೧೫. ಪಿಯದಸ್ಸೀಬುದ್ಧವಂಸೋ
೧.
ಸುಜಾತಸ್ಸ ಅಪರೇನ, ಸಯಮ್ಭೂ ಲೋಕನಾಯಕೋ।
ದುರಾಸದೋ ಅಸಮಸಮೋ, ಪಿಯದಸ್ಸೀ ಮಹಾಯಸೋ॥
೨.
ಸೋಪಿ
ಸಬ್ಬಂ ತಮಂ ನಿಹನ್ತ್ವಾನ, ಧಮ್ಮಚಕ್ಕಂ ಪವತ್ತಯಿ॥
೩.
ತಸ್ಸಾಪಿ ಅತುಲತೇಜಸ್ಸ, ಅಹೇಸುಂ ಅಭಿಸಮಯಾ ತಯೋ।
ಕೋಟಿಸತಸಹಸ್ಸಾನಂ, ಪಠಮಾಭಿಸಮಯೋ ಅಹು॥
೪.
ಸುದಸ್ಸನೋ ದೇವರಾಜಾ, ಮಿಚ್ಛಾದಿಟ್ಠಿಮರೋಚಯಿ।
ತಸ್ಸ ದಿಟ್ಠಿಂ ವಿನೋದೇನ್ತೋ, ಸತ್ಥಾ ಧಮ್ಮಮದೇಸಯಿ॥
೫.
ಜನಸನ್ನಿಪಾತೋ ಅತುಲೋ, ಮಹಾಸನ್ನಿಪತೀ ತದಾ।
ನವುತಿಕೋಟಿಸಹಸ್ಸಾನಂ, ದುತಿಯಾಭಿಸಮಯೋ ಅಹು॥
೬.
ಯದಾ ದೋಣಮುಖಂ ಹತ್ಥಿಂ, ವಿನೇಸಿ ನರಸಾರಥಿ।
ಅಸೀತಿಕೋಟಿಸಹಸ್ಸಾನಂ, ತತಿಯಾಭಿಸಮಯೋ ಅಹು॥
೭.
ಸನ್ನಿಪಾತಾ ತಯೋ ಆಸುಂ, ತಸ್ಸಾಪಿ ಪಿಯದಸ್ಸಿನೋ।
ಕೋಟಿಸತಸಹಸ್ಸಾನಂ, ಪಠಮೋ ಆಸಿ ಸಮಾಗಮೋ॥
೮.
ತತೋ
ತತಿಯೇ ಸನ್ನಿಪಾತಮ್ಹಿ, ಅಸೀತಿಕೋಟಿಯೋ ಅಹೂ॥
೯.
ಅಹಂ ತೇನ ಸಮಯೇನ, ಕಸ್ಸಪೋ ನಾಮ ಬ್ರಾಹ್ಮಣೋ
ಅಜ್ಝಾಯಕೋ ಮನ್ತಧರೋ, ತಿಣ್ಣಂ ವೇದಾನ ಪಾರಗೂ॥
೧೦.
ತಸ್ಸ
ಕೋಟಿಸತಸಹಸ್ಸೇಹಿ, ಸಙ್ಘಾರಾಮಂ ಅಮಾಪಯಿಂ॥
೧೧.
ತಸ್ಸ ದತ್ವಾನ ಆರಾಮಂ, ಹಟ್ಠೋ ಸಂವಿಗ್ಗಮಾನಸೋ।
ಸರಣೇ ಪಞ್ಚ ಸೀಲೇ ಚ
೧೨.
ಸೋಪಿ
‘‘ಅಟ್ಠಾರಸೇ ಕಪ್ಪಸತೇ, ಅಯಂ ಬುದ್ಧೋ ಭವಿಸ್ಸತಿ॥
೧೩.
‘‘ಪಧಾನಂ
೧೪.
ತಸ್ಸಾಪಿ ವಚನಂ ಸುತ್ವಾ, ಭಿಯ್ಯೋ ಚಿತ್ತಂ ಪಸಾದಯಿಂ।
ಉತ್ತರಿಂ ವತಮಧಿಟ್ಠಾಸಿಂ, ದಸಪಾರಮಿಪೂರಿಯಾ॥
೧೫.
ಸುಧಞ್ಞಂ ನಾಮ ನಗರಂ, ಸುದತ್ತೋ ನಾಮ ಖತ್ತಿಯೋ।
ಚನ್ದಾ ನಾಮಾಸಿ ಜನಿಕಾ, ಪಿಯದಸ್ಸಿಸ್ಸ ಸತ್ಥುನೋ॥
೧೬.
ನವವಸ್ಸಸಹಸ್ಸಾನಿ, ಅಗಾರಂ ಅಜ್ಝ ಸೋ ವಸಿ।
ಸುನಿಮ್ಮಲವಿಮಲಗಿರಿಗುಹಾ, ತಯೋ ಪಾಸಾದಮುತ್ತಮಾ॥
೧೭.
ತೇತ್ತಿಂಸಸಹಸ್ಸಾನಿ ಚ, ನಾರಿಯೋ ಸಮಲಙ್ಕತಾ।
ವಿಮಲಾ ನಾಮ ನಾರೀ ಚ, ಕಞ್ಚನಾವೇಳೋ ನಾಮ ಅತ್ರಜೋ॥
೧೮.
ನಿಮಿತ್ತೇ
ಛಮಾಸಂ ಪಧಾನಚಾರಂ, ಅಚರೀ ಪುರಿಸುತ್ತಮೋ॥
೧೯.
ಬ್ರಹ್ಮುನಾ ಯಾಚಿತೋ ಸನ್ತೋ, ಪಿಯದಸ್ಸೀ ಮಹಾಮುನಿ।
ವತ್ತಿ ಚಕ್ಕಂ ಮಹಾವೀರೋ, ಉಸಭುಯ್ಯಾನೇ ಮನೋರಮೇ॥
೨೦.
ಪಾಲಿತೋ ಸಬ್ಬದಸ್ಸೀ ಚ, ಅಹೇಸುಂ ಅಗ್ಗಸಾವಕಾ।
ಸೋಭಿತೋ ನಾಮುಪಟ್ಠಾಕೋ, ಪಿಯದಸ್ಸಿಸ್ಸ ಸತ್ಥುನೋ॥
೨೧.
ಸುಜಾತಾ ಧಮ್ಮದಿನ್ನಾ ಚ, ಅಹೇಸುಂ ಅಗ್ಗಸಾವಿಕಾ।
ಬೋಧಿ ತಸ್ಸ ಭಗವತೋ, ಕಕುಧೋತಿ ಪವುಚ್ಚತಿ॥
೨೨.
ಸನ್ಧಕೋ ಧಮ್ಮಕೋ ಚೇವ, ಅಹೇಸುಂ ಅಗ್ಗುಪಟ್ಠಕಾ।
ವಿಸಾಖಾ ಧಮ್ಮದಿನ್ನಾ ಚ, ಅಹೇಸುಂ ಅಗ್ಗುಪಟ್ಠಿಕಾ॥
೨೩.
ಸೋಪಿ
ಅಸೀತಿಹತ್ಥಮುಬ್ಬೇಧೋ, ಸಾಲರಾಜಾವ ದಿಸ್ಸತಿ॥
೨೪.
ಅಗ್ಗಿಚನ್ದಸೂರಿಯಾನಂ, ನತ್ಥಿ ತಾದಿಸಿಕಾ ಪಭಾ।
ಯಥಾ ಅಹು ಪಭಾ ತಸ್ಸ, ಅಸಮಸ್ಸ ಮಹೇಸಿನೋ॥
೨೫.
ತಸ್ಸಾಪಿ ದೇವದೇವಸ್ಸ, ಆಯು ತಾವತಕಂ ಅಹು।
ನವುತಿವಸ್ಸಸಹಸ್ಸಾನಿ, ಲೋಕೇ ಅಟ್ಠಾಸಿ ಚಕ್ಖುಮಾ॥
೨೬.
ಸೋಪಿ ಬುದ್ಧೋ ಅಸಮಸಮೋ, ಯುಗಾನಿಪಿ ತಾನಿ ಅತುಲಿಯಾನಿ।
ಸಬ್ಬಂ ತಮನ್ತರಹಿತಂ, ನನು ರಿತ್ತಾ ಸಬ್ಬಸಙ್ಖಾರಾ॥
೨೭.
ಪಿಯದಸ್ಸೀ ಮುನಿವರೋ, ಅಸ್ಸತ್ಥಾರಾಮಮ್ಹಿ ನಿಬ್ಬುತೋ।
ತತ್ಥೇವಸ್ಸ ಜಿನಥೂಪೋ, ತೀಣಿಯೋಜನಮುಗ್ಗತೋತಿ॥
ಪಿಯದಸ್ಸಿಸ್ಸ ಭಗವತೋ ವಂಸೋ ತೇರಸಮೋ।