೧೯. ತಿಸ್ಸಬುದ್ಧವಂಸೋ
೧.
ಸಿದ್ಧತ್ಥಸ್ಸ ಅಪರೇನ, ಅಸಮೋ ಅಪ್ಪಟಿಪುಗ್ಗಲೋ।
ಅನನ್ತತೇಜೋ ಅಮಿತಯಸೋ, ತಿಸ್ಸೋ ಲೋಕಗ್ಗನಾಯಕೋ॥
೨.
ತಮನ್ಧಕಾರಂ ವಿಧಮಿತ್ವಾ, ಓಭಾಸೇತ್ವಾ ಸದೇವಕಂ।
ಅನುಕಮ್ಪಕೋ ಮಹಾವೀರೋ, ಲೋಕೇ ಉಪ್ಪಜ್ಜಿ ಚಕ್ಖುಮಾ॥
೩.
ತಸ್ಸಾಪಿ ಅತುಲಾ ಇದ್ಧಿ, ಅತುಲಂ ಸೀಲಂ ಸಮಾಧಿ ಚ।
ಸಬ್ಬತ್ಥ ಪಾರಮಿಂ ಗನ್ತ್ವಾ, ಧಮ್ಮಚಕ್ಕಂ ಪವತ್ತಯಿ॥
೪.
ಸೋ ಬುದ್ಧೋ ದಸಸಹಸ್ಸಿಮ್ಹಿ, ವಿಞ್ಞಾಪೇಸಿ ಗಿರಂ ಸುಚಿಂ।
ಕೋಟಿಸತಾನಿ ಅಭಿಸಮಿಂಸು, ಪಠಮೇ ಧಮ್ಮದೇಸನೇ॥
೫.
ದುತಿಯೋ ನವುತಿಕೋಟೀನಂ, ತತಿಯೋ ಸಟ್ಠಿಕೋಟಿಯೋ।
ಬನ್ಧನಾತೋ ಪಮೋಚೇಸಿ, ಸತ್ತೇ
೬.
ಸನ್ನಿಪಾತಾ ತಯೋ ಆಸುಂ, ತಿಸ್ಸೇ ಲೋಕಗ್ಗನಾಯಕೇ।
ಖೀಣಾಸವಾನಂ ವಿಮಲಾನಂ, ಸನ್ತಚಿತ್ತಾನ ತಾದಿನಂ॥
೭.
ಖೀಣಾಸವಸತಸಹಸ್ಸಾನಂ, ಪಠಮೋ ಆಸಿ ಸಮಾಗಮೋ।
ನವುತಿಸತಸಹಸ್ಸಾನಂ, ದುತಿಯೋ ಆಸಿ ಸಮಾಗಮೋ॥
೮.
ಅಸೀತಿಸತಸಹಸ್ಸಾನಂ
ಖೀಣಾಸವಾನಂ ವಿಮಲಾನಂ, ಪುಪ್ಫಿತಾನಂ ವಿಮುತ್ತಿಯಾ॥
೯.
ಅಹಂ ತೇನ ಸಮಯೇನ, ಸುಜಾತೋ ನಾಮ ಖತ್ತಿಯೋ।
ಮಹಾಭೋಗಂ ಛಡ್ಡಯಿತ್ವಾ, ಪಬ್ಬಜಿಂ ಇಸಿಪಬ್ಬಜಂ॥
೧೦.
ಮಯಿ
ಬುದ್ಧೋತಿ ಸದ್ದಂ ಸುತ್ವಾನ, ಪೀತಿ ಮೇ ಉಪಪಜ್ಜಥ॥
೧೧.
ದಿಬ್ಬಂ ಮನ್ದಾರವಂ ಪುಪ್ಫಂ, ಪದುಮಂ ಪಾರಿಛತ್ತಕಂ।
ಉಭೋ ಹತ್ಥೇಹಿ ಪಗ್ಗಯ್ಹ, ಧುನಮಾನೋ ಉಪಾಗಮಿಂ॥
೧೨.
ಚತುವಣ್ಣಪರಿವುತಂ, ತಿಸ್ಸಂ ಲೋಕಗ್ಗನಾಯಕಂ।
ತಮಹಂ ಪುಪ್ಫಂ ಗಹೇತ್ವಾ, ಮತ್ಥಕೇ ಧಾರಯಿಂ ಜಿನಂ॥
೧೩.
ಸೋಪಿ ಮಂ ಬುದ್ಧೋ ಬ್ಯಾಕಾಸಿ, ಜನಮಜ್ಝೇ ನಿಸೀದಿಯ।
‘‘ದ್ವೇನವುತೇ ಇತೋ ಕಪ್ಪೇ, ಅಯಂ ಬುದ್ಧೋ ಭವಿಸ್ಸತಿ॥
೧೪.
‘‘ಪಧಾನಂ
೧೫.
ತಸ್ಸಾಪಿ ವಚನಂ ಸುತ್ವಾ, ಭಿಯ್ಯೋ ಚಿತ್ತಂ ಪಸಾದಯಿಂ।
ಉತ್ತರಿಂ ವತಮಧಿಟ್ಠಾಸಿಂ, ದಸಪಾರಮಿಪೂರಿಯಾ॥
೧೬.
ಖೇಮಕಂ ನಾಮ ನಗರಂ, ಜನಸನ್ಧೋ ನಾಮ ಖತ್ತಿಯೋ।
ಪದುಮಾ ನಾಮ ಜನಿಕಾ, ತಿಸ್ಸಸ್ಸ ಚ ಮಹೇಸಿನೋ॥
೧೭.
ಸತ್ತವಸ್ಸಸಹಸ್ಸಾನಿ, ಅಗಾರಂ ಅಜ್ಝ ಸೋ ವಸಿ।
ಗುಹಾಸೇಲ ನಾರಿಸಯ ನಿಸಭಾ
೧೮.
ಸಮತಿಂಸಸಹಸ್ಸಾನಿ, ನಾರಿಯೋ ಸಮಲಙ್ಕತಾ।
ಸುಭದ್ದಾನಾಮಿಕಾ ನಾರೀ, ಆನನ್ದೋ ನಾಮ ಅತ್ರಜೋ॥
೧೯.
ನಿಮಿತ್ತೇ ಚತುರೋ ದಿಸ್ವಾ, ಅಸ್ಸಯಾನೇನ ನಿಕ್ಖಮಿ।
ಅನೂನಅಟ್ಠಮಾಸಾನಿ, ಪಧಾನಂ ಪದಹೀ ಜಿನೋ॥
೨೦.
ಬ್ರಹ್ಮುನಾ ಯಾಚಿತೋ ಸನ್ತೋ, ತಿಸ್ಸೋ ಲೋಕಗ್ಗನಾಯಕೋ।
ವತ್ತಿ ಚಕ್ಕಂ ಮಹಾವೀರೋ, ಯಸವತಿಯಮುತ್ತಮೇ॥
೨೧.
ಬ್ರಹ್ಮದೇವೋ ಉದಯೋ ಚ, ಅಹೇಸುಂ ಅಗ್ಗಸಾವಕಾ।
ಸಮಙ್ಗೋ ನಾಮುಪಟ್ಠಾಕೋ, ತಿಸ್ಸಸ್ಸ ಚ ಮಹೇಸಿನೋ॥
೨೨.
ಫುಸ್ಸಾ
ಬೋಧಿ ತಸ್ಸ ಭಗವತೋ, ಅಸನೋತಿ ಪವುಚ್ಚತಿ॥
೨೩.
ಸಮ್ಬಲೋ ಚ ಸಿರಿಮಾ ಚೇವ, ಅಹೇಸುಂ ಅಗ್ಗುಪಟ್ಠಕಾ।
ಕಿಸಾಗೋತಮೀ ಉಪಸೇನಾ, ಅಹೇಸುಂ ಅಗ್ಗುಪಟ್ಠಿಕಾ॥
೨೪.
ಸೋ
ಅನೂಪಮೋ ಅಸದಿಸೋ, ಹಿಮವಾ ವಿಯ ದಿಸ್ಸತಿ॥
೨೫.
ತಸ್ಸಾಪಿ ಅತುಲತೇಜಸ್ಸ, ಆಯು ಆಸಿ ಅನುತ್ತರೋ।
ವಸ್ಸಸತಸಹಸ್ಸಾನಿ, ಲೋಕೇ ಅಟ್ಠಾಸಿ ಚಕ್ಖುಮಾ॥
೨೬.
ಉತ್ತಮಂ
ಜಲಿತ್ವಾ ಅಗ್ಗಿಕ್ಖನ್ಧೋವ, ನಿಬ್ಬುತೋ ಸೋ ಸಸಾವಕೋ॥
೨೭.
ವಲಾಹಕೋವ
ಅನ್ಧಕಾರೋವ ಪದೀಪೇನ, ನಿಬ್ಬುತೋ ಸೋ ಸಸಾವಕೋ॥
೨೮.
ತಿಸ್ಸೋ ಜಿನವರೋ ಬುದ್ಧೋ, ನನ್ದಾರಾಮಮ್ಹಿ ನಿಬ್ಬುತೋ।
ತತ್ಥೇವಸ್ಸ ಜಿನಥೂಪೋ, ತೀಣಿಯೋಜನಮುಗ್ಗತೋತಿ॥
ತಿಸ್ಸಸ್ಸ ಭಗವತೋ ವಂಸೋ ಸತ್ತರಸಮೋ।