ಪದಸಾಧನಂ
॥ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
ಬುದ್ಧಮ್ಬುಜಂ ನಮಸ್ಸಿತ್ವಾ ಸದ್ಧಮ್ಮಮಧು ಭಾಜನಂ,
ಗುಣಮೋಪದಪದಂ ಸಙ್ಘಮಧುಬ್ಬತನಿಸೇವಿತಂ।
ಮೋಗ್ಗಲ್ಲಾಯನಾಚರಿಯ ಚರಞ್ಚ ಯೇನ ಧೀಮತಾ,
ಕತಂ ಲಘುಮಯನ್ದಿದ್ಧಮನುನಂ ಸದ್ದಲಕ್ಖಣಂ।
ಆರಭಿಸ್ಸಂ ಸಮಾಸೇನ ಬಾಲತ್ಥಂ ಪದಸಾಧನಂ,
ಮೋಗ್ಗಲ್ಲಾಯನಸದ್ದತ್ಥರತನಾಕರಪದ್ಧತಿಂ।
ಸಞ್ಞಾಪರಿಗ್ಗಹೇನೇವ ಲಕ್ಖಣೇಸು ಸರಾದಯೋ,
ಞಾಯನ್ತಿತಿ ತಮೇವಾದೋ ದಸ್ಸಯಿಸ್ಸಂ ವಿಭಾಗತೋ।
ಅಆದಯೋ ತಿತಾಳೀಸ ವಣಣಾ।
ಜಿನವಚನಾನುರೂಪಾ ಅಕಾರದೇಯೋ ನಿಗ್ಗಹಿತನ್ತಾ ತೇಚತ್ತಾಳೀ ಸಕ್ಖರಾ ಪಚ್ಚೇಕಂ ವಣ್ಣಾ ನಾಮ ಹೋನ್ತಿ ಯಥಾ - ಅ ಆ ಇ ಈ ಉ ಊ ಏ ಓ ಕ ಖ ಗ ಘ ಙ ಚ ಛ ಜ ಝ ಞ ಟ ಠ ಣ ತ ಥ ದ ಧ ನ ಪ ಫ ಬ ಭ ಮ ಯ ರ ಲ ವ ಸ ಹ ಳ ಅಂ ಇತಿ-ಕಕಾರಾದಿಸ್ವಕಾರೋ ಉಚ್ಚಾರಣತ್ಥೋ = ವಣಣೀಯತಿ ಅತ್ಥೋ ಏತೇಹೀತಿ ವಣ್ಣಾ-ಅಆದಿ ಮರಿಯಾದಾ ಭೂತೋ ಯೇಸನ್ತೋ ಅಆದಯೋ।
ಅಆದಯೋತಿ ವತ್ತತೇ ಯಾವ ‘‘ಬಿನ್ದುನಿಗ್ಗಹೀತ’’ನ್ತಿ-ತಞ್ಚಖೋಅತ್ಥ ವಸಾ ವಿಭತ್ತಿಚೀಪರಿನಾಮೋತಿ ಸತ್ತಮ್ಯನ್ತಮಭಿಸಮ್ಬನ್ಧೀಯತೇ।
ದಸಾದೋ ಸರಾ
ಅಆದಿಸ್ವಾದಿಮ್ಹಿ ನಿದ್ದಿಟ್ಠಾ ಓದನ್ತಾ ದಸವಣ್ಣಾ ಸರಾ ನಾಮ ಹೋನ್ತಿ-ಯಥಾ-ಅ ಆ ಇ ಈ ಉ ಊ ಏ ಓ = ಸರನ್ತಿ ಪವತ್ತನ್ತೀತಿ ಸರಾ-ದಸಾ ದೋತಿ ವತ್ತತೇ ತೀಸು ಚಕ್ಕಮಾನೇಸು।
ದ್ವೇ ದ್ವೇ ಸವಣ್ಣಾ।
ಅಆಸ್ವಾದಿಮೇಸು ದಸ್ಸು ದ್ವೇ ದ್ವೇ ಸವಣ್ಣಾ ನಾಮ ಹೋನ್ತಿ। ಯಥಾಕ್ಕಮಂ-ಯಥಾ-ಅಆ ಇತಿ, ಉಊ ಇತಿ, ಏ ಇತಿ, ಓ ಇತಿ = ಸಮಾನಾ ಸಾದಿಸಾ ವಣ್ಣಾ ಸವಣ್ಣಾ-ಸಮಾನತ್ತಞ್ಚ ಠಾನತೋ।
ಛ ವಣ್ಣಾನಂಹಿ ಉಪ್ಪತ್ತಿಟ್ಠಾನಾನಿ ಕಣ್ಠಾತಾಲುಮುದ್ಧದನ್ತಓಟ್ಠಾನಾ ಸಿಕಾವಸೇನ-ತೇಸು ಅವಣ್ಣಕವಗ್ಗಹಾನಂ ಕಣ್ಠೋಠಾನಂ-ಇವಣ್ಣ ಚವಗ್ಗಯಾನಂ ತಾಲು-ಟವಗ್ಗರಳಾನಂ ಮುದ್ಧಾ-ತವಗ್ಗಲಸಾನಂ ದನ್ತಾ-ಉ ವಣ್ಣಪವಗ್ಗಾನಂ ಓಟ್ಠಾ-ಏವಣ್ಣಸ್ಸ ಕಣ್ಠತಾಲು-ಓವಣ್ಣಸ್ಸ ಕಣ್ಠೋಟ್ಠಂ-ವಕಾರಸ್ಸ
ಪುಬ್ಬೋ ರಸ್ಸೋ
ತೇಸ್ಚೇವ ದಸಸು ಯೇ ದ್ವೇ ದ್ವೇ ಸವಣ್ಣಾ ತೇಸು ಯೋ ಯೋ ಪುಬ್ಬೋ ಸೋ ಸೋ ರಸ್ಸಸಞ್ಞೋ ಹೋತಿ-ಯಥಾ-ಅ ಇ ಉ ಏ ಓ-ತೇಸು ಸಂಯೋಗ ಪುಬ್ಬಾಚ ದಿಸ್ಸನ್ತಿ ದ್ವೇ ಪನನ್ತಿಮಾ ದೀಪೇತುಂ ತತ್ಥ ಸಾಧುತ್ತಂ ತೇಸಮ್ಪಿ ಇಧ ಸಙ್ಗಹೋ = ರಸ್ಸಕಾಲಯೋಗಾ ತಬ್ಬನ್ತತಾಯ ವಾ ರಸ್ಸಾ-ತಥಾ ದೀಘಾ-ಇಧಾಪಿದ್ವೇದ್ವೇತಿ ವತ್ತತೇ।
ಪರೋ ದೀಘೋ।
ಅಆದಿಸ್ವಾದಿಭುತೇಸು ದಸಸು ಯೇ ದ್ವೇ ದ್ವೇ ಸವಣ್ಣಾ ತೇಸು ಯೋ ಯೋ ಪರೋ ಸೋ ಸೋ ದೀಘಸಞ್ಞೋ ಹೋತಿ-ಯಥಾ-ಆ ಈ ಊ।
ಕಾದಯೋ ಬ್ಯಞ್ಜನಾ।
ಅಆದಿಸು ಕಾದಯೋ ನಿಗ್ಗಹೀತಪರಿಯನ್ತಾ ತೇತ್ತಿಂಸ ಬ್ಯಞ್ಜನಾನಾಮ ಹೋನ್ತಿ-ಯಥಾ-ಕ ಖ ಗ ಘ ಙ ಚ ಛ ಜ ಝ ಞ ಟ ಠ ಡ ಣ ತ ಥ ದ ಧ ನ ಪ ಫ ಬ ಭ ಮ ಯ ರ ಲವ ಸ ಹ ಳ ಅಂ = ಬ್ಯಞ್ಜೀಯತಿ ಅತ್ಥೋ ಏತೇಹೀತಿ ಬ್ಯಞ್ಜನಾ-ಕಾದಯೋತಿ ವತ್ತತೇ।
ಪಞ್ಚ ಪಞ್ಚಕಾ ವಗ್ಗಾ।
ಅಆದಸು ಕಕಾರಾದಯೋ ಮಕಾರನ್ತಾ ಪಞ್ಚ ಪಞ್ಚಕಾ ವಗ್ಗಾ ನಾಮ ಹೋನ್ತಿ-ಯಥಾ-ಕಖಗಘಙ, ಚಛಜಝಞ, ಟಠಡಢಣ, ತಥದಧನ, ಪಫಬಭಮ। = ವಜ್ಜೇನ್ತಿ ಯಕಾರಾದಯೋತಿ ವಗ್ಗಾ।
ಬಿನ್ದು ನಿಗ್ಗಹಿತಂ
ಅಕಾರಾದೀಸುಯವಾಯಂ ವಣ್ಣೋ ಬಿನ್ದುಮತ್ತೋ ಸೋ ನಿಗ್ಗಹಿತಸಞ್ಞೋಹೋತಿ = ರಸ್ಸಸರಂ ನಿಸ್ಸಾಯ ಗಹಿತಮುಚ್ಚಾರಿತಂ ನಿಗ್ಗಹೀತಂ।
ಸಞ್ಞಾ ವಿಧಾನಂ।
ಸನ್ಧಿ ವುಚ್ಚತೇ-ಪುರಿಸ ಉತ್ತಮೋ, ಪಞ್ಞಾ ಇನ್ದ್ರಿಯಂ। ಸತಿಆರಕ್ಖೋ,ಭೋಗಿ ಇನ್ದೋ, ಚಕ್ಖು ಆಯತನಂ, ಅಭಿಭು ಆಯತನಂ, ಧನಮ್ಮೇ ಅತ್ಥಿ, ಕುತೋ ಏತ್ಥಾ’ ತಿಧ-ಸರೋ ಲೋಪೋ ಸರೇ।
ಸರೋ ಸರೋ ಲೋಪನೀಯೋ ಹೋತಿ-ಸರೇತೋಪಸಿಲೇಸಿಕಾಧಾರಸತ್ತಮೀ ತತೋ ವಣ್ಣಕಾಲವ್ಯವಧಾನೇ ಕಾರಿಯಂ ನ ಹೋತಿ-ತ್ವಮಸಿ, ಕತಮಾ ಚಾನನ್ದ ಅನಿಚ್ಚಸಞ್ಞಾ’ತಿ-ಅಞ್ಞತ್ಥಾಪಿ ಸಂಹತಾಯಮೋಪಸಿಲೇಸಕಾಧಾ ರೇಯೇವ ಸತ್ತಮೀ-ವಿಧೀತಿ ವತ್ತಮಾನೇ।
ಸತ್ತಮಿಯಂ ಪುಬ್ಬಸ್ಸ।
ಸತ್ತಮೀನಿದ್ದೇಸೇ ಪುಬ್ಬಸ್ಸೇವ ವಿಧಿತಿ ಪುಬ್ಬಸರಲೋಪೋ-ಪುರಿಸುತ್ತಮೋ,ಪಞ್ಞಿನ್ದ್ರಿಯಂ, ಸತಾರಕ್ಖೋ, ಭೋಗಿನ್ದೋ, ಚಕ್ಖಾಯತನಂ। ಅಭಿಭಾಯತನಂ, ಧನಮ್ಮತ್ಥಿ, ಕುತೇತ್ಥ। ಪುಬ್ಬಸ್ಸ
ಪರೋ ಕ್ವಚಿ।
ಸರಮ್ಹಾ ಪರೋ ಸರೋ ಕ್ವಚಿ ಲೋಪನೀಯೋ ಹೋತಿ-ಸೋಹಂ, ಚತ್ತಾರೋಮೇ, ಯತೋದಕಂ। ಪಾತೋಚ-ಕ್ವಚಿತಿಕಿಂ?-ಪಞ್ಞಿನ್ದ್ರಿಯಂ-ಅಸ್ಸಾಧಿಕಾರೋ ಸಬ್ಬಸನ್ಧಿಸು-ತಸ್ಸ ಇದಂ, ತಸ್ಸ ಇದಂ, ವಾತ ಈರಿತಂ, ವಾತ ಈರಿತಂ, ಸೀತ ಉದಕಂ, ಸೀತ ಉದಕಂ, ವಾಮ ಊರು,ವಾಮ ಊರು, ಇತಿಧ-ಪುಬ್ಬಸರ ಲೋಪೇ-ಸರೇ ವೇತಿ ಚ ವತ್ತತೇ।
ಯುವಣಣಾನಮ್ಞೋ ಲುತ್ತಾ।
ಲುತ್ತಾ ಸರಾಪರೇಸಂ ಇವಣ್ಣವಣ್ಣಾನಂ ಞೋ ಹೋನ್ತಿ ವಾಯಥಾಕ್ಕಮಂ।
ವಣ್ಣಪರೇನ ಸವಣ್ಣೇಪಿ।
ವಣ್ಣಸದ್ದೋ ಪರೋ ಯಸ್ಮಾ ತೇನ ಸವಣ್ಣೋಪಿ ಗಯ್ಹತಿ ಸಯಂ ಚೇತಿ ಈ ಊ ನಮ್ಪಿ ಏ ಓ-ತಸ್ಸೇದಂ, ತಸ್ಸಿದಂ-ವಾತೇರಿತಂ। ವಾತಿರಿತಂ-ಸೀತೋದಕಂ, ‘‘ಬ್ಯಞ್ಜನೇ ದೀಗರಸ್ಸಾ’’ತಿ ದೀಘೇ-ಸೀತುದಕಂ-ವಾಮೋರು,ವಾಮೂರು-ಲುತ್ತೇತಿಕಿಂ-ದಸ ಇಮೇ।
ಅತಿಪ್ಪಸಙ್ಗಬಾಧಕಸ್ಸ ಕ್ವಚಿಸದ್ದಸ್ಸಾನುವತ್ತನತೋ ನ ವಿಕಪ್ಪವಿಧೀ ನಿಯತಾ-ತೇನ ಉಪೇತೋ’ತಿ ಏವಮಾದೀಸು ವಿಕಕೇಪ್ಪಾ ನಾರಕಿತಾದಿಸು ವಿಧಿ ಚ ನ ಹೋತಿ-ಚಿ ಅಕಾಸಿ, ಚಿ ಅಕಾಸಿ। ಸು ಆಗತಂ, ಸು ಆಗತಂ’ತಿಧಯುವಣ್ಣಾನಂ ವೇ’ತಿ ಚ ವತ್ತತೇ।
ಯವಾ ಸರೇ।
ಸರೇ ಪರೇ ಇವ ಣ್ಣುವಣ್ಣಾನಂ ಯಕಾರವಕಾರಾ ಹೋನ್ತಿ ವಾ ಯಥಾಕ್ಕಮಂ-ಅಕಾರಸ್ಸ ದೀಘೇ-ವ್ಯಾಕಾಸಿ, ‘‘ವನತರಗಾವಾ ಗಾಮಾ’’ತಿ ಯಾಗಮೇ-ವಿಯಾಕಾಸಿ-ಸ್ವಾಗತಂ। ಸಾಗತಂ-ಕ್ವಚಿತ್ವೇವ-ಯಾನೀಧ।
ತೇ ಅಜ್ಜ, ತೇ ಅಜ್ಜ, ಸೋ ಅಯಂ, ಸೋ ಅಯಂ, ಇತೀಧ-‘‘ಯವಾಸರೇ’’ ‘ವೇ’ತಿ ಚ ವತ್ತತೇ।
ಞೋನಂ
ಞೋನಂ ಯಕಾರವಕಾರಾ ಹೋನ್ತಿ ವಾ ಸರೇ ಪರೇ ಯಥಾಕ್ಕಮಂ।
ತ್ಯಜ್ಜ, ತೇಜ್ಜ-‘‘ಬ್ಯಞ್ಜನೇ ದೀಘರಸ್ಸಾ’’ತಿದೀಘೇ-ಸ್ವಾಯಂ, ಸೋಯಂ।
ಕ್ವಚೀತ್ವೇವ-ಧನಮ್ಮತ್ಥೀ-ಗೋ ಏಳಕಮಿತಿಧ-ಸರೇ’ತಿ ವತ್ತತೇ।
ಗೋಸ್ಸಾವಙ।
ಸರೇ ಪರೇ ಗೋಸ್ಸ ಅವಙ ಆದೇಸೋ ಹೋತಿ-ಸಚ‘‘ಟನುಬನ್ಧಾನೇಕ ವಣ್ಣಾಸಬ್ಬಸ್ಸಾ’’ತಿ ಸಬ್ಬಸ್ಸಪ್ಪಸಙ್ಗೇ-ಅನ್ತಸ್ಸೇ’ತಿ ವತ್ತಮಾನೇ।
ಙನು ಬನ್ಧೋ।
ಙಕಾರೋನುಬನ್ಧೋ ಯಸ್ಸ ಸೋ ನೇಕವಣ್ಣೋಪಿ ಅನ್ತಸ್ಸ ಹೋತಿತಿ ಔಕಾರಸ್ಸೇವ ಹೋತಿ,-‘‘ಸಙ್ಕೇತೋನವಯವೋನು ಬನ್ಧೋ’’ತಿವಚನಾ ಙಕಾರಸ್ಸಾಪ್ಪಯೋಗೋ-ಪಯೋಜನಂ‘‘ಙನುಬನ್ಧೋ’’ತಿ ಸಙ್ಕೇತೋ-ಗವೇಳಕಂ।
ಇತಿ
ವಿತಿಸ್ಸೇವೇ ವಾ
ಏವಸದ್ದೇ ಪರೇ ಇತಿಸ್ಸ ವೋ ಹೋತಿ ವಾ-ಸಚ।
ಛಟ್ಠಿಯನ್ತಸ್ಸ।
ಛಟ್ಠಿನದ್ದಿಟ್ಠಸ್ಸ ಯಂ ಕಾರಿಯಂ ತದನ್ತಸ್ಸ ವಿಞ್ಞೇಯ್ಯನ್ತಿ ಇಕಾರಸ್ಸಾದೇಸೋ ಹೋತಿ = ಠಾನೀನಮಾಮದ್ದಿಯದಿಸ್ಸತಿ ಉಚ್ಚಾರಿಯತಿ’ತಿ ಆದೇಸೋ-ಇತ್ವೇವ, ಅಞ್ಞತ್ರ ಯಾದೇಸೇ-‘‘ತವಗ್ಗವರಣನಂ ಯೇ ಚವಗ್ಗಬಯಞಾ’’ತಿ ತಕಾರಸ್ಸ ವೋ-‘‘ವಗ್ಗಲಯೇಹಿ ತೇ’’ತಿ ಯಸ್ಸ ಚ ಚಕಾರೋ, ಇಚ್ಚೇವ-ದು ಅಙ್ಗಿಕಂ, ಚಿ ಇತ್ವಾ, ಅಜ್ಜ ಅಗ್ಗೇ, ಪಾತು ಅಹೇಸುಂ, ಪಾ ಏವ, ಇಧ ಇಜ್ಝತಿ, ಪರಿ ಅನ್ತಂ, ಅತ್ತ ಅತ್ಥಮಿತಿಧ-‘‘ಮಯದಾಸರೇ’’ತಿ ವತ್ತತೇ।
ವತತರಗಾ ಚಾಗಮಾ।
ಏತೇ ಮಯದಾ ವಾಗಮಾ ಹೋನ್ತಿ ವಾ ಸರೇ ಕ್ವಚಿ,-ಆಗಮಿನೋ ಅನಿಯಮೇಪಿ ಸರೋಯೇವಾಗಮೀ ಹೋತಿ ವನಾದಿನನ್ತು ಞಾಪಕಾ-ಅಞ್ಞಥಾಹಿ ಪದಾದೀನಂ ಯುಕ್ವೀಧಾನ ಮನತ್ಥಕಂ-ದುವಙ್ಗಿಕಂ, ಚಿನಿತ್ವಾ, ಅಜ್ಜತಗ್ಗೇ, ಪಾತುರಹೇಸುಂ, -‘‘ಬ್ಯಞ್ಜನೇದೀಘರಸ್ಸಾ’’ತಿ ರಸ್ಸೇ-ಪಗೇವ, ಇಧಮಿಜ್ಝತಿ, ಪರಿಯನ್ತಂ, ಅತ್ತದತ್ಥಂ-ವಾತ್ವೇವ-ಅತ್ತತ್ಥಂ।
ಛ ಅಭಿಞ್ಞಾ, ಛ ಅಭಿಞ್ಞಾ,’ತೀಧ-ವಾ ಸರೇ ಆಗಮೋ’ತಿ ಚ ವತ್ತತೇ।
ಛಾ ಳೋ।
ಛ ಸದ್ದಾ ಪರಸ್ಸ ಸರಸ್ಸ ಳಕಾರೋ ಆಗಮೋ ಹೋತಿ ವಾ-ಛಳಭಿಞ್ಞಾ, ಛಅಭಿಞ್ಞಾ।
ಸರಸನ್ಧಿ।
ಕಞ್ಞಾ ಇವ-ಕಞ್ಞಾ ಇವಾ ತೀಧ-ಪುಬ್ಬಪರಸರಾನಂ ಲೋಪೇ ಸಮ್ಪತ್ತೇ-ಸರೋ ಪರೋತಿ ಚ ವತ್ತತೇ।
ನದ್ವೇವಾ।
ಪುಬ್ಬಪರಸರಾ ದ್ವೇಪಿ ವಾ ಕ್ವಚಿ ನ ಲುಪ್ಯನ್ತೇ-ಕಞ್ಞಾಇವ, ಕಞ್ಞೇವ, ಕಞ್ಞಾವ।
ಸರಸನ್ಧಿ ನಿಸೇಧೋ।
ತತ್ರ ಅಭಿರತಿ, ಖನ್ತಿ ಪರಮಂ, ಸಮ್ಮಾ ಅಕ್ಖಾತೋ’ತೀಧ-
ಬ್ಯಞ್ಛನೇ ದೀಘರಸ್ಸಾ।
ರಸ್ಸದೀಘಾನಂ ಕ್ವಚಿ ದೀಘರಸ್ಸಾ ಹೋನ್ತಿ ಬ್ಯಞ್ಜನೇ-ತತ್ರಾಭಿರತಿ, ಖನ್ತೀಪರಮಂ,’ ಸಮ್ಮದಕ್ಖಾತೋ’ ತಿದಾಗಮೇ ರಸ್ಸೋ-ಕ್ವಚೀತ್ವೇಚ-ತ್ಯಜ್ಜ-ಕಥಂ ಯಾನಿವ ಅನ್ತಲಿಕ್ಖೇ’ತಿ -ದೀಘರಸ್ಸಾತಿ ಯೋಗವಿಭಾಗಾ।
ಚಿ ಗಹೋ, ತತಿಯ ಝಾನಂ। ವಿ ಖೋಪೋ, ಇತಿಧ-ಬ್ಯಞ್ಜನೇ’ತಿ ವತ್ತತೇ।
ಸರಮ್ಹಾ ದ್ವೇ।
ಸರಮ್ಹಾ ಪರಸ್ಸ ಬ್ಯಞ್ಜನಸ್ಸ ಕ್ವಚಿ ದ್ವೇರೂಪಾನಿ ಹೋನ್ತಿ-ವಿಗ್ಗಹೋ।
ಚತುತ್ಥ
ಚತುತ್ಥದುತಿಯೇಸು ಪರೇಸ್ವೇಸಂ ಚತುತ್ಥದುತಿಯಾನಂ ತಬ್ಬಗ್ಗೇ ತತಿಯ ಪಠಮಾ ಹೋನ್ತಿ ಪಚ್ಚಾಸತ್ಯಾತಿ ಪುಬ್ಬಝಕಾರಖಕಾರಾನಂ ಜಕಾರಕಕರಾ-ತತಿಯಜ್ಝಾನಂ, ವಿಕ್ಖೇಪೋ-ಸರಮ್ಹಾ’ತಿಕಿಂ?-ತಂ ವನಂ। ಅಕರಮ್ಭಸೇತೇ, ಅಕರಮ್ಭಸೇತೇ, ಏಸೋ ಅತ್ಥೋ, ಏಸೋ ಅತ್ಥೋ, ಇತಿಧ-ಚೇ’ತಿವತ್ತತೇ।
ಏ ಓ ನ ಮ ವಣ್ಣೇ।
ಏ ಓ ನಂ ವಣ್ಣೇ ಕ್ವಚಿ ಅ ಹೋತಿ ವಾ-ಅಕರಮ್ಭಸನೇ, ಅಕರಮ್ಹ ಸೇತೇ-ಏಸಅತ್ಥೋ, ಏಸೋಅತ್ಥೋ-ವಣ್ಣೇತಿಕಿಂ?-ಸೋ।
ಸರಬ್ಯಞ್ಜನಸನ್ಧಿ।
ಅತ ಯನ್ತಂ। ತಥ ಯಂ। ಮದ ಯಂ, ಬುಧಿ ಯತಿ, ಧನ ಯಂ। ಸೇವ ಯೋ, ಪಯೇಸನಾ, ಪೋಕ್ಖರಣ ಯೋ, ಇತಿಧ-
ತವಗ್ಗವರಣನಂಯೇ ಚವಗ್ಗಖಯಞಾ।
ತವಗ್ಗವರಣನಂ ಚವಗ್ಗಬಯಞಾ ಹೋನ್ತಿ ಯಥಾಕ್ಕಮಂ ಯಕಾರೇ, ‘‘ವಗ್ಗಲಸೇಹಿ ತೇ’’ತಿ ವಗ್ಗಾ ಪರಸ್ಸ ಯಸ್ಸ ಪುಬ್ಬರೂಪಂ-ಅಚ್ಚನ್ತಂ। ತಚ್ಛಂ, ಮಜ್ಜಂ, ಬುಜ್ಝತಿ, ಧಞ್ಞಂ, ಸೇಬ್ಬೋ, ಪಯ್ಯೇಸನಾ, ಪೋಕ್ಖರಞ್ಞೋ-ಕ್ವಚೀತ್ವೇಚ, ಮತ್ಯಾ-ಯೇತಿ ವತ್ತತೇ ವಕ್ಖಮಾನೇಸು ತೀಸು। ಸಕ ಯತೇ, ರುಚ ಯತೇ, ಪಟ್ಯತೇ, ಲುಪ್ಯತೇ, ಸಲ್ಯತೇ, ದಿಸ್ಯತೇ’ತೀಧ।
ವಗ್ಗಲಸೇಹಿ ತೇ
ವಗ್ಗಲಸೇಹಿ ಪರಸ್ಸ ಯಕಾರಸ್ಸ ಕ್ವಚಿ ತೇ ವಗ್ಗಲಸಾ ಹೋನ್ತಿ।
ಸಕ್ಕತೇ, ರುಚ್ಚತೇ,ಪಟ್ಟತೇ, ಲುಪ್ಪತೇ, ಸಲ್ಲತೇ, ದಿಸ್ಸತೇ। ಕ್ವಚಿತ್ವೇವ-ಕ್ಯಾಹಂ-ಮುಹ = ಯತೀ’ತೀಧ-
ಹಸ್ಸ ವಿಪಲ್ಲಾಸೋ
ಹಸ್ಸ ವಿಪಲ್ಲಾಸೋ ಹೋತಿ ಯಕಾರೋ-ಮುಯ್ಹತಿ,
ಬಹುಆಬಾಧೋ, ಬಹು ಆಬಾಧೋ’ತೀಧ-ಉಸ್ಸವಕಾರೇ ‘‘ಹಸ್ಸ ವಿಪಲ್ಲಾಸೋ’’ತಿ ವತ್ತತೇ।
ವೇವಾ।
ಹಸ್ಸ ವಿಪಲ್ಲಾಸೋ ಹೋತಿವಾ ವಕಾರೇ-ಬವ್ಹಾಬಾಧೋ, ಬಹ್ವಾಬಾಧೋ।
ಬ್ಯಞ್ಜನ ಸನ್ಧಿ।
ಅಕ್ಖಿರುಜತಿ। ಅಕ್ಖಿರುಜತೀ’ತೀಧ-ವೇತಿ ವತ್ತತೇ ಯಾವ‘‘ಮಯದಾಸರೇ’’ತಿ।
ನಿಗ್ಗಹಿತಂ।
ನಿಗ್ಗಹೀತಮಾಗಮೋ ಹೋತಿವಾ ಕ್ವಚಿ = ಠಾನೀನಮಾಲಿಙ್ಗಿಯ ಗಚ್ಛತಿ ಪವತ್ತತೀ’ತಿ ಆಗಮೋ-ಅಕ್ಖಿಂ ರುಜತಿ,ಅಕ್ಖಿ ರುಜತಿ-‘‘ಯಾವದ್ವಿಧಾ’’ತಿ ಆದೋ ನಿಚ್ಚಂ ವವತ್ಥಿತ ವಿಭಾಸತ್ತಾ ವಾಧಿಕಾರಸ್ಸ-ವಾಸದ್ದೋ ಹಿ ಅತ್ಥವಯೇ ವತ್ತತೇ ಕತ್ಥಚಿ ವಿಕಪ್ಪೇ ಕತ್ಥಚಿ ಯಥಾವವತ್ಥಿತರೂಪ ಪರಿಗ್ಗಹೇತಿ-ಯದಾ ಪಚ್ಛಿಮೇ ತದಾ ನಚ್ಚಮನಿಚ್ಚಮಸನ್ತಞ್ಚ ವಿಧಿಂ ದೀಪೇತಿ-ಏತ್ಥ ಪನ ಕ್ವ ಚಿಸದ್ದಸ್ಸಾನು
ಲೋಪೋ।
ನಿಗ್ಗಹೀತಸ್ಸ ಲೋಪೋ ಹೋತಿ ವಾ ಕ್ವಚಿ-ದೀಘದಿತ್ತಾನಿ, ಸಾರಮ್ಹೋ, ಸಾರಮ್ಹೋ-ಪುಲ್ಲಿಙ್ಗಂ, ಪುಂಲಿಙ್ಗಂ-ಪಟಿಸಲ್ಲಾಣೇ ಪಾತುಕಾಮೋ’ತಿಆದಿಸು ನಿಚ್ಚಂ-ಪುಪ್ಫಂ ಅಸ್ಸಾ, ಪುಪ್ಫಂ ಅಸ್ಸಾ, ಕಿಂ ಇತಿ, ಕಿಂ ಇತೀ’ತೀಧ-
ಪರಸರಸ್ಸ।
ನಿಗ್ಗಹೀತಮ್ಹಾ ಪರಸ್ಸ ಸರಸ್ಸ ಲೋಪೋ ಹೋತಿ ವಾ ಕ್ವಚಿ।
ಸಂಯೋಗಾದಿ ಲೋಪೋ।
ಅನನ್ತರಾ ಬ್ಯಞ್ಜನಾ ಸಂಯೋಗೋ-ಅತ್ರ ಯೋ ಆದಭುತಾವಯವೋ ತಸ್ಸ ವಾ ಕ್ವಚಿ ಲೋಪೋ ಹೋತೀ’ತಿ ಸಸ್ಸಾದಿಸ್ಸ ಲೋಪೋ-ಪುಪ್ಫಂಸಾ, ‘‘ಮಯದಾ ಸರೇ’’ತಿ ನಿಗ್ಗಹೀತಸ್ಸ ಮಕಾರೋ-ಪುಪ್ಫಮಸ್ಸಾ, ‘‘ವಗ್ಗೇ ವಗ್ಗ’ನ್ತೋ’’ತಿ ನೋ ನಗ್ಗಹೀತಸ್ಸ-ಕಿನ್ತಿ, ಕಿಮಿತಿ।
ತಂ ಖ ಣಂ, ತಂ ಖಣಂ, ಧಮ್ಮಂ ಚರೇ, ಧಮ್ಮಂ ಚರೇ, ತಂ ಡಹತಿ, ತಂ ಡಹತಿ, ತಂ ದಾನಂ, ತಂ ದಾನಂ, ತಂ ಫಲಂ, ತಂ ಏಲಮಿತೀಧ-
ವಗ್ಗೇ ವಗ್ಗನ್ತೋ।
ನಗ್ಗಹೀತಸ್ಸ ಖೋ ವಗ್ಗೇ ವಗ್ಗನ್ತೋ ವಾ ಹೋತಿ ಪಚ್ಚಾಸತ್ಯಾ-ತಙ್ಕಣಂ,ತಂಖಣಂ-ಧಮ್ಮಞ್ಚರೇ, ಧಮ್ಮಂಚರೇ-ತಣ್ಡಹತಿ, ತಂಡಹತಿ-ತನ್ದಾನಂ, ತಂದಾನಂ-ತಮ್ಫಲಂ, ತಂಫಲಂ-ಗನ್ತ್ವಾ ಸಮ್ಮತೋತಿ’ಆದಿಸು ನಿಚ್ಚಂ-ಆನನ್ತರಿಕಂ ಯಮಾಹು, ಆನನ್ತರಿಕಂ ಯಮಾಹು, ಪಚ್ಚತ್ತಂ ಏವ, ಪಚ್ಚತ್ತಂ ಏವ, ತಞ್ಹಿ। ತಞ್ಹಿ, ಇತಿಧ-
ಯೇವಹಿಸುಞ್ಞೋ।
ಯಏವಹಿಸದ್ದೇಸು ನಿಗ್ಗಹೀತಸ್ಸಞೋ ವಾ ಹೋತಿ-‘‘ವಗ್ಗಲಸೇಹಿ ತೇ’ತಿ ಯಸ್ಸ ಞಕಾರೇ-ಆನನ್ತರಿಕಞ್ಞ ಮಾಹು। ಆನನ್ತರಿಕಂ ಯಮಾಹು, ಞಸ್ಸ ದ್ವಿತ್ತೇ-ಪಚ್ಚತ್ತಞ್ಞೇವ, ಪಚ್ಚತ್ತಂಏವ-ತಞ್ಹಿ, ತಂಹೀ-ಏವ ಸದ್ದಸಹಚರಿಯಾಯೇತಿ ಯಸದ್ದಸ್ಸೇವ ಗಹಣಂ-ಸಂಯತೋ, ಸಂಯತೋ’ತೀಧ
ಯೇ ಸಂಸ್ಸ
ಸಂಸದ್ದಸ್ಸ ಯಂ ನಿಗ್ಗಹೀತಂ ತಸ್ಸ ವಾ ಞೋ ಹೋತಿ ಯಕಾರೇ-
ಸಞ್ಞತೋ, ಸಂಯತೋ-ಇಧಯಕಾರಮತ್ತೋವ ಗಯ್ಹತೇ ಪುನಬ್ಬಚನಾ।
ತಂ ಏವ, ತಂ ಏವ, ತಂ ಇದಂ, ತಂ ಇದಂ, ತಂ ಇಮಿನಾ, ತಂ ಇಮಿನಾತೀಧ-
ಮಯದಾಸರೇ।
ನಿಗ್ಗಹೀತಸ್ಸ ಮಯದಾ ಹೋನ್ತಿ ವಾ ಸರೇ ಕ್ವಚಿ-ತಮೇವ, ತಂಏವ-ತಯಿದಂ’ ತಂಇದಂ-ತದಮಿನಾ, ತಂ ಇಮಿನಾ ಏತ್ಥ-‘‘ತದಮಿನಾದೀನೀ’’ತಿನಿಪಾತನಾ ಇಕಾರಸ್ಸ ಅಕಾರೋ-ಲಕ್ಖಣನ್ತರೇನಾವಿಹಿತಾದೇಸಲೋಪಾಗಮವಿಪಲ್ಲಾಸಾ ಸಬ್ಬತ್ಥ ಇಮಿನಾವ ದಟ್ಠಬ್ಬಾ-ತೇನ ನಿಜಕೋ। ನಿಯಕೋ,’ತಿಆದಿ ಸಿದ್ಧಂ-ಬುದ್ಧಮ ಸರಣಮಿಚ್ಚಾದಿಸು ಯೋಗವಿಭಾಗಾ।
ನಿಗ್ಗಹಿತ ಸನ್ಧಿ।
ಅಥ
ತಾನಿ ವಿವಿಧಾನಿ ಸಲಿಗಾಲಿಗವಸೇನ-ತತ್ಥ ಸಲಿಗೇಯು ತಾವ ಅಕಾರನ್ತತೋ ಪುಲ್ಲಿಙ್ಗಾ ಬುದ್ಧಸದ್ದಾ ಸತ್ತವಿಭತ್ತಿಯೋ ಪರಾ ಯೋಜೀಯನ್ತೋ-ಬುದ್ಧ ಇತಿ ಠಿತೇ।
ದ್ವೇ ದ್ವೇ ಕಾನೇಕೇಸು ನಾಮಸ್ಮಾ ಸಿಯೋ ಅಂಯೋ ನಾಹಿ ಯನಂ ಸ್ಮಾಸನಂ ಸ್ಮಿಂಸು
ಏತೇಸಂ ದ್ವೇದ್ವೇ ಹೋನ್ತಿ ಏಕಾನೇಕತ್ಥೇಸು ವತ್ತಮಾನತೋ ನಾಮ ಸ್ಮಾತಿ ಯಥಾಕ್ಕಮಂ ಏಕಮ್ಹಿ ಚತ್ತಬ್ಬೋ ಏಕವಚನಾನಂ ಬಹುಮ್ಹಿ ವತ್ತಬ್ಬೇ ಬಹುವಚನಾನಂ ಚಾತಿಯಮೇನಪ್ಪಯಙ್ಗೇ-ನಾಮಸ್ಮಾ’ತಿಅಧಿಕಾರೋ।
ಪಠಮಾತ್ಥಮತ್ತೇ
ಸಕತ್ಥದಬ್ಬಲಿಙ್ಗಾನಿ ಸಙ್ಖ್ಯಾಕಮ್ಮಾದಿಪಞ್ಚಕಂ
ನಾಮತ್ಥೋ ತಸ್ಸ ಸಾಮಞ್ಞಮತ್ತಮತ್ತಂ ಪವುಚ್ಚತೇ।
ನಾಮಸ್ಸಾಭಿಧೇಯ್ಯ ಮತ್ತೇ ಪಠಮಾವಿಭತ್ತಿ ಹೋತಿ’ತಿ ವತ್ತಿಚ್ಛಾವಸಾ ಪಠಮಾಯೇಕವಚನಬಹುವಚನಾನಿ।
ಸಿಯೋಇತಿ ಪಠಮಾ, ಸಿಸ್ಸಿಕಾರಸ್ಸಾನುಬನ್ಧತ್ತಪ್ಪೇಯೋಗೋ-ಪಯೋಜನಂ‘‘ಕಿ ಮಂ ಸೀಸೂ’’ತಿ ಸಙ್ಕೇತೋ-ತಥಾ ಅಂ ವಚನಸ್ಸಕಾರಸ್ಸ-ಸಿ-ಅತೋ’ತಿ ವತ್ತತೇ-ತಸ್ಸ ನಾಮವಿಸೇಸನತ್ತಾ ‘‘ವಿಧಿಬ್ಬಿಸೇಸನನ್ತಸ್ಸಾ’’ತಿ ತದನ್ತತೋ ವಿಧಿ।
ಸಿಸ್ಸೋ।
ಅಕಾರನ್ತತೋ ನಾಮಸ್ಮಾ ಪರಸ್ಸ ಸಿಸ್ಸ ಓಹೋತಿ-ಪುಬ್ಬಸರಲೋಪೋ ಬುದ್ಧೋ ತಿಟ್ಠತಿ-ಯೋ।
ಅತೋ ಯೋನಂ ಟಾಟೇ।
ಅಕಾರನ್ತತೋ ನಾಮಸ್ಮಾ ಪರೇಸಂ ಪಠಮಾದುತಿಯಾಯೋನಂ ಟಾಟೇ ಹೋನ್ತಿ ಯಥಾಕ್ಕಮಂ-ಟಕಾರಾನುಬನ್ಧತ್ತಾ‘‘ಟನುಬನ್ಧಾನೇಕವಣ್ಣಾ ಸಬ್ಬಸ್ಸಾ’’ತಿ ಸಬ್ಬಾದೇಸೋ-ಬುದ್ಧಾ ತಿಟ್ಠನ್ತಿ। ‘ಪಠಮಾತ್ಥಮತ್ತೇ’’ತಿವತ್ತತೇ।
ಆಮನ್ತಣೇ।
ಸದ್ದೇನಾಭಿಮುಖೀ ಕಾರೋ ವಿಜ್ಜಮಾನಸ್ಸ ವತ್ಥುನೋ
ಆಮನ್ತಣಂ ವಿಧಾತಬ್ಬೇ ನತ್ಥಿ ರಾಜಾ ಭವೇತಿ ತಂ।
ಆಮನ್ತಣಧಿಕೇ ಅತ್ಥಮತ್ತೇ ಪಠಮಾ ವಿಭತ್ತಿ ಹೋತೀ’ತಿ ಏಕಸ್ಮಿಂ ಏಕವಚನಂ ಸಿ।
ಗೋಸ್ಯಾಲಪಣೇ।
ಆಲಪಣೇ ಸಿ ಗಸಞ್ಞೋ ಹೋತಿ-ಲೋಪೋ’ತಿ ವತ್ತತೇ
ಗಸೀನಂ।
ನಾಮಸ್ಮಾಗಸೀನಂಲೋಪೋಹೋತಿ-ಭೋಬುದ್ಧಮಂಪಾಲಯ-ಗೇ’ತಿವತ್ತತೇ।
ಅಯುನಂ ವಾ ದೀಘೋ।
ಐಉ ಇಚ್ಚೇಸಂ ವಾ ದೀಘೋ ಹೋತಿ ಗೇಪರೇ ತಿಲಿಙ್ಗೇ’ತಿದೀಘೋ-ಬುದ್ಧಾ, ಕೇಚಿ ದೀಘಂ ದೂರಾಲಪಣೇ ಯೇವಿಚ್ಛನ್ತಿ ಸಮೀಪಾಲಪಣೇಪಿ ದಸ್ಸತೋ ತಂ ನ ಗಹೇತಬ್ಬಂ-ಯೋಮ್ಹಿ,-ಬುದ್ಧಾ ಮಂ ಪಾಲೇಥ।
ಕಮ್ಮೇ
ಕತ್ತುಕ್ರಿಯಾಭಿಸಮ್ಬನ್ಧಂ ಕಾರಕಂ ಕಮ್ಮಮುಚ್ಚತೇ।
ನಿಬ್ಬತ್ತಿ ವಿಕತಿಪ್ಪತ್ತಿ ಭೇದಾ ತಂ ತಿವಿಧಂ ಭವೇ॥
ಅಸ್ಮಿಂ ದುತಿಯಾ ವಿಭತ್ತಿಹೋತಿ-ಅಂಯೋ ಇತಿ ದುತಿಯಾ-ಅಂ-ಬುದ್ಧಂಪಣಮಾಮಿ, ಯೋಸ್ಸಟೇ-ಬುದ್ಧೇ।
ಕತ್ತುಕರಣೇಸು ತತಿಯಾ।
ಕ್ರಿಯಂ ಯೋ ಕುರುತೇ ಮುಖ್ಯೋ ಸ ಕತ್ತಾ ಯೋಜಿತೋ ನ ವಾ ಕರಣಂ ತಂ ವಿಸೇಸೇನ ಯಂ ಕ್ರಿಯಾಸಿದ್ಧಿಹೇತುಕಂ।
ತೇಸು ಕಾರಕೇಸು ತತಿಯಾ ವಿಭತ್ತಿ ಹೋತಿ-ನಾಭಿ ಇತಿ ತತಿಯಾ-ನಾ-ನಾಸ್ಸಾ’ತಿ ವತ್ತತೇ।
ಅತೇನ
ಅಕಾರನ್ತತೋ ನಾಮಸ್ಮಾ ಪರಸ್ಸ ನಾವಚನಸ್ಸ ಏನಾದೇಸೋ ಹೋತಿ-ಬುದ್ಧೇನ ದೇಸಿತೋ ಧಮ್ಮೋ-ಹಿ-
ಸುಹಿಸ್ವಸೇಸ।
ಅಕಾರನ್ತಸ್ಸ ಸುಹೀಸ್ವೇಹೋತಿ-ಬುದ್ಧೇಹಿ-ವೇ’ತಿ ವತ್ತತೇ।
ಸ್ಮಾಹಿಸ್ಮಿನ್ನಂ ಮ್ಹಾಭೀಮ್ಹಿ।
ನಾಮಸ್ಮಾ ಪರೇಸಂ ಸ್ಮಾಹಿಸ್ಮಿನ್ನಂ ಮ್ಹಾಭೀಮ್ಹಿ ವಾ ಹೋನ್ತಿ ಯಥಾಕ್ಕಮಂ-ಹಿಸ್ಸ ಭಿಯಾದೇಸೋ-ಬುದ್ಧೇಭೀ, ಕರಣೇ-ಬುದ್ಧೇನ ಲೋಕೋ ಸುಚರತಿ, ಬುದ್ಧೇಹಿ, ಬುದ್ಧೇಹಿ, ವಾ।
ಚತುತ್ಥೀ ಸಮ್ಪದಾನೇ।
ಅನುಮನ್ತ್ವನಿರಾಕತ್ತುಜ್ಝೇಸಕಾನಂ ವಸಾ ತಧಾ।
ದದಾತಿ ಕಮ್ಮನಾ ಯುತ್ತಂ ಸಮ್ಪದಾನಮುದಿರಿತಂ॥
ತಸ್ಮಿಂ ಸಮ್ಪದಾನಕಾರಕೇ ಚತುತ್ಥಿ ಸಿಯಾ-ಸನಂ ಇತಿ ಚತುತ್ಥೀ-ಸ।
ಸುಞ್ಸಸ್ಸ।
ನಾಮಸ್ಮಾ ಪರಸ್ಸ ಸಸ್ಸ ಸುಞ್ಹೋತಿ-ಸಚ-ಛಟ್ಠಿಯಾ’ತಿವತ್ತಮಾನೇ
ಞಕಾನುಬನ್ಧಾದ್ಯನ್ತಾ।
ಛಟ್ಠೀನಿದ್ದಿಟಾಠಸ್ಸ ಞಾನುಬನ್ಧಕಾನುಬನ್ಧಾದ್ಯನ್ತಾ ಹೋನ್ತೀ’ತಿಆದಿಭುತೋ ಹೋತಿ-ಉಕಾರೋ ಉಚ್ಚಾರಣತ್ಥೋ-ಞಾಕಾರೋ ಏತ್ಥೇವ ಸಙ್ಕೇತತ್ಥೋ-ಬುದ್ಧಸ್ಸ ಪುಪ್ಫಂ ದೇಹಿ।-ಅತೋ ವಾ ಬಹುಲಮಿತಿಚ ವತ್ತತೇ।
ಸಸ್ಸಾಯ ಚತುತ್ಥಿಯಾ
ಅಕಾರನ್ತತೋ ಪರಸ್ಸ ಸಸ್ಸ ಚತುತ್ಥಿಯಾ ಆಯೋ ಹೋತಿ ವಾ ಬಹುಲಂ-ಬುದ್ಧಾಯ, ಯೇಭುಯ್ಯೇನ ತಾದತ್ಥೇ ಯೇವಾಯಮಾಯೋ ದಿಸ್ಸತೀ’ತಿ ಇತೋಪರಂ ನೋದಾಹರೀಯತೇ-ನಂ-ದೀಘೋ’ತಿವತ್ತತೇ।
ಸುನಂಹಿಸು
ಏಸು ನಾಮಸ್ಸ ದೀಘೋ ಹೋತಿ-ಬುದ್ಧಾನಂ।
ಪಞ್ಚಮ್ಯವಧಿಸ್ಮಾ।
ಸೀಮಾಭುತೋ ಪದತ್ಥಾನಂ ಯೋ ಚಲೋ ನಿಚ್ಚಲೋ’ಥ ವಾ।
ಅಚ್ಚುತೋ ಪುಬ್ಬಕಾ ರೂಪಾ ನಮಾಹುರವಧಿಮ್ಬುಧಾ॥
ಏತಸ್ಮಾ
ಸ್ಮಾಸ್ಮಿನ್ತಂ।
ಅಕಾರನ್ತತೋ ನಾಮಸ್ಮಾ ಪರೇಸಂ ಸ್ಮಾಸ್ಮಿನ್ನಂ ಟಾಟೇ ವಾ ಹೋನ್ತಿ ಯಥಾಕ್ಕಮಂ।
ಬುದ್ಧಾ ಪಹಾ ನಿಚ್ಛರತಿ। ಬುದ್ಧಮ್ಹಾ, ಬುದ್ಧಸ್ಮಾವಾ-ಹಿ-ಬುದ್ಧೇಹಿ, ಬುದ್ಧೇಭಿ।
ಛಟ್ಠಿ ಸಮ್ಬನ್ಧೇ
ಕ್ರಿಯಾಕಾರಕಸಞ್ಜಾತೋ ಅಸ್ಸೇದಮ್ಹಾವಹೇತುಕೋ।
ಸಮ್ಬನ್ಧೋ’ತಿ ಪವುತ್ತೋ ಸೋ ಸಮ್ಬನ್ಧಿದ್ವಯನಿಸ್ಸಿತೋ॥
ಸಮ್ಬನ್ಧಿತ್ತಾವಿಸೇಸೇಪಿ ಛಟ್ಠೀ ಹೇದಕತೋ ಸಿಯಾ।
ತತೋ ಹಿ ಜಾತಾ ಸಮ್ಬನ್ಧಂ ವದೇಯ್ಯ ನ ಪನಞ್ಞತೋ॥
ಸಮ್ಬನ್ಧೇ ಛಟ್ಠಿ ವಿಭತ್ತಿ ಹೋತಿ-ಸ ನಂ ಇತಿ ಛಟ್ಠಿ-ಸ-ಬುದ್ಧಸ್ಸ ವಿಹಾರೋ-ನಂ-ಬುದ್ಧಾನಂ।
ಸತ್ತಮ್ಯಾಧಾರೇ।
ಕಿರಿಯಾ ಕತ್ತುಕಮ್ಮಟ್ಠಾ ಆಧಾರೀಯತಿ ಯೇನ ಸೋ।
ಆಧಾರೋ ಚತುಧಾ ವುತ್ತೋ ವ್ಯಾಪಕಾದಿಪ್ಪಭೇದತೋ॥
ಆಧಾರಕಾರಕೇ ಸತ್ತಮೀ ವಿಭತ್ತಿ ಹೋತಿ-
ಸ್ಮಿಂ ಸು ಇತಿ ಸತ್ತಮೀ-ಸ್ಮಿಂ-ಬುದ್ಧೇ ಪಸನ್ನೋ-ಬುದ್ಧಮ್ಹಿ, ಬುದ್ಧಸ್ಮಿಂ, ವಾ-ಸು ಬುದ್ಧೇಸು।
ಬುದ್ಧೋ ಸಬ್ಬತ್ಥದಾಯೀ ಭವತಿ ಹಿ ಭಜತಂ ಬುದ್ಧ ಬುದ್ಧಂ ನ ತಂ ಕಿಂ ದಿನ್ನಂ ಬುದ್ಧೇನ ಲೋಕೇ ಸಿವಪದಮಪಿ ತೇ ಯನ್ತಿ ಬುದ್ಧೇನ ಯಸ್ಮಾ ಅಸ್ಮಾ ಬುದ್ಧಸ್ಸ ಪೀತಿಂ ಪರಹಿತವಿಧಯಂದೇತಿ ಬುದ್ಧಾನಪೇತೋ ಮಞ್ಞೋ ಬುದ್ಧಸ್ಸ ನಿಚ್ಚಂ ಘಟಯತಿ ಮತಿಮಾ ಕೋನು ಭತ್ತಿಂ ನ ಬುದ್ಧೇ।
ಏವಮಞ್ಞೇಯಮ್ಪಿ ಘಟಪಟಾದೀನಮಕಾರನ್ತಾನಂ ಪುಲ್ಲಿಙ್ಗಾನಂ ರೂಪನಯೋ ಕ್ರಿಯಾಭಿಸಮ್ಬನ್ಧೋ ಚ-ವಿಸೇಸನಮ್ಪನ ವಕ್ಖಾಮ-ಇತೋ ಪರಂ ಛಟ್ಠಿಯಾ ಚತುತ್ಥೀಸಮತ್ತಾ ಪಞ್ಚಮೀಬಹುವಚನಸ್ಸ ಚ ತತಿಯಾಸಮತ್ತಾ ನ ತಾ ದಸ್ಸೀಯನ್ತೇ-ಗುಮ್ಬಸಿ-ಅತೋ ಸಿಸ್ಸಾತಿ ಚ ವತ್ತತೇ।
ಕ್ವಚೇ ವಾ।
ಅಕಾರನ್ತತೋ ನಾಮಸ್ಮಾ ಪರಸ್ಸ ಸಿಸ್ಸ ಏ ಹೋತಿ ವಾ ಕ್ವಚೀ-ಗುಮ್ಬೇ, ಗುಮ್ಬೋ-ಸೇಸಂ ಬುದ್ಧಸಮಂ-ಏವಂ ವತ್ತಬ್ಬೇ, ವತ್ತಬ್ಬೋ ಇಚ್ಚಾದಿ।
ಯೋಸ್ಸ ಟೇ’ತಿ ಚ ವತ್ತತೇ।
ಏಕಚ್ಚಾದೀಹತೋ।
ಅಕಾರನ್ತೇಹಿ ಏಕಚ್ಚಾದೀಹಿ ಯೋನಂ ಟೇ ಹೋತಿ-ಏಕಚ್ಚೇ,(ಭೋ)ಏಕಚ್ಚೇ, ಏಕಚ್ಚೇ-ಏವಂ ಪಠಮಸದ್ದಸ್ಸ-ನಾಸ್ಸ ಸಾ ವೇ’ತಿ ಚ ವತ್ತತೇ।
ಕೋಧಾದೀಹಿ।
ಏಹಿ ನಾಸ್ಸ ಸಾ ಹೋತಿ ವಾ-ಕೋಧಸಾ, ಕೋಧೇನ, ಅತ್ಥಸಾ, ಅತ್ಥೇನೇಚ್ಚಾದಿ-ವೇತಿ ವತ್ತತೇ।
ಮನಾದೀಹಿ
ಮನಾದೀಹಿ ಸ್ಮಮಾದಿನಂ ಸಿಸೋಮಸಾಸಾ ಹೋನ್ತಿ ವಾ ಯಥಾಕ್ಕಮಂ-ಮನೋ, ಮನಂ-ಮನಸಾ, ಮನೇನ-ಮನಸೋ, ಮನಸ್ಸ-ಮನಸಾ, ಮನಾ, ಮನಮ್ಹಾ, ಮನಸ್ಮಾ-ಮನಸಿ, ಮನೇ, ಮನಮ್ಹಿ, ಮನಸ್ಮಿಂ।
ತಮ ತಪ ತೇಜ ಉರ ಸಿರಪ್ಪಭುತಯೋ ಮನಾದಯೋ।
ಗಚ್ಛನ್ತಸಿ-ಸಿಸ್ಸ ವೇ’ತಿ ಚ ವತ್ತತೇ-ಪರತೋ ಭಿಯ್ಯೋ ನಾನು ವತ್ತಯಿಸ್ಸಾಮ ವುತ್ತಿಯಾಯೇವಾನುವುತ್ತಸ್ಸಗಮ್ಯಮಾನತ್ತಾ।
ನ್ತಸ್ಸಂ।
ಸಿಮ್ಹಿ ನ್ತಪ್ಪಚ್ಚಯಸ್ಸ ಅಂ ಹೋತಿ ವಾ-‘‘ಗಸೀನ’’ನ್ತಿ ಸಿಲೋಪೇ-ಗಚ್ಛಂ-ಅಞ್ಞತ್ರ-ಗಚ್ಛನ್ತೋ।
ನ್ತನ್ತುನಂ ನ್ತೋ ಯೋಮ್ಹಿ ಪಠಮೇ।
ಪಠಮೇ ಯೋಮ್ಹಿ ನ್ತನ್ತುನಂ ಸವಿಭತ್ತೀನಂ ನ್ತೋ ಇಚ್ಚಾದೇಸೋ ವಾ ಹೋತಿ-ಬಹುಲಾಧಿಕಾರಾ ಪುಮೇಯೇವ-ಗಚ್ಛನ್ತೋ, ಗಚ್ಛನ್ತಾ।
ಟಟಾಅಂ ಗೇ।
ಗೇ ಪರೇ ನ್ತನ್ತುನಂ ಸವಿಭತ್ತೀನಂ ಟಟಾಅಂ ಇಚ್ಚಾದೇಸಾ ಹೋನ್ತಿ ಬಹುಲಂ-(ಭೋ)ಗಚ್ಛ, ಗಚ್ಛಾ, ಗಚ್ಛಂ, ಗಚ್ಛನ್ತೋ, ಗಚ್ಛನ್ತಾ।
ನ್ತಸ್ಸ ಚ ಟ ವಂಸೇ।
ಅಂಸೇಸು ನ್ತಪ್ಪಚ್ಚಯಸ್ಸ ಟ ಹೋತಿ ವಾ ನ್ತುಸ್ಸ ಚ-ವವತ್ಥಿತವಿಭಾಸಾಯಾಯಂ-ಗಚ್ಛಂ, ಗಚ್ಛನ್ತಂ।
ತೋತಾತಿತಾ ಸಸ್ಮಾಸ್ಮಿಂನಾಸು।
ಸಾದಿಸು ನ್ತನ್ತುನಂ ಸವಿಭತ್ತೀನಂ ತೋತಾತಿತಾ ಹೋನ್ತಿ ವಾ ಯಥಾಕ್ಕಮಂ-ಗಚ್ಛತಾ, ಗಚ್ಚನ್ತೇನ-ಗಚ್ಛತೋ, ಗಚ್ಛಸ್ಸ, ಗಚ್ಛನ್ತಸ್ಸ।
ನಂ ನಮ್ಹಿ।
ನಮ್ಹಿ ನ್ತನ್ತುನಂ ಸವಿಭತ್ತೀನಂ ತಂ ವಾ ಹೋತಿ-ಗಚ್ಚತಂ। ಗಚ್ಛನ್ತಾನಂ-ಗಚ್ಛತಾ, ಗಚ್ಛನ್ತಾ, ಗಚ್ಛನ್ತಮ್ಹಾ,ಗಚ್ಛನ್ತಸ್ಮಾ-ಗಚ್ಛತಿ,ಗಚ್ಛನ್ತೇ, ಗಚ್ಛನ್ತಮ್ಹಿ, ಗಚ್ಚನ್ತಸ್ಮಿಂ-ಏವಂ ತಪನ್ತ ಜಪನ್ತಾದಯೋ-ಭವನ್ತಸಿ।
ಭುತೋ।
ಭುಧಾತುತೋ ನ್ತಸ್ಸ ಅಂ ಹೋತಿ ಸಿಮ್ಹಿ ನಿಚ್ಚಮ್ಪುನಬ್ಬಿಧಾನಾ-ಭವಂ।
ಭವತೋ ವಾ ಭೋನ್ತೋ ಗಯೋನಾಸೇ।
ಭವನ್ತಸದ್ದಸ್ಸ ಭೋನ್ತಾದೇಸೋ ವಾ ಹೋತಿ ಗಯೋನಾಸೇ-ಭೋನ್ತೋ, ಭೋನ್ತಾ, ಭವನ್ತೋ, ಭವನ್ತಾ-ಏವಮಾಲಪನೇಪಿ-ಗೇ ಪನ-(ಭೋ) ಭೋನ್ತ, ಭೋನ್ತಾ, ಭವ, ಭವಾ, ಭವಂ-ಭವಂ, ಭವನ್ತಂ, ಭೋನ್ತೇ, ಭವನ್ತೇ-ಭೋತಾ, ಭೋನ್ತೇನ, ಭವತಾ, ಭವನ್ತೇನ-ಭೋತೋ, ಭೋನ್ತಸ್ಸ, ಭವತೋ, ಭವಸ್ಸ, ಭವನ್ತಸ್ಸ।
ಸತೋಸಬ್ಭೇ।
ಸನ್ತಸದ್ದಸ್ಸ ಸಬ್ಭವತಿ ಭಕಾರೇ-ಸಬ್ಭಿ।
ಮಹನ್ತಾರಹನ್ತಾನಂ
ಸಿಮ್ಹಿ ಮಹನ್ತಾರಹನ್ತಾನಂ ನತಸ್ಸ ಟಾ ವಾ ಹೋತಿ-ಮಹಾ, ಮಹಂ, ಮಹನ್ತೋ-ಅರಹಾ, ಅರಹಂ, ಅರಹನ್ತೋ-ಭವನ್ತಾದೀನಂ ಸೇಸಂ ಗಚ್ಛನ್ತಸಮಂ-ಅಸ್ಮಸಿ।
ರಾಜಾದಿಯುವಾದಿತ್ವಾ।
ರಾಜಾದಿಹಿ ಯುವಾದೀಹಿ ಚ ಪರಸ್ಸ ಸಿಸ್ಸ ಆ ಹೋತಿ-ಅಸ್ಮಾ।
ಯೋನಮಾನೋ।
ರಾಜಾದೀಹಿ ಯುವಾದೀಹಿ ಚ ಯೋನಮಾನೋ ವಾ ಹೋತಿ-ಅಸ್ಮಾನೋ, ಅಸ್ಮಾ-(ಭೋ)ಅಸ್ಮ, ಅಸ್ಮಾ, ಅಸ್ಮಾನೋ, ಅಸ್ಮಾ।
ವಾಮ್ಹಾ ನಙ।
ರಾಜಾದಿನಂ ಯುವಾದನಂ ಚಾನಙ್ಹೋತಿ ವಾಮ್ಹಿ-ಅಸ್ಮಾನಂ, ಅಸ್ಮಿಂ, ಅಸ್ಮಾನೋ, ಅಸ್ಮೇ।
ನಾಸ್ಸೇನೋ
ಕಮ್ಮಾದಿತೋ ನಾವಚನಸ್ಸ ಏನೋ ವಾ ಹೋತಿ-ಅಸ್ಮೇನ, ಅಸ್ಮನಾ।
ಕಮ್ಮಾದಿತೋ।
ಕಮ್ಮಾದಿತೋ ಸ್ಮಿನೋ ನಿ ಹೋತಿ ವಾ-ಅಸ್ಮನಿ, ಅಸ್ಮೇ, ಅಸ್ಮಮ್ಹಿ, ಅಸ್ಮಸ್ಮಿಂ-ಸೇಸಂ ಬುದ್ಧಸದ್ದಸಮಂ-ಮುದ್ಧ ಗಾಣ್ಡೀವಧತ್ವ ಅನಿಮ ಲಘಿಮಾದಯೋ ಅಸ್ಮಾಸಮಾ-ಏವಂ ರಾಜಾ ಕಾಲದ್ಧಾನವಾಚೀ ಅದ್ಧಾಚ ಪಠಮಾದುತಿಯಾಸು ಅತ್ತಾತು ಮಾನೋ ತತಿಯಾಸತ್ತಮ್ಯೇಕವಚನೇಸುಚ।
ರಾಜಸ್ಸಿ ನಾಮ್ಹಿ।
ರಾಜಸ್ಸಿ ವಾ ಹೋತಿ ನಾಮ್ಹಿ-ರಾಜಿನಾ-ಅಞ್ಞತ್ರ-
ನಾಸ್ಮಾಸುರಞ್ಞಾ।
ನಾಸ್ಮಾಸು ರಾಜಸ್ಸ ಸವಿಭತ್ತಿಸ್ಸ ರಞ್ಞಾ ಹೋತಿ-ರಞ್ಞಾ।
ಸುನಂ ಹಿಸೂ।
ರಾಜಸ್ಸ ಊ ಹೋತಿ ವಾ ಸುನಂಹಿಸು-ರಾಜೂಭಿ, ರಾಜೇಹಿ, ರಾಜೂಭಿ, ರಾಜೇಭಿ।
ರಞ್ಞೋ ರಞ್ಞಸ್ಸ ರಾಜಿನೋ ಸೇ।
ಸೇ ರಾಜಸ್ಸ ಸವಿಭತ್ತಿಸ್ಸ ಏತೇ ಆದೇಸಾ ಹೋನ್ತಿ-ರಞ್ಞೋ ರಞ್ಞಸ್ಸ, ರಾಜಿನೋ, ರಾಜೂನಂ।
ರಾಜಸ್ಸ ರಞ್ಞಂ।
ನಮ್ಹಿ ರಾಜಸದ್ದಸ್ಸ ಸವಿಭತ್ತಿಸ್ಸ ರಞ್ಞಂ ಹೋತಿ ವಾ-ರಞ್ಞಂ, ರಾಜಾನಂ-ರಞ್ಞಾ।
ಸ್ಮಿಮ್ಹಿ ರಞ್ಞೇರಾಜಿನಿ।
ಸ್ಮಿಮ್ಹಿ ರಾಜಸ್ಸ ಸವಿಭತ್ತಿಸ್ಸ ರಞ್ಞೇರಾಜಿನೀ ಹೋನ್ತಿ-ರಞ್ಞೇ, ರಾಜಿನಿ, ರಾಜುಸು, ರಾಜೇಸು ‘‘ಸಮಾಸೇ ವಾ’’ತಿ ರಾಜಸ್ಸ ನಾಸಸ್ಮಾಸ್ಮಿಂಸು ಯಂ ವುತ್ತಂ ತಂ ವಾ ಹೋತಿ-ಯಥಾ-ಕಾಸಿರಞ್ಞಾ, ಕಾಸಿರಾಜೇನ = ಕಾಸಿರಞ್ಞೋ, ಕಾಸಿರಞ್ಞಸ್ಸ, ಕಾಸಿರಾಜಿನೋ, ಕಾಸಿರಾಜಸ್ಸ-ಕಾಸಿರಞ್ಞಾ, ಕಾಸಿರಾಜಾ, ಕಾಸಿರಾಜಮ್ಹಾ, ಕಾಸಿರಾಜಸ್ಮಾ-ಕಾಸಿರಞ್ಞೇ, ಕಾಸಿರಾಜಿನಿ, ಕಾಸಿರಾಜೇ, ಕಾಸಿರಾಜಮ್ಹಿ, ಕಾಸಿರಾಜಸ್ಮಿಂ-ಅದ್ಧತೋ ನಾಮ್ಹಿ।
ಪುಮಕಮ್ಮಥಾಮದ್ಧಾನಂ
ಇಯುವಣ್ಣಾಜ್ಝಲಾ ನಾಮಸ್ಸನೇಕ।
ನಾಮಸ್ಸನ್ತೇ ವತ್ತಮಾನಾ ಇವಣ್ಣುವಣ್ಣಾಝಲಸಞ್ಞಾ ಹೋನ್ತಿ ಯಥಾಕ್ಕಮಂ।
ಝಲಾ ಸಸ್ಸ ನೋ।
ಝಲತೋ ಸಸ್ಸ ನೋ ವಾ ಹೋತಿ-ಅದ್ಧುನೋ, ಅದ್ಧುಸ್ಸ, ಅದ್ಧಸ್ಸ।
ನಾ ಸ್ಮಾಸ್ಸ
ಝಲತೋ ಸ್ಮಾಸ್ಸ ನಾ ಹೋತಿ ವಾ-ಅದ್ಧುನಾ, ಅದ್ಧುಮ್ಹಾ, ಅದ್ದುಸ್ಮಾ, ಅದ್ಧಾ, ಅದ್ಧಮ್ಹಾ, ಅದ್ಧಸ್ಮಾ-ಅದ್ಧನಿ, ಅದ್ಧೇ, ಅದ್ಧಮ್ಹಿ, ಅದ್ಧಸ್ಮಿಂ-ಅತ್ತಸದ್ದನೋಹಮ್ಹಿ
ಸುಹೀಸು ನಕ।
ಅತ್ತಆತುಮಾನಂ ಸುಹೀಸು ವಾ ನಕ ಹೋತಿ-ಕಕಾರೋ ಅನ್ತಾವಯವತ್ಥೋ। ಅತ್ತನೇಹಿ, ಅತ್ತನೇಭಿ, ಅತ್ತೇಹಿ, ಅತ್ತೇಹಿ।
ನೋತತಾತುಮಾ।
ಅತ್ತಆತುಮೇಹಿ ಸಸ್ಸ ನೋ ಹೋತಿ ವಾ-ಅತ್ತನೋ, ಅತ್ತಸ್ಸ।
ಸ್ಮಾಸ್ಸ ನಾ ಬ್ರ ಮಾ ಚ।
ಬ್ರಹ್ಮಾ ಅತ್ತಆತುಮೇಹಿ ಚ ಪರಸ್ಸ ಸ್ಮಾಸ್ಸ ನಾ ಹೋತಿ-ಅತ್ತನಾ-ಅತ್ತನೇಸು, ಅತ್ತೇಸು-ಆತುಮಾ ಅತ್ತಾವ-ಬ್ರಹ್ಮ ಗೇ।
ಘಬ್ರಹ್ಮಾದಿತೇ
ಘಸಞ್ಞತೋ ಬ್ರಹ್ಮ ಕತ್ತು ಇಸಿ ಸಖಾದೀಹಿ ಚ ಗಸ್ಸೇ ವಾ ಹೋತಿ-ಬ್ರಹ್ಮೇ, ಬ್ರಹ್ಮ, ಬ್ರಹ್ಮಾ।
ನಾಮ್ಹೀ।
ಬ್ರಹ್ಮಸ್ಸು ಹೋತಿ ನಾಮ್ಹಿ-ಬ್ರಹ್ಮುನಾ।
ಬ್ರಹ್ಮಸಸು ವಾ।
ಬ್ರಹ್ಮಸ್ಸು ವಾ ಹೋತಿ ಸನಂಸು-ಬ್ರಹ್ಮುನೋ, ಬ್ರಹಮುಸ್ಸ, ಬ್ರಹ್ಮಸ್ಸ, ಬ್ರಹ್ಮೂನಂ,ಬ್ರಹ್ಮಾನಂ-ಬ್ರಹಮುನಾ-‘‘ಅಮ್ಬಾದಿಹೀ’’ತಿ ಸ್ಮಿನೋ ನಿಹೋತಿ ವಾ-ಬ್ರಹ್ಮನಿ। ಬ್ರಹ್ಮೇ, ಬ್ರಹ್ಮಮ್ಹಿ, ಬ್ರಹ್ಮಸ್ಮಿಂ-ಸೇಸಂ ಅಸ್ಮಸಮಂ।
ಸಖಾ-ರಾಜಾದಿತ್ತಾ ಸಿಸ್ಸ ಆ।
ಆಯೋನೋ ಚ ಸಖಾ।
ಸಖತೋ ಯೋನಮಾಯೋ ನೋ ಹೋನ್ತಿ ವಾ ಆನೋ ಚ-ಸಖಾಯೋ, ಸಖಾನೋ।
ನೋನಾಸೇಸ್ಮಿ।
ಸಖಸ್ಸ ಇ ಹೋತಿ ನೋನಾಸೇಸು-ಸಖಿನೋ-ಅಞ್ಞತ್ರ-
ಯೋಸ್ವಂಹಿಸು ಚಾರಙ।
ಸಖಸ್ಸ ವಾ ಆರಙ ಹೋತಿ ಯೋಸ್ವಂಹಿಸು ಸ್ಮಾನಂಸು ಚ।
ಆರಙ್ಸ್ಮಾ
ಆರಙಾದೇಸತೋ ಪರೇಸಂ ಯೋನಂ ಟೋ ಹೋತಿ-ಸಖಾರೋ-ಆರದ್ಧಾದೋ।
ಸಭಾವೇ-ಸಖಾ-ಏವಮಾಲಪನೇ-ಗೇತು-ಸಖೋ,
ಟೋಟೇ ವಾ।
ಆರಙಾದೇಸಮ್ಹಾ ಯೋನಂ ಟೋಟೇ ವಾ ಹೋನ್ತಿ ಯಥಾಕ್ಕಮನ್ತಿ ಟೇ-ಪಕ್ಖೇ-‘‘ಆರಙಿಸ್ಮಾ’’ ತಿಟೋ-ಸಖಾರೇ, ಸಖಾರೋ, ಸಖೇ-ಸಖೀನಾ, ಸಖಾರೇಹಿ, ಸಖೇಹಿ, ಸಖಾರೇಹಿ, ಸಖೇಹಿ-ಸಖಿನೋ, ಸಖಿಸ್ಸ, ಸಖಾರಾನಂ।
ಸಮಾನಂಸು ವಾ।
ಸಖಸ್ಸ ವಾ ಇ ಹೋತಿ ಸ್ಮಾನಂಸು-ಸಖೀನಂ, ಸಖಾನಂ।
ಟಾ ನಾಸ್ಮಾನಂ।
ಆರಙಾದೇಸಮ್ಹಾ ನಾಸ್ಮಾನಂ ಟಾ ಹೋತಿ-ಸಖಾರಾ-ಬಹುಲಾಧಿಕಾರಾ ಸಖಾರಸ್ಮಾ-ಸಖೀನಾ, ಸಖೀಮ್ಹಾ,ಸಖಿಸ್ಮಾ, ಸಖಾ, ಸಖಮ್ಹಾ, ಸಖಸ್ಮಾ।
ಟೇ ಸ್ಮಿನೋ।
ಸಖತೋ ಸ್ಮಿನೋ ಟೇ ಹೋತಿ ನಿಚ್ಚಂ-ಸಖೇ, ಸಖಾರೇಸು, ಸಖೇಸು-‘‘ಧಮ್ಮೋವಾಞ್ಞತ್ಥೇ’ತಿ ರಾಜಾದೀಯು ಪಾಠಾ ದಳ್ಹಧಮ್ಮಾದಯೋ ವಾ ಅಸ್ಮಸಮಾ।
ಯೋನಂ ನೋನೇ ವಾ।
ಯುವಾದಿಹಿ ಯೋನಂ ನೋನೇ ವಾ ಹೋನ್ತಿ ಯಥಾಕ್ಕಮಂ।
ನೋನಾನೇಸ್ಮಾ।
ಏಸು ಯುವಾದಿನಮಾ ಹೋತಿ-ಯುವಾನೋ, ಯುವಾ-ಯುವಾನಂ, ಯುವಂ, ಯುವಾನೇ, ಯುವೇ-ಯುವಾನಾ।
ಯುವಾದಿನಂ ಸುಹಿಸ್ವಾನಙಿ।
ಸುಹಿಸು ಯುವಾದಿನಮಾನಙಿಹೋತಿ-ಯುವಾನೇಹಿ, ಯುವಾನೇಭಿ।
ಯುವಾ ಸಸ್ಸಿನೋ।
ಯುವಾ ಸಸ್ಸ ವಾ ಇನೋ ಹೋತಿ-ಯುವನೋ, ಯುವಸ್ಸ।
ಸಮಾಸಮಿನ್ನಂ ನಾನೇ।
ಯುವಾದಿಹಿ ಸ್ಮಾಸ್ಮಿನ್ನಂ ನಾನೇ ಹೋನ್ತಿ ಯಥಾಕ್ಕಮಂ-ಯುವಾನಂ-ಯುವಾನೇ,ಯುವಾನೇಸು-ರೂಪಸಿದ್ಧಿಯಂ ಪನಸ್ಸ ಅಞ್ಞಥಾ ರೂಪನಯೋ ದಸ್ಸಿತೋ ನೇಸೋ ಗಹೇತಬ್ಬೋ-ಅಮೂಲತ್ತಾ-ನಹಿ ತತ್ಥಾಗಮಾದಿಮೂಲಮತ್ಥಿ-ಏವಮಿದೀ ಸಮಞ್ಞಮ್ಪಿ-ಮಘವಪುಮವತ್ತಹಸದ್ದಾ ಯುವಸದ್ದಸಮಾ-ಅಯನ್ತು ವಿಸೇಸೋ।
ಗಸ್ಸಂ।
ಪುಮಸದ್ದತೋ ಗಸ್ಸ ಅಂ ವಾ ಹೋತಿ-ಪುಮಂ, ಪುಮ, ಪುಮಾ।
ನಾಮ್ಹಿ।
ನಾಮ್ಹಿ ಪುಮಸ್ಸ ವಾ ಆ ಹೋತಿ-ಪುಮಾನಾ-ಅಞ್ಞತ್ರ-ವಾ ಉತ್ತೇ = ಪುಮುನಾ, ಪುಮೇನ-ಪುಮುನೋ, ಪುಮುಸ್ಸ, ಪುಮಸ್ಸ-ಪುಮುನಾ, ಪುಮಾನಾ-‘‘ಪುಮಾ’’ತಿ ಸ್ಮಿನೋ ನೇ ವಾ ಹೋತಿ-ಪುಮಾನೇ, ಪುಮೇ, ಪುಮಮ್ಹಿ, ಪುಮಸ್ಮಿಂ।
ಸುಮ್ಹಾ ಚ।
ಪುಮಸ್ಸ ಸುಮ್ಹಿ ಯಂ ವುತ್ತಂ ತಂ ಆ ಚ ವಾ ಹೋತೀತಿ ಆನಙಿ ಆ ಚ ಹೋತಿ-ಪುಮಾನೇಸು ಪುಮಾಸು ಪುಮೇಸು।
ವತ್ತಹಾ
ವತ್ತಹಾ ಸನನ್ನಂ ನೋನಾನಂ ಹೋನ್ತಿ ಯಥಾಕ್ಕಮಂ-ವತ್ತಹಾನೋ ವತ್ತಹಾನಾನಂ।
ಅಕಾರನ್ತಂ।
ಸಾಸಿ
ಏಕವಚನಯೋಸ್ವಘೋನಂ।
ಏಕವಚನೇ ಯೋಸು ಚ ಘಓಕಾರನ್ತವಜ್ಜಿತಾನಂ ನಾಮಾನಂ ರಸ್ಸೋ ಹೋತಿ ತಿಲಿಙ್ಗೇ’ತಿ ರಸ್ಸೇ ಸಮ್ಪತ್ತೇ-‘‘ಸಿಸ್ಮಿನ್ನಾನಪುಂಸಕಸ್ಸಾ‘‘ತಿ ಅನಪುಂಸಕಸ್ಸ ಸಿಮ್ಹಿ ತುನ ಹೋತಿ-ಸಾ-ಯುವಾದಿತ್ತಾ ಸಿಸ್ಸ ಆ-ಸಾನೋ, ನೋತ್ತಾಭಾವಪಕ್ಖೇ-‘‘ಯೋನಮಾನೋ‘‘ತಿ ವಾಧಿಕಾರಸ್ಸ ವವತ್ಥಿತ ವಿಭಾ ಸತ್ತಾನಿಚ್ಚಮಾನೋ-ಸಾನೋ-ತಥಾ ನೋತ್ತಾಭಾವ ಪಕ್ಖೇ।
ಸಾಸ್ಸಂಸೇ ಚಾನಙಿ।
ಸಾಸದ್ದಸ್ಸ ಆನಙಿ ಹೋತಿ ಅಂಸೇ ಗೇ ಚ-(ಭೋ)ಸಾನ, ಸಾನಾ, ಸಾನೋ, ಸಾನಂ, ಸಾನೇ, ಸಾನೋ-ಸೇಸಂ ಯುವಸದ್ದಸಮಂ-ಸೇತು-ಸಾನಸ್ಸ-ಸುವಾಯುವಾವ-‘‘ಏಕವಚನಯೋಸ್ವಘೋನಂ’’ತಿರ- ಸ್ಸತ್ತಂವ ವಿಸೇಸೋ-ಗೇತು।
ಗೇ ವಾ।
ಅಘೋನಂ ಗೇ ವಾ ರಸ್ಸೋ ಹೋತಿ ತಿಲಿಙ್ಗೇ-(ಹೋ)ಸುವ, ಸುವಾ।
ಆಕಾರನ್ತಂ।
ಮುನಿ।
ಯೋಸುಜ್ಝಿಸ್ಸ ಪುಮೇ।
ಝಸಞ್ಞಸ್ಸ ಇಸ್ಸ ಯೋಸು ವಾ ಟ ಹೋತಿ ಪುಲ್ಲಿಙ್ಗೇ-ಮುನಯೋ-ಅತೋ’ತಿ ಸಾಮಞ್ಞನಿದ್ದೇಸಾ ಅತೋ ಯೋನಂ ಟಾಟೇ ಸಮ್ಪತ್ತಾಪಿ ಅವಿಧಾನ ಸಾಮತ್ಥಿಯಾ ನ ಹೋನ್ತಿ-ಅಞ್ಞತ್ರ-
ಲೋಪೋ।
ಝಲತೋ ಯೋನಂ ಲೋಪೋ ಹೋತೀ’ತಿ ಯೋ ಲೋಪೇ।
ಯೋಲೋಪನಿಸು ದೀಘೋ।
ಯೋನಂ ಲೋಪೋ ನಿಸು ಚ ದೀಘೋ ಹೋತಿ-ಮುನೀ-(ಭೋ)ಮುನೀ, ಮುನಯೋ, ಮುನೀ-ಮುನಿಂ ಮುನಯೋ ಮುನೀ = ಮುನಿನಾ ಮುನೀಹಿ ಮುನೀಭಿ-ಯೋಲೋಪ ನೀಸು ವೀ ಮನ್ತುವನ್ತುನಮಿಚ್ಚಾದಿ ಞಾಪಕಾ ಇಕಾರಾ ಕಾರಾನಂ ‘‘ಸುನಂಹಿಸೂತಿ’’ದೀಘ ಸ್ಸಾನಿಚ್ಚತ್ತಾ ಮುನಿಹಚ್ಚಾದೀಪಿ ಹೋತಿ-ಮುನಿನೋ, ಮುನಿಸ್ಸ ಮುನೀನಂ, ಮುನಿನಾ ಮುನಿಮ್ಹಾಮುನಿಸ್ಮಾ, ಮುನಿಮ್ಹಿ ಮುನಿಸ್ಮಿಂ ಮುನೀಸು-ಏವಂ ಕವಿಕಪಿಗಿರಿ ಆದಯೋ-ಅಗ್ಗಿಇಸೀನಂ ಅಯಂ ವಸೇಸೋ।
ಸಸ್ಸಾಗ್ಗಿ ತೋ ನಿ।
ಅಗ್ಗಿಸ್ಮಾ ಸಿಸ್ಸ ನಿ ಹೋತಿ ವಾ-ಅಗ್ಗಿನಿ। ಅಗ್ಗಿ, ಅಗ್ಗಯೋ, ಅಗ್ಗೀ।
ಟೇ ಸಿಸ್ಸಿಸಿಸ್ಮಾ।
ಇಸಿಸ್ಮಾ ಸಿಸ್ಸ ಟೇ ವಾ ಹೋತಿ-ಇಸೇ, ಇಸಿ-ಬ್ರಹ್ಮಾದಿತ್ತಾ ಗಸ್ಸೇ ವಾ-(ಭೋ)ಇಸೇ ಇಸಿ ಇಸೀ।
ದುತಿಯಸ್ಸ ಯೋಸ್ಸ।
ಇಸಸ್ಮಾ
ರತ್ಯಾದೀಹಿ ಸ್ಮಿನೋ ಟೋ ಹೋತಿ ವಾ-ಆದೋ, ಆದಿಮ್ಹಿ, ಆದಿಸ್ಮಿಂ। ಸಮಾಸೇ ಇಕಾರನ್ತತೋ ಯೋಸ್ಮಿಂಸು ವಿಸೇಸೋ।
ಇತೋಞ್ಞತ್ಥೇ ಪುಮೇ।
ಅಞ್ಞಪದತ್ಥೇ ವತ್ತಮಾನಾ ಇಕಾರನ್ತತೋ ನಾಮಸ್ಮಾ ಯೋನಂ ನೋ ನೇ ವಾ ಹೋನ್ತಿ ಯಥಾಕ್ಕಮಂ ಪುಲ್ಲಿಙ್ಗೇ-ಅರಿಯವುತ್ತಿನೋ, ಅರಿಯವುತ್ತಯೋ, ಅರಿಯವುತ್ತಿ-ಏವಮಾಲಪನೇ-ಅರಿಯವುತ್ತಿನೇ, ಅರಿಯವುತ್ತಯೋ ಅರಿಯವುತ್ತೀ।
ನೇ ಸ್ಮಿನೋ ಕ್ವಚಿ।
ಅಞ್ಞಪದತ್ಥೇ ವತ್ತಮಾನಾ ಇಕಾರನ್ತತೋ ನಾಮಸ್ಮಾ ಸ್ಮಿನೋ ನೇ ಹೋತಿ ವಾ ಕ್ವಚಿ-ಅರಿಯವುತ್ತಿನೇ, ಅರಿಯವುತ್ತಿಮ್ಹಿ, ಅರಿಯವುತ್ತಿಸ್ಮಿಂ, ‘‘ಕ್ವಚೀ‘‘ತಿ ವುತ್ತತ್ತಾ ಯಥಾದಸ್ಸನಂ ನ ಸಬ್ಬತ್ತ ನೇ ಆದೇಸೋ।
ಇಕಾರನ್ತಂ।
ದದ್ಧೀ, ಸಿಲೋಪೋ, ಅನಪುಂಸಕತ್ತಾ ನ ರಸ್ಸೋ।
ಯೋನಂ ನೋನೇ ಪುಮೇ।
ಝಸಞ್ಞಿತೋ ಯೋನಂ ನೋನೇವಾಹೋನ್ತಿ ಯಥಾಕ್ಕಮಂ ಪುಲ್ಲಿಙ್ಗೇ। ದದ್ಧಿನೋ।
ಜನ್ತುಹೇತ್ವೀಘಪೇಹಿ ವಾ।
ಜನ್ತುಹೇತುಹಿ ಈಕಾರನ್ತೇಹಿ ಘಪಸಞ್ಞೇಹಿ ಚ ಪರೇಸಂ ಯೋನಂ ವಾ ಲೋಪೋ ಹೋತಿ-ದದ್ಧೀ, ದದ್ಧಿಯೋ-ಏವಮಾಲಪನೇ-ಗೇತು-ದದ್ಧಿ, ದದ್ಧೀ।
ನ ಝೀಕೋ।
ಝಸಞ್ಞಿತೋ ಅಂವಚನಸ್ಸ ನಂ ವಾ ಹೋತಿ-ದಣ್ಡಿನಂ, ದಣ್ಡಿಂ, ದಣ್ಡಿನೇ।
ನೋ।
ಝಿತೋ ಯೋನಂ ನೋ ವಾ ಹೋತಿ ಪುಲ್ಲಿಙ್ಗೇಹಿ ದುತಿಯಾ ಯೋಸ್ಸ ನೋ ದಣ್ಡಿನೋ, ದಣ್ಡಿ, ದಣ್ಡಿನಾ, ದಣ್ಡೀಹಿ, ದಣ್ಡೀಭಿ-ದಣ್ಡಿನೋ, ದಣ್ಡಿಸ್ಸ, ದಣ್ಡಿನಂ-ದಣ್ಡಿನಾ, ದಣ್ಡಿಮ್ಹಾ, ದಣ್ಡಿಸ್ಮಾ।
ಸ್ಮಿನೋ ನಿ।
ಝಿತೋ ಸ್ಮಿಂವಚನಸ್ಸ ನಿ ಹೋತಿ ವಾ-ದಣ್ಡಿನಿ। ದಣ್ಡಿಮ್ಹಿ, ದಣ್ಡಿಸ್ಮಿಂ, ದಣ್ಡೀಸುಏವಂ ಸಙ್ಘಿ ಗಣಿ ಗಾಮಣಿಪ್ಪಭುತಯೋ।
ಈಕಾರನ್ತಂ।
ಭಿಕ್ಖು।
ಲಾ ಯೋನಂ ವೋ ಪುಮೇ।
ಲತೋ ಯೋನಂ ವೋ ಹೋತಿ ವಾ ಪುಲ್ಲಿಙ್ಗೇ।
ವೇವೋಸು ಲುಸ್ಸ
ಲಸಞ್ಞಸ್ಸ ಉಸ್ಸ ವೇವೋಸು ಟ ಹೋತಿ-ಭಿಕ್ಖವೋ-ಅಞ್ಞತ್ರ-ಯೋ ಲೋಪೇ ದೀಘೋ-ಭಿಕ್ಖು (ಭೋ)ಭಿಕ್ಖು।
ಪುಮಾಲಪನೇ
ಲಸಞ್ಞತೋ ಉತೋ ಯೋಸ್ಸಾಲಪನೇ ವೇವೋ ಹೋನ್ತಿ ವಾ ಪುಲ್ಲಿಙ್ಗೇ-ಭಿಕ್ಖವೇ, ಭಿಕ್ಖವೋ, ಭಿಕ್ಖು-ಭಿಕ್ಖುಂ, ಭಿಕ್ಖವೋ, ಭಿಕ್ಖು-ಭಿಕ್ಖುನಾ, ಭಿಕ್ಖುಹಿ,ಭಿಕ್ಖೂಭಿ-ಭಿಕ್ಖುನೋ, ಭಿಕ್ಖುಸ್ಸ, ಭಿಕ್ಖೂನಂ-ಭಿಕ್ಖುನಾ, ಭಿಕ್ಖುಮ್ಹಾ। ಭಿಕ್ಖುಸ್ಮಾ-ಭಿಕ್ಖುಮ್ಹಿ। ಭಿಕ್ಖುಸ್ಮಿಂ, ಭಿಕ್ಖೂಸು-ಏವಂ ಸೇತು ಕೇತು ಭಾನು ಆದಯೋ-ಜನ್ತುಹೇತೂನಂ ಯೋಸ್ವಯಮ್ಹೇದೋ-ಜನ್ತ್ವಾದಿನಾ ವಾ ಯೋಸ್ಸ ಲೋಪೇ-ಜನ್ತು।
ಚನ್ತ್ವಾದಿತೋ ನೋ ಚ।
ಜನ್ತ್ವಾದಿತೋ ಯೋನಂ ನೋ ಹೋತಿ ವೋ ಚ ವಾ ಪುಲ್ಲಿಙ್ಗೇ-ಜನ್ತುನೋ, ಜನ್ತವೋ, ಜನ್ತುಯೋ-ಏವಂ ದುತಿಯಾಯೋಮ್ಹಿ-(ಭೋ) ಜನ್ತು, ಜನ್ತು, ಜನ್ತುನೋ ಜನ್ತವೋ-‘‘ಪುಮಾಲಪನೇ ವೇವೋ’’ತಿವಾ ವೇ ವೋ ಚ ಜನ್ತವೇ, ಜನ್ತವೋ, ಜನ್ತುಯೋ-ಹೇತು, ಹೇತವೋ, ಹೇತು। ಹೇತುಯೋ-‘‘ಯೋಮ್ಹಿವಾ ಕ್ವಚೀ‘‘ತೀ ಯೋಸುಲಸಞ್ಞಸ್ಸ ಉಸ್ಸ ವಾ ಟಾ ದೇಸೋ ಹೇತಯೋ, ಹೇತುಯೋ-(ಭೋ)ಹೇತು, ಹೇತು, ಹೇತವೇ, ಹೇತವೋ, ಹೇತಯೋ, ಹೇತುಯೋ-ಹೇತುಂ, ಹೇತು, ಹೇತವೋ, ಹೇತಯೋ, ಹೇತುಯೋ ಬಹುಸದ್ದಾ ನಮ್ಹಿ।
ಬಹುಕತಿನ್ನಂ
ನಮ್ಹೀ ಬಹುನೋ ಕತಿಸ್ಸ ಚ ನುಕ ಹೋತಿ ತಿಲಿಙ್ಗೇ-ಬಹುನ್ನಂಸೇಸಂ ಭಿಕ್ಖುಸಮಂ-ಬಹು। ಬಹವೋ, ಬಹೂ-(ಭೋ) ಬಹು, ಬಹು, ಬಹವೇ, ಬಹವೋ, ಬಹು ಬಹುಂ, ಬಹವೋ, ಬಹು-ಬಹುನಾ। ಬಹುಹಿ,ಬಹೂಭಿ-ಬಹುನೋ, ಬಹುಸ್ಸ, ಬಹುನ್ನಂ-ಬಹುನಾ, ಬಹುಮ್ಹಾ। ಬಹುಸ್ಮಾ-ಬಹುಮ್ಹಿ, ಬಹುಸ್ಮಿಂ, ಬಹುಸು-ವತ್ತುಸಿ।
ಲತುಪಿತಾದಿನಮಾ ಸಿಮ್ಹಿ।
ಲತುಪ್ಪಚ್ಚಯನ್ತಾನಂ ಪಿತು ಮಾತು ಭಾತು ಧೀತು ದುಹಿತು ಜಾಮಾತು ನತ್ತು ಹೋತು ಪೋತುನಞ್ಚಾ ಹೋತಿ ಸಿಮ್ಹಿ-ವತ್ತಾ।
ಲತುಪಿತಾದಿನಮಸೇ।
ಲತುಪ್ಪಚ್ಚಯನ್ತಾನಂ ಪಿತಾದಿನಂ ಚಾರಙಿ ಹೋತಿ ಸತೋಞ್ಞತ್ರ-‘‘ಆರಙಿಸ್ಮಾ’’ತಿ ಟೋ-ವತ್ತಾರೋ।
ಗೇ ಆ ಚ।
ಲತುಪಿತಾದೀನಂ ಅ ಹೋತಿ ಗೇ ಆ ಚ-(ಭೋ) ವತ್ತ, ವತ್ತಾ। ವತ್ತಾರೋ, ವತ್ತಾರಂ। ವತ್ತಾರೇ, ವತ್ತಾರೋ-ನಾವಚನಸ್ಸ ‘‘ಟಾನಾಸ್ಮಾನ’’ನ್ತಿ ಟಾ-ವತ್ತಾರಾ।
ಸುಹಿಸ್ವಾರಙಿ
ಸುಭಿಸು ತುಪಿತಾದೀನಮಾರಙಿ ವಾ ಹೋತಿ-ವತ್ತಾರೇಹಿ, ವತ್ತಾರೇಭಿ, ವತ್ತೂಹಿ, ವತ್ತೂಭಿ।
ಸಲೋಪೋ।
ಲತುಪಿತಾದೀಹಿಸಸ್ಸ ಲೋಪೋ ವಾ ಹೋತಿ-ವತ್ತು, ನವತ್ತುನೋ, ವತ್ತುಸ್ಸ।
ನಮ್ಹಿ ವಾ।
ನಮ್ಹಿ ಲತುಪತಾದಿನಮಾರಙಿ ವಾ ಹೋತಿ-ವತ್ತಾರಾನಂಅಞ್ಞತ್ರ।
ಆ
ನಮ್ಹಿ ಲತುಪಿತಾದೀನಮಾವಾ ಹೋತಿ-ವತ್ತಾನಂ। ವತ್ತುನಂ-ಸ್ಮಾಸ್ಸ ವಾ-ವತ್ತಾರಾ।
ಟಿಸ್ಮಿನೋ।
ಆರಙಾದೇಸಮ್ಹಾಸ್ಮನೋ ಟಿ ಹೋತಿ।
ರಸ್ಸಾರ ಙಿ।
ಸ್ಮಿಮ್ಹಿ ಆರೋ ರಸ್ಸೋ ಹೋತಿ-ವತ್ತರಿ, ವತ್ತಾರೇಸು, ವತ್ತುಸು-ಏವಂ ಭತ್ತು ಹೋತ್ತು ಆದಯೋ-ಸತ್ಥುಸದ್ದಸ್ಸ ಪನ ನಮ್ಹಿ ಬಹುಲಾಧಿಕಾರಾ ವಾ ಆರಙಾದೇಸೇ-ಸತ್ಥಾರಾ, ಸತ್ಥುನಾ-ಪಿತಾ।
ಪಿತಾದಿನಮನತ್ವಾದಿನಂ
ನತ್ವಾದಿವಜ್ಜಿತಾನಂ ಪಿತಾದಿನಮಾರೋ ರಸ್ಸೋ ಹೋತಿ ಸಬ್ಬಾಸು ವಿಭತ್ತಿಸು-ಪಿತರೋ ಇಚ್ಚಾದಿ ಚತ್ತುಸಮಂ-ರಸ್ಸೋವ ವಿಸೇಸೋ-ನತ್ವಾದಿ ನನ್ತು ರಸ್ಸಾಭಾವಾ ನತ್ತಾರೋ ಇಚ್ಚಾದಿ ಗುಣವನ್ತುಸಿ।
ನ್ತುಸ್ಸ।
ಸಿಮ್ಹಿ ನ್ತುಸ್ಸ ಟಾ ಹೋತಿ-ಗುಣವಾ-ನ್ತುವ ವನ್ತ್ವಾದಿ ಸಮ್ಬನ್ಧಿಯೇವ ಗಯ್ಹತೇ ನ್ತುವನ್ತುಮನ್ತ್ವಾವನ್ತುತವನ್ತುಸಮ್ಬನ್ಧಿ’ತಿ ವಚನತೋ ನ ಜನ್ತುತನತ್ವಾದಿನಂ-ಯೋ-ನ್ತನ್ತುನಮಾದಿನಾವಾನ್ತೋ-ಗುಣವನ್ತೋ ಅಞ್ಞತ್ರ।
ಯ್ವಾದೋ ನ್ತುಸ್ಸ।
ಯವಾದಿಸು ನ್ತುಸ್ಸ ಅ ಹೋತಿ-ಅಕಾರನ್ತತ್ತಾ ಟಾ-ಗುಣವನ್ತಾ-ನ ಚೇ ಹ ಅವಿಧಾನಸಾಮತ್ಥಿಯಾ ಅಪ್ತ್ತಿ ಅವಿಧಾನಸ್ಸ ಚರಿತತ್ಥತಾಯ ಗುಣವನ್ತಸ್ಸಾತಿ-(ಭೋ) ಗುಣವ,ಗುಣವಾ, ಗುಣವಂ, ಗುಣವನ್ತೋ, ಗುಣವನ್ತಾ-ಗುಣವಂ, ಗುಣವನ್ತಂ, ಗುಣವನ್ತೇ-ಗುಣವತಾ, ಗುಣವನ್ತೇನ, ಗುಣವನ್ತೇಹಿ, ಗುಣವನ್ತೇಭಿ-ಗುಣವತೋ, ಗುಣವಸ್ಸ, ಗುಣವನ್ತಸ್ಸ, ಗುಣವತಂ। ಗುಣವನ್ತಾನಂ-ಗುಣವತಾ, ಗುಣವನ್ತಾ, ಗುಣವನ್ತಮ್ಹಾ, ಗುಣವನ್ತಸ್ಮಾ-ಗುಣವತಿ, ಗುಣವನ್ತೇ, ಗುಣವನ್ತಮ್ಹಿ। ಗುಣವನ್ತಸ್ಮಿಂ, ಗುಣವನ್ತೇಸು-ಏವಂ ಮಘವನ್ತು ಭಗವನ್ತುಪ್ಪಭುತಯೋ।
ಹಿಮವತೋ ವಾ ಓ।
ಹಿಮವತೋ ಸಿಮ್ಹಿ ನ್ತುಸ್ಸ ಓ ವಾ ಹೋತಿ-ಹಿಮವನ್ತೋ, ಹಿಮವಾ-ಸೇಸಂ ಗುಣವಾವ।
ಉಕಾರನ್ತಂ।
ವೇಸ್ಸಭು। ವೇಸ್ಸಭುವೋ, ವೇಸ್ಸಭು-(ಭೋ) ವೇಸ್ಸಭು, ವೇಸ್ಸಭುವೇ, ವೇಸ್ಸಭುವೋ, ವೇಸ್ಸಭು-ಸೇಸಂ ಭಿಕ್ಖುಸದ್ದಸಮಂ-ಏವಂ ಸಯಮ್ಭು ಪರಾಭಿಭು ಅಭಿಭುಆದಯೋ-ಗೋತ್ರಭು ಸಹಭು ಸದ್ದೇಹಿಪನಯೋನಂ‘‘ಜನ್ತ್ವಾದಿತೋ ನೋ ವೇ’’ತಿ ನೋ ವೋ ವಾ-ಗೋತ್ರಭುನೋ, ಗೋತ್ರಭುವೋ, ಗೋತ್ರಭು-ಸಭಭುನೋ, ಸಹಭುವೋ। ಸಹಭು-ಸಬ್ಬಞ್ಞುಸದ್ದಸ್ಸಯೋಸ್ವೇವ ವಿಸೇಸೋ।
ಕುತೋ।
ಕುಪ್ಪಚ್ಚಯನ್ತತೋ ಯೋನಂ ನೋ ವಾ ಹೋತಿ ಪುಲ್ಲಿಙ್ಗೇ-ಸಬ್ಬಞ್ಞುನೋ-ಅಞ್ಞತ್ರ ಲೋಪೋ ಚ-‘‘ಲಾ ಯೋನಂ ವೋ ಪುಮೇ’’ತಿ ನ ವೋ ‘‘ಕುತೋ’’ತಿ
ಊಕಾರನ್ತಂ।
ಗೋ।
ಗೋಸ್ಸಾಗಯಿಹಿನಂಸು ಗಾವಗವಾ।
ಗಸಿಹಿನಂವಜ್ಜಿತಾಸು ವಿಭತ್ತಿಸು ಗೋಸದ್ದಸ್ಸ ಗಾವಗವಾ ಹೋನ್ತಿ।
ಅಭಗೋಹಿ ಟೋ
ಉಭಗೋಹಿ ಯೋನಂ ಟೋ ಹೋತಿ-ಗಾವೋ, ಗವೋ-(ಭೋ) ಗೋ, ಗಾವೋ, ಗವೋ।
ಗಾವುಮ್ಹಿ।
ಅಂವಚನೇಗೋಸ್ಸ ಗಾವುವಾಹೋತಿ-ಗಾವುಂ, ಗಾವಂ, ಗವಂ, ಗಾವೋ, ಗವೋ।
ನಾಸ್ಸಾ।
ಗೋತೋ ನಾಸ್ಸ ಆ ಹೋತಿ ವಾ-ಗಾವಾ, ಗಾವೇನ, ಗವಾ, ಗವೇನ ಗೋಹಿ, ಗೋಭಿ।
ಗವಂ ಸೇನ
ಗೋಸ್ಸ ಸೇ ವಾ ಗವಂ ಹೋತಿ ಸಹ ಸೇನ-ಗವಂ, ಗಾವಸ್ಸ, ಗವಸ್ಸ।
ಗುನ್ನಞ್ಚ ನನ್ತಾ।
ನಂವಚನೇನ ಸಹ ಗೋಸ್ಸ ಗುನ್ನಂ ಹೋತಿ ಗವಞ್ಚ ವಾ-ಗುನ್ನಂ ಗಮಂ, ಗೋನಂ-ಗಾವಾ, ಗಾವಮ್ಹಾ, ಗಾವಸ್ಮಾ, ಗವಾ, ಗವಮ್ಹಾ, ಗವಸ್ಮಾ-ಗಾವೇ, ಗಾವಮ್ಹಿ, ಗಾವಸ್ಮಿಂ, ಗವೇ, ಗವಮ್ಹಿ, ಗವಸ್ಮಿಂ।
ಸುಮ್ಹಿ ವಾ।
ಗೋಸ್ಸ ಸುಮ್ಹಿ ಗಾವಗವಾ ಹೋನ್ತಿ ವಾ-ಗಾವೇಸು, ಗವೇಸು, ಗೋಸು।
ಓಕಾರನ್ತಂ-ಪುಲ್ಲಿಙ್ಗಂ।
ಕಞ್ಞಾ।
ಸಾ।
ಇತ್ಥಿಯಂ ವತ್ತಮಾನಸ್ಸ ನಾಮಸ್ಸನ್ತೇ ವತ್ತಮಾನೋ ಆಕಾರೋ ಘಸಞ್ಞೋ ಹೋತಿ-ಜನ್ತ್ವಾದಿನಾ ವಾಯೋಲೋಪೋ-ಕಞ್ಞಾ, ಕಞ್ಞಾಯೋ-‘‘ಘಬ್ರಹ್ಮಾದಿತೇ’’ತಿ ಗಸ್ಸೇವಾ-ಕಞ್ಞೇ, ಕಞ್ಞಾ-ಯೋಮ್ಹಿ-ಕಞ್ಞಾ, ಕಞ್ಞಾಯೋ।
ಘೋ ಸ್ಸಂಸಸಾಸಸಾಯಂತಿಂಸು
ಸ್ಸಮಾದಿಸು ಘೋ ರಸ್ಸೋ ಹೋತಿ-ಕಞ್ಞಂ, ಕಞ್ಞಾ, ಕಞ್ಞಾಯೋ-
ಘಪತೇಕಸ್ಮಿಂ ನದೀನಂ ಯಯಾ।
ಘಪತೋ ನದೀನಮೇಕಸ್ಮಿಂ ಯಯಾ ಹೋನ್ತಿ ಯಥಾಕ್ಕಮಂ-ಕಞ್ಞಾಯ, ಕಞ್ಞಾಹಿ, ಕಞ್ಞಾಭಿ-ಕಞ್ಞಾಯ, ಕಞ್ಞಾನಂ, -ಸ್ಮಿಮ್ಹಿ-
ಯಂ।
ಘಪತೋ ಸ್ಮಿನೋ ಯಂ ವಾ ಹೋತಿ-ಕಞ್ಞಾಯಂ। ಕಞ್ಞಾಯ, ಕಞ್ಞಾಸು। ಏವಂ ಸದ್ಧಾ ಸುಧಾ ಸುಖಾಆದಯೋ-‘‘ನಾಮ್ಮಾದೀಹೀ’’ತಿ ಅಮ್ಮಾ ಅನ್ನಾ ಅಮ್ಬಾಹಿ ಗಸ್ಸ ಏಕಾರಾಭಾವೇ।
ರಸ್ಸೋ ವಾ।
ಅಮ್ಮಾದಿನಂ ಗೇ ರಸ್ಸೋ ವಾ ಹೋತಿ-ಅಮ್ಮ, ಅಮ್ಮಾ ಇಚ್ಚಾದಿ-ಸೇಸಂಕಞ್ಞಾವ-ಸಹಾಪರಿಸಾಹಿ ಸ್ಮಿನೋ’’ತಿ ಸಭಾಪರಿಸಾಯಾ’’ತಿ ತಿಂ ವಾ ಹೋತಿ ‘‘ಘೋಸ್ಸ’’
ಆಕಾರನ್ತಂ।
ಮತಿ-ಯೋಮ್ಹಿ-
ಪಿತ್ಥಿಯಂ।
ಇತ್ಥಿಯಂ ವತ್ತಮಾನಸ್ಸ ನಾಮಸ್ಸನ್ತೇ ವತ್ತಮಾನಾ ಇವಣ್ಣುವಣ್ಣಾ ಪಸಞ್ಞಾ ಹೋನ್ತಿ।
ಯೇಪಸ್ಸವಣ್ಣಸ್ಸ।
ಪಸಞ್ಞಸ್ಸ ಇವಣ್ಣಸ್ಸ ಲೋಪೋ ವಾ ಹೋತಿ ಯಕಾರೇ-ವಚತ್ಥಿತವಿ ಭಾಸಾಯಂ-ಮತ್ಯೋ-ಅಞ್ಞತ್ರ-ಜನ್ತ್ವಾದಿನಾ ವಾ ಯೋಲೋಪೇ-ಮತೀ, ಮತಿಯೋ-(ಭೋ)ಮತಿ, ಮತ್ಯೋ, ಮತಿ, ಮತಿಯೋ-ಮತಿಂ, ಮತ್ಯೋ, ಮತೀ, ಮತಿಯೋ ‘‘ಘಪ’’ಇಚ್ಚಾದಿನಾ ಯಾದೇಸೇ-ಮತ್ಯಾ, ಮತಿಯಾ, ಮತೀಹಿ, ಮತಿಹಿ-ಮತ್ಯಾ, ಮತಿಯಾ, ಮತೀನಂ-ಸ್ಮಿಮ್ಹಿ-ಮತ್ಯಂ, ಮತಿಯಂ, ಮತ್ಯಾ, ಮತಿಯಾ, ಮತೀಸು-ಏವಂ ಕಿತ್ತಿ ಕನ್ತಿ ತನ್ತಿಪ್ಪಭುತಯೋ-ರತ್ತಿಯಾ ಸ್ಮಿನೋ ‘‘ರತ್ಯಾದೀಹಿವೋ ಸ್ಮಿನೋ’’ರತ್ಯಾದೀಹಿವೋ ಸ್ಮಿನೋ’’ತಿ ಟೋ ವಾ-ರತ್ತೇ-ಅಞ್ಞತ್ರ-ರತ್ಯಂ, ರತ್ತಿಯಂ, ರತ್ಯಾ, ರತ್ತಿಯಾ-ಸೇಸಂ ಮತಿಯಾ ಸಮಂ।
ಇಕಾರನ್ತಂ।
ದಾಸೀ, ದಾಸ್ಯೋ, ದಾಸೀ, ದಾಸಿಯೋ-(ಭೋ)ದಾಸಿ, ದಾಸೀ, ದಾಸ್ಯೋ, ದಾಸೀ, ದಾಸಿಯೋ।
ಯಂ ಪೀತೋ।
ಪಸಞ್ಞಿತೋ ಅಂವಚನಸ್ಸ ಯಂ ವಾ ಹೋತಿ-ದಾಸ್ಯಂ, ದಾಸಿಯಂ, ದಾಸಿಂ, ದಾಸ್ಯೋ, ದಾಸೀ, ದಾಸಿಯೋ-ದಾಸ್ಯಾ, ದಾಸಿಯಾ, ದಾಸೀಹಿ, ದಾಸೀಭಿ-ದಾಸ್ಯಾ, ದಾಸಿಯಾ, ದಾಸೀನಂ-ದಾಸ್ಯಂ, ದಾಸಿಯಂ, ದಾಸ್ಯಾ, ದಾಸಿಯಾ, ದಾಸೀಸು-ಏವಮೋಸಧೀ ಪೋಕ್ಖರಣೀ ಆದಯೋ-ನದಿಸದ್ದಾ ಯೋಸು-
ನಜ್ಜಾ ಯೋಸ್ವಾಮ।
ಯೋಸು ನದಿಸದ್ದಸ್ಸ ಆಮ ವಾ ಹೋತಿ-ಸಚ।
ಮನುಬನ್ಧೋ ಸರಾನಮನ್ತಾ ಪರೋ।
ಮಕಾರೋನುಬನ್ಧೋ ಯಸ್ಸ ಸೋ ಸರಾನಮನ್ತಾ ಸರಾ ಪರೋ ಹೋತೀ’ತಿ ಈಕಾರಾ ಪರೋ-‘‘ಯವಾ ಸರೇ’’ತಿ ಯಕಾರೇ ದಸ್ಸ ಚವಗ್ಗೋ ಯಸ್ಸ ಪುಬ್ಬ ರೂಪಂ-ನಜ್ಜಾಯೋ-ಅಞ್ಞತ್ರ-ವಾ ಪಲೋಪಯೋಲೋಪೇಸು-ನಜ್ಜೋ, ನದೀ, ನದಿಯೋ ಇಚ್ಚಾದಿ।
ಈಕಾರನ್ತಂ।
ಯಾಗು, ಯಾಗು, ಯಾಗುಯೋ-(ಭೋ)ಯಾಗು, ಯಾಗು, ಯಾಗುಯೋ-ಯಾಗುಂ, ಯಾಗು, ಯಾಗುಯೋ-ಯಾಗುಯಾ, ಯಾಗುಹಿ, ಯಾಗುಭಿ-ಯಾಗುಯಾ, ಯಾಗುನಂ-ಯಾಗುಯಂ, ಯಾಗುಯಾ, ಯಾಗುಸು-ಏವಂ ಧೇನು ಸಸ್ಸು ಪಿಯಙ್ಗುಪ್ಪಭುತಯೋ-ಮಾತು ಧೀತು ದುಹಿತು ಸದ್ದಾ ಪಿತುಸದ್ದಸಮಾ-ಸಲೋಪಾಭಾವಪಕ್ಖೇ ಯಾದೇಸೇ ಮಾತುಸದ್ದಸ್ಸ ಪನ ‘‘ಯೇ ಪಸ್ಸಾ’’ತಿ ಯೋಗವಿಭಾಗಾ ವಾ ಪಲೋಪೋ-ಮತ್ಯಾ, ಮಾತುಯಾ।
ಉಕಾರನ್ತಂ।
ವಧೂ, ವಧೂ, ವಧುಯೋ-(ಭೋ)ವಧು, ವಧು, ವಧುಯೋ-ವಧುಂ, ವಧೂ, ವಧುಯೋ-ವಧುಯಾ, ವಧೂಹಿ, ವಧೂಭಿ-ವಧುಯಾ, ವಧೂನಂ-ವಧುಯಂ, ವಧುಯಾ, ವಧೂಸು-ಏವಂ ಜಮ್ಬು ವಾಮೋರೂ ಸರಭು ಆದಯೋ।
ಊಕಾರನ್ತಂ।
ಗೋ
ಇತ್ಥಿಲಿಙ್ಗಂ।
ಚಿತ್ತಸಿ।
ಅಂ ನಪುಂಸಕೇ।
ಅಕಾರನ್ತತೋ ನಾಮಸ್ಮಾ ಸಿಸ್ಸ ಅಂ ಹೋತಿ ನಪುಂಸಕಲಿಙ್ಗೇ-ಮಿತ್ತಂ-ಯೋಮ್ಹಿ।
ಯೋನನ್ತಿ।
ಅಕಾರನ್ತತೋ ನಾಮಸ್ಮಾ ಯೋನಂ ನೀ ಹೋತಿ ನಪುಂಸಕೇ’ತಿ ನಿ ಆದೇಸೋ।
ನೀನಂ ವಾ।
ಅಕಾರನ್ತತೋ ನಾಮಸ್ಮಾ ನೀನಂ ಟಾಟೇ ವಾ ಹೋನ್ತಿ ಯಥಾಕ್ಕಮಂ-ಚಿತ್ತಾ, ಅಞ್ಞತ್ರ-‘‘ಯೋಲೋಪನೀಸು ದೀಘೋ’’ತಿದೀಘೇ-ಚಿತ್ತಾನಿ-(ಭೋ) ಚಿತ್ತ, ಚಿತ್ತಾ, ಚಿತ್ತಾ, ಚಿತ್ತಾನಿ-ಚಿತ್ತಂ, ಚಿತ್ತೇ, ಚಿತ್ತಾನಿ-ಚಿತ್ತೇನೇಚ್ಚಾದಿ ಬುದ್ಧಸದ್ದಸಮಂ-ಏವಂ ಪಾನದಾನಪ್ಪಭುತಯೋ-ಏಕಚ್ಚಾದಿನಂ ತು ಪಠಮಾನಿಮ್ಹಿ ವಿಸೇಸೋ।
ನ ನಿಸ್ಸ ಟಾ।
ಏಕಚ್ಚಾದೀಹಿ ಪರಸ್ಸ ನಿಸ್ಸ ಟಾ ನ ಹೋತಿ-ಏಕಚ್ಚಾನಿ, ಪಠಮಾನಿ-ಪದಾದೀಹಿ ನಾಸ್ಮಿಂಸು।
ನಾಸ್ಸ ಸಾ।
ಪದಾದಿಹಿ ನಾಸ್ಸ ಸಾ ಹೋತಿ ವಾ-ಪದಸಾ, ಪದೇಸ-ಬಿಲಸಾ, ಬಿಲೇನ।
ಪದಾದಿಹಿ ಸಿ।
ಏಹಿ ಸ್ಮಿನೋ ಸಿ ಹೋತಿ ವಾ-ಪದಸಿ, ಪದೇ, ಪದಮ್ಹಿ, ಪದಸ್ಮಿಂ-ಕಮ್ಮ ಸದ್ದತೋ ನಾಸ್ಸ‘‘ನಾಸ್ಸೇನೋ’’ತಿ ಏನೋ ವಾ-ಕಮ್ಮೇನ-ಅಞ್ಞತ್ರ ಪುಮಾದಿನಾ ವಾ ಉತ್ತೇ-ಕಮ್ಮುನಾ, ಕಮ್ಮನಾ-ಇಮಿನಾವ ಸಸ್ಮಾಸು ಉತ್ತಂ-ತಸ್ಸ ಲಸಞ್ಞಾಯಂ-ಸಸ್ಮಾನಂ ಯಥಾಯೋಗಂ ನೋನಾ ನಿಚ್ಚಂ-ವವತ್ಥಿತವಿಭಾಸಾಯಂ-ಕಮ್ಮುನೋ, ಕಮ್ಮಸ್ಸ-ಕಮ್ಮುನಾ, ಕಮ್ಮಾ, ಕಮ್ಮಮ್ಹಾ, ಕಮ್ಮಸ್ಮಾ-‘‘ಕಮ್ಮಾದಿತೋ’’ತಿ ಸ್ಮಿನೋ ವಾ ನಿಮ್ಹಿ-ಕಮ್ಮನಿ, ಕಮ್ಮೇ, ಕಮ್ಮಮ್ಹಿ, ಕಮ್ಮಸ್ಮಿಂ-ಸೇಸಂ ಚಿತ್ತಸಮಂ-ಚಮ್ಮ ವೇಸ್ಮ ಭಸ್ಮಾದಯೋ ಕಮ್ಮಸ್ಮಾ ಉತ್ತತೋಞ್ಞತ್ರ-ಗಚ್ಛನ್ತಸಿ-‘‘ನ್ತಸ್ಸಂ’’ತಿ ವಾ ಅಮ್ಹಿಸಿಲೋಪೋ-ಗಚ್ಛಂ-ಅಞ್ಞತ್ರ ಸಿಸ್ಸ ಅಂ-ಗಚ್ಛನ್ತಂ, ಗಚ್ಛನ್ತಾ ಗಚ್ಛನ್ತಾನಿ-(ಭೋ)ಗಚ್ಛ, ಗಚ್ಛಾ, ಗಚ್ಛಂ, ಗಚ್ಛನ್ತಾ, ಗಚ್ಛನ್ತಾನಿ-ಗಚ್ಛಂ, ಗಚ್ಛನ್ತಂ, ಗಚ್ಛನ್ತೇ, ಗಚ್ಛನ್ತಾನಿ-ನಾದಿಸು ಪುಲ್ಲಿಙ್ಗಸ್ಮಂ-ಏವಂ ಯಜನ್ತ ವಜನ್ತಾದಯೋ।
ಅಕಾರನ್ತಂ।
ಅಟ್ಠಿ
ಝಲಾ ವಾ।
ಝಲತೋ ಯೋನಂ ನಿ ಹೋತಿ ವಾ ನಪುಂಸಕಲಿಙ್ಗೇ-ಅಟ್ಠಿನಿ-ಯೋ ಲೋಪದಿಘೇಸು-ಅಟ್ಠಿ-(ಭೋ)ಅಟ್ಠಿ, ಅಟ್ಠೀನಿ, ಅಟ್ಠೀ-ಅಟ್ಠಿಂ, ಅಟ್ಠಿನಿ, ಅಟ್ಠಿ = ತತಿಯಾದಿಸು ಮುನಿಸದ್ದಸಮಂ-ಏವಮಚ್ಛಿ ಅಕ್ಖಿ ದಧಿ ಸತ್ಥಿ ಆದಯೋ।
ಇಕಾರನ್ತಂ।
ದಣ್ಡೀ-‘‘ಏಕವಚನೇ’’ಚ್ಚಾದಿನಾ
ಈಕಾರನ್ತಂ।
ಚಕ್ಖು, ಚಕ್ಖುನಿ, ಚಕ್ಖು-ಅಟ್ಠಿಸದ್ದಸಮ-ಏವಮಾಯು ಮಧು ಮತ್ಥು ಧನು ಚಿತ್ತಗುಪ್ಪಭುತಯೋ-ಆಯುಸಾತಿ ಕೋಧಾದಿತ್ತಾ ನಾಸ್ಸ ಸಾ ವಾ-ಅಮ್ಬುಸದ್ದಾ ಸ್ಮಿನೋ‘‘ಅಮ್ಬವಾದೀಹೀ’’ತಿ ವಾ ನಿ ಆದೇಸಾ-ಅಮ್ಬುನಿ, ಅಮ್ಬುಮ್ಹಿ, ಅಮ್ಬುಸ್ಮಿಂ।
ಗುಣವನ್ತುಸಿ।
ಅದ್ಧಂನಪುಂಸಕೇ।
ನ್ತುಸ್ಸ ಅದ್ಧಂ ಹೋತಿ ಸಿಮ್ಹಿ ನಪುಂಸಕೇ-ಗುಣವಂ, ಗುಣವನ್ತಂ-ಯೋಮ್ಹಿ-‘‘ಯವಾದೋನ್ತುಸ್ಸಾ’’ತಿ ಅಕಾರೇ‘‘ಯೋನಂ ನೀ’’ತಿ ನಿ ತಸ್ಸ ವಾ ಟಾದೇಸೇ-ಗುಣವನತಾನಿಚ್ಚಾದಿ-ಗಚ್ಛನ್ತಸಮಂ-ಏವಂ ಯಸವನ್ತು ಧನವನ್ತು ಗೋಮನ್ತ್ವಾದಯೋ।
ಉಕಾರನ್ತಂ।
ಗೋತ್ರಭು, ಗೋತ್ರಭುತಿ, ಗೋತ್ರಭು-(ಭೋ)ಗೋತ್ರಭು, ಗೋತ್ರಭುನಿ, ಗೋತ್ರಭು-ಗೋತ್ರಭುಂ, ಗೋತ್ರಭುತಿ, ಗೋತ್ರಭು-ಗೋತ್ರಭುನಾ ಇಚ್ಚಾದಿ ಪುಲ್ಲಿಙ್ಗೇ ವೇಸ್ಸಭುಸದ್ದಸಮಂ-ಏವಂ ಅಭಿಭು ಸಯಮಭು ಧಮ್ಮಞ್ಞ ಆದಯೋ।
ಊಕಾರನ್ತಂ-ನಪುಂಸಕಲಿಙ್ಗಂ।
ಅಥ ಸಬ್ಬಾದೀನಂ ರೂಪನಯೋ ನಿದ್ದಿಸೀಯತೇ-ಸಬ್ಬ ಕತರ ಕತಮ ಉಭಯ ಇತರ ಅಞ್ಞ ಅಞ್ಞತರ ಅಞ್ಞತಮ ಪುಬ್ಬ ಪರಾಪರ ದಕ್ಖಿಣುತ್ತರಾಧ ರಾನಿವವತ್ಥಾಯಮಸಞ್ಞಾಯಂ-ಯ ತ್ಯ ತ ಏತ ಇಮ ಅಮು ಕಿಂ ಏಕ ತುಮ್ಹಅಮ್ಹ ಇಚ್ಚೇತೇ ಸಬ್ಬಾದಯೋ-ಸಬ್ಬೋ।
ಯೋನಮೇಟ।
ಅಕಾರನ್ತೇಹಿ ಸಬ್ಬಾದಿಹಿ ಯೋನಮೇಟ ಹೋತಿ-ಸಬ್ಬೇ-ಏವಮಾಲಪನ ದುತಿಯಾಯೋಸು।
ಸಬ್ಬಾದೀನಂ ನಮ್ಹಿ ಚ।
ಅಕಾರನ್ತಾನಂ ಸಬ್ಬಾದೀನಂ ಏ ಹೋತಿ ನಮ್ಹಿ ಸುಹಿಸು ಚ।
ಸಂಸಾನಂ।
ಸಬ್ಬಾದಿತೋ ನಂವಚನಸ್ಸ ಸಂಸಾನಂ ಹೋನ್ತಿ-ಸಬ್ಬೇಸಂ, ಸಬ್ಬೇಸಾನಂ-ಸೇಸಂ ಬುದ್ಧಸಮಂ-ಇತ್ಥಿಯಂ ‘‘ಇತ್ಥಿಯಮತ್ವಾ’’ತಿ ಆಪ್ಪಚ್ಚಯೇ ಸರಲೋಪೇ ಚ ಕತೇ ಆಕಾರಸ್ಸ ಘಸಞ್ಞಾಯಂ ಕಞ್ಞಾಸದ್ದಸ್ಸೇವ ರೂಪನಯೋ, ಅಯನ್ತು ವಿಸೇಸೋ।
ಘಪಾ ಸಸ್ಸ ಸ್ಸಾ ವಾ।
ಸಬ್ಬಾದೀನಂ ಘಪತೋ ಸಸ್ಸ ಸ್ಸಾ ವಾ ಹೋತಿ-‘‘ಘೋಸ್ಸ’’ಮಿಚ್ಚಾದನಾ ರಸ್ಸೇ-ಸಬ್ಬಸ್ಸಾ। ಸಬ್ಬಾಯ-ನಮ್ಹಿ-ಸಬ್ಬಾಸಂ। ಸಬ್ಬಾಸಾನಂ।
ಸ್ಮಿನೋ
ಸಬ್ಬಾದಿನಂ ಘಪತೋ ಸ್ಮಿನೋ ಸ್ಸಂ ವಾ ಹೋತಿ-ಸಬ್ಬಸ್ಸಂ, ಸಬ್ಬಾಯಂ, ಸಬ್ಬಾಯ-ನಪುಂಸಕೇ-ಸಬ್ಬಂ-ಯೋಸ್ಸ ನಿಮ್ಹಿ-
ಸಬ್ಬಾದೀಹಿ।
ಸಬ್ಬಾದಿಹಿ ಪರಸ್ಸ ನಿಸ್ಸ ಟಾ ನ ಹೋತಿ-ಸಬ್ಬಾನಿ-(ಭೋ)ಸಬ್ಬ, ಸಬ್ಬಾ, ಸಬ್ಬಾನಿ-ಸಬ್ಬಂ, ಸಬ್ಬೇ, ಸಬ್ಬಾನಿ-ನಾದಿಸು ಪುಮೇವ-ಕತರಾದಯೋ ತಯೋ ತೀಸು ಲಿಙ್ಗೇಸು ಸಬ್ಬಸಮಾ-ಏವಂ ಇತರ ಅಞ್ಞಸದ್ದಾ-ಸ್ಸಾಸ್ಸಂಸು ವಿಸೇಸೋ।
ಸ್ಸಂಸ್ಸಾಸ್ಯಾಯೇಸ್ವಿತರೇಕಞ್ಞೇತಿಮಾನಮಿ।
ಸ್ಸಮಾದಿಸು ಇತರಏಕಅಞ್ಞಏತ ಇಮೈಞ್ಞೇಸಂ ಇ ಹೋತಿ-ಇತರಿಸ್ಸಾ, ಇತರಿಸ್ಸಂ-ಅಞ್ಞಿಸ್ಸಾ, ಅಞ್ಞಿಸ್ಸಂ-ಅಞ್ಞತರಅಞ್ಞತಮಸದ್ದಾ ಲಿಙ್ಗತ್ತಯೇ ಸಬ್ಬಸಮಾ-ಪುಬ್ಬೋ-ಯೋ।
ಪುಬ್ಬಾದೀಹಿ ಛಹಿ।
ಏತೇಹಿ ಛಹಿ ಸವಿಸಯೇ ಏಟ ವಾ ಹೋತಿ’ತಿ ಯೋಸ್ಸೇಟ-ಪುಬ್ಬೇ, ಪುಬ್ಬಾ-(ಭೋ)ಪುಬ್ಬ, ಪುಬ್ಬಾ, ಪುಬ್ಬೇ, ಪುಬ್ಬಾ-ಪುಬ್ಬಂ, ಪುಬ್ಬೇ, ಪುಬ್ಬಾ-ಸೇಸಂ ಸಬ್ಬಲಿಙ್ಗೇ ಸಬ್ಬಸಮಂ-ಏವಂ ಪರಾದಯೋ ಪಞ್ಚ-ಯೋ, ಯಾ, ಯಮಿಚ್ಚಾದಿ ಸಬ್ಬಸಮಂ-ಯಾದಿನಮಾಲಪನೇ ರೂಪಂ ನ ಸಮ್ಭವತಿ-ತ್ಯಸಿ।
ತ್ಯತೇತಾನಂ ತಸ್ಸ ಸೋ।
ತ್ಯತೇತಾನಮನಪುಂಸಕಾನಂ ತಸ್ಸ ಸೋ ಹೋತಿ ಸಿಮ್ಹಿ-ಸ್ಯೋ, ಸ್ಯಾತ್ಯಮಿಚ್ಚಾದಿ-ಸೋ।
ತ ತಸ್ಸ ನೋ ಸಬ್ಬಾಸು।
ತಸದ್ದಸ್ಸ ತಸ್ಸ ನೋ ವಾ ಹೋತಿ ಸಬ್ಬಾಸು ವಿಭತ್ತಿಸು-ನೇ, ತೇ-ನಂ ತಂ, ನೇ, ತೇ-ನೇನ, ತೇನ, ನೇಹಿ, ತೇಹಿ, ನೇಭಿ, ತೇಭಿ-
ಟ ಸಸ್ಮಾಸ್ಮಿಂಸ್ಸಾಯಸ್ಸಂಸ್ಸಾಸಂಮ್ಹಾಮ್ಹಿಸ್ಮಿಮಿಮಸ್ಸ ಚ।
ಸಾದಸ್ವಿಮಸ್ಸ ತಸದ್ದತಕಾರಸ್ಸ ಚ ಟೋ ವಾ ಹೋತಿ-ಪುಬ್ಬಸರ ಲೋಪೇ-ಅಸ್ಸ, ನಸ್ಸ, ತಸ್ಸ-ನೇಸಂ, ನೇಸಾನಂ, ತೇಸಂ, ತೇಸಾನಂ-ಅಮ್ಹಾ, ಅಸ್ಮಾ, ನಮ್ಹಾ, ನಸ್ಮಾ, ತಮ್ಹಾ, ತಸ್ಮಾ-ಅಮ್ಹಿ, ಅಸ್ಮಿಂ, ನಮ್ಹಿ, ನಸ್ಮಿಂ, ತಮ್ಭಿ, ತಸ್ಮಿಂ, ನೇಸು। ತೇಸು-ಇತ್ಥಿಯಂ-ಸಾ, ನಾ, ನಾಯೋ, ತಾ, ತಾಯೋ-ನಂ, ತಂ, ನಾ, ನಾಯೋ, ತಾ, ತಾಯೋ-ನಾಮ್ಹಿ ಕತೇ-
ಸ್ಸಾ ವಾ ತೇತಿಮಾಮೂಹಿ।
ಘಪಸಞ್ಞೇಹಿ ತಾ ಏತಾ ಇಮಾ ಅಮೂಹಿ ನಾದನಮೇಕಸ್ಮಿಂ ಸ್ಸಾ ವಾ ಹೋತಿ-ವಾ ಟಾ ದೇಸೇ-ಅಸ್ಸಾ, ನಸ್ಸಾ, ನಾಯ।
ತಾಯ ವಾ।
ಸ್ಸಂಸ್ಸಾಸ್ಸಾಯೇಸು ತಸ್ಸ ವಾ ಇ ಹೋತಿ-ತಿಸ್ಸಾ, ತಸ್ಸಾ, ತಾಯ-ನಾಹಿ, ನಾಭಿ, ತಾಹಿ, ತಾಭಿ-ಸಸ್ಸ ವಾ ಸ್ಸಾಮ್ಹಿ-ಅಸ್ಸಾ, ನಸ್ಸಾ, ತಿಸ್ಸಾ, ತಸ್ಸಾ, ಸ್ಸಾದೇಸಾಭಾವಪಕ್ಖೇ।
ತೇತಿಮಾತೋ ಸಸ್ಸ ಸ್ಸಾಯ।
ತಾ ಏತಾ ಇಮಾತೋ ಸಸ್ಸ ಸ್ಸಾಯೋ ಹೋತಿ ವಾ-ಅಸ್ಸಾಯ, ನಸ್ಸಾಯ,
ತಿಸ್ಸಾಯ,
ಸಿಮ್ಹಿ ನಪುಂಸಕಸ್ಸಾಯಂ।
ಇಮಸದ್ದಸ್ಸಾನಪುಂಸಕಸ್ಸಾಯಂ ಹೋತಿಸಿಮ್ಹಿ-ಅಯಂ, ಇಮೇ, ಇಮಂ, ಇಮೇನಾ।
ನಾಮ್ಹಿನಿಮಿ।
ಇಮಸದ್ದಸ್ಸಾನಿತ್ಥಿಯಂ ನಾಮ್ಹಿ ಅನೈಮಿಚ್ಚಾದೇಸಾ ಹೋನ್ತಿ-ಅನೇನ, ಇಮಿನಾ-ಹಿ-
ಇಮಸ್ಸಾ ನಿತ್ಥಿಯಂ ಟೇ।
ಇಮಸದ್ದಸ್ಸಾನಿತ್ಥಿಯಂ ಟೇ ಹೋತಿವಾ ಸುನಂಹಿಸು-ಏಹಿ, ಏಹಿ, ಇಮೇಹಿ, ಇಮೇಹಿ-ಸ-ಟಸಸ್ಮಾಸ್ಮಿ ಮಿಚ್ಚಾದಿನಾ ಸಬ್ಬಸ್ಸಿಮಸ್ಸ ವಾ ಟಾದೇಸೇ-ಅಸ್ಸ, ಇಮಸ್ಸ, ಏಸಂ, ಏಸಾನಂ। ಇಮೇಸಂ, ಇಮೇಸಾನಂ-ಅಮ್ಹಾ, ಅಸ್ಮಾ, ಇಮಮ್ಹಾ, ಇಮಸ್ಮಾ-ಅಮ್ಹಿ, ಅಸ್ಮಿಂ, ಇಮಮ್ಹಿ, ಇಮಸ್ಮಿಂ, ಏಸು, ಇಮೇಸು-ಇತ್ಥಿಯಂ-ಅಯಂ, ಇಮಾ, ಇಮಾಯೋ-ಇಮಂ, ಇಮಾ, ಇಮಾಯೋ-ನಾ-‘‘ಸ್ಸಾ ವಾ ತೇತಿಮಾಮೂಹೀ’’ತಿ ಸ್ಸಾ ವಾ, ಟಾದೇಸೇ ಸ್ಸಮಿಚ್ಚಾದಿನಾ ಇ ಆ ದೇಸೇ ಚ-ಅಸ್ಸಾ, ಇಮಿಸ್ಸಾ-ಅಞ್ಞತ್ರ = ಇಮಾಯ, ಇಮಾಹಿ, ಇಮಾಹಿ-ಸ-ಅಸ್ಸಾ, ಇಮಿಸ್ಸಾ, ಅಸ್ಸಾಯ, ಇಮಿಸ್ಸಾಯ, ಇಮಾಯ, ನಂವಚನಸ್ಸ ಸಮಾದೇಸೇ ಇಮಸ್ಸ ಚ ಟಾದೇಸೇ ‘‘ಸುನಂಹಸೂ’’ತಿ ದೀಘೇ ಚ ಕನೇ-ಆಸಂ, ಇಮಾಯಂ-ಸಾನಮಾದೇಸೇ-ಇಮಾಸಾನಂ-ಸತ್ತಮಿಯಂ-ಅಸ್ಸಂ, ಇಮಿಸ್ಸಂ। ಅಸ್ಸಾಯ, ಇಮಿಸ್ಸಾಯ, ಇಮಾಯಂ, ಇಮಾಯ, ಇಮಾಸು-ನಪುಂಸಕೇ।
ಇಮಸ್ಸಿದಂ ವಾ।
ಅಂಸಿಸು ಸಹ ತೇಹಿ ಇಮಸ್ಸಿದಂ ವಾ ಹೋತಿ ನಪುಂಸಕೇ-ಇದಂ, ಇಮಂ, ಇಮಾ, ಇಮಾನಿ-ಇದಂ, ಇಮಂ, ಇಮೇ, ಇಮಾನಿ-ತತಿಯಾದಿಸು ಪುಲ್ಲಿಙ್ಗಸ್ಮಂ-ಅಮುಸಿ।
ಮಸ್ಸಾಮುಸ್ಸ।
ಅನಪುಂಸಕಸ್ಸಾಮುಸ್ಸ ಮಕಾರಸ್ಸ ಸೋ ಭೋತಿ ಸಿಮ್ಹಿ-ಅಸು-ಯೋ-
ಲೋಪೋ ಮುಸ್ಮಾ।
ಅಮುಸದ್ದತೋ ಯೋನಂ ಲೋಪೋ ವಾ ಹೋತಿ ಪುಲ್ಲಿಙ್ಗೇ’ತಿ ನಿಚ್ಚಂಯೋ ಲೋಪೇ ದಿಘೋ-ಅಮು-ಅಮುಂ, ಅಮೂ-ಅಮುನಾ, ಅಮೂಹಿ, ಅಮೂಭಿ-
ನ ನೋ ಸಸ್ಸ।
ಅಮುಸ್ಮಾ ಸಸ್ಸ ನೋ ನ ಹೋತಿ-ಅಮುಸ್ಸ, ಅಮುಸಂ, ಅಮುಸಾನಂ-ಅಮುನಾ, ಅಮುಮ್ಹಾ, ಅಮುಸ್ಮಾ-ಅಮುಮ್ಹಿ,ಅಮುಸ್ಮಿಂ, ಅಮುಸು-ಇತ್ಥಿಯಂ-ಅಸು, ಅಮು, ಅಮುಯೋ-
ಅಮುಂ, ಅಮೂ, ಅಮುಯೋ-ನಾ-‘‘ಸ್ಸಾವಾ, ತೇತಿಮಾಮೂಹೀ’’ತಿ ಸ್ಸಾ ವಾ-ಅಮುಸ್ಸಾ, ಅಮುಯಾ, ಅಮೂಹಿ, ಅಮೂಭಿ-ಅಮುಸ್ಸಾ, ಅಮುಯಾ, ಅಮುಸಂ, ಅಮೂಸಾನಂ-ಸತ್ತಮಿಯಂಅಮುಸ್ಸಾ। ಅಮುಸ್ಸಂ। ಅಮುಯಂ, ಅಮುಯಾ, ಅಮುಸು-ನಪುಂಸಕೇ-
ಅಮುಸ್ಸಾದುಂ।
ಅಂಸಿಸು ಸಹ ತೇಹಿ ಅಮುಸ್ಸ ಅದುಂ ಹೋತಿ ವಾ ನಪುಂಸಕೇ-ಅದುಂ-ಅಞ್ಞ
ತ್ರ
ಕಿಸ್ಸ ಕೋ ಸಬ್ಬಾಸು।
ಸಬ್ಬಾಸು ವಿಭತ್ತೀಸು ಕಿಸ್ಸ ಕೋ ಹೋತಿ-ಸಿಸ್ಸೋ-ಕೋ, ಕೇ, ಕಂ, ಕೇ, ಕೇನ, ಕಹಿ, ಕೇಹಿ।
ಕಿ ಸಸ್ಮಿಂಸು ವಾ ನಿತ್ಥಿಯಂ।
ಅನಿತ್ಥಿಯಂ ಕಿಸ್ಸ ಕಿ ವಾ ಹೋತಿ ಸಸ್ಮಿಂಸು-ಕಿಸ್ಸ, ಕಸ್ಸ, ಕೇಸಂ, ಕೇಸಾನಂ, ಕಮ್ಹಾ, ಕಸ್ಮಾ, ಕಿಮ್ಹಿ, ಕಿಸ್ಮಿಂ, ಕಮ್ಹಿ, ಕಸ್ಮಿಂ, ಕೇಸು-ಇತ್ಥಿಯಂ-ಕಆದೇಸೇ ಅಕಾರನ್ತತ್ತಾ ಆಪ್ಪಚ್ಚಯೋ-ಕಾ, ಕಾ, ಕಾಯೋ ಇಚ್ಚಾದಿ ಸಬ್ಬಾವ-ನಪುಂಸಕೇ।
ಕಿಮಂಸಿಸು ಸಹ ನಪುಂಸಕೇ।
ಅಂಸಿಸು ಸಹ ತೇಹಿ ಕಿಂಸದ್ದಸ್ಸ ಕಿಂ ಹೋತಿ ನಪುಂಸಕೇ-ಕಿಂ, ಕಾನಿ, ಕಿಂ, ಕೇ, ಕಾನಿ-ಕೇನೇಚ್ಚಾದಿ ಪುಮೇವ-ಏಕಸದ್ದೋ ಸಙ್ಖ್ಯಾತುಲ್ಯಞ್ಞಾ ಸಹಾಯವಚನೋ-ಅತ್ರ ಸಙ್ಖ್ಯಾಸದ್ದೋ ಸಂಖೇಯ್ಯವಾಚಿ-ಯದಾ ಸಙ್ಖೇಯ್ಯ ವಾಚೀ ತದೇಕವಚನನ್ತೋ ಅಞ್ಞತ್ರ ಬಹುವಚನನ್ತೋಪಿ-ಏಕೋ ಏಕಾ ಏಕಮಿಚ್ಚಾದಿ-ಸಬ್ಬಸಮಂ ತಿಲಿಙ್ಗೇಸು-ಸ್ಸಾಸ್ಸಂಸು ಪನ-ಸ್ಸಮಾದಿನಾ ಇಮ್ಹಿ ಏಕಿಸ್ಸಾ ಏಕಿಸ್ಸಂ-ತುಮ್ಹ ಅಮ್ಭಸದ್ದಾ ಅಲಿಙ್ಗಾ-ತಥಾ ಉಭ ಕತಿಞ್ಚಿ ಸದ್ದಾ ಪಞ್ಚಾದಯೋ ಅಟ್ಠಾರಸನ್ತಾ ಚ-ತುಮ್ಹಸಿ ಅಮ್ಹಸಿ।
ತುಮ್ಹಸ್ಸ ತುವಂ ತ್ವಮಮ್ಹಿ ಚ।
ಅಮ್ಹಿಸಿಮ್ಹಿ ಚ ತುಮ್ಹಸ್ಸ ಸವಿಹತ್ತಿಸ್ಸ ತುವಂ ತ್ವಂ ಹೋನ್ತಿ-ತುವಂ ತ್ವಂ।
ಸಿಮ್ಹಿ ಹಂ।
ಸಿಮ್ಹಿ ಅಮ್ಹಸ್ಸ ಸವಿಭತ್ತಿಸ್ಸ ಅಹಂ ಹೋತಿ-ಅಹಂ-ಯೋ-ತುಮ್ಹೇ।
ಮಯಮಸಮಾಮ್ಹಸ್ಸ।
ಯೋಸ್ವಮ್ಹಸ್ಸ ಸವಿಭತ್ತಿಸ್ಸ ಮಯಮಸ್ಮಾ ವಾ ಹೋನ್ತಿ ಯಥಾಕ್ಕಮಂ-ಮಯಂ, ಅಸ್ಮಾ, ಅಮ್ಹೇ-ಅಂ-ತುವಂ। ತ್ವಂ।
ಅಮ್ಹಿ ತಂ ಮಂ ತವಂ ಮಮಂ।
ಅಮ್ಹಿ ತುಮ್ಹಅಮ್ಹಸದ್ದಾನಂ ಸವಿಭತ್ತೀನಂ ತಂ ಮಂ ತವಂ ಮಮಂ ಹೋನ್ತಿ ಯಥಾಕ್ಕಮಂ-ತಂ, ತವಂ, ಮಂ, ಮಮಂ।
ದುತಿಯೇ ಯೋಮ್ಹಿ ವಾ।
ತುಮ್ಹಅಮ್ಹಸದ್ದಾನಂ ಸವಿಹತ್ತೀನಂ ಪಚ್ಚೇಕಂ ಙಂ ಙಾಕಂ ವಾ ಹೋನ್ತಿ ದುತಿಯೇ ಯೋಮ್ಹಿ-ತುಮ್ಹಾಕಂ ತುಮ್ಹೇ, ಅಮ್ಹಂ, ಅಮ್ಹಾಕಂ, ಅಸ್ಮಾ, ಅಮ್ಹೇ।
ನಾಸ್ಮಾಸು ತಯಾ ಮಯಾ।
ನಾಸ್ಮಾಸು ತುಮ್ಹಅಮ್ಹಸದ್ದಾನಂ ಸವಿಭತ್ತೀನಂ ತಯಾ ಮಯಾ ಹೋನ್ತಿ ಯಥಾಕ್ಕಮಂ।
ತಯಾತಯಿನಂ ತ್ವ ವಾ ತಸ್ಸ।
ತುಮ್ಹಸ್ಸ ತಯಾತಯೀನಂ ತಕಾರಸ್ಸ ತ್ವ ಹೋತಿ ವಾ-ತ್ವಯಾ, ತಯಾ, ಮಯಾ, ತುಮ್ಹೇಹಿ, ತುಮ್ಹೇಭಿ। ಅಮ್ಹೇಹಿ, ಅಮ್ಹೇಭಿ।
ತವ
ಸೇ ತುಮ್ಹಅಮ್ಹಸದ್ದಾನಂ ಸ್ವಿಭತ್ತೀನಂ ತವ ಮಮ ತುಯ್ಹಂ ಮಯ್ಹಂ ಹೋನ್ತಿ ಯಥಾಕ್ಕಮಂ-ತವ ತುಯ್ಹಂ ಮಮ ಮಯ್ಹಂ।
ನಂಸೇಸ್ವ ಸಮಾಕಂ ಮಮಂ।
ನಂಸೇಸ್ವಮ್ಹಸ್ಸ ಸವಿಭತ್ತಿಸ್ಸ ಅಸ್ಮಾಕಂ ಮಮಂ ಹೋನ್ತಿ ಯಥಾಕ್ಕಮಂ-ಮಮಂ।
ಙಂ ಙಾಕಂ ನಮ್ಹಿ।
ನಮ್ಹಿ ತುಮ್ಹಅಮ್ಹಸದ್ದಾನಂ ಸವಿಭತ್ತೀನಂ ಙಂ ಙಾಕಂ ಹೋನ್ತಿ ಪಚ್ಚೇಕಂ-ತುಮ್ಹಂ ತುಮ್ಹಾಕಂ ಅಮ್ಹಂ ಅಮ್ಹಾಕಂ ಅಸ್ಮಾಕಂ।
ಸ್ಮಾಮ್ಹಿ ತ್ವಮ್ಹಾ।
ಸ್ಮಾಮ್ಹಿ ತುಮ್ಹಸ್ಸ ಸವಿಭತ್ತಿಸ್ಸ ತ್ವಮ್ಹಾ ಹೋತಿ ವಾ-ತ್ವಮ್ಹಾ ತ್ವಯಾತಯಾ ಮಯಾ।
ಸ್ಮಿಮ್ಹಿ ತುಮ್ಹಾಮ್ಹಾನಂ ತಯಿ ಮಯಿ।
ಸ್ಮಿಮ್ಹಿ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತಯಿ ಮಯಿ ಹೋನ್ತಿ ಯಥಾಕ್ಕಮಂ-ತ್ವಯಿ ತಯಿ ಮಯಿ, ತುಮ್ಹೇಸು।
ಸುಮ್ಹಾಮ್ಹಸಯಾಸ್ಮಾ।
ಅಮ್ಹಸ್ಸ ಅಸ್ಮಾ ಹೋತಿ ವಾ ಸುಮ್ಹಿ-ಅಸ್ಮಾಸು ಅಮ್ಹೇಸು।
‘‘ಅಪಾದಾದೋ ಪದತೇಕವಾಕ್ಯೇ’’ತಿ ಅಧಿಕಾರೋ।
ಯೋನಂ ಹಿಸ್ವಪಞ್ಚಮ್ಯಾ ವೋ ನೋ।
ಅಪಞ್ಚಮಿಯಾ ಯೋನಂ ಹಿಸ್ವಪಾದಾದೋ ವತ್ತಮಾನಾನಂ ಪದಸ್ಮಾ ಪರೇಸ ಮೇಕವಾಕ್ಯೇ ಠಿತಾನಂ ತುಮ್ಹಅಮ್ಭಸದ್ದಾನಂ ಸವಿಭತ್ತೀನಂ ವೋ ನೋ ಹೋನ್ತಿ ವಾ ಯಥಾಕ್ಕಮಂ-ತಿಟ್ಠಥ ವೋ, ತಿಟ್ಠಥ ತುಮ್ಹೇ, ತಿಟ್ಠಾಮ ನೋ, ತಿಟ್ಠಾಮ ಮಯಂ-ಪಸ್ಸತಿ ವೋ, ಪಸ್ಸತಿ ತುಮ್ಹೇ, ಪಸ್ಸತಿ ನೋ, ಪಸ್ಸತಿ ಅಮ್ಹೇ-ದಿಯತೇ ವೋ, ದಿಯತೇ ತುಮ್ಹಂ, ದಿಯತೇ ನೋ, ದಿಯತೇ ಅಮ್ಹಂ-ಧನಂ ವೋ, ಧನಂ ತುಮ್ಹಂ,ಧನಂ ನೋ, ಧನಂ ಅಮ್ಹಂ-ಕತಂ ವೋ, ಕತಂ ತುಮ್ಹೇಹಿ, ಕತಂ ನೋ, ಕತಂ ಅಮ್ಹೇಹಿ।
ತೇ ಮೇ ನಾ ಸೇ।
ನಾಮ್ಹಿ ಸೇ ಚ ಅಪಾದಾದೋ ವತ್ತಮಾನಾನಂ ಪದಸ್ಮಾ ಪರೇಸಂ ಏಕವಾಕ್ಯೇ ಠಿತಾನಂ ತುಮ್ಹಅಮ್ಹಸದ್ದಾನಂ ಸವಿಹತ್ತೀನಂ ತೇ ಮೇ ವಾ ಹೋನ್ತಿ ಯಥಾಕ್ಕಮಂ-ಕತಂ ತೇ, ಕತಂ ತಯಾ, ಕತಂ ಮೇ, ಕತಂ ಮಯಾ-ದಿಯತೇ ತೇ, ದೀಯತೇ ತವ, ದೀಯತೇ ಮೇ, ದಿಯತೇ ಮಮ-ಧನಂ ತೇ, ಧನಂ ತವ, ಧನಂ ಮೇ, ಧನಂ ಮಮ।
ನಚವಾಹಾಹೇವಯೋಗೇ।
ಚವಾಹಅಹಏವೇಹಿಯೋಗೇ ತುಮ್ಹಅಮ್ಹಸದ್ದಾನಮಾದೇಸಾನ ಹೋನ್ತಿ। ಗಚ್ಛಾಮ ತುಮ್ಹೇ ಚ, ಮಯಞ್ಚ-ಪಸ್ಸತಿ ತುಮ್ಹೇ ಚ, ಅಮ್ಹೇ ಚ-ಕತಂ ತುಮ್ಹೇಹಿ ಚ, ಅಮ್ಹೇಹಿ ಚ-ದಿಯತೇ ತುಮ್ಹಞ್ಚ, ಅಮ್ಹಞ್ಚ-ಧನಂ ತುಮ್ಹಞ್ಚ, ಅಮ್ಹಞ್ಚ-ಕತಂ ತಯಾ ಚ, ಮಯಾ ಚ-ದೀಯತೇ ತವ ಚ, ಮಮ ಚ-ಧನಂ ತವ ಚ ಮಮ ಚ-ವಾದಿಯೋಗೇಪ್ಯೇವಂ ಞೇಯ್ಯಂ-ಉಭ ಕತಿ ಸದ್ದಾ ಬಹುವಚನತ್ತಾ-‘‘ಉಭಗೋಹಿ ಟೋ‘‘ತಿ ಯೋನಂ ಟೋ-ಉಭೋ, ಉಭೋ-ಸುಹಿಸುಭಸ್ಸೋ।
ಉಭಸ್ಸ ಸುಹಿಸ್ವೋ ಹೋತಿ-ಉಭೋಹಿ ಉಭೋಹಿ-
ಉಭಿನ್ನಂ।
ಉಭಾ ನಂವಚನಸ್ಸ ಇನ್ನಂ ಹೋತಿ-ಉಭಿನ್ನಂ, ಉಭೋಸು।
ಟಿ ಕತಿಮ್ಹಾ
ಕತಿಮ್ಹಾಯೋನಂಟಿ ಹೋತಿ-ಕತಿ,ಕತಿ,ಕತೀಹಿ,ಕತೀಭಿ, ಕತಿನ್ನಂ ಕತೀಸು।
ಅಥ ಸಙ್ಖ್ಯಾಸದ್ದಾ ವುಚ್ಚನ್ತೇ।
ಏಕಾದಯೋ ಅಟ್ಠಾರಸನ್ತಾ ಸಙ್ಖೇಯ್ಯವಚನಾ-ವೀಸತಿಆದಯೋ ಪನ ಸಙ್ಖ್ಯಾನವಚನಾಚ-ಏಕಸದ್ದೋ ಸಬ್ಬಾದಿಸು ವುತ್ತೋವ-ದ್ವಾದಿನಮಟ್ಠಾರಸನ್ತಾನಂ ಬಹುವಚನನ್ತತ್ತಾ ಏಕವಚನಾಭಾವೋ-ದ್ವಿಸದ್ದಾ ಯೋಮ್ಹಿ।
ಯೋಮ್ಹಿ ದ್ವಿನ್ನಂ ದುವೇ ದ್ವೇ।
ಯೋಮ್ಹಿ ದ್ವಿಸ್ಸ ಸವಿಭತ್ತಿಸ್ಸ ದುವೇ ದ್ವೇ ಹೋನ್ತಿ ಪಚ್ಚೇಕಂ-ದುವೇ ದ್ವೇ, ದ್ವೀಹಿ ದ್ವೀಭಿ।
ದುವಿನ್ನಂ ನಮ್ಹಿ ವಾ।
ನಮ್ಹಿ ದ್ವಿಸ್ಸ ಸವಿಭತ್ತಿಸ್ಸ ದುವಿನ್ನಂ ಹೋತಿ ವಾ-ದುವಿನ್ನಂ-ಅಞ್ಞತ್ರ।
ನಮ್ಹಿ ನುಕ ದ್ವಾದೀನಂ ಸತ್ತರಸನ್ತಂ।
ದ್ವಾದೀನಂ ಸತ್ತರಸನ್ನಂ ಸಙ್ಖ್ಯಾನಂ ನುಖೋತಿ ನಮ್ಹಿ ವಿಭತ್ತಿಮ್ಹಿ। ಉಕಾರೋಉಚ್ಚಾರಣತ್ಥೋ-ಕಕಾರೋ ಅನ್ತಾವಯವತ್ಥೋ-ತೇನ ನಮ್ಭೀನ ದೀಘೋ-ದ್ವಿನ್ನಂ,ದ್ವೀಸು-ತಿಸದ್ದಾ ಯೋಮ್ಹಿ।
ಪುಮೇ ತಯೋ ಚತ್ತಾರೋ।
ಯೋಮ್ಹಿ ಸವಿಭತ್ತೀನಂ ತಿವತುನ್ನಂ ತಯೋ ಚತ್ತಾರೋ ಹೋನ್ತಿ ಯಥಾಕ್ಕಮಂ ಪುಲ್ಲಿಙ್ಗೇ-ತಯೋ, ತಯೋ, ತೀಹಿ, ತೀಭಿ।
ಣ್ಣಂ ಣ್ಣನ್ನಂ ತಿತೋಜ್ಝಾ।
ಝಸಞ್ಞತೋ ತಿತೋ ನಂವಚನಸ್ಸ ಣ್ಣಂ ಣ್ಣನ್ನಂ ಹೋನ್ತಿ-ತಿಣ್ಣಂ ತಿನ್ಣನ್ನಂ,ತೀಸು-ಇತ್ಥೀಯಂ।
ತಿಸ್ಸೋ ಚತಸ್ಸೋ ಯೋಮ್ಹಿ ಸವಿಭತ್ತೀನಂ।
ವಿಭತ್ತಿಸಹಿತಾನಂ ತಿವತುನ್ನಂ ಯೋಮ್ಹಿ ತಿಸ್ಸೋ ಚತಸ್ಸೋ ಹೋನ್ತಿತ್ಥಿಯಂ ಯಥಾಕ್ಕಮಂ-ತಿಸ್ಸೋ, ತಿಸ್ಸೋ, ತೀಹಿ ತೀಭಿ।
ನಮ್ಹಿ ತಿಚತುನ್ನಮಿತ್ಥಿಯಂ ತಿಸ್ಸಚತಸ್ಸಾ।
ನಮ್ಹಿ ತಿಚತುನ್ನಂ ತಿಸ್ಸ ಚತಸ್ಸಾ ಹೋನ್ತಿತ್ಥಿಯಂ ಯಥಾಕ್ಕಮಂ-ತಿಸ್ಸನ್ನಂ, ತೀಸು-ನಪುಂಸಕೇ।
ತೀಣಿ ಚತ್ತಾರಿ ನಪುಂಸಕೇ।
ಯೋಮ್ಹಿ ಸವಿಭತ್ತೀನಂ ತಿಚತುನ್ನಂ ಯಥಾಕ್ಕಮಂ ತೀಣಿ ಚತ್ತಾರಿ ಹೋನ್ತಿ ನಪುಂಸಕೇ-ತೀಣಿ ತೀಣಿ-ಸೇಸಂ ಪುಲ್ಲಿಙ್ಗಸಮಂ-ಚತು ಯೋ।
ಚತುರೋ ವಾ ಚತುಸ್ಸ।
ಚತುಸದ್ದಸ್ಸ ಸವಿಭತ್ತಿಸ್ಸ ಯೋಮ್ಹಿ ಚತುರೋ ವಾ ಹೋತಿ ಪುಲ್ಲಿಙ್ಗೇ-ಚತುರೋ, ಚತುರೋ-ಅಞ್ಞತ್ರ-ಚತ್ತಾರೋ, ಚತ್ತಾರೋ-ಚತೂಹಿ ಚತೂಭಿ।
ಟ
ಪಞ್ಚಾದೀಹಿ ಚುದ್ದಸಹಿ ಸಙ್ಖ್ಯಾಹಿ ಯೋನಂ ಟೋ ಹೋತಿ-ಪಞ್ಚ, ಪಞ್ಚ।
ಪಞ್ಚಾದೀನಂ ಚುದ್ದಸನ್ನಮ।
ಪಞ್ಚಾದೀನಂ ಚುದ್ದಸನ್ನಂ ಸುನಂಹಿಸ್ವ ಹೋತಿ-ಏತ್ತಾಪವಾದೋಯಂ-ಪಞ್ಚಹಿ ಪಞ್ಚಭಿ, ಪಞ್ಚನ್ತಂ ಪಞ್ಚಸು-ಏವಂ ಛಾದಯೋ ಅಟ್ಠಾರಸನ್ತಾ-ಏಕೋ ಚ ದ ಸ ಚಾತಿ ಚತ್ಥಸಮಾಸೇ ಏಕೇನ ಅಧಿಕಾ ದಸಾತಿ ತತಿಯಾಸಮಾಸೇ ವಾ ಕತೇ ‘‘ಏಕತ್ಥತಾಯ’’ನ್ತಿ ವಿಭತ್ತಿಲೋಪೋ-ಏವಮುಪರಿ ಚ।
ಏಕಟ್ಠಾನಮಾ।
ಏಕಅಟ್ಠಾನಂ ಆ ಹೋತಿ ದಸೇ ಪರೇ।
ರ ಸಙ್ಧ್ಯಾತೋ ವಾ।
ಸಙ್ಖ್ಯಾತೋ ಪರಸ್ಸ ದಸಸ್ಸ ರ ಹೋತಿ ವಿಭಾಸಾ-ಸಚ‘‘ಪಞ್ಚಮಿಯಂ ಪರಸ್ಸೇ’’ತಿ ಅನುವತ್ತಮಾನೇ ‘‘ಆದಿಸ್ಸಾ‘‘ತಿ ದಕಾರಸ್ಸೇವ ಹೋತಿ-ಏಕಾ ರಸ, ಏಕಾದಸ।
ಆ ಸಙ್ಖ್ಯಾಯಾಸತಾದೋ’ನಞ್ಞತ್ಥೇ।
ಸಙ್ಖ್ಯಾಯಮುತ್ತರಪದೇ ದ್ವಿಸ್ಸ ಆ ಹೋತಸತಾದೋ’ನಞ್ಞತ್ಥೇ-ದ್ವಾದಸ।
ಖಾ ಚತ್ತಾಳೀಸಾದೋ।
ದ್ವಿಸ್ಸ ಖಾ ವಾ ಹೋತಚತ್ತಾಳೀಸಾದೋ’ನಞ್ಞತ್ಥೇ-ಬಾರಸ।
ತಿಸ್ಸೇ।
ಸಙ್ಖ್ಯಾಯಮುತ್ತರಪದೇ ತಿಸ್ಸ ಏ ಹೋತಸತಾದೋ’ನಞ್ಞತ್ಥೇ।
ಛತೀಹಿ ಳೋ ಚ।
ಛತಿಹಿ ಪರಸ್ಸ ದಸಸ್ಸ ಳೋ ಹೋತಿ ರೋ ಚ-ತೇಳಸ-ತೇರಸ।
ಚತುಸ್ಸ ಚುಚೋ ಹೋನ್ತಿ ವಾ ದಸಸದ್ದೇ ಪರೇ-ದ್ವಿತ್ತೇ-ಚುದ್ದಸ ಚೋದ್ದಸ ಚತುದ್ದಸ।
ವೀಸತಿದಸೇಸು ಪಞ್ಚಸ್ಸ ಪಣ್ಣುಪಣ್ಣಾ।
ವೀಸತಿದಸೇಸು ಪರೇಸು ಪಞ್ಚಸ್ಸ ಪಣ್ಣುಪಣ್ಣಾ ಹೋನ್ತಿ ವಾ ಯಥಾಕ್ಕಮಂ-ಪಣ್ಣರಸ ಪಞ್ಚದಸ।
ಛಸಸ ಸೋ।
ಛಸ್ಸ ಸೋ ಇಚ್ಚಯಮಾದೇಸೋ ಹೋತಿ ದಸಸದ್ದೇ ಪರೇ-ಸೋಳಸ ಸೋರಸ, ಸತ್ತರಸ ಸತ್ತದಸ, ಅಟ್ಠಾರಸ ಅಟ್ಠಾದಸ-ಏಕೇನ ಊನಾ ವೀಸತೀತಿ ವಿಸೇಸನಸಮಾಸಗಬ್ಭೇ ತತಿಯಾಸಮಾಸೇ।
ಇತ್ಥಿಯಮ್ಹಾಸಿತಪುಮಿತ್ಥಿ ಪುಮೇವೇಕತ್ಥೇ।
ಇತ್ಥಿಯಂ ವತ್ತಮಾನೇ ಏಕತ್ಥೇ ಸಮಾನಾಧಿಕರಣೇ ಉತ್ತರಪದೇ ಪರೇ ಭಾಸಿತಪುಮಿತ್ಥಿ ಪುಮೇವ ಹೋತೀತಿ ಪುಮ್ಭಾವಾ ಆಪ್ಪಚ್ಚಯೋ ನಿವತ್ತತೇ-ಏಕೂನವೀಸತಿ-ಇತ್ಥಿಲಿಙ್ಗೇಕವಚನನ್ತೋ-ವೀಸತಿಆದಯೋ ಹಿ ಆನವುತಿಯಾ ಏಕವಚನನ್ತಾ ಇತ್ಥಿಲಿಙ್ಗಾ-(ಭೋ) ಏಕೂನವೀಸತಿ ಏಕೂನವೀಸತಿಮಿಚ್ಚಾದಿ-ಏವಂ ವೀಸತಿ ಏಕವೀಸತಿ ದ್ವಾವೀಸತಿ ಬಾವೀಸತಿ ತೇವೀಸತಿಪ್ಪಭುತಯೋ।
ವೀಸತಯಂ
ದ್ವಿಸ್ಸಾ ಚ।
ಅಸತಾದೋ’ನಞ್ಞತ್ಥೇ ಚತ್ತಾಳೀಸಾದೋ ದ್ವಿಸ್ಸ ಏ ಹೋತಿ ವಾ ಆ ಚ-ದ್ವೇ ಚತ್ತಾಳೀಸ ದ್ವಾಚತ್ತಾಳೀಸ ದ್ವೀಚತ್ತಾಳೀಸ-ಏವಂ ದ್ವೇವತ್ತಾರಿಸ ದ್ವಾಚತ್ತಾರೀಸ ದ್ವಿಚತ್ತಾರೀಸ, ದ್ವೇಚತ್ತಾಳೀಸತಿ ದ್ವಾಚತ್ತಾಳೀಸತಿ ದ್ವಿಚತ್ತಾಳೀಸತಿ।
ಚತ್ತಾಳೀಸಾದೋ ವಾ।
ಅಸತಾದೋ’ನಞ್ಞತ್ಥೇ ಚತ್ತಾಳೀಸಾದೋ ತಿಸ್ಸೇ ವಾ ಹೋತಿ-ತೇಚತ್ತಾಳೀಸ ತಿವತ್ತಾಳೀಸ ತೇಚತ್ತಾಳೀಸತಿ ತಿಚತ್ತಾಳೀಸತಿ-ತೇಚತ್ತಾರೀಸ ತಿಚತ್ತಾರೀಸ-ದ್ವೇಪಞ್ಞಾಸ ದ್ವಾಪಞ್ಞಾಸ ದ್ವಿಪಞ್ಞಾಸ ದ್ವೇಪಣ್ಣಾಸತಿ ಪಣ್ಣಾಸ, ದ್ವೇಸಟ್ಠಿ ದ್ವಾಸಟ್ಠಿ ದ್ವಿಸಟ್ಠಿ, ತೇಸಟ್ಠಿ ತಿಸಟ್ಠಿ, ದ್ವೇಸತ್ತತಿ ದ್ವಾ ಸತ್ತತಿ ದ್ವೀಸತ್ತತಿ ದ್ವೇಸತ್ತರಿ ದ್ವಾಸತ್ತರಿ ದ್ವಿಸತ್ತರಿ, ತೇಸತ್ತತಿ ತಿಸತ್ತತಿ ತೇಸತ್ತರಿ ತಿಸತ್ತರಿ, ದ್ವ್ಞಸೀತಿ ದ್ವಾಅಸೀತಿ ದ್ವೀಯಾಸೀತಿ-ಯಾಗಮೋ-ತ್ಞಸೀತಿ ತಿಯಾಸೀತಿ, ದ್ವೇನವುತಿ ದ್ವಾನವುತಿ ದ್ವಿನವುತಿ, ತೇನವುತಿ ತಿನವುತಿ-ಸತಂ, ನಪುಂಸಕ ಮೇಕವಚನನ್ತಂ-ಏವಂ ಸಹಸ್ಸದಯೋ-ಕೋಟಿ ಪಕೋಟಿ ಕೋಟಿಪ್ಪಕೋಟಿ ಅಕ್ಖೋಹಿಣಿಯೋ ಇತ್ಥಿಲಿಙ್ಗೇಕವಚನನ್ತಾ-ವಗ್ಗಭೇದೇ ತು ಸಬ್ಬಾಸಮ್ಪಿ ಸಙ್ಖ್ಯಾನಂ ಬಹುವಚನಞ್ಚ ಹೋತೇವ-ಯಥಾ-ದ್ವೇ ವಿಸತಿಯೋ, ತಿಸ್ಸೋ ವೀಸತಿಯೋ ಇಚ್ಚಾದಿ-ದಸ ಅಸಕಂ ಸತಂ ನಾಮ,ದಸಸತಂ ಸಹಸ್ಸಂ, ದಸಸಹಸ್ಸಂ ನಹುತಂ, ದಸನಹುತಂ ಲಕ್ಖಂ, ಸತಸಹಸ್ಸನ್ತಿಪಿ ವುಚ್ಚತಿ-ಲಕ್ಖಸತಂ ಕೋಟಿ, ಕೋಟಿಲಕ್ಖಸತಂ ಪಕೋಟಿ, ಪಕೋಟಿಲಕ್ಖಸತಂ ಕೋಟಿಪ್ಪಕೋಟಿ-ಏವಂ ನಹುತಂ ನಿನ್ನಹುತಂ ಅಕ್ಖೋಹಿಣೀ ಬಿನ್ದು ಅಬ್ಬುದಂ ನಿರಬ್ಬುದಂ ಅಹಕಹಂ ಅಬಬಂ ಅಟಟಂ ಸೋಗನ್ಧಿಕಂ ಉಪ್ಪಲಂ ಕುಮುದಂ ಪುಣ್ಡರಿಕಂ ಪದುಮಂ ಕಥಾನಂ ಮಹಾಕಥಾನಂ ಅಸಙ್ಖೇಯ್ಯನ್ತಿ ಯಥಾಕ್ಕಮಂ ಸತಲಕ್ಖಗುಣಂ ವೇದಿತಬ್ಬಂ।
ಅಥಾಸಙ್ಖ್ಯಮುಚ್ಚತೇ।
ತಂ ದುವಿಧಂ ಪಾದಿಚಾದಿಭೇದೇನ-ತತ್ಥ-ಪ ಪರಾ ಅಪ ಸಂ ಅನು ಅವ ಓ ನಿ ದು ವಿ ಅಧಿ ಅಪಿ ಅತಿ ಸು ಉ ಅಭಿ ಪತಿ ಪರಿ ಉಪ ಆ-ಇಮೇ ವೀಸತಿ ಪಾದಯೋ-ಚಾದಯೋ ಪನ-ಚ ವಾ ಹ ಅಹ ಏವ ಏವಮಿಚ್ಚಾದಯೋ-ಇಮೇ ದ್ವೇಪಿ ಲಿಙ್ಗಸಙ್ಖ್ಯಾರಹಿತಾ-ಏತೇಹಿ ಪನ ಯಥಾಸಮ್ಭವಂ ವಿಹಿತಾನಂ ವಿಭತ್ತಿನಂ।
ಅಸಙ್ಖ್ಯೇಹಿ ಸಬ್ಬಾಸಂ।
ಅವಿಜ್ಜಮಾನಸಙ್ಖ್ಯೋಹಿ ಪರಾಸಂ ಸಬ್ಬಾಸಂ ವಿಭತ್ತೀನಂ ಲೋಪೋ ಹೋತೀತಿ ಲೋಪೋ ಚ।
ವಿಭತ್ತಿಯಾ
ವುತತಾನಿ ಸ್ಯಾದ್ಯನ್ತಾನಿ।
ಅಥೇಕತ್ಥಮುಚ್ಚತೇ-ಉಪಸದ್ದಾ ಪಠಮೇಕವಚನಂ ಸಿ-ತಸ್ಸ ‘‘ಅಸಙ್ಖ್ಯೇಹಿ ಸಬ್ಬಾಸಂ’’ತಿ ಲೋಪೋ-ಕುಮ್ಭಸದ್ದಾ ಛಟ್ಠಯೇಕವಚನಂ ಸ-ಉಪ ಕುಮ ಅಸ ಇತಿ ಠಿತೇ ‘‘ಅವಿಗ್ಗಭೋ ನಿಚ್ಚಸಮಾಸೋ ಪದನ್ತರವಿಗ್ಗಹೋ ವೇ’’ತಿ ಸಮೀಪಂ ಕುಮ್ಭಸ್ಸೇತಿ ಪದನ್ತರಚಿಗ್ಗಹೇ-‘‘ಸ್ಯಾದಿ ಸ್ಯಾದಿನೇಕತ್ಥ’’ನ್ತಿ ಸಬ್ಬತ್ಥೇಕತ್ಥೇ ವತ್ತತೇ।
ಅಸಙ್ಖ್ಯಂ ವಿಭತ್ತಿ ಸಮ್ಪತ್ತಿ ಸಮಿಪ ಸಾಕಲ್ಯಾಹಾವ ಯಥಾಪಚ್ಛಾ ಯುಗಪದತ್ಥೇ।
ಅಸಙ್ಖ್ಯಂ ಸ್ಯಾದ್ಯನ್ತಂ ವಿಭತ್ತ್ಯಾದಿನಮತ್ಥೇವತ್ತಮಾನಂ ಸ್ಯಾದ್ಯನ್ತೇನ ಸಹೇಕತ್ಥಮ್ಭವತಿ।
ಏಕತ್ಥತಾಯಂ।
ಈಯಾದಿಣದಿಸಮಾಸೇಹಿ ಏಕತ್ಥಿಭಾವೋ ಏಕತ್ಥತಾ-ತಸ್ಮಿಂ ಸ್ಯಾದಿ ಲೋಪೋ ಹೋತಿ-‘‘ತಂ ನಪುಂಸಕ’’ಮಿತಿನಪುಂಸಕಲಿಙ್ಗಂ-ತತೋ ಸ್ಯಾದಿ-‘‘ಪುಬ್ಬಸ್ಮಾಮಾದಿತೋ’’ತಿ ಲೋಪೇ ಸಮ್ಪತ್ತೇ।
ನಾತೋ ಮಪಞ್ಚಮಿಯಾ।
ಅಮಾದೇಕತ್ಥಾ ಪುಬ್ಬಂ ಯದೇಕತ್ಥಮಕಾರನ್ತಂ ತತೋ ಪರಾಸಂ ಸಬ್ಬಾಸಂ ವಿಭತ್ತೀನಂ ಲೋಪೋ ನ ಹೋತಿ ಅಂತು ಭವತ್ಯಪಞ್ಚಮಿಯಾ-ಉಪಕುಮ್ಭಂ ತಿಟ್ಠತಿ-ಕುಮ್ಭಸ್ಸ ಸಮೀಪಂ ತಿಟ್ಠತೀತಿ ಅತ್ಥೋ-ಉಪಕುಮ್ಭಂ ಪಕಸ್ಸ।
ವಾ ತತಿಯಾಸತ್ತಮೀನಂ।
ಅಮಾದೇಕತ್ಥಾ ಪುಬ್ಬಂ ಯದೇಕತ್ಥಮಕಾರನ್ತಂ ತತೋ ಪರಾಸಂ ತತಿಯಾ ಸತ್ತಮೀನಂ ಅಂ ಹೋತಿ ವಾ-ಉಪಕುಮ್ಭಂ ಕತಂ, ಉಪಕುಮ್ಭೇನ ವಾ, ಉಪ ಕುಮ್ಭಂ ದೇಹಿ-ಪಞ್ಚಮಿಯಂ ಅಮಭಾವಾ-ಉಪಕುಮ್ಭಾ ಅಪೇಹಿ-ಉಪಕುಮ್ಭಮಾಯತ್ತಂ-ಉಪಕುಮ್ಭಂ ನೀಧೇಹಿ, ಉಪಕುಮ್ಭೇ ವಾ-ಏವಮುಪನಗರಮಿಚ್ಚಾದಿ-ಸಮೀಪಂ ಅಗ್ಗಿನೋಉಪಗ್ಗಿ-ಏತ್ಥಪನ-‘‘ಪುಬ್ಬಸ್ಮಾಮಾದಿತೋ’’ತಿ ಸಬ್ಬಸ್ಯಾದಿ ಲೋಪೋವ-ಏವಮುಪಗುರು-ವೇತಿ ಸಬ್ಬತ್ಥ ವತ್ತತೇ।
ಅಮಾದಿ।
ಅಮಾದಿ ಸ್ಯಾದ್ಯನ್ತಂ ಸ್ಯಾದ್ಯನ್ತೇನ ಸಹ ಬಹುಲಮೇಕತ್ಥಂ ಹೋತಿ-ಗಾಮಂ ಗತೋ ಗಾಮಗತೋ, ಮುಹುತ್ತಂ ಸುಖಂ ಮುಹುತ್ತಸುಖಂ-ವುತ್ತಿಯೇವೋಪಪದಸ ಮಾಸೇ-ಕುಮ್ಭಕಾರೋ, ಏತ್ಥ ಬಹುಲಾಧಿಕಾರಾ ಅಸ್ಯಾದ್ಯನ್ತೇನಾಪಿ ಸಮಾಸೋ। ನ್ತಮಾನಕ್ತವನ್ತೂಹಿ ವಾಕ್ಯ-ಧಮ್ಮಂ ಸುಣನ್ತೋ, ಧಮ್ಮಂ ಸುಣಮಾನೋ, ಓದನಂ ಭುತ್ತವಾ, ರಞ್ಗ್ಞಾ ಭತೋ ರಾಜಹತೋ, ಅಸಿನಾ ಜಿನ್ನೋ ಅಸಿಚ್ಛಿನ್ನೋ, ಪಿತರಾಸದಿಸೋಪಿತುಸದಿಸೋ, ದಧಿನಾ ಉಪಸಿತ್ತಂ ಭೋಜನಂ ದಧಿಭೋಜನಂ, ಗುಳೇನ ಮಿಸ್ಸೋ ಓದನೋ ಗುಳೋದನೋ-ಇಹ ಪನ ವುತ್ತಿ ಪದೇನೇವೋಪಸಿತ್ತಾದಿ ಕ್ರಿಯಾಯಾಖ್ಯಾಪನತೋ ನ ತತ್ಥಾಯುತ್ತತ್ಥತಾ-ಕ್ವಚಿವುತ್ತಿಯೇವ-ಉರಗೋ-ಕ್ವಚಿ ವಾಕ್ಯಮೇವ-ಏರಸುನಾ ಛಿನ್ನವಾ, ದಸ್ಸನೇನ ಪಹಾತಬ್ಬಾ, ಬ್ರಾಹ್ಮಣಸ್ಸ ದೇಯ್ಯಂಬ್ರಾಹ್ಮಣದೇಯ್ಯಂಯುಪಾಯ ದಾರು ಯುಪದಾರು,
ವಿಸೇಸನಮೇಕತ್ಥೇನ।
ವಿಸೇಸನಂ ಸ್ಯಾದ್ಯನ್ತಂ ವಸೇಸ್ಸೇನ ಸ್ಯಾದ್ಯನ್ತೇನ ಸಮಾನಾಧಿಕಾರಣೇನ ಸಹೇಕತ್ಥಂ ಹೋತಿ-ನೀಲಞ್ಚ ತಂ ಉಪ್ಪಲಂ ಚೇತಿ ನಿಲುಪ್ಪಲಂ-ವಾಕ್ಯೇ ತುಲ್ಯಾಧಿಕರಣಭಾವಪ್ಪಕಾಸನತ್ಥಂ ಚತಸದ್ದಪ್ಪಯೋಗೋ-ವುತ್ತಿಯನ್ತು ಸಮಾಸೇನೇವ ತಪ್ಪಕಾಸನತೋ ನ ತಪ್ಪಯೋಗೋ-ಏವ ಮಞ್ಞತ್ರಾಪಿ ವುತ್ತಟ್ಠಾನಮಪ್ಪಯೋಗೋ-ಬಹುಲಾಧಿಕಾರಾ ಕ್ವಚಿ ಉಪಮಾನಭುತಂ ವಿಸೇಸನಮ್ಪರಂ ಭವತಿ-ಸೀಹೋ’ಚ ಸೀಹೋ-ಮುನಿ ಚ ಸೋ ಸೀಹೋ ಚಾತಿ ಮುನಿಸೀಹೋ-ಮುನಿಸದ್ದೋಯೇವ ವಾ ವಿಸೇಸನಂ-ತಥಾಹಿ-ಸೀಹೋತಿ ವುತ್ತೇ ಉಪಚರಿತಾನುಪಚರಿತಸೀಹಾನಂ ಸಾಮಞ್ಞಪ್ಪತೀತಿಯಂ ಮುನಿಸದ್ದೋ ವಿಸೇಸೇತಿ-ಸೀಲಮೇವ ಧನಂ ಸೀಲಧನಂ-ಧಮ್ಮೋತಿ ಸಮ್ಮತೋ ಧಮ್ಮಸಮ್ಮತೋ-ಮಹನ್ತಿ ಚ ಸಾ ಸದ್ಧಾ ಚಾತಿ ಸಮಾಸೇ ಕತೇ-‘‘ಇತ್ಥಿಯಮ್ಭಾಸಿತಪುಮಿತ್ಥಿ ಪುಮೇವೇಕತ್ಥ’’ತ ಪುಮ್ಭಾವಾ ಙೀಪ್ಪಚ್ಚಯಾಭಾವೋ-‘‘ಟನ್ತನ್ತುನನ್ತಿ’’ನ್ತಸ್ಸ ಟೇ-‘‘ಬ್ಯಞ್ಜನೇ ದೀಘರಸ್ಸಾ’’ತಿ ದಿಘೇ-ಮಹಾಸದ್ಧಾ।
ನಞ।
ನಞಿಚ್ಚೇತಂ ಸ್ಯಾದ್ಯನ್ತಂ ಸ್ಯಾದ್ಯನ್ತೇನ ಸಹೇಕತ್ಥಂ ಹೋತಿ-ಞಕಾರೋ‘‘ಟನಞ್ಞಸ್ಸಾ’’ತಿ ವಿಸೇಸನತ್ಥೋ-ಪಾಮನಪುತ್ತಾದೀಸು ಮಾ ಹೋತೂತಿ।
ಟನಞ್ಞಸ್ಸ।
ಉತ್ತರಪದೇ ನಞ್ಸದ್ದಸ್ಸ ಟ ಹೋತಿ-ನ ಬ್ರಾಹ್ಮಣೋ ಅಬ್ರಾಹ್ಮಣೋ, ನಞಯಂ ಪರಿಯುದಾಸವುತ್ತಿ ಪಸಜ್ಜಪ್ಪಟಿಸೇಧವುತ್ತಿ ಚ-ಪಠಮಪಕ್ಖೇ-ಬ್ರಾಹ್ಮಣ
ಅನ ಸರೇ।
ಸರಾದೋ ಉತ್ತರಪದೇ ನಞ್ಸದ್ದಸ್ಸ ಅನ ಹೋತೀತಿ ನಸ್ಸ ಅನ।
ಕುಪಾದಯೋ ನಿಚ್ಚಮಸ್ಯಾದಿವಿಧಿಮ್ಹಿ।
ಕುಸದ್ದೋ ಪಾದಯೋ ಚ ಸ್ಯಾದ್ಯನ್ತೇನ ಸಹೇಕತ್ಥಾ ಹೋನ್ತಿ ನಿಚ್ಚಂ ಸ್ಯಾದಿವಿಧಿವಿಸಯತೋ’ಞ್ಞತ್ಥ-ಕುಚ್ಛಿತೋ ಬ್ರಾಹ್ಮಣೋ ಕುಬ್ರಾಹ್ಮಣೋ-ಏವಂಕುಪುರಿಸೋ-‘‘ಪುರಿಸೇ ವಾ’’ತಿ ಪಕ್ಖೇ ಕಾದೇಸೇ-ಕಾಪುರಿಸೋ-ಈಸಕಂ ಉಣ್ಹಂ ಕದುಣ್ಹಂ-‘‘ಸರೇ ಕದ ಕುಸ್ಸುತ್ತರತ್ಥೇ’’ತಿ ಕುಸ್ಸ ಕದಾದೇಸೋ-ಅಪ್ಪಕಂ ಲವಣಂ ಕಾಲವಣಂ-‘‘ಕಾಪ್ಪತ್ಥೇ’’ತಿ ಕಾದೇಸೋ।
ಪಾದಯೋ ಗತಾದ್ಯತ್ಥೇ ಪಠಮಾಯ।
ಪಗತೋ ಆಚರಿಯೋ ಪಾಚರಿಯೋ-ಏವಂ ಪನ್ತೇವಾಸೀ-ಸುಟ್ಠುಕತಂ ಸುಕತಂ-ಕಿಚ್ಛೇನ ಕತಂ ದುಕ್ಕತಂ।
ಅಚ್ಚಾದಯೋ ಕನ್ತಾದ್ಯತ್ಥೇ ದುತಿಯಾಯ।
ಅತಿಕ್ಕನ್ತೋ ಮಾಲಮತಿಮಾಲೋ।
ಘಪಸ್ಸಾನ್ತಸ್ಯಾಪ್ಪಕಾನಸ್ಸ।
ಅನ್ತಭುತಸ್ಸಾಪ್ಪಧಾನಸ್ಸ ಘಪಸ್ಸ ಸ್ಯಾದಿಸು ರಸ್ಸೋ ಹೋತೀತಿ ರಸ್ಸೋ।
ಅವವಾದಯೋ ಕುಟ್ಠಾದ್ಯತ್ಥೇ ತತಿಯಾಯ।
ಅವಕುಟ್ಠಂ ಕೋಕಿಲಾಯ ವನಮವಕೋಕಿಲಂ-ಅವಕುಟ್ಠನ್ತಿ ಪರಿಚ್ಚತ್ತಂ।
ಪರಿಯಾದಯೋ ಗಿಲಾನಾದ್ಯತ್ಥೇ ಚತುತ್ಥಿಯಾ।
ಪರಿಗಿಲಾನೋ’ಜ್ಝೇನಾಯ ಪರಿಯಜ್ಝೇನೋ।
ನ್ಯಾದಯೋ ಕನ್ತಾದ್ಯತ್ಥೇ ಪಞ್ಚಮಿಯಾ।
ನಿಕ್ಕನ್ತೋ ಕೋಸಮ್ಬಿಯಾ ನಿಕ್ಕೋಸಮ್ಬಿ-ಘಪಾದಿನಾ ರಸ್ಸೋ।
ವಾ ನೇಕಞ್ಞತ್ಥೇ।
ಅನೇಕಂ ಸ್ಯಾದ್ಯನ್ತ ಮಞ್ಞಸ್ಸ ಪದಸ್ಸತ್ಥೇ ಏಕತ್ಥಂ ವಾ ಹೋತಿ-ಓ ತಿಣ್ಣೋ ಹಂಸೋ ಯಂ ಸೋ ಓತಿಣ್ಣಹಂಸೋ-(ಜಲಾಸಯೋ)।
ಜಿತೋ ಮಾರೋ ಯೇನ ಸೋ ಜಿತಮಾರೋ-(ಭಗವಾ)-ಜಿನ್ನೋತರು ಯೇನ ಸೋ ಛಿನ್ನತರು(ಫರಸು)ದಿನ್ನೋ ಸುಙ್ಕೋ ಯಸ್ಸಸೋ ದಿನ್ನಸುಙ್ಕೋ(ರಾಜಾ)-ಅಪಗತಂ ಕಾಲಕಂ ಯಸ್ಮಾ ಸೋ ಅಪಗತಕಾಲಕೋ (ಪಟೋ)ಪಹುತಂ ಧನಂ ಯಸ್ಸ ಸೋ ಪಹುತಧನೋ-(ಪುರಿಸೋ)-ನತ್ಥಿ ಸಮೋ ಯಸ್ಸ ಸೋ ಅಸಮೋ-ನಸ್ಸ ಟಾದೇಸೋ-ಚಿತ್ತಾ ಗಾವೋ ಯಸ್ಸಾತಿ ಸಮಾಸೇ ಕತೇ।
ಗೋಸ್ಸು
ಅನ್ತಭುತಸ್ಸಾಪ್ಪಧಾನಸ್ಸ ಗೋಸ್ಸ ಸ್ಯಾದೀಸು ಉ ಹೋತಿ-ಚಿತ್ತಗು-(ಗೋಮಾ)-ಮತ್ತಾನೇಕೇ ಗಜಾ ಯಸ್ಮಿಂ ತಂ ಮತ್ತಾನೇಕಗಜಂ-(ವನಂ) ಸಹ ಪುತ್ತೇನ ವತ್ತಮಾನೋ ಸಪುತ್ತೋ ಸಹ ಪುತ್ತೋ ವಾ-‘‘ಸಹಸ್ಸ ಸೋ’ಞ್ಞತ್ಥೇ‘‘ತಿ ಪಕ್ಖೇ ಸಹಸ್ಸ ಸೋ-ಧವಾ ಚ ಬದಿರಾ ಚ ಪಲಾಸಾ ಚೇತಿ ವಿಗ್ಗಹೇ।
ಚತ್ಥೇ।
ಅನೇಕಂ ಸ್ಯಾದ್ಯನ್ತಂ ಚತ್ಥೇ ಏಕತ್ಥಂ ವಾ ಭವತಿ-ಸಮುಚ್ಚಯೋ’ನ್ವಾವಯೋ ಇತರೀತರಯೋಗೋ ಸಮಾಹಾರೋ ಚೇತಿ ಚತತಾರೋ ಚತ್ಥಾ-ತತ್ಥ ಇತರೀತರಯೋಗೇ ಸಮಾಹಾರೇ ಚ ಏಕತ್ಥೀಭಾವೋ ಸಮ್ಭವತಿ ಪದಾನಂ ಅಞ್ಞಮಞ್ಞಸಮ್ಬನ್ಧತೋ-ನ ಸಮುಚ್ಚಯೇ ನಾಪ್ಯನ್ವಾಚಯೇ ತದಭಾವತೋ, ಚಸದ್ದನಿವುತ್ತಿ।
ಸಮಾಹಾರೇ ನಪುಂಸಕಂ।
ಚತ್ಥೇ ಸಮಾಹಾರೇ ಯದೇಕತ್ಥಂ ತಂ ನಪುಂಸಕಲಿಙ್ಗಂ ಭವತಿ-ಸಮಾಹಾರಸ್ಸೇಕತ್ತಾ ಏಕವಚನಮೇವ-ಧವಖದಿರಪಲಾಸಂ-ಕತ್ಥ ಚಿ ನ ಹೋತಿ’ಸಭಾಪರಿಸಾಯಾ’ತಿ ಞಾಪಕಾ-ಆಧಿಪಚ್ಚಪರಿವಾರೋ-ಇತರೀತರಯೋಗೇ ಅವಯವಪ್ಪಧಾನತ್ತಾ ಬಹುವಚನಂ-ಧವಖದಿರಪಲಾಸಾ-ಸಮಾಸೇ ಯಂ ಪುಬ್ಬಂ ವೂತ್ತಂ ತದೇವ ಪುಬ್ಬಂ ನಿಪತತಿ-ಕಮಾತಿಕ್ಕಮೇ ಪಯೋಜನಾಭಾವಾ-ಕ್ವಚಿ ವಿಪಲ್ಲಾಸೋಪಿ ಹೋತಿ ಬಹುಲಾಧಿಕಾರತೋ-ದನ್ತಾನಂ ರಾಜಾ ರಾಜದನ್ತೋ-ಪಾಪಾ ಭುಮಿ ಯಸ್ಮಿಂ ಪಾಪಾ ಚ ಸಾಭುಮಿ ಚೇತಿ ವಾ ವಿಗ್ಗಯ್ಹ ಸಮಾಸೇ ಸಮಾಸನ್ತ್ವೇಚ್ಚಾಧಿಕಾರೋ।
ಪಾಪಾದೀಹಿ ಭುಮಿಯಾ।
ಪಾಪಾದೀಹಿ ಪರಾ ಯಾ ಭುಮಿ ತಸ್ಸಾ ಸಮಾಸನ್ತೋ ಅ ಹೋತಿ-ಪಾಪಭುಮಂ, (ಠಾನಂ)-ಇತ್ಥಿಯಮಿಚ್ಚಾದಿನಾಆಪ್ಪಚ್ಚಯೋ ನಿವತ್ತನೇ-ಜಾತಿಯಾ ಉಪ ಲಕ್ಖಿತಾ ಭುಮಿ ಜಾತಿಭುಮಂ।
ಸಙ್ಖ್ಯಾಹಿ
ಸಙ್ಖ್ಯಾಹಿ ಪರಾ ಯಾ ಭುಮಿ ತಸ್ಸಾ ಸಮಾಸನ್ತೋ ಅಹೋತಿ-ದ್ವೇ ಭುಮಿಯೋ ಅಸ್ಸಾತಿ ದ್ವೀಭುಮಂ-ಏವಂ ತಿಭುಮಂ, ಚತುಭುಮಂ-ಬಹುಲಾಧಿಕಾರಾ ಕ್ವಚಿ ನ ಹೇಕಾತಿ-ಚತುಭುಮಿ।
ದೀಘಾಹೋವಸ್ಸೇಕದೇಸೇಹಿ ಚ ರತ್ಯಾ।
ದೀಘಾದೀಹಿ ಅಸಙ್ಖ್ಯೇಹಿ ಸಙ್ಖ್ಯಾಹಿ ಚ ಪರಸ್ಮಾ ರತ್ತಿಸದ್ದಾ ಅನಞ್ಞಾಸಙ್ಖ್ಯತ್ಥೇಸು ಸಮಸಿತಾ ಸಮಾಸನ್ತೋ ಅ ಹೋತಿ-ದೀಘಾ ಚ ಸಾ ರತ್ತಿ ಚಾತಿ ದೀಘರತ್ತಂ-ಅಹೋ ಚ ರತ್ತಿ ಚ ಅಹೋರತ್ತಂ-ಅಹಸ್ಸ ಅಪಾದಿತ್ತಾ ‘‘ಮನಾದ್ಯಪಾದೀನಮೋ ಮಯೇ ಚಾ’’ತಿ ಓ-ವಸ್ಸಾಸು ರತ್ತಿ ವಸ್ಸಾರತ್ತಂ-ಪುಬ್ಬಾ ಚ ಸಾ ರತ್ತಿ ಚಾತೀ ಪುಬ್ಬರತ್ತಂ-ಏವಂ ಅಪರರತ್ತಂ, ಅಡ್ಢರತ್ತಂ-ಅತಿಕ್ಕನ್ತೋ ರತ್ತಿಂ ಅತಿರತ್ತೋ-ದ್ವಿನ್ನಂ ರತ್ತೀನಂ ಸಮಾಹಾರೋ ದ್ವಿರತ್ತಂ-ಅನಞ್ಞಾಸಙ್ಖ್ಯತ್ಥೇಸುತ್ವೇವ-ದಿಘರತ್ತಿ-(ಹೇಮನ್ತೋ)-ಉಪ ರತ್ತಿ-ಕ್ವಚಿ ಹೋತೇವ ಬಹುಲಂ ವಿಧಾನಾ-ಯಥಾರತ್ತಂ।
ಗೋತ್ವ ಚತ್ಥೇ ಚಾಲೋಪೇ।
ಗೋಸದ್ದಾ ಅಲೋಪಚಿಸಯಾ ಸಮಾಸನ್ತೋ ಅ ಹೋತಿ ನ ಚೇ ಚತ್ಥೇ
ಸಮಾಸೋ
ಪುಬ್ಬುತ್ತರೋಭಯಞ್ಞತ್ಥಮಿಚ್ಚೇಕತ್ಥಂ ಚತುಬ್ಬಿಧಂ ವಿಸೇಸ್ಸಞ್ಞೋಭಯತ್ಥತಾ ತಿಧಾ ವಕ್ಖನ್ತಿ ತಂ ಪರೇ।
ಏಕತ್ಥಂ।
ಅಥ ಇತ್ಥಿಪ್ಪಚ್ಚಯನ್ತಾ ನಿದ್ದಿಸೀಯನ್ತೇ।
ಇತ್ಥಿಯಮತ್ವಾ।
ಇತ್ಥಿಯಂ ವತ್ತಮಾನತೋ ಅಕಾರನ್ತತೋ ನಾಮಸ್ಮಾ ಆಪ್ಪಚ್ಚಯೋ ಹೋತಿ-ದೇವದತ್ತಾ, ಅಜಾ, ಕೋಕಿಲಾ, ಇಚ್ಚಾದಿ।
ನದಾದಿತೋ ಙೀ।
ಆಕತಿಗಣೇ’ಯಂ-ನದಾದೀಹಿ ಇತ್ಥಿಯಂ ಙೀಪ್ಪಚ್ಚಯೋ ಹೋತಿ ಙಕಾರೋ ‘‘ನ್ತನ್ತುನಂ ಙಿಮ್ಹಿ ತೋ ವೇ’’ತಿ ಸಙ್ಕೇತತ್ಥೋ-ನದೀ, ಮಹೀ, ಕುಮಾರೀ, ತರುಣಿ, ವಾರುಣಿ, ಗೋತಮೀ, ಗಚ್ಛನ್ತಿ-‘‘ನ್ತನ್ತುನಂ ಙಿಮ್ಹಿ ತೋ ವೇ’’ತಿ ವಾ ತಕಾರೇ-ಗಚ್ಛತೀ-ಗಚ್ಛತೀ-ಏವಂ ಗುಣವನ್ತಿ, ಗುಣವತೀ-‘‘ಗೋತೋವಾ‘‘ತಿ ನದಾದಿಸು ಪಾಠಾ ವಾ ಙೀಮ್ಹಿ ‘‘ಗೋಸ್ಸಾವಙ’’ತಿ ಗೋಸದ್ದಸ್ಸ ಆವಙ-ಗಾವೀ, ಗೋ।
ಯಕ್ಖಾದಿತ್ವಿನೀ ಚ।
ಯಕ್ಖಾದಿತೋ ಇತ್ಥೀಯಮಿನೀ ಹೋತಿ ಙೀ ಚ-ಯಕ್ಖಿನೀ,ಯಕ್ಖೀ-ನಾಗಿನೀ,ನಾಗೀ।
ಯುವಣ್ಣೇಹಿ ನೀ।
ಇತ್ಥಿಯಮಿವಣ್ಣುವಣ್ಣನ್ತೇಹಿ ನೀ ಹೋತಿ ಬಹುಲಂ-ಪಯತಪಾಣಿನೀ, ದಣ್ಡಿನೀ, ಭಿಕ್ಖುನೀ, ಪರಚಿತ್ತವಿದುನೀ।
ಯುವಾ ತೀ।
ಯುವಸದ್ದತೋ ತೀ ಹೋತಿತ್ಥಿಯಂ-ಯುವತೀ।
ಇತ್ಥಿಪ್ಪಚ್ಚಯನ್ತಾ।
ಅಥ ಣದಯೋ ವುಚ್ಚನ್ತೇ-ರಘುಸ್ಸಾಪಚ್ಚಮೀತಿ ವಿಗ್ಗಹೇ।
ಣೇ ವಾಪಚ್ಚೇ।
ಛಟ್ಠಿಯನ್ತಾ ನಾಮಸ್ಮಾ ವಾ ಣಪ್ಪಚ್ಚಯೋ ಹೋತಪಚ್ಚೇ’ಭಿಧೇಯ್ಯೇ-ಣಕಾರೋ ಣನುಬನ್ಧಕಾರಿಯತ್ಥೋ-ಣೇನೇವ ಅಪಚ್ಚತ್ಥಸ್ಸ ವುತ್ತತ್ತಾ ಅಪಚ್ಚಸದ್ದಾಪ್ಪಯೋಗೋ-‘‘ಏಕತ್ಥತಾಯ’’ಮಿತಿ ಸ್ಯಾದಿ ಲೋಪೋ।
ಸರಾನಮಾದಿಸ್ಸಾಯುವಣ್ಣಸ್ಸಾ
ಸರಾನಮಾದಿಭುತ ಯೇ ಅಕಾರಿವಣ್ಣವಣ್ಣಾ ತೇಸಂ ಆ ಏ ಓ ಹೋನ್ತಿ ಯಥಾಕ್ಕಮಂ ಣನುಬನ್ಧೇತಿ ಅಕಾರಸ್ಸ ಅಕಾರೋ।
ಉವಣ್ಣಸ್ಸಾವಙ ಸರೇ
ಸರಾದೋ ಣನುಬನ್ಧೇ ಉವಣ್ಣಸ್ಸ ಅವಙ್ಹೋತಿ-ತತೋ ಸ್ಯಾದಿ-ರಾಘವೋಚ್ಚಾದಿ-ಇತ್ಥಿಯಂ-ರಾಘವಚ್ಚಾದಿ-ವಾ ವಿಧಾನಾ ರಘುಸ್ಸಾಪಚ್ಚಂ ರಗ್ವಪಚ್ಚನ್ತಿಪಿ ಹೋತಿ।
ಣದಯೋ’ಭಿಧೇಯ್ಯಲಿಙ್ಗಾ ಅಪಚ್ಚೇ ತ್ವನಪುಂಸಕಾ
ನಪುಂಸಕೇ ಸಕತ್ಥೇ ಣ್ಯೋ ಭಿಯ್ಯೋ ಭಾವಸಮೂಹಜಾ।
ತಾ ತುತ್ಥಿಯಮಸಙಕ್ಖ್ಯಾನೇ ತ್ವಾದಿ ಚಿಪ್ಪಚ್ಚಯನ್ತಕಾ
ನಪುಂಸಕೇನ ಲಿಙ್ಗೇನ ಸದ್ದಾ’ದಾಹು ಪುಮೇನೇ ವಾ
ನಿದ್ದಿಸ್ಸತೀತಿ ಞತಬ್ಬಮವಿಸೇಸೇ ಪನಿಚ್ಛಿತೇ॥
ವಾ ಅಪಚ್ಚೇತಿ ವಾಧಿಕಾರೋ।
ವಚ್ಛಾದಿತೋ ಣನ ಣಯನಾ।
ವಚ್ಛಾದಿತೋ ಗೋತ್ತಾದಿಭುತಾ ಗಣತೋ ಚ ಣನ ಣಯನಪ್ಪಚ್ಚಯಾ ಹೋನ್ತಿ ಪಪುತ್ತಾದೋ’ಪಚ್ಚೇ-ಪಪುತ್ತಪ್ಪಭುತಿ ಗೋತ್ತಂ-ವಚ್ಛಸ್ಸಾ ಪಚ್ಚಂ ವಚ್ಛಾನೋ, ವಚ್ಛಾಯನೋ-‘ಸಂಯೋಗೇ ಕ್ವಚೀ’ತಿ ವುತ್ತತ್ತಾ ನ ವುದ್ಧಿ-ಕತಿಸ್ಸಾಪಚ್ಚಂ ಕಚ್ಚಾನೋ, ಕಚ್ಚಾಯನೋ-ಯಕಾರಚವಗ್ಗಪುಬ್ಬ ರೂಪಾನಿ-ಯಾಗಮೇ-ಕಾತಿಯಾನೋ।
ಕತ್ತಿಕಾಯ ಅಪಚ್ಚಮಿಚ್ಚೇವಮಾದಿ ವಿಗ್ಗಹೇ।
ಕತ್ತಿಕಾವಿಧವಾದೀಹಿ ಣೇಯ್ಯಣೇರಾ।
ಕತ್ತಿಕಾದೀಹಿ ವಿಧವಾದೀಹಿ ಚ ಣೇಯ್ಯಣೇರಾ ವಾ ಯಥಾಕ್ಕಮಂ, ಹೋನ್ತ ಪಚ್ಚೇ-ಕತ್ತಿಕೇಯ್ಯೋ, ವೇಣತೇಯ್ಯೋ-ವೇಧವೇರೋ, ಸಾಮಣೇರೋ।
ಣ್ಯ ದಿಚ್ಚಾದೀಹಿ
ದಿತಿಪ್ಪಭುತೀಹಿ ಣ್ಯೋ ವಾ ಗೋತಪಚ್ಚೇ।
ಸಂಯೋಗೇ ಕ್ವಚಿ।
ಸರಾನಮಾದಿಭುತಾ ಯೇ ಅಯುವಣ್ಣಾ ತೇಸಂ ಆ ಏ ಓ ಹೋನ್ತಿ ಕ್ವಚಿ ದೇವ ಸಂಯೋಗವಿಸಯೇ ಣನುಬನ್ಧೇತಿ ವಿಸಯಸತ್ತಮಿಯಾ ನಿದ್ದಿಟ್ಠತ್ತಾ ಸಂಯೋಗತೋ ಪುಬ್ಬೇವ ಏಕಾರೋ।
ಲೋಪೋ’ವಣ್ಣಿವಣ್ಣಾನಂ।
ಯಕಾರಾದೋ ಪಚ್ಚಯೇ ಅವಣ್ಣಿವಣ್ಣಾನಂ ಲೋಪೋ ಹೋತಿ-ದಿತಿಯಾ ಅಪಚ್ಚಂ ದೇಚ್ಚೋ, ಕುಣ್ಡನಿಯಾ ಅಪಚ್ಚಂ ಕೋಣ್ಡಞ್ಞೋ-ನಸ್ಸ ಞೇ ಪುಬ್ಬರೂಪಂ-ಭಾತುನೋ ಅಪಚ್ಚಂ ಭಾತಬ್ಬೋ-ಏತ್ಥ-
ಯಮ್ಹಿ ಗೋಸ್ಸ ಚ।
ಯಕಾರಾದೋ ಪಚ್ಚಯೇ ಗೋಸ್ಸುವಣ್ಣಸ್ಸ ಚ ಅವಙ ಹೋತೀತಿ ಉಕಾರಸ್ಸ ಅವಙ।
ಆ ಣಿ।
ಅಕಾರನ್ತತೋ ಣಿ ವಾ ಹೋತಪಚ್ಚೇ ಬಹುಲಂ-ದಕ್ಕಸ್ಸಾಪಚ್ಚಂ ದಕ್ಖಿ-ಏವಂ ವಾರುಣಿ-ಬಹುಲಂ ವಿಧಾನಾ ನ ಸಬ್ಬೇಹಿ ಅಕಾರನ್ತೇಹಿ-ತೇ ನೇವ ವಸಿಟ್ಠಸ್ಸಾಪಚ್ಚಂ ವಾಸಿಟ್ಠೋ ತ್ವೇವ ಹೋತಿ।
ರಾಜತೋ
ರಾಜಸದ್ದತೋ ಞ್ಞೋ ವಾ ಹೋತಪಚ್ಚೇ ಜಾತಿಯಂ ಗಮ್ಮಮಾನಾಯಂ-ರಞ್ಞೋ ಅಪಚ್ಚಂ ರಾಜಞ್ಞೋ-ಜಾತಿಯನ್ತಿ ಕಿಂ?-ರಾಜಾಪಚ್ಚಂ।
ಖತ್ತಾ ಯೀಯಾ।
ಖತ್ತಸದ್ದಾ ಯೇಯಾ ಹೋನ್ತಪಚ್ಚೇ ಜಾತಿಯಂ-ಖತ್ತಸ್ಸಾಪಚ್ಚಂ ಖತ್ತ್ಯೋ, ಖತ್ತಿಯೋ-ಜಾತಿಯನ್ತ್ವೇವ-ಖತ್ತಿ।
ಮನುತೋ ಸ್ಸ ಸಣ।
ಮನುಸದ್ದತೋ ಜಾತಿಯಂ ಸ್ಸ ಸಣ ಹೋತಪಚ್ಚೇ-ಮಕನುನೋ ಅಪಚ್ಚಂ ಮನುಸ್ಸೋ, ಮಾನುಸೋ-ಜಾತಿಯನ್ತ್ವೇವ-ಮಾನವೋ।
ಜನಪದನಾಮಸ್ಮಾ ಖತ್ತಿಯಾ ರಞ್ಞೇ ಚ ಣೋ।
ಜನಪದಸ್ಸ ಯಂ ನಾಮ, ತನ್ನಾಮಸ್ಮಾ ಖತ್ತಿಯಾಪಚ್ಚೇ ರಞ್ಞೇ ಚ ಣೇ ಹೋತಿ-ಪಞ್ಚಾಲಾನಂ ಅಪಚ್ಚಂ ರಾಜಾ ವಾ ಪಞ್ಚಾಲೋ, ಮಾಗಧೋ-ಜನಪದನಾಮಸ್ಮಾತಿ ಕಿಂ?-ದಾಸರಥಿ-ಖನ್ತಿಯಾತಿ ಕಿಂ? ಪಞ್ಚಾಲಸ್ಸಬ್ರಾಹ್ಮಣಸ್ಸಾಪಚ್ಚಂ ಪಞ್ಚಾಲಿ।
ಣ್ಯ ಕುರುಸಿವೀಹಿ।
ಕುರುಸಿವೀಹಪಚ್ಚೇ ರಞ್ಞೇ ಚ ಣ್ಯೋ ಹೋತಿ-ಕುರುನಂ ಅಪಚ್ಚಂ ರಾಜಾವಾ ಕೋರಬ್ಬೋ, ಸೇಬ್ಬೋ।
ಣ ರಾಗಾತೇನ ರತ್ತಂ।
ರಜ್ಜತೇ ಯೇನ ಸೋ ರಾಗೋ-ತತೋ ರಾಗವಾಚಿತತಿಯನ್ತತೋ ರತ್ತಮಿಚ್ಚೇತಸ್ಮಿಂ ಅತ್ಥೇಣೇ ಹೋತಿ-ಕಸಾವೇನ ರತ್ತಂ ಕಾಸಾವಂ, ಕೋಸುಮ್ಹಂ-ಇಧ ಕಸ್ಮಾ ನ ಹೋತಿ’ ನೀಲಂ ಪೀತನ್ತಿ? ಗುಣವಚನತ್ತಾ ವಿನಾಪಿ ಣೇನ ಣತ್ಥಸ್ಸಾಭಿಧಾನತೋ।
ನಕ್ಖತೋ ನಿನ್ದುಯುತ್ತೇನ ಕಾಲೇ।
ತತಿಯತ್ತತೋ ನಕ್ಖತ್ತಾ ತೇನ ಲಕ್ಖಿತೇ ಕಾಲೇ ಣೇ ಹೋತಿ ತಞ್ಚೇ ನಕ್ಖತ್ತಮಿನ್ದುಯುತ್ತಂ ಹೋತಿ-ಫುಸ್ಸೇನ ಇನ್ದುಯುತ್ತೇನ ಲಕ್ಖಿತಾ ಪುಣ್ಣಮಾಸೀ ಫುಸ್ಸೀ, ಪುಸ್ಸೋ (ಅಹೋ)-ಮಘಾಯ ಇನ್ದುಯುತ್ತಾಯಲಕ್ಖಿತಾ ಪುಣ್ಣಮಾಸೀ ಮಾಘೀ, ಮಾಘೋ (ಅಹೋ)
ಯಾ ಸ್ಸ ದೇವತಾ ಪುಣ್ಣಮಾಸಿ।
ಸೇತಿ ಪಠಮನ್ತಾ ಅಸ್ಸೇತಿ ಛಟ್ಠತ್ಥೇ ಣೇ ಹೋತಿ ಯಂ ಪಠಮನ್ತಂ ಸಾ ದ್ವೇ ದೇವತಾ ಪುಣ್ಣಮಾಸೀ ವಾ-ಸುಗತೋ ದೇವತಾ ಅಸ್ಸೇತಿ ಸೋಗತೋ-ಮಾಹಿನ್ದೋ, ಯಾಮೋ, ಚಾರುಣೋ-ಫುಸ್ಸೀ ಪುಸ್ಣಮಾಸೀ ಅಸ್ಸ ಸಮ್ಬನ್ಧಿನೀತಿ ಫುಸ್ಸೋ, (ಮಾಸೋ) ಏವಮ್ಮಾಘೋ।
ವ್ಯಾಕರಣಮಧಿತೇ ಜಾನಾತಿ ವಾತ್ವೇವಮಾದಿವಗ್ಗಹೇ।
ತಮಧೀತೇ ತಞ್ಜಾನಾತಿ ಕಣಿಕಾ ಚ।
ದುತಿಯನ್ತತೋ ತಮಧೀತೇ ತಞ್ಜಾನಾತೀತಿ ಏತೇಸ್ವತ್ತೇಸು ಣೇಹೋತಿ ಕೋಣಿಕೋ ಚ-ವೇಯ್ಯಾಕರಣೇ-ಕತಯಾದೇಸಸ್ಸಿಕಾರಸ್ಸ‘‘ತದಾ ದೇಸಾ ತದಿವ ಭವನ್ತಿ‘‘ತಿ ಞಾಯಾ ಸರಾನಮಚ್ಚಾದಿನಾ ಏಕಾರೇ ಯಾಗಮದ್ವಿತ್ತಾನಿ-ಕೇ-ಕಮಕೋ, ಪದಕೋ-ಣಿಕೇ-ಸುತ್ತನ್ತಿಕೋ, ವೇನಯಿಕೋ-‘‘ತೇನ
ತತ್ರ ಭವೇ।
ಸತ್ತಮ್ಯನ್ತಾ ಭವತ್ಥೇ ಣೇ ಹೋತಿ-ಉದಕೇ ಭವೋ ಓದಕೋ-‘‘ಅಜ್ಜಾದೀಹಿ ತನೋ’’ತಿ ಭವತ್ಥೇ ತನೋ-ಅಜ್ಜಭವೋ ಅಜ್ಜತನೋ-ಏವಂ ಹೀಯತ್ತನೋ-‘‘ಞೋನಮವಣ್ಣೇ’’ತಿ ಅಕಾರೋ-‘‘ಸರಮ್ಭಾ ದ್ವೇ’’ತಿ ತಸ್ಸ ದ್ವಿಭಾವೋ।
ಪುರಾತೋಣೋ ಚ
ಪುರಾ ಇಚ್ಚೇತಸ್ಮಾ ಭವತ್ಥೇ ಣೇ ಹೋತಿ ತನೋ ವ-ಪುರಾ ಭವೋ ಪುರಾಣೇ, ಪುರಾತನೋ।
ಅಮಾತ್ವಚ್ಚೋ।
ಅಮಾ ಸದ್ದತೋ ಅಚ್ಚೋ ಹೋತಿ ಭವತ್ಥೇ-ಅಮಾ ಭವೋ ಅಮಚ್ಚೋ।
ಮಜ್ಝಾದಿತ್ವಿಮೋ।
ಮಜ್ಝಾದೀಹಿ ಸತ್ತಮ್ಯನ್ತೇಹಿ ಭವತ್ಥೇ ಇಮೋ ಹೋತಿ-ಮಜ್ಝೇ ಭವೋ ಮಜ್ಝಿಮೋ, ಅನ್ತಿಮೋ-ಕುಸಿಣರಾಯಂ ಭವೋ ಚ್ಚೇವಮಾದಿವಿಗ್ಗಹೇ।
ಕಣ್ಣೇಯ್ಯ ಣೇಯ್ಯಕಯ್ಯಾ।
ಸತ್ತಮ್ಯನ್ತಾ ಏತೇ ಪಚ್ಚಯಾ ಹೋನ್ತಿ ಬಹುಲಂ ಭವತ್ಥೇ-ಕಣ-ಕೋಸಿಣರಕೋ-ಣೇಯ್ಯ-ಗಙ್ಗೇಯ್ಯೋ, ವಾನೇಯ್ಯೋ-ಣೇಯ್ಯಕ-ಕೋಲೇಯ್ಯಕೋ-ಯ-ಗಮ್ಮೋ-ರಸ್ಸಾಕಾರಲೋಪಪು- ಬ್ಬರೂಪಾನಿ-ಇಯ-ಗಮಿಯೋ, ಉದರಿಯಂ-‘‘ಣಿಕೋ’’ತಿ ಸತ್ತಮ್ಯನ್ತಾ ಭವತ್ಥೇ ಣಿಕೋ ಹೋತಿ ಸರದೇ ಭಾವೋ ಸಾರದಿಕೋ, ಹೇಮನ್ತಿಕೋ।
ತಮಸ್ಸ ಸಿಪ್ಪಂ ಸೀಲಮ್ಪಣ್ಯಮ್ಪಹರಣಮ್ಪಯೋಜನಂ।
ಪಠಮನ್ತಾ ಸಿಪ್ಪಾದಿವಾಚಕಾ ಅಸ್ಸೇತಿ ಛಟ್ಠತ್ಥೇ ಣಿಕೋ ಹೋತಿ-ವೀಣಾವಾದನಂ ಸಿಪ್ಪಮಸ್ಸ ವೇಣಿಕೋ। ಪಂಜಸುಕೂಲಧಾರಣಂ ಸೀಲಮಸ್ಸ ಪಕಂಸುಕುಲಿಕೋ, ಗನ್ಧೋ ಪಣ್ಯಮಸ್ಸ ಗನ್ಧಿಕೋ, ವಾಪೋ ಪಹರಣಮಸ್ಸ ವಾಪಿಕೋ, ಸತಂ ಪಯೋಜನಮಸ್ಸ ಸಾತಿಕಂ‘‘ತಂಹನ್ತಾರಹತಿ ಗಚ್ಛತುಞ್ಛತಿಚರತಿ’’ತಿ ದುತಿಯನ್ತಾ ಭನ್ತಿಚ್ಚೇವಮಾದಿಸವತ್ಥೇಸು ಣಿಕೋ ಹೋತಿ-ಪಕ್ಖೀನೋಭನ್ತಿತಿ ಪಕ್ಖಿಕೋ-ಸಾಕುಣೀಕೋ-ಸತಮರಹತೀತಿ ಸಾತಿಕಂ-ಪರದಾರಂ ಗಚ್ಛತೀತಿಪಾರದಾರಿಕೋ-ಬದರೇ ಉಞ್ಛತೀತಿ ಬಾದರಿಕೋ-ಧಮ್ಮಂ ಚರತೀತಿ ಧಮ್ಮಿಕೋ-ಅಧಮ್ಮಿಕೋ-‘‘ತೇನ ಕತಂ ಕೀತಂ ಬದ್ಧಮಭಿಯಙ್ಖತಂ ಕಸಂಸಟ್ಠಂ ಹತಂ ಹನ್ತಿ ಜಿತಂ ಜಯತಿ ದಿಬ್ಬತಿ ಖನತಿ ತರತಿ ಚರತಿ ವಹತಿ ಜೀವತಿ’’ತಿ ತತಿಯನ್ತಾ ಕತಾದಿಸ್ವತ್ಥೇಸು ಣಿಕೋ ಹೋತಿ-ಕಾಯೇನ ಕತಂವಕಾಯಿಕಂ-ಸತೇನ ಕೀತಂ ಸಾತಿಕಂ-ವರತ್ತಾಯ ಬದ್ಧೋವಾ ರತ್ತಿಕೋ-ಘತೇನ ಅಭಿಸಙ್ಖತಂ ಕಸಂಸಟ್ಠಂ ವಾ ಘಾತಿಕಂ-(ಅಭಿಸಙ್ಖತಂ ಕತಾಭಿಸಙ್ಖಾರಂ, ಕಸಂಸಟ್ಠಂ ಮಿಸ್ಸಿತಂ)-ಜಾಲೇನ ಹತೋ ಭನ್ತೀತಿವಾ ಚಾಲಿಕೋ-ಅಕ್ಖೇಹಿ ಜಿತಮಕ್ಖಿಕಂ-ಅಕ್ಖೇಹಿ ಜಯತಿ ದಿಬ್ಬತೀತಿ ವಾ ಅಕ್ಖಿಕೋ-ಖನಿತ್ತಿಯಾ ಖನತೀತಿ ಖಾನಿತ್ತಿಕೋ-ಇಹ ನಭವತಿ ‘‘ಅಙ್ಗುಲಿಯಾ ಖನ್ತೀ’’ತಿ ಅನಭಿಧಾನಾ ಅಭಿಧಾನಲಕ್ಖಣ ಹಿ ತಬ್ಬಾದಿ ಣದಿಸಮಾಸಾ-ಉಳುಮ್ಪೇನ ತರತೀತಿ ಓಳುಮ್ಪಿಕೋ-ಸಕಟೇನ ಚರತೀತಿ ಸಾಕಟಿಕೋ-ಖನ್ಧೇನ
ತತೋಸಮ್ಭುತಮಾಗತಂ।
ಪಞ್ಚಮ್ಯನ್ತಾ ಸಮ್ಭು ತಮಾಗತನ್ತಿ ಏತೇಸ್ವತ್ಥೇಸುಣಿಕೋ ಹೋತಿ-ಮಾತಿತೋ ಸಮ್ಭುತಮಾಗತಂ ವಾ ಮತ್ತಿಕಂ, ಪೇತ್ತಿಕಂ।
ಸುರಭಿತೋ ಸಮಭುತನ್ತಿ ನವಿಗ್ಗಹೇ।
ದಿಸ್ಸನ್ತಞ್ಞೇಪಿ ಪಚ್ಚಯಾ।
ವುತ್ತತೋ’ಞ್ಞೇಪಿ ಪಚ್ಚಯಾ ದಿಸ್ಸನ್ತಿ ವುತ್ತಾವುತ್ತತ್ಥೇಸುತಿಣ್ಯೋ-ಸೋರಬ್ಭಂ-‘‘ತತ್ಥ ವಸತಿ ಕವಿದಿತೋಭತ್ತೋ ನಿಯುತ್ತೋ’’ತಿ ಣಿಕೋ-ರುಕ್ಖಮೂಲೇ ವಸತೀತಿ ರುಕ್ಖಮೂಲಿಕೋ, ಲೋಕೇ ವಿದಿತೋ ಲೋಕಿಕೋ, ಚತುಮಹಾರಾಜೇಸು ಭತ್ತಾ ಚತುಮ್ಮಹಾರಾಜಿಕಾ-ದ್ವಾರೇ ನಿಯುತ್ತೋ ದೋವಾರಿಕೋ-ದಸ್ಸೋಕ ತದಮಿನಾದಿಪಾಠಾ।
ತಸ್ಸಿದಂ।
ಛಟ್ಠಿಯನ್ತಾ ಇದಮಿಚ್ಚಸ್ಮಿಂ ಅತ್ಥೇ ಣಿಕೋ ಹೋತಿ-ಸಙ್ಘಸ್ಸ ಇದಂ ಸಙ್ಘಿಕಂ, ಪುಗ್ಗಲಿಕಂ-‘‘ಣೇ’’ತಿ ಛಟ್ಠಿಯನ್ತಾ ಇದಮಿಚ್ಚತಸ್ಮಿಂ ಅತ್ಥೇಣೇ-ಮೋಗ್ಗಲ್ಲಾಯನಸ್ಸ ಇದಂ ಮೋಗ್ಗಲ್ಲಾಯನಂ, (ವ್ಯಾಕರಣಂ)-ಸೋಗತಂ, (ಸಾಸನಂ)।
ಪಿತಿತೋ ಭಾತರಿ ರೇಯ್ಯಣ।
ಪಿತುಸದ್ದಾ ತಸ್ಸ ಭಾತರಿ ರೇಯ್ಯಣ ಹೋತಿ-ರೋನು’ಬನ್ಧೋ।
ರಾನುಬನ್ಧೇ’ನ್ತಸರಾದಿಸ್ಸ।
ಅನ್ತೋ ಸರೋ ಆದಿ ಯಸ್ಸಾವಯವಸ್ಸ ತಸ್ಸ ಲೋಪೋ ಹೋತಿ ರಾನುಬನ್ಧೇತಿ ಉಲೋಪೋ-ಪಿತು ಭಾತಾ ಪೇತ್ತೇಯ್ಯೋ।
ಮಾತಿತೋ ಚ ಹಗಿನಿಯಂ ಛೋ।
ಮಾತುತೋ ಚೇ ಪಿತುತೋ ಚ ತೇಸಂ ಭಗಿನಿಯಂ ಛೋ ಹೋತಿ-ಮಾತುಭಗಿನಿ ಮಾತುಚ್ಛಾ-‘‘ಇತ್ಥಿಯಮತ್ವಾ’’ತಿ ಆ-ಏವಮ್ಪಿತುಚ್ಛಾ।
ಮಾತಾಪಿತುಸ್ವಾಮಹೋ।
ಮಾತಾಪಿತುಹಿ ತೇಸಂ ಮಾತಾಪಿತುಸ್ವಾಮಹೋ ಹೋತಿ-ಮಾತು ಮಾತಾ ಮಾತಾಮಹೀ-ಮಾತು ಪಿತಾ ಮಾತಾಮಹೋ-ಪಿತು ಮಾತಾ ಪಿತಾಮಹೀ-ಪಿತು ಪಿತಾಪಿ ನಾಮಹೋ।
ಹಿತೇ ರೇಯ್ಯಣ।
ಮಾತಾಪಿತೂಹಿ ಹಿತೇ ರೇಯ್ಯಣ ಹೋತಿ-ಮಾತು ಹಿತೋ ಮತ್ತೇಯ್ಯೋ, ಪಿತು ಹಿತೋ ಪೇತ್ತೇಯ್ಯೋ।
ತಮಸ್ಯ ಪರಿಮಾಣಂ ಣಿಕೋ ಚ।
ಪಠಮನ್ತಾ ಅಸ್ಸೇತಿ ಅಸ್ಮಿಂ ಅತ್ಥೇ ಣಿಕೋ ಹೋತಿ ಕೋವ ತಞ್ಚೇ ಪಠಮನ್ತಂ ಪರಿಮಾಣಮ್ಭವತಿ।
ದೋಣೇ ಪರಿಮಾಣಮಸ್ಸ ದೋಣಿಕೋ, (ವೀಹಿ)-ಏಕಮ್ಪರಿಮಾಣಮಸ್ಸ ಏಕಕಂ-ದ್ವಿಕಂ, ತಿಕಂ, ಚತುಕ್ಕಂ, ಪಞ್ಚಕಮಿಚ್ಚಾದಿ।
ಸಞ್ಜಾತಾ ತಾರಕಾದಿತ್ವಿತೋ
ತಾರಕಾದಿಹಿ ಪಠಮನ್ತೇಹಿ ಅಸ್ಸೇತಿ ಛಟ್ಠತ್ಥೇ ಇತೋ ಹೋತಿ ತೇ
ಚೇ
ಮಾನೇ ಮತ್ತೋ।
ಪಠಮನ್ತಾ ಮಾನವುತ್ತಿತೋ ಅಸ್ಸೇತಿ ಅಸ್ಮಿಂ ಅತ್ಥೇ ಮತ್ತೋ ಹೋತಿ-ಫಖಲಂ ಉಮ್ಮಾನಮಸ್ಸ ಖಫಲಮತ್ತಂ। ಹತ್ಥೋ ಪರಿಮಾಣಮಸ್ಸ ಹತ್ಥಮತ್ತಂ, ಸತಂ ಮಾನಮಸ್ಸ ಸತಮತ್ತಂ।
ಣೇ ಚ ಪುರಿಸಾ
ಪುರಿಸಾ ಪಠಮನ್ತಾ ಉದ್ಧಮಾನವುತ್ತಿತೋ ಅಸ್ಸೇತಿ ಅಸ್ಮಿಂ ಅತ್ಥೇ ಣೇ ಹೋತಿ ಮತ್ತ ತಗ್ಘಾ ಚ-ಪುರಿಸೋ ಉಮ್ಮಾನಮಸ್ಸ ಪೋರಿಸಂ, ಪುರಿಸಮತ್ತಂ। ಪುರಿಸತಗ್ಘಂ।
ತಸ್ಸ ಭಾವಕಮ್ಮೇಸು ತ್ತ ತಾ ತ್ತನಣ್ಯಣೇಯ್ಯ ಣಿಘ ಣಿಯಾ।
ಭವನ್ತಿ ಏತಸ್ಮಾ ಸದ್ದಬುದ್ಧೀತಿ ಭಾವೋ ಸದ್ದಪ್ಪವತ್ತಿ ನಿಮಿತ್ತಂ-ಕಮ್ಮಂ ಕ್ರಿಯಾ-ಛಟಾಠಿಯನ್ತಾ ಭಾವೇ ಕಮ್ಮೇ ಚ ತ್ತ ತಾದಯೋ ಹೋನ್ತಿ ಬಹುಲಂ-ಸಾಮಞ್ಞವಿಧಯೋ ಪಯೋಗಮನುಸಾರಯನ್ತಿತಿ ಕುತೋ ಚಿ ದ್ವೀಸುಕುತೋ ಚಿ ಭಾವೇ ಯೇವ-ನ ಚ ಸಬ್ಬೇ ಸಬ್ಬತೋ ಹೋನ್ತಿ ಅಞ್ಞತ್ರ ತ್ತತಾಹಿ-ನೀಲಸ್ಸ ಪಟಾಸ್ಸ ಭಾವೋ ನೀಲತ್ತಂ ನೀಲತಾತಿ ಗುಣೇ ಭಾವೋ-ಇಹ ಗುಣವಸಾ ನಿಲಸದ್ದೋನೀಲಗುಣಯುತ್ತೇ ದಬ್ಬೇ ವತ್ತತೇ ನಿಮಿತ್ತಸ್ಸರುಪಾನುಗತಾಞ್ಚಬುದ್ಧಿ-ಏವಮಞ್ಞತ್ರಾಪಿ ಯಥಾನುರೂಪಂಞಾತಬ್ಬಂ ನೀಲಸ್ಸಗುಣಸ್ಸ ಭಾವೋ ನೀಲತ್ತಂನೀಲತಾತಿ ನೀಲಗುಣಜಾತಿ-ಗೋತ್ತಂ ಗೋತಾತಿ ಗೋಜಾತಿ-ಪಾಚಕತ್ತತ್ತಿ ಪಚನಕ್ರಿಯಾಸಮ್ಬನ್ಧೋ-ರಾಜಪುರಿಸತ್ತನ್ತಿ ರಾಜಸಮ್ಬನ್ಧೋ-ದೇವದತ್ತಂ ಚನ್ದತ್ತಂ ಸೂರಿಯತ್ತನ್ತಿ ತದವತ್ಥಾವಿಸೇಸ ಸಾಮಞ್ಞಂ-ಆಕಾಸತ್ತಂ ಅಭಾವತ್ತನ್ತಿ ಉಪಚರಿತಭೇದಸಾಮಞ್ಞಂ-ಅಲಸಸ್ಸ ಭಾವೋ ಕಮ್ಮಂ ವಾ ಅಲಸತ್ತಂ ಅಲಸತಾ-ತ್ತನ, ಪುಥುಜ್ಜನತ್ತನಂ-ಣ್ಯ, ಚಾಪಕಲ್ಯಂ‘‘ಸಕತ್ಥೇತೀ‘‘ಸಕತ್ಥೇಪಿ-ಅಕಿಞ್ಚನಮೇವ ಆಕಿಞ್ಚಞ್ಞಂ-ಣೇಯ್ಯ, ಸೋಚೇಯ್ಯಂ-ಣ, ಪಾಟವಂ-ಅವಙ-ಇಯ, ನಗ್ಗಿಯಂ-ಣಿ ಯ, ಪೋರೋಹಿತಿಯಂ।
ತರ ತಮಿಸ್ಸಿಕಿಯಿಟ್ಠಾತಿಸಯೇ।
ಅತಿಸಯೇ ವತ್ತಮಾನನತೋ ಹೋನ್ತೇತೇ ಪಚ್ಚಯಾ-ಅತಿಸಯೇನ ಪಾಪೋ ಪಾಪತರೋ, ಪಾಪತಮೋ, ಪಾಪಿಸ್ಸಿಕೋ। ಪಾಪಿಯೋ। ಪಾಪಿಟ್ಠೋ-ಅತಿಸಯನ್ತಾಪಿ ಅತಿಸಯಪ್ಪಚ್ಚಯೋ-ಅತಿಸಯೇನ ಪಾಪಿಟ್ಠೋ ಪಾಪಿಟ್ಠತರೋ-ಉದುಮ್ಬರಸ್ಸ ವಿಕಾರೋ’ವಯವೋತ್ವೇವಮಾದಿವಿಗ್ಗಹೇ।
ತಸ್ಸ ವಿಕಾರಾವಯವೇಸು ಣ ಣಿಕ ಣೇಯ್ಯ ಮಯಾ।
ಪಕತಿಯಾ ಉತ್ತರಮವತ್ಥನ್ತರಂ ವಿಕಾರೋ-ಛಟ್ಠಿಯನ್ತಾ ನಾಮಸ್ಮಾ ವಿಕಾರೇ’ವಯವೇ ಚ ಣದಯೋ ಹೋನ್ತಿ ಬಹುಲಂ-ಣ, ಓದುಮ್ಬರಂ-(ಭಸ್ಮಂ ಪಣ್ಣಂ ವಾ)-ಣಿಕ, ಕಪ್ಪಾಸಿಕಂ-ನೇಯ್ಯ, ಏಣೇಯ್ಯಂ-ಮಯ। ತಿಣಮಯಂ-‘‘ಅಞ್ಞಸ್ಮಿನ್ತಿ’’ ಅತ್ಥನ್ತರೇಪಿ-ಗುನ್ನಂ ಕರಿಸಂ ಗೋಮಯಂ।
ಮನುಸ್ಸಾನಂ ಸಮುಹೋತ್ವೇವಮಾದಿವಿಗ್ಗಹೇ।
ಸಮುಹೇ
ಛಟ್ಠಿಯನ್ತಾ ಸಮೂಹೇ ಕಣ್ಣಣಿಕಾ ಹೋನ್ತಿ-ಮಾನುಸ್ಸಕಂ। ಕಾಕಂ, ಆಪುಪಿಕಂ-‘‘ಜನಾದೀಹಿ ತಾ’’ತಿ ಸಮೂಹೇ ತಾ-ಜನಾನಂ ಸಮೂಹೋ ಜನತಾ। ಗಜತಾ, ಬನ್ಧುತಾ।
ಏಕಾ ಕಾಕ್ಯಸಹಾಯೇ।
ಏಕಸ್ಮಾ ಅಸಹಾಯತ್ಥೇ ಕ ಆಕೀ ಹೋನ್ತಿ-ಏಕೋ’ವ ಏಕಕೋ, ಏಕಾಕೀ।
ಅಯುಭದ್ವಿತೀಹಂಸೇ।
ಉಪದ್ವಿತೀಹಿ ಅವಯವವುತ್ತೀಹಿ ಪಠಮನ್ತೇಹಿ ಅಸ್ಸೇತಿ ಛಟ್ಠತ್ಥೇ ಅಯೋ ಹೋತಿ-ಉಭೋ ಅಂಸಾ ಅಸ್ಸ ಉಭಯಂ। ದ್ವಯಂ। ತಯಂ-ಚಿನ್ತಂ ಪುರಣೇಚ್ಚಾ ದಿವಿಗ್ಗಹೇ-‘‘ಚತುತ್ಥದುತಿಯೇಸ್ವೇಸಂ ತತಿಯಪಠಮಾ’’ತಿ ನಿಪಾತನಾ ಪೂರಣತ್ಥೇ ದ್ವಿತೋ ತಿಯೋ ದ್ವಿಸ್ಸ ದು ಚ ತಿಚತುಹಿ ಅತಿಯತ್ತಾಚ-ದುತಿಯೋ। ತತಿಯೋ। ಚತುತ್ಥೋ।
ಮ ಪಞ್ಚಾದಿಹಿ ಕತೀಹಿ।
ಛಟ್ಠಿಯನ್ತಾಯ ಪಞ್ಚಾದಿಕಾಯ ಸಙ್ಖ್ಯಾಯ ಕತಿಸ್ಮಾ ಚ ಮೋ ಹೋತಿ ಪೂರಣತ್ಥೇ-ಪಞ್ಚನ್ನಂ ಪುರಣೇ ಪಞ್ಚಮೋ-ಏವಂ ಸತ್ತಮೋ, ಅಟ್ಠಮೋ, ಇಚ್ಚಾದಿ।
ಛಾಟ್ಠ ಟ್ಠಮಾ।
ಛಸದ್ದಾ ಟ್ಠ ಟ್ಠಮಾ ಹೋನ್ತಿ ಪುರಣತ್ಥೇ-ಛನ್ನಂ ಪೂರಣೇ ಛಟ್ಠೋ, ಛಟ್ಠಮೋ ವಾ।
ತಸ್ಸ ಪುರಣೇಕಾದಸಾದಿತೋ ವಾ।
ಛಟ್ಠಿಯನ್ತಾಯೇಕಾದಸಾದಿಕಾಯ ಸಙ್ಖ್ಯಾಯ ಡೋ ಹೋತಿ ಪೂರಣತ್ಥೇ ವಿಭಾಸಾ-ಡಕಾರೋ’ನುಬನ್ಧೋ-ಏಕಾದಸನ್ತಂ ಪೂರಣೇ ಏಕಾದಸೋ-ಅಞ್ಞತ್ರ-ಏಕಾದಸಮೋಚ್ಚಾದಿ-ಏವಂ ದ್ವಾದಸೋ ಇಚ್ಚಾದಿ-ಏಕೂನವೀಸತ್ಯಾದಿಹಿತುಡೇ।
ಸೇ ಸತಿಸ್ಸ ತಿಸ್ಸ।
ಸೇ ಪರೇ ಸತ್ಯನ್ತಸ್ಸ ತಿಕಾರಸ್ಸ ಲೋಪೋ ಹೋತೀತಿ ತಿಲೋಪೋ। ಏಕುನವೀಸೋ।
ಸತಾದೀನಮಿ ಚ।
ಸತಾದಿಕಾಯ ಸಙ್ಖ್ಯಾಯ ಛಟ್ಠಿಯನ್ತಾಯ ಪುರನತ್ಥೇ ಮೋ ಹೋತಿ ಸತಾ ದಿನಮಿ ಚಾನ್ತಾದೇಸೋ-ಸತಸ್ಸ ಪೂರಣೇ ಸತಿಮೋ, ಸಹಸ್ಸಿಮೋ। ವೀಸತಿ ಅಧಿಕಾ ಅಸ್ಮಿಂ ಸತೇ ಸಹಸ್ಸೇ ವಾತಿ ಏವಮಾದಿವಿಗ್ಗಹೇ।
ಸಙ್ಖ್ಯಾಯ ಸಚ್ಚುತೀಸಾಸದಸನ್ತಾಯಾಧಿಕಾಸ್ಮಿಂ ಸತಸಹಸ್ಸೇ ಡೋ।
ಸತ್ಯನ್ತಾಯ ಮುತ್ಯನ್ತಾಯ ಈಸನ್ತಾಯ ಆಸನ್ತಾಯ ದಸನ್ತಾಯ ಚ ಸಙ್ಖ್ಯಾಯ ಪಠಮನ್ತಾಯ ಅಸ್ಮಿನ್ತಿ ಸತ್ತಮ್ಯತ್ಥೇ ಡೋ ಹೋತಿ ಸಾ ಚೇ ಸಙ್ಖ್ಯಾ ಅಧಿಕಾ ಹೋತಿ ಯದಸ್ಮಿನ್ತಿ ತಞ್ಚೇ ಸತಂ ಸಹಸ್ಸಂ ಸತಸಹಸ್ಸಂ ವಾ ಹೋತಿ-ತಿಲೋಪೇ-ವೀಸಂ-ಸತಂ, ಸಹಸ್ಸಂ, ಸತಸಹಸ್ಸಂ ವಾ-ಉತ್ಯನ್ತಾಯ-ನಹುತಂ-ಸತಂ। ಸಹಸ್ಸಂ, ಸತಸಹಸ್ಸಂ ವಾ-ಈಸನ್ತಾಯ-ಚತ್ತಾರೀಸಂ-ಸತಂ। ಸಹಸ್ಸಂ, ಸತಸಹಸ್ಸಂ ವಾ-ಆಸನ್ತಾಯ-ಪಞ್ಞಾಸಂ-ಸತಂ, ಸಹಸ್ಸಂ। ಸತಸಹಸ್ಸಂ ವಾ-ದಸನ್ತಾಯ-ಏಕಾದಸಂ-ಸತಂ, ಸಹಸ್ಸಂ, ಸತಸಹಸ್ಸಂ ವಾ-ಸಚ್ಚುತೀಸಾಸದಸನ್ತಾಯಾತಿ ಕಿಂ? ಛ ಅಧಿಕಾ ಅಸ್ಮಿಂ ಸತೇ-ಅಧಿಕೇತಿ ಕಿಂ? ಪಞ್ಚದಸ ಹೀನಾ ಅಸ್ಮಿಂ ಸತೇ-ಅಸ್ಮಿನ್ತಿ ಕಿಂ?ವೀಸತಿ ಅಧಿಕಾ ಏತಸ್ಮಾ ಸತಾ-ಸತಸಹಸ್ಸೇತಿ ಕಿಂ? ಏಕಾದಸಾಧಿಕಾ ಅಸ್ಸಂ ವೀಸತಿಯಂ।
ತಮೇತ್ಥಸ್ಸತ್ಥೀತಿ
ಪಠಮನ್ತಾ ಏತ್ಥ ಅಸ್ಸ ಅತ್ಥೀತಿ ಏತೇಸ್ವತ್ಥೇಸು ಮನ್ತು ಹೋತಿ-ಇತಿಸದ್ದಸ್ಸ ವಿವಕ್ಖಾನಿಯಮನತ್ಥತ್ತಾ ಪಹುತಾದಿಯುತ್ತೇಯೇವ ಅತ್ಥ್ಯತ್ಥೇ ಹೋತಿ-ವುತ್ತಂಹಿ।
ಪಹುತೇ ಚ ಪಸಂಸಾಯಂ ನಿನ್ದಾಯದ್ವಾತಿಸಾಯನೇ।
ನಿಚ್ಚಯೋಗೇ ಚ ಸಂಸಗ್ಗೇ ಹೋನ್ತಿಮೇ ಮನ್ತುಆದಯೋ॥
ಪಹುತಾ ಗಾವೋ ಏತ್ಥ ದೇಸೇ ಅಸ್ಸ ವಾ ಪುರಿಸಸ್ಸ ಸನ್ತೀತಿ ಸಗೋಮಾಪಸಂಸಾಯಂ। ಪಸತ್ಥಾ ಜಾತಿ ಅಸ್ಸ ಅತ್ಥೀತಿ ಜಾತಿಮಾ-ನಿನ್ದಾಯಂ, ವಲಿಮಾಅತಿಸಾಯನೇ, ಬುದ್ಧಿಮಾ-ನಿಚ್ಚಯೋಗೇ, ಜುತಿಮಾ-ಸಂಸಗ್ಗೇ, ಹಲಿದ್ದಿಮಾ। ತಮೇತ್ಥಸ್ಸತ್ಥೀತಿ ಅಧಿಕಾರೋ।
ವನ್ತ್ವವಣ್ಣಾ।
ಪಠಮನ್ತತೋ ಅವಣ್ಣನ್ತಾ ಮನ್ತ್ವತ್ಥೇ ವನ್ತು ಹೋತಿ-ಸೀಲವಾ, ದಯಾವಾ-ಅವಣ್ಣಾತಿ ಕಿಂ? ಬುದ್ಧಿಮಾ।
ದಣ್ಡಾದಿತ್ವಿಕಈ।
ದಣ್ಡಾದೀಹಿ ಇಕ ಈ ಹೋನ್ತಿ ವಾ ಮನ್ತ್ವತ್ಥೇ-ದಣ್ಡಿಕೋ, ದಣ್ಡೀ-ಗನ್ಧಿಕೋ ಗನ್ಧಿ-ಇತಿಸದ್ದಸ್ಸ ವಿಸಸನಿಯಮನ್ತ್ಥತ್ತಾ ಕುತೋ ಚಿ ದ್ವೇ ಕುತೋಚೇ ಕಮೇಕಂವ-ನಾವಿಕೋ, ಸುಖೀ।
ತಪಾದಿಹಿ ಸ್ಸೀ।
ತಪಾದಿತೋ ವಾ ಸ್ಸೀ ಹೋತಿ ಮನ್ತ್ವತ್ಥೇ-ತಪಸ್ಸೀ, ಯಸಸ್ಸೀ-ವಾತ್ವೇಚ-ಯಸವಾ।
ಸದ್ಧಾದಿತ್ವ।
ಸದ್ಧಾದೀಹಿಮನ್ತ್ವತ್ಥಅಹೋತಿವಾ-ಸದ್ಧೋ, ಪಞ್ಞೋ-ವಾತ್ವೇವ-ಪಞ್ಞವಾ।
ಣೇ ತಪಾ।
ತಪಸದ್ದಾ ಣೇ ಹೋತಿ ಮನ್ತ್ವತ್ಥೇ-ತಾಪಸೋ-ಮನಾದಿತ್ತಾ ‘‘ಮನಾದೀನಂ ಸಕ’’ಇತಿ ಣನುಬನ್ಧೇ ಸಕ-‘‘ಮಾಯಾಮೇಧಾಹಿ ವೀ’’ತಿ ಮನ್ತ್ವತ್ಥೇ ವೀ-ಮಾಯಾವಿ, ಮೇಧಾವೀ।
ತೋ ಪಞ್ಚಮ್ಯಾ।
ಪಞ್ಚಮ್ಯನ್ತಾ ಬಹುಲಂ ತೋ ಹೋತಿ-ಗಾಮಸ್ಮಾ ಗಾಮತೋ-ಇಮೇನ ಕಿಂ ಸದ್ದೇಹಿ ತೋಮ್ಹಿ-‘‘ಇತೋ ತೇತ್ತೋ ಕುತೋ’’ತಿ ಇಮಸ್ಸ ಟಿ ನಿಪಚ್ಚತೇ ಏತಸ್ಸ ಟಏತ ಕಸ್ಸ ಕುತ್ತಞ್ಚ-ಇಮಸ್ಮಾ ಇತೋ, ಏತಸ್ಮಾ ಅತೋ ಏತ್ತೋ, ಕಸ್ಮಾ ಕುತೋ।
ಅಭ್ಯಾದಿಹಿ।
ಅಭಿಆದೀಹಿ ತೋ ಹೋತಿ-ಅಪಞ್ಚಮ್ಯನ್ತೇಹಿಪಿ ವಿಧಾನತ್ತೋ’ಯಂ-ಅಭಿತೋ, ಪರಿತೋ, ಪಚ್ಛತೋ, ಹೇಟ್ಠತೋ।
ಆದ್ಯಾದೀಹಿ।
ಆದಿಪ್ಪಭುತೀಹಿ ತೋ ಹೋತಿ-ಆದೋ ಆದಿತೋ, ಮಜ್ಝೇ ಮಜ್ಝತೋ, ಯಂ ಯತೋ।
ಸಬ್ಬಾದಿತೋ ಸತ್ತಮ್ಯಾ ತ್ರತ್ಥಾ।
ಸಬ್ಬಾದೀಹಿ ಸತ್ತಮ್ಯನ್ತೇಹಿ ತ್ರತ್ಥಾ ಹೋನ್ತಿ-ಸಬ್ಬಸ್ಮಿಂ ಸಬ್ಬತ್ರ, ಸಬ್ಬತ್ಥ-ಯಸ್ಮಿಂ ಯತ್ರ, ಯತ್ಥ-ಬಹುಲಾಧಿಕಾರಾ ನ ತುಮ್ಹಾಮ್ಹೇಹಿ।
ಕತ್ಥೇತ್ಥ
ಏತೇ ಸದ್ದಾ ನಿಪಚ್ಚನ್ತೇ-ಕಸ್ಮಿಂ ಕತ್ಥ, ಕುತ್ರ, ಕ್ವ-ಏತಸ್ಮಿಂ ಏತ್ಥ, ಅತ್ರ-ಅಸ್ಮಿಂ ಇಹ, ಇಧ।
ಧೀ ಸಬ್ಬಾ ವಾ।
ಸತ್ತಮ್ಯನ್ತತೋ ಸಬ್ಬಸ್ಮಾ ಧಿವಾ ಹೋತಿ-ಸಬ್ಬಧಿ-ವಾತಿಕಿಂ, ಸಬ್ಬತ್ರ।
ಯಾ ಹಿಂ।
ಸತ್ತಮ್ಯನ್ತಾ ಯಸದ್ದಾ ಹಿಂ ವಾ ಹೋತಿ-ಯಹಿಂ-ವಾತ್ವೇವ-ಯತ್ರ।
ತಾ ಹಚ।
ಸತ್ತಮ್ಯನ್ತಾ ತತೋ ವಾಹಂ ಹೋತಿ ಹಿಞ್ಚ-ತಹಂ, ತಹಿಂ-ವಾತ್ವೇವ-ತತ್ರ।
ಕುಹಿಂಕತಂ।
ಕಿಂಸದ್ದಾ ಸತ್ತಮ್ಯನ್ತಾ ಹಿಂ ಹಂ ನಿಪಚ್ಚನ್ತೇ ಕಿಸ್ಸ ಕುಕಾ ಚ-ಕುಹಿಂ ಕಹಂ-ಸಬ್ಬಸ್ಮಿಂ ಕಾಲೇಚ್ಚೇವಮಾದಿ ವಿಗ್ಗಹೇ।
ಸಬ್ಬೇಕಞ್ಞಯತೇಹಿ ಕಾಲೇ ದಾ।
ಏತೇಹಿ ಸತ್ತಮ್ಯನ್ತೇಹಿ ಕಾಲೇ ದಾ ಹೋತಿ-ಸಬ್ಬದಾ ಏಕದಾ, ಅಞ್ಞದಾ, ಯದಾ, ತದಾ।
ಕದಾ ಕುದಾ ಸದಾ ಧುನೇದಾನಿ।
ಏತೇ ಸದ್ದಾ ನಿಪಚ್ಚನ್ತೇ-ಕಸ್ಮಿಂ ಕಾಲೇ ಕದಾ, ಕುದಾ-ಸಬ್ಬಸ್ಮಿಂ ಕಾಲೇ ಸದಾ-ಇಮಸ್ಮಿಂ ಕಾಲೇ ಅಧುನಾ, ಇದಾನಿ।
ಅಜ್ಜ ಸಜ್ಜವಪರಜ್ಜೇವತರಹಿ ಕರಹಾ।
ಏತೇ ಸದ್ದಾ ನಿಪಚ್ಚನ್ತೇ-
ಪಕತಿ ಪಚ್ಚಯೋ ಆದೇಸೋ ಕಾಲವಿಸೇಸೋತಿ ಸಬ್ಬಮೇತಂ ನಿಪಾತನಾ ಲಬ್ಭತಿ-ಇಮಸ್ಸ ಟೋ ಜ್ಜೋ ವಾಹನಿ ನಿಪಚ್ಚತೇ-ಅಸ್ಮಿಂ ಅಹನಿ ಅಜ್ಜ-ಸಮಾನಸ್ಸ ಸಭಾವೋಜ್ಜು ವಾಹತಿ-ಸಮಾನೇ ಅಹತಿ ಸಜ್ಜು-ಅಪರಸ್ಮಾ ಜ್ಜು ವಾಹತಿ-ಅಪರಸ್ಮಿಂ ಅಹತಿ ಅಪರಜ್ಜು-ಇಮಸ್ಸೇತೋ ಕಾಲೇರಹಿ ಚ-ಇಮಸ್ಮಿಂ ಕಾಲ್ಞೇತರಹಿ-ಕಿಂಸದ್ದಸ್ಸ ಕೋ ರಹ ವಾನಜ್ಜತನೇ-ಕಸ್ಮಿಂ ಕಾಲೇ ಕರಹ।
ಸಬ್ಬಾದೀಹಿ ಪಕಾರೇ ಥಾ।
ಸಾಮಞ್ಞಸ್ಸ ಭೇದಕೋ ವಿಸೇಸೋ ಪಕಾರೋ, ತತ್ಥ ವತ್ತಮಾನೇಹಿ ಸಬ್ಬಾದೀಹಿ ಥಾ ಹೋತಿ-ಸಬ್ಬೇನ ಪಕಾರೇನ ಸಬ್ಬಥಾ-ಯಥಾ, ತಥಾ।
ಕಥಮಿತ್ಥಂ।
ಏತೇ ಸದ್ದಾ ನಿಪಚ್ಚನ್ತೇ ಪಕಾರೇತಿ ಕಿಮಿಮೇಹಿ ಥಂಪಚ್ಚಯೋಕೇತ ತೇಸಂ ಯಥಾಕ್ಕಮಂ-ಕೇನ ಪಕಾರೇನ ಕಥಂ, ಇಮಿನಾ ಪಕಾರೇನ ಇತ್ಥಂ।
ಏಕೇನ ಪಕಾರೇನ ಏಕಂ ವಾ ಪಕಾರಂ ಕರೋತಿಚ್ಚೇವಮಾದಿವಿಗ್ಗಹೇ।
ಧಾ ಸಙ್ಖ್ಯಾಹಿ।
ಸಙ್ಖ್ಯಾವಾಚೀಹಿ ಪಕಾರೇ ಧಾ ಪರೋ ಹೋತಿ-ಏಕಧಾ ಕರೋತಿ-ದ್ವಿಧಾ,ತಿಧಾ, ಚತುಧಾ, ಪಞ್ಚಧಾ ಕರೋತಿಚ್ಚೇವಮಾದಿವಿಗ್ಗಹೋ-ಬಹುಸದ್ದಾ ವೇಪುಲ್ಲವಾಚೀ ಸಙ್ಖ್ಯಾವಾಚೀ ಚ-ಯದಾ ಸಙ್ಖ್ಯಾವಾಚೀ ತದಾ ಬಹುಧಾ ಕರೋತಿ।
ವೇಕಾ ಜ್ಝಂ।
ಏಕಸ್ಮಾ ಪಕಾರೇ ಜ್ಝಂ ವಾ ಹೋತಿ-ಏಕಜ್ಝಂ-ವಾತಿ ಕಿಂ, ಏಕಧಾ।
ದ್ವಿತೀಹೇಧಾ।
ದ್ವಿತೀಹಿ ಪಕಾರೇ ಏಧಾ ವಾ ಹೋತಿ-ಮೇಧಾ, ತೇಧಾ-ವಾತ್ವೇವ-ದ್ವಿಧಾ, ತಿಧಾ-ಏಕಂ ವಾರಂ ಭುಞ್ಜತಿಚ್ಚೇವಮಾದಿವಿಗ್ಗಹೇ।
ವಾರ ಸಙ್ಖ್ಯಾಯ ಕ್ಖತ್ತುಂ।
ವಾರಸಮ್ಬನ್ಧಿತಿಯಾ ಕತಿಸಙ್ಖ್ಯಾಯ ಕ್ಖತ್ತುಂ ಹೋತಿ-ಕತಿವಾರೇ ಭುಜತಿ ಕತಿಕ್ಖತ್ತುಂ ಭುಞ್ಜತಿ।
ಬಹುಮ್ಹಾ ಧಾ ಚ ಪಚ್ಚಾಸತ್ತಿಯಂ।
ವಾರಸಮ್ಬನ್ಧಿನಿಯಾ ಬಹುಸಙ್ಖ್ಯಾಯ ಧಾ ಹೋತಿ ಕ್ಖತ್ತುಞ್ಚ ವಾರಾನಞ್ಚೇ ಪಚ್ಚಾಸತ್ತಿ ಹೋತಿ-ಬಹುವಾರೇ ಬುಞ್ಜತಿ ಬಹುಧಾ ವಾ ದಿವಸಸ್ಸ ಬುಞ್ಜತಿ, ಖಹುಕ್ಖತ್ತುಂ ವಾ, ಪಚ್ಚಾಸತ್ತಿಯನ್ತಿ ಕಿಂ, ಬಹುಕ್ಖತ್ತುಂ ಮಕಾಸಸ್ಸ ಭುಞ್ಜತಿ।
ಸಕಿಂ ವಾ।
ಏಕಂ ವಾರಮಿಚ್ಚಸ್ಮಿಂ ಅತ್ಥೇ ಸಕಿನ್ತಿ ವಾ ನಿಪಚ್ಚತೇ ಏಕಸ್ಮಾ ಕಿಂ ಏಕಸ್ಸ ಚ ಸಾದೇಸೋ-ಏಕಂ ವಾರಂ ಭುಞ್ಜತಿ ಸಕಿಂ ಭುಞ್ಜತಿ-ವಾತಿ ಕಿಂ, ಏಕಕ್ಖತ್ತುಂ ಭುಞ್ಜತಿ।
ಸೋ ವೀಚ್ಛಾಪ್ಪಕಾರೇಸು।
ಕ್ರಿಯಾಯ ಗುಣೇನ ದಬ್ಬೇನ ವಾ ಭಿನ್ನೇ ಅತ್ಥೇ ವ್ಯಾಪಿತುಮಿಚ್ಛಾ ವೀಚ್ಛಾವೀಚ್ಛಾಯಮ್ಪಕಾರೇ ಚ ಸೋ ಹೋತಿ ಬಹುಲಂ-ಸಾಮಞ್ಞನಿದ್ದೇಸಾ ಯಥಾಸಮ್ಭವಂ ವಿಭತ್ತ್ಯನ್ತಾ ಯತೋ ಕುತೋ ವಿಸದ್ದಾ ಹೋತಿ-ವಿಚ್ಛಾಯಂ-ಖಣ್ಡಂ ಖಣ್ಡಂ ಕರೋತಿ ಖಣ್ಡಸೋ ಕರೋತಿ-ಸಬ್ಬೇನ ಪಕಾರೇನ ಸಬ್ಬಸೋ।
ಅಭುತ ತಬ್ಭಾವೇ ಕರಾಯಭುಯೋಗೇ ವಿಕಾರಾ ಚೀ।
ಅವತ್ಥಾವತೋ’ವತ್ಥನ್ತರೇನಾಭುತಸ್ಸ ತಾಯಾವತ್ಥಾಯ ಭಾವೇ ಕರಾಸಭೂಹಿ ಸಮ್ಬನ್ಧೇ ಸತಿ ವಕಾರವಾಚಕಾಚೀ ಹೋತಿ-ಚಕಾರೋ‘‘ಚೀ ಕ್ರಿಯತ್ಥೇಹೀ’’ತಿ ವಿಸೇಸನತ್ಥೋ-ಅಧವಲಂ ಧವಲಂ ಕರೋತೀತಿ ಧವಲೀಕರೋತಿ-ಅಧವಲೋ ಧವಲೋ ಸಿಯಾ ಭವತಿ ವಾ ಧವಲೀಸಿಯಾ। ಧವಲೀಭವತಿ-ಅಭುತತಬ್ಭಾ ವೇತಿ ಕಿಂ, ಘಟಂ ಕರೋತಿ-ಕರಾಸಭುಯೋಗೇತಿ ಕಿಂ। ಅಧವಲೋ ಧವಲೋ ಜಾತತೇ-ವಿಕಾರಾತಿ ಕಿಂ, ಸುವಣ್ಣಂ ಕುಣ್ಡಲೀಕರೋತಿ।
ಣದ ಯೋ।
ಅಥ ತಬ್ಬಾದಯೋ ವುಚ್ಚನ್ತೇ ಕ್ರಿಯತ್ಥೇಹಿ ‘‘ಕ್ರಿಯತ್ಥಾ’’ತಿ ಅಧಿಕಾರತೋ, ಕ್ರಿಯಾ ಅತ್ಥೋ ಏತಸ್ಸಾತಿ ಕ್ರಿಯಾತ್ಥೋ(ಧಾತು)-ಸೋ ಚ ದ್ವಿವಿಧೋ ಸಕಮ್ಮಕಾ ಕಮಕ್ಮಕವಸೇನ-ತತ್ತ ಯಸ್ಮಿಂ ಕ್ರಿಯತ್ಥೇ ಕತ್ತುವಾಚಿನಿ ಕಮ್ಮಂ ಗವೇಸೀಯತೇ, ಸೋ ಸಕಮ್ಮಕೋ ಇತರೋ ಅಕಮ್ಮಕೋ-ತೇಸು ಯಥಾರಹಂ ಸಕಮ್ಮ ಕತೋ ಕಮ್ಮಾದೋ ಕಾರಕೇ ಕಮ್ಮಾವಚನಿಚ್ಛಾಯಮ್ಭಾವೇ ಚ ತಬ್ಬಾದಯೋ ವೇದಿತಬ್ಬಾ-ಅಕಮ್ಮಕತೋ ಪನ ಭಾವೋ ಕಮ್ಮವಜ್ಜಿತೇ ಚ ಕಾರಕೇ-ಕ್ರಿಯಾತಿ ಚ ಗಮನಪಚನಾದಿಕೋ ಅಸತ್ತಸಮ್ಮತೋ ಕತ್ತರೀ ಕಮ್ಮೇವಾ ಪತಿಟ್ಠಿತೋ ಕಾರಕಸಮೂಹಸಾಧಿಯೋ ಪದತ್ಥೋ ವುಚ್ಚತಿ, ವುತ್ತಂಹಿ।
‘‘ಅದ್ದಬ್ಬಭುತಂ
ಪದತ್ಥಂ ಕತ್ತುಕಮ್ಮಟಾಠಂ-ಕ್ರಿಯಮಿಚ್ಛನ್ತಿ ತಬ್ಬಿದು’’॥
ಕರ ಕರಣೇ-ಅಕಾರೋ ಉಚ್ಚಾರಣತ್ಥೋ-ಏವಮುತ್ತರತ್ರಾಪಿ-ಕರಿತಿ ಠಿತೇ-ಬಹುಲಮಿತಿ ಸಬ್ಬತ್ಥ ವತ್ತತೇ।
ಭಾವಕಮ್ಮೇಸು ತಬ್ಬಾನೀಯಾ।
ತಬ್ಬಅನಿಯಾ ಕ್ರಿಯತ್ಥಾ ಪರೇ ಭಾವಕಮ್ಮೇಸು ಬಹುಲಂ ಭವನ್ತಿ-ಪಚ್ಚಯೇತಿ ಪಚ್ಚಯವಿಧಾನತೋಞ್ಞಸ್ಮಿಂ ಸಬ್ಬತ್ಥಾಧಿಕಾರೋ।
ತುಂತುನತಬ್ಬೇಸು ವಾ।
ತುಮಾದಿಸು ಪಚ್ಚಯೇಸು ವಾ ಕರಸ್ಸ ಆ ಹೋತಿ-ಅಞ್ಞತ್ರ।
ಪರರೂಪಮಯಕಾರೇ ಬ್ಯಞ್ಜನೇ।
ಕ್ರಿಯತ್ಥಾನಮನ್ತಬ್ಯಞ್ಜನಸ್ಸ ಪರರೂಪಂ ಹೋತಿ ಯಕಾರತೋ’ಞ್ಞಸ್ಮಿಂ ಬ್ಯಞ್ಜನಾದೋ ಪಚ್ಚಯೇತಿ ಪರರೂಪಂ-ಕರಣಂ ಕಾತಬ್ಬಂ। ಕತ್ತಬ್ಬಂ ವಾ-ನಪುಂಸಕಲಿಙ್ಗಂ-ಭಾವಸ್ಸೇಕತ್ತಾಪಿ ತಬ್ಬಾದ್ಯಭಿಹಿತೋ ಭಾವೋ ದಬ್ಬಮಿವ ಪಕಾಸತೀತಿ ಬಹುವಚನಞ್ಚ ಹೋತಿ-ಕಮ್ಮೇ-ಕರೀಯತೀತಿ ಕಾತಬ್ಬೋಕ ಕತ್ತಬ್ಬೋ-ಅಭಿಧೇಯ್ಯಸ್ಸೇವ ಲಿಙ್ಗವಚನಾನಿ।
ವಿಸೇಸ್ಸಲಿಙ್ಗಾ ತಬ್ಬಾದಿ ತತ್ಥಾದೋ ಪಞ್ಚ ಭಾವಜಾ,
ನಪುಂಸಕೇ ಸಿಯುಂ ಭಾವೇ ಕ್ತೋ ಚಾನೋ ಅಕನ್ತರೀ।
ಭಾವಸ್ಮಿಂ ಘ್ಯಣ ಪುಮೇ ಏವಂ ಇಯುವಣ್ಣಗಹಾದಿಜೋ,
ಅಪ್ಪಚ್ಚಯೋ’ಪಿ ಚಾಸಙಕ್ಖ್ಯಾ ತುಮಾದಿ ಕತ್ವಾನ್ತಕಾ ಸಿಯುಂ॥
ಅನೀಯೇ-
ರಾ ನಸ್ಸ ಣೇ।
ರಾನ್ತತೋ ಕ್ರಿಯತ್ಥಾ ಪರಸ್ಸ ಪಚ್ಚಯನಕಾರಸ್ಸ ಣೋ ಹೋತಿ-ಕರಣೀಯಂ-ಬಹುಲಾಧಿಕಾರಾ ಕರಣಾದಿಸುಪಿ ಭವನ್ತೀ-ಸಿನಾ ಸೋಚೇಯ್ಯೇ-ದಿವಾ ದಿಸೇಸೋ-ಸಿನಾಯನ್ತೇ’ನೇನಾತಿ ಸಿನಾನೀಯಂ(ಚುಣ್ಣಂ)-ದಾ ದಾನೇ-ದಿಯತೇ ಅಸ್ಸಾತಿ ದಾನೀಯೋ-(ಬ್ರಾಹ್ಮಣೇ)-ಠಾ ಗತಿನಿವುತ್ತಿಯಂ-ಉಪ ಪುಬ್ಬೋ-ಉಪತಿಟ್ಠತೀತಿ ಉಪಟ್ಠಾನೀಯೋ-(ಸಿಸ್ಸೋ)-ಧಾತುನಮನೇಕತ್ಥತ್ತಾಯೇವ ಠಾ ಇಚ್ಚಸ್ಮಿಂ ಧಾತುಮ್ಹಿ ಸನ್ತಮೇವೋಪಟ್ಠಾನತ್ಥಂ ಉಪಸದ್ದೋ ಜೋತೇತಿ-ವುತ್ತಂಹಿ।
‘‘ಸನ್ತಮೇವ ಹಿ ನೀಲಾದಿ-ವಣ್ಣಂ ದೀಪಾದಯೋ ವಿಯ।
ಧಾತುಸ್ಮಿಂ ಸನ್ತಮೇವತ್ಥಂ ಉಪಸಗ್ಗಾ ಪಕಾಸಕೋ’’॥
ವಚ ಬ್ಯತ್ತವಚನೇ-
ಘ್ಯಣ।
ಭಾವಕಮ್ಮೇಸು ಕ್ರಿಯತ್ಥಾ ಪರೋ ಘ್ಯಣ ಹೋತಿ ಬಹುಲಂ-ಘಕಾರಣಕಾರಾನುಬನ್ಧಾ।
ಕಗಾ ಚಜಾನಂ ಘಾನುಬನ್ಧೇ।
ಘಾನುಬನ್ಧೇ ಚಕಾರಜಕಾರನ್ತಾನಂ ಕ್ರಿಯತ್ಥಾನಂ ಕಗಾ ಹೋನ್ತಿ ಯಥಾಕ್ಕಮನ್ತಿ ವಸ್ಸ ಕೋ।
ಅಸ್ಸಾ ಣನುಬನ್ಧೇ।
ಣಕಾರಾನುಬನ್ಧೇ ಪಚ್ಚಯೇ ಪರೇ ಉಪನ್ತಸ್ಸ ಅಕಾರಸ್ಸ ಆ ಹೋತಿ-ವುಚ್ಚತೀತಿ ವಾಕ್ಯಂ-ಚಿ ವಯೇ-ಘ್ಯಣ।
ಯುವಣ್ಣಾನಮ್ಞೋ
ಇವಣ್ಣುವಣ್ಣನ್ತಾನಂ ಕ್ರಿಯತ್ತಾನಂ ಏ ಓ ಹೋನ್ತಿ ಯಥಾಕ್ಕಮಂ ಪಚ್ಚಯೇತಿ ಇಸ್ಸೇಕಾರೇ‘‘ಸರಮ್ಹಾ ದ್ವೇ’’ತಿ ಯಸ್ಸ ದ್ವಿಭಾವೇ ಚ-ಚಯನಂ ಚಿಯತೀತಿ ವಾ ಚೇಯ್ಯಂ-ದಾ ದಾನೇ।
ಆಸ್ಸೇ ಚ।
ಆಕಾರನ್ತತೋ ಘ್ಯಣ ಹೋತಿ ಭಾವಕಮ್ಮೇಸು ಆಸ್ಸ ಏ ಚ-ದಾನಂ ದೀಯತೀತಿ ವಾ ದೇಯ್ಯಂ-ವದ ಪಚನೇ‘‘ವದಾದೀಹಿ ಯೋ’’ತಿ ಭಾವಕಮ್ಮೇಸು ಯೋಚವಗ್ಗಪುಬ್ಬರೂಪೇಸು-ವದನಂ ವದಿತಬ್ಬಂ ವಾ ವಜ್ಜಂ-ಅಮ ಗಮ ಗಮನೇ ವದಾದಿತ್ತಾ ಯೇ-ಗಮನಂ ಗಮ್ಯತೇತಿ ವಾ ಗಮ್ಯಂ-ಗುಹ ಸಂವರಣೇ-‘‘ಗುಹಾದೀಹಿಯಕ’’ಇತಿ ಭಾವಕಮ್ಮೇಸು ಯಕ-ಕಕಾರೋ ಕಾನುಬನ್ಧಕಾರಿಯತ್ಥೋ।
ಲಹುಸ್ಸುಪನ್ತಸ್ಸ
ಲಹುಭುತಸ್ಸ ಉಪನ್ತಸ್ಸ ಯುವಣ್ಣಸ್ಸ ಏ ಓ ಹೋನ್ತಿ ಯಥಾಕ್ಕಮಂ ಪಚ್ಚಯೇತಿ ಸಮ್ಪತ್ತಸ್ಸೋ ಕಾರಸ್ಸ ‘‘ನತೇ ಕಾನುಬನ್ಧನಾಗಮೇಸು’’ತಿ ಪಟಿಸೇಧೋ-ಗುಹಣಂ ಗುಹಿತಬ್ಬಂ ಕವಾ ಗುಯ್ಹಂ-ವಿಪಲ್ಲಾಸೋ-ಸಾಸ ಅನುಸಟ್ಠಿಯಂ-ಯಕ।
ಸಾಸಸ್ಯ ಸಿಸ ವಾ।
ಸಾಸಸ್ಸ ವಾ ಸಿಸ ಹೋತಿ ಕಾನುಬನ್ಧೇ-ಪುಬ್ಬರೂಪೇ-ಸಾಸೀಯತೀತಿ ಸಿಸ್ಸೋ-ಸಿಸಾದೇಸಾಭಾವಪಕ್ಖೇ-
ಏಇ ಬ್ಯಞ್ಜನಸ್ಸ।
ಕ್ರಿಯತ್ಥಾ ಪರಸ್ಸ ಬ್ಯಞ್ಜನಾದಿಪ್ಪಚ್ಚಯಸ್ಸ ಞಿ ವಾ ಹೋತಿ-ಞಕಾರೋ ‘‘ಞಿ ಲಸ್ಸೇ’’ತಿ ವಿಸೇಸನತ್ಥೋ,ಸಾಸಿಯೋ-ವವತ್ಥಿತವಿಭಾಸತ್ತಾ ವಾಧಿಕಾರಸ್ಸ ಕ್ವಚಿ ಞಿಸ್ಸಾಭಾವೋ-ಕತ್ತಬ್ಬಂ।
ಕತ್ತರಿ ಲತುಣಕಾ।
ಕತ್ತರಿ ಕಾರಕೇ ಕ್ರಿಯತ್ಥಾ ಲತುಣಕಾ ಹೋನ್ತಿ-ಲಕಾರೋ ‘‘ಲತುಪಿತಾದನಮಾ ಸಿಮ್ಹೀ’’ತಿ ವಿಸೇಸನತ್ಥೋ-ದದಾತೀತಿ ದಾತಾ-ಣಕೇ-
ಅಸ್ಸಾಣಪಿಮ್ಹಿ ಯುಕ।
ಅಕಾರನ್ತಸ್ಸ ಕ್ರಿಯತ್ಥಸ್ಸ ಯುಕ ಹೋತಿ ಣಪಿತೋ’ಞ್ಞಸ್ಮಿಂ ಣನುಬನ್ಧೇ, ದಾಯಕೋ-ವಧಹಿಂಸಾಯಂ-‘‘ಞಿಬ್ಯಞ್ಜನಸ್ಸಾ’’ತಿ ಞಿ-ವಧೇತೀತಿವಧಿತಾ,ಣಕೇ-‘‘ಅಸ್ಸಾನನುಬನ್ಧೇ’’ತಿ ಉಪನ್ತಸ್ಸ ಅಸ್ಸ ಆತ್ತೇಸಮ್ಪತ್ತೇ-
ಅಞ್ಞತ್ರಾಪಿ।
ಕಾನುಬನ್ಧನಾಗಮತೋ’ಞ್ಞಸ್ಮಿಮ್ಪಿ ತೇ ಏ ಓ ಆ ಕ್ವಚಿ ನ ಹೋನ್ತೀಕಿ ಪಟಾಸೇಧೋ-ವಧಕೋ-ಲುಚ್ಛೇದನೇ।
ಕ್ವವಣ।
ಕಮ್ಮತೋ ಪರಾ ಕ್ರಿಯತ್ಥಾ ಕ್ವಚಿ ಅಣ ಹೋತಿ ಕತ್ತರಿ-ಓಕಾರೇ-
ಆಯಾವಾ ಣನುಬನ್ಧೇ।
ಞೋನಮಾಯಾವಾ ಹೋನ್ತಿ ಯಥಾಕ್ಕಮಂ ಸರಾದೋ ಣನುಬನ್ಧೇತಿ ತಸ್ಸಾ ವಾದೇಸೋ-ಸರಂ ಲುಣತೀತಿ ಸರಲಾವೋ, ಕುಮ್ಭಂ ಕರೋತೀತಿ ಕುಮ್ಭಕಾರೋ-ಕ್ವಚೀತಿ ಕಿಂ, ಕಮ್ಮಕಾರೋ-ಏತ್ಥ‘‘ಭಾವಕಾರಕೇಸ್ವ ಘಣಘಕಾ’’ತಿ ಅಪ್ಪಚ್ಚಯೋ-ದಿಸ ಪೇಕ್ಖಣೇ।
ಸಮಾನಞ್ಞಭವನ್ತಯಾದಿತುಪಮಾನಾ
ನ ತೇ ಕಾನುಬನ್ಧನಾಗಮೇಸು।
ತೇ ಏ ಓ ಆ ಕಾನುಬನ್ಧೇ ನಾಗಮೇ ಚ ನ ಹೋನ್ತೀತಿ ಏತ್ತಾಭಾವೇ, ಸದಿಸೋ।
ಸಮಾನಾ ರೋ ರೀರಿಕ್ಖಕೇ।
ಸಮಾನಸದ್ದತೋ ಪರಸ್ಸ ದಿಸಸ್ಸ ರ ಹೋತಿ ವಾ ರೀರಿಕ್ಕಕೇಸೂತಿ ಪಕ್ಖೇ ದಸ್ಸ ರಾದೇಸೇ-ಸರೀ, ಸರಿಕ್ಖೋ, ಸರಿಸೋ।
ಸಬ್ಬಾದೀನಮಾ।
ರೀರಿಕ್ಖಕೇಸು ಸಬ್ಬಾದೀನಮಾ ಹೋತಿ-ಅಞ್ಞಾದೀ, ಅಞ್ಞಾದಿಕ್ಕೋ, ಅಞ್ಞಾದಿಸೋ।
ನ್ತಕಿಮಿಮಾನಂ ಟಾ ಕೀ ಟೀ।
ರೀರಿಕ್ಕಕೇಸು ನ್ತ ಕಿಂ ಇಮ ಸದ್ದಾನಂ ಟಾ ಕೀ ಟೀ ಹೋನ್ತಿ ಯಥಾಕ್ಕಮಂ ಟಕಾರಾ ಸಬ್ಬಾದೇಸತ್ಥಾ-ಭವಾದೀ, ಭವಾದಿಕ್ಖೋ, ಭವಾದಿಸೋ-ಯಾದಿ, ಯಾದಿಕ್ಖೋ, ಯಾದಿಸೋ-ತ್ಯಾದಿ, ತ್ಯಾದಿಕ್ಖೋ, ತ್ಯಾದಿಸೋಚ್ಚಾದಿ-ತುಮ್ಹಾಮ್ಹಾ ನನ್ತು ಅಯಂ ವಿಸೇಸೋ।
ತುಮ್ಹಾಮ್ಹಾನಂ ತಾ ಮೇಕಸ್ಮಿಂ।
ರೀರಿಕ್ಖಕೇಸುತುಮ್ಹಅಮ್ಹಾನಂ ತಾ ಮಾ ಹೋನ್ತೇ ಕಸ್ಮಿಂ ಯಥಾಕ್ಕಮಂ-ತಾದಿ, ಮಾದಿ, ತಾದಿಕ್ಖೋ, ಮಾದಿಕ್ಖೋ, ತಾದಿಸೋ, ಮಾದಿಸೋ-ಏಕೈಸ್ಮಿನ್ತಿ ಕಿಂ, ತುಮ್ಹಾದಿಸೋ, ಅಮ್ಹಾದಿಸೋ-ಚಿ ಚಯೇ।
ಭಾವಕಾರ ಕೇಸ್ವಘಣಘಕಾ।
ಭವೇ ಕಾರಕೇ ಚ ಕ್ರಿಯತ್ಥಾ ಅ ಘಣ ಘ ಕಾ ಹೋನ್ತಿ ಬಹುಲಂ-ಅ-ಇಸ್ಸೇಕಾರೇ।
ಞೋನಮಯವಾ ಸರೇ।
ಸರೇ ಪರೇ ಞೋನಮಯವಾ ಹೋನ್ತಿ ಯಥಾಕ್ಕಮನ್ತಿ ತಸ್ಸ ಅಯಾದೇಸೋ ಚ-ವಯನಂ ಚಿಯತೀತಿ ವಾಚಯೋ-ನೀಪಾಪುಣನೇ-ವಿ ಪುಬ್ಬೋವಿನಯನಂ ವಿನೇತೀತಿ ವಾ ವಿನಯೋ-ರು ಸದ್ದೇ-ರವನಂ ರವೋ-ಭು ಸತ್ತಾಯಂ। ಭವನಂ ಭವೋ-ಗಹ ಉಪಾದಾನೇ-ಪ ಪುಬ್ಬೋ-ಪಗ್ಗಣ್ಹಣಂ ಪಗ್ಗಹೋ-ಗಹ ಮದ ದಪ ರಣ ಸರ ವರ ಚರಾದಯೋ ಗಹಾದಯೋ-ಕರ ಕರಣೇ, ಕಿಚ್ಛತ್ಥೇ ದುಮ್ಹಿ ಅಕಿಚ್ಛತ್ಥೇಸು ಈಸಂ ಸುಸು ಚುಪ್ಪದೇಸು-ದುಕ್ಖೇನ ಕರೀಯತೀತಿ ಕರಣಂ ವಾ ದುಕ್ಕರಂ-ಸುಖೇನ ಕರೀಯತೀತಿ ಕರಣಂ ವಾ ಈಸಕ್ಕರಂ, ಸುಕರಂ-ಚಜ ಹಾನಿಯಂ-ಘಣ-ಚಜನಂ ಚಾಗೋ-ಪಚ ಪಾಕೇ-ನಿ ಪುಬ್ಬೋಘ,ನಿಪಚತೀತಿ ನಿಪಕೋ-ಖಿಪ ಪೇರಣೇ-ಕ-ಖಿಪತೀತಿ ಖಿಪಕೋ-ಪೀತಪ್ಪಣೇ।
ಯುವಣಣಾನಮಿಯದ್ಧುವಙ ಸರೇ।
ಇವಣ್ಣುವಣ್ಣನ್ತಾನಂ ಕ್ರಿಯತ್ಥಾನಮಿಯಬುದ್ಧವಙ ಹೋನ್ತಿ ಸರೇ ಕ್ವಚೀತಿ ಇಯಙ-ಣೇತೀತಿ ಪಿಯೋ-ಭು ಸತ್ತಾಯಂ-ಅಭಿ ಪುಬ್ಬೋ।
ಕ್ವಿ
ಕ್ರಿಯತ್ಥಾ ಕ್ವಿ ಹೋತಿ ಬಹುಲಂ ಭಾವಕಾರಕೇಸು।
ಕ್ವೀಸ್ಸ।
ಕ್ರಿಯತ್ಥಾ ಪರಸ್ಸ ಕ್ವಿಸ್ಸ ಲೋಪೋ ಹೋತೀತಿ ಕ್ವಿಲೋಪೇ-ಅಭಿಭವತೀತಿ ಅಭಿಭು-ಏವಂ ಸಯಮ್ಭು-ಅಮ ಗಮ ಗಮನೇ-ಕ್ವಿಮ್ಹಿ-‘‘ಕ್ವಿಮ್ಹಿ ಲೋಪೋ’ನ್ತಬ್ಯಞ್ಜನಸ್ಸಾ’’ತಿ ಮಲೋಪೋ-ಉರಸಾ ಗಚ್ಛತೀತಿ ಉರಗೋ-ದಾ ದಾ ನೇ-‘‘ಅನೋ’’ತಿ ಕ್ರಿಯತ್ಥಾ ಭಾವಕಾರಕೇಸ್ವಾನೋ-ದತ್ತಿ ದಿಯತೀತಿ ವಾದಾನಂ-ಸಂಪ ಪುಬ್ಬೇ-ಸಮ್ಮಾ ಪದೀಯತೇ ಯಸ್ಸ ತಂ ಸಮ್ಪದಾನಂ-ಅಪ ಆ ಪುಬ್ಬೇ-ಅಪಾದದಾತಿ ಏತಸ್ಮಾತಿ ಅಪಾದಾನಂ-ಕರ ಕರಣೇ-ಅಧಿ ಪುಬ್ಬೋ-‘‘ರಾ ನಸ್ಸ ಣೇ’’-ತಿ ಣೇ-ಅಧಿಕರೀಯತಿ ಏತಸ್ಮಿನ್ತಿ ಅಧಿಕರಣಂ-ಗಹ ಉಪಾದಾನೇ।
ತಥನರಾನಂ ಟಠಣಳಾ।
ತಥನರಾನಂ ಟಠಣಳಾ ಹೋನ್ತಿ ವಾ ಯಥಾಕ್ಕಮನ್ತಿ ನಸ್ಸ ಣದೇಸೇ-ಗಣ್ಹಿತಬ್ಬಂ ಗಹಣಂ-ಪದ ಗಮನೇ-ನಿಪುಬ್ಬೋ।
ಪದಾದೀನಂ ಕ್ವಚಿ।
ಪದಾದೀನಂ ಯುಕ ಹೋತಿ ಕ್ವಚಿ ಪಚ್ಚಯೇ-ನೀಪತ್ತಿ ನಿಪಜ್ಜನಂ-ಪೀ ತಪ್ಪಣೇ-ಅನಮ್ಹಿ ವನಾದಿನಾ ನಾಗಮೇ ಚ’ನ ತೇ’ ಇಚ್ಚಾದಿನಾ ಏ ನ ಹೋತಿ-ಪೀತಿ ಪೀಣನಂ-ವಿಜಿ ಭಯ ಚಲನೇಸು-ಸಂ ಪುಬ್ಬೋ-ಸಂವಿನ್ತಿ ಸಂವೇಜನಂ-‘‘ಅಞ್ಞತ್ರಾಪೀ’’ತಿ ಏತ್ತಾಭಾವೇ-ಸಂವಿಜನಂ-ಕುಧ ಕೋಪೇ-ಕುಜ್ಝತಿ ಸೀಲೇನಾತಿ ಕೋಧನೋ-ಭಿಕ್ಖ ಯಾಚನೇ।
ಇತ್ಥಿಯಮ ಣ ಕ್ತಿ ಕ ಯಕ ಯಾ ಚ।
ಇತ್ಥಿಲಙ್ಗೇ ಭಾವೇ ಕಾರಕೇ ಚ ಕ್ರಿಯತ್ಥಾ ಅಆದಯೋ ಹೋನ್ತ್ಯನೋ ಚ ಬಹುಲಂ-ಅ-ಭಿಕ್ಕನಂ ಭಿಕ್ಖೀಯತೀತಿ ವಾ ಭಿಕ್ಖಾ-ಆಪಚ್ಚಯೋ-ಣೋ-ಕಾರಣಂ ಕಾರಾ-ಚಾರಕಂ-ಯಥಾಕಥಞ್ಚಿ ಸದ್ದನಿಪ್ಫನ್ತಿ ರೂಳ್ಹಿತೋ ಅತ್ಥನಿಚ್ಚಯೋ-ಭಿದ ವಿದಾರಣೇ-ಕ್ತಿ-ಭೇದನಂ ಭಿಜ್ಜತೇತಿ ವಾ ಭಿತ್ತಿ-ರೂಜ ಭಙ್ಗೇ-ಕೋ-ರುಜತೀತಿ ರುಜಾ-ವಿದ ಞಾಣೇ-ಯಕ-ವೇದನಂ ವಿದನ್ತಿ ಏತಾಯಾತಿ ವಾ ವಿಜ್ಜಾ-ಅಜ ವಜ ಗಮನೇ-ಪ ಪುದ್ಧೋ-ಯೋ-ಪಬ್ಬಜ ನಂ ಪಬ್ಬಜ್ಜಾ-‘‘ಚವಗ್ಗಬಯಞಾ’’ತಿ ಯೋಗವಿಭಾಗಾ ವಸ್ಸ ಬಕಾರೇ ಞ್ಚಿತ್ತಂ-ವನ್ದ ಅಭಿವಾದನತ್ಥುತಿಸು-ಅನೋ-ವನ್ದನಂ ವನ್ದನಾ।
ಇ ಕಿತಿ ಸರೂಪೇ।
ಕ್ರಿಯತ್ಥಸ್ಸ ಸರೂಪೇ’ಭಿಧೇಯ್ಯೇ ಕ್ರಿಯತ್ಥಾ ಪರೇ ಇ ಕಿ ತೀ ಹೋನ್ತಿ-ಇ-ವಚ ಇಚ್ಚಯಂ ಧಾತು ಏವ ವಚಿ-ಕಿಮ್ಹಿ-ಯುಧಿ-ತಿ-ಸರುಪೇ ತಿಮ್ಹಿ ಕರೋ ತಿಸ್ಸ ಖೋತಿ ವಿಕರಣಸ್ಸ ಞಾತತ್ತಾ ‘‘ಕತ್ತರಿ ಲೋ’’ತಿ ಲೋ-ಪಚತಿ-ಕಥಮಕಾರೋ ಇಚ್ಚಾದಿ? ಘಣನ್ತೇನ ಕಾರಸದ್ದೇನ ಛಟ್ಠಿಸಮಾಸೋ-ಅಸ್ಸ ಕಾರೋ ಅಕಾರೋ-ಭುಜ ಪಾಲನಜ್ಝೋಹಾರೇಸು।
ಸೀಲಾಭಿಕ್ಖಞ್ಞಾವಸ್ಸಕೇಸು ಣೀ।
ಕ್ರಿಯತ್ಥಾಣಿ ಹೋತಿ ಸೀಲಾದೀಸು ಪತೀಯಮಾನೇಸು-ಉಣ್ಹಂ ಭುಞ್ಜತಿ ಸೀಲೇನಾತಿ ಉಣ್ಹಭೋಜೀ-ಪಾ ಪಾನೇ-‘‘ಅಸ್ಸಾಣಪಿಮ್ಹಿ ಯುಕ’’ಇತಿ-ಯುಕ-ಖೀರಮ್ಭಿಕ್ಖಞ್ಞಮ್ಪಿಬತೀತಿ ಖೀರಪಾಯೀ-ಅವಸ್ಸಂ ಕರೋತೀತಿ ಅವಸ್ಸಕಾರೀ, ಸತಮವಸ್ಸಂ ದದಾತೀತಿ ಸತನ್ದಾಯೀ।
ಕತ್ತರಿ
ಭುತೇ ಪರಿಸಮತ್ತೇ ಅತ್ತೇ ವತ್ತಮಾನತೋ ಕ್ರಿಯತ್ಥಾಕ್ತನ್ತುಕ್ತಾವೀ ಹೋನ್ತಿ ಕತ್ತರ-ಅಭುಞ್ಜೀತಿ ಭುತ್ತವಾ, ಭುತ್ತಾವೀ-ಸುಸವಕಣೇ-ಅಸುಣಿ ತಿಸುತವಾ, ಸುತಾವೀ।
ಕ್ತೋ ಭಾವಕಮ್ಮೇಸು
ಭಾವೇ ಕಮ್ಮೇಚ ಭುತೇ ಕ್ತೋ ಹೋತಿ-ಆಸ ಉಪವೇಸನೇ-ಆಸನಮಾಸಿತಂ-ಞಿ-ರುದ ರೋದನೇ।
ವಾ ಕ್ವಚಿ।
ತೇ ಏ ಓ ಆ ಕ್ವಚಿ ವಾ ನ ಹೋನ್ತಿ ಕಾನುಬನ್ಧನಾಗಮೇಸು-ರೋದನಂ ರುದಿತಂ, ರೋದಿತಂ-ಕರೀಯಿತ್ಥಾತಿ ಕತೋ,
ಗಮಾದಿರಾನಂ ಲೋಪೋ’ನ್ತಸ್ಸ।
ಗಮಾದಿನಂ ರಕಾರನ್ತಾನಞ್ಚಾನ್ತಸ್ಸ ಲೋಪೋ ಹೋತಿ ತಕಾರಾದೋ
ಕಾನುಬನ್ಧೇ ಪಚ್ಚಯೇ ಕತ್ವಾನಕತ್ವಾವಜ್ಜಿತೇತಿ ರಲೋಪೋ-ಯಾ ಪಾ ಪುಣನೇ।
ಗಮನತ್ಥಾಕಮ್ಮಕಾಧಾರೇ ಚ।
ಗಮನತ್ಥತೋ ಅಕಮ್ಮಕತೋ ಚ ಕ್ರಿಯತ್ಥಾ ಆಧಾರೇ ಕ್ತೋ ಹೋತಿ ಕತ್ತರಿ ಭಾವಕಮ್ಮೇಸು ಚ-ಯಾತವನ್ತೋ’ಸ್ಮಿನ್ತಿ ಯಾತಂ-(ಠಾನಂ)-ಯಾ ತವನ್ತೋ ಯಾನಾ-ಯಾನಂ ಯಾತಂ-ಯಾಯಿತ್ಥಾತಿ ಯಾತೋ-(ಪಥೋ)-ಆಸಿತವನ್ತೋ’ಸ್ಮಿನ್ತಿ ಆಸಿತಂ-(ಠಾನಂ)-ಆಸಿತವನ್ತೋ ಆಸಿತಾ-ಆಸನ ಮಾಸಿತಂ-ಞಿ।
ನೇತಾ ಕತ್ತರಿ ವತ್ತಮಾನೇ।
ಆರದ್ಧಾಪರಿಸಮತ್ತೇ ಅತ್ಥೇ ವತ್ತಮಾನತೋ ಕ್ರಿಯತ್ಥಾ ನ್ತೋ ಹೋತಿ ಕತ್ತರಿ।
ಕತ್ತರಿ ಲೋ।
ಕುಯತ್ಥತೋ ಅಪರೋಕ್ಖೇಸು ಕತ್ತುವಿಹಿತಮಾನನ್ತದಿಸು ಲೋ ಹೋತಿ-ಲಕಾರೋ‘‘ಞಿ ಲಸ್ಸೇ‘‘-ತಿ ವಿಸೇಸನತ್ಥೋ-ಪವತೀತಿ ಪವನ್ತೋ-‘‘ಮಾನೋ‘‘ತಿ ಕತ್ತರಿ ಮಾನೋ-ಪಚಮಾನೋ।
ಭಾವಕಮ್ಮೇಸು
ವತ್ತಮಾನತ್ಥೇ ವತ್ತಮಾನತೋ ಕ್ರಿಯತ್ಥಾ ಭಾವೇ ಕಮ್ಮೇ ಚ ಮಾನೋ ಹೋತಿ।
ಕ್ಯೋ ಭಾವಕಮ್ಮೇಸ್ವಪರೋಕ್ಖೇಸು ಮಾನನ್ತತ್ಯಾದಿಸು
ಭಾವಕಮ್ಮವಿಹಿತೇಸು ಪರೋಕ್ಖಾವಜ್ಜಿತೇಸು ಮಾನನ್ತಾದಿಸು ಪರೇಸು ಕ್ಯೋ ಹೋತಿ ಕ್ರಿಯತ್ಥಾ-ಕಕಾರೋ ಅವುದ್ಧತ್ಥೋ-ಭಾವೇ-ಭುಯತೇತಿ ಭುಯಮಾನಂ-ಕಮ್ಮೇ-ಪಚ್ಚತೇತಿ ಪಚ್ಚಮಾನೋ।
ತೇ ಸ್ಸಪುಬ್ಬಾನಾಗತೇ
ಅನಾರದ್ಧೇ ಅತ್ಥೇ ವತ್ತಮಾನತೋ ಕ್ರಿಯತ್ಥಾ ತೇ ನ್ತಮಾನಾ ಸ್ಸಪುಬ್ಬಾ ಹೋನ್ತಿ ಸವಿಸಯೇ-ಞಿ-ಕತ್ತರಿ-ಪಚಿಸ್ಸತೀತಿ ಪಚಿಸ್ಸನ್ತೋ,ಪಚಿಸ್ಸಮಾನೋ-ಹಾವೇ-ಭುಯಿಸ್ಸತೀತಿ ಭುಯಿಸ್ಸಮಾನಂ-ಕಮ್ಮೇ-ಪಚ್ಚಿಸ್ಸ ತೇತಿ ಪಚ್ಚಿಸ್ಸಮಾನೋ-ಕರ ಕರಣೇ।
ತುಂ ತಾಯೇ ತವೇ ಭಾವೇ ಭವಿಸ್ಸತಿಕ್ರಿಯಾಯಂ ತದತ್ಥಾಯಂ।
ಭವಿಸ್ಸತಿಅತ್ಥೇ ವತ್ತಮಾನತೋ ಕ್ರಿಯತ್ಥಾ ಭಾವೇ ತುಂ ತಾಯೇ ತವೇ ಹೋನ್ತಿ
ಪುಬ್ಬೇಕಕತ್ತುಕಾನಂ।
ಏಕೋ ಕತ್ತಾ ಯೇಸಂ ಬ್ಯಾಪಾರಾನಂ ತೇಸು ಯೋ ಪುಬ್ಬೋ ತದತ್ಥತೋ ಕ್ರಿಯತ್ಥಾ ತುನಕತ್ವಾನ ಕತ್ವಾ ಹೋನ್ತಿ ಭಾವೇ-ಞಿ।
ಏಇ ಲಸ್ಸ ಚ।
ಏಇಲಾನಮೇ ಹೋತಿ ಕ್ವಚಿ-ಗಣ್ಹಣಂ ಕತ್ವಾ ಯಾತಿ ಗಹೇತೂನ ಯಾತಿ, ಗಹೇತ್ವಾನ, ಗಹೇತ್ವಾ ವಾ-ಅಸ್ಸ ರುಧಾದಿತ್ತಾ।
ಮಂ ವಾ ರುಧಾದೀನಂ।
ರುಧಾದೀನಂ ಕ್ವಚಿ ಮಂ ವಾ ಹೋತಿ ಪಚ್ಚಯೇತಿ ಪಕ್ಖೇ ಮಂ ಭವಂ ಅಪಿ ಮನುಬನ್ಧತ್ತಾ ಅಕಾರಾ ಪರೋ।
ಣೇ ನಿಗ್ಗಹೀತಸ್ಸ।
ಗಹಸ್ಸ ನಿಗ್ಗಹೀತಸ್ಸ ಣೇ ಹೋತಿ-ಗಣ್ಹಿ ತುನ, ಗಣ್ಹಿತ್ವಾನ, ಗಣ್ಹಿತ್ವಾ-ಏಕಕತ್ತುಕಾನನ್ತಿ ಕಿಂ, ಭುತ್ತಸ್ಮಿಂ ದೇವದತ್ತೇ ಯಞ್ಞ ದತ್ತೋ ವಜತಿ-ಪುಬ್ಬಾತಿ ಕಿಂ, ಭುಞ್ಜತಿ ಚ ಪಚತಿ ಚ-ಅಪ್ಪತ್ವಾ ನದಿಂ ಪಬ್ಬತೋ ಭವತಿ ಅತಿಕ್ಕಮ್ಮ ಪಕಬ್ಬತಂ ನದೀತಿ ಭುಧಾತುಸ್ಸ ಸಬ್ಬತ್ಥ ಸಮ್ಭವಾ ಏಕಕತ್ತುಕತಾ ಪುಬ್ಬಕಾಲತಾ ಚ ಗಮ್ಯತೇ।
ಯೇಭುಯ್ಯವುತ್ತಿಯಾ ಲಿಙ್ಗಂ ದಸ್ಸಿತಂ ತತ್ಥ ಸಬ್ಬಸೋ।
ವಿಸೇಸೋ ಪನ ವಿಞ್ಞಹಿ ಞೇಯ್ಯೋ ಪಾಠಾನುಸಾರತೋ॥
ತಬ್ಬಾದಯೋ।
ಇದಾನಿ ತ್ಯಾದಯೋ ವುಚ್ಚನ್ತೇ-ಪಚ ಪಾಕೇ-ಪಚ ಇತಿ ಠಿತೇ-ಕ್ರಿಯತ್ಥಾ ಬಹುಲಮಿತಿ ಚ ಸಬ್ಬತ್ಥ ವತ್ತತೇ।
ವತ್ತಮಾನೇತಿ ಅನ್ತಿ ಸಿಥಮಿಮತೇ ಅನ್ತೇ ಸೇ ವೇಗ ಏಮ್ಹೇ।
ವತ್ತಮಾನೇ ಆರದ್ಧಾ ಪರಿಸಮತ್ತೇ ಅತ್ಥೇ ವತ್ತಮಾನತೋ ಕ್ರಿಯತ್ಥಾತ್ಯಾದಯೋ ಹೋನ್ತಿ-ತೇಸಮ್ಪನಿಯಮೇ।
ಪುಬ್ಬಪರಚ್ಛಕ್ಕಾನಮೇಕಾನೇಕೇಸು ತುಮ್ಹಾಮ್ಹಸೇಸೇಸು ದ್ವೇದ್ವೇ ಮಜ್ಝಿಮುತ್ತಮಪಠಮಾ।
ಏಕಾನೇಕೇಸುತುಮ್ಹಾಮ್ಹಸದ್ದವಚನೀಯೇಸುತದಞ್ಞಸದ್ದವಚನೀಯೇಸು ಚ ಕಾರಕೇಸು ಪುಬ್ಬಚ್ಛಕ್ಕಾನಂ ಪರಚ್ಛಕ್ಕನಞ್ಚ ಮಜ್ಝಿಮುತ್ತಮಪಠಮಾ ದ್ವೇದ್ವೇ ಹೋನ್ತಿ ಯಥಾಕ್ಕಮಂ ಕ್ರಿಯತ್ಥಾತಿ ಏಕಮ್ಹಿ ವತ್ತಬ್ಬೇ ಏಕವಚನಂ ತಿ-ತಿ ಅನ್ತಿ ಇತಿ ಪಠಮೋ ಆದೋ ನಿದ್ದಿಟ್ಠತ್ತಾ-ಸಿ ಥ ಇತಿ ಮಜ್ಝಿಮೋ ಮಜ್ಝಿ ನಿದ್ದಿಟ್ಠೇತ್ತಾ-ಮಿ ಮ ಇತಿ ಉತ್ತಮೋ-ಉತ್ತಮಸದ್ದೋಯಂ ಸಭಾವತೋ ತಿಪ್ಪಭುತೀನಮನ್ತದ್ವಯಮಾಹ-ಏವಂ ಪರಚ್ಛಕ್ಕೇಪಕಿ ಯಥಾಕ್ಕಮಂ ಯೋಜನೀಯಂ-ತ್ಯಾದಿಸು ಪರಭುತೇಸು ಕತ್ತುಕಮ್ಮಭಾವ ವಿಹಿತೇಸು ಕ್ಯಲಾದಯೋಭವನ್ತೀತಿ ‘‘ಕ್ಯೋ ಭಾವಕಮ್ಮೇಸ್ವಕಕಪರೋಕ್ಖೇಸು ಮಾನನ್ತ ತ್ಯಾದಿಸು
ಕ್ವಚಿ ವಿಕರಣನಂ।
ವಿಕರಣನಂ ಕ್ವಚಿ ಲೋಪೋ ಹೋತೀತಿ ಲಸ್ಸಾಕಾರಸ್ಸ ಲೋಪೋ-ಪವನ್ತಿ-ಪಚಸಿ ಪಚಥ।
ಹಿಮಿಮೇಸ್ವಸ್ಸ।
ಅಕಾರಸ್ಸ ದೀಘೋ ಹೋತಿ ಹಿಮಿಮೇಸು-ಪಚಾಮಿ ಪಚಾಮ-ಪರಚ್ಛಕ್ಕೇ-ಪಚತೇ ಪಚನ್ತೇ, ಪಚಸೇ ಪಚವ್ಹೇ,ಪಚೇ ಪಚಾಮ್ಹೇ-ಕಮ್ಮೇ-ಕ್ಯೋ ಭಾವಕಮ್ಮೇಸ್ವಚ್ಚಾದಿನಾ ಕ್ಯೋ।
ಕ್ಯಸ್ಸ।
ಕ್ರಿಯತ್ಥಾ ಪರಸ್ಸ ಕ್ಯಸ್ಸ ಈಞ ವಾ ಹೋತಿ-ಞಕಾರೋ ಆದ್ಯವಯವತ್ಥೋ, ಪಚೀಯತಿ ಪಚ್ಚತಿ।
ಗುರುಪುಬ್ಬಾ ರಸ್ಸಾರೇ’ನ್ತೇ’ನ್ತೀನಂ।
ಗುರುಪುಬ್ಬಸ್ಮಾ ರಸ್ಸಾ ಪರೇಸಂ ಅನ್ತೇ’ನ್ತಿನಂ ರೇ ವಾ ಹೋತಿ-ಪಚೀಯರೇ ಪಚೀಯನ್ತಿ ಪಚ್ಚರೇ ಪಚ್ಚನ್ತಿ, ಪಚೀಯಸಿ ಪಚ್ಚಸಿ ಪಚೀಯಥ ಪಚ್ಚಥ, ಪಚೀಯಾಮಿ ಪಚ್ಚಾಮಿ ಪಚೀಯಾಮ ಪಚ್ಚಾಮ-ಪಚೀಯತೇ, ಪಚ್ಚತೇ ಪಚೀಯರೇ ಪಚೀಯನ್ತೇ ಪಚ್ಚರೇ ಪಚ್ಚನ್ತೇ, ಪಚೀಯಸೇ ಪಚ್ಚಸೇ ಪಚೀಯವ್ಹೇ ಪಚ್ಚವ್ಹೇ, ಪಚೀಯೇ ಪಚ್ಚೇ ಪಚೀಯಾಮ್ಹೇ ಪಚ್ಚಾಮ್ಹೇ-ಭಾವೇ-ಭು ಸತ್ತಾಯಂ-ಭಾವಸ್ಸೇಕತ್ತಾ ಏಕವಚನಮೇವ-ತಞ್ಚ ಪಠಮಪುರಿಸೇಯೇವ ಸಮ್ಭವತಿ-ಭುಯತಿ ದೇವದತ್ತೇನ, ಬುಯತೇ ವಾ-ದೇವದತ್ತಸ್ಸ ಸಮ್ಪತಿ ಭವನನ್ತಿ ಅತ್ಥೋ-ನೇಹಿಞ ಬಹುಲಂ ವಿಧಾನಾ।
ಕ್ರಿಯತ್ಥಾ ಕತ್ತರಿ ತ್ಯಾದಿ ಕಮ್ಮಸ್ಮಿಞ್ಚ ಸಕಮ್ಮಕಾ,
ಭಾವೇ ಚಾ’ಕಮ್ಮಕಾಕಕಮ್ಮಾ’ವಚನಿಚ್ಛಾಯಮಞ್ಞತೋ।
ಭವಿಸ್ಸತಿ ಸ್ಸತಿ ಸ್ಸನ್ತಿ ಸ್ಸಸಿ ಸ್ಸಥ ಸ್ಸಾಮಿ ಸ್ಸಾಮ ಸ್ಸತೇ ಸ್ಸನ್ತೇ ಸ್ಸಸೇ ಸ್ಸವ್ಹೇ ಸ್ಸಂ ಸ್ಸಾಮ್ಹೇ।
ಭವಿಸ್ಸತಿ ಅನಾರದ್ಧೇ ಅತ್ಥೇ ವತ್ತಮಾನತೋ ಕ್ರಿಯತ್ಥಾ ಸ್ಸತ್ಯಾದಯೋ ಹೋನ್ತಿ।
ಅ ಈಸ್ಸಾದಿನಂ ಬ್ಯಞ್ಜನಸ್ಸಿಞ।
ಕ್ರಿಯತ್ಥಾ ಪರೇಸಂ ಅಆದೀನಂ ಈಆದೀನಂಸ್ಸಾದೀನಞ್ಚ ಬ್ಯಞ್ಜನಸ್ಸಿಞ್ಹೇಕಾತಿ ವಾ-ವವತ್ಥೀತವಿಭಾಸಾಯಂ ಸ್ಸೇತಿ ಸ್ಸಾದೀನಂಸ್ಸಚ್ಚಾದೀನದ್ವಾವಯೋ ಅಧಿಪ್ಪೇತೋ-‘‘ಞಿ ಬ್ಯಞ್ಜನಸ್ಸಾ’’ತಿ ಸಿದ್ಧೇಪಿ ತ್ಯಾದಿಸು ಪರಭುತೇಸು ಏತೇ ಸಮೇವಾತಿ ನಿಯಮತ್ತೋಯಮಾರಮ್ಹೋ-ಲಸ್ಸಾಕಾರಸ್ಸ ಲೋಪೇ-ಪಚಿಸ್ಸತಿ ಪಚಿಸ್ಸರೇ ಪಚಿಸ್ಸನ್ತಿ, ಪಚಿಸ್ಸಸಿ ಪಚಿಸ್ಸಥ, ಪಚಿಸ್ಸಾಮಿ ಪಚಿಸ್ಸಾಮ-ಪಚಿಸ್ಸತೇ ಪಚಿಸ್ಸರೇ ಪಚಿಸ್ಸನ್ತೇ, ಪಚಿಸ್ಸಸೇಪಚಿಸ್ಸವ್ಹೇ, ಪಚಿಸ್ಸಂ ಪಚಿಸ್ಸಾಮ್ಹೇ-ಕಮ್ಮೇ-ಪಚಿಯಿಸ್ಸತಿ।
ಕ್ಯಸ್ಸ ಸ್ಸೇ।
ಕ್ಯಸ್ಸ ವಾ ಲೋಪೋ ಹೋತಿ ಸ್ಸೇ-ಪಚಿಸ್ಸತಿ ಪಚ್ಚಿಸ್ಸತಿ, ಪಚೀಯಿಸ್ಸರೇ
ನಾಮೇ ಗರಹಾವಮ್ಹಯೇಸು।
ನಾಮಸದ್ದೇ ನಿಪಾತೇ ಸತಿ ಗರಹಾಯಂ ವಿಮ್ಭಯೇ ಚ ಗಮ್ಯಮಾನೇ ಸ್ಸ ತ್ಯಾದಯೋ ಹೋನ್ತಿ-ಗರಹಾಯಂ-ಸಾಪಿ ನಾಮ ಪಚಿಸ್ಸತೀಚ್ಚಾದಿ-ವಿಮ್ಬಯೇ-ಅಚ್ಛರಿಯಂ ವತ ಭೋ ಅಬ್ಭೂತಂ ವತ ಭೋ ಅನ್ಧೋ ನಾಮ ಪಚಿಸ್ಸತಿಚ್ಚಾದಿ।
ಭುತೇ ಈ ಉಂ ಧ ತ್ಥ ಇಂ ಮ್ಹಾ ಆ ಊ ಸೇವ್ಹಂ ಅ ಮ್ಹೇ।
ಭುತೇ ಪರಿಸಮತ್ತೇ ಅತ್ಥೇ ವತ್ತಮಾನತೋ ಕ್ರಿಯತ್ಥಾ ಈ ಆದಯೋ ಹೋನ್ತಿ-ಭುತಾನಜ್ಜತನೇ ವಕ್ಖಮಾನತ್ತಾ ಇಮೇ ಭುತನಜ್ಜತನೇ ಭುತಸಾಮಞ್ಞೇ ಚ ಭವನ್ತಿ।
ಅಹಸ್ಸುಭಯತೋ ಅಡ್ಢರತ್ತಂ ವಾವ ತದುಪಡ್ಢಕಂ,
ಅನ್ತೋ ಕತ್ವಾನ ವಿಞ್ಞೇಯ್ಯೋ ಅಹೋ ಅಜ್ಜನೋ ಇತಿ।
ತದಞ್ಞೋ ಪನ ಯೋ ಕಾಲೋ ಸೋ’ನಜ್ಜತನಸಞ್ಞಿತೋ।
ಆಈಸ್ಸಾದಿಸ್ವಞ ವಾ।
ಆಆದೋ ಈಆದೋ ಸ್ಸಾಆದೋ ಚ ಕ್ರಿಯತ್ಥಸ್ಸ ಅಞ ವಾ ಹೋತಿ,
ಏಯ್ಯಾಥ ಸ್ಸೇ ಅ ಆ ಈ ಥಾನಂ ಓ ಅ ಅಂ ತ್ಥ ತ್ಥೋ ವೇಹಾಕ।
ಆಸಹಚರಿತೋವ ಅಕಾರೋ ಗಯ್ಹತೇ-ನ ಪರೋಕ್ಖೇ ವಿಹಿತೋ-ಥೋ ಪನ’ನ್ತೇ ನಿದ್ದೇಸಾ ತ್ವಾದಿಸಮ್ಬನ್ಧಿಯೇವ ತಸ್ಸೇವ ವಾ ನಿಸ್ಸಿತತ್ತಾ-ನಿಸ್ಸಯಕರಣಮ್ಪಿ ಹಿ ಸುತ್ತಕಾರಾಚಿಣ್ಣಂ-ಏಯ್ಯಾಥಾದೀನಂ ಓಆದಯೋ ವಾ ಹೋನ್ತಿ ಯಥಾಕ್ಕಮನ್ತಿ ಈಸ್ಸವಾತ್ಥೋ-ಅಪಚಿತ್ಥೋ ಪಚಿತ್ಥೋ ಅಪವತ್ಥೋ ಪಚತ್ಥೋ।
ಆಈಊಮ್ಹಾಸ್ಸಾಸ್ಸಮ್ಹಾನಂ ವಾ।
ಏತೇಸಂ ವಾ ರಸ್ಸೋ ಹೋತೀತಿ ಪಕ್ಖೇ ರಸ್ಸೇ ಚ-ಅಪಚಿ ಪಚಿ ಅಪಚೀ ಪಚೀ।
ಉಂಸ್ಸಿಂಸ್ವಂಸು।
ಉಮಿಚ್ಚಸ್ಸ ಇಂಸು ಅಂಸು ವಾ ಹೋನ್ತಿ-ಅಪವಿಂಸು ಪವಿಂಸು ಅಪಚಂಸು ಪಚಂಸು ಅಪವುಂ ಪಚುಂ।
ಓಸ್ಸ ಅ ಇ ತ್ಥ ತ್ಥೋ।
ಓಸ್ಸ ಅಆದಯೋ ವಾ ಹೋನ್ತಿ-ಅಪಚ ಪಚ ಅಪಚಿ ಪಚಿ ಅಪಚಿತ್ಥ ಪಚಿತ್ಥ ಅಪವತ್ಥ ಪಚತ್ಥ ಅಪಚಿತ್ಥೇ ಪಚಿತ್ಥೋ ಅಪಚತ್ಥೋ ಪಚತ್ಥೋ।
ಸಿ।
ಓಸ್ಸ ಸಿ ವಾ ಹೋತಿ-ಅಪಚಿಸಿ ಪಚಿಸಿ ಅಪಚಸಿ ಪಚಸಿ ಅಪಚೋ ಪಚೋ।
ಮ್ಹಾತ್ಥಾನ ಮುಞ।
ಮ್ಹಾತ್ಥಾನಮುಞ ವಾ ಹೋತಿ-ಈಆದಿಸಮ್ಬನ್ಧಿನಮೇವ ಗಹಣಂ-ಅಪವುತ್ಥ ಪಚುತ್ಥ।
ಇಂಸ್ಸ ಚ ಸಿಞ।
ಇಮಿಚ್ಚಸ್ಸ ಸಿಞ ವಾ ಹೋತಿ ಮ್ಹಾತ್ಥಾನಞ್ಚ ಬಹುಲಂ-ಞಕಾರೋ ಆದ್ಯವಯ ವತ್ಥೋ-ಅಪಚಸಿತ್ಥ ಪಚಸಿತ್ಥ ಅಪಚಿತ್ಥ ಪಚಿತ್ಥ ಅಪಚತ್ಥ ಪಚತ್ಥ, ಅಪಚಿಸಿಂ ಪಚಿಸಿಂ ಅಪಚಸಿಂ ಪಚಸಿಂ ಅಪಚಿಂ ಪಚಿಂ, ಅಪಚುಮ್ಹ ಪಚುಮ್ಹ ಅಪಚುಮ್ಹಾ ಪಚುಮ್ಹಾ ಅಪಚಮ್ಹ ಪಚಮ್ಹ ಅಪಚಮ್ಹಾ ಪಚಮ್ಹಾ ಅಪಚಸಿಮ್ಹ ಪಚಸಿಮ್ಹ ಅಪಚಸಿಮ್ಹಾ ಪಚಸಿಮ್ಹಾ ಅಪಚಿಮ್ಹ ಪಚಿಮ್ಹ ಅಪಚಿಮ್ಹಾ ಪಚಿಮ್ಹಾ ಅಪಚಮ್ಹ
ಮಾಯೋಗೇ ಈಆಆದಿ।
ಮಾಯೋಗೇ ಸತಿ ಈಆದಯೋ ಆಆದಯೋ ಚ ವಾ ಹೋನ್ತಿ-ಅಸಕ್ಕಾಲ ತ್ಥೋಯಮಾರಮ್ಹೋ-ಮಾ ಭವಂ ಪುನಪಿ ಏವರೂಪಮಪಚಿತ್ಥೋ ಇಚ್ಚಾದಿ-ವಾವಿ ಧಾನತೋ ಸ್ಸತ್ಯಾದಿ ಏಯ್ಯಾದಿ ತ್ವಾದಯೋಪಿ ಹೋನ್ತಿ-ಮಾಭವಂ ಪಚಿಸ್ಸತಿ, ಮಾ ಭವಂ ಪಚೇಯ್ಯ, ಮಾ ಭವಂ ಪಚತು ಇಚ್ಚಾದಿ।
ಅನಜ್ಜತನೇ ಆ ಊ ಓ ತ್ಥ ಅ ಮ್ಹಾ ತ್ಥ ತ್ಥುಂ ಸೇವ್ಹಂ ಇಂ ಮ್ಹಸೇ।
ಅವಿಜ್ಜಮಾನಜ್ಜತನೇ ಭುತತ್ಥೇವತ್ತಮಾನತೋ ಕ್ರಿಯತ್ಥಾಆಆದಯೋ ಹೋನ್ತಿ-ವಾತ್ಥೇ ರಸ್ಸೇ ಚ-ಅಪಚತ್ಥ ಪವತ್ಥ ಅಪಚ ಪಚ ಅಪಚಾ ಪಚಾ, ಅಪಚು ಪಚು ಅಪಚು ಪಚೂ-ಓ-ಅಪಚ ಪಚ ಅಪಚಿ ಪಚಿ ಅಪಚತ್ಥ ಪಚತ್ಥ ಅಪಚತ್ಥೋ ಪಚತ್ಥೋ ಅಪಚಸಿ ಪಚಸಿ ಅಪಚೋ ಪಚೋ, ಅಪವತ್ಥ ಪಚತ್ಥ ಅಪಚಂ ಪಚಂ ಅಪಚಪಚ, ಅಪಚಮ್ಹ ಪಚಮ್ಹ ಅಪಚಮ್ಹಾ ಪಚಮ್ಹಾ-ಅಪಚತ್ಥ ಪಚತ್ಥ, ಅಪಚತ್ಥುಂ ಪಚತ್ಥುಂ, ಅಪಚಸೇ ಪಚಸೇ, ಅಪಚವ್ಹಂ ಪಚವ್ಹಂ। ಅಪಸಿಂ ಪಚಸಿಂ ಅಪಚಿಂ ಪಚಿಂ, ಅಪಚಮ್ಹಸೇ ಪಚಮ್ಹಸೇ-ಕಮ್ಮೇ-ಅಪಚೀಯತ್ಥ ಪಚೀಯತ್ಥ ಅಪಚ್ಚತ್ಥ ಪಚ್ಚತ್ಥ ಅಪಚೀಯ ಪಚೀಯ ಅಪಚೀಯಾ ಪಚೀಯಾ ಅಪಚ್ಚ ಪಚ್ಚ ಅಪಚ್ಚಾ ಪಚ್ಚಾ, ಅಪಚೀಯು ಪಚೀಯು, ಅಪಚೀಯು ಪಚೀಯು, ಅಪಚ್ಚು ಪಚ್ಚು ಅಪಚ್ಚೂ ಪಚ್ಚೂಚ್ಚಾದಿ-ಭಾವೇ-ಅಭುಯತ್ಥ ಭುಯತ್ಥ ಅಭುಯ ಭುಯ ಅಭುಯಾ ಭುಯಾ-ಅಭುಯತ್ಥ ಭುಯತ್ಥ-‘‘ಮಾಯೋಗೇ ಈಆಆದಿ’’ತಿ ಇಮಿನಾ ಮಾಯೋಗೇಪಿ ಆಆದಯೋ ಹೋನ್ತಿ-ಮಾ ಭವಂ ಅಪಚಿತ್ಥ ಇಚ್ಚಾದಿ।
ಪರೋಕ್ಖೇ ಅ ಉ ಏ ತ್ಥ ಅಮ್ಹ ತ್ಥರೇ ತ್ಥೋ ವ್ಹೋ ಇಮ್ಹೇ।
ಅಪಚ್ಚಕ್ಖೇ ಭುತಾನಜ್ಜತನತ್ಥೇ ವತ್ತಮಾನತೋ ಕ್ರಿಯತ್ಥಾ ಅಆದಯೋ ಹೋನ್ತಿ-ಅಪರೋಕ್ಖೇಸೂತಿ ವಚನಾ ನ ವಿಕರಣುಪ್ಪತ್ತಿ।
ಪರೋಕ್ಖಾಯಞ್ಚ।
ಪರೋಕ್ಖಾಯಂ ಪಠಮಮೇಕಸ್ಸರಂ ಸದ್ದರೂಪಂ ದ್ವೇ ಭವತಿ।
ಲೋಪೋ’ನಾದಿಬ್ಯಞ್ಜನಸ್ಸ।
ದ್ವಿತ್ತೇ ಪುಬ್ಬಸ್ಸಾದಿತೋ’ಞ್ಞಸ್ಸ ಬ್ಯಞ್ಜನಸ್ಸ ಲೋಪೋ ಹೋತಿ-ಪಪಚ ಪ್ಪಚು’ಪಪಚೇ ಪಪಚಿತ್ಥ-ಇಞಭಾವಪಕ್ಖೇ ಸಂಯೋಗಾದಿ ಲೋಪೋಪಪಚತ್ಥ, ಪಪಚ ಪಪಚಿಮ್ಹ, ಪಪಚಿತ್ಥ ಪಪಚತ್ಥ ಪಪಚಿರೇ, ಪಪಚಿತ್ಥೋ ಪಪಚತ್ಥೋ ಪಪಚಿವ್ಹೋ, ಪಕಪಚಿ ಪಪಚಿಮ್ಹೇ-ಏವಂ ಕಮ್ಮೇಪಿ-ಭಾವೇ-ಭುಸ್ಯ
ಅಆದಿಯು ಭುಸ್ಸ ವುಕ ಹೋತಿ।
ಪುಬ್ಬಸ್ಸ ಅ।
ಅಆದಿಸು ದ್ವತ್ತೇ ಪುಬ್ಬಸ್ಸ ಭುಸ್ಸ ಅ ಹೋತಿ।
ಚತುತ್ಥದುತಿಯಾನಂ ತತಿಯಪಠಮಾ।
ದ್ವಿತ್ತೇ ಪುಬ್ಬೇಸಂ ಚತುತ್ಥದುತಿಯಾನಂ ತತಿಯಪಠಮಾ ಹೋನ್ತಿ ಯಥಾಕ್ಕಮನ್ತಿ ಬಕಾರೇ-ಬಭುವ ಬಭುವಿತ್ಥ।
ಏಯ್ಯಾದೋ ವಾ’ತಿಪತ್ತಿಯಂ ಸ್ಸಾ ಸಸಂಸುಸ್ಸೇ ಸಸಥಸ್ಸಂ ಸ್ಸಮ್ಹಾ ಸ್ಸಥಸ್ಸಿಂಸು ಸಸಸೇ ಸ್ಸವ್ಹೇ ಸ್ಸಿಂ ಸ್ಸಾಮ್ಹಸೇ।
ಏಯ್ಯಾದೋ ವಿಸಯೇ ಕ್ರಿಯಾತಿಪತ್ತಿಯಂ ಸ್ಸಾದಯೋ ಹೋನ್ತಿ ವಿಭಾಸಾ-ವಿಧುರಪ್ಪಚ್ಚಯೋಪನಿಪಾತತೋ ಕಾರಣವೇಕಲ್ಲತೋ ವಾ ಕ್ರಿಯಾಯಾತಿಪತ್ತಿ ಅನಿಪ್ಫತ್ತಿ ಕ್ರಿಯಾತಿಪತ್ತಿ-ಏತೇಚಸ್ಸಾದಯೋ ಸಾಮತ್ಥಿಯಾ ತೀತಾನಾಗತೇ ಸ್ವೇವಹೋನ್ತಿ-ನ ವತ್ತಮಾನೇನ ತತ್ರ ಕ್ರಿಯಾತಿಪತ್ತ್ಯಸಮ್ಭವಾ-ಆಈಇ ಚ್ಚಾದಿನಾವಾ ರಸ್ಸೇ-ಅಪಚಿಸ್ಸ ಪಚಿಸ್ಸ ಅಪಚಿಸ್ಸಾ ಪಚಿಸ್ಸಾ, ಅಪಚಿಸ್ಸಂಸು ಪಚಿಸ್ಸಂಸು-ಸ್ಸೇಸ್ಸ ಏಯ್ಯಾಥಾದೀನಾ ವಾ ಅಕಾರೇ-ಅಪಚಿಸ್ಸ ಪಚಿಸ್ಸ ಅಪಚಿಸ್ಸೇ ಪಚಿಸ್ಸೇ,ಅಪಚಿಸ್ಸಥ ಪಚಿಸ್ಸಥ,ಅಪಚಿಸ್ಸಂ ಪಚಿಸ್ಸಂ। ಅಪಚಿಸ್ಸಮ್ಹ, ಪಚಿಸ್ಸಮ್ಹ, ಅಪಚಿಸ್ಸಮ್ಹಾ ಪಚಿಸ್ಸಮ್ಹಾ, ಅಪಚಿಸ್ಸಥ ಪಚಿಸ್ಸಥ, ಅಪಚಿಸ್ಸಿಂಸು ಪಚಿಸ್ಸಿಂಸು, ಅಪಚಿಸ್ಸಸೇ ಪಚಿಸ್ಸಸೇ, ಅಪಚಿಸ್ಸವ್ಹೇ ಪಚಿಸ್ಸವ್ಹೇ, ಅಪಚಿಸ್ಸಿಂಪಚಿಸ್ಸಿಂ, ಅಪಚಿಸ್ಸಾಮ್ಹಯೇ ಪಚಿಸ್ಸಾಮ್ಹಸೇ-ಕಮ್ಮೇ-ಅಪಚೀಯಿಸ್ಸ ಪಚಿಯಿಸ್ಸಅಪಚೀಯಿಸ್ಸಾ ಪಚಿಯಿಸ್ಸಾ-ಕ್ಯಸ್ಸ ವಾ ಲೋಪೇ-ಅಪಚಿಸ್ಸ ಪಚಿಸ್ಸ ಅಪಚಿಸ್ಸಾ ಪಚಿಸ್ಸಾ ಅಪಚ್ಚಿಸ್ಸ ಪಚ್ಚಿಸ್ಸ ಅಪಚ್ಚಿಸ್ಸಾನ ಪಚ್ಚಿಸ್ಸಾ, ಅಪಚಿಯಿಸ್ಸಂಸು ಪಚೀಯಿಸ್ಸಂಸುಅಪಚಿಸ್ಸಂಸು ಪಚಿಸ್ಸಂಸು। ಅಪಚ್ಚಿಸ್ಸಂಸು ಪಚ್ಚಿಸ್ಸಂಸು, ಇಚ್ಚಾದಿಭಾವೇ-ಅಭುಯಿಸ್ಸ ಭುಯಿಸ್ಸ ಅಭುಯಿಸ್ಸಾ ಭುಯಿಸ್ಸಾ, ಅಭುಯಿಸ್ಸಥ ಭುಯಿಸ್ಸಥ-ವಾತಿ ವಕಿಂ, ದಕ್ಖಿಣೇನನ ಚೇ ಗಮಿಸ್ಸತಿ ನಾಯಕಟಮ್ಪರಿಯಾ ಭವಿಸ್ಸತಿ।
ಹೇತುಫಲೇಸ್ವೇಯ್ಯ ಏಯ್ಯುಂ ಏಯ್ಯಾಸಿ ಏಯ್ಯಾಥ ಏಯ್ಯಾಮಿ ಏಯ್ಯಾಮ ಏಥ ಏರಂ ಏಥೋ ಏಯ್ಯವ್ಹೋ ಏಯ್ಯಂ ಏಯ್ಯಾಮ್ಹೇ।
ಹೇತುಭುತಾಯಂ ಫಲಭೂತಾಯಞ್ಚ ಕ್ರಿಯಾಯಂ ವತ್ತಮಾನತೋ ಕ್ರಿಯತ್ಥ ಏಯ್ಯಾದಯೋ ವಾ ಹೋನ್ತಿ।
ಏಯ್ಯೇಯ್ಯಾಸೇನ್ತಂ ಟೇ।
ಏಯ್ಯ ಏಯ್ಯಾಸಿ ಏಯ್ಯಮಿಚ್ಚೇಸಂ ಟೇ ವಾ ಹೋತಿ-ಪಚೇ ಪಚೇಯ್ಯ।
ಏಯ್ಯುಂಸ್ಸುಂ।
ಏಯ್ಯುಮಿಚ್ಚಸ್ಸ ಉಂ ವಾ ಹೋತಿ-ಪಚುಂ ಪಚೇಯ್ಯುಂ,ಪಚೇ ಪಚೇಯ್ಯಾಸಿ,-ವಾ ಓಕಾರೇ-ಪಚೇಯ್ಯಾಥೋ ಪಚೇಯ್ಯಾಥ, ಪಚೇಯ್ಯಾಮಿ।
ಏಯ್ಯಾಮಸ್ಸೇಮು ಚ
ಏಯ್ಯಾಮಸ್ಸ ಏಮು ವಾ ಹೋತಿ ಉ ಚ-ಪಚೇಮು ಪಚೇಯ್ಯಾಮು ಪಚೇಯ್ಯಾಮಕ, ಪಚೇಥ ಪಚೇರಂ ಪಚೇಥೋ ಪಚೇಯ್ಯವ್ಹೋ, ಪಚೇ ಪಚೇಯ್ಯಂ ಪಚೇಯ್ಯಾಮ್ಹೇ-ಕಮ್ಮೇ-ಪಚೀಯೇ ಪಚೀಯ್ಯೇ ಪಚ್ಚೇ ಪಚ್ಚೇಯ್ಯ, ಪಚಿಯುಂ ಪಚೀಯೇಯ್ಯುಂ ಪಚ್ಚುಂ ಪಚ್ಚೇಯ್ಯುಮಿಚ್ಚಾದಿ-ಭಾವೇ-ಭುಯೇ ಭುಯೇಯ್ಯ, ಭುಯೇಥ।
ಪಾತೋ
ಹೇತುಭುತಾತಿ ವಿಞ್ಞೇಯ್ಯಾ ಫಲನತ್ವನುಭವಕ್ರಿಯಾ।
ಸತ್ತ್ಯ ರಹೇಸ್ವೇಯ್ಯಾದಿ।
ಸತ್ತಿಯಂ ಅರಹತ್ಥೇವ ಕ್ರಿಯತ್ಥಾ ಏಯ್ಯಾದಯೋ ಹೋನ್ತಿ-ಭವಂ ಖಲು ಭತ್ತಂ ಪಚೇಯ್ಯ, ಭವಂ ಸಮತ್ಥೋ, ಭವಂ ಅರಭೋ।
ಸಮ್ಭಾವನೇ ವಾ।
ಸಮ್ಭಾವನೇ ಗಮ್ಯಮಾನೇ ಧಾತುನಾ ವುಚ್ಚಮಾನೇ ಚ ಏಯ್ಯಾದಯೋ ಹೋನ್ತಿ ನವಿಭಾಸಾ-ಅಪಿ ಭವಂ ಗಿಲಿತಂ ಪಾಸಾಣಂ ಪಚೇಯ್ಯ ಉದರಗ್ಗಿನಾ-ಸಮ್ಹಾವೇಮಿ ಸದ್ದಹಾಮಿ ಭವಂ ಪಚೇಯ್ಯ,ಭವಂ ಪಚಿಸ್ಸತಿ। ಭವಂ ಅಪಚಿ।
ಪಞ್ಹಪತ್ಥನಾವಿಧಿಸು।
ಪಞ್ಹಾದಿಸು ಕ್ರಿಯತ್ತತೋ ಏಯ್ಯಾದಯೋ ಹೋನ್ತಿ।
ಪಞ್ಹೋ ಸಮ್ಪುಚ್ಛನಂ ಇಟ್ಠಾ ಸಿಂಸನಂ ಯಾಚನಂ ದುವೇ
ಪತ್ಥನಾ ಭತ್ತಿಯಾ ವಾಥ ನ ನವಾ ವ್ಯಾಪಾರಣ ವಿಧಿ।
ಪಞ್ಹೇ, ಕಿಂ ಸೋ ಭತ್ತಂ ಪಚೇಯ್ಯ ಉದಾಹು ಬ್ಯಞ್ಜನಂ ವಾ-ಪತ್ಥನಾಯಂ, ಅಹೋ ವತ ಸೋ ಪಚೇಯ್ಯ ಮೇ-ವಿಧಿಮ್ಹಿ, ಭವಂ ಭತ್ತಂ ಪಚೇಯ್ಯ।
ತು ಅನ್ತು ಹಿ ಥ ಮಿ ಮ ತಂ ಅನ್ತಂ ಸ್ಸು ವ್ಹೋ ಏ ಆಮಸೇ।
ಪಞ್ಹಪತ್ತನಾವಿಧಿಸ್ವೇತೇ ಹೋನ್ತಿ ಕ್ರಿಯತ್ಥತೋ-ಪಚತು ಪಚನ್ತು।
ಹಿಸ್ಸ’ತೋ ಲೋಪೋ।
ಅತೋ ಪರಸ್ಸ ಹಿಸ್ಸ ವಾ ಲೋಪೋ ಹೋತಿ-ಪಚ ಪಚಾಹಿ-ಥಸ್ಸ ವಾ ವೇಹಾಕ-ಪಚವ್ಹೋ ಪಚಥ,ಪಚಾಮಿ ಪಚಾಮ, ಪಚತಂ ಪಚನ್ತಂ, ಪಚಸ್ಸು ಪಚವ್ಹೋ, ಪಚೇ ಪಚಾಮಸೇ-ಕಮ್ಮೇ-ಪಚೀಯತು ಪಚ್ಚತು ಪಚೀಯನ್ತು ಪಚ್ಚನ್ತು ಇಚ್ಚಾದಿ-ಭಾವೇ, ಭುಯತು ಭುಯತಂ-ಪಚಿತುಂ ಪಯುತ್ತೀತಿ ಪಚನಿಚ್ಛಾಯಂ।
ಪಯೋಜಕವ್ಯಾಪಾರೇ ಣಪಿ ಚ।
ಕತ್ತಾರಂ ಯೋ ಪಯೋಜೇತಿ ತಸ್ಸ ವ್ಯಾಪಾರೇ ಕ್ರಿಯತ್ಥಾ ಣಿ ಣ್ಪಿ ಹೋನ್ತಿ ಬಹುಲಂ-‘‘ಅಸ್ಸಾಣನುಬನ್ಧೇ’’ತಿ ಆ-ಪಯೋಜಕವ್ಯಾಪಾರೇ ಣಿಣಪಿನಂ ವಿಧಾನಾ ತದನ್ತಸ್ಸ ಕ್ರಿಯತ್ಥತಾತಿ ಪಾಚಿಸದ್ದತೋ ತ್ಯಾದಯೋ।
ಣಿಣಪ್ಯಾಪಿಹಿ ವಾ।
ಣ್ಯಾದ್ಯನ್ತೇಹಿ ಕ್ರಿಯತ್ಥೇಹಿ ಅಪರೋಕ್ಕೇಸುಕತ್ತುವಿಹಿತ ಕಮಾನನ್ತತ್ಯಾದಿಸು ಲೋ ಹೋತಿ ವಿಭಾಸಾ-‘‘ಯುವಣ್ಣಾನಮೇ ಓಪ್ಪಚ್ಚಯೇ’’ತಿ ಏಕಾರೇ ‘‘ಞೋನಮಯವಾ ಸರೇ’’ತಿ ಅಯಾದೇಸೇ ಚ-ಪಾಚಯತಿ-ಅಞ್ಞತ್ರ-ಪಾಚೇತಿ-ಪಾಚಯರೇ ಪಾಚಯನ್ತಿ ಪಾಚೇನ್ತಿಚ್ಚಾದಿ-ಕಮ್ಮೇ-
ದೀಘೋ ಸರಸ್ಸ।
ಸರನ್ತಸ್ಸ ಕ್ರಿಯತ್ಥಸ್ಸ ದೀಘೋ ಹಾತಿ ಕ್ಯೇ-ಪಾಚೀಯತಿ ಪಾಚೀಯರೇ ಪಾಚೀಯನ್ತಿಚ್ಚಾದಿ-ವುತ್ತನಯೇನ ಞೇಯ್ಯಂ-ಪಯೋಜಕವ್ಯಾಪಾರೇ ಣಿಣಪ್ಯನ್ತಾನಂ ಸಕಮ್ಮಕತ್ತಾ ನ ನಭಾವೇ ರೂಪನಯೋ।
ಅಕಮ್ಮಕಾಪಿ ಹೋನ್ತೇವ ಣಿಣಪ್ಯನ್ತಾ ಸಕಮ್ಮಕಾ,
ಸಕಮ್ಮಕಾ ದ್ವೀಕಮ್ಮಾಸ್ಸು ದ್ವಿಕಮ್ಮಾ ಚ ತಿಕಮ್ಮಕಾ।
ಭವಿಸ್ಸತಿ-ಪಾಚಯಿಸ್ಸತಿ ಪಾಚೇಸ್ಸತಿ ಪಾಚಯಿಸ್ಸರೇ ಪಾಚಯಿಸ್ಸನ್ತಿ ಪಾಚೇಸ್ಸರೇ ಪಾಚೇಸ್ಸನ್ತಿಚ್ಚಾದಿ-ಕಮ್ಮೇ-ಪಾಚೀಯಿಸ್ಸತಿ-ಕ್ಯಲೋಪೋ-ಪಾಚಿಸ್ಸತೀಚ್ಚಾದಿ-ಭುತೇ-ಅಪಾಚಯಿತ್ಥೋ
ಞೋತ್ತಾ ಸುಂ।
ಞಾದೇಸತೋ ಓಆದೇಸತೋ ಚ ಪರಸ್ಸ ಉಮಿಚ್ಚಸ್ಸ ಸುಂ ವಾ ಹೋತಿ-ಅಪಾಚಯಸುಂ ಪಾಚಯಸುಂ ಅಪಾಚೇಸುಂ ಪಾಚೇಸುಂ ಅಪಾಚಯುಂ ಪಾಚಯುಮಿಚ್ಚಾದಿ-ಉಸ್ಸ ಸುಮೇವ ವಿಸೇಸೋ-ಕಮ್ಮೇ-ಅಪಾಚೀಯಿತ್ಥೋ ಪಾಚೀಯಿತ್ಥೋ ಅಪಾಚೀಯತ್ಥೋ ಪಾಚೀಯತ್ಥೋ ಅಪಾಚಿಯಿ ಪಾಚೀಯಿ ಅಪಾಚಿಯೀ ಪಾಚೀಯಿ ಇಚ್ಚಾದಿ-ಅನಜ್ಜತನೇ-ಅಪಾಚಯತ್ಥ ಪಾಚಯತ್ಥ ಅಪಾಚೇತ್ಥ ಕಪಾಚೇತ್ಥ ಅಪಾಚಯ ಪಾಚಯ ಅಪಾಚಯಾ ಪಾಚಯಾ ಅಪಾಚಯು ಪಾಚಯು ಅಪಾಚಯೂ ಪಾಚಯೂ ಇಚ್ಚಾದಿ-ಕಮ್ಮೇ-ಅಪಾಚೀಯತ್ಥ ಪಾಚೀಯತ್ಥ ಅಪಾಚೀಯ ಪಾಚೀಯ ಅಪಾಚೀಯಾ ಪಾಚೀಯಾ ಇಚ್ಚಾದಿ-ಪರೋಕ್ಖೇ-
ರಸ್ಸೋ ಪುಬ್ಬಸ್ಸ।
ದ್ವಿತ್ತೇ ಪುಬ್ಬಸ್ಸ ಸರೋ ರಸ್ಸೋ ಹೋತಿ-ಪಪಾಚಯ ಪಪಾಚಯು ಪಪಾಚಯೇ ಪಪಾಚಯಿತ್ಥ ಪಪಾಚೇತ್ಥ ಇಚ್ಚಾದಿ-ಕಮ್ಮೇ-ಸಬ್ಬಂ ಕತ್ತುಸಮಂ-ಅತಪತ್ತಿಯಂಅಪಾಚಯಿಸ್ಸ ಪಾಚಯಿಸ್ಸ ಅಪಾಚಯಿಸ್ಸಾ ಪಾಚಯಿಸ್ಸಾ ಅಪಾಚಯಿಸ್ಸಂಸು ಪಾಚಯಿಸ್ಸಂಸು ಇಚ್ಚಾದಿ-ಕಮ್ಮೇ-ಅಪಾಚಿಯಿಸ್ಸ ಪಾಚಿಯಿಸ್ಸ ಅಪಾಚೀಯಿಸ್ಸಾ ಪಾಚಿಯಿಸ್ಸ ಅಪಾಚಿಸ್ಸ ಪಾಚಿಸ್ಸ ಅಪಾಚಿಸ್ಸಾ ಪಾಚಿಸ್ಸಾ ಇಚ್ಚಾದಿ-ಹೇತುಫಲೇಸು-ಪಾಚಯೇ ಪಾಚಯೇಯ್ಯ ಪಾಚಯುಂ ಪಾಚಯೇಯಯುಮಿಚ್ಚಾದಿ-ಕಮ್ಮೇ-ಪಾಚೀಯೇ ಪಾಚೀಯೇಯಯುಮಿಚ್ಚಾದಿ-ತ್ವಾದಿಸು-ಪಾಚಯತು ಪಾಚೇತು ಪಾಚಯನ್ತು ಪಾಚೇನ್ತು ಇಚ್ಚಾದಿ-ಕಮ್ಮೇ-ಪಾಚೀಯತು ಪಾಚೀಯನ್ತು ಇಚ್ಚಾದಿ-ಣಪಿಮ್ಹಿ-ಪಾಚಾಪಯತಿ ಪಾಚಾಪೇತಿಚ್ಚಾದಿ ನ್ಯನ್ತಸಮಂ-ಪಾಚಯಿತುಮ್ಪಯುತ್ತಿತಿ ಣ್ಯನ್ತತೋಪಿ ಣಿ।
ಣಿಣಪಿನಂ ತೇಸು।
ಣೀ ಣಪಿನಂ ಲೋಪೋ ನಹೋತಿ ತೇಸು ಣೀ ಣಪಿಸು’ತಿಕ ಪುಬ್ಬಣಿಲೋಪೇ-ಪಾಚಯತಿ ಪಾಚೇತಿಚ್ಚಾದಿ ಸಬ್ಬತ್ಥಞೇಯ್ಯಂ-ಣಪಿಚೇವಂ।
ಭುವಾದಿ ನಯೋ।
ಅಧುನಾ ವಿಕರಣಪ್ಪಭೇದಪ್ಪಕಾಸನತ್ಥಂ ರುಧಾದೀನಂ ಅಟಾಠಗಣನಮಾದಿಭುತಸ್ಸೇಕೇಕಸ್ಸ ಕ್ರಿಯತ್ಥಸ್ಸ ಕಾನಿ ಚಿ ರೂಪಾನಿ ಉದಾಹರಿಯನ್ತೇ-ರುಧ ಆವರಣೇ-ತ್ಯಾದಿ।
ಮಞ್ಚ ರುಧಾದೀನಂ।
ರುಧಾದಿತೋ ಅಪರೋಕ್ಖೇಸುಕತ್ತುವಿಹಿತಮಾನನ್ತತ್ಯಾದಿಸು ಲೋಹೋತಿ ಮಞ್ಚಾನ್ತಸರಾ ಪರೋ-ರುನ್ಧತಿ ರುನ್ಧರೇ ರುನ್ಧನ್ತಿಚ್ಚಾದಿ-ಕಮ್ಮೇ-‘‘ಮಂ ವಾ ರುಧಾದೀನ’’ನ್ತಿ ವಾ ಮಂ-ರುನ್ಧಿಯತಿ ರುಜ್ಝತೀಚಚಾದಿ-ಪಚಿವಿಯ ಸಬ್ಬತ್ಥ ಞೇಯ್ಯಂ।
ರುಧಾದಿ ನಯೋ।
ದಿವ ಕೀಳಾ ವಿಜಿಗಿಂಸಾ ವೋಹಾರಜ್ಜುತಿ ಥುತಿ ಗತೀಸು।
ದಿವಾದೀಹಿ ಯಕ।
ದಿವಾದೀಹಿ ಲವಿಸಯೇ ಯಕ ಹೋತಿ-ಕಕಾರೋ ಕಾನುಬನ್ಧಕಾರಿಯತ್ಥೋ-ಏವಮುಪರಿಚ-ದಿಬ್ಬತಿ ದಿಬ್ಬರೇ ದಿಬ್ಬನ್ತಿಚ್ಚಾದಿ-ಕಮ್ಮೇ-ಕಿವೀಯತಿ ದಿಬ್ಬತಿ ದಿವೀಯರೇ ದಿವಿಯನ್ತಿ ದಿಬ್ಬರೇ ದಿಬ್ಬನ್ತಿಚ್ಚಾದಿ।
ದಿವಾದಿ ನಯೋ।
ತುದ
ತುದಾದೀಹಿ ಕೋ।
ತುದಾದೀಹಿ ಲವಿಸಯೇ ಕೋ ಹೋತಿ-ತುದತಿ ತುದನ್ತಿಚ್ಚಾದಿ-ಕಮ್ಮೇ-ತುದೀಯತಿ ತುಜ್ಜತಿ ತುದೀಯರೇತುದಿಯನ್ತಿ ತುಜ್ಜರೇ ತುದ್ಯನ್ತಿಚ್ಚಾದಿ।
ತುದಾದಿ ನಯೋ।
ಜಿ ಜಯೇ।
ಜ್ಯಾದೀಹಿ ಕ್ತಾ।
ಜಿಆದೀಹಿ ಕಲವಿಸಯೇ ಕ್ನಾ ಹೋತಿ-ಜಿನಾತಿ ಜಿನನ್ತಿಚ್ಚಾದಿ-ಕಮ್ಮೇ-ಜಿಯತಿ ಜಿಯರೇ ಜಿಯನ್ತಿಚ್ಚಾದಿ।
ಜ್ಯಾದಿ ನಯೋ।
ಕೀ ದಬ್ಬವಿನೀಮಯೇ।
ಕ್ಯಾದೀಹಿ ಕ್ಣಾ।
ಕೀಆದೀಹೀ ಲವಿಸಯೇ ಕಣಾ ಹೋತಿ।
ನಾಣಸು ರಸ್ಸೋ।
ನಾಣಸು ಕ್ರಿಯತ್ಥಸ್ಸ ರಸ್ಸೋ ಹೋತಿ-ಕಿಣತಿ ಕಿಣನ್ತಿಚ್ಚಾದಿ-ಕಮ್ಮೇ-ಕೀಯತಿ ಕೀಯರೇ ಕೀಯನ್ತಿಚ್ಚಾದೀ।
ಕ್ಯಾದಿ ನಯೋ।
ಸು ಸವಣೇ।
ಸ್ವಾದೀಹಿ ಕೇಣಾ।
ಸ್ವಾದೀಹಿ ಲವಿಸಯೇ ಕೇಣಾ ಹೋತಿ-ಸುಣೇತಿ ಸುಣನ್ತಿಚ್ಚಾದಿ। ಕಮ್ಮೇ-ಸೂಯತಿ ಸೂಯರೇ ಸೂಯನ್ತಿಚ್ಚಾದಿ।
ಸ್ವಾದಿ ನಯೋ।
ತನ ವಿತ್ಥಾರೇ।
ತನಾದಿತ್ವೋ।
ತನಾದೀಹಿ ಲವಿಸಯೇ ಓ ಹೋತಿ-ತನೋತಿ ತನೋನ್ತಿಚ್ಚಾದಿ। ಪರಚ್ಛಕ್ಕೇ।
ಓವಿಕರಣಸ್ಸು ಪರಚ್ಛಕ್ಕೇ।
ಓವಿಕರಣಸ್ಸ ಉ ಹೋತಿ ಪರಚ್ಛಕ್ಕವಿಸಯೇ-ತನುತೇ ತತ್ವನ್ತೇ ಇಚ್ಚಾದಿ-ಕಮ್ಮೇ-
ತನಸ್ಸಾ ವಾ।
ತನಸ್ಸ ಆ ಹೋತಿ ವಾ ಕ್ಯೇ-ತಾಯತಿ ತಞ್ಞಾತಿ ತಾಯರೇ ತಾಯನ್ತಿ ತಞ್ಞರೇ ತಞ್ಞನ್ತಿಚ್ಚಾನ್ದಿ।
ತನಾದಿ ನಯೋ।
ವೂರ ಥೇಯ್ಯೇ।
ಚುರಾದಿತೋ ಣಿ।
ಚುರಾದೀಹಿ ಕ್ರಿಯತ್ತೇಹಿ ಸಕತ್ಥೇ ಣಿ ಪರೋ ಹೋತಿ ಬಹುಲಂ-ಚೋರಯತಿ ಚೋರತಿ ಚೋರಯರೇ ಚೋರಯನ್ತಿಚೋರೇನ್ತಿಚ್ಚಾದಿ-ಕಮ್ಮೇ-ಚೋರಿಯತಿ ಚೋರೀಯರೇ ಚೋರೀಯನ್ತಿಚ್ಚಾದಿ।
ಚುರಾದಿ ನಯೋ-ತ್ಯಾದಯೋ।
ಪರತ್ಥಾಯ
ಪುಞ್ಞೇನ ತೇನ ಲೋಕೋ’ಯಂ ಸಾಧೇತು ಪದಮಚ್ಚುನಂ।
ಸುದ್ಧಾಸಯೇನ ಪರಿಸುದ್ಧಗುಣೇದಿತೇನ
ಸಾರೇನ ಸಾರಯತಿಸಙ್ಘನಿಸೇವಿತೇನ
ರಮ್ಮೇ’ನುರಾಧನಗರೇ ವಸತಮ್ಬುಜೇನ
ವಿದ್ವಾಲಿತಂ ನಿಜವಿಸುದ್ಧ ಕುಲದ್ಧಜೇನ।
ಮಾನೇನ್ತೇನ ತಥಾಗತಂ ಪಟಿಪದಾಯೋಗೇನ ಸದ್ಧಾಲುನಾ
ನಿಚ್ಚಾಖಣ್ಡತಪೋ’ನಲೇಹಿ ನಿಖಿಲಪ್ಪಾಪಾರಿಸನ್ತಾಪಿತಾ
ಸದ್ಧಮ್ಮವ್ಹಯಸೀಹತೇಲಠತಿಯಾ ಚಾಮೀಕರತ್ಥಾಲಿನಾ
ನಾನಾವಾದಿಕುದಿಟ್ಠಿಭೇದಪಟುನಾ ನವಾಣಿ ಕನವಧೂ ಸಾಮಿನಾ।
ಸತ್ಥಾನಂ ಕರುಣವತಾ ಗತವತಾ ಕಪಾರಮ್ಪರಂ ಧೀಮತಾ
ಥೇರೇನಾತುಮಪಾದಪಞ್ಜರಗತೋ ಯೋ ಸದ್ದಸತ್ತಾದಿಸು
ಮೋಗ್ಗಲ್ಲಾಯನವಿಸ್ಸುತೇತಿಹ ಸುವಚ್ಛಾಪೋ ವಿನೀತೋ ಕಯಥಾ
ಸೋ’ಕಾಸೀ ಪಿಯದಸ್ಸಿ ನಾಮ ಯತಿದಂ ಬ್ಯತ್ತಂ ಸುಖಪ್ಪತ್ತಿಯಾ।
ವುತ್ತೋವ ವುತ್ತಮುಪಭೋಗಿನಿಯಾ ಸಕಾಯ
ಪಿನಪ್ಪಯೋಧರವನಾಪಗಸೇವಿಕಾಯ
ರಮ್ಹಾವಿಹಾರವಧುಯಾ ತಿಲಕಾತುಲೇನ
ಸನ್ತೇನ ಕಪ್ಪಿಣಸಮವ್ಹಯಮಾತುಲೇನ।
ಪದಸಾಧನಂ ನಿಟ್ಠಿತಂ।