೧೭. ಪಸಾದಕರಧಮ್ಮವಗ್ಗವಣ್ಣನಾ
೩೬೬. ಅದ್ಧಮಿದನ್ತಿಆದೀಸು ಅದ್ಧನ್ತಿ ಏಕಂಸಾಧಿವಚನಮೇತಂ, ಅದ್ಧಾ ಇದಂ ಲಾಭಾನಂ, ಏಕಂಸೋ ಏಸ ಲಾಭಾನನ್ತಿ ವುತ್ತಂ ಹೋತಿ। ಯದಿದಂ ಆರಞ್ಞಿಕತ್ತನ್ತಿ ಯೋ ಏಸ ಆರಞ್ಞಿಕಭಾವೋ। ಇದಂ ವುತ್ತಂ ಹೋತಿ – ಆರಞ್ಞಿಕಭಾವೋ ಬಾಹುಸಚ್ಚನ್ತಿ ಬಹುಸ್ಸುತಭಾವೋ। ಥಾವರೇಯ್ಯನ್ತಿ ಚಿರಪಬ್ಬಜಿತತ್ತಾ ಥಾವರಪ್ಪತ್ತಭಾವೋ। ಆಕಪ್ಪಸಮ್ಪದಾತಿ ಪರಿವಾರಸಮ್ಪದಾತಿ ಸುಚಿಪರಿವಾರತಾ। ಕೋಲಪುತ್ತೀತಿ ಕುಲಪುತ್ತಭಾವೋ। ವಣ್ಣಪೋಕ್ಖರತಾತಿ ಸಮ್ಪನ್ನರೂಪತಾ। ಕಲ್ಯಾಣವಾಕ್ಕರಣತಾತಿ ವಚನಕಿರಿಯಾಯ ಮಧುರಭಾವೋ। ಅಪ್ಪಾಬಾಧತಾತಿ ಆರೋಗ್ಯಸಮ್ಪತ್ತಿ। ಅರೋಗೋ ಹಿ ಭಿಕ್ಖು ಅತ್ತನೋ ಸರೀರಕಲ್ಯಾಣತಾಯ ವಿಪಸ್ಸನಾಧುರೇ ಚ ಗನ್ಥಧುರೇ ಚ ಪರಿಪೂರಕಾರೀ ಹೋತಿ, ತೇನಸ್ಸ ಲಾಭೋ ಉಪ್ಪಜ್ಜತೀತಿ।
ಸೋಳಸ ಪಸಾದಕರಧಮ್ಮಾ ನಿಟ್ಠಿತಾ।