(೧೨) ೨. ಕೇಸಿವಗ್ಗೋ
೧-೭. ಕೇಸಿಸುತ್ತಾದಿವಣ್ಣನಾ
೧೧೧-೧೧೭. ದುತಿಯಸ್ಸ ಅಸ್ಸದಮ್ಮೇತಿ ದಮ್ಮನಯೋಗ್ಗೇ ಅಸ್ಸೇ। ಸಾರೇತೀತಿ ಸಿಕ್ಖಾಪೇತಿ ಪವತ್ತೇತಿ। ಸೇಸಮೇತ್ಥ ಉತ್ತಾನಮೇವ। ದುತಿಯಾದೀನಿ ಉತ್ತಾನತ್ಥಾನೇವ।
ಕೇಸಿಸುತ್ತಾದಿವಣ್ಣನಾ ನಿಟ್ಠಿತಾ।
೮-೧೦. ಸಂವೇಜನೀಯಸುತ್ತಾದಿವಣ್ಣನಾ
೧೧೮-೧೨೦. ಅಟ್ಠಮೇ ಸದ್ಧಸ್ಸಾತಿ ಬುದ್ಧಾದೀಸು ಪಸನ್ನಚಿತ್ತಸ್ಸ ವತ್ತಸಮ್ಪನ್ನಸ್ಸ, ಯಸ್ಸ ಪಾತೋ ವುಟ್ಠಾಯ ಚೇತಿಯಙ್ಗಣವತ್ತಾದೀನಿ ಸಬ್ಬವತ್ತಾನಿ ಕತಾನೇವ ಪಞ್ಞಾಯನ್ತಿ। ದಸ್ಸನೀಯಾನೀತಿ ದಸ್ಸನಾರಹಾನಿ। ಸಂವೇಗೋ ನಾಮ ಸಹೋತ್ತಪ್ಪಂ ಞಾಣಂ। ಅಭಿಜಾತಿಟ್ಠಾನಾದೀನಿಪಿ ತಸ್ಸ ಉಪ್ಪತ್ತಿಹೇತೂನಿ ಭವನ್ತೀತಿ ಸಿಕ್ಖಾಪೇನ್ತೋ ಆಹ ‘‘ಸಂವೇಗಜನಕಾನೀ’’ತಿ। ಠಾನಾನೀತಿ ಕಾರಣಾನಿ, ಪದೇಸಟ್ಠಾನಾನಿ ವಾ। ನವಮದಸಮಾನಿ ಸುವಿಞ್ಞೇಯ್ಯಾನಿ।
ಸಂವೇಜನೀಯಸುತ್ತಾದಿವಣ್ಣನಾ ನಿಟ್ಠಿತಾ।
ಕೇಸಿವಗ್ಗವಣ್ಣನಾ ನಿಟ್ಠಿತಾ।