(೧೦) ೫. ಬಾಲವಗ್ಗವಣ್ಣನಾ
೯೯. ಪಞ್ಚಮಸ್ಸ ಅನಾಗತಂ ಭಾರಂ ವಹತೀತಿ ‘‘ಸಮ್ಮಜ್ಜನೀ ಪದೀಪೋ ಚ, ಉದಕಂ ಆಸನೇನ ಚ, ಛನ್ದಪಾರಿಸುದ್ಧಿಉತುಕ್ಖಾನಂ, ಭಿಕ್ಖುಗಣನಾ ಚ ಓವಾದೋ, ಪಾತಿಮೋಕ್ಖಂ ಥೇರಭಾರೋತಿ ವುಚ್ಚತೀ’’ತಿ ಇಮಂ ದಸವಿಧಂ ಥೇರಭಾರಂ ನವಕೋ ಹುತ್ವಾ ಆಗತಂ ಭಾರಂ ನ ವಹತೀತಿ ಥೇರೋ ಸಮಾನೋ ತಮೇವ ದಸವಿಧಂ ಭಾರಂ ಅತ್ತನಾ ವಾ ಅಕರೋನ್ತೋ ಪರಂ ವಾ ಅಸಮಾದಪೇನ್ತೋ ಆಗತಂ ಭಾರಂ ನ ವಹತಿ ನಾಮ। ದುತಿಯಸುತ್ತೇಪಿ ಇಮಿನಾವ ನಯೇನ ಅತ್ಥೋ ವೇದಿತಬ್ಬೋ।
೧೦೧. ತತಿಯೇ ಅಕಪ್ಪಿಯೇ ಕಪ್ಪಿಯಸಞ್ಞೀತಿ ಅಕಪ್ಪಿಯೇ ಸೀಹಮಂಸಾದಿಮ್ಹಿ ‘‘ಕಪ್ಪಿಯಂ ಇದ’’ನ್ತಿ ಏವಂಸಞ್ಞೀ। ಕಪ್ಪಿಯೇ ಅಕಪ್ಪಿಯಸಞ್ಞೀತಿ ಕುಮ್ಭೀಲಮಂಸಬಿಳಾರಮಂಸಾದಿಮ್ಹಿ ಕಪ್ಪಿಯೇ ‘‘ಅಕಪ್ಪಿಯಂ ಇದ’’ನ್ತಿ ಏವಂಸಞ್ಞೀ। ಚತುತ್ಥಂ ವುತ್ತನಯೇನೇವ ವೇದಿತಬ್ಬಂ।
೧೦೩. ಪಞ್ಚಮೇ ಅನಾಪತ್ತಿಯಾ ಆಪತ್ತಿಸಞ್ಞೀತಿ ಆಪುಚ್ಛಿತ್ವಾ ಭಣ್ಡಕಂ ಧೋವನ್ತಸ್ಸ, ಪತ್ತಂ ಪಚನ್ತಸ್ಸ, ಕೇಸೇ ಛಿನ್ದನ್ತಸ್ಸ, ಗಾಮಂ ಪವಿಸನ್ತಸ್ಸಾತಿಆದೀಸು ಅನಾಪತ್ತಿ, ತತ್ಥ ‘‘ಆಪತ್ತಿ ಅಯ’’ನ್ತಿ ಏವಂಸಞ್ಞೀ। ಆಪತ್ತಿಯಾ ಅನಾಪತ್ತಿಸಞ್ಞೀತಿ ತೇಸಞ್ಞೇವ ವತ್ಥೂನಂ ಅನಾಪುಚ್ಛಾಕರಣೇ ಆಪತ್ತಿ, ತತ್ಥ ‘‘ಅನಾಪತ್ತೀ’’ತಿ ಏವಂಸಞ್ಞೀ। ಛಟ್ಠೇಪಿ
೧೦೯. ಏಕಾದಸಮೇ ಆಸವಾತಿ ಕಿಲೇಸಾ। ನ ಕುಕ್ಕುಚ್ಚಾಯಿತಬ್ಬನ್ತಿ ಸಙ್ಘಭೋಗಸ್ಸ ಅಪಟ್ಠಪನಂ ಅವಿಚಾರಣಂ ನ ಕುಕ್ಕುಚ್ಚಾಯಿತಬ್ಬಂ ನಾಮ, ತಂ ಕುಕ್ಕುಚ್ಚಾಯತಿ। ಕುಕ್ಕುಚ್ಚಾಯಿತಬ್ಬನ್ತಿ ತಸ್ಸೇವ ಪಟ್ಠಪನಂ ವಿಚಾರಣಂ, ತಂ ನ ಕುಕ್ಕುಚ್ಚಾಯತಿ। ದ್ವಾದಸಮಾದೀನಿ ಹೇಟ್ಠಾ ವುತ್ತನಯೇನೇವ ವೇದಿತಬ್ಬಾನೀತಿ।
ಬಾಲವಗ್ಗೋ ಪಞ್ಚಮೋ।
ದುತಿಯಪಣ್ಣಾಸಕಂ ನಿಟ್ಠಿತಂ।
೩. ತತಿಯಪಣ್ಣಾಸಕಂ