೪. ಮಿತ್ತಕಣ್ಡೋ
೭೯.
ಹಿತಕಾರೋ ಪರೋ ಬನ್ಧು,
ಬನ್ಧೂಪಿ ಅಹಿತೋ ಪರೋ।
ಅ ಹಿತೋ ದೇಹಜೋ ಬ್ಯಾಧಿ,
ಹಿತಂ ಅರಞ್ಞಮೋಸಧಂ॥
೮೦.
ಪರೋಕ್ಖೇ ಗುಣ-ಹನ್ತಾರಂ,
ಪಚ್ಚಕ್ಖೇ ಪಿಯವಾದಿನಂ।
ವಜ್ಜೇಯ್ಯ
ವಿಸಕುಮ್ಭೇ ಯಥಾ ಮಧುಂ॥
೮೧.
ಧನಹೀನೇ ಚಜೇ ಮಿತ್ತೋ,
ಪುತ್ತದಾರಾ ಸಹೋದರಾ।
ಧನವನ್ತಂವ ಸೇವನ್ತಿ,
ಧನಂ ಲೋಕೇ ಮಹಾ ಸಖಾ॥
೮೨.
ಜಾನೇಯ್ಯ ಪೇಸೇನ ಭಚ್ಚಂ,
ಬನ್ಧುಂ ವಾಪಿ ಭಯಾಗತೇ।
ಅಪ್ಪಕಾಸು ತಥಾ ಮಿತ್ತಂ,
ದಾರಞ್ಚ ವಿಭವಕ್ಖಯೇ॥
೮೩.
ಸೋ ಬನ್ಧು ಯೋ ಹಿತೇ ಯುತ್ತೋ,
ಪಿತರೋ ಹೋನ್ತಿ ಪೋಸಕೋ।
ತಂ ಮಿತ್ತಂ ಯತ್ಥ ವಿಸ್ಸಾಸೋ,
ಸಾ ಭರಿಯಾ ಚ ಯಸ್ಸ ನಿಬ್ಬೂತಿ॥
೮೪.
ನ ವಿಸ್ಸಸೇ ಅ-ವಿಸ್ಸತ್ತಂ,
ಮಿತ್ತಞ್ಚಾಪಿ ನ ವಿಸ್ಸಸೇ।
ಕದಾಚಿ ಕುಪಿತೋ ಮಿತೋ,
ಸಬ್ಬಂ ದೋಸಂ ಪಕಾಸಯೇ॥
೮೫.
ಸಕಿಂ ದುಟ್ಠಞ್ಚ ಯೋ ಮಿತ್ತಂ,
ಪುನ ಸನ್ಧಿತುಮಿಚ್ಛತಿ।
ಸೋ
ಗಬ್ಭಮಸ್ಸತರೀ ಯಥಾ॥
೮೬.
ವಹೇ ಅ-ಮಿತ್ತಂ ಖನ್ಧೇನ,
ಯಾವ ಕಾಲೋ ಅನಾಗತೋ।
ತಮೇವ ಆಗತೇ ಕಾಲೇ,
ಸೇಲೇ ಭಿನ್ದೇ ಘಟಂ ಇವ॥
೮೭.
ಇಣಸೇಸೋ ಅಗ್ಗಿಸೇಸೋ,
ಸತ್ರುಸೇಸೋ ತಥೇವ ಚ।
ಪುನಪ್ಪುನಂ ವಿವಡ್ಢನ್ತಿ,
ತಸ್ಮಾ ಸೇಸಂ ನ ಕಾರಯೇ॥
೮೮.
ಪದುಮಂವ ಮುಖಂ ಯಸ್ಸ,
ವಾಚಾ ಚನ್ದನ ಸೀತಲಾ।
ತಾದಿಸಂ ನೋಪಸೇವೇಯ್ಯ,
ಹದಯೇತು ಹಲಾಹಲಂ॥
೮೯.
ನ ಸೇವೇ ಫರುಸಂ ಸಾಮಿಂ,
ನಚ ಸೇವೇಯ್ಯ ಮಚ್ಛರಿಂ।
ತತೋ ಅಪಗ್ಗಣ್ಹಂ ಸಾಮಿಂ,
ನೇವ ನಿಗ್ಗಹಿತಂ ತತೋ॥
೯೦.
ಸಿಙ್ಗೀ ಪಞ್ಞಾಸ ಹತ್ಥೇನ,
ವಜ್ಜೇ ಸತೇನ ವಾಜಿನಂ।
ಹತ್ಥಿಂ
ದೇಸ ಚಾಗೇನ ದುಜ್ಜನಂ॥
೯೧.
ಕುದೇಸಞ್ಚ ಕುಮಿತ್ತಞ್ಚ,
ಕುಕುಲಞ್ಚ ಕುಬನ್ಧವಂ।
ಕುದಾರಞ್ಚ ಕುದಾಸಞ್ಚ,
ದೂರತೋ ಪರಿವಜ್ಜಯೇ॥
೯೨.
ರೋಗಾತುರೇ ಚ ದುಬ್ಭಿಕ್ಖೇ,
ಬ್ಯಸನೇ ಸತ್ತು ವಿಗ್ಗಹೇ।
ರಾಜದ್ವಾರೇ ಸುಸಾನೇ ಚ,
ಯೇ ತಿಟ್ಠನ್ತಿ ಸುಮಿತ್ತಕಾ॥
೯೩.
ಸೀತವಾಚೋ ಬಹುಮಿತ್ತೋ,
ಫರುಸೋ ಅಪ್ಪಮಿತ್ತಕೋ।
ಉಪಮಂ ಏತ್ಥ ಞಾತಬ್ಬಾ,
ಚನ್ದ-ಸೂರಿಯ-ರಾಜೂನಂ॥
ಮಿತ್ತಕಣ್ಡೋ ನಿಟ್ಠಿತೋ।