೯. ಪಮಾದಾದಿವಗ್ಗವಣ್ಣನಾ

೮೧. ನವಮಸ್ಸಾಪಿ ಪಠಮಂ ಅಟ್ಠುಪ್ಪತ್ತಿಯಮೇವ ಕಥಿತಂ। ಸಮ್ಬಹುಲಾ ಕಿರ ಭಿಕ್ಖೂ ಧಮ್ಮಸಭಾಯಂ ನಿಸಿನ್ನಾ ಕುಮ್ಭಘೋಸಕಂ ಆರಬ್ಭ ‘‘ಅಸುಕಂ ನಾಮ ಕುಲಂ ಪುಬ್ಬೇ ಅಪ್ಪಯಸಂ ಅಪ್ಪಪರಿವಾರಂ ಅಹೋಸಿ, ಇದಾನಿ ಮಹಾಯಸಂ ಮಹಾಪರಿವಾರಂ ಜಾತ’’ನ್ತಿ ಕಥಯಿಂಸು। ಸತ್ಥಾ ಪುರಿಮನಯೇನೇವ ಆಗನ್ತ್ವಾ ತೇಸಂ ವಚನಂ ಸುತ್ವಾ ಇಮಂ ಸುತ್ತಂ ಆರಭಿ। ತಸ್ಸತ್ಥೋ ಹೇಟ್ಠಾ ವುತ್ತನಯೇನೇವ ವೇದಿತಬ್ಬೋ।

೮೨. ದುತಿಯಾದೀಸು ಮಹತೋ ಅನತ್ಥಾಯಾತಿ ಮಹನ್ತಸ್ಸ ಅನತ್ಥಸ್ಸ ಅತ್ಥಾಯ। ಸೇಸಮೇತ್ಥ ಉತ್ತಾನಮೇವಾತಿ।

ಪಮಾದಾದಿವಗ್ಗವಣ್ಣನಾ।