೫. ಇತ್ಥಿಕಣ್ಡೋ
೯೪.
ಕೋಕಿಲಾನಂ ಸದ್ದಂ ರೂಪಂ,
ನಾರೀರೂಪಂ ಪತಿಬ್ಬತಾ।
ವಿಜ್ಜಾ
ಖಮಾ ರೂಪಂ ತಪಸ್ಸಿನಂ॥
೯೫.
ಇತ್ಥೀನಞ್ಚ ಧನಂ ರೂಪಂ,
ಪುರಿಸಾನಂ ವಿಜ್ಜಾ ಧನಂ।
ಭಿಕ್ಖೂನಞ್ಚ ಧನಂ ಸೀಲಂ,
ರಾಜಾನಞ್ಚ ಧನಂ ಬಲಂ॥
೯೬.
ತಪಸ್ಸಿನೋ ಕಿಸಾ ಸೋಭಾ,
ಥೂಲಾ ಸೋಭಾ ಚತುಪ್ಪದಾ।
ಪುರಿಸಾ ವಿಜ್ಜವಾ ಸೋಭಾ,
ಇತ್ಥೀ ಸೋಭಾಸ ಸಾಮಿಕಾ॥
೯೭.
ಪಞ್ಚ ರತ್ಯಾ ಸುಗನ್ಧಬ್ಬಾ,
ಸತ್ತ ರತ್ಯಾ ಧನುಗ್ಗಹಾ।
ಏಕ ಮಾಸಾ ಸುಭರಿಯಾ,
ಅಡ್ಢ ಮಾಸಾ ಸಿಸ್ಸಾ ಮಲಾ॥
೯೮.
ಹಿಂ ರಮತಿ ಪಙ,
ಹಙ ರಮತಿ ಪೋಕ॥
ಥೀ ರಮತಿ ಪು,
ಖು ರಮತಿ ಧಂ॥
೯೯.
ಜಿಣ್ಣಮನ್ನಂ ಪಸಂಸೇಯ್ಯ,
ದಾರಞ್ಚ ಗತಯೋಬ್ಬನಂ।
ರಣಾ ಪುನಾಗತಾ ಸೂರಂ,
ಸಸ್ಸಞ್ಚ ಗೇಹಮಾಗತಂ॥
೧೦೦.
ದ್ವತ್ತಿ-ಪತಿಕಾ
ಭಿಕ್ಖು ದ್ವತ್ತಿ-ವಿಹಾರಿಕೋ।
ದ್ವತ್ತಿ-ಪಾಸ-ಮುತ್ತೋ ಪಕ್ಖೀ,
ಕತ-ಮಾಯಾ ಬಹೂಥರಂ॥
೧೦೧.
ದುಜ್ಜನಂ ಪಹಾರಾದಮೇ,
ಮಿತ್ತಂ ದಮೇ ಅ-ಭಾಣಿಕಾ।
ಇತ್ಥಿಞ್ಚ ಬ್ಯಸನಾ ದಮೇ,
ರಾಗಿನಂ ಅಪ್ಪ ಭೋಜನಾ॥
೧೦೨.
ನ ರತ್ತಿ ವಿನಾ ಚನ್ದಿಮಾ,
ವೀಚಿಂ ವಿನಾ ಚ ಅಣ್ಣವೋ।
ಹಂಸಂ ವಿನಾ ಪೋಕ್ಖರಣೀ,
ಪತಿಂ ಕಞ್ಞಾಚ ಸೋಭತೇ॥
೧೦೩.
ಪತಿನಾ ಜನಿತೋ ಭೋಗೋ,
ಇತ್ಥಿಯಾವ ಸಂಗೋಪ್ಪಿತೋ।
ಪುರಿಸೋವ ಹಿ ಪಧಾನೋ,
ಇತ್ಥೀ ಸುತ್ತಂವ ಸೂಚಿಯಾ॥
೧೦೪.
ಸಬ್ಬಾನದೀ ವಙ್ಕನದೀ,
ಸಬ್ಬೇ ಕಟ್ಠಮಯಾ ವನಾ।
ಸಬ್ಬಿತ್ಥಿಯೋ ಕರೇ ಪಾಪಂ,
ಲಭಮಾನೇ ನಿವಾತಕೇ॥
೧೦೫.
ವಿವಾದಸೀಲಿಂ
ಸಮ್ಪಸ್ಸತಣ್ಹಿಂ ಬಹುಪಾಕಭುತ್ತಿನಿಂ।
ಅಗ್ಗನ್ತಭುತ್ತಿಂ ಪರಗೇಹವಾಸಿನಿಂ,
ನಾರಿಂ ಚಜೇ ಪುತ್ತಸತಮ್ಪಿ ಪೂಮಾ॥
೧೦೬.
ಭುತ್ತೇಸು ಮಣ್ಡೇಸು ಜನೀವ ಕನ್ತಿನೀ,
ಗುಯ್ಹೇಚ ಠಾನೇ ಭಗಿನೀವ ಹಿರಿಣೀ।
ಕಮ್ಮೇಸು ಪತ್ತೇಸು ಕರೋತಿ ದಾಸೀವ,
ಭಯೇಸು ಮನ್ತೀ ಸಯನೇಸು ರಾಮಯೇ।
ರೂಪೀಸು ಸಿಕ್ಖೀ ಕುಪನೇಸು ಖನ್ತಿನೀ,
ಸಾ ನಾರೀ ಸೇಟ್ಠಾತಿ ವದನ್ತಿ ಪಣ್ಡಿತಾ।
ಕಾಯಸ್ಸ ಭೇದಾಚ ದಿವೇಭವೇಯ್ಯ ಸಾ॥
೧೦೭.
ಸಾಮಾ ಮಿಗಕ್ಖೀ ತನುಮಜ್ಝಗತ್ತಾ,
ಸೂರೂ ಸುಕೇಸೀ ಸಮದನ್ತಪನ್ತೀ।
ಗಮ್ಭೀರನಾಭೀ ಯುವತೀ ಸುಸೀಲೀ,
ಹೀನೇ ಕುಲೇ ಜಾತಾಪಿ ವಿವಾಹ್ಯಾ॥
೧೦೮.
ಸರದಂರತು-ಕಾಲಾನಂ,
ಭರಿಯಾನಂ ರೂಪವತೀ।
ಜೇಟ್ಠೋ ಪಧಾನಂ ಪುತ್ತಾನಂ,
ದಿಸಾನಂ ಉತ್ತರಾದಿಸಾ॥
೧೦೯.
ಯಾ ಇಚ್ಛೇ ಪುರಿಸೋ ಹೋತುಂ,
ಜಾತಿ ಜಾತಿ ಪುನಪ್ಪುನಂ।
ಸಾಮಿಕಂ
ಇನ್ದಂವ ಪಾರಿಚಾರಿಕಾ॥
೧೧೦.
ಯೋ ಇಚ್ಛೇ ಪುರಿಸೋ ಹೋತುಂ,
ಜಾತಿ ಜಾತಿ ಪುನಪ್ಪುನಂ।
ಪರದಾನಂ ವಿವಜ್ಜೇಯ್ಯ,
ಧೋತಪಾದೋವ ಕದ್ದಮಂ॥
೧೧೧.
ಅತಿಕ್ಕನ್ತ ವಯೋ ಪೋಸೋ,
ಆನೇತಿ ತಿಮ್ಬರುತ್ತನಿಂ।
ತಸ್ಸಾ ಇಸ್ಸಾ ಅಸದ್ಧಾತಿ,
ತಂ ಪರಾಭವತೋ ಮುಖಂ॥
ಇತ್ಥಿಕಣ್ಡೋ ನಿಟ್ಠಿತೋ।