವಿತ್ತಿ। ಪೀಳಾ ವಿಬಾಧಾ।
೧೦೯೬. ರವೇ ಸದ್ದೇ। ಪಲಾಸೇ ನಿತ್ತಣ್ಡುಲವೀಹಿಮ್ಹಿ।
೧೦೯೭. ರುಕ್ಖೇ ಅಮ್ಬಟ್ಠರುಕ್ಖೇ। ಪರಸಮಯೇ ಪನ ಬಾಧಾ। ಅಧಿಕಪ್ಪೇಮೇ ಅತಿಸಯಪೇಮೇ।
೧೦೯೮. ಕೇತುಮ್ಹಿ ಲೇಖ್ಯೇ ಲಿಖಿತಬ್ಬೇ ಲೇಖೇ। ರಾಜಿಯಂ ತು ಲೇಖಾ।
೧೦೯೯. ಸತ್ಥೇ ಆವುಧಭೇದೇ। ಸತ್ತೇ ಪಾಣಿಮ್ಹಿ। ಚಯೇ ಸಮೂಹೇ।
೧೧೦೦. ಆಳಿಯಂ ನದೀಮಗ್ಗೇ, ಜಲಧಾರಣೇ ಚ।
೧೧೦೧. ಸಂಸದೇ ಸಭಾಯೇ। ಅಯನಸದ್ದೋ ಗಮನೇ, ಪಥೇ ಚ ವತ್ತತಿ।
೧೧೦೨. ರುಕ್ಖನ್ತರೇ ಸೂರೇ ಸೂರಿಯೇ। ಕೋಣೇ ವಿದಿಸಾಯಂ। ಹಯೇ ತುರಙ್ಗೇ ಚ ಅಸ್ಸೋ। ಖನ್ಧೇ ಭುಜಸಿರೇ। ಅಚ್ಚಿಸದ್ದೋ ಜಾಲಾಯಂ ಅಗ್ಗಿಜಾಲಾಯಂ। ಅಂಸುಮ್ಹಿ ತಸ್ಸ, ಅಞ್ಞೇಸಞ್ಚ ಅಂಸುಮ್ಹಿ ವತ್ತತಿ। ಸೋ ಚ ನೋ ಪುಮೇ ಪುಲ್ಲಿಙ್ಗೇ ನ ವತ್ತತಿ।
೧೧೦೩. ಅಭಾವಸದ್ದೋ ನಾಸೇ ವಿಜ್ಜಮಾನಸ್ಸ ನಾಸೇ। ಅಸತ್ತಸದ್ದೋ ಅವಿಜ್ಜಮಾನತ್ಥೇ ವತ್ತತಿ। ಭುತ್ತಿ ಭುಞ್ಜನಕ್ರಿಯಾ। ಪಾಣೇ ಆಯುಮ್ಹಿ ಜೀವಂ। ಜನೇ ಪಾಣವತಿ ಜೀವೋ।
೧೧೦೪. ಛದನೇ ಗಹಾದೀನಂ ಛದನೇ। ರಾಸಿ ಪುಞ್ಜೋ, ಸಹಧಮ್ಮೀನಂ ಗಣೋ ಚ।
‘‘ನಿಕಾಯೋ ನಿಲಯೇ ಲಕ್ಖ್ಯೇ, ಸಂಹತಾನಂ ಸಮುಚ್ಚಯೇ।
ಏಕತ್ಥ ಭಾಜಿನಿ ವಸೇ, ಪರಮತ್ತನಿ ವುಚ್ಚತೇ’’ತಿ॥ –
ವೋಪಾಲಿತೋ। ಯಜನೇ ದೇವಪೂಜಾಯಂ। ಅಚ್ಚನೇ ಪೂಜಾಮತ್ತೇ। ದಿಕ್ಖ ಮುಣ್ಡಿಯೋಪನಯನನಿಯಮಬ್ಬತಾದೇಸೇಸು।
೧೧೦೫. ಕರಣಂ ಕಾರಿಕಾ, ಕ್ರಿಯಾ, ಸಕತ್ಥೇ ಣಿಕೋ। ಪಜ್ಜೇಪಿ ಸೋಯೇವತ್ಥೋ। ಚಿಹನೇ ಲಕ್ಖಣೇ। ಥೀರಜೇ ಇತ್ಥೀನಂ ಉತುಮ್ಹಿ। ಪುಪ್ಫೇ ಸುಮನೇ। ವಾನರೇ ಮಕ್ಕಟೇ।
೧೧೦೬. ಅಧರೇ ದನ್ತಾವರಣೇ। ಖರಭೇ ‘‘ಕ-ಲ-ಅಉ’’ಇತಿ ಖ್ಯಾತೇ। ಲೋಭಪುಗ್ಗಲೇಪಿ ಲುದ್ಧೋ। ಆವಿಲೇ ಅನಚ್ಛೇ।
೧೧೦೭. ಚರಮ್ಹಿ ಗುತ್ತಪುರಿಸೇ।
೧೧೦೮. ಹಾಸೋ ಚ ಗನ್ಧೋ ಚ ಹಾಸಗನ್ಧಾ, ತೇಸು। ಗನ್ಧೋತ್ರ ದೂರಗಾಮೀ। ಕಲ್ಯಾಣೇಪಿ ಚಾರು। ಖಲ ಚಲನೇ, ಸಞ್ಚಯೇ ಚ, ತೋ, ಖಲಿತೋ।
೧೧೦೯. ವಕ್ಕಲೇ ಅಧಿರೋಹೇ ಆರೋಹನಕ್ರಿಯಾಯಂ। ವತ್ಥನ್ತರಂ ವಿಚಿತ್ತರೂಪಂ ವತ್ಥಂ, ಯಂ ಚೀನದೇಸೇ ಸಞ್ಜಾತಂ।
೧೧೧೦. ಪಟಿಹಾರೇ ‘‘ಡ-ಗಾ’’ಇತಿ ಖ್ಯಾತೇ। ಮುಖೇ ಭತ್ತಾದೀನಂ ಪವೇಸನಟ್ಠಾನೇ। ಪೇತೇ ಪರಲೋಕಂ ಗತೇ। ಅಪರಣ್ಣಂ ಮುಗ್ಗಾದಿ। ಕಾಲೋ ತಿಂಸರತ್ತಿದಿವಪರಿಚ್ಛಿನ್ನೋ।
೧೧೧೧. ದೋಸೇ ಕೋಧೇ। ಘಾತೇ ಮಾರಣೇ। ಮಿಗಾದೋ ಚತುಪ್ಪದೇ। ಛಗಲೇ ಅಜೇ। ಅರೂಪೇ ಫಸ್ಸಾದಿಕೇ। ಅವ್ಹಯೇ ಸಞ್ಞಾಯಂ। ದರಥೇ ಕಾಯಚಿತ್ತಸಮ್ಭೂತೇ ಸನ್ತಾಪೇ। ಭೀತಿ ಭಯಂ।
೧೧೧೨. ಭಾರೇ ಖನ್ಧಭಾರಾದಿಕೇ। ಸುಜಾಸದ್ದೋ ದಬ್ಬಿಯಂ ಕಟಚ್ಛುಯಂ, ಇನ್ದಜಾಯಾಯಂ ಸಕ್ಕಸ್ಸ ಭರಿಯಾಯಞ್ಚ। ವಿಹಾಯಸೇ ಆಕಾಸೇ।
೧೧೧೩. ಮಣಿಕೇ ರತನೇ ಅಸ್ಮವಿಕಾರೇ ರತನಸಾಮಞ್ಞೇ। ಸೇಲೋ ಚನ್ದನಪಬ್ಬತೋ। ಆರಾಮೇ ಪುಪ್ಫಾರಾಮಾದಿಆರಾಮೇ।
‘‘ಮಲಯೋ ದೇಸೇ ಸೇಲಙ್ಗಪಬ್ಬತನ್ತರೇ, ಮಲಯಾತಿವುತಾಯಞ್ಚಾ’’ತಿ ವೋಪಾಲಿತೋ। ಅಙ್ಕೋ ಚಿಹನಂ।
೧೧೧೪. ಸಪ್ಪಿಮ್ಹಿ ಘತೇ, ತದಞ್ಞೇ ಹೋತಬ್ಬೇ ಚ ಹವಿ।
‘‘ರಹಸಿ ಚ ವಿಚಾರೇ ಚ, ವಿವೇಕೋ ಜಲದೋಣಿಯ’’ನ್ತಿ ವೋಪಾಲಿತೋ।
೧೧೧೫. ಪವಾಹೇ ಜಲಪ್ಪವಾಹೇ।
‘‘ವೇಗೋ ಜವೇ ಪವಾಹೇ ಚ, ಮಹಾಕಾಲಫಲೇಪಿ ಚೇ’’ತಿ ವೋಪಾಲಿತೋ। ಖಿಲೇ ಅಣುಖಾಣುಮ್ಹಿ। ಕಣೇ ಅಪ್ಪೇ।
೧೧೧೬. ನೇತ್ತನ್ತೇ ಚಿತ್ತಕೇ ತಿಲಕೇ।
‘‘ಅಪಾಙ್ಗಂ ಅಙ್ಗಹೀನೇ ಚ, ನೇತ್ತನ್ತೇ ತಿಲಕೇಪಿ ಚೇ’’ತಿ ವೋಪಾಲಿತೋ। ಮುತ್ತಾಗುಣೇ ಸುತ್ತಬನ್ಧಮುತ್ತಾಯಂ। ಗಹಣಂ ಗಾಹೋ, ತಸ್ಮಿಂ। ಮಕುಳೇ ಅಪುಪ್ಫಿತೇ। ರಸೇ ಲೋಣರಸೇ।
೧೧೧೭. ಅಗೋ, ನಗೋ ಚಾತಿ ದ್ವೇ ಅಭಿಧಾನಾನಿ ಸೇಲರುಕ್ಖೇಸು ವತ್ತನ್ತಿ। ಸ್ವಪ್ಪೇ ಸುಟ್ಠು ಅಪ್ಪೇ, ಅಪ್ಪತರೇತ್ಯತ್ಥೋ। ಅವಧಾರಣೇ ‘‘ನಮನಮತ್ತ’’ನ್ತ್ಯಾದೀಸು। ಅಚ್ಚನೇ ಪೂಜಾಯಂ।
೧೧೧೮. ಛಿದ್ದೇ ದೋಸೇ। ಓತರಣಂ ಜಲತಿತ್ಥಾದೀಸು ಅವತರಣಂ। ಅಯ್ಯಕೇ ಪಿತುಪಿತರಿ।
೧೧೧೯. ರುಕ್ಖೇ ಸುನೇ ಸುನಖೇ। ಗನ್ಧೇ ಅಧಿವಾಸನಗನ್ಧೇ।
೧೧೨೦. ಕೋಣೇ ಅಸ್ಸೇ। ಸವನೇ ಸೋತೇ। ಪನ್ತಿಯಂ ವೀಥಿಯಂ। ಭಾಗ್ಯಂ ಪುಞ್ಞಂ। ಏಕದೇಸೋ ತತಿಯಭಾಗಾದಿ। ಅಜಪಾಲಕೇ ಪೋಕ್ಖರೇ। ‘‘ಕುಟ್ಠಂ ರೋಗೇ ಸುಗನ್ಧೇ ಚಾ’’ತಿ ವೋಪಾಲಿತೋ।
೧೧೨೧. ಸೇನಾಸನೇ ವಿಹಾರಾದಿಕೇ। ಸೇನೇ ಪೀಠಾದಿಕೇ। ಚುನ್ದಭಣ್ಡಮ್ಹಿ ಚುನ್ದಾನಂ ಉಪಕರಣೇ। ‘‘ಭಮೋ’ಮ್ಬುನಿಗ್ಗಮೇ ಭಣ್ಡಿ, ಚುನ್ದಾಖ್ಯೇ ಸಿಪ್ಪಿಯನ್ತಕೇ’’ತಿ ನಾನತ್ಥಸಙ್ಗಹೇ ವೋಪಾಲಿತೋ। ಅಂಸುಸದ್ದೋ ವತ್ಥಾದೀನಂ ಲೋಮೇ, ಕರೇ ಕಿರಣಮತ್ತೇ ಚ। ಅಬ್ಯಯೇ ಪಕಾರಾದಿಕೇ।
೧೧೨೨. ಖಜ್ಜನ್ತರೇ ದಿಸೇ ರಿಪುಮ್ಹಿ। ಪತಿ ಧವೋ। ಅರಿಯೋ ಅಧಿಪತಿ।
೧೧೨೩. ರಾಗೇ ಕಸಾಯಾದಿಕೇ ರಾಗೇ।
‘‘ರಙ್ಗೋ ದಾನೇ ಖಲೇ ರಾಗೇ, ತಚ್ಛೇ ರಙ್ಗಂ ತಿಪುಮ್ಹಿ ಚೇ’’ತಿ ವೋಪಾಲಿತೋ। ಪೇಯ್ಯೇ ಉದಕಾದಿಕೇ। ಪೀತಿಯಂ ಪಿವನಕ್ರಿಯಾಯಂ। ‘‘ರಕ್ಖಣೇ ಪೀತಿಯಂ ಪಾನ’’ನ್ತಿ ವೋಪಾಲಿತೋ। ಇಣೇ, ಉಕ್ಖೇಪನೇ ಚ ಉದ್ಧಾರೋ। ಉಮ್ಮಾರೇ ದ್ವಾರುಮ್ಮಾರೇ। ಏಳಕಸದ್ದಸ್ಸ ಅಜಸ್ಸಾಪಿ ವಾಚಕತ್ತಾ ‘‘ಏಳಕೋ ಅಜೇ’’ತಿ ವುತ್ತಂ।
೧೧೨೪. ಪಹರಣಂ ಪಹಾರೋ, ಪೋಥನಂ। ಪಹರತಿ ಏತ್ಥಾತಿ ಪಹಾರೋ, ಯಾಮೋ, ಹಾಯನೋ ಸಂವಚ್ಛರೋ। ಕುಣ್ಡಿಕಾಯಂ ‘‘ಕಯಾ’’ಇತಿ ಖ್ಯಾತಾಯಂ। ಆಳ್ಹಕೇ ಚತುಪತ್ಥಪ್ಪಮಾಣೇ। ಭುಸಮ್ಹಿ ತಣ್ಡುಲತ್ತಚೇ।
೧೧೨೫. ಆವಾಟೇ ಚಯೇ ಸಮೂಹೇ ಚ। ಕಾಸು ಸಾ, ಕಾರಣೇ, ರಹಸಿ ಚ ಉಪನಿಸಾ।
‘‘ಭವೇ ಉಪನಿಸಾ ಧಮ್ಮೇ, ವೇದನ್ತೇಪಿ ರಹಸ್ಯಮ್ಪೀ’’ತಿ ವೋಪಾಲಿತೋ। ಪೋಟಗಲೇ ‘‘ಫೋ-ಖಾ’’ಇತಿ ಖ್ಯಾತೇ। ಗುಣೇತರೇ ಅವಜ್ಜೇ।
೧೧೨೬. ಯುತ್ತೇ ‘‘ಅಟ್ಟಂ ವಿನಿಚ್ಛಿನಾತೀ’’ತ್ಯಾದೀಸು। ಅಟ್ಟಾಲೇ ‘‘ಗೋಪುರಟ್ಟೇಹಿ ಸಂಯುತ್ತ’’ಮಿಚ್ಚಾದೀಸು। ಅಟ್ಟಿತೇ ‘‘ಅಟ್ಟಸ್ಸರಂಕರೋತೀ’’ತ್ಯಾದೀಸು। ಅಟ್ಟ ಅಭಿಯೋಗೇ, ಅಟ್ಟ ಅತಿಕ್ಕಮಹಿಂಸಾಸೂತಿ ಧಾತ್ವತ್ಥೋ। ಕಾನನೇ ವನೇ। ಉಪ್ಪತ್ತಿಯಂ ಜನನೇ, ವಿಹಾಯಸಾಗಮನೇ ಚ।
೧೧೨೭. ಲಾಮಕೇ ನಿಹೀನೇ। ಖನ್ಧೇ ರೂಪಾದಿಕೇ। ಮೂಲಂ ಮೂಲಧನಂ। ಉಪದಾ ಪಹೇಣಕಂ। ಅವತ್ಥಾಯಂ, ಪಟಸ್ಸ ಅನ್ತೇ ಚ ದಸಾ। ಘಾತೋ ಮಾರಣಂ।
೧೧೨೮. ಗಬ್ಬೇ ಘಟನಂ ಸಿಲೇಸಕರಣಂ। ರಾಸಿ ಪುಞ್ಜೋ, ಏತೇಸು ಘಟಸದ್ದೋ। ಅಭಿಹಾರೇ ಪೂಜಾಯಂ। ಬನ್ಧನೇ ‘‘ಪಾಕಾರಚಯೋ’’ತ್ಯಾದೀಸು।
೧೧೨೯. ಥೋಕೇ ಅಪ್ಪಕೇ। ದಾನೇ, ಹಾನಿಯಞ್ಚ ಚಾಗೋ। ಗೀವಾ, ಗಲೋ ಚಾತಿ ದ್ವೇ ಅಭಿಧಾನಾನಿ ಇಣೇ ಸಿಯುಂ। ‘‘ಇಣೇ ಗೀವಾ ಗಲೇಪಿ ಚಾ’’ತಿಪಿ ಪಾಠೋ। ಗಲೇ ಕಣ್ಠೇ।
೧೧೩೦. ದಣ್ಡೇಪಿ ಸಾಹಸಂ। ಪಟೇ ವತ್ಥವಿಸೇಸೇ ಭಙ್ಗಂ। ಸಾಣಾದಿಕೇ ಮಿಸ್ಸಿತ್ವಾ ಕತಞ್ಹಿ ವತ್ಥಂ ‘‘ಭಙ್ಗ’’ನ್ತಿ ವುತ್ತಂ। ಛವಕೇ ಕಳೇವರೇ।
೧೧೩೧. ಅನಙ್ಗೇ ಮಾರೇ। ದುಮೇ ಕರಹಾಟಕೇ।
‘‘ಮದನೋ ವೋಪಾಲಿತೋ। ಪಮಾತರಿ ಮಾತುಮಾತರಿ। ವೇಠೇ ಉಣ್ಹೀಸೇ ಚ ವೇಠನಂ।
೧೧೩೨. ತಣ್ಡುಲೇಯ್ಯೇ ತಿಲಫಲಸಾಕೇ। ಅಯ್ಯೇ ಸಾಮಿನಿ। ಮುತ್ತಿ ಮುಚ್ಚನಂ।
೧೧೩೩. ಅಙ್ಕೇ ಲಕ್ಖಣೇ। ಆಕಾರೇ ಸೀಸಚಲನಾದಿಕೇ। ವಪ್ಪೇ ವಪ್ಪನೀಯಬೀಜೇ। ತಟೇ ತೀರೇ ಚ ವಪ್ಪೋ, ಪಾಕಾರಮೂಲೇ, ನೇತ್ತಜಲೇ, ಉಸುಮೇ ಚ ವಪ್ಪೋ। ಅನುಞ್ಞಾಯಂ, ವೋಹಾರೇ ಚ ಸಮ್ಮುತಿಸದ್ದೋ। ಅಕ್ಖತಸದ್ದೋ ಲಾಜಾಸು ಧಞ್ಞವಿಕತೀಸು ನಪುಂಸಕೇ।
೧೧೩೪. ಯಾಗೇ ದೇವಪೂಜಾಯಂ, ಸದಾದಾನೇ ಚ ಸತ್ರಂ। ಸಸು ಹಿಂಸಾಯಂ, ತ್ರಣ, ಸತ್ರಂ। ಓಸಧಿಮ್ಹಿ, ಚನ್ದೇ ಚ ಸೋಮೋ।
‘‘ಸೋಮೋ ಕುವೇರೇ ಪಿತುದೇವತಾಯಂ,
ವಸುಪ್ಪಭೇದೇ ವಸುಧಾಕರೇ ಚ।
ದಿಬ್ಬೋಸಧಿಸಾಮಲತಾಸಮೀರ-
ಕಪ್ಪೂರನೀರೇಸು ಚ ವಾನರೇ ಚಾ’’ತಿ॥ –
ವೋಪಾಲಿತೋ । ಯುಗಗೇಹಙ್ಗೇತಿ ಪುಬ್ಬಾಪರಾಯಾಮವಸೇನ ಥಮ್ಭಾನಂ ಉಪರಿ ಠಪಿತೇ ಯುಗಭೂತೇ ಗೇಹಾವಯವೇ। ದಕ್ಖಿಣುತ್ತರಾಯಾಮವಸೇನ ಠಪಿತೇ ಗೇಹಙ್ಗೇ ಸಙ್ಘಾಟೋ।
ಗಾಥಾಪಾದವಣ್ಣನಾ ನಿಟ್ಠಿತಾ।
ಅನೇಕತ್ಥವಗ್ಗವಣ್ಣನಾ ನಿಟ್ಠಿತಾ।
೪. ಅಬ್ಯಯವಗ್ಗವಣ್ಣನಾ
೧೧೩೬-೧೧೩೭. ಚಿರಸ್ಸಾದಯೋ ಚತ್ತಾರೋ ಚಿರತ್ಥಕಾ। ಚಿರಾಯ, ಚಿರಾ ಚಾತ್ರ। ಸಹಾದಯೋಪಿ ಚತ್ತಾರೋ ಸಹತ್ಥಾ। ಪುನಪ್ಪುನಮಾದಯೋ ಪಞ್ಚ ಪುನಪ್ಪುನತ್ಥಾ। ವಿನಾದಯೋ ಪಞ್ಚ ವಜ್ಜನತ್ಥಾ।
೧೧೩೮. ಬಲವಂ ಸುಟ್ಠು। ಪಞ್ಹೇಪಿ ಕಿಮುತ। ಆಹೋ ಕಿಂ ಕಿಮು ಉದಾಹು ಕಿಮುತ ಉದ ಏತೇ ಛ ವಿಕಪ್ಪೇ ವಿತಕ್ಕೇ। ತತ್ರ ಆಹೋಸದ್ದೋ ದೀಘಾದಿ। ‘‘ದಿಟ್ಠೋ ಆಹೋ ಉದಾಹು ಚ, ವಿಕಪ್ಪತ್ಥೇ ವಿಭಾವನೇ’’ತಿ ಹಿ ಭಾಗುರಿ। ಖಾಣುರಯಮಾಹೋ ಪುರಿಸೋ। ರುದ್ದೋ ತು ರಸ್ಸಾದಿಮಾಹ ‘‘ಇಸ್ಸರೇಪ್ಯಧಿಕೇಪಿ ಚ, ವಿಕಪ್ಪೇವಿಮ್ಹಯೇಪ್ಯಹೋ’’ತಿ। ಕಿಮುಸದ್ದೋ ರಸ್ಸನ್ತೋ। ಕಿಮಾಯಂ ಖಾಣು, ಕಿಮು ಪುರಿಸೋ। ಉದಸದ್ದೋ ರಸ್ಸಾದಿ। ಧೂಮೋಯಮೋದ ಕಾಪೋತಂ, ಸಮೂಹತ್ಥೇ ಣೋ। ಕಿಞ್ಚಸದ್ದೋಪಿ ವಿಕಪ್ಪೇ। ಕಿಮುತಸದ್ದೋ ಅತಿಸಯೇತಿ ವುತ್ತೋ।
೧೧೩೯. ಭೋ ಅರೇ ಅಮ್ಭೋ ಹಮ್ಭೋ ರೇ ಜೇ ಅಙ್ಗ ಆವುಸೋ ಹೇ ಹರೇ ಏತೇ ದಸ ಅವ್ಹಾನೇ। ಹಂ ಹೋಸದ್ದಾಪ್ಯತ್ರ। ಕಥಂ ಕಿಂಸು ನನು ಕಚ್ಚಿ ನು ಕಿಂ ಏತೇ ಛ ಸಮಾ ಸಮಾನತ್ಥಾ।
೧೧೪೦. ಅಧುನಾ, ಏತರಹಿ, ಇದಾನಿ, ಸಮ್ಪತಿ ಚಾತಿ ಚತ್ತಾರೋ ಇದಾನೀತ್ಯತ್ಥೇ। ಅಞ್ಞದತ್ಥು ತಗ್ಘ ಸಸಕ್ಕಂ ಅದ್ಧಾ ಕಾಮಂ ಜಾತು ವೇ ಹವೇ ಏತೇ ಅಟ್ಠ ಏಕಂಸೇ ಏಕಂಸತ್ಥೇ।
೧೧೪೧. ಯಾವತಾದಯೋ
೧೧೪೨-೧೧೪೩. ಯಥಾ ತಥಾ ಯಥೇವ ಏವಂ ಯಥಾನಾಮ ಯಥಾಹಿ ಸೇಯ್ಯಥಾಪಿ ಏವಮೇವಂ ವಾ ತಥೇವ ಯಥಾಪಿ ಏವಮ್ಪಿ ಸೇಯ್ಯಥಾಪಿ ನಾಮ ಯಥರಿವ ಯಥಾ ಚ ವಿಯ ತಥರಿವ ಇಚ್ಚೇತೇ ಸತ್ತರಸ ಪಟಿಭಾಗತ್ಥೇ ಸದಿಸತ್ಥೇ ಭವನ್ತಿ।
೧೧೪೪. ಸಂ, ಸಾಮಂ, ಸಯಞ್ಚೇತಿ ತಯೋ ಸಯಮಿಚ್ಚತ್ಥೇ। ಆಮ ಸಾಹು ಲಹು ಓಪಾಯಿಕಂ ಪತಿರೂಪಂ ಸಾಧು ಏವಂ ಏತೇ ಸತ್ತ ಸಮ್ಪಟಿಚ್ಛನತ್ಥೇ। ಆಮನ್ತಾಪ್ಯತ್ರ।
೧೧೪೫. ಯಮಾದಯೋ ಚನಸದ್ದೋ, ಚಿಸದ್ದೋ ಚಾತಿ ದ್ವೇ ಅಸಾಕಲ್ಯೇ ಅಸಕಲತ್ಥೇ। ಕದಾಚನಂ, ಕದಾಚೀತ್ಯಾದಿ ಪಯೋಗೋ। ಮುಧಾಸದ್ದೋ ನಿಪ್ಫಲೇ ಫಲರಹಿತೇ, ನಿಪ್ಪಯೋಜನೇತ್ಯತ್ಥೋ। ಅಮೂಲೇಪಿ ಚ ಮುಧಾ।
೧೧೪೬. ಜಾತುಸದ್ದೋ ಏಕಂಸೇಪಿ। ಸಬ್ಬತೋ, ಸಮನ್ತತೋ, ಪರಿತೋ, ಸಮನ್ತಾ ಚಾತಿ ಚತ್ತಾರೋ ತುಲ್ಯತ್ಥಾ।
೧೧೪೭. ನ ಅ ನೋ ಮಾ ಅಲಂ ನಹಿ ಇಚ್ಚೇತೇ ಛ ನಿಸೇಧೇ। ಚೇ, ಸಚೇ, ಯದೀತಿ ತಯೋ ಯದ್ಯತ್ಥೇ। ಸದ್ಧಂಸದ್ದೋ ಅನುಕೂಲತ್ಥೇ। ನತ್ತಂ ದೋಸೋ ಚ ರಜನೀಯಮಿಚ್ಚತ್ಥೇ। ದಿವಾಸದ್ದೋ ಅಹೇ ಅಹನೀತ್ಯತ್ಥೇ।
೧೧೪೮. ಈಸಂ ಅತಕ್ಕಿತೇ ಅವಿತಕ್ಕಿತೇ। ಬಲಕ್ಕಾರೇ ತು ಸಾಹಸಂ। ಅಗ್ಗತೋ, ಪುರತೋ ಚ ಪುರೇಇಚ್ಚತ್ಥೇ। ಪೇಚ್ಚ ಅಮುತ್ರಸದ್ದಾ ಭವನ್ತರೇ।
೧೧೪೯. ಅಹೋ ಚ ಹಿ ಚಾತಿ ಏತೇ ವಿಮ್ಹಯೇ। ವಿಕಪ್ಪೇಪಿ ಅಹೋ। ಸಮ್ಮೋದೇಪಿ ಹಿ। ತುಣ್ಹೀಸದ್ದೋ ಮೋನೇ ಅಭಾಸನೇ। ಆವಿ, ಪಾತು ಚ ಪಾಕಟತ್ಥೇ। ಸಜ್ಜು ಸಪದಿಸದ್ದಾ ತಙ್ಖಣೇತ್ಯತ್ಥೇ।
೧೧೫೦. ಸುದಂ ಖೋ ಅಸ್ಸು ಯಗ್ಘೇ ವೇ ಹಾದಯೋ ಹಕಾರಾದಯೋ ಚ ಪದಪೂರಣೇ ಸಿಯುಂ। ಅನ್ತರೇನ, ಅನ್ತರಾ, ಅನ್ತೋ ಚಾತಿ ಏತೇ ಅಬ್ಭನ್ತರೇಇಚ್ಚತ್ಥೇ। ಅವಸ್ಸಂ, ನೂನ ಚ ನಿಚ್ಛಯತ್ಥೇ।
೧೧೫೧. ಸಂಸದ್ದೋ ದಿಟ್ಠಾಸದ್ದೋ ಆನನ್ದತ್ಥೇ। ಸಮುಪಜೋ, ಸಂಪ್ಯತ್ರ। ಕಾಮಪ್ಪವೇದನೇ ಇಚ್ಛಾಯ ಅಕ್ಖಾನೇ ಕಚ್ಚಿ ಜೀವತಿ ತೇ ಮಾತಾ ಉಸೂಯೋಪಗಮೇ ಉಸೂಯಾಪುಬ್ಬಕೇ ಉಪಗಮೇ।
‘‘ಕಾಮಾನುಮತಿಯಂ ಕಾಮೋ,
ಉಸೂಯೋಪಗಮೇಪಿ ಚಾ’’ತಿ ರುದ್ದೋ।
ಉಸೂಯೋಪಗಮಾನುಞ್ಞಾಣೇಪಿಚಾಯಂ ಅತ್ಥೋ ದಿಸ್ಸತೇ।
೧೧೫೨-೧೧೫೩. ಯಥಾತ್ತನ್ತಿ ಸಚ್ಚಂ। ತಥಸ್ಸ ಅನತಿಕ್ಕಮೋ ಯಥಾತಥಂ, ಯಥಾತ್ಥೇ ಅಬ್ಯಯೀಭಾವೋ। ತಥಸದ್ದೋಯಂ ಭೂತಪರಿಯಾಯೋ। ಸದಾಸದ್ದೋ, ಸನಂಸದ್ದೋ ಚಾತಿ ನಿಚ್ಚೇ। ಸನಸದ್ದೋಪ್ಯತ್ರ। ಪಾಯೋ, ಬಾಹುಲ್ಯಞ್ಚ ಸಮಾ। ಪಞ್ಚಕಂ ಬಾಹ್ಯೇ। ಸಣಿಕಂಸದ್ದೋ ಅಸೀಘೇ।
೧೧೫೪. ಸಮ್ಮಾ, ಸುಟ್ಠೂತಿ ದ್ವೇ ಅಭಿಧಾನಾನಿ।
೧೧೫೫. ಸಾಯಂ ಸಾಯೇ ಅತ್ರಾಹೇತಿ ಇಮಸ್ಮಿಂ ಅಹನಿ ಅಜ್ಜಸದ್ದೋ।
೧೧೫೬. ಯತ್ಥಾದಯೋ ತಯೋ ಅನಿಯಮಟ್ಠಾನಾದಿವಾಚಕಾ। ತತ್ಥಾದಯೋ ನಿಯಮಟ್ಠಾನಾದಿವಾಚಕಾ।
೧೧೫೭. ಸಮ್ಮುಖಾ, ಆವಿ, ಪಾತು ಚ ಸಮಾನತ್ಥಾ।
೧೧೫೮. ಅಪ್ಪೇವಾದಯೋ ತಯೋ ಸಂಸಯತ್ಥಮ್ಹಿ। ಇತಿ ಇತ್ಥಂ ಏವಂಸದ್ದಾ ನಿದಸ್ಸನೇ ವತ್ತನ್ತಿ। ಕಥಞ್ಚಿಸದ್ದೋ ಕಿಚ್ಛತ್ಥೇ।
೧೧೫೯. ಖೇದೋ ಸಚ್ಛಿಸದ್ದೋ। ಥಿರೇ, ಅವಧಾರಣೇ ಚ ಧುವಂ। ತಿರೋ ತಿರಿಯಂಸದ್ದಾ ಸಮಾ। ದುಟ್ಠುಕುಸದ್ದಾ ಕುಚ್ಛಾಯಂ।
೧೧೬೦. ಆಸಿಟ್ಠತ್ಥಮ್ಹಿ ಸುವತ್ಥಿ। ಧಿಸದ್ದೋ ನಿನ್ದಾಯಂ। ಕುಹಿಞ್ಚನಾದಯೋ ಸತ್ತ ಠಾನಾದಿಪುಚ್ಛನತ್ಥಾ।
೧೧೬೧. ಇಹ ಇಧ ಅತ್ರ ಏತ್ಥ ಅತ್ಥ ಏತೇ ಓಕಾಸತ್ಥಾದಿವಾಚಕಾ। ಸಬ್ಬಸ್ಮಿಂ ಕಾಲಾದಿಕೇ ಸಬ್ಬತ್ರಾದಿದ್ವಯಂ। ಕಿಸ್ಮಿಂ ಕಾಲೇ ಕದಾ। ಕಸ್ಮಿಂ ಕಾಲೇ ಕುದಾಚನಂ।
೧೧೬೨-೧೧೬೩. ವಿಭತ್ಯನ್ತನಾಮಸರಾಖ್ಯಾತಪತಿರೂಪಕೇ ಅಬ್ಯಯೇ ದಸ್ಸೇತ್ವಾ ತದಞ್ಞಭಾವೇ ಅಬ್ಯಯೇ ದಸ್ಸೇತುಮಾಹ ‘‘ಆದಿಕಮ್ಮೇ’’ಇಚ್ಚಾದಿ। ತತ್ರ ವಿಭತ್ಯನ್ತಪತಿರೂಪಕಂ ಯಥಾ – ‘‘ಚಿರಸ್ಸಂ, ಚಿರಂ
ಸಮ್ಭವೋ ಪಭವೋ। ಉದಿಣ್ಣೇ ಪವುದ್ಧೇ ವಡ್ಢನೇ। ತಿಸ ಪೀಣನೇ,ತಿ, ತಿತ್ತಿ। ನಿಯೋಗೇ ನಿಯೋಜನೇ। ಅಗ್ಗೇ ಉತ್ತಮೇ। ತಪ್ಪರೇ ತಪ್ಪಧಾನೇ। ಸಙ್ಗೇ ಲಗ್ಗನೇ। ಪಕಾರೇ ಸದಿಸೇ, ಭೇದೇ ವಾ। ಅನ್ತೋಭಾವೇ ಪಕ್ಖಿತ್ತೇ। ವಿಯೋಗೇ ಪವಾಸೇ। ಅವಯವೇ ಪದೇಸೇ। ಧಿತಿಯಂ ವೀರಿಯೇ ಪಧಾನೇ। ಏತೇ ಚತ್ಥಾ ಧಾತುಸಂಯೋಗತ್ಥಾ ವಾ ನಾಮಸಂಯೋಗತ್ಥಾ ವಾ ಭವನ್ತಿ। ಅಸಂಯೋಗಸ್ಸ ಪನ ನಾಮಪದಸ್ಸ ಅತ್ಥೋ ‘‘ಪೋ ಸಿಯಾ ಪರಮತ್ಥಸ್ಮಿಂ, ಪಾತು ವಾತೇಸು ಪಾ ಭವೇ’’ತಿ ಏಕಕ್ಖರಕೋಸೇ
೧೧೬೪. ವಿಕ್ಕಮೋ ಪಧಾನಂ।
೧೧೬೫-೧೧೬೭. ಸನ್ಯಾಸೇ ನಿಕ್ಖಿತ್ತೇ। ಮೋಕ್ಖೋ ನಿಬ್ಬಾನಂ। ರಾಸಿ ನಿಕರೋ। ಗೇಹೇ ನಿಲಯೇ। ಆದೇಸೋ ಆಚಿಕ್ಖನಂ। ಉಪಮಾಯ ಸನ್ನಿಭೇ। ಅಚ್ಚಯೋ ಅತಿಕ್ಕಮೋ। ಸಾಮೀಪ್ಯೇ ಸಮೀಪಭಾವೇ ಉಪರತಿ ಉಪಸಮೋ। ನೀಹರಣಂ ಅಪನಯನಂ। ಆವರಣಂ ನೀವರಣಂ
೧೧೬೮. ಉದ್ಧಕಮ್ಮೇ ಉಯ್ಯಾನೇ। ವಿಯೋಗೇ ಉಪ್ಪಾಸಿತೇ। ಅತ್ಥಲಾಭೋ ಉಪ್ಪತ್ತಿ। ಪಬಲತ್ತೇ ಮಹಾಬಹಲತ್ತೇ। ದಕ್ಖಗ್ಗತಾಸೂತಿ ದಕ್ಖಭಾವೇ, ಅಗ್ಗಭಾವೇ ಚ। ಸತ್ತಿಯಂ, ಮೋಕ್ಖೇ ನಿಬ್ಬಾನೇ ಚ।
೧೧೬೯. ದು ಚ ಅಭಾವೇ ದುಸ್ಸೀಲೋ, ದುಪ್ಪಞ್ಞೋ। ಅಸಮಿದ್ಧಿಯಂ ದುಬ್ಭಿಕ್ಖಂ। ಅನನ್ದನಂ ಅಮೋದನಂ।
೧೧೭೦. ಸಮನ್ತತ್ತಸಮಿದ್ಧೀಸೂತಿ ಸಮನ್ತಭಾವೇ, ಸಮಿದ್ಧಿಯಞ್ಚ। ಸಙ್ಗತೇ ಸಹಿತೇ। ವಿಧಾನೇ ಕರಣೇ। ಪಭವೋ ಸಮ್ಭವೋ। ಪುನಪ್ಪುನಕ್ರಿಯಾ ಪುನಪ್ಪುನಕರಣಂ।
೧೧೭೧-೧೧೭೨. ಅತಿಸಯೋ ಅತ್ರ ಅಧಿಮತ್ತಂ। ಭುಸತ್ಥೋ ಸಮನ್ತತ್ಥೋ, ತೇನ ಸಮನ್ತ ಪರಿಯಾಯೋಪಿ ಭುಸಸದ್ದೋ ಅತ್ಥೀತಿ ವೇದಿತಬ್ಬೋ। ಇಸ್ಸರಿಯೋ ಪಭೂತಿ। ಅಚ್ಚಯೇ ಅತಿಕ್ಕಮೇ। ಕಲಹೇ ಭಾಸೇ ಕಥನೇ, ‘‘ಭಾಸಾಯಾ’’ತಿಪಿ ಪಾಠೋ। ಕುಚ್ಛನೇ ಕುಚ್ಛಾಯಂ। ಅನಭಿಮುಖತ್ಥೇ ವಿಮುಖೋ। ಮೋಹೋ ವಿಮತಿ। ಪಧಾನೇ ವಿಸಿಟ್ಠೇ। ದಕ್ಖತಾ ಛೇಕತಾ। ಖೇದೇ ಪರಿಸ್ಸಮೇ।
೧೧೭೩. ಜಾನನೇ ಅವಗತೇ। ಅಧೋಭಾಗೇ ಅವಂಸಿರೇ। ಅನಿಚ್ಛಯೇ ಅನಿಣ್ಣಯೇ। ಪರಿಭವೇ ಅವಞ್ಞಾತೇ। ದೇಸೋ ಚ ಬ್ಯಾಪನಞ್ಚ ಹಾನಿ ಚಾತಿ ದ್ವನ್ದೋ। ವಚೋಕ್ರಿಯಾಯ ವಚನಕ್ರಿಯಾಯಂ। ಥೇಯ್ಯೇ ಚೋರಿಯೇ। ಅಞ್ಞಾಣೇ ಚ ಪತ್ತಿಆದಿಕೇ ಚ।
೧೧೭೪. ಪಚ್ಛಾತ್ಥೇ ಅನುಚರೋ। ಭುಸತ್ಥೇ ಅನುಗ್ಗತೋ। ಸದಿಸೇ ಅನುರೂಪೋ। ಅನುವತ್ತಿಯಂ ಅನ್ವೇತಿ। ಹೀನೇ ಅನು ಸಾರಿಪುತ್ತಂ ಪಞ್ಞವನ್ತೋ। ತತಿಯತ್ಥೇ ನದಿಮನ್ವವಸಿತಾ ಬಾರಾಣಸೀ। ದೇಸೇ, ಲಕ್ಖಣೇ, ವಿಚ್ಛಾಯಂ, ಇತ್ಥಮ್ಭೂತೇ, ಭಾಗಾದಿಕೇ ಚ ಅನು। ಲಕ್ಖಣೇ ರುಕ್ಖ’ಮನು ವಿಜ್ಜೋತತೇ ಚನ್ದೋ। ವಿಚ್ಛಾಯಂ ರುಕ್ಖಂ ರುಕ್ಖಮನು ತಿಟ್ಠತಿ। ಇತ್ಥಮ್ಭೂತೇ ಸಾಧು ದೇವದತ್ತೋ ಮಾತರ’ಮನು। ಭಾಗೇ ಯದೇತ್ಥ ಮಂ ಅನು ಸಿಯಾ।
೧೧೭೫. ಆಲಿಙ್ಗನೇ ಅವಞ್ಞೋ ಪರಿಭವೋ। ಆಧಾರೇ ಭೋಜನೇ ಸೋಕೇ ಬ್ಯಾಪನೇ। ತತ್ವೇ ಸಭಾವೇ। ಲಕ್ಖಣಾದೋ ಲಕ್ಖಣವಿಚ್ಛಾಇತ್ಥಮ್ಭೂತಭಾಗೇ।
೧೧೭೬. ವಿಸಿಟ್ಠೇ ಅಭಿಧಮ್ಮೋ। ಉದ್ಧಕಮ್ಮೇ ಸಾರುಪ್ಪೇ ವುದ್ಧಿಯಂ ಪೂಜಾಯಂ ಅಧಿಕೇ। ಕುಲೇ ಅಭಿಜನೋ। ಅಸಚ್ಚೇ ಲಕ್ಖಣಾದಿಮ್ಹಿ ಚತುಬ್ಬಿಧೇ
೧೧೭೭. ಅಧಿಕೇ ಇಸ್ಸರೇ ಪಾಠೇ ಉಚ್ಚಾರಣೇ, ಅಧಿಟ್ಠಾನೇ ಪಾಪುಣನೇ ನಿಚ್ಛಯೇ ಉಪರಿಭಾಗಾದಿಕೇ ಭಟನೇ ಭತ್ತಿಯಂ ವಿಸೇಸನೇ ಚ ಅಧಿ।
೧೧೭೮-೧೧೭೯. ವಾಮಾದಾನೇ ಪಟಿನಿಧಿಮ್ಹಿ ಮುಖ್ಯಸದಿಸೇ ಬುದ್ಧಸ್ಮಾ ಪತಿ। ಪಟಿಬಾಧೇ ನಿವತ್ತನೇ। ಪಟಿಚ್ಚತ್ಥೇ ‘‘ಪಟಿಚ್ಚಾ’’ತಿ ಪದಸ್ಸ ಅತ್ಥೇ। ಲಕ್ಖಣಾದಿಕೇ ಚತುಬ್ಬಿಧೇ।
೧೧೮೦-೧೧೮೧. ಸಮೀಪೇ ಆದಿಕಮ್ಮನಿ ಮರಿಯಾದೇ ಉದ್ಧಕಮ್ಮನಿ ಇಚ್ಛಾಯಂ ಬನ್ಧನೇ ಅಭಿವಿಧಿಮ್ಹಿ ಚ ಆ। ಕಿಚ್ಛೇ ಈಸತ್ಥೇ ನಿವತ್ತಿಯಞ್ಚ ಅಪ್ಪಸಾದೇ ಆಸೀಸನೇ ಸರಣೇ ವಾಕ್ಯಸರಣೇ ಆ ಏವಂ ಅನುಸ್ಸರಂ। ಪತಿಟ್ಠಾಯಂ, ವಿಮ್ಹಯಾದೀಸು ಚ ಆ।
೧೧೮೨. ಭೂತಭಾವೇ
೧೧೮೩. ಸಮ್ಭಾವನೇ ಅಪಿ ದಿಬ್ಬೇಸು ಕಾಮೇಸು, ರತಿಂ ಸೋ ನಾಧಿಗಚ್ಛತಿ ಸಮ್ಭಾವನಮಧಿಕತ್ಥವಚನೇನ ಅಞ್ಞತ್ರ ಸತ್ತಿಯಾ ಅವಿಘಾತೋ। ಸಂವರಣೇ ಅಪಿಧಾನಂ।
೧೧೮೪-೧೧೮೫. ಅಪಗತೋ ಅಪೇತೋ। ಉಪಪತ್ತಿಯಂ ಯುತ್ತಿಯಂ ಉಪೇಕ್ಖಾ। ಆಧಿಕ್ಯೇ ಉಪಖಾರಿಯಂ ದೋಣೋ। ಪುಬ್ಬಕಮ್ಮನಿ ಬುದ್ಧೋಪಕ್ಕಮಂ ಕಿಲೇಸಚ್ಛೇದೋ। ಗಯ್ಹಾಕಾರೇ ಪಚ್ಚುಪಟ್ಠಾನಂ। ಉಪರಿತ್ತೇ ಉಪರಿಭಾವೇ ಉಪಪನ್ನೋ। ಅನಸನೇ ಉಪವಾಸೋ।
೧೧೮೬. ಉಪದೇಸೇ ವಚನಪಟಿಗ್ಗಾಹೇ ಏವಂ ಹೋತು। ಇದಮತ್ಥೇ ಇದಂಸದ್ದಸ್ಸ ಅತ್ಥೇ।
೧೧೮೭. ಸಮುಚ್ಚಯೇ ಕೇವಲಸಮುಚ್ಚಯೇ –
ಚೀವರಂ ಪಿಣ್ಡಪಾತಞ್ಚ, ಪಚ್ಚಯಂ ಸಯನಾಸನಂ।
ಅದಾಸಿ ಉಜುಭೂತೇಸು, ವಿಪ್ಪಸನ್ನೇನ ಚೇತಸಾ
ಸಮಾಹಾರೇ ಚಕ್ಖು ಚ ಸೋತಞ್ಚ ಚಕ್ಖುಸೋತಂ। ಅನ್ವಾಚಯೋ ಏಕಂ ಪಧಾನಭಾವೇನ ವತ್ವಾ ಇತರಸ್ಸ ಅಪ್ಪಧಾನಭಾವೇನ ವಚನಂ, ತಸ್ಮಿಂ। ಸೀಲಂ ರಕ್ಖಾಹಿ, ದಾನಞ್ಚ ದೇಹಿ। ಇತರೀತರೇ ಸಮಣೋ ಚ ಬ್ರಾಹ್ಮಣೋ ಚ ಸಮಣಬ್ರಾಹ್ಮಣಾ। ತತ್ರ ಕೇವಲಸಮುಚ್ಚಯೋ ಚ ಅನ್ವಾಚಯೋ ಚ ಸಮಾಸೇ ನತ್ಥಿ, ಇತರದ್ವಯಂ ಸಮಾಸೇಯೇವ।
೧೧೮೮. ಪಕಾರೋ ತುಲ್ಯೋ, ಭೇದೋ ಚ। ಪದತ್ಥಸ್ಸ ವಿಪಲ್ಲಾಸೇ ಗೋತಿ ಅಯಮಾಹೇತಿ। ಸಮಾಪನೇ ಇಚ್ಛಿತಸ್ಸ ಪದಸ್ಸ ಪರಿನಿಟ್ಠಾಪನೇ।
೧೧೮೯. ಪಜ್ಜಂ ವಾಸದ್ದಸ್ಸತ್ಥೇ। ವವತ್ಥಿತವಿಭಾಸಾಯಂ ವಾ ಪರೋ ಅಸರೂಪಾ। ವಿಅವಪುಬ್ಬೋ ಠಾ ಗತಿನಿವತ್ತಿಯಂ, ತೋ, ಠಾತಿಸ್ಸ ಥೋ, ಅಸರೂಪದ್ವಿತ್ತಞ್ಚ। ವವತ್ಥಿತಾ ನಿಯಮಿತಾ ವಿಭಾಸಾ ವವತ್ಥಿತವಿಭಾಸಾ। ಅವಸ್ಸಗ್ಗೇತಿ ಅವಪುಬ್ಬೋ ಸಜ ವಿಸ್ಸಜ್ಜನಾಲಿಙ್ಗನನಿಮ್ಮಾನೇಸು।
೧೧೯೦. ಭೂಸನೇ ಅಲಙ್ಕಾರೇ। ವಾರಣೇ ನಿವಾರಣೇ। ಪರಿಯತ್ತಿ ಪರಿಯಾಪುಣನತಾ, ಯುತ್ತತ್ಥೇಪಿ ಅಲಂ। ಅಥೋ ಅಥಸದ್ದಾ ಅನನ್ತರಾದೀಸು ಚತೂಸು ಅತ್ಥೇಸು ಸಿಯುಂ।
೧೧೯೧. ಪಸಂಸಾದೀಸು ತೀಸು। ಸ್ವೀಕಾರೇ ಪಟಿಞ್ಞಾಣೇ। ಆದಿನಾ ಪಕಾಸತ್ಥಸಮ್ಭಾಬ್ಯಾಕೋಧಾದಿಕೇ ಚತ್ಥೇ ನಾಮಸದ್ದೋ। ಅವಧಾರಣಮೇವತ್ಥೋ।
೧೧೯೨. ಅನುಞ್ಞಾ ಅನುಮತಿ। ಸನ್ತಾನಂ ಅನುನಯೋ। ಆಲಪನಂ ಸಮ್ಬೋಧನಂ। ವತಸದ್ದೋ ಏಕಂಸೇ ದಯಾಯಂ ಕರುಣಾಯಂ ಹಾಸೇ ಖೇದೇ ಪರಿಸ್ಸಮೇ ಆಲಪನೇ ವಿಮ್ಹಯೇ ಅಚ್ಛರಿಯೇ ಚ ಸಿಯಾ।
೧೧೯೩. ವಾಕ್ಯಾರಮ್ಭೇ ‘‘ಹನ್ದ ವದಾಮಿ ತೇ’’ತಿ। ವಿಸಾದೇ ಖೇದೇ। ಯಾವ ತಾವ ತೂತಿ ಯಾವತಾವಸದ್ದಾ ಸಾಕಲ್ಯೇ ನಿರವಸೇಸೇ। ಯಾವದತ್ಥಂ ತಾವ ಗಹಿತಂ। ಮಾನೇ ಪಮಾಣೇ। ‘‘ಯಾವ ಪಮಾಣಮರಿಯಾದಾ-ವಧಾರಣತ್ಥಕಂ ಮತ’’ಮಿತಿ ಭಾಗುರಿ। ಅವಧಿಮ್ಹಿ ಪರಿಚ್ಛಿನ್ನೇ।
೧೧೯೪. ಪುರತ್ಥಾಸದ್ದೋ ಪಾಚಿಯಂ ದಿಸಾಯಂ ಇಚ್ಚತ್ಥೇ, ಪುರತ್ಥೇ ವಕ್ಖಮಾನೇ, ಅಗ್ಗತೋ ಸಮುದ್ಧೇ ಇಚ್ಚತ್ಥೇ ಚ ಪಠಮೇಪಿ ಆದಿಮ್ಹಿ ವತ್ತತಿ। ಪಬನ್ಧೇ ವಾಕ್ಯರಚನಾಯಂ ವಾಕ್ಯಪಬನ್ಧೇ ಪುರಾಣಾದಿಕೇ। ಚಿರನ್ತರೇ ಅತೀತಭೂತೇ। ನಿಕಟೇ ಸನ್ನಿಹಿತೇ। ಆಗಾಮಿಕೇ ಅನಾಗತೇ।
೧೧೯೫. ಖಲುಸದ್ದೋ ನಿಸೇಧೇ ವಾಕ್ಯಾಲಙ್ಕಾರೇ ವಾಕ್ಯಭೂಸಾಯಂ ಅವಧಾರಣೇ ಏವತ್ಥೇ, ಪಸಿದ್ಧಿಯಞ್ಚ ವತ್ತತಿ। ಅಭಿತೋಸದ್ದೋ ಆಸನ್ನೇ ಅಭಿಮುಖೇ ಉಭಯತೋ ಇಚ್ಚತ್ಥೇ ಆದಿನಾ ಸೀಘೇ, ಸಾಕಲ್ಯೇ ಚ ಅತ್ಥೇ ವತ್ತತಿ। ಆಸನ್ನೇ ಅಭಿತೋಯಂ ನದೀ। ಅಭಿಮುಖೇ ಅಭಿತೋವ ತಾತಾ। ಉಭಯತೋಇಚ್ಚತ್ಥೇ ಅಭಿತೋ ಮಗ್ಗಸ್ಸ। ಸೀಘೇ ಅಭಿತೋ ಅಧೀಯಿತ್ವಾ। ಸಾಕಲ್ಯೇ ಅಭಿತೋ ವನಂ ದಡ್ಢಂ।
೧೧೯೬. ಯದ್ಯಪಿಸದ್ದತ್ಥೇ ಅನುಗ್ಗಹಣಗರಹತ್ಥೇ। ಏಕಂಸತ್ಥೇ ಅವಿತಥತ್ಥೇ। ಅಥೋ ಪನಸದ್ದೋ ವಿಸೇಸಸ್ಮಿಂ ಅತ್ಥೇ, ಪದಪೂರಣತ್ಥೇ ಚ ಸಿಯಾ।
೧೧೯೭. ಹಿಸದ್ದೋ ಕಾರಣಾದೀಸು ಚತೂಸು ಅತ್ಥೇಸು ವತ್ತತಿ। ತುಸದ್ದೋ ಪನ ತತ್ಥ ಚತೂಸು ಅತ್ಥೇಸು ಮಜ್ಝೇ ಹೇತುವಜ್ಜೇ ತಿಕೇ ಅತ್ಥೇ ವತ್ತತಿ। ಕುಸದ್ದೋ ಪಾಪೇ ಈಸತ್ಥೇ ಕುಚ್ಛನೇ ಜಿಗುಚ್ಛಾಯಞ್ಚ।
೧೧೯೮. ನುಕಾರೋ ಸಂಸಯೇ, ಪಞ್ಹೇ ಚ। ನಾನಾಸದ್ದೋ ಅನೇಕತ್ಥೇ, ವಜ್ಜನೇ ಚ। ಕಿಂಸದ್ದೋ ಪುಚ್ಛಾಯಂ, ಜಿಗುಚ್ಛಾಯಞ್ಚ, ಅಬ್ಯಯೋ। ತಿಲಿಙ್ಗೋ ಚ, ನಿಯಮೇ ತು ತಿಲಿಙ್ಗೋವ। ವಾರಿಮ್ಹಿ ಉದಕೇ। ಮುದ್ಧನಿ ಸೀಸೇ ಚ, ಕಂ ಸುಖೇಪಿ, ವುತ್ತಞ್ಚ ನಾನತ್ಥಸಙ್ಗಹೇ –
‘‘ಕೋ
ಪಾವಕೇ ಚ ಮಯೂರೇ ಚ, ಸುಖಸೀಸಜಲೇಸು ಕ’’ನ್ತಿ॥
೧೧೯೯. ಅಮಾಸದ್ದೋ ಸಹತ್ಥೇ, ಸಮೀಪತ್ಥೇ ಚ, ಅಮಾವಾಸೀ, ಅಮಾಗತೋ ಚ। ಪುನಸದ್ದೋ ಭೇದೇ ವಿಸೇಸೇ। ಅಪಠಮೇ ಪುನ ದದಾತಿ। ಕಿರಸದ್ದೋ ಅನುಸ್ಸವೇ ಅನುಕ್ಕಮೇನ ಸವನೇ, ಅರುಚಿಯಞ್ಚ। ಉದಸದ್ದೋ ಅಪ್ಯತ್ಥೇ ಪಞ್ಹೇ। ವಿಕಪ್ಪನೇ ಅತ್ಥನ್ತರಸ್ಸ ವಿಕಪ್ಪನೇ ಚ।
೧೨೦೦. ಪಚ್ಛಾಸದ್ದೋ ಪತೀಚಿಯಂ ದಿಸಾಯಂ। ಚರಿಮೇ ಅನಾಗತೇ ಕಾಲೇ। ಸಾಮಿಸದ್ದೋ ತು ಅದ್ಧೇ ಭಾಗೇ, ಜಿಗುಚ್ಛನೇ ನಿನ್ದಾಯಞ್ಚ। ಅದ್ಧೇ ಭಾಗೇ ಸಾಮಿ ವುತ್ತಂ, ಜಿಗುಚ್ಛನೇಪಿ ತದೇವ। ಪಾತು ಪಕಾಸೇ ಪಕಾಸನೀಯೇ, ಸಮ್ಭವೇ ಉಪ್ಪತ್ತಿಯಞ್ಚ। ಮಿಥೋಸದ್ದೋ ಅಞ್ಞೋಞ್ಞೇಇಚ್ಚತ್ಥೇ, ರಹೋಇಚ್ಚತ್ಥೇ ಚ।
೧೨೦೧. ಹಾಸದ್ದೋ ಖೇದೇ, ಸೋಕೇ, ದುಕ್ಖೇ ಚ। ಅಹಹಸದ್ದೋ ಖೇದೇ, ವಿಮ್ಹಯೇ ಅಬ್ಭುತೇ ಚ। ಧಿಸದ್ದೋ ಹಿಂಸಾಪನೇ, ನಿನ್ದಾಯಞ್ಚ। ತಿರಿಯಂ ತಿರೋಸದ್ದಾ ಪಿಧಾನೇ ವತ್ತನ್ತಿ। ತಿರಿಯಂ ಕತ್ವಾ ಕಣ್ಡಙ್ಗತೋ, ತಿರೋಕತ್ವಾ ವಾ।
೧೨೦೨-೧೨೦೩. ಸಙ್ಖ್ಯಾತಾಸಙ್ಖ್ಯಾತತ್ಥಾನಂ ‘‘ತುನಿ’’ಚ್ಚಾದಿ। ಏತ್ಥ ಚ ತುನಾದಿಸದ್ದೇಹಿ ಜ್ಜುಪರಿಯನ್ತೇಹಿ ತದನ್ತಾವ ಗಹಿತಾ, ನ ಹಿ ಕೇವಲಾನಂ ಏತೇಸಂ ಅಬ್ಯಯಭಾವೋ ಸಮ್ಭವತಿ। ತಸ್ಸತ್ಥೋ – ತುನಪಚ್ಚಯನ್ತೋ ಚ ತಥಾ ತ್ವಾನ ತವೇ ತ್ವಾ ತುಂ ಧಾ ಸೋ ಥಾ ಕ್ಖತ್ತುಂ ತೋ ಥ ತ್ರ ಹಿಞ್ಚನಂ ಹಿಂ ಹಂ ಧಿ ಹ ಯಕಾರತೋ ಹಿಂಧ ಧುನಾ ರಹಿ ದಾನಿ, ಕಿಂಸ್ಮಾ ವೋ ದಾಚನಂ ದಾಜ್ಜಥಂ ಥತ್ತಂ ಜ್ಝಜ್ಜುಪಚ್ಚಯನ್ತೋ ಚ ಅಬ್ಯಯೀಭಾವಸಮಾಸೋ ಚ ತುನಾದೀನಂ ಯಾದೇಸನ್ತೋ ಚ ಅಬ್ಯಯಂ ನಾಮ ಭವೇತಿ। ಪಯೋಗೋ ಯಥಾ – ‘‘ಕಾತುನ, ಕತ್ವಾನ, ಕಾತವೇ, ಕತ್ವಾ, ಕಾತುಂ, ಸಬ್ಬಧಾ, ಸಬ್ಬಸೋ, ಸಬ್ಬಥಾ, ಚತುಕ್ಖತ್ತುಂ, ಸಬ್ಬತೋ, ಸಬ್ಬತ್ಥ, ಸಬ್ಬತ್ರ, ಕುಹಿಞ್ಚನಂ, ಕುಹಿಂ, ಕುಹಂ, ಸಬ್ಬಧಿ, ಇಹ, ಯಹಿಂ, ಇಧ, ಅಧುನಾ, ಏತರಹಿ, ಇದಾನಿ, ಕ್ವ, ಕುದಾಚನಂ, ಕದಾ, ಅಜ್ಜ, ಕಥಂ, ಅಞ್ಞಥತ್ತಂ, ಏಕಜ್ಝಂ, ಸಜ್ಜು, ಉಪನಗರಂ, ಅನ್ತೋಪಾಸಾದಂ, ಅಭಿವನ್ದಿಯ’’ಇಚ್ಚಾದಿ। ಇದಂ ಪನ ಸಬ್ಬೇಸಮ್ಪಿ ಅಬ್ಯಯಾನಂ ಸಙ್ಖೇಪಲಕ್ಖಣಂ।
‘‘ಸದಿಸಂ
ವಚನೇಸು ಚ ಸಬ್ಬೇಸು, ಯಂ ನ ಬ್ಯೇತಿ ತದಬ್ಯಯ’’ನ್ತಿ॥
ಅಬ್ಯಯವಗ್ಗವಣ್ಣನಾ ನಿಟ್ಠಿತಾ।
ಇತಿ ಸಕಲಬ್ಯಾಕರಣಮಹಾವನಾಸಙ್ಗಞಾಣಚಾರಿನಾ ಕವಿಕುಞ್ಜರಕೇಸರಿನಾ ಧೀಮತಾ ಸಿರಿಮಹಾಚತುರಙ್ಗಬಲೇನ ಮಹಾಮಚ್ಚೇನ ವಿರಚಿತಾಯಂ ಅಭಿಧಾನಪ್ಪದೀಪಿಕಾವಣ್ಣನಾಯಂ ಸಾಮಞ್ಞಕಣ್ಡವಣ್ಣನಾ ಸಮತ್ತಾ।
ನಿಗಮನವಣ್ಣನಾ
೧. ‘‘ಸಗ್ಗಕಣ್ಡೋ ಚಾ’’ತ್ಯಾದಿನಾ ಅಭಿಧಾನಪ್ಪದೀಪಿಕಾಯಂ ಕಪಾಲತೇಲವಟ್ಟಿಸದಿಸೇನ ಕಣ್ಡತ್ತಯೇನ ಸಮಙ್ಗಿತಾ ದೀಪಿತಾ।
೨. ‘‘ತಿದಿವೇ’’ತ್ಯಾದಿನಾ ತೋಟಕೇನ ತಸ್ಸಾ ಪಯೋಜನಂ ಕಥಿತಂ। ತಸ್ಸತ್ಥೋ – ಯೋ ನರೋ ಕತ್ತುಭೂತೋ ತಿದಿವೇ ದೇವಲೋಕೇ, ಬ್ರಹ್ಮಲೋಕೇ ಚ ಮಹಿಯಂ ಮನುಸ್ಸಲೋಕೇ, ಭುಜಗಾವಸಥೇ ನಾಗಲೋಕೇ ಚಾತಿ ಏತೇಸು ತೀಸು ಠಾನೇಸು ಸನ್ನಿಹಿತಾನಂ ಸಕಲತ್ಥಾನಂ ಸಬ್ಬೇಸಂ ಅಭಿಧೇಯ್ಯಾನಂ ಸಮವ್ಹಯಸ್ಸ ಅಭಿಧಾನಸ್ಸ ದೀಪನಿಯಂ ಪಕಾಸನಿಯಂ ಇಹ ಅಭಿಧಾನಪ್ಪದೀಪಿಕಾಯಂ ಸವನಧಾರಣಾದಿನಾ ಕುಸಲೋ ಛೇಕೋ ಹೋತಿ, ಸ ನರೋ ಮಹಾಮುನಿನೋ ಸಮ್ಮಾಸಮ್ಬುದ್ಧಸ್ಸ ವಚನೇ ಸುತ್ತಾಭಿಧಮ್ಮವಿನಯಸಙ್ಖಾತೇ ವಚನೇ ಪಟು ಛೇಕೋ ಹೋತಿ, ಪಟುತ್ತಾಯೇವ ಮತಿಮಾ ನಾಮ ಹೋತೀತಿ।
೩-೯. ಇದಾನಿ ಯಸ್ಸ ರಞ್ಞೋ ವಿಹಾರೇ ವಸಿತ್ವಾ ಅಯಂ ಗನ್ಥೋ ವಿರಚಿತೋ, ತಸ್ಸ ನಾಮಗುಣನಿವಾಸಕರಣಪ್ಪಕಾರವಿಹಾರಗುಣನಾಮಾದೀನಿ ದಸ್ಸೇತ್ವಾ ಅತ್ತನೋ ಚ ನಾಮಗುಣೇ ದಸ್ಸೇತುಂ ಸತ್ತ ಗಾಥಾ ವುತ್ತಾ।
ತತ್ರ ಪರಕ್ಕಮಭುಜೋ ನಾಮ ಭೂಪಾಲೋ ರಾಜಾ ಕಾರೇಸಿ, ರಕ್ಖೇಸೀತಿ ಚ ಇಮಿನಾ ಸಮ್ಬನ್ಧೋ। ಕಿಂಗುಣೋ ಸೋ ರಾಜಾ? ಗುಣಭೂಸನೋ ಸದ್ಧಾದಿಗುಣಾಲಙ್ಕಾರಧರೋ। ತೇಜಸ್ಸೀ ತೇಜೋಯುತ್ತೋ। ಜಯೀ ಅರಿಜಯೇನ ಯುತ್ತೋ। ಕೇಸರಿವಿಕ್ಕಮೋ ಕೇಸರಸೀಹೋ ವಿಯ ಸೂರಗುಣಯುತ್ತೋ, ವೀರಿಯವಾ ಚ। ಸ ಕತ್ಥ ನಿವಾಸೀ? ಸೋ ರಾಜಾ ಲಙ್ಕಾಯಮಾಸಿ ಲಙ್ಕಾನಾಮಕೇ ದೀಪೇ ನಿವಾಸನಸೀಲೋ। ಚಿರಂ ಚಿರಕಾಲಂ ವಿಭಿನ್ನಂ ತಿಧಾ ವಿಭಿನ್ನಂ ನಿಕಾಯತ್ತಯಸ್ಮಿಂ ನಿಕಾಯತ್ತಯಂ ಭಿಕ್ಖುಸಙ್ಘಂ ಸಮ್ಮಾ ನಯೇನ ಹೇತುನಾ ಸಮಗ್ಗೇ ಸಮಗ್ಗಂ ಕಾರೇಸಿ, ಕಾರಿತನ್ತೋಯಂ ಕರೋತೀತಿ ಕಮ್ಮಿಕೋ, ತಥಾ ಸದೇಹಂವ ಅತ್ತನೋ ಕಾಯಂ ಇವ ನಿಚ್ಚಾದರೋ ಹುತ್ವಾ ದೀಘಕಾಲಂ ಮಹಗ್ಘೇಹಿ ಚ ಪಚ್ಚಯೇಹಿ ತಂ ನಿಕಾಯತ್ತಯಂ ರಕ್ಖೇಸಿ।
ತಥಾ ಯೇನ ರಞ್ಞಾ ಯಥಾ ಕಿತ್ತಿಯಾ ಅತ್ತನೋ ಸದ್ಧಾದಿಕಿತ್ತಿಯಾ ಕರಣಭೂತಾಯ ಲಙ್ಕಾ ಅತ್ತನೋ ನಿವಾಸನಟ್ಠಾನಭೂತಾ ಕಮ್ಮಭೂತಾ ಸಮ್ಬಾಧೀಕತಾ ಸಙ್ಕಟೀಕತಾ ಅನೋಕಾಸೀಕತಾ, ತಥಾ ವಿಹಾರೇಹಿ ಗಾಮೇಹಿ ಆರಾಮೇಹಿ ಖೇತ್ತೇಹಿ ವಾಪೀಹಿ ಚ ಲಙ್ಕಾ ಸಮ್ಬಾಧೀಕತಾ।
ತಥಾ ಯಸ್ಸ ರಞ್ಞೋ ಸಬ್ಬಕಾಮದದಂ ಅಞ್ಞೇಹಿ ಅಸಾಧಾರಣಂ ಅನುಗ್ಗಹಂ ಪತ್ವಾ ಪಾಪುಣನಹೇತು ಅಹಂ ವಿಬುಧಗೋಚರಂ ಪಣ್ಡಿತವಿಸಯಂ ಗನ್ಥಕಾರತ್ತಂ ಪತ್ತೋ, ತೇನ ರಞ್ಞಾ ಕಾರಿತೇ ಪಾಸಾದಗೋಪುರಾದಿವಿಭೂಸಿತೇ, ಸಗ್ಗಕಣ್ಡೇ ದೇವಲೋಕಸ್ಸ ಕಣ್ಡಸದಿಸೇ, ಸತೋಯಾಸಯಸ್ಮಿಂ ಸಾದುಸಲಿಲಾಸಯಸಮನ್ನಾಗತೇ, ಪಟಿಬಿಮ್ಬಿತೇ ಭಗವತೋ ನಿವಾಸನಟ್ಠಾನಜೇತವನಮಹಾವಿಹಾರಸ್ಸ ಪಟಿಬಿಮ್ಬಭೂತೇ, ಸಾಧುಸಮ್ಮತೇ ಸಾಧುವಿಹಾರೋತಿ ಸಮ್ಮತೇ, ಸಾಧೂಹಿ ವಾ ಸಮ್ಮತೇ ಸರೋಗಾಮಸಮೂಹಮ್ಹಿ ಸಲಿಲಾಸಯಭಿಕ್ಖಾಚಾರಯುತ್ತಗಾಮಸಮೂಹಸಮನ್ನಾಗತೇ ಮಹಾಜೇತವನಾಖ್ಯಮ್ಹಿ ವಿಹಾರೇ ವಸತಾ ನಿವಾಸಂ ಕುಬ್ಬತಾ ಸನ್ತವುತ್ತಿನಾ ಸನ್ತಚಾರಿನಾ ಧೀಮತಾ ಅತಿಸಯಞಾಣಯುತ್ತೇನ ಮೋಗ್ಗಲ್ಲಾನೇನ ಸಮ್ಮಾಸಮ್ಬುದ್ಧಸ್ಸ ದುತಿಯಅಗ್ಗಸಾವಕಭೂತಸ್ಸ ಆಯಸ್ಮತೋ ಇದ್ಧಿಮತೋ ಮಹಾಮೋಗ್ಗಲ್ಲಾನಸ್ಸ ನಾಮಧೇಯ್ಯೇನ ಥೇರೇನ ಏಸಾ ಅಭಿಧಾನಪ್ಪದೀಪಿಕಾ ರಚಿತಾತಿ।
ನಿಗಮನಕಥಾ
ಯದ್ಯತ್ರ
ಗುಣೀಸು ವೀಧಿಮ್ಪಿ ತಥಾ ವಿಗಾಹತೇ।
ಯಥಾ ಜಲಂ ಭೋಜನಮ್ಪಿ ಜನ್ತುವಾ,
ಚತುಪ್ಪದೋ ವಾಪ್ಯಚರೋ ಕಣಣ್ಯಪಿ॥
ಅಸಮ್ಪವೇದಿದಸ್ಸನಾಯ ಭಾಸಿತೇ,
ಗುಣೋ ಚ ದೋಸೋ ಚ ಸದಾ ವಿವಿಜ್ಜರೇ।
ತತೋ ಬುಧಾ ಮೇ ನವಧಾನತಾ ಭವಂ,
ಖಮನ್ತು ದೋಸಂ ಗುಣತಂ ನಯನ್ತು ವಾ॥
ಯೋ ಸೀಹಸೂರೋ ಸಿತಕುಞ್ಜರಿನ್ದೋ,
ರಾಜಾಧಿರಾಜಾ ಅಹು ತಮ್ಬದೀಪೇ।
ದುಬ್ಬಾರನಾಗಾದಿಜಿತೋ ನರಿನ್ದೋ,
ಸುಕನ್ತಭೀಮಾದಿಗುಣೋಪಪನ್ನೋ॥
ತನ್ನಾಮಧೇಯ್ಯೋ ತದನುಬ್ಬಾದಜಾತೋ,
ಸದ್ಧಾದಿಯುತ್ತೋ ಚತುಸೇತಿಭಿನ್ದೋ।
ನಾಗಾದಿಥಾಮೋ ಅತಿದುಪ್ಪಸಯ್ಹೋ,
ಉಳಾರಪಞ್ಞೋ ಧಿತಿಮಾ ಯಸಸ್ಸೀ॥
ತೇನಾಹಮಚ್ಚನ್ತಮನುಗ್ಗಹೀತೋ,
ಅನಞ್ಞಸಾಧಾರಣಸಙ್ಗಹೇನ।
ಸಙ್ಖೇಪತೋಕಾಸಿಮಿಮಂ ವಿಸುದ್ಧಿ-
ಸಂವಣ್ಣನಂ ಸೋತುಹಿತಂ ಸುಬೋಧಂ॥
ರಾಜಾ ಪಜಂ ರಕ್ಖತು ಸಪ್ಪಜಂವ,
ಧಮ್ಮಞ್ಚ ಲೋಕಾಪಿ ಸಮಾಚರನ್ತು।
ಪೂರೇನ್ತು ಅತ್ಥಾ ಸುಪಕಪ್ಪಿತಾ ಚ,
ಕಾಲೇನ ದೇವೋಪಿ ಪವಸ್ಸತೂತಿ॥
ಅಭಿಧಾನಪ್ಪದೀಪಿಕಾಟೀಕಾ ನಿಟ್ಠಿತಾ।