೧. ನಿಸ್ಸಯವಗ್ಗೋ
೧-೧೦. ಕಿಮತ್ಥಿಯಸುತ್ತಾದಿವಣ್ಣನಾ
೧-೧೦. ಏಕಾದಸಕನಿಪಾತಸ್ಸ ಜನಿತಸ್ಮಿನ್ತಿ ಕಮ್ಮಕಿಲೇಸೇಹಿ ನಿಬ್ಬತ್ತೇ, ಜನೇ ಏತಸ್ಮಿನ್ತಿ ವಾ ಜನೇತಸ್ಮಿಂ, ಮನುಸ್ಸೇಸೂತಿ ಅತ್ಥೋ। ತೇನಾಹ ‘‘ಯೇ ಗೋತ್ತಪಟಿಸಾರಿನೋ’’ತಿ। ಜನಿತಸ್ಮಿಂ-ಸದ್ದೋ ಏವ ವಾ ಇ-ಕಾರಸ್ಸ ಏ-ಕಾರಂ ಕತ್ವಾ ‘‘ಜನೇತಸ್ಮಿ’’ನ್ತಿ ವುತ್ತೋ। ಜನಿತಸ್ಮಿನ್ತಿ ಚ ಜನಸ್ಮಿನ್ತಿ ಅತ್ಥೋ ವೇದಿತಬ್ಬೋ। ಜನಿತಸ್ಮಿನ್ತಿ ಸಾಮಞ್ಞಗ್ಗಹಣೇಪಿ ಯತ್ಥ ಚತುವಣ್ಣಸಮಞ್ಞಾ, ತತ್ಥೇವ ಮನುಸ್ಸಲೋಕೇ। ಖತ್ತಿಯೋ ಸೇಟ್ಠೋತಿ ಅಯಂ ಲೋಕಸಮಞ್ಞಾಪಿ ಮನುಸ್ಸಲೋಕೇಯೇವ, ನ ದೇವಕಾಯೇ ಬ್ರಹ್ಮಕಾಯೇ ವಾತಿ ದಸ್ಸೇತುಂ ‘‘ಯೇ ಗೋತ್ತಪಟಿಸಾರಿನೋ’’ತಿ ವುತ್ತಂ। ಪಟಿಸರನ್ತೀತಿ ‘‘ಅಹಂ ಗೋತಮೋ, ಅಹಂ ಕಸ್ಸಪೋ’’ತಿ ಪಟಿ ಪಟಿ ಅತ್ತನೋ ಗೋತ್ತಂ ಅನುಸ್ಸರನ್ತಿ ಪಟಿಜಾನನ್ತಿ ವಾತಿ ಅತ್ಥೋ।
ಕಿಮತ್ಥಿಯಸುತ್ತಾದಿವಣ್ಣನಾ ನಿಟ್ಠಿತಾ।
ನಿಸ್ಸಯವಗ್ಗವಣ್ಣನಾ ನಿಟ್ಠಿತಾ।