೨೭. ಪದುಮುಕ್ಖಿಪವಗ್ಗೋ
೧. ಆಕಾಸುಕ್ಖಿಪಿಯತ್ಥೇರಅಪದಾನಂ
೧.
‘‘ಸುವಣ್ಣವಣ್ಣಂ
ಜಲಜಗ್ಗೇ ದುವೇ ಗಯ್ಹ, ಉಪಾಗಚ್ಛಿಂ ನರಾಸಭಂ॥
೨.
‘‘ಏಕಞ್ಚ ಪುಪ್ಫಂ ಪಾದೇಸು, ಬುದ್ಧಸೇಟ್ಠಸ್ಸ ನಿಕ್ಖಿಪಿಂ।
ಏಕಞ್ಚ ಪುಪ್ಫಂ ಪಗ್ಗಯ್ಹ, ಆಕಾಸೇ ಉಕ್ಖಿಪಿಂ ಅಹಂ॥
೩.
‘‘ಚತುನ್ನವುತಿತೋ ಕಪ್ಪೇ, ಯಂ ಪುಪ್ಫಮಭಿರೋಪಯಿಂ।
ದುಗ್ಗತಿಂ ನಾಭಿಜಾನಾಮಿ, ಪುಪ್ಫದಾನಸ್ಸಿದಂ ಫಲಂ॥
೪.
‘‘ಇತೋ ಛತ್ತಿಂಸಕಪ್ಪಮ್ಹಿ, ಏಕೋ ಆಸಿಂ ಮಹೀಪತಿ।
ಅನ್ತಲಿಕ್ಖಕರೋ ನಾಮ, ಚಕ್ಕವತ್ತೀ ಮಹಬ್ಬಲೋ॥
೫.
‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ।
ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ’’॥
ಇತ್ಥಂ ಸುದಂ ಆಯಸ್ಮಾ ಆಕಾಸುಕ್ಖಿಪಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
ಆಕಾಸುಕ್ಖಿಪಿಯತ್ಥೇರಸ್ಸಾಪದಾನಂ ಪಠಮಂ।
೨. ತೇಲಮಕ್ಖಿಯತ್ಥೇರಅಪದಾನಂ
೬.
‘‘ಸಿದ್ಧತ್ಥಮ್ಹಿ
ಬೋಧಿಯಾ ವೇದಿಕಾಯಾಹಂ, ತೇಲಂ ಮಕ್ಖೇಸಿ ತಾವದೇ॥
೭.
‘‘ಚತುನ್ನವುತಿತೋ
ದುಗ್ಗತಿಂ ನಾಭಿಜಾನಾಮಿ, ಮಕ್ಖನಾಯ ಇದಂ ಫಲಂ॥
೮.
‘‘ಚತುವೀಸೇ ಇತೋ ಕಪ್ಪೇ, ಸುಚ್ಛವಿ ನಾಮ ಖತ್ತಿಯೋ।
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
೯.
‘‘ಪಟಿಸಮ್ಭಿದಾ
ಇತ್ಥಂ ಸುದಂ ಆಯಸ್ಮಾ ತೇಲಮಕ್ಖಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
ತೇಲಮಕ್ಖಿಯತ್ಥೇರಸ್ಸಾಪದಾನಂ ದುತಿಯಂ।
೩. ಅಡ್ಢಚನ್ದಿಯತ್ಥೇರಅಪದಾನಂ
೧೦.
‘‘ತಿಸ್ಸಸ್ಸ
ಅಡ್ಢಚನ್ದಂ ಮಯಾ ದಿನ್ನಂ, ಧರಣೀರುಹಪಾದಪೇ॥
೧೧.
‘‘ದ್ವೇನವುತೇ ಇತೋ ಕಪ್ಪೇ, ಯಂ ಚನ್ದ
ದುಗ್ಗತಿಂ ನಾಭಿಜಾನಾಮಿ, ಬೋಧಿಪೂಜಾಯಿದಂ ಫಲಂ॥
೧೨.
‘‘ಪಞ್ಚವೀಸೇ
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
೧೩.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
ಇತ್ಥಂ ಸುದಂ ಆಯಸ್ಮಾ ಅಡ್ಢಚನ್ದಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
ಅಡ್ಢಚನ್ದಿಯತ್ಥೇರಸ್ಸಾಪದಾನಂ ತತಿಯಂ।
೪. ಪದೀಪದಾಯಕತ್ಥೇರಅಪದಾನಂ
೧೪.
‘‘ದೇವಭೂತೋ ಅಹಂ ಸನ್ತೋ, ಓರುಯ್ಹ ಪಥವಿಂ ತದಾ।
ಪದೀಪೇ ಪಞ್ಚ ಪಾದಾಸಿಂ, ಪಸನ್ನೋ ಸೇಹಿ ಪಾಣಿಭಿ॥
೧೫.
‘‘ಚತುನ್ನವುತಿತೋ ಕಪ್ಪೇ, ಯಂ ಪದೀಪಮದಂ ತದಾ।
ದುಗ್ಗತಿಂ ನಾಭಿಜಾನಾಮಿ, ದೀಪದಾನಸ್ಸಿದಂ ಫಲಂ॥
೧೬.
‘‘ಪಞ್ಚಪಞ್ಞಾಸಕೇ ಕಪ್ಪೇ, ಏಕೋ ಆಸಿಂ ಮಹೀಪತಿ।
ಸಮನ್ತಚಕ್ಖುನಾಮೇನ, ಚಕ್ಕವತ್ತೀ ಮಹಬ್ಬಲೋ॥
೧೭.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
ಇತ್ಥಂ ಸುದಂ ಆಯಸ್ಮಾ ಪದೀಪದಾಯಕೋ
ಪದೀಪದಾಯಕತ್ಥೇರಸ್ಸಾಪದಾನಂ ಚತುತ್ಥಂ।
೫. ಬಿಳಾಲಿದಾಯಕತ್ಥೇರಅಪದಾನಂ
೧೮.
‘‘ಹಿಮವನ್ತಸ್ಸಾವಿದೂರೇ
ತಮ್ಹಿ ಪಬ್ಬತಪಾದಮ್ಹಿ, ಸಮಣೋ ಭಾವಿತಿನ್ದ್ರಿಯೋ॥
೧೯.
‘‘ಬಿಳಾಲಿಯೋ
ಅನುಮೋದಿ ಮಹಾವೀರೋ, ಸಯಮ್ಭೂ ಅಪರಾಜಿತೋ॥
೨೦.
‘‘ಬಿಳಾಲೀ ತೇ ಮಮ ದಿನ್ನಾ, ವಿಪ್ಪಸನ್ನೇನ ಚೇತಸಾ।
ಭವೇ ನಿಬ್ಬತ್ತಮಾನಮ್ಹಿ, ಫಲಂ ನಿಬ್ಬತ್ತತಂ ತವ॥
೨೧.
‘‘ಚತುನ್ನವುತಿತೋ ಕಪ್ಪೇ, ಯಂ ಬಿಳಾಲಿಮದಾಸಹಂ।
ದುಗ್ಗತಿಂ ನಾಭಿಜಾನಾಮಿ, ಬಿಳಾಲಿಯಾ ಇದಂ ಫಲಂ॥
೨೨.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
ಇತ್ಥಂ ಸುದಂ ಆಯಸ್ಮಾ ಬಿಳಾಲಿದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
ಬಿಳಾಲಿದಾಯಕತ್ಥೇರಸ್ಸಾಪದಾನಂ ಪಞ್ಚಮಂ।
೬. ಮಚ್ಛದಾಯಕತ್ಥೇರಅಪದಾನಂ
೨೩.
‘‘ಚನ್ದಭಾಗಾನದೀತೀರೇ, ಉಕ್ಕುಸೋ ಆಸಹಂ ತದಾ।
ಮಹನ್ತಂ ಮಚ್ಛಂ ಪಗ್ಗಯ್ಹ, ಸಿದ್ಧತ್ಥಮುನಿನೋ ಅದಂ॥
೨೪.
‘‘ಚತುನ್ನವುತಿತೋ
ದುಗ್ಗತಿಂ ನಾಭಿಜಾನಾಮಿ, ಮಚ್ಛದಾನಸ್ಸಿದಂ ಫಲಂ॥
೨೫.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
ಇತ್ಥಂ ಸುದಂ ಆಯಸ್ಮಾ ಮಚ್ಛದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
ಮಚ್ಛದಾಯಕತ್ಥೇರಸ್ಸಾಪದಾನಂ ಛಟ್ಠಂ।
೭. ಜವಹಂಸಕತ್ಥೇರಅಪದಾನಂ
೨೬.
‘‘ಚನ್ದಭಾಗಾನದೀತೀರೇ, ಆಸಿಂ ವನಚರೋ ತದಾ।
ಸಿದ್ಧತ್ಥಂ ಅದ್ದಸಂ ಬುದ್ಧಂ, ಗಚ್ಛನ್ತಂ ಅನಿಲಞ್ಜಸೇ॥
೨೭.
‘‘ಅಞ್ಜಲಿಂ
ಸಕಂ ಚಿತ್ತಂ ಪಸಾದೇತ್ವಾ, ಅವನ್ದಿಂ ನಾಯಕಂ ಅಹಂ॥
೨೮.
‘‘ಚತುನ್ನವುತಿತೋ
ದುಗ್ಗತಿಂ ನಾಭಿಜಾನಾಮಿ, ವನ್ದನಾಯ ಇದಂ ಫಲಂ॥
೨೯.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
ಇತ್ಥಂ ಸುದಂ ಆಯಸ್ಮಾ ಜವಹಂಸಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
ಜವಹಂಸಕತ್ಥೇರಸ್ಸಾಪದಾನಂ ಸತ್ತಮಂ।
೮. ಸಳಲಪುಪ್ಫಿಯತ್ಥೇರಅಪದಾನಂ
೩೦.
‘‘ಚನ್ದಭಾಗಾನದೀತೀರೇ
ವಿಪಸ್ಸಿಂ ಅದ್ದಸಂ ಬುದ್ಧಂ, ರಂಸಿಜಾಲಸಮಾಕುಲಂ॥
೩೧.
‘‘ಪಸನ್ನಚಿತ್ತೋ ಸುಮನೋ, ಪರಮಾಯ ಚ ಪೀತಿಯಾ।
ಪಗ್ಗಯ್ಹ ಸಳಲಂ ಪುಪ್ಫಂ, ವಿಪಸ್ಸಿಂ ಓಕಿರಿಂ ಅಹಂ॥
೩೨.
‘‘ಏಕನವುತಿತೋ ಕಪ್ಪೇ, ಯಂ ಪುಪ್ಫಮಭಿಪೂಜಯಿಂ।
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
೩೩.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
ಇತ್ಥಂ ಸುದಂ ಆಯಸ್ಮಾ ಸಳಲಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
ಸಳಲಪುಪ್ಫಿಯತ್ಥೇರಸ್ಸಾಪದಾನಂ ಅಟ್ಠಮಂ।
೯. ಉಪಾಗತಾಸಯತ್ಥೇರಅಪದಾನಂ
೩೪.
‘‘ಹಿಮವನ್ತಸ್ಸ ವೇಮಜ್ಝೇ, ಸರೋ ಆಸಿ ಸುನಿಮ್ಮಿತೋ।
ತತ್ಥಾಹಂ ರಕ್ಖಸೋ ಆಸಿಂ, ಹೇಠಸೀಲೋ ಭಯಾನಕೋ॥
೩೫.
‘‘ಅನುಕಮ್ಪಕೋ ಕಾರುಣಿಕೋ, ವಿಪಸ್ಸೀ ಲೋಕನಾಯಕೋ।
ಮಮುದ್ಧರಿತುಕಾಮೋ ಸೋ, ಆಗಚ್ಛಿ ಮಮ ಸನ್ತಿಕಂ॥
೩೬.
‘‘ಉಪಾಗತಂ
ಆಸಯಾ ಅಭಿನಿಕ್ಖಮ್ಮ, ಅವನ್ದಿಂ ಸತ್ಥುನೋ ಅಹಂ॥
೩೭.
‘‘ಏಕನವುತಿತೋ
ದುಗ್ಗತಿಂ ನಾಭಿಜಾನಾಮಿ, ವನ್ದನಾಯ ಇದಂ ಫಲಂ॥
೩೮.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
ಇತ್ಥಂ ಸುದಂ ಆಯಸ್ಮಾ ಉಪಾಗತಾಸಯೋ
ಉಪಾಗತಾಸಯತ್ಥೇರಸ್ಸಾಪದಾನಂ ನವಮಂ।
೧೦. ತರಣಿಯತ್ಥೇರಅಪದಾನಂ
೩೯.
‘‘ಸುವಣ್ಣವಣ್ಣೋ
ನದೀತೀರೇ ಠಿತೋ ಸತ್ಥಾ, ಭಿಕ್ಖುಸಙ್ಘಪುರಕ್ಖತೋ॥
೪೦.
‘‘ನಾವಾ ನ ವಿಜ್ಜತೇ ತತ್ಥ, ಸನ್ತಾರಣೀ ಮಹಣ್ಣವೇ।
ನದಿಯಾ ಅಭಿನಿಕ್ಖಮ್ಮ, ತಾರೇಸಿಂ ಲೋಕನಾಯಕಂ॥
೪೧.
‘‘ಏಕನವುತಿತೋ ಕಪ್ಪೇ, ಯಂ ತಾರೇಸಿಂ ನರುತ್ತಮಂ।
ದುಗ್ಗತಿಂ ನಾಭಿಜಾನಾಮಿ, ತರಣಾಯ ಇದಂ ಫಲಂ॥
೪೨.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
ಇತ್ಥಂ
ತರಣಿಯತ್ಥೇರಸ್ಸಾಪದಾನಂ ದಸಮಂ।
ಪದುಮುಕ್ಖಿಪವಗ್ಗೋ ಸತ್ತವೀಸತಿಮೋ।
ತಸ್ಸುದ್ದಾನಂ –
ಉಕ್ಖಿಪೀ ತೇಲಚನ್ದೀ ಚ, ದೀಪದೋ ಚ ಬಿಳಾಲಿದೋ।
ಮಚ್ಛೋ ಜವೋ ಸಳಲದೋ, ರಕ್ಖಸೋ ತರಣೋ ದಸ।
ಗಾಥಾಯೋ ಚೇತ್ಥ ಸಙ್ಖಾತಾ, ತಾಲೀಸಂ ಚೇಕಮೇವ ಚಾತಿ॥