ಚೂಳವಗ್ಗಪಾಳಿ
೧. ಕಮ್ಬಕ್ಖನ್ಧಕ
ಪುಚ್ಛಾ – ಭಣ್ಡನಾದಿಕಾರಕಸ್ಸ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಪಣ್ಡುಕಲೋಹಿತಕೇ ಭಿಕ್ಖೂ ಆರಬ್ಭ ಅನುಞ್ಞಾತಂ, ಪಣ್ಡುಕಲೋಹಿತಕಾ ಭನ್ತೇ ಭಿಕ್ಖೂ ಅತ್ತನಾ ಭಣ್ಡನಕಾರಕಾ ಕಲಹಕಾರಕಾ ವಿವಾದಕಾರಕಾ ಭಸ್ಸಕಾರಕಾ ಸಙ್ಘೇ ಅಧಿಕರಣಕಾರಕಾ, ಯೇಪಿ ಚಞ್ಞೇ ಭಿಕ್ಖೂ ಭಣ್ಡನಕಾರಕಾ ಕಲಹಕಾರಕಾ ವಿವಾದಕಾರಕಾ ಭಸ್ಸಕಾರಕಾ ಸಙ್ಘೇ ಅಧಿಕರಣಕಾರಕಾ ತೇ ಉಪಸಙ್ಕಮಿತ್ವಾ ಏವಮಾಹಂಸು ‘‘ಮಾ ಖೋ ತುಮ್ಹೇ ಆಯಸ್ಮನ್ತೋ ಏಸೋ ಅಜೇಸಿ, ಬಲವಾಬಲವಂ ಪಟಿಮನ್ತೇಥ, ತುಮ್ಹೇ ತೇನ ಪಣ್ಡಿತತರಾ ಚ ಬ್ಯತ್ತತರಾ ಚ ಬಹುಸ್ಸುತತರಾ ಚ ಅಲಮತ್ತತರಾ ಚ, ಮಾ ಚಸ್ಸ ಭಾಯಿತ್ಥ, ಮಯಮ್ಪಿ ತುಮ್ಹಾಕಂ ಪಕ್ಖಾ ಭವಿಸ್ಸಾಮಾ’’ತಿ, ತೇನ ಅನುಪ್ಪನ್ನಾನಿ ಚೇವ ಭಣ್ಡನಾನಿ ಉಪ್ಪಜ್ಜನ್ತಿ, ಉಪ್ಪನ್ನಾನಿ ಚ ಭಣ್ಡನಾನಿ ಭಿಯ್ಯೋಭಾವಾಯ ವೇಪುಲ್ಲಾಯ ಸಂವತ್ತನ್ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ತಜ್ಜನೀಯಕಮ್ಮಕತಸ್ಸ
ವಿಸ್ಸಜ್ಜನಾ – ಅಟ್ಠಾರಸಸು
ಪುಚ್ಛಾ – ಬಾಲಸ್ಸ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಆಯಸ್ಮನ್ತಂ ಸೇಯ್ಯಸಕಂ ಆರಬ್ಭ ಪಞ್ಞತ್ತಂ, ಆಯಸ್ಮಾ ಭನ್ತೇ ಸೇಯ್ಯಸಕೋ ಬಾಲೋ ಅಹೋಸಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ ಗಿಹಿಸಂಸಟ್ಠೋ ವಿಹಾಸಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ನಿಯಸ್ಸಕಮ್ಮಕತಸ್ಸ
ವಿಸ್ಸಜ್ಜನಾ – ಅಟ್ಠಾರಸಸು ಭನ್ತೇ ವತ್ತೇಸು ಸಮ್ಮಾ ವತ್ತನ್ತಸ್ಸ ನಿಯಸ್ಸ ಕಮ್ಮಕತಸ್ಸ ಭಿಕ್ಖುನೋ ತಂ ಕಮ್ಮಂ ಪಟಿಪ್ಪಸ್ಸಮ್ಭೇತುಂ ಭಗವತಾ ಅನುಞ್ಞಾತಂ, ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ನ ಓವದಿತಬ್ಬಾ, ಏವಮಾದೀಸು ಭನ್ತೇ ಅಟ್ಠಾರಸಸು ವತ್ತೇಸು ಸಮ್ಮಾ ವತ್ತನ್ತಸ್ಸ ನಿಯಸ್ಸಕಮ್ಮಕತಸ್ಸ ಭಿಕ್ಖುನೋ ತಂ ಕಮ್ಮಂ ಪಟಿಪ್ಪಸ್ಸಮ್ಭೇತುಂ ಭಗವತಾ ಅನುಞ್ಞಾತಂ।
ಪುಚ್ಛಾ – ಕುಲದೂಸಕಸ್ಸ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಅಸ್ಸಜಿಪುನಬ್ಬಸುಕೇ ಭಿಕ್ಖೂ ಆರಬ್ಭ ಅನುಞ್ಞಾತಂ, ಅಸ್ಸಜಿಪುನಬ್ಬಸುಕಾ ಭನ್ತೇ ಭಿಕ್ಖೂ ಕೀಟಾಗಿರಿಸ್ಮಿಂ ಕುಲದೂಸಕಾ ಅಹೇಸುಂ ಪಾಪಸಮಾಚಾರಾ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ಪಟಿಸಾರಣೀಯಕಮ್ಮಂ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಆಯಸ್ಮನ್ತಂ ಸುಧಮ್ಮಂ ಆರಬ್ಭ ಅನುಞ್ಞಾತಂ, ಭಗವತಿ ಭನ್ತೇ ಸಾವತ್ಥಿಯಂ ವಿಹರತಿ ಆಯಸ್ಮಾ ಸುಧಮ್ಮೋ ಮಚ್ಛಿಕಾಸಣ್ಡೇ ಚಿತ್ತಂ ಗಹಪತಿಂ ಸದ್ಧಂ ಪಸನ್ನಂ ದಾಯಕಂ ಕಾರಕಂ ಸಙ್ಘುಪಟ್ಠಾಕಂ ಹೀನೇನ ಖುಂಸೇಸಿ ಹೀನೇನ ವಮ್ಭೇಸಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ತೇನಹಿ
ಪುಚ್ಛಾ – ಪಟಿಸಾರಣೀಯಕಮ್ಮಕತಸ್ಸ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಆಯಸ್ಮನ್ತಂಯೇವ ಸುಧಮ್ಮಂ ಆರಬ್ಭ ಅನುಞ್ಞಾತಂ, ಆಯಸ್ಮಾ ಭನ್ತೇ ಸುಧಮ್ಮೋ ಮಚ್ಛಿಕಾಸಣ್ಡಂ ಗನ್ತ್ವಾ ಮಙ್ಕುಭೂತೋ ನಾಸಕ್ಖಿ ಚಿತ್ತಂ ಗಹಪತಿಂ ಖಮಾಪೇತುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ಪಟಿಸಾರಣೀಯಕಮ್ಮಕತಸ್ಸ
ವಿಸ್ಸಜ್ಜನಾ – ಅಟ್ಠಾರಸಸು ಭನ್ತೇ ವತ್ತೇಸು ಸಮ್ಮಾ ವತ್ತನ್ತಸ್ಸ ಪಟಿಸಾರಣೀಯ ಕಮ್ಮಕತಸ್ಸ ಭಿಕ್ಖುನೋ ತಂ ಕಮ್ಮಂ ಪಟಿಪ್ಪಸ್ಸಮ್ಭೇತುಂ ಭಗವತಾ ಅನುಞ್ಞಾತಂ।
ಪುಚ್ಛಾ – ಆಪತ್ತಿಂ
ವಿಸ್ಸಜ್ಜನಾ – ಕೋಸಮ್ಬಿಯಂ ಭನ್ತೇ ಆಯಸ್ಮನ್ತಂ ಛನ್ನತ್ಥೇರಂ ಆರಬ್ಭ ಪಞ್ಞತ್ತಂ, ಆಯಸ್ಮಾ ಭನ್ತೇ ಛನ್ನೋ ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛಿ ತಂ ಆಪತ್ತಿಂ ಪಸ್ಸಿತುಂ ವಾ ಪಟಿಕಾತುಂ ವಾ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಆಪತ್ತಿಯಾ
ವಿಸ್ಸಜ್ಜನಾ – ತೇಚತ್ತಾಲೀಸಾಯ ಭನ್ತೇ ವತ್ತೇಸು ಸಮ್ಮಾ ವತ್ತಿತಬ್ಬಂ।
ಪುಚ್ಛಾ – ಉಕ್ಖೇಪನೀಯಕಮ್ಮಕತಸ್ಸ
ವಿಸ್ಸಜ್ಜನಾ – ಕೋಸಮ್ಬಿಯಂ ಭನ್ತೇ ಆಯಸ್ಮನ್ತಂಯೇವ ಛನ್ನಂ ಆರಬ್ಭ ಅನುಞ್ಞಾತಂ, ಆಯಸ್ಮಾ ಭನ್ತೇ ಛನ್ನೋ ಸಙ್ಘೇನ ಆಪತ್ತಿಯಾ ಅದಸ್ಸನೇ ವಾ ಅಪ್ಪಟಿಕಮ್ಮೇ ವಾ ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತೇಸಿ ಲೋಮಂಪಾತೇಸಿ ನೇತ್ಥಾರಂ ವತ್ತೇಸಿ ಸಙ್ಘಂ ಉಪಸಙ್ಕಮಿತ್ವಾ ತಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಯಾ ಯಾಚಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ಪಾಪಿಕಂ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಅರಿಟ್ಠಂ ಭಿಕ್ಖುಂ ಗದ್ಧಬಾಧಿಪುಬ್ಬಂ ಆರಬ್ಭ ಪಞ್ಞತ್ತಂ, ಭಗವತಿ ಭನ್ತೇ ಸಾವತ್ಥಿಯಂ ವಿಹರತಿ ಅರಿಟ್ಠಸ್ಸ ನಾಮ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ ಏವರೂಪಂ ಪಾಪಕಂ ದಿಟ್ಠಿಗತಂ ಉಪ್ಪನ್ನಂ ಅಹೋಸಿ ‘‘ತಥಾಹಂ ಭಗವತಾ ಧಮ್ಮಂ ದೇಸಿತಂ ಆಜಾನಾಮಿ, ಯಥಾಯೇಮೇ ಅನ್ತರಾಯಿಕಾ ಧಮ್ಮಾ ವುತ್ತಾ ಭಗವತಾ, ತೇ ಪಟಿಸೇವತೋ
ಪುಚ್ಛಾ – ಪಾಪಿಕಾಯ ಆವುಸೋ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಕತೇನ ಭಿಕ್ಖುನಾ ಕತಿಸು ವತ್ತೇಸು ಸಮ್ಮಾ ವತ್ತಿತಬ್ಬಂ।
ವಿಸ್ಸಜ್ಜನಾ – ತೇಚತ್ತಾಲೀಸಾಯ
ಪುಚ್ಛಾ – ಕಮ್ಮಕ್ಖನ್ಧಕಂ ಪುಚ್ಛಿಸ್ಸಂ, ಸನಿದಾನಿ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಆವುಸೋ ಕತಿ ಆಪತ್ತಿಯೋ।
ವಿಸ್ಸಜ್ಜನಾ – ಕಮ್ಮಕ್ಖನ್ಧಕಂ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಭನ್ತೇ ಏಕಾ ಆಪತ್ತಿ।
೨. ಪಾರಿವಾಸಿಕಕ್ಖನ್ಧಕ
ಪುಚ್ಛಾ – ಪಾರಿವಾಸಿಕಸ್ಸ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಪಾರಿವಾಸಿಕೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಪಾರಿವಾಸಿಕಾ ಭನ್ತೇ ಭಿಕ್ಖೂ ಸಾದಿಯಿಂಸು ಪಕತತ್ತಾನಂ ಭಿಕ್ಖೂನಂ ಅಭಿವಾದನಾದೀನಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಪಾರಿವಾಸಿಕೇನ
ವಿಸ್ಸಜ್ಜನಾ – ಪಾರಿವಾಸಿಕೇನ ಭನ್ತೇ ಭಿಕ್ಖುನಾ ಚತುನವುತಿಯಾ ವತ್ತೇಸು ಸಮ್ಮಾ ವತ್ತಿತಬ್ಬಂ।
ಪುಚ್ಛಾ – ಪಾರಿವಾಸಿಕಂ ಪುಚ್ಛಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಆವುಸೋ ಕತಿ ಆಪತ್ತಿಯೋ।
ವಿಸ್ಸಜ್ಜನಾ – ಪಾರಿವಾಸಿಕಂ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಭನ್ತೇ ಏಕಾ ಆಪತ್ತಿ।
೩. ಸಮುಚ್ಚಯಕ್ಖನ್ಧಕ
ಪುಚ್ಛಾ – ಸಮುಚ್ಚಯಂ
ವಿಸ್ಸಜ್ಜನಾ – ಸಮುಚ್ಚಯಂ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಭನ್ತೇ ಏಕಾ ಆಪತ್ತಿ।
೪. ಸಮಥಕ್ಖನ್ಧಕ
ಪುಚ್ಛಾ – ಅಸಮ್ಮುಖೀಭೂತಾನಂ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಅಸಮ್ಮುಖೀಭೂತಾನಂ ಭಿಕ್ಖೂನಂ ಕಮ್ಮಂ ಅಕಂಸು ತಜ್ಜನೀಯಮ್ಪಿ ನಿಯಸ್ಸಮ್ಪಿ ಪಬ್ಬಾಜನೀಯಮ್ಪಿ ಪಟಿಸಾರಣೀಯಮ್ಪಿ ಉಕ್ಖೇಪನೀಯಮ್ಪಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಸತಿವೇಪುಲ್ಲಪತ್ತಸ್ಸ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಮೇತ್ತಿಯಭೂಮಜಕೇ ಭಿಕ್ಖೂ ಆರಬ್ಭ ಅನುಞ್ಞಾತಂ ಮೇತ್ತಿಯಭೂಮಜಕಾ ಭನ್ತೇ ಭಿಕ್ಖೂ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಅಮೂಲಿಕಾಯ ಸೀಲವಿಪತ್ತಿಯಾ ಅನುದ್ಧಂಸೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ಕತಿಪನಾವುಸೋ
ವಿಸ್ಸಜ್ಜನಾ – ಪಞ್ಚಿಮಾನಿ ಭನ್ತೇ ಧಮ್ಮಿಕಾನಿ ಸತಿವಿನಯಸ್ಸ ದಾನಾನಿ, ಸುದ್ಧೋ ಹೋತಿ ಭಿಕ್ಖು ಅನಾಪತ್ತಿಕೋ, ಅನುವದನ್ತಿ ಚ ನಂ, ಯಾಚತಿ ಚ, ತಸ್ಸ ಸಙ್ಘೋ ಸತಿವಿನಯಂ ದೇತಿ ಧಮ್ಮೇನ ಸಮಗ್ಗೇನ, ಇಮಾನಿ ಖೋ ಭನ್ತೇ ಪಞ್ಚ ಧಮ್ಮಿಕಾನಿ ಸತಿ ವಿನಯಸ್ಸ ದಾನಾನಿ।
ಪುಚ್ಛಾ – ಅಮೂಳ್ಹಸ್ಸ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಅನುಞ್ಞಾತಂ, ಸಮ್ಬಹುಲಾ ಭನ್ತೇ ಭಿಕ್ಖೂ ಗಗ್ಗಂ ಭಿಕ್ಖುಂ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ
ಪುಚ್ಛಾ – ಕತಿ
ವಿಸ್ಸಜ್ಜನಾ – ತೀಣಿ ಭನ್ತೇ ಅಧಮ್ಮಿಕಾನಿ ಅಮೂಳ್ಹವಿನಯಸ್ಸ ದಾನಾನಿ, ಇಧ ಭನ್ತೇ ಭಿಕ್ಖು ಆಪತ್ತಿಂ ಆಪನ್ನೋ ಹೋತಿ, ತಮೇನಂ ಚೋದೇತಿ ಸಙ್ಘೋ ವಾ ಸಮ್ಬಹುಲಾ ವಾ ಏಕಪುಗ್ಗಲೋ ವಾ ‘‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’’ತಿ, ಸೋ ಸರಮಾನೋವ ಏವಂ ವದೇತಿ ‘‘ನ ಖೋ ಅಹಂ ಆವುಸೋ ಸರಾಮಿ ಏವರೂಪಿಂ ಆಪತ್ತಿಂ ಆಪಜ್ಜಿತಾ’’ತಿ। ಅಞ್ಞೋ ಸರಮಾನೋವ ಏವಂ ವದೇತಿ ‘‘ಸರಾಮಿ ಖೋ ಅಹಂ ಆವುಸೋ ಯಥಾ ಸುಪಿನನ್ತೇನಾ’’ತಿ। ಅಞ್ಞೋ ಅನುಮ್ಮತ್ತಕೋವ ಉಮ್ಮತ್ತಕಾಲಯಂ ಕರೋತಿ ‘‘ಅಹಮ್ಪಿ ಖೋ ಏವಂ ಕರೋಮಿ, ತುಮ್ಹೇಪಿ ಏವಂ ಕರೋಥ, ಮಯ್ಹಮ್ಪಿ ಏತಂ ಕಪ್ಪತಿ, ತುಮ್ಹಾಕಮ್ಪೇತಂ ಕಪ್ಪತೀ’’ತಿ। ಏಸಂ ಸಙ್ಘೋ ಅಮೂಳ್ಹವಿನಯಂ ದೇತಿ, ಅಧಮ್ಮಿಕಂ ಭನ್ತೇ ಅಮೂಳ್ಹವಿನಯಸ್ಸ ದಾನಂ। ಇಮಾನಿ ಖೋ ಭನ್ತೇ ತೀಣಿ ಅಧಮ್ಮಿಕಾನಿ ಅಮೂಳ್ಹವಿನಯಸ್ಸ ದಾನಾನಿ।
ಪುಚ್ಛಾ – ಕತಿ
ವಿಸ್ಸಜ್ಜನಾ – ತೀಣಿ ಭನ್ತೇ ಧಮ್ಮಿಕಾನಿ ಅಮೂಳ್ಹವಿನಯಸ್ಸ ದಾನಾನಿ, ಇಧ ಭನ್ತೇ ಭಿಕ್ಖು ಉಮ್ಮತ್ತಕೋ ಹೋತಿ ಚಿತ್ತವಿಪರಿಯಾಸಕತೋ ತೇನ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಹೋತಿ ಭಾಸಿತಪರಿಕ್ಕನ್ತಂ, ತಮೇನಂ ಚೋದೇತಿ ಸಙ್ಘೋ ವಾ ಸಮ್ಬಹುಲಾ ವಾ ಏಕಪುಗ್ಗಲೋ ವಾ ‘‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’’ತಿ, ಸೋ ಅಸ್ಸರಮಾನೋವ ಏವಂ ವದೇತಿ ‘‘ನ ಖೋ ಅಹಂ ಆವುಸೋ ಸರಾಮಿ ಏವರೂಪಿಂ ಆಪತ್ತಿಂ ಆಪಜ್ಜಿತಾ’’ತಿ। ಅಞ್ಞೋಪಿ ಅಸ್ಸರಮಾನೋವ ಏವಂ ವದೇತಿ ‘‘ಸರಾಮಿ ಖೋ ಅಹಂ ಆವುಸೋ ಯಥಾ ಸುಪಿನನ್ತೇನಾ’’ತಿ। ಅಞ್ಞೋಪಿ ಉಮ್ಮತ್ತಕೋವ ಉಮ್ಮತ್ತಕಾಲಯಂ ಕರೋತಿ ‘‘ಅಹಮ್ಪಿ ಏವಂ ಕರೋಮಿ, ತುಮ್ಹೇಪಿ ಏವಂ ಕರೋಥ, ಮಯ್ಹಮ್ಪಿ ಏತಂ ಕಪ್ಪತಿ, ತುಮ್ಹಾಕಮ್ಪೇತಂ ಕಪ್ಪತೀ’’ತಿ। ಏಸಂ ಭನ್ತೇ ತಿಣ್ಣಂ ಭಿಕ್ಖೂನಂ ಸಙ್ಘೋ ಅಮೂಳ್ಹವಿನಯಂ ದೇತಿ, ಧಮ್ಮಿಕಂ ಭನ್ತೇ ಅಮೂಳ್ಹವಿನಯಸ್ಸ ದಾನಂ। ಇಮಾನಿ ಖೋ ಭನ್ತೇ ತೀಣಿ ಧಮ್ಮಿಕಾನಿ ಅಮೂಳ್ಹವಿನಯಸ್ಸ ದಾನಾನಿ।
ಪುಚ್ಛಾ – ಅಪ್ಪಟಿಞ್ಞಾಯ
ವಿಸ್ಸಜ್ಜನಾ – ರಾಜಗಹೇ
ಪುಚ್ಛಾ – ಕಥಂ ಆವುಸೋ ಅಧಮ್ಮಿಕಂ ಹೋತಿ ಪಟಿಞ್ಞಾತಕರಣಂ।
ವಿಸ್ಸಜ್ಜನಾ – ಅಞ್ಞಥಾ ಭನ್ತೇ ಆಪತ್ತಿಂ ಆಪಜ್ಜನ್ತಸ್ಸ ಅಞ್ಞಥಾ ಪಟಿಜಾನನ್ತಸ್ಸ ಯಥಾ ಸೋ ಪಟಿಜಾನಾತಿ, ತಥಾ ಸಙ್ಘೋ ಕಾರೇತಿ, ಏವಂ ಖೋ ಭನ್ತೇ ಅಧಮ್ಮಿಕಂ ಹೋತಿ ಪಟಿಞ್ಞಾತಕರಣಂ।
ಪುಚ್ಛಾ – ಕಥಂ
ವಿಸ್ಸಜ್ಜನಾ – ಯಂ ಭನ್ತೇ ಆಪತ್ತಿಂ ಆಪಜ್ಜನ್ತಸ್ಸ ತಮೇವ ಪಟಿಜಾನನ್ತಸ್ಸ ತೇನೇವ ಸಙ್ಘೋ ಕಾರೇತಿ, ಏವಂ ಖೋ ಭನ್ತೇ ಧಮ್ಮಿಕಂ ಪಟಿಞ್ಞಾತಕರಣಂ।
ಪುಚ್ಛಾ – ಯೇಭುಯ್ಯಸಿಕಾಯ
ವಿಸ್ಸಜ್ಜನಾ – ರಾಜಗಹೇ
ಪುಚ್ಛಾ – ಕಥಂ ಆವುಸೋ ಅಧಿಕರಣಂ ಯೇಭುಯ್ಯಸಿಕಾಯ ವೂಪಸಮೇತಬ್ಬಂ।
ವಿಸ್ಸಜ್ಜನಾ – ಪಞ್ಚಹಿ ಭನ್ತೇ ಅಙ್ಗೇಹಿ ಸಮನ್ನಾಗತೋ ಭಿಕ್ಖು ಸಲಾಕಗ್ಗಾಹಾಪಕೋ ಸಮ್ಮನ್ನಿತಬ್ಬೋ, ತೇನ ಭನ್ತೇ ಸಲಾಕಗ್ಗಾಹಾಪಕೇನ
ಪುಚ್ಛಾ – ಕತಿ
ವಿಸ್ಸಜ್ಜನಾ – ದಸ ಭನ್ತೇ ಅಧಮ್ಮಿಕಾ ಸಲಾಕಗ್ಗಾಹಾ, ಓರಮತ್ತಕಞ್ಚ ಅಧಿಕರಣಂ ಹೋತಿ, ನ ಚ ಗತಿಗತಂ ಹೋತಿ, ನ ಚ ಸರಿತಸಾರಿತಂ ಹೋತಿ, ಜಾನಾತಿ ‘ಅಧಮ್ಮವಾದೀ ಬಹುತರಾ’ತಿ, ಅಪ್ಪೇವ ನಾಮ ಅಧಮ್ಮವಾದೀ ಬಹುತರಾ ಅಸ್ಸೂತಿ, ಜಾನಾತಿ ‘ಸಙ್ಘೋ ಭಿಜ್ಜಿಸ್ಸತೀ’ತಿ, ಅಪ್ಪೇವ ನಾಮ ಸಙ್ಘೋ ಭಿಜ್ಜೇಯ್ಯಾತಿ, ಅಧಮ್ಮೇನ ಗಣ್ಹನ್ತಿ, ವಗ್ಗಾ ಗಣ್ಹನ್ತಿ, ನ ಚ ಯಥಾದಿಟ್ಠಿಯಾ ಗಣ್ಹನ್ತಿ, ಇಮೇ ಖೋ ಭನ್ತೇ ದಸ ಅಧಮ್ಮಿಕಾ ಕಲಾಕಗ್ಗಾಹಾ।
ಪುಚ್ಛಾ – ಕತಿ
ವಿಸ್ಸಜ್ಜನಾ – ದಸ ಭನ್ತೇ ಧಮ್ಮಿಕಾ ಸಲಾಕಗ್ಗಾಹಾ ವುತ್ತವಿಪರಿಯಾಯೇನ।
ಪುಚ್ಛಾ – ಪಾಪುಸ್ಸನ್ನಸ್ಸ ಆವುಸೋ ಭಿಕ್ಖುಸ್ಸ ತಸ್ಸ ಪಾಪಿಯಸಿಕಾ ಕಮ್ಮಂ ಕಾತುಂ ಭಗವತಾ ಕತ್ಥ ಪಞ್ಞತ್ತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಉಪವಾಳಂ ಭಿಕ್ಖುಂ ಆರಬ್ಭ ಪಞ್ಞತ್ತಂ, ಉಪವಾಳೋ ಭನ್ತೇ ಭಿಕ್ಖು ಸಙ್ಘಮಜ್ಝೇ ಆಪತ್ತಿಯಾ ಅನುಯುಞ್ಜಿಯಮಾನೋ ಅವಜಾನಿತ್ವಾ ಪಟಿಜಾನಾತಿ, ಪಟಿಜಾನಿತ್ವಾ ಅವಜಾನಾತಿ, ಅಞ್ಞೇನಞ್ಞಂ ಪಟಿಚರತಿ, ಸಮ್ಪಜಾನಮುಸಾ ಭಾಸತಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಕತಿ
ವಿಸ್ಸಜ್ಜನಾ – ಪಞ್ಚಿಮಾನಿ ಭನ್ತೇ ಧಮ್ಮಿಕಾನಿ ತಸ್ಸಪಾಪಿಯಸಿಕಾ ಕಮ್ಮಸ್ಸ ಕರಣಾನಿ। ಅಸುಚಿ ಚ ಹೋತಿ, ಅಲಜ್ಜೀ ಚ, ಸಾನುವಾದೋ ಚ, ತಸ್ಸ ಸಙ್ಘೋ ತಸ್ಸಪಾಪಿಯಸಿಕಾ ಕಮ್ಮಂ ಕರೋತಿ ಧಮ್ಮೇನ ಸಮಗ್ಗೇನ, ಇಮಾನಿ ಖೋ ಭನ್ತೇ ಪಞ್ಚ ಧಮ್ಮಿಕಾನಿ ತಸ್ಸ ಪಾಪಿಯಸಿಕಾ ಕಮ್ಮಸ್ಸ ಕರಣಾನಿ।
ಪುಚ್ಛಾ – ತಸ್ಸ
ವಿಸ್ಸಜ್ಜನಾ – ತಸ್ಸ ಪಾಪಿಯಸಿಕಾಕಮ್ಮಕತೇನ ಭನ್ತೇ ಭಿಕ್ಖುನಾ ಅಟ್ಠಾರಸಸು ವತ್ತೇಸು ಸಮ್ಮಾ ವತ್ತಿತಬ್ಬಂ। ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ಏವಮಾದೀಸು ಭನ್ತೇ ಅಟ್ಠಾರಸಸು ವತ್ತೇಸು ಸಮ್ಮಾ ವತ್ತಿತಬ್ಬಂ।
ಪುಚ್ಛಾ – ಕತಿ
ವಿಸ್ಸಜ್ಜನಾ – ಚತ್ತಾರಿಮಾನಿ ಭನ್ತೇ ಅಧಿಕರಣಾನಿ ಸಮಥೇಹಿ ವೂಪಸಮೇತಬ್ಬಾನಿ, ವಿವಾದಾಧಿಕರಣಂ ಅನುವಾದಾಧಿಕರಣಂ ಆಪತ್ತಾಧಿಕರಣಂ ಕಿಚ್ಚಾಧಿಕರಣಂ, ಇಮಾನಿ ಭನ್ತೇ ಚತ್ತಾರಿ ಅಧಿಕರಣಾನಿ ಸಮಥೇಹಿ ವೂಪಸಮೇತಬ್ಬಾನಿ।
ಪುಚ್ಛಾ – ಕಿಂ
ವಿಸ್ಸಜ್ಜನಾ – ಛ ಭನ್ತೇ ವಿವಾದಮೂಲಾನಿ ವಿವಾದಾಧಿಕರಣಸ್ಸ ಮೂಲಂ, ತೀಣಿಪಿ ಅಕುಸಲಮೂಲಾನಿ ವಿವಾದಾಧಿಕರಣಸ್ಸ ಮೂಲಂ, ತೀಣಿಪಿ ಕುಸಲಮೂಲಾನಿ ವಿವಾದಾಧಿಕರಣಸ್ಸ ಮೂಲಂ, ಇದಂ ಭನ್ತೇ ವಿವಾದಾಧಿಕರಣಸ್ಸ ಮೂಲಂ।
ಪುಚ್ಛಾ – ಕಿಂ
ವಿಸ್ಸಜ್ಜನಾ – ಛ ಭನ್ತೇ ಅನುವಾದಮೂಲಾನಿ ಅನುವಾದಾಧಿಕರಣಸ್ಸ ಮೂಲಂ, ತೀಣಿಪಿ ಅಕುಸಲಮೂಲಾನಿ ಅನುವಾದಾಧಿಕರಣಸ್ಸ ಮೂಲಂ, ತೀಣಿಪಿ ಕುಸಲಮೂಲಾನಿ ಅನುವಾದಾಧಿಕರಣಸ್ಸ ಮೂಲಂ, ಕಾಯೋಪಿ ಅನುವಾದಾಧಿಕರಣಸ್ಸ ಮೂಲಂ, ವಾಚಾಪಿ ಅನುವಾದಾಧಿಕರಣಸ್ಸ ಮೂಲಂ, ಇದಂ ಖೋ ಭನ್ತೇ ಅನುವಾದಾಧಿಕರಣಸ್ಸ ಮೂಲಂ।
ಪುಚ್ಛಾ – ಕಿಂ
ವಿಸ್ಸಜ್ಜನಾ – ಛ ಭನ್ತೇ ಆಪತ್ತಿಸಮುಟ್ಠಾನಾ ಆಪತ್ತಾಧಿಕರಣಸ್ಸ ಮೂಲಂ, ಅತ್ತಿ ಭನ್ತೇ ಆಪತ್ತಿ ಕಾಯತೋ ಸಮುಟ್ಠಾತಿ ನ ವಾಚತೋ ನ ಚಿತ್ತತೋ, ಅತ್ಥಿ ಭನ್ತೇ ಆಪತ್ತಿ ವಾಚತೋ ಸಮುಟ್ಠಾತಿ ನ ಕಾಯತೋ ನ ಚಿತ್ತತೋ, ಅತ್ಥಿ ಭನ್ತೇ ಆಪತ್ತಿ ಕಾಯತೋ
ಪುಚ್ಛಾ – ಕಿಂ
ವಿಸ್ಸಜ್ಜನಾ – ಕಿಚ್ಚಾಧಿಕರಣಸ್ಸ ಭನ್ತೇ ಏಕಂ ಮೂಲಂ ಸಙ್ಘೋ।
ಪುಚ್ಛಾ – ಸಮಥಂ ಆವುಸೋ ಪುಚ್ಛಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಆವುಸೋ ಕತಿ ಆಪತ್ತಿಯೋ।
ವಿಸ್ಸಜ್ಜನಾ – ಸಮಥಂ ಭನ್ತೇ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಭನ್ತೇ ದ್ವೇ ಆಪತ್ತಿಯೋ।
೫. ಖುದ್ದಕವತ್ಥುಕ್ಖನ್ಧಕ
ಪುಚ್ಛಾ – ನಹಾಯನ್ತೇನ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ನಹಾಯಮಾನಾ ರುಕ್ಖೇಪಿ ಥಮ್ಭೇಪಿ ಕುಟ್ಟೇಪಿ ಕಾಯಂ ಉಗ್ಘಂಸೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಗನ್ಧಬ್ಬಹತ್ಥಕೇನ ವಾ ಆವುಸೋ ಕುರುವಿನ್ದಕಸುತ್ತಿಯಾ ವಾ ಮಲ್ಲಕೇನ ವಾ ನಹಾಯನ್ತಸ್ಸ ದುಕ್ಕಟಂ ಭಗವತಾ ಕತ್ಥ ಪಞ್ಞತ್ತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಛಬ್ಬಗ್ಗಿಯೇವ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಗನ್ಧಬ್ಬಹತ್ಥಕೇನಪಿ ಕುರುವಿನ್ದಕಸುತ್ತಿಯಾಪಿ
ಪುಚ್ಛಾ – ಪಾಣಿನಾ ಆವುಸೋ ಪರಿಕಮ್ಮಂ ಕಾತುಂ ಭಗವತಾ ಕತ್ಥ ಅನುಞ್ಞಾತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಅನುಞ್ಞಾತಂ।
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಅನುಞ್ಞಾತಂ, ಸಮ್ಬಹುಲಾ ಭನ್ತೇ ಭಿಕ್ಖೂ ಪಿಟ್ಠಿಪರಿಕಮ್ಮಂ ಕಾತುಂ ಕುಕ್ಕುಚ್ಚಾಯಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ವಲ್ಲಿಕಂ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ವಲ್ಲಿಕಾದೀನಿ ಧಾರೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ದೀಘೇ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ದೀಘೇ ಕೇಸೇ ಧಾರೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಕೋಚ್ಛೇನವಾ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಛಬ್ಬಗ್ಗಿಯೇವ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಕೋಚ್ಛಾದೀಹಿ ಕೇಸೇ ಓಸಣ್ಠೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಆದಾಸೇ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಛಬ್ಬಗ್ಗಿಯೇವ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಆದಾಸೇಪಿ ಉದಕಪತ್ತೇಪಿ ಮುಖನಿಮಿತ್ತಂ ಓಲೋಕೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಆಬಾಧಪಚ್ಚಯಾ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಅಞ್ಞತರಂ ಭಿಕ್ಖುಂ ಆರಬ್ಭ ಅನುಞ್ಞಾತಂ, ಭಗವತಿ ಭನ್ತೇ ರಾಜಗಹೇ ವಿಹರತಿ ಅಞ್ಞತರಸ್ಸ ಭಿಕ್ಖುನೋ ಮುಖೇ ವಣೋ ಅಹೋಸಿ, ಸೋ ಭಿಕ್ಖೂ ಏತದವೋಚ ‘‘ಕೀದಿಸೋ ಮೇ ಆವುಸೋ ವಣೋ’’ತಿ, ಭಿಕ್ಖೂ ಏವಮಾಹಂಸು ‘‘ಏದಿಸೋ ತೇ ಆವುಸೋ ವಣೋ’’ತಿ, ಸೋ ನ ಸದ್ದಹತಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ಮುಖಾಲೇಪನಾದೀನಿ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಮುಖಾಲೇಪನಾದೀನಿ ಅಕಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ನಚ್ಚಂ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ನಚ್ಚಮ್ಪಿ ಗೀತಮ್ಪಿ ವಾದಿತಮ್ಪಿ ದಸ್ಸನಾಯ ಗಚ್ಛಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಕಥಂ ಆವುಸೋ ನಚ್ಚಾದೀನಿ ಪಸ್ಸನ್ತಸ್ಸ ಆಪತ್ತಿ ಹೋತಿ, ಕಥಂ ಪನ ಅನಾಪತ್ತಿ।
ವಿಸ್ಸಜ್ಜನಾ – ನಚ್ಚಂ ವಾ ಭನ್ತೇ ಗೀತಂ ವಾ ವಾದಿತಂ ವಾ ದಸ್ಸನಾಯ ಗಚ್ಛತಿ ಆಪತ್ತಿ ದುಕ್ಕಟಸ್ಸ, ಯತ್ಥ ಠಿತೋ ಪಸ್ಸತಿ ವಾ ಸುಣಾತಿ ವಾ ಆಪತ್ತಿ ದುಕ್ಕಟಸ್ಸ
ಪುಚ್ಛಾ – ಆಯತಕೇನ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಆಯತಕೇನ ಗೀತಸ್ಸರೇನ ಧಮ್ಮಂ ಗಾಯಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ದಾರುಪತ್ತಂ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಆಯಸ್ಮನ್ತಂ ಪಿಣ್ಡೋಲಭಾರದ್ವಾಜಂ ಆರಬ್ಭ ಪಞ್ಞತ್ತಂ, ಆಯಸ್ಮಾ ಭನ್ತೇ ಪಿಣ್ಡೋಲಭಾರದ್ವಾಜೋ ಛವಸ್ಸ ದಾರುಪತ್ತಸ್ಸ ಕಾರಣಾ ಗಿಹೀನಂ ಉತ್ತರಿಮನುಸ್ಸಧಮ್ಮಂ ಇದ್ಧಿಪಾಟಿಹಾರಿಯಂ ದಸ್ಸೇತಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ನ
ಪುಚ್ಛಾ – ಭಗವತಾ ಆವುಸೋ ಉಚ್ಚಾವಚೇ ಪತ್ತೇ ಪಟಿಕ್ಖಿಪಿತ್ವಾ ಅಯೋ ಪತ್ತೋ ಭೂಮಿಪತ್ತೋತಿ ಇಮೇಯೇವ ದ್ವೇ ಪತ್ತಾ ಕತ್ಥ ಅನುಞ್ಞಾತಾ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಅನುಞ್ಞಾತಾ।
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಅನುಞ್ಞಾತಾ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಉಚ್ಚಾವಚೇ ಪತ್ತೇ ಧಾರೇಸುಂ ಸೋವಣ್ಣಮಯಾ
ಪುಚ್ಛಾ – ಸೋದಕಂ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಸಮ್ಬಹುಲಾ ಭನ್ತೇ ಭಿಕ್ಖೂ ಸೋದಕಂ ಪತ್ತಂ ಪಟಿಸಾಮೇಸುಂ, ಓತಾಪೇಸುಂ, ಉಣ್ಹೇ ಪತ್ತಂ ನಿದಹಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಛವಸೀಸಪತ್ತಂ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಅಞ್ಞತರಂ ಭಿಕ್ಖುಂ ಆರಬ್ಭ ಪಞ್ಞತ್ತಂ, ಅಞ್ಞತರೋ ಭನ್ತೇ ಭಿಕ್ಖು ಸಬ್ಬಪಂಸುಕೂಲಿಕೋ ಅಹೋಸಿ, ಸೋ ಛವಸೀಸಸ್ಸ ಪತ್ತಂ ಧಾರೇಸಿ, ಅಞ್ಞತರಾ ಇತ್ಥೀ ಪಸ್ಸಿತ್ವಾ ಭೀತಾ
ಪುಚ್ಛಾ – ಚಲಕಾನಿ ವಾ ಆವುಸೋ ಅಟ್ಠಿಕಾನಿ ವಾ ಉಚ್ಛಿಟ್ಠೋದಕಂ ವಾ ಪತ್ತೇನ ನೀಹರನ್ತಸ್ಸ ದುಕ್ಕಟಂ ಭಗವತಾ ಕತ್ಥ ಪಞ್ಞತ್ತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಸಮ್ಬಹುಲಾ ಭನ್ತೇ ಭಿಕ್ಖೂ ಚಲಕಾನಿಪಿ ಅಟ್ಠಿಕಾನಿಪಿ ಉಚ್ಛಿಟ್ಠೋ ದಕಮ್ಪಿ ಪತ್ತೇನ ನೀಹರಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಉಪಾಹನತ್ಥವಿಕಾ
ವಿಸ್ಸಜ್ಜನಾ – ಅನ್ತರಾ ಚ ಭನ್ತೇ ರಾಜಗಹಂ ಅನ್ತರಾ ಚ ವೇಸಾಲಿಂ ಅಞ್ಞತರಂ ಭಿಕ್ಖುಂ ಆರಬ್ಭ ಅನುಞ್ಞಾತಾ, ಅಞ್ಞತರೋ ಭನ್ತೇ ಭಿಕ್ಖು ಉಪಾಹನಾಯೋ ಕಾಯಬನ್ಧನೇನ ಬನ್ಧಿತ್ವಾ ಗಾಮಂ ಪಿಣ್ಡಾಯ ಪಾವಿಸಿ, ಅಞ್ಞತರೋ ಉಪಾಸಕೋ ತಂ ಭಿಕ್ಖುಂ ಅಭಿವಾದೇನ್ತೋ ಉಪಾಹನಾಯೋ ಸೀಸೇನ ಘಟ್ಟೇತಿ, ಸೋ ಭಿಕ್ಖು ಮಙ್ಕು ಅಹೋಸಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಾ।
ಪುಚ್ಛಾ – ಅದ್ಧಾನಮಗ್ಗಪ್ಪಟಿಪನ್ನೇನ
ವಿಸ್ಸಜ್ಜನಾ – ಅನ್ತರಾ ಚ ಭನ್ತೇ ರಾಜಗಹಂ ಅನ್ತರಾ ಚ ವೇಸಾಲಿಂ ಅಞ್ಞತರಂ ಭಿಕ್ಖುಂ ಆರಬ್ಭ ಪಞ್ಞತ್ತಂ, ಅಞ್ಞತರೋ ಭನ್ತೇ ಭಿಕ್ಖು ಪರಿಸ್ಸಾವನಂ ಯಾಚಿಯಮಾನೋ ನ ಅದಾಸಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಪುಪ್ಫಾಭಿಕಿಣ್ಣೇ
ವಿಸ್ಸಜ್ಜನಾ – ವೇಸಾಲಿಯಂ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಪುಪ್ಫಾಭಿಕಿಣ್ಣೇಸು ಸಯನೇಸು ಸಯಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಏಕಭಾಜನೇ ವಾ ಆವುಸೋ ಭುಞ್ಜನ್ತಾನಂ ಏಕಥಾಲಕೇ ವಾ ಪಿವನ್ತಾನಂ ಏಕತ್ಥರಣಪಾವುರಣಾನಂ ವಾ ತುವಟ್ಟಾನಂ ದುಕ್ಕಟಂ ಭಗವತಾ ಕತ್ಥ ಪಞ್ಞತ್ತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ವೇಸಾಲಿಯಂ ಭನ್ತೇ ಛಬ್ಬಗ್ಗಿಯೇವ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಏಕಭಾಜನೇಪಿ ಭುಞ್ಜಿಂಸು, ಏಕಥಾಲಕೇಪಿ
ಪುಚ್ಛಾ – ಚಾಮರಿಬೀಜನಿಂ ಆವುಸೋ ಪಟಿಕ್ಖಿಪಿತ್ವಾ ತಿಸ್ಸೋ ಬೀಜನಿಯೋ ಭಗವತಾ ಕತ್ಥ ಅನುಞ್ಞಾತಾ, ಕಿಸ್ಮಿಞ್ಚ ವತ್ಥುಸ್ಮಿಂ ಅನುಞ್ಞಾತಾ।
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಅನುಞ್ಞಾತಾ, ಸಾವತ್ಥಿಯಂ ಭನ್ತೇ ಭಗವತಿ ವಿಹರತಿ ಸಙ್ಘಸ್ಸ ಚಾಮರಿಬೀಜನೀ ಉಪ್ಪನ್ನಾ ಅಹೋಸಿ, ಭಗವತೋ ಏತಮತ್ಥಂ ಆರೋಚೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಾ।
ನ
ಪುಚ್ಛಾ – ದೀಘೇ ಆವುಸೋ ನಖೇ ಧಾರೇನ್ತಸ್ಸ ದುಕ್ಕಟಂ ಭಗವತಾ ಕತ್ಥ ಪಞ್ಞತ್ತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ಸಾವತ್ಥಿಯಂ
ಪುಚ್ಛಾ – ಕತ್ತರಿಕಾಯ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಕತ್ತರಿಕಾಯ ಕೇಸೇ ಛಿನ್ದಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ದೀಘೇ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಸಮ್ಬಹುಲಾ ಭನ್ತೇ ಭಿಕ್ಖೂ ದೀಘಾನಿ ನಾಸಿಕಾಲೋಮಾನಿ ಧಾರೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಉಚ್ಚಾವಚಾ ಆವುಸೋ ಕಣ್ಣಮಲಹರಣಿಯೋ ಪಟಿಕ್ಖಿಪಿತ್ವಾ ದಸ ಕಣ್ಣಮಲಹರಣಿಯೋ ಭಗವತಾ ಕತ್ಥ ಅನುಞ್ಞಾತಾ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಅನುಞ್ಞಾತಾ।
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಅನುಞ್ಞಾತಾ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಉಚ್ಚಾವಚಾ ಕಣ್ಣಮಲಹರಣಿಯೋ ಧಾರೇಸುಂ
ಪುಚ್ಛಾ – ಸಙ್ಘಾಟಿಪಲ್ಲತ್ಥಿಕಾಯ ನಿಸೀದನ್ತಸ್ಸ ಆವುಸೋ ದುಕ್ಕಟಂ ಭಗವತಾ ಕತ್ಥ ಪಞ್ಞತ್ತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಸಙ್ಘಾಟಿಪಲ್ಲತ್ಥಿಕಾಯ ನಿಸೀದಿಂಸು, ಸಙ್ಘಾಟಿಯಾ
ಪುಚ್ಛಾ – ಅಕಾಯಬನ್ಧನೇನ ಆವುಸೋ ಗಾಮಂ ಪವಿಸನ್ತಸ್ಸ ದುಕ್ಕಟಂ ಭಗವತಾ ಕತ್ಥ ಪಞ್ಞತ್ತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಅಞ್ಞತರಂ ಭಿಕ್ಖುಂ ಆರಬ್ಭ ಪಞ್ಞತ್ತಂ, ಅಞ್ಞತರೋ ಭನ್ತೇ ಭಿಕ್ಖು ಅಕಾಯಬನ್ಧನೋ ಗಾಮಂ ಪಿಣ್ಡಾಯ ಪಾವಿಸಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಗಿಹಿನಿವತ್ಥಂ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಗಿಹಿನಿವತ್ಥಂ ನಿವಾಸಿಂಸು, ಗಿಹಿಪಾರುತಮ್ಪಿ ಪಾರುಪಿಂಸು, ಸಂವೇಲ್ಲಿಯಮ್ಪಿ ನಿವಾಸಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಉಭತೋ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಉಭತೋ ಕಾಜಂ ಧಾರೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಲೋಕಾಯತಂ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಲೋಕಾಯತಂ ಪರಿಯಾಪುಣಿಂಸುಪಿ ವಾಚೇಸುಮ್ಪಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ತಿರಚ್ಛಾನವಿಜ್ಜಂ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ತಿರಚ್ಛಾನವಿಜ್ಜಂ ಪರಿಯಾಪುಣಿಂಸುಪಿ ವಾಚೇಸುಮ್ಪಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಖಿಪಿತೇ ಆವುಸೋ ‘‘ಜೀವಾ’’ತಿವದನ್ತಸ್ಸ ದುಕ್ಕಟಂ ಭಗವತಾ ಕತ್ಥ ಪಞ್ಞತ್ತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ಸಾವತ್ಥಿಯಂ
ಪುಚ್ಛಾ – ಆರಾಮೇ ಆವುಸೋ ಪಸ್ಸಾವವಚ್ಚಾನಂ ತಹಂ ತಹಂ ಕರಣಂ ಪಟಿಕ್ಖಿಪಿತ್ವಾ ಏಕಮನ್ತಂ ಕಾತುಂ ಭಗವತಾ ಕತ್ಥ ಪಞ್ಞತ್ತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಸಮ್ಬಹುಲಾ ಭನ್ತೇ ಭಿಕ್ಖೂ ಆರಾಮೇ ತಹಂ ತಹಂ ಪಸ್ಸಾವಂ ಅಕಂಸು, ತಹಂ ತಹಂ ವಚ್ಚಂ ಅಕಂಸು, ಆರಾಮೋ ದುಸ್ಸಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಖುದ್ದಕವತ್ಥುಕ್ಖನ್ಧಕ
ಪುಚ್ಛಾ – ಖುದ್ದಕವತ್ಥುಂ
ವಿಸ್ಸಜ್ಜನಾ – ಖುದ್ದಕಂ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಭನ್ತೇ ತಿಸ್ಸೋ ಆಪತ್ತಿಯೋ।
೬. ಸೇನಾಸನಕ್ಖನ್ಧಕ
ಪುಚ್ಛಾ – ಪಞ್ಚ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಅನುಞ್ಞಾತಾನಿ, ಸಮ್ಬಹುಲಾ ಭನ್ತೇ ಭಿಕ್ಖೂ ಭಗವನ್ತಂ ಉಪಸಙ್ಕಮಿತ್ವಾ ಏತದವೋಚುಂ ‘‘ರಾಜಗಹಕೋ ಭನ್ತೇ ಸೇಟ್ಠೀ ವಿಹಾರೇ ಕಾರಾಪೇತುಕಾಮೋ, ಕಥಂ ನು ಖೋ ಭನ್ತೇ ಪಟಿಪಜ್ಜಿತಬ್ಬ’’ನ್ತಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಾನಿ।
ಪುಚ್ಛಾ – ಕಥಂ
ವಿಸ್ಸಜ್ಜನಾ – ಏಕಾಹೇನೇವ
ಪುಚ್ಛಾ – ವಿಹಾರೇ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಅನುಞ್ಞಾತಾನಿ। ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ವಿಹಾರೇ ಪಟಿಭಾನಚಿತ್ತಂ ಕಾರಾಪೇಸುಂ ಇತ್ಥಿರೂಪಕಂ ಪುರಿಸರೂಪಕಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಾನಿ।
ಪುಚ್ಛಾ – ಯಥಾವುಡ್ಢಂ
ವಿಸ್ಸಜ್ಜನಾ – ಅನ್ತರಾ ಚ ಭನ್ತೇ ವೇಸಾಲಿಂ ಅನ್ತರಾ ಚ ಸಾವತ್ಥಿಂ ಛಬ್ಬಗ್ಗಿಯಾನಂ ಭಿಕ್ಖೂನಂ ಅನ್ತೇವಾಸಿಕೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾನಂ ಭನ್ತೇ ಭಿಕ್ಖೂನಂ ಅನ್ತೇವಾಸಿಕಾ ಭಿಕ್ಖೂ ಬುದ್ಧಪ್ಪಮುಖಸ್ಸ ಸಙ್ಘಸ್ಸ ಪುರತೋ ಪುರತೋ ಗನ್ತ್ವಾ ವಿಹಾರೇ ಪಟಿಗ್ಗಹೇಸುಂ, ಸೇಯ್ಯಾಯೋ ಪಟಿಗ್ಗಹೇಸುಂ ‘‘ಇದಂ ಅಮ್ಹಾಕಂ ಉಪಜ್ಝಾಯಾನಂ ಭವಿಸ್ಸತಿ, ಇದಂ ಅಮ್ಹಾಕಂ ಆಚರಿಯಾನಂ ಭವಿಸ್ಸತಿ, ಇದಂ ಅಮ್ಹಾಕಂ ಭವಿಸ್ಸತೀ’’ತಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಏಕೇನ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಆಯಸ್ಮನ್ತಂ ಉಪನನ್ದಂ ಸಕ್ಯಪುತ್ತಂ ಆರಬ್ಭ ಪಞ್ಞತ್ತಂ, ಆಯಸ್ಮಾ ಭನ್ತೇ ಉಪನನ್ದೋ ಸಕ್ಯಪುತ್ತೋ ಏಕೋ ದ್ವೇ ಪಟಿಬಾಹಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ನವಕೇನ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಅನುಞ್ಞಾತಂ, ಸಮ್ಬಹುಲಾ ಭನ್ತೇ ಭಿಕ್ಖೂ ಆಯಸ್ಮತೋ ಉಪಾಲಿಸ್ಸ ಸನ್ತಿಕೇ ವಿನಯಂ ಪರಿಯಾಪುಣಿಂಸು, ಆಯಸ್ಮಾ ಭನ್ತೇ ಉಪಾಲಿ ಠಿತಕೋವ ಉದ್ದಿಸತಿ ಥೇರಾನಂ ಭಿಕ್ಖೂನಂ ಗಾರವೇನ, ತತ್ಥ ಭನ್ತೇ ಥೇರಾ ಚೇವ ಭಿಕ್ಖೂ ಕಿಲಮಿಂಸು ಆಯಸ್ಮಾ ಚ ಉಪಾಲಿ ಕಿಲಮಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ತಿವಸ್ಸನ್ತರೇನ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಅನುಞ್ಞಾತಂ, ಸಮ್ಬಹುಲಾನಂ ಭನ್ತೇ ಭಿಕ್ಖೂನಂ ಏತದಹೋಸಿ ‘‘ಕಿತ್ತಾವತಾನು ಖೋ ಸಮಾನಾಸನಿಕೋ ಹೋತೀ’’ತಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ಮಞ್ಚೇ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಸಮಾನಾಸನಿಕೇ ಆರಬ್ಭ ಪಞ್ಞತ್ತಂ, ಸಮ್ಬಹುಲಾ ಭನ್ತೇ ಭಿಕ್ಖೂ ಸಮಾನಾಸನಿಕಾ ಮಞ್ಚೇ ನಿಸೀದಿತ್ವಾ ಮಞ್ಚಂ ಭಿನ್ದಿಂಸು, ಪೀಠೇ ನಿಸೀದಿತ್ವಾ ಪೀಠಂ ಭಿನ್ದಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ದೀಘಾಸನೇ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಅನುಞ್ಞಾತಂ, ಸಮ್ಬಹುಲಾ ಭನ್ತೇ ಭಿಕ್ಖೂ ದೀಘಾಸನೇ ಅಸಮಾನಾಸನಿಕೇಹಿ ಸಹ ನಿಸೀದಿತುಂ ಕುಕ್ಕುಚ್ಚಾಯಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ಪಞ್ಚ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಪಞ್ಞತ್ತಾನಿ, ಸಮ್ಬಹುಲಾ ಭನ್ತೇ ಭಿಕ್ಖೂ ಸಙ್ಘಿಕಂ ಸೇನಾಸನಂ ವಿಸ್ಸಜ್ಜೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಪಞ್ಚ
ವಿಸ್ಸಜ್ಜನಾ – ಕೀಟಾಗಿರಿಸ್ಮಿಂ ಭನ್ತೇ ಅಸ್ಸಜಿಪುನಬ್ಬಸುಕೇ ಭಿಕ್ಖೂ ಆರಬ್ಭ ಪಞ್ಞತ್ತಾನಿ, ಅಸ್ಸಜಿಪುನಬ್ಬಸುಕಾ ಭನ್ತೇ ಭಿಕ್ಖೂ ಸಙ್ಘಿಕಂ ಸೇನಾಸನಂ ವಿಭಜಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಾನಿ।
ಪುಚ್ಛಾ – ಅಞ್ಞತ್ರ
ವಿಸ್ಸಜ್ಜನಾ – ಆಳವಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಸಮ್ಬಹುಲಾ ಭನ್ತೇ ಭಿಕ್ಖೂ ಅಞ್ಞತರಸ್ಸ ಉಪಾಸಕಸ್ಸ ವಿಹಾರಪರಿಭೋಗಂ ಸೇನಾಸನಂ ಅಞ್ಞತ್ರ ಪರಿಭುಞ್ಜಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಅಧೋತೇಹಿ ಚ ಆವುಸೋ ಅಲ್ಲೇಹಿ ಚ ಪಾದೇಹಿ ಸೇನಾಸನಂ ಅಕ್ಕಮನ್ತಸ್ಸ ಚ ಸಉಪಾಹನೇನ ಸೇನಾಸನಂ ಅಕ್ಕಮನ್ತಸ್ಸ ಚ ದುಕ್ಕಟಂ ಭಗವತಾ ಕತ್ಥ ಪಞ್ಞತ್ತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ಆಳವಿಯಂ
ಪುಚ್ಛಾ – ಪರಿಕಮ್ಮಕತಾಯ ಆವುಸೋ ಭೂಮಿಯಾ ನಿಟ್ಠುಭನ್ತಸ್ಸ ಚ ಪರಿಕಮ್ಮಕತಂ ಭಿತ್ತಿಂ ಅಪಸ್ಸಯನ್ತಸ್ಸ ಚ ದುಕ್ಕಟಂ ಭಗವತಾ ಕತ್ಥ ಪಞ್ಞತ್ತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ಆಳವಿಯಂ
ಪುಚ್ಛಾ – ಸೇನಾಸನಕ್ಖನ್ಧಕಂ ಪುಚ್ಛಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಆವುಸೋ ಕತಿ ಆಪತ್ತಿಯೋ।
ವಿಸ್ಸಜ್ಜನಾ – ಸೇನಾಸನಕ್ಖನ್ಧಕಂ
೭. ಸಙ್ಘತೇದಕಕ್ಖನ್ಧಕ
ಪುಚ್ಛಾ – ಕಥಂ
ವಿಸ್ಸಜ್ಜನಾ – ಭಗವಾ ಭನ್ತೇ ಉಪಾಲಿಂ ಕಪ್ಪಕಂ ಪಠಮಂ ಪಬ್ಬಾಜೇಸಿ, ಪಚ್ಛಾ ತೇ ಸಕ್ಯಕುಮಾರೇ, ಅಥ ಭನ್ತೇ ಆಯಸ್ಮಾ ಭದ್ದಿಯೋ ತೇನೇವ ಅನ್ತರವಸ್ಸೇನ ತಿಸ್ಸೋ ವಿಜ್ಜಾ ಸಚ್ಛಾಕಾಸಿ, ಆಯಸ್ಮಾ ಅನುರುದ್ಧೋ ದಿಬ್ಬಚಕ್ಖುಂ ಉಪ್ಪಾದೇಸಿ, ಆಯಸ್ಮಾ ಆನನ್ದೋ ಸೋತಾಪತ್ತಿಫಲಂ ಸಚ್ಛಾಕಾಸಿ, ದೇವದತ್ತೋ ಪೋಥುಜ್ಜನಿಕಂ ಇದ್ಧಿಂ ಅಭಿನಿಪ್ಫಾದೇಸಿ। ಏವಂ ಖೋ ಭನ್ತೇ ಛನ್ನಂ ಸಕ್ಯಕುಮಾರಾನಂ ಉಪಾಲಿಕಪ್ಪಕೇನ ಸಹ ಪಬ್ಬಜ್ಜಾ ಅಹೋಸಿ, ಏವಞ್ಚ ಪನ ಭನ್ತೇ ತೇಸಂ ವಿಸೇಸಾಧಿಗಮೋ ಅಹೋಸಿ।
ಪಕಾಸನೀಯ
ಪುಚ್ಛಾ – ಪಕಾಸನೀಯಕಮ್ಮಂ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ದೇವದತ್ತಂ ಆರಬ್ಭ ಪಞ್ಞತ್ತಂ, ದೇವದತ್ತೋ ಭನ್ತೇ ‘‘ಸರಾಜಿಕಾಯ ಮಂ ಭಗವಾ ಪರಿಸಾಯ ಖೇಳಾಸಕವಾದೇನ ಅಪಸಾದೇತಿ, ಸಾರಿಪುತ್ತಮೋಗ್ಗಲ್ಲಾನೇವ ಉಕ್ಕಂಸತೀ’’ತಿ ಕುಪಿತೋ ಅನತ್ತಮನೋ ಭಗವತಿ ಆಘಾತಂ ಬನ್ಧಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪಕಾಸನೀಯ
ಪುಚ್ಛಾ – ದೇವದತ್ತಸ್ಸ
ವಿಸ್ಸಜ್ಜನಾ – ಭಗವಾ ಭನ್ತೇ ದೇವದತ್ತಸ್ಸ ಪಕಾಸನೀಯಕಮ್ಮಂ ಕಾತುಂ ಪಞ್ಞಪೇತ್ವಾ ಆಯಸ್ಮನ್ತಂ ಸಾರಿಪುತ್ತಂ ಆಮನ್ತೇಸಿ ‘‘ತೇನ ಹಿ ತ್ವಂ ಸಾರಿಪುತ್ತ ದೇವದತ್ತಂ ರಾಜಗಹೇ ಪಕಾಸೇಹೀ’’ತಿ, ಏವಂ ಖೋ ಭನ್ತೇ ದೇವದತ್ತಸ್ಸ ಪಕಾಸನೀಯಕಮ್ಮಂ ಕತ್ವಾ ದೇವದತ್ತಂ ರಾಜಗಹೇ ಪಕಾಸೇತುಂ ಭಗವಾ ಆಣಾಪೇಸಿ।
ದೇವದತ್ತ
ಪುಚ್ಛಾ – ಕಥಂ
ವಿಸ್ಸಜ್ಜನಾ – ಭಗವಾ ಭನ್ತೇ ಗಿಜ್ಝಕೂಟಸ್ಸ ಪಬ್ಬತಸ್ಸ ಛಾಯಾಯಂ ಚಙ್ಕಮಿ, ಅಥ ಭನ್ತೇ ದೇವದತ್ತೋ ಗಿಜ್ಝಕೂಟಂ ಪಬ್ಬತಂ ಆರುಹಿತ್ವಾ ಮಹತಿಂ ಸಿಲಂ ಪವಿಜ್ಝಿ ‘‘ಇಮಾಯ ಸಮಣಂ ಗೋತಮಂ ಜೀವಿತಾ ವೋರೋಪೇಸ್ಸಾಮೀ’’ತಿ, ಅಥ ಖೋ ಭನ್ತೇ ದ್ವೇ ಪಬ್ಬತಕೂಟಾನಿ ಸಮಾಗನ್ತ್ವಾ ತಂ ಸಿಲಂ ಸಮ್ಪಟಿಚ್ಛಿಂಸು, ತತೋ ಪಪತಿಕಾ ಉಪ್ಪತಿತ್ವಾ ಭಗವತೋ ಪಾದೇ ರುಹಿರಂ ಉಪ್ಪಾದೇಸಿ। ಏವಂ ಖೋ ಭನ್ತೇ ದೇವದತ್ತೇನ ದುಟ್ಠೇನ ವಧಕಚಿತ್ತೇನ ತಥಾಗತಸ್ಸ ರುಹಿರಂ ಉಪ್ಪಾದೇತ್ವಾ ಪಠಮಂ ಆನನ್ತರಿಯಕಮ್ಮಂ ಉಪಚಿತಂ।
ಪುಚ್ಛಾ – ಕುಲೇಸು
ವಿಸ್ಸಜ್ಜನಾ – ರಾಜಗಹೇ ಭನ್ತೇ ದೇವದತ್ತಂ ಆರಬ್ಭ ಪಞ್ಞತ್ತಂ, ದೇವದತ್ತೋ ಭನ್ತೇ ಪರಿಹೀನಲಾಭಸಕ್ಕಾರೋ ಸಪರಿಸೋ ಕುಲೇಸು ವಿಞ್ಞಾಪೇತ್ವಾ ವಿಞ್ಞಾಪೇತ್ವಾ ಭುಞ್ಜಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಅಲಂ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ದೇವದತ್ತಂ ಆರಬ್ಭ ದಿನ್ನೋ, ದೇವದತ್ತೋ ಭನ್ತೇ ಸಙ್ಘಭೇದಾಯ ಪರಕ್ಕಮಿ ಚಕ್ಕಭೇದಾಯ, ತಸ್ಮಿಂ ಭನ್ತೇ ವತ್ಥುಸ್ಮಿಂ ದಿನ್ನೋ।
ಅಲಂ
ಪುಚ್ಛಾ – ‘‘ಸುಕರಂ ಸಾಧುನಾ ಸಾಧುಂ, ಸಾಧುಂ ಪಾಪೇನ ದುಕ್ಕರಂ। ಪಾಪಂ ಪಾಪೇನ ಸುಕರಂ, ಪಾಪಮರಿಯೇಹಿ ದುಕ್ಕರ’’ನ್ತಿ- ಆವುಸೋ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ದೇವದತ್ತಂಯೇವ ಆರಬ್ಭ ಉದಾನಿತಂ, ಆಯಸ್ಮಾ ಭನ್ತೇ ಆನನ್ದೋ ಪುಬ್ಬಣ್ಹಸಮಯಂ ನಿವಾಸೇತ್ವಾ ಪತ್ತಚೀವರಮಾದಾಯ ರಾಜಗಹಂ ಪಿಣ್ಡಾಯ ಪಾವಿಸಿ, ಅಥ ಖೋ ಭನ್ತೇ ದೇವದತ್ತೋ ಯೇನಾಯಸ್ಮಾ ಆನನ್ದೋ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಆಯಸ್ಮನ್ತಂ ಆನನ್ದಂ ಏತದವೋಚ ‘‘ಅಜ್ಜತಗ್ಗೇ ದಾನಾಹಂ ಆವುಸೋ ಆನನ್ದ ಅಞ್ಞತ್ರೇವ ಭಗವತಾ ಅಞ್ಞತ್ರೇವ ಭಿಕ್ಖುಸಙ್ಘಾ ಉಪೋಸಥಂ ಕರಿಸ್ಸಾಮಿ ಸಙ್ಘಕಮ್ಮಂ ಕರಿಸ್ಸಾಮೀ’’ತಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಉದಾನಿತಂ।
ಸುಕರಂ ಸಾಧುನಾ ಸಾಧುಂ, ಸಾಧುಂ ಪಾಪೇನ ದುಕ್ಕರಂ।
ಪಾಪಂ ಪಾಪೇನ ಸುಕರಂ, ಪಾಪಮರಿಯೇಹಿ ದುಕ್ಕರಂ॥
ಪುಚ್ಛಾ – ಭೇದಾನುವತ್ತಕಾನಂ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಆಯಸ್ಮಾ ಭನ್ತೇ ಸಾರಿಪುತ್ತೋ ಭಗವನ್ತಂ ಉಪಸಙ್ಕಮಿತ್ವಾ ಏತದವೋಚ ‘‘ಸಾಧು ಭನ್ತೇ ಭೇದಾನುವತ್ತಕಾ ಭಿಕ್ಖೂ ಪುನ ಉಪಸಮ್ಪಜ್ಜೇಯ್ಯು’’ನ್ತಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
‘‘ಸಾಧು
ಪುಚ್ಛಾ – ಕಿತ್ತಾವತಾ
ವಿಸ್ಸಜ್ಜನಾ – ಏಕತೋ ಭನ್ತೇ ಏಕೋ ಹೋತಿ, ಏಕತೋ ದ್ವೇ ಚತುತ್ಥೋ ಅನುಸ್ಸಾವೇತಿ, ಸಲಾಕಂ ಗಾಹೇತಿ ‘‘ಅಯಂ ಧಮ್ಮೋ ಅಯಂ ವಿನಯೋ ಇದಂ ಸತ್ಥುಸಾಸನಂ ಇಮಂ ಗಣ್ಹಥ ಇಮಂ ರೋಚೇಥಾತಿ’’, ಏತೇನೇವ ಭನ್ತೇ ನಯೇನ ಚತುನ್ನಂ ವಾ ಪಞ್ಚನ್ನಂ ವಾ ಛನ್ನಂ ವಾ ಸತ್ತನ್ನಂ ವಾ ಅಟ್ಠನ್ನಂ ವಾ ಸಙ್ಘರಾಜಿ ಹೋತಿ, ನೋ ಚ ಸಙ್ಘಭೇದೋ, ಏಕತೋ ಭನ್ತೇ ಚತ್ತಾರೋ ಹೋನ್ತಿ, ಏಕತೋ ಚತ್ತಾರೋ, ನವಮೋ ಅನುಸ್ಸಾವೇತಿ, ಸಲಾಕಂ ಗಾಹೇತಿ ‘‘ಅಯಂ ಧಮ್ಮೋ ಅಯಂ ವಿನಯೋ ಇದಂ ಸತ್ಥುಸಾಸನಂ ಇಮಂ ಗಣ್ಹಥ ಇಮಂ ರೋಚೇಥಾ’’ತಿ, ಏವಂ ಖೋ ಭನ್ತೇ ಸಙ್ಘರಾಜಿ ಚೇವ ಹೋತಿ ಸಙ್ಘಭೇದೋ ಚ। ಏವಂ ಖೋ ಭನ್ತೇ ಸಙ್ಘರಾಜಿ ಹೋತಿ, ನೋ ಚ ಸಙ್ಘಭೇದೋ, ಏವಞ್ಚ ಪನ ಭನ್ತೇ ಸಙ್ಘರಾಜಿ ಚೇವ ಹೋತಿ ಸಙ್ಘಭೇದೋ ಚ।
ಪುಚ್ಛಾ – ಕಿತ್ತಾವತಾ
ವಿಸ್ಸಜ್ಜನಾ – ಇಧ ಭನ್ತೇ ಭಿಕ್ಖೂ ಅಧಮ್ಮಾದಿಂ ಧಮ್ಮಾದೀನೀತಿ ದೀಪೇನ್ತಿ, ತೇ ಇಮೇಹಿ ಅಟ್ಠಾರಸಹಿ ವತ್ಥೂಹಿ ಅಪಕಸ್ಸನ್ತಿ, ಅವಪಕಸ್ಸನ್ತಿ, ಆವೇನಿಂ
ಪುಚ್ಛಾ – ಕಿತ್ತಾವತಾ ನು ಖೋ ಆವುಸೋ ಸಙ್ಘೋ ಸಮಗ್ಗೋ ಹೋತಿ।
ವಿಸ್ಸಜ್ಜನಾ – ಇಧ ಭನ್ತೇ ಭಿಕ್ಖೂ ಅಧಮ್ಮಂ ಅಧಮ್ಮೋತಿ ದೀಪೇನ್ತಿ, ಧಮ್ಮಂ ಧಮ್ಮೋತಿ ದೀಪೇನ್ತಿ, ಅವಿನಯಂ ಅವಿನಯೋತಿ ದೀಪೇನ್ತಿ…ಪೇ॰… ದುಟ್ಠುಲ್ಲಂ ಆಪತ್ತಿಂ ದುಟ್ಠುಲ್ಲಾ ಆಪತ್ತೀತಿ ದೀಪೇನ್ತಿ, ಅದುಟ್ಠುಲ್ಲಂ ಆಪತ್ತಿಂ ಅದುಟ್ಠುಲ್ಲಾ ಆಪತ್ತೀತಿ ದೀಪೇನ್ತಿ, ತೇ ಇಮೇಹಿ ಅಟ್ಠಾರಸಹಿ ವತ್ಥೂಹಿ ನ ಅಪಕಸ್ಸನ್ತಿ, ನ ಅವಪಕಸ್ಸನ್ತಿ, ನ ಆವೇನಿಂ ಉಪೋಸಥಂ ಕರೋನ್ತಿ, ನ ಆವೇನಿಂ ಪವಾರಣಂ ಕರೋನ್ತಿ, ನ ಆವೇನಿಂ ಸಙ್ಘಕಮ್ಮಂ ಕರೋನ್ತಿ, ಏತ್ತಾವತಾ ಖೋ ಭನ್ತೇ ಸಙ್ಘೋ ಸಮಗ್ಗೋ ಹೋತಿ।
ಪುಚ್ಛಾ – ಸಮಗ್ಗಂ
ವಿಸ್ಸಜ್ಜನಾ – ಸಮಗ್ಗಂ ಖೋ ಭನ್ತೇ ಸಙ್ಘಂ ಭಿನ್ದಿತ್ವಾ ಕಪ್ಪಟ್ಠಿತಿಕಂ ಕಿಬ್ಬಿಸಂ ಪಸವತಿ, ಕಪ್ಪಂ ನಿರಯಮ್ಹಿ ಪಚ್ಚತಿ।
ಪುಚ್ಛಾ – ಭಿನ್ನಂ
ವಿಸ್ಸಜ್ಜನಾ – ಭಿನ್ನಂ ಖೋ ಭನ್ತೇ ಸಙ್ಘಂ ಸಮಗ್ಗಂ ಕತ್ವಾ ಬ್ರಹ್ಮಂ ಪುಞ್ಞಂ ಪಸವತಿ, ಕಪ್ಪಂ ಸಗ್ಗಮ್ಹಿ ಮೋದತಿ।
ಪುಚ್ಛಾ – ಸಙ್ಘಭೇದಂ
ವಿಸ್ಸಜ್ಜನಾ – ಸಙ್ಘಭೇದಂ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಭನ್ತೇ ದ್ವೇ ಆಪತ್ತಿಯೋ।
೮. ವತ್ತಕ್ಖನ್ಧಕ
ಪುಚ್ಛಾ – ಆಗನ್ತುಕಾನಂ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಆಗನ್ತುಕೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಆಗನ್ತುಕಾ ಭನ್ತೇ ಭಿಕ್ಖೂ ಸಉಪಾಹನಾಪಿ ಆರಾಮಂ ಪವಿಸಿಂಸು, ಛತ್ತಪಗ್ಗಹಿತಾಪಿ ಆರಾಮಂ ಪವಿಸಿಂಸು, ಓಗುಣ್ಠಿತಾಪಿ ಆರಾಮಂ ಪವಿಸಿಂಸು, ಸೀಸೇಪಿ ಚೀವರಂ ಕರಿತ್ವಾ ಆರಾಮಂ ಪವಿಸಿಂಸು, ಪಾನೀಯೇನಪಿ ಪಾದೇ ದೋವಿಂಸು, ವುಡ್ಢತರೇಪಿ ಆವಾಸಿಕೇ ಭಿಕ್ಖೂ ನಾಭಿವಾದೇಸುಂ, ನಪಿ ಸೇನಾಸನಂ ಪುಚ್ಛಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ತೇನ ಹಿ ಭಿಕ್ಖವೇ ಆಗನ್ತುಕಾನಂ ಭಿಕ್ಖೂನಂ ವತ್ತಂ ಪಞ್ಞಪೇಸ್ಸಾಮಿ, ಯಥಾ ಆಗನ್ತುಕೇಹಿ ಭಿಕ್ಖೂಹಿ ಸಮ್ಮಾ ವತ್ತಿತಬ್ಬಂ, ಆಗನ್ತುಕೇನ ಭಿಕ್ಖವೇ ಭಿಕ್ಖುನಾ ಇದಾನಿ ಆರಾಮಂ ಪವಿಸಿಸ್ಸಾಮೀತಿ ಉಪಾಹನಾ ಓಮುಞ್ಚಿತ್ವಾ ನೀಚಂ ಕತ್ವಾ ಪಪ್ಫೋಟೇತ್ವಾ ಗಹೇತ್ವಾ ಛತ್ತಂ ಅಪನಾಮೇತ್ವಾ ಸೀಸಂ ವಿವರಿತ್ವಾ ಸೀಸೇ ಚೀವರಂ ಖನ್ಧೇ ಕತ್ವಾ ಸಾಧುಕಂ ಅತರಮಾನೇನ ಆರಾಮೋ ಪವಿಸಿತಬ್ಬೋ’’ ಏವಮಾದಿನಾ ಭನ್ತೇ ಆಗನ್ತುಕಾನಂ ಭಿಕ್ಖೂನಂ ವತ್ತಂ ಪಞ್ಞತ್ತಂ।
ಪುಚ್ಛಾ – ಆವಾಸಿಕಾನಂ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಆವಾಸಿಕೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಸಮ್ಬಹುಲಾ ಭನ್ತೇ ಆವಾಸಿಕಾ ಭಿಕ್ಖೂ ಆಗನ್ತುಕೇ ಭಿಕ್ಖೂ ದಿಸ್ವಾ ನೇವ ಆಸನಂ ಪಞ್ಞಪೇಸುಂ, ನ ಪಾದೋದಕಂ ಪಾದಪೀಠಂ ಪಾದಕಥಲಿಕಂ ಉಪನಿಕ್ಖಿಪಿಂಸು, ನ ಪಚ್ಚುಗ್ಗನ್ತ್ವಾ ಪತ್ತಚೀವರಂ ಪಟಿಗ್ಗಹೇಸುಂ, ನ ಸೇನಾಸನಂ ಪಞ್ಞಪೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ –
‘‘ಆವಾಸಿಕೇನ ಭಿಕ್ಖವೇ ಭಿಕ್ಖುನಾ ಆಗನ್ತುಕಂ ಭಿಕ್ಖುಂ ವುಡ್ಢತರಂ ದಿಸ್ವಾ ಆಸನಂ ಪಞ್ಞಪೇತಬ್ಬಂ, ಪಾದೋದಕಂ ಪಾದಪೀಠಂ ಪಾದಕಥಲಿಕಂ ಉಪನಿಕ್ಖಿಪಿತಬ್ಬಂ, ಪಚ್ಚುಗ್ಗನ್ತ್ವಾ ಪತ್ತಚೀವರಂ ಪಟಿಗ್ಗಹೇತಬ್ಬಂ
ಪುಚ್ಛಾ – ಗಮಿಕಾನಂ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಗಮಿಕೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಸಮ್ಬಹುಲಾ ಭನ್ತೇ ಗಮಿಕಾ ಭಿಕ್ಖೂ ದಾರುಭಣ್ಡಂ ಮತ್ತಿಕಾಭಣ್ಡಂ ಅಪ್ಪಟಿಸಾಮೇತ್ವಾ ದ್ವಾರವಾತಪಾನಂ ವಿವರಿತ್ವಾ ಸೇನಾಸನಂ ಅನಾಪುಚ್ಛಾ ಪಕ್ಕಮಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಗಮಿಕೇನ ಭಿಕ್ಖವೇ ಭಿಕ್ಖುನಾ ದಾರುಭಣ್ಡಂ ಪಟಿಸಾಮೇತ್ವಾ ದ್ವಾರವಾತಪಾನಂ ಥಕೇತ್ವಾ ಸೇನಾಸನಂ ಆಪುಚ್ಛಾ ಪಕ್ಕಮಿತಬ್ಬಂ’’ ಏವಮಾದಿನಾ ಭನ್ತೇ ಆಕಾರೇನ ಭಗವತಾ ಗಮಿಕಾನಂ ಭಿಕ್ಖೂನಂ ವತ್ತಂ ಪಞ್ಞತ್ತಂ।
ಪುಚ್ಛಾ – ಭತ್ತಗ್ಗೇ
ವಿಸ್ಸಜ್ಜನಾ – ಸಾವತ್ಥಿಯಂ
ಪುಚ್ಛಾ – ಭಿಕ್ಖೂನಂ ಆವುಸೋ ಭತ್ತಗ್ಗವತ್ತಂ ಭಗವತಾ ಕತ್ಥ ಪಞ್ಞತ್ತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ।
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ದುನ್ನಿವತ್ಥಾ ದುಪ್ಪಾರುತಾ ಅನಾಕಪ್ಪಸಮ್ಪನ್ನಾ ಭತ್ತಗ್ಗಂ ಗಚ್ಛಿಂಸು, ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಸಚೇ ಆರಾಮೇ ಕಾಲೋ ಆರೋಚಿತೋ ಹೋತಿ, ತಿಮಣ್ಡಲಂ ಪಟಿಚ್ಛಾದೇನ್ತೇನ ಪರಿಮಣ್ಡಲಂ ನಿವಾಸೇತ್ವಾ ಕಾಯಬನ್ಧನಂ ಬನ್ಧಿತ್ವಾ ಸಗುಣಂ ಕತ್ವಾ ಸಙ್ಘಾಟಿಯೋ ಪಾರುಪಿತ್ವಾ ಗಣ್ಠಿಕಂ ಪಟಿಮುಞ್ಚಿತ್ವಾ ಧೋವಿತ್ವಾ
ಪುಚ್ಛಾ – ಭಿಕ್ಖೂನಂ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಛಬ್ಬಗ್ಗಿಯೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಭಿಕ್ಖೂಸು ಅಜ್ಝೋಕಾಸೇ ಚೀವರಂ ಕರೋನ್ತೇಸು ಪಟಿವಾತೇ ಅಙ್ಗಣೇ ಸೇನಾಸನಂ ಪಪ್ಫೋಟೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಯಸ್ಮಿಂ ವಿಹಾರೇ ವಿಹರತಿ, ಸಚೇ ಸೋ ವಿಹಾರೋ ಉಕ್ಲಾಪೋ ಹೋತಿ, ಸಚೇ ಉಸ್ಸಹತಿ ಸೋಧೇತಬ್ಬೋ’’ತಿ ಏವಮಾದಿನಾ ಭನ್ತೇ ಭಿಕ್ಖೂನಂ ಸೇನಾಸನವತ್ತಂ ಭಗವತಾ ಪಞ್ಞತ್ತಂ।
ಪುಚ್ಛಾ – ಸಮಾಚಾರಂ ಪುಚ್ಛಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಆವುಸೋ ಕತಿ ಆಪತ್ತಿಯೋ।
ವಿಸ್ಸಜ್ಜನಾ – ಸಮಾಚಾರಂ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಭನ್ತೇ ಏಕಾ ಆಪತ್ತಿ।
೯. ಪಾತಿಮೋಕ್ಖಟ್ಠಪನಕ್ಖನ್ಧಕ
ಪುಚ್ಛಾ – ಸಾಪತ್ತಿಕೇನ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಅಞ್ಞತರಂ ಪುಗ್ಗಲಂ ದುಸ್ಸೀಲಂ ಪಾಪಧಮ್ಮಂ ಆರಬ್ಭ ಪಞ್ಞತ್ತಂ, ಅಞ್ಞತರೋ ಭನ್ತೇ ಪುಗ್ಗಲೋ ದುಸ್ಸೀಲೋ ಪಾಪಧಮ್ಮೋ ತದಹುಪೋಸಥೇ ಸಙ್ಘಮಜ್ಝೇ ನಿಸಿನ್ನೋ ಅಹೋಸಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ।
ಪುಚ್ಛಾ – ಠಪನಂ
ವಿಸ್ಸಜ್ಜನಾ – ಠಪನಂ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಭನ್ತೇ ಏಕಾ ಆಪತ್ತಿ।
೧೦. ಭಿಕ್ಖುನಿಕ್ಖನ್ಧಕ
ಪುಚ್ಛಾ – ಅಟ್ಠಹಿ
ವಿಸ್ಸಜ್ಜನಾ – ವೇಸಾಲಿಯಂ ಭನ್ತೇ ಮಹಾಪಜಾಪತಿಯಾ ಗೋತಮಿಯಾ ಅನುಞ್ಞಾತಾ, ಮಹಾಪಜಾಪತಿ ಭನ್ತೇ ಗೋತಮೀ ಸೂನೇಹಿ ಪಾದೇಹಿ ರಜೋಕಿಣ್ಣೇನ ಗತ್ತೇನ ದುಕ್ಖೀ ದುಮ್ಮನಾ ಅಸ್ಸುಮುಖೀ ರುದಮಾನಾ ಬಹಿದ್ವಾರಕೋಟ್ಠಕೇ ಅಟ್ಠಾಸಿ, ಅಥ ಖೋ ಭನ್ತೇ ಆಯಸ್ಮಾ ಆನನ್ದೋ ಮಹಾಪಜಾಪತಿಂ ಗೋತಮಿಂ ತಂ ಕಾರಣಂ ಪುಚ್ಛಿತ್ವಾ ಭಗವನ್ತಂ ಚತುಕ್ಖತ್ತುಂ ಯಾಚಿ ಮಾತುಗಾಮಸ್ಸ ತಥಾಗತಪ್ಪವೇದಿತೇ ಧಮ್ಮವಿನಯೇ ಆಗಾರಸ್ಮಾ ಅನಾಗಾರಿಯಂ ಪಬ್ಬಜ್ಜಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಾ।
ಪುಚ್ಛಾ – ಭಿಕ್ಖೂಹಿ
ವಿಸ್ಸಜ್ಜನಾ – ವೇಸಾಲಿಯಂ ಭನ್ತೇ ಮಹಾಪಜಾಪತಿಂ ಗೋತಮಿಂ ಆರಬ್ಭ ಅನುಞ್ಞಾತಂ, ಮಹಾಪಜಾಪತಿ ಭನ್ತೇ ಗೋತಮೀ ಭಗವನ್ತಂ ಏತದವೋಚ ‘‘ಕಥಾಹಂ ಭನ್ತೇ ಇಮಾಸು ಸಾಕಿಯಾನೀಸು ಪಟಿಪಜ್ಜಾಮೀ’’ತಿ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ಏಕತೋ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಅನುಞ್ಞಾತಂ, ಸಮ್ಬಹುಲಾ ಭನ್ತೇ ಭಿಕ್ಖೂ ಭಿಕ್ಖುನೀನಂ ಅನ್ತರಾಯಿಕೇ ಧಮ್ಮೇ ಪುಚ್ಛಿಂಸು, ಉಪಸಮ್ಪದಾಪೇಕ್ಖಾಯೋ ವಿತ್ಥಾಯಿಂಸು, ಮಙ್ಕೂ ಅಹೇಸುಂ, ನ ಸಕ್ಖಿಂಸು ವಿಸ್ಸಜ್ಜೇತುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ।
ಪುಚ್ಛಾ – ಭಿಕ್ಖುನಿಕ್ಖನ್ಧಕಂ
ವಿಸ್ಸಜ್ಜನಾ – ಭಿಕ್ಖುನಿಕ್ಖನ್ಧಕಂ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಭನ್ತೇ ದ್ವೇ ಆಪತ್ತಿಯೋ।
೧೧. ಪಞ್ಚಸತಿಕಕ್ಖನ್ಧಕ
ಪಠಮ ಸಂಗಾಯನಾ
ಪುಚ್ಛಾ – ಪಞ್ಚಸತಿಕಂ
ವಿಸ್ಸಜ್ಜನಾ – ಪಞ್ಚಸತಿಕಂ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಭನ್ತೇ ನ ಕತಮಾ ಆಪತ್ತಿ।
೧೨. ಸತ್ತಸತಿಕಕ್ಖನ್ಧಕ
ದುತಿಯ ಸಂಗಾಯನಾ
ಪುಚ್ಛಾ – ಸತ್ತಸತಿಕಂ
ವಿಸ್ಸಜ್ಜನಾ – ಸತ್ತಸತಿಕಂ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ। ಸಮುಕ್ಕಟ್ಠಪದಾನಂ ಭನ್ತೇ ನ ಕತಮಾ ಆಪತ್ತಿ।
ಪುಚ್ಛಾ – ಕಸ್ಸ
ವಿಸ್ಸಜ್ಜನಾ – ಭಗವತೋ ಭನ್ತೇ ವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ।
ಪುಚ್ಛಾ – ಕೇ ಆವುಸೋ ಸಿಕ್ಖನ್ತಿ।
ವಿಸ್ಸಜ್ಜನಾ – ಸೇಕ್ಖಾ ಚ ಭನ್ತೇ ಪುಥುಜ್ಜನಕಲ್ಯಾಣಕಾ ಚ ಸಿಕ್ಖನ್ತಿ।
ಪುಚ್ಛಾ – ಕೇ
ವಿಸ್ಸಜ್ಜನಾ – ಅರಹನ್ತೋ ಭನ್ತೇ ಸಿಕ್ಖಿತಸಿಕ್ಖಾ।
ಪುಚ್ಛಾ – ಕತ್ಥ ಆವುಸೋ ಠಿತಂ।
ವಿಸ್ಸಜ್ಜನಾ – ಸಿಕ್ಖಾಕಾಮೇಸು ಭನ್ತೇ ಠಿತಂ।
ಪುಚ್ಛಾ – ಕೇನಾವುಸೋ ಆಭತಂ।
ವಿಸ್ಸಜ್ಜನಾ – ಪರಮ್ಪರಾಯ ಭನ್ತೇ ಆಭತಂ।