೪. ಚತುಕ್ಕನಿಪಾತೋ

೧. ಭದ್ದಾಕಾಪಿಲಾನೀಥೇರೀಗಾಥಾ

೬೩.

‘‘ಪುತ್ತೋ ಬುದ್ಧಸ್ಸ ದಾಯಾದೋ, ಕಸ್ಸಪೋ ಸುಸಮಾಹಿತೋ।

ಪುಬ್ಬೇನಿವಾಸಂ ಯೋವೇದಿ, ಸಗ್ಗಾಪಾಯಞ್ಚ ಪಸ್ಸತಿ॥

೬೪.

‘‘ಅಥೋ ಜಾತಿಕ್ಖಯಂ ಪತ್ತೋ, ಅಭಿಞ್ಞಾವೋಸಿತೋ ಮುನಿ।

ಏತಾಹಿ ತೀಹಿ ವಿಜ್ಜಾಹಿ, ತೇವಿಜ್ಜೋ ಹೋತಿ ಬ್ರಾಹ್ಮಣೋ॥

೬೫.

‘‘ತಥೇವ ಭದ್ದಾ ಕಾಪಿಲಾನೀ, ತೇವಿಜ್ಜಾ ಮಚ್ಚುಹಾಯಿನೀ।

ಧಾರೇತಿ ಅನ್ತಿಮಂ ದೇಹಂ, ಜೇತ್ವಾ ಮಾರಂ ಸವಾಹನಂ॥

೬೬.

‘‘ದಿಸ್ವಾ ಆದೀನವಂ ಲೋಕೇ, ಉಭೋ ಪಬ್ಬಜಿತಾ ಮಯಂ।

ತ್ಯಮ್ಹ ಖೀಣಾಸವಾ ದನ್ತಾ, ಸೀತಿಭೂತಮ್ಹ ನಿಬ್ಬುತಾ’’ತಿ॥

… ಭದ್ದಾ ಕಾಪಿಲಾನೀ ಥೇರೀ…।

ಚತುಕ್ಕನಿಪಾತೋ ನಿಟ್ಠಿತೋ।