(೨೪) ೪. ಆವಾಸಿಕವಗ್ಗೋ

೧. ಆವಾಸಿಕಸುತ್ತವಣ್ಣನಾ

೨೩೧. ಚತುತ್ಥಸ್ಸ ಪಠಮೇ ನ ಆಕಪ್ಪಸಮ್ಪನ್ನೋತಿ ಸಮಣಾಕಪ್ಪೇನ ಸಮ್ಪನ್ನೋ। ಅಭಾವನೀಯೋ ಹೋತೀತಿ ವಡ್ಢನೀಯೋ ನ ಹೋತಿ। ದುತಿಯಂ ಉತ್ತಾನಮೇವ।

೩. ಸೋಭನಸುತ್ತವಣ್ಣನಾ

೨೩೩. ತತಿಯೇ ಪಟಿಬಲೋತಿ ಕಾಯಬಲೇನ ಚ ಞಾಣಬಲೇನ ಚ ಸಮನ್ನಾಗತತ್ತಾ ಪಟಿಬಲೋ।

೪. ಬಹೂಪಕಾರಸುತ್ತವಣ್ಣನಾ

೨೩೪. ಚತುತ್ಥೇ ಖಣ್ಡಫುಲ್ಲನ್ತಿ ಪತಿತಟ್ಠಾನಞ್ಚ ಭಿನ್ನಟ್ಠಾನಞ್ಚ। ಪಟಿಸಙ್ಖರೋತೀತಿ ಪಟಿಪಾಕತಿಕಂ ಕರೋತಿ। ಆರೋಚೇತೀತಿ ಇದಂ ಪವಾರಿತಕುಲಾನಂ ವಸೇನ ವುತ್ತಂ।

೫. ಅನುಕಮ್ಪಸುತ್ತವಣ್ಣನಾ

೨೩೫. ಪಞ್ಚಮೇ ಅಧಿಸೀಲೇಸೂತಿ ಪಞ್ಚಸು ಸೀಲೇಸು। ಧಮ್ಮದಸ್ಸನೇ ನಿವೇಸೇತೀತಿ ಚತುಸಚ್ಚಧಮ್ಮದಸ್ಸನೇ ಪತಿಟ್ಠಾಪೇತಿ। ಅರಹಗ್ಗತನ್ತಿ ಸಬ್ಬಸಕ್ಕಾರಾನಂ ಅರಹೇ ರತನತ್ತಯೇವ ಗತಂ, ತೀಸು ವತ್ಥೂಸು ಗರುಚಿತ್ತೀಕಾರಂ ಉಪಟ್ಠಪೇಥಾತಿ ಅತ್ಥೋ। ಛಟ್ಠಂ ಉತ್ತಾನಮೇವ।

೭. ದುತಿಯಅವಣ್ಣಾರಹಸುತ್ತವಣ್ಣನಾ

೨೩೭. ಸತ್ತಮೇ ಆವಾಸಪಲಿಗೇಧೀತಿ ಆವಾಸಂ ಬಲವಗಿದ್ಧಿವಸೇನ ಗಿಲಿತ್ವಾ ವಿಯ ಠಿತೋ। ಸೇಸಂ ಸಬ್ಬಂ ಉತ್ತಾನಮೇವಾತಿ।

ಆವಾಸಿಕವಗ್ಗೋ ಚತುತ್ಥೋ।