॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
ವಿನಯಪಿಟಕ
ಸಂಗಾಯನಸ್ಸ ಪುಚ್ಛಾ ವಿಸ್ಸಜ್ಜನಾ
ಓಕಾಸ ದಾನಕಥಾ
ಸುಣಾತು
ಅಗ್ಗಮಹಾಪಣ್ಡಿತ
ಠಪಿತಾ
ಪುಚ್ಛಕ ಸಮ್ಮುತಿ ಞಾತ್ತಿ
ಸುಣಾತು ಮೇ ಭನ್ತೇ ಸಙ್ಘೋ, ಯದಿ ಸಙ್ಘಸ್ಸ ಪತ್ತಕಲ್ಲಂ, ಅಹಂ ಆಯಸ್ಮನ್ತಂ ವಿಚಿತ್ತಸಾರಾಭಿವಂಸಂ ತಿಪಿಟಕಧರ ಧಮ್ಮಭಣ್ಡಾಗಾರಿಕಂ ವಿನಯಂ ಪುಚ್ಛೇಯ್ಯಂ।
ತಿಪಿಟಕಧರ ಧಮ್ಮಭಣ್ಡಾಗಾರಿಕ
ಭದನ್ತವಿಚಿತ್ತಸಾರಾಭಿವಂಸೇನ
ಠಪಿತಾ ವಿಸ್ಸಜ್ಜಕ ಸಮ್ಮುತಿ ಞಾತ್ತಿ
ಸುಣಾತು ಮೇ ಭನ್ತೇ ಸಙ್ಘೋ, ಯದಿ ಸಙ್ಘಸ್ಸ ಪತ್ತಕಲ್ಲಂ, ಅಹಂ ಆಯಸ್ಮತಾ ಜವನತ್ಥೇರೇನ ಸಙ್ಘನಾಯಕ ಮಹಾಥೇರಸ್ಸ ಪಟಿನಿಧಿಭೂತೇನ ವಿನಯಂ ಪುಟ್ಠೋ ವಿಸ್ಸಜ್ಜೇಯ್ಯಂ।
ಪಠಮ ಪಾರಾಜಿಕ ಸಿಕ್ಖಾಪುಚ್ಛಾ
ಪುಚ್ಛಾ – ಯಂ
ವಿಸ್ಸಜ್ಜನಾ – ವೇಸಾಲಿಯಂ ಭನ್ತೇ ಪಞ್ಞತ್ತಂ।
ಪುಚ್ಛಾ – ಕಂ ಆವುಸೋ ಆರಬ್ಭ ಪಞ್ಞತ್ತಂ।
ವಿಸ್ಸಜ್ಜನಾ – ಸುದಿನ್ನಂ ಭನ್ತೇ ಕಲನ್ದಪುತ್ತಂ ಆರಬ್ಭ ಪಞ್ಞತ್ತಂ।
ಪುಚ್ಛಾ – ಕಿಸ್ಮಿಂ ಆವುಸೋ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ಸುದಿನ್ದೋ ಭನ್ತೇ ಕಲನ್ದಪುತ್ತೋ ಪುರಾಣದುತಿಯಿಕಾಯ ಮೇಥುನಂ ಧಮ್ಮಂ ಪಟಿಸೇವಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಅತ್ಥಿ ಆವುಸೋ ತತ್ಥ ಪಞ್ಞತ್ತಿ ಅನುಪಞ್ಞತ್ತಿ ಅನುಪ್ಪನ್ನಪಞ್ಞತ್ತಿ।
ವಿಸ್ಸಜ್ಜನಾ – ಏಕಾ ಭನ್ತೇ ಪಞ್ಞತ್ತಿ ದ್ವೇ ಅನುಪಞ್ಞತ್ತಿಯೋ, ಅನುಪ್ಪನ್ನಪಞ್ಞತ್ತಿ ತಸ್ಮಿಂ ನತ್ಥಿ।
ಪುಚ್ಛಾ – ಸಬ್ಬತ್ಥಪಞ್ಞತ್ತಿನುಖೋ
ವಿಸ್ಸಜ್ಜನಾ – ಸಬ್ಬತ್ಥಪಞ್ಞತ್ತಿ ಭನ್ತೇ।
ಪುಚ್ಛಾ – ಸಾಧಾರಣಪಞ್ಞತ್ತಿನುಖೋ ಆವುಸೋ ಅಸಾಧಾರಣಪಞ್ಞತ್ತಿನುಖೋ।
ವಿಸ್ಸಜ್ಜನಾ – ಸಾಧಾರಣಪಞ್ಞತ್ತಿ ಭನ್ತೇ।
ಪುಚ್ಛಾ – ಏಕತೋಪಞ್ಞತ್ತಿನುಖೋ ಆವುಸೋ ಉಭತೋಪಞ್ಞತ್ತಿನುಖೋ।
ವಿಸ್ಸಜ್ಜನಾ – ಉಭತೋಪಞ್ಞತ್ತಿ ಭನ್ತೇ।
ಪುಚ್ಛಾ – ಪಞ್ಚನ್ನಂ ಆವುಸೋ ಪಾತಿಮೋಕ್ಖುದ್ದೇಸಾನಂ ಕತ್ಥೋಗಧಂ ಕತ್ಥ ಪರಿಯಾಪನ್ನಂ।
ವಿಸ್ಸಜ್ಜನಾ – ನಿದಾನೋಗಧಂ
ಪುಚ್ಛಾ – ಕತಮೇನ ಆವುಸೋ ಉದ್ದೇಸೇನ ಉದ್ದೇಸಂ ಆಗಚ್ಛತಿ।
ವಿಸ್ಸಜ್ಜನಾ – ದುತಿಯೇನ ಭನ್ತೇ ಉದ್ದೇಸೇನ ಉದ್ದೇಸಂ ಆಗಚ್ಛತಿ।
ಪುಚ್ಛಾ – ಚತುನ್ನಂ ಆವುಸೋ ವಿಪತ್ತೀನಂ ಕತಮಾ ವಿಪತ್ತಿ।
ವಿಸ್ಸಜ್ಜನಾ – ಸೀಲವಿಪತ್ತಿ ಭನ್ತೇ।
ಪುಚ್ಛಾ – ಕಾ ಆವುಸೋ ವಿಪತ್ತಿ।
ವಿಸ್ಸಜ್ಜನಾ – ಅಸಂವರೋ ಭನ್ತೇ ವಿಪತ್ತಿ।
ಪುಚ್ಛಾ – ಕಾ ಆವುಸೋ ಸಮ್ಪತ್ತಿ।
ವಿಸ್ಸಜ್ಜನಾ – ಸಂವರೋ ಭನ್ತೇ ಸಮ್ಮತ್ತಿ।
ಪುಚ್ಛಾ – ಕಾ
ವಿಸ್ಸಜ್ಜನಾ – ನ ಏವರೂಪಂ ಕರಿಸ್ಸಾಮೀತಿ ಯಾವಜೀವಂ ಆಪಾಣಕೋಟಿಕಂ ಸಮಾದಾಯ ಸಿಕ್ಖತಿ ಸಿಕ್ಖಾಪದೇಸು, ಅಯಂ ಭನ್ತೇ ಪಟಿಪತ್ತಿ।
ಪುಚ್ಛಾ – ಕತಿ ಆವುಸೋ ಅತ್ಥವಸೇ ಪಟಿಚ್ಚ ಭಗವತಾ ಪಠಮಂ ಪಾರಾಜಿಕಂ ಪಞ್ಞತ್ತಂ।
ವಿಸ್ಸಜ್ಜನಾ – ದಸ ಭನ್ತೇ ಅತ್ಥವಸೇ ಪಟಿಚ್ಚ ಭಗವತಾ ಪಠಮಂ ಪಾರಾಜಿಕಂ ಪಞ್ಞತ್ತಂ, ೧ - ಸಙ್ಘಸುಟ್ಠುತಾಯ, ೨ - ಸಙ್ಘಫಾಸುತಾಯ, ೩ - ದುಮ್ಮಙ್ಕೂನಂ ಪುಗ್ಗಲಾನಂ ನಿಗ್ಗಹಾಯ, ೪ - ಪೇಸಲಾನಂ ಭಿಕ್ಖೂನಂ ಫಾಸುವಿಹಾರಾಯ, ೫ - ದಿಟ್ಠಧಮ್ಮಿಕಾನಂ ಆಸವಾನಂ ಸಂವರಾಯ, ೬ - ಸಮ್ಪರಾಯಿಕಾನಂ ಆಸವಾನಂ ಪಟಿಘಾತಾಯ, ೭ - ಅಪ್ಪಸನ್ನಾನಂ ಪಸಾದಾಯ, ೮ - ಪಸನ್ನಾನಂ ಭಿಯ್ಯೋಭಾವಾಯ, ೯ - ಸದ್ಧಮ್ಮಟ್ಠಿತಿಯಾ, ೧೦ - ವಿನಯಾನುಗ್ಗಹಾಯ।
ಪುಚ್ಛಾ – ಕೇ
ವಿಸ್ಸಜ್ಜನಾ – ಸೇಕ್ಖಾಚ ಭನ್ತೇ ಪುಥುಜ್ಜನಕಲ್ಯಾಣಕಾಚ ಸಿಕ್ಖನ್ತಿ।
ಪುಚ್ಛಾ – ಕೇ ಆವುಸೋ ಸಿಕ್ಖಿತಸಿಕ್ಖಾ।
ವಿಸ್ಸಜ್ಜನಾ – ಅರಹನ್ತೋ ಭನ್ತೇ ಸಿಕ್ಖಿತಸಿಕ್ಖಾ।
ಪುಚ್ಛಾ – ಕತ್ಥ ಆವುಸೋ ಠಿತಂ।
ವಿಸ್ಸಜ್ಜನಾ – ಸಿಕ್ಖಾಕಾಮೇಸು ಭನ್ತೇ ಠಿತಂ।
ಪುಚ್ಛಾ – ಕೇ ಆವುಸೋ ಧಾರೇನ್ತಿ।
ವಿಸ್ಸಜ್ಜನಾ – ಯೇಸಂ ಭನ್ತೇ ವತ್ತತಿ ತೇ ಧಾರೇನ್ತಿ।
ಪುಚ್ಛಾ – ಕಸ್ಸ
ವಿಸ್ಸಜ್ಜನಾ – ಭಗವತೋ ಭನ್ತೇ ವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ।
ಪುಚ್ಛಾ – ಕೇನಾವುಸೋ ಆಭತಂ।
ವಿಸ್ಸಜ್ಜನಾ – ಪರಮ್ಪರಾಯ ಭನ್ತೇ ಆಭತಂ।
ಸಂಗಾಯನತ್ಥಾಯ ಸಙ್ಘಸ್ಸ ಞಾಪನಂ
ಸುಣಾತು ಮೇ ಭನ್ತೇ ಸಙ್ಘೋ ಅಹಂ ಭನ್ತೇ ಆಯಸ್ಮನ್ತಂ ವಿಚಿತ್ಥಸಾರಾಭಿವಂಸಂ ತಿಪಿಟಕಧರ ಧಮ್ಮಭಣ್ಡಾಗಾರಿಕಂ ಪಠಮಸ್ಸ ಪಾರಾಜಿಕಸ್ಸ ನಿದಾನಮ್ಪಿ ಪುಚ್ಛಿಂ, ಪುಗ್ಗಲಮ್ಪಿ ಪುಚ್ಛಿಂ, ವತ್ಥುಮ್ಪಿ ಪುಚ್ಛಿಂ, ಪಞ್ಞತ್ತಿ ಅನುಪಞ್ಞತ್ತಿಆದೀನಿಪಿ ಪುಚ್ಛಿಂ, ಪುಟ್ಠೋ ಪುಟ್ಠೋಚ ಸೋ ಆಯಸ್ಮಾವಿಚಿತ್ತಸಾರಾಭಿವಂಸೋ ವಿಸ್ಸಜ್ಜೇಸಿ, ಇತಿಹಿದಂ ಭನ್ತೇ ಪಠಮಂ ಪಾರಾಜಿಕ ಸಿಕ್ಖಾಪದಂ ನಿಮ್ಮಲಂ ಸುಪರಿಸುದ್ಧಂ ತಸ್ಸೇವ ಭಗವತೋ ವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ, ತಸ್ಮಾ ಯಥಾಪುರೇ ಮಹಾಕಸ್ಸಪಾದಯೋ ಮಹಾಥೇರವರಾ ಪೋರಾಣಸಂಗೀತಿಕಾರಾ ಬ್ರಹ್ಮಚರಿಯ ಸಙ್ಖಾತಸ್ಸ ಬುದ್ಧಸಾಸನಸ್ಸ ಚಿರಟ್ಠಿತಿಯಾ ಬಹುಜನಹಿತಾಯ ಬಹುಜನಸುಖಾಯ ಲೋಕಾನುಕಮ್ಪಾಯ ಅತ್ಥಾಯ ಹಿತಾಯ ಸುಖಾಯ ದೇವಮನುಸ್ಸಾನಂ ಧಮ್ಮವಿನಯಂ ಸಙ್ಗಾಯಿಂಸುಚೇವ ಅನುಸಙ್ಗಾಯಿಂಸುಚ, ಏವಮೇವ ಮಯಮ್ಪಿ ದಾನಿ ಸಬ್ಬೇವ ಛಟ್ಠಸಂಗೀತಿಮಹಾಧಮ್ಮಸಭಾಪರಿಯಾಪನ್ನಾ ಇದಂ ಪಠಮ ಪಾರಾಜಿಕ ಸಿಕ್ಖಾಪದಂ ಏಕತೋಸಜ್ಝಾಯನವಸೇನ ಸಂಗಾಯೇಯ್ಯಾಮ।
ರೇವತಾಭಿ ಪಣ್ಡಿತಧಜ ಸಾಸನವಂಸ ಮಹಾಧಮ್ಮರಾಜಗುರುನೋ
ಅಭಿಧಜಮಹಾರಟ್ಠಗುರುನೋಚ ಸಙ್ಘನಾಯಕ ಮಹಾಥೇರಸ್ಸ
ಓಕಾಸ ದಾನಕಥಾ
ಸುಣಾತು
ಅಗ್ಗಮಹಾಪಣ್ಡಿತ ಭದನ್ತ ಸೋಭನತ್ಥೇರೇನ
ಠಪಿತಾ ಪುಚ್ಛಕ ಸಮ್ಮುತಿ ಞಾತ್ತಿ
ಸುಣಾತು ಮೇ ಭನ್ತೇ ಸಙ್ಘೋ, ಯದಿ ಸಙ್ಘಸ್ಸ ಪತ್ತಕಲ್ಲಂ, ಅಹಂ ಆಯಸ್ಮನ್ತಂ ವಿಚಿತ್ತಸಾರಾಭಿವಂಸಂ ತಿಪಿಟಕಧರ ಧಮ್ಮಭಣ್ಡಾಗಾರಿಕಂ ವಿನಯಂ ಪುಚ್ಛೇಯ್ಯಂ।
ತಿಪಿಟಕಧರ ಧಮ್ಮಭಣ್ಡಾಗಾರಿಕ
ಭದನ್ತವಿಚಿತ್ತಸಾರಾಭಿವಂಸೇನ
ಠಪಿತಾ ವಿಸ್ಸಜ್ಜಕ ಸಮ್ಮುತಿ ಞಾತ್ತಿ
ಸುಣಾತು
ದುತಿಯ ಪಾರಾಜಿಕ ಸಿಕ್ಖಾಪುಚ್ಛಾ
ಪುಚ್ಛಾ – ಯಂ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಪಞ್ಞತ್ತಂ।
ಪುಚ್ಛಾ – ಕಂ ಆವುಸೋ ಆರಬ್ಭ ಪಞ್ಞತ್ತಂ।
ವಿಸ್ಸಜ್ಜನಾ – ಧನಿಯಂ ಭನ್ತೇ ಕುಮ್ಭಕಾರಪುತ್ತಂ ಆರಬ್ಭ ಪಞ್ಞತ್ತಂ।
ಪುಚ್ಛಾ – ಕಿಸ್ಮಿಂ ಆವುಸೋ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ಧನಿಯೋ ಭನ್ತೇ ಕುಮ್ಭಕಾರಪುತ್ತೋ ರಞ್ಞೋ ದಾರೂನಿ ಅದಿನ್ನಂ ಆದಿಯಿ, ತಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಅತ್ಥಿ
ವಿಸ್ಸಜ್ಜನಾ – ಏಕಾ ಭನ್ತೇ ಪಞ್ಞತ್ತಿ ಏಕಾ ಅನುಪಞ್ಞತ್ತಿ ಅನುಪ್ಪನ್ನಪಞ್ಞತ್ತಿ ತಸ್ಮಿಂ ನತ್ಥಿ।
ಪುಚ್ಛಾ – ಕಾ ಆವುಸೋ ತತ್ಥ ಮೂಲಪಞ್ಞತ್ತಿ।
ವಿಸ್ಸಜ್ಜನಾ – ಯೋ ಪನ ಭಿಕ್ಖು ಅದಿನ್ನಂ ಥೇಯ್ಯಸಙ್ಖಾತಂ ಆದಿಯೇಯ್ಯ, ಯಥಾರೂಪೇ ಅದಿನ್ನಾದಾನೇ ರಾಜಾನೋ ಚೋರಂ ಗಹೇತ್ವಾ ಹನೇಯ್ಯುಂವಾ ಬನ್ಧೇಯ್ಯುಂವಾ ಪಬ್ಬಾಜೇಯ್ಯುಂವಾ ಚೋರೋಸಿ ಬಾಲೋಸಿ ಮುಳ್ಹೋಸಿ ಥೇನೋಸೀತಿ ತಥಾರೂಪಂ ಭಿಕ್ಖು ಅದಿನ್ನಂ ಆದಿಯಮಾನೋ ಅಯಮ್ಪಿ ಪಾರಾಜಿಕೋ ಹೋತಿ ಅಸಂವಾಸೋತಿ ಅಯಂ ಭನ್ತೇ ತತ್ಥ ಮೂಲಪಞ್ಞತ್ತಿ।
ಪುಚ್ಛಾ – ಕಾ
ವಿಸ್ಸಜ್ಜನಾ – ಗಾಮಾವಾ ಅರಞ್ಞಾವಾತಿ ಅಯಂ ಭನ್ತೇ ತತ್ಥ ಅನುಪಞ್ಞತ್ತಿ।
ಪುಚ್ಛಾ – ಕಾ ಆವುಸೋ ತತ್ಥ ಪರಿಪುಣ್ಣಪಞ್ಞತ್ತಿ।
ವಿಸ್ಸಜ್ಜನಾ – ಯೋ ಪನ ಭಿಕ್ಖು ಗಾಮಾವಾ ಅರಞ್ಞಾವಾ ಅದಿನ್ನಂ ಥೇಯ್ಯಸಙ್ಖಾತಂ ಆದಿಯೇಯ್ಯ, ಕಥಾರೂಪೇ ಅದಿನ್ನಾದಾನೇ ರಾಜಾನೋ ಚೋರಂ ಗಹೇತ್ವಾ ಹನೇಯ್ಯುಂವಾ ಬನ್ಧೇಯ್ಯುಂವಾ ಪಬ್ಬಾಜೇಯ್ಯುಂವಾ ಚೋರೋಸಿ ಬಾಲೋಸಿ ಮೂಳ್ಹೋಸಿ ಥೇನೋಸೀತಿ ತಥಾರೂಪಂ ಭಿಕ್ಖು ಅದಿನ್ನಂ ಆದಿಯಮಾನೋ ಅಯಮ್ಪಿ ಪಾರಾಜಿಕೋ ಹೋತಿ ಅಸಂವಾಸೋತಿ ಅಯಂ ಭನ್ತೇ ತತ್ಥ ಪರಿಪುಣ್ಣಪಞ್ಞತ್ತಿ।
ಪುಚ್ಛಾ – ಸಬ್ಬತ್ಥಪಞ್ಞತ್ತಿ
ವಿಸ್ಸಜ್ಜನಾ – ಸಬ್ಬತ್ಥಪಞ್ಞತ್ತಿ ಭನ್ತೇ।
ಪುಚ್ಛಾ – ಸಾಧಾರಣಪಞ್ಞತ್ತಿನುಖೋ ಆವುಸೋ ಅಸಾಧಾರಣಪಞ್ಞತ್ತಿ ನುಖೋ।
ವಿಸ್ಸಜ್ಜನಾ – ಸಾಧಾರಣಪಞ್ಞತ್ತಿ ಭನ್ತೇ।
ಪುಚ್ಛಾ – ಏಕತೋಪಞ್ಞತ್ತಿನುಖೋ ಆವುಸೋ ಉಭತೋಪಞ್ಞತ್ತಿನುಖೋ।
ವಿಸ್ಸಜ್ಜನಾ – ಉಭತೋಪಞ್ಞತ್ತಿ ಭನ್ತೇ।
ಪುಚ್ಛಾ – ತಸ್ಮಿಂ
ವಿಸ್ಸಜ್ಜನಾ – ಅದಿನ್ನಂ ಭನ್ತೇ ಆದಿಯನ್ತೋ ತಿಸ್ಸೋ ಆಪತ್ತಿಯೋ ಆಪಜ್ಜತಿ, ಪಞ್ಚ ಮಾಸಕಂವಾ ಅತಿರೇಕ ಪಞ್ಚ ಮಾಸಕಂವಾ ಅಗ್ಘನಕಂ ಅದಿನ್ನಂ ಥೇಯ್ಯಸಙ್ಖಾತಂ ಆದಿಯತಿ ಆಪತ್ತಿ ಪಾರಾಜಿಕಸ್ಸ, ಊನಪಞ್ಚಮಾಸಕಂವಾ ಅತಿರೇಕಮಾಸಕಂವಾ ಅದಿನ್ನಂ ಥೇಯ್ಯಸಙ್ಖಾತಂ ಆದಿಯತಿ ಆಪತ್ತಿ ಥುಲ್ಲಚ್ಚಯಸ್ಸ, ಮಾಸಕಂವಾ ಊನಮಾಸಕವಾ ಅಗ್ಘನಕಂ ಅದಿನ್ನಂ ಥೇಯ್ಯಸಙ್ಖಾತಂ ಆದಿಯತಿ ಆಪತ್ತಿ ದುಕ್ಕಟಸ್ಸ, ಅದಿನ್ನಂ ಭನ್ತೇ ಆದಿಯನ್ತೋ ಇಮಾ ತಿಸ್ಸೋ ಆಪತ್ತಿಯೋ ಆಪಜ್ಜತಿ।
ಪುಚ್ಛಾ – ಕೇಸಂ
ವಿಸ್ಸಜ್ಜನಾ – ದಸನ್ನಂ ಭನ್ತೇ ಪುಗ್ಗಲಾನಂ ಅನಾಪತ್ತಿ, ಸಕಸಞ್ಞಿಸ್ಸ, ವಿಸ್ಸಾಸಗ್ಗಾಹೇನ ಗಣ್ಹನ್ತಸ್ಸ, ತಾವಕಾಲಿಕಂ ಗಣ್ಹನ್ತಸ್ಸ, ಪೇತಪರಿಗ್ಗಹಂ ಗಣ್ಹನ್ತಸ್ಸ, ತಿರಚ್ಛಾನಗತಪರಿಗ್ಗಹಂ ಗಣ್ಹನ್ತಸ್ಸ, ಪಂಸುಕೂಲಸಞ್ಞಿಸ್ಸ, ಉಮ್ಮತ್ತಕಸ್ಸ, ಖಿತ್ತಚಿತ್ತಸ್ಸ, ವೇದನಾಟ್ಟಸ್ಸ, ಆದಿಕಮ್ಮಿಕಸ್ಸಾತಿ।
ಪುಚ್ಛಾ – ಪಞ್ಚನ್ನಂ ಆವುಸೋ ಪಾತಿಮೋಕ್ಖುದ್ದೇಸಾನಂ ಕತ್ಥೋಗಧಂ ಕತ್ಥಪರಿಯಾಪನ್ನಂ।
ವಿಸ್ಸಜ್ಜನಾ – ನಿದಾನೋಗಧಂ ಭನ್ತೇ ನಿದಾನಪರಿಯಾಪನ್ನಂ।
ಪುಚ್ಛಾ – ಕತಮೇನ
ವಿಸ್ಸಜ್ಜನಾ – ದುತಿಯೇನ ಭನ್ತೇ ಉದ್ದೇಸೇನ ಉದ್ದೇಸಂ ಆಗಚ್ಛತಿ।
ಪುಚ್ಛಾ – ಚತುನ್ನಂ ಆವುಸೋ ವಿಪತ್ತೀನಂ ಕತಮಾ ವಿಪತ್ತಿ।
ವಿಸ್ಸಜ್ಜನಾ – ಸೀಲವಿಪತ್ತಿ ಭನ್ತೇ।
ಪುಚ್ಛಾ – ಸತ್ತನ್ನಂ ಆವುಸೋ ಆಪತ್ತಿಕ್ಖನ್ಧಾನಂ ಕತಮೋ ಆಪತ್ತಿಕ್ಖನ್ಧೋ।
ವಿಸ್ಸಜ್ಜನಾ – ಪಾರಾಜಿಕಾಪತ್ತಿಕ್ಖನ್ಧೋ ಭನ್ತೇ।
ಪುಚ್ಛಾ – ಛನ್ನಂ ಆವುಸೋ ಆಪತ್ತಿಸಮುಟ್ಠಾನಾನಂ ಕತಿಹಿ ಸಮುಟ್ಠಾನೇಹಿ ಸಮುಟ್ಠಾತಿ।
ವಿಸ್ಸಜ್ಜನಾ – ತೀಹಿ ಭನ್ತೇ ಸಮುಟ್ಠಾನೇಹಿ ಸಮುಟ್ಠಾತಿ, ಸಿಯಾ ಕಾಯತೋಚ ಚಿತ್ತತೋಚ ಸಮುಟ್ಠಾತಿ, ನ ವಾಚಾತೋ, ಸಿಯಾ ವಾಚಾತೋಚ
ಚಿತ್ತತೋಚ
ಪುಚ್ಛಾ – ಚತುನ್ನಂ ಆವುಸೋ ಅಧಿಕರಣಾನಂ ಕತಮಂ ಅಧಿಕರಣಂ।
ವಿಸ್ಸಜ್ಜನಾ – ಆಪತ್ತಾಧಿಕರಣಂ ಭನ್ತೇ।
ಪುಚ್ಛಾ – ಸತ್ತನ್ನಂ ಆವುಸೋ ಸಮಥಾನಂ ಕತಿಹಿ ಸಮಥೇಹಿ ಸಮ್ಮತಿ।
ವಿಸ್ಸಜ್ಜನಾ – ದ್ವಿಹಿ ಭನ್ತೇ ಸಮಥೇಹಿ ಸಮ್ಮತಿ ಸಮ್ಮುಖಾವಿನಯೇನಚ ಪಟಿಞ್ಞಾತ ಕರಣೇನಚ।
ಪುಚ್ಛಾ – ಕೋ
ವಿಸ್ಸಜ್ಜನಾ – ಪಞ್ಞತ್ತಿ ಭನ್ತೇ ವಿನಯೋ ವಿಭತ್ತಿ ಅಭಿವಿನಯೋ।
ಪುಚ್ಛಾ – ಕಿಂಆವುಸೋ ತತ್ಥ ಪಾತಿಮೋಕ್ಖಂ ಕಿಂ ತತ್ಥ ಅಧಿಪಾತಿಮೋಕ್ಖಂ।
ವಿಸ್ಸಜ್ಜನಾ – ಪಞ್ಞತ್ತಿ ಭನ್ತೇ ಪಾತಿಮೋಕ್ಖಂ, ವಿಭತ್ತಿ ಅಧಿಪಾತಿಮೋಕ್ಖಂ।
ಪುಚ್ಛಾ – ಕಾ ಆವುಸೋ ವಿಪತ್ತಿ।
ವಿಸ್ಸಜ್ಜನಾ – ಅಸಂವರೋ ಭನ್ತೇ ವಿಪತ್ತಿ।
ಪುಚ್ಛಾ – ಕಾ
ವಿಸ್ಸಜ್ಜನಾ – ಸಂವರೋ ಭನ್ತೇ ಸಮ್ಪತ್ತಿ।
ಪುಚ್ಛಾ – ಕಾ ಆವುಸೋ ಪಟಿಪತ್ತಿ।
ವಿಸ್ಸಜ್ಜನಾ – ನ ಏವರೂಪಂ ಕರಿಸ್ಸಾಮೀತಿ ಯಾವಜೀವಂ ಆಪಾಣಕೋಟಿಕಂ ಸಮಾದಾಯ ಸಿಕ್ಖತಿ ಸಿಕ್ಖಾಪದೇಸು ಅಯಂ ಭನ್ತೇ ತತ್ಥ ಪಟಿಪತ್ತಿ।
ಪುಚ್ಛಾ – ಕತಿ ಆವುಸೋ ಅತ್ಥವಸೇ ಪಟಿಚ್ಚ ಭಗವತಾ ದುತಿಯಂ ಪಾರಾಜಿಕಂ ಪಞ್ಞತ್ತಂ।
ವಿಸ್ಸಜ್ಜನಾ – ದಸ ಭನ್ತೇ ಅತ್ಥವಸೇ ಪಟಿಚ್ಚ ಭಗವತಾ ದುತಿಯಂ ಪಾರಾಜಿಕಂ ಪಞ್ಞತ್ತಂ। ಸಙ್ಘಸುಟ್ಠುತಾಯ ಸಙ್ಘಫಾಸುತಾಯ ದುಮ್ಮಙ್ಕೂನಂ ಪುಗ್ಗಲಾನಂ ನಿಗ್ಗಹಾಯ ಪೇಸಲಾನಂ ಭಿಕ್ಖೂನಂ ಫಾಸುವಿಹಾರಾಯ ದಿಟ್ಠಧಮ್ಮಿಕಾನಂ ಆಸವಾನಂ ಸಂವರಾಯ ಸಮ್ಪರಾಯಿಕಾನಂ ಆಸವಾನಂ ಪಟಿಘಾತಾಯ ಅಪ್ಪಸನ್ನಾನಂ ಪಸಾದಾಯ ಪಸನ್ನಾನಂ ಭಿಯ್ಯೋಭಾವಾಯ ಸದ್ಧಮ್ಮಟ್ಠಿತಿಯಾ ವಿನಯಾನುಗ್ಗಹಾಯ।
ಪುಚ್ಛಾ – ಕೋ
ವಿಸ್ಸಜ್ಜನಾ – ಸೇಕ್ಖಾಚ ಭನ್ತೇ ಪುಥುಜ್ಜನಕಲ್ಯಾಣಕಾಚ ಸಿಕ್ಖನ್ತಿ।
ಪುಚ್ಛಾ – ಕೇ ಆವುಸೋ ಸಿಕ್ಖಿತಸಿಕ್ಖಾ।
ವಿಸ್ಸಜ್ಜನಾ – ಅರಹನ್ತೋ ಭನ್ತೇ ಸಿಕ್ಖಿತಸಿಕ್ಖಾ।
ಪುಚ್ಛಾ – ಕತ್ಥ
ವಿಸ್ಸಜ್ಜನಾ – ಸಿಕ್ಖಾಕಾಮೇಸು ಭನ್ತೇ ಠಿತಂ।
ಪುಚ್ಛಾ – ಕೇ ಆವುಸೋ ಧಾರೇನ್ತಿ।
ವಿಸ್ಸಜ್ಜನಾ – ಯೇಸಂ ಭನ್ತೇ ವತ್ತತಿ ತೇ ಧಾರೇನ್ತಿ।
ಪುಚ್ಛಾ – ಕಸ್ಸ ಆವುಸೋ ವಚನಂ।
ವಿಸ್ಸಜ್ಜನಾ – ಭಗವತಾ ಭನ್ತೇ ವಚನಂ ಅರಹತೋ ಸಮ್ಮಾಸಮ್ಮುದ್ಧಸ್ಸ।
ಪುಚ್ಛಾ – ಕೇನಾವುಸೋ
ವಿಸ್ಸಜ್ಜನಾ – ಪರಮ್ಪರಾಯ ಭನ್ತೇ ಆಭತಂ।
ಪುಚ್ಛಾ – ಅತ್ಥಿ ನು ಖೋ ಆವುಸೋ ತತ್ಥ ಉಪನೇತಬ್ಬಂ ವಾ ಅಪನೇತಬ್ಬಂ ವಾ ಅಕ್ಖರಪದಪಚ್ಚಾಭಟ್ಠಂ ವಾ ವಿರದ್ಧಪದಬ್ಯಞ್ಜನಂ ವಾ।
ವಿಸ್ಸಜ್ಜನಾ – ನತ್ಥಿ ಭನ್ತೇ।
‘‘ಸಂಗಾಯನತ್ಥಾಯ ಸಙ್ಘಸ್ಸ ಞಾಪನಂ’’
ಸುಣಾತು
ತತಿಯ ಪಾರಾಜಿಕ ಸಿಕ್ಖಾಪುಚ್ಛಾ
ಪುಚ್ಛಾ – ಯಂ
ವಿಸ್ಸಜ್ಜನಾ – ವೇಸಾಲಿಯಂ ಭನ್ತೇ ಪಞ್ಞತ್ತಂ।
ಪುಚ್ಛಾ – ಕಂ ಆವುಸೋ ಆರಬ್ಭ ಪಞ್ಞತ್ತಂ।
ವಿಸ್ಸಜ್ಜನಾ – ಸಮ್ಬಹುಲೇ ಭನ್ತೇ ಭಿಕ್ಖೂ ಆರಬ್ಭ ಪಞ್ಞತ್ತಂ।
ಪುಚ್ಛಾ – ಕಿಸ್ಮಿಂ ಆವುಸೋ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ಸಮ್ಬಹುಲಾ ಭನ್ತೇ ಭಿಕ್ಖು ಅಞ್ಞಮಞ್ಞಂ ಜೀವಿತಾ ವೋರೋಪೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಅತ್ಥಿ
ವಿಸ್ಸಜ್ಜನಾ – ಏಕಾ ಭನ್ತೇ ಪಞ್ಞತ್ತಿ, ಏಕಾ ಅನುಪಞ್ಞತ್ತಿ, ಅನುಪ್ಪನ್ನಪಞ್ಞತ್ತಿ ತಸ್ಮಿಂ ನತ್ಥಿ।
ಪುಚ್ಛಾ – ಕಾ ಆವುಸೋ ತತ್ಥ ಮೂಲಪಞ್ಞತ್ತಿ।
ವಿಸ್ಸಜ್ಜನಾ – ಯೋಪನ ಭಿಕ್ಖು ಸಞ್ಚಿಚ್ಚ ಮನುಸ್ಸವಿಗ್ಗಹಂ ಜೀವಿತಾ ವೋರೋಪೇಯ್ಯ, ಸತ್ಥಹಾರಕಂವಾಸ್ಸ ಪರಿಯೇಸೇಯ್ಯ ಅಯಮ್ಪಿ ಪಾರಾಜಿಕೋ ಹೋತಿ ಅಸಂವಾಸೋತಿ ಅಯಂ ಭನ್ತೇ ತತ್ಥ ಮೂಲಪಞ್ಞತ್ತಿ।
ಪುಚ್ಛಾ – ಕಾ ಆವುಸೋ ತತ್ಥ ಅನುಪಞ್ಞತ್ತಿ।
ವಿಸ್ಸಜ್ಜನಾ – ಮರಣವಣ್ಣಂ ವಾ ಸಂವಣ್ಣೇಯ್ಯ ಮರಣಾಯ ವಾ ಸಮಾದಪೇಯ್ಯ ಅಮ್ಭೋಪುರಿಸ ಕಿಂ ತುಯ್ಹಿಮಿನಾ ಪಾಪಕೇನ ದುಜ್ಜೀವಿತೇನ ಮತನ್ತೇ ಜೀವಿತಾ
ಸೇಯ್ಯಾತಿ
ಪುಚ್ಛಾ – ಕಾ ಆವುಸೋ ತತ್ಥ ಪರಿಪುಣ್ಣಪಞ್ಞತ್ತಿ।
ವಿಸ್ಸಜ್ಜನಾ – ಯೋ ಪನ ಭಿಕ್ಖು ಸಞ್ಚಿಚ್ಚ ಮನುಸ್ಸವಿಗ್ಗಹಂ ಜೀವಿತಾ ವೋರೋಪೇಯ್ಯ, ಸತ್ಥಹಾರಕಂವಾಸ್ಸ ಪರಿಯೇಸೇಯ್ಯ, ಮರಣವಣ್ಣಂ ವಾ ಸಂವಣ್ಣೇಯ್ಯ, ಮರಣಾಯ ವಾ ಸಮಾದಪೇಯ್ಯ, ಅಮ್ಭೋ ಪುರಿಸ ಕಿಂ ತುಯ್ಹಿಮಿನಾ ಪಾಪಕೇನ ದುಜ್ಜೀವಿತೇನ ಮತನ್ತೇ ಜೀವಿತಾ ಸೇಯ್ಯೋತಿ ಇತಿ ಚಿತ್ತಮನೋ ಚಿತ್ತಸಙ್ಕಪ್ಪೋ ಅನೇಕಪರಿಯಾಯೇನ ಮರಣವಣ್ಣಂವಾ ಸಂವಣ್ಣೇಯ್ಯ, ಮರಣಾಯ ವಾ ಸಮಾದಪೇಯ್ಯ, ಅಯಮ್ಪಿ ಪಾರಾಜಿಕೋ ಹೋತಿ ಅಸಂವಾಸೋತಿ ಅಯಂ ಭನ್ತೇ ತತ್ಥ ಪರಿಪುಣ್ಣಪಞ್ಞತ್ತಿ।
ಪುಚ್ಛಾ – ಸಬ್ಬತ್ಥಪಞ್ಞತ್ತಿ
ವಿಸ್ಸಜ್ಜನಾ – ಸಬ್ಬತ್ಥಪಞ್ಞತ್ತಿ ಭನ್ತೇ।
ಪುಚ್ಛಾ – ಸಾಧಾರಣಪಞ್ಞತ್ತಿನುಖೋ ಆವುಸೋ ಅಸಾಧಾರಣಪಞ್ಞತ್ತಿ ನುಖೋ।
ವಿಸ್ಸಜ್ಜನಾ – ಸಾಧಾರಣಪಞ್ಞತ್ತಿ ಭನ್ತೇ।
ಪುಚ್ಛಾ – ಏಕತೋಪಞ್ಞತ್ತಿ
ವಿಸ್ಸಜ್ಜನಾ – ಉಭತೋಪಞ್ಞತ್ತಿ ಭನ್ತೇ।
ಪುಚ್ಛಾ – ತಸ್ಮಿಂ ಆವುಸೋ ತತಿಯ ಪಾರಾಜಿಕೇ ಸಞ್ಚಿಚ್ಚ ಮನುಸ್ಸವಿಗ್ಗಹಂ ಜೀವಿತಾ ವೋರೋಪೇನ್ತೋ ಕತಿ ಆಪತ್ತಿಯೋ ಆಪಜ್ಜತಿ।
ವಿಸ್ಸಜ್ಜನಾ – ಸಞ್ಚಿಸ್ಸ ಭನ್ತೇ ಮನುಸ್ಸವಿಗ್ಗಹಂ ಜೀವಿತಾ ವೋರೋಪೇನ್ತೋ ತಿಸ್ಸೋ ಆಪತ್ತಿಯೋ ಆಪಜ್ಜತಿ, ಮನುಸ್ಸಂ ಓದಿಸ್ಸ ಪಪಾತಂ ಖಣತಿ ಪಪತಿತ್ವಾ ಮರಿಸ್ಸತೀತಿ ಆಪತ್ತಿ ದುಕ್ಕಟಸ್ಸ, ಪಪತಿತೇ ದುಕ್ಖಾ ವೇದನಾ ಉಪ್ಪಜ್ಜತಿ ಆಪತ್ತಿ ಥುಲ್ಲಚ್ಚಯಸ್ಸ, ಮರತಿ ಆಪತ್ತಿ ಪಾರಾಜಿಕಸ್ಸ, ಸಞ್ಚಿಚ್ಚ ಭನ್ತೇ ಮನುಸ್ಸವಿಗ್ಗಹಂ ಜೀವಿತಾ ವೋರೋಪೇನ್ತೋ ಇಮಾ ತಿಸ್ಸೋ ಆಪತ್ತಿಯೋ ಆಪಜ್ಜತಿ।
ಪುಚ್ಛಾ – ಕೇಸಂ
ವಿಸ್ಸಜ್ಜನಾ – ಸತ್ತನ್ನಂ ಭನ್ತೇ ಪುಗ್ಗಲಾನಂ ಅನಾಪತ್ತಿ, ಅಸಞ್ಚಿಚ್ಚ ಮಾರೇನ್ತಸ್ಸ, ಅಜಾನನ್ತಸ್ಸ, ನ ಮರಣಾಧಿಪ್ಪಾಯಸ್ಸ, ಉಮ್ಮತ್ತಕಸ್ಸ, ಖಿತ್ತಚಿತ್ತಸ್ಸ, ವೇದನಾಟ್ಟಸ್ಸ, ಆದಿಕಮ್ಮಿಕಸ್ಸ।
ಪುಚ್ಛಾ – ಪಞ್ಚನ್ನಂ ಆವುಸೋ ಪಾತಿಮೋಕ್ಖುದ್ದೇಸಾನಂ ಕತ್ಥೋಗಧಂ ಕತ್ಥ ಪರಿಯಾಪನ್ನಂ।
ವಿಸ್ಸಜ್ಜನಾ – ನಿದಾನೋಗಧಂ ಭನ್ತೇ ನಿದಾನಪರಿಯಾಪನ್ನಂ।
ಪುಚ್ಛಾ – ಕತಮೇನ
ವಿಸ್ಸಜ್ಜನಾ – ದುತಿಯೇನ ಭನ್ತೇ ಉದ್ದೇಸೇನ ಉದ್ದೇಸಂ ಆಗಚ್ಛತಿ।
ಪುಚ್ಛಾ – ಚತುನ್ನಂ ಆವುಸೋ ವಿಪತ್ತೀನಂ ಕತಮಾ ವಿಪತ್ತಿ।
ವಿಸ್ಸಜ್ಜನಾ – ಸೀಲವಿಪತ್ತಿ ಭನ್ತೇ।
ಪುಚ್ಛಾ – ಸತ್ತನ್ನಂ ಆವುಸೋ ಆಪತ್ತಿಕ್ಖನ್ಧಾನಂ ಕತಮೋ ಆಪತ್ತಿಕ್ಖನ್ಧೋ।
ವಿಸ್ಸಜ್ಜನಾ – ಪಾರಾಜಿಕಾಪತ್ತಿಕ್ಖನ್ಧೋ ಭನ್ತೇ।
ಪುಚ್ಛಾ – ಛನ್ನಂ ಆವುಸೋ ಆಪತ್ತಿಸಮುಟ್ಠಾನಾನಂ ಕತಿಹಿ ಸಮುಟ್ಠಾನೇಹಿ ಸಮುಟ್ಠಾತಿ।
ವಿಸ್ಸಜ್ಜನಾ – ಛನ್ನಂ ಭನ್ತೇ ಆಪತ್ತಿಸಮುಟ್ಠಾನಾನಂ ತೀಹಿ ಸಮುಟ್ಠಾನೇಹಿ ಸಮುಟ್ಠಾತಿ, ಸಿಯಾ ಕಾಯತೋಚ ಚಿತ್ತತೋಚ ಸಮುಟ್ಠಾತಿ, ನ ವಾಚತೋ
ಪುಚ್ಛಾ – ಚತುನ್ನಂ ಆವುಸೋ ಅಧಿಕರಣಾನಂ ಕತಮಂ ಅಧಿಕರಣಂ।
ವಿಸ್ಸಜ್ಜನಾ – ಆಪತ್ತಾಧಿಕರಣಂ ಭನ್ತೇ।
ಪುಚ್ಛಾ – ಸತ್ತನ್ನಂ
ವಿಸ್ಸಜ್ಜನಾ – ಸತ್ತಾನಂ ಭನ್ತೇ ಸಮಥಾನಂ ದ್ವೀಹಿ ಸಮಥೇಹಿ ಸಮ್ಮತಿ, ಸಮ್ಮುಖಾ ವಿನಯೇನಚ ಪಟಿಞ್ಞಾತಕರಣೇನಚ।
ಪುಚ್ಛಾ – ಕೋ ತತ್ಥ ಆವುಸೋ ವಿನಯೋ ಕೋ ತತ್ಥ ಅಭಿವಿನಯೋ।
ವಿಸ್ಸಜ್ಜನಾ – ಪಞ್ಞತ್ತಿ ಭನ್ತೇ ವಿನಯೋ ವಿಭತ್ತಿ ಅಭಿವಿನಯೋ।
ಪುಚ್ಛಾ – ಕಿಂ ಆವುಸೋ ತತ್ಥ ಪಾತಿಮೋಕ್ಖಂ ಕಿಂ ಅಧಿಪಾತಿಮೋಕ್ಖಂ।
ವಿಸ್ಸಜ್ಜನಾ – ಪಞ್ಞತ್ತಿ ಭನ್ತೇ ಪಾತಿಮೋಕ್ಖಂ ವಿಭತ್ತಿ ಅಧಿಪಾತಿಮೋಕ್ಖಂ।
ಪುಚ್ಛಾ – ಕಾ
ವಿಸ್ಸಜ್ಜನಾ – ಅಸಂವರೋ ಭನ್ತೇ ವಿಪತ್ತಿ।
ಪುಚ್ಛಾ – ಕಾ ಆವುಸೋ ಸಮ್ಪತ್ತಿ।
ವಿಸ್ಸಜ್ಜನಾ – ಸಂವರೋ ಭನ್ತೇ ಸಮ್ಪತ್ತಿ।
ಪುಚ್ಛಾ – ಕಾ ಆವುಸೋ ತತ್ಥ ಪಟಿಪತ್ತಿ।
ವಿಸ್ಸಜ್ಜನಾ – ನ ಏವರೂಪಂ ಕರಿಸ್ಸಾಮೀತಿ ಯಾವಜೀವಂ ಆಪಾಣಕೋಟಿಕಂ ಸಮಾದಾಯ ಸಿಕ್ಖತಿ ಸಿಕ್ಖಾಪದೇಸು ಅಯಂ ಭನ್ತೇ ತತ್ಥ ಪಟಿಪತ್ತಿ।
ಪುಚ್ಛಾ – ಕತಿ
ವಿಸ್ಸಜ್ಜನಾ – ದಸ ಭನ್ತೇ ಅತ್ಥವಸೇ ಪಟಿಚ್ಚ ಭಗವತಾ ತತಿಯಂ ಪಾರಾಜಿಕಂ ಪಞ್ಞತ್ತಂ ಸಙ್ಘಸುಟ್ಠುತಾಯ ಸಙ್ಘಫಾಸುತಾಯ (ಪ) ವಿನಯಾನುಗ್ಗಹಾಯ।
ಪುಚ್ಛಾ – ಕೇ
ವಿಸ್ಸಜ್ಜನಾ – ಸೇಕ್ಖಾಚ ಭನ್ತೇ ಪುಥುಜ್ಜನಕಲ್ಯಾಣಕಾಚ ಸಿಕ್ಖನ್ತಿ।
ಪುಚ್ಛಾ – ಕೇ ಆವುಸೋ ಸಿಕ್ಖಿತಸಿಕ್ಖಾ।
ವಿಸ್ಸಜ್ಜನಾ – ಅರಹನ್ತೋ ಭನ್ತೇ ಸಿಕ್ಖಿತಸಿಕ್ಖಾ।
ಪುಚ್ಛಾ – ಕತ್ಥ ಆವುಸೋ ಠಿತಂ।
ವಿಸ್ಸಜ್ಜನಾ – ಸಿಕ್ಖಾಕಾಮೇಸು ಭನ್ತೇ ಠಿತಂ।
ಪುಚ್ಛಾ – ಕೇ ಆವುಸೋ ಧಾರೇನ್ತಿ।
ವಿಸ್ಸಜ್ಜನಾ – ಯೇಸಂ ಭನ್ತೇ ವತ್ತತಿ ತೇ ಧಾರೇನ್ತಿ।
ಪುಚ್ಛಾ – ಕಸ್ಸ
ವಿಸ್ಸಜ್ಜನಾ – ಭಗವತೋ ಭನ್ತೇ ವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ।
ಪುಚ್ಛಾ – ಕೇನಾವುಸೋ ಆಭತಂ।
ವಿಸ್ಸಜ್ಜನಾ – ಪರಮ್ಪರಾಯ ಭನ್ತೇ ಆಭತಂ।
ಪುಚ್ಛಾ – ಅತ್ಥಿನುಖೋ ಆವುಸೋ ತತ್ಥ ಕಿಞ್ಚಿ ಉಪನೇತಬ್ಬಂ ವಾ ಅಪನೇತಬ್ಬಂ ವಾ ಅಕ್ಖರಪದಪಚ್ಚಾಭಟ್ಠಂ ವಾ ವಿರದ್ಧಪದಬ್ಯಞ್ಜನಂ ವಾ।
ವಿಸ್ಸಜ್ಜನಾ – ನತ್ಥಿ ಭನ್ತೇ।
ಸಂಗಾಯನತ್ಥಾಯ ಸಙ್ಘಸ್ಸ ಞಾಪನಂ
ಸುಣಾತು
ಚತುತ್ಥ ಪಾರಾಜಿಕ ಸಿಕ್ಖಾಪುಚ್ಛಾ
ಪುಚ್ಛಾ – ಯಂ
ವಿಸ್ಸಜ್ಜನಾ – ವೇಸಾಲಿಯಂ ಭನ್ತೇ।
ಪುಚ್ಛಾ – ಕಂ ಆವುಸೋ ಆರಬ್ಭ ಪಞ್ಞತ್ತಂ।
ವಿಸ್ಸಜ್ಜನಾ – ವಗ್ಗುಮುದಾತೀರಿಯೇ ಭನ್ತೇ ಭಿಕ್ಖೂ ಆರಬ್ಭ ಪಞ್ಞತ್ತಂ।
ಪುಚ್ಛಾ – ಕಿಸ್ಮಿಂ ಆವುಸೋ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ವಗ್ಗುಮುದಾತೀರಿಯಾ ಭನ್ತೇ ಭಿಕ್ಖೂ ಗಿಹೀನಂ ಅಞ್ಞಮಞ್ಞಸ್ಸ ಉತ್ತರಿಮನುಸ್ಸಧಮ್ಮಸ್ಸ ವಣ್ಣಂ ಭಾಸಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಅತ್ಥಿ
ವಿಸ್ಸಜ್ಜನಾ – ಏಕಾ ಭನ್ತೇ ಪಞ್ಞತ್ತಿ ಏಕಾ ಅನುಪಞ್ಞತ್ತಿ ಅನುಪ್ಪನ್ನಪಞ್ಞತ್ತಿ ತಸ್ಮಿಂ ನತ್ಥಿ।
ಪುಚ್ಛಾ – ಕತಮಾ ಆವುಸೋ ತತ್ಥ ಮೂಲಪಞ್ಞತ್ತಿ।
ವಿಸ್ಸಜ್ಜನಾ – ಯೋ ಪನ ಭಿಕ್ಖು ಅನಭಿಜಾನಂ ಉತ್ತರಿಮನುಸ್ಸಧಮ್ಮಂ ಉತ್ತರಿಮನುಸ್ಸಧಮ್ಮಂ ಅತ್ತುಪನಾಯಿಕಂ ಅಲಮರಿಯಞಾಣದಸ್ಸನಂ ಸಮುದಾಚರೇಯ್ಯ, ಇತಿಜಾನಾಮಿ ಇತಿಪಸ್ಸಾಮೀತಿ, ತತೋ ಅಪರೇನ ಸಮಯೇನ ಸಮನುಗ್ಗಾಹೀಯ ಮಾನೋವಾ ಅಸಮನುಗ್ಗಾಹೀಯ ಮಾನೋವಾ ಆಪನ್ನೋ ವಿಸುದ್ಧಾಪೇಕ್ಖೋ ಏವಂ ವದೇಯ್ಯ ಅಜಾನಮೇವಂ ಆವುಸೋ ಅವಚಂ ಜಾನಾಮಿ ಅಪಸ್ಸಂ ಪಸ್ಸಾಮಿ ತುಚ್ಛಂ ಮುಸಾವಿಲಪಿನ್ತಿ ಅಯಮ್ಪಿ ಪಾರಾಜಿಕೋ ಹೋತಿ ಅಸಂವಾಸೋತಿ ಅಯಂ ಭನ್ತೇ ತತ್ಥ ಮೂಲಪಞ್ಞತ್ತಿ।
ಪುಚ್ಛಾ – ಕತಮಾ
ವಿಸ್ಸಜ್ಜನಾ – ಅಞ್ಞತ್ರ ಅಧಿಮಾನಾತಿ ಅಯಂ ಭನ್ತೇ ತತ್ಥ ಅನುಪಞ್ಞತ್ತಿ।
ಹೋನ್ತಿ ಯೇ ತೇ ಆನನ್ದ ಭಿಕ್ಖೂ ಅದಿಟ್ಠೇ ದಿಟ್ಠಸಞ್ಞಿನೋ ಅಪತ್ತೇ ಪತ್ತಸಞ್ಞಿನೋ ಅನಧಿಗತೇ ಅಧಿಗತಸಞ್ಞಿನೋ ಅಸಚ್ಛಿಕತೇ ಸಚ್ಛಿಕತಸಞ್ಞನೋ ಅಧಿಮಾನೇನ ಅಞ್ಞಂ ಬ್ಯಾಕರೋನ್ತಿ, ತಞ್ಚ ಖೋ ಏತಂ ಅಬ್ಬೋಹಾರಿಕಂ।
ಪುಚ್ಛಾ – ಕತಮಾ
ವಿಸ್ಸಜ್ಜನಾ – ಯೋಪನ ಭಿಕ್ಖು ಅನಭಿಜಾನಂ ಉತ್ತರಿಮನುಸ್ಸಧಮ್ಮಂ ಅತ್ತುಪನಾಯಿಕಂ ಅಲಮರಿಯಞಾಣದಸ್ಸನಂ ಸಮುದಾಚರೇಯ್ಯ, ಇತಿ ಜಾನಾಮಿ ಇತಿ ಪಸ್ಸಾಮೀತಿ, ತತೋ ಅಪರೇನ ಸಮಯೇನ ಸಮನುಗ್ಗಾಹೀಯಮಾನೋವಾ ಅಸಮನುಗ್ಗಾಹೀಯಮಾನೋವಾ ಆಪನ್ನೋ ವಿಸುದ್ಧಾಪೇಕ್ಖೋ ಏವಂ ವದೇಯ್ಯ ಅಜಾನಮೇವಂ ಆವುಸೋ ಅವಚಂಜಾನಾಮಿ ಅಪಸ್ಸಂ ಪಸ್ಸಾಮಿ ತುಚ್ಛಂ ಮುಸಾ ವಿಲಪಿನ್ತಿ, ಅಞ್ಞತ್ರ ಅಧಿಮಾನಾ ಅಯಮ್ಪಿ ಪಾರಾಜಿಕೋ ಹೋತಿ ಅಸಂವಾಸೋತಿ ಅಯಂ ಭನ್ತೇ ತತ್ಥ ಪರಿಪುಣ್ಣ ಪಞ್ಞತ್ತಿ।
ಪುಚ್ಛಾ – ಸಬ್ಬತ್ಥಪಞ್ಞತ್ತಿ
ವಿಸ್ಸಜ್ಜನಾ – ಸಬ್ಬತ್ಥಪಞ್ಞತ್ತಿ ಭನ್ತೇ।
ಪುಚ್ಛಾ – ಸಾಧಾರಣಪಞ್ಞತ್ತಿ ನುಖೋ ಆವುಸೋ ಅಸಾಧಾರಣಪಞ್ಞತ್ತಿನುಖೋ।
ವಿಸ್ಸಜ್ಜನಾ – ಸಾಧಾರಣಪಞ್ಞತ್ತಿ ಭನ್ತೇ।
ಪುಚ್ಛಾ – ಏಕತೋಪಞ್ಞತ್ತಿ ನುಖೋ ಆವುಸೋ ಉಭತೋ ಪಞ್ಞತ್ತಿ ನುಖೋ।
ವಿಸ್ಸಜ್ಜನಾ – ಉಭತೋಪಞ್ಞತ್ತಿ ಭನ್ತೇ।
ಪುಚ್ಛಾ – ತಸ್ಮಿಂ
ವಿಸ್ಸಜ್ಜನಾ – ತಸ್ಮಿಂ ಭನ್ತೇ ಚತುತ್ಥಪಾರಾಜಿಕೇ ಅಸನ್ತಂ ಅಭೂತಂ ಉತ್ತರಿಮನುಸ್ಸಧಮ್ಮಂ ಉಲ್ಲಪನ್ತೋ ತಿಸ್ಸೋ ಆಪತ್ತಿಯೋ ಆಪಜ್ಜತಿ, ಅಸನ್ತಂ ಅಭೂತಂ ಉತ್ತರಿಮನುಸ್ಸಧಮ್ಮಂ ಉಲ್ಲಪತಿ ಆಪತ್ತಿಪಾರಾಜಿಕಸ್ಸ, ಯೋ ತೇ ವಿಹಾರೇ ವಸತಿ ಸೋ ಭಿಕ್ಖು ಅರಹಾತಿ ಭಣತಿ ಪಟಿವಿಜಾನನ್ತಸ್ಸ ಆಪತ್ತಿ ಥುಲ್ಲಚ್ಚಯಸ್ಸ, ಅಪ್ಪಟಿವಿಜಾನನ್ತಸ್ಸ ಆಪತ್ತಿ ದುಕ್ಕಟಸ್ಸ, ಉತ್ತರಿಮನುಸ್ಸಧಮ್ಮಂ ಭನ್ತೇ ಉಲ್ಲಪನ್ತೋ ಇಮಾ ತಿಸ್ಸೋ ಆಪತ್ತಿಯೋ ಆಪಜ್ಜತಿ।
ಪುಚ್ಛಾ – ಕೇಸಂ
ವಿಸ್ಸಜ್ಜನಾ – ಛನ್ನಂ ಭನ್ತೇ ಪುಗ್ಗಲಾನಂ ಅನಾಪತ್ತಿ ಅಧಿಮಾನೇನ ಭಣನ್ತಸ್ಸ ಅನುಲ್ಲಪನಾಧಿಪ್ಪಾಯಸ್ಸ ಉಮ್ಮತ್ತಕಸ್ಸ ಖಿತ್ತಚಿತ್ತಸ್ಸ ವೇದನಾಟ್ಟಸ್ಸ ಆದಿಕಮ್ಮಿಕಸ್ಸ।
ಪುಚ್ಛಾ – ಪಞ್ಚನ್ನಂ
ವಿಸ್ಸಜ್ಜನಾ – ನಿದಾನೋಗಧಂ ಭನ್ತೇ ನಿದಾನಪರಿಯಾಪನ್ನಂ।
ಪುಚ್ಛಾ – ಕತಮೇನ ಆವುಸೋ ಉದ್ದೇಸೇನ ಉದ್ದೇಸಂ ಆಗಚ್ಛತಿ।
ವಿಸ್ಸಜ್ಜನಾ – ದುತಿಯೇನ ಭನ್ತೇ ಉದ್ದೇಸೇನ ಉದ್ದೇಸಂ ಆಗಚ್ಛತಿ।
ಪುಚ್ಛಾ – ಚತುನ್ನಂ ಆವುಸೋ ವಿಪತ್ತೀನಂ ಕತಮಾ ವಿಪತ್ತಿ।
ವಿಸ್ಸಜ್ಜನಾ – ಸೀಲವಿಪತ್ತಿ ಭನ್ತೇ।
ಪುಚ್ಛಾ – ಸತ್ತನ್ನಂ
ವಿಸ್ಸಜ್ಜನಾ – ಪಾರಾಜಿಕಾಪತ್ತಿಕ್ಖನ್ಧೋ ಭನ್ತೇ।
ಪುಚ್ಛಾ – ಛನ್ನಂ ಆವುಸೋ ಆಪತ್ತಿಸಮುಟ್ಠಾನಾನಂ ಕತಿಹಿ ಸಮುಟ್ಠಾನೇಹಿ ಸಮುಟ್ಠಾತಿ।
ವಿಸ್ಸಜ್ಜನಾ – ಛನ್ನಂ ಭನ್ತೇ ಆಪತ್ತಿಸಮುಟ್ಠಾನಾನಂ ತೀಹಿ ಸಮುಟ್ಠಾನೇಹಿ ಸಮುಟ್ಠಾತಿ, ಸಿಯಾ ಕಾಯತೋಚ ಚಿತ್ತತೋಚ ಸಮುಟ್ಠಾತಿ, ನ ವಾಚತೋ, ಸಿಯಾ ವಾಚತೋಚ ಚಿತ್ತತೋಚ ಸಮುಟ್ಠಾತಿ, ನ ಕಾಯತೋ, ಸಿಯಾ ಕಾಯತೋಚ ವಾಚತೋಚ ಚಿತ್ತತೋಚ ಸಮುಟ್ಠಾತಿ।
ಪುಚ್ಛಾ – ಚತುನ್ನಂ
ವಿಸ್ಸಜ್ಜನಾ – ಆಪತ್ತಾಧಿಕರಣಂ ಭನ್ತೇ।
ಪುಚ್ಛಾ – ಸತ್ತನ್ನಂ ಆವುಸೋ ಸಮಥಾನಂ ಕತಿಹಿ ಸಮಥೇಹಿ ಸಮ್ಮತಿ।
ವಿಸ್ಸಜ್ಜನಾ – ಸತ್ತನ್ನಂ ಭನ್ತೇ ಸಮಥಾನಂ ದ್ವೀಹಿ ಸಮಥೇಹಿ ಸಮ್ಮತಿ, ಸಮ್ಮುಖಾವಿನಯೇನಚ ಪಟಿಞ್ಞಾತಕರಣೇನಚ।
ಪುಚ್ಛಾ – ಕೋ ತತ್ಥ ಆವುಸೋ ವಿನಯೋ, ಕೋ ತತ್ಥ ಅಭಿವಿನಯೋ।
ವಿಸ್ಸಜ್ಜನಾ – ಪಞ್ಞತ್ತಿ ಭನ್ತೇ ವಿನಯೋ, ವಿಭತ್ತಿ ಅಭಿವಿನಯೋ।
ಪುಚ್ಛಾ – ಕಿಂ
ವಿಸ್ಸಜ್ಜನಾ – ಪಞ್ಞತ್ತಿ ಭನ್ತೇ ಪಾತಿಮೋಕ್ಖಂ, ವಿಭತ್ತಿ ಅಧಿಪಾತಿಮೋಕ್ಖಂ।
ಪುಚ್ಛಾ – ಕಾ ಆವುಸೋ ವಿಪತ್ತಿ।
ವಿಸ್ಸಜ್ಜನಾ – ಅಸಂವರೋ ಭನ್ತೇ ವಿಪತ್ತಿ।
ಪುಚ್ಛಾ – ಕಾ ಆವುಸೋ ಸಮ್ಪತ್ತಿ।
ವಿಸ್ಸಜ್ಜನಾ – ಸಂವರೋ ಭನ್ತೇ ಸಮ್ಪತ್ತಿ।
ಪುಚ್ಛಾ – ಕಾ
ವಿಸ್ಸಜ್ಜನಾ – ನ ಏವರೂಪಂ ಕರಿಸ್ಸಾಮೀತಿ ಯಾವಜೀವಂ ಆಪಾಣಕೋಟಿಕಂ ಸಮಾದಾಯ ಸಿಕ್ಖತಿ ಸಿಕ್ಖಾಪದೇಸು ಅಯಂ ಭನ್ತೇ ತತ್ಥ ಪಟಿಪತ್ತಿ।
ಪುಚ್ಛಾ – ಕತಿ ಆವುಸೋ ಅತ್ಥವಸೇ ಪಟಿಚ್ಚ ಭಗವತಾ ಚತುತ್ಥಂ ಪಾರಾಜಿಕಂ ಪಞ್ಞತ್ತಂ।
ವಿಸ್ಸಜ್ಜನಾ – ದಸ ಭನ್ತೇ ಅತ್ಥವಸೇ ಪಟಿಚ್ಚ ಭಗವತಾ ಚತುತ್ಥಂ ಪಾರಾಜಿಕಂ ಪಞ್ಞತ್ತಂ, ಸಙ್ಘಸುಟ್ಠುತಾಯ ಸಙ್ಘಫಾಸುತಾಯ…ಪೇ॰… ವಿನಯಾನುಗ್ಗಹಾಯ।
ಪುಚ್ಛಾ – ಕೇ
ವಿಸ್ಸಜ್ಜನಾ – ಸೇಕ್ಖಾಚ ಭನ್ತೇ ಪುಥುಜ್ಜನಕಲ್ಯಾಣಕಾಚ ಸಿಕ್ಖನ್ತಿ।
ಪುಚ್ಛಾ – ಕೇ ಆವುಸೋ ಸಿಕ್ಖಿತಸಿಕ್ಖಾ।
ವಿಸ್ಸಜ್ಜನಾ – ಅರಹನ್ತೋ ಭನ್ತೇ ಸಿಕ್ಖಿತಸಿಕ್ಖಾ।
ಪುಚ್ಛಾ – ಕತ್ಥ ಆವುಸೋ ಠಿತಂ।
ವಿಸ್ಸಜ್ಜನಾ – ಸಿಕ್ಖಾಕಾಮೇಸು ಭನ್ತೇ ಠಿತಂ।
ಪುಚ್ಛಾ – ಕೇ ಆವುಸೋ ಧಾರೇನ್ತಿ।
ವಿಸ್ಸಜ್ಜನಾ – ಯೇಸಂ ಭನ್ತೇ ವತ್ತತಿ ತೇ ಧಾರೇನ್ತಿ।
ಪುಚ್ಛಾ – ಕಸ್ಸ
ವಿಸ್ಸಜ್ಜನಾ – ಭಗವತೋ ಭನ್ತೇ ವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ।
ಪುಚ್ಛಾ – ಕೇನಾವುಸೋ ಆಭತಂ।
ವಿಸ್ಸಜ್ಜನಾ – ಪರಮ್ಪರಾಯ ಭನ್ತೇ ಆಭತಂ।
ಪುಚ್ಛಾ – ಅತ್ಥಿ ನುಖೋ ಆವುಸೋ ತತ್ಥ ಕಿಞ್ಚಿ ಉಪನೇತಬ್ಬಂ ವಾ ಅಪನೇತಬ್ಬಂ ವಾ ಅಕ್ಖರಪದಪಚ್ಚಾಭಟ್ಠಂ ವಾ ವಿರದ್ಧಪದಬ್ಯಞ್ಜನಂ ವಾ।
ವಿಸ್ಸಜ್ಜನಾ – ನತ್ಥಿ ಭನ್ತೇ।