ವೇಜ್ಜಾಚರಿಯ ಕಣ್ಡ

೨೮೬.

ಆಯುಬೇದಕತಾಭ್ಯಾಸೋ , ಸಬ್ಬೇಸಂ ಪಿಯದಸ್ಸನೋ।

ಅರಿಯಸೀಲಗುಣೋಪೇತೋ, ಏಸ ವೇಜ್ಜೋ ವಿಧೀಯತೇ॥

೨೮೭.

ನಾನಾಗನ್ಥಜಾನನಞ್ಚ, ಸುದಿಟ್ಠಕಮ್ಮಸಮ್ಪದಾ।

ದಕ್ಖತಾ ಹತ್ಥಸೀಘತಾ, ಪಸಾದಸೂರಸತ್ತಿತಾ॥

೨೮೮.

ಸಾಭಾವಿಕತಙ್ಖಣಿಕ-ಞಾಣಸುಭಾಸಿತಾಪಿ ಚ।

ಉಸ್ಸಾಹೋ ದಬ್ಬೋ ಸಬ್ಬತಾ, ವೇಜ್ಜಾಚೇರಸ್ಸ ಲಕ್ಖಣಂ।

೨೮೯.

ಕಿಲಿಟ್ಠವತ್ಥಂ ಕೋಧೋ ಚ, ಅತಿಮಾನಞ್ಚ ಗಮ್ಮತಾ।

ಅನಿಮನ್ತಿತಗಮನಂ, ಏತೇ ಪಞ್ಚ ವಿವಜ್ಜಿಯಾ॥

೨೯೦.

ದಿಟ್ಠಕಮ್ಮತಾ ಸೋಚಞ್ಚ, ದಕ್ಖತಾ ವಿದಿತಾಗಮೋ।

ಚತ್ತಾರೋ ಸುಭಿಸಕ್ಕಸ್ಸ, ಸುಗುಣಾ ವಿಞ್ಞುನಾ ಮತಾ॥

೨೯೧.

ರುಜಾಯ ಜಯಲಕ್ಖಣಂ, ರಸೋ ಚ ಭೇಸಜ್ಜಮ್ಪಿ ಚ।

ತಿಲಕ್ಖಣಭೇದೋ ಚೇವ, ವಿಞ್ಞೇಯ್ಯೋ ಭಿಸಕ್ಕೇನ ವೇ॥