ಯೋಜನಥೂಪ ಕಥಾ

ಅಥ ರಾಜಾ ಅಞ್ಞಾನಿ ಚ ಬಹೂನಿ ಪುಞ್ಞಕಮ್ಮಾನಿ ಕತ್ವಾ ಚತ್ತಾಲೀಸ ವಸ್ಸಾನಿ ರಜ್ಜಂ ಕಾರೇಸಿ। ತಸ್ಸ ಅಚ್ಚಯೇನ ತಂ ಕನಿಟ್ಠೋ ಉತ್ತಿಯ ರಾಜಾ ದಸವಸ್ಸಾನಿ ರಜ್ಜಂ ಕಾರೇಸಿ। ತಸ್ಸ ಅಚ್ಚಯೇನ ತಂ ಕನಿಟ್ಠೋ ಮಹಾಸೀವೋ ದಸವಸ್ಸಾನೇವ ರಜ್ಜಂ ಕಾರೇಸಿ ತಸ್ಸ ಅಚ್ಚಯೇನ ತಸ್ಸಾಪಿ ಕನಿಟ್ಠೋ ಸೂರತಿಸ್ಸೋ ದಸವಸ್ಸಾನೇವ ರಜ್ಜಂ ಕಾರೇಸಿ ತತೋ ಅಸ್ಸನಾವಿಕ ಪುತ್ತಾ ದ್ವೇ ದಮಿಳಾ ಸೂರತಿಸ್ಸಂ ಗಹೇತ್ವಾ ದ್ವೇವೀಸ ವಸ್ಸಾನಿ ಧಮ್ಮೇನ ರಜ್ಜಂ ಕಾರೇಸುಂ। ತೇ ಗಹೇತ್ವಾ ಮುಟಸೀವಸ್ಸ ರಞ್ಞೋ ಪುತ್ತೋ ಅಸೇಲೋ ನಾಮ ದಸವಸ್ಸಾನಿ ರಜ್ಜಂ ಕಾರೇಸಿ ಅಥ ಚೋಳರಟ್ಠತೋ ಅಗನ್ತ್ವಾ ಏಳಾರೋ ನಾಮ ದಮಿಲೋ ಅಸೇಲ ಭೂಪತಿಂ ಗಹೇತ್ವಾ ಚತುಚತ್ತಾಲೀಸ ವಸ್ಸಾನಿ ರಜ್ಜಂ ಕಾರೇಸಿ ಏಳಾರಂ ಗಹೇತ್ವಾ ದುಟ್ಠಗಾಮಣಿ ಅಭಯೋ ರಾಜಾ ಅಹೋಸಿ।