೭. ರಾಹುಲಸಂಯುತ್ತಂ
೧. ಪಠಮವಗ್ಗೋ
೧-೮. ಚಕ್ಖುಸುತ್ತಾದಿವಣ್ಣನಾ
೧೮೮-೧೯೫. ರಾಹುಲಸಂಯುತ್ತಸ್ಸ ಏಕೋತಿ ಚತೂಸು ಇರಿಯಾಪಥೇಸು ಏಕವಿಹಾರೀ। ವೂಪಕಟ್ಠೋತಿ ವಿವೇಕಟ್ಠೋ ನಿಸ್ಸದ್ದೋ। ಅಪ್ಪಮತ್ತೋತಿ ಸತಿಯಾ ಅವಿಪ್ಪವಸನ್ತೋ। ಆತಾಪೀತಿ ವೀರಿಯಸಮ್ಪನ್ನೋ। ಪಹಿತತ್ತೋ ವಿಹರೇಯ್ಯನ್ತಿ ವಿಸೇಸಾಧಿಗಮತ್ಥಾಯ ಪೇಸಿತತ್ತೋ ಹುತ್ವಾ ವಿಹರೇಯ್ಯಂ। ಅನಿಚ್ಚನ್ತಿ ಹುತ್ವಾ ಅಭಾವಾಕಾರೇನ ಅನಿಚ್ಚಂ। ಅಥ ವಾ ಉಪ್ಪಾದವಯವನ್ತತಾಯ ತಾವಕಾಲಿಕತಾಯ ವಿಪರಿಣಾಮಕೋಟಿಯಾ ನಿಚ್ಚಪಟಿಕ್ಖೇಪತೋತಿ ಇಮೇಹಿಪಿ ಕಾರಣೇಹಿ ಅನಿಚ್ಚಂ। ದುಕ್ಖನ್ತಿ ಚತೂಹಿ ಕಾರಣೇಹಿ ದುಕ್ಖಂ ದುಕ್ಖಮನಟ್ಠೇನ ದುಕ್ಖವತ್ಥುಕಟ್ಠೇನ ಸತತಸಮ್ಪೀಳನಟ್ಠೇನ ಸುಖಪಟಿಕ್ಖೇಪೇನಾತಿ। ಕಲ್ಲನ್ತಿ ಯುತ್ತಂ। ಏತಂ ಮಮಾತಿ ತಣ್ಹಾಗಾಹೋ। ಏಸೋಹಮಸ್ಮೀತಿ ಮಾನಗಾಹೋ। ಏಸೋ ಮೇ ಅತ್ತಾತಿ ದಿಟ್ಠಿಗಾಹೋ। ತಣ್ಹಾಗಾಹೋ ಚೇತ್ಥ ಅಟ್ಠಸತತಣ್ಹಾವಿಚರಿತವಸೇನ, ಮಾನಗಾಹೋ ನವವಿಧಮಾನವಸೇನ, ದಿಟ್ಠಿಗಾಹೋ ದ್ವಾಸಟ್ಠಿದಿಟ್ಠಿವಸೇನ ವೇದಿತಬ್ಬೋ। ನಿಬ್ಬಿನ್ದಂ ವಿರಜ್ಜತೀತಿ ಏತ್ಥ ವಿರಾಗವಸೇನ ಚತ್ತಾರೋ ಮಗ್ಗಾ ಕಥಿತಾ, ವಿರಾಗಾ ವಿಮುಚ್ಚತೀತಿ ಏತ್ಥ ವಿಮುತ್ತಿವಸೇನ ಚತ್ತಾರಿ ಸಾಮಞ್ಞಫಲಾನಿ।
ಏತ್ಥ ಚ ಪಞ್ಚಸು ದ್ವಾರೇಸು ಪಸಾದಾವ ಗಹಿತಾ, ಮನೋತಿ ಇಮಿನಾ ತೇಭೂಮಕಂ ಸಮ್ಮಸನಚಾರಚಿತ್ತಂ। ದುತಿಯೇ ತಣ್ಹಾತಿ ತಸ್ಮಿಂ ತಸ್ಮಿಂ ದ್ವಾರೇ ಜವನಪ್ಪತ್ತಾವ ಲಬ್ಭತಿ। ಪಠಮಾದೀನಿ।
೯. ಧಾತುಸುತ್ತವಣ್ಣನಾ
೧೯೬. ನವಮೇ
೧೦. ಖನ್ಧಸುತ್ತವಣ್ಣನಾ
೧೯೭. ದಸಮೇ
ಪಠಮೋ ವಗ್ಗೋ।
೨. ದುತಿಯವಗ್ಗೋ
೧-೧೦. ಚಕ್ಖುಸುತ್ತಾದಿವಣ್ಣನಾ
೧೯೮-೧೯೯. ದುತಿಯೇ ದಸ ಉತ್ತಾನತ್ಥಾನೇವ। ಪಠಮಾದೀನಿ।
೧೧. ಅನುಸಯಸುತ್ತವಣ್ಣನಾ
೨೦೦. ಏಕಾದಸಮೇ ಇಮಸ್ಮಿಞ್ಚ ಸವಿಞ್ಞಾಣಕೇ ಕಾಯೇತಿ ಅತ್ತನೋ ಸವಿಞ್ಞಾಣಕಕಾಯಂ ದಸ್ಸೇತಿ, ಬಹಿದ್ಧಾ ಚಾತಿ ಪರಸ್ಸ ಸವಿಞ್ಞಾಣಕಂ ವಾ ಅವಿಞ್ಞಾಣಕಂ ವಾ। ಪುರಿಮೇನ ವಾ ಅತ್ತನೋ ಚ ಪರಸ್ಸ ಚ ವಿಞ್ಞಾಣಮೇವ ಅಹಙ್ಕಾರಮಮಙ್ಕಾರಮಾನಾನುಸಯಾತಿ ಅಹಂಕಾರದಿಟ್ಠಿ ಚ ಮಮಂಕಾರತಣ್ಹಾ ಚ ಮಾನಾನುಸಯಾ ಚ। ನ ಹೋನ್ತೀತಿ ಏತೇ ಕಿಲೇಸಾ ಕಥಂ ಜಾನನ್ತಸ್ಸ ಏತೇಸು ವತ್ಥೂಸು ನ ಹೋನ್ತೀತಿ ಪುಚ್ಛತಿ। ಸಮ್ಮಪ್ಪಞ್ಞಾಯ ಪಸ್ಸತೀತಿ ಸಹ ವಿಪಸ್ಸನಾಯ ಮಗ್ಗಪಞ್ಞಾಯ ಸುಟ್ಠು ಪಸ್ಸತಿ। ಏಕಾದಸಮಂ।
೧೨. ಅಪಗತಸುತ್ತವಣ್ಣನಾ
೨೦೧. ದ್ವಾದಸಮೇ ಅಹಙ್ಕಾರಮಮಙ್ಕಾರಮಾನಾಪಗತನ್ತಿ ಅಹಂಕಾರತೋ ಚ ಮಮಂಕಾರತೋ ಚ ಮಾನತೋ ಚ ಅಪಗತಂ। ವಿಧಾ ಸಮತಿಕ್ಕನ್ತನ್ತಿ ಮಾನಕೋಟ್ಠಾಸೇ ಸುಟ್ಠು ಅತಿಕ್ಕನ್ತಂ। ಸನ್ತಂ ಸುವಿಮುತ್ತನ್ತಿ ಕಿಲೇಸವೂಪಸಮೇನ ಸನ್ತಂ, ಕಿಲೇಸೇಹೇವ ಸುಟ್ಠು ವಿಮುತ್ತಂ। ಸೇಸಂ ಉತ್ತಾನಮೇವಾತಿ। ದ್ವಾದಸಮಂ।
ದುತಿಯೋ ವಗ್ಗೋ।
ದ್ವೀಸುಪಿ
ರಾಹುಲಸಂಯುತ್ತವಣ್ಣನಾ ನಿಟ್ಠಿತಾ।